Saturday, April 23, 2011

နတ်မြစ်ကမ်းမှ သမိုင်းဝင် ထပ်ပွဲ အထူးစည်ကား

4/23/2011
ထွန်းထွန်း

နှစ်စဉ် နှစ်တိုင်း ဧပြီလ ၂၂ ရက်နေ့တွင် ကျင်းပပြုလုပ်လေ့ရှိသော ဘင်္ဂလားဒေ့ခ်ျနိုင်ငံ နတ်မြစ်ကမ်းခြေမှာ သမိုင်းဝင် ရှေးဟောင်း ပုတ်သွင်ဓါတ် စေတီ ထပ်ပွဲမှာ ယခုနှစ်တွင် အထူးစည်ကားခဲ့သည်။

အဆိုပါ စေတီတော်မှာ တက်ကနက် မြို့ မြောက်ဘက် မြစ်နားရွာ (သော်ဒ လီပါရာ) တောင်ဘက် နတ်မြစ်ကမ်း ခြေတွင် တည်ရှိပြီး ယခု ပွဲတော်ကျင်းပခြင်းမှာ ၆ ကြိမ်မြောက် ဖြစ်သည်။

ပွဲဖြစ်မြောက်ရေး ကော်မီ ရခိုင် လူငယ် အသင်းမှ အတွင်းရေးမှူး ကိုမောင်ဦးက ပွဲတော် ကျင်းပရခြင်းနှင့် ပတ်သက်ပြီး ယခု ကဲ့ သို့ပြောသည်။

“စစတုန်းက ဒီပွဲကို ဒီလောက် ကြီးကြီးကျယ်ကျယ် လုပ်နိုင်လိမ့်မယ်လို့ မထင်ခဲ့ဘူး။ လူတွေလည်း စီးပွားရေး အကျပ်တည်းရှိနေကြတော့ ဒီလောက်လည်း လာကြလိမ့်မယ်လို့ မထင်ခဲ့ပါဘူး။ ဒါပေမယ့် ပွဲတော်က မျှော်လင့်ထားတာထက် အရမ်းစည်ကားခဲ့ပါတယ်။ အနယ်နယ်အရပ်က လူတွေ လာကြပါတယ်။ ရခိုင်ပြည်ဘက်က လူတွေလည်း လာကြ ပါတယ်။ ရှေးဟောင်း သမိုင်းဝင် စေတီဖြစ်တဲ့ အတွက် အလှူငွေနဲ့ တခြားလိုအပ်တဲ့ ပစ္စည်း တွေကိုလည်း လှူကြပါတယ်။ ဘင်္ဂလာ တာကာနဲ့ ဆိုလို့ရှိရင် ၂ သိန်းကျော် ၃ သိန်းနီးပါး အလှူ ရပါတယ်။ အဲဒီငွေနဲ့ စည်စည်ကားကား လုပ်နိုင်တယ်။ ဘုရားတန်ခိုး အာနိသင်ကြောင့် ခုလို အလှူအတန်း ရတယ်လို့ ယူဆပါတယ်။”

ဘုရားပွဲတော်တွင် ကြွရောက်လာကြသော ဆရာတော်များအား ဆွမ်းခဲဖွယ် ဘောစဉ် အဟာရများကို ဆပ်ကပ်ခြင်း၊ ငါးပါးသီလ ဆောက်တည်ခြင်း၊ ဘုရားဆီမီး ပန်းနံ့သာများ ကပ်လှူခြင်း၊ ကြွရောက်လာသူများအား ဆရာတော်ကြီးများနှင့် ဒေသခံ လူကြီးများက အမျိုးဘာသာ သာသနာ ကြီးပွား တိုးတက်ရေး အတွက် ဟောပြောခြင်းများ အပြင် ချောတိုင်တက်ပွဲကိုလည်း ပြုလုပ်ခဲ့သည်ဟု သိရသည်။

ယခင် ဗုဒ္ဓဘာသာ စည်ပင်ခဲ့စဉ်က ပုတ်သွင်ဓါတ် စေတီပွဲတော်အား (၇) ရက်တိုင်တိုင် ကျင်းပ ပြုလုပ်ခဲ့ကြသော်လည်း ယခုအခါ ဗုဒ္ဓဘာသာ တဖြည်းဖြည်း ဆုတ်ယုတ်လာနေပြီး လူဦးရေလည်း နည်းပါးလာသဖြင့် နေ့ပွဲ အဖြစ်ဖြင့်သာ ကျင်းပနိုင်တော့ကြောင်း သိရသည်။

နတ်မြစ် ဗုဒ္ဓဘာသာထိန်းသိမ်းရေးအသင်းမှ တာဝန်ရှိသူတဦးက “ တချိန်တုန်းကဆို နတ်မြစ်အနောက် ဘက်ကမ်းခြေ တလျှောက်မှာ ဘုရားပုထိုး စေတီနဲ့ ဘုန်းကြီးကျောင်းတွေ တော်တော်များများရှိခဲ့တယ်။ နောက်ပိုင်းမှာ တဖြည်းဖြည်းနဲ့ လူမျိုးခြားတွေရဲ့ ဖျက်စီး ခြင်းကို ခံလာရတယ်” ဟုဆိုသည်။

၎င်းပြင်သူက “ ယနေ့ထိနတ်မြစ် အနောက် ဘက် ကမ်းခြေတလျှောက် ၌ ဖျက်စီးခံ ရသော စေတီပုထိုးနှင့် ဘုန်းကြီး ကျောင်းများမှာ(၁) ကျောက်မီးကျောင်း စေတီ (၂)ဆူ၊ (၂) နခေါင်း ချောင်း စေတီ နှင့်ဘုန်းကြီးကျောင်း၊ (၃) နီလာရွာ ဘုန်းကြီးကျောင်း၊ (၄) နီလာ ကျောင်းသစ်၊ (၅)တောကျောင်း စေတီတော်၊ (၆) ကိန္ဒရာ ဓါတ်စေတီတော်၊ (၇) ငန်းတော်ဓါတ် စေတီတော်၊ (၈)ကယုချောင်း နတ်တောင်ရွာ ဘုန်းကြီးကျောင်း၊ (၉)ဆားပြင်ဘုန်းကြီး ကျောင်း၊ (၁၀)နတ်မြစ် သံဖြူကျောင်း တို့ ဖြစ်ကြောင်း” ပြောသည်။

ယခု ပွဲတော် ကျင်းပသော ပုတ်သွင်ဓါတ် စေတီတော် သမိုင်းအကျဉ်းကို ပွဲတော် ကျင်းပရေး ကော်မီတီက ထုတ်ဝေသော စာစောင်တွင် ယခုကဲ့သို့ ဖေါ်ပြသည်။

ရှေးခေတ်က ရခိုင်ပြည်နယ် ရမ်းဗြဲမြို့နယ်မှ ဆားကုန်သည်၊ ငါးကုန်သည်များသည် လှေဖြင့် လာပြီးနတ် မြစ်ကမ်းခြေ ပုတ်သွင် ဓါတ်စေတီတော် တောင်ခြေရင်း၌ အိပ်နေစဉ် ၄င်းတောင်မှ ဘုရား ဓါတ်တော် ရောင်တော် ကွန့်မြူသည်ကို မြင်ရသည်ဟု မြစ်နားရွာ ကသော်ဒလီ (ခေါ်) သူဌေး ရဲဘော်ဦး သော်ဒလီကြီးအား လာပြောပြသည့် အတွက် အဆိုပါတောင်ထိပ်တွင်စေတီတဆူတည်ကာ ယနေ့ထိတိုင် ကိုးကွယ် လာခဲ့ခြင်းဖြစ် သည်ဟု ဆိုသည်။

ပုတ်သွင်ဓါတ် စေတီဟု တွင်ခြင်းမှာ ဘုရားလောင်း ပုတ်သွင် ဘ၀ဖြင့် အဆိုပါ တောင်ပေါ်တွင် ကျင်လည် ခဲ့သဖြင့် ပုတ်သွင်ဓါတ်စေတီဟု ခေါ်ပြီး ရှေးဟောင်း ဗုဒ္ဓဓါတ် တော် စေတီ ၂၄၈ ဆူတွင်တဆူ အပါဝင်ဖြစ်သည်ဟု ဆိုသည်။

Ref;Narinjara

Read More...

ဆန့်ကျင်ဘက် ဒွန်တွဲတည်ရှိမှုနှင့် စစ်၏အခြေခံသဘောတရားများ

စစ်ရဲ့ အခြေခံသဘောတရားများ (principles of war) တွေဟာ အသုံးပြုသူတွေရဲ့ အရည်အချင်းပေါ် မူတည်ပြီး စစ် ပွဲတွေရဲ့ အရှုံးအနိုင်ကို ဆုံးဖြတ်ပေးနိုင်တဲ့ rules of thumb တွေပဲ ဖြစ်ပါတယ်။ ဒီအခြေခံသဘောတရားတွေကို စစ် ပွဲတွေသာမက နိုင်ငံရေး၊ စီးပွားရေး၊ အပြည်ပြည်ဆိုင်ရာ ကုန်သွယ်ရေးကဏ္ဍတွေမှာပါ နည်းမျိုးစုံနဲ့ ဆန်းသစ်တီထွင် ပြီး အသုံးပြုလေ့ရှိကြပါတယ်။

ခေါင်းဆောင်တွေအနေနဲ့ ဘယ်အချိန်မှာ နောက်လိုက်တွေကို အမိန့်ပေးညွှန်ကြားပြီး၊ ဘယ်လိုအချိန်မှာ နောက်လိုက် တွေရဲ့ စွန့်ဦးလုပ်ဆောင်မှုကို ခွင့်ပြုပေးရမလဲ ဆိုတာကို ခွဲခြားသိမြင်တတ်ဖို့ လိုအပ်ပါတယ်။ ကွဲပြားခြားနားတဲ့ အမြင် တွေ၊ ဆန့်ကျင်ဘက်ဒွန်တွဲ တည်ရှိနေတဲ့ သဘောတရားတွေကို တသမတ်တည်း မထားဘဲ၊ အခြေအနေရဲ့ တောင်း ဆိုမှုနဲ့အညီ ဆုံးဖြတ်ချက်ချမှတ် အကောင်အထည် ဖော်နိုင်ခြင်းဟာ အောင်ပွဲရအောင် ဦးဆောင်နိုင်မယ့် ခေါင်းဆောင် တွေရဲ့ အရည်အချင်း တရပ်ပဲ ဖြစ်ပါတယ်။

ဆန့်ကျင်ဘက်ဒွန်တွဲတည်ရှိခြင်း (Paradoxical Reasoning)

လောကမှာ ဆန့်ကျင်ဘက်ဖြစ်ပေမယ့် ဒဂါင်္းပြားတစေ့ရဲ့ ခေါင်းနဲ့ ပန်းလို ဒွန်တွဲတည်ရှိနေတဲ့ အရာတွေ အများအပြား ရှိပါတယ်။ အကောင်းအဆိုး၊ သုခဒုက္ခ၊ အရှုံးအနိုင် စတာတွေဟာ ဆန့်ကျင်ဘက် ဒွန်တွဲတည်ရှိမှု (Paradoxical Reasoning) ရဲ့ အခြေခံတွေပါပဲ။ စစ်နဲ့ပတ်သက်ပြီး ဆန့်ကျင်ဘက်ဒွန်တွဲ တည်ရှိနေတာကတော့ ငြိမ်းချမ်းရေး ပဲ ဖြစ် ပါတယ်။ စစ်ပွဲမှာ အဆုံးသတ်ဆိုတာ မရှိပါဘူး။ စစ်ပွဲရဲ့ အဆုံးသတ်ပန်းတိုင်ဟာ ငြိမ်းချမ်းရေးပါပဲ။ နောက်ထပ်ထင် ရှားတဲ့ အဆိုအမိန့် တခုကတော့ “အကောင်းဆုံးခံစစ် ဟာ တိုက်စစ်ဖြစ်တယ်” ဆိုတဲ့ အယူအဆပါ။

ခေါင်းဆောင်တယောက်ဟာ ဒီလိုဆန့်ကျင်ဘက်ဒွန်တွဲတည်ရှိနေတဲ့ သဘောတရားတွေကို နားလည်ပြီး၊ လိုက်လျော ညီထွေတွေးခေါ်ခြင်း (adaptive thinking) ရှိဖို့ လိုအပ် ပါတယ်။ နောက်လိုက်တွေရဲ့ ထကြွလုံ့လရှိမှု၊ မိမိကိုယ်ကို ယုံ ကြည်မှု၊ ဦးဆောင်လိုစိတ် ထက်သန်မှုတွေကို အားပေးတဲ့ အနေနဲ့ စွန့်ဦးလုပ်ဆောင်မှု (Initiative) ကို ခွင့်ပြုပေးရင်း၊ တပြိုင်နက်တည်းမှာပဲ strategic big picture တခုလုံးကို ထိခိုက်စေတဲ့ ပြုမူဆောင်ရွက်မှုတွေ ပေါ်ထွက်လာခြင်း မ ရှိအောင် ကွပ်ကဲမှုနဲ့ ထိန်းကျောင်းမှု (Command and Control) ပြုလုပ်နိုင်ရပါမယ်။

ခုခံစစ်၊ တိုက်စစ်၊ တော်လှန်စစ်စတဲ့ စစ်ပွဲတွေအပါအ၀င် တဘက်ရန်သူနဲ့ ထိပ်တိုက် ရင်ဆိုင်ရတဲ့ နိုင်ငံရေးစစ်မျက်နှာ တွေအားလုံးမှာ ကွပ်ကဲမှု တစုတစည်းတည်းရှိ ခြင်း (unity of command) ဟာ အောင်ပွဲရဲ့ သော့ချက်ပါပဲ။ ဘယ်လို အခြေအနေနဲ့ အချိန်အခါတွေမှာ ဆန့်ကျင်ဘက် ဒွန်တွဲတည်ရှိနေတဲ့ Initiative နဲ့ Command and Control ကို ဦး စားပေးမလဲဆိုတာကို ခေါင်းဆောင်တွေက ဆုံးဖြတ်ရမှာ ဖြစ်ပါတယ်။

နောက်ထပ် အရေးကြီးတဲ့ ဆန့်ကျင်ဘက်ဒွန်တွဲတည်ရှိနေမှုကတော့ Internal Focus (မိမိအင်အား၊ စိတ်ဓာတ်ခိုင်မာ မှု၊ ကျွမ်းကျင်မှု စသည်များ) နဲ့ External Focus (ရန်သူ့အင်အား၊ နိုင်ငံတကာနှင့် အန်ဂျီအိုအဖွဲ့များ၏ ဘက်လိုက်မှု အခြေအနေ၊ ရာသီဥတု၊ ပထ၀ီဝင်နိုင်ငံရေး စသည်များ) ဖြစ်ပါတယ်။ ဒီအခြေအနေ နှစ်မျိုးစလုံးကို အာရုံစိုက်ပြီး၊ မှန် မှန်ကန်ကန် အကဲဖြတ်နိုင်ဖို့ လိုအပ်ပါတယ်။ စစ်ပွဲနဲ့ နိုင်ငံရေးထိပ်တိုက် ရင်ဆိုင်မှုတွေမှာ ခေါင်းဆောင်တွေရဲ့ အာရုံ စိုက်မှုကိုကြည့်ပြီး အရှုံးအနိုင်ကို တွက်ချက်လို့ ရပါတယ်။ External Focus ကိုပဲ အာရုံစိုက်တဲ့ဘက်က မလွဲမသွေ ရှုံးပါလိမ့်မယ်။

coup d’oeil

လိုက်လျောညီထွေရှိမှုနဲ့ ကွပ်ကဲထိန်းကျောင်းမှုတွေကို တန်ဖိုးထားရင်း အခြေအနေတွေကို အတွင်းမှ အပြင်သို့ကြည့် ခြင်း၊ အပြင်မှ အတွင်းသို့ ကြည့်ခြင်းတွေ တပြိုင်နက်တည်း ပြုလုပ်ခြင်းကို စစ်ပညာရှင် ကလော့ဝစ်က coup d’oeil လို့ ခေါ်ဝေါ်သုံးစွဲခဲ့ပါတယ်။ coup d’oeil နဲ့ ဆက်နွယ်တဲ့ အကြောင်းအရာလေးမျိုး ရှိပါတယ်။ ပထမတမျိုးက human implications တွေနဲ့ သက်ဆိုင်ပါတယ်။ တူညီတဲ့ ယုံကြည်ချက်၊ ခံယူချက်၊ တန်ဖိုးထားမှု၊ စိတ်ဓာတ်ခိုင်မာမှုနဲ့ အပြန် အလှန်ယုံကြည်မှုတွေရှိတဲ့ အဖွဲ့အစည်းယဉ်ကျေးမှု ရှိလာစေဖို့ ခေါင်းဆောင်တွေက လေ့ကျင့်ပျိုးထောင်ပေးဖို့ လိုအပ် ပါတယ်။

ဒုတိယတမျိုးကတော့ လေ့လာသင်ယူမှု (learning implications) နဲ့ သက်ဆိုင်ပါတယ်။ တင်းမာတဲ့ အခြေအနေတ ခုမှာ အရှုံးအနိုင် ခေါင်းဆောင်ကဘယ်လောက်သိတယ်၊ ဘယ်လောက်တော်တယ် ဆိုတာနဲ့ မဆုံးဖြတ်နိုင်ပါဘူး။ ခေါင်းဆောင်နဲ့ သူ့အဖွဲ့အစည်းရဲ့ မြန်မြန်ဆန်ဆန် တွေးခေါ်ဆုံးဖြတ်ချက်ချမှတ် ဆောင်ရွက်တတ်မှုပေါ်မှာ မူတည်ပါ တယ်။ နောက်လိုက်တွေရဲ့ စဉ်ဆက်မပြတ် လေ့လာဆည်းပူးမှု၊ လုပ်ရည်ကိုင်ရည်ရှိမှု၊ ကျွမ်းကျင်မှု၊ ကိုယ်ရည်ကိုယ် သွေး ဖွံ့ဖြိုးတိုးတက်မှုတွေကို ခေါင်းဆောင်က အကဲဖြတ်ဆန်းစစ်နေဖို့ လိုအပ်ပါတယ်။

တတိယအချက်ကတော့ စီမံချက်ချမှတ်ခြင်း (Planning implications) နဲ့ သက်ဆိုင်ပါတယ်။ အောင်ပွဲကို ဦးတည်စေ တဲ့ စီမံချက်တွေချမှတ်နိုင်ဖို့ တိကျတဲ့ ဆန်းစစ်ချက်တွေ ပြုလုပ်နိုင်ဖို့ လိုအပ်ပါတယ်။ မဟာဗျူဟာ၊ နည်းဗျူဟာတွေရဲ့ပြင်ပ ၀န်းကျင်အပေါ် သက်ရောက်နိုင်တဲ့ အကျိုးဆက်တွေကို လေ့လာသုံးသပ်ပြီး၊ အောင်ပွဲရစေနိုင်မယ့် လှုပ်ရှားမှု တွေဖြစ်လာအောင် စီမံချက်တွေနဲ့ ထိန်းကွပ်ရပါတယ်။

နောက်ဆုံးအချက်ကတော့ structural implications တွေပဲ ဖြစ်ပါတယ်။ မူဝါဒ၊ လုပ်ထုံးလုပ်နည်း၊ အခြေခံသဘော တရား စတာတွေကို တိတိကျကျ စေ့စပ်သေချာစွာ သိရှိဖို့ လိုပါတယ်။ တိုက်စစ်၊ ခံစစ်မှာ တိကျစွာ လိုက်နာရမယ့် လုပ်ထုံးလုပ်နည်းတွေ ရှိပါတယ်။ လုပ်ထုံးလုပ်နည်းတွေ ရောထွေးပြီး institutional inertia ကို မဖော်ထုတ် နိုင်ရင် အောင်မြင်ဖို့ မလွယ်ပါဘူး။ ဒီ coup d’oeil ဆိုင်ရာ အချက်တွေကို စွန့်ဦးတီထွင် လုပ်ဆောင်စေမှု၊ ကွပ်ကဲထိန်းချုပ်မှု၊ ပြင်ပအာရုံထားမှု၊ အတွင်းအာရုံစိုက်မှု စတဲ့ ဆန့်ကျင်ဘက်ဒွန်တွဲ တည်ရှိနေမှုတွေအကြားမှာ အခြေအနေ၊ အချိန်အ ခါနဲ့ အညီ ဆောင်ရွက်တတ်ဖို့ လိုအပ်လှပါတယ်။

စစ်၏ အခြေခံသဘောတရားများနှင့် ဆန့်ကျင်ဘက်ဒွန်တွဲတည်ရှိမှု

(က) တိုက်စစ်နှင့် ခံစစ် (Offensive-Defensive)

တိုက်စစ်က ရန်သူက ကိုယ်က ဦးအောင်တိုက်ခိုက်တာဖြစ်ပြီး၊ ခံစစ်က ရန်သူက ကိုယ့်ကို ကနဦးတိုက်ခိုက်လာတာ ကို ခုခံကာကွယ်စစ် ဖြစ်ပါတယ်။ သဘောတရားအရ ဆန့်ကျင် နေပေမယ့် အတူတကွ ဒွန်တွဲတည်ရှိနေပါတယ်။ ဘယ် စစ်က အောင်ပွဲရစေမယ် လို့ တရားသေ ယူဆချက် မပြုလုပ်နိုင်ပါဘူး။ အခြေအနေနဲ့ အချိန်အခါပေါ် မူတည်ပါတယ်။ တိုက်စစ် ဆင်နွှဲရမယ့်အချိန်မှာ ခံစစ်ဆင်နွှဲမှုနဲ့ ခံစစ်ဆင်နွှဲရမယ့် အချိန်မှာ တိုက်စစ်ဆင်ရင်တော့ သေချာပေါက်ရှုံးပါ တယ်။

ဒုတိယကမ္ဘာစစ်အတွင်းတုန်းက ဆိုဗီယက်တပ်တွေရဲ့ space-for-time ခံစစ်ဗျုဟာက တိုက်စစ် အော်ပရေးရှင်းတွေ အတွက် အကောင်းဆုံး စစ်မြေပြင်ကို ဖန်တီးပေးနိုင် ခဲ့ပါတယ်။ ၁၉၈၀ ကာလတွေမှာ အမေရိကန်ကျင့်သုံးခဲ့တဲ့ Strategic Defence Initiative က စစ်အေးတိုက်ပွဲကို အဆုံးသတ် စေခဲ့ပါတယ်။ အခြေအနေအရ ခံစစ်နဲ့ တိုက်စစ် နှစ်မျိုးစလုံးကို ပေါင်းစပ်တိုက်ပွဲဝင်ရတာလဲ ရှိပါတယ်။ နေတိုးအဖွဲ့ကြီးက ဒီလို ခံစစ်နဲ့ တိုက်စစ် နှစ်မျိုးပေါင်းစပ်ထား တဲ့ active defence လို့ ခေါ်တဲ့ strategic doctrine ကို ကျင့်သုံးခဲ့ပါတယ်။

(ခ) ရည်မှန်းချက် – ရုတ်ခြည်းဖြစ်ပေါ်မှု (Objective- Surprise)

ရည်မှန်းချက်ဆိုတာမှာ ကြိုတင်စီမံမှု ပါဝင်ပါတယ်။ ကြောင်းကျိုးဆက်နွယ်မှုကို ကြိုတင် သုံးသပ်ချက်တွေ ရှိပါတယ်။ ရုတ်ခြည်းဖြစ်ပေါ်မှုမှာကျတော့ ကြိုတင်စီမံသုံးသပ်ချက်တွေ မပါဝင်ပါဘူး။ မထင်မှတ်ထားတဲ့ အခြေအနေတွေဟာ မထင်မှတ်ထားတဲ့ အချိန်တွေမှာ ဖြစ်ပေါ်လာတတ်ပါတယ်။ စစ်မြေပြင်မှာတော့ ရန်သူမထင်မှတ်ထားတဲ့ အချိန်မှာ လက်ဦးမှုယူပြီး တိုက်ခိုက်တာကို surprise attack လို့ သုံးနှုန်းကြပါတယ်။ နိုင်ငံရေးကစားပွဲမှာ ၀ှက်ဖဲ အသုံးပြုပြီး surprise attack လုပ်ကြတာတွေလဲ ရှိပါတယ်။


တခါတရံမှာ စစ်ဆင်ရေးစီမံချက်ထဲမှာ တံတားကူးပြီး တဘက်ကမ်းရောက်ရင် အဲဒီတံတားကို ဖောက်ခွဲဖျက်ဆီးဖို့ ညွှန်ကြားချက်ပါပြီး၊ ပကတိမြေပြင်မှာ တံတားရှာလို့ မရတာတွေလဲ ရှိတတ်ပါတယ်။ အထူးသဖြင့် အခြားနိုင်ငံတွေကို ကျူးကျော်တိုက်ခိုက်ရတဲ့ စစ်ပွဲတွေမှာ ဒီလို အခြေအနေမျိုးတွေ ကြုံတွေ့ရတတ်ပါတယ်။ ဒီလိုဖြစ်ရပ်တွေကို တပ်မှူး တွေက unwanted surprise လို့ ခေါ်ဝေါ်သုံးနှုံးကြပါတယ်။

စစ်ဆင်ရေးမှာပဲဖြစ်ဖြစ်၊ နိုင်ငံရေးထိပ်တိုက်ရင်ဆိုင်မှုတွေမှာပဲ ဖြစ်ဖြစ် စီမံချက်အတိုင်း လက်တွေ့မှ ဖြစ်ချင်မှ ဖြစ်လာ မှာပါ။ ရည်မှန်းချက်ကို ပြည့်မှီချင်မှ မှီမှာပါ။ ရည်မှန်းချက် – ရုတ်ခြည်း ဖြစ်ပေါ်မှု ဆန့်ကျင်ဘက်ဒွန်တွဲနေတာကို အ ကောင်းဆုံး တုန့်ပြန်နည်းကတော့ concurrent deductive reasoning ကို အခြေခံပြီး လက်ရှိရှိနေပြီးသား စီမံချက် ကို အကောင်အထည်ဖော်ခြင်းနဲ့ inductive reasoning ကို အခြေခံပြီး၊ ရုတ်ခြည်းဖြစ်ပေါ်လာမှုတွေကို အကောင်းဆုံး ရင်ဆိုင်နိုင်မယ့် နည်းလမ်းသစ်တွေကို ရှာဖွေခြင်း ပဲ ဖြစ်ပါတယ်။

(ဂ) လှုပ်ရှားမှု- လုံခြုံရေး (Maneuver- Security)

ဒီအခြေခံသဘောတရား နှစ်ခုကလဲ ဆန့်ကျင်ဘက်ဒွန်တွဲတည်ရှိနေပါတယ်။ စခန်းထိုင်နေရင် လုံခြုံရေးအတွက် စိတ် ချရပေမယ့် တိုက်ကင်းလှည့်လည်စဉ်မှာ ရန်သူနဲ့ ထိတွေ့မှုဖြစ်ပြီး ကျဆုံးထိခိုက်မှုတွေ ရှိတတ်ပါတယ်။ သို့ပေမယ့် လုံ ခြုံရေးကို ပထမဦးစားပေးပြီး၊ လှုပ်ရှားမှု မရှိပြန်ရင်လဲ တိုက်ပွဲက ရေရှည်မှာ အီလာပြီး၊ တဘက်ရန်သူက ရင်ဆိုင်ထိန်း ချုပ်မှု လုပ်လာမယ့် အန္တရာယ် ရှိတတ်ပါတယ်။

စစ်ရဲ့ သဘောသဘာဝအရ စခန်းသိမ်းပိုက်ခံရမှ ရှုံးတာ မဟုတ်ပါဘူး။ ရင်ဆိုင်ထိန်းချုပ်ပြီး containment လုပ်ခံထား ရတာကလဲ ရှုံးတာပါပဲ။ လုံခြုံရေးကို အားစိုက်လွန်းရင် လှုပ်ရှားမှု အားနည်းပြီး၊ လှုပ်ရှားမှုကို အားစိုက်လွန်းရင် လုံ ခြုံရေးကို ထိခိုက်ပါတယ်။ သက်ဆိုင်ရာ strategic doctrine ပေါ်မှာ အခြေခံပြီး၊ ဦးစားပေးသင့်တဲ့ အရာကို ရွေးချယ် ဆုံးဖြတ်နိုင်ဖို့ လိုအပ်ပါတယ်။

(ဃ) ရိုးရှင်းမှု – ရှုပ်ထွေးမှု (Simplicity- Complexity)

တချို့မဟာဗျူဟာ စဉ်းစားတွေးခေါ်ချက်တွေက ရှုပ်ထွေးပါတယ်။ ရှုပ်ထွေးနက်နဲတဲ့ အော်ပရေးရှင်းတွေလဲ အများအ ပြား ရှိနိုင်ပါတယ်။ ကမ္ဘာတ၀ှမ်းက command and staff college တွေမှာ သင်တန်းပို့ချသူတွေ ကြုံတွေ့လေ့ရှိတာက သင်တန်းသားတွေရဲ့ ရိုးရှင်းမှု၊ ရှုပ်ထွေးမှုတွေကို တုန့်ပြန်လက်ခံပုံ မတူညီမှုဘဲ ဖြစ်ပါတယ်။ တချို့က တိုက်ခိုက်ရေး မှာ တော်ပေမယ့် တပ်ရေး၊ တပ်ထောက်အပိုင်းတွေမှာ အားနည်းတာလဲ ရှိပါတယ်။

အရေးကြီးတာကတော့ လူမှန်၊ နေရာမှန် ဖြစ်ဖို့ပါပဲ။ စစ်ရေး၊ နိုင်ငံရေး၊ စီးပွားရေး၊ လူမှုရေး၊ အနုပညာစတဲ့ ကဏ္ဍတွေ အားလုံးမှာ back office အတွက် သင့်တော်မယ့်သူတွေနဲ့ field work အတွက် သင့်တော်မယ့်သူတွေ သီးခြားစီ ရှိပါ တယ်။ ခေါင်းဆောင်တွေက တာဝန်ခွဲဝေပေးတဲ့ အခါ မှန်မှန်ကန်ကန် အကဲဖြတ်တတ်ဖို့ လိုပါတယ်။ တခါတရံမှာလဲ ရိုးရှင်းစွာ အမိန့်အတိုင်း အကောင်အထည်ဖော်ရမယ့် field work ကိုမှ လူရာသွင်းမှုတွေကြောင့်၊ ရှုပ်ထွေးနက်နဲတဲ့ တာဝန်တွေကို ထမ်းဆောင် နိုင်မယ့် လူတွေက field work ထဲ လိုက်ဆင်းပြီး၊ မဆုံးရှုံးသင့်ပဲ ဆုံးရှုံးရမှုတွေ ဖြစ်တတ် ပါတယ်။

ရိုးရှင်းမှု- ရှုပ်ထွေးမှုနဲ့ ပတ်သက်တဲ့ နောက်ထပ်အရေးကြီးတဲ့ အချက်ကတော့ ရှင်းလင်းပြတ်သားတဲ့ အမိန့်ဖြစ်ပါ တယ်။ စစ်ဘုရင် နပိုလီယံရဲ့ adjutant technique လို့ လူသိများတဲ့ ရှင်းလင်း ပြတ်သားသော အမိန့်ဟာ တိုက်ပွဲရဲ့အရှုံးအနိုင်အတွက် အရေးကြီးပါတယ်။ စစ်မြေပြင် (သို့မဟုတ်) စစ်မြေပြင်သဏ္ဍာန် နိုင်ငံရေးအခင်းအကျင်း အခြေအ နေတခုမှာ တိုက်ရင်ကောင်းမလားဆိုပြီး လူထုဆန္ဒခံယူပွဲ လုပ်နေလို့ မရပါဘူး။ တိုက်ချင်သူတိုက်ကြဆိုပြီး စွန့်ဦးလုပ် ဆောင်စေမှုလဲ လုပ်လို့ မရပါဘူး။

ကွပ်ကဲမှု တစုတစည်းတည်း (unity of command) ရှိရပါမယ်။ ခေါင်းဆောင်တွေက တက်မိန့်၊ ဆုတ်မိန့် ပေးရပါ မယ်။ တိုက်ပွဲအီနေရင် ကျားထိုးတက်ရင်လဲတက်၊ အကျအဆုံး အနည်းဆုံးနဲ့ ဆုတ်ခွာမှုပြီး တိုက်စစ်အတွက် ပြန် လည်အားယူမှု လုပ်ရင်လဲ လုပ်ရပါမယ်။ ဒီလို ရှင်းလင်းပြတ်သားတဲ့ အမိန့်ကို မပေးပဲ၊ တိုက်ပွဲအီနေတာကို အချိန်ဆွဲ ထားရင် ဒုတိယအတွေး (second thought) တွေ ၀င်လာပြီး၊ မိမိတပ်တွေ ဖရိုဖရဲ ဖြစ်တတ် ပါတယ်။ ရှုပ်ထွေးနေတဲ့ အခြေအနေတွေကို ဆန့်ကျင်ဘက်ဖြစ်တဲ့ ရိုးရှင်းမှုနဲ့ ရင်ဆိုင်ဖြေရှင်းနည်းက အရေးပေါ်အခြေအနေမှာ သင့်လျော်ပါတယ်။

(င) Mission- People

စစ်ဆင်ရေးတွေမှာ မိမိဘက်က ထိခိုက်ကျဆုံးမှု အနည်းဆုံးနဲ့ ရည်မှန်းချက်တာဝန်ကို ပြည့်မီအောင် ထမ်းဆောင်ဖို့ ညွှန်ကြားလေ့ရှိကြပါတယ်။ ဒီအချက်နှစ်ခုကလဲ ဆန့်ကျင်ဘက် ဒွန်တွဲတည်ရှိနေ ပါတယ်။ အထူးသဖြင့် သူသေကိုယ် သေ ရင်ဆိုင်ကြရတဲ့ အခြေအနေတွေမှာပါ။ ရည်မှန်းချက်တာဝန်ကို ပြည့်မီဖို့ ရဲဘော်အချို့ရဲ့ အသက်တွေကို စတေး ဖို့ လိုအပ်လာတာတွေ ရှိတတ်ပါတယ်။ စစ်မှာ ဒီအချက်ကို မလွဲမသွေ လက်ခံနိုင်ဖို့ လိုပါတယ်။

မိမိဘက်က ထိခိုက်ကျဆုံးမှု ဖြစ်နိုင်ချေကို risks မယူရဲရင် ရန်သူနဲ့ ထိပ်တိုက်ရင်ဆိုင်လို့ မရပါ။ တဘက်နဲ့ တဘက် လက်နက်ကိုင် စွဲတဲ့ အခြေအနေမှာပဲ ဖြစ်ဖြစ်၊ လက်နက်ကိုင်စွဲထားတဲ့ ဘက်တဘက်ကို ရင်ဆိုင်ရတဲ့ အခြေအနေမှာ ပဲဖြစ်ဖြစ် ဒီကိစ္စဟာ ခေါင်းဆောင်တွေအတွက် အောင်ပွဲနဲ့ စတေးရမှုအကြားမှာ ချိန်ခွင်လျှာညှိရမယ့် အချက်ဖြစ်ပါ တယ်။

နိဂုံး

နိဂုံးချုပ်ဆိုရရင် စစ်ရဲ့ အခြေခံသဘောတရားတွေဟာ တခုချင်း သီးခြားဖြစ်တည် နေတာတွေ မဟုတ်ပါဘူး။ ဆန့်ကျင် ဘက်ဒွန်တွဲတည်ရှိမှုတွေ အများအပြား ရှိပါတယ်။ စစ်ဘုရင် ကလော့ဝစ်က ကွဲပြားခြားနားတဲ့ အကြောင်းအရာနှစ်ခု ကို ဆက်စပ်အသုံးပြုရတဲ့အခါ၊ ဒီအကြောင်းအရာနှစ်ခုမှာ ဘုံဆက်နွယ်မှု ရှိနေမယ်ဆိုရင် polarity ဟာ အကြောင်းအ ရာတွေဆီမှာ မဟုတ်ဘဲ ဆက်နွယ်မှုပေါ်မှာ မူတည်တယ်လို့ ဆိုခဲ့ပါတယ်။ ဒါကြောင့် တခုနဲ့တခု ဆက်နွယ်နေပြီး၊ အ ပြန်အလှန် တည်မှီနေသလို၊ ဆန့်ကျင်ဘက်ဒွန်တွဲ ဖြစ်တည်မှုလဲရှိနေတဲ့ စစ်ရဲ့ အခြေခံသဘောတရားတွေကို အခြေ အနေ၊ အချိန်အခါနဲ့အညီ အသုံးပြုနိုင်သူတွေအနေနဲ့ စစ်ရေး၊ နိုင်ငံရေး၊ စီးပွားရေးတွေမှာ အောင်ပွဲရနိုင်မှာ ဖြစ်ပါ ကြောင်း ရေးသားတင်ပြအပ်ပါတယ်။


Ref;Naytthit

Read More...

မြိုင်ကြီးငူစခန်း တိုက်ခိုက်ခံရ

ကရင်ပြည်နယ် ကမမောင်းမြို့နယ် အနီးက ဒီကေဘီအေ ဌာနချုပ်ဖြစ်ခဲ့တဲ့ မြိုင်ကြီးငူ စခန်းကို အခု နယ်ခြားစောင့်တပ် (ယခင် ဒီကေဘီအေ ၃၃၃) တပ်ဖွဲ့မှ ဗိုလ်ဖားဘိ ဦးဆောင်ကာ ဧပြီလ ၂၂ ရက်နေ့ ညနေ ၃ နာရီလောက်မှာ ဝင်ရောက် တိုက်ခိုက် ရှင်းလင်းခဲ့ပါတယ်။

နယ်ခြားစောင့်တပ် (ယခင် ဒီကေဘီအေ ၃၃၃) ဟာ ဗိုလ်ချုပ်မောင်ကြည် ဦးဆောင်နေတဲ့ တပ်ဖွဲ့ဖြစ်ပြီး မြိုင်ကြီးငူစခန်း မှာရှိတဲ့ လက်နက်တိုက် ရယ် ပစ္စည်းဂိုဒေါင်တွေရယ်ကို မီးရှို့ဖျက်စီးခဲ့တယ်လို့လည်း သိရှိရပါတယ်။ တိုက်ပွဲဖြစ်ချိန် ဟာ ၂ နာရီလောက်ကြာခဲ့ပြီး အတည်ပြုမရတဲ့ သတင်းအရ တိုက်ပွဲမှာပါတဲ့ အဖွဲ့တဖွဲ့မှာ အဖွဲ့ဝင် သုံးဦး ထိခိုက်သေ ဆုံးခဲ့တယ်လို့လည်း ကြားသိရပါတယ်။

မြိုင်ကြီးငူမှာဖြစ်တဲ့အခြေအနေကို ရွှေကုက္ကို နယ်ခြားစောင့်တပ်စခန်းမှ အမည်မဖေါ်လိုတဲ့ (ယခင် ဒီကေဘီအေ ၉၉၉) တပ်မှူးတဦး ပြောပြတာက ….

“ဟုတ်တယ် မနေ့က ညနေဘက် မြိုင်ကြီးငူမှာဖြစ်တာ သုံးယောက်ကျတယ်ကြားတယ် ဘယ်ဘက်ကမှန်းမသိဘူး ကျနော်တို့ ကြားတာကတော့ အကုန်မီးရှို့သွားတယ်လို့တော့ ကြား တာပဲ။ လက်နက်တိုက်လဲ ပါသွားတယ်။ မြိုင်ကြီးငူ စခန်းက ကမမောင်းမြို့နဲ့ သံလွင်မြစ် ဟိုဘက်ကမ်း ဒီဘက်ကမ်းပဲ မြိုင်ကြီးငူက အရှေ့ဘက်ကမ်းမှာ။ ကျနော်တို့ သိ သလောက်တော့ နယ်ခြားစောင့် စလုပ်ကတည်းက အချင်းချင်းကြားမှာ မကျေနပ်တာတွေ ရှိနေကြတာ အဲဒါတွေ ကြောင့်လို့တော့ ကြားတာပဲ” လို့ ပြောပြသွားပါတယ်။

ဒီကေဘီအေတပ်ဖွဲ့ဝင်တွေရဲ့မြိုင်ကြီးငူ ဌာနချုပ်စခန်းဟာ ၁၉၉၅ ခုနှစ်တုန်းက ကေအန်ယူ မှ ခွဲထွက်ကာ မြိုင်ကြီးငူ ဆရာတော် ဦးသုဇန ဦးစီးမှုနဲ့ ဒီကေဘီအေ အဖွဲ့တည်ထောင်ပြီး နအဖ နှင့် အပစ်ရပ်ခဲ့စဉ်ကာလများက ဌာန ချုပ် လုပ်ခဲ့တဲ့ နေရာ ဖြစ်ခဲ့ပါတယ်။

မြိုင်ကြီးငူဆရာတော်ဟာ ၂၀၀၉ ခုနှစ် အောက်တိုဘာလ ၁၉ ရက်နေ့မှာ ကေအန်ယူနဲ့ ဒီကေဘီအေ အပစ်ရပ်ဖို့အ တွက် ကေအန်ယူနဲ့ တွေ့ဆုံဆွေးနွေးတာတွေ လုပ်ဆောင်ခဲ့ပြီး၊ နအဖ က ဖိအားပေးလာတဲ့ ဒီကေဘီအေကို နယ် ခြားစောင့်တပ်အဖြစ် အသွင် ပြောင်းရေးကိစ္စမှာ နောက်ဆုံးရက်အဖြစ် သတ်မှတ်ထားတဲ့ ၂၀၁၀ သြဂုတ်လ ၁၉ ရက် နေ့ မတိုင်မီအထိ ဆရာတော်ဟာ ဒီကေဘီအေ ကို နယ်ခြားစောင့်တပ် အသွင်ပြောင်း ဖို့ လက်ခံခြင်းမရှိ ဘူးလို့ သိရှိခဲ့ရပါတယ်။

မနေ့က တိုက်ပွဲတွေဖြစ်နေတဲ့ အချိန်မှာ ဆရာတော်ဟာ မြိုင်ကြီးငူဒေသမှာ သီတင်း သုံးနေခြင်း မရှိဘဲ။ ထိုင်းနိုင်ငံမှာ ကျန်မာရေးအရ ဆေးကုသမှုကို ခံယူပြီး ခေတ္တသီတင်း သုံးနေတဲ့ အချိန်လည်း ဖြစ်ပါတယ်။

Ref;Naytthit

Read More...

Uncensored Burma - Daily News ( 2011 April, 22)

News on April 22

Read More...

Time မဂ္ဂဇင်း သြဇာအကြီးမားဆုံး လူပုဂ္ဂိုလ် ၁ဝဝ စာရင်းမှာ ဒေါ်အောင်ဆန်းစုကြည်ကို ဖော်ပြ

2011-04-22

အမေရိကန် ပြည်ထောင်စုမှာ မနေ့က ထုတ်ဝေတဲ့ ကမ္ဘာကျော် Time မဂ္ဂဇင်းကြီးရဲ့ ၂ဝ၁၁ ခုနှစ် အတွက် သြဇာအကြီးမားဆုံး လူပုဂ္ဂိုလ် ၁ဝဝ စာရင်းမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဖော်ပြလိုက်ပါတယ်။


ဒေါ်အောင်ဆန်းစုကြည်ကို လွတ်လပ်ခွင့်အတွက် တိုက်ပွဲဝင်သူတဦးအဖြစ် ဖော်ပြထားပြီး တရုတ်ပြည် တီယင်မင်ရင်ပြင် ဆန္ဒပြပွဲတွေမှာ ဦးဆောင်ပါဝင်ခဲ့တဲ့ တရုတ် ဒီမိုကရေစီရေး လှုပ်ရှားသူ Wang Dan က ဒေါ်အောင်ဆန်းစုကြည်ရဲ့ မဆုတ်မနစ်တဲ့ ဒီမိုကရေစီရေး ဆောင်ရွက်မှုတွေအကြောင်း မဂ္ဂဇင်းမှာ အကျဉ်းချုပ် ရေးသားထားပါတယ်။

၁၉၈၈ ခုနှစ် မြန်မာ့ ဒီမိုကရေစီရေး ဆန္ဒပြပွဲမှာ ဒေါ်အောင်ဆန်းစုကြည်ရဲ့ အကြမ်းမဖက် လှုပ်ရှားမှုတွေကို နောက်နှစ်မှာ ဆက်တိုက်ပေါ်ပေါက်ခဲ့တဲ့ တရုတ်နိုင်ငံ တီယင်မင်ရင်ပြင် ဒီမိုကရေစီရေး ဆန္ဒပြပွဲ ကာလအတွင်းမှာ အထူးသတိထား ဥပမာ ယူခဲ့ရပါတယ်လို့လည်း Mr. Wang Dan က ရေးပါတယ်။ ဒေါ်အောင်ဆန်းစုကြည်ဟာ နှစ်ပေါင်း ၂ဝ နီးပါး အကျဉ်းချခံခဲ့ရပေမယ့် ပြန်လွတ်လာတဲ့အချိန်မှာ ဒီမိုကရေစီ တိုက်ပွဲအတွက် ရှေ့တန်း ကနေ ကြိုးပမ်းနေသူ ဖြစ်တယ်လို့လည်း ရေးပါတယ်။

Time မဂ္ဂဇင်းရဲ့၂ဝ၁၁ ခုနှစ် သြဇာအကြီးမားဆုံး လူပုဂ္ဂိုလ် ၁ဝဝ စာရင်းမှာ ထိပ်တန်းက ဖော်ပြခံရသူတွေထဲမှာ ဒေါ်အောင်ဆန်းစုကြည် အပါအဝင် အမေရိကန်သမ္မတ ဘားရက် အိုဘားမား၊ ဒု-သမ္မတ ဂျိုးဘိုက်ဒင်၊ ဂျာမန် ဝန်ကြီးချုပ် အိန်ဂျလာ မာကယ်၊ Facebook အင်တာနက် ထူထောင်သူ Mark Zuckerberg၊ ဘောဂဗေဒ ပညာရှင် ပါမောက္ခ ဂျိုးဇက် စတစ်ဂလစ်၊ အမေရိကန် သမ္မတကတော် မစ်ချဲလ် အိုဘားမား၊ ဗြိတိန်ဝန်ကြီးချုပ် ဒေးဗစ် ကင်မရွန်း စတဲ့ ကမ္ဘာ့ခေါင်းဆောင်တွေနဲ့ ထင်ရှားသူတွေလည်း ပါဝင်ပါတယ်။

ဒီကနေ့ထုတ် Time မဂ္ဂဇင်းမှာပဲ ကမ္ဘာမှာ သြဇာနဲ့ အကျိုးသက်ရောက်မှု အကြီးမားဆုံး ဖြစ်ရပ် ၁ဝဝ ကိုလည်း ဖော်ပြထားရာမှာ ဂျပန်နဲ့ နယူးဇီလန် မြေငလျင်၊ ဖူကူးရှီးမား နျူကလီယား ပြဿနာ၊ အာရပ်နဲ့ အမေရိကန်က ဆန္ဒပြပွဲတွေနဲ့ ဝီကီလိခ် လျှို့ဝှက် စာရွက်စာတမ်း ပေါက်ကြားမှုတွေ ပါဝင်ပါတယ်။

Ref;RFA

Read More...

လူငယ်ကွန်ယက်လှုပ်ရှားမှုမှာ ပြည်ပရောက် မြန်မာများ ပါဝင်ဖို့ NLD တိုက်တွန်း

2011-04-22

မြန်မာ လူငယ်ကွန်ယက်အဖွဲ့တွေ ဆောင်ရွက်နေတဲ့ လက်မှတ်ရေးထိုး တောင်းဆိုတဲ့ လှုပ်ရှားမှုမှာ ပြည်ပနိုင်ငံတွေမှာ ရောက်နေတဲ့ မြန်မာနိုင်ငံသားတွေ ပါဝင်ကြဖို့ အမျိုးသားဒီမိုကရေစီ အဖွဲ့ချုပ်က ဒီကနေ့ တိုက်တွန်းလိုက်ပါတယ်။


ဒီကိစ္စနဲ့ ပတ်သက်လို့ အမျိုးသားဒီမိုကရေစီ အဖွဲ့ချုပ် ပြောခွင့်ရပုဂ္ဂိုလ် ဦးဉာဏ်ဝင်းက RFA ကို အခုလို ပြောပါတယ်။

“အဲဒီဥစ္စာက လူငယ်ကွန်ယက်ကလည်း လုပ်တယ်။ ကျနော်တို့ကိုလည်း ပြတော့ ကျနော်တို့က သဘောကျတယ်၊ သဘောလည်း တူတယ်။ ဒါကြောင့် သူတို့နဲ့ အတူတူ ပူးပေါင်းပြီး ဝိုင်းလုပ်နေကြတယ်။ ကျနော်တို့ အင်တာနက်ထဲမှာ အဲဒီက ပုံစံ ဆွဲထုတ်ပြီး လက်မှတ်ထိုးလို့ရအောင် တင်ထားပြီးပါပြီ။ လက်မှတ်ထိုးတဲ့ အရေအတွက်တော့ ကျနော်တို့ လိုချင်တယ်”

နိုင်ငံရေးအကျဉ်းသား အားလုံး လွတ်မြောက်ရေး၊ လက်နက်ကိုင် တိုင်းရင်းသားတွေနဲ့ ဖြစ်နေတဲ့ ပဋိပက္ခတွေ အပါအဝင် မြန်မာ့ နိုင်ငံရေးပြဿနာတွေကို တွေ့ဆုံဆွေးနွေး အဖြေရှာရေးနဲ့ ပြည်ပရောက် မြန်မာတွေ မိမိနိုင်ငံကို အေးချမ်းစွာ ပြန်လာနိုင်ရေး ဆိုတဲ့ အချက် (၃) ချက်ကို နိုင်ငံတော်သမ္မတ အနေနဲ့ ဖြေရှင်းပေးဖို့ လက်မှတ်ထိုး တောင်းဆိုတဲ့ လှုပ်ရှားမှုကို လူငယ်ကွန်ယက်အဖွဲ့တွေက တိုင်းနဲ့ ပြည်နယ်အလိုက် ပြုလုပ်နေကြပါတယ်။ ဒီလှုပ်ရှားမှုမှာ ပြည်ပရောက် မြန်မာတွေ ပါဝင်ကြဖို့ တိုက်တွန်းနေတာ ဖြစ်ပါတယ်။

သမ္မတဆီ ပေးပို့မယ့် စာနမူနာပုံစံနဲ့ လက်မှတ်ထိုးရမယ့် ပုံစံကိုလဲ NLD Website မှာ ဖော်ပြထားတယ်လို့ ဦးဥာဏ်ဝင်းက ပြောပါတယ်။

စုဆောင်းရရှိတဲ့ လက်မှတ်တွေကို သက်ဆိုင်ရာ မြန်မာသံရုံးတွေက တဆင့် နိုင်ငံတော် သမ္မတဆီ ပေးပို့ကြဖို့ NLD က တိုက်တွန်းထားပြီး ရရှိတဲ့ လက်မှတ် အရေအတွက်ကိုလည်း NLD ရုံးချုပ်ကို အကြောင်းကြားပါလို့ ဆိုပါတယ်။

အခု လှုပ်ရှားမှုမှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ကိုယ်တိုင်လည်း ပါဝင် လက်မှတ်ထိုးပြီးပြီလို့ RFA က တင်ဆက်နေတဲ့ ‘လူထုနဲ့ ဒေါ်အောင်ဆန်းစုကြည်’ အမေးအဖြေကဏ္ဍမှာ ဖြေဆိုထားတာ တွေ့ရပါတယ်။

Ref;RFA

Read More...

ဘင်္ဂလားဒေ့ရှ် နိုင်ငံမှ မြန်မာအနွယ်ဝင်များ လယ်မြေ အလုခံရ

2011-04-22

ဘင်္ဂလားဒေ့ရ်ှနိုင်ငံ စစ်တကောင်းတောင်တန်း၊ ခါကာဆိုးရီးခရိုင်က လူနည်းစု ဗုဒ္ဓ ဘာသာဝင် မရာမာ လူမျိုးစုတွေဆီကနေ လူများစု ဘင်္ဂါလီ လူမျိုးတွေက အခုလ ၁၇ ရက်နေ့က အကြမ်းဖက် လုယက်ခဲ့တဲ့ စိုက်ပျိုးမြေတွေကို အခုအခါ ဘင်္ဂလားဒေ့ရှ် အာဏာပိုင်တွေက ခေတ္တ ထိန်းသိမ်းထားလိုက်ပြီလို့ သိရပါတယ်။

သက်ဆိုင်ရာက ကော်မရှင်ဖွဲ့ စုံစမ်းစစ်ဆေးပြီးမှ စိုက်ပျိုးမြေတွေကို အမှန်တကယ် ပိုင်ဆိုင်သူတွေကို ပြန်ပေးမယ်လို့ ပြောပါတယ်။

စစ်တကောင်း တောင်တန်းပေါ်ရှိ မာရမာလူမျိုးတွေ နေထိုင်ရာ ကျေးရွာတွေက စိုက်ပျိုး မြေတချို့ကို ဘင်္ဂါလီ လူမျိုးတွေက အတင်း ဝင်ရောက် နေအိမ်တွေ ဆောက်လုပ် ခဲ့လို့ ပဋိပက္ခ ဖြစ်ပွားပြီး လူတချို့ သေဆုံးကာ မာရမာ ကျေးရွာ ၄ ရွာလည်း မီးရှို့ခံခဲ့ရတယ်လို့ ဘင်္ဂလားဒေ့ရ်ှနိုင်ငံထုတ် သတင်းစာတွေမှာ ဖော်ပြခဲ့ပါတယ်။

ဘင်္ဂလားဒေ့ရှ် နိုင်ငံမှာ လူနည်းစုတွေရဲ့ မြေယာပိုင်ဆိုင်မှုကို အစိုးရက အာမ,ခံထားတာ မရှိဘူးလို့ ဘင်္ဂလားဒေ့ရှ် နိုင်ငံသား ရခိုင်လူမျိုး ဦးချစ်မောင်က ပြောပါတယ်။

“မီးရှို့ခံရလို့ မရာမာ လူမျိုးတွေရဲ့ အိမ်ခြေ သုံးရာလောက် မီးလောင်သွားတယ်လို့ သိရ တယ်။ လေးယောက် သေတယ်။ အခုတော့ အစိုးရက အဲဒီနေရာကို ဘယ်သူမှ မဆင်းရဘူး လို့ တားမြစ်ထားတယ်။ မီးရှို့ခံရတဲ့ သူတွေကိုလည်း အစိုးရက ထောက်ပံ့ကြေး ပေးတယ်။ စုံစမ်းရေးကော်မရှင်တခု လုပ်ထားတယ်။ ကော်မရှင်က သက်ဆိုင်ရာကို အစီရင်ခံရမယ်၊ ဘယ်သူ လွန်တယ် မလွန်ဘူးဆိုတာကို။ မြေယာပိုင်ဆိုင်မှုနဲ့ ပတ်သက်လို့ အခုထိ အကောင် အထည်ဖော်တာ မရှိသေးဘူး”

မြေ အလုခံရတဲ့ မာရမာ လူမျိုးတွေဟာ ဗမာလူမျိုးတွေ ဖြစ်တယ်ဆိုပြီး သူတို့နေထိုင်ရာ ဘန်ဒါရာဘန်ခရိုင်ကို ၁၉၉၁ ခုနှစ်မှာ အဲဒီအချိန်က နဝတ စစ်အစိုးရ အဖွဲ့ဝင် ဝန်ကြီးတွေဖြစ်ကြတဲ့ ကုန်သွယ်ရေးဝန်ကြီး ဗိုလ်ချုပ် ထွန်းကြည် နဲ့ နိုင်ငံခြားရေးဝန်ကြီး ဦးအုန်းဂျော် တို့ သွားရောက်ခဲ့ကြပါတယ်။ ဒါ့အပြင် မာရမာ လူမျိုးတွေကိုလည်း နယ်စပ်က တဆင့် မြန်မာပြည်တွင်းကို ဖိတ်ခေါ်ပြီး ဘုရားဖူး လှည့်လည် ပို့ပေးခဲ့တယ်လို့ သိရပါတယ်။

Ref;RFA

Read More...

အမျိုးသားပြန်လည် ရင်ကြားစေ့ရေး သမ္မတထံပေးစာ ဒေါ်အောင်ဆန်း စုကြည် လက်မှတ်ရေးထိုး

2011-04-22

ဒီရက်ပိုင်းအတွင်း သမ္မတဦးသိန်းစိန်ထံ အမျိုးသား ပြန်လည်ရင်ကြားစေ့ရေးအတွက် ဝိုင်းဝန်း တောင်းဆိုတဲ့စာကို မိမိ လက်မှတ်ရေးထိုးပြီး ဖြစ်ကြောင်း RFA က ထုတ်လွှင့် နေတဲ့ ‘လူထုနဲ့ ဒေါ်အောင်ဆန်းစုကြည်’ အစီအစဉ်မှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောဆိုလိုက်ပါတယ်။

“ယခုရက်ပိုင်းအတွင်းက ဒီမိုကရေစီ လိုလားသူများအနေနဲ့ နိုင်ငံတော်သမ္မတကြီး ဦးသိန်းစိန်ကို ပန်ကြားလွှာ ရေးသားရာမှာ ပြည်ပရောက် မြန်မာနိုင်ငံသူ နိုင်ငံသားတွေ၊ အထူးသဖြင့် ဒုက္ခသည်တွေ မိမိတို့နေရပ်ကို လုံခြုံအေးချမ်းစွာနဲ့ ပြန်လာနိုင်စေမယ့် အခြေ အနေတွေ ဖြစ်ပေါ်လာရေးကို ဆောင်ရွက်ပေးဖို့ တောင်းဆိုထားပါတယ် ဘုရား။ ဒီပန်ကြားလွှာကို ပြည်သူတွေ ဝိုင်းဝန်းထောက်ခံ လက်မှတ်ထိုးရေး လှုပ်ရှားမှုမှာ NLD က တက်တက်ကြွကြွ ပါဝင်နေပါတယ် ဘုရား။ တပည့်တော်မ ကိုယ်တိုင်လည်း လက်မှတ်ထိုးပြီး ပါပြီ ဘုရား”

ဒါ့အပြင် ဒေါ်အောင်ဆန်းစုကြည်က မြန်မာပြည်မှာ အစိုးရအဖွဲ့ တစ်ခု ရှိနေတာကို မရှိသလို ဟန်ဆောင်နေမှာ မဟုတ်ဘူးလို့  RFA ကို ပြောပါတယ်။

“အခု အစိုးရအဖွဲ့တခု ရှိနေတာကို မရှိချင်ယောင် မဆောင်ဘဲနဲ့ အဲဒီအစိုးရအဖွဲ့နဲ့ အမျိုးသား ရင်ကြားစေ့ရေးကို ရှေးရှုတဲ့ တွေ့ဆုံဆွေးနွေးပွဲတွေ ဖြစ်ရေးကိုပဲ ဦးတည်သွားမှာ ဖြစ်ပါတယ်”

“လက်ရှိ မြန်မာအစိုးရကို အရှိအတိုင်း အသိအမှတ် ပြုပါတယ်” လို့  ဒေါ်အောင်ဆန်း စုကြည်က ပြောကြားခဲ့တာနဲ့ ပတ်သက်ပြီး ဘာကြောင့် ဒီလို ပြောဆိုခဲ့တာလဲလို့ သောတရှင်တဦးက ထပ်ဆင့် မေးမြန်းတာကို ဒေါ်အောင်ဆန်းစုကြည်က အခုလို ဖြေကြားခဲ့တာ ဖြစ်ပါတယ်။

တဆက်တည်းမှာဘဲ လက်ရှိ မြန်မာအစိုးရနဲ့ တွေ့ဆုံဆွေးနွေးရေးအတွက် NLD ရဲ့ ကြိုးပမ်း လုပ်ဆောင်နေမှုတွေအပေါ် သောတရှင်တဦးက မေးမြန်းခဲ့တာကိုလည်း ပြည်သူတွေကို ပွင့်ပွင့်လင်းလင်း အသိပေးမယ်လို့ ဒေါ်အောင်ဆန်းစုကြည်က ပြောကြားလိုက်ပါတယ်။

“အန်တီတို့ တွေ့ဆုံဆွေးနွေးရေးအတွက် စပြီး ပြောတာ၊ လုပ်တာနဲ့ အများပြည်သူ သိအောင်လို့ သတင်း ထုတ်ပြန်ပါ့မယ်။ အခုအချိန်မှာတော့ ဘာမှ မပြောသေးတာကို နားလည် သည်းခံပေးစေချင်ပါတယ်”

အကြောင်းအရာ အပြည့်အစုံကို သောကြာနေ့ည ထုတ်လွှင့်မယ့် ‘လူထုနဲ့ ဒေါ်အောင်ဆန်း စုကြည်’ အစီအစဉ်မှာ တင်ဆက်မှာဖြစ်ပါတယ်။

Ref;RFA

Read More...

ထိုင်းနှင့် မြန်မာ တချိန်တည်း ရုပ်သံလိုင်းပြတ်တောက်မှုဖြစ်

သန်းထိုက်ဦး
22 April 2011

ထိုင်းနိုင်ငံတွင် အာဏာသိမ်းမည် ဆိုသော ကောလာဟလ သတင်းများ ထွက်ပေါ်ခဲ့ပြီး ထိုင်း ရုပ်သံလိုင်းတချို့ ပြတ်တောက်ခြင်း များရှိသကဲ့သို့ မြန်မာနိုင်ငံတွင်လည်း မြန်မာ့ ရုပ်မြင်သံကြားနှင့် နေပြည်တော်ရှိ ရေဒီယိုအစီအစဉ်များ ပြတ်တောက်ခဲ့ကြောင်း သိရ သည်။

Thaicom 5 ဆက်သွယ်ရေး ဂြိုဟ်တု၏ စက်ချို့ယွင်းမှုကြောင့် ရန်ကုန်မြို့ နှင့် နေပြည်တော်ခရိုင် တပ်ကုန်း မြို့တို့မှအပ ကျန်မြို့များ တွင် ရုပ်မြင် သံကြား အစီအစဉ် များ ညနေ ၄ နာရီမှ စတင်၍ ည ၇ နာရီ အထိ ပြတ် တောက်သွားခဲ့ကြောင်း ယနေ့ ထုတ် အစိုးရ သတင်းစာတွင် ဖော်ပြထားသည်။

ယင်း စက်ချို့ယွင်းမှုကြောင့် နေပြည်တော်တွင်လည်း မြန်မာ့အသံရေဒီယို အစီအစဉ်များ ထုတ်လွှင့်နေစဉ် မြန်မာနိုင်ငံအောက် ပိုင်းဒေသတချို့၌ မိနစ် ၃၀ ခန့် အကြာ ပြတ်တောက် သွားခဲ့ပြီးနောက်ပိုင်း အားလုံးပုံမှန်တင်ဆက် ထုတ်လွှင့်ပေးနိုင်ခဲ့ကြောင်း သတင်းစာ က ဆိုသည်။

Thaicom 5 ဆက်သွယ်ရေး ကုမ္ပဏီက ၎င်းတို့နှင့် ချိတ်ဆက်ထားသော လိုင်းပြတ် တောက်မှုသည် ထိုင်းနိုင်ငံ နိုထပ်ဘူရီ ခရိုင်ရှိ ဂြိဟ်တု စက်ချို့ယွင်းမှုသာ ဖြစ်ကြောင်း ထိုင်းနိုင်ငံ အခြေစိုက် The Nation နှင့် ဘန်ကောက်ပို့စ် သတင်းစာများက ဖော်ပြခဲ့သည်။

ပြီးခဲ့သည့် ဗုဒ္ဓဟူးနေ့က ထိုင်း စစ်တပ်ဦးစီးချုပ် ဗိုလ်ချုပ်ကြီး Dapong Rattanasuwan က ဘန်ကောက်၊ ပလာကျင်ဘူရီနှင့် ကန်ချနဘူရီမြို့ များရှိ တပ်မှူးများနှင့် ၎င်း၏ နေအိမ်တွင် တွေ့ဆုံဆွေးနွေးမှု နှင့် ပတ်သက်၍ ရှင်းလင်းချက် ထုတ်ပြန်ရန် ပြည်ပရောက် ၀န်ကြီးချုပ်ဟောင်း သက်ဆင် ရှင်နာဝပ်ကို ထောက်ခံသော ရှပ်နီခေါင်းဆောင်များက ပြောဆိုထားသည်။

ယင်းတွေ့ဆုံဆွေးနွေးခဲ့သော တပ်မှူးများသည် လွန်ခဲ့သည့် ၂၀၀၆ ခုနှစ်တွင် ဝန်ကြီးချုပ် ဟောင်း သက်ဆင်ကို ဖြုတ်ချ၍ အာ ဏာသိမ်းမှု၌ ပါဝင်ခဲ့သူများ ဖြစ်ကြောင်း သိရသည်။ ထို့ကြောင့် ယခုရက်ပိုင်းအတွင်း ရှပ်နီခေါင်းဆောင်များ အနေဖြင့် စစ်တပ် က အာဏာသိမ်းမှုများ ဖြစ်ပွားမည်ကို စိုးရိမ်နေကြသည်ဟု ဆိုသည်။

Ref;Irrawaddy

Read More...

၈၈ ကျောင်းသား ခေါင်းဆောင်များ ကျန်းမာရေး ဆိုးဝါးနေ

ရန်ပိုင်
22 April 2011

ရှမ်းပြည်နယ် ကျိုင်းတုံထောင်၌ ထောင်ဒဏ် ၆၅ နှစ် ချမှတ်ခံထားရသည့် ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်သည် နှလုံးရောဂါကြောင့် မူးဝေသည့် ဝေဒနာကို ခံစားနေရကြောင်း မိသားစုဝင်တဦးက ပြောသည်။

ကိုမင်းကိုနိုင်၏ အစ်မဖြစ်သူ ဒေါ်ကြည်ကြည်ညွန့်က“ နှလုံးခုန်ချက် တွေမြန်ပြီး ခေါင်းတွေ မူးတဲ့ ဝေဒနာကို ခံနေရတာ” ဟု ဆိုသည်။

ထိုဝေဒနာအတွက် မိသားစုထံ မှဆေးဝါး များမှာယူခဲရပြီး ထောင် အာဏာပိုင်များကလည်း ကုသပေးကြောင်း ဒေါ်ကြည်ကြည်ညွန့်က ဆက်လက်ပြောပြသည်။

သမ္မတ ဦးသိန်းစိန်ခေါင်းဆောင်သည့် အစိုးရသစ် အာဏာလွှဲပြောင်းရယူခဲ့သည်ကို သတင်းစာနှင့် ဂျာနယ်မှတဆင့်သိရကြောင်း၊ အစိုးရသစ် ၀န်ကြီးအသစ်များ လွှဲပြောင်း တာဝန်ယူခဲ့သော်လည်း အကျဉ်းထောင် အုပ်ချုပ်ရေး အပါအ၀င် မည်သည့်ပြောင်းလဲမှု များမှ ဖြစ်ပေါ်မလာသေးကြောင်း ကိုမင်းကိုနိုင်က ဆိုသည်ဟုလည်း ၎င်းက ပြောသည်။

ကျိုင်းတုံ အကျဉ်းထောင်တွင် အစိုးရထုတ် သတင်းစာများကို ၂ ရက်တကြိမ် ဖတ်ခွင့် ရကြောင်းနှင့် ပုဂ္ဂလိကထုတ် ဂျာနယ်များကို လည်း ၀ယ်ယူ၍ ဖတ်ရှုခွင့် ရကြောင်း သိရသည်။

ပြီးခဲ့သည့် မတ်လ ၂၄ ရက်နေ့ည ငလျင် လှုပ်ခတ်ခဲ့စဉ်က ကိုမင်းကိုနိုင် ရှိရာ ကျိုင်းတုံ အကျဉ်းထောင်သည် ပြင်းထန်စွာလှုပ် ရမ်းခဲ့ကြောင်း၊ယခင် အင်္ဂလိပ် ကိုလိုနီခေတ်က ဆောက်လုပ်ခဲ့သည့် အဆောက်အအုံဖြစ်သည့် အတွက် စိုးရိမ်ပူပန်မှု ဖြစ်ခဲ့ရကြောင်း ကိုမင်းကိုနိုင်က ပြောသည်ဟု ဆိုသည်။

အလားတူ မိုင်းဆတ်ထောင်တွင် ထောင်ဒဏ် ၆၅ နှစ် ကျခံနေရသော ၈၈ မျိုးဆက် ကျောင်းသားခေါင်းဆောင်တဦးဖြစ်သည့် ကိုကိုကြီး သည်လည်း ခန္ဓာကိုယ် အနှံအပြားနှင့် လက်၊ ခြေတို့တွင် အဆီကြိတ်များ ထွက်ပေါ်နေကြောင်း၊ ထို့အပြင် ဂရင်ဂျီနာ ဝေဒနာ ကိုလည်း ခံစားနေရကြောင်း ညီဖြစ်သူ ကိုအောင်ထွန်းက ဆိုသည်။

ငလျင်လှုပ်ခတ်စဉ်က ပြင်းထန်သည့်အသံနှင့် လှုပ်ခါမှုကို ကြုံရသော်လည်း ထောင်တွင်း၌ အပျက်အစီးမရှိကြောင်း သိရသည်။

ရခိုင်ပြည်နယ် ဘူးသီးတောင် ထောင်တွင် အကျဉ်းကျခံနေရသော ၈၈ မျိုးဆက် ကျောင်းသား ခေါင်းဆောင်တဦးဖြစ်သည့် ကိုဌေးကြွယ် မှာလည်း ထောင်တွင်းကျွေးမွေးမှု ညံ့ဖျင်းပြီး မလောက်ငသည့် အတွက် ယခင်က ခွဲစိတ်ကုသခံယူဖူးသည့် အစာအိမ်မှ ပြန် လည် နာကျင်လာကြောင်း၊ အိမ်မှပို့ပေးသည့် အစားအသောက်များမှာလည်း အပြည့်အ၀မရ ရှိဘဲ ပျောက်ဆုံးမှုများ ရှိနေသည်ဟု ညီမဖြစ်သူ မမိမိကြွယ်က ပြောသည်။

အစိုးရသစ် တာဝန်ယူပြီးသည့် နောက်ပိုင်းတွင် ယုံကြည်ချက်ကြောင့် အကျဉ်းကျ ခံနေရသည့် နိုင်ငံရေးအကျဉ်းသားများကို ပြန်လွှတ်ပေးရန် နိုင်ငံတကာနှင့် ပြည်တွင်းရှိ နိုင်ငံရေး အဖွဲ့အစည်းများနှင့် နိုင်ငံရေး အကျဉ်းသားမိသားစုများ ကလည်း တောင်းဆိုမှု များ ပြုလုပ်လျှက်ရှိသည်။

နိုင်ငံရေး အကျဉ်းသားလွတ်မြောက်ရေးအတွက် စုပေါင်းလက်မှတ်ရေးထိုးပြီး သမ္မတကြီး ဦးသိန်းစိန်ထံ တင်ပြတောင်းဆိုရန် မြန်မာ နှစ်ဆန်း ၁ရက် နေ့မှ စတင် စုဆောင်းသည့် လှုပ်ရှားမှု ပြုလုပ်ရာ ယခုဆိုလျှင် လက်မှတ်ပေါင်း ၁၀၀၀နီးပါး ရရှိပြီ ဖြစ်ပြီး လာမည့် တနင်္လာနေ့တွင် ပို့ဆောင်တောင်းဆိုမည်ဖြစ်သည်ဟု ဦးဆောင်လှုပ်ရှားနေသူများထံမှ သိရ သည်။

Ref;Irrawaddy

Read More...

ဒေါ်စု၏ ကမ္ဘာတွင်းသို့ ခေတ္တ ဝင်ရောက်ခြင်း

Laila de Champfleury
ဧပြီလ ၂၂ ရက် ၂၀၁၁ ခုနှစ်

(Laila de Champfleury သည် သူတို့၏ နိုင်ငံတကာ နိုင်ငံရေး ကောလိပ်သင်ရိုး သင်ခန်းစာအတွက် မြန်မာနိုင်ငံသို့ ဧပြီလဆန်းတွင် သွာရောက်လေ့လာခဲ့ကြသော ဒိန်းမတ်ကျောင်းသား ၁၁ ဦးမှ တဦးဖြစ်ပါသည်။ ထိုအဖွဲ့တွင် ဆရာနှစ်ဦးလည်း အတူ လိုက်ပါသွားခဲ့သည်။ မဇ္ဈိမ အင်္ဂလိပ်ပိုင်းအတွက် Laila de Champfleury ရေးသား သော Stepping into the world of Aung San Suu Kyi ကို ဘာသာပြန်ဆိုထားခြင်း ဖြစ်သည်။)

အမကြီးဟာ တော်လှန်ရေးသမားတဦး မဟုတ်ပါ။ မြန်မာ့ဒီမိုကရေစီ လှုပ်ရှားမှုရဲ့သူရဲကောင်းဖြစ်တဲ့ သူဟာ စားပွဲပေါ် သူ့လက်တွေကို ခပ်ဖွဖွ ယှက်ထားပြီး အေးအေးဆေးဆေး ထိုင်နေတာပါ။ မြန်မာပြည်ရဲ့ ဆိုးရွားကြမ်းတမ်းလှတဲ့ ဒီမိုကရေစီခရီးနဲ့ သူ့ရဲ့ နိုင်ငံရေး အကြောင်း ဆွေးနွေးဖို့ ရောက်လာကြတဲ့ ဧည့်သည်တွေကို စကားထိုင်ပြောနေပါတယ်။

တော်လှန်ရေးဆိုတာ `ရင်ခုန်စရာ သိပ်မကောင်းလှပါ´ လို့ သူထင်ကြောင်း ဒေါ်အောင်ဆန်း စုကြည်က အံ့အားသင့်စရာ ပြောကြားလိုက်ပါတယ်။

ဒေါ်အောင်ဆန်းစုကြည် ဒိန်းမတ်ကျောင်းသားများ၊ ဆရာများနှင့် ဒီချုပ်ရုံးတွင် ဧပြီလတွင် ဓါတ်ပုံအတူတကွ ရိုက်ကူးစဉ်။ ဓါတ်ပုံ - Laila Felicia Lautrop Pichot de Champfleury
သူဟာ မြန်မာနိုင်ငံမှာ ရက်စက်ကြမ်းကြုတ်ပြီး အာဏာအမြစ်တွယ်နေတဲ့ စစ်တပ်ကို ကန်ကျောက်မောင်းထုတ်ဖို့ ကြိုးပမ်းနေကြတဲ့ မြန်မာ့ဒီမိုကရေစီတော်လှန်ရေးရဲ့ကိုယ်စား ပြု အမှတ်အသားပါ။ သူ့ကို တိုင်းပြည်ထဲမှာ အမ၊ အန်တီ၊ ဟိုအမျိုးသမီးကြီးလို့ပဲ ပြောဆိုသုံးနှုံးကြတယ်။ ဒါပေမဲ့ ကျမတို့နဲ့ စကားပြောနေတုန်း သူ့ဖခင် လက်ထက်ကလိုပဲ အကြမ်းဖက် တော်လှန်ရေး အပြောင်းအလဲမှာ သူ့ရဲ့ အဘိဓာန်မှာ မရှိတော့ပါ။

ကျမတို့အုပ်စုမှာ သူ့ထံလာတွေ့နေကျ လာရိုးလာစဉ် အဖွဲ့မဟုတ်ပါ။ ဆရာနှစ်ယောက် အတူ လိုက်ပါလာတဲ့ ဒိန်းမတ်နိုင်ငံမှ ၁၁ ဦးပါ ကျောင်းသားအဖွဲ့လေးသာ ဖြစ်ပါတယ်။ အထက် တန်းကျောင်းနဲ့ တက္ကသိုလ်မှာ သင်ခဲ့ရတဲ့ နိုင်ငံတကာ နိုင်ငံရေးဘာသာရပ်အတွက် `ကြားလပ်နှစ်´ ကို ပြန်လည်ဖြည့်ဆီးဖို့ ပဋိပက္ခတို့နဲ့ ပြည့်နှက်နေတဲ့ မြေ၊ အပြုံးပိုင်ရှင် လူထု၊ ရွှေရောင်ဝင်းဝင်း ဘုရားတွေ၊ ဖိနှိပ်ချုပ်ချယ်တဲ့ စစ်အစိုးရ စသဖြင့် ဖြစ်မျိုးစုံလင်လှ တဲ့ `အကိုကြီး´ တို့ နိုင်ငံကို လာရောက်ခဲ့ကြခြင်းပါ။

ကျမတို့ ရန်ကုန်မြို့ အမျိုးသားဒီမိုကရေစီအဖွဲ့ချုပ် ရုံးအတွင်း ထိုင်နေခဲ့တဲ့ နေ့ကတော့ ဧပြီလဆန်း ဖြစ်ပါတယ်။ ဒေါ်အောင်ဆန်းစုကြည်ရဲ့ အချိန်တွေက အလွန်တန်ဖိုးရှိ လှပါတယ်။ ပုံမှန်အားဖြင့် ဟောဒီ ဒီမိုကရေစီလှုပ်ရှားမှု ခေါင်းဆောင်ဟာ ဒီချုပ်အဖွဲ့ဝင်တွေနဲ့ အစည်းအဝေးတွေ လုပ်နေတတ်တယ်၊ အရေးကြီးတဲ့ ဧည့်သည်တွေကို လက်ခံတွေ့ဆုံတတ်တယ်၊ သတင်းထောက်တွေကို ရံဖန်ရံခါ လက်ခံတွေ့ဆုံတတ်တယ်။ လူတိုင်းက သူ့ကို တွေ့ချင်ကြပါတယ်။ ဒါပေမဲ့ သူ့ကို တွေ့ဆုံမေးမြန်းခွင့် ရဖို့ကတော့ သာမန်အားဖြင့် ခက်ခဲပါတယ်။ ဒိန်းမတ်လူမျိုး သတင်းထောက်တယောက်ဆို သူနဲ့ တွေ့ခွင့်ရဖို့ ၂ နှစ်လောက် စောင့်ခဲ့ရပြီး၊ တွေ့မယ့်တွေ့ရတော့လည်း ခဏပဲ တွေ့ခဲ့ရတယ်လို့ ကျမတို့ ကြားဖူးထားပါတယ်။

ဒီတော့ ကျမတို့ ခဏခဏ ဖတ်ဖူးထားတဲ့ ဒီမိုကရေစီ သူရဲကောင်း ခေါင်းဆောင် တယောက်နဲ့ ဒီချုပ် ဗဟိုဌာနချုပ် ရုံးခန်းကျဉ်းလေးအတွင်း မျက်နှာချင်းဆိုင် တွေ့ခွင့်ရ နေတာကို တွေ့ရတဲ့အခါ ကိုယ့်ကိုယ်ကို အလွန် အံ့သြနေမိပါတော့တယ်။ ဖြစ်နိုင်တာက ကျမတို့ ဆရာ၊ ဆရာမတွေရဲ့ ဒိန်းမတ်ရောက် သြဇာအာဏာရှိတဲ့ မြန်မာ အတိုက်အခံတွေနဲ့ အဆက်အသွယ် ကောင်းမွန်မှုကြောင့်လည်း ဖြစ်နိုင်ပါတယ်။ ဒါကတော့ ကျမတို့ အထင်ပဲ ဖြစ်ပါတယ်။

နောက်ဆုံး မိနစ် စက္ကန့်အထိ သူနဲ့ တကယ်တမ်း တွေ့ခွင့် ရမရဆိုတာ ရင်မောစရာ ကိစ္စကြီး ဖြစ်နေခဲ့ပါတယ်။

ပါတီဌာနချုပ်ရုံးမှာ ပြည့်ကျပ်ပြွတ်သိပ်နေပြီး အဆန်းတကြယ် အဆင် တန်ဆာများလည်း မရှိပါ။ ဒီထဲကို ဝင်လိုက်ရတာ လမ်းပေါ်ကနေ တခြားကမ္ဘာတခုထဲ ရောက်သွားသလိုပါပဲ။ ရုံးခန်းတွေထဲမှာ စာရွက်ထပ်တွေနဲ့ ဒေါ်အောင်ဆန်းစုကြည် ဓာတ်ပုံတွေပဲ ရှိပါတယ်။ ရုံးထဲကို ဝင်လိုက်ရတာ ဘာနဲ့တူသလဲဆိုတော့ အရင်ကလည်း တခါမှ မဖွင့်ဖူးသေး၊ အထဲမှာလည်း ဘာရှိမှန်း မသိရတဲ့ ရှေးဟောင်းလျှို့ဝှက် သေတ္တာတလုံးကို ဖွင့်နေ ရ သလိုပါပဲ။ ကျမတို့အဖွဲ့ကို အပေါ်ထပ်တက်ကြဖို့ လက်ညှိးထိုးပြကြပါတယ်။ ဒီတော့လည်း မြေအောက်လုပ်ငန်း အငွေ့အသက်တွေကို ရလာပြန်ပါတယ်။ အခန်းထဲမှာရှိတဲ့ သစ်သား စားပွဲတလုံးဘေးမှာ ကျမတို့ ဝိုင်းထိုင်လိုက်ကြပါတယ်။ ဒီအချိန်ထိ အမကြီးကို တွေ့မှတွေ့ရပါ့မလားလို့ တထင့်ထင့် ဖြစ်နေရတုန်းပါ။

ထိုင်ရင်း သူများ ဒီဘက်က ဝင်လာမှာလားလို့ တွေးပြီး အခန်းတဖက်က ခပ်ဟဟလေး ဖြစ်နေတဲ့ တံခါးကို ကြည့်နေမိပါတယ်။ အခန်းထဲမှာ အားလုံး လည်တဆန့်ဆန့် ဖြစ်နေကြတုန်း တဖက်က အခန်းထဲကို သူ့သက်တော်စောင့်တွေနဲ့အတူ ဝင်သွားတာကို စက္ကန့်ပိုင်းလေးလောက် ဗြုန်းကနဲ ကျမ မြင်လိုက်ရပါတယ်။ သူ ဒီအဆောက်အအုံထဲမှာ ကျမတို့နဲ့ အတူရှိနေပါပြီ။ ဒီတခါတော့ ဘယ်လိုမှ မမှားနိုင်တော့ပါဘူး။ ၅ မိနစ်လောက်ကြာတော့ ကျမတို့ရှိတဲ့ အခန်းထဲကို သူဝင်လာပါတယ်။ ကျမတို့အားလုံးပဲ ဗြုန်းကနဲ မတ်တပ်ထရပ်လိုက်ကြပါတယ်။ သူက ရယ်ရယ်မောမော၊ ရင်းရင်းနှီးနှီးပဲ `ထိုင်ကြပါ၊ ထိုင်ကြပါ´ လို့ ကျမတို့ကို ပြောပါတယ်။

စားပွဲတဖက်စွန်းက ထိုင်ခုံမှာ သူက လက်ပိုက်လို့ ခပ်မတ်မတ် ထိုင်နေပါတယ်။ ကျမ စိတ်ကူးထဲမှာ ပုံဖော်ထားတဲ့ အတိုင်းပါပဲ၊ သူဟာ မိန်းမပီပီသသ ကြက်သရေ ရှိသူဖြစ်ပြီး ခေါင်းမှာလည်း ပန်းတွေ ပန်ထားပါတယ်။ သူ့ကိုကြည့်ရတာ စိတ်သဘောထားနူးညံ့ပြီး ကြင်နာပုံရပေမယ့် အတွင်းစိတ်သဏ္ဍာန်မှာ တင်းမာပြတ်သားသူ ဆိုတာကိုလည်း အလွယ်တကူပဲ တွေ့မြင်နိုင်ပါတယ်။

ဒိန်းမတ်တုန်းကတော့ တွေ့ရရင် ဘာမေးမလဲဆိုပြီး မေးခွန်းတွေ ကြိုးစားပမ်းစား ပြင်ဆင် လာခဲ့ကြပါတယ်။ ကျမတို့က နိုင်ငံတကာ နိုင်ငံရေးမှာ ဗမာပြည်ရဲ့ ရှုပ်ထွေးပွေလီ လှတဲ့ နိုင်ငံရေး လမ်းကြောင်းကိုပဲ လေ့လာခဲ့ကြတာ ဆိုတော့ သိပ်မကြာခင် ပဲ ကျမတို့လိုချင်တဲ့ မေးခွန်းတွေ အကုန်လုံးဟာ ဒီမိုကရေစီ အကြောင်းချည်း ဖြစ်နေတာကို တွေ့ရပါတော့တယ်။

`ဒီမိုကရေစီဆိုတာ အနောက်မှာတော့ အသားကျနေတဲ့ စကားလုံး၊ မင်းတို့လည်း သိပ်ပြီး လေးလေးနက်နက် ရှိလှမယ်မထင်ဘူး။ ဒီမိုကရေစီရဲ့ တန်ဖိုးကို သေသေချာချာ သဘော ပေါက်ကြလိမ့်မယ်တောင် မထင်ဘူး´ ဟု ဒေါ်အောင်ဆန်းစုကြည်က ပြောပါသည်။

ပြီးတော့မှ သူက ကျမတို့အကြောင်း ဦးလှည့်လာပြီး `၂ဝဝ၇ ခုနှစ်က ဒိန်းမတ်မှာ ကျင်းပခဲ့တဲ့ နောက်ဆုံး ရွေးကောက်ပွဲမှာ ကျမတို့ထဲက ဘယ်နှယောက် မဲပေးခဲ့သလဲလို့ မေးလာပါတယ်။ ကျမတို့ထဲက အတော်များများ လက်ထောင်ကြပါတယ်။ ၃ ယောက် ကတော့ သူတို့ မဲသွားမပေးဘူးလို့ ဝန်ခံကြပါတယ်။ ၂ ယောက်ကတော့ ငယ်သေး လို့ အဲဒီအချိန်က မဲပေးခွင့်မရခဲ့ကြပါ။

ဒီတော့မှ ကျမတို့အမကြီးက ကျမတို့တတွေ ရန်ကုန်နဲ့ မန္တလေးမှာရှိတုန်း မြန်မာ လူမျိုးတွေနဲ့ စကားပြောခဲ့ကြတာတွေအကြောင်း ဆက်ပြောပါတယ်။ ကျမတို့ခရီးစဉ် တလျှောက် တွေ့ခဲ့ကြသူတွေအားလုံး အပြုံးကိုယ်စီနဲ့ ဖော်ဖော်ရွေရွေ ရှိခဲ့ကြသလောက် အတွင်းစိတ်ထဲမှာ တခုခုကို ကြောက်ရွံ့နေတာ ကိုလည်း တွေ့ခဲ့ရပါတယ်။ ကမ္ဘာလှည့် ခရီးသွားတဦးသာ ဆိုရင်တော့ ဒီကိစ္စကို သတိထားမိမယ် မဟုတ်ပါဘူး။ ဒါပေမဲ့ သတင်းထောက် တယောက်နဲ့ တွေ့တုန်းကတော့ သူက သတင်းထောက်ပီပီ အတော် သတိထားပြောတယ်။ အစိုးရက လူတိုင်းကို စောင့်ကြည့်နေတာ၊ ဆင်ဆာဆို တာလည်း စစ်အစိုးရက သူ မီဒီယာထဲ ပါစေချင်တာကိုပဲ ခွင့်ပြုတာလို့ ပြောပါတယ်။

`ကျမတို့ တိုင်းပြည်မှာ ဥပဒေ စိုးမိုးမှုဆိုတာလည်း မရှိတော့ လုံခြုံမှု ဆိုတာလည်း မရှိဘူး´ လို့ ဒေါ်အောင်ဆန်းစုကြည်က ပြောပါတယ်။ ၂ဝ၁ဝ ရွေးကောက်ပွဲမှာ အမျိုးသား ဒီမိုကရေစီ အဖွဲ့ချုပ် ဝင်မပြိုင်ခဲ့တာလည်း ဒီကိစ္စက အကြောင်းတချက် ဖြစ်ပါတယ်။ စစ်အစိုးရကို တရားဝင်အောင် လုပ်ပေးပြီး စစ်တပ်ကို အချိန်မရွေး အာဏာသိမ်းနိုင်ခွင့် ပြုထားတဲ့ ဖွဲ့စည်းပုံကို လက်မခံနိုင်ကြောင်းလည်း ဒေါ်အောင်ဆန်းစုကြည်က ရှင်းပြပါ တယ်။

တိုင်းရင်းသား အဖွဲ့တွေနဲ့ အစိုးရအကြား ပဋိပက္ခတွေ ဖြစ်ပွားနေရတာရဲ့အကြောင်းရင်း တရပ်မှာလည်း အခွင့်အရေး မညီမျှမှုကြောင့်လို့ သူက ထောက်ပြပါတယ်။

`တိုင်းရင်းသားတွေက ဖက်ဒရယ်ပိုကျတဲ့ ဖွဲ့စည်းပုံမျိုးကို လိုချင်ကြတာ။ ဒါကြောင့်ပဲ ပြဿနာတွေ ဖြစ်နေရတာ။ ဒီမတရားမှုတွေ ဒီမှာပဲ ရပ်ဖို့တော်ပြီ။ တိုင်းရင်းသားတွေ ဒုက္ခသည်တွေအဖြစ်နဲ့ တချိန်လုံး ပြေးချည်းနေကြရတာ။ ကိုယ့်တိုင်းပြည်ထဲမှာပဲ ညှဉ်းပန်း နှိပ်စက်ခံပြီး တချိန်လုံး ကြောက်ကြောက်လန့်လန့်နဲ့ နေနေကြရတာ။ ဒါတွေအားလုံး ပြောင်းမှဖြစ်မယ်။ ပြောင်းဖို့ဆိုတာလည်း အခွင့်အရေး တန်းတူညီမျှခံစားခွင့် ရှိပါတယ်ဆို တာ သူတို့ကိုယ်တိုင် ခံစားသိရှိရမှ ဖြစ်မယ်´။

ကျမတို့အတန်းက ကျောင်းသားတွေ တစုတဝေး မြန်မာပြည်ထဲမှာ သွားလာနေရတော့ ဒိန်းမတ်က စာသင်ခန်းထဲမှာ ကျမတို့သင်ခဲ့ရတဲ့ ပြဿနာပေါင်းစုံ၊ အခြေအနေ အဖြစ်ပေါင်းစုံကို မျက်ဝါးထင်ထင် မြင်ခွင့်ရတယ်။ ကိုယ့်တိုင်းပြည်ရဲ့ အခြေအနေတွေကို ပြောနိုင်တဲ့သူ၊ ဘာတွေလိုချင်တယ်၊ ဘာတွေဖြစ်ချင်တယ်၊ ဘယ်လိုလုပ်လိုက်ရင် ဒါတွေ အောင်မြင်လာလိမ့်မယ်ဆိုတာတွေ ပြောနိုင်မယ့် သူမျိုးကို ကျမတို့ကလည်း တွေ့ချင် ပါတယ်။

ကျမ စိတ်ဝင်စားတဲ့ ကိစ္စက လူ့အခွင့်အရေးနဲ့ ဥပဒေ စိုးမိုးမှုကိစ္စပါ။ ဒါကြောင့် ဒေါ်အောင်ဆန်းစုကြည်က မြန်မာပြည်မှာ ဥပဒေ စိုးမိုးမှု မရှိတဲ့အကြောင်း ပြောလာတော့ ကျမလည်း စိတ်ဝင်စားလာပါတယ်။

တကယ်တော့ လူတွေ လုံခြုံတယ်လို့ ခံစားမိစေတဲ့ ကိစ္စမှာ ဥပဒေက နောက်ဆုံးမှ စဉ်းစားမိတဲ့ ကိစ္စပါ။ ကိုယ်တိုင်ကြုံမှ၊ ခံရမှ သိတဲ့ ကိစ္စပါ။ ကိုယ့်အခွင့်အရေးတရပ်ရပ် ချိုးဖောက်ခံရမှ သတိရတဲ့ အရာပါ။ ဒီကိစ္စကပဲ ပုံမှန်လည်ပတ်နေတဲ့ လူ့အဖွဲ့အစည်း တရပ်အတွက် အခြေခံအခွင့်အရေးတွေကို ပေးအပ်နေတာပါ။

ရန်ကုန်မှာရှိတဲ့ မြန်မာတက်ကြွလှုပ်ရှားသူ လူငယ်တယောက်နဲ့ စကားပြောဖြစ်ခဲ့တာကို ကျမ ပြန်သတိရလာပါတယ်။ သူက ကျမကို ဒီမိုကရေစီဆိုတဲ့ စကားလုံးကို ဘယ်လို နားလည်သလဲလို့ မေးလာပါတယ်။ ကျမကလည်း လွတ်လပ်စွာ ပြောခွင့်ရှိတာ၊ ကိုယ့်အတွက် ရွေးချယ်ခွင့်ရှိတာ၊ လွတ်လပ်မျှတတဲ့ ရွေးကောက်ပွဲတွေ ရှိတာ၊ စသဖြင့် ပြောလိုက်ပါတယ်။ ဒီတော့ သူက ဒါတွေအားလုံးဟာ ဒီမိုကရေစီအတွက် အရေးကြီးကြတာ ချည်းဆိုတာ သူလက်ခံပါတယ်တဲ့။ ဒါပေမဲ့ သူ့အမြင်အရ အရေးအကြီးဆုံးကိစ္စ က အာဏာကို ပိုင်းခြားထားခြင်း ဖြစ်ပါတယ်တဲ့။ တရားစီရင်ရေး အာဏာနဲ့ စီမံခန့်ခွဲရေးအာဏာ တနည်းအားဖြင့် အစိုးရအာဏာကို ခွဲခြားထားဖို့ ဖြစ်တယ်လို့ ပြေလာပါတယ်။ ဒါသူ့ဆန္ဒဖြစ်ပြီး မြန်မာပြည်မှာ တနေ့ကျရင် ဖြစ်ထွန်းလာမယ် လို့ ထင်ပါတယ်။

အစိုးရက ဆုံးဖြတ်နိုင်ခွင့် အာဏာကို ဘယ်လိုချုပ်ကိုင်ထားတယ်ဆိုတာ အမကြီးက ကျမ တို့ကို သာဓကတခု ပြောပြပါတယ်။ `ဒီချုပ်အဖွဲ့ဝင်တဦးဦး နိုင်ငံရေးမှုနဲ့ တရားရုံး ရောက်သွားပြီဆို ဒီအမှုက သေချာပေါက် ရှုံးတော့မှာပဲ။ ဒါကို အစကတည်းက ကျမတို့လည်း သိတယ်။ ဒါကြောင့် ကျမတို့ အမြဲပြောနေတာ။ တရားရုံး မရောက်ခင် ကတည်းက ဘယ်လောက်ချမယ်၊ ဘယ်လိုကိုင်တွယ်မယ်ဆိုတာ ကြိုပြီး အမြဲဆုံးဖြတ် ထားပြီးသား၊ ဒါတွေ အကုန်လုပ်ပြီးမှ ရုံးရောက်တာ´ ဟု သူက ပြောပါတယ်။

ဒီလိုဖြစ်ပေမယ့် ဒီချုပ်အဖွဲ့ဝင်တွေဟာ သူတို့ရဲ့ စာရိတ္တကို ကာကွယ်ဖို့ ရှေ့နေတော့ ထားကြတယ်လို့ သူက ဆိုပါတယ်။ သူတို့ဟာ အပြစ်မရှိဘဲ မတရားစွပ်စွဲ ချုပ်နှောင်ခံရသူတွေဖြစ်ပြီး၊ အတွေးအခေါ် အယူအဆတခုခုကို ယုံကြည်ပြီး ဒီအယူအဆအတိုင်း နေခဲ့လုပ်ခဲ့တာကလွဲလို့ ဘာပြစ်မှုကိုမှ မကျူးလွန်ခဲ့ကြကြောင်းနဲ့ သူတို့ရှေ့ မားမားမတ်မတ် ရပ်ပြောပေးမယ့် သူကိုပဲ လိုချင်တာဖြစ်ကြောင်း ပြောပြပါတယ်။

`ကိုယ့်ကိုထိလာမှ ဥပဒေဆိုတာကို သတိရတာ။ ဒီလိုမဟုတ်ရင် ကျမတို့လည်း အသေး စိတ်မသိပါဘူး။ ဒီတော့ ဒီအမှုတွေက ကျမတို့ကို ကျမတို့အခွင့်အရေးတွေ ဘာတွေရှိ တယ်ဆိုတာ သင်ပြပေးနေတာပဲ။ ဒီအခွင့်အရေးတွေ တရားရုံးတွေမှာ ဘယ်လိုချိုးဖောက်ခံနေ ရတယ်ဆိုတာတွေ သိလာတာပဲ။ ဥပဒေက အကာအကွယ် မပေးနိုင်ရင် ဘယ်သူမှ လုံခြုံမှာ မဟုတ်ဘူး။´

သူ့ကို ပိတ်ဆို့အရေးယူမှုနဲ့ပတ်သက်ပြီး မေးတာတွေ သိပ်များလွန်းလို့ အမ စိတ်ပျက် နေတယ်ဆိုတာ ကျမတို့ ကြားထားလို့ ဒီမေးခွန်း သူ့ကိုမမေးတော့ပါဘူး။ အပြောင်းအလဲ အတွက် သူရဲ့ ကိုယ်ပိုင်ကြိုးပမ်းချက်တွေကိုပဲ မေးမြန်းဖြစ်ပါတယ်။

`မြန်မာပြည်ကလူတွေက သူတို့လိုချင်တဲ့ အပြောင်းအလဲအတွက် ကျမနဲ့ ကျမတို့ ပါတီ အပေါ်ပဲ မကြာခဏ အားကိုးကြတယ်။ ဒီလိုအပြောင်းအလဲမျိုးဖြစ်ဖို့ သူတို့ကိုယ်တိုင် လုပ်နိုင်တယ်ဆိုတာ သိအောင်လုပ်ဖို့က အရေးအကြီးဆုံးပဲ´ ဟု သူက ပြောပါတယ်။

ဒီချုပ်ပါတီကို နိုင်ငံရေးပါတီတခုအဖြစ် ဆက်ရှိနေဖို့ သူသန္နိဋ္ဌာန်ချထားကြောင်းပါ ပြောပါတယ်။ အာဏာပိုင်တွေက ပါတီကို ဖျက်သိမ်းဖို့ ကြိုးပမ်းနေပေမယ့် မြန်မာပြည်မှာ ဒီမိုကရေစီရရှိရေးအတွက် ပါတီရှိနေရမှာလို့ သူက ဆိုပါတယ်။

တိုင်းပြည်ကို ထင်ရှားတဲ့ ခေါင်းဆောင်တဦးထဲက ရှေ့ဆောင်နေတာဟာ ဒီမိုကရေစီ အတွက် မကောင်းကြောင်း၊ အနည်းဆုံးတော့ ရွေးချယ်စရာအဖြစ် အဲဒီလို ထင်ရှားထက်မြက် တဲ့ ခေါင်းဆောင် အနည်းစုလေးတော့ ရှိနေရမှာဖြစ်ကြောင်း၊ ဒါမှ နိုင်ငံရေးသမားတွေ အနေနဲ့ သူတို့အလုပ်အပေါ် ပိုအလေးထား အာရုံစိုက်လာနိုင်မှာဖြစ်ကြောင်း သူက ကျမတို့ကို ရှင်းရှင်းလင်းလင်း ပြောဆိုပြပါတယ်။

ဒီချုပ်ရဲ့ မူဝါဒတွေအကြောင်းနဲ့ ပတ်သက်ရင်တော့ နိုင်ငံရေးလုပ်ငန်းစဉ်တွေ၊ မူဝါဒ ရပ်တည်ချက်တွေအကြောင်း သူ့ဆီက တိတိကျကျ အဖြေတခုရဖို့ ခက်ပါတယ်။ သူတို့ကိုယ်သူတို့ လက်ဝဲလား၊ လက်ျာလားဆိုတာကိုတောင် မသေချာပါဘူး။

`ဒီမိုကရေစီမှ မရှိတဲ့နောက် လက်ဝဲလည်း မစဉ်းစားနိုင်ဘူး၊ လက်ျာလည်း မစဉ်းစား နိုင်ဘူး။ အစိုးရက အစစတာဝန်ယူစောင့်ရှောက်တဲ့ welfare state လိုဟာမျိုး လုပ်မလား၊ မလုပ်ဘူးလားဆိုတာလည်း မတွေးအားဘူး´ ဟု သူက ပြောပါတယ်။

ဒီချုပ်အနေဖြင့်မူ အလယ်ဗဟိုဝါဒီ ပါတီတရပ်ဖြစ်လိုကြောင်း သူက ပြောပါတယ်။ ကလေးတွေအတွက် အခမဲ့ပညာရေး၊ လူထုအတွက် အခမဲ့ကျန်းမာရေးစောင့်ရှောက်မှု စတဲ့ စံကျတဲ့ အိပ်မက်တရပ်ရှိကြောင်းနဲ့ ဒါပေမဲ့ ဒီခရီးကို ရောက်ဖို့ အဝေးကြီး လျှောက်လှမ်းရဦးမယ်လို့ ဆိုပါတယ်။

မြန်မာပြည်တွင်း တက်ကြွလှုပ်ရှားသူတွေကို ကျမတို့ မေးခဲ့တဲ့ မေးခွန်းတခုမှာ မြန်မာပြည် အပြောင်းအလဲအတွက် ဘယ်နည်းလမ်းကို သုံးမလဲ၊ တော်လှန်ရေးလား၊ တခြား တနည်းနည်းလား ဆိုတဲ့ မေးခွန်းတွေပါ။ ဒီမေးခွန်းကိုပဲ မြန်မာပြည်အပြောင်းအလဲအတွက် အထိမ်းအမှတ် အမှတ်အသားဖြစ်နေသူ ဒေါ်အောင်ဆန်းစုကြည်ကို မေးမြန်းဖြစ်ခဲ့ပါတယ်။

`ကျမက တော်လှန်ရေးတွေအတွက် ဆော်သြတိုက်တွန်းနေသူတော့ မဟုတ်ပါဘူး။ ဘာလို့ လဲဆိုတော့ သိပ်ရင်ခုန်စရာ မကောင်းလို့ပါဘဲ´ လို့ သူက ပြန်ဖြေပါတယ်။ `တချို့က ထင်ကြ တယ်။ ဒါ မြန်မြန်ထက်ထက် အဖြေထွက်တဲ့ဟာလို့။ ဒါပေမဲ့ ဒီလမ်းကိုရွေးရင် ရသွားတဲ့ ဒဏ်ရာတွေက အတော်နက်ရှိုင်းပါတယ်။ ဒီ အနာတွေက ကျက်ဖို့လည်း ခက်ပါတယ်။ တခါတရံ အပေါ်ယံကြည့်လိုက်ရင်တော့ အပြောင်းအလဲ ဖြစ်လာသလိုပါပဲ။ တကယ်တော့ ဒီလမ်းက ဘယ်သူမှ အပြောင်းအလဲ ဖြစ်လာမယ်လို့ မထင်တဲ့ လမ်းပါ။ ဒီလမ်းကြောင့် ရခဲ့တဲ့ ဒဏ်ရာတွေက ဒီလောက်ကာလရှည်ကြာတဲ့အထိ မပျောက်သေး ပါဘူး။ အပြောင်းအလဲအတွက် အကောင်းဆုံးနည်းလမ်းက နိုင်ငံရေးအရ ဆွေးနွေးညှိနှိုင်း အဖြေရှာတာပဲဖြစ်တယ်လို့ ကျမ ယုံကြည်ပါတယ်´။

သူ့ရဲ့ တုံ့ပြန်မှုမှာ အံ့အားသင့်စရာကောင်းသလို နားလည်နိုင်တဲ့ အချက်လည်း ဖြစ်ပါတယ်။ သူတွေ့ကြုံခဲ့ရသမျှကလည်း အကြိမ်ကြိမ် အကျယ်ချုပ်ချခံရခြင်း၊ ၂ဝဝ၃ ခုနှစ်အတွင်း သူခရီးသွားနေတုန်း ရက်ရက်စက်စက် တိုက်ခိုက်ခံခဲ့ရခြင်း၊ ၂ဝဝ၇ ခုနှစ် ရွှေဝါရောင် တော်လှန်ရေး ကာလအတွင်း သေကြေခဲ့ရတာတွေဟာ တော်လှန်ရေးရဲ့ ထိရောက်မှုအပေါ် ထင်ထင်ရှားရှား မေးခွန်းထုတ်နေတဲ့ အချက်တွေ ဖြစ်ပါတယ်။

မြန်မာနိုင်ငံဟာ အီဂျစ်မဟုတ်၊ တူနီးရှားမဟုတ်၊ လစ်ဗျားလည်း မဟုတ်ပါ။ ယုတ်စွအဆုံး ကိုလိုနီဗြိတိသျှတို့ကို တော်လှန်တိုက်ခိုက်ခဲ့တဲ့ သူ့ဖခင် ဗိုလ်ချုပ်အောင်ဆန်းခေတ် မြန်မာနိုင်ငံလည်း မဟုတ်ပါ။ သူ့ဖခင်ဟာ လွတ်လပ်ရေးမရမီလေးမှာ သေနတ်သမားတွေရဲ့ လုပ်ကြံသတ်ဖြတ်ခံခဲ့ရတယ်။

`မြန်မာနိုင်ငံနဲ့ အီဂျစ် မတူဘူးဆိုတာ၊ အများကြီး ကွာခြားတယ်ဆိုတာ ခဏခဏ ပြောနေရတယ်´ လို့ သူက ပြောပါတယ်။ ကိုင်ရိုမြို့မှာ ဆန္ဒပြသူတွေဟာ အနှိမ်နင်း မခံရခင်အထိ ကာလရှည်ကြာ ဆန္ဒပြနိုင်ခဲ့တယ်။ မြန်မာပြည်မှာတော့ အဲလိုမဟုတ်။ ချက်ချင်းလိုပဲ `သွေးထွက်သံယို နှိမ်နင်းခံရတယ်´။ `ဒီတော့ လူတွေရဲ့ စိတ်ထဲမှာ အကြီးအကျယ် ဒဏ်ရာရသွားတာ။ ဒါတွေက ပျောက်ဖို့ အချိန်အတော်ယူရမယ်။ ဒီအတွေ့အကြုံအဖြစ် ဆိုးကြီးတွေကို မေ့နိုင်အောင် အတော်ကြာမယ်´။

နှစ်နာရီလောက်ကြာသွားပြီမို့ ကျမတို့သွားဖို့လည်း အချိန်တန်ပါပြီ။ အခုလို စကားပြောဖြစ်ခဲ့တာကိုပဲ အံ့သြနေမိပါတယ်။ ဒီအတွင်း တခုခုဖြစ်သွားနိုင်တယ် ဆိုတာကိုလည်း ကျမတို့ စဉ်းစားနေမိပါတယ်။ သူ့ကို အိမ်ထဲက ချက်ချင်းဆွဲထုတ်သွားပြီး အကျယ်ချုပ်တဖန် ချလိုက်နိုင်တယ်။ ဒါမှမဟုတ် အိမ်အဝမှာ စောင့်နေတဲ့ အိမ်ထဲ ဝင်ခွင့်မပေးခဲ့တာလည်း ဖြစ်နိုင်တာပါပဲ။ ဒါမှမဟုတ် ကျမတို့လို ကျောင်းသားတအုပ်ကို မတွေ့ဘဲ ကျမတို့ထက် ပိုအရေးကြီးတဲ့ ကိစ္စတခုခုကို လုပ်စရာရှိ နေတာလည်း ဖြစ်နိုင်ပါတယ်။

စိတ်ဝင်စားစရာ ကောင်းတာက ကျမတို့ကို အလေးအနက်ထား တွေ့ဆုံဆွေးနွေးခဲ့ပါ။ သူ့ကိုတွေ့ဖို့အရေး ကျမတို့မှာ စိတ်တွေလှုပ်ရှားပြီး စိုးရိမ်တကြီး ဖြစ်နေခဲ့ကြတယ်။ ဒီခံစားချက်မှာ နှစ်ဖက်အပြန်အလှန်လည်း ဖြစ်ပုံရပါတယ်။ ကျမတို့အုပ်စုထဲက တယောက် ယောက်က မေးခွန်းမေးလိုက်တိုင်း မေးခွန်းမေးတဲ့သူကို သေချာကြည့်ပြီး ခေါင်းတငြိမ့်ငြိမ့် နဲ့ အလေးအနက်ထား နားထောင်တာ တွေ့ရပါတယ်။ ပြီးတော့မှ ဖြေတာဆိုတော့ သူ့ရဲ့ လေးနက်မှု၊ ရိုးသားမှုကို ဖော်ပြနေပါတယ်။

တွေ့ဆုံဆွေးနွေးပွဲပြီးတော့ သူ့ကို လက်ဆောင်ပေးရာ နာမည်ကြီး ဒိန်းမတ်စာရေးဆရာ ဟန်းခရစ်ရှန်အင်ဒါဆင် ရေးတဲ့ နတ်သမီးပုံပြင်စာအုပ်လည်း ပါပါတယ်။ ဒါကို သူအတော်ဝမ်းသာပါတယ်။ သူငယ်ငယ်က ဒီစာအုပ်ထဲက ရေသူမလေးပုံပါတဲ့ လက်ဆောင်တခုကို သူ့မိခင်က ပေးခဲ့ဖူးကြောင်းလည်း ပြောပါတယ်။

ပြီးနောက် ကျမတို့က အသားအရောင်ခွဲခြားရေးကာလ တောင်အာဖရိက လွတ်မြောက်ရေး တိုက်ပွဲဝင် တေးသီချင်းဟောင်း တပုဒ်ကို စုပေါင်းသီဆိုကြပါတယ်။ အာဖရိကလူမျိုးတွေ ဒီသီချင်းကို သီဆိုနိုင်ခဲ့တာမှာ အာဏာရ ဘိုးအားလူမျိုးတွေ နားမလည်တဲ့ တိုင်းရင်းသား ဇူးလူးဘာသာနဲ့ သီဆိုခဲ့တာကြောင့်ပဲ ဖြစ်ပါတယ်။

ပြီးတော့ ဒေါ်အောင်ဆန်းစုကြည်က ကျမတို့အားလုံးကို တယောက်ချင်းစီ လက်ဆွဲ နှုတ်ဆက်ပါတယ်။ ပြီးတော့ ကျမတို့အားလုံး ရုံးခန်းထဲကနေ စိတ်လှုပ်ရှား ကြည်နူးစွာ ထွက်လာခဲ့ကြပါတော့တယ်။

အပြင်ဘက်ထွက်လာတော့ ဒီလိုတွေ့ဆုံဆွေးနွေးမှုမျိုးကို မြန်မာနိုင်ငံမှာ လျှို့ဝှက်ထားလို့ မရဘူးဆိုတာ ကျမတို့ သိလာပါတော့တယ်။ လူ ၄ ယောက်က ကျမတို့ကို ဓာတ်ပုံတွေ ရိုက်နေပါတယ်။ ဒီဓာတ်ပုံတွေနဲ့ သူတို့ ဘာလုပ်ကြမယ်ဆိုတာ ကျမတို့ ဘယ်တော့မှ သိမှာလည်း မဟုတ်ပါဘူး။ ဒါသည်ပင် အစိုးရရဲ့ အကြောက်လွန်နေပုံနဲ့ မြန်မာပြည်သူတွေ လွတ်လပ်တဲ့ မြန်မာနိုင်ငံမှာ နေလိုစိတ် ပြင်းပြနေတာကို ထင်ထင်ရှားရှား ပြသနေတဲ့ အချက်လည်း ဖြစ်ပါတယ်။

(Laila de Champfleury သည် သူတို့၏ နိုင်ငံတကာ နိုင်ငံရေး ကောလိပ်သင်ရိုး သင်ခန်းစာအတွက် မြန်မာနိုင်ငံသို့ ဧပြီလဆန်းတွင် သွာရောက်လေ့လာခဲ့ကြသော ဒိန်းမတ်ကျောင်းသား ၁၁ ဦးမှ တဦးဖြစ်ပါသည်။ ထိုအဖွဲ့တွင် ဆရာနှစ်ဦးလည်း အတူ လိုက်ပါသွားခဲ့သည်။ မဇ္ဈိမ အင်္ဂလိပ်ပိုင်းအတွက် Laila de Champfleury ရေးသားသော Stepping into the world of Aung San Suu Kyi ကို ဘာသာပြန်ဆို ထားခြင်း ဖြစ်သည်။)

Ref;Mizzima


Read More...

လက်တော့ပ်ကို ရထားပေါ်သယ်ရင် တန်ဆာဆောင်ဖို့လို

ကျော်ခ
ဧပြီလ ၂၂ ရက် ၂၀၁၁ ခုနှစ်

မြန်မာနိုင်ငံက ရထားပေါ်ကို သင်၏ ခရီးဆောင် ကွန်ပြူတာ လက်တော့ပ်အား ယူသွားပါက လက်မှတ်စစ် တွေ့ရှိလျှင် တန်ဆာမဆောင်ဘဲ သယ်ဆောင်မှုဖြင့် ဒဏ်ငွေဆောင်ရမှာ ဖြစ်သည်။

မြို့ပတ် ရထားပေါ်ဖြစ်စေ၊ နယ်ဝေးပြေးဆွဲ နေ သည့် ရထားများ အပေါ်တွင်ဖြစ် စေ ကွန်ပြူတာ တွေ့လျှင် ဒဏ်ငွေ ၄၈ဝဝ ကျပ်အထိ ဒဏ်တပ်ခံ ရမည်ဟု နေပြည်တော် ရှိ ရထားပို့ ဆောင်ရေး စီးပွားရေးဌာနက တာဝန်ရှိသူ တဦးက အတည်ပြုပြောကြားသည်။

”ကွန်ပြူတာ လက်ပ်တောပ့်ကတော့ Personal Use လည်း မရဘူးခင်ဗျ။ တလုံးထဲလည်း ဒဏ်ရိုက်ပါတယ်” ဟု သူက မဇ္ဈိမကို ပြောသည်။

ရထားပေါ် လက်ပ်တော့ ကွန်ပြူတာ သယ်ဆောင်မှုဖြင့် လက်နှိပ်စက်နှုန်းထားအတိုင်း ဒဏ်ရိုက်ခံခဲ့ရသူ တဦးက ဒဏ်ငွေ ကျပ် ၂၁ဝဝ ပေးဆောင် ထားခဲ့ရသော ပြေစာကို မကြာသေးခင်က Facebook တွင် တင်ထားခဲ့ရာ လူအများအကြား မြန်မာ့ရထား၏ စည်းမျဉ်းစည်းကမ်းကို အံ့သြမှု ဖြစ်ခဲ့ကြသည်။

အဆိုပါ ခရီးသည် ဒဏ်ငွေ ဆောင်ခဲ့ရမှုနှင့် ပတ်သက်၍ မီးရထား အရာရှိကမူ ဒဏ်ငွေပမာဏ ၂၁ဝဝ ကျပ်သာ ပေးဆောင်ရသည်မှာ ”ကံကောင်း” သော ဖြစ်ရပ်ဟု မဇ္ဈိမကို ပြောသည်။ ဒဏ်ငွေကို ၃ ဆအထိ ပုံမှန်ပေးဆောင်ရသည်ဟု ဆိုသည်။

မီးရထားစီး၍ ခရီးသွားမည့်သူအနေဖြင့် မိမိနှင့်အတူ ကွန်ပြူတာပါလာပါက ရထားဘူတာရှိ တန်ဆာဆောင် ဌာနတွင် သွားရောက်၍ ငွေပေးချေရမည်ဟုလည်း ရထားအရာရှိက ပြောသည်။

ထိုကဲ့သို့ သယ်ဆောင်ရာတွင်လည်း အသုံးပြုသူကိုယ်တိုင် တန်ဆာဌာနသို့ လာရောက်၍ ကိုယ်တိုင်တပါတည်း သယ်ဆောင်သွားမည်ဖြစ်ကြောင်းနှင့် အကြောင်းကြားရန်၊ တန်ဆာ ပြုလုပ်ရန် လိုအပ်ပြီး လူကြုံပါး၍ သယ်ဆောင်ခွင့်ကို ခွင့်မပြုကြောင်း သိရသည်။

ထို့အတူ တလုံးထက်ပိုသော ဓာတ်ပုံကင်မရာ၊ ဗီဒီယို ကင်မရာများလည်း တန်ဆာ ဆောင်ရန် လိုအပ်သည်ဟု နေပြည်တော် မီးရထား ရုံပိုင်ချုပ်ကြီး ဦးအောင်ခင်က မဇ္ဈိမကို ပြောသည်။

“အဓိကကတော့ ကွန်ပြူတာလိုမျိုး လျှပ်စစ်ပစ္စည်းတွေ ရထားပေါ်မှာ ကိုင်ဆောင်ပြီး သွားမယ်ဆိုရင် ကျနော်တို့ဆီမှာ လာပြီး လက်မှတ်တောင်းယူဖို့ လိုပါတယ်။ တန်ဆာ ဆောင်ဖို့ လိုပါတယ်။ အဲလိုမှမလုပ်ရင် ဒဏ်ရိုက်ခြင်းခံရမှာပါ” ဟု သူက ဆိုသည်။

ရထားပေါ်တွင် ကွန်ပြူတာများ သယ်ယူမှုများကို တွေ့ရှိလာခဲ့သည့် ၁၉၉၉ ခုနှစ်ပိုင်းခန့် မှစ၍ မီးရထား ဝန်ကြီးဌာနက ညွန်ကြားချက် ပြဋ္ဌာန်းထုတ်ပြန်ခဲ့သည်ဟု မမ ဟု လူသိ များသော မြန်မာ့မီးရထားဌာနက ပြောသည်။

၁၉၈၈ ခုနှစ်တွင် လူစီးရထားတွဲများ၏ ကုန်တင် တန်ဆာခမှာ တပိဿာလျှင် ၂ ကျပ်နှုန်းနှင့် ကုန်တင်ရထားများ၏ ကုန်တင်နှုန်း တပိဿာမှာ ၁ ကျပ်နှုန်းသာ ရှိခဲ့သည်။ ၂ဝဝဝ ခုနှစ်မှစ၍ မီးရထား တန်ဆာခများ ၅ ကြိမ် ဆက်တိုက် တက်ခဲ့ပြီးနောက် လူစီးရထားတွဲများ၏ ကုန်တင်တန်ဆာခမှာ တပိဿာလျှင် ၁၂ ကျပ်၊ ကုန်တင်ရထားများ၏ ကုန်တင်နှုန်း တပိဿာမှာ ၆ ကျပ်နှုန်းထိ မြင့်တက်လာခဲ့သည်။

ယခုနှစ် ဇန်နဝါရီလပိုင်းတွင် ကုန်တင်ကားခများ ဈေးနှုန်းမြင့်တက်ခဲ့မှုကြောင့် မီးရထား လိုင်းများတွင် ကုန်ပစ္စည်း တင်ဆောင်မှုများ တိုးမြင့်လာခဲ့သဖြင့် ဖေဖော်ဝါရီလ ပိုင်းတွင် ဈေးနှုန်း ၂-၃ ဆ ထပ်မံတိုးမြင့်ခဲ့သဖြင့် လူစီးရထား ကုန်တင်နှုန်းမှာ ၃၆ ကျပ် ဖြစ်သွား သလို ကုန်တင်ရထား နှုန်းမှာလည်း ၂၄ ကျပ်သို့ တက်သွားခဲ့သည်။

Ref;Mizzima

Read More...

ကြံ့ဖွံ့က အလောင်းလုမှု ကြုံရဟု ဦးကျော်သူ ပြော

မျိုးသန့်
ဧပြီလ ၂၂ ရက် ၂၀၁၁ ခုနှစ်

နာရေးကူညီမှု လုပ်ရာတွင် ကြံ့ခိုင်ဖွံ့ဖြိုးရေးက လာရောက် အလောင်းလုမှုများကို ကြုံတွေ့ခဲ့ ရကြောင်း အသင်း တည်ဆောက်မှု သက်တမ်း ၁ဝ နှစ် ရှိပြီဖြစ်သော နာရေး ကူညီမှုအသင်း (ရန်ကုန်) မှ ဥက္ကဋ္ဌ ဦးကျော်သူက ပြောသည်။

ဧပြီလ ပထမပတ်တွင်းက တောင်ဥက္က လာပမြို့နယ်တွင်း နာရေးကိစ္စ တခု၌ နာရေးကူညီမှုအသင်း (ရန်ကုန်) ထံ အကူအညီ တောင်းသဖြင့် သွားရောက် ရာ၊ ကြံ့ခိုင်ဖွံ့ဖြိုးရေး နာရေးကူညီမှု အသင်း ကားလည်း ထိုမိသားစု အိမ်၌ ရောက်ရှိနေပြီး ကူညီပါရစေလုပ် ကြောင်း ကြုံတွေ့ ခဲ့ရပုံ ကို ပြောပြ ခြင်းဖြစ်သည်။

“သူတို့က အတင်းလာပြီးတော့ သယ်ပေးမယ် လို့ ပြောတယ်ပေါ့လေ။ ဒါပေမဲ့ ကာယကံ ရှင်က သူတို့ အကူအညီကို လက်မခံဘဲနဲ့ ကျနော်တို့ အကူအညီကိုပဲ လက်ခံလိုက် တယ်။ အလောင်းတောင် လုတယ်ဆိုတော့ လူကြားလို့တောင် မကောင်းဘူးလေ” ဟု ဦးကျော်သူက မဇ္ဈိမကို ပြောသည်။

အလိုမကျသဖြင့် အာဏာပိုင်များက ရုပ်ရှင်ရိုက် ပိတ်ပင်ခံထားရသူ ဦးကျော်သူ၏ အပြောကို ကြံ့ခိုင်ဖွံ့ဖြိုးရေး ပါတီမှ ရန်ကုန်တိုင်း တာဝန်ရှိသူတဦးကလည်း ဝန်ခံပြောကြား လိုက်ပြီး၊ အသင်းနာမည် ရလာစေရန် အထက်က ခိုင်းသည့်အပေါ် အောက်ခြေက အရမ်းကာရော လုပ်ဆောင်မှုဟု ဆိုသည်။

“အခုက သရုပ်ပြဖို့အတွက်ပဲ ဖြစ်နေတယ်” ဟု သူက ပြောသည်။

လူနေရပ်ကွက်များအတွင်း သေဆုံးသူ၏ ရုပ်အလောင်းများ သယ်ထုတ်ရာတွင် နာရေး ကူညီမှုအသင်း (ရန်ကုန်) အနေဖြင့် ရပ်ကွက်ခံများ၏ အယူသီးမှုများကလည်း နာရေး ကူညီမှု အသင်းအတွက် အခက်တခုဖြစ်သည်။

“အခက်အခဲကတော့ အယူသီးတာတွေပေါ့လေ။ အဲဒါတွေကို ရင်ဆိုင်ပြီး ရှင်းရတယ်။ ဒီဘက်က ဝင်ရင် ဟိုဘက်က မထွက်ရဘူး။ အဲဒီ အယူသီးမှုတွေတော့ ရှိတယ်။ အဲဒါတွေပဲ ကျနော်တို့ ဖြေရှင်းကြရတယ်” ဟု ဦးကျော်သူက ဆိုသည်။

ထို့အပြင် အသင်းမှာ အခမဲ့ ဝန်ဆောင်မှု ပေးနေသော်လည်း မသာပွဲစားများ ပေါ်ပေါက်ကာ ကွယ်လွန်သူ မိသားစုထံ ပွဲစားက ငွေညစ်တောင်းခံမှုများ ရှိနေကြောင်းနှင့် ထို့ကြောင့် အသင်းရုံးချုပ်တွင် ‘မသာပွဲစား မလာရ’ ဟူသည့် ဆိုင်းဘုတ်ပင် ချိတ်ထားရသည်။

“ကျနော်တို့ဆီမှာ မသာပွဲစားဆိုတာ ရှိတယ်။ ဘာဖြစ်လို့လဲဆိုတော့ အိမ်တအိမ်မှာ နာရေးဖြစ်တာနဲ့ ပွဲစားက အဲဒီအိမ်ကို သွားတယ်၊ ပြီးတော့ ကျနော် ဖုန်းဆက်ပေးမယ် ဘာညာဆိုပြီးတော့။ ဒါပေမဲ့ သူတို့ကို ၂ သောင်း ၃ သောင်းလောက် ပေးရမယ်ဆိုပြီးတော့ သူက ကြားထဲက ပိုက်ဆံနှိုက်သွားတယ်။ ” ဟု ဦးကျော်သူက ဆိုသည်။

နာရေးကူညီမှုအသင်း (ရန်ကုန်) သို့ နာရေးကိစ္စ အကူအညီတောင်းခံမှုမှာ တလလျှင် ၄၅ ဦးမှ ၅ဝ ဦးခန့်ရှိပြီး၊ တောင်ဥက္ကလာအခြေစိုက် ကြံ့ဖွံ့ နာရေးကူညီမှုအသင်းသို့ အကူအညီ တောင်းခံမှုမှာ တနေ့လျှင် ၁ဝ ဦးပင် မပြည့်ဟု ၎င်းအသင်း၏ တာဝန်ရှိသူတဦးက ဆိုသည်။ ခါတော်မီ နာရေးကူညီမှုမျိုး မဖြစ်သင့်ဟုလည်း ဆိုသည်။

“အခုလို လက်တွေ့လုပ်တဲ့အခါမှာ၊ အခုမှလာပြီး ခါတော်မီ နာရေးကူညီမှု လာလုပ်လို့တော့ မအောင်မြင်ဘူးဗျ။ သူက တလောင်းရရ၊ ၂ လောင်းရရ၊ ၃ လောင်းရရ ဈေးရောင်းသလို လာကောက်သင်းကောက်နေလို့ မရဘူး” ဟု ဆိုသည်။

ဦးကျော်သူကလည်း မည်သည့်အသင်းအဖွဲ့ပင်ဖြစ်စေ လူမှုရေးလုပ်ငန်းလုပ်လျှင် စေတနာ ပါရန် လိုအပ်ပြီး၊ မည်သည့် အဖွဲ့အစည်းတခုခုကို တိုက်ခိုက်ရန် ရည်ရွယ်မည်ဆိုပါ က အောင်မြင်နိုင်မည်မဟုတ်ဟု ပြောဆိုသည်။

ရန်ကုန်နာရေးကူညီမှုအသင်းကို မြောက်ဒဂုံမြို့နယ် အမှတ် ၁၃ (က) တွင် ရုံးစိုက်ထား သည်။ နာရေးနှင့် ပတ်သက်သည့် အကူအညီများ တောင်းခံလိုပါက ထိုရုံးချုပ်သို့ တိုက်ရိုက်ဆက်သွယ်နိုင်သည်။ အသင်းကို ကွယ်လွန်သူ စာရေးဆရာ ဒါရိုက်တာကြီး ဦးသုခ၏ လမ်းညွှန်မှုဖြင့် လွန်ခဲ့သည့် ၁ဝ နှစ်တွင် စတင်တည်ထောင်ခဲ့ခြင်း ဖြစ်သည်။ ယခုအချိန်အထိ ရန်ကုန် နာရေးကူညီမှုအသင်းမှ နာရေးနှင့် ပတ်သက်သည့် ကူညီမှုပေါင်း ၁ဝ၁ဝ၂၃ ခု ရှိခဲ့ပြီဖြစ်သည်။

နာရေးကူညီမှုသာမက သုခ ကုသိုလ်ဖြစ် အခမဲ့ဆေးခန်းကိုလည်း ၂ဝဝ၇ မေလ ၂ ရက်နေ့ တွင် စတင်ဖွင့်လှစ်ခဲ့ပြီး၊ ကူညီမှုများ ပေးနေသည်။

“နာရေးပဲလုပ်လုပ်၊ အခမဲ့ပဲ ဆေးကုကု ကျော်သူတို့က အလကား လုပ်ပေးတာပဲ ဆိုပြီးတော့ တန်ဖိုးမထားတာမျိုး မလုပ်သင့်ပါဘူး။ ကျနော်တို့ စေတနာရှင် လုပ်အားပေး တွေကို ဆေးလာကုတဲ့အခါမှာ ငါကျတော့ တုံကင်မရဘူး၊ သူကျတော့ တုံကင်ရတယ်၊ အဲဒါမျိုးတွေ မလုပ်သင့်ပါဘူး။ အဲဒီလိုမျိုး ပြင်ပဆေးရုံတွေမှာ လုပ်လို့ မရပါဘူး” ဟု ဆိုသည်။

အသင်းတည်ထောင်ပြီး ၉ နှစ်အကြာတွင် စတင်တည်ထောင်ခဲ့သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး နာရေးကူညီမှုအသင်းကို ၂ဝ၁ဝ နှစ်ဦးပိုင်းတွင် ကြံ့ခိုင်ရေးပါတီ၏ ရန်ကုန်တိုင်း တာဝန်ခံ ရန်ကုန်မြို့တော်ဝန်ဟောင်း ဦးအောင်သိန်းလင်း၏ ညွှန်ကြားမှုဖြင့် ဖွဲ့စည်းခဲ့ခြင်း ဖြစ်သည်။

ကြံ့ဖွံ့နာရေးကူညီမှုအသင်းကို အကူအညီကို တောင်းခံလိုပါက ရန်ကုန်တိုင်းရှိ နီးစပ်ရာ ကြံ့ဖွံ့မြို့နယ်ရုံးများသို့ အကြောင်းကြားရပြီး၊ ထိုမှတဆင့် ကြံ့ဖွံမြို့နယ်ရုံး တာဝန်ရှိသူများက ရေဝေးသုသာန်ရှိ ဝန်ထမ်းများကို အကြောင်းကြားကာ နာရေးကိစ္စ ဆောင်ရွက်ပေးသည်။

Ref;Mizzima

Read More...

Friday, April 22, 2011

Uncensored Burma - Daily News ( 2011 April, 21)

News on April 21

Read More...

Thursday, April 21, 2011

လမ်းဂိတ်နှင့် နွေစပါးကိစ္စ ရှမ်းပြည်နယ် အစိုးရ ပယ်ဖျက်

သဲသဲ
ဧပြီလ ၂၁ ရက် ၂၀၁၁ ခုနှစ်

ရှမ်းပြည်နယ်အစိုးရ ရှိလာပြီးနောက် မန္တလေး-မူဆယ် လမ်းတလျှောက် စစ်ဆေးရေး ဂိတ်များ ထားရှိမှုနှင့် နွေစပါး စိုက်ပျိုးရေး စီမံချက်ကို ဧပြီ လဆန်းမှစ၍ ပယ်ဖျက်ခဲ့ပြီဟု ရှမ်းတိုင်းရင်းသားများ ဒီမိုကရက်တစ်ပါတီ SNDP က ဆိုသည်။

ပြည်နယ်မြောက်ပိုင်းကို ဖြတ်ကာ တရုတ်-မြန်မာ နယ်စပ် မူဆယ်သွားရာ လမ်းတလျှောက် ကုန်စစ်ဆေး ရေး ဂိတ်များ ထားရှိခြင်းမှာ စရိတ် ပိုမိုကုန်ကျ ပြီး၊ ကုန်စည် စီးဆင်းမှု နှေကွေးသဖြင့် နယ်စပ်မြို့မူဆယ်၌သာ အကောက်ခွန် ဂိတ်တခု ထားရှိရန် ပြည်နယ် အစိုးရက ဌာနဆိုင်ရာများကို ညွှန်ကြားခဲ့သလို၊ ပြည်နယ် ရာသီဥတုနှင့် မကိုက်ညီ သည့် နွေစပါး စိုက်ပျိုးရေး စီမံချက်ကိုပါ ပယ်ဖျက်ခဲ့ခြင်း ဖြစ်သည်။

“ဌာနပေါင်းစုံ လွှတ်ပြီးတော့ လာသမျှ ကားအားလုံးကို စစ်ဆေးရေး ဂိတ်တွေမှာ ကုန်တွေကို ပြန်ချပြီး စစ်တာတွေကို ပယ်လိုက်ပြီ၊ မလုပ်ရတော့ဘူး။ အဲဒီဂိတ်တွေမှာ လုံခြုံရေးအတွက်ပဲ တာဝန် ယူတော့တယ်။ အရင်လို အချိန်အကြာကြီး မစစ်ရတော့ဘူး” ဟု ကျားဖြူ ခေါ် SNDP ပါတီ ဘဏ္ဍာရေးမှူး ဦးစောမြင့်သန်းက မဇ္ဈိမကို ပြောသည်။

မိုင်ပေါင်း ၂၈ဝ သာ ရှည်လျားသည့် မူဆယ်-မန္တလေးလမ်းရှိ စစ်ဆေးရေးဂိတ်များကြောင့် ကုန်ကားများမှာ ၂ ရက်ခန့် မောင်းနှင်ခဲ့ရသလို၊ ဝန်ထမ်းများကို လာဘ်ထိုးရသည့် ဂိတ်ကြေး မှာ ကျပ် တသိန်းခန့် ကုန်ကျပြီး၊ ကုန်တင်ခွင့် လိုင်စင်မှာ နေပြည်တော်၌ သွားရောက်လျှောက်ထားရသည်ဟု မူဆယ်ကုန်ကား အသိုင်းအဝိုင်းက ဆိုသည်။

ဦးစောမြင့်သန်းက “ကားတွေက.. ဂိတ်တခုပြီးတခု စစ်ဆေးခံဖို့ ကုန်တွေကို အကုန်ပြန်ချ၊ အကုန်ပြန်စီရတော့ ကုန်တွေလည်း ပျက်စီးတယ်၊ တင်ချစရိတ်အားလုံးလည်း ထပ်ကုန် တယ်။ နောက်ပြီး ခရီးလည်း ဖင့်တာပေါ့” ဟု ဆိုသည်။

မန္တလေး- မူဆယ်လမ်းတွင် မန္တလေးနှင့် ပြင်ဦးလွင်ကြား ၁၆ မိုင်ဂိတ် (ယခင် ၂၄ မိုင်)၊ သန္ဒီမြို့နယ်ရှိ ရေပူဂိတ်၊ မူဆယ် ၁ဝ၅ မိုင်ဂိတ်တို့တွင် ကုန်ပစ္စည်းများ သယ်ရာတွင် ခွင့်ပြုသည့် ကုန်စည်ဟုတ်မဟုတ် စစ်ဆေးရန် ဌာနပေါင်းစုံမှ ဝန်ထမ်းများ ထားရှိကာ စစ်ဆေးခဲ့ခြင်း ဖြစ်သည်။

ပြည်နယ်အစိုးရ ညွှန်ကြားချက်အရ ယခုအခါ ကုန်များကို အချိန်ကြာ မစစ်ဆေးတော့ဘဲ၊ ဂိတ်များ၌ တာဝန်ကျ ဝန်ထမ်းများသာ ထားရှိဆဲဖြစ်ကြောင်း မူဆယ်မြို့ခံ ကုန်တင် ယာဉ်မောင်းတဦးက မဇ္ဈိမကို ပြောသည်။

“သင်္ကြန်တွင်း မူဆယ်တက်တော့ ၁၆ မိုင်နဲ့ ရေပူမှာ အရင်လို အကြာကြီးတော့ မစစ်တော့ဘူး။ ဒါပေမဲ့ လုံခြုံရေး စစ်တယ်ဆိုပြီး တာလပတ်ကို လှန်ပြရတယ်။ ၁ဝ၅ မိုင်မှာပဲ ကုန်တွေချပြီး စစ်တော့တယ်” ဟု သူက ပြောသည်။

ရှမ်းပြည်နယ် ဝန်ကြီးချုပ်သည် ဗိုလ်မှူးဟောင်း ဦးအောင်မြတ် (ခ) စပ်အောင်မြတ်ဖြစ်ပြီး၊ ၉ ဦးပါ ဝန်ကြီးအဖွဲ့တွင် ကျားဖြူပါတီမှ ဥက္ကဋ္ဌ ဦးစိုင်းအိုက်ပေါင်းမှာ စက်မှုနှင့် သတ္တုဝန်ကြီးနှင့် ဦးစိုင်းနော်ခမ်းမှာ ဆောက်လုပ်ရေးဝန်ကြီး ရာထူးများ ရရှိထားသည်။

နွေစပါးစိုက်ပျိုးရေးနှင့် ပတ်သက်၍ ဦးစောမြင့်သန်းက “နွေဆိုပေမယ့် မပူဘဲ မိုးကောင်းတဲ့ ဒေသဆိုတော့ နွေစပါးစိုက်တာ မဖြစ်ဘူးလေ။ ဒါ့ကြောင့် တောင်သူတွေ မကိုက်တဲ့ စီမံချက်တွေကိုလည်း ဖျက်လိုက်တယ်။ ဒါ ပြည်နယ်အစိုးရ တက်လာပြီး လုပ်နိုင်တဲ့ ကိစ္စတွေပါ” ဟု ပြောပြသည်။

ပြည်နယ်အစိုးရ ကိုင်တွယ်ဖြေရှင်းရန် ခက်ခဲသည့် ဒေသတွင်း ငြိမ်းချမ်းရေး ကိစ္စကိုမူ ဒုတိယအကြိမ် ပြည်ထောင်စု လွှတ်တော်အစည်းအဝေးတွင် တင်ပြဆွေးနွေးမည်ဟု SNDP က ဆိုသည်။

နယ်ခြားစောင့်တပ်အဖြစ် အသွင်ပြောင်းရေးကို ငြင်းဆန်သည့် ရှမ်းပြည်တပ်မတော် မြောက်ပိုင်း SSPP/SSA နှင့် စစ်အစိုးရအကြား ဆက်ဆံရေး တင်းမာခဲ့ရာ ယခုနှစ် မတ်လဆန်းပိုင်းတွင် နှစ်ဖက်တိုက်ပွဲများ စတင်လာခဲ့သည်။

ထို့အပြင် ရှမ်းပြည်တောင်ပိုင်း အင်းလေးကန် ထိန်းသိမ်းရေးမှာလည်း အရေးတကြီး ဆောင်ရွက်ရမည့် ကိစ္စဖြစ်သဖြင့် ပြည်နယ်အစိုးရသို့ တင်ပြထားကြောင်း ဒေသတွင်းရှိ အင်းအမျိုးသားပါတီက မဇ္ဈိမကို ပြောပြသည်။

၂ဝဝ၈ ခုနှစ်က ရေပြင်အကျယ် စတုရန်းမိုင် ၄ဝ ရှိခဲ့သော အင်းလေးကန်မှာ ရာသီဥတု စံချိန်တင်ပူပြင်းခြင်းကြောင့် ရေခန်းခြောက်ခဲ့ရာ ပြီးခဲ့သည့် နွေကာလတွင် ၂၃ စတုရမ်း မိုင်ခန့်သာ ရှိတော့သည်။

ရှမ်းပြည်နယ် လွှတ်တော်အမတ်နေရာ ၁၄၃ နေရာတွင် တပ်မတော်သား ကိုယ်စားလှယ် ၃၆ ဦးနှင့် SNDP မှ ၃၂ ဦး၊ တိုင်းရင်းသား စည်းလုံးညီညွတ်ရေးပါတီ တစည ၅ ဦး၊ ပအိုဝ်း အမျိုးသားပါတီ ၆ ဦး ၊ “ဝ” ဒီမိုကရက်တစ်ပါတီ ၃ ဦး၊ အင်းအမျိုးသားပါတီ ၂ ဦး၊ တအောင်း(ပလောင်) အမျိုးသားပါတီ ၄ ဦး၊ လားဟူး အမျိုးသား ဖွံ့ဖြိုးတိုးတက်ရေးပါတီ ၁ ဦး၊ ကယန်းအမျိုးသားပါတီ ၁ ဦးနှင့် တသီးပုဂ္ဂလ ၂ ဦး ပါဝင်သည်။ ကျန်နေရာများမှာ ကြံ့ခိုင်ဖွံ့ဖြိုးရေး ပါတီမှ ဖြစ်ကြသည်။

Ref;Mizzima

Read More...

အမေရိကန်-တရုတ်၊ ဗမာနှင့်ထိုင်း လေတပ်

ဘိုဘိုကျော်ငြိမ်း
ဧပြီလ ၂၁ ရက် ၂၀၁၁ ခုနှစ်

ကမ္ဘာမှာ ၅ ဆက်မြောက် စစ်လေယာဉ် 5th generation fighter ခေတ် ရောက်လာပါပြီ။ လောလောဆယ် အမေရိကန်ထုတ် F22 (Falcon) ပဲ စစ်မှုထမ်းနိုင်တဲ့ အဆင့်၊ ထုတ်လုပ်နိုင်တဲ့ အဆင့် ရှိပါတယ်။ အမေရိကန် F35 နဲ့ ရုရှား (အိန္ဒိယ) တို့ ပူးပေါင်း ထုတ်လုပ်တဲ့ စူကွိုင်ယား တီ ၅ဝ Sukhoi T50 တို့ဟာ စမ်းသပ်မှု အဆင့်ပဲ ရှိပါသေးတယ်။ ထူးထူးခြားခြား စစ်လေယာဉ် ထုတ်လုပ်မှုမှာ ၁ဝ နှစ်ထက်မနည်း နောက်ကျနေသေးတဲ့ တရုတ်က ၂ဝ၁ဝ အကုန်လောက်မှာ ဂျေ ၂ဝ (J20) ပျံသန်းမှုကို အင်တာနက်ကတဆင့် ပျံ့နှံ့ခဲ့ရာ ကမ္ဘာမှာ ယောက်ယက်ခတ်ခဲ့ပါတယ်။

ကနေ့သတင်းတွေမှာ လူတွေ စိတ်ဝင်စားမှု များနေတဲ့ လစ်ဗျားနိုင်ငံမှာ ကုလသမဂ္ဂ ဆုံးဖြတ်ချက်နဲ့ အနောက်နိုင်ငံ စစ်အင်အားတို့ ဖြည့်ဆည်းပေးထားတဲ့ လေယာဉ်မပျံရ No Fly Zone အမိန့်ကြောင့် လေတပ်ရဲ့ စွမ်းဆောင်နိုင်ချက် - အထူးသဖြင့် အမေရိကန် လေတပ်ရဲ့ စွမ်းအားနဲ့ အင်အားကို သိလိုကြလိမ့်မယ်လို့ ထင်မြင်မိတာကြောင့် ဒီဆောင်းပါးကို ရေးမိခြင်းပါ။

အမေရိကန်လေတပ်ဟာ စဖွဲ့ဖွဲ့ချင်း ကြည်းတပ်မတော်အောက်မှာ တည်ရှိပါတယ်။ ဒုတိယကမ္ဘာစစ်ကြီးအပြီး ၁၉၄၇ နိုင်ငံတော် လုံခြုံရေး အက်ဥပဒေအရ ၁၉၄၇ စက်တင်ဘာ ၁၈ မှာ အမေရိကန် တပ်မတော်ရဲ့ သီးခြား အစိတ်အပိုင်းတခု ဖြစ်လာ ရပါတယ်။

အမေရိကန် ရေတပ်မတော်မှာ လေယာဉ်တင်သင်္ဘော ၁၂ စင်းရှိပြီး၊ ရေတပ်ရဲ့လေတပ် အင်အားဟာ နိုင်ငံအများရဲ့လေတပ်အင်အားထက် ပိုကြီးမားတာကြောင့် အမေရိကန် လေတပ်ရဲ့အခန်းကဏ္ဍနဲ့ အင်အားကို နားလည်မှားစရာ ရှိပါတယ်။ ဘယ်လေတပ်မဆို လေတပ်ရဲ့ အဓိက အားနည်းချက်က စစ်ဖြစ်ပွားရာ ဒေသနဲ့ အလှမ်းမီတဲ့ နေရာမှာ လေယာဉ်ကွင်း ရှိဖို့နဲ့ မိမိ လေယာဉ်တွေ အသုံးပြုနိုင်ဖို့ လိုပါတယ်။

ဒါကြောင့် ကမ္ဘာကြီးရဲ့ ဘယ်အရပ်မှာပဲဖြစ်ဖြစ် ပြဿနာဖြစ်ခဲ့ရင် အဆင်သင့်ရှိနေစေဖို့ အမေရိကန်လို စူပါပါဝါ နိုင်ငံကြီးတွေဟာ လေယာဉ်တင်သဘောင်္တွေ တည်ဆောက်ပြီး၊ ကမ္ဘာတဝှန်း ကင်းလှည့်စေခိုင်းကြရပါတယ်။ ဒါ့ကြောင့် ပင်လယ်ပြာ ရေတပ်လို့ ခေါ်ကြ ခြင်းပါ။ ဒါပေမဲ့ စစ်အင်အား အနည်းငယ်သာရှိတဲ့ လေတပ်တွေမှာတောင် လေယာဉ်ကာကွယ် ရေး တပ်ဖွဲ့ဆိုတာ ရှိကြလို့ မြေပြင်ကနေ လေဟင်ပစ် ဒုံးပျံတွေ ရှိတတ်ကြပါတယ်။ ဒါကြောင့် စစ်ပွဲမစခင် ဒီဒုံးပျံတွေကို နှိမ်နှင်းဖျက်ဆီးနိုင်ရေးဟာ လေတပ်ရဲ့ ပထမဦးဆုံး တာဝန်ဖြစ်ပါတယ်။

လေတပ်မှာ ရေဒါမမြင်နိုင်တဲ့၊ အဓိကကျတဲ့ လေယာဉ် ၂ မျိုး ရှိပါတယ်။ အဝေးပြေး ဗုံးကြဲလေယာဉ် ဘီတူး (B2) နဲ့ အက်ဖ် ၁၁၇ (F117) လို့ အမည်တွင်တဲ့ ဗုံးကြဲတိုက် လေယာဉ်တွေ ဖြစ်ပါတယ်။ ရေဒါဆိုတာက ရေဒီယိုလှိုင်းတွေ လွှင့်ထုတ်တယ်၊ အဲဒီ ရေဒီယိုလှိုင်းတွေက လေယာဉ်နဲ့ ထိတွေ့ပြီး ပြန်လည်ရိုက်ခတ်လာတဲ့ လှိုင်းတွေကို ဖတ်ကြားပုံဖော်တာပါ။ ဒါကြောင့် လွှင့်ထုတ်လိုက်တဲ့ လှိုင်းတွေ မပြန်ဘဲ တခြားဖက်ဆီ ဦးတည်ပြန့်လွင့်ရင်ဖြစ်ဖြစ်၊ လှိုင်းတွေကို စုပ်ယူနိုင်တဲ့ ဝတ္ထုတွေနဲ့ လေယာဉ်ကို တည်ဆောက်ထားရင်ဖြစ်ဖြစ် အပြန်လှိုင်း မရှိလို့ကတော့ ပြန်လည်ပုံဖော်စရာ မရှိ၊ ရန်သူ့လေယာဉ် မိမိလေပိုင်နက်ထဲ ရှိမှန်းပင် မသိလိုက်ရပါ။

မြေပြင်ကနေ လေဟင်ပစ်ဒုံးပျံတပ်ဖွဲ့တွေကို ရေဒါတပ်ဖွဲ့တွေက သတိပေးမှ ဒုံးပျံပါ ရေဒါ တွေက ရန်သူ့လေယာဉ်တွေကို ရေဒါနဲ့ ဖမ်းယူတွက်ချက် ပစ်ချနိုင်ပါမယ်။ လေကြောင်း အသာရမှု ရဖို့အတွက် ရေဒါစခန်းတွေ၊ မြေပြင်ကနေ လေဟင်ပစ် ဒုံးပျံတပ်ဖွဲ့ တွေနဲ့ Command and Control လို့ ခေါ်တဲ့ စစ်အမိန့်ပေး ဌာနချုပ်တွေကို အရင် ဖျက်ဆီးပစ်မှ လေကြောင်း အသာရရှိနိုင်ပါတယ်။ ဒါကြောင့် အီရတ်စစ်ပွဲ ၂ ခုစလုံးမှာ ရေဒါမမြင်နိုင်တဲ့ Stealth လေယာဉ်တွေက အထက်ဖော်ပြပါ ပစ်မှတ်တွေကို အရင်ဆုံး ဖျက်ဆီးခဲ့ပါတယ်။

ဘီတူး ဗုံးကြဲ လေယာဉ်တွေဟာ တည်ဆောက်ခနဲ့ ထိန်းသိန်းခ ဈေးကြီးလွန်းတာကြောင့် အမေရိကန် နိုင်ငံတောင် လေယာဉ်အုပ်စု တစုသာ ထိန်းသိမ်းနိုင်ပါတယ်။ ဒါပေမဲ့ ဘီတူးလေယာဉ်ဟာ လေထဲမှာ ဓာတ်ဆီ တခါထဲ့ရုံနဲ့ တကမ္ဘာလုံးကို ပျံသန်းနိုင်ပါတယ်။ ဒါကြောင့် လေထဲမှာ ဓာတ်ဆီ ထည့်နိုင်တဲ့ စွမ်းရည်ဟာ အရေးပါလာပါတယ်။ အီရတ်စစ် ၂ ခုအပြီးနဲ့ ကုလသမဂ္ဂ အမိန့်နဲ့ ဆဒမ်ကြီးကို လေယာဉ်မပျံရ အမိန့် ၁၂ နှစ်ကြာအောင် ကြပ်မတ်ခဲ့ကြရာ အရှေ့အလယ်ပိုင်းဒေသမှာ F117 တိုက်လေယာဉ်တွေ ရှိနေကြပြီး ဖြစ်ပါတယ်။

အဲဒီလို မိမိလေယာဉ်တွေကို ပစ်ချနိုင်တဲ့ စွမ်းရည်မျိုး ရန်သူ့မှာ မရှိတော့မှ ဗုံးကြဲတိုက်လေယာဉ်တွေက ပစ်မှတ်တွေကို လွတ်လွတ်လပ်လပ် ဖျက်ဆီးနိုင်ပါတယ်။ ရေတပ်မှ လေယာဉ်တွေဟာ ဗုံးကြဲတိုက်လေယာဉ်တွေ ဖြစ်ပါတယ်။ အမေရိကန် အင်အား ပြဖို့ လေယာဉ်တင်သင်္ဘောကို ချက်ချင်း စေလွှတ်နိုင်ပေမယ့် အဓိကကျတဲ့ ပစ်မှတ်တွေ ကို အဦးဆုံး ဖျက်ဆီးနိုင်အောင် လေတပ်ရဲ့ စွမ်းအား လိုအပ်လာပါတယ်။

ဒုတိယ ကမ္ဘာစစ်ကတည်းက လေယာဉ်အချင်းချင်း ပစ်ချတဲ့ တိုက်လေယာဉ်နဲ့ ဗုံးကြဲတိုက်လေယာဉ်ဆိုပြီး ရှိပါတယ်။ ကနေ့ခေတ်မှာ ဗုံးကြဲတိုက်လေယာဉ်ကို အမျိုးမျိုး သုံး တိုက်လေယာဉ် Multi-purpose တိုက်လေယာဉ်လို့ ခေါ်ပါတယ်။ လက်ရှိ ၅ ဆက်မြောက် 5th generation တိုက်လေယာဉ်တွေမှာ ပထမဦးဆုံး ပျံသန်းနိုင်တဲ့ F22 Falcon လေယာဉ်ဟာ တိုက်လေယာဉ်သက်သက် fighter / interceptor ဖြစ်ပါတယ်။ ဒီဇိုင်း ဆွဲကတည်းက တခြားလေယာဉ်တွေကို ပစ်ချနိုင်စွမ်းရှိအောင် တီထွင်ခဲ့ခြင်းပါ။ ဥပမာ ရိုးရိုး လူစီးကားဟာ ပေါ်ရှာလို ပြိုင်ကား (Sports ကား) ကို မမီသလိုမျိုး ဖြစ်ပါ တယ်။

ဗီယက်နမ်စစ်အထိနဲ့ စစ်ပြီးကာလတွေအထိ စစ်လေယာဉ်အချင်းချင်း တိုက်ခိုက်မှု ရှိကြပါသေးတယ်။ အခု ၅ ဆက်မြောက် လေယာဉ်ခေတ်မှာတော့ မြင့်မြင့်နဲ့ မြန်မြန် ပျံနိုင်ရုံမက ရန်သူက မိမိကို မမြင်နိုင်ခင် မိမိက အရင်ဦးအောင် မြင်နိုင်လို့ ဒုံးပျံနဲ့ ချိန်နိုင်၊ ပစ်ချနိုင်တဲ့ ခေတ်ကို ရောက်လာပါပြီ။ ဒါကြောင့် လေယာဉ်ရဲ့ စွမ်းအားသာမက လျှပ်စစ်ကိရိယာနဲ့ ရေဒါ စွမ်းအားပါ မြင့်မားဖို့ လိုအပ်လာပါတယ်။

အခုမှမဟုတ် ရှေးကတည်းက လေကြောင်းတိုက်ပွဲဆိုတာ မိမိလေယာဉ်တွေဘဲ မဟုတ်၊ မြေပြင်ကနေ ရေဒါသမားက ရန်သူလေယာဉ်တွေကို ရှာဖွေကြည့်ရှု သတိပေးကြရပါတယ်။ ခေတ်ပညာတွေ တိုးတက်လာတာနဲ့အမျှ ရန်သူ့ရေဒါတွေ အလုပ်မလုပ်အောင် (သို့) ရှုပ်ထွေးစေအောင် ပြုလုပ်မှု Radar Jamming ၊ ရေဒါဖျက်ဆီးမှုတွေပါ ပါဝင်လာပါတယ်။ ဒါကြောင့် ရေဒါတွေနဲ့ ရေဒါဖျက်ဆီးမှု ကိရိယာတွေ တပ်ဆင်ထားတဲ့ လေယာဉ်ကိုပါ တီထွင်လာတာကြောင့် တိုက်လေယာဉ်တွေနဲ့အတူ ပျံသန်းပြီး နောက်တန်းမှ ကြိုတင်သတိပေးစနစ်အဖြစ် ပါဝင်တိုက်ပွဲဝင်လာနိုင်ကြပေပြီ။ အခုခေတ်မှာ ဘိုရင်း ၇၆၇ ဘော်ဒီပေါ်မှာ လျှပ်စစ် ပစ္စည်းတွေ တင်ပြီး ပျံသန်းကြပါတယ်။ အခုလို ကြိုတင်သတိပေး လေယာဉ်ကို AWAC (အေဝက်) လို့ ခေါ်ပြီး၊ မိုင် ၂၄ဝ ဝန်းကျင်အထိ ထိရောက်နိုင်ပါတယ်။ ဒီလေယာဉ်တွေဟာ ခံစစ်အတွက်သာမဟုတ်၊ တိုက်လေယာဉ်တွေရဲ့ ပစ်မှတ်တွေကိုပါ ထိန်းကြောင်းပေးနိုင်တာကြောင့် တိုက်စစ်အတွက်ပါ အသုံးဝင်ပါတယ်။

ဒါကြောင့် ခေတ်ပေါ် လေကြောင်းစစ်ပွဲတွေမှာ ဗုံးကြဲတိုက်လေယာဉ်တွေက ရှေ့က သွားပြီး၊ လိုအပ်ပါက နောက်မှ တိုက်လေယာဉ်တွေက စောင့်ရှောက်ပေးတယ်၊ နောက်မှ AWAC လေယာဉ်တွေက ထိန်းကြောင်းပေးတယ်။ ရေတပ် AWAC တွေကတော့ လေယာဉ်တင် သင်္ဘောအပေါ် ဆင်းနိုင်တက်နိုင်အောင် လိုတာကြောင့် ပိုသေးပြီး ထိရောက်မှုနယ်ပယ် ပိုကျဉ်းပါတယ်။

အမေရိကန် လေတပ်မှာ ကြာပြီဖြစ်သော်လည်း တင့်ကားတွေကို ဖျက်ဆီးရာမှာ လွန်စွာ ထိရောက်တဲ့ A10 ဆိုတဲ့ လေယာဉ်တွေလည်း ရှိပါသေးတယ်။

အမေရိကန် လေတပ်မှာ ဘီတူးအပြင် ဘီဝမ်းနဲ့ ဘီ ၅၂ လို့ ခေါ်တဲ့ စက် ၈ လုံးတပ် ဗုံးကြဲ လေယာဉ်ကြီးတွေ ရှိပါသေးတယ်။ ဘီ ၅၂ ဗုံးကြဲလေယာဉ်တွေဟာ လေတပ်ရဲ့ အသုံးအဝင်ဆုံး ဗုံးကြဲ လေယာဉ်လို့ ဆိုနိုင်ပါတယ်။ ၁၉၅၈ ခုနှစ်ကတည်းက စစ်မှုထမ်းခဲ့ရာမှာ ၂ဝ၄ဝ ပြည့်နှစ်မှ ရုပ်သိမ်းဖို့ အစီအစဉ် ရှိပါတယ်။ ဗီယက်နမ်စစ်က ကော်ဇော ဗုံးကြဲမှု Carpet Bombing လို့ ခေါ်တဲ့ နေရာလပ်မရှိအောင် ဗုံးကြဲနိုင်ပြီး၊ အမြင့်ကြီး ပျံနိုင်စွမ်းရှိတာကြောင့် တော်ရုံတန်ရုံ ပြေမြင်ကနေ ဒုံးပျံတွေ အလှမ်းမမီနိုင်ပါ။ အာဖဂန်မှာ ဘင်လာဒင်တို့ တိုရာဘိုရာ တောင်တန်းမှာ ပိတ်မိနေစဉ် ဘီ ၅၂ တွေက ဗုံးမိုး ရွာချနိုင်ခဲ့ပါတယ်။ ဘီ ၅၂ လေယာဉ် အုပ်စုကို အင်္ဂလိပ်အပိုင် အိန္ဒိယ သမုဒ္ဒရာထဲရှိ ဒီဂိုဂါးစီးရား ကျွန်းမှာ အခြေစိုက်ထားရာ၊ အာဖဂန်စစ်မှာ ကနေ့အထိ တိုက်ပွဲဝင်နေဆဲပါ။ ဘီ ၅၂ ဗုံးကြဲလေယာာဉ်ကြီးတွေမှာ ကိုယ်ထည်ကသာ အရင်ဒီဇိုင်း ကျန်တော့တယ်၊ လျှပ်စစ်နဲ့ စစ်လက်နက် အားလုံးကတော့ ခေတ်မီလက်နက်တွေပါ။ စစ်အေးတိုက်ပွဲကာလမှာ ဘီ ၅၂ တွေဟာ အလွန်ထိရောက်တဲ့၊ အနုမြူဗုံး သယ်ဆောင်နိုင်တဲ့ ဗုံးကြဲလေယာဉ် ဖြစ်ခဲ့ပါတယ်။

ကနေ့ခေတ်မှာ ဝေဟင်ထက် ဓာတ်ဆီထည့်နိုင်မှ လေယာဉ်တွေ ဝေးဝေးပျံပြီး၊ တိုက်ပွဲဝင်နိုင်မှာဖြစ်လို့ ဒီအခန်းကဏ္ဍဟာလည်း လေတပ်မှာ အရေးပါလာပါတယ်။ အဲဒီနည်းတူစွာ Airlift Command ဆိုတဲ့ လေကြောင်း သယ်ယူပို့ဆောင်ရေးတပ်ဖွဲ့ လေအုပ်စုဟာလည်း အရေးပါလှပါတယ်။ ဘယ်စစ်တပ်မဆို စစ်ပွဲဖြစ်တာနဲ့ လက်နက်နဲ့ စစ်ပစ္စည်း ထောက်ပံ့ရေး logistic ဟာ အရေးပါလာရပါတယ်။ အမေရိကန် လေတပ် သယ်ယူပို့ဆောင်ရေး အုပ်စုဟာ တကမ္ဘာလုံးဆီ စစ်ပစ္စည်းနဲ့ စစ်လက်နက်တွေကို အရောက်ပို့ပေးနိုင်စွမ်း ရှိပါတယ်။ စီ ၅ လို့ ခေါ်တဲ့ ကမ္ဘာ့အကြီးဆုံး သယ်ယူပို့ဆောင်ရေး လေယာဉ်ကြီးဟာ တင့်ကားတွေ၊ ကားတွေကိုတောင် တင်နိုင်ရုံမက ရဟတ်ယာဉ်တွေကိုပါ သယ်ဆောင်နိုင်ပါတယ်။ စစ်မြေပြင်မှာ တပ်မအလိုက် တင့်ကားတွေပါ ရွှေ့ရမယ်ဆိုရင် ဒီဧရာမ လေယာဉ်ကြီးတွေဟာ မရှိမဖြစ်ပါပဲ။ ဒါ့အပြင် အမေရိကန် လေတပ်မှာ ဘိုရင်း စီ ၁၇ လို လေယာဉ်ကြီးတွေနဲ့ တခြား သယ်ယူပို့ဆောင်ရေး လေယာဉ်ပေါင်းစုံ ရှိပါသေးတယ်။

အာဖဂန်စစ်ပွဲကို နေတိုးက ဦးဆောင်တာဝန်ယူရတဲ့အခါ ဂျာမဏီ စစ်တပ်မှာ အမေရိကန်လို Airlift Command မပြည့်စုံလို့ ဆိုဗီယက် အရပ်သားကုမ္ပဏီကို ငှားသုံးရပါတယ်။ အမေရိကန်လေတပ်ပြီးရင် စစ်အေးပြိုင်ဆိုင်မှုကြောင့် ဆိုဗီယက်လေတပ် ပဲ သယ်ယူပို့ဆောင်ရေး လေယာဉ်အကြီးစားတွေ ရှိပါတယ်။

အမေရိကန်လေတပ်ရဲ့ အထိရောက်ဆုံး တီထွင်မှုတခုကတော့ အေစီ ၁၃ဝ လို့ ခေါ်တဲ့ လေယာဉ်ပါ။ အမေရိကန်လေတပ်ရဲ့ ခေါ်ဝေါ်မှု စနစ်အရ (အေ) ဆိုတာက ဝေဟင်ကနေ မြေပြင်ဆီ ထောက်ပံ့မှုကို ဆိုလိုပါတယ်။ (စီ) ဆိုတာက သယ်ယူပို့ဆောင်ရေး လေယာဉ်၊ စီ ၁၃ဝ ဆိုတာက တကယ်တော့ သိပ်မကြီး သိပ်မသေးလှတဲ့ သယ်ယူပို့ဆောင်ရေး လေယာဉ်ပါ။ စစ်တပ်အခေါ်အဝေါ်အရ Gunship ဆိုတာနဲ့ ဘလက်ဟော့ခ် Blackhawk ၊ အပါချီ Apache တို့လို ဆိုဗီယက်လုပ် အမ်အိုင် ၂၄ ဟိုင်း (Mi24 Hind) တို့လို သေနတ်ပေါင်းစုံ တင်ထားတဲ့ တိုက်ခိုက်ရေး ရဟတ်ယာဉ်တွေကို မျက်စိထဲ မြင်မိကြမှာပါ။ ဂန်းရှစ် ဆိုတာက သေနတ်ပေါင်းစုံ တင်ထားတဲ့ ဝေဟင်ကနေ မြေပြင်ပစ် လေယာဉ်။ တိုက်လေယဉ်နဲ့ ကွာတာက တိုက်လေယဉ်ဆိုတာက ရှေ့က ပစ်မှတ်ကိုပဲ တိုက်ခိုက်ဗုံးကြဲပြီး ပြန်ထောင်တက်၊ တခါပြန်လှည့် ဗုံးကြဲပေါ့။ ဂန်းရှစ်ကတော့ လေပေါ်မှာ ပျံဝဲ အဘက်ဘက်ကို လှည့်ပြီး တရစပ် စက်သေနတ်နဲ့ ဆွဲမွှေ့နိုင်တယ်။ ဒါကြောင့် ဂန်းရှစ်ဆိုရင် ရဟတ်ယာဉ်နဲ့ ဆက်နွယ်နေတာပါ။ ဒီဂန်းရှစ်တွေက မြေပြင်အထောက်အကူ သက်သက်ဖြစ်တာကြောင့် ကြည်းတပ်ဖွဲ့တွေ အောက်မှာ တိုက်ရိုက်ထားပါတယ်။

စီ ၁၃ဝ လို သိပ်မကြီး၊ သိပ်မသေးတဲ့ သယ်ယူပို့ဆောင်ရေး လေယာဉ်ကို ဘေးတဖက်တချက်မှာ စက်သေနတ်တွေ တင်၊ ပတ်ဝန်းကျင်မှာ ဘာရှိလဲဆိုတာ သိနိုင်စွမ်းရှိတဲ့ အာရုံခံ sensor တွေ တပ်၊ ညအမှောင်ထဲမှာ မြင်နိုင်တဲ့ အနီအောက်ရောင်ခြည်အာရုံခံ Infrared sensors တွေ ဖြည့်ရုံမက ၁ဝ၅ မီလီမီတာ ဟောင်ဝီဇာ အမြောက်ကြီးပါ တင်ပြီး ဝေဟင်ကနေ လှမ်းထုတော့ အေစီ ၁၃ဝ ဂန်းရှစ်ဟာ ကမ္ဘာပေါ်မှာ ကြောက်စရာ အကောင်းဆုံး ဂန်းရှစ်ဖြစ်လာတာပေါ့။ လေယာဉ်ဘော်ဒီကို သံချပ်ကာဖြစ်အောင် ဖြည့်စွက်လိုက်တော့ ရန်သူကို လေပေါ်ကနေ တရဟော နှိပ်ကွပ်နိုင်ရုံမက ရန်သူ့နယ်မြေကို ညအမှောင်ထဲမှာ ဝင်/ထွက်နိုင်တာကြောင့် Special Operation လို့ခေါ်တဲ့ ကွန်မန်ဒိုလို အထူးတပ်တွေရဲ့ သည်းခြေကြိုက် ဂန်းရှစ် လာဖြစ်တာပေါ့။ A/H/U အေ-အိတ်ခ်ျ-ယူ ဆိုပြီး မျိုးကွဲ အမျိုးမျိုး ရှိပြန်တယ်။ လက်ရှိ အာဖဂန် စစ်ပွဲမှာတောင် ဒီလေယာဉ် အကူရဖို့ မြေပြင်က စစ်ဗိုလ်တွေဟာ အလုအယက် တောင်းဆိုကြရတယ်။ အမေရိကန်လို လေတပ်မှာတောင် ပိုပိုလျံလျံ မရှိပါဘူး။

အခုခေတ်မှာ တဟုန်ထိုး လူကြိုက်များ အသုံးတည့်လာတာကတော့ မောင်းသူမဲ့ လေယာဉ်တွေပါ။ ယူအေဗီ (UAV - Unmanned Aerial Vehicle) လို့ ခေါ်ကြပါတယ်။ လေယာဉ်တွေ ပေါ်ခါစက ကောင်းကင်ကနေ သတင်းစုံစမ်းဖို့၊ ဝေဟင်ကနေ ဓာတ်ပုံရိုက်ဖို့ သုံးရာကနေ မိုးပေါ်က ဗုံးကြဲချနိုင်တယ်၊ စက်သေနတ်တပ် ပစ်နိုင်တယ်လည်း သိကြရော ထောက်လှမ်းရေး လေယာဉ်ကနေ စစ်လေယာဉ်တွေ ဖြစ်ကုန်ကြရတယ်။ ထိုနည်းတူစွာပဲ ယူအေဗီတွေဟာ ပထမတော့ ကလေးကစားစရာသာသာ ဗီဒီယိုကင်မရာ တပ်ထားတဲ့ လေယာဉ် အသေးစားပါပဲ။ ယူအေဗီတွေရဲ့ အားသာချက်က လေပေါ်မှာ နာရီပေါင်းများစွာ ပြန်ဝဲနိုင်တယ်။ လေယာဉ်မှူး မပါတဲ့အတွက် အန္တရာယ် နည်းတယ်၊ ပေးဆပ်ရမှု နည်းတယ်။

အစကတော့ ဘင်လာဒင်တို့ကို လေပေါ်ကနေ စောင့်ကြည့်ဖို့ သုံးတာပါ။ နောက် ရန်သူကို အောက်တည့်တည့်မှာ တွေ့နေရပြီ၊ ဘာလုပ်မလဲဆိုတဲ့ မေးခွန်းပေါ်လာတော့ စစ်သားအတွေးနဲ့တွေးရင် သုတ်သင်ပစ်ရမှာပေါ့။ ဒါကြောင့် sidewinder လို့ခေါ်တဲ့ မြေပြင်ပစ် ဒုံးပျံတပ်ပေးလိုက်တော့ ယူအေဗီတွေဟာ ထိရောက်တဲ့ လက်နက် ဖြစ်လာရတယ်။ ဒါကြောင့် ပိုကြီးတဲ့ ယူအေဗီတွေ ပေါ်လာရပြီ။ Global Hawk ဂလိုဖယ်ဟော့က် လို့ အမည်ပေးထားတဲ့ ယူအေဗီဆိုရင် လေယာဉ်တွေလောက် ကြီးတာပဲ။ ရေတပ်က စမ်းသပ်နေတဲ့ X-47B ဆိုရင် လေယာဉ်တင်သင်္ဘောမှာ အဆင်းအတက် လုပ်နိုင်ပြီး လေထဲမှာပါ ဓာတ်ဆီဖြည့်နိုင်မယ်တဲ့။ ယူအေဗီတွေရဲ့ အားသာချက် နောက်တခုက လေယာဉ်က ကမ္ဘာကြီးရဲ့ တဖက်ခြမ်းမှာ၊ လေယာဉ်မောင်းသူက သက်တောင့်သက်သာ လေအေးအခန်းထဲမှာ ဇိမ်နဲ့ မောင်းနိုင်တယ်။ ညနေ ကလေးတွေကို ကျောင်းကြိုပြီး အိမ်ပြန်လို့ ရတယ်။ မိသားစုနဲ့ ခွဲစရာ မလိုတော့ဘူး။

လက်ရှိ ဘင်လာဒင်တို့ အကြောက်ဆုံးနဲ့ အထိရောက်ဆုံးက ဒီ ယူအေဗီတွေပဲ။ မမြင်ရတဲ့ ကောင်းကင်ကနေ အချိန်ပြည့် စောင့်ကြည့်နေနိုင်တယ်။ ထွက်လာတာနဲ့ အဝေးက လှမ်းထုလိုက်တာ ဒုံးဆို အသံကြားတော့ အသက်ပျောက်နေပြီ။ မှားထုမိတာတွေလည်း ခဏခဏပါပဲ။ ဘင်တို့ကိုတော့ စီအိုင်အေက တိုက်ရိုက် ကိုင်တယ်။ တချို့ တိုက်ချင်ခိုက်ချင်စိတ် ပြင်းပြတဲ့ လေသူရဲတွေက နောင်ဆို လေယာဉ်ပေါ်မောင်းတဲ့ လေယာဉ်မှူးတွေ မလိုတော့မှာ၊ လျော့နည်းသွားမှာကို စိုးရိမ်နေကြတယ်။

အမေရိကန်လေတပ်အတွက် အရေးကြီးတဲ့ ကဏ္ဍတခုက အာကာသ Space ပဲ။ ဆိုဗီယက်နဲ့ ပြိုင်ရတဲ့ စစ်အေးကာလမှာ အာကာသကို စစ်ခင်းဖို့အသုံးမချရေး ဆိုတာက်ို အလေးပေးခဲ့ကြပေမယ့် တရုတ်နဲ့ ပြိုင်ရတဲ့ ဒီဘက်ခေတ်မှာတော့ အာကာသဟာလည်း စစ်ကွင်းဖြစ်ရတော့မယ်။ အမေရိကန်တွေက ရေငုပ်သင်္ဘောကနေ ဒုံးပျံနဲ့ လေဟာပြင်ရှိ ဂြိင်္ုဟ်တုကို ပစ်ချပြလိုက်တယ်။ တရုတ်ကလည်း အားကျမခံ သူ့ရဲ့ ဂြိင်္ုဟ်တုကို ပစ်ချပြပြန်တယ်။ ပြဿနာက ပျက်စီးသွားတဲ့ ဂြိင်္ုဟ်တု အပိုင်းအစတွေက မြေပြင်ပေါ် ပြန်ကျလာတာ မဟုတ်ဘူး။ လေဟာပြင်မှာ အမှိုက်အနေနဲ့ ကမ္ဘာကြီးကို ပတ်လျက်ရှိတယ်။

ကမ္ဘာ့ပတ်ဝန်းကျင် Environment ကို လေးစားသူတွေအဖို့ စိတ်တိုစရာ သိပ်ကောင်းတယ်။

ပထမနဲ့ ဒုတိယ ကမ္ဘာစစ်တုန်းက မှန်ဘီလူးနဲ့ ကြည့်ကြပြီး နောက်တန်းက ဗိုလ်ချုပ်တွေ အမိန့်ပေးကြရတာ။ အခုက ပစ်မှတ်ထိတာကို ဗီဒီယိုကတဆင့် ချက်ချင်း မြင်တွေ့ကြရတာ။ Network Centric Warfare ဆိုတဲ့ ဆက်သွယ်ရေးကို အသားပေးတဲ့ စစ်ဆင်ရေး သဘောတရားကို ၁၉၉၈ ခုနှစ်ကစပြီး အမေရိကန်တပ်မတော်က ဖော်ထုတ်ခဲ့ပြီး Command & Control လို့ ခေါ်တဲ့ ထိန်းချုပ်ခြင်းနဲ့ အမိန့်ပေးခြင်း စနစ်ဟာ အခုခေတ်မှာတော့ C4ISR လို့ ခေါ်တဲ့ ဆက်သွယ်ရေး ထောက်လှမ်းရေး ကွန်ပြူတာ အားလုံးဟာ ပေါင်းစုံလာကြတယ်။ ပစ်လိုက်တဲ့ ဗုံးတွေဟာလည်း ဂျီပီအက်စ်လို့ ခေါ်တဲ့ ဂြိုင်္ဟ်တုစနစ်က ထိန်းချုပ်ပေးတာကြောင့် ဂြိုင်္ဟ်တုတွေဟာ စစ်ရေးမှာ အရေးပါလာကြရတယ်။

ဒါကြောင့် ဝမ်းနည်းစရာ ကောင်းတာက စစ်ရေးဟာ အာကာသအထိ ရောက်လာရပြီ။ ဂြိုင်္ဟ်တု ဂြိုင်္ဟ်တု အချင်းချင်း ပစ်ချတဲ့အဆင့် မရောက်သေးပေမယ့် မြေပြင်ကနေ ပစ်ချဖို့နဲ့ ဂြိုင်္ဟ်တုအချင်းချင်း ပစ်တိုက်ပြီး ဖျက်ဆီးဖို့ ပြင်ဆင်နေကြပြီ။ ကမ္ဘာကြီးကို အကာအကွယ်ပေးနေတဲ့ အိုဇုန်းလွှာသာ ပိုပျက်စီးခဲ့ရင် နေက အနုမြူ ဓာတ်ရောင်ခြည်တွေ တိုက်ရိုက်ကျရောက်ပြီး လူတွေ အသေအပျောက် များလာကြလိမ့်မယ်။

နာဆာက စွန့်လွှတ်လိုက်တဲ့ မောင်းသူမဲ့ အာကာသယာဉ် X-37B ကို အမေရိကန်လေတပ်က လက်ဆင့်ကမ်း လက်ခံလိုက်ပြီး စမ်းသပ်မှုတွေ လုပ်နေလေရဲ့။ လေတပ်ရဲ့ အာကာသဌာနချုပ်က အိုဟာရိုးရှိ ပက်တာစင် Patterson လေတပ်စခန်းမှာ ထားပါတယ်။

အမေရိကန် တပ်မတော်မှာ ဘာလုပ်လုပ် ကြည်း-ရေ-လေ ၃ ခုစလုံးမှာ တပ်ဆင်နိုင်ဖို့ ကြိုးစားတယ်။ ဥပမာ အနုမြူလက်နက်တွေကို တပ်ဆင်တော့လည်း ကြည်း-ရေ-လေက သုံးနိုင်ဖို့ စီစဉ်ခဲ့ကြတယ်။ လွန်ခဲ့တဲ့ ၁ဝ နှစ်လောက်က လေဆာလက်နက် သုတေသန လုပ်ကြတော့လည်း ထိုနည်းလည်းကောင်းပါပဲ။ လေဆာ ဆိုတာက လျှပ်စစ်ကပဲ ထုတ်နိုင်တာ မဟုတ်ပါ။ ဓာတုဗေဒနည်းအရလည်း ထုတ်လုပ်နိုင်ပါတယ်။ မိမိနယ်မြေထဲ ကျူးကျော်လာတဲ့ ဒုံးပျံကို လေဆာနဲ့ ပစ်ချမယ်ပေါ့။ ပြဿနာက အရှိန်နဲ့ ဝင်လာတဲ့ ဒုံးပျံကို မှန်အောင်၊ ထိအောင် ပစ်ရတာ လွယ်တဲ့ အလုပ်တော့ မဟုတ်ပါ။ ဟာဝိုင်ယီမှာ စမ်းတာ အချက်တိုင်း ပစ်မချနိုင်ဘူး။ ကုန်းပေါ်မှာ အောင်မြင်မှ သင်္ဘောပေါ် တင်လို့ရမှာကိုး။ ဒါပေမဲ့ ဓာတုဗေဒ နည်းအရ ထုတ်လုပ်နိုင်တဲ့ လေဆာကို ဘိုရင်း ၇၄၇ ပေါ် တင်ပြီး ပစ်တာ အောင်မြင်မှုရတယ်။ အားနည်းချက်က လေယာဉ်ပျံက ဒုံးပျံမလွှတ်ခင် အနီးအနားမှာ ရှိနေရမယ်။ အဝေးပစ် ဒုံးပျံဆိုတာကလည်း ချက်ချင်း ထပစ်လို့ ရတာမဟုတ်။ ဒုံးပျံလွှတ်ဖို့ ပြင်ဆင်ရတယ်။ ဒါကြောင့် မြောက်ကိုရီးယားက အမေရိကန်ကို ပစ်ဖို့ ပြင်ဆင်တာနဲ့ လေဆာလက်နက် တပ်ဆင်ထားတဲ့ ဘိုရင်း ၇၄၇ ကို လေပေါ်တင် လေဆာနဲ့ ပစ်ချရုံပဲ။ ဒါကြောင့် မြောက်ကိုရီးယား အနုမြူ လက်နက်လောက်တော့ အမေရိကန်လေတပ်က ပျင်းတောင် ပျင်းသေးတယ်လို့ ပြောနိုင်ပါတယ်။ မြန်မာတွေကတော့ မြောက်ကိုရီးယားကို အတုယူပြီး စိတ်ကူးယဉ် အဆင့်ပဲ ရှိပါသေးတယ်။

စစ်အေးတိုက်ပွဲ ကာလမှာ အမေရိကန်ကော၊ ဆိုဗီယက်တို့ကပါ MAD (Mutual Assured Destruction) ဆိုတဲ့ နင်ရော ငါပါ သေမယ်ဆိုတဲ့ မဟာဗျူဟာကို ကျင့်သုံးခဲ့ကြတယ်။ နှစ်ဖက်စလုံး စိုးရိမ်ကြတာက အလစ် အတိုက်ခံရမှာပဲ။ MAD ဆိုတာက အလစ်အတိုက်ခံရသည့်တိုင် ပြန်တိုက်နိုင်တယ်ဆိုတဲ့ ဒုတိယ တုံ့ပြန်မှုကို အာမခံပေးဖို့ပဲ။ ဒါကြောင့် အနုမြူရေငုပ်သင်္ဘောတွေဟာ ကမ္ဘာတဝှန်း ကင်းလှည့်နေကြပြီး၊ အချိန်မရွေး ပြန်တိုက်နိုင်အောင် စီစဉ်ခဲ့ကြတယ်။ ထိုနည်းတူ အမေရိကန်လေတပ်ကလည်း ဘီ ၅၂ လေယာဉ်တွေဟာ ၂၄ နာရီ လေပေါ်မှာ ရှိနေကြပြီး၊ ဗိုလ်မှူးချုပ် ဦးစီးတဲ့ ဘိုရင်း ၇ဝ၇ တစီးဟာ လေပေါ်မှာ အမြဲတမ်း အဆင်သင့် ရှိနေတယ်။ တကယ်လို့ ဝါရှင်တန်မြို့တော်ကြီး ပြာကျပြီး၊ သမ္မတနဲ့ ပင်တဂွန် မရှိတော့ရင်တောင် ဆိုဗီယက်တွေကို ပြန်တိုက်နိုင်အောင် စီစဉ်ထားတာပါ။ ဥရောပဘက်နဲ့ ပစိဖိတ်ဘက်မှာ လေယာဉ်တွေကို လေပေါ်မှာ ၂၄ နာရီ တင်ထားတယ်။

ကြောက်စရာတော့ ကောင်းတယ်။ တယောက်ယောက်က ရူးပြီး ဗုံးကြဲလိုက်ရင် တတိယ ကမ္ဘာစစ် ဖြစ်နိုင်တယ်။ ဒါပေမဲ့ တယောက်ထဲ သဘောနဲ့ ဗုံးတွေကို မဖောက်နိုင်အောင် စီမံထားပါတယ်။ လေတပ်ရဲ့ မဟာဗျူဟာမြောက် လေတပ်ရဲ့ အုပ်ချုပ်ရေးဌနချုပ် Strategic Air Command (SAC) က အဝေးပစ် ဒုံးပျံတွေကိုလည်း တာဝန်ယူရပါတယ်။ ၁၉၉၂ နောက်ပိုင်းမှာ SAC ကို ဖျက်ပြီး၊ ကျန်တဲ့ ဌာနတွေနဲ့ရော ပစ်လိုက်ပြီ။ စစ်အေးကာလ SAC အတွက် အသုံးစရိတ် အားလုံးပေါင်း ဒေါ်လာ ဘီလျံ ၁၅ဝဝဝ ကျော်ကျော် (၁.၅ တြီလျံ) ကုန်ခဲ့ပေမယ့် အနုမြူစစ်ကို တားနိုင်ခဲ့တယ်။

ဒါ့အပြင် ရော်ကီတောင်တန်းအတွင်း လှိုဏ်ခေါင်းတွေဖောက်ပြီး မြောက်အမေရိကတိုက် လေကြောင်း ကာကွယ်ရေး စစ်ဌာနချုပ် NORAD ကို ထူထောင်ထားတယ်။ ကနေဒါမြောက်ဘက်ဆုံးမှာ ရေဒါတွေ တပ်ဆင်ထားတယ်။ အခုတော့ ဘင်လာဒင်တို့ သောင်းကျန်းအပြီးမှာ ဖွဲ့လိုက်တဲ့ မြောက်ပိုင်းစစ်တိုင်း အောက်မှာ NORAD ကို ထည့်လိုက်ပြီ။

နောက်ဆုံး လေတပ်-ရေတပ်မှာ အရေးအကြီးဆုံးက Search and Rescue လို့ ခေါ်တဲ့ လေယာဉ် ပစ်ချခံရရင် ကယ်တင်ဖို့ အထူးတပ်ဖွဲ့တွေ ရှိတယ်။ အရင်တပတ်က လစ်ဗျားမှာ F15 တစီး စက်ချို့ယွင်းပြီး ပျက်ကျတော့ ချက်ချင်း ကယ်ဆယ်ရေးတပ်ဖွဲ့တွေ ရောက်လာတယ်။ ထိုနည်းတူ စစ်လေယာဉ်မှူးတွေဟာ ပစ်ချခံရရင် ဘယ်လို အသက်ရှင်အောင် နေရမယ်ဆိုတာကို ကောင်းကောင်း လေ့ကျင့်ကြရတယ်။ ဘော့စ်နီးယား စစ်ပွဲအတွင်းက အမေရိကန်လေယာဉ် ပစ်ချခံရတယ်။ ဆာ့ဘ် Serb လူမျိုးတွေက ရုရှားတွေနဲ့ အမျိုးနွယ်တယ်။ လူကြမ်းစစ်သားတွေ ဖြစ်တယ်။ Scott F O’Grady ဆိုတဲ့ လေယာဉ်မှူးဟာ ၁၉၉၅ ခုနှစ်က သူ့ရဲ့ အက်စ် ၁၆ အပစ်ချခံရတော့ ရန်သူ့နယ်မြေမှာ ၆ ရက် ပုန်းရှောင်ရင်း နောက်ဆုံး မရိန်း ကယ်ဆယ်ရေး တပ်ဖွဲ့တွေက ရန်သူ့အရှေ့မှာ ပစ်ခတ်ကြရင်း ကယ်နိုင်ခဲ့တာကြောင့် နာမည်ကျော် သူရဲကောင်း ဖြစ်ခဲ့ရတယ်။ ဒီ ၆ ရက်မှာ မိုးရေကို သောက်၊ ပုရွက်ဆိတ်လေးတွေကို စားရင်း ရှင်သန်နိုင်ခဲ့တာ လေတပ် လေ့ကျင့်ရေး ကျောင်းက သင်ပေးလိုက်လို့ပေါ့။

သာမန်အားဖြင့် လေယာဉ်ကပစ်တဲ့ ဗုံးတွေဟာ ပေါင် ၂ဝဝဝ ဗုံးတွေပါပဲ။ ဒါပေမဲ့ လိုအပ်လာရင် အသုံးပြုဖို့ဆိုပြီး ဧရာမဗုံးကြီးတွေ ရှိပါသေးတယ်။ ဘင်လာဒင်တို့ တိုရာဘိုရာ Tora Bora တောင်မှာ ပိတ်မိနေတော့ ဒီဧရာမဗုံးကြီးတွေကို သုံးခဲ့ကြပါတယ်။ မြောက်ကိုရီးယားက အနုမြူဗုံး စမ်းသပ်မှုတွေ တိုးတက်လုပ်လာရာ ကွန်ဂရက်က အကြီးဆုံး ဗုံးထုတ်လုပ်မှုကို အလျင်အမြန် ထုတ်နိုင်အောင် ဘတ်ဂျက်သတ်မှတ်ပေးခဲ့ပါတယ်။ ဒီဗုံးတွေမှာ မြေအောက်လှိုဏ်ခေါင်းတွေကို ဖြိုဖျက်နိုင်ဖို့ မဟုတ်ပါလား။ အကြီးဆုံး ဗုံးမှာ ပေါင် ၁၅ဝဝဝ ရှိတာကြောင့် မြို့တွေမှာ တွေ့ရတဲ့ ဘလောက်တခုစာကို အသာလေး ဖျက်ဆီးနိုင်ပါတယ်။ ဒီဗုံးမျိုးတွေကို သာမန် လေယာဉ်တွေနဲ့ မသယ်နိုင်ပါဘူး။ စီ ၁၃ဝ သယ်ယူပို့ဆောင်ရေး လေယာဉ်ကြီးတွေပေါ်ကနေ ကြဲချရပါတယ်။

မတ်လ ၂၈ ရက်နေ့ထုတ် နယူးယောက်တိုင်းမ် သတင်းစာမှာပါတဲ့ အဲရစ်မစ်တ် Eric Schmitt ရဲ့ ဆောင်းပါးမှာ ကနေ့ လစ်ဗျားမှာ အမေရိကန်လေတပ် အသေပစ်မှတ်တွေအပြင် လှုပ်ရှားနေတဲ့ ရန်သူ့ပစ်မှတ်တွေကို တိုက်ခိုက်ပုံကို ဖော်ပြထားပုံဟာ စိတ်ဝင်စားစရာ အလွန်ကောင်းပါတယ်။ ရန်သူရဲ့ ဆက်သွယ်ရေးတွေကို နားထောင်နေတဲ့ လေယာဉ်တွေက လှုပ်ရှားနေတဲ့ ရန်သူတွေကို ကြားဖြတ်စက်တွေမှာ ကြားရရင် လစ်ဗျား ကောင်းကင်ပေါ် ကင်းလှည့်နေတဲ့ မောင်းသူမဲ့ ဂလိုဖယ် ဟောက်ဆီ သတင်းပေးလိုက်ပါတယ်။ ဂလိုဖယ် ဟောက်က လှုပ်ရှားနေတဲ့ ရန်သူ့ မော်တော်ယာဉ်တွေရဲ့ မြေပြင်နေရာ အတိအကျကို မြေပြင်ထိန်းချုပ်သူဆီ ပြန်သတင်းပို့ပို့ချင်း ထိန်းချုပ်စခန်းကနေ လစ်ဗျားပစ်မှတ်တွေကို ဖော်ထုတ်ထိန်းချုပ်ပေးနေတဲ့ ထိန်းချုပ်ဌာနဆီ ချက်ချင်း သတင်းပို့လိုက်ကြပါတယ်။ ထိန်းချုပ်ဌာနက အေဝက် AWAC တွေဆီ ပစ်မိန့်ပေးလိုက်ရင် အေဝက်တွေက ရှေ့တန်း ဗုံးကြဲတိုက်လေယာဉ် အက်စ် ၁၆ တွေဆီ အကြောင်းကြားလိုက်တာနဲ့ လှုပ်ရှားနေတဲ့ ကဒါဖီရဲ့ စစ်သား၊ တင့်ကားနဲ့ အကူတပ်တွေ ချေမှုန်းခံကြရပါတယ်။

ဒါပေမဲ့ ဒီလောက် ထိရောက်တဲ့ လေတပ်ကို အသုံးပြရရင် ကုန်ကျစရိတ်က မသေးလှပါဘူး။ လစ်ဗျားမှာ နေတိုး မဟာမိတ်တွေ ၆ ရက် ဗုံးကြဲမှုအတွက် ကုန်ကျစရိတ်ဟာ ဒေါ်လာ သန်း ၆ဝဝ ဖြစ်ပါတယ်။ ဒါ့အပြင် အမေရိကန် နိုင်ငံရဲ့ အကျိုးကို မထိခိုက်ဘဲ ဘယ် အမေရိကန်သမ္မတကမှ အမေရိကန်စစ်သား တယောက်ရဲ့ အသက်ကို မစတေးနိုင်ပါဘူး။ လစ်ဗျားရဲ့ ဒုတိယမြို့တော် ဘင်ဇာလီမှာ သွေးချောင်းစီးလု အခြေအနေကိုရောက်မှ ပြင်သစ်နဲ့ အင်္ဂလိပ်ရဲ့ တောင်းဆိုချက်ကြောင့် အမေရိကန်တပ်တွေက ပါဝင်ဦးဆောင် ပစ်ခတ်ပေးပေမယ့် အခု နေတိုးကို တာဝန်လွှဲကာ အမေရိကန်သင်္ဘောတချို့ ဆုတ်ခွါသွားပါပြီ။ ရေရှည်စစ်ကို ရှောင်ရှားဖို့ ဖြစ်ပါတယ်။ လစ်ဗျားမှာ နိုင်ငံခြားတပ်တွေ ဝင်ရောက်တိုက်ခိုက်နေတာကို တီဗီပေါ် တွေ့ကြရတာ စိတ်ကြွ စိတ်ကူးယဉ်နေကြတဲ့ မြန်မာတွေကို သိစေချင်ပါတယ်။

အမေရိကန် လေတပ်မှာ စစ်သားဦးရေ ၃၃ဝဝဝ ကျော် ရှိပြီး၊ လေယာဉ်ပေါင်း ၅၅ဝဝ ကျော် ရှိတာကြောင့် ကမ္ဘာ့ အကြီးဆုံး လေတပ်မတော် ဖြစ်တယ်။ ရေတပ်ရဲ့ လေတပ်က ရှေ့တန်း တိုက်ခိုက်ရေးကိုပဲ ဦးစားပေးပြီး လေတပ်ကတော့ လေနဲ့ ပတ်သက်တဲ့ တာဝန်တွေကို အကုန်ယူရပါတယ်။

ဆက်လက်ပြီး တရုတ်တွေရဲ့ J20 နဲ့ တရုတ် လေတပ်အကြောင်း၊ မြန်မာလေတပ်နဲ့ ထိုင်းလေတပ်တို့ကို ယှဉ်ပြီး တင်ပြဆွေးနွေးပါ့မယ်။

စစ်တပ်ဆိုတာက ရန်သူကို လှည့်ဖို့ အမြဲစဉ်းစားနေရတာ။ တချိန်ထဲမှာ မိမိ အစိုးရဆီက ဘတ်ဂျက်များများကျဖို့ လုပ်ရသေးတယ်။ ဒါကြောင့် အင်တာနက်ပေါ်မှာ တွေ့တိုင်း အမှန် လို့ မယူဆနိုင်တာတွေ ရှိတယ်။ ဥပမာ ဂူဂယ်မှာ မစ် ၂၉ အကြောင်း ရိုက်ကြည့်ပါ။ အိန္ဒိယ လေတပ်က မစ် ၂၉ တွေဟာ အမေရိကန် အက်(ဖ်) ၁၅ တွေနဲ့ ယှဉ်တိုက်တဲ့အခါမှာ အိန္ဒိယ စစ်လေယာဉ်မှူးတွေက အနိုင်ရကြောင်းနဲ့ အိန္ဒိယ လေယာဉ်မှူးတွေဟာ အမေရိကန် လေယာဉ်မှူးတွေထက် လေ့ကျင့်ရေး အချိန်ကို ပိုပေးကြကြောင်း ရေးထားတာ တွေ့ရပါလိမ့်မယ်။

ကျနော် ဘဝင်မကျခဲ့ပါ။ အကြောင်းက ရုရှားလေတပ်မတော်မှာကော၊ အိန္ဒိယ လေတပ်မတော်မှာပါ စူကွိုင်းရာ Su တိုက်လေယာဉ်တွေဟာ မီကိုရမ် MiG တွေထက် သာလွန်ကြပြီး စူကွိုင်းရာ လေယာဉ်တွေက ပထမတန်းစား တိုက်လေယာဉ်တွေ ဖြစ်တယ်။ အမေရိကန်လေတပ်ဟာ စစ်ရည် ဝ’တယ်၊ အတွေ့အကြုံ အရှိဆုံး လေတပ်ဖြစ်တယ်။ အိန္ဒိယ လေတပ်ဟာ ကမ္ဘာမှာ နာမည်မကြီးပါဘူး။ အစ္စရေး လေယာဉ်မှူးတွေလို နာမည်ရှိရင် ပြောစရာ မရှိပါ။ နောက်မှ စစ်လေယာဉ်တွေအကြောင်း ဆွေးနွေးတဲ့ ဖိုရမ်တခုမှာ လေတပ်ဒုဗိုလ်မှူးကြီးဟောင်း တဦးက ဝင်ဆွေးနွေးရာမှာ ပြိုင်စဉ်က ကန့်သတ်ချက်တွေရှိကြောင်း၊ အဲဒီအချိန်တုန်းက F22 တွေကို ဘတ်ဂျက်အရ များများ မမှာဖို့ တောင်းဆိုနေကြကြောင်းနဲ့ အိန္ဒိယ လေတပ်ကိုတောင် မနိုင်နိုင်ရင် ခက်ရခြေရဲ့ ဆိုပြီး ပညာပြတာလို့ သူက ယူဆကြောင်း ဆွေးနွေးလာပါတယ်။ စစ်တပ်ဆိုတာက အခက်သားလား၊ ရန်သူကို ပြနိုင်မှ ငွေများများ တောင်းလို့ ကောင်းတာကိုး။ အခုတော့ တရုတ်တွေရဲ့ J20 က အမေရိကန် လေတပ် ဗိုလ်ချုပ်တွေအတွက် ကျေးဇူးတင်စရာပါ။

ပိုရှင်းသွားအောင် ဒီနေရာမှာဖြတ်ပြီး အမေရိကန်ရဲ့ တပ်မတော် ဖွဲ့စည်းပုံကို အရင်တင်ပြပါရစေ။

အမေရိကန်နိုင်ငံကို တည်ထောင်ခဲ့ကြတဲ့ တော်လှန်ရေးသမားကြီးတွေဟာ အင်မတန်မှ အမြောအမြင် ကြီးကြပါတယ်။ စစ်သားဟာ အရပ်သားအောက် ရှိရမှာကို သိသာအောင် သမ္မတဟာ စစ်သေနာပတိချုပ်လည်း ဖြစ်ပါတယ်။ ဒါကြောင့် စစ်တပ်ဟာ သမ္မတအာဏာစက်အောက် တည်ရှိပါတယ်။ ကာကွယ်ရေးဝန်ကြီးဟာ စစ်တပ်ကို အုပ်ချုပ်ပြုစုပျိုးထောင်ပေးရသူ မှန်ပေမယ့်လည်း နိုင်ငံတော် ကာကွယ်ရေး ကိစ္စတွေကို ကိုင်တွယ်ဖို့ သမ္မတရဲ့ လုံခြုံရေးကောင်စီ ရှိပါတယ်။ သမ္မတရဲ့ အိမ်ဖြူတော်မှာ လုံခြုံရေးကောင်စီရုံး သပ်သပ်ရှိပြီး၊ သမ္မတရဲ့ လုံခြုံရေးကောင်စီ အတိုင်ပင်ခံပုဂ္ဂိုလ် ရှိပါတယ်။ အဲဒီလုံခြုံရေးကောင်စီမှာ ကာကွယ်ရေး၊ နိုင်ငံခြားရေး၊ တရားရေး၊ အခု ပြည်တွင်း လုံခြုံရေးဝန်ကြီးတွေ ပါဝင်ကြပါတယ်။ သက်ဆိုင်ရာ ဝန်ကြီးဌာနတွေရဲ့ ပေါ်လစီ တင်ပြချက်တွေကို ဘက်မလိုက်ဘဲ ဖြစ်သင့်ဖြစ်ထိုက်တဲ့ ပေါ်လစီတွေကို ဖော်ထုတ်ကာ၊ သမ္မတက ရွေးချယ်နိုင်အောင် ငြှိနှိုင်းတင်ပြရခြင်းဟာ သမ္မတ လုံခြုံရေးကောင်စီ အတိုင်ပင်ခံ အရာရှိရဲ့ အဓိက တာဝန် ဖြစ်ပါတယ်။

အမေရိကန် တပ်မတော်မှာ ကြည်းတပ်-ရေတပ်-လေတပ်နဲ့ မရိန်း (ကမ်းခြေတက်တပ်) ဆိုပြီး အင်္ဂါ ၄ ပိုင်း ရှိပါတယ်။ ကြည်း-ရေ-လေမှာ စစ်ဦးစီးချုပ်တွေက ဦးစီးပြီး၊ မရိန်းကတော့ ရေတပ်နဲ့ တွဲလျက်တည်ရှိရလို့ အကြီးအကဲအဆင့် Marine Commandant ကပဲ အုပ်ချုပ်ရပါတယ်။ ရေတပ်ဦးစီးချုပ်ကိုတော့ Chief of Naval Operation လို့ ခေါ်ပါတယ်။ ဒီ စစ်ဦးစီးချုပ်တွေပါတဲ့ စစ်ဗိုလ်ချုပ်တွေအဖွဲ့ကို ပူးတွဲစစ်ဦးစီးချုပ်များအဖွဲ့ Joint Chiefs of Staff (JCS) လို့ ခေါ်ပါတယ်။ ဒီအဖွဲ့ရဲ့ ဥက္ကဋ္ဌနဲ့ ဒုဥက္ကဋ္ဌကို သမ္မတက ရွေးချယ်ပြီး၊ အထက်လွှတ်တော် (ဆီးနိတ်) က အတည်ပြုရပါတယ်။ ဒီ JCS မှာ ဥက္ကဋ္ဌ၊ ဒုဥက္ကဋ္ဌ၊ ကြည်း-ရေ-လေနဲ့ မရိန်း အကြီးအကဲတို့ ပါဝင်ပါတယ်။ JCS ဥက္ကဋ္ဌ ဟာ သမ္မတရဲ့ အမြင့်ဆုံး စစ်ဖက်ရေးရာ အကြံပေးပုဂ္ဂိုလ်ပါ။

မြန်မာစစ်တပ်မှာ တပ်မ၊ တပ်ရင်းအဆင့် General Staff ကို အတိုကောက် ဂျီဝမ်း G1 ၊ ဂျီတူး G2 ခေါ်သလိုမျိုး ဒီအဆင့်မြင့် အဖွဲ့မှာ တာဝန်ထမ်းဆောင်ရတဲ့ ဗိုလ်ချုပ်တွေကို ဂျေဝမ်း J1 ၊ ဂျေတူး J2 လို့ ခေါ်ကြပါတယ်။

စာဖတ်သူများ အထူးသတိပြုစေလိုတာက - ပူးတွဲစစ်ဦးစီးချုပ်များအဖွဲ့ရဲ့ ဥက္ကဋ္ဌဟာ (ရာထူး) သာ ရှိသော်လည်း အာဏာ မရှိပါ။ စစ်တပ်ကို ချုပ်ကိုင်တဲ့၊ စေခိုင်းတဲ့ အာဏာဟာ သမ္မတဆီမှာသာ ရှိပါတယ်။ တပ်မှူးတွေကို စေခိုင်းတဲ့ Command Power ဟာ သမ္မတမှတဆင့် ကာကွယ်ရေးဝန်ကြီးမှာ ရှိပါတယ်။

ဒီ Command Power ဟာ စစ်တပ်ကို ကိုင်တွယ်ရာမှာ အရေးပါတာကြောင့် အသေးစိတ် ဆွေးနွေးပါရစေ။

အမေရိကန် စစ်တပ်ဖွဲ့စည်းပုံမှာ အရပ်သား သမ္မတဟာ စစ်သေနာပတိ။ သူ့အောက်မှာ သမ္မတရဲ့ လုံခြုံရေးကောင်စီ ရှိပါတယ်။ တပ်မှူးတွေကို စေခိုင်းတဲ့ Command Power ကို သမ္မတက တိုက်ရိုက်သော်၎င်း၊ ကာကွယ်ရေးဝန်ကြီးကတဆင့်သော်၎င်း စေခိုင်းပါတယ်။

အမေရိကန်စစ်တပ်ဟာ တိုက်စစ် Offensive ကို ဦးစားပေးတဲ့ စစ်တပ်ဖြစ်ပါတယ်။

ဒါကြောင့် အမေရိကန် စစ်တိုင်းတွေဟာ ကမ္ဘာ့ပထဝီ အနေအထားအရ ဖွဲ့စည်းထားပါတယ်။ ဥပမာ စစ်အေးကာလက အရေးအကြီးဆုံး စစ်မြေပြင်ဟာ ဥရောပတိုက်ပါ။ ဥရောပစစ်တိုင်း European Command ဟာ အရေးအကြီးဆုံး ဖြစ်ပြီး၊ NATO ရဲ့ စစ်သေနာပတိလည်း ဖြစ်ပါတယ်။ ပစိဖိတ်စစ်ဒေသအတွက် ပစိဖိတ်စစ်တိုင်း Pacific Command ရှိပါတယ်။ ဒီစစ်တိုင်းဟာ ဂျပန်မှာ ရှိပါတယ်။ လက်တင် အမေရိကားအတွက် တောင်ပိုင်းတိုင်း Southern Command ရှိပြီး၊ ဖရော်ရီဒါပြည်နယ် မာရာမီမှာ ရှိပါတယ်။ အရှေ့အလယ်ပိုင်းအတွက် အလယ်ပိုင်းစစ်တိုင်း Central Command ရှိပါတယ်။ ဒီဌာနချုပ်ကိုလည်း ဖရော်ရီဒါပြည်နယ် တင်ပါ မက်ဒါလ် လေတပ်စခန်းမှာ ဖွင့်ထားပါတယ်။ အီရန်နဲ့ ဆိုဗီယက်တို့ အာဖဂန်ကို ဝင်သိမ်းအပြီး ၁၉၈၃ ခုနှစ်ကျမှ ဖွဲ့စည်းခဲ့တာပါ။ ၉-၁၁ ပြီးမှ စစ်တိုင်း ၂ ခု တိုးလာတယ်။ အမေရိကန် လုံခြုံရေးအတွက် မြောက်ပိုင်းစစ်တိုင်း (ပက်တဆင် လေတပ်စခန်း) နဲ့ အာဖရိက စစ်တိုင်း (စတူးဂတ် - ဂျာမဏီ) တို့ ဖြစ်ပါတယ်။

အမေရိကန်စစ် တိုင်း ၆ ခုရှိရာ စစ်တိုင်းတွေဟာ သာမန်အားဖြင့် ဒေသပိုင်ဆိုင်ခွင့်သာ ရှိပါတယ်၊ စစ်တပ်မရှိပါ။ မြောက်ပိုင်းစစ်တိုင်းဟာ အမေရိကန် လုံခြုံရေးအတွက် ဖြစ်ပါတယ်၊ ဖွဲ့စည်းပုံ ထူးခြားပါတယ်။ သာမန်အားဖြင့် မိမိစစ်တိုင်းအတွင်း ဖြစ်နိုင်ခြေတွေကို စဉ်းစားကာ စစ်ပွဲစီမံကိန်း ပြင်ထားရပါတယ်။ ဥပမာ မြန်မာနိုင်ငံမှာ ပြဿနာ ဖြစ်ခဲ့သော် စစ်ရေးအရ ဝင်ကူရအောင် သမ္မတက ဆုံးဖြတ်ခဲ့ရင် တိုက်ပွဲစီမံကိန်း ရှိနေရပါမယ်။ မိမိတပ်တွေ ဘယ်မှာထားမယ်၊ မဟာမိတ်က ဘယ်သူ စသဖြင့် အားလုံး အဆင်သင့် ဖြစ်နေရပါမယ်။ ဒါ ပစိဖိတ်စစ်တိုင်းရဲ့ တာဝန်ပါ။ ဒါ့ကြောင့် နှစ်စဉ်နှစ်တိုင်း ပစိဖိတ်စစ်တိုင်းက ဦးစီးပြီး၊ Cobra စစ်ဆင်ရေးကို လုပ်တာပါ။

ဒီမှာဖြတ်ပြီး အမေရိကန် တပ်မတော် ဖွဲ့စည်းပုံကို သိဖို့ လိုပါတယ်။

အမေရိကန် တပ်မတော်မှာ အမြဲတမ်းတပ် Regular Army ရယ်၊ နေရှင်နယ် နယ်စောင့်တပ် National Guard နဲ့ အရံတပ်ရင်း Reserve ဆိုပြီး ခွဲထားပါတယ်။

Ref;Mizzima

Read More...

ရွှေတိဂုံ လုံခြုံရေး တင်းကျပ်

မအေးအေးမာ 21 ဧပြီ 2011

ရန်ကုန်မြို့က ရွှေတိဂုံဘုရားအပေါ်မှာ မိုင်းသတိရှိပါ ဆိုတဲ့ စာတွေကို နေရာအတော် များများမှာ ကပ်ထားပြီး အာဏာပိုင်တွေ၊ လုံခြုံရေးတပ်ဖွဲ့တွေက ဘုရားဖူးလာသူ တွေကို မိုင်းရှာတဲ့သူတွေရဲ့ ၀င်ပေါက်တွေကနေ ၀င်ခိုင်းနေသလို စစ်ဆေးမှုတွေကို လည်း တင်းတင်းကျပ်ကျပ် လုပ်နေတာကြောင့် ဘုရားဖူးတွေ စိတ်အနှောက်အယှက် ဖြစ်ရတယ်လို့ ဆိုပါတယ်။ ဒီအခြေအနေတွေကို စုံစမ်းထားတဲ့ မအေးအေးမာက သတင်းပေးပို့ထားပါတယ်။

ကမ္ဘာလှည့်ခရီးသွားများ အပါအ၀င် နယ်မြို့တွေက လာရောက် ဖူးမျှော်လေ့ရှိတဲ့ မြန်မာပြည်က ထင်ရှားတဲ့ ရွှေတိဂုံစေတီတော်ကြီးမှာ မိုင်းသတိပေးရေး စာတမ်းတွေ ကပ်ထားပြီး ဒီရက်ပိုင်းအတွင်း မိုင်းရှာဖွေရေးကို တင်းတင်းကျပ်ကျပ် လုပ်ဆောင်နေတယ် လို့ ဘုရားဖူးလာသူတွေက ပြောပြပါတယ်။ “ကျနော်က အရှေ့ဘက်မုဂ်ကနေ တက်သွားတာလေ။ အလယ်ပစ္စယံမှာ စပြီးတော့ မိုင်းရှာ ဖွေတဲ့ဝင်ပေါက်ကို သွားတွေ့တယ်။ အဲဒီမှာ လုံခြုံရေးတွေလည်း ရှိတယ်။ အဲဒီကနေ ၀င်သွားချိန်မှာ အိတ်တွေဘာတွေကို ရှာတာပေါ့။ မိုင်းအသိ၊ မိုင်းသတိရှိပါ ဆိုတာ တွေလည်း ကပ်ထားတာတွေ့တယ်။ ဘုရားပေါ်မှာတော့ ၈ နေရာလောက်ရှိတယ်။ ဘုရားထောင့်တွေမှာ စာကပ်ထားတာတွေ တွေ့တယ်။ လုံခြုံရေးတချို့လည်း အဲဒီမှာ ချထားတယ်လေ။ အရန်မီးသတ်တွေလည်း ပါတယ်။” ဘုရားဖူးလာသူတွေဟာ စစ်ဆေးမေးမြန်းမှု၊ ရှာဖွေမှုတွေကြောင့် စိတ်အနှောက် အယှက်တွေ ဖြစ်ရတယ် လို့လည်း ဆိုပါတယ်။

“စိတ်အနှောက်အယှက်တော့ ဖြစ်တာပေါ့ဗျာ။ ဘာဖြစ်လို့လဲဆိုတော့ ကျနော်တို့က ဘုရားလာတာက ဘုရားရှိခိုးဖို့၊ ဘုရားမှာ ကောင်းမှုကုသိုလ်လုပ်ဖို့ လာတာပဲဗျာ။ အဲဒီမှာ ဒီလူတွေကို ရှာတာဖွေတာ ဆိုတဲ့အခါကျတော့ ကိုယ်သွားတဲ့နေရာနဲ့ သူတို့ရဲ့ဆက်ဆံပုံနဲ့က တခြားစီ ဖြစ်သွားတယ်လေ။ တခြား လူစည်ကားတဲ့နေရာတွေဆို ထားပေါ့ဗျာ။ ဘုရားပေါ် မှာတော့ ဒါကြီးက မသင့်လျော်ဘူးပေါ့။ စိတ်အနှောက်အယှက်လည်း ဖြစ်တာပေါ့။ ဘယ်လိုလူတွေမှလဲ ဒီလိုမျိုး လာလုပ်ကြမှာမဟုတ်ဘူးလေ။ ဘုရားပေါ်ရောက်ပြီးမှ မိုင်းအသိ၊ မိုင်းသတိရှိပါဆိုတာနဲ့ လုံခြုံရေးတွေလည်း ရှိနေတော့ ဘုရားရှိခိုးချင်စိတ်တောင် သိပ်မရှိတော့ဘူး။ အဲဒါနဲ့ပဲ လှည့်ပြီးတော့ ထပြန်လာလိုက်တယ်။ စိတ်အနှောက်အယှက် ဖြစ်စရာ တော်တော် ကောင်းပါတယ်။ နောက်တခုက ဘာရေးထားလဲဆိုတော့ လုံခြုံရေးအရ တာဝန်အရ ရှာဖွေတာကို ကြည်ဖြူစွာလက်ခံပါ ဆိုတာကို ရေးထားတာဆိုတော့ အသိပဲပေးသလိုလို၊ သတိပဲပေးသလိုလို ဖြစ်တာပေါ့ဗျာ။”'

မြန်မာနိုင်ငံမှာ ပြီးခဲ့တဲ့နှစ် သင်္ကြန်ကာလအတွင်းလူ ၁၀ ဦး သေဆုံးပြီး လူပေါင်း ၁၇၀ ကျော် ဒဏ်ရာရရှိခဲ့တဲ့ ဗုံးပေါက်ကွဲမှု ဖြစ်ပြီးနောက်ပိုင်း ဒီနှစ်မှာ သင်္ကြန် ရေကစား မဏ္ဍပ်တွေမှာ ဗုံးရှာကိရိယာ တပ်ဆင်တာ၊ စီစီတီဗွီကင်မရာတွေ တပ်ဆင်တာတွေ ကို အာဏာပိုင်တွေက လုပ်ဆောင်ခဲ့ပါတယ်။

ဒီနှစ် ဖေဖော်ဝါရီလထဲမှာပဲ အင်းစိန်မြို့နယ်ထဲမှာ ရခိုင်အမျိုးသားတဦးထံကနေ ဗုံးပေါက်ကွဲ မှု ဖြစ်ပြီးနောက် လူ ၈ ဦး ဒဏ်ရာရရှိသွားပါတယ်။ အဲဒီနောက် ရခိုင်လူမျိုးတွေ ကို ဖမ်းဆီးမှုတွေ လုပ်ခဲ့ပါတယ်။ ဧပြီလ ၃ ရက်နေ့ကပဲ ရန်ကုန်တိုင်း၊ ကျောက်တံတားမြို့နယ်ထဲမှာ လက်လုပ် ချိန်ကိုက်ဗုံး တလုံးကို တာဝန်ရှိသူတွေ က ဖယ်ရှားနိုင်ခဲ့ကြောင်း အစိုးရထုတ် မြန်မာ့အလင်း သတင်းစာမှာ ဖော်ပြခဲ့ပါတယ်။ အဲဒီနောက် ပုဇွန်တောင်ဈေးမှာ အထုပ်တထုပ် တွေ့တယ်ဆိုပြီး ဗုံးလန့်ပြီး လမ်းတွေပိတ် စစ်ဆေးတာတွေလည်း လုပ်ခဲ့ပါတယ်။

ပေါက်ကွဲမူတွေဖြစ်တိုင်း အတိုက်အခံ ဒီမိုကရေစီရေး လုပ်ဆောင်နေသူတွေကို အာဏာပိုင် တွေက စွပ်စွဲလေ့ရှိပါတယ်။ ပြီးခဲ့တဲ့နှစ်နဲ့ ဒီနှစ်ထဲမှာမှာ ပဲခူးတိုင်း၊ ကရင်ပြည်နယ်၊ ကချင်ပြည်နယ်၊ ရန်ကုန်တိုင်းမှာတော့ ဗုံးပေါက်ကွဲမှုတွေ အများဆုံး ဖြစ်ခဲ့ပါတယ်။

မြန်မာနိုင်ငံမှာ ပေါက်ကွဲမှုတွေဟာ မကြာခဏ ဖြစ်လေ့ရှိပြီး ရန်ကုန်မြို့ထဲမှာပဲ ပေါက်ကွဲမူ တွေဟာ ဒီနှစ်ဆန်းပိုင်းတွေမှာ ဖြစ်ခဲ့တာကြောင့် အထူးတင်းကျပ် စစ်ဆေးမှုတွေ လုပ်လာတာလည်း ဖြစ်ပါတယ်။ ကားဂိတ်တိုင်းမှာ ဗုံးရှာဖွေရေးတွေကို လုပ်လာယုံသာမက အခုအခါမှာ ဘုရားပေါ်ပါမကျန် ဗုံးရှာဖွေမှုတွေ လုပ်လာတာလည်း ဖြစ်ပါတယ်။

Ref;VOA

Read More...

မြန်မာနိုင်ငံ လူ့အခွင့်အရေးကိစ္စ ကနေဒါ ဖိအားဆက်ပေးမည်

2011-04-21

ကနေဒါအစိုးရအနေနဲ့ နှစ်ပေါင်းများစွာအတွင်း ပထမဆုံး ခန့်အပ်လိုက်တဲ့ မြန်မာသံ အမတ်ကြီး ကတဆင့် မြန်မာနိုင်ငံရဲ့ လူ့အခွင့်အရေး ချိုးဖောက်မှု အခြေအနေတွေကို ဖိအားပေးသွားမယ်လို့ ဧပြီ ၂၀ ရက် မနေ့က ပြောကြားလိုက်ပါတယ်။

ကနေဒါနိုင်ငံဆိုင်ရာ မြန်မာသံအမတ်သစ် ဦးကျော်တင်ရဲ့ သံအမတ်ခန့်အပ်လွှာပေးအပ်ပွဲမှာ ကနေဒါ ဘုရင်ခံချုပ် David Johnston အခုလို အလေးထား ပြောဆိုခဲ့တာ ဖြစ်ပါတယ်။

ဦးကျော်တင်ဟာ မြန်မာစစ်အစိုးရ ဖျက်သိမ်းပြီးနောက်ပိုင်း လက်ရှိအစိုးရသစ် လက်ထက် မှာ ပထမဆုံး ခန့်အပ်ခံရတဲ့ ကနေဒါနိုင်ငံဆိုင်ရာ မြန်မာသံအမတ်ကြီး ဖြစ်ပါ တယ်။

မြန်မာစစ်အစိုးရနဲ့ ကနေဒါနိုင်ငံအကြား မြန်မာသံအမတ် ခန့်အပ်ရေးနဲ့ ပတ်သက်လို့ သဘောထားကွဲခဲ့အပြီး ကနေဒါနိုင်ငံမှာ မြန်မာ သံအမတ်ကြီးမရှိတာ ၂၀၀၄ ခုနှစ် ကတည်းက ဖြစ်ပါတယ်။

အခုသံအမတ်သစ် ဦးကျော်တင်ဟာ စစ်တပ်က မဟုတ်တဲ့အတွက် ၆ နှစ်လောက် အဆင် မပြေ ဖြစ်နေခဲ့တဲ့ သံအမတ်ခန့်အပ်ရေးကိစ္စ ပြေလည်မှု ရရှိသွားခဲ့တာဖြစ်ကြောင်း CFOB မြန်မာ့မိတ်ဆွေ ကနေဒါနိုင်ငံသားများအဖွဲ့ အမှုဆောင်ညွှန်ကြားရေးမှူး ဦးတင်မောင်ထူး က ပြောပါတယ်။

“ဒါပေမဲ့ ဒီ သံအမတ်ကို ခန့်ရေး မခန့်ရေးကတော့ လွန်ခဲ့တဲ့ လေး ငါး ခြောက်နှစ် ကတည်းက ဆွေးနွေးနေခဲ့ကြတဲ့ ကိစ္စပါ။ ကနေဒီယန် အစိုးရကနေပြီးတော့ မြန်မာ သံအမတ်ကို ခန့်တဲ့နေရာမှာ လက်ခံရေး လက်မခံရေးက သံအမတ်ရဲ့ နောက်ကြောင်း ပေါ့နော်၊ စစ်တပ်နဲ့ မပတ်သက်ပဲနဲ့ ပေါ့နော်၊ အရပ်သားဖြစ်ရင် ပိုကောင်းမယ် ဆိုတဲ့ အကြံပြုမှုကို လွန်ခဲ့တဲ့ ဒီ ငါးနှစ် ခြောက်နှစ်လောက်ကတည်းက လုပ်ခဲ့တာပါ။”

“အခုကျတော့ အခု လက်ရှိ မြန်မာအစိုးရသစ်ကနေပြီးတော့ ခန့်အပ်လိုက်တဲ့အခါကျတော့ သူ့ရဲ့ နောက်ကြောင်းမှာက စစ်တပ်နဲ့ ပတ်သက်တာ မပါပဲနဲ့ သူဟာ နိုင်ငံခြားရေး ကိစ္စတွေမှာ လွန်ခဲ့တဲ့ နှစ်ပေါင်း ၃၀ လောက်ကတည်းကနေပြီးတော့ ဆောင်ရွက်ခဲ့တဲ့လူ ဖြစ်တယ်ဆိုတာကို ကျွန်တော်တို့က တွေ့ရပါတယ်။”

ကနေဒါအစိုးရအနေနဲ့ မြန်မာနိုင်ငံက လူ့အခွင့်အရေးကိစ္စ၊ ဒီမိုကရေစီ ဖော်ဆောင်ရေးကိစ္စ၊ တရား ဥပဒေ စိုးမိုးရေး ကိစ္စတွေကို သံအမတ်သစ်နဲ့ ဆွေးနွေး ပြောဆိုဖို့ မျှော်လင့်ထား ကြောင်း၊ အခုလို သံအမတ် ခန့်အပ်မှုဟာ ကနေဒါအစိုးရရဲ့ အရေးပါတဲ့ အကျိုးစီးပွားတွေနဲ့ စိုးရိမ်ပူပန်မှုတွေအတွက် ပြောဆိုဖို့ အခွင့်အလမ်းတွေ ပိုမို ရရှိလာတာဖြစ်ကြောင်း သံအမတ်ကြီး ဦးကျော်တင်ကို ကနေဒါ ဘုရင်ခံချုပ် David Johnston က ပြောဆိုခဲ့ပါတယ်။

အခု မြန်မာသံအမတ်ကြီး ခန့်အပ်မှုအပါအဝင် မြန်မာအစိုးရသစ်လက်ထက် ကနေဒါ-မြန်မာ နှစ်နိုင်ငံဆက်ဆံရေး နောက်ဆုံးအခြေအနေ၊ ရှေ့အလာအလာတွေနဲ့ ပတ်သက်လို့ မြန်မာ့မိတ်ဆွေ ကနေဒါနိုင်ငံသားများအဖွဲ့ အမှုဆောင် ညွှန်ကြားရေးမှူး ဦးတင်မောင်ထူးကို RFA အဖွဲ့သား ကိုကျော်ကျော်အောင်က ဆက်သွယ် မေးမြန်းထားပါတယ်။

Ref;RFA

Read More...

ရှမ်းပြည်နယ် ငလျင်ဒုက္ခသည်များ ရေအခက်အခဲရှိနေဆဲ

2011-04-21

မြန်မာနိုင်ငံ ရှမ်းပြည်နယ်အရှေ့ပိုင်း တာလေမြို့နယ်က ငလျင်ဘေးသင့် ပြည်သူတွေဟာ အခု အချိန်အထိ သောက်သုံးရေရဖို့ အခက်အခဲ ရှိနေဆဲပဲလို့ ကျိုင်းတုံအခြေစိုက် လူမှုရေး အဖွဲ့တွေက ပြောပါတယ်။

ကယ်ဆယ်ရေး အလုပ်သမားတွေအနေနဲ့ တရွာဝင်တရွာထွက် ရေပေးဝေရေး လုပ်ဆောင် နေပေမဲ့ ရှေရှည် ပြန်လည် ထူထောင်ရေးနဲ့ နေရာချထားရေးတွေ ဆောင်ရွက်ရင် ရေပေးဝေတဲ့ ကိစ္စကို အခုလို နေ့စဉ် လုပ်ဆောင်ဖို့ ခက်ခဲကြောင်း၊ ငလျင်ဘေးသင့်သူ တွေ အနေနဲ့ ရေရရှိရေး အရင်းအမြစ်တွေ ပျက်စီးခဲ့လို့ သောက်ရေ ပုံမှန်ရဖို့ ခက်ခဲနေသေးကြောင်း ကရုဏာ ကျိုင်းတုံ လူမှုရေးအဖွဲ့က ဘုန်းတော်ကြီး စတီဖင် အာနိုးက အိန္ဒိယထုတ် ကက်သလစ် သတင်းစာကို ဧပြီ ၂၀ ရက် မနေ့က ပြောပါတယ်။

အခုလောလောဆယ်မှာ World Vision အဖွဲ့နဲ့ ကရုဏာ လူမှုရေးအဖွဲ့တို့ ပူးပေါင်းပြီး ငလျင်ဘေး ခံထားရတဲ့ ရွာသူရွာသားတွေကို ခွဲတမ်းနဲ့ ရေပေးဝေနေရတယ်လို့ ဆိုပါတယ်။

ဒီဒေသတွေမှာ ကျေးရွာသားတွေဟာ သောက်ရေအပြင် လူနဲ့ တိရိစ္ဆာန်တွေ သုံးဖို့ ရေလည်း မရသေးတဲ့အတွက် ပူပင်နေရကြောင်း၊ ဒါ့အပြင် ရေသန့်မရတဲ့ အကျိုးဆက် အဖြစ် ကျန်းမာရေး စောင့်ရှောက်မှုဆိုင်ရာ ပြဿနာတွေ ဖြစ်နေကြောင်း၊ အထူးသဖြင့် အရေပြားဆိုင်ရာ ရောဂါတွေနဲ့ ဝမ်းပျက်ဝမ်းလျှောရောဂါတွေ ဖြစ်ပွားလာတာ ရှိကြောင်း ရွာသားတွေက ပြောပါတယ်။

မတ်လ ၂၄ ရက်နေ့က လှုပ်ခဲ့တဲ့ ပြင်းအား ၆ ဒသမ ၈ ပမာဏ ရှိတဲ့ တာလေငလျင် ကြောင့် တာချီလိတ်ခရိုင်တွင်းက ကျေးရွာ ၅၈ ရွာ ငလျင်ဘေးသင့်ခဲ့ပြီး လူဦးရေ ၁ သောင်း ၃ ထောင်နီးပါး ထိခိုက်ခဲ့တယ်လို့ ကုလသမဂ္ဂ အဖွဲ့အစည်းတွေက ဖော်ပြထား ပါတယ်။

Ref;RFA

Read More...

နာရေးကူညီမှုအသင်း (ရန်ကုန်) ၁၀ နှစ်ပြည့် ကျင်းပမည်

လင်းသန့်
21 April 2011

နာရေးကူညီမှုအသင်း (ရန်ကုန်) ၏ ရုပ်အလောင်းပေါင်း ၁ သိန်းကျော် ကူညီပေးခဲ့ပြီးချိန် ၁၀ နှစ်ပြည့်မြောက်သည့် အခမ်းအနားကို လာမည့် ဧပြီလ၂၃ ရက်နေ့၌ ရန်ကုန်မြို့ရှိ အသင်းတည်ရှိရာတွင် စည်ကားသိုက်မြိုက်စွာ ကျင်းပမည် ဖြစ်ကြောင်း သိရှိရသည်။

FFSS-Invitation
“ကျမတို့အသင်းရဲ့အလှုရှင်အားလုံးကို လာစေချင်တယ်။ ဖိတ်စာနဲ့တော့ မဖိတ်နိုင်ဘူးပေါ့။ ဘဘဦးသုခ ရုပ်တုဖွင့်ပွဲ ကို လည်းလုပ်မယ်။ စိတ်ဝင်စားသူ ဘယ်သူမဆိုလာပါ။ သိုက်သိုက် ၀န်းဝန်း ကျင်းပသွားဖို့ရှိပါတယ်”ဟု ဦးဆောင်သူတဦးဖြစ် သည့် မရွှေဇီးကွက် က ဧရာဝတီကို ပြောသည်။

နာရေးကူညီမှုအသင်း ပေါ်ပေါက်လာစေရန် မျိုးစေ့ချပေးသူ ရုပ်ရှင်ဒါရိုက်တာ၊ စာရေးဆရာ ဦးသုခ၏ ရုပ်တု ဖွင့်ပွဲ၊ နာရေး ကူညီမှုအသင်း(ရန်ကုန်)ရုံးချုပ် အဆောက်အအုံ သစ်ဖွင့်လှစ်ခြင်း၊ လူမှုရေး လုပ်ငန်းများတွင် စိတ်ဝင်စားသော ဂီတအနုပညာရှင် များဖြစ်သည့် ကိုရဲလွင်၊ ဆောင်းဦးလှိုင် စသည် တို့၏ သီဆိုဖျော်ဖြေခြင်း၊ အသင်းမှ ပြုစုပျိုး ထောင်ထားသော မျိုးဆက်သစ် ကလေးငယ်များ၏ အဆို၊ အကများဖြင့် ဖျော်ဖြေခြင်း၊ အသင်းတံဆိပ် အပါအ၀င် အမှတ်တရပစ္စည်းများ ရောင်းချခြင်း အစီအစဉ် များဖြင့် ကျင်းပသွားမည်ဖြစ်ကြောင်း သိရသည်။

“လာတဲ့ ဧည့်သည်တိုင်းကို ကျမတို့ ၁၀ နှစ်သက်တမ်းကာလအတွင်း၊ ဘာတွေဘယ်လို လုပ်ဆောင် ရပ်တည်ခဲ့ တယ် ဆိုတာ ကို “ရက်စွဲမှတ်တမ်း”ဆိုတဲ့ စာအုပ်ငယ် လေးတွေဝေငှမယ်။ ကိုရဲလွင်၊ ကိုဆောင်းဦးလှိုင် တို့ကိုယ်တိုင် ရေးစပ် ထားတဲ့ သီးချင်းတွေ စီဒီထုတ်ဖို့လည်း ရှိသလို ဖျော်ဖြေပွဲလည်းရှိတယ်။ အားလုံးမှတ်တမ်းရုပ်သံ ရိုက်ကူးပြီး အလှုရှင်တွေ ကို ပြန်ဝေမယ်လေ”ဟု မရွှေဇီးကွက်က ဆက်လက်ပြောကြား သည်။

ထို့အပြင် နာရေးကူညီမှု ၁ သိန်းပြည့် အမှတ်တရအဖြစ် ပြင်ပဓာတ်ပုံပညာရှင်များ၏ “ဖျတ်ခနဲပေါ် ဆတ်ခနဲရိုက်” ဓာတ်ပုံ ပြိုင်ပွဲဆုပေးခြင်းကိုလည်း လုပ်ဆောင်သွားမည် ဖြစ်သည်ဟု ဆိုသည်။

“သင်္ကြန်ကာလ ၄ ရက်အတွင်းမှာပဲ ပိုင်ရှင်မဲ့ အလောင်း၊ ခိုက်ရန်ဖြစ်ပွားလို့သေဆုံးမှု၊ အရက်ကြောင့်သေဆုံးသူများ အပါအ၀င် ၁၇၅ လောင်း ပို့ဆောင်ပေး ခဲ့တယ်၊ အတက်နေ့တနေ့တည်း ည ၁၂ နာရီအထိ ရုပ်အလောင်း ၅၉ လောင်းကို ပို့ဆောင် ပေးခဲ့တယ်”ဟု နာရေးကူညီမှုအသင်း(ရန်ကုန်)၏ ဥက္ကဌ ဦးကျော်သူက ပြောသည်။

ဧပြီ ၂၄ ရက် နေ့တွင် မြန်မာနိုင်ငံတ၀န်းရှိ ကိုယ်ထူကိုယ်ထ နာရေးကူညီမှု အသင်းအဖွဲ့များနှင့် မိတ်ဆုံစကားဝိုင်းကို နံနက် ၉း၃၀ နာရီတွင် စတင်ရန် အစီအစဉ် ရှိကြောင်းလည်း သိရသည်။

“တနိုင်ငံလုံးမှာရှိတဲ့ တခြားနာရေးကူညီမှု အသင်းတွေကိုလည်း ဖိတ်ထားတယ်၊ ရှေ့ဆက် ဘယ်လိုလက်တွဲပြီး အပြန် အလှန် ဘယ်လိုကူညီကြမလဲ၊ ကျမတို့အသင်း ၁၀ နှစ်ကျော် အထိ ဘယ်လို ရပ်တည်ခဲ့တယ်ဆိုတဲ့ အတွေ့အကြုံတွေကို ဖလှယ်တဲ့ စကားဝိုင်းပေါ့” ဟု မရွှေဇီးကွက် က ဆက်လက်ပြောသည်။

နာရေးကူညီမှုအသင်း(ရန်ကုန်)အား ၂၀၀၁ ခုနှစ် ဇန်န၀ါရီလ ၁ ရက်နေ့မှစတင်၍ အခမဲ့ နာရေးကူညီမှုလုပ်ငန်းများ အကောင်အထည်ဖော် ဆောင်ရွက်ခဲ့ရာ ၂၀၁၁ ခုနှစ် ဇန်န၀ါရီလ ၁ ရက်နေ့တွင် ၁၀ နှစ်တင်းတင်း ပြည့်မြောက်ခဲ့ပြီး ဖြစ် သည်။

ရန်ကုန်တိုင်း တောင်ဥက္ကလာ မှ အလှုရှင်တဦးဖြစ်သူ ဒေါ်အေးစိန်က“ကျမတို့ ဆင်းရဲသား တွေအတွက် ရုပ်ရှင်မင်းသား ကိုကျော်သူ ဦးဆောင်တဲ့ နာရေးကူညီမှုအသင်း ကတော့ တကယ့် ကျေးဇူးရှင်ပါ၊ ဒီမှာက အနေခက်၊ အသေခက် ခေတ်

ကြီး မှာ မတတ်နိုင်တဲ့သူတွေအတွက်၊ မသိနားမလည်တဲ့ သူတွေအတွက် သေသူရဲ့ နောက်ဆုံးခရီးမှာ ကျန်ရစ်သူတွေဘာ စိတ်အနှောင့်အယှက်မှ မရှိအောင် အသင်းကြီးက အစအဆုံး အကုန်လုပ်ပေးနေတာ”ဟု ပြောသည်။

ယင်း နာရေးအသင်း အမြဲရှင်သန်နေရန် တတ်နိုင်သည်များကို ကူညီလျက်ရှိကြောင်း ၄င်းက ဆက်လက်ပြောသည်။

အသင်း၏ ၁၀ နှစ် တာ ကာလအတွင်း ဥက္ကဌ သုံးဦးပြောင်းလဲခဲ့ရာ ယခုလက်ရှိ ဦးကျော်သူ(ရုပ်ရှင်သရုပ်ဆောင်) ဖြစ်ပြီး အတွင်းရေးမှူးများသည်လည်း သုံးဦးပြောင်းလဲ ခဲ့သည်။ လက်ရှိအတွင်းရေးမှူးမှာ ဒေါ်သန်းမြင့်အောင် (စာရေးဆရာမ သန်းမြင့်အောင်) ဖြစ်သည်။

အဆိုပါ နာရေးအသင်းကို အားကျအတုယူ၍ တခြားသော ဒေသများတွင်လည်း နာရေး ကူညီမှုအသင်းများ ထူထောင်ကြပြီး ဒေသခံများကို ကူညီဆောင်ရွက်ပေးလျှက် ရှိကြရာ ဆင်းရဲနွမ်းပါးသူ မိသားစုများပါမက တချို့ငွေကြေးတတ်နိုင်သူ များကပင် နာရေးကူညီမှု အသင်း(ရန်ကုန်)ကို လေးစားတန်ဖိုးထားကြသည်။

Kyaw-Thu-FFSS-2011


“ကျနော်တို့နယ်တွေကလည်းဗျာ ကိုကျော်သူတို့ အသင်းကို အတုယူပြီး လိုက်လုပ်ကြတာ။ အခု ကိုကျော်သူတို့အသင်းကြီး ရဲ့ သက်တမ်းတောင် ၁၀ နှစ်ရှိသွားတယ်ဆိုတာ တကယ့်သူတို့အသင်းသားတွေရဲ့စေတနာနဲ့ အနစ်နာခံတာတွေ ရဲ့ ရလဒ်ပဲဗျ”ဟု မန္တလေးတိုင်းမှ နာရေးကူညီမှု အသင်း တသင်း၏ ဦးဆောင်သူ တဦးက ပြောသည်။

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် နာရေးကူညီမှု အသင်း (ရန်ကုန်)၏ လုပ်ဆောင်ချက်များ ကို လေးစား အသိအမှတ်ပြုသည့် အနေဖြင့် ကိုကျော်သူနှင့် ဇနီး မရွှေဇီးကွက်တို့ထံသို့ နေအိမ်အကျယ်ချုပ်မှ လွတ်လျှင်လွတ် ချင်းသွားရောက် တွေ့ဆုံ ဂုဏ်ပြုခဲ့သည်။

နာရေးကူညီမှုအသင်း(ရန်ကုန်)သည် ရန်ကုန်တိုင်းအတွင်းရှိ နာရေးကူညီမှုလုပ်ငန်း၊ ကျန်းမာရေးစောင့်ရှောက် ကုသ ပေး သည့်ဆေးခန်းဖွင့်လှစ်ထားခြင်းနှင့် အခါအားလျော်စွာ အထူးကုဆရာဝန်များနှင့် ကျန်းမာရေးစရိတ်ထောက်ပံ့မှုများ၊ နွေရာသီ အင်္ဂလိပ်စာ သင်တန်း ပို့ချပေးမှုများ၊ သရုပ်ဆောင်သင်တန်းပေးမှုများ၊ သဘာဝကပ်ဘေးများကြုံ လာသည့် အခါများတွင် သွားရောက်လှုဒါန်းမှုများ ယခင် စတင်တည်ထောင်စဉ် ကထက် ပိုမိုကျယ်ပြန့်စွာကူညီစောင့်ရှောက်သောလုပ်ငန်းများကို အသင်းသားများက တညီတညွတ်တည်း ကူညီပေးနေသော လူမှုရေး အသင်း တသင်း ဖြစ်သည်။

နာရေးကူညီမှုအသင်း(ရန်ကုန်)လိပ်စာ အပြည့်အစုံမှာ အမှတ် (၁၃/က)၊ ဗိုလ်မှူး ဗထူး လမ်း၊ ၄၂ ရပ်ကွက်၊ မြောက်ဒဂုံမြို့နယ် ဖြစ်သည်။

Ref;Irrawaddy

Read More...

အပေါ်သို့