ကွန်ချမ်း
ဖေဖေါ်ဝါရီလ ၀၇ ရက် ၂၀၁၃ ခုနှစ်
လက်ပံတောင်းတောင် အရေးအခင်း ဒဏ်ရာရ သံဃာများအနက် ထိုင်းနိုင်ငံတွင် ဆေးကုသမှု ခံယူနေသော ရှင်သဇ္ဇနသည် ဆေးရုံမှ မဆင်းနိုင်သေးကြောင်း ဆေးကုသရာသို့ အတူလိုက်ပါလာသည့် ဦးတေဇောသာရ က မိန့်သည်။
ထိုင်းနိုင်ငံတွင် ဒုတိယအကြိမ် ဆေးကုသမှု ခံယူနေသည့် ရှင်သဇ္ဇန သည် တနင်္လာနေ့တွင် အရေပြား ပြန်လည် အစားထိုးကုသမှု ခံယူရသည့်အတွက် ယခုလို ဆေးရုံမှ မဆင်းနိုင် သေးတာ ဖြစ်ကြောင်း ဦးတေဇာသာရမှ ရှင်းလင်း မိန့်ကြားခဲ့သည်။
ဦးတေဇောသာရ က “ပထမတော့ ဒီရက်ပိုင်းအတွင်းမှာ ဆေးရုံက ဆင်းပေးဖို့ ဆရာဝန်က ပြောထားတယ်။ လေ့ကျင့်ရေးပိုင်း ဆရာဝန်ကလည်း ဆင်းဖို့ လက်မှတ်ထိုးပေးလိုက်ပြီ။ ဒါပေမဲ့ အရေပြား ဆရာဝန်က သူတို့ အစားထိုးကုထားတာ သိပ်အားမရလို့ ပြန်ပြီး ကုရတယ်ဆိုတော့ ဒီမှာ ပြန်နေရဦးမယ်” ဟု မိန့်သည်။
ထိုင်းအစိုးရ စစ်ဆေးရုံ (Royal Thai Army Hospital) မှ တာဝန်ရှိသူများက ယခင် အရေပြား အစားထိုးကုသခဲ့သည့် ညာဘက် ခြေကျင်းဝတ်တွင် အသားသစ်များ မတက်သည့်အတွက် ၅ နာရီကြာ ပြန်လည်အစားထိုး ကုသရခြင်း ဖြစ်သည်။
ရှင်သဇ္ဇန၏ ဘယ်ဘက် ခြေကျင်းဝတ် ဒဏ်ရာမှာ သက်သာပျောက်ကင်းနေပြီး လေ့ကျင့်ခန်းပိုင်းလည်း ပြီးဆုံးသွားကာ အရေပြား ပြန်လည် အစားထိုးခြင်း မပြုမီအထိ ပုံမှန်အတိုင်း လမ်းလျှောက်နိုင်ခဲ့သည်ဟုလည်း ဦးတေဇောသာရ က မိန့်သည်။
သက်တော် ၁၄ နှစ်အရွယ် ရှင်သဇ္ဇနသည် ယခင်က ရန်ကုန် အရေပြား အထူးကု ဆေးရုံတွင် တက်ရောက် ကုသ နေရာမှာ ခြေကျင်းဝတ်ဒဏ်ရာ မသက်သာသည့်အတွက် ၂၀၁၂ ခုနှစ်၊ ဒီဇင်ဘာလ ၂၅ ရက်နေ့တွင် ထိုင်းနိုင်ငံသို့ ရောက်ရှိခဲ့ကာ အရေပြား အစားထိုး ကုသမှု ၅ ကြိမ် ခံယူခဲ့ပြီး ဖြစ်သည်။
ရှင်သဇ္ဇန နှင့်အတူ ထိုင်းအစိုးရ စစ်ဆေးရုံတွင် ကုသမှု ခံယူနေသည့် ဦးတိက္ခဉာဏ သည်လည်း ကျောပြင်နှင့် တင်ပါး စသည်တို့တွင် ၃ ကြိမ် အစားထိုး ကုသရန် ကျန်ရှိနေကာ ဆေးရုံတွင် အနည်းဆုံး ၂ လခန့် ကြာဦးမည်ဟု သားဖြစ်သူ ဒေါက်တာနေသုခ က ပြောသည်။
သက်တော် ၆၄ ရှိ ဦးတိက္ခဥာဏသည် အင်္ဂါနေ့တွင် ၃ နာရီကြာ ညာဘက်ပေါင် အတွင်းပိုင်း အစားထိုး ကုသမှု ခံယူခဲ့ပြီးဖြစ်သည်။
လက်ပံတောင်း အရေးအခင်း ဒဏ်ရာရ သံဃာများအနက် ဦးတိက္ခဉာဏသည် ဒဏ်ရာအပြင်းထန်ဆုံး ဖြစ်ပြီး ဒီဇင်ဘာလ ၁၃ ရက်နေ့တွင် ထိုင်းနိုင်ငံသို့ ရောက်ရှိခဲ့ကာ ပုဂ္ဂလိက ဘန်ကောက် ဆေးရုံကြီးတွင် တက်ရောက် ကုသနေရာမှ ဒီဇင်ဘာလ ၂၅ ရက်နေ့တွင် ထိုင်းအစိုးရ စစ်ဆေးရုံသို့ ပြောင်းရွှေ့ကုသခဲ့သည်။
ထိုင်းနိုင်ငံတွင် ဆေးကုသမှု ခံယူနေသည့် သံဃာတော်များအတွက် လက်ပံတောင်းတောင် စုံစမ်းရေး ကော်မရှင်က တာဝန်ယူဆောင်ရွက်ပေးမည် ဖြစ်ပြီး ဆေးကုသ စရိတ်အားလုံးကို မြန်မာနိုင်ငံ အစိုးရက အကုန်အကျခံမည် ဖြစ်သည်။
မုံရွာခရိုင်ရှိ ကြေးနီစီမံကိန်း ရပ်တန့်ရန် တောင်းဆို သပိတ်မှောက်သည့် သပိတ်စခန်းကို နိုဝင်ဘာလ ၂၉ ရက်နေ့ မိုးသောက်ပိုင်းတွင် ရဲ တပ်ဖွဲ့ဝင်များက အင်အားသုံး ဖြိုခွင့်ခြင်း ကြောင့် သံဃာ အပါး ၁၀၀ ကျော်နှင့် လူအချို့ မီးလောင် ဒဏ်ရာ ရရှိခဲ့သည်။
ဒေါ်အောင်ဆန်းစုကြည် ဥက္ကဋ္ဌအဖြစ် ဆောင်ရွက်သည့် လက်ပံတောင်းတောင် ကြေးနီစီမံကိန်း စုံစမ်းရေး ကော်မရှင် အနေနှင့် ဇန်နဝါရီလ ၃၁ ရက်နောက်ဆုံးထားကာ ကြားဖြတ် အစီရင်ခံစာကို နိုင်ငံတော် သမ္မတထံ တင်သွင်းရမည် ဖြစ်လည်း နောက်ကျဦးမည်ဟု စုံစမ်းရေး ကော်မရှင် အဖွဲ့ဝင် ပုလဲမြို့နယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင် က ပြောကြားထားသည်။
သပိတ်စခန်း ဖြိုခွဲရာတွင် မီးခိုးဗုံး အသုံးပြုခဲ့သည်ဟု ကော်မရှင်အနေနှင့် အစောပိုင်းတွင် သတင်းထုတ်ပြန်ခဲ့သည်။ သို့သော်လည်း အမေရိကန် နိုင်ငံသား လူ့အခွင့်အရေး ရှေ့နေ များနှင့် မြန်မာ နိုင်ငံသား ရှေ့နေများ ပူးပေါင်းအဖွဲ့၏ စုံစမ်းစစ်ဆေး တွေ့ရှိချက်အရ လက်ပံတောင်းတောင် သပိတ်စခန်း ဖြိုခွဲရာတွင် မီးလောင်ကျွမ်းစေနိုင်သည့် အဖြူရောင် Phosphorous ပါ မီးလောင်ဗုံး သုံးစွဲခဲ့ကြောင်း အမေရိကန် အခြေစိုက် နယူးယောက်တိုင်းမ် သတင်းစာက ဇန်နဝါရီလ ၃၀ ရက်နေ့တွင် ရေးသားဖော်ပြသည်။
Ref: မဇ္ဈိမ
Read More...
Collapse...
နေမျိူး
ဖေဖေါ်ဝါရီလ ၀၇ ရက် ၂၀၁၃ ခုနှစ်
တမူးမြို့ နယ်အတွင်း လက်နက်ကိုင် အခြေချ နေထိုင်နေသည့် မဏိပူ သူပုန် အဖွဲ့များထဲမှ The United People's Party of Kangleipak (UPPK) အဖွဲ့သည် အိန္ဒိယ အစိုးရ နှင့် ဆက်သွယ်မှုရယူပြီး မြန်မာ- မဏိပူ နယ်စပ်
ဖြတ်ကျော်ကာ မိုးရေးမြို့သို့ ပြန်လည် ၀င်ရောက်လာကြောင်း ပြည်နယ်ထုတ် သတင်းစာများမှ သိရသည်။
ထိုအဖွဲ့အား မိုးရေးမြို့သို့ ပြန်လည်ဝင်ရောက်လာနိုင်ရေး မဏိပူပြည်နယ် ခရိုင်ရဲကွန်မန်ဒိုအဖွဲ့က မိုးရေးမြို့မှ စောင့်ဆိုင်းကူညီ ပေးခဲ့ကြောင်း ပြည်နယ်ထုတ် သတင်းစာများက ဖော်ပြသည်။
‘အိန္ဒိယ အစိုးရမှ မတရားအသင်း ကြေညာထားသည့် The United People's Party of Kangleipak (UPPK) အဖွဲ့မှ ထိပ်တန်းခေါင်းဆောင် အချို့ အပါအ၀င် အဖွဲ့ဝင် ၄၅ ဦးပါအဖွဲ့သည် မြန်မာ- မဏိပူ နယ်စပ်ကို၏ ကျော်ဖြတ်ရန် ကြိုးစားနေစဉ် နယ်စပ်ဖြတ်ကျော်နိုင်ရေး အတွက် မဏိပူရ ပြည်နယ် ထောက်ဘား (Thoubal) ခရိုင် ရဲကွန်မန်ဒို အဖွဲ့က မိုးရေးမြို့မှ ကူညီ ကယ်ဆယ်ခဲ့သည်’ ဟု ရေးသားထားသည်။
ထိုသူများ၏ ထွက်ဆိုချက်များအရ မဏိပူရ ပြည်နယ် နာဂ တော်လှန်ရေးတပ်ဦး နှင့် အာသံ Katampur လွတ်မြောက်ရေး အဖွဲ့ တို့ နှင့်အတူ တမူးမြို့နယ်ခွဲ လိုင်ဘုတ်(Leipok) အရပ်တွင် စခန်းချနေထိုင်ခဲ့ကြောင်း ပြည်နယ်ထုတ် သတင်းစာများက ရေးသားသည်။
ထိုအဖွဲ့၏ အမျိုးသမီး ကေဒါ ၄ ဦးနှင့် အတူ ဗိုလ်မှူး ၄ ဦး၊ ဗိုလ်ကြီး ၁ ဦး၊ တပ်ကြပ်ကြီး ၁ ဦး တို့ ပါဝင်ပြီး မြန်မာ ပြည်ဘက်မှ အိန္ဒိယ ဘက်အခြမ်း မိုးရေးမြို့ သို့ တနင်္ဂနေနေ့ မနက် အစောပိုင်းက အိန္ဒိယ ရဲကွန်မန် ဒို အဖွဲ့နှင့် ဆက်သွယ်ကာ တိတ်တဆိတ် ၀င်ရောက်ခဲ့ခြင်းဖြစ်သည်။
၎င်းတို့နှင့်အတူ တိုယိုတာ ကားတစီး၊ ကမ်ဘို(Kenbo) မော်တော်ဆိုင်ကယ်တစီး၊ LMG စက်သေနတ် ၁ လက်၊ Heckler Kolhn (HK) ရိုင်ဖယ် ၂ လက်၊ ၉ မမ ပစ္စတို ၁ လက်၊ ဗုံးပစ် လောင်ချာ ၁ လက်၊ လက်ပစ်ဗုံးများ၊ လက်နက်ခဲယမ်းများပါရှိကြောင်း ရေးသားထားသည်။
အိန္ဒိယ အစိုးရ သတင်းထုတ်ပြန်ရေး အဖွဲ့ အဆိုအရ “ ယူပီပီကေနှင့် ၂၀၁၂ နိုဝင်ဘာမှစပီးဆွေးနွေးခဲ့မှုများ သည် ဖေဖော်ဝါရီ ၄ ရက်နေ့တွင် ကေဒါ ၄၅ ဦး လက်နက်အမျိုးမျိုးနှင့်အတူ ငြိမ်းချမ်းရေးဖြစ်စဉ် အစီအစဉ် အတွင်းပြန်လည်ဝင်ရောက်လာခြင်းဖြင့် အဆုံးသတ်ကန့်လန့်ကာချလိုက်ပြီဖြစ်သည်” ဟု ရေးသားထား သည်။
မဏိပူပြည်နယ်အတွင်း သတင်းစာများသည် သူပုန် ကိစ္စရပ်များနှင့် ပါတ်သက်ပြီး အကြောင်းအမျိုးမျိုးကြောင့် ကွေ့ဝိုက်ရေးသား ဖော်ပြကြရသည်ဟု ထင်မြင်ကြောင်း ကူကီးအမျိုးသား တပ်မတော် (KNA) က မေဂျာ ပေါလ် က မဇ္စျိမ ကို ထင်မြင်ချက် ပေးသည်။
၎င်းက “ အလင်းဝင်ချင်ရင် လိုင်းအရင်ယူရတယ်။ မတော်တဆ နားလည်မှု လွှဲပြီး အချင်းချင်း ပစ်ကြခတ်ကြမှာ စိုးလို့လေနော်။ အိန္ဒိယက ကျနော်တို့ မြန်မာနိုင်ငံလို ကြိုဆိုရေးစခန်း တွေ ဘာတွေ မရှိဘူး။ သူတို့ သတင်းအရင်ပို့မယ်။ သူတို့ ကြားခံလူ တယောက်ယောက်ကနေ လမ်းညွှန် မယ်။ အမှန်ကတော့ လက်နက်ချတာပါပဲ။ လူတွေ လက်နက်နဲ့ ဓါတ်ပုံ ရိုက်ပြီဆိုရင်တော့ အလင်းဝင်တဲ့ သဘောပါပဲ” ဟု သုံးသပ် ပြောဆိုသည်။
၎င်းတို့အား အိန္ဒိယ အစိုးရ ထိမ်းသိမ်းစောင့်ရှောက်မှုအောက်တွင် ထားရှိပြီး အိန္ဒိယအစိုးရနှင့် စေ့စပ် ဆွေးနွေးရေး စကားဝိုင်းအတွက် ပြင်ဆင်နေပြီး နောက်ဆက်တွဲ သတင်းကို မသိရှိရသေးကြောင်း မဏိပူရ ပြည်နယ်မှ ရှေ့နေ တဦးမှ မဇ္စျိမကို ပြောသည်။
၎င်းက “ ဒီကိစ္စနဲ့ ပါတ်သက်ပြီး သတင်းစာတွေက အသေး စိတ်ရေးသားတာ မရှိဘူး။ သတင်းဓါတ်ပုံတွေမှာတော့ UPPK အဖွဲ့ဝင်တွေဟာ လက်နက်ကိုယ်စီ ကိုင်ဆောင်ထားတာ တွေ့ရတယ်” ဟု ပြောသည်။
အိန္ဒိယ အစိုးရ အနေဖြင့် ထိုကဲ့သို့ ပြည်တော်ပြန်ဝင်လာသူများကို စားဝတ်နေရေး အဆင်ပြေစေရန် လစာထောက် ပံ့ကြေး တစုံတရာ ပေးလေ့ရှိကြောင်း မဏိပူရတွင် နေထိုင်သူ အမျိုးသမီး တဦးကလည်း ပြောသည်။
အဆိုပါ အမျိူးသမီးက “တလ မှာ ၃၅၀၀ ရူးပီး ထောက်ပံ့တယ်။ ၂ နှစ်လား၊ သုံးနှစ်လားမသိဘူး။ စားဝတ်နေရေး အဆင်ပြေ အောင် သူတို့ကို တယောက်ကို ၂ သိန်းခွဲ ပေးမယ်” ဟု ပြောဆိုသွားသည်။
PLA, ULFA, UPLF, PREPAK, KCP, KYKL, RPF, UNLF, Manipur Naga Revolutionary Front (MNRF), The Katampur Liberation Organisation, KLO of Assam တို့အပါအဝင် မြန်မာပိုင်နက်ထဲ တွင် အိန္ဒိယလက်နက် ကိုင်သူပုန် ဆယ်ဖွဲ့ထက်မနည်း ခိုလှုံနေထိုင်ကြကြောင်း သတင်းစာများ တွင် ရေးသားကြသည်။
တနင်္ဂနွေနေ့က တမူးမြို့တွင် လက်နက်ငယ်မျိုးစုံ ၉၆ လက်၊ ဗုံးသီးမျိုးစုံ ၆၀ လုံး၊ နင်းမိုင်း ၂၃၊ ကျည်မျိုးစုံ ၇၉၀၇ တောင့်၊ ကျည်အိမ်မျိုးစုံ ၁၉၅ ခု၊ ယမ်းတောင့် ၂၅၁၊ ယမ်းကြိုးခွေ ၄ ခွေ သိမ်းဆည်းရမိကြောင်း ရဲတပ်ဖွဲ့ အင်တာနက်စာမျက်နှာ က ရေးသားထား သည်။
ပြည်ထောင်စု အမျိူးသား လွတ်မြောက်ရေးအဖွဲ့ United National Liberation Front (UNLF)မှ ဗိုလ်မှူးကြီး အဆင့်ရှိသူ ဦးတွန်ဘ နှင့် ဗိုလ်အဆင့်ရှိသူ ကိုမြင့်အောင် တို့မှ အဆိုပါ လက်နက်သေတ္တာ ၁၀လုံးကိုလာရောက် အပ်နှံထားခြင်းဖြစ်သည် ဟု မြန်မာနိုင်ငံ ရဲတပ်ဖွဲ့ စာမျက်နှာတွင်ဖော်ပြခဲ့သည်။
Ref: မဇ္ဈိမ
Read More...
Collapse...
ခင်မျိူးသွယ်
ဖေဖေါ်ဝါရီလ ၀၇ ရက် ၂၀၁၃ ခုနှစ်
ရန်ကုန် အိမ်ခြံမြေ ဈေးကွက်အတွင်းရှိ ဒဂုံအရှေ့မြေကွက်များနှင့် သီလဝါ အထူးစီးပွားရေးဇုန်နှင့် ဆက်စပ်မြေကွက်များ အရောင်းအ၀ယ် ပြန်လိုက်လာကြောင်း ရန်ကုန်အိမ်ခြံမြေ အကျိူးဆောင်များ ထံကသိရသည်။
“ဇန်န၀ါရီလကုန်ပိုင်းနဲ့ ဖေဖော်ဝါရီ လဆန်းရက်တွေမှာ ဒဂုံအရှေ့ မြေကွက် ဝယ်ယူမှုများလာတာ တွေ့ရတယ်၊ ဈေးနှုန်းအနေနဲ့လည်း နည်းနည်း ကြွလာတယ်။ အမြင့်ဈေး တန်ဖိုးကြီး မိန်းလမ်းမတန်း မြေကွက်တွေထက် ကျပ်သိန်း ဆယ်ဂဏန်း မြေကွက်တွေပိုပြီး အရောင်းအဝယ်ဖြစ်နေတယ်” ဟု မဏ္ဍိုင် အိမ်ခြံမြေ အကျိူးဆောင် ကုမ္မဏီမှ ဦးသန်းဦးက ပြောသည်။
ဒဂုံအရှေ့ ရှိပေ ၄၀-၆၀ တကွက်လျှင် ကျပ် ၁၂ သိန်းမှ ၁၅ သိန်းခေါ် မြေကွက်များမှာ ယခုရက်ပိုင်းအတွင်း ကျပ် ၃ သိန်းမှ ၅ သိန်း အထိလည်းကောင်း၊ ယခင်ခေါ်ဈေး သိန်း ၃၀ ၀န်းကျင်နှင့် သိန်း ၅၀ အတွင်းရှိ မြေကွက်များမှာ ကျပ်သိန်း ၄၉ မှ ကျပ်သိန်း ၇၀ အတွင်း ဈေးတိုးမြှင့် ခေါ်ယူမှုရှိလာကြောင်း ဒဂုံမြေကွက် ဝယ်ရောင်းလုပ်နေသည့် ဦးသန့်စင်က ပြောသည်။
ထို့အပြင် ကျပ်သိန်းရာဂဏန်းတန် မြေကွက်ကြီးများထက် ကျပ်ဆယ်ဂဏန်းတန် မြေကွက် သုံးလေးကွက် ၀ယ်လာပြီး အိမ်ခြံမြေ ဈေးကွက်ကို တနိုင်ဝင်ရောက် ရင်းနှီးမြှပ်နှံလာတာ တွေ့ရသည်ဟု ဝါရင့်အိမ်ခြံမြေ အကျိူးဆောင်တဦးက သုံးသပ်ခဲ့သည်။
အလားတူ သီလ၀ါ အထူးစီးပွားရေးဇုန် အနီးပတ်ဝန်းကျင်ရှိ မြေကွက်များလည်း ၂၀၁၁ခုနှစ် နှစ်ကုန် ပိုင်းကဲ့သို့ ကြီးကြီးမားမား ရောင်းအားပြောင်းလဲမှု မရှိသေးသော်လည်း အရောင်းအဝယ်လိုက်သည့် အနေအထားတွင်ရှိနေသည် ဟု အိမ်ခြံမြေအကျိူးဆောင်များက သုံးသပ်သည်။
“ ဂျပန်စီးပွားရေး လုပ်ငန်းရှင်တွေ အနေနဲ့ မတ်လထဲမှာ လုပ်ငန်းတွေကို လက်တွေ့ အကောင်အထည် ဖော်ကြမယ် ဆိုတဲ့သတင်းတွေနဲ့ အတူဈေးကွက် လှုပ်ရှားမှု ရှိနေပါတယ်၊ ဈေးနှုန်းလည်း လိုက်လာပါတယ်” ဟု
ကျောက်တံတားမြို့နယ် အတွင်းရှိ အိမ်ခြံမြေ အကျိူးဆောင် ကုမ္ပဏီ တစ်ခုမှ တာဝန်ရှိသူ တဦးက ပြောသည်။
သီလ၀ါမြေကွက်အနီး ဘုရားကုန်းကျေးရွာ အနီးပတ်ဝန်းကျင်ရှိ စီမံကိန်းမြေကွက်များအား ယခင်က မသိရှိခဲ့သဖြင့် ဝယ်ယူခဲ့သူများလည်း နေရာဖယ်ရှားခဲ့ ရမှုများရှိနေကြောင်း ဒေသခံများထံကသိရသည်။
Ref: မဇ္ဈိမ
Read More...
Collapse...
ဖနိဒါ
ဖေဖေါ်ဝါရီလ ၀၇ ရက် ၂၀၁၃ ခုနှစ်
ကုလသမဂ္ဂ အထူးကိုယ်စားလှယ် မစ္စတာ ဗီဂျေးနမ်ဘီယား ကချင်ပြည်နယ် မြစ်ကြီးနားမြို့သို့ ရောက်ရှိစဉ် ကချင်လူထုနှင့် ပြောဆိုခွင့် မရသဖြင့် ဒေသခံ လူထုက ဝေဖန်ပြော ဆိုနေကြသည်ဟု မြစ်ကြီးနားမြို့ခံ များက ပြောသည်။
ယခုလ ဖေဖော်ဝါရီလ ၅ ရက်နေ့က မစ္စတာ ဗီဂျေးနမ်ဘီယား၊ ပြည်ထောင်စု သမ္မတရုံးဝန်ကြီး ဦးစိုးသိန်း၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန ဝန်ကြီး ဦးခင်ရီတို့ မြစ်ကြီးနားမြို့နေ ဌာနဆိုင်ရာများနှင့် လူမှုအခြေပြု အဖွဲ့အစည်းတချို့ နှင့်တွေ့ဆုံခဲ့သော်လည်း မေးမြန်းခွင့် မရခဲ့ခြင်း ဖြစ်သည်။
မြစ်ကြီးနားမြို့ခံ တဦးက “သူပြောတာက ကချင်ပြည်နယ်မှာ ငြိမ်းချမ်းရေးရဖို့ အားလုံး ကြိုးစားရအောင်။ သူတို့ဘက်ကလည်း အမြဲ စောင့်ကြည့်နေတာပါ။ ငြိမ်းချမ်းရေးရဖို့ နှစ်ဖက်လုံး(အစိုးရနဲ့ ကေအိုင်အို) တာဝန်ခံမှု ရှိရမယ်ဆိုတာတွေ ပြောတယ်။ အစောပိုင်းကတော့ ဝန်ကြီးချုပ်က မေးချင်တဲ့ မေးခွန်းများလည်း မေးလို့ ရပါတယ်
လို့ ပြောတယ်။ ဒါပေမဲ့ သူပြောပြီးတာနဲ့ အပြင်ထွက်သွားတယ်”ဟု မဇ္စျိမကို ပြောသည်။
မစ္စတာ နမ်ဘီယားက နှုတ်ဆက်စကား ပြောကြားခဲ့သလို ပြည်ထောင်စု သမ္မတရုံးဝန်ကြီး ဦးစိုးသိန်းက အစိုးရနှင့် KIO တို့အကြား ငြိမ်းချမ်းရေး ဆွေးနွေးမှု အခြေအနေများကို ပြောဆိုပြီး မြစ်ကြီးနား မြို့တော်ခန်းမမှ ပြန်လည် ထွက်ခွာသွားခဲ့သည်ဟု ကချင်ငြိမ်းချမ်းရေးအကျိုးဆောင် ဦးဆန်အောင်က ပြောသည်။
ဦးဆန်အောင်က “သူတို့ အချိန်မရဘူးဆိုလို့ ဘာမှ မေးမြန်းလို့ မရလိုက်ကြဘူး။ ဦးခင်ရီဘဲ ကျန်နေတော့ မှတ်ပုံတင်ကိစ္စဘဲ မေးကြတယ်။ မေးချင်တာ မေးဆိုပြီးတော့ စကားပြောပြီး ထွက်သွားတယ်။ လူထုက စစ်ပြေး
ဒုက္ခသည်ကိစ္စ၊ ငြိမ်းချမ်းရေးကိစ္စတွေ ပြောပြချင်ကြတာ။ ဘယ်သူမှ မမေးလိုက်ရဘူး”ဟု သူက မဇ္စျိမကို ပြောသည်။
သို့သော် ငြိမ်းချမ်ရေးလုပ်ငန်းစဉ်များတွင် ကုလသမဂ္ဂမှ ကြားဝင် ဆောင်ရွက်ပေးရန်နှင့် စစ်ပြေး ဒုက္ခသည်များ
အရေး ကူညီထောက်ပံ့ပေးရန်တို့ကို ကချင်ငြိမ်းချမ်းရေးအကျိုးဆောင် ဥက္ကဌ ဦးယွပ်ဇော်ခေါင်က မစ္စတာ နမ်ဘီယားအား တင်ပြပြောဆိုသည်ဟု ငြိမ်းချမ်းရေးအကျိုးဆောင် ဦးဆန်အောင်က ပြောသည်။
၎င်းက “ကျနော်တို့ကတော့ ကားပေါ်မှာ နည်းနည်းပြောလိုက်ရတယ်။ ဒီက စစ်ပြေးဒုက္ခသည်တွေရဲ့ ဆေးဝါး၊ ပညာရေး၊ ကျန်းမာရေးကိစ္စတွေ ကူညီထောက်ပံ့ပို့၊ ငြိမ်းချမ်းရေး လုပ်ငန်း စဉ်မှာ ကုလက ကြားဝင်ပေးဖို့ ပြောတယ်။ သူကတော့ ကူညီမယ်။ ဒီကူညီထောက်ပံ့မှုတွေလည်း မိုးရာသီမရောက်ခင် အမြန်ဆုံးကူညီမယ်။ ငြိမ်းချမ်းရေးကိစ္စ မှာတော့ သူတို့က အစိုးရက ပါဝင်ခွင့်ပေးရင်တော့ အဆင်သင့်ဘဲလို့ ပြောတယ်”ဟု မဇ္စျိမကို ပြောသည်။
ကချင်ပြည်နယ်ရှိ တချို့ လူမှုအခြေပြုအဖွဲ့အစည်းတချို့မှ တာဝန်ရှိသူများက မစ္စတာ နမ်ဘီယားအား အစိုးရနှင့် ကချင်လွတ်လပ်ရေးအဖွဲ့ KIO တို့အကြား ငြိမ်းချမ်းရေးရရှိရန် ကြားဝင် ဆွေးနွေးပေးရေး မေးမြန်းရန် မျော်လင့် ချက်ဖြင့် ပြင်ဆင်ထားသော်လည်း မေးမြန်းခွင့် မရရှိခဲ့ကြောင်း အခြားလူမှုအခြေပြုအဖွဲ့မှ အမည်မဖော်လိုသူ ဒေသခံ တဦးက ပြောသည်။
“သူက ဒီအထဲက အသံတွေ နားထောင်ဖို့၊ လွတ်လွတ်လပ်လပ် ပြောဆိုနိုင်တဲ့ အဖွဲ့တွေ လိုလားတယ်။ ဒါပေမဲ့ ဖြစ်လာ တာက မြို့တော် ခန်းမမှာ အရင်လိုဘဲ အစိုးရ ဌာနဆိုင်ရာ ဝန်ထမ်းတွေ အပြည့်ခေါ်ထားတယ်”ဟု သူက ဆက်ပြောသည်။
အစိုးရသတင်းများတွင် မစ္စတာ နမ်ဘီယားက ကချင်လူထုနှင့် တွေ့ဆုံဆွေးနွေးခဲ့သည်ဟု ဖော်ပြခဲ့သော်လည်း အမှန်တကယ် လူထုနှင့် မစ္စတာ နမ်ဘီယာ စကားပြောခွင့်ပင် မရသလို၊ မေးမြန်းခွင့်ပင် မရခဲ့ဟု မြစ်ကြီးနား မြို့ခံ
တဦးက ဝေဖန်ပြောဆိုခဲ့သည်။
၎င်းက “သတင်းမှာက မြို့တော်ခန်းမမှာ မြို့မိမြို့ဖနဲ့ အဖွဲ့အစည်းတွေနဲ့ တွေ့ဆုံဆွေးနွေးတယ် ဆိုပြီး အစိုးရ သတင်းမှာ ပြောသွားတယ်။ သူတို့ ခေါင်းစဉ်က လူထုနဲ့ တွေ့ဆုံ ဆွေးနွေးတယ်။ အဲဒါက အပြဘဲ ရှိတယ်။ စာလိုက်ပါးမယ်ဆိုတဲ့လူတွေလည်း ရှိတယ်”ဟု ဆက်ပြောသည်။
ဖေဖော်ဝါရီလ ၅ရက်နေ့တွင် ကုလသမဂ္ဂ အထူးကိုယ်စားလှယ်နှင့် ပြည်ထောင်စုဝန်ကြီး အဖွဲ့တို့သည် မြစ်ကြီးနားမြို့နှင့် ဝိုင်းမော်မြို့နယ်အတွင်းရှိ စစ်ပြေးဒုက္ခသည်စခန်း ၄ နေရာသို့ သွားရောက် လေ့လာခဲ့ကြသည်။
ယခုလ ၄ ရက်နေ့က ပြည်ထောင်စု ငြိမ်းချမ်းရေးလုပ်ငန်းဖော်ဆောင်ရေးကော်မတီ ဒုဥက္ကဌ ဝန်ကြီး ဦးအောင်မင်း တို့ အဖွဲ့နှင့် KIO တို့ တရုတ်နိုင်ငံ ရွှေလီမြို့တွင် တွေ့ဆုံ၍ ငြိမ်း ချမ်းရေး ဆက်လက် ဆွေးနွေးရန်နှင့် စစ်ရှိန်လျော့ ရေးတို့အား သဘောတူညီခဲ့သည်။
လိုင်ဇာဌာနချုက်အနီး လဂျားယန်အနီးတဝိုက် အစိုးရဘက်မှ ရံဖန်ရံခါ ဆိုသလို လက်နက်ကြီးဖြင့် ပစ်ခတ်မှုများ ရှိနေသေးသည်ဟု ကျောင်းသား တပ်မတော်(မြောက်ပိုင်း)မှ ပြန်ကြားရေးတာဝန်ခံ ဗိုလ်မှူး မင်းဌေးက ပြောသည်။
Ref: မဇ္ဈိမ
Read More...
Collapse...
စောဇင်ညီ
ဖေဖေါ်ဝါရီလ ၀၇ ရက် ၂၀၁၃ ခုနှစ်
နိုင်ငံရေး အကျဉ်းသားများ စိစစ်ရေး ကော်မတီအား အစိုးရအဖွဲ့မှ ဖွဲ့စည်းခြင်း၏ ရလဒ်သည် မြန်မာနိုင်ငံ အကျဉ်းထောင်များထဲတွင် နိုင်ငံရေး အကျဉ်းသားများ လုံးဝ မရှိတော့ခြင်းသာ ဖြစ်သင့်ကြောင်း အမျိူးသားဒီမိုကရေစီ အဖွဲ့ချူပ် ပြောရေးဆိုခွင့်ရှိသူ ဦးဥာဏ်ဝင်းက ပြောသည်။
၎င်းက “ နိုင်ငံရေးကို ယုံကြည်ချက်နဲ့ လုပ်နေတဲ့သူက နိုင်ငံရေးသမားပေါ့။ မှတ်ပုံတင်တယ် မတင်ဘူး မရှိဘူး။ ဒါက ဥပဒေထဲမှာပဲရှိတယ်။ အဲဒီကော်မတီက နိုင်ငံရေးသမား အားလုံးလွတ်အောင် ဆောင်ရွက်နိုင်ရင် အကျိူးရှိတာပါပဲ ” ဟု မဇ္ဈိမ ကိုပြောသည်။
ထိုသို့ နိုင်ငံရေး အကျဉ်းသားများ စိစစ်ရာတွင်လည်း နိုင်ငံရေး ဥပဒေများဖြင့် အရေးယူခံရကာ အကျဉ်းထောင်များ အတွင်းသို့ ရောက်ရှိလာသူတိုင်း နိုင်ငံရေး အကျဉ်းသားဟု သတ်မှတ်သင့်ကြောင်း ဦးဥာဏ်ဝင်းက ဆိုသည်။
အကျဉ်းဦးစီးဌာနနှင့် ပြည်ထဲရေး ၀န်ကြီးဌာနများတွင် စာရင်းကောက်ယူခြင်း နည်းလမ်းသည် နိုင်ငံရေး အကျဉ်းသားများကို စိစစ်ရန် အလွယ်ကူဆုံးနည်းလမ်း ဖြစ်သည်ဟု ၈၈မျိုးဆက်သစ် ကျောင်းသားများအဖွဲ့မှ ကိုချစ်ကိုလင်းက မဇ္ဈိမကိုပြောသည်။
“ ဒီကော်မတီအနေနဲ့ ပြည်တွင်းပြည်ပက နိုင်ငံရေး အကျဉ်းသားတွေကို ထောက်ပံ့ပေးနေတဲ့ အဖွဲ့အစည်းတွေနဲ့ ညှိုနှိုင်းလုပ်ဆောင်သင့်တယ် ” ဟု ၎င်းက အကြံပြုခဲ့သည်။
ထို့အပြင် နိုင်ငံရေးသမားဟု ပြောဆိုရာတွင် နိုင်ငံရေး အကျဉ်းသား နှစ်မျိူးရှိကြောင်း တော်လှန်ရေး ပြုလုပ်၍ အကျဉ်းထောင်ထဲတွင် နိုင်ငံရေး အကျဉ်းသားအဖြစ် ရောက်နေသူများနှင့် လမ်းပေါ်ထွက်ကာ ဒီမိုကရေစီအရေး ကြိုးပမ်းခဲ့သဖြင့် ထောင်ထဲ ရောက်နေသူများ ဖြစ်ကြောင်း ကိုချစ်ကိုလင်းမှ ဆက်လက်ပြောဆိုသည်။
သမ္မတရုံး ၀န်ကြီးဌာန ပြည်ထောင်စု ၀န်ကြီး ဦးစိုးသိန်း ခေါင်းဆောင်၍ ၀န်ကြီးဌာနများမှ ကိုယ်စားလှယ်များ၊ အရပ်ဘက် လူမှု အဖွဲ့အစည်းများမှ ကိုယ်စားလှယ်များနှင့် နိုင်ငံရေးပါတီ အချို့မှ ကိုယ်စားလှယ်များ ပါဝင်သည့် လက်ကျန် နိုင်ငံရေး အကျဉ်းသားများ စိစစ်ရေး ကော်မတီကို ဖွဲ့စည်းရန် နိုင်ငံတော် သမ္မတရုံးက ဇန်န၀ါရီလ ၆ ရက်နေ့တွင် ညွှန်ကြားခဲ့ကြောင်း ယနေ့ထုတ် သတင်းစာများတွင် ဖော်ပြ ပါရှိသည်။
မြန်မာနိုင်ငံတွင် ခေတ်အဆက်ဆက် အစိုးရများ လက်ထက်တွင် နိုင်ငံရေး အကျဉ်းသား မရှိကြောင်း ငြင်းဆိုခဲ့ကာ ယခု အစိုးရ လက်ထက်တွင် တရားဝင် နိုင်ငံရေး အကျဉ်းသား ပာုသုံးနှုန်းကာ စိစစ်မှု ပြုလုပ်မည့် ကော်မတီတစ်ရပ်အား ပထမဆုံး ဖွဲ့စည်းခြင်း ဖြစ်သည်။
ယခုလက်ရှိ အကျဉ်ထောင်များထဲတွင် နိုင်ငံရေး အကျဉ်းသား စာရင်းမှာ ၂၀၀ နီးပါရှိကြောင်း အကြောင်းအရာ ၃ မျိူးခွဲ၍ နိုင်ငံရေး အကျဉ်းသား အဖြစ် အရေးယူခံနေရကြောင်း နိုင်ငံရေး အကျဉ်းသားပောာင်းများအဖွဲ့  နိုင်ကျဉ်း ရေးရာ ကော်မတီဝင် ဦးထွန်းကြည်ကပြောသည်။
၎င်းက “ နိုင်ငံရေးသမား နိုင်ငံရေးလုပ်တယ်။ အဲဒီအတွက် နိုင်ငံရေးသမားဆိုပြီး ထောင်ချတယ် အဲဒါတခု။ နိုင်ငံရေးသမား နိုင်ငံရေးလုပ်တယ် အဲဒါကို နိုင်ငံတော်ကို ဂုဏ်သိက္ခာ ညှိုးနွမ်းစေတယ် ဆိုပြီး ထောင်ချတယ် အဲဒါတခု။ နိုင်ငံရေးသမားလည်း မဟုတ်ဘူး အခြား လက်နက်ကိုင် အဖွဲ့တွေနဲ့ ပတ်သတ်ရင် သတင်းပေးသူ နိုင်ငံရေးသမား ဆိုပြီး မတော် မတရား ထောင်ချတယ် ” ဟုပြောသည်။
Ref: မဇ္ဈိမ
Read More...
Collapse...
စနေလင်း
February 8, 2013
ရန်ကုန်ကနေ ရှမ်းပြည်နယ် လားရှိုးမြို့ မန်စီ အဝေးပြေးဝင်းကို ရောက်ခါနီးမှာ တရုတ် ဘာသာနဲ့ရေးထားတဲ့ ဆိုင်းဘုတ်တွေ အများကြီးကို တွေ့လာရတယ်။ မူဆယ်ကိုရောက် တော့လည်း မြန်မာဖုန်းသုံးတာ တော်တော်နည်းတာကို တွေ့ရတယ်။ ရှိသမျှလူတွေ အားလုံးလိုလို လက်ထဲမှာ တရုတ် ဖုန်းကို ကိုင်ထားကြတယ်။
မိန်းကလေးတွေလည်း ပါဝင်တဲ့ ကျနော်တို့ သတင်းသမားတွေရဲ့ ဇန်န၀ါရီလလယ်က ခရီးစဉ်ပါ။ တရုတ်-မြန်မာနယ်စပ် မူဆယ်မြို့ကနေ ကချင်ပြည်နယ်၊ နမ့်ခမ်းမြို့နယ်၊ မန်ဝိန်းကြီးမြို့ကို အရင်ဆုံး သွား။ အဲဒီကနေမှ တရုတ်နိုင်ငံဘက်ကိုဖြတ်၊ မိုင်ဂျာယန်မြို့ကိုဝင်၊ ပြီးမှ လိုင်ဇာမြို့ကို ဆက်သွား။ အဲဒီ အစီအစဉ်အတိုင်း ကချင် ဒေသ ရှေ့တန်း စစ်မျက်နှာရှိရာကို ခရီးထွက်တာပါ။
မူဆယ်မြို့ကနေ မန်ဝိန်းကြီးကိုသွားဖို့က နမ့်ခမ်းမြို့ထဲကို ဖြတ်သွားရပါတယ်။ မြန်မာနိုင်ငံနဲ့ တရုတ်နိုင်ငံကို ဖြတ်စီးတဲ့ ရွှေလီမြစ် ကို လည်း ဖြတ်သွားရတယ်။ အဲဒီနေရာကနေ နည်းနည်းကျော်လိုက်တာနဲ့ ကချင်ပြည်နယ်ထဲကို ရောက်ပြီ။
မန်ဝိန်းကြီးကိုရောက်တော့ စိန့်ဘုရားကျောင်းက ဒုက္ခသည်စခန်းကို အရင်ဆုံးသွားဖြစ်တယ်။ ဒုက္ခသည်စခန်းက၂ ခု ရှိတယ်။ အဲဒီ စခန်းတွေမှာ KIA နဲ့ အစိုးရ စစ်တပ်တို့ တိုက်ပွဲ ဖြစ်ခဲ့တဲ့ တနှစ်ကျော်ကာလ စစ်ဘေးကြောင့် ထွက်ပြေးလာသူတွေ နေထိုင်ကြပါတယ်။ ဒုက္ခသည် စုစုပေါင်း ထောင်ချီ ရှိပြီး ထောက်ပံ့ကူညီမှုတော့ အပြည့်အ၀ မရပါဘူး။ သူတို့အတွက် ဆန်၊ ဆီ စတဲ့ ရိက္ခာတွေသာ ထောက်ပံ့ပေးနိုင်ပါတယ်။
တချို့ဒုက္ခသည်တွေက အနီးတ၀ိုက်ရှိ လယ်၊ ကြံစိုက်ခင်း၊ တောင်ယာ စတဲ့အလုပ်တွေမှာ နေ့စားဝင်လုပ်ကြတယ်။ တချို့ကတော့ အဲဒီလို လုပ်ခွင့် မရကြဘူး။ အလုပ်လုပ်နိုင်တဲ့ မိသားစုက တနေ့ကို ကျပ် ၃ ထောင်ကနေ ၅ ထောင်ကြား ၀င်ငွေရှိတယ်။ အလုပ် လုပ်ခွင့် မရတဲ့ မိသားစုကတော့ ဟင်းရွက်လေးခူး၊ ဟိုနား ဒီနားသွားရှာနဲ့ ရှင်သန်ရေးအတွက် ဖြေရှင်းကြရတယ်။
မန်ဝိန်းကြီးကနေ တရုတ်နိုင်ငံဘက်ကို ၀င်ဖို့ နိုင်ငံကူးလက်မှတ် လုပ်တဲ့အခါမှာ အခက်အခဲ ဖြစ်ကြရပါသေးတယ်။
မူဆယ်မြို့မှာလုပ်တဲ့ နိုင်ငံကူးလက်မှတ် အစိမ်းရောင်ကလည်း လိုင်ဇာအထိ သွားလို့မရ၊ နိုင်ငံကူး လက်မှတ် အနီရောင်ကိုလုပ်ဖို့ကလည်း ကချင်ပြည်နယ်နဲ့ ရှမ်းပြည်နယ်၊ မူဆယ်တ၀ိုက်က မှတ်ပုံတင်တွေမဟုတ်ရင် အဲဒီနိုင်ငံကူးလက်မှတ်ကို မလုပ်ပေးဘူး။
ကျနော်တို့ မန်ဝိန်းကြီးမှာ ရှ်ိနေတဲ့အချိန် မန်ဝိန်းကြီး – ဗန်မော် ကားလမ်းမပေါ်က လဂါတ်ဒေါ့ရွာအနီးမှာ မန်ဝိန်းကြီးက ကလေး ၃ ဦး ဆိုင်ကယ်နဲ့သွားနေစဉ် မြေမြှုပ်မိုင်း ထိတဲ့သတင်း ရောက်လာတယ်။ နမ့်ခမ်းမြို့ဆေးရုံကို တင်လိုက်ရတဲ့ ဇမ်မိုင် ဆိုတဲ့ ကလေး တဦးဆီ ကျနော်တို့ လိုက်သွားတယ်။ အခင်းဖြစ်တဲ့ နေရာကနေ သူ ၁ ဦးပဲ ထပြေးလာနိုင်လို့ ဆေးရုံကို ရောက်ခဲ့ပြီး ၂ ဦးကတော့ ကျန်နေခဲ့တဲ့အကြောင်း မိုင်းထိ ခံခဲ့ရတဲ့ ဇမ်မိုင်က ပြောပြတယ်။
မန်ဝိန်းကြီးကိုပြန်ရောက်တဲ့အခါမှာ လိုင်ဇာကိုဝင်ဖို့က တရုတ်နိုင်ငံကို မူဆယ်ကနေ နိုင်ငံကူး လက်မှတ် အစိမ်းရောင်ကတ်နဲ့ အရင်ဝင်၊ လွယ်ကြယ်ဂိတ်ကနေ ပြန်ထွက်ပြီး အဲဒီမှာ နိုင်ငံကူးလက်မှတ်အနီရောင်ကို ပြန်လုပ်နိုင်တယ်လို့ သိရတယ်။ ဒါ့ကြောင့် နောက်တနေ့မှာ မူဆယ်ကိုပြန်ဆင်းပြီး ကြယ်ခေါင်ကနေ ရွှေလီကိုဖြတ်၊ လွယ်ဂျယ်မှာ နိုင်ငံကူးလက်မှတ်အနီကို လုပ်တော့ အဆင်ပြေသွားတယ်။
အဲဒီကနေ မိုင်ဂျာယန်ကို ရောက်တော့ မြို့လို့သာပြောတယ်၊ အားလုံးက တိတ်ဆိတ်ငြိမ်သက်နေပြီး ဒေသခံတွေဖွင့်တဲ့ အစား အသောက်ဆိုင်တချို့နဲ့ လောင်းကစားရုံ တချို့သာ ဖွင့်ထားပြီး အဆောက်အအုံတွေ တော်တော်များများက ပိတ်ထားတာကိုတွေ့လိုက်ရတယ်။ ရာသီဥတုကတော့ အေးစိမ့်စိမ့်ပါ။
မိုင်ဂျာယန် စည်ကားစဉ်က လောင်းကစားရုံအကြီးကြီးတွေ၊ တောကောင်သားအစုံကို လက်ညှိုးထိုးပြလိုက်တာနဲ့ တခါတည်း ချက် ပေးတဲ့ဆိုင်တွေ၊ ဘိန်းမည်းခန်းတွေ၊ လမ်းမတလျှောက် လိပ်စာကတ်ဝေနေတဲ့ ကောင်းမလေးတွေနဲ့ ပြည့်နှက်နေလို့ပေါ့။
မိုင်ဂျာယန်မြို့ရဲ့ အထင်ကရ ဟိုတယ်ဖြစ်တဲ့ မိုင်ဂျာယန်ဟိုတယ်မှာ တည်းတဲ့သူတွေက ဖျောက်ဆိပ်လိုဖြစ်နေတယ်။ လိုင်ဇာမြို့ကိုသွားဖို့က ကျနော်တို့ဘာသာ သွားလို့မရဘူး။ KIA ရဲ့ အစီအစဉ်နဲ့မှ သွားလို့ရတယ်။
ဒါနဲ့ မိုင်ဂျာယန် မြို့ပြင်က ပါကထောင် ဒုက္ခသည်စခန်းကို သွားတယ်။ အဲဒီမှာ ဒုက္ခသည်တွေကိုထားတဲ့ သွပ်မိုး၊ ၀ါးခင်း၊ သုံးထပ် သား ကာထားတဲ့ အဆောင်ပေါင်းက တော်တော်များတယ်။ အဲဒီ ပါကထောင်ဒုက္ခသည်စခန်းက KIA တပ်မဟာ ၃ အခြေစိုက်တဲ့ ဒေသဖြစ်တဲ့အပြင် တပ်မဟာ ၃ ရဲ့ ဌာနချုပ်နဲ့လည်း ၂ ဖာလုံလောက်ပဲ ဝေးမယ်။
အဲဒီချိန်မှာ ဂျာမိုင်ပိုစ့် တောင်ကုန်းနဲ့ အနီးတ၀ိုက်က KIA ရှေ့တန်းစခန်းတွေမှာ တိုက်ပွဲ အပြင်းအထန်ဖြစ်ပွားနေတဲ့သတင်း ရောက် လာတယ်။ နေ့လယ် ၁၁ နာရီ လောက်ကတည်းက ဖြစ်နေတာ၊ ကျနော်တို့ရောက်တဲ့ ညနေပိုင်းအထိ အမြောက် ပစ်ခတ်သံ တွေ ကြားနေရတုန်းပါပဲ။ ဂျာမိုင်ပို့စ် က မိုင်ဂျာယန်ကနေ ကား ၂ နာရီလောက် သွားရတဲ့နေရာပါ။ တောင်ထိပ်ပေါ်တွေမှာတော့ မြူခိုးတွေလား၊ ယမ်းငွေ့တွေလား ဆိုတာ မကွဲပြားနိုင်တဲ့ မြင်ကွင်းကိုတွေ့ရပါတယ်။
အမြောက်သံတွေက ဒုက္ခသည်စခန်းကလူတွေကို ကြောက်ရွံ့ထိတ်လန့်မှု ဖြစ်စေပါတယ်။ နန်းဝါခ(နန်းဝါချောင်း) ဘေးမှာတည်ရှိနေတဲ့ ဒီ ဒုက္ခသည်စခန်းဆီ တကယ်လို့များ စစ်ဘေးကူးလာခဲ့မယ်ဆိုရင် ဘယ်ကိုတိမ်းရှောင်မလဲ။ နန်းဝါချောင်းရဲ့ တဘက် က တရုတ် နိုင်ငံအပိုင် မြေ။
မြန်မာဘက်မှာ ပစ်ခတ်သံတွေကြားတိုင်း တရုတ်ရဲတွေက အဲဒီဘက်ချောင်းကမ်းဘေးမှာ လာစောင့်နေကြတယ်။ ဒုက္ခသည်တွေ တရုတ်မြေဘက် ထွက်ပြေးလာမှာကို မလိုလားဘူး။ တဘက်ချောင်းကမ်းကို အတက်မခံဘူး။ တကယ်လို့သာ ဒီနေရာ အထိ စစ်မီးကူးလာရင် ဘယ်ကိုထွက်ပြေးရမှန်းတောင် မသိတော့ဘူး လို့ ဒုက္ခသည်တွေကို ကူညီပေးနေတဲ့ ဒေါ်ခွန်ဂျာက ပြောပြတယ်။
ဒုက္ခသည်တွေထဲမှာ ကျောင်းသားတွေလည်း ရှိနေပါတယ်။
မကြာခင်ရက်ပိုင်းတုန်းက လေကြောင်းကနေ အပစ်အခတ်တွေ လုပ်နေတဲ့ အချိန်၊ ဒုက္ခသည်တွေ ခိုလှုံဖို့ မြေကျင်းတွေ တူးကြ တယ်။ မြေကျင်း တကျင်းကို တူးနေရင်းက ထမင်းစားချိန် ရောက်လို့ တူးတဲ့လူကြီးတွေ ထမင်းသွားစားနေတုန်း ကလေး ၃ ယောက် ၀င်ဆော့တယ်။ အဲဒီအချိန်မှာ ကျင်းရှိတဲ့ နေရာကို ဗုံး တလုံးကျလို့ အဲဒီကလေး ၃ ယောက် သေဆုံးခဲ့ရတယ်။
တကယ့် စိတ်မကောင်းစရာပဲ။ တူးထားတဲ့မြေကျင်းက တောင်ကုန်းအောက်ခြေမှာ လှိုင်ခေါင်းတူးတာ။ လှိုင်ခေါင်းထဲမှာ ဘာကျားတန်းမှ ခံထားတာလည်း မရှိဘူး။ ကလေးတွေ ဖြစ်ဖြစ်ချင်း မိနစ် ၄၀ လောက်အကြာမှာ ကလေးတဦးကို ထိုင်လျက်အနေအထားနဲ့တွေ့ရပြီး အပြင်ကိုစထုတ်လိုက်နိုင်ပေမယ့် အသက်တော့ မကယ်နိုင်ခဲ့ကြဘူး။ ၃ ဦးလုံး အသက်ဆုံးသွားတယ်။
ဒါပေမယ့် အဲဒီ ကလေး ၃ ဦးက ပါကထောင် ဒုက္ခသည်စခန်းက လူအားလုံးကို အသက်နဲ့ရင်းပြီး ကယ်လိုက်တာလို့ ဒုက္ခသည်တွေကို ကူညီနေတဲ့ လူထုအလင်း(၀မ်ပေါင်) အဖွဲ့က ဒေါ်မေရီသောင်က ပြောတယ်။ တကယ်လို့သာ လေယာဉ်နဲ့လာပစ်လို့ အဲဒီ မြေ ကျင်းထဲကို ဒုက္ခသည်တွေ အများကြီး ၀င်ပုန်းနေရင်တော့ အားလုံးသေဆုံးဖို့ရှိတဲ့ အခြေအနေပါ။
ပါကထောင်ဒုက္ခသည်စခန်းကနေ ပြန်ထွက်လာပြီး KIA တပ်မဟာ ၃ နဲ့ ၁ ဖာလုံလောက်တောင် မဝေးတော့တဲ့ နောက်ထပ် ဒုက္ခသည်စခန်းတခုကိုလည်း ရောက်ဖြစ်တယ်။ အဲဒီစခန်းမှာ နေကြတဲ့သူတွေက တရုတ်နိုင်ငံက နှင်ထုတ်လိုက်လို့ ပြန်ရောက်လာတဲ့ စစ်ဘေးသင့် ဒုက္ခသည်တွေပါ။ သူတို့နေရတဲ့ တဲလေးတွေက သွပ်မိုးဖြစ်တော့ ရာသီဥတုဒဏ်ကို တော်တော်လေး ခံကြရတယ်။
နောက်တနေ့ မနက်မှာ KIA ရှေ့တန်း တနေရာကို သွားရမယ့်အကြောင်း ပေါ်လာတယ်။ ကျနော်တို့ကို လာကြိုတာက တောတွင်း သွား တရုတ်နိုင်ငံထုတ် ဂျစ်ကား အစိမ်းရောင်။ မောင်းတဲ့သူက KIA တပ်သား။ သေနတ်ကို ကားထိုင်ခုံဘေးမှာ အသင့်ထောင် ထား ပါတယ်။
သူ့ကားနဲ့ ကျနော်တို့ တောလမ်းအတိုင်း သွားကြရင်း ဂျာမိုင်ပို့စ် တောင်ကုန်း ရောက်တော့ ကားကိုရပ်လိုက်ရတယ်။ ဂျာမိုင်ခတ် တောင်ကုန်းမှာ နေရာယူထားတဲ့ KIA တပ်က လေယာဉ်သတင်း ၀င်လာလို့။ ဗန်းမော်လေဆိပ်က လေယာဉ် ၁ စင်း တက်လာ တယ် တဲ့။ တောလမ်းအတိုင်း ကားနဲ့သွားနေရင် လေယာဉ်က မြင်နိုင်တဲ့အတွက် ကားကို သစ်ပင်အောက်မှာရပ်ထားပြီး ကျနော် တို့က KIA စခန်းထဲမှာ နေခဲ့တယ်။
အဲဒီစခန်းရဲ့ကီလိုမီတာ ၈၀၀ လောက်အကွာမှာ အစိုးရစစ်တပ်က နေရာယူထားပြီးသား။ အရမ်းနီးကပ်နေတဲ့နေရာမှာ။ အစိုးရက လဂျားယန်ဒေသကို ထိုးစစ်မဆင်တော့ဘူးလို့ ပြောနေတဲ့အချိန်မှာပဲ အမြောက်ကြီးတွေနဲ့ပစ်ခတ်ခဲ့တဲ့အကြောင်း အဲဒီစခန်းမှာရှိတဲ့ KIA စစ်ဗိုလ် တူးနိုင်က ပြောပြတယ်။
မနေ့က ကျနော်တို့ မိုင်ဂျာယန်မှာ ကြားခဲ့ရတဲ့ လက်နက်ကြီးသံတွေက ဒီနေရာကို အစိုးရတပ်တွေက ပစ်နေတဲ့ လက်နက်ကြီးသံ တွေဆိုတာ အခုမှ သိရတယ်။ ဒီနေရာတ၀ိုက်မှာ စစ်တပ်နဲ့ KIA တပ်တွေ ရင်ဆိုင်တိုက်ပွဲတခုလည်း ဖြစ်ခဲ့သေးတယ်။ ဒီမနက် ၄ နာရီလောက်ကလဲ အမြောက်ကျည် ၆ လုံးလောက် ပစ်တယ်။ ဒီလို လက်နက်ကြီးတွေနဲ့ ပစ်နေတာ နေ့တိုင်းပဲ။ လွှတ်တော်က ဆွေးနွေးပြီးတဲ့အချိန်တိုင်း လက်နက်ကြီးတွေနဲ့ ပစ်နေကြပဲတဲ့။
ဇန်န၀ါရီ ၁၉ ရက်နေ့ နေ့လယ် ၁၂ နာရီကျော်ကနေ ညနေ ၄ နာရီအထိ ရောယုံတောင်ကနေ ဂျာမိုင်တောင်ဝန်းကျင်ကို ၈၁ မမ နဲ့ အချက်ပေါင်း ၁၇ ချက်ပစ်တာ အနီးနားက ရွာတချို့ကိုပါ ကျရောက်ခဲ့တယ်လို့ ဂျာမိုင်ခတ်က KIA တပ်မှာ တာဝန်ထမ်းခဲ့တာ ၉ နှစ် ကျော်ပြီဖြစ်တဲ့ ဗိုလ်အောင်ဘန်းက ပြောပြတယ်။
အခုနောက်ပိုင်းမှာ ပိုထူးခြားလာတာတဲ့။ အစိုးရဘက် ရည်မှန်းချက်က အထက်ပိုင်းက ထိုးစစ်ရပ်ဖို့ ညွှန်ကြားထားပေမယ့် KIA ဘက်ကို ထိန်းချုပ်နိုင်အောင် အဓိက နေရာတွေကို လိုက်သိမ်းပိုက်နေတဲ့ အနေအထားမှာရှိတယ်လို့လည်း သူက ဆက်ပြောပြ တယ်။ အဲဒီအတွက်လည်း သူတို့အားလုံးက အသင့်အနေအထားမှာ ပြင်ထားရတယ် လို့ ဆိုပါတယ်။
လေကြောင်းရန်ရှင်းလို့ ဂျာမိုင်ခတ်ကနေ ထွက်လာပြီး ကားနဲ့ ဆက်သွားလို့မရတော့တဲ့ တောစခန်းတစ်နေရာမှာ ကားကိုထားခဲ့ တယ်။ လမ်းလျှောက် ဆက်ထွက်လာရာမှာ ၁၅ မိနစ် လောက်လျှောက်လာတော့ တောင်ကုန်း တခုကို ရောက်လာတယ်။ မနေ့က စစ်တပ်နဲ့ KIA ရင်ဆိုင်တိုက်ကြတဲ့ တောင်ကုန်းလို့ KIA ဒု ဗိုလ် ဆူဝါးနောင်က ပြောပြတယ်။
KIA တပ်သား ခမ်းခေါင်ကလည်း မနေ့က ကင်းလှည့်ထွက်နေရင်း အစိုးရစစ်တပ်နဲ့ ရင်ဆိုင်တိုက်ပွဲ ဖြစ်ခဲ့ရပုံကို ရှင်းပြတယ်။ ၂၀၁၁ ခုနှစ် တုန်းကဆိုရင် ဒီနေရာတွေဟာ တိုက်ပွဲအပြင်းထန်ဆုံး ဖြစ်ခဲ့တဲ့နေရာတွေတဲ့။
၂၀၁၁ ခု ဇွန်လကနေ ပြန်လည် ဖြစ်ပွားခဲ့တဲ့ အစိုးရတပ် နဲ့ KIA တပ်ဖွဲ့တွေရဲ့ တိုက်ပွဲတွေကြောင့် ဒေသခံ ပြည်သူ သောင်းနဲ့ ချီပြီး စစ်ဘေး ဒုက္ခသည်တွေ ဖြစ်ခဲ့ကြရပါတယ်။
KIA အထူး ကွန်မန်ဒို တပ်သား ခေါချမ်းက ရေဒီယိုကို အမြဲနားထောင်လို့ အစိုးရနဲ့ သတင်းမီဒီယာတွေရဲ့ ထုတ်လွှင့်မှုတွေကို သိရ တဲ့အကြောင်း ပြောဆိုလိုက်ပြီး လွန်ခဲ့တဲ့အစိုးရအဆက်ဆက် ကာလမှာ တိုင်းရင်းသားတွေအနေနဲ့ ဗိုလ်ချုပ် အောင်ဆန်း သေဆုံးပြီးကတည်းက ပြည်ထောင်စု စနစ် မရှိတော့သလို ခံစားရတယ်လို့လည်း ပြောပါတယ်။ သူက ၂၀၀၁ ခုနှစ်က မန္တလေး တက္ကသိုလ် ကနေ စိတ်ပညာနဲ့ ဘွဲ့ရထားတာပါ။
၂၀၁၀ ရွေးကောက်ပွဲပြီးတဲ့အချိန် အရပ်သားအစိုးရ တက်လာတုန်းက တိုင်းရင်းသားတွေအတွက် အကောင်ထည်ဖော်လာမှာပဲလို့ ယုံကြည်ခဲ့ပေမယ့် တကယ့်လက်တွေ့မှာ ဆန့်ကျင်ဘက်ဖြစ်ခဲ့တယ်လို့လည်း ခေါချမ်းက ဆိုတယ်။
ဒါပေမယ့် တိုက်ပွဲဖြစ်တဲ့ တချို့နေရာတွေမှာ အစိုးရစစ်တပ်ဘက်က အောက်ခြေတပ်သားတွေရဲ့ ထူးခြားတဲ့ သဘောထားတွေကိုတွေ့ခဲ့ရတဲ့အကြောင်း KIA အထူး ကွန်မန်ဒိုတပ်သား တဦးက ပြောဆိုပါတယ်။
“စစ်တပ် ဆုတ်သွားတဲ့နေရာတွေမှာ သူတို့က အမိန့်အရဘဲ လုပ်နေတာပါ။ ငြိမ်းချမ်းပြီဆိုရင် ကျနော်တို့ ညီအစ်ကိုတွေ အားလုံး အေးချမ်းတဲ့ တောင်ပေါ်မှာ ကချင်ရိုးရာအတိုင်း အတူတူ ထမင်းလက်ဆုံ စားချင်တယ်”ဆိုတဲ့ စာရေးခဲ့တဲ့အကြောင်း သူက ပြောပြ တာပါ။
နေမြင့်နေပြီဖြစ်တဲ့အတွက် KIA တပ်သားတွေကပဲ သူတို့နဲ့အတူ ကျနော်တို့ပါ နေ့လယ်စာ စားဖို့ သူတို့ကိုယ်တိုင် ချက်ပြုတ်တော့ တယ်။ ရှေ့တန်းစစ်မျက်နှာက ဟင်ချိုလေး တခွက်၊ ပဲပုတ်ကို ငရုပ်သီးခြောက်နဲ့ကြော်တဲ့ ဟင်းတခွက်နဲ့ ကျနော်တို့ရဲ့နေ့လယ်စာ က တော်တော့်ကို မြိန်ခဲ့ပါတယ်။
နောင်တချိန်များကြရင် ကျနော်တို့ ရန်ကုန်ကို လာလည်ပြီး ရန်ကုန်ရဲ့အရသာကို ခံစားချင်တဲ့အကြောင်းလည်း KIA တပ်သားတွေက ပြောပြကြပါတယ်။ အဲဒီလို အခြေအနေကိုလည်း တနေ့နေ့၊ တချိန်ချိန် ရောက်လာမှာပဲလို့ သူတို့စိတ်ထဲမှာ ယုံကြည်နေကြ တယ်။
ကျနော်တို့ အဲဒီကနေ ပြန်တော့ ညနေစောင်းနေပြီ။ လိုင်ဇာကို တရုတ်ဘက်ကနေ ၀င်ဖို့က ကင်မရာ၊ အသံဖမ်းစက်၊ ကွန်ပျူတာ တွေနဲ့ အတူ ၀င်မရတာကြောင့် ပါလာတဲ့ မိန်းကလေး သတင်းသမားတွေက တရုတ်ဘက်ကနေ ၀င်မယ်၊ ယောက်ျားလေးတွေက တောလမ်းအတိုင်း အထုပ်အပိုးတွေအားလုံးကို သယ်ပြီးဝင်ဖို့ စီစဉ်ရတယ်။ မိန်းကလေးတွေကို KIA ဘက်က တဦးက လာခေါ်တယ်။ ကျနော်တို့ ယောက်ျားလေးတွေကို ခေါ်ဖို့ ကားကို မိုင်ဂျာယန်ဟိုတယ် ကနေ စောင့်ရသေးတယ်။
မိန်းကလေးတွေ လိုင်ဇာ ရောက်တဲ့အထိ ကျနော်တို့ကို လာခေါ်မယ့်သူက ပေါ်မလာခဲ့ဘူး။ ကျနော်တို့သွားရမယ့် တောလမ်းမှာ တိုက်ပွဲတွေ ပြင်းထန် နေတဲ့အတွက် လာခေါ်လို့ မရသေးဘူးလို့ အကြောင်း ပြန်လာတယ်။ မိုင်ဂျာယန်မှာပဲ နောက်ထပ် ၂ ည အိပ်ခဲ့ပေမယ့် မထူးတဲ့အတွက် ကျနော်တို့ တရုတ်နိုင်ငံ ကြယ်ဂေါင်ကို ပြန်ပြီး မိန်းကလေးတွေကို စောင့်နေခဲ့ရတယ်။ မိန်းကလေး တွေကလည်း လိုင်ဇာကနေ ပြန်ထွက်ဖို့ အခက်အခဲ ဖြစ်နေတဲ့အကြောင်း၊ အဆင်ပြေတာနဲ့ ပြန်လာမယ့်အကြောင်းကို အဆက် အသွယ် ရပါတယ်။
ကြယ်ဂေါင်မှာနေတုန်း ရွှေလီကို တက္ကစီနဲ့ သွားကြသေးတယ်။ ဘယ် တက္ကစီပဲစီးစီး ပိုက်ဆံပိုမတောင်းဘူး။ တရုတ်ငွေ ယွမ် ၅ ကျပ် ပဲ။ ရွှေလီမြို့ ညဈေးတန်းကတော့ တကယ့်ကိုစည်ကားတယ်။ ရွှေလီရော၊ ကြယ်ဂေါင်မှာပါ ကျောက်စိမ်းအရောင်းဆိုင် အများအပြားကို တွေ့ရတယ်။ ဒီကျောက်စိမ်းတွေက ကျနော်တို့ မြန်မာနိုင်ငံကနေ တရားမ၀င်ရော၊ တရားဝင်ပါ ရောက်လာတဲ့ ကျောက် စိမ်းတွေဆိုတာ သိရတော့ စိတ်မကောင်း ဖြစ်မိပါသေးတယ်။
ကြယ်ခေါင်မှာ ည ၁၁ နာရီကျော်တာတောင် တချို့ဆိုင်တွေ မပိတ်ဘူး။ ဆိုင်တချို့ရှေ့မှာ ကောင်မလေးတွေ ရပ်နေတာကို တွေ့ရ တယ်။ သူတို့ အနားက ဖြတ်သွားရင် မြန်မာ စကားပီပီသသနဲ့ “ရာမလိုချင်လား” တဲ့။ ရာမဆိုတာ စိတ်ကြွဆေးပြားပါ။ မူးယစ်ဆေး တမျိုးပေါ့။ ရွှေလီရော၊ ကြယ်ဂေါင်မှာပါ ရောင်းဝယ်နေတာ တော်တော် များတယ်။ အဲဒီ နေရာကနေ မြန်မာနိုင်ငံထဲ ကိုလည်း ၀င်နေတယ်လို့ သိရတယ်။
ကြယ်ဂေါင်မှာ ၂ ညအိပ်ပြီးနောက် မိန်းကလေးတွေလည်း လိုင်ဇာကနေ ပြန်ထွက်လာနိုင်လို့ ရန်ကုန်ကို ပြန်ခဲ့ကြတယ်။ လိုင်ဇာ ကို ရောက်နှင့်နေတဲ့ နိုင်ငံခြား သတင်းထောက် တွေတောင် ပြန်ထွက်ဖို့ တော်တော် ခက်နေတဲ့အကြောင်းကိုလည်း မိန်းကလေး တွေ က ပြောပြခဲ့ကြပါတယ်။
အခု ခရီးစဉ်မှာ KIA ကွန်မန်ဒိုတပ်သား ခေါချမ်းရဲ့“ကျနော်တို့လည်း အစိုးရကျောင်း တက်ခဲ့ဖူးတယ်။ ၄ တန်း လောက်ကတည်းက မြန်မာနိုင်ငံအလံအကြောင်း သင်ခဲ့ဖူးပါတယ်။ ဒါပေမယ့် သူတို့ပြောတဲ့စကားနဲ့ လက်တွေ့က ဘာတခုမှ ဖြစ်မလာဘူး။ တခြားစီပဲ။ အစိုးရကို ကျနော်တို့က လက်မခံတာ။ ဗမာ ကို လက်မခံတာ မဟုတ်ဘူး။ အစိုးရကို တိုက်နေ တာ”ဆိုတဲ့ စကားရယ်…။
အစိုးရ စစ်သားတွေ ရေးခဲ့တယ် ဆိုတဲ့“ငြိမ်းချမ်းပြီဆိုရင် ကျနော်တို့ ညီအစ်ကိုတွေ အားလုံး အေးချမ်းတဲ့ တောင်ပေါ်မှာ ကချင် ရိုးရာ အတိုင်း အတူတူ ထမင်းလက်ဆုံ စားချင် တယ်”ဆိုတဲ့ စာသားလေးတွေက ကျနော့်ရင်ထဲ အမှတ်တရနဲ့ ရန်ကုန်အထိ ပါလာပါတော့တယ်။
Ref: ဧရာဝတီ
Read More...
Collapse...
စနေလင်း
February 8, 2013
ရခိုင်ပြည်နယ် ပဋိပက္ခဖြစ်စဉ်တွင် နယ်စည်းမခြား ဆရာဝန်များအဖွဲ့ (MSF/AZG) က မွတ်စလင်များဘက်မှ ပါဝင်ပက်သက်မှု မရှိခဲ့ကြောင်း လူသိရှင်ကြား ထုတ်ပြန်ပေးရန် အစိုးရထံ တောင်းဆိုလိုက်ကြောင်း သိရသည်။
ထိုဖြစ်စဉ်တွင် MSF အနေဖြင့် နောက်ကွယ်မှ ပါဝင်ပက်သက်ခဲ့သည်ဆိုသည့် ကောလာဟလ များကြောင့် ၎င်းတို့ အဖွဲ့အစည်းကို အစိုးရစစ်တပ်မှ လာရောက်ရှာဖွေသော်လည်း ဘာမှ မတွေ့ခဲ့သည်ကို အစိုးရ ဌာနဆိုင်ရာများက အသိအမှတ် ပြုပြီးဖြစ်ကြောင်း၊ သို့ရာတွင် ယနေ့အချိန်အထိ လူသိရှင်ကြား ထုတ်ပြန်ပေးမှု မရှိသေးကြောင်း MSF ၏ ညွှန်ကြားရေးမှူး မစ္စတာ Arjan Hehenkamp က ဖေဖော်ဝါရီ ၈ ရက်နေ့က ကျင်းပသည့် သတင်းစာရှင်းလင်းပွဲတွင် ပြောသည်။
“ကောလာဟလတွေ ပေါ်မှာပဲ မူတည်ပြီးတော့ မဆုံးဖြတ်ပါနဲ့လို့ ပြောချင်ပါတယ်။ အဲဒီ ကောလာဟလပေါ်မှာ မူတည် ဆုံးဖြတ်တဲ့ အတွက်ကြောင့် ရှာဖွေခံရတဲ့ အဆင့်အထိ ရောက် ခဲ့ပါတယ်။ အဲဒါကြောင့် အများကြီး ထိခိုက်နစ်နာပါတယ်” ဟု ၎င်းက ဆိုသည်။
MSF သည် ကျန်းမာရေး စောင့်ရှောက်မှု ကိစ္စကိုသာ ဦးတည်လုပ်ဆောင်ခဲ့ပြီး ကျူးကျော်ဝင်ရောက်ခြင်း ကိစ္စ၊ ဘာသာရေး ကိစ္စ၊ နိုင်ငံရေးကိစ္စ များအပေါ် စိတ်ဝင်စားခြင်းမရှိကြောင်း သူက ဆက်ပြောသည်။
ယခု ဖြစ်ပျက်မှုများတွင် မည်သူမှားသည်၊ မည်သူမှန်သည်ကို မသုံးသပ်လိုကြောင်း၊ ၎င်းတို့သည် မည်သည့်လူမျိုးကိုမဆို ကူညီပေးနေသည် ဆိုသော အမြင်များဖြင့် သုံးသပ်ပေးရန် အတွက် အစိုးရနှင့် ဒေသတွင်း လူထုကို မစ္စတာ Arjan Hehenkamp က တိုက်တွန်း လိုက်သည်။
MSF အဖွဲ့သည် ရခိုင်ဒေသတွင်သာ မကဘဲ တခြားသော ပဋိပက္ခဖြစ်ပျက်နေသော နေရာများတွင်လည်း အလုပ်လုပ်နေသော အဖွဲ့ဖြစ်ပြီး ထိုသို့ ပဋိပက္ခ ဖြစ်စဉ်တွင် အနည်းအကျဉ်းမျှ ပါဝင်ပက်သက်ခဲ့လျှင်လည်း ညွှန်ကြားရေးမှူး တဦးအနေဖြင့် အရင်ဦးဆုံး ကိုင်တွယ် ဖြေရှင်းသွားမည်ဖြစ်ကြောင်း ၎င်းက ဆိုသည်။
ယခုလက်ရှိ အချိန်တွင် MSF ကို ရခိုင်လူထုအနေဖြင့် လက်မခံနိုင်ခြင်းမှာ ဖြစ်ပွားခဲ့သော ပဋိပက္ခ၏ သဘောသဘာဝ များကြောင့် ဖြစ်နိုင်ကြောင်း၊ MSF တွင် တာဝန်ထမ်းဆောင် ခဲ့သည့် နှစ် ၂၀ ကာလအတွင်း ယခုကဲ့သို့ လူမျိုးစု ၂ စုအကြား ကြားညပ်ခံရသည့် ဖြစ်ရပ် မတွေ့ကြုံခဲ့ဖူးကြောင်း သူက ဆိုသည်။
“ကျနော်တို့ရဲ့ မြန်မာနိုင်ငံသား ဆရာဝန်တွေဟာ ဆေးကုသမှု လိုအပ်ချက်ပေါ်မှာ မူတည်ပြီးတော့ ကုသပေးနေတာ၊ ကျန်တဲ့အပေါ်မှာ ခွဲခြားဆက်ဆံတယ်လို့ ပြောခဲ့ရင် ငြင်းဆိုမှာပါ။ ဒါပေမယ့် သေချာတာ တခုကတော့ လူမျိုးစု ၂ ခု အတွင်းမှာ လူမျိုးစုတစုကနေ နောက်တစုကို မြင်တဲ့အမြင်ကြောင့် ကျနော်တို့ရဲ့လုပ်ငန်းအပေါ်မှာ လာထိခိုက်မှု ရှိတာတော့ အမှန်ပါပဲ” ဟု ၎င်းက ဆက်ပြောသည်။
လူမျိုးစု ၁ စုကို ကူညီသည့် အတွက်ကြောင့် နောက်လူမျိုးစုက အမြင်မကြည်လင် မှုများသည် ယခုကဲ့သို့ ပြဿနာ မဖြစ်ခင်ကတည်းက ရှိနေပြီးသား ဖြစ်ကြောင်း၊ ထို့အပြင် ယခု ဖြစ်စဉ်၌ ၎င်းတို့အဖွဲ့အစည်းမှ ၀န်ထမ်းတချို့သည် လက်နက်ကိစ္စနှင့် ပတ်သက်၍ ပါဝင်ပက်သက်မှုများ ရှိသည်ဟု စွပ်စွဲမှုများ ရှိနေသည်ကိုလည်း သူက ငြင်းဆန်ကြောင်း Arjan Hehenkamp က ဆိုသည်။
MSF အဖွဲ့သည် မြန်မာနိုင်ငံတွင် အလုပ်လုပ်ကိုင် နေသည်မှာ နှစ်ပေါင်း ၂၀ ကျော်ခဲ့ပြီ ဖြစ်ကြောင်း၊ မြန်မာနိုင်ငံ အနှံ့အပြား တွင် ပုံစံမျိုးစုံဖြင့် အလုပ်လုပ်ပေးနေသည့် အဖွဲ့အစည်း တခုဖြစ်ကြောင်း၊ နှစ်ရှည် ကျန်းမာရေး ၀န်ဆောင်မှုပေးသော အဖွဲ့စည်းတခုဖြစ်သကဲ့သို့ အရေးပေါ် ကျန်းမာရေး ၀န်ဆောင်မှုများကိုလည်း လုပ်ပေးနေကြောင်း MSF အဖွဲ့၏ မြန်မာနိုင်ငံ ဌာနေ ကိုယ်စားလှယ် မစ္စတာ Perer Paul de Groote က ရှင်းပြသည်။
MSF အဖွဲ့၏ အကြီးမားဆုံး စီမံကိန်းသည် HIV နှင့် တီဘီရောဂါ ဝေဒနာရှင်များကို ၀န်ဆောင်မှု ပေးသော လုပ်ငန်းဖြစ်ပြီး မြန်မာနိုင်ငံတွင် HIV လူနာများမှ လူ ၅ သောင်းမျှ ဆေးဝါးကုသမှု ကုထုံးရရှိနေပြီး MSF အဖွဲ့မှ လူ ၃ သောင်းကို ကုသမှု ပေးထားကြောင်း သိရသည်။ တီဘီ လူနာများအတွက် နှစ်စဉ် လူ ၃ ထောင်ကို ကုသမှုပေးနေကြောင်း၊ အဆိုပါ လူနာ များသည် HIV နှင့် ယှဉ်တွဲကာ ဝေဒနာ ခံစားနေသော လူနာများဖြစ်ကြောင်း သိရသည်။
“ကျနော်တုိ့ နောက်ထပ် တိုးချဲ့ကုသပေးနေတာက ဆေးယဉ်ပါးနေတဲ့ တီဘီ လူနာတွေအတွက် ကုထုံးတွေ ထပ်ပေး နေပါတယ်။ မကြာခင်ကမှ အစိုးရကလည်း ကချင်ဒေသမှာ ရွှေ့ပြောင်းဒုက္ခသည်တွေအတွက် အကူညီပေးလို့ ရတယ်လို့ ပြောတဲ့အတွက် ကျနော်တို့ အဲဒီဒေသခံတွေကို အကူအညီတွေ ပေးနိုင်လိမ့်မယ်လို့ ထင်ပါတယ်” ဟု မစ္စတာ Perer ပြောသည်။
ရခိုင်ပြည်နယ်တွင် MSF အဖွဲ့၌ တာဝန်ထမ်းဆောင်နေသော ၀န်ထမ်းများကို ကျန်းမာရေး စောင့်ရှောက်မှုလုပ်ငန်းများ ချောမောစွာ ဆောင်ရွက်မရအောင် လူတချို့က ခြိမ်းခြောက် နှောင့်ယှက်မှုများနှင့် တွေ့ကြုံနေရကြောင်း၊ အရေးပေါ် ကျန်းမာရေး စောင့်ရှောက်ရန်လိုအပ်သော လူနာများကို ပြည်သူ့ဆေးရုံသို့ လွှဲပြောင်းပေးရာတွင်လည်း အခက်အခဲများ တွေ့ကြုံ နေရပြီး အချိန်မီ မရောက်ရှိသောကြောင့် အသက်ဆုံးရှုံးမှုများရှိနေကြောင်း MSF အဖွဲ့က သတင်းထုတ်ပြန် ထားသည်။
၎င်းတို့ အဖွဲ့ရောက်ရှိခဲ့သော ဒုက္ခသည်စခန်းများတွင် အာဟာရချို့တဲ့မှု ပြင်းထန်သော ကလေးငယ်များကို တွေ့ရှိခဲ့ရပြီး အရေပြားရောဂါ၊ နာတာရှည် ချောင်းဆိုးရောဂါ၊ သန်ထခြင်း၊ အသက်ရှုလမ်းကြောင်း ဆိုင်ရာ ရောဂါနှင့် ၀မ်းပျက် ၀မ်းလျောရောဂါများ ဖြစ်ပွားနေသည်ကိုတွေ့ရကြောင်း အဆိုပါ ထုတ်ပြန်ချက်တွင်ပါဝင်သည်။
MSF အနေဖြင့် ပွင့်လင်းမြင်သာမှုရှိရှိဖြင့် မည်သူ့ကိုမဆို ၎င်းတို့နှင့် လာရောက် စကားပြောရန် ကြိုဆိုထားကြောင်း၊ ရခိုင်လူထု အနေဖြင့် ယင်းတို့ကို ပြန်လည်လက်ခံရန်အတွက် သက်ဆိုင်ရာ အစိုးရအဖွဲ့၊ ဘာသာရေး ခေါင်းဆောင်များထံတွင် အကြံဉာဏ်များ ရယူခဲ့ကြောင်း Arjan Hehenkamp ကပြောသည်။
“ဒီကိစ္စနဲ့ ပက်သက်ပြီး ရခိုင်ပြည်နယ် ၀န်ကြီးချုပ်နဲ့လည်း စကားပြောဖြစ်ပါတယ်။ ရဟန်းပျိုအဖွဲ့ တွေနဲ့လည်း စကား ပြောဖြစ်ပါတယ်။ သူတို့က ဘယ်လိုအကြံဉာဏ်ရလဲ ဆိုရင် အရင်ဦးဆုံး စပြီးတော့ ညင်ညင်သာသာနဲ့ အလုပ်လုပ်ပါ၊ တစ်ခုခုမလုပ်ခင် တိုင်ပင်ပါ၊ သူတို့ကိုမေးမြန်းပါ၊ ပြဿနာ ဖြစ်နိုင်တဲ့ အဖွဲ့အစည်းတချို့၊ လူတချို့နဲ့ စကားပြောနိုင်တဲ့ ပုံစံမျိုး လုပ်ပါလို့ အကြံပေးပါတယ်” ဟု ၎င်းက ဆိုသည်။
Ref: ဧရာဝတီ
Read More...
Collapse...
ရန်ပိုင်
February 8, 2013
မန္တလေး ကျွဲဆည်ကန်မှ အဝေးပြေး ကုန်တင်ကားဂိတ်များကို ပြည်ကြီးမင်္ဂလာ (စွယ်တော်) ကုန်တင် ယာဉ်ရပ်နား စခန်းသစ်အသစ်သို့ ပြောင်းရွေ့ရေး စည်ပင်သာရေး ကော်မတီနှင့် ညှိနှိုင်း၍ မအောင်မြင်လျှင် လုပ်ငန်းရှင်များက ကုန်တင်ကုန်ချ လုပ်ငန်းများ ရပ်ဆိုင်းမည်ဖြစ်ရာ ကုန်စည်စီးဆင်းရေး အခက်အခဲများ ဖြစ်လာနိုင်ကြောင်း သိရသည်။
မန္တလေး စည်ပင်သာယာရေး ကော်မတီက ကျွဲဆည်ကန်မှ ကားဂိတ်များ ပြည်ကြီးမင်္ဂလာ ကားကွင်းသစ်သို့ ပြောင်းရွေ့ရေး လာမည့် ဖေဖော်ဝါရီလ ၁၆ ရက်နေ့ နောက်ဆုံးထား ဆောင်ရွက်ရန်နှင့် မပြောင်းရွေ့ပါက စည်ပင်သာယာရေး အက်ဥပဒေနှင့် အရေးယူမည်ဖြစ်ကြောင်း သတိပေးချက် ထုတ်ပြန်ထားသည်။
ထို့အတွက် ပြီးခဲ့သည့် ဖေဖော်ဝါရီလ ၃ ရက်နေ့က အဝေးပြေး ကုန်စည်ပို့ဆောင်မှု လုပ်ငန်းရှင်များအသင်း အစည်းအဝေးပြုလုပ်ကာ အသင်းအနေဖြင့် စည်ပင်သာယာရေး ကော်မတီနှင့် ညှိနှိုင်းမှုများ ပြုလုပ်ဦးမည် ဖြစ်သော်လည်း သဘောတူညီမှုမရပါက ကုန်တင်ကုန်ချ လုပ်ငန်းများကို ရပ်ဆိုင်းရန်၊ သမ္မတ အပါအ၀င် လွှတ်တော် နှစ်ရပ်မှ ဥက္ကဌများ၊ ဥပဒေအဖွဲ့များထံ ဆက်လက် တင်ပြသွားရန် ဆုံးဖြတ်ခဲ့ခြင်း ဖြစ်သည်ဟု သိရသည်။
မန္တလေး အဝေးပြေး ကုန်စည်ပို့ဆောင်မှု လုပ်ငန်းရှင်များအသင်း ဒုဥက္ကဋ္ဌ ဦးဝင်းမြင့်က “ဂိတ်တွေကားကွင်း အသစ်မှာလည်း ၀ယ်ပြီးသား၊ ငှားပြီးသား မရှိကြဘူး။ မပြောင်းရင်လည်း အရေးယူခံရမယ်ဆိုတော့ အားလုံးက လုပ်ငန်းရပ်ဖို့ ဆုံးဖြတ်လိုက်တာပါ” ဟု ဧရာဝတီသို့ ပြောသည်။
မန္တလေး စည်ပင်သာယာရေး ကော်မတီက အသစ်ပြောင်းရွေ့ရမည့် ပြည်ကြီးမင်္ဂလာ ကားကွင်းမှ အဆောက်အဦးများကို တခန်းလျှင် သိန်း ၁၃၅၀ နှင့် သိန်း ၇၀၀ ကျပ်ဟု အသီးသီး သတ်မှတ်ထားသည်။
ကုန်တင်ကုန်ချ ကားဂိတ်လုပ်ငန်းရှင်များ အနေဖြင့် ၀ယ်ယူရန် မတတ်နိုင်ကြောင်း၊ တခန်းလျှင် တလ ကျပ် ၁သိန်း ခွဲဖြင့် ငှားရမ်းနိုင်ရန် စည်ပင်သာယာရေး ကော်မတီထံ တင်ပြဆွေးနွေးသွားမည်ဖြစ်ကြောင်း ဦးဝင်းမြင့်က ပြောသည်။
ထိုကားကြီးကွင်း ပြောင်းရွေးရေး အငြင်းပွားနေမှုကို ညှိနှိုင်းရန် မန္တလေး စည်ပင်သာယာရေး ကော်မတီက မြို့ခံ လုပ်ငန်းရှင် ၅ ဦးကို အကြံပေးအဖွဲ့အဖြစ် ဖွဲ့စည်းပြီး အဝေးပြေး ကုန်စည်ပို့ဆောင်မှု လုပ်ငန်းရှင်များနှင့် လတ်တလော ဆွေးနွေးလျက်ရှိကြောင်း သိရသည်။
မြန်မာနိုင်ငံ၏ အလယ်ဗဟိုချက်တွင် ရှိသည့် မန္တလေးမြို့သည် လမ်းပန်းဆက်သွယ်ရေး၊ ကုန်စည်ဖြန့်ဖြူးရေးတွင် အရေးပါသည်မြို့ တမြို့ဖြစ်ပြီး ရှမ်းပြည်တောင်ပိုင်းနှင့် မြောက်ပိုင်း၊ ကချင် ပြည်နယ်၊ ချင်းပြည်နယ်၊ စစ်ကိုင်းတိုင်း၊ ရန်ကုန်တိုင်း၊ ပဲခူးတိုင်းတို့နှင့်လည်း ဆက်သွယ်မှုရှိသည်။
လက်ရှိ အနေအထားအရ မန္တလေးသို့ စီးဆင်းနေသည့် ကုန်စည်တန်ချိန်မှာ တနေ့လျှင် တန်ချိန် ၂ သောင်းခန့်ရှိရာ ကုန်တင်ကုန်ချ လုပ်ငန်းများ ရပ်ဆိုင်းပါက စားသောက်ကုန်၊ လူသုံးကုန်များ ပြတ်တောက်နိုင်ကြောင်း၊ ထို့အတွက် ကုန်ဈေးနှုန်းများ မြင့်တက်လာလျှင် မန္တလေးမြို့သာမက တခြားသော မြို့များကိုပါ ထိခိုက်နိုင်ကြောင်း အဝေးပြေး ကုန်စည်ပို့ဆောင်မှု လုပ်ငန်းရှင်များအသင်းထံမှ သိရသည်။
ထို့အပြင် ကုန်တင်ကားကြီးကွင်းကို မှီခိုပြီး လုပ်ကိုင်နေသည့် ကားပစ္စည်း ရောင်းဝယ်ရေး၊ စက်သုံးဆီ ရောင်းဝယ်ရေး၊ စားသောက်ကုန်၊ လူသုံးကုန် ရောင်းဝယ်ရေးမှာလည်း ထိခိုက်လာနိုင်သည်ဟု သိရှိရသည်။
မန္တလေးမြို့မှ ပွဲစား၊ ကုန်သည်၊ စက်ပိုင်များအသင်း၏ အတွင်းရေးမှူး ဦးချွန်က ယခုကဲ့သို့ မန္တလေး စည်ပင်သာယာနှင့် အဝေးပြေး ကုန်စည်ပို့ဆောင်မှု လုပ်ငန်းရှင်များအကြား ဖြစ်ပွားနေသည့် ကားကွင်းအသစ် ပြောင်းရွေ့ရေး ပြဿနာမှာ ဖြေရှင်းနိုင်မည်ဟု ထင်ကြောင်း၊ ကုန်စည်စီးဆင်းမှုတွင် အနှောက်အယှက် ဖြစ်ပေါ်ခဲ့လျှင် ဈေးနှုန်း ကြီးမြင့်မှုများ ဖြစ်ပေါ်လာပြီး စားသုံးသူများကို ထိခိုက်လာနိုင်သည့်အတွက် ကားဂိတ် လုပ်ငန်းရှင်များ အနေဖြင့်လည်း ကုန်စည်သယ်ယူ ပို့ဆောင်ရေးကို လုံးဝဥဿုံ ရပ်တန့်လိမ့်မည်ဟု မယုံကြည်ကြောင်း သုံးသပ်ပြောဆိုသည်။
မန္တလေးမြို့ စည်ပင်သာယာရေး ကော်မတီက မြို့တွင်းယာဉ်ကြော ပိတ်ဆို့ခြင်း၊ ပွင့်လင်းလာမည် အာဆီယံ-တရုတ် ကုန်သွယ်ရေး လမ်းကြောင်းအတွက် အရေးပါခြင်းတို့ကြောင့် ပြည်ကြီးမင်္ဂလာ ကုန်တင်ကုန်ချ ယာဉ်များ ရပ်နားစခန်းသစ်ကို ၂၀၀၉ ခုနှစ်က မန္တလေးမြို့နှင့် ၁၄ မိုင်ခန့်ဝေးသည့် မန္တလေး-လားရှိုး ကားလမ်းဘေး စွယ်တော် ဘုရားအနီးတွင် တည်ဆောက်ခဲ့ခြင်း ဖြစ်သည်။
၁၉၉၂ ခုနှစ် စစ်အစိုးရ လက်ထက်ကလည်း ကုန်တင်ကုန်ချနှင့် အဝေးပြေးကားများကို ယာဉ်ကြောပိတ်ဆို့သည်ဟု ဆိုကာ ရတနာပုံရပ်မှ ကျွဲဆည်ကန်သို့ ပြောင်းရွေ့စေခဲ့သေးသည်။
ယခုအခါ ကျွဲဆည်ကန် ကားကွင်းတွင် ကားဂိတ်ပေါင်း ၆၈ ဂိတ်ရှိပြီး တခြားသော ဈေးဆိုင်ခန်းများနှင့် ပွဲရုံများလည်း ရှိသည်။
Ref: ဧရာဝတီ
Read More...
Collapse...
နန်းဆိုင်နွမ်
February 7, 2013
ယနေ့ကျရောက်သည့် ၆၆ နှစ်မြောက် ရှမ်းပြည်နယ်နေ့ အခမ်းအနားကို မြန်မာပြည်အနှံ့ တရားဝင် ကျင်းပခွင့် ပြုလိုက်သည်ဟု သိရသည်။
ယခင်က “ရှမ်းပြည်နယ်နေ့ အခမ်းအနား” ဟု သုံးစွဲခွင့် မပြုခဲ့ဘဲ “ရှမ်းပြည်နယ် တိုင်းရင်းသားပေါင်းစုံ ပဒေသာကပွဲ အခမ်းအနားနှင့် အစားအစာ ဈေးရောင်းပွဲတော်နေ့” ဟူ၍သာ ရန်ကုန်ရှိ ၉ မိုင် ရှမ်းကျောင်းတွင် ကျင်းပခဲ့ရကြောင်း၊ အနှစ် ၂၀ တွင် ပထမဆုံး အဖြစ် ယခုနှစ်တွင် တရားဝင် ကျင်းပခွင့် ပြုခြင်းဖြစ်ကြောင်း ရှမ်းအမျိုးသား ဒီမိုကရေစီ အဖွဲ့ချုပ် (SNLD) ပါတီမှ ပြောရေးဆိုခွင့် ရှိသူ ဦးစိုင်းလိတ်က ဧရာဝတီသို့ ပြောသည်။
“အခုလို တရားဝင် ကျင်းပခွင့် ရလိုက်တာကြောင့် ရှမ်း တိုင်းရင်းသားတွေ ကိုယ်ပိုင် ရပိုင်ခွင့် အခွင့်အလမ်းတွေ ရလာပြီလို့ ထင်ပါတယ်။ အရင်ကတော့ ရှမ်းပြည်နယ်နေ့၊ ရှမ်း အမျိုးသားနေ့ ဆိုပြီး မသုံးတာဘဲ ရှိပါတယ်။ နှစ်စဉ် နှစ်တိုင်းတော့ လုပ်ခဲ့ပါတယ်” ဟု ဦးစိုင်းလိတ်က ဆိုသည်။
ရှမ်း တိုင်းရင်းသားများ၏ ရှမ်းရိုးရာ အစားအစာများ၊ ရိုးရာ အ၀တ်အထည်များ၊ ရှမ်းစာပေနှင့် ရေးသားထားသည့် စာအုပ် များကိုလည်း ရှမ်းစာပေနှင့် ယဉ်ကျေးမှုအဖွဲ့က ရောင်း ချပေးလျက်ရှိပြီး ရန်ကုန်တိုင်းအတွင်း နေရာဒေသ အသီးသီးတွင် နေထိုင်ကြသည့် ရှမ်း၊ ပအိုဝ်း၊ ပလောင်၊ ဓနု စသည့် တိုင်းရင်းသား တို့သည်လည်း တွေ့ဆုံပွဲများ၊ ပဒေသာ ကပွဲများကို ရန်ကုန်မြို့ရှိ အမျိုးသား ကဇာတ်ရုံတွင် ကျင်းပကြောင်းသိရသည်။
ရှမ်းပြည်နယ်မြောက်ပိုင်း မူဆယ်မြို့နယ်မှ ရှမ်းအမျိုးသား ဦးစိုင်းလှိုင်းက “နှစ် ၂၀ ကျော်မှာ ဒီနှစ် ပထမဆုံး လွတ်လွတ် လပ်လပ် ကျင်းပခွင့်ရတဲ့အတွက် အရမ်း ၀မ်းသာတယ်။ ပြီးတော့ ရှမ်းလူမျိုးတွေ အထွဋ်အမြတ်ထားတဲ့ ရှမ်းအလံကိုပါ မူဆယ် တလမ်းလုံး စိုက်ထူခွင့်ရတယ်” ဟု ဧရာဝတီသို့ ပြောသည်။
မူဆယ်မြို့တွင် ပွဲလုပ်ခွင့် ၁၀ နှစ် ကျော်ပိတ်ထားသည့် ရွှေသမင် ဘုရားကျောင်းကွင်း၌လည်း ပွဲလုပ်ခွင့်ပေးထားကြောင်း၊ ရှမ်းပြည်နယ်နေ့ ပွဲသည် ရှမ်းတိုင်းရင်းသားများ၏ နေ့ထူးနေ့မြတ်ပွဲ ဖြစ်သည့်အတွက် ကျေးရွာ တချို့မှ လမ်းလျှောက်ချီတက် ဆင်နွှဲကြကြောင်း၊ ရှမ်းရိုးရာ ဈေးရောင်းပွဲတော်များ၊ ရှမ်းအကများ ရှမ်း တေးသီချင်းများဖြင့် လည်း ဖြေဖျော်ကာ ညနေ ၆ နာရီအထိ ကျင်းပသွားမည်ဖြစ်ကြောင်း သိရသည်။
“စယ်လန့်က လူ ၅၀ ကျော်လောက် မူဆယ်မှာ ကျင်းပတဲ့ ရှမ်းပြည်နယ်နေ့ပွဲကို လမ်းလျှောက်ပြီးလာတယ်။ အသက် ၁၅ နှစ်အရွယ်ကနေ အသက် ၆၅ နှစ်အရွယ် လူကြီးတွေအထိ ပါတယ်။ မနက် ၅ နာရီ စယ်လန့်ကနေ ထွက်လာပြီး မူဆယ်ကို ၆ နာရီခွဲ လောက်ရောက်တယ်” ဟု မူဆယ်ဒေသခံ ဦးစိုင်းလှိုင်းက ဆိုသည်။
ရှမ်းပြည်နယ် မြောက်ပိုင်း နမ့်ခမ်းတွင်လည်း ရိုးလယ် ဘုရားနှင့် လွတ်လပ်ရေး ကျောက်တိုင် အနီးရှိ ပန်ပွဲကွင်းတွင် ကျင်းပမည် ဖြစ်ပြီး ထူးခြားမှုမှာ ကျားအက၊ စကားရည်လုပွဲ၊ ရှမ်းရိုးရာ အကပေါင်းစုံ၊ သဘာဝ ဘေးအန္တရာယ်နှင့် ကျန်းမာရေး ဟောပြောပွဲနှင့် ပြခန်း၊ ရှမ်းပြည်သမိုင်းနှင့် အစားအစာ ဆွေးနွေးခန်းတို့လည်း ပါဝင်မည်ဟု နမ့်ခမ်း ဒေသခံ ရှမ်းအမျိုးသား တဦးက ဆိုသည်။
ရှမ်းပြည်နယ်နေ့ကို ရှမ်းတိုင်းရင်းသားများ လွတ်လပ်စွာ ကျင်းပခွင့် ပြုသည့်အတွက် ရှမ်းတိုင်းရင်းသားများ အလွန် ပျော်ရွှင် နေကြကြောင်း၊ နှစ်စဉ် ကျင်းပနိုင်ရန် မျှော်လင့်ကြကြောင်း၊ ရှမ်းတိုင်းရင်းသားများ နည်းတူ တခြားတိုင်းရင်းသား များလည်း ၎င်းတို့၏ ပြည်နယ်နေ့ အခမ်းအနား များကိုကျင်းပနိုင်မည်ဟု မျှော်လင့်ကြောင်း ရှမ်းတိုင်းရင်းသားများက ဆိုသည်။
Ref: ဧရာဝတီ
Read More...
Collapse...
February 7, 2013
ရန်ကုန်လာပြီး မြန်မာ့ဒီမိုကရေစီ ခေါင်းဆောင် ဒေါ်အောင်ဆန်း စုကြည်နှင့် တွေ့ဆုံရန် ကြိုးပမ်းမည့် တရုတ်လူငယ် တဦးကို တရုတ် အစိုးရက နိုင်ငံ အပြင်ဘက် ပေးမထွက်ခဲ့ကြောင်း သတင်းရရှိသည်။
ဖေဖော်ဝါရီ ၆ ရက် မနက်တွင် တရုတ်ပြည် တောင်ပိုင်း ဂွမ်ဇူး (ယခင်အခေါ် ကန်တုံ) မြို့ လေဆိပ်တွင် ဝမ်ဇွန်ရှ အမည်ရှိ လူငယ်ကို တရုတ် အရာရှိများက ရန်ကုန်သို့ ထွက်ခွာမည့် လေယာဉ်ပေါ် မတက်မီ တားဆီးခဲ့ပြီး တနာရီခန့် စစ်ဆေးမေးမြန်းခဲ့ကြောင်း၊ တိုင်းပြည်မှ ထွက်ခွာခွင့် မပြုနိုင်ကြောင်း အဆိုပါ လူငယ်ကို တာဝန်ရှိသူများက ပြောဆိုခဲ့ပြီး လူငယ် နေထိုင်ရာ ဘီဂျင်းရှိ ပြည်သူ့လုံခြုံရေးဌာနသို့ လွှဲပြောင်းပို့ဆောင်ပေးခဲ့ကြောင်း သိရှိရသည်။
“ကျနော်တို့ မြန်မာနိုင်ငံသွားပြီး ဒေါ်အောင်ဆန်းစုကြည်နဲ့ တွေ့ဖို့ လုပ်ခဲ့တယ်။ သူ လွှတ်တော် အမတ်အဖြစ် ရွေးကောက် တင်မြှောက်ခံရ အပြီးမှာတော့ ကျနော်တို့ သွားတွေ့လို့ ဘာ ပြဿနာမှ မရှိတော့ဘူးလို့ ထင်ခဲ့တာပေါ့” ဟု ဝမ်ဇွန်ရှက ဟောင်ကောင်ရှိ ဧရာဝတီ သတင်းထောက်ကို ပြောဆိုသည်။ “ဘီဂျင်းက ပြည်သူ့လုံခြုံရေးဌာနရဲ့ အမိန့်ကြောင့် တိုင်းပြည်က ထွက်ခွာခွင့် မပေးနိုင်ဘူးလို့ ကျနော့်ကို ပြောပါတယ်။ စာရွက်စာတမ်း အထောက်အထားပြဖို့ ပြောတော့ ငြင်းတယ်” ဟုလည်း ဝန်ဇွန်ရှက ဆိုသည်။
အသက် ၂၈ နှစ်အရွယ်ရှီ ဝမ်ဇွန်ရှသည် မြန်မာပြည်တွင် တရုတ်နှစ်သစ်ကူးကာလ ၉ ရက်ကြာ နေထိုင်ရန်ရှိပြီး တရုတ်ပြည်သို့ အပြန် လေယာဉ်လက်မှတ်လည်း ဝယ်ထားပြီး ဖြစ်သည်။
မြန်မာ ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာန၏ အဆိုအရ ယမန်နှစ်က မြန်မာနိုင်ငံသို့ လာသော တရုတ်နိုင်ငံသား ၇၀၈၀၀ ဦးရှိကြောင်း သိရသည်။ အမှန်တကယ် ဝင်ရောက်လာသော တရုတ်နိုင်ငံသားဦးရေ ပိုများနိုင်သည်။ ရွှေလီနယ်ခြားစောင့်တပ်ဖွဲ့က ကြေညာသည်မှာ မနှစ်က နယ်ခြားဖြတ်ကျော်သူ ၁၂ သန်းကို မှတ်တမ်းယူခဲ့သည်ဟု ဆိုသည်။
“ခေါင်းဆောင်မှုသစ်၊ ရာသီသစ်” ဟု မတ်လတွင် ကျင်းပခဲ့သော တရုတ်ပြည်သူ့ကွန်ဂရက်က ချမှတ်ခဲ့သော နိုင်ငံရေးပေါ်လစီနှင့် ရွေးချယ်တင်မြှောက်ခဲ့သော ကွန်မြူနစ်ပါတီ ခေါင်း ဆောင်များကို ရည်ညွှန်းပြီး နာမည်ကျော် အနုပညာရှင်လည်းဖြစ် ဝမ်ဇွန်ရှ၏ မိတ်ဆွေလည်းဖြစ်သူ အိုင်းဝေဝေက အထက်ဖော်ပြပါ အဖြစ်အပျက်အပေါ် ရွဲ့ပြီး သူ၏ တွီတာတွင် ရေးသားမှတ်ချက်ပြုသည်။
လွန်ခဲ့သော ငါးနှစ်က ဝမ်ဇွန်ရှသည် ယခုအခါ အကျဉ်းချခံနေရသော တရုတ် နိုဘဲလ်ငြိမ်းချမ်းရေးဆုရှင် လျှူရှောက်ဘို ဦးစီးရေးသားသော “ချာတာ ၀၈” ကြေညာစာတမ်းတွင် လက်မှတ်ရေးထိုးသူ တဦး ဖြစ်သည်။ ယင်းကြေညာစာတမ်းသည် တရုတ်ပြည်တွင် ဒီမိုကရေစီ၊ ဖွဲ့စည်းပုံအခြေခံဥပဒေအရ အုပ်ချုပ်ရေး၊ လူ့အခွင့်အရေးတို့ ထွန်းကားရေးကို တောင်းဆိုထားပြီး တရုတ် ပညာတတ် ရာပေါင်းများစွာ လက်မှတ်ရေးထိုးခဲ့သည်။
စီးပွားရေးပညာဖြင့် ဘွဲ့ရထားသော ဝမ်ဇွန်ရှသည် “ချာတာ ၀၈”ကို ပြန့်ပွားရေး တီရှပ်များ ရိုက်နှိပ်ဖြန့်ချိခဲ့ဖူးပြီး လျှူရှောက်ဘိုကို တရားရုံးတင် စစ်ဆေးသောအချိန်က အကျယ် ချုပ်ခံခဲ့ရသည်။
မြန်မာပြည် မသွားရန် ပိတ်ပင်ခံခဲ့ရမှုနှင့် ပတ်သက်ပြီး ဝမ်ဇွန်ရှက “တရုတ်တွေ အမေရိကား သွားလို့ရတယ်။ ဒါပေမယ့် ကျနော့်လို တရုတ်ကျ မြန်မာပြည်တောင် သွားမရဘူး။ စိတ်ပျက်စရာပါ” ဟုလည်း ပြောဆိုသွားခဲ့သည်။
Ref: ဧရာဝတီ
Read More...
Collapse...
6 February 2013--
ဖိုးခွါးလေး
သျှမ်းပြည်မြောက်ပိုင်း ကျောက်မဲခရိုင်၊ နမ့်ဆန်မြို့နယ်အတွင်းရှိ ဒေသဖွံ့ဖြိုးရေးအတွက် အောင်ဇမ္မူ သီဟ ကုမ္ပဏီနှင့် ရွှေဖူးကြော် ကုမ္ပဏီတို့မှ နွေရာသီ ကားလမ်းတိုးချဲ့ မွမ်းမံမှု ကြောင့် ပလောင် (တအာင်း)ဒေသခံလူထုများ၏ အိမ်နှင့် စိုက်ပျိုးခင်းအချို့ ဖျက်ဆီးခံရမှုများရှိသည်ဟု သိရှိရသည်။
နမ့်ဆန်ဒေသဖွံ့ဖြိုးရေးဟူ၍ မြန်မာအစိုးရမှ ၎င်းဒေသရှိ တအာင်းအမျိုးသားပါတီအား ဇန်န၀ါရီလ အတွင်းက ဘဏ္ဍာငွေ ကျပ်သိန်းပေါင်း ၁ထောင် ချပေးကာ ထိုမှတဆင့် တအာင်း အမျိုးသားပါတီသည် နွေရာသီ ကားလမ်းတိုးချဲ့ ဖောက်လုပ်ပေးရန် အောင်ဇမ္မူသီဟကုပဏီနှင့် ရွှေဖူးကြော်ကုပဏီတို့ကို ကျပ်ငွေ သိန်း ၉၅၀ ပေးကာ လုပ်ငန်းစတင်ပြီးနောက် နေအိမ်များ ထိုသို့ ဖျက်ဆီးခံရခြင်းဖြစ်သည်။
ကားလမ်းပြုပြင်ဖောက်လုပ်သည့် လုပ်ငန်းကို နမ့်ဆန်မြို့နယ်၊ ငွန်ဆိုင်း အထက်နှင့် အောက် မန်လွယ်၊ နမ့်လင်းအုပ်စုကျေးရွာများမှစ၍ နမ္မတူတံတားအထိ ပြုပြင်ဖောက် လုပ်ခဲ့ပြီး လမ်းကြောင်းတလျှောက် တွင် မိသားစု ၇စု၏ အိမ်များနှင့် စိုက်ပျိုးခင်းများ ထိခိုက်ပျက်စီးခဲ့ရသည်ဟု ၎င်းကိစ္စနှင့် ပတ်သက်၍ သတင်းအချက်အလက်စုဆောင်း ခဲ့သည့် တအာင်း ကျောင်းသားနှင့် လူငယ်များအစည်းအရုံး-TSYO က ပြောသည်။
TSYO မှ အတွင်းရေးမှူး လိုည်းလှားရိုင်းက “လမ်းလာဖောက်တဲ့ လမ်းတလျှောက်မှာဆိုရင် လမ်းနဲ့နီးပြီး နေထိုင်နေတဲ့ မိသားစုအိမ် ၃အိမ်က လုံးဝကို ပြောင်းရွှေ့လိုက်ရတယ်။ ပြောင်းရွှေ့လိုက်ရတဲ့ မိသားစု တွေကတော့ သူတို့နဲ့ နီးစပ်တဲ့ ဆွေမျိုးအိမ်မှာ သွားနေရတယ်။ ကျန် ၄အိမ်ကတော့ တခြမ်းဖျက်ဆီး လိုက်ပြီးတော့ ဒီလိုပဲ ပြန်လည်ပြုပြင်ရတဲ့ အနေအထားမှာ လူတွေက နေနေရတယ်။ နောက် စိုက်ခင်း အချို့လည်း စက်ကြီးနဲ့ ထိုးချလိုက်တော့ စိုက်ဖို့နေရာလည်း မရှိတော့ဘူး”ဟု ပြောသည်။
ထို့အပြင် ဖျက်ဆီးခြင်းခံရသော မိသားစုအိမ်များသည် စားဝတ်နေရေးခက်ခဲသည့်အပြင် ရွှေ့ပြောင်းနေ ရသည့် ပြဿနာများကြောင့် အခက်အခဲများစွာ ကြုံတွေ့နေရသော်လည်း ထိခိုက်နစ်ကြေး တစုံတရာ မရရှိသေးကြောင်း သိရသည်။
ဆက်လက်၍ ကားလမ်းတိုးချဲ့ဖောက်လုပ်ရာ၌ အိမ်ရွှေ့ပြောင်းခိုင်းခံရသည့် အိမ်ရှင်အမျိုးသမီးတစ်ဦး က “ကားလမ်းတိုးချဲ့ဖောက်ဖို့ ကျမတို့ အိမ်ကိုရွှေ့ပေးရမယ်လို့ ကျေးရွာ ကော်မတီကနေတဆင့် ပြော တယ်။ ကျမကိုယ်တိုင်က မိသားစုစားဝတ်နေရေးအတွက် အခက်အခဲနဲ့ ရင်ဆိုင်နေရတယ်။ အိမ်ပြန် ဆောက်ဖို့ဆိုရင် အနည်းဆုံး ၄နှစ်လောက်တောင် ဆောက်နိုင်မလား မသိဘူး။ ကျမလိုပဲ တခြား အိမ် ၃အိမ်နဲ့ တချို့အိမ်တွေဆိုရင် တခြမ်းဖျက်ပစ်ရတာရှိတယ်”ဟု ပြောဆိုခဲ့မှုကို ယမန်နေ့က တအာင်းမြေ၀က်ဘ်ဆိုက် စာမျက်နှာတွင် ဖော်ပြထားသည်။
ထိုသို့ ကားလမ်းလာရောက်တိုးချဲ့ခဲ့ရာတွင် ထိခိုက်ဖျက်ဆီးခံရမှုများအတွက် ထိုက်တန်သည့် နစ်နာ ကြေးရရှိသွားရန် တတ်စွမ်းသမျှ ဝိုင်းဝန်းကူညီလုပ်ဆောင်ပေးသွားမည်ဟု တအာင်းကျောင်းသားနှင့် လူငယ်များအစည်းအရုံး-TSYO က ဆိုသည်။
ယခု ပြုပြင်မွမ်းမံနေသည့် ကားလမ်းသည် ယခင်က ပလောင်ပြည်နယ် လွတ်မြောက်ရေးတပ်မတော်-PSLA မှ ဦးဆောင်ပြီး တအာင်းလူထုများနှင့် ကိုယ်ထူကိုယ်ထ ဖောက်လုပ်ခဲ့သည့် ကားလမ်းဟောင်း ဖြစ်ကြောင်း သိရသည်။
Ref: ကေအိုင်စီ
Read More...
Collapse...
6 February 2013
နန်းသူးလေ
အာဆီယံနိုင်ငံများအတွင်း ရွှေ့ပြောင်းအလုပ်လုပ် ကိုင်နေကြသည့် အလုပ်သမားများ၏ အခွင့်အရေးများကို သက်ဆိုင်ရာနိုင်ငံတော်အစိုးရများမှ ကာကွယ်ပေးရန်အတွက် အာဆီယံနိုင်ငံများမှ လူထုအခြေပြုအဖွဲ့အစည်း များက ဆွေးနွေးပွဲတရပ်ကို ယမန်နေ့ ဖေဖော်ဝါရီလ ၅ရက်နေ့က ဘန်ကောက်မြို့တွင် ကျင်းပခဲ့ကြသည်။
ထိုင်းနိုင်ငံ၊ ဘန်ကောက်မြို့ Silom လမ်းမရှိ Holiday Inn နေရာတွင် ထိုင်းနိုင်ငံ၊ မလေးရှားနိုင်ငံ၊ စင်္ကာပူနိုင်ငံ လာအို စသည့် အာဆီယံနိုင်ငံများမှ လူထုအခြေပြုအဖွဲ့အစည်း အဖွဲ့ပေါင်း ၁၈ဖွဲ့မှ ကိုယ်စားလှယ်ပေါင်း ၂၅ဦး တို့က နံနက် ၉နာရီမှ ညနေ ၅နာရီ အထိ ထိုသို့ တွေ့ဆုံဆွေးနွေးခဲ့ကြခြင်းဖြစ်သည်။
၎င်းဆွေးနွေးပွဲသို့ တက်ရောက်ခဲ့သည့် ထိုင်း-မြန်မာနယ်စပ်အခြေစိုက် ရောင်ခြည်ဦးအလုပ်သမားအဖွဲ့မှ အထွေထွေအတွင်းရေးမှူး ဦးမိုးဆွေက “အလုပ်သမားတွေရဲ့ အခြေခံ အခွင့်အရေးကို အစိုးရတွက မြှင့်တင်ပေး မယ်။ ကာကွယ်ပေးမယ် ပြောပြီး တကယ်တမ်း မလုပ်ပေးဘူး။ ဒါကြောင့် ကျနော်တို့ကပေးမယ့် အကြံပြုချက် တွေကို အစိုးရက ထိထိ ရောက်ရောက်လုပ်ပေးဖို့ တောင်းဆိုမယ်ဆိုတာတွေနဲ့ ပတ်သက်ပြီးဆွေးနွေးကြတာ ပါ”ဟု ပြောသည်။
အဆိုပါ ဆွေးနွေးပွဲ ဖြစ်မြောက်ရေးအတွက် ILO Triangle Project အဖွဲ့မှ ကူညီထောက်ပံ့ပေးပြီး အာအီယံ နိုင်ငံများအတွင်း လူ့အခွင့်အရေးကိစ္စများနှင့် ပတ်သက်သည့် ဥပဒေရေး ဆွဲရန် ဖွဲ့စည်းထားသည့် ASEAN TASK FORCE အဖွဲ့ဝင်များမှ ဦးဆောင်ဆွေးနွေးသွားခဲ့ခြင်းဖြစ်ကြောင်းလည်း သိရသည်။
ဦးမိုးဆွေက “အခွင့်အရေးကိစ္စနဲ့ ပတ်သက်ပြီး ASEAN TASK FORCE တွေ ဖွဲ့ထားပေးတယ်။ အာဆီယံထဲမှာရှိ တဲ့ CBOs နဲ့ NGOs တွေကနေပြီးတော့ လူ့အခွင့်အရေးတွေ၊ အလုပ် သမားအခွင့်အရေးတွေနဲ့ပတ်သက်ပြီး တော့ ဘယ်လိုဖြစ်စေချင်လဲဆိုတဲ့ ထောက်ခံချက်တွေနဲ့ အစိုးရတွေ ဆီရောက်အောင်ပို့ ပေးမယ်ဆိုပြီးလုပ်တာ ဖြစ်တယ်”ဟု ပြောသည်။
ယင်းဆွေးနွေးပွဲတွင် မြန်မာနိုင်ငံမှ အလုပ်သမားအဖွဲ့အစည်းများ မတက်ရောက်ခဲ့သော်လည်း ထိုင်းရောက် မြန် မာရွှေ့ပြောင်းအလုပ်သမားကူညီပေးနေသည့် ရောင်ခြည်ဦး အလုပ်သမားအဖွဲ့၊ မြန်မာနိုင်ငံ အလုပ်သမား သမဂ္ဂများအဖွဲ့ချုပ်-FTUB၊ မြန်မာနိုင်ငံ ဒီမို ကရေစီရရှိရေး ထိုင်းလုပ်ငန်းကော်မတီ-TACDB စသည့်အဖွဲ့ ၃ဖွဲ့ တက်ရောက်ခဲ့ကြသည်။
ထို့အပြင် လာမယ့် ဧပြီလတွင် အာဆီယံ ၁၀ နိုင်ငံမှ အစိုးရများပြန်ဆုံရန် ဆွေးနွေးပွဲရှိပြီး ယင်းဆွေးနွေးပွဲတွင် အာဆီယံရှိ CBOs နှင့် NGOs တို့က ရွှေ့ပြောင်းအလုပ်သမားများ၏ အခွင့်အရေးနှင့် ပတ်သက်၍ အာဆီယံ နိုင်ငံများမှ ချမှတ်သင့်သည့် မူဝါဒများကို အကြံပြုပေးနိုင်ရန် ယခု ဆွေးနွေးပွဲ၌ ပြောဆိုခဲ့သည်ဟုလည်း သိရသည်။
ASEAN TASK FORCE အဖွဲ့မှ ဦးဆောင်၍ အလားတူ တွေ့ဆုံဆွေးနွေးပွဲကို ပြုလုပ်လာခဲ့သည်မှာ ယခုအချိန်နှင့်ဆိုလျှင် ၅ကြိမ်မြောက်ရှိပြီဖြစ်ကြောင်း သိရသည်။
Ref: ကေအိုင်စီ
Read More...
Collapse...
ကိုသားညွန့်ဦး
06.02.2013
အမေရိကန်နိုင်ငံခြားရေးဝန်ကြီး ဂျွန် ကယ်ရီ (John Kerry) ဟာ မနေ့ မနက်ပိုင်းက အမေရိကန် ပြည်ထောင်စုမှာ ရောက်ရှိ နေတဲ့ မြန်မာအမျိုးသမီး ကိုယ်စားလှယ်တွေကို လက်ခံတွေ့ဆုံခဲ့ပါတယ်။ အမေရိကန်ပြည်ထောင်စုရဲ့ လူမှုအဖွဲ့အစည်းတွေနဲ့ အရပ်ဘက်အဖွဲ့အစည်းတွေ လုပ်ကိုင်ဆောင်ရွက်မှုကို လာရောက်လေ့လာတဲ့ မြန်မာအမျိုးသမီး အဖွဲ့ဖြစ်ပါတယ်။ နိုင်ငံခြားရေးဌာနမှာ ၀န်ကြီး ကယ်ရီနဲ့ တွေ့ဆုံခဲ့တဲ့သတင်းကိုတော့ ကိုသားညွန့်ဦးက တင်ဆက်ပေးမှာပါ။
အမေရိကန်ပြည်ထောင်စုကို လေ့လာရေးအစီအစဉ်နဲ့ ရောက်ရှိ လာတဲ့ မြန်မာအမျိုးသမီး ကိုယ်စားလှယ်အဖွဲ့ဟာ မနေ့တုန်းက နိုင်ငံခြားရေး ဌာနမှာ နိုင်ငံခြားရေးဝန်ကြီး ဂျွန်ကယ်ရီနဲ့အတူ ဓာတ်ပုံ အရိုက်ခံခဲ့ပါတယ်။
နိုင်ငံခြားရေးဌာန Twitter လူမှုကွန်ယက် စာမျက်နှာမှာ မစ္စတာ ကယ်ရီက မှတ်ချက်ရေးထားရာမှာ စွမ်းရည်သတ္တိရှိတဲ့ မြန်မာအမျိုးသမီး တွေကို သူ ဒီကနေ့ တွေ့ဆုံခဲ့တယ်။ မြန်မာနိုင်ငံရဲ့ သမိုင်းဝင် ခရီးစဉ် ဆက်ပြီး သွားဖို့ရာ ဒီအမျိုးသမီးတွေရဲ့ အသံဟာ အလွန်တရာ အရေးပါတယ်လို့ ဆိုထားပါတယ်။
သူတို့ဟာ Goldman Sachs နဲ့ McCain Institute ရဲ့ အစီအစဉ် အမေရိကန် ပြည်ထောင်စုကို လာရောက် လေ့လာကြသူတွေ ဖြစ်ပါတယ်။ အမေရိကန် နိုင်ငံခြားရေးဝန်ကြီး ကယ်ရီနဲ့ မြန်မာအမျိုးသမီးကိုယ်စားလှယ် ၄ ဦး တွေ့ဆုံခဲ့တာကို နိုင်ငံခြားရေးဌာန ပြောခွင့်ရသူ ဗစ်တိုရီးယား နျူလန် (Victorial Nuland) က မနေ့က သတင်းစာရှင်းလင်းပွဲမှာ အခုလို မှတ် ချက်ပေးပြောခဲ့ပါတယ်။
“နိုင်ငံခြားရေးဝန်ကြီးအနေနဲ့ သူတို့နဲ့ စကားပြောခဲ့ပါတယ်။ အလွတ်သဘောတွေ့ဆုံတာပါ။ ဒီတွေ့ဆုံမှုနဲ့ ပတ်သက်လို့ အထွေအထူး ကျမဘက်က ပြောစရာမရှိပေမဲ့လို့လည်း ဒီအမျိုးသမီးတွေက သိပ်ကို ဒုက္ခရောက်ခဲ့ကြသူတွေပါ။ တချို့ဆိုရင် အကျဉ်းကျခဲ့ကြပါတယ်။ သူတို့ မျှဝေ ပြောပြခဲ့တဲ့ ဖြစ်ရပ်တွေ ကြားရတော့ နိုင်ငံခြားရေးဝန်ကြီးက သိပ်ကို စိတ်မကောင်းဖြစ်ခဲ့ရပါတယ်။ အခုတော့ သူတို့တွေရဲ့ဘ၀ ပြောင်းလဲပြီး အမေရိကန်ပြည်ထောင်စုကို လာလည်နိုင်တာ၊ မြန်မာနိုင်ငံ ပိုမို သာယာဝပြောပြီး ဒီမိုကရေစီဖော်ဆောင်ရာမှာ ၀ိုင်းဝန်းလုပ်ဆောင်နိုင်ကြတဲ့ အခြေအနေနဲ့ပတ်သက် ပြီးတော့လည်း နိုင်ငံခြားရေးဝန်ကြီးက သိပ်ကို စိတ်လှုပ်ရှားတယ်လို့ ပြောခဲ့ပါတယ်။”
ဒီကိုယ်စားလှယ်အဖွဲ့ကို ဦးဆောင်လာတဲ့ မဇင်မာအောင်ဟာ အကျဉ်းထောင်တွင်းမှာ ၁၁ နှစ်ကြာ နေထိုင်ခဲ့ရသူ နိုင်ငံရေးအကျဉ်းသူဟောင်း ဖြစ်ပါတယ်။ မြန်မာနိုင်ငံတွင်း အရပ်ဘက် လူမှုအဖွဲ့အစည်း တွေမှာ ဆောင်ရွက်ရင်း ဒီမိုကရေစီရေးနဲ့ အမျိုးသမီးရေးကိစ္စတွေ ကို ဆောင်ရွက်ခဲ့တာကြောင့် အမေရိကန် နိုင်ငံခြားရေးဌာနရဲ့ နိုင်ငံတကာ အမျိုးသမီး ဂုဏ်ထူး ဆောင်ဆု ချီးမြင့်ခံခဲ့ရသူ ဖြစ်ပါတယ်။
နောက်တဦးဖြစ်တဲ့ မနီလာဦး ကတော့ မြန်မာနိုင်ငံတွင်း IRC အဖွဲ့ရဲ့ ပြင်ပဆက်ဆံရေး ဒုတိယညွှန်ကြားရေးမှူးဟောင်း ဖြစ်ပါတယ်။ နောက်အဖွဲ့ဝင်တွေဖြစ်တဲ့ မခင်လေးဟာ မြန်မာနိုင်ငံတွင်း အမျိုးသမီးအဖွဲ့အစည်းတခုဖြစ်တဲ့ Triangle Women Suport Group ကို ထူထောင်သူ တဦးဖြစ်သလို၊ မရွှမ်းလဲ့ဆွေရီကလည်း ပဏ္ဍိတ ဖွံ့ဖြိုးရေးအဖွဲ့ကို ထူထောင်ခဲ့သူ ဖြစ်ပါတယ်။ သူတို့အားလုံးဟာ လက်ရှိ မြန်မာအရပ်ဘက် လူမှုအဖွဲ့အစည်းတွေမှာ တတ်တတ်ကြွကြွ ဦးဆောင် ဦးစီးလုပ်နေကြတဲ့ အမျိုးသမီးတွေ ဖြစ်ကြပါတယ်။
အခုလို မနေ့တုန်းက နိုင်ငံခြားရေးဝန်ကြီး ကယ်ရီ နဲ့ တွေ့ဆုံခဲ့တဲ့ မြန်မာအမျိုးသမီးအဖွဲ့ရဲ့ အမေရိကန် လေ့လာရေးခရီးစဉ်နဲ့ပတ်သက်လို့တော့ ဒီအဖွဲ့ခေါင်းဆောင် မဇင်မာအောင် ကို ကိုသားညွန့်ဦး က ဆက်သွယ်မေးမြန်းထားပါတယ်။
ဖြေ။ ။ တွေ့ဖို့ရာ မနေ့က ကျမတို့ ကမန်းကတန်း ဖြစ်သွားတာပေါ့။ ပထမကတော့ ကျမတို့ နိုင်ငံခြားရေးဌာနကို သွားပြီးတော့ လည်ပတ်တယ်။ ဒီလွှတ်တော်အမတ်တချို့နဲ့ စကားပြောတယ်။ ပြီးတော့ ကျမတို့ ဒီကို လာရတဲ့ ရည်ရွယ်ချက်ကကျတော့ Goldman Sachs နဲ့ McCain Institute စီစဉ်တဲ့ Program လေးတခုကို မြန်မာနိုင်ငံက အမျိုးသမီး ၄ ယောက်ပေါ့နော် ကျမ ဦးဆောင်ပြီးတော့ လာခဲ့တယ်။ လာပြီးတော့ အခု ဒီမှာ နိုင်ငံခြားရေးဝန်ကြီးအသစ် အပြောင်းအလဲရှိတဲ့အခါကျ တော့ ကျမတို့ မြန်မာနိုင်ငံရဲ့ အပြောင်းအလဲ တွေအတွက် ဆက်ပြီးတော့ နီးနီးကပ်ကပ် ကျမတို့တွေ ဆက်ဆံသွားမယ်ဆိုတဲ့အကြောင်း ဒီလောက် Information ပေးပြီးတော့ Official တရားဝင်ပေါ့နော် ဓာတ်ပုံအရိုက်ခံတာ ကျမ တို့အဖွဲ့က ပထမဆုံးလို့ပြောတယ်။ ဒီလောက်ပါပဲ။ ကျမတို့ ၁၅ မိနစ်၊ မိနစ် ၂၀ လောက်ပဲ စကားပြောဖြစ်တာပါ။
မေး။ ။ ဟုတ်ကဲ့ခင်ဗျ။ အခု မဇင်မာအောင်တို့ အမျိုးသမီးအဖွဲ့ ဒီလာတယ်ဆိုတာ အဓိကက ဘယ်လို အစီအစဉ်တွေလဲခင်ဗျ။
ဖြေ။ ။ အဓိက အထူးသဖြင့်ကတော့ Training နဲ့ Exchange သဘောမျိုးပါပဲ။ အမျိုးသမီးနဲ့ စီးပွားရေး ဘယ်လို ဆက်စပ်ပြီးတော့ ကျမတို့ တိုင်းပြည်မှာ လိုအပ်နေတာတွေက ဘာတွေရှိမလဲ။ ဘယ်နေရာတွေမှာ လိုအပ်နေလဲပေါ့နော်။ ကျမတို့ ဒီကနေပြီးတော့ လေ့လာတယ် အမျိုးသမီးအဖွဲ့တွေက။ ထိုနည်းတူစွာပဲ ဒီမှာရှိတဲ့ အရပ်ဘက် လူ့အဖွဲ့အစည်းတွေရဲ့ လည်ပတ်နေပုံတွေ၊ ဘယ်လို လုပ်နေကိုင်နေကြလဲ။
ဒီမိုကရေစီနဲ့ လူ့အခွင့်အရေး မြှင့်တင်ဖို့အတွက် ကမ္ဘာတလွှားမှာရော သူတို့ ဘယ်လိုတွေ လုပ်နေကြလဲ။ သူတို့အဖွဲ့အစည်းတွေရဲ့ လုပ်နေကိုင်နေတာတွေကို ကျမတို့ လေ့လာ တယ်။ နောက်ပြီးတော့ နိုင်ငံရေးပါတီတွေရဲ့ ရှိသင့်ရှိထိုက်တဲ့ ဟာမျိုးတွေ၊ ဒီမိုကရေစီနိုင်ငံတခုမှာ ရှိသင့်ရှိထိုက်တဲ့ ဟာမျိုးတွေ၊ မီဒီယာ ဒါမျိုးတွေ ကျမတို့ကို အနီးကပ် Internship Training လိုမျိုးပါ။
မေး။ ။ ဒီနေ့လေ နိုင်ငံခြားရေးဌာနမှာရှိတဲ့ အမျိုးသမီးရေးရာ သံအမတ်ကြီးနဲ့လည်း Round Table ဆွေးနွေးပွဲတခုမှာ မဇင်မာအောင် တို့ တက်တယ်လို့ သိရပါတယ်ခင်ဗျ။ အဲ့ဒီဆွေးနွေးပွဲ အကြောင်းလေး ပြောပါဦး။
ဖြေ။ ။ အဲ့ဒါကတော့ Meridian Institute ကနေပြီး လုပ်တာပါ။ အမျိုးသမီးနဲ့ စီးပွားရေး၊ နောက်ပြီးတော့ ဖွံ့ဖြိုးရေးဆိုတဲ့ ခေါင်းစဉ်အောက်မှာ ခုနက ကျမပြောသလိုပဲ UN က အဖွဲ့အစည်း တချို့ပါမယ်။ ဒီအမေရိကန်နိုင်ငံထဲမှာရှိနေတဲ့ NGO တွေပေါ့နော် အဲ့ဒီက ခေါင်းဆောင်တချို့ပါမယ်။
အဲ့ဒါ Exchange သဘောမျိုးပါ။ ခုနကျမပြောသလိုပါပဲ ကျမတို့ တိုင်းပြည်မှာရော ဒီအမျိုးသမီးတွေ စီးပွားရေးမှာ ဘာတွေ လိုအပ်နေသလဲ။ ဘာကြောင့် ဒီ ဒီမိုကရေစီအသွင်ကူး ပြောင်းလဲရေးနဲ့အတူ စီးပွားရေးဖွံ့ဖြိုးမှုကလည်း ဘာ့ကြောင့် အရေးကြီးတာလဲပေ့ါနော်။ အပြန်အလှန် ဘယ်လို အထောက်အကူပြုမလဲပေါ့။
ဒါမှမဟုတ်ရင်လဲ ကျမတို့ဆီမှာ လိုအပ်နေသေးတဲ့ အားနည်းချက်တွေက ဘာလဲ။ ဒါ အပြန်အလှန် အမြင်တွေကို Share လုပ်ကြတဲ့ သဘောပါပဲ။ သူတို့ရဲ့ နိုင်ငံတကာ အတွေ့အကြုံတွေနဲ့ ကျမတို့ တိုင်းပြည်မှာ လက်ရှိ ရှိနေတဲ့ အနေအထားတွေနဲ့ပေါ့နော်။ သူတို့ကလည်း အပြန်အလှန် လေ့လာတယ်။ ကျမတို့ကလည်း သူတို့ဆီက အတွေ့အကြုံတွေကို လေ့လာတယ်။
မေး။ ။ အခုက ကျနော်ထင်တယ်။ ဒီအပြောင်းအလဲတွေ ဖြစ်ပြီးတဲ့နောက်ပိုင်း မှာ မြန်မာကိုယ်စားလှယ်အဖွဲ့အနေနဲ့ အမေရိကန်ပြည်ထောင်စုကို လာတာ Exchange Program နဲ့ပေါ့ ပထမဆုံးဖြစ်မယ်ထင်ပါတယ်။ မဇင်မာအောင်တို့က
ဖြေ။ ။ ဟုတ်ပါတယ်။ ဟုတ်ပါတယ်။ တိုက်ဆိုင်သွားတာပေါ့နော်။ ဒီနိုင်ငံခြားရေးဝန်ကြီး အပြောင်းအလဲနဲ့ ကျမတို့ ရောက်နေတဲ့အချိန်နဲ့မှာလေ။
မေး။ ။ ဟုတ်ကဲ့ အဲ့တော့ ဒီလိုမျိုး ခရီးစဉ်တွေက အခုဆိုရင် အမျိုးသမီးခေါင်းဆောင်တွေ လာပြီးတော့ လေ့လာခွင့်ရတယ်။ အဲ့တော့ မြန်မာနိုင်ငံအတွက်၊ နောက်တခုက မဇင်မာအောင်တို့ လုပ်နေတဲ့ လုပ်ငန်းတွေအတွက် ဘယ်လောက်အထိ အထောက်အကူဖြစ်မယ်လို့ မျှော်လင့်ထားလဲ။
ဖြေ။ ။ မျှော်လင့်ပါတယ်။ ကျမတို့ လုပ်နိုင်ရင် လုပ်နိုင်သလောက်ပဲ။ ပြည်တွင်းမှာ အရပ်ဘက် အဖွဲ့အစည်းတွေရှိတယ်ပေါ့။ ကျမတို့ ပိုပြီးတော့ Networking ကောင်းကောင်းနဲ့ အဓိက ကျမတို့က Institutionalize မဖြစ်ဘူး။ အားနည်းတယ်။ ပြောစရာမလိုလောက်အောင် ဘာပဲပြောပြော အားကောင်းတယ်။ စနစ်ကျတယ်ပေါ့နော်။
ကျမတို့ အဲ့ဒီလို လေ့လာပြီးတဲ့အခါကျတော့ ကိုယ့်မှာရှိနေတဲ့ ကျမတို့ဆီ ပြန်သွားရင်၊ ကျမတို့ အရပ်ဘက် အဖွဲ့အစည်းတွေ၊ ကျမတို့ လုပ်နေကိုင်နေတဲ့ဟာတွေမှာ တကယ့် အဖွဲ့အစည်း ဆန်ဆန်ပေါ့နော် ဘယ်လို ခိုင်မာ အားကောင်းအောင် လုပ်မလဲဆိုတာတွေ ကျမတို့ ပြည့်ပြည့်၀၀ လေ့လာခွင့်ရတယ်။
သူတို့ဆီက နည်းနာတွေကိုလည်း လေ့လာပြီးသားဖြစ်တယ်။ နောက်ပြီးတော့ ပြည်တွင်းမှာတင် မဟုတ်ဘဲနဲ့ Global Partner အနေနဲ့လည်း တက်လှမ်းနိုင်မယ့် အခွင့်အလန်းတွေ ကျမတို့ ရတယ်။
အမေရိကန်ပြည်ထောင်စုမှာရောက်ရှိနေတဲ့ မဇင်မာအောင် ကို ကိုသားညွန့်ဦး က ဆက်သွယ်မေးမြန်း ခဲ့တာဖြစ်ပါတယ်။
Ref: ဗွီအိုအေ
Read More...
Collapse...
06.02.2013
တူနီးရှားနိုင်ငံမှာ အတိုက်အခံခေါင်းဆောင် ချွတ်ကရီ ဘီလိတ် (Chokri Belaid) ဟာ နေအိမ်အပြင်ဘက်မှာ ဒီကနေ့ ပစ်သတ်ပြီး လုပ်ကြံခံခဲ့ရပါတယ်။ ဒီလို လုပ်ကြံခံရပြီးတဲ့ နာရီပိုင်း အတွင်းမှာပဲ တူးနစ်မြို့က ရပ်ကွက်လမ်းတွေပေါ်မှာ ဆန္ဒပြသူတွေနဲ့ ပြည့်နေပါတယ်။
အလားတူပဲ ဆန္ဒပြမှုတွေဟာ တခြားမြို့တွေဆီကိုလည်း ကူးစက်သွားပြီဖြစ်ပါတယ်။ ဒီဖြစ်ရပ်ကြောင့် တူနီးရှားနိုင်ငံရဲ့ ဒီမိုကရေစီ အသွင်ကူးပြောင်းရေးကို မလိုလားတဲ့ ဘာသာရေး အစွန်းရောက်သူတွေ က နှောင့်ယှက်မှာကို စိုးရိမ်နေကြပါတယ်။
သမ္မတ မွန်းဇက် မာဆိုးကီး (Moncef Marzouki) ကတော့ အီဂျစ်နိုင်ငံ ကိုင်ရိုမြို့မှာလုပ်တဲ့ အစ္စလာမ် နိုင်ငံများ ဆွေးနွေးပွဲကို တက်ရောက်မယ့် အစီအစဉ်ကို ဖျက်လိုက်ပါတယ်။ ဒီလုပ်ကြံမှုကို နိုင်ငံရေး ပါတီတွေက ပြစ်တင်ရှုံ့ချကြပါတယ်။
Ref: ဗွီအိုအေ
Read More...
Collapse...
ကိုမိုးဇော်
06.02.2013
ကချင်ပြည်နယ်တွင်းမှာ စစ်ရေး ပဋိပက္ခတွေ အဆုံးသတ်ဖို့ ငြိမ်းချမ်းရေး ဆွေးနွေးပွဲတွေ လုပ်ဆောင်နေတဲ့ အချိန်မှာပဲ အစိုးရတပ်ဘက်ကနေ ထိုးစစ်ဆင်တာကို ရပ်ဆိုင်းလိုက်တဲ့ အတွက် နယ်မြေအတွင်းမှာ အနည်းငယ် စစ်အေး သွားတယ်လို့ သိရပါတယ်။ ဒါပေမဲ့လည်း ကျောက်စိမ်းထွက်ရှိရာ ကချင်ပြည်နယ် ဖားကန့်ဒေသဘက်မှာ ဒီရက်ပိုင်းအတွင်း အာဏာပိုင်တွေက တပိုင်တနိုင် ကျောက်တူးခွင့်တွေကို ပိတ်ပင်လိုက်တာကြောင့် လက်လုပ်လက်စားသမား အများစုဟာ အခက်အခဲနဲ့ ရင်ဆိုင်နေရပါတယ်။
ဒီလို ရှာဖွေစားသောက်ဖို့ အခက်အခဲတွေရှိလာတာနဲ့အမျှ တချိန်တည်းမှာပဲ ရာဇ၀တ်မှုတွေလည်း ပိုများလာနေတယ်လို့ ဒေသခံတွေက ပြောပါတယ်။ ဒီအခြေအနေ အပြည့်အစုံကို စုံစမ်းထားတဲ့ ဗွီအိုအေ ရန်ကုန်အခြေစိုက် သတင်းထောက် ကိုမိုးဇော် က တင်ပြမှာဖြစ်ပါတယ်။
အစိုးရနဲ့ ကချင်လွတ်လပ်ရေးအဖွဲ့ KIO ကိုယ်စားလှယ်တွေ တရုတ်နိုင်ငံမှာ တွေ့ဆုံဆွေးနွေးမှုတွေ မစတင်ခင်ကတည်းက ကချင်ပြည်နယ်အတွင်း တိုက်ပွဲတွေ ငြိမ်သက်လာပေမဲ့ ဒေသတွင်းက လက်လုပ်လက်စားသမားတွေကတော့ ကျောက်တူးဖော်ခွင့် ပိတ်ပင်ထားတာကြောင့် စားရေးသောက်ရေးအတွက် အခက်အခဲ တွေ့နေကြရပါတယ်။
“တိုက်ပွဲတော့မရှိဘူး။ ဒါပေမဲ့ အစိုးရစစ်ကြောင်းက သွားလိုက်လာလိုက်နဲ့ ဘာမှ အလုပ်မဖြစ်ဘူး။ ကျောက်မတူးခိုင်းဘူး။ ဒီမှာ တနေ့လုပ်တနေ့စား ရေမဆေးသမားခေါ်ရမှာပေါ့။ အဲ့လို လုပ်ကွက်တွေမှာ တပိုင်တနိုင် လိုက်တူးတဲ့သူတွေကတော့ အတော်လေး ဒုက္ခရောက်နေတယ်။ မြို့အပြင်ဘက်ရောက်လာပြီ ဘာညာ ဘာညာနဲ့ လုပ်ငန်းခွင်ရှိတဲ့ဘက် သွားလို့လည်း မရဘူးလေ။ ကျောက်တူးတဲ့နေရာတွေလည်း သွားလို့ မရဘူး။ အခုက သူတို့က အမိန့်ထုတ်ထားတာက ကျနော်တို့ ဖိနပ် ရိုးရိုးပွိုင့်နဲ့ တွေ့ရင်လည်း ပစ်သတ်မယ် ဘာညာနဲ့ အဲလိုမျိုး ပြောထားတယ်။ နောက် ကျောက်နဲ့ပတ်သက်တဲ့ဟာ ပေါက်တူး၊ သံဒိုင်၊ကော်တောင်းတွေ ဒါမျိုးတွေကအစ ယူသွားလို့ မရဘူး။ အဲ့ဒါမျိုးတွေ့ရင်လည်း ဖမ်းတယ်။ပစ္စည်းပါတာ အားလုံး ယူလိုက်တယ်။”
ဒါကတော့ ဒေသခံတယောက် ပြောသွားတာဖြစ်ပါတယ်။ ကျောက်စိမ်းနဲ့ ရွှေတူးဖော်တာကို ဒေသခံ အာဏာပိုင်တွေက လိုက်လံပိတ်ပင်နေတာဖြစ်တယ်လို့လည်း တခြား ဒေသခံတယောက်က ပြောပါတယ်။
“သက်ဆိုင်ရာ အုပ်ချုပ်ရေးကနေ အမိန့်ထုတ်ပြန်ထားပြီးတော့ ကျောက်မတူးရဘူး။ ရွှေမရှာရဘူး ဆိုပြီးတော့ လိုက်ပြီး ပြောနေတာတွေ ကျနော်တို့ တွေ့နေရတယ်ဗျ။ စစ်ဘေးဒဏ် ကတမျိုး၊ အဲ့ဒီ ကျောက်စိမ်းတူဖော်ပြီး ရောင်းစားနေတဲ့ ဒေသမှာ ကျောက်လည်း မသယ်ရဘူး။ ကျောက်လည်း မတူးရဘူးဆိုတော့ လူတွေက ဘာမှ လုပ်စားလို့ မရတဲ့အနေအထား။ အကုန်လုံးက ဘေးကျပ် နံကျပ် ဖြစ်နေကြတဲ့ အနေအထားမျိုး ဖြစ်နေတာပေါ့ဗျာ။”
ဒီလို ပိတ်ပင်တာကတော့ ဒီလ ၅ရက်နေ့က စတင်ခဲ့တာဖြစ်ပါတယ်။ ဖားကန့်ဒေသဘက်မှာ နိုင်ငံတော်နဲ့ အကျိုးတူ ကျောက်စိမ်းတူးဖော်နေတဲ့ ကုမ္ပဏီလုပ်ကွက်တွေ အတွင်းမှာ ပိတ်ပင်နေတာ ဖြစ်ပါတယ်။ ဒီလုပ်ကွက် ဧရိယာအတွင်းမှာ နေထိုင်ပြီး တပိုင်တနိုင် တူးဖော်တာတွေကိုလည်း ဖယ်ရှား ရှင်းလင်းနေတယ်လို့ ဒေသခံက ပြောပါတယ်။
ဒီလို တူးဖော်နေသူတွေဟာ တချိန်က ကုမ္ပဏီကြီးတွေက စွန့်ပစ်တဲ့ မြေစာတွေမှာ ရေမဆေးကျောက် ရှာဖွေသူတွေဖြစ်ပြီး အခုအခါ တိုက်ပွဲတွေ ဖြစ်နေတာကြောင့် ကုမ္ပဏီလုပ်ငန်း တွေ ရပ်ဆိုင်းထားရတဲ့ အတွက် တပိုင်တနိုင် တူးဖော်လာကြတာဖြစ်ပါတယ်။
အခုလို တပိုင်တနိုင် ကျောက်တူးဖော်ခွင့် ပိတ်ပင်လိုက်တာကြောင့် ဖားကန့်ဒေသအတွင်းမှာ ရာဇ၀တ်မှုတွေလည်း တိုးများလာနေတယ်လို့ ပြောပါတယ်။ “ဒီမှာရှိတဲ့ သိန်းချီ တဲ့ လူထုတွေက ဒီလိုသာ လုပ်မစားရဘူးဆိုရင် ရာဇ၀တ်မှုတွေ ထူပြောလာနိုင်တဲ့ အနေအထားရှိတယ်ဗျ။ အခုလက်ရှိကိုပဲ KIA အုပ်စိုးနေတဲ့ လုံးခင်းအုပ်စု ကန်ခီးဒေသပေါ့။ အခုက KIA တပ်ရင်း ၆ က ခေတ္တ ဖယ်ရှားသွားပေးတယ်လေ။ အဲ့ဒီဒေသတွေမှာ အိမ်တွေ ထောင်ချီပြီး ရှိတယ်ခင်ဗျ။ အခုဆို အဲ့ဒီအိမ်တွေမှာ နေကြတဲ့ လူတွေက စစ်ရှောင်စခန်းတွေမှာ ပြေး လာကြတဲ့အခါ သူတို့ရဲ့နေအိမ်တွေမှာ ဖောက်ထွင်းခံရတာတွေက အများကြီးဗျာ။ နည်းနည်းနောနောမဟုတ်ဘူး။ အဲ့ဒီကိစ္စတွေက အတော်ကို ဆိုးဆိုးရွားရွား ဖြစ်နေတယ်။ အိမ်မှာရှိတဲ့ပစ္စည်း ကျန်ထားသမျှ ကျောက်တွေကော ဘာတွေကော အကုန်လုံး ဖောက်ထွင်း ခိုးယူခံနေကြရတယ်လေ။”
ဖားကန့်ဒေသဘက်က နောက်ဆုံး စစ်ရေးအခြေအနေကိုတော့ ကချင်လွတ်လပ်ရေးတပ်ဖွဲ့ KIA တပ်ရင်း ၆ ရဲ့ တပ်ရင်းမှူး ဒုဗိုလ်မှူးကြီး ဇော်ဒွဲ က အခုလို ပြောပါတယ်။
“ဆွေးနွေးပွဲပြီးနောက်မှာတော့ ကျနော်တို့ကတော့ လောလောဆယ်တော့ ဘာမှ မဖြစ်ဘူး။ မဖြစ်အောင်လို့ ကျနော်တို့က ရှောင်နေလို့ပါဗျာ။ သူတို့ကတော့ ကျနော်တို့ရှိတဲ့ဘက်မှာ ဦးတည်ပြီးတော့မှ ရောက်လာတဲ့ တပ်ရင်းအဖွဲ့တွေ ရှိတာပေါ့။ ဒါပေမဲ့လည်း ပြဿနာမဖြစ်အောင် ကျနော်တို့ ရှောင်နေတဲ့အပိုင်းပေါ့လေ။ အဲ့လို ရှောင်နေတဲ့အတွက် ပြဿနာ မဖြစ်တာပါ။ သူတို့က ထိုးစစ်မလုပ်ဘူးဆိုတဲ့ဟာကို နည်းနည်း ယုံကြည်ရခက်နေတယ်။ သူတို့ရချင်တဲ့ တပ်ရင်းတို့၊ တပ်ခွဲတို့ ဆိုတဲ့ အားလုံးမှာ သူတို့ ထိုင်သွားပြီလေ။ ဒါပေမဲ့လည်း ကျနော်တို့ရှိတဲ့ဘက်မှာ ဦးတည်ပြီးတော့မှ ပြန်လာတယ်ဆိုတော့ ပြန်တိုက်မယ့် ပုံစံ ဖြစ်နေတယ်။ ကျနော်တို့ဘက်ကလည်း ပုန်းစရာ၊ နေစရာ မရှိလာတဲ့အခါမှာ ပြဿနာတော့ ပြန်ဆက်ဖြစ်လာနိုင်တာပေါ့နော့်။”
လောလောဆယ် ဖားကန့်ဒေသမှာ စစ်ပြေးဒုက္ခသည်ဦးရေ ၁ သောင်းလောက်ရှိနေပြီး၊ လုံးခင်းက ဒုက္ခသည်စခန်းတွေမှာ လူ ၃ ထောင်လောက်။ ဖားကန့်နဲ့ ဆိတ်မူက ဒုက္ခသည် စခန်းတွေမှာ ၁ ထောင် စီလောက်ရှိနေပါတယ်။ ကျန်သူတွေကတော့ နီးစပ်ရာ မိတ်ဆွေနဲ့ ဆွေမျိုးတွေအိမ်မှာ နေထိုင်နေကြတယ်လို့ ဒုက္ခသည်အရေး ဆောင်ရွက်နေသူတဦးက ပြောပါတယ်။ ဒီဒုက္ခသည်တွေကိုတော့ ဒေသခံပြည်သူတွေ၊ ဘာသာရေးနဲ့ လူမှုအသင်းအဖွဲ့တွေက ကူညီထောက်ပံ့ ထားကြတာဖြစ်ပါတယ်။
ပြီးခဲ့တဲ့အပတ်အတွင်းကတော့ မြစ်ကြီးနားကလာရောက်တဲ့ KBC ခေါ် ကချင် နှစ်ချင်းခရစ်ယာန်အသင်းက ကူညီရေးအဖွဲ့တွေကို အစိုးရစစ်တပ်တွေက ပိတ်ပင်ခဲ့တယ်လို့ သတင်း ထွက်ပေါ်ခဲ့ပါတယ်။
ဒီလ ၅ရက်နေ့က ကုလသမဂ္ဂ အထူးကိုယ်စားလှယ် ဗီဂျေး နမ်ဘီးယား (Vijay Nambiar) ကချင်ပြည်နယ်ကို သွားရောက်ပြီးတဲ့နောက်မှာတော့ စစ်ပြေးဒုက္ခသည်တွေကို လူသားချင်း စာနာတဲ့ အကူအညီတွေ ပေးအပ်ဖို့ကို သွားရောက်နိုင်တော့မှာဖြစ်ကြောင်း သတင်းထုတ်ပြန်ပါတယ်။ ကုလသမဂ္ဂကနေ ကချင်ပြည်နယ်အတွင်းကို လူသားချင်းစာနာတဲ့ အကူအညီ တွေကို လွန်ခဲ့တဲ့နှစ် ဇူလိုင်လက နောက်ဆုံး ပေးပို့ခဲ့တာဖြစ်ပါတယ်။
Ref: ဗွီအိုအေ
Read More...
Collapse...
06.02.2013
တူနီးရှားနိုင်ငံမှာ ထင်ရှားတဲ့ အတိုက်အခံခေါင်းဆောင်တယောက် အသတ်ခံခဲ့ရပြီးတဲ့နောက် နိုင်ငံရေးပါတီတွေနဲ့ ဆက်နွယ်ခြင်းမရှိတဲ့ အစိုးရသစ်ကို ဖွဲ့မယ်လို့ ဝန်ကြီးချုပ် ဟာမာဒီ ဂျီဘာလီ (Hamadi Jebali) က ပြောလိုက်ပါတယ်။
ပြီးခဲ့နှစ်က ဖွဲ့ခဲ့တဲ့ လက်ဝဲယိမ်းညွန့်ပေါင်းအဖွဲ့ ခေါင်းဆောင် တယောက် ဖြစ်တဲ့ ချွတ်ကရီ ဘီလစ် (Chokri Belaid) အသတ်ခံခဲ့ရတဲ့အပေါ် မကျေနပ်တဲ့ ထောင်ချီဆန္ဒပြသူတွေနဲ့ ရဲတွေကြား အဓိကရုဏ်း ဖြစ်နေတာနဲ့အတူ မစ္စတာ ဂျီဘာလီ က ဗုဒ္ဓဟူးနေ့က ရုပ်မြင်သံကြားပေါ် ကနေ ကြေညာခဲ့တာဖြစ်ပါတယ်။
အစိုးရသစ်အနေနဲ့ ရွေးကောက်ပွဲတွေ မလုပ်ခင်အထိ နိုင်ငံ့ရေးရာတွေကို အကန့်အသတ်နဲ့ ကြီးကြပ် ကိုင်တွယ်ခွင့်ရမယ်လို့ ဝန်ကြီးချုပ်က ပြောပါတယ်။ ရွေးကောက်ပွဲကို လည်း အစောဆုံးဖြစ်နိုင်အောင် ကျင်းပမယ်လို့ ပြောပါတယ်။
Popular Front ပါတီခေါင်းဆောင်လည်းဖြစ်သူ ဘီလစ်ဟာ Yunis မြို့က သူ့ နေအိမ် အပြင်ဘက်မှာ ပစ်သတ်ခံခဲ့ရတာ ဖြစ်ပါတယ်။ အဲ့ဒီလို အသတ်ခံခဲ့ရပြီး နာရီပိုင်းအကြာမှာပဲ ဖွဲ့စည်းပုံသစ် ရေးဆွဲနေတဲ့ တိုင်းပြုပြည်ပြုလွှတ်တော်ကနေ နှုတ်ထွက်တယ်လို့ Popular Front ပါတီက ကြေညာခဲ့ပါတယ်။
ဘီလစ် အသတ်ခံရတာနဲ့ ပတ်သက်လို့ အထွေထွေသပိတ်ဖြစ်အောင် ဆော်သြမယ်လို့လည်း ပါတီပြောခွင့်ရသူက သတင်းထောက်တွေကို ပြောခဲ့ပါတယ်။
Ref: ဗွီအိုအေ
Read More...
Collapse...
06.02.2013
NDF အမျိုးသားဒီမိုကရေစီတပ်ပေါင်းစု အမျိုးသားလွှတ်တော် အမတ် ဒေါက်တာတင်ရွှေ ကို ဟိုတယ်နဲ့ ခရီးသွားလာရေးဆိုင်ရာ ဒုတိယ၀န်ကြီးအဖြစ် ခန့်အပ်လိုက်တဲ့အကြောင်း မြန်မာအစိုးရ က ကြေညာပါတယ်။ အင်္ဂါနေ့တုန်းက သမ္မတ ဦးသိန်းစိန် ကနေ သူ့အစိုးရအဖွဲ့အတွက် ဒုဝန်ကြီး ၅ ဦး ကြေညာသွားရာမှာ တဦးအပါအ၀င်ဖြစ်ပါတယ်။
မြန်မာအစိုးရ သမ္မတ ဦးသိန်းစိန်အနေနဲ့ အတိုက်အခံပါတီ အမတ်တယောက်ကို အစိုးရအဖွဲ့အတွင်း ပထမဆုံးအကြိမ် ၀န်ကြီးအဖွဲ့ဝင်အဖြစ် လက်ခံလိုက်တာဖြစ်ပါတယ်။ ဒေါက်တာ တင်ရွှေ ဟာ ရန်ကုန်တိုင်းဒေသကြီး အမျုိုးသားလွှတ်တော် မဲဆန္ဒနယ်မြေ အမှတ် ၆ က ရွေးကောက်ပွဲ ၀င်ခဲ့သူ ဖြစ်ပါတယ်။
NDF ပါတီကတော့ အခုလို ပါတီဝင်တယောက် ၀န်ကြီးအဖွဲ့မှာ ပါဝင်လာအောင် အစိုးရနဲ့ တစုံတရာ ကြိုတင်ညှိနှိုင်းတာမျိုး မရှိခဲ့ဘူးလို့ ပြောဆိုတာကို AFP သတင်းမှာ ဖော်ပြထား ပါတယ်။ ဒီလို ပါတီဝင်တယောက် အစိုးရအဖွဲ့မှာ ပါဝင်လာတဲ့အတွက် အစိုးရပြောသမျှ လိုက်နာမယ့် သဘောမျိုး ဖြစ်မှာမဟုတ်ဘဲ၊ အတိုက်အခံပါတီတခုအနေနဲ့ ပြည်သူတွေ လက်မခံတဲ့ကိစ္စတွေကို ဆက်ပြီး ဆန့်ကျင်သွားမယ်လို့လည်း NDF ပါတီခေါင်းဆောင် ဦးခင်မောင်ဆွေက ပြောပါတယ်။
NDF ပါတီဟာ ၂၀၁၀ ခုနှစ်ရွေးကောက်ပွဲအတွင်း NLD ဗဟိုအလုပ်အမှုဆောင် အဖွဲ့ဝင်ဟောင်း ဒေါက်တာသန်းငြိမ်းနဲ့ ဦးခင်မောင်ဆွေတို့ ဦးစီးပြီး ရွေးကောက်ပွဲဝင်ဖို့ သီးခြား ထူထောင်ခဲ့တဲ့ ပါတီဖြစ်ပါတယ်။
Ref: ဗွီအိုအေ
Read More...
Collapse...
06.02.2013
ကချင်ပြည်နယ်ထဲက အစိုးရ ထိန်းချုပ်တဲ့နေရာတွေတင်မဟုတ်ဘဲ ကချင်လွတ်မြောက်ရေးအဖွဲ့ KIO ထိန်းချုပ်နယ်မြေထဲက ဒုက္ခသည်တွေအတွက်ပါ ကူညီထောက်ပံ့ရေး ပစ္စည်းတွေကို ကုလသမဂ္ဂက မကြာခင်မှာ ပြန်ပေးတော့မှာ ဖြစ်ပါတယ်။ အစိုးရတပ်တွေနဲ့ လက်နက်ကိုင် KIA တပ်တွေကြား တိုက်ပွဲတွေ ဖြစ်ခဲ့တဲ့ ကချင်ပြည်နယ်ထဲမှာ ကုလသမဂ္ဂရဲ့ အကူအညီပေး မှုတွေကို အစိုးရက ခွင့်ပြုပေမဲ့ KIO ထိန်းချုပ်နယ်မြေတွေကို လုံခြုံရေးအတွက် အရင်က ခွင့်မပေးခဲ့ပါဘူး။
အခုတော့ KIA ထိန်းချုပ်နယ်မြေတွေထဲက စစ်ပြေးဒုက္ခသည်တွေကို အစားအသောက် အပါအဝင် ကူညီကယ်ဆယ်ရေးပစ္စည်းတွေကို ဘယ်လိုပို့ပေးမလဲဆိုတာ အသေးစိတ်ကို ဆွေးနွေး နေတယ်လို့ ရန်ကုန်က ကုလသမဂ္ဂရုံး ပြောခွင့်ရသူက VOA ကို ပြောပါတယ်။ ကချင်ပြည်နယ်က ပဋိပက္ခအခြေအနေနဲ့ မြန်မာနိုင်ငံက လူ့အခွင့်အရေး အခြေအနေတွေကို လေ့လာဖို့ အတွက် မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် Tomas Ojea Quintana ဟာလည်း ရှေ့သီတင်းပတ်ထဲ မြန်မာနိုင်ငံကို သွားမှာဖြစ်ပါတယ်။
ပြုပြင်ပြောင်းလဲမှုတွေ ကျယ်ကျယ်ပြန့်ပြန့် လုပ်နေတဲ့ မြန်မာနိုင်ငံမှာ လက်ရှိ လူ့အခွင့်အရေး အခြေအနေတွေကို သုံးသပ်ဖို့ အရေးကြီးသလို၊ အပြုသဘောဆောင်တဲ့ တိုးတက်မှုက ဘာလဲ၊ ရှိနေသေးတဲ့ စိန်ခေါ်မှုတွေက ဘာလဲ ဆိုတာကို သိနိုင်ဖို့ သွားမှာ ဖြစ်တယ်လို့ Mr. Quintana က ပြောပါတယ်။ Mr. Quintana ရဲ့ ၅ ရက်ကြာခရီးစဉ်ဟာ လာမဲ့ တနင်္လာနေ့မှာ စတင်မှာ ဖြစ်ပါတယ်။
Ref: ဗွိအိုအေ
Read More...
Collapse...
2013-02-06
ကချင်ပြည်နယ် ငြိမ်းချမ်းရေးမှာ ပါဝင်နိုင်ဖို့ ဒေါ်အောင်ဆန်းစုကြည်အနေနဲ့ ပြီးခဲ့တဲ့ တစ်နှစ်လောက်ကတည်းက ကမ်းလှမ်းထားတာလဲရှိသလို အစိုးရဖက်က လက်ခံမယ်ဆိုရင် သူ့အနေနဲ့ ပါဝင်ဖို့ အဆင်သင့်ပဲလို့ ဖေဖော်ဝါရီလ ၆ ရက်နေ့ ဒီကနေ့ ပြည်သူ့ လွှတ်တော် ခေတ္တနားချိန်မှာ ဒေါ်အောင်ဆန်းစုကြည်က ထပ်မံပြောကြားလိုက်ပါတယ်။
နိုဘယ်ငြိမ်းချမ်းရေးဆုရှင် တစ်ယောက်အနေနဲ့ တရားဝင်ကမ်းလှမ်းမှ မဟုတ်ပဲ ငြိမ်းချမ်းရေးအတွက် ကိုယ်တိုင်ပါဝင်ဆောင်ရွက်ဖို့ ရှိ၊ မရှိ သတင်းမီဒီယာတွေက မေးမြန်းချက်ကို ဒေါ်အောင်ဆန်းစုကြည်က ဖြေကြားခဲ့တာပါ။
အစိုးရနဲ့ ကေအိုင်အို နှစ်ဖက်ကိုယ်စားလှယ်တွေဟာ ဖေဖော်ဝါရီလ ၄ ရက်နေ့က တရုတ်နိုင်ငံ၊ ရွှေလီမြို့မှာ အလွတ်သဘော တွေ့ဆုံဆွေးနွေးခဲ့ပါတယ်။ အဲဒီဆွေးနွေးပွဲမှာ ကချင်ပြည် နယ်က စစ်ပွဲတွေ အမြန်ဆုံးရပ်နိုင်ရေး၊ နှစ်ဖက်အခြေအနေကို လေ့လာစောင့်ကြည့်အဖွဲ့တွေ ထားရှိရေး၊ ဆွေးနွေးပွဲတွေ ဆက်ပြီး ကျင်းပသွားနိုင်ရေး စတဲ့အချက် ၅ ချက်ပါ ပူးတွဲကြေ ညာချက်ကို ထုတ်ပြန်ခဲ့ကြပါတယ်။
Ref: အာရ်အဖ်အေ
Read More...
Collapse...
2013-02-06
၈၈မျိုးဆက်ကျောင်းသားများ ရုံးခန်းကို လာရောက်တိုင်ကြား အကူအညီတောင်းခံလာ တဲ့ ပြည်သူတွေ ကြုံတွေ့နေရတဲ့ အခက်အခဲတွေကို ဥပဒေကြောင်းအရ အကူအညီပေးနိုင်ဖို့ “မဏ္ဍိုင်ဥပဒေအကယ်ဒမီ” က အခမဲ့ အကူအညီပေးသွားမယ်လို့ သိရပါတယ်။
အဲဒီလို ကူညီနိုင်ဖို့အတွက် မဏ္ဍိုင်ဥပဒေအဖွဲ့က ရှေ့နေ ၂၅ ဦးဟာ ၈၈ မျိုးဆက်ကျောင်းသားများ ရုံးခန်းမှာ အလှည့်ကျ ရုံးထိုင်သွားမယ်လို့ သိရပါတယ်။
၈၈ မျိုးဆက်ကျောင်းသားခေါင်းဆောင် ကိုကိုကြီး ဦးဆောင်တဲ့အဖွဲ့နဲ့ မဏ္ဍိုင်ဥပဒေ အကယ်ဒမီရဲ့ ရှေ့နေတွေဟာ ရန်ကုန်မြို့၊ သင်္ဃန်းကျွန်းမြို့နယ်မှာရှိတဲ့ ၈၈မျိုးဆက်ကျောင်းသားများ ရုံးခန်းအသစ်မှာ ဒီကနေ့ မနက်ပိုင်းက တွေ့ဆုံဆွေးနွေးပြီး သဘောတူခဲ့ကြတာပါ။
ဒီစေတနာ့ဝန်ထမ်း ဥပဒေအကျိုးဆောင်ရှေ့နေတွေဟာ တနင်္လာနေ့၊ ဗုဒ္ဓဟူးနေ့နဲ့ သောကြာနေ့တွေမှာ အလှည့်ကျရုံးထိုင်မှာဖြစ်ပြီး၊ တိုင်ကြားမှု အများဆုံးကိစ္စတွေဖြစ်တဲ့ လယ်ယာ သိမ်းယူခံထားရတဲ့ ပြဿနာ၊ ပြည်သူလူထုတွေရဲ့ လူ့အခွင့်အရေး ချိုးဖောက်ခံနေရတဲ့ အခြေအနေတွေကအစ နစ်နာမှုတွေကို အကူအညီပေးသွားမှာ ဖြစ်ပါတယ်။
Ref: အာရ်အဖ်အေ
Read More...
Collapse...
2013-02-06
ကချင်ပြည်နယ် ဖားကန့်မြို့နယ် အတွင်းမှာရှိတဲ့ စစ်ဘေးရှောင် ဒုက္ခသည်တွေကို ကချင်ပြည်နယ် ကြက်ခြေနီကြီးကြပ်မှုကော်မတီနဲ့ ကယ်ဆယ်ရေးနဲ့ ပြန်လည်နေရာချထားရေး ဦးစီးဋ္ဌာနတို့က ကျပ်သိန်း ၆၃၀ တန်ဖိုးရှိတဲ့ ပစ္စည်းတွေ ဒီကနေ့ ဖေဖေါ်ဝါရီလ ၆ ရက်နေ့မှာ သွားရောက် လှူဒါန်းခဲ့ပါတယ်။
ဖားကန့်မြို့နယ်အတွင်းမှာ ခိုလှုံနေကြတဲ့ စစ်ဘေးရှောင် အိမ်ထောင်စု ၁၄၇၄ အတွက် အဝတ်အထည်၊စောင် စတဲ့ မိသားစု သုံးပစ္စည်းတွေနဲ့ မီးဖိုချောင်သုံးပစ္စည်းတွေ လှူဒါန်းခဲ့တာ ဖြစ်ပါတယ်။
ပစ္စည်းတွေကို ဆယ်ဘီးကား ၃ စီးနဲ့ သယ်ယူသွားနိုင်ဖို့အတွက် လမ်းခရီးလုံခြုံရေးကိုတော့ ကချင်ပြည်နယ် အစိုးရအဖွဲ့နဲ့ ငြိမ်းချမ်းရေး ဆွေးနွေးရေး အကျိုးဆောင်အဖွဲ့ (PCG) တို့က အကူအညီပေးခဲ့တာလို့ ကြက်ခြေနီအဖွဲ့က ဦးဂဲနက်(စ်) က ပြောပါတယ်။
ကချင်ပြည်နယ် ကြက်ခြေနီအဖွဲ့ရဲ့ ဇန်နဝါရီ ၃၁ ရက်နေ့ စာရင်းတွေအရ ဖားကန့်မြို့နယ်က ကယ်ဆယ်ရေးစခန်းတွေမှာ လာရောက် ခိုလှုံနေကြတဲ့ စစ်ဘေးရှောင်ပြည်သူ အိမ်ထောင်စု ၁၇၀၀ ကျော်နဲ့ လူဦးရေစုစုပေါင်း ၇ ထောင်ကျော်ရှိတယ်လို့ သိရပါတယ်။
Ref: အာရ်အဖ်အေ
Read More...
Collapse...
2013-02-06
မန္တလေး ဆေးတက္ကသိုလ်မှာ ပါမောက္ခချုပ် ဒေါက်တာ ဦးသန်းဝင်း တာဝန်ထမ်းဆောင်ခဲ့တဲ့ လေးနှစ်တာ ကာလအတွင်း ကျောင်းထုတ်ခံခဲ့ရတဲ့ ကျောင်းသား ၅၀၀ ကျော်ရှိကြောင်း ကျောင်းထုတ်ခံရတဲ့ ကျောင်းသားတွေက ဒီကနေ့ ဖေဖေါ်ဝါရီလ ၆ ရက်နေ့ မြန်မာ ဂျာနယ်လစ် ကွန်ရက်ရုံးမှာ ကျင်းပတဲ့ သတင်းစာ ရှင်းလင်းပွဲမှာ ပြောလိုက်ပါတယ်။
အဲဒီလို ကျောင်းထုတ်ခံရတာဟာ သူတို့အခွင့်အရေးတွေ ဆုံးရှုံးတာဖြစ်တဲ့အပြင် ကျောင်းပြန်လည်တက်ခွင့်ရရေးအတွက် အခုလို သတင်းစာရှင်းလင်းပွဲ ကျင်းပရတာဖြစ်ကြောင်း၊ ကျောင်းအုပ်ချုပ်ရေးရဲ့ စီမံခန့်ခွဲမှု အမှားတွေကြောင့် သူတို့နစ်နာရတာဖြစ်ကြောင်း မန္တလေး ဆေးတက္ကသိုလ် တတိယနှစ်မှာ ကျောင်းထုတ်ခံရတဲ့ ကိုကောင်းဆက် က ပြောပါတယ်။
ဒီကနေ့ သတင်းစာရှင်းလင်းပွဲမှာ ဗကသ - ဗမာနိုင်ငံလုံးဆိုင်ရာက ကျောင်းသားသမဂ္ဂများ အဖွဲ့ချုပ်ကလည်း ဆေးတက္ကသိုလ်ကျောင်းသားများ ထုတ်ပယ်ခံခဲ့ရတာနဲ့ ပတ်သက်ပြီး ထုတ်ပြန်ကြေညာချက်တွေ ဖတ်ကြားခဲ့ပါတယ်။
မြန်မာနိုင်ငံမှာ ဆေးတက္ကသိုလ်လေးခုရှိရာ မန္တလေး ဆေးတက္ကသိုလ်မှာ ကျောင်းထုတ်ခံရတဲ့ ကျောင်းသားတွေ အများဆုံးဖြစ်ပြီး၊ အဲဒီလို ကျောင်းသားအများအပြား ကျောင်းထုတ် ခံရတာနဲ့ ပတ်သက်ပြီး ကျောင်းအုပ်ဆရာကြီး ဦးသန်းဝင်းအနေနဲ့ ပြေလည်အောင်ဖြေရှင်းပေးဖို့ တောင်းဆိုခဲ့ကြပါတယ်။
Ref: အာရ်အဖ်အေ
Read More...
Collapse...
2013-02-06
ကချင်ပြည်နယ် မိုးညှင်းမြို့နယ် မော်ဟန်ကျေးရွာရဲ့ အနောက်ဘက် သုံးမိုင်အကွာမှာရှိတဲ့ နမ့်ချီမှော်မှာ ကျောက်စိမ်းနဲ့ ရွှေတူးဖော် လုပ်ကိုင်နေသူတွေနဲ့ ဈေးရောင်းချနေသူ အားလုံးကို အဲဒီဒေသတစ်ဝိုက်မှာ လုံခြုံရေးယူနေတဲ့ လှုပ်ရှားတပ်တွေ က ဖေဖေါ်ဝါရီလ ၆ ရက်နေ့ မနေ့ကစပြီး ၄ ရက်အတွင်း အပြီးပြောင်းရွေ့ခိုင်းနေပါတယ်။
နမ့်ချီမှော်မှာ စီးပွားရှာ လုပ်ကိုင်နေသူတွေကို လုံခြုံရေးအကြောင်းပြပြီး ဒေသခံ လှုပ်ရှားတပ်တွေက နှုတ်မိန့်နဲ့ ပြောင်းရွှေ့ခိုင်းနေတာလို့ ဒေသခံ ရွာသားတစ်ဦးက RFA ကို ပြောပါတယ်။
အဲဒီ နမ့်ချီမှော်မှာ စီးပွားရှာနေကြသူတွေဟာ လယ်ယာ လုပ်ငန်းတွေ အဆင်မပြေလို့ အနယ်နယ် အရပ်ရပ်က ရွှေ့ပြောင်းလုပ်ကိုင် စားသောက်ကြသူတွေဖြစ်ပြီး အနည်းဆုံး အိမ်ထောင်စုပေါင်း နှစ်ထောင်လောက်ရှိပါတယ်။
အခုလို အတင်းအဓမ္မ ပြောင်းရွှေ့ခိုင်းနေတဲ့အတွက် သူတို့ရဲ့စားဝတ်နေရေး အခက်အခဲဖြစ်နေရတယ်လို့ ဒေသခံတွေက ပြောပါတယ်။
ဒီရက်ပိုင်းတွေအတွင်း ဖားကန့်မြို့နယ်ထဲက ကျောက်စိမ်းတွင်း လုပ်ကွက်တွေဖက်မှာလည်း တနိုင်တပိုင် လုပ်ကိုင်သူတွေကို ဒေသလုံခြုံရေး အာဏာပိုင်တွေက ပြောင်းရွှေ့ခိုင်းနေတယ်လို့ သိရပါတယ်။
Ref: အာရ်အဖ်အေ
Read More...
Collapse...
သာလွန်ဇောင်းထက်
February 6, 2013
၂၀၀၈ ခုနှစ်ဖွဲ့စည်းပုံအခြေခံဥပဒေအရ ယခင်အစိုးရခေတ်က အာဏာအလွဲသုံးစားခဲ့သူများကို နောက်ကြောင်းပြန် အရေးယူမည့် ဥပဒေ ပြဋ္ဌာန်းခွင့်မရှိဘဲ ပြဋ္ဌာန်းရန် ကြိုးစားပါက ဖွဲ့စည်းပုံ အခြေခံဥပဒေနှင့် ဆန့်ကျင်ကြောင်း ပြည်ထောင်စု ဒုတိယရှေ့နေချုပ် ဦးထွန်းထွန်းဦးက ပြောဆိုလိုက်သည်။
နေပြည်တော်တွင် ဖေဖော်ဝါရီလ ၆ ရက်နေ့က ကျင်းပပြုလုပ်သော ပြည်သူ့လွှတ်တော် အစည်းအဝေးတွင် သင်္ဃန်းကျွန်း မြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွန့်က “နိုင်ငံသားများ၏ တရားဝင်ရရှိ ပိုင်ဆိုင်ထားသော ရွှေ့ပြောင်းနိုင်သည့် ပစ္စည်း၊ မရွှေ့မပြောင်းနိုင်သည့် ပစ္စည်းနှင့် စပ်လျဉ်း၍ ထိခိုက် နစ်နာနေသော ပြည်သူများ အတွက် ဖွဲ့စည်းပုံ အခြေခံဥပဒေပါ အခွင့်အရေးများ အပြည့်အဝရရှိနိုင်ရန် တည်ဆဲဥပဒေများ ကို ပြန်လည် သုံးသပ်ပြီး အပ်နှင်းထားသော အာဏာကို အလွဲသုံးစား ပြုခဲ့သူများအား အရေးယူနိုင်ရန် ပြည်ထောင်စု အစိုးရအဖွဲ့က ရှင်းလင်းပြတ်သားမှုရှိပြီး ပြည်သူလူထုအား အကာအကွယ် ပေးမည့် အထူးဥပဒေ တရပ် ပြဋ္ဌာန်းပေးပါရန် တိုက်တွန်းကြောင်း” အဆို တင်သွင်းမှုအပေါ် ဦးထွန်းထွန်းဦးက အထက်ပါ အတိုင်း တုံ့ပြန် ပြောဆိုလိုက်ခြင်း ဖြစ်သည်။
၂၀၀၈ ခုနှစ်ဖွဲ့စည်းပုံအခြေခံဥပဒေ ပုဒ်မ ၄၃ အရ မည်သည့် ပြစ်မှုဆိုင်ရာ ဥပဒေမှ နောက်ကြောင်းပြန် သက်ရောက်စေရန် ပြဋ္ဌာန်းခွင့် မရှိစေရဟု ဖော်ပြထားပြီး ပြဋ္ဌာန်းရန် ကြိုးစားမှုများသည် ယင်းဥပဒေပါ ပြဋ္ဌာန်းချက်ကို ဆန့်ကျင်ကြောင်း ဦးထွန်းထွန်းဦးက ရှင်းပြသည်။
“အပ်နှင်းထားတဲ့ အာဏာကို အလွဲသုံးစားပြုပြီး ဆောင်ရွက်ခဲ့တဲ့ သူတွေကို အရေးယူနိုင်ရန် ဥပဒေပြဋ္ဌာန်းဖို့ ကိစ္စကတော့ အဲဒီကာလက အာဏာကို အမှန်တကယ် အလွဲသုံးစား ပြုခဲ့ရင်တောင်မှ အဲဒီအချိန်က ရှိရင်းစွဲ ဥပဒေအရသာ အရေးယူ ဆောင်ရွက်ရမှာ ဖြစ်ပါတယ်။ အခုကာလမှာ အရေးယူနိုင်ဖို့ ဥပဒေ တရပ်ပြဋ္ဌာန်းမယ် ဆိုရင် ဖွဲ့စည်းပုံအခြေခံဥပဒေ ပုဒ်မ ၄၃ မှာပါတဲ့ မည်သည့်ပြစ်မှုဆိုင်ရာ ဥပဒေမျှ နောက်ကြောင်းပြန် အာဏာသက်ရောက်စေရန် ပြဋ္ဌာန်းခွင့်မရှိစေရဆိုတဲ့ အချက်နဲ့ ဆန့်ကျင်မှာဖြစ်ပါတယ်” ဟု ဦးထွန်းထွန်းဦးက ဆိုသည်။
ပြည်သူ့လွှတ်တော် ဥက္ကဋ္ဌ သူရဦးရွှေမန်းကမူ အာဏာအလွဲသုံးစား ခဲ့သူများကို နောက်ကြောင်းပြန် အရေးယူနိုင်သည့် ဥပဒေ ပြဋ္ဌာန်းရန်ကိစ္စ မပြောဆိုသင့်တော့ဘဲ နိုင်ငံသားများ၏ အခွင့်အရေးကို ဖွဲ့စည်းပုံ အခြေခံဥပဒေပါ ပြဋ္ဌာန်းချက်အတိုင်း စောင့်ရှောက်နိုင်ရေးသည် အရေးကြီးကြောင်း ပြောဆိုသည်။
ပြည်သူ့လွှတ်တော် ကိုယ်စားလှယ် တဦးကမူ ဦးသိန်းညွှန့်၏ အဆိုသည် ရှင်းလင်းမှု မရှိဘဲ ယခင် စစ်အစိုးရ ခေါင်းဆောင်များ ကျူးလွန်ခဲ့သော ပြစ်မှုများ အလိုက် ပြန်လည်အရေးယူ နိုင်မည့် ဥပဒေ ပြဋ္ဌာန်းသကဲ့သို့ ဖြစ်နေသည့်အတွက် ရှု့ပ်ထွေးမှုများ ရှိစေသည်ဟု ပြောသည်။
“တကယ်တော့ ဖွဲ့စည်းပုံအခြေခံဥပဒေကို လက်ခံလို့ လွှတ်တော်ကို ၀င်ကတည်းက အရင် စစ်အစိုးရ ခေါင်းဆောင်တွေကို ဘယ်လိုမှ အရေးယူလို့ မရဘူးဆိုတာ အားလုံး နားလည် ထားတာပဲ။ တရားဝင်လည်း ပြဋ္ဌာန်းချက် ရှိထားပြီးသားပဲ။ အခုကတော့ ရှေ့နေချုပ်ကိုယ်တိုင်က ဒါကို ပေါ်ပေါ်တင်တင် ထပြောလာတာဆိုတော့ ပိုပြီး ထင်သာမြင်သာရှိလာတယ်” ဟု ၎င်းက ဆိုသည်။
အာဏာ အလွဲသုံးစားခဲ့သူများကို နောက်ကြောင်းပြန် အရေးယူနိုင်သော ဥပဒေ ပြဋ္ဌာန်းခွင့်မရှိသကဲ့သို့ အာဏာ ရှိခဲ့သူများ၏ လုပ်ကိုင် ဆောင်ရွက်မှုများ အပေါ်လည်း တရားစွဲဆိုခြင်း၊ အရေးယူခြင်း မရှိစေရဟု ဖွဲ့စည်းပုံ အခြေခံဥပဒေတွင် ဖော်ပြ ပါရှိသည်။
၂၀၀၈ ခုနှစ် ဖွဲ့စည်းပုံအခြေခံဥပဒေ အခန်း ၁၄ ကူးပြောင်းရေးကာလ ပြဋ္ဌာန်းချက် ပုဒ်မ ၄၄၅ တွင် အစိုးရသစ်သည် ယခင်အစိုးရ ထုတ်ပြန်ထားသည့် မူဝါဒ၊ လမ်းညွှန်မှု၊ ဥပဒေ၊ နည်းဥပဒေ၊ စည်းမျဉ်း၊ အမိန့်ပြန်တမ်း၊ ကြေညာချက်၊ ဆောင်ရွက်ချက်၊ တာဝန်များ၊ ရပိုင်ခွင့်များကို ဆက်ခံရမည်ဖြစ်ပြီး ယခင်အစိုးရအဖွဲ့၊ အဖွဲ့ဝင်တဦးဦး၏ တာဝန်အရ ဆောင် ရွက်ချက်များ အပေါ် အကြောင်းပြုပြီး တရားစွဲဆိုခြင်း၊ အရေးယူခြင်း မရှိစေရဟု ပြဋ္ဌာန်းထားသည်။
ဦးသိန်းညွှန့် တင်သွင်းသော အဆိုနှင့်ပတ်သက်ပြီး အာဏာအလွဲသုံးစား ခဲ့သူများ အရေးယူရန် ကန့်ကွက်မှုများ ရှိခဲ့သော်လည်း နိုင်ငံသားများ၏ အခွင့်အရေးကို ကာကွယ်ပေးရန် တည်ဆဲဥပဒေများကို ပြန်လည် သုံးသပ်သွားမည်ဟု ပြည်ထဲရေး ဒုဝန်ကြီး ရဲချုပ်ကျော်ကျော်ထွန်းနှင့် ဒုတိယရှေ့နေချုပ် ဦးထွန်းထွန်းဦးတို့က ပြောဆိုသည်။
Ref: ဧရာဝတီ
Read More...
Collapse...
ကြယ်ပြာ
February 6, 2013
ချင်းပြည်နယ် ထန်တလန်မြို့နယ်ရှိ ရွာပေါင်း ၈၀ ခန့်သည် စားနပ်ရိက္ခာ ပြတ်လပ်မှု နှင့် ကြုံတွေ့နေရကြောင်း သိရသည်။
ဇာနတ်တောင်ကြောနှင့် မာရာတောင်ကြောတို့တွင် တောင်ယာစပါးများ ရိတ်သိမ်းစဉ်ကာလ မိုးရွာသွန်း၍ သီးနှံများပျက်စီးပြီး နောက် ထိုသို့ အခက်အခဲ ကြုံကြရခြင်း ဖြစ်ကြောင်း ထန်တလန်မြို့နယ် ပြည်သူ့လွှတ်တော် ကိုယ်စားလှယ် ဦးပူးလာမောင်ကျူံး က ဧရာဝတီ သို့ ပြောသည်။
အဆိုပါ ကျေးရွာများမှ မြို့ပေါ်သို့ ပြောင်းရွှေ့သွားသူလည်း များပြားနေကြောင်း၊ ကျန်နေခဲ့သူများက သက်ဆိုင်ရာ ဘာသာရေး အဖွဲ့အစည်းများထံမှ ငွေကြေးချေးငှား ထောက်ပံ့မှုကို မှီခိုနေရကြောင်းနှင့် မည်သည့် အဖွဲ့အစည်းများထံမှလည်း အကူအညီမရရှိသေး ကြောင်းလည်း ၎င်းက ပြောဆိုသည်။
ယခုဖြစ်ပေါ်နေသော အခက်အခဲ ပြဿနာအား လွှတ်တော်ကိုယ်စားလှယ်က လွှတ်တော်၌ တင်ပြခဲ့ရာတွင် သက်ဆိုင်ရာ မြို့နယ် အုပ်ချူပ်ရေးမှူးများကနေ လူဦးရေစာရင်း အပြီးသတ် ကောက်ယူပြီးစီးလျှင် ပြည်နယ်အစိုးရက အကူအညီပေးမည်ဟု ပြောဆိုထား ကြောင်း သိရသည်။
လူဦးရေစာရင်းကို ဇန်န၀ါရီလ အလယ်ခန့်ကစပြီး သက်ဆိုင်ရာမြို့နယ် အာဏာပိုင်များက ကောက်ယူနေကြသည်ဟု ဆိုသည်။
“စစ်အုပ်ချူပ်ရေး ခေတ်တုန်းကလို စားပွဲပေါ်ကနေပဲ ကောက်ယူထားတဲ့ စာရင်းတွေဖြစ်လို့ သူတို့ လူဦးရေစာရင်းက မမှန်ပါဘူး၊ ခုဆို အိမ်ခြေ ၁၀၀ ရှိရင် ၇၅ အိမ်လောက်က စားစရာမရှိဖြစ်နေပါတယ်”ဟု ဦးပူးလာမောင်ကျူံး က ပြောသည်။
ဇန်န၀ါရီလ တတိယအပတ်က ချင်းပြည်နယ်ဝန်ကြီးချူပ် ပူးဟုန်းငိုင်းနှင့် ပြည်နယ်ဝန်ကြီးများသည် ထန်တလန်၊ ဟားခါးနှင့် ဖလမ်းမြို့များသို့ ဆင်းရဲမွဲတေမှု လျှော့ချရေးအနေဖြင့် သွားရောက်ကြပြီး ၎င်းတို့၏ တနှစ်တာလှုပ်ရှားမှုများကို ချပြခဲ့ကြောင်း၊ စားနပ်ရိက္ခာပြဿနာဖြစ်နေသော ထန်တလန်မြို့နယ်အတွက် လယ်ထွန်စက် ၆ စီးကို မြို့နယ်အုပ်ချူပ်ရေးမှူးသို့ ပေးအပ်ကြောင်း အိန္ဒိယနိုင်ငံ မီဇိုရမ်ပြည်နယ် အိုက်ဇောမြို့ အခြေစိုက် Chonumithung (ချင်း သတင်းဌာန)၏ ဖော်ပြချက်တွင် ပါရှိသည်။
“ထန်တလန်မှာ စိုက်တဲ့ တောင်ယာစပါးက အထွက်နည်းတယ်၊ လေတိုက်လို့ စပါးတွေ ကြွေကုန်ပြီး အပင်တွေပါ ပျက်ကုန်တော့ ဒီနှစ်စာအတွက် စပါးမရှိတော့ဘူးလေ”ဟု ချင်း သတင်းဌာနမှ လက်ထောက်အယ်ဒီတာ ဆလိုင်းရောဘတ် က ပြောသည်။
ချင်းပြည်နယ်တွင် တောင်ယာစပါး၊ ၀ဥ၊ ပဲအမျိုးမျိုးနှင့် ပြောင်းဖူးတို့ကို အဓိက စိုက်ပျိုးကြပြီး ယခုနှစ်တွင် ၀ဥ ဈေးကျသည့် အတွက်လည်း တောင်သူများ အခက်ခဲရှိနေကြသည်ဟု သိရသည်။
၂၀၀၈-၂၀၀၉ ခုနှစ်ကလည်း ချင်းပြည်နယ်တွင် သီးနှံစိုက်ခင်းများကို ကြွက်များ ဖျက်ဆီးခဲ့သဖြင့် စားနပ်ရိက္ခာရှားပါးမှု ဖြစ်ခဲ့သည်။
မီဇိုရမ် အခြေစိုက် ချင်းတိုင်းရင်းသားများ ကူညီကယ်ဆယ်ရေးအဖွဲ့ က ချင်းပြည်နယ်တွင် လူဦးရေ ၅ သိန်းခန့် ရှိသည့် အနက် ၁ သိန်း ခန့်မှာ အစာရေစာရှားပါးမှု ရင်ဆိုင်နေရပြီး အဆိုပါပြဿနာမှာ ၂၀၀၇ ခု ဒီဇင်ဘာလက စတင်ခဲ့ကြောင်းနှင့် လူအများစုမှာ ဆန်ပြုတ်၊ သစ်သီးသစ်ဥနှင့် ဟင်းသီးဟင်းရွက် များကိုသာ စားသောက်၍ အသက်ဆက်နေရကြောင်း ထုတ်ပြန်ခဲ့သည်။ အစာ ရေ စာရှားပါးမှုကြောင့် ကလေးငယ် ၃၁ ဦး အသက် ဆုံးရှုံးသွားကြောင်း ချင်းအမျိုးသား ကောင်စီကလည်း ထုတ်ပြန်ခဲ့သေးသည်။
၂၀၁၂-၂၀၁၃ ဘဏ္ဍာနှစ်က ပြည်ထောင်စုအစိုးရကနေ ချင်းပြည်နယ် ဆင်းရဲမွဲတေမှု ပပျောက်ရေး အစီအစဉ် အတွက် ကျပ် သန်း ၃၀၀၀ ကျော် ချထားပေးခဲ့ကြောင်း၊ ယခုနှစ်တွင်လည်း ဂျပန်နိုင်ငံတကာ ပူးပေါင်းဆောင်ရွက်ရေး အေဂျင်စီ(Japan International Cooperation Agency –JICA)က ကျပ် သန်း ၉၉၀၀ ကို ပြည်ထောင်စု အစိုးရမှတဆင့် ထုတ်ချေးပေးသွားရန် ရှိကြောင်း JICA က ထုတ်ပြန်ထားသည်။
ယခင်နှစ်က ရရှိခဲ့သည့် သန်း ၃၀၀၀ အား စိုက်ပျိုးရေး လုပ်ငန်းများ လုပ်ရာ၌ လှေကားထစ်များ တူးဖော်ခြင်း၊ စိုက်ပျိုးရေ ရရှိရန်ပြုလုပ်ခြင်း၊ ကျန်းမာရေး ဆေးပေးခန်းများ၊ စာသင်ကျောင်းများ ဆောက်ခြင်း၊ ကျေးလက် သောက်သုံးရေ ရရှိရေး၊ ကျေးလက် မီး လင်း ရေး စသည့်လုပ်ငန်းများတွင် လုပ်ဆောင်နေသည်ဟု ချင်းပြည်နယ် စိုက်ပျိုးရေးနှင့် မွေးမြူရေး ၀န်ကြီး ဦးဗန်းထောင်း က ဧရာဝတီသို့ ပြောခဲ့ဖူးသည်။
ပြည်ထောင်စုအစိုးရ၏ ၂၀၁၂ ခုနှစ် စာရင်း ထုတ်ပြန်ချက်အရ ချင်းပြည်နယ်အတွင်း နေထိုင်သူ လူဦးရေ ၏ ၇၃ ရာခိုင်နှုန်းမှာ ဆင်းရဲမွဲတေမှု နှင့် ရင်ဆိုင်နေရကြောင်း သိရသည်။
ချင်းပြည်နယ်တွင် လူဦးရေ ၅ သိန်း ၄သောင်းခန့် ရှိပြီး မြို့နယ်ပေါင်း ၉ မြို့နယ်၊ မြို့နယ်ခွဲ ၄ ခုနှင့် ခရိုင် ၃ ခု ရှိသည်။
ချင်း အမျိုးသား ပါတီ(CNP)၏ လူမျိုး စစ်တမ်း အရလည်း ချင်းပြည်နယ်၏ စီးပွားရေးအခက်အခဲကြောင့် နိုင်ငံခြားသို့ ပြောင်းရွှေ့ သွားကြသူ နှစ်စဉ်များလာသည့်အတွက် မြန်မာတနိုင်ငံလုံးတွင် ချင်း လူမျိုး ၁၂ သိန်းခန့် ရှိရာမှနေ ၈ သိန်း ခန့်သာ ကျန်ရှိတော့ကြောင်း သိရသည်။
Ref: ဧရာဝတီ
Read More...
Collapse...
မေစစ်ပိုင်
February 6, 2013
မြန်မာနိုင်ငံ ရင်းနှီးမြှုပ်နှံမှု ကော်မရှင်က နိုင်ငံခြားရင်းနှီးမြှုပ်နှံမှု ဥပဒေ အသေးစိတ်ကို ထုတ်ပြန်ကြေညာပြီး နိုင်ငံခြား စီးပွားရေးလုပ်ငန်းရှင်တို့ကို ဆွဲဆောင်နေသည့် တချိန် တည်းမှာပင် မြင့်မားနေသော မြေဈေးကို နိုင်ငံခြား ရင်းနှီးမြှုပ်နှံသူတို့က စိတ်ဝင်တစား အံ့အားသင့်စွာဖြင့် အနီးကပ် စောင့်ကြည့်နေကြသည်။
ရန်ကုန် အိမ် မြေဈေးကွက်တွင် ရုံးခန်းအငှားဈေးမှာ တနှစ်အတွင်း ၃ ဆ ခုန်တက်သွားပြီး ယခုအခါ တစ်မီတာပတ်လည်ကို အမေရိကန်ဒေါ်လာ ၁၅၀ (မြန်မာကျပ်ငွေ ၁၂၇၅၀၀) ဈေးပေါက်နေပြီး မြေဈေးမှာလည်း စီးပွားရေးဗဟိုချက်ဖြစ်သည့်နေရာများတွင် တစ်မီတာပတ်လည် ဒေါ်လာ ၄၀၀၀ (ကျပ် ၃၄၀၀၀၀၀) ရှိနေသည်။
ထို့ကြောင့် ဖေဖော်ဝါရီ ၃ရက် နေပြည်တော် စက်မှုဝန်ကြီးဌာန၌ ကျင်းပသည့် တွေ့ဆုံပွဲတွင် မြန်မာနိုင်ငံ ရင်းနှီးမြှုပ်နှံမှု ကော်မရှင် ဥက္ကဌ သမ္မတရုံးဝန်ကြီး ဦးစိုးသိန်းက မြန်မာ နိုင်ငံမြေဈေးသည် ကမ္ဘာ့နိုင်ငံများရှိ မြေဈေးအကြီးဆုံးနိုင်ငံဖြစ်သည့် နယူးယောက်မြို့ပြီးနောက် ဒုတိယဈေးအကြီးဆုံး ဖြစ်နေသည်ဟု ပြောသည်။
” မြန်မာမှာက ရင်းနှီးမြုပ်နှံမှုလုပ်ဖို့ခက်ခဲနေတာတွေရှိတယ်၊ မြေဈေးတွေကကြီးနေတဲ့အပြင် မြေနေရာတွေကလည်း ရှားပါးနေတယ်၊ နယူးယောက်ပြီးရင် မြန်မာက မြေဈေးအကြီးဆုံး ဖြစ်နေတယ်” ဟု ဦးစိုးသိန်းက ဆိုသည်။
ဇန်နဝါရီ ၂၂ ရက်က ဆီဒိုးနားဟိုတယ်တွင် ကျင်းပပြုလုပ် ခဲ့သည့် Myanmar Industrial Zones& Real Estate Development Forum တွင် ကိုရီးယားလုပ်ငန်းရှင်များက မြန်မာ့ စီးပွားရေး တိုးတက်လာနိုင် သည်ဟု ခန့်မှန်းထားသဖြင့် ရင်းနှီးမြှုပ်နှံမှုများအပြင် အခြေချနေထိုင်ကြရန် စဉ်းစားနေကြကြောင်း၊ သို့သော် မြေဈေးသည် အဆမတန်မြင့်နေသော ကြောင့် တွက်ခြေကိုက် မကိုက် ပြန်လည်တွက်ချက်နေရကြောင်း ဆိုသည်။
ဇန်နဝါရီ ၉ ရက်က ကုန်သည်စက်မှုအသင်းချုပ်တွင်ပြုလုပ်သည့် သီလဝါအထူးဇုန်အကောင်အထည်ဖော်မှုရှင်းလင်းပွဲတွင် အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန ဒုဝန်ကြီး ဦးဆက်အောင်ကမူ မြန်မာနိုင်ငံ၏ မြေဈေးနှုန်း သည် နိုင်ငံတကာဈေးနှုန်းများထက်များနေသောကြောင့် သင့်တင့်သည့်နှုန်းထားတခု စီစဉ်သွားမည်ဟု ပြောကြားသည်။
သို့သော် မြေဈေးနှုန်းများကို အစိုးရအနေဖြင့် ထိန်းချုပ်သွားရန် မဖြစ်နိုင် ကြောင်း စီးပွားရေးပညာရှင်များက သုံးသပ်သည်။
ဝယ်လိုအားများပြီး ရောင်းလိုအားများပါက ဈေးမြင့်လာနိုင်သည့်အတွက် မြေဈေးကွက်ကို ထိန်းချုပ်၍ မရနိုင်ကြောင်း၊ ဈေးလျှော့ချခြင်း၊ ထိန်းချုပ်ခြင်းများလုပ်ရန်မဖြစ်နိုင်ကြောင်း၊ အစိုးရဘက်က စက်မှုဇုန်များဖော်ထုတ်ခြင်း၊ မြေလွတ် မြေရိုင်းများရှာဖွေခြင်းဖြင့်သာ မြေဈေးမြင့်ခြင်းကိုထိန်းချုပ်နိုင်မည်ဖြစ်ကြောင်း စီးပွားရေးပညာရှင် ပါမောက္ခ ဒေါက်တာ အောင်ထွန်းသက်က အကြံပြုသည်။
“ တခြားနိုင်ငံတွေမှာ မြေဈေးသက်သာပြီး ဒီမှာဈေးများနေရင် ရင်းနှီးမြုပ်နှံသူတွေလာဖို့ ခက်တော့ ဒါကို စိတ်ပူနေရတယ်၊ သင့်တော်တဲ့နှုန်းဆိုပြီး သတ်မှတ်လို့တော့ ရမှာမဟုတ်ဘူး၊ ဈေးချလို့လည်း မရသလို ထိန်းဖို့လည်း မဖြစ်နိုင်ဘူး” ဟု ဆိုသည်။
မြန်မာ့အရင်းအမြစ် ဖွံ့ဖြိုးမှု စင်တာမှ စီးပွားရေးပညာရှင် ဒေါက်တာဇော်ဦးက အစိုးရအနေဖြင့် ကာလအတန်ကြာ စီးပွားရေးလုပ်ငန်းအများစုကို အကန့်အသတ်များဖြင့် ထိန်းချုပ်ခဲ့ သောကြောင့် ကန့်သတ်ချက် နည်းသော အိမ်ခြံမြေရောင်းဝယ်ရေးလုပ်ငန်းများတွင် စီးပွားရေးသမားများ ဈေးဝင်ကစားပြီး အိမ်ခြံမြေဈေးနှုန်းများ မြင့်တက်လာခဲ့သည်ဟု သုံးသပ် သည်။
ထို့ကြောင့် တခြားလုပ်ငန်းတွင် ထိန်းချုပ်မှုများကို လျှော့ချလိုက်ပါက ဈေးကစားသူများသည် ယင်းလုပ်ငန်းများတွင် ပါဝင်လာနိုင်ပြီး အိမ်ခြံမြေဈေး အနည်းငယ် တည်ငြိမ်နိုင်သည်ဟု ဆိုသည်။
တောက်လျှောက်တက်နေသော မြေဈေးအပြင် နိုင်ငံခြားရင်းနှီးမြှုပ်နှံသူများ စိုးရိမ်နေသည်မှာ မြေပိုင်ခွင့် အငြင်းပွားမှုဖြစ်သည်။
လတ်တလော ဂျပန်က စက်မှုဇုံလုပ်ရန် ရာထားထားသော သီလဝါရှိ လယ်ယာမြေအချို့မှာ စစ်တပ်က လယ်သမားများထံမှ ယခင်က အဓမ္မသိမ်းယူထားခဲ့ခြင်း ဖြစ်ကြောင်း၊ နယ်မြေခံ အာဏာပိုင်တို့က ဂျပန်တို့ကို လျော်ကြေးပေးရန် တိုက်တွန်းသော်လည်း ဂျပန်ကုမ္ပဏီများက အစိုးရတာဝန်သာဖြစ်၍ လက်ဝင်မလျှိုလိုကြောင်း ရိုက်တာသတင်းတပုဒ်တွင် ရေးသားထားသည်။
သီလဝါစက်မှုဇုန်အနီး မြေတစ်ဧကလျှင် ဒေါ်လာ တစ်သောင်းမှ နှစ်သောင်း (ကျပ် ၈၅၀၀၀၀၀ မှ ၁၇၀၀၀၀၀၀) ဈေးပေါက်နေသဖြင့် လမ်း တံတားနှင့် အခြား အခြေခံအဆောက် အဦများ တည်ဆောက်ရန် အလွန်ခက်ခဲမည်ကို ဂျပန်အရာရှိများက စိုးရိမ်နေသည်။
Ref: ဧရာဝတီ
Read More...
Collapse...
ခင်ဦးသာ
February 6, 2013
ဧရာဝတီမြစ်ကြီးအား ထိန်းသိမ်းကာကွယ်ရေး ဆောင်ရွက်သွားရန် ဧရာဝတီမြစ် ကော်မရှင်တရပ် ဖွဲ့စည်းတော့မည် ဖြစ်ကြောင်း သတင်းရရှိသည်။
“မြန်မာနိုင်ငံ၏ အမျိုးသားမြစ်ကြီး ဧရာဝတီ ထာဝရ ရှင်သန်ရေးအတွက် ဧရာဝတီမြစ်ကော်မရှင် (The Ayeyarwady River Commission – ARC) ဖွဲ့စည်းဆောင်ရွက်ရန် ပြည်ထောင်စုအစိုးရအား တိုက်တွန်းကြောင်း” အဆိုကို မန္တလေးတိုင်းဒေသမှ အမျိုးသားလွှတ်တော် ကိုယ်စားလှယ် ဦးမျိုးမြင့်က တင်သွင်းရာ အများစုက ထောက်ခံ၍ ကော်မရှင်ဖွဲ့စည်းရန် အမျိုးသားလွှတ်တော်က ယမန်နေ့တွင် အတည်ပြုပေးခဲ့သည်။
ထိုကော်မရှင်တွင် မြစ်ကြောင်းနှင့် သဘာဝ ပတ်ဝန်းကျင်ဆိုင်ရာ ၀န်ကြီးဌာနများ၊ လွှတ်တော် ကိုယ်စားလှယ်များ၊ ကျွမ်းကျင်ပညာရှင်များ၊ သဘာဝ ပတ်ဝန်းကျင် ထိန်းသိမ်းရေး ဆောင်ရွက်နေသူများ စသည်ဖြင့် ပါဝင်မည်ဖြစ်ပြီး မကြာမီ ဖွဲ့စည်းသွားနိုင်မည် ဖြစ်ကြောင်း လွှတ်တော်ကိုယ်စားလှယ် တချို့က ဧရာဝတီသို့ ပြောသည်။
ဧရာဝတီ မြစ်ထိန်းသိမ်းရေး ကိစ္စနှင့် ပတ်သက်၍ ဆွေးနွေးပွဲတရပ်ကိုလည်း ရန်ကုန်မြို့၊ တော်ဝင်နှင်းဆီခန်းမ၌ ယခုရက်ပိုင်းတွင် ပြုလုပ်မည်ဖြစ်ရာ သဘာဝပတ်ဝန်းကျင် ထိန်းသိမ်းသူများ၊ ပညာရှင်များက တက်ရောက် ဆွေးနွေး အဖြေရှာကြမည် ဖြစ်ကြောင်း သဘာဝပတ်ဝန်းကျင် ထိန်းသိမ်းရေး ပညာရှင် ဦးအုန်းက ဆိုသည်။
“ဧရာဝတီမြစ်ဆုံ စီမံကိန်းကို သမ္မတက သူ့သက်တမ်းမှာပဲ ရပ်ထားဖို့ ပြောထားတယ်။ ဒီတော့ သူ့သက်တမ်းမှာသာမက ထာဝရ ထိန်းသိမ်းသွားဖို့ ကိစ္စတွေ အဓိက ဆွေးနွေးမယ်။ ဒီမြစ်ဟာ ကျနော်တို့ရဲ့ အမျိုးသား သင်္ကေတ ဖြစ်လို့ အေးချမ်းစွာ စီးဆင်းစေချင်တယ်။ ဘာအနှောင့်အယှက်မှ မပေးစေချင်ဘူး” ဟု ဦးအုန်းက ဧရာဝတီသို့ ပြောသည်။
သဘာဝပတ်ဝန်းကျင် ထိန်းသိမ်းရေးနှင့် ပတ်သက်၍ လွှတ်တော်မှ ထုတ်ပြန်ထားသည် နည်းဥပဒေတွင် ပတ်ဝန်းကျင် ထိန်းသိမ်းရေးနှင့် ပတ်သက်၍ ရေးဆွဲထားသည့် အချက် အလက်များသည် ရာနုန်းပြည့်နီးပါး ပြည့်စုံနေ၍ သက်ဆိုင်ရာ အဖွဲ့အစည်းများ အနေဖြင့် ထိုဥပဒေအတိုင်း လိုက်နာကျင့်သုံးရန်သာ လိုအပ်ကြောင်းလည်း ဦးအုန်းက ပြောသည်။
သဘာဝပတ်ဝန်းကျင် ထိန်းသိမ်းရေးနှင့် ပြည်ထောင်စုလွှတ်တော်မှ အတည်ပြုထားသည့် ဥပဒေတွင် ဆုတ်ယုတ် ပျောက်ကွယ်စ ပြုနေပြီ ဖြစ်သည့် ဂေဟစနစ်များကို တတ်စွမ်းသမျှ ဖော်ထုတ်ရန်နှင့် သဘာဝ သယံဇာတ အရင်းအမြစ်များ လျော့နည်းဆုံးရှုံးမှု တားဆီးရေးနှင့် စဉ်ဆက်မပြတ်အကျိုးရှိစွာ အသုံးပြုနိုင်ရေး ဆောင်ရွက်ရန်တို့ကို ထည့်သွင်းပြဌာန်းထားသည်။
ဧရာဝတီမြစ် ထာဝရ ရှင်သန်ရေးကိစ္စသည် ပို့ဆောင်ရေးဝန်ကြီးဌာန တခုတည်းနှင့်သာ သက်ဆိုင်နေခြင်း မဟုတ်ဘဲ မြစ်စီးဆင်းရာ ဒေသတလျှောက်ရှိ တိုင်းနှင့်ပြည်နယ် ဒေသအသီးသီးတို့တွင် တာဝန်ရှိ၍ ဌာနတခုချင်း၊ အဖွဲ့တဖွဲ့ချင်း၊ ဒေသတခုချင်းစီက ဆောင်ရွက်ရန် မလွယ်ကူကြောင်း၊ ထို့ကြောင့် ကော်မရှင်တရပ် ဖွဲ့စည်းရန် လိုအပ်ကြောင်း ကချင်ပြည်နယ်မှ အမျိုးသားလွှတ်တော် ကိုယ်စားလှယ် ဦးခက်ထိန်နန်၏ ဆွေးနွေးမှုများကို ယနေ့ထုတ် အစိုးရသတင်းစာများ၌ ရေးသားထားသည်။
မြစ်ကြောင်းတလျှောက် ပျက်စီးတိမ်ကောရခြင်း ကိစ္စတွင် သစ်တောများ အဆမတန် ခုတ်လှဲခြင်း၊ ရွှေတူးဖော်ခြင်း၊ တံတားဆောက်ခြင်း၊ သတ္တုတူးဖော်ခြင်း စသည်တို့ကို ထိန်းသိမ်း ဆောင်ရွက်ရေး ကိစ္စများနှင့် ပတ်သက်၍ ကော်မရှင်အနေဖြင့် ဆောင်ရွက်မည်ဖြစ်ကြောင်း၊ ငွေကြေး အရင်းအနှီး ကြီးမား၍ အားလုံးပါဝင် ဆောင်ရွက်မှသာ အောင်မြင်နိုင်မည် ဖြစ်ကြောင်း အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်က ပြောသည်။
“မြစ်ကြီးက အားလုံးပျက်စီးနေပြီဆိုတော့ ထိန်းသိမ်းရေးလုပ်ဖို့ နောက်တောင် ကျနေပါပြီ။ ပို့ဆောင်ရေး ၀န်ကြီးဌာကလည်းပဲ ငွေအကုန်အကျများမယ့် ကိစ္စဆိုတော့ သူတို့ကိုယ်တိုင် မလုပ်နိုင်လို့ ကော်မရှင်ဖွဲ့မဲ့ကိစ္စကို လိုလိုလားလားပဲ သဘောတူပါတယ်” ဟု ၎င်းက ဆိုသည်။
မြစ်ကြောင်းထိန်းသိမ်းရေး ကိစ္စများနှင့် ပတ်သက်၍ လွှတ်တော်အသီးသီး၌ မကြာခဏ တင်ပြဆွေးနွေးခဲ့သော်လည်း ထိုကိစ္စသည် ငွေကြေး အကုန်အကျ များပြားလွန်းသည့် ကိစ္စဖြစ်၍ ဆောင်ရွက်ရန် မဖြစ်နိုင်ကြောင်း သက်ဆိုင်ရာ ၀န်ကြီးများက ဖြေဆိုခဲ့သည်ဟု သိရသည်။
မြန်မာနိုင်ငံ၌ ဖြစ်ပေါ်နေသည့် သဘာဝ ပတ်ဝန်းကျင်ဆိုင်ရာ ပြဿနာများ၊ လယ်မြေသိမ်း ပြဿနာများ၊ အလုပ်သမား၊ စီးပွားရေး စီမံကိန်းများ အကောင်အထည်ဖော်မှုနှင့် ပတ်သက်သော ပြဿနာများ စသည်ဖြင့် ပြဿနာများကို ဖြေရှင်းရန် အစိုးရအဖွဲ့နှင့် လွှတ်တော် အသီးသီးတို့တွင် ကော်မတီ၊ ကော်မရှင် အများအပြား ဖွဲ့စည်းထားသည့်တိုင် လက်တွေ့ဆောင်ရွက်မှုတွင် အားနည်းနေသည့်အတွက် အများ၏ ဝေဖန်မှုများလည်း ရှိနေသည်။
“ဧရာဝတီမြစ်နဲ့ ပတ်သက်ပြီး ကော်မရှင်ဖွဲ့ပြီဆိုတော့ ကော်မရှင်က မလုပ်ရင်လည်း လုပ်အောင် ကျနော်တို့က တွန်းအားပေးမယ်။ ကြေးနီစီမံကိန်းကိုလည်း လုံးဝ ရပ်တန့်ဖို့ တွန်းအားပေးထားတယ်” ဟု ဦးအုန်းက ဆိုသည်။
Ref: ဧရာဝတီ
Read More...
Collapse...
လင်းသန့်
February 6, 2013
မြန်မာ-အမေရိကန် ဆက်ဆံရေး ပုံမှန်ပြန်ဖြစ်ဖို့ အဓိက ပါဝင်လုပ်ဆောင်ခဲ့သူ တဦးဖြစ်တဲ့ အမေရိကန် နိုင်ငံခြားရေး ၀န်ကြီး မစ္စ ဟီလာရီ ကလင်တန် ရာထူးက အနားယူသွားပြီး မြန်မာ့ဒီမိုကရေစီနဲ့ လူ့အခွင့်အရေးအတွက် အားပေး ထောက်ခံခဲ့တဲ့ ဒီမိုကရက်တစ်ပါတီ အထက်လွှတ်တော်အမတ် မစ္စတာ ဂျွန်ကယ်ရီဟာ ယခုသတင်းပတ်က စတင်ပြီး ရာထူးဆက်ခံ တာဝန် ထမ်းဆောင်နေပါပြီ။
နိုင်ငံခြားရေး ၀န်ကြီးဟောင်း ဟီလာရီ ကလင်တန်နဲ့ နိုင်ငံခြားရေး ၀န်ကြီးသစ် ဂျွန်ကယ်ရီဟာ မြန်မာ့အရေး၊ ကမ္ဘာ့အရေး ဆက်ဆံထိတွေ့ ကိုင်တွယ်မှုတွေမှာ ဘယ်လိုကွာခြားမလဲ ဆိုတာကို အကဲခတ်များက စောင့်ကြည့်နေကြပါတယ်။
မစ္စက် ကလင်တန် အနေနဲ့ နိုင်ငံခြားရေး ၀န်ကြီး တာဝန်ထမ်းဆောင်စဉ်က ဘယ်အရေးကိစ္စတွေက အောင်မြင်မှုရခဲ့ပြီး ဘယ်အရေးကိစ္စတွေမှာ အားနည်းခဲ့ရသလဲဆိုတာကို နယူးယောက်တိုင်းမ် သတင်းစာကြီးက မကြသေးမီက သုံးသပ်ရေးသားခဲ့ပါတယ်။
လွန်ခဲ့တဲ့ နွေရာသီက ဆီးရီးယားမှာ သမ္မတ ဘာရှား အာဆတ် ပြုတ်ကျရေးအတွက် ဆီးရီယားသူပုန်တွေကို လက်နက်ထောက်ပံ့ကူညီဖို့နဲ့ လေ့ကျင့်သင်ကြားပေးဖို့ အစီအစဉ်ကို မစ္စက် ကလင်တန်နဲ့ အမေရိကန် စီအိုင်အေ ဗဟို ထောက်လှမ်းရေး အကြီးအကဲ စစ်ဗိုလ်ချုပ်ကြီးဟောင်း မစ္စတာ ပီ ထရော့စ်တို့က အိမ်ဖြူတော်ကို အဆိုတင်ခဲ့ပါတယ်။
ဒါပေမယ့် အိမ်ဖြူတော်က ဒီလို စွန့်စားရမယ့် ကိစ္စအပေါ် အတော်စိုးရိမ်နေခဲ့တယ်လို့ အမေရိကန် အစိုးရ အရာရှိတွေကို ကိုးကားပြီး နယူးယောက်တိုင်းမ် သတင်းစာကြီးက ရေးသားဖော်ပြထားပါတယ်။ ဒါကလည်း သမ္မတ အိုဘားမားရဲ့ ဒုတိယအကြိမ် သမ္မတရွေးကောက်ပွဲ ကာလနဲ့လည်းတိုက် ဆိုင်တာနေတာကြောင့် ဆိုတာ အကြောင်းတခုပါ။
ဒါပေမယ့် ဒီ့အရင်တနှစ်ကတော့ မစ္စက် ကလင်တန်ဟာ အိမ်ဖြူတော်နဲ့ ဆက်ဆံရေး ကံကောင်းခဲ့ပါတယ်။ သူဟာ ဆယ်စုနှစ်တွေနဲ့ချီပြီး စစ်အာဏာရှင် အုပ်ချုပ်ရေးကြောင့် အထီး ကျန်နိုင်ငံဘ၀ ရောက်နေရာကနေ ရုန်းထွက်ချင်တဲ့ မြန်မာနိုင်ငံနဲ့ ဆက်ဆံရေး ပြန်လည် တံခါးဖွင့်ဖို့ သမ္မတ အိုဘားမား လက်ခံလာအောင် ဆွဲဆောင်မှုကတော့ အောင်မြင် သွားခဲ့ တယ်လို့ ဆိုနိုင်ပါတယ်။
မစ္စက် ကလင်တန်ဟာ မြန်မာနဲ့ ဆက်ဆံရေး ပြန်လည် ဖွင့်နိုင်ခဲ့တဲ့ကိစ္စကို သူ့ရဲ့အောင်မြင်မှု၊ အမေရိကန်ရဲ့ နိုင်ငံခြားရေး မူဝါဒ အောင်မြင်မှုအနေနဲ့ ကြွေးကြော်ခဲ့တာပါ။
မစ္စက် ကလင်တန်ဟာ နိုင်ငံခြားရေး ၀န်ကြီးအဖြစ် တာဝန်ထမ်းဆောင်စဉ် ကာလမှာ နိုင်ငံပေါင်း ၁၁၂ နိုင်ငံကို ရက်ပေါင်း ၄၀၁ ရက်ကြာ၊ မိုင်ပေါင်း ၁ သန်းလောက် ခရီးဆန့်ခဲ့သူ ဖြစ်ပါတယ်။
“ဆီးရီးယားနဲ့ မြန်မာ့အရေးတို့နဲ့ ပတ်သက်ပြီး နိုင်ငံခြားရေး ၀န်ကြီးသက်တမ်းအလွန် ဟီလာရီရဲ့ သမိုင်းမှတ်တိုင် တွေပါပဲ။ အောင်မြင်မှု၊ ကျဆုံးမှု တွေထဲက အထင်ရှားဆုံး ဖြစ်ခဲ့ပြီး အမေရိကန် နိုင်ငံခြားရေး ပေါ်လစီကိုလည်း အခိုင်အမာ တခါးတချပ် ဖွင့်နိုင်သလို သင်ခန်းစာလည်း ရခဲ့ပါတယ်” လို့ နယူးယောက်တိုင်းမ် သတင်းစာက ရေးပါတယ်။
ဒါ့အပြင် ဆီးရီးယားနဲ့ ဘင်ဂါဇီအရေးမှာ မစ္စက် ကလင်တန် အတွက် အားနည်းချက်တွေ ဖြစ်တယ်ဆိုပေမယ့် ဒီနေရာမှာ အထင်ရှားဆုံး မီးမောင်းထိုးပြရမှာကတော့ မြန်မာစစ်အစိုးရနဲ့ သံတမန်လမ်း ဖွင့်နိုင်ခဲ့တာဟာ မစ္စက် ကလင်တန်ရဲ့ အောင်မြင်တခုဖြစ်တယ်လို့ နယူးယောက်တိုင်းမ်က သုံးသပ်ပါတယ်။
မြန်မာ့အရေး ချဉ်းကပ်ဆက်ဆံရေး လမ်းကြောင်းတွေကို ထိတွေ့ဆက်ဆံမှုတွေနဲ့ ပြန်ဖွင့်နိုင်ဖို့အတွက် မစ္စက် ကလင်တန်ဟာ ပင်တဂွန်နဲ့ အိမ်ဖြူတော်တို့ကိုလည်း အခြေအတင် လွန်ဆန်ခဲ့ရတယ်လို့ ပြောနိုင်ပါတယ်။ အလားတူ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို လုံးဝ အပြည့်အဝ ထောက်ခံနေတဲ့ ကင်တပ်ကီပြည်နယ် အထက်လွှတ်တော် အမတ် မစ်ခ်ျ မက်ကော်နယ်လ်တို့လို အမတ်တွေရဲ့ ဆန့်ကျင်ဘက် မေးခွန်းထုတ်မှုတွေလည်း ခံခဲ့ရပါသေးတယ်။
မစ္စက် ကလင်တန်က သူ့လက်ထောက်တယောက်ဖြစ်တဲ့ အရှေ့အာရှဆိုင်ရာ လက်ထောက် နိုင်ငံခြားရေး ၀န်ကြီး ကာ့ဒ် ကမ်းဘဲလ်ကို မြန်မာပြည်က ဗိုလ်ချုပ်ကြီးတွေနဲ့ တွေ့ဖို့ စေလွှတ်ခဲ့ပါတယ်။ သူပြန်လာတဲ့အခါ မြန်မာပြည်ဟာ အပြောင်းအလဲအတွက် တာစူနေပြီဆိုတဲ့ ဆွဲဆောင်မှုကြောင့် မစ္စက် ကလင်တန်လည်း မြန်မာပြည်အပေါ် ချမှတ်ထားတဲ့ အမေရိကန်ရဲ့ စီးပွားရေး ဒဏ်ခတ်ပိတ်ဆို့ အရေးယူမှုတွေကို ဖြေလျှော့ပြီး သံတမန်ဆက်ဆံရေး ပြန်လည်ထူထောင်ဖို့ ပြန်လည်သုံးသပ်မှု အပြည့်အ၀ လုပ်ခဲ့တာပါ။
ဒါကိုပဲ အိမ်ဖြူတော်က သေချာ ပြန်သုံးသပ်ခဲ့ပြီး သမ္မတ အိုဘားမား ကိုယ်တိုင်က မစ္စက် ကလင်တန် မြန်မာပြည်ကို သမိုင်းဝင်ခရီးစဉ်အဖြစ်သွားဖို့ ၂၀၁၁ ခုနှစ် ဒီဇင်ဘာလမှာပဲ စေလွှတ်ခဲ့ပါတယ်။ ဒါကလည်း သမ္မတ အိုဘားမားကို တိုက်ရိုက် ဆွဲဆောင်မှု ရသွားစေခဲ့တာပါ။
“ကျမတို့ ဘာတွေ ဆက်ဖြစ်မယ်မသိဘူး။ သမ္မတကတော့ ကြည့်လိုက်၊ ကျနော် ဒီကိစ္စနဲ့ ပတ်သက်ပြီး ခင်ဗျားနောက်မှာ ရှိတယ်လို့ အခြေခံသဘောကျကျ ပြောခဲ့ပါတယ်” လို့ မစ္စက် ကလင်တန်က ပြောခဲ့ကြောင်း နယူးယောက်တိုင်းမ်းက ဆိုပါတယ်။
မြန်မာနိုင်ငံရဲ့ အခြေအနေတွေဟာ လုံးဝ သိသိသာသာကြီး ပြောင်းလဲမှု တိုးတက်နေတာ မဟုတ်ပေမယ့် မြန်မာ့ အခြေအနေဟာ ထိုက်သင့်တဲ့ တိုးတက်မှု တစုံတရာရှိတာကြောင့် သမ္မတ အိုဘားမား ကိုယ်တိုင်လည်း မစ္စက် ကလင်တန်နဲ့ အတူ ပြီးခဲ့တဲ့ နိုဝင်ဘာလမှာ မြန်မာနိုင်ငံကို လာရောက်ခဲ့တာ ဖြစ်ပါတယ်။
သမ္မတ အိုဘားမားနဲ့ အတူလာခြင်းဟာ ဒုတိယအကြိမ် မြန်မာခရီးစဉ်ဖြစ်ပြီး မစ္စက် ကလင်တန်ဟာ မြန်မာနိုင်ငံကို နိုင်ငံခြားရေးဝန်ကြီး တာဝန်နဲ့ ၂ ကြိမ်မြောက် လာရောက်ခဲ့တာလည်း ဖြစ်ပါတယ်။ ဒါကြောင့်လည်း အမေရိကန်ရဲ့ မြန်မာနိုင်ငံဆိုင်ရာ မူဝါဒဟာ ထင်ရှားခဲ့တာပါ။
ဒီလို သမိုင်းတင်မယ့် မြန်မာနိုင်ငံဆိုင်ရာ အမေရိကန် မူဝါဒ အပြောင်းအလဲတွေရဲ့နောက်ကွယ်မှာ မစ္စက် ကလင်တန်ရဲ့ ကြိုးစားမှု၊ ချဉ်းကပ်မှုတွေနဲ့ ပတ်သက်လို့ ဘာတွေ ရှိခဲ့တယ်ဆိုတာ သူကိုယ်တိုင် မြန်မာအရေး လုပ်ဆောင်ခဲ့တာတွေကို ပြန်ပြောပြခဲ့ပါတယ်။
“ကျမတို့ရဲ့ ဆက်ဆံရေးဟာ အောင်မြင်မှု ရှိတယ်၊ မရှိဘူး စမ်းသပ်တဲ့အနေနဲ့ သူတို့ (မြန်မာ စစ်ခေါင်းဆောင်တွေ) ဟာ ဒီကာလ တခုအတွင်း တကယ် ပြောင်းလဲဖို့အတွက် ကျမတို့အနေနဲ့ နည်းလမ်းတွေ တွေ့နိုင်မလားဆိုပြီး နေရာ တချို့ကို သွားခဲ့တဲ့အခါမှာ ပထမဆုံး ပြောရမှာကတော့ ကျမ အခိုင်အမာ ယုံကြည်လာခဲ့ပါတယ်။ အစောပိုင်း ကာလတွေမှာပဲ ကျမအနေနဲ့ မြန်မာပြည်ကိစ္စကို စမ်းသပ်ချင်ခဲ့တာကြောင့် ဆုံးဖြတ်ချက် တခုချခဲ့တယ်။ အဲဒီမှာ မြန်မာနိုင်ငံက အမျိုးသား ဒီမိုကရေစီအဖွဲ့ချုပ် NLD ပါတီက လွှတ်တော်ကိုယ်စား လှယ်တွေ၊ ပါတီကို ကိုယ်စားပြုသူတွေ၊ ကျမတို့ လူတွေနဲ့ တွေ့ဖို့ လိုလားတဲ့ စစ်ဗိုလ်ချုပ်ကြီးတွေနဲ့ တွေ့ဆုံဆွေးနွေးမှုတွေ လုပ်ဖို့ ကျမတို့ဆီက သံတမန်တွေကို စေလွှတ်မှု စတင်ခဲ့ ပါတယ်”လို့ မစ္စက် ကလင်တန်က နယူးယောက်တိုင်းမ်းကို ပြောပါတယ်။
ဆက်လက်ပြီး မစ္စက် ကလင်တန်က ပြောရာမှာ “ဒီနေရာမှာ ဒေါ်အောင်ဆန်းစုကြည် အနေနဲ့ကလည်း ပတ်ဝန်းကျင်နဲ့ ကန့်သတ်မှု အလွန်အကျွံခံထားရတယ်။ အရှေ့အာရှနဲ့ ပစ္စိဖိတ်ရေးရာ လက်ထောက် နိုင်ငံခြားရေး ၀န်ကြီး ကာ့ဒ် ကမ်းဘဲလ်ကို ကျမက သံတမန်တွေ စေလွှတ်ရေးကိစ္စအတွက် ခန့်အပ် တာဝန်ပေးလိုက်တယ်။ နောက် သူ့ဆီက အစီရင်ခံစားတွေကို ကြည့်ပြီး နောက်ဆုံး ကျမလည်း သူကိုယ်တိုင်ကို မြန်မာပြည်ကို စေလွှတ်ခဲ့ပါတယ်။ အဲဒီကာလက သူ့ရဲ့ မြန်မာပြည်ခရီးဟာ အမေရိကန်ရဲ့ အဆင့်အမြင့်ဆုံး အရာရှိရဲ့ ခရီးစဉ်ပါပဲ။ သူက ဒေါ်အောင်ဆန်းစုကြည် အပါအ၀င် တော်တော်များများနဲ့ တွေ့ဆုံဆွေးနွေးပြီး ပြန်လာတယ်။
မစ္စတာ ကာ့ဒ်ကမ်းဘဲလ် ပြန်လာတော့ ပြောပြတာတွေနဲ့ ပတ်သက်ပြီး မစ္စက် ကလင်တန်က “သူက ပြောတယ်လေ။ သူအာရုံအသိ ရတာကတော့ မြန်မာပြည်မှာ အရွေ့တခုတော့ ရှိနေတယ်။ ကျနော်တို့ ဒါကို တွန်းအားပေးပြီး အကူအညီ ပေးနိုင်တယ်လို့ ဆိုပါတယ်။ ဒါကြောင့် ကျမတို့ရဲ့ မြန်မာဆိုင်ရာ မူဝါဒကို ကြည့်တဲ့ တချိန်တည်းမှာပဲ ပုံမှန် လုပ်ငန်းစဉ်တခုရှိဖို့ ကျမတို့ လိုအပ်တယ်ဆိုတာ သူက ပြောခဲ့တယ်။ ကျမကလည်း ပြန်ပြောလိုက်ပါတယ်။ လူအများစုက မဖြူရင် မည်းတယ်ဆိုတဲ့ အမြင်တွေသာ များတယ်။ ဒီတော့ ကျမတို့က ဘာကြောင့် ထိတွေ့ဆက်ဆံရေး လုပ်မှာလဲဆိုတာနဲ့ ကျမတို့ ဘာကြောင့် မြန်မာပြည်ကို တယောက်ယောက် စေလွှတ်ရတယ်ဆိုတာ သတိရှိဖို့ ပြောဖြစ်ခဲ့တယ်” လို့ ဆိုပါတယ်။
“ဒါကြောင့် ကျမ လုပ်ဆောင်ခဲ့တာ ၂ ခု ရှိတယ်။ ဒီနေရာမှာ ဒေါ်အောင်ဆန်းစုကြည်နဲ့ မြန်မာအပေါ် စီးပွားရေး ဒဏ်ခတ်ပိတ်ဆို့မှုကို အခိုင်အမာ ထောက်ခံနေတဲ့ အထက်လွှတ်တော် အမတ် မစ်ခ်ျ မက်ကော်နယ် ဦးဆောင်တဲ့ သူတွေကိုလည်း ကျမသိခဲ့တာပါပဲ။ မစ်ခ်ျ မက်ကော်နယ် ဆိုတာလည်း ကျမ လုပ်မယ့် လုပ်ငန်းတွေကို သေချာ ဝေဖန်ထောက်ပြမယ့်သူမျိုး။ ဒါကြောင့် ကျမ သူ့ကို သွားတွေ့ခဲ့တယ်။ ဒါက ပြောပြတာပါ။ ထုတ်ပြောဖို့ မဟုတ်ပါဘူး။ ကျမ ပြောချင်တာကတော့ မြန်မာပြည်မှာ ဘာတွေ ဖြစ်နေတယ်ဆိုတာ စမ်းသပ်ဖို့ ကျမ အတူ အားထုတ်ကြိုးစား နေတယ်ဆိုတာပါပဲ” လို့ မစ္စက် ကလင်တန်က သူ့ရဲ့ ချည်းကပ်မှုတွေအကြောင်း ဆက်ပြောထားပါတယ်။
မစ္စက် ကလင်တန်က ဆက်လက်ပြီး “သူကလည်း ပြောပါတယ်။ ဒါ အလုပ်ဖြစ်မယ်လို့တော့ မထင်ဘူး၊ အလုပ်ဖြစ်ချင်မှ ဖြစ်မယ်၊ မဖြစ်ချင် မဖြစ်ဘူး။ ဒါပေမယ့် ငါသိချင်တာက ငါတို့ ကြိုးစား လုပ်ဆောင်နေတာကို မင်းထောက်ခံ အားပေးမယ်၊ အားမပေးဘူးဆိုတာပဲလို့ မက်ကော်နယ်က ပြောပါတယ်။ နောက်ဆုံးတော့ သူလည်း ပြောပါတယ်။ ဒီပြင်ကျန် တာ တွေလည်း ဘာမှ အလုပ်မဖြစ်ခဲ့ဘူး။ ဒီတော့ မင်းကောင်းကောင်း လုပ်နိုင်မလားပဲ တဲ့လေ။ အဲဒါနဲ့ သူ့ရုံးခန်းက ထွက်လာရင်း လမ်းမှာသူက ရပ်လိုက်တယ်။ သူ့အတွင်းရုံးခန်းနား မရောက်ခင်လေးမှာပဲ ဒေါ်အောင်ဆန်းစုကြည်က သူ့ကို ပေးတဲ့ လက်ရေးစာ မူရင်းကို ပေးလိုက်တယ်။ စာထဲမှာတော့ နှစ်ပေါင်းများစွာ သူ့အပေါ် ထောက်ခံအားပေးခဲ့တာတွေ အားလုံးကို ဒေါ်အောင်ဆန်းစုကြည်က ကျေးဇူးတင်စကား ဆိုထားတာပါ” လို့ မစ္စက် ကလင်တန်က ဆိုပါတယ်။
နောက်ပိုင်းမှာ မစ္စက် ကလင်တန်ရော၊ သမ္မတ အိုဘားမားပါ မြန်မာနိုင်ငံကို သမိုင်းဝင် ခရီးစဉ်အဖြစ်နဲ့ လာရောက်ခဲ့ကြတာ ဖြစ်ပါတယ်။ ဒီလို ခရီးစဉ်မတိုင်မီကပဲ သံတမန်ဆက်ဆံရေး ပုံမှန်အခြေအနေ ပြန်ရောက်ဖို့ လုပ်ခဲ့ရင်း အာရှနဲ့ တရုတ်အရေး ကျွမ်းကျင်သူ မစ္စတာ ဒဲရစ်မစ်ချဲလ်ကို မြန်မာနိုင်ငံဆိုင်ရာ သံအမတ်ကြီးအဖြစ် နှစ်ပေါင်း ၂၀ ကျော် ကာလအတွင်း ပထမဆုံး ပြန်လည် ခန့်အပ်ခဲ့တာ ဖြစ်ပါတယ်။
ဒါဟာ သမ္မတ အိုဘားမားအနေနဲ့ မစ္စက် ကလင်တန်ရဲ့ အာရှအပေါ် အာရုံထားရေး မူဝါဒကို အလေးအနက်ထားတဲ့ အရွေ့တခုသာမက တရုတ်နိုင်ငံအတွက်ပါ တုံ့ပြန်မှုတခုကို ထင်ဟပ်စေခဲ့ပါတယ်။ တောင်တရုတ်ပင်လယ်နဲ့ တရုတ်နိုင်ငံ အိမ်နီးချင်းတွေအကြား နယ်မြေပိုင်ဆိုင်မှု အငြင်းပွားနေတာတွေကို ကူညီဖို့ အမေရိကန်အနေနဲ့ စိတ်ဝင်စားတယ်လို့ ၂၀၁၀ ခုနှစ်က မစ္စက် ကလင်တန် ကြေညာခဲ့စဉ်က တရုတ်က ဒေါသတကြီး တုံ့ပြန်ခဲ့မှုကိုလည်း ပြန်နှိုးဆွလိုက်သလိုပါပဲ။
အာရှတိုက်ကို ဆုံချက်ထား စဉ်းစားလာတဲ့ အမေရိကန် ပေါ်လစီရှိလာသလို တဖက်ကလည်း အမေရိကန်အနေနဲ့ ဒီ ဒေသကို ပိုပြီးများများ ထိတွေ့ ဆက်ဆံမှုတွေ ပိုတိုးလုပ်ဖို့ကိစ္စ ဖြစ်ခဲ့တာလို့ အမေရိကန် အမျိုးသားလုံခြုံရေး လက်ထောက် အကြံပေးအရာရှိ ဘင်ဂျမင် ဂျေရိုဒ့်က ဆိုပါတယ်။
အရှေ့အလယ်ပိုင်း အာရပ်ကမ္ဘာက နိုးထလာခဲ့တာကြောင့် အမေရိကန်အနေနဲ့ အာရှကို အာရုံထားဖို့ မဟာဗျူဟာကလည်း မစ္စက် ကလင်တန်အတွက် အခုလို အောင်မြင်ဖို့ မျက်နှာသာ ရစေခဲ့ပါတယ်။
“နိုင်ငံခြားရေး ၀န်ကြီး ဟီလာရီ ကလင်တန်ဟာ ကမ္ဘာတလွှား အမေရိကန် နိုင်ငံခြားရေး ပေါ်လစီကို အကောင်းဘက် မျက်နှာ မူနိုင်အောင် အံ့မခန်း ပြောင်းလဲစေခဲ့တယ်” လို့ သမ္မတ ဂျော့ ဒဗလျူ ဘုရှ် အစိုးရလက်ထက်က လက်ထောက် နိုင်ငံခြားရေး ၀န်ကြီးလုပ်ခဲ့သူ ရစ်ချတ် အယ်လ် အာမီတေ့ဂ်ျ (Richard L. Armitage) က မှတ်ချက်ပေးပါတယ်။
ဂျွန်ဟော့ပ်ကင်း တက္ကသိုလ်မှာ လက်ရှိ တာဝန်ထမ်းဆောင်နေတဲ့ တချိန်က အာဖဂန်နဲ့ ပါကစ္စတန်နိုင်ငံဆိုင်ရာ နိုင်ငံခြားရေး ၀န်ကြီးဌာန အကြံပေးအရာရှိ Vali R. Nasr ကလည်း “ကလင်တန်ဟာ နောက်ကွယ်က မနေချင်ခဲ့ဘူး။ သူက ရှေ့မျက်နှာစာမှာ ဦးဆောင်ချင်ခဲ့တာ” လို့လည်း နယူးယောက်တိုင်းမ်ရဲ့ သုံးသပ်ချက်မှာ မှတ်ချက်ပြုသွားပါတယ်။
Ref: ဧရာဝတီ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88