ဝိမုတ္တိ

Friday, February 8, 2013

လက်ပံတောင်းတောင် သံဃာများ အရေပြားအစားထိုး ဆက်လက်ကုသ

ကွန်ချမ်း
ဖေဖေါ်ဝါရီလ ၀၇ ရက် ၂၀၁၃ ခုနှစ်

လက်ပံတောင်းတောင် အရေးအခင်း ဒဏ်ရာရ သံဃာများအနက် ထိုင်းနိုင်ငံတွင် ဆေးကုသမှု ခံယူနေသော ရှင်သဇ္ဇနသည် ဆေးရုံမှ မဆင်းနိုင်သေးကြောင်း ဆေးကုသရာသို့ အတူလိုက်ပါလာသည့် ဦးတေဇောသာရ က မိန့်သည်။

ထိုင်းနိုင်ငံတွင် ဒုတိယအကြိမ် ဆေးကုသမှု ခံယူနေသည့် ရှင်သဇ္ဇန သည် တနင်္လာနေ့တွင် အရေပြား ပြန်လည် အစားထိုးကုသမှု ခံယူရသည့်အတွက် ယခုလို ဆေးရုံမှ မဆင်းနိုင် သေးတာ ဖြစ်ကြောင်း ဦးတေဇာသာရမှ ရှင်းလင်း မိန့်ကြားခဲ့သည်။

မဏိပူရ သူပုန်အဖွဲ့မှ ၄၅ ဦးပါ အုပ်စုတစု ပြည်တော်ပြန်

နေမျိူး
ဖေဖေါ်ဝါရီလ ၀၇ ရက် ၂၀၁၃ ခုနှစ်

တမူးမြို့ နယ်အတွင်း လက်နက်ကိုင် အခြေချ နေထိုင်နေသည့် မဏိပူ သူပုန် အဖွဲ့များထဲမှ The United People's Party of Kangleipak (UPPK) အဖွဲ့သည် အိန္ဒိယ အစိုးရ နှင့် ဆက်သွယ်မှုရယူပြီး မြန်မာ- မဏိပူ နယ်စပ်
ဖြတ်ကျော်ကာ မိုးရေးမြို့သို့ ပြန်လည် ၀င်ရောက်လာကြောင်း ပြည်နယ်ထုတ် သတင်းစာများမှ သိရသည်။

ထိုအဖွဲ့အား မိုးရေးမြို့သို့ ပြန်လည်ဝင်ရောက်လာနိုင်ရေး မဏိပူပြည်နယ် ခရိုင်ရဲကွန်မန်ဒိုအဖွဲ့က မိုးရေးမြို့မှ စောင့်ဆိုင်းကူညီ ပေးခဲ့ကြောင်း ပြည်နယ်ထုတ် သတင်းစာများက ဖော်ပြသည်။

ဒဂုံအရှေ့မြေကွက်များနှင့် သီလဝါ မြေကွက်များ အရောင်းအ၀ယ်ပြန်လိုက်နေ

ခင်မျိူးသွယ်
ဖေဖေါ်ဝါရီလ ၀၇ ရက် ၂၀၁၃ ခုနှစ်

ရန်ကုန် အိမ်ခြံမြေ ဈေးကွက်အတွင်းရှိ ဒဂုံအရှေ့မြေကွက်များနှင့် သီလဝါ အထူးစီးပွားရေးဇုန်နှင့် ဆက်စပ်မြေကွက်များ အရောင်းအ၀ယ် ပြန်လိုက်လာကြောင်း ရန်ကုန်အိမ်ခြံမြေ အကျိူးဆောင်များ ထံကသိရသည်။

“ဇန်န၀ါရီလကုန်ပိုင်းနဲ့ ဖေဖော်ဝါရီ လဆန်းရက်တွေမှာ ဒဂုံအရှေ့ မြေကွက် ဝယ်ယူမှုများလာတာ တွေ့ရတယ်၊ ဈေးနှုန်းအနေနဲ့လည်း နည်းနည်း ကြွလာတယ်။ အမြင့်ဈေး တန်ဖိုးကြီး မိန်းလမ်းမတန်း မြေကွက်တွေထက် ကျပ်သိန်း ဆယ်ဂဏန်း မြေကွက်တွေပိုပြီး အရောင်းအဝယ်ဖြစ်နေတယ်” ဟု မဏ္ဍိုင် အိမ်ခြံမြေ အကျိူးဆောင် ကုမ္မဏီမှ ဦးသန်းဦးက ပြောသည်။

ကုလကိုယ်စားလှယ်နှင့် ဆွေးနွေးပြော ဆိုခွင့်မရသဖြင့် ကချင်လူထု ဝေဖန်

ဖနိဒါ
ဖေဖေါ်ဝါရီလ ၀၇ ရက် ၂၀၁၃ ခုနှစ်

ကုလသမဂ္ဂ အထူးကိုယ်စားလှယ် မစ္စတာ ဗီဂျေးနမ်ဘီယား ကချင်ပြည်နယ် မြစ်ကြီးနားမြို့သို့ ရောက်ရှိစဉ် ကချင်လူထုနှင့် ပြောဆိုခွင့် မရသဖြင့် ဒေသခံ လူထုက ဝေဖန်ပြော ဆိုနေကြသည်ဟု မြစ်ကြီးနားမြို့ခံ များက ပြောသည်။

ယခုလ ဖေဖော်ဝါရီလ ၅ ရက်နေ့က မစ္စတာ ဗီဂျေးနမ်ဘီယား၊ ပြည်ထောင်စု သမ္မတရုံးဝန်ကြီး ဦးစိုးသိန်း၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန ဝန်ကြီး ဦးခင်ရီတို့ မြစ်ကြီးနားမြို့နေ ဌာနဆိုင်ရာများနှင့် လူမှုအခြေပြု အဖွဲ့အစည်းတချို့ နှင့်တွေ့ဆုံခဲ့သော်လည်း မေးမြန်းခွင့် မရခဲ့ခြင်း ဖြစ်သည်။

နိုင်ငံရေး အကျဉ်းသား လုံးဝ မရှိတော့သည့် ရလဒ်သာဖြစ်သင့်

စောဇင်ညီ
ဖေဖေါ်ဝါရီလ ၀၇ ရက် ၂၀၁၃ ခုနှစ်

နိုင်ငံရေး အကျဉ်းသားများ စိစစ်ရေး ကော်မတီအား အစိုးရအဖွဲ့မှ ဖွဲ့စည်းခြင်း၏ ရလဒ်သည် မြန်မာနိုင်ငံ အကျဉ်းထောင်များထဲတွင် နိုင်ငံရေး အကျဉ်းသားများ လုံးဝ မရှိတော့ခြင်းသာ ဖြစ်သင့်ကြောင်း အမျိူးသားဒီမိုကရေစီ အဖွဲ့ချူပ် ပြောရေးဆိုခွင့်ရှိသူ ဦးဥာဏ်ဝင်းက ပြောသည်။

၎င်းက “ နိုင်ငံရေးကို ယုံကြည်ချက်နဲ့ လုပ်နေတဲ့သူက နိုင်ငံရေးသမားပေါ့။ မှတ်ပုံတင်တယ် မတင်ဘူး မရှိဘူး။ ဒါက ဥပဒေထဲမှာပဲရှိတယ်။ အဲဒီကော်မတီက နိုင်ငံရေးသမား အားလုံးလွတ်အောင် ဆောင်ရွက်နိုင်ရင် အကျိူးရှိတာပါပဲ ” ဟု မဇ္ဈိမ ကိုပြောသည်။

ကချင် စစ်မြေပြင် ခရီးတခေါက်

စနေလင်း
February 8, 2013

ရန်ကုန်ကနေ ရှမ်းပြည်နယ် လားရှိုးမြို့ မန်စီ အဝေးပြေးဝင်းကို ရောက်ခါနီးမှာ တရုတ် ဘာသာနဲ့ရေးထားတဲ့ ဆိုင်းဘုတ်တွေ အများကြီးကို တွေ့လာရတယ်။ မူဆယ်ကိုရောက် တော့လည်း မြန်မာဖုန်းသုံးတာ တော်တော်နည်းတာကို တွေ့ရတယ်။ ရှိသမျှလူတွေ အားလုံးလိုလို လက်ထဲမှာ တရုတ် ဖုန်းကို ကိုင်ထားကြတယ်။

မိန်းကလေးတွေလည်း ပါဝင်တဲ့ ကျနော်တို့ သတင်းသမားတွေရဲ့ ဇန်န၀ါရီလလယ်က ခရီးစဉ်ပါ။ တရုတ်-မြန်မာနယ်စပ် မူဆယ်မြို့ကနေ ကချင်ပြည်နယ်၊ နမ့်ခမ်းမြို့နယ်၊ မန်ဝိန်းကြီးမြို့ကို အရင်ဆုံး သွား။ အဲဒီကနေမှ တရုတ်နိုင်ငံဘက်ကိုဖြတ်၊ မိုင်ဂျာယန်မြို့ကိုဝင်၊ ပြီးမှ လိုင်ဇာမြို့ကို ဆက်သွား။ အဲဒီ အစီအစဉ်အတိုင်း ကချင် ဒေသ ရှေ့တန်း စစ်မျက်နှာရှိရာကို ခရီးထွက်တာပါ။

ရခိုင်ပြည်နယ် ပဋိပက္ခအတွင်း နောက်ကွယ်မှ မပါခဲ့ကြောင်း အစိုးရ ထုတ်ပြန်ပေးရန် MSF တောင်းဆို

စနေလင်း
February 8, 2013

ရခိုင်ပြည်နယ် ပဋိပက္ခဖြစ်စဉ်တွင် နယ်စည်းမခြား ဆရာဝန်များအဖွဲ့ (MSF/AZG) က မွတ်စလင်များဘက်မှ ပါဝင်ပက်သက်မှု မရှိခဲ့ကြောင်း လူသိရှင်ကြား ထုတ်ပြန်ပေးရန် အစိုးရထံ တောင်းဆိုလိုက်ကြောင်း သိရသည်။

ထိုဖြစ်စဉ်တွင် MSF အနေဖြင့် နောက်ကွယ်မှ ပါဝင်ပက်သက်ခဲ့သည်ဆိုသည့် ကောလာဟလ များကြောင့် ၎င်းတို့ အဖွဲ့အစည်းကို အစိုးရစစ်တပ်မှ လာရောက်ရှာဖွေသော်လည်း ဘာမှ မတွေ့ခဲ့သည်ကို အစိုးရ ဌာနဆိုင်ရာများက အသိအမှတ် ပြုပြီးဖြစ်ကြောင်း၊ သို့ရာတွင် ယနေ့အချိန်အထိ လူသိရှင်ကြား ထုတ်ပြန်ပေးမှု မရှိသေးကြောင်း MSF ၏ ညွှန်ကြားရေးမှူး မစ္စတာ Arjan Hehenkamp က ဖေဖော်ဝါရီ ၈ ရက်နေ့က ကျင်းပသည့် သတင်းစာရှင်းလင်းပွဲတွင် ပြောသည်။

“ကောလာဟလတွေ ပေါ်မှာပဲ မူတည်ပြီးတော့ မဆုံးဖြတ်ပါနဲ့လို့ ပြောချင်ပါတယ်။ အဲဒီ ကောလာဟလပေါ်မှာ မူတည် ဆုံးဖြတ်တဲ့ အတွက်ကြောင့် ရှာဖွေခံရတဲ့ အဆင့်အထိ ရောက် ခဲ့ပါတယ်။ အဲဒါကြောင့် အများကြီး ထိခိုက်နစ်နာပါတယ်” ဟု ၎င်းက ဆိုသည်။

MSF သည် ကျန်းမာရေး စောင့်ရှောက်မှု ကိစ္စကိုသာ ဦးတည်လုပ်ဆောင်ခဲ့ပြီး ကျူးကျော်ဝင်ရောက်ခြင်း ကိစ္စ၊ ဘာသာရေး ကိစ္စ၊ နိုင်ငံရေးကိစ္စ များအပေါ် စိတ်ဝင်စားခြင်းမရှိကြောင်း သူက ဆက်ပြောသည်။

ယခု ဖြစ်ပျက်မှုများတွင် မည်သူမှားသည်၊ မည်သူမှန်သည်ကို မသုံးသပ်လိုကြောင်း၊ ၎င်းတို့သည် မည်သည့်လူမျိုးကိုမဆို ကူညီပေးနေသည် ဆိုသော အမြင်များဖြင့် သုံးသပ်ပေးရန် အတွက် အစိုးရနှင့် ဒေသတွင်း လူထုကို မစ္စတာ Arjan Hehenkamp က တိုက်တွန်း လိုက်သည်။

MSF အဖွဲ့သည် ရခိုင်ဒေသတွင်သာ မကဘဲ တခြားသော ပဋိပက္ခဖြစ်ပျက်နေသော နေရာများတွင်လည်း အလုပ်လုပ်နေသော အဖွဲ့ဖြစ်ပြီး ထိုသို့ ပဋိပက္ခ ဖြစ်စဉ်တွင် အနည်းအကျဉ်းမျှ ပါဝင်ပက်သက်ခဲ့လျှင်လည်း ညွှန်ကြားရေးမှူး တဦးအနေဖြင့် အရင်ဦးဆုံး ကိုင်တွယ် ဖြေရှင်းသွားမည်ဖြစ်ကြောင်း ၎င်းက ဆိုသည်။

ယခုလက်ရှိ အချိန်တွင် MSF ကို ရခိုင်လူထုအနေဖြင့် လက်မခံနိုင်ခြင်းမှာ ဖြစ်ပွားခဲ့သော ပဋိပက္ခ၏ သဘောသဘာဝ များကြောင့် ဖြစ်နိုင်ကြောင်း၊ MSF တွင် တာဝန်ထမ်းဆောင် ခဲ့သည့် နှစ် ၂၀ ကာလအတွင်း ယခုကဲ့သို့ လူမျိုးစု ၂ စုအကြား ကြားညပ်ခံရသည့် ဖြစ်ရပ် မတွေ့ကြုံခဲ့ဖူးကြောင်း သူက ဆိုသည်။

“ကျနော်တို့ရဲ့ မြန်မာနိုင်ငံသား ဆရာဝန်တွေဟာ ဆေးကုသမှု လိုအပ်ချက်ပေါ်မှာ မူတည်ပြီးတော့ ကုသပေးနေတာ၊ ကျန်တဲ့အပေါ်မှာ ခွဲခြားဆက်ဆံတယ်လို့ ပြောခဲ့ရင် ငြင်းဆိုမှာပါ။ ဒါပေမယ့် သေချာတာ တခုကတော့ လူမျိုးစု ၂ ခု အတွင်းမှာ လူမျိုးစုတစုကနေ နောက်တစုကို မြင်တဲ့အမြင်ကြောင့် ကျနော်တို့ရဲ့လုပ်ငန်းအပေါ်မှာ လာထိခိုက်မှု ရှိတာတော့ အမှန်ပါပဲ” ဟု ၎င်းက ဆက်ပြောသည်။

လူမျိုးစု ၁ စုကို ကူညီသည့် အတွက်ကြောင့် နောက်လူမျိုးစုက အမြင်မကြည်လင် မှုများသည် ယခုကဲ့သို့ ပြဿနာ မဖြစ်ခင်ကတည်းက ရှိနေပြီးသား ဖြစ်ကြောင်း၊ ထို့အပြင် ယခု ဖြစ်စဉ်၌ ၎င်းတို့အဖွဲ့အစည်းမှ ၀န်ထမ်းတချို့သည် လက်နက်ကိစ္စနှင့် ပတ်သက်၍ ပါဝင်ပက်သက်မှုများ ရှိသည်ဟု စွပ်စွဲမှုများ ရှိနေသည်ကိုလည်း သူက ငြင်းဆန်ကြောင်း Arjan Hehenkamp က ဆိုသည်။

MSF အဖွဲ့သည် မြန်မာနိုင်ငံတွင် အလုပ်လုပ်ကိုင် နေသည်မှာ နှစ်ပေါင်း ၂၀ ကျော်ခဲ့ပြီ ဖြစ်ကြောင်း၊ မြန်မာနိုင်ငံ အနှံ့အပြား တွင် ပုံစံမျိုးစုံဖြင့် အလုပ်လုပ်ပေးနေသည့် အဖွဲ့အစည်း တခုဖြစ်ကြောင်း၊ နှစ်ရှည် ကျန်းမာရေး ၀န်ဆောင်မှုပေးသော အဖွဲ့စည်းတခုဖြစ်သကဲ့သို့ အရေးပေါ် ကျန်းမာရေး ၀န်ဆောင်မှုများကိုလည်း လုပ်ပေးနေကြောင်း MSF အဖွဲ့၏ မြန်မာနိုင်ငံ ဌာနေ ကိုယ်စားလှယ် မစ္စတာ Perer Paul de Groote က ရှင်းပြသည်။

MSF အဖွဲ့၏ အကြီးမားဆုံး စီမံကိန်းသည် HIV နှင့် တီဘီရောဂါ ဝေဒနာရှင်များကို ၀န်ဆောင်မှု ပေးသော လုပ်ငန်းဖြစ်ပြီး မြန်မာနိုင်ငံတွင် HIV လူနာများမှ လူ ၅ သောင်းမျှ ဆေးဝါးကုသမှု ကုထုံးရရှိနေပြီး MSF အဖွဲ့မှ လူ ၃ သောင်းကို ကုသမှု ပေးထားကြောင်း သိရသည်။ တီဘီ လူနာများအတွက် နှစ်စဉ် လူ ၃ ထောင်ကို ကုသမှုပေးနေကြောင်း၊ အဆိုပါ လူနာ များသည် HIV နှင့် ယှဉ်တွဲကာ ဝေဒနာ ခံစားနေသော လူနာများဖြစ်ကြောင်း သိရသည်။

“ကျနော်တုိ့ နောက်ထပ် တိုးချဲ့ကုသပေးနေတာက ဆေးယဉ်ပါးနေတဲ့ တီဘီ လူနာတွေအတွက် ကုထုံးတွေ ထပ်ပေး နေပါတယ်။ မကြာခင်ကမှ အစိုးရကလည်း ကချင်ဒေသမှာ ရွှေ့ပြောင်းဒုက္ခသည်တွေအတွက် အကူညီပေးလို့ ရတယ်လို့ ပြောတဲ့အတွက် ကျနော်တို့ အဲဒီဒေသခံတွေကို အကူအညီတွေ ပေးနိုင်လိမ့်မယ်လို့ ထင်ပါတယ်” ဟု မစ္စတာ Perer ပြောသည်။

ရခိုင်ပြည်နယ်တွင် MSF အဖွဲ့၌ တာဝန်ထမ်းဆောင်နေသော ၀န်ထမ်းများကို ကျန်းမာရေး စောင့်ရှောက်မှုလုပ်ငန်းများ ချောမောစွာ ဆောင်ရွက်မရအောင် လူတချို့က ခြိမ်းခြောက် နှောင့်ယှက်မှုများနှင့် တွေ့ကြုံနေရကြောင်း၊ အရေးပေါ် ကျန်းမာရေး စောင့်ရှောက်ရန်လိုအပ်သော လူနာများကို ပြည်သူ့ဆေးရုံသို့ လွှဲပြောင်းပေးရာတွင်လည်း အခက်အခဲများ တွေ့ကြုံ နေရပြီး အချိန်မီ မရောက်ရှိသောကြောင့် အသက်ဆုံးရှုံးမှုများရှိနေကြောင်း MSF အဖွဲ့က သတင်းထုတ်ပြန် ထားသည်။

၎င်းတို့ အဖွဲ့ရောက်ရှိခဲ့သော ဒုက္ခသည်စခန်းများတွင် အာဟာရချို့တဲ့မှု ပြင်းထန်သော ကလေးငယ်များကို တွေ့ရှိခဲ့ရပြီး အရေပြားရောဂါ၊ နာတာရှည် ချောင်းဆိုးရောဂါ၊ သန်ထခြင်း၊ အသက်ရှုလမ်းကြောင်း ဆိုင်ရာ ရောဂါနှင့် ၀မ်းပျက် ၀မ်းလျောရောဂါများ ဖြစ်ပွားနေသည်ကိုတွေ့ရကြောင်း အဆိုပါ ထုတ်ပြန်ချက်တွင်ပါဝင်သည်။

MSF အနေဖြင့် ပွင့်လင်းမြင်သာမှုရှိရှိဖြင့် မည်သူ့ကိုမဆို ၎င်းတို့နှင့် လာရောက် စကားပြောရန် ကြိုဆိုထားကြောင်း၊ ရခိုင်လူထု အနေဖြင့် ယင်းတို့ကို ပြန်လည်လက်ခံရန်အတွက် သက်ဆိုင်ရာ အစိုးရအဖွဲ့၊ ဘာသာရေး ခေါင်းဆောင်များထံတွင် အကြံဉာဏ်များ ရယူခဲ့ကြောင်း Arjan Hehenkamp ကပြောသည်။

“ဒီကိစ္စနဲ့ ပက်သက်ပြီး ရခိုင်ပြည်နယ် ၀န်ကြီးချုပ်နဲ့လည်း စကားပြောဖြစ်ပါတယ်။ ရဟန်းပျိုအဖွဲ့ တွေနဲ့လည်း စကား ပြောဖြစ်ပါတယ်။ သူတို့က ဘယ်လိုအကြံဉာဏ်ရလဲ ဆိုရင် အရင်ဦးဆုံး စပြီးတော့ ညင်ညင်သာသာနဲ့ အလုပ်လုပ်ပါ၊ တစ်ခုခုမလုပ်ခင် တိုင်ပင်ပါ၊ သူတို့ကိုမေးမြန်းပါ၊ ပြဿနာ ဖြစ်နိုင်တဲ့ အဖွဲ့အစည်းတချို့၊ လူတချို့နဲ့ စကားပြောနိုင်တဲ့ ပုံစံမျိုး လုပ်ပါလို့ အကြံပေးပါတယ်” ဟု ၎င်းက ဆိုသည်။

Ref: ဧရာဝတီ

ပြည်ကြီးမင်္ဂလာ ကားဂိတ် ပြောင်းရွှေ့ရေး ညှိမရလျှင် ကုန်တင်ကုန်ချ ရပ်ထားမည်

ရန်ပိုင်
February 8, 2013

မန္တလေး ကျွဲဆည်ကန်မှ အဝေးပြေး ကုန်တင်ကားဂိတ်များကို ပြည်ကြီးမင်္ဂလာ (စွယ်တော်) ကုန်တင် ယာဉ်ရပ်နား စခန်းသစ်အသစ်သို့ ပြောင်းရွေ့ရေး စည်ပင်သာရေး ကော်မတီနှင့် ညှိနှိုင်း၍ မအောင်မြင်လျှင် လုပ်ငန်းရှင်များက ကုန်တင်ကုန်ချ လုပ်ငန်းများ ရပ်ဆိုင်းမည်ဖြစ်ရာ ကုန်စည်စီးဆင်းရေး အခက်အခဲများ ဖြစ်လာနိုင်ကြောင်း သိရသည်။

မန္တလေး စည်ပင်သာယာရေး ကော်မတီက ကျွဲဆည်ကန်မှ ကားဂိတ်များ ပြည်ကြီးမင်္ဂလာ ကားကွင်းသစ်သို့ ပြောင်းရွေ့ရေး လာမည့် ဖေဖော်ဝါရီလ ၁၆ ရက်နေ့ နောက်ဆုံးထား ဆောင်ရွက်ရန်နှင့် မပြောင်းရွေ့ပါက စည်ပင်သာယာရေး အက်ဥပဒေနှင့် အရေးယူမည်ဖြစ်ကြောင်း သတိပေးချက် ထုတ်ပြန်ထားသည်။

ထို့အတွက် ပြီးခဲ့သည့် ဖေဖော်ဝါရီလ ၃ ရက်နေ့က အဝေးပြေး ကုန်စည်ပို့ဆောင်မှု လုပ်ငန်းရှင်များအသင်း အစည်းအဝေးပြုလုပ်ကာ အသင်းအနေဖြင့် စည်ပင်သာယာရေး ကော်မတီနှင့် ညှိနှိုင်းမှုများ ပြုလုပ်ဦးမည် ဖြစ်သော်လည်း သဘောတူညီမှုမရပါက ကုန်တင်ကုန်ချ လုပ်ငန်းများကို ရပ်ဆိုင်းရန်၊ သမ္မတ အပါအ၀င် လွှတ်တော် နှစ်ရပ်မှ ဥက္ကဌများ၊ ဥပဒေအဖွဲ့များထံ ဆက်လက် တင်ပြသွားရန် ဆုံးဖြတ်ခဲ့ခြင်း ဖြစ်သည်ဟု သိရသည်။

မန္တလေး အဝေးပြေး ကုန်စည်ပို့ဆောင်မှု လုပ်ငန်းရှင်များအသင်း ဒုဥက္ကဋ္ဌ ဦးဝင်းမြင့်က “ဂိတ်တွေကားကွင်း အသစ်မှာလည်း ၀ယ်ပြီးသား၊ ငှားပြီးသား မရှိကြဘူး။ မပြောင်းရင်လည်း အရေးယူခံရမယ်ဆိုတော့ အားလုံးက လုပ်ငန်းရပ်ဖို့ ဆုံးဖြတ်လိုက်တာပါ” ဟု ဧရာဝတီသို့ ပြောသည်။

မန္တလေး စည်ပင်သာယာရေး ကော်မတီက အသစ်ပြောင်းရွေ့ရမည့် ပြည်ကြီးမင်္ဂလာ ကားကွင်းမှ အဆောက်အဦးများကို တခန်းလျှင် သိန်း ၁၃၅၀ နှင့် သိန်း ၇၀၀ ကျပ်ဟု အသီးသီး သတ်မှတ်ထားသည်။

ကုန်တင်ကုန်ချ ကားဂိတ်လုပ်ငန်းရှင်များ အနေဖြင့် ၀ယ်ယူရန် မတတ်နိုင်ကြောင်း၊ တခန်းလျှင် တလ ကျပ် ၁သိန်း ခွဲဖြင့် ငှားရမ်းနိုင်ရန် စည်ပင်သာယာရေး ကော်မတီထံ တင်ပြဆွေးနွေးသွားမည်ဖြစ်ကြောင်း ဦးဝင်းမြင့်က ပြောသည်။

ထိုကားကြီးကွင်း ပြောင်းရွေးရေး အငြင်းပွားနေမှုကို ညှိနှိုင်းရန် မန္တလေး စည်ပင်သာယာရေး ကော်မတီက မြို့ခံ လုပ်ငန်းရှင် ၅ ဦးကို အကြံပေးအဖွဲ့အဖြစ် ဖွဲ့စည်းပြီး အဝေးပြေး ကုန်စည်ပို့ဆောင်မှု လုပ်ငန်းရှင်များနှင့် လတ်တလော ဆွေးနွေးလျက်ရှိကြောင်း သိရသည်။

မြန်မာနိုင်ငံ၏ အလယ်ဗဟိုချက်တွင် ရှိသည့် မန္တလေးမြို့သည် လမ်းပန်းဆက်သွယ်ရေး၊ ကုန်စည်ဖြန့်ဖြူးရေးတွင် အရေးပါသည်မြို့ တမြို့ဖြစ်ပြီး ရှမ်းပြည်တောင်ပိုင်းနှင့် မြောက်ပိုင်း၊ ကချင် ပြည်နယ်၊ ချင်းပြည်နယ်၊ စစ်ကိုင်းတိုင်း၊ ရန်ကုန်တိုင်း၊ ပဲခူးတိုင်းတို့နှင့်လည်း ဆက်သွယ်မှုရှိသည်။

လက်ရှိ အနေအထားအရ မန္တလေးသို့ စီးဆင်းနေသည့် ကုန်စည်တန်ချိန်မှာ တနေ့လျှင် တန်ချိန် ၂ သောင်းခန့်ရှိရာ ကုန်တင်ကုန်ချ လုပ်ငန်းများ ရပ်ဆိုင်းပါက စားသောက်ကုန်၊ လူသုံးကုန်များ ပြတ်တောက်နိုင်ကြောင်း၊ ထို့အတွက် ကုန်ဈေးနှုန်းများ မြင့်တက်လာလျှင် မန္တလေးမြို့သာမက တခြားသော မြို့များကိုပါ ထိခိုက်နိုင်ကြောင်း အဝေးပြေး ကုန်စည်ပို့ဆောင်မှု လုပ်ငန်းရှင်များအသင်းထံမှ သိရသည်။

ထို့အပြင် ကုန်တင်ကားကြီးကွင်းကို မှီခိုပြီး လုပ်ကိုင်နေသည့် ကားပစ္စည်း ရောင်းဝယ်ရေး၊ စက်သုံးဆီ ရောင်းဝယ်ရေး၊ စားသောက်ကုန်၊ လူသုံးကုန် ရောင်းဝယ်ရေးမှာလည်း ထိခိုက်လာနိုင်သည်ဟု သိရှိရသည်။

မန္တလေးမြို့မှ ပွဲစား၊ ကုန်သည်၊ စက်ပိုင်များအသင်း၏ အတွင်းရေးမှူး ဦးချွန်က ယခုကဲ့သို့ မန္တလေး စည်ပင်သာယာနှင့် အဝေးပြေး ကုန်စည်ပို့ဆောင်မှု လုပ်ငန်းရှင်များအကြား ဖြစ်ပွားနေသည့် ကားကွင်းအသစ် ပြောင်းရွေ့ရေး ပြဿနာမှာ ဖြေရှင်းနိုင်မည်ဟု ထင်ကြောင်း၊ ကုန်စည်စီးဆင်းမှုတွင် အနှောက်အယှက် ဖြစ်ပေါ်ခဲ့လျှင် ဈေးနှုန်း ကြီးမြင့်မှုများ ဖြစ်ပေါ်လာပြီး စားသုံးသူများကို ထိခိုက်လာနိုင်သည့်အတွက် ကားဂိတ် လုပ်ငန်းရှင်များ အနေဖြင့်လည်း ကုန်စည်သယ်ယူ ပို့ဆောင်ရေးကို လုံးဝဥဿုံ ရပ်တန့်လိမ့်မည်ဟု မယုံကြည်ကြောင်း သုံးသပ်ပြောဆိုသည်။

မန္တလေးမြို့ စည်ပင်သာယာရေး ကော်မတီက မြို့တွင်းယာဉ်ကြော ပိတ်ဆို့ခြင်း၊ ပွင့်လင်းလာမည် အာဆီယံ-တရုတ် ကုန်သွယ်ရေး လမ်းကြောင်းအတွက် အရေးပါခြင်းတို့ကြောင့် ပြည်ကြီးမင်္ဂလာ ကုန်တင်ကုန်ချ ယာဉ်များ ရပ်နားစခန်းသစ်ကို ၂၀၀၉ ခုနှစ်က မန္တလေးမြို့နှင့် ၁၄ မိုင်ခန့်ဝေးသည့် မန္တလေး-လားရှိုး ကားလမ်းဘေး စွယ်တော် ဘုရားအနီးတွင် တည်ဆောက်ခဲ့ခြင်း ဖြစ်သည်။

၁၉၉၂ ခုနှစ် စစ်အစိုးရ လက်ထက်ကလည်း ကုန်တင်ကုန်ချနှင့် အဝေးပြေးကားများကို ယာဉ်ကြောပိတ်ဆို့သည်ဟု ဆိုကာ ရတနာပုံရပ်မှ ကျွဲဆည်ကန်သို့ ပြောင်းရွေ့စေခဲ့သေးသည်။
ယခုအခါ ကျွဲဆည်ကန် ကားကွင်းတွင် ကားဂိတ်ပေါင်း ၆၈ ဂိတ်ရှိပြီး တခြားသော ဈေးဆိုင်ခန်းများနှင့် ပွဲရုံများလည်း ရှိသည်။

Ref: ဧရာဝတီ

“ရှမ်းပြည်နယ်နေ့” အခမ်းအနားကို အနှစ် ၂၀ ကျော်အတွင်း တရားဝင် ကျင်းပခွင့်ရရှိ

နန်းဆိုင်နွမ်
February 7, 2013

ယနေ့ကျရောက်သည့် ၆၆ နှစ်မြောက် ရှမ်းပြည်နယ်နေ့ အခမ်းအနားကို မြန်မာပြည်အနှံ့ တရားဝင် ကျင်းပခွင့် ပြုလိုက်သည်ဟု သိရသည်။

ယခင်က “ရှမ်းပြည်နယ်နေ့ အခမ်းအနား” ဟု သုံးစွဲခွင့် မပြုခဲ့ဘဲ “ရှမ်းပြည်နယ် တိုင်းရင်းသားပေါင်းစုံ ပဒေသာကပွဲ အခမ်းအနားနှင့် အစားအစာ ဈေးရောင်းပွဲတော်နေ့” ဟူ၍သာ ရန်ကုန်ရှိ ၉ မိုင် ရှမ်းကျောင်းတွင် ကျင်းပခဲ့ရကြောင်း၊ အနှစ် ၂၀ တွင် ပထမဆုံး အဖြစ် ယခုနှစ်တွင် တရားဝင် ကျင်းပခွင့် ပြုခြင်းဖြစ်ကြောင်း ရှမ်းအမျိုးသား ဒီမိုကရေစီ အဖွဲ့ချုပ် (SNLD) ပါတီမှ ပြောရေးဆိုခွင့် ရှိသူ ဦးစိုင်းလိတ်က ဧရာဝတီသို့ ပြောသည်။

“အခုလို တရားဝင် ကျင်းပခွင့် ရလိုက်တာကြောင့် ရှမ်း တိုင်းရင်းသားတွေ ကိုယ်ပိုင် ရပိုင်ခွင့် အခွင့်အလမ်းတွေ ရလာပြီလို့ ထင်ပါတယ်။ အရင်ကတော့ ရှမ်းပြည်နယ်နေ့၊ ရှမ်း အမျိုးသားနေ့ ဆိုပြီး မသုံးတာဘဲ ရှိပါတယ်။ နှစ်စဉ် နှစ်တိုင်းတော့ လုပ်ခဲ့ပါတယ်” ဟု ဦးစိုင်းလိတ်က ဆိုသည်။

ရှမ်း တိုင်းရင်းသားများ၏ ရှမ်းရိုးရာ အစားအစာများ၊ ရိုးရာ အ၀တ်အထည်များ၊ ရှမ်းစာပေနှင့် ရေးသားထားသည့် စာအုပ် များကိုလည်း ရှမ်းစာပေနှင့် ယဉ်ကျေးမှုအဖွဲ့က ရောင်း ချပေးလျက်ရှိပြီး ရန်ကုန်တိုင်းအတွင်း နေရာဒေသ အသီးသီးတွင် နေထိုင်ကြသည့် ရှမ်း၊ ပအိုဝ်း၊ ပလောင်၊ ဓနု စသည့် တိုင်းရင်းသား တို့သည်လည်း တွေ့ဆုံပွဲများ၊ ပဒေသာ ကပွဲများကို ရန်ကုန်မြို့ရှိ အမျိုးသား ကဇာတ်ရုံတွင် ကျင်းပကြောင်းသိရသည်။

ရှမ်းပြည်နယ်မြောက်ပိုင်း မူဆယ်မြို့နယ်မှ ရှမ်းအမျိုးသား ဦးစိုင်းလှိုင်းက “နှစ် ၂၀ ကျော်မှာ ဒီနှစ် ပထမဆုံး လွတ်လွတ် လပ်လပ် ကျင်းပခွင့်ရတဲ့အတွက် အရမ်း ၀မ်းသာတယ်။ ပြီးတော့ ရှမ်းလူမျိုးတွေ အထွဋ်အမြတ်ထားတဲ့ ရှမ်းအလံကိုပါ မူဆယ် တလမ်းလုံး စိုက်ထူခွင့်ရတယ်” ဟု ဧရာဝတီသို့ ပြောသည်။

မူဆယ်မြို့တွင် ပွဲလုပ်ခွင့် ၁၀ နှစ် ကျော်ပိတ်ထားသည့် ရွှေသမင် ဘုရားကျောင်းကွင်း၌လည်း ပွဲလုပ်ခွင့်ပေးထားကြောင်း၊ ရှမ်းပြည်နယ်နေ့ ပွဲသည် ရှမ်းတိုင်းရင်းသားများ၏ နေ့ထူးနေ့မြတ်ပွဲ ဖြစ်သည့်အတွက် ကျေးရွာ တချို့မှ လမ်းလျှောက်ချီတက် ဆင်နွှဲကြကြောင်း၊ ရှမ်းရိုးရာ ဈေးရောင်းပွဲတော်များ၊ ရှမ်းအကများ ရှမ်း တေးသီချင်းများဖြင့် လည်း ဖြေဖျော်ကာ ညနေ ၆ နာရီအထိ ကျင်းပသွားမည်ဖြစ်ကြောင်း သိရသည်။

“စယ်လန့်က လူ ၅၀ ကျော်လောက် မူဆယ်မှာ ကျင်းပတဲ့ ရှမ်းပြည်နယ်နေ့ပွဲကို လမ်းလျှောက်ပြီးလာတယ်။ အသက် ၁၅ နှစ်အရွယ်ကနေ အသက် ၆၅ နှစ်အရွယ် လူကြီးတွေအထိ ပါတယ်။ မနက် ၅ နာရီ စယ်လန့်ကနေ ထွက်လာပြီး မူဆယ်ကို ၆ နာရီခွဲ လောက်ရောက်တယ်” ဟု မူဆယ်ဒေသခံ ဦးစိုင်းလှိုင်းက ဆိုသည်။

ရှမ်းပြည်နယ် မြောက်ပိုင်း နမ့်ခမ်းတွင်လည်း ရိုးလယ် ဘုရားနှင့် လွတ်လပ်ရေး ကျောက်တိုင် အနီးရှိ ပန်ပွဲကွင်းတွင် ကျင်းပမည် ဖြစ်ပြီး ထူးခြားမှုမှာ ကျားအက၊ စကားရည်လုပွဲ၊ ရှမ်းရိုးရာ အကပေါင်းစုံ၊ သဘာဝ ဘေးအန္တရာယ်နှင့် ကျန်းမာရေး ဟောပြောပွဲနှင့် ပြခန်း၊ ရှမ်းပြည်သမိုင်းနှင့် အစားအစာ ဆွေးနွေးခန်းတို့လည်း ပါဝင်မည်ဟု နမ့်ခမ်း ဒေသခံ ရှမ်းအမျိုးသား တဦးက ဆိုသည်။

ရှမ်းပြည်နယ်နေ့ကို ရှမ်းတိုင်းရင်းသားများ လွတ်လပ်စွာ ကျင်းပခွင့် ပြုသည့်အတွက် ရှမ်းတိုင်းရင်းသားများ အလွန် ပျော်ရွှင် နေကြကြောင်း၊ နှစ်စဉ် ကျင်းပနိုင်ရန် မျှော်လင့်ကြကြောင်း၊ ရှမ်းတိုင်းရင်းသားများ နည်းတူ တခြားတိုင်းရင်းသား များလည်း ၎င်းတို့၏ ပြည်နယ်နေ့ အခမ်းအနား များကိုကျင်းပနိုင်မည်ဟု မျှော်လင့်ကြောင်း ရှမ်းတိုင်းရင်းသားများက ဆိုသည်။

Ref: ဧရာဝတီ

မြန်မာပြည် လာမယ့်သူ တရုတ်အစိုးရ ပေးမထွက်

February 7, 2013

ရန်ကုန်လာပြီး မြန်မာ့ဒီမိုကရေစီ ခေါင်းဆောင် ဒေါ်အောင်ဆန်း စုကြည်နှင့် တွေ့ဆုံရန် ကြိုးပမ်းမည့် တရုတ်လူငယ် တဦးကို တရုတ် အစိုးရက နိုင်ငံ အပြင်ဘက် ပေးမထွက်ခဲ့ကြောင်း သတင်းရရှိသည်။

ဖေဖော်ဝါရီ ၆ ရက် မနက်တွင် တရုတ်ပြည် တောင်ပိုင်း ဂွမ်ဇူး (ယခင်အခေါ် ကန်တုံ) မြို့ လေဆိပ်တွင် ဝမ်ဇွန်ရှ အမည်ရှိ လူငယ်ကို တရုတ် အရာရှိများက ရန်ကုန်သို့ ထွက်ခွာမည့် လေယာဉ်ပေါ် မတက်မီ တားဆီးခဲ့ပြီး တနာရီခန့် စစ်ဆေးမေးမြန်းခဲ့ကြောင်း၊ တိုင်းပြည်မှ ထွက်ခွာခွင့် မပြုနိုင်ကြောင်း အဆိုပါ လူငယ်ကို တာဝန်ရှိသူများက ပြောဆိုခဲ့ပြီး လူငယ် နေထိုင်ရာ ဘီဂျင်းရှိ ပြည်သူ့လုံခြုံရေးဌာနသို့ လွှဲပြောင်းပို့ဆောင်ပေးခဲ့ကြောင်း သိရှိရသည်။

“ကျနော်တို့ မြန်မာနိုင်ငံသွားပြီး ဒေါ်အောင်ဆန်းစုကြည်နဲ့ တွေ့ဖို့ လုပ်ခဲ့တယ်။ သူ လွှတ်တော် အမတ်အဖြစ် ရွေးကောက် တင်မြှောက်ခံရ အပြီးမှာတော့ ကျနော်တို့ သွားတွေ့လို့ ဘာ ပြဿနာမှ မရှိတော့ဘူးလို့ ထင်ခဲ့တာပေါ့” ဟု ဝမ်ဇွန်ရှက ဟောင်ကောင်ရှိ ဧရာဝတီ သတင်းထောက်ကို ပြောဆိုသည်။ “ဘီဂျင်းက ပြည်သူ့လုံခြုံရေးဌာနရဲ့ အမိန့်ကြောင့် တိုင်းပြည်က ထွက်ခွာခွင့် မပေးနိုင်ဘူးလို့ ကျနော့်ကို ပြောပါတယ်။ စာရွက်စာတမ်း အထောက်အထားပြဖို့ ပြောတော့ ငြင်းတယ်” ဟုလည်း ဝန်ဇွန်ရှက ဆိုသည်။

အသက် ၂၈ နှစ်အရွယ်ရှီ ဝမ်ဇွန်ရှသည် မြန်မာပြည်တွင် တရုတ်နှစ်သစ်ကူးကာလ ၉ ရက်ကြာ နေထိုင်ရန်ရှိပြီး တရုတ်ပြည်သို့ အပြန် လေယာဉ်လက်မှတ်လည်း ဝယ်ထားပြီး ဖြစ်သည်။

မြန်မာ ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာန၏ အဆိုအရ ယမန်နှစ်က မြန်မာနိုင်ငံသို့ လာသော တရုတ်နိုင်ငံသား ၇၀၈၀၀ ဦးရှိကြောင်း သိရသည်။ အမှန်တကယ် ဝင်ရောက်လာသော တရုတ်နိုင်ငံသားဦးရေ ပိုများနိုင်သည်။ ရွှေလီနယ်ခြားစောင့်တပ်ဖွဲ့က ကြေညာသည်မှာ မနှစ်က နယ်ခြားဖြတ်ကျော်သူ ၁၂ သန်းကို မှတ်တမ်းယူခဲ့သည်ဟု ဆိုသည်။

“ခေါင်းဆောင်မှုသစ်၊ ရာသီသစ်” ဟု မတ်လတွင် ကျင်းပခဲ့သော တရုတ်ပြည်သူ့ကွန်ဂရက်က ချမှတ်ခဲ့သော နိုင်ငံရေးပေါ်လစီနှင့် ရွေးချယ်တင်မြှောက်ခဲ့သော ကွန်မြူနစ်ပါတီ ခေါင်း ဆောင်များကို ရည်ညွှန်းပြီး နာမည်ကျော် အနုပညာရှင်လည်းဖြစ် ဝမ်ဇွန်ရှ၏ မိတ်ဆွေလည်းဖြစ်သူ အိုင်းဝေဝေက အထက်ဖော်ပြပါ အဖြစ်အပျက်အပေါ် ရွဲ့ပြီး သူ၏ တွီတာတွင် ရေးသားမှတ်ချက်ပြုသည်။

လွန်ခဲ့သော ငါးနှစ်က ဝမ်ဇွန်ရှသည် ယခုအခါ အကျဉ်းချခံနေရသော တရုတ် နိုဘဲလ်ငြိမ်းချမ်းရေးဆုရှင် လျှူရှောက်ဘို ဦးစီးရေးသားသော “ချာတာ ၀၈” ကြေညာစာတမ်းတွင် လက်မှတ်ရေးထိုးသူ တဦး ဖြစ်သည်။ ယင်းကြေညာစာတမ်းသည် တရုတ်ပြည်တွင် ဒီမိုကရေစီ၊ ဖွဲ့စည်းပုံအခြေခံဥပဒေအရ အုပ်ချုပ်ရေး၊ လူ့အခွင့်အရေးတို့ ထွန်းကားရေးကို တောင်းဆိုထားပြီး တရုတ် ပညာတတ် ရာပေါင်းများစွာ လက်မှတ်ရေးထိုးခဲ့သည်။

စီးပွားရေးပညာဖြင့် ဘွဲ့ရထားသော ဝမ်ဇွန်ရှသည် “ချာတာ ၀၈”ကို ပြန့်ပွားရေး တီရှပ်များ ရိုက်နှိပ်ဖြန့်ချိခဲ့ဖူးပြီး လျှူရှောက်ဘိုကို တရားရုံးတင် စစ်ဆေးသောအချိန်က အကျယ် ချုပ်ခံခဲ့ရသည်။

မြန်မာပြည် မသွားရန် ပိတ်ပင်ခံခဲ့ရမှုနှင့် ပတ်သက်ပြီး ဝမ်ဇွန်ရှက “တရုတ်တွေ အမေရိကား သွားလို့ရတယ်။ ဒါပေမယ့် ကျနော့်လို တရုတ်ကျ မြန်မာပြည်တောင် သွားမရဘူး။ စိတ်ပျက်စရာပါ” ဟုလည်း ပြောဆိုသွားခဲ့သည်။

Ref: ဧရာဝတီ

Thursday, February 7, 2013

နမ့်ဆန်မြို့နယ်တွင် ကားလမ်း တိုးချဲ့ဖောက်လုပ်မှုကြောင့် ပလောင်လူထုနေအိမ်များ ဖျက်ဆီးခံရ

6 February 2013--
ဖိုးခွါးလေး

သျှမ်းပြည်မြောက်ပိုင်း ကျောက်မဲခရိုင်၊ နမ့်ဆန်မြို့နယ်အတွင်းရှိ ဒေသဖွံ့ဖြိုးရေးအတွက် အောင်ဇမ္မူ သီဟ ကုမ္ပဏီနှင့် ရွှေဖူးကြော် ကုမ္ပဏီတို့မှ နွေရာသီ ကားလမ်းတိုးချဲ့ မွမ်းမံမှု ကြောင့် ပလောင် (တအာင်း)ဒေသခံလူထုများ၏ အိမ်နှင့် စိုက်ပျိုးခင်းအချို့ ဖျက်ဆီးခံရမှုများရှိသည်ဟု သိရှိရသည်။

နမ့်ဆန်ဒေသဖွံ့ဖြိုးရေးဟူ၍ မြန်မာအစိုးရမှ ၎င်းဒေသရှိ တအာင်းအမျိုးသားပါတီအား ဇန်န၀ါရီလ အတွင်းက ဘဏ္ဍာငွေ ကျပ်သိန်းပေါင်း ၁ထောင် ချပေးကာ ထိုမှတဆင့် တအာင်း အမျိုးသားပါတီသည် နွေရာသီ ကားလမ်းတိုးချဲ့ ဖောက်လုပ်ပေးရန် အောင်ဇမ္မူသီဟကုပဏီနှင့် ရွှေဖူးကြော်ကုပဏီတို့ကို ကျပ်ငွေ သိန်း ၉၅၀ ပေးကာ လုပ်ငန်းစတင်ပြီးနောက် နေအိမ်များ ထိုသို့ ဖျက်ဆီးခံရခြင်းဖြစ်သည်။

ရွှေ့ပြောင်းအလုပ်သမားအခွင့်အရေး ကာကွယ်ပေးရန် ဘန်ကောက်တွင် ဆွေးနွေး

6 February 2013
နန်းသူးလေ

အာဆီယံနိုင်ငံများအတွင်း ရွှေ့ပြောင်းအလုပ်လုပ် ကိုင်နေကြသည့် အလုပ်သမားများ၏ အခွင့်အရေးများကို သက်ဆိုင်ရာနိုင်ငံတော်အစိုးရများမှ ကာကွယ်ပေးရန်အတွက် အာဆီယံနိုင်ငံများမှ လူထုအခြေပြုအဖွဲ့အစည်း များက ဆွေးနွေးပွဲတရပ်ကို ယမန်နေ့ ဖေဖော်ဝါရီလ ၅ရက်နေ့က ဘန်ကောက်မြို့တွင် ကျင်းပခဲ့ကြသည်။

ထိုင်းနိုင်ငံ၊ ဘန်ကောက်မြို့ Silom လမ်းမရှိ Holiday Inn နေရာတွင် ထိုင်းနိုင်ငံ၊ မလေးရှားနိုင်ငံ၊ စင်္ကာပူနိုင်ငံ လာအို စသည့် အာဆီယံနိုင်ငံများမှ လူထုအခြေပြုအဖွဲ့အစည်း အဖွဲ့ပေါင်း ၁၈ဖွဲ့မှ ကိုယ်စားလှယ်ပေါင်း ၂၅ဦး တို့က နံနက် ၉နာရီမှ ညနေ ၅နာရီ အထိ ထိုသို့ တွေ့ဆုံဆွေးနွေးခဲ့ကြခြင်းဖြစ်သည်။

နိုင်ငံခြားရေးဝန်ကြီး ကယ်ရီ မြန်မာအမျိုးသမီးအဖွဲ့နဲ့ တွေ့ဆုံ

ကိုသားညွန့်ဦး
06.02.2013

အမေရိကန်နိုင်ငံခြားရေးဝန်ကြီး ဂျွန် ကယ်ရီ (John Kerry) ဟာ မနေ့ မနက်ပိုင်းက အမေရိကန် ပြည်ထောင်စုမှာ ရောက်ရှိ နေတဲ့ မြန်မာအမျိုးသမီး ကိုယ်စားလှယ်တွေကို လက်ခံတွေ့ဆုံခဲ့ပါတယ်။ အမေရိကန်ပြည်ထောင်စုရဲ့ လူမှုအဖွဲ့အစည်းတွေနဲ့ အရပ်ဘက်အဖွဲ့အစည်းတွေ လုပ်ကိုင်ဆောင်ရွက်မှုကို လာရောက်လေ့လာတဲ့ မြန်မာအမျိုးသမီး အဖွဲ့ဖြစ်ပါတယ်။ နိုင်ငံခြားရေးဌာနမှာ ၀န်ကြီး ကယ်ရီနဲ့ တွေ့ဆုံခဲ့တဲ့သတင်းကိုတော့ ကိုသားညွန့်ဦးက တင်ဆက်ပေးမှာပါ။

အမေရိကန်ပြည်ထောင်စုကို လေ့လာရေးအစီအစဉ်နဲ့ ရောက်ရှိ လာတဲ့ မြန်မာအမျိုးသမီး ကိုယ်စားလှယ်အဖွဲ့ဟာ မနေ့တုန်းက နိုင်ငံခြားရေး ဌာနမှာ နိုင်ငံခြားရေးဝန်ကြီး ဂျွန်ကယ်ရီနဲ့အတူ ဓာတ်ပုံ အရိုက်ခံခဲ့ပါတယ်။

Tunisia အတိုက်အခံခေါင်းဆောင်တဦး လုပ်ကြံခံရ

06.02.2013

တူနီးရှားနိုင်ငံမှာ အတိုက်အခံခေါင်းဆောင် ချွတ်ကရီ ဘီလိတ် (Chokri Belaid) ဟာ နေအိမ်အပြင်ဘက်မှာ ဒီကနေ့ ပစ်သတ်ပြီး လုပ်ကြံခံခဲ့ရပါတယ်။ ဒီလို လုပ်ကြံခံရပြီးတဲ့ နာရီပိုင်း အတွင်းမှာပဲ တူးနစ်မြို့က ရပ်ကွက်လမ်းတွေပေါ်မှာ ဆန္ဒပြသူတွေနဲ့ ပြည့်နေပါတယ်။

သေနတ်သံစဲပေမဲ့ သတ္ထုတူးခွင့်မရ

ကိုမိုးဇော်
06.02.2013

ကချင်ပြည်နယ်တွင်းမှာ စစ်ရေး ပဋိပက္ခတွေ အဆုံးသတ်ဖို့ ငြိမ်းချမ်းရေး ဆွေးနွေးပွဲတွေ လုပ်ဆောင်နေတဲ့ အချိန်မှာပဲ အစိုးရတပ်ဘက်ကနေ ထိုးစစ်ဆင်တာကို ရပ်ဆိုင်းလိုက်တဲ့ အတွက် နယ်မြေအတွင်းမှာ အနည်းငယ် စစ်အေး သွားတယ်လို့ သိရပါတယ်။ ဒါပေမဲ့လည်း ကျောက်စိမ်းထွက်ရှိရာ ကချင်ပြည်နယ် ဖားကန့်ဒေသဘက်မှာ ဒီရက်ပိုင်းအတွင်း အာဏာပိုင်တွေက တပိုင်တနိုင် ကျောက်တူးခွင့်တွေကို ပိတ်ပင်လိုက်တာကြောင့် လက်လုပ်လက်စားသမား အများစုဟာ အခက်အခဲနဲ့ ရင်ဆိုင်နေရပါတယ်။

ဒီလို ရှာဖွေစားသောက်ဖို့ အခက်အခဲတွေရှိလာတာနဲ့အမျှ တချိန်တည်းမှာပဲ ရာဇ၀တ်မှုတွေလည်း ပိုများလာနေတယ်လို့ ဒေသခံတွေက ပြောပါတယ်။ ဒီအခြေအနေ အပြည့်အစုံကို စုံစမ်းထားတဲ့ ဗွီအိုအေ ရန်ကုန်အခြေစိုက် သတင်းထောက် ကိုမိုးဇော် က တင်ပြမှာဖြစ်ပါတယ်။

တူနီးရှားဝန်ကြီးချုပ် အစိုးရသစ်ဖွဲ့ဖို့ ပြင်ဆင်

06.02.2013

တူနီးရှားနိုင်ငံမှာ ထင်ရှားတဲ့ အတိုက်အခံခေါင်းဆောင်တယောက် အသတ်ခံခဲ့ရပြီးတဲ့နောက် နိုင်ငံရေးပါတီတွေနဲ့ ဆက်နွယ်ခြင်းမရှိတဲ့ အစိုးရသစ်ကို ဖွဲ့မယ်လို့ ဝန်ကြီးချုပ် ဟာမာဒီ ဂျီဘာလီ (Hamadi Jebali) က ပြောလိုက်ပါတယ်။

ပြီးခဲ့နှစ်က ဖွဲ့ခဲ့တဲ့ လက်ဝဲယိမ်းညွန့်ပေါင်းအဖွဲ့ ခေါင်းဆောင် တယောက် ဖြစ်တဲ့ ချွတ်ကရီ ဘီလစ် (Chokri Belaid) အသတ်ခံခဲ့ရတဲ့အပေါ် မကျေနပ်တဲ့ ထောင်ချီဆန္ဒပြသူတွေနဲ့ ရဲတွေကြား အဓိကရုဏ်း ဖြစ်နေတာနဲ့အတူ မစ္စတာ ဂျီဘာလီ က ဗုဒ္ဓဟူးနေ့က ရုပ်မြင်သံကြားပေါ် ကနေ ကြေညာခဲ့တာဖြစ်ပါတယ်။

အတိုက်အခံပါတီဝင်ကို ပထမဆုံးအကြိမ် အစိုးရက ဒုဝန်ကြီးခန့်

06.02.2013

NDF အမျိုးသားဒီမိုကရေစီတပ်ပေါင်းစု အမျိုးသားလွှတ်တော် အမတ် ဒေါက်တာတင်ရွှေ ကို ဟိုတယ်နဲ့ ခရီးသွားလာရေးဆိုင်ရာ ဒုတိယ၀န်ကြီးအဖြစ် ခန့်အပ်လိုက်တဲ့အကြောင်း မြန်မာအစိုးရ က ကြေညာပါတယ်။ အင်္ဂါနေ့တုန်းက သမ္မတ ဦးသိန်းစိန် ကနေ သူ့အစိုးရအဖွဲ့အတွက် ဒုဝန်ကြီး ၅ ဦး ကြေညာသွားရာမှာ တဦးအပါအ၀င်ဖြစ်ပါတယ်။

မြန်မာအစိုးရ သမ္မတ ဦးသိန်းစိန်အနေနဲ့ အတိုက်အခံပါတီ အမတ်တယောက်ကို အစိုးရအဖွဲ့အတွင်း ပထမဆုံးအကြိမ် ၀န်ကြီးအဖွဲ့ဝင်အဖြစ် လက်ခံလိုက်တာဖြစ်ပါတယ်။ ဒေါက်တာ တင်ရွှေ ဟာ ရန်ကုန်တိုင်းဒေသကြီး အမျုိုးသားလွှတ်တော် မဲဆန္ဒနယ်မြေ အမှတ် ၆ က ရွေးကောက်ပွဲ ၀င်ခဲ့သူ ဖြစ်ပါတယ်။

ကင်တားနား ရှေ့သီတင်းပတ် မြန်မာနိုင်ငံသွားမည်

06.02.2013

ကချင်ပြည်နယ်ထဲက အစိုးရ ထိန်းချုပ်တဲ့နေရာတွေတင်မဟုတ်ဘဲ ကချင်လွတ်မြောက်ရေးအဖွဲ့ KIO ထိန်းချုပ်နယ်မြေထဲက ဒုက္ခသည်တွေအတွက်ပါ ကူညီထောက်ပံ့ရေး ပစ္စည်းတွေကို ကုလသမဂ္ဂက မကြာခင်မှာ ပြန်ပေးတော့မှာ ဖြစ်ပါတယ်။ အစိုးရတပ်တွေနဲ့ လက်နက်ကိုင် KIA တပ်တွေကြား တိုက်ပွဲတွေ ဖြစ်ခဲ့တဲ့ ကချင်ပြည်နယ်ထဲမှာ ကုလသမဂ္ဂရဲ့ အကူအညီပေး မှုတွေကို အစိုးရက ခွင့်ပြုပေမဲ့ KIO ထိန်းချုပ်နယ်မြေတွေကို လုံခြုံရေးအတွက် အရင်က ခွင့်မပေးခဲ့ပါဘူး။

ကချင် ငြိမ်းချမ်းရေးမှာ ပါဝင်ဖို့ အသင့်ပဲလို့ ဒေါ်အောင်ဆန်းစုကြည် ထပ်ပြော

2013-02-06

ကချင်ပြည်နယ် ငြိမ်းချမ်းရေးမှာ ပါဝင်နိုင်ဖို့ ဒေါ်အောင်ဆန်းစုကြည်အနေနဲ့ ပြီးခဲ့တဲ့ တစ်နှစ်လောက်ကတည်းက ကမ်းလှမ်းထားတာလဲရှိသလို အစိုးရဖက်က လက်ခံမယ်ဆိုရင် သူ့အနေနဲ့ ပါဝင်ဖို့ အဆင်သင့်ပဲလို့ ဖေဖော်ဝါရီလ ၆ ရက်နေ့ ဒီကနေ့ ပြည်သူ့ လွှတ်တော် ခေတ္တနားချိန်မှာ ဒေါ်အောင်ဆန်းစုကြည်က ထပ်မံပြောကြားလိုက်ပါတယ်။

မဏ္ဍိုင်ဥပဒေအဖွဲ့က ၈၈မျိုးဆက်နဲ့ ပူးပေါင်းပြီး ဥပဒေရေးရာကိစ္စတွေ ကူညီမည်

2013-02-06

၈၈မျိုးဆက်ကျောင်းသားများ ရုံးခန်းကို လာရောက်တိုင်ကြား အကူအညီတောင်းခံလာ တဲ့ ပြည်သူတွေ ကြုံတွေ့နေရတဲ့ အခက်အခဲတွေကို ဥပဒေကြောင်းအရ အကူအညီပေးနိုင်ဖို့ “မဏ္ဍိုင်ဥပဒေအကယ်ဒမီ” က အခမဲ့ အကူအညီပေးသွားမယ်လို့ သိရပါတယ်။

အဲဒီလို ကူညီနိုင်ဖို့အတွက် မဏ္ဍိုင်ဥပဒေအဖွဲ့က ရှေ့နေ ၂၅ ဦးဟာ ၈၈ မျိုးဆက်ကျောင်းသားများ ရုံးခန်းမှာ အလှည့်ကျ ရုံးထိုင်သွားမယ်လို့ သိရပါတယ်။

ဖားကန့်မြို့နယ်က စစ်ဘေးဒုက္ခသည်တွေကို ကချင်ပြည်နယ် ကြက်ခြေနီအဖွဲ့လှူဒါန်း

2013-02-06

ကချင်ပြည်နယ် ဖားကန့်မြို့နယ် အတွင်းမှာရှိတဲ့ စစ်ဘေးရှောင် ဒုက္ခသည်တွေကို ကချင်ပြည်နယ် ကြက်ခြေနီကြီးကြပ်မှုကော်မတီနဲ့ ကယ်ဆယ်ရေးနဲ့ ပြန်လည်နေရာချထားရေး ဦးစီးဋ္ဌာနတို့က ကျပ်သိန်း ၆၃၀ တန်ဖိုးရှိတဲ့ ပစ္စည်းတွေ ဒီကနေ့ ဖေဖေါ်ဝါရီလ ၆ ရက်နေ့မှာ သွားရောက် လှူဒါန်းခဲ့ပါတယ်။

ဖားကန့်မြို့နယ်အတွင်းမှာ ခိုလှုံနေကြတဲ့ စစ်ဘေးရှောင် အိမ်ထောင်စု ၁၄၇၄ အတွက် အဝတ်အထည်၊စောင် စတဲ့ မိသားစု သုံးပစ္စည်းတွေနဲ့ မီးဖိုချောင်သုံးပစ္စည်းတွေ လှူဒါန်းခဲ့တာ ဖြစ်ပါတယ်။

လေးနှစ်အတွင်း မန်းဆေးတက္ကသိုလ် ကျောင်းသား ၅၀၀ ကျော် ကျောင်းထုတ်ခံရ

2013-02-06

မန္တလေး ဆေးတက္ကသိုလ်မှာ ပါမောက္ခချုပ် ဒေါက်တာ ဦးသန်းဝင်း တာဝန်ထမ်းဆောင်ခဲ့တဲ့ လေးနှစ်တာ ကာလအတွင်း ကျောင်းထုတ်ခံခဲ့ရတဲ့ ကျောင်းသား ၅၀၀ ကျော်ရှိကြောင်း ကျောင်းထုတ်ခံရတဲ့ ကျောင်းသားတွေက ဒီကနေ့ ဖေဖေါ်ဝါရီလ ၆ ရက်နေ့ မြန်မာ ဂျာနယ်လစ် ကွန်ရက်ရုံးမှာ ကျင်းပတဲ့ သတင်းစာ ရှင်းလင်းပွဲမှာ ပြောလိုက်ပါတယ်။

အဲဒီလို ကျောင်းထုတ်ခံရတာဟာ သူတို့အခွင့်အရေးတွေ ဆုံးရှုံးတာဖြစ်တဲ့အပြင် ကျောင်းပြန်လည်တက်ခွင့်ရရေးအတွက် အခုလို သတင်းစာရှင်းလင်းပွဲ ကျင်းပရတာဖြစ်ကြောင်း၊ ကျောင်းအုပ်ချုပ်ရေးရဲ့ စီမံခန့်ခွဲမှု အမှားတွေကြောင့် သူတို့နစ်နာရတာဖြစ်ကြောင်း မန္တလေး ဆေးတက္ကသိုလ် တတိယနှစ်မှာ ကျောင်းထုတ်ခံရတဲ့ ကိုကောင်းဆက် က ပြောပါတယ်။

မိုးညှင်းမြို့နယ်မှာ ကျောက်တူးသူ နဲ့ ဈေးသည်တွေကို ပြောင်းရွှေ့ခိုင်းနေ

2013-02-06

ကချင်ပြည်နယ် မိုးညှင်းမြို့နယ် မော်ဟန်ကျေးရွာရဲ့ အနောက်ဘက် သုံးမိုင်အကွာမှာရှိတဲ့ နမ့်ချီမှော်မှာ ကျောက်စိမ်းနဲ့ ရွှေတူးဖော် လုပ်ကိုင်နေသူတွေနဲ့ ဈေးရောင်းချနေသူ အားလုံးကို အဲဒီဒေသတစ်ဝိုက်မှာ လုံခြုံရေးယူနေတဲ့ လှုပ်ရှားတပ်တွေ က ဖေဖေါ်ဝါရီလ ၆ ရက်နေ့ မနေ့ကစပြီး ၄ ရက်အတွင်း အပြီးပြောင်းရွေ့ခိုင်းနေပါတယ်။

နမ့်ချီမှော်မှာ စီးပွားရှာ လုပ်ကိုင်နေသူတွေကို လုံခြုံရေးအကြောင်းပြပြီး ဒေသခံ လှုပ်ရှားတပ်တွေက နှုတ်မိန့်နဲ့ ပြောင်းရွှေ့ခိုင်းနေတာလို့ ဒေသခံ ရွာသားတစ်ဦးက RFA ကို ပြောပါတယ်။

နောက်ကြောင်းပြန် အရေးယူမည့် ဥပဒေ ပြဋ္ဌာန်းခွင့်မရှိဟု ဒုရှေ့နေချုပ်ပြော

သာလွန်ဇောင်းထက်
February 6, 2013

၂၀၀၈ ခုနှစ်ဖွဲ့စည်းပုံအခြေခံဥပဒေအရ ယခင်အစိုးရခေတ်က အာဏာအလွဲသုံးစားခဲ့သူများကို နောက်ကြောင်းပြန် အရေးယူမည့် ဥပဒေ ပြဋ္ဌာန်းခွင့်မရှိဘဲ ပြဋ္ဌာန်းရန် ကြိုးစားပါက ဖွဲ့စည်းပုံ အခြေခံဥပဒေနှင့် ဆန့်ကျင်ကြောင်း ပြည်ထောင်စု ဒုတိယရှေ့နေချုပ် ဦးထွန်းထွန်းဦးက ပြောဆိုလိုက်သည်။

နေပြည်တော်တွင် ဖေဖော်ဝါရီလ ၆ ရက်နေ့က ကျင်းပပြုလုပ်သော ပြည်သူ့လွှတ်တော် အစည်းအဝေးတွင် သင်္ဃန်းကျွန်း မြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွန့်က “နိုင်ငံသားများ၏ တရားဝင်ရရှိ ပိုင်ဆိုင်ထားသော ရွှေ့ပြောင်းနိုင်သည့် ပစ္စည်း၊ မရွှေ့မပြောင်းနိုင်သည့် ပစ္စည်းနှင့် စပ်လျဉ်း၍ ထိခိုက် နစ်နာနေသော ပြည်သူများ အတွက် ဖွဲ့စည်းပုံ အခြေခံဥပဒေပါ အခွင့်အရေးများ အပြည့်အဝရရှိနိုင်ရန် တည်ဆဲဥပဒေများ ကို ပြန်လည် သုံးသပ်ပြီး အပ်နှင်းထားသော အာဏာကို အလွဲသုံးစား ပြုခဲ့သူများအား အရေးယူနိုင်ရန် ပြည်ထောင်စု အစိုးရအဖွဲ့က ရှင်းလင်းပြတ်သားမှုရှိပြီး ပြည်သူလူထုအား အကာအကွယ် ပေးမည့် အထူးဥပဒေ တရပ် ပြဋ္ဌာန်းပေးပါရန် တိုက်တွန်းကြောင်း” အဆို တင်သွင်းမှုအပေါ် ဦးထွန်းထွန်းဦးက အထက်ပါ အတိုင်း တုံ့ပြန် ပြောဆိုလိုက်ခြင်း ဖြစ်သည်။

ချင်းဒေသ စားနပ်ရိက္ခာ ပြတ်လပ်မှု ထပ်မံကြုံတွေ့

ကြယ်ပြာ
February 6, 2013

ချင်းပြည်နယ် ထန်တလန်မြို့နယ်ရှိ ရွာပေါင်း ၈၀ ခန့်သည် စားနပ်ရိက္ခာ ပြတ်လပ်မှု နှင့် ကြုံတွေ့နေရကြောင်း သိရသည်။

ဇာနတ်တောင်ကြောနှင့် မာရာတောင်ကြောတို့တွင် တောင်ယာစပါးများ ရိတ်သိမ်းစဉ်ကာလ မိုးရွာသွန်း၍ သီးနှံများပျက်စီးပြီး နောက် ထိုသို့ အခက်အခဲ ကြုံကြရခြင်း ဖြစ်ကြောင်း ထန်တလန်မြို့နယ် ပြည်သူ့လွှတ်တော် ကိုယ်စားလှယ် ဦးပူးလာမောင်ကျူံး က ဧရာဝတီ သို့ ပြောသည်။

အဆိုပါ ကျေးရွာများမှ မြို့ပေါ်သို့ ပြောင်းရွှေ့သွားသူလည်း များပြားနေကြောင်း၊ ကျန်နေခဲ့သူများက သက်ဆိုင်ရာ ဘာသာရေး အဖွဲ့အစည်းများထံမှ ငွေကြေးချေးငှား ထောက်ပံ့မှုကို မှီခိုနေရကြောင်းနှင့် မည်သည့် အဖွဲ့အစည်းများထံမှလည်း အကူအညီမရရှိသေး ကြောင်းလည်း ၎င်းက ပြောဆိုသည်။

ယခုဖြစ်ပေါ်နေသော အခက်အခဲ ပြဿနာအား လွှတ်တော်ကိုယ်စားလှယ်က လွှတ်တော်၌ တင်ပြခဲ့ရာတွင် သက်ဆိုင်ရာ မြို့နယ် အုပ်ချူပ်ရေးမှူးများကနေ လူဦးရေစာရင်း အပြီးသတ် ကောက်ယူပြီးစီးလျှင် ပြည်နယ်အစိုးရက အကူအညီပေးမည်ဟု ပြောဆိုထား ကြောင်း သိရသည်။

လူဦးရေစာရင်းကို ဇန်န၀ါရီလ အလယ်ခန့်ကစပြီး သက်ဆိုင်ရာမြို့နယ် အာဏာပိုင်များက ကောက်ယူနေကြသည်ဟု ဆိုသည်။

“စစ်အုပ်ချူပ်ရေး ခေတ်တုန်းကလို စားပွဲပေါ်ကနေပဲ ကောက်ယူထားတဲ့ စာရင်းတွေဖြစ်လို့ သူတို့ လူဦးရေစာရင်းက မမှန်ပါဘူး၊ ခုဆို အိမ်ခြေ ၁၀၀ ရှိရင် ၇၅ အိမ်လောက်က စားစရာမရှိဖြစ်နေပါတယ်”ဟု ဦးပူးလာမောင်ကျူံး က ပြောသည်။

ဇန်န၀ါရီလ တတိယအပတ်က ချင်းပြည်နယ်ဝန်ကြီးချူပ် ပူးဟုန်းငိုင်းနှင့် ပြည်နယ်ဝန်ကြီးများသည် ထန်တလန်၊ ဟားခါးနှင့် ဖလမ်းမြို့များသို့ ဆင်းရဲမွဲတေမှု လျှော့ချရေးအနေဖြင့် သွားရောက်ကြပြီး ၎င်းတို့၏ တနှစ်တာလှုပ်ရှားမှုများကို ချပြခဲ့ကြောင်း၊ စားနပ်ရိက္ခာပြဿနာဖြစ်နေသော ထန်တလန်မြို့နယ်အတွက် လယ်ထွန်စက် ၆ စီးကို မြို့နယ်အုပ်ချူပ်ရေးမှူးသို့ ပေးအပ်ကြောင်း အိန္ဒိယနိုင်ငံ မီဇိုရမ်ပြည်နယ် အိုက်ဇောမြို့ အခြေစိုက် Chonumithung (ချင်း သတင်းဌာန)၏ ဖော်ပြချက်တွင် ပါရှိသည်။

“ထန်တလန်မှာ စိုက်တဲ့ တောင်ယာစပါးက အထွက်နည်းတယ်၊ လေတိုက်လို့ စပါးတွေ ကြွေကုန်ပြီး အပင်တွေပါ ပျက်ကုန်တော့ ဒီနှစ်စာအတွက် စပါးမရှိတော့ဘူးလေ”ဟု ချင်း သတင်းဌာနမှ လက်ထောက်အယ်ဒီတာ ဆလိုင်းရောဘတ် က ပြောသည်။

ချင်းပြည်နယ်တွင် တောင်ယာစပါး၊ ၀ဥ၊ ပဲအမျိုးမျိုးနှင့် ပြောင်းဖူးတို့ကို အဓိက စိုက်ပျိုးကြပြီး ယခုနှစ်တွင် ၀ဥ ဈေးကျသည့် အတွက်လည်း တောင်သူများ အခက်ခဲရှိနေကြသည်ဟု သိရသည်။

၂၀၀၈-၂၀၀၉ ခုနှစ်ကလည်း ချင်းပြည်နယ်တွင် သီးနှံစိုက်ခင်းများကို ကြွက်များ ဖျက်ဆီးခဲ့သဖြင့် စားနပ်ရိက္ခာရှားပါးမှု ဖြစ်ခဲ့သည်။

မီဇိုရမ် အခြေစိုက် ချင်းတိုင်းရင်းသားများ ကူညီကယ်ဆယ်ရေးအဖွဲ့ က ချင်းပြည်နယ်တွင် လူဦးရေ ၅ သိန်းခန့် ရှိသည့် အနက် ၁ သိန်း ခန့်မှာ အစာရေစာရှားပါးမှု ရင်ဆိုင်နေရပြီး အဆိုပါပြဿနာမှာ ၂၀၀၇ ခု ဒီဇင်ဘာလက စတင်ခဲ့ကြောင်းနှင့် လူအများစုမှာ ဆန်ပြုတ်၊ သစ်သီးသစ်ဥနှင့် ဟင်းသီးဟင်းရွက် များကိုသာ စားသောက်၍ အသက်ဆက်နေရကြောင်း ထုတ်ပြန်ခဲ့သည်။ အစာ ရေ စာရှားပါးမှုကြောင့် ကလေးငယ် ၃၁ ဦး အသက် ဆုံးရှုံးသွားကြောင်း ချင်းအမျိုးသား ကောင်စီကလည်း ထုတ်ပြန်ခဲ့သေးသည်။

၂၀၁၂-၂၀၁၃ ဘဏ္ဍာနှစ်က ပြည်ထောင်စုအစိုးရကနေ ချင်းပြည်နယ် ဆင်းရဲမွဲတေမှု ပပျောက်ရေး အစီအစဉ် အတွက် ကျပ် သန်း ၃၀၀၀ ကျော် ချထားပေးခဲ့ကြောင်း၊ ယခုနှစ်တွင်လည်း ဂျပန်နိုင်ငံတကာ ပူးပေါင်းဆောင်ရွက်ရေး အေဂျင်စီ(Japan International Cooperation Agency –JICA)က ကျပ် သန်း ၉၉၀၀ ကို ပြည်ထောင်စု အစိုးရမှတဆင့် ထုတ်ချေးပေးသွားရန် ရှိကြောင်း JICA က ထုတ်ပြန်ထားသည်။

ယခင်နှစ်က ရရှိခဲ့သည့် သန်း ၃၀၀၀ အား စိုက်ပျိုးရေး လုပ်ငန်းများ လုပ်ရာ၌ လှေကားထစ်များ တူးဖော်ခြင်း၊ စိုက်ပျိုးရေ ရရှိရန်ပြုလုပ်ခြင်း၊ ကျန်းမာရေး ဆေးပေးခန်းများ၊ စာသင်ကျောင်းများ ဆောက်ခြင်း၊ ကျေးလက် သောက်သုံးရေ ရရှိရေး၊ ကျေးလက် မီး လင်း ရေး စသည့်လုပ်ငန်းများတွင် လုပ်ဆောင်နေသည်ဟု ချင်းပြည်နယ် စိုက်ပျိုးရေးနှင့် မွေးမြူရေး ၀န်ကြီး ဦးဗန်းထောင်း က ဧရာဝတီသို့ ပြောခဲ့ဖူးသည်။

ပြည်ထောင်စုအစိုးရ၏ ၂၀၁၂ ခုနှစ် စာရင်း ထုတ်ပြန်ချက်အရ ချင်းပြည်နယ်အတွင်း နေထိုင်သူ လူဦးရေ ၏ ၇၃ ရာခိုင်နှုန်းမှာ ဆင်းရဲမွဲတေမှု နှင့် ရင်ဆိုင်နေရကြောင်း သိရသည်။

ချင်းပြည်နယ်တွင် လူဦးရေ ၅ သိန်း ၄သောင်းခန့် ရှိပြီး မြို့နယ်ပေါင်း ၉ မြို့နယ်၊ မြို့နယ်ခွဲ ၄ ခုနှင့် ခရိုင် ၃ ခု ရှိသည်။

ချင်း အမျိုးသား ပါတီ(CNP)၏ လူမျိုး စစ်တမ်း အရလည်း ချင်းပြည်နယ်၏ စီးပွားရေးအခက်အခဲကြောင့် နိုင်ငံခြားသို့ ပြောင်းရွှေ့ သွားကြသူ နှစ်စဉ်များလာသည့်အတွက် မြန်မာတနိုင်ငံလုံးတွင် ချင်း လူမျိုး ၁၂ သိန်းခန့် ရှိရာမှနေ ၈ သိန်း ခန့်သာ ကျန်ရှိတော့ကြောင်း သိရသည်။

Ref: ဧရာဝတီ

နိုင်ငံခြား ရင်းနှီးမြှုပ်နှံမှုကို မြေဈေးက ခြိမ်းခြောက်နေ

မေစစ်ပိုင်
February 6, 2013

မြန်မာနိုင်ငံ ရင်းနှီးမြှုပ်နှံမှု ကော်မရှင်က နိုင်ငံခြားရင်းနှီးမြှုပ်နှံမှု ဥပဒေ အသေးစိတ်ကို ထုတ်ပြန်ကြေညာပြီး နိုင်ငံခြား စီးပွားရေးလုပ်ငန်းရှင်တို့ကို ဆွဲဆောင်နေသည့် တချိန် တည်းမှာပင် မြင့်မားနေသော မြေဈေးကို နိုင်ငံခြား ရင်းနှီးမြှုပ်နှံသူတို့က စိတ်ဝင်တစား အံ့အားသင့်စွာဖြင့် အနီးကပ် စောင့်ကြည့်နေကြသည်။

ရန်ကုန် အိမ် မြေဈေးကွက်တွင် ရုံးခန်းအငှားဈေးမှာ တနှစ်အတွင်း ၃ ဆ ခုန်တက်သွားပြီး ယခုအခါ တစ်မီတာပတ်လည်ကို အမေရိကန်ဒေါ်လာ ၁၅၀ (မြန်မာကျပ်ငွေ ၁၂၇၅၀၀) ဈေးပေါက်နေပြီး မြေဈေးမှာလည်း စီးပွားရေးဗဟိုချက်ဖြစ်သည့်နေရာများတွင် တစ်မီတာပတ်လည် ဒေါ်လာ ၄၀၀၀ (ကျပ် ၃၄၀၀၀၀၀) ရှိနေသည်။

ထို့ကြောင့် ဖေဖော်ဝါရီ ၃ရက် နေပြည်တော် စက်မှုဝန်ကြီးဌာန၌ ကျင်းပသည့် တွေ့ဆုံပွဲတွင် မြန်မာနိုင်ငံ ရင်းနှီးမြှုပ်နှံမှု ကော်မရှင် ဥက္ကဌ သမ္မတရုံးဝန်ကြီး ဦးစိုးသိန်းက မြန်မာ နိုင်ငံမြေဈေးသည် ကမ္ဘာ့နိုင်ငံများရှိ မြေဈေးအကြီးဆုံးနိုင်ငံဖြစ်သည့် နယူးယောက်မြို့ပြီးနောက် ဒုတိယဈေးအကြီးဆုံး ဖြစ်နေသည်ဟု ပြောသည်။

” မြန်မာမှာက ရင်းနှီးမြုပ်နှံမှုလုပ်ဖို့ခက်ခဲနေတာတွေရှိတယ်၊ မြေဈေးတွေကကြီးနေတဲ့အပြင် မြေနေရာတွေကလည်း ရှားပါးနေတယ်၊ နယူးယောက်ပြီးရင် မြန်မာက မြေဈေးအကြီးဆုံး ဖြစ်နေတယ်” ဟု ဦးစိုးသိန်းက ဆိုသည်။

ဇန်နဝါရီ ၂၂ ရက်က ဆီဒိုးနားဟိုတယ်တွင် ကျင်းပပြုလုပ် ခဲ့သည့် Myanmar Industrial Zones& Real Estate Development Forum တွင် ကိုရီးယားလုပ်ငန်းရှင်များက မြန်မာ့ စီးပွားရေး တိုးတက်လာနိုင် သည်ဟု ခန့်မှန်းထားသဖြင့် ရင်းနှီးမြှုပ်နှံမှုများအပြင် အခြေချနေထိုင်ကြရန် စဉ်းစားနေကြကြောင်း၊ သို့သော် မြေဈေးသည် အဆမတန်မြင့်နေသော ကြောင့် တွက်ခြေကိုက် မကိုက် ပြန်လည်တွက်ချက်နေရကြောင်း ဆိုသည်။

ဇန်နဝါရီ ၉ ရက်က ကုန်သည်စက်မှုအသင်းချုပ်တွင်ပြုလုပ်သည့် သီလဝါအထူးဇုန်အကောင်အထည်ဖော်မှုရှင်းလင်းပွဲတွင် အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန ဒုဝန်ကြီး ဦးဆက်အောင်ကမူ မြန်မာနိုင်ငံ၏ မြေဈေးနှုန်း သည် နိုင်ငံတကာဈေးနှုန်းများထက်များနေသောကြောင့် သင့်တင့်သည့်နှုန်းထားတခု စီစဉ်သွားမည်ဟု ပြောကြားသည်။

သို့သော် မြေဈေးနှုန်းများကို အစိုးရအနေဖြင့် ထိန်းချုပ်သွားရန် မဖြစ်နိုင် ကြောင်း စီးပွားရေးပညာရှင်များက သုံးသပ်သည်။

ဝယ်လိုအားများပြီး ရောင်းလိုအားများပါက ဈေးမြင့်လာနိုင်သည့်အတွက် မြေဈေးကွက်ကို ထိန်းချုပ်၍ မရနိုင်ကြောင်း၊ ဈေးလျှော့ချခြင်း၊ ထိန်းချုပ်ခြင်းများလုပ်ရန်မဖြစ်နိုင်ကြောင်း၊ အစိုးရဘက်က စက်မှုဇုန်များဖော်ထုတ်ခြင်း၊ မြေလွတ် မြေရိုင်းများရှာဖွေခြင်းဖြင့်သာ မြေဈေးမြင့်ခြင်းကိုထိန်းချုပ်နိုင်မည်ဖြစ်ကြောင်း စီးပွားရေးပညာရှင် ပါမောက္ခ ဒေါက်တာ အောင်ထွန်းသက်က အကြံပြုသည်။

“ တခြားနိုင်ငံတွေမှာ မြေဈေးသက်သာပြီး ဒီမှာဈေးများနေရင် ရင်းနှီးမြုပ်နှံသူတွေလာဖို့ ခက်တော့ ဒါကို စိတ်ပူနေရတယ်၊ သင့်တော်တဲ့နှုန်းဆိုပြီး သတ်မှတ်လို့တော့ ရမှာမဟုတ်ဘူး၊ ဈေးချလို့လည်း မရသလို ထိန်းဖို့လည်း မဖြစ်နိုင်ဘူး” ဟု ဆိုသည်။

မြန်မာ့အရင်းအမြစ် ဖွံ့ဖြိုးမှု စင်တာမှ စီးပွားရေးပညာရှင် ဒေါက်တာဇော်ဦးက အစိုးရအနေဖြင့် ကာလအတန်ကြာ စီးပွားရေးလုပ်ငန်းအများစုကို အကန့်အသတ်များဖြင့် ထိန်းချုပ်ခဲ့ သောကြောင့် ကန့်သတ်ချက် နည်းသော အိမ်ခြံမြေရောင်းဝယ်ရေးလုပ်ငန်းများတွင် စီးပွားရေးသမားများ ဈေးဝင်ကစားပြီး အိမ်ခြံမြေဈေးနှုန်းများ မြင့်တက်လာခဲ့သည်ဟု သုံးသပ် သည်။

ထို့ကြောင့် တခြားလုပ်ငန်းတွင် ထိန်းချုပ်မှုများကို လျှော့ချလိုက်ပါက ဈေးကစားသူများသည် ယင်းလုပ်ငန်းများတွင် ပါဝင်လာနိုင်ပြီး အိမ်ခြံမြေဈေး အနည်းငယ် တည်ငြိမ်နိုင်သည်ဟု ဆိုသည်။

တောက်လျှောက်တက်နေသော မြေဈေးအပြင် နိုင်ငံခြားရင်းနှီးမြှုပ်နှံသူများ စိုးရိမ်နေသည်မှာ မြေပိုင်ခွင့် အငြင်းပွားမှုဖြစ်သည်။

လတ်တလော ဂျပန်က စက်မှုဇုံလုပ်ရန် ရာထားထားသော သီလဝါရှိ လယ်ယာမြေအချို့မှာ စစ်တပ်က လယ်သမားများထံမှ ယခင်က အဓမ္မသိမ်းယူထားခဲ့ခြင်း ဖြစ်ကြောင်း၊ နယ်မြေခံ အာဏာပိုင်တို့က ဂျပန်တို့ကို လျော်ကြေးပေးရန် တိုက်တွန်းသော်လည်း ဂျပန်ကုမ္ပဏီများက အစိုးရတာဝန်သာဖြစ်၍ လက်ဝင်မလျှိုလိုကြောင်း ရိုက်တာသတင်းတပုဒ်တွင် ရေးသားထားသည်။

သီလဝါစက်မှုဇုန်အနီး မြေတစ်ဧကလျှင် ဒေါ်လာ တစ်သောင်းမှ နှစ်သောင်း (ကျပ် ၈၅၀၀၀၀၀ မှ ၁၇၀၀၀၀၀၀) ဈေးပေါက်နေသဖြင့် လမ်း တံတားနှင့် အခြား အခြေခံအဆောက် အဦများ တည်ဆောက်ရန် အလွန်ခက်ခဲမည်ကို ဂျပန်အရာရှိများက စိုးရိမ်နေသည်။

Ref: ဧရာဝတီ

ဧရာဝတီမြစ် ထိန်းသိမ်းရေး ကော်မရှင် ဖွဲ့မည်

ခင်ဦးသာ
February 6, 2013

ဧရာဝတီမြစ်ကြီးအား ထိန်းသိမ်းကာကွယ်ရေး ဆောင်ရွက်သွားရန် ဧရာဝတီမြစ် ကော်မရှင်တရပ် ဖွဲ့စည်းတော့မည် ဖြစ်ကြောင်း သတင်းရရှိသည်။

“မြန်မာနိုင်ငံ၏ အမျိုးသားမြစ်ကြီး ဧရာဝတီ ထာဝရ ရှင်သန်ရေးအတွက် ဧရာဝတီမြစ်ကော်မရှင် (The Ayeyarwady River Commission – ARC) ဖွဲ့စည်းဆောင်ရွက်ရန် ပြည်ထောင်စုအစိုးရအား တိုက်တွန်းကြောင်း” အဆိုကို မန္တလေးတိုင်းဒေသမှ အမျိုးသားလွှတ်တော် ကိုယ်စားလှယ် ဦးမျိုးမြင့်က တင်သွင်းရာ အများစုက ထောက်ခံ၍ ကော်မရှင်ဖွဲ့စည်းရန် အမျိုးသားလွှတ်တော်က ယမန်နေ့တွင် အတည်ပြုပေးခဲ့သည်။

ထိုကော်မရှင်တွင် မြစ်ကြောင်းနှင့် သဘာဝ ပတ်ဝန်းကျင်ဆိုင်ရာ ၀န်ကြီးဌာနများ၊ လွှတ်တော် ကိုယ်စားလှယ်များ၊ ကျွမ်းကျင်ပညာရှင်များ၊ သဘာဝ ပတ်ဝန်းကျင် ထိန်းသိမ်းရေး ဆောင်ရွက်နေသူများ စသည်ဖြင့် ပါဝင်မည်ဖြစ်ပြီး မကြာမီ ဖွဲ့စည်းသွားနိုင်မည် ဖြစ်ကြောင်း လွှတ်တော်ကိုယ်စားလှယ် တချို့က ဧရာဝတီသို့ ပြောသည်။

ဧရာဝတီ မြစ်ထိန်းသိမ်းရေး ကိစ္စနှင့် ပတ်သက်၍ ဆွေးနွေးပွဲတရပ်ကိုလည်း ရန်ကုန်မြို့၊ တော်ဝင်နှင်းဆီခန်းမ၌ ယခုရက်ပိုင်းတွင် ပြုလုပ်မည်ဖြစ်ရာ သဘာဝပတ်ဝန်းကျင် ထိန်းသိမ်းသူများ၊ ပညာရှင်များက တက်ရောက် ဆွေးနွေး အဖြေရှာကြမည် ဖြစ်ကြောင်း သဘာဝပတ်ဝန်းကျင် ထိန်းသိမ်းရေး ပညာရှင် ဦးအုန်းက ဆိုသည်။

“ဧရာဝတီမြစ်ဆုံ စီမံကိန်းကို သမ္မတက သူ့သက်တမ်းမှာပဲ ရပ်ထားဖို့ ပြောထားတယ်။ ဒီတော့ သူ့သက်တမ်းမှာသာမက ထာဝရ ထိန်းသိမ်းသွားဖို့ ကိစ္စတွေ အဓိက ဆွေးနွေးမယ်။ ဒီမြစ်ဟာ ကျနော်တို့ရဲ့ အမျိုးသား သင်္ကေတ ဖြစ်လို့ အေးချမ်းစွာ စီးဆင်းစေချင်တယ်။ ဘာအနှောင့်အယှက်မှ မပေးစေချင်ဘူး” ဟု ဦးအုန်းက ဧရာဝတီသို့ ပြောသည်။

သဘာဝပတ်ဝန်းကျင် ထိန်းသိမ်းရေးနှင့် ပတ်သက်၍ လွှတ်တော်မှ ထုတ်ပြန်ထားသည် နည်းဥပဒေတွင် ပတ်ဝန်းကျင် ထိန်းသိမ်းရေးနှင့် ပတ်သက်၍ ရေးဆွဲထားသည့် အချက် အလက်များသည် ရာနုန်းပြည့်နီးပါး ပြည့်စုံနေ၍ သက်ဆိုင်ရာ အဖွဲ့အစည်းများ အနေဖြင့် ထိုဥပဒေအတိုင်း လိုက်နာကျင့်သုံးရန်သာ လိုအပ်ကြောင်းလည်း ဦးအုန်းက ပြောသည်။

သဘာဝပတ်ဝန်းကျင် ထိန်းသိမ်းရေးနှင့် ပြည်ထောင်စုလွှတ်တော်မှ အတည်ပြုထားသည့် ဥပဒေတွင် ဆုတ်ယုတ် ပျောက်ကွယ်စ ပြုနေပြီ ဖြစ်သည့် ဂေဟစနစ်များကို တတ်စွမ်းသမျှ ဖော်ထုတ်ရန်နှင့် သဘာဝ သယံဇာတ အရင်းအမြစ်များ လျော့နည်းဆုံးရှုံးမှု တားဆီးရေးနှင့် စဉ်ဆက်မပြတ်အကျိုးရှိစွာ အသုံးပြုနိုင်ရေး ဆောင်ရွက်ရန်တို့ကို ထည့်သွင်းပြဌာန်းထားသည်။

ဧရာဝတီမြစ် ထာဝရ ရှင်သန်ရေးကိစ္စသည် ပို့ဆောင်ရေးဝန်ကြီးဌာန တခုတည်းနှင့်သာ သက်ဆိုင်နေခြင်း မဟုတ်ဘဲ မြစ်စီးဆင်းရာ ဒေသတလျှောက်ရှိ တိုင်းနှင့်ပြည်နယ် ဒေသအသီးသီးတို့တွင် တာဝန်ရှိ၍ ဌာနတခုချင်း၊ အဖွဲ့တဖွဲ့ချင်း၊ ဒေသတခုချင်းစီက ဆောင်ရွက်ရန် မလွယ်ကူကြောင်း၊ ထို့ကြောင့် ကော်မရှင်တရပ် ဖွဲ့စည်းရန် လိုအပ်ကြောင်း ကချင်ပြည်နယ်မှ အမျိုးသားလွှတ်တော် ကိုယ်စားလှယ် ဦးခက်ထိန်နန်၏ ဆွေးနွေးမှုများကို ယနေ့ထုတ် အစိုးရသတင်းစာများ၌ ရေးသားထားသည်။

မြစ်ကြောင်းတလျှောက် ပျက်စီးတိမ်ကောရခြင်း ကိစ္စတွင် သစ်တောများ အဆမတန် ခုတ်လှဲခြင်း၊ ရွှေတူးဖော်ခြင်း၊ တံတားဆောက်ခြင်း၊ သတ္တုတူးဖော်ခြင်း စသည်တို့ကို ထိန်းသိမ်း ဆောင်ရွက်ရေး ကိစ္စများနှင့် ပတ်သက်၍ ကော်မရှင်အနေဖြင့် ဆောင်ရွက်မည်ဖြစ်ကြောင်း၊ ငွေကြေး အရင်းအနှီး ကြီးမား၍ အားလုံးပါဝင် ဆောင်ရွက်မှသာ အောင်မြင်နိုင်မည် ဖြစ်ကြောင်း အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်က ပြောသည်။

“မြစ်ကြီးက အားလုံးပျက်စီးနေပြီဆိုတော့ ထိန်းသိမ်းရေးလုပ်ဖို့ နောက်တောင် ကျနေပါပြီ။ ပို့ဆောင်ရေး ၀န်ကြီးဌာကလည်းပဲ ငွေအကုန်အကျများမယ့် ကိစ္စဆိုတော့ သူတို့ကိုယ်တိုင် မလုပ်နိုင်လို့ ကော်မရှင်ဖွဲ့မဲ့ကိစ္စကို လိုလိုလားလားပဲ သဘောတူပါတယ်” ဟု ၎င်းက ဆိုသည်။

မြစ်ကြောင်းထိန်းသိမ်းရေး ကိစ္စများနှင့် ပတ်သက်၍ လွှတ်တော်အသီးသီး၌ မကြာခဏ တင်ပြဆွေးနွေးခဲ့သော်လည်း ထိုကိစ္စသည် ငွေကြေး အကုန်အကျ များပြားလွန်းသည့် ကိစ္စဖြစ်၍ ဆောင်ရွက်ရန် မဖြစ်နိုင်ကြောင်း သက်ဆိုင်ရာ ၀န်ကြီးများက ဖြေဆိုခဲ့သည်ဟု သိရသည်။

မြန်မာနိုင်ငံ၌ ဖြစ်ပေါ်နေသည့် သဘာဝ ပတ်ဝန်းကျင်ဆိုင်ရာ ပြဿနာများ၊ လယ်မြေသိမ်း ပြဿနာများ၊ အလုပ်သမား၊ စီးပွားရေး စီမံကိန်းများ အကောင်အထည်ဖော်မှုနှင့် ပတ်သက်သော ပြဿနာများ စသည်ဖြင့် ပြဿနာများကို ဖြေရှင်းရန် အစိုးရအဖွဲ့နှင့် လွှတ်တော် အသီးသီးတို့တွင် ကော်မတီ၊ ကော်မရှင် အများအပြား ဖွဲ့စည်းထားသည့်တိုင် လက်တွေ့ဆောင်ရွက်မှုတွင် အားနည်းနေသည့်အတွက် အများ၏ ဝေဖန်မှုများလည်း ရှိနေသည်။

“ဧရာဝတီမြစ်နဲ့ ပတ်သက်ပြီး ကော်မရှင်ဖွဲ့ပြီဆိုတော့ ကော်မရှင်က မလုပ်ရင်လည်း လုပ်အောင် ကျနော်တို့က တွန်းအားပေးမယ်။ ကြေးနီစီမံကိန်းကိုလည်း လုံးဝ ရပ်တန့်ဖို့ တွန်းအားပေးထားတယ်” ဟု ဦးအုန်းက ဆိုသည်။

Ref: ဧရာဝတီ

ဟီလာရီ ကလင်တန်ရဲ့ သံတမန်ရေး အတက်အကျများနဲ့ မြန်မာပြည်

လင်းသန့်
February 6, 2013

မြန်မာ-အမေရိကန် ဆက်ဆံရေး ပုံမှန်ပြန်ဖြစ်ဖို့ အဓိက ပါဝင်လုပ်ဆောင်ခဲ့သူ တဦးဖြစ်တဲ့ အမေရိကန် နိုင်ငံခြားရေး ၀န်ကြီး မစ္စ ဟီလာရီ ကလင်တန် ရာထူးက အနားယူသွားပြီး မြန်မာ့ဒီမိုကရေစီနဲ့ လူ့အခွင့်အရေးအတွက် အားပေး ထောက်ခံခဲ့တဲ့ ဒီမိုကရက်တစ်ပါတီ အထက်လွှတ်တော်အမတ် မစ္စတာ ဂျွန်ကယ်ရီဟာ ယခုသတင်းပတ်က စတင်ပြီး ရာထူးဆက်ခံ တာဝန် ထမ်းဆောင်နေပါပြီ။

နိုင်ငံခြားရေး ၀န်ကြီးဟောင်း ဟီလာရီ ကလင်တန်နဲ့ နိုင်ငံခြားရေး ၀န်ကြီးသစ် ဂျွန်ကယ်ရီဟာ မြန်မာ့အရေး၊ ကမ္ဘာ့အရေး ဆက်ဆံထိတွေ့ ကိုင်တွယ်မှုတွေမှာ ဘယ်လိုကွာခြားမလဲ ဆိုတာကို အကဲခတ်များက စောင့်ကြည့်နေကြပါတယ်။

မစ္စက် ကလင်တန် အနေနဲ့ နိုင်ငံခြားရေး ၀န်ကြီး တာဝန်ထမ်းဆောင်စဉ်က ဘယ်အရေးကိစ္စတွေက အောင်မြင်မှုရခဲ့ပြီး ဘယ်အရေးကိစ္စတွေမှာ အားနည်းခဲ့ရသလဲဆိုတာကို နယူးယောက်တိုင်းမ် သတင်းစာကြီးက မကြသေးမီက သုံးသပ်ရေးသားခဲ့ပါတယ်။

လွန်ခဲ့တဲ့ နွေရာသီက ဆီးရီးယားမှာ သမ္မတ ဘာရှား အာဆတ် ပြုတ်ကျရေးအတွက် ဆီးရီယားသူပုန်တွေကို လက်နက်ထောက်ပံ့ကူညီဖို့နဲ့ လေ့ကျင့်သင်ကြားပေးဖို့ အစီအစဉ်ကို မစ္စက် ကလင်တန်နဲ့ အမေရိကန် စီအိုင်အေ ဗဟို ထောက်လှမ်းရေး အကြီးအကဲ စစ်ဗိုလ်ချုပ်ကြီးဟောင်း မစ္စတာ ပီ ထရော့စ်တို့က အိမ်ဖြူတော်ကို အဆိုတင်ခဲ့ပါတယ်။

ဒါပေမယ့် အိမ်ဖြူတော်က ဒီလို စွန့်စားရမယ့် ကိစ္စအပေါ် အတော်စိုးရိမ်နေခဲ့တယ်လို့ အမေရိကန် အစိုးရ အရာရှိတွေကို ကိုးကားပြီး နယူးယောက်တိုင်းမ် သတင်းစာကြီးက ရေးသားဖော်ပြထားပါတယ်။ ဒါကလည်း သမ္မတ အိုဘားမားရဲ့ ဒုတိယအကြိမ် သမ္မတရွေးကောက်ပွဲ ကာလနဲ့လည်းတိုက် ဆိုင်တာနေတာကြောင့် ဆိုတာ အကြောင်းတခုပါ။

ဒါပေမယ့် ဒီ့အရင်တနှစ်ကတော့ မစ္စက် ကလင်တန်ဟာ အိမ်ဖြူတော်နဲ့ ဆက်ဆံရေး ကံကောင်းခဲ့ပါတယ်။ သူဟာ ဆယ်စုနှစ်တွေနဲ့ချီပြီး စစ်အာဏာရှင် အုပ်ချုပ်ရေးကြောင့် အထီး ကျန်နိုင်ငံဘ၀ ရောက်နေရာကနေ ရုန်းထွက်ချင်တဲ့ မြန်မာနိုင်ငံနဲ့ ဆက်ဆံရေး ပြန်လည် တံခါးဖွင့်ဖို့ သမ္မတ အိုဘားမား လက်ခံလာအောင် ဆွဲဆောင်မှုကတော့ အောင်မြင် သွားခဲ့ တယ်လို့ ဆိုနိုင်ပါတယ်။

မစ္စက် ကလင်တန်ဟာ မြန်မာနဲ့ ဆက်ဆံရေး ပြန်လည် ဖွင့်နိုင်ခဲ့တဲ့ကိစ္စကို သူ့ရဲ့အောင်မြင်မှု၊ အမေရိကန်ရဲ့ နိုင်ငံခြားရေး မူဝါဒ အောင်မြင်မှုအနေနဲ့ ကြွေးကြော်ခဲ့တာပါ။

မစ္စက် ကလင်တန်ဟာ နိုင်ငံခြားရေး ၀န်ကြီးအဖြစ် တာဝန်ထမ်းဆောင်စဉ် ကာလမှာ နိုင်ငံပေါင်း ၁၁၂ နိုင်ငံကို ရက်ပေါင်း ၄၀၁ ရက်ကြာ၊ မိုင်ပေါင်း ၁ သန်းလောက် ခရီးဆန့်ခဲ့သူ ဖြစ်ပါတယ်။

“ဆီးရီးယားနဲ့ မြန်မာ့အရေးတို့နဲ့ ပတ်သက်ပြီး နိုင်ငံခြားရေး ၀န်ကြီးသက်တမ်းအလွန် ဟီလာရီရဲ့ သမိုင်းမှတ်တိုင် တွေပါပဲ။ အောင်မြင်မှု၊ ကျဆုံးမှု တွေထဲက အထင်ရှားဆုံး ဖြစ်ခဲ့ပြီး အမေရိကန် နိုင်ငံခြားရေး ပေါ်လစီကိုလည်း အခိုင်အမာ တခါးတချပ် ဖွင့်နိုင်သလို သင်ခန်းစာလည်း ရခဲ့ပါတယ်” လို့ နယူးယောက်တိုင်းမ် သတင်းစာက ရေးပါတယ်။

ဒါ့အပြင် ဆီးရီးယားနဲ့ ဘင်ဂါဇီအရေးမှာ မစ္စက် ကလင်တန် အတွက် အားနည်းချက်တွေ ဖြစ်တယ်ဆိုပေမယ့် ဒီနေရာမှာ အထင်ရှားဆုံး မီးမောင်းထိုးပြရမှာကတော့ မြန်မာစစ်အစိုးရနဲ့ သံတမန်လမ်း ဖွင့်နိုင်ခဲ့တာဟာ မစ္စက် ကလင်တန်ရဲ့ အောင်မြင်တခုဖြစ်တယ်လို့ နယူးယောက်တိုင်းမ်က သုံးသပ်ပါတယ်။

မြန်မာ့အရေး ချဉ်းကပ်ဆက်ဆံရေး လမ်းကြောင်းတွေကို ထိတွေ့ဆက်ဆံမှုတွေနဲ့ ပြန်ဖွင့်နိုင်ဖို့အတွက် မစ္စက် ကလင်တန်ဟာ ပင်တဂွန်နဲ့ အိမ်ဖြူတော်တို့ကိုလည်း အခြေအတင် လွန်ဆန်ခဲ့ရတယ်လို့ ပြောနိုင်ပါတယ်။ အလားတူ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို လုံးဝ အပြည့်အဝ ထောက်ခံနေတဲ့ ကင်တပ်ကီပြည်နယ် အထက်လွှတ်တော် အမတ် မစ်ခ်ျ မက်ကော်နယ်လ်တို့လို အမတ်တွေရဲ့ ဆန့်ကျင်ဘက် မေးခွန်းထုတ်မှုတွေလည်း ခံခဲ့ရပါသေးတယ်။

မစ္စက် ကလင်တန်က သူ့လက်ထောက်တယောက်ဖြစ်တဲ့ အရှေ့အာရှဆိုင်ရာ လက်ထောက် နိုင်ငံခြားရေး ၀န်ကြီး ကာ့ဒ် ကမ်းဘဲလ်ကို မြန်မာပြည်က ဗိုလ်ချုပ်ကြီးတွေနဲ့ တွေ့ဖို့ စေလွှတ်ခဲ့ပါတယ်။ သူပြန်လာတဲ့အခါ မြန်မာပြည်ဟာ အပြောင်းအလဲအတွက် တာစူနေပြီဆိုတဲ့ ဆွဲဆောင်မှုကြောင့် မစ္စက် ကလင်တန်လည်း မြန်မာပြည်အပေါ် ချမှတ်ထားတဲ့ အမေရိကန်ရဲ့ စီးပွားရေး ဒဏ်ခတ်ပိတ်ဆို့ အရေးယူမှုတွေကို ဖြေလျှော့ပြီး သံတမန်ဆက်ဆံရေး ပြန်လည်ထူထောင်ဖို့ ပြန်လည်သုံးသပ်မှု အပြည့်အ၀ လုပ်ခဲ့တာပါ။

ဒါကိုပဲ အိမ်ဖြူတော်က သေချာ ပြန်သုံးသပ်ခဲ့ပြီး သမ္မတ အိုဘားမား ကိုယ်တိုင်က မစ္စက် ကလင်တန် မြန်မာပြည်ကို သမိုင်းဝင်ခရီးစဉ်အဖြစ်သွားဖို့ ၂၀၁၁ ခုနှစ် ဒီဇင်ဘာလမှာပဲ စေလွှတ်ခဲ့ပါတယ်။ ဒါကလည်း သမ္မတ အိုဘားမားကို တိုက်ရိုက် ဆွဲဆောင်မှု ရသွားစေခဲ့တာပါ။

“ကျမတို့ ဘာတွေ ဆက်ဖြစ်မယ်မသိဘူး။ သမ္မတကတော့ ကြည့်လိုက်၊ ကျနော် ဒီကိစ္စနဲ့ ပတ်သက်ပြီး ခင်ဗျားနောက်မှာ ရှိတယ်လို့ အခြေခံသဘောကျကျ ပြောခဲ့ပါတယ်” လို့ မစ္စက် ကလင်တန်က ပြောခဲ့ကြောင်း နယူးယောက်တိုင်းမ်းက ဆိုပါတယ်။

မြန်မာနိုင်ငံရဲ့ အခြေအနေတွေဟာ လုံးဝ သိသိသာသာကြီး ပြောင်းလဲမှု တိုးတက်နေတာ မဟုတ်ပေမယ့် မြန်မာ့ အခြေအနေဟာ ထိုက်သင့်တဲ့ တိုးတက်မှု တစုံတရာရှိတာကြောင့် သမ္မတ အိုဘားမား ကိုယ်တိုင်လည်း မစ္စက် ကလင်တန်နဲ့ အတူ ပြီးခဲ့တဲ့ နိုဝင်ဘာလမှာ မြန်မာနိုင်ငံကို လာရောက်ခဲ့တာ ဖြစ်ပါတယ်။

သမ္မတ အိုဘားမားနဲ့ အတူလာခြင်းဟာ ဒုတိယအကြိမ် မြန်မာခရီးစဉ်ဖြစ်ပြီး မစ္စက် ကလင်တန်ဟာ မြန်မာနိုင်ငံကို နိုင်ငံခြားရေးဝန်ကြီး တာဝန်နဲ့ ၂ ကြိမ်မြောက် လာရောက်ခဲ့တာလည်း ဖြစ်ပါတယ်။ ဒါကြောင့်လည်း အမေရိကန်ရဲ့ မြန်မာနိုင်ငံဆိုင်ရာ မူဝါဒဟာ ထင်ရှားခဲ့တာပါ။

ဒီလို သမိုင်းတင်မယ့် မြန်မာနိုင်ငံဆိုင်ရာ အမေရိကန် မူဝါဒ အပြောင်းအလဲတွေရဲ့နောက်ကွယ်မှာ မစ္စက် ကလင်တန်ရဲ့ ကြိုးစားမှု၊ ချဉ်းကပ်မှုတွေနဲ့ ပတ်သက်လို့ ဘာတွေ ရှိခဲ့တယ်ဆိုတာ သူကိုယ်တိုင် မြန်မာအရေး လုပ်ဆောင်ခဲ့တာတွေကို ပြန်ပြောပြခဲ့ပါတယ်။

“ကျမတို့ရဲ့ ဆက်ဆံရေးဟာ အောင်မြင်မှု ရှိတယ်၊ မရှိဘူး စမ်းသပ်တဲ့အနေနဲ့ သူတို့ (မြန်မာ စစ်ခေါင်းဆောင်တွေ) ဟာ ဒီကာလ တခုအတွင်း တကယ် ပြောင်းလဲဖို့အတွက် ကျမတို့အနေနဲ့ နည်းလမ်းတွေ တွေ့နိုင်မလားဆိုပြီး နေရာ တချို့ကို သွားခဲ့တဲ့အခါမှာ ပထမဆုံး ပြောရမှာကတော့ ကျမ အခိုင်အမာ ယုံကြည်လာခဲ့ပါတယ်။ အစောပိုင်း ကာလတွေမှာပဲ ကျမအနေနဲ့ မြန်မာပြည်ကိစ္စကို စမ်းသပ်ချင်ခဲ့တာကြောင့် ဆုံးဖြတ်ချက် တခုချခဲ့တယ်။ အဲဒီမှာ မြန်မာနိုင်ငံက အမျိုးသား ဒီမိုကရေစီအဖွဲ့ချုပ် NLD ပါတီက လွှတ်တော်ကိုယ်စား လှယ်တွေ၊ ပါတီကို ကိုယ်စားပြုသူတွေ၊ ကျမတို့ လူတွေနဲ့ တွေ့ဖို့ လိုလားတဲ့ စစ်ဗိုလ်ချုပ်ကြီးတွေနဲ့ တွေ့ဆုံဆွေးနွေးမှုတွေ လုပ်ဖို့ ကျမတို့ဆီက သံတမန်တွေကို စေလွှတ်မှု စတင်ခဲ့ ပါတယ်”လို့ မစ္စက် ကလင်တန်က နယူးယောက်တိုင်းမ်းကို ပြောပါတယ်။

ဆက်လက်ပြီး မစ္စက် ကလင်တန်က ပြောရာမှာ “ဒီနေရာမှာ ဒေါ်အောင်ဆန်းစုကြည် အနေနဲ့ကလည်း ပတ်ဝန်းကျင်နဲ့ ကန့်သတ်မှု အလွန်အကျွံခံထားရတယ်။ အရှေ့အာရှနဲ့ ပစ္စိဖိတ်ရေးရာ လက်ထောက် နိုင်ငံခြားရေး ၀န်ကြီး ကာ့ဒ် ကမ်းဘဲလ်ကို ကျမက သံတမန်တွေ စေလွှတ်ရေးကိစ္စအတွက် ခန့်အပ် တာဝန်ပေးလိုက်တယ်။ နောက် သူ့ဆီက အစီရင်ခံစားတွေကို ကြည့်ပြီး နောက်ဆုံး ကျမလည်း သူကိုယ်တိုင်ကို မြန်မာပြည်ကို စေလွှတ်ခဲ့ပါတယ်။ အဲဒီကာလက သူ့ရဲ့ မြန်မာပြည်ခရီးဟာ အမေရိကန်ရဲ့ အဆင့်အမြင့်ဆုံး အရာရှိရဲ့ ခရီးစဉ်ပါပဲ။ သူက ဒေါ်အောင်ဆန်းစုကြည် အပါအ၀င် တော်တော်များများနဲ့ တွေ့ဆုံဆွေးနွေးပြီး ပြန်လာတယ်။

မစ္စတာ ကာ့ဒ်ကမ်းဘဲလ် ပြန်လာတော့ ပြောပြတာတွေနဲ့ ပတ်သက်ပြီး မစ္စက် ကလင်တန်က “သူက ပြောတယ်လေ။ သူအာရုံအသိ ရတာကတော့ မြန်မာပြည်မှာ အရွေ့တခုတော့ ရှိနေတယ်။ ကျနော်တို့ ဒါကို တွန်းအားပေးပြီး အကူအညီ ပေးနိုင်တယ်လို့ ဆိုပါတယ်။ ဒါကြောင့် ကျမတို့ရဲ့ မြန်မာဆိုင်ရာ မူဝါဒကို ကြည့်တဲ့ တချိန်တည်းမှာပဲ ပုံမှန် လုပ်ငန်းစဉ်တခုရှိဖို့ ကျမတို့ လိုအပ်တယ်ဆိုတာ သူက ပြောခဲ့တယ်။ ကျမကလည်း ပြန်ပြောလိုက်ပါတယ်။ လူအများစုက မဖြူရင် မည်းတယ်ဆိုတဲ့ အမြင်တွေသာ များတယ်။ ဒီတော့ ကျမတို့က ဘာကြောင့် ထိတွေ့ဆက်ဆံရေး လုပ်မှာလဲဆိုတာနဲ့ ကျမတို့ ဘာကြောင့် မြန်မာပြည်ကို တယောက်ယောက် စေလွှတ်ရတယ်ဆိုတာ သတိရှိဖို့ ပြောဖြစ်ခဲ့တယ်” လို့ ဆိုပါတယ်။

“ဒါကြောင့် ကျမ လုပ်ဆောင်ခဲ့တာ ၂ ခု ရှိတယ်။ ဒီနေရာမှာ ဒေါ်အောင်ဆန်းစုကြည်နဲ့ မြန်မာအပေါ် စီးပွားရေး ဒဏ်ခတ်ပိတ်ဆို့မှုကို အခိုင်အမာ ထောက်ခံနေတဲ့ အထက်လွှတ်တော် အမတ် မစ်ခ်ျ မက်ကော်နယ် ဦးဆောင်တဲ့ သူတွေကိုလည်း ကျမသိခဲ့တာပါပဲ။ မစ်ခ်ျ မက်ကော်နယ် ဆိုတာလည်း ကျမ လုပ်မယ့် လုပ်ငန်းတွေကို သေချာ ဝေဖန်ထောက်ပြမယ့်သူမျိုး။ ဒါကြောင့် ကျမ သူ့ကို သွားတွေ့ခဲ့တယ်။ ဒါက ပြောပြတာပါ။ ထုတ်ပြောဖို့ မဟုတ်ပါဘူး။ ကျမ ပြောချင်တာကတော့ မြန်မာပြည်မှာ ဘာတွေ ဖြစ်နေတယ်ဆိုတာ စမ်းသပ်ဖို့ ကျမ အတူ အားထုတ်ကြိုးစား နေတယ်ဆိုတာပါပဲ” လို့ မစ္စက် ကလင်တန်က သူ့ရဲ့ ချည်းကပ်မှုတွေအကြောင်း ဆက်ပြောထားပါတယ်။

မစ္စက် ကလင်တန်က ဆက်လက်ပြီး “သူကလည်း ပြောပါတယ်။ ဒါ အလုပ်ဖြစ်မယ်လို့တော့ မထင်ဘူး၊ အလုပ်ဖြစ်ချင်မှ ဖြစ်မယ်၊ မဖြစ်ချင် မဖြစ်ဘူး။ ဒါပေမယ့် ငါသိချင်တာက ငါတို့ ကြိုးစား လုပ်ဆောင်နေတာကို မင်းထောက်ခံ အားပေးမယ်၊ အားမပေးဘူးဆိုတာပဲလို့ မက်ကော်နယ်က ပြောပါတယ်။ နောက်ဆုံးတော့ သူလည်း ပြောပါတယ်။ ဒီပြင်ကျန် တာ တွေလည်း ဘာမှ အလုပ်မဖြစ်ခဲ့ဘူး။ ဒီတော့ မင်းကောင်းကောင်း လုပ်နိုင်မလားပဲ တဲ့လေ။ အဲဒါနဲ့ သူ့ရုံးခန်းက ထွက်လာရင်း လမ်းမှာသူက ရပ်လိုက်တယ်။ သူ့အတွင်းရုံးခန်းနား မရောက်ခင်လေးမှာပဲ ဒေါ်အောင်ဆန်းစုကြည်က သူ့ကို ပေးတဲ့ လက်ရေးစာ မူရင်းကို ပေးလိုက်တယ်။ စာထဲမှာတော့ နှစ်ပေါင်းများစွာ သူ့အပေါ် ထောက်ခံအားပေးခဲ့တာတွေ အားလုံးကို ဒေါ်အောင်ဆန်းစုကြည်က ကျေးဇူးတင်စကား ဆိုထားတာပါ” လို့ မစ္စက် ကလင်တန်က ဆိုပါတယ်။

နောက်ပိုင်းမှာ မစ္စက် ကလင်တန်ရော၊ သမ္မတ အိုဘားမားပါ မြန်မာနိုင်ငံကို သမိုင်းဝင် ခရီးစဉ်အဖြစ်နဲ့ လာရောက်ခဲ့ကြတာ ဖြစ်ပါတယ်။ ဒီလို ခရီးစဉ်မတိုင်မီကပဲ သံတမန်ဆက်ဆံရေး ပုံမှန်အခြေအနေ ပြန်ရောက်ဖို့ လုပ်ခဲ့ရင်း အာရှနဲ့ တရုတ်အရေး ကျွမ်းကျင်သူ မစ္စတာ ဒဲရစ်မစ်ချဲလ်ကို မြန်မာနိုင်ငံဆိုင်ရာ သံအမတ်ကြီးအဖြစ် နှစ်ပေါင်း ၂၀ ကျော် ကာလအတွင်း ပထမဆုံး ပြန်လည် ခန့်အပ်ခဲ့တာ ဖြစ်ပါတယ်။

ဒါဟာ သမ္မတ အိုဘားမားအနေနဲ့ မစ္စက် ကလင်တန်ရဲ့ အာရှအပေါ် အာရုံထားရေး မူဝါဒကို အလေးအနက်ထားတဲ့ အရွေ့တခုသာမက တရုတ်နိုင်ငံအတွက်ပါ တုံ့ပြန်မှုတခုကို ထင်ဟပ်စေခဲ့ပါတယ်။ တောင်တရုတ်ပင်လယ်နဲ့ တရုတ်နိုင်ငံ အိမ်နီးချင်းတွေအကြား နယ်မြေပိုင်ဆိုင်မှု အငြင်းပွားနေတာတွေကို ကူညီဖို့ အမေရိကန်အနေနဲ့ စိတ်ဝင်စားတယ်လို့ ၂၀၁၀ ခုနှစ်က မစ္စက် ကလင်တန် ကြေညာခဲ့စဉ်က တရုတ်က ဒေါသတကြီး တုံ့ပြန်ခဲ့မှုကိုလည်း ပြန်နှိုးဆွလိုက်သလိုပါပဲ။

အာရှတိုက်ကို ဆုံချက်ထား စဉ်းစားလာတဲ့ အမေရိကန် ပေါ်လစီရှိလာသလို တဖက်ကလည်း အမေရိကန်အနေနဲ့ ဒီ ဒေသကို ပိုပြီးများများ ထိတွေ့ ဆက်ဆံမှုတွေ ပိုတိုးလုပ်ဖို့ကိစ္စ ဖြစ်ခဲ့တာလို့ အမေရိကန် အမျိုးသားလုံခြုံရေး လက်ထောက် အကြံပေးအရာရှိ ဘင်ဂျမင် ဂျေရိုဒ့်က ဆိုပါတယ်။

အရှေ့အလယ်ပိုင်း အာရပ်ကမ္ဘာက နိုးထလာခဲ့တာကြောင့် အမေရိကန်အနေနဲ့ အာရှကို အာရုံထားဖို့ မဟာဗျူဟာကလည်း မစ္စက် ကလင်တန်အတွက် အခုလို အောင်မြင်ဖို့ မျက်နှာသာ ရစေခဲ့ပါတယ်။

“နိုင်ငံခြားရေး ၀န်ကြီး ဟီလာရီ ကလင်တန်ဟာ ကမ္ဘာတလွှား အမေရိကန် နိုင်ငံခြားရေး ပေါ်လစီကို အကောင်းဘက် မျက်နှာ မူနိုင်အောင် အံ့မခန်း ပြောင်းလဲစေခဲ့တယ်” လို့ သမ္မတ ဂျော့ ဒဗလျူ ဘုရှ် အစိုးရလက်ထက်က လက်ထောက် နိုင်ငံခြားရေး ၀န်ကြီးလုပ်ခဲ့သူ ရစ်ချတ် အယ်လ် အာမီတေ့ဂ်ျ (Richard L. Armitage) က မှတ်ချက်ပေးပါတယ်။

ဂျွန်ဟော့ပ်ကင်း တက္ကသိုလ်မှာ လက်ရှိ တာဝန်ထမ်းဆောင်နေတဲ့ တချိန်က အာဖဂန်နဲ့ ပါကစ္စတန်နိုင်ငံဆိုင်ရာ နိုင်ငံခြားရေး ၀န်ကြီးဌာန အကြံပေးအရာရှိ Vali R. Nasr ကလည်း “ကလင်တန်ဟာ နောက်ကွယ်က မနေချင်ခဲ့ဘူး။ သူက ရှေ့မျက်နှာစာမှာ ဦးဆောင်ချင်ခဲ့တာ” လို့လည်း နယူးယောက်တိုင်းမ်ရဲ့ သုံးသပ်ချက်မှာ မှတ်ချက်ပြုသွားပါတယ်။

Ref: ဧရာဝတီ

Subscribe to: Posts (Atom)

အပေါ်သို့