“ရေသာများ၍ ငါးမတွေ့သေးသော အားထုတ်မှုများနှင့် ကျွန်ုပ်တို့၏ …”

စိုးနေလင်း
ကြာသပတေးနေ့၊ သြဂုတ်လ ၁၂ ရက် ၂၀၁၀

ဗီယက်နမ် အာဆီယံ နိုင်ငံခြားရေး ဝန်ကြီးများ အစည်းအဝေးကြီးလည်း ပြီးသွားပြန်ပါပြီ၊ အိမ်နီးချင်း နိုင်ငံတချို့ရဲ့ ဝန်ကြီးတွေက ၂ဝ၁ဝ မြန်မာနိင်ငံ ဒီမိုကရေစီ ရွေးကောက်ပွဲအတွက် ဘယ်လိုပြင်ဆင် ဆောင်ရွက် နေကြတယ် ဆိုတာ လေ့လာရအောင် အာဆီယံက ကိုယ်စားလှယ် အဖွဲ့တဖွဲ့ စေလွှတ်ဖို့ ပြောဆို ဆွေးနွေးတာကို မြန်မာနိုင်ငံခြားရေး ဝန်ကြီးဆိုသူက ဘာမှမတုန့်ပြန်ပဲ တုံဏိဘာဝေ လုပ်ပစ်လိုက်တာနဲ့ ဘာမှ ရေရေရာရာမရှိပဲ မြန်မာ စစ်အစိုးရ လုပ်နေတာတွေကို လက်ခံ သဘောတူကြမယ့် အခြေအနေ ဖြစ်နေတယ်လို့ ဆိုရမှာပါပဲ။ ဒါက ဒေသဆိုင်ရာ အဖွဲ့ကြီးဖြစ်တဲ့ အာဆီယံက မြန်မာ စစ်အစိုးရအပေါ် ခိုင်မာ အားကောင်းတဲ့ ချဉ်းကပ်ဆောင်ရွက်မှု မလုပ်နိုင်ဘူး ဆိုတာကို အထင်အရှား ပြနေတာပါ။

ဒီလိုပဲ မဟာအင်အားကြီး ဒီမိုကရေစီ နိုင်ငံကြီးဖြစ်တဲ့ အမေရိကန်က မြန်မာအပေါ် အရေးယူပိတ်ဆို့မှုကို တနှစ်တာ သက်တမ်း ထပ်တိုးလိုက်တဲ့ ဖိအားပေး အရေးယူ ဆောင်ရွက်မှုဟာလည်း မြန်မာနိုင်ငံ ဒီမိုကရေစီရေး အတွက် ဆောင်ရွက်တာ ဖြစ်လို့ ကျေးဇူးတင်ရမှာ ဖြစ်ပေမယ့် ခုနောက်ဆုံး သူတို့ပြောင်းလဲ အသုံးပြုနေတဲ့ တွေ့လည်းတွေ့ဆုံ အရေးလည်းယူ မူဝါဒအရ မြန်မာနိုင်ငံအရေး ကိုင်တွယ် ဆောင်ရွက်မှုဟာလည်း စစ်အစိုးရကို ခုထိ ဘာမှ လောက်လောက်လားလား ဒီမိုကရေစီရေးအတွက် လိုက်လျှော ဆောင်ရွက်လာအောင် မလုပ်နိုင်သေးသလို အရေးယူ ပိတ်ဆို့မှုဟာလည်း စစ်အစိုးရဲ့ တရုတ်နိုင်ငံနဲ့ ဆက်ဆံရေး ရင်းနှီး ကျွမ်းဝင်မှုကြောင့် အနည်းအကျဉ်း လောက်ပဲ ထိရောက်မှု ရှိတဲ့အတွက် မြန်မာ့ ဒီမိုကရေစီရေး အတွက် အမေရိကန် ပေါ်လစီရဲ့ အကျိုး သက်ရောက်မှုဟာ အားကိုးအားထား ပြုလို့ မရနိုင်ဘူးလို့ ပြောရမှာပါပဲ။

ဥရောပသမဂ္ဂကလည်း အမေရိကန်လိုပဲ စီးပွားရေးအရ စစ်လက်နက်ပစ္စည်းနဲ့ ငွေကြေးပိုင်းဆိုင်ရာတွေ အရ မြန်မာနိုင်ငံအပေါ် ပိတ်ဆို့ အရေးယူမှုတွေ ချမှတ် ဆောင်ရွက်ခဲ့ပါတယ်။ မြန်မာနိုင်ငံက ဒီမိုကရေစီ လိုလားတဲ့ ပြည်သူ လူထုတွေ ပြည်တွင်းပြည်ပက ဒီမိုကရေစီ အင်အားစုတွေ အတွက် အထောက်အကူ ပေးတဲ့ ဆောင်ရွက်ချက် ဖြစ်တဲ့အတွက် ဘယ်လိုပဲဖြစ်ဖြစ် ကျေးဇူးတင်ရမှာပါ။ ဒါပေမယ့် အီးယူရဲ့ အရေးယူ ဆောင်ရွက်မှုဟာလည်း တရုတ် ရုရှားနဲ့ အခု မြောက်ကိုရီးယား နိုင်ငံတွေနဲ့ မြန်မာနိင်ငံရဲ့ ဆက်ဆံရေး ကောင်းမွန်မှုကြောင့် ထိရောက်မှု အားနည်းလှပါတယ်။

မြန်မာ စစ်အစိုးရကတော့ ဒီလိုမျိုး အရေးယူ ပိတ်ဆို့မှုမျိုးကို ဘာမှ မတုံ့ပြန်ဘဲသူနဲ့ အပေးအယူ လုပ်လို့ရတဲ့ နိုင်ငံတွေက လိုအပ်နေတဲ့ စွမ်းအင်ဖြစ်တဲ့ သဘာဝဓာတ်ငွေ့၊ သဘာဝ ရင်းမြစ်ဖြစ်တဲ့ သစ်တောထွက်ပစ္စည်း၊ စိုက်ပျိုးရေး ထွက်ကုန်၊ ရေထွက်ပစ္စည်းတွေကို ရောင်းချပြီး ကုန်သွယ်ရေး အတားအဆီးတွေကို ကျော်ဖြတ်နိုင်ပါတယ်။ သဘာဝဓာတ်ငွေ့ တမျိုးကနေတင် ဒေါ်လာ ဘီလျံပေါင်းများစွာ ရနေတဲ့အတွက် တိုင်းပြည် ဖွံ့ဖြိုးရေးအတွက် အနည်းအကျဉ်းလေး သုံးပြလိုက်ပြီး သူ့ရဲ့စစ်တပ် လက်နက်အင်အား ခေတ်မီ တောင့်တင်းရေး လူအင်အား တောင့်တင်းရေးတွေမှာ ဒေါ်လာ သန်းပေါင်းများစွာ အသုံးချနိုင်တာကို တွေ့ရပါတယ်။

ဆိုလိုတာကတော့ ကုလသမဂ္ဂ လုံခြုံရေး ကောင်စီကပဲဖြစ်ဖြစ် အမေရိကန် နဲ့ ဥရောပသမဂ္ဂကပဲဖြစ်ဖြစ် အာဆီယံ အဖွဲ့ကြီးကပဲဖြစ်ဖြစ် ဝေဖန်ရှုံ့ချ ရုံ သတိပေးရုံ တိုက်တွန်း ပြောဆိုနေရုံသာ လုပ်နိုင်တဲ့ အတွက် မြန်မာ စစ်အစိုးရဟာ နေသာသပ လေညာက ဆိုပြီး သူ့ပြည်သူလူထုကို သူထင်သလို ဖိနှိပ်ချုပ်ချယ် မတရား အုပ်ချုပ်ခွင့် ရနေမှာပါပဲ။ မြန်မာစစ်အစိုးရ ကျူးလွန် ဖောက်ဖျက်နေတဲ့
စစ်ရာဇဝတ်မှုတွေ၊ လူမဆန်တဲ့ ပြစ်မှုတွေနဲ့ လူ့အခွင့်အရေး ချိုးဖောက်မှုတွေ၊ လုပ်ကြံ သတ်ဖြတ်မှုတွေကို အပြစ်ပေး အရေးယူဖို့ မဖြစ်နိုင်ဘူး ဆိုရင်တောင်မှ အဲဒီလို ရာဇဝတ်မှုတွေ လူ့အခွင့်အရေး ချိုးဖောက်မှုတွေကို ရပ်တန်းကမရပ်ရင် ဆက်ပြီး ဖောက်ဖျက် ကျူးလွန်နေရင် ဘယ်လို အပြစ်ပေး အရေးယူမယ် ဆိုတဲ့ ခိုင်မာတဲ့ အရေးယူ ဆောင်ရွက်မှု အစီအမံတွေ ချမှတ်နိုင်ရပါမယ်။ အဲဒီလိုလည်း တကြိမ်တခါမှ မလုပ်နိုင်တဲ့အတွက် မြန်မာ့ ဒီမိုကရေစီ အရေးဟာ အုန်းအုန်းကျွက်ကျွက်ဖြစ်လိုက်၊ စစ်အစိုးရက ရက်ရက်စက်စက် ပစ်ခတ်နှိမ်နှင်း ချေမှုန်းလိုက်၊ ဖမ်းဆီးနှိပ်စက် နှစ်ရှည်ထောင်ဒဏ် ချလိုက်။ နိုင်ငံတကာက ပြစ်တင် ပြောဆိုလာရင် နိုင်ငံရေးမှုနဲ့ ထောင်ချထားတဲ့ အကျဉ်းသား နည်းနည်းကို ရာဇဝတ်မှုနဲ့ ပြစ်ဒဏ်ကျနေတဲ့ အကျဉ်းသားတွေနဲ့ ရောလွှတ်ပေးပြီး နိုင်ငံတကာက သဘောထား ပျော့ပျောင်းလာပါပြီလို့ အသိအမှတ်ပြုတာကို ပြုံးပြုံးလေးနဲ့ ခံယူလိုက်နဲ့ ဂျာအေး သူ့အမေရိုက် ဖြစ်နေခဲ့တာ ခုဆို ၈၈ကစပြီး ရေတွက်ရင်တောင် ၂၂ နှစ်ရှိခဲ့ပါပြီ။

ကမ္ဘာ့ ကုလသမဂ္ဂ အပါအဝင် နိုင်ငံတကာ အဖွဲ့အစည်းကြီးတွေ၊ အာဆီယံလို ဒေသဆိုင်ရာ အဖွဲ့အစည်းတွေ အနေနဲ့ အဲဒီ အခြေ အနေတွေကို မှန်မှန်ကန်ကန် ပြန်ပြီး သုံးသပ်သင့်ပါတယ်။ အဲဒီလို ဖြစ်နေရခြင်း အကြောင်းရင်းကို တူးဖော် ရှာဖွေကြည့်သင့်ပါပြီ။ အကြောင်းရင်းကို တွေ့ရင် ဖြေရှင်းရမယ့် နည်းနာကိုလည်း တွေ့ရှိလာပါလိမ့်မယ်။ တကယ်တမ်း အဖိနှိပ် အညှဉ်းဆဲခံ ဆင်းရဲ မွန်းကျပ်မှုဒဏ်ကို ခံစားနေကြရတဲ့ မြန်မာနိုင်ငံ ပြည်သူလူထုကို စာနာထောက်ထား ကူညီချင်တယ် ဆိုရင်ပေါ့လေ။ စစ်အစိုးရနဲ့ ဆက်ဆံရေး ကောင်းမွန်နေရင်၊ အကျိုးစီးပွား တခုခု ရနေရင်ပြီးရော ဆိုရင်တော့ ခုလိုပဲ အပြောအပြ ကောင်းရုံ ဆက်ပြီး လုပ်နေကြရုံပါပဲ။

ဒါပေမယ့် ဒီကိစ္စက တခြားသူတွေရဲ့ကိစ္စသာ ဖြစ်ပါတယ်။ ကျနော်တို့ မြန်မာနိင်ငံသားတွေ အနေနဲ့က ကိုယ့်ပြဿနာကို ကိုယ်တိုင် စဉ်းစား ဖြေရှင်းကြရမှာပါ။ နှစ်ပေါင်းများစွာ ရရှိထားပြီးတဲ့ အတွေ့ အကြုံအရ နိုင်ငံတကာက ဘာလုပ်နိုင်တယ်။ စစ်အစိုးရက ဘာလုပ်နိုင်တယ်။ ဒီမိုကရေစီ ဘက်တော်သား မြန်မာနိုင်ငံသားတွေ နိုင်ငံရေး တက်ကြွ လှုပ်ရှားသူတွေ၊ စစ်အစိုးရကို လက်နက်ကိုင် တော်လှန်နေတဲ့ လက်နက်ကိုင် အင်အားစုတွေက ဘာလုပ်နိုင်တယ်၊ ပြည်သူလူထုက ဘာလုပ်နိုင်တယ် ဆိုတာတွေကို အသေအချာ စဉ်းစားကြသင့်ပါတယ်။ အတွေ့အကြုံတွေက သင်ခန်းစာတွေကို ထုတ်ယူ၊ ပြင်ဆင်လို့ ရတာကို အချိန်မဆွဲပဲ ပြင်ဆင်၊ စွန့်ပစ်သင့်တာတွေကို စွန့်ပစ်ပြီး စစ်အာဏာရှင် အစိုးရကို ဖယ်ရှားနိုင်ရေး ဘုံဦးတည်ချက် တခုတည်းနဲ့ မဟာဗျူဟာ နည်းဗျူဟာရှိရှိ အင်တိုက် အားတိုက် ဆောင်ရွက်ရမယ့် အချိန်ပါ။ စည်းလုံးညီညွတ်မှု ရှိဖို့ ဆိုတာကတော့ ခုချိန်မှာ ထည့်ပြောနေစရာ မလိုလောက်တော့ပါဘူး။

ပြည်သူလူထုကြီး တရပ်လုံးကလည်း အတိုက်အခံ နိုင်ငံရေး ပါတီတွေ အင်အားစုတွေ လက်နက်ကိုင် အင်အားစုတွေ လုပ်နေကြသားပဲ၊ ကျောင်းသားတွေ ရှိသားပဲဆိုပြီး နိုင်ငံရေးကို ကိုယ်နဲ့ မဆိုင်သလို သဘောထား ကြလို့ မဖြစ်ပါဘူး။ နိုင်ငံသား တယောက် တဦးချင်းစီမှာ ရှိတဲ့ တာဝန်ကို တာဝန်သိသိနဲ့ ထမ်းဆောင်ဖို့ ကြိုးစား အားထုတ်ကြရပါလိမ့်မယ်။

မတရားတဲ့ အမိန့် အာဏာတွေကို တဦးချင်း အာခံ ဆန့်ကျင်ရင်း ပြည်သူလူထု တရပ်လုံးရဲ့အာခံ ဆန့်ကျင်မှုမှု အဖြစ် ကူးပြောင်းပြီး စစ်အာဏာရှင် အစိုးရကို ဖယ်ရှား ရှင်းလင်းပစ်ကြပါစို့။ ။

Ref: မဇ္ဈိမ

Read More...

Collapse...

နေ့စဉ်သတင်းများ ( ၁၂ - ၈ - ၁၀ )

■ အမျိုးသားဒီမိုကရေစီအဖွဲ့ချုပ် ခေါင်းဆောင်များရဲ့ ရခိုင်ပြည်နယ်ခရီးစဉ် သတင်း
■ အရေးကြီးလျှင် သွေးနီးမည်ဟု ဗိုလ်မှူး နှုတ်ခမ်းမွေးက ပြော သတင်း
■ စစ်တွေထောင်တွင် ဗိုလ်ချုပ်ဆေထင်ကို မိသားစုများက ထောင်ဝင်စာ တွေ့ခွင့်ရ သတင်း
■ ကျောက်ဖြူတွင် ရွေးကောက်ပွဲဆန့်ကျင်ရေးလှုပ်ရှားမှု ပေါ်ပေါက် သတင်း
■ ပိုင်ရှင်မဲ့ လက်လုပ်ဗုံးတလုံး ဘုရားသုံးဆူ အာဏာပိုင်များ သိမ်းဆည်းရမိ သတင်း
■ ရခိုင်လူငယ် (၁၁) ဦးကို စီရင်ချက်ချလိုက်ပြီ သတင်း
■ ကိုဇာဂနာ လွတ်မြောက်ရေးအတွက် လှုပ်ရှားမှုများ ပြုလုပ် သတင်း
■ ပြည်သူ့လွှတ်တော် မဲဆန္ဒနယ် (၃၃ဝ) ဟု ကော်မရှင် သတ်မှတ် သတင်း
■ ပြည်နယ်ကော်မရှင်က ရခိုင်တိုင်းရင်းသားတိုးတက်ရေးပါတီကို သတိပေး သတင်း
■ ပုန်ကန်တဲ့မြို့ နအဖစစ်အစိုးရမှ အခွင့်အလန်းများပေးပြီး စည်းရုံးနေ သတင်း
■ ခြိမ်းခြောက်မှုများကြောင့် ကျားဖြူပါတီ သံလွင်အရှေ့ခြမ်း၌ ကြံ့ဖွံ့ပါတီကို ယှဉ်နိုင်ရန်မလွယ် သတင်း
■ ကြံ့ဖွံ့ပါတီခေါင်းဆောင် ဦးသိန်းစိန် လားရှိုးရောက် သတင်း
■ ငွေ (၅) သိန်းတတ်နိုင်မည့် အမတ်လောင်း ရှာဖွေ သတင်း
■ ကြံ့ဖွံ့ပါတီ တောင်ကုတ်တွင် မဲရရေး စည်းရုံး သတင်း
■ MAI ကို ကမ္ဘောဇလေကြောင်းလိုင်းအဖြစ် ပြောင်းမည် သတင်း
■ သတင်းအတွက် ကြော်ငြာကို အားကိုးအားထား ပြုနေရ သတင်း
■ Lazy Club တေးဂီတဖြင့် ဟစ်ပ်ဟော့ပွဲတော် ကျင်းပ သတင်း
■ မြန်မာစာပေပညာရှင်ကြီး မောင်သာနိုး ကိုရီးယားနိုင်ငံတွင် ရောက်ရှိနေ သတင်း
■ စစ်အုပ်စုရဲ့ ‘အောင်ဆန်းဖိုဘီးယား’ နဲ့ အယ်ဒီတာ့ဝဋ်ကြွေး (ဆောင်းပါး)
■ ရေသာများ၍ ငါးမတွေ့သေးသော အားထုတ်မှုများနှင့် ကျွန်ုပ်တို့၏ … (ဆောင်းပါး)
■ မနက်ဖြန်ဆိုတာ ရှိနေသေးသရွေ့ ... (ဆောင်းပါး)
■ သမိုင်းဆိုတာ နားလည်မှုပေး ရေးဖွဲ့ထားတဲ့ အနုပညာတခု မဟုတ်ပါ (ဆောင်းပါး)
■ အဖြူနှင့် အမဲ (ဆောင်းပါး)
■ အရောင်တွေအားလုံးနဲ့ စုစည်းထားတဲ့ အဖြူထည်တို့ရဲ့အောင်ပွဲ (ဆောင်းပါး)

Read More...

Collapse...

လူငယ်တွေ နိုင်ငံရေး လုပ်သင့်တဲ့အချိန်

မောင်ဝံသ

August, 12, 2010

လူငယ်တွေ နိုင်ငံရေးကို စိတ်ဝင်စားဖို့ လိုတယ်၊ လူငယ်တွေ မျိုးချစ်စိတ်၊ တိုင်းချစ် ပြည်ချစ်စိတ် ရှိကြဖို့ လိုတယ် စသည်ဖြင့် ယနေ့ခေတ် နိုင်ငံရေး သမားတွေက ပြောနေ ကြတာဟာ အလကား အားအားယား ယားပြောနေတာ မဟုတ်ပါ။ ကိုယ့်တိုင်းပြည် ကိုယ့်လူမျိုးရဲ့ အနာဂတ်ကို တွေးပူမိလို့ ပြောနေ ကြတာပါ။ ဒီပြဿနာက တစ်နိုင်ငံ နှစ်နိုင်ငံ ပြဿနာ မဟုတ်ဘူး။ နိုင်ငံ အတော်များများမှာ ကြုံနေရတယ်လို့ သတင်းတွေထဲ ဖတ်လိုက်ရ ဖူးတယ်။

လူငယ်တွေ ရေသာခိုနေလျှင်

လူငယ်တွေ နိုင်ငံရေးစိတ်မ၀င်စားတဲ့ ပြဿနာဟာ ပေါ့သေးသေး မဟုတ်ဘူးဗျ။ ဒီ အတိုင်းသာ ဆက်သွားနေရင် တိုင်းပြည်ရဲ့ အနာဂတ် ကံဆိုး မိုးမှောင်ကျမယ့် ကိန်းပဲ။ နိုင်ငံရေး စိတ်မ၀င်စားဘူး ဆိုတာကို ဆန့်ကျင်ဘက် ယူလိုက်ရင် ကိုယ့်အရေး ကိုယ့်မိသားစု အရေး ကွက်ကွက် ကလေးပဲ စိတ်ဝင်စားတယ်လို့ အဓိပ္ပာယ် ပေါ်နေတာပေါ့ဗျာ။ ကိုယ့်တိုင်းပြည် ကိုယ့်လူမျိုး ဘာတွေပဲ ဖြစ်နေနေ ကိုယ်နဲ့ ကိုယ့်မိ သားစုဘ၀ အဆင် ပြေနေရင် ပြီးရော ဆိုတဲ့စိတ် ဓာတ်တွေ လူငယ်တွေဆီမှာ ကိန်းအောင်း အမြစ် တွယ်နေရင် နိုင်ငံရေးကို စေတနာပါပါ အရည်အချင်း ရှိရှိနဲ့ လုပ်မယ့် လူကောင်း သူကောင်းတွေ ဘယ်လို ရနိုင်တော့မလဲ။

အရည်အချင်းရှိသူတွေက နိုင်ငံရေး၊ တိုင်းရေး ပြည်ရေးကို စိတ်မ၀င်စားဘဲ ကိုယ်နဲ့ မဆိုင် သလို နေကြရင် အရည်အချင်း မရှိသူတွေက အဲဒီ ကွက်လပ်ထဲ ၀င်နေရာ ယူကြတော့မှာပေါ့။ လူ့ အန္ဓ တွေရဲ့ အုပ်ချုပ်မှုကို နိုင်ငံရေး စိတ်မ၀င်စားဘူး ဆိုတဲ့ လူတွေ ကျေကျေနပ်နပ်ကြီး ခံကြပေါ့။ ဒါပေမဲ့ အဲသလို လည်းခံနိုင်ကြတာ မဟုတ်ဘူး။ စိတ်ဆင်းရဲစွာနဲ့ အတင်းအဖျင်း တွေပဲ ထိုင်ပြော နေကြမှာ မြင်ယောင် သေးတယ်ဗျာ။

Ref: ရန်ကုန်တိုင်းမ်

Read More...

Collapse...

ကရင်ပြည်နယ်အတွက်မဟုတ်၊ ကရင်ပြည်သူများ အတွက် ဆိုသူနှင့် အင်တာဗျူး

Thursday, August 12, 2010

မြန်မာနိုင်ငံတွင် စစ်အစိုးရ ကျင်းပပေးမည့် လာမည့် ရွေးကောက်ပွဲကြီး၌ ကရင် တိုင်းရင်းသားများကို ကိုယ်စားပြု ယှဉ်ပြိုင်ရန် ရန်ကုန်နှင့် ဧရာဝတီတိုင်း အတွင်း နေထိုင်ကြသော မြို့ပေါ်နေ ပညာတတ် ကရင် တိုင်းရင်းသားများက ကရင်ပြည်သူ့ ပါတီ အမည်ဖြင့် ပါတီ ထူထောင် ခဲ့ကြသည်။ အဆိုပါ ပါတီကို ထူထောင်ကြသူများသည် စစ်ဘက်၊ ရဲဘက်၊ အရပ်ဘက်တို့မှ အစိုးရ အငြိမ်းစား ၀န်ထမ်းများနှင့် ကရင်စီးပွားရေး သမားများ ဖြစ်နေကြသည်။ ပါတီဥက္ကဌ စောထွန်းအောင်မြင့်သည် တပ်မတော် (ရေ) တွင် ဒုတိယ ဗိုလ်မှူးကြီး အဆင့်အထိ တာဝန် ထမ်းဆောင်ခဲ့ဖူးသူဖြစ်ပြီး အထွေထွေ အတွင်းရေးမှူး စောစေးဝါးသည်လည်း မြန်မာနိုင်ငံ ရဲတပ်ဖွဲ့တွင် ရဲမှူးကြီး အဆင့်ဖြင့် အငြိမ်းစား ယူထားသူ ဖြစ်သည်။

ကရင်ပြည်သူ့ပါတီ၏ မူဝါဒသဘောထားများကို မဲဆန္ဒရှင်ပြည်သူများ လေ့လာနိုင်စေရေးအတွက် ဧရာဝတီ မဂ္ဂဇင်း၏ ရွေးကောက်ပွဲ စာမျက်နှာ တာဝန်ခံ ထက်အောင်က စောစေးဝါးကို မေးမြန်းထားပါသည်။

မေး။ ။ ကရင်ပြည်သူ့ပါတီ အနေနဲ့ မျက်မှောက်အခြေအနေအရ နိုင်ငံရေးကျင့်စဉ်၊ အုပ်ချုပ်ရေးစနစ်နဲ့ စီးပွားရေး ပုံစံတွေကို ပြုပြင်ဖို့ လိုတယ်လို့ ပါတီရဲ့ အမျိုးသားရေး အခြေခံမူမှာ ပြောထားပါတယ်။ ဒါပေမယ့် လတ်တလော အခြေအနေကတော့ နိုင်တော် အေးချမ်းသာယာရေး၊ တရားဥပဒေ စိုးမိုးရေးနဲ့ ပြည်သူလူထု စားဝတ်နေမှု ဖူလှုံရေးလို့ ပါတီရဲ့ မူဝါဒ လုပ်ငန်းစဉ်မှာ ဆိုထားပါတယ်။ ဒီနေရာမှာ နိုင်ငံတော် အေးချမ်း သာယာရေးဆိုတာ ဘာကို ဆိုလိုချင်တာပါလဲ။

ဖြေ။ ။ နိုင်ငံတော်အေးချမ်း သာယာရေး ဆိုတဲ့ကိစ္စက ပြောရမယ်ဆိုရင် လူမှုရေးကွာဟချက်တွေက နည်းနည်းများ နေတော့ သိပ်ပြီး သဟဇာတ မဖြစ်ကြဘူး ဖြစ်နေတယ်။ ဆိုချင်တာက ညီညီညွတ်ညွတ် မရှိတော့ မသာယာဘူး၊ မငြိမ်းချမ်းဘူး ပေါ့။ ဒေသ တခုနဲ့တခု ဖွံ့ဖြိုး တိုးတက်မှုကလည်း ကွာဟချက်ရှိတော့ ငြိမ်းချမ်း သာယာမှုလည်း မရှိနိုင်ဘူးလေ။ နောက်တခုက သိတဲ့အတိုင်းပဲ၊ တိုင်းရင်းသား လူမျိုးတွေရဲ့ အရေးအခင်းတွေကလည်း အမျိုးမျိုး ရှိနေကြတော့ ဒါတွေက ရှင်းရမဲ့ ကိစ္စတွေပေါ့ဗျာ။

မေး။ ။အခုလက်ရှိ ကရင်ပြည်နယ်မှာဖြစ်နေတဲ့ မငြိမ်းချမ်းမှုတွေမှာ တချို့က အစိုးရနဲ့ငြိမ်းချမ်းမှု ယူတယ်၊ တချို့ ကြတော့လည်း အခုထိ ငြိမ်းချမ်းရေး မယူနိုင်သေးဘူး။ အဲဒီ အခြေအနေတွေ အပေါ် ကရင်ပြည်သူ့ပါတီရဲ့ တိကျတဲ့ သဘော ထားတွေက ဘာတွေလဲ။

ဖြေ။ ။ ပါတီရဲ့သက်တမ်းက နုသေးတယ်၊ တည်ဆောက်ရေး ကာလပေါ့၊ မူဝါဒ ချပြတဲ့ အပိုင်းပဲ ရှိပါသေးတယ်။ ကျနော်တို့ တဦးချင်းရဲ့ အနေအထားက ၀န်ထမ်း ဘ၀မှာတုန်းက နိုင်ငံတော်အပေါ် သစ္စာစောင့်သိခဲ့ကြတယ်။ နိုင်ငံတော် ဖွံ့ဖြိုးတိုး တက်ရေး အတွက်ကိုပဲ ရည်မှန်းတယ်။ အဲဒီလို ရည်မှန်းထားတဲ့အတွက် နယ်စပ်မှာ ဖြစ်ပွားနေတဲ့ အရေးအခင်းတွေက မလွဲ မသွေ ကိုင်တွယ် ဖြေရှင်းရမယ့် ကိစ္စတွေပါ။ လောလောဆယ်တော့ အဲဒီကိစ္စတွေကို ကိုင်တွယ်နိုင်တဲ့ အနေအထား မရှိပါဘူး။ ကျနော်တို့ လက်လှမ်း မမီသေးတဲ့ကာလ၊ ကျနော်တို့ အင်အားကို တည်ဆောက် နေတဲ့ကာလ၊ အဲဒါတွေ ခိုင်မာလာတဲ့ အခါမှာ ဒါတွေကို တဖြည်းဖြည်း ကိုင်တွယ်ပါမယ်။

မေး။ ။ အခုလက်ရှိအစိုးရက အကောင်အထည်ဖော်နေတဲ့ နယ်ခြားစောင့်တပ် အသွင်ပြောင်းလဲရေး အစီအစဉ် အပေါ် ဘယ်လို သဘောထားပါသလဲ။

ဖြေ။ ။ ပြဿနာတခုဖြစ်လာရင် သူ့ဘက် ကိုယ့်ဘက် စဉ်းစားရမယ်လေ။ အခုကတော့ ထုံးစံအတိုင်းပေါ့။ သူတို့ (စစ်အစိုးရ ဗိုလ်ချုပ်ကြီးများ) ရဲ့အခြေခံ ဥပဒေမှာ တပ်မတော်ဆိုတာ တခုတည်းရှိရမယ်ဆိုတော့ သူတို့ရဲ့ အုပ်ချုပ်မှုအောက်မှာ အားလုံး ရှိနေတာကို လိုချင်တာပေါ့။ တဘက်ကျပြန်တော့လည်း ကရင် လက်နက်ကိုင် အဖွဲ့တွေက သူတို့လိုချင်တဲ့ လူမှုရေး၊ နိုင်ငံရေး၊ စီးပွားရေး အဆင့်အတန်း တခု မရမချင်းကတော့ သူတို့ ဒီလက်နက်ကို စွန့်လွှတ်စရာ အကြောင်းကို မရှိဘူးလေ။ အခြေအနေ အမျိုးမျိုးကြောင့် စွန့်လွှတ်တဲ့ သူကလည်း စွန့်လွှတ်မယ်၊ အခြေအနေက စွန့်လွှတ်ဖို့ မသင့်ဘူးလို့ ယူဆတဲ့သူကတော့ စွန့်လွှတ်မှာ မဟုတ်ဘူး။ အဲဒါကြောင့် ဒါတွေကို နိုင်ငံရေးအရ တဖြည်းဖြည်း ဖြေရှင်းရဦးမယ်လေ။

မေး။ ။ မြို့ပေါ်မှာနေတဲ့ ပညာတတ်ကရင်လူမျိုးတွေ ရှိသလို၊ ကျေးလက်မှာ တောင်သူလယ်သမား ဘ၀နဲ့ နေထိုင်ကြတဲ့ ကရင် လူမျိုးတွေ ပိုများမယ် ထင်ပါတယ်။ ပါတီရဲ့ စီးပွားရေး မူဝါဒနဲ့ ကျေးလက်နေ တောင်သူ လယ်သမားတွေ အတွက် မူဝါဒ တွေက ဘာတွေလဲ။

ဖြေ။ ။ စီးပွားရေးမူဝါဒက ဈေးကွက်စီးပွားရေးကို ပီပီပြင်ပြင်၊ အချုပ်အချယ်မရှိ၊ လွတ်လွတ်လပ်လပ် ဆောင်ရွက်ခွင့် ရရင် တိုင်းပြည် ပိုမိုတိုးတက် ချောင်လည်လာမယ်လို့ ထင်ပါတယ်။ နောက်တခုက တန်းတူရည်တူ အခွင့်အရေးပေးဖို့ လို အပ်ပါတယ်။ ဒါက ပါတီရဲ့ ယေဘုယျ မူဝါဒပေါ့။

မေး။ ။ အခုလက်ရှိ တိုင်းပြည်ရဲ့ စီးပွားရေး ပကတိအနေအထားမှာ ဈေးကွက်စီးပွားရေးကို အကောင်အထည် ဖော်နေတာ အနှစ် ၂၀ ရှိပါပြီ။ လက်ရှိ သွားနေတဲ့ စီးပွားရေးပုံသဏ္ဍန်အပေါ် ကျေနပ်မှုရှိပါသလား၊ လိုအပ်ချက်တွေ ရှိနေတယ်ဆိုရင်လည်း ဘယ်အပိုင်းတွေက လိုအပ်နေပါသလဲ။

ဖြေ။ ။ ကျနော့် အမြင်ကတော့ ဈေးကွက်စီးပွားရေး ပီပီပြင်ပြင် မဖြစ်သေးဘူးလို့ ပြောရမှာပေါ့။ အကောင်အထည် ဖော်တဲ့ နေရာမှာ အုပ်စုတစု တဖွဲ့ကိုပဲ ဦးစားပေးတဲ့ပုံစံက ပိုများနေတယ်။ နောက်တချက်က ပြဿနာတွေကို ညီညီမျှမျှ ကိုင်တွယ်တဲ့ အနေအထား အားနည်းနေတယ်။ အဲဒီလိုဖြစ်တဲ့အတွက် နေရာတိုင်းမှာ လွတ်လွတ်လပ်လပ်နဲ့ တန်းတူ အခွင့်အရေး မရဘူးပေါ့။

မေး။ ။ ကိုယ့်မှာ အရင်းအနှီးရှိရင် ရှိသလို၊ စွမ်းအားရှိရင် ရှိသလို စီးပွားရေးကို လွတ်လွတ်လပ်လပ် လုပ်ဆောင်ခွင့် အခြေအနေမျိုး ဖန်တီးပေးဖို့ ဆိုလိုတာလား။

ဖြေ။ ။ မဟုတ်ပါဘူး။ ဒီကိစ္စက အတော်ခက်ပါတယ်။ ဓနရှင်တွေကို လွတ်လပ်စွာ လုပ်ခွင့်ပေးလိုက်ရင် ဆင်းရဲသား လူတန်းစားက မတိုးနိုင်ဘူး ဖြစ်လိမ့်မယ်။ အလုပ်သမား လယ်သမား လူတန်းစား အတွက်လည်း စဉ်းစားပေးရပါမယ်။ ချိန် ခွင်လျှာ ထိန်းညှိဖို့ လိုပါတယ်။

မေး။ ။ လယ်သမား လယ်ယာပိုင်ဆိုင်ခွင့်နဲ့ ပတ်သက်ပြီး လက်ရှိဝန်ကြီးချုပ် ဦးသိန်းစိန် ဦးဆောင်တဲ့ ပြည်ထောင် စုကြံ့ခိုင်ရေးနဲ့ ဖွံ့ဖြိုးရေး ပါတီက “လယ်လုပ်သူ လယ်လုပ်ပိုင်ခွင့်” မူဝါဒကို ကျင့်သုံးမယ် ပြောထားတယ်။ အဲဒီတော့ လယ်ယာ မြေကို နိုင်ငံတော်ကပဲ ပိုင်ဆိုင်တာပေါ့၊ ကရင်ပြည်သူ့ ပါတီ အနေနဲ့ရော ဘယ်လိုမူဝါဒ ကျင့်သုံးဖို့ ရှိပါသလဲ။

ဖြေ။ ။ ကျနော်တို့ ကရင်လူထုက လယ်သမား လူတန်းစား များပါတယ်။ ပိုင်ဆိုင်မှုအပိုင်းက ပီပီပြင်ပြင်တော့ ရှိဖို့လိုတယ်။ ဒီလိုမှပဲ လယ်လုပ်တဲ့သူက ကိုယ့်ပစ္စည်း ကိုယ်ပိုင်တဲ့အတွက် တိုးတက်အောင် စိတ်ပါဝင်စားစွာနဲ့ လုပ်မယ့် သဘောရှိပါတယ်။ ပိုင်ဆိုင်ခွင့် မရှိရင် နိုင်ငံတော်ကပဲ ကြိုက်သလို ခွဲဝေတာတို့၊ သိမ်းဆည်းတာတို့ ဖြစ်လာရင် လယ်သမားတွေ အတွက် တော်တော် ဒုက္ခရောက်တယ်လေ။ အဲဒါကြောင့် ပါတီရဲ့ မူဝါဒက လယ်လုပ်သူ လယ်ပိုင်ဆိုင်ခွင့် ရှိတယ်။

မေး။ ။ ဈေးကွက်စီးပွားရေးကို အကောင်အထည်ဖော်တော့ အခုဆိုရင် စီးပွားရေးလုပ်ငန်းရှင်ကြီး တွေက လယ် ယာ ဈေးကွက်ထဲ ၀င်ရောက် လာတာ ရှိတယ်။ ငွေလုံးငွေရင်းနဲ့ လယ်မြေတွေကို ရယူပြီး စီးပွားဖြစ် သီးနှံတွေကို စိုက်ပျိုး လာကြတယ်။ ဒီလို အခြေအနေတွေက အချိန် ကြာလာတာနဲ့ အမျှ ငွေကြေးရှင် စီးပွားရေးသမားတွေက လွှမ်းမိုး သွားနိုင်တဲ့ အပေါ်ရော ဘယ်လိုမြင်ပါသလဲ။

ဖြေ။ ။ နိုင်ငံတော်က Mechanized Farming လုပ်ချင်တယ်။ ကျနော်တို့နိုင်ငံကလည်း သိတဲ့အတိုင်း လယ်သမား အများစု က အဲဒီအဆင့်ကို မကူးနိုင်ဘူး။ ဒါက နှစ်ဘက်လုံးကို စဉ်းစားပေးရမယ်။ Mechanized Farming လုပ်နိုင်တဲ့ သူကိုလည်း လုပ် ခွင့် ပေးရမှာ ဖြစ်သလို၊ ၅ ဧက၊ ၁၀ ဧက လုပ်နိုင်တဲ့သူကိုလည်း ဆက်လုပ်ခွင့် ပေးရမယ်။ ဒီအခြေအနေ နှစ်ရပ်ကို တပြိုင်တည်း ဖန်တီးပေးဖို့ လိုပါတယ်။ အဲဒီလိုမဟုတ်ပဲ အကြောင်း အမျိုးမျိုးနဲ့ လယ်မြေတွေ အသိမ်းခံရရင် လယ်သမားတွေလည်း ဘ၀ပျက် တယ်လေ။ Mechanized Farming ကလည်း လုပ်ရမယ် ဆိုတော့ တဘက်နဲ့ တဘက် မနစ်နာရအောင် ချိန်ဆပြီးလုပ်ဖို့ လိုပါတယ်။

မေး။ ။ ကရင်လူဦးရေ ဘယ်လောက်ရှိပြီး ဘယ်ဒေသတွေမှာ လက်ရှိနေထိုင်ကြပါသလဲ။ ရွေးကောက်ပွဲမှာရော ကရင် လူဦးရေ ရှိတဲ့ ဒေသတွေမှာပဲ အဓိကပြိုင်မှာလား။ အဓိက ယှဉ်ပြိုင်ဘက် ပါတီတွေက ဘယ်ပါတီတွေ ဖြစ်မလဲ။

ဖြေ။ ။ ကရင်လူဦးရေ ၈ သန်းလောက် ရှိမယ်လို့ ခန့်မှန်းထားပါတယ်။ တခြားလူမျိုးတွေနဲ့ အိမ်ထောင်ကျတဲ့ ကရင် ကပြားတွေပါ ထည့်တွက်ရင် ၁၀ သန်းလောက် ရှိပါတယ်။ ကရင်ပြည်နယ် ပြင်ပမှာ နိုင်ငံ့လူဦးရေရဲ့ ၀. ၁ ရာခိုင်နှုန်း (၅၅၀၀၀ ဦးခန့်) ရှိတဲ့ ကရင် လူမျိုးနေထိုင်တဲ့ ဒေသတွေကတော့ ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ မွန်ပြည်နယ်နဲ့ တနင်္သာရီတိုင်း တို့မှာပါ။ အဲဒီဒေသတွေမှာ လူနည်းစု အခွင့်အရေးလို့ ခေါ်တဲ့ ကရင်ရေးရာ ကိုယ်စားလှယ်လောင်း တနေရာစီ ရမှာပါ။ ကရင်အမျိုးသား အရေးကို အဓိက ကိုင်တွယ်မယ့် အဲဒီနေရာတွေကိုတော့ မဖြစ်မနေ ရအောင်ယူပါမယ်။

ဒုတိယ ဦးစားပေးကတော့ အဲဒီ တိုင်းနဲ့ပြည်နယ် ၅ ခုမှာ ရှိတဲ့ တိုင်းနဲ့ ပြည်နယ် (လွှတ်တော်) ကိုယ်စားလှယ် နေရာတွေမှာ ၀င်ပြိုင်ပါမယ်။ ကရင်ပြည်နယ် မှာတော့ ဒေသရဲ့ မငြိမ်းချမ်းတဲ့ အခြေအနေနဲ့ နယ်စပ်ဒေ သကိစ္စတွေနဲ့ ရှုပ်ထွေးနေတော့ ကျနော်တို့ အနေနဲ့ လက်ဝင်မလျှိုချင်ပါဘူး။ ပြိုင်ဘက်ပါတီ အနေနဲ့က လောလောဆယ် ပြည်ခိုင်ဖြိုး (ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ) နဲ့ တစည (တိုင်းရင်းသား စည်းလုံး ညီညွတ်ရေးပါတီ) ပဲ ရှိမယ်လေ။

မေး။ ။ ပြည်ခိုင်ဖြိုးမှာ လက်ရှိခေါင်းဆောင်နေတဲ့ သူတွေက အစိုးရအဖွဲ့ဝင် ၀န်ကြီးချုပ်တို့၊ ၀န်ကြီးတို့ ဖြစ်နေတယ်။ အစိုးရ တာဝန်နဲ့ နယ်တွေလှည့်ရင်း သူတို့ပါတီ အတွက်လည်း မဲဆွယ်နေကြတယ်။ ဒီလို ရောထွေးနေတဲ့ အခြေအနေမှာ တခြား ပါတီ တွေကလည်း ရွေးကောက်ပွဲ ၀င်ချင်ရင် လက်ရှိရာထူးက ထွက်ပြီး တခြား ပါတီတွေနဲ့အတူ တန်းတူရည်တူ မဲဆွယ်သင့် တယ်လို့ ပြောလာကြတယ်။ အဲဒီအပေါ်မှာ ကရင်ပြည်သူ့ ပါတီ အနေနဲ့ ဘယ်လို သဘောထားလဲ။

ဖြေ။ ။ အဲဒီကိစ္စနဲ့ ပတ်သက်ရင် ကျနော်တို့က မစိုးရိမ်ဘူး။ အစကတည်းက ဒီအသင်းကို ဖွဲ့ထားတာ နိုင်ငံတော် အာဏာ တည်တံ့ ခိုင်မြဲရေး အတွက်ပါ။ အကူး အပြောင်းတခုကို သူတို့ စိတ်ကြိုက်ပုံစံ လုပ်နိုင်အောင် လုပ်တာဖြစ်တယ်။ ဒါကို နားလည်နိုင်ပါတယ်။ တခုတော့ရှိတယ်။ ရွေးကောက်ပွဲမှာ မမျှတမှုတွေ များများစားစား ဖြစ်လာရင် သူတို့ လုပ်ရပ်အပေါ် မူတည်ပြီးတော့ ပြည်သူလူထုက အဆုံး အဖြတ် ပေးလိမ့်မယ်။ ပြည်သူလူထု အတွက် ကျနော်တို့ဘက်က အကောင်းဆုံး လုပ်နိုင်ရင် ပြည်သူလူထုက ထောက်ခံပါလိမ့်မယ်။

မေး။ ။ ကရင်ပြည်သူ့ပါတီ ခေါင်းဆောင်တွေက ရန်ကုန်နဲ့ ဧရာဝတီတိုင်းမှာ နေကြတာတွေ့ရတယ်။ ဘယ်လို စုစည်း မိသွားကြပြီး နိုင်ငံရေးပါတီ ထောင်ဖြစ် ခဲ့တာပါလဲ။

ဖြေ။ ။ ပြောရမယ်ဆိုရင် ပါတီပေါ်ပေါက်လာဖို့ အစပျိုးတာ ၆ နှစ်လောက် ရှိသွားပါပြီ။ Karen Development Committee (KDC) ဆိုတာ ရှိပါတယ်။ အဲဒါက တရားဝင် အသင်းတော့ မဟုတ်ပါဘူး။ ကရင်ပြည်သူတွေရဲ့ လူမှုရေးရာတွေ လှုပ်ရှားတဲ့ အဖွဲ့အစည်းပါ။ အဲဒီတုန်း ကတည်းက ဒီလိုအခွင့်အရေး ပေါ်လာရင် ပါတီတခုအဖြစ် ထူထောင်ဖို့ စိတ်ကူး ရှိခဲ့ပါတယ်။ ၂၀၀၈ ခုနှစ် မေလမှာ ဖွဲ့စည်းပုံ အခြေခံဥပဒေကို အတည်ပြု လိုက်တော့ ဇွန်လကစပြီး ကျနော်တို့ အချင်းချင်း ကြားထဲမှာ တွေ့ဆုံ ဆွေးနွေး ဖြစ်ခဲ့ကြတယ်။ ရန်ကုန်မှာ နေတဲ့ သူတွေက များပါတယ်။ အစည်းအဝေးပေါင်း ၆၀ ကျော်လောက် လုပ်ခဲ့တယ်။ ဒီလိုနဲ့ အခုလို ထူထောင်ဖြစ်တာပါ။

မေး။ ။ မဲဆန္ဒရှင်တွေကို ကရင်ပြည်သူ့ပါတီအနေနဲ့ ဘယ်လိုသတင်းစကား ပေးချင်ပါသလဲ။

ဖြေ။ ။ နောက်ဆုံးအခွင့်အရေး တရပ်ကတော့ Free and Fair Election ပေါ့။ အဲဒါ ဖြစ်ပါစေလို့ မျှော်လင့်ပါတယ်။ ပြည်သူလူထု အပိုင်းကတော့ နံပါတ် ၁ က ကြိုတင်မဲ မပေးကြဖို့၊ ကြိုတင်မဲ ဆိုတာ ကိုယ့်လက်ထဲမှာ ပိုင်စိုးတဲ့ကိစ္စ မဟုတ်ဘူး၊ ကြိုက်သလို ဖြစ်သွားနိုင်တယ်။ နံပါတ် ၂ ကတော့ မဲမပေးဘဲ မနေကြဖို့၊ မဲမပေးဘဲ နေရင်လည်း ပြဿနာ ဖြစ်နိုင်တယ်။ အဲဒီတော့ အမှန်တကယ် သင့်လျော်မယ့် ပုဂ္ဂိုလ်ကို ကိုယ်တိုင်ပဲ သွားပြီး မဲပေးပါလို့ ပြောချင်ပါတယ်။

Ref: ဧရာဝတီ်

Read More...

Collapse...

နေ့စဉ်သတင်းများ ( ၁၁ - ၈ - ၁၀ )

■ နအဖထံမှ လစာ/ကိုတာများ မရ၍ လားဟူ BGF တပ်သားများ ထွက်ပြေး သတင်း
■ စိတ်မနှံ့သူ ကျေးလက်အမျိုးသမီးအား နအဖစစ်ဗိုလ် မုဒိန်းကျင့် သတင်း
■ ရေဘေးသင့် ရခိုင်မြောက်ပိုင်းအတွက် ကုလအကူ ဒေါ်လာ (၂) သန်းခွဲ သတင်း
■ မွန်ပြည်သစ် ခေါင်းဆောင်ဟောင်း ဗိုလ်မှူးချုပ် အောင်နိုင် ကွယ်လွန် သတင်း
■ နိုင်အောင်နိုင် ကွယ်လွန်သဖြင့် မွန်အမျိုးသားငြိမ်းချမ်းရေးကာကွယ်ရေးတပ်ဖွဲ့ အလိုလို ပျက်စီးနိုင် သတင်း
■ ကရင်ဒေသတွင် နယ်ခြားစောင့်တပ်ဖွဲ့ရန် ပြင်ဆင်နေခိုက် ကြုံနေရတဲ့ အခက်အခဲများ သတင်း
■ နအဖတပ်သားတဦး အက်စ်အက်စ်အေ တောင်ပိုင်းတပ်မတော်နှင့် ပူးပေါင်း သတင်း
■ ဆရာကြီး ဦးသာထွန်း ရုပ်ပုံကို စစ်တွေ ယဉ်ကျေးမှုပြတိုက်တွင် ပြသထား သတင်း
■ ပါတီဝင်များ ကိုယ်ရေးအချက်အလက် နအဖ ကောက်ယူ သတင်း
■ ပါတီဝင်စာရင်း လက်လွှဲမှု ရွေးကောက်ပွဲ ကော်မရှင်သို့ ကန့်ကွက် သတင်း
■ (၅) သိန်းတန်ဖုန်း ကြံ့ဖွံ့များကို ဈေးလျှော့ပေးမည် သတင်း
■ စစ်ဆေးမှုကြောင့် လူထုအတွက် စိတ်အနှောင့်အယှက်ဖြစ် သတင်း
■ ကနေဒါနိုင်ငံ၊ ရီဂျိုင်းနားမြို့နေ ကရင်မိသားစု သတ်ဖြတ်ခံရ သတင်း
■ နယ်စပ်ဂိတ်များ ပိတ်ထားသော်လည်း မြန်မာကုန်များ နေ့စဉ်တင်သွင်း သတင်း
■ ရန်ကုန်တွင် ထိုင်းပစ္စည်းများ ပြတ်လတ် ဈေးထိုးတက် သတင်း
■ အင်းစိန် စည်ပင်ဝန်ထမ်းလိုင်း မီးလောင်မှုဖြစ်ပွား သတင်း
■ အောင်ဆန်း စည်ပင်လိုင်းခန်းမီး ရှို့မီးဟု မီးသတ် သံသယဖြစ် သတင်း
■ ကျောင်းရံပုံငွေ ကောက်ခံမှုကြောင့် ကျောင်းသားမိဘများ အခက်အခဲဖြစ် သတင်း
■ မင်းသမီး မျိုးစန္ဒီကျော်က မိဘကို အမှုဖွင့် သတင်း
■ ကရင်အမျိုးသားအစည်းအရုံး ဒု-ဥက္ကဌ စောဒေးဗစ်သာကပေါရဲ့ အမြင် (အင်တာဗျူး)
■ ၂၀၁၀ ရွေးကောက်ပွဲနဲ့ လမ်းခွဲလိုက်တဲ့ ဦးဖြိုးမင်းသိန်း (အင်တာဗျူး)
■ ရှစ်လေးလုံးစိတ်ဓာတ်ကို ကိုင်စွဲသပိတ်မှောက်ရန်မှတပါး အခြားမရှိပါ (ဆောင်းပါး)
■ ယနေ့သိကောင်းစရာ မင်းဘုရင် အနော်ရထာရဲ့ စေတနာ (ဆောင်းပါး)
■ အပြုအမူတွေ ပြောင်းလဲသွားတဲ့ မောင်ဇော်နဲ့ ကိုစန်း (ဆောင်းပါး)

Read More...

Collapse...

စာရေးချင်သူများအတွက် သတင်းစာ ရေးနည်း

လူထုဦးလှ

သောကြာနေ့၊ သြဂုတ်လ ၀၆ ရက် ၂၀၁၀

(စာရေးမယ့် လူငယ်များသို့၊ ကျွန်တော့်စာတန်း ကျွန်တော့်အဟမ်းများ၊ မန္တလေး ကြီးပွားရေး၊ ၁၉၈၃ထုတ်မှ ကောက်နုတ် ဖော်ပြသည်။)

…. စာရေးဆရာလုပ်မယ့် လူငယ်တယောက်အဖို့ သတင်းစာမှာရေးတဲ့သားတဲ့ အလေ့အကျင့် ရမှုဟာလဲ အင်မတန် အဖိုး တန်ပါတယ်။ ဘာဖြစ်လို့လဲ ဆိုတော့ သတင်းစာရေးနည်းက ပေးလိုက်တဲ့ စာရေးတဲ့ အတတ်ပညာကို တခြားကျောင်းများက သင်မပေးနိုင်လို့ပါ။

သတင်းစာမှာ ရေးရတဲ့ အရေးအသားက (၁) တိုတိုတုတ်တုတ် ကျစ်ကျစ်လျစ်လျစ် ရှိရမယ်။ (၂) ရှင်းရှင်းလင်းလင်း ရှိရမယ်။ (၃) တိတိကျကျ ဖြစ်ရမယ်။ ဒီလိုရေးမှ သတင်းစာကောင်းရဲ့ အရေးအသား စည်းဝိုင်းထဲကို ဝင်နိုင်ပါတယ်။ ဒီလိုရေးတတ်ဖို့ စာရေးဆရာ အတွက် အင်မတန် လိုပါတယ်။

တချို့ ဝတ္ထုရေးဆရာများ ရေးကြတဲ့အထဲမှာ စာတွေဖေါင်းပွပြီး ဘာကို ရေးနေမှန်း မသိတဲ့ အရေးအသားမျိုးတွေ ပါနေကြပါတယ်။ ဥပမာ မိန်းကလေး တယောက် မနက်စောစော နှင်းတွေဝေနေတဲ့ အချိန် လမ်းလျှောက် ထွက်လာခဲ့တယ် ဆိုတဲ့ အကြောင်းကလေး ရေးချင်တာကို နှင်းရော မနက်ခင်းရော ဖွဲ့နေလိုက်တာ စာမျက်နှာ သုံးမျက်နှာနဲ့လဲ မပြီးသေးဘူး။ သုံးထားလိုက်တဲ့ စကားလုံးတွေကလဲ မလိုတာရော လိုတာရော ရောထွေးလွန်း အားကြီးတယ်။ သူရေးချင်တာ ဘာပါလိမ့်မလဲလို့ စာအမြှပ်တွေကို ဖယ်ဖယ်ပြီး ရှာကြည့် ပေမယ့်လဲ တော်တော်နဲ့ မတွေ့ရဘူး။ စိတ်ပင်ပန်း လူပင်ပန်း အင်မတန်ဖြစ်ရတယ်။ စာရေးတဲ့ အတတ်ဟာ စာဖတ်သူကို အနှစ်မရောက်ခင် အကာတွေကို အကြာကြီး ဖယ်နေရတဲ့ အာဟာရမျိုး ကျွေးတာလို မဖြစ်သင့်ဘူး။ လွယ်လွယ်ကူကူနဲ့ ထင်းကနဲ ရှင်းကနဲ သိစေ မြင်စေသင့်တယ်။

သတင်းစာမှာ အဲဒီလို သူဘာရေးချင်တာပါလိမ့်ဆိုပြီး စဉ်းစားရှာဖွေနေရတဲ့ စာမျိုးတွေပါနေလို့ မဖြစ်ဘူး။ ပါယင်လဲ ညံ့တာပဲ။ လူတွေမှာ အချိန်မရှိဘူး။ ဒီဟာ ဘာသတင်းဆိုတာ မမြင်မှာ မသိမှာစိုးလို့ စာလုံး ကြီးကြီးနဲ့တောင် ဖေါ်ပြကြရသေးတယ် မဟုတ်လား။ သတင်းစာ ရေးနည်းကောင်းဟာ အကာမပါပဲ အနှစ်သက်သက် ထုတ်ရေးနည်းပါ။ စာရေးဆရာ လုပ်ချင်တဲ့ လူငယ်များအဖို့ အခြေခံ အနေနဲ့ ဒီအလေ့အကျင့်မျိုး လိုပါတယ်။

သတင်းစာမှာ စကားလုံးတွေ ပွပြီး ဝေ့လယ်လယ်ရေးလို့မရဘူး။ လိုတာထက် တလုံးပိုရေးယင် စာတလုံး အတွက် နေရာ ကုန်တယ်။ စာဖတ်တဲ့သူရဲ့ အသိအမြင်ကိုလဲ အဲဒီ စာတလုံးနဲ့ ဖုံးစေတယ်။ စဉ်းစားနေရတဲ့ အတွက် အချိန်ကုန်စေတယ်။

စာမှာ စကားလုံးတိကျမှုဟာ စာရေးပုံရေးနည်းအတွက်နဲ့ စာအရသာအတွက်သာ လိုတာ မဟုတ်ဘူး။ စာအဓိပ္ပာယ် အတွက်လဲ သိပ်လိုပါတယ်။ စကားလုံးတွေ ပွပွယောင်းယောင်းနဲ့ လျှောက်ရေးနေယင် အားလုံး ဘိုသီဘတ်သီ ဖြစ်ကုန်တာပဲ။ ပြီးတော့ ရေးထားတဲ့ စကားလုံးတွေ များနေတော့ အလုံးတိုင်းက အားမရှိ နိုင်တော့ဘူး။ အားမပါတဲ့ စာဟာ အတွေးမှာလည်း လေးနက်မှု ရော့တတ်တယ်။

အဲဒီစာမှာရေးတဲ့လူ ကိုယ်နှိုက်က ရေးစရာအချက်အလက်တွေ ပြည့်ပြည့်စုံစုံ ထားရှိဖို့၊ ရှင်းရှင်းလင်းလင်း စဉ်းစား တွေးခေါ် ထားတာများ ရှိဖို့လိုတယ်။ နောက်တခု ကျနော် ပြောချင်တာက စာရေးချင်တဲ့ လူတယောက်ဟာ ရေးချင်စရာရှိမှ ရေးကောင်းတယ်၊ ဒီအကြောင်း အရာကို ငါရေးပြ ချင်လိုက်တာ၊ ရေးပြောချင်လိုက်တာ၊ သူများတွေ သိစေချင်လိုက်တာ ဆိုတာမျိုး ကိုယ့်စိတ်ထဲမှာ ထက်ထက်သန်သန် ရှိရပါမယ်၊ ရေးစရာတွေ ရှိနေရပါမယ်။ တကယ်ပြောချင်တာ သိစေချင်တာ ပြောစရာ ရေးစရာ အကြောင်းအရာလဲ ရှိတာ မဟုတ်ပဲနဲ့ ဖျစ်ညှစ်ပြီးရေးရော။ ကိုယ့်မှာ တိတိကျကျ မရှိတော့ ရှင်းရှင်းလင်းလင်း စိတ်ထဲကနေ ဆွဲထုတ်ယူလာစရာ မရှိဘူး။ မရှိပဲနဲ့ လျှောက်ရေးနေတော့ စာတွေဟာ ဝိုင်းကြီးပတ်ပတ် ဖြစ်ကုန်ရော။ ဒီအထဲက စကားလုံး အဆန်းထွင်ချင်တာ၊ အဆန်း သုံးပြချင်ရတာ ဆိုတာတွေက ရှိနေတတ်သေးတော့ အဲဒီ စာရေးဆရာရဲ့စာဟာ ဖတ်ရတဲ့လူတွေ အင်မတန် စိတ်ဆင်းရဲစရာ ကောင်းတဲ့ စာမျိုး ဖြစ်လာတတ်တယ်။

စာဆိုတာ အတွေးမရှင်းပဲနဲ့ အရေးမရှင်းနိုင်ဘူး။ ရေးမယ့်လူရဲ့ ရင်ထဲမှာ ခံစားမှုအပြည့်နဲ့ ရေးချင်တဲ့ ကိစ္စတခု ရှင်းရှင်းလင်းလင်း တိတိကျကျ ရှိနေမှ ရှင်းရှင်းလင်းလင်း ရေးချလို့ရနိုင်တယ်။ အကြောင်းအရာ တခု လက်ဆုပ် လက်ကိုင်ရှိပြီးတဲ့ အခါမှာ ဒီအကြောင်း အရာကို ဖေါ်ထုတ်တဲ့အခါ အထိုက်အလျောက်လှပအောင် တန်ဆာဆင်ပြီး ရေးတာမျိုး ဖြစ်ရမှာပေါ့။ မိုးနှင်းဝေနေတဲ့ တမနက်ခင်း ကလေးကို စာ ၃ မျက်နှာရေးတာမျိုးဆိုယင်တော့ ဘယ်မှာ ပြတ်သား ရှင်းလင်းတဲ့ သရုပ်ထင်အောင် ရေးလို့ ဖွဲ့လို့ ရတော့မှာလဲ။

စာရေးတယ်၊ ဖွဲ့တယ်၊ သီကုံးတယ်လို့ပြောနိုင်ပါတယ်။ ရေးပါ၊ ဖွဲ့ပါ၊ သီကုံးပါ။ ဒါပေမယ့် ရေးသင့်သလောက် သာရေး၊ ဖွဲ့သင့်သလောက်သာဖွဲ့၊ သိသင့်သလောက်သီပါ။ ကျစ်လျစ် သိပ်သည်းဖို့ ရှင်းလင်းတိကျဖို့ကိုတော့ မျက်ခြည် မပြတ်သင့်ပါ။

ကျွန်တော်တို့နိုင်ငံမှာ ဘုန်းကြီးကျောင်းများ ကောင်းမှုကြောင့် ယောက်ျားလေးမှန်ယင် သေစာရှင်စာတော့ သိကြတာပဲ ဆိုပေမယ့် စာဖတ်ချိန် မရှိလို့ မဖတ်ရတဲ့လူတွေ၊ စာအုပ် ဝယ်ဖတ်လောက်အောင် ပိုက်ဆံ မတတ်နိုင်တဲ့ လူတွေက လယ်သမားနဲ့ အလုပ်သမားထဲမှာ အများကြီး ရှိနေပါသေးတယ်။ ဒီလူတွေ စာဖတ်လာနိုင်ဖို့၊ ဖတ်ယင်လဲ ရှင်းရှင်း လင်းလင်း နားလည်နိုင်ကြဖို့ လိုပါတယ်။ ကျွန်တော်တို့ ရေးတဲ့စာဟာ စိတ်ကူးယဉ်အားတဲ့ ကျောင်းနေနိုင်တဲ့ အပျိုပေါက် လူပျိုပေါက် ကလေးများ အတွက်ချည်း မဟုတ်ပါဘူး။ စာမဖတ်နိုင်သေးတဲ့ လူများစုကြီး အတွက် အဓိကထား ရည်စူးပြီး ရေးရမှာ ဖြစ်ပါတယ်။ ကျွန်တော်တို့ အလုပ်သမား လယ်သမားတွေဟာ အင်မတန် ပင်ပင်ပန်းပန်း အလုပ် လုပ်ပြီး ခေတ္တခဏကလေး အားလပ်တဲ့ အချိန်အတွင်း ရေနံ ဆီမီးခွက်လို အလင်းရောင်မျိုးနဲ့ ကြိုးစားပြီး ဖတ်ရမှာပါ။ ဒီတော့ တမင်ခက်အောင် ပညာပြတဲ့ စာမျိုးဟာ သူတို့အတွက် မဖြစ်နိုင်ပါဘူး။

ဒါပေမဲ့ ရေးသားမှုမှာ အနုပညာပါရမှာပေါ့။ ပညာတတ်အချင်းချင်း သမားဂုဏ်ပြတဲ့စာ၊ ဝင့်တဲ့စာ၊ ဟန်လုပ်တဲ့စာ၊ ပညာတံခွန် ထူတဲ့ စာမျိုးတွေရေးပြီး စာနဲ့ပေနဲ့ အလှမ်းဝေးသေးတဲ့ အလုပ်သမား လယ်သမားတွေကို ဝေးသထက် ဝေးအောင်လဲ မလုပ်ဆောင် သင့်ပါဘူး။

သတင်းစာမှာရေးရတဲ့ အရေးအသားတွေက ကနေ့ လူတွေမှာ ဘာဖြစ်နေသလဲ၊ ဘာပြဿနာတွေနဲ့ ရင်ဆိုင် နေရသလဲ ဆိုတာတွေ ချည်းမို့ ဘဝနဲ့ တသားတည်း ရှိလှပါတယ်။ သတင်းစာဆရာဟာ အောက်ခြေလွတ်လို့ စိတ်ကူးယဉ်လို့ မရဘူး။ သူနေ့တိုင်း တွေ့ထိ မြင်နေရတာက လူတွေရဲ့ တကယ့် အဖြစ်အပျက်တွေပဲ။ သတင်းစာ ကော်လံတွေက အကြောင်းအရာတွေဟာ အဲဒီအချိန်က လူ့ဘဝကို မှန်ထောင် ပြထားတာတွေပဲ များပါတယ်။ အဲဒါကို သတင်းစာသမားက ရှင်းရှင်းလင်းလင်း ဖေါ်ပြနေရတယ်။ ဒီခေတ်ဒီအချိန်က လူတွေ ဘာဖြစ်နေတယ်၊ ဘယ်လိုတွေးတယ်၊ ဘယ်လိုမြင်တယ်ဆိုတာကို သူက ဆက်စပ်ပြနေရပါတယ်။ ဒါကြောင့် သတင်းစာ အရေးအသားဟာ အခြေထားသင့်တဲ့ အရေးအသားပါပဲ။ အဲဒီအရေးအသားမျိုးကို ခွင့်သာသလောက် ယူပြီး လေ့ကျင့် သင့်ပါတယ်။ ထပ်ပြီးပြောရရင် စာရေးချင်တဲ့ လူငယ် လူရွယ်တွေဟာ ကျစ်ကျစ်လျစ်လျစ်နဲ့ တိတိကျကျ ရှင်းရှင်းလင်းလင်း ရေးတဲ့ အရေးအသားမျိုးကို ပထမ စပြီး လေ့ကျင့်ပါလို့ ကျနော် ထပ်မံ တိုက်တွန်း ပါရစေ။

စာရေးဆရာလုပ်မယ့် လူငယ်ဟာ သတင်းစာဆရာကောင်း တယောက်လို ရေးတတ်ပြီဆိုပြီး ရပ်နေဖို့လဲ မဟုတ်ပါဘူး။ စာရေးတဲ့ အတတ်ပညာ ဆိုတာ ကုန်ဆုံးနိုင်တယ်လို့ မရှိတာကို အမြဲသတိပြုရပါမယ်။ စာရေး ကောင်းလှပြီဆိုတဲ့ အဆင့်အတန်း ရောက်တဲ့တိုင်အောင် တိုးတက်မှုဟာ ရပ်တယ်လို့ မရှိနိုင်တာမို့ မပြတ်ဆက်ပြီး ကြိုးစားနေရမှာပဲ။….

(၁၉၆၈ မန္တလေး မြို့ တော်ခန်းမ စာဆိုတော်နေ့ စာတန်းဖတ်ပွဲတွင် ဖတ်ကြားသည်။)

Ref: မဇ္ဈိမ

Read More...

Collapse...

နေ့စဉ်သတင်းများ ( ၁၀ - ၈ - ၁၀ )

■ ဘန်ကီမွန်း ရွေးကောက်ပွဲသဘောထား မြန်မာ့နိုင်ငံရေးသမားတွေ ကြိုဆို သတင်း
■ စစ်အစိုးရက နိုင်ငံရေးအခွင့်အလမ်းများ ဖြုန်းတီးပစ်ခြင်းအတွက် ကုလအတွင်းရေးမှူးချုပ် စိတ်ပျက် သတင်း
■ ကြက်သွန်နီဈေး ထိန်းပေးရန် တောင်သူများ ဗိုလ်ချုပ်မှူးကြီးထံ စာပို့ သတင်း
■ ဆင်ဖြူလက်ခံသည့် အခမ်းအနား ဗိုလ်ချုပ်မှူးကြီး မတက် သတင်း
■ နယ်ခြားစောင့်တပ်ဖွဲ့ရေး လက်မခံသည့် DKBA များ ဗိုလ်နှုတ်ခမ်းမွေးနှင့် ပူးပေါင်း သတင်း
■ ရဲမွန်တပ်တွင်းအခြေအနေ မအေးသေး သတင်း
■ ကချင်အမျိုးသား အာဇာနည်နေ့ ကျင်းပ သတင်း
■ သျှမ်းလူမျိုး နအဖစစ်သား တပ်မှထွက်ပြေး တောင်ပိုင်း SSA တပ်ဖွဲ့နှင့် ပူးပေါင်း သတင်း
■ တရုတ်-မြန်မာ ရေကာတာသစ် အစီအစဉ်အပေါ် ကရင်နီဖွံ့ဖြိုးရေးသုတေသနအဖွဲ့ ကန့်ကွက်ရှုတ်ချ သတင်း
■ သတင်းစာရှင်းလင်းပွဲ အမည်တပ်၍ သတင်းထောက်များကို ခေါ်ယူကြိမ်းမောင်း သတင်း
■ နယ်ခြားစောင့်တပ် အသွင်ပြောင်းမည့် ကရင်ငြိမ်းအဖွဲ့တို့ ပြင်ဆင် သတင်း
■ ကုလအထူးကိုယ်စားလှယ် မြန်မာ့လူ့အခွင့်အရေးလှုပ်ရှားသူများနှင့် တွေ့ဆုံ သတင်း
■ ကော်မရှင် လက်ထောက်ချ၍ ဒီမိုကရက်တစ်ပါတီဝင်များ ထောက်လှမ်းရေး အစစ်ခံရ သတင်း
■ မဟာမုနိ ဗုဒ္ဓဝိဟာရကျောင်းကိစ္စ ပြည်တွင်း နိုင်ငံရေးပါတီတခုမှ သဘောထားထုတ်ပြန် သတင်း
■ ဘဒ္ဒဝတီ အမည်ရ ဆင်ဖြူမ နေပြည်တော်သို့ ရောက်ရှိ သတင်း
■ နယ်ဧည့်သည်များ အိမ်ထောင်စုစာရင်း လုပ်ကြရ သတင်း
■ အင်းလေးကန် တိမ်ကောလာမှုအတွက် ထိန်းသိမ်းရေးအဖွဲ့ ခေါ်ယူရန် စီစဉ် သတင်း
■ ထိုင်းနိုင်ငံက ATM စက်တချို့တွင် မြန်မာဘာသာ စတင်အသုံးပြု သတင်း
■ မြန်မာစာဖြင့် ငွေသွင်းထုတ်နိုင်သော ATM စက်များကြောင့် မြန်မာများ ပိုမိုအဆင်ပြေ သတင်း
■ နယ်စပ်ရှိ တရားမဝင်ဂိတ်များမှ ကုန်ပစ္စည်းများကို ရှင်းလင်းထားရန် ညွှန်ကြားခံရ သတင်း
■ လေပတ်ကားသမားများ အွန်လိုင်းပေါ်ရောက် သတင်း
■ မကွေးတိုင်းတွင် မြွေကြောင့်သေဆုံးမှု ပိုများလာ သတင်း
■ တက္ကသိုလ်စာကြည့်တိုက် လေ့လာစရာမရှိ သတင်း
■ မြန်မာအမျိုးသမီး (၃) ဦး နိုင်ငံတကာ မော်ဒယ်ပြိုင်ပွဲ ၀င်ခွင့်ရခဲ့ သတင်း
■ အဆိုတော် သျှီက သူ့သီချင်းသစ်ကို ကိုယ်ပိုင်ဝက်ဆိုက်တွင် တင်ထား သတင်း
■ မြန်မာပဲ ဖြစ်ချင်တယ် (ဆောင်းပါး)

Read More...

Collapse...

လာနီညာကြောင့် မုန်တိုင်းများမယ့်အရေး ကြိုတင် ပြင်ဆင်ထားဖို့လို

ဦးဇော်ဝင်းလှိုင်
တနင်္လာ, 09 သြဂုတ် 2010

မြန်မာနိုင်ငံမှာ လာနီညာလို့ခေါ်တဲ့ ရာသီဥတု ဖောက်ပြန် ဆိုးရွားမှုတွေနဲ့ ရင်ဆိုင်ရနိုင်တယ်လို့ မိုးလေသ၀ ပညာရှင်တွေက ခန့်မှန်း ပြောဆိုပါတယ်။ တောင်အမေရိက တိုက်မှာ အခြေပြု ဖြစ်ပေါ်လေ့ရှိတဲ့ လာနီညာ ရာသီဥတု ဖောက်ပြန်မှုဟာ အခုချိန်မှာ အာရှတိုက် အတွင်းက တခြားနိုင်ငံတွေမှာ ဖြစ်ပေါ်နေပြီး မကြာခင်မှာ မြန်မာနိုင်ငံ ဘက်ကိုပါ ရောက်လာဖို့ အလားအလာ ရှိတယ်လို့ မိုးလေ၀သနဲ့ ဇလဗေဒ ဦးစီးဌာနက ညွှန်ကြားရေးမှူးဟောင်း ဒေါက်တာ ဦးထွန်းလွင်က ခန့်မှန်း သုံးသပ် ပြောဆို လိုက်တာပါ။ အပြည့်အစုံကို ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။

မြန်မာနိုင်ငံရဲ့ ရာသီဥတု အခြေအနေတွေကို တိုင်းတာ သုံးသပ်ကြည့်တဲ့အခါ မုန်တိုင်းကျ၊ မိုးများပြီး ရာသီဥတု ဖောက်ပြန်တဲ့ လာနီညာဖြစ်ဖို့ အလားအလာ ရှိနေတယ်လို့ မိုးလေ၀သ ပညာရှင်တွေက ခန့်မှန်းထားကြတာပါ။ မြန်မာနိုင်ငံမှာ အခု ရက်ပိုင်းအတွင်း မိုးများလာတာဟာ လာနီညာရဲ့ ဂယက်ရိုက်ခတ်မှု လက္ခဏာတွေ ဖြစ်တယ်လို့ မိုးလေ၀သနဲ့ ဇလဗေဒ ဦးစီးဌာန ညွန်ကြားရေးမှူးဟောင်း ဦးထွန်းလွင်က သုံးသပ်ပါတယ်။

“လာနီညာကတော့ ဖြစ်နေပြီ။ ဒါပေမဲ့ သူ့ရဲ့ပင်မက တောင်အမေရိကတိုက် West Coast ပေါ့နော်၊ အဲဒီ ဘက်မှာတော့ လာနီညာက စနေပြီ၊ ပစိဖိတ်မှာ ဖြစ်နေပြီ။ သူ့ရဲ့ အကျိုးဆက်တွေလည်း အာရှတိုက်ရော၊ အမေရိကားရော၊ တောင်အမေရိကား၊ မြောက်အမေရိကား ဘက်မှာ ရှိနေပြီလို့ပဲ ကျနော်တို့ သိရပါတယ်။ အတ္တလန်တစ်မှာလည်း ရှိတယ်ပေါ့။ သူ့ impact ကတော့ ရှိပြီ။

“ဒါပေမဲ့ ကျနော်တို့ကတော့ နည်းနည်းဝေးတယ်။ ဝေးတဲ့အခါကျတော့ ကျနော်တို့က နည်းနည်း အရိပ်အခြည် စောင့်ကြည့်တဲ့ အခါမှာ ကျနော်တို့ ဘက်မှာလည်း အခု နည်းနည်းတော့ စလိုက်နေပြီလို့ ကျနော်ထင်တယ်။ ဘာ့ကြောင့်လဲ ဆိုတော့ မိုးက အခုရက်ပိုင်းမှာ တော်တော်လေးကို သိသာလာတယ်။ လွန်ခဲ့တဲ့ တပတ် ဆယ်ရက်နဲ့စာရင် နောက်ပိုင်းမှာ မိုး တော်တော်လေး လိုက်လာတယ်။ ကျနော်တို့ နိုင်ငံမှာတော့ ခုချိန်ထိ ဆိုးဆိုးရွားရွားတော့ မရှိသေးပေမဲ့ ခုရက်ပိုင်း တွေမှာတော့ ဒီနေ့ပဲ မိုးလေ၀သ သတင်းမှာ မိုးတော်တော်ရွာတာတွေ တွေ့ရပါတယ်။ အထူးသဖြင့် အရှေ့ဘက်ပိုင်း တွေပေါ့။”

အခုရက်ပိုင်းတွေအတွင်း ပါကစ္စတန်နိုင်ငံမှာ မိုးကြီး ရေလျှံလို့ လူတွေ ထောင်နဲ့ချီ သေဆုံးကြရပြီး စိုက်ပျိုးရေးတွေ ပျက်ဆီးကြရတာ၊ အိန္ဒိယနိုင်ငံမှာ မိုးများ၊ တောင်တွေပြိုပြီး လူတွေ ရာနဲ့ချီ သေဆုံးရတာနဲ့ တရုတ်နိုင်ငံမှာ မိုးများ မြေပြိုတဲ့ ကိစ္စတွေဟာ အဲဒီ လာနီညာ ရာသီဥတု ဖောက်ပြန်မှုရဲ့ အကျိုးဆက်တွေ ဖြစ်တယ်လို့ ဦးထွန်းလွင်က ဆိုပါတယ်။ မြန်မာနိုင်ငံအတွင်း စိုးရိမ်စရာ အကောင်းဆုံး အခြေအနေတွေ ကလည်း မုန်တိုင်းကျ၊ မိုးများမယ့် အရေးပဲ ဖြစ်တယ်လို့ ဦးထွန်းလွင်က ပြောပါတယ်။

“စိုးရိမ်စရာတခုက ဘာလဲဆိုတော့ မုန်တိုင်းမိုးတွေပဲ။ မုန်တိုင်းမိုးကတော့ များဖို့ တော်တော်များတယ်။ ဘာ့ကြောင့်လဲ ဆိုတော့ ဒီနှစ်နဲ့တူတဲ့ ပင်လယ်ရေမျက်နှာပြင် အပူချိန် ပြောင်းတာကို ကြည့်ပြီးတော့ ရွေးလိုက်တဲ့ အခါမှာ ၄ နှစ်လောက် ရပါတယ်။ အဲဒီ နှစ် ၄ နှစ်ရဲ့ လက်ရှိ ၂၀၁၀ နဲ့ အတူဆုံးနှစ် ၂ ခုကို ရွေးလိုက်တဲ့အခါ အဲဒီနှစ် ၂ နှစ်လုံးက လာမယ့် မိုးနှောင်း၊ မိုးလွန် လက်ကျန် လတွေမှာ မုန်တိုင်း နောက်ထပ် ၅ လုံးလောက် ဖြစ်နိုင်သေးတာကို သွားတွေ့ရပါတယ်။ အဲဒီတွေ့တဲ့နှစ် ၂ နှစ်လုံးက တနှစ်လုံး ၆ လုံးဖြစ်ပါတယ်။ ၂၀၁၀ ဒီနှစ်က တလုံးပဲ ဖြစ်သေးတယ်။ ဒါကြောင့် ကျနော် ဆိုလိုတာ နောက်ထပ် ၅ လုံးလောက် မုန်တိုင်း ဖြစ်နိုင်သေးတယ်လို့ စာရင်းအင်း အရတော့ မှန်းဆလို့ ရပါတယ်။”

မုန်တိုင်း အကြွင်းအကျန်တွေ ဖြတ်လေ့ရှိတဲ့ မိုးနှောင်း မိုးလွန် ကာလတွေကို အထူးဂရု ပြုသင့်တဲ့ အကြောင်းလည်း ဦးထွန်းလွင်က ပြောပါတယ်။

“ဘယ်အချိန်နဲ့ ဘယ်ဒေသတွေလဲလို့ ပြောရင် များသောအားဖြင့် အဲဒီ မုန်တိုင်း အကြွင်းအကျန်တွေ ဖြတ်တာက မိုးနှောင်း မိုးလွန် ဖြစ်ပါတယ်။ အထူးသဖြင့် သိသာလာမှာကတော့ စက်တင်ဘာလ ဆိုရင် မြန်မာပြည် အလယ်ပိုင်းနဲ့ မြောက်ပိုင်းကို ဖြတ်လေ့ရှိပါတယ်။ အောက်တိုဘာရောက်ရင် အလယ်လောက်မှာ ဖြတ်ပါတယ်။ နိုဝင်ဘာ ရောက်လို့ရှိရင်တော့ မြေလတ်ပိုင်းနဲ့ အောက်ပိုင်းကို ဖြတ်ပါတယ်။ သူ့လနဲ့သူ ဧရိယာတော့ ပြောင်းသွား ပါလိမ့်မယ်။ အဲဒီအခါမှာ မိုးတွေ ရွာတတ်ပါလိမ့်မယ်။

“အချိန်အခါမဟုတ်မှ ရွာတဲ့မိုး ဖြစ်တဲ့အတွက် ဒီမိုးက ကောင်းကျိုးချည်း ပေးမယ်လို့ ပြောလို့ မရပါဘူး။ အသုံးပြုတဲ့ အပေါ်၊ လုပ်ငန်းပေါ်မှာ မူတည်ပြီးတော့ စောစောက ပြောသလိုပဲ အောင်ရေလည်း ဖြစ်ချင်ဖြစ်မယ်၊ ဖျက်မိုးလည်း ဖြစ်ချင်ဖြစ်မယ်၊ ကိုယ်လုပ်တဲ့ လုပ်ငန်းပေါ်မှာ မူတည်ပြီးတော့ ဒီမိုးကို ကြိုတင် ပြင်ဆင်ဖို့ လိုပါလိမ့်မယ်။ ဒါလေးတွေကို ချင့်ချိန်ပြီးတော့ လုပ်ငန်းတွေမှာ ကြိုတင်ပြင်ဆင်ဖို့နဲ့ သတိရှိဖို့ ဒါကိုသာ ကျနော် အဓိက အခုချိန်မှာ ဒီလောက်ပဲ ပြောချင်ပါတယ်။”

မြန်မာနိုင်ငံမှာ လာနီညာ မိုးလေ၀သ ဖောက်ပြန်မှုရဲ့ ဂယက်ရိုက်ခတ်မှုကြောင့် မိုးကြီး ရေလျှံမှုတွေနဲ့ ကြံခဲ့ရတာတော့ ၁၉၇၄ ခုနှစ်က ဖြစ်ပါတယ်။ အဲဒီတုန်းက မုတ်သုန်မိုးနဲ့ အရှေ့ဘက်ကလာတဲ့ မုန်တိုင်း အကြွင်းအကျန်တို့ ပေါင်းမိပြီး ရေကြီးမှုတွေ ဖြစ်တဲ့အတွက် ပြည် ရွှေဆံတော်ဘုရား ခြေရင်းအထိ ရေရောက်ခဲ့တဲ့ သာဓက ရှိခဲ့ဘူးပါတယ်။

Ref: VOA News

Read More...

Collapse...

နေ့စဉ်သတင်းများ ( ၉ - ၈ - ၁၀ )

■ အတိုက်အခံ မပါလျှင် မြန်မာ့ရွေးကောက်ပွဲ အဓိပ္ပါယ်မဲ့ဟု ဖိလစ်ပိုင် ပြောကြား သတင်း
■ ရဲမွန်တပ်မြို့ ဆက်လက်တင်းမာဆဲ သတင်း
■ နိုင်ငံရေးအကျဉ်းသား မဥမ္မာမြင့် ဆေးရုံတက်နေရ သတင်း
■ ကုလ မြန်မာနိုင်ငံလူ့အခွင့်အရေးကိုယ်စားလှယ် ထိုင်းရောက် သတင်း
■ ကင်တားနားနှင့် ပြည်ပမြန်မာလူ့အခွင့်အရေး လှုပ်ရှားသူများတွေ့ သတင်း
■ လူ့အခွင့်အရေးချိုးဖောက်မှုအချက်များကို ကုလလူ့အခွင့်အရေးကိုယ်စားလှယ် စုဆောင်း သတင်း
■ ဗိုလ်ချုပ်ဆေထင်ကို ရခိုင်ပြည်နယ် စစ်တွေထောင်သို့ ပြောင်း သတင်း
■ ခုခံတော်လှန်ရေးတွက် စစ်ထဲမ၀င်မနေရ မရှိဟု ကေအဲန်ပီပီ ပြော သတင်း
■ ကရင်နီပြည် ရေကာတာ ဆောက်လုပ်မှုအပေါ် KDRG မှ ပြင်းထန်စွာ ရှုတ်ချ သတင်း
■ အဖြေမရသေးခင် မထွက်ဟု ယူဒီပီ ဥက္ကဌသစ် ပြော သတင်း
■ ပါတီဝင်ကို စိစစ်မှုလျှော့ရန် တောင်းဆို သတင်း
■ ကြံ့ခိုင်ဖွံ့ဖြိုးရေးပါတီ ချေးငွေပေးပြီး စည်းရုံးရေးဆင်းနေ သတင်း
■ ပါတီဥက္ကဌအဖြစ်မှ နှုတ်ထွက်သည့် ကိုဖြိုးမင်းသိန်းကို မေးမြန်းခြင်း သတင်း
■ နိုင်ငံတကာ စီးပွားရေးလုပ်ငန်းတွေရဲ့ အာရှတိုက်က အကျိုးအမြတ် သတင်း
■ ကြက်သွန်ဈေးတွေ ထိုးကျပြီး ၀ယ်သူမရှိဖြစ် သတင်း
■ နယ်စပ်ဂိတ်ပိတ်၍ ထိုင်းကုန်ပစ္စည်း ဈေးနှစ်ဆတက် သတင်း
■ မြန်မာပြည်အလယ်ပိုင်း မိုးခေါင် နှမ်းခင်းအများစု ပျက်စီး သတင်း
■ စီးပွားရေး - ပုဂ္ဂလိက လေကြောင်းလိုင်းသစ်၊ လိုင်စင်မဲ့ကား သတင်း
■ သူငယ်ချင်း ကဗျာဆရာ ညွန့်အေး (အင်းဝ) (ဆောင်းပါး)
■ ဆေးယောင်ဆောင်သော အဆိပ် (ဆောင်းပါး)

Read More...

Collapse...

ရွေးကောက်ပွဲနဲ့နီးလေ ပွဲကြမ်းလေလို့ ဆိုရမလား

ရဲဘော်ဖိုးသံချောင်း

၀၉ သြဂုတ် ၂၀၁၀

“နည်းနည်းသက်သာတဲ့ မကောင်းဆိုးဝါး” (Lesser Evil) ဆိုတဲ့ အသုံးအနှုန်းတခု မြန်မာပြည် နိုင်ငံရေးမှာ အခုတလော အတော် ပြောလာကြတာကို တွေ့နေရပါတယ်။ ပြည်ပက စထွက်လာတဲ့ အယူအဆ - အသုံးအနှုန်းလို့ မှတ်မိနေပါတယ်။ ဒါဟာ မြန်မာပြည် နိုင်ငံရေးမှာ တွေ့ရတတ်တဲ့ ပြည်ပက ခြေရာ လက်ရာတွေထဲက တခုလို့ဆိုရင် ရမလားပဲ။

သူတို့တင်ပြတဲ့ အယူအဆရဲ့ အဓိကဆိုလိုချက်ကတော့ ရွေးကောက်ပွဲဝင်ဖို့၊ လက်ရှိ နအဖက ပေးတာကို လက်ခံ သဘောတူ လိုက်ဖို့ ဆိုတာပါပဲ။ ဒီအယူအဆပေါ်လာတာဟာ ပြည်တွင်းက မဆွတ်ခင်ကညွှတ်ချင်နေတဲ့ ရွေးကောက် ပွဲဝင်လိုသူတွေ အဖို့တော့ ‘တိုင်း၍ ရက်သည့် ပက္ကလာ မိုးရွာသည်နှင့် အခန့်သင့်’ ဖြစ်သွားပါတယ်။ နအဖအတွက် “ရွှေ ဘုန်းတော်တိုးပါလို့၊ ငွေမိုးတွေရွာ” ဆိုတာမျိုးတွေ ပုံမှန် ရေးနေကြသူတွေ အတွက်လည်း အကြောင်းပြစရာ ဆင်ခြေတခု ရသွားတယ်လို့ ဆိုရင် မမှားပါဘူး။ သူတို့အထဲက တချို့ကများ ဆိုရင် ပြည်တွင်း အခြေအနေတွေကို မသိဘဲ ပြည်ပကနေ လျှောက်ပြောမနေနဲ့ ဆိုတာမျိုးနဲ့ လှမ်းတောင် ဟောက်ပါတယ်။ ပြည်ပမှာ နေပြီး ပြည်တွင်း အခြေအနေကို မသိဘူးဆိုတာ ထားပါတော့၊ နအဖအတွက် ရှေ့နေ လိုက်နေတာကကော ပြည်တွင်းမှာ နေပြီး ပြည်တွင်း အခြေအနေကို သိနားလည်တာလို့ ဆိုနိုင်ပါသလားလို့ မေးလိုက်ဖို့ ကောင်းပါတယ်။

ဒီနေ့ နအဖပြင်ဆင်နေတဲ့ ရွေးကောက်ပွဲနဲ့ ၂၀၀၈ ခုနှစ် ဖွဲ့စည်းပုံအရဆိုရင် နောက်တက်လာမယ့် အစိုးရဟာ ဘယ်ပုံ ဖြစ်မယ် ဆိုတာ ဘယ်သူမဆို စဉ်းစားလို့ ရတဲ့ ကိစ္စဖြစ်ပါတယ်။ တကယ်လို့သာ နောက်အစိုးရ ဖွဲ့ပြီးတဲ့ အခါမှာ တိုင်းပြည်ရဲ့ အဓိပတိ နေရာ၊ သမ္မတ နေရာမှာ ဗိုလ်သန်းရွှေ၊ ဒါမှမဟုတ် ဗိုလ်ရွှေမန်း ထိုင်နေရင် ဘယ်လို ပြောကြမလဲ။ ဒါဟာ မဖြစ်နိုင် တာကို ပြောနေတာ မဟုတ်ပါဘူး။ အဲဒီ အခါကျရင် သမ္မတကြီး ဗိုလ်သန်းရွှေ၊ ဗိုလ်ရွှေမန်းတို့ကို “နည်းနည်းသက်သာတဲ့ မကောင်းဆိုးဝါး” လို့ပဲ ပြောမှာလား။ အဲဒီလိုသာ ဖြစ်လာပြီဆိုရင် ဗိုလ်သန်းရွှေတို့က “ဒီအတိုက်အခံ ဆိုတဲ့ လူတွေဟာ သကာလေး လူးကျွေးလိုက်တော့ စားတာပဲ” လို့ ပြောမှာ သေချာပါတယ်။ တကယ်ကျတော့ “နည်းနည်းသက်သာတဲ့ မကောင်းဆိုးဝါး” ဆိုတာဟာ နအဖက အထင် ရောက်စေချင်တဲ့ မီးခိုးမှိုင်း တခုသာဖြစ်ပါတယ်။

ပြန်စဉ်းစားလိုက်ရင် ပြည်တွင်းမှာ ဘယ်သူနဲ့မှ မဆွေးနွေးဘဲ၊ ဘာအပေးအယူမှမလုပ်တဲ့ နအဖ ဗိုလ်ချုပ်တွေ ကို ဒီရွေး ကောက်ပွဲကျမှ ဈေးဆစ်လို့ ရမယ်၊ အပေးအယူ လုပ်လို့ရမယ်လို့ ပြောနေကြတာတွေဟာ ကိုယ့်ကိုယ်ကိုယ်ညာတာ မဟုတ်ရင် သူများကို ညာတာပဲ ဖြစ်မှာပါ။ မမေ့သင့်တာက ဒီရွေးကောက်ပွဲဟာလည်း “သူ့ပွဲ”၊ နအဖရဲ့ပွဲပဲဖြစ်ပါတယ်။ ကိုယ့်ပွဲလို့ ယူဆစရာ အကြောင်း ဘာမှ မရှိပါဘူး။ အားလုံးဟာ နအဖရဲ့အသေအချာ ပြင်ဆင်ထားတဲ့ အခင်းအကျင်းထဲကို ၀င်“က”ရတာ ဖြစ်ပါတယ်။ ဒါရိုက်တာ- နအဖ၊ ပရိုဂျူဆာ- နအဖ၊ အဓိကဇာတ်ကောင်- နအဖသာဖြစ်ပါတယ်။ ကျန်တဲ့ အင်အားစုတွေက ကံကောင်းပါမှ “ရော့ဆရာ-သော့”ဆိုတဲ့ တပည့်ကျော် အခန်းမျိုး လောက်ပါရမှာပါ။ ဗီလိန်ခန်းတောင် မပါရပါဘူး။ အကြောင်းက ဗီလိန်ကိုလည်း နအဖနဲ့ သူလူတွေကပဲ လုပ်ဦးမှာမို့ပါ။

အခုတော့ ရွေးကောက်ပွဲက ဘယ်မှာမှန်းမသိသေးဘူး၊ နအဖရဲ့မတရားမှုတွေ၊ ပုံမမှန်မှုတွေက ဟိုကပေါ်၊ ဒီကပေါ်၊ ပေါ်လာတာမို့ ရေဒီယိုတွေမှာ မကျေမနပ်ပြောသံတွေ မကြာခဏ ကြားနေရပါတယ်။ အဲဒီအထဲက တဖွဲ့ဖြစ်တဲ့ ဦးခင်မောင် ဆွေတို့ကိုတော့ ကြပ်ပြေးအထိ ခေါ်ယူပြီး “ကြပ်” လိုက်တာကို တွေ့လိုက် ကြရပါတယ်။ ရွေးကောက်ပွဲ ၀င်ချင်ရင် ပြန်တင်ဆိုပြီး ထောင်ထဲမှာ စာမေးပွဲ ဖြေခိုင်းတာမျိုး ထောင်ပြင်မှာ ထပ်ဖြေခိုင်းလိုက်တဲ့သဘောရှိပါတယ်။ အန်ဒီအက်ဖ် ခေါင်းဆောင်တွေ အသနားခံရမယ့် အခြေအနေ ဆိုက်သွား ရပါတယ်။ သူတို့တတွေ ဆုပ်စူး စားရူးဖြစ်နေတာ အမှန်ပါပဲ။ ဒါ့အပြင် နအဖက ပေးမယ့် ဒီမိုကရေစီကို နအဖ ထက်တောင် ယုံကြည် အမွှန်းတင်နေတဲ့ ပါတီတခု ဆိုရင်လည်း မြူနီစပယ် ဥပဒေနဲ့ “ကြပ်” တာ ခံနေရတာ တွေ့ရပါတယ်။ စံကျတဲ့ နအဖရဲ့ “စပေ့စ်” လေးတွေလို့ဆိုရင် မမှားပါဘူး။ တချို့လူတွေမတော့ ဒီရွေးကောက်ပွဲအကြောင်းပြုပြီး နအဖစစ်အစိုးရက မီဒီယာတွေကို တစုံတရာ လွတ်လပ်ခွင့်တွေ ပေးလာတယ်လို့ ပြောနေတုန်းမှာပဲ နအဖ စစ်အာဏာရှင် စနစ်ကို သဘောတရားတွေနဲ့ ကျားကန် ပေးနေတဲ့ ဂျာနယ် တစောင် အပိတ်ခံရတာ၊ ဆင်ဆာ ထိခံရတာတွေ တွေ့လိုက်ရပါတယ်။ ဒီလိုနဲ့ ရွေးကောက်ပွဲနဲ့ နီးလာတာနဲ့အမျှ စံကျတဲ့ စပေ့စ်လေးတွေကို ခပ်စိပ်စိပ် ဆက်တိုက် တွေ့လာနေရတာကို သတိထား မိပါတယ်။

ဒီအဖြစ်အပျက်ကနေ ထောက်ပြနေတဲ့ နောက်အရေးကြီးတဲ့ အချက်တချက်ကတော့ နအဖစစ်အစိုးရဟာ နိုင်ငံရေး လုပ်သူတွေကို လွန်ခဲ့တာတွေ၊ မှတ်တမ်းတွေနဲ့ ထိန်းချုပ်တာ၊ အကျပ်ကိုင်တာ စတဲ့ မာဖီးယားဂိုဏ်း အစဉ်အလာနဲ့ ပုလိပ် အကျင့်တွေကို စွဲစွဲမြဲမြဲ ကျင့်သုံးနေတယ် ဆိုတဲ့အချက်ပါပဲ။ ဒီနေ့ကာလမှာ နိုင်ငံခြား သံရုံးတချို့ဟာ ဒီရွေးကောက်ပွဲနဲ့ ရွေးကောက်ပွဲ ၀င်မယ့် အဖွဲ့အစည်း တွေကို အတော် စိတ်ဝင်စားနေကြပြီး သူတို့ အတော်လေး ခြေသွက်လက်သွက် လှုပ်ရှားနေ ကြတယ်ဆိုတာကို နအဖ မသိတာ မဟုတ်ဘူး။ စောင့်မကြည့်ဘဲ နေမှာလည်းမဟုတ်ဘူး။ ဒါပေမယ့် အခုအထိတော့ ဘာမှ မပြော၊ ဘာမှအရေးမယူ၊ ဒီအတိုင်း လွှတ်ထားပါတယ်။ ဒါပေမယ့် တချိန်မှာ သူတို့က “ကိုင်” ချင်ပြီဆိုရင်တော့ “သက်သေ အထောက်အထားတွေ” အများကြီးနဲ့ ဖြစ်နေမှာ သေချာပါတယ်။

အခုလို မြန်မာပြည်ရဲ့နိုင်ငံရေးအခြေအနေမျိုးမှာ သဘောတရားအမျိုးမျိုး၊ အယူအဆအမျိုးမျိုး၊ အကြံဉာဏ် အမျိုးမျိုး ပေါ်ထွက် တာဟာ ဘာမှ မဆန်းပါဘူး။ တလျှောက်လုံး ကုပ်နေခဲ့ပြီး အခုကျမှ သဘောတရား ဆရာ ထလုပ်တာ၊ အမြဲတမ်း နှာစေးနေပြီး ဒီတလောကျမှ ပုရောဟိတ် ထွက်လုပ်တာ၊ စုံနေအောင် တွေ့နေရပါပြီ။ ဒါပေမယ့် လက်တွေ့ကျတော့ ဒီနေ့ ပြည်တွင်းက တရားဝင် မီဒီယာလောကမှာ “ရေးခွင့်ရတယ်” လို့ ဆိုတာမှန်သမျှ၊ “ပြောခွင့်ရတယ်” ဆိုတာ မှန်သမျှဟာ ၂၀၁၀ ရွေးကောက်ပွဲနဲ့ ၂၀၀၈ ဖွဲ့စည်းပုံ အခြေခံဥပဒေတို့ကို မဆန့်ကျင်ရဘူးဆိုတဲ့ ဘောင်ထဲကသာ ဖြစ်တယ်ဆိုတာကို မမေ့သင့်ပါဘူး။ နောက်ပြီး လက်ဝဲ လေသံကိုလည်း နည်းနည်းလေးမှ ဟခွင့်မပေးတာကိုလည်း သတိပြု သင့်ပါတယ်။ ဒါဟာ နအဖရဲ့စည်းကမ်းရှိတဲ့ ဒီမိုကရေစီပါ။ နအဖအတွက် ရှေ့နေ လိုက်ပေးနေကြတာဟာလည်း ဒီလို ဒီမိုကရေစီ အတွက် ဖြစ်ပါတယ်။

တကယ်က ဒီနေ့အချိန်ဟာ နအဖရဲ့ဒီမိုကရေစီ ဘယ်လောက်စစ်မှန်တယ်၊ ဘယ်လိုပြုပြင်ယူရမယ် ဆိုတာကို ဆွေး နွေးနေရမယ့် အချိန် မဟုတ်ပါဘူး။ ဒါကိုဆွေးနွေးနေ၊ ဒါကို ပြဿနာ လုပ်နေတယ်ဆိုရင် ဒါဟာ လူထုကို အာရုံ လွဲအောင်လုပ် တာ၊ မျက်စိလည်အောင် လုပ်တာဖြစ်တယ်လို့ ပြောရပါတော့မယ်။ အထက်မှာ တင်ပြခဲ့တာတွေကို ကြည့်ရင် နအဖဟာ သူက အရေးယူ ဖိနှိပ်ရမှာနဲ့ ပတ်သက်လာရင် နည်းနည်းမှ မျက်စိမလည်၊ အာရုံမပြားဘူး ဆိုတာကို တွေ့ရပါမယ်။ ဒီတော့ ကိုယ့်ဘက်က မျက်စိလည်တယ်၊ အာရုံပြားတယ် ဆိုရင် ကိုယ်ပဲ လက်ဦးမှုမဲ့မှာပါ။ ကနေ့အချိန်ဟာ ပြည်သူတွေဘက်က လက်ဦးမှု ပြန်ရအောင် ဆွေးနွေးကြံဆ၊ လုံးပန်းရမယ့် အချိန် မဟုတ်ပါလား။

Ref: ခေတ်ပြိုင်

Read More...

Collapse...

ဦးဝင်းတင်နဲ့ မေးခွန်းများ

၂၀၁၀ ရွေးကောက်ပွဲ သပိတ်မှောက်တဲ့ဆီသို့ အရွေ့များ

သြဂုတ် ၉ ၊ ၂၀၁၀

ဖြိုးမင်းသိန်းတို့ ပါတီထောင်တာနဲ့ ပတ်သက်ပြီး
၂၀၁၀ ရွေးကောက်ပွဲမှာ ၀င်ရောက်မှတ်ပုံတင်ကြမယ် ဆိုပြီး လူငယ်တွေက အရင်တုန်း ကတည်းက အများကြီး လာရောက် ဆွေးနွေးဖူးတယ်။ သူတို့နဲ့ ပတ်သက်ပြီး ထင်မြင်ချက် ပေးခဲ့တာတွေကို အခု ပြန်ပြောပြမယ်။

ကျောင်းသားတွေ လူငယ်တွေ ဆိုတာ နိုင်ငံရေးမှာ လှုပ်ရှားတဲ့ အင်အားစုဖြစ်တယ်၊ သူတို့တွေက ပါတီ နိုင်ငံရေး လှုပ်ရှားမှု တခုကို ထူထောင်တာ မဟုတ်ဘဲ၊ ၂၀၁၀ ရွေးကောက်ပွဲကို အကြောင်းပြုပြီး လူငယ် ကျောင်းသား တွေရဲ့ နိုင်ငံရေးလှုပ်ရှားမှုတရပ်ကို ဆောင်ရွက်ကြတယ်လို့ မြင်တယ်။

သို့သော် ပါတီ အဖွဲ့အစည်းတရပ်ကို ထောင်ပြီးတော့ လှုပ်ရှားကြတဲ့နေရာမယ် မင်းတို့ရှေ့က ဖြတ်သန်း သွားခဲ့ဖူးတဲ့ နိုင်ငံရေး သမားတွေ၊ နိုင်ငံရေး ပါတီတွေလို ပါတီနိုင်ငံရေးကို ငဲ့ရ၊ ပါတီ ရပ်တည်ရေးတို့ ပါတီ အကျိုးစီးပွားတို့ကို ငဲ့ရနဲ့ လှုပ်ရှား ဆောင်ရွက်လာရတဲ့ အဖြစ်ကို ရောက်လာကြရင် မင်းတို့တတွေဟာ လူငယ်တွေ ကျောင်းသားတွေရဲ့ နိုင်ငံရေး လှုပ်ရှားမှုတခု အဖြစ်ကနေ သမားရိုးကျ နိုင်ငံရေး ပါတီလိုပဲ ဖြစ်သွားမှာပဲ၊ အဲသလို သာမန်နိုင်ငံရေး သမား တဦးပဲ ဖြစ်သွားမှာပဲ လို့ ပြောခဲ့ဖူးတယ်။

သို့သော် မင်းတို့တတွေက နိုင်ငံရေးပါတီကို ထူထောင်ခဲ့သော်လည်း ခေတ်ကို ပြုပြင်တဲ့ မဟုတ် မမှန်တာကို တွန်းဖြိုမယ့် လူငယ်တွေ ကျောင်းသားတွေရဲ့ လှုပ်ရှားမှုမျိုးကို ဆောင်ရွက် လာနိုင်တယ် ဆိုရင်တော့ တမျိုးတဖုံ ဖြစ်လာမယ် လို့ ပြောဖူးတယ်။ ဒါပေမယ့်လည်း အဲသည် ပါတီထဲကို ၀င်ရောက် လှုပ်ရှားခဲ့သော်လည်း တနေ့ တချိန်ချိန်မှာ အစက ရည်ရွယ်ချက်တွေ မလုပ်နိုင်တော့အောင်၊ အတားအဆီး အပိတ်အပင်တွေ ကြုံတွေ့ လာရတဲ့ အချိန်ရောက်လာရင်၊ အခြေအနေကို ရင်ဆိုင်ရတဲ့ ရောက်လာရင်တော့ ပါတီကို ဖျက်သိမ်းပြီးတော့ ထွက်ရတော့မှာပဲ၊ အဲသည်လိုမျိုး လုပ်ရတော့မှာပဲလို့ ငါ ထင်တယ်လို့ ပြောခဲ့ဖူးတယ်။

၂၀၁၀ ရွေးကောက်ပွဲအကြို စည်ကားလာတဲ့ စာနယ်ဇင်းမျက်နှာစာများ အပေါ်
အခုဆိုရင်လည်း စစ်အစုိုးရရဲ့ ၂၀၁၀ ရွေးကောက်ပွဲကို အကြောင်းပြုပြီး ဂျာနယ်တွေ ထုတ်ခွင့် ရကြတယ်။ စာရေးသားခွင့် တွေလည်း အထို က်အလျောက် ရကြတယ်။ အဲသည်မှာလည်း ကျနော်က သူတို့ကို ပြောဖူးတယ်။

ခင်ဗျားတို့တတွေကို အခု သူတို့က ခွင့်ပြုထားတာကနေပြီး ပိတ်ပင်တာတွေ၊ တားဆီးတာတွေ လုပ်လာမယ်။ သူတို့ မကြိုက်တာတွေကို မလုပ်ရ၊ မပြောရ၊ မရေးရ ဆိုပြီး လွတ်လပ်တဲ့ စာနယ်ဇင်းတွေ အဖြစ်ကနေပြီး သူတို့ အလိုကျ သမားရိုးကျ မဂ္ဂဇင်း ဂျာနယ်တစောင်လို၊ သမားရိုးကျ စာရေးသူ တဦး အဖြစ်ကို ဆောင်ရွက်လာတဲ့ တနေ့ကျရင် ဒါမျိုးကို အဖြစ်မခံဘဲနဲ့ ဂျာနယ်ကို ကိုယ့်ဖာသာကို ပိတ်လိုက်နိုင်ရဲတဲ့ သတ္တိမျိုး ရှိရလိမ့်မယ် လို့ ပြောဖူးတယ်။

ယခု ဖြိုးမင်းသိန်း ပါတီဥက္ကဋ္ဌရာထူးက နုတ်ထွက်လိုက်ပြီ ဆုိုတော့ …
ဒါဟာ နိုင်ငံရေးအရ သူ့အနေနဲ့ ခုနက ပြောခဲ့တဲ့ အခြေအနေကို ရောက်လာတာကြောင့် သတ္တိရှိရှိနဲ့ Model သဘော၊ စံဖြစ်တဲ့ ဆုံးဖြတ်ချက်ချပြီး ဆောင်ရွက်လိုက်တာ ဖြစ်တယ် လို့ ကျနော့်အ နေနဲ့ မြင်ပါတယ်။

မြန်မာပြည်မှာ လက်ရှိနိုင်ငံရေးအခြေအနေ အကြပ်အတည်းတွေ ဆိုးဝါးမှုတွေကို အကောင်းဆုံး ပြသလိုက်တဲ့ ထုတ်ဖော် ပြလိုက်တဲ့ ပြယုဒ်တခု ဖြစ်တယ် လုို့ ပြောချင်တယ်။

အဲသည်လိုမျိုး ၂၀၁၀ ရွေးကောက်ပွဲ ရဲ့ အခြေအနေနဲ့ အလားအလာဟာ ဘယ်လောက်တောင်မှ မတရား ဖြစ်နေပြီ ဆိုတာကို ပြသနေပြီ။ ဥပမာ အချို့ ပါတီတွေက ပါတီဝင်တွေကို ရွေးကောက်ပွဲ ၀င်ချင်ရင် အသနားခံစာ တင်ရမယ် စသည်ဖြင့် လုပ်လာတယ်။ ပါတီတွေကို ခွဲခြားပြီး ဖိနှိပ်တာတွေ လုပ်လာနေတယ်။ အဲသည် အခြေအနေမှာ ဖြိုးမင်းသိန်းက ဒါမျိုးကို လက်မခံနိုင်ဘူး ဆိုပြီး နုတ်ထွက် လိုက်တယ်။
သို့သော် အခြားသူတွေကတော့ စစ်အစုိုးရရဲ့ တောင်းဆိုချက်တွေကို လက်ခံပြီးတော့ ဆက်ပြီး အသနားခံစာတွေ တင်မယ်လို့ ရွေးချယ်ကြတယ်။ ကိုယ်လုပ်ခဲ့တဲ့ သမိုင်း၊ ကိုယ်ဖြတ်သန်းခဲ့တဲ့ ရပ်တည်ချက်တွေကို ဘယ်လိုနည်းနဲ့မှ ရုတ်သိမ်းစရာ မလိုဘူး၊ အသနားခံစရာတွေလည်း မလိုဘူး။ သူတို့မှာ ဥပဒေရှိရင် ဥပဒေနဲ့ လုပ်စရာရှိတာ လုပ်ပေတော့ပဲ။ ဒါပေမယ့် အချို့ကတော့ စစ်အစုိုးရ ဖိနှိပ်တာကို နာခံပြီးတော့ အသနားခံစာ တင်မယ်လို့ ရွေးချယ်ကြတယ်။

ဒါဟာ ဖြိုးမင်းသိန်းလို လူငယ် ကျောင်းသားတွေရဲ့ နိုင်ငံရေးလှုပ်ရှားမှု ပုံသဏ္ဌာန်နဲ့ သာမန် ပါတီ နိုင်ငံရေး သမားတွေရဲ့ သမားရိုးကျ နိုင်ငံရေးလှုပ်ရှားမှု ကွဲပြား ခြားနားမှုကို ပြလိုက်တာပဲ လို့ မြင်နိုင်တယ်။ ဖြိုးမင်းသိန်းဟာ အဲသည်လိုမျိုး အဖြစ်မခံဘဲ ထွက်လိုက်တယ်လို့ မြင်ပါတယ်။

၂၀၁၀ ရွေးကောက်ပွဲ ကစားကွင်းကနေ တဦးချင်း၊ တပါတီချင်း နုတ်ထွက်လာကြမှာလား …
အခု မြင်ရ ကြားရတာကတော့ ဖြိုးမင်းသိန်းက သူတဦးတည်း ဆန္ဒနဲ့ ၂၀၁၀ ရွေးကောက်ပွဲကို မယုံကြည်တော့လို့ ပါတီဥက္ကဋ္ဌ အဖြစ်ကနေ နုတ်ထွက်တယ်။ အဲသည်တော့ ပါတီ တရပ်လုံး အနေနဲ့ကလည်း အများစု သဘောနဲ့ ဆွေးနွေးကြ၊ တိုင်ပင်ကြရလိမ့်မယ် ထင်တယ်။ ပါတီ အနေနဲ့လက်ရှိ နိုင်ငံရေး အခြေအနေမှာ ဆက်လက်ပြီး လှုပ်ရှား ဆောင်ရွက်မှုတွေ လုပ်ကြမလား။ ဆက်လက် ရပ်တည်ကြမလား။ ဘယ်လိုမျိူး ပါတီက ၂၀၁၀ ရွေးကောက်ပွဲကို ၀င်ရောက် ဖြတ်သန်းဖို့ ရင်ဆိုင်မလဲ။ ဘယ်လိုမျိူး အခြေအနေ အကြပ်အတည်း ဖိနှိပ်မှုတွေ ရင်ဆိုင်လာရရင် ပါတီ တခုလုံးအနေနဲ့ ၂၀၁၀ ရွေးကောက်ပွဲကနေ နုတ်ထွက် ကြမှလား၊ ဖျက်သိမ်း ကြမှာလားဆိုတာ ဆွေးနွေးကြ၊ သဘောထားတွေ ပြင်ကြရတော့မှာ ဖြစ်တယ်။

အဲသည်အဖြစ်အပျက်ကို ဥပမာယူပြီးတော့ အခြားနိုင်ငံရေးပါတီတွေကလည်း ဘယ်လိုမျိူး ကြိုတင် တွေးထား ကြပြီလဲ။ ရွေးကောက်ပွဲ မ၀င်ခင်ကတည်းက ဘယ်လောက်အထိ ဖိနှိပ်ချိုးနှိမ် အရေးယူမှုတွေ၊ ခွဲခြားမှုတွေကို လက်သင့်ခံကြမလဲ။

အခုဆိုရင် ၂၀၁၀ ရွေးကောက်ပွဲ ၀င်မယ့် ပါတီတွေ ပြောခဲ့ကြတာက လွှတ်တော်ထဲမှာ စစ်တပ်က ၂၅ % ကို လက်ခံပြီးတော့ ပြုပြင်ပြောင်းလဲရေးတွေ ၀င်လုပ်ကြဖို့ ပါတီတွေ ထောင်ကြတယ် ဆိုတယ်။ အခုဟာက လွှတ်တော်ထဲ ၀င်ဖို့ မပြောနဲ့ဦး၊ ရွေးကောက်ပွဲ ၀င်ဖို့ကိုတောင် စစ်အစုိုးရက သူတို့ ထောင်ထားတဲ့ ပါတီတွေ သူတို့ မွေးထားတဲ့ လူတွေဖက်က တဖက်သတ် ရပ်တည်ပြီးတော့ အခြားပါတီတွေကို ဖိနှိပ်လာနေပြီ ဖြစ်တယ်။

အဲသည်အချက်တွေကြောင့်မို့လို့ တဦးတယောက်ချင်းဆီကနေပြီးတော့ ၂၀၁၀ ရွေးကောက်ပွဲကို အယုံအကြည် မရှိဘူး ဆိုပြီး နုတ်ထွက် လာကြတာတွေ အပြင် မတရား အလုပ်ခံရတဲ့ နိုင်ငံရေး ပါတီတွေ ကိုယ်တိုင်ကလည်း ၂၀၁၀ ရွေးကောက်ပွဲကနေပြီး ဖိနှိပ်ချုပ်ချယ်မှုတွေကို မခံဘဲ နုတ်ထွက်လာမယ့် ပါတီတွေ ရှိလာနိုင်တယ်။ တချို့ကလည်း ဒါတွေကို ခံပြီး၊ စစ်အစုိုးရ အနိုင်ကျင့်မှုတွေကို လက်ခံပြီး ဆက်လက် ရပ်တည် နေကြတာတွေ ကိုလည်း မြင်ကြရဦးမယ် ဖြစ်တယ် လုို့ ပြောချင်တယ်။

၂၀၁၀ ရွေးကောက်ပွဲ ကို အယုံအကြည်မရှိတဲ့ အပြင်သပိတ်၊ အတွင်းသပိတ်တွေ …
အခုအချိန်မှာ အင်န်အယ်ဒီပါတီက ၂၀၀၈ အခြေခံဥပဒေကို လက်မခံနိုင်လို့၊ ၂၀၁၀ ရွေးကောက်ပွဲ ဥပဒေ တွေကို မယုံကြည်လို့ အစကတည်းက ၂၀၁၀ ရွေးကောက်ပွဲကို မ၀င်ဘူး၊ မှတ်ပုံ မတင်ဘူး။ အစောကတည်းက သပိတ် မှောက်ထားခဲ့ပြီး ဖြစ်တယ်။

သို့သော်လည်း အချို့ကတော့ ၂၀၁၀ ရွေးကောက်ပွဲကို ၀င်မယ်။ အဲသည်က လွှတ်တော်ကို တက်မယ်လို့ စဉ်းစား ကြတယ်။ အခုအချိန်မှာ စစ်အစုိုးရက သူ့စိတ်တိုင်းကျ ရွေးကောက်ပွဲကိုတောင်မှ သူ့စိတ်တိုင်းကျ ထူထောင် ထားတဲ့ စစ်အာဏာရှင် ပါတီကိုပဲ လက်ခံဖို့ လုပ်လာတယ်၊ ခြေလှမ်းတွေ လှမ်းလာပြီ ဖြစ်တယ်။

အဲသည်အခြေအနေကနေပြီးတော့ စစ်အစုိုးရရဲ့ ၂၀၁၀ ရွေးကောက်ပွဲကို ၀င်ကြမယ် ဆိုတဲ့ နိုင်ငံရေး ပါတီတွေ ကိုယ်တုိုင်က လက်သင့်မခံနိုင်တော့တဲ့ အဆုံးမှာ ကစားဝိုင်း အတွင်းကနေ သပိတ်မှောက်ပြီး ထွက်လာ ကြတာမျိုးတွေကို မြင်ယောင်ကြည့်နိုင်တယ်။

ဒါ့အပြင် စစ်အစုိုးရ ခွင့်ပြုထားလို့ ပေါ်ထွန်းလာတဲ့ စာနယ်ဇင်းတွေ စာစောင် မျက်နှာစာ တွေမှာလည်းပဲ စစ်အစုိုးရ ချုပ်ချယ် တားမြစ်မှုတွေ၊ ဖိနှိပ်မှုတွေကို ခံစား နေကြရပြီ ဖြစ်နေတယ်။ စာပေ စိစစ်ရေးက စာမူတွေ သတင်းတွေ အများအပြားကို ကန့်သတ်တယ်၊ ပိတ်ပင်တာတွေ လုပ်နေတယ်။ တချိန်ချိန်မှာ စာနယ်ဇင်းတွေ ကလည်း စစ်အစုိုးရ အလုိုကျ၊ လက်ကိုင်တုတ် သမားရိုးကျ စာနယ်ဇင်း အဖြစ်နဲ့ နေမှာလား၊ ဒါကို လက်မခံဘူး ဆိုပြီး သူတို့ရဲ့ ဆန္ဒအမှန်ကို ထုတ်ပြကြရမယ့် အချိန် ရောက်လာမယ်။

ပြည်သူတွေ လူထုမဲဆန္ဒရှင်တွေ အနေနဲ့ အဆုံးအဖြတ် ပေးတော့မယ့် ကာလလည်း ရောက်လာတော့မှာ ဖြစ်ပါတယ်။

Ref: မိုးမခ

Read More...

Collapse...

နေ့စဉ်သတင်းများ ( ၈ - ၈ - ၁၀ )

■ လိုင်ဘေးရီးယား သမ္မတဟောင်းကဲ့သို့ ဗိုလ်ချုပ်သန်းရွှေ တရားစွဲခံရနိုင် သတင်း
■ ရှစ်လေးလုံး အောက်မေ့ဖွယ် အခမ်းအနားတွေ ပြည်တွင်းပြည်ပမှာ ကျင်းပ သတင်း
■ ရှစ်လေးလုံးလှုပ်ရှားမှုနှင့် မြန်မာ့နိုင်ငံရေး လူငယ်စကားဝိုင်းများ ကျင်းပ သတင်း
■ ရန်ကုန်မှ နိုင်ငံရေးသမားများ ၈ လေးလုံးနေ့ကို တိတ်ဆိတ်စွာ အထိမ်းအမှတ်ပြု သတင်း
■ အမှတ်တရ ၈.၈.၈၈ သတင်း
■ ရှစ်လေးလုံး နှစ်ပတ်လည်နေ့တွင် မွန်ခေါင်းဆောင် နိုင်နွန်လာ ကွယ်လွန်ခြင်း အခမ်းအနား ကျင်းပ သတင်း
■ ရခိုင်ပြည်နယ်က ဓမ္မ၀ိဟာရဆရာတော် ဦးပညာစာရအား စစ်အစိုးရက ဖမ်းဆီးနှိပ်စက်ခြင်းသည် နိုင်ငံရေး၊ လူမျိုးရေးနှင့် ဘာသာရေး လုပ်ကြံမှုတခုဖြစ်ဟု အမေရိကန်ရောက် ဆရာတော်များက ပြော သတင်း
■ ရွေးကောက်ပွဲ သပိတ်မှောက်ရန် ဗကသ တိုက်တွန်း သတင်း
■ ဦးတေဇပိုင် Asia Green Development ဘဏ်ပထမဆုံး ဖွင့်လှစ်ပြီ သတင်း
■ RFA သတင်းဌာနလည်း ဇော်ဂျီ သုံးတော့မည် သတင်း
■ တရုတ်နိုင်ငံ အနောက်မြောက်ပိုင်း ရေကြီးမြေပြိုမှု လူ (၁၃၀) နီးပါး သေဆုံး သတင်း
■ အမျိုးသားဒီမိုကရေစီအဖွဲ့ချုပ် လှုပ်ရှားမှုဓာတ်ပုံအချို့ (ဓာတ်ပုံ)
■ ကမ္ဘာမကြေတဲ့ ပဲ့တင်သံတွေ (ကဗျာ)
■ တပ်ဖွဲ့ဝင်တွေရဲ့ စုဆောင်းငွေ ဘာကြောင့် ပြန်မပေးနိုင်တာလဲ (ဆွေးနွေးဖလှယ်)
■ ကျနော်နှင့် ရှစ်လေးလုံးအရေးတော်ပုံ (ဆောင်းပါး)

Read More...

Collapse...