22 December 2011
မွန်ပြည်သစ်ပါတီနှင့် ပြည်ထောင်စုအဆင့် အစိုးရ ငြိမ်းချမ်းရေးအဖွဲ့တို့ ပဏာမ ငြိမ်းချမ်းရေးဆွေးနွေးရန်အတွက် ပထမအကြိမ် အဖြစ် ယနေ့ တွေ့ဆုံခဲ့ကြသည်။
ယနေ့ နေ့ လည် ၁၁နာရီခန့်က တွေ့ဆုံရာတွင် အစိုးရဘက်မှ ဦးအောင်မင်း ဦးဆောင်သည့် ငြိမ်းချမ်းရေးအဖွဲ့ ကိုယ်စားလှယ် များ အပါအဝင် မွန်ပြည်သစ်ပါတီဘက်မှ ငြိမ်းချမ်းရေး အကျိုးတော်ဆောင်တို့က ထိုင်းနိုင်ငံ စံခလပူရီမြို့တွင် တွေ့ဆုံခဲ့ကြခြင်း ဖြစ်သည်။
“ဒီတွေ့ဆုံမှုဟာ ပဏာမတွေ့ဆုံမှုသဘောပါပဲ၊ သူတို့ (အစိုးရကိုယ်စားလှယ်) ဘက်က အပစ်ရပ်ပြီးတော့ ဆက်ဆံရေးရုံး ဖွင့်ဖို့၊ နိုင်ငံရေး ဆွေးနွေးဖို့၊ ပြီးတော့ ပင်လုံလို ကျယ်ပြန့်တဲ့ ညီလာခံကျင်းပဖို့ဆိုပြီးတော့ တင်ပြတယ်။”ဟု မွန်ပြည်သစ်ပါတီ အထွေ ထွေ အတွင်းရေးမှူး နိုင်ဟံသာက ပြောသည်။
တွေ့ဆုံပွဲတွင် မွန်ပြည်သစ်ပါတီမှ အထွေထွေအတွင်းရေးမှူး နိုင်ဟံသာ၊ ဗဟိုအလုပ်အမှုဆောင် နိုင်ရွှေသိန်း၊ နိုင်တလညီ၊ ဗဟို ကော်မတီဝင်များဖြစ်သည့် ဒုစစ်ဦးစီးချုပ် ဗိုလ်မှူးချုပ် နိုင်လရီကောင်းနှင့် ထားဝယ်ခရိုင်အတွင်းရေးမှူး နိုင်ဗညားလယ်နှင့် မွန် ပြည်နယ် ဝန်ကြီးချုပ် ငြိမ်းချမ်းရေး အကျိုးတော်ဆောင်အဖွဲ့ နိုင်တင်အောင်၊ နိုင်စိုးမြင့်နှင့် အထင်ကရ မွန်ဆရာတော် ဘဒ္ဒန္တ ကေတုမာလာ၊ ဘဒ္ဒန္တသီလဝန္တနှင့် ငြိမ်းချမ်းရေး ဖော်ဆောင်မှုအဖွဲ့ ပြည်ထောင်စု မီးရထားပို့ဆောင်ရေးဝန်ကြီး ဦးအောင်မင်း ဦးဆောင်သည့် ၈ဦးပါ အဖွဲ့ဝင်များ ပါဝင်ကြသည်။
“သူတို့ဘက်က လာမယ့် ဇန်နဝါရီမှာ တွေ့ဖို့ ပြောတယ်။ ကျနော်တို့က တွေ့ မတွေ့ဆိုတာ မဆုံးဖြတ်ရသေးဘူး။ အခု တွေ့ဆုံခဲ့ တာတွေကို ဗဟိုနဲ့ ညှိနှိုင်းပြီးမှပဲ သိတော့မယ်။”ဟု နိုင်ဟံသာက ပြောဆိုသည်။
ဦးအောင်မင်းဦးဆောင်သည့် ငြိမ်းချမ်းရေး အကျိုးတော်ဆောင်အဖွဲ့သည် တခြားတိုင်းရင်းသားလက်နက်ကိုင်အဖွဲ့များနှင့် ငြိမ်းချမ်း ရေး ပဏာမ တွေ့ဆုံခဲ့မှုရှိသော်လည်း မွန်ပြည်သစ်ပါတီနှင့် ယခုမှသာ ပထမအကြိမ် လာရောက်တွေ့ဆုံခြင်းဖြစ်သည်။
မွန်ပြည်သစ်ပါတီသည် ပြီးခဲ့သည့် အောက်တိုဘာလက ပြည်နယ်အစိုးရကိုယ်စားလှယ်များနှင့် ရေးမြို့တွင်တစ်ကြိမ်၊ နိုဝင်ဘာ လတွင် မွန်ပြည်နယ်အစိုးရငြိမ်းချမ်းရေး အကျိုးတော်ဆောင်များနှင့် ဗဟိုဌာနချုပ်တွင်တစ်ကြိမ် တွေ့ဆုံခဲ့ကြသည်။
ထိုသို့ တွေ့ဆုံဆွေးနွေးခဲ့ကြစဉ်က မွန်ပြည်သစ်ပါတီသည် ချမှတ်ထားသည့် မူအတိုင်း တိုင်းရင်းသားဒေသက စစ်ပွဲများကို တစ် ပြေးညီ ရပ်ဆိုင်းပေးပြီး ထိုမှတဆင့် နိုင်ငံရေးတွေ့ဆုံဆွေးနွေးသွားရန် တင်ပြ ဆွေးနွေးခဲ့ကြသည်။
အစိုးရငြိမ်းချမ်းရေး ဖော်ဆောင်ရေးအဖွဲ့နှင့် တွေ့ဆုံနေစဉ်မှာပင် မွန်ပြည်သစ်ပါတီသည် ၎င်းတို့၏ ဗဟိုဌာနချုပ်ရှိရာ ရေးချောင်း ဖျားဒေသတွင် ဒီဇင်ဘာ ၂၁ရက်နေ့မှစ၍ အဋ္ဌမအကြိမ် ပါတီညီလာခံကို ကျင်းပလျှက်ရှိသည်။
ညီလာခံတွင် မော်လမြိုင်ခရိုင်၊ သထုံခရိုင်နှင့် ထားဝယ်ခရိုင်တို့မှ ကိုယ်စားလှယ်စုစုပေါင်း တစ်ရာကျော်တက်ရောက်ကြောင်း သိ ရသည်။ ၎င်းညီလာခံတွင် ပါတီ၏ လုပ်ငန်းစဉ်များ ပြန်လည်သုံးသပ်ခြင်း၊ ရှေ့ဆက်လုပ်ငန်းစဉ်များ ချမှတ်ခြင်းနှင့် လက်ရှိ နိုင်ငံ ရေးအခြေအနေ အစိုးရနှင့် ပါတီဝင်များ ငြိမ်းချမ်းရေး တွေ့ဆုံခဲ့ကြသည့် အခြေအနေများ ဆွေးနွေးကြမည် ဖြစ်သည်။
၁၉၉၅ခုနှစ်က မြန်မာစစ်အစိုးရနှင့် အပစ်ခတ်ရပ်စဲခဲ့သည့် မွန်ပြည်သစ်ပါတီသည် ၂၀၁၀ခုနှစ် စက်တင်ဘာလမှစပြီး စစ်အစိုးရ ၏ နယ်ခြားစောင့်တပ် ပြောင်းလဲဖွဲ့စည်းရေး ကမ်းလှမ်းချက်ကို လက်မခံသည့်အတွက် အပစ်ခတ်ရပ်စဲရေး ပျက်ပြယ်သွားခဲ့ သည်။
Ref: ကေအိုင်စီ
Read More...
Collapse...
22 December 2011
စောခါးစူးညား
လာမည့်နှစ် ဇန်န၀ါရီလတွင် မြန်မာနိုင်ငံ အကျဉ်းထောင်အတွင်းရှိ နိုင်ငံရေး အကျဉ်းသားအပါအ၀င် ရာဇ၀တ် အကျဉ်းသား များ ကို ထပ်မံလွှတ်ပေးမည်ဟု ယမန်နေ့က ကရင်အမျိုးသားအစည်းအရုံး-KNUနှင့် တွေ့ဆုံစဉ် မီးရထားပို့ဆောင်ရေးဝန်ကြီး ဦးအောင် မင်းက ထုတ်ဖော်ပြောဆိုခဲ့သည်။
ဦးအောင်မင်း ကိုယ်တိုင် ဇန်န၀ါရီလ ၄ရက်နေ့တွင် တကြိမ်၊ ၁၂ ရက်နေ့တွင် တကြိမ် နှစ်သုတ်ခွဲပြီး လွှတ်ပေးမည်ဟု ပြောသွား ခဲ့ ကြောင်း KNU ငြိမ်းချမ်းရေးဖော်ဆောင်ရေးကော်မတီ အတွင်းရေးမှူးဖြစ်သူ ပဒိုစောဒေးဗစ်ထောက ယခုလို ပြောသည်။
၎င်းက “သူတို့(ဦးအောင်မင်းနှင့်အဖွဲ့)က ကျနော်တို့ကို ပြောတာကတော့ နှစ်ဖွဲ့ခွဲလွှတ်ပေးမှာပေါ့။ နိုင်ငံရေး အကျဉ်းသား ကော ရာဇ၀တ် အကျဉ်းသားကော ပါမယ်။ ဒါပေမယ့် ဘယ်နှစ်ယောက်လွှတ်ပေးဆိုတာတော့ မပါဘူး။”ဟု ကေအိုင်စီသို့ ပြောဆိုသည်။
အကျဉ်းသားများကို လွှတ်ပေးမည်ဆိုသည့် ဇန်န၀ါရီလ ၁၂ရက်နေ့သည် ကရင်ပြည်နယ်၊ ဘားအံမြို့တွင် KNU နှင့် မြန်မာအ စိုးရတို့ တရားဝင် တွေ့ဆုံဆွေးနွေးကြမည့်ရက်လည်း ဖြစ်သည်။
နိုင်ငံရေးအကျဉ်းသားများ ကူညီစောင့်ရှောက်ရေးအသင်း(မြန်မာနိုင်ငံ)-AAPP ၏ အတွင်းရေးမှူး ကိုတိတ်နိုင်က မြန်မာအစိုးရ က အကျဉ်းသားများကို လွှတ်ပေးမည့်သတင်းသည် ၎င်းတို့အနေဖြင့်လည်း ကြားသိထားကြောင်း၊ နိုင်ငံရေး အကျဉ်းသား မည် သည့် အတိုင်းအတာဖြင့် လွှတ်ပေးမည်ကို စောင့်ကြည့်ရဦးမည်ဖြစ်ကြောင်း ယခုလို ပြောဆိုသည်။
“သူတို့(အစိုးရ)ကတော့ အကျဉ်းသားတွေကို လွှတ်မယ်ဆိုတာ နိုင်ငံရေးအကျဉ်းသား ဘယ်လောက်ပါမလဲ ကြည့်ရဦးမယ်။ ဘာဖြစ်လဲဆိုရင် အကျဉ်းကျတဲ့သူတွေဟာ ဘယ်လိုပုဒ်မမျိုးနဲ့ နိုင်ငံရေးပုဒ်မဆိုပြီး တိတိကျကျ ပြောထားတာ မရှိဘူး။”ဟု ၎င်း က ပြောသည်။
AAPP ၏ စာရင်းမှတ်တမ်းအရ လက်ရှိ မြန်မာနိုင်ငံ အကျဉ်းထောင်ထဲတွင် နိုင်ငံရေးအကျဉ်းသား ၁,၅၀၀ဦးကျော်ရှိကြောင်း ဖော်ပြထားသော်လည်း အမျိုးသားဒီမိုကရေစီအဖွဲ့ချုပ်-NLD၏ စစ်တမ်းကောက်ယူချက်မှာ နိုင်ငံရေးအကျဉ်းသား ၆၀၀ခန့်သာ ရှိကြောင်း သိရသည်။
မြန်မာအစိုးရ သမ္မတ ဦးသိန်းစိန်၏ လွှတ်ငြိမ်းချမ်းသာခွင့်ဖြင့် ပြီးခဲ့သည့် အောက်တိုဘာလ ၁၂ရက်နေ့တွင် အကျဉ်းသား ၆ ထောင်ကျော် လွှတ်ပေးခဲ့ရာတွင် နိုင်ငံရေးအကျဉ်းသား ၂၀၀ခန့် ပါဝင်ခဲ့ပြီး ထိုအထဲတွင် သျှမ်းတိုင်းရင်းသားခေါင်းဆောင် ဗိုလ်ချုပ်ဆေထင်နှင့် လူရွှင်တော် ဇာဂနာလည်း ပါဝင်ခဲ့သည်။
Ref: ကေအိုင်စီ
Read More...
Collapse...
ရန်ပိုင်
December 22, 2011
ဒေါ်အောင်ဆန်းစုကြည်သည် အမျိုးသား ဒီမိုကရေစီအဖွဲ့ချုပ် (NLD) ပါတီမှတ်ပုံတင်ရေးအတွက် မနက်ဖြန် နံနက် ၇ နာရီခန့်တွင် လေကြောင်းခရီးဖြင့် ဒုတိယအကြိမ်မြောက်နေပြည်တော်သို့ သွားရောက်မည်ဖြစ်သည်။
ယခုခရီးစဉ်တွင် ဒေါ်အောင်ဆန်းစုကြည်နှင့်အတူ ပါတီခေါင်းဆောင် ဦးတင်ဦး၊ ဦးဉာဏ်ဝင်း၊ ဦးဝင်းမြင့်တို့ လိုက်ပါသွားမည် ဖြစ်ကြောင်း လုံခြုံရေးတာဝန်ယူထားသည့် ဦးခွန်သာမြင့်က ပြောသည်။
“ကော်မရှင်ကို အရင်သွားမယ်။ ကြိုဆိုတာတွေတော့ ရှိမှာပါ။ ပြီးရင် နေ့ချင်းပြန်မယ်” ဟု ၎င်းက ဆိုသည်။
ယခုတကြိမ် နေပြည်တော်ခရီးစဉ်တွင် ဒေါ်အောင်ဆန်းစုကြည်သည် သမ္မတဦးသိန်းစိန် တွေ့ဆုံမည်မဟုတ်ဘဲ ပြည်ထောင်စုရွေး ကောက်ပွဲကော်မရှင် ဥက္ကဋ္ဌ ဦးတင်အေး၊ ပြည်သူလွှတ်တော် ဥက္ကဋ္ဌ သူရ ဦးရွှေမန်းတို့နှင့်သာ တွေ့ဆုံဖွယ်ရှိကြောင်း ဦးခွန်သာ မြင့်က ပြောသည်။
ဒေါ်အောင်ဆန်းစုကြည်သည် ပထမအကြိမ်အဖြစ် နေပြည်တော်သို့ ပြီးခဲ့သည့် သြဂုတ်လအတွင်းက စီးပွားရေး ပြုပြင်ပြောင်း လဲမှုဆိုင်ရာ အမျိုးသားအဆင့် အလုပ်ရုံဆွေးနွေးပွဲ တက်ရောက်ရန် သွားခဲ့သည်။
ပထမအကြိမ်ခရီးစဉ်တွင် သမ္မတဦးသိန်းစိန် အပါအ၀င် အမှတ် (၁) နှင့် (၂) စက်မှုဝန်ကြီးဌာန ဝန်ကြီး ဦးစိုးသိန်း၊ အလုပ် သမား ဝန်ကြီး ဦးအောင်ကြည်၊ ရထားပို့ဆောင်ရေး ၀န်ကြီး ဦးအောင်မင်းနှင့် နယ်စပ်ရေးရာဝန်ကြီး ဗိုလ်ချုပ် သိန်းဌေး တို့နှင့် တွေ့ဆုံဆွေးနွေးခဲ့သည်။ ထိုတွေ့ဆုံမှုနှင့် ပတ်သက်ပြီး ဒေါ်အောင်ဆန်းစုကြည်က ကျေနပ်အားရကြောင်း ပြောဆိုခဲ့သည်။
ရွေးကောက်ပွဲကော်မရှင်နှင့် တွေ့ဆုံရာတွင် “ဒီလှိုင်း” (Wave) အမည်ဖြင့် အပတ်စဉ် ထုတ်ဝေမည့် ပါတီစာစောင် အကြောင်း ကိုလည်း တင်ပြရန်ရှိကြောင်း ပါတီပြောခွင့်ရပုဂ္ဂိုလ် ဦးအုန်းကြိုင်က ပြောသည်။
“မှတ်ပုံတင်ပြီး ပါတီတွေ ဆောင်ရွက်ခွင့်ရှိတဲ့အတိုင်း စာအုပ်စာတန်းတွေ၊ စာစောင်တွေ၊ မူဝါဒတွေထုတ်ဖို့ ပုံနိုပ်ထွက်ဝေခွင့် လျှောက်မယ်” ဟု ၎င်းက ဆိုသည်။
ပါတီမှ ထုတ်ဝေမည့် စာစောင်များ၊ စာအုပ်စာတန်းများ၊ ပြက္ခဒိန်၊ ပို့စကတ် အစရှိသည်တို့အတွက် တာဝန်ခံအဖြစ် မိမိက ဆောင် ရွက်မည်ဖြစ်သည်ဟု ဦးအုန်းကြိုင်က ပြောသည်။
အဆိုပါ ဒီလှိုင်းစာစောင်တွင် ပါတီ အာဘော်များ၊ လှုပ်ရှားမှုများ သာမက နိုင်ငံတကာသတင်းများ ဝေေ၀ဆာဆာဖော်ပြသွားမည် သိရသည်။
NLD ပါတီသည် ၉၀ ခုနှစ်ရွေးကောက်ပွဲ မတိုင်မီကလည်း ပါတီနှင့် ပတ်သက်သည့် လှုပ်ရှားမှုများကို ဖော်ပြသည့် မှတ်တမ်းလွှာ စာစောင်ကို ထုတ်ဝေဖူးသည်။
Ref: ဧရာဝတီ
Read More...
Collapse...
လင်းသန့်
December 22, 2011
ဒေါ်အောင်ဆန်းစုကြည်က မိမိကိုယ်တိုင် ကြားဖြတ်ရွေးကောက်ပွဲဝင်ရန် ပြင်ဆင်နေသော်လည်း လွှတ်တော်ပြင်ပ တွေ့ဆုံဆွေး နွေးရေး လမ်းကိုလည်း ဖွင့်ထားကြောင်း ပြောကြားလိုက်သည်။
ယမန်နေ့ နံနက်ပိုင်းက ဒေါ်အောင်ဆန်းစုကြည်နှင့် ၈၈ မျိုးဆက်ကျောင်းသား ၁၀ ဦးတို့ တွေ့ဆုံရာတွင် ၈၈ ကျောင်းသားများက ဒေါ်အောင်ဆန်းစုကြည်အနေဖြင့် လွှတ်တော်တွင်း ၀င်သွားလျှင် အစဉ်တစိုက် တောင်းဆိုနေသည့် တွေ့ဆုံဆွေးနွေးရေးနှင့် ပတ် သက်၍ မေးမြန်းရာ အထက်ပါအတိုင်း ပြောကြားခြင်းဖြစ်သည်။
ထိုတွေ့ဆုံပွဲသို့ တက်ရောက်ခဲ့သည့် ကိုစိုးထွန်းက “လွှတ်တော်နိုင်ငံရေး ဖြစ်စဉ်တွေကလည်း ရှိနေရမှာဖြစ်သလို လွှတ်တော်ပြင်ပ နိုင်ငံရေးကလည်း ဆက်ရှိနေရမယ်။
လွှတ်တော်တွင်း နိုင်ငံရေးကို ဆောင်ရွက်တဲ့ကိစ္စ အားလုံး ပူးပေါင်းဆောင်ရွက်ရေးကြောင့် ပိုပြီး ရင်းနှီးမှုတွေရလာမယ်၊ နားလည် မှုတွေ ပိုပြီး ကျယ်ကျယ်ပြန့်ပြန့်ရလာမယ်၊ ဒိုင်ယာလော့ဂ်ဖြစ်စဉ်တွေ ပိုပြီး မြန်မြန်ဆန်ဆန် အကောင်အထည် ပေါ်နိုင်အောင် လုပ် နိုင်မယ်လို့ သူယုံကြည်တဲ့အတွက် သူအခုလို လျှောက်လှမ်းတာ ဖြစ်တယ်လို့ ပြောပါတယ်” ဟု ဆိုသည်။
ဒေါ်အောင်ဆန်းစုကြည်နှင့် သွားရောက်တွေ့ဆုံခဲ့သည့် ၈၈ မျိုးဆက်ကျောင်းသား ကျောင်းသူများမှာ ကိုထွန်းမြင့်အောင်၊ ကိုစိုး ထွန်း၊ ကိုကိုကြီး (စမ်းချောင်း)၊ ကိုဇော်ထက်ကိုကို၊ ကိုမြတ်သူ၊ ကိုချစ်ကိုလင်း၊ မမီမီလွင်၊ မနုနုအောင်၊ ကိုရဲဝင်း၊ မစန်းစန်း မော်တို့ ဖြစ်ကြောင်း သိရသည်။
ဒေါ်အောင်ဆန်းစုကြည်က လာမည့်ရွေးကောက်ပွဲများတွင် ၈၈ မျိုးဆက်ကျောင်းသားများအနေဖြင့် ရွေးကောက်ပွဲဆိုင်ရာ ပညာ ပေးရေးနှင့် စောင့်ကြည့်လေ့လာရေး ကိစ္စများတွင် ပူးပေါင်းကူညီပေးကြရန်လည်း ပြောဆိုခဲ့သည်ဟု သိရသည်။
“အမျိုးသားနိုင်ငံရေးနဲ့ ပါတီနိုင်ငံရေးကို လူတွေ မြင်လာအောင် သူ့အနေနဲ့ ပြောခဲ့တယ်ဆိုတာလည်း အန်တီက ပြောပါတယ်”ဟု ကိုစိုးထွန်းက ဆိုသည်။
ပြည်သူလူထုကို မကြောက်မရွံ့နှင့် ကိုယ်ဆန္ဒကို ထုတ်ဖော်ပြီး ကြိုက်နှစ်သက်သော ပါတီ၊ ပုဂ္ဂိုလ်ကို ရွေးချယ်ပေးတတ်ရန်၊ ဖွဲ့စည်းပုံ အခြေခံဥပဒေကို လက်ခံခြင်း၊ လက်မခံခြင်းကိုလည်း အကြောင်းပြချက်နှင့်တကွ ကျယ်ကျယ်ပြန့်ပြန့် နားလည်စေရန် ၈၈ ကျောင်းသားများနှင့် အမျိုးသား ဒီမိုကရေစီအဖွဲ့ချုပ် (NLD) ပါတီတို့ ပူးပေါင်းလုပ်ဆောင်ရေး ဆွေးနွေးကြောင်း သိရသည်။
၈၈ မျိုးဆက်ကျောင်းသားများ၏ ဒီဇင်ဘာလ ၅ ရက်နေ့က ထုတ်ပြန်ခဲ့သည့် ကြေညာချက်နှင့် ပတ်သက်၍ ကိုစိုးထွန်းက “ကျနော်တို့ မူအရ ကိုမင်းကိုနိုင်၊ ကိုကိုကြီး၊ ကိုဌေးကြွယ် စတဲ့ ၈၈ မျိုးဆက်ကျောင်းသား ခေါင်းဆောင်တွေ ပြန်မလွတ်လာ သေးတဲ့ အတွက်ကြောင့် ရွေးကောက်ပွဲ ၀င်ဖို့ မရှိသလို၊ ရွေးကောက်ပွဲကို ၈၈ မျိုးဆက်အနေနဲ့ ကိုယ်စားလှယ်ပေးဖို့ ဆိုတာ လည်း မရှိတာကို ရှင်းပြတယ်။ ဒါကို အန်တီကလည်း နားလည်တယ်လို့ ပြောပါတယ်”ဟု ဆိုသည်။
ဒေါ်အောင်ဆန်းစုကြည်က နိုင်ငံရေးအကျဉ်းသားများလည်း လွတ်မြောက်လာမည်ဟု မျှော်လင့်ယုံကြည်ကြောင်း ပြောသည်။
Ref: ဧရာဝတီ
Read More...
Collapse...
ပြည်တော်မြင့်
December 22, 2011
မြန်မာနိုင်ငံ အကျဉ်းထောင်များ အတွင်း ကျန်ရှိနေသေးသော နိုင်ငံရေး အကျဉ်းသားများကို လာမည့် နှစ်ဆန်း ဇန်န၀ါရီလ ၄ ရက်နေ့မှစတင်၍ နှစ်ကြိမ်ခွဲ လွှတ်ပေးမည်ဟု အစိုးရ ရထားပို့ဆောင်ရေးဝန်ကြီး ဦးအောင်မင်းက ပြောသည်။
ဦးအောင်မင်းသည် အစိုးရ ပြည်ထောင်စုအဆင့် ငြိမ်းချမ်းရေး ဆွေးနွေးရေးအဖွဲ့ ခေါင်းဆောင်လည်း ဖြစ်သည်။
ယမန်နေ့က ထိုင်း-မြန်မာနယ်စပ် မဲဆောက်မြို့တွင် ကရင်အမျိုးသားအစည်းအရုံး(KNU) နှင့် နှစ်ဘက် ငြိမ်းချမ်းရေးဆိုင်ရာ ကိစ္စရပ်များ လာရောက်ဆွေးနွေးစဉ် ဦးအောင်မင်းက အထက်ပါအတိုင်း ပြောကြားခြင်းဖြစ်သည်။
ဆွေးနွေးပွဲတက်ရောက်သူ KNU ကိုယ်စားလှယ်တဦးက“၀န်ကြီး ဦးအောင်မင်းပြောတာက နိုင်ငံရေးအကျဉ်းသားတွေကို လာမယ့် နှစ်ဆန်း ဇန်န၀ါရီလ ၄ ရက်နေ့မှာတကြိမ် ၁၂ ရက်နေ့မှာတကြိမ် ၂ ကြိမ်ခွဲပြီး အားလုံးနီးပါးကို အစိုးရက လွှတ်ပေး ဖို့ ရှိတယ် လို့ ကျနော်တို့ကို အလွတ်သဘောပြောခဲ့ပါတယ်”ဟု ဧရာဝတီသို့ ပြောသည်။
ဆွေးနွေးပွဲတွင်ပါရှိသည့် KNU ငြိမ်းချမ်းရေး ဖော်ဆောင်ရေးအဖွဲ့၏ ပြောခွင့်ရပုဂ္ဂိုလ် ပဒိုဒေးဗစ်ထော ကလည်း အလွတ်ဆွေး နွေးပြောဆိုကြရာတွင် နိုင်ငံရေးအကျဉ်းသား လွှတ်မည့်ကိစ္စများအပြင် ပဒိုမန်းငြိမ်းမောင် အပါအ၀င် အဖမ်းခံထားရသည့် အဖွဲ့ ၀င်များနှင့် ပတ်သက်သည့် ကိစ္စရပ်များလည်းပါရှိသည်ဟု ပြောကြားသည်။
KNU ခေါင်းဆောင်တဦးကလည်း“ဒီကိစ္စကိုကျနော်တို့ဘက်က ဆွေးနွေးတောင်းဆိုမှု မရှိပါဘူး၊ ဦးအောင်မင်းပြောတာက ပဒိုမန်းငြိမ်းမောင်ကို ပြန်လွှတ်ပေးရင် KNU အတွက်အကျိုးဖြစ်မှာလားဆိုပြီးတော့မေးပါတယ်၊ ကျနော်တို့ဘက်ကပြန်ပြော တာက သူ့ကိုလွတ်ပေးရင်တော့ လက်ရှိနှစ်ဘက်ဆောင်ရွက်နေတဲ့ ငြိမ်းချမ်းရေးဆိုင်ရာကိစ္စတွေကို အထောက်အကူဖြစ်စေ မှာဖြစ်ပြီး ပဒိုမန်းငြိမ်းမောင်အပါအ၀င် အခြားအဖမ်းခံထားရတဲ့ KNU အဖွဲ့ဝင်တွေကိုလည်း လွတ်စေချင်တယ်လို့ ကျနော်တို့ဘက် က သဘောထားပြန်ပေးခဲ့ပါတယ်”ဟု ပြောသည်။
မန်းငြိမ်းမောင်သည် ဇူလိုင်လ ၂၄ ရက်နေ့က စတင်ပျောက်ဆုံးသွားပြီးနောက် တရုတ်ပြည် ကူမင်းလေဆိပ်မှတဆင့် မြန်မာ နိုင်ငံ ရန်ကုန်လေဆိပ်သို့ ပို့ဆောင်ခံရပြီး လူဝင်မှုကြီးကြပ်ရေး ဥပဒေ၊ တရားမ၀င် စာရွက်စာတမ်း ကိုင်ဆောင်မှု၊ မတရား အသင်း ဆက်သွယ်မှုများဖြင့် မကြာသေးခင်က ထောင်ဒဏ် ၁၇ နှစ် ချမှတ်ခံထားရသည်။
ယနေ့ရက်စွဲဖြင့် ထွက်ရှိလာသည့် ပြည်တွင်း အပတ်စဉ်ထုတ် ရန်ကုန်တိုင်းမ် ဂျာနယ်တွင် ပြည်သူ့လွတ်တော် ဥက္ကဌ ဦးရွှေမန်း က ယုံကြည်ချက်ကြောင့် အကျဉ်းကျသူများ လွတ်မြောက်ရန် ပိုနီးကပ်လာပြီဖြစ်သည်ဟု ရန်ကုန်တွင် ပြုလုပ်သည့် ပြည့်သူ့ လွတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင်(ရန်ကုန်-ရုံးခွဲ) ဖွင့်ပွဲ အခမ်း အနား တွင် ပြောကြားသွားသည်ဟု ဖော်ပြထားသည်။
ပြီးခဲ့သည့် အောက်တိုဘာ ၁၂ ရက်နေ့က သမ္မတ ဦးသိန်းစိန် ၏ လွတ်ငြိမ်းချမ်းသာခွင့် အမိန့်ဖြင့် အကျဉ်းသား ၆၃၅၉ ဦး ကို လွှတ်ပေးရာတွင် နိုင်ငံရေး အကျဉ်းသား၂၀၀ ခန့် ပါဝင်သည်။
ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း(AAPP) ၏ နောက်ဆုံးရ စာရင်းများအရ မြန်မာ နိုင်ငံ အကျဉ်းထောင်များတွင် နိုင်ငံရေးအကျဉ်းသား ၁၅၄၆ ဦးရှိပြီး မြန်မာအစိုးရ၏ စာရင်းတွင် ယုံကြည်ချက်ကြောင့် အကျဉ်းကျခံနေရသည့် အကျဉ်းသား ၂၀၀ ကျော်သာရှိသည်ဟု သိရသည်။
Ref: ဧရာဝတီ
Read More...
Collapse...
December 22, 2011
ကိုထွေး
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ပြည်သူ့လွှတ်တော် ဥက္ကဋ္ဌ သူရဦးရွှေမန်းတို့ နေပြည်တော်မှာ တွေ့ဆုံဖွယ် ရှိတယ်လို့ သိရပါတယ်။
အမျိုးသား ဒီမိုကရေစီအဖွဲချုပ် ပါတီမှတ်ပုံတင်ဖို့ ကိစ္စ ဒေါ်အောင်ဆန်းစုကြည်နဲ့ ဦးတင်ဦးတို့ မနက်ဖြန် နေပြည်တော်ကို သွားရောက် တဲ့ ခရီးစဉ်အတွင်းမှာ သူရ ဦးရွှေမန်းနဲ့ တွေ့ဆုံဖွယ်ရှိတယ်လို့ အမျိုးသားဒီမိုကရေစီအဖွဲ့ချုပ်က ဦးခွန်သာမြင့်က ပြော ပါတယ်။
“သတင်းတော့ ထွက်နေပါတယ်။ တွေ့မယ်ဆိုရင်တော့ မနက်ဖြန်ပါပဲ။ မနက်ဖြန် အမ နေပြည်တော် တက်ဖို့ရှိပါတယ်၊ မှတ်ပုံ တင်တဲ့ဆိုင်းသွားထိုးမှာပါ၊ ဦးတင်ဦးနဲ့ ဒေါ်အောင်ဆန်းစုကြည် အဲဒီမှာတွေ့မယ်လို့ ကြားတာပဲ။”
ဦးရွှေမန်း ရဲ့ ဖိတ်ကြားချက်အရ တွေ့ဆုံတာလား၊ ဒေါ်အောင်ဆန်းစုကြည်ရဲ့ ကမ်းလှမ်းချက်လားဆိုတဲ့ မေးခွန်းကိုတော့ အခုချိန်မှာ မပြောပြနိုင်ဘူးလို့ သူက ဆိုပါတယ်။
ဒေါ်အောင်ဆန်း စုကြည်နဲ့ ဦးရွှေမန်းတို့ အရင်ကလည်း လျှို့ဝှက်တွေ့ဆုံခဲ့ဖူးတယ် လို့လည်း သတင်းတွေ ထွက်ခဲ့ပါတယ်။ ဒါပေမယ့် အမျိုးသားဒီမိုကရေစီအဖွဲ့ချုပ် ပြန်ကြားရေးအဖွဲ့ဝင် ဦးဉာဏ်ဝင်းကတော့ ဒီသတင်းကို မဟုတ်မှန်ကြောင်း ငြင်းဆိုပါတယ်။
ဒါပေမယ့် ဒေါ်အောင်ဆန်းစုကြည်ဟာ အမျိုးသားလွှတ်တော်ဥက္ကဋ္ဌ ဦးခင်အောင်မြင့်နဲ့ ဒီဇင်ဘာ ၁၁ ရက်က ရန်ကုန်မှာ တွေ့ဆုံဆွေးနွေးခဲ့တယ်လို့ ဦးဉာဏ်ဝင်းက အတည်ပြုပြောကြားပါတယ်။
ဦးတင်ဦး၊ ဒေါ်ဆောင်ဆန်းစုကြည် ဦးဉာဏ်ဝင်းနဲ့တခြားအဖွဲ့ဝင် ၅ ဦးခန့် ဟာ မနက်ဖြန် မနက် ၇ နာရီလောက်မှာ နေပြည်တော်ကို လေယာဉ်နဲ့ သွားဖို့စီစဉ် ထားပါတယ်။
မှတ်ပုံတင်ကိစ္စပြီးရင် နေပြည်တော်မှာ အစိုးရထိပ်ပိုင်းခေါင်းဆောင်တချို့နဲ့ တွေ့ဆုံဖို့လည်း အစီစဉ်ရှိနေတာပါ။
ဒေါ်အောင်ဆန်း စုကြည်ဟာ မြန်မာအစိုးရအဖွဲ့ခေါင်းဆောင် သမ္မတ ဦးသိန်း စိန်နဲ့ ပြီးခဲ့တဲ့ ဩဂုတ် ၁၉ ရက်က ပထမဆုံးအကြိမ် နေပြည်တော်မှာ တွေ့ဆုံခဲ့ဖူးပါတယ်။
Ref: ဒီဗွီဘီ
Read More...
Collapse...
December 22, 2011
တိုင်းရင်းသားလက်နက်ကိုင်တပ်ဖွဲ့တခုဖြစ်တဲ့ မွန်ပြည်သစ်ပါတီနဲ့ အစိုးရငြိမ်းချမ်းရေး ကိုယ်စားလှယ်တွေ ဒီကနေ့ တွေ့ဆုံ ဆွေးနွေး ခဲ့ပါတယ်။
မွန်ပြည်သစ်ပါတီဘက်က အထွေထွေအတွင်းရေးမှူး နိုင်ဟံသာ ဦးဆောင်တဲ့အဖွဲ့နဲ့ အစိုးရဘက်က မြန်မာ့မီးရထားဝန်ကြီးဦးအောင် မင်းတို့ ဦးဆောင်တဲ့ ကိုယ်စားလှယ်အဖွဲ့ဟာ ထိုင်းနိုင်ငံ ကန်ချနပူရီခရိုင် စံခလပူရီမြို့မှာ ဒီကနေ့ မနက် ၁၁ နာရီကနေ မွန်းလွဲ ၁ နာရီအထိ အချိန် ၂ နာရီကြာ ပဏာမ တွေ့ဆုံခဲ့တာပါ။
တွေ့ဆုံပွဲမှာ အစိုးရဘက်က အချက် ၃ ချက် တင်ပြခဲ့တယ်လို့ မွန်ပြည်သစ်ပါတီ အထွေထွေအတွင်းရေးမှူး နိုင်ဟံသာက ပြောပါတယ်။
“အစိုးရဘက်က ကိုယ်စားလှယ် ဝန်ကြီးဦး အောင် မင်းက သူ့အနေနဲ့ ထာဝရ ငြိမ်းချမ်းရေး ရရှိ နိုင်ဖို့အတွက် သူက အချက် သုံးချက်အဆင့် သုံးဆင့်တင်ပြတယ်။တစ်အချက် ကတော့အပစ်ခတ်ရပ်စဲရေးလုပ်ဖို့။အဲဒီအဆင့် ထဲမှာအပစ်ခတ် ရပ်စဲရေး လုပ်ပြီး ရင်တဖက်က ဆက်ဆံရေးရုံးတွေ ဖွင့်ဖို့၊ နောက်ပြီးတော့မှ တဖွဲ့နဲ့တဖွဲ့ သွားလာဖြတ်သန်းတဲ့ နေရာမှာ နားလည်မှု ရယူပြီးတော့ ပေါ့နော် အဲဒါ သွားလာဖုိ့ ဆိုတဲ့ အပိုင်း။ ဒုတိယအဆင့်ကတော့ နိုင်ငံရေးအရ ဆွေးနွေးဖို့ အဲဒီအပေါ်မှာ နားလည်မှု ရယူပြီးရင် တတိယအဆင့်ကတော့ နေပြည်တော်မှာ ကျယ်ကျယ်ပြန့်ပြန့် ပင်လုံကဲ့သို့သော ညီလာခံမျိုး လုပ်ပြီးတော့မှ အဲဒီမှာ နားလည်မှုယူ၊ အဲဒီမှာ နားလည်မှု ရှိတဲ့အပေါ်မှာ သဘောတူလက်မှတ်တွေ ထိုးပြီး လွှတ်တော်ကို တင်ပြီးတော့မှ အခြေခံ ဥပဒေကို ပြင်နိုင်ဖို့၊ ပြင်ဆင်ဖြည့်စွက်သွားနိုင်ဖို့ အဲဒါမျိုး သူက တင်ပြတယ်။”
နောက်တကြိမ် တွေ့ဆုံဆွေးနွေးပွဲကို အစိုးရဘက်က လာမယ့်နှစ် ဇန်န၀ါရီလထဲမှာ ပြုလုပ်ချင်ပေမယ့်လည်း မွန်ပြည်သစ်ပါတီ ဘက်က ပါတီ ညီလာခံပြီးမှ ရက်သတ်မှတ်နိုင်မယ်လို့ တုံ့ပြန်ခဲ့ပါတယ်။
ပါတီဌာနချုပ် ရေးချောင်းဖျားမှာ မွန်ပြည်သစ်ပါတီညီလာခံကို မနေ့ကစပြီး ၂ ပတ်ကြာ ကျင်းပနေဆဲဖြစ်ပြီး အစိုးရနဲ့ တွေ့ဆုံခဲ့တဲ့ အကြောင်းအရာတွေကိုလည်း ပါတီညီလာခံမှာ ထည့်သွင်း ဆွေးနွေးမယ်လို့ ဆိုပါတယ်။
တွေ့ဆုံဆွေးနွေးပွဲနဲ့ပတ်သက်ပြီး လွတ်လပ်သောမွန်သတင်းစဉ် အယ်ဒီတာ နိုင်ဗညားအောင်က ခုလိုသုံးသပ်ပါတယ်။
“တဖက်နဲ့ တဖက်ပြောကြတဲ့အခါမှာကျတော့ ပွင့်ပွင့်လင်းလင်းနဲ့ တဖက်ပြောတာကိုလည်း တဖက်က တလေးတစား နားထောင် ကြတယ်။ မွန်ပြည်သစ် ကိုယ်စားလှယ်ဘက်က အနေနဲ့ဆိုရင်တော့ အတော်လေး ကျေနပ်ပါတယ်။ ဒီလို ဆွေးနွေးပွဲတွေ ထပ်ဖြစ် ဖို့လည်း ရှိလာနိုင်တာပေါ့။”
ဒီကနေ့ တွေ့ဆုံပွဲမှာ မွန်ပြည်သစ်ပါတီဘက်က အထွေထွေအတွင်းရေးမှူး နိုင်ဟံသာ၊ ဗဟိုအလုပ်အမှုဆောင် နိုင်ရွှေသိန်းနဲ့ နိုင်တလညီ၊ ဗဟိုကော်မတီဝင် ဗိုလ်မှူးလရီကောင်း၊ ထားဝယ်ခရိုင်အတွင်းရေးမှူး နိုင်ဗညားလယ် တို့ တက်ရောက်ပြီး အစိုးရ ဘက်က မီးရထားဝန်ကြီး ဦးအောင်မင်းနဲ့အတူ ဒေါက်တာနေ၀င်းမောင်နဲ့ အဖွဲ့ဝင် ၈ ဦး တက်ရောက်ခဲ့ပါတယ်။
ငြိမ်းချမ်းရေး ဆွေးနွေးပွဲ ဖြစ်လာဖို့အတွက် မွန်ပြည်သစ်ပါတီဟာ ပြီးခဲ့တဲ့ အောက်တိုဘာလ ၆ ရက်တုန်းကလည်း မွန်ပြည်နယ် အစိုးရကိုယ်စားလှယ်တွေနဲ့ မွန်ပြည်နယ် ရေးမြို့မှာ တခါ၊ နိုဝင်ဘာ ၁၄ ရက်က မွန်ပြည်နယ် အစိုးရ ငြိမ်းချမ်းရေး အကျိုးတော် ဆောင်တွေနဲ့ မွန်ပြည်သစ်ပါတီဌာနချုပ်မှာ တခါ အစပျိုးအနေနဲ့ တွေ့ဆုံခဲ့ပါသေးတယ်။
မွန်ပြည်သစ်ပါတီကို ၁၉၅၈ ခုနှစ်မှာ စတင်တည်ထောင်ခဲ့ပြီး ၁၉၉၅ ခုနှစ်မှာ မြန်မာစစ်အစိုးရနဲ့ အပစ်ခတ်ရပ်ဖို့ သဘောတူခဲ့ကြ တယ်။ ဒါပေမယ့် ၂၀၁၀ မှာ နယ်ခြားစောင့်တပ် အသွင်ပြောင်းဖို့ အစိုးရက ဖိအားပေးခဲ့တဲ့အတွက် အပစ်အခတ် ရပ်ရေး ပျက် ပြယ်ခဲ့ပါတယ်။
Ref: ဒီဗွီဘီ
Read More...
Collapse...
December 22, 2011
နော်နိုရင်း
ထိုင်းနိုင်ငံကို မြန်မာအလုပ်သမားတွေ တရားဝင်စေလွှတ်နိုင်ရေးနဲ့ နိုင်ငံသား စိစစ်ရေးရုံးတွေ တရားဝင်ဖွင့်နိုင်ရေး မြန်မာ အလုပ် သမား ဒု-ဝန်ကြီး ဦးမြင့်သိန်း ထိုင်းနိုင်ငံမှာ ရောက်ရှိနေပါတယ်။
အလုပ်သမားဒု-၀န်ကြီး ဦးမြင့်သိန်း ဒီနေ့ရောက်ရှိတာဖြစ်ပြီး ထိုင်းနိုင်ငံ မြောက်ပိုင်း ချင်းမိုင်မြို့မှာ မြန်မာအလုပ်သမား နိုင်ငံသား စိစစ်ရေးရုံးတွေ ဖွင့်လှစ်ဖို့ ဆွေးနွေးတယ်လို့ အလုပ်သမားအရေး ဆောင်ရွက်သူတွေက ပြောပါတယ်။
မြန်မာအစိုးရဟာ ၂၀၁၂ ခု ဇန်န၀ါရီလဆန်းကစပြီး ထိုင်းနိုင်ငံမှာ မြန်မာအလုပ်သမား နိုင်ငံသားစိစစ်ရေးရုံး ၅ ခုကို ဘန်ကောက်၊ ချင်းမိုင်၊ မဟာချိုင်၊ စမွတ်ပရာကန် ခရိုင် စတဲ့နေရာတွေမှာ ဖွင့်လှစ်နိုင်ဖို့ ကြိုးပမ်းနေပါတယ်။
ထိုင်းနိုင်ငံအတွင်းမှာ နိုင်ငံသားစိစစ်ရေးရုံးတွေ ဖွင့် တဲ့အတွက် မြန်မာအလုပ်သမားတွေ နယ်စပ်မြို့ တွေကို သွားစရာမလိုဘဲ အချိန်နဲ့ ကုန်ကျစရိတ် သက်သာပေမယ့် အလုပ်သမားတွေရဲ့ အခွင့်အရေး ကာကွယ်ပေးသင့်တယ်လို့ ဘန်ကောက် အခြေစိုက် ထိုင်းနိုင်ငံရောက် မြန်မာနိုင်ငံသားများအဖွဲ့ရဲ့ တာဝန်ခံ ဦးကျော်သောင်းက တိုက်တွန်းပါတယ်။
“အရင်တုန်းက နယ်စပ် မြဝတီ-မဲဆောက် တံတားပိတ်တယ်၊ တာချီလိတ်-မယ်ဆိုင် ဖွင့်တယ်၊ ကော့သောင်း-ရနောင်း သွားရ တယ်။ ဒီအတွက် နံပါတ်တစ် အလုပ်သမားတွေ အချိန်ကုန်တယ်။ နံပါတ်နှစ် လမ်းစရိတ်တွေ ကုန်တယ်။ နံပါတ်သုံး ကားမှောက် ပြီးတော့ သေဆုံးသွားတဲ့ အလုပ်သမားတွေ ရှိတယ်။ ထိုင်းနိုင်ငံအတွင်းမှာ လုပ်မယ်ဆိုရင် ထိုင်းအစိုးရ ဘက်ခြမ်းမှာရှိတဲ့ ဥပမာ မောင်မောင်ဆိုတဲ့ အလုပ်သမားတယောက်မှာ သူဌေးက ဘယ်သူလဲ၊ ဘယ်နေရာမှာ လုပ်လဲ အဲဒါကို ထိုင်းအလုပ်သမားဝန်ကြီး ဌာနက အသိအမှတ်ပြု၊ အလုပ်ကိုင် ရှာဖွေရေးကလည်း အသိအမှတ်ပြု၊ ပြီးတော့ သူဌေးက ဒါ ငါ့အလုပ်သမား ဖြစ်ပါတယ်ဆိုတဲ့ အချက်အလက်တွေ များတယ်လေ။ အဲဒီများတဲ့ အပေါ်မှာ သူဌေးကိုယ်တိုင်လုပ်တာ ရှိသလို ကြားပွဲစားတွေက အဲဒီအဆင့်များ တဲ့အပေါ် မှာ မူတည်ပြီးတော့မှ အကျိုးအမြတ် ယူတာရှိတယ်။ ဒီအတွက် အလုပ်သမားတွေမှာ မူရင်းကုန်ကျသင့်တဲ့ ကုန်ကျငွေ ထက် ၂ ဆ ၃ဆ ပိုကုန်တယ်လေ။ တနေရာတည်း အပြီးလုပ်နိုင်အောင် ပြင်ဆင်ပေးမှသာလျှင် အလုပ်သမားတွေအတွက် တကယ် အကျိုးရှိတဲ့အလုပ် ဖြစ်မယ်လို့ ကျနော် ယူဆတယ်ခင်ဗျ။”
ထိုင်း-မြန်မာ နှစ်နိုင်ငံအလုပ်သမားဆိုင်ရာ သဘောတူညီချက်အရ မြန်မာအစိုးရက ထိုင်းနိုင်ငံကို အလုပ်သမား တသိန်း စေလွှတ် ပေးရဖို့ရှိနေပြီး လောလောဆယ် သုံးသောင်းပဲ စေလွှတ်ရသေးတယ်လို့ ထိုင်းအစိုးရ အလုပ်သမားရေးရာ ၀န်ကြီးဌာန လက် အောက် ခံ အလုပ်သမားရှာဖွေရေး ဌာနက ပြောပါတယ်။
ထိုင်းအစိုးရက ၂၀၁၁ ခုနှစ် ဇွန်လ ၁၅ ရက်ကနေ ဇူလိုင်လ ၁၄ ရက်နေ့အထိ နိုင်ငံခြား အလုပ်သမားတွေကို အလုပ်သမား မှတ်ပုံတင် လုပ်ပေးခဲ့တုန်းက မြန်မာ အလုပ်သမား ၇ သိန်းလောက် လာရောက် စာရင်းပေးကြတယ်လို့ ထိုင်း အလုပ်သမားရေး ၀န်ကြီးဌာနက ကြေညာခဲ့ပါတယ်။
ထိုင်းမှာ တရားမ၀င် အလုပ်လုပ်နေတဲ့ မြန်မာအလုပ်သမား ၂ သန်းကျော် လောက် ရှိမယ်လို့ အလုပ်သမားအရေး ဆောင်ရွက် နေတဲ့ အဖွဲ့အစည်းတွေက ခန့်မှန်းထားပါတယ်။
Ref: ဒီဗွီဘီ
Read More...
Collapse...
December 22, 2011
မင်းလွင်
နိုင်ငံရေးအကျဉ်းသားတွေကို ဇန်န၀ါရီ လဆန်းပိုင်းမှာ နှစ်သုတ်ခွဲပြီးတော့ အကျဉ်းထောင်တွေထဲကနေ ပြန်လွှတ် ပေးမယ်လို့ သတင်းတွေ ထွက်ပေါ်နေပါတယ်။
နိုင်ငံရေးအကျဉ်းသားတွေကို နှစ်သုတ်ခွဲပြီး ဇန်န၀ါရီ ၄ ရက်နေ့မှာ တခါ ဖေဖော်ဝါရီ ၁၂ ရက်နေ့မှာ တခါ လွှတ်ပေးမယ်ဆိုပြီး အစိုးရရဲ့ ငြိမ်းချမ်းရေး ဖော်ဆောင်ရေးအဖွဲ့က တာဝန်ရှိသူ တဦးဖြစ်တဲ့ ရထားဝန်ကြီးက တိုင်းရင်းသား ခေါင်းဆောင်တွေကို ပြော ခဲ့တာပါ။
မနေ့က ကရင်အမျိုးသားအစည်းအရုံး (ကေအန်ယူ)နဲ့တွေ့ဆုံစဉ် ပြောခဲ့တာဖြစ်ကြောင်း ကေအန်ယူမှ ဖဒို ဒေးဗစ်ထောက ပြောပါ တယ်။
“အစိုးရသစ်လက်ထဲ အကျဉ်းဦးစီးဌာနက ဒီအကျဉ်း သားတွေ စာရင်းကို လွှဲပြောင်းပေးတဲ့အချိန် မှာ သူတို့အနေနဲ့ ရရှိတာက အားလုံးက ရာဇဝတ် အကျဉ်းသားလို့ပဲ သူတို့ သိရတယ်လေ။ ဆိုတော့ ဒီဟာကို သေချာအောင် ကိုဇာဂနာ ဦးစီးတဲ့ အကျဉ်း သားဟောင်းတွေကနေပြီးတော့ တထောင်ဝင် တထောင်ထွက် လိုက်လံ စာရင်းကောက်ယူ ပြုစုတဲ့ဟာက အခု စာရင်းအရ ပြော မယ်ဆိုရင် ၆၀၀ နီးနီး ရှိတယ်လို့ သူ အဲဒါကို ပြောပြပါတယ်။ ကျနော်တို့ အေအေပီပီကနေ တင်ပြထားတဲ့ ဦးရေနဲ့ ဆိုရင်တော့ နည်းနည်းတော့ ကွာဟမှုတော့ ရှိတာကိုတော့ တွေ့ရတယ်ပေါ့လေ။ အကျဉ်းသားတွေနဲ့ ပတ်သက်ပြီးတော့ လွတ်မြောက်ရေး အတွက် ဦးအောင်မင်းက ဆက်လက်ပြီး ရှင်းပြတာကတော့ ဒီ ဇန်နဝါရီလ ၄ ရက်နေ့မှာ အကျဉ်းသားတွေ လွှတ်တဲ့အခါမှာ နိုင်ငံရေးအကျဉ်းသားအချို့လည်း ပါဝင်မယ်။ နောက်ပြီးတော့ ဖေဖော်ဝါရီလ ၁၂ ရက်နေ့မှာ နောက်တကြိမ် လွှတ်မယ်ဆိုရင် လည်း နိုင်ငံရေးအကျဉ်းသားတွေ ပါဝင်မယ်။ ဒီအကြိမ်ကျရင်တော့ နိုင်ငံရေး အကျဉ်းသားတွေက ကုန်သလောက် ရှိသွားပြီလို့ ကျနော်တို့ကို ပြောပြသွားတာ ရှိပါတယ်။”
ထိုင်းအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ အေအေပီပီ အတွင်းရေးမှုး ကိုတိတ်နိုင်က
“အဲဒီလိုတော့ ကြားနေတာပဲ။ သို့ပေမယ့် သူတို့ပြောတာကတော့ နှစ်သုတ်ခွဲလွှတ်မယ်၊ ဒုတိယအသုတ်မှာတော့ နိုင်ငံရေး အကျဉ်းသား အားလုံး လွှတ်ပေးမယ်လို့ သူတို့ပြောတယ်။ သို့ပေမယ့် သူတို့က နိုင်ငံရေးအကျဉ်းသား ဆိုတာကို ဘယ်လို သတ်မှတ်ထားလဲ ဆိုတဲ့ကိစ္စ တခါမှ မကြေညာတဲ့အခါကျတော့ ဘယ်လိုလူတွေကို လွှတ်ပေးမှာလဲ၊ အရေအတွက် ဘယ်လောက် ကို လွှတ်ပေးမှာလဲ ဆိုတာကိုတော့ စောင့်ကြည့်ရမယ့် အခြေအနေမျိုး ရှိတယ်။ သေချာတာကတော့ နိုင်ငံရေးအကျဉ်းသားတွေ အားလုံး လွတ်မြောက်လာဖို့အတွက်ကတော့ နည်းနည်း ခက်လိမ့်ဦးမယ် ထင်တယ်။ အကန့်အသတ်အနေနဲ့ပဲ လွှတ်ပေးဖို့ များပါ တယ်။”
ပြည်သူ့လွှတ်တော်ဥက္ကဋ္ဌ အပြောအရ နိုင်ငံရေးအကျဉ်းသားတွေကို နိုင်ငံရေး ဆက်လုပ်မယ်ဆိုတဲ့ အကန့်အသတ်နဲ့ လွှတ်နိုင် တယ် လို့လည်း ပြောဆိုနေကြပါတယ်။
အေအေပီပီရဲ့ နိုင်ငံရေးအကျဉ်းသား စာရင်းအရဆိုရင်တော့ ၁၅၄၆ ဦး ရှိနေပြီးတော့ အစိုးရနဲ့ အခြား အဖွဲ့အစည်းတွေရဲ့ နိုင်ငံရေး အကျဉ်းသားစာရင်းဟာ ကွာဟာတာတွေ ရှိပါတယ်။ အစိုးရစာရင်းအရ ရာဂဏန်း အနည်းငယ် လွှတ်ပေးမှာကို အတိုက်အခံအဖွဲ့တွေက စိုးရိမ်နေကြပါတယ်။
အေအေပီပီက စာရင်းရယ်၊ အန်အယ်ဒီက စာရင်းနဲ့ ပြည်ထဲရေးဝန်ကြီးဌာနက စာရင်းတွေကတော့ ကွဲပြားနေတယ်လို့ နိုင်ငံတော် သမ္မတ အကြံပေး ဦးနေဇင်လတ်က ပြောပါတယ်။
“အေအေပီပီပြောထားတဲ့ စာရင်းရယ်၊ နောက်တခါ အန်အယ်လ်ဒီက ဒေါ်အောင်ဆန်းစုကြည်တို့ ပြောထားတဲ့ စာရင်းရယ်၊ နောက် တခါ ပြည်ထဲရေးက ပြောထားတဲ့ စာရင်းရယ် အဲဒီ သုံးခုကတော့ နည်းနည်းလေး ကွာတယ်ပေါ့ဗျာ။ တခု ရှိတာကတော့ အေ အေ ပီပီကတော့ ကျနော် အမှတ်မမှားရင် ၁၅၀၀ လား ပြောထားတယ်။ ဒေါ်အောင်ဆန်းစုကြည်တို့ဘက်က ပြောတာကျတော့ ၅၉၁ ယောက်ပေါ့ဗျာ၊ နောက်တခါ ပြည်ထဲရေးက ပြောတာကျတော့ ၅၀၀ ကျော်ပေါ့ဗျာ။ အဲဒီတော့ ဒေါ်အောင်ဆန်းစုကြည်နဲ့ ပြည်ထဲရေးပြောတာကတော့ နီးစပ်တယ်ပေါ့။ ဒါကတော့ နည်းနည်းလေး ဝိဝါဒလေး ကွဲတဲ့ဟာ ဖြစ်နိုင်တယ်ပေါ့။”
နိုင်ငံတော်သမ္မတ ဦးသိန်းစိန် ပြည်သူ့လွှတ်တော် ဥက္ကဋ္ဌ သူရဦးရွှေမန်း တို့ကနေ ပြောထားပြီးတဲ့အတွက် နိုင်ငံရေးအကျဉ်းသား တွေကို အမြန်ဆုံး လွှတ်ပေးနိုင်မယ်လို့ ဦးနေဇင်လတ်က ပြောပါတယ်။
Ref: ဒီဗွီဘီ
Read More...
Collapse...
21 ဒီဇင်ဘာ 2011
မအေးအေးမာ
မြန်မာအစိုးရနဲ့ ကရင်အမျိုးသား အစည်းအရုံး KNU တို့အကြားမှာ ရေရှည်တည်တံ့မယ့် အပစ်အခတ် ရပ်စဲရေး သဘောတူညီ ချက်ရနိုင်ဖို့ ဆွေးနွေးနေကြတာမှာ တိုးတက်မှုတွေ ရှိနေပြီလို့ KNU တာဝန်ရှိသူ တဦးက ဗွီအိုအေကိုပြောပါတယ်။ မီးရထား ၀န်ကြီး ဦးအောင်မင်း ဦးဆောင်တဲ့ မြန်မာအစိုးရ ငြိမ်းချမ်းရေး ဖော်ဆောင်ရေး ကိုယ်စားလှယ်အဖွဲ့နဲ့ ကေအန်န်ယူ ထိပ်ပိုင်း ခေါင်းဆောင်တွေပါဝင်တဲ့ ကိုယ်စားလှယ် အဖွဲ့တို့ ထိုင်း-မြန်မာ နယ်စပ်တနေရာမှာ ဒီကနေ့ပဲ ထပ်မံ တွေ့ဆုံ ဆွေးနွေးခဲ့ကြပြီး တဲ့နောက် အဲဒီလို ပြောလိုက်တာပါ။ အပြည့်အစုံကို ဗွီအိုအေရဲ့ ထိုင်းအခြေစိုက်သတင်းထောက် မအေးမာက သတင်း ပို့ထား ပါ တယ်။
မြန်မာအစိုးရ ကိုယ်စားလှယ်အဖွဲ့နဲ့ KNU ကိုယ်စားလှယ်အဖွဲ့တို့ အခုတကြိမ် တွေ့ဆုံ ဆွေးနွေးတာဟာ တတိယ အကြိမ်ရှိသွားပြီ ဖြစ်ပြီး ရေရှည်တည်တံ့မယ့် အပစ်အခတ်ရပ်စဲရေး သဘောတူညီချက်ရဖို့ နှစ်ဘက်စလုံးက ကြိုးပမ်းနေသလို ဆွေးနွေးပွဲတွေ အပေါ် ကျေနပ် အားရပါတယ်လို့ KNU ခေါင်းဆောင် တဦးဖြစ်တဲ့ စောဒေးဗစ်ထောက ပြောပါတယ်။
ကျနော်တို့ နှစ်ဖက် ဆွေးနွေးမှုက အားရတယ်လို့ပဲ ပြောရမှာပေါ့။ နောက်တော့ ပွင့်ပွင့်လင်းလင်းလည်း ရှိပါတယ်။ ယုံကြည်မှုကို လည်း ပိုပြီးတော့ ခိုင်မာလာစေတာပေါ့နော်။ ၀န်ကြီး ဦးအောင်မင်းနဲ့ ဆိုရင် ကျနော်တို့ KNU အဖွဲ့အနေနဲ့ အခုဟာ တတိယ အကြိမ် ဖြစ်နေပြီပေါ့ တွေ့ဆုံကြတာ။ ပိုပြီးတော့လည်း ရင်းနှီးလာတဲ့ အပိုင်းလေးတွေ ရှိတယ်၊ ပွင့်လင်းလာတဲ့ အပိုင်းလေးတွေ လည်း ရှိတယ်လို့ ကျနော်တို့ မြင်ပါတယ်။ အပစ်အခတ် ရပ်စဲရေးကို ကျနော်တို့က ခိုင်ခိုင်မာမာ ဖြစ်စေချင်ပါတယ်။ ဒါမှလည်း ဒီဟာကနေပြီးတော့မှ တဆင့် ထာဝရ ငြိမ်းချမ်းရေးကို ကျနော်တို့က သွားနိုင်မှာ ဖြစ်တယ်။ အပစ်အခတ် ရပ်စဲရေး တစ်ခုကို လုပ်ခဲ့လို့ရှိရင် အခြေမခိုင်ပဲနဲ့ နောက်ပြန်သွားတဲ့ ဟာမျိုးကိုလည်း ကျနော်တို့ မလိုလားဘူး။"
အခုလက်ရှိ ဆွေးနွေးခဲ့ကြတာတွေဟာ လာမယ့် ဇန်န၀ါရီလအတွင်း ကရင်ပြည်နယ်၊ ဘားအံမြို့မှာလုပ်မယ့် ဆွေးနွေးပွဲ အတွက် အကြို ညှိနှိုင်းကြတာ ဖြစ်သလို နေ့ရက်သတ်မှတ်ရေးကိစ္စ။ တပ်ဖွဲ့တွေ အချင်းချင်းအကြား နားလည်မှုရဖို့ကိစ္စတွေကို ဆွေးနွေး ခဲ့ကြတာဖြစ်ပါတယ်။
မြန်မာအစိုးရဘက်က ဆွေးနွေးခဲ့တဲ့ အချက်တွေထဲမှာ အပစ်အခတ်ရပ်စဲရေး၊ ဆက်ဆံရေးရုံး ထားရှိရေး၊ လက်နက်ကိုင်ဆောင်ပြီး တနေရာနဲ့ တနေရာ သွားလာမယ်ဆိုရင် ကြိုတင် အသိပေးဖို့ဆိုတဲ့ အချက်တွေ ပါဝင်ပြီး ဒီကိစ္စတွေဟာ အပစ်အခတ် ရပ်စဲနိုင် ရေးမှာ အခြေခံအချက်တွေ ဖြစ်လို့ ဒါတွေကနေ စပြီး လုပ်ရမယ်ဆိုတာ သဘောတူထားကြတယ်လို့ စောဒေးဗစ်ထောက ပြောပါ တယ်။
နိုင်ငံရေးအရ ဆွေးနွေးတာမျိုးကိုတော့ လူမျိုးစု တိုင်းရင်းသားအားလုံး ပါတဲ့ ဆွေးနွေးမှုမျိုးဖြစ်ဖို့ KNU ဘက်က လိုလားတယ်လို့ လည်းဆိုပါတယ်။
"ကျနော်တို့ဖက်ကတော့ အခု လောလောဆယ် ဒီ အပစ်အခတ် ရပ်စဲရေး တဆင့်ကနေပြီးတော့ ကျနော်တို့ သွားတဲ့အခါကျရင် နိုင်ငံတော်ဖက်ကနေပြီးတော့ ဘယ်လို နိုင်ငံရေးကိစ္စကို ဆွေးနွေးမလဲဆိုတာကို ကျနော်တို့ဖက်ကနေပြီးတော့ တချက်တော့ ကြည့် ရဦးမယ်။ ဘာဖြစ်လို့လဲဆိုတော့ ကျနော်တို့က ဒီတိုင်းရင်းသားတွေပဲ ဖြစ်ဖြစ်ပေါ့နော်၊ အထူးသဖြင့် ဒီ သဘောထားတွေ ကတော့ သိပ်ပြီးတော့ မကွာကြဘူး။ ခံရတဲ့ ခံစားချက် တွေကလည်း သိပ်ပြီးတော့ မကွာကြတဲ့အတွက်ကြောင့် ဒီ နိုင်ငံရေး အခြေခံတွေ အပေါ် မူတည်ပြီးတော့ ဆွေးနွေးမယ်ဆိုရင် အားလုံး ပါဝင်နိုင်တဲ့ အနေအထားမျိုး ဖြစ်ရင်တော့ ပိုကောင်းတာပေါ့။"
တွေ့ဆုံဆွေးနွေးခဲ့ကြတဲ့ မြန်မာအစိုးရရဲ့ ငြိမ်းချမ်းရေး ဖော်ဆောင်ရေးအဖွဲ့မှာ ၀န်ကြီး ဦးအောင်မင်းနဲ့အတူ အဖွဲ့ဝင် ၉ ဦးပါဝင်ပြီး KNU ဘက်ကတော့ အဖွဲ့ဝင် ၇ ဦး ပါဝင်ပါတယ်။
ဇန်န၀ါရီလ၊ ဘားအံမြို့မှာ တွေ့ဆုံ ဆွေးနွေးကြရင်တော့ KNU ဘက်က ငြိမ်းချမ်းရေး ဖော်ဆောင်ရေးအဖွဲ့ဝင် ၃ ဦးနဲ့အတူ အောက် ခြေတပ်မှူးတချို့လည်း ပါဝင်ဖို့ရှိတယ်လို့ ပြောပါတယ်။
မြန်မာအစိုးရဟာ လူမျိုးစု လက်နက်ကိုင်အဖွဲ့တွေနဲ့ အပစ်အခတ် ရပ်စဲရေးနဲ့ ငြိမ်းချမ်းရေး ရယူနိုင်ဖို့ ဆွေးနွေးပွဲတွေကို လုပ်လာ နေတာဖြစ်ပြီး လက်နက်ကိုင်အဖွဲ့တချို့နဲ့ အပစ်ရပ် သဘောတူညီချက်တွေ ယူထားပြီးဖြစ်သလို ကချင်လွတ်လပ်ရေးအဖွဲ့ KIO နဲ့ နိုင်ငံရေးအရ ဆွေးနွေးပွဲတွေလုပ်ဖို့ မကြာခင်ကပဲ အကြောင်း ကြားထားပါတယ်။
အခုလို အပစ်ရပ်ဆွေးနွေးပွဲတွေ လုပ်နေပေမဲ့လည်း ကချင်ပြည်နယ်မှာရော ကရင်ပြည်နယ် အတွင်းမှာပါ တိုက်ပွဲတွေက ဆက်ဖြစ် နေဆဲရှိပြီး ဒေသခံ အရပ်သားတွေ သေကျေပျက်စီးရ၊ ဒုက္ခသည်တွေအဖြစ် ထွက်ပြေးရတာတွေ ရှိနေဆဲဖြစ်သလို လူ့အခွင့်အရေး ချိုးဖောက်တာတွေလည်း ရှိနေတုန်းပဲလို့ လူ့အခွင့်အရေး အဖွဲ့တွေက ပြောထားပါတယ်။
သမ္မတ ဦးသိန်းစိန်ဦးဆောင်တဲ့ အစိုးရအဖွဲ့ တက်လာပြီး အပြောင်းအလဲတချို့ လုပ်လာတယ်ဆိုပေမဲ့လည်း လူမျိုးစု တိုင်းရင်း သားဒေသတွေမှာ ဆက်ဖြစ်နေတဲ့ လူ့အခွင့်အရေးချိုးဖောက်မှုတွေ ရပ်ဆိုင်းဖို့နဲ့ ငြိမ်းချမ်းရေး တည်ဆောက်ဖို့ ပြည်တွင်းပြည်ပ ဒီမိုကရေစီရေး လှုပ်ရှားသူတွေက တောင်းဆို တိုက်တွန်း နေသလို ကုလသမဂ္ဂနဲ့ အမေရိကန်ပြည်ထောင်စု အပါအ၀င် နိုင်ငံ တကာ အသိုင်းဝိုင်းကလည်း အဓိကလိုလားနေတဲ့ ကိစ္စတခုလည်း ဖြစ်ပါတယ်။
Ref: ဗွီအိုအေ
Read More...
Collapse...
21 ဒီဇင်ဘာ 2011
တရုတ်နိုင်ငံမှာ အစိုးရဆန့်ကျင်ရေး ဆန္ဒပြသူတွေဖက်က တောင်းဆိုချက်တွေကို အာဏာပိုင်တွေဖက်က ဆွေးနွေးပြီး ထူးထူး ခြား ခြား လိုက်လျော ပေးလိုက်ပါပြီ။ တရုတ်နိုင်ငံတောင်ပိုင်း ဂွမ်ဒေါင်းပြည်နယ်က ၀ူခမ်မြို့မှာ ဆန္ဒပြသူတွေ တောင်းဆိုခဲ့တဲ့ အကျဉ်း သား ၃ ဦးကို ရက်ပိုင်းအတွင်း လွှတ်ပေးဖို့ ပြည်နယ် အဆင့်မြင့် အရာရှိတွေက သဘောတူခဲ့တယ်လို့ ဆွေးနွေးပွဲ တက်ရောက်ခဲ့တဲ့ ဆန္ဒပြ ခေါင်းဆောင်တဦးက ဆိုပါတယ်။
ပြီးခဲ့တဲ့ သီတင်းပတ်တွေအတွင်း ဒေါသထွက်နေတဲ့ ရွာသားတွေက ဒေသခံ အရာရှိတွေကို ဒီ ဂွမ်ဒေါင်း ပြည်နယ်ထဲက သူတို့ရွာ ထဲကို မလာနိုင်အောင် ထိရောက်စွာ တားဆီးနိုင်ခဲ့ပြီး သူတို့ဟာ သူတို့လည်း ထိထိရောက်ရောက် အုပ်ချုပ်မှုတွေ လုပ်လာခဲ့ ပါ တယ်။
ဒီရွာသားတွေ အနေနဲ့ ရဲအချုပ်ခန်းထဲမှာ ဆန္ဒပြသူတဦး သေဆုံးခဲ့ရတဲ့အပေါ် ဆန္ဒပြခဲ့တာဖြစ်ပြီး ဆက် ထိန်းချုပ်ထားတဲ့ အခြား ဆန္ဒပြသူတွေကိုလည်း လွှတ်ပေးဖို့ ပြင်းပြင်းထန်ထန် တောင်းဆိုလာခဲ့ကြတာပါ။
ရွာသားတွေဖက်က အခုလို အချုပ်ထဲမှာ သေခဲ့ရတဲ့သူ ဖြစ်ခဲ့ရတာက အရိုက်ခံခဲ့ရတာ ဖြစ်တယ်လို့ စွပ်စွဲထားပေမယ့် ရဲတွေဖက် ကတော့ နှလုံးရောဂါကြောင့် သေခဲ့ရတာလို့ ပြန်ငြင်းဆိုထားပါတယ်။
ဒီရွာသားတွေအနေနဲ့ စက်တင်ဘာလကတည်းက ဒေသခံ အရာရှိတွေရဲ့ မတရား မြေယာ သိမ်းယူမှုတွေကို ဆန့်ကျင် ဆန္ဒပြခဲ့ကြ ပြီး ဒီလယ်ယာမြေတွေကို သူတို့လက်ထဲ ပြန်ပေးဖို့ကိုလည်း တောင်းဆိုလာနေခဲ့ပါတယ်။
Ref: ဗွီအိုအေ
Read More...
Collapse...
21 ဒီဇင်ဘာ 2011
ဖိလစ်ပိုင်နိုင်ငံတောင်ပိုင်းမှာ ပြီးခဲ့တဲ့သီတင်းပတ်က အပူပိုင်းမုန်တိုင်း ၀င်ရောက်ပြီး ရေကြီးမှုတွေ ဖြစ်ပွားခဲ့တာမှာ သေဆုံးသူဦး ရေ ဟာ ၁,၀၀၀ ကျော် ရှိသွားပြီလို့ ဖိလစ်ပိုင်အစိုးရ အရာရှိတွေက ပြောပါတယ်။ သေဆုံးသူဦးရေဟာ အခုထက် ပိုများလာ နိုင်ဖွယ် ရှိနေတယ်လို့လည်း သူတို့က ဆိုပါတယ်။
လူပေါင်း ၁,၀၀၂ ယောက်ရဲ့ အလောင်းတွေကို ကူညီကယ်ဆယ်ရေး ၀န်ထမ်းတွေက ရှာဖွေတွေ့ခဲ့သလို ပျောက်ဆုံးနေသူ အများ အပြား ရှိနေတုန်းပဲလို့ အရပ်ဘက် ကာကွယ်ရေးဌာန အကြီးအကဲက ပြောပါတယ်။
အပူပိုင်းမုန်တိုင်းဟာ ပြီးခဲ့တဲ့ သောကြာနေ့ ညနေက ဖိလစ်ပိုင်တောင်ပိုင်းကို ၀င်ရောက်ခဲ့တာမှာ ၁ လစာ ရွာသွန်းတဲ့ မိုးရေ ပမာဏကို တစ်ရက်အတွင်း ရွာသွန်းသွားခဲ့တာကြောင့် အကြီးအကျယ် ရေကြီးမှုတွေ ဖြစ်နေတာပါ။
ဖိလစ်ပိုင်သမ္မတ Benigno Aquino ဟာ ဒီတိုင်ဖုံး မုန်တိုင်း ရိုက်ခတ်ခဲ့တဲ့ ဒေသကို မနေ့က သွားရောက် ခဲ့ပါတယ်။ ကယ် ဆယ်ရေးလုပ်သားတွေက ရွှံ့နွံတွေထဲကနေ အလောင်းတွေကို ဆွဲထုတ်ပြီး အစုလိုက် မြေမြှုပ် သင်္ဂြိုလ်မှုတွေ လုပ်နေသလို သမ္မတ က နိုင်ငံမှာ ကပ်ဆိုးကျရောက်နေတဲ့ အရေးပေါ်အခြေအနေ ကြေငြာ ထားပါတယ်။
နောက်ထပ် ကူညီကယ်ဆယ်ရေး လုပ်ငန်းတွေကို စီစဉ်ဆောင်ရွက်ဖို့ ဒေသခံ တာဝန်ရှိသူတွေနဲ့လည်း သမ္မတ အကွီနို တွေ့ဆုံ ခဲ့ပါတယ်။ မုန်တိုင်းကြောင့် အသက်မသေ ကျန်ရစ်သူတွေအတွက် ကယ်ဆယ်ရေး ထောက်ကူပစ္စည်းတွေကိုလည်း သမ္မတက ဖြန့်ဝေပေးခဲ့ပါတယ်။
Ref: ဗွီအိုအေ
Read More...
Collapse...
ဖနိဒါ
ဒီဇင်ဘာလ ၂၁ ရက် ၂၀၁၁ ခုနှစ်
အပစ်အခတ် ရပ်စဲရေး ဖြစ်မြောက်လာနိုင်ရန် တတိယအကြိမ်မြောက် ပဏာမ ဆွေးနွေးပွဲ ကို ကရင်အမျိုးသား အစည်းအရုံးနှင့် ရထားဝန်ကြီး ဦးအောင်မင်း ခေါင်းဆောင်သော ကိုယ်စားလှယ် အဖွဲ့တို့ ဗုဒ္ဓဟူးနေ့ တွင် ထိုင်း-မြန်မာ နယ်စပ်တွင် တွေ့ဆုံ ဆွေး နွေးခဲ့ကြသည်။
KNU ဘက်မှ ဒုဥက္ကဋ္ဌ ပဒိုဒေးဗစ် သာကပေါ ဦးဆောင်ပြီး စစ်ဦးစီးချုပ် ဗိုလ်ချုပ်ကြီး မူတူးဆေးဖိုး၊ ပဒိုဒေးဗစ်ထော၊ ပဒိုအားတိုး၊ ဘာအံခရိုင် ဥက္ကဋ္ဌ စောအောင်မော်အေး၊ ကျန်းမာရေးနှင့် ကယ်ဆယ်ရေး တာဝန်ခံ စောရော်ဂျာခင်နှင့် ဗဟိုကော်မတီဝင် စောသောသီခိုတို့ ပါဝင်သော အဖွဲ့နှင့် အစိုးရဘက်မှ ပြည်ထောင်စုအဆင့် ငြိမ်းချမ်းရေး ခေါင်းဆောင် ဝန်ကြီး ဦးအောင်မင်း ဦးဆောင်ပြီး ငြိမ်းချမ်းရေး အကျိုးဆောင် ဒေါက်တာ နေဝင်းမောင်၊ ဦးလှမောင်ရွှေတို့ အပါအဝင် ရှစ်ဦးတို့ ဆွေးနွေးကြသည်။
“အပစ်အခတ် ရပ်စဲရေးက တပ်နဲ့လုံးဝ သက်ဆိုင်တဲ့ အတွက်ကြောင့် နှစ်ဘက် လိုက်နာရမယ့်အချက်တွေကို အဓိကထား ပြော ဆို ဖြစ်ပါတယ်။ အဓိကကတော့ ကျနော်တို့ဘက်ကလည်း တပ်မဟာ ခေါင်းဆောင်တွေဆီကနေ သူတို့ရဲ့ တင်ပြချက်တွေကို နားထောင်ရမှာ ဖြစ်တယ်။ သူတို့ရဲ့ တောင်းဆိုချက် ဘယ်လို တောင်းဆိုတယ် ဆိုတဲ့ အချက်အလက်တွေအပေါ် တင်ပြရမှာ ဖြစ်ပါတယ်။”ဟု ငြိမ်းချမ်းရေးအဖွဲ့ အတွင်းရေးမှူး ပဒိုဒေးဗစ်ထောက ပြောသည်။
“ဒီတွေ့ဆုံတွေ့မှုမှာ ကောင်းတဲ့ အလားအလာ တခုပဲလို့ မြင်တယ်။ စကားမပြောတာထက်စာရင် ပြောလာတာက တဦးနဲ့ တဦး သံသယစိတ်တွေကို လျော့နည်းစေမယ်။ တဦးနဲ့ တဦး ရင်းနှီးမှုတွေ ဖန်တီးလာနိုင်မယ်၊ ဒီနေ့ အလွတ်သဘောတွေ့တော့ ကျနော်တို့ သိချင်တာတွေ ပွင့်ပွင့်လင်းလင်း သက်တောင့်သက်တာ ဖြစ်တဲ့ တွေ့ဆုံမှုလို့ သဘောပေါက်ပါတယ်။ ကျေနပ်ပါတယ်။ ပိုရင်းနှီးလာတယ်။ ပွင့်လင်းလာတယ်ဆိုတာ တွေ့ရတယ်။”ဟု သူက ထပ်ပြောသည်။
လာမည့် ဇန်နဝါရီလ ၁၂ ရက်နေ့တွင် နှစ်ဘက် တွေ့ဆုံမှုကို ကရင်ပြည်နယ် ဘားအံမြို့တွင် ထပ်မံပြုလုပ်ရန် သဘောတူညီ လိုက်သည်ဟုလည်း သိရသည်။
လာမည့် ဆွေးနွေးပွဲသို့ တက်ရောက်မည့် ကရင်ခေါင်းဆောင်များ၏ မြဝတီမှသည် ဘားအံအထိ အသွား-အပြန် လမ်းခရီး လုံခြုံရေးအတွက် အစိုးရတပ်က တာဝန်ယူပေးမှာဖြစ်ပြီး ဝန်ကြီးဦးအောင်မင်းပင် လာရောက် ကြိုဆိုရန် ရှိသည်ဟု သတင်း ရပ်ကွက်များက ပြောသည်။
အစိုးရ ကိုယ်စားလှယ်များနှင့် KNU အကြား နိုဝင်ဘာလ ၁၉ ရက်နေနှင့် အောက်တိုဘာ ဒုတိယပတ်ကလည်း ဆွေးနွေး ခဲ့ကြခြင်း ဖြစ်ပြီး ယခုအကြိမ်မှာ တတိယအကြိမ်မြောက် အလွတ်သဘော တွေ့ဆုံမှု ဖြစ်သည်။
ဝန်ကြီးဦးအောင်မင်းနှင့် အဖွဲ့သည် မွန်ပြည်သစ်ပါတီနှင့် အပစ်ခတ်ရပ်စဲရေး အလွတ်သဘော ဆွေးနွေးရန် စီစဉ် ထားသည်ဟု လည်း သတင်းရပ်ကွက်များက ပြောသည်။
Ref: မဇ္ဈိမ
Read More...
Collapse...
ကိုပေါက် | ဗုဒ္ဓဟူးနေ့၊ ဒီဇင်ဘာလ ၂၁ ရက် ၂၀၁၁ ခုနှစ်
ဖေဖေါ်ဝါရီ ၂ဝ ရက်အား ချင်းအမျိုးသားနေ့အဖြစ် ပြန်လည် သတ်မှတ်ကျင်းပရန် ပြည်ထောင်စု အစိုးရက ခွင့်မပြုသေး၍ ပြည်နယ် ဝန်ကြီးချုပ်က လက်မခံကြောင်း မင်းတပ်မြို့နယ် အထွေထွေ အုပ်ချုပ်ရေးရုံးမှ အင်္ဂါနေ့က ခေါ်ယူ အသိပေးလိုက်သည်။
ချင်းအမျိုးသားနေ့ ကျင်းပရေး အမြဲတမ်းကော်မတီ ဥက္ကဋ္ဌ ဦးအောင်မန်း (အငြိမ်းစား ငှက်ဖျား တိုက်ဖျက်ရေးမှူး) လက်မှတ် ထိုး၍ နိုဝင်္ဘာ ၂၃ ရက်နေ့စွဲဖြင့် ပေးပို့လိုက်သည့် ချင်းအမျိုးသားနေ့ ကျင်းပရေး စီမံချက်အား ဝန်ကြီးချုပ် ဦးဟုန်းငိုင်းက ကြေး နန်ဖြင့် ပြန်ကြားလိုက်ခြင်း ဖြစ်သည်။
“ပြည်ထောင်စု အစိုးရက ခွင့်မပြုသေးလို့ ခွင့်ပြုတဲ့ အချိန်ကျမှသာလျှင် ကျင်းပဖို့ဆိုပြီး ပြည်နယ် ဝန်ကြီးချုပ်ရဲ့ ညွှန်ကြားချက် အရ ဘောလုံးကွင်းမှာ ချင်းပြည်နယ်နေ့ပဲ ကျင်းပမယ်လို့ ဒီနေ့ မြို့နယ် ထွေ/အုပ်ရုံးမှာ အစည်းအဝေး ခေါ်ပြီး ကြေးနန်း ဖတ်ပြတယ်။ အမျိုးသားနေ့ကိုတော့ ရပ်ကွက်အနေနဲ့ ကျေးရွာအနေနဲ့ ကျင်းပလို့ ရပါတယ်တဲ့” ဟု အစည်းအဝေး တက်ရောက်ခဲ့ သည့် ကော်မတီဝင် သစ်ကုန်သည်တဦးက မဇ္ဈိမကို ပြောသည်။
ချင်းအမျိုးသားနေ့ ကျင်းပရေး အမြဲတမ်းကော်မတီအား နိုင်ငံရေးပါတီဝင်များမဟုတ်သည့် မင်းတပ်နှင့် ကန်ပက်လက် မြို့နယ်မှ အငြိမ်းစားဝန်ထမ်းများ၊ ကုန်သည်များ၊ ရပ်မိရပ်ဖ ၆ဝ ကျော်ဖြင့် ဧပြီလ ၁၇ ရက်နေ့က ဖွဲ့စည်းထားခြင်း ဖြစ်သည်။
ပါလီမန် ဒီမိုကရေစီခေတ်က စတင် ကျင်းပလာခဲ့သည့် ချင်းအမျိုးသားနေ့အား ဦးနေဝင်း ခေါင်းဆောင်သည့် မြန်မာ့ ဆိုရှယ်လစ် လမ်းစဉ် ပါတီခေတ်မှသည် ယနေ့တိုင် ပြည်နယ်နေ့ အဖြစ် အစိုးရ အဆက်ဆက်က ပြောင်းလဲ ကျင်းပ လာခဲ့ခြင်းဖြစ်သည်။
“ချင်းအမျိုးသားနေ့က ၁၉၄၉ ကနေ စရေတွက်မယ်ဆို ၆၄ နှစ် ရှိပါပြီ။ ပြည်နယ်နေ့က ၁၉၇၄ ဇန်နဝါရီ ၃ ရက်ကနေ စရေ တွက်ရင် ၃၆ နှစ်ပဲ ရှိပါသေးတယ်။ ချင်းပြည်နယ်နေ့ကို ဇန်နဝါရီလ ၃ ရက်နေ့မှာ ကျင်းပမယ်ဆိုရင် ကျနော်တို့ အားလုံး ပါဝင် ပေးမယ်လို့ တင်ပြတာကို လက်မခံဘူး။ ကျန်တဲ့မြို့နယ်တွေမှာလည်း ဒီလိုပဲ ကိုယ့်ဟာကိုယ် ခဲရာခဲဆစ် ကျင်းပကြရတာပါ” ဟု အသက် ၇ဝ ကျော်အရွယ် ကော်မတီဝင်တဦးက ပြောသည်။
အမျိုးသားနေ့ တရားဝင် ကျင်းပနိုင်ရေးအတွက် ဇန်နဝါရီ လဆန်းတွင် သမ္မတထံ ဆက်လက် တင်ပြသွားမည်ဟု သိရသည်။ ၂ဝ၁၂ ခုနှစ် ချင်းပြည်နယ်နေ့ကိုမူ မြို့နယ်ဘောလုံးကွင်း၌ ဖေဖေါ်ဝါရီ ၁၈-၁၉-၂၀ ရက်နေ့များတွင် ပြည်နယ် အစိုးရမှ ဦးစီး ကျင်းပမည် ဖြစ်သည်။
ချင်းတိုးတက်ရေးပါတီများ အနေနှင့် ချင်းအမျိုးသားနေ့နှင့် ပတ်သက်၍ ဆွေးနွေး ဆုံးဖြတ်ချက် မရှိသေးကြောင်း အထွေထွေ အတွင်းရေးမှူး (၁) ဦးဒိုင်းထုံးက ပြောသည်။
“ခုထက်ထိတော့ ကျနော်တို့မှာ အဲဒီကိစ္စ ဆွေးနွေးတာ ဘာမှမရှိသေးဘူး။ ကျောင်းသားတွေနဲ့ ပြန်ညှိနှိုင်းပြီးမှ လုပ်ရမယ် ထင် တယ်။ အမျိုးသားနေ့ ဆိုတာကတော့ ပိုအဓိပ္ပါယ်ရှိတာပေါ့” ဟု ပြောသည်။
ချင်းအမျိုးသားတပ်ဦး CNF မှ ပြောခွင့်ရ ဒေါက်တာဆလိုင်းအင်ဒရူး ငွန်ကျုံးလျန်က “အဲဒီနေ့ဟာ ဘယ်လိုနည်းနဲ့မှ ချင်းပြည် နယ်နေ့ မဖြစ်နိုင်ဘူး။ ချင်းပြည်နယ်ဆိုတာ မဆလ တက်လာပြီး ၁၉၇၄ အခြေခံ ဥပဒေ တည်ပြီးတဲ့ နောက်ပိုင်းမှာမှ ဖြစ်တာ။”
“ အဲဒီနေ့ကို ချင်းပြည်နယ်နေ့လို့ သတ်မှတ်ကျင်းပတာဟာ မှားယွင်းတဲ့ အတွေးအခေါ်လည်း ဖြစ်တယ်၊ အယူအဆ လည်း ဖြစ်တယ်၊ လုပ်ဆောင်မှုလည်းဖြစ်တယ်။ ချင်းအမျိုးသားနေ့ရဲ့အနှစ်သာရက ဘာလို့ နက်ရှိုင်းလဲဆိုရင် ဒီမိုကရေစီ အုပ်ချုပ်ရေး စနစ်ကို ကူးပြောင်းဖို့ ဖြစ်တဲ့အတွက် ဒီဟာက အနှစ်သာရရှိတယ်” ဟု ပြောသည်။
၁၉၄၈ ဖေဖေါ်ဝါရီလ ၁၉ မှ ၂၂ ရက်နေ့ထိ ဖလမ်းမြို့၌ ချင်းဝိသေသတိုင်းလုံးဆိုင်ရာ ညီလာခံ ကျင်းပခဲ့သည်။ ညီလာခံအတွင်း တီးတိန်ကိုယ်စားလှယ် ထောင်ဇခိုင်း တင်သွင်းခဲ့သော အဆိုအမှတ် ၄ တွင် “လူထုဆန္ဒအရ ဒီမိုကရေစီ စနစ်နှင့် အုပ်ချုပ် သည့် စနစ် ဖွဲ့စည်းရန်” ပါရှိသည်။
အဆိုတွင် နယ်ချဲ့အင်္ဂလိပ်တို့အလိုကျ ခန့်ထားသော တိုက်သူကြီးများမှာ ကောက်ပဲသီးနှံ၊ လူခွန်၊ အမဲခွန်များအား မတရား ကောက်ခံနေ၍ ဖြုတ်ချရန်နှင့် ရွေးကောက်တင်မြှောက်ထားသည့် လူထုကိုယ်စားလှယ်များ ပါဝင်သည့် ကောင်စီဖြင့် အုပ်ချုပ် သင့်ကြောင်း ပါရှိသည်။
ထို့နောက် ချင်းရေးရာကောင်စီက ၁၉၅၀ အောက်တိုဘာ ၉ ရက်နေ့ အစည်းအဝေးဆုံးဖြတ်ချက်အရ ဖေဖေါ်ဝါရီ ၂၀ ရက်နေ့ အား ‘ချင်းအမျိုးသားနေ့’ အဖြစ် ရွေးချယ်သတ်မှတ် ကျင်းပလာခဲ့ကြသည်။
၁၉၅၁ ခုနှစ်က မင်းတပ်မြို့၌ ကျင်းပခဲ့သော ပထမဆုံးအကြိမ် ချင်းအမျိုးသားနေ့ အခမ်းအနားသို့ ဝန်ကြီးချုပ် ဦးနု ကိုယ်တိုင် တက်ရောက်ချီးမြင့်ခဲ့ဖူးသည်။
Ref: မဇ္ဈိမ
Read More...
Collapse...
ကွန်းချမ်း
ဒီဇင်ဘာလ ၂၁ ရက် ၂၀၁၁ ခုနှစ်
ဗဟိုဌာနချုပ်ရှိရာ မွန်ပြည်နယ် ရေးချောင်းဖျားဒေသတွင် ပါတီ ညီလာခံ ကျင်းပနေစဉ် အတွင်း မွန်ပြည်သစ်ပါတီ အနေနှင့် အစိုးရကိုယ်စားလှယ်နှင့် ပဏာမ ငြိမ်းချမ်းရေး ဆွေးနွေးမှု ပြုလုပ်ဖွယ်ရှိကြောင်း ပါတီတွင်း သတင်းရပ်ကွက်များက ပြောသည်။
ယခုရက်ပိုင်းအတွင်း မွန်ပြည်သစ်ပါတီမှ အထွေထွေ အတွင်းရေးမှူး နိုင်ဟံသာ ဦးဆောင်အဖွဲ့နှင့် ရထား ပို့ဆောင်ရေး ဝန်ကြီး ဦးအောင်မင်းတို့ ထိုင်းနိုင်ငံ တနေရာတွင် တွေ့ဆုံဖွယ်ရှိသည့်အတွက် နိုင်ဟံသာမှာ ညီလာခံသို့ မတက် ရောက်နိုင်သေးကြောင်း အဆိုပါ သတင်းရပ်ကွက်များက ပြောသည်။
“မနက် ခြောက်နာရီကတည်းက သူ (နိုင်ဟံသာ) ဗဟိုကနေ ဆင်းသွားပြီ၊ ညီလာခံဖွင့်ပွဲကို သူမတက်နိုင်သေးဘူး။” ဟု ဗဟို ဌာနချုပ်ရှိ ပါတီဝင်တဦးက ပြောသည်။
ငြိမ်းချမ်းရေး ဖော်ဆောင်ရေး ပြည်ထောင်စုအဆင့် ခေါင်းဆောင် ဦးအောင်မင်း ဦးဆောင်သောအဖွဲ့သည် ဗုဒ္ဓဟူးနေ့က ထိုင်းနိုင်ငံ မဲဆောက်တွင် ကရင်အမျိုးသား အစည်းအရုံးမှ ခေါင်းဆောင်များနှင့် အလားတူ ပဏာမ ငြိမ်းချမ်းရေး ဆွေးနွေးပွဲ ပြုလုပ်ခဲ့အပြီး မွန်ပြည်သစ်နှင့် ဆွေးနွေးရန် ခရီးဆက်သွားခဲ့သည်ဟု သိရသည်။
ဗုဒ္ဓဟူးနေ့မှ စတင် ကျင်းပလျက်ရှိပြီး သီတင်းသုံးပတ်ကြာမြင့်မည့် မွန်ပြည်သစ်၏ အဋ္ဌမအကြိမ် ပါတီညီလာခံသို့ သထုံခရိုင်၊ မော်လမြိုင်ခရိုင်နှင့် ထားဝယ်ခရိုင်မှ ကိုယ်စားလှယ် ၁၂၀ ကျော် တက်ရောက်ကြသည်။
အင်အား ၂,၀၀၀ ကျော် ရှိသည့် မွန်ပြည်သစ်ပါတီတွင် ပါတီဝင်အဖြစ် အသိအမှတ် ပြုခံရသူ ၇၀၀ ခန့် ရှိပြီး၊ ပါတီဝင် ငါးဦးမှ ကိုယ်စားလှယ်တဦးကို လျှို့ဝှက်မဲစနစ်ဖြင့် ရွေးချယ်ကာ ညီလာခံ တက်ခွင့်ပြုသည်။
ညီလာခံ မပြီးဆုံးမီအတွင်း အပစ်အခတ် ရပ်စဲရေးနှင့် ငြိမ်းချမ်းရေးကိစ္စ ဆွေးနွေးခြင်းသည် ကောင်းသော လုပ်ရပ် တခုအဖြစ် ရှုမြင်ကြောင်း မွန်ပြည်သစ်၏ စစ်ရေးအကြံပေး အငြိမ်းစား ဗိုလ်မှူးကြီး နိုင်ကောင်းရွတ်က ပြောသည်။
“အပစ်အခတ် ရပ်စဲရေးကို အစိုးရ ကိုယ်စားလှယ်နဲ့ ဆွေးနွေးပြီး ညီလာခံမှာ ချပြနိုင်မယ်၊ ကိုယ်စားလှယ်အားလုံးက အကျယ် တဝင့် ဆွေးနွေးနိုင်မယ်ဆိုတော့ အမှားနည်းမယ်။ တရားဝင်လည်း ဖြစ်မယ်။” ဟု သူက ပြောသည်။ ပါတီဝင်များ အနေနှင့် လည်း ပြည်တွင်း ငြိမ်းချမ်းရေးကို လိုလားကြကြောင်း ပြောဆိုကြသည်။
မွန်ပြည်သစ်ပါတီနှင့် အစိုးရ ငြိမ်းချမ်းရေး ကိုယ်စားလှယ်များ တွေ့ဆုံမှု မှတ်တမ်း
စဉ် အစိုးရကိုယ်စားလှယ် ဆွေးနွေးသည့်နေရာ နေ့ရက်
၁ မွန်ပြည်နယ် လုံခြုံရေးနှင့် နယ်စပ် ဝန်ကြီး ဗိုလ်မှူးကြီးဌေးအောင် ခလရ (၆၁) ရေးမြို့ အောက်တိုဘာ ၆ ရက်
၂ ကျိုက်မရောမြို့နယ် ကော့ပလိုင်ဆရာတော် ဘဒ္ဒန္တကေတုမာလာ မွန်ပြည်သစ် ဗဟိုဌာနချုပ နိုဝင်ဘာလ ၁၃နှင့် ၁၄ ရက်နေ့
ညီလာခံ ကိုယ်စားလှယ်တဦး ဖြစ်သည့် မော်လမြိုင်ခရိုင် ကြာအင်းဆိပ်ကြီးမြို့နယ် အတွင်းရေးမှူး နိုင်မွန်ချမ်းဒိန်းက “ကျနော်တို့ အားလုံးလိုလိုက ငြိမ်းချမ်းရေးကို လိုချင်တယ်။ ဘယ်သူမှ စစ်မတိုက်ချင်ဘူး။ စစ်ပွဲရဲ့ အနိဋ္ဌာရုံကို ကျနော်တို့ မမြင်ချင်တော့ဘူး။ ဒါပေမဲ့ မနေသာလို့ တိုက်ရမယ် ဆိုရင်လည်း အဆင်သင့်ပါပဲ။” ဟု ပြောသည်။
မွန်ပြည်သစ်ပါတီအနေနှင့် အောက်တိုဘာလ ခြောက်ရက်နေ့တွင် မွန်ပြည်နယ် လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး ဌေးမြင့်အောင် ဦးဆောင်သည့် ကိုယ်စားလှယ်အဖွဲ့နှင့် ရေးမြို့ အခြေစိုက် ခလရ (၆၁) စစ်တပ် ဝင်းတွင် တကြိမ်၊ နိုဝင်ဘာလ ၁၃ နှင့် ၁၄ ရက်နေ့တွင် မွန်ပြည်နယ် ကျိုက်မရောမြို့နယ် ကော့ပလိုင်ကျေးရွာ ဆရာတော် ဘဒ္ဒန္တ ကေတုမာလာ ဦးဆောင် သည့် ငြိမ်းချမ်းရေး အကျိုးဆောင်အဖွဲ့နှင့် ဗဟိုဌာနချုပ်တွင် တကြိမ်တွေ့ဆုံခဲ့သည်။
ငြိမ်းချမ်းရေး အကျိုးဆောင်အဖွဲ့နှင့် တွေ့ဆုံရာတွင် အပစ်အခတ် ရပ်ရန်၊ ဆက်ဆံရေးရုံး ထားရှိရန်၊ သတ်မှတ် နယ်မြေ ပြင်ပသို့ လက်နက်ကိုင်ဆောင် သွားလိုပါက ကြိုတင်သဘောတူညီမှု ရယူရန်နှင့် ဒေသဖွံ့ဖြိုးရေး အတွက် ပြည်ထောင်စု အစိုးရနှင့် ညှိနှိုင်းလုပ်ဆောင်သွားရန်ဟူသည့် ပြည်နယ်အစိုးရ၏ ကမ်းလှမ်းချက်ကို မွန်ပြည်သစ်က ဗဟိုကော်မတီ အစည်းအဝေးတွင် တင်ပြမည်ဟုသာ အကြောင်းပြန်ခဲ့သည်။
ညီလာခံ မကျင်းပမီ ဒီဇင်ဘာလ ၁၆ ရက်နေ့မှစ၍ ဗဟိုကော်မတီ အစည်းအဝေး ကျင်းပခဲ့ပြီး၊ ငြိမ်းချမ်းရေး ကိစ္စ ကိုလည်း ဆွေးနွေးခဲ့သေးသည်။ မွန်ပြည်သစ်အနေနှင့် ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ၏ မူကို ဆုပ်ကိုင်ထားပြီး တပြည်လုံး အတိုင်းအတာဆောင်သည့် အပစ်အခတ် ရပ်စဲရေးကို ပြုလုပ်လို သည်။
ညီလာခံတွင် လျှို့ဝှက်မဲဖြင့် ဗဟိုကော်မတီ ရွေးချယ်ခြင်းနှင့် ဗဟိုအလုပ်အမှုဆောင် ကော်မတီရွေးချယ်ခြင်း အပါအဝင် ဌာန ဆိုင်ရာ တာဝန်ပေးအပ်ခြင်းနှင့် ရှေ့လုပ်ငန်းစဉ်များကို ချမှတ်ခြင်းများ ပြုလုပ်မည် ဖြစ်သည်။
ပထမအကြိမ် ပါတီညီလာခံ စတင်ကျင်းပခဲ့သည့် ၁၉၈၉ ခုနှစ်မှ စ၌ လေးနှစ်တကြိမ် ကျင်းပလာခဲ့သော်လည်း ၁၉၉၅ ခု အပစ်အခတ် ရပ်စဲပြီး နောက်ပိုင်းတွင် သုံးနှစ်တကြိမ် ကျင်းပခဲ့သည်။
Ref: မဇ္ဈိမ
Read More...
Collapse...
မျိုးသန့်
ဒီဇင်ဘာလ ၂၁ ရက် ၂၀၁၁ ခုနှစ်
မြန်မာ့ ရုပ်ရှင်ဆင်ဆာဘုတ် အဖွဲ့၏ ရုပ်ရှင်နှင့် ဗီဒီယိုများအပေါ် ဆင်ဆာဖြတ်တောက်မှု အခြေအနေများကို ပထမဆုံး သရုပ်ဖေါ် ရိုက်ကူးထားသည့် “အဲ့ဒီအခန်းဖြတ်” ရုပ်ရှင်ကားတိုသည် တကယ့် ဖြစ်ရပ်မှန်ကို အခြေခံ ရိုက်ကူးထားခြင်းဟု ထိုရုပ်ရှင်ကို ကိုယ်တိုင် ဇာတ်ညွှန်းရေးပြီး ရိုက်ကူးခဲ့သူ ဒါရိုက်တာ ဝိုင်းက မဇ္ဈိမကို ပြောသည်။
“အဲဒီထဲမှာ တကယ်အမှန်အကန် အကုန်ပါတာ။ ကျနော် လုပ်ကြံပြီး ရိုက်ထားတာ တခုမှ မပါဘူး။ တကယ့် ဖြစ်ရပ် မှန်တွေပါ။” ဟု ဒါရိုက်တာ ဝိုင်းက မဇ္ဈိမကို ပြောသည်။ အဆိုပါ ဇာတ်ကားနှင့် ပတ်သက်၍ မိမိတို့ ရုပ်ရှင်လောကသားများ ခံစားနေရသည့် ဆင်ဆာဖြတ်တောက်မှုများကို တင်ပြလိုခြင်းဟုလည်း ဒါရိုက်တာ ဝိုင်းက ပြောသည်။
၁၈ မိနစ်ကြာမြင့်သည့် အဆိုပါ ရုပ်ရှင်ကားတွင် ပြန်ကြားရေး၊ ပြည်ထဲရေး၊ ကျန်းမာရေး၊ ယဉ်ကျေးမှု၊ သာသနာရေး စသည့် ဝန်ကြီးဌာနများမှ ဝန်ထမ်းများနှင့် ဖွဲ့စည်းထားသည့် ရုပ်ရှင်ဆင်ဆာဘုတ် အဖွဲ့သည် ယင်းတို့ ကိုယ်စားပြုသည့် ဝန်ကြီးဌာနကို ထိခိုက်စေမည့် ပြကွက်များ စိစစ်ဖြတ်တောက်ပုံကို သရုပ်ဖေါ် ရိုက်ကူးထားခြင်း ဖြစ်သည်။
ဒါရိုက်တာ ရိုက်ကူးတင်ပြလာသည့် သူတောင်းစား အခန်းကို ပြန်ကြားရေးဝန်ကြီးဌာန ဝန်ထမ်းမှ “သူတောင်းစားက အပြင်မှာ ရှိချင်ရှိမယ် ရုပ်ရှင်ထဲမှာ မရှိရဘူး။ ဒါ နိုင်ငံတော်ကို သိက္ခာချနေတာ။”ဟု ဆိုကာ ဖြတ်ပစ်သည့် ဇာတ်ဝင်ခန်းကိုလည်း ရိုက်ကူး တင်ပြထားသည်။
ယင်းအပြင် ဝန်ထမ်းများ လာဘ်စားသည်ကို သရော်သည့် ရုပ်ရှင်ဇာတ်ဝင်ခန်း တင်ပြရိုက်ကူး ထားသည်ကိုလည်း ပြည်ထဲရေး ဝန်ကြီးဌာနမှ ဝန်ထမ်းက “ Good Governance Clean Government လုပ်နေတဲ့အချိန်မှာ အဲဒီ ပြကွက်တွေ ခွင့်ပြု လိုက်ရင် အကုန်လုံး ကွိုင်တက်ကုန်မှာပေါ့။” ဟုဆိုကာ ဖြတ်ခိုင်းပြန်သည်။
ထိုကဲ့သို့ မိမိတို့ ဖန်တီးထားသည့် အနုပညာကို ဖြတ်တောက်မှုများကြောင့် စိတ်ထိခိုက်ရသည်ဟုလည်း ဒါရိုက်တာဝိုင်းက ပြောသည်။
“တခါတလေကျရင် အသေအလဲ သရုပ်ဆောင်ထားတဲ့ ပြကွက်တွေ ဘာမှန်းမသိဘဲနဲ့ ဖြတ်ခံလိုက်ရတယ်။ ဒီမှာ လုပ်ထားတာက ရင်ဘတ်တွေနဲ့ လုပ်ထားတာ သေရော။ သူတို့တွေက ကျနော်တို့ နှလုံးသားတွေကို ဓါးနဲ့ ဖြတ် လိုက်သလိုပဲ။ အဲဒီအခါကျတော့ သရုပ်ဆောင်တွေမှာလည်း အခက်အခဲ၊ ဒီဘက်က စဉ်းစားပြီးလုပ်ထားတဲ့ ဇာတ်ညွန်းဆရာမှာလည်း အခက်အခဲ၊ ဖန်တီးထားတဲ့ ဒါရိုက်တာမှာလည်း အခက်အခဲ Felling တွေက သွားပြီ ပေါ့ဗျ။ လူကိုသတ်တာထက် Felling တွေကို သတ်တာ ပို ဆိုးတယ်။” ဟု ဝိုင်းက မဇ္ဈိမကို ပြောသည်။
အဲဒီအခန်းဖြတ် ဇာတ်ကားတွင် ပြန်ကြားရေးဝန်ကြီးဌာနမှ ဝန်ထမ်းအဖြစ် သရုပ်ဆောင်ခဲ့သူ သရုပ်ဆောင် ကိုဇော်ဝင်းနိုင်ကလည်း “ကိုယ်ရိုက်တဲ့ အခန်းလေး ဖြတ်တဲ့အထဲ ပါသွားတယ်ကွ ဆိုတာ ကျနော်တို့ ကားတွေ တော်တော်များများ ခံစားဖူးပါတယ်။ အဲဒါဖြတ်တဲ့အထဲ ပါသွားတယ်ဆို ရင်ထဲမချမ်းသာဘူးလေ။ ဪ ငါတို့ လုပ်ထားတာ နိုင်ငံရေး၊ ဘာသာရေး၊ လူမှုရေးတို့ ဘာ တခုမှလည်း မစော်ကားဘူး၊ နောက် ဆဲရေးတိုင်းထွာ တာလည်း မဟုတ်ဘူးဗျ။” ဟု မဇ္ဈိမကို ပြောသည်။
ယင်းအပြင် ဆင်ဆာဘုတ်အဖွဲ့သည် ရိုက်ကွက် တခုတည်းကိုပင် ပေးချင်သည့်သူကိုပေးကာ၊ မပေးချင်သည့်သူကို ဆင်ဆာ ဖြတ်တောက်မှုများ ပြုလုပ်သည်ဟု ဒါရိုက်တာ ဝိုင်းက မဇ္ဈိမကို ပြောသည်။
“အဲဒီအခန်းဖြတ်” ရုပ်ရှင်ဇာတ်လမ်းတိုသည် ဒါရိုက်တာ မင်းထင်ကိုကိုကြီးနှင့် ဒါရိုက်တာ ကိုသူရတို့ ဦးဆောင် ကျင်းပသည့် လွတ်လပ်ခြင်း အနုပညာ ရုပ်ရှင်ပွဲတော်အတွက် ပြိုင်ပွဲဝင်ကား ဖြစ်သည်ဟုလည်း သိရသည်။
လွတ်လပ်ခြင်း အနုပညာ ရုပ်ရှင်ပွဲတော်အတွက် ပြိုင်ပွဲဝင်ကားပေါင်း ၁၈၀ ခန့် လက်ခံရရှိပြီး ဇန်နဝါရီလ ၁၊ ၂၊ ၃ ရက်နေ့ များတွင် ရွေးချယ်ကာ လေးရက်နေ့တွင် ဆုပေးပွဲ ကျင်းပမည်ဟုလည်း ဒါရိုက်တာ မင်းထင်ကိုကိုကြီးက မဇ္ဈိမကို ပြောသည်။
ဆုပေးပွဲအခမ်းအားကို ရန်ကုန်မြို့ တော်ဝင်စင်တာ ဟိုတယ် အထပ် ခုနှစ်တွင် ကျင်းပမည်ဖြစ်ပြီး ဒေါ်အောင်ဆန်းစုကြည် တက် ရောက်ကာ ဆုချီးမြှင့်မည်ဟုလည်း သိရသည်။ ဆုကြေးကို ကျပ်ငွေ ၁၀ သိန်း ပေးမည်ဟု သိရသည်။
Ref:
မဇ္ဈိမ
Read More...
Collapse...
December 21, 2011
နော်နိုရင်း
ရန်ကုန်မြို့ လှည်းတန်းလမ်းဆုံအနီးက အများသုံး အိမ်သာတလုံးမှာ ဒီကနေ့ မနက် ၁၁ နာရီလောက်က ပေါက်ကွဲမှုဖြစ်ပွားခဲ့တာကြောင့် အမျိုးသမီး ၁ ဦး သေဆုံးပြီး ၁ ဦး ဒဏ်ရာရရှိသွားပါတယ်။
တက္ကသိုလ်ရိပ်သာလမ်း နဲ့ ပြည်လမ်းထောင့်မှာ မကြာသေးခင်က ဖွင့်လှစ်လိုက်တဲ့ အများသုံး အိမ်သာမှာ ပေါက်ကွဲမှုတွေ ဖြစ်ပွားခဲ့တာပါ။
ဗုံးပေါက်ကွဲမှု ဖြစ်ပွားရာနေရာကို ရောက်သွားသူတဦးက “အများပြည်သူသုံး သန့်စင်ခန်းမှာ ဗုံးကွဲသွားတာခင်ဗျ။ ဗုံးကတလုံးကွဲ တယ်၊ တလုံးရှာဖွေတွေ့ရှိတယ်။ နှစ်ယောက်မှာ တယောက်က ဒဏ်ရာရသွားတယ်။ တယောက်က သေသွားတယ်။ သေသွားတဲ့အမျိုးသမီးက သန့်စင်ခန်းမှာ ပိုက်ဆံကောက်တဲ့ အမျိုးသမီးပါ” လို့ ပြောပါတယ်။
ရန်ကုန်ကလာတဲ့ အေဂျင်စီသတင်းတွေမှာလည်း အမျိုးသမီးတဦးသေဆုံးသွားတဲ့အကြောင်း၊ ရဲလုံခြုံရေး အရာရှိတွေရဲ့ ပြောကြားချက်ကို ကိုးကားပြီး ဖော်ပြထားပါတယ်။
ဖောက်ခွဲမှုဟာ ဘယ်သူ့လက်ချက်လဲဆိုတာ မသိရသေးဘဲ အခင်းဖြစ် ပွားရာနေရာကို အာဏာပိုင်တွေက ရှင်းလင်းမှုတွေပြုလုပ်နေပြီး ဗုံးပေါက်ကွဲရခြင်း အကြောင်းရင်းကို စုံစမ်းစစ်ဆေးမှုတွေ ပြုလုပ်နေဆဲဖြစ်ပါတယ်။
အတည်မပြုနိုင်သေးတဲ့ သတင်းတွေအရ သေဆုံးသူ ၂ ဦးလောက် ရှိနိုင်တယ်လို့လည်း သတင်းတွေ ထွက်နေပါတယ်။
ဒီဗွီဘီက ကမာရွတ်ရဲစခန်းကို စုံစမ်းမေးမြန်းကြည့်တဲ့အခါမှာတော့ ပြည်ထဲရေးဝန်ကြီးရဲ့ ခွင့်ပြုချက်ရမှ ပြန်လည်ဖြေကြားနိုင်မယ်လို့ တာဝန်ကျရဲအရာရှိက ပြောပါတယ်။
Ref: ဒီဗွီဘီ
Read More...
Collapse...
မျိုးသိဏ်း
ဒီဇင်ဘာလ ၂၁ ရက် ၂၀၁၁ ခုနှစ်
ရန်ကုန်မြို့ ကမာရွတ်မြို့နယ် လှည်းတန်းမီးပွိုင့်အနီး အများသုံး သန့်စင်ခန်းတခုတွင် ဗုဒ္ဓဟူးနေ့နံနက် ၁၁ နာရီ ၁၀ မိနစ်ဝန်း ကျင်ခန့် အချိန်က ဗုံးပေါက်ကွဲမှုတရပ် ဖြစ်ပွားရာ လူတဦး သေဆုံးသွား သည်။။
တက္ကသိုလ်ရိပ်သာလမ်းနှင့် ပြည်လမ်းထောင့်ရှိ အများသုံး သန့်စင်ခန်းတခုတွင် ပေါက်ကွဲမှုကြောင့် လူတဦး သေဆုံးပြီး တဦး ဒဏ်ရာရရှိသွားကြောင်း သိရသည်။
“အသံက အကျယ်ကြီးပဲ။ ကျနော်တို့ မာလာဆောင် မှတ်တိုင်အကျော်နားက ကြားရတယ်။ အိမ်သာက အလူမီနီယမ်နဲ့ ဆောက် ထားတာ။ ခေါင်မိုးတွေ လန်ထွက်သွားတယ်။ လူတယောက်ကိုတော့ ဆေးရုံကားနဲ့ တင်သွားပြီ။ အထဲမှာ အလောင်းတလောင်း ရှိသေးတယ် ပြောတယ်။ အခုရဲက အပြင်လူတွေကို သွားဖို့ပြောနေပြီ။” ဟု အခင်းဖြစ်ပွားရာတွင် ရောက်ရှိနေသူတဦးက မဇ္ဈိမ ကို ပြောသည်။
အခင်းဖြစ်ပွားရာနေရာ အနီးဝန်းတွင် ရဲကားများစွာကိုတွေ့ရပြီး ဝိုင်းအုံကြည့်ရှုသူ အများအပြား ရှိနေသည်။ ပေါက်ကွဲမှု ဖြစ်စဉ် နှင့် ပတ်သက် ၍ စုံစမ်းစစ်ဆေးမှုများ ပြုလုပ်နေကြောင်း ကမာရွတ်မြို့နယ် ရဲစခန်းမှ ရဲအရာရှိ တဦးက ပြောသည်။
အများသုံး သန့်စင်ခန်း၏ အမျိုးသမီးများ သုံးစွဲသည့်ဘက် အခြမ်းတွင် ဖြစ်ပွားခဲ့ခြင်း ဖြစ်ပြီး အဆောက်အဦး၏ အမိုးတခုလုံး ပွင့်ထွက်သွားခဲ့သည်။
သန့်စင်ခန်းအတွင်း အမိုးအနီးအထိ သွေးစသွေးနများ ပြန့်ကျဲနေသလို မပေါက်ကွဲသေးသည့် ဗုံးတလုံး ကျန်နေသေး သဖြင့် အနီးဝန်းကျင်မှ ရှောင်ရှားပေးရန် ရဲတပ်ဖွဲ့ဝင်များက အနီးရှိ ကြည့်ရှုနေသူများကို လိုက်လံ ပြောဆိုနေပြီး အနံ့ခံခွေးများ၊ ဗုံးရှာ ကိရိယာများဖြင့် အနီးဝန်းကျင်ကို ရှင်းလင်းမှု ပြုလုပ်နေကြောင်း သိရသည်။
လက်ရှိအချိန်တွင် တက္ကသိုလ်ရိပ်သာလမ်း ရန်ကုန်တက္ကသိုလ်ဘက်အခြမ်းနှင် ပြည်လမ်း ရန်ကုန်တက္ကသိုလ်ဘက် အခြမ်းတို့ကို ယာဉ်အသွားအလာ ပိတ်ပင်ထားကြောင်း သိရသည်။
Ref: မဇ္ဈိမ
Read More...
Collapse...
21 December 2011
နန်းဖော့ဂေ
ကရင်အမျိုးသားအစည်းအရုံး (KNU) သည် အပစ်အခတ်ရပ်စဲရေးနှင့် ငြိမ်းချမ်းရေးအတွက် လာမည့်နှစ် ဇန်န၀ါရီ ၁၂ရက် နေ့တွင် ကရင်ပြည်နယ်၊ ဘားအံမြို့၌ မြန်မာအစိုးရနှင့် သွားရောက်တွေ့ဆုံမည်ဟု KNU ဘက်က ပြောဆိုလိုက်သည်။
ထိုင်းနိုင်ငံ မဲဆောက်မြို့တွင် ယနေ့မနက် ၉နာရီမှ ၁၁နာရီခွဲအထိ တွေ့ဆုံခဲ့သည့် အလွတ်သဘော ဆွေးနွေးပွဲတွင် ယင်းသို့ ဆွေးနွေးညှိနှိုင်းခဲ့ခြင်းဖြစ်ကြောင်း ကိုယ်တိုင်ပါဝင်ခဲ့သူ KNU ငြိမ်းချမ်းရေးဖော်ဆောင်ရေးကော်မတီ အတွင်းရေးမှူး ပဒိုစောဒေး ဗစ်ထောက ယခုလို ပြောသည်။
“အခုအလွတ်သဘော ဆွေးနွေးတာက ဘားအံမှာ သွားရောက်တွေ့ဆုံမဲ့ကိစ္စကို အဓိကထား ဆွေးနွေးကြတာပါ။ လာမဲ့ ဇန်န ၀ါရီလ ၁၂ရက်မှာ တွေ့ဆုံကြမှာမို့ အဲဒီရက်မတိုင်ခင် အစိုးရဘက်က သွားလာရေးတွေ စီစဉ်ထားရအောင်ပါ။ ဘားအံမှာတွေ့ မှာက တရားဝင်တွေ့မှာပါ။ ဒီနေ့တွေ့တာက အလွတ်သဘောမျိုးပါ။”ဟု ကေအိုင်စီသို့ ပြောသည်။
ယနေ့တွေ့ဆုံမှုတွင် မြန်မာအစိုးရဘက်မှ ပြည်ထောင်စုအဆင့် မီးရထားပို့ဆောင်ရေးဝန်ကြီး ဦးအောင်မင်း ဦးဆောင်သည့် ၈ဦး အဖွဲ့နှင့် KNU ဘက်မှ ငြိမ်းချမ်းရေးဖော်ဆောင်ရေးကော်မတီ ဥက္ကဌ ပဒိုစောဒေးဗစ်သကဘော ဦးဆောင်သည့် အဖွဲ့ဝင် ၇ဦးတို့ ပါဝင်ခဲ့ကြသည်။
KNU သည် ဗဟိုအစိုးရ၏ ငြိမ်းချမ်းရေးကိုယ်စားလှယ်များနှင့် တွေ့ဆုံမှုမှာ ယခုတကြိမ်သည် တတိယအကြိမ်ဖြစ်ပြီး ငြိမ်းချမ်း ရေးနှင့် အပစ်အခတ်ရပ်စဲရေးအပေါ် သူ့အမြင်ကိုယ့်အမြင် အပြန်အလှန် ဆွေးနွေးဖလှယ်ခဲ့ကြသည့်အပေါ် နှစ်ဦးနှစ်ဖက် ကိုယ်စားလှယ်များအနေဖြင့် ကျေနပ်အားရမှုရှိကြောင်းနှင့် ဆက်ဆံရေးအရ ပိုမိုရင်းနှီးလာကြောင်းလည်း KNU ဘက်က ပြော ဆိုသည်။
မကြာမီ သွားရောက်တွေ့ဆုံမည့်ကိစ္စတွင် အဓိကအားဖြင့် အပစ်အခတ်ရပ်စဲရေးကို စတင် ဆွေးနွေးသွားပြီး ထိုမှတဆင့် ငြိမ်း ချမ်းရေးကိစ္စကို ဆက်လက် ပြောဆိုသွားမည့်အကြောင်း KNU ငြိမ်းချမ်းရေးဖော်ဆောင်ရေးကော်မတီ ဥက္ကဌ ပဒိုစောဒေးဗစ်သ ကဘောက ပြောသည်။
ပဒိုစောဒေးဗစ်သကဘောက “ဘားအံမှာ သွားဆွေးနွေးမဲ့ အပစ်အခတ်ရပ်စဲရေး ဆိုတာကလည်း ပြီးစလွယ်လုပ်လို့ မရဘူး လေ။ စနစ်တကျနဲ့ စည်းကမ်းရှိရှိ လုပ်ရမယ်။ အပစ်ရပ်ရေးကနေ political dialogue ကိုသွားမယ်။ ကျနော်တို့ လိုလားတာက တည်တံ့ခိုင်မြဲတဲ့ ငြိမ်းချမ်းရေးမို့ ဒါကို မူအရ တဆင့်ချင်း လုပ်သွားရမယ်။”ဟု ဆိုသည်။
သို့သော် KNU အနေဖြင့် အစိုးရနှင့် သွားရောက်တွေ့ဆုံမည့် ကိုယ်စားလှယ်များကို သတ်မှတ်ရွေးချယ်ထားခြင်း မရှိသေး သော် လည်း အပစ်အခတ်ရပ်စဲရေးဖြစ်သည့်အတွက် KNU ဘက်မှ တပ်ဗိုလ်တပ်မှူးများကို ရွေးချယ်စေလွှတ်သွားမည့် အနေအထား တွင်ရှိကြောင်း ၎င်းက ဆက်လက်ပြောဆိုသည်။
“ကျနော်တို့ ခုချိန်ထိတော့ သွားမဲ့ကိုယ်စားလှယ်တွေကို မရွေးချယ်ရသေးပါဘူး။ တကယ်ရွေးဖြစ်ရင်လည်း တပ်ဖက်ဆိုင်ရာ တွေ ပိုများနိုင်တယ်လေ။ ဘာဖြစ်လို့လဲဆိုတော့ ကျနော်တို့မှာက တောင်ပိုင်း၊ မြောက်ပိုင်း တပ်တွေရှိတာမို့ပါ။”ဟု ပြောသည်။
ယင်းသို့သွားရောက်ဆွေးနွေးရန် ထိုင်း-မြန်မာနယ်စပ် မြ၀တီကားလမ်းမှ သွားမည်ဖြစ်ပြီး မြန်မာအစိုးရအာဏာပိုင်များဘက်မှ ဇန်န၀ါရီလ ၁၀ရက်၊ ၁၁ရက်နေ့များတွင် လာရောက်ကြိုဆိုမည်ဖြစ်ကြောင်းလည်း သိရသည်။
၁၉၄၉ခုနှစ်၊ ဇန်န၀ါရီလ ၃၁ရက်နေ့မှစ၍ နှစ်ပေါင်း ၆၃နှစ်နီးပါး မြန်မာအစိုးရကို ခုခံတော်လှန်ခဲ့သည့် KNU သည် ပြီးခဲ့သည့် နိုဝင်ဘာလ ၈ရက်မှ ၁၁ရက်နေ့အထိ ပြုလုပ်သည့် အရေးပေါ် အစည်းအဝေးတွင် အဖွဲ့ဝင် ၇ဦးပါသည့် ငြိမ်းချမ်းရေး ဖော်ဆောင် ရေးကော်မတီကို ဖွဲ့စည်းလိုက်သည်။
၎င်းကော်မတီတွင် ဥက္ကဌအဖြစ် KNU ဒုဥက္ကဌ ပဒိုစောဒေးဗစ်သကဘော၊ ကော်မတီဒုဥက္ကဌအဖြစ် စစ်ဦးစီးချုပ် ဗိုလ်ချုပ်ကြီးမူ တူးစေးဖိုး၊ အတွင်းရေးမှူးအဖြစ် ပဒိုစောဒေးဗစ်ထောတို့ဖြစ်ကြပြီး အဖွဲ့ဝင်များအဖြစ် အထွေထွေ အတွင်းရေးမှူးချုပ် နော်စီဖိုး ရာစိန်၊ ကျန်းမာရေးတာဝန်ခံ ဗိုလ်မှူးရောဂျာခင်၊ သစ်တောတာဝန်ခံ ပဒိုစောအားတိုးနှင့် ဖားအံခရိုင် ဥက္ကဌ ပဒိုစောအောင်မော် အေးတို့ ပါဝင်သည်။
မြန်မာပြည်တွင် ဦးသိန်းစိန်အစိုးရတက်ပြီးနောက်ပိုင်း တိုင်းရင်းသားလက်နက်ကိုင်အဖွဲ့များနှင့် ငြိမ်းချမ်းရေးကိစ္စ ဆွေးနွေးရန် ပြည်ထောင်စုအဆင့် ငြိမ်းချမ်းရေး ဆွေးနွေးရေးအဖွဲ့ကို ယခုလ ၉ရက်နေ့က ပြင်ဆင်ဖွဲ့စည်းလိုက်သည်။
ထိုအဖွဲ့တွင် မီးရထားပို့ဆောင်ရေးဝန်ကြီး ဦးအောင်မင်း၊ စက်မှုဝန်ကြီး ဦးစိုးသိန်း၊ သမ၀ါယမ၀န်ကြီး ဦးအုန်းမြင့်၊ လူဝင်မှုကြီး ကြပ်ရေးဝန်ကြီး ဦးခင်ရီ၊ သဘာဝပတ်ဝန်းကျင်နှင့် သစ်တောရေးရာဝန်ကြီး ဦးဝင်းထွန်း၊ စွမ်းအင်ဝန်ကြီး ဦးသန်းဌေး၊ နယ်စပ် ရေးရာဝန်ကြီးဌာန ဒုဝန်ကြီး ဗိုလ်ချုပ်ဇော်ဝင်း၊ အမှတ်-၂ လျှပ်စစ်ဝန်ကြီးဌာနမှ ဦးခင်မောင်စိုးနှင့် တပ်မတော်ကာကွယ်ရေး ဦးစီးချုပ်ရုံးမှ ဗိုလ်မှူးကြီးကျော်စိုးဝင်းတို့ ပါဝင်သည်။
KNU သည် စက်တင်ဘာလ ၁၀ရက်နေ့က ထိုင်းနိုင်ငံ၊ မဲဆောက်မြို့၌ ပထမအကြိမ်၊ နိုဝင်ဘာလ ၁၉နှင့် ၂၀ရက်နေ့များက ထိုင်းနိုင်ငံ ချင်းရိုင်းခရိုင်၊ မယ်ဆိုင်မြို့၌ ဒုတိယအကြိမ် တွေ့ဆုံခဲ့ပြီးဖြစ်သည်။
Ref: ကေအိုင်စီ
Read More...
Collapse...
21 December 2011
စောခါးစူးညား၊ စောသိန်းမြင့်
ကရင်ပြည်နယ် ကြာအင်းဆိပ်ကြီးမြို့နယ်ရှိ ကျိုက်ဒုံတိုက်နယ် ပညာရေးမှူး ဒေါ်စန်းစန်းတင်က ယခုလ ၂၇ရက်နေ့၌ ကျိုက်ဒုံ အထက်တန်းကျောင်းတွင် ကျင်းပပြုလုပ်မည့် ကျောင်းသားများစုံညီပွဲတော်သို့ နယ်မြေခံ ကျောင်းဆရာ၊ ဆရာမနှင့် ကျောင်း သားကျောင်းသူများကို မသွားမနေရ စနစ်ဖြင့် ညွှန်ကြားချက် ထုတ်ထားကြောင်း ဒေသခံများက ပြောသည်။
၎င်းကြေညာချက်ကို ယခုရက်ပိုင်းအတွင်း ထုတ်ပြန်ထားခြင်းဖြစ်ပြီး ကျိုက်ဒုံမြို့ အထကကျောင်း အပါအ၀င် ကျေးရွာပေါင်း ၁၀ ကျော်မှ အလယ်တန်းနှင့် မူလတန်းကျောင်းများသည် ကျောင်းသားများစုံညီပွဲတော် တက်ရောက်ရမည်ဖြစ်ပြီး မတက် ရောက်နိုင် ပါက ကျောင်းဆရာ၊ ဆရာမများ၏ လစာငွေကို ဖြတ်တောက်ထားမည်ဟု ပြောဆိုကြောင်း ကျိုက်ဒုံမြို့နယ်ခွဲမှ ကျောင်းဆရာ တစ် ဦး က ပြောသည်။
သူက “ကျနော်တို့ကျောင်းဆရာနဲ့ ကျောင်းသားမိဘတွေကို ဒီလို အကြပ်ကိုင်တော့ တော်တော်ဒုက္ခရောက်တယ်။ မသွားရင် ကျနော်တို့ ကျောင်းဆရာ၊ ဆရာမ လစာတွေကို ဖြတ်မယ်လို့ သူ(ဒေါ်စန်းစန်းတင်)က ပြောတယ်။ မတတ်နိုင်ပေမယ့် ပြောတဲ့ အတိုင်း လုပ်ရမှာပေါ့။”ဟု ကေအိုင်စီသို့ ပြောသည်။
လက်ရှိ ကျောင်းဆရာ၊ ဆရာမများ၏ လစာသည် အထက်တန်း၊ အလယ်တန်းနှင့် မူလတန်း အဆင့်အထိ ကျပ်သုံးသောင်းမှ ငါးသောင်းအထိ ဖြစ်သည်။
ထို့အပြင် ကျောင်းသားများစုံညီပွဲတော် တက်ရောက်ရန် သတ်မှတ်ထားသည့် ကျောင်းသားကျောင်းသူ ယူနီဖောင်းဝတ်စုံများ ကို မ၀ယ်မနေရစနစ်ဖြင့် ဒေါ်စန်းစန်းတင်က ပြုလုပ်ထားပြီး သွားရေးလာရေး၊ အစားအသောက်နှင့် တည်းခိုရာနေရာ စသည့် ကုန် ကျသည့်ငွေများကိုလည်း သက်ဆိုင်ရာ ရွာများမှ ကျောင်းဆရာ၊ ဆရာမကသာ စီစဉ်ဆောင်ရွက်ရမည်ဟု အဆိုပါကျောင်း ဆရာ က ဆက်ပြောသည်။
ဒေသခံ ကျောင်းသားမိဘတဦးက “၀ယ်ရမယ့် ၀က်စုံတွေက အပြင်မှာဝယ်ရင် နှစ်ထောင်ကျော်လောက် ရှိတဲ့ဟာကို ကျောင်း မှာဝယ်ရမှာက သုံးထောင်ကျော်တယ်။ နောက် သွားရေးလာရေးနဲ့ အစားအသောက်အတွက် ငွေထည့်ရတာ ရွာတရွာကို ၆သိန်း ကနေ ၇သိန်းအထိ ကုန်တယ်။ ကျနော်တို့တွေတော့ ဒုက္ခရောက်ကြတယ်။”ဟု ပြောသည်။
၎င်းစုံညီပွဲတော်တွင် အစွန်း၊ လမ်းဖား၊ ကော့ဆိုင်၊ ကြိတ်၊ ကွင်းကလေး၊ အဇင်း၊ မိနန်းအ၊ မိတန်၊ နောင်တမံနှင့် နောင်လုံ စသည့်ရွာများမှ ကျောင်းဆရာ ဆရာမ၊ ကျောင်းသားကျောင်းသူများ တက်ရောက်ရမည်ဖြစ်ပြီး အေးချမ်းသည့် ရာသီဖြစ်သည့် အတွက် သွားလာရေးနှင့် တည်းခိုရေးတွင် အခက်အခဲများ ရှိနိုင်ကြောင်း ဒေသခံပညာရေးဝန်ထမ်းများက ပြောသည်။
ကျောင်းသားများ စုံညီပွဲတော်ကျင်းပမည့် ကျိုက်ဒုံမြို့နှင့် အဝေးဆုံးရွာမှာ အစွန်းရွာဖြစ်ပြီး ဖြင့် ကားဖြင့် ၇နာရီခရီးခန့် သွားရ သည်ဟု ကျောင်းသားမိဘများက ပြောသည်။
ဒေါ်စန်းစန်းတင်သည် ပညာရေးမှူးအဖြစ် ကျိုက်ဒုံတိုက်နယ်တွင် ၁၀နှစ်ကျော် တာဝန်ထမ်းဆောင်လျှက်ရှိပြီး လာမည့် ၂၀၁၀ ခုနှစ်တွင် အငြိမ်းစားယူတော့မည်ဖြစ်သည်။ သူမသည် တာဝန်ထမ်းဆောင်သည့် ကာလအတွင်း အကြောင်းပြချက် အမျိုးမျိုး ဖြင့် ကျောင်းဆရာ ဆရာမများ၏ လစာငွေအချို့ကို ခေါင်းပုံဖြတ်မှုများ ရှိခဲ့သည်ဟု ဒေသခံကျောင်းဆရာများ၏ ပြောပြချက် အရ သိရ သည်။
Ref: ကေအိုင်စီ
Read More...
Collapse...
21 December 2011
ရန်ကုန်မြို့နယ်ရှိ လှည်းတန်းလမ်းဆုံတွင် ယနေ့မနက် ၁၁နာရီခွဲဝန်းကျင်၌ ဗုံးတစ်လုံးပေါက်ကွဲရာ သေဆုံးသူနှင့် ဒဏ်ရာရရှိသူများ ရှိသည်ဟု သိရသည်။ အဆိုပါ ဗုံးပေါက်ကွဲမှုမှာ လှည်းတန်းလမ်းဆုံအနီးရှိ အများသုံး ပုဂ္ဂလိက သန့်စင်ခန်း၏ အမျိုးသမီးအိမ်သာ ဘက်ခြမ်း၌ ဖြစ်ပွား ခြင်းဖြစ်ပြီး အမျိုးသမီး ၁ဦး သေဆုံးကာ အမျိုးသမီး ၁ဦးမှာ ဒဏ်ရာရရှိသွားခဲ့ကြောင်း ကိုယ်တိုင် သွားရောက် မြင် တွေ့ခဲ့သူ ပြည်တွင်းသတင်းထောက် တစ်ဦးက ပြောသည်။
“ဗုံးပေါက်တာ အမျိုးသမီး ၁ဦးသေတယ်။ ဒဏ်ရာရတဲ့သူ အမျိုးသမီးကိုတော့ ရန်ကုန်ဆေးရုံကြီးကို ပို့လိုက်ပြီ။ အိမ်သာကတာ့ အမိုးပါ လန်ထွက်သွားတယ်။”ဟု ဆိုသည်။
7Day News ဂျာနယ်သတင်းတွင် အမျိုးသမီး ၂ဦး သေဆုံးပြီး အမျိုးသမီးတစ်ဦး ဒဏ်ရာရရှိကြောင်း လုံခြုံရေးတာဝန်ရှိသူ အချို့က အတည်ပြုပြောကြားသည်ဟု ဖော်ပြထားသည်။
ထိုပေါက်ကွဲသည့် ဗုံးမှာ မည်သူ့လက်ချက်ဖြစ်သည်ကို အတည်မပြုနိုင်သေးသော်လည်း လက်ရှိအချိန်တွင် ဦးခေါင်းနှင့် ခြေလက် များ၌ ဒဏ်ရာရရှိသွားသူကို ရန်ကုန်ဆေးရုံကြီးသို့ ပို့ဆောင်လိုက်ပြီဖြစ်ကြောင်း သိရသည်။
လုံခြုံရေးတပ်ဖွဲ့များက နောက်ထပ် ပေါက်ကွဲရန် ဗုံးတစ်လုံး ကျန်ရှိနေသေးကြောင်း ယူဆကြသဖြင့် ရှင်းလင်းလုပ်ဆောင်နေ ဆဲဖြစ် ကြောင်း ၎င်းတို့နှင့် နီးစပ်သူများက ပြောဆိုနေကြသည်။
Ref: ကေအိုင်စီ
Read More...
Collapse...
20 December 2011
ထိုင်းနိုင်ငံ ၀န်ကြီးချုပ်ဟောင်း တက်ဆင်ရှင်န၀ပ်သည်၊ ပြီးခဲ့တဲ့ ကြာသပတေးနေ့က မြန်မာနိုင်ငံကို သွားရောက်ခဲ့ပြီး သမ္မတ ဦးသိန်းစိန် အပါဝင် အရင်စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေတို့နှင့် လည်း တွေ့ဆုံ ခဲ့သည်ဟု ထိုင်းနိုင်ငံထုတ် ဘန်ကောက်ပို့စ် သတင်းစာက ဖေါ်ပြပါသည်။ မစ္စတာ တက်ဆင်သည် ထိုင်းဝန်ကြီးချုပ် ယင်းလပ် ရှင်န၀ပ်၏ ခရီးစဉ် ချောမွေ့ အဆင်ပြေ စေရန်နှင့် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို တွေ့ဆုံနိုင်ရေး ကိစ္စများ အကူအညီပေးရန် အတွက် သွားရောက်ခြင်း ဖြစ်သည်ဟု ဆိုပါသည်။
မစ္စယင်းလပ် ရှင်န၀ပ်သည် စတုတ္ထအကြိမ်မြောက် မဟာမဲခေါင်မြစ် ဒေသခွဲ နိုင်ငံများ ညီလာခံကို တက်ရောက်ရန် ယခုမြန်မာ နိုင်ငံကို ရောက်ရှိနေပါသည်။ မဟာမဲခေါင်မြစ် ဒေသခွဲ နိုင်ငံများဖြစ်သည့် တရုတ်၊ ထိုင်း၊ လာအို၊ ကမ္ဘောဒီးယား နဲ့ ဗီယက် နမ် နိုင်ငံတို့၏ ကိုယ်စားလှယ် များလည်း မြန်မာနိုင်ငံသို့ ရာက်ရှိ နေကြပါသည်။ မစ္စတာ တက်ဆင်သည်၊၄င်းဝန်ကြီးချုပ် လက် ထက် ၌လည်း မြန်မာနိုင်ငံနှင့် စီးပွားရေးအရ ရင်းနှီးမြှုပ်နှံ ခဲ့ပါသည်။
မစ္စယင်လပ်၏ ဒေါ်အောင်ဆန်းစုကြည်နှင့် တွေ့ဆုံမှုသည်၊ မစ္စယင်လပ်နှင့် အမေရိကန် နိုင်ငံခြားရေး ၀န်ကြီး မစ္စကလင်တန်တို့ တွေ့ဆုံပြီးနောက် ဖြစ်ပေါ်လာသည်ဟု အကဲခတ်များက သုံးသပ် ကြပါသည်။
Ref: ရွှေဟင်္သာ
Read More...
Collapse...
2011-12-20
မြန်မာနိုင်ငံကို ရောက်နေတဲ့ ထိုင်းဝန်ကြီးချုပ် ယင်လပ်ရှင်နာဝပ်ဟာ အမျိူးသားဒီမိုကရေစီ အဖွဲ့ချုပ် ခေါင်းဆောင် ဒေါ်အောင် ဆန်း စုကြည်နဲ့ ဒီကနေ့ ညနေပိုင်းက ရန်ကုန်မြို့ ထိုင်းသံအမတ်ကြီး နေအိမ်မှာ တွေ့ဆုံပါတယ်။
အခုလို တွေ့ဆုံတာဟာ အိမ်နီးချင်း နိုင်ငံတစ်နိုင်ငံက နိုင်ငံ့ခေါင်းဆောင်တဦးနဲ့ ဒေါ်အောင်ဆန်းစုကြည် ပထမဆုံးတွေ့ဆုံတာပါ။
အရင်တစ်ခေါက် ခရီးစဉ်အတွင်း မတွေ့ဆုံနိုင်ခဲ့တဲ့ကိစ္စ အပါအဝင် ကိစ္စအထွေထွေကို ခေါင်းဆောင်နှစ်ဦး ပွင့်ပွင့်လင်းလင်း ဆွေးနွေးခဲ့တယ်လို့ ပါတီပြန်ကြားရေးတာဝန်ခံ ဦးအုံးကြိုင်က ပြောပေမယ့် ဆွေးနွေးတဲ့ အကြောင်းအရာတွေကို ထုတ်ပြန်တာ မရှိဘူးလို့ ဆိုပါတယ်။
ဆွေးနွေးပွဲမတိုင်ခင် ဆက်သွယ်မေးမြန်းတဲ့အခါ နှစ်နိုင်ငံ စီးပွားရေး ဖွံဖြိုးမှုဆိုင်ရာ ကိစ္စတွေကို အဓိက ထည့်သွင်း ဆွေးနွေး ဖို့ရှိတယ်လို့ အင်န်အယ်လ်ဒီပါတီ ဒုဥက္ကဋ္ဌ ဦးတင်ဦးက ပြောပါတယ်။
ထိုင်းဝန်ကြီးချုပ်ဟာ ပျဉ်းမနားနေပြည်တော်မှာ ကျင်းပတဲ့ စတုတ္ထအကြိမ်မြောက် မဲခေါင်ဒေသတွင်း နိုင်ငံများ ထိပ်သီးအစည်း အဝေးကို တက်ရောက်ဖို့ လာတာပါ။
မြန်မာနိုင်ငံကနေ သဘာဝ ဂက်စ် ဓာတ်ငွေ့ အသစ်ရှာဖွေ ထုတ်ယူရရှိနိုင်ဖို့ ဒီခရီးစဉ်အတွင်း မြန်မာစွမ်းအင်ဝန်ကြီးနဲ့ ထိုင်းနိုင်ငံ စွမ်းအင်ဝန်ကြီးတို့ တွေ့ဆုံ ဆွေးနွေး ခဲ့ကြတယ်လို့လည်း သိရပါတယ်။
Ref: အာရ်အဖ်အေ
Read More...
Collapse...
2011-12-20
လောင်စာစွမ်းအင် လိုအပ်ချက် တစ်နေ့ထက် တစ်နေ့ တိုးတက် မြင့်မားလာနေတဲ့ ထိုင်းနိုင်ငံဟာ မြန်မာ့ သဘာဝဓာတ်ငွေ့ကို အနာဂတ်မှာ ပိုမို တိုးမြှင့် ၀ယ်ယူဖို့ ရှိနေတယ်လို့ ထိုင်းအရာရှိတွေက ပြောကြားလိုက်ပါတယ်။
ထိုင်းနိုင်ငံဟာ အခု လက်ရှိမှာ မြန်မာ့ သဘာဝ ဓာတ်ငွေ့ တစ်ရက်ကို ကုဗပေ သန်းပေါင်း တစ်ထောင့် တစ်ရာ သုံးစွဲနေ ပါတယ်။ လျှပ်စစ်ဓာတ်အား ထုတ်လုပ်ရေး အတွက် အများဆုံး သုံးစွဲနေတာပါ။ ဒီပမာဏဟာ ထိုင်းနိုင်ငံ တစ်ခုလုံး အတွက် စုစုပေါင်း လိုအပ်ချက်ရဲ့ လေးပုံတစ်ပုံ ဖြစ်ပါတယ်။
အခုတော့ ထိုင်းနိုင်ငံက မြန်မာ့ သဘာဝ ဓာတ်ငွေ့ အနည်းဆုံး တစ်ရက်ကို ကုဗပေ သန်းပေါင်း နှစ်ထောင်နှုန်းနဲ့ နှစ် ၂၀ ၀ယ်ယူဖို့ ကမ်းလှမ်းနေကြောင်း ထိုင်း စွမ်းအင်ဝန်ကြီးဌာန ညွှန်ကြားရေးမှူးချုပ်က ပြောပါတယ်။
ဒါ့အပြင် မြန်မာနဲ့ ကမ္ဘောဒီးယား နိုင်ငံ ရေပိုင်နက်တွေ အတွင်း စွမ်းအင် သယံဇာတတွေ ရှာဖွေခွင့် ရရှိဖို့လည်း ထိုင်းနိုင်ငံက သက်ဆိုင်ရာ အစိုးရတွေနဲ့ ပြောဆိုနေပါတယ်။ အခု မြန်မာနိုင်ငံမှာ ကျင်းပနေတဲ့ မဲခေါင်ဒေသ ၆ နိုင်ငံ စည်းဝေးပွဲကို တက် ရောက်ဖို့ ရောက်လာတဲ့ ထိုင်း ၀န်ကြီးချုပ်နဲ့အတူ ထိုင်း စွမ်းအင်ဝန်ကြီးလည်း လိုက်ပါလာပြီး မြန်မာ စွမ်းအင်ဝန်ကြီးနဲ့ လောင် စာ စွမ်းအင် ကိစ္စ ဆွေးနွေးခဲ့ပါတယ်။
ထိုင်းနိုင်ငံပိုင် PTT ရေနံ ကုမ္ပဏီဟာ မြန်မာနိုင်ငံရဲ့ ကုန်းတွင်း ရေနံလုပ်ကွက် တစ်ခုနဲ့ ကမ်းလွန် ရေနံလုပ်ကွက် နှစ်ခုတို့မှာ ရင်းနှီးမြှုပ်နှံ လုပ်ကိုင်ဖို့ စိတ်ဝင်စားကြောင်း ထိုင်းဝန်ကြီးက ပြောသွားပါတယ်။
Ref: အာရ်အဖ်အေ
Read More...
Collapse...
2011-12-20
ကျောင်းသားခေါင်းဆောင် ဗိုလ်အောင်ကျော်ကျဆုံးခြင်း ၇၃ နှစ်ပြည့် အထိမ်းအမှတ် အခမ်းအနားကို ဗမာနိုင်ငံလုံးဆိုင်ရာ ကျောင်း သားသမဂ္ဂများအဖွဲ့ချုပ် (ဗကသ) က ဦးဆောင်ပြီး ရန်ကုန်တိုင်းဒေသကြီး သမိုင်း မြို့မဘုန်းကြီးကျောင်းတိုက်မှာ ဒီနေ့မနက်ပိုင်းက ကျင်းပခဲ့ပါတယ်။
၂၀၀၇ ဗကသ မျိုးဆက်သစ်တွေက ဦးဆောင်ပြီ ဒီကနေ့မနက် ၈ နာရီမှာ ကျင်းပခဲ့တယ်လို့ ဗကသအဖွဲ့ဝင် ကိုဇာနည်က ပြော ပါတယ်။
“အဓိကကတော့ဗျာ ၂၀၀၇ ကျောင်းသားများသမဂ္ဂက ကျောင်းသားသမဂ္ဂအလံကို ကျောင်းသားသမဂ္ဂ စိတ်ဓာတ်ကို ပြန်ပြီးတော့ လွှင့်တင်တဲ့သဘောရယ်၊ နောက်ပြီးတော့ ကျောင်းသားခေါင်းဆောင် ဗိုလ်အောင်ကျော်ရဲ့အမှတ်ရဖွယ်နေ့ ဖြစ်တဲ့အတွက် ဒါတွေ မမေ့စေချင်တာရယ်။ နောက်လာမယ့် မျိုးဆက်တွေအတွက် ထပ်ပြီးတော့ အလင်းရောင်ပြတဲ့ သဘောပါပဲ။ နောက်ပြီးတော့ ထောင် ထဲမှာရှိနေတဲ့ နိုင်ငံရေး အကျဉ်းသားတွေ ပြန်လွှတ်ပေးဖို့ လုပ်မယ်ဆိုတာကိုလည်း ဒီပွဲမှာ တစ်ခါတည်း ကြေညာလိုက်တဲ့ သဘောပါပဲ”
အခမ်းအနားမှာ ၁၉၆၂၊ ၁၉၇၄၊ ၁၉၈၈၊ ၂၀၀၃နဲ့ ၂၀၀၇ စတဲ့ ခေတ်အဆက်ဆက် တိုက်ပွဲဝင် ကျောင်းသားတွေအပြင် အမျိုး သား ဒီမိုကရေစီအဖွဲ့ချုပ် ခေါင်းဆောင်တစ်ဦးဖြစ်တဲ့ ဟံသာဝတီ ဦးဝင်းတင်၊ စာရေးဆရာကြီး ဒဂုန်တာရာ၊ ဆရာမောင်ဝံသ၊ ဆရာမကြီး ဒေါ်ခင်ဆွေဦးစတဲ့ စာပေနယ်က ထင်ရှားသူတွေနဲ့ ဧည့်ပရိသတ် ၁၅၀၀ ကျော်တက် ရောက်ခဲ့တယ်လို့ ဗကသအဖွဲ့ဝင် တွေက ပြောပါတယ်။
ဗိုလ်အောင်ကျော်နေ့ အထိမ်းအမှတ်ပွဲ ပြုလုပ်တဲ့အတွက် ဂုဏ်ယူကြောင်း ကျောင်းသား သမဂ္ဂရဲ့အစဉ်အလာ သမိုင်းဟာ မြန်မာ နိုင်ငံ မှာ ကြီးမြတ်လှကြောင်းနဲ့ ခွပ်ဒေါင်းအလံကို အမြင့်မားဆုံး ဆက်လွှင့်ဖို့ ဦးဝင်းတင်က ပြောကြားခဲ့တယ်လို့ သိရပါတယ်။
အခမ်းအနားအပြီးမှာ တက်ရောက်လာတဲ့ ကျောင်းသားတွေစုပြီး ခွပ်ဒေါင်းအလံကိုဝှေ့ယမ်းကာ သမဂ္ဂသီချင်းကို သံပြိုင်ဆိုခဲ့တယ် လို့ ကိုဇာနည်က ပြောပါတယ်။
“ခွပ်ဒေါင်းအလံကြီးကို ဝှေ့ယမ်းပြီးတော့ သမဂ္ဂသီချင်းကို သံပြိုင်ဆိုကြတာ အင်မတန် ကြက်သီးထဖို့ ကောင်းတဲ့ မြင်ကွင်းပါ။ ကျွန်တော်တို့နိုင်ငံမှာ မမြင်တာ ကြာပြီဖြစ်တဲ့ တိမ်းမြုပ် ပျောက်ကွယ်နေတဲ့ မြင်ကွင်းပါ။ ခုလို ခွပ်ဒေါင်း အလံကြီး ပြန်လည် ဝှေ့ယမ်း လာပြီးတော့ သမဂ္ဂ စိတ်ဓာတ်တွေ နိုးကြားလာခြင်းဟာ ကျွန်တော်တို့ နိုင်ငံတိုးတက်မှုမှာ တကယ့်ကို ရှေ့ဆောင်လမ်းပြ ဖြစ်လိမ့်မယ်လို့ ယုံကြည်ပါတယ်။ အဲလိုမြင်ကွင်းမျိုးကို ကိုမင်းကိုနိုင်တို့ ကိုဌေးကြွယ်တို့ ကိုကိုကြီး တို့နဲ့ အတူတူ အမြန်ဆုံးပေါ့ ဗျာ၊ နောက်ထပ် တစ်ခေါက် မြင်ချင်ပါသေးတယ်”
ကျောင်းသားခေါင်းဆောင် ဗိုလ်အောင်ကျော်ဟာ ၁၉၃၈ ခု ဒီဇင်ဘာ ၂၀ တတိယ ကျောင်းသား သပိတ်တိုက်ပွဲမှာ နယ်ချဲ့မြင်း စီးပုလိပ်တွေ ရိုက်နှက်တဲ့ ဒဏ်ရာနဲ့ ကွယ်လွန်ခဲ့ပါတယ်။
Ref: အာရ်အဖ်အေ
Read More...
Collapse...
2011-12-20
မြောက်ကိုရီးယားမှာ ခေါင်းဆောင် ကင်မ်ဂျုံအီလ် ကွယ်လွန်သွားပေမယ့် မြန်မာနိုင်ငံအနေနဲ့ ၂ နိုင်ငံအကြား ပုံမှန်အတိုင်း ချစ်ကြည် စွာ ဆက်ဆံသွားဖို့ ရှိကြောင်း သမ္မတဦးသိန်းစိန်ရဲ့ နိုင်ငံရေး အကြံပေးအဖွဲ့ဝင် ဒေါက်တာနေဇင်လတ်က အာရ်အက်ဖ်အေကို ဒီကနေ့ ပြောကြားပါတယ်။
မြန်မာနိုင်ငံဟာ ကြားနေမူဝါဒကို ကျင့်သုံးတဲ့ နိုင်ငံတစ်နိုင်ငံ အနေနဲ့ နွေးနွေးထွေးထွေး ဆက်ဆံသွားမယ်လို့ ထင်ကြောင်း ဒေါက်တာ နေဇင်လတ်က မိမိအမြင်ကို ပြောပါတယ်။
ဒီလို ဆက်လက် ဆက်ဆံပေမယ့် အများပြောဆိုနေတဲ့ နျူကလီးယား လက်နက်နဲ့ စစ်ရေးဆိုင်ရာ ဆက်ဆံရေးတော့ ရှိမှာ မဟုတ်ဘူးလို့လည်း ဒေါက်တာနေဇင်လတ်က ပြောပါတယ်။
မြောက်ကိုရီးယား ခေါင်းဆောင် ကင်မ်ဂျုံအီလ် ကွယ်လွန်ပြီး နောက်ပိုင်း မြောက်ကိုရီးယားမှာ အပြောင်း အလဲတွေ ပေါ်ပေါက် လာနိုင်တယ်လို့ မြန်မာ အစိုးရအရာရှိတစ်ဦးက ပြောဆိုကြောင်း AFP သတင်းဌာနက ဖော်ပြခဲ့ပါတယ်။
တစ်ချိန်တည်းမှာလည်း မြောက်ကိုးရီးယား ခေါင်းဆောင် ကင်မ်ဂျုံအီလ် ကွယ်လွန်သွားအပြီး မြောက်ကိုရီးယား နိုင်ငံမှာ နောင် တက် လာမယ့် ခေါင်းဆောင်သစ် အနေနဲ့ ကိုးရီးယားကျွန်းဆွယ်ဒေသ ငြိမ်းချမ်းရေးကို အကောင်အထည်ဖော် ဆောင်ရွက်သွားဖို့ တိုက်တွန်းကြောင်း အမျိူးသား ဒီမိုကရေစီအဖွဲ့ချုပ် အင်န်အယ်လ်ဒီက ဒီကနေ့ ပြောကြားလိုက်ပါတယ်။
ဒါအပြင် မြောက်ကိုးရီးယား ခေါင်းဆောင်သစ် အနေနဲ့ ပြည်တွင်းမှာလည်း နိုင်ငံရေးအရ အေးချမ်း တည်ငြိမ်မှုရှိအောင် စွမ်းဆောင် နိုင်စေချင်ကြောင်း အင်န်အယ်လ်ဒီ ခေါင်းဆောင် ဦးတင်ဦးက ပြောပါတယ်။
မြန်မာ အစိုးရ အနေနဲ့ မြောက်ကိုရီးယားခေါင်းဆောင် ကင်မ်ဂျုံအီလ်အတွက် ဝမ်းနည်းကြောင်း သဝဏ်လွှာ ပေးပို့မှာ ဖြစ်ကြောင်း လည်း မြန်မာ အစိုးရအရာရှိ တစ်ဦးက မနေ့က ပြောကြားခဲ့ပါတယ်။
မြန်မာ အစိုးရအရာရှိ နောက်တစ်ဦးကလည်း ဝမ်းနည်းကြောင်း သဝဏ်လွှာ ပေးပို့မယ့် ကိစ္စဟာ လုပ်ရိုးလုပ်စဉ်သာ ဖြစ်ကြောင်း၊ အခုတလော မြန်မာနဲ့ မြောက်ကိုရီးယား ဆက်ဆံရေးကို နိုင်ငံတကာ အသိုင်းအဝန်းက နားလည်မှု လွဲနေကြောင်း ပြောဆို ထားပါတယ်။
Ref: အာရ်အဖ်အေ
Read More...
Collapse...
20 ဒီဇင်ဘာ 2011
မသင်းသီရိ
မြန်မာနိုင်ငံကိုရောက်နေတဲ့ ထိုင်းဝန်ကြီးချုပ် ယင်းလပ် ရှင်နာဝပ်နဲ့ မြန်မာ့ဒီမိုကရေစီခေါင်းဆောင် ဒေါ်အောင် ဆန်းစုကြည်တို့ ဒီကနေ့ ဒီဇင်ဘာ ၂၀ အင်္ဂါနေ့ ညနေပိုင်းက တွေ့ဆုံခဲ့ပါတယ်။ ဒါဟာ ၁၉၈၈ နောက်ပိုင်း ကာလတွေအတွင်း ထိုင်းဝန်ကြီးချုပ် အဆက်ဆက်မှာ ဒေါ်အောင်ဆန်းစုကြည်နဲ့ ပထမဆုံး တွေ့ဆုံတာလည်း ဖြစ်ပါ တယ်။ ရန်ကုန်က ထိုင်းသံအမတ် ကြီးအိမ်မှာ ဒီခေါင်းဆောင် ၂ ဦး တွေ့ဆုံပွဲနဲ့ ပတ်သက်တဲ့ သတင်းကိုတော့ ပြည်တွင်း သတင်းထောက်အများစု သတင်းယူခွင့်မရကြပါဘူး။ ဒီအခြေအနေအသေးစိတ်ကို မသင်းသီရိက တင်ပြပေးထား ပါတယ်။
စတုတ္ထအကြိမ်မြောက် မဟာမဲခေါင်ထိပ်သီးအစည်းဝေးကိုလာတက်တဲ့ ထိုင်းဝန်ကြီးချုပ် ယင်းလပ် ရှင်နာဝပ်ဟာ ဒီကနေ့ အစည်း ဝေးအပြီး ရန်ကုန်မြို့မှာ ဒေါ်အောင်ဆန်းစုကြည်တို့ ရန်ကုန်မှာ ဆုံခဲ့ကြတာပါ။ ဒါဟာ ၁၉၈၈ နောက်ပိုင်းကာလရဲ့ ထိုင်းဝန်ကြီး ချုပ် အစဉ်အဆက်တွေထဲ ဒေါ်အောင်ဆန်းစုကြည်နဲ့ တွေ့တာ ပထမဆုံးအကြိမ် ဖြစ်ပါတယ်။
သူ့အနေနဲ့ အိမ်နီးချင်းနိုင်ငံတခုရဲ့ဒီမိုကရေစီရေးကြိုးပမ်းမှု လုပ်ငန်းတွေပေါ် အားပေးကူညီချင်တဲ့ အကြောင်း ပြောတာတွေကို လည်း နိုင်ငံခြားသတင်းဌာနတချို့ရဲ့စာမျက်နှာတွေမှာ ရေးသားထားတာလည်း တွေ့ရပါတယ်။
ဒါပေမယ့် အခု ထိုင်းဝန်ကြီးချုပ် ယင်းလပ်နဲ့ ဒေါ်အောင်ဆန်းစုကြည်တို့ ညစာအတူစားတဲ့သတင်းကို ပြည်တွင်း အခြေစိုက် သတင်းဌာန ၄ ခုကိုသာ ဓာတ်ပုံရိုက်ကူးခွင့် ပြုခဲ့ပြီး ကျန်တဲ့သတင်းဌာနတွေ အားလုံးကို ထိုင်းသံရုံးက သတင်းယူခွင့်၊ ဓာတ်ပုံရိုက်ကူးခွင့်တွေမပေးခဲ့ဘူးလို့ မြန်မာ့ဓနမဂ္ဂဇင်း အယ်ဒီတာ ဦးသီဟစောက ပြောပါတယ်။
“ယင်းလပ်ကတော့ ၅ နာရီခွဲလောက်မှာ သံရုံးထဲကို ဝင်လာတယ်။ ဒေါ်စုကတော့ ၅ နာရီ ၄၅ မိနစ်လောက်မှာ သံရုံးထဲဝင်သွား တယ်။ အထဲမှာလည်း အစားအသောက်တွေကို dinner လိုမျိုး ခင်းထားတာ တွေ့ရတယ်။ ဆိုတော့ လောလောဆယ် အပြင်မှာ လူတွေတော့စောင့်နေကြတယ်။ ဒါပေမယ့် ဝင်ခွင့်တော့မရဘူးပေါ့နော်။ ထိုင်းသံရုံးက မနော်ဟရီလမ်းနဲ့ ပြည်လမ်းထောင့်မှာ ပေါ့ နော်။ အဲဒီသံရုံးဝင်းထဲမှာ တွေ့တာပါ။ နေ့ခင်းက registration လုပ်တော့လည်း သူတို့က Private meeting လို့ပြော တယ်။ လောလောဆယ် ကျနော်သိသလောက်က AFP ရယ်၊ Reuters ရယ်၊ နောက် Japanese section တခုရယ်၊ မြန်မာတိုင်မ်းစ်ရယ်၊ အဲဒီလေးခုက ဓာတ်ပုံဆရာ ၄ ယောက်ပဲ ပေးဝင်တယ်။ ကျန်တဲ့သူတွေက အထဲဝင်လို့ မရဘူးပေါ့”
သတင်းထောက်တွေ သတင်းယူခွင့်မရသလို ထိုင်းနိုင်ငံဘက်ကလည်း ဒီတွေ့ဆုံမှုအတွက် ချက်ချင်း သတင်းထုတ်ပြန်ဖို့ မရှိဘူး လို့ သတင်းထောက်တွေကို ပြောတယ်လို့လည်း ဦးသီဟစောကပြောသလို NLD ဘက်ကလည်း ဒီတွေဆုံမှုနဲ့ ပတ်သက်လို့ တစုံတရာမပြောသေးပါဘူး။
“မေးတယ်။ သံရုံးကိုမေးတဲ့အခါမှာ တွေ့ခွင့်မပေးဘူးဆိုရင် statement ထုတ်မလားပေါ့နော်။ statement ထုတ်ဖို့ မရှိဘူး လို့တော့ နေ့ခင်းကပြောတယ်။ Private meeting မို့လို့ စတိတ်မဲန့်မထုတ်ဘူးလို့ ပြောပါတယ်။ ဒါပေမယ့် normally ကတော့ ပြန်သွားပြီးလို့ရှိရင် ဟိုဘက်မှာ ထိုင်းကပြောပြီးတော့မှ အဲဒီဘက်က သတင်းပြန်ဝင်တာမျိုးလည်း ရှိတယ်”
ဒါ့အပြင် ပြည်ပကို ထွက်ပြေးတိမ်းရှောင်နေရတဲ့ ၀န်ကြီးချုပ် မစ္စ်ယင်းလပ်ရဲ့ အကိုဖြစ်သူ ထိုင်းနိုင်ငံ ၀န်ကြီးချုပ်ဟောင်း သက်ဆင်ရှင်နာဝပ်ဟာ မြန်မာနိုင်ငံကို ပြီးခဲ့တဲ့ ကြာသပတေးနေ့က သွားရောက်ခဲ့ပြီး မြန်မာနိုင်ငံ လက်ရှိသမ္မတ ဦးသိန်းစိန်နဲ့ အရင်စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေတို့နဲ့ တွေ့ဆုံခဲ့တယ်လို့ ထိုင်းနိုင်ငံက ဘန်ကောက်ပို့စ် သတင်းစာတွေမှာ ရေးသားပေမယ့် ပြည်တွင်း က အစိုးရ သတင်းစာမှာရော ပုဂ္ဂလိက သတင်းမီဒီယာတွေမှာ လုံးဝ ဖော်ပြတာမရှိပါဘူး။
တခါ ထိုင်းဘုရင့်မြေးတော် Bajrakitiyabha ( ဘာဂျရာ ခတ်တိဘာ) နဲအဖွဲ့ဟာလည်း ဒီဇင်ဘာ ၁၉ ရက်နေ့ကမှ မြန်မာပြည်က ပြန်သွားတာမှာ ပြန်တဲ့အကြောင်းတွေနဲ့ ပတ်သက်လို့ ဦးသီဟစောပြောပြတာက
“ဒီပြည်တွင်းမှာတော့ လုံးဝအသိမပေးဘူး။ အသိမပေးဘူးဆိုတာက ဒီနေ့ အွန်လိုင်းမှာ ဘန်ကောက်ပို့စ်နဲ့ နေရှင်း ဖတ်တော့မှ သူလာသွားတယ်၊ ဗိုလ်ချုပ်မှူးကြီးသန်းရွှေနဲ့တွေ့တယ်။ သမ္မတကြီးနဲ့တွေ့တယ်၊ နောက် မြန်မာခရီးစဉ်လည်း သူစီစဉ်သွား တယ်ပေါ့ နော်။ ထိုင်းသတင်းစာတွေဖတ်မှ ကျနော်သိရတယ်။ သတင်းလုံးဝမထုတ်ပြန်ပါဘူး။ ထိုင်းဘုရင့် မြေးတော်လာတယ်ဆိုတာတော့ သတင်းစာတွေထဲမှာ brief ရေးတယ်လို့ပြောတယ်။ ကျနော်တို့သိသလောက်ကတော့ ဗမာပြည်မှာရှိတဲ့လုပ်ငန်းရှင်တချို့နဲ့လည်း တွေ့တယ်လို့ပြောတယ်။ ကျနော်သိသလောက်တော့ ထွန်းဖောင်ဒေးရှင်း ဘဏ်က ဦးသိန်းထွန်းတို့ ဘာတို့နဲ့တွေ့တယ်လို့ကြား တယ်။ ဒါပေမယ့် ကျနော်တို့ လောလောဆယ်မေးလို့တော့ မရသေးဘူး”
မြန်မာ့ဓန မဂ္ဂဇင်းအယ်တီတာ ဦးသီဟစောပါရှင်။ မြန်မာနိုင်ငံကို ၀န်ကြီးချုပ် ယင်းလပ်ရှင်နာဝပ်ဟာ ပြီးခဲ့တဲ့ အောက်တိုဘာ ၅ ရက်နေ့က မြန်မာပြည်ကို တရက်တာ ခရီးလာစဉ်အတွင်းနေပြည်တော်မှာ သမ္မတ ဦးသိန်စိန်နဲ့ တွေ့ခဲ့ပေမယ့် ဒေါ်အောင်ဆန်း စုကြည်နဲ့တော့ အဲဒီတခေါက်က မတွေ့သွားခဲ့ပါဘူး။
ဒါပေမယ့် လတ်တလော ပြောင်းလဲလာတဲ့ နိုင်ငံရေးအခြေအနေတွေကြောင့်ရော မြန်မာ့နိုင်ငံရေးမှာ ဒေါ်အောင်ဆန်းစုကြည် ပါဝင်လာနေတဲ့ အခန်းကဏ္ဍတွေကြောင့်ပါ ၀န်ကြီးချုပ် မစ္စ် ယင်းလပ် တွေ့တာ ဖြစ်တယ်လို့ ဝေဖန်သုံးသပ်ကြတာရှိသလို မြန်မာနိုင်ငံကို စီးပွားရေးအရ ထိုင်းအစိုးရ အစဉ်အဆက် အဆင်ပြေအောင် ဆက်ဆံ လာတာမို့ အခုဝန်ကြီးချုပ် ယင်းလပ် လက်ထက်မှာလည်း ဒီအစဉ်အလာတွေအရ တွေ့တာ ဖြစ်တယ်လို့လည်း မြင်ကြသူတွေရှိပါတယ်ရှင်။
Ref: ဗွီအိုအေ
Read More...
Collapse...
20 ဒီဇင်ဘာ 2011
မသင်းသီရိ
ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင်ဇာတ်လမ်း ရိုက်ကူးရေးကိစ္စအတွက် ရုပ်ရှင်ဇာတ်ကား ဖြစ်မြောက်ရေးကော်မတီနဲ့ ဒေါ်အောင်ဆန်းစုကြည်တို့ ဒီဇင်ဘာလ ၂၀ ရက်၊ အင်္ဂါနေ့မှာ ပထမဆုံးအကြိမ် တွေ့ဆုံဆွေးနွေးခဲ့ကြပါတယ်။ ဇာတ်ညွန်းရေးဖို့ အပါအဝင် ဗိုလ်ချုပ်နေရာမှာ သရုပ်ဆောင်မယ့် ဇာတ်ဆောင်ကို ရွေးချယ်ရေးကိစ္စတွေ၊ ရိုက်ကူးရေး နည်းပညာပိုင်းဆိုင်ရာတွေကို ပဏာမ ဆွေးနွေးခဲ့ကြတယ်လို့ ဆွေးနွေးပွဲမှာ ပါဝင်သူတွေက ပြောပါတယ်။ ဒီအခြေအနေ အပြည့်အစုံကိုတော့ ဇာတ်ကားဖြစ် မြောက်ရေး ပါဝင်လုပ်ဆောင်နေကြသူတွေနဲ့ ဆက်သွယ်မေးမြန်းထားတဲ့ မသင်းသီရိက တင်ပြပေးထားပါတယ်။
မြန်မာ့လွတ်လပ်ရေးဖခင်ကြီး ဗိုလ်ချုပ်အောင်ဆန်းအကြောင်း ရုပ်ရှင်ရိုက်ကူးဖို့ အနုပညာရှင်တွေနဲ့ ဒေါ်အောင်ဆန်းစုကြည်တို့ တွေ့ဆုံ ခဲ့ကြပြီးတဲ့နောက် ဖွဲ့စည်းလိုက်တဲ့ ဗိုလ်ချုပ်ရုပ်ရှင် ဖြစ်မြောက်ရေးကော်မတီနဲ့ ဒေါ်အောင်ဆန်းစုကြည်တို့ ဒီဇင်ဘာ၂၀ ရက်၊ အင်္ဂါနေ့ နေ့လည်ပိုင်းက ပထမဆုံးအကြိမ်အဖြစ် ဒေါ်အောင်ဆန်းစုကြည်ရဲ့နေအိမ်မှာ တွေ့ခဲ့ကြတာပါ။
ကော်မတီအနေနဲ့ ဗိုလ်ချုပ်အောင်ဆန်းရဲ့ သမိုင်းကြောင်းတွေကို ပြည့်ပြည့်စုံစုံ သိရအောင် စာအုပ်စာပေတွေထဲမှာသာမက သမိုင်းပညာရှင်တွေရဲ့ အချက်အလက်စုဆောင်းပေးမှုတွေကိုလည်း လေ့လာနေပြီး ဇာတ်ညွန်းရေးနိုင်ဖို့ စီစဉ်နေကြတယ်လို့ ဗိုလ်ချုပ်ရုပ်ရှင် ဇာတ်ကား ဖြစ်မြောက်ရေးကော်မတီက ပြောပါတယ်။
ဒီလိုဇာတ်ညွန်းကိစ္စအပြင် ဗိုလ်ချုပ်နဲ့ဒေါ်ခင်ကြည်တို့ နေရာကနေ သရုပ်ဆောင်ဖို့ ရွေးချယ်ရမယ့် မျက်နှာသစ်သရုပ်ဆောင်ကိစ္စတွေ အတွက် ဆွေးနွေးခဲ့ကြတယ်လို့ ဗိုလ်ချုပ်ရုပ်ရှင် ဇာတ်ကားဖြစ်မြောက်ရေးကော်မတီက ပြန်ကြားရေးတာဝန်ခံ ရုပ်ရှင်ဒါရိုက်တာ ကြည်ဖြူသျှင် ကပြောပါတယ်။
“ဇာတ်ညွှန်းအတွက်ကို ဗိုလ်ချုပ်ရဲ့သမိုင်းကြောင်း၊ ကော်မတီဝင်တွေအားလုံးသိဖို့လိုတယ်ဆိုပြီးတော့ သမိုင်းကြောင်းနဲ့ပတ်သက်တဲ့ စာအုပ်တွေ၊ ဝယ်လို့ရတဲ့စာအုပ်တွေရော၊ ဝယ်လို့မရတဲ့ ပုံနှိပ်ပေါ်ကို မရောက်လာတဲ့ တကယ့် ဗိုလ်ချုပ်ရဲ့အကြောင်း အတ္ထုပ္ပတ္တိကို သမိုင်းပညာရှင်များအနေနဲ့ ရှာပေးတယ်။ ရှာပေးပြီးတဲ့အခါမှာ မိတ္တူဆွဲပြီးတော့ ကော်ပီတွေ တယောက်တအုပ်ယူကြတယ်။ တယောက်တအုပ်ယူပြီးတဲ့အခါမှာ ကိုယ့်အိုင်ဒီယာနဲ့ကိုယ် gist (အကျဉ်းချုပ်) တွေ ထုတ်ရမယ်။ ထုတ်ပြီးတော့ ဆွေးနွေးရ မယ်။ ဆွေးနွေးပြီးတဲ့အခါမှာ ဇာတ်ညွှန်းပေါ့လေ- အကြိမ်ကြိမ်ရေးမှတ်မယ်လို့ ဆုံးဖြတ်ထားကြတယ်။ ဆုံးဖြတ်ပြီးတော့ ဒီနေ့တွေ့ တဲ့အခါမှာ အန်တီစုကို အဲဒီအကြောင်း ပြောပြတယ်။ ပြောပြပြီးတဲ့အခါမှာ အန်တီစုက သရုပ်ဆောင်ကိုစိတ်ပူတယ်။ ဘာဖြစ်လို့လဲ ဆိုတော့ ဗိုလ်ချုပ်အောင်ဆန်းနေရာက သရုပ်ဆောင်က မျက်နှာသစ်ဖြစ်မယ်၊ ဒေါ်ခင်ကြည်နေရာကလည်း မျက်နှာ သစ်ဖြစ်မယ်။ မျက်နှာသစ် ၂ ယောက်က လုပ်နိုင်ဖို့အတွက်ပေါ့လေ၊ ကြိုတင်ပြီးတော့ ရှာထားဖို့ရယ်၊ ဗိုလ်ချုပ်အောင်ဆန်းနေရာက သရုပ်ဆောင် မယ့်သူကို သေချာ train လုပ်ဖို့ရယ်ကို အန်တီစုက စိတ်ပူတဲ့အတွက်ကြောင့်မို့လို့ ဇာတ်ညွှန်းမပီးခင်၊ ဇာတ်ညွှန်း စပြီးတော့ အကောင်အထည်ဖော်နေတဲ့အချိန်မှာကိုပဲ သရုပ်ဆောင်လေ့ကျင့်မှုအပိုင်းကို လုပ်စေချင်တဲ့အကြောင်း ပြောတယ်”
ဇာတ်ကားရိုက်ကူးရေးအတွက် ရုပ်ရှင်သရုပ်ဆောင် ကျော်သူက သူတို့ပိုင်တဲ့ အမျိုးသားရုပ်ရှင်ကို လုပ်ငန်းတွေနဲ့ ရိုက်ကူးရေး အတွက် လှူဒါန်းခဲ့သလို ဇာတ်ကားအတွက် လိုအပ်မယ့် နိုင်ငံခြားဆီက နည်းပညာပိုင်းဆိုင်ရာတွေ ကိစ္စတွေအတွက်လည်း တိုင်ပင်ခဲ့ကြပါတယ်။
“ဦးကျော်သူပေါ့လေ။ ဦးကျော်သူက သူတို့ရဲ့အမျိုးသားရုပ်ရှင်ကို ဗိုလ်ချုပ်အောင်ဆန်း အတ္ထုပ္ပတ္တိရိုက်ကူးရေးအတွက် သူက လှူ တယ်လို့ အန်တီစုကိုပြောတယ်။ ဆွေးနွေးရင်းကနေပြီးတော့မှ ကော်မတီထဲမှာ ဆွေးနွေးကြတာကတော့ ဦးကျော်သူက ဒုတိယ ဥက္ကဋ္ဌအနေနဲ့ ပါဝင်သွားပြီပေါ့လေ။ ပါဝင်တဲ့သူတွေနဲ့ နောက်တခုက နိုင်ငံခြားပေါ့လေ၊ နိုင်ငံခြားဘက်က အကူအညီလာ မယ်ဆို တဲ့အခါမှာလည်း အင်္ဂလန်နိုင်ငံပါဖြစ်လာမယ်။ ဂျပန်ပါဖြစ်လာမယ်။ဒါကြောင့် အင်္ဂလန်ပြည်က အကူအညီလိုတယ်။ ဂျပန်ပြည်က အကူအညီလိုတယ်။ စက်ပစ္စည်းပိုင်းဆိုင်ရာ အကူအညီဆိုရင်လည်း ကိုယ့်ရဲ့ဘက်က ဘာတွေလိုအပ်လဲ။ လိုအပ်တဲ့အရာကို သေ ချာ ပြောပေါ့။ ဟိုဘက်က ကူညီမယ့်အရာတွေကလည်း ဘာတွေကူညီမှာလဲ။ အဲဒါ တွေကို နည်းနည်းထပ်ပြီးတော့ ကော်မတီ နဲ့ နိုင်ငံခြားဘက်က ကူညီမယ့်သူတွေနဲ့တွေ့ဆုံပြီးတော့မှ ထပ်ပြီးနောက် တဆင့်ဆွေး နွေးရမယ်ပေါ့။ အဲဒါနဲ့ပတ်သက်ပြီးတော့လည်း အကြမ်းဖျင်းလေးပြောကြတယ်”
ဒါရိုက်တာ ကြည်ဖြူသျှင်ပါ။ ဗိုလ်ချုပ်အောင်ဆန်းနေရာမှာ သရုပ်ဆောင်ဖို့နဲ့ ဇနီးဖြစ်တဲ့ ဒေါ်ခင်ကြည်ရဲ့နေရာတွေအတွက် မျက်နှာ သစ် သရုပ်ဆောင်တွေကို မကြာခင် ကြေညာကာ စတင်ရွေးချယ်ဖို့ စီစဉ်နေပြီလို့ ကော်မတီဝင်တဦးဖြစ်တဲ့ ဒါရိုက်တာ ၀ိုင်းက ပြောပါတယ်။ ဘာကြောင့် လက်ရှိ သရုပ်ဆောင်တွေထဲက မရွေးဘဲ မျက်နှာသစ်တင်ကာရိုက်ဖို့ စီစဉ်သလဲဆိုတာ နဲ့ ပတ်သက် လို့တော့
“လောလောဆယ်လက်ရှိသရုပ်ဆောင်တွေထဲမှာပေါ့နော်-ဗိုလ်ချုပ်အောင်ဆန်းနဲ့ အသွင်သဏ္ဍန်တူတဲ့သူ မရှိပါဘူး။ ၁-အချက်၊ ၂-အချက်က သူနဲ့တော်တော်လေး ရုပ်တူတဲ့သူရွေးပြီးတော့ သူ့ရဲ့လေသံကအစ၊ အပြောအဆိုကအစ တူမှ ဗိုလ်ချုပ်လို့ ကျနော် တို့ ဗမာပြည်သူပြည်သား တွေက လက်ခံပြီး ခံစားနိုင်မယ်၊ ကျနော်တို့အတွက် သင်ရတာက အခက်အခဲရှိသော်ငြားလည်း ကျနော်တို့ တနှစ်လောက်အချိန်ရတဲ့အတွက် သူ့ကို ကျနော်တို့ ဗိုလ်ချုပ်နဲ့တူအောင် လေ့ကျင့်ပေးနိုင်ပါတယ်။ တပတ် နှစ်ပတ် အတွင်းမှာ ရုံးခန်းလိပ်စာ အတည်တကျဖြစ်ရင် မျက်နှာသစ်သရုပ်ဆောင်ရွေးတာနဲ့ပတ်သက်ပြီး ဂျာနယ်တွေမှာ ဖောင်ပုံစံကိုတင် ပေးပါမယ်။ ဗမာတနိုင်ငံလုံး အတိုင်းအတာနဲ့ရွေးမှာပါ။ အသက်အပိုင်းအခြားလေး ၂၀ ကနေ၊ ၃၀ ကြား ကန့်သတ်ထားတာတခု ပဲရှိပါတယ်”
ရုပ်ရှင် ဒါရိုက်တာ ၀ိုင်းပြောပြခဲ့တာပါရှင်။ လာမယ့် ၂၀၁၅ ဟာ ဗိုလ်ချုပ်အောင်ဆန်း နှစ် ၁၀၀ ပြည့် ဖြစ်တဲ့အတွက် အဲဒါအမှီ ဗိုလ်ချုပ် အထ္ထုပ္ပတ္တိ ရိုက်ကူးဖို့ မြန်မာ့ရုပ်ရှင်အနုပညာရှင်တွေနဲ့ ဒေါ်အောင်ဆန်းစုကြည်တို့ စီစဉ်နေကြတာဖြစ်ပြီး ဒီဇာတ်ကား ဖြစ်မြောက်ရေး ကော်မတီရဲ့ နာကယအဖြစ်လည်း ဒေါ်အောင်ဆန်းစုကြည်က တာဝန်ယူထားတာ ဖြစ်ပါတယ်။
Ref: ဗွီအိုအေ
Read More...
Collapse...
20 ဒီဇင်ဘာ 2011
မြောက်ကိုရီးယားနိုင်ငံရဲ့ ခေါင်းဆောင်သစ်ဖြစ်လာဖွယ်ရှိတဲ့ ကင်ဂျုံအွန်းက ပြုံယမ်းမြို့မှာရှိတဲ့ သမ္မတအာဇာနည်ဗိမာန် ကို အင်္ဂါနေ့မှာ သွားရောက်ပြီး စနေနေ့တုန်းက ကွယ်လွန်သွားတဲ့ သူ့ရဲ့ဖခင် မြောက်ကိုရီးယားခေါင်းဆောင် ကင်မ်ဂျုံအီးလ်ရဲ့ရုပ်ကလာပ်ကို သွား ရောက် ဂါရ၀ပြုခဲ့သလို၊ တိုင်းပြည်အနှံ့မှာလည်း ပူဆွေး သောက ရောက်နေကြပါတယ်။
ကင်မ်ဂျုံအီးလ်ရဲ့ တတိယမြောက်သားလည်းဖြစ် အငယ်ဆုံးသားလည်းဖြစ်တဲ့ ကင်ဂျုံအွန်းနဲ့ ထိပ်တန်း နိုင်ငံ ခေါင်းဆောင်တွေ တက် ရောက်တဲ့ ထုံးတမ်းအစဉ်အလာ အခမ်းအနားကို မြောက်ကိုရီးယား နိုင်ငံပိုင် သတင်း ဌာနကနေ ထုတ်လွှင့်ခဲ့ပါတယ်။ ကင်မ်ဂျုံအီးလ် ကွယ်လွန်ကြောင်း တနင်္လာနေ့မှာ ကြေညာပြီးတဲ့နောက် ပထမ ဦးဆုံးအကြိမ်အဖြစ် သားဖြစ်သူကင်ဂျုံအွန်းရဲ့ လှုတ်ရှားမှုအကြောင်းကို အလေးပေး ထုတ်လွှင့်သွား တာဖြစ်ပါတယ်။
ကင်မ်ဂျုံအီးလ်ရဲ့ ရုပ်အလောင်းကို မှန်အခေါင်းသွင်းပြီး ၁၉၉၄ ခုနှစ်က ကွယ်လွန်ခဲ့တဲ့ သူ့ရဲ့ဖခင် မြောက်ကိုရီးယားနိုင်ငံ တည် ထောင်ခဲ့သူ ကင်အီဆွန်း ရုပ်အလောင်းထားတဲ့နေရာ အနီးမှာ ထားရှိကြောင်း သိရပါတယ်။
ကင်မ်ဂျုံအီးလ်ရဲ့ အသုဘအခမ်းအနားကျင်းပမယ့် ဒီဇင်ဘာလ ၂၈ ရက်နေ့အထိ မြောက်ကိုရီးယား နိုင်ငံမှာ ၀မ်းနည်းပူဆွေးမှု ကာလအဖြစ်သတ်မှတ်ထားတာပါ။ ဘယ်နိုင်ငံခြားတိုင်းပြည်က ကိုယ်စားလှယ်အဖွဲ့ကိုမှ အသုဘ အခမ်းအနားကို တက်ရောက်ခွင့် ပြုမှာမဟုတ်ဖူးလို့လည်း နိုင်ငံပိုင် မီဒီယာက ကြေညာပါတယ်။
တရုတ်အစိုးရ နိုင်ငံခြားရေးဝန်ကြီးဌာနက အသက် ၂၈ နှစ် အရွယ်ရှိတဲ့ကင်မ်ဂျုံအွန်းကို မြောက်ကိုရီးယားနိုင်ငံရဲ့ ခေါင်းဆောင် တဦးအဖြစ်အသိအမှတ်ပြုစကားပြောဆိုခဲ့သလို မြောက်ကိုရီးယား မီဒီယာကလည်း ကင်မ်ဂျုံအွန်းကို နိုင်ငံရဲ့ ကြီးမြတ်တဲ့ အမွေ ဆက်ခံသူ ဆိုပြီး သုံးနှုန်း ဖော်ပြခဲ့ပါတယ်။
Ref: ဗွီအိုအေ
Read More...
Collapse...
20 ဒီဇင်ဘာ 2011
မြောက်ကိုရီးယားနိုင်ငံ အမျိုးသားကာကွယ်ရေး ကော်မရှင်ဥက္ကဋ္ဌ ကင်မ်ဂျုံအီးလ် ကွယ်လွန်သွားတဲ့ အတွက် မြောက်ကိုရီးယား နိုင်ငံ တဝန်း ဝမ်းနည်းကြေကွဲနေချိန်မှာ မြောက်ကိုရီးယားပြည်သူတွေ ကျန်းမာချမ်းသာစေဖို့ အမေရိကန်ပြည်ထောင်စုက ဆုတောင်း မေတ္တာ ပို့သလိုက်ပါကြောင်း အမေရိကန် နိုင်ငံခြားရေးဝန်ကြီး Hillary Clinton က ဒီဇင်ဘာလ ၁၉ ရက်နေ့က ကြေညာချက် ထုတ် ပြန် လိုက်ပါတယ်။
မြောက်ကိုရီးယားနိုင်ငံကို ဦးဆောင်မည့် ခေါင်းဆောင်သစ် အနေနဲ့ ပြည်သူတွေရဲ့အခွင့်အရေးကို လေးစားပြီး အိမ်နီးချင်းနိုင်ငံ တွေနဲ့ ဆက်ဆံရေး တိုးတက်အောင်ဆောင်ရွက်ရင်း နိုင်ငံကို ငြိမ်းချမ်းတဲ့ လမ်းကြောင်းပေါ်ရောက်အောင် ပဲ့ကိုင်သွားလိမ့်မယ်လို့ အမေရိ ကန်ပြည်ထောင်စုက မျှော်လင့်တဲ့ အကြောင်း အဲဒီကြေညာချက်မှာဖေါ်ပြထားပါတယ်။
ကိုရီးယားကျွန်းဆွယ်မှာ ငြိမ်းချမ်းတဲ့၊ သာယာဝပြောတဲ့ ရေရှည်တည်တံ့မယ့်၊ လုံခြုံတဲ့ ခေတ်သစ်ကို လမ်းပြနိုင်အောင် မြောက် ကိုရီးယားပြည်သူတွေကို ကူညီဖို့ အမေရိကန်ပြည်ထောင်စုက ရပ်တည်ပေးဖို့ အဆင်သင့်ရှိကြောင်းနဲ့ မြောက်ကိုရီးယား ခေါင်း ဆောင်ပိုင်းအနေနဲ့လည်း နိုင်ငံတကာ အသိုက်အဝိုင်းနဲ့ ပူပေါင်းဆောင်ရွက်ဖို့ ဝန်ကြီးကလင်တန်က တိုက်တွန်းလိုက်ပါတယ်။
Ref: ဗွီအိုအေ
Read More...
Collapse...
20 ဒီဇင်ဘာ 2011
မစုမြတ်မွန်
မဟာမဲခေါင်ဒေသခွဲ နိုင်ငံခေါင်းဆောင်တွေတက်ရောက်တဲ့ GMS ထိပ်သီးစည်းအဝေးမှာ ဆင်းရဲမွဲတေမှု ကျဆင်းရေးပါဝင်တဲ့ ၁၀ နှစ် စီမံကိန်းကို သဘောတူခဲ့ကြပါတယ်။ မြန်မာ၊ ထိုင်း၊ ဗီယက်နမ်၊ ကမ်မ္ဘောဒီးယား၊ လာအိုနဲ့ တရုတ်နိုင်ငံတွေကြား စီးပွားရေး ပူးပေါင်းဆောင်ရွက်ရေးအစီအစဉ်နဲ့ လုပ်တဲ့ GMS ထိပ်သီးစည်းဝေးပွဲမှာ စီးပွားရေးဖိုရမ်ဥက္ကဋ္ဌ ရာထူးကိုလည်း မြန်မာနိုင်ငံ ကုန် သည်များနဲ့ စက်မှုလက်မှုလုပ်ငန်းရှင်များ အသင်းချုပ်က လွှဲပြောင်းတာဝန်ယူခဲ့ပါတယ်။ ဒီအတွက် မြန်မာနိုင်ငံအပေါ် ဘယ်လို အကျိုးရှိ စေသလဲ စိန်ခေါ်မှုတွေ ရှိမလဲဆိုတာကို ဘန်ကောက်ရုံးက မစုမြတ်မွန်က တင်ပြထားပါတယ်။
မဟာမဲခေါင်ဒေသခွဲနိုင်ငံတွေကြား စီးပွားရေးတိုးတက်အောင် တွန်းအားပေးဆောင်ရွက်ရေး၊ ဖွံ့ဖြိုးတိုး တက်ရေးလုပ်ငန်းတွေ မြှင့် တင် ရေးနဲ့ ဆင်းရဲမွဲတေမှု ကျဆင်းရေးလုပ်ငန်းတွေ တိုးမြှင့်လုပ်ဆောင်ရေး စတဲ့ ၁၀ နှစ် စီမံကိန်းကို ၆ နိုင်ငံပါဝင်တဲ့ GMS မဟာမဲခေါင်ဒေသခွဲ ထိပ်သီး စည်းဝေးပွဲမှာ သဘောတူခဲ့ကြပါတယ်။
နေပြည်တော် Convention စင်တာမှာ ဒီကနေ့ လုပ်ခဲ့တဲ့ ၄ ကြိမ်မြောက် GMS ထိပ်သီးစည်းဝေးပွဲမှာ အဖွဲ့ရဲ့အောင်မြင်မှု တွေကိုပြောခဲ့ကြသလို လယ်ယာစိုက်ပျိုးရေးကဏ္ဍ တိုးတက်ရေး၊ အစားအသောက်လုံခြုံစိတ်ချမှုရှိရေးနဲ့ ဖူလုံရေးအပြင် ခရီး သွားလုပ်ငန်းက ဝင်ငွေကျယ်ကျယ်ပြန့်ပြန့်ရနိုင်အောင် နိုင်ငံစုံပါဝင်တဲ့ ခရီးသွားအစီအစဉ် တွေဖန်တီးရေးတွေအတွက် မဟာဗျူဟာ ချကြဖို့ကိုလည်း GMS ခေါင်းဆောင်တွေ သဘောတူခဲ့ကြပါတယ်။
GMS ထိပ်သီးစည်းဝေးပွဲမှာ စီးပွားရေးဖိုရမ် ဥက္ကဋ္ဌရာထူးကိုလည်း မြန်မာနိုင်ငံ ကုန်သည်များနဲ့ စက်မှု လက်မှုလုပ်ငန်းရှင်များ အသင်းချုပ်က လွှဲပြောင်းတာဝန်ယူခဲ့ပါတယ်။ စီးပွားရေး၊ ကုန်သွယ်ရေးနဲ့ ခရီးသွား လုပ်ငန်းပူးပေါင်းဆောင်ရွက်မှုကို အဓိကအ သားပေးတဲ့ GMS အဖွဲ့ဝင် နိုင်ငံတခုအနေနဲ့ စီးပွားရေး Forum ဥက္ကဋ္ဌ တာဝန်ယူရတဲ့အတွက် အခွင့်အလမ်းတွေပိုရလာနိုင်တယ်လို့ မြန်မာနိုင်ငံ ခရီးသွားလုပ်ငန်းရှင်များ အသင်း ဒုတိယ ဥက္ကဋ္ဌ ကိုသက်လွင်ထွန်းက တွက်ပါတယ်။
“ကိုယ့်နိုင်ငံအနေနဲ့တော့ ဒါ အများကြီး opportunity ရတာပေါ့လေ၊ အထူးသဖြင့်တော့ investment နဲ့ပတ်သက်တဲ့ opportunity တွေပေါ့။ ကျနော်တို့နိုင်ငံမှာ အဓိကလိုအပ်နေတဲ့ အခန်းတွေ အများကြီးလိုနေတယ်။ နောက် infrastructure တွေ၊ develop ဖြစ်ဖို့လိုနေတယ်။ အဲဒါတွေကို အကုန်လုံးလုပ်ဖို့အတွက်ကော ဖွင့်ပေးလိုက်တယ်။ နောက် tourist တွေလည်း ပိုမို လွယ်ကူစွာလာနိုင်မယ်။ အရေးကြီးတဲ့ ဗီဇာတွေလည်း နောက်ပိုင်း ကျရင်ဖွင့်ပေးတဲ့အခါမှာ မြန်မာနိုင်ငံအနေနဲ့ ပိုပြီးတော့ ၂၀၁၂ beyond ဆိုရင် ဒါဟာ GMS နိုင်ငံတွေ၊ ASEAN နိုင်ငံတွေမှာ ဗီဇာတခုတည်း သွားတော့ မယ်လေ။ အဲဒါမျိုးတွေအတွက် အများကြီး အခွင့်အလမ်းသာတာပေါ့”
ဒီနေ့ပြီးသွားတဲ့ GMS ထိပ်သီးစည်းဝေးပွဲမှာလည်း အဖွဲ့ဝင်နိုင်ငံတွေကြား သဘာဝ အရင်းအမြစ်တွေကို ရေရှည်ထိန်းသိမ်း ထား နိုင်မယ့် ခရီးသွားလုပ်ငန်းအတွက် မဟာဗျူဟာချရေးကိုလည်း သဘောတူခဲ့ကြပါတယ်။ လက်တွေ့လုပ်တဲ့အခါမှာ ဘယ်လိုမျိုး စိန်ခေါ်မှုတွေရှိနိုင်ပါသလဲ။
“အခုလို tourist တွေဖွင့်ပေးလိုက်လို့ ပြုံလာခဲ့မယ်ဆိုရင် ကျနော်တို့က သဘာဝအရင်းအမြစ်တွေ၊ ဥပမာ beach တွေမှာဆို ပျက်စီးမယ်၊ tourist တွေလာတဲ့အတွက်ကြောင့် အမှိုက်သရိုက်တွေ၊ waste တွေ၊ ပလပ်စတစ်တွေ၊ ဒါတွေဟာ အင်းလေး ကန်လိုနေရာမျိုးမှာဆို တော်တော်ကို ပျက်စီးနေပြီ။ ဒါ Eco diversity ပေါ့။ climate change ဖြစ်စေတဲ့ အကြောင်း အရင်းတွေ၊ ဒါတွေအားလုံးမဖြစ်ရအောင်ဆိုပြီးတော့ sustainable tourism ဆိုပြီးတော့ အဓိက subject တခု လုပ် တာပေါ့။ ခြုံငုံပြောရရင်တော့ Green Trurism လို့လည်း နောက်ပိုင်း ပြောလို့ရတာပေါ့။ ဒီ environment တခုလုံးကို တိုးတက်ပြောင်းလဲအောင် အသိပညာပေးရမယ်။ အဲဒီအခါမှာအောက်ခြေက Grass root level တွေကနေပြီး အပေါ်က authority တွေအထိ ပေးရမှာပေါ့နော်”
ခရီးသွားလုပ်ငန်းရှင်များအသင်း ဒုတိယ ဥက္ကဋ္ဌ ကိုသက်လွင်ထွန်းပြောသွားတာဖြစ်ပါတယ်၊ ၆ နိုင်ငံ ပါဝင်တဲ့ အဖွဲ့ဝင်နိုင်ငံ တွေကြား ဒေသတွင်း ပူးပေါင်းဆောင်ရွက်ရေး လုပ်တဲ့အခါမှာ အရင်းအမြစ်တွေကို အကျိုးရှိရှိ အသုံးချရေး၊ ဖွံ့ဖြိုးတိုးတက်ရေး ဆောင် ရွက်တဲ့အခါမှာ သဘာဝ ပတ်ဝန်းကျင်ကို ထိခိုက်မှု နည်းနိုင်သမျှနည်းအောင် လုပ်ကြဖို့ကိုလည်း မဟာမဲခေါင်ဒေသခွဲ နိုင်ငံ့ခေါင်းဆောင်တွေက ကြေညာခဲ့ကြပါတယ်။ GMS ထိပ်သီး စည်းဝေးပွဲကို ထိုင်းဝန်းကြီးချုပ် Yinluck Shinawat, Vietnam ဝန်ကြီးချုပ် ငုယင်တန်ဒေါင်း၊ Laos ဝန်ကြီးချုပ် သွန်ဆင်သမာဗွန်၊ Cambodia ဝန်ကြီးချုပ် Hun Sen နဲ့ တရုတ် နိုင်ငံတော်ကောင်စီဝင် ဒိုင်ဘင်ဂေါ်တို့ တက်ရောက်ခဲ့ကြပါတယ်။ တနင်္လာနေ့ကတော့ သမ္မတ ဦးသိန်းစိန်ဟာ Cambodia ဝန်ကြီးချုပ်နဲ့ တရုတ်နိုင်ငံတော်ကော်စီဝင်တို့ကို သီးခြား တွေ့ဆုံ ဆွေးနွေးခဲ့ပါတယ်။ အာရှဖွံ့ဖြိုးမှုဘဏ်ရဲ့ ထောက်ပံ့မှုနဲ့ ၆ နိုင်ငံ ပါဝင်တဲ့ မဟာမဲခေါင်ဒေသခွဲ အစီအစဉ်ကို ၁၉၉၂ ခုနှစ်ကနေ စတင်ခဲ့တာဖြစ်ပြီး ထိပ်သီးစည်းဝေးပွဲကို ၃ နှစ်တကြိမ် ကျင်း ပတာဖြစ်ပါတယ်ရှင်။
Ref: ဗွီအိုအေ
Read More...
Collapse...
20 ဒီဇင်ဘာ 2011
ကိုမိုးဇော်
ပြည်ထောင်စုအဆင့်နဲ့ နိုင်ငံရေးဆွေးနွေးပွဲတွေ စတင်နိုင်ဖို့အတွက် ကချင်လွတ်လပ်ရေးအဖွဲ့ KIO ဗဟို ကော်မတီက ကိုယ်စား လှယ်အဖွဲ့ ဖွဲ့စည်းဖို့ ပြင်ဆင်နေပါတယ်။ ဒီလို ဖွဲ့စည်းဖို့ ပြင်ဆင်တာကတော့ နိုင်ငံရေးဆွေးနွေးဖို့ အတွက် မြန်မာအစိုးရဘက် ကနေ ဦးအောင်သောင်း ခေါင်းဆောင်တဲ့ ငြိမ်းချမ်းရေးအဖွဲ့ကို ဖွဲ့စည်းပြီးကြောင်း တရားဝင် အကြောင်းကြားလာတာကြောင့် ဖြစ် ပါ တယ်။ KIO နဲ့ မြန်မာအစိုးရအကြား ငြိမ်းချမ်းရေးဆွေးနွေးပွဲတွေ မကြာခင် စတင်နိုင်မယ့် အလားအလာရှိနေပေမဲ့လည်း ကချင်ပြည်နယ်အတွင်းမှာ တိုက်ပွဲတွေကတော့ ဆက်ဖြစ်နေပြီး စစ်ပြေး ဒုက္ခသည်တွေ သေဆုံးနေရတာတွေလည်း ရှိနေပါတယ်။ ကချင်ပြည်နယ်အတွင်းက နောက်ဆုံးအခြေအနေတွေကို ထိုင်း အခြေစိုက်သတင်းထောက် ကိုမိုးဇော်က တင်ပြထားပါတယ်။
ကချင်ပြည်နယ်အတွင်းမှာ စစ်ပွဲတွေ ရပ်ပြီး ငြိမ်းချမ်းရေးတည်ဆောက်နိုင်ဖို့အတွက် ခြေလှမ်းသစ် တရပ်အဖြစ်နဲ့ နိုင်ငံရေး ဆွေး နွေးပွဲတွေ စတင်နိုင်ဖို့ အစိုးရနဲ့ ကချင်လွတ်လပ်ရေးအဖွဲ့ KIO ကြားမှာ စတင် ပြင်ဆင်လာနေပြီ ဖြစ်ပါတယ်။
ဒီရက်ပိုင်းတွေအတွင်းမှာ KIO က မြန်မာအစိုးရဲ့ ပြည်ထောင်စုအဆင့် ကိုယ်စားလှယ်တွေနဲ့ နိုင်ငံရေး ဆွေးနွေးပွဲတွေ စတင်နိုင်ဖို့ ဗဟိုကော်မတီအစည်းအဝေးကျင်းပပြီး ကိုယ်စားလှယ်အဖွဲ့ တဖွဲ့ ဖွဲ့စည်းဖို့ ပြင်ဆင်နေပြီဖြစ်ပါတယ်။ ဒီလို နှစ်ဘက်ကိုယ်စားလှယ် တွေအကြား နိုင်ငံရေးဆွေးနွေးဖို့ ပြင်ဆင်နေတဲ့ အခြေအနေကို KIO ရဲ့ ပြောရေးဆိုခွင့်ရှိသူ ဦးလနန်က အခုလို ပြောပါတယ်။
“ပြည်ထောင်စုအဆင့်၊ နိုင်ငံရေးဆွေးနွေးမှု ပြုလုပ်ဖို့အတွက် သူတို့ကနေပြီးတော့ ကော်မတီတရပ်ဖွဲ့စည်းတဲ့အကြောင်းပေါ့နော်။ သူတို့ အဖွဲ့ထဲမှာ ဦးအောင်သောင်းက ခေါင်းဆောင်ပါတယ်။ အဲဒီစာကို သူတို့ သမ္မတရုံးကနေပြီးတော့ ထုတ်ပြန်ပေးတာရှိတယ်။ အဲဒီစာကို တရားဝင်အနေနဲ့ ကျနော်တို့ဘက်ကို ပေးပို့တာပါ။ ကျနော်တို့ဘက်ကလည်း KIO ဗဟို ကိုယ်စားလှယ်အဖွဲ့၊ ဖွဲ့စည်း ပြီးတော့ သူတို့ကို အကြောင်းပြန်ကြားရမယ်။ ကိုယ်စားလှယ်အဖွဲ့ကို အတည်ပြုဖို့ကတော့ ၂ ရက်လောက်တော့ အချိန်ယူရအုံး မယ်”
KIO ဘက်က ကိုယ်စားလှယ်အဖွဲ့ ဖွဲ့စည်းပြီးကြောင်း အကြောင်းပြန်ပြီးတဲ့နောက်မှာတော့ နှစ်ဘက် ကိုယ်စားလှယ်တွေ တွေ့ဆုံပြီး နိုင်ငံရေးဆွေးနွေးပွဲတွေ စတင်ဖို့ ရက်သတ်မှတ်ကြမှာဖြစ်တယ်လို့ ဦးလနန်က ပြောပါတယ်။ မြန်မာအစိုးရဘက်က ဖွဲ့စည်းထားတဲ့ ပြည်ထောင်စုအဆင့် ငြိမ်းချမ်းရေး ကိုယ်စားလှယ်အဖွဲ့ကို ပြည်သူ့လွှတ်တော်ကိုယ်စားလှယ်ဦးအောင်သောင်း၊ မီးရထားဝန်ကြီး ဦးအောင်မင်းနဲ့ တိုင်းရင်းသားရေးရာနှင့် ပြည်တွင်းငြိမ်းချမ်းရေး ဖော်ဆောင်မှု ကော်မတီ ဥက္ကဋ္ဌ ဦးသိန်းဇော်တို့ဦးဆောင်ပြီး စုစုပေါင်း ၁၁ ဦးနဲ့ ဖွဲ့စည်းထားတာဖြစ်ပါတယ်။
မြန်မာအစိုးရနဲ့ KIO အဖွဲ့ဟာ ငြိမ်းချမ်းရေးတည်ဆောက်နိုင်ဖို့အတွက် နိုဝင်ဘာလ ၂၉ ရက်နေ့က နောက်ဆုံးတွေ့ ဆုံခဲ့တာဖြစ် ပါတယ်။ ဒီဆွေးနွေးပွဲမှာ မြန်မာအစိုးရဘက်က အပစ်အခတ်ရပ်စဲရေးကို အဓိက ဆွေးနွေးခဲ့ပြီး KIO ဘက် နိုင်ငံရေးဆွေးနွေးဖို့ ကို အလေးထား ပြောဆိုခဲ့တာကြောင့် သဘောတူညီချက် မရခဲ့ကြပါဘူး။
ဒီဇင်ဘာလ ၁၀ ရက်နေ့က သမ္မတဦးသိန်းစိန်က ကချင်ပြည်နယ်အတွင်း ထိုးစစ်ဆင်တာတွေ ရပ်ဆိုင်းဖို့ ညွှန်ကြားကြောင်း သတင်းတွေ ထွက်ပေါ်လာအပြီးမှာတော့ တိုက်ပွဲကြီးတွေ မဖြစ်တော့ပေမဲ့ တိုက်ပွဲငယ်တွေဟာ ဆက်ဖြစ်နေကြောင်း ဦးလနန်က ပြောပါတယ်။
ကချင်ပြည်နယ်အတွင် လတ်တလောအခြေအနေကိုတော့ ဦးလနန်က အခုလို ပြောပါတယ်။
“သူတို့တပ်တွေကို တိုးတာတွေကတော့ ထင်သာမြင်သာအောင်တော့ သူတို့က မလုပ်ဘူးခင်ဗျ။ ဒါပေမယ့် ညဘက်တွေကျရင် သူတို့က မော်တော်ယာဉ်တန်းတွေနဲ့ သူတို့ရဲ့ရှေ့တန်းစခန်းတွေကို လူအင်အားထပ်ဖြည့်တာမျိုး၊ လက်နက်ခဲယမ်းမီးကျောက်တွေကို ထပ်ပို့တာမျိုး၊ ရိက္ခာပို့ပေးတာမျိုးတွေကတော့ နေ့စဉ်နဲ့အမျှ လုပ်နေကြတယ်ခင်ဗျ။ ညကျမှ သူတို့က လှုပ်ရှားတာမျိုးရှိတယ်။ သူတို့ရဲ့တပ်တွေ ဆုတ်သွားတာတော့ အခုထိ ဘာမှမတွေ့ရသေးဘူး။ နဂိုရ်ရှိရင်းစွဲ ရှေ့တန်းစစ်မျက်နှာမှာတော့ တပ်အင်အား တွေ က အလုံးအရင်းရှိနေတယ်။ သူတို့ရဲ့လှုပ်ရှားမှု ငြိမ်နေတဲ့သဘောပဲလို့ တွေ့ရတယ်ခင်ဗျ။ ဒါပေမယ့်လို့ တပ်တွေရုပ်သွားတာမျိုးတော့ မရှိသေးပါဘူး။ အဲဒါကြောင့်မို့လို့ ဒီတိုက်ပွဲတွေကတော့ အခုက ပြင်းပြင်းထန်ထန်မဖြစ်ဘူး ဆိုပေမယ့် ပြင်းပြင်းထန်ထန်ပြန်ပြီး ဖြစ် လာဖို့ကလည်း အလားအလာ အများကြီး ရှိပါတယ်။”
ဒီနေ့ထုတ်မြန်မာအလင်းသတင်းစာမှာတော့ ၁၈ရက်နေ့က မိုးကောင်းမြို့နယ်အတွင်း ရထားသံလမ်း ၅ နေရာကို ဗုံးခွဲတိုက်ခိုက် ထား ကြောင်းနဲ့ ပေါက်ကွဲရာအနီးမှာ ကချင်လွတ်လပ်ရေးတပ်မတော် KIA ယူနီဖောင်းဝတ် အလောင်း၂ လောင်းတွေ့ရ ကြောင်း ဖော်ပြထားပါတယ်။
ဒီအဖြစ်အပျက်နဲ့ပတ်သက်ပြီး KIA က စုံစမ်းစစ်ဆေးနေဆဲဖြစ်ကြောင်း ဦးလနန်က ပြောဆိုပြီး အစိုးရတပ်တွေ ကချင်ပြည် နယ်အတွင်း မီးရထားနဲ့ ၀င်ရောက်လာတာတွေ ရှိနေမယ်ဆိုရင် ဒီလို တိုက်ခိုက်တာမျိုးတွေကိုတော့ ဆက်ရှိနေမှာဖြစ်တယ်လို့ ပြောပါတယ်။
KIA နဲ့ မြန်မာအစိုးရတပ်တွေအကြားမှာ တိုက်ပွဲတွေဖြစ်ပွားနေတာဟာ ၆ လကျော် ကြာမြင့်လာပြီ ဖြစ်ပါတယ်။ ဒီတိုက်ပွဲတွေ ကြောင့် ကချင်ဒုက္ခသည် အနည်းဆုံး ၃၀, ၀၀၀ ကျော်ဟာ မြစ်ကြီးနား၊ ၀ိုင်းမော်၊ ဗန်းမော် စတဲ့ မြို့တွေနဲ့ တရုတ်-မြန်မာ နယ်စပ်ဒေသတွေကို ထွက်ပြေးနေကြရပါတယ်။
တရုတ်-မြန်မာနယ်စပ် မိုးမောက်မြို့နယ်အတွင်းက မိုင်ဂျာယန်ဒေသဘက်မှာ ဒီလအတွင်း သေဆုံးသူ ဒုက္ခသည် အနည်းဆုံး ၅ ယောက် ရှိတယ်လို့ ဒုက္ခသည်အရေး ကူညီဆောင်ရွက်ပေးနေသူ တယောက်က ပြောပါတယ်။
“ဒုက္ခသည်တွေရဲ့ ကျန်းမာရေးအခြေအနေပိုဆိုးလာတယ်။ မနေ့ကလည်းတယောက်၊ အခုပဲ အသုဘ သွားချတယ်။ ကလေးမွေး ပြီးတော့ အမေလည်းဆုံး၊ ကလေးလည်းဆုံး ဒီလထဲမှာချည့် ၅ ယောက် ရှိနေပြီ”
တရုတ်-မြန်မာနယ်စပ်ဒေသက ဒုက္ခသည်စခန်းတွေမှာ အဓိကအားဖြင့် ကလေးနဲ့ အမျိုးသမီးတွေ မကျန်းမမာဖြစ်နေကြပြီး သူတို့ တွေဟာ စိတ်ဖိစီးမှုများတာ၊ အာဟာရ ပြည့်ဝအောင် မစားရတာနဲ့ ကျန်းမာရေးစောင့်ရှောက်မှု မလုံလောက်တာတွေကြောင့် ဖြစ် တယ်လို့ သူက သုံးသပ်ပါတယ်။
ပြီးခဲ့တဲ့ အပတ်အတွင်းကတော့ ကုလသမဂ္ဂက KIO အခြေစိုက်ရာ လိုင်ဇာမြို့က ဒုက္ခသည်တွေကို ထောက်ပံ့ကူညီတာတွေ စတင် လုပ်ဆောင်နေပြီဖြစ်ပါတယ်။ ဒါပေမဲ့ မိုင်ဂျာယန်ဒေသဘက်တော့ ပြင်ပက ကူညီထောက်ပံ့တာတွေ မရရှိသေးတာကြောင့် ဒုက္ခသည်တွေဟာ စားနပ်ရိက္ခာနဲ့ ဆေးဝါးအခက်အခဲတွေ ရင်ဆိုင်နေတယ်လို့ ဒုက္ခသည်အရေး ကူညီသူတွေက ပြောပါတယ်။
Ref: ဗွီအိုအေ
Read More...
Collapse...
20 ဒီဇင်ဘာ 2011
ဆီးရီးယားနိုင်ငံမှာ အကြမ်းဖက်သမားတွေကို လက်နက်တွေ ပေးအပ်တဲ့သူ ဘယ်သူ့ကိုမဆို သေဒဏ် အပြစ်ပေးမယ့် ဥပဒေ သစ်တရပ်ကို သမ္မတ Bashar al-Assad က ထုတ်ပြန်လိုက်တဲ့အကြောင်း နိုင်ငံပိုင် သတင်းတွေက ကြေညာပါတယ်။
အစိုးရ ဆန့်ကျင်သူတွေအပေါ် နှိမ်နင်းနေတာတွေ အဆုံးသတ်စေဖို့ ရည်ရွယ်ထားတဲ့ ငြိမ်းချမ်းရေး အစီအစဉ် တရပ်ကို လိုက် နာမှု ရှိမရှိ လေ့လာစောင့်ကြည့်သူတွေကို လက်ခံသွားမယ်လို့ သဘောတူခဲ့အပြီး နောက်တရက် ဖြစ်တဲ့ ဒီကနေ့မှာပဲ အစိုးရရဲ့ ကြေညာချက် ထွက်ပေါ်လာတာပါ။
သမ္မတ Assad အစိုးရကတော့ လနဲ့ချီပြီး ဖြစ်ပွားနေတဲ့ ဆန္ဒပြပွဲတွေဟာ လက်နက်ကိုင် အကြမ်းဖက်အုပ်စု တွေရဲ့ လက်ချက် ဖြစ် တယ်ဆိုပြီး အပြစ်ဖို့ထားတာ ဖြစ်ပါတယ်။
အာရပ်အဖွဲ့ချုပ်ရဲ့ အစီအစဉ်ကို အစိုးရက လက်မှတ်ရေးထိုးထားပေမဲ့လည်း သွေးထွက်သံယို ပဋိပက္ခ တွေဟာ မနေ့ကအထိ ဆက်လက် ဖြစ်ပွားနေတုန်းပဲလို့လည်း တက်ကြွလှုပ်ရှားသူတွေက ပြောပါတယ်။ မနေ့တုန်းကဆိုရင် တူရကီနယ်စပ်နားက တာဝန် ချထားတဲ့ နေရာတွေကို စွန့်ခွာခဲ့ကြတဲ့ တပ်ပြေး ၇၀ လောက်ကို အစိုးရ တပ်တွေက ပစ်သတ်ခဲ့သလို တခြားနေရာ အတော်များ များမှာလည်း လူပေါင်း ၃၀ လောက်ကို သတ်ဖြတ်ခဲ့တယ်လို့ တက်ကြွ လှုပ်ရှားသူတွေက ပြောခဲ့ကြတာပါ။
သွေးထွက်သံယို အဖြစ်အပျက်တွေအပေါ် ပြစ်တင်ရှုတ်ချတဲ့ ဆုံးဖြတ်ချက် တရပ်ကိုတော့ မနေ့တုန်းကပဲ ကုလသမဂ္ဂမှာ တခဲနက် ချမှတ်ခဲ့ပါတယ်။ ၉ လကြာ လူထုအုံကြွမှုတွေကြောင့် လူပေါင်း ၅,၀၀၀ ထက် မနည်း သေဆုံးခဲ့ပြီး ဖြစ်တယ်လို့လည်း ကုလ သမဂ္ဂ ကပြောထားတာပါ။
Ref: ဗွီအိုအေ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88