ဝိမုတ္တိ

Saturday, September 10, 2011

• မည်သည့်ကန့်ကွက်မှုများရှိသည်ဖြစ်စေ၊ ဧရာဝတီမြစ်ဆုံ စီမံကိန်းကို ဆက်လုပ်မည် ဖြစ်ကြောင်း၊ ဘယ်တော့မှ နောက်ဆုတ်မည် မဟုတ်ကြောင်း အမှတ်(၁)လျှပ်စစ် စွမ်းအားဝန်ကြီးဌာန ပြည်ထောင်စုဝန်ကြီး ဦးဇော်မင်းပြောကြား

• ဧရာဝတီအကြောင်း စာရေးဆရာများ ဟောပြောမည်

• လျော် သာ လျော် လိုက်ပါ

• ဧရာဝတီ ကို ကာကွယ်ကြစို့

• ရာဇဝင်ထဲက ဘုရင်မကို အကွက်ရွှေ့မှားသည့်အခါ

• ယန်စီမှ ဧရာဝတီ သို့…

• ပြင်ဆင်ပြီးမှ တရုတ်ကို ချပါ

• တံတိုင်းနှင့် ဆည်၏ သားကောင်များ

• ကြွက်၊ မြွေနှင့် ဧရာဝတီကိစ္စ

• ဧရာဝတီ တော်လှန်ရေး

• သမ္မတ အကြံပေး ဦးမြင့် ဝေမျှတဲ့ ကချင်ခေါင်းဆောင်ရဲ့ မြစ်ဆုံ စီမံကိန်းပေါ် အမြင်

• ဧရာဝတီမြစ်ဆုံ ရေအားလျှပ်စစ် စီမံကိန်းနှင့် စပ်လျဉ်း၍ ပတ်ဝန်းကျင် ထိန်းသိမ်းရေး နှင့် သစ်တောရေးရာ ၀န်ကြီး ဌာန၏ အခန်းကဏ္ဍ

• မြစ်ဆုံဆည် စီမံကိန်း ရပ်တန့်ထားမှု CPI ဥက္ကဋ္ဌနှင့် အင်တာဗျူး (၁)

• မြစ်ဆုံဆည် စီမံကိန်း ရပ်တန့်ထားမှု CPI ဥက္ကဋ္ဌနှင့် အင်တာဗျူး (၂)

• မြစ်ဆုံဆည်စီမံကိန်း လေ့လာတွေ့ရှိမှုများ ပြည်သူကို ပြောပြလိုတဲ့ ဒေါက်တာထင်လှ

• “မြစ်ပျောက်ရင် တိုင်းပြည် ပျောက်မယ်”

• မြစ်ဆုံစီမံကိန်းပြီးဆုံးမှု ၂၀ ရာခိုင်နှုန်းဝန်းကျင် ပြီးစီနေပြီဖြစ်ကြောင်း ယခုလအတွင်း ဓါတ်ပုံများအရ သိရှိရ

• မြစ်ဆုံဆည်စီမံကိန်း ရပ်ဆိုင်းလိုက်ခြင်းနှင့် ပတ်သက်ပြီး ဆွေးနွေးရန် တရုတ်နိုင်ငံ၏ တောင်းဆိုမှုအပေါ် အမြင်များ

ခေတ်မြစ်

မြစ်ဆုံ စီမံကိန်းနှင့် တရုတ်-မြန်မာ ဆက်ဆံရေး

• 'သဘာဝပတ်ဝန်းကျင်နှင့် ပြည်ထောင်စုသမ္မတမြန်မာနိုင်ငံ' ဟောပြောပွဲ တက်ရောက်ခဲ့သူ အချို့၏ အမြင်များ

• 'သဘာဝပတ်ဝန်းကျင်နှင့် ပြည်ထောင်စုသမ္မတမြန်မာနိုင်ငံ'ဟောပြောပွဲ (ဒူဝါဇောင်ဂမ် )

• 'သဘာဝပတ်ဝန်းကျင်နှင့် ပြည်ထောင်စုသမ္မတမြန်မာနိုင်ငံ'ဟောပြောပွဲ (Eleven Media Group ၏ Chairman & CEO ဒေါက်တာသန်းထွဋ်အောင်)

• ဒီမိုကရေစီမိတ်ဆွေပါတီများမှ ဧရာဝတီမြစ်ဆုံဆည်စီမံကိန်းနှင့် ပတ်သက်၍ သဘောထားကြေညာချက် ထုတ်ပြန်

• လူတိုင်းနှင့်ဆိုင်သက်ဆိုင်ပါသည်

Friday, September 9, 2011

Monthly Chronology (August 2011)

လစဉ် ပြည်တွင်းလူထုလှုပ်ရှားမှု သတင်းမှတ်တမ်း

ဦးဥတ္တမ ရုပ်ထုရှေ့ ပြည်သူများ ပန်းခွေချ

9/9/2011
မောင်အေး

ယနေ့ ကျရောက်သော ၇၂ နှစ်မြောက် ဆရာတော် ဦးဥတ္တမနေ့တွင် ပြည်သူများ အနေဖြင့် စစ်တွေမြို့ရှိ ဆရာတော် ဦးဥတ္တမ ရုပ်ထုရှေ့တွင် လွှမ်းသူပန်းခွေများ ချခဲ့ကြသည်ဟု သိရသည်။

" လူတွေ ပန်းခြံထဲကို လာပြီး ဆရာတော် ရုပ်ထု ရှေ့မှာ ပန်းခွေတွေ လာချသွားကြတယ်။ ဟန့်တား နှောင့်ယှက်တာမျိုးတော့ မရှိသေးဘူး။ အခုအချိန်ထိတော့ လူတွေ လာနေကြတုန်းဘဲ" ဟု ကိုယ်တိုင် သွားရောက်ခဲ့သူ လူငယ် တစ်ဦးက နိရဉ္စရာသို့ ပြော သည်။

နံနက်ပိုင်းမှ စပြီး ဆရာတော်ကို ကြည်ညိုသူများက ဆရာတော် ဦးဥတ္တမ ရုပ်ထုရှေ့သို့ တသုတ်ပြီး တသုတ် လာရောက်ကာ ဂုဏ်ပြု ပူဇော်နေကြသည်ဟု သိရသည်။

ပန်းခွေချ ပူဇော်သူများကို အာဏာပိုင်များက တစုံတရာ နှောင့်ယှက်ခြင်း မရှိသော်လည်း ဆရာတော် ဦးဥတ္တမပန်းခြံ အနီး အ၀ိုက်နှင့် တခြား နေရာ တချို့တွင် လုံခြုံရေးကို ထူထပ်စွာ ချထားကြောင်း သိရှိရသည်။

" လုံခြုံရေးကိုတော့ မနေ့ကတည်းက ချထားပါတယ်။ ဒါပေမယ့် အခြေအနေက အေးအေး ဆေးဆေး ပါဘဲ" ဟု သူက ဆက် ပြောသည်။

အတည် မပြုရသေးသော သတင်း တရပ်အရ ဦးဥတ္တမပန်းခြံတွင် ကျင်းပနေသည့် ၁၈ ကြိမ်မြောက် မြန်မာ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ ကိုလည်း ယနေ့တွင် ရပ်နားထားကြောင်း သိရသည်။

"အရင်နှစ်တွေကတော့ ဆရာတော်ကိုတရားဝင် ပူဇော်ခွင့်မရဘူး။ ဒီနှစ် ပန်းခွေချခွင့်ပေးတယ်။ ဆီးမီးပူဇော်ခွင့် ပေးတယ်ဆို တော့ နည်းနည်းထူးခြားတယ်လို့ ပြောလို့ရပါတယ်။ ကျွန်တော်တို့တော့ နှစ်စဉ်နှစ်တိုင်း ဒီလို ဆရာတော်ကို ဂုဏ်ပြုပူဇော်ခွင့် ရချင်ပါတယ်"ဟု အဆိုပါ လူငယ်ကပြောသည်။

ရခိုင်တိုင်းရင်းသားများ တိုးတက်ရေးပါတီမှ ၇၂ နှစ် ဆရာတော် ဦးဥတ္တမနေ့ကို ယနေ့နံက်ပိုင်းက စတင်ပြီး ပါတီရုံးတွင် ကျင်းပ နေပြီး သံဃာတော်များအား ပင့်ဖိတ်ဆွမ်း လှူဒါန်းပြီး ပရိတ် တရားတော်များ နာကြားခဲ့ကြောင်း ပါတီဝင် တဦးက ပြောသည်။

"ကျွန်တော်တို့ရုံးမှာ ၁၂ နာရီမှာ ဆရာတော်နဲ့ပတ်သတ်ပြီး ဟောပြောပွဲတွေလုပ်မယ်။ ညနေ ၃ နာရီ လောက် မှာတော့ ပါတီ ရုံးကနေသွားပြီး ဆရာတော်ရှေ့မှာ ပန်းခွေချပူဇော်ဖို့ အစီအစဉ်ရှိပါတယ်။ မနက် အစောကြီး ကတော့ ဦးသာလူချေ နဲ့တခြား ရတပ၀န်းကြီး ရုံးကိုလာပြီး ဆရာတော်ကို ပူဇော်သွားတယ်"ဟု သူကဆက် ပြောသည်။

Ref: နိရဉ္စရာ

RNDP မှ ဆရာဦးဥတ္တမ စာစောင်များ ဖြန့်ဝေမူ နှောင့်ယှက်ဟန့်တားမူ မရှိ

9/8/2011

RNDP ရခိုင်တိုင်းရင်းသားများ တိုးတက်ရေးပါတီမှ ဆရာတော်ဦးဥတ္တမ လက်ဆင့်ကမ်း စာစောင်များကို စစ်တွေ အပါအ၀င် ရခိုင်တပြည်နယ်လုံးတွင် ကျယ်ကျယ်ပြန့်ပြန့် ဖြန့်ဝေနေရာ အာဏာပိုင်များက တစုံတရာ နှောင့်ယှက် ဟန့်တားမူ ပြုလုပ်ခြင်း မရှိကြောင်း သိရသည်။

စစ်တွေမှ လူငယ် တစ်ဦးက " ဆရာတော် ဦးဥတ္တမ စာစောင်တွေ ရပါတယ်။ ရခိုင်ပါတီက ဖြန့်ဝေတာ ဖြစ်ပါတယ်။ လွတ်လွတ် လပ်လပ်လို့ ဖြန့်နေကြပါတယ်။ အခု အချိန်ထိတော့ ဘာမှ ပြဿနာ မရှိပါဘူး" ဟု ပြောသည်။

ရခိုင်တိုင်းရင်းသားများ တိုးတက်ရေး ပါတီမှ ထုတ်ဝေသော ဆရာတော် ဦးဥတ္တမ စာစောင် အဖုံးတွင် မြန်မာ့ လွတ်လပ်ရေး မီးရှူး တန်ဆောင် ကျေးဇူးရှင် ဆရာတော် အသျှင် ဦးဥတ္တမ ( ၁၈၈၉- ၁၉၃၉) စာသားဖြင့် ရေးသားထားပြီး ဆရာတော် ပြောဆို ခဲ့ သော " နောက်ဆုံး မှာ ဇာအရာမဆို မှန်ကန်ရေ တရားရေ အောင်နိုင်စမြဲရာ" ကို ရေးသား ဖေါ်ပြထားသည်။

၎င်းပြင် ဆရာတော် ဦးဥတ္တမ၏ သမိုင်းဝင် ဓါတ်ပုံများ၊ အဆိုအမိန့်များကိုလည်း စာစောင်တွင် ဝေေ၀ ဆာဆာ ဖေါ်ပြထား ကြောင်း သိရသည်။

အဆိုပါ စာစောင်အား ရခိုင်တိုင်းရင်းသားများ တိုးတက်ရေး ပါတီမှ အောက်မေ့သတိရ ဂုဏ်ပြုသည့် အနေဖြင့် ထုတ်ဝေခြင်း ဖြစ်ကြောင်း ဖေါ်ပြထားသည်။

ပုဏ္ဍားကျွန်းမှ လူငယ် တစ်ဦးကလည်း " ကျွန်တော်တို့ဆီမှာ ဆရာတော် အတွက် ရတပ ပါတီက ထုတ်ဝေတဲ့ စာစောင်အပြင် ဆရာတော် ဦးဥတ္တမ တီရှပ်တွေလည်း ရပါတယ်။ လူတွေက တက်တက်ကြွကြွနဲ့ အခမ်းအနားကို တက်ဖို့ စိတ်ထက်သန်နေကြပါတယ်" ဟု ပြောသည်။

အဆိုပါ ရတပ ပါတီမှ ထုတ်ဝေသော ဆရာတော် ဦးဥတ္တမ စာစောင်အား စစ်တွေတွင် သာမက နယ်မြို့များတွင်လည်း ကျယ် ကျယ် ပြန့်ပြန့် ဖြန့်နေကြသည်ဟု သိရသည်။

ယခင်က ဆရာတော် ဦးဥတ္တမနေ့နှင့် ပတ်သက်ပြီး လူုပ်ရှားမူများကို အာဏာပိုင်များက တင်းတင်းကျပ်ကျပ် တားမြစ်ခဲ့သည်။

Ref: နိရဉ္စရာ

ဆရာတော် ဦးဥတ္တမကြေးရုပ်တွင် ပန်းခွေချ ပူဇော်မည့် အစီအစဉ် ခွင့်ပြုချက် မရသေး

9/8/2011

စစ်တွေမြို့ရှိ ဆရာတော် ဦးဥတ္တမ ပန်းခြံရှိ ဆရာတော်ကြေးရုပ်ရှေ့တွင် လွှမ်းသူပန်းခွေချ ပူဇော်မည့် အခမ်းအနား အစီအစဉ်ကို ရခိုင် ပြည်နယ် အစိုးရမှ ယခု အချိန်ထိ ခွင့်ပြုချက်မပေးသေးကြောင်း သတင်း ရရှိသည်။

" ကျွန်တော်တို့ပါတီက ဆရာတော် ဦးဥတ္တမနေ့ မှာ ဆရာတော်ကြေးရုပ်ရှေ့မှာ လွှမ်းသူပန်းခွေချ အလေးပြုဖို့ အစီအစဉ်တွေ လုပ်ထားတယ်။ ဆီးမီး ပူဇော်ပြီး ဆရာတော်ကို ဂုဏ်ပြုဖို့ လုပ်ထားတယ်။ ဒီလို အစီအစဉ်တွေကို ပြည်နယ် အစိုးရဆီ တင်ပြပြီး ခွင့်ပြုချက်တောင်းခံထားပါတယ်။ ဒါပေမယ့် အခုအချိန်ထိ ခွင့်ပြုချက် မရသေးပါဘူး" ဟုပါတီ ထိပ်တန်း ခေါင်းဆောင် တဦးက ပြောသည်။

၂၀၁၁ ခုနှစ် စက်တင်္ဘာ ၉ ရက်နေ့မှာ ၇၂ နှစ်မြောက် ဆရာတော် ဦးဥတ္တမနေ့ဖြစ်သဖြင့် ဆရာတော်အား ဂုဏ်ပြုပူုဇော်ခွင့်ရရန် ရတပ ပါတီက ခွင့်ပြုချက် တောင်းခံထားခြင်း ဖြစ်သည်။

" ဆရာတော်က မြန်မာ လွတ်လပ်ရေး မီးရှု့တန်ဆောင်ဆိုတော့ ဘယ်လို အခြေအနေမျိုးမှာဘဲ ဖြစ်ဖြစ် ဆရာတော်ကို ကြည်ညို လေးစားတဲ့ သူတွေက ဂုဏ်ပြုချင်ကြတာပါဘဲ။ ဆရာတော်ရဲ့ ဂုဏ်ကျေးဇူးကို အောက်မေ့ သတိရတဲ့ အနေနဲ့ ပြုလုပ်မှာ ဖြစ်ပါ တယ်။ နောက်ကွယ်က ဘာရည်ရွယ်ချက်မှ မပါဝင် ပါဘူး" ဟု သူက ပြောသည်။

ရခိုင်ပြည်နယ် အစိုးရမှ ယနေ့တွင် အဆိုပါ ရတပ ပါတီမှ ခွင့်ပြုချက် တောင်းခံထားခြင်းနှင့် ပတ်သက်ပြီး အစည်းအဝေးထိုင် နေကြရသည်ဟု သိရသည်။

စစ်တွေမြို့သူ မြို့သားများ အနေဖြင့်လည်း ရတပ ပါတီက ခွင့်ပြုချက်တောင်းခံမူ အပေါ် ရခိုင်ပြည်နယ် အစိုးရမှ ခွင့်ပြုချက် ပေးမည် မပေးမည်ကို စိတ်ဝင်တစား စောင့်ကြည့်နေကြသည်ဟု သိရသည်။

စစ်တွေမြို့ ဆရာတော် ဦးဥတ္တမ ပန်းခြံရှိ ဆရာတော် ဦးဥတ္တမ ရုပ်ထုအား ဦးဥတ္တမနေ့တွင် ပြည်သူများ လာရောက် ဂါရ၀ ပြုခြင်း၊ ဆီးမီးပူဇော်ခြင်းများကို အာဏာပိုင်များက တင်းတင်းကျပ်ကျပ် ပိတ်ပင်ထားသည်။

အတည်မပြုရသေးသော သတင်းများအရ ယနေ့မှ စပြီး ဦးဥတ္တမပန်းခြံတွင် လုံခြုံရေးများ တိုးမြှင့် ချထားလိုက်ပြီ ဖြစ်ကြောင်း မျက်မြင်များက ပြောသည်။

ယခုနှစ်တွင် ကျရောက်မည့် ၇၂ နှစ်မြောက် ဆရာတော် ဦးဥတ္တမနေ့ကို ရခိုင်ပြည်နယ် တ၀န်းတွင် အကြီးအကျယ် ကျင်းပပြု လုပ်ရန် စီစဉ်ထားပြီး အနည်းဆုံး မြို့နယ် (၁၅) ခုတွင် ကျင်းပ ဖြစ်မည်ဟု ရတပပါတီ ခေါင်းဆောင်က ပြောသည်။

Ref: နိရဉ္စရာ

ရခိုင်ပြည်နယ် အစိုးရ မြန်မာယဉ်ကျေးမူ အဆိုအက ပြိုင်ပွဲ လုပ်၍ ဆရာတော် ဦးဥတ္တမနေ့အား အာရုံပြောင်း

9/8/2011

ရခိုင်ပြည်သူများ အထူး လေးစားကြည်ညိုသော ကျေးဇူးရှင် အာရှနေ၀န်း မြန်မာ့ လွတ်လပ်ရေး မီးရှူးတန်ဆောင် ဆရာတော် ဦးဥတ္တမနေ့အပေါ် ပြည်သူများ စိတ်ဝင်စားမူ မရှိစေရန် ရခိုင် ပြည်နယ် အစိုးရက မြန်မာ့ ယဉ်ကျေးမူ အဆိုအက ပြိုင်ပွဲများဖြင့် အာရုံပြောင်းအောင် ပြုလုပ်နေသည်ဟု စစ်တွေမြို့ခံ လူကြီးများက ပြောသည်။

ဒေသခံ လူကြီး တစ်ဦးက သူ့အမြင်ကို ယခုလို ပြောသည်။

" ရခိုင်ပြည်နယ် အစိုးရလည်း သိပ်မထူးပါဘူး။ ဦးဥတ္တမ ပန်းခြံမှာ ဆရာတော် ဦးဥတ္တမနေ့ ရောက်ရင် ပြည်သူတွေက လွှမ်းသူ့ ပန်းခွေချတာတို့၊ ဆီးမီးပူဇော်တာတို့ လုပ်မယ်ဆိုတာကိုသိတော့ အဲဒီအရေးကြီးတဲ့နေ့ နီးကပ်လာတဲ့ အခါမှာ မြန်မာ့ ယဉ်ကျေး မူ ဆိုကရေးတီးပြိုင်ပွဲ ပြုလုပ်ပြီး လူထုကို အာရုံပြောင်းအောင် လုပ်နေတာကို တွေ့ရပါတယ်" ဟု ပြောသည်။

အဆိုပါ အဆိုအက ပြိုင်ပွဲကို စစ်တွေ ဦးဥတ္တမ ပန်းခြံရှိ ဦးဥတ္တမ ခန်းမတွင် စက်တင်္ဘာလ ၇ ရက်နေ့မှ စတင်ပြီး ၁၁ ရက်နေ့ထိ ကျင်းပ ပြုလုပ်မည် ဖြစ်ကြောင်း သိရသည်။

တခြား နိုင်ငံရေးကို စိတ်ဝင်စားသူ လူငယ် တစ်ဦးကလည်း " အခုလို လုပ်တာက တိုက်ဆိုင်မူ မဟုတ်ပါ။ ဒါကို တမင် သက်သက် သူတို့ လုပ်တာပါ။ ဆရာတော် ဦးဥတ္တမနေ့မှာ လူတွေက ဆရာတော်ဦးဥတ္တမ ပန်းခြံကို သွားပြီး ဂါရ၀ ပြုကြမယ်။ ပန်းခွေတွေ ချကြမယ်။ ဒါကို သိနေတော့ အဆိုအက ပြိုင်ပွဲတွေ ရှိနေတဲ့ အတွက် ပန်းခြံထဲမှာ အခမ်းအနား ပြုလုပ်ခွင့် မပြုဘူးဆိုပြီး အကြောင်း ပြ တားဆီး လိုတဲ့ အတွက် ဆရာတော် ဦးဥတ္တမနေ့နဲ့ ကပ်ပြီး အဆိုအက ပြိုင်ပွဲကို ပြုလုပ်နေတာ ဖြစ်ပါတယ်" ဟု ပြောသည်။

ရခိုင်တိုင်းရင်းသားများ တိုးတက်ရေး ပါတီမှ ဆရာတော် ဦးဥတ္တမနေ့ အခမ်းအနားတွင် ဆရာတော် ရုပ်ထုရှေ့သို့ သွား ရောက်ပြီး ဂါရ၀ပြုရန် အခွင့်တောင်းထားသည်ကို ယခုအချိန်ထိ ပြည်နယ် အစိုးရမှ ခွင့်မပြုသေးကြောင်း သိရသည်။

၎င်းပြင် အဆိုအက ပြိုင်ပွဲများကို ဦးဥတ္တမ ခန်းမတွင် ပြုလုပ်နေသဖြင့် အဆိုပါ ခန်းမတွင် ဆရာတော် ဦးဥတ္တမ အကြောင်း ဟောပြောပွဲကို ပြုလုပ်ရန် အခွင့်အရေး မရရှိခဲ့ကြောင်း သိရသည်။

ရခိုင်ပြည်နယ် အာဏာပိုင်များက ဆရာတော် ရုပ်ထုရှေ့တွင် ပန်းခွေချ ဂုဏ်ပြုရန် ခွင့်ပြုချက် မပေးသော်လည်း စစ်တွေမြို့ပေါ်မှ သံယာ့ အဖွဲ့အစည်းများ၊ ကျောင်သားများ၊ အလုပ်သမားများနှင့် မြို့သူ မြို့သားများ ဆရာတော် ရုပ်ထုထိ ချီတက်ကာ ပန်းခွေချ ဂုဏ်ပြု ကြမည်ဟု သိရသည်။

Ref: နိရဉ္စရာ

အဆောတလျင် ဖြေရှင်းရမည့် ပြဿနာတွေချည်းဟု သမ္မတ အကြံပေး ပြော

ကိုပေါက်
စက်တင်ဘာလ ၀၈ ရက် ၂၀၁၁ ခုနှစ်

တိုင်းပြည်တွင် တည်ရှိနေသမျှ ပြဿနာ အားလုံးမှာ အဆောတလျင် ဖြေရှင်းရမည့် ပြဿနာများချည်း ဖြစ်ပြီး တခုနှင့်တခု ဆက်နွှယ်နေသည်ဟု သမ္မတ၏ နိုင်ငံရေးအကြံပေး အဖွဲ့ခေါင်းဆောင် ဦးကိုကိုလှိုင်က ပြောကြားလိုက်သည်။

“ဘယ်ဟာ အဆောတလျင်လုပ်ရမယ်ဆိုတာ တခုတည်း ကွက်ပြီးပြောလို့ မရနိုင်ဘူး။ လုပ်စရာရှိတာတွေ အကုန်လုံးက အဆော တလျင် လုပ်ရမှာတွေချည်း ဖြစ်နေတယ်” ဟု ဦးကိုကိုလှိုင်က မဇ္ဈိမကို ပြောသည်။

“Issue တွေက အရမ်းများပါတယ်။ အကုန်လုံးကလည်း တခုနဲ့တခုက နွယ်နေကြတာ။ ဥပမာ စီးပွားရေး ဆိုပါ တော့… Exchange rate unification နိုင်ငံခြားငွေ လဲလှယ်မှုကိစ္စပေါ့။ အဲဒါကို ကိုင်ရင် ဘဏ်နဲ့ ပတ်သက်ပြီး ပြုပြင်စရာတွေ ပါလာ တာပေါ့။ Commercial tax တွေ ချပစ်လိုက်တာတို့”

“လက်ရှိ ပြောင်းလဲလာတဲ့ အခြေအနေလေးနဲ့ ရှေ့ကိုဆက်သွားချင်တဲ့ ဖွံဖြိုးတိုးတက်ရေး အတွက် ဘယ်လို လုပ်ကြမလဲဆိုတာ လက်ရှိအခြေအနေကို ထင်ဟပ်ပြီးတော့ ကျနော့်အယူအဆလေးတွေ ပြောချင်တာပါပဲ” ဟုသူက ဆက်ပြောသည်။

စစ်မှုထမ်းဟောင်း ဦးကိုကိုလှိုင်မှာ စက်တင်္ဘာ ၁ဝ ရက်နေ့ ရန်ကုန်မြို့ Orchid ဟိုတယ်၌ ပြုလုပ်မည့် ‘၂ဝ၁၁ မြန်မာ့နိုင်ငံရေး အခြေအနေ’ ဟောပြောပွဲတွင် စာရေးဆရာ မောင်စူးစမ်းနှင့်အတူ ဟောပြောမည်ဖြစ်သည်။

တိုင်းပြည် တည်ငြိမ်မှု၊ ဖွံ့ဖြိုးတိုးတက်မှုနှင့် ဒီမိုကရေစီ လွတ်လပ်မှုတို့အား ဟန်ချက်ညီညီ သွားရမည်ဟု ယူဆသူ ဦးကိုကိုလှိုင် အနေဖြင့် နိုင်ငံရေး အကျဉ်းသား လွှတ်ပေးရေးကိစ္စတွင် အကြွင်းမဲ့ လွှတ်ပေးရေးမှာ မဖြစ်နိုင်သေးကြောင်း “ကျနော့်သဘော ဆန္ဒအရကတော့ (ထောင်)အထဲမှာ ဘယ်သူမှ မရှိတာ အကောင်းဆုံးပဲ။ သို့သော်လည်း လူအကုန်လုံးကို အကြွင်းမဲ့ တခါတည်း လွှတ်ပေးဖို့ဆိုတာကျ လက်တွေ့မှာ ဖြစ်ချင်မှလည်း ဖြစ်နိုင်မယ်။ သူတို့မှာ technical issue လေးတွေ၊ ဖြေရှင်းကြရတာလေးတွေ ရှိလိမ့်မယ်” ဟု ၎င်းက ဆိုသည်။

စနေ့နေ့ နေ့လည် ၁၂ နာရီတွင် စတင်ပြုလုပ်မည့် ဟောပြောပွဲတွင် အသက် ၈၄ နှစ်အရွယ် စာရေးဆရာ မောင်စူးစမ်း လည်း ပါဝင်ဟောပြောမည်ဖြစ်သည်။

“နိုင်ငံရေးဆိုတာ ဖြစ်နိုင်ခြေကို လုပ်တာ” ဟု ယုံကြည်သော မောင်စူးစမ်းမှာ နိုင်ငံရေး ‘စပေ့’၊ နိုင်ငံရေး ‘အရွေ့’ များကို ဂျာနယ်၊ မဂ္ဂဇင်းများတွင် ဆောင်းပါးများ ဆက်တိုက်ရေးသားလာခဲ့ရာ ဖေဖော်ဝါရီ ၄ ရက် မြန်မာ့အလင်းပါ ဆောင်းပါးတွင် ‘ဖွဲ့စည်းပုံ အခြေခံဥပဒေနှင့် လွှတ်တော်သုံးရပ်တို့မှာ လုံလောက်သော အင်စတီကျူးရှင်းများ ဖြစ်သည်’ဟု ရေးသားခဲ့သည်။

ဆရာမောင်စူးစမ်းမှာ စီးပွားရေး၊ ဂလိုဘယ်လိုက်ဇေးရှင်းတို့နှင့်ပတ်သက်၍ ဟောပြောပွဲများ ပြုလုပ်ခဲ့သော်လည်း ယခုဟော ပြောပွဲတွင် ထည့်သွင်းဟောပြောမည့် အကြောင်းအရာများနှင့် ပတ်သက်၍ မဇ္ဈိမက မောင်စူးစမ်းအား ဆက်သွယ် မေးမြန်းခဲ့ရာ အကြားအာရုံ မကောင်းတော့သဖြင့် ဖုန်းလက်ခံ မပြောနိုင်တော့ကြောင်း ဇနီးဖြစ်သူ
ဒေါ်ခင်ချစ်က ပြောသည်။

ဟောပြောပွဲအား လျှပ်တပြက် ဂျာနယ်နှင့် Orchid ဟိုတယ်တို့က စီစဉ်ပြုလုပ်ခြင်းဖြစ်ပြီး ပရိသတ်အား လူဦးရေ ကန့်သတ်ဖြင့် သာ လက်ခံထားရာ သတ်မှတ်ဦးရေ ၁ဝဝ ဝန်းကျင် ပြည့်ပြီဖြစ်ကြောင်း ဂျာနယ်ဝန်ထမ်းတဦးက မဇ္ဈိမကို ပြောသည်။

“ပရိသတ်ကတော့ ကုမ္ပဏီတွေက ဒါရိုက်တာအဖွဲ့ဝင်မျိုးတွေ၊ ရှေ့နေတွေ၊ ကျောင်းသားလေးတွေ၊ နည်းပညာတက္ကသိုလ်က ကျောင်းသားတွေ ပါတယ်ရှင့်။ လူက ပြည့်သွားပြီရှင့်” ဟု သူက ပြောသည်။

မောင်စူးစမ်းနှင့် ဦးကိုကိုလှိုင်တို့ နှစ်ဦးမှာ သဘောထားကွဲလွဲကြသူများ မဟုတ်ကြသဖြင့် ၎င်းတို့၏ ‘၂ဝ၁၁ မြန်မာ့နိုင်ငံရေး အခြေအနေ ဆွေးနွေးပွဲ’ မှာ စိတ်လှုပ်ရှားဖွယ် သိပ်မရှိလှကြောင်း ဝေဖန်မှုများလည်း ရှိနေသည်။

သမ္မတ အကြံပေးအနေဖြင့် ယခုကဲ့သို့ ဟောပြောပွဲများပြုလုပ်ခြင်းဖြင့် မည်သူမဆို မိမိအယူအဆအား လွတ်လပ်စွာ ဟောပြော ခြင်းအား ကြိုဆိုသော်လည်း အယူအဆမတူသူများနှင့် စကားစစ်ထိုးခြင်းအား မလိုလားကြောင်း “ဗုဒ္ဓရဲ့ အဆုံးအမအရ ငြင်းခုန် ခြင်းဆိုတာ ဘယ်တော့မှ အကျိုးမရှိဘူး။ တယောက်နဲ့ တယောက် ငြင်းကြခုန်ကြ၊ အနိုင် လုကြတာတွေထဲမှာ ကျနော် ပါမှာ မဟုတ်ပါဘူး။ အရေးကြီးတာက တိုင်းပြည်ကောင်းစားစေချင်တဲ့ စေတနာတူရင် common ground မှာ အတူတူအလုပ်လုပ်ကြဖို့ အဆင်သင့်ပါပဲ” ဟု စစ်ဦးစီးမှူး (ပထမတန်း) တာဝန်ဖြင့် အနားယူခဲ့သော ဦးကိုကိုလှိုင်က ပြောသည်။

Ref: မဇ္ဈိမ

ပုဂ္ဂလိက ကျောင်းထောင်ခွင့် ဥပဒေမူကြမ်း အထက်လွှတ်တော် အတည်ပြု

မျိုးသန့်
စက်တင်ဘာလ ၀၈ ရက် ၂၀၁၁ ခုနှစ်

အခြေခံပညာ အလယ်တန်းနှင့် အထက်တန်းအဆင့် ပုဂ္ဂလိကျောင်းများ ထောင်ခွင့်ကို တရားဝင် ခွင့်ပြုမည့် ကိုယ်ပိုင်ကျောင်း ဥပဒေမူကြမ်းကို ဗုဒ္ဓဟူးနေ့ နေပြည်တော်တွင် ကျင်းပလျက် ရှိသော အထက်လွှတ်တော် အစည်းအဝေးက အတည်ပြုပေး လိုက် သည်။

ကန့်ကွက်သူမရှိဘဲ အတည်ပြုလိုက်သော မူကြမ်းတွင် တိုင်းရင်းသားများအနေဖြင့် ယင်းတို့၏ ကိုယ်ပိုင် ဘာသာနှင့် စကား သင်ကြားခွင့်တို့အတွက် ထပ်ဆောင်း ဘာသာရပ်အဖြစ် သင်ကြားနိုင်ပြီး သက်ဆိုင်ရာ ဒေသ၏ ပညာရေး ဌာနများမှ ခွင့်ပြု ချက်ရယူရန်လိုသည်ဟု မူကြမ်းကိုဖတ်ခွင့်ရသော အမတ်များက မဇ္ဈိမသို့ ပြောသည်။

ဥပဒပေါင်း ၄၁ ခုပါရှိကာ အခန်း ၈ ခန်းဖြင့် ဖွဲ့စည်းထားသော ယင်းဥပဒေမူကြမ်းတွင် ပုဂ္ဂလိက ကျောင်းများ အနေဖြင့် ပညာရေး ဝန်ကြီးဌာမှ ချမှတ်ထားသည့် သင်ရိုးအတိုင်း သင်ကြားရမည်ဖြစ်ပြီး တပတ်စာ သင်ကြားမည့် သင်ခန်းစာများကိုလည်း မြို့နယ် ပညာရေးမှူးများထံ ကြိုတင် တင်ပြရန်လိုသည်ဟု သိရသည်။

ပုဂ္ဂလိက ကျောင်းများတွင် အားကစားကွင်း၊ အစည်းအဝေး ခန်းမ စသည်တို့ ပါရှိရမည်ဟုလည်း ဥပဒေတွင် ပြဋ္ဌာန်း ထားသည် ဟု ဆိုသည်။

အခြေခံပညာမူလတန်းကိုမူ ပုဂ္ဂလိကကျောင်းထောင်ခွင့်ကို မူကြမ်းတွင် ပိတ်ပင်ထားသည်။ မူလတန်းကို ဖွင့်ခွင့် မပြုခြင်းမှာ စာသင်ကျောင်းအရေအတွက် များစွာပေါ်ထွက်လာမည်ကို စိုးခြင်းကြောင့်ဟု လွှတ်တော်တွင် သြဂုတ် ၂ ရက်နေက ဆွေးနွေးစဉ် ပညာရေးဝန်ကြီး ဒေါက်တာမြအေးက ပြောသွားခဲ့သည်။

ယင်းအပြင် ပြည်ပနိုင်ငံများမှ အကူအညီဖြင့် တည်ထောင် ဖွင့်လှစ်သော ကျောင်းမဖြစ်ရန်နှင့် နိုင်ငံခြားသား ဦးစီး တည်ထောင် သည့် ကျောင်းမဖြစ်ရန်လည်း ကန့်သတ်ထားသည်ဟု သိရသည်။

ဗဟိုအစိုးရကိုယ်စား ပညာရေးဝန်ကြီး ဒေါက်တာမြအေးမှ ဗုဒ္ဓဟူးနေ့တွင် မူကြမ်းတင်သွင်းခြင်းဖြစ်ပြီး "မည်သည့် ကိုယ်ပိုင် ကျောင်း မဆို ပြည်ထောင်စု မပြိုကွဲရေး၊ တိုင်းရင်းသား စည်းလုံးညီညွတ်မှု မပြိုကွဲရေးနှင့် အချုပ်အခြာ အာဏာတည်တံ့ ခိုင်မြဲ ရေး တို့ကို အလေးထား ဆောင်ရွက်ရန်" ဟူသည့် ညွှန်ကြားချက် ပါရှိသည်။

ကျောင်း တည်ထောင်သူများ အနေဖြင့် ဥပဒေချိုးဖေါက်ပါက အမြင့်ဆုံးထောင်ဒဏ် သုံးနှစ်နှင့် ငွေဒဏ် သုံးသိန်း ကျပ်ကို ပြစ် ဒဏ်အဖြစ် သတ်မှတ်ထားသည်။

မူကြမ်းကို အောက်လွှတ်တော်တွင် အတည်ပြုချက် ရယူဦးမှာ ဖြစ်သည်။ အောက်လွတ်တော်မှ အတည်ပြုပြီးပါက ဥပဒေပါ အချက် အလက် အသေးစိတ်ကို နည်းဥပဒေစာအုပ်အဖြစ် ဥပဒေကြမ်းကော်မတီနှင့် ပညာရေးဝန်ကြီးဌာန တို့မှ ထပ်မံ ထုတ်ပေးမည် ဖြစ်သည်။

အလွတ် ပညာသင်ကြားမှုဟု ခေါ်ဆိုလေ့ရှိသည့် ပညာရေးဝန်ကြီးဌာန၏ သင်ရိုးညွှန်းတန်း အတိုင်း သင်ကြားခြင်း မဟုတ်လျှင် တော့ ပုဂ္ဂလိကကျောင်း ဥပဒေနှင့် အကျုံးမဝင်သလို လက်ရှိ ကျူရှင် အနေဖြင့် ဖွင့်လှစ်ထားသော ဘော်ဒါဆောင်များ မှာ ပုဂ္ဂလိက ကျောင်းအဖြစ် မှတ်ပုံတင်ရတော့မည် ဖြစ်သည်။

ကျင်းပဆဲ အထက်လွှတ်တော်နှင့် အောက်လွှတ်တော် စည်းဝေးပွဲများသည် ယခုလကုန်တွင် ပြီးဆုံးမည်ဟု လွှတ်တော် အမတ် များ က ခန့်မှန်းကြသည်။

Ref: မဇ္ဈိမ

စာပေစိစစ်ရေး လိုအပ်ဆဲဟု ဝန်ကြီးဆို

ဖနိဒါ
စက်တင်ဘာလ ၀၈ ရက် ၂၀၁၁ ခုနှစ်

မြန်မာနိုင်ငံတွင် စာပေစိစစ်ရေး၏ အခန်းကဏ္ဍသည် လိုအပ်နေဆဲဖြစ်ပြီးမီဒီယာလွတ်လပ်ခွင့် မပေးနိုင်သေးဟု ဗုဒ္ဓဟူးနေ့ ပြည်ထောင်စု အောက်လွှတ်တော်အစည်းအဝေးတွင် ပြန်ကြားရေးနှင့် ယဉ်ကျေးမှုဝန်ကြီး ဦးကျော်ဆန်းက ပြောသည်။

ရန်ကုန်တိုင်း သင်္ကန်းကျွန်းမြို့နယ်မှ အောက်လွှတ်တော် အမတ် ဦးသိန်းညွန့်က "သတင်းမီဒီယာများ၏ ထင်မြင် ယူဆချက် များ ကို လွတ်လပ်စွာ ထုတ်ဖော်ပြောဆိုခွင့်၊ ဖြန့်ဝေခွင့်စသည့် အခွင့်အရေးများ ကာကွယ်စောင့်ရှောက် ပေးသည့် ဥပဒေ တရပ် ပြဋ္ဌာန်း ပေးရန်" အဆိုကို ဗုဒ္ဓဟူးနေ့က လွှတ်တော်ဆွေးနွေးပွဲတွင် ဝန်ကြီးဦးကျော်ဆန်းကဖြေကြားခဲ့ခြင်း ဖြစ်သည်။

“စာပေစိစစ်ရေး၏ အခန်းကဏ္ဍမှာ လိုအပ်နေဆဲ ဖြစ်ကြောင်း၊ တရားရုံးတွင် ဥပဒေအရ ရင်ဆိုင်ရမည်ဆိုပါက မီဒီယာ သမား များတွက် ထိခိုက်နစ်နာမှု ပိုမိုကြီးမားနိုင်ကြောင်းနှင့် ယနေ့ စာပေစိစစ်ရေးက တိုင်းပြည်နှင့် လူမျိုးအကျိုးအတွက် မသင့်မလျော် ရေးသားမှုများကို ဥပဒေနှင့်အညီ ထိန်းသိမ်းပေးနေခြင်းသည် စာပေလော ကသားများ၏ အကျိုး၊ ပြည်သူအကျိုးအတွက် ဆောင် ရွက်ပေးနေခြင်းသာဖြစ်သည်ကို တွေ့နိုင်ပါကြောင်း” ဟု ဝန်ကြီးဦးကျော်ဆန်း၏ ပြောဆိုမှုကို ကြာသပတေးနေ့ထုတ် နိုင်ငံပိုင် သတင်းစာတွင် ဖော်ပြထားသည်။

ယင်းအပြင် “၁၉၈၈ ခုနှစ် အရေးအခင်း ကာလအတွင်းကလို ရေးချင်သလိုရေး၊ ထုတ်ချင်သလို ထုတ်ခဲ့ကြသည့် အခွင့်အရေးမျိုး ရနိုင်မည် မဟုတ်ပါကြောင်း၊ လွတ်လပ်မှုကို အလွဲသုံးစားပြုပြီး မမှန်မကန် ဇာတ်လမ်းဆင် လုပ်ကြံရေးသား ထုတ်လွှင့်မှုများ ရှိ ခဲ့မှုကြောင့် နိုင်ငံတဝန်း ဆိုးရွာသည့် ဖြစ်ရပ်များနှင့် ကြုံတွေ့ခဲ့ရသည်ကို မမေ့စေလိုကြောင်း” ဝန်ကြီး ဦးကျော်ဆန်းက ထည့် သွင်း ပြောဆိုသွားသည်။

ဦးသိန်းညွန့်၏ အဆိုအပေါ် ဝန်ကြီးဦးကျော်ဆန်းက ဖြေကြားရာတွင် မီဒီယာလွတ်လပ်ခွင့်ကို မပေးချင်သေးကြောင်း ဘုရား လောင်း ဆန္ဒန်ဆင်မင်း အကြောင်းကိုသာ ဥပမာပေးကာ ပြောသွားခြင်းကား အမတ်များအကြား ပြောစမှတ် တွင်နေသည်။

“သူပြောတဲ့အဓိပ္ပါယ်က ကျနော်တို့ ဒီမိုကရေစီလုပ်တယ်ဆိုတာ နုသေးတယ်။ အတွေ့အကြုံလေး လိုသေးတယ်တဲ့။ အဲတာ ကြောင့် ထိန်းဖို့သိမ်းဖို့ လိုအပ်သေးတယ်၊ ဆန္ဒန်ဆင်မင်း အဆွယ်ပြတ်တဲ့ ကိစ္စက သူ့ရဲ့ မိဖုရားပေါ် ခါချဉ်ကျရာက စတယ်ပေါ့။ ဆိုလိုရင်းကတော့ မီဒီယာတွေကို အကာကွယ်ပေးတဲ့ ဥပဒေ ပြဋ္ဌာန်းပေးဖို့ လောလောဆယ် အဲဒါပေးဖို့ မသင့်သေးဘူး ဆိုတာ ပေါ့ဗျ” ဟု အခြား ပြည်သူ့လွတ်တော် အမတ်တဦးက ပြောသည်။

သို့သော် ဝန်ကြီး ဦးကျော်ဆန်း နာရီက်ကျော်ကြာ ပြောဆိုခဲ့မှုကို ပြန်ကြားရေးဝန်ကြီးဌာနက ထုတ်ဝေသော နိုင်ငံပိုင် သတင်းစာ များတွင် ဖော်ပြထားခြင်း မရှိခဲ့သလို၊ အခြား အမတ်များ၏ ဆွေးနွေးချက်များကိုလည်း ဖော်ပြခြင်း မရှိပါ။

ဆဒ္ဒန်ဆင်မင်းဝတ္ထုတွင် ဆင်မင်းမှ မိဘုရားဖြစ်သူ စူဠသုဘဒ္ဒါကို ကျီစယ်သည့်အနေဖြင့် အင်ကြင်းပန်းများ စူဠသုဘဒ္ဒါ ပေါ်သို့ ကျဲချရာ ခါချဉ်ကောင်ပါသွားပြီး စူဠသုဘဒ္ဒါကို ကိုက်ခဲရာမှ အငြိုးထားကာ နောက်ဘဝတွင် ဆင်မင်း၏ အစွယ်ကို နားဌောင်းလုပ် ပန်ရစေလိုကြောင်း ဆုတောင်းရာမှ ဇာတ်လမ်းစခဲ့သည်။ စူဠသုဘဒ္ဒါ ကွယ်လွန်ပြီး ဘုရင်တပါး၏ မိဘုရားဖြစ်လာပြီးနောက် ဆဒ္ဒန်ဆင်မင်း၏ အစွယ်ကို ရလိုကြောင်း ဘုရင်ကို တောင်းဆိုရာမှ ဆဒ္ဒန်ဆင်မင်း၏ အစွယ် အဖြတ်ခံရသည်အထိ ဖြစ်ခဲ့ရပြီး ဆဒ္ဒန် ဆင်မင်းပါ အသက်ဆုံးပါး ခဲ့ရသည်။

ဝန်ကြီး ဦးကျော်ဆန်းက ခါချဉ်ကောင်မှ စခဲ့သည့် ဇာတ်လမ်းသည် ဆင်မင်းပါ အစွယ်ပြတ်ကာ အသက်ဆုံးခဲ့ရသည် အထိ ဖြစ်ခဲ့ ပုံကို လက်ဟန်ခြေဟန်ဖြင့် ပြောဆိုခဲ့သည်ဟု အမတ်တဦးက ပြောသည်။

ဦးကျော်ဆန်းက အချိန်ကြာကြာ ပြောဆိုနေသဖြင့် အောက်လွှတ်တော် ဥက္ကဌဦးသူရရွှေမန်းက ဝင်ရောက် ဟန့်တားခဲ့ရသည် ဟုလည်း အမတ်များက ပြောသည်။

သတင်းမီဒီယာသမားများအတွက် မိမိ၏ ထင်မြင်ယူဆချက်များကို လွတ်လပ်စွာ ရေးသားဖော်ပြနိုင်ရန် မီဒီယာဆိုင်ရာ ဥပဒေ ကြမ်း ပြဋ္ဌာန်းနိုင်ရေး ပြင်ဆင်ချက်များကို ပြည်ထောင်စု ရှေ့နေချုပ်ရုံးသို့ အကြံပြု တင်ပြထားပြီး ဖြစ်၍ ဦးသိန်းညွန့်၏ အဆိုကို လွတ်တော်မှ မှတ်တမ်းတင်ထားရန် ဆုံးဖြတ်ခဲ့သည်။

ဗုဒ္ဓဟူးနေ့ လွတ်တော်ဆွေးနွေးပွဲတွင် ဦးသိန်းညွန့်၏ အဆိုပြုချက်ကို အမတ် ၄ ဦးက ဆွေးနွေးခဲ့ရာ ကြံ့ခိုင်ရေးနှင့် ဖွံ့ဖြိုးရေးပါတီ ပေါင်းတည်မဲဆန္ဒနယ်မှ ဦးအောင်မြင့်သိန်းနှင့် လှိုင်သာယာမြို့နယ် မဲဆန္ဒနယ်မှ ဦးဉာဏ်ဝင်းတို့ ၂ ဦးက ယင်းအဆိုကို ကန့် ကွက်ခဲ့သည်။

ပထမအကြိမ် ပြည်သူ့လွတ်တော် ဒုတိယပုံမှန် အစည်းအဝေးတွင် ပြည်တွင်း၊ ပြည်ပရှိ သတင်းမီဒီယာသမားများ ကို ဝင်ရောက် သတင်းယူခွင့် ပြုခဲ့သော်လည်း ပြန်လည် ရေးသားထုတ်ပြန်ရာတွင် အစိုးရသစ်၏ မူဝါဒနှင့် ပတ်သက်သည့် ထောက်ပြချက်၊ ဝေဖန်ချက်များကို စာပေစိစစ်ရေးက ဖြတ်တောက်ခဲ့သည်ဟု လွှတ်တော် သတင်းယူခဲ့သည် ပြည်တွင်း သတင်းထောက်များက ယခင်က မဇ္စျိမကို ပြောဆိုခဲ့သည်။

ပြီးခဲ့သည့် သြဂုတ်လ ၂၂ ရက်နေ့ကပြည်သူ့လွတ်တော် ဥက္ကဌ သူရဦးရွှေမန်းက မီဒီယာလွတ်လပ်ခွင့်ကို ရှေးရှုသည့်ခြေလှမ်း တရပ်အနေဖြင့် သတင်းမီဒီယာများ၏ ဝေဖန်အကြံပြုချက်ကို ခံယူသွားမည်ဟု ပြောဆိုခဲ့သည်။

Ref: မဇ္ဈိမ

အမေရိကန် ပိတ်ဆို့မှု “ခရိုနီ” များ ကြောက်ရွံ့ဟု ဝီကီလိခ်ဆို

ကိုဝိုင်း
စက်တင်ဘာလ ၀၈ ရက် ၂၀၁၁ ခုနှစ်

မထိရောက်ဟု လူအများ ပြောနေကြသော်လည်း အမေရိကန် အစိုးရ၏ စီးပွားရေး ပိတ်ဆို့ ဒဏ်ခတ်မှုကို မြန်မာအစိုးရလက်ရင်း လူယုံ စီးပွားရေးလုပ်ငန်းရှင်များ (ခရိုနီ) ကြောက်ရွံ့လာနေကြသည်ဟု ရန်ကုန်မြို့ အမေရိကန်သံရုံးက သုံးသပ်မှုပြုခဲ့သည်ကို ဝီကီလိခ် အင်တာနက်စာမျက်နှာများတွင် ပေါက်ကြားလာခဲ့သော အမေရိကန် နိုင်ငံခြားရေးဌာန လျှို့ဝှက်ကြေးနန်း စာတစောင် တွင် ပါရှိသည်။

သြဂုတ် ၃ဝ ရက်နေ့က ပေါက်ကြားသော ကြေးနန်းစာထဲတွင် ထူးထရိတ်ဒင်းကုမ္ပဏီပိုင်ရှင် ဦးတေဇ၊ အေးရှားဝေါ်လ် ကုမ္ပဏီမှ စတီဗင်လောနှင့် လက်ရှိအောက်လွှတ်တော်ဥက္ကဋ္ဌ ဦးရွှေမန်း၏သား ဧရာရွှေဝါ ကုမ္ပဏီပိုင်ရှင် ဦးအောင်သက်မန်းတို့ကို နာမည် တပ် ညွှန်းဆိုထားပြီး သူတို့ပိုင်ငွေများကို အပ်နှံလေ့ရှိသော စင်္ကာပူ ဘဏ်ကြီးများက ပိုမိုတင်းကျပ်သော စည်းကမ်းများချမှတ် လိုက်၍ အခက်အခဲများဖြစ်လာကြောင်း ပါရှိသည်။

ရန်ကုန်အမေရိကန်သံရုံးက ဝါရှင်တန်မြို့ အမေရိကန် နိုင်ငံခြားရေးဝန်ကြီးထံ ပေးပို့သည့် ၂ဝဝ၈ ခု မတ်လ ၂၅ ရက်စွဲပါ ကြေးနန်းစာတွင် သံရုံးအဆက်သွယ်များမှတဆင့် သိရသော သတင်းအချက်အလက်များကို အခြေခံပြီးရေးသားထား ရာတွင် မြန်မာနိုင်ငံသားများကို ဘဏ်စာရင်းတခုမက ဖွင့်ခွင့်ပေးသော ယင်းဘဏ်နှစ်ခုက ဘဏ်စာရင်း တခုသာ ဖွင့်ခွင့်ပေးပြီး ချက် လက်မှတ်ဖြင့် ပေးချေခွင့်ကိုလည်း လက်မခံတော့ကြောင်း ပါရှိသည်။ ထို့အပြင် ငွေလွှဲ စာတမ်း letter of credit-LC ကို လည်း ဘဏ်မှ မထုတ်ပေးတော့ကြောင်း ပါရှိသည်။

“အခုဆိုရင် စင်ကာပူဘဏ်တွေဟာ မြန်မာနိုင်ငံနဲ့ ငွေအလွဲအပြောင်းတွေကို အနီးကပ် စောင့်ကြည့်နေပြီး ကုမ္ပဏီ ဒါမှမဟုတ် ပုဂ္ဂလိကတဦးချင်းက စင်ကာပူဒေါ်လာ ၃ဝ,ဝဝဝ ကျော်ပြီး ပို့ချင်တယ်ဆိုရင် ဒီငွေဘယ်ကရလည်း ဆိုတာ ဖော်ပြရတော့မှာပါ” ဟု သံအရာရှိက သိရှိရချက်ကို ပြန်လည်ပြောဆိုထားသည်။

အမေရိကန် ဘဏ္ဍာရေးဌာန၏ အရေးယူစာရင်းပါ စီးပွားရေးသမားများအနက် အချို့က စင်္ကာပူ နိုင်ငံအစား ဒူဘိုင်း၊ ကိုရီးယား၊ ဟောင်ကောင် နိုင်ငံတို့မှ ဘဏ်များမှတဆင့် ငွေလွှဲပြောင်းနိုင်ရေး နည်းလမ်းရှာနေကြသည်ဟု ဆိုသည်။

UOB ဘဏ်က ကိုရီးယားသို့ ငွေမလွဲပေးသဖြင့် ကိုရီးယားကုမ္ပဏီတခုထံမှ ကုန်ပစ္စည်းတင် သင်္ဘောနှစ်စင်း ဝယ်ယူရန် လက်မှတ် ထိုးပြီးမှ ဦးတေဇ အစီအစဉ်ဖျက်လိုက်ရသည်ကအစ အမေရိကန်သံရုံးက သိရှိနေခဲ့သည်။

မြန်မာစစ်အစိုးရက သူ့အား ကျားကျန်ပေးနေသူများကို လုပ်ပိုင်ခွင့်များ ပြန်ပေးနေသည်ကိုလည်း ရန်ကုန် အမေရိကန် သံရုံးက ထောက်ပြထားသေးသည်။

ဦးတေဇမှာ ကြံ့ခိုင်ဖွံ့ဖြိုးရေးအဖွဲ့ပိုင် “မြန်ဂုဏ်မြင့်” ကားတင်သွင်းသည့် ကုမ္ပဏီကိုလည်း လွှဲပြောင်း လုပ်ပိုင်ခွင့် ရတော့မည်ဟု သံရုံးက သူ၏ စိတ်ချရသည့် စီးပွားရေးလုပ်ငန်းရှင် အဆက်သွယ်များမှ တဆင့် ကြိုတင်သိရှိနေသည်။ ကားတစီး တင်သွင်းလျင် အမေရိကန်ဒေါ်လာ ငါး သောင်းမှ တသိန်း အကြားအမြတ်ရမည်ဟုဆိုသည်။

သစ်၊ ကျောက်မျက်ရတနာနှင့် သွင်းကုန်ထုတ်ကုန်လုပ်ငန်းများ၊ ဟိုတယ်လုပ်ငန်းနှင့် လေကြောင်းလိုင်း စသည့် လုပ်ငန်းကြီးများ လုပ်ကိုင်နေသော ထူးထရေးဒင်း အုပ်စုတွင်လည်း ညွှန်ကြားရေးမှူး လုပ်နေသည့် ဦးအောင်သက်မန်း ကမူ စင်္ကာပူတွင် Asia Might၊ Ayer Hinda၊ Terrestrial စသည့် ကုန်သွယ်ရေးကုမ္ပဏီ သုံးခုကို ထပ်မံဖွင့်လှစ်သည်။

နေပြည်တော်ရှိ တိရစ္ဆာန်ဥယာဉ်အသစ်နှင့် ဈေးဝယ်စင်တာကြီးများ၊ အဝေးပြေးကားလမ်းများကို အခမဲ့ တည်ဆောက်ပေး ခဲ့ သည့် အတွက် စတီဗင်လော (ထွန်းမြင့်နိုင်) မှာမူ တစီးလျင် အမေရိကန်ဒေါ်လာ နှစ်သိန်းတန် သည့် ကားအစီး ၂ဝ တင်သွင်း ခွင့် လိုင်စင်နှင့် ရွှေသဘာဝဓာတ်ငွေ့ ပိုက်လိုင်း စီမံကိန်းမှ ဆောက်လုပ်ရေး လုပ်ငန်း လိုင်စင်များ ရထားသည်ဟု ကြေးနန်းက ဖော်ပြထားသည်။

စတီဗင်လောနှင့် သူ၏ ဇနီး၊ ဖခင် ဘိန်းဘုရင်ဟောင်း လော်စစ်ဟန်တို့နှင့် သူတို့ပိုင်သည့် အေးရှားဝေါလ် ကုမ္ပဏီ အပါအဝင် ဆိပ်ကမ်းစီမံရေး၊ စက်မှုလုပ်ငန်း၊ လျှပ်စစ်ပစ္စည်းကုမ္ပဏီ တို့ကို အမေရိကန် ဘဏ္ဍာရေးဝန်ကြီးဌာနက ၂ဝ၁ဝ ခုက စတင် ပိတ်ဆို့ခဲ့သည်။

အမေရိကန် ဘဏ္ဍာရေးဝန်ကြီးဌာန၏ စီးပွားရေးပိတ်ဆို့မှုအရ အမေရိကန် ဘဏ်များ၊ ကုန်သွယ်ရေး ကုမ္ပဏီများ၊ အာမခံကုမ္ပဏီ များသာမက အမေရိကန် နိုင်ငံသားတဦးချင်းကပင် ပိတ်ဆို့ခံ ထားရသည့် မြန်မာကုမ္ပဏီများ၊ လူပုဂ္ဂိုလ်များနှင့် တိုက်ရိုက်သော် လည်းကောင်း၊ သွယ်ဝှက်၍ သော်လည်းကောင်း ဘဏ္ဍာရေးအရ ဆက်စပ်ပိုင်ခွင့် မရှိပေ။

ယင်း ပိတ်ဆို့မှုသည် အမေရိကန်သမ္မတ ဂျော့ ဒဗလျူ ဘုရှ် အစိုးရလက်ထက် ၂ဝဝ၃ ခုက မြန်မာ့လွတ်လပ်မှုနှင့် ဒီမိုကရေစီ အက်ဥပဒေ Burmese Freedom and Democracy Act ot 2003 ကို လက်မှတ်ထိုး ထုတ်ပြန်ခဲ့ ပြီးနောက် မြန်မာ့ကုန် ပစ္စည်း များ အမေရိကန်သို့ တင်သွင်းခွင့် ပိတ်ခဲ့သည်။ ထို့နောက် ၂ဝဝ၈ တွင် ဘဏ္ဍာရေး ဆိုင်ရာ ပိတ်ဆို့မှုများ တိုးချဲ့ဆောင်ရွက်ခဲ့ သည်။

သူတို့နှင့် ပတ်သက်သည့် ပိုင်ဆိုင်မှုနှင့် ကိုယ်ရေး အချက်အလက်များကိုလည်း အမေရိကန် ဘဏ္ဍာရေးဝန်ကြီးဌာနက သူ၏ အင်တာနက် စာမျက်နှာတွင် တရားဝင် ထုတ်ပြန်ထားသည်။

Ref: မဇ္ဈိမ

မြန်မာအပေါ် အမေရိကန်ရဲ့ ရပ်တည်ချက် ပြတ်ပြတ်သားသား တင်ပြဖို့ HRW တောင်းဆို

08 စက်တင်ဘာ 2011
ဒေါ်ခင်မျိုးသက်

မြန်မာနိုင်ငံဆိုင်ရာ အမေရိကန် အထူးကိုယ်စားလှယ် ဒဲရက်ခ် မစ်ချဲလ် (Derek Mitchell) အခုလို မြန်မာနိုင်ငံကို သွားရောက် တာဟာ အချိန်ကောင်းဖြစ်ပြီး အမေရိကန် အစိုးရရဲ့ မြန်မာနိုင်ငံအပေါ် သဘောထားတွေကို ပြတ်ပြတ်သားသား ပြောဖို့လိုတယ် လို့ နယူးယောက် အခြေစိုက် Human Rights Watch လူ့အခွင့်အရေး စောင့်ကြည့်အဖွဲ့ကြီးက ပြောပါတယ်။ မြန်မာနိုင်ငံမှာ ယုံကြည်ချက်ကြောင့် အကျဉ်းကျခံနေရသူ အားလုံးကို အစိုးရသစ်က ပြန်လွှတ်ပေးမှသာ အမေရိကန် အစိုးရ ချမှတ်ထားတဲ့ စီးပွားရေး ပိတ်ဆို့မှုတွေကို ပြန်ရုပ်သိမ်းဖို့ စဉ်းစားသင့်တယ်လို့လည်း ဒီအဖွဲ့ကြီးက ထောက်ပြပါတယ်။ အပြည့် အစုံကို ဒေါ်ခင် မျိုးသက်က တင်ပြပေးထားပါတယ်။

စီးပွားရေး ပိတ်ဆို့မှုတွေနဲ့ အရေးယူ ဒဏ်ခတ်နေတဲ့ အမေရိကန် အစိုးရရဲ့ ထိတွေ့ဆက်ဆံရေး မူဝါဒကို ပီပီပြင်ပြင် အကောင် အထည် ဖော်ဖို့အတွက် မြန်မာနိုင်ငံဆိုင်ရာ အမေရိကန် အထူးသံ ဒဲရက်ခ် မစ်ချဲလ် မြန်မာနိုင်ငံကို သွားရောက်နေတာပါ။ မစ္စတာ မစ်ချဲလ် အနေနဲ့ မြန်မာအစိုးရနဲ့ ဆက်ဆံတဲ့ အခါမှာ ပြတ်ပြတ်သားသားရှိဖို့ HRW လူ့အခွင့်အရေး စောင့်ကြည့် အဖွဲ့ကြီးက လို လား တယ်လို့ အဖွဲ့ရဲ့ အာရှရေးရာ လက်ထောက်အကြီးအကဲ မစ်စ် အီလိန်း ပီယာစင်က ပြောပါတယ်။

“ဒဲရက်ခ် မစ်ချဲလ် ဒီအချိန် မြန်မာနိုင်ငံကို သွားတာဟာ အချိန်ကောင်းပါ။ အမေရိကန်နိုင်ငံက မြန်မာနိုင်ငံဆိုင်ရာ အထူးကိုယ် စားလှယ် ခန့်အပ်ဖို့ အချိန်အတော်ကြာ ကတည်းက စောင့်စားနေရတာမို့ အခုလို သံတမန်ကိုယ်တိုင် မြန်မာနိုင်ငံကို သွားတဲ့ အခါမှာ အမေရိကန် အစိုးရရဲ့ မြန်မာနိုင်ငံအပေါ် သဘောထားကို ပြတ်ပြတ်သားသား ပြောပြဖို့ ကိစ္စက အရေးကြီးပါတယ်။ ဒါ့အပြင် အမေရိကန်နိုင်ငံရဲ့ စီးပွားရေး ပိတ်ဆို့ အရေးယူ ဒဏ်ခတ်မှုတွေ ရုပ်သိမ်းပေးဖို့အတွက် လိုအပ်တဲ့ အခြေခံ အချက်တွေ ဟာ ဘာတွေလဲ ဆိုတာကိုလည်း ရှင်းရှင်းလင်းလင်း ပြောပြဖို့ လိုပါတယ်။”

မြန်မာနိုင်ငံမှာ လူ့အခွင့်အရေး အခြေအနေ သိသိသာသာ တိုးတက်မှု မရှိသေးတဲ့အတွက် အမေရိကန် အစိုးရက အရေးယူမှု တွေကို ဆက်ပြီး ထားရှိနေသလို မကြာခင်ကမှ မြန်မာနိုင်ငံကို သွားရောက်ခဲ့တဲ့ ကုလသမဂ္ဂရဲ့ မြန်မာနိုင်ငံ လူ့အခွင့်အရေးဆိုင် ရာ စုံစမ်း စစ်ဆေးရေးမှူး မစ္စတာ ကင်တားနား (Mr. Tomas Ojea Quintana) ကလည်း စစ်မှန်တဲ့ ပြောင်းလဲမှုတွေ လုပ်ဖို့ အတွက် တိုက်တွန်းနေတာပါ။

ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း (Mr. Ban Ki-moon) က မြန်မာနိုင်ငံမှာ ပြုပြင်ပြောင်းလဲရေးအတွက် လက် တွေ့ ဖော်ဆောင်ဖို့ တောင်းဆိုလိုက်သလို Human Rights Watch အဖွဲ့ကတော့ နိုင်ငံရေး အကျဉ်းသား အားလုံးကို လွှတ်ပေးဖို့ မြင်ချင်တယ်လို့ ဆိုပါတယ်။

“ကျမတို့ လူ့အခွင့်အရေး စောင့်ကြည့်ရေးအဖွဲ့ အနေနဲ့ မြင်ချင်တာက နိုင်ငံရေး အကျဉ်းသား အားလုံးကို လွှတ်ပေးဖို့ပါ။ ဒါကို လည်း နိုင်ငံတကာ အသိုက်အ၀န်း တခုလုံးက တောင်းဆိုနေတာ အတော်ကြာနေပါပြီ။ နောက်တခုကတော့ စစ်မှန်တဲ့ နိုင်ငံရေး လုပ်ငန်းစဉ်တွေ လုပ်ဖို့ပါ။ ဒီအထဲမှာ တိုင်းရင်းသား အဖွဲ့အစည်း အသီးသီးနဲ့ အစိုးရသစ်က တွေ့ဆုံ ဆွေးနွေးမှုတွေ လုပ်ဖို့လို သလို ဒီဆွေးနွေးမှုတွေကလည်း အမျိုးသား ပြန်လည်သင့်မြတ်ရေးအတွက် တကယ့်ကို ဦးတည်ဖို့ လိုပါတယ်။”

မစ္စတာ မစ်ချဲလ်ဟာ သောကြာနဲ့ စနေနေ့တွေမှာ နေပြည်တော်မှာ အစိုးရ တာဝန်ရှိသူတွေနဲ့ တွေ့ဆုံ ဆွေးနွေးမှာ ဖြစ်ပါတယ်။ နေပြည်တော်မှာ လွှတ်တော်အမတ်အချို့ အပါအ၀င် အစိုးရ တာဝန်ရှိသူတွေက အမေရိကန် အစိုးရ ချမှတ်ထားတဲ့ စီးပွားရေး ပိတ်ဆို့ ဒဏ်ခတ်မှုကို ရုပ်သိမ်းပေးရေးကိစ္စ တောင်းဆိုမယ့် အလားအလာနဲ့ ပတ်သက်ပြီး မစ်စ် ပီယာစင်ရဲ့ အမြင်က ဘယ်လိုရှိ ပါသလဲ။

“စီးပွားရေး ပိတ်ဆို့ အရေးယူထားတာကို ဖယ်ပေးဖို့ဆိုရင် မြန်မာနိုင်ငံမှာ ပထမဆုံး နိုင်ငံရေး အကျဉ်းသား အားလုံးကို လွှတ်ပေး ရမှာပါ။ အခုတော့ နိုင်ငံရေး အကျဉ်းသားတွေကို တကယ်လွှတ်ပေးတာမျိုး မတွေ့ရသေးပါဘူး။ မကြာသေးခင်က လွတ်ငြိမ်း ချမ်းသာခွင့်နဲ့ လွတ်ရက်စေ့ခါနီး နိုင်ငံရေး အကျဉ်းသားတချို့ လွှတ်ပေးတာမျိုးတော့ ရှိခဲ့ပါတယ်။ ခိုင်မာတဲ့ ယုံကြည်ချက်ကြောင့် အကျဉ်းကျခံထားရသူတွေ မြန်မာနိုင်ငံထဲမှာ အများကြီး ရှိနေတာမို့ ဒီလူတွေကို မြန်မာနိုင်ငံရဲ့ အနာဂတ်ရေး ဆုံးဖြတ်ရာမှာ ပါဝင်ခွင့်ပေးဖို့ လိုပါတယ်။ ဒီလူတွေကို ဆက်ပြီး အကျဉ်းချထားသ၍ စီးပွားရေး ပိတ်ဆို့ အရေးယူ ဒဏ်ခတ်မှုတွေကိုလည်း ရုပ် သိမ်းပေးစရာ မလိုပါဘူးရှင်။”

မစ္စတာ မစ်ချဲလ်ဟာ စနေနေ့ကနေ ရှေ့အပတ် ဗုဒ္ဓဟူးနေ့အထိ ရန်ကုန်မှာ နိုင်ငံရေးပါတီ အသီးသီးက ပုဂ္ဂိုလ်တွေအပြင် လူမှု အဖွဲ့အစည်း မျိုးစုံနဲ့ တွေ့ဆုံဖို့ ရှိပါတယ်။ EU ဥရောပသမဂ္ဂရဲ့ နိုင်ငံတကာ ပူးပေါင်း ဆောင်ရွက်ရေးနဲ့ လူသားချင်း စာနာမှု အကူအညီဆိုင်ရာ ကော်မရှင်နာမင်းကြီး ခရစ်စ်တယ်လီနာ ဂျော်ဂျီဗာလည်း မြန်မာနိုင်ငံကို ရောက်ရှိနေပြီး သောကြာနေ့မှာ ဒေါ်အောင်ဆန်းစုကြည်နဲ့ တွေ့ဆုံနိုင်တယ်လို့ EU သတင်းမှာ ဖော်ပြထားပါတယ်။

Ref: ဗွီအိုအေ

စီးပွားရေး အစီအစဉ် အမြန်ဆုံး အတည်ပြုပေးဖို့ သမ္မတ အိုဘားမား လွှတ်တော်ကို တိုက်တွန်း

08 စက်တင်ဘာ 2011

အမေရိကန် ပြည်ထောင်စုမှာ အလုပ်လက်မဲ့ ပြဿနာ ကြီးထွားလာနေပြီး ဒီကိစ္စကို ဖြေရှင်းဖို့အတွက် အလုပ်အကိုင် ရရှိရေး ဖန်တီးပေးမယ့် သမ္မတ အိုဘားမား (Barack Obama) ရဲ့ အစီအစဉ်တွေကို အမေရိကန် လွှတ်တော်မှာ သမ္မတ အိုဘားမားက ပြောဆိုခဲ့ပါတယ်။ ဒါကို ရုပ်မြင်သံကြားကနေ တိုက်ရိုက် ထုတ်လွှင့်ခဲ့ပါတယ်။

မကြာခင်ကပဲ ထွက်ပေါ်လာခဲ့တဲ့ အလုပ်လက်မဲ့ဦးရေ တိုးပွားမှု ကိန်းဂဏန်းတွေအရ စီးပွားရေး ကျဆင်းနေတဲ့ အမေရိကန် ပြည် ထောင်စုမှာ နောက်တကြိမ် စီးပွားရေး အကျပ်အတည်း ထပ်ဖြစ်လာမှာကို စိုးရိမ်နေရပါတယ်။

ဒေါ်လာ ဘီလျံနဲ့ချီပြီး သုံးစွဲမယ့် အလုပ်အကိုင် ရရှိရေး ဆောင်ရွက်ဖို့ အစီအစဉ်ကို သမ္မတ အိုဘားမားက လွှတ်တော်မှာ တင်ပြခဲ့ပါတယ်။ သူတင်ပြတဲ့ အဲဒီအစီအစဉ်ကို လွှတ်တော်ကနေ ချက်ချင်း အတည်ပြုပေးဖို့လည်း တိုက်တွန်းခဲ့ပါတယ်။

ဒီအစီအစဉ်ဟာ စွန့်ဦးတည်ထွင် လုပ်ငန်းရှင်တွေကို ခွင့်ပြုကြိုဆိုမယ့် အစီအစဉ်ဖြစ်ပြီး ဒီလုပ်ငန်းရှင်တွေက အကြံဉာဏ်သစ် တွေနဲ့ စီးပွားရေး လုပ်ငန်းအသစ်တွေ အမြန်ဆုံး ဖန်တီးနိုင်အောင် လုပ်ပေးမယ့် အစီအစဉ်လည်း ဖြစ်တယ်လို့ ဆိုပါတယ်။

အမေရိကန်နိုင်ငံမှာ နောက်တကြိမ် စီးပွားရေး အကျပ်ဆိုက်မယ့် အဖြစ်ကို သူ့အနေနဲ့ အဖြစ်မခံဘူးလို့ သမ္မတ အိုဘားမားက ပြောခဲ့ပါတယ်။ တိုင်းပြည်ရဲ့ စီးပွားရေး တိုးတက်အောင် လုပ်ကြမယ့် အရေးမှာ ပါတီနိုင်ငံရေးတွေ အငြင်းပွားနေတာ အဆုံး သတ်ကြဖို့ကိုလည်း သမ္မတ အိုဘားမားက တိုက်တွန်းခဲ့ပါတယ်။

စီးပွားရေး တိုးတက်မှုတွေ ဖြစ်ပေါ်လာအောင် နောက် ၁၄ လအကြာမှာ ဖြစ်လာမယ့် ရွေးကောက်ပွဲ ကျင်းပတဲ့အထိ အမေရိကန် ပြည်သူတွေက စောင့်မနေနိုင်ဘူး၊ နိုင်ငံမှာ အခုကြုံနေရတဲ့ ပြဿနာတွေဟာ လူတွေက ဖန်တီးလို့ ဖြစ်လာတာကြောင့် လူတွေ ကပဲ အဲဒီပြဿနာတွေကို ဖြေရှင်းနိုင်ရမယ်လို့ သမ္မတ အိုဘားမားက ပြောဆိုခဲ့ပါတယ်။

Ref: ဗွီအိုအေ

မြန်မာ၊ ဘင်္ဂလား ရေပြင်ပိုက်နက် အငြင်းပွားမှု နိုင်ငံတကာခုံရုံး ကြားနာမှု စတင်

08 စက်တင်ဘာ 2011

မြန်မာနဲ့ ဘင်္ဂလားဒေ့ရှ် ၂ နိုင်ငံအကြား သူပိုင်တယ်၊ ငါပိုင်တယ် အငြင်းပွားနေတဲ့ ဘင်္ဂလား ပင်လယ်အော် အတွင်းက ရေပိုင် နက် ပြဿနာကို ဂျာမဏီနိုင်ငံ ဟမ်းဘတ်ဂ်မြို့က ပင်လယ်ပြင် ဥပဒေဆိုင်ရာ နိုင်ငံတကာ တရားရုံး (ITLOS) မှာ မနေ့ကစပြီး ကြားနာစစ်ဆေးနေပါပြီ။

ဘင်္ဂလားဒေ့ရှ် နိုင်ငံခြားရေးဝန်ကြီး ဒီပူ မိုနီ (Dipu Moni) က အခုအမှုရဲ့ ဘင်္ဂလားဒေ့ရ်ှဘက်က ကိုယ်စားလှယ်အဖြစ် ပါဝင်ပြီး အငြင်းပွားနေတဲ့ ၂ နိုင်ငံအကြားက ကမ်းဦးရေတိမ်ပိုင်းနဲ့ ရေပြင်သီးသန့် စီးပွားရေးဇုန် ပိုင်ဆိုင်ခွင့် မျှမျှတတ ခွဲဝေရေးမှာ ဘင်္ဂ လားဒေ့ရ်ှဘက်က အမြင်တွေကို တရားရုံးမှာ မနေ့က အပြင်းအထန် တင်ပြခဲ့ပါတယ်။

ဘင်္ဂလားဒေ့ရ်ှနိုင်ငံ လွတ်လပ်ရေး ရခဲ့ပြီးနောက်ပိုင်း ၁၉၇၄ ခုနှစ်တုန်းက ၂ နိုင်ငံ ရေပိုင်နက်ကိစ္စ စိုးရိမ်မှုတွေကို ၂ နိုင်ငံလုံးက သဘောတူညီခဲ့ကြပြီး နှစ်ပေါင်း ၃၀ ကျော် အပြန်အလှန် လေးစားမှု ရှိခဲ့ကြတယ်လို့ ဘင်္ဂလားဒေ့ရှ် နိုင်ငံခြားရေးဝန်ကြီးက ပြော ပါတယ်။

အခု အငြင်းပွားနေကြတဲ့ ဘင်္ဂလား ပင်လယ်အော် တ၀ိုက်မှာ သဘာဝဓာတ်ငွေ့ ပေါကြွယ်ဝတဲ့ ဒေသဖြစ်ပြီး အခုနောက်ပိုင်း နှစ် တွေမှာတော့ ဘင်္ဂလားဒေ့ရ်ှဘက်ကရော မြန်မာပြည်ဘက်ကပါ စွမ်းအင်ဆိုင်ရာ လိုအပ်ချက်တွေကြောင့် ရေပိုင်နက် အငြင်းပွား မှု တွေ ထပ်ပြီး တိုးမြင့်လာခဲ့တာပါ။

၂၀၀၉ ခုနှစ်ကုန်ပိုင်းက ဒီအမှုကို ကိုင်တွယ်ဖို့ နိုင်ငံတကာ တရားရုံးကို တင်ပြခဲ့တာဖြစ်ပြီး ပထမအကျော့ အနေနဲ့ ဘင်္ဂလားဒေ့ရှ် ဘက်က စက်တင်ဘာလ ၈ ရက်နေ့ကနေ ၁၃ ရက်နေ့အထိ လျှောက်လဲချက် တင်သွင်းရမှာဖြစ်ပြီး မြန်မာဘက်ကတော့ စက်တင် ဘာလ ၁၅ ရက်ကနေ ၂၀ ရက်နေ့အထိ လျှောက်လဲချက် ပေးရပါလိမ့်မယ်။

ဒုတိယအကျော့ လျှောက်လဲချက် တင်သွင်းမှုတွေကို ဘင်္ဂလားဒေ့ရ်ှဘက်က စက်တင်ဘာ ၂၂ ရက်နေ့နဲ့ မြန်မာဘက်က ၂၄ ရက် နေ့တို့ ဖြစ်ပါတယ်။

ကြားနာစစ်ဆေးပွဲမှာ မြန်မာနိုင်ငံကို ကိုယ်စားပြုပြီး တင်ပြဖို့ ရွေးချယ်ခဲ့တဲ့ တရားသူကြီးကတော့ အမေရိကန်နိုင်ငံ မိုင်ယာမီ တက္ကသိုလ်က ပါမောက္ခ ဘားနာ့ဒ် အိပ်ခ်ျ. အော့က်စ်မန် (Bernard H. Oxman) ဖြစ်ပြီး ဘင်္ဂလားဒေ့ရ်ှဘက်ကတော့ ဂါနာ နိုင်ငံက တရားသူကြီး ထောမန်း မန်းရှာ (Thoman Mensah) ကို ရွေးချယ်ထားပါတယ်။

Ref: ဗွီအိုအေ

လူ့အခွင့်အရေး ကော်မရှင် NLD ကြိုဆိုစောင့်ကြည့်

08 စက်တင်ဘာ 2011
မသင်းသီရိ

မြန်မာနိုင်ငံမှာ အမျိုးသား လူ့အခွင့်အရေး ကော်မရှင်တရပ် ဖွဲ့စည်းလိုက်တာကို ကြိုဆိုပေမဲ့ ဒီအဖွဲ့အနေနဲ့ ဘယ်လောက်ထိ လွတ်လွတ်လပ်လပ် ဆောင်ရွက်နိုင်မလဲ ဆိုတာတော့ သတိထား စောင့်ကြည့်ဖို့ လိုတယ်လို့ အမျိုးသား ဒီမိုကရေစီ အဖွဲ့ချုပ် အပါအ၀င် တခြား နိုင်ငံရေးပါတီတွေက ပြောပါတယ်။ ဒါပေမဲ့ အခုဖွဲ့လိုက်တဲ့ ကော်မရှင်ဟာ ၀န်ထမ်းဟောင်းတွေနဲ့ ဖွဲ့စည်း ထားတာ ဖြစ်သလို လွတ်လပ်စွာ လူ့အခွင့်အရေး အခြေအနေတွေကို လေ့လာ လုပ်ဆောင်နိုင်မှာ ဖြစ်တယ်လို့လည်း သမ္မတ အကြံပေးအဖွဲ့ရဲ့ အဖွဲ့ဝင်တဦးက ပြောပါတယ်။ အပြည့်အစုံကို မသင်းသီရိက တင်ပြပေးထားပါတယ်။

မြန်မာနိုင်ငံက လူ့အခွင့်အရေး အခြေအနေတွေ မြှင့်တင်ဖို့အတွက် အငြိမ်းစား သံတမန်ဟောင်းတွေ၊ အငြိမ်းစား ပညာရေး ဆိုင်ရာ ပေါမောက္ခတွေနဲ့အတူ အစိုးရ ၀န်ထမ်းဟောင်း ၁၅ ဦးနဲ့ အမျိုးသား လူ့အခွင့်အရေး ကော်မရှင်တရပ်ကို ဖွဲ့စည်း လိုက် တယ်လို့ အစိုးရက ပြီးခဲ့တဲ့ စက်တင်ဘာ ၆ ရက် အင်္ဂါနေ့က ကြေညာလိုက်ပါတယ်။

လူ့အခွင့်အရေး ချိုးဖောက်မှုတွေ ဆိုးဆိုးဝါးဝါးအဆင့်မှာ ရှိနေတဲ့ မြန်မာနိုင်ငံအတွက် အခုလို လူ့အခွင့်အရေး အခြေအနေတွေ တိုးတက်လာအောင် ကော်မရှင်တရပ်ဖွဲ့ပြီး လုပ်ဆောင်မယ်လို့ ပြောလိုက်တာကို ကြိုဆိုပေမဲ့ ဘယ်လောက်ထိ လုပ်နိုင်မလဲ ဆိုတာတော့ စောင့်ကြည့်ဖို့ လိုမယ်လို့ အမျိုးသား ဒီမိုကရေစီ အဖွဲ့ချုပ် (NLD) ပါတီက ပြောပါတယ်။ လူ့အခွင့်အရေး ချိုး ဖောက်နေမှုတွေ အများကြီးထဲက တရားဥပဒေ စိုးမိုးရေး ကိစ္စဟာ အရေးတကြီး အဆင့်မှာ ရှိနေတယ်လို့ NLD ပါတီရဲ့ ပြောခွင့်ရသူ ဦးဉာဏ်ဝင်းက ပြောပါတယ်။

“ကျနော်တို့ အခုလို လူ့အခွင့်အရေး ကော်မရှင် အပေါ်မှာ တကယ်လုပ်နိုင်မယ် ဆိုတဲ့သဘော ပြောတာကို ကျနော်တို့ ကြိုဆို ပါတယ်။ ဒါပေမဲ့ တကယ်တမ်း ဖြစ်လာဖို့ကိုတော့ ကျနော်တို့ လေ့လာစောင့်ကြည့်ဖို့ လိုအပ်ဦးမယ်လို့ ယူဆပါတယ်။ အဲဒီလို လွတ်လပ်တဲ့ ပုဂ္ဂိုလ်များနဲ့ ဖွဲ့ထားတဲ့ ကော်မရှင်က လွတ်လပ်စွာ ဆောင်ရွက်နိုင်ခွင့် ရရှိဖို့ လိုတယ်။ ကျနော်တို့ အဲဒါကို မျှော်လင့် နေပါတယ်။ ကျနော်တို့ သတိထားတော့ စောင့်ကြည့်ရမယ်။ တရားဥပဒေ စိုးမိုးရေးက မရှိသေးဘူး။ တရားဥပဒေ စိုးမိုးရေး ကလည်း လူ့အခွင့်အရေးမှာ ပါတယ်။ လူ့အခွင့်အရေးနဲ့ ပတ်သက်ရင် အရေးအကြီးဆုံးကတော့ တရားဥပဒေ စိုးမိုးမှု ရှိဖို့ပါပဲ။”

လူ့အခွင့်အရေး ကော်မရှင်အပေါ် NLD ပါတီရဲ့ သဘောထားကို ဦးဉာဏ်ဝင်း ပြောပြခဲ့တာ ဖြစ်ပါတယ်။

ဒီလိုအချက်တွေအပြင် အစိုးရ အဖွဲ့အစည်းက လုပ်ငန်းတွေအတွင်းနဲ့ စစ်တပ်တွေအတွင်းက လူ့အခွင့်အရေး ချိုးဖောက်မှုတွေနဲ့ ပတ်သက်လို့လည်း ဒီကော်မရှင်ဟာ တကယ်တမ်း လွတ်လွတ်လပ်လပ် စုံစမ်း တင်ပြနိုင်ပါ့မလားလို့လည်း ပြည်သူ့လွှတ်တော် ကိုယ်စားပြု ကော်မတီ (CRPP) အဖွဲ့က ဦးအေးသာအောင်က ဆိုပါတယ်။

“ကော်မရှင်တရပ် ပေါ်လာတယ်၊ ပြီးတော့ အငြိမ်းစား သံအမတ်ကြီးများနဲ့ ဖွဲ့စည်းလိုက်တဲ့ ကော်မရှင် ပေါ်လာတာ အပေါ်မှာ တော့ ကောင်းတယ်လို့ ပြောချင်ပါတယ်။ ဒါပေမဲ့ အစိုးရနဲ့ ပတ်သက်တဲ့ တချို့ကိစ္စတွေကိုတော့ လွတ်လွတ်လပ်လပ် စုံစမ်းနိုင် မလား၊ စစ်ဆေးနိုင်မလား၊ ဒီစုံစမ်းစစ်ဆေးမှု အပေါ်မှာရော ဘယ်လောက်အထိ အရေးယူမှု ရှိမလဲဆိုတဲ့ ကိစ္စတွေက မေးစရာ တွေ တပုံတခေါင်းကြီး ရှိပါတယ်။ စုံစမ်းစစ်ဆေးပြီးတော့ လုပ်ပိုင်ခွင့်တွေရှိမယ်၊ အရေးယူပိုင်ခွင့်တွေရှိမယ် ဆိုတာကတော့ အန်ကယ်တို့ အများကြီး သံသယရှိတယ်။ စောင့်လည်း စောင့်ကြည့်ဖို့လိုတယ်။”

မြန်မာနိုင်ငံတွင်း တိုင်းရင်းသား ဒေသတွေမှာ လက်ရှိဖြစ်နေတဲ့ ထိုးစစ်တွေကြောင့် ဒေသခံတွေ ကြုံနေရတဲ့ လူ့အခွင့်အရေး ချိုးဖောက်မှုတွေကို ဒီကော်မရှင်ဟာ ဘယ်လိုခြေလှမ်းတွေနဲ့ စုံစမ်းပြီးတော့ ဘယ်လောက်အထိ လုပ်နိုင်မလဲဆိုတာ စောင့်ကြည့် ပြီး ကော်မရှင်ရဲ့ လုပ်ပိုင်ခွင့်တွေကို သုံးသပ်ချင်တယ်လို့ ကျားဖြူပါတီလို့ လူသိများတဲ့ ရှမ်းတိုင်းရင်းသားများ ဒီမိုကရက်တစ် ပါတီက ဦးစိုင်းမောင်တင်က ပြောပါတယ်။ အထူးသဖြင့် လက်ရှိ တိုင်းရင်းသား ဒေသတွေအတွင်း စစ်တပ်က လုပ်နေတဲ့ ထိုးစစ် တွေ ရပ်ဆိုင်းဖို့နဲ့ တိုက်ပွဲတွေအတွက် ဒေသခံတွေကို ပေါ်တာအဖြစ် ခေါ်ယူနေတဲ့ လူ့အခွင့်အရေး ချိုးဖောက်မှုတွေဟာ အတော် စိုးရိမ်စရာ အဆင့်မှာ ရှိနေတယ်လို့ ပြောပါတယ်။

“အဲဒီ တိုင်းရင်းသားဒေသမှာ ကျနော်နဲ့ အနီးစပ်ဆုံးကို ပြောရမယ်ဆိုရင် တပ်မဟာ ၁ နယ်မြေမှာဖြစ်တဲ့ SSA မြောက်ပိုင်းပေါ့၊ အဲဒီမှာ ထိုးစစ်တွေ ရပ်ဖို့တော့ ပထမဆုံး အနေနဲ့ လိုအပ်လိမ့်မယ်လို့ ထင်ပါတယ်။ လောလောလတ်လတ် ဒီတပတ်အတွင်းမှာ ဖြစ်သွားတဲ့ ကိစ္စလေးတခုပေါ့၊ လယ်ထဲမှာသွားပြီး မြေသြဇာကျွေးနေတဲ့ လယ်သမားတယောက် အပါအ၀င် ၇ ယောက် အဆွဲ ခံရတာ၊ ကျေးသီးမြို့နယ်မှာပါ၊ ပေါ်တာဆွဲခံရတယ်။ ပေါ်တာဆွဲခံရတော့ ကျနော်တို့ ကျားဖြူပါတီကနေပြီးတော့ သွားပြီးတော့ အာမခံ ပေးရပါတယ်။

“အဲဒီကော်မတီ အနေနဲ့တော့ တော်တော်လေး ကြိုးစားရမှာ အမှန်ပဲ။ ဘာကြောင့်လဲဆိုတော့ တိုင်းရင်းသားတွေက ဝေးလံ ခေါင်ဖျားတဲ့ ဒေသတွေမှာ ရှိနေတဲ့ အခါကျတော့ အဲဒီကော်မရှင် အနေနဲ့ သွားရောက်ကွင်းဆင်းပြီး သေသေချာချာလေးကို စိစစ်ရမှာပေါ့။ သူတို့အတွက်က ခက်တော့ ခက်ခဲလိမ့်မယ်လို့ ထင်ပါတယ်။ သူတို့လုပ်နိုင်တဲ့ အတိုင်းအတာပေါ်မှာ မူတည်ပြီးမှ ကျနော်တို့ ဆုံးဖြတ်ချက် ချရမှာပေါ့။”

ကျားဖြူပါတီက ဦးစိုင်းမောင်တင် ပြောပြသွားတာ ဖြစ်ပါတယ်။

အမျိုးသား လူ့အခွင့်အရေး ကော်မရှင်တရပ် ပေါ်လာတာကို ကြိုဆိုပေမဲ့ သတိနဲ့ စောင့်ကြည့်ရမယ်လို့ အခုလို နိုင်ငံရေးပါတီ တွေနဲ့ တိုင်းရင်းသား အဖွဲ့တွေက ဆိုပေမဲ့ ဒီအဖွဲ့ဟာ လူ့အခွင့်အရေး လုပ်ငန်းတွေကို ကျယ်ကျယ်ပြန့်ပြန့်နဲ့ လွတ်လွတ်လပ်လပ် သီးခြား လုပ်ဆောင်နိုင်မှာဖြစ်ပြီး အခြေအနေတွေကို သမ္မတအထိ တိုက်ရိုက် တင်ပြနိုင်ခွင့်ရှိတဲ့ အဖွဲ့ဖြစ်တယ်လို့ သမ္မတ အကြံ ပေးအဖွဲ့က အဖွဲ့ဝင်တဦးဖြစ်တဲ့ ဦးနေဇင်လတ်က ပြောပါတယ်။

“အရင်တုန်းကတော့ ပြည်ထဲရေး ၀န်ကြီးဌာနက နေပြီးတော့ ဒီလို ကော်မတီတခု ရှိတယ်ပေါ့။ အခုဟာကျတော့ National Level ဖြစ်သွားတယ်ဗျ။ ဘယ်ဝန်ကြီးဌာန အောက်မှာမှ သူက မရှိဘူးဗျ။ ဆိုလိုချင်တာက ၀န်ကြီးဌာန တခုခု၊ သို့မဟုတ် အစိုးရ အဖွဲ့ အစည်း တခုခုရဲ့ သြဇာသက်ရောက်မှုပေါ့ဗျာ၊ အဲဒါ သူ့ဆီမှာ မရှိဘူးဗျ။ ၀န်ကြီးဌာန တခုခုက မသွားဘဲနဲ့ သမ္မတကို တိုက်ရိုက် တင်ပြနိုင်တဲ့ အခွင့်အလမ်းတွေ သူ့မှာရှိတယ်။ အကြမ်းဖျင်းပြောရင်တော့ တော်တော် ကျယ်ကျယ်ပြန့်ပြန့် လုပ်မှာပါ။ ကျနော် တို့နိုင်ငံမှာလည်း မရှိဘူး မဟုတ်ဘူး၊ ရှိပါတယ်။ တတိယနိုင်ငံကတော့ Developed ဖြစ်တဲ့ နိုင်ငံတွေထက်တော့ နည်းနည်း ပိုနိုင်တာပေါ့။”

သမ္မတ အကြံပေးအဖွဲ့က အဖွဲ့ဝင်တဦးဖြစ်တဲ့ ဦးနေဇင်လတ် ပြောပြသွားတာ ဖြစ်ပါတယ်။

မြန်မာနိုင်ငံရဲ့ လူ့အခွင့်အရေး အခြေအနေတွေနဲ့ ပတ်သက်လို့ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ် စားလှယ် မစ္စတာ တောမတ်စ် အိုဟေး ကင်တားနား (Mr. Tomas Ojea Quintana) ကလည်း မြန်မာနိုင်ငံမှာ လူ့အခွင့်အရေး ချိုးဖောက်မှုတွေ ရှိမရှိ ကုလသမဂ္ဂက စုံစမ်းဖို့ ကော်မရှင်တရပ် ဖွဲ့စည်းရေးကိုလည်း အဆိုပြုထားတာ ဖြစ်ပါတယ်။

Ref: ဗွီအိုအေ

အချိန်သိပ်မနှောင်းခင် ဆီးရီးယား ပြုပြင်ဖို့ ဘန်ကီမွန်း တိုက်တွန်း

08 စက်တင်ဘာ 2011

ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) က ဆီးရီးယား သမ္မတ ဘာရှား အယ်လ် အာဆတ်ဒ် (Bashar al-Assad) အနေနဲ့ အလွန်အကျွံ အင်အားသုံးပြီး အသေအကျေ နှိမ်နင်းနေတာတွေကို ရပ်တန်းက ရပ်ဖို့ သူ ခဏခဏ တောင်း ဆိုနေတဲ့ ကြားထဲကပဲ ဆီးရီးယား နိုင်ငံသားတွေအပေါ် အကြမ်းဖက်မှုတွေ ဆက်ဖြစ်နေတယ်လို့ ဆိုလိုက်ပါတယ်။

သြစတြေးလျနိုင်ငံ ဆစ်ဒနီ တက္ကသိုလ်မှာ ဒီနေ့ မိန့်ခွန်းပြောကြားရာမှာ မစ္စတာဘန်က မစ္စတာ အာဆတ်ဒ် အနေနဲ့ အရမ်း နောက်ကျမသွားခင်မှာ နိုင်ငံရေး ပြုပြင်ပြောင်းလဲရေးတွေ လုပ်ဖို့ သူ တောင်းဆိုခဲ့တယ်လို့ ဆိုလိုက်ပါတယ်။ ဒါပေမဲ့ ဒါတွေကို လျစ်လျူရှုပြီး အရပ်သားတွေကို အစုလိုက် အပြုံလိုက် ဖမ်းဆီးမှုတွေနဲ့ သတ်ဖြတ်မှုတွေ ဆက်လုပ်နေတယ်လို့ မကျေမနပ် သူက ထောက်ပြလိုက်ပါတယ်။

လူ့အခွင့်အရေး လှုပ်ရှားသူတွေကလည်း ဒီနေ့မှာပဲ ဆီးရီးယား အနောက်မြောက်ပိုင်းက ရွာတရွာကို စစ်ကားတွေထဲက လက်နက် ကြီး တွေနဲ့ ပစ်ခတ်ခဲ့တယ်လို့ ဆိုပါတယ်။

မနေ့တုန်းကလည်း နိုင်ငံအလယ်ပိုင်း ဟုမ်းစ်ဒေသမှာ ဆန္ဒပြသူတွေကို လုံခြုံရေးတပ်တွေက ၀င်ရောက်နှိမ်နင်းရာမှာ အနည်းဆုံး လူ ၂၀ သေခဲ့ရတယ်လို့ ဆန္ဒပြသူတွေက ဆိုပါတယ်။

မနေ့တုန်းကပဲ ပြင်သစ်နိုင်ငံက ဆီးရီးယားမှာ Crimes Against Humanity လို့ခေါ်တဲ့ လူမဆန်တဲ့ ပြစ်မှုကြီးတွေ ဖြစ်နေပြီလို့ စွပ်စွဲလိုက်ပါတယ်။

ပြင်သစ် နိုင်ငံခြားရေးဝန်ကြီး အယ်လိန်း ယပ်ပီ (Alain Juppe) က နိုင်ငံတကာက ၀ိုင်းဝန်း ပိတ်ဆို့မှုတွေလုပ်တာ မှန်တယ်လို့ ပြောလိုက်ပြီး ရုရှား နိုင်ငံခြားရေးဝန်ကြီး ဆာဂျီ လက်ဗ်ရော့ဗ် (Sergei Lavrov) နဲ့ တွေ့ရာမှာ ရုရှားအနေနဲ့လည်း ပိုအားကောင်း တဲ့ ရပ်တည်မှု လုပ်ပေးဖို့ တိုက်တွန်းလိုက်ပါတယ်။ ဒါပေမဲ့ ရုရှားဘက်ကတော့ ဒီပြဿနာကို ဖြေရှင်းဖို့ တွေ့ဆုံ ဆွေးနွေးတာကို ပဲ သုံးဖို့ ဆက်ရပ်တည်ခဲ့ပါတယ်။

အမေရိကန်ဘက်ကလည်း အရင် ကုလသမဂ္ဂ လုံခြုံရေးကောင်စီ ဆုံးဖြတ်ချက်နဲ့ ဖိအားပေးတာ မရတော့ဘဲ နောက်ထပ် ပိုအား ကောင်းတဲ့ ဆုံးဖြတ်ချက်ရဖို့ ဆက်ကြိုးစားသွားရမယ်လို့ ဆိုပါတယ်။

Ref: ဗွီအိုအေ

လစ်ဗျားမှာ ရှိနေဆဲဟု ဂဒါဖီကြေညာ

08 စက်တင်ဘာ 2011

ရာထူးက ဖြုတ်ချခံခဲ့ရတဲ့ လစ်ဗျားခေါင်းဆောင် မွမ်မာ ဂဒါဖီ (Moammar Gadhafi) ရဲ့ အသံသွင်း ပြောကြားချက်လို့ ဆိုတဲ့ ပြောကြားသံကို ဆီးရီးယား ရုပ်မြင်သံကြားက ထုတ်လွှင့်ပေးခဲ့ပါတယ်။ အဲဒီ ပြောကြားချက်ထဲမှာ သူ လစ်ဗျားကနေ နီဂျား (Niger) နိုင်ငံထဲကို ထွက်ပြေး တိမ်းရှောင်သွားတယ်ဆိုတဲ့ ပြောဆိုချက်တွေအပေါ် ဝေဖန်ထားတယ်လို့ ဆိုပါတယ်။

အဲဒီလို ပြောဆိုမှုတွေဟာ လိမ်ညာပြောဆိုတာ ဖြစ်ပြီး လူတွေရဲ့ စိတ်ဓာတ်ပျက်ပြားအောင် ရည်ရွယ် လုပ်ဆောင်ခြင်းသာ ဖြစ် တယ်ဆိုပြီး သူဟာ လစ်ဗျားနိုင်ငံထဲမှာ ရှိသေးတယ်ဆိုပြီး အယ်လ်ရိုင်း (Al-Rai) ရုပ်မြင်သံကြားဌာနက ထုတ်လွှင့်တဲ့ အထဲမှာ ပြောဆိုထားတာပါ။

သူ့ရဲ့တပ်ဖွဲ့တွေဟာ နေတိုးတပ်ဖွဲ့တွေကို အနိုင်ယူပြီး ထရီပိုလီ (Tripoli) မှာ ရောက်နေကြတဲ့ အမျိုးသား အသွင်ကူးပြောင်းရေး တပ်ဖွဲ့တွေကိုပါ တိုက်ခိုက်ဖို့ အဆင်သင့် ဖြစ်နေပြီလို့ ဂဒါဖီက ပြောထားပါတယ်။

လစ်ဗျားခေါင်းဆောင် ဂဒါဖီ တရားဥပဒေကို ရင်ဆိုင်မယ့် အရေးက ရှောင်ရှားပြီး နီဂျားနိုင်ငံထဲ ၀င်ရောက်လာမယ့် အရေးက ဟန့်တားပေးရေး နီဂျား အာဏာပိုင်တွေနဲ့ ဆွေးနွေးဖို့ အမျိုးသား အသွင်ကူးပြောင်းရေးကောင်စီ (NTC) က သူတို့ ကိုယ်စား လှယ်တွေကို နီဂျားနိုင်ငံထဲ လွှတ်ထားပါတယ်။

မစ္စတာ ဂဒါဖီ ဘယ်ရောက်နေတယ်ဆိုတာ အခုအချိန်မှာ ဘယ်သူမှ အတိအကျ မသိသေးပေမဲ့ နီဂျားနိုင်ငံကလည်း ဂဒါဖီ သူတို့ နိုင်ငံထဲ ရောက်လာတယ်ဆိုတာ မဟုတ်မှန်ကြောင်း ငြင်းဆိုထားပါတယ်။

နီဂျားအာဏာပိုင်တွေ NTC ခေါင်းဆောင်တွေနဲ့ ညှိနှိုင်း ဆောင်ရွက်နေကြတာဖြစ်ပြီး သူတို့နိုင်ငံထဲ ၀င်လာတယ်ဆိုတဲ့ ယာဉ်တန်း ကြီးဟာလည်း အပြင်မှာ ပြောဆိုနေကြတာတွေထက် အတော်လေး နည်းနေတယ်လို့ ဆိုပါတယ်။

Ref: ဗွီအိုအေ

ကျောင်းသားသမဂ္ဂ အဆောက်အဦးပုံ ပြန်လည် ဖော်ပြခွင့်ရ

08 စက်တင်ဘာ 2011
ကျော်ကျော်သိန်း

အများပြည်သူကြားထဲ နှစ်ပေါင်းများစွာ ပုံနှိပ်ဖြန့်ချိခွင့် မရခဲ့တဲ့ သမိုင်းဝင် ကျောင်းသားသမဂ္ဂ အဆောက်အဦးပုံ ပါတဲ့ စာအုပ် တအုပ်ကို ဒီကနေ့ စက်တင်ဘာလ ၈ ရက်နေ့မှာ စတင် ဖြန့်ချိလိုက်ပါပြီ။ မြန်မာ့လွတ်လပ်ရေး ဗိသုကာ ဗိုလ်ချုပ် အောင်ဆန်း အကြောင်း ရေးသားထားတဲ့ စာအုပ်တအုပ်ထဲမှာ သမဂ္ဂ အဆောက်အဦးပုံကိုပါ ပုံနှိပ်ဖြန့်ချိခွင့် ရခဲ့တာပါ။ အပြည့်အစုံကို ကိုကျော်ကျော်သိန်းက တင်ပြပေးထားပါတယ်။

ဗိုလ်ချုပ်အောင်ဆန်းရဲ့ မိတ်ဆွေတွေ၊ လုပ်ဖော်ကိုင်ဘက်တွေ စသဖြင့် စာရေးဆရာတွေ ရေးသားခဲ့တဲ့ ဆောင်းပါး ၅၇ ပုဒ်ကို စုစည်းပြီးတော့ ‘အောင်ဆန်းနော်၊ ဗိုလ်ချုပ်နော်၊ တေဇနော်’ ဆိုတဲ့ စာအုပ်ထဲမှာ ကျောင်းသားသမဂ္ဂ အဆောက်အဦးပုံကိုပါ ထည့်သွင်း ဖော်ပြထားတာပါ။ ဗိုလ်ချုပ်အောင်ဆန်းရဲ့ ဘ၀တလျှောက် ခေတ်အသီးသီးကို ထင်ဟပ်တဲ့ ဓာတ်ပုံတွေကို ကဏ္ဍတွေ ခွဲပြီး ဖော်ပြထားတယ်လို့ ဒီစာအုပ်ကို ထုတ်ဝေတဲ့ တိုးမြစ်စာအုပ်တိုက်ရဲ့ ထုတ်ဝေသူ ကိုဝင်းဇော်လတ်က ဗွီအိုအေကို ပြောပါ တယ်။

“ကျနော်တို့က ဒီစာအုပ်မှာတော့ ဗိုလ်ချုပ်အောင်ဆန်း ဥက္ကဋ္ဌအဖြစ် ဆောင်ရွက်ခဲ့ဖူးသည့် ရန်ကုန်တက္ကသိုလ် ကျောင်းသားသမဂ္ဂ အဆောက်အဦးဆိုပြီး နောက်မှာ အဲဒီလိုလေး ထည့်ပြီးတော့ ဖော်ပြထားတာပေါ့ဗျာ။ ပြီးတော့ ဗိုလ်ချုပ်ဓာတ်ပုံတွေကို ဖော်ပြတဲ့ အခါ ဗိုလ်ချုပ်အောင်ဆန်းရဲ့ ကျောင်းသားဘ၀၊ နောက်တခုက သခင်ဘ၀၊ နောက် ရဲဘော်သုံးကျိပ်ဘ၀၊ ပြီးတော့ ဗိုလ်ချုပ်ရဲ့ အိမ်ထောင်သည်ဘ၀၊ နောက် စစ်ဝန်ကြီးဘ၀၊ ပြီးတော့ နောက်ပိုင်း နိုင်ငံရေးသမား ဦးအောင်ဆန်းဘ၀ပေါ့၊ အဲဒီလိုမျိုး ကဏ္ဍ ၃ ခုခွဲပြီး ဓာတ်ပုံတွေကို စာအုပ်ရဲ့ သင့်တော်တဲ့ နေရာတွေမှာ အပိုင်းလိုက်၊ အပိုင်းလိုက် ခွဲပြီးတော့ ထည့်ထားပါတယ်။ အဲဒီအထဲ မှာ ကျောင်းသားကဏ္ဍမှာဆိုရင် ကျောင်းသားသမဂ္ဂ အဆောက်အဦးကို ထည့်ထားပါတယ်။”

ကျောင်းသားသမဂ္ဂ အဆောက်အဦးဟာ တချိန်တုန်းက ရန်ကုန်တက္ကသိုလ်ဝင်း အတွင်းမှာ တည်ရှိခဲ့တာဖြစ်ပြီး ၁၉၆၂ ခုနှစ်၊ ဇူလိုင်လ ၈ ရက်နေ့ မနက်ပိုင်းမှာ အဲဒီအချိန်တုန်းက ဗိုလ်ချုပ်ကြီးနေ၀င်းရဲ့ တော်လှန်ရေးကောင်စီ အစိုးရလက်ထက် ဖောက်ခွဲ ဖြိုချပစ်ခဲ့တာပါ။ အဲဒီအချိန်နောက်ပိုင်း ကတည်းက ကျောင်းသားသမဂ္ဂ အဆောက်အဦးပုံကို မြန်မာနိုင်ငံတွင်း စာပေစိစစ်ရေး ခွင့်ပြုချက်နဲ့ တရားဝင် ထုတ်ဝေရတဲ့ စာအုပ်တွေမှာ ပုံနှိပ်ဖော်ပြခွင့် မရခဲ့တာကြောင့် ရာစုနှစ်ဝက်နီးပါး ကြာပြီး နောက်မှာမှ အများပြည်သူ ကြည့်ခွင့်ရတဲ့အထိ ပုံနှိပ် ဖော်ပြနိုင်ခဲ့တဲ့အပေါ် ၀မ်းမြောက်ဝမ်းသာ ဖြစ်သူကတော့ ၇ ဇူလိုင် အရေးအခင်းမှာ ကိုယ်တိုင်ပါဝင်ခဲ့သူ ကျောင်းသားသမဂ္ဂ အဖွဲ့ဝင်ဟောင်း ဦးနိုင်းနိုင်း ဖြစ်ပါတယ်။

“ဒီလို ပုံနှိပ်ခွင့် ဆိုတာကတော့ ရရမယ့်ဥစ္စာ အခု ရလာတာပေါ့ဗျာ။ အင်မတန် မင်္ဂလာရှိပြီး ၀မ်းသာစရာ ကောင်းတယ်လို့ ကျနော် မြင်ပါတယ်။ ကျောင်းသားသမဂ္ဂ အဆောက်အဦး ဆိုတာက သမိုင်းမှာလည်း အင်မတန် အရေးကြီးတဲ့ Landmark ပေါ့ဗျာ၊ အမှတ်တရ နေရာဌာနကြီး ဖြစ်ပါတယ်။ တိုင်းပြည်နဲ့ချီပြီး မင်္ဂလာရှိတဲ့ အဆောက်အဦးတခုက အမြဲတမ်းလို စဉ်ဆက် မပြတ် ရံဖန်ရံခါ စာနယ်ဇင်းတွေမှာ ပါသင့်တဲ့ဥစ္စာ နှစ်ပေါင်းများစွာ ဘယ်မှာမှ မမြင်ရဘူး။ ကျနော်ကတော့ သိမ်းထားပါတယ်၊ ကျောင်းသားသမဂ္ဂ အဆောက်အဦးပုံကို တလောကမှ ကျောင်းသားလူငယ်တွေကို ပြသေးတယ်။ ကျနော့်မှာ ဓာတ်ပုံ သေချာ ရှိတယ်။

“အဲဒီတော့ ဒီဥစ္စာကြီး ဒီမှာ လူသိရှင်ကြား၊ လူတွေ သိသင့်သိထိုက်တဲ့ဟာကို အများပြည်သူ မြင်တွေ့နိုင်အောင် ထုတ်ဝေခွင့် ရ တယ် ဆိုတာကအစ အင်မတန် ကြီးမားတဲ့ မင်္ဂလာတရားတခု ဖြစ်ပေါ်လာတယ်လို့ ယူဆပါတယ်။ နောက်တခုက သမိုင်းဆိုတာ ဖျောက်လို့မရဘူး၊ ကွယ်လို့မရဘူး၊ ပြန်ပေါ်မှာပဲဆိုတဲ့ အဆိုအမိန့်က တယ်မှန်တာပဲ ဆိုတဲ့ဟာကို ခံစားရတယ်၊ ၀မ်းသိပ်သာတယ် ဗျာ၊ အဲဒီကိစ္စနဲ့ ပတ်သက်လို့။”

လက်ရှိမှာ NLD ရဲ့ ဗဟိုဦးစီးအဖွဲ့ဝင်တဦးဖြစ်တဲ့ ဦးနိုင်းနိုင်းဟာ ၁၉၉၀ ပြည့်နှစ် ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် (NLD) ကို ကိုယ်စားပြုပြီး ပုဇွန်တောင်မြို့နယ်ကနေ ရွေးကောက်တင်မြှောက် ခံခဲ့ရတဲ့ လွှတ်တော်ကိုယ်စားလှယ်တဦး ဖြစ်သလို နှစ်ရှည် အကျဉ်းကျခဲ့တဲ့ နိုင်ငံရေးအကျဉ်းသားဟောင်း တဦးလည်း ဖြစ်ပါတယ်။

အခု ထုတ်ဝေဖြန့်ချိလိုက်တဲ့ ဗိုလ်ချုပ်အောင်ဆန်းအကြောင်း စာအုပ်ထဲမှာ ကျောင်းသားသမဂ္ဂ အဆောက်အဦးပုံအပြင် ဗိုလ်ချုပ် အောင်ဆန်းရဲ့ သမီးဖြစ်သူ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နေအိမ်အကျယ်ချုပ် ချခံထားရစဉ် ကာလ အတွင်း ရေးဆွဲခဲ့တဲ့ ဗိုလ်ချုပ်ရဲ့ပုံတူ Sketch ပုံကြမ်း ၃ ခုလည်း ပါသလို ဗိုလ်ချုပ်ပုံနဲ့ ထုတ်ခဲ့ဖူးသမျှ ငွေစက္ကူတွေ၊ တခြား သမိုင်း ၀င် ဓာတ်ပုံတွေလည်း ပါတယ်လို့ ထုတ်ဝေသူက ပြောပါတယ်။

ကိုယ်တိုင်က လူငယ်တဦးဖြစ်သလို မျိုးဆက်သစ် လူငယ်တွေအားလုံး ကြည့်ခွင့်ရအောင် အခုလို ပုံနှိပ်ဖော်ပြခွင့် ရခဲ့တဲ့အတွက် သူကိုယ်တိုင်လည်း အထူးဝမ်းသာရပါတယ်လို့ ထုတ်ဝေသူ ကိုဝင်းဇော်လတ်က ပြောပါတယ်။

“နောက်ပိုင်းလူငယ်တွေ အနေနဲ့ ကျောင်းသားသမဂ္ဂ အဆောက်အဦး ဆိုတာကို မေ့လျော့နေပြီ။ မေ့လျော့နေပြီ ဆိုတဲ့အခါ ကျ တော့ အခုလိုမျိုး စာအုပ်တအုပ်မှာ ကျောင်းသားသမဂ္ဂ အဆောက်အဦးကို ပြန်ပြီးတော့ ပုံနှိပ်ဖော်ပြခွင့် ရတဲ့အတွက် ကျနော် အရမ်းပဲ ၀မ်းသာပါတယ်။ အထူးသဖြင့် ဒီလိုမျိုး ဗိုလ်ချုပ်အောင်ဆန်း အကြောင်းကို ရေးထားတဲ့ စာအုပ်ထဲမှာ ဖော်ပြခွင့် ရတဲ့ အတွက်၊ အဓိကတော့ အခုလို ဗိုလ်ချုပ်အောင်ဆန်းကို လူတွေ ပြန်ပြီးတော့ လှိုက်လှိုက်လှဲလှဲနဲ့ ဗိုလ်ချုပ်စာအုပ်တွေ ဖတ်တဲ့ အချိန် မှာ အားပေးကြတယ်၊ စိတ်ဝင်စားမှု ရှိကြတယ်ဆိုတဲ့ အချိန်၊ ဗိုလ်ချုပ်အောင်ဆန်းစာအုပ် တအုပ်ထဲမှာ ဒီလိုမျိုး ထည့်ခွင့် ရတယ်၊ ပုံနှိပ်ဖော်ပြခွင့် ရတဲ့အတွက် ကျနော် အများကြီး ၀မ်းသာပါတယ်။ နောက်ပိုင်းလူငယ်တွေ အတွက်လည်း သမိုင်းဆိုင်ရာ အားဖြင့် တန်ဖိုးတခုခု ရှိလိမ့်မယ်လို့ ကျနော်ထင်ပါတယ်။”

‘အောင်ဆန်းနော်၊ ဗိုလ်ချုပ်နော်၊ တေဇနော်’ စာအုပ်ကို ထုတ်ဝေသူ ကိုဝင်းဇော်လတ် ပြောပြခဲ့တာ ဖြစ်ပါတယ်။

ပြီးခဲ့တဲ့ သီတင်းပတ်တုန်းကလည်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံမေးမြန်းခန်း တခုကို ပြည်တွင်းထုတ် Messenger ဂျာနယ်မှာ ထည့်သွင်းဖော်ပြခွင့် ရခဲ့သလို ဒေါ်အောင်ဆန်းစုကြည် ကိုယ်တိုင်ရေးတဲ့ ပုဂံခရီးသွား ဆောင်းပါးကိုလည်း ပြည်သူ့ခေတ်ဂျာနယ်မှာ ဖော်ပြနိုင်ခဲ့ပါတယ်။

အခု ဗိုလ်ချုပ်အောင်ဆန်းအကြောင်း စာအုပ်နဲ့အတူ ကျောင်းသားသမဂ္ဂ အဆောက်အဦးပုံကိုပါ ပုံနှိပ်ဖော်ပြခွင့်ရခဲ့တဲ့ တိုးမြစ် စာအုပ်တိုက်ကတော့ နောင်မှာလည်း အလားတူ ပုံနှိပ်ထုတ်ဝေခွင့်တွေ ဆက်ပြီးရသွားဖို့ မျှော်လင့်ထားပါတယ်။

Ref: ဧရာဝတီ

ဧရာဝတီအကြောင်း စာရေးဆရာများ ဟောပြောမည်

လင်းသန့်
08 September 2011

ထင်ရှားသည့် စာရေးဆရာများက ဧရာဝတီမြစ်ကြီး စိုးရိမ်ဖွယ် အခြေအနေများနှင့် ရင်ဆိုင်နေရပုံကို ရန်ကုန်တိုင်း၊ မင်္ဂလာဒုံ မြို့နယ် ရှိ ဘုန်းကြီးကျောင်းတကျောင်းတွင် စနေနေ့၌ ဟောပြောကြမည် ဖြစ်သည်။

ကိုတာ၊ ကိုမြင့်ဇော်၊ ဦးထွန်းလွင်(မိုး-ဇလ)၊ မောင်စိန်ဝင်း(ပုတီးကုန်း) စသည့် စာရေးဆရာများ ပါဝင်မည်ဟု သိရသည်။

“ဧရာဝတီ မြစ်ကြီးနဲ့ မြစ်ဆုံဆည် စီမံကိန်းကြောင့် ဖြစ်ပေါ်လာမယ့် သဘာဝ ပတ်ဝန်းကျင် ဆိုးကျိုးတွေ အကြောင်း အဓိကထား ဟောပြောကြမှာပါ” ဟု မောင်စိန်ဝင်း (ပုတီးကုန်း)က ဧရာဝတီကို ပြောသည်။

မြစ်ဆုံဆည် စီမံကိန်း ရပ်တန့်ရေး လှုံ့ဆော်သည့် အဖွဲ့များ၊ ၈၈ မျိုးဆက်ကျောင်းသားများ၊ နိုင်ငံရေးပါတီဝင်များ၊ စိတ်ဝင်စား သူများ ဟောပြောပွဲ တက်ရောက်ကြမည်ဟု ဆိုသည်။

“ကျနော်တို့အဖွဲ့အနေနဲ့လည်း ဧရာဝတီအရေး လုပ်ဆောင်နေသူ ကျန်အဖွဲ့များနည်းတူ တမျိုးသားလုံးအရေးမို့ သွားရောက်ပါ မယ်” ဟု ဧရာဝတီကို ထာဝရရှင်သန်စေလိုသူများ အဖွဲ့မှ ဦးဆောင်သူတဦး ဖြစ်သည့် ကိုမြတ်သူက ပြောသည်။

နယ်မြို့ကြီးများဖြစ်ကြသည့် ဟင်္သာတ၊ တောင်ငူ၊ မိတ္ထီလာ၊ မန္တလေး စသည့် ဒေသများတွင်လည်း မြစ်ဆုံဆည် စီမံကိန်း ရပ်တန့် ရေးကို လက်မှတ်ထိုးတောင်းဆိုသည့် လှုပ်ရှားမှုများ ကျယ်ကျယ်ပြန့်ပြန်လုပ်ဆောင်နေကြသည်ဟု ကိုမြတ်သူက ပြောသည်။

ရန်ကုန်အခြေစိုက် ဧရာဝတီ ကို ထာဝရရှင်သန်လိုသူများ အဖွဲ့နှင့် ပူးပေါင်း ဆောင်ရွက်သူ များပြားလာပြီး ကောက်ခံရရှိသည့် လက်မှတ်တို့ကို သမ္မတ ဦးသိန်းစိန်ထံ ပို့ဆောင်ရေး ဆောင်ရွက်မှုများ ကျယ်ကျယ်ပြန့်ပြန့် ဖြစ်ပေါ်လာနေကြောင်း ကိုမြတ်သူက ဆက်ပြောသည်။

“နယ်တွေမှာလည်း သူ့အဖွဲ့နဲ့သူ လုပ်နေတာတွေက လက်မှတ်တွေကို ကျနော်တို့ဆီ ပို့ပေးနေတာတွေ ရှိပါတယ်။ ဒါတွေကို ကျနော်တို့ လာမယ့်သတင်းပတ်မှာ (သမ္မတဆီကို) နောက်တသုတ် ထပ်တင်ဖို့တော့ ရှိပါတယ်” ဟု ကိုမြတ်သူက ပြောသည်။

စင်္ကာပူနိုင်ငံရှိ မြန်မာနိုင်ငံသားများကလည်း မြစ်ဆုံဆည်စီမံကိန်း ရပ်တန့်ရေး လက်မှတ်ထိုး တောင်းဆိုမှုများတွင် တက်ကြွစွာ လုပ်ဆောင်နေကြသည်။

“တချို့က ကျမတို့ကို လက်မှတ်ထိုးမှုမှာ ပါဝင်လို့ အခုမှ ဧရာဝတီကို ချစ်တတ်လာတယ် ပြောတယ်။ ကျမ နားလည်တာတော့ ကျမတို့ အခု အသိရှိလို့ အသိတရားနဲ့ လက်မှတ်ထိုးမှုမှာ ပါဝင်လာတာ ဖြစ်တယ်။ အခုလို မြန်မာနိုင်ငံထဲမှာ ထင်ရှားတဲ့ စာရေး ဆရာတွေ ဟောပြောတော့ လူထုကို တကယ် ထိထိရောက်ရောက် ပညာပေးတဲ့ အပိုင်း ဖြစ်လို့ အရမ်း အားရမိတယ်” ဟု စင်္ကာပူ နိုင်ငံရောက် မြန်မာနိုင်ငံသားတဦးက ပြောသည်။

ဧရာဝတီအရေး ယခင်ကထက် ပိုမို ဆောင်ရွက်လာကြခြင်းသည် ထင်ရှားသည့်စာရေးဆရာများ၏ ဟောပြောမှု၊ တဦးချင်း တာဝန် သိစိတ်ရှိမှု၊ ပညာရှင်များ၏ အသိပညာ မျှဝေပေးမှုတို့ကြောင့် ဖြစ်ကြောင်း ဧရာဝတီ အရေးလှုံ့ဆော်နေသူတို့က ဆိုသည်။

ကဗျာဆရာ၊ စာရေးဆရာ မောင်စိန်ဝင်း (ပုတီးကုန်း)က “တိုင်းရင်းသားအားလုံးက အမျိုးသားရေး တာဝန်တခုအနေနဲ့ ကျနော်တို့ လို အများကို ဆင့်ပွား ပြောနိုင်တဲ့သူကလည်း ပြောပေါ့။ နီးစပ်ရာတွေကတဆင့် သူငယ်ချင်းကိုပြော၊ လက်ဘက်ရည်ဆိုင်မှာ ပြော။ အဲဒီလို လက်ဆင့်ကမ်းပြီး အားလုံးက ဒီကိစ္စ တာဝန်ယူပြီး ပြောသင့်တယ်” ဟု ရှင်းပြသည်။

ဧရာဝတီကို ကယ်တင်ကြ ဟူသော ခေါင်းစဉ်ဖြင့် ပြုလုပ်မည့် ဟောပြောပွဲကို ညနေ ၃ နာရီတွင် စတင်မည် ဖြစ်ပြီး စာရေးဆရာ ဒေါ်သန်းမြင့်အောင်က အခမ်းအနားမှူးအဖြစ် ဆောင်ရွက်မည်ဟု သိရသည်။

ဒေါ်လာ ၃.၆ ဘီလျံ အကုန်ကျခံ တည်ဆောက်နေသည့် မြစ်ဆုံဆည် စီမံကိန်း ဒေသသည် စင်္ကာပူနိုင်ငံခန့် အရွယ်အစား ရှိပြီး ၂၀၀၉ ခုနှစ်တွင် စီမံကိန်း စတင်ခဲ့သည်။

စီမံကိန်းနှင့်ပတ်သက်၍ ၂၀၀၉ ခုနှစ်တွင် တရုတ်-မြန်မာ ကျွမ်းကျင်ပညာရှင်ပေါင်း ၁၀၀ ကျော် ပါဝင်သည့် စူးစမ်း လေ့လာရေး အဖွဲ့က ၆ လကြာ သုတေသန လုပ်ပြီး အစီရင်ခံစာ တစောင် ပြုစုခဲ့သည်။ မကြာသေးမီက ထိုအစီရင်ခံစာ ပြင်ပသို့ ပေါက်ကြား ခဲ့ပြီးနောက်ပိုင်း စီမံကိန်း ရပ်တန့်ရန် တောင်းဆိုမှုများ ကျယ်ပြန့်လာသည်။

ကချင်ပြည်နယ် ငလျင်ကြောပေါ်တွင် တည်ရှိသည့် မြစ်ဆုံဆည်ကြီးသည် ရေထုကြီးမားပြီး သဘာဝ ဖောက်ပြန်မှု တခုခု ဖြစ် ပေါ်ပါက မြစ်ကြီးနားမြို့နှင့် ၀န်းကျင်ဒေသများ ရေလွှမ်းခံရနိုင်သည်ဟု ထိုအစီရင်ခံစာတွင် ထောက်ပြထားကြောင်း သိရသည်။

မြန်မာနိုင်ငံ၏ အဓိက အသက်သွေးကြော ဧရာဝတီမြစ် ရေကြောင်းပြောင်းလဲကာ သဘာဝ ပတ်ဝန်းကျင် ယိုယွင်းလာမှုကို မှတ်တမ်းတင် ရိုက်ကူးထားသည့် Floating Market & Ayeyarwaddy Travellers ဇာတ်လမ်းတွဲကို ပြည်တွင်းပြည်ပ ရုပ်သံ လိုင်းများတွင် ပြသရန် စီစဉ်နေကြောင်း ယခုတပတ်ထုတ် The Voice ဂျာနယ်တွင် ဖော်ပြထားသည်။

Ref: ဧရာဝတီ

အပစ်ရပ်မှု ဆက်ထိန်းထားရန် ကြံ့ဖွံ့ကိုယ်စားလှယ်များ ဆွေးနွေး

ရန်ပိုင်
08 September 2011

လက်ရှိ အခြေအနေအတိုင်း အပစ်အခတ် ရပ်စဲရေးကို ဆက်လက် ထိန်းသိမ်းထားရန် “၀” ပြည် သွေးစည်းညီညွတ်ရေး တပ်မ တော် (UWSA) နှင့် တွေဆုံခဲ့သည့် ပြည်ထောင်စု ကြံ့ခိုင်ရေးနှင့် ဖွံဖြိုးရေးပါတီ (ကြံ့ဖွံ့ပါတီ) မှ အစိုးရ ထိပ်တန်း ကိုယ်စားလှယ် ၂ ဦးက ဆွေးနွေးကြောင်း သိရသည်။

ကြံ့ဖွံ့ပါတီ ကိုယ်စားလှယ် ဦးအောင်သောင်းက UWSA အနေဖြင့် ယခင်ကကဲ့သို့ မြို့ကြီးများတွင် ဆက်ဆံရေးရုံးများ ပြန်လည် ဖွင့်လှစ်ရန်၊ နှစ်ဖက်တပ်ဖွဲ့များ လက်ရှိအခြေအနေအတိုင်း ဆက်ရှိနေရန်၊ UWSA တပ်ဖွဲ့များ အစိုးရနယ်မြေများသို့ လာရောက် လျှင် ကြိုတင်အကြောင်းကြားရန်နှင့် ငြိမ်းချမ်းရေး ဆွေးနွေးရာတွင် တူညီသည့် ဘုံအချက်များကိုသာ ဆွေးနွေးပြီး ပဋိပက္ခဖြစ် မည့် အငြင်းပွားဖွယ်အချက်များကို ရှောင်ရန် စသည့်အချက်များကို ဆွေးနွေးကြောင်း UWSA မှ အရာရှိတဦးက ပြောသည်။

ကြံ့ဖွံ့ပါတီ ကိုယ်စားလှယ် ဦးအောင်သောင်းက UWSA အနေဖြင့် ယခင်ကကဲ့သို့ မြို့ကြီးများတွင် ဆက်ဆံရေးရုံးများ ပြန်လည် ဖွင့်လှစ်ရန်၊ နှစ်ဖက်တပ်ဖွဲ့များ လက်ရှိအခြေအနေအတိုင်း ဆက်ရှိနေရန်၊ UWSA တပ်ဖွဲ့များ အစိုးရနယ်မြေများသို့ လာရောက် လျှင် ကြိုတင်အကြောင်းကြားရန်နှင့် ငြိမ်းချမ်းရေး ဆွေးနွေးရာတွင် တူညီသည့် ဘုံအချက်များကိုသာ ဆွေးနွေးပြီး ပဋိပက္ခ ဖြစ် မည့် အငြင်းပွားဖွယ်အချက်များကို ရှောင်ရန် စသည့်အချက်များကို ဆွေးနွေးကြောင်း UWSA မှ အရာရှိတဦးက ပြောသည်။

စက်တင်ဘာလ ၆ ရက်နေ့က UWSA ၏ ဘဏ္ဍာရေးနှင့် စီးပွားရေးတာဝန်ခံ ဦးပေါက်ယိုလျံ၊ ပြန်ကြားရေးအရာရှိ ဦးအောင်မြင့်၊ ပြည်ပဆက်သွယ်ရေး တာဝန်ခံ ဦးကျောက်ဂူရမ်တို့နှင့် အာဏာရ ကြံ့ဖွံ့ပါတီခေါင်းဆောင် စက်မှုဝန်ကြီးဟောင်း ဦးအောင် သောင်း၊ ဆက်သွယ်ရေးဝန်ကြီးဟောင်း ဦးသိန်းဇော်တို့ ရှမ်းပြည်နယ် ကျိုင်းတုံမြို့၌ တွေဆုံကြခြင်း ဖြစ်သည်။

ယခုဆွေးနွေးမှုသည် သမ္မတ ဦးသိန်းစိန် အစိုးရလက်ထက် UWSA နှင့် ပထမဆုံးအကြိမ် ဖြစ်သည်။

ပြီးခဲ့သည့် ၂၀၁၀ ပြည့်နှစ်အတွင်းက နယ်ခြားစောင့်တပ် ပြောင်းလဲဖွဲ့စည်းရေးနှင့် ပတ်သက်၍ နှစ်ဖက်တင်းမာမှုများ ဖြစ်ပွားခဲ့စဉ် ပြန်လည်ခေါ်ယူခဲ့သည့် အစိုးရ၀န်ထမ်းများကိုလည်း ယခုအခါ ပြန်လည်လက်ခံရန် ကမ်းလှမ်းချက်လည်း ဆွေးနွေးရာတွင် ပါဝင် သည်ဟု သိရသည်။

အစိုးရ၏ ကမ်းလှမ်းချက်ကို UWSA အနေဖြင့် ချက်ခြင်းတုံ့ပြန်ခြင်းမရှိဘဲ အဖွဲ့အတွင်း ပြန်လည်ဆွေးနွေးပြီးမှသာ အကြောင်း ပြန်မည်ဟု သိရှိရသည်။

ပြီးခဲ့သည့် မေလအတွင်းက သမ္မတဦးသိန်းစိန်၏ တရုတ်ပြည်ခရီးစဉ်တွင် တရုတ်သမ္မတ ဟူကျင်းတောင်က မြန်မာအစိုးရ အနေ ဖြင့် တိုင်းရင်းသားပြဿနာကို ပြေလည်အောင်ဖြေရှင်းရန်၊ အထူးသဖြင့် UWSA နှင့် မိုင်းလားအခြေစိုက် အမျိုးသား ဒီမိုကရေစီ မဟာမိတ် တပ်မတော် (NDAA) အဖွဲ့တို့အပေါ်တွင် သိမ်မွေ့စွာ ကိုင်တွင်ဖြေရှင်းရန် ပြောဆိုခဲ့သည်။

ဦးအောင်သောင်း၊ ဦးသိန်းဇော်တို့နှင့် UWSA အဖွဲ့တို့ တွေ့ဆုံမှု မတိုင်ခင် သြဂုတ်လအတွင်းက UWSA အဖွဲ့နှင့် မိုင်းလားအဖွဲ့တို့ တရုတ်အာဏာပိုင်များနှင့် တွေ့ဆုံဆွေးနွေးခဲ့သေးကြောင်း သိရသည်။

အလားတူ ယမန်နေ့ကလည်း ကျိုင်းတုံမြို့၌ ဦးအောင်သောင်း၊ ဦးသိန်းဇော်တို့နှင့် NDAA အထူးဒေသ (၄) အဖွဲ့တို့ ဆွေးနွေး ခဲ့ကြောင်း၊ NDAA အဖွဲ့ခေါင်းဆောင် ဦးစိုင်းလင်း၏သား ဦးထိန်လင်းက ဦးဆောင်ဆွေးနွေးကြောင်း သိရှိရသည်။

သမ္မတ ဦးသိန်းစိန် အစိုးရက တိုင်းရင်းသား လက်နက်ကိုင်အဖွဲ့များကို ငြိမ်းချမ်းရေး ဆွေးနွေးမှုများ ပြုလုပ်လိုလျှင် သက်ဆိုင်ရာ တိုင်းဒေသကြီးနှင့် ပြည်နယ်အစိုးရများနှင့်သာ ဆက်သွယ်ရန် ပြောဆိုခဲ့သည်။

ထိုသို့ အာဏာရ ကြံ့ဖွံ့ပါတီခေါင်းဆောင် နှစ်ဦးက ငြိမ်းချမ်ေးရးဟုဆိုကာ ဆွေးနွေးနေသော်လည်း ယခုကျင်းပနေသည့် ပြည်သူ့ လွှတ်တော် အစည်းအဝေးတွင် ပြန်ကြားရေးဝန်ကြီး ဦးကျော်ဆန်းက ငြိမ်းချမ်းရေးယူထားသည့် လက်နက်ကိုင်အဖွဲ့များက နယ် မြေတိုးချဲ့ခြင်း၊ အင်အားတိုးချဲ့ခြင်း၊ ဆက်ကြေး ကောက်ခံခြင်း၊ ဆန့်ကျင်စည်းရုံးလှုပ်ရှားမှုများ အရှိန်မြှင့်ကာ မရိုးသားသော ကျူးလွန်ဖောက်ဖျက်မှုများ ပြုလုပ်ခြင်းတို့ကြောင့် ဆွေးနွေးပွဲ အကြိမ်ကြိမ်ပျက်ပြားခဲ့ရသည်ဟု ပုတ်ခတ်ပြောဆိုခဲ့သည်။

Ref: ဧရာဝတီ

Thursday, September 8, 2011

ဆဒ္ဒန်ဆင်မင်းဇာတ်ခင်း၍ မီဒီယာလွတ်လပ်ခွင့် မပေးနိုင်သေးကြောင်း ဝန်ကြီးပြော

08 September 2011

ပြန်ကြားရေးဝန်ကြီး ဦးကျော်ဆန်းသည် ယမန်နေ့က ပြည်သူ့လွှတ်တော်တွင် တင်သွင်းသည့် မီဒီယာလွတ်လပ်ခွင့် ရရှိရေး အဆို ကို ဖြေကြားရာတွင် ဘုရားအလောင်း ဆန္ဒန်ဆင်မင်း ဇာတ်ထုပ်ကို အချိန်ကြာမြင့်စွာ ပြောဆို၍ မီဒီယာလွတ်လပ်ခွင့် မပေးနိုင် ကြောင်း သွယ်ဝိုက် ငြင်းဆိုသွားသည်ဟု သိရသည်။

ဦးကျော်ဆန်းသည် လွှတ်တော်အတွင်း အဆိုပါ ဇာတ်တော်ကြီးကို နာရီဝက်ကျော် ကြာအောင် ပြောဆိုခဲ့သည့်အတွက် ပြည်သူ့ လွှတ်တော်ဥက္ကဋ္ဌ သူရဦးရွှေမန်းက လိုရင်းကို ဖြေကြားရန် သတိပေးပြောဆိုခဲ့ရသည်ဟု လွှတ်တော် ကိုယ်စားလှယ် တဦးက ပြော သည်။

သင်္ဃန်းကျွန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွန့်က သတင်းမီဒီယာများ၏ ထင်မြင်ယူဆချက် များကို လွတ်လပ်စွာ ထုတ်ဖော်ပြောဆိုခွင့်၊ ရေးသား ဖြန့်ဝေခွင့် စသည့် အခွင့်အရေးများ ကာကွယ်စောင့် ရှောက် ပေးသည့် ဥပဒေတရပ် ပြဌာန်းပေးရန် အဆိုကို လွှတ်တော်တွင် တင်သွင်းသည့်အတွက် ၀န်ကြီး ဦးကျော်ဆန်း က ဆန္ဒန်ဆင်မင်းဇာတ်ကို စီကာ ပတ်ကုံး ပြောဆို ခဲ့ခြင်းဖြစ်ကြောင်း သိရသည်။

“ဆန္ဒန်ဆင်မင်းက သူရဲ့ မိဖုရားစူဠသုဘဒ္ဒါပေါ်ကို အင် ကြင်းပန်းတွေ ကျစေချင်လို့ လုပ်ခဲ့ပေမယ့် ခါချဉ်ကောင်တွေ ကျပြီး ခါချဉ်ကိုက်လို့ စူဠသုဘဒ္ဒါက ဆန္ဒန်ဆင်မင်းအပေါ်ကို ရန်ငြိုးဖွဲ့တယ်ဆိုတဲ့အကြောင်း၊ မီဒီယာ လွတ်လပ်ခွင့်ဆိုတဲ့ အင်ကြင်းပန်း ကို ပေးချင်ပေမယ့် ခါချဉ်တွေကျလာရင် စေတနာက ဝေဒနာဖြစ်မယ် ဆိုတဲ့သဘော ပြောသွားတယ်” ဟု လွှတ်တော် တက် ရောက်နေသည့် ကိုယ်စားလှယ်က ပြောသည်။

ဝန်ကြီးဦးကျော်ဆန်းက မီဒီယာလွတ်လပ်ခွင့်ကို ပေးချင်သော်လည်း ဝေဒနာဖြစ်မည်စိုးသောကြောင့် မပေးနိုင်သေးကြောင်းကို နာရီဝက်ကျော်ကြာအောင် သွယ်ဝိုက်ပြောဆိုသွားခြင်း ဖြစ်သည်ဟု သူက ဆိုသည်။

ထို့အပြင် ၀န်ကြီးဦးကျော်ဆန်းက စာပေလွတ်လပ်ခွင့်ကို အရှိန်အဟုန်ပြင်းစွာ စီးဆင်းနေသော ရေစီးကြောင်းနှင့် နှိုင်းယှဉ် တင်ပြ လိုက်ပြီး အရှိန်နှင့် စီးဆင်းနေသော မြစ်ရေချောင်းရေသည် မြစ်ချောင်းများ အတွင်း စီးဆင်းသွားပါက အကျိုးများမည် ဖြစ်သော် လည်း မြစ်ဘောင်ချောင်းဘောင်အတွင်း ရှိမနေဘဲ စည်းကမ်းမဲ့စွာ ပျံ့နှံ့စီးဆင်းသွားမည်ဆိုပါက လူသားတို့အတွက် အပြစ်ဆိုး ကျိုးက ပိုမိုများပြားစေမည်ဟု ပြောသည်။

သို့ရာတွင် ယမန်နေ့က ဦးကျော်ဆန်းပြောဆိုခဲ့သည့် ဆဒ္ဒန်ဆင်မင်း ဇာတ်ထုပ်ကိစ္စကို ယနေ့ထုတ် နိုင်ငံပိုင် သတင်းစာ များတွင် ဖော်ပြခြင်းမရှိပေ။

သတင်းစာထဲတွင်မူ မီဒီယာသမားများသည် လွတ်လပ်ခွင့်နှင့်အတူ လွတ်လွတ်လပ်လပ် ရေးသားနိုင်ခွင့် ရှိသကဲ့သို့ နိုင်ငံတော် လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေးကို မထိပါးစေရန် တာဝန်ယူရမည်ဖြစ်ကြောင်း၊ ဦးသိန်းညွန့် တင် သွင်းသော အဆိုသည် ပြန်ကြားရေးဝန်ကြီးဌာနက ဆောင်ရွက်နေသော လုပ်ငန်းထဲတွင် အကျုံးဝင်ပြီးဖြစ်ကြောင်း ဦးကျော်ဆန်း က ဖြေဆိုသည်ဟု ရေးသားထားသည်။

Ref: ဧရာဝတီ

တပတ်ရစ်ကားသွင်းခွင့် နယ်စပ်တွင်ပိတ်

08 September 2011

ဧရာဝတီတွင် ဖော်ပြခဲ့သည့် သတင်းတပုဒ်ကြောင့် ထိုင်းနိုင်ငံ မဲဆောက်မြို့မှ ကရင်ပြည်နယ် မြ၀တီမြို့သို့ တပတ်ရစ်ကားများ နယ်စပ်ဖြတ် တင်သွင်းနေမှုကို မြန်မာအာဏာပိုင် တို့က ယခုလဆန်းပိုင်းမှစ၍ ပိတ်ပင်လိုက်ကြောင်း သိရသည်။

"ကားတွေ မြန်မာဘက် တရားမ၀င် ကုန်သွယ်တဲ့ကိစ္စမှာ မြန်မာအာဏာပိုင်တွေ၊ လူကြီးတွေ ပါဝင် ပတ်သက်တယ် ဆိုပြီး ဓာတ်ပုံ တွေနဲ့ သတင်း တင်လိုက်တာကို မြန်မာဘက်က မကျေနပ်လို့ ပိတ်လိုက်တာ" ဟု မဲဆောက်မြို့ သောင်ရင်းမြစ်ဘေးတွင် ကားအ ရောင်းဌာန ဖွင့်ထားသည့် ထိုင်းလုပ်ငန်းရှင်တဦးက ပြောသည်။

မြန်မာအာဏာပိုင်တို့က မဲဆောက်ရှိ ဌာနဆိုင်ရာတချို့နှင့် တပတ်ရစ်ကား ကုမ္ပဏီများကို ထိုသတင်းမိတ္တူ ပေးပို့ပြီး မကျေနပ် ကြောင်း အသိပေးခဲ့သည်ဟု ဆိုသည်။

"အတော်လေးကို စိတ်ဆိုးနေတယ်။ မြန်မာဘက်က ကန့်ကွက်တာက ဧရာဝတီသတင်းကို ပရင့် ထုတ်ပြီးတော့ကို ပေးတာ။ ဒီတချီ မြန်မာဘက်က ပိတ်တာ ကြာနိုင်တယ်။ ကုန်သည် အတော်များများက ကားဝယ်ထားပြီး မြန်မာဘက် သယ်လို့ မရဘူး" ဟု ကားတင်သွင်းသည့် လုပ်ငန်းရှင်တဦးက ပြောသည်။

ကား စီးဆင်းမှု ရပ်သွားသည့်အတွက် သောင်ရင်းမြစ်ဘေး ကားအရောင်းဌာနများတွင် ဂျပန် တပတ်ရစ်ကား စီးရေ တထောင် ကျော် သောင်တင်နေသည်ဟု သူက ပြောသည်။

သောင်ရင်းမြစ်ဘေး ထိုင်းဘက်ခြမ်းရှိ လှေဆိပ်များတွင် တပတ်ရစ်ကားမျိုးစုံကို တရားဝင် ရောင်းချနေသည့် ထိုင်းကုမ္ပဏီ ၄၀ ကျော် ရှိသည်ဟု ကားအရောင်းဌာန ၀န်ထမ်းတဦးက ပြောသည်။

"ထိုင်းဘက်က တရားဝင် ရောင်းတာပါ။ မြန်မာဘက်ကို ရောက်မှပဲ တရားမ၀င် ဖြစ်တာပါ။ ထိုင်းဘက်မှာ ကားစီးရေ ထောင်ချီ ရှိတဲ့အတွက် ကားမထွက်ရင် ကျနော်တို့ဘက်ကလည်း နစ်နာဆုံးမှုတွေ ရှိပါတယ်။ လုပ်ငန်း လုပ်ပိုင်ခွင့် တရားဝင် အခွန် အ ကောက်တွေ ပေးရသလို ဒီလက စပြီး နောက်တိုးအခွန်အဖြစ် ကားတစီးကို တရက် ဘတ် တထောင်နှုံးနဲ့ အကောက်ခွန်ဌာနကို ပေးရမှာ" ဟု ၎င်းက ရှင်းပြသည်။

"ကြာကြာပိတ်လေ နှစ်ဘက် ကုန်သည်တွေ နစ်နာလေပဲ" ဟု ၎င်းက ဆိုသည်။

ယခင်က မြ၀တီသို့ ကားတင်ပို့မှုမှာ တရက်လျှင် အစီး ၂၀၀ ၀န်းကျင် ရှိသည်ဟု မဲဆောက်မြို့ အကောက်ခွန်ဌာန အရာရှိ တဦးက ဧရာဝတီကို ပြောသည်။

မြ၀တီသို့ ရောက်လာသည့် တပတ်ရစ်ကားများကို မြန်မာနိုင်ငံတွင် အသုံးပြုသကဲ့သို့ တခြားသော အိမ်နီးခြင်း နိုင်ငံတချို့ကို တင်ပို့ရောင်းချကြသည်ဟု မြန်မာပြည်သား ကားကုန်သည်များက ပြောသည်။

ဆက်စပ်သတင်း
တရားမဝင်ကားလုပ်ငန်း ထိပ်တန်းအာဏာပိုင်များ ပတ်သက်နေ

Ref: ဧရာဝတီ

ကြံ့ဖွံ့ခေါင်းဆောင်များ ၀တပ်ဖွဲ့နှင့် တွေ့

ဝေမိုး
08 September 2011

အာဏာရ ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီခေါင်းဆောင် ၂ ဦးသည် ရှမ်းပြည်နယ် ကျိုင်းတုံမြို့သို့ သွားရောက်ပြီး ၀ ပြည် သွေးစည်းညီညွတ်ရေး တပ်မတော် (UWSA) နှင့် အင်္ဂါနေ့တွင် တွေ့ဆုံခဲ့သည်ဟု သိရသည်။

ဤတွေ့ဆုံမှုသည် တိုင်းရင်းသားသူပုန်အဖွဲ့များတွင် အင်အားအကြီးဆုံးဖြစ်သော UWSA နှင့် အစိုးရတို့ အကြား သမ္မတ ဦးသိန်း စိန် အစိုးရတက်လာပြီးနောက်ပိုင်း ပထမဆုံးအကြိမ် တွေ့ဆုံခြင်း ဖြစ်သည်။

သမ္မတ၏ အထူးကိုယ်စားလှယ်များအဖြစ် ကျိုင်းတုံသို့ ရောက်သွားသူများမှာ ကြံ့ဖွံ့ပါတီခေါင်းဆောင် ဦးအောင်သောင်း၊ ဦးသိန်း ဇော်တို့ ဖြစ်ကြောင်း UWSA နှင့် နီးစပ်သော သတင်းရပ်ကွက်က ဆိုသည်။

UWSA ကိုယ်စားလှယ်အဖွဲ့တွင် ဘဏ္ဍာရေးနှင့် စီးပွားရေး တာဝန်ခံ ဦးပေါက်ယိုလျံ၊ ပြည်ပဆက်သွယ်ရေးတာဝန်ခံ ဦးကျောက် ဂုရမ်၊ ပြန်ကြားရေးအရာရှိ လီဆူးလျဲ့တို့ ပါဝင်သည်။ ဦးပေါက်ယိုလျံသည် ၀ တပ်ဖွဲ့ ခေါင်းဆောင် ဦးပေါက်ယူချန်း၏ ညီ ဖြစ် သည်။

ကျိုင်တုံမြို့ ဆွေးနွေးမှုနှင့် ပတ်သက်ပြီး နှစ်ဘက်စလုံးက ထုတ်ပြန်ခြင်း မရှိသေးပေ။

သို့သော်လည်း UWSA နှင့် နီးစပ်သူတို့၏ အဆိုအရ ဆွေးနွေးမှုများသည် မကြာသေးမီ ရက်များအတွင်း အစိုးရက ၀ တပ်ဖွဲ့၊ မိုင်းလားအဖွဲ့ခေါ် အမျိုးသား ဒီမိုကရေစီ မဟာမိတ် တပ်မတော် (NDAA) တို့ထံ ပေးပို့ခဲ့သည့် ငြိမ်းချမ်းရေး ဆွေးနွေးပွဲ ကမ်းလှမ်း စာနှင့် ပတ်သက်ဖွယ်ရှိသည်ဟု ဆိုသည်။

ထိုကမ်းလှမ်းစာတွင် အစိုးရနှင့် တိုင်းရင်းသားသူပုန်အဖွဲ့တို့အကြား ငြိမ်းချမ်းရေးဖော်ဆောင်ရန် ဖော်ပြထားသည်ဟု ကြားသိရ ကြောင်း ထိုင်းနိုင်ငံ၊ ချင်းမိုင်မြို့အခြေစိုက် သျှမ်းသံတော်ဆင့် သတင်းဌာန အယ်ဒီတာ ဦးခွန်ဆိုင်းက ပြောသည်။

ထိုကမ်းလှမ်းစာတွင် "စိတ်ပျက်စရာ" အချက်များ ပါဝင်နေသဖြင့် နှစ်ဘက် ကွာဟချက် ပိုမို ကြီးမားစေမည်ဟု UWSA က ယူဆ ကြောင်း ၀ တပ်ဖွဲ့ ခေါင်းဆောင်တို့နှင့် နီးစပ်သူတဦးကို ကိုးကားပြီး သျှမ်းသံတော်ဆင့် သတင်းတပုဒ်တွင် ဖော်ပြထားသည်။

ရှမ်းပြည်နယ် အခြေစိုက် UWSA နှင့် NDAA အပါအ၀င် အပစ်အခတ်ရပ်စဲထားသည့် တိုင်းရင်းသား သူပုန်အဖွဲ့အများစုသည် နယ်ခြားစောင့်တပ်ဖွဲ့အဖြစ် အသွင်ပြောင်းရေး အစီအစဉ်ကို လက်မခံသဖြင့် အစိုးရနှင့် ဆက်ဆံရေးတင်းမာလျက်ရှိသည်။

တိုင်းရင်းသား လက်နက်ကိုင်အဖွဲ့များက နယ်ခြားစောင့်တပ် အစီအစဉ်သည် နိုင်ငံရေးဆွေးနွေးမှု အာမခံချက် မရှိဘဲ လက်နက်ချ ရမည့်အစီအစဉ်အဖြစ် ယူဆထားကြသည်။

Ref: ဧရာဝတီ

ဒီကေဘီအေတပ်ဖွဲ့ ပြန်လည်ပြင်ဆင်ဖွဲ့စည်း

September 7, 2011
နော်နိုရင်း

နယ်ခြား စောင့်တပ်အသွင်ကူးပြောင်းဖို့ ငြင်းဆိုခဲ့တဲ့ ဒီကေဘီအေ တပ်ဖွဲ့ဝင်တွေနဲ့ အသွင်ကူးပြောင်းပြီးမှ ပြန်လည်ပူးပေါင်းလာတဲ့ ဒီကေဘီအေတွေ ပြန်လည်ပူးပေါင်းပြီး ဒီကေဘီအေကို ပြင်ဆင်ဖွဲ့စည်းလိုက်ပြီလို့ တပ်မှူးတဦးက ပြောပါတယ်။

အသစ်ပြန်ဖွဲ့ တဲ့ ဒီကေဘီအေ (တိုးတက်သော ဗုဒ္ဓဘာသာ ကရင်အမျိုးသား တပ်မတော်) ကို ဗိုလ်ချုပ်နှုတ်ခမ်းမွှေး (ဗိုလ်ချုပ်စောလားဘွဲ) က ဦးဆောင်ပြီး ကလိုထူးဝါးနဲ့ ကလိုထူးလားဆိုတဲ့ စစ်ဗျူဟာ ၂ ခု စနစ်တကျ သတ်မှတ်လိုက်တယ်လို့ ဒီကေဘီအေ ပြောခွင့်ရသူ ဗိုလ်မှူးဆန်းအောင်က ပြောပါတယ်။

“ဗျူဟာ၁၊ ၂ဆိုပြီး ပြန်ဖွဲ့စည်းတယ်။ မြဝတီတောင်ပိုင်းနဲ့ မြောက်ပိုင်းဆိုပြီး ရှိတဲ့အတွက် ကိုယ်ကျရာဒေသမှာ စစ်သားပီသစွာ တာဝန်ယူရမယ်၊ ပြည်သူတွေအပေါ်မှာ အနစ်နာခံ စာနာတတ်ဖို့ ညွှန်ကြားပါတယ်။ ပြည်သူတွေနဲ့ တော်လှန်ရေးအင်အားစုတွေ ပူးပေါင်းပြီး ကြံ့ဖွံ့အစိုးရကို တွန်းလှန်ဖို့ကိုလည်း အလေးနက်ထား ညွှန်ကြားခဲ့ပါတယ်။”

ကလိုထူးဝါး စစ်ဗျူဟာကို ဗိုလ်မှူးချုပ်ကျော်သက်က ဦးဆောင်ပြီး မြဝတီ၊ ကော့ကရိတ်တောင်ဘက်နေ ဘုရားသုံးဆူအထိ တာဝန်ယူမှာဖြစ်ပါတယ်။

ကလိုထူးလား စစ်ဗျူဟာကိုတော့ ဗိုလ်မှူးချုပ်စောဘိခို (ခေါ်) စောဘိ ဦးဆောင်ပြီး မြဝတီမြို့မြောက်ဘက် မြိုင်ကြီးငူဒေသ၊ ဘားအံ-လှိုင်ဘွဲဘက်ကို တာဝန်ယူမယ်လို့ ဗိုလ်မှူးဆန်းအောင်က ပြောပါတယ်။

ဗိုလ်မှူးချုပ်စောဘိခိုဟာ နယ်ခြားစောင့်တပ်အသွင်ပြောင်းပြီးမှ ဒီကေဘီအေနဲ့ တရားဝင်ပြန်ပူးပေါင်းပြီး အခုလို တာဝန်ပေးအပ်ခံရတာပါ။

ဒီကေဘီအေကို အထက်အမိန့် နာခံမှုနဲ့ တိတိကျကျ တာဝန်ကျေပွန်အောင် ခုလို ပြင်ဆင်ဖွဲ့စည်းတာပါလို့လည်း ဗိုလ်မှူးဆန်းအောင်က ပြောပါတယ်။

“စစ်တပ်ကို တသွေး တသံ တမိန့်နဲ့ သွားအောင် အဆင့်အဆင့် လေးလေးနက် နက် တာဝန်ယူတတ်အောင် ညွှန်ကြားနိုင်ဖို့အတွက် ဖွဲ့စည်းပေးလိုက်တာပါ။”

စစ်ဗျူဟာတခုကို တပ်ရင်း ၃ ရင်းစီနဲ့ ဖွဲ့စည်းထားပြီး ကွပ်ကဲရေးဌာနချုပ်မှာ လုံခြုံရေးတပ်ရင်း ၂ ရင်း ပါရှိတယ်လို့ ဆိုပါတယ်။

ဒီကေဘီအေဟာ ကရင်အမျိုးသားအစည်းအရုံးနဲ့ စစ်ရေး၊ နိုင်ငံရေး ပူးပေါင်းဆောင်ရွက်သွားမှာပါလို့လည်း ဗိုလ်မှူးဆန်းအောင်က ပြောပါတယ်။

Ref: ဒီဗွီဘီ

ပြည်ပထွက် အလုပ်လုပ်သူများအတွက် အသက်အာမခံ စတင်တော့မည်

September 7, 2011
မန်းစိုင်းမွန်

ပြည်ပထွက်ပြီး အလုပ်လုပ်သူတိုင်း အသက်အာမခံ မထားမနေရစနစ်ကို အကောင်အ ထည်ဖော်ဖို့ မြန်မာအစိုးရက ပြင်ဆင်နေ ပါတယ်။

ပြည်ပမထွက်ခွာမီ အသက်အာမခံကြေး ကျပ် ၂,၅၀၀၀ နှုန်း ပေးဆောင်ပြီးမှ အာမခံမလုပ်သူကို ခွင့်ပြုမှာမဟုတ်ဘူးလို့ ပြည်တွင်း ရုပ်မြင်သံကြားလိုင်း MRTV-4 က အာမခံလုပ်ငန်းတာဝန်ရှိသူကို ကိုးကားပြီး သတင်းထုတ်ပြန်ပါတယ်။

ဒီအစီအစဉ်ကို အလုပ်သမားဝန်ကြီးဌာနနဲ့ မြန်မာ့အာမခံလုပ်ငန်းတို့ ပူးပေါင်း ပြင်ဆင်နေတယ်လို့ ဆိုပြီး ပြည်ပရောက်နှင့်ပြီးသူတွေကို ဘယ်လိုကောက်ခံမယ် ဆိုတာတော့ မသိရပါဘူး။

အာမခံထားတဲ့ အလုပ်သမားတွေဟာ နိုင်ငံခြားမှာအလုပ်လုပ်ရင်း သေဆုံးရင် အာမခံလျော်ကြေး ကျပ်သိန်း ၅၀ ရမှာဖြစ်ပြီး၊ ထိခိုက်ဒဏ်ရာရမှုအတွက်တော့ ထိခိုက်မှုပေါ်မူတည်ပြီး အာမခံလျော်ကြေး ရရှိမယ်လို့ဆိုပါတယ်။

အလုပ်သမား တွေအတွက် ခံစားခွင့်နဲ့ ပတ်သက်လို့ မြန်မာ့အာမခံလုပ်ငန်း မန်နေဂျာ ဦးမောင်မောင်သိမ်းကို ဒီဗွီဘီက ဆက်သွယ်မေးမြန်းရာမှာ ဖြေကြားဖို့ ငြင်းဆိုပါတယ်။

အာမခံရဖို့ အတွက် တရားဝင်အလုပ်သမားအေဂျင်စီရဲ့ထောက်ခံစာ၊ ပြည်ပကခေါ် ယူတဲ့ အလုပ်ခန့်စာ၊ နိုင်ငံကူးလက်မှတ်နဲ့အတူ မိမိကိုယ်စားခံစားခွင့်ရှိသူကို ခေါ်ဆောင် လာပြီး အလုပ်သမားဝန်ကြီးဌာနမှာ လျှောက်ရမည်ဟု MRTV-4 သတင်းအရ သိရပါ တယ်။

မြန်မာနိုင်ငံမှာ အလုပ်အကိ်ုင်ရှားပါးမှု၊ ဝင်ငွေနည်းပါးမှုတို့ကြောင့် အိမ်နီးချင်းနိုင်ငံ တွေမှာ သွားရောက်အလုပ်လုပ်နေတဲ့ မြန်မာ နိုင်ငံသား သန်းနဲ့ချီ ရှိနေပါတယ်။ ထိုင်းနိုင်ငံမှာတော့ မြန်မာနိုင်ငံသား သုံးသန်းလောက်ရှိတဲ့အနက် အလုပ်လုပ်ခွင့်မှတ်ပုံ တင် ထားသူ ခြောက်သိန်းကျော်တယ်လို့ ထိုင်းအစိုးရက ပြောထားပါတယ်။

မြန်မာ့ အလုပ်သမားအရေး ကူညီနေတဲ့ ထိုင်းအခြေစိုက် မြန်မာအသင်း တာဝန်ရှိ သူ ဦးကျော်သောင်းကတော့ ထိုင်းနိုင်ငံဆိုင်ရာ မြန်မာသံရုံးဟာ မြန်မာအလုပ်သမားတွေ ထိခိုက်နစ်နာသေဆုံးမှုတွေကို အစဉ်အဆက် လျစ်လျူရှုခဲ့ပြီး အခု အာမခံကြေးအစီအ စဉ်ဟာလည်း မြန်မာအလုပ်သမားတွေဆီက ငွေကောက်ခံနိုင်အောင်လုပ်တဲ့ အစီအစဉ်တခုပဲလို့ ပြောပါတယ်။

Ref: ဒီဗွီဘီ

မီဒီယာဥပဒေ ရေးဆွဲနေပြီဟု ပြန်ကြားရေးဝန်ကြီး ပြော

September 7, 2011
အံ့ဘုန်းမြတ်

သတင်း မီဒီယာတွေနဲ့ဆိုင်တဲ့ ဥပဒေတွေကို ပြန်ကြားရေးဝန်ကြီးဌာနက ဦးဆောင်ရေးဆွဲ နေပြီး လွှတ်တော်ကို မကြာခင် တင်သွင်း မယ်လို့ ပြန်ကြားရေးဝန်ကြီးက ဒီနေ့ ပြည်သူ့ လွှတ်တော် အစည်းအဝေးမှာ ပြောပါတယ်။

သတင်းမီဒီယာ တွေ လွတ်လပ်စွာ ဖော်ထုတ်ခွင့်ကို ကာကွယ်စောင့်ရှောက်ပေး ရေး ဥပဒေတရပ် ပြဋ္ဌာန်းဖို့ သင်္ဃန်းကျွန်းမြို့နယ် ကိုယ်စားလှယ် ဦးသိန်းညွန့် မနေ့ကအစည်းအဝေးမှာ အဆိုတင်ခဲ့တာကိုတော့ ဒီနေ့အစည်းအဝေးမှာ မှတ်တမ်းတင်ပါတယ်။

ဒီအဆိုနဲ့ ပတ်သက်ပြီး ပြန်ကြားရေးဝန်ကြီး ဦးကျော်ဆန်းက မီဒီယာဥပဒေ ပြဌာန်း ဖို့ ပြန်ကြားရေးဝန်ကြီးဌာနက ရှေ့နေချုပ်ရုံးကို ဇူလိုင်ကတည်းက ပေးပို့ထားပြီး အကြံညာဏ်ယူနေပါတယ်၊ စသည်ဖြင့် တင်ပြသွားတယ်လို့ ဦးသိန်းညွန့်က ပြောပြပါတယ်။

“နောက်တပတ် လွှတ်တော်မှာ မဆောင်ရွက်ဘူး ဆိုရင် ကျနော်က ဒီအဆိုကို မှတ်တမ်းတင်ထားတဲ့အပေါ်မှာ အခြေခံပြီးတော့ နောက် လာမယ့် လွှတ်တော်မှာ ကျနော် ထပ်မံဆွေးနွေးမှာပါ”လို့ ဦးသိန်းညွန့်က ပြောပါတယ်။

ပြန်ကြားရေး ဝန်ကြီးဌာနက ရေးဆွဲတင်သွင်းလာမယ့် ဥပဒေမူကြမ်းမှာ သတင်းမီဒီ ယာသမားတွေအတွက် ဝန်ထုပ်ဝန်ပိုးဖြစ်မယ့် ဥပဒေမျိုးတွေ ပါဝင်လာရင်လည်း ပြင်ဆင်နိုင်ဖို့ ကြိုးစားမယ်လို့လည်း ဦးသိန်းညွန့်က ပြောပါတယ်။

“သူတို့ တကယ်တင်သွင်းလာရင် အဲဒီ ဥပဒေကြမ်းအပေါ်မှာ ဒီမိုကရေစီ အသွင်ကူးပြောင်းဖို့ အထောက်အကူမပြုဘူးဆိုရင် နိုင် တာ ရှုံးတာ အပထား ပြင်ဆင်ချက် အဆိုတင်သွင်းပြီးတော့ တိုင်းပြည်ကသိအောင် ကျနော်လုပ်ရမှာပေါ့။ ကျနော်တတ်နိုင် သလောက်တော့ လုပ်မှာ။”

ဝန်ကြီးဦး ကျော်ဆန်းက ပြည်သူ့လွှတ်တော်မှာ နာရီအတော်ကြာ ပြောကြားသွား ရာမှာ စာပေလွတ်လပ်ခွင့်ကို ထိန်းချုပ်ထားရတာ ကိုလည်း ရှင်းလင်းသွားတယ်လို့လည်း ဒီ့ပြင်ကိုယ်စားလှယ်တဦးက ပြောပါတယ်။

“စာ ပေလွတ်လပ်ခွင့်ဆိုတာကလည်း စည်းမဲ့ကမ်းမဲ့ ဒီအချိန်မှာ လုပ်လို့ မရသေး ဘူးတဲ့၊ ဒီမိုကရေစီဆိုတာ ဒီနိုင်ငံရဲ့ မွေးကင်းစ ကလေးလိုပဲ ရှိပါသေးတယ်။ နောက်တော့ တဖြည်းဖြည်းနဲ့ လျော့ပေါ့ပြီးတော့ ဥပဒေတွေပြဋ္ဌာန်းပြီး အဆင့်ဆင့်လုပ်လာရင် ဒီ ဥပဒေတွေဟာ သီးခြား ဒီလွှတ်တော်မှာ ပြဋ္ဌာန်းစရာမလိုဘဲနဲ့ တစတစနဲ့ သူတို့က လျှော့ပေါ့ပြီး တိုးလာဖို့ အခြေအနေ ရှိပါတယ်လို့ ပြောပါတယ်။”

စာပေစိစစ် ရေးကို ဝေဖန်နေကြပေမယ့် ဒီစာပေစိစစ်ရေးဟာ မီဒီယာသမားတွေ အပေါ် အကျိုးရှိစေပါတယ်လို့ ကာကွယ်ပြောကြား သွားတယ်လို့လည်း အဲဒီကိုယ်စားလှယ် က ပြန်ပြောပြပါတယ်။

“ဦးကျော်ဆန်း က စာပေစိစစ်ရေးဆိုတာ နှစ်ဘက် ညှိနှိုင်းဖြေရှင်းရပါတယ်။ သတိ ပေးလို့လည်း ရပါတယ်။ စာပေထုတ်ဝေခွင့်ကို ခေတ္တရပ်ဆိုင်းထားလို့ ရပါတယ်။ ဒါကြောင့် မနစ်နာပါဘူးတဲ့။ ဥပဒေအရ အရေးယူတယ်ဆိုတာကတော့ ပြတ်သားတယ်၊ တိကျ တယ်၊ ပြင်းထန်တယ် အဲဒါကြောင့် အဲဒီလိုအခြေအနေမျိုး မရောက်ခင် စာပေစိစစ်ရေးအဖွဲ့က ဟန့်တားပေးရတာအတွက် အဲဒါ ဟာ နှစ်ဦးနှစ်ဘက် အကျိုးရှိပါတယ်လို့ ဖြေသွားပါတယ်။”

ဒီကနေ့ ပြည်သူ့လွှတ်တော်အစည်းအဝေးမှာ ဦးသိန်းညွန့်တင်သွင်းတဲ့ နိုင်ငံတကာစံချိန်စံညွှန်းနဲ့ညီတဲ့ အလုပ်သမားအခွင့်အရေးကာကွယ်တဲ့ဥပဒေ ပြဋ္ဌာန်းဖို့ အဆိုကိုလည်း သက်ဆိုင်ရာဝန်ကြီးဌာနက လုပ်ဆောင်နေပြီဖြစ်တာကြောင့် အတည်မပြုဘဲ မှတ် တမ်းအဖြစ် ထားရှိခဲ့ပါတယ်။

Ref: ဒီဗွီဘီ

ပြုပြင်ပြောင်းလဲရေး လက်တွေ့ ဖော်ဆောင်ဖို့ မြန်မာအစိုးရကို ကုလ တိုက်တွန်း

07 စက်တင်ဘာ 2011

မြန်မာနိုင်ငံမှာ အခုနှစ်အတွင်း အစိုးရ အပြောင်းအလဲ ဖြစ်လာတာဟာ နိုင်ငံအတွင်း ပိုပြီးပြည့်စုံတဲ့ အမျိုးသားရေးဆိုင်ရာ ပြော ဆို ဆွေးနွေးမှုတွေ ဖြစ်ပေါ်လာဖို့ အခွင့်အလမ်းတွေ ဖန်တီးလိုက်သလို ဖြစ်ခဲ့တယ်၊ ဒါပေမဲ့ အပြောင်းအလဲတွေ တကယ်ပဲ ဖြစ် လာမလားဆိုတဲ့ ကိစ္စကတော့ ပြောဖို့ သိပ်စောနေသေးတယ်လို့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း (Mr. Ban Ki-moon) က ပြောလိုက်ပါတယ်။

မကြာမီ ကျင်းပမယ့် ကုလသမဂ္ဂ အထွေထွေ ညီလာခံမှာ တင်သွင်းမယ့် မြန်မာပြည်ဆိုင်ရာ လူ့အခွင့်အရေး အစီရင်ခံစာထဲမှာ အခုလို ဖော်ပြထားတာပါ။

ပြီးခဲ့တဲ့နှစ်က မြန်မာပြည်မှာ ကျင်းပခဲ့တဲ့ ရွေးကောက်ပွဲအတွင်း ချို့ယွင်းချက်တွေ ရှိခဲ့ပြီး ပါဝင်ခဲ့ကြသူ တော်တော်များများ က လည်း စိတ်ပျက်ခဲ့ကြတယ်လို့ မစ္စတာ ဘန်ကီမွန်းက ပြောပါတယ်။ ဒါပေမဲ့လည်း မြန်မာပြည်မှာ စစ်တပ်က ကြီးစိုး ချုပ်ကိုင်လာခဲ့ တာ နှစ်ပေါင်း ၅၀ လောက် အကြာမှာ တရားဝင် နိုင်ငံရေး လှုပ်ရှားမှုတွေ ပြန်ပြီး စတင်ခွင့်တော့ ရလာခဲ့တယ်လို့ ဆိုပါတယ်။

သမ္မတ ဦးသိန်းစိန်က အပြောင်းအလဲတွေ လုပ်မယ်လို့ ကတိပေး ပြောဆိုနေတာတွေကို မစ္စတာ ဘန်ကီမွန်းက ကြိုဆိုပါတယ်။ ဒါပေမဲ့လည်း အပြောင်းအလဲတွေအတွက် အချိန်မီ တကယ်ပဲ အကောင်အထည် ဖော်မလားဆိုတဲ့ ကိစ္စကတော့ ပြောတဲ့အတိုင်း လုပ်မလုပ် တကယ်စမ်းသပ်တဲ့ ပွဲပဲလို့လည်း ပြောပါတယ်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဖမ်းဆီးထားရာက ပြန်လွှတ်ပေးတဲ့ကိစ္စ၊ ဒေါ်အောင်ဆန်းစုကြည်က သူ့ရဲ့ လုပ်နိုင်စွမ်းနဲ့ လူထုအတွင်း ဆောင်ရွက်မှုတွေ လုပ်လာနေတဲ့ အကြောင်းကိုလည်း မစ္စတာ ဘန်ကီမွန်းက အစီရင်ခံစာ ထဲမှာ ထည့်ပြောပါတယ်။

ဒေါ်အောင်ဆန်းစုကြည်ရဲ့ သွားလာပိုင်ခွင့်အပေါ် ထိန်းချုပ်တာတွေ လုပ်မှာကိုတော့ အထူးပဲ စိုးရိမ်ရတယ်လို့လည်း မစ္စတာ ဘန်ကီမွန်းက သတိပေးပြောဆိုပါတယ်။

နိုင်ငံရေး အကျဉ်းသားတွေကို ဖမ်းဆီးထားတာကိုတော့ ကုလသမဂ္ဂနဲ့ နိုင်ငံတကာ အသိုင်းအ၀ိုင်းက အကြီးအကျယ် စိုးရိမ် နေ တယ်လို့ ပြောပါတယ်။ သူတို့ကို ဆက်ပြီး ဖမ်းဆီးထားတာဟာ အစိုးရသစ်ရဲ့ ကြိုးပမ်းမှုတွေကို တခြားနိုင်ငံတွေက ယုံကြည်မှု ရနိုင်မှာ မဟုတ်ဘူးလို့လည်း ဆိုပါတယ်။

အစိုးရသစ်ရဲ့ ပြုပြင်ပြောင်းလဲရေး ကိစ္စတွေ တကယ်လုပ် မလုပ် ဆိုတာကိုတော့ စောင့်ကြည့်သွားရမယ်၊ ပြောင်းလဲမှုတွေ ထိထိ ရောက်ရောက် လုပ်ဆောင်နိုင်ရေး အကူအညီပေးဖို့ သူ့အနေနဲ့ အဆင်သင့်ပဲလို့ မစ္စတာ ဘန်ကီမွန်းရဲ့ အစီရင်ခံစာမှာ ဖော်ပြ ထား ပါတယ်။

Ref: ဗွီအိုအေ

မြန်မာအစိုးရရဲ့ ခြေလှမ်းသစ်များ အမေရိကန် စောင့်ကြည့်

07 စက်တင်ဘာ 2011
ဦးသိန်းထိုက်ဦး

မြန်မာနိုင်ငံအတွင်းမှာ ပြောင်းလဲလာတဲ့ ခြေလှမ်းတချို့ကို တွေ့မြင်နေရပြီ ဖြစ်တဲ့အကြောင်း အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ့်ပ်ဘဲလ် (Kurt Campbell) က ပြောဆိုပါတယ်။ အမေရိကန် ပြည်ထောင်စုရဲ့ မြန်မာနိုင်ငံဆိုင်ရာ အထူးကိုယ်စားလှယ် ဒဲရက်ခ် မစ်ချဲလ် (Derek Mitchell) ရဲ့ မြန်မာနိုင်ငံ ခရီးစဉ်ဟာ ဒီအပြောင်းအလဲတွေနဲ့ ပတ်သက်လို့ ပိုပြီးသိနိုင်အောင် သွားရောက်လေ့လာတဲ့ ခရီးစဉ်တခု ဖြစ်တယ်လို့ ဆိုပါတယ်။ အပြည့်အစုံကို ကိုသိန်းထိုက်ဦးက တင်ပြပေးထားပါတယ်။

ဝါရှင်တန်မြို့တော် အခြေစိုက် CSIS နိုင်ငံတကာ မဟာဗျူဟာ လေ့လာရေးအဖွဲ့ အရှေ့တောင်အာရှဆိုင်ရာ ဌာနက စက်တင် ဘာလ ၇ ရက်နေ့က ကျင်းပတဲ့ ပစိဖိတ်ဒေသတွင်း အမေရိကန် ပြည်ထောင်စုရဲ့ မဟာဗျူဟာအကြောင်း ဆွေးနွေးပွဲမှာ လက် ထောက် နိုင်ငံခြားရေးဝန်ကြီး ကာ့တ် ကမ့်ပ်ဘဲလ်က မြန်မာ့အရေးကို ထည့်သွင်း ပြောဆိုသွားတာပါ။

ပစိဖိတ်ဒေသတွင်း နိုင်ငံတွေရဲ့ ဖွံ့ဖြိုးတိုးတက်လာတဲ့ အခြေအနေ၊ အမေရိကန် ပြည်ထောင်စုနဲ့ ဆက်ဆံရေး တိုးမြှင့်ဖို့ မဟာ ဗျူဟာတွေအကြောင်း မစ္စတာ ကာ့တ် ကမ့်ပ်ဘဲလ် ဆွေးနွေးပြောဆိုနေတဲ့ အချိန်ဟာ မြန်မာနိုင်ငံဆိုင်ရာ အထူးကိုယ်စားလှယ် ဒဲရက်ခ် မစ်ချဲလ် မြန်မာနိုင်ငံကို သွားရောက်နေတဲ့ အချိန်နဲ့လည်း တိုက်ဆိုင်နေပါတယ်။

အမေရိကန် နိုင်ငံခြားရေး ၀န်ကြီးဌာန အာရှ ပစိဖိတ် ဒေသရဲ့ လက်ထောက် နိုင်ငံခြားရေးဝန်ကြီး ကာ့တ် ကမ့်ပ်ဘဲလ်က အခုလို ပြောဆိုပါတယ်။

“အမေရိကန် ပြည်ထောင်စုက ခန့်အပ်ထားတဲ့ မြန်မာနိုင်ငံဆိုင်ရာ အထူးကိုယ်စားလှယ် ဒဲရက်ခ် မစ်ချဲလ် အနေနဲ့ အခုလို မြန်မာ နိုင်ငံကို ပထမဆုံးအကြိမ် သွားရောက်နိုင်ခဲ့တဲ့အပေါ် ကျနော့်အနေနဲ့ အထူးပဲ ၀မ်းသာမိပါတယ်။ မြန်မာနိုင်ငံအတွင်းမှာ သူ့ဘက် က တင်ပြမယ့် အချက်တွေ၊ တွေ့ဆုံ ဆွေးနွေးခဲ့တာတွေက ဘာတွေ ပေါ်ထွက်လာမယ် ဆိုတာကို ကျနော် သိပ်သိချင်ပါတယ်။

“သူ့အနေနဲ့ မြန်မာအစိုးရဘက်ကိုရော ဒေါ်အောင်ဆန်းစုကြည် အပါအ၀င် တိုင်းရင်းသား လူမျိုးစုတွေနဲ့ပါ ဘက်ပေါင်းစုံ ကျိုး ကြောင်းဆက်စပ်တဲ့ အပြန်အလှန် ထိတွေ့ ဆွေးနွေးမှုတွေ လုပ်နိုင်မယ်လို့ ကျနော် ယုံကြည်ပါတယ်။ ဒီထက်ပိုပြီးတော့ ကျနော့် ဘက်က အသေးစိတ် ဖြည့်စွက် မပြောချင်ပါဘူး။ ဒဲရက်ခ် မစ်ချဲလ် အနေနဲ့ရော ကျနော့်အနေနဲ့ရော ပြောရမှာက မြန်မာနိုင်ငံမှာ မကြာခင်ရက်ပိုင်းအတွင်းက ပြောင်းလဲလာတဲ့ ခြေလှမ်းတွေကို တွေ့နေရတယ်။ ဒီခြေလှမ်းတွေနဲ့ ပတ်သက်လို့ ကျနော်တို့ ဘက် က ဒီထက်ပိုပြီး သိနိုင်အောင် ကြိုးစားချင်တယ် ဆိုတာပါပဲ။”

လက်ထောက် နိုင်ငံခြားရေးဝန်ကြီး ကာ့တ် ကမ့်ပ်ဘဲလ်ဟာ ပြီးခဲ့တဲ့ နှစ်ပိုင်းတွေအတွင်း မြန်မာနိုင်ငံကို သွားရောက်ခဲ့တဲ့ အဆင့် အမြင့်ဆုံး အမေရိကန် အရာရှိ ဖြစ်ပါတယ်။ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ရော မြန်မာအစိုးရ တာဝန် ရှိသူတွေနဲ့ပါ တွေ့ဆုံခဲ့သူပါ။ သူက မြန်မာနိုင်ငံအနေနဲ့ အမေရိကန် ပြည်ထောင်စုနဲ့ ဆက်ဆံရေး ကောင်းမွန်ချင်တယ်ဆိုရင် မြန်မာနိုင်ငံဘက်က ပြုပြင်ပြောင်းလဲဖို့ လိုတဲ့အကြောင်း ပြောဆိုခဲ့ပါတယ်။

မြန်မာနိုင်ငံအပေါ် အရေးယူ ပိတ်ဆို့မှုတွေနဲ့ ပတ်သက်လို့ အမေရိကန် ပြည်ထောင်စုဘက်က လျှော့ပေးတာမျိုး မရှိသေးသလို ဆက်လက် အရေးယူခွင့်နဲ့ အရေးယူနိုင်တဲ့ အနေအထားမှာ ရှိတယ်လို့လည်း ပြီးခဲ့တဲ့နှစ် မြန်မာနိုင်ငံ ခရီးစဉ်က အပြန် သတင်း ထောက်တွေကို ပြောခဲ့သူ ဖြစ်ပါတယ်။

အခု မြန်မာနိုင်ငံနဲ့ ပတ်သက်လို့ ပြောင်းလဲလာတဲ့ ခြေလှမ်းတွေကို တွေ့ရတယ်ဆိုပြီး ပြောဆိုတာနဲ့ ပတ်သက်လို့ ဘာတွေက ပြောင်းလဲတဲ့ခြေလှမ်း ဆိုတာကို မစ္စတာ ကာ့တ် ကမ့်ပ်ဘဲလ်က အသေးစိတ် ရှင်းလင်းပြောဆိုသွားတာ မရှိပါဘူး။

ဒါပေမဲ့လည်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ မြန်မာအစိုးရ သမ္မတ ဦးသိန်းစိန်တို့ တွေ့ဆုံပြီး ရက်ပိုင်း အတွင်းမှာ မြန်မာနိုင်ငံအတွင်း ပြောင်းလဲလာတဲ့ ခြေလှမ်းတချို့ကို တွေ့မြင်နေရပြီဆိုပြီး အမေရိကန် လက်ထောက် နိုင်ငံခြား ရေးဝန်ကြီး ကာ့တ် ကမ့်ပ်ဘဲလ်က ပြောဆိုသွားတာ ဖြစ်ပါတယ်။

Ref: ဗွီအိုအေ

စုံစမ်းရေးကော်မရှင် ဖွဲ့နိုင်ရေး အမေရိကန် ကြိုးပမ်းဖို့ အမျိုးသမီး နိုဘဲလ်ဆုရှင်တွေ တိုက်တွန်း

07 စက်တင်ဘာ 2011
ဦးသားညွန့်ဦး

မြန်မာနိုင်ငံတွင်းမှာ အပြောင်းအလဲတချို့ ရှိနေပေမဲ့လည်း လူ့အခွင့်အရေး ချိုးဖောက်မှုတွေ၊ အထူးသဖြင့် စစ်ပွဲတွေ အတွင်းမှာ အမျိုးသမီးတွေအပေါ် လိင်ပိုင်းဆိုင်ရာ မတရား ပြုမှုတွေ ဆက်ပြီးတော့ ရှိနေတာကြောင့် မြန်မာနိုင်ငံတွင်းက လူ့အခွင့်အရေး အခြေအနေတွေ အပေါ်မှာ နိုင်ငံတကာ စုံစမ်းစစ်ဆေးရေး ကော်မရှင်တရပ် ဖွဲ့စည်းနိုင်ရေးအတွက် အမေရိကန် ပြည်ထောင်စုက ဖိဖိစီးစီး ဆောင်ရွက်ပေးဖို့ အမျိုးသမီး နိုဘဲလ် ငြိမ်းချမ်းရေးဆုရှင် ၅ ဦးက စုပေါင်း တောင်းဆိုလိုက်ကြပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။

မြန်မာနိုင်ငံတွင်းက လူ့အခွင့်အရေး ချိုးဖောက်မှုတွေဟာ စစ်ရာဇ၀တ်မှုနဲ့ လူသားမျိုးနွယ်တွေအပေါ် ကျူးလွန်တဲ့ ရာဇ၀တ်မှု မြောက် မမြောက် စစ်ဆေးဖို့ နိုင်ငံတကာ စုံစမ်းရေး ကော်မတီတရပ် ဖွဲ့ရေးကိစ္စကို အခု ၂၀၁၁ ခုနှစ် စက်တင်ဘာလမှာ ကျင်းပ မယ့် ကုလသမဂ္ဂ အထွေထွေ ညီလာခံကြီးကို တင်သွင်းမယ့် မြန်မာ့အရေး ဆုံးဖြတ်ချက် မူကြမ်းမှာ ပါဝင်စေရေး အားစိုက် ဆောင်ရွက်ဖို့ အမျိုးသမီး နိုဘဲလ် ငြိမ်းချမ်းရေးဆုရှင် ၅ ဦးက အမေရိကန် နိုင်ငံခြားရေးဝန်ကြီး ကလင်တန် (Hillary Clinton) ကို စက်တင်ဘာ ၆ ရက်နေ့ ရက်စွဲနဲ့ စာရေးသား ပေးပို့ခဲ့တာ ဖြစ်ပါတယ်။ အတွင်းရေးမှူးချုပ် အနေနဲ့ ကုလသမဂ္ဂရဲ့ စုံစမ်းရေး ကော်မတီ ဖွဲ့စည်းဖို့ တောင်းဆိုပါသည်ဆိုတဲ့ စကားရပ် အဲဒီဆုံးဖြတ်ချက်မှာ ပါလာစေဖို့ အမေရိကန် အနေနဲ့ အခြား အစိုးရ တွေနဲ့ ဆွေးနွေး ဆောင်ရွက်ပေးဖို့ တိုက်တွန်းတာပါ။

မြန်မာနိုင်ငံတွင်းမှာ အပြောင်းအလဲတွေ ရှိပေမဲ့ ဒီအပြောင်းအလဲတွေဟာ လူ့အခွင့်အရေးအတွက် တကယ့် တိုးတက်မှုတွေလို့ ယူဆလို့ မရတဲ့အကြောင်း Nobel Women's Initiative အမျိုးသမီး နိုဘဲလ် ငြိမ်းချမ်းရေးဆုရှင်များ အဖွဲ့ရဲ့ ပြောရေးဆိုခွင့်ရှိသူ ဒိုင်ယာနာ ဆာရိုဆီ (Diana Sarosi) က ပြောပါတယ်။

“မြန်မာနိုင်ငံတွင်း ရွေးကောက်ပွဲ ကျင်းပတာ၊ နိုဘဲလ် ငြိမ်းချမ်းရေးဆုရှင် ဒေါ်အောင်ဆန်းစုကြည် ပြန်လွတ်လာတာ စတဲ့ အပြောင်း အလဲအချို့ ရှိလာပေမဲ့လို့ မြန်မာနိုင်ငံမှာ ဒီမိုကရေစီနဲ့ ငြိမ်းချမ်းရေးအတွက် တကယ့် တိုးတက်မှုတွေ ဖြစ်လာပြီလို့ ယူဆလို့ မရပါဘူး။ နေ့စဉ်လိုလို လူ့အခွင့်အရေး ချိုးဖောက်မှုတွေ ရှိနေဆဲပါ။ အမျိုးသမီးတွေအပေါ် လိင်ပိုင်းဆိုင်ရာ မတရား ပြုမှုတွေ ဆက်ရှိနေတုန်းပဲလို့ အမျိုးသမီး အဖွဲ့အစည်းတွေက ထုတ်ပြန်နေတုန်းပါ။ ဒါကြောင့် မြန်မာအစိုးရအနေနဲ့တိုင်းရင်းသား လူနည်းစု တွေကို စစ်ဆင်တဲ့ နေရာမှာ တိုင်းရင်းသား အမျိုးသမီးတွေအပေါ် လိင်ပိုင်းဆိုင်ရာ မတရားပြုနေတာတွေကို စစ်လက် နက်သဖွယ် အသုံးပြုနေတုန်းပဲဆိုတာ ရှင်းနေပါတယ်။”

မြန်မာနိုင်ငံတွင်းက လူ့အခွင့်အရေး ချိုးဖောက်မှုတွေကို လွတ်လပ်မျှတတဲ့ စုံစမ်းစစ်ဆေးမှုတွေ လုပ်ဖို့ ကနဦးအားဖြင့် မြန်မာ အစိုးရက လုပ်ဖို့၊ မြန်မာအစိုးရဘက်က ဒါကို ပျက်ကွက်လာရင် နိုင်ငံတကာမှာ တာဝန်ရှိတယ်၊ နိုင်ငံတကာက အရေးယူပြီး စုံစမ်းရေး ကော်မတီဖွဲ့ဖို့ မြန်မာ့အရေး ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ ကင်တားနား (Tomas Ojea Quintana) က တိုက်တွန်းထားတာပါ။

မြန်မာအစိုးရကတော့ ပြီးခဲ့တဲ့ ရက်ပိုင်းအတွင်းကပဲ လွတ်လပ်တဲ့ အမျိုးသား လူ့အခွင့်အရေး ကော်မရှင် ဆိုတာကို ဖွဲ့စည်း လိုက်ပါတယ်။ ဒါပေမဲ့ ဒီအထဲမှာ အာဏာပိုင်ဘက်ကလူတွေ ပါဝင်နေတယ်လို့ Nobel Women Initiative က ယူဆပါတယ်။

“ပြောရရင်တော့ အာဏာပိုင်တွေဘက်က ထပ်ပါနေတဲ့ သဘောပါ။ လူ့အခွင့်အရေး အခြေအနေတွေကို ပြည့်ပြည့်စုံစုံ မျှမျှ တ တဖြစ်အောင် စုံစမ်းစစ်ဆေးနိုင်တဲ့ အခြေအနေ အားနည်းပါတယ်။ ကျမတို့ အမြင်ကတော့ တိုးတက်လာတဲ့ အခြေအနေ တွေ ကို တိုင်းတာမယ်ဆိုရင်တော့ နိုင်ငံရေး အကျဉ်းသား ၂,၀၀၀ ကျော် ပြန်လွတ်လာမလား ကြည့်ရပါမယ်။ သူတို့တွေ ထောင် ထဲမှာ ရှိနေသ၍တော့ မြန်မာပြည်မှာ လူ့အခွင့်အရေး အခြေအနေတွေ တိုးတက် ကောင်းမွန်လာပြီလို့ မပြောနိုင်သေး ပါဘူး။”

မြန်မာ့အရေး အထွေထွေ ညီလာခံက ဆုံးဖြတ်ရမယ့် မူကြမ်းကိုတော့ အခုလက်ရှိ EU ဥရောပသမဂ္ဂက ရေးဆွဲ တင်ပြမယ်လို့ သိရပါတယ်။ ဒါပေမဲ့ EU ထဲမှာပဲ မြန်မာ့အရေး စုံစမ်းရေး ကော်မတီဖွဲ့ဖို့ ကိစ္စက သဘောကွဲလွဲတာတွေ ကြားနေရပါတယ်။ အမေရိကန် ပြည်ထောင်စု အနေနဲ့ EU ထဲမှာ အဓိက အတိုက်အခံ ဖြစ်နေတဲ့ ဂျာမဏီနိုင်ငံကို စည်းရုံးနိုင်မယ်လို့ ဒိုင်ယာနာ ဆာရိုဆီက ယူဆပါတယ်။

“အဓိက အတိုက်အခံ လုပ်နေတဲ့ နိုင်ငံကတော့ ဂျာမဏီနိုင်ငံပါ။ ဒါကြောင့် ဂျာမဏီအနေနဲ့ နိုင်ငံတကာ စုံစမ်းရေး ကော်မတီဖွဲ့ဖို့ လိုအပ်တယ် ဆိုတာကို လက်ခံလာအောင် အမေရိကန် ပြည်ထောင်စု အနေနဲ့ ဖျောင်းဖျ စည်းရုံးနိုင်မယ်လို့ ယူဆပါတယ်။”

စစ်ဆင်ရေးတွေအတွင်း မြန်မာအစိုးရ တပ်တွေဘက်က ဒေသခံ အမျိုးသမီးတွေကို လိင်ပိုင်းဆိုင်ရာ မတရားပြုမှုတွေ ရှိနေတုန်း ပဲဆိုတာ KWAT ကချင်အမျိုးသမီး အဖွဲ့နဲ့ SWAN ရှမ်းအမျိုးသမီးရေးရာ ကွန်ရက်တို့က သတင်းအချက်အလက်တွေ ဆက်ပြီး စုဆောင်းရရှိနေသေးတယ်လို့ နိုဘဲလ် ငြိမ်းချမ်းရေးဆုရှင် ၅ ဦးရဲ့ စာထဲမှာ ဖော်ပြပါတယ်။

ပေးပို့သူ အမျိုးသမီး နိုဘဲလ် ငြိမ်းချမ်းရေးဆုရှင် ၅ ဦးကတော့ မရိဒ် မက်ဂွိုင်းယား (Mairead Maguire)၊ ရီဂိုဘာတာ မန်ချူ တမ် (Rigoberta Menchu Tum)၊ ဂျိုဒီ ၀ီလီယံစ် (Jody Williams)၊ ရှီရင် အီဘာဒီ (Shirin Ebadi)၊ ၀န်ဂါရီ မာတိုင်း (Wangari Maathai) တို့ဖြစ်ပြီး အမေရိကန် နိုင်ငံခြားရေးဝန်ကြီး ကလင်တန်အပြင် အမေရိကန် နိုင်ငံခြားရေးဌာနက အကြီးတန်းအရာရှိ အချို့ကိုလည်း ပူးတွဲစာ ပေးပို့ထားပါတယ်။

Ref: ဗွီအိုအေ

ပါကစ္စတန် တာလီဘန် အသေခံဗုံး ၂၀ ကျော်သေ

07 စက်တင်ဘာ 2011

ပါကစ္စတန်နိုင်ငံမှာ အသေခံ ဗုံးခွဲသမားတွေက နိုင်ငံရဲ့ အနောက်တောင်ဘက် ကွပ်တားမြို့ (Quetta) မှာရှိတဲ့ ထိပ်တန်း လုံခြုံ ရေး အရာရှိတဦးရဲ့ အိမ်ကို ဗုဒ္ဓဟူးနေ့က တိုက်ခိုက်ခဲ့ရာမှာ အရာရှိကြီးရဲ့ဇနီး အပါအ၀င် အနည်းဆုံး လူ ၂၂ ဦး သေဆုံး သွား တယ် လို့ သိရပါတယ်။

ဖောက်ခွဲမှုကို အသေခံ ဗုံးခွဲသမား ၂ ယောက်က ပြုလုပ်ခဲ့တာဖြစ်ပြီး ဒီတိုက်ခိုက်မှုကို ပါကစ္စတန်မှာရှိတဲ့ တာလီဘန်တွေက သူတို့ပြုလုပ်တာ ဖြစ်တဲ့အကြောင်း ပြောဆိုလိုက်ပါတယ်။

ပထမဦးဆုံး တိုက်ခိုက်သူ တယောက်က ဘာလူချီစတန်မြို့မှာရှိတဲ့ ပါကစ္စတန် နယ်ခြားစောင့်တပ်ဖွဲ့ အကြီးအကဲ အိမ်ရှေ့မှာ သူမောင်းနှင်လာတဲ့ ကားကို ဖောက်ခွဲလိုက်တာ ဖြစ်ပါတယ်။ အဲဒီဖောက်ခွဲမှု ဖြစ်ပြီးတဲ့နောက် ခြေလျှင်လာသူ နောက်တဦးက အိမ်ထဲကို ပြေးဝင်ပြီး သူနဲ့ပါလာတဲ့ ဗုံးကို ခွဲလိုက်တာပါ။ အိမ်ဟာ ဆိုးဆိုးရွားရွား ပျက်စီးသွားတဲ့အပြင် ထိခိုက်ဒဏ်ရာရသူ အရေအတွက် ၆၀ ကျော် ရှိတယ်လို့ သိရပါတယ်။

အဲဒီအရပ်မှာ တာလီဘန် စစ်သွေးကြွတွေနဲ့ အမျိုးသား ခွဲထွက်ရေးသမားတွေ လှုပ်ရှားနေတာ ဖြစ်ပါတယ်။

ပါကစ္စတန် နယ်ခြားစောင့်တပ်ဖွဲ့ဟာ တိုင်းပြည်ရဲ့ အနောက်မြောက် အရပ်မှာရှိတဲ့ အာဖဂန်နယ်စပ်က တာလီဘန်တွေကို တိုက်ခိုက်ရာမှာ တော်တော်တက်ကြွတဲ့အဖွဲ့ ဖြစ်တယ်လို့ သိရပါတယ်။

Ref: ဗွီအိုအေ

ပိတ်ဆို့မှု ရုပ်သိမ်းဖို့ အမေရိကန် ကိုယ်စားလှယ်ကို တင်ပြမည်

07 စက်တင်ဘာ 2011

အနောက်နိုင်ငံတွေက နိုင်ငံရေးနဲ့ လူ့အခွင့်အရေး အခြေအနေတွေ တိုးတက်မှု မရှိဘူးဆိုပြီး မြန်မာနိုင်ငံအပေါ် ပိတ်ဆို့ဒဏ်ခတ် အရေးယူထားတာတွေကို ပြန်လည်သုံးသပ်ဖို့ အမေရိကန် ပြည်ထောင်စုရဲ့ မြန်မာနိုင်ငံဆိုင်ရာ အထူးကိုယ်စားလှယ် ဒဲရက်ခ် မစ်ချဲလ် (Derek Mitchell) နဲ့ တွေ့တဲ့အခါ ဆွေးနွေးသွားမယ်လို့ သမ္မတရဲ့ အကြံပေးအဖွဲ့ တာဝန်ရှိသူက ပြောပါတယ်။ မြန်မာ နိုင်ငံဆိုင်ရာ အမေရိကန် မူဝါဒ ညှိနှိုင်းရေးမှူး တဦးလည်းဖြစ်တဲ့ ဒဲရက်ခ် မစ်ချဲလ်ဟာ ဒီကနေ့ မြန်မာနိုင်ငံကို ထွက်ခွာမှာဖြစ်ပြီး အစိုးရ တာဝန်ရှိသူတွေနဲ့သာမက မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် ဒီမိုကရေစီရေး လှုပ်ရှား သူတွေနဲ့လည်း တွေ့ဆုံသွားမှာပါ။ အပြည့်အစုံကို မသင်းသီရိက တင်ပြပေးထားပါတယ်။

အမေရိကန်နိုင်ငံရဲ့ မြန်မာနိုင်ငံဆိုင်ရာ အထူးကိုယ်စားလှယ် ဒဲရက်ခ် မစ်ချဲလ်ဟာ မြန်မာနိုင်ငံကို ပထမဆုံး ခရီးစဉ်အဖြစ် ဒီ ကနေ့ ထွက်ခွာမှာဖြစ်ပြီး မြန်မာနိုင်ငံမှာ အစိုးရ အပါအ၀င် မြန်မာ့အရေးမှာ ပါဝင်သူ တော်တော်များများနဲ့ တွေ့ဆုံဖို့ စီစဉ် ထားပါတယ်။ မစ္စတာ ဒဲရက်ခ် မစ်ချဲလ်ကို ပြီးခဲ့တဲ့ သြဂုတ်လ ၂ ရက်နေ့က အမေရိကန်နိုင်ငံရဲ့ မြန်မာနိုင်ငံဆိုင်ရာ မူဝါဒ ညှိနှိုင်း ရေးမှူးအပြင် အထူးသံတမန်အဖြစ် ခန့်အပ်ခဲ့တာဖြစ်ပါတယ်။ သူဟာ မြန်မာနိုင်ငံကို ရောက်ရောက်ချင်း နေပြည်တော်ကို ပထမဆုံး သွားမှာဖြစ်ပြီး အစိုးရအဖွဲ့နဲ့ အရင်ဆုံး တွေ့ဆုံမှာ ဖြစ်ပါတယ်။

မစ္စတာ ဒဲရက်ခ် မစ်ချဲလ်ဟာ အမေရိကန်ရဲ့ မြန်မာနိုင်ငံဆိုင်ရာ မူဝါဒ ညှိနှိုင်းရေးမှူးတဦး ဖြစ်တဲ့အတွက် လက်ရှိ အမေရိကန် အစိုးရရဲ့ မြန်မာနိုင်ငံဆိုင်ရာ မူဝါဒတွေကို ပြန်လည်သုံးသပ်ဖို့အတွက် ဆွေးနွေးဖို့ စီစဉ်ထားတယ်လို့ သမ္မတ အကြံပေးအဖွဲ့က ဦးနေဇင်လတ်က ပြောပါတယ်။ အထူးသဖြင့် ဒီပိတ်ဆို့မှုတွေဟာ မြန်မာနိုင်ငံတွင်း လူ့အခွင့်အရေး ချိုးဖောက်မှုတွေကြောင့် ဖြစ် တယ်ဆိုတဲ့အတွက် အခု မြန်မာနိုင်ငံမှာ အမျိုးသား လူ့အခွင့်အရေး ကော်မရှင်တရပ် ဖွဲ့စည်းပြီး ကျယ်ကျယ်ပြန့်ပြန့် လူ့အခွင့် အရေး တိုးတက်မှုတွေရအောင် လုပ်ဆောင်ဖို့ စီစဉ်ထားပြီဆိုတဲ့ အချက်အလက်တွေကို တင်ပြသွားမယ်လို့ ဦးနေဇင်လတ်က ပြောပါတယ်။

“Sanction ဆိုတဲ့ ကိစ္စရပ်က အလုပ်ဖြစ်လား၊ မဖြစ်ဘူးလားဆိုတာ ဒါလည်း Proof ပေါ့။ ထိတွေ့ဆက်ဆံမှုကနေ အပေါင်း လက္ခဏာတွေ ဘယ်လောက် ဖြစ်လာမလဲ။ ဒီအပိုင်းလေးကိုတော့ ကျနော်တို့ ပိုပြီး ပြောသွားမှာပါ။ လူ့အခွင့်အရေးဆိုင်ရာ အဓိကတော့ သူတို့ ပြောကြ ဆိုကြမှာပေါ့။ အဲဒါတွေနဲ့ ပတ်သက်ပြီး ကျနော်တို့ ဒီဘက်က နေပြီးတော့ Prepare လုပ်ထား တာလေးတွေ၊ ဖြစ်ပေါ်တိုးတက်မှုလေးတွေ၊ ဒါလေးတွေ ကျနော် ပြန်ရှင်းပြပေးမှာပါ။

“ဒီကော်မရှင်အဖွဲ့က သီးခြား လွတ်လွတ်လပ်လပ် တည်ရှိတဲ့အဖွဲ့ ဖြစ်တယ်ဆိုတဲ့၊ သူ့မှာ Authority အပြည့်ရှိတယ်ဆိုတဲ့ ကိစ္စ ရပ်တွေပေါ့။ သူတို့ဘက်က သေသေချာချာ လေ့လာပြီးတော့မှ တကယ်ဖြစ်ပေါ် တိုးတက်မှု တွေ့ခဲ့တယ် ဆိုရင်တော့ တွေ့တဲ့ အကြောင်းလေးတော့ သူတို့ ထုတ်ဖော်စေချင်တယ်ပေါ့။ အပေါင်းလက္ခဏာဆောင်တယ် ဆိုခဲ့လို့ရှိရင်လည်း သူတို့ ဘက်ကနေပြီး တော့ အပေါင်းလက္ခဏာကို တကယ် ဆောင်စေချင်တယ်ပေါ့။”

သမ္မတ အကြံပေးအဖွဲ့က အဖွဲ့ဝင်တဦးဖြစ်တဲ့ ဦးနေဇင်လတ် ပြောပြခဲ့တာ ဖြစ်ပါတယ်။

နေပြည်တော်မှာ အစိုးရအဖွဲ့နဲ့ တွေ့ပြီးရင် ရန်ကုန်မှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ စက်တင်ဘာ ၁၂ ရက် တနင်္လာနေ့ မနက်ပိုင်းမှာ တွေ့ဆုံဖို့ ရှိပါတယ်။ အမျိုးသား ဒီမိုကရေစီ အဖွဲ့ချုပ် (NLD) ပါတီကတော့ မြန်မာနိုင်ငံမှာ ပြုပြင်ပြောင်းလဲရေး ဆိုတာတွေ တွေ့နေရပေမဲ့ ပိတ်ဆို့ အရေးယူမှုတွေ ရုပ်သိမ်းသွားနိုင်လောက်တဲ့ အဆင့်မျိုး အထိတော့ မဟုတ်သေးဘူးလို့ NLD ပါတီရဲ့ ပြောခွင့်ရသူ ဦးဉာဏ်ဝင်းက ပြောပါတယ်။

“ကျနော်တို့က အစကတည်းက ပြောထားတယ်၊ သူတို့ရဲ့ နိုင်ငံခြားရေး မူဝါဒကို ကျနော်တို့ မဝေဖန်ဘူး။ ဒီနိုင်ငံခြားရေး မူဝါဒကို လည်း ကျနော်တို့ ကြိုဆိုတယ်လို့ ပြောထားဖူးတယ်။ ဒုတိယတချက်က ဒီ Sanction ရုပ်သိမ်းဖို့ ကိစ္စက Sanction ချတဲ့ နိုင်ငံတွေ က သူတို့ချခဲ့တဲ့ Sanction ရဲ့ အခြေခံ အကြောင်းအရာတွေ အပြောင်းအလဲဖြစ်ရင် သူတို့ လက်နှေးမှာ မဟုတ်ပါဘူး။ အပြောင်း အလဲဖြစ်ဖို့ မျှော်လင့်ချက်တွေ ရှိနေတယ်၊ လမ်းစတွေ မြင်နေတယ်။ အပြောင်းအလဲ ဖြစ်လို့ရှိရင် Sanction ကိစ္စဟာ သူ့အလို အလျောက် ပပျောက်သွားမယ်လို့ပဲ ကျနော် ယူဆပါတယ်။”

NLD ပါတီ ပြောခွင့်ရသူ ဦးဉာဏ်ဝင်း ပြောပြခဲ့တာ ဖြစ်ပါတယ်။

ဒါ့အပြင် စက်တင်ဘာလ ၁၂ ရက်နေ့မှာပဲ ရန်ကုန်က အမေရိကန်စင်တာမှာ စက်တင်ဘာ ၁၁ ရက် အမေရိကန် ပြည်ထောင်စု အကြမ်းဖက် တိုက်ခိုက်ခံခဲ့ရတာ ၁၀ နှစ်မြောက် အခမ်းအနားတခု ကျင်းပမှာဖြစ်ပြီး ဒီပွဲကိုလည်း မြန်မာ့ နိုင်ငံရေးပါတီ တော် တော် များများကိုလည်း ဖိတ်ထားပါတယ်။ ဒီအခမ်းအနားအပြီး နိုင်ငံရေးပါတီ တချို့နဲ့ မစ္စတာ ဒဲရက်ခ် မစ်ချဲလ်တို့ တွေ့ဆုံဖို့ ရှိပါတယ်။

အခု အစိုးရသစ်ဟာ ပြုပြင်ပြောင်းလဲရေးတွေ လုပ်နေတဲ့ အထဲမှာ သိသာတဲ့ အကောင်အထည် ဖော်တာမျိုး မတွေ့ရသေးပေမဲ့ ကောင်းတဲ့ဘက်ကို ဦးတည်နေတာမို့ အမေရိကန်ရဲ့ မူဝါဒတွေ လျှော့ချဖို့ ဆွေးနွေးသွားမယ်လို့ မစ္စတာ ဒဲရက်ခ် မစ်ချဲလ်ကို သွားတွေ့မယ့် ဒီမိုကရက်တစ်ပါတီ (မြန်မာ) အဖွဲ့က ဦးသုဝေက ပြောပါတယ်။

“ကျနော်တို့ တိုင်းပြည်ကတော့ ချို့ယွင်းချက်တွေ၊ ပြင်စရာတွေ အများကြီး ရှိတဲ့အခါကျတော့ အစိုးရလည်း မူအားဖြင့်တော့ အခြေအနေလေးတွေ ပြောင်းလာတာ ရှိပါတယ်။ အဲဒီတော့ ကျနော်တို့တိုင်းပြည် အတွက်ကို အမေရိကန်လို တိုင်းပြည်ကြီးက အမြင်မှန် မြင်ပြီးတော့ နားလည်မှုရအောင် ကူပေးပါဆိုတဲ့ သဘောမျိုးတော့ ကျနော်တို့ ပြောရမှာပေါ့။ ကျနော်တို့နိုင်ငံနဲ့ နားလည်မှု ယူပေးပါပေါ့နော်။ နားလည်မှု ယူပေးပြီးနောက် ကျနော်တို့ကို အပြစ်ဒဏ် ခတ်ထားတာကို လျှော့ပေးပါ၊ ရုပ်သိမ်း ပေးပါလို့လည်း ကျနော်တို့က အမြဲတော့ တိုက်တွန်းနေတာပဲ။”

ဒီမိုကရက်တစ်ပါတီ (မြန်မာ) အပါအ၀င် တခြား နိုင်ငံရေးပါတီ ၁၀ ပါတီ ပူးပေါင်း ဖွဲ့စည်းထားတဲ့ ဒီမိုကရေစီ မိတ်ဆွေများ အဖွဲ့ က နိုင်ငံရေးပါတီ တချို့ကလည်း အဲဒီနေ့မှာပဲ မစ္စတာ ဒဲရက်ခ် မစ်ချဲလ်နဲ့ တွေ့ဆုံမှာ ဖြစ်တယ်လို့ ဦးသုဝေက ပြောပါတယ်။

အမေရိကန်နိုင်ငံရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ ဒဲရက်ခ် မစ်ချဲလ်ဟာ ဒီကနေ့ စက်တင်ဘာ ၈ ရက်နေ့မှာ အမေရိကန်နိုင်ငံက ထွက်ခွာမှာဖြစ်ပြီး မြန်မာနိုင်ငံမှာ စက်တင်ဘာလ ၁၄ ရက်နေ့ထိ နေပြီး မြန်မာ့အရေးတွေ ဆွေးနွေးသွားမှာ ဖြစ်ပါတယ်။

မြန်မာနိုင်ငံဟာ ဒီမိုကရေစီစနစ်ကို သိသာထင်ရှားအောင် အကောင်အထည် မဖော်တာတွေကြောင့်ရော လူ့အခွင့်အရေး ချိုး ဖောက်မှုတွေကြောင့်ပါ ဆယ်စုနှစ် ၂ စုကြာ စီးပွားရေး ပိတ်ဆို့ အရေးယူမှုတွေ လုပ်ထားပေမဲ့ အခုနောက်ပိုင်းတော့ ထိ တွေ့ ဆက်ဆံရေး မူနဲ့ရော အပြစ်ပေး အရေးယူတယ်ဆိုတဲ့ မူဝါဒ ၂ ရပ် ပြောင်းလဲ ဆက်ဆံခဲ့ပါတယ်။

အဲဒီနောက်ပိုင်း အမေရိကန် အထက်လွှတ်တော်အမတ် ဂျွန်မက်ကိန်း (John McCain) မြန်မာပြည်ကို ပြီးခဲ့တဲ့ ဇွန်လထဲ သွား ခဲ့သလို သူ့အရင် အမေရိကန် နိုင်ငံခြားရေးဌာနရဲ့ ဒု-လက်ထောက် နိုင်ငံခြားရေးဝန်ကြီး ဂျိုးဇက်ယွန်း (Joseph Yun) လည်း မြန်မာပြည်ကို သွားခဲ့ပြီး မြန်မာပြည်ထဲက အခြေအနေတွေကို လေ့လာခဲ့ကြပါတယ်။

Ref: ဗွီအိုအေ

၈၈ ကျောင်းသားများ

ယနေ့ဖတ်စရာများ

Saturday, September 10, 2011

Friday, September 9, 2011

Thursday, September 8, 2011

Monthly Chronology

ကျမ္မာရေး

အားကစား

မဲဆွယ်စည်းရုံးရေးမိန့်ခွန်း

ဒေါ်အောင်ဆန်းစုကြည် ခရီးစဉ်များ

Blog Archive

Subscribe via email

Subscribe To