7/9/2011
မင်းဆက်ခိုင်
အမေရိကန်ပြည်ထောင်စု နယူးယောက်မြို့တွင် နှစ်စဉ်ကျင်းပနေသော ရခိုင်ရိုးရာ နှစ်သစ်ကူး သင်္ကြန်ပွဲတော်ကို ယခုလ ၁၇ ရက်နေ့တွင် စည်ကား သိုက်မြိုက်စွာ ကျင်းပ ပြုလုပ်မည်ဖြစ်ကြောင်း သိရသည်။
ယခုနှစ် ကျင်းပမည့် သင်္ကြန်ပွဲတော်မှာ ၁၇ ကြိမ်မြောက် ဖြစ်ပြီး နယူးယောက်မြို့ရှိ 100 West 84th Street, PS9 Playground between Columbus Avenue and Amsterdam Avenue, MANHATTAN တွင် ဒေသ စံတော်ချိန် နံနက် ၁၁ နာရီမှ စတင်ပြီး ညနေ ၄ နာရီထိ ကျင်းပ ပြုလုပ်မည်ဖြစ်သည်။
နယူးယောက်တွင် ရခိုင်ရိုးရာသင်္ကြန်ပွဲတော်ကို ကျင်းပရခြင်းနှင့်ပတ်သက်ပြီး သင်္ကြန်ပွဲတော် ကျင်းပရေးအဖွဲ့မှ စီမံခန်ခွဲ
ွိဲရေး ဒါရိုက်တာ ကိုကျော်သာလှမှ ယခုကဲ့သို့နိရဉ္စရာသို့ပြောသည်။
"အဓိကကတော့ ရခိုင့်ယဉ်ကျေးမှုကို ကမ္ဘာက သိအောင်လုပ်တာရယ်။ ပြီးတော့ ဒီမှာ ဗမာပြည်ကလူတွေလည်း ရခိုင်ယဉ် ကျေးမှုကို သိပ်ပြီးတော့ မသိကြသေးတဲ့လူတွေလည်းရှိပါတယ်။ နောက် ဗမာပြည်က နေပြီးတော့ အကြောင်း အမျိုးမျိုး ကြောင့် နိုင်ငံခြားကိုရောက်သွားကြတဲ့သူတွေလည်း ရခိုင်ယဉ်ကျေးမှုကို မသိကြသေးတာရှိပါတယ်။ ဒီ နယူးယောက်မှာ ရောက်ရှိနေတဲ့ ဗမာအပါအဝင် တခြားတိုင်းရင်းသားတွေ၊ ရခိုင်လူမျိုးတွေရဲ့ဒီမှာ ကြီးပြင်းလာတဲ့ သားသမီးတွေရှိကြပါ တယ်။ သူတို့က ရခိုင် ရိုးရာသင်္ကြန်ကို မမြင်ဖူးကြဘူး။ ဒီတော့ အခုလိုပြုလုပ်ခြင်းအားဖြင့် ရခိုင်ရိုးရာ သင်္ကြန်ပွဲတော်ကို သိရှိလာကြမယ်။ စိတ်ဝင် စား လာကြမယ်။ အခုလို နိုင်ငံခြားမှာ နေပြီးတော့ ကိုယ့်ယဉ်ကျေး မှုကို ဖော်ထုတ်ခွင့်ရတာ။ ရခိုင်ပြည်တခုတည်းမှာမဟုတ်ပဲနဲ့ရခိုင် လူမျိုးတွေ ရောက်ရှိနေတဲ့ နေရာတိုင်းမှာ ကိုယ့်ယဉ် ကျေးမှုကို ဖော်ထုတ်ပြသတဲ့ သဘောပါ။ သိပ်ဝမ်းသာဖို့ကောင်းပါတယ်။"
၎င်းအပြင် ယခုကဲ့သို့ရခိုင်ရိုးရာသင်္ကြန်ပွဲတော်ကို ကျင်းပခြင်းအားဖြင့် မိမိ လူမျိုးအတွက် အကျိုးရှိပုံကိုလည်း သူက ဂုဏ်ယူ ဖွယ်ရာ ပြောကြားသည်။
" ဟုတ်ပါတယ်။ အခုလိုပြုလုပ်တာဟာ ရခိုင်လူမျိုးတွက် အကျိုးရှိတယ်လို့ ခံယူပါတယ်။ ဘာဖြစ်လို့လဲဆိုတော့ ကမ္ဘာမှာ ရခိုင်ကို အယင်ထက် ပိုပြီး သိလာတယ်။ ရခိုင့်ယဉ်ကျေးမှုကို ထိန်းသိမ်းရာလည်း ရောက်ပါတယ်။ ပြီးတော့ ဒီသင်္ကြန်ပွဲမှာ ရခိုင့် တူရိယာ တွေနဲ့တီးမှုတ်သီဆိုတာတို့၊ ရခိုင်ရိုးရာအကတွေနဲ့ဖျော်ဖြေတာ တို့ ပြုလုပ်တယ်ဆိုတော့ မြန်မာ နိုင်ငံသားတွေ အပါအဝင် နိုင်ငံ ခြားသားတွေလည်း သိရှိလာပါတယ်။ ပြီးတော့ နယူးယောက် ဆိုတာကလည်း ဂီတ အနုပညာထွန်းကြားတဲ့ မြို့တမြို့ပါ။ အဲဒီလို ဂီတအနုပညာထွန်းကားတဲ့မြို့မှာ အခုလို ဖော်ထုတ်ခြင်း အားဖြင့် ရခိုင့်တူရိယာတွေ၊ ရခိုင့်ရိုးရာအကတွေကို နိုင်ငံခြားသားတွေက သိရှိလာမယ် စိတ်ဝင်စားလာကြမှာ ဖြစ်ပါတယ်။"
အဆိုပါ နယူးယောက် ရခိုင် သင်္ကြန်ပွဲတွင် သက်ကြီးပူဇော်ပွဲ၊ ရခိုင်ရိုးရာ ရေလောင်းမဏ္ဍပ်(လှေဖြင့်) ရေကစားပွဲ၊ ရခိုင်ရိုးရာ အဆိုအက ဂီတပဒေသာ ကပွဲများ အပြင် ရခိုင့်အစားအစာနှင့် တခြားမြန်မာအစားများကိုလည်း ရောင်းချကာ စည်ကား သိုက်မြိုက် စွာ ကျင်းပသွားမည် ဖြစ်ကြောင်း သိရသည်။
ယခုကဲ့သို့ ရခိုင်ရိုးရာ သင်္ကြန်ပွဲတော်ကို စည်စည်ကားကား ဆင်နွဲရသည့်အတွက် ဝမ်းသာ ဂုဏ်ယူမိကြောင်း သူက ပြောသည်။
"ကျနော်က ရခိုင်အစစ်ဆိုပေမယ့် ရခိုင်ရိုးရာပွဲတွေကို ရခိုင်ပြည်မှာ မဆင်နွဲခဲ့ဖူးပါ။ အခြေနေအမျိုးမျိုးကြောင့်လည်း ရခိုင်ပြည်ကို မရောက်ဖူးခဲ့ပါဘူး။ ကျနော်က ငယ်ငယ်လေးကတည်း နိုင်ငံခြားမှာကြီးတာဆိုတော့။ ရန်ကုန်မှာ နည်းနည်း နေခဲ့တုန်းကတော့ မိဘဆွေမျိုးတွေက ရခိုင်အကြောင်း ကိုပြောပြတာတွေရှိပါတယ်။ အခုလည်း အခြေနေအမျိုးမျိုးကြောင့် ပြန်လို့မရတော့ဘူးဆိုတော့ ဒီလို သင်္ကြန်ပွဲကို ဒီမှာ ဆင်နွဲရတာကို ပျော်ရွင်ကျေနပ်မိပါတယ်။ ပြီးတော့ ရခိုင်ပြည်ကနေ ဒီမှာရောက်နေတဲ့ သူတွေကလည်း အခုလို ပွဲမျိုးမှာ ပါဝင်ဆင်နွဲရတာ ရခိုင်ပြည်ကို ရောက်သွားသလို ခံစားကြရတယ်လို့သူတို့ခံစားမူတွေကို ဖွင့်ဟ ပြောပြတာတွေကို ကြားရတဲ့ အတွက်လည်း ကျနော်လည်း အဲလိုပဲ ၀မ်းသာ ခံစားမိပါတယ်" ဟု ပြောသည်။
ယခုနှစ် ကျင်းပမည့် ၁၇ ကြိမ်မြောက် ရခိုင်သင်္ကြန်ပွဲတော်မှာလည်း ခါတိုင်းနှစ်များကဲ့သို့စည်ကားသော သင်္ကြန်ပွဲတော်ဖြစ်မည်ဟု သိရသည်။
Ref: Narinjara
Read More...
Collapse...
သဲသဲ
ဇူလိုင်လ ၀၈ ရက် ၂၀၁၁ ခုနှစ်
မတူကွဲပြားခြင်းနှင့် ငြိမ်းချမ်းရေးပါတီထုတ် “ဇေကမ္ဘာ ကုမ္ပဏီနှင့် ရွှေနံ့သာ လယ်သမားများ ပြဿနာ” စာအုပ်အား ဆက်လက် မထုတ်ဝေဘဲ ပါတီစာစောင်၌သာ ထည့်သွင်းဖော်ပြရန် စာပေစိစစ်ရေးက သောကြာနေ့တွင် ခေါ်ယူတွေ့ဆုံကာ တားမြစ်ခဲ့ကြောင်း ပါတီဥက္ကဋ္ဌ ဦးနေမျိုးဝေက ပြောသည်။
စာအုပ်မှာ ရန်ကုန်တိုင်း မင်္ဂလာဒုံမြို့နယ် ပုလဲမြို့သစ်ရှိ ရွှေနံ့သာ ကျေးရွာအုပ်စုမှ လယ်သမား ၇၁ ဦး နှင့် လွှတ်တော်အမတ် ဦးခင်ရွှေပိုင် ဇေကမ္ဘာ ကုမ္ပဏီတို့အကြား အငြင်းပွားနေသည့် လယ်မြေပြဿနာများကို ရေးသားထားခြင်း ဖြစ်သည်။
“ကျနော်တို့စာအုပ်က မျက်နှာဖုံးမှာက ‘ဇေကမ္ဘာ ကုမ္ပဏီနှင့် ရွှေနံ့သာလယ်သမားများ ပြဿနာ’ ဆိုပြီး ရေးထားတော့ ဒါက ဘာလဲ၊ လက်ကမ်းစာစောင်လား၊ ဒါကို ဒိုင်ဗားစတီး (Diversity) စာစဉ်ထဲမှာ ဆောင်းပါးအနေနဲ့ ဒီခေါင်းစဉ်အတိုင်း ဖော်ပြတာ ကောင်းပါတယ်ပေါ့ဆိုပြီး ခေါ်ဆွေးနွေးတာပါ” ဟု ဦးနေမျိုးဝေက မဇ္ဈိမကို ပြောသည်။
အစိုးရအဖွဲ့မှ လယ်သမားများ ပြဿနာကို သိရှိစေရန် ရည်ရွယ်ကာ ယခုစာအုပ် ထုတ်ရကြောင်း စာပေစိစစ်ရေး လက်ထောက်ညွှန်ကြားရေးမှူး ဗိုလ်မှူးဟောင်းဦးတင့်ဆွေကို ပြန်ပြောခဲ့သည်ဟု ဆိုသည်။
မတူကွဲပြားခြင်းနှင့် ငြိမ်းချမ်းရေးပါတီက စာစောင် ထုတ်ဝေခွင့်(န/သ ၀၆၈) ရရှိထားပြီး ဒိုင်ဗားစတီးအမည်ဖြင့် ပါတီစာစောင်များ လစဉ် ထုတ်ဝေနေသည်။
ယခင်က ပါတီစာစောင်အပြင် စာအုပ်များ ထုတ်ဝေခဲ့သော်လည်း ယခုကဲ့သို့ ခေါ်ယူမေးမြန်းမှုများ မရှိခဲ့ပေ။
“ကြားပေါက်ထုတ်တဲ့ စာအုပ်တွေနဲ့ဆိုရင် ၁၀ အုပ်လောက် ရှိပြီ။ စီးပွားရေး ပိတ်ဆို့မှုနဲ့ ပတ်သက်တဲ့ စာတမ်းထုတ်တယ်။ နောက်တခါ စိတ်ကူးပုံရိပ် တရားဥပဒေကြမ်း ဆိုပြီးတော့ တအုပ်ထုတ်တာ ရှိပါတယ်” ဟု ဦးနေမျိုးဝေက ပြောသည်။
လက်ရှိ ထုတ်ဝေဖြန့်ချိပြီးဖြစ်သည့် စာအုပ်များမှာ ဖြန့်ချိပြီးဖြစ်ပြီး ဇေကမ္ဘာကုမ္မဏီနှင့် လယ်သမားများ ပြသနာနှင့်ပတ်သက်ပြီး ပါတီ၏ လစဉ်ထုတ် စာစောင်တွင်တော့ ဆက်လက်ဖော်ပြသွာမည်ဟု ဦးနေမျိုးဝေက ဆိုသည်။
ယခုဇေကမ္ဘာစာအုပ်တွင် စာမျက်နှာ ၄၀ ပါရှိကာ အဖြူအမည်းဖြင့် ဇွန် ၃၀ ရက်တွင် ထုတ်ဝေခဲ့ခြင်း ဖြစ်သည်။
ဖြစ်စဉ်အကျဉ်း၊ ဇေကမ္ဘာနဲ့ လယ်သမားများ ပြဿနာ၊ တည်ဆဲဥပဒေ၊ ဖွံ့ဖြိုးမှုနှင့် ထိခိုက်ခံစားမှု၊ မည်သို့ ဆုံးဖြတ်မည်နည်း၊ ခေတ်မမှီလျှင် ပြင်ရန်လို စသည်ဖြင့် အခန်း ၆ ခန်းခွဲကာ ပါတီ၏ သဘောထား အမြင်များကို ရေးထားသည်။ တအုပ်လျှင် ကျပ် ၃၀၀ နှုန်းဖြင့် အုပ်ရေ ၇၀၀ ခန့် ဖြန့်ချိထားသည်ဟု ဆိုသည်။
အာဏာရ ကြံ့ခိုင်ဖွံ့ဖြိုးရေးပါတီမှ အမျိုးသားလွှတ်တော်အမတ် ဦးခင်ရွှေပိုင် ဇေကမ္ဘာကုမ္ပဏီက မင်္ဂလာဒုံမြို့နယ် ပုလဲမြို့သစ် ရွှေနံ့သာကျေးရွာအုပ်စုမှ လယ်မြေဧက ၈၀၀ ခန့်ကို တဧကလျှင် ၆ သိန်းကျပ် လျော်ကြေးပေးကာ ရယူခဲ့သည်။ ပေါက်ဈေး ထက် နှိမ်ဝယ်သည်ဟု လယ်သမားများက စွပ်စွဲပြောဆိုထားသည်။
ထို့အပြင် အဆောက်အအုံ မဆောက်လုပ်မီအထိ လယ်စိုက်နိုင်သည်ဟု ဦးခင်ရွှေက ခွင့်ပြုချက်ပေးခဲ့ဟု ဆိုကာ လယ်သမား များက ၀င်ရောက် စိုက်ပျိုးရာ ကုမ္ပဏီဝန်ထမ်းနှင့် ဒေသအာဏာပိုင်က တားမြစ်နေသဖြင့် အငြင်းပွားနေကြခြင်း ဖြစ်သည်။
ထိုကိစ္စ ပေါ်ပေါက်ခဲ့စဉ် ဇွန်လအတွင်းက ဦးခင်ရွှေကို ဆက်သွယ်မေးမြန်းရာတွင် စွပ်စွဲမှုသာဖြစ်ကြောင်း မဇ္ဈိမကို ပြောဆိုခဲ့သည်။
Ref: Mizzima
Read More...
Collapse...
ဖနိဒါ
ဇူလိုင်လ ၀၈ ရက် ၂၀၁၁ ခုနှစ်
တိုက်ပွဲကြောင့် တရုတ်-မြန်မာနယ်စပ်သို့ ထွက်ပြေးသွားသူ ကချင်ဒုက္ခသည်များကို အကူအညီ မပေးရန် အစိုးရက ပြည်တွင်းမှ အစိုးရမဟုတ်သော NGO အဖွဲ့ကို ပြောဆိုထားသဖြင့် ယနေ့ချိန်ထိ အကူအညီ မရသေးဟု စစ်ပြေး ဒုက္ခသည်များကို ကူညီစောင့်ရှောက်ရေးအဖွဲ့မှ တာဝန်ရှိသူ ဒေါ်မိုင်းဂျာက ပြောသည်။
မြန်မာအစိုးရနှင့် ကချင်လွတ်မြောက်ရေးတပ် KIO အဖွဲ့အကြား တိုက်ပွဲစတင်ဖြစ်ပွားစဉ် ယခင် ဇွန်လလယ်တွင် အစိုးရမဟုတ်သော NGO အဖွဲ့များထံ အကူအညီတောင်းဆိုခဲ့ရာ ကူညီမည်ဟု ပြောဆိုခဲ့ပြီးနောက် ယနေ့ထိ တုံ့ပြန်လာခြင်း မရှိသဖြင့် ဆက်သွယ်မေးမြန်းရာမှ သိရှိရသည်ဟု သူက မဇ္စျိမကို ပြောသည်။
“ကျမလည်း NGO အလှူရှင်ကိုတယောက်ကို မေးတာ အစိုးရက မလှူခိုင်းဘူးဆိုတာ ဟုတ်တယ်။ ကျမတို့ နဲ့ဆက်သွယ်တာတောင် မသိစေရဘူး။ တကယ်လို့ ကူညီတာကို သိသွားရင် Register သိမ်းလိုက် မယ်ဆိုပြီးပြောတယ်လို့ ပြောလာတယ်။ ဘယ်အဖွဲ့ကိုမှ မဝင်ခိုင်းဘူး။ အဲဒါကြောင့် ဝင်ဖို့ မရဲကြဘူး”ဟု ကချင်ပြည်နယ် နယ်စပ်မြို့ မိုင်ဂျာယန်နေ ဒေါ်မိုင်းဂျာက ပြောသည်။
“အစတော့ ကူညီဖို့ ရှိတယ်။ အစိုးရဘက်က အဲဒီ လိုပြောလိုက်တော့ မကူညီတော့ဘူး။ ဒီဘက် တိုက် ပွဲစဖြစ်တဲ့ဇွန် ၁၅၊ ၁၆ လောက်မှာ အန်ဂျီအိုတွေနဲ့ ဆက်သွယ်တော့ ပိုက်ဆံပို့ဖို့ဆိုတာတွေ ပြောထား တယ်။ အခုတော့ အသံတိတ်သွားပြီးဆက်သွယ်လို့ကို မရတော့ဘူး။ ကျမ ပြန်မေးကြည့်လိုက်တော့ အန်ဂျီအိုတွေကို ဒီဘက် မကူညီရဘူးဆိုပြီး ပြောထားလို့ဆိုလို့ သိရတယ်။ အဆက် အသွယ်တောင် မလုပ်ရဘူး”ဟု သူက ဆက်ပြောသည်။
တိုက်ပွဲများ စတင်ဖြစ်ပွားချိန်တွင် အကူအညီပေး လိုကြောင်း ကမ်းလှမ်းလာသူ NGO များရှိသော်လည်းနောက်ပိုင်း အစိုးရဘက်မှ တားမြစ်လိုက်သဖြင့် ယနေ့ထိ ဆက်သွယ် ပြောဆိုလာခြင်း မရှိတော့ကြောင်း သူက ဆက်ပြောသည်။
ပြည်တွင်းမှ အနည်းဆုံး NGO ၃ ဖွဲ့ကို ကူညီရန် အကူအညီတောင်းခံခဲ့သော်လည်း ဆွေးနွေးမည်ဟု ဆိုကာ ယနေ့ထိ ပြန်လည်အကြောင်းကြားလာခြင်း မရှိကြောင်း သူက ဆိုသည်။
လက်ရှိ တရုတ်နယ်စပ် KIO တပ်မဟာ ၃ နယ်မြေအတွင်း မိုင်ဂျာနယ်တွင် ဒုက္ခသည်ပေါင်း ၃ဝဝဝ ကျော်ရှိရာ သူတို့ကို လူမှုကယ်ဆယ်ရေးအဖွဲ့တခုဖြစ်သော WungPawng Ning Htoi အဖွဲ့မှ တရက်လျှင် လူကြီး နို့ဆီဗူး ၂ ဗူး၊ ကလေး ၁ ဗူးနှင့် ဆီ၊ ဆား၊ ကုလားပဲ၊ အာလူး စသည့် အစားအသောက်များကို တတ်နိုင်သလောက် ကူညီ ပေးနေကြောင်း သိရသည်။
စစ်ပြေး ဒုက္ခသည်များကို မကူညီကြောင်း ပြီးခဲ့သည့် ၃ ပတ်ခန့်က NGO အဖွဲ့များကို လက်မှတ်ထိုးခိုင်းခဲ့သည်ဟု NGO နှင့် နီးစပ်သူ တဦးက ပြောသည်။
“NGO တွေကို လက်မှတ်ထိုးခိုင်းထားတယ်။ အစိုးရက ပိတ်ထားတယ်လို့ ပြောတယ်။ သူတို့ကို ကျနော်တို့ မကူညီပါဘူးဆိုတဲ့ လက်မှတ်ထိုးခိုင်းတာတဲ့။ ၃ ပတ်လောက်တောင်ရှိတော့မယ်ထင်တယ်။ ဘာကြောင့်ဆိုတာတော့ မသိဘူး”ဟု သူက မဇ္စျိမကို ပြောသည်။
အလားတူ နှစ်ဖက်တိုက်ပွဲကြောင့် ထွက်ပြေးတိမ်းရှောင်လာသူများကို KIO ဌာနချုပ် လိုင်ဇာမြို့ပေါ် စစ်ပြေး ဒုက္ခသည်များပေါင်း ၁၇,ဝဝဝ ခန့် ရှိနေပြီ ဖြစ်ကြောင်း KIO က ပြောဆိုထားသည်။ လိုင်ဇာမြို့ပေါ်မှ ဒုက္ခသည်များကို KIO အဖွဲ့က ကူညီစောင့်ရှောက်နေသည်ဟုလည်း ဆိုသည်။
နှစ်ဘက်တိုက်ပွဲ ၁ လပြည့်သည့်အချိန်အထိ မည်သည့် NGO များမှ ကူညီခြင်း မရှိသေးဘဲ လူမှုရေးအရ ကူညီလိုသော NGO အဖွဲ့အစည်းများကို မကူညီရန် အစိုးရဘက်မှ တားမြစ်သည်ကို သိရကြောင်း ဒုက္ခသည်များကို ကယ်ဆယ်ရေးကော်မတီ တာဝန်ခံ KIO ၏ အရပ်ဘက် အရာရှိ ဦးဒွဲပီဆားက ပြောသည်။
“မြစ်ကြီးနားက အန်ဂျီအိုတွေကို မကူညီဖို့ နှုတ်မိန့်ပြောထားတယ်၊ အန်ဂျီအိုသာမကဘူး။ သာဘာရေး ဆရာတွေကိုလည်း ပြောဆိုထားတာရှိတယ်လို့ ကြားပါတယ်။ အစိုးရက KIA ကို ရန်သူသတ်မှတ်ပြီးမှ အကျပ်ကိုင်တယ်ဆိုပါတော့၊ ဒါပေမဲ့ ပြည်သူလူထုကို ကူညီ ထောက်ပံ့တာကို တားမြစ်တာက လူ့အခွင့်အရေးကို ချိုးဖောက်တယ်လို့ဘဲ ယူဆတယ်”ဟု သူက ပြောသည်။
ကချင်ပြည်နယ် မြစ်ကြီးနားမြို့တွင် အစိုးရ မဟုတ်သော NGO များဖြစ်သော AZG ၊ World Concern ၊ WHO ၊ ငြိမ်းဖာင်ဒေးရှင်း Shalom Foundation နှင့် မေတ္တာဖောင်ဒေးရှင်း စသည့် အဖွဲ့အစည်း အများအပြားရှိသည်။
အလှူရှင်များထံမှ စုဆောင်းရရှိသော ဆန် တင်း ၉ဝ သာ ကျန်ရှိနေပြီဟု ဆိုသည်။ ထို့ပြင် ယခု တပတ်မှစတင်၍ မိုင်ဂျာနယ်ကျောင်း ပြန်ဖွင့်ပြီ ဖြစ်၍ တရုတ်နိုင်ငံဘက်ခြမ်းသို့ ထွက်ပြေးသွားသူသည့် ဒုက္ခသည် ကလေးများကျောင်းပြန်တက်ရန် ရောက်ရှိလာပြီ ဖြစ်၍ ၄ဝ ခန့် ပြန်ဝင်လာသည်ဟု သိရသည်။
အစိုးရအနေဖြင့် NGO အဖွဲ့အစည်းများကို ကူညီမှု တားမြစ်ထားသဖြင့် ဒုက္ခသည်များသည် စစ်ကြောင့် ထွက်ပြေးရသလို စားဝတ်နေရေး ခက်ခဲမှုနှင့် နှစ်ကြိမ် ဒုက္ခခံနေရသည်ဟု ဒေါ်မိုင်းဂျာက ဆိုသည်။
“ကျမတို့က လက်နက်ကိုင်တဲ့လူတွေ မဟုတ်ဘူး။ လက်နက်ကိုင် နှစ်ဖွဲ့ကြားမှာ ခံနေရတဲ့ ပြည်သူတွေပါ။ ဒုက္ခသည် ဆိုတာက နှစ်ဘက်တိုက်ပွဲဖြစ်တော့ သေနတ်သံကြားလို့ ထွက်ပြေးလာတဲ့ လူတွေဘဲ။ ကျမတို့က အစိုးရကို ဆန့်ကျင်နေတာ မဟုတ်ဘူး။ ခုလို မကူညီခိုင်းဘူးဆိုတာက ငတ်ပြီး သေသွားအောင် လုပ်တာဘဲ။ နည်းနည်းမှ လူသားချင်း စာနာစိတ်မရှိတဲ့ အစိုးရဘဲ” ဟု သူက မဇ္စျိမကို ပြောသည်။
ဗန်းမော်နှင့် လွယ်ဂျာအကြားရှိ ကျေးရွာ အချို့တွင် အစိုးရက တရုတ်နယ်စပ်ဘက် ထွက်ပြေးသွားသူများ၏ နာမည်စာရင်းကို လိုက်လံ ကောက်ခံနေသည်ဟု သတင်းများ ကြားရသဖြင့် အရေးယူမည်ကို စိုးရိမ်သဖြင့် ဒုက္ခသည်များသည် နေရပ်ရင်းသို့ ပြန်ရန် ကြောက်ရွံ့ နေသည်ဟု သူက ဆိုသည်။
Ref: Mizzima
Read More...
Collapse...
မျိုးသန့်
ဇူလိုင်လ ၀၈ ရက် ၂၀၁၁ ခုနှစ်
အမျိုးသားဒီမိုကရေစီအဖွဲ့ချုပ်ဝင် လူငယ်များက ဗဟန်းမြို့နယ် ရွှေဂုံတိုင်လမ်းရှိ ပါတီရုံးချုပ်တွင် ညအိပ်စောင့် ဆိုင်းနေသဖြင့် အတိုက်အခံပါတီကြီး၏ ရုံးခန်းကို အာဏာပိုင်များက ဝင်ရောက် စီးနင်းမှာလားဆိုသော စိုးရိမ်မှုများ ရန်ကုန်နှင့် နယ်စပ်ရှိ ဒီမိုကရေစီလိုလားသော အတိုက်အခံများအတွင်းပေါ်ထွက်နေသည်။
သို့သော် ပါတီရုံးကို ဝင်ရောက်ရှာဖွေဖွယ် မရှိနိုင် ကြောင်းပါတီအကြီးတန်း ခေါင်းဆောင်များက ခန့်မှန်းထားသည်။
NLD လူငယ် ၅ ဦးကျ ရုံးချုပ်တွင် ညအိပ် စောင့်ကြပ်နေ သည်မှာ တပတ်ရှိပြီ ဖြစ်ကာ၊ ပါတီအထွေထွေ အတွင်းရေးမှူး ဒေါ်အောင်ဆန်းစုကြည် ပုဂံသို့ ဘုရားဖူးထွက်သည့် အချိန်နှင့်လည်း တိုက်ဆိုင်နေ သည်။
ပြည်ထဲရေးဝန်ကြီးဌာနက NLD ဥက္ကဋ္ဌ ဦးအောင် ရွှေနှင့်ဒေါ်အောင်ဆန်းစုကြည်ထံ လိပ်မူပြီး တရားဝင် ပါတီမဟုတ်ဘဲ တရားဝင် သကဲ့သို့ လှုပ်ရှားနေခြင်းသည် ဥပဒေနှင့်ဆန့်ကျင်နေကြောင်း သတိပေးပြီးနောက် ဒေသခံ ရဲများက ရုံးချုပ်ကို ရှောင်တခင် ဝင် ရောက်ပြီး စာရွက်စာတမ်းများ သိမ်းဆည်းသွားမည်ကို စိုးရိမ်သဖြင့် ညအိပ် စောင့်ခြင်းဖြစ်ကြောင်း ပါတီလူငယ် ကိုရာဇာက မဇ္ဈိမကို ပြောသည်။
Ref: Mizzima
Read More...
Collapse...
ရန်ပိုင်
08 July 2011
ငြိမ်းချမ်းရေးဆွေးနွေးမှု ကာလအတွင်း ပစ်ခတ် တိုက်ခိုက်ခြင်း၊ မိုင်းခွဲခြင်း၊ အစိုးရ အဆောက်အအုံများ သိမ်းပိုက်ခြင်း တို့ကို မပြုလုပ်ရန်၊ ဖမ်းဆီးထားသူများကို ပြန်လွှတ်ပေးရန် မြန်မာအာဏာပိုင်တို့က ကချင် လွတ်လပ်ရေး တပ်မတော်(KIA) ကို တနင်္လာနေ့တွင် စာရေး တောင်းဆိုလိုက်သည်။
ထိုစာကို ဗိုလ်မှူးကြီး သန်းအောင် ဦးဆောင်သည့် ပြည်နယ် တည်ငြိမ် အေးချမ်းမှု ညှိနှိုင်းရေး အဖွဲ့က ပေးပို့ခြင်း ဖြစ်ပြီး “ကချင်ပြည်နယ် အပါအ၀င် ပြည်ထောင်စု၏ မငြိမ်းချမ်းသော အခြေအနေ” ကို ပြည်ထောင်စု လွှတ်တော်တွင် နိုင်ငံရေး နည်းအရ ဆွေးနွေး အဖြေရှာရန် တိုက်တွန်းထားသည်။
ညှိနှိုင်းရေး အဖွဲ့တွင် ကချင်ပြည်နယ် နယ်စပ်ရေးရာ ၀န်ကြီး ဗိုလ်မှူးကြီး သန်းအောင်က ဦးဆောင်ပြီး အမျိုးသား လွှတ်တော် ကိုယ်စားလှယ် ဦးခက်ထိန်နန်၊ ကချင်အမျိုးသား အတိုင်ပင်ခံအဖွဲ့ ဥက္ကဋ္ဌ ဦးဆင်ဝါးနော်တို့ ပါဝင်ကြောင်း ပေးစာတွင် ဖော်ပြထား သည်။
ဗုဒ္ဓဟူးနေ့တွင် KIA ကလည်း ညှိနှိုင်းရေး အဖွဲ့သို့ စာရေးသား အကြောင်းပြန်လိုက်သည်။
နှစ်ဦးနှစ်ဘက် ဆွေးနွေးရာတွင် မြန်ဆန် လွယ်ကူစေရေးအတွက် တံတားတခု ပြန်လည် ပြုပြင်မည့် အစီအစဉ်ကို လက်ခံ ကြောင်း၊ “အခြားကိစ္စရပ်များကိုမူ နှစ်ဘက် သဘောတူညီချက်များ ရရှိပြီးသည့် နောက်တွင် ဆက်လက် ညှိနှိုင်း ဆောင်ရွက် သွားနိုင်မည်” ဖြစ်ကြောင်း KIA ဒု စစ်ဦးစီးချုပ် ဗိုလ်မှူးချုပ် ဂွမ်မော် လက်မှတ်ရေးထိုး ပေးပို့သည့် စာတွင် ဖော်ပြထားသည်။
KIA ၏ ပြန်ကြားစာကို တရုတ်နိုင်ငံ ယူနန်ပြည်နယ် အစိုးရသို့လည်း မိတ္တူပေးပို့ထားကြောင်း ဖော်ပြထားသည်။
KIA သည် ညှိနှိုင်းရေး အဖွဲ့နှင့် ဇွန်လ ၃၀ ရက်နေ့က တကြိမ် တွေ့ဆုံ၍ အပစ်အခတ်ရပ်စဲရေး ဆွေးခဲ့သေးသည်။
ထိုသို့ ဆွေးနွေးမှုများ ရှိနေစဉ်မှာပင် ဗုဒ္ဓဟူးနေ့က ကချင်ပြည်နယ် မိုးမောက်မြို့နယ်တွင် အစိုးရစစ်တပ်နှင့် KIA အကြား တိုက်ပွဲများ ဖြစ်ပွားခဲ့သည်ဟု အတည် မပြုနိုင်သေးသော သတင်းများက ဆိုသည်။
ဗုဒ္ဓဟူးနေ့ထုတ် အစိုးရသတင်းစာတွင် KIA အဖွဲ့က မန္တလေး- မြစ်ကြီးနား မီးရထားလမ်းကို မိုင်းထောင် ဖျက်ဆီးကြောင်း ဖော်ပြ ထားသည်။
ပြီးခဲ့သည့် လက မိုးမောက်မြို့နယ် အတွင်းရှိ တာပိန် ရေအားလျှပ်စစ် စီမံကိန်း အနီး KIA တပ်စခန်းအား အစိုးရက ဖယ်ရှား ရန်ကြိုး စားရာမှ အစိုးရနှင့် KIA အကြား တိုက်ပွဲများ စတင် ဖြစ်ပွားခဲ့သည်။
Ref: ဧရာဝတီ
Read More...
Collapse...
သန်းထိုက်ဦး
08 July 2011
ထိုင်းနိုင်ငံတွင် အလုပ်လုပ်ကိုင်မည့် မြန်မာ ရွှေ့ပြောင်း အလုပ်သမားများ အတွက် ဇူလိုင်လ ၁ ရက်နေ့မှစ၍ ယာယီ နိုင်ငံကူး လက်မှတ်အသစ် လျှောက်ထားသူများကို သက်တမ်း ၆ နှစ်အထိ စတင်ပေးနေပြီဖြစ်ကြောင်း သိရသည်။
ထိုင်း-မြန်မာ နယ်စပ်ရှိ တာချီလိတ်၊ ကော့ သောင်းနှင့် မြဝတီတို့ရှိ ရုံးများတွင် ထိုင်းနိုင်ငံ ၌ စိစစ်ထုတ်ပေးနေကြောင်း ယာယီ နိုင်ငံကူး လက်မှတ် သွားရောက်ပြုလုပ်သူများက ပြောသည်။
ရနောင်းမြို့မှ ယာယီ နိုင်ငံကူးလက်မှတ် ကိုင် ဆောင်ထားသူ ကိုကျော်ဇေယျက “အရင် ပတ်စပို့တွေကတော့ ပြီးခဲ့တဲ့ လကုန်အထိ ၃ နှစ်ပဲ ရခဲ့တယ်။ အခု ပတ်စပို့ လုပ်ချင်တဲ့သူတွေက ပွဲစားတွေနဲ့ ချိတ်လုပ်ရတယ်” ဟု ပြောသည်။
ယာယီ နိုင်ငံကူးလက်မှတ်များကို ဘန်ကောက်ရှိ မြန်မာသံရုံးတွင်လည်း ပြုလုပ်ပေးနေကြောင်း၊ သို့သော် ယာယီ နိုင်ငံကူး လက်မှတ် သက်တမ်းတိုးမှုများကို ပွဲစားများမှတဆင့် ဈေးပိုပေးရကြောင်း သိရသည်။
ကိုကျော်ဇေယျက “အရင်ကဆို ၂ နှစ် သက်တမ်းတိုးဖို့ ဘတ် ၅၀၀ (ကျပ် ၁၃၀၀၀ ခန့်) ပေးရတယ်။ အခုဆို ဘတ် ၁၉၀၀ (၄၉၄၀၀ ကျပ်ခန့်) အထိ ပေးရတယ်” ဟု ပြောသည်။ ထိုသို့ ပေးပြီးလုပ်ကြသည်မှာ သက်တမ်းတိုးရန် နယ်စပ်သို့ ပြန်သွား ရခြင်း၊ ထိုင်းဘက် ပြန်ဝင်ရခြင်း စသည်တို့ကို မလုပ်လိုသောကြောင့် ဖြစ်ကြောင်း သိရှိရသည်။
ထိုင်းနိုင်ငံတွင် အလုပ်လုပ်ခွင့်သက်တမ်း ၄ နှစ်ပေးထားသော်လည်း ယာယီ နိုင်ငံကူးလက်မှတ်က ၃ နှစ်သက်တမ်းသာ ရှိသဖြင့် အခက်အခဲများရှိကြောင်း၊ ထို့ကြောင့် ထိုင်းအစိုးရနှင့် ညှိနှိုင်း၍ ၆ နှစ်အထိ သက်တမ်းတိုးပေးခြင်းဖြစ်ကြောင်း ပြည်ပလုပ်သား ရေးရာနှင့် လူကုန်ကူးမှုဆိုင်ရာ သုတေသီ စာရေးဆရာ ၀င်းနိုင်ထွန်းကို ကိုးကား၍ Eleven Media Group က သတင်းတွင် ဖော်ပြထားသည်။
ယာယီ နိုင်ငံကူးလက်မှတ် သက်တမ်းများ တိုးမြှင့်ပေးခြင်းနှင့် အတူ ပွဲစားများကလည်း မြန်မာအလုပ်သမားများထံမှ ငွေပို တောင်းပြီး အမြတ်ထုတ်မှုများ များပြားလာမည်ဟု ထိုင်းနိုင်ငံ အခြေစိုက် လူ့အခွင့်အရေးနှင့် ဖွံ့ဖြိုးရေး ဖောင်ဒေးရှင်းမှ အတိုင် ပင်ခံ အန်ဒီ ဟောလ်က ပြောသည်။
မြန်မာသံရုံးက ပွဲစားများဆောင်ရွက်ခြင်းကို လက်ခံပေးခြင်းများရှိပြီး ယာယီ နိုင်ငံကူးလက်မှတ် ထုတ်ပေးရေး စိစစ်မှုတွင် လာဘ်ပေး လာဘ်ယူမှုများ ရှိနေသည်ဟုလည်း အန်ဒီ ဟောလ်က ထောက်ပြသည်။
၂၀၀၉ ခုနှစ် ဇူလိုင်လအတွင်း ယာယီ နိုင်ငံကူး လက်မှတ်များကို ထိုင်း-မြန်မာ နယ်စပ် ဒေသများ၌ ရုံးများ ဖွင့်လှစ်၍ ထုတ်ပေး ခဲ့ပြီး မြန်မာရွှေ့ပြောင်း အလုပ်သမား ၅ သိန်းခန့် ယာယီ နိုင်ငံကူးလက်မှတ်များ ပြုလုပ်ပြီး ဖြစ်သည်ဟု သိရသည်။
ထိုင်းနိုင်ငံအနှံ့တွင် မြန်မာပြည်သား စုစုပေါင်း ၂ သန်းမှ ၄ သန်း အထိရှိသည်ဟု အလုပ်သမားအဖွဲ့များက ခန့်မှန်း ထားကြသည်။
Ref: ဧရာဝတီ
Read More...
Collapse...
08 July 2011
ကုလသမဂ္ဂတွင် မြန်မာအာဏာပိုင်များ အတွက် စုံစမ်းစစ်ဆေးရေး ကော်မရှင်ဖွဲ့နိုင်ရန် အမေရိကန်က တွန်းအားပေးသင့်ကြောင်း အမေရိကန် အခြေစိုက် နာမည်ကြီး အဖွဲ့အစည်းကြီး ၂၂ ခုက သမ္မတ အိုဘားမားအား တိုက်တွန်းပြောဆိုလိုက်သည်။
“မြန်မာအာဏာပိုင်များအတွက် ကုလသမဂ္ဂ စစ်ရာဇ၀တ်မှုများနှင့် လူသားမျိုးနွယ်အပေါ် ကျူးလွန်သည့် ရာဇ၀တ်မှုများဆိုင်ရာ စုံစမ်းစစ်ဆေးရေး ကော်မရှင် (CoI) ဖွဲ့ရေး အမေရိကန်က စည်းရုံးဆော်သြသင့်ပါတယ်။ ကုလသမဂ္ဂ အထူးကိုယ်စားလှယ် မစ္စတာ တောမတ် ကင်တားနားက အဆိုပြုပြီး မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း ထောက်ခံပြီး ဖြစ်ပါတယ်” ဟု အဆိုပါ အဖွဲ့အစည်းကြီး ၂၂ ခုမှ ကိုယ်စားလှယ်များ လက်မှတ်ရေးထိုးပြီး သမ္မတ အိုဘားမားထံ ပေးပို့သည့် စာထဲတွင် ဖော်ပြထားသည်။
အဖွဲ့အစည်းကြီး ၂၂ ခုတွင် နိုင်ငံတကာ အလုပ်သမား ညီညွတ်ရေးဆိုင်ရာ အမေရိကန် ဗဟိုဌာန (ACILS)၊ အမေရိကန် ကျောင်းဆရာများ ဖက်ဒရေးရှင်း၊ Freedom House, လူ့အခွင့်အရေး စောင့်ကြည့်ရေးအဖွဲ့၊ မျိုးဖြုတ်သတ်ဖြတ်မှု တားဆီးရေး ကွန်ရက်/ဒါဖာ ကယ်ဆယ်ရေး ညွန့်ပေါင်းအဖွဲ့၊ အာရှ ဒီမိုကရေစီရေးရာ အင်စတီကျု၊ ကုလသမဂ္ဂရုံး-မြန်မာ့ရန်ပုံငွေအဖွဲ့၊ US Campaign for Burma စသည်တို့ ပါဝင်သည်။
ကုလသမဂ္ဂဆိုင်ရာ အမေရိကန် သံအမတ်ဟောင်း နန်စီ ဆိုဒါဘာ့ဂ်လည်း ဇူလိုင်လ ၇ ရက်နေ့စွဲဖြင့် ပေးပို့သည့်စာတွင် ပါဝင် လက်မှတ်ရေးထိုးသည်။
“ထိရောက်သည့် ပြည်တွင်းပြည်ပ ဖိအား၊ သံတမန်ရေးရာများဖြင့် ပြောင်းလဲအောင် လုပ်နိုင်လိမ့်မည်ဆိုသည်ကို ယုံကြည်၍ မရကြောင်း အမေရိကန်အစိုးရကို မြန်မာအစိုးရက သက်သေပြပြီး ဖြစ်ပါတယ်။ အမေရိကန် အနေဖြင့် JADE ACT တွင် ပြဌာန်းထားသည့်အတိုင်း ဘဏ္ဍာရေးဆိုင်ရာ အပြည့်အဝ ပိတ်ဆို့မှုကို အကောင်အထည်ဖော်ခြင်း၊ ဖိအားပေးမှုများ အရှိန်မြှင့် ခြင်းကို လုပ်ဆောင်ရန် အချိန်ကျပြီ ဖြစ်ပါတယ်” ဟု စာတွင် ဖော်ပြထားသည်။
သမ္မတ အိုဘားမားထံ ပေးပို့သည့် ယခုစာက အမေရိကန်အစိုးရအနေဖြင့် မြန်မာအာဏာပိုင်များကို ညှိနှိုင်းဆွေးနွေးရေးမှုဝါဒဖြင့် စတင်ဆက်ဆံသည်မှာ ၂ နှစ်နီးပါး ရှိပြီဖြစ်ကြောင်းကိုလည်း သတိပေးထားသည်။
အမေရိကန် အဆင့်မြင့် အရာရှိများသည် မြန်မာနိုင်ငံသို့ အကြိမ်ပေါင်းများစွာ လည်ပတ်ခဲ့ပြီး ခေါင်းဆောင် အသီးသီးနှင့် တွေ့ဆုံ ကာ အပြုသဘောဆောင်သည့် ပြောင်းလဲမှုများ ပြုလုပ်ရေးအတွက် ကြိုးပမ်းခဲ့ကြပြီးဖြစ်ကြောင်း၊ သို့သော် ရလဒ် မယ်မယ်ရရ မရရှိခဲ့ကြောင်းလည်း စာထဲတွင် ဖော်ပြထားသည်။
ယင်းပေးစာထဲတွင် အရပ်သားအစိုးရလက်ထက် ကရင်၊ ရှမ်းနှင့် ကချင်ပြည်နယ်များအတွင်း အစိုးတပ်များ၏ စစ်ဆင်မှုများ၊ နယ်ခြားစောင့်တပ်ဖွဲ့ရေးအတွက် တိုင်းရင်းသားလက်နက်ကိုင်တပ်များက ငြင်းဆိုမှုများကိုလည်း ဖော်ပြထားသည်။
Ref: ဧရာဝတီ
Read More...
Collapse...
နရီလင်းလက်
08 July 2011
လူငယ်အများစု စိတ်ဝင်စားသည့် Hip Hop ဂီတဖြင့် လူမှုရေး လုပ်ငန်းများတွင် လူငယ်များ ပါဝင်လာစေရန် ရည်ရွယ်ကာ ဂီတ လူမှုရေး သူရဲကောင်းများ (၂) တေးစီးရီး အယ်လ်ဘမ်ကို ထွက်ရှိရန် ပြင်ဆင်နေသည်ဟု သိရသည်။
“ဒုတိယမြောက် အခွေအတွက် လောလောဆယ် အဆို တော်တွေဆီက သီချင်း ၁၀ ပုဒ် ရထားတာရှိတယ်။ အနဂ္ဂ ဆီက သီချင်း အသစ်တပုဒ် ထပ်ရဖို့ရှိသလို တခြားစိတ်ပါ ၀င်စားတဲ့ အဆိုတော်တွေဆီက ထပ်ရလာတာတွေနဲ့ ပေါင်းပြီး ဒီထဲကမှ အကောင်း ဆုံး သီချင်းတွေကို ရွေးပြီး ဒီဗီဒီ အခွေထုတ်မှာပေါ့။ အမြန်ဆုံးထွက်နိုင်ဖို့တော့ လုပ်နေ ပါတယ်” ဟု နာရေးကူညီမှုအသင်း (ရန်ကုန်) ၏ ဥက္ကဋ္ဌ ဦးကျော်သူက ပြောသည်။
ဂီတ လူမှုရေး သူရဲကောင်းများ (၂) တွင် Hip Hop အဆိုတော်များဖြစ်သည့် အနဂ္ဂ၊ ဇေယျာသော်နှင့် Hip Hop လူငယ် အဆိုတော်သစ်များ ပါဝင်သီဆိုထားသည်။
အဆိုပါ တေးစီးရီများကို ပြင်ပတွင် တရားဝင်ဖြန့်ချိခွင့် မရသော်လည်း နာရေးကူညီမှုအသင်းသို့ လာရောက် လှူဒါန်းသူများအား သီချင်းခွေများ မေတ္တာလက်ဆောင် ပြန်လည် ဖြန့်ဝေပေးမည်ဟု သိရသည်။
ဦးကျော်သူက “ကန့်သတ်အနေနဲ့ ကျနော့်တို့ဆီကို လာလှူတဲ့ အလှူရှင်လောက်ကိုပဲ မေတ္တာလက်ဆောင် သဘောမျိုး ပေးလို့ ရတာပေါ့။ အပြင်မှာ ဖြန့်ရောင်းလို့မရတဲ့အပြင် ဒီအခွေတွေ စထုတ်တုန်းက သက်ဆိုင်ရာက တရားမ၀င်ဘူး၊ မထုတ်ရဘူးဆိုပြီး တားပေမယ့် ကျနော်တို့ဘက်ကလည်း တခြား လူမှုရေးအဖွဲ့အစည်းတွေ ကိုယ့်အဖွဲ့အစည်း လုပ်ဆောင်ချက်ကို စီဒီခွေထုတ်ပြီး ပေးတာရှိတယ်၊ ဆက်ထုတ်မယ်ဆိုပြီး လုပ်ဖြစ်တာ” ဟု ပြောသည်။
ဂီတ လူမှုရေး သူရဲကောင်းများ (၂) တွင် စောင်းကြိုးရှိုက်သံ ခေါင်းစဉ်ဖြင့် သီချင်းဖန်တီးသီဆိုပေးမည့် အဆိုတော် အနဂ္ဂက “အနု ပညာရှင်အချင်းချင်း တယောက်နဲ့တယောက် ကူညီတဲ့ သဘောမျိုးနဲ့ နာရေးကူညီမှုအသင်းက လာကမ်းလှမ်းတာကို မပယ် ဘဲ လက်ခံဆိုဖြစ်သွားတာပါ။ ဇာတ်လမ်းလေးတွေ ထည့်ရေးထားသလို ကျနော် ပြောချင်တဲ့ အကြောင်းအရာတွေ၊ အားပေး စကားတွေ ထည့်သွင်းပြီး မနေ့က စပြီးရေးနေတာ” ဟု ပြောသည်။
“ဒီလို လူမှုရေးလုပ်ငန်းမှာ ၀င်ကူညီလို့ဆိုပြီး ဖိအးပေးတာတွေ ရှိခဲ့ပေမယ့် ကျနော်တို့အနေနဲ့ ပြီးတာတွေ ပြီးပါစေဆိုပြီး သဘော ထားပါတယ်။ အားလုံးကို ငြိမ်းငြိမ်းချမ်းချမ်းနဲ့ ရှေ့ဆက်ချင်သလို ဘယ်လို ကျရောက်လာမယ့် ဒုက္ခမဆို၊ ဖိအားကိုမဆို ငြိမ်ချမ်း စွာနဲ့ ဆက်လျှောက်သွားဖို့ စဉ်းစားထားတယ်” ဟု အနဂ္ဂက ဆိုသည်။
Hip Hop အဆိုတော်များဖြစ်သည့် အနဂ္ဂ၊ ဇေယျာသော်၊ ဂျေမီ၊ ဂျီတုံး၊ အာစီ၊ ဘိုလေး၊ သုတ၊ ပြည်သာ၊ ချမ်းအေးဝင်း စသည့် အဆိုတော်များပါဝင် MHHA (Myanmar Hip Hop Association) ကို ၂၀၀၃ ခုနှစ်တွင်ဖွဲ့စည်းခဲ့သည်။
ယမန်နှစ်က ထွက်ရှိခဲ့ပြီးသော ဂီတလူမှုရေး သူရဲကောင်းများ (၁) ၌ နောက်ဆုံးနေရာဟု အမည်ပေးထားသော သီချင်းကို MHHA မှ လူငယ်အဆိုတော်များ ပါဝင်ကူညီ သီဆိုခဲ့သည်။
အက်ဆစ်အဖွဲ့၏ “စတင်ခြင်း” သီချင်းခွေတွင် ဒြပ်မဲ့သွားခြင်း သီချင်းကို သီဆိုထားသူ ဇေယျာသော်ကလည်း အဆိုပါ သီချင်း အား ဗီစီဒီ ရိုက်ကူး၍ လှူဒါန်းထားသည်ဟု သိရသည်။
“ကျနော့်ကို သီချင်းသစ် တပုဒ်ပေးဖို့ တောင်းတာပါ။ ကျနော်က ကြာနေမှာ စိုးရိမ်တာရယ်၊ နောက်ကျမှာ စိုးတာရယ်ကြောင့် ကျနော်နဲ့ အနဂ္ဂ တွဲရေးထားပြီး ကျနော်ဆိုထားတဲ့ ဒြပ်မဲ့သွားခြင်း သီချင်းကို လှူလိုက်တာပါ” ဟု ဇေယျာသော်က ပြောသည်။
ကိုဇေယျာ်သော် က ဆက်၍ “မှန်တဲ့ အလုပ်ကောင်းတဲ့အလုပ် လုပ်တဲ့နေရာမှာ နောက်ပြန်လှည့်စရာ မလိုဘူးလို့ ထင်ပါတယ်။ ကိုယ်လုပ်သင့်လုပ်ထိုက်တယ် ထင်တဲ့အလုပ်၊ ပြည်သူကို အမှန်တကယ် အကျိုးရှိမယ့် ဘယ်အလုပ်မျိုးမဆို လုပ်မှာ” ဟု ပြော သည်။
ဂီတလူမှုရေး သူရဲကောင်းများ (၁) တွင် ပါဝင်သီဆိုခဲ့သည့် အဆိုတော် ဆောင်ဦးလှိုင်က ယင်းကဲ့သို့ လုပ်ငန်းများတွင် ပါဝင်မိ သောကြောင့် အနုပညာရှင်များသည် ဖျော်ဖြေရေး၊ အခွေထုတ်လုပ်ဖြန့်ချိရေးတွင် စိုးရိမ်စရာများရှိလာနိုင်သည် ဆိုသော်လည်း၊ လူမှုရေးကိုသာ လုပ်ကိုင်နေသည်ဟု သဘောထားလျှင် စိုးရိမ်စရာမရှိကြောင်း ပြောသည်။
“တခြားသူတွေပါဝင်ဖို့ တိုက်တွန်းတာထက် ကိုယ်က အင်တိုက်အားတိုက် လုပ်နေရင်းနဲ့ သူတို့များ လူမှုရေးလုပ်ချင်စိတ်လေးတွေ ဖြစ်လာမလားဆိုပြီး မျှော်လင့်တာပဲ လုပ်နေရတယ်။ ကျနော်တို့ဆီမှာ အတွေးအခေါ်တွေ၊ လုပ်ရပ်တွေနဲ့ ပတ်သက်ပြီးတော့ တဦးနဲ့တဦး စဉ်းစားပုံ တွေးခေါ်ပုံချင်း ကွဲလွဲနေတာတွေ အများကြီး ရှိတယ်လေ။ ထင်သာမြင်သာတဲ့ လူမှုရေးပဲဖြစ်ဖြစ်၊ ဒီလို ကိစ္စတွေမှာ သိပ်မလုပ်ကြဘူး” ဟု ဆောင်းဦးလှိုင်က ပြောသည်။
နာရေးကူညီမှုအသင်း (ရန်ကုန်) သည် ရန်ကုန်တိုင်းအတွင်း နာရေးကူညီမှုလုပ်ငန်း၊ ဆေးခန်းဖွင့်လှစ်ထားခြင်း၊ ကျန်းမာရေး စရိတ် ထောက်ပံ့ပေးခြင်း၊ နွေရာသီ အင်္ဂလိပ်စာသင်တန်းနှင့် သရုပ်ဆောင်သင်တန်းပေးခြင်း၊ သဘာဝကပ်ဘေးများ ကြုံလာ သည့်အခါ သွားရောက်လှုဒါန်းခြင်းများ ကျယ်ပြန့်စွာ လုပ်ဆောင်ပေးနေသော လူမှုရေး အသင်းတသင်း ဖြစ်သည်။
Ref: ဧရာဝတီ
Read More...
Collapse...
ခင်ဦးသာ
08 July 2011
အရပ်သားအစိုးရလက်ထက်တွင် ပေါ်ပေါက်လာသော တိုင်းရင်းသား ၀န်ကြီးများသည် တာဝန်ယူပြီး ၃ လကျော်သည့်တိုင် မည်သည့် လုပ်ပိုင်ခွင့်မှ မရသေးကြောင်း သိရသည်။
ပြည်နယ်၊ တိုင်းအစိုးရအဖွဲ့ဝင် ၀န်ကြီးများ အားလုံးသည် ၀န်ကြီး အဆောင်အယောင်များ ရရှိထားကြပြီး လုပ်ပိုင်ခွင့်လည်း အသင့် အတင့် ရနေကြကြောင်း၊ သို့ရာတွင် တိုင်းရင်းသားရေးရာ ၀န်ကြီးများအတွက် သီးသန့် ရုံးခန်းပင် မရှိသေးကြောင်း ၎င်းဝန်ကြီးများက ပြောသည်။
“ရုံးခန်းလည်း သီးသန့် မရှိသေးဘူး၊ မော်တော်ကား တစီး ပေးထားတာလည်း အသုံးပြုလို့ မရဘူး။ တခြားဝန်ကြီး တွေကိုကျတော့ မော်တော်ကား ၂ စီး၊ နေစရာအိမ်၊ ကိုယ်ရေးအရာရှိ၊ အိမ်အလုပ်သမားက အစ ပေးထားပါ တယ်” ဟု မွန်ပြည်နယ်ရှိ တိုင်းရင်း သားရေးရာ ၀န်ကြီးတဦး က ပြောသည်။
မွန်ပြည်နယ်တွင် ကရင်တိုင်းရင်းသား ရေးရာဝန်ကြီး၊ ဗမာတိုင်းရင်းသား ရေးရာဝန်ကြီးနှင့် ပအိုဝ်း တိုင်းရင်းသား ရေးရာ ၀န်ကြီး တို့ ရှိသည်။
ရန်ကုန်တိုင်းအစိုးရအဖွဲ့၏ ၀န်ကြီး အားလုံး နေအိမ်၊ အိမ်အကူအလုပ်သမားများ၊ မော်တော်ကား ၂ စီး၊ ဒရိုင်ဘာ၊ ကိုယ်ရေး အရာရှိ၊ လုံခြုံရေး၊ အဲယားကွန်းပါ ရုံးခန်းနှင့် တယ်လီဖုန်း ၂ လုံးစသည်တို့ ရရှိထားပြီး လစာအဖြစ် ကျပ် ၄ သိန်းခွဲစီ ခံစားခွင့် ရရှိထားသည်ဟု သိရသည်။
သို့ရာတွင် ရန်ကုန်တိုင်းမှ တိုင်းရင်းသားရေးရာ ၀န်ကြီးများအတွက်မူ ပြည်သူ့လွှတ်တော် ၀န်းထဲ၌ ရုံးခန်းငယ်တခု၊ လက်ထောက် ညွှန်ကြားရေးမှူးအဆင့် ရရှိသော မော်တော်ကားတစီးနှင့် လစာ ကျပ် ၃ သိန်းခွဲသာ ပေးထားပြီး တခြား မည်သည့်အရာမှ ပေး မထား ဟု သိရသည်။
“ပြည်သူ့လွှတ်တော် ၀န်းထဲမှာက အခန်းလွတ်နေတာတွေ အများကြီး ဆိုတော့ နေရာလေး တခုတော့ ပေးထားတယ်။ ဖုန်းတို့၊ အဲယားကွန်းတို့ လိုရင်တော့ ကိုယ့်ဟာကိုယ် တပ်ရတယ်၊ ပေးတဲ့ကားကလည်း တခြားဝန်ကြီးတွေရဲ့ ကားတွေလို မကောင်းဘူး။ အစိုးရအဖွဲ့ရဲ့ ဘာအစည်းအဝေးမှလည်း မတက်ရဘူး” ဟု ရန်ကုန်တိုင်းဒေသကြီး၏ အဖွဲ့ဝင် တိုင်းရင်းသားရေးရာ ၀န်ကြီး တဦး က ဆိုသည်။
တိုင်းရင်းသားရေးရာ ၀န်ကြီးများသည် မီဒီယာများနှင့် ဆက်သွယ် စကားပြောဆို ပါကလည်း ခြိမ်းခြောက်ခြင်း ခံရကြောင်း၊ ထိုကိစ္စများကို ပြန်လည် သုံးသပ်ပြီး လွတ်လပ်စွာ ပြောဆို လုပ်ပိုင်ခွင့် ရရေးကို လုပ်ဆောင်သွားမည်ဖြစ်ကြောင်း ၎င်း ၀န်ကြီး တချို့က ဆိုသည်။
ထိုအကြောင်းအရာများနှင့် ပတ်သက်၍ ဧရာဝတီနှင့် ဆက်သွယ်စကားပြောဆိုခဲ့သော ၀န်ကြီးများက ၎င်းတို့၏ အမည်များအား ဖော်ထုတ်ရေးသားရန် မလိုလားပေ။
“သက်ဆိုင်ရာ တိုင်းရင်းသားအရေးတွေကို သူတို့ကိုယ်စား ဆောင်ရွက်ပေးဖို့ ကျနော်တို့ကို မဲပေး ရွေးထားကြတာပါ၊ အခုက ဘာမှ လုပ်ပိုင်ခွင့် မရှိတော့ ထိုင်ပြီး လစာယူနေတဲ့ စက်ရုပ်လို ဖြစ်နေတယ်” ဟု တိုင်းရင်းသားရေးရာ ၀န်ကြီး တဦးက ဆိုသည်။
မွန်ဒေသလုံးဆိုင်ရာ ဒီမိုကရေစီပါတီ၏ ဥက္ကဋ္ဌ ဦးနိုင်ငွေသိန်းက တိုင်းရင်းရေးရာ ၀န်ကြီးများသည်လည်း ရွေးကောက်ခံထားသည့် ကိုယ်စားလှယ်ဖြစ်များဖြစ်၍ တခြားဝန်ကြီးများကဲ့သို့ တန်းတူ အခွင့်အရေး ပေးရန် လိုကြောင်း၊ တိုင်းရင်းသား ၀န်ကြီးများအတွက် အမျိုးသားရေး ကိစ္စ အများအပြား လုပ်ဆောင်စရာရှိ၍ ယခုကဲ့သို့ ခန့်ထားခြင်းဖြစ်ကြောင်း ပြောသည်။
“မွန်ပြည်နယ်က တိုင်းရင်းသားရေးရာဝန်ကြီးတွေကို ကြည့်ရသလောက်တော့ သာမန် အရပ်သား တယောက်လိုပဲ တွေ့နေရတယ်”ဟု ဦးနိုင်ငွေသိန်းက ဆိုသည်။
စစ်ကိုင်းတိုင်းအစိုးရအဖွဲ့၌ ချင်းတိုင်းရင်းသားရေးရာဝန်ကြီး တာဝန် ယူထားသော ချင်းတိုင်းရင်းသားများ တိုးတက်ရေးပါတီ၏ ဥက္ကဋ္ဌ ဦးနိုထန်ကပ်သည် ၎င်း၏ လုပ်ပိုင်ခွင့်များ ရရှိရေးအတွက် သက်ဆိုင်ရာကို တင်ပြခဲ့သော်လည်း ယနေ့ထိ မရရှိသေးဟု ၎င်းနှင့်နီးစပ်သူများက ပြောသည်။
ရခိုင်ပြည်နယ်အစိုးရအဖွဲ့၌ပါဝင်သော ချင်းတိုင်းရင်းသားရေးရာ ၀န်ကြီးတဦးသည်လည်း ၎င်းတို့၏ ချင်းတိုင်းရင်းသားရေးရာ ကိစ္စများ ပေါ်ပေါက်လာပါက ပြည်နယ်အစိုးရကို တင်ပြ၍ သက်ဆိုင်ရာ ၀န်ကြီးဌာန၏ ဖြေရှင်းပေးမှုကိုသာ ခံယူရပြီး မည်သည့် အစည်းအဝေးကိုမျှ တက်ရောက်ခွင့်မရဟု သိရသည်။
၂၀၀၈ အခြေခံဥပဒေ၌ တိုင်းရင်းသားအရေး ကိစ္စများနှင့် ပတ်သက်၍ စနစ်တကျ ထည့်သွင်း ရေးဆွဲထားခြင်း မရှိ၍ ယခုကိစ္စ ရပ်များ ဖြစ်ပေါ်လာသည်ဟု ယူဆကြောင်း၊ အရေးကြီးပြီး ရေရှည် ဆောင်ရွက်ရမည့် ကိစ္စဖြစ်၍ အစည်းအဝေးများ ပြုလုပ်ကာ ညှိနှိုင်း ဆောင်ရွက်သွားမည်ဟု ချင်းတိုးတက်ရေးပါတီ၏ ဒု-ဥက္ကဋ္ဌ ဦးလျှံကြယ် (လုံစီ) က ပြောသည်။
ရွေးကောက်ခံထားရသည့် တိုင်းရင်းသားရေးရာ ၀န်ကြီးများသည် ပြည်နယ်နှင့်တိုင်း အားလုံး နီးပါးတွင် ရှိပြီး ဗမာတိုင်းရင်းသား ၀န်ကြီး ၅ ဦး၊ ကရင်တိုင်းရင်းသား ၅ ဦး၊ ကချင် ၃ ဦး၊ ချင်း ၃ ဦး၊ မွန်၊ ရခိုင်၊ ရှမ်း၊ ပအို့ စသည့် လူမျိုးစု ၀န်ကြီးများ စသည်ဖြင့် စုစုပေါင်း ၂၀ ကျော် ရှိသည်။
Ref: ဧရာဝတီ
Read More...
Collapse...
08 July 2011
ဖေ့စ်ဘွတ်သည် Skpye နှင့် ပါတနာဖွဲ့ပြီး ၄င်း၏ လူမှု့ကွန်ယက်ဆိုဒ်ထဲသို့ ဗွီဒီယို chat ကို ထပ်ပေါင်း ထည့်ကြောင်း ကြေငြာ လိုက်သည်။ ပြီးခဲ့တဲ့ရက်ပိုင်းအတွင်း ဂူဂယ်လ်က ဗွီဒီယိုဖြင့် ပြောဆိုဆက်သွယ်မှု
အစီအစဉ်များ၊ ဂျာနယ်လစ်ဇင် ပညာများ ထပ်မံပြုလုပ်ပြီး Google+ ဆိုဒ် အသစ်ကို ကြေငြာလိုက်ခြင်းကြောင့်၊ ဖေ့စ်ဘွတ်က ယခုလို Skype နှင့် ပူးပေါင်း အပြိုင်ဆောင်ရွက်လိုက်ခြင်း ဖြစ်သည်။
ဖေ့စ်ဘွတ်နှင့် Skype ပူးပေါင်းခြင်းမှာ ယခု ပထမအကြိမ်မဟုတ်ဘဲ၊ နည်းပညာများ အချင်းချင်း မျှဝေဖို့ ပြီးခဲ့တဲ့နှစ်ကတည်းက မဟာမိတ်ဖွဲ့ထားခဲ့သည်။ သို့သော် ၄င်းဆိုဒ်နှစ်ခုစလုံးရဲ့ ရှယ်ယာ အများစုကို ပိုင်ဆိုင်သူမှာ Microsoft ကုမ္ပဏီ ဖြစ်သည်။
ဖေ့စ်ဘွတ်ဆိုဒ်ကို သုံးစွဲသူဦးရေမှာ သန်း ၇၅၀ ကျော် ရှိလာပြီး၊ ယခု ဗွီဒီယိုဖြင့် ပြောဆိုနိုင်မှု အစီအစဉ်ကိုပါ ထပ်ပေါင်း ထည့် ကြောင်း တည်ထောင်သူ မခ် ဇာခါဘဂ် ကိုယ်တိုင် ကြေငြာခဲ့ခြင်း ဖြစ်သည်။ ဓာတ်ပုံများ၊ ဗွီဒီယိုများနှင့် အခြားဝဘ်ဆိုဒ် လင့်ခ် များ များပြားစွာကို ဖြန့်ဝေပေးနိုင်မှုကြောင့် လူအများ ဖေ့စ်ဘွတ်နှင့် ငြိနေရခြင်းရဲ့ အဓိကအကြောင်းရင်းဖြစ်ကြောင်း သူက ရှင်းပြသည်။
ယခု ဖေ့စ်ဘွတ် ဗွီဒီယို chat မှတဆင့် အသုံးပြုသူနှစ်ဦး face-to-face ဆက်သွယ် ပြောဆိုနိုင်တော့မည် ဖြစ်သည်။ ထို့ပြင် Google+ စနစ် ( plus.google.com.) က ဗွီဒီယိုဖြင့် လူအများအုပ်စုဖွဲ့ ဆွေးနွေးနိုင်မှုအထိ ပြုလုပ်နိုင်မည် ဖြစ်သည်။
လာမည့်နှစ်များတွင် Google နှင့် facebook ပြိုင်ဆိုင်မှုများ ပိုမိုပြင်းထန်လာပြီး၊ Microsoft က ၄င်းနှစ်ခု၏ ရှယ်ယာအများစုကို ဆက်ကိုင်ထားမည် ဖြစ်သည်။
Ref: Maukkha
Read More...
Collapse...
08 July 2011
မြန်မာပြည်မြောက်ပိုင်း တရုတ်နယ်စပ်ရှိ ကချင်ဒုက္ခသည်များအား ကူညီရန် RANIR ခေါ် ကချင်ဒုက္ခသည် ကူညီရေး အဖွဲ့တစ်ခု ကို ကချင်လွတ်မြောက်ရေးအဖွဲ့(KIO) ဌာနချုပ်လိုင်ဇာတွင် ဇွန် ၇ ရက် ကြာသပတေးနေ့တွင် ဖွဲ့စည်းခဲ့သည်။
RANIR ခေါ် “Relief Action Network for IDPs (Internally Displaced Persons) and Refugees” ကို KIO အဖွဲ့၊ ကချင် ခရစ်ယာန်အသင်းတော်များနှင့် အစိုးရမဟုတ်သောအဖွဲ့စည်းများမှ ပူးပေါင်းဖွဲ့စည်းပါသည်။
“မြန်မာအစိုးရနဲ့ KIO ကြားမှာ ပြည်တွင်းစစ်ပြီးပြီဆိုတာ မရေရာတဲ့အတွက် နောက်ပြီး နေရပ်စွန့်ခွာလာသူများရဲ့ အသက်ရှင် နေထိုင်နေရမှု အခြေအနေတွေ ဆိုးရွားလာတဲ့အတွက် RANIR ကို ဖွဲ့စည်းရတာဖြစ်တယ်။” ဟု အဖွဲ့ Coordinator-၁ လရစ်(La Rip) က ကချင်သတင်းဌာနသို့ပြောသည်။
ဇှုလှိုင် ၆ ရက်စာရင်းအရ နယ်စပ်တစ်လျှောက် ယာယီစခန်း ၁၂ ခု သို့ ဒုက္ခသည် ၁၅၇၉၁ ဦး ရှိနေပြီဟု KIO ဒုက္ခသည် စောင့် ရှောက်ရေးကော်မတီက ပြောသည်။
စစ်တပ်ကျောထောက်နောက်ခံ မြန်မာအစိုးရ၏ အဓိကမဟာမိတ် တရုတ်သည် ၎င်းတို့နိုင်ငံထဲ ကချင်စစ်ပြေးဒုက္ခသည်စခန်းများ တည်ဆောက်ခြင်း ယခုချိန်ထိ ခွင့်ပြုခြင်း မရှိပါ။
နောက်ထပ် ဒုက္ခသည်များ KIO နယ်မြေထဲသို့ ရောက်ရှိလာနေဆဲဖြစ်သည်။
စစ်ပွဲစတင်လာချိန်မှ မြန်မာစစ်တပ်က ကချင်ပြည်သူများပေါ် ဖမ်းဆီးနှိပ်စက်ခြင်း၊ အမျိုးသမီးများအား အဓမ္မပြုကျင့်ခြင်းနှင့် အတင်းအကြပ် ပေါ်တာဆွဲခြင်းများကြောင့် မိုးရာသီ စပါးစိုက်ရာသီတွင် ပြည်သူများ ၎င်းတို့ လယ်မြေ၊ အိုးအိမ်နှင့် ကျွဲ၊ နွားများ ကို စွန့်ပြီး တရုတ်နယ်စပ် KIO ထိန်းချုပ်နယ်မြေသို့ ထွက်ပြေးဝင်ရောက်လာကြခြင်းဖြစ်သည်။
ယခုအချိန် ဒုက္ခသည်များအတွက် အစားအစာနှင့် နေရာထိုင်ခင်းအတွက် KIO က စီစဉ်ပေးပြီး အခြေခံ ဆေးဝါးနှင့် ခြင်ထောင် အတွက် လန်ဒန် အခြေစိုက် Health Unlimited (HU) မှ ထောက်ပံ့သည်ဟု သိရသည်။
နိုင်ငံတကာမှ အကူအညီမရရှိပါက လာမည့်သတင်းနှစ်ပတ်တွင် ဒုက္ခသည်များအတွက် အရေးပေါ် အကူအညီများ လိုအပ် လာ မည်ဖြစ်သည်ဟု La Rip ပြောသည်။
ထို့အပြင် လိုင်ဇာရှိ ခန်းမဆောင်များတွင် ဒုက္ခသည်များ စုပေါင်းနေထိုင်ရသည့်အတွက် ပဏာမစစ်ဆေးတွေ့ရှိချက် ငှက်ဖျား၊ အူရောင်ငန်းဖျား၊ တုပ်ကွေးနှင့် ၀မ်းရောဂါများ အချင်းချင်းကူးစက်ပြန့်ပွားနိုင်သည့်အန္တရာယ်ရှိနေရကြောင်း သူကဆက်ဆိုသည်။
ယခုချိန် ဒုက္ခသည်များ လိုင်ဇာသို့ခိုလုံရောက်ရှိလာခြင်း အချိန်တစ်လကျော်လာပြီဖြစ်သော်လည်း မိသားစုအလိုက် သီးသန့် တဲ (သို့မဟုတ်) နေအိမ် စီစဉ်ပေးနိုင်ခြင်း မရှိသေးပါ။
“ဒုက္ခသည်တွေကို KIOနှင့် HU ကပဲ ရေရှည်ကူညီဖို့ လုံးဝမဖြစ်နိုင်ဘူး။ နိုင်ငံတကာအကူအညီ မရှိမဖြစ် လိုအပ်ပါတယ်။” ဟု La Rip ပြောသည်။
Ref: KNG
Read More...
Collapse...
07 July 2011
ကျောင်းသားထု၏ အခွင့်အရေးများအတွက် တောင်းဆိုခြင်း၊ ကျောင်းသားထုကို ကာကွယ်စောင့် ရှောက်ခြင်း၊ ကျောင်းသား အရေးနှင့် နိုင်ငံအရေး ကိစ္စတို့တွင် ပါဝင်ဆောင်ရွက်ခွင့်တို့အတွက် ကျောင်းသားများသမဂ္ဂ တရားဝင်ဖွဲ့စည်းခွင့် ရရှိရန် လိုအပ် နေသည်။
၁၉၆၂ ခုနှစ်၊ ဇူလိုင်လ ၇ ရက်နေ့တွင် အာဏာရှင် ဗိုလ်ချုပ်နေ၀င်း၏ ကိုယ်ရံတော်တပ်မှ ဒုဗိုလ်မှူးကြီး စိန်လွင်ဦးဆောင်သော တပ်ဖွဲ့၏ ရက်ရက်စက် ပစ်ခတ်သတ်ဖြတ်မှုကြောင့် ကျောင်းသူ၊ ကျောင်းသား ၁၀၀ ကျော် ရန်ကုန်တက္ကသိုလ်ဝင်းအတွင်း အသက်ဆုံးရှုံးခဲ့ရသည်။
ဇူလိုင်လ ၈ ရက်နေ့တွင် သမိုင်းဝင် ကျောင်းသားသမဂ္ဂအဆောက်အဦကို ဒိုင်းနမိုင်းဖြင့် ဖြိုခွဲခံခဲ့ရသည်။
ယင်းကာလမှစပြီး အစဉ်အဆက် ငြိမ်းချမ်းသော ကျောင်းသားလှုပ်ရှားမှုများမှာ မတရားသဖြင့် နှိမ်နှင်းခံခဲ့ရတော့သည်။ တဆက်တည်းပင် တရားဝင်ကျောင်းသား သမဂ္ဂ ဖွဲ့စည်းခွင့်ကို ဆုံးရှုံးခဲ့ရသည်မှာ ၄၉ နှစ် ကြာမြင့်ခဲ့ပြီဖြစ်သည့် ယနေ့အချိန် အထိပင်ဖြစ်သည်။
ဗကသအဖွဲ့ချုပ်၊ ကျောင်းသားခေါင်းဆောင် ကိုမင်းကိုနိုင်နှင့် ၈၈ မျိုးဆက်ကျောင်းသားများ၊ မျိုးဆက်သစ် ကျောင်းသားများကို လည်း မတရားသဖြင့် ဖမ်းဆီး ချုပ်နှောင်ထားဆဲပင်ဖြစ်သည်။
ပညာရေးလွတ်လပ်ခွင့်များတွင် ကျောင်းသားထုကို အမှန်တကယ် ကိုယ်စားပြုမည့် ပညာရေးသမဂ္ဂများ ဖွဲ့စည်းရန် အပူ တပြင်းလိုအပ်နေပြီး လွတ်လပ်သော ကျောင်းသားသမဂ္ဂအနေဖြင့် ပညာရေးကဏ္ဍ မြှင့်တင်ရာတွင် အထင်ကရ ပါဝင် လုပ်ဆောင် နိုင်စွမ်းရှိနေပါသည်။
အဂတိတရားများဖြင့် ပျက်စီးနေပြီဖြစ်သည့် မြန်မာ့ပညာရေးကို ကျောင်းသားသမဂ္ဂများ၏ သစ်လွင်သော၊ ကိုယ်ကျိုးစွန့်လိုသော၊ အများအကျိုးကို ဦးစားပေးသော၊ ညီညွတ်မှုဖြင့် လုပ်ဆောင်တတ်သော သမဂ္ဂစိတ်ဓါတ်ကသာလျှင် ပြန်လည် ပြုပြင်နိုင်ပါ လိမ့် မည်။ သမဂ္ဂစိတ်ဓါတ်ဖြင့်သာ တိုင်းပြည်ပြန်လည် တည်ဆောက်နိုင်ပါမည်။
ကျောင်းသားလူငယ်များအတွက် မရှိမဖြစ်လိုအပ်နေသော လွတ်လပ်သည့် ကျောင်းသားသမဂ္ဂများကို ပညာရေး အဆင့်တိုင်းတွင် ဖွဲ့စည်းသင့်ကြောင်း နိုင်ငံတကာ ပညာရေးသမဂ္ဂများအဖွဲ့ချုပ် EI ၏ ကြေညာစာတမ်းတွင် ဖေါ်ပြပါရှိပါသည်။
Ref: မောက္ခ
Read More...
Collapse...
July 7, 2011
ပို့ကုန်အပေါ် အခွန်ကောက်တာကို အခုဇူလိုင်လကစပြီး ၃ ရာခိုင်နှုန်း လျှော့ချပေးလိုက်ပါတယ်။
ပို့ကုန် ရငွေကနေ ကုန်သွယ်လုပ်ငန်းခွန် ၈ ရာခိုင်နှုန်း၊ အရောင်းခွန် ၂ ရာခိုင်နှုန်း စုစုပေါင်း ၁၀ ရာခိုင်နှုန်း ကောက်ယူနေရာ ကနေ ကုန်သွယ်ခွန်ကနေ ၃ ရာခိုင်နှုန်း လျှော့ချပေးလိုက်တာ ဖြစ်ပါတယ်။
မြန်မာပို့ကုန်လုပ်ငန်းရှင်တွေကလည်း ပို့ကုန်အပေါ် အခွန်ကောက်တာတွေ ပယ်ဖျက်ပေးဖို့ တောင်းဆိုနေကြပြီး အခုကတော့ ၃ ရာခိုင်နှုန်းပဲ လျှော့ပေးလိုက်တာ ဖြစ်ပါတယ်။
အခုလို ပို့ကုန်အပေါ် အခွန်လျှော့ပေးလိုက်တာကို တချို့လုပ်ငန်းရှင်တွေက ကြိုဆိုကြပြီး တချို့လုပ်ငန်းရှင်တွေကလည်း ကျောက်မျက် ကျောက်စိမ်းနဲ့ ဆန်၊ ပဲ စတဲ့ ကုန်ပစ္စည်းအားလုံးအပေါ် တပြေးညီကောက်ခံနေတာကို ပြင်ဆင်ပေးသင့်တယ်လို့ ဝေဖန်တာတွေလည်း ရှိပါတယ်။
ဒီအပေါ်မှာ စီးပွားရေးပညာရှင် ဦးဟန်ထွန်းက “ကျောက်စိမ်း ကျောက်မျက် ကိစ္စတွေက အကယ်၍ ကုန်သွယ် လက်လွှဲ ခွန် အနေနဲ့ ထုတ်လုပ်စဉ်အခါမှာ ကျောက်မြတ်ရတနာ အခွန်စည်းကြပ်ကောက်ခံပြီးပြီဆိုရင် ပြီးပြီဗျ။ အဲဒီအဆင့် ထပ်တိုးပေါ့ဗျာ အခွန်နှုန်း နည်းရင် ထပ်တိုး။ ပို့ကုန်အပေါ်မှာတော့ မကောက်နဲ့တော့ ပေါ့ဗျာ။ ကျောက်စိမ်းတင် မဟုတ်ဘူး ဘာမဆိုပေါ့ဗျာ။ ဖြစ်နိုင်ရင် မကောက်တာ အကောင်းဆုံးပဲ။ တခြားနည်းနဲ့ နိုင်ငံခြားဝင်ငွေတွေ ရနေလုိ့ရှိရင် ပို့ကုန်အပေါ်မှာ အခွန်ကောက်တဲ့ ကိစ္စကို လုံးဝဖျက်သိမ်းသင့်တယ်” လို့ ပြောပါတယ်။
ကမ္ဘာ့နိုင်ငံအများစုက ပို့ကုန်ယှဉ်ပြိုင် တင်ပို့နိုင်ဖို့ အားပေးတဲ့အနေနဲ့ ကုန်တင်ပို့တဲ့အပေါ် အခွန်မကောက်ကြပါဘူး။ လက်ရှိ အခြေအနေမှာ ပို့ကုန်လုပ်ငန်း လုပ်သူတွေ တော်တော်များများ ဒေါ်လာဈေး၊ အန်နင်းလို့ ခေါ်တဲ့ ပို့ကုန်မှရငွေ ဒေါ်လာဈေးတွေ ကျနေလို့ အလုပ်မဖြစ်ကြပါဘူး။
Ref: ဒီဗွီဘီ
Read More...
Collapse...
July 7, 2011
အံ့ဘုန်းမြတ်
သတင်းမီဒီယာအလုပ်တွေကို လုပ်ကိုင်နေကြတဲ့ သတင်းထောက်တွေ၊ အယ်ဒီတာတွေ အပါအ၀င် ဒီလုပ်ငန်းတွေကို လည်ပတ် နိုင်အောင် ဆောင်ရွက်နေကြတဲ့ ပုဂ္ဂိုလ်အားလုံးအနေနဲ့ ဒီအလုပ်တွေကို လုပ်ကိုင်နေရတာတွေကို ကုသိုလ်အဖြစ် မှတ်ယူကြဖို့ ဆရာတော်အရှင်ဆန္ဒာဓိက က မိန့်ကြားလိုက်ပါတယ်။
ဒီလ ၅ ရက်နေ့ ညနေပိုင်း ပုဂံကိုတရားဟောဖို့ ကြွချီရောက်ရှိတော်မူနေတဲ့ ဆရာတော်အရှင်ဆန္ဒာဓိကက ဒေါ်အောင်ဆန်းစု ကြည် ရဲ့ ဘုရားဖူးခရီးစဉ်မှာ လိုက်ပါ သတင်းယူနေတဲ့ သတင်းထောက်တွေနဲ့ တွေ့ဆုံစဉ်မှာ အခုလို မိန့်ကြားလိုက်တာ ဖြစ်ပါ တယ်။
ဆရာတော်ကို ဖူးမျှော်ပြီး တရားနာယူခွင့်ရခဲ့တဲ့ သတင်း ထောက်တဦးက အခုလို ပြောပြပါတယ်။
“ညဘက် တရားပွဲရှိတော့ တရားဟောတယ်။ တရားဟောပြီး ပြန်လည်း ပြန်လာရော သွားတွေ့တယ် ဆရာတော်နဲ့။ ထိုင်ပြီး ဦးလည်းချရော ဆရာတော်ကို အရှင်ဘုရား တပည့်တော်တို့ သတင်းထောက်တွေပါ ဘုရားဆိုတော့ အော် အေးတဲ့။ ဘယ်ကလဲ၊ ဘယ်ဂျာနယ်ကလဲတဲ့။ သတင်းထောက် တွေပါဆိုပြီး မိတ်ဆက်တော့ သတင်းထောက်ဆိုတာတဲ့ ကုသိုလ်ဖြစ်တယ်လို့ မှတ်တဲ့ စိတ်ထဲကတဲ့။ အဲဒါ သတင်းထောက် လုပ်တာ ကုသိုလ်ရတယ်လို့ မှတ်တဲ့။ ကိုယ်လုပ်သမျှ အလုပ်တိုင်းဟာ ကုသိုလ်ရနေတယ်လို မှတ်တဲ့။ ကိုယ့်ကြောင့် လူတွေ သတင်းထူး သတင်းဦးလေးတွေ သိကြပါစေဆိုတဲ့ စိတ်ကူးနဲ့လုပ်တဲ့ ကုသိုလ်ရတယ်တဲ့။ ဘုန်းကြီး ဆိုရင်တဲ့ ဂျာနယ်ဖတ်တိုင်း ဖတ်တိုင်း၊ သတင်းတွေ ဖတ်တိုင်းဖတ်တိုင်း အမြဲတမ်း မေတ္တာပို့ပေးတယ်။ သတင်း ထောက် တွေ၊ အယ်ဒီတာတွေ သူတို့ ကြိုးကြိုးစားစား လုပ်ပြီးတော့မှ အချိန်မီ ထွက်နိုင်အောင် လုပ်တဲ့အတွက်ကြောင့် ဖတ်ရ တာပေါ့နော်၊ သူတို့တွေ လုပ်ထားပြီးတာကို ငါတို့ အဆင်သင့်လေး ခူးခပ်စားရုံပဲပေါ့နော်။ ဖတ်ရတာ အမြဲတမ်း မေတ္တာပို့ပါတယ်တဲ့။”
အဲဒီနေ့ကပဲ ဆရာတော် အရှင်ဆန္ဒာဓိကကို မိသားစု ပုဂံဘုရားဖူးအဖြစ် ရောက်ရှိနေတဲ့ ဒေါ်အောင်ဆန်းစုကြည်လည်း ဖူးမျှော်ခဲ့ပြီး အပြန်အလှန် လျှောက်ထား မိန့်ကြားထားတဲ့ အကြောင်းအရာတွေကိုတော့ အသေးစိတ် မသိရသေးပါဘူး။
သက်တော် ၄၄ နှစ်ရှိပြီဖြစ်တဲ့ ရွှေပါရမီတောရ ဆရာတော် အရှင်ဆန္ဒာဓိကကို ၁၉၆၈ ခုနှစ်၊ ဇန်န၀ါရီလ (၉) ရက်နေ့မှာ ရေနံချောင်းမြို့၊ သူဌေးကုန်းရပ်ကွက်နေ ခမည်းတော် ဦးစိန်ဝင်း၊ မယ်တော် ဒေါ်သိန်းသိန်းတို့မှာ ဖွားမြင်ခဲ့ပါတယ်။ ၁၉၈၄ ခုနှစ်မှာတော့ ခြောက်ဘာသာဂုဏ်ထူးနဲ့ ရေနံချောင်းမြို့ အထက ၁ ကနေ ဆယ်တန်း အောင်မြင်ခဲ့ပြီး မြန်မာတနိုင်ငံလုံးမှာ ဒုတိယအမှတ်အများဆုံးနဲ့ အောင်မြင်ခဲ့ပါတယ်။
အဲ့ဒီနှစ်မှာပဲ ဆရာတော်ဟာ သာသနာ့ဘောင်ကို ၀င်ရောက်ခဲ့ပြီး အမရပူရမြို့၊ မဟာဂန္ဓာရုံကျောင်းတိုက်မှာ ပရိယတ္တိ စာပေ တွေကို လေ့လာဆည်းပူးခဲ့ပါတယ်။
၁၉၉၂ ခုနှစ်မှာ ပထမကျော်ဘွဲ့နဲ့ ၁၉၉၅ ခုနှစ်မှာ ဓမ္မာစရိယဘွဲ့တွေကို ရရှိခဲ့ပါတယ်။ ဆရာတော်ရဲ့ လူငယ်ပြုစုပျိုးထောင်ရေး တရားတော်တွေနဲ့အတူ ပရိယတ္တိ၊ ပရိပတ္တိတရားတော်တွေက ဗုဒ္ဓဘာသာဝင် မြန်မာပြည်သူတွေအပေါ် အထူးလွှမ်းမိုးမှု ရှိလှ ပါတယ်။
Ref: ဒီဗွီဘီ
Read More...
Collapse...
July 7, 2011
ရွှေအောင်
ဝက်နားရွက်ပြာ ကာကွယ်ဆေးနဲ့ ပတ်သက်ပြီး သက်ဆိုင်ရာက တိကျရှင်းလင်း သေချာတဲ့ သတင်း ထုတ်သင့်တယ်လို ၀က်နား ရွက်ပြာ ကာကွယ်ဆေး စမ်းသပ် ထုတ်လုပ်ထားတဲ့ သုတေသီပညာရှင် ဒေါက်တာ အောင်မြင့်က ပြောပါတယ်။
ဝက်နားရွက်ပြာကာကွယ်ဆေး မသုံးကြဖို့ စာထုတ်ထားတယ်၊ ကာကွယ်ဆေးသုံးလို့ ၀က်တွေသေဆုံးတာကြောင့် တားမြစ်ရ တာဖြစ်တယ်လို့ တိရစ္ဆာန်မွေးမြူရေးနဲ့ ကုသရေးဌာနက ဒေါက်တာအောင်ကြီးက ဇွန်လ ၂၃ ရက်နေ့ထုတ် ဆဲဗင်းဒေးဂျာနယ် မေးမြန်းခန်းမှာ ပြော ကြားထားပါတယ်။
ပြီးခဲ့တဲ့ ကြာသပတေးနေ့ထုတ် ပြည်သူ့ခေတ်ဂျာနယ်မှာလည်း ၀က်နားရွက်ပြာရောဂါ ကာကွယ်ဆေးကြောင့် ၀က်တွေပိုသေ ဆုံးတယ်ဆိုတာ မဟုတ်တဲ့အကြောင်း ပြောပါတယ်။
ဒါကြောင့် ၀က်နားရွက်ပြာကာကွယ်ဆေးနဲ့ပတ်သက်ပြီး အများပြည်သူကို ရှင်းလင်းတိကျတဲ့သတင်း ထုတ်ပြန်ပေး သင့်တယ်လို့ သုတေသီက ပြောလိုက်တာ ဖြစ်ပါတယ်။
အထူးသဖြင့်တော့ နိုင်ငံခြားက တရားမ၀င် ၀င်ရောက်လာတဲ့ ကာကွယ်ဆေးတွေ မသုံးသင့်တဲ့အကြောင်း အသိပေးသင့် တယ်လို့ လည်း ပြောပါတယ်။
ဒေါက်တာအောင်မြင့်ဟာ ပြည်တွင်းမှာဖြစ်နေတဲ့ ၀က်နား ရွက်ပြာ ရောဂါကို လေ့လာပြီး ၀က်နားရွက်ပြာ ကာကွယ် ဆေးစမ်းသပ် ထုတ်လုပ်ထားသူ သုတေသီ ပညာရှင်တဦး ဖြစ်ပါတယ်။
သူစမ်းသပ်ထုတ်လုပ်ထားတဲ့ ကာကွယ်ဆေးကို သက်ဆိုင်ရာ မွေးမြူကုသရေး ဦးစီးဌာနထံ တင်ပြထားတာ တလကျော် ကြာခဲ့ ပေမယ့် သက်ဆိုင်ရာက အခုထိ အကြောင်းမပြန်သေးဘူးလို့ သိရပါတယ်။
ဝက်နားရွက်ပြာရောဂါ သိပ်ပြီးမပျံ့နှံ့ခင် အရေးပေါ် အထူးကိစ္စတရပ်အနေနဲ့ ကာကွယ်ဆေးထုတ်ခွင့်ပေးရင် ရောဂါကို ထိန်းချုပ် နိုင်မယ်လို့ ယုံကြည်တဲ့အတွက် ဆေးထုတ်ခွင့် တင်ပြခဲ့တာ ဖြစ်တယ်လို့လည်း ဒေါက်တာအောင်မြင့်က ပြောပါတယ်။
ဒါ့အပြင် စမ်းသပ်သုံးဖူးတဲ့ သူတွေက ဆေးဆက်သုံးဖို့ ရှိနေတာကြောင့် ဆေးထုတ်ခွင့် ရချင်ကြောင်းလည်း ခုလိုပြောပြပါတယ်။
“အဖြေမထွက်လာသေးတော့ ရောဂါကတော့ ဆက်ပြီးပျံ့နှံ့နေတာ ကျနော်လည်း စိတ်ထဲမှာ မကောင်းဘူးခင်ဗျ။ နောက်တခါ စောစောပိုင်း စမ်းထိုးခဲ့တဲ့ လူတွေကလည်း နောက်တကြော့များ သူတို့ဆီကို ပြန်ဝင်လာမလား။ သူ့တိရစ္တာန်တွေ စောစော တုန်းကတော့ ရောဂါမဖြစ်ဘဲနဲ့ ကျန်နေခဲ့တယ်ပေါ့နော်။ အဲဒီကောင်တွေကို ဆေးများ ထပ်ထိုးဖို့ လိုမလားဆိုပြီး လိုချင်တဲ့ ဆန္ဒလည်း ရှိတယ်။ ကျနော်ကတော့ စမ်းသပ်ကာလ ပြီးဆုံးသွားတော့ ဆေးကို ဘယ်သူ့ကိုမှ ထပ်မပေးဘဲနဲ့ ထိန်းထားတယ် ပေါ့လေ။ ဆက်လည်း မထုတ်ဘူးပေါ့နော်။ စမ်းတဲ့ အရေအတွက် လောက် ထုတ်ပြီးတော့ အခု ရပ်ထားတယ်။ အဲဒီတော့ လိုချင် သူတွေ ရအောင် မြန်မြန် လေးတော့ ထုတ်ခွင့် ရချင်တယ်ပေါ့ဗျာ။”
ဝက်နားရွက်ပြာရောဂါဟာ ပြည်နယ်တိုင်း ခုနှစ်ခုမှာ ဖြစ်ပွားခဲ့ပြီး ၀က်ကောင်ရေ ထောင်နဲ့ချီ သေဆုံးခဲ့ပါတယ်။ လောလော ဆယ်မှာ ဧရာဝတီိတိုင်း၊ ရန်ကုန်တိုင်းနဲ့ သန်လျင်ဒေသဘက်တွေမှာ ဆက်လက်ဖြစ်ပွားနေတုန်း ဖြစ်ပါတယ်။
Ref: ဒီဗွီဘီ
Read More...
Collapse...
July 7, 2011
မြန်မာအာဏာပိုင်တွေရဲ့ တောင်းဆိုညှိနှိုင်းချက်အရ မြန်မာနိုင်ငံ အကျဉ်းထောင်အချို့ကို အိုင်စီအာစီဝန်ထမ်းတွေ ရေနဲ့ မိလ္လာ စနစ် ကောင်းမွန်ရေးအတွက် ဒီလဆန်းမှာ ၀င်ရောက်စစ်ဆေးခွင့်ရတယ်လို့ အိုင်စီအာစီက ပြောပါတယ်။
ကရင်ပြည်နယ်က ဘားအံထောင်၊ မွန်ပြည်နယ်က မော်လမြိုင်ထောင်နဲ့ ဧရာဝ တီတိုင်းက မြောင်းမြထောင်တို့ကို အိုင်စီအာစီ အင်ဂျင်နီယာတဦးနဲ့ ၀န်ထမ်းတချို့ သွားရောက် စစ်ဆေးခွင့်ရခဲ့တယ်လို့ အိုင်စီအာစီ အာရှရေးရာဌာန ပြောရေး ဆိုခွင့်ရှိသူ မစ္စတာ ခရစ္စယန် ကာဒန် (Christian Cardon) က ဆိုပါတယ်။
“ရေနဲ့ မိလ္လာစနစ်နဲ့ တခြား နည်းပညာအထောက်အကူ ပေးဖို့ပဲ ဖြစ်ပါတယ်။ အိုင်စီအာစီအနေနဲ့ အကျဉ်းထောင်တွေကို တကယ် ကြည့်ရှုစစ်ဆေးခွင့်ရတာမျိုး မဟုတ်ပါဘူး။ ဇူလိုင် ၁ ရက်နေ့မှာ မော်လမြိုင်ထောင်ကို ကျနော်တို့ဆီက ၀င်ရောက် ခဲ့ပါတယ်။ ၂ ရက် နေ့မှာ ဘားအံထောင်ကို သွားပါတယ်။ ၅ ရက်နေ့မှာ မြောင်းမြထောင်ကို သွားပါတယ်။ ဒါပေမယ့် ကျနော် ပြောချင် တာက တော့ ဒါဟာ နည်းပညာပိုင်း အကူအညီပေးဖို့သက်သက်ပါပဲ။ ဒီ့ပြင်တိုင်းပြည်တွေများစွာမှာ ရနိုင်တဲ့ အခွင့် အရေးမျိုးဖြစ်တဲ့ သင့် တင့် ပြီးပြည့်စုံတဲ့ ကြည့်ရှုစစ်ဆေးခွင့်မျိုး မဟုတ်ပါဘူး။ ဒါဟာ အပြုသဘောဆောင်တဲ့ ပထမ ခြေလှမ်း တော့ ဖြစ်ပါတယ်။”
အဲဒီခရီးစဉ်တွေမှာ အကျဉ်းသားတွေကို တွေ့ခွင့်မရခဲ့ပါဘူးလို့လည်း မစ္စတာ ကာဒန်က ပြောပါတယ်။ ကျန်အကျဉ်းထောင်တွေ မှာလည်း အခုလို ဆက်လက် ကူညီခွင့်ရမယ်လို့ မျှော်လင့်တယ်လို့လည်း ဆိုပါတယ်။
အိုင်စီအာစီက ၁၉၉၉ ကနေ ၂၀၀၅ ခုနှစ်အတွင်း အကျဉ်းထောင်တွေကို လေ့ လာခွင့်ရရှိခဲ့ပြီး အကူအညီတွေ ပေးနိုင်ခဲ့ပါတယ်။ အဲဒီနောက် ၂၀၀၅ ကစပြီး စစ်အစိုးရရဲ့ ကန့်သတ်ချုပ်ချယ်မှုတွေကြောင့် အကျဉ်းထောင်တွေကို လေ့လာကူညီခွင့် ရပ်ဆိုင်းသွား ခဲ့တာ ဖြစ်ပါတယ်။
မြန်မာပြည်ကို အရင်လဆန်းပိုင်းတုန်းက ရောက်ရှိခဲ့တဲ့ အမေရိကန် အထက် လွှတ်တော်အမတ် ဂျွန်မကိန်းက မြန်မာအစိုးရကို တောင်းဆိုချက်တွေထဲမှာ အိုင်စီအာစီကို အကျဉ်းထောင်တွေထဲ လွတ်လွတ်လပ်လပ် ၀င်ရောက်ကြည့်ရှုခွင့်လည်း ပါရှိပါတယ်။ ဒါ့အပြင် နိုင်ငံရေးအကျဉ်းသားတွေကို ခြွင်းချက်မရှိ လွှတ်ဖို့လည်း ဂျွန်မကိန်းက တောင်းဆိုခဲ့ပါတယ်။
မြန်မာပြည်မှာ အကျဉ်းထောင်ပေါင်း ၄၂ ခုနဲ့ အလုပ်ကြမ်းအကျဉ်းစခန်းပေါင်း ၁၀၉ ခုရှိပြီး အင်းစိန်ထောင်တခုတည်းမှာတင် အကျဉ်းသား တသောင်းနီးပါး ရှိတယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) အေအေပီပီ ဘီက ပြောပါတယ်။ နိုင်ငံရေးအကျဉ်းသားပေါင်းကတော့ နောက်ဆုံးရရှိတဲ့စာရင်းအရ ၁၉၉၄ ဦး ရှိတယ်လို့လည်း သိရပါတယ်။
အိုင်စီအာစီကို ၆ နှစ်ကျော် ကန့်သတ်ထားရာက အခုလို ကူညီခွင့်ပြုတာဟာ အပြုသဘော ဆောင်ပေမယ့် အကန့်အသတ် တွေများနေတုန်း ဖြစ်တာကတော့ အလားအလာ မကောင်းပါဘူးလို့ အေအေပီပီ-ဘီ အထွေထွေအတွင်းရေးမှူး ဦးတိတ်နိုင်က သုံးသပ်ပြောကြားပါတယ်။
“အခုလို ၀င်ခွင့်ပြုလိုက်တာကတော့ ကောင်းတဲ့ လက္ခဏာပေါ့။ ဒါပေမယ့် အကန့်အသတ်တွေ သိပ်များတယ်ဆိုတာက နိုင်ငံရေးအရ ကစားနေတယ်လို့ ကျနော်တို့ ယူဆတယ်။ တကယ်ဆို အိုင်စီအာစီကို ၀င်ခွင့်ပြုမယ်ဆိုတဲ့ အရင်တုန်းကလို နိုင်ငံရေးနဲ့ ပတ်သက်ပြီးတော့ ကျတဲ့ အကျဉ်းသားတွေ၊ အမှုကြီး အကျဉ်းသားတွေ၊ ကျန်းမာရေး မကောင်းတဲ့သူတွေ၊ အဲဒီလိုလူတွေနဲ့ တွေ့ဖို့တော့ လိုတယ်။ အဲဒီလူတွေနဲ့ ပေးမတွေ့ဘဲနဲ့ အခုမှ စပြီးတော့ ရေနဲ့မိလ္လာ စလုပ်ရတယ်ဆိုတော့ တဆင့်ပြီး တဆင့် ဆိုရင် အရင် အခြေအနေ ရောက်ဖို့အတွက် နောက် လေးငါးနှစ်လောက် ကြာဦးမယ် အခြေအနေမျိုး ဖြစ်ပါတယ်။”
Ref: ဒီဗွီဘီ
Read More...
Collapse...
July 7, 2011
အံ့ဘုန်းမြတ်
မြန်မာ့ရှေး ဟောင်းယဉ်ကျေးမှုအမွေအနှစ်မြို့တော် ပုဂံမြို့ဟောင်းကို ရောက်ရှိနေတဲ့ ဒေါ်အောင်ဆန်းစုကြည်ဟာ ဒီကနေ့ ၄ ရက်မြောက် ခရီးစဉ်အဖြစ် ပုဂံအနီးက ဇီးအိုသစ်လှရွာပတ်ဝန်းကျင်နဲ့ ညောင်ဦးဈေးတွေကို သွားရောက်ခဲ့ပါတယ်။
ဒီခရီးစဉ်တွေမှာ ဒေသခံတွေက ဒေါ်အောင်ဆန်းစုကြည်ကို စည်ကားစွာ အားပေးကြိုဆိုခဲ့ကြပါတယ်။
ဒေါ်အောင်ဆန်း စုကြည်နဲ့ သားငယ် ကိုထိန်လင်းတို့ ပါဝင်တဲ့အဖွဲ့ဟာ ဒီကနေ့ ၄ ရက်မြောက် ခရီးစဉ်အဖြစ် ပုဂံအနီးက ဇီးအိုသစ်လှရွာနဲ့ အနီးမှာရှိတဲ့ သစ်တောရေးရာဝန်ကြီးဌာန လက်အောက်ရှိ သစ်တောဦးစီးဌာန၊ သဘာဝတ်ဝန်းကျင်နှင့် တိရစ္ဆာန် ထိန်းသိမ်းက ဇီးအိုသစ်လှအင်ကြင်းတော သဘာဝထိန်းသိမ်းရေးနယ်မြေ အပါအဝင် ညောင်ဦးဈေးတွေကို သွားရောက်ခဲ့ကြ ပါတယ်။
ဇီး အိုသစ်လှရွာမှာတော့ ကျေးရွာ သောက်သုံးရေ ရရှိရေးအပါအဝင်၊ ဆေးခန်းနဲ့ စာသင်ကျောင်းဖွင့်လှစ်နိုင်ရေးတွေအတွက် ကူညီနိုင်တာတွေကို ပြောကြားခဲ့တယ်လို့ ခရီးစဉ်လုံခြုံရေး တာဝန်ယူထားတဲ့ အဖွဲ့ချုပ်လူငယ်တာဝန်ခံတဦးက ပြောပါတယ်။
“အဲဒီရွာမှာ သဘာဝ ပျက်စီးနေတဲ့ဟာတွေ၊ နောက်ပြီးတော့ အဲဒီရွာမှာ ပေါက်နေတဲ့ အပင်တွေပေါ့နော်။ တကယ့်တောနဲ့ တူတယ်။ ဒီဘက်မှာ တောပြုန်းသွားပြီး ကျန်တဲ့ တောအုပ်ပေါ့နော်။ လိုက်ကြည့်ရင်းနဲ့ အန်တီက အဲဒီမှာ ရေတွင်း တတွင်းပဲ ရှိတယ်ပေါ့နော်။ နောက် ရေတွင်းတွေလည်း လုပ်ဖို့။ နောက်ပြီးတော့ ဆေးပေးခန်း လုံးဝ မရှိဘူးခင်ဗျ။ ကျန်းမာရေးဆေးပေးခန်း လုပ်ဖို့၊ နောက်ပြီးတော့ စာသင်ကျောင်း တကျောင်းလောက် ထပ် လုပ်ပေါ့နော် တိုက်တွန်းခဲ့တယ် အန်တီကလေ။ အန်တီ ဘက် ကလည်း ဘာတွေလုပ်ဆောင်မယ် ညာတွေ လုပ်မယ်လို့တော့ အစီအစဉ်တွေ ရှိတယ်လို့ ကြားတယ်ဗျ။”
အဲ့ဒီနောက် ဇီးအိုသစ်လှအင်ကြင်းတော သဘာဝထိန်းသိမ်းရေး နယ်မြေကို သွားရောက်လေ့လာပြီး တာဝန်ရှိသူတွေက လိုက်လံ ရှင်းပြခဲ့ပါတယ်။ ဒီအကြောင်းကို ခရီးစဉ်မှာ လိုက်ပါသတင်းယူနေတဲ့ သတင်းထောက်တဦးက အခုလိုပြောပြပါတယ်။
“ကျနော်တို့ က ဝန်ထမ်းဟုတ်မဟုတ်တော့ မသိဘူး။ ယူနီဖောင်းမပါဘူး။ ဒါပေမယ့် လူတယောက် တော်တော်လေးကို လိုက်ရှင်းပြတယ်။ ဗမာလိုရော၊ အင်္ဂလိပ်လိုရော ကောင်းကောင်း ရှင်းပြတယ်။ သူတို့ ဘယ်လို take care လုပ်ထားတယ် ဆိုတဲ့အကြောင်း၊ နောက် အန်တီကလည်း သိချင်တာတွေ အကုန်မေးတယ်။ သူတို့ အကုန်ပြောပြပါတယ်။ သိချင်တာ မေးပြီးတော့မှ အင်ကြင်းကျောက် ကြည့်ချင်တယ် ဘယ်နားမှာလဲတဲ့။ အင်ကြင်းပင်က ကျောက်ဖြစ်နေတဲ့ဟာပေါ့နော်။ လိုက်ပြမယ်ဆိုပြီး သူတို့ သွားကြပြီး နောက်ပြီးကျတော့ မရှိဘူးတဲ့၊ မရှိဘူးဆိုတာ ရှိတယ်။ ဒါပေမယ့် သဲပြန်ဖုံးသွားတာတို့ ဘာတို့ ဖြစ်သွားပြီးတော့မှ တော်တော်တူးယူရမှာတဲ့၊ အချိန်တော်တော်ယူလိမ့်မယ်တဲ့ ကြည့်ဖို့။ မလွယ်ဘူးပေါ့နော် လောလောဆယ်။ အဲဒါဆိုလည်း ထားလိုက်ပါတော့တဲ့ ဒေါ်အောင်ဆန်းစုကြည်က။”
ဒီခရီးစဉ်အတွင်းမှာလည်း ဒေသခံတွေအများအပြား လာရောက်ပြီး ဒေါ်အောင်ဆန်းစုကြည်ကို နှုတ်ဆက်ခဲ့ကြပါတယ်။
အဲ့ဒီနောက် ညနေပိုင်းမှာ ဒေါ်အောင်ဆန်းစုကြည် ညောင်ဦးဈေးကို သွားရောက်တဲ့အခါမှာလည်း ပုဂံ-ညောင်ဦး မြို့ခံတွေက လှိုက်လှိုက်လှဲကြိုဆိုခဲ့ကြတယ်လို့ ခရီးစဉ်လုံခြုံရေးတာဝန်ယူထားတဲ့ အဖွဲ့ချုပ်လူငယ်တာဝန်ခံက အခုလို ပြောပါတယ်။
“ညောင်းဦး ဈေးထဲကို ဒီကနေ ဟိုတယ်ကနေ ညောင်ဦးထွက်တဲ့ အချိန်မှာ ညောင်ဦးဈေးနား ရောက်တဲ့အချိန်မှာ လူတွေက အရမ်းများနေတယ်။ အဲဒါ ကျနော်တို့ ညောင်ဦးဈေးထဲကို ဝင်တယ် ပစ္စည်းဝယ်ဖို့။ အန်တီဝင်တဲ့အချိန်မှာ တော်တော်လေး တိုးယူရတယ်ပေါ့နော်။ ညောင်ဦးဈေးသူ ဈေးသားတွေရော၊ ညောင်ဦး မြို့ခံသူ မြို့ခံသားတွေရော အကုန်လုံး ပန်းစည်းတို့ ပန်းတို့နဲ့ပေါ့နော် ကြိုဆိုနေတယ်။ ကျနော်တို့ ဝယ်မယ့်ဆိုင်ကို သွားဝယ်တယ်။ တော်တော်တိုးယူရတယ်ဗျ။ ဆိုင်ကယ်တွေနဲ့ရော ကားတွေနဲ့ရော လာပြီးတော့နော် နှုတ်ဆက်တဲ့ လူတွေ များပါတယ်ဗျာ။ ကြိုဆိုကြတဲ့ လူတွေ တော်တော်များပါတယ်ဗျာ။”
ဒီလိုညောင်ဦး ဈေးမှာ မြို့ခံတွေက လှိုက်လှိုက်လှဲလှဲကြိုခဲ့ကြပုံတွေကို လိုက်ပါသတင်းယူနေတဲ့ သတင်းထောက်တဦးက အခုလိုပြောပါတယ်။
“ရောက်လာပြီ ဆိုကတည်းက အပေါက်ဝကတည်းက ဝင်မရတော့ဘူး။ ပန်းတွေနဲ့ ကြိုတယ်၊ နောက် လက်ဆောင်တွေ ပေးတာလည်း မနည်းဘူး။ အခု ယွန်းထည်အရုပ်တွေလို အိမ်မှာ အလှထားတယ်လေ ဒေါင်းလိုဟာမျိုးတွေ အဲဒါပေးတယ်။ အများကြီးပဲ ပစ္စည်းတွေကတော့ ဝိုင်းပေးကြတာ။ လူအုပ်ကြီးက တအားများလာတော့ အန်တီက ဘယ်လောက် ကြာသွားလဲဆိုတော့ မိနစ် ၂၀ ကျော်လောက်ပဲ သူနေနိုင်လိုက်တယ်၊ မနေနိုင်ဘူး။ အစိုးရဘက်ကတော့ လုံခြုံရေးတော့ သီးသန့်ပေးထားတာ မရှိဘူး။ အန်အယ်လ်ဒီကတော့ သူ့လုံခြုံရေးသူပေါ့၊ သူပါလာတဲ့လူ။ ဒါပေမယ့် အဲဒီလောက်လူများသွားတာ သူတို့လည်း ဘာမှ မလုပ် နိုင်ပါဘူး။ လေးငါးယောက်လောက် ဝိုင်းရံထားပြီး လူအုပ်ကို မတိုးပါနဲ့ မတိုးပါနဲ့ ဘာမှ တောင်းပန်လို့ မရဘူး။ ကျန်းမာပါစေ ချမ်းသားပါစေလို့ အော်တာမျိုးမဟုတ်ဘူးဗျ။ သူ့ဟာသူ အန်တီကျန်းမာပါစေ အဲဒီလိုမျိုး ဝိုင်းပြီး လက်ဆွဲနှုတ်ဆက်ပြီး လက်ဆောင်ပေးကြတာ များတယ်။”
ဒေါ်အောင်ဆန်း စုကြည်ရဲ့ ပုဂံခရီးစဉ် အတွင်းမှာပဲ ဒုတိယနေ့ဖြစ်တဲ့ ၅ ရက်နေ့ ညနေပိုင်းကလည်း အချိန်ကာလ တိုက်ဆိုင်စွာနဲ့ ပုဂံကိုတရားပွဲကြွချီလာတဲ့ နိုင်ငံကျော် ရွှေပါရမီတောရ ဆရာတော် အရှင်ဆန္ဒာဓိကကို ပုဂံဟိုတယ်မှာ တွေ့ဆုံ ဖူးမျှော်ခဲ့ပါသေးတယ်။
ဒီမှာ ဆရာတော်နဲ့ ဒေါ်အောင်ဆန်းစုကြည် အပြန်အလှန်လျှောက်ထား မိန့်ကြားတာတွေကိုလည်း လိုက်ပါခွင့်ရခဲ့တဲ့ ခရီးစဉ် လုံခြုံရေးတာဝန်ယူထားတဲ့ အဖွဲ့ချုပ်လူငယ်တာဝန်ခံကပဲ အခုလို ပြောပြပါတယ်။
“ဆရာ တော်ကလည်း ပုဂံမှာ တရားလာဟောတဲ့ အချိန်ဖြစ်တယ်။ အန်တီကလည်း ဒီရောက်နေတယ်။ နောက်ပြီးတော့ အန်တီ ကို တွေ့ချင်တယ်၊ အန်တီကလည်း တွေ့ချင်တယ်ဆိုတော့ အဲဒါ ကျနော်တို့ ဆရာတော်အခန်းကို သွားပြီးတော့ ကျနော်တို့ ဆရာတော်ကို သွားဖူးပါတယ်ပေါ့နော်။ ဆရာတော်ကလည်း ကျနော်တို့ကို စာအုပ်တွေ၊ တရားစာအုပ်တွေ၊ နောက် တရားအကြောင်းတွေ ဆရာတော်နဲ့ အန်တီနဲ့ တော်တော်များများ ပြောဖြစ်ပါတယ်။ နောက် ဆရာတော်ကလည်း ပရဟိတ လုပ်ငန်းလေးတွေ လုပ်နေတယ်။ အန်တီကလည်း လုပ်နေတယ်ဆိုတော့ ကိုယ့်ဗမာလူမျိုးတွေအတွက် ဗမာပြည်တွင်းအတွက် လုပ်ရမယ် ပေါ့နော်။ အဲဒါတွေ တော်တော်များများ ပြောဖြစ်ပါတယ်။ ဆရာတော်ကလည်း နိုင်ငံရေးနဲ့ ဘာသာရေး ဘာညာဆိုတာလည်း ဒါ ဆက်နွယ်နေတာပဲလေ။ ဆရာတော် မိန့်သွားတာကတော့ ဗိုလ်ချုပ်အောင်ဆန်း တိုက်ယူပေးခဲ့တဲ့အတွက် ဘာသာ၊ သာသနာလည်း ကျန်နေတယ်ပေါ့နော်။ အဲဒီအတွက် သူတို့လည်း ဘာသာကို ထွန်းကားအောင် ဆရာတော်ကလည်း ဆရာတော်အပိုင်း ဘာသာ သာသနာအတွက်ကို သူလည်း ကြိုးစားအားထုတ်ပြီးတော့ လုပ်တယ်၊ နောက်ပြီးတော့ ပရဟိတလုပ်ငန်းတွေကို ဆရာတော် လုပ်တယ်ဆိုတဲ့ အကြောင်းတွေ ဆရာတော်က ပြောပြတယ်။ နောက်လုပ်မယ့် အစီအစဉ်လေးတွေကိုလည်း ပြောပြတယ်။ နောက် အန်တီကလည်း အန်တီလုပ်နေတဲ့ ဟာလေးတွေ နောက်လုပ်မယ့် ဟာလေးတွေ ဆရာတော်နဲ့ပေါ့နော် ဖလှယ်ကြတယ်ပေါ့နော်။ ဒါပေမယ့် ဆရာတော်ကလည်း ဘာပြောလဲဆိုတော့ ဒေါ်အောင်ဆန်းစုကြည် အသက် ၂၀ လောက်ကသာ အိမ်ထောင်ပြုခဲ့မယ်ဆိုရင် ကျနော်တို့လည်း သားပဲပေါ့နော် ဆိုပြီးတော့ ပြောပါတယ်။ ဆရာတော်ကလည်း အဲဒီလို သဘောလေးပေါ့နော် အဲဒီလို သဘောလေးတွေ ပြောတာပေါ့။ အသက်အရွယ် အပိုင်းအခြားကို ဆရာတော်က ဦးစားပေးပြီး ပြောတာပေါ့နော်။ အားလုံးကလည်း အမေစုလို့ ခေါ်ကြတဲ့အတွက် သူလည်း ခေါ်မယ်ပေါ့နော် အဲဒီလို မျိုးလေးတွေပေါ့နော်။ သူလည်း အဲဒါကို သဘောကြတယ်ပေါ့ဗျာ အားလုံးက အဲလိုမျိုးတွေပေါ့။”
ဒေါ်အောင်ဆန်း စုကြည်ဟာ မိသားစုပုဂံဘုရားဖူးခရီးစဉ်အဖြစ် ဒီလ ၄ ရက်နေ့ ကတည်းက ပုဂံကို ရောက်ရှိနေတာဖြစ်ပြီး ၈ ရက်နေ့ မနက်မှာတော့ ရန်ကုန်ကို ပြန်လည်ထွက်ခွာမှာ ဖြစ်ပါတယ်။
Ref: ဒီဗွီဘီ
Read More...
Collapse...
07 ဇူလိုင် 2011
တရုတ်ခေါင်းဆောင်ဟောင်း ကျန်ဇီမင်း (Jiang Zemin) ရဲ့ ကျန်းမာရေးနဲ့ ပတ်သက်တဲ့ ခန့်မှန်း ပြောဆိုချက်တွေ ထွက်လာပြီး ရက်ပိုင်းအတွင်းမှာပဲ မစ္စတာ ကျန် သေဆုံးတယ်ဆိုတာ မဟုတ်ပါဘူးလို့ တရုတ်အာဏာပိုင်တွေက တရားဝင် ငြင်းဆိုသွားပါ တယ်။
တရုတ်ကွန်မြူနစ်ပါတီ စတင်တည်ထောင်တဲ့ နှစ် ၉၀ ပြည့် အခမ်းအနားမှာ အသက် ၈၄ နှစ်အရွယ် မစ္စတာ ကျန် သေဆုံး တယ်ဆိုတဲ့ သတင်းတွေ အင်တာနက်ပေါ်မှာ စတင်ပျံ့နှံ့တာပါ။ အဲဒီသတင်းကို အင်တာနက်ပေါ်မှာ လိုက်ပြီး ပိတ်ပစ်ဖို့ လုပ်ဆောင်ခဲ့ပြီး နောက်တရက် ကြာသပတေးနေ့မှာပဲ အရာရှိတွေက အခုလို တရားဝင် ငြင်းဆိုလိုက်တာပါ။
သတင်းထဲမှာတော့ ပြောရေးဆိုခွင့်ရှိသူ အာဏာပိုင်တွေဆီက သိရတာက မစ္စတာ ကျန် သေဆုံးတယ်ဆိုတာ ကောလာဟလ သက်သက်ပါလို့ ဆင်ဟွာ သတင်းဌာနရဲ့ အရာရှိတွေက ပြောကြပါတယ်။
ဟောင်ကောင် ရုပ်သံဌာနတခုကဆို မစ္စတာ ကျန် လွန်ခဲ့တဲ့ နာရီတော်တော်ကြာကြာကပဲ သေဆုံးသွားပြီလို့ ဗုဒ္ဓဟူးညနေမှာ ကြေညာသွားပါတယ်။
ဂျပန်နဲ့ တောင်ကိုရီးယား သတင်းတွေမှာလည်း အလားတူ သတင်းတွေ ဖော်ပြကြပါတယ်။ အဲဒီ သတင်းဌာနတွေက သူတို့ အဲဒီသတင်း ဘယ်ကနေရလဲ ဆိုတာ မဖော်ပြကြပါဘူး။
ဟောင်ကောင် ရုပ်သံဌာန ATV ကတော့ နောက်ပိုင်းမှာ သူတို့သတင်းကို ပြန်ရုပ်သိမ်းသွားပြီး သူတို့ရဲ့ သတင်းပရိသတ်တွေရော မစ္စတာ ကျန်ဇီမင်းနဲ့ သူ့မိသားစုကိုရော တောင်းပန်သွားပါတယ်။
Ref: ဗွီအိုအေ
Read More...
Collapse...
07 ဇူလိုင် 2011
မသင်းသီရိ
ပုဂံ၊ ညောင်ဦးနဲ့ ပုပ္ပါးနယ်ဘက်ကို ဘုရားဖူးခရီး ထွက်နေတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ ဒီကနေ့ ဇူလိုင်လ ၇ ရက် ကြာသပတေးနေ့မှာတော့ တူရွင်းတောင်ခြေဘက်မှာရှိတဲ့ ရှားပါးသစ်ပင် အင်ကြင်းတောဘက် သွား ရောက် လေ့လာခဲ့သလို အဲဒီမှာ ဒေသခံ ရွာသူရွာသားတွေက သူတို့ရဲ့ ရေရရှိမှု အခက်အခဲနဲ့ ကျန်းမာရေးဆိုင်ရာ ကိစ္စ တွေကို လည်း ဒေါ်အောင်ဆန်းစုကြည်ကို ပြောပြခဲ့ကြပါတယ်။ ဒီကနေ့ ဒေါ်အောင်ဆန်းစုကြည်ရဲ့ ညောင်ဦးဘက် ခရီးစဉ်အကြောင်း အပြည့်အစုံကို မသင်းသီရိက တင်ပြပေးထားပါတယ်။
မြန်မာပြည်က အထင်ကရ သမိုင်းဝင် ဘုရားပုထိုး စေတီတွေရှိတဲ့ ပုဂံ၊ ညောင်ဦးဘက်ကို သားငယ် ကိုထိန်လင်းနဲ့အတူ ဘုရားဖူး ထွက်နေတဲ့ ဒေါ်အောင်ဆန်းစုကြည်ဟာ ခရီးစဉ်ရဲ့ ၄ ရက်မြောက် ဒီကနေ့မနက် ၁၀ နာရီက ညောင်ဦးမြို့နယ် တူရွင်းတောင် မြောက်ဘက် ၆ မိုင်ကွာမှာရှိတဲ့ ဇီးအိုသစ်လှရွာက ရှားပါး အင်ကြင်းတောနဲ့ သက်တမ်းရင့် မန်ကျည်းပင်ကြီးတွေဆီ သွားရောက် လေ့လာခဲ့တယ်လို့ NLD ပါတီ ပြောခွင့်ရသူ ဦးအုန်းကြိုင်က ပြောပါတယ်။
“တူရွင်းတောင်ခြေဘက်မှာရှိတဲ့ ဇီးအိုသစ်လှရွာ ဆိုတာဟာ သစ်တောဦးစီးဌာနက ထိန်းသိမ်း ထားရှိတဲ့ ရှားပါးသစ်ပင် အင်ကြင်း တော ရှိတဲ့နေရာ ဖြစ်ပါတယ်။ အိမ်ခြေ ၃၀၀ လောက်ရှိပြီး ဒီရွာက သာယာတယ်လို့ သိရပါတယ်။ ဇီးအိုသစ်လှရွာမှာပဲ သစ်တော ဦးစီး ဌာနက အတည်ပြုထားတဲ့ နှစ်ပေါင်း ၁,၀၀၀ ကျော် သက်တမ်းရှိတဲ့ မန်ကျည်းပင်ကြီး ရှိပါတယ်။ အဲဒီ အလွန်သာယာတဲ့၊ ထူးဆန်းတဲ့ မန်ကျည်းပင်ကြီးကိုလည်း သွားပြီးတော့ လေ့လာပါတယ်။ ပြီးတော့ ရွာက ဆရာတော်ကိုလည်း န၀ကမ္မ အလှူငွေ များ ဆက်ကပ် လှူဒါန်းခဲ့တယ်လို့ သိရပါတယ်။”
ဒေါ်အောင်ဆန်းစုကြည်နဲ့အတူ ဒီခရီးစဉ်အတွက် မန္တလေးတိုင်း NLD အဖွဲ့ဝင်တွေလည်း လိုက်ပါသွားခဲ့ကြပါတယ်။ ဒီကနေ့ ဇီးအိုသစ်လှရွာကို ဒေါ်အောင်ဆန်းစုကြည် လာမယ်ဆိုလို့ ရာနဲ့ချီတဲ့ ဒေသခံတွေ လာရောက် စောင့်ဆိုင်းနေကြပြီး တရင်းတနှီး နှုတ်ဆက်စကား ပြောခဲ့ကြသလို သူတို့ဆီမှာ ကြုံနေရတဲ့ ရေအခက်အခဲ ပြဿနာနဲ့ ကျန်းမာရေးဆိုင်ရာ ကိစ္စတွေကို ပြောပြ ခဲ့ကြတယ်လို့လည်း ပြောပါတယ်။
“ဟိုမှာကျတော့ လာမယ့်သတင်းကို ကြိုတင် သိရှိနေတဲ့ ရွာသူ ရွာသားပေါင်း ၃၀၀ လောက်ကလည်း ကျနော်တို့ စုဝေးတဲ့ နေရာ ကို လာရောက်ပြီး ကြိုဆို နှုတ်ဆက်ကြပါတယ်။ တခြား Source ကလည်း ကျနော်ရတဲ့ သတင်းပါ၊ ရွာသူရွာသားတွေက သူတို့ ရေရှားပါးတဲ့အကြောင်း ပြောကြတယ်တဲ့။ အဖွဲ့ချုပ်ကလည်း ရေကူညီရေး ကိစ္စတွေ ဆောင်ရွက်နေတာဆိုတော့ အဲဒါ အထွေ ထွေ အတွင်းရေးမှူးကို ရေရှားပါးတဲ့ကိစ္စ တင်ပြတယ်။
“သူတို့ဟာ တနှစ်မှာ ရက်ပေါင်း ၁၅၀ လောက် သောက်သုံးရေ ပြတ်လပ်တဲ့ အတွက်ကြောင့် မြစ်ရေကိုပဲ ရအောင် သယ်ယူပြီး တော့ သုံးစွဲနေရတဲ့အကြောင်း အဲဒါကို တင်ပြကြတယ်လို့ သိရပါတယ်။”
NLD အမျိုးသား ဒီမိုကရေစီ အဖွဲ့ချုပ် ပြောခွင့်ရသူ ဦးအုန်းကြိုင်က ဒီကနေ့မနက် ဒေါ်အောင်ဆန်းစုကြည်ရဲ့ ခရီးစဉ်အကြောင်း ပြောပြခဲ့တာ ဖြစ်ပါတယ်။
ညနေပိုင်းမှာတော့ ဒေါ်အောင်ဆန်းစုကြည်ဟာ ညောင်ဦးဈေးဘက် သွားတဲ့အခါမှာလည်း ဈေးသူဈေးသားတွေက တိုးမပေါက် အောင်ကို ကြိုဆိုနှုတ်ဆက်ခဲ့ကြတဲ့ အကြောင်းကိုတော့ ဒေါ်အောင်ဆန်းစုကြည်ရဲ့ ခရီးစဉ်အတွင်း လုံခြုံရေးတာဝန်နဲ့ လိုက်ပါ သွားတဲ့ လူငယ်တဦးက အခုလို ပြောပြပါတယ်။
“ကျနော်တို့ ညောင်ဦးဈေးနားကို ရောက်တဲ့အချိန်မှာ လူအုပ်ကြီးက အရမ်းများတယ်ဗျ။ ဈေးကြီး အပြင်ဘက်အထိ ရောက်နေပြီ။ ပန်းစည်းတွေ၊ ပန်းကုံးတွေနဲ့ ကြိုဆိုကြတယ် ဒေါ်အောင်ဆန်းစုကြည်ကို။ ဈေးထဲကို ကျနော်တို့ တော်တော်လေးကို တိုးယူရ တယ်။ ပြီးတော့ ဈေးထဲက ဈေးသူ ဈေးသားတွေ၊ မြို့သူ မြို့သားတွေက လက်ဆောင်တွေ ပေးကြတယ်။
“အန်တီစုကို သမီးတို့ အားပေးနေပါတယ်တို့၊ ကျနော်တို့ အားပေးနေပါတယ်တို့ ဆိုပြီး လာပြောတဲ့သူတွေ ရှိပါတယ်။ ပြီးတော့ ကျနော်တို့ ပြန်ပြီးတော့ တိုးထွက်တဲ့ အခါမှာလည်း အနောက်ကနေ ဆိုင်ကယ်တွေ၊ ကားတွေနဲ့ လိုက်လာပြီးတော့ လိုက်နှုတ်ဆက် ကြတာပေါ့နော်၊ အဲဒီလိုမျိုးတွေ။”
ဒေါ်အောင်ဆန်းစုကြည်ရဲ့ ခရီးစဉ်အတွင်း လုံခြုံရေးတာဝန်နဲ့ လိုက်ပါသွားတဲ့ လူငယ်တဦး ပြောပြခဲ့တာ ဖြစ်ပါတယ်။
ပြီးခဲ့တဲ့နှစ် နိုဝင်ဘာလမှာ ဒေါ်အောင်ဆန်းစုကြည်ဟာ နေအိမ်အကျယ်ချုပ်က လွတ်လာအပြီး ရန်ကုန်မြို့ အပြင်ဘက်ကို ခရီးထွက်တာ ဒါ ပထမဆုံးအကြိမ် ဖြစ်ပါတယ်။ ဇူလိုင်လ ၄ ရက်နေ့ကနေ ၈ ရက်နေ့အထိ မြန်မာ့သမိုင်းဝင် ရှေးဘုရား ပုထိုး စေတီတွေရှိတဲ့ ပုဂံ၊ ညောင်ဦးဘက်ကို မြန်မာနိုင်ငံကို အလည်အပတ် ရောက်နေတဲ့ သားငယ် ကိုထိန်လင်းနဲ့အတူ ဘုရားဖူး ခရီးစဉ် အဖြစ်နဲ့ ထွက်လာတာဖြစ်ပြီး မနက်ဖြန် ဇူလိုင်လ ၈ ရက် သောကြာနေ့ မနက်မှာတော့ လေကြောင်းလိုင်းနဲ့ ရန်ကုန်ကို ပြန်မယ်လို့လည်း NLD ပါတီက ပြောပါတယ်။
Ref: ဗွီအိုအေ
Read More...
Collapse...
07 ဇူလိုင် 2011
ဦးမိုးဇော်
ကချင်လွတ်လပ်ရေးအဖွဲ့ (KIO) နဲ့ ငြိမ်းချမ်းရေး ဆွေးနွေးတာတွေ အောင်အောင်မြင်မြင် ဆက်လက် ဆောင်ရွက်နိုင်ရေးအတွက် ဆွေးနွေးနေစဉ် ကာလအတွင်းမှာ ပစ်ခတ်တိုက်ခိုက်တာ၊ မိုင်းခွဲတာ၊ အစိုးရ အဆောက်အဦးတွေကို နေရာယူ သိမ်းပိုက်တာတွေ မလုပ်ဖို့နဲ့ ဖမ်းဆီးထားသူတွေ ပြန်လွှတ်ပေးဖို့အတွက် ကချင်ပြည်နယ် အစိုးရက ဖွဲ့စည်းထားတဲ့ ပြည်နယ် တည်ငြိမ်အေးချမ်းမှု ညှိနှိုင်းရေးအဖွဲ့က KIO ဘက်ကို စာပေးပို့ပြီး တောင်းဆိုလိုက်ပါတယ်။ ဒီတောင်းဆိုချက်နဲ့ ပတ်သက်ပြီး KIO ဘက်က လက်ခံ ကြောင်း ပြန်ကြားတာ မရှိသေးပါဘူး။ တချိန်တည်းမှာတော့ အစိုးရတပ်တွေနဲ့ KIA တပ်တွေ အကြားမှာ တိုက်ပွဲတွေ ဆက်လက် ဖြစ်ပွားနေပါတယ်။ ကချင်ပြည်နယ် အတွင်းက ပဋိပက္ခတွေရဲ့ နောက်ဆုံးအခြေအနေကို ဗွီအိုအေ ထိုင်းအခြေစိုက် သတင်း ထောက် ကိုမိုးဇော်က တင်ပြထားပါတယ်။
ကချင်လွတ်လပ်ရေးအဖွဲ့ (KIO) ဘက်က ပစ်ခတ်တိုက်ခိုက်တာတွေ ရပ်ဆိုင်းဖို့အတွက် ပြည်နယ် တည်ငြိမ်အေးချမ်းမှု ညှိနှိုင်း ရေးအဖွဲ့က တောင်းဆိုတဲ့စာကို အဲဒီအဖွဲ့ရဲ့ အဖွဲ့ဝင်လည်းဖြစ်၊ ကချင်အတိုင်ပင်ခံ အဖွဲ့ရဲ့ ဥက္ကဋ္ဌလည်းဖြစ်တဲ့ ဦးဆင်ဝါးနော်က လိုင်ဇာမြို့ကို သွားရောက်ပြီး ပေးပို့တာ ဖြစ်ပါတယ်။ ဒီစာကိုတော့ ညှိနှိုင်းရေးအဖွဲ့ ခေါင်းဆောင် ဗိုလ်မှူးကြီးသန်းအောင်၊ အမျိုးသားလွှတ်တော် ကိုယ်စားလှယ် ဦးခက်ထိန်နန်နဲ့ ကချင်အမျိုးသား အတိုင်ပင်ခံအဖွဲ့ ဥက္ကဋ္ဌ ဦးဆင်ဝါးနော်တို့က လက်မှတ် ရေးထိုးထားတာ ဖြစ်ပါတယ်။
ပြည်နယ် တည်ငြိမ်အေးချမ်းမှု ညှိနှိုင်းရေးအဖွဲ့ဟာ အစိုးရတပ်နဲ့ KIA တပ်တွေအကြား အပစ်အခတ် ရပ်စဲဖို့ ကြားဝင်ညှိနှိုင်း ဆောင်ရွက်နေတဲ့ အဖွဲ့ဖြစ်ပြီး ပေးပို့တဲ့ စာပါ အချက်တွေကို KIO အဖွဲ့ရဲ့ တွဲဖက် အထွေထွေ အတွင်းရေးမှူး ဦးလနန်က အခုလို ပြောပြပါတယ်။
“သူတို့ဘက်ကတော့ သူတို့ စစ်တပ်ဘက်ကို KIA သာမပစ်ရင် စပြီး မပစ်ဖို့ ညွှန်ကြားထားတာ ဇွန်လ ၁၈ ရက်နေ့ကတည်းက ဖြစ်တယ်၊ အဲဒါကြောင့်မို့ KIA တပ်ဖွဲ့တွေကလည်း တူညီတဲ့ တုံ့ပြန်တဲ့အနေနဲ့ အပစ်အခတ် ရပ်ဆိုင်းပေးဖို့ ရှေ့တန်းတွေကို ညွှန်ကြားပေးပါဆိုတဲ့ စာပါပဲ။ နောက်ပြီးတော့ ဒီလိုမျိုး တွေ့ဆုံဆွေးနွေးပွဲက နေပြီးတော့ ထာဝရ ငြိမ်းချမ်းရေးအတွက် ဆွေးနွေး ဖို့ကတော့ အချိန်တော့ လိုအပ်မှာ ဖြစ်တယ်။ ဒီလိုမျိုး ဆွေးနွေးမှုမှာတော့ ယုံကြည်မှုရှိဖို့က အရေးကြီးတယ်။ ဒါကြောင့် ရှေ့တန်း မှာ ပစ်တာ ခတ်တာတွေ မရှိအောင် ညွှန်ကြားပေးပါဆိုတဲ့ အချက်ပါ။ အဓိကအချက်က အဲဒီအချက်ပါပဲ။”
ညှိနှိုင်းရေးအဖွဲ့က တောင်းဆိုတဲ့စာနဲ့ ပတ်သက်ပြီး KIO ဘက်က တုံ့ပြန်မှုကိုတော့ ဦးလနန်က အခုလို ပြောပါတယ်။
“လက်ခံနိုင်တဲ့ အဆင့်တော့ မရောက်သေးဘူး။ တခြားတော့ တုံ့ပြန်စရာ ဘာမှ မရှိပါဘူး။ အရင်တုန်းက ပြောပြီးသား ရှိတယ် လေ သူတို့ကို။ စာနဲ့ကို အကြောင်းကြားထားတာ ရှိတယ်။ ကျနော်တို့ တောင်းဆိုထားတဲ့ သူတို့ တပ်ပိုင်းဆိုင်ရာ ဆုံးဖြတ် ပိုင်ခွင့်ရှိ တဲ့ ပုဂ္ဂိုလ်တဦးဦးက နေပြီးတော့ တကယ်ပဲ အဲလို ရှေ့တန်းတွေကို ညွှန်ကြားထားပြီးပြီ ဆိုတဲ့ဟာ အာမခံပေးနိုင်တဲ့စာကို ကျနော် တို့ တောင်းထားတာပါ။ အဲဒါပါပဲ ကျနော်တို့ကတော့။”
မြန်မာစစ်တပ်တွေကို အပစ်အခတ် ရပ်ဆိုင်းဖို့ ညွှန်ကြားထားပေမဲ့ ရှေ့တန်းတွေမှာတော့ တိုက်ခိုက်တာတွေ ရှိနေဆဲ ဖြစ်တယ်လို့ ဦးလနန်က ဆက်ပြောပါတယ်။
“ရှေ့တန်းမှာတော့ တိုက်တာ ခိုက်တာတွေကတော့ အမြဲတမ်း အနည်းအကျဉ်းတော့ ရှိနေတုန်းပဲ။ သူတို့က မတိုက်ဘူး ဆိုပေမဲ့ တပ်အင်အား ဖြည့်တင်းမှုက ရှိနေတယ်။ ဒီနေ့မှာလည်း မိုးမောက်ကနေ ကား ၃ စင်းနဲ့ တက်လာတာမျိုး ရှိတယ်လေ။ မနေ့ က လည်း ဆန်ဂန်စခန်းမှာဆို ကျနော်တို့ဘက်ကို လက်နက်ကြီးနဲ့ ၅ ချက်လောက် ပစ်သေးတယ်။ အဲဒါမျိုး ဆက်တိုက် ဖြစ်နေတယ်။ အဲဒါကြောင့် သူတို့ ပြောဆိုချက်ကို ကျနော်တို့က လက်ခံနိုင်တဲ့ အဆင့်တော့ မရောက်သေးဘူး။”
မြန်မာအစိုးရဘက်ကလည်း KIA တပ်ဖွဲ့တွေက ဟိုပင်မြို့အနီးက မြစ်ကြီးနား၊ မန္တလေး ရထားလမ်းကို ဒီလ ၅ ရက်နေ့က ဗုံးခွဲ တိုက်ခိုက်ခဲ့တာကြောင့် သံလမ်းပြတ်တောက်ပြီး ဇလီဖားတုံးတွေ ပျက်စီးခဲ့ကြောင်း၊ ထိခိုက် သေကျေတာ မရှိကြောင်း ဒီနေ့ သတင်းစာမှာ ဖော်ပြပါတယ်။
KIA ဘက်က အပစ်ရပ်ဖို့ တောင်းဆိုတာကို လက်မခံသေးပေမဲ့ ညှိနှိုင်းရေးအဖွဲ့ ခေါင်းဆောင် ဗိုလ်မှူးကြီးသန်းအောင် တောင်းဆို တဲ့ မြစ်ကြီးနား၊ ဗန်းမော်လမ်းက မဒီးယန်တံတားကို ပြန်လည်ပြင်ဆင်ဖို့ကိုတော့ လက်ခံခဲ့ပါတယ်။ ဒါ့အပြင် ညှိနှိုင်း ရေးအဖွဲ့ဘက်က KIO ရဲ့ လိုလားချက်တွေကို နိုင်ငံတော် သမ္မတဆီကို တိုက်ရိုက်စာရေးဖို့ ကမ်းလှမ်းတာ ရှိခဲ့ပေမဲ့ KIO ဘက်က ဗဟိုကော်မတီ အစည်းအဝေးမှာ ဆွေးနွေးပြီး အကြောင်းပြန်မှာဖြစ်ကြောင်း တုံ့ပြန်ထားတယ်လို့ သိရပါတယ်။
KIA နဲ့ အစိုးရတပ်တွေအကြား အပစ်အခတ် ရပ်စဲဖို့အတွက် ဇွန်လ ၁၇ ရက်နေ့နဲ့ ၃၀ ရက်နေ့မှာ နှစ်ကြိမ် တွေ့ဆုံ ဆွေးနွေးတာ တွေ ရှိခဲ့သလို မနေ့က စာရေးပြီး ညှိနှိုင်းတာ ရှိပေမဲ့ အခုထိတော့ မအောင်မြင်သေးပါဘူး။ ပြည်နယ် တည်ငြိမ်အေးချမ်းမှု ညှိနှိုင်း ရေး အဖွဲ့ကတော့ ထာဝရငြိမ်းချမ်းရေး ရတဲ့အထိ ဆောင်ရွက်သွားဖို့ မျှော်လင့်ထားတာလည်း ဖြစ်ပါတယ်။
လောလောဆယ်မှာတော့ အရင်လက စခဲ့တဲ့ တိုက်ပွဲတွေကြောင့် ကချင်ဒုက္ခသည် ၁၅,၀၀၀ ကျော်ဟာ တရုတ်၊ မြန်မာ နယ်စပ် က KIA ဌာနချုပ် လိုင်ဇာ၊ မိုင်ဂျာယန်၊ လွယ်ဂျယ် စတဲ့မြို့တွေအပြင် မြစ်ကြီးနားနဲ့ ၀ိုင်းမော်မြို့တွေကိုလည်း ထွက်ပြေး တိမ်း ရှောင်နေရပါတယ်။
Ref: ဗွီအိုအေ
Read More...
Collapse...
07 ဇူလိုင် 2011
ကမ္ဘာကြီးဟာ ကုလသမဂ္ဂရဲ့ ထောင်စုနှစ် ရည်မှန်းချက်တွေကို ပြည့်မီနိုင်ဖို့အတွက် လမ်းကြောင်းမှန်ပေါ်မှာ ရှိနေပြီလို့ ကုလ သမဂ္ဂ အစီရင်ခံစာအသစ်က ပြောလိုက်ပါတယ်။ အဲဒီရည်မှန်းချက်တွေထဲမှာ လူတွေ ပိုကျန်းမာပြီး ချမ်းသာလာဖို့၊ ပိုပြီး ပညာ တတ်အောင် အကူအညီပေးဖို့ ဖြစ်ပါတယ်။ ဒါပေမဲ့လည်း ကမ္ဘာပေါ်က အဆင်းရဲဆုံး လူတွေကတော့ နောက်မှာ အများကြီး ပြတ်ကျန်နေခဲ့တယ်လို့ ပြောပါတယ်။
၂၀၁၁ ခုနှစ်အတွက် ထုတ်ပြန်လိုက်တဲ့ ကုလသမဂ္ဂရဲ့ ထောင်စုနှစ် ရည်မှန်းချက် အစီရင်ခံစာမှာတော့ ၁၉၉၀ ခုနှစ်က ကုလ သမဂ္ဂ အဖွဲ့ဝင်တွေ ချမှတ်ခဲ့တဲ့ ရည်မှန်းချက်တွေဟာ တိုးတက်မှု ရှိလာတယ်လို့ ဆိုထားပါတယ်။ အဲဒီရည်မှန်းချက်တွေကို ၂၀၁၅ ခုနှစ်မှာ ပြည့်မီနိုင်ဖို့အတွက် ရည်မှန်းထားပါတယ်။
ကမ္ဘာကြီးတခုလုံး အနေနဲ့ ဆင်းရဲမွဲတေမှုနှုန်းကို ၁၅% အောက်အထိ ရောက်အောက် လျှော့ချဖို့ လုပ်နေတဲ့ ကိစ္စဟာလည်း လမ်းကြောင်းမှန်ပေါ်မှာ ရှိနေတယ်လို့ ဆိုထားပါတယ်။
ဘူရွန်ဒီ၊ ရ၀မ်ဒါ၊ ဆာမိုအာ၊ တိုဂိုနဲ့ တန်ဇန်းနီးယားတို့လို အဆင်းရဲဆုံး နိုင်ငံတွေထဲက တချို့နိုင်ငံတွေဟာ လူတိုင်း တန်းတူ ပညာသင်ကြားနိုင်ရေး ဖြစ်လာဖို့လည်း နီးကပ်လာနေပြီလို့ ပြောပါတယ်။ အသက် ၅ နှစ်အောက် ကလေးသူငယ်တွေကြား သေဆုံးမှုနှုန်းဟာ ၁၉၉၀ ခုနှစ်မှာ ၁၂.၄ သန်း ရှိရာကနေ ၂၀၀၉ ခုနှစ်မှာ ၈.၁ သန်းအထိ ကျဆင်းခဲ့တယ်လို့ ပြောပါတယ်။
Ref: VOa
Read More...
Collapse...
07 ဇူလိုင် 2011
အရှေ့တောင်အာရှ ဒေသမှာ ရှိတဲ့ မဲခေါင်မြစ်အတွက် သဘာဝ ပတ်ဝန်းကျင်ဆိုင်ရာ တင်းကျပ်တဲ့ ကာကွယ်စောင့်ရှောက်မှုတွေ လုပ်ဆောင်ရေး နိုင်ငံတကာ အဖွဲ့အစည်းတွေမှာ အမေရိကန်ရဲ့ အသံနဲ့ မဲကို အသုံးချဖို့ အမေရိကန် အထက်လွှတ်တော်အမတ် တစုက တိုက်တွန်းလိုက်ကြပါတယ်။
ဒီမိုကရက်တစ် အထက်လွှတ်တော်အမတ် ဂျင်မ် ၀က်ဘ် (Jim Webb) ဦးဆောင်တဲ့ အထက်လွှတ်တော် အမတ်တွေက ဆုံးဖြတ်ချက် တရပ်ကို ကြာသပတေးနေ့က အထက်လွှတ်တော်မှာ အဆိုပြု တင်သွင်းခဲ့ကြတာပါ။
ကမ္ဘာ့ဘဏ်လို နိုင်ငံတကာ အဖွဲ့အစည်းတွေမှာ အမေရိကန် ကိုယ်စားလှယ်တွေ အနေနဲ့ မိမိတို့ရဲ့ သြဇာ အရှိန်အ၀ါကို အသုံးပြု ပြီး မဲခေါင်မြစ်ကို ကာကွယ်ဖို့ အဆိုပြုချက်က တောင်းဆိုထားပါတယ်။
ဆာယာဘူရီဆည်ကို တည်ဆောက်ရေးကိစ္စ ရွှေ့ဆိုင်းခဲ့တဲ့ အတွက်လည်း ဆုံးဖြတ်ချက်ထဲမှာ လာအိုနိုင်ငံကို ချီးကျူးထား ပါတယ်။ သင့်လျော် လျောက်ပတ်တဲ့ စီမံကိန်းတွေ ရှိလာတဲ့အထိ ဆည်တည်ဆောက်ရေး စီမံကိန်းတွေကို ဆိုင်းငံ့ထားဖို့လည်း အဆိုပြုချက်ထဲမှာ တောင်းဆိုထားပါတယ်။
မဲခေါင်မြစ်အပေါ်မှာ မှီခိုအားထား နေကြရတဲ့ လူပေါင်း သန်း ၆၀ ကျော်တို့ရဲ့ ကျန်းမာရေးနဲ့ သာယာဝပြောရေးတို့အတွက် အမေရိကန် ပြည်ထောင်စုနဲ့ ကမ္ဘာ့အသိုက်အ၀န်းမှာ မဟာဗျူဟာ အကျိူးစီးပွား ရှိနေတယ်လို့ ကြာသပတေးနေ့ ထုတ်ပြန်ချက် တရပ်ထဲမှာ မစ္စတာဝက်ဘ်က ပြောထားပါတယ်။
မဲခေါင်မြစ်တလျှောက်က ဆည်တွေဟာ ဒေသတွင်း စားနပ်ရိက္ခာ ဖူလုံရေးကို ခြိမ်းခြောက်နေပြီး ငါးတွေ ရွှေ့ပြောင်းတာကို ပိတ်ဆို့စေသလို မြစ်ထဲ ဆားငံရေတွေ ပိုဝင်စေတယ်လို့ အထက်လွှတ်တော်အမတ် ဂျင်မ် ၀က်ဘ်က ပြောပါတယ်။
မဲခေါင်မြစ်ဟာ တရုတ်၊ မြန်မာ၊ လာအို၊ ထိုင်း၊ ကမ္ဘောဒီးယားနဲ့ ဗီယက်နမ် နိုင်ငံတွေကို ဖြတ်သန်း စီးဆင်းနေတဲ့ ဒေသတွင်း အဓိကမြစ်ကြီးတခု ဖြစ်ပါတယ်။
Ref: VOA
Read More...
Collapse...
07 ဇူလိုင် 2011
ဒေါ်ခင်မျိုးသက်
ICRC ကမ္ဘာ့ကြက်ခြေနီအဖွဲ့ဟာ မြန်မာအာဏာပိုင်တွေရဲ့ ပန်ကြားမှုနဲ့ ဇူလိုင်လ ၁ ရက်ကနေ ၅ ရက်အတွင်း နယ်အကျဉ်း ထောင် ၃ ခုမှာ ရေရရှိမှုနဲ့ ရေဆိုးစွန့်ပစ်မှု အခြေအနေတွေကို သွားရောက်စစ်ဆေးခွင့် ရခဲ့ပါတယ်။ အခုလို နည်းပညာ အကူညီ ပေးမှုတွေကနေ တဆင့် မကြာခင်မှာပဲ မြန်မာနိုင်ငံတ၀န်း အကျဉ်းထောင်တွေထဲက အကျဉ်းသားတွေနဲ့ တွေ့ဆုံခွင့်၊ အကူအညီ ပေးနိုင်ခွင့်တွေ ရလာမယ်လို့ မျှော်လင့်ထားကြောင်းလည်း ICRC က ပြောပါတယ်။ အပြည့်အစုံကို ဒေါ်ခင်မျိုးသက်က တင်ပြ ပေးထားပါတယ်။
လွန်ခဲ့တဲ့ ၂၀၀၅ ခုနှစ် ကတည်းက မြန်မာနိုင်ငံ အကျဉ်းထောင်တွေကို သွားရောက်ခွင့် ပိတ်ပင်ခံခဲ့ရတဲ့ ICRC အဖွဲ့ဟာ အခု နည်းပညာဆိုင်ရာ အကူအညီတွေ ပေးဖို့အတွက် သွားရောက်ခွင့် ရခဲ့တယ်လို့ ICRC အဖွဲ့ အာရှဒေသဆိုင်ရာ ပြောခွင့်ရ ခရစ်ရှန် ကာဒန်က ပြောပါတယ်။
“ကျနော်တို့ဟာ ရေရရှိရေးအတွက်နဲ့ ရေသွင်း ရေထုတ်မှုဆိုင်ရာ နည်းပညာ အကူအညီတွေ ပေးနိုင်ဖို့ အကျဉ်းထောင် ၃ ခုမှာ လုပ်နိုင်ခဲ့ပါတယ်။ ပထမ ဇူလိုင်လ ၁ ရက်နေ့မှာ မော်လမြိုင် အကျဉ်းထောင်ကို သွားပြီး ဇူလိုင်လ ၂ ရက်နေ့မှာတော့ ဘားအံ အကျဉ်းထောင်နဲ့ ဇူလိုင် ၅ ရက်နေ့မှာ မြောင်းမြ အကျဉ်းထောင်ကို သွားခဲ့ပါတယ်။” လို့ ပြောသွားပါတယ်။
အခုလို နယ်အကျဉ်းထောင်တွေကို သွားခွင့်ရခဲ့တာဟာ ICRC ရဲ့ ပုံမှန်အလုပ်ဖြစ်တဲ့ အကျဉ်းသားတွေနဲ့ တွေ့ဆုံတာမျိုး မဟုတ်ဘူးလို့လည်း ပြောပါတယ်။
“အခုလို သွားရောက်ခဲ့တာဟာ နည်းပညာဆိုင်ရာ အကူအညီတွေ ပေးဖို့သက်သက်ပဲ သွားခဲ့တယ် ဆိုတာကို သိထားဖို့က သိပ်ကို အရေးကြီးပါတယ်။ ICRC က တကယ်လုပ်ရမယ့် အလုပ်ဖြစ်တဲ့ အကျဉ်းသားတွေကို တွေ့ဖို့ သွားတာမျိုး မဟုတ်ပါဘူး။ ဒါကြောင့် အကျဉ်းသားတွေနဲ့ တွေ့ဆုံ ဆွေးနွေးခွင့်လည်း မရခဲ့ပါဘူး။ ဒီလို အကျဉ်းသားတွေနဲ့ တွေ့ဆုံဖို့ အကျဉ်းထောင် တွေထဲ ကို သွားရောက်ခွင့် ရခဲ့တာဟာ ၂၀၀၅ ခုနှစ်မှာ နောက်ဆုံးမို့ အခုဆို ၆ နှစ်နီးပါး ရှိနေပါပြီ။” လို့လည်း ဆိုပါတယ်။
ICRC အဖွဲ့ကို ရေရရှိရေးနဲ့ ရေဆိုး စွန့်ထုတ်မှုဆိုင်ရာ နည်းပညာ အကူအညီတွေ ပေးဖို့အတွက် မြန်မာအာဏာပိုင်တွေဘက်က ပန်ကြားခဲ့တယ်လို့လည်း ပြောပါတယ်။ မြန်မာအာဏာပိုင်တွေရဲ့ ဒီပန်ကြားမှုနဲ့ အခုလို အကျဉ်းထောင်တွေဆီ သွားရောက်နိုင် တာဟာ နောင်မှာ အကျဉ်းသားတွေကို တွေ့ဆုံနိုင်တဲ့အရေး အပါအ၀င် ပိုမိုကျယ်ပြန့်တဲ့ လုပ်ငန်းတွေ လုပ်လာနိုင်မယ့် ခြေလှမ်း တရပ် ဖြစ်ပါတယ်လို့လည်း ဆိုပါတယ်။
“ဒါဟာ ပထမခြေလှမ်းတရပ်ပါ။ ကျနော်တို့ဟာ မြန်မာအာဏာပိုင်တွေနဲ့လည်း ဆွေးနွေးနေတာမို့ အခု နည်းပညာ အကူအညီ ပေးတဲ့ ခြေလှမ်းနဲ့ စပေမဲ့ ရှေ့မှာ အကျဉ်းထောင်တွေထဲက အကျဉ်းသားတွေ အတွက်ပါ တွေ့ဆုံ အကူအညီတွေ ပေးနိုင်ဖို့ ကျယ်ကျယ်ပြန့်ပြန့်တွေ ဖြစ်လာမှာပါ။ ဒါဟာ ရေရှည်အတွက်ပါ။” လို့ ပြောသွားပါတယ်။
ICRC ဟာ ကမ္ဘာပေါ်က နိုင်ငံပေါင်း ၈၀ ကျော်မှာရှိတဲ့ ဒီလို အကျဉ်းထောင်တွေထဲက အကျဉ်းသားပေါင်း ၅၀၀,၀၀၀ လောက် အတွက် နှစ်စဉ် အကူအညီတွေ ပေးနေတယ်လို့ ဆိုပါတယ်။ ဒီလို အကူအညီတွေ ပေးနိုင်ဖို့အတွက် အခုလို တနေရာရာကနေ စရတဲ့ အတွေ့အကြုံတွေ ရှိတာမို့ အခုလည်း မြန်မာနိုင်ငံ အကျဉ်းထောင်တွေထဲက အကျဉ်းသားတွေကို အကူအညီ ပေးနိုင်မယ့် လမ်းစအဖြစ်နဲ့ ခံယူထားတယ်လို့ ပြောပါတယ်။
ICRC အဖွဲ့ဟာ ၁၉၉၉ ခုနှစ်ကနေ ၂၀၀၅ ခုနှစ် မြန်မာစစ်အစိုးရလက်ထက် ကန့်သတ်ပိတ်ပင်မှု အမျိုးမျိုး မလုပ်ခင် အချိန်အထိ အကျဉ်းသားတွေရဲ့ ကျန်းမာရေး အပါအ၀င် အကူအညီတွေ အမျိုးမျိုး ပေးနိုင်ခဲ့ပါတယ်။
မကြာခင်ကမှ မြန်မာနိုင်ငံကို လာရောက်ခဲ့တဲ့ အမေရိကန် အထက်လွှတ်တော်အမတ် ဂျွန်မက်ကိန်း (John McCain) က ICRC ကို အကျဉ်းထောင်တွေထဲကို သွားရောက်ခွင့် ပြန်ပြီး ပေးဖို့အတွက် တောင်းဆိုခဲ့တဲ့နောက် မြန်မာအစိုးရ သတင်းစာတွေထဲမှာ ပထမဆုံး ICRC နဲ့ ပတ်သက်တဲ့ တောင်းဆိုချက်ကို ထည့်သွင်း ဖော်ပြခဲ့တာ တွေ့ရပါတယ်။
Ref: ဗွီအိုအေ
Read More...
Collapse...
07 July 2011
ဒေါ်အောင်ဆန်းစုကြည်၏ ပုဂံခရီးစဉ် နောက်ဆုံးနေ့ဖြစ်သော ယနေ့ ညနေပိုင်းတွင် ညောင်ဦးမြို့လယ် မဏိစည်သူဈေးသို့ သွားရောက်လည်ပတ်ခဲ့ရာ မြို့ခံ ရာပေါင်းများစွာ ၀ိုင်းဝန်းကြိုဆို နှုတ်ဆက်ကြသောကြောင့် ကားလမ်းမပေါ်၊ ဈေးရုံအတွင်းနှင့် ဈေးအရှေ့တွင် လူများနှင့် ပြည့်နှက်သွားခဲ့သည်။
ညနေ ၄ နာရီ ၁၀ မိနစ်တွင် မဏိစည်သူဈေးသို့ ဒေါ်အောင်ဆန်းစုကြည် ရောက်ရှိလာရာ ရပ်ကွက်အတွင်းမှ ပြည်သူများ၊ ဈေးသူ ဈေးသားများ၊ တခြားရပ်ကွက်များမှ မြို့ခံများစွာ စုပြုံရောက်ရှိလာပြီး နှုတ်ဆက်ကြခြင်း ဖြစ်သည်။
“အမေစု ပုဂံကိုရောက်နေတဲ့ သတင်းကို ကြားတယ်။ ညောင်ဦးကို လာမယ်မထင်ဘူး။ အခု ရောက်လာတော့ အားလုံးက ပျော်ကြတယ်။ အမေစု ကျန်းမာပါစေ၊ အမေ ကျန်းမာရေး ဂရုစိုက် ဆိုတဲ့အသံတွေက တမြို့လုံး ညံနေတယ်” ဟု မဏိစည်သူဈေးမှ ဈေးသားတဦးက ပြောသည်။
ဈေးသူဈေးသား အများစုက ဒေါ်အောင်ဆန်းစုကြည်အတွက် လက်ဆောင်များပေးခြင်း၊ ပန်းများပေးခြင်း ပြုလုပ်ခဲ့ပြီး သူ့နားသို့ ရောက်အောင် ကပ်၍ နမ်းကြသူများ၊ လက်ဆွဲနှုတ်ဆက်သူများကြောင့် ဈေးနှင့် လမ်းများပေါ်တွင် လူ ရာပေါင်းများစွာ ပိတ်ဆို့ သွားသည်။
ဒေါ်အောင်ဆန်းစုကြည်သည် သူ၏သား ကိုထိန်လင်းအတွက် ပုဆိုးတချို့ဝယ်ပေးခဲ့သည်။ မြို့ခံလူထုက “ဒေါ်အောင်ဆန်းစု ကြည် ကျန်းမာပါစေ” ဟု ဟစ်ကြွေးကာ လက်ခုပ်များတီးပြီး အားပေးကြသည်။
များပြားလှသော လူအုပ်ကို ဒေါ်အောင်ဆန်းစုကြည်က နောက်တကြိမ် ပုဂံမြေသို့ လာရောက်ဦးမည်ဟု ပြန်လည် ကတိပေး ပြောဆိုသည်။
ဒေါ်အောင်ဆန်းစုကြည်ကို လာရောက်နှုတ်ဆက်ကြသော လူအုပ်ထဲမှ သူ၏လက်ကို ကိုင်ကာ ငိုကြွေးသူများလည်း ရှိသည်။
ဒေါ်အောင်ဆန်းစုကြည်သည် ၄ ရက်နေ့က ပုဂံသို့ ရောက်ရှိခဲ့ပြီး မနက်ဖြန် မနက်ပိုင်းတွင် ရန်ကုန်သို့ လေကြောင်း ခရီးဖြင့် ပြန်လည်ထွက်ခွာ မည်ဖြစ်သည်။
Ref: ဧရာဝတီ
Read More...
Collapse...
ရန်ပိုင်
07 July 2011
ရန်ကုန်တိုင်း တိုင်းမှူးဟောင်း ဗိုလ်မှူးချုပ် ထွန်းသန်းကို ဇူလိုင်လ ၅ ရက်နေ့က တာဝန်မှ ရပ်စဲလိုက်ကြောင်း နေပြည်တော် စစ်ဘက် သတင်းရပ်ကွက်မှ သိရသည်။
ဗိုလ်မှူးချုပ် ထွန်းသန်းအား ပြီးခဲ့သည့် ရက်ပိုင်းက ရန်ကုန်တိုင်းစစ်ဌာနချုပ်မှ ပဲခူးတိုင်းတောင်ငူ အခြေစိုက် တောင်ပိုင်းတိုင်း စစ်ဌာနချုပ်သို့ ပြောင်းရွေ့စေခဲ့ပြီး ၂ ရက်အကြာတွင် နေပြည်တော်သို့ ခေါ်ယူပြီး ရာထူးမှ အနားယူစေခဲ့ခြင်းဖြစ်သည်ဟု စစ်ဘက်နှင့်နီးစပ်သူတဦးက ပြောသည်။
“နေပြည်တော်ကို လင်မယား ၂ယောက်စလုံး ခေါ်ပြီး၊ တိုင်းမှူးကြီးကို ပင်စင်ပေးလိုက်တာ” ဟု ၎င်းကဆိုသည်။
မည်သည့် ပြစ်ချက်ကြောင့် အငြိမ်းစားပေးသည်ကိုမူ တိတိ ကျကျ မသိရသေးသော်လည်း ရန်ကုန်တိုင်းမှူးအဖြစ် တာဝန်ယူစဉ်က မြေယာတချို့နှင့် ပတ်သက်၍ လာဘ်စား ခဲ့သည်အတွက် အရေးယူခြင်းဖြစ်သည်ဟု ၎င်းက ပြောသည်။
လစ်လပ်သွားသော ယင်းတိုင်းမှူးနေရာတွင် လာမည့် နိုင်ငံတော် ကာကွယ်ရေးတက္ကသိုလ်ဆင်း တဦးဦးဖြင့် အစားထိုး ခန့်အပ် မည်ဟု စစ်ဘက်အသိုင်းအဝိုင်းက ခန့်မှန်းနေကြသည်။
ပြီးခဲ့သည့် လအတွင်းက ကျင်းပသည့် တပ်မတော် လေးလပတ် တပ်မှူးများ ညီလာခံ အပြီးတွင် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်၏ အမိန့်ဖြင့် စစ်တိုင်းမှူး ၆ ဦးကို စစ်တိုင်းနေရာများ ပြောင်းရွှေ့ တာဝန်ထမ်းဆောင်စေခဲ့သည်။ ဗိုလ်မှူးချုပ် ထွန်းသန်းသည် ထိုပြောင်းရွှေ့ခံရသည့် စစ်တိုင်းမှူး ၆ ဦးတွင် တဦးအပါအ၀င် ဖြစ်သည်။
ဗိုလ်မှူးချုပ် ထွန်းသန်းသည် ပြီးခဲ့သည့်နှစ် သြဂုတ်လက ပြုလုပ်သည့် စစ်ဘက်ဆိုင်ရာ ရာထူးအပြောင်းအလဲများတွင် ပဲခူး အခြေစိုက် တပ်မ ၇၇ တပ်မှူးမှ ရန်ကုန်တိုင်းစစ် ဌာနချုပ်တိုင်းမှူးအဖြစ် ပြောင်းလဲ တာဝန်ထမ်းဆောင်ခဲ့သူ ဖြစ်သည်။
ပြီးခဲ့သည့်လအတွင်းကလည်း တြိဂံတိုင်းစစ်ဌာနချုပ် တိုင်းမှူး ဗိုလ်မှူးချုပ် သန်းထွန်းဦးသည်လည်း ထိုင်းနိုင်ငံမှ ၀င်ရောက်သည့် တရားမ၀င် လိုင်စင်မဲ့ကားများ တင်သွင်းမှုတွင် ပါဝင်ပတ်သက်နေသည်ဆိုသည့် စွပ်စွဲချက်များကြောင့် ရှောင်တခင် ၀င်ရောက် စစ်ဆေးခြင်းကို ခံခဲ့ရသေးသည်။
Ref: ဧရာဝတီ
Read More...
Collapse...
သန်းထိုက်ဦး
07 July 2011
မကြာသေးခင်က ပုန်ကန် ခွဲထွက်သွားသော ကရင်နယ်ခြားစောင့် တပ်ဖွဲ့ဝင်များကို ပြန်လည် စည်းရုံးရန် အစိုးရက DKBA ခေါင်းဆောင်ဟောင်း တဦးဖြစ်သည့် ဗိုလ်ချစ်သူကို တနင်္ဂနွေနေ့က စေလွှတ် ညှိနှိုင်းခဲ့သော်လည်း အောင်မြင်မှု မရှိသေးကြောင်း သိရသည်။
ဗိုလ်ချစ်သူသည် ခွဲထွက်သွားသည့် တပ်ရင်း ၄ ရင်းကို ဦးဆောင်နေသူ တပ်ရင်းမှူး ဒု ဗိုလ်မှူးကြီး စောဘိ (ဗိုလ်ဘိ) နှင့် ကရင် ပြည်နယ်၊ လှိုင်းဘွဲ့မြို့၊ မြိုင်ကြီးငူ ဒေသတွင် တွေ့ဆုံခဲ့ခြင်း ဖြစ်သည်ဟု ကရင်အမျိုးသား အစည်း အရုံး (KNU) တပ်မဟာ ၇ မှ ဗိုလ်မှူးချူပ် ဂျော်နီက ဧရာ ၀တီသို့ ပြောသည်။
“မြန်မာ အစိုးရကတော့ ကရင် အချင်းချင်း ပြန်တိုက် စေချင်တယ်၊ ဒါကြောင့် ဗိုလ်ချစ်သူကို ညှိခိုင်းတာ ပါ၊ ဒါပေမယ့် ဗိုလ်ဘိက ဗိုလ်ချစ်သူကို မယုံတော့ ညှိနှိုင်းတာ အဆင်မပြေဘူး” ဟု ဗိုလ်မှူးချူပ် ဂျော်နီက ပြောသည်။
ပုန်ကန်ခွဲထွက်သွားသော တပ်ဖွဲ့များက မြိုင်ကြီးငူဒေသ အပြင်ဘက်တွင် နေရာယူထားကြောင်း သိရသည်။
“တိုက်ပွဲဖြစ်ရင် ဘုန်းကြီးကျောင်းတွေ ဘာသာရေး အဆောက်အအုံတွေ ပျက်စီးမှာစိုးလို့ ဗိုလ်ဘိကတော့ မြိုင်ကြီး ငူနားမှာ စစ်မျက်နှာ မဖွင့်ချင်ဘူး” ဟု ဗိုလ်မှူးချူပ် ဂျော်နီက ဆိုသည်။
ဤအတောအတွင်း ဒေသခံအများအပြားက တိုက်ပွဲများဖြစ်ပွားမည်ကိုစိုးရိမ်သဖြင့် အနီးအနားရှိမြို့ရွာများသို့ ပြောင်းရွှေ့နေကြသည်ဟု သိရသည်။
DKBA ခေါ် တိုးတက်သော ဗုဒ္ဓဘာသာ ကရင် အမျိုးသား တပ်မတော်သည်သည် အာဏာပိုင်တို့၏ အစီအစဉ်ဖြင့် နယ်ခြားစောင့်တပ်များ အဖြစ် အသွင်ပြောင်းထားသည်မှာ တနှစ် ပြည့်တော့မည် ဖြစ်သည်။
ပြီးခဲ့သည့် မေလတွင် တပ်ရင်း ၄ ရင်းက ပုန်ကန် ခွဲထွက်ပြီး DKBA တပ်ဖွဲ့များအဖြစ် ပြန်လည် ခံယူလိုက်ကြသည်။ အစိုးရ၏ အုပ်ချုပ်မှု အောက်တွင် မနေလိုသဖြင့် ခွဲထွက်ခြင်း ဖြစ်သည်ဟု သိရသည်။
တလအကြာတွင် ခွဲထွက်တပ်များနှင့် အစိုးရကို သစ္စာခံသည့် ကရင် နယ်ခြားစောင့်တပ်များ မြိုင်ကြီးငူ အနီးရှိ တခွက်ဖိုး ကျေးရွာတွင် တိုက်ပွဲ ဖြစ်ပွားခဲ့ကြသည်။ နယ်ခြားစောင့်တပ် အမှတ် ၁၀၁၁ ၏ တပ်ရင်းမှူး ဒု ဗိုလ်မှူးကြီး စိုးနိုင် ကျဆုံး သွားကြောင်း သိရသည်။
၂ နာရီ ခန့်ကြာသည့် ထိုတိုက်ပွဲတွင် ခွဲထွက် တပ်ဖွဲ့များက စစ်ရေးအရ အချက်အချာကျသည့် တံတား ၃ စင်း ကို ဖျက်ဆီးခဲ့ သည်ဟု သိရသည်။
ကရင်ပြည်နယ်တွင် ဖြစ်ပွားသော တိုက်ပွဲ၊ မငြိမ်မသက်မှုများနှင့် ပတ်သက်ပြီး အစိုးရက သတင်းထုတ်ပြန်ခြင်း မရှိသေးပေ။
Ref: ဧရာဝတီ
Read More...
Collapse...
လင်းသန့်
07 July 2011
အကျဉ်းထောင်များသို့ ၀င်ရောက်စစ်ဆေးခွင့် ပိတ်ပင်ထားသော အပြည်ပြည်ဆိုင်ရာ ကြက်ခြေနီအဖွဲ့ (ICRC) က တာဝန်ရှိသူများသည် မြန်မာနိုင်ငံအကျဉ်းထောင် ၃ ခုသို့ ယခု အစိုးရသစ်လက်ထက်တွင် ပထမဆုံး ၀င်ရောက် ကြည့်ရှု့ခွင့် ရပြီကြောင်းသိရသည်။
ရန်ကုန်အခြေဆိုက် ICRC မှ တာဝန်ရှိသူတချို့သည် ဇူလိုင် ၁ ရက်နှင့် ၂ ရက်နေ့က ကရင်ပြည်နယ် ဖားအံ အကျဉ်းထောင်၊ မွန်ပြည်နယ် မော်လမြိုင်အကျဉ်းထောင်၊ ဧရာဝတီတိုင်း မြောင်းမြအကျဉ်းထောင် စသည့် အကျဉ်းထောင် ၃ ခုသို့ သွားရောက် ကာ သန့်ရှင်းရေ ရရှိမှုနှင့် မိလ္လာစနစ် များအား စစ်ဆေးကြည့်ရှု့ခွင့် ရခဲ့ ကြသည်။
“အခုလို ICRC က ထောင်တွေထဲ ပြန်ဝင်ခွင့်ရတယ်ဆိုတော့ ၀မ်းသာတယ်။ လူချင်းတွေ့ရတဲ့ အခြေအနေအထိ ရောက် ဖို့လိုတယ်။ ICRC ဟာ နိုင်ငံရေးအကျဉ်းသား တွေအတွက် အထောက်အကူပေးတဲ့ ပေါင်းကူးတံတား တခု လိုပါပဲ။ ကျန်းမာရေး စောင့်ရှောက်မှုနဲ့ တချို့ စိတ်ပိုင်းဆိုင်ရာ၊ ရုပ်ပိုင်းဆိုင်ရာ အကာအကွယ်ပေးမှုတွေ လုပ်နိုင်တာမို့ အထဲက လူတွေလည်း ပျော်ကြမှာပါ။ ဒါဟာ ကောင်းတဲ့ လက္ခဏာ တခုလို့မြင်ပါတယ်” ဟု ရှမ်းပြည်နယ် ကျိုင်းတုံ အကျဉ်းထောင်တွင် ထောင်ဒဏ် ၆၅ နှစ်ကျော် ကျခံနေရသော ၈၈ မျိုးဆက်ကျောင်းသား ခေါင်းဆောင် ကိုမင်းကိုနိုင် ၏ အစ်မ မကြည်ကြည်ညွန့်က ဧရာဝတီကို ပြောသည်။
အကျဉ်းထောင်များအတွင် ICRC ဝင်ရောက်ခွင့် ရသော်လည်း ယခင်ကကဲ့သို့ နိုင်ငံရေးအကျဉ်းသားများ အပါအ၀င် အကျဉ်းသား များကို ၀င်ရောက်တွေ့ဆုံခွင့်၊ အကျဉ်းသားများကို ICRC က မှတ်ပုံတင်ကာ မှတ်တမ်းများ ယူခွင့်၊ နှစ်သိမ့်အားပေးစကား ပြောခွင့်၊ ကျန်းမာရေး ဆိုင်ရာ ဆေးဝါးများအပါအ၀င် အကျဉ်းသားများ၏ လိုအပ်သော စာအုပ်စာတမ်း၊ အားကစားပစ္စည်းများ စသည်ဖြင့် လှူဒါန်းခွင့်၊ အကျဉ်းထောင် အရာရှိများနှင့် ဆွေးနွေးအကြံပြုခွင့် တို့ကို လုပ်ဆောင်ခွင့် မရှိသေးကြောင်း မော်လမြိုင် အကျဉ်းထောင်နှင့် နီးစပ်သူ တဦးက ဆိုသည်။
နိုင်ငံရေးအကျဉ်းသားများ ကူညီစောင့်ရှောက်ရေး အသင်း - မြန်မာနိုင်ငံ (AAPP) ၏ တွဲဖက်အတွင်းရေးမှူး ကိုဘိုကြည်က နိုင်ငံတကာ ဖိအားများ မရှိပါက ယခုကဲသို့ ICRC ဝင်ရောက်ခွင့် ရမည်မဟုတ်ကြောင်း၊ သို့သော် ICRC ၏ လုပ်ထုံးလုပ်နည်းများ အတိုင်း လွတ်လပ်သည့် စုံစမ်းစစ်ဆေးမှုများနှင့် နိုင်ငံရေး အကျဉ်းသားများအပါအ၀င် အကျဉ်းသားများနှင့် တွေ့ဆုံခွင့် ရရန်လိုကြောင်း၊ ထို့အပြင် သွားချင်သည့် အကျဉ်းထောင်များသို့ လွတ်လပ်စွာ သွားလာခွင့် ရရန်လိုကြောင်း ပြောသည်။
ဆက်လက်၍ ၎င်းက ထောင်များထဲတွင် အကျဉ်းသားများအား မှတ်ပုံတင်ခွင့်၊ မှတ်တမ်းယူခွင့်နှင့် ရုံးခန်းများ ပြန်ဖွင့်ခွင့် ရရန်လိုအပ်ပြီး ယခင် အခြေအနေ ပြန်လည် ရရှိနိုင်ရေးအတွက် နိုင်ငံတကာမှ လုံလောက်သည့် ဖိအားများ ဆက်ပေး သင့်သည်ဟု ဆိုသည်။
“ဒီလောက်လေး ရတာနဲ့ ဦးသိန်းစိန်အစိုးရကို အပြုသဘော ဆောင်တယ်လို့ သတ်မှတ်လို့ မရသေးပါဘူး” ဟု သူက ပြောသည်။
မြန်မာနိုင်ငံတွင်းမှ နိုင်ငံရေး အကျဉ်းသား မိသားစုများ၊ မကြာသေးမီက မြန်မာနိုင်ငံကို အလည်အပတ် သွားခဲ့ကြသော အမေရိကန် အထက်လွှတ်တော်အမတ် ဂျွန်မက်ကိန်း၊ ဥရောပသမဂ္ဂ ကိုယ်စားလှယ်အဖွဲ့နှင့် ကမ္ဘာ့ကုလသမဂ္ဂ အပါ အ၀င် နိုင်ငံတကာ အသိုင်းအ၀န်းတို့မှ နိုင်ငံရေး အကျဉ်းသားများ လွှတ်ပေးရေးနှင့် ICRC အနေဖြင့် အကျဉ်းထောင် များသို့ ပြန်လည် ၀င်ရောက်ခွင့် ရရေးအတွက် မြန်မာအစိုးရကို တောင်းဆို ဖိအားပေးခဲ့ကြသည်။
ICRC သည် ၁၉၉၉ ခုနှစ်ကတည်းက မြန်မာနိုင်ငံတွင် ရုံးများ ဖွင့်ခွင့်ရခဲ့ပြီး အကျဉ်းထောင်များသို့ လွတ်လပ်စွာ ၀င်ရောက် ကြည့်ရှုစစ်ဆေးခွင့်၊ နိုင်ငံရေး အကျဉ်းသားများအပါအ၀င် အကျဉ်းသားများ၏ ကျန်းမာရေး စောင့်ရှောက် မှုများကို ထောက်ပံ့ ကူညီပေးနိုင်ခွင့်၊ တိုင်းရင်းသား ဒေသများတွင် လူသားချင်း ကူညီစောင့်ရှောက်ခွင့်၊ အကာ အကွယ် ပေးခွင့်၊ ကျေးလက် ဒေသ များတွင် သန့်ရှင်းရေ ရရှိရေးနှင့် ကျန်းမာရေး ဆိုင်ရာ အထောက်အကူ ပေးခွင့်များ ရရှိခဲ့သည်။
၂၀၀၆ ခုနှစ်နှောင်းပိုင်းတွင် ICRC အနေဖြင့် အကျဉ်းထောင်များသို့ ၀င်ရောက်စစ်ဆေးရာတွင် စစ်အစိုးရ ကျောထောက် နောက်ခံပြုထားသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်းဝင်များနှင့်အတူ ပူးတွဲသွားမှသာ ခွင့်ပြုမည်ဟု ပြောဆိုပြီး သဘောတူညီကို ဖျက်ကာ ၀င်ရောက်စစ်ဆေးခွင့်ကို ပိတ်ပင်ခဲ့သည်။
ICRC အနေဖြင့် အကျဉ်းထောင်များသို့ ၀င်ရောက်စစ်ဆေးခွင့် မရသည့်နောက်ပိုင်း နိုင်ငံရေး အကျဉ်းသားများ အပါအ၀င် အကျဉ်းသားများ၏ ကျန်းမာရေး စောင့်ရှောက်မှုနှင့် တခြားအခြေအနေများ ပြန်လည် ဆိုးရွားလာခဲ့သည်ဟု AAPP က ထောက်ပြထားသည်။
Ref: ဧရာဝတီ
Read More...
Collapse...
July 7th, 2011
ဧရာဝတီတိုင်းဒေသကြီး၊ ကန်ကြီးထောင့်မြို့နယ်မှ လယ်သမား မန်းထွန်းအေးအား အမိန့်ချမှတ်မည့်နေ့တွင် တရာခံ မစုံသည့် အတွက် အမိန့်မချသေးဘဲ ၎င်း၏ ဇနီးဖြစ်သူကို ဖမ်းပေးရန် တရားသူကြီး ဒေါ်ဖြူဖြူခိုင် အမိန့်ထုတ်လိုက်သည်။
ယခုလ ၄ ရက်နေ့က ပုသိမ်ခရိုင်တရားရုံးတွင် ရုံးထုတ်ပြီးနောက် လာမည့် (၈) ရက်နေ့သို့ ထပ်မံချိန်းဆိုလိုက်ခြင်းဖြစ်ကြောင်း ဒေသခံတဦးက ပြောသည်။
“မန်းထွန်းအေးကို အမိန့်ချမယ်ဆိုပြီး ရုံးထုတ်တယ်၊ တရားရုံးရောက်တော့ တရားခံမစုံသေးဘူး၊ ပြီးတော့ မန်းထွန်းအေးရဲ့ဇနီး ဒေါ်ထွန်းကြည်ကို ဖမ်းပေးဖို့ တရားသူကြီးက ပြောပြီး ထပ်ချိန်းလိုက်တာ” ဟု ပြောသည်။
ရဲစခန်းအာဏာပိုင်များက မန်းထွန်းအေးကို မိသားစုဝင်များဖြင့် တွေ့ခွင့်မပေးဘဲ ဆက်လက်ချုပ်နှောင်ထားကြောင်း ဒေသခံက ဆက်ပြောသည်။
မန်းထွန်းအေးကို အာဏာပိုင်များက ကန်ကြီးထောင့်မြို့နယ်အတွင်းရှိ ကျေးရွာအုပ်စု (၈၀) မှ ကျေးရွာအုပ်ချုပ်ရေးမှူးများက လယ်သမားများထံမှ သီးစားငွေနှင့် ဘဏ်စာအုပ်ဖိုးငွေ အဓမ္မကောက်ခံနေမှုများကို လက်မှတ်ရေးထိုး တိုင်ကြားခဲ့သည့်အတွက် ယခုလ (၁) ရက်နေ့တွင် ဖမ်းဆီးခဲ့ခြင်းဖြစ်သည်။
မန်းထွန်းအေး၏ ဇနီးဖြစ်သူမှာကိုလည်း အာဏာပိုင်များက လိုက်လံဖမ်းဆီးနေသည့်အတွက် ပုန်းရှောင်နေရလျှက်ရှိသည်။
အာဏာပိုင်များက မန်းထွန်းအေးကို အကျိုးဖျတ်ဆီးမှု ပုဒ်မ ၄၂၇ နှင့် ရာဇဝတ်မကင်းမြေ ကျော်နင်းမှု ပုဒ်မ ၄၄၇ တို့ဖြင့် တရားစွဲဆိုထားလျှက်ရှိသည်။
Ref: Yoma3
Read More...
Collapse...
7/7/2011
မောင်ရမ္မာ
ရခိုင်ပြည်နယ် ကျောက်ဖြူမြို့နယ်ရှိ အထင်ကရ ဘုရားတစ်ဆူဖြစ်သော ကံ့ကော်တော ဘုရားလမ်းမှာ အစိုးရ စီမံကိန်း တခု ဖြစ်သော ရွှေဂတ်စ် စီမံကိန်းမှ ကျောက်ထုတ်လမ်း အဖြစ် ကားများဖြင့် အသုံးပြု နေသဖြင့် ယခုအခါ သွားလာလို့ မရအောင် ပျက်စီးနေကြောင်း ဒေသခံများက ပြောသည်။
"ကျွန်တော်တို့ ကျောက်ဖြူမြို့နယ်မှာ အထင်ကရ ကံ့ကော်တော ဘုရားဆိုတာရှိပါတယ်။ ကားလမ်းမကြီးက တမိုင်ကျော်ရှိတဲ့ ဘုရားကို သွားတဲ့ ကားလမ်းကို မြို့သူမြို့သားတွေ ရွာသူ ရွာသားတွေက ကိုယ်ထူကိုယ်ထ စနစ်နဲ့ ကတ္တရာလမ်းဖေါက်လုပ် လှူဒါန်း ထားပါတယ်။ အဲဒီ ကတ္တရာလမ်းကို အခု ကုမ္ပဏီသုံးခုက ကျောက် ထုတ်လုပ်ငန်း အတွက် အသုံးပြုပစ်တာကြောင့် လမ်း လုံးဝပျက်စီးသွားပြီးတော့ ဘုရားဖူး ပြည်သူတွေ ဘုရား ဖူးသွားလို့ မရဖြစ်နေပါတယ်"ဟု ကျောက်ဖြူဒေသခံတဦးက ပြောသည်။
ကျောက်ဖြူမြို့နှင့် တမိုင်ခွဲ အကွာတွင်ရှိသော ပေါက်နက်ကြီးတောင်မှ ကျောက်တောင်များကို မှိုင်းခွဲကာ ရေလမ်းခရီး ၁ မိုင်ခန့်ဝေးကွာသော ကုလားပိုက်ဆိပ် ဆိပ်ကမ်းသို့ လှေသဗ္ဗာန် မော်တော်များဖြင့် တင်ဆောင်လာပြီး ၎င်း ဆိပ်ကမ်းမှ တဆင့် ကျောက်များကို ကံ့တော ဘုရားအနီးသို့ သယ်ဆောင်နေသဖြင့် ကားလမ်းမှာ ပျက်စီးသွားခြင်း ဖြစ်ကြောင်း သူက ပြောသည်။
" အဲဒီ ကျောက်ဖြူမြို့နဲ့ ၆ မိုင်ခန့်အကွာ ဘုရားလမ်းအနီးမှာ ကုမ္ပဏီတွေက ငှားရမ်းထားတဲ့ မြေကွက် လပ်တွေမှာ ကျောက် ကြိတ်စက်တွေကို တည်ဆောက်ထားပါတယ်။ အဲဒီစက်တွေဆီကို ကုလားပိုက်ဆိပ်က ကျောက်တွေကို ကျောက်တင်ကားတွေနဲ့ နေ့စဉ်နေ့တိုင်း သယ်ဆောင် နေတာကြောင့် ကျွန်တော်တို့ ပြည်သူတွေ တည်ဆောက်ထားတဲ့ ဘုရားကို သွားတဲ့လမ်း ပျက်စီး သွားတာ ဖြစ်ပါတယ်။"
အဆိုပါ လမ်းကို နေ့တိုင်း အသုံးပြုနေသာ ကားများမှာ ဟွန်ဒိုင်းကုမ္ပဏီ၊ မြင့်ကုမ္ပဏီ၊ ရွေသဘာဝ ဓါတ်ငွေ့စီမံကိန်း လက်အောက်ခံ MGC နှင့် CSC ကုမ္ပဏီများမှ ဖြစ်ကြကြောင်း သိရသည်။
ကံ့ကော်တော ဘုရားတွင် ၀ါတွင်းကာလအတွင်း ကျောက်ဖြူမြို့နှင့် အနီးအနားကျေးရွာများမှ ဗုဒ္ဓဘာသာဝင်များ ဥပုသ်သီလ ဆောက်တည်ကြ သဖြင့် အဆိုပါ လမ်းမှာ အထူး သွားလာများသော လမ်းဖြစ်ကြောင်း ဒေသခံများက ပြောသည်။
တခြား ဒေသခံ အမျိုးသမီး တစ်ဦးကလည်း " ဘုရားဖူး ပြည်သူတွေ သွားလာလို့မရဘဲ ဖြစ်နေတဲ့ အပြင် အခု ၀ါတွင်းကလာ ဥပုသ်သီလ ဆောက်တည်ကြတဲ့ မြို့သူမြို့ သားတွေလည်း ဥပုသ်သီလ ဆောက်တည်ဖို့ ကားနဲ့ သွားမရ၊ ခြေလျင်လည်း သွား လို့ မရ၊ မော်တော်ဆိုင်ကယ်နဲ့လည်း သွားလာလို့ မရ ဖြစ်နေပါတယ်။ ကျွန်မတို့ ကိုယ်တိုင် လွန်ခဲ့တဲ့ တစ်ရက်နှစ်ရက်က အဲဒီ လမ်းကို သွားခဲ့တဲ့အခါမှာ အဲဒီလမ်းဟာ ရွံ့ရည်တွေနဲ့ လုံးဝသွားလို့မရဖြစ်နေတယ်" ဟု ပြောသည်။
အဆိုပါလမ်းကို ကျောက်ဖြူမှ ၆ မိုင်ခန့်အကွာ ဂုံချိန် ကျေးရွာ၌ တည်ဆောက်နေသော ရွေသဘာဝ ဓါတ်ငွေ့ စီမံကိန်းက ဓါတ်ငွေ့သန့််စင်စက်ရုံမှလည်း အသုံးပြုနေကြောင်း သိရသည်။
အဆိုပါ စီမံကိန်းမှ အလုပ်သမား ၄၀၀ ကျော် စွန့်ပစ်သော မစင်နှင့် မိလ္လာများကို ကျေးရွာသားများ အသုံးပြု နေသော ချောင်းထဲ သို့ လာရောက် စွန့်ပစ်နေသဖြင့် ကျေးရွာသားများနှင့် ပြဿနာ ဖြစ်ပေါ်နေသည်ဟုလည်း သူက ပြောသည်။
ရခိုင်ပြည်နယ် ကျောက်ဖြူမြို့နယ်တွင် အကောင်အထည် ဖေါ်နေသော ရွှေဂတ်စ် စီမံကိန်းကြောင့် ဒေသခံ ပြည်သူများ အကျိုး မခံစားရသည့် အပြင် ယခုကဲ့သို့ ဆိုးကျိုးများသာ ဖြစ်ပေါ်နေသဖြင့် အစိုးရမှ အကောင်အထည် ဖေါ်နေသော ရွှေဂတ် စီမံကိန်း ကို လူထုက အထူး မလိုမလား ဖြစ်နေကြသည်ဟုလည်း သတင်း ရရှိသည်။
Ref: Narinjara
Read More...
Collapse...
7/7/2011
တာကလူး
၎ နှစ်ကျော်ကြာ ပိတ်ထားခဲ့သည့် မြန်မာနှင့် ဘင်္ဂလားဒေခ်ျ့ အကြား တိုက်ရိုက် လေကြောင်းလိုင်း ပျံသန်းမူကို များမကြာမှီ ပြန်လည် ဖွင့်လှစ်တော့မည် ဖြစ်ကြောင်း သတင်းရရှိသည်။
မြန်မာနှင့် ဘင်္ဂလားဒေခ်ျ့ အကြား တိုက်ရိုက်ပြေးဆွဲခဲ့သည့် ဘင်္ဂလားဒေခ်ျ့ လေကြောင်းလိုင်း ဘီမန်က စီပွားရေးအရ အရှုံး ပေါ် သည်ဟုဆိုကာ ၂၀၀၆ ခုအကုန်ပိုင်းတွင် ပျံသန်းမူကို ရပ်နားခဲ့သည်။
ထိုနောက်ပိုင်း မြန်မာနှင့် ဘင်္ဂလာဒေခ်ျ့ အကြား ထိုင်းနိုင်ငံ ဘန်ကောက် လေဆိပ်ကို ကြားခံထားကာ ခရီးသွားလာမူကို ဆောင်ရွက်ခဲ့ရသည်။
ထိုင်းနိုင်ငံကို ကြားခံထားနေရသဖြင့် အချိန် ပိုကုန်ပြီး အခက်အခဲ နှင့် အကုန်အကျ များနေရသည့် အတွက်ကြောင့် ယခုကဲ့သို့ တိုက်ရိုက် လေကြောင်းလမ်း ပြန်ဖွင့်ရန် နှစ်နိုင်ငံအကြား ပြင်ဆင် လာရခြင်းဖြစ်သည်ဟု ဘင်္ဂလားဒေ့ရှ် ကုန်သွယ်ရေးဝန်ကြီးဌာနမှ အရာရှိတစ်ဦးက ဒေသခံ သတင်းဌာနများသို့ ပြောသည်။
မြန်မာနိုင်ငံသည် ဘင်္ဂလားဒေ့ရှ်၏ ဆေးဝါးထုတ်ကုန်များကို တတိအများဆုံး တင်ပို့ရာ နိုင်ငံတစ်ု ဖြစ်ပြီး၊ နှစ်နိုင်ငံအကြား ကုန်သွယ်ရေးတိုးမြှင့်ရန် ဘင်္ဂလားဒေခ်ျ့ ကုန်သွယ်ရေး ၀န်ကြီးဌာနမှ ၄င်း၏ အစိုးရကို တိုက်တိုက်ရိုက် လေကြောင်းလမ်း ပြန်လည် ဆက်သွယ်နိုင်ရေး အတွက် တောင်းခံရာမှ မြန်မာနှင့် ဘင်္ဂလာဒေခ်ျ့ အကြား လေကြောင်းလိုင်း ပြန်လည် ဖွင့်လှစ်ရန် စီစဉ်ရခြင်း ဖြစ်ကြောင်း ၄င်းအရာရှိက ပြောသည်။
လေကြောင်းပျံသန်းရေး စပ်လျဉ်း၍ ဘင်္ဂလာဒေ့ရှ် အရာရှိများမှာ များမကြာမှီက မြန်မာနိုင်ငံသို့ လည်ပတ်ခဲ့စဉ် အတွင်း ညှိနှိုင်း ဆွေးနွေးမှုများ ပြုလုပ်ခဲ့ကြောင်းလည်း သိရှိရသည်။
မြန်မာနိုင်ငံသည် ၁၉၄၉ ခုနှစ်မှစ၍ နိုင်ငံပေါင်း ၄၃ ခုနှင့် လေကြောင်း ဆက်သွယ်ရေးဆိုင်ရာ သဘောတူ လက်မှတ်ရေးထိုး ထားပြီးဖြစ်ကြောင်း သိရှိရသည်။
မြန်မာနိုင်ငံ ရန်ကုန်လေဆိပ်နှင့် တိုက်ရိုက် ဆက်သွယ် ပျံသန်းနေသည့် နိုင်ငံတကာ လေကြောင်း လိုင်း ၁၄ ခုရှိပြီး၊ ၄င်းတို့ အထဲတွင် တရုတ်လေကြောင်း (Air China) ၊ တရုတ်တောင်ပိုင်းလေကြောင်း(China Southern Airline) ၊ (Indian Airlines) ၊ (Thai Airways International) ၊ (Thai Air Asia) ၊ (Bangkok Airways) ၊ (Phuket Airline) ၊ (Malaysian Airlines) ၊ (Vietnam Airlines) ၊ (Silk Air) ၊ (Qatar Airways) နှင့်(Jetstar Asia) တို့ပါဝင်ကြောင်း သိရှိရသည်။
Ref: Narinjara
Read More...
Collapse...
July 7, 2011
မင်းလွင်
၂၀၀၂ ခုနှစ် မေလနောက်ဆုံးပတ် အထိတောင် တပ်မတော် နည်းပညာကောလိပ် ကျောင်းသားတွေ ပေးပို့ထားတဲ့ စာနှစ် စောင် ကို ဗိုလ်ချုပ်မှူးကြီးသန်းရွှေနဲ့ ဒုတိယဗိုလ်ချုပ်ကြီး ခင်ညွန့်ဆီက ဘာမှ အကြောင်းမပြန်ကြားခဲ့ပါဘူး။ ဒီလိုနဲ့ မေလကုန်ဆုံးဖို့ တဖြည်းဖြည်း နီးကပ်လာပါတယ်။
တပ်မတော်နည်းပညာကောလိပ်ရဲ့ ကျောင်းသားအားလုံးလည်း စိတ်ဓာတ် အထူးတက်ကြွနေခဲ့ပါတယ်။ ရှေ့ဆက် ဘာတွေ ဖြစ်မယ်ဆိုတာကို မမျှော်မှန်းနိုင်ပေမယ့် ရှေ့ဆက်လျှောက်ရ မယ့် ခရီးအတွက် အတွေးစိတ်ကူးတွေနဲ့ ပီတိဖြစ်နေပါတယ်။
ကျောင်းသားအများစုရဲ့ ဆန္ဒနဲ့ သဘောတူထားတဲ့အတွက် ဘယ်သူကမှ ဆန့်ကျင်တာ ကန့်ကွက်တာ မရှိခဲ့ပါဘူး။ “စစ်တပ်ထဲ ဆက်နေပြီး ဆင်းရဲ ဒုက္ခခံနေမယ့်အစား ဒီက ထွက်သွားပြီး ဒီကောင်တွေကို ပြန်ချမယ်” ဆိုသူတွေ ချည်းပဲ ဖြစ်နေခဲ့ပါတယ်။
ဒီလိုနဲ့ မေလ (၃၁) ရက်ကို ရောက်လာပါတော့တယ်။ အဲဒီနေ့မနက်မှာတော့ တပ်မတော်နည်းပညာကောလိပ်ရှိ တပ်ခွဲအားလုံးကို မနက် ခြောက်နာရီ လေးဆယ့်ငါးမိနစ် တန်းပေါင်းစီကွင်းကို အရောက်သွားကြဖို့ သင်တန်းနည်းပြ အရာရှိတွေက အမိန့်ပေး ပါတယ်။ ကျောင်းသားတွေစိတ်ထဲမှာ ဘာမှ အထွေအထူး မဖြစ်ကြပါဘူး။ မနက် (၇) နာရီကျော်လောက်မှာ ကျောင်းအုပ်ကြီး ဗိုလ်မှူးကြီး ဘိုးအောင်က သင်တန်းသားတွေကို ဩ၀ါဒစကား ပြောကြားပြီးနောက်မှာတော့ ကျန်အရာရှိတွေဖြစ်တဲ့ ဗိုလ်မှူး၊ ဗိုလ်ကြီး၊ ဗိုလ်တွေက ကျောင်းသားစစ်သည်တွေရဲ့ အိပ်ဆောင်တွေထဲကို ၀င်ရောက်ပြီး အငိုက်ဖမ်း စစ်ဆေးပါတော့တယ်။ ကျောင်းသားတွေရဲ့ လက်ဆွဲသားရေအိတ်တွေနဲ့ အင်္ကျီအိတ်တွေထဲကို ရှာဖွေကြပါတယ်။
အဲဒီစစ်ဆေးချိန်ကစပြီး တပ်မတော်နည်းပညာကောလိပ် ကျောင်းသားတွေရဲ့ ကံကြမ္မာတွေလည်း ပြောင်းလဲသွားပါတော့တယ်။ မှတ်ပုံတင်တွေ၊ သူငယ်ချင်းတွေရဲ့ နေရပ်လိပ်စာ စာအုပ်တွေ၊ ကျပ် (၅၀၀၀) နဲ့အထက် တွေ့သူတွေရဲ့ ပစ္စည်းအားလုံးကို သိမ်းယူ လိုက်ပါတယ်။ အဲဒီနောက် တပ်ခွဲအလိုက် ကျောင်းသားခေါင်းဆောင်တွေလို့ သံသယရှိတွေကို ဗဟိုကင်းရဲ့ အချုပ်ခန်းထဲ ထည့် လိုက်ပါတယ်။ ကိုယ်တိုင် အဖမ်းခံလိုက်ရတဲ့ ကျောင်းသားစစ်သည်တဦးက သူ့အတွေ့အကြုံတွေကို ဒီလို ပြန် ပြောင်းပြော ပြ ပါတယ်။
“ပထမအကြိမ် မေးဖို့အတွက် ထားထားတယ်။ နောက် ဗဟိုအကျဉ်းကို ထည့်တယ်။ လေးဘက်တိုက်ထဲမှာ ချုပ်လိုက်တယ်။ လေးဘက်တိုက်ထဲ ချုပ်လိုက်တော့ ကျနော်တို့အနေနဲ့ အချုပ်တွေ ထောင်တွေဆိုတာ တခါမှ မမြင်ဖူးခဲ့ဘူး။ ဒီကျောင်းတက်လာတဲ့ ကာလတလျှောက်လုံးမှာလည်း တခါမှ အပြစ်မရှိခဲ့ဘဲနဲ့ အပြစ်ပေးခံရတာ။ အဲဒီကျတော့ တော်တော်ဝမ်းနည်းတယ်။ ၀မ်းနည်းတယ်ဆိုတာ ကျောင်းသားတယောက်နဲ့ အချုပ်ခန်းနဲ့ ဘယ်လိုမှ မသက်ဆိုင်ဘူး။ ဒါပေမယ့် သူတို့အနေနဲ့ ဒီလိုဖမ်းဆီးချုပ်နှောင်လိုက်တော့ ကျနော်တို့အနေနဲ့ ဘယ်လိုပဲဖြစ်ဖြစ် ပြန်လွှတ်မယ်ပဲဖြစ်ဖြစ်၊ မလွှတ်ဘူးပဲဖြစ်ဖြစ် လွတ်တဲ့လမ်းတော့ တော်တော်နည်းပါးသွားပြီ။ အဲဒီအတွက် တော်တော်ဝမ်းနည်းတယ်။ နောက်တော့ ကျနော်တို့ကို စစ်ထောက်လှမ်းရေးတွေ ခေါ်စစ်တယ်။ ကျနော့်ကို စစ်တဲ့ ထောက်လှမ်းရေးတယောက်ကတော့ ပြောပါတယ်။ မင်းကို မထိဘူး၊ မရိုက်ဘူး၊ အသားနာအောင် မလုပ်ဘူး။ ဒါပေမယ့် ဘ၀နာအောင်ပဲ ဘောပင်နဲ့ထိုးမယ်။ သူက ဘောပင်နဲ့ထိုးလိုက်တာပဲ။ ဘ၀မှာ စုတ်ပြတ်သတ်သွားတယ်။ စိတ်ထဲမှာ ကိုယ်တွေက တကယ်ပဲ ယုံကြည်ကိုးစားတယ်။ ဒါပေမယ့် ကိုယ်တွေတကယ် ယုံကြည်ကိုးစားမှုက သူတို့နဲ့ မထိုက်တန်ဘူးလို့ ထင်တယ်။”
ဒုတိယနှစ်နဲ့ ပထမနှစ်ကျောင်းသားအားလုံးကို မနက် (၇) နာရီကနေ ညနေ (၃) နာရီအထိ တန်းပေါင်းစီကွင်းပြင်ထဲမှာ ဘယ်မှသွားခွင့်မပြုတော့ဘဲ ထိုင်ခိုင်းထားပါတယ်။ နေ့လယ်စာ ထမင်းမကျွေးဘဲ ထိုင်ခိုင်းထားတာ ဖြစ်ပါတယ်။ ညနေ (၃) နာရီမှာ Main Workshop ထဲကို ပြောင်းရွှေ့နေစေပြီးနောက် တံခါးပိတ်ထား လိုက်ကြပါတော့တယ်။ ကျောင်းသားတွေ Main workshop ထဲရောက်ပြီးနောက် အပြင်ကနေ တံခါးကို သော့ခတ်ပိတ်ပြီးသား ဖြစ်သွားပါတော့တယ်။
ဒီလိုနဲ့ ညနေ (၄) နာရီကျော်လောက်မှာ ကျောင်းသား တယောက် နှစ်ယောက်က ငါတို့ကို ထမင်းမကျွေးဘဲ ဒီအတိုင်း ထားတော့ မှာလားလို့  အော်ဟစ် ပြောဆိုလိုက်ပါတယ်။ ဒီအခါမှာ ကျန်တဲ့ ကျောင်းသားအားလုံးကလည်း ထောက်ခံတဲ့အနေနဲ့ ၀ိုင်း အော်ဟစ်ကြပါတယ်။ ညနေစောင်းလာတော့ ဗိုက်လည်း တော်တော်ဆာလာပြီဖြစ်လို့  မကျေနပ်စိတ်တွေဟာ ပေါက်ကွဲလာပါတော့တယ်။
သင်တန်းသား ၃၀၀၀ ကျော်ရဲ့ အော်ဟစ်သံတွေဟာ Main workshop ထဲမှာ မိုးပြိုတဲ့အလား ဆူညံပြီး ဟိန်းထွက်နေပါတယ်။ အော်ဟစ်ရုံမက တံခါးတွေကိုလည်း ထုနှက်ကြပါတယ်။ အုပ်ချုပ်သူ အရာရှိတွေက ထိန်းမရတဲ့အဆုံး တံခါးဖွင့်ပေးရပါတယ်။ Main workshop အပြင်ကို ရောက်တဲ့အထိ အော်ဟစ်သံတွေ ဆူညံနေဆဲပါ။ ၃၀၀၀ ကျော် ကျောင်းသားအုပ်စုကြီးဟာ ဖမ်း ထားတဲ့ ကျောင်းသားခေါင်းဆောင်တွေကို လွှတ်ပေးဖို့ အော်ဟစ်တောင်းဆိုရင်း ခေါင်းဆောင်တွေကို ထိန်းသိမ်းထားတဲ့ ဗဟို ကင်းက အချုပ်ခန်းဆီကို ချီတက်သွားကြပါတော့တယ်။
မကြာခင် လက်နက်ကိုင်စစ်သား တပ်ခွဲတခွဲနဲ့ အတူ တိုင်းမှူး ရောက်လာပါတယ်။ အော်ဟစ် ဆန္ဒပြနေတဲ့နေရာကို ရောက် လာပြီး ရှေ့ဆက်မသွားဖို့ တားမြစ်ပြောဆိုပါတယ်။ ကျောင်းသားစစ်သည် လူအုပ်ကြီးကတော့ တိုင်းမှူးရဲ့စကားကို မနာခံဘဲ ဗဟိုကင်းကို ဆက်လက်ချီတက်သွားပါတယ်။ တားလို့မရတဲ့အဆုံးမှာတော့ လက်နက်ကိုင် စစ်သားတဦးက သေနတ်ကို မိုးပေါ် ထောင်ပစ်လိုက်ပါတယ်။ အဲဒီနောက် အလယ်ပိုင်းတိုင်း စစ်ဌာနချုပ်တိုင်းမှူး (မန္တလေးတိုင်းမှူး) ဗိုလ်ချုပ်ရဲမြင့်က “မင်းတို့ ပြောစရာရှိရင် အေးအေးဆေးဆေးပြောကြ။ အော်ဟစ်ပြီး ဆူညံဆူညံ မလုပ်ကြနဲ့”လို့ ပြောပါတယ်။
ကျောင်းသားစစ်သည်တွေက ဖမ်းထားတဲ့ ကျောင်းသားခေါင်းဆောင်တွေကို အခုချက်ချင်း ပြန်လွှတ်ပေးဖို့ တညီတညွတ်တည်း တောင်းဆိုကြပါတယ်။ ကျောင်းသားအုပ်ကြီး တောင်းဆိုတဲ့အတွက် ဖမ်းဆီးခံ ကျောင်းသား ခေါင်းဆောင်တွေကို ကျောင်းအုပ်ကြီးရဲ့ကားနဲ့ သွားခေါ်ခိုင်းလိုက်ပြီး ပြန်လွှတ်ပေးလိုက်ပါတယ်။
နောက်တနေ့ (၁၊ ၆၊ ၂၀၀၂) မနက် ၇ နာရီမှာ တကျောင်းလုံး တန်းပေါင်းစီကွင်းကို အရောက်သွားကြရပါတယ်။ အဲဒီနောက် မှာတော့ တပ်မတော် လေ့ကျင့်ရေးအရာရှိချုပ် ဗိုလ်ချုပ်ကျော်ဝင်း ရောက်လာပြီး စကားပြောပါတယ်။ သူစကားပြောတဲ့ စင်မြင့် ဘေးမှာ သူနဲ့အတူပါလာတဲ့ စစ်သား တယောက်က ဂျစ်ကားပေါ်ကနေ ကျောင်းသားတွေဘက်ကို ပွိုင့် ၅ စက်သေနတ်ငယ်နဲ့ ချိန်ထားပါတယ်။ လက်နက်မဲ့ ကျောင်းသားတွေကို ခြိမ်းခြောက်တဲ့သဘောပါ။
ဗိုလ်ချုပ်ကျော်ဝင်းက “မနေ့က ဖြစ်ခဲ့တဲ့ကိစ္စနဲ့ ပတ်သက်ပြီး ရှည်ရှည်ဝေးဝေး ပြောမနေတော့ဘူး။ မင်းတို့တွေ ကျောင်းဆက် တက်ချင်သေးလား” လို့ မေးပါတယ်။ သူ့ရဲ့အမေးအဆုံးမှာ ကျောင်းသားစစ်သည်တွေက တညီတညွတ်တည်း “မတက်ချင်ဘူး” လို့ ပြန်ဖြေလိုက်ကြပါတယ်။ “ဒါဆိုရင် စစ်တပ်ကနေ ထွက်ခွင့်မပေးနိုင်ဘူး” လို့ ဗိုလ်ချုပ်ကျော်ဝင်းက ပြောပါတယ်။ “မပေးလည်း ထွက်မှာပဲ” လို့  အပြန်အလှန် ပြောဆိုကြပါတယ်။
ဆက်လက်ပြီး ဗိုလ်ချုပ်ကျော်ဝင်းက “တကယ်လို့ မင်းတို့တွေ အပြင်ရောက်သွားရင်လည်း အပြင်တက္ကသိုလ်တွေကို ဆက်တက် လို့မရဘူး။ တက်ခဲ့ရင်လည်း အဲဒီသူတွေရဲ့ ဘွဲ့လက်မှတ်တွေကို အသိအမှတ်မပြုဘူး” လို့ ဆက်ပြောပါတယ်။
မေလ ၃၁ ရက်နေ့ညနေပိုင်း ဆန္ဒပြတောင်းဆိုမှု ဖြစ်ပြီးတဲ့နောက် အဲဒီနေ့ ညပိုင်းမှာ စစ်တပ်တပ်ရင်းတရင်း MTC ကျောင်းကို လျှို့ဝှက်အစောင့် ချထားလိုက်ကြပါတယ်။ စစ်တပ်ထဲမှာ သဘောထားပြည့်ဝပြီး ပညာတတ်တဲ့ နိုင်ငံကောင်းကျိုးလိုလားတဲ့ စစ်အရာရှိများ များစွာရှိပါတယ်။ MTC ကျောင်းမှာလည်း ပညာတတ်ပြီး သဘောထားပြည့်ဝတဲ့ အရာရှိများစွာ ရှိပါတယ်။ ဒါပေမယ့် သူတို့ဟာ အထက်အရာရှိက ပေးအပ်တဲ့ အမိန့်နဲ့တာဝန်ကို မလွန်ဆန်နိုင်ကြပါဘူး။
၂၀၀၂ ခုနှစ် ဇွန်လ ၁ ရက် စနေနေ့မနက် ၉ နာရီမှာ Main workshop အရှေ့ဘက်ခန်းမထဲမှာ စတုတ္ထနှစ် (အပတ်စဉ် ၁) ကျောင်းသားတွေနဲ့ ဗိုလ်ချုပ်ကျော်ဝင်းတို့ တံခါးပိတ် တွေ့ဆုံကြပါတယ်။ ပထမနှစ်၊ ဒုတိယနှစ်နဲ့ တတိယနှစ် ကျောင်းသားတွေကို အမှတ်စဉ်အလိုက် တွေ့ဆုံမယ်ဆိုတဲ့အတွက် ကိုယ့်အလှည့်ရောက်မယ့် အချိန်က်ို စောင့်မျှော်နေကြပါတယ်။ ဇွန်လ ၆ ရက် ကြာသပတေးနေ့မှာ တတိယနှစ်ကျောင်းသားတွေနဲ့ ဗိုလ်ချုပ်ကျော်ဝင်း ဒုတိယအကြိမ် တွေ့ဆုံကြပါတယ်။
ဒီတွေ့ဆုံခြင်းဟာ နောက်ဆုံးဖြစ်သွားပါတော့တယ်။ ဒုတိယနှစ်ကျောင်းသားတွေနဲ့ တွေ့ဆုံရမယ့်အလှည့် မရောက်လိုက် တော့ပါဘူး။ ဗိုလ်ချုပ်ကျော်ဝင်းက တတိယနှစ်ကျောင်းသားတွေကို တွေ့ဆုံပြီးနောက် လေးငါးရက်အကြာမှာ တပ်မတော် နည်းပညာကောလိပ်ကျောင်းက ကျောင်းသား အားလုံးကို အိမ်ပြန်ပို့လိုက်ပါတော့တယ်။
ကျောင်းသားအားလုံးကို “တပ်မတော်အက်ဥပဒေ ပုဒ်မ ၁၈ (၃) အရ တပ်မတော်မှ အမြဲတမ်း ထုတ်ပယ်ခြင်း” ဆိုပြီး ကျောင်းထုတ် ပစ်လိုက်ပါတယ်။ လွှတ်ပေးခဲ့တဲ့ ကျောင်းသားခေါင်းဆောင်တွေကိုလည်း နောက်နေ့ကစပြီး တရက်ချင်း ညနေပိုင်းနဲ့ ညပိုင်းမှာ လာရောက်ခေါ်ဆောင်သွားပါတယ်။ အဲဒီခေါင်းဆောင်တွေကို ထောင်ဒဏ် အနည်းဆုံး ၅ နှစ်ကစပြီး ၇ နှစ်၊ ၈ နှစ်၊ ၁၀ နှစ်၊ ၁၅ နှစ်၊ ၂၀ နှစ်အထိ အပြစ်ပေးလိုက်ပါတယ်။
ကျောင်းသားတွေကို ကျောင်းထုတ်ပစ်ရာမှာ ဆိုထားတဲ့ တပ်မတော် အက်ဥပဒေ ပုဒ်မ ၁၈(၃) ဟာ “သတင်းထိမ်ချန်မှု” ပုဒ်မပါ။ ပုန်ကန်ဖို့ အစီအစဉ်ရှိတာ သိလျက်နဲ့ သတင်းမပေးခဲ့တဲ့အတွက် အဲဒီပုဒ်မ တပ်လိုက်တာပါ။ တနည်းပြောရရင် ကျောင်းသား တွေရဲ့ လှုပ်ရှားမှုကို စစ်ပုန်ကန်မှုတခုလို့  သတ်မှတ်လိုက်ခြင်းပါပဲ။ ဒါကြောင့် မြန်မာတပ်မတော်သမိုင်း တလျှောက်မှာ အကြီး အကျယ် စစ်ပုန်ကန်မှုကို တပ်မတော်နည်းပညာကောလိပ်က စတင်လိုက်တာလို့  ပြောနိုင်ပါတယ်။
ဒီလို စစ်ပုန်ကန်မှုမြောက်အောင် လှုပ်ရှားခဲ့တာမျိုး မရှိခဲ့ဖူးတဲ့အတွက် ဗိုလ်ချုပ်မှူးကြီးနဲ့ စစ်တပ်တခုလုံး တုန်လှုပ်သွားခဲ့ပါတယ်။ တပ်မတော် နည်းပညာကောလိပ် ကျောင်းသားတွေကို စစ်တပ်ထဲဆက်ထားရင် တခြား တပ်ရင်းတွေရှိ အရာရှိစစ်သားတွေကို စည်းရုံးပြီး တော်လှန်ပုန်ကန်လာမှာကို အတော်စိုးရိမ်ခဲ့ကြပါတယ်။ အဲဒီအတွက်ကြောင့်ပဲ စစ်တပ်ကနေ ထွက်ခွင့်ပေးလိုက်တာပါ။
အများအကျိုးအတွက် ဦးဆောင်ခဲ့တဲ့ တပ်မတော်နည်းပညာကောလိပ်က ကျောင်းသားစစ်သည်ခေါင်းဆောင် အယောက် ၆၀ ကျော်ကို တရားရုံးပြင်ပမှာ မျက်ကွယ် အမိန့်ချမှတ်လိုက်ပါတယ်။ အဲဒီသူတွေဟာ အခုထက်တိုင် မြန်မာနိုင်ငံရဲ့ နယ်အကျဉ်း ထောင်တွေမှာ နှစ်ရှည်ထောင်ဒဏ် ကျခံနေဆဲဖြစ်ပါတယ်။
“မန္တလေးထောင်ထဲမှာတော့ အမြင့်ဆုံထောင်ချလိုက်တယ်။ ဘယ်နှနှစ်ချလည်းတော့ မသိဘူး။ အမှန်ဆိုရင် သူတို့ရဲ့ တရားစီရင်မှု က မျှတမှု မရှိဘူးလို့ ယူဆတယ်။ အဲဒီအချိန်မှာ သူတို့ ဘယ်လိုပဲပေးပေး ကျနော်တို့မှာ ငြင်းဆန်ပိုင်ခွင့် မရှိတော့ဘူး။ သူတို့ အနေနဲ့ တဖက်သတ် တရားစီရင်ရေးတခုလို့ ကျနော်တို့ ယူဆတယ်။ တယောက်နဲ့တယောက် မြင်ခွင့်တွေ့ခွင့် မရှိဘူး။ ဟိုဘက် ခန်းနဲ့ ဒီဘက်ခန်း လှမ်းပြီးစကားအော်ပြောခွင့် မရှိဘူး။ ကျနော်တို့ကို အဆောင်ထဲမှာပဲ တိုက်ခန်းထဲမှာပဲ အချိန်ပြည့် ပိတ်ထား တယ်။ အပြင်လောကကို မပြောနဲ့ ကျနော်တို့နေတဲ့ တိုက်ရှေ့မှာ မြက်ပင်ဘယ်လောက်ရှိတယ်ဆိုတာ ကျနော်တို့အနေနဲ့ မြင်တွေ့ ခွင့် မရဘူး။ အဲဒီအချိန်မှာ ကျနော့်သူငယ်ချင်းတွေ ဘယ်ကိုရောက်သွားလဲဆိုတာ ကျနော်တို့မသိနိုင်ဘူး။ မသိနိုင်ဘူးဆိုတာ သူတို့ အနေနဲ့ သတင်းအစ ဖျောက်လိုက်တဲ့ သဘောပေါ့။”
နောက်ပိုင်းမှာ တပ်မတော်နည်းပညာကောလိပ်ကျောင်းက ၀န်ထမ်း အားလုံးကို စစ်ဘက်ကနေ အရပ်ဘက်ကို ပြောင်းပစ်လိုက် ပါတယ်။ မေမြို့ တပ်မတော်နည်းပညာကောလိပ်ကျောင်းကိုလည်း ပိတ်ပစ်လိုက်ပြီး ကျောင်း အဆောက်အဦတွေကို စစ်တက္က သိုလ် စာစစ်ဌာန ၂ အဖြစ် ပြောင်းလဲလိုက်ပါတယ်။
Ref: ဒီဗွီဘီ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88