Friday, May 18, 2012

အမေရိကန်ပြည်ထောင်စု၊ ဘဏ္ဍာရေးဝန်ကြီး ဌာနက ထုတ်ပြန် ထားသည့် စီးပွားရေး ပိတ်ဆို့ အရေးယူ ခံထားရသော “အထူးပညတ်ထားသည့် ဗမာနိုင်ငံသားများစာရင်း”


Specially Designated Nationals List

Read More...

Monthly News Commentary - May 2012


PDC Monthly News Commentary - May 2012

Read More...

ဒေါ်အောင်ဆန်းစုကြည် ပါတီစည်းရုံးရေးခရီးစဉ် ဓာတ်ပုံများ ပြသရောင်းချပွဲ ကျင်းပ

2012-05-17

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ရဲ့ ပါတီစည်းရုံးရေး ခရီးစဉ် အတွင်း ရိုက်ကူးခဲ့တဲ့ ဓာတ်ပုံများ ပြသရောင်းချပွဲကို ရန်ကုန်မြို့ ပြင်သစ်သံရုံးမှာ ဒီကနေ့ ဖွင့်လှစ် ကျင်းပပါတယ်။

ပြင်သစ်သံရုံးက ကြီးမှူးကျင်းပတဲ့ ဒီအခမ်းအနားကို ဒေါ်အောင်ဆန်းစုကြည် တက်ရောက်လေ့လာခဲ့ပြီး စာအုပ် အဖြစ် ထုတ်ဝေဖို့ အတွက် စီစဉ်ဆောင်ရွက် ခဲ့တယ်လို့ ပြောခွင့်ရှိသူ ဦးခွန်သာမြင့်က ပြောပါတယ်။

" ပြင်သစ်သံရုံးက ကြီးမှူးပြီးတော့ သူတို့က အရင်ကတည်းက ဗမာပြည်က ဓာတ်ပုံ ဆရာတွေကို ထရိန်း လုပ်ပါတယ်။ သင်တန်းတွေလည်း ခဏခဏပေးတယ်ပေါ့။ အဲဒီအထဲက သူတို့ ပရောဂျက်လေး တစ်ခု အနေနဲ့ အစ်မ ပြီးခဲ့တဲ့ ရွေးကောက်ပွဲတုန်းက campaign trip တွေသွားတဲ့ အခါကျတော့ သူတို့ လိုက်ရိုက်ကြတယ်ပေါ့။ အဲတော့ စာအုပ်တစ်အုပ် ထုတ်မယ်။ စာအုပ်အတွက် ရွေးထားတဲ့ ဓာတ်ပုံလေးတွေ ရှိပါတယ်။ အဲတာကို အစ်မကိုပြတာပါ။ အပြင်မှာ public ကိုတော့ အဲဒီဓာတ်ပုံတွေထဲက သူတို့ အနှစ်သက်ဆုံး ၂၅ ပုံကိုပြပါတယ်။ အဲတာကို ကြည့်ပြီးတော့ အစ်မနဲ့ စာအုပ်လေးအတွက် lay out တွေ၊ ဘာတွေ လုပ်ဖို့အတွက် တိုင်ပင်နေကြပါတယ် "

ဓာတ်ပုံပညာရှင် ကိုအောင်ပြည့် ၊ ကိုမင်းဇေယျနဲ့ ကိုပြေကျော်မြင့်တို့က ဒေါ်အောင်ဆန်းစုကြည်ရဲ့ ပါတီစည်းရုံးရေး ခရီးစဉ် အတွင်း သူတို့ ရိုက်ကူးခဲ့တဲ့ ပုံတွေကို ခင်းကျင်းပြသထားပြီး ရန်ပုံငွေအဖြစ် ရောင်းချမှာ ဖြစ်ပါတယ်။ ဓာတ်ပုံရောင်းရငွေတွေရဲ့ ၈၀ ရာခိုင်နှုန်းကို ဒေါ်ခင်ကြည်ဖောင်ဒေးရှင်းနဲ့ ဒေါ်ဖြူဖြူသင်း ဦးစီးဆောင်ရွက်တဲ့ ကျန်းမာရေး စောင့်ရှောက်မှု လုပ်ငန်းတွေကို လှူဒါန်းသွားမှာဖြစ်တယ်လို့ သိရပါတယ်။

ဒေါ်အောင်ဆန်းစုကြည်ရဲ့ ဓာတ်ပုံ ၂၅ ပုံကို တစ်မျိုး ၁၅ ပုံသာ ထုတ်ဝေပြီး ပုံကြီး လက်မ ၃၀-၂၀ တစ်ပုံကို ဒေါ်လာ သုံးရာ၊ ပုံအသေးကို ဒေါ်လာ တစ်ရာနဲ့ ရောင်းချမှာဖြစ်ကြောင်း၊ မည်သူမဆို ၀ယ်ယူနိုင်ကြောင်းလည်း သိရပါတယ်။ ဒီဓာတ်ပုံပြပွဲကို မေလ ၂၅ ရက်အထိ ကျင်းပမှာဖြစ်ပါတယ်။

Ref: RFA News

Read More...

ပိတ်ပင်ခံခဲ့ရသည့် ရုပ်ရှင်ကားများ ပြန်ပြခွင့် အစည်းအရုံးတောင်းဆို

မျိုးသန့်
ကြာသပတေးနေ့၊ မေလ ၁၇ ရက် ၂၀၁၂

ချင်းမိုင် (မဇ္ဈိမ) ။ ။ ၂၀၀၀ ခုနှစ်မှ ၂၀၁၂ ခုနှစ်အတွင်း ရိုက်ကူးခဲ့သော်လည်း ပြသခွင့် ပိတ်ပင် ခံခဲ့ရသည့် ရုပ်ရှင်၊ ဗီဒီယို ၄၁ ကားကို ပြန်လည် ပြသခွင့်ပြုရန် မြန်မာနိုင်ငံရုပ်ရှင် အစည်းအရုံးမှ ပြန်ကြားရေး ဝန်ကြီးထံ ခွင့်ပြုချက် တောင်းခံထားသည်ဟု အစည်းအရုံးဥက္ကဋ္ဌ ဦးဇင်ဝိုင်းက မဇ္ဈိမကို ပြောသည်။

“ကျနော်တို့လောကကိုယ်စား ကျနော် တင်ပြခဲ့ပါတယ်။ အစိုးရက ပိတ်ခဲ့တဲ့ ရုပ်ရှင် ဗီဒီယို DVD ဇာတ်ကားတွေ ရှိပါတယ်။ အဲဒါတွေကို ခေတ်လည်းပြောင်းသွားပြီ မူဝါဒလည်း ပြောင်းသွားပြီဖြစ်တဲ့အတွက် အခုအခါ မှာတော့
ပြန်ပြီးတော့ ဖွင့်ပေးဖို့ ကျနော်တို့က တောင်းဆိုတာပါ။” ဟု ဦးဇင်ဝိုင်းက မဇ္ဈိမကို ပြောသည်။

ပြန်ကြားရေးဝန်ကြီး ဦးကျော်ဆန်းနှင့် မြန်မာနိုင်ငံ ရုပ်ရှင်အစည်းအရုံး အလုပ်အမှုဆောင် အဖွဲ့ဝင်များ တနင်္လာနေ့ ဗဟန်းမြို့နယ် ရွှေတောင်ကြား ရပ်ကွက်ရှိ မြန်မာ့ ရုပ်ရှင်လုပ်ငန်း အစည်းအဝေး ခန်းမတွင် တွေ့ဆုံမှုအတွင်း တောင်းဆို ခဲ့ခြင်းဖြစ်ပြီး ဝန်ကြီးက ပြန်လည် စိစစ်၍ ခွင့်ပြုပေးမည်ဟု ကတိပေးခဲ့သည်ဟုလည်း သိရသည်။

၂ဝဝဝ ခုနှစ်မှ ၂ဝ၁၂ ခုနှစ်အထိ ၁ဝ နှစ်တာကာလတွင်း ပြသခွင့် ပိတ်ပင် ခံထားရသည့် ရုပ်ရှင်ကားများမှာ နာမည်ကြီး ဒါရိုက်တာများဖြစ်သည့် မိုက်တီး၊ မောင်မျိုးမင်း (ရင်တွင်းဖြစ်)၊ မီးပွား စသည့် ဒါရိုက်တာများ၏ ရုပ်ရှင်ကားများလည်း ပါဝင်သည်။

ပိတ်ပင်ခံခဲ့ရသည့် ရုပ်ရှင်ကား ဇာတ်အိမ်များအတွင်း မြန်မာနိုင်ငံ၏ လက်ရှိဖြစ်နေသည့် မြန်မာ့ လူမှုဘဝ အဖြစ်အပျက် များကို နှိုင်းယှဉ်ပြထားပြီး ပြုပြင်ပြောင်းလဲရေး အတွက် ဇာတ်လမ်းဆင် ရိုက်ကူးထားသည့် ဇာတ်ကားအများစု ပါဝင်သည်ဟုလည်း ဦဇင်ဝိုင်းက ပြောသည်။

“ဇာတ်လမ်း အသွင်သဏ္ဍန်ကအစ ရည်ရွယ်ချက်ကအစ ပြုပြင်ပြောင်းလဲရေး အတွက် ရိုက်ခဲ့ကြသူတွေက ဆင်ဆာ ပိတ်ခံရတာတွေ များပါတယ်။ တခါတရံမှာ စကား အဓိပ္ပါယ် နှစ်မျိုးထွက်တာတွေကို ကိုယ့်စည်းကို ကိုယ်လုံအောင် လုပ်တဲ့ အခါကျတော့ အဲဒီမှာ မလိုလားအပ်ဘဲနဲ့ အနုပညာ ပစ္စည်းတွေက အလကားနေရင်း ပိတ်ပင် ခံသွားရတဲ့ သဘောပါပဲ။" ဟု ဦးဇင်ဝိုင်းက ဆိုသည်။

မြန်မာ့လူ့အဖွဲ့အစည်းအတွင်း ဖြစ်ပျက်နေသည့် လွဲမှားမှုများကိုလည်း ရုပ်ရှင်အဖြစ် ဖန်တီးကာ မီးမောင်းထိုးပြ ရိုက်ကူး တင်ဆက်က ပြည်သူသို့ အသိပေးလိုကြောင်း ဝန်ကြီးနှင့် တွေ့ဆုံမှုအတွင်း တင်ပြတောင်းဆို ခဲ့သေးသည်ဟုလည်း ဦးဇင်ဝိုင်းက ပြောသည်။

“ဥပမာ အရက်မူးနေတဲ့ ဆရာဝန်တယောက်ကြောင့် ခွဲခန်းထဲမှာ လူနာသေဆုံးတဲ့ အဖြစ်မျိုးတွေ ကျနော်တို့ ရိုက်ချင်ပြီ၊ အဂတိ လိုက်စားတဲ့ တရားသူကြီး တဦးကြောင့် အပြစ်မဲ့သူ တဦး ထောင်ဒဏ် ကျခံသွားရတာမျိုး ကျနော်တို့ ရိုက်ချင် ပြီ။ မြေစိုက်တဲထဲက လူဆင်းရဲတွေ ဘဝကို ကျနော်တို့ ရိုက်ချင်ပြီ။ ဒါတွေဟာ ကျနော်တို့ အစိုးရကို ဆန့်ကျင်တာ မဟုတ်ဘူး။” ဟု ဦးဇင်ဝိုင်းက မဇ္ဈိမကိုပြောသည်။

ရုပ်ရှင်အစည်းအရုံး၏ တင်ပြတောင်းဆိုမှုများနှင့်ပတ်သက်၍ ဝန်ကြီးက သက်ဆိုင်ရာ ဌာန ဆိုင်ရာများ၊ အဖွဲ့အစည်းများ နှင့် ညှိနှိုင်းဆောင်ရွက်ပေးမည်ဟု တုန့်ပြန်ပြောဆိုသွားသည်ဟုလည်း သိရသည်။

ဦးကျော်ဆန်း၏ ပြန်ကြားရေးဝန်ကြီးဌာနအောက်ရှိ စာပေစိစစ်ရေးနှင့် မှတ်ပုံတင် ဌာန ကိုလည်း ယခုနှစ် ဇွန်လ အတွင်း ထားရှိတော့မည် မဟုတ်ဟု ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန ဒု-ညွှန်ကြားရေးမှူးချုပ် ဦးတင့်ဆွေက မဇ္ဈိမနှင့် တွေ့ဆုံမေးမြန်းမှု တခုအတွင်း ပြောဆိုထားသည်။

Ref: မဇ္ဈိမ

Read More...

အနာဂတ်မဲ့နေသူများရဲ့ ဆန္ဒထုတ်ဖော်ပွဲ

နှင်းပန်းအိမ်
ကြာသပတေးနေ့၊ မေလ ၀၃ ရက် ၂၀၁၂

စိမ်းမြနေတဲ့ သစ်ပင်ကြီးတွေ၊ ကညင်ပင်တွေကြားက နီရဲလှပနေတဲ့ ခရစ်ယာန် ဘုရားရှိခိုးကျောင်းကို လွမ်းစရာ ရှုခင်းပန်းချီကား တချပ်လို ဆွေးစရာကောင်းနေပါတယ်။

ဒုက္ခသည် စခန်းလေးကလည်း ကြေကွဲလို့နေပါတယ်။ သင်္ကြန်မတိုင်ခင်မှာ ဒုက္ခသည် စခန်းထဲကို UN အရာရှိ ရောက်လာပါတယ်။ ဒုက္ခသည်နဲ့ UN တွေ့ဖို့ မလွယ်ကူပါဘူး။ UN နဲ့ တွေ့ခွင့်ရဖို့ PRE အဆင့်ရှိတဲ့ ဒုက္ခသည်က စာရွက် ထပ်ရပါတယ်။ တာဝန်ရှိသူက တွေ့ခွင့်ပေးမှ တွေ့ရတာပါ။ နို့ဖိုး ဒုက္ခသည်စခန်းမှာ ရပ်ကွက်ပေါင်း ၁၆ ရပ်ကွက် ရှိပါတယ်။ ထိုင်းအစိုးရက ဒုက္ခသည်အဖြစ် အသိအမှတ်ပြုထားတဲ့ NPO လက်မှတ်ရ ဒုက္ခသည်၊ ဒုက္ခသည်အဖြစ် ခိုလှုံခွင့် တောင်းခံထားတဲ့ PRE (ပရီသမား)၊ ဘာစာရင်းမှ သွင်းမထားသေးတဲ့ NO PRE (နိုးပရီသမား)တွေကို ကိုယ်စားပြုတဲ့လူ တရပ်ကွက်ကို ၃ ယောက် စခန်းရုံးကို လာဖို့ စခန်း တာဝန်ရှိသူတွေက ဆင့်ခေါ်ခဲ့ပါတယ်။

စခန်းရုံးကို ရောက်သွားတော့ UN တာဝန်ရှိသူက လက်ရှိ ဒုက္ခသည်တွေအတွက် ထိုင်းအစိုးရ သဘောထားနဲ့ UN ရဲ့ သဘောထားကို ပြောပြပါတယ်။ စကားပြန်က ကရင် အမျိုးသမီး နော်ရှီးလာပါ။ UN အရာရှိ အမျိုးသမီးက ဂျပန် အမျိုးသမီးပါ။ သူက ခုလို စပြောပါတယ်။

“ထိုင်းအစိုးရက ဒုက္ခသည်အဖြစ် အသိအမှတ်ပြုထားတဲ့ NPO ရှိတဲ့သူတိုင်းလည်း ဒုက္ခသည် အဖြစ် တတိယနိုင်ငံကို သွားရမယ်လို့ ကျိန်းသေ တွက်ထားလို့ မရဘူး။ တတိယနိုင်ငံရဲ့ စည်းမျဉ်း စည်းကမ်းနဲ့ ကိုက်ညီမှ သွားရမယ်။

၂၀၀၉ ခုနှစ်မှာ ထိုင်းအစိုးရက နယ်စပ်တလျှောက် ဒုက္ခသည်စခန်း ကိုးခုမှာ နို့ဖိုးအပါအဝင် ဒုက္ခသည်စခန်း လေးခုကို UN ကို ချပေးတယ်။ ထိုင်းနိုင်ငံမှာ ဒုက္ခသည် အဖြစ် ခိုလှုံတာကို အသိအမှတ် ပြုပေးတဲ့ ပရီစာရင်း သွင်းပေးတာ၊ ပရီအဆင့် ရထားသူတွေကို ဒုက္ခသည် အဖြစ် အသိအမှတ် ပြုပေးဖို့် UN က ထိုင်းအစိုးရကို အဆက်မပြတ် တွန်းအားပေး ပြောဆိုပေမယ့် ထိုင်းအစိုးရက ငြင်းဆန်နေဆဲ ဖြစ်တယ်။

UN အနေနဲ့ တွေ့တိုင်း ဒုက္ခသည်အဖြစ် အသိအမှတ်ပြုဖို့ တွန်းအားပေးနေပါတယ်။ ဒုက္ခသည်တွေ ကျေနပ်လောက် တဲ့ သတင်းကို ငါတို့ မပြောနိုင်လို့ စိတ်မကောင်းဘူး။

မြန်မာနိုင်ငံ ပြောင်းလဲနေပြီဆိုတာ ငြင်းလို့မရဘူး။ မိမိ ဘယ်ဒေသက လာလဲ၊ မိမိ ဘယ်ကာလမှာ ဘာတွေ လုပ်ခဲ့သလဲ၊ မိမိတိုင်းပြည်ကို ဘယ်တော့ပြန်မလဲ ဆိုတာ စဉ်းစားထားပါ။ သတင်း အချက်အလက်တွေကို ဒုက္ခသည်က ရှာဖွေနားထောင်ပါ။ မိမိနိုင်ငံက အေးချမ်းပြီး တိုင်းပြည်က ပြန်ခေါ်ရင် ငြင်းဆန်ခွင့် မရှိဘူး။

UN ဒုက္ခသည်ကို တတိယနိုင်ငံဆိုတဲ့ လမ်းကြောင်းပေါ်ကို တင်ပေးတာဟာ အခွင့်အလမ်းပေါ် တင်ပေးတာ၊ အခွင့်အရေး မဟုတ်ဘူး။

ထိုင်းအစိုးရကို အဆင့် ၄ ဆင့် UN က တင်ပြတယ်။ ပထမအဆင့် မိသားစု ပေါင်းစည်းရေး အစီအစဉ်ကိုတောင် ထိုင်းအစ်ိုးရက ငြင်းဆန်နေဆဲပဲ ဖြစ်ပါတယ်” တဲ့။

ဒီစကားကို ကြားပြီး ဒုက္ခသည်စခန်းလေး ပိုမိုညှိုးငယ်သွားပါတယ်။ ဒုက္ခသည်စခန်းထဲမှာ ဒုက္ခသည်အဖြစ် အသိအမှတ်ပြုထားသူနဲ့ အသိအမှတ်ပြုထားခြင်း မခံရသေးသူနှစ်ဦး ချစ်ခင် ပေါင်းသင်းပြီး သားသမီးတွေ ပွားစည်းထားကြပါတယ်။ ဒုက္ခသည်အဖြစ် အသိအမှတ်ပြုထားသူ ခင်ပွန်းသည် အမေရိကန်နိုင်ငံကို ထွက်ခွာသွားတော့ သားသမီးနဲ့ဇနီးသည်တွေ စခန်းထဲ ကျန်ခဲ့တယ်။ ဒီမိသားစုနဲ့ ခြောက်လအတွင်း
ပြန်လည်ပေါင်းစည်းနိုင်တယ်လို့ ခန့်မှန်းပြီး ရင်သွေးကို ထည့်ပေးလိုက်တဲ့ မိခင်ကရင်အမျိုးသမီးလေး ခုချိန်ထိ ပြန်လည်ပေါင်း စည်းခွင့်မရသေးဘူး။ ခြောက်နှစ် ရှိပြီတဲ့။ သူ့လိုအလားတူ အဖြစ်အပျက်မျိုး ဒုက္ခသည်စခန်းထဲမှာ အများကြီးရှိနေပါတယ်။

အမေရိကန်နိုင်ငံရဲ့ စည်းမျဉ်းစည်းကမ်းနဲ့ ကိုက်ညီအောင်စစ်ဆေးတဲ့ လူဝင်မှုကြီးကြပ်ရေးရဲ့ OPE, DHS ဆိုတဲ့ အင်တာဗျူးတွေဖြေပြီးတဲ့အပြင် လက်ခံစာရထားသူတွေ နှစ်နှစ်ကျော် သုံးနှစ် ရှိပါပြီ။ သူတို့တွေလည်း သားသမီးလေးတွေ ရင်ဝယ်ပိုက်ပြီး မိသားစုအတူတကွ နေထိုင်ဖို့ မျှော်လင့်နေကြပါတယ်။

အင်တာနက်ဆိုင်မှာ စနေ၊ တနင်္ဂနွေဆို မိသားစုတွေ အင်တာနက်ကတဆင့် စကားပြောကြတယ်။ အဖေရေ... အမေရေ...သားရေ...သမီးရေ...ဆိုတဲ့ အသံ တီတီတာတာ ချစ်စဖွယ်ပြောနေတဲ့ စကားသံတွေ နားထောင်ပြီး ရင်ထဲ ထိထိခိုက်ခိုက် ဖြစ်ရပါတယ်။ သားအတွက်၊ သမီးအတွက် အလုပ်လုပ်နေတာ။ ဖေကြီး ပြန်လာရင် အရုပ်ဝယ်ခဲ့နော်၊ မုန့်ဝယ်ခဲ့နော်လို့ မှာနေသံတွေကလည်း အပတ်စဉ်ပါ။

သားသမီး ထည့်လိုက်ရင် မိသားစု ပေါင်းစည်းရေး မြန်တယ်ဆိုပြီး ထည့်ပေးလိုက်တာ။ ခုချိန်ထိ မမြင်ရလို့ စိတ်ဝေဒနာ ဖြစ်နေတဲ့ မိန်းကလေးရဲ့ ရင်ဖွင့်သံကို ဧပြီ ၂၅ ရက်နေ့ နို့ဖိုး ဒုက္ခသည် စခန်းရဲ့ “အနာဂတ်မဲ့ နေသူများရဲ့ ဆန္ဒ ထုတ်ဖော်ပွဲ” မှာ ကျမတို့ ကြားခဲ့ရတယ်။

အသက် ၂၀ ကျော် ကရင်အမျိုးသမီးလေးရဲ့ ရင်ဖွင့်သံကတော့ “ကျမတို့ကို ပြန်ပို့မယ် ပြောနေတယ်။ ကျမ အဖေနဲ့ အမေက ထိုးစစ်တိုက်စစ်ကြောင့် သေသွားပြီ။ ကျမက မိဘမဲ့ အဖြစ်နဲ့ ဒုက္ခသည် စခန်းထဲမှာ ကြီးပြင်းလာရတာ။ ကျမရဲ့ပညာရေး ဘယ်မှာလဲ။ ကျမရဲ့တိုးတက်မှု ဘယ်မှာလဲ။ ကျမတို့ဘဝမှာ မရေရာခြင်း၊ မသေချာခြင်းနဲ့ ဒုက္ခသည်ဘဝကို နေ့စဉ် နိုးထရတယ်”

“ကျမတို့စခန်းထဲမှာ လူ တသောင်းကျော် ရှိတယ်။ ဆန္ဒထုတ်ဖော်ပွဲကို လူ ၂၀၀ ကျော် တက်တယ်။ ကျမတို့ အားလုံး ဆီမှာ အကြောက်တရား ကြီးစိုးနေတယ်။ ဒီလိုလုပ်ရင် ငါတို့ကို ဘယ်လိုလုပ်မလဲပေါ့။ ဒါပေမယ့် ကျန်တဲ့လူတွေက သူတို့တဲအိမ်လေးတွေထဲကနေ ကျမတို့လုပ်ရပ်ကို ထောက်ခံနေတယ်။ ကျမတို့ လူ ၂၀၀ ကျော်ရဲ့ ဆန္ဒနဲ့ တဲအိမ်လေး ထဲကနေ စောင့်မျှော်နားစွင့်နေတဲ့ လူတသောင်းကျော်ရဲ့ဆန္ဒ ထပ်တူကျပါတယ်။

ကျမတို့ကို လူ့အခွင့်အရေးလို့ ပြောနေသူတွေက လူ့အခွင့်အရေးတွေ မပေးဘူး။ ဒုက္ခသည် စခန်းထဲမှာ ကျမတို့ကို မသေမရှင် ထားထားတယ်။ ရိက္ခာဆီ လစ်ဝက်က (၁၅ကျပ်သား)၊ ဆန်တပုံး (ရှစ်ပြည်) နဲ့ကျမတို့ ဘယ်လို အသက်ရှင်မလဲ။

အလုပ်ထွက်လုပ်ခွင့် ဒုက္ခသည်မှာ မရှိဘူး။ ကျန်းမာရေး၊ ပညာရေး၊ ကျမတို့အတွက် အာမခံချက် မရှိဘူး။ ဒီလိုအခြေအနေအတိုင်း ကျမတို့ ဘယ်အထိ နေရမလဲ။

ဒီနေ့လို ဆန္ဒထုတ်ဖော်ရတာမှာ ကျမတို့တွေ တောကြီးမျက်မည်းထဲက ဒုက္ခသည် စခန်းထဲမှာ ရှိနေကြပါလား။ ဒီလူတွေအတွက် ကောင်းမွန်တဲ့အနာဂတ်ကို ဖော်ဆောင်ပေးသင့်တယ်လို့ ကြားရ မြင်ရသူတွေ စဉ်းစား အကြံပေးနိုင်အောင် ဖော်ထုတ်တာပါ။ ကျမတို့ကို ကူညီပါ။

ကျမလို လူငယ် မိန်းကလေး၊ ယောက်ျားလေးတွေ ပညာရေးအတွက် အနာဂတ် မဲ့နေကြတယ်။ စခန်းထဲက ဆယ်တန်းအောင်လက်မှတ်က ဘယ်နေရာမှ အကြုံးမ၀င်ဘူး။ ကျမတို့လို လူငယ်တွေရဲ့ ပညာရေး တိုးတက်မှုဟာ သိပ်ကိုအရေးကြီးပါတယ်။ လူသားတယောက်ဟာ လူသား တယောက်ရဲ့ အခွင့်အရေးကိုပဲ ရချင်ပါတယ်ရှင့်”.....။

UN တာဝန်ရှိသူတွေရဲ့ ကင်မရာ မီးရောင်အောက်မှာ နို့စို့ကလေးကို နို့တိုက်ကျွေးနေတဲ့ မိခင်တွေ၊ ဖိနပ်တောင် စီးမထားနိုင်တဲ့ ကလေးငယ်တွေရဲ့ မျက်ဝန်းတွေက စကားလုံး ရာထောင်ချီပြီး ပြောနေပါတယ်။

အနှစ်နှစ်ဆယ်ကျော်နီးပါး ဒုက္ခသည်စခန်းထဲမှာ စခန်း လေးခု ပြောင်းရွှေ့နေထိုင်ခဲ့ကြတဲ့ တော်လှန်ရေးရဲဘော် ကိုဝင်းကိုရဲ့ “မိခင်တိုင်းပြည်မှာ ကျနော့်မိဘဆွေမျိုးတွေ ရှိကောရှိသေးရဲ့လား။ ကျနော့်ကို ဆီးကြိုမယ့် အိမ်၊ မိသားစု ကျနော့်မှာရှိမရှိ မရေရာမသေချာဘူး။ ကျနော့်ဘ၀ သုံးပုံ နှစ်ပုံဟာ ဒုက္ခသည်အဖြစ် ပေးဆပ်နေရတာ။ ကျနော် သေနတ်ပစ်၊ မြေဖြူကိုင်ပြီး တော်လှန်ရေး နယ်မြေမှာ ကျောင်းဆရာလုပ်ခဲ့တာ။ ခု ကျနော့်သား နှစ်ယောက် အတွက် ကျနော် ဘာမှ လုပ်မပေးနိုင်တာကို ယူကြုံးမရဘူးဗျာ။”

တပ်ပြေးအဖြစ် ဒုက္ခသည်စခန်းထဲမှာ ခုနှစ်နှစ်ကြာ နေထိုင်နေရသူ ကိုရဲမင်း စကားက ဒုက္ခသည်တွေရဲ့ အမှတ်အသား ပုံရိပ်တွေပါပဲ။

“ငှက်ကလေးတကောင် အတောင်အလက်မစုံဘဲ အသိုက်ထဲကနေ ပြုတ်ကျလာလို့ ကောက်မွေး လိုက်တယ်။ လှောင်အိမ်ထဲ ထည့်ပြီး အစာကျွေး ရေတိုက် လုပ်ပေးတယ်။ အတောင်လည်း စုံပြီး တောတောင်ထဲ သဘာဝအတိုင်း ပြန်သန်းကြည့်ဖို့ နုပျိုတဲ့ အရွယ်နဲ့ ကျယ်ပြန့်တဲ့ ကောင်းကင်ရှိဖို့ လိုတယ်။ ဒါ သဘာဝပဲ။ ဒါပေမယ့် ငှက်ကလေး ပျံသန်းခွင့် မရဘူး။ သူ့မှာရှိတဲ့ အတောင်ကို ဖြန့်မကြည့်ဘဲနဲ့ ဘယ်လောက် အမြင့်ထိ ပျံနိုင်တယ် ဆိုတာ ငှက်ကလေး မသိဘူး။ မိမိ အတောင်ကို ဖြန့်ခွင့် မရလိုက်ဘဲ ငှက်ကလေး သေသွားတယ်။ အဲဒီငှက်ကလေးလိုမျိုး ငါတို့ ခံစားနေရ တယ်” တဲ့။ ။

Ref: မဇ္ဈိမ

Read More...

စီးပွားရေးပိတ်ဆို့မှု ရုပ်သိမ်းခြင်းကို မြန်မာ့အရေးလှုပ်ရှားသူများ စိုးရိမ်

ကိုသားညွန့်ဦး
ကြာသပတေး, 17 မေ 2012

အမေရိကန်ပြည်ထောင်စုကနေ မြန်မာနိုင်ငံမှာ ရင်းနှီးမြှုပ်နှံမှုမလုပ်ဖို့ ပိတ်ပင် တားမြစ်ချက် ပြန်လည် ရုပ်သိမ်းလိုက်တဲ့ အပေါ်မှာ အမေရိကန်အခြေစိုက် မြန်မာ့အရေး လှုပ်ရှားသူတွေ ကတော့ စိုးရိမ်မှုတွေ ရှိနေကြပါတယ်။ အထူးသဖြင့်တော့ မြန်မာနိုင်ငံ အတွင်း ပြုပြင်ပြောင်းလဲမှုတွေ အခိုင်အမာ မရှိသေးဘူး၊ လူ့အခွင့်အရေးအရ စိုးရိမ်စရာတွေ ရှိနေဆဲပဲလို့ သူတို့က မြင်ပါတယ်။ မြန်မာ့အရေး တတ်ကြွတဲ့ အထက် လွှတ်တော် အမတ်တွေကတော့ ဒီ ကြေညာချက်ကို ကြိုဆိုပြီး ဒါဟာ ယာယီ ရုပ်သိမ်းထားတဲ့ သဘောဖြစ်တယ်လို့ ဆိုနေပါတယ်။ ဒီအမြင်တွေကိုတော့ ကိုသားညွန့်ဦးက စုစည်းတင်ပြထားပါတယ်။

မြန်မာနိုင်ငံအပေါ်မှာ ငွေကြေးဝန်ဆောင်မှုလုပ်ငန်းတွေနဲ့ ရင်းနှီးမြှုပ်နှံမှု သစ်တွေ မလုပ်ဖို့ ပိတ်ပင်တားမြစ် ချက်ကို အမေရိကန် ပြည်ထောင်စု အနေနဲ့ လျှော့ပေါ့ပေးလိုက်တယ်လို့ အမေရိကန် သမ္မတ ဘရက်ခ် အိုဘားမားကလည်း ကြေညာချက် ထုတ်ခဲ့ပြီး ဒါဟာ အမေရိကန်- မြန်မာ ဆက်ဆံရေးရဲ့ အခမ်း ကဏ္ဍသစ် ကို စတင်လိုက်တာဖြစ်တယ်လို့ သမ္မတ အိုဘားမားက ပြောလိုက်ပါတယ်။ မြန်မာနိုင်ငံဘက်က အပြု သဘောဆောင် တိုးတက်မှုတွေကို ပြန်လည်တုံ့ပြန်မယ်လို့ ကတိပြုထားတဲ့ အတိုင်း ဆောင်ရွက် ချက်ဖြစ်တယ်လို့ဆိုပါတယ်။

မြန်မာစစ်တပ်နဲ့ ဆက်နွယ်နေတဲ့ကိစ္စတွေမှာ ကုန်သွယ်စီးပွား လုပ်ဆောင်မယ့်ကိစ္စကိုတော့ ခြွင်းချက် အနေနဲ့ ဆက်ပြီး တားမြစ် ထားတယ်လို့ သိရပါတယ်။ ဒါပေမယ့် အခုလို အမေရိကန်ပြည်ထောင်စု က မြန်မာအပေါ် အရေးယူမှုတွေ လျှော့ပေါ့ပေးလိုက်တဲ့အပေါ်မှာ အမေရိကန် အခြေစိုက် မြန်မာ့အရေး လှုပ်ရှားသူတွေ ကတော့ ဒါဟာ အပြုသဘောထက် အဆိုးဘက်ကို ရောက်သွားမှာ စိုးရိမ်မှုတွေ ရှိနေပါတယ်။ USCB အမေရိကန်ပြည်ထောင်စု အခြေစိုက် မြန်မာ့အရေး လှုပ်ရှားမှုအဖွဲ့ အမှုဆောင် ညွန်ကြားရေးမှူး ဦးအောင်ဒင်ကတော့ အခုလို အရေးယူမှုတွေ လျှော့ပေါ့ပေးတဲ့ ကိစ္စကို လက်မခံပါဘူး။

"ကျနော်ကတော့ ဒီကိစ္စအပေါ်မှာ အပြင်းအထန် ကန့်ကွက်ပါတယ်။ နိုင်ငံခြားရေး ဝန်ကြီး ကလင်တန် ဧပြီလ ၄ ရက်နေ့က ရုပ်သိမ်း လိုက်ကတည်းက ကျနော်တို့က ကန့်ကွက်နေတာပါ။ လက်ရှိ အခြေအနေမှာ မြန်မာနိုင်ငံမှာ ဖြစ်ပေါ်နေတဲ့ အပြောင်းအလဲတွေက နောက်ကြောင်းပြန် မလှည့်ဘူးလို့ စိတ်ချရတဲ့ အနေအထားမှာ မရှိသလို ရှေ့ကိုဆက်ပြီး တိုးတက်လေ မလားဆိုတာ ကိုလည်း မျှော်လင့်ချက် အပြည့်အဝ မရှိသေးတဲ့ အချိန် - နောက်ပြီးတော့ နိုင်ငံရေး အကျဉ်းသားတွေ ရာနဲ့ချီပြီးတော့ အကျဉ်းကျနေသေး တယ်။ နောက်ပြီးတော့ ကချင်ပြည်နယ်ဘက်မှာ ဖြစ်နေတဲ့ စစ်ပွဲတွေကလည်း မပြီးဆုံးသေးတဲ့ အပြင် ပိုပြီးတော့တောင် ကြီးမားနေသေးတယ်။ နောက်တခါ လူထု ခံစားနေရတဲ့ စီးပွားရေးဒုက္ခတွေ၊ လူမှုရေးဒုက္ခတွေ ပိုပြီး မြင့်မားနေတဲ့ အချိန်မှာ အခုလိုမျိုး အမေရိကန် အစိုးရက စီးပွားရေး ပိတ်ဆို့မှုကို အတိုင်းအတာ တခုအထိ ဖွင့်ပေးလိုက်တဲ့ဟာဖြင့် ဗမာ အစိုးရနဲ့ သူတို့ရဲ့အပေါင်းအပါ စီးပွားရေး သမားတွေသာ အကျိုးစီးပွားဖြစ်မယ့် ကိစ္စလို့ ကျနော်တို့က မြင်ပါတယ်။ အထူးသဖြင့် ဗမာအစိုးရနဲ့ လက်ရှိ တိုင်းရင်းသားလက်နက်ကိုင် အင်အားစုတွေကြားမှာ ဆောင်ရွက်နေကြတဲ့ ငြိမ်းချမ်းရေး ဆွေးနွေးပွဲတွေကိုလည်း တစုံတရာ အနှောင့်အယှက်ဖြစ်မယ်လို့ ကျနော်တို့က မြင်ပါတယ်။"

မေး။ ။ "ဟုတ်ကဲ့။ ဒါပေမယ့် အမေရိကန် အာဏာပိုင်တွေပြောတာက မြန်မာနိုင်ငံ ထဲမှာ တခုခု နောက်ကြောင်းပြန်လှည့် သွားတာပဲဖြစ်ဖြစ်- တခုခုဖြစ်လို့ ရှိရင် အချိန်မရွေး ပြန်ပြီး အရေးယူနိုင်တဲ့ အနေအထား ရှိတယ်လို့တော့ ပြောပါတယ်ခင်ဗျ။"

"အဲဒါကလည်းဗျာ၊ တကယ့်လက်တွေ့မှာ သိပ်မလွယ်လှပါဘူး။ နမူနာတခုကြည့်ဗျာ- ၁၉၉၇ ခုနှစ်မှာ သမ္မတကလင်တန်က ရင်းနှီးမြှုပ်နှံမှု ပိတ်ဆို့တာကို ဥပဒေပြဌာန်းတဲ့အခါကျတော့ မြန်မာနိုင်ငံ ထဲမှာ ရောက်နေပြီးဖြစ်တဲ့ ယူနိုကယ်လ်ကို သူတို့ ပြန်လွှတ်လို့ မရဘူး။ ရောက်ရှိပီးသား ရင်းနှီးမြှုပ်နှံမှုတွေ ကို ကင်းလွတ်ခွင့်ပေးပြီးတော့ ရင်းနှီးမြှုပ်နှံမှု အသစ်တွေကိုသာ ပိတ်ပင်ဟန့်တားတာကို။ ဒါကြောင့် ဝင်တဲ့နေရာမှာလည်း သူတို့က အဓိက-က မြန်မာနိုင်ငံမှာရှိတဲ့ သဘာဝဓာတ်ငွေ့တို့၊ ရေနံတို့၊ တွင်းထွက်ပစ္စည်း အစရှိတဲ့ တိုင်းပြည်ရဲ့ သယံဇာတပစ္စည်းတွေကို ထုတ်လုပ်တဲ့လုပ်ငန်းတွေမှာ ပိုပြီး စိတ်ဝင်စားကြတာကိုး။ အဲဒီတော့ အဲဒီလို လုပ်ငန်းတွေမှာ ရင်းနှီးမြှုပ်နှံမှုလုပ်ငန်းတွေ ဝင်ရောက်လာပြီ ဆိုရင် တချိန်ချိန်မှာ ပြန်ထွက်ကြစို့ - ပြောတဲ့အခါမှာ အဲဒီ စီးပွားရေးလုပ်ငန်းရှင်ကြီးတွေက လက်ခံမှာ မဟုတ်ကြဘူးလေ။"

အမေရိကန်အခြေစိုက် Human Rights Watch လူ့အခွင့်အရေး စောင့်ကြပ်မှုအဖွဲ့ ၀ါရှင်တန်ရုံး ညွန်ကြားရေးမှူး Tom Malinowski ကတော့ အရေးယူမှုတွေ ရုပ်ဖို့ နိုင်ငံခြားရေးဝန်ကြီးရဲ့ ဒီ ဆုံးဖြတ်ချက် ဟာ မျှတမှုရှိတယ်လို့ ယူဆပါတယ်။ ဒါပေမယ့်လည်း အချို့လုပ်ငန်းတွေ ၀င်ရောက် လုပ်ကိုင်ခွင့်ပြု ဖို့တော့ စောလွန်းသေးတယ်လို့ သူက ယူဆပါတယ်။

“အခြေခံအရပြောရရင်တော့ နိုင်ငံခြားရေးဝန်ကြီး ဒီနေ့ ထုတ်ပြန်ချက်ဟာ မျှမျှတတရှိတယ်လို့ ယူဆပါ တယ်။ အခုအချိန် အထိ ဆောင်ရွက်နေတဲ့ ပြုပြင်ပြောင်းလဲရေးတွေအတွက် ဆုလာဘ်ကောင်းပေးလိုက် တာ ဖြစ်သလို တဘက်မှာလည်း ပြုပြင်ပြောင်းလဲမှုကို ဆန့်ကျင်တဲ့ ပုဂ္ဂိုလ်တွေ အပေါ် အရေးယူထား တာတွေကိုတော့ ဆက်ပြီး ထားရှိဦးမှာ ဖြစ်ပါတယ်။ ဒါပေမယ့် ဒီ ဆုံးဖြတ်ချက်ကို ဘယ်လို အကောင်အထည်ဖော်မလဲဆိုတာကိုတော့ အသေးစိတ် ကြေညာတာ မရှိသေးပါဘူး။ ဥပမာ ဆိုရရင် အမေရိကန်က စွမ်းအင်ကုမ္ပဏီတွေကို မြန်မာစစ်တပ် အတွက် နှစ်ပေါင်းများစွာကတည်းက ၀င်ငွေကောင်းကောင်း ရှာပေးနေတဲ့ မြန်မာရေနံနဲ့သဘာဝဓာတ်ငွေ့လုပ်ငန်းနဲ့ ပူးတွဲ လုပ်ကိုင်ဖို့ ခွင့်ပြု ထားသလားဆိုတာ မသိရပါဘူး။ မြန်မာရေနံနဲ့ သဘာဝဓာတ်ငွေ့ကရတဲ့ ၀င်ငွေဟာ စစ်တပ်အတွက် မဟုတ်ဘဲ မြန်မာလူထုအတွက် အကျိုးရှိစေမယ် ဆိုတာ မသေချာမချင်း ဒီလုပ်ငန်းမျိုးတွေ ခွင့်ပြုဖို့ စောလွန်းမယ်လို့ ထင်ပါတယ်။”

အမေရိကန်ပြည်ထောင်စုရဲ့ ရင်းနှီးမြှုပ်နှံမှုတွေဟာ ကျင့်ဝတ် သိက္ခာနဲ့ ညီညွတ်ပြီး မြန်မာလူ့အဖွဲ့အစည်း အတွက် အကျိုးရှိစေရမယ်လို့တော့ နိုင်ငံခြားရေးဝန်ကြီးကလင်တန်က ပြောခဲ့ပါတယ်။ မြန်မာနိုင်ငံတွင်း လူ့အခွင့်အရေးချိုးဖောက်မှုတွေကြောင့် အနောက်နိုင်ငံ အများစုက မြန်မာ နိုင်ငံအပေါ် စီးပွားရေးအရ ပိတ်ဆို့အရေးယူ ထားတာတွေဟာ အခုဆိုရင် အမေရိကန်ပြည်ထောင်စုကပါ ရုပ်သိမ်း လိုက်တာကြောင့် မြန်မာအပေါ် နိုင်ငံတကာရဲ့ စီးပွားရေး ပိတ်ဆို့မှုတွေ မရှိတော့ဘူးလို့ ယူဆရမှာပါ။

မြန်မာနိုင်ငံဟာ ပြီးခဲ့တဲ့နှစ်တွေအတွင်း ဖွံဖြိုးမှုနိမ့်ကျခဲ့တာ စီးပွားရေးပိတ်ဆို့မှုကြောင့်ဖြစ်ပြီး၊ စီးပွားရေး ပိတ်ဆို့မှုဟာ မြန်မာလူထုကိုပဲ ထိခိုက်စေတယ်လို့ ဝေဖန်မှုတွေကလည်း ရှိခဲ့ပါတယ်။ လူ့ဘောင်သစ် ဒီမိုကရက်တစ်ပါတီ ဥက္ကဌ ဦးအောင်မိုးဇော်ကတော့ အခုလို နိုင်ငံရေးပြုပြင်ပြောင်းလဲမှုတွေဟာ စီးပွားရေးအရ ဒဏ်ခတ်မှုတွေကြောင့်ဖြစ်ပြီး ဒါဟာ သက်ရောက်မှုရှိခဲ့တယ်လို့ ပြောပါတယ်။

"ကျနော့်အယူအဆကတော့ ထိရောက်ခဲ့တယ်လို့ မြင်ပါတယ်။ အခုလို ပြောင်းလဲမှုတွေ ဖြစ်လာတာကို က နိုင်ငံတကာရဲ့လွှမ်းမိုးမှု၊ နိုင်ငံတကာရဲ့အခန်းကဏ္ဍ အများကြီး ကြီးတယ်လို့ ကျနော်ထင်ပါတယ်။ နိုင်ငံတကာရဲ့ ဖိအားပေးမှု၊ နိုင်ငံတကာရဲ့လွှမ်းမိုးမှုကို ကျနော်တို့ ဒီမိုကရေစီ အင်အားစုတွေ ကိုယ်နှိုက်ကပင် ခုခံနိုင်ဖို့ တချို့အခြေအနေမှာ တော်တော်ခက်တဲ့ အနေအထားရှိပါတယ်။ ကျနော်တို့တိုင်းပြည် ပြောင်းလဲလို့၊ ကျနော်တို့တိုင်းပြည် အပြောင်းအလဲမှာ သူတို့က ပူးပေါင်းလာတယ်ဆိုတာထက် နဂိုရ်ကတည်းက သူတို့ရဲ့ အာဂျင်နာ (agena) က ကျနော်တို့တိုင်းပြည်ကို အခုလို လမ်းကြောင်းမျိုး တခုခု တွန်းပို့တဲ့ အနေမျိုးရှိတယ်လို့ ကျနော့်အနေနဲ့ ယူဆတယ်။"

Tom Malinowski ကတော့ အခုလို နှစ်ဖက်ဆက်ဆံရေးတွေ တိုးတက်လာပေမယ့် မြန်မာနိုင်ငံထဲ လူ့အခွင့်အရေး အခြေအနေတွေကြောင့် ပုံမှန်ဆက်ဆံရေးအဆင့်တော့ မရောက်နိုင်သေးဘူးလို့ သုံးသပ်ပါတယ်။

“မြန်မာနိုင်ငံတွင်း လူ့အခွင့်အရေးအခြေအနေတွေနဲ့ပတ်သက်လို့ စိုးရိမ်မှုတွေ အတော်များများ ရှိနေရဆဲ ပါ။ နိုင်ငံရေးအကျဉ်းသား ရာနဲ့ချီ အကျဉ်းထောင်တွေထဲ ရှိနေတုန်းပါ။ တိုင်းရင်းသား လူနည်းစုဒေသတွေ မှာ စစ်တပ်က လူ့အခွင့်အရေး ချိုးဖောက်မှုတွေကလည်း ရှိနေဆဲပါ။ ဒီလို ပြဿနာတွေ မဖြေရှင်းနိုင်သေး သရွေ့တော့ အမေရိကန်-မြန်မာဆက်ဆံရေးက ပုံမှန်တော့ ဖြစ်မလာနိုင်သေးပါဘူး။”

နိုင်ငံခြားရေးဝန်ကြီးကလင်တန်ဒီနေ့ ပြောတဲ့အထဲမှာလည်း မြန်မာနိုင်ငံထဲမှာ လုပ်စရာတွေကျန်နေသေးပြီး တိုင်းရင်းသား လူနည်းစုဒေသက အခြေအနေတွေ အထူးသဖြင့် ကချင်ပြည်နယ်အတွင်း အကြမ်းဖက်မှုတွေ အတွက် စိုးရိမ်တဲ့အကြောင်း ပြောသွားပါတယ်။

သြဇာကြီးတဲ့ ရီပတ်ပလီကဲန် ခေါင်းဆောင်တွေဖြစ်သူ အထက်လွှတ်တော်အမတ် မက်ကိန်းနဲ့ အထက် လွှတ်တော်အမတ် မက်ကောနယ်တို့ကလည်း အခုလို အမေရိကန်အစိုးရက မြန်မာအပေါ် အရေးယူ မှုတွေ လျှော့ပေါ့ပေးလိုက်တာကို ကြိုဆိုတဲ့ အကြောင်း ထုတ်ပြန်ပါတယ်။ ဒါပမေယ့်လည်း ဒါဟာ အရေးယူမှုတွေကို ရုပ်သိမ်းတာမဟုတ်ပဲ ခြွင်းချက်နဲ့ ယာယီဆိုင်းငံ့တာဖြစ်တယ်လို့ ဆိုပါတယ်။

အစိုးရပိုင်းရဲ့လုပ်ပိုင်ခွင့်နဲ့ အရေးယူမှုတွေကို ယာယီလျှော့ပေးလိုက်ပေမယ့် အရေးယူမှုတွေကို ဥပဒေအရ ဒီတိုင်း ဆက်ထားသင့်တယ်လို့ ဆိုပါတယ်။ နောက်ထပ် အရေးယူမှုတွေကို လျှော့ပေးဖို့ကတော့ မြန်မာ အစိုးရဘက်က လုပ်ရပ်အပေါ်မှာတည်တယ်လို့ ပြောပါတယ်။ သူတို့အနေနဲ့ကတော့ မြန်မာအနေ နဲ့ မြောက်ကိုရီယားနဲ့ စစ်ဘက်ဆက်ဆံရေး ဖြတ်တောက်ဖို့၊ ကျန်နေတဲ့ နိုင်ငံရေးအကျဉ်းသားတွေကို လွှတ်ဖို့၊ ကချင်ပြည်နယ်နဲ့ အခြားတိုင်းရင်းသားဒေသတွေက အကြမ်းဖက်မှုတွေကို အဆုံးသတ်ဖို့ နဲ့ ပြုပြင်ပြောင်းလဲရေးလုပ်ငန်းတွေ ဆက်ဖြစ်စေဖို့ တွန်းအားပေးသွားမယ်လို့ ဆိုပါတယ်။ အရေးယူမှုတွေကို ရုပ်သိမ်းဖို့ တလျှောက်လုံးတိုက်တွန်းနေတဲ့ အထက်လွှတ်တော် အမတ်ဂျင်ဝက်ကတာ့ အခု အရေးယူမှုလျှော့ပေါ့ပေးတာ ကို ကျေနပ် အားရမိပေမယ့် အမေရိကန်ဘက်က ဒီထက်ပိုပြီး မြန်မာ အစိုးရအပေါ် တုံ့ပြန်အားပေးသွားဖို့ မူဝါဒတွေ ချမှတ်ဖို့ တိုက်တွန်းသွားပါတယ်။


Ref: VOA News

Read More...

စစ်ရေးပဋိပက္ခ ဖြေရှင်းပေးဖို့ ကုလသမဂ္ဂ အတွင်းရေးမှူးချုပ်ကို ကေအိုင်အေ ဥက္ကဋ္ဌ တိုက်တွန်း

2012-05-17

ကေအိုင်အို ကချင်လွတ်မြောက်ရေး တပ်မတော်နဲ့ မြန်မာအစိုးရတပ်တွေအကြား ဖြစ်ပွားနေတဲ့ စစ်ရေး ပဋိပက္ခကို ကြားဝင်ဖြေရှင်းပေးဖို့ ကေအိုင်အေ ဥက္ကဋ္ဌ ဦးဇောင်းဟရားက ကုလသမဂ္ဂ အတွင်းရေးမှူးချုပ် မစ္စတာ ဘန်ကီးမွန်းထံ စာရေးသား တိုက်တွန်း လိုက်ပါတယ်။

ကုလသမဂ္ဂ အတွင်းရေးမှူးချုပ်အနေနဲ့ ကချင်ပြည်နယ်အတွင်း ဖြစ်ပေါ်နေတဲ့အခြေအနေတွေကို လက်တွေ့သိရှိနိုင်အောင် လေ့လာရေး အဖွဲ့ ဒါမှမဟုတ် ကြားဝင် ဖျန်ဖြေရေး အဖွဲ့ စေလွှတ်ဖို့ တောင်းဆိုရတာ ဖြစ်တယ်လို့ ကေအိုင်အိုရဲ့ နိုင်ငံခြား ဆက်ဆံရေး တာဝန်ခံ ဗိုလ်မှူးကြီး ဂျိမ်းစ်လန်းဒေါင်းက ပြောပါတယ်။

မြန်မာစစ်တပ်ဟာ ကချင်ပြည်နယ်မှာ တိုင်းရင်းသားတွေအပေါ် လူမျိုးတုံးစစ်ဆင်ရေး ဆင်နွှဲနေပြီး၊ လူ့အခွင့်အရေး ချိုးဖောက်မှုတွေနဲ့ လူသားမဆန်တဲ့ ရာဇ၀တ်မှုတွေ တိုးများ လာနေတယ်လို့ ကေအိုင်အိုက ပြောပါတယ်။ အခြေအနေတွေ ဒီထက်ပိုပြီး ဆိုးဝါးမလာခင် ကုလသမဂ္ဂအနေနဲ့ ကြားဝင်ပြီး၊ ကချင်ပြည်နယ်က စစ်မက်ဖြစ်ပွားနေတဲ့ နေရာတွေကို လာရောက်လေ့လာဖို့ တောင်းဆို ထားပါတယ်။

ဒါ့အပြင် စစ်ပြေးဒုက္ခသည် စခန်းတွေနဲ့ နေရပ်စွန့်ခွာ ထွက်ပြေးနေရတဲ့ IDP ဒုက္ခသည်တွေကို ကုလသမဂ္ဂ လက်အောက်ခံ အဖွဲ့အစည်းတွေက အကူအညီပေးအပ်နေမှုတွေ အပေါ် ကျေးဇူး တင်ရှိကြောင်းကိုလည်း မေလ ၁၅ ရက်နေ့ ရက်စွဲနဲ့ ကုလသမဂ္ဂ အတွင်းရေးမှူးချုပ်ထံ လက်မှတ်ရေးထိုး ပေးပို့လိုက်တဲ့ ကေအိုင်အို ဥက္ကဋ္ဌရဲ့ စာထဲမှာ ဖော်ပြ ထားပါတယ်။

Ref: RFA News

Read More...

Wednesday, May 16, 2012

မအီ EPC ကို မကျေနပ်၍ လူ ၇၀ ချီတက် တောင်းဆို ဆန္ဒပြ

5/15/2012
မောင်ရမ္မာ

ရခိုင်ပြည်နယ် တောင်ကုတ်မြို့နယ်အတွင်းရှိ မအီမြို့နယ်ခွဲတွင် EPC လျှပ်စစ်ဌာနကို မကျေနပ်၍ လူပေါင်း ၇၀ ခန့်က မေလ ၁၂ ရက်နေ့တွင် ချီတက် တောင်းဆို ဆန္ဒပြ ခဲ့ကြသည်ဟု သတင်း ရရှိသည်။

" မအီမှာ မီးမရတာ ၄၇ ရက်ရှိပြီ။ ကုန်ခဲ့တဲ့ လအတွက်ပါ မီတာဖိုးက ပေးရတယ်။ မီးမရဘဲနဲ့ တအိမ်ကို မီတာ ၃ ယူ နစ်၊ ၄ ယူနစ် တက်နေတယ်။ တအိမ် ကို ၂၇၀၀ ကျပ်၊ ၂၈၀၀ ကျပ်စီ ပေးသွင်း နေရတယ်။ အဲဒါကို မကျေနပ် လို့ EPC ရုံးကို သွားပြီး တောင်းဆိုကြတာ ဖြစ်ပါတယ်။" ဟု တောင်းဆို ရာတွင် ပါဝင်သူ တဦးက နိရဉ္စရာသို့ ပြောသည်။

EPC ကိုသွားရောက်ပြီး တောင်းဆိုသော်လည်း EPC ရုံးတွင် တာဝန်ရှိသူများက အပြင်ကို ရောက်နေသဖြင့် မြို့နယ်အုပ်ချုပ်ရေးမှူးရုံးကို ဆက်လက် ချီတက်ခဲ့ကြသည်ဟု သူက ဆက်ပြောသည်။

" EPC ရုံးကို ချီတက်ပြီးတဲ့ နောက်ပိုင်းမှာ မြို့နယ်အုပ်ချုပ်ရေးမှူး ရုံးကို ချီတက်ကြပါတယ်။ ညနေ ၃နာရီ ခွဲမှာ မယက ရုံးကိုရောက်ပါတယ်။ မြို့ နယ် အုပ်ချုပ်ရေးမှူးက ဒီ ၂၉ ရက်နေ့လောက်ဆိုရင် မီးအမြန်ဆုံး ရရှိအောင် လုပ်ပေးမယ်ဆိုပြီး ပြောပါ တယ်။"

မြို့နယ်အုပ်ချုပ်ရေးမှူး ဦးထွန်းစိုးဝေက ယခုလ ၂၉ ရက်နေ့တွင် မီးအမြန်လင်းအောင် လုပ်ဆောင်ပေးမည်ဟု ကတိပြု ပြောဆိုလိုက်သောကြောင့် ချီတက် တောင်းဆိုမှုကို ရပ်တန့် လိုက်ကြသည်ဟု သူက ပြောသည်။

မြို့နယ် အုပ်ချုပ်ရေးမှူး၏ ကတိအတိုင်း မီးမပေးပါက ဗဟိုထိ အဆင့်ဆင့် တောင်းဆိုသွားမည်ဟု သူက ဆက် ပြောသည်။

" မီးမပေးလို့ ရှိရင် ကျွန်တော်တို့ အဆင့်ဆင့် တောင်းဆိုသွားမှာ ဖြစ်ပါတယ်။ ကျွန်တော်တို့ ခရိုင် သံတွဲ EPC ရေ၊ နောက် ပြည်နယ် EPC ရယ်၊၊ မရရင် ဗဟိုထိ တောင်းဆိုသွားဖို့ စီစဉ်ထားပါတယ်။"

မအီမြို့မှာ တောင်ကုတ်မြို့မှာ ၄၅ မိုင်အကွာတွင် တည်ရှိပြီး အိမ်ခြေ စုစုပေါင်း ၁၀၀၀ ကျော်ရှိသည်။ မအီမြို့ကို ၂၀၀၄ ခုနှစ်တွင် ရပ်ကွက် ၄ ခုခွဲကာ မြို့နယ်ခွဲအဖြစ် သတ်မှတ်ခဲ့ရာ ယခုအခါ ရပ်ကွက် ၄ ခုအနက် အမှတ် ၁၊ ၂၊ ၃ ရပ်ကွက်များမှာ မီးမလင်းဘဲ ရှိနေသည်မှာ တစ်လကျော် ရှိပြီ ဖြစ်ကြောင်း သိရသည်။

သို့အတွက် မအီမြို့သားများက လျှပ်စစ်မီး အချိန်မှန်ရရှိရေး တောင်းဆိုခဲ့ကြခြင်း ဖြစ်သည်။

Ref: နိရဉ္စရာ

Read More...

နိုင်ငံရေး ပါတီ ၆ ခုမှ ခေါင်းဆောင်များ သြစတြေးလျတွင် နိုင်ငံရေး သင်တန်း တက်ရောက်မည်

5/15/2012
မင်းဆက်ခိုင်

မြန်မာနိုင်ငံ လက်ရှိနိုင်ငံရေး ပါတီ (၆) ခုမှ ခေါင်းဆောင်များသည် သြစတြေးလျ နိုင်ငံတွင် နိုင်ငံရေး သင်တန်း တက်ရောက်ကြမည် ဖြစ်ကြာင်း သတင်း ရရှိသည်။

သင်တန်း တက်ရောက်ကြမည့်သူများထဲတွင် ဦးလှစော (RNDP)၊ ဦးဇိုဇမ် (CNP)၊ ဒေါက်တာသန်းငြိမ်း (NDF)၊ ဒေါ်သန်းသန်းနု (ဒီမိုကရက်တစ်ပါတီ)၊ ဦးထွန်း သိန်း (တစည)၊ ဦးလှမောင် (ဒီမိုကရက်တစ်ဖွံ့ဖြိုးရေးပါတီ) တို့ ဖြစ်ကြသည်။

" ကျနော်တို့ကို တက်ရောက်ဖို့ ခေါ်တာက Centre For Democratic Institute (CDI) ကပါ။ အဲဒီအဖွဲ့က Australia National University အောက်က အဖွဲ့အစည်းတခုပါ။ အဲဒီက လုပ်တဲ့ Political program တခုပါ။ Program ကတော့ မေလ ၂၁ရက်ကနေ ၂၅ရက်ထိ ပြုလုပ်မှာ ဖြစ်ပါတယ်" ဟု RNDP ပါတီ အထွေထွေအတွင်းရေးမှူး ဦးလှစောက နိရဉ္စရာသို့ ပြောသည်။

၎င်း Political Party Leadership Program အား ကမ်ပါရာမြို့တွင် ပြုလုပ်မည် ဖြစ်ပြီး တက်ရောက်မည့် သူများထဲတွင် မြန်မာနိုင်ငံမှ နိုင်ငံရေးသမားများ သာမက အင်ဒိုနီးရှားနိုင်ငံမှ ၄ဦး၊ ထိုင်းနိုင်ငံမှ၂ဦး၊ ဖိလစ်ပိုင် နိုင်ငံမှ ၁ ဦး၊ မလေးရှားနိုင်ငံမှ ၁ဦး ဖြစ်ကြောင်း ဦးဦးလှစောက ပြောသည်။

" ကျွန်တော်တို့ နိုင်ငံနဲ့ပါ ဆိုရင် စုစုပေါင်း ၁၄ဦးတက်ရောက် ကြမှာ ဖြစ်ပါတယ်။ သူတို့ အခုလို လုပ်တာကတော့ ဒီမိုကရေစီ နိုင်ငံတွေက ပါတီတွေ အချင်းချင်း အတွေးအခေါ်တွေ ဖလှယ်ဖို့၊ နောက် ဒီမိုကရေစီ ပါတီတွေရဲ့ လုပ်ထုံလုပ်နည်းတွေ၊ အခက်အခဲတွေကို သူတို့က ဆွေးနွေးတိုင်ပင်မှာပေါ့၊ အဲဒီလိုမျိုး ပရိုဂမ် လုပ်မှာပါ" ဟု ပြောသည်။

RNDP ပါတီ အထွေထွေအတွင်းရေးမှူး ဦးလှစော သည် မေလ ၁၈ရက်နေ့တွင် ရန်ကုန်မှ သြစတြေးလျသို့ ထွက်ခွာ မည်ဖြစ်ကြောင်း သိရသည်။

Ref: နိရဉ္စရာ

Read More...

အရွယ် မရောက်သူ အမျိုးသမီးငယ် တစ်ဦးကို နိုင်ငံခြားသား တစ်ဦးက ခိုးယူ ပေါင်းသင်းသော်လည်း အရေးမယူ

5/15/2012

ရခိုင်ပြည်နယ် မောင်တောမြို့နယ်မှ အသက် ၁၆ နှစ်သာ ရှိသေးသော ရခိုင်အမျိုးသမီးငယ် တစ်ဦးကို ၎င်းဒေသတွင် နေထိုင်သူ အိန္ဒိယ ကသည်း သူပုန် တစ်ဦးက ဇနီးမယားအဖြစ် ခိုးယူ ပေါင်းသင်းသော်လည်း မြန်မာ အာဏာပိုင်များက တစ်စုံတစ်ရာ အရေးယူ ခြင်း မရှိကြောင်း ဒေသခံများက နိရဉ္စရာသို့ ပြောကြားသည်။

မောင်တောမြို့နယ် မြောက်ပိုင်း မင်္ဂလာညွန့် ကျေးရွာနေ (အဘ) ဦးလှမောင်၊ (အမိ) ဒေါ်မမြင့်စိန်တို့၏ သမီး မစန္ဒာသိန်း (၁၆)နှစ်အား ငရံ့ချောင်း ကျေးရွာ အနီးတွင် စခန်းချနေထိုင်သော ကသည်း သူပုန် တပ်ဖွဲ့မှ တာနီ (၂၉) နှစ်က ဇနီးမယား အဖြစ် ပေါင်းသင်းရန် မေလ ၇ ရက်နေ့က ခိုးယူ
သွား ခဲ့သည်။

သူမအား ခိုးယူသွားပြီးနောက် အသက် မပြည့်သေး၍ ယခုကဲ့သို့ ဇနီးမယားအဖြစ် သွေးဆောင် ဖျားယောင်း ခိုးယူသွားခြင်းမှာ တရားဥပဒေနှင့် ကိုက်ညီမူ မရှိပါသဖြင့် အရေးယူပေးပါရန် သက်ဆိုင်ရာ မိဘ နှစ်ပါးမှ နစက တပ်ဖွဲ့ဝင်များသို့ တိုင်ကြားခဲ့သည်ဟု ဆိုသည်။ သို့သော်လည်း တစ်စုံတစ်ရာ အရေးယူ ဆောင်ရွက်ပေးခြင်း မရှိကြောင်း ကျေးရွာ လူကြီး တစ်ဦးက ပြောသည်။

" အဲဒီ ခလေးမလေးကို ကသည်း သူပုန်တွေက ခိုးသွားတဲ့ အပေါ် မိဘတွေက မကျေနပ်ဖူး။ ဒါကြောင့် ငရံ့ချောင်း နစက စခန်းကို တိုင်ကြားပါတယ်။ ဒါပေမယ့် နစက အရာရှိတွေက ဒီကိစ္စ အပေါ် ဘာမှ အဆိုးအကောင်း မတုန့်ပြန်ဘူး။ ကသည်းတွေက ပိုက်ဆံကို အိတ်နဲ့ ထမ်းပြီး သွားနေတော့ သူတို့က ကျွန်တော်တို့ ဒေသမှာ လုပ်ချင်တာကို လုပ်လို့ရတယ်။ သူတို့ကို ဘယ်သူမှ မပြောရဲဘူး" ဟု ကျေးရွာ လူကြီးက ပြောသည်။

နစက တပ်ဖွဲ့ဝင်များသို့ တိုင်ကြားသော်လည်း တစ်စုံတစ်ရာ အရေးယူဆောင်ရွက်ပေးခြင်း မရှိသဖြင့် မိခင် ဖြစ်သူမှ သမီးဖြစ်သူ မစန္ဒာသိန်းအား အိမ်သို့ အလည်လာရန် ဖိတ်ခေါ်ရာ မေလ ၁၂ ရက်နေ့က ကသည်း သူပုန် တာနီနှင့် အတူ ဧည့်တက်ရန် လာရောက်ခဲ့သည်ဟု ဆိုသည်။

" သူတို့က ဒီလ ၁၂ ရက်နေ့မှာ မင်္ဂလာညွှန့်မှာ ရှိတဲ့ မိဖအိမ်ကို ဧည့်တက်ဖို့လာပါတယ်။ အဲသလို လာတော့ မိခင် ဖြစ်သူ ဒေါ်မမြင့်စိန်က သမီးဖြစ်သူကို အခန်းထဲမှာ လှောင်ထားပြီး မလွှတ်တော့ဘူး။ တာနီကိုလည်း လက်မခံဘဲ အိမ်ကနေ နှင်လွှတ်လိုက်တယ်။ အဲဒါနဲ့ ပြဿနာတွေ အကြီးအကျယ် ဖြစ်ကြတယ်။ မမြင့်စိန်ကလည်း သူ့သမီးက အသက် ၁၆ နှစ်သာ ရှိသေးတဲ့ အတွက် ဘယ်လိုမှ မပေးစားနိုင်ဘူး။ အားနဲ့ လုပ်ရင် နိုင်ငံတော်ထိ တိုင်မယ် ပြောတော့ ဟိုကလည်း အားမတင်ရဲတော့ဘူး။ နောက်မရတော့ စခန်းကို ပြန်သွားကြတယ်" ဟု သူက ဆက်ပြောသည်။

မေလ ၁၃ ရက်နေ့တွင် ဒေါ်မမြင့်စိန်မှ သမီးဖြစ်သူကို ရန်ကုန်သို့ ပို့ဆောင်ရန် မင်္ဂလာညွှန့်မှ မောင်တောသို့ ယူဆောင်သွားကြောင်း သိရသည်။ ယခု ကဲ့သို့ မစန္ဒာသိန်းအား မောင်တောသို့ ခေါ်ယူသွားပြီး နောက်ပိုင်းတွင် တာနီ အပါအ၀င် ကသည်းသူပုန်များသည် မောင်တောမြို့သို့ ကားဖြင့် လိုက်ပါ သွား ကြသည်ဟု မျက်မြင်များက ပြောသည်။

သမီး ဖြစ်သူ မစန္ဒာသိန်းအား မိခင် ဖြစ်သူမှ မောင်တောသို့ ခေါ်ယူသွားပြီး နောက်ပိုင်း သူတို့နှင့် ပတ်သက်သော နောက်ဆက်တွဲ သတင်းကို မရရှိသဖြင့် မောင်တောမြို့မှ ရဲတပ်ကြပ် တစ်ဦးကို မေးမြန်းရာသူက ယခုလို ပြောသည်။

" မင်္ဂလာညွှန့်မှာ ဒီလို ပြဿနာ ဖြစ်တယ်ဆိုတာကို ကြားပါတယ်။ ဒါပေမယ့် ဒီကသည်းသူပုန်တွေ ကိစ္စက နိုင်ငံတော်မှ တိုက်ရိုက်ကိုင်တွယ်တဲ့ အတွက် ဒီလို ပြဿနာမျိုးကို ရဲက ကိုင်တွယ်လို့ မရဘူး။ သူတို့ကို နစက တပ်ဖွဲ့ကဘဲ ကိုင်တွယ် ဖြေရှင်းပါလိမ့်မယ်။ ဒီအမူက ကျွန်တော်တို့ မဆိုင်တဲ့ အတွက် အမူနဲ့ ပတ်သက်ပြီး ဘယ်လိုရှိတယ်ဆိုတာ ပြောဆိုလို့ မရပါဘူး" ဟု အမည်မဖေါ်လိုသူ မောင်တောမြို့မစခန်းတွင် တာဝန်ကျနေသူ ရခိုင်အမျိုးသား ရဲတပ်ကြပ်ကြီး တစ်ဦးက ပြောသည်။

မြန်မာ အစိုးရသည် ရခိုင်ပြည်နယ် မောင်တောမြို့နယ် မြောက်ပိုင်း ငရံ့ချောင်း အုပ်စု ဝေလာတောင် အနီးတွင် ကသည်းခေါ် မဏီပူများအား အခြေချ နေထိုင်ခွင့်ပြုထားသည်မှာ ဆယ်စုနှစ်နှင့်ချီ ကြာမြှင့်နေပြီ ဖြစ်ပြီး ကသည်း တပ်ဖွဲ့ ၀င်များ၏ အိမ်ခြေမှာလည်း (၂၀) ကျော်ခန့် ရှိကြောင်း ဒေသခံများက ပြောသည်။

ကသည်းသူပုန်တို့တွင် အလုပ်အကိုင် မယ်မယ်ရရ မရှိသော်လည်း ငွေများကို စိတ်ကြိုက်သုံးဖြုန်းနိုင်သုများ ဖြစ်ပြီး နစက တပ်ဖွဲ့ဝင်များကိုလည်း ငွေပေး ပေါင်းထားကြောင်း သိရသည်။ ယခုကဲ့သို့ အမျိုးသမီးများနှင့် သက်ဆိုင်သော ကိစ္စမှာ ယခင်ကလည်း နှစ်ကြိမ် သုံးကြိမ်ခန့် ပေါ်ပေါက်ခဲ့ကြောင်း၊ သို့သော် လည်း အစိုးရတာဝန်ရှိသူများနှင့် ကသည်းသူပုန်များကို ကြောက်သဖြင့် မည်သူ့ကမှ ပြင်ပ မီဒီယာများသို့ ထုတ်ဖေါ် ပြောကြားခြင်း မရှိခဲ့ကြောင်း အဆိုပါ ရပ်ရွာ လူကြီးက ပြောကြားသည်။

Ref: နိရဉ္စရာ

Read More...

မြောက်ကိုရီးယား နဲ့ မပတ်သက်ရင် မြန်မာကို တောင်ကိုရီးယား အပြည့်အ၀ ကူညီမည်

15 မေ 2012
ကိုကျော်ကျော်သိန်း

မြန်မာနဲ့ မြောက်ကိုရီးယားအကြား ဆက်ဆံရေးအပေါ် တောင်ကိုရီးယားနိုင်ငံရဲ့ စိုးရိမ်ချက်ကို တောင် ကိုရီးယား သမ္မတ အီလ် မြောင်ဘာ့က်က သူ့ရဲ့ မြန်မာ နိုင်ငံ ခရီးစဉ်အတွင်း မြန်မာသမ္မတကို အတိအလင်း ထုတ်ဖော်ပြောဆိုခဲ့ပါတယ်။ ဒီ ကိစ္စအတွက် မြန်မာအစိုးရနဲ့ အပြည့်အ၀ ပူးပေါင်းဆောင်ရွက် ပါမယ် လို့ လည်း အခိုင်အမာပြောခဲ့သလို မြန်မာနိုင်ငံဒီမိုကရေစီ ပြုပြင်ပြောင်းလဲရေး လုပ်ငန်းစဉ်ကို ဆက်ပြီး ထောက်ခံ အားပေးသွားမယ်လို့လည်း အာမခံခဲ့ပါတယ်။ သူ့ရဲ့ နှစ်ရက်ကြာ မြန်မာနိုင်ငံ ခရီးစဉ်တွေ အတွင်း တွေ့ဆုံ ဆွေးနွေးခဲ့ချိန်မှာ သမ္မတ အီလ်မြောင်ဘာ့က် က အဲဒီိလိုပြောဆိုခဲ့တာပါ။ အပြည့်အစုံကိုတော့ ဘန်ကောက်ကနေ ကိုကျော်ကျော်သိန်း က သတင်းပေးပို့ထားပါတယ်။

မြန်မာနိုင်ငံကို နှစ်ရက်ကြာခရီးစဉ်အဖြစ် ရောက်နေတဲ့ တောင်ကိုရီးယား သမ္မတဟာ ဒီကနေ့ မနက်ပိုင်းက အမျိုးသား ဒီမိုကရေစီအဖွဲ့ချုပ် NLD ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် နဲ့ ရန်ကုန်မြို့ ဆီဒိုးနား ဟော်တယ်မှာ တွေ့ဆုံဆွေးနွေး ပြီးတဲ့နောက် လုပ်တဲ့ ပူးတွဲ သတင်းစာ ရှင်းလင်းပွဲအတွင်း တောင်ကိုရီးယားနိုင်ငံရဲ့ စိုးရိမ်ချက်တွေ နဲ့ မြန်မာ့ ဒီမိုကရေစီ ပြုပြင်ပြောင်းလဲရေး ဆိုင်ရာတွေနဲ့ပတ်သက်ပြီး ပြောဆိုခဲ့တာပါ။

မနေ့က နေပြည်တော်မှာ သမ္မတဦးသိန်းစိန်နဲ့ တွေ့ဆုံဆွေးနွေးချိန်အတွင်း ကိစ္စရပ် မျိုးစုံကို ပြောခဲ့တဲ့ အထဲမှာ မြန်မာနိုင်ငံမှာ ဒီမိုကရေစီ ပြုပြင် ပြောင်းလဲ ရေး လမ်းကြောင်း ပေါ်ရောက်အောင် လုပ်ဆောင်ခဲ့တဲ့ ဦးသိန်းစိန်အစိုးရအဖွဲ့ကို ပထမဆုံး ချီးကျူး ပြောဆို ခဲ့တာနဲ့အမျှ မြန်မာနိုင်ငံနဲ့ ပတ်သက်ရင် တောင် ကိုရီးယားနိုင်ငံ ရဲ့ အဓိက စိုးရိမ်ချက် ဖြစ်တဲ့ မြောက်ကိုရီးယားနဲ့ ဆက်ဆံ ရေးကို သမ္မတ အီလ်မြောင်ဘာ့က် က အထူး အလေးပေး ပြောဆိုခဲ့တာပါ။

“ကုလသမဂ္ဂလုံခြုံရေးကောင်စီက ချမှတ် ထားတဲ့ ဆုံးဖြတ်ချက်တွေကို ချိုးဖောက်တယ်လို့ ယူဆ ရနိုင် တဲ့ မြောက်ကိုရီးယားနိုင်ငံ နဲ့ မြန်မာနိုင်ငံ အကြား ဘယ်လို ဆက်ဆံရေးမျိုးကို မဆို မြန်မာအစိုးရ အနေနဲ့ ရှောင်ရှား လိမ့်မယ်လို့ ကျနော့်အနေနဲ့ မျှော်လင့်တဲ့အကြောင်း သမ္မတဦးသိန်းစိန်ကို ကျနော် ပြော ခဲ့ပါတယ်။ ဒါဟာ ကျနော်နဲ့ သမ္မတဦးသိန်းစိန်တို့ ထိပ်သီးဆွေးနွေးပွဲ အတွင်း တရားဝင် မေတ္တာ ရပ်ခံခဲ့တာ ဖြစ်ပါ တယ်။” လို့ ဒေါ်အောင်ဆန်းစုကြည်နဲ့ ဆွေးနွေး ပြီးတဲ့နောက် လုပ်တဲ့ ပူးတွဲသတင်းစာရှင်းလင်းပွဲအတွင်း သမ္မတ အီလ်က စကားပြန် ကနေ တဆင့် ပြောသွားပါတယ်။

အဲဒီကိစ္စနဲ့ပတ်သက်ပြီး မြန်မာအစိုးရနဲ့ ပိုပြီးတော့ အပြည့်အ၀ ပူးပေါင်း ဆောင်ရွက်သွားဖို့ တောင် ကိုရီးယားနိုင်ငံ က ပြင်ဆင်ထား ပါတယ်ဆိုတာကိုလည်း သူက သမ္မတ ဦးသိန်းစိန်ကို ပြောခဲ့ပါတယ်။

ကုလသမဂ္ဂလုံခြုံရေးကောင်စီရဲ့ မြောက်ကိုရီးယားနိုင်ငံဆိုင်ရာ ဆုံးဖြတ်ချက်တွေထဲမှာ လက်နက်ငယ်တွေ က လွဲပြီးတော့ ဘယ်လို စစ်လက်နက်ပစ္စည်း မျိုးကိုမှ မြောက် ကိုရီးယား နိုင်ငံဆီကနေ မရယူဖို့ နိုင်ငံတွေ ကို ပိတ်ပင် တားမြစ်ထားပါတယ်။

ဒီကနေ့ ဒေါ်အောင်ဆန်းစုကြည်နဲ့ သမ္မတအီလ်တို့ တွေ့ဆုံဆွေးနွေးကြတာမှာလည်း ကိစ္စရပ်မျိုးစုံ ပါဝင် ခဲ့ပြီး အဓိကအနေနဲ့ ပညာရေးရဲ့ အရေးကြီးပုံနဲ့ ပတ်သက်လို့ ဆွေးနွေးခဲ့ကြတယ်လို့ သမ္မတ အီလ်က ပြော ပါတယ်။

“တောင်ကိုရီးယားဟာ ဒီမိုကရေစီ နိုင်ငံတခုအဖြစ်နဲ့ရော၊ ကြွယ်ဝချမ်းသာတဲ့ နိုင်ငံတခု အဖြစ် ကိုရော ရောက်ခဲ့ရတဲ့ အကြောင်းရင်းကတော့ ကျနော်တို့ရဲ့ နောက် မျိုးဆက်သစ် ခေါင်းဆောင်တွေ အတွက် ပညာရေး အထောက်အပံ့ပေးတဲ့ နေရာမှာ ကျနော်တို့ဟာ သန္နိဋ္ဌာန်ခိုင်မာပြီး စိတ်အား ထက်သန် စွာ လုပ်ခဲ့ကြတယ်ဆိုတာကို ကျနော် ထောက်ပြ ပြောဆိုခဲ့ပါတယ်။”လို့ မစ္စတာအီလ်က ပြောပါတယ်။

ဒါ့အပြင် နိုင်ငံဖွံ့ဖြိုးတိုးတက်ရေးအတွက်ဆိုပြီး ဒီမိုကရေစီ၊ လူ့အခွင့်အရေးနဲ့ လွတ်လပ်မှုတွေကို ဘယ်တော့မှ အနစ်နာခံ အလျှော့မပေးရဘူးဆိုတာကို ဒေါ်အောင်ဆန်းစုကြည်နဲ့ သူနဲ့ သဘောတူ ခဲ့ကြ တယ်လို့လည်း သူကပြောပါတယ်။

ဒေါ်အောင်ဆန်းစုကြည်ကလည်း မိမိတို့အနေနဲ့ တရားမျှတမှု၊ လွတ်လပ်မှုနဲ့ ကြွယ်ဝ ချမ်းသာမှုတို့ အားလုံးကို တခုမဟုတ်တခု လိုချင်တာမဟုတ်ဘဲ အားလုံးကို လိုချင်တာ ဖြစ်ပါတယ်လို့ အလေးအနက် ပြောဆိုခဲ့ပါတယ်။ ပညာရေးနဲ့ပတ်သက်ပြီး တော့လည်း ဒေါ်အောင်ဆန်းစုကြည် က -

“နိုင်ငံရဲ့အနာဂတ်ကို တည်ဆောက်ကြတာမှာ အုပ်ချုပ်သူတွေက လိုချင်တဲ့ပုံစံမျိုး မဟုတ်ဘဲ သူတို့ ဖြစ်စေချင်တဲ့ပုံစံအတိုင်း တည်ဆောက်နိုင်စေမယ့် ပညာရေးမျိုးကို မြန်မာ ကလေးငယ်တွေ ရစေ ချင်ပါတယ်။”လို့ ဒေါ်အောင်ဆန်းစုကြည်က ပြောသွားပါတယ်။

မြန်မာလူထုအနေနဲ့ ငြိမ်းချမ်းမှု၊ ကြွယ်ဝချမ်းသာမှုတွေနဲ့အတူ ဂုဏ်သိက္ခာရှိရှိ ရပ်တည် နေထိုင်သွား ချင်တယ် ဆိုတာကို ဒေါ်အောင်ဆန်းစုကြည်က ပြော ဆိုခဲ့သလို လုံခြုံတယ် ဆိုရုံနဲ့ မလုံလောက်ဘဲ အစိုးရကရော ကိုယ်ကိုယ်တိုင်ကပါ အကာအကွယ် ပေးနိုင်မယ့် လူသားဂုဏ်သိက္ခာကို မိမိတို့ လိုအပ်ပါ တယ် လို့လည်း ဒေါ်အောင်ဆန်းစုကြည်က ပြောခဲ့ပါတယ်။

မြန်မာလူထုအနေနဲ့ ဒီမိုကရေစီနည်းကျ ခေါင်းဆောင်မှုအခြေအနေကို ရောက်အောင် ခက်ခဲတဲ့ လမ်းကြောင်းကို ဆက်လျှောက်ရ ဦးမှာပါလို့ ဒေါ်အောင် ဆန်းစုကြည်က ဆိုပြီး မြန်မာနိုင်ငံ ရဲ့ လက်ရှိ အခြေအနေကိုလည်း မီးမောင်းထိုး ပြောဆိုခဲ့ပါ တယ်။

“ကျမတို့နိုင်ငံရဲ့ သမိုင်းကြောင်းမှာ အပြောင်းအလဲဖြစ်နိုင်ခြေရှိတဲ့ အဆင့်တခုမှာ ကျမတို့ ရောက်နေပါ တယ်။ ဒါပေမဲ့လည်း ဒီအပြောင်းအလဲဟာ မလဲ မပြိုဘဲ ဖြစ်လိမ့် မယ် ဆိုပြီး ကျမတို့ သေချာပေါက် ယူဆနိုင်မယ်လို့ ကျမတော့ မထင်ပါဘူး။ ရည်ရွယ်ချက် ရှိနေပါတယ်၊ တကမ္ဘာလုံးက စိတ်ကောင်း စေတနာကောင်းနဲ့ အားပေးနေ ကြပါတယ်၊ ဒါပေမဲ့ အဲဒီ စိတ်စေတနာကောင်းတွေ အလဟဿဖြစ်မသွားစေရေး သေချာအောင် ကျမတို့ လုပ်ရပါမယ်၊ ပြီးတော့ ကျမတို့လူထုအကျိုး အတွက် အဲဒီ စိတ်စေတနာကောင်းတွေကို အကောင်းဆုံးအသုံးပြုနိုင်အောင် လုပ်ကြရပါမယ်။” လို့ ဒေါ်အောင်ဆန်းစုကြည် က ပြောခဲ့ပါတယ်။

ဂုဏ်သိက္ခာရှိပြီး ကောင်းမြတ်တဲ့လမ်းကြောင်းကို လျှောက်လှမ်းတဲ့နေရာမှာ မိမိ ကိုယ်တိုင်အနေနဲ့ရော၊ ကိုရီးယားလူထုနဲ့ အစိုးရကပါ ဆက်လက်ပြီး ထောက်ခံသွား ပါမယ် လို့လည်း မစ္စတာအီလ်ကပြောပါတယ်။

မြန်မာနိုင်ငံကို နိုင်ငံတော် တရားဝင်ခရီးစဉ်အဖြစ် မနေ့ကရောက်လာတဲ့ တောင် ကိုရီးယား သမ္မတဟာ သမ္မတ ဦးသိန်းစိန်နဲ့ မနေ့ကပဲ တွေ့ဆုံဆွေးနွေးပြီး နိုင်ငံတော် တရားဝင်ခရီးစဉ် အဆုံးသတ်ခဲ့ပြီး ဒီကနေ့မှာ ဒေါ်အောင်ဆန်းစုကြည်နဲ့ တွေ့ဆုံဆွေးနွေး တာဖြစ်ပါတယ်။ တောင်ကိုရီးယားသမ္မတနဲ့အဖွဲ့ဟာ ဒီကနေ့ နေ့လယ်ပိုင်းမှာတော့ မြန်မာနိုင်ငံကနေ ပြန်လည် ထွက်ခွာသွားပြီဖြစ်ပါတယ်။

Ref: ဗွီအိုအေ

Read More...

ဒဏ်ခတ်ပိတ်ဆို့မှု ဆိုင်းငံ့ရေး သတိထားဆောင်ရွက်ဖို့ ဒေါ်စုတိုက်တွန်း

15 မေ 2012
ကိုသားညွန့်ဦး

မြန်မာနိုင်ငံရေး ပြောင်းလဲမှုတွေဟာ နောက်ကြောင်းပြန်မလှည့်ဘူးလို့ တရားသေသတ်မှတ်လို့ မရတဲ့ အတွက် သတိထားသွားဖို့ လိုတဲ့အကြောင်း မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် က ပြောပါတယ်။ အဖွဲ့ချုပ်ကိုယ်စားလှယ်တွေအနေနဲ့ လက်ရှိ ဖွဲ့စည်းပုံပြင်ဆင်ရေးကို အရေးတကြီး ကြိုး ပမ်းသွားမှာဖြစ်ပေမယ့်လို့ လွှတ်တော်ထဲမှာ စစ်တပ်ရဲ့ ထောက်ခံမှုမပါဘဲနဲ့တော့ ဖွဲ့စည်းပုံ ပြင်ဆင်ရေး မဖြစ်နိုင်သေးဘူးလို့လည်း ပြောပါတယ်။ ဒီအကြောင်း ကိုတော့ ကိုသားညွန့်ဦးက တင်ပြပေးထားပါတယ်။

အမေရိကန်ပြည်ထောင်စုကနေ မြန်မာနိုင်ငံအပေါ် ပိတ်ဆို့အရေးယူထားတာတွေကို ယာယီရုပ်သိမ်းပေးဖို့ အမေရိကန် အထက်လွှတ်တော် အမတ် ဂျွန်မက် ကိန်း က ပြောကြားခဲ့တဲ့အပေါ်မှာ သူ့အနေနဲ့ ကန့်ကွက် ဆန့်ကျင်ဖို့မရှိဘူးလို့ ဒေါ်အောင်ဆန်းစုကြည်က ပြောခဲ့တာပါ။ အင်္ဂါနေ့ မနက်ပိုင်းက အမေရိကန် ပြည်ထောင်စု သမ္မတဟောင်း ဂျော့ခ်ျ၊ ဒဗလျူဘွတ်ရှ် အမှတ်တရဌာနက ကြီးမှူးကျင်းပခဲ့တဲ့ Acceleration of Human Freedom လို့ ခေါ်တဲ့ လူသားနဲ့ လွတ်လပ်မှုအခွင့်အရေး အခမ်းအနားမှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က အင်တာနက်တဆင့် ပါဝင်ဆွေးနွေးခဲ့ပါတယ်။ အဲဒီမှာ လက်ရှိ မြန်မာနိုင်ငံရေးနဲ့ပတ်သက်လို့ အကောင်းမြင်လွန်းလို့မရဘဲ သတိထားဖို့လိုတဲ့ အကြောင်း ပြောသွားတာပါ။

“အမေရိကန်နိုင်ငံသားတွေအနေနဲ့ လက်ရှိအခြေအနေမှာ ဒဏ်ခတ်ပိတ်ဆို့မှုတွေကို ဆိုင်းငံ့ပေးဖို့ သင့်လျော်တယ်လို့ ယူဆရင် ကျမအနေနဲ့ ဒါကို မကန့် ကွက်လိုပါဘူး။ ဒါပေမယ့် ဒီနေရာမှာ သတိထားဖို့ ကျမ ထောက်ပြလိုပါတယ်။ လူတွေအနေနဲ့ မြန်မာနိုင်ငံရဲ့ ပြုပြင်ပြောင်းလဲမှုတွေ အပေါ် သိပ်ကို အကောင်းမြင်လွန်းကြတယ်လို့ ကျမအနေနဲ့ တခါတလေ ခံစားမိပါတယ်။ကျမတို့အနေနဲ့ မမေ့အပ်တာ ကတော့ ဒီမိုကရေစီဖော်ဆောင်မှုဟာ နောက်ပြန် မဆုတ်နိုင်ဘူးလို့ ပြောလို့ မရနိုင်ဘူးဆိုတဲ့ အချက်ပါပဲ။ ကျမလည်း ပွင့်ပွင့်လင်းလင်း ပြောခဲ့ပြီးပါပြီ။ စစ်တပ်အနေနဲ့ ဒီမိုကရေစီဖော်ဆောင်ရာမှာ လေးလေး နက်နက်နဲ့ ထိထိရောက်ရောက် ဆောင်ရွက်သွားမယ်ဆိုတဲ့ သံဓိဌာန်ခိုင်မာစွာ မချမှတ်မချင်း ကျမတို့ အနေနဲ့ ဒီမိုကရေစီဖော်ဆောင်မှုကို နောက်ပြန်ဆုတ်လို့ မရနိုင်ဘူးဆိုတာကို ဘယ်တော့မှ ပြောနိုင်မှာ မဟုတ်ပါဘူး။”

အနောက်နိုင်ငံတွေက မြန်မာနိုင်ငံအပေါ် ချမှတ်ခဲ့တဲ့ အရေးယူပိတ်ဆို့မှုတွေဟာ ရည်မှန်းချက်ကို ထိရောက်ခဲ့တယ်လို့ ဒေါ်အောင်ဆန်းစုကြည်က မြင်ပါ တယ်။ ၂၀၁၀ ရွေးကောက်ပွဲအပြီး ပထမ ဆုံး ခေါ်ယူတဲ့လွှတ်တော်အတွင်းမှာပဲ အရေးယူဒဏ်ခတ်မှုတွေ ရုပ်သိမ်းရေးအဆိုကို ပထမဆုံးတင်သွင်း အ တည်ပြုခဲ့တာကိုကြည့်ရင် အရေးယူမှုတွေ ထိရောက်ခဲ့တယ် ဆိုတာကို ဒေါ်အောင်ဆန်းစုကြည် က ထောက်ပြပါတယ်။

အမျိုးသားဒီမိုကရေစီအဖွဲ့ချုပ်အနေနဲ့ အခုလွှတ်တော်ထဲမှာ ဖွဲ့စည်းပုံပြင်ရေးကိစ္စကို အရေးတကြီး ကြိုးပမ်းမှာဖြစ်ပေမယ့် အလျင်စလိုတော့ ဆောင်ရွက်နိုင် မယ့်အခြေအနေ၊ အလားအလမှာ မရှိဘူး လို့လည်း ဒေါ်အောင်ဆန်းစုကြည်က ပြောပါတယ်။

“ကျမတို့အနေနဲ့ ဖွဲ့စည်းပုံပြင်ဆင်ရေးကို အဦးဆုံးလုပ်နိုင်လိမ့်မယ်လို့တော့ မထင်ပါဘူး။ ဖွဲ့စည်းပုံ ပြင်ဖို့ဆိုတာ လွှတ်တော်ရဲ့ ၇၅ ရာခိုင်နှုန်း ထောက်ခံမှ ဖြစ်မှာပါ။ ဒီအထဲ ၂၅ ရာခိုင်နှုန်းက စစ်တပ်က ခန့်ထားတဲ့ ကိုယ်စားလှယ်တွေပါ။ ဒီတော့ ဖွဲ့စည်းပုံပြင်ဖို့ဆိုတာ စစ်တပ်ရဲ့ ထောက်ခံမှု ပါမှ ရမှာပါ။ ဒါကြောင့် ဖွဲ့စည်းပုံပြင်ဖို့ဆိုတာ ဦးဆုံးတော့ မဖြစ်နိုင်ပါဘူး။ ဒါပေမယ့် ဖွဲ့စည်းပုံပြင်ဆင်ရေးဟာ ကျမတို့ အရေးတကြီး အလေးထားလုပ်ဆောင်သွားမယ့်ကိစ္စဖြစ်ပါတယ်။”

နိုင်ငံရေး အကျဉ်းသားတွေနဲ့ပတ်သက်လို့လည်း မြန်မာအစိုးရအနေနဲ့ တကယ်တန်း ဒီမိုကရေစီရေး ဖော်ဆောင်မယ်ဆိုရင် နိုင်ငံရေး အကျဉ်းသားအားလုံးကို လွှတ်ပေးရမှာဖြစ်တယ်လို့ ဒေါ်အောင်ဆန်းစုကြည်က ပြောသွားပါတယ်။

“ပြီးခဲ့တဲ့ ဇန်န၀ါရီလတုန်းက နိုင်ငံရေးအကျဉ်းသားအတော်များများ လွတ်လာပါတယ်။ ဒီ လွှတ်လိုက်သူတွေဟာ အမျိုးသားဒီမိုကရေစီ အဖွဲ့ချုပ်က တင်ပြ ထားတဲ့ စာရင်းမှာ ပါတဲ့သူတွေလို့ ပြည်ထဲရေးဝန်ကြီးက ပြောခဲ့ပါတယ်။ ဒီ စာရင်းအတိုင်းပြောမယ်ဆိုရင် နိုင်ငံရေး အကျဉ်းသား ၂၇၁ ဦး လွတ်ဖို့ ကျန်နေပါ သေးတယ်။ ဒီကိစ္စနဲ့ပတ်သက်လို့ ပြည်ထဲရေးဝန်ကြီးနဲ့ ပြောဆိုနေတာ ရှိပါတယ်။ ဒါနဲ့ပတ်သက်လို့ လည်း ထပ်ဆွေးနွေးချင်ပါတယ်။ သူတို့ကြေညာသလို ဒီ စာရင်းအတိုင်း လွှတ်ပေးတယ်ဆိုရင်တော့ ကျန်နေတဲ့ ၂၇၁ ဦးကို ဘာကြောင့် လွှတ်မပေးသေးတာလဲဆိုတာ တရားဝင် သိချင်ပါတယ်။ မြန်မာနိုင်ငံမှာ ဒီမို ကရေစီရေး ဖော်ဆောင်မှုတွေလုပ်မယ်ဆိုရင် နိုင်ငံရေး အကျဉ်းသားတွေ လုံးလုံးမရှိသင့်ပါဘူး။”

တိုင်းရင်းသားလူနည်းစုအရေးကိစ္စနဲ့ပတ်သက်လို့တော့ တိုင်းရင်းသားလူမျိုးတွေနဲ့ နိုင်ငံရေးအရ အဖြေထုတ်နိုင်မှသာ တိုင်းရင်းသားဒေသ ဖွံဖြိုးရေးလုပ်ငန်း တွေကို ဆောင်ရွက်နိုင်လိမ့်မယ် လို့ ဒေါ်အောင်ဆန်းစုကြည်က ပြောသွားပါတယ်။

“အပစ်အခတ်ရပ်စဲရေး လုပ်ရုံတင် မလုံလောက်ပါဘူး။ အပစ်အခတ်ရပ်စဲရေးဆိုတာ အစ သက်သက်ပါ။ နိုင်ငံရေးအရ အဖြေရှာမှုမျိုး မရှိသေးပါဘူး။ ဒီအ ခြေအနေနဲ့ တိုင်းရင်းသား လူနည်းစုဒေသတွေမှာ စီးပွားရေးဖွံ့ဖြိုးမှုလုပ်ဖို့ မလုံလောက်ပါဘူး။ ဒါကြောင့် နိုင်ငံရေးအရ အဖြေထုတ်နိုင်ဖို့ လိုအပ်ပါတယ်။”

ဝါရှင်တန်မှာ အင်္ဂါနေ့လုပ်တဲ့ အဲဒီအခမ်းအနားမှာတော့ သမ္မတ ကတော်ဟောင်း လော်ရာ ဘွတ်ရ်ှ က ဒေါ်အောင်ဆန်းစုကြည်ကို တကမ္ဘာလုံးက လေးစား ရတဲ့ ဒီမိုကရေစီနဲ့ လူ့အခွင့်အရေးခေါင်းဆောင် တဦးအဖြစ် မိတ်ဆက်ပေးပါတယ်။ အဲဒီနောက် ၀ါရှင်တန်ပို့စ် သတင်းစာကြီးရဲ့ ပင်တိုင်ဆောင်းပါးရှင် မိုက်ကယ် ဂီယာ ဂါစင်က ပရိသတ်ကိုယ်စားလှယ် မေးမြန်းခဲ့ ရာမှာ ဒေါ်အောင်ဆန်းစုကြည်က အခုလို ဖြေကြားသွားတာတွေ ဖြစ်ပါတယ်။

Ref: ဗွီအိုအေ

Read More...

Australia နှင့် အမေရိကန်စစ်ရေးဆက်စပ်မှု တရုတ်စိတ်ပူစရာမလို

15 မေ 2012

သြစတြေးလျနိုင်ငံအနေနဲ့ အမေရိကန်ပြည်ထောင်စုနဲ့ ဆက်ဆံရေးပိုမိုနက်ရှိုင်းလာပြီးတော့ သြစတြေးလျ မြောက်ပိုင်းနယ်မြေတွေမှာ အမေရိကန်မရိန်းတပ်တွေ ပိုမိုချရပ်မှုတွေနဲ့ ပတ်သက်ပြီးတော့ တရုတ်နိုင်ငံက စိုးရိမ်စိတ်မကြီးဖို့ တရုတ်ပြည်ကို ပထမအကြိမ် ရောက်ရှိလာတဲ့ သြစတြေးလျနိုင်ငံခြားရေး ဝန်ကြီး Bob Carr က ကာကွယ်ပြောကြားသွားပါတယ်။

မစ္စတာကားရ်က တရုတ်နိုင်ငံခြားရေးဝန်ကြီး Yang Jiechi ၊ နောက် တရုတ်တပ်မတော် ဒုတိယဦးစီးမှူး ဒုတိယဗိုလ်ချုပ်ကြီး ဝေဖုန်ဟေး (Wei Fenghe) အင်္ဂါနေ့က ဘေဂျင်းမှာတွေ့ဆုံရင်း ပြောကြားခဲ့တာ ဖြစ် ပါတယ်။ သြစတြေးလျနိုင်ငံအနေနဲ့ အမေရိကန်နိုင်ငံနဲ့ စစ်ရေးဆက်ဆံမှု တိုးချဲ့တာဟာ သြစတြေးလျရဲ့ လုံခြုံမှုအတွက်သာဖြစ်တဲ့အကြောင်း၊ အမေရိကန်ပြည်ထောင်စုဟာ အာရှ-ပစိဖိတ်ဒေသရဲ့ ငြိမ်းချမ်းတည်ငြိမ်မှု အတွက် အာမခံထားတယ်လို့ သြစတြေးလျက ယုံကြည်ကြောင်း၊ အာရှ-ပစိဖိတ်ဒေသ တည်ငြိမ်မှုဟာ တရုတ်ပြည်အပါအဝင် ဒေသတွင်း ဖွံ့ဖြိုးတိုးတက်မှုအတွက် ဖြစ်တဲ့အကြောင်း မစ္စတာ ကားရ်က ပြော ကြားသွားပါတယ်။

ဒါပေမယ့် သြစတြေးလျဟာ စစ်အေးကာလ မဟာမိတ်ဖွဲ့မှုကို ပြန်လည်ဖော်ဆောင်နေတဲ့အကြောင်း၊ အဲဒီ စစ်အေးကာလ မဟာမိတ်ဖွဲ့မှုဟာ ခေတ်ကုန် သွားပြီဖြစ်လို့ တရုတ်အစိုးရက ပြောကြားသွားပါတယ်။

Ref: ဗွီအိုအေ

Read More...

ဦးဝဏ္ဏမောင်လွင် ဝန်ကြီးကလင်တန်နှင့် ဝါရှင်တန်မှာ မေ ၁၇ ရက်၊ တွေ့ဆုံမည်

15 မေ 2012

မြန်မာနိုင်ငံခြားရေးဝန်ကြီးဦး ဝဏ္ဏမောင်လွင်ဟာ ဝါရှင်တန်ဒီစီကို လာရောက်ပြီး အမေရိကန်နိုင်ငံခြားရေး ဝန်ကြီး ဟီလာရီကလင်တန်နဲ့ မေလ ၁၇ ရက်၊ ကြာသာပတေးနေ့ မနက်ပိုင်းမှာ နှစ်နိုင်ငံ ဆက်ဆံရေး ဆွေးနွေးဖို့ ရှိတယ်လို့ အမေရိကန်နိုင်ငံခြာရေးဌာနက ဗွီအိုအေကို အတည်ပြုပြောကြားပါတယ်။ ဆွေးနွေးပွဲအပြီးမှာ ပူးတွဲ သတင်းစာရှင်းလင်းပွဲ ကျင်းပဖို့ ရှိတယ်လို့ သိရပါတယ်။

မေလ ၂၀ ရက်နေ့ မှာ ကုန်ဆုံးမယ့် မြန်မာနိုင်ငံအပေါ် ရင်းနှီးမြှုပ်နှံမှုအသစ် ဟန့်တားတဲ့ ဒဏ်ခတ် ပိတ်ဆို့မှုကို နောက်တနှစ်သက်တမ်းတိုးဖို့ အချိန် နီးကပ် လာတာနဲ့ အတူ မြန်မာ နိုင်ငံခြားရေးဝန်ကြီး အခုလို ဝါရှင်တန်ကို လာရောက်တာဖြစ်ပါတယ်။ မြန်မာနိုင်ငံကို မနှစ်က နှစ်ကြိမ်သွားရောက်ခဲ့တဲ့ ဝါရင့် အထက် လွှတ်တော် အမတ်ဂျွန်မက်ကိန်းကတော့ တနင်္လာနေ့က မြန်မာ နိုင်ငံအပေါ် ဒဏ်ခတ်ပိတ်ဆို့ မှုတွေ ယာယီရုပ်သိမ်းပေးဖို့ အချိန်တန်ပြီလို့ ပြောဆို ခဲ့ ပါတယ်။

နိုင်ငံခြားရေးဝန်ကြီး ဦးဝဏ္ဏမောင်လွင်ဟာ သမ္မတဦးသိန်းစိန် အစိုးရသစ် တက်လာပြီးတဲ့နောက် ပြီးခဲ့တဲ့နှစ် စက်တင်ဘာလက ကုလသမဂ္ဂ အထွေထွေ ညီလာခံကြီးကိုတက်ရောက်စဉ် ဝါရှင်တန်ဒီစီရှိ အမေရိကန် နိုင်ငံခြားရေးဝန်ကြီးဌာနကို လာရောက်ခဲ့တာ ဖြစ်ပါတယ်။ အခုအကြိမ်ဟာ သူရဲ့ ဒုတိယ ခရီးစဉ် ဖြစ်ပါတယ်။ မြန်မာနိုင်ငံမှာ နိုင်ငံရေး ပြုပြင် ပြောင်းလဲမှုတွေကြောင့် အမေရိကန်နဲ့ မြန်မာနိုင်ငံကြား တိုးတက်တဲ့ ဆက်ဆံရေး အဖြစ် ၂ နိုင်ငံကြား သံ အမတ်ကြီး အဆင့် ခန့်ထားရေးကိစ္စလည်း မကြာမီ အတည်ပြုဖွယ်ရှိနေပါတယ်။

ဝန်ကြီး ဦးဝဏ္ဏမောင်လွင်ဟာ မေလ ၁၃ ရက်နေ့က စင်ကာပူကို ရောက်ရှိခဲ့ပြီး ၂၀၁၄ ခု၊ မြန်မာ အာဆီယံ အလှည့်ကျဥက္ကဋ္ဌ ရာထူးအတွက် ပြင်ဆင်မှု များမှာ စင်ကာပူရဲ့ အကူအညီကို ရယူဖို့အပြင် နှစ်နိုင်ငံကြား နည်းပညာ ပူးပေါင်း ဆောင်ရွက်ရေး သဘောတူညီမှု အကောင်အထည်ဖော်ရာမှာ တိုးတက် မှုတွေ အကြောင်း နိုင်ငံခြားရေး ဝန်ကြီး K Shanmungam နဲ့ ဆွေးနွေးခဲ့တယ်လို့ သိရပါတယ်။ ဦးဝဏ္ဏမောင်လွင်ဟာ ဝန်ကြီးချုပ် Lee Hsein Loong နဲ့လည်း တွေ့ဆုံခဲ့ပြီး နှစ်နိုင်ငံဆက်ဆံရေး တိုးတက်စေဖို့ ဆွေးနွေးခဲ့ကြတယ်လို့ သိရပါတယ်။

ဦးဝဏ္ဏမောင်လွင်ဟာ မေလ ၁၅ ရက်နေ့မှာ စင်ကာပူကနေ ပြန်လည် ထွက်ခွာခဲ့ပါတယ်။

Ref: ဗွီအိုအေ

Read More...

တိုင်းရင်းသား ငြိမ်းချမ်းရေး အပစ်အခတ် ရပ်ရုံနဲ့ မလုံလောက်

15 မေ 2012

မြန်မာနိုင်ငံမှာ ရင်ဆိုင်နေရဆဲ တိုင်းရင်းသားတွေနဲ့ လက်နက်ကိုင် ပဋိပက္ခတွေဟာ အပစ်အခတ် ရပ်စဲရုံနဲ့ မလုံလောက်သေးဘူးလို့ မြန်မာ့ ဒီမိုကရေစီ ခေါင်း ဆောင် ဒေါ်အောင်ဆန်းစုကြည် က ပြောလိုက်ပါတယ်။ တိုင်းရင်းသားအရေး ဖြေရှင်းရာမှာ တာဝန်ယူ ဆောင်ရွက်မှုတွေ ရှိရမှာ ဖြစ်သလို၊ လက်နက်ကိုင် နှိမ်နင်း မနေဘဲ နိုင်ငံရေးအရ ဖြေရှင်းရလိမ့်မယ်လို့လည်း အမေရိကန် စံတော်ချိန် အင်္ဂါနေ့ မနက်ပိုင်းမှာ ကမ္ဘာ အရပ်ရပ်က လွတ်မြောက်ရေး လှုပ်ရှားမှုတွေ နဲ့ပတ်သက်လို့ တိုက်ရိုက်ဆွေးနွေး စကားပြောဆိုရာ မှာ ဒေါ်အောင်ဆန်းစုကြည် ကပြောလိုက်တာပါ။

အမေရိကန်သမ္မတဟောင်း George W.Bush တည်ထောင်တဲ့ Bush Center က ကမကထလုပ် ကျင်းပတဲ့ ကမ္ဘာ အရပ်ရပ်က လွတ်မြောက်ရေး လှုပ်ရှား သူတွေရဲ့ ရဲစွမ်းသတ္တိကို ဂုဏ်ပြုတဲ့ အခမ်းအနား အတွင်း ဒေါ်အောင်ဆန်းစုကြည်က အင်တာနက်ကတဆင့် တိုက်ရိုက် ဗွီဒီယို မိန့်ခွန်း ပြောဆိုရာ မှာ မြန်မာ နိုင်ငံရဲ့ နိုင်ငံရေး အပြောင်းအလဲတွေနဲ့ မေးခွန်းထုတ်ခဲ့တဲ့အပေါ် မပြေလည်နိုင်သေးပဲ ဖြစ်နေရတဲ့ တိုင်းရင်းသား အရေးကိစ္စကို အလေးထား ဖြေကြားသွား တာလည်း ဖြစ်ပါတယ်။ မြန်မာနိုင်ငံမှာ ပြီးခဲ့တဲ့ နှစ်က စလို့ အစိုးရသစ် တရပ်တက်လာပြီးနောက် လက်နက်ကိုင် တိုင်းရင်းသား အဖွဲ့အစည်းတွေနဲ့ ငြိမ်းချမ်းရေး ရဖို့ ကြိုးပမ်းသွားမယ်ဆိုပြီး မြန်မာအစိုးရက ကိုယ်စားလှယ်အဖွဲ့ ဖွဲ့စည်းပြီး ဆွေးနွေးမှုတွေ လုပ်နေပေမဲ့ အပြီးသတ် ပြေလည်မှုတွေ မရနိုင်ဘဲ ဖြစ်နေရတာပါ။ မြန်မာနိုင်ငံ မြောက်ပိုင်းမှာ အဓိက အခြေစိုက် လှုပ်ရှားနေကြတဲ့ ကချင်လွတ်မြောက်ရေးအဖွဲ့ KIO နဲ့ဆိုရင်လည်း တိုက်ပွဲတွေဟာ အခုအချိန်အထိ ဆက်လက် ဖြစ်ပွားနေဆဲ ဖြစ်ပါတယ်။

Ref: ဗွီအိုအေ

Read More...

ပြင်သစ် သမ္မတသစ် ကျမ်းသစ္စာ ကျိန်ဆို

15 မေ 2012

ပြင်သစ်နိုင်ငံမှာ အင်္ဂါနေ့က သမ္မတသစ် ဖြစ်တဲ့ Francois Hollande က သမ္မတ အဖြစ် ကျမ်းသစ္စာ ကျိန်ဆိုခဲ့ပါတယ်။

မစ္စတာ အိုလွန်းဒ် ရဲ့ ကျန်းသစ္စာ ကျိန်ဆိုတဲ့ အခန်းအနားကို ပြင်သစ် နိုင်ငံ ပါရီမြို့လယ်က Elysee နန်းတော်မှာ ကျင်းပပြုလုပ်ခဲ့တာပါ။ သူဟာ ၁၉၉၅ခုနှစ်က ဆိုရှယ်လစ် -၀ါဒီ ခေါင်းဆောင် Francois Mitterrand အနားယူ သွားတဲ့ နောက် ပထမဆုံး တက်လာတဲ့ ဆိုရှယ်လစ် ခေါင်းဆောင် ဖြစ်ပါတယ်။

အင်္ဂါနေ့ နှောင်းပိုင်းမှာတော့ မစ္စတာ အိုလွန်းဒ် ဟာ ဂျာမဏီ နိုင်ငံ ဘာလင်မြို့ကို သွားရောက်ပြီး ဥရောပဒေသ တလွှားက ကြွေးမြီပြဿနာတွေကို ဆွေးနွေးဖို့ အတွက် ဂျာမဏီ ၀န်ကြီးချုပ် Angela Merkel နဲ့ တွေ့ဆုံမှာ ဖြစ်ပါတယ်။

ဒီခရီးစဉ်မှာ ပြင်သစ် သမ္မတသစ် အနေနဲ့ ယူရိုငွေကြေး သုံးစွဲတဲ့ အီးယူ ဥရောပသမဂ္ဂ နိုင်ငံတွေ ကြားမှာ သဘောတူညီမှုမရနိုင်တဲ့ ခြိုးခြံချွေတာရေး ကိစ္စဆိုင်ရာ အတွက် ပြန်လည် ညှိနှိုင်းမှုတွေ လုပ်ဆောင်မှာ ဖြစ် ပါတယ်။ ဒါဟာ သူ သမ္မတ လောင်းအဖြစ် ၀င်ရောက် အရွေးခံရာမှာ မဲဆန္ဒရှင်တွေကို ကတိပေးထား ချက် ဖြစ်တာမို့ ဂျာမဏီဝန်ကြီးချုပ် နဲ့ တွေ့ဆုံပွဲမှာ သူ့ရဲ့ ကတိပေးချက်ကို ခိုင်မာအောင် လုပ်ဆောင်ဖို့ ကြိုးပမ်းချက် တခုဖြစ်ပါတယ်။

Ref: ဗွီအိုအေ

Read More...

လှိုင်သာယာ အထည်ချုပ်စက်ရုံ ၂ ရုံ အလုပ်သမား ရပိုင်ခွင့်အတွက် ဆန္ဒပြ


2012-05-15

ရန်ကုန်တိုင်း လှိုင်သာယာစက်မှုဇုန်က စပယ်ပွင့်နဲ့ ပုလဲ ဆိုတဲ့ အထည်ချုပ်စက်ရုံ ၂ ရုံက အလုပ်သမားတွေဟာ အခြေခံလုပ်ခလစာ တိုးပေးဖို့နဲ့ အခြား အလုပ်သမား အခွင့်အရေးရဖို့ ဒီနေ့ ဆန္ဒပြနေကြပါတယ်။

စပယ်ပွင့်စက်ရုံ အလုပ်သမားတွေကို လက်ရှိ နေ့စားလုပ်ခပဲ ပေးနေလို့ တစ်လကို သုံးသောင်းနှုန်းနဲ့ လစားအဖြစ် သတ်မှတ်ပေးဖို့ တောင်းဆိုနေကြပေမယ့် မပြေလည်သေးဘူးလို့ အလုပ်သမားတစ်ဦး ဖြစ်တဲ့ မခိုင်မြသွယ်က RFA ကိုအခုလို ပြောပါတယ်။

"ဒေးကြေးက သမီးတို့အတွက် ၅၈၀ ပဲပေးထားတယ်။ အိုတီကြေးက ၁၄၀ ပေးတယ်။ အခု ဧပြီလထုတ်တာလေ သုံးသောင်းကျော်ပဲရတယ်။ သုံးသောင်း ကျော်ပဲရတော့ အဆောင်နေတဲ့သူတွေဆိုရင် ပိုပြီးတော့ မခံနိုင်ဘူး။ အခုက အထူးထောက်ပံ့ကြေး သုံးသောင်းလည်းလိုချင်တယ်။ ဘောနပ် သဘောပေါ့ နော်။ အဲတာ ငါးထောင်တောင်းတယ်။ နှစ်ထောင်ပဲပေးတယ်။ အဲဒီ သုံးသောင်းကလည်း တစ်သောင်းပဲပေးမယ်တဲ့။ အလုပ်သမား ညှိနှိုင်းရေးမှူး ဦးဝင်းတင် ကလေ သူလုပ်ပေးတာကို လက်သင့်မခံဘူးဆိုလို့ရှိရင်တဲ့ မလုပ်ပေးတော့ဘူးတဲ့"

ပုလဲ အထည်ချုပ်စက်ရုံမှာလည်း ရက်မှန်ကြေး ကျပ် သုံးသောင်း တောင်းတာကို အလုပ်ရှင်ဘက်က သဘောမတူနိုင်သေးတဲ့အတွက် ညှိနှိုင်းနေဆဲ ဖြစ်တယ်လို့ သိရပါတယ်။

ဒါ့အပြင် ပြီးခဲ့တဲ့အပတ်က ဆန္ဒပြခဲ့တဲ့ Hi Mo ဆံပင်တုစက်ရုံမှာလည်း ဆန္ဒပြစဉ်က သက်ဆိုင်ရာ အာဏာပိုင်၊ စက်ရုံပိုင်ရှင်နဲ့ အလုပ်သမားတွေ သဘောတူ လိုက်တဲ့ အချက်တွေကို တရားဝင် မလိုက်လျောသေးတဲ့အတွက် ဒီနေ့ ထပ်မံဆန္ဒပြခဲ့ကြပါတယ်။

အလုပ်သမားတွေကို စက်ရုံဝင်းထဲကနေ အပြင်ပေးမထွက်တဲ့အတွက် စက်ရုံဝင်းထဲမှာပဲ အလုပ်မလုပ်ပဲ ဆန္ဒပြနေကြတာပါ။ ဒီကိစ္စနဲ့ပတ်သက်လို့ Hi Mo စက်ရုံ အလုပ်သမားတစ်ဦးဖြစ်တဲ့ မယမင်းလွင် က RFA ကိုအခုလို ပြောပါတယ်။

" ၁၀ ရက်နေ့တုန်းက ချုပ်ထားတဲ့ စာချုပ်ကို လူကြီးတွေက တရားဝင်သတ်မှတ် မပေးဘူး ဖြစ်နေတယ်။ လစာတိုးတယ်ဆိုတဲ့ အကြောင်း၊ အိုတီကြေး အခုတစ်လကြေးကို ဘယ်လောက်ရတယ်ဆိုတဲ့ အကြောင်း တရားဝင် ခလေးတွေသိအောင် ကြေညာပေးပါလို့ ပြောထားတယ်။ ဒါပေမဲ့ သူတို့တွေက ဘယ်လိုမှ တုံ့ပြန်မှု မရှိဘူး။ ဒီနေ့မနက် ၈ နာရီက စတင်လိုက်တယ်။ ၁ နာရီခွဲအထိ အချိန်ပေးမယ်တဲ့။ နောက်ပိုင်းကို ကျွန်မတို့ တာဝန်မယူနိုင်ဘူး။ ခလေးတွေ အရမ်းဆူနေပြီလို့ ပြောတဲ့အခါမှာ သူတို့တွေက လုံးဝ ဘယ်လို အကြောင်းပြချက်မျိုးမှ မပေးဘူး"

တောင်းဆိုချက် မရမချင်း အလုပ်သမားတွေက ဆက်လက်ဆန္ဒပြ တောင်းဆိုကြမယ်လို့ သိရပါတယ်။


Ref: အာရ်အဖ်အေ

Read More...

တရားမ၀င်နေထိုင်သူ တရုတ်အစိုးရ စတင်နှိမ်နင်း

15 မေ 2012

တရုတ်နိုင်ငံ ဘေဂျင်းမြို့တော်မှာ တရားမ၀င် နေထိုင်နေကြတဲ့ နိုင်ငံခြားသားတွေကို နှိမ်နင်းဖို့ ရက်ပေါင်း ၁၀၀ စီမံချက်ကို တရုတ် လူဝင်မှု ကြီးကြပ်ရေး အာဏာပိုင်တွေ အင်္ဂါနေ့မှာ စတင်လိုက်ပါတယ်။

တရုတ်နိုင်ငံမှာ ကြီးထွားလာနေတဲ့ စီးပွားရေးအတွက် ပြဿနာတရပ် အဖြစ် ကြုံနေရတာကို ဖြေရှင်းတဲ့ အနေနဲ့ အလုပ် လုပ်ခွင့် မရှိသူတွေ၊ ဗီဇာသက်တမ်း ရက်လွန် နေထိုင်သူတွေကို ပစ်မှတ်ထား နှိမ်နင်း သွားမှာ ဖြစ်တယ်လို့ တရုတ်အာဏာပိုင်တွေက ပြောပါတယ်။ ဘေဂျင်းမြို့တော်က ဘားဆိုင်တွေ၊ ဟိုတယ် တွေ၊ စားသောက်ဆိုင်တွေနဲ့ တက္ကသိုလ်တွေလို နိုင်ငံခြားသားတွေ မကြာခဏ သွားလာတတ် တဲ့ နေရာတွေကို ရှောင်တခင် စစ်ဆေးသွားမှာ ဖြစ်တယ်လို့ လည်း တရုတ်ရဲတပ်ဖွဲ့က ပြောပါတယ်။

မြို့ခံတွေ အနေနဲ့လည်း မမှန်မကန် ပြုမူနေတယ်လို့ သံသယရှိတဲ့ နိုင်ငံခြားသားတွေကို တွေ့ရှိရင် ရဲတပ်ဖွဲ့ရဲ့ အရေးပေါ် ဆက်သွယ်ရမယ့် နံပတ်တွေကို ဆက်သွယ် အကြောင်းကြားကြဖို့လည်း တိုက်တွန်းထား တာပါ။ နိုင်ငံခြားသားတွေ အနေနဲ့ နိုင်ငံကူး ပတ်စ်ပို့တွေနဲ့ တရုတ်အစိုးရရဲ့ သတ်မှတ်ချက်အရ လိုအပ်တဲ့ တခြားအရေးကြီးတဲ့ စာရွက်စာတမ်းတွေကို ကိုယ်နဲ့တကွ ကိုင်ဆောင်ထားကြဖို့လည်း သတိပေးထား ပါတယ်။

ဒါဟာဆိုရင် တရုတ်အစိုးရက ဘေဂျင်းမြို့တော်မှာ တရားမ၀င် နေထိုင်သူတွေကို ပထမဆုံး အကြိမ် နှိမ်နင်း လာတဲ့ လုပ်ရပ်တခုပါ။ တရုတ်နိုင်ငံတွင်းကို ဆင်းရဲတဲ့ နိုင်ငံတွေက ၀င်ရောက်လာကြ သူတွေ တနေ့ တခြား တိုးပွားလာနေတာမို့ နောက်ထပ် တခြား တရုတ်နိုင်ငံက မြို့ကြီးတွေမှာလည်း အလားတူ နှိမ်နင်းမှုတွေ လုပ်ဆောင် လာလိမ့်မယ်လို့လည်း မျှော်လင့်ရပါတယ်။ တရုတ်နိုင်ငံမှာ စီးပွားရေး ဖွံ့ဖြိုးလာနေတာနဲ့အမျှ ပြည်ပက နိုင်ငံခြားသားတွေဟာ မကြာသေးခင် နှစ်တွေကစလို့ တရားဝင်ရော တရားမ၀င်ပါ တရုတ်နိုင်ငံကို ပိုမိုဝင်ရောက်နေထိုင် အလုပ်လုပ်ကိုင်လာနေကြတာလည်း ဖြစ်ပါတယ်။

Ref: ဗွီအိုအေ

Read More...

ကမ္ဘာ့စက်မှုထိပ်သီး ၈ နိုင်ငံ အစည်းအဝေး မြန်မာ့အရေး ဆွေးနွေးမည်


2012-05-15

ကမ္ဘာ့စက်မှုထိပ်သီး ၈ နိုင်ငံအစည်းအဝေးက မြန်မာနိုင်ငံက ဒီမိုကရေစီ ပြုပြင်ပြောင်းလဲမှုတွေနဲ့ အမျိုးသားရင်ကြားစေ့ရေး အစီအစဉ်တွေ ရှေ့ဆက် အရှိန်အဟုန် ကောင်းလာအောင် ထောက်ပံ့ကူညီသွားဖို့ ဆွေးနွေးကြမယ်လို့ ပြောပါတယ်။

ါ့အပြင် ကျန်ရှိနေသေးတဲ့ နိုင်ငံရေးအကျဉ်းသားတွေ လွတ်မြောက်ရေး၊ ပိတ်ဆို့အရေးယူမှုတွေ လျော့ပေါ့ရေး အပါအ၀င် မြန်မာနိုင်ငံအနေနဲ့ နိုင်ငံတကာမှာ ပြန်လည်ဝင်ရောက်လာရေး ကိစ္စတွေကိုလည်း ဆွေးနွေးမယ်လို့ သိရပါတယ်။

အမေရိကန်အစိုးရက စီစဉ်ကျင်းပမယ့် ကမ္ဘာ့စက်မှုထိပ်သီး ၈ နိုင်ငံအစည်းအဝေးကို အမေရိကန်နိုင်ငံ မေရီလန်းပြည်နယ်မှာရှိတဲ့ အမေရိကန်သမ္မတရဲ့ အပန်းဖြေစခန်း Camp David မှာ အခုလာမယ့် သောကြာနဲ့ စနေနေ့တို့မှာ ကျင်းပမှာဖြစ်ပါတယ်။

အဲဒီအစည်းအဝေးမှာ အမေရိကန်၊ ရုရှ၊ ကနေဒါ၊ ဂျာမဏီ၊ ဗြိတိန်၊ ပြင်သစ်၊ အီတလီနဲ့ ဂျပန်နိုင်ငံက အစိုးရခေါင်းဆောင်တွေ တက်ရောက်ကြမှာပါ။ အဖွဲ့ဝင် မဟုတ်ပေမယ့် တရုတ်အစိုးရ ခေါင်းဆောင်တွေလည်း တက်ရောက်မယ်လို့ ဆိုပါတယ်။

ထိပ်သီးညီလာခံမှာ ဆွေးနွေးဖို့ ပြင်ဆင်ထားတာတွေက မြန်မာနိုင်ငံက အပြောင်းအလဲ၊ ဆီးရီးယားနိုင်ငံက သွေးချောင်းစီးနေမှု၊ အာဖရိကတိုက်က စားနပ်ရိ က္ခာရှားပါးမှု ပြဿနာ၊ မြောက်ကိုရီးယားနဲ့ အီရန်နိုင်ငံတွေရဲ့ နျူကလီးယားလက်နက် ထုတ်လုပ်ဖို့ ကြိုးပမ်းနေတဲ့ကိစ္စ အပါအ၀င် ဥရောပ ငွေကြေးဈေးကွက် အကြပ်အတည်း ကိစ္စတွေလည်း ဆွေးနွေးကြမှာ ဖြစ်ပါတယ်။

Ref: အာရ်အဖ်အေ

Read More...

မဲဆောက်မြို့အထည်ချုပ်စက်ရုံ မြန်မာအလုပ်သမား ဆန္ဒပြ

2012-05-15

ထိုင်း မြန်မာနယ်စပ် မဲဆောက်မြို့ ဘန်ဆန်ခွဲအရပ်မှာရှိတဲ့ M Apparel Co,LTD (အမ် အဲပရယ်) ကုမ္ပဏီ အထည်ချုပ်စက်ရုံက မြန်မာရွှေ့ပြောင်း အလုပ် သမားတွေ မနေ့ ညနေပိုင်းမှာ လုပ်ခလစာ ရက်အတိအကျ ထုတ်ပေးဖို့ အချိန်ပိုမဆင်းပဲ ဆန္ဒပြခဲ့တဲ့အတွက် ဒီကနေ့ မနက်မှာ စက်ရုံတာဝန်ရှိသူတွေက စက်ရုံထဲက မောင်းထုတ်ခဲ့တာကြောင့် အလုပ်သမား (၁၀၀) လောက် နီးစပ်ရာ ဘုန်ကြီးကျောင်းတစ်ကျောင်းမှာ ခိုလှုံနေရတယ်လို့ စုံစမ်းသိရပါတယ်။

အထည်ချုပ်စက်ရုံ တာဝန်ရှိသူတွေက သတ်မှတ်လစာထုတ်ရက်ဖြစ်တဲ့ မေလ (၁၀) ရက်နေ့မှာ အလုပ်သမားတွေရဲ့ ဧပြီလ လုပ်ခလစာ ထုတ်မပေး တဲ့အတွက် အလုပ်မဆင်းဘဲ အလုပ်သမားတွေ ဆန္ဒပြခဲ့တာလို့ စက်ရုံအလုပ်သမားတစ်ဦးက ပြောပါတယ်။

"၁၄ ရက်နေ့ကျမှ လစာထုတ်ပေးမယ်လို့ပြောတယ်။ ကျွန်တော်တို့က စောင့်ပေးပါတယ်။ ညနေ (၅) နာရီ ထိုးခါနီး ၀ဏ္ဏတွေကို မီတင်ခေါ်တယ်။ ပြီးတော့ ပိုက်ဆံတွေဘာတွေ ထုတ်ပေးဖို့မရှိဘူးလို့ပြောတယ်။ အဲဒီမှာ အလုပ်သမားတွေက မကျေနပ်ကြဘူး။ မနေ့က ညအိုတီတက်ချိန်က စပြီးတော့ အလုပ် မဆင်းတော့ဘူးပေါ့။ ဒီကနေ့ မနက်အထိလည်း ဘယ်သူမှမဆင်းဘူး။ အခုမလုပ်ဘူးဆိုရင် စက်ရုံထဲမှာ နေလို့မရဘူး။ မင်းတို့ အပြင်သွားလို့ပြောတယ်။ အကုန်လုံးလူတွေ ထွက်ချလာတယ်"

(အမ် အဲပရယ်) အထည်ချုပ်စက်ရုံမှာ အလုပ်သမားအချို့ကို နေထိုင်ခွင့်ပေးထားပြီး အိမ်ထောင်သည်များက အပြင်မှာ ငှားရမ်းနေထိုင်ကြတာ ဖြစ်ပါတယ်။ လုပ်အားခ တစ်နေ့ကို (၆၅) ဘတ်ကနေ အမြင့်ဆုံး လုပ်သက်ရင့်သူ ဘတ်(၁၀၀) သာရရှိပြီး အချိန်ပိုလုပ်အားခ တစ်နာရီကို ခုနှစ်ဘက်ခွဲကနေ ဘတ်တစ် ဆယ်ကျော်သာရကြောင်း ဆန္ဒပြ အလုပ်သမားတွေက ပြောပါတယ်။

အလုပ်သမားတွေက လုပ်ခလစာ တိုးပေးဖို့နဲ့ လစာထုတ်ရက် အတိအကျ လိုချင်တာဖြစ်ကြောင်း ဆန္ဒပြရာမှာပါဝင်တဲ့ လုပ်သက်ရင့် မြန်မာအလုပ်သမက အခုလိုပြောပါတယ်။

"လစာကျတော့လည်း နည်းတယ်။ နေ့စားခကလည်း အခုဟာ ၈၀ - ၉၀ ပဲရှိတယ်။ (၆၅) ဘတ်ကနေ လုပ်လာတာ။ လစာထုတ်တဲ့ရက်က (၁၀) ရက်ကို တိတိကျကျထုတ်ချင်တာ၊ ကျွန်မတို့ တောင်းဆိုချင်တာကတော့ ဒီမဲဆောက်ကဈေးအတိုင်းကို (၂၂၆) ဘတ် အပြည့်အ၀ လိုချင်တာပေါ့"

မွန်းလွဲ ၂ နာရီကျော်မှာတော့ မဲဆောက်မြို့ အလုပ်သမားကာကွယ်ရေးရုံးက တာဝန်ရှိသူတွေက အလုပ်ရှင်နဲ့ အလုပ်သမားကြား လာရောက်ညှိနှိုင်းပေးကာ အလုပ်သမားတွေရဲ့ တောင်းဆိုချက်တွေ တင်သွင်းခိုင်းခဲ့ကြောင်း ရောင်ခြည်ဦး အလုပ်သမားအဖွဲ့က ဥပဒေရေးရာ တာဝန်ခံ ကိုထွေးနိုင်က အခုလိုပြော ပါတယ်။

" စ၀ါတီကန်လူကြီးက တောင်းဆိုတဲ့ပုံစံတွေ တင်သွင်းခိုင်းတာ ရှိတယ်လေ။ မန်နေဂျာနာမည်က မစ္စတာအာနန်၊ သူက အိန္ဒိယလူမျိုး မောင်းထုတ်တာ မန်နေဂျာပဲ။ အများကြီး ကွာဟမှုရှိတယ်။ အခုသူတို့ပေးထားတာက အနိမ့်ဆုံးလုပ်အားခက (၆၅) ကနေ (၈၀) ထိပဲရှိတယ်။ ထိုင်းနိုင်ငံမှာ တရားဝင် သတ်မှတ်ထားတာ ၂၂၆ ဘတ်၊ နောက်ပြီး အချိန်ပိုလုပ်အားခတွေကလည်း အရမ်းနည်းတယ် (၇) ဘတ်ခွဲကနေ (၁၂) ဘတ်ထိပဲရှိတယ်။ တရားဝင်က တစ်နာရီကို အိုတီကြေးက (၅၄) ဘတ် ရှိတယ်။ အဲဒါတွေပါ အကုန်လုံး ထည့်တောင်းဆိုဖို့ ရှိပါတယ်"

(အမ် အဲပရယ်) အထည်ချုပ်စက်ရုံမှာ မြန်မာအလုပ်သမား (၃၀၀) ကျော် အလုပ်လုပ်နေကြပြီး မြန်မာရွှေ့ပြောင်း အလုပ်သမားတွေ (၁၀၀) လောက် ဆန္ဒပြခဲ့ကြတာ ဖြစ်ပါတယ်။

Ref: အာရ်အဖ်အေ

Read More...

မူးယစ်ဂိုဏ်း အဖွဲ့ဝင် ၂၅ ဦး လက်နက်ချ အလင်းဝင်

2012-05-15

ရွှေတြိဂံနယ်မြေက မူးယစ်ဆေးဝါးနဲ့ ပတ်သက်ပြီး နာမည်ကြီးတဲ့ စိုင်းနော်ခမ်းရဲ့ အဖွဲ့ဝင် ၂၅ ဦးဟာ တာချီလိတ်မြို့နယ်က တပ်စခန်းတစ်ခုမှာ မနေ့ ညနေပိုင်းက လက်နက်နဲ့ငြိမ်းချမ်းရေး လဲလှယ်ဝင်ရောက်ခဲ့ပြီး ဒီကနေ့ မနက်ပိုင်းမှာတော့ အခမ်းအနားနဲ့ ကြိုဆိုခဲ့ကြတယ်လို့ သတင်းရရှိပါတယ်။

မြန်မာအပါအ၀င် ဒေသတွင်းနိုင်ငံတွေက အလိုရှိနေတဲ့ မူးယစ်ဂိုဏ်းခေါင်းဆောင် စိုင်းနော်ခမ်းကို ပြီးခဲ့တဲ့ ဧပြီလကုန်ပိုင်းက လာအိုအာဏာပိုင်တွေက ရွှေတြိဂံ ဒေသမှာ ဖမ်းဆီးရမိလိုက်ပြီးနောက် သူရဲ့အဖွဲ့သားတွေဖြစ်ကြတဲ့ ဦးယောဟန် ဦးဆောင်တဲ့ အဖွဲ့ဝင် ၆ ဦး၊ ဦးယားအီ ဦးဆောင်တဲ့ အဖွဲ့ဝင် ၁၅ ဦးနဲ့ ဦးအားထူ ဦးဆောင်တဲ့ အဖွဲ့ဝင် ၄ ဦး တို့ဟာ တာချီလိတ်မြို့အခြေစိုက် ခမရ ၃၅၉ တပ်ရင်းကို လက်နက်ချ အလင်းဝင်ခဲ့ကြတာ ဖြစ်တယ်လို့ အာဏာပိုင် တွေနဲ့ နီးစပ် သူထံမှ သိရပါတယ်။

သူတို့ ၃ ဖွဲ့ဟာ M16 , M22 အမျိုးအစား မောင်းပြန်ရိုင်ဖယ်တွေ၊ AK 47 မောင်းပြန်ရိုင်ဖယ်တွေ၊ လောင်ချာသေနတ်တွေ၊ ပစ္စတိုတွေနဲ့  မိုင်းဗုံးတွေ ယူ ဆောင်လာကြပြီး နာရီပိုင်းအတွင်း တစ်ဖွဲ့စီ ၀င်ရောက်လာကြတာ ဖြစ်တယ်လို့ သိရပါတယ်။

ဒီကနေ့ မနက်ပိုင်းမှာတော့ ခမရ ၃၅၉ တပ်ရင်း ရိပ်သာခန်းမမှာ ရှမ်းပြည်အရှေ့ပိုင်း တာချီလိတ် စစ်ဗျူဟာမှူး ဗိုလ်မှူးကြီးခင်မောင်စိုး၊ ခရိုင်အုပ်ချုပ်ရေးမှူး ဦးသက်လွင်နဲ့ မြို့နယ်အုပ်ချုပ်ရေးမှူး ဦးရဲထူးတို့ ဦးဆောင်ပြီး ကြိုဆိုပွဲနဲ့ ထောက်ပံ့ရေးပစ္စည်း ပေးအပ်ပွဲ အခမ်းအနား လုပ်ခဲ့တယ်လို့ အာဏာပိုင်နဲ့ နီးစပ်သူ တစ်ဦးထံမှ သိရှိရပါတယ်။

မူးယစ်မှောင်ခို ဂိုဏ်းခေါင်းဆောင် စိုင်းနော်ခမ်းအဖွဲ့ဟာ ထိုင်း မြန်မာနဲ့ လာအိုနိုင်ငံတွေရဲ့ နယ်နမိတ်ချင်း ထိစပ်ရာ ရွှေတြိဂံဒေသက ရှမ်းပြည် အရှေ့ပိုင်း တာချီလိတ်နယ်အတွင်းမှာ အခြေပြုလှုပ်ရှားနေတဲ့ အဖွဲ့တစ်ဖွဲ့ဖြစ်ပြီး မူးယစ်ဆေး မှောင်ခိုကုန်ကူးတာနဲ့ မဲခေါင်မြစ်အတွင်း ဖြတ်သန်းသွားလာတဲ့ သဘောင်္၊ စက်လှေတွေကို ဆက်ကြေးကောက်တာ၊ ပစ်ခတ်တိုက်ခိုက်တာတွေနဲ့ နာမည်ကြီးတဲ့ အဖွဲ့တစ်ဖွဲ့ဖြစ်ပါတယ်။

Ref: အာရ်အဖ်အေ

Read More...

ကချင် စစ်ပြေးဒုက္ခသည်များ စားနပ်ရိက္ခာ အရေးပေါ်လိုအပ်

ခင်ဦးသာ
May 15, 2012

မြန်မာ-တရုတ်နယ်စပ်နှင့် ကချင်ဒေသရှိ စစ်ပြေးဒုက္ခသည်များအတွက် အရေးပေါ် စားနပ်ရိက္ခာများ လိုအပ်နေကြောင်းသတင်းရရှိ သည်။

“ဘတ်ဂျက်မရှိတဲ့အတွက် ၁၅ ရက်စာပဲ ပေးထားနိုင်တယ်။ နောက် ၁၅ ရက်စာ ပေးဖို့ အခက်အခဲဖြစ်နေတယ်။ UN အဖွဲ့တွေကလည်းပဲ လုံခြုံရေးကြောင့် လာ လို့မရဖြစ်နေတယ်” ဟု ကချင် ဒုက္ခသည်များ အရေးဆောင်ရွက်ပေးနေသည့် WNP အဖွဲ့ ဒါရိုက်တာ ဒေါ်မေလီအောင်က ဧရာဝတီကို ပြောသည်။

ပန်ဝါဒေသနှင့် မြစ်ဆုံဒေသတို့၌ ယခုရက်ပိုင်းဖြစ်ပွားနေသည့် စစ်ပွဲများကြောင့် ကချင်လွတ်မြောက်ရေး တပ်မတော် (KIA) ထိန်းချုပ်ရာ လိုင်ဇာ၊ မိုင်ဂျာယန်၊ လွယ်ကျယ် စခန်းများနှင့် တရုတ်ပြည်ဘက်ရှိ စခန်းများသို့ ဒုက္ခသည် ထောင်ချီ၍ ထွက်ပြေးလာနေကြကြောင်း ဒုက္ခသည်များအား ကူညီဆောင်ရွက်နေ သူများ က ပြောသည်။

ရန်ကုန်အခြေစိုက် ကုလသမဂ္ဂ ကလေးများ ရန်ပုံငွေအဖွဲ့ (UNICEF) အပါအ၀င် ကုလသမဂ္ဂ လက်အောက်ခံ ကူညီကယ်ဆယ်ရေး အဖွဲ့တချို့သည် ပြီးခဲ့
သည့် ၂၀၁၁ ခုနှစ် ဒီဇင်ဘာလအတွင်းက ဒုက္ခသည်များ ရှိရာသို့ လာရောက်ခဲ့သည်။ ယခုနှစ် ဧပြီလအတွင်း ထပ်မံ လာရောက်၍ ဆန်၊ ဆီ၊ ဆား၊ ပဲ စသည့် ရိက္ခာများ ထောက်ပံ့ပေးခဲ့ကြောင်း၊ မေလတွင် ထပ်မံလာမည်ဟု ပြောခဲ့သော်လည်း တိုက်ပွဲများကြောင့် မလာရောက်တော့ကြောင်း သိရသည်။

ကုလသမဂ္ဂအဖွဲ့များ လာရောက်ခဲ့သည့်အတွက် တနိုင်တပိုင် ကူညီကယ်ဆယ်ပေးနေသည့် ဒေသခံအဖွဲ့များ မရှိတော့ကြောင်း၊ ဒုက္ခသည်များသည် တနေ့ လျှင် တရုတ်ယွမ် ၆ ယွမ် (ကျပ် ၈၀၀) ဖိုးရှိ အစားအစာကိုသာ စားသောက်နေရကြောင်း ဒေါ်မေလီအောင်က ဆိုသည်။

တရုတ်နိုင်ငံဘက် အခြမ်းရှိ ဒုက္ခသည်စခန်းများတွင်လည်း ဒုက္ခသည် ဦးရေ ၄ သောင်း ၀န်းကျင်ရှိကြောင်း၊ ၎င်းတို့အတွက် စားသောက်စရာ အခက်အခဲ ဖြစ်နေသည့်အပြင် နေထိုင်စရာ အမိုးအကာ လုံလောက်မှုမရှိဟု တရုတ်-မြန်မာနယ်စပ် အရေးလေ့လာသူ ဦးအောင်ကျော်ဇောက ဧရာဝတီသို့ ပြောသည်။

တရုတ်နိုင်ငံဘက်ရှိ ဒေသခံ ကုန်သည်များထံမှ အလှူကောက်ခံ၍ စားသောက်ဖွယ်ရာများကို ယမန်နေ့က သွားရောက် လှူဒါန်းခဲ့ကြောင်း၊ ပြည်တွင်းရှိ လူမှုရေးအဖွဲ့အစည်းများကိုလည်း KIA ထိန်းချုပ်ရာဒေသနှင့် တရုတ်ပြည်ဘက်ရှိ စခန်းများသို့ပါ လာရောက် လှူဒါန်းစေလိုကြောင်း ၎င်းက ဆက်လက် ပြောသည်။

ဦးအောင်ကျော်ဇောက “အလှူရှင်က နည်းနေပြီးတော့ ဒုက္ခသည် လူဦးရေ အရမ်းများနေတယ်။ စားဝတ်နေရေး လိုအပ်နေတဲ့အပြင် မကြာခင် မိုးရာသီရောက် တော့မယ်ဆိုတော့ အမိုးအကာ လိုအပ်တယ်။ ၀မ်းရောဂါတွေ ဖြစ်လာမှာ စိုးရိမ်နေရတယ်” ဟု ဆိုသည်။

လက်ရှိ ဖြစ်ပွားနေသည့် တိုက်ပွဲများကြောင့် ပန်ဝါဒေသရှိ ကျေးရွာ ၇ ရွာ မှ ဒေသခံများနှင့် မြစ်ဆုံဒေသတ၀ိုက်မှ ဒုက္ခသည်များသည် KIA ထိန်းချုပ်ရာ စခန်းများနှင့် တရုတ်နယ်စပ်ကို ထွက်ပြေး တိမ်းရှောင်နေရကြောင်း၊ တိုက်ပွဲများ ဖြစ်ပွားနေဆဲဖြစ်၍ မိမိတို့နေအိမ်များသို့ ပြန်ရန် ခက်ခဲနေကြကြောင်း ဒေါ်မေလီအောင်က ပြောသည်။

စစ်ပြေး ဒုက္ခသည်များအတွက် ဆေးဝါးလည်း လုံလောက်မှု မရှိကြောင်း၊ မိုင်ဂျာယန်ဒေသရှိ စခန်းတချို့၌ ၀မ်းပျက်ဝမ်းလျောမှုတချို့ ဖြစ်ပွားနေခြင်းကြောင့် ကလေးငယ်တဦး ယခုလဆန်းပိုင်းတွင် သေဆုံးသွားသကြောင်း ၎င်းကဆိုသည်။

ကချင်ပြည်နယ်အတွင်းရှိ ဒုက္ခသည်များအတွက် နိုင်ငံတကာ အဖွဲ့များနှင့် ပြည်နယ်အစိုးရမှ ထောက်ပံ့ပေးမှုများအား နယ်မြေလုံခြုံရေးအရ ခေတ္တရပ်ဆိုင်း ထားကြောင်း ယမန်နေ့ထုတ် အစိုးရသတင်းစာများ၌ ရေးသားထားသည်။

ဆက်စပ်သတင်း

* ကချင် ထိုးစစ်ရပ်ရန် ဖက်ဒရယ်ကောင်စီ တောင်းဆို

Ref: ဧရာဝတီ

Read More...

မြောက်ကိုရီးယားက လက်နက်မဝယ်ဟု မြန်မာအာမခံ

May 15, 2012

မြောက်ကိုရီးယားမှ လက်နက်များဝယ်ယူခြင်းမရှိတော့ဟု မြန်မာသမ္မတ ဦးသိန်းစိန်က တောင်ကိုရီးယား သမ္မတ လီမြောင်ဘက် ကို ကတိပေး ပြောကြား လိုက်သည်။

တောင်ကိုရီးယား သမ္မတရုံး ထုတ်ပြန်ကြေညာချက်အရ မြန်မာနိုင်ငံသည် မြောက်ကိုရီးယားနှင့် နျူကလီးယား စီမံကိန်း ပူးပေါင်း ဆောင်ရွက်ခြင်း မည်သည့် အခါမှ မရှိကြောင်း၊ သို့ရာတွင် သမားရိုးကျ စစ်လက်နက်များ အရောင်းအဝယ်ရှိခဲ့ကြောင်း၊ ယခုအခါ ကုလသမဂ္ဂ၏ သဘောတူညီချက်ကို လိုက်နာသော အားဖြင့် လက်နက်ဝယ်ယူမှုမပြုတော့ကြောင်း သမ္မတ ဦးသိန်းစိန်က တောင် ကိုရီးယား သမ္မကို ကတိကဝတ်ပြုလိုက်သည်ဟု သိရှိရသည်။

မစ္စတာ လီမြောင်ဘက်၏ ယခုခရီးစဉ်သည် နှစ်ပေါင်း ၃၀ အတွင်း မြန်မာနိုင်ငံသို့ လာရောက်သည့် တောင်ကိုရီးယား သမ္မတ၏ ပထမဆုံး ခရီးစဉ်ဖြစ်သည်။ မြန်မာနိုင်ငံသို့ နောက်ဆုံး လာရောက်လည်ပတ်ခဲ့သော တောင်ကိုရီးယား သမ္မတမှာ မစ္စတာ ချန်ဒူးဝမ် ဖြစ်သည်။

၁၉၈၃ ခုနှစ်က တောင်ကိုရီးယား သမ္မတ မစ္စတာ ချန်ဒူးဝမ်၏ မြန်မာနိုင်ငံ ခရီးစဉ်အတွင်း ဗိုလ်ချုပ်အောင်ဆန်းနှင့် ကျဆုံးသွားသော အာဇာနည် ခေါင်း
ဆောင်ကြီးများ၏ ဂူဗိမာန်တွင် မြောက်ကိုရီးယား သူလျှို ၃ ဦးက ဗုံးခွဲ တိုက်ခိုက် လုပ်ကြံခဲ့ကြသဖြင့် တောင် ကိုရီယား ဒု ၀န်ကြီးချုပ်၊ နိုင်ငံခြားရေး ၀န်ကြီး အပါအ၀င် အစိုးရ ၀န်ကြီးများ၊ အကြံပေးများ၊ လုံခြုံရေးများ၊ မြန်မာ အရာရှိများ စုစု ပေါင်း ၂၁ ဦး သေဆုံးခဲ့ပြီး ၄၆ ဦး အပြင်းအထန် ဒဏ်ရာ ရခဲ့ကြသည်။

သို့သော် တောင်ကိုရီးယား သမ္မတမှာ နောက်ကျလာခဲ့၍ အသက်ဘေးက ကင်းလွတ်ခဲ့သည်။

ထိုကိစ္စဖြစ်ပွားပြီးနောက် မြောက်ကိုရီးယားနိုင်ငံ သံရုံးကို နှင်ထုတ်ခဲ့ပြီး နှစ်ပေါင်း ၂၅ နှစ်ကျော်ကြာ မြန်မာ-မြောက်ကိုရီးယား၂ နိုင်ငံ ဆက်ဆံရေးကို ပြတ်တောက်ခဲ့သည်။

မြန်မာအစိုးရသည် အဏုမြူနှင့် ဒုံးပျံနည်းပညာ၊ စစ်လက်နက်ပစ္စည်းများနှင့်ပတ်သက်ပြီး လွန်ခဲ့သောနှစ်များအတွင်းက မြောက် ကိုရီးယားနှင့် တိတ်တဆိတ် စစ်ရေးအရ ပြန်လည်ဆက်သွယ်မှုများ လုပ်ခဲ့ကြောင်း အမေရိကန်နှင့် ဒေသတွင်း အစိုးရများက စိုးရိမ်မကင်းဖြစ်လာခဲ့သည်။

ယနေ့ ရန်ကုန်မြို့တွင် တောင်ကိုရီးယား သမ္မတ၏ ခရီးစဉ်အတွက် လုံခြုံရေးတင်းကျပ်စွာ ချထားသည်။

တောင်ကိုရီးယား သမ္မတသည် အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်နှင့် ၄၅ မိနစ်ကြာ တွေ့ဆုံခဲ့ပြီး မြန်မာနှင့် တောင်ကိုရီးယား တို့သည် အာဏာရှင်စနစ်မှ ဒီမိုကရေစီစနစ်သို့ ရောက်အောင် ခက်ခဲစွာ ဖြတ်သန်းရမှုမှာ တူညီကြောင်း ပြော ဆိုခဲ့သည်။

ထို့အပြင် ၁၉၈၃ ခုနှစ်က ဗုံးပေါက်ကွဲမှုဖြစ်ပွားခဲ့သော အာဇာနည်ကုန်းသို့လည်း ခေတ္တအလည်သွား၍ အာဇာနည်ခေါင်းဆောင်ကြီး များကို အလေးပြုခဲ့ သေးသည်။

တောင်ကိုရီးယား သမ္မတရုံး၏ ကြေညာချက်အရ မြန်မာနိုင်ငံသို့ ငွေကြေးထောက်ပံ့မှုများနှင့် ချေးငွေများ တိုးမြှင့်ပေးရန် မစ္စတာ လီမြောင်ဘက်က သဘော တူညီခဲ့ကြောင်းလည်း သိရသည်။ ထို့အပြင် လူသားအရင်းအမြစ် ဖွံ့ဖြိုးရေးနှင့် မြန်မာကျောင်းသား များကို တောင်ကိုရီးယားသို့ ပညာတော်သင်ပေးမည့် အစီ စဉ်များကိုလည်း သဘောတူခဲ့ကြောင်း သိရသည်။

Ref: ဧရာဝတီ

Read More...

HTC ၏ CEO မန္တလေး ပြန်လာ

ရန်ပိုင်
May 15, 2012

ထိုင်းဝမ်တွင် ရုံးချုပ်ဖွင့်လှစ်ထားသော ကမ္ဘာ့ထိပ်တန်း ဖုန်းကုမ္ပဏီတခုဖြစ်သည့် HTC ၏ အမှုဆောင် အရာရှိချုပ် (CEO) နှင့် ဥက္ကဋ္ဌ မစ္စတာ ပီတာချူး (Peter Chou) က မန္တလေးမြို့၌ အိုင်တီဝါသနာရှင် လူငယ်များနှင့် တွေ့ဆုံရာတွင် မိမိသည် မန္တလေးဇာတိ မြန်မာနိုင်ငံသား တဦးဖြစ်ကြောင်း ပထမဆုံး အကြိမ် ထုတ်ဖော်ပြောဆိုသည်။

မြန်မာအမည် ဦးဝင်းသန်း ခေါ် မစ္စတာ ပီတာချူး သည် လွန်ခဲ့သည့် နှစ် ၃၀ ခန့်က ထိုင်ဝမ်နိုင်ငံသို့ ပြောင်းရွေ့ အခြေချခဲ့ခြင်းဖြစ်ပြီး ၁၉၇၉ ခုနှစ်အထိ မန္တလေး ဒေသကောလိပ်၌ ဒုတိယနှစ်အထိ ပညာသင်ကြားခဲ့သည်။ ယခုခရီးစဉ်မှာ သူ၏ ပထမဆုံးအကြိမ် ပြည်တော်ပြန်ခြင်း ဖြစ်သည်။

မစ္စတာ ပီတာချူး မြန်မာနိုင်ငံသို့ ပြန်လာချိန်သည် သမ္မတ ဦးသိန်းစိန်၏ ပြည်ပရောက် အသိပညာရှင်၊ အတတ်ပညာရှင်များနှင့် စီးပွားရေး လုပ်ငန်းရှင် များအား ဒုတိယအကြိမ် ဖိတ်ခေါ်မှုနှင့် တိုက်ဆိုင်နေသည်။

သို့သော် မစ္စတာ ပီတာချူးက သူ၏ ပထမအကြိမ် ပြည်တော်ပြန်ခရီးစဉ်သည် ဆွေမျိုး မိတ်သင်္ဂဟများနှင့် တွေဆုံရုံ သက်သက်သာဖြစ်ပြီး စီးပွားရေးအရ ရင်းနှီးမြုပ်နှံမှုများ ပြုလုပ်ရန်မဟုတ်ဟု ရင်းနှီးသူများကို ပြောဆိုကြောင်း သိရသည်။

မန္တလေးမြို့ခံ ကွန်ပြူတာပညာရှင် ဦးသိန်းထွဋ်က “အခု တခေါက်ကတော့ ဆွေမျိုးတွေနဲ့ တွေ့ဖို့က အဓိကလို့ ပြောတယ်။ အနာဂတ်မှာတော့ ရင်းနှီးမြုပ်နှံမှု ထက် တရားဝင် HTC အရောင်းစင်တာမျိုး ဖွင့်ချင်ဖွင့်နိုင်တယ်” ဟု ဆိုသည်။

HTC ကုမ္ပဏီအနေဖြင့် မြန်မာနိုင်ငံ၌ ရင်းနှီးမြုပ်နှံမှု ပြုလုပ်မည် မလုပ်မည်ကို ထိုင်ဝမ်အခြေစိုက် HTC ရုံးချုပ်သို့ ဧရာဝတီက ဆက်သွယ်မေးမြန်းရာ တာဝန်ရှိ သူတဦးက ဖြေဆိုရန် ငြင်းဆိုခဲ့သည်။

မစ္စတာ ပီတာချူးသည် မြန်မာနိုင်ငံ၌ ပညာသင်ကြားစဉ်က ကွန်ပြူတာပညာရှင်များဖြစ်သည့် KMD ဦးသောင်းတင်၊ ဦးသိန်းထွဋ်တို့နှင့် ကျောင်းနေဖက် သူငယ်ချင်းဖြစ်သည်ဟု သိရသည်။

ထို့အပြင် မစ္စတာ ပီတာချူးက မန္တလေးမြို့သည် အလွန်အမင်း ပြောင်းလဲသွားကြောင်း၊ အလုပ်အကိုင်နှင့် ဘ၀တိုးတက်ရေးအတွက် ပြည်ပသို့ ထွက်ခွာခဲ့ရ သော်လည်း မိမိဇာတိ မြန်မာနိုင်ငံ တိုးတက်သည်ကို မြင်လိုကြောင်း ပြောဆိုသည်ဟု ဦးသိန်းထွဋ်က ဆက်ပြောသည်။

ငယ်စဉ်က မန္တလေးမြို့၌ ရေဒီယို၊ တီဗီ ပြုပြင်ရေးလုပ်ငန်းကို လုပ်ကိုင်ခဲ့သည့် မစ္စတာ ပီတာချုးသည် ထိုင်ဝမ်နှင့် အမေရိကန်နိုင်ငံတို့၌ ဆက်လက် ပညာသင်ယူခဲ့ပြီး ၂၀၀၄ ခုနှစ်တွင် HTC ကုမ္ပဏီ၏ CEO ဖြစ်လာခဲ့သည်။

မန္တလေးမြို့ ကွန်ပြူတာပညာရှင်များအသင်း၌ IT ၀ါသနာရှင် လူငယ်များနှင့် ယမန်နေ့က တွေ့ဆုံရာတွင် မစ္စတာ ပီတာချူးက မိမိ၏ ငယ်ဘ၀ရုန်းကန်ရမှုကို ပြောပြကာ လူငယ်များအနေဖြင့် ကြိုးစားစေလိုကြောင်း၊ စွန့်စားတီထွင်ရန်လည်းလိုသလို ၀ါသနာကို စည်းစနစ်ကျကျ အကောင်အထည်ဖော်ရန်လိုကြောင်း ပြောဆိုသည်ဟု Alpha Mandalay ကုမ္ပဏီဒါရိုက်တာ ဦးရဲမြတ်သူက ပြောသည်။

မစ္စတာ ပီတာချူးနှင့်အတူ အမေရိကန်နိုင်ငံတွင် နေထိုင်နေသည့် မန္တလေးဇာတိ တရုတ်လူမျိုးဖြစ်သူ ငလျင်ဒဏ်ခံဆိုင်ရာ အဆောက်အဦ တည်ဆောက်မှု ပညာရှင် ဦးအီးကို (ခ) မစ္စတာ ဟားဗတ်အေ လည်း လိုက်ပါလာပြီး မန္တလေး စည်ပင်သာယာရုံးတွင် ငလျင်နှင့်ပတ်သက်သည့် ဟောပြောမှုတရပ် ယနေ့ပြုလုပ်သည်။

HTC ဖုန်းကုမ္ပဏီ၏ CEO မစ္စတာ ပီတာချူးသည် မြန်မာနိုင်ငံတွင် နေထိုင်နေစဉ် နေပြည်တော်သို့ သွားရောက်ကာ အစိုးရအဖွဲ့ဝင် ၀န်ကြီးများနှင့်လည်း တွေ့ဆုံမည်ဟု သိရသည်။

Ref: ဧရာဝတီ

Read More...

မိုးကျရွှေကိုယ် ရေနံကုမ္ပဏီများ

ဝီလျံဘွတ်
May 15, 2012

အမေရိကန် ကုမ္ပဏီမဟုတ်သော အနောက်နိုင်ငံ ရေနံကုမ္ပဏီများက စောင့်ကြည့်ရေး မူကို ဆွဲကိုင်ထားဆဲဖြစ်ပြီး အမေရိကန် ကုမ္ပဏီ များသည်လည်း ၀ါရှင် တန် ၏ စီးပွားရေး ဒဏ်ခတ်ပိတ်ဆို့မှုကြောင့် အဟန့်အတားဖြစ်နေရချိန်တွင် မည်သည့်နေရာမှ ပေါ်ထွက် လာမှန်း မသိသော ရေနံကုမ္ပဏီများ မြန်မာနုိုင်ငံ တွင် စတင် ခြေချလာသည်ကို တွေ့ရသည်။

မကြာသေးခင်က မြန်မာနိုင်ငံတွင် ရေနံနှင့် သဘာဝဓာတ်ငွေ့တူးဖော်ခွင့်လိုင်စင် ရသွားသော ကုမ္ပဏီများအနက် ကော်ပိုရေးရှင်း တာဝန်ခံမှု အားနည်းသော တိုင်းပြည်များဖြစ်သည့် ပနားမား၊ နိုင်ဂျီးရီးယားနှင့် အဇာဘိုင်ဂျန် တိုင်းပြည်များမှ လူမသိ သူမသိ စီးပွားရေး လုပ်ငန်းများ ပါဝင်နေသည်ကို တွေ့ရသည်။

လုပ်ကိုင်ခွင့် လုပ်ငန်းစဉ်နှင့် ပတ်သက်ပြီး ရှင်းလင်း မြင်သာမှု မရှိသကဲ့သို့ လုပ်ကိုင်ခွင့်ရသူများ၏ နောက်ခံသမိုင်းကိုလည်း သေချာစွာ မသိရှိရပေ။

လုပ်ကိုင်ခွင့်ရသည့် ကုမ္ပဏီများထဲမှ CIS နုိုဘဲလ် ရေနံလုပ်ငန်း ကုမ္ပဏီ(CIS Nobel Oil Company)သည် လန်ဒန်တွင် အခြေစိုက် သည်ဟု ဆိုသော်လည်း စုံစမ်းတွေ့ရှိချက်အရ ကုမ္ပဏီ၏ တခုတည်းသောလိပ်စာကို အဇာဘိုင်ဂျန်မြို့တော် ဘာကူး(Baku)ဟု တွေ့ ရသည်။ အဇာဘိုင်ဂျန် ဆိုသည်မှာ ကက်စ်ပီယန် ပင်လယ်ဒေသအတွင်းရှိ ဆိုဗီယက် ပြည်ထောင်စုဟောင်းမှ ခွဲထွက်ခဲ့သော နိုင်ငံ တခု ဖြစ်သည်။

မြန်မာနိုင်ငံ စွမ်းအင်ဝန်ကြီးဌာနက CIS နိုဘဲလ် ကုမ္ပဏီအား အမည်မသိကုန်းတွင်းလုပ်ကွက် တနေရာတွင် ရေနံနှင့် သဘာဝ ဓာတ်ငွေ့ ရှာဖွေခွင့် ပြုထားသည်။ CIS နိုဘဲလ် ကုမ္ပဏီကို ကက်စ်ပီယန် ပင်လယ်တွင် သဘာဝဓာတ်ငွေ့နှင့် ရေနံရှာဖွေမှုတခု လုပ်နေသည်နှင့် အဇာဘိုင်ဂျန် နိုင်ငံပိုင် ရေနံကုမ္ပဏီတခုနှင့် ဆက်စပ်မှုရှိသည်မှလွဲ၍ စိုးစဉ်းမျှ မသိရပေ။

စွမ်းအင်ဝန်ကြီး ဌာနက ကုန်တွင်းလုပ်ကွက် ၁၈ ခုကို ယမန်နှစ်က လုပ်ခွင့်ချပေးသောအခါ CIS နိုဘဲလ်နှင့် တခြားလူသိနည်းသော လုပ်ငန်း ကုမ္ပဏီတချို့ လုပ်ပိုင်ခွင့် လျှောက်ထားသည်ကို တွေ့ခဲ့ရသည်။

အမေရိကတိုက် အလယ်ပိုင်းဒေသ တိုင်းပြည်တခုဖြစ်သော ပနားမားတွင် မှတ်ပုံတင်တားသည့် Geopetrol International Holdings သည် မြန်မာ အေ၀မ်း သတ္တု တူးဖော်ရေး ကုမ္ပဏီနှင့် ပူးတွဲ၍ လုပ်ကွက် တခုအတွက် လိုင်စင်ရထားသည်။

ပနာမားနိုင်ငံသည် နုိုင်ငံတကာလုံခြုံမှုစံ သတ်မှတ်ချက်များ၊ စည်းမျဉ်းများကို မလုိုက်နာသော၊ နောက်ခံသမိုင်း မရှင်းသော သင်္ဘော ကုမ္ပဏီများနှင့် ပတ်သက်သည့် နာမည်ဆိုးနှင့်ကျော်ကြားသော နိုင်ငံ တနိုင်ငံ ဖြစ်သည်။

မြန်မာ့စွမ်းအင်ဝန်ကြီး ဌာနသည် Tianjin New Highland ဟုခေါ်သော ကုမ္ဗဏီတခုကိုလည်း လိုင်စင်ချပေးထားသည်။ Tianjin New Highland သည် တရုတ်အမည်နှင့် ဆင်တူသော်လည်း တကယ်တမ်းတွင် နုိုင်ငံရေးအရ တည်ငြိမ်မှုမရှိသေးသော အာဖိရိက နိုင်ငံတခုဖြစ်သည့် နိုင်ဂျီးရီးယားနိုင်ငံနှင့် ချိတ်ဆက်ထားသော ကုမ္ပဏီတခုဖြစ်သည်။
နိုင်ဂျီးရီးယားနိုင်ငံကို ပြည်သူ သန်းပေါင်းများစွာ၏ဘ၀ ဆင်းရဲတွင်းနစ်သထက်နစ်နေချိန်တွင် ရေနံကြွယ်ဝမှုအပေါ် နိုင်ငံရေး၊ စီးပွားရေး ခြစားမှုများနှင့် ပျက်စီးနေသော “ရွှေမည်း ကျိန်စာ မိနေသည့် တိုင်းပြည်” အဖြစ် လူသိများသည်။

Tianjin New Highland ကုမ္ပဏီသည် ဟောင်ကောင်တွင် စတင် သန္ဓေတည်ခဲ့သော်လည်း ကာရေဗီယန် ဒေသအတွင်းရှိ ငွေမည်း ခ၀ါချခြင်း လုပ်ငန်း ကျယ်ကျယ်ပြန့်ပြန့် လုပ်ကိုင်နေသော ဗြိတိန်ပိုင် ဗာဂျင်ကျွန်းတွင်လည်း မှတ်ပုံတင်ထားသည်။ ယင်း ကုမ္ပဏီ သည် Tianjin Energy Resources အမည်ဖြင့်လည်း လုပ်ကိုင်သည်။

“ဒီကုမ္ပဏီတွေကို အဓိက ရေနံစီးပွားရေး လုပ်ငန်းတွေထဲမှာလည်း မတွေ့ရသလို တချို့ဆိုရင် ပိုင်ဆိုင်သူအမည်နဲ့ လိပ်စာကို မှတ် ပုံတင် စာရင်းမှာတောင် မတွေ့ရဘူး”ဟု အမည်မဖော်လိုသူ ဟောင်ကောင်အခြေစိုက် စက်မှုလုပ်ငန်း အကဲဖြတ်သူတဦးက ပြော ဆုိုသည်။

“ဥပမာ Geopetrol International ကုမ္ပဏီ ဆိုရင် တခါတလေ ဆွစ်ဇာလန်မှာလိုလို၊ ပြင်သစ်မှာလိုလို အခြေစိုက်သလိုမျိုး လုပ်ပြ တဲ့အပြင် အိန္ဒိယမှာ စီးပွားရေးလုပ်ငန်းတွေ ရှိသလိုမျိုးလည်း လုပ်တတ်တယ်။ တကယ်တမ်းကျတော့ သူက ပနားမားမှာ မှတ်ပုံ တင် ထားတဲ့ ကုမ္ပဏီ”ဟုလည်း ၎င်းက ဆိုသည်။

Geopetroကုမ္ပဏီသည်လည်း စင်ကာပူနိုင်ငံ ၏ Interra Resources ကုမ္ပဏီနှင့် ဖက်စပ်လုပ်ကိုင်နေသော Goldpetrolကုမ္ပဏီ နှင့် လုပ်ငန်းတချို့ ဆောင်ရွက်နေသည်။ ထို ကုမ္ပဏီသည် အင်ဒိုနီးရှား နိုင်ငံနှင့်ပါ ဆက်စပ်မှုရှိသည်။

အဆိုပါ စီးပွားရေး ကုမ္ပဏီများနှင့် ပတ်သက်ပြီး မည်သူပိုင်ဆိုင်သည် စသည်ဖြင့် သတင်းအချက်အလက် ရှာဖွေလိုသူများအတွက် ရှုပ်ထွေး စေနိုင်သည်။

နောက်ထပ် လူသိနည်းသော အင်ဒိုနီးရှား ကုမ္ပဏီ တခုဖြစ်သည့် Istech Resources Asia ကိုလည်း မြန်မာ စွမ်းအင်ဝန်ကြီး ဌာန က ကုန်တွင်းပိုင်း လုပ်ကွက်တခု ချပေးထားသည်။ ၎င်းနှင့်လက်တွဲဆောင်ရွက်မည့် ပြည်တွင်းလုပ်ငန်း ကုမ္ဗဏီကိုမူရှာဖွေနေဆဲ ဖြစ် သည်။

စည်းမျဉ်းသစ်အရ မြန်မာနို်င်ငံတွင် လုပ်ငန်းအသစ် စတင်မည့် နိုင်ငံခြား ရေနံနှင့်သဘာဝဓာတ်ငွေ့လုပ်ငန်းများသည် မြန်မာနိုင်ငံ သား ဖက်စပ်လုပ်ငန်းရှင် တဦးနှင့် တွဲဖက်ဆောင်ရွက်ရမည် ဖြစ်သည်။

အပတ်စဉ်ထုတ် Bloomberg စီးပွားရေး မဂ္ဂဇင်း၏ ရေနံ လုပ်ငန်း လမ်းညွှန် သတင်းအချက်အလက်များ အရIstech Resources Asia ကုမ္ပဏီသည် ဂျကာတာမြို့ လိပ်စာဖြစ်သည်ဟု ဆိုသည်။ သို့သော် အဆိုပါ စီးပွားရေး ကုမ္ပဏီတွင် “တရားဝင်ဖွဲ့စည်းထား သော လုပ်ငန်း စီမံရေးအဖွဲ့ မှတ်တမ်း မရှိ”ဟုလည်း Bloomberg ၏ အင်တာနက် စာမျက်နှာတွင် ဖော်ပြထားသည်။

ကုန်းတွင်းလုပ်ကွက် ၁၈ ခုအနက် အစိုးရက ၉ ခုသာ ယမန်နှစ်က ချပေးနိုင်ခဲ့ပြီး ပြီးခဲ့သည့်အပတ်အထိ ကုမ္ပဏီ ၄ ခုသာ သဘော တူစာချုပ်များကို အပြီး သတ်နိုင်ခဲ့သည်။ ဒေသခံ ဖက်စပ်ကုမ္ပဏီများမှာ အေးမြင့်ခုိုင် ကုမ္ပဏီ၊ အေ၀မ်း သတ္တုတွင်း ကုမ္ပဏီ နှင့် UNOG တို့ ဖြစ်သည်။

UNOG Pte Ltd သည် စင်ကာပူတွင် မှတ်ပုံတင်သော်လည်း မြန်မာနိုင်ငံတွင်လုပ်ငန်းလည်ပတ်သော ကုမ္ပဏီဖြစ်သည်။ ဦးဝင်းကြိုင် ဆိုသူအား မန်နေဂျင်း ဒါရိုက်တာအဖြစ် ခန့်အပ်ထားသည်။ ဦးဝင်းကြိုင်သည် IGE ဟုခေါ်သော စီးပွားရေး ကုမ္ပဏီ တခုနှင့်လည်း ဆက်စပ်မှု ရှိသည်။

အလားတူ ရှင်းရှင်းလင်းလင်း မသိနုိုင်သော နိုင်ငံခြား ကုမ္ပဏီများသည်လည်း မြန်မာနိုင်ငံ ကုန်းတွင်းပိုင်း လုပ်ကွက်များတွင် လုပ် ကိုင် နေကြသည်။ Silver Wave Sputnik Petroleum နှင့် ZarubezhetItera ကုမ္ပဏီများမှာမူ ရုရှား နိုင်ငံနှင့် ဆက်စပ်မှု ရှိကြောင်း သိရသည်။

Spuntnik Petroleum သည် စင်ကာပူတွင် မှတ်ပုံတင်ထားသော်လည်း ၎င်း၏ ဆင့်ပွား ကုမ္ပဏီဖြစ်သော Silver Wave Energy ကတော့ ကက်စ်ပီယန် ပင်လယ် ဒေသအတွင်းရှိ ရုရှား ခွဲထွက် နိုင်ငံဟောင်းတခုဖြစ်သော Kalmykia နိုင်ငံနှင့် ဆက်စပ်နေပြန် သည်။

နောက်ဆုံးအသုတ် လိုင်စင်ချပေးရာတွင် နိုင်ငံတကာ ရေနံကုမ္ဗဏီကြီး နှစ်ခုသာ လုပ်ကွက်များ ရခဲ့သည်။ ထိုကုမ္ပဏီများမှာမလေးရှား နို်င်ငံပိုင် Petronas ကုမ္ပဏီ နှင့် ထုိုင်း နိုင်ငံ PTTEP ကုမ္ပဏီတို့ ဖြစ်သည်။ ထို ကုမ္ပဏီ နှစ်ခု စလုံးသည် မြန်မာနိုင်ငံ ၏ ရေနံနှင့် သဘာဝ ဓာတ်ငွေ့လုပ်ငန်းတွင် ယခင်က တည်းက ၀င်ရောက် လုပ်ကိုင်နေသော ကုမ္ပဏီများ ဖြစ်ကြသည်။

“မနှစ်က လုပ်ကိုင်ခွင့်တွေ ချပေးတုန်းက ဒေါ်အောင်ဆန်းစုကြည်က ပါလီမန်ထဲ ၀င်တော့မှာတို့ ၊ ဥရောပသမဂ္ဂက ပိတ်ဆို့ ဒဏ် ခတ်မှုတွေ ယာယီရပ်ဆိုင်း မှာတို့ စတဲ့ ကြီး ကြီးမားမားဖြစ်ထွန်းမှုတွေ မရှိသေးဘူး၊ အဓိက စီးပွားရေးလုပ်ငန်းရှင်ကြီးတွေကလည်း အံအားသင့်စရာကောင်းအောင် စိတ်ဝင်စားမှု နည်း နေတဲ့ပုံကို တွေ့ရတယ်”ဟု ထိုင်းနိုင်ငံ ဘန်ကောက်မြို့ အခြေစိုက် စီးပွားရေး အကဲခတ် Collin Reynolds က ဧရာဝတီသို့ မေလ ၈ ရက်က ပြောဆိုခဲ့ဖူး သည်။

“နောက်တခေါက် လုပ်ကိုင်ခွင့်တွေ ချပေးတဲ့အခါ အနောက်တိုင်း ကုမ္ပဏီကြီးတွေကို ဆွဲဆောင်နိုင်မှု ရှိမရှိကတော့ စိတ်ဝင်စား စရာပဲ၊ ဒါပေမယ့် ကျနော့် အထင်တော့ အများစုက အခုသွားနေတဲ့ ပြုပြင်ပြောင်းလဲမှုတွေဟာ ဘယ်လောက် အဆင်ပြေချောမွေ့မလဲ၊ ဒီအပြောင်းအလဲတွေဟာ ထာဝရ ရပ်တည်သွား မှာလား ဆိုတာကို စောင့်ကြည့်နေကြတယ်။ အမေရိကန် ရေနံကုမ္ပဏီတွေကတော့ ပါခွင့်မရသေးပါဘူး”ဟုလည်း ၎င်းက ဆိုသည်။

စွမ်းအင်ဝန်ကြီးဌာန စီမံကိန်း ညွှန်ကြားရေးမှူးချုပ် ဦးထင်အောင်ကမူ သြဂုတ်လတွင် နောက်ထပ်ကုန်းတွင်း လုပ်ကွက်များ ရောင်းချမည်ဟု လွန်ခဲ့သည့် ရက်သတ္တပတ်အတွင်းက ပြောဆိုခဲ့သည်။ ကမ်းလွန်လုပ်ကွက် လိုင်စင်များကိုလည်း ယခုနှစ်ကုန်တွင် ချပေး မည် ဟု ပြောဆိုသည်။

Chevro၊ Total၊ Shell၊ Nippon၊ CNOOC နှင့် Mitsubishi အစရှိသော အကြီးစား စက်မှုလုပ်ငန်း ကုမ္ပဏီကြီးများ၏ ကိုယ်စားလှယ် များကို မတ်လ အတွင်း က ရန်ကုန်မြို့တွင်ကျင်းပသော စွမ်းအင်ဝန်ကြီးဌာန၏ ဖွံ့ဖြိုးမှုမြှင့်တင်ရေး ပြပွဲသို့ စေလွှတ်ခဲ့သေးသည်။

မြန်မာနိုင်ငံတွင် အရန် ရေနံ စုစုပေါင်း ပီပါ သန်း ၁၄၀ နီးပါးနှင့် သဘာဝဓာတ်ငွေ့ ဘီလီယံ ၃၂၂ ကုဗပေ ရှိသေးကြောင်း သက် သေပြနုိုင်သည်ဟု ပြပွဲတက် ရောက်လာသူများကို ဦးထင်အောင်က ပြောဆိုခဲ့သည်။

မြန်မာနိုင်ငံ မြေအောက် နှင့် ပင်လယ်အောက်မှ ဟိုက်ဒရို ကာဗွန်ဓာတ် အမြောက်အမြား ထုတ်ယူရန်အတွက် Silver Wave Sputnik Petroleum၊ Nobel Oil နှင့် GeoPetrolတို့ ကဲ့သို့ ကုမ္ပဏီများ လုပ်နိုင်သည်ထက် များစွာ ပိုမိုကြီးမားပြီး ကာလရှည်ကြာ ရင်းနှီးမြုပ်နှံမှုများ လုိုအပ်နေပါသည်။ ။

Burma’s Frontier Appeal Lures Shadowy Oil Firms By WILLIAM BOOT ကို ဆီလျော်အောင် ပြန်ဆို ဖော်ပြပါသည်။

Ref: ဧရာဝတီ

Read More...

စိစစ်ရေးဖျက်သိမ်းသော်လည်း သတင်းလွတ်လပ်ခွင့်ရမည်မဟုတ်

May 15, 2012

ပြန်ကြားရေးဝန်ကြီးဌာနက စာနယ်ဇင်းကောင်စီ ရက်ပိုင်းအတွင်းဖွဲ့စည်းပေးပြီး စာပေစိစစ်ရေးလုပ်ငန်းများကို လွှဲပြောင်းသွားမည်ဖြစ်သော်လည်း သတင်းနှင့် စာနယ်ဇင်းလွတ်လပ်ခွင့်မှာမူ ထူးခြားမလာပဲ လက်ရှိကျင့်သုံးနေဆဲ မူဝါဒများအတိုင်း ကန့်သတ်ထားမည် ဖြစ်ကြောင်း သိရသည်။

ယမန်နေ့က ရန်ကုန်မြို့ ဟံသာဝတီအ၀ိုင်းအနီးရှိ မြန်မာ့ရုပ်မြင်သံကြားဌာန အဆောက်အအုံတွင် ပြည်တွင်းသတင်းအဖွဲ့အစည်းများမှ ကိုယ်စားလှယ်များကို ခေါ်ယူတွေ့ဆုံစဉ် ပြန်ကြားရေးဝန်ကြီးဌာန ၀န်ကြီးဦးကျော်ဆန်းက သမ္မတဦးသိန်းစိန်၏ ညွှန်ကြားချက်ဖြင့် စာနယ်ဇင်းကောင်စီကို ဖွဲ့မည်ဖြစ်ကြောင်း၊ စာနယ် ဇင်းကောင်စီ ဖွဲ့စည်းရန် မြန်မာနိုင်ငံ သတင်းစာဆရာများအသင်း ဖြစ်မြောက်ရေး ကော်မတီ၊ မြန်မာနိုင်ငံ စာရေးဆရာအသင်း ဖြစ်မြောက်ရေး ကော်မတီ၊ မြန်မာ နိုင်ငံ ပုံနှိပ်လုပ်ငန်းရှင်များအသင်း၊ မြန်မာနိုင်ငံ ထုတ်ဝေဖြန့်ချိသူများ အသင်း ဖြစ်မြောက်ရေး ကော်မတီတို့မှ ကိုယ်စားလှယ်ခြောက်ဦးဆီ တောင်းခံ ထားပြီး အခြားသော ပုဂ္ဂလိက စာနယ်ဇင်းသမားများကိုလည်း ၀န်ကြီးက သီးခြားတွေ့ဆုံခဲ့ကြောင်း သိရှိရသည်။

စာနယ်ဇင်းကောင်စီတွင် ပြန်ကြားရေးဝန်ကြီးဌာနမှ တာဝန်ရှိသူများ ပါဝင်မည်၊ မပါဝင်မည်ကို ၀န်ကြီးဦးကျော်ဆန်းက တိကျစွာ ရှင်းလင်းဖော်ပြခြင်းမပြုပေ။ မီဒီယာဥပဒေကိုလည်း ရေးဆွဲထားပြီး ရှေ့နေချုပ်ရုံးသို့ တင်ပြထားကြောင်း လာမည့် ဇူလိုင်လတွင် ထပ်မံ ခေါ်ယူမည့် လွှတ်တော်အစည်းအဝေးတွင် တင်
ပြဖွယ်ရှိသည်ဟုလည်း သိရှိရသည်။

“၀န်ကြီးဦးကျော်ဆန်း ပြောတာက သမ္မတအမိန့်နဲ့ စာနယ်ဇင်းကောင်စီဖွဲ့မယ်။ ပြီးတာနဲ့ စာပေစိစစ်ရေးလုပ်ငန်းလိုမျိုး မီဒီယာတွေကို ထိန်းကျောင်းတာမျိုး စာနယ်ဇင်းကောင်စီက လုပ်ရမယ်။ ဆိုလိုတာက စာနယ်ဇင်းကောင်စီ ထိန်းကျောင်းခိုင်း မယ်။စိစစ်ရေးတင်စရာမလိုတော့ဘူးဆိုတဲ့ သဘောပဲ။ သတင်းဂျာ နယ် တွေ ထုတ်ဝေပြီးမှ စာပေစိစစ်ရေးတင်ရမယ့် အစီအစဉ်မျိုး” ဟု ၀န်ကြီးဦးကျော်ဆန်းနှင့် တွေ့ဆုံခဲ့သည့် သတင်းစာဆရာတဦးက ပြောသည်။

ကလောင်အမည် ရဲရင့်တင့်ဆွေဖြင့် ပြန်ကြားရေးဝန်ကြီးဌာန သတင်းနှင့်ပြည်သူ့ဆက်ဆံရေး ဒု-ညွှန်ကြားရေးမှူးချုပ် ဦးတင့်ဆွေကလည်း စာပေစိစစ်ရေးကို ဖျက်သိမ်းတော့မည်ဖြစ်ကြောင်း ၄င်း၏ ဖေ့စ်ဘွတ်တွင် ရေးသားထားသော “ကင်ပေတိုင့်မှာတမ်း” ဆောင်းပါးတွင် အတည်ပြုထားသည်။

“အလုံးစုံသော စာပေစိစစ်ခြင်းလုပ်ငန်းတို့သည် လုံးဝဥသုဉ်ဖျက်သိမ်းပေးရမည်ဖြစ်သည်။ မကြာမတင်သောကာလ အတွင်းတွင် ညွှန်ကြားချက်၊ ဥပဒေ အသစ်တို့သည် မုချမလွဲမသွေ ထွက်ပေါ်လာတော့မည်ဖြစ်သည်” ဟု ဦးတင့်ဆွေက ရေးသားသည်သာမက “အမှန်တကယ် စာပေလွတ်လပ်ခွင့်ရှိပြီဆိုလျှင် ဘာလုပ်ကြမလဲဟုသာ အမေးရှိပါက မည်သို့ဖြေဆိုကြပါမည်နည်း။ လွတ်လပ်ခွင့် ဆိုသည်မှာ အစိုးရကို တိုက်ခိုက်ရန်လား၊ နှစ်ငါးဆယ် တွေ့ကြုံခံစားမှု တွေကို ဖော်ထုတ်ရန်လား၊ လက်စားချေရန်လား၊ စာပေ ကင်ပေတိုင်ဆိုသူတွေကိုပဲ အမုန်းပွားဖို့လား၊ စာပေလောကသားအချင်းချင်း လွတ်လွတ်လပ် လပ် ထိုးနှက်တိုက်ခိုက်ကြဖို့လား၊ ဘာတွေဖြစ်လာမည်ကို သိချင်စမ်းလှသည်” ဟူ၍လည်း မေးခွန်းထုတ်ထားသည်။

ဧရာဝတီမှရရှိထားသော ပြန်ကြားရေးဝန်ကြီးဌာန၏ညွှန်ကြားချက်အရမူ စာနယ်ဇင်းကောင်စီမှ ကျင့်သုံးမည့် မူဝါဒမှာ “လက်ရှိပြဌာန်းဆဲဖြစ်သည့် ၁၉၆၂ ခုနှစ် ပုံနှိပ်သူများနှင့် ထုတ်ဝေသူများ မှတ်ပုံတင်ဥပဒေနှင့် သတ်မှတ်ထားသော စာပေစိစစ်ရေးမူ ၁၂ ချက်နှင့်အညီ ရေးသား ပုံနှိပ် ဖြန့်ချိရေးအတွက် စာနယ်ဇင်းများအား စိစစ်ကြပ်မတ် ထိန်းသိမ်းဆောင်ရွက်ရန်” ဟု ပါရှိသည့်အတွက် သတင်းနှင့် စာနယ်ဇင်းလွတ်လပ်ခွင့်ကို ဆက်လက်ထိန်းချုပ် ထားမည် ဖြစ်သည်။

“စာပေစိစစ်ရေးမူတွေနဲ့အညီ ကြပ်မတ်ရမယ်၊ ၁၉၆၂ ဥပဒေအရ ကြပ်မတ်ရမယ်ဆိုတော့ အရင် စာပေစိစစ်နဲ့ ဘာကွာမလဲ” ဟု မြန်မာနိုင်ငံ သတင်းစာဆရာ များအသင်း ဖြစ်မြောက်ရေး ကော်မတီမှ နာယက တဦးဖြစ်သော ဦးဝံသက ဆိုသည်။ “အမျိုးသား စာနယ်ဇင်းကောင်စီဆိုတာ ပြည်သူလူထု ယုံကြည်အား ထားမှု ရရှိဖို့ လိုတယ်။ စာနယ်ဇင်းကောင်စီက တကယ်လွတ်လပ်တဲ့ ဘယ်သြဇာမှ မခံတဲ့ အဖွဲ့အစည်း ဖြစ်ဖို့ လိုတယ်။ ကောင်စီကနေ အစိုးရ သို့မဟုတ် ၀န်ကြီးဌာန အရှိန်အ၀ါကို သုံးပြီး အရေးယူတာတို့ ထိန်းချုပ်တာတို့ ကန့်သတ်တာတို့ အဲ့ဒါမျိုး လုပ်တဲ့အဖွဲ့လို့ ယူဆရင် ပြည်သူလူထုရဲ့ ယုံကြည်ကိုးစားမှု ရမှာ မဟုတ်ဘူး” ဟုလည်း ပြောဆိုသည်။

မြန်မာနိုင်ငံသတင်းသမားများကွန်ရက်၊ မြန်မာနိုင်ငံ သတင်းစာဆရာများအသင်း ဖြစ်မြောက်ရေး ကော်မတီတို့က စာနယ်ဇင်းကောင်စီတွင် ပါဝင်ရေး၊ မပါ ၀င်ရေး အထူးအစည်းအဝေးများ ကျင်းပဆုံးဖြတ်သွားမည်ဖြစ်ကြောင်း သိရှိရသည်။

နယူးယောက်အခြေစိုက် သတင်းစာဆရာများ ကာကွယ်စောင့်ရှောက်ရေး ကော်မတီ (Committee to Protect Journalists) အရှေ့တောင်အာရှဆိုင်ရာ ကိုယ်စားလှယ် မစ္စတာ ရှောင်ခရစ်စပင် ကလည်း လက်ရှိပြဌာန်းဆဲ ၁၉၆၂ ခုနှစ် ပုံနှိပ်သူများနှင့် ထုတ်ဝေသူများ မှတ်ပုံတင်ဥပဒေနှင့် သတ်မှတ်ထားသော စာပေစိစစ်ရေးမူ ၁၂ ချက်များကို ဆက်လက်ကျင့်သုံးမည်ဆိုပါက မြန်မာ့စာနယ်ဇင်း လွတ်လပ်ခွင့် ဘာမျှတိုးတက်လာမည် မဟုတ်ဟု ဧရာဝတီသို့ ပြော ဆိုသည်။

“ဦးသိန်းစိန်ရဲ့ ဒီမိုကရေစီတပိုင်း အစိုးရလက်ထက်မှာ မြန်မာသတင်းနဲ့စာနယ်ဇင်းဟာ တရားဝင် ကာကွယ်မှု အသစ်တွေနဲ့ ပွင့်လင်းလာလိမ့်မယ်လို့ အများ က မျှော်လင့်ထားကြပါတယ်။ ဒါပေမယ့် ဒီစည်းကမ်းတွေအတိုင်း ဆက်စခန်းသွားမယ်ဆိုရင်တော့ ကမ္ဘာပေါ်မှာ ဆင်ဆာအဖြတ်ဆုံးနိုင်ငံ စာရင်းကနေ ရုန်းလွတ်ဖို့ မမြင်ဘူး” ဟု ရှောင်ခရစ်စပင်က ပြောဆိုသည်။

သတင်းစာဆရာများ ကာကွယ်စောင့်ရှောက်ရေး ကော်မတီ ၏ မကြာခင်က ထုတ်ပြန်ခဲ့သောအစီရင်ခံစာအရ ကမ္ဘာပေါ်တွင် ဆင်ဆာအဖြတ်ဆုံးနိုင်ငံ ၁၀ နိုင်ငံတွင် မြန်မာက နံပါတ် ၇ ဖြစ်သည်။

ပြန်ကြားရေးဝန်ကြီးဌာန၏ စိစစ်ဖြတ်တောက်မှုမှာ ပုဂ္ဂလိကစာနယ်ဇင်းများသာမက အစိုးရသတင်းစာများကိုပါ တင်းတင်းကြပ်ကြပ်ပြုလုပ်လေ့ရှိရာ သမ္မတ ဦးသိန်းစိန်၏ မိန့်ခွန်းများပါမကျန် ဖြတ်တောက်ကြောင်း သိရသည်။ သမ္မတရုံးအနေဖြင့် အင်တာနက်ဝက်ဘ်ဆိုဒ်ထောင်ခြင်း၊ လူမှုကွန်ရက် ဖေ့စ်ဘွတ်သုံး ခြင်းတို့မှာ ပြန်ကြားရေးဝန်ကြီးဌာန၏ ဖြတ်တောက်မှုကို ရှောင်ရှားရန် အကြောင်းတချက် ဖြစ်မည်ဟု လေ့လာသူများက သုံးသပ်နေကြသည်။

“အခုအတိုင်းဆို သမ္မတဦးသိန်းစိန်ထက် ပြန်ကြားရေးဝန်ကြီးဦးကျော်ဆန်းက ပိုအာဏာရှိနေပုံပဲ” ဟု အမည်မဖော်လိုသူ ရန်ကုန်အခြေစိုက် ထုတ်ဝေသူက ဧရာဝတီသို့ မှတ်ချက်ပေးပြောဆိုသည်။

အောင်သက်ဝိုင်းနှင့် ငြိမ်းငြိမ်းတို့ ပူးပေါင်း သတင်းပေးပို့ချက်ကို ရဲနည် တည်းဖြတ်ရေးသားသည်။ ဧရာဝတီမှ လက်ခံရရှိထားသော ပြန်ကြားရေး ၀န်ကြီး ဌာနမှ ညွှန်ကြားချက်၁။ ပုံနှိပ်မီဒီယာ ဥပဒေသစ် မပြဋ္ဌာန်းမီ စာနယ်ဇင်းများ၏ စည်းကမ်းဖောက်ဖျက်မှုများနှင့် ပတ်သက်ပြီး စာနယ်ဇင်းကောင်စီက ဖြေရှင်း ဆောင်ရွက်ပေးစေလိုသည့် လုပ်ငန်းများ။(က) စာနယ်ဇင်း လွတ်လပ်ခွင့်ကို တည်ဆဲ ဥပဒေနှင့်အညီ ထိန်းသိမ်းစောင့်ရှောက်ရန်။

(ခ) လက်ရှိပြဋ္ဌာန်းထားဆဲဖြစ်သည့် ၁၉၆၂ ခုနှစ် ပုံနှိပ်သူများနှင့် ထုတ်ဝေသူများ မှတ်ပုံတင် ဥပဒေနှင့် သတ်မှတ်ထားသော စာပေစိစစ်ရေးမူ ၁၂ ချက်နှင့်အညီ ရေးသားပုံနှိပ်၊ ထုတ်ဝေ၊ ဖြန့်ချိရေးအတွက် စာနယ်ဇင်းများအား စိစစ်ကျပ်မတ် ထိန်းသိမ်း ဆောင်ရွက်ရန်။

(ဂ) စာနယ်ဇင်းကျင့်ဝတ်နှင့်အညီ ရေးသား၊ ပုံနှိပ်၊ ထုတ်ဝေခြင်းမရှိသော စာနယ်ဇင်းများနှင့် စာနယ်ဇင်းသမားတို့အား ကျင့်ဝတ် လိုက်နာရေးအတွက် ကြီးကြပ်ဆောင်ရွက်ရန်။

(ဃ) စာဖတ်သူနှင့် စာနယ်ဇင်းများ အကြားတွင် လည်းကောင်း၊ ဌာနဆိုင်ရာ အဖွဲ့အစည်းနှင့် စာနယ်ဇင်းများ အကြားတွင် လည်းကောင်း ဖြစ်ပေါ်လာသည့် ဝိရောဓိ ပြဿနာများ၊ အငြင်းပွားမှုများကို ညှိနှိုင်းဖြေရှင်း ဆောင်ရွက်ပေးရန်။

(င) ပုံနှိပ် မီဒီယာလောက အတွင်း ပုံနှိပ်သူ၊ ထုတ်ဝေသူ၊ ဖြန့်ချိသူ၊ စာတည်းအဖွဲ့၊ စာရေးသူနှင့် စာဖတ်သူ စသည်များအကြား ပေါ်ပေါက်လာသည့် မကျေနပ်မှု၊ နစ်နာမှုများနှင့်ပတ်သက်၍ တိုင်ကြားချက်များအပေါ် စုံစမ်းစစ်ဆေး ဆောင်ရွက်ပေးရန်။

(စ) ဖြန့်ချိလိုက်သည့် စာအုပ်၊ စာစောင်များအား ဖြန့်ချိလျှင်ဖြန့်ချိချင်း သတ်မှတ်အုပ်ရေ/စောင်ရေ ကို မှန်ကန်စွာ ပေးပို့ရေးတို့ အတွက် ထုတ်ဝေသူ နှင့်ပုံနှိပ်သူများကို တိုက်တွန်းဆောင်ရွက်ပေးရန်။

(ဆ) ပြည်ပမှ တင်သွင်းလာသည့် စာအုပ်စာစောင်များအား စာပေစိစစ်ရေးမူများနှင့်အညီ ရိုက်နှိပ်၊ ထုတ်ဝေခြင်း ရှိ/မရှိလိုအပ်သလို စိစစ် ကြီးကြပ် ဆောင် ရွက်ရန်။

(ဇ) တည်ဆဲဥပဒေအရ ဆောင်ရွက်လျက်ရှိသော ထုတ်ဝေသူ မှတ်ပုံတင်သက်သေခံ လက်မှတ်များအား အချိန်မီ သက်တမ်းတိုး ဆောင်ရွက်ရေးအတွက် စာနယ်ဇင်း ထုတ်ဝေသူများအား နှိုးဆော်ပေးရန်။

(ဈ) ပုံနှိပ်သူ၊ ထုတ်ဝေသူ မှတ်ပုံတင်သက်သေခံ လက်မှတ်မရှိဘဲ စာပေ ပုံနှိပ်၊ ထုတ်ဝေ၊ ဖြန့်ချိသူများ မရှိစေရေးအတွက် စာပေစိစစ်နှင့် မှတ်ပုံတင်ဌာနနှင့်အတူ ပံ့ပိုးထောက်ကူ ဆောင်ရွက်ပေးရန်။

(ည) ဌာနဆိုင်ရာအဖွဲ့အစည်းများနှင့် စာနယ်ဇင်းများအကြား ဆက်သွယ်၊ ပေါင်းစပ်၊ ညှိနှိုင်းဆောင်ရွက်ပေးရန်။ (ဥပမာ – သတင်းစာ ရှင်းလင်းပွဲ ဖိတ်ကြားရာတွင် စာနယ်ဇင်းကောင်စီက တာဝန်ခံ ဆောင်ရွက်ပေးခြင်း)

၂။ မြန်မာနိုင်ငံ အမျိုးသား စာနယ်ဇင်း ကောင်စီ ၏ တာဝန်များမှာ အောက်ပါ အတိုင်း ဖြစ်သည်။

(က) စာနယ်ဇင်း လွတ်လပ်ခွင့်ကို တည်ဆဲဥပဒေနှင့်အညီ ထိန်းသိမ်းစောင့်ရှောက်ခြင်း။

(ခ) စာနယ်ဇင်းနယ်ပယ်အတွင်းမှ ပုဂ္ဂိုလ်များ၏ ရေးသားဟောပြော ဆောင်ရွက်မှုများသည် တိုင်းရင်းသားပြည်သူများ၏ အကျိုးစီးပွားအား မထိပါးအောင် ကာကွယ်စောင့်ရှောက်စေရေး၊ နိုင်ငံတော်၏ ဂုဏ်သိက္ခာ မထိခိုက်စေရေးနှင့် နိုင်ငံတော်၏ အချုပ်အခြာ အာဏာ မထိခိုက်စေရေးတို့အတွက် ကြီးကြပ် ဆောင်ရွက်ခြင်း။

(ဂ) စာနယ်ဇင်းနယ်ပယ်အတွင်းမှ ပုဂ္ဂိုလ်များ အတွင်း၌ဖြစ်စေ၊ စာနယ်ဇင်းနယ်ပယ်နှင့် ပြင်ပပုဂ္ဂိုလ်၊ အဖွဲ့အစည်းများ အကြား၌ ဖြစ်စေ ပေါ်ပေါက်သည့် အငြင်းပွားမှုနှင့် တိုင်ကြားမှုများအပေါ် ဥပဒေနှင့်အညီ ဖြေရှင်းပေးခြင်း။

(ဃ) စာနယ်ဇင်းကျင့်ဝတ်များကို ရေးသားပြုစုပြဋ္ဌာန်းခြင်း။

(င) စာနယ်ဇင်းဆိုင်ရာ ကျင့်ဝတ်သိက္ခာများကို စာနယ်ဇင်းနယ်ပယ်အတွင်းမှ ပုဂ္ဂိုလ်များ သိရှိနားလည် လိုက်နာကျင့်သုံးရေးအတွက် လေ့ကျင့်ပညာပေးခြင်း။

(စ) စာနယ်ဇင်းနယ်ပယ်၏ အရည်အသွေး၊ အဆင့်အတန်း မြင့်မားတိုးတက်ရေးအတွက် အားပေးကူညီဆောင်ရွက်ခြင်း။

(ဆ) စာနယ်ဇင်းဆိုင်ရာ အသင်းအဖွဲ့များ စနစ်တကျဖြစ်ထွန်းစေရေးကို အားပေးကူညီခြင်း၊ တိုးတက်မှုများကို မျက်ခြည်မပြတ် လေ့လာသုံးသပ် ပဲ့ပြင် ထိန်းကျောင်းခြင်းနှင့် ဖြည့်ဆည်းဆောင်ရွက်ပေးခြင်း။

(ဇ) နိုင်ငံရပ်ခြားမှ တင်သွင်းလာသော စာနယ်ဇင်းများနှင့်စပ်လျဉ်း၍ နိုင်ငံတော်၏ အမျိုးသား အကျိုးစီးပွားအတွက် သင့်လျော်မှု ရှိ၊ မရှိ စိစစ်ဆောင်ရွက် ထိန်းသိမ်းခြင်း။

(ဈ) ထုတ်ဝေသူ အဖွဲ့အစည်း၊ ထုတ်ဝေသည့် စာနယ်ဇင်း၊ စာအုပ်၊ စာစောင်များနှင့် သက်ဆိုင်သည့် အချက်အလက်များကို မှတ်တမ်းပြုစု ထိန်းသိမ်းခြင်း။

၃။ မြန်မာနိုင်ငံ အမျိုးသား စာနယ်ဇင်းကောင်စီ၏ လုပ်ပိုင်ခွင့်များမှာ အောက်ပါအတိုင်း ဖြစ်သည်။

(က) စာနယ်ဇင်းဆိုင်ရာ ကိစ္စရပ်များအတွက် နိုင်ငံတော်အစိုးရသို့ အကြံပြု တင်ပြခြင်း။

(ခ) စာနယ်ဇင်းကျင့်ဝတ် ချိုးဖောက်မှုများနှင့် စပ်လျဉ်း၍ အသိပညာပေးခြင်းနှင့် လိုအပ်သလို အရေးယူဆောင်ရွက်ခြင်း။

(ဂ) စာနယ်ဇင်းကောင်စီ၏ လုပ်ငန်းတာဝန်နှင့် သက်ဆိုင်သော ကိစ္စများအတွက် ပြည်ထောင်စု အစိုးရအဖွဲ့ မှတဆင့် အစိုးရဌာန အသီးသီးနှင့် ဆက်သွယ်ညိနှိုင်း ဆောင်ရွက်ခြင်း။

(ဃ) စာနယ်ဇင်း အဆင့်အတန်းမြှင့်တင်ရေးနှင့် လူသားအရင်းအမြစ် ဖွံ့ဖြိုးတိုးတက်ရေးအတွက် အမျိုးသားနိုင်ငံရေးကို ရှေးရှုသည့် သင်တန်းများ၊ ကျောင်းများ ထူထောင်ဆောင်ရွက်ခြင်း။

(င) နိုင်ငံတကာမှ စာနယ်ဇင်းဆိုင်ရာ အဖွဲ့အစည်းများနှင့် ဆက်သွယ်ဆောင်ရွက်ခြင်း။

Ref: ဧရာဝတီ

Read More...

တတိယနိုင်ငံ ထွက်ခွင့်ရရေးနို့ဖိုး ဒုက္ခသည်များ ထပ်မံဆန္ဒပြ

15 May 2012
နန်းသူးလေ

ထိုင်း-မြန်မာနယ်စပ် တာ့ခ်ခရိုင် အုန်းဖန်မြို့နယ်ရှိ နို့ဖိုးဒုက္ခသည်စခန်းတွင် တတိယနိုင်ငံထွက်ခွင့်ရရန်နှင့် နေထိုင်ခွင့်လက်မှတ်ပြု လုပ်ပေးရန်တို့အတွက် ဒုက္ခ သည် ၂၀၀ဦးခန့် ဒုတိယအကြိမ် ဆန္ဒပြမှုကို ယနေ့ ပြုလုပ်ခဲ့ကြသည်။

နို့ဖိုးစခန်းအတွင်းရှိ ဒုက္ခသည်များဆိုင်ရာ မဟာမင်းကြီးရုံး – UNHCR ရှေ့တွင် ၎င်းဒုက္ခသည်များက ယခင် ၎င်းဆိုထားသည့် တတိယ နိုင်ငံထွက်ခွင့်ရရေးနှင့် ပတ်သက်ပြီး UN ထံမှ အဖြေမရရှိသေးသဖြင့် ယနေ့နံနက် ၉နာရီမှ နေ့လည် ၁၁နာရီကျော်အထိ အေးချမ်းစွာ ဆန္ဒပြခဲ့ခြင်းဖြစ်ကြောင်း နို့ဖိုးစခန်းတွင် ရောက်ရှိ နေသူ ကေအိုင်စီသတင်းထောက် စောဖိုးမူးက ပြောသည်။

စောဖိုးမူးက “သူတို့ အရင်တစ်ခေါက်က တောင်းဆိုထားတာကို ဒီနေ့အထိ အဖြေမရသေးလို့ ထပ်ပြီး ဆန္ဒပြကြတာပါ။ အဖြေမရမချင်း ဆက်ပြီး ဆန္ဒပြသွား ကြ မယ်လို့ သူတို့တွေက ပြောပါတယ်”ဟု ဆိုသည်။

ဆန္ဒပြသူများသည် “ကျွန်ုပ်တို့ အနာဂတ်က ဘယ်မှာလဲ(Where is our Future)၊ ကျွန်ုပ်တို့ကို ကူညီကြပါ(Help us)၊ ကျေးဇူးပြုပြီး တံခါးဖွင့်ထားပေးပါ (Please open the door)” စသည့်ဆိုင်းဘုတ်များ ကိုင်ဆောင်ကာ တောင်းဆိုခြင်းဖြစ်သည်ဟုလည်း သိရသည်။

UNHCR မှ တာဝန်ရှိသူများသည် နို့ဖိုးဒုက္ခသည်စခန်းရှိ တာဝန်ရှိသူများထံသို့ ဒုက္ခသည်အရေးနှင့် ပတ်သက်၍ ယနေ့ လာရောက်တွေ့ခဲ့ ကြသဖြင့် ဒုက္ခ သည်များမှ UN တာဝန်ရှိသူများ သိရှိအောင် ယခုလို လာရောက်ဆန္ဒပြခြင်းဖြစ်သည်ဟုလည်း နို့ဖိုးစခန်းဥက္ကဌ စောစဲမ်ဆန်က ပြောသည်။

“ဒီနေ့သူတို့လာရှင်းပြတာကတော့ ယူအဲန်က ဓါတ်ပုံ (မှတ်ပုံတင်လက်မှတ်)လာရိုက်ပေးပြီး နိုင်ငံခြားထွက်ဖို့အတွက်ကလည်း ထိုင်းနိုင်ငံ ရဲ့ စည်းမျဉ်း စည်း ကမ်းအရ ထိုင်းအစိုးရက လက်ခံမှ ယူအဲန်က လာလုပ်လို့ရမယ်ဆိုတာတွေလည်း ပြောတယ်။ နောက်ပြီး တတိယနိုင်ငံ မှာ ကိုယ့်မိသားစုထဲကပဲဖြစ်ဖြစ် တစ်ဦးဦးက ရောက်နေပြီဆိုရင် အဲဒီကိုရောက်အောင် သွားနိုင်ဖို့ ကူညီမယ်ဆိုတာတွေလည်း ပြောသွား ပါတယ်”ဟု ပြောသည်။

သို့သော် ယနေ့ဆန္ဒပြသူများထဲတွင် ဒုက္ခသည်များအတွက် ကူညီပေးနေသည့် -TBBC ရိက္ခာလက်မှတ်ရရှိထားသူများသာမကပဲ UN ကဒ် ရှိထားသူများ ကပါ တတိယနိုင်ငံထွက်ခွင့်ရရန် နှောင့်နှေးနေသည့်အပေါ် သွားရောက်ဆန္ဒပြခဲ့ကြခြင်းဖြစ်ပြီး ပြီးခဲ့သည့် ဧပြီလ ၂၅ရက်နေ့ ကလည်း အလားတူ တတိယ နိုင်ငံထွက်ရန် ဆန္ဒပြတောင်းဆိုခဲ့ပြီး ဖြစ်သည်။

လက်ရှိ နို့ဖိုးဒုက္ခသည်စခန်းတွင် ကရင်နှင့် အခြားတိုင်းရင်းသားလူမျိုးများ စုစုပေါင်း ၁သောင်းခွဲကျော် နေထိုင်လျှက်ရှိပြီး တရားဝင် ဒုက္ခ သည်အဖြစ် UNHCR မှ မှတ်ပုံတင်ပြီးသူ ၈ထောင်ခန့်နှင့် မှတ်ပုံမတင်ရသေးသူ ၃ထောင်ခန့် ရှိသည်ဟု ၂၀၁၂ခုနှစ်၊ ဇန်န၀ါရီလထုတ် ကရင်ဒုက္ခသည်ကော်မတီ-ကေအာရ်စီ၏ စာရင်းအရ သိရသည်။

Ref: ကေအိုင်စီ

Read More...

ဘုရားသုံးဆူ KNU ဆက်ဆံရေး ရုံးဖွင့်ပွဲအခမ်းအနား လူထု ၂၀၀၀ကျော် တက်ရောက်ခဲ့

15 May 2012
နန်းမနိုက်အွာ

ကရင်အမျိုးသားအစည်းအရုံး-ကေအဲန်ယူ ဒူးပလာယာခရိုင်၏ ဆက်ဆံရေးခွဲ ဖွင့်ပွဲအခမ်းအနားကို ဘုရားသုံးဆူမြို့၌ ယနေ့မနက် မြန်မာ စံတော်ချိန် ၉နာရီခန့် တွင် စတင် ကျင်းပပြုလုပ်ခဲ့ပြီး လူထု ၂၀၀၀ခန့် တက်ရောက်ခဲ့သည်ဟု သိရသည်။

ဘုရားသုံးဆူမြို့ ရပ်ကွက်(၃)တွင် ယနေ့ကျင်းပခဲ့သည် အဆိုပါရုံးဖွင့်ပွဲအခမ်းအနား၌ ကေအဲန်ယူဘက်မှ ပြည်တွင်းငြိမ်းချမ်းရေး ဖော် ဆောင်ရေးကော်မတီ ဒု ဥက္ကဌ ဗိုလ်ချုပ်ကြီးမူတူးစေးဖိုးနှင့် မြန်မာအစိုးရဘက်မှ ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦး အောင်မင်းတို့က အဖွင့်မိန့်ခွန်း ပြောကြားကာ အခမ်းအနားကို ဖဲကြိုးဖြတ် ဖွင့်လှစ်ခဲ့ခြင်း ဖြစ်သည်။


ရထားပို့ဆောင်ရေး ဦးအောင်မင်းက “ပြည်တွင်းငြိမ်းချမ်းရေး အကောင်အထည်ဖော်ဖို့အတွက် ကျနော်တို့ ဒေါ်နော်စီဖိုးရာစိန်၊ ဗိုလ်ချုပ် ကြီးမူတူးစေးဖိုးအဖွဲ့နဲ့ ဖားအံမြို့မှာ၊ ပဲခူးမြို့မှာ၊ နေပြည်တော်မှာ တွေ့ဆုံဆွေးနွေးခဲ့တယ်။ လက်မှတ်ရေးထိုးခဲ့တယ်။ အဲဒီဆွေးနွေးချက် တွေမှာ တပ်တွေ နေရာချထားရေး၊ ဆက်ဆံ ရေးရုံးဖွင့်ရေးတွေ ပါပါတယ်။ အခု ကရင်တိုင်းရင်းသားတွေအနေနဲ့ ကျောက်ကြီးမှာ ဆက်ဆံ ရေးရုံး ဖွင့်ပြီးပါပြီး၊ ထားဝယ်မှာလည်း ဖွင့်ပြီးပါပြီ။ အခုဘုရားသုံး ဆူမှာ တတိယမြောက် ဆက်ဆံရေးရုံးပဲဖြစ်ပါတယ်။ ဒါတွေအားလုံးဟာ တိုးတက်တဲ့ လက္ခဏာတွေဖြစ်ပါတယ်။”ဟု အခမ်းအနား အဖွင့်မိန့်ခွန်းတွင် ပြောဆို သွားသည်။

ယခုဖွင့်လှစ်လိုက်သည့် ဆက်ဆံရေးရုံးမှာ ငြိမ်းချမ်းရေးဖြစ်စဉ် ဆက်လက်ဖော်ဆောင်ရေးအတွက် အစိုးရနှင့် ကေအဲန်ယူအကြား လက် တွဲအကောင် အထည် ဖော်ရေးနှင့် ဆက်ဆံရေး ပိုမိုလွယ်ကူအောင် ရည်ရွယ်ဖွင့်လှစ်ခြင်းဖြစ်သည်ဟု ဆက်ဆံရေးရုံး ဒုတာဝန်ခံ ပဒိုစောထဲ နေက ကေအိုင်စီကို ပြော သည်။

“အခု ဆက်ဆံရေးရုံးဖွင့်တာဟာ အလုပ်လုပ်တဲ့နေရာမှာ ကျနော်တို့ နှစ်ဦးနှစ်ဖက် ဆက်သွယ်ရလွယ်ကူအောင်၊ စကားပြောရလွယ်ကူဖို့ အတွက် ဖြစ်တယ်။ ကျနော်တို့က ပြည်တွင်းတည်ငြိမ်ငြိမ်းချမ်းလာဖို့၊ ပြည်သူလူထုတွေလည်း အရင်ကလို ကြောက်ရွံ့ခြင်းတွေ မရှိတော့ ဘဲ ငြိမ်းငြိမ်းချမ်းချမ်းနဲ့ နေထိုင်နိုင်ဖို့ မျှော်လင့်တယ်။ ကေအဲန်ယူအနေနဲ့ စစ်မှန်တဲ့ အပစ်အခတ်ရပ်စဲရေးနဲ့ ပြည်တွင်းငြိမ်းချမ်းရေးတွေ ရှိလာဖို့ လုပ်ဆောင်နေပါတယ်။”ဟု ပဒိုစောထဲနေက ပြောသည်။

ယခုဆက်ဆံရေးရုံးတွင် တာဝန်ခံအဖြစ် ဗိုလ်ကြီးတစူဖိုး၊ ဒုတာဝန်ခံအဖြစ် ပဒိုစောထဲနေနှင့် ပဒိုစောထူးထူးတို့မှ တာဝန်ယူသွားမည်ဟု သိရသည်။

အခမ်းအနားကို ကေအဲန်ယူဘက်မှ ဗိုလ်ချုပ်ကြီးမူတူးစေးဖိုး၊ ငြိမ်းချမ်းရေးဖော်ဆောင်ရေးကော်မတီ အတွင်းရေးမှူး ပဒိုစောဒေးဗစ်ထော၊ ဗိုလ်မှူးရောဂျာခင်၊ ဗိုလ်မှူးထူးထူးလေး၊ ကေအဲန်ယူ တပ်မဟာ(၆)၊ (၇)၊ (၄)မှ တပ်မဟာမှူးများ၊ ဖားအံ၊ ဒူးပလာယာ၊ ဘိတ်-ထားဝယ်နှင့် ညောင်လေးပင်ခရိုင်မှ ခရိုင်ဥက္ကဌ များနှင့် ဒေသခံ စစ်ဘက်အရာရှိများ၊ ဌာနဆိုင်ရာတာဝန်ခံများ တက်ရောက်ခဲ့ကြသည်။

အလားတူ မြန်မာအစိုးရဘက်မှ ရထားပို့ဆောင်ရေးဝန်ကြီး ဦးအောင်မင်း၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဦးခင်ရီ၊ စွမ်း အင်ဝန်ကြီး ဦးသန်းဌေး၊ ကရင်ပြည်နယ်ဝန်ကြီး ဦးဇော်မင်းနှင့် အခြားဒေသခံ စစ်ဘက်ဆိုင်ရာ၊ ဌာနဆိုင်ရာ အရာရှိများ တက်ရောက်ခဲ့ သည်ဟု အခမ်းအနားကို တက်ရောက်သည့် ကေအဲန်ယူ တပ်မှူးတစ်ဦးက ပြောသည်။

“အခမ်းအနားက ၉နာရီကနေ ၁၀နာရီအထိပါပဲ။ ဦးအောင်မင်းတို့က လေယာဉ်နဲ့လာကြတယ်။ ကရင်ပြည်နယ် ၀န်ကြီးချုပ်ကတော့ ကား နဲ့ပဲလာတယ်။ ဖွင့်ပွဲပြီးတော့ ကျနော်တို့ နှစ်ဖက်ခေါင်းဆောင်တွေ ဆွေးနွေးပြောဆိုကြသေးတယ်။”ဟု ၎င်းတပ်မှူးက ဆိုသည်။

ဘုရားသုံးဆူမြို့ခမ်းမဆောင်တွင် ပြုလုပ်ခဲ့သည့် အဆိုပါ အစည်းအဝေးတွင် အဓိကအားဖြင့် ပဒိုစောဒေးဗစ်ထောနှင့် အစိုးရဘက်မှ ၀န် ကြီးလေးဦးက ပြော ဆိုခဲ့ကြရာ ၀န်ကြီးဦးအောင်မင်းအနေဖြင့် ကေအဲန်ယူ ဖားအံခရိုင်၊ တပ်မဟာ(၇) ဆက်ဆံရေးရုံးကိုလည်း လျင်မြန်စွာ ဖွင့်လှစ်စေချင်ကြောင်း ပြောဆို ခဲ့ သည်ဟု သိရသည်။

ထို့အပြင် ဘုရားသုံးဆူမြို့ရှိ အမျိုးသားဒီမိုကရေစီအဖွဲ့ချုပ်မှ ကိုယ်စားလှယ်များ၊ မွန်ပါတီခေါင်းဆောင်များ တက်ရောက်ခဲ့ကြသလို ကေ အဲန်ယူ ဒူးပလာယာ ခရိုင်အတွင်းရှိ ဝင်းရေးနှင့် ကျုံဒိုးမြို့နယ်အတွင်းမှ လူထုကိုယ်စားလှယ်များအပြင် ဘုရားသုံးဆူမြို့ခံများသည်လည်း ထိုဖွင့်ပွဲအခမ်းအနားကို တက်ရောက် အားပေးခဲ့ပြီး လက်ရှိ ငြိမ်းချမ်းရေးဖော်ဆောင်နေသည့် မြန်မာအစိုးရနှင့် ကေအဲန်ယူတို့၏ သဘော ထားနှင့် လုပ်ဆောင်ချက်များကို လာရောက်လေ့ လာခဲ့ ကြသည်။

Ref: ကေအိုင်စီ

Read More...

ငြိမ်းချမ်းရေး ဖော်ဆောင်ရေးတွင် အမျိုးသမီးဦးရေ ပိုမို ထည့်သွင်းရန် WLB တောင်းဆို

15 May 2012
စောခါးစူးညား

ပြည်ထောင်စု ငြိမ်းချမ်းဖော်ဆောင်ရေး လုပ်ငန်းစဉ်တွင် အမျိုးသမီးကိုယ်စားပြုမှုဦးရေ ပါဝင်လာသည်ကို ကြိုဆိုသော်လည်း ၂ဦးသာ ပါဝင်သည့်အတွက် ထပ်မံ ထည့်သွင်းပေးရန် လိုသေးကြောင်း သမ္မတ ဦးသိန်းစိန် အစိုးရအား အမျိုးသမီးများ အဖွဲ့ချုပ်-မြန်မာနိုင်ငံ (WLB) က ယနေ့ ကြေညာချက်ထုတ် တောင်းဆို လိုက်သည်။

ယခု မေလ ၃ရက်က မြန်မာနိုင်ငံ ငြိမ်းချမ်းရေးဖော်ဆောင်ရေးအဖွဲ့ ပြင်ဆင်ဖွဲ့စည်းခဲ့ရာတွင် ဒု-သမ္မတ စိုင်းမောက်ခမ်း ဦးဆောင်သည့် အဖွဲ့ဝင် (၅၂)ဦးပါ ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်း ကော်မတီတွင် ကချင်အမျိုးသမီး ဒေါ်ဘူဒွဲနှင့် မွန်အမျိုးသမီး ဒေါ်မိ ယဉ်ချမ်းတို့နှစ်ဦးသာ ပါဝင်ခဲ့သည်။

WLB ၏ ပြောရေးဆိုခွင့်ရှိသူ ဒေါ်တင်တင်ညိုက “အခု ငြိမ်းချမ်းရေးဖော်ဆောင်ရေး ကော်မတီမှာ အဖွဲ့ဝင် ၅၂ယောက်ထဲမှာ အမျိုးသမီး ၂ယောက်ပဲ ပါတယ်ဆိုတော့ တအားနည်းတာပေါ့။ ကိုယ့်နိုင်ငံမှာ ငြိမ်းချမ်းရေးနဲ့ ပြည့်ဝတဲ့ ဒီမိုကရေစီ ဖော်ဆောင်မယ်ဆိုရင် အမျိုးသမီး ပါဝင်မှုဟာ ၅၀ရာခိုင်းနှုန်း မဟုတ်ရင်တောင်မှ အနည်းဆုံး ၃၀ ရာခိုင်နှုန်းလောက် ထည့်သွင်းစဉ်းစားပေးနိုင်မယ်ဆိုရင် ပိုပြီး ပြည့်စုံလာ မယ်။”ဟု ပြောသည်။

မြန်မာနိုင်ငံ ငြိမ်းချမ်းရေး ဖော်ဆောင်ရေးလုပ်ငန်းတွင် အရေအတွက်ထက် အမှန်တကယ် အရည်အချင်း ပြည့်စုံပြီး ပါဝင်လာနိုင်သည့် အမျိုးသမီး အများ အပြားရှိကြောင်း၊ ပါဝင်လာမည့် အမျိုးသမီးများမှာလည်း ၀န်ကြီးအဆင့်အထိသော်လည်းကောင်း၊ ပြောရေးဆိုခွင့် အဆင့်ထိသော်လည်းကောင်း အစိုးရ အနေဖြင့် ထည့်သွင်းစဉ်းစားသင့်ကြောင်း သူမက ဆက်ပြောသည်။

တဆက်တည်း၌ပင် စစ်မှန်သည့် ဒီမိုကရေစီနှင့် ထာဝရငြိမ်းချမ်းမည့် မြန်မာ့လူ့ဘောင်တစ်ရပ်အတွက် အဓိက အရေးပါသည့် တရားဥပ ဒေစိုးမိုးရေးနှင့် ၂၀၀၈ ဖွဲ့စည်းပုံ ဥပဒေပြုပြင်ရေးတွင် ကြိုးပမ်းဆောင်ရွက်နေသော လူထုခေါင်းဆောင် ဒေါ်အောင်ဆန်းစုကြည်အား အရေးကြီးသော ဦးဆောင်မှု အခန်းကဏ္ဍမှ ပါဝင်ရန် ဦးသိန်းစိန်အစိုးရအနေဖြင့် အသိအမှတ်ပြုသင့်ကြောင်းလည်း WLB ၏ ထုတ်ပြန် ချက်တွင် ဖော်ပြထားသည်။

၎င်းအပြင် WLB တွင် ပါဝင်သည့် အဖွဲ့ဝင်အားလုံးနှင့် မြန်မာပြည်တွင်းရှိ အမျိုးသမီးအဖွဲ့များနှင့် ငြိမ်းချမ်းရေး ဖြစ်စဉ်တစ်လျှောက်တွင် ပါဝင်လာရေးအတွက် အင်တိုက်အားတိုက် လုပ်ဆောင်သွားမည်ဖြစ်ကြောင်း ဒေါ်တင်တင်ညိုက ပြောသည်။

မြန်မာအစိုးရအနေဖြင့် တတိုင်းပြည်လုံးအတိုင်းအတာ အပစ်ခတ်ရပ်စဲရေးကို မဖေါ်ဆောင်နိုင်ပါက တိုင်းရင်းသားလက်နက်ကိုင်အင်အား စုများနှင့် အပစ် အခတ်ရပ်စဲရေး ဘောတူညီမှုရထား သော အခြေအနေမှ တက်လှမ်း၍ ပြန်လည်သင့်မြတ်ရေးလမ်းကြောင်းကို ဦးတည် နိုင်မည် မဟုတ်ဘဲ နောက်ကြောင်း ပြန် ပြည်တွင်းစစ် ဖြစ်ပွားမည်ကို WLB က စိုးရိမ်မိကြောင်း ပြောဆိုသည်။

ယခုအချိန်သည် မြန်မာနိုင်ငံ တိုင်းရင်းသားပေါင်းစုံအတွက် ရေရှည်ခိုင်မြဲမည့် ငြိမ်းချမ်းရေးတည်ဆောက်မှု ဖြစ်စဉ်ကို ရှေ့ရှု ဆောင်ရွက် သင့်သည့် ကာလ ဖြစ်၍ ကမ္ဘာ့ကုလသမဂ္ဂလုံခြုံရေးကောင်စီ၏ ဆုံးဖြတ်ချက်အမှတ် (၁၃၂၅)နှင့်အညီ ပဋိပက္ခ မဖြစ်အောင် လုပ်ဆောင် ခြင်း၊ စီမံခြင်းနှင့် ပဋိပက္ခ ဖြေရှင်းခြင်း များတွင် အမျိုးသမီးများ၏ အမြင်၊ သဘောထားများကိုလည်း မဖြစ်မနေ ထည့်သွင်းစဉ်းစားသွားရန် လိုအပ်ကြောင်း WLB က ထောက်ပြထားသည်။

မြန်မာနိုင်ငံရှိ အမျိုးသမီးများ၏ အရည်အချင်းမြှင့်တင်ခြင်း၊ စည်းရုံးချဉ်းကပ်ခြင်း၊ သုတေသနပြုခြင်းနှင့် မှတ်တမ်းတင်ခြင်းများမှတဆင့် ဒီမိုကရေစီလှုပ်ရှားမှု၊ ငြိမ်းချမ်းရေးနှင့် အမျိုးသားပြန်လည်သင့်မြတ်ရေး အပါအ၀င် ကဏ္ဍအားလုံးတွင် အမျိုးသမီးများ ပိုမိုပါဝင် လုပ်ကိုင် လာနိုင်စေရန် ရည်ရွယ်၍ ၁၉၉၉ခုနှစ်၊ ဒီဇင်ဘာလ ၉ရက်နေ့တွင် WLB ကို ဖွဲ့စည်းခဲ့ခြင်းဖြစ်ပြီး လက်ရှိအချိန်တွင် တိုင်းရင်းသူအမျိုးသမီး အဖွဲ့အစည်း (၁၃)ဖွဲ့ဖြင့် ဖွဲ့စည်းထားကာ မြန်မာနှင့် နယ်နမိတ်ချင်း ထိစပ်နေသည့် ဘင်္ဂလားဒေ့ရှ်၊ အိန္ဒိယနှင့် ထိုင်းနိုင်ငံ နယ်စပ်ဒေသ များတွင် အခြေစိုက်လျှက်ရှိသည်။

Ref: ကေအိုင်စီ

Read More...

လယ်မြေအဓမ္မ သိမ်းယူမှု မှတ်တမ်းတင်ရုပ်ရှင် ရိုက်ကူးမည်

မျိုးသန့်
မေလ ၁၅ ရက် ၂၀၁၂ ခုနှစ်

နိုင်ငံတော် စီမံကိန်းများ အကြောင်းပြ၍ ပုဂ္ဂလိက ကုမ္ပဏီအချို့က လယ်မြေများ သိမ်းယူနေမှု များကို မှတ်တမ်းရုပ်ရှင်အဖြစ် ဖန်တီးရိုက်ကူးကာ မြန်မာနိုင်ငံ အတွင်း ပြသနိုင်ရန် စီစဉ်နေသည်ဟု ရုပ်ရှင်ဒါရိုက်တာ ဝိုင်းက မဇ္ဈိမကို ပြောသည်။

“လယ်သမားတွေကလည်း ပေါ်တင် ပြောပါတယ်။ တိုင်းပြည်အတွက်ဆို လုပ်ပါ။ သူတို့ ရတယ် ငတ်ပါစေ။ တိုင်းပြည် ကောင်းဖို့အတွက်ဆို သူတို့ ခံလိုက်မယ် ပေါ့။ အဲဒီလို မဟုတ်ဘဲနဲ့ ပုဂ္ဂလိက နာမည်တွေနဲ့ သိမ်းထားတာတွေပေါ့။ အဲဒီလိုဆိုတော့ နိုင်ငံအတွက်လည်း မဟုတ်ဘူး ဒီ Crony တွေ ကောင်းစားဖို့အတွက် သိမ်းတာကို ကျနော် မခံချင် ဖြစ်တာဗျ။ အဲဒီလိုဟာတွေက မြန်မာပြည် အနှံ့မှာ ဖြစ်နေတဲ့အခါကျတော့ ဒါကို ကျနော် ရိုက်ပြသင့်တယ်လို့ထင်လို့ ကျနော်ရိုက် တာပါ” ဟု လယ်သမားများထံ ကွင်းဆင်း လေ့လာနေသည့် ဒါရိုက်တာ ဝိုင်း က ပြောသည်။

ဒါရိုက်တာဝိုင်းသည် မေလအတွင်း ပြင်ဦးလွင်မြို့နယ်သို့ သွားရောက်ကာ လယ်သမားများနှင့် တွေ့ဆုံမေးမြန်းခဲ့ပြီး အဆိုပါဒေသတွင် လယ်သမား အယောက် ၄ဝ ၏ မြေဧက ၁,၇၀၀ ကို ကုမ္ပဏီတခုမှ သိမ်းယူထားသည်ဟုလည်း ဆိုသည်။

အဆိုပါ မှတ်တမ်းရုပ်ရှင်နှင့် ပတ်သက်၍ မြေယာဥပေဒများ၏ အကျိုးသက်ရောက်မှုကို လေ့လာနေပြီး၊ ဥပဒေ ပညာရှင်များနှင့်လည်း တိုင်ပင်ညှိနှိုင်းကာ လုပ်ဆောင်သွားမည်ဟုလည်း ဝိုင်းကပြောသည်။

မှတ်တမ်းရုပ်ရှင်အတွင်း လယ်မြေသိမ်းယူမှုကြောင့် လယ်သာ လုပ်ကိုင်စားသောက်တတ်သည့် လယ်သမားများ၏ စားဝတ်နေရေး၊ သားသမီးများ၏ ပညာရေး၊ လယ်သိမ်းယူမှုကြောင့် ပြည်ပနိုင်ငံထွက်ကာ အလုပ်လုပ်နေကြရသည့် လယ်သမားများ၏ ဘဝများကိုလည်း ထည့်သွင်း ရိုက်ကူးသွားမည် ဖြစ်သည်။

“လယ်သမားတိုင်း ကြုံတွေ့နေရတဲ့ အဓိက ပြဿနာ တခုက ဘာလဲဆိုတာ ကျနော် ပိုပြီးတော့ မီးမောင်းထိုးပြချင် တာပါ။ ဒါတွေဟာ မလုပ်သင့်ပါဘူး ဆိုတာလည်း မီးမောင်း ထိုးပြချင်ပါတယ်။ သူတို့မှာ စားဝတ်နေရေးတွေ ကျန်းမာရေးတွေ ဆုံးရှုံးမှုတွေ ဖြစ်နေတယ်ဆိုတဲ့အချက်က အဓိက အရေးပါပါတယ်” ဟုလည်း ဝိုင်းက ပြောသည်။

အဆိုပါ မှတ်တမ်းရုပ်ရှင်အတွက် လယ်မြေသိမ်းယူမှု ဖြစ်စဉ်များ ဖြစ်ပေါ်နေသည့် ရန်ကုန်တိုင်း၊ မန္တလေးတိုင်း၊ တနင်္သာရီတိုင်း၊ ရှမ်းပြည်နယ်တို့သို့ ကွင်းဆင်း ကာ ရိုက်ကူးမည်ဖြစ်ပြီး ရိုက်ကူးပြီးစီးချိန်တွင် တနိုင်ငံလုံးသို့ ဖြန့်ချိ ပြသွားသွားမည်ဟု ဆိုသည်။

ထို မှတ်တမ်းတင် ရုပ်ရှင်ကား ရိုက်ကူးလိုမှုနှင့် ပတ်သက်၍လည်း အာဏာပိုင်များဘက်မှ တုန့်ပြန်နိုင်မှုနှင့် ပတ်သက်၍ “ဒီကားကတော့ သူတို့ရဲ့ သဘော ထားကြီးမှုနဲ့ ဒီမိုကရေစီလမ်းပေါ် လျှောက်မလျှောက်ဆိုတာ ဒီကားက အဖြေပါပဲ” ဟု ဝိုင်းက ပြောသည်။

ကုမ္ပဏီများ မြေယာသိမ်းယူမှုနှင့် ပတ်သက်၍ ဇေကမ္ဘာကုမ္ပဏီနှင့် ရန်ကုန်တိုင်း မင်္ဂလာဒုံမြို့နယ်၊ ပုလဲမြို့သစ် ရွှေနံ့သာနှင့် ပေါင်းကူရွာတို့မှ လယ်သမားတို့ အချင်းများလျက်ရှိနေပြီး ဇေကမ္ဘာကုမ္ပဏီသည် အဆိုပါဒေသရှိ လယ်ဧက ၈၀၀ ကျော်ကို စက်မှုဇုန် စီမံကိန်းအတွက် ၂၀၁၀ ခုနှစ်အတွင်း သိမ်းယူခဲ့ခြင်း ဖြစ်သည်။

လယ်မြေများပေါ်တွင် စီမံကိန်း ဆိုင်းငံ့ရန်နှင့် ယခုနှစ်အတွက် ထွန်ယက် စိုက်ပျိုးခြင်း မပြုလုပ်ရန် မင်္ဂလာဒုံမြို့နယ် အုပ်ချုပ်ရေးမှူးရုံးမှ ယခုလ ၉ ရက်နေ့တွင် တားမြစ်ချက် ထုတ်ပြန်ထားသည်။

လယ်သမားများ၏ နစ်နာမှုများကို တင်ပြတောင်းဆိုနိုင်ရန်နှင့် ပုဂ္ဂလိကပိုင် ကုမ္ပဏီများမှ လယ်မြေသိမ်းယူမှုများကို ကာကွယ်နိုင်ရန် ဖြေရှင်းရန် “စုပေါင်းညီ ညာ စက်မှုလယ်ယာကုမ္ပဏီ” ကို ယခုလ ၁၇ ရက်နေ့တွင် မှတ်ပုံတင်မည် ဟုလည်း ရွှေနံ့သာ လယ်သမားများအရေး လိုက်ပါဆောင်ရွက်ပေးနေသူ မတူ ကွဲပြားခြင်းနှင့် ငြိမ်းချမ်းရေးပါတီဥက္ကဋ္ဌ ဦးနေမျိုးဝေက မဇ္ဈိမကို ပြောသည်။

“ကျနော်တို့က စက်မှုလယ်ယာ ကုမ္ပဏီတခု တည်ထောင်မယ်၊ ကုမ္ပဏီတွေရဲ့ နှောက်ယှက်တာတွေ လူလည်ကျတာတွေ ခံရတာကြောင့် စနစ်တကျ စုစည်းပြီး ထူထောင်မယ်။ လယ်ယာထွက်ကုန်တွေကို ကုမ္ပဏီကနေ ကျနော်တို့ ရောင်းမယ်” ဟု ဦးနေမျိုးဝေက ပြောသည်။

Ref: မဇ္ဈိမ

Read More...

အပေါ်သို့