Friday, March 7, 2008

လူထုဆန္ဒပြပွဲများကို နှိမ်နင်းချေမှုန်းရန်အတွက် နအဖ ၏ စီစဉ်ဆောင်ရွက်နေမှုများ

လူထုဆန္ဒပြပွဲများကို နှိမ်နင်းချေမှုန်းရန်အတွက် နအဖ ၏ စီစဉ်ဆောင်ရွက်နေမှုများ

လက်ရှိအခြေအနေတွင် ဆန္ဒပြမှုများနှင့် အကြမ်းဖက်တိုက်ခိုက်မှုများ အချိန်မရွေး ပြန်လည်ဖြစ်ပွားလာနိုင်သည် ဟု နအဖ က သုံးသပ်ပြီး ဖြစ်ပေါ်လာမည့် လူထုဆန္ဒပြပွဲများကို နှိမ်နှင်းချေမှုန်းရန်အတွက် တပ်၊ ရဲ၊ ကြံ့ဖွံ့၊ စွမ်းအားရှင်နှင့် အကျဉ်းဦးစီးဌာနများအား အသင့်ပြင်ဆင်ထားရှိရန် ညွှန်ကြားချက်များထုတ်ပြန်နေပြီး အောက်ပါ အခိုင်အမာပြင်ဆင်မှုများကို စီစဉ်ဆောင်ရွက်လျှက်ရှိသည်။

၁။ လုံထိန်းရဲတပ်ရင်းများအပါအ၀င် ပြည်နယ်၊ တိုင်း အသီးသီးရှိ ရဲတပ်ဖွဲ့ အားလုံးကို အသင့်ပြင်ဆင် စုဖွဲ့ထားရှိ ရန်နှင့် အကြမ်းဖက်နှိမ်နင်းရေးသင်တန်းများကို သက်ဆိုင်ရာ နယ်မြေခံတပ်များနှင့် ပူးတွဲလေ့ကျင့် ထားကြရန် ကက/ကြည်း က ဖေဖေါ်ဝါရီလ(၂၀)ရက်နေ့တွင် ညွှန်ကြားခဲ့သည်။

၂။ ၂၀၀၇ ခုနှစ် စက်တင်ဘာ (၆) ရက်နေ့ည သန်းခေါင်ယံအချိန်မှစ၍ သတ်မှတ်ထားခဲ့သော အရေးပေါ်ကာလ ကို ယခုအချိန်အထိ ပြန်လည်ရုပ်သိမ်းခြင်းမရှိဘဲ အရေးပေါ်ကာလအဖြစ် ဆက်လက်မှတ်ယူပြီး မြန်မာနိုင်ငံ ရဲတပ်ဖွဲ့နှင့် လုံထိန်း ရဲတပ်ရင်းများအားလုံး၊ နိုင်ငံတော် အရံအင်အားစုအားလုံး၊ တိုက်ပွဲဝင် အသင့်အနေအထား စုဖွဲ့ပြင်ဆင်ထားရန် ညွှန်ကြားထားသည်။

၃။ လုံထိန်းရဲတပ်ရင်းတခုလျှင် စစ်ထွက်အင်အား (၃၀၀)ကျော်ခန့်သာ ရှိနေခဲ့ရာမှ (၅၀၀)အထိ ရှိလာစေရန် တိုင်းနှင့် ပြည်နယ်အသီးသီးရှိ ရဲတပ်ဖွဲ့ရုံးများမှ အင်အားတချို့ကို ထုတ်နှုတ်ပေးပို့၍ တိုးချဲ့ဖွဲ့စည်းမှုများ ပြုလုပ်ခဲ့ သည်။

၎။ လုံထိန်းရဲတပ်ရင်းများ၏ နောက်တန်းလုံခြုံရေးအတွက် ရဲတပ်ဖွဲ့ဝင်များ၏ မှီခိုသူ ရဲမေများပါဝင်သော လုံခြုံ ရေးတပ်စု၊ အရန်လုံခြုံရေးတပ်စုနှင့် အုပ်ချုပ်ထောက်ပံ့မှု အကူတပ်စုများကိုလည်း ဖွဲ့စည်းလေ့ကျင့်လျက်ရှိသည်။

၅။ လုံထိန်းရဲတပ်ရင်းများအား ထုတ်ပေးထားသော ၁၂ ဘို့ ဂရင်နာ အမျိုးအစား အဓိကရုဏ်းနှိမ်နင်းရေး ပြောင်း ချောသေနတ်များကို ပြန်လည်ပြုပြင်ခြင်းနှင့် အသစ်ထပ်မံတပ်ဆင်ပေးခြင်း၊ ထုတ်ပေးထားသော (၄၀)မမ ဗုံးပစ် သေနတ်နှင့် (၃၇/၃၈) မမ ဓါတ်ငွေ့ဗုံးပစ်သေနတ်များ (37 & 38 MM Shell Guns)ကို ပြန်လည်ပြုပြင်ခြင်းနှင့် အသစ်ထပ်မံတပ်ဆင်ပေးခြင်း၊ ယခင်ထုတ်ပေးထားသည့် မီးခိုးဖြူလက်ပစ်ဗုံး အလုံး (၅၄၀) အပြင်ယခု ဖေဖော် ၀ါရီ (၁၅)ရက်နေ့တွင် တပြည်လုံးရှိ လုံထိန်းရဲတပ်ရင်း (၁၆)ရင်းနှင့် ပြည်နယ်နှင့်တိုင်း ရဲတပ်ဖွဲ့များသို့ အဆိုပါ လက်ပစ်ဗုံး အမျိုးအစား အလုံးရေ (၁)သိန်းကို ဒုတိယအကြိမ်အဖြစ် ထပ်မံအားဖြည့် ထုတ်ပေးခဲ့သည်။

ဇန်န၀ါရီလ(၂၉) ရက်နေ့တွင် လုံထိန်းရဲတပ်ရင်းများကို ဒုတိယအကြိမ်အဖြစ် ၁၂ ဘို့ ရာဘာကျည်ဆံ တသိန်းခွဲ ကို ထပ်မံထုတ်ပေးခဲ့သည်။

လုံထိန်းရဲတပ်ရင်းများတွင် တပ်ဆင်ပေးထားသော ဒဿမ(၃၀၃) ရိုင်ဖယ်သေနတ်များ၊ M-16/ M-21ESifh နှင့် ဒဿမ ၃၀ ကာဘိုင်သေနတ်များတွင် တပ်ဆင်ရန်အတွက် လှံစွပ်များကိုလည်း ထပ်မံထုတ်ပေးခဲ့သည်။ လုံထိန်းရဲတပ်ရင်းများနှင့် ပြည်နယ်/တိုင်း တပ်ရင်းတပ်ဖွဲ့များနှင့် ရဲသင်တန်းကျောင်းများသို့ ပေးပို့ထားသော တုတ် (တို-ရှည်)၊ ဒိုင်း၊ လေးခွ၊ လောက်စာလုံး၊ ဂျင်ကလိ (အလုံး၊ အပြား)၊ လည်စည်း၊ ရေဗူး၊ လက်နှိပ်ဓါတ်မီး၊ သံဆူးကြိုးခွေ၊ ဘယ်ရီဂိတ်၊ လိုင်းဘယ်ရီကြိုး၊ လက်ကိုင်ကျင်စက်၊ ထမ်းစင်၊ လက်ကိုင်အသံချဲ့စက်၊ လော်စပီ ကာ၊ ကင်မရာ၊ ကျည်ကာဦးထုပ်၊ ကျည်ကာအင်္ကျီ၊ ဓါတ်ငွေ့ကာမျက်နှာဖုံး၊ စစ်သုံးမှန်ပြောင်း၊လမ်းလျှောက်စကား ပြောစက်၊ ဆက်သွယ်ရေးစက်၊ မော်တော်ယာဉ်နှင့် လက်နက်ခဲယမ်း ကြီးကြပ်ကန့်သတ်ပစ္စည်းများကိုလည်း လိုအပ်လျှင် ထပ်မံဖြည့်တင်းပေးနိုင်ရန်၊ အဆိုပါပစ္စည်းစာရင်းကို ဖေဖေါ်ဝါရီလ (၁)ရက်နေ့နောက်ဆုံးထား၍ တင်ပြရန်လည်း ညွှန်ကြားထားသည်။

လုံထိန်းရဲတပ်ရင်းအားလုံးကို စစ်ရေးပြ(၉)မျိုး၊ အဓိကရုဏ်းနှိမ်နင်းတားဆီးရေးသင်ခန်းစာနှင့် လက်နက်ငယ် သင်ခန်းစာများကိုလည်း နေ့စဉ်လေ့ကျင့်နေရန် ညွှန်ကြားထားသည့်အပြင် ရန်ကုန်တိုင်းအတွင်းရှိ ရဲများကို ဖေဖေါ်ဝါရီလ (၂၂)ရက်နေ့မှစ၍ (Red Hat) ဟု အမည်ပေးထားသော အဓိကရုဏ်းတားဆီးနှိမ်နင်းရေး အထူး သင်တန်းများဖွင့်လှစ်ပို့ချပေးလျက်ရှိသည်။

၆။ လုံထိန်းရဲတပ်ရင်းများမှ ရဲမေနှင့် မှီခိုများ၏ စားဝတ်နေရေး ဖူလုံမှုအတွက်လည်း သက်ဆိုင်ရာ ဒေသအာဏာ ပိုင်များ၏ ကူညီပံ့ပိုးမှုဖြင့် ဆောင်ရွက်ပေးလျက်ရှိသည်။ ပြည်တွင်းဆူပူအုံကြွမှုများနှင့် ပြည်ပကျူးကျော်မှုများကို ရင်ဆိုင်ရန်အတွက်လည်း လုံထ်ိန်းရဲတပ်ရင်းအသီးသီးတွင် ဆန်အိတ် (၁၀၀၀)စီ အရန်သိုလှောင်ထားရန်လည်း ညွှန်ကြားထားသည်။

၇။ မိမိတို့နယ်မြေအတွင်းရှိ အချက်အခြာမြေနှင့် စစ်ဗျူဟာအရေးကြီးမြေများကို ကြိုတင်ရွေးချယ်သတ်မှတ်ထား ရန်၊ တိုင်း၊ ခရိုင်၊ မြို့နယ်ရုံးများတွင် ရဲတပ်ဖွဲ့ဝင် အင်အား (၅၀)ဦးစီနှင့်အတူ စွမ်းအားရှင်များနှင့် NGO အဖွဲ့ အစည်းများမှ မိတ်ဖက်အင်အားစုများကို အသင့်စုစည်းနေရာယူထားရန် ညွှန်ကြားထားပြီး အချက်အခြာမြေတွင် ချထားရမည့် လူအင်အား၊ လက်နက်အင်အား အပါအ၀င် ဒေသဆိုင်ရာအဖွဲ့အစည်းများနှင့် ပေါင်းစပ်ဆောင်ရွက် မည့် အစီအမံ၊ စစ်ဗျူဟာအရေးကြီးမြေအား စောင့်ကြည့်ထိန်းချုပ်ထားနိုင်မည့် အစီအမံနှင့် ကြိုတင်သတင်းရယူ မည့် အစီအမံ၊ အမာခံစွမ်းအားရှင်များကို အသုံးပြုမည့် အစီအမံတို့ကို တင်ပြရန်လည်း ညွှန်ကြားထားသည်။

၈။ ၂၀၁၀ ခုနှစ်မတိုင်မီ မြန်မာနိုင်ငံရဲတပ်ဖွဲ့ကို သတ်မှတ်ဖွဲ့စည်းပုံအင်အားပြည့်မီအောင် ဆောင်ရွက်ထားရန် ကက/ကြည်းက ညွှန်ကြားခဲ့သဖြင့် ဇန်န၀ါရီလ (၁) ရက်နေ့မှစပြီး “မင်းသားစီမံချက်-အဆင့်(၂)” ဖြင့် လူသစ် စု ဆောင်းမှုများကို အရှိန်တိုးမြှင့်ဆောင်ရွက်လျက်ရှိသည်။ တလလျှင် ရဲတပ်သားသစ် (၁၀၀၀) အထိ စုဆောင်း ရရှိနိုင်ရေးအတွက် ရဲမှူးကြီးတဦးစီ ဦးဆောင်သော ရဲတပ်သားသစ်စုဆောင်းရေးအဖွဲ့များ ဖွဲ့စည်းပြီး အစိုးရ အလယ်တန်းကျောင်းများနှင့် အထက်တန်းကျောင်းများအထိ သွားရောက်ဟောပြောစည်းရုံးကြရန် ညွှန်ကြား ထားသည်။

၉။ ဆူပူအုံကြွမှုများဖြစ်ပေါ်လာပါက နိုင်ငံရေးအကျဉ်းသားများကို ဖမ်းဆီးထောင်ချထားရန်အတွက် တပြည်လုံးရှိ အကျဉ်းထောင်(၃၉)ခုတွင် စံပြုအဆောင်သစ်များဆောက်လုပ်ရန် ပြင်ဆင်လျက်ရှိသည်။ အဆိုပါ စံပြုအဆောင် များတွင် သီးသန့်အဆင့်နှင့် သာမန်သီးသန့်အဆင့် နိုင်ငံရေးအကျဉ်းသားများကို ထားရှိမည်ဖြစ်ပြီး တဦးနှင့်တဦး မမြင်၊ မတွေ့၊ မဆက်သွယ်နိုင်အောင် ပုံစံထုတ်ထားသော အခန်းငယ်များပါဝင်မည်ဟုသိရသည်။ အကျဉ်းထောင် များ၏ လုံခြုံရေးအတွက် လုံခြုံရေးဝန်ထမ်းများ တိုးချဲ့ခန့်အပ်ခြင်း၊ အကျဉ်းထောင်များအနီးရှိ လူနေအိမ်များကို ပြောင်းရွှေ့ဖယ်ရှားပစ်ခြင်းတို့ကိုလည်း ပြုလုပ်လျက်ရှိသည်။

၁၀။ စွမ်းအားရှင်အမည်ခံ ကြေးစားအကြမ်းဖက်သမားများကိုလည်း အကြမ်းဖက်သင်တန်းများ၊ အဖျက်အမှောင့် သင်တန်းများနှင့် အဓိကရုဏ်းနှိမ်နင်းရေးသင်တန်းများ ပို့ချပေးလျက်ရှိသည်။ ကက/ကြည်း၏ ညွှန်ကြားချက် အရ ၂၀၀၇ ခုနှစ် အောက်တိုဘာလမှစ၍ စစ်တိုင်းနယ်မြေအလိုက် နယ်မြေခံတပ်များမှ ထုတ်နှုတ်အင်အား တချို့နှင့် ခရိုင်အသီးသီးမှ စွမ်းအားရှင်ဆိုသူများကို လုံထိန်းရဲတပ်ရင်းများက အဓိကရုဏ်း နှိမ်နင်းရေးသင်တန်း များ ပို့ချပေးခဲ့သည်။ အဆိုပါသင်တန်းများတွင် အကြမ်းဖက်၍ လူစုခွဲသည့်နည်းလမ်းများအပြင် လက်ရှိပြည်တွင်း ပြည်ပ နိုင်ငံရေးအခြေအနေများနှင့် နအဖ၏ ရှေ့ဆက်သွားရမည့် နိုင်ငံရေးလုပ်ငန်းစဉ်များကိုလည်း ရှင်းလင်းပို့ ချပေးခဲ့သည်။ အမာခံစွမ်းအားရှင်များကို မြို့နယ်အလိုက်၊ ခရိုင်အလိုက်၊ တိုင်းနှင့်ပြည်နယ်အလိုက် စုစည်းလေ့ ကျင့်ပေးထားပြီး လိုအပ်သလိုအသုံးချရန် အသင့်ပြင်ဆင်ထားသည်။

၁၁။ နအဖသည် အင်အား(၂၄)သန်းအထိ ရှိပြီးဖြစ်သည်ဆိုသော ၄င်းတို့၏ ကြံ့ဖွံ့အဖွဲ့ကို တပြည်လုံးတွင် ဆက် လက် တိုးချဲ့ဖွဲ့စည်းလျက်ရှိသည်။ လက်နက်ကိုင်တပ်ဖွဲ့များအပါအ၀င် အစိုးရ၀န်ထမ်းအားလုံးနှင့် ၄င်းတို့၏ မိသားစုဝင်များ၊ မှီခိုသူများကိုပါ အဖွဲ့ဝင်အဖြစ်လျှောက်ထားရန် အတင်းအကျပ် ခိုင်းစေလျက်ရှိသည်။ အခြေခံ ပညာ အလယ်တန်းအဆင့်များမှစ၍ ကျောင်းသားကျောင်းသူများကိုလည်း ကြံ့ဖွံ့အဖွဲ့သို့ဝင်ရန် နည်းမျိုးစုံဖြင့် ဖိ အားပေးလျက်ရှိသည်။ မြို့နယ်အသီးသီးတွင် ကြံ့ဖွံ့ အခြေခံစည်းရုံးရေးသင်တန်းများကို ဖွင့်လှစ်သင်ကြားပေး လျက်ရှိသည်။

၁၂။ ရန်ကုန်တိုင်း မင်္ဂလာတောင်ညွန့်မြို့နယ် ကြံ့ဖွံ့ရုံးတွင် ဇန်န၀ါရီလ(၃)ရက်နေ့က ပြုလုပ်ခဲ့သော ကြံ့ဖွံ့ အစည်းအဝေး၌ အနောက်ပိုင်းခရိုင် ခယက ဥက္ကဌ ဦးသန်းအောင်က “၂၀၀၇ စက်တင်္ဘာအရေးအခင်း၌ တပ်မတော်က ရှေ့မှ ဦးဆောင်နှိမ်နင်းခဲ့ရသဖြင့် နာမည်ပျက်ခဲ့ရကြောင်း၊ နောက်တကြိမ် အရေးအခင်းများ ထပ်မံဖြစ်ပွားလာလျှင် ကြံ့ဖွံ့နှင့် စွမ်းအားရှင်များက ဦးဆောင်၍ လူထုအသွင်ဖြင့် ဖြေရှင်းရန်စီစဉ်ထားကြောင်း၊ ထိုကိစ္စအတွက် စွမ်းအားရှင်များကို မွေးမြူလေ့ကျင့်ပေးထားပြီးဖြစ်ကြောင်း၊ ကြံ့ဖွံ့နှင့် စွမ်းအားရှင်များ၏ နောက် ကွယ်တွင် ရဲတပ်ဖွဲ့နှင့် တပ်မတော်က အသင့်ရှိနေမည်ဖြစ်ကြောင်း၊ အရေးအခင်းဖြစ်ပွားလျှင် ရဟန်းသံဃာများ ကို ကျောင်းအပြင်မထွက်ရန် ကြိုတင်အသိပေးထားမည်ဖြစ်ရာ လမ်းပေါ်၌တွေ့သည့် ရဟန်းသံဃာမှန်သမျှ အတု အယောင်များသာဖြစ်၍ အားလုံးကိုရှင်းလင်းဖယ်ရှားပစ်ရမည်ဖြစ်ကြောင်း၊ ကြံ့ဖွံ့နှင့်စွမ်းအားရှင်များ၏ လုံခြုံရေး အတွက် နိုင်ငံတော်က အပြည့်အ၀ တာဝန်ယူပေးမည်ဖြစ်၍ မိမိတို့အား ခြိမ်းခြောက်နှောက်ယှက်သူများရှိပါက သက်ဆိုင်ရာသို့ အမြန်ဆုံး အသိပေးတိုင်ကြားစေလိုကြောင်း၊ ကြံ့ဖွံ့နှင့် စွမ်းအားရှင်များကလည်း နိုင်ငံတော်က ပေးအပ်သည့်တာဝန်ကို ရဲရဲရင့်ရင့် ကျေကျေပွန်ပွန် ထမ်းဆောင်ကြစေလိုကြောင်း” ထည့်သွင်းမှာကြားသွားခဲ့ သည်။

၁၃။ နအဖက လာမည့်မေလတွင် ပြည်လုံးကျွတ်ဆန္ဒခံယူပွဲများ ကျင်းပပြုလုပ်ပြီး ၂၀၁၀ ခုနှစ်တွင် အထွေထွေ ရွေးကောက်ပွဲများ ကျင်းပပြုလုပ်ပေးမည်ဟု ဖေဖော်ဝါရီလ (၉)ရက်နေ့တွင် ကြေငြာခဲ့ပြီးနောက်ပိုင်း ဖေဖော်ဝါရီ လ (၁၂) ရက်နေ့မှစ၍ ကြံ့ဖွံ့အဖွဲ့ဝင်များက တပြည်လုံးတွင် မဲဆန္ဒရှင်စာရင်းများကို လိုက်လံကောက်ခံပြုစု လျက်ရှိသည်။ မဲဆန္ဒရှင်စာရင်းကောက်ခံရင်း ကြံ့ဖွံ့အဖွဲ့သို့ဝင်ရောက်ကြရန်နှင့် နိုင်ငံတော်လမ်းပြမြေပုံပါ နိုင်ငံ ရေးလုပ်ငန်းစဉ်များ အောင်မြင်စေရေးအတွက် ၀ိုင်းဝန်းကူညီကြရန် စည်းရုံးလှုံ့ဆော်လျက်ရှိသည်။ အတိုက်အခံ နိုင်ငံရေးပါတီဝင်များ၏ အင်အားစာရင်းများကိုလည်း လျှို့ဝှက်၍ တပါတည်းပြုစုလျက်ရှိကြသည်။ ထိုလှုပ်ရှားမှု ကို မတ်လ(၃၁)ရက်နေ့အထိ ပြုလုပ်ရန် စီစဉ်ထားသည်။

၁၄။ ဖေဖေါ်ဝါရီလ(၂၂)ရက်နေ့တွင် ကျင်းပပြုလုပ်ခဲ့သော ရန်ကုန်တိုင်းအရှေ့ပိုင်းခရိုင် (၁၅)မြို့နယ်မှ ကြံ့ဖွံ့ အင်အား (၂၀၀၀) ကျော်တက်ရောက်သည့် အစည်းအဝေးသို့ ရန်ကုန်တိုင်း ကြံ့ဖွံ့တာဝန်ခံ မြို့တော်ဝန် ဗိုလ်မှူး ချုပ် အောင်သိန်းလင်းနှင့် ရန်ကုန်တိုင်း ကြံ့ဖွံ့ တွဲဘက်အတွင်းရေးမှူး ဦးသာဝင်းတို့ကိုယ်တိုင် တက်ရောက်ကာ နအဖက ရေးဆွဲပြုစုထားသည့် ဖွဲ့စည်းအုပ်ချုပ်ပုံအခြေခံဥပဒေမူကြမ်းကို ပြည်သူလူထုက ထောက်ခံလာစေရန် ကြံ့ဖွံ့အဖွဲ့ဝင်များကိုယ်တိုင် ခေါင်းစဉ်များအလိုက် လူထုကိုချပြစည်းရုံးမှုများ စတင်ပြုလုပ်ရန် ညွှန်ကြားခဲ့သည်။ အခြေခံဥပဒေမူကြမ်းအပေါ်NLDနှင့် အတိုက်အခံများ၏ နှောက်ယှက်ပြောဆိုမှုများကို ပြည်သူလူထုက နားမ၀င် အောင် စည်းရုံးကြရန်လည်း မှာကြားခဲ့သည်။

၁၅။ နအဖ၏ ၁/၂၀၀၈ နှင့် ၂/၂၀၀၈ ကြေငြာချက်များကို ကြိုဆိုထောက်ခံကြောင်း ပြသရန်အတွက် ကြံ့ဖွံ့ ဦးဆောင်သည့် လူထုစုဝေးပွဲကြီးများကို မတ်လအတွင်း တပြည်လုံး၌ကျင်းပပြုလုပ်ရန်လည်း နအဖက ညွှန်ကြား ထားသည်။

၁၆။ ကြံ့ဖွံ့အဖွဲ့သည် ၂၀၁၀ ရွေးကောက်ပွဲတွင် နိုင်ငံရေးအသွင်ဆောင်သောအသင်းအဖွဲ့အဖြစ် ကူးပြောင်းပြီး ပါဝင်ယှဉ်ပြိုင်ရန် အစီအစဉ်ရှိကြောင်း၊ တိုင်းရင်းသား စည်းလုံးညီညွတ်ရေးပါတီ (တစည)၏ အထွေထွေအတွင်း ရေးမှူး ဦးခင်မောင်ကြီးက ဂျာမန် (DPA) သတင်းဌာနကို ပြောဆိုခဲ့သည်။ ကြံ့ဖွံ့အဖွဲ့သည် ရွေးကောက်ပွဲတွင် ပါဝင်ယှဉ်ပြိုင်ရန်အတွက် ပြည်သူလူထုက လေးစားနိုင်သူများနှင့် ချမ်းသာကြွယ်ဝပြီး ဒေသခံလူထုအပေါ် သြဇာ ရှိသူများကို ကြံ့ဖွံ့အဖွဲ့ဝင်ဖြစ်လာအောင် ချဉ်းကပ်စည်းရုံးလျက်ရှိသည်။



Read More...

စစ်အစိုးရရဲ့ဖွဲ့စည်းပုံအခြေခံဥပဒေကိုပြည်သူအားလုံးက တခဲနက်ဆန့်ကျင်ကြ!

Read More...

အမျိုးသားဒီမိုကရေစီအဖွဲ့ချုပ်၏ကြေညာချက် - ၉/ ၀၃/ ၀၈

အမျိုးသားဒီမိုကရေစီအဖွဲ့ချုပ်
အမှတ် - ၉၇/ခ၊ အနောက်ရွှေဂုံတိုင်လမ်း
ဗဟန်းမြို့နယ်၊ ရန်ကုန်မြို့

၂၀၀၈ ခုနှစ်၊ မတ်လ (၅) ရက်
၁၃၆၉ ခုနှစ်၊ တပို့တွဲလပြည့်ကျော် (၁၃) ရက်

ကြေညာချက် - ၉/ ၀၃/ ၀၈

နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ (ယခု နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ) သည် ၁၉၈၉ ခုနှစ်၊ မေလ (၃၁) ရက်နေ့တွင် ဥပဒေအမှတ် - ၁၄/ ၈၉ ဖြစ်သော ”ပြည်သူ့လွှတ်တော် ရွေးကောက်ပွဲဥပဒေ” ကိုပြဌာန်းခဲ့သည်။ ဤဥပဒေ ပုဒ်မ -၃တွင်၊
”လွှတ်တော်ကို မဲဆန္ဒနယ်များမှ ဤဥပဒေနှင့်အညီ ရွေးကောက်တင်မြှောက်လိုက်သော လွှတ်တော်ကိုယ်စား လှယ်များဖြင့်ဖွဲ့စည်းရမည်။”
ဟူ၍ ပြဌာန်းထားပါသည်။

ထို့နောက် ယင်းပြည်သူ့လွှတ်တော်ရွေးကောက်ပွဲဥပဒေနှင့်အညီ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ (ယခု နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ) သည် ၁၉၉၀ ပြည့်နှစ်၊ မေလ (၂၇) ရက်နေ့တွင် ပါတီစုံဒီမိုကရေစီအထွေထွေရွေးကောက်ပွဲကို ကျင်းပပေးခဲ့ပါသည်။ ပါတီစုံဒီမိုကရေစီအထွေထွေရွေးကောက်ပွဲ ကျင်းပရေးကော်မရှင်ကလည်း ပြည်သူ့လွှတ်တော်ရွေးကောက်ပွဲဥပဒေ ပုဒ်မ - ၄၁၊ ပုဒ်မခွဲ (ဂ) နှင့်အညီ မြန်မာ နိုင်ငံပြန်တမ်းတွင် ”ရွေးကောက်တင်မြှောက်ခြင်းခံရသောပြည်သူ့လွှတ်တော်ကိုယ်စားလှယ်” အဖြစ်တရားဝင် ထည့်သွင်းကြေညာခဲ့ပြီးဖြစ်ပါသည်။ သို့ကြောင့် ရွေးကောက်တင်မြှောက်ခြင်းခံကြရသော ကိုယ်စားလှယ်များ သည် တရားဝင်ပြည်သူ့လွှတ်တော်ကိုယ်စားလှယ်များဖြစ်ကြပါသည်။

တဖန် နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ (ယခု နိုင်ငံတော်အေးချမ်းသာယာရေးနှင့် ဖွံ့ဖြိုးရေး ကောင်စီ) သည် ၁၉၉၀ ပြည့်နှစ်၊ ဇူလိုင်လ (၂၇) ရက်နေ့တွင် ကြေညာချက်အမှတ် - ၁/ ၉၀ ကို ထုတ်ပြန်ခဲ့ပါ သည်။ ယင်းကြေညာချက် အပိုဒ် -၁၂ တွင်၊
ပြည်သူ့လွှတ်တော်ရွေးကောက်ပွဲ ဥပဒေပုဒ်မ - ၃ တွင်” လွှတ်တော်ကို မဲဆန္ဒနယ်များမှ ဤဥပဒေနှင့်အညီရွေး ကောက်တင်မြှောက်လိုက်သော လွှတ်တော်ကိုယ်စားလှယ်များဖြင့် ဖွဲ့စည်းရမည်” ဟူ၍ ပြဌာန်းပါရှိသည်။ ယင်း ပြဌာန်းချက်နှင့်အညီ လွှတ်တော်ခေါ်ယူဖွဲ့စည်းခြင်းကို နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့က ဆောင် ရွက်ပေးမည်။

ဟု ပြည်သူ့လွှတ်တော်ရွေးကောက်ပွဲဥပဒေကို ပိုမိုခိုင်မာစေရန် ရည်ညွှန်းပြီး ဖော်ပြထားခြင်းဖြစ်ပါသည်။ ထို့ကြောင့် အာဏာပိုင်တို့သည် ပြည်သူ့လွှတ်တော်ရွေးကောက်ပွဲဥပဒေ ပုဒ်မ - ၃ နှင့် ကြေညာချက် - ၁/ ၉၀ အပိုဒ် - ၁၂ တို့နှင့်အညီ ပြည်သူ့လွှတ်တော်ကို ပြည်သူ့လွှတ်တော်ကိုယ်စားလှယ်များဖြင့် မလွဲမသွေခေါ်ယူ ဖွဲ့စည်းပေးရမည့် တာဝန်ရှိပါသည်။

ထို့ကြောင့် ပြည်သူလူထုက လုပ်ပိုင်ခွင့်အာဏ (mandate) အပ်နှင်းလိုက်သောတာဝန်အရ အမျိုးသားဒီမိုကရေစီ အဖွဲ့ချုပ်က အာဏာပိုင်များအား ပြည်သူ့လွှတ်တော်ခေါ်ယူဖွဲ့စည်းပေးပါရန် အကြံပြုခြင်း၊ တိုက်တွန်းခြင်း၊ တောင်းဆိုခြင်းများကို အာဏာပိုင်တို့က အကြိမ်ကြိမ်အခါခါ လျစ်လျူရှုခဲ့ပါသည်။ အာဏာပိုင်တို့က ၎င်းတို့ကိုယ် တိုင်ပြဌာန်းခဲ့သည့် ”ပြည်သူ့လွှတ်တော်ရွေးကောက်ပွဲဥပဒေ” ကို ၎င်းတို့ကိုယ်တိုင် ချိုးဖောက်ပြီး မဲဆန္ဒရှင် ပြည် သူလူထု၏ လိုလားတောင့်တနေသောဆန္ဒ မျက်ကွယ်ပြု၍ ပြည်သူ့လွှတ်တော်ကို ခေါ်ယူဖွဲ့စည်းပေးခဲ့ခြင်းမရှိပါ။

သို့ပါ၍ ”ဥပဒေပြုသူသည် ဥပဒေချိုးဖောက်သူမဖြစ်စေရ”၊ ”ဥပဒေ၏အထက်တွင် မည်သူမျှမရှိစေရ” နှင့် ”ဥပဒေ အရာတွင် အားလုံးအညီအမျှဖြစ်ရမည်” ဟူသောမူများနှင့်အညီ တရားဥပဒေစိုးမိုးရေးအတွက် အမျိုးသားဒီမိုက ရေစီအဖွဲ့ချုပ်ဥက္ကဌက ဤရွေးကောက်ပွဲရလဒ်သည် တနိုင်ငံလုံး၊ တပြည်လုံးနှင့် သက်ဆိုင်သောကိစ္စဖြစ်သော ကြောင့် ၂၀၀၈ ခုနှစ် ဖေဖော်ဝါရီလ (၂၉) ရက်နေ့တွင် ရန်ကုန်မြို့တရားရုံးချုပ်သို့သွားရောက်၍ အာဏာပိုင်များ အား ”၂၀၀၀ ပြည့်နှစ် တရားစီရင်ရေးဥပဒေပုဒ်မ - ၅ (က)(ဇ) နှင့် (ည)” တို့အရ ပြည်သူ့လွှတ်တော်ရွေးကောက် ပွဲဥပဒေ ပုဒ်မ - ၃ ပါ ပြဌာန်းချက်နှင့်အညီ ဆောင်ရွက်ရမည့်တာဝန်များကို ဆောင်ရွက်ရန်ပျက်ကွက်လျက်ရှိ သောကြောင့် ၁၈၇၇ ခုနှစ် သီးခြားသက်သာခွင့်ဥပဒေ ပုဒ်မ - ၅၅ အရ ယင်းတာဝန်များကို ဆက်လက်ပျက်ကွက် ချိုးဖောက်ခြင်မပြုရန်နှင့် ယင်းဥပဒေများပါ တာဝန်ရှိသည့်အတိုင်း ဆောင်ရွက်စေရန် အမိန့်၊ ပညတ်ချက်ဒီကရီ ကို ထုတ်ဆင့်ပေးပါရန်အပြင် အခြားရရှိခွင့်ရှိသော သက်သာခွင့်များကိုလည်း ချမှတ်ပေးပါမည့်အကြောင်း” တရားစွဲဆိုခဲ့ပါသည်။ ယင်းတရားစွဲဆိုလွှာကို တရားရုံးချုပ်က လက်မခံခဲ့ကြောင်း ကြေညာလိုက်သည်။

၎ - ၃- ၀၈ နေ့တွင် ကျင်းပသော ဗဟိုအလုပ်အမှုဆောင်အဖွဲ့၏
အစည်းအဝေးဆုံးဖြတ်ချက်အရ။

ဗဟိုအလုပ်အမှုဆောင်အဖွဲ့
အမျိုးသားဒီမိုကရေစီအဖွဲ့ချုပ်
ရန်ကုန်မြို့

Read More...

Wednesday, March 5, 2008

"ငါတို့ကန့်ကွက်မဲပေးရမယ်"

"ငါတို့ကန့်ကွက်မဲပေးရမယ်"

ဗုဒ္ဓရဲ့ ဓမ္မစက်
အာဏာစက်နဲ့ဖျက်မယ်လို့
ကမ္ဘာသိစော်ကားခဲ့ပြီး
ဗုဒ္ဓသားတော်သံဃာတော်တွေကိုသတ်
ကျောင်းသားသူငယ်တွေကိုသတ်
တတ်သိပညာရှင်မှန်ရင် အပြတ်ရှင်း
တိုင်းပြည်ကိုငတ်အောင်လုပ်ထား
ဒီစစ်သားတွေက….။

ခေါင်ထိပ်တမတ်သား
စစ်တပ်ကယူထားပြီး
တကျပ်လုံးထိန်းချုပ်ဖို့
ဖွဲ့စည်းအုပ်ချုပ်ပုံ
စစ်ဥပဒေယုတ်နဲ့
တိုင်းပြည်ကိုလောင်မီးကျနေအောင်ဆက်လုပ်ဖို့
ပြည်သူ့ဆန္ဒခံယူပွဲလုပ်မတဲ့…..။

ဒီဆန္ဒခံယူပွဲ မဲရုံသွားပြီး
ထောက်ခံမဲပေးမိတယ်ဆိုရင်
မိမိအသက်ထွက်သွားပြီးမှ
မိမိဝိဉာဉ်က မိမိခန္ဓာကိုယ်ကိုပြန်ပြီး
အသုဘလိုက်ပို့ရမယ့်အလုပ်
မိမိကိုယ်တိုင်လုပ်လိုက်သလိုဖြစ်နေမယ်။

အဲဒါကြောင့်…..
စစ်ဥပဒေယုတ် ဆန္ဒခံယူပွဲ
ငါတို့ကန့်ကွက်မဲပေးရမယ်။ ။

ဟိန်းနိုင်၊ မန္တလေး
၃၊ ၃၊ ၂၀၀၈
Burma Digest မှ ကူးယူဖော်ပြသည်။


Read More...

Roadmap

Roadmap

အာဏာရှင်စနစ်ဆိုးကို
အသက်ဆက်မယ့်
Roadmap

စစ်ကျွန်ဘ၀ကို
သက်တမ်းရှည်စေမယ့်
Roadmap

တိုင်းရင်းသား
အခွင့်အရေးတွေ
ဆုံးရှုံးစေမယ့်
Roadmap

အာဏာရူးတွေကို
မြေတောင်မြှောက်ပေးမယ့်
Roadmap

အစိမ်းသရဲ
ဗိုလ်ရှုပ်တွေကို
ဘီလူးသဘက်
ဖြစ်စေမယ့်
Roadmap

တိရစ္ဆာန်မျိုး
ကြံ့ဖွတ်တွေကို
ပိုရိုင်းစိုင်းစေမယ့်
Roadmap

ပြည်သူတို့ရဲ့
ဘ၀တွေကို
ငရဲပြည်ပို့ပေးမယ့်
Roadmap

ရှည်ရှည်ဝေးဝေး
တွေးမနေနဲ့
အဆင့်တိုင်းမှာတိုက်ဖျက်။

ခင်မမမျိုး
(၂၃၊၂၊၂၀၀၈)
ခင်မမမျိုးဘလော့ဂ်မှ ကူးယူဖော်ပြသည်။

Read More...

အနာဂတ်အတွက်

အနာဂတ်အတွက်

ခံယူချက်လွဲလို့
ရပ်တည်ချက်မှားတဲ့
စစ်အာဏာရူးတွေရဲ့
အုပ်ချုပ်မှုအောက်မှာ
သက်ဆိုးရှည်ဖို့
“ငါတို့တွေ
လူဖြစ်လာတာမဟုတ်ဘူး“


ဝတ်စရာအပုံ
စားစရာအစုံနဲ့
လူ့ဘောင်လောကကြီးထဲမှာ
ဝတ်စရာမဲ့
ငတ်သေကြဖို့
“ငါတို့တွေ
လူဖြစ်လာတာမဟုတ်ဘူး“

လူကိုလူချင်း
တန်ဖိုးထားတဲ့
ခေတ်သစ်ကမ္ဘာကြီးထဲမှာ
အဖိနှိပ်ခံ
စစ်ကျွန်ဖြစ်ဖို့
“ငါတို့တွေ
လူဖြစ်လာတာမဟုတ်ဘူး“

မိတ်ဆွေတို့ရေ-
သံသရာတကွေ့က
ရတောင့်ရခဲ
လူ့ဘ၀တွေရဲ့
အနာဂတ်တွေကို
စစ်ကျွန်ဘ၀နဲ့

အဆုံးမသတ်စေဖို့

အာဏာရှင်ကို

တော်လှန်မှဖြစ်တော့မယ်။

အာဏာရှင်စနစ်ကို
မြေလှန်ကြရမယ်။


ခင်မမမျိုး
(၂၃၊၂၊၂၀၀၈)
ခင်မမမျိုးဘလော့ဂ်မှ ကူးယူဖော်ပြသည်။


Read More...

Tuesday, March 4, 2008

စစ်အစိုးရအတွက် တရုတ်စစ်ကားများ နယ်စပ်ရောက်ရှိ

စစ်အစိုးရအတွက် တရုတ်စစ်ကားများ နယ်စပ်ရောက်ရှိ

၂၀၀၈ ခုနှစ် မတ်လ ၃ ရက်

မြန်မာစစ်အစိုးရကို ထောက်ပံ့ပေးမည့် တရုတ်နိုင်ငံလုပ် တုံဖုန်း (Dong Feng) တံဆိပ်ပါ ခြောက်ဘီးတပ် စစ်သုံး သယ်ယူပို့ဆောင်ရေးယာဉ်များ တရုတ်-မြန်မာနယ်စပ် ရွှေလီနှင့် ကျယ်ဂေါင်တွင် ရောက်ရှိလာနေသည်ဟု ဒေသခံများက ပြောသည်။

တရုတ်-မြန်မာနယ်စပ်တွင်တွေ့ရသည့် တရုတ်လုပ်စစ်ကားများ

ယမန်နေ့ညပိုင်းမှစတင်၍ တရုတ် - မြန်မာနယ်စပ် ရွှေလီမြို့ကို စတင်ရောက်ရှိလာခြင်းဖြစ်ပြီး တုံဖုန်း (Dong Feng) တံဆိပ်ပါ ခြောက်ဘီးတပ် စစ်သုံးသယ်ယူပို့ဆောင်ရေးယာဉ် အစီး (၅၀၀) ရောက်ရှိမည်ဖြစ်ကြောင်း တရုတ်နိုင်ငံသား ယာဉ်မောင်းတဦးက ပြောသည်။

ယမန်နေ့ညတွင် အစီး (၂၀) ရောက်ရှိခဲ့ပြီး ယနေ့တွင် အစီး (၃၀) ရောက်ရှိလာခြင်းဖြစ်သည်ဟု သိရသည်။ ရွှေလီမြို့သို့ ရောက်ရှိလာသည့်စစ်ကားများကို ကားရေဆေးခုံများတွင် သန့်ရှင်းရေးများပြုလုပ်ခြင်း၊ ၀ပ်ရှော့များ တွင် ပြုပြင်မှုများ ပြုလုပ်နေသည်ဟုသိရသည်။

ကားရေဆေးခုံတွင် သန့်ရှင်းရေးပြုလုပ်နေသည့် တရုတ်လုပ်စစ်ကား (Dong Feng)

ပြီးခဲ့သည့် ၂၀၀၇ ခုနှစ် ဒီဇင်ဘာလတွင် တရုတ်နိုင်ငံလုပ် ဖော (FAW) တံဆိပ်ပါ စစ်သုံးအငယ်စား ကုန်တင် ယာဉ် အစီးရေ စုစုပေါင်း (၄၅၀) ကို မြန်မာစစ်အစိုးရအား ကျယ်ဂေါင်-မူဆယ်နယ်စပ်တွင် လွှဲပြောင်းပေးအပ်ခဲ့ သည်။

၂၀၀၆ ခုနှစ် နိုဝင်ဘာလကလည်း ‘လီဖန်း’ (LiFan) တံဆိပ်ပါ ကုန်တင်ယာဉ်အလတ်စား အစီး (၅၀) ကို မူဆယ်-ကျယ်ဂေါင်တွင် မြန်မာအာဏာပိုင်များထံ လွှဲပြောင်းပေးခဲ့သည်။ ၂၀၀၆ ခုနှစ် ဒီဇင်ဘာလတွင်လည်း တရုတ်နိုင်ငံမှ စစ်ဖက်ဆိုင်ရာပစ္စည်းများကို အလုံပတ်သေတ္တာများဖြင့် မြန်မာစစ်တပ်သို့ နယ်စပ်တွင် လွှဲပြောင်း ပေးအပ်ခဲ့သည်။

၂၀၀၅ ခုနှစ် မေလကလည်း (FAW) ဖော တံဆိပ်ပါ ခြောက်ဘီးတပ် သယ်ယူပို့ဆောင်ရေး စစ်ကား (၃၀၀)၊ ၂၀၀၄ ခုနှစ် ဇူလိုင်လတွင် တရုတ်နိုင်ငံလုပ် တုန်ဖုန်း (Dong Feng) တံဆိပ်ပါ ခြောက်ဘီးတပ် စစ်ထရပ်ကား အစီး (၁၀၀) ကျော်နှင့် တရုတ်နိုင်ငံလုပ် အယ်လ်ဂျေစီ (LJC) တံဆိပ်ပါ ခြောက်ဘီးတပ် စစ်မော်တော်ယာဉ် အစီး (၁၀၀) ကျော် မြန်မာနိုင်ငံသို့ နယ်စပ်မှတဆင့် လွှဲပြောင်းပို့ဆောင်ပေးခဲ့သည်။ ၂၀၀၃ ခုနှစ် ဇန်န၀ါရီလ တွင် တရုတ်-မြန်မာ နယ်စပ်မှတဆင့် လေတပ်တွင်အသုံးပြုမည့် တိုက်ခိုက်ရေးဂျက်တိုက်လေယာဉ်များ၏ အပို ပစ္စည်း၊ အရန်ပစ္စည်းများကို လုံခြုံရေးတပ်များဖြင့် မြန်မာနိုင်ငံသို့ လွှဲပြောင်းပို့ဆောင်ခဲ့သည်။ ၂၀၀၂ ခုနှစ် နိုင်ဝင်ဘာလတွင် တရုတ်နိုင်ငံလုပ် (Dong Feng) တုန်ဖုန်း တံဆိပ်ပါ တန် (၂၀) ဆွဲနိုင်သည့် (၆) ဘီး အကြီး တပ် အမြောက်ဆွဲထရပ်ကား အစီး (၂၀၀) ကျော်၊ ၂၀၀၁ ခုနှစ် သြဂုတ်လတွင် တရုတ်နိုင်ငံလုပ် (FAW) တံဆိပ် အပါ စစ်သည်တင် အပေါ့စားစစ်ကား အစီး (၃၀၀) ကျော်၊ ၂၀၀၁ ခုနှစ် ဒီဇင်ဘာလတွင် တရုတ်နိုင်ငံလုပ် အမြောက်ဆွဲယာဉ်အစီး (၄၀) ခန့်နှင့် လက်နက်ကြီးကျည်၊ အမြောက်ဆက်စပ်ပစ္စည်းများ၊ အဆင့်မြင့် ဆက်သွယ် ရေး ပစ္စည်းများများကို နယ်စပ်မှတဆင့် မြန်မာစစ်အာဏာပိုင်များထံ လွှဲပြောင်းထောက်ပံ့ခဲ့သည်။

တရုတ်နိုင်ငံလုပ် တုန်ဖုန်း (Dong Feng) စစ်ကား

၂၀၀၀ ခုနှစ်ကတည်းက တရုတ်-မြန်မာ နှစ်နိုင်ငံ စစ်ဖက်ရေးရာ သဘောတူညီချက်အရ ထောက်ပို့တပ်နှင့် အကူလက်ရုံးတပ်သုံး စစ်သုံးမော်တော်ယာဉ်အစီး (၅၀၀၀) ထောက်ပံ့မည့် အစီအစဉ်၏ အစိတ်အပိုင်းများဖြစ် သည်။ မြန်မာနိုင်ငံမှ တရုတ်နိုင်ငံလုပ် စစ်ဖက်ဆိုင်ရာပစ္စည်းများကို တရုတ်အစိုးရမှ လက်ဆောင်ပေးခြင်း၊ အချို့ ကို အကြွေးစနစ်ဖြင့်ဝယ်ယူခြင်း၊ မြန်မာနိုင်ငံထွက် ကျွန်းသစ်၊ ကျောက်စိမ်း၊ လယ်ယာထွက်ပစ္စည်းများဖြင့် လဲ လှယ်ခြင်းများပြုလုပ်ခဲ့သည်ဟု စစ်ဖက်ရေးရာလေ့လာသူများက သုံးသပ်သည်။

Read More...

Monday, March 3, 2008

ပြည်လုံးကျွတ်ဆန္ဒခံယူပွဲနှင့်ပတ်သက်၍သဘောထား ထုတ်ပြန်ချက်

မူရင်းအတိုင်းဖတ်ရှုလိုပါက ဤနေရာ ကိုနှိပ်ပါ။

ပြည်လုံးကျွတ်ဆန္ဒခံယူပွဲနှင့် ပတ်သက်၍ သဘောထားထုတ်ပြန်ချက်
၂၀၀၈ ခုနှစ် ဖေဖော်ဝါရီလ (၂၈) ရက်

ပြည်ထောင်စုမြန်မာနိုင်ငံ၏ အဓိကပြဿနာသည် နိုင်ငံရေးပြဿနာဖြစ်သည်။ နအဖစစ်အစိုးရ၏ တဖက်သတ် ထုတ်ပြန်ကြေငြာသော ၁/၂၀၀၈၊ ၂/၂၀၀၈၊ ၃/၂၀၀၈ တို့သည် အမျိုးသားပြန်လည်သင့်မြတ်ရေးနှင့် တိုင်းရင်း သားစည်းလုံးးညီညွတ်ရေးတို့ကို ဦးတည်ခြင်းမရှိပဲ စစ်အာဏာရှင်စနစ်တည်မြဲရေးကိုသာရှေ့ရှုနေသောကြောင့် မိမိတို့အနေဖြင့် လုံးဝလက်ခံနိုင်ခြင်းမရှိကြောင်း အောက်ပါအတိုင်း သဘောထားထုတ်ပြန်လိုက်ပါသည်။

၁။ နအဖ၏ ဖွဲ့စည်းအုပ်ချုပ်ပုံအခြေခံဥပဒေသည် ၁၉၉၀ ရွေးကောက်ပွဲခံနိုင်ငံရေးပါတီများ၊ တိုင်းရင်းသားခေါင်း ဆောင်များနှင့် ပြည်သူ့ဆန္ဒသဘောထားများမပါသော တရားဝင်မှုမရှိသည့်အတွက် မိမိတို့အင်အားစုများမှ လုံးဝ လက်ခံနိုင်ခြင်းမရှိပေး။

၂။ ဤသို့ တဖက်သတ်ပြုလုပ်နေခြင်းသည် ၁၉၉၀ ရွေးကောက်ပွဲရလာဒ်ကိုလည်းကောင်း၊ တရားဝင်နိုင်ငံရေး ပါတီများ၏ အခန်းကဏ္ဍကိုလည်းကောင်း၊ နိုင်ငံရေးအင်အားစုအသီးသီးနှင့် နိုင်ငံတကာ၏ သဘောထားဖြစ် သည့် တွေ့ဆုံဆွေးနွေးအဖြေရှာရေးကိုလည်းကောင်း ဆန့်ကျင်လုပ်ဆောင်နေခြင်းဖြစ်သည့်အတွက် ပြည်သူ လူထုတရပ်လုံးအနေဖြင့် ရဲဝံ့ပြတ်သားစွာစုပေါင်းတိုက်ဖျက်သွားရန် အခိုင်အမာတောင်းဆိုလိုက်သည်။

၃။ ထို့အပြင် မိမိတို့အင်အားစုများအနေဖြင့် နအဖ၏ ဖွဲ့စည်းအုပ်ချုပ်ပုံအခြေခံဥပဒေအားလည်းကောင်း၊ အတည် ပြုရေးအတွက် အဆင့်ဆင့်ကြိုးပမ်းခဲ့သော လမ်းပြမြေပုံအဆင့်ဆင့်အားလည်းကောင်း ပြည်သူလူထုနှင့်အတူ လက်တွဲ၍ အစဉ်တစိုက်ဆန့်ကျင်တိုက်ပွဲဝင်သွားမည်ဖြစ်ကြောင်း အခိုင်အမာထပ်လောင်းတင်ပြအပ်ပါသည်။

၎။ အကယ်၍ နအဖအနေဖြင့် ပြည်သူလူထုတရပ်လုံးနှင့် နိုင်ငံတကာမိသားစု၏ ဆန္ဒသဘောထားများကို မျက် ကွယ်ပြုလျက် ပြည်လုံးကျွတ်ဆန္ဒခံယူပွဲကို တဖက်သတ်ကျင်းပပြုလုပ်လာခဲ့ပါက စစ်အာဏာရှင်စနစ်ကို တရားဝင်ဖြစ်စေမည့် နအဖ၏ ဖွဲ့စည်းပုံအခြေခံဥပဒေအား တခဲနက် ကန့်ကွက်ဆန္ဒမဲပေးခြင်းဖြင့် ပြည်သူလူထု၏ ဆန္ဒသဘောထားများကို အတိအလင်းထုတ်ဖော်ပြသကြပါရန် လေးနက်စွာ တိုက်တွန်းနှိုးဆော်လိုက်သည်။

(၁) ပြည်ထောင်စုမြန်မာနိုင်ငံအမျိုးသားကောင်စီ
(၂) ပြည်ထောင်စုမြန်မာနိုင်ငံအမျိုးသားညွန့်ပေါင်းအစိုးရ
(၃) တိုင်းရင်းသားလူမျိုးများကောင်စီ (ပြည်ထောင်စုမြန်မာနိုင်ငံ)
(၄) အမျိုးသမီးများအဖွဲ့ချုပ် (မြန်မာနိုင်ငံ)
(၅) မြန်မာနိုင်ငံဒီမိုကရက်တစ်အင်အားစု
(၆) မြန်မာနိုင်ငံကျောင်းသားလူငယ်များကွန်ဂရက်
(၇) တိုင်းရင်းသားလူငယ်များဆုံရပ်

ဆက်သွယ်ရန် -
ဦးမောင်မောင် (ဖုန်းနံပါတ် - ၀၈၇ ၉၇၉ ၀၇၉၄)
ဒေါက်တာဆလိုင်းလျန်မှုန်းဆာခေါင်း (ဖုန်းနံပါတ် - ၀၈၁ ၀၂၉ ၆၁၀၀၀)
ဒေါက်တာစန်းအောင် (၀၈၉ ၇၆၈ ၅၈၅၃)
နန်းဆိုင်နောင့် (၀၈၁ ၈၈၄၄၉၆၃)

Read More...

လာနေပြီ



လာနေပြီ

အရယ်ရပ်
အငိုရပ်
အပြောရပ်
အစားရပ်
မျှော်သူမျှော်၊ စွင့်သူစွင့်
ကိုယ့်အသက်ရှုသံ၊ ကိုယ်ပြန်ကြားရတဲ့
ငြိမ်သက်မှုကြီးအကြား
သူတခွန်း၊ ကိုယ်တခွန်း
တိုး-တိုး၊ တိုး-တိုး
မေးထိုးကာ၊ ခေါင်းညိတ်ကာ
“လာနေပြီ၊ လာနေပြီ”တဲ့။

သူတို့ကြည့်တယ်
မမြင်ရ
ဒါပေမဲ့သိတယ်။

သူတို့နားထောင်တယ်
မကြားရ
ဒါပေမဲ့သိတယ်။

ခွေးမဟောင်၊ ကြောင်မလန့်
ကြက်မတွန်၊ ကျီးမသာ
ဒါပေမဲ့၊ မလွဲဘူး
ဒို့သိတယ်၊ မယွင်းဘူး
ဒီခြေသံမျိုး၊ ဒို့ကြားဖူးတယ်
ဒီကြွေးကြော်သံမျိုး၊ ဒို့အော်ခဲ့ဖူးသပေါ့
သဲ့သဲ့လား၊ တိုးတိုးလား
ဒို့နားမမှားဘူး။
ရွာဦးကစေတီယံ၊ ဆွဲလွဲတွေတ၀ဲဝဲနဲ့
ညောင်ရွက်တွေ တရှဲရှဲမြည်နေမှတော့
အနာဂါတ်ကိုသယ်လာတဲ့
မုန်တိုင်းနီကြီး လာနေပြီပေါ့
ဒီကိုမရောက်သေးလို့သာရယ်။

လက်တွဲဖို့အတွက်၊ လက်ကုပ်ပြောပါ
ခြေလှမ်းပြင်ဖို့အတွက်၊ ခြေတို့ပြောပါ
မျက်စိလျှင်ဖို့၊ မျက်စပစ်ပြပါ

လာတဲ့အခါ
သူတို့လည်းပါလာမယ်
ခွပ်ဒေါင်းနဖူးစည်း
ရှာပြီးပြင်ထားပါ
ပိုစတာကားချပ်
ရေးဖို့ပြင်ထားပါ
ဂျင်ကလိကိုလည်း
မြိနေအောင်သွေးထားပါ

မပူပါနဲ့
နေထွက်ချိန်မှာ နေထွက်
နေတက်ချိန်မှာ နေတက်
နေကျချိန်မှာ နေကျ
နေ၀င်ချိန်မှာ နေ၀င်
နောက်ပြီး သန်းကောင်
သန်းကောင့်ဟိုဘက်မှာ
သမိုင်းသစ်
ဒို့လက်နဲ့ထုဆစ်မယ်။


ဖိုးသံ (လူထု)


Read More...

အပေါ်သို့