2013-01-17
ထိုင်းနိုင်ငံ တောင်ပိုင်းဒေသကို ဇန်နဝါရီ ၁၆ရက် မနေ့က တစ်ရက်တည်းမှာတင် ရိုဟင်ဂျာ ၁၃ဝလောက် လှေတွေနဲ့ဝင် ရောက်လာတယ်လို့ ထိုင်းဒေသဆိုင်ရာ အရာရှိတွေက ပြောပါတယ်။
ထိုင်းနိုင်ငံတောင်ပိုင်း Phra Thong ဖရာသွန်ကျွန်းကို မနေ့ကလှေတွေနဲ့ ၀င်ရောက်လာသူ ၈၈ယောက်ဟာ မိမိတို့ ရိုဟင်ဂျာတွေဖြစ်ပါတယ်လို့ ထိုင်းလူဝင်မှုကြီးကြပ်ရေးအဖွဲ့ထံမှာ ပြောဆိုခဲ့ပါတယ်။
အလားတူ မုတ္တမပင်လယ်ကွေ့ထဲက ထိုင်းနိုင်ငံပိုင်ကျွန်းတစ်ခုကို နောက်ထပ် ၄၈ယောက် ၀င်ရောက်လာတယ်လို့ သိရပါတယ်။ သူတို့အားလုံးကို ထိုင်းလူဝင်မှုကြီးကြပ်ရေးက မြန်မာနိုင်ငံဖက် ပြန်ပို့ရေးအတွက် စစ်ဆေးမှုတွေလုပ်နေပါတယ်။
အလားတူ ပြီးခဲ့တဲ့ သီတင်းပတ်အတွင်းကလည်း ထိုင်းတောင်ပိုင်းကို ၀င်ရောက်လာတဲ့ ရိုဟင်ဂျာ ဦးရေ ၈၅၀ကျော်ရှိခဲ့ပြီး သူတို့ဟာ ထိုင်းနဲ့ မလေးရှားနယ်စပ် ရော်ဘာခြံတွေထဲမှာ ပုန်းအောင်းနေခဲ့ရာမှာ ထိုင်းအာဏာပိုင်တွေက ဖမ်းဆီးတာဖြစ်ပါတယ်။
သူတို့အားလုံးကို တွေ့ခွင့်ရဖို့အတွက် ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး UNHCR က ထိုင်းအစိုးရထံ ခွင့်တောင်းရာမှာ ထိုင်းအစိုးရက မနေ့က ဇန်န၀ါရီလ ၁၆ရက်နေ့မှာ ခွင့်ပြုခဲ့ပါတယ်။
Ref:
Read More...
Collapse...
2013-01-17
မကြာမီ ဈေးကွက်ထဲ ဖြန့်ချီတော့မယ့် မိုဘိုင်းဖုန်းတွေကို ကျပ်ငွေတစ်သိန်းနှုန်းနဲ့ရောင်းချဖို့ စီစဉ်ထားပေမယ့် အစိုးရအဖွဲ့ရဲ့ ခွင့်ပြုချက်ကို ယနေ့အချိန်ထိ ရရှိခြင်းမရှိသေးဘူးလို့ RFA က စုံစမ်းသိရပါတယ်။
မြန်မာနိုင်ငံအတွင်းမှာ အသုံးပြုနေတဲ့ ဂျီအက်စ်အမ်၊ စီဒီအမ်အေ စတဲ့ မိုဘိုင်းဖုန်းတွေကို ထက်ဝက်ဈေးနဲ့ ဈေးကွက်ထဲ ဖြန့်ချီဖို့ မြန်မာ့ဆက်သွယ်ရေးလုပ်ငန်းက အစိုးရအဖွဲ့ထံ ပြီးခဲ့တဲ့ ဇန်နဝါရီလဆန်းက တင်ပြခဲ့တာပါ။
မြန်မာ့ဆက်သွယ်ရေးလုပ်ငန်းက မကြာခင်ရောင်းချမယ့် မိုဘိုင်းဖုန်းတွေနဲ့ ပက်သက်ပြီး အင်ဂျင်နီယာချုပ် ဦးဌေးဝင်းက RFA ကို အခုလို ပြောပါတယ်။
"ကျနော်တို့က ထက်ဝက်လျော့ချပြီး ရောင်းမယ်ဆိုတာ အထက်အဖွဲ့အစည်းတွေကို ဝန်ကြီးဌာနကနေပြီးတော့မှ အစိုးရအဖွဲ့ရုံးတို့ ဘာတို့ကို ဆက်ပြီးတော့တင်ထားတယ်၊ တင်ထားတဲ့အခါမှာ ခွင့်ပြုမိန့်မရသေးဘူး၊ ကျနော်တို့ ဝန်ကြီးဌာနကနေ အပေါ်ကိုတင် လိုက်ပြီ၊ အပေါ်ကဘာကြောင့် ကြန့်ကြာနေသလဲဆိုတာ ကျနော်လည်း မပြောတတ်ဘူး၊ အရင်တုန်းက မကြာဘူးဗျ"
မိုဘိုင်းဖုန်းတွေကို အစိုးရနဲ့နီးစပ်တဲ့ ဦးတေဇပိုင် အီလိုက်(Elite)၊ ဦးထွန်းမြင့်နိုင်ပိုင် အေးရှားမီဂါလင့်(Asia Mega Link)၊ ဦးနေအောင်ပိုင် အိုင်ဂျီအီး(IGE) စတဲ့ ကုမ္မဏီ ၁၃ခုကနေတဆင့် ဖြန့်ချီမယ်လို့သိရပါတယ်။
ဈေးကွက်ထဲဖြန့်ချီမယ့် မိုဘိုင်းဖုန်းတွေရဲ့ဈေးနှုန်းကို အစိုးရရောင်းဈေးနဲ့ တသတ်မှတ်တည်းဖြစ်ဖို့အတွက် ဆက်သွယ်ရေးဝန်ကြီး ဌာနက မိုဘိုင်းဖုန်းရောင်းချမယ့်ကုမ္မဏီတွေကို ခေါ်ယူဆွေးနွေးခဲ့ပြီးဖြစ်တယ်လို့သိရပါတယ်။
မြန်မာ့ဆက်သွယ်ရေးလုပ်ငန်းရဲ့ စီမံကိန်းအရ ၂၀၁၁-၁၂ မှာ မိုဘိုင်းဖုန်း ၄သန်း၊ ၂၀၁၂-၁၃ မှာ ၅သန်း စသည်ဖြင့် နှစ် အလိုက်ရောင်းချသွားဖို့ရှိတဲ့အပြင် မိုဘိုင်းဖုန်းတွေရဲ့ဈေးနှုန်းတွေကိုလည်း တဖြည်းဖြည်းချင်းလျော့ချဖို့ရှိတယ်လို့ သိရပါတယ်။
Ref: အာရ်အဖ်အေ
Read More...
Collapse...
2013-01-17
အစိုးရနဲ့ ကေအိုင်အိုအကြား တိုက်ပွဲတွေ ပြင်းထန်လာနေတဲ့ အရင်းခံအကြောင်းဟာ တဖက်နဲ့တဖက်ယုံကြည်မှု အားနည်း နေတာကြောင့်ဖြစ်တယ်လို့ မြန်မာနိုင်ငံ ဆိုင်ရာ အမေရိကန်သံအမတ်ကြီး Derek Mitchell က ဇန်နဝါရီလ ၁၇ရက်နေ့ ဒီကနေ့ ပြောလိုက် ပါတယ်။
မြန်မာ့တပ်မတော်နဲ့ ကေအိုင်အိုတပ်တွေ နှစ်ဖက်စလုံးတိုက်ပွဲတွေ အမြန်ဆုံးရပ်ဆိုင်းကြဖို့ကိုလည်း သံအမတ်ကြီးက တောင်း ဆိုလိုက်ပါတယ်။
ဒါ့အပြင် ပြီးခဲ့တဲ့ ဇန်န၀ါရီလ ၁၄ရက်နေ့က ကေအိုင်အိုဌာနချုပ် လိုင်ဇာမြို့မှာ လက်နက်ကြီးကျည်ဆံ ကျရောက်ပေါက်ကွဲပြီး အရပ်သားတွေပါ သေဆုံးခဲ့ရတာကို မိမိတို့အမေရိကန် အစိုးရအနေနဲ့ အထူးစိုးရိမ်ပူပန်နေကြောင်းလည်း ပြောလိုက်ပါတယ်။
မိမိတို့အနေနဲ့ အရပ်သားတွေ ထိခိုက်သေဆုံးမှုဖြစ်မယ့် ဘယ်လိုလုပ်ရပ်မှုမျိုးကိုမဆို ဆန့်ကျင်ကြောင်းလည်း သံအမတ်ကြီး Derek Mitchell က ပြောပါတယ်။ ပြီးခဲ့တဲ့ ဇန်န၀ါရီလ ၁၄ရက်နေ့က လိုင်ဇာမြို့မှာ လက်နက်ကြီးကျည်ဆံ ကျရောက် ပေါက်ကွဲတာကြောင့် အရပ်သား ၃ဦးသေဆုံးပြီး တစ်ချို့ဒဏ်ရာရခဲ့ပါတယ်။
Ref: အာရ်အဖ်အေ
Read More...
Collapse...
2013-01-17
ကမ္ဘာကျော်အင်းလေးကန်ရဲ့ အရှေ့ဖက်ကမ်း သလဲဦးကျေးရွာ အုပ်စုမှာ တည်ဆောက်နေတဲ့ အင်းလေး ဟိုတယ် ဇုန်စီမံကိန်း ကြောင့် မြေသိမ်းခံရတဲ့ တောင်သူတွေကို ရှမ်းပြည်နယ်အစိုးရအဖွဲ့က သုံးနှစ်စာ သီးနှံလျော်ကြေးငွေ ကျပ်သိန်းထောင်ချီ ပေး အပ်ခဲ့ပေမယ့် တောင်သူ အများစုကတော့ ကျေနပ်မှုမရှိဘူးလို့ သိရပါတယ်။
သလဲဦးကျေးရွာအုပ်စု လယ်ယာမြေ သိမ်းယူမှုမှာ လျော်ကြေးပေးတာက စပါးတစ်ဧက ကျပ်လေးသိန်း နှစ်သောင်းကျော်၊ ကြံ တစ်ဧက ကျပ်နှစ်သိန်း နှစ်သောင်းကျော်၊ မြေပဲတစ်ဧက ကျပ်တစ်သိန်း ခုနစ်သောင်းကျော်၊ နေကြာတစ်ဧက ကျပ်တစ်သိန်း ငါးသောင်းကျော်၊ ခရမ်းချဉ်တစ်ဧက ကျပ်သိန်းနှစ်ဆယ်၊ ဝါးတစ်ပင် ကျပ်နှစ်ထောင်၊ ဌက်ပျောတစ်ပင်ကျပ်ငါးထောင်နဲ့ သရက် တစ်ပင် ငါးသောင်းကျပ်စီ သတ်မှတ်ထားတယ်လို့ သိရပါတယ်။
သီးနှံ့လျော်ကြေးငွေလက်ခံခဲ့ရတာနဲ့ ပတ်သက်လို့ ကန်ပဲ့ကျေးရွာက တောင်သူဦးသန်းမောင်က တောင်သူတွေ အနေနဲ့ မယူရင် ဥပဒေအရ တရားစွဲမယ်လို့ အာဏာပိုင်တွေက ပြောတော့ ကြောက်လန့်ပြီး လျော်ကြေး ယူခဲ့ရတာဖြစ်ကြောင်း အခုပေးတဲ့ လျော် ကြေးဟာ ဘယ်လိုမှ မိသားစုတွေ ရပ်တည်ဖို့အတွက် မဖြစ်နိုင်ကြောင်း RFA ကို ပြောပါတယ်။
အင်းလေးဟိုတယ်ဇုန်စီမံကိန်းကြောင့် မြေသိမ်းခံရတဲ့ တောင်သူ ၈၃ ဦးမှာ သီးနှံလျော်ကြေး ငွေထုတ်ယူသူ ၆၉ ဦး ရှိပေမယ့် အများစုက ကျေနပ်မှု မရှိဘူးလို့ သိရပါတယ်။
အခုနောက်ဆုံး ထွက်ပေါ်လာတဲ့ မြေယာဥပဒေအရ နိုင်ငံတော်ရဲ့စီမံကိန်းတွေ လုပ်ကိုင်ဖို့အတွက် မြေယာ တွေကို သိမ်းဆည်း တဲ့အခါ အဲဒီမြေမှာ စိုက်ပျိုးထားတဲ့ သီးနှံတွေရဲ့ သုံးနှစ်စာ တန်ဖိုးကိုသာ ပေးလျော်ရမှာ ဖြစ်ပြီး ၊မြေနဲ့ လေကို နိုင်ငံတော်ကသာ ပိုင်ဆိုင်တယ်လို့ တောင်ကြီးခရိုင် အုပ်ချုပ်ရေးမှူး ဦးကောင်းစံဦးက တောင်သူလယ်သမားတွေကို ရှင်းပြခဲ့ပါတယ်။
ပြီးခဲ့တဲ့ ဇန်နဝါရီလ ၁၀ ရက်နေ့က သလဲဦးကျေးရွာ အုပ်စုမှာရှိတဲ့ ချောင်းပါး၊ ဝက်သားကင်၊ ဘုရားဖြူ၊ ညောင်ဝန်းစတဲ့ ကျေးရွာတွေက လယ်ယာမြေ သိမ်းခံတောင်သူ ၂၄ ဦးကို သီးနှံလျော်ကြေးငွေ ကျပ်သိန်း ၁၂၀၀ ကျော် ပေးအပ်ခဲ့သလို လာမယ့် ရက်ပိုင်းအတွင်းမှာလည်း ကျန်ကျေးရွာတွေဖြစ်တဲ့ အင်ကြင်းကုန်းနဲ့ ကန်ပဲ့ကျေးရွာက တောင်သူ ၄၅ ဦးကို သီးနှံလျော်ကြေးငွေ ကျပ်သိန်း ၃၉၀၀ ကျော် ဆက်လက် ပေးအပ်သွားမှာ ဖြစ်တယ်လို့ သတင်းရရှိပါတယ်။
အင်းလေးဟိုတယ်ဇုန်မြေနေရာ ဖော်ထုတ်ရေး လုပ်ငန်းအတွက် သလဲဦးကျေးရွာအုပ်စုက ဒေသခံတွေဆီကနေ သိမ်းယူထားတဲ့ မြေ ၆၂၂ ဧကမှာ ဒေသခံတောင်သူတွေရဲ့ လယ်မြေ၊ ဥယျာဉ်ခြံမြေတွေနဲ့ အင်းလေးကန် အတွင်းရှိ ကျေးရွာတွေက ဘုန်း တော်ကြီးကျောင်း ၁၃ ကျောင်းရဲ့ ထင်းစိုက်ခင်းတွေ ပါဝင်နေတယ်လို့ သိရ ပါတယ်။
Ref: အာရ်အဖ်အေ
Read More...
Collapse...
2013-01-17
ပြည်ထောင်စုလွှတ်တော်မှာ တင်သွင်းတဲ့အဆို၊ ဥပဒေကြမ်းတွေနဲ့ ပတ်သက်ပြီး အင်တာနက် စာမျက်နှာ မှာ အဆိုးမြင်ဝေဖန် ရေးသားဖော်ပြနေတဲ့ ဒေါက်တာ ဆိတ်ဖွားဆိုတဲ့ ကလောင်နာမည်နဲ့ သုံးစွဲသူ ကို ကော်မရှင်ဖွဲ့စည်းပြီး အရေးယူဆောင်ရွက်ပေးဖို့ အရေးကြီးအဆိုတစ်ခုကို ကမာရွတ်မြို့နယ် ပြည်သူ့ လွှတ်တော် မဲဆန္ဒနယ်က ဒေါက်တာစိုးရင် က ဒီကနေ့ ပြည်ထောင်စု လွှတ် တော်မှာ တင်သွင်းခဲ့ ပါတယ်။
ပြည်ထောင်စုလွှတ်တော်မှာ ဇန်နဝါရီလ ( ၁၄ ) ရက်၊ ဒုတိယနေ့က မဲခွဲဆုံးဖြတ်ပြီး လွှတ်တော်က အတည်ပြုလိုက်တဲ့ ပြည်ထောင်စု စာရင်းစစ်ချုပ်ဥပဒေကို ပြင်ဆင်တဲ့ ဥပဒေကြမ်းနဲ့ နိုင်ငံတော်ဖွဲ့စည်းပုံ အခြေခံဥပဒေဆိုင်ရာခုံရုံး ဥပဒေကို ပြင်ဆင်တဲ့ ဥပဒေကြမ်းနှစ်ခုကို အင်တာနက်စာမျက်နှာပေါ်မှာ ဥပဒေအထက်မှာ (Above The Law) ဆိုပြီး ဝေဖန်ရေး သားချက်တွေဟာ လွှတ်တော်နဲ့ လွှတ်တော်ကိုယ်စားလှယ်တွေကို စော်ကားထားတာဖြစ်တဲ့အတွက် အရေးယူဆောင်ရွက်ပေးဖို့ တင်သွင်းတာလို့ ဒီကနေ့ အစည်းအဝေးမှာ ဒေါက်တာစိုးရင်က ပြောကြားခဲ့ပါတယ်။
ဒေါက်တာစိုးရင် တင်သွင်းတဲ့အဆိုကို သဘောတူမတူ လွှတ်တော်မှာ မဲခွဲဆုံးဖြတ်ရာ ထောက်ခံမဲ (၃၄၇) ကန့်ကွက်မဲ(၁၅၇)၊ ကြားနေမဲ (၄၂) မဲ ရရှိခဲ့ပြီး ထောက်ခံမဲများတဲ့ အတွက် ပြည်ထောင်စု လွှတ်တော်က ကော်မရှင်ဖွဲ့စည်းပြီး၊ စုံစမ်း စစ်ဆေးကာ လွှတ်တော်ရဲ့ အဆုံးအဖြတ်ရယူသွားမယ်လို့ ဒီကနေ့ အတည်ပြုခဲ့ပါတယ်။
အင်တာနက် စာမျက်နှာမှာ လွှတ်တော်ကို ဝေဖန်ရေးသားတဲ့ ဒေါက်တာ ဆိတ်ဖွားကို ကော်မရှင်ဖွဲ့ပြီး အရေးယူပေးဖို့ အဆို တင်သွင်းတဲ့ ကမာရွတ်မြို့နယ် ပြည်သူ့လွှတ်တော် မဲဆန္ဒနယ်က ဒေါက်တာစိုးရင်ဟာ ရန်ကုန် တက္ကသိုလ်ရဲ့ ပါမောက္ခချုပ် ဟောင်းတစ်ဦး ဖြစ်တဲ့အပြင်၊ နိုင်ငံတော်ဖွဲ့စည်းပုံ အခြေခံဥပဒေ မူကြမ်းရေးဆွဲရေး ကော်မရှင်မှာ ပါဝင်ခဲ့သူတစ်ဦးလည်း ဖြစ် ပါတယ်။
Ref: အာရ်အဖ်အေ
Read More...
Collapse...
2013-01-17
ဥရောပသမဂ္ဂ EU နိုင်ငံခြားရေး မူဝါဒရေးရာ အကြီးအကဲရဲ့ အကြံပြုချက်အရ ရန်ကုန်မြို့မှာ EU နိုင်ငံတွေက သံကိုယ်စားလှယ် ရုံးတွေကို ဖွင့်လှစ်သွားမယ်လို့ EU က မနေ့က ကြေညာလိုက်ပါတယ်။
အခုလို သံအဖွဲ့ထားရှိခြင်းအားဖြင့် EU ခေါင်းဆောင်တွေအတွက် မြန်မာပြည်တွင်းက ပြုပြင်ပြောင်းလဲရေး လုပ်ငန်းစဉ်တွေမှာ ထဲထဲဝင်ဝင် ပါဝင်ကူညီဆောင်ရွက်နိုင်ဖို့ အခွင့်အရေးတွေ ပိုရလာမယ်လို့ EU နိုင်ငံခြားရေးမူဝါဒ အကြီးအကဲ Catherine Ashton က ပြောပါတယ်။
ဒီလိုဖွင့်လှစ်တာဟာ မြန်မာအစိုးရရဲ့ သမိုင်းဝင်အပြောင်းအလဲတွေကို အသိမှတ်ပြု တုံ့ပြန်တာဖြစ်တယ်လို့ Ms. Ashton ရဲ့ ကြေညာချက်မှာ ဖော်ပြထားပါတယ်။ ရန်ကုန်မှာ သံကိုယ်စားလှယ်ရုံးဖွင့်ခြင်းအားဖြင့် မြန်မာအာဏာပိုင်တွေနဲ့ တခြားအရေးပါသူ တွေနဲ့ နီးနီးကပ်ကပ်ဆွေးနွေး ဆောင်ရွက်ခွင့်ပိုရလာမှာဖြစ်ကြောင်းကိုလည်း ကြေညာချက်မှာ ဖော်ပြထားပါတယ်။
Ref: အာရ်အဖ်အေ
Read More...
Collapse...
2013-01-17
မြန်မာနိုင်ငံကို ရောက်ရှိနေတဲ့ နိုင်ငံ တကာ ကြက်ခြေနီကော်မတီ ICRC ဥက္ကဌနဲ့အဖွဲ့ဟာ လာမယ့်သီတင်းပတ် အစောပိုင်းမှာ အကျဉ်းထောင်တွေကို သွားရောက်စစ်ဆေးနိုင်ဖွယ်ရှိတယ်လို့ သိရပါတယ်။
ICRC အနေနဲ့ မြန်မာနိုင်ငံ အကျဉ်းထောင်တွေရဲ့ သောက်ရေသုံးရေ၊ မိလ္လာစနစ်၊ ဆေးဝါးရရှိမှု၊ အကျဉ်းသားတွေရဲ့ ကျန်းမာရေး စတဲ့ အခြေအနေတွေကို ကြည့်ရှုစစ်ဆေးဖို့ အသင့်ရှိနေပြီး၊ အကျဉ်းသားတချို့နဲ့လည်း တစ်ဦးချင်းတွေ့ဆုံနိုင်လိမ့်မယ်လို့ မျှော်လင့် ကြောင်း ICRC ဥက္ကဌ မစ္စတာ Peter Maurer က ပြောပါတယ်။
ICRC ဟာ ၇နှစ်အတွင်း ပထမဆုံးအကြိမ် မြန်မာနိုင်ငံအကျဉ်းထောင်တွေကို ပြန်လည်စစ်ဆေးခွင့်ရရှိတာ ဖြစ်ပါတယ်။
ICRC ရဲ့ စည်းမျဉ်းတွေအရ စစ်ဆေးတွေ့ရှိချက်တွေကို သက်ဆိုင်ရာအစိုးရကို တင်ပြတာကလွဲပြီး ပြင်ပကိုမပေါက်ကြားစေရဘဲ၊ လိုအပ်လာပြီလို့ ဆုံးဖြတ်ရမယ့် အခြေအနေမျိုးရှိမှသာ အများပြည်သူကို ထုတ်ဖေါ်ပြောဆိုမှာဖြစ်ပါတယ်။
Ref: အာရ်အဖ်အေ
Read More...
Collapse...
2013-01-18
ဗန်းမော်မြို့ ကွန်ပျူတာတက္ကသိုလ် အနီးမှာ မနေ့ညနေပိုင်းက ဗုံးတစ်လုံးပေါက်ကွဲခဲ့လို့ လူသုံးဦး ထိခိုက်ဒဏ်ရာရခဲ့ကြပါတယ်။ ပေါက်ကွဲတဲ့နေရာကို ကိုယ်တိုင်သွားရောက်ကြည့်ရှုခဲ့တဲ့ ဗန်းမော်မြို့ခံ တစ်ယောက်က အခုလို ပြောပါတယ်။
"ဗန်းမော်မြို့အဝင် ကွန်ပျူတာတက္ကသိုလ်ရှေ့ ညနေငါးနာရီလောက်မှာ ဗုံးတစ်လုံးကွဲတာ လူသုံးယောက်ဒဏ်ရာရတယ်၊ မသေဘူး ဆေးရုံရောက်သွားပြီ၊ သုံးဘီးမောင်းတဲ့လူနဲ့ ခရီးသည်နှစ်ယောက် ဆေးရုံမှာ၊ ဗန်းမော်မြို့ကနေ မိုးကောင်းဘက်အထွက် ကွန်ပျူ တာတက္ကသိုလ်ရှေ့မှာ ဖြစ်သွားတာ၊ မြို့အထွက်ဆိုတော့ လူသွားလူလာတအားများတဲ့ အချိန်လည်းဖြစ်တယ်"
ဗုံးခွဲတဲ့လက်သည် ဘယ်သူဘယ်ဝါဆိုတာ အတိအကျမသိရသေးတဲ့အပြင် အခုလို ဗုံးကွဲတာကတစ်ကြောင်း၊ ဒေသတွင်းမှာ ကေအိုင်အေနဲ့ အစိုးရတပ်တွေ တိုက်ပွဲဖြစ်နေတာက တစ်ကြောင်းကြောင့် ဗန်းမော်တမြို့လုံး ထိတ်လန့်ခြောက်ခြားနေကြတယ်လို့ အဲဒီမြို့ခံကပဲ ဆက်လက်ပြောပြပါတယ်။
အခု ဗုံးပေါက်ကွဲခဲ့တာဟာ ဒီနှစ်အတွင်း ဗန်းမော်မြို့ပ်ါမှာ ပထမဆုံးအကြိမ် ဗုံးကွဲမှု ဖြစ်ပါတယ်။ ဒီကိစ္စနဲ့ပတ်သက်ပြီး အသေး စိတ်သိရှိဖို့ ဗန်းမော်မြို့ ရဲစခန်းကို ဆက်သွယ်ခဲ့ပေမယ့် ဖုန်းလိုင်းအခက်အခဲကြောင့် ဆက်သွယ်လို့မရခဲ့ပါဘူး။
Ref: အာရ်အဖ်အေ
Read More...
Collapse...
2013-01-18
မြန်မာနိုင်ငံဘက်က တိုက်ပွဲတွေကြောင့် တရုတ်ပြည် ယင်ကျန်းမြို့နဲ့ ကချင်ပြည်နယ် လိုင်ဇာမြို့ကို ဆက်သွယ်တဲ့လမ်းကို တရုတ် အာဏာပိုင်တွေက မနေ့ကစပြီး သွားလာခွင့်ပိတ်လိုက်တယ်လို့ သိရပါတယ်။
အဲဒီလမ်းဟာ မြန်မာနိုင်ငံသားတွေ တရုတ်နိုင်ငံအတွင်း ဈေးဝယ်တာ၊ အလုပ်သွားလုပ်တာ စသဖြင့် လိုင်ဇာနဲ့ ယင်ကျန်းမြို့ကို နေ့စဉ်အသွားအပြန်လုပ်နေတဲ့လမ်းဖြစ်ပါတယ်။ မနေ့ကတော့ မြန်မာနိုင်ငံသားတွေကို တရုတ်နယ်ခြားစောင့်တပ်က သွားလာ ခွင့်ပိတ်လိုက်တဲ့အကြောင်း ကိုယ်တိုင်တွေ့ကြုံပြီး ပြန်လာတဲ့အမျိုးသမီးတစ်ယောက်က ပြောပါတယ်။
"သူတို့ရဲ့ နယ်ခြားစောင့်စခန်းရှိတယ်၊ အဲနားမှာသူတို့က ကားတွေအကုန်ရပ်ပြီးမှ စာအုပ်တွေအကုန်လုံးစစ်တာ၊ လိုင်ဇာဘက်က ပြန်ထွက်လာတဲ့သူတွေကို အဝင်အထွက်တစ်ခါတည်း ရိုက်ပေးလိုက်ပြီးမှ သူတို့ကို တစ်ခါတည်း ယင်ကျန်းဘက်ကို မသွားခိုင်းဘူး၊ လိုင်ဇာကိုပဲ ပြန်ခိုင်းတယ်၊ အဲလိုပဲ ဒီဘက်ကလူတွေလည်း အဲဘက်ကိုမသွားခိုင်းဘူး၊ အသွားအလာမလုပ်ခိုင်းဘူး ကုန်တွေတော့ ဖြတ်သန်းခိုင်းတယ်၊ မူဆယ်တို့ ဘက်ကလာတဲ့လူတွေလည်း ပြန်လှည့်၊ တရုတ်နိုင်ငံသားဆိုရင်တော့ မှတ်ပုံတင်ပါရင်သွား လို့ရ တယ်၊ မပါရင် ပြန်လှည့်ခိုင်းတယ်"
အဲဒီလမ်းကို ဘယ်လောက်ကြာကြာ ပိတ်ထားမယ်ဆိုတာတာ့ အတိအကျမသိရသေးပေမဲ့ မြန်မာနိုင်ငံအတွင်းက တိုက်ပွဲတွေရပ်မှ ပြန်ဖွင့်ဖို့များမယ်လို့ ကြားသိရကြောင်းလည်း ပြောပါတယ်။
ကေအိုင်အို ဌာနချုပ်ရှိရာ လိုင်ဇာနဲ့ တရုတ်ပြည်ဘက်က နားပန်ဆိုတဲ့ မြို့ဟာ ချောင်းငယ်လေးတစ်ခုသာခြားတဲ့ နှစ်နိုင်ငံ နယ် စပ်နေရာဖြစ်ပါတယ်။ အစိုးရနဲ့ ကေအိုင်အိုတပ်တွေ တိုက်ပွဲဖြစ်ပွားခဲ့ကတည်းက အဲဒီနယ်စပ်မြို့နှစ်မြို့ မစည်ကားတော့သလို အခု နောက်ပိုင်း ကေအိုင်အို ဌာနချုပ်အနီး တိုက်ပွဲတွေ ဖြစ်လာတဲ့အခါမှာ ကူးသန်းရောင်းဝယ်မှုအခြေအနေ ပိုပြီးဆိုးရွား လာခဲ့ ပါ တယ်။
Ref: အာရ်အဖ်အေ
Read More...
Collapse...
2013-01-18
အခု သီတင်းပတ်အတွင်း တရုတ်နိုင်ငံ နယ်နိမိတ်အတွင်း မြန်မာဘက်က လက်နက်ကြီးကျည်တစ်လုံး ကျရောက်ပေါက်ကွဲခဲ့ တယ်လို့ တရုတ်အစိုးရက မနေ့က ပြောပါတယ်။
ကချင်ပြည်နယ်မှာ အစိုးရတပ်နဲ့ KIA တပ်တွေကြား တိုက်ပွဲတွေ အရှိန်မြင့်လာနေချိန်အတွင်း ပြီးခဲ့တဲ့ အင်္ဂါနေ့က တရုတ်ပြည် ပိုင်နက်အတွင်း နယ်စပ်ကနေ ကိုက်ငါးရာကျော်အထိ လက်နက်ကြီးတစ်လုံး ကျရောက်ပေါက်ကွဲခဲ့ကြောင်း၊ လူအသေအပျောက် တော့မရှိကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရသူ ဟုန်လီ က နေ့စဉ် ပုံမှန်သတင်းစာရှင်းလင်းပွဲမှာ ပြောကြား ခဲ့ပါတယ်။
ဒီကိစ္စနဲ့ပတ်သက်ပြီး တရုတ်ပြည်အနေနဲ့ အလွန်တရာမကျေမနပ်ဖြစ်ရကြောင်း မြန်မာအစိုးရကို အသိပေးပြောဆိုခဲ့ပြီး၊ နောက် နောင် ဒီလိုကိစ္စမျိုး ထပ်ပြီးမဖြစ်ပွားရအောင်ဆောင်ရွက်ဖို့လည်း တိုက်တွန်းခဲ့တယ်လို့ ဟုန်လီ က ပြောပါတယ်။
ဒါ့ပြင် တရုတ်ပြည်အနေနဲ့ မြန်မာပြည်မြောက်ပိုင်းက အခြေအနေတွေနဲ့ နယ်စပ်ဒေသအပေါ် သက်ရောက်မှုတွေကို အနီးကပ် စောင့်ကြည့်နေကြောင်း၊ မြန်မာပြည်ဘက်က စစ်ရေးပဋိပက္ခတွေ ယူနန်ပြည်နယ်အတွင်း ရိုက်ခတ်မှုမရှိအောင်လည်း ဖိဖိစီးစီး ဆောင်ရွက်နေကြောင်း၊ မြန်မာအစိုးရနဲ့ KIO တို့ကိုလည်း ပြဿနာတွေကို တွေ့ဆုံဆွေးနွေးတဲ့နည်းနဲ့ ဖြေရှင်းကြဖို့ တိုက်တွန်း ထားကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရသူ ဟုန်လီ က ပြောကြားခဲ့ပါတယ်။
Ref: အာရ်အဖ်အေ
Read More...
Collapse...
ကိုသားညွန့်ဦး
17.01.2013
မြန်မာနိုင်ငံမြောက်ပိုင်း ကချင်ပြည်နယ်မှာ ဖြစ်နေတဲ့ တိုက်ပွဲတွေရပ်ကြဖို့အတွက် တရုတ်နိုင်ငံခြားရေးဌာန ပြောခွင့်ရသူက ကြာသပတေးက တောင်းဆိုလိုက်ပါတယ်၊ နယ်စပ်တိုက်ပွဲတွေကြောင့် တရုတ်နိုင်ငံထဲ မော်တာကျည်အချို့ ကျရောက်ခဲ့တဲ့ အပေါ်မှာလည်း တရုတ်က ပြီးခဲ့တဲ့ သတင်းပတ်တွေက ကန့်ကွက်ခဲ့ပါတယ်။ ကချင်အရေး တရုတ်ဖက်က တုန့်ပြန်ချက်ကိုတော့ ကိုသားညွန့်ဦးက တင်ဆက်ပေးမှာပါ။
ကချင်ပြည်နယ် တရုတ်မြန်မာနယ်စပ်နားမှာ မြန်မာအစိုးရတပ်တွေနဲ့ KIA ကချင် လက်နက်ကိုင်တပ်ဖွဲ့တွေ တိုက်ပွဲတွေ ဖြစ်ပွားနေတာမှာ နယ်စပ်ကနေ မီတာ ၅၀၀ လောက်အကွာ တရုတ်နိုင်ငံဖက်ကို အင်္ဂါနေ့က ဗုံးတလုံးကျခဲ့တယ်လို့ နေ့စဉ် သတင်းစာရှင်းပွဲမှာ တရုတ်နိုင်ငံခြားရေးဌာန ပြောခွင့်ရသူ Hong Lee က ပြောကြားခဲ့တာဖြစ်ပါတယ်၊
ဒီကိစ္စနဲ့ ပါတ်သက်လို့ တရုတ်နိုင်ငံဖက်က အလွန်အမင်း စိုးရိမ်မှုနဲ့ မကျေနပ်မှုကို အသိပေးဖို့အတွက် အရေးပေါ် တင်ပြထား ပါတယ်၊ နောက်ထပ် အလားတူ အဖြစ် မဖြစ်ရအောင် မြန်မာဖက်က အသေးစိတ် စုံစမ်းစစ်ဆေးပြီး လိုအပ်တဲ့ ဆောင်ရွက် မှုတွေကို လုပ်ဖို့ တရုတ်ဖက်က တောင်းဆိုပါတယ်လို့ တရုတ်နိုင်ငံခြားရေးဌာန ပြောခွင့်ရသူက ပြောသွားတာဖြစ်ပါတယ်၊ အခုလို တရုတ်နိင်ငံထဲက မြန်မာဖက်က လက်နက်ကြီးတွေ ကျရောက်တာဟာ ၄ ခု မြောက်ဖြစ်ပါတယ်၊ 2012 ခုနှစ် ဒီဇင်ဘာလ 30 ရက်နေ့ကလဲ ဗုံး ၃ လုံး ကျခဲ့တာဖြစ်ပါတယ်၊ တိုက်ခိုက်မှုတွေ လုပ်နေကြတဲ့ ၂ ဖက်လုံးအနေနဲ့ အခြေအနေကို အစွန်းဆုံ ထိန်းသိမ်းကြဖို့၊ ပဋိပက္ခတွေကို ဆွေးနွေးအဖြေရှာကြဖို့နဲ့ တရုတ် မြန်မာနယ်စပ်ဒေသကို တည်ငြိမ်နေအောင်လုပ်ဖို့အတွက်ကိုလဲ တရုတ်နိုင်ငံခြားရေးဌာန ပြောခွင့်ရသူက တိုက်တွန်းပါတယ်၊
မြန်မာနိုင်ငံ မြောက်ပိုင်းမှာ ဖြစ်နေတဲ့ အခြေအနေတွေကို တရုတ်က ဟိုးအရင်ထဲက အနီးကပ် စောင့်ကြည့်နေတာပါ၊ တရုတ်ရဲ့ လွှမ်းမိုးမှုလဲ နယ်စပ်ဒေသမှာရှိပါတယ်လို့ ပြောသွားတာဖြစ်ပါတယ်၊ မြန်မာနိုင်ငံနဲ့ ထိဆက်နေတဲ့ တရုတ်နိုင်ငံ အနောက် တောင်ပိုင်း ယူနန်ပြည်နယ်ကို တိုက်ခိုက်မှုတွေကြောင့် ထိခိုက်မှုတွေ မရှိရအောင် ပြည်နယ် တာဝန်ရှိသူတွေ ထိရောက်တဲ့ ဆောင်ရွက်မှုတွေကို လုပ်ထားတယ်ဆိုတာကိုလဲ တရုတ်နိုင်ငံခြားရေးဌာန ပြောခွင့်ရသူ Hong Lee က ကြာသပတေးနေ့က သတင်းစာရှင်းပွဲမှာ ပြောကြားသွားခဲ့ပါတယ်။
Ref: ဗွီအိုအေ
Read More...
Collapse...
သူရစိုး
17.01.2013
နှစ်နိုင်ငံကုန်သွယ်ရေး ကဏ္ဍမှာတော့ မြန်မာပို့ကုန်ပစ္စည်းအရည်အသွေး ထိန်းသိမ်းမှု တိုးတက် ဖို့ နှစ်နိုင်ငံ ပူးပေါင်းဆောင်ရွက် ရမှာဖြစ်ပြီး မြန်မာ လယ်သမားတွေအတွက် လိုနေတဲ့ စိုက်ပျိုးရေး ဆိုင်ရာ အထောက်အပံ့တွေပေးသွားဖို့လည်း စီစဉ်နေတယ်လို့ တရုတ်ကုန်သွယ်ရေး ဒုဝန်ကြီးက ပြောလိုက်ပါတယ်။ တရုတ်ကုန်သွယ်ရေးဒုဝန်ကြီးရဲ့ သတင်းစာရှင်းလင်းပွဲကို ကိုယ်တိုင် သွား ရောက်သတင်းယူခဲ့တဲ့ ရန်ကန်ုအခြေစိုက် ဗွီအိုအေသတင်းထောက် ကိုသူရစိုးက တင်ပြပေးထားပါတယ်။
တရုတ်ပြည်သူ့သမ္မတနိုင်ငံ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဟာ မြန်မာနိုင်ငံကို တပတ်ကျော်ကြာ ရောက်ရှိနေတာဖြစ်ပြီး ဒုတိယသမ္မတ ဦးညဏ်ထွန်း၊ ပြည်သူ့ လွှတ်တော်ဥက္ကဌ သူရဦးရွှေမန်း၊ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်တို့ အပါအဝင် ပြည်ထောင်စုဝန်ကြီးတချို့နဲ့တွေ့ဆုံပြီး နှစ်နိုင်ငံ ကူးသန်းရောင်းဝယ်ရေးနဲ့ စီးပွား ရေးအရ ပူးပေါင်းဆောင်ရွက်ဖို့ ကိစ္စတွေကို အလေးထားဆွေးနွေးခဲ့တာဖြစ်ပါတယ်။
နယ်စပ်ကုန်သွယ်ရေးမှာ မြန်မာဘက်က တင်ပို့တဲ့ကုန်စည်တွေကို အရည်အသွေးသတ်မှတ်ချက်နဲ့ လုပ်ဆောင်ပြီး တရားဝင် ဆောင်ရွက်မယ့်အကြောင်းကို တရုတ်ပြည်သူ့သမ္မတနိုင်ငံ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာန ဒုဝန်ကြီးက အခု လိုရှင်းပြပါတယ်။
“မြန်မာက စိုက်ပျိုးရေးထုတ်ကုန်များ Export လုပ်တဲ့အခါမှာ အဓိက အတားအဆီးတစ်ခုက အရည်အသွေး၊ ရောဂါပိုးများ စစ်ဆေးရေးဖြစ်ပါတယ်။ ဒီလိုစစ်ဆေးနိုင်ရေးအတွက် နှစ်နိုင်ငံအစိုးရပိုင်းကနေ နည်းပညာပိုင်းကနေ နီးနီးကပ်ကပ် ရှင်းလင်းနေ တာဖြစ်ပါတယ်။ ဒီကိစ္စပြေလည်လို့ရှိရင် နောင်ကို မြန်မာပစ္စည်းတွေကို တရုတ်ဘက်ကို တင်ပို့ဖို့ အဆင်ပြေသွားမှာဖြစ်ပါတယ်။”
ဒါ့အပြင် တရုတ်အစိုးရ ဆက်လုပ်ဆောင်မယ့်ကိစ္စတွေကို သူက အခုလိုဆက်ပြောပါတယ်။
“ကျနော်တို့ လယ်သမားများအတွက် အသေးစားချေးငွေတွေ ထုတ်ပေးဖို့ကိစ္စ ကျနော်တို့ ဆွေးနွေးခဲ့ပါတယ်။ နောက်ပြီးတော့ မြန်မာနိုင်ငံမှာ ဆေးရုံတည်ဆောက်ဖို့ကိစ္စတွေလည်း ကျနော်တို့ ဆွေးနွေးခဲ့ပါတယ်။ နောက်ပြီးတော့ မြန်မာနိုင်ငံမှာ အခြေခံ အဆောက်အအုံ တည်ဆောက်ဖို့လည်း ကျနော်တို့ ဆွေးနွေးခဲ့ပါတယ်။ နောက် မြန်မာစိုက်ပျိုးရေးထွက်ကုန်များ တရုတ်ပြည်ကို တင်ပို့ဖို့ကိစ္စလည်း ကျနော်တို့ ဆွေးနွေးခဲ့ပါတယ်။ နောက်ပြီး ကျောက်ဖြူမှာ ဖွံ့ဖြိုးရေးဇုံတည်ဆောက်ဖို့လည်း ကျနော်တို့ ဆွေးနွေးခဲ့ပါတယ်။ မြန်မာနိုင်ငံမှာ ကျင်းပပြုလုပ်မယ့် ဆေးအသင်းနဲ့ပတ်သက်လို့ ပြင်ဆင်ဖို့ လုပ်ငန်းများလည်း ကျနော်တို့ ဆွေးနွေးခဲ့ပါတယ်။ ခြုံပြီးပြောမယ်ဆိုရင် စီးပွားရေးကဏ္ဍနဲ့ပတ်သက်တဲ့ Level အသီးသီးမှာ ကျနော်တို့ ကျယ်ကျယ်ပြန့်ပြန့် ဆွေးနွေးခဲ့ပါတယ်။ အဲ့တော့ အင်မတန်ကျယ်ကျယ်ပြန့်ပြန့်ဖြစ်တဲ့အတွက် တခုချင်းစီတော့ အချိန်မရှိတော့ ကျနော် မပြော တော့ပါဘူး။”
အသေးစားချေးငွေထုတ်ချေးဖို့အတွက် တရုတ်နိုင်ငံက ကျွမ်းကျင်သူတွေ ကို မြန်မာနိုင်ငံကို စေလွှတ်ပြီး အမြန်ဆုံး အကောင် အထည်ဖော်သွားမယ်လို့လည်း ပြောပါတယ်။ အခုလိုလူများစုဖြစ်တဲ့ တောင်သူတွေကို တရုတ်အစိုးရက ငွေထုတ်ချေးမယ့် ကိစ္စတွေအပေါ်မှာတော့ မြန်မာနိုင်ငံ ဆန်စပါးလုပ်ငန်းအသင်းချုပ် ဥက္ကဌ ဦးချစ်ခိုင်က အခုလိုသုံးသပ်ပါတယ်။
“ယုံကြည်မှုတော့ တည်ဆောက်ချင်တာပေါ့။ လူဦးရေက အများစုကိုး။ လူဦးရေက များတော့ နိုင်ငံရေးအရရော၊ စီးပွားရေး အရရော၊ နောက်ပိုင်းမှာ ဒီလယ်ယာကဏ္ဍကလည်း အကျယ်ကြီးကို စက်မှုလက်မှုနဲ့ လယ်ယာကဏ္ဍနဲ့ မြေယာကိစ္စတွေက ဆက်နွယ်လာမှာကိုး၊”
မြန်မာနိုင်ငံက အဓိက လယ်ယာထွက်ကုန်တွေဖြစ်တဲ့ ဆန်နဲ့ပြောင်းကို မြန်မာအစိုးရက တရားဝင် တင်ပို့ခွင့်ပြုထားပေမယ့် တရုတ်အစိုးရဘက်က တရားဝင်တင်သွင်းခွင့် မပြုထားပါဘူး။ ဒါကြောင့် မြန်မာကုန်သည်တွေဟာ တရုတ်နိုင်ငံကို နယ်စပ် ကုန်သွယ် လမ်းကြောင်းကနေတဆင့် မှောင်ခိုတင်ပို့နေရတဲ့အတွက် မကြာခဏဆိုသလို ဖမ်းဆီးခံရတာတို့၊ ငွေပေးခြေတဲ့နေရာမှာ အခက်အခဲရှိတာတို့ ဈေးနှိမ်ခံရတာတို့ ကြုံတွေ့နေရပါတယ်။ ပြီးခဲ့တဲ့ နှစ် စက်တင်ဘာလအတွင်းက တရုတ်နိုင်ငံ နမ်ကျင်းမြို့မှာ ကျင်းပတဲ့ ၂ နှစ်နိုင်ငံ ကုန်စည်ပြပွဲမှာ နယ်စပ်ကုန်သွယ်ရေးနဲ့ပတ်သက်ပြီး စာချုပ်ချုပ်ဖို့ သဘောတူထားလည်း ဖြစ်ပါတယ်။
Ref: ဗွီအိုအေ
Read More...
Collapse...
17.01.2013
မြန်မာဒီမိုကရေစီ ခေါင်းဆောင် ဒေါ်အောင်ဆန်းစုကြည် ကို တောင်ကိုရီးယားနိုင်ငံ ဆိုးလ် အမျိုးသား တက္ကသိုလ်က ဂုဏ်ထူး ဆောင် ပါရဂူဘွဲ့ ပေးအပ်လိုက်ပါတယ်။ လူ့အခွင့်အရေး ဆိုင်ရာ နိုင်ငံတကာ စံနှုန်းတွေကို တန်ဖိုးထားလာဖို့နဲ့ မြန်မာနိုင်ငံရဲ့ ပညာရေး မြင့်မားလာစေဖို့အတွက် ထူးထူးခြားခြား လုပ်ဆောင်ခဲ့တာတွေနဲ့ ပတ်သက်ပြီး အခုလို ဂုဏ်ပြုတာလို့ ဆိုးလ်တက္ကသိုလ်က ပြော ပါတယ်။
ဖေဖော်ဝါရီလ ၁ရက်နေ့မှာ တက္ကသိုလ်ဝင်းထဲမှာ ကျင်းပမယ့် ဂုဏ်ထူးဆောင် ပါရဂူဘွဲ့ပေးအပ်မယ့်အခမ်းအနားကို ဒေါ်အောင်ဆန်း စုကြည်ကိုယ်တိုင် တက်ရောက်ယူဖို့အတွက် စီစဉ်နေပါတယ်။ ဒေါ်အောင်ဆန်းစုကြည်ဟာ ဂုဏ်ထူးဆောင်ဘွဲ့ယူဖို့အပြင် ဇန်နဝါရီလ ၂၉ရက်ကနေ ဖေဖော်ဝါရီလ ၅ရက်နေ့အထိ တောင်ကိုရီးယားနိုင်ငံ အယ်လ်ပို်င်းမြို့မှာ ကျင်းပမယ့် ၂၀၁၃ခုနှစ် ဆောင်းရာသီ ပြုံချမ်းအထူးအိုလံပစ်အားကစားပွဲတော်ဖွင့်ပွဲကိုလည်း တက်ရောက်မှာဖြစ်ပါတယ်။ ဒေါ်အောင်ဆန်းစုကြည်ဟာ တောင်ကိုရီးယား နိုင်ငံကို ငါးရက်ကြာ အလည်အပတ်သွားရောက်မှာဖြစ်ပါတယ်။
Ref: ဗွီအိုအေ
Read More...
Collapse...
17.01.2013
Algeria နိုင်ငံမှာ နိုင်ငံခြားသား ၄၁ ယောက်ကို အစ္စလာမ် စစ်သွေးကြွတွေပြန်ပေးဆွဲ ဖမ်းထားတဲ့ သဘာဝဓါတ်ငွေ့စက်ရုံ ဝန်းအပေါ် စစ်ဆင်မှု အဆုံးသတ်သွားပြီလို့ အစိုးရပိုင် သတင်းအေဂျင်စီက ပြောပါတယ်၊ ဒါပေမဲ့ ပြန်ပေးဆွဲခံထားရသူတွေနဲ့ ပါတ်သက်တဲ့ သတင်း အတိအကျကတော့ ခိုင်ခိုင်မာမာ မရသေးဘူးဖြစ်နေပါတယ်။ ဝင်ရောက်စီးနင်းမှုအတွင်း အကြမ်းဖက်သမား အများအပြား သုတ်သင်နိုင်ခဲ့တယ်လို့ Algeria ပြန်ကြားရေးဝန်ကြီး Mohamed Said ကပြောပါတယ်၊ ပြန်ပေးဆွဲခံထားရသူ တချို့လဲ သေဆုံးခဲ့တယ်လို့ သူကပြောပါတယ်။
Algeria ရဟတ်ယဉ်တွေနဲ့ တိုက်ခိုက်စဉ် စစ်သွေးကြွတွေက ပြန်ပေးဆွဲထားသူတွေကို နေရာပြောင်းဖို့ ကြိုးစားတဲ့အတွက်
ပြန်ပေးဆွဲခံထားရသူ ၃၄ ယောက်နဲ့ ပြန်ပေးသမား ၁၅ ယောက် သေဆုံးခဲ့တယ်လို့ Mauritania သတင်းအေဂျင်စီတခုက စစ်သွေးကြွ ပြောခွင့်ရသူကို ကိုကားဖော်ပြပါတယ်။ ဒီသတင်းအရေအတွက်ကို သီးခြားအတည် မပြုနိုင်သေးပါဘူး။ Algeria သတင်းအေဂျင်စီကတော့ ပြန်ပေးဆွဲခံထားရသူ ၄ ယောက်ထဲမနည်းကို ကယ်တင်နိုင်ခဲ့ပြီး ကျန်တဲ့သူတွေကတော့ ထွက်ပြေး လွတ်မြောက်သွားကြတယ်လို့ ပြောပါတယ်၊ Irish လူမျိုး ပြန်ပေးဆွဲခံထားရသူ တယောက်ကတော့ ဘေးကင်း လုံခြုံသွား တယ် ဆိုတာကိုတော့ သူနဲ့စကားပြောခဲ့ရတဲ့ မိသားစုတွေဆီက အတည်ပြုနိုင်ပါတယ်၊ တခြားပြန်ပေးဆွဲခံခဲ့ရသူတွေထဲမှာ နော်ဝေး၊ ဂျပန်နဲ့ အမေရိကန်လူမျိုးတွေ ပါဝင်ပါတယ်၊
Ref: ဗွီအိုအေ
Read More...
Collapse...
17.01.2013
အမေရိကန်အစိုးရ လေကြောင်းတာဝန်ရှိသူတွေက လုံခြုံစိတ်ချရမှုနဲ့ ပါတ်သက်တဲ့ သတိပေးချက် ထုတ်ပြန်ခဲ့ပြီးနောက်မှာ Boeing ကုမ္ပဏီလုပ် 787 Dreamliner အမျိုးအစား ဂျက်လေယာဉ်တွေကို ကမ္ဘာတဝှမ်းက လေကြောင်းတာဝန်ရှိသူတွေက
ပျံသန်းမှု ရပ်နားထားလိုက်ပါတယ်။ အမေရိကန်နဲ့ ဂျပန်နိုင်ငံတွေမှာ Boeing 787 လေယာဉ်တွေ ပျံသန်းမှု ရပ်နားထားခဲ့ပြီး နောက် ချီလီ၊ India နဲ့ ဥရောပက လေကြောင်းလိုင်းတွေကလဲ 787 လေယာဉ်တွေ ပျံသန်းမှုကို ရပ်ဆိုင်းထားလိုက်ပါတယ်။
လေယာဉ်တွေရဲ့ ဘက်ထရီတွေ မီးလောင်နိုင်တဲ့အန္တရာယ်ကို မပြင် ရသေးသရွေ့ ဒီလေယာဉ်ပျံတွေ မပျံသင့်ဘူးလို့ ကမ္ဘာလုံး ဆိုင်ရာ လေကြောင်းစည်းမျဉ်း စည်းကမ်း အဆင့်အတန်းတွေကိုသတ်မှတ်တဲ့ FAA က ဗုဒ္ဓဟူးနေ့က သတိပေးခဲ့ပါတယ်။ လေယာဉ်မှုးမောင်းခန်းထဲက သတိပေးမီးမှာ ဘက်ထရီပြဿနာရှိနေတယ်ဆိုပြီး အချက်ပြခဲ့သလို ခရီးသည်တွေကလဲ မီးလောင် နံ့ရခဲ့လို့ ဂျပန်မှာ လေယာဉ် အရေးပေါ်ဆင်းသက်ခဲ့ရပြီးနောက်မှာ အင်ဂျင် ၂ လုံးတပ် Boeing 787 လေယာဉ်တွေရဲ့ လုံခြုံစိတ်ချရမှုနဲ့ ပါတ်သက်လို့ သတိပေးချက်တွေ ထွက်ပေါ်လာခဲ့တာဖြစ်ပါတယ်၊
Ref: ဗွီအိုအေ
Read More...
Collapse...
မခင်ဖြူထွေး
17.01.2013
ကချင်ပြည်နယ်က လက်နက်ကိုင် ပဋိပက္ခတွေ ပြေလည်ဖို့မှာ ဒီပဋိပက္ခမှာ ပါဝင်သူတွေကြားမှာပဲ ညှိနှိုင်း ဆောင်ရွက်ကြမှာဖြစ်တဲ့ အကြောင်းနဲ့ လက်ရှိ တင်းမာမှု အရှိန်မြင့်လာတာကနေ မြန်မာနိုင်ငံရဲ့ ပြုပြင် ပြောင်းလဲမှုလုပ်ငန်းတွေကို ထိခိုက်တာမျိုး ဖြစ်မှာကို ကုလသမဂ္ဂအနေနဲ့ မလိုလားဘူးလို့ မကြာသေးခင်ကပဲ မြန်မာနိုင်ငံက သွားရောက်ခဲ့တဲ့ ကုလသမဂ္ဂ အတွင်းရေးမှူး ချုပ်ရဲ့ မြန်မာနိုင်ငံဆိုင်ရာ အထူးအကြံပေး ပုဂ္ဂိုလ်က ပြောလိုက်ပါတယ်။ အပြည့်အစုံကို မခင်ဖြူထွေးက တင်ပြပေးထားပါတယ်။။
လတ်တလော ပဋိပက္ခတွေ ပြင်းထန်နေတဲ့ ကချင်ပြည်နယ်က အခြေအနေတွေနဲ့ ပြီးခဲ့တဲ့နှစ်က သွေးထွက်သံယို ပဋိပက္ခတွေ ဖြစ်ခဲ့တဲ့ ရခိုင်ပြည်နယ်က အခြေအနေတွေနဲ့ ပတ်သက်လို့ ကုလသမဂ္ဂ အတွင်းရေးမှူးချုပ် ဘန်ကီမွန်းရဲ့ မြန်မာနိုင်ငံဆိုင်ရာ အထူး ကိုယ်စားလှယ် ဗီဂျေးနမ်ဘီးယားရဲ့ အခုနောက်ဆုံး မြန်မာနိုင်ငံ ခရီးစဉ်အတွင်း ဆွေးနွေးမှုတွေ ရှိခဲ့တဲ့အကြောင်း ကုလသမဂ္ဂက ကြေညာချက် ထုတ်ပြန်ပါတယ်။
ကချင် ပြည်နယ်တွင်း လက်ရှိ ပဋိပက္ခတွေနဲ့ ပတ်သက်လို့ နှစ်ဘက် အဖွဲ့တွေကြား ပြဿနာ ပြေလည်အောင် ညှိနှိုင်း ဆောင် ရွက်ကြရမှာ ဖြစ်သလို တင်းမာမှုတွေ ပိုပြီး အရှိန်မြှင့်လာနေတဲ့ လက်ရှိ ပဋိပက္ခတွေကြောင့် တိုင်းပြည်ရဲ့ ပြုပြင် ပြောင်းလဲမှု လုပ်ငန်းတွေကို ထိခိုက်တာ၊ ဒါမှမဟုတ် နိုင်ငံတကာရဲ့ အကောင်းမြင် အသိအမှတ်ပြုမှုတွေကို ထိခိုက်သွားတာမျိုး ဖြစ်လာမှာကို ကုလသမဂ္ဂ အနေနဲ့ မလိုလားဘူးလို့ ဆိုပါတယ်။
ကချင်ပြည်နယ်မှာ မြန်မာအစိုးရရဲ့ လေကြောင်းတိုက်ခိုက်မှုတွေ အပါအ၀င် အင်အားသုံး ထိုးစစ်ဆင်မှုတွေ ဆက်လုပ်နေတဲ့အပေါ် စိုးရိမ်မကင်း ဖြစ်တဲ့အကြောင်း အတွင်းရေးမှူးချုပ် ဘန်ကီမွန်းကလည်း ထုတ်ဖော်ပြောဆိုထားသလို နှစ်ဘက် အဖွဲ့တွေ အနေနဲ့ တိုက်ခိုက်မှုတွေ ရပ်ဆိုင်းပြီး တွေ့ဆုံဆွေးနွေးပွဲတွေ ပြန်စဖို့ တိုက်တွန်းထားတဲ့ အကြောင်းလည်း ဒီလ ၂ ရက်နေ့ကပဲ ကုလ သမဂ္ဂက ကြေညာချက် ထုတ်ပြန် တိုက်တွန်း ခဲ့ပါသေးတယ်။ ပဋိပက္ခတွေကြောင့် ဒုက္ခရောက်နေကြသူတွေကို ကူညီပေး နိုင်ဖို့အတွက် အဲဒီဒေသတွေမှာ ကုလသမဂ္ဂ နဲ့ တခြား အကူအညီပေးရေး အဖွဲ့တွေ သွားရောက် အကူအညီ ပေးနိုင်အောင် ပဋိပက္ခမှာ ပါဝင်နေတဲ့ အဖွဲ့အစည်း အားလုံးက ကူညီ ဆောင်ရွက်ပေးဖို့လည်း မစ္စတာ နမ်ဘီးယားက တိုက်တွန်းထားပါတယ်။
ဇန်န၀ါရီလ ၁၃ ရက်နေ့ကနေ ၁၆ ရက်နေ့အထိ သွားရောက်ခဲ့တဲ့ ခရီးစဉ်အတွင်း ကချင်နဲ့ ရခိုင်အရေးကိစ္စတွေ အပြင် သန်းခေါင်းစာရင်း ကိစ္စ၊ လူသားချင်း စာနာကူညီမှုအကူအညီပေးရေး ဆိုင်ရာ ကိစ္စ၊ ပြုပြင် ပြောင်းလဲမှု တိုးတက်လာတဲ့ အခြေအနေတွေနဲ့ ကုလသမဂ္ဂ အနေနဲ့ ဘယ်လို အခန်းကဏ္ဍကနေ ပါဝင် ကူညီ ဆောင်ရွက်နိုင်မလဲ ဆိုတာတွေ အပါအ၀င် မြန်မာနိုင်ငံရဲ့ နိုင်ငံရေးဆွေးနွေးမှုတွေနဲ့ ဆိုင်တဲ့ ကိစ္စတွေနဲ့ ဖွံဖြိုးတိုးတက်ရေးဆိုင်ရာ ကိစ္စရပ်တွေကို ဆွေးနွေးခဲ့တယ်လို့လည်း ဆိုပါတယ်။
ဇန်န၀ါရီလ ၁၅ ရက်နေ့က မြန်မာဒုသမ္မတ စိုင်းမောက်ခမ်းနဲ့ မစ္စတာ နမ်ဘီးယား တွေ့ဆုံ ဆွေးနွေးမှုတွေ ရှိခဲ့သလို သူ့ခရီးစဉ်အတွင်း သမ္မတရုံး ပြည်ထောင်စုဝန်ကြီးတွေဖြစ်ကြတဲ့ ဦးစိုးသိန်း၊ ဦးအောင်မင်း၊ နိုင်ငံခြားရေးဝန်ကြီး ဦးဝဏ္ဏမောင်လွင်၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးခင်ရီ၊ သမ္မတ ပြောခွင့်ရ ဒုတိယ ပြန်ကြားရေးဝန်ကြီး ဦးရဲထွဋ်တို့နဲ့လည်း တွေ့ဆုံခဲ့တာ ဖြစ်ပါတယ်။
မစ္စတာ နမ်ဘီးယားဟာ ပြီးခဲ့တဲ့လကလည်း ငြိမ်းချမ်းရေး ဖော်ဆောင်မှု နိုင်ငံတကာအလှူရှင်များ အဖွဲ့ရဲ အစည်းအဝေးကို တက်ရောက်ဖို့အတွက် မြန်မာအစိုးရရဲ့ ဖိတ်ကြားချက်နဲ့ ဒီဇင်ဘာလ ၁၆ ရက်ကနေ ၂၀ ရက်နေ့အထိ မြန်မာနိုင်ငံကို လာရောက်ခဲ့ပါသေးတယ်။
Ref: ဗွီအိုအေ
Read More...
Collapse...
January 17, 2013
စစ်တွေ- ရန်ကုန် ကားလမ်းမကြီးဘေးတွင် တည်ရှိသော အမ်းမြို့၏ အဓိက အစိုးရ အဆောက်အဦး တစ်ခု ဖြစ်သည့် မြို့နယ် အုပ်ချုပ်ရေးမှူးရုံးကြောင့် မြို့၏ ဂုဏ်အင်္ဂါကို ထိခိုက်နေသည်ဟု ဒေသခံများက ပြောသည်။
အုပ်ချုပ်ရေးမှူးရုံး၏ ဘေးပတ်ဝန်းကျင်တွင် ခြုံနွယ် ပိတ်ပေါင်းများ ထူထပ်စွာ ပေါက်ရောက်နေမူကို ခုတ်ထွင်ရှင်းလင်းမူ မရှိခြင်းက မြို့၏ ဂုဏ်အလှကို ထိခိုက်နေခြင်း ဖြစ်ကြောင်း အမ်းမြို့ ဈေးရပ်ကွက်မှ ဦးထွန်းတင်က ပြောသည်။
“ရုံးရဲ့ အနောက်ဘက် မျက်နှာစာရော၊ ဘေးဘယ်ညာ နှစ်ဖက် မျက်နှာစာမှာရော ချုံနွယ်ပိတ်ပေါင်းတွေ ထူထပ်စွာ ပေါက် ရောက်နေပြီး တောကြီး သဖွယ်ဖြစ်နေပါတယ်။ အစိုးရသစ် တက်လာပီးကတည်းက သန့် ရှင်းရေး မလုပ်တော့ပဲ အာဏာပိုင် တွေက မသိကျိုးကျွံပြု ထားတဲ့အတွက် အခုလို ဖြစ်နေတာပါ” ဟု ဆိုသည်။
မြို့နယ် အုပ်ချုပ်ရေးမှူးရုံးကို ခရီးသွားပြည်သူများနေ့စဉ် မြင်တွေ့နေရသဖြင့် သန့်ရှင်းမူ ရှိရန် လိုအပ်သည်ဟု ဆိုသည်။
“ ဒီမြင်ကွင်းကို ရန်ကုန် စစ်တွေလမ်းမကြီးဘေးမှာရှိနေတော့ သွားလာနေတဲ့ ခရီးသည်တိုင်းမြင်တယ်။ တောင်ကုတ်နဲ့ ကျောက်ဖြူကိုလည်း ဒီလမ်းကပဲ သွားနေကြတာ ဆိုတော့ဗျာ ခရီးသွားတွေအနေနဲ့ အမြဲမြင်တွေ့ နေရတဲ့ နေရာဖြစ်တော့ မြို့ အနေနဲ့ လည်း သိက္ခာကျတာပေါ့။ ခုလိုပွင့်လင်း ရာသီ ရောက်လာရင် မီးဘေးအတွက်လည်း စိုးရိမ်ရတယ်လေ။ ကျနော်က ဒီမှာနေတာကြာပြီ။ ဒီအစိုးရ တက်ကတည်းက ဒီမြင်ကွင်းက ဒီအတိုင်းပဲ။ မြို့နယ်စည်ပင်ဆိုတာကလည်း မြို့နယ်အုပ်ချုပ်ရေးမှူး ခိုင်းမှပဲ လုပ်မယ့်ပုံပါပဲဗျာ” ဟု ဆိုသည်။
ရခိုင်ပြည်နယ် အမ်းမြို့သည် ရခိုင်ပြည်နယ်၏ အချက်အချာကျသော ကားလမ်းပေါ်တွင် တည်ရှိပြီး အနောက်ပိုင်းတိုင်း စစ်ဌာနချုပ် အခြေစိုက်ရာမြို့လည်း ဖြစ်သည်။
၎င်းပြင် မကွေး-မင်းဘူး၏ အနောက်ဘက် ၉၆ မိုင် အကွာတွင်တည်ရှိပြီး ရန်ကုန်-စစ်တွေလမ်းမ၊ တောင်ကုတ်- ကျောက်ဖြူ ကားလမ်းပေါ်တွင် တည်ရှိသည်။
“ ကျနော် အရင် စစ်အစိုးရ လက်ထက်ကို ပြန်တမ်းတလို့ ပြောနေတာတော့ မဟုတ်ပါဘူး။ ဒါပေမယ့်ဗျာ စစ်အစိုးရကမှ ဒီလို မြင်ကွင်းမျိုးတွေကို မြင်ရင် သန့် ရှင်းရေး လုပ်ဖို့ အောက်ခြေကို ခိုင်းသေးတယ်။ ခုစစ်တပ်ကလဲ အရပ်ဘက် အုပ်ချုပ်ရေးမှာ ဝင်မပါတော့ သူတို့ ကိုမခိုင်းဘူး။ မခိုင်းတော့ မြို့ နယ်အုပ်ချုပ်ရေးမှူးကလည်း ဘာမှ မလုပ်ဘူးပေါ့ဗျာ”ဟု ပြောသည်။
ရပ်ကျေး စာရေးတစ်ဦး ဖြစ်သူ ကိုကျော်ထိုက်ကလည်း မြို့နယ် အုပ်ချုပ်ရေးမှူးရုံးတွင် သန့်ရှင်းရေး ပြုလုပ်ရန် အားနည်းမူများ ရှိနေသည်ဟု ဆိုသည်။
“ ကျနော်တို့ လစာထဲက လစဉ် လတိုင်း သန့် ရှင်းရေး စရိတ် ဆိုပြီးတော့ ဖြတ်တော့ ဖြတ်နေတာပဲ။ ရုံးတွင်းရော ရုံးပြင်ပါ သန့် ရှင်းတာကို မမြင်မိပါဘူးဗျာ” ဟုပြောကြားသည်။
မြို့ တွင်းလမ်းများမှာလည်း အစိုးရသစ် တက်လာပြီးနောက် ပိုမို ဆိုးရွားလာပြီး ပြန်လည် ပြုပြင် မွန်းမံခြင်းလည်း မရှိကြောင်း သူက ဆက်ပြောသည်။
ကိုယ်နေသောရုံးကိုတောင် သန့်ရှင်းရေး မလုပ်သောသူများ အနေဖြင့် မြို့နယ် တစ်ခုလုံး သန့်သန့်ရှင်းရှင်း လုပ်ရန်မှာ မဖြစ်နိုင် ကြောင်း ဦးထွန်းတင်က ပြောဆိုသည်။
“ကိုယ့်ရုံးကို ကိုယ်တောင်သန့် ရှင်းရေးမလုပ်တာ၊ တစ်မြို့ နယ်လုံး အတွက်တော့ ဝေးရော့ပေါ့ဗျာ။”
အမ်းမြို့ သည် ရခိုင်ပြည်မှ ပြည်မနှင့် ဆက်သွယ်ရာ တောင်ကြားလမ်း(၃)ခုတွင် အမ်း-ပဒါန်း-မင်းဘူး တောင်ကြား လမ်းတွင် တည်ရှိပြီး ခရီးသည်များ နေ့တဓူဝ ကားကြီး ကားငယ်များဖြင့် ဖြတ်သန်း သွားလာနေသော မြို့ဖြစ်သည်။
ရခိုင်ပြည်နယ်နှင့် ပြည်မ အကြား ဆက်သွယ်ထားသော နောက်ထပ် လမ်း (၂)ခုမှာ ပြည်-ပန်တောင်း-တောင်ကုတ် တောင်ကြားလမ်းနှင့် ဂွ-ငါသိုင်းချောင်လမ်းတို့ ဖြစ်ကြသည်။
သတင်းစု ဆောင်းပေးပို့သူ – လတ်ငြိမ်း (အမ်း)
Ref: နိရဉ္စရာ
Read More...
Collapse...
January 17, 2013
ဘင်္ဂလာဒေခ်ျ့နိုင်ငံနဲ့ ရုရှား နိုင်ငံ အကြားမှာ အမေရိကန် ဒေါ်လာ တစ်ဘီလီယံဖိုး စစ်လက်နက် ပစ္စည်းများ ၀ယ်ယူရေး သဘောတူ စာချုပ် တစ်ခုကို လက်မှတ်ရေးထိုးနိုင်ခဲ့တယ်လို့ သိရပါတယ်။
ခုလို လက်မှတ်ရေးထိုးတာကို ဒီလ ၁၅ ရက် နေ့က ဘင်္ဂလာဒေခ်ျ့ ၀န်ကြီးချုပ် ရှိတ်ဟာဆီးနာရဲ့ ရုရှား ခရီးစဉ် အတွင်းမှာ ပြုလုပ်ခဲ့တာ ဖြစ်ပါတယ်။
သဘောတူညီချက်ကို မော်စကိုမြို့ ကရင်မလင် နန်းတော်မှာ ဘင်္ဂလာဒေခ်ျ့ ၀န်ကြီးချုပ် ရှိတ်ဟာဆီးနာ (Sheikh Hasina) နဲ့ ရုရှား သမ္မတ ဗာလာဒီမီယာ ပူတင် ( Vladimir Putin) တို့ရဲ့ ရှေ့မှောက်မှာ နှစ်ဘက်နိုင်ငံ သက်ဆိုင်ရာ ၀န်ကြီး တွေက လက်မှတ်ရေးထိုးခဲ့ကြတာ ဖြစ်တယ်လို့ ဆိုပါတယ်။
အခု ၀ယ်ယူမယ့် စစ်လက်နက် ပစ္စည်းတွေထဲမှာ သံချပ်ကာကားတွေ၊ ခြေလျင်တပ်သုံး စစ်လက်နက် ပစ္စည်းတွေ၊ လေကြောင်း ကာကွယ်ရေး အတွက် အသုံးပြုတဲ့ စစ်လက် နက်ပစ္စည်းတွေနဲ့ ထောက်ပို့ ပစ္စည်းတွေ သယ်ယူနိုင်တဲ့ Mi 17 အမျိုးအစား ရဟတ်ယဉ်တွေ ပါဝင်တယ်လို့ သိရပါတယ်။
ဘင်္ဂလာဒေခ်ျ့ ၀န်ကြီးချုပ်ရဲ့ ခရီးစဉ် အတွင်းမှာ ရုရှားနဲ့ စာချုပ် (၂) ခုနဲ့ နားလည်မူ စာချွန်လွှာ (MoU) ၆ခု တို့ကို လက်မှတ် ရေးထိုးခဲ့ပြီး ဒီအထဲမှာ စိုက်ပျိုးရေး၊ သိပ္ပံနဲ့ နည်းပညာ၊ ကျန်းမာရေး၊ လူမူရေး၊ ခရီးသွားလာရေး၊ ယဉ်ကျေးမူ ဖလှယ်ရေး စတဲ့ အစီအစဉ်တွေ ပါဝင်ပါတယ်။
ဒီအထဲမှာ အရေးကြီးတာက ဘင်္ဂလာဒေခ်ျ့ နိုင်ငံ ရိုပူရ် ( Rooppur) မှာ တည်ဆောက်မယ့် လျှပ်စစ် စွမ်းအင် ထုတ်ယူရေး နျူကလီယားသုံး ဓါတ်ပေါင်းဖို တည်ဆောက်ရေး အတွက် အမေရိကန် ဒေါ်လာ သန်း ၅၀၀ စာချုပ် တစ်ခုကိုလည်း လက်မှတ် ရေးထိုးနိုင်ခဲ့တယ်လို့ ဆိုပါတယ်။
ဘင်္ဂလာဒေခ်ျ့နိုင်ငံဟာ သူ့နိုင်ငံ အတွင်းမှာ နျူကလီးယားသုံး ဓါတ်ပေါင်းဖို တည်ဆောက်ရေး အတွက် ရုရှားဆီက အကူအညီ ရယူဖို့ ကြိုးစား ဆောင်ရွက်နေတာ ကြာနေပြီ ဖြစ်ပါတယ်။
အခု ဘင်္ဂလာဒေခ်ျ့ ၀န်ကြီးချုပ် ရှိတ်ဟာဆီးနာရဲ့ ခရီးစဉ်ဟာ ဘင်္ဂလာဒေခ်ျ့ လွတ်လပ်ရေး ရရှိပြီးနောက် နိုင်ငံခေါင်းဆောင် တစ်ဦး ရဲ့ ဒုတိယ ခရီးစဉ် ဖြစ်ပြီး သူမရဲ့ ဖခင်ဖြစ်သူ ရှိတ်မူဂျီဘူရာဟမာန်ဟာ ၁၉၇၂ ရုရှားကို သွားရောက်လည်ပတ်ခဲ့ဖူးပါတယ်။
မနေ့က ထုတ်တဲ့ The Daily Star သတင်းစာမှာတော့ ဘင်္ဂလာဒေခ်ျ့ နိုင်ငံအနေနဲ့ သူနိုင်ငံရဲ့ စစ်ရေး စွမ်းရည်ကို မြှင့်တင် ရေးကို အဘက်ဘက်က ကြိုးစားဆောင်ရွက်နေတဲ့ နေရာမှာ မြန်မာ နယ်စပ် အနီး လေတပ် အခြေစိုက် စခန်း တည်ဆောက် လာတာတို့၊ ရေတပ်မှာ Frigates တို့နဲ့ အစားထိုး တည်ဆောက်လာတာတွေ ရှိတယ်လို့ ရေးသား ဖေါ်ပြပါတယ်။
ဘင်္ဂလာဒေခ်ျ့နိုင်ငံဟာ သူ့နိုင်ငံ အတွက် လိုအပ်တဲ့ စစ်လက်နက် ပစ္စည်းတွေကို တရုတ်နိုင်ငံက ၀ယ်ယူတင်သွင်း အားဖြည့်နေပြီး အမေရိကန် အစိုးရဆီကတော့ စစ်ရေး ဆိုင်ရာ နည်းပညာတွေနဲ့ သင်တန်းတွေကို ရရှိနေပါတယ်။
အခု အခါမှာတော့ ရုရှားနိုင်ငံ အထိ သူ့ရဲ့ စစ်ရေးဆိုင်ရာ ဆက်သွယ်မူကို ချဲ့ထွင် လာပြီး စစ်လက်နက် ပစ္စည်းတွေ ရယူဖို့ ကြိုးစား ဆောင်ရွက် လာနေတာ ဖြစ်ပါတယ်။
Ref: နိရဉ္စရာ
Read More...
Collapse...
January 16, 2013
ရခိုင်ပြည်နယ် မြောက်ဦးမြို့နယ်တွင် သေနတ်လုစဉ် အတွင်း ဓါးခုတ်ခံရသည့် ဒုတပ်ကြပ် စိုးဝင်း စစ်တွေဆေးရုံတွင် သေဆုံး သွားပြီ ဖြစ်ကြောင်း သတင်းထွက်ပေါ်နေသည်။
“ ကျွန်တော်တို့ ကြားရသလောက် သူ့ကို မြောက်ဦးကနေ စစ်တွေကို ယူလာတယ်။ အခုတော့ သေသွားပြီလို့ သိရတယ်။ စစ်တွေမှာတော့ ဒီလို သတင်း ဖြစ်ပေါ်နေပါတယ်” ဟု ပြည်နယ် လွှတ်တော် ကိုယ်စားလှယ် ဦးအောင်မြကျော်က ပြောသည်။
ဇန္န၀ါရီလ ၁၃ ရက်နေ့က မြောက်ဦးမြို့နယ် ပုရိန် ကျေးရွာတွင် မြောက်ဦး အခြေစိုက် ၃၇၇ တပ်ရင်းမှ တာဝန်ကျနေသော ဒုတပ်ကြပ် စိုးဝင်းထံမှ မွတ်ဆလင် တစ်စုက လက်နက် လုယူခဲ့ပြီး လက်နက် လုယူစဉ် အတွင်း အဆိုပါ စစ်သားကို ဓါးများဖြင့် တိုက်ခိုက်ခဲ့ သည်ဟုဆိုသည်။
“ ကျွန်တော်ကြား သိသလောက်ကို ပြောရမယ်ဆိုရင် ဖြစ်တာက ဒီလ ၁၃ ရက် တနင်္ဂနွေနေ့မှာ ဖြစ်တာပါ။ ပုရိန်မှာ တာဝန်ကျနေတဲ့ ဒုတပ်ကြပ် စိုးဝင်းကို ပေါင်းဒုတ် ကျေးရွာက မွတ်ဆလင် တစ်စုက ဓါးတွေနဲ့ ၀င်ခုတ်ပြီးတော့ လက်နက်ကို လုယူသွားတယ်။ သူ့ကို မြောက်ဦးဆေးရုံကို ယူလာတော့ ကျွန်တော်တို့ သွားကြည့်တယ်။ ခွဲစိတ်ပြီးသွားပြီးစမို့ ခန္ဓာကိုယ် တစ်ခုလုံး အ၀တ်ဖြူ လွှမ်းခြုံထားတာကို တွေ့ရတယ်။ ဒါကြောင့် ဒဏ်ရာ ဘယ်နားမှာ ရတယ်ဆိုတာကို မမြင်ခဲ့ရပါ” ဟု ဆေးရုံကို ကိုယ်တိုင်သွားခဲ့ကြည့်ခဲ့သူ အဝေးသင် တက္ကသိုလ် ကျောင်းသား ကိုထွန်းလင်းက ပြောသည်။
နောက်တစ်နေ့ တနင်္လာနေ့တွင် စစ်သားအား တိုက်ခိုက်ရာတွင် ပါဝင်သူများဟု စွပ်စွဲခံရသူ မွတ်ဆလင် (၃) ဦးနှင့် လုယူသွားသော လက်နက်ကို ပြန်လည် ရရှိခဲ့သည်ဟု ဆိုသည်။
“ သူတို့ကို ဖမ်းခေါ်လာတာကို မြင်ရတယ်။ သေနတ်လည်း ပါလာတာကိုတွေ့ရတယ်။ အဖမ်းခံရတဲ့ မွတ်ဆလင် (၃) ဦးကတော့ မြောက်ဦး ရဲစခန်းမှာဘဲ ရှိနေသေးသလား၊ စစ်တွေကို ခေါ်သွားပြီလားဆိုတာကိုတော့ တိတိကျကျ ကျွန်တော် မပြောတတ်ဘူး။ ဓါးခုတ်ခံရတဲ့ ဒုတပ်ကြပ် စိုးဝင်းကတော့ စစ်တွေကို ချင်ချင်း ယူသွားပါတယ်။ အခု စစ်တွေမှာ ဆုံးသွားတယ်လို့ သတင်း ရပါတယ်” ဟု သူက ဆက်ပြောသည်။
ဒုတပ်ကြပ် စိုးဝင်း သေဆုံးသွားခြင်းမှာ ဟုတ်မှန်မူ ရှိ/ မရှိကို သိရှိနိုင်ရန် ရခိုင်ပြည်နယ် အစိုးရ အဖွဲ့ ပြန်ကြားရေး တာဝန်ခံ ဦးဝင်းမြိုင်အား အကြိမ်ကြိမ် ဖုံးဆက်သွယ်သော်လည်း အဆက်အသွယ် မရခဲ့ပါ။
သေဆုံးသွားပြီဟု သတင်းထွက်ပေါ်နေသူ ဒုတပ်ကြပ် စိုးဝင်းမှာ ရခိုင်လူမျိုးများဖြစ်ကြောင်း သိရသည်။
မြန်မာတပ်မတော်မှ စစ်သား တစ်ဦးဦးကို ရခိုင်အမျိုးသားများကသာ ယခုလို လက်တင်ပြီး သေနတ် လုမည်ဆိုပါ ရခိုင်ရွာကို မီးရှို့ပြီး လူအများအပြားကိုလည်း ပစ်သတ်နိုင်သည်ဟု ကိုထွန်းလင်းက ပြောကြားသည်။ ယခုအခါ စွပ်စွဲခံရသူ (၃) ဦးကို ဖမ်းဆီးပြီးနောက် အခြေအနေ တည်ငြိမ်သွားပြီဟု ဆိုသည်။
Ref: နိရဉ္စရာ
Read More...
Collapse...
January 17, 2013
ကုန်လွန်သွားခဲ့တဲ့ ၂၀၁၂ ခုနှစ် အတွင်းမှာ မြန်မာနိုင်ငံသို့ နိုင်ငံခြားသား တစ်သန်းကျော် လာရောက် လည်ပတ်ခဲ့တယ်လို့ သိရပါတယ်။
၂၀၁၁ ခုနှစ် မြန်မာနိုင်ငံကို လာရောက် လည်ပတ်တဲ့ နိုင်ငံခြားသား ခရီးသည်ဟာ ရှစ်သိန်း (၈၀၀၀၀၀) ရှိရာကနေ ၂၀၁၂ ခုနှစ်မှာတော့ တစ်သန်း ခြောက်သောင်း (၁၀၆၀၀၀၀) ထိ ရှိလာတယ်လို့ ဇန္န၀ါရီလ ၁၅ ရက်နေ့ထုတ် ပြန်တဲ့ ခရီးသွားလာရေး ၀န်ကြီးဌာနက အစီရင်ခံစာမှာ ဖေါ်ပြပါတယ်။
ခုလို နိုင်ငံခြားသားတွေကို မြန်မာနိုင်ငံထဲ လှိမ့်ဝင်လာတာကတော့ မြန်မာနိုင်ငံရဲ့ မြန်ဆန်လွန်းတဲ့ အပြောင်းအလဲကြောင့် ဖြစ်တယ်လို့ AFP သတင်း တစ်ပုဒ်မှာ ဖေါ်ပြပါတယ်။
မြန်မာနိုင်ငံရဲ့ အပြောင်းအလဲတွေဟာ နိုင်ငံခြားသား ခရီးသွားတွေကို နိုင်ငံထဲ လာရောက် လည်ပတ်ဖို့ အထူးဆွဲဆောင်မူ ဖြစ်စေခဲ့တယ်လို့ ပြောပါတယ်။
မြန်မာနိုင်ငံ ခရီးသွားလာရေး ဘုတ်အဖွဲ့ဝင် ဖြိုးဝေရာဇာကတော့ ၂၀၁၂ ခုနှစ်ဟာ မြန်မာ ခရီးသွား လုပ်ငန်းကို အထူး အကျိုးရှိစေတဲ့ နှစ် ဖြစ်ခဲ့ပြီး ဒီလို လာလည်တာမျိုးဟာ အရင်က မရှိခဲ့ဘူးလို့ ပြောပါတယ်။
ဒါပေမယ့်လည်း မြန်မာ ခရီးသွား လုပ်ငန်း အနေနဲ့ ဒီလိုများပြားတဲ့ နိုင်ငံခြားသား ခရီးသည်တွေကို အခက်အခဲမရှိ နိုင်နှင်းစွာ လုပ်ကိုင်နိုင်မူ မရှိမှာကိုတော့ စိုးရိမ်တယ်လို့ ပြောပါတယ်။ ဟိုတည်ခတွေ ဈေးနှုန်းကြီးမြင့်တာနဲ့ တည်ခိုခန်းတွေ ရှားပါးတာ တွေဟာလည်း အခက်အခဲတွေ ဖြစ်တယ်လို့ ဆိုပါတယ်။
မြန်မာနိုင်ငံမှာ ဟိုတည်ပေါင်း ၈၀၀ ခန့်ရှိပြီး တည်းခိုနိုင်တဲ့ အခန်းပေါင်း ၂၈၀၀၀ သာရှိတယ်လို့ သိရပါတယ်။
Ref: နိရဉ္စရာ
Read More...
Collapse...
16 January 2013
နန်းသူးလေ
ကချင်ပြည်နယ်၊ လိုင်ဇာမြို့၏ အနောက်ဘက် ကချင်လွတ်မြောက်ရေးတပ်မတော်-KIA ထိန်းချုပ်ရာ ခရာဘွမ်တောင်စခန်းတွင် အစိုးရစစ်တပ်နှင့် KIA တို့အကြား တိုက်ပွဲများ ပြင်းထန်စွာ ဆက်လက် ဖြစ်ပွားနေကြောင်း သိရသည်။
KIO မှ ပြောရေးဆိုခွင့်ရှိသူ ဦးလနန်က “ဒီနေ့မနက် ၈နာရီကစတင်ပြီးတော့ လိုင်ဇာစခန်းရဲ့ အပြင်ဘက် ခရာဘွမ်တောင်တန်း မှာ ဒီနေ့တစ်နေ့လုံးတိုက် ပွဲတွေဖြစ်နေ တယ်။ မနေ့ကလည်း ညမိုးချုပ်အထိ တိုက်ပွဲဖြစ်တယ်”ဟု ပြောသည်။
ထို့အပြင် ယနေ့ မြန်မာစံတော်ချိန် ၅နာရီခန့် အစိုးရစစ်တပ်မှ လေယာဉ်နှစ်စင်းနှင့် တိုက်လေယာဉ်တစ်စင်းဖြင့် ၎င်းတို့၏ စခန်း ပေါ်သို့ ပျံဝဲကာ ဒုံးကျည်များ ပစ်ချခြင်း၊ ဗုံးကျဲခြင်းများ ပြုလုပ်နေကြောင်းလည်း ဦးလနန်က ဆက်ပြောသည်။
ကချင်ဒေသအတွင်း အစိုးရဘက်မှ ထိုးစစ်ဆင်တိုက်ခိုက်မှုများ ပြင်းထန်လာသည်နှင့်အမျှ ယခုလ ဇန်န၀ါရီ ၁၄ရက်နေ့က အစိုး ရဘက်မှ ပစ်ခတ်သည့် လက်နက်ကြီး ၂လုံးသည် လိုင်ဇာမြို့ထဲသို့ကျရောက်၍ အရပ်သား ၃ဦးသေဆုံးပြီး ၄ဦး ဒဏ်ရာရရှိခဲ့ သည်။
ယခုလို တိုက်ပွဲများ ပြင်းထန်နေချိန်တွင် ကွတ်ခိုင်မြို့နယ်၊ မုံးဟောင်းကျေးရွာအနီး၌ KIA တပ်မဟာ (၄)မှ ဗိုလ်ကြီးအဆင့်ရှိ ရမ်ဆိုင်း ခေါင်းဆောင်သော အဖွဲ့ဝင် ၇ဦးသည် လက်နက်ခဲယမ်းများနှင့်အတူ ဇန်န၀ါရီလ ၁၄ရက်နေ့က အစိုးရစစ်ကြောင်းသို့ ဆက်သွယ်ပြီး အလင်းဝင်ခဲ့သည်ဟု ယနေ့ရက်စွဲဖြင့် မြန်မာစစ်တပ် ပိုင် မြ၀တီသတင်းစာမျက်နှာ၌ ဖော်ပြထားသည်။
ယင်းဖော်ပြချက်နှင့် ပတ်သက်၍ မှန်ကန်မှု ရှိမရှိ KIA ဘက်မှ ဆက်လက် စုံစမ်းလျှက်ရှိသည်ဟု ဦးလနန်က ပြောသည်။
Ref: ကေအိုင်စီ
Read More...
Collapse...
ဖနိဒါ
ဇန်နဝါရီလ ၁၆ ရက် ၂၀၁၃ ခုနှစ်
ကချင်လွတ်လပ်ရေးအဖွဲ့ KIO နှင့် ထပ်မံ တွေ့ဆုံနိုင်ရေးအတွက် ပြည်ထောင်စု ငြိမ်းချမ်းရေး လုပ်ငန်း ဖော်ဆောင်ရေး ကော် မတီ ဒု-ဥက္ကဋ္ဌ ဝန်ကြီး ဦးအောင်မင်း မှ မကြာမီ ရက်ပိုင်းအတွင်း ထပ်မံ ကမ်းလှမ်းမည် ဖြစ်ကြောင်း Myanmar Peace center (MPC)မှ ငြိမ်းချမ်းရေး အကျိုးဆောင် ဦးလှမောင်ရွှေ က ပြောသည်။
ဗုဒ္ဓဟူးနေ့ နံနက်ပိုင်းက နေပြည်တော် MPC တွင် သမ္မတရုံး ဝန်ကြီး ဦးအောင်မင်း က ပြောဆိုခဲ့ခြင်း ဖြစ်ကြောင်း ငြိမ်းချမ်း ရေးအကျိုးဆောင် ဦးလှမောင်ရွှေ က ပြောသည်။
“ဦးအောင်မင်းအနေနဲ့တော့ သူ့အနေနဲ့ တောက်လျှောက်ကမ်းလှမ်းနေတယ်။ အခုလည်း ဒီလလယ်ကျော်လို့မှ ကျနော်တို့ တဖက် အဖွဲ့အစည်းဘက်က တုံ့ပြန်မှု မရှိဘူးဆိုရင် သူ ထပ်ပြီးတော့ ကမ်းလှမ်းမယ်လို့ ဒီနေ့ မနက်ပဲ ကျနော်တို့ကို ရှင်းပြပါတယ်” ဟု မဇ္ဈိမကို ပြောသည်။
ဇန်နဝါရီလဆန်းတွင် ထပ်မံ တွေ့ဆုံရန် ၂၀၁၂ ခုနှစ် ဒီဇင်ဘာလ ၁၃ ရက်နေ့က ကမ်းလှမ်းခဲ့ဖူးသော်လည်း KIO ဘက်မှ ပြန်လည် တုံ့ပြန်ခြင်း မရှိခဲ့သည့်အပေါ် ထပ်မံ ကမ်းလှမ်းမည်ဟုဆိုခြင်း ဖြစ်သည်။
“ဆိုလိုတာကတော့ တိုက်ပွဲအရှိန် မြင့်နေသော်လည်း ကျနော်တို့ ဖြတ်သန်းရတဲ့ထဲမှာ ရှိနိုင်ပါတယ်။ ဒါပေမယ့် ဝန်ကြီး ဦးအောင်မင်း ရှင်းပြတာကတော့ ငြိမ်းချမ်းရေးအတွက်ကို တဖက်က အကြောင်းမပြန်နိုင်သေးရင် သူ့အနေနဲ့ ထပ်ကမ်းလှမ်း မယ်လို့ ရည်ရွယ်ထားတယ်လို့ ရှင်းပြပါတယ်” ဟု ဦးလှမောင်ရွှေ က ဆက်ပြောသည်။
KIO ဘက်ကမူ ဝန်ကြီး ဦးအောင်မင်း ဘက်မှ ဒီဇင်ဘာလပိုင်းက ကမ်းလှမ်းခဲ့ပြီးနောက်ပိုင်း အစိုးရစစ်တပ်ဘက်မှ ထိုးစစ်ဆင်မှု ပြင်းထန်လာသဖြင့် တွေ့ဆုံရန် တုံ့ပြန်ခြင်း မရှိသေးကြောင်း ပြောရေးဆိုခွင့်ရှိသူ ဦးလနန်က မဇ္စျိမကို ပြောဆိုခဲ့ဖူးသည်။
အင်္ဂါနေ့ကလည်း နေပြည်တော် MPC တွင် ဝန်ကြီး ဦအောင်မင်း အပါအဝင် ငြိမ်းချမ်းရေး အကျိုးဆောင်များ ငြိမ်းချမ်းရေး လုပ်ငန်းစဉ်များနှင့် ပတ်သက်၍ ဆွေးနွေးခဲ့သည်ဟု ဆိုသည်။
ဇန်နဝါရီလအတွင်း KIO အပါအဝင် ပအိုဝ့်အမျိုးသား လွတ်မြောက်ရေးအဖွဲ့ချုပ် PNLO နှင့် ပြည်ထောင်စုအဆင့်တွေ့ဆုံ ရန်၊ ညီညွတ်သော တိုင်းရင်းသား လူမျိုးများဖက်ဒရယ် ကောင်စီ UNFC နှင့် နိုင်ငံရေး ဆွေးနွေးမှုအတွက် မူဘောင် (Frame Work) ဆွေးနွေးရန်နှင့် KIO နှင့် ငြိမ်းချမ်ရေး ဆက်လက် ဆွေးနွေးရန် ရည်မှန်းထားပြီး အကောင်အထည်ဖော်ရန် ဆက်လက် ညှိနှိုင်းနေဆဲ ဖြစ်သည်ဟု ဦးလှမောင်ရွှေ က ဆိုသည်။
“အစိုးရ စစ်တပ်တွေဘက်ကလည်း မှားတာ မရှိဘူး မဟုတ်ဘူး။ စစ်တပ်ဘက်ကလည်း လိုမှပဲ။ ဒါပေမယ့် အစိုးရ ဘက်က ငြိမ်းချမ်းရေး တကယ်ရစေဖို့ ကြိုးစားတယ်လို့ ကျနော် လုံးဝ ယုံတယ်။ ကျနော်နားလည်သလောက် မကြာမီ ရက်ပိုင်းတွေမှာ ကမ်းလှမ်းတဲ့အပြင် အခြား အပြုသဘော ဆောင်တာတွေလည်း ဆောင်ရွက်နိုင်တယ်။ သေချာပေါက် ပြောနိုင်တာကတော့ ဒီလမှာ ဒီအဖွဲ့ သုံးဖွဲ့နဲ့ တွေ့ဖို့ လုပ်ဖို့ ရည်မှန်းထားတယ်။ ဒါပေမယ့် အချိန်ပဲ အပြောင်းအလဲ ရှိမယ်” ဟု ဦးလှမောင်ရွှေက ပြောသည်။
ဝန်ကြီး ဦးအောင်မင်းဘက်မှ UNFC နှင့် တွေ့ဆုံရန် အဆင်သင့်ရှိသည်ဟု သူက မဇ္စျိမကို ပြောသည်။
သို့သော် UNFC ဘက်ကမူ ဝန်ကြီး ဦအောင်မင်းနှင့် တွေ့ဆုံသည့်အခါ နိုင်ငံရေးဆွေးနွေးမှု မူဘောင်အား မဆွေးနွေးဘဲ အစိုးရ စစ်တပ်ဘက်မှ KIO အပေါ် ထိုးစစ်ဆင်မှု ရပ်ဆိုင်းရေးကိုသာ ဆွေးနွေးမည်ဟု UNFC ၏ ပြောခွင့်ရသူ နိုင်ဟံသာ က မကြာမီ က မဇ္စျိမကို ပြောဆိုထားသည်။
Ref: မဇ္ဈိမ
Read More...
Collapse...
ကွန်းချမ်း
ဇန်နဝါရီလ ၁၆ ရက် ၂၀၁၃ ခုနှစ်
မြန်မာနိုင်ငံဘက်မှ မူးယစ်ဆေး သယ်ဆောင်လာသည့် အဖွဲ့တဖွဲ့နှင့် ထိုင်းနယ်ခြားစောင့် တပ်ဖွဲ့တို့ နယ်စပ်အနီး တိုက်ပွဲ ဖြစ်ပွားရာမှ ထိုင်းဘတ်ငွေ သန်း ၈၀ ခန့် တန်းဖိုးရှိ ယာဘ စိတ်ကြွဆေးပြား တသန်းကျော် ဖမ်းဆီးရမိကြောင်း ထိုင်း နယ်ခြားစောင့်တပ် အရာရှိတဦးက ပြောသည်။
ဇန်နဝါရီလ ၁၆ ရက်နေ့ နံနက် ၂ နာရီဝန်းကျင်ခန့်တွင် ထိုင်းနိုင်ငံ မြောက်ပိုင်း ချင်းရိုင် ခရိုင်၊ မယ်ဆိုင်မြို့နယ် (တာချီလိတ်မြို့နှင့် တဖက်) တောတွင်းတနေရာ၌ တိုက်ပွဲ ဖြစ်ပွားခြင်း ဖြစ်ပြီး တိုက်ပွဲမှ မူးယစ်ဆေး သယ်ဆောင်
သူ သုံးဦးကို အသေဖမ်းမိကာ ၎င်းတို့ စွန့်ပစ်ထားခဲ့သည့် ကျောပိုးအိတ် ၁၂ လုံးအတွင်းမှ စိတ်ကြွဆေးပြား တသန်း
နှစ်သိန်းကို သိမ်းဆည်းရမိသည်ဟု ဆိုသည်။
“မနေ့ညက မယ်ဆိုင်မြို့နယ်၊ ဟွေ့ခိုက်ရွာနားမှာ တိုက်ပွဲ ဖြစ်တယ်။ မူးယစ်ဆေး သယ်ဆောင်လာတဲ့ သူတွေက အခါရွာဘက်က လာတယ်လို့ သိရတယ်။ သုံးယောက် သေတယ်။ ၁၀ ယောက်လောက်က မြန်မာဘက်ကို ထွက်ပြေးသွားတယ်” ဟု နယ်ခြားစောင့်တပ် အရာရှိက မဇ္ဈိမကို ပြောသည်။
မူးယစ်ဆေး သယ်ဆောင်သည့် အဖွဲ့သည် တာချီလိတ်မြို့နယ်၊ နမ့်ပုံ အခြေစိုက် လားဟူ ပြည်သူ့စစ် ခေါင်းဆောင် ဦးရီဆေး ၏ အဖွဲ့ဖြစ်ကြောင်း ထိုင်း လုံခြုံရေးတပ်ဖွဲ့အား ကိုးကား၍ မန်နေဂျာအွန်လိုင်း သတင်းတွင် ဖော်ပြသည်။
မူးယစ်ဆေးများ ထပ်မံဝင်ရောက်မှု မရှိရန်အတွက် ဗုဒ္ဓဟူးနေ့ နံနက်ပိုင်းတွင် တိုက်ပွဲဖြစ်ပွားရာသို့ ချင်းရိုင်ခရိုင် လုံခြုံရေးတပ်ဖွဲ့က အင်အား ထပ်မံဖြည့်ဆည်းခဲ့ပြီး တောနင်းရှာဖွေရာမှ စက်သေနတ် တလက်ကိုလည်း ထပ်မံသိမ်းဆည်းရသည်ဟု ဆိုသည်။
ဇန်နဝါရီလ ၆ ရက်နေ့ကလည်း ထိုင်းနိုင်ငံသို့ စိတ်ကြွဆေးများ သယ်ဆောင်လာသည့် လားဟူ အဖွဲ့တဖွဲ့ကို ထိုင်းလုံခြုံရေး တပ်ဖွဲ့က တားဆီးပစ်ခတ်ရာမှ မူးယစ်ဆေး သယ်ဆောင်သူ ၅ ဦး သေဆုံးကာ စိတ်ကြွဆေး နှစ်သိန်းကျော် သိမ်းဆည်းရမိ ခဲ့သေးသည်ဟု ထိုင်းလုံခြုံရေးတပ်က ဆိုသည်။
၎င်းပြင် ဇန်နဝါရီလ ၁၁ ရက်နေ့တွင်လည်း မယ်ဆိုင်မြို့အနီးတွင် ထိုင်းနိုင်ငံသား ၅ ဦးထံမှ စိတ်ကြွဆေးပြား တသိန်းကျော်နှင့် ဘိန်းဖြူ ၂ ဒဿမ ၂ ကီလိုဂရမ်ကို ထိုင်းမူးယစ်ဆေးဝါး တိုက်ဖျက်ရေး တပ်ဖွဲ့ဝင်များက သိမ်းဆည်းရမိခဲ့သည်။
လားဟူ ပြည်သူ့စစ် ခေါင်းဆောင် ဦးရီဆေး ကို မူးယစ်ရာဇာအဖြစ် ထိုင်းမူးယစ်ဆေးဝါး တိုက်ဖျက်ရေးဌာနက ဖမ်းဆီးရန်အတွက် မြန်မာအစိုးရကို အကြောင်းကြားသွားမည်ဟု ထိုင်း ဒုတိယ ဝန်ကြီးချုပ် ချလုမ် ယူဘမ်းရုန်း က ထုတ်ဖော်ပြောဆိုခဲ့သည်။
ဦးရီဆေး အား ဖမ်းဆီးနိုင်ရန်အတွက် ထိုင်း ရှေ့နေချုပ်ရုံး အနေနှင့် မြန်မာအစိုးရကို အမြန်ဆုံး ဆက်သွယ်ရန်လည်း ထိုင်း ဒု-ဝန်ကြီးချုပ်က ဇန်နဝါရီလ ၈ ရက်နေ့တွင် ညွှန်ကြားခဲ့သည်။
ပြည်သူ့စစ် ခေါင်းဆောင် ဦးရီဆေးမှာ တာချီလိတ်မြို့နယ်၊ နမ့်ပုံရွာတွင် နေထိုင်သည်ဟု ယူဆရသည်။
Ref: မဇ္ဈိမ
Read More...
Collapse...
နေမျိုး
ဇန်နဝါရီလ ၁၆ ရက် ၂၀၁၃ ခုနှစ်
အိန္ဒိယနိုင်ငံ၊ မိုးရေးမြို့တွင် တနင်္လာနေ့က ပေါက်ကွဲမှုတခု ဖြစ်ပွားခဲ့ပြီး မြန်မာနှင့် နယ်စပ်ဂိတ် ပိတ်လိုက်ခြင်းကြောင့် တမူးမြို့ နန့်ဖာလုံဈေး လူဝင်/လူထွက် နည်းပါးကာ ဈေးအရောင်းအဝယ်
အေးစက်သွားကြောင်း နန့်ဖာလုံဈေးမှ ဈေးသည် တဦးက ပြောသည်။
“မနက်ပိုင်း စောစောလောက် ဖွင့်တယ်။ နေ့ခင်းပိုင်း ပိတ်လိုက်တယ်။ ကျနော်တို့ကတော့ သောင်းဂဏန်းလောက် ဆုံးရှုံးတယ်။ ဈေးဝယ်တဲ့သူ အများစုက ဟိုဘက်က လာတာ။ ကျနော်တို့က တရက်ကို တသောင်းလောက် ရှုံးသွား တာပေါ့” ဟု ကုန်စိမ်းသည် တဦးက ဆိုသည်။
မိုးရေးမြို့တွင် ဗုံးပေါက်ကွဲမှု ဖြစ်ပွားပြီးနောက် အိန္ဒိယဘက်မှ တောင်တန်းသားများ ကောင်စီ (HTC)က သပိတ်
မှောက်လိုက်ကာ မြန်မာနှင့် နယ်စပ် ကူးလူး ဆက်သွယ်ရေးနှင့် ကုန်သွယ်ရေးများ တနင်္လာနေ့ ညနေမှ စတင်ကာ ရက်အကန့်အသတ်မရှိ ရပ်ဆိုင်းထားလိုက်သည်။
နန့်ဖာလုံဈေးသည် အိန္ဒိယ-မြန်မာ ကုန်သွယ်ရေးအတွက် အချက်အချာကျသည့် ဈေးကြီးဖြစ်ပြီး ဈေးလာဝယ်သူ ၉၀ ရာခိုင်နှုန်းကျော်မှာ အိန္ဒိယ နိုင်ငံသားများ ဖြစ်သည်။
“ဈေးရောင်းပါးတယ်။ ဘယ်သူမှ ဝယ်မယ့်သူမရှိဘူး။ ကျနော်တို့ဘက်မှာ သွားလို့လာလို့ ရတယ်။ ဗမာတွေ မိုးရေးကို ဝင်လာရင် မောင်းထုတ်တယ် သူတို့က” ဟု တမူးမြို့ခံ တဦးက ပြောသည်။
တနင်္လာနေ့ ဖောက်ခွဲသူများသည် မြန်မာနိုင်ငံဘက်အခြမ်း နန့်ဖာလုံးဈေး ဘက်သို့ ထွက်ပြေး ဝင်ရောက်သွားသည် ဟု မျက်မြင်များက ဆိုကြသော်လည်း မည်သူကမျှ ထိုပေါက်ကွဲမှုနှင့် ပါတ်သက်ပြီး မိမိတို့ လက်ချက်ဟု ဖော်ထုတ်ခြင်း မရှိသေးကြောင်း မဏိပူပြည်နယ်ထုတ် သတင်းစာများက ရေးသားသည်။
မိုးရေးမြို့မှ ကျောင်းသားအဖွဲ့များနှင့် အမျိုးသမီး အဖွဲ့များက အဆိုပါ ဗုံးခွဲတိုက်ခိုက်မှုအား စုံစမ်းဖော်ထုတ်ပေးရန် ဗုဒ္ဓဟူးနေ့က နယ်စပ်ဂိတ်တွင် ထိုင်သပိတ် ဆင်နွဲခဲ့သည်။
“တောင်းဆိုတာက ဒီပေါက်ကွဲမှုဟာ ဘယ်သူ့လက်ချက်ဆိုတာ အမြန်ဆုံး ဖော်ထုတ်ပေးဖို့၊ မိုးရေးမြို့ဆိုတာက နယ်စပ် ကုန်သွယ်ရေး ဟိုဘက်ဒီဘက် အရေးပါတယ်။ ဒီတော့ လုံခြုံရေးကို သေချာဆောင်ရွက်ပေးဖို့ တောင်းဆိုတယ်။ မိုးရေးဘက်က ဈေးရောင်းတဲ့ သူတွေပါတယ်။ များသောအားဖြင့် နန့်ဖာလုံဈေး သွားတဲ့သူတွေက အိန္ဒိယ ဘက်က ဈေးဝယ်သွားသူတွေ များတယ်” ဟု ကူကီးအမျိုးသမီး လူ့အခွင့်အရေး အဖွဲ့ မှ မငိုင်ငိုင်း က ဆိုသည်။
Ref: မဇ္ဈိမ
Read More...
Collapse...
2013-01-16
လက်ရှိမြန်မာနိုင်ငံဟာ တရုတ်နိုင်ငံ ထက် ပိုပြီးလွတ်လပ်လာကြောင်း မနေ့ကထုတ်ပြန်တဲ့ အမေရိကန်ပြည်ထောင်စု ဝါရှင်တန်ဒီစီ အခြေစိုက် Freedom House အဖွဲ့ကြီးရဲ့ ၂၀၁၃ခုနှစ် ကမ္ဘာတစ်ဝှန်း လွတ်လပ်မှုဆိုင်ရာ အစီရင်ခံစာက ထုတ်ပြန်ပြောကြား လိုက်ပါတယ်။
၂၀၁၃ခုနှစ် အစီရင်ခံစာမှာ မြန်မာနိုင်ငံဟာ လွတ်လပ်ခွင့်မှာ အဆိုးတကာ့ အဆိုးဆုံးနိုင်ငံများစာရင်းမှာ ထိပ်ဆုံးက နှစ်စဉ်ရှိခဲ့ ပေမယ့် လွတ်လပ်စွာ စီတန်းလှည့်လည်ဆန္ဒပြခွင့်၊ သတင်းလွတ်လပ်ခွင့် တိုးမြင့်ရလာတဲ့အချက်၊ ၂၀၁၂ကြားဖြတ်ရွေးကောက်ပွဲနဲ့ ဒေါ်အောင်ဆန်းစုကြည် ဦးဆောင်တဲ့ အတိုက်အခံ ဒီမိုကရေစီရေးလှုပ်ရှားသူတွေ လွှတ်တော်နိုင်ငံရေးမှာ ပါဝင်လာတဲ့အချက်တွေ ကြောင့် နိုင်ငံရေးမှာ လွတ်လပ်စွာပါဝင်ခွင့် အဆင့် ၇ကနေ ၆အထိ တိုးလာသလို ပြည်သူတွေရဲ့ လွတ်လပ်မှုကလည်း ၆ကနေ ၅အထိ တိုးလာတယ်လို့ ဖော်ပြထားပါတယ်။
Freedom House အဖွဲ့က အာရှရေးရာသုတေသီ Sarah Cook က မြန်မာနိုင်ငံမှာ နိုင်ငံရေးနဲ့ နိုင်ငံသားအခွင့်အရေးတွေ တိုးတက်လာပေမယ့် ဒါဟာ လက်ရှိအစိုးရအာဏာပိုင်တွေရဲ့ မူဝါဒအရသာ ပြောင်းလဲတာဖြစ်ပြီး စနစ်တခုလုံး ခိုင်ခိုင်ခန့်ခန့် ပြောင်းတာ မဟုတ်သေးတဲ့အတွက် လွတ်လပ်တဲ့နိုင်ငံအဆင့်ကို မရောက်သေးဘူးလို့ RFA ကိုပြောပါတယ်။
ဒီအစီရင်ခံစာမှာ ကချင်ဒေသကစစ်ပွဲနဲ့ ရခိုင်ပြည်နယ်က လူမျိုးရေးပဋိပက္ခတွေရှိ နေသေးတာကိုလည်း ထောက်ပြထားပါတယ်။
မလွတ်လပ်တဲ့နိုင်ငံလို့ အဆင့်အရရှိနေပေမဲ့ နိုင်ငံရေးနဲ့ နိုင်ငံသားအခွင့်ရေးတွေမှာ တရုတ်နိုင်ငံထက် မြန်မာနိုင်ငံက ကျော်လွန် သွားတယ်လို့လည်း ဖော်ပြထားပါတယ်။
ဒါပေမဲ့ မြန်မာနိုင်ငံကိုလာရောက်ခဲ့တဲ့ နယ်စည်းမခြား သတင်းထောက်များအဖွဲ့ RSF ရဲ့ အစီရင်ခံစာမှာတော့ မြန်မာမီဒီယာ လောကမှာ အရင်ကထက် ပိုပြီးလွတ်လပ်လာတာတွေရှိသလို၊ ထိန်းချုပ်မှုတချို့ ပြန်လုပ်လာတာတွေလည်းတွေ့မြင်ရကြောင်း ဖေါ်ပြထားပါတယ်။
Ref: အာရ်အဖ်အေ
Read More...
Collapse...
2013-01-16
မြန်မာနိုင်ငံနဲ့ အမေရိကန်ပြည်ထောင်စု တို့ နျူကလီးယားမပြန့်ပွားရေး ကိစ္စတွေ ဆွေးနွေးခဲ့ကြတယ်လို့ ရန်ကုန်မြို့ အမေရိ ကန်သံရုံးက မနေ့က ထုတ်ပြန်ကြေညာခဲ့ပါတယ်။
အမေရိကန်စွမ်းအင်ဝန်ကြီးဌာန အမျိုးသားအနုမြူလုံခြုံရေးအဖွဲ့ ကိုယ်စားလှယ်တွေနဲ့ မြန်မာအစိုးရ သိပ္ပံနဲ့နည်းပညာဝန်ကြီးဌာနက အနုမြူဆိုင်ရာအရာရှိတွေ နေပြည်တော်မှာ ဇန်ဝါရီလ ၉ရက်နေ့ ကနေ ၁၁ရက်နေ့အထိ ဆွေးနွေးခဲ့ကြကြောင်း၊ နိုင်ငံတကာ ဘေးအန္တရာယ် ကာကွယ်တားဆီးရေးစနစ်တွေနဲ့ ပတ်သက်ပြီးပိုမိုသိရှိရေး ရည်ရွယ်ဆွေးနွေးခဲ့ကြတာဖြစ်ကြောင်း ကြေညာချက် မှာဖေါ်ပြထားပါတယ်။
မြန်မာနိုင်ငံ အနုမြူစွမ်းအင်ဌာန က ဦးခင်မောင်လတ် က အခုလို အမေရိကန်တွေနဲ့ ဆွေးနွေးတာဟာ ရှေ့လာမယ့်အစီ အစဉ်တွေရဲ့ ပထမဆုံးခြေလှမ်း ဖြစ်ပါတယ်လို့ AFP သတင်းကို ပြောကြားခဲ့ပါတယ်။ ဒါပေမဲ့ အသေးစိတ် မပြောခဲ့ပါဘူး။
မြန်မာနိုင်ငံဟာ အရင်စစ်အစိုးရကာလအတွင်း မြောက်ကိုရီးယားအကူအညီနဲ့ စစ်ရေးနဲ့ နျူကလီးယားအစီအစဉ်တွေ ပူးပေါင်း ဆောင်ရွက်နေတယ်လို့ အမေရိကန်အပါအ၀င် အနောက်နိုင်ငံတွေက သင်္ကာမကင်းဖြစ်ခဲ့ကြပါတယ်။
အစိုးရသစ်တက်လာပြီးတဲ့နောက် ပြုပြင်ပြောင်းလဲရေးတွေနဲ့အတူ အမေရိကန်နဲ့ဆက်ဆံရေး နွေးထွေးလာချိန်မှာ ကုလသမဂ္ဂ နိုင်ငံတကာ အနုမြူစွမ်းအင်အေဂျင်စီ IAEA ကို မြန်မာနိုင်ငံမှာ မသင်္ကာဖွယ် နျူကလီးယားဆိုင်ရာကိစ္စတွေ ဆောင်ရွက် နေတာရှိမရှိ လာရောက်စစ်ဆေးဖို့ သဘောတူညီချက်ကို ဦးသိန်းစ်ိန်အစိုးရက ပြီးခဲ့တဲ့နိုဝင်ဘာလက သဘောတူ လက်မှတ်ရေး ထိုးခဲ့ပါတယ်။
အဲဒီနောက် အခုလို အမေရိကန်အရာရှိတွေ မြန်မာနိုင်ငံကို လာရောက်ဆွေးနွေးခဲ့ကြတာပါ။ ဆွေးနွေးခဲ့သူတွေထဲမှာ IAEA က အရာရှိတစ်ယောက်လည်း ပါဝင်ကြောင်း သိရပါတယ်။
Ref: အာရ်အဖ်အေ
Read More...
Collapse...
2013-01-16
ကချင်ဒေသမှာ ဖြစ်ပွားနေ တဲ့ ပြည်တွင်းစစ် ရပ်စဲရေးအတွက် ငြိမ်းချမ်းရေးလုပ်ငန်းစဉ်မှာ အားလုံးပါဝင်လာစေဖို့ ရည်ရွယ်ချက် နဲ့ ငြိမ်းချမ်းရေးလိုလားတဲ့ လူငယ်တစ်စုက ရန်ကုန်မြို့ ကနေ ကချင်ပြည်နယ်ကို လမ်းလျှောက်ချီတက် သွားမယ်လို့ ဒီကနေ့ ညနေ ပိုင်းက ရန်ကုန်မြို့ မြန်မာဂျာနယ်လစ်ကွန်ရက် ရုံးခန်းမှာကျင်းပတဲ့ သတင်းစာရှင်းလင်းပွဲမှာ အခုလို ပြောဆိုလိုက်ပါတယ်။
လွတ်လပ်ရေးနဲ့အတူ စတင်သန္ဓေတည်လာတဲ့ ပြည်တွင်းစစ်ရပ်ဆိုင်းရေးအတွက် အားလုံးပူးပေါင်းပါဝင်လာစေဖို့ ငြိမ်းချမ်းရေး လိုလား တဲ့လူငယ်တစ်စုရဲ့ ကြိုးပမ်းမူတစ်ခုပါလို့ လမ်းလျှောက်ပွဲမှာပါဝင်မယ့် ကိုဇင်ကိုကိုက ပြောပါတယ်။
လမ်းလျှောက်မယ့်ရက်ကို အခုလ ၂၁ရက်နေ့ ရန်ကုန်မြို့တော်ခန်းမရှေ့ကနေ မနက် ၇နာရီမှာ စတင်ထွက်ခွာဖို့ စီစဉ်ထားပြီး အဲဒီလိုလမ်းလျှောက် ဆန္ဒထုတ်ဖော်မယ့်ကိစ္စကို သမ္မတ ဦးသိန်းစိန်အစိုးရသိရှိဖို့ စာပေးပို့ထားပြီး ခရီးစဉ်အတွင်း စားရေးသောက် ရေးတွေကိုလည်း သူတို့ကုန်ကျမှုနဲ့ သွားရောက်မှာဖြစ်ပြီး ခရီးအဆုံးကို ကချင်ပြည်နယ် လိုင်ဇာမြို့အထိ သတ်မှတ်ထားတယ်လို့ သိရပါတယ်။
ခရီးစဉ် အစ အဆုံးကို ရက်ပေါင်း ၄၅ရက် ကြာမယ်လို့ ခန့်မှန်းထားကြောင်း သိရပါတယ်။
Ref: အာရ်အဖ်အေ
Read More...
Collapse...
2013-01-16
ထိုင်းနိုင်ငံမှာ အထောက်အထား မရှိသေးတဲ့ မြန်မာ၊ လာအို၊ ကမ္ဘောဒီးယား ရွှေ့ပြောင်း အလုပ်သမားတွေ နဲ့ အသက် ၁၅နှစ် အောက် ကလေးတွေကို နိုင်ငံသား စီစစ်မှုပြုလုပ်ပြီး ယာယီပတ်စပို့စ် ကိုင်ဆောင်ခွင့်ပြုလုပ်ပေးနေတဲ့ လုပ်ငန်းစဉ်ကို ထိုင်း အစိုးရက ၂၀၁၃ခုနှစ်၊ ဧပြီလ ၁၅ရက်နေ့အထိ တိုးချဲ့လုပ်ဆောင်ခွင့်ပြုလိုက်ပြီ ဖြစ်ပါတယ်။
ထိုင်းအလုပ်သမားဝန်ကြီးဌာနက တင်ပြထားတဲ့ ယာယီပတ်စပို့စ် ပြုလုပ်ရေးလုပ်ငန်းစဉ် တိုးချဲ့သွားရေးအဆိုပြုချက်ကို မနေ့က
ကျင်းပတဲ့ ထိုင်းအစိုးရဝန်ကြီးများ အစည်းအဝေးက သဘောတူဆုံးဖြတ်လိုက်တာဖြစ်ပါတယ်။
၂၀၁၂ခုနှစ်၊ ဒီဇင်ဘာ ၁၅ရက်ကစတင်ပြီး ဒီအမိန့်အာဏာတည်ကြောင်း NGOs အဖွဲ့အစည်းများ ပူးပေါင်းဖွဲ့စည်းထားတဲ့ ရွှေ့ပြောင်းအလုပ်သမားအရေး ပူးပေါင်းလုပ်ဆောင်မှုကော်မတီ MWG အဖွဲ့က တာဝန်ရှိသူတဦးက အခုလိုပြောပါတယ်။
“မနေ့ကသဘောတူတဲ့အချက်ကတော့ ကျနော်တို့ ဒီဇင်ဘာလ ၁၄ရက်နေ့မှာ နိုင်ငံသားစီစစ်ရေးလုပ်ငန်း သက်တမ်းကုန်တာပေါ့ အဲဒီတော့နောက်ထက် ရက် ၁၂၀သက်တမ်းတိုးပေးတာရယ်၊ အဲဒီမှာ ဒီထိုင်းနိုင်ငံမှာရှိသေးတဲ့ တရားမဝင် အလုပ်သမား တွေ အားလုံးကို သူတို့ဆက်ပြီးတော့ နိုင်ငံသားစီစစ်ရေး ပြုလုပ်ပေးဖို့၊ အဲဒီအပြင်ကို သူတို့ရဲ့ အသက် ၁၅နှစ်အောက် ကလေးတွေကိုပါ သူတို့သက်ဆိုင်ရာနိုင်ငံတွေပေါ့ သူတို့မိဘတွေရဲ့ အထောက်အထားအတိုင်းအရပေါ့ အဲဒီနိုင်ငံကူးလက်မှတ် သို့မဟုတ်ရင် CI (Certificate of Identification) ဆိုတဲ့ အထောက်အထားစာရွက် ထုတ်ပေးပြီးတော့ ထိုင်းနိုင်ငံအနေနဲ့ သူတို့မိဘ တွေအတိုင်းပေါ့ ဗီဇာနေထိုင်ခွင့်ကို ထုတ်ပေးဖို့”
ဒါ့အပြင် အသက် ၁၅နှစ်အောက် ကလေးတွေအတွက် အသိအမှတ်ပြု လက်မှတ်ထုတ်ပေးရေးနဲ့အတူ ကျန်းမာရေးအာမခံပြု လုပ်ခွင့်ကိုလည်း ခွင့်ပြုလိုက်တယ်လို့သိရပါတယ်၊ အစိုးရခွင့်ပြုချက်အရ ထိုင်းပြည်ထဲရေးဌာနအမိန့်နဲ့ အလုပ်အကိုင်ခန့် ထားရေး ဌာနက တလအတွင်း ရွှေ့ပြောင်းအလုပ်သမားတွေအတွက် ထိုင်းနိုင်ငံအတွင်း နေထိုင်ခွင့်ထုတ်ပေးမှာဖြစ်တဲ့အတွက် လုပ်ငန်းရှင် တွေက မိမိတို့အလုပ်သမားတွေရဲ့ လိုအပ်တဲ့အထောက်အထား မှတ်တမ်းတွေကို သွားရောက်တင်ပြနိုင်မှာဖြစ်တယ်လို့ သိရပါတယ်။
ဒီအထောက်အထားတွေ ထုတ်ပေးဖို့အတွက် စမုတ်ပရာကန်၊ စမုတ်ဆာခွန်၊ ပထုံဌာနီ၊ ချင်းမိုင်နဲ့ ဆောင်ခလာ ခရိုင်တွေမှာ လုပ်ငန်းအကောင်အထည်ဖော်ရေးရုံးတွေကို အလုပ်သမားဝန်ကြီးဌာနက ဖွင့်လှစ်ထားရှိပေးသွားမှာ ဖြစ်ပါတယ်။
လာမယ့်ဧပြီလ ၁၅ရက်နောက်ပိုင်း ယာယီပတ်စပို့စ် မပြုလုပ်တဲ့အလုပ်သမားတွေကို ဖမ်းဆီးပြန်ပို့မှာဖြစ်ပြီး လုပ်ငန်းရှင်ကိုလည်း ဥပဒေအရ အရေးယူမယ်လို့ ထိုင်းအလုပ်သမားဝန်ကြီးဌာနက ထုတ်ပြန်ထားပါတယ်။
လက်ရှိမှာတော့ မြန်မာအလုပ်သမား ၁သန်းခွဲခန့်ကို ယာယီပတ်စပို့စ် ထုတ်ပေးထားပြီး အထောက်အထားမဲ့ မြန်မာအလုပ် သမားဦးရေ ၅သိန်းခန့် ကျန်ရှိနေတယ်လို့ အလုပ်သမားရေးအဖွဲ့တွေက ခန့်မှန်းထားပါတယ်။
Ref: အာရ်အဖ်အေ
Read More...
Collapse...
2013-01-16
ကေအိုင်အို လိုင်ဇာဌာနချုပ်ကို အစိုးရတပ်တွေက ဦးတည်တိုက် ခိုက်နေတာ မဟုတ်ကြောင်း၊ မိမိတို့ တပ်မတော်စခန်းတွေကို ပိတ်မိနေလို့ ကာကွယ်စစ်ဆင်နေတာဖြစ်ကြောင်း နိုင်ငံတော် သမ္မတရဲ့ ပြောရေးဆိုခွင့်ရှိသူ ပြန်ကြားရေးဒုဝန်ကြီး ဦးရဲထွဋ်က ဒီနေ့ ထပ်မံပြောကြားလိုက်ပါတယ်။
ဇန်န၀ါရီလ ၁၄ရက်နေ့က လိုင်ဇာမြို့ထဲကို လက်နက်ကြီးကျည်တွေ ကျရောက်ပေါက်ကွဲခဲ့တယ်ဆိုတဲ့ကိစ္စမှာလဲ သူ့အနေနဲ့ ကာကွယ်ရေးဝန်ကြီးဌာနကို မေးကြည့်လို့သိရသလောက်ဆိုရင် အဲဒီနေ့က တပ်မတော်ကပစ်ခတ်တာ မဟုတ်ကြောင်း၊ ဒါကြောင့် လွတ်လပ်တဲ့ စုံစမ်းစစ်ဆေးမှုတွေ ပြုလုပ်ဖို့လိုကြောင်း RFA ကို ပြောသွားပါတယ်။
ဒါ့အပြင် အစိုးရနဲ့ ကေအိုင်အို အပစ်ခတ်ရပ်စဲရေး စကားပြောနိုင်မယ့် အလားအလာတွေနဲ့ ပတ်သက်ပြီး သမ္မတရဲ့ပြောရေးဆိုခွင့်ရှိသူ ဦးရဲထွဋ်ကို RFA ၀ိုင်းတော်သား ဦးဝင်းနိုင် ဆက်သွယ်မေးမြန်းထားပါတယ်။
Ref: အာရ်အဖ်အေ
Read More...
Collapse...
2013-01-16
ရခိုင်အမျိုးသမီးများ အစည်းအရုံး (RWU)၊ ရခိုင်အမျိုးသား ညီညွတ်ရေးပါတီ (NUPA)၊ ရခိုင့်တပ်မတော် (AA)တို့နဲ့ Shwe Gas အဖွဲ့တွေက ဦးစီးပြီး ပထမအကြိမ်မြောက် ရခိုင်အမျိုးသားများ စုစည်းဆွေးနွေးပွဲတစ်ခုကို ထိုင်းမြန်မာနယ်စပ်တစ်နေရာမှာ ၄ရက်ကြာ ကျင်းပခဲ့ပြီး အမျိုးသားညီညွတ်ရေး လုပ်ငန်းစဉ်တွေ ချမှတ်နိုင်ခဲ့တယ်လို့ သိရပါတယ်။
ကိုယ့်ကံကြမ္မာကို ကိုယ်ဖန်တီးရာမှာ တစ်မျိုးသားလုံး တူညီတဲ့သဘောထားတွေကိုချမှတ်ပြီး စည်းလုံးညီညွတ်ရေးကို တည် ဆောက်တဲ့အနေနဲ့ ဒီဆွေးနွေးပွဲကို ကျင်းပတာဖြစ်ပြီး၊ လွန်ခဲ့တဲ့လပိုင်းတွေက ရခိုင်ပြည်နယ်အတွင်းမှာ ဖြစ်ပွားခဲ့တဲ့အဖြစ် အပျက်တွေနဲ့ ပတ်သက်လို့ ဝိုင်းဝန်းအဖြေရှာကြပြီး ရှေ့ဆက်ရမယ့်နည်းလမ်းတွေကို ချမှတ်ခဲ့ကြတယ်လို့ ဦးဆောင်သူတွေက ပြောပါတယ်။
ဇန်နဝါရီလ ၁၁ရက်ကနေ ၁၄ရက်နေ့အထိကျင်းပတဲ့ ဒီဆွေးနွေးပွဲကနေ ချမှတ်လိုက်တဲ့ ဆုံးဖြတ်ချက်တွေနဲ့ ပတ်သက်လို့ ရခိုင်အမျိုးသမီးအစည်းအရုံး ဥက္ကဌ ဒေါ်စောမြရာဇာလင်းက အခုလိုပြောပါတယ်။
“အရေးကြီးတဲ့ ဆုံးဖြတ်ချက်ကတော့ ရခိုင့်ကံကြမ္မာကို ရခိုင်တို့ ဖန်တီးနိုင်ရေးဆိုတဲ့မူအပေါ်မှာ အားလုံးလက်တွဲညီညွတ်စွာ ဆောင်ရွက်သွားဖို့ ရခိုင်တစ်မျိုးသားလုံး ညီညွတ်ရေးအတွက် ဆက်လက်ဆောင်ရွက်သွားဖို့၊ ရခိုင်အမျိုးသားညီညွတ်ရေး အကျိုးဆောင်ကော်မတီကို ကျမတို့ ဒီအစည်းအဝေးကပဲ ဖွဲ့စည်းနိုင်ခဲ့ကြပါတယ်၊ နောက်ပြီးတော့ တရားမဝင် ကျမတို့ တိုင်းပြည်မှာ နေထိုင်လာကြတဲ့ တခြားလူမျိုးတွေရဲ့ ကိစ္စနဲ့ ပတ်သက်ပြီးတော့ ၁၉၈၂ ခုနှစ် နိုင်ငံသားဖြစ်မှုဥပဒေအရ နိုင်ငံသားစီစစ်ရေး လှုပ်ရှားမှုတွေကို မှန်ကန်စွာ ပြုလုပ်ပြီးတော့ ဥပဒေနဲ့အညီ အမြန်ဆုံးဆောင်ရွက်ပေးဖို့အတွက် လက်ရှိမြန်မာနိုင်ငံအစိုးရကို ကျမတို့တောင်းဆိုတဲ့ သဘောထားတွေချပါတယ်”
ဒါ့အပြင် ၂၀၁၀ခုနှစ် စက်တင်ဘာလက ကျင်းပခဲ့တဲ့ ရသေ့တောင် အစည်းအဝေးက ဆုံးဖြတ်ချက်တွေကို အတည်ပြုကြောင်း၊ လူမှုကွန်ယက်အသီးသီးက ချမှတ်ထားတဲ့ တောင်ကုတ်ညီလာခံ ဆွေးနွေးချက်တွေကို သဘောတူညီကြောင်း၊ ရခိုင်ပြည်နယ်နဲ့ မလေးရှားနိုင်ငံမှာ ရောက်ရှိနေတဲ့ ရခိုင်အမျိုးသားတွေ အသက်အန္တရယ် ရင်ဆိုင်နေရတာတွေကိုလည်း သက်ဆိုင်ရာ အစိုးရ တွေကို တင်ပြတောင်းဆိုသွားမယ်လို့လည်း သူက ပြောပါတယ်။
ကချင်ပြည်နယ်မှာ ဖြစ်ပွားနေတဲ့ ပဋိပက္ခတွေကို နိုင်ငံရေးအရ တွေ့ဆုံဆွေးနွေးဖို့ တောင်းဆိုကြောင်းကိုလည်း ဒီညီလာခံကနေ ဆုံးဖြတ်ချက်ချမှတ်ခဲ့ပါတယ်။
ဒီဆွေးနွေးပွဲကို အဖွဲ့ပေါင်း ၁၇ဖွဲ့မှ ကိုယ်စားလှယ် ၄၀ကျော်တက်ရောက်ခဲ့ပြီး ၂၀၀၄ခုနှစ်နောက်ပိုင်း ပထမဆုံးအကြိမ် ရခိုင် အမျိုးသားခေါင်းဆောင်တွေ ညီညီညွှတ်ညွှတ်တွေ့ဆုံပြီး ဆုံးဖြတ်ချက်တွေ ချမှတ်နိုင်ခဲ့တာလို့လဲ သိရပါတယ်။
Ref: အာရ်အဖ်အေ
Read More...
Collapse...
2013-01-16
တပ်မတော်ရဲ့ စီးပွားရေး လုပ်ငန်းတွေအားလုံးက ရလာတဲ့ အကျိုးအမြတ်တွေကို နိုင်ငံတော် ဘတ်ဂျက်ထဲထည့်စေပြီး တပ်မတော် သားတွေရဲ့ ခံစားခွင့်တွေကိုတော့ နိုင်ငံတော်ကပဲ အပြည့်အ၀ ဘတ်ဂျက်ချပေးစေလိုတယ်လို့ ဒီကနေ့ ပြည်ထောင်စု လွှတ်တော် အစည်းအဝေးမှာ ပဉ္စမကာလတိုငါးနှစ် အမျိုးသားစီမံကိန်းမူကြမ်း (၂၀၁၁/၂၀၁၂ ဘဏ္ဍာရေးနှစ်မှ ၂၀၁၅/၂၀၁၆ ဘဏ္ဍာရေးနှစ် ထိ) ဆွေးနွေးရာမှာ မွန်ပြည်နယ် မဲဆန္ဒနယ်က ဒေါက်တာဗညားအောင်မိုးက ပြောသွားပါတယ်။
မြန်မာနိုင်ငံမှာ နိုင်ငံတကာရဲ့စီးပွားရေး ပိတ်ဆို့မှုဒဏ်တွေကြောင့် စီမံခန့်ခွဲမှု လိုအပ်ချက်တွေရှိခဲ့ပြီး၊ အခုအချိန်မှာ ပြည်သူ လူထုမှာ အလုပ်လက်မဲ့ခံစားမှုတွေ၊ ဆင်းရဲနွမ်းပါးမှုဒဏ်တွေ ခံစားနေကြရတဲ့အတွက် အမျိုးသားစီမံကိန်းမူကြမ်းမှာ ထည့်သွင်း စဉ်းစား နိုင်ဖို့ကိုလည်း ရန်ကုန်တိုင်းဒေသကြီးမဲဆန္ဒနယ်မှ ဒေါ်ခင်ဝိုင်းကြည်က ဆွေးနွေးသွားပါတယ်။
ဒီကနေ့ ပြည်ထောင်စုလွှတ်တော်မှာ ပဉ္စမ ငါးနှစ်တိုကာလ အမျိုးသားစီမံကိန်းမူကြမ်းနဲ့ ပတ်သက်လို့ ဒုတိယနေ့အဖြစ် လွှတ် တော်ကိုယ်စားလှယ် ၁၈ဦးတို့က ဆွေးနွေးခဲ့ကြပြီး၊ အဲဒီဆွေးနွေးပွဲမှာ ဒေသအလိုက် ပြည်သူတွေရဲ့ ခံစားနေရတဲ့ ကျန်းမာရေး၊ ပညာရေး၊ ဆက်သွယ်ရေး၊ အလုပ်အကိုင်အခွင့်အရေး၊ လျှပ်စစ်၊ ကာကွယ်ရေး၊ လယ်ယာစိုက်ပျိုးရေးနဲ့ သစ်တောရေးရာ စတဲ့ ကိစ္စရပ်တွေကို အများဆုံးဆွေးနွေးခဲ့ကြပါတယ်။
Ref: အာရ်အဖ်အေ
Read More...
Collapse...
2013-01-16
ရခိုင်ပြည်နယ်အတွင်းက ဒုက္ခသည်တွေအတွက် ပြန်လည် ထူထောင်ရေးကိစ္စတွေကို အစိုးရက အဆင်ပြေအောင် စီစဉ်ဆောင်ရွက် နေပေမယ့် လတ်တလောမှာ လိုအပ်ချက်တွေများစွာ ရှိနေသေးကြောင်း ထိုင်းနိုင်ငံဆိုင်ရာ အီရန်သံအမတ်ကြီး Mr. Hossein Kamalian က သူ့ရဲ့ရခိုင်ခရီးစဉ်အပြီး RFA ကို ပြောကြားလိုက်ပါတယ်။
ဒီကနေ့မနက်ပိုင်းက စစ်တွေဟိုတယ်မှာ သံအမတ်ကြီးရဲ့ ရခိုင်ခရီးစဉ်နဲ့ ပတ်သက်ပြီး RFA က တွေ့ဆုံမေးမြန်းခဲ့ရာမှာ သံအမတ်ကြီးက ကျနော်တို့မနေ့က ကယ်ဆယ်ရေးစခန်း ၅ခုကို သွားရောက်ခဲ့ပါတယ်။ အဲဒီမှာမြင်တွေ့ခဲ့ရတာကတော့ နံပါတ် ၁က အစားအသောက်ရယ်၊ နံပါတ် ၂က ဆေးဝါးလုံလောက်မှုမရှိတာရယ်၊ တတိယအချက်အနေနဲ့ကတော့ နေထိုင်ရေးကိစ္စတွေမှာ အခက်အခဲဖြစ်နေတာကို မြင်တွေ့ခဲ့ရပါတယ်၊ ဒါတွေဟာ ဒုက္ခသည်စခန်းအားလုံးမှာ လတ်တလော လိုအပ်နေတဲ့အရာတွေပဲ ဖြစ်ပါတယ် လို့ ပြောသွားပါတယ်။
ဒါ့အပြင် ရခိုင်ပြည်နယ်အတွင်းမှာ ဖြစ်ပွားခဲ့တဲ့ပဋိပက္ခတွေနဲ့ ပတ်သက်ပြီး ဒုက္ခသည်တွေအတွက် ပြန်လည်ထူထောင်ရေးကိစ္စရပ် တွေကို ဆောင်ရွက်ရာမှာ လတ်တလောလိုအပ်ချက်တွေကို စီမံဖြည့်ဆည်းပြီးမှ ရေရှည်အတွက် ဆက်လက်လုပ်ကိုင်ရမယ့် အရာ တွေကို စဉ်းစားသင့်ကြောင်း သံအမတ်ကြီးက ဆိုပါတယ်။
အဲဒီအဖွဲ့နဲ့အတူပါလာတဲ့ အီရန်ပါလီမန်အမတ် Mr. Mansoor Pour ကလည်း ဒုက္ခသည်တွေအနေနဲ့ မြေပြင်ပေါ်မှာဆောက် ထားတဲ့ ယာယီတဲတွေနဲ့ နေထိုင်နေကြရတဲ့အတွက် အတော်ဒုက္ခရောက်နေကြောင်း၊ ဒါတွေကိုအစိုးရအနေနဲ့ ထိထိရောက်ရောက် ဖြေရှင်းဖို့လိုအပ်ကြောင်း၊ ဒါ့အပြင် ဒုက္ခသည် ကလေးငယ်တွေ ပညာသင်ကြားနိုင်ဖို့ စာသင်ကျောင်းတွေ ဆောက်လုပ်ပေးဖို့လည်း လိုအပ်ကြောင်းပြောပါတယ်။
အီရန်နိုင်ငံအနေနဲ့ ရခိုင်ပြည်နယ်အတွင်းက ဒုက္ခသည်တွေ ပြန်လည်ထူထောင်ရေး ကိစ္စရပ်တွေအတွက် လိုအပ်တာတွေကို အကူအညီတွေပေးသွားဖို့အသင့်ရှိပြီး လက်ရှိမှာလည်း ဒုက္ခသည်တွေ နေထိုင်နိုင်တဲ့ ယာယီတဲအိမ်တွေကို လေယာဉ်နဲ့ ရခိုင်ပြည်နယ်ကို ပေးပို့ထားတယ်လို့ ဆိုပါတယ်။
ထိုင်းနိုင်ငံဆိုင်ရာ အီရန်သံအမတ်ကြီး Mr. Hossein Kamalian အပါအဝင် အီရန်ပါလီမန်အမတ် ၃ဦးနဲ့ အီရန်လခြမ်း နီအဖွဲ့က ကိုယ်စားလှယ်တွေဟာ မနေ့က ရခိုင်ပြည်နယ်ကို ရောက်ရှိလာခဲ့ကြတာ ဖြစ်ပါတယ်။
အဲဒီအဖွဲ့ဟာ ဒုက္ခသည်စခန်းတွေကို သွားရောက်ပြီး ဒုက္ခသည်တွေနဲ့ တွေ့ဆုံခဲ့ပါတယ်။ ဒါ့အပြင် ဒုက္ခသည်တွေအတွက် စားသောက်ကုန်အချို့နဲ့ ဆောင်းရာသီမှာ အဓိကလိုအပ်နေတဲ့ စောင်တွေကို မနေ့က ပေးအပ်လှူဒါန်းခဲ့ပါ တယ်။
အီရန်သံအဖွဲ့အနေနဲ့ ဒုက္ခသည်ပြန်လည်ထူထောင်ရေး ကိစ္စရပ်တွေအတွက် မနေ့က ညနေပိုင်းမှာ ရခိုင်ပြည်နယ်ဝန်ကြီးချုပ်နဲ့ သီးသန့်တွေ့ဆုံဆွေးနွေးခဲ့သလို ဒီကနေ့မနက်ပိုင်းမှာလည်း ပြည်နယ်အစိုးရအဖွဲ့ရုံးမှာ အစိုးရတာဝန်ရှိသူတွေ၊ နှစ်ဘက်စလုံးက ကိုယ်စားလှယ်တွေနဲ့ ၂နာရီကြာ တွေ့ဆုံဆွေးနွေးခဲ့ပါတယ်။
ဒီဆွေးနွေးပွဲမှာ အီရန်ပါလီမန်အမတ်တွေအနေနဲ့ ရခိုင်ပဋိပက္ခတွေကို ဖြေရှင်းဖို့အတွက် နှစ်ဦးနှစ်ဘက် ပြန်လည်သင့်မြတ်စွာ နေထိုင်နိုင်ရေးမှာ အဓိကလိုအပ်ချက်ဖြစ်တဲ့အတွက် အီရန်နိုင်ငံမှာလည်း ဘာသာကွဲတွေ ဘယ်လိုအတူယှဉ်တွဲနေထိုင် တယ်ဆို တာကို လေ့လာနိုင်ဖို့ ရခိုင်ပြည်နယ်ထဲမှာရှိတဲ့ အဖွဲ့အစည်း ၂ခုက ကိုယ်စားလှယ်တွေကို အီရန်နိုင်ငံကို လာရောက်လေ့လာဖို့ ဖိတ်ခေါ်ခဲ့ပါတယ်။
ဒါ့အပြင် အီရန်နိုင်ငံအနေနဲ့ ရခိုင်ပြည်နယ်အတွက် အမေရိကန်ဒေါ်လာ ၁၀သန်းကို ထောက်ပံ့လှူဒါန်းသွားဖို့ ရှိတယ်လို့လည်း ဒီဆွေးနွေးပွဲမှာ အီရန်ပါလီမန်အမတ်တွေက ထုတ်ဖော်ပြောကြားခဲ့ပါတယ်။
Ref: အာရ်အဖ်အေ
Read More...
Collapse...
2013-01-16
စစ်ကိုင်းတိုင်း အင်းတော်မြို့နယ် နဘားဘူတာအနီး တံတား ၂ ခုကြားမှာ ဇန်နဝါရီ ၁၄ ရက်နေ့ည ၈ နာရီခန့်လောက်က ပြင်းအားကြီး ဗုံးတစ်လုံး ပေါက်ကွဲခဲ့လို့ ရထားလမ်း အဆက်အသွယ် ပြတ်သွားခဲ့ပါတယ်။
ဒီပေါက်ကွဲမှုကြောင့် ခရီးသည်တွေ အသေအပျောက်မရှိသလို မီးရထားတွေလဲ ထိခိုက်ပျက်စီးခြင်းမရှိပါဘူး။
ဒါပေမယ့် အင်းတော်မြို့နယ်တွင်းရှိ လူနေအိမ်တွေပါ တုန်ခါသွားပြီး မြို့ခံလူထုတွေ အထိတ်တလန့်ဖြစ်ကုန်ကြရတယ်လို့ အင်းတော်မြို့နယ် NLD အဖွဲ့ဝင်တစ်ဦးက RFA ကို ပြောသွားပါတယ်။
"ကျွန်တော်တို့ ဘူတာကို သွားစုံစမ်းတဲ့အခါမှာ ဗုံးပေါက်ကွဲတာမှန်တယ်၊ မနေ့က နဘားဘူတာမှာ ရပ်နားထားရတဲ့ မြစ်ကြီးနား-မန္တလေး အမြန်ရထားဟာလည်း ဒီနေ့ညနေ ၃နာရီလောက်မှာပဲ မန္တလေးကို ဆက်လက်ထွက်ခွားသွားပါတယ်၊ ဗုံးပေါက်ကွဲ တဲ့နေရာကို သက်ဆိုင်ရာက ညတွင်းချင်းပဲ ပြန်လည်ပြင်ဆင်ခဲ့တာကြောင့် မီးရထားလမ်းကလည်း ပြန်လည်ကောင်းမွန်သွားပြီး ပုံမှန်သွားလာနိုင်နေပြီ"
ဗုံးပေါက်ကွဲမှုကြောင့် မန္တလေး-မြစ်ကြီးနားသွား ရထားလမ်းတံတားနဲ့ ကပ်လျက်ရှိတဲ့ နဘားကနေ ကသာသွားတဲ့ ရထားလမ်း တံတားတွေရဲ့ သံတိုင်တွေ ကွေးကောက်ပျက်စီးသွားတယ်လို့ သိရပါတယ်။
ဗုံးပေါက်ကွဲမှုကြောင့် ဒီကနေ့ မွန်းလွဲပိုင်းအထိ ရထားတွေ အသွားအလာ ရပ်ဆိုင်းထားရပါတယ်။
ဒီဗုံးပေါက်ကွဲမှုနဲ့ ပတ်သက်လို့ ဘယ်သူ၊ ဘယ်အဖွဲ့အစည်းမှာ တာဝန်ရှိသလဲဆိုတာကို မေးကြည့်တဲ့အခါ ဦးရှင်းသန့်က အခုလိုပြောပါတယ်။
"ညကြီးမိုးချုပ်လည်းဖြစ်တယ်၊ သက်သေကလည်းမရှိတော့ အခုဒီဗုံးပေါက်ကွဲမှုက ပြောဖို့တော့ အတော်ခက်ပါတယ်"
Ref: အာရ်အဖ်အေ
Read More...
Collapse...
16.01.2013
မြန်မာနိုင်ငံဟာ နိုင်ငံရေးအရအခွင့်အရေးတွေနဲ့ လူမှုလွတ်လပ်ခွင့်တွေမှာ အခြေအနေတွေ တိုးတက်လာတယ်လို့ ၂၀၁၃ ခုနှစ် ကမ္ဘာတ၀ှမ်း နိုင်ငံတွေရဲ့ လွတ်လပ်မှုကိုဖော်ပြတဲ့ အစီရင်ခံစာမှာ ဖော်ပြထားပါတယ်။ အမေရိကန်ပြည်ထောင်စု ၀ါရှင်တန် ဒီစီအခြေစိုက် Freedom House လို့ခေါ်တဲ့ ကမ္ဘာတ၀ှမ်းနိုင်ငံတွေရဲ့ လွတ်လပ်မှုနဲ့ ပတ်သက်ပြီး စောင့်ကြည့်နေတဲ့ ဒီအဖွဲ့ ရဲ့ အစီရင်ခံစာက ဆိုထားပါတယ်။ မြန်မာနိုင်ငံရဲ့ နိုင်ငံရေးလွတ်လပ်မှုဟာ အဆိုးဆုံး အဆင့် သတ်မှတ်ချက် ၇ ရှိခဲ့ရာကနေ အခုအခါမှာ ၆ အထိတက်လာခဲ့ပြီး လူမှု လွတ်လပ်ခွင့် မှာတော့ အဆင့် ၆ ကနေ ၅ အထိ တက်လာခဲ့တာဖြစ်ပါတယ်။
ကမ္ဘာပေါ်မှာ အဖိနှိပ်ဆုံးအစိုးရအောက်မှာ ရှိလာခဲ့တဲ့ မြန်မာနိုင်ငံဟာ ၂၀၁၀ ရွေးကောက်ပွဲ အလွန် အစိုးရသစ်လက်ထက် ပြုပြင် ပြောင်းလဲရေးလုပ်ငန်းတွေ စတင်လုပ်ဆောင်ခဲ့ရာကနေ အဓိကအတိုက်အခံ နိုင်ငံရေးပါတီဖြစ်တဲ့ အမျိုးသားဒီမိုကရေစီ အဖွဲ့ချုပ် NLD ပါတီကို ၂၀၁၂ ကြားဖြတ်ရွေးကောက်ပွဲမှာ အတိုင်းအတာတခုအထိ လွတ်လပ်စွာစည်းရုံးလှုပ်ရှားခွင့်ပေးပြီး ၀င်ရောက်ယှဉ်ပြိုင်ခွင့်ပေးခဲ့သလို မြန်မာနိုင်ငံအတွင်းမှာ နှစ်ပေါင်းများစွာ သတင်း မီဒီယာတွေ အပေါ် ကန့်သတ်ပိတ်ပင်ထား တာတွေကိုလည်း လျှော့ချပေးခဲ့တယ်လို့ ဆိုပါတယ်။
ဒါ့အပြင် ပုဂ္ဂလိကဆွေးနွေးမှုခန်း၊ လူထုစုဝေးပွဲတွေ၊ လူထုအခြေပြုလူမှုအဖွဲ့အစည်းတွေ၊ ပုဂ္ဂလိ က စီးပွားရေးလုပ်ငန်းတွေနဲ့ တခြား လှုပ်ရှားမှုတွေနဲ့ ပတ်သက်ပြီးတော့ ကန့်သတ်ပိတ်ပင်ထား တာတွေက လျှော့ချလာခဲ့သလို လွန်ခဲ့တဲ့ ၂ နှစ်အတွင်း လွတ်လပ်စွာ ဆန္ဒဖော်ပြခွင့်နဲ့ လွတ်လပ်စွာ အသင်းအပင်းဖွဲ့စည်းပိုင်ခွင့်တွေမှာလည်း တိုးတက်မှုတွေ ရှိလာခဲ့တယ်လို့ ဆိုပါတယ်။
ဒါပေမဲ့လည်း မြန်မာနိုင်ငံရဲ့ အနေအထားဟာ လွတ်လပ်တဲ့အနေအထားမရှိသေးဘူးဆိုထားပြီး အစိုးရအာဏာပိုင်တွေထဲမှာ အာဏာသုံး ဖိနှိပ်တာတွေနဲ့ မြေယာသိမ်းဆည်းတာတွေ၊ တရား စီရင်ရေးလွတ်လပ်ခွင့်မရှိတာ စတဲ့အခွင့်အရေးချိုးဖောက် တာတွေ ရှိနေတုန်းပဲ လို့ ထောက်ပြ ထားပါတယ်။ နိုင်ငံရေးအရအခွင့်အရေးတွေနဲ့ လူမှုလွတ်လပ်ခွင့်တွေမှာ အခြေအနေတွေ တိုးတက်လာတာကြောင့် မြန်မာနိုင်ငံဟာ တရုတ်နိုင်ငံထက် သာသွားပြီဖြစ်တယ်လို့ ပြော ထားပါတယ်။
အာရှနိုင်ငံတွေထဲမှာ မြန်မာအပြင် တခြားတိုးတက်မှုတွေရှိလာတာတွေကတော့ ဘူတန်၊ အိန္ဒိယ ကက်ရ်ှမီးယားဒေသ၊ မွန်ဂိုး လီးယား တို့ပါဝင်ပြီး အီရတ်၊ ကူဝိတ်၊ မော်လ်ဒိုက်ဗ်နဲ့ သီရိ လင်္ကာနိုင်ငံတို့ကတော့ အခြေအနေ ကျဆင်းသွားခဲ့တယ်လို့ ဖော်ပြထားပါတယ်။
Ref: ဗွီအိုအေ
Read More...
Collapse...
16.01.2013
မာလီနိုင်ငံမှာ ပြင်သစ်တပ်ဖွဲ့တွေက မြေပြင်စစ်ဆင်ရေးတွေ စတင်လာရာမှာ နိုင်ငံမြောက် ပိုင်းက နေရာ အတော်များများကို ထိန်းချုပ်ထားတဲ့ စစ်သွေးကြွတွေရှိရာ နယ်မြေ ရဲ့တောင်ဘက်နားက မြို့တမြို့ဖြစ်တဲ့ Niono အထိ ရောက်လာပါတယ်။
ပြင်သစ် ကာကွယ်ရေးဝန်ကြီး Jean-Yves Le Drian ကတော့ မာလီစစ်ပွဲဟာ ကြာမြင့် လိမ့်မယ်လို့ ပြောဆိုခဲ့သလို ပြင်သစ်တပ်တွေက သူပုန်တွေ ထိန်းချုပ်ရာဒေသကို ဦးတည် ချီတက်နေပြီဖြစ်တဲ့ အကြောင်း ပြောဆိုခဲ့တာပါ။
နိုင်ငံမြောက်ပိုင်းမှာ တပ်စွဲထားတဲ့ ပြင်သစ် တပ်တွေကို စစ်ကူပေးဖို့ သံချပ်ကာကားတန်း တခုဟာလည်း အင်္ဂါနေ့မှာပဲ မြို့တော် Barmako ကနေ ထွက်ခွာ သွားခဲ့ကြောင်း မာလီနိုင်ငံမှာ ရောက်နေတဲ့ ဗွီအိုအေ သတင်းထောက်က ပြော ပါတယ်။
မာလီနိုင်ငံ ယာယီအစိုးရက မေတ္တာရပ်ခံခဲ့ပြီးနောက် ပြင်သစ်နိုင်ငံက တပ်တွေကို သောကြာနေ့ က စတင်စေလွှတ်နေတာပါ။ အင်အား ၂၅၀၀ လောက်အထိ စေလွှတ်မှာ ဖြစ်သလို အခြေအနေတွေ တည်ငြိမ်မှုရတဲ့အထိ တပ်တွေကို ထားရှိမှာ ဖြစ်တယ်လို့ လည်း ပြင်သစ် အစိုးရက ပြောထားပါတယ်။
မာလီနိုင်ငံက အစ္စလာမ် စစ်သွေးကြွတွေကို တိုက်ခိုက်ရာမှာ အကူအညီပေးဖို့ အနောက် အာဖရိက နိုင်ငံတွေက စစ်ကူ ၃,၃၀၀ စေလွှတ်ဖို့ ကုလသမဂ္ဂက ခွင့်ပြုထားတဲ့အထဲ မှာ နိုင်ဂျီးရီးယားနိုင်ငံ ကတော့ စစ်သား ၁၉၀ စေလွှတ်သွားမှာပါ။ ပြီးခဲ့တဲ့နှစ် မတ်လထဲမှာ မာလီနိုင်ငံစစ်တပ်ထဲက ပုန်ကန်သူတွေ အစိုးရကို ဖြုတ်ချခဲ့ပြီးနောက် ယာယီအားဖြင့် တိုင်းပြည်ကို ဦးဆောင်မယ့် သူမရှိဘဲ ဖြစ်နေချိန်မှာ အယ်လ်ခိုင်းဒါးနဲ့ ဆက်နွယ်တဲ့ အစ္စလာမ် အစွန်းရောက် လက်နက်ကိုင်တွေက နိုင်ငံမြောက်ပိုင်းကို ထိန်းချုပ်သိမ်းပိုက်ခဲ့ကြတာ ဖြစ်ပါ တယ်။
Ref: ဗွီအိုအေ
Read More...
Collapse...
16.01.2013
မာလီနိုင်ငံမှာ ပြင်သစ်ဦးဆောင်တဲ့ စစ်ရေးတိုက်ခိုက်မှုတွေကို လက်တုံ့ပြန်တဲ့အနေနဲ့ နိုင်ငံခြားသား ၄၁ ယောက်ကို ဓါးစာခံအဖြစ် ဖမ်းဆီးခေါ်ဆောင်သွားတယ်လို့ အယ်လ်ဂျီးရီးယားနိုင်ငံက စစ်သွေးကြွအဖွဲ့တွေက ပြောလိုက်ပါတယ်။
အဲဒီလို ဖမ်းဆီးထားတဲ့သူတွေထဲက ၇ ယောက်ဟာ အမေရိကန်တွေဖြစ်တယ်လို့ အစ္စလာမစ်ဝါဒီ Maghreb အယ်လ်ကိုင်းဒါး အဖွဲ့ရဲ့ ပြောခွင့်ရပုဂ္ဂိုလ်က ပြောပါတယ်။
မာလီနိုင်ငံမှာ အမေရိကန်အနေနဲ့ ပြင်သစ်ကို အကူအညီပေးချင်တယ်ဆိုရင်တော့ အဲဒီရဲ့ အကျိုးဆက်ကို ခံရမှာဖြစ်တယ်လို့ အဲဒီအဖွဲ့ရဲ့ ပြောခွင့်ရပုဂ္ဂိုလ် Oumar Hamaha က ပြောပါတယ်။ ပြင်သစ်နိုင်ငံက စစ်ကြေညာခဲ့ပြီး အဲဒီစစ်ရေးတိုက်ခိုက်မှု တွေကို ဆက်ပြီးတော့ လုပ်နေမယ်ဆိုရင် အနောက်နိုင်ငံသားတွေအနေနဲ့ ထိခိုက်လာမှာဖြစ်တယ်လို့ သူက ပြောပါတယ်။
အမေရိကန်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Victoria Nuland ကလည်း အဲဒီဖမ်းဆီးထားတဲ့ သူတွေထဲမှာ အမေရိကန်နိုင်ငံသားတွေ ပါဝင်နေတယ်ဆိုတာကို အတည်ပြုပြောကြားခဲ့ပါတယ်။ ဒီကိစ္စနဲ့ ပတ်သက်ပြီးတော့ အမေရိကန် နိုင်ငံခြားရေးဝန်ကြီး ဟီလရီကလင်တန်နဲ့ အယ်လ်ဂျီးရီးယား ၀န်ကြီးချုပ် Abdelmalek Sellal တို့ ဆွေးနွေး ပြောဆို ခဲ့တယ်လို့လည်း သူက ပြောပါတယ်။
Ref: ဗွီအိုအေ
Read More...
Collapse...
16.01.2013
မြန်မာနိုင်ငံမှာ အတိုက်အခံ တက်ကြွလှုပ်ရှားသူတွေကို အရေးယူ အပြစ်ပေးနိုင်တဲ့ အရင်စစ်အစိုးရ လက်ထက် ပြဋ္ဌာန်းထားတဲ့ ဥပဒေတရပ်ကို ဖျက်သိမ်းကြောင်း အစိုးရက ကြေညာလိုက်ပါတယ်။
အမျိုးသားညီလာခံရဲ့လုပ်ငန်းတွေကို နှောက်ယှက် ဆန့်ကျင်မှုတွေကနေ ကာကွယ်တဲ့ဥပဒေအဖြစ် ၁၉၉၆ ခုနှစ်ကတည်းက ပြဋ္ဌာန်းထားတဲ့ ပုဒ်မ ၅/ ၉၆ ဟာဆိုရင် အစိုးရကို ဆန့်ကျင်သူတွေ၊ ဝေဖန် သူတွေကို ထောင်ဒဏ် အနှစ် ၂၀ အထိ အပြစ်ပေးနိုင်ပါတယ်။
ဒါပေမဲ့လည်း အခုအခါ ဒီဥပဒေကို အသွင်ကူးပြောင်းရေး အစီအစဉ် တစိတ်တပိုင်း အဖြစ်နဲ့ ပယ်ဖျက်လိုက်ပြီ ဖြစ်တဲ့အကြောင်း သမ္မတ ဦးသိန်းစိန် လက်မှတ် ရေးထိုးထားတဲ့ အမိန့်ကြေညာစာကို ဒီကနေ့ထုတ် အစိုးရပိုင် သတင်းစာတွေမှာ ဖော်ပြခဲ့ကြတာပါ။
ဥပဒေကို ပြင်ဆင်မှုတွေ လုပ်ဆောင်လာတဲ့အပေါ် ကြိုဆိုခဲ့ကြပေမဲ့လည်း ၂၀၀၈ ခုနှစ်တုန်းက အတည်ပြုခဲ့တဲ့ အခြေခံဥပဒေကို မူကြမ်းအဖြစ်ရေးဆွဲချိန်မှာ ဝေဖန်မှုတွေကို ဟန့်တားဖို့ ရည်ရွယ်ထားတာ ဖြစ်သလို အတိုက်အခံ အများအပြားဟာလည်း ဒီ ဥပဒေနဲ့ အပြစ်ပေး အရေးယူတာတွေ ခံခဲ့ကြရဖူးပါတယ်။ ဒါပေမဲ့လည်း အခုအခါ အခြေခံဥပဒကို အတည်ပြုခဲ့ပြီး ဖြစ်တာမို့ လက်တွေ့မှာ အသက်ဝင်မှု မရှိသလောက်ဖြစ်နေပြီးသားလို့ ဥပဒေရေးရာ ကျွမ်းကျင်သူတွေက ပြောပါတယ်။
ဒီလိုပဲ မြန်မာနိုင်ငံမှာ ဖိနှိပ်တဲ့ ဥပဒေတွေ အများအပြား ရှိနေဆဲဖြစ်သလို လွတ်လပ်ခွင့်တွေ မှာလည်း အကန့်အသတ်နဲ့သာ ရှိနေဆဲဖြစ်တာမို့ ပြင်ဆင်ဖို့တွေ လိုအပ်နေဆဲ ဖြစ်တယ်လို့ လူ့အခွင့်အရေး လှုပ်ရှားသူတွေက ပြောဆိုခဲ့ကြပါတယ်။
Ref: ဗွီအိုအေ
Read More...
Collapse...
မိုးဇော်
16.01.2013
ကချင်ပြည်နယ်၊ ဗန်းမော်ခရိုင်အတွင်းက မိုင်ဂျာယန် ဒုက္ခသည်စခန်းမှာ လုံခြုံရေးအတွက် ဗုံးခိုကျင်း တူးဖော် နေစဉ် တွင်းပြို ကျတာကြောင့် ကလေးငယ် ၃ ဦး သေဆုံးခဲ့ရပါတယ်။ ပြီးခဲ့တဲ့ ရက်ပိုင်းက အစိုးရစစ်တပ်က ကချင်လွတ်လပ်ရေးအဖွဲ့ KIO ဌာနချုပ် လိုင်ဇာမြို့အတွင်းကို လက်နက်ကြီးနဲ့ ပစ်ခတ်တာကြောင့် အရပ်သား ၃ ယောက် သေဆုံးကြောင်း သတင်းတွေ ထွက် ပေါ်လာခဲ့တာကြောင့် ဒီလို ဗုံးခိုကျင်းတွေ တူးဖော်နေကြ တာလည်း ဖြစ်ပါတယ်။ ဒီသတင်းနဲ့အတူ ကချင်ပြည်နယ်အတွင်းက နောက်ဆုံးအခြေအနေတွေကို ဗွီအိုအေ မြန်မာပိုင်းအစီအစဉ်သတင်းထောက် ကိုမိုးဇော်က ရန်ကုန်မြို့ကနေ အခုလို သတင်း ပေးပို့ထားပါတယ်။
ဒီရက်ပိုင်းတွေအတွင်း ကချင်ပြည်နယ်အတွင်းမှာ ရထားမိုင်းခွဲတိုက်ခိုက်တာ၊ လက်နက်ကြီးနဲ့ စစ်လေယာဉ် တွေ သုံးတိုက်ခိုက် တာတွေရှိပြီး စစ်ရေးအရှိန်မြင့်လာနေတဲ့တချိန်တည်းမှာတော့ KIO ထိန်းချုပ်ရာ ဒေသမှာ ခိုလှုံရောက်ရှိနေတဲ့ ဒုက္ခသည်တွေဟာ သူတို့ရဲ့ လုံခြုံရေး အတွက် ပြင်ဆင်မှုတွေ လုပ်ဆောင်လာနေကြရပါတယ်။
အထူးသဖြင့်တော့ ပြီးခဲ့တဲ့ တနင်္လာနေ့ မနက်က KIO ဌာနချုပ် လိုင်ဇာမြို့မှာ လက်နက်ကြီး ကျည်ကျရောက် ပေါက်ကွဲခဲ့တာ ကြောင့် လူ၃ယောက်သေဆုံးတယ်လို့ သတင်းတွေ ထွက်ပေါ် လာပြီးတဲ့နောက်မှာ KIA တပ်မဟာ ၃ နယ်မြေ မိုင်ဂျာယန် ဒေသက ဒုက္ခသည်စခန်းတွေ မှာလည်း လုံခြုံရေးအတွက် ဗုံးခိုကျင်းတွေ တူးဖော် လာကြပါတယ်။ မနေ့ကတော့ ဗုံးခိုကျင်း တူးဖော်နေဆဲမှာ တွင်းပြိုကျခဲ့တာကြောင့် ကလေးငယ် ၃ ယောက်သေဆုံးခဲ့တယ်လို့ မိုင်ဂျာယန်က ဒုက္ခသည်တွေကို ကူညီနေတဲ့ ၀မ်ပေါင်နိမ်းထွဲခေါ် ဘ၀အလင်းကူညီရေးအဖွဲ့က မမေလီအောင်က ပြောပါတယ်။
“ဒုက္ခသည်တွေ အခြေအနေက တရုတ်ဖက်ကလည်း အစတည်းက မောင်းထုတ်ထားတာ ရှိတော့ ဟိုဖက်ကမ်း မကူးနိုင်ဘူးလေ။ လက်မခံတဲ့ဟာမျိုးဆိုတော့။ ဘယ်လောက်ပဲ ဆိုးဆိုးဝါးဝါးဖြစ်နေလည်း ဒုက္ခသည်တွေက ကိုယ့်စခန်းမှာ ဒီတိုင်းပဲရှိနေတယ်။ တချို့က လေယာဉ်လာတိုက်တယ်ဆိုတော့ ကတုတ်ကျင်းတွေ တူးတာပေါ့။ မိုင်ဂျာယန် ဒီဘက်နားမှာရှိတဲ့ စခန်းတွေမှာလည်း ကတုတ်ကျင်းတူးတယ်။ တူးတော့ မနေ့က ကတုတ်ကျင်း တူးရာကနေ မြေပြိုပြီးတော့ ကလေး ၃ ယောက်သေသွားတယ်။ ဒီနေ့ အသုဘ ချပြီးသွားပြီ။”
သေဆုံးသွားတဲ့ကလေးတွေဟာ အသက် ၁၀ နှစ်နဲ့ ၁၃ နှစ် ကြားအရွယ်တွေ ဖြစ်ကြောင်းနဲ့ ဖြစ်ပျက်ပုံကို သူက အခုလို ဆက်ပြောပါတယ်။
“ကတုတ်ကျင်းက တူးနေရင်းတန်းလန်း၊ သစ်တုံးတွေလည်း ဘာတွေလည်း မခုရသေးဘူးလေ။ အဲလိုလည်း မလုပ်ရသေးတဲ့ အချိန်မှာ ကလေး ၄ ယောက်လောက်က သွားဆော့တာ။ တူးဆော့တာ။ လူကြီးတွေ ထမင်းစား နေတုန်း ကလေးတွေက ကျင်းထဲ ၀င်သွားလိုက်တာ။ အဲဒါနဲ့ ပြိုကျပြီးတော့ တယောက်က လွတ်သွားတယ်။ ၃ ယောက်က အဲဒီမှာပဲ ပွဲချင်းပြီး သေသွားတယ်။ မိုင်ဂျာယန်မှာက အစတုန်းက မတူးပါဘူး။ လိုင်ဇာမှာက ပြီးခဲ့တဲ့ နှစ်ရက်၊ သုံးရက်တုန်းက အရပ်သားတွေ ထိတယ်လေ။ ၃ ယောက်ထိတဲ့ကိစ္စလေ။ အဲဒါဖြစ်ပြီးတော့ မဖြစ်တော့ဘူး ဆိုပြီးတော့ မိုင်ဂျာယန်ဘက်က စခန်းတွေလည်း တူးကြတာ။”
မိုင်ဂျာယန်ဒေသဘက်မှာ မနေ့ညကအထိတိုက် ပွဲတွေဟာ ဆက်လက်ဖြစ်ပွားနေဆဲဖြစ်ပြီး အရင် ၃ ရက်လောက်ကတော့ လေယာဉ်သုံးပြီး တိုက်ခိုက်တာတွေ ရှိတယ်လို့ ပြောပါတယ်။ ကျောက်စိမ်းထွက်ရှိရာ ဖားကန့်ဒေသဘက်မှာလည်း ဒီရက်ပိုင်း တွေအတွင်း တိုက်ပွဲတွေပြန်လည် ဖြစ်ပွား နေကြောင်းနဲ့ လက်ရှိအခြေအနေကိုတော့ ဖားကန့်ဒေသခံတယောက်က အခုလို ပြောပါတယ်။
“ဖားကန့်အခြေအနေကတော့ မှော်ထဲဘက်တွေတော့ လက်နက်ငယ်သံတွေကြားရတယ်။ ဒီနေ့ပါဆိုရင် ပြောမယ်ဆိုရင် ၃ ရက်လို့ ပြောရမှာပေါ့။ ပြောက်ကျားပြောက်ကျားလေးတွေပါ။ နာရီဝက်ခြားလိုက် တနာရီခြားလိုက် အဲလိုတွေပါ။ ဒါပေမဲ့ တဖက်နဲ့ တဖက် အသေအပျောက် သတင်းတော့ မရပါဘူး။ မနေ့တုန်းက ကျောင်းပိတ်တယ်လေ။ မနေ့တုန်းက ပိတ်ရတဲ့ အကြောင်းရင်းက ဗျူဟာကုန်းနဲ့ ဖားကန့် အထက်တန်းကျောင်းနဲ့က နီးတယ်လေ။ ဗျူဟာကုန်းက သေနတ်သံက မကြားတာက ကြာနေပြီလေ။ လေးချက်။ ၅ ချက်လောက် ကြားတဲ့အတွက် ကျောင်းသားတွေနဲ့ နီးလို့ ကျောင်းဆရာ၊ ဆရာမတွေက ပိတ်ပေးတာပါ။ မနေ့က တရက်ပဲ ပိတ်ပါတယ်။ ဒီနေ့ ပုံမှန် အနေအထားပြန်ဖွင့်ပါတယ်။”
ဖားကန့်နဲ့ မိုးကောင်းကားလမ်းကတော့ ပိတ်ထားတာ ၈ ရက်လောက်ရှိနေပြီး အနီးပတ်ဝန်းကျင်က မှော်တွေမှာ တိုက်ပွဲတွေဖြစ် နေတာကြောင့် ဖားကန့်နဲ့လုံးခင်းကို တိမ်းရှောင်လာသူ အနည်းဆုံး ၅၀၀ ကျော်လောက် ရှိနေတယ်လို့ ပြောပါတယ်။ KIO ဌာနချုပ် လိုင်ဇာဒေသဘက်က အခြေအနေကိုတော့ ကျောင်းသားတပ်မတော်က ဗိုလ်မှူးမင်းဌေးက အခုလို ပြောပါတယ်။
“လေယာဉ်နဲ့ကိုတောက်လျှောက်ပစ်နေတယ်။ အခု ၄ နာရီကျော်တဲ့အထိ တောက်လျှောက် မရပ်မနား ပစ်နေတယ်။ တောက် လျှောက်ပဲ လေယာဉ် ၂ စီးလာလိုက် ပစ်လိုက်။ နောက်ထပ် ၂ စီးက ကျည်သွား ပြန်ဖြည့်လိုက် တောက်လျှောက်ပစ်နေတယ်။ ခါရာတောင်။ ခါရာဘွမ်လို့ ခေါ်တယ်။ လေယာဉ်နဲ့ လာပစ်တာနေ့တိုင်းနီးနီးပါပဲ။ အောက်ကနေ မြေပြင်က တက်ပြီဆိုတာနဲ့ လေကြောင်းက အမြဲတမ်းပါပါတယ်။ မနေ့ကလည်း လာတယ်။” ဒီကနေ့ မနက်အစောပိုင်းကလည်း လိုင်ဇာမြို့ဘက်ကို လက်နက်ကြီးနဲ့ပစ်ခတ်နေတဲ့အသံတွေ ကြားနေရတယ်လို့ သူက ဆက်ပြောပါတယ်။
ပြီးခဲ့တဲ့ တနင်္လာနေ့က လိုင်ဇာမြို့အတွင်းကို အစိုးရတပ်က ပစ်ခတ်တဲ့လက်နက်ကြီးကျည် ကျခဲ့တာကြောင့် အရပ်သား ၃ ယောက်သေဆုံးခဲ့တယ်လို့ KIA ပြောရေးဆိုခွင့်ရှိသူက ပြော ဆိုပြီး မြန်မာအစိုးရရဲ့ ပြောရေး ဆိုခွင့်ရှိသူ ပြန်ကြားရေး ၀န်ကြီး ဌာန ဒုဝန်ကြီး ဦးရဲထွဋ်ကတော့ ဒါဟာမမှန်ကြောင်း Facebook အင်တာနက် လူမှုကွန်ယက်ပေါ်ကတဆင့် တုံ့ပြန်ပြောဆိုထား ပါတယ်။
တချိန်တည်းမှာပဲ အစိုးရပိုင်သတင်းစာတွေမှာ KIA က အရပ်သားတွေကို ဖမ်းဆီးတာ၊ ပစ်ခတ်တာအပြင် မြစ်ကြီးနား- မန္တလေး မီးရထားဗုံးခွဲတိုက်ခိုက်တာ၊ လမ်းတံတားတွေ ဖောက်ခွဲဖျက်ဆီးတာနဲ့ မိုင်းထောင်တာတွေကြောင့် အရပ်သားတွေ ထိခိုက် သေဆုံး ရကြောင်း သတင်းတွေကို ဖော်ပြနေပါတယ်။
တရုတ်၊ အမေရိကန်နဲ့ နိုင်ငံကြီးတွေ အပါအ၀င် ပြည်သူ့လွှတ်တော်က ကချင်ပြည်နယ်မှာ စစ်ရေးတင်းမာမှု အရှိန် လျှော့ချ ဖို့အတွက် တိုက်တွန်းခဲ့ပေမဲ့ ဒီကနေ့ထိတော့ တိုက်ပွဲတွေ ဟာ ပြင်းထန်နေပြီး KIA နဲ့ အစိုးရတပ် အကြား တစ်နှစ်ခွဲကျော် ကြာမြင့်လာတဲ့စစ်ပွဲကြောင့် အိုးအိမ်စွန့်ခွာထွက်ပြေးရသူ ဒုက္ခသည်ပေါင်းဟာလည်း တသိန်းခွဲလောက်အထိ တိုးမြင့် လာနေ ပါတယ်။
Ref: ဗွီအိုအေ
Read More...
Collapse...
16.01.2013
မြန်မာအစိုးရတပ်တွေနဲ့ ကချင်လက်နက်ကိုင်တပ်ဖွဲ့ KIA တို့ကြားဖြစ်နေတဲ့ တိုက်ပွဲအတွင်း ပိတ်မိနေတဲ့ အရပ်သားတွေ ထိခိုက် သေဆုံးတာတွေ မဖြစ်အောင် ရှောင်ရှားနိုင်ဖို့ မြန်မာအစိုးရ အနေနဲ့ လုပ်ဆောင်သင့်တာတွေ အားလုံးကို လုပ်သွားဖို့လိုတယ်လို့ Amnesty International လူ့အခွင့်အရေးအဖွဲ့ကြီးက ပြောလိုက်ပါတယ်။
ကချင်ပြည်နယ်၊ လိုင်ဇာမြို့မှာ ပြီးခဲ့တဲ့ဇန်န၀ါရီလ ၁၄ ရက်နေ့က အစိုးရတပ်တွေ ရဲ့ လေကြောင်းကနေ ပစ်ခတ်တိုက်ခိုက်မှု ကြောင့် အရပ်သား ၃ ယောက်သေဆုံး သွားခဲ့ပြီးတဲ့နောက် အခုလို Amnesty International ကပြောလိုက်တာဖြစ် ပါတယ်။ ဒါ့အပြင် KIA ကချင်လက်နက်ကိုင်အဖွဲ့အနေနဲ့လည်း အရပ်သားတွေနေထိုင်တဲ့ နေရာတွေနားမှာ အစိုးရတပ်တွေဘက် က ပစ်မှတ်ထားနိုင်တဲ့ စစ်စခန်းတွေ မထားမိအောင်နဲ့ နိုင်ငံတကာ လူ့အခွင့်အရေး ဥပဒေကို အပြည့်အဝ လေးစားလိုက်နာဖို့ တိုက် တွန်းပါတယ်။
နှစ်ဘက်တိုက်ပွဲတွေကြားမှာ ပိတ်မိနေတဲ့အရပ်သားတွေ မထိခိုက်ရအောင် အစိုးရတပ်တွေရော၊ KIA ဘက်ကပါ သေချာပေါက် အကာအကွယ် ပေးသွားဖို့လိုကြောင်း၊ တကယ်လို့ အရပ်သားနဲ့ တိုက်ခိုက်ရေးတပ်တွေကို မခွဲဘဲ ပစ်နေမယ်ဆိုရင် အရပ်သား ပြည်သူတွေရဲ့ ဘ၀တွေဟာ ထိခိုက်သေဆုံးရမယ့် အန္တရာယ်ရှိတယ်ဆိုတာကို လိုင်ဇာမှာ လူ ၃ ယောက် သေ ဆုံးခဲ့တဲ့ ဖြစ် ရပ်က ပြသနေတယ်လို့ Amnesty International အဖွဲ့ရဲ့ အာရှပစိဖိတ်ဒေသဆိုင်ရာ ဒုတိယညွန်ကြားရေးမှူး Issabelle Arradon က ပြောပါတယ်။
ဒီတိုက်ခိုက်မှုကို အမြန်ဆုံး စုံစမ်းစစ်ဆေးပြီး စစ်ပွဲဆိုင်ရာ နိုင်ငံတကာဥပဒေကို ချိုးဖောက်ခြင်း ရှိမရှိဆိုတာကို ဆုံးဖြတ်ဖို့ မြန်မာ အစိုးရကို တောင်းဆိုတယ်လို့လည်း ပြောပါတယ်။ အခုရက်ပိုင်းတွေအတွင်းမှာ အစိုးရတပ်တွေနဲ့ KIA တို့ကြား တိုက်ပွဲတွေဟာ ပိုပြီးတော့ အရှိန်မြှင့်လာခဲ့ပါတယ်။ အစိုးရဘက်က လေကြောင်းကနေ တိုက်ခိုက်ခဲ့သလို KIA ဘက်ကလည်း မန္တလေး-မြစ်ကြီး နားမီးရထားလမ်းမှာ ရထားဗုံးခွဲတိုက်ခိုက်တာတွေရှိခဲ့ပါတယ်။
အစိုးရတပ်တွေဘက်က လိုင်ဇာကို လက်နက်ကြီးနဲ့ တိုက်ခိုက်ခဲ့တာကြောင့် KIA တပ်မဟာ ၃ နယ်မြေ မိုင်ဂျာယန် ဒုက္ခသည် စခန်းမှာ ဗုံးခိုကျင်းတွေတူးပြီး လုံခြုံရေးအတွက် ပြင်ဆင်နေစဉ် အတွင်း ဗုံးခိုကျင်းပြိုကျတာကြောင့် ကလေးငယ် ၃ ဦး သေဆုံး သွားခဲ့ပါတယ်။
Ref: ဗွီအိုအေ
Read More...
Collapse...
သာလွန်ဇောင်းထက်
January 16, 2013
ကချင်ပြည်နယ်တွင် ဖြစ်ပွားနေသော စစ်ပွဲများအတွင်း အရပ်သား သေဆုံးထိခိုက်မှုများ ရှိလာခြင်းကြောင့် စစ်ပွဲများ ရပ်တန့်ပြီး ညှိနှိုင်းဖြေရှင်းမှုဖြင့် အဖြေရှာကြရန် အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က တိုက်တွန်းပြောဆိုလိုက်သည်။
ယနေ့ နေပြည်တော်တွင် ကျင်းပသော ပြည်ထောင်စုလွှတ်တော် အစည်းအဝေးသို့ တက်ရောက်လာသည့် ဒေါ်အောင်ဆန်းစု ကြည်က ဧရာဝတီသတင်းဌာနနှင့် ခေတ္တတွေ့ဆုံစဉ် အထက်ပါအတိုင်း ပြောဆိုလိုက်ခြင်း ဖြစ်သည်။
ဒေါ်အောင်ဆန်းစုကြည်က “စစ်ပွဲဆိုရင် ဘာစစ်ပွဲမှ မကြိုက်ဘူး။ အကြမ်းဖက်မှုကိုလည်း မကြိုက်ဘူး။ ကိုယ့်အချင်းချင်း ဘာပဲ ပြောပြော ပြည်ထောင်စုသား အချင်းချင်း ဒီလိုတိုက်ရတဲ့အထိ မဖြစ်အောင်လို့ အချင်းချင်းကြားမှာ ဆွေးနွေးညှိုနှိုင်းမှု ရှိသင့်တယ် ဆိုတာ ခဏခဏ ပြောနေတဲ့ ကိစ္စပဲ။ ဆွေးနွေးညှိုနှိုင်းပြီး အဖြေရှာတဲ့ယဉ်ကျေးမှု ဖော်ထုတ်နိုင်မှ ဒါတွေကို ရှောင်လွှဲနိုင်မှာပါ။ အခု ကချင်စစ်ပွဲနဲ့ ပတ်သက်လို့ တကမ္ဘာလုံးက စိုးရိမ်ကြောင့်ကြမှုတွေ ဖြစ်နေကြပြီ” ဟု ပြောသည်။
ဒေါ်အောင်ဆန်းစုကြည်က ဆက်လက်၍ “နောက်ဆုံးကျတော့ တိုင်းရင်းသားအရေးဆိုတာက အပြန်အလှန်လေးစားမှု၊ အပြန် အလှန် ယုံကြည်မှု တည်ဆောက်ရမယ်။ ယုံကြည်မှု စဖို့ဆိုတာ လေးစားမှုနဲ့ စရမယ်။ တယောက်နဲ့တယောက် လေးစားမှ ယုံကြည်တဲ့အဆင့်ကို ရှိသွားမယ်။ အန်တီတို့အနေနဲ့ တိုင်းရင်းသားတွေရဲ့ ရည်မှန်းချက်ကို တကယ်ပဲ နားလည်ရဲ့လား၊ သက်ဆိုင်ရာ အုပ်ချုပ်ရေးပိုင်းကရော နားလည်ရဲ့လား၊ မျှော်မှန်းချက်တွေကို ဖြည့်ဆည်းပေးနိုင်ရဲ့လား၊ ဖြည့်ဆည်းပေးနိုင်တဲ့ အရည်အချင်းရှိရဲ့လား၊ အဲဒါတွေက အများကြီး စကားပြောသွားတယ်” ဟု ပြောသည်။
ဗြိတိသျှ ဒုတိယ နိုင်ငံခြားရေးဝန်ကြီး Alistair Burt က ဗြိတိပါလီမန်တွင် ကချင်စစ်ပွဲအရေးကြောင့် မြန်မာနိုင်ငံအပေါ် ဆိုင်းငံ့ထားသော စီးပွားရေးပိတ်ဆို့မှု ရပ်ဆိုင်းထားခြင်းများကို ပြန်လည် သုံးသပ်ရနိုင်ခြေ ရှိနေကြောင်း မကြာသေးမီရက်ပိုင်းက ပြောဆိုလိုက်မှုအပေါ် ဒေါ်အောင်ဆန်းစုကြည်က အံ့သြမှုမရှိကြောင်း၊ မြန်မာနိုင်ငံအပေါ် စီးပွားရေးပိတ်ဆို့မှု ခေတ္တဆိုင်းငံ့ထားသော နိုင်ငံများအနေနှင့် မြန်မာနိုင်ငံ အခြေအနေသည် ၎င်းတို့ သတ်မှတ်ထားသော စံချိန်စံညွှန်းများနှင့်ညီ၊ မညီ လေ့လာဆန်းစစ် ဆုံးဖြတ်လိမ့်မည်ဖြစ်ကြောင်း ပြောသည်။
“ဖြစ်မှာပဲလေ။ သူတို့အနေနဲ့ အစကတည်းက စီးပွားရေးပိတ်ဆို့မှုကို လုံးဝ ဖယ်ရှားတာမှ မဟုတ်ဘဲ။ ရပ်ဆိုင်းထားတယ် ဆိုကတည်းက သူတို့သတ်မှတ်ထားတဲ့ စံချိန်စံညွန်းတွေနဲ့ ကိုက်ညီလား၊ မကိုက်ညီလား ကြည့်မှာပေါ့။ သူတို့ပြောတာက ဘာမှ အံ့သြစရာမရှိပါဘူး” ဟု ဒေါ်အောင်ဆန်းစုကြည်က ဆိုသည်။
လက်ရှိ ကချင်လွတ်လပ်ရေး တပ်မတော် (KIA) ပါအ၀င် တိုင်းရင်းသားများ၏ အရေးကိစ္စသည် လွှတ်တော် ကိုယ်စားလှယ် များနှင့်သာ သက်ဆိုင်သော ကိစ္စမဟုတ်ဘဲ မီဒီယာများ၊ ပြည်သူများ အားလုံးနှင့် သက်ဆိုင်ကြောင်း၊ သို့ရာတွင် လွှတ်တော်ကိုယ် စား လှယ် တဦးအနေဖြင့် တာဝန် အကန့်အသတ်များရှိနေပြီး ထိန်းသိမ်း လုပ်ဆောင်နေရကြောင်း ဒေါ်အောင်ဆန်းစုကြည်က ရှင်းပြသည်။
“ကချင်မှာဖြစ်နေတဲ့ ကိစ္စနဲ့ပတ်သက်လို့ လွှတ်တော်ကိုယ်စားလှယ် ဦးသိန်းဇော် အဆိုတင်သွင်းသွားတယ်။ အန်တီက တိုင်းရင်း သားရေးရာ ကော်မတီက မဟုတ်ဘူး။ ဒီလိုပြောခြင်းအားဖြင့် တာဝန်ရှောင်တာ၊ ခေါင်းရှောင်တာ မဟုတ်ဘူး။ ကိုယ့်စည်းဆိုတာ ရှိတယ်။ ကိုယ့်ကော်မတီ၊ ကိုယ့်လုပ်ငန်းနဲ့ရှိတယ်။ တခြားကော်မတီတွေရဲ့ လုပ်ငန်းတွေထဲမှာ ဘယ်လိုပြောရမလဲ၊ အများအသိ အမှတ် ပြုထားတဲ့ ပုဂ္ဂိုလ်ဖြစ်လို့ ၀င်ပြီးတော့ မလိုအပ်လို့ရှိရင်တော့ လုံးဝ မစွတ်ဖက်ရဘူး။ လိုအပ်လို့ရှိရင်တောင် ချင့်ချင့်ချိန်ချိန် ကိုယ့်စည်းကိုယ် ထိန်းရမယ်။ အန်တီ့မှာလည်း တခြား ကော်မတီတာဝန်တွေ ရှိသေးတယ်။ တိုင်းရင်းသားအရေးက လူတိုင်းအရေး ပါ။ လွှတ်တော်ထဲက လူတွေရဲ့ အရေးတင် မဟုတ်ဘူး။ မီဒီယာတွေရဲ့ အရေးလည်းဖြစ်တယ်။ ကျန်တဲ့ပြည်သူတွေရဲ့ အရေးလည်း ဖြစ်တယ်။ တိုင်းရင်းသားအရေးကို ခေါင်းရှောင်ဖို့ မဖြစ်နိုင်ဘူး။ ဒါပေမယ့်လည်း လုပ်တဲ့ကိုင်တဲ့နေရာမှာ ကိုယ့်စည်းကိုယ် ထိန်း လုပ်ရတယ်” ဟု ဒေါ်အောင်ဆန်းစုကြည်က ဆက်လက်ပြောသည်။
ဒေါ်အောင်ဆန်းစုကြည်က အစိုးရအနေဖြင့် တာဝန်ပေးလျှင် KIA နှင့် အစိုးရအကြား ငြိမ်းချမ်းရေးကိစ္စ ကူညီဆောင်ရွက်ပေး လိုကြောင်း မကြာခဏ ထုတ်ဖော်ပြောဆိုခဲ့သည်။
၁၈ လကြာ ဖြစ်ပွားလျက်ရှိသော KIA နှင့် အစိုးရအကြား တိုက်ပွဲများကြောင့် ကချင်စစ်ဘေးဒုက္ခသည် တသိန်းနီးပါး ရှိနေပြီး အရပ်သားများလည်း ထိခိုက်သေဆုံးမှုများ ဖြစ်ပေါ်လျက်ရှိသည်။
Ref: ဧရာဝတီ
Read More...
Collapse...
လင်းသန့်
January 16, 2013
ကုလသမဂ္ဂ အထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အထူး ကိုယ် စားလှယ် မစ္စတာ ဗီဂျေ နမ်ဘီယားသည် မြန်မာနိုင်ငံသို့ ရောက်ရှိနေပြီး ရခိုင်ပြည်နယ်နှင့် ကချင်ပြည်နယ်အတွင်း ဒုက္ခသည်များ အကူအညီပေးရေးကိစ္စများကို ဒုတိယ သမ္မတ ဒေါက်တာ စိုင်းမောက်ခမ်းနှင့် နေပြည်တော်တွင် ယမန်နေ့က ဆွေးနွေးခဲ့ကြောင်း သိရသည်။
ပဉ္စမအကြိမ်မြောက် မြန်မာနိုင်ငံ ခရီးစဉ်တွင်း မစ္စတာ ဗီဂျေ နမ်ဘီယားသည် နေပြည်တော်ရှိ သမ္မတ အိမ်တော်၌ ဒု သမ္မတ ဒေါက်တာ စိုင်းမောက်ခမ်းနှင့် တွေ့ဆုံဆွေးနွေးရာတွင် မြန်မာနိုင်ငံတွင်း ပဋိပက္ခဖြစ်ပွားနေသော ဒေသများအတွင်း လူသားချင်း စာနာထောက်ထားမှု ဆိုင်ရာ ရေရှည် အကူအညီပေးရေးကိစ္စများ အဓိကဖြစ်ကြောင်း သိရသည်။ သို့သော် အသေးစိတ် ဆွေးနွေးမှုများကိုမူ မသိရသေးပေ။
ရန်ကုန်မြို့ရှိ ကုလသမဂ္ဂ ဌာနေကိုယ်စားလှယ်ရုံး သတင်းပြန်ကြားရေး ဌာနမှ ဦးအေးဝင်းက “ကျနော်တို့ကိုလည်း အဲဒီဟာ သတင်းတော့ ပေးမထားဘူး။ အခုလာတာ မစ္စတာ နမ်ဗီးယားက အတွင်းရေးမှူးချုပ်ရဲ့ အထူးကိုယ်စားလှယ် အနေနဲ့သူ့ရဲ့ တာဝန်ကို ဆက်လက် ဆောင်ရွက်ဆဲဖြစ်တဲ့ သဘောနဲ့ သူလာတာနဲ့ တူတယ်” ဟု ဧရာဝတီသို့ ပြောသည်။
ဒု သမ္မတ ဒေါက်တာ စိုင်းမောက်ခမ်းက ပဋိပက္ခဖြစ်ပွားနေသော နေရာဒေသများအတွင်း ရေရှည်လိုအပ်ချက်ဖြစ်သည့် ပညာရေး၊ ကျန်းမာရေးဆိုင်ရာ အကူအညီပေးမှု၊ နိုင်ငံသားဖြစ်မှု စိစစ်ဆောင်ရွက်ရေး လုပ်ငန်းများနှင့် ပတ်သက်၍ အမြင်ချင်းဖလှယ် ဆွေးနွေးခဲ့ကြကြောင်း အစိုးရသတင်းစာတွင် ဖော်ပြထားသည်။
“အယ်လ်ဂျာဇီးရား သတင်းဌာန၏ မဟုတ်မမှန် လုပ်ကြံ ထုတ်လွှင့်မှုများနှင့် ရခိုင်ပြည်နယ်အတွင်း တည်ငြိမ်အေးချမ်းမှု ရရှိလာ နေသည့် အခြေအနေများ၊ ငြိမ်းချမ်းရေး လုပ်ငန်းစဉ်များအတွက် ယုံကြည်မှု တည်ဆောက်ရေးနှင့် ဆက်လက် ဆောင်ရွက်သွား မည့် အစီအစဉ်များ၊ နိုင်ငံတော်အနေဖြင့် ဥပဒေနှင့် အညီ နိုင်ငံသား ဖြစ်မှုများကို စိစစ်ဆောင်ရွက်နေ မှုများနှင့် နိုင်ငံတကာ အဖွဲ့အစည်းများနှင့် ပူးပေါင်းဆောင်ရွက်သွားမည့် အစီအစဉ်များကို ရင်းနှီးပွင့်လင်းစွာ အမြင်ချင်းဖလှယ် ဆွေးနွေးကြသည်” ဟု အစိုးရသတင်းစာက ဆိုသည်။
ထို့အပြင် မစ္စတာ နမ်ဗီယားသည် နိုင်ငံခြားရေး ၀န်ကြီး ဦးဝဏ္ဏမောင်လွင်နှင့်လည်း မြန်မာနိုင်ငံ၏ ဖြစ်ပေါ် တိုးတက်မှုများနှင့် မြန်မာနှင့် ကုလသမဂ္ဂတို့ အကြား ပူးပေါင်းဆောင်ရွက်နေမှုများကို ဆွေးနွေးခဲ့ကြသည်ဟု သိရသည်။
ရခိုင်ပြည်နယ်တွင် လူဦးရေ ၃၂ သန်း ခန့်နေထိုင်လျက်ရှိရာ လက်ရှိ စုစုပေါင်း ဒုက္ခသည် ၆ သိန်းခွဲခန့်ရှိနေကြောင်း သိရသည်။ ၂၀၁၀ ခုနှစ်က ရေလွှမ်းမိုးမှုနှင့် တောင်ပြိုကျမှုများကြောင့် ဒုက္ခသည် ၃ သိန်းခန့်၊ ဂီရိ မုန်တိုင်းကြောင့် ဒုက္ခသည် ၂ သိန်း ခွဲခန့်ဖြင့် သဘာဝဘေးကြောင့် ဒုက္ခသည် ၅ သိန်းခွဲခန့်ရှိသည်။ ထို့အပြင် ၂၀၁၂ ခုနှစ်အတွင်းက ပဋိပက္ခများကြောင့် ဒုက္ခသည် ၁ သိန်းကျော်တို့ ဖြစ်ကြကြောင်း ယနေ့နေ့စွဲဖြင့် ကြေးမုံသတင်းစာတွင် ဖော်ပြထားသည်။
အကြမ်းဖက် တိုက်ခိုက်မှုများကြောင့် ယမန်နှစ်က လူပေါင်း ၈၀ ကျော် သေဆုံးခဲ့ရသည့် ရခိုင်ပြည်နယ် ပဋိပက္ခဖြစ်ရာ ဒေသများတွင်လည်း အကူအညီ လိုအပ်နေသောသူများအတွက် လူသားချင်း စာနာထောက်ထားရေးဆိုင်ရာ အကူအညီပေးရေး လုပ်ငန်းစဉ်များနှင့် ရခိုင်ပြည်နယ်အတွင်း နိုင်ငံသား ဖြစ်မှုဆိုင်ရာ အငြင်းပွားဖွယ်ရာ ကိစ္စများ အပေါ်လည်း ကုလသမဂ္ဂနှင့် နိုင်ငံတကာတို့မှ စိုးရိမ်မကင်းဖြစ်နေကြသည်။
ထို့အပြင် မြန်မာနိုင်ငံ ကချင်ပြည်နယ်တွင်း လတ်တလော စစ်ပွဲများ အရှိန်မြင့်လာနေမှုကြောင့် စစ်ပြေး ဒုက္ခသည်များ တိုးပွား လျက်ရှိရာ ရာသီဥတု ဆိုးဝါးမှုကြောင့် အရေးပေါ် အကူအညီ လိုအပ်နေမှုများရှိနေပြီး တရုတ်နိုင်ငံ ယူနန်ပြည်နယ် အစိုးရ တာဝန်ရှိသူများကလည်း ဒုက္ခသည် ၁ သောင်းကျော်အား လက်ခံရန် စခန်း ၄ ခု ဖွင့်လှစ်ထားရှိသည်။
ကချင်ပြည်နယ်အတွင်း စစ်ပွဲများကြောင့် စစ်ပြေးဒုက္ခသည်များသည် ကချင်ပြည်နယ် အောက်ပိုင်း တခြား မြို့ရွာများသို့လည်း ကောင်း၊ အများစုမှာ တရုတ်နိုင်ငံ ယူနန်ပြည်နယ်တွင်းသို့ လည်းကောင်း ထွက်ပြေး တိမ်းရှောင်နေရကြောင်း သိရသည်။
ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း၏ ပြောခွင့်ရပုဂ္ဂိုလ်က ကချင်လွတ်လပ်ရေး တပ်မတော် (KIA) အား မြန်မာအစိုးရ စစ်တပ်က လေကြောင်း စစ်ကူသုံး တိုက်ခိုက်မှုတွင် အရပ်သား ထိခိုက်မှုများအတွက် အန္တရာယ် ကျရောက် လာမည်ကို အလွန် စိုးရိမ်မိကြောင်း ဇန်န၀ါရီလ ၂ ရက်နေ့က ကြေညာချက် ထုတ်ပြန်ခဲ့သည်။
တရုတ်အစိုးရကလည်း KIA နှင့် အစိုးရစစ်တပ်တို့အကြား တိုက်ပွဲများ ဖြစ်ပွားနေမှုအပေါ် စိုးရိမ်ကြောင်း ဖော်ပြခဲ့သကဲ့သို့ အမေရိကန် ပြည်ထောင်စု နိုင်ငံခြားရေး ဝန်ကြီးဌာန၏ ပြောရေးဆိုခွင့်ရှိသူ မစ္စ ဗစ်တိုးရီယား နူလန်းကလည်း ကချင်ပြည် နယ်အတွင်း တိုက်ပွဲများ မြင့်မားလာမှုကို စိုးရိမ်ကြောင်းနှင့် ၂ ဖက်စလုံးအား စစ်ပွဲများ ရပ်စဲရန် တိုက်တွန်း ပြောဆိုခဲ့သည်။
မြန်မာနိုင်ငံဆိုင်ရာ အမေရိကန် သံအမတ်ကြီး မစ္စတာ ဒဲရက် မစ်ချယ်ကလည်း ကချင် စစ်ပြေး ဒုက္ခသည်များအတွက် စိုးရိမ်ကြောင်း ဧရာဝတီနှင့် သီးသန့်အင်တာဗျူးတွင် ပြောကြားခဲ့သည်။
Ref: ဧရာဝတီ
Read More...
Collapse...
ကြယ်ပြာ
January 17, 2013
“ချကွာ၊ ချ … ချ၊ သေပဲ မသေနိုင်ဘူး၊ ငါပဲ ၀င်ချလိုက်ချင်တယ်” ဆိုသော အားမလိုအားမရ အော်ဟစ်နေသံများကို တဲအိမ် ကလေး ဆီသို့ မရောက်ခင် ခပ်လှမ်းလှမ်းအလို ကနေ ကြားနေရသည်။
တဲအတွင်းသို့ ကြည့်လိုက်ရာ သစ်သားခုံပုလေးပေါ်တွင် တင်သားသော အိတ်ဆောင် DVD ပြစက်ငယ်ကလေးဖြင့် ပြနေသော ထိုင်း အက်ရှင်ကားကို သစ်ခွဲစက် အလုပ်သမား ၆ ယောက်တို့ ချွေးသံတရွှဲရွှဲဖြင့် ကြမ်းပြင်ပေါ်မှာ အိပ်လျက်တမျိုး၊ ထိုင်လျက် တဖုံဖြင့် ကြည့်ရှုနေကြသည်ကို တွေ့ရသည်။
ဤနေရာက ပဲခူးရိုးမတောင်ခြေ ဖြစ်သည့် နေပြည်တော် အမြန်လမ်းမကြီးဘေးမှ မရမ်းချောင်းဟု ခေါ်သည့် ချောင်ကျကျ ရွာကလေး ဖြစ်သည်။
အစိုးရ လျှပ်စစ်မီးဆို၍ ဓာတ်တိုင် တတိုင်ပင် မရှိသောရွာမှာ ယခုကဲ့သို့ ရုပ်ရှင်ကြည့်နိုင်သည် ဆိုသည်က မြို့ပေါ်နေသူ များအတွက် အလွန်ပင် ထူးဆန်းဖွယ်ရာ ဖြစ်နိုင်သော်လည်း တောသူတောင်သားများအဖို့ အဆန်းတကျယ် မဟုတ်တော့ပါ။
နိုင်ငံတကာမှနေ၍ တံဆိပ်ပေါင်းစုံလင်လှသော နေရောင်ခြည် စွမ်းအင်သုံး ဆိုလာပြားများ မြန်မာပြည်သို့ ၀င်ရောက်လာပြီး နောက်ပိုင်းတွင် ကျေးလက်တောရွာများတွင် နေထိုင်သူများ၏ နေထိုင်မှုဘ၀ပုံစံ အများအပြား ပြောင်းလဲလာခဲ့သည်။
လယ်တောထဲက ထရံကာ၊ သက်ကယ်မိုး တဲအိမ်ကလေးတွေရဲ့ အိမ်ရှေ့တွေမှာ ရွာတွေက သွပ်မိုးပျဉ်ထောင်အိမ်တွေရဲ့ ခေါင်မိုးပေါ်မှာ စသည်ဖြင့် ဆိုလာပြားများက အသီးသီးနေရာ ယူကုန်ကြပြီ ဖြစ်သည်။
“အစိုးရ လျှပ်စစ်မီးဆိုလို့ သေသာသွားတယ် မမြင်ဖူးလိုက်တဲ့ လူတွေကို သနားလိုက်တာ။ အခုဆို ဘာဓာတ်တိုင် ဓာတ်ကြိုးမှ မလိုဘဲနဲ့ကို အဘွားတို့တောတွေမှာ ညဘက်တွေ မီးထွန်းနိုင်ပြီ။ တီဗီကြည့်နိုင်ပြီ” ဟု အသက် ၇၅ နှစ်အရွယ် ဖွားတင်လှက သူ့တဲအတွင်းက တီဗီလေးကိုညွှန်ပြရင်း ဆိုသည်။
တောရွာများတွင် ယင်းရုပ်သံကြည့်စက် အသေးစားလေးများကို လက်တော့ပ် (Laptop) ဟု အလွယ်တကူ ခေါ်ကြသည်။ တီဗီနှင့် အောက်စက် တွဲလျှက်ပါတာ ရှိသလို၊ သီးခြားဝယ်ရသည့် စက်တွေလည်း ရှိသည်။ သို့သော်လည်း တစုံလုံးကို အများဆုံး ကျပ် ၉ သောင်းအထိသာရှိသဖြင့် အိမ်တိုင်းနီးပါး ၀ယ်သုံးနိုင်ကြသည်။ ၀ပ် ၅၀ ဆိုလာပြားနှင့် အားသွင်းထားသော ဘက်ထရီအိုး အသေးနှစ်လုံးနှင့် ဆိုလျှင် အင်ဗာတာ မလိုအပ်ဘဲ ကလစ်ညှပ်ကာ တီဗီ ကြည့်နိုင်ပြီ။ နေမ၀င်ခင်အထိ အားသွင်း ယူထားနိုင်သဖြင့် ညဘက်တွင် ယခင်ကလို အမှောင်ထုကို ရေနံဆီမီးခွက်၊ ဖယောင်းတိုင်များဖြင့် အံတုစရာ မလိုတော့ဘဲ LED မီးပွင့်များဖြင့် ထိန်လင်းနိုင်နေပြီ။
“ဖယောင်းတိုင်နဲ့ မီးခွက်သုံးတုန်းကများ ဆိုရင် လေတိုက်တာနဲ့ တဲမီးလောင်မှာစိုးလို့ ကြောက်ကြောက်နဲ့ လေကွယ် ခဲ့ရတာလေ၊ အခုများတော့ ဒီလိုမျိုး အန္တရာယ်ဝေးပြီ” ဟု မရမ်းချောင်းသူ မတင်မူက ဆိုသည်။
ယခင်ကဆိုလျှင် တောမှ ဒိုက်ဦးမြို့သို့ ဈေးဝယ်သွားလျှင် ဓာတ်တိုင်၊ ဖုန်းကြိုး၊ မိုက္ကရိုဝေ့ဖ် တာဝါတိုင်နှင့် ရုပ်ရှင်ရုံများကို တောသားများ တအံ့တသြ ငေးမောကြည့်ရှုခဲ့ကြသည်။
ပြီးခဲ့သည့် နှစ်လယ်လောက် အထိ ဒိုက်ဦးမြို့ပေါ်တွင်ပင် သုံးရက်မှ တကြိမ်၊ တကြိမ်လျှင် ၇ နာရီကြာသာ လျှပ်စစ်မီး ရခဲ့သည်။
ကျေးလက် တောရွာများတွင် ဆိုလာပြားများ အသုံးပြုမှု များလာခြင်းက ဈေးသက်သာခြင်း၊ အသံဆူညံမှုမရှိခြင်း၊ လောင်စာဆီဖိုး မကုန်ခြင်း စသည့် အားသာချက်များ အပါအဝင် ကုန်ကျစရိတ်လည်း နည်းပါးသောကြောင့် အသုံးများကြ သလို အစိုးရထံမှ လျှပ်စစ်မီး ရရှိရန် မျှော်လင့်ချက် ကင်းမဲ့နေခြင်းကြောင့်လည်း အသုံးများလာခြင်း ဖြစ်သည်ဟု ဆင်ဇလုပ် ကျေးရွာမှ အုပ်ချုပ်ရေး မှူးဟောင်း ဦးမင်းလွင်က ဆိုသည်။
ပဲခူးတိုင်း အရှေ့ခြမ်းတွင် ဒိုက်ဦး၊ ညောင်လေးပင်၊ ကျောက်တံခါး၊ ပဲနွယ်ကုန်း စသည်ဖြင့် မြို့နယ်ပေါင်းစုံ ရှိသော်လည်း လျှပ်စစ်မီး ရရန်မဆိုထားနှင့် ဓာတ်တိုင်ပင် မရှိသေးသည့် ရွာများက ပိုများနေသည်။
“တရွာလုံးကို ဆိုလာပြားနဲ့ လျှပ်စစ်မီးပေးဖို့ အချပ်ရေ ရာနဲ့ချီပြီးတော့ လာဝယ်တဲ့လူတွေ တောင်ရှိတယ်” ဟု ရန်ကုန်မြို့ရှိ Sun Power ဆိုလာပြား ကုမ္ပဏီမှ ကိုပြည့်စုံထွေးက ပြောသည်။
တရုတ်၊ ထိုင်း၊ စင်ကာပူ၊ ဂျာမနီ၊ အိန္ဒိယနှင့် တခြားနိုင်ငံများမှ တံဆိပ်ပေါင်းစုံဖြင့် ဆိုလာပြားများ တင်သွင်းနေကြ သော်လည်း တရုတ်နိုင်ငံထုတ်က ဈေးအသက်သာဆုံး ဖြစ်သောကြောင့် ပြည်တွင်း၌ အသုံးအများဆုံး ဖြစ်သည်။
ယခုနှစ်ပိုင်းတွင် ပဲခူးတိုင်းမှ ဆိုလာပြား မှာယူမှု အများဆုံးဖြစ်နေကြောင်း၊ တရုတ်နိုင်ငံမှ တင်သွင်းသော ဆိုလာပြားများကို နိုင်ငံတကာ တံဆိပ် စတစ်ကာ မျိုးစုံကပ်၍ ဈေးကွက်အတွင်း ရောင်းချမှုများလည်း ရှိနေကြောင်း သိရသည်။
ဆိုလာပြားသုံးသည့်စနစ်သည် အလွန်ကောင်းမွန်သော်လည်း သုံးစွဲသည့် တံဆိပ်ပေါ်လိုက်၍ ၆ လ၊ ၁ နှစ်အတွင်း နေရောင်ခြည် စွမ်းအင် ထုတ်ယူနိုင်စွမ်း ကွာခြားလာမည် ဖြစ်ကြောင်း ကိုပြည့်စုံထွေးက ဆိုသည်။
တရုတ်နိုင်ငံထုတ် ၀ပ် ၃၀၀ အားရှိသည့် ဆိုလာပြားတချပ်လျှင် ကျပ် ၁ သိန်းခွဲခန့်သာ ကုန်ကျသော်လည်း စင်ကာပူ၊ ဂျာမနီ နိုင်ငံထုတ်များက ၁ ၀ပ်လျှင် အနိမ့်ဆုံး ကျပ် ၃၀၀၀ နှုန်းဖြင့် တွက်ယူသည်။
မြင်ခဲ့ရသမျှ ကျေးလက်တောရွာများတွင် ငွေကြေး သုံးစွဲနိုင်မှုအပေါ် မူတည်ပြီး အနိမ့်ဆုံး ၀ပ် ၅၀ မှ အမြင့်ဆုံး ၀ပ်အား အထိ သုံးကြသည်။ လွယ်လင့်တကူ သယ်ယူနိုင်ခြင်းကြောင့် နေထွက်သည်မှ နေမ၀င်ခင်အထိ ဆိုလာပြားများက နေရောင်ခြည် အောက်တွင် ခုံကလေးများဖြင့် အဆင်သင့် ဖြစ်နေသည်ကို မြင်တွေ့နိုင်သည်။
“အရင်းအနှီးက တခါတည်း မြှုပ်လိုက်ရတာ၊ နောက်ထပ် ဆီဖိုးတွေဘာတွေမှ မကုန်တာ အခုဆို တောင်ပေါ်က ၀န်ထမ်းအိမ်တွေ အားလုံးမှာ ဆိုလာပြားပဲ တပ်ပေးထားတယ်။ ဒီရိုးမပေါ်မှာတော့ ဆိုလာပြားပဲ အသုံးများတယ်” ဟု ပဲခူးရိုးမပေါ်ရှိ ကျွန်း စိုက်ခင်းကုမ္ပဏီတခု ဖြစ်သော Hyper Mart ကုမ္ပဏီမှ တာဝန်ခံ ဦးအောင်ညွန့်က ပြောသည်။
ဦးအောင်ညွန့် ပြောသကဲ့သို့ပင် ရိုးမတကျောက နှစ်ရှည်ပင် စိုက်ခင်းကုမ္ပဏီများ၏ ခေါင်မိုးများပေါ်တွင် တလက်လက် တောက်ပ နေသော ဆိုလာပြားများကို နေရောင်အောက်တွင် မြင်နေရသည်။ တောင်ပေါ်တွင် ဖြစ်နေခြင်းကြောင့် နေရောင်ခြည် တိုက်ရိုက် ထိတွေ့ခွင့် ပိုမိုရရှိပေရာ ရွာများထက်ပို၍ သုံးစွဲရ အဆင်ပြေကြကြောင်း သိရသည်။
စိုက်ခင်းများဆီသို့ တောဆင်ရိုင်းများ မကြာခဏ လာရောက်ဖျက်ဆီး နေသည့်အတွက် ကင်းစောင့်တဲများတွင် ၂၄ နာရီလုံးလုံး မီးရရှိရန် ဆိုလာပြားများ လိုအပ်လာပါသည်။ မီးစက် အသုံးပြုပါကလည်း အသံများ ဆူညံစွာ ထွက်သည့်အပြင် လောင်စာဆီဖိုးပါ ထပ်မံ ကုန်ကျသည့်အတွက် သုံးစွဲသူ နည်းပါးလှသည်။
ဆိုလာပြား ရောင်းသည့် ကုမ္ပဏီများကို တောရွာများမှ ဗီဒီယိုရုံ ပိုင်ရှင်များက မကျေနပ်ကြောင်း ပြောဆို ပေါက်ကွဲ နေကြ ပါသည်။ အဘယ်ကြောင့် ဆိုသော် ကျပ် ၇သောင်း ခန့်နှင့် ဆိုလာတပြား ရှိလျှင် တနေကုန်နီးပါး အိမ်၌ ရုပ်ရှင် ကြည့်နိုင် နေပြီဖြစ်သောကြောင့် ၎င်းတို့၏ ဗီဒီယိုရုံများကို လာရောက်ကြည့်ရှုသူ အလွန်နည်းသွားသောကြောင့် ဖြစ်သည်။
“ဗီဒီယို ရုံက ၀င်ကြေး ကျပ် ၁၀၀ ပေးရတာလေ။ အလကားပြတဲ့ အိမ်တွေမှာ သွားကြည့်တယ်။ အဲဒီ တရာကို မုန့်ဝယ်စား လိုက်တယ်” ဟု ဆင်ဇလုပ်ရွာမှ ဆယ်ကျော်သက်အရွယ် မသင်းသင်းဝေက ပြောသည်။
သို့ရာတွင် ဗီဒီယိုရုံများက လူငယ်များကြိုက်သော နာမည်ကြီးမင်းသား၊ မင်းသမီးများပါသည့် မြန်မာဇာတ်ကားများ ကိုသာ အဓိက ပြသည့်အတွက် ညနေစောင်းလာလျှင် ဗီဒီယိုရုံများက ယနေ့ညပြမည့် ကားများကို အပြိုင်အဆိုင် လော်စပီကာများဖြင့် အော်ကြ ဆဲ၊ ရွာသူရွာသားများကလည်း ဂရုစိုက် နားထောင်ကြမြဲပင်။
Ref: ဧရာဝတီ
Read More...
Collapse...
လဖိုင်
January 16, 2013
ကချင်လွတ်မြောက်ရေး တပ်မတော် (KIA) ဘက်သို့ အကြောင်း အမျိုးမျိုးကြောင့် ရောက်ရှိနေသည့် အစိုးရ တပ်မတော် သားများနှင့် ကလေးစစ်သားများကို ဇန်န၀ါရီလ ၁၃ ရက်နေ့တွင် နေရပ်ရင်းသို့ပြန်နိုင်ရန် အတွက် စရိတ်ပေးကာ ပြန်လွှတ် ခဲ့ကြောင်း သတင်းရရှိသည်။
နေရပ် ပြန်စေခဲ့ သူများထဲတွင် အသက်ပြည့် အစိုးရ တပ်မတော်သားနှင့် ရဲတပ်သား ၁၅ ဦး၊ ကလေးစစ်သား ၈ ဦးတို့ ပါဝင်သည်။
ကလေးစစ်သားများ အတွက်မူ အပြည်ပြည်ဆိုင်ရာ အလုပ်သမားအဖွဲ့ (ILO) က တပ်ထွက်ခွင့် လက်မှတ်ရသည်အထိ ဆောင်ရွက်ပေးကာ မိဘများ လက်သို့ အပ်နှံ ပေးသွားမည်ဖြစ်ကြောင်း သိရသည်။ ကလေး စစ်သားများကို မူဆယ်မြို့တွင် ILO ကိုယ်စားလှယ် နှစ်ဦးက လာရောက် ခေါ်ဆောင်မည်ဖြစ်သည်။
“ဒီဘက်ကပြောတော့ သုံ့ပန်းတဲ့၊ ဟိုဘက်က ပြန်ပြောတော့ ခွင့်မဲ့ပျက်ကွက် တပ်ပြေးတွေတဲ့၊ ပြန်ရင် ဘာဖြစ်မလဲဆိုတာ မစဉ်းစားရဲသေးဘူး” ဟု ဒေါ့ဖုန်းယန်မြို့နယ် ရဲစခန်းမှ ရိက္ခာပြတ်သဖြင့် ရွာထဲ ရိက္ခာဆင်းဝယ်ရာမှ KIA တပ်သားများ၏ ဖမ်းဆီးခြင်း ခံခဲ့ရပြီးနောက် ယခု KIA က ပြန်လည်လွှတ်ပေးလိုက်သည့် ရဲတပ်သား တဦးက ပြောသည်။
KIA က မြန်မာ့တပ်မတော်သို့ တရားဝင် လွှဲပြောင်းပေးရန် ၈၈ မျိုးဆက် ကျောင်းသားများအဖွဲ့မှ တဆင့် ကြိုးစားခဲ့သော်လည်း အစိုးရက တပ်မတော်သားများ မဟုတ်၊ ခွင့်မဲ့ပျက်ကွက် ထွက်ပြေးသူများ ဖြစ်ကြောင်း အကြောင်းပြန်ခဲ့သည်ဟု KIA မဟာဗျူဟာ သုတေသနဌာနကြီးမှူး ဗိုလ်မှူးကြီး ဦးဇော်တောင်က ပြောသည်။
“သူတို့ကို လွှဲအပ်ဖို့ အကြိမ်ကြိမ်ကြိုးစားတယ်၊ ကိုမြအေးတို့က တဆင့်လည်း ပြောတယ်။ လက်ရှိအစိုးရက သူတို့ကို လက်ခံဖို့ ပြောမလာဘူး၊ လက်ခံနိုင်တဲ့ အနေအထားမှာ မရှိဘူးလို့ ကိုမြအေးတို့ဆီက တဆင့် ပြန်ကြားတယ်။ သူတို့ဟာ တပ်မတော် သားတွေ မဟုတ်ဘူး၊ ခွင့်မဲ့ပျက်ကွက်၊ တပ်ထွက်ပြေးသူတွေ ဆိုပြီး ငြင်းပယ်တဲ့ သဘောရှိတယ်” ဟု ဦးဇော်တောင်က အစိုးရ တပ်မတော်သားများကို တရားဝင်လွှဲပြောင်းခြင်း မပြုနိုင်သည့် အကြောင်းကို ရှင်းပြစဉ် ပြောခဲ့သည်။
၂၀၁၁ ဇွန်လ အတွင်းကလည်း ခလရ ၃၇ မှ အရာရှိ ၃ ဦး အပါအ၀င် တခြားအဆင့် တပ်မတော်သားများနှင့် စုစုပေါင်း ၆ ဦးကို ကချင်ပြည်နယ် လုံခြုံရေးဝန်ကြီး ဗိုလ်မှူးကြီးသန်းအောင်နှင့်အဖွဲ့ ကချင်ပြည်နယ် လဂျားယန်ဒေသကို လာရောက်စဉ်က လွှဲပြောင်းပေးနိုင်ရန် KIA ဘက်က ကမ်းလှမ်းခဲ့သော်လည်း ဗိုလ်မှူးကြီး သန်းအောင်က ငြင်းပယ်ခဲ့သည်။ ထိုစဉ်က လဂျားယန်ရှိ စရဖ တပ်ဆွယ်မှ တပ်ဆွယ်မှူးများကလည်း ညွှန်ကြားချက် မရှိဟုဆိုကာ လက်ခံနိုင်ခြင်း မရှိခဲ့ပေ။ သို့သော်လည်း ထို တပ်မ တော်သား ၆ ဦးကို ဗိုလ်မှူးကြီး သန်းအောင် ဒုတိယအကြိမ် လဂျားယန်သို့ ပြန်လည် ရောက်ရှိ လာသည့်အခါတွင် ယင်း၏ ကိုယ်ရေးအရာရှိကို လက်မှတ်ထိုး လက်ခံစေကာ ပြန်လည်လွှဲအပ် ပေးခဲ့သည်။
ကချင်လွတ်မြောက်ရေး အဖွဲ့ (KIO) က အစိုးရ တပ်မတော်သားများကို တရုတ် – မြန်မာ နယ်စပ် ဂျယ်ဂေါင်အထိ ပို့ပေးမည် ဖြစ်ပြီး ယင်းတပ်မတော်သားများ မြန်မာပြည်ဘက်သို့ ပြန်ချင်သည်ဆိုပါက ပြန်နိုင်သကဲ့သို့ တရုတ်ပြည်တွင် လုပ်ကိုင် စား သောက် မည်ဆိုလျှင်လည်း ၎င်းတို၏ သဘော သဘောဆန္ဒအတိုင်းပင် ဖြစ်ကြောင်း သိရသည်။
“ ကျနော်က ဟင်္သာတကပါ။ တပ်ထဲကိုပဲပြန်ပါမယ်။ ကျနော်တို့က ထွက်ပြေးတာ မဟုတ်ဘူး။ ထောင်ကျမယ်ဆိုလဲ ခံရမှာ ပေါ့” ဟု KIA ၏ ပြန်ပို့ခြင်း ခံခဲ့ရသည့် တပ်ကြပ်ကြီး တဦးက ပြောသည်။
၂၀၁၂ ဒီဇင်ဘာလ ၁၅ ရက်နေ့က လဂျားယန်တိုက်ပွဲတွင် ဒဏ်ရာများနှင့် ကျန်ခဲ့သည့် ခမရ ၃၈၃ မှ ဒုတပ်ကြပ် တဦးက လည်း ၎င်းအနေဖြင့် မည်သည့်ဒေသသို့ ပြန်ရမည်ကို မသိသေးကြောင်း၊ ၎င်းသည် ဒဏ်ရာရစဉ် KIA ၏ အဖမ်း ခံရခြင်း ဖြစ်ကြောင်း ရှင်းပြသည်။
“ကျနော်တို့ စစ်ကြောင်းမှူး ကျော်ကျော်ဝင်းက လမ်းမလျှောက်နိုင်တဲ့ သူတွေကို သတ်ခဲ့လို့ ပြောတယ်။ ဒဏ်ရာနဲ့ ကျန်ခဲ့တုန်း အဖမ်းခံရတာ” ဟု သူက ပြောသည်။
ဦးဇော်တောင်က အစိုးရ တပ်မတော်သားများကို ပြန်လည် လွှတ်ပေးစဉ် “ခင်ဗျားတို့ ကနိုင်ငံကြီးတခုရဲ့ တပ်မတော်က တပ်မ တော်သားတွေပဲ၊ ဦးသိန်းစိန် နိုင်ငံခြားမှာ ပြောခဲ့သလို စည်းကမ်းပြည့်ဝတဲ့ တပ်မတော်က တပ်မတော်သားတွေပဲ၊ အခု သူများ လက်ထဲရောက်လို့ ပြန်ပို့တာကို လက်မခံနိုင်ဘူးဆိုတာ ဘယ်လိုသဘောလဲ စဉ်းစားကြည့်ပါ” ဟု ဆိုသည်။
KIA တပ်မတော်သို့ ပူးပေါင်း ၀င်ရောက်လာသော မြန်မာ့ တပ်မတော်သားများ အားလုံးကို နိုင်ငံတကာ စည်းမျဉ်း စည်းကမ်း များနှင့် လက်ခံသွားမည်ဟု KIO က ၂၀၁၁ ခုနှစ် နိုဝင်ဘာလတွင် အချက် ၅ ချက်ပါ မြန်မာ့တပ်မတော် တပ်ဖွဲ့ဝင်များသို့ သတိပေးချက် ထုတ်ပြန်စဉ် ရေးသားထားသည်။
Ref: ဧရာဝတီ
Read More...
Collapse...
ခင်ဦးသာ
January 16, 2013
ရခိုင်ပြည်နယ်၊ မောင်တောမြို့နယ် မြောက်ဖျားပိုင်း နယ်စပ်ဒေသ ကျေးရွာများမှ ကျောင်းသား ၂၀၀ ကျော်သည် ပညာ ဆက် လက် သင်ကြားနိုင်ရေးအတွက် အခက်အခဲများနှင့် ကြုံတွေ့နေရကြောင်း သိရသည်။
မောင်တောမြို့၌ ဖြစ်ပွားခဲ့သော ပဋိပက္ခ အကြမ်းဖက်မှုများ နောက်ပိုင်းတွင် လုံခြုံရေး အခြေအနေအရ အစိုးရကျောင်းများ ဖွင့်လှစ်ပညာ သင်ကြားနိုင်ခြင်း မရှိသေးကြောင်း၊ ထို့ကြောင့် နယ်စပ်ဒေသ ကျေးရွာများမှ ကျောင်းသား ၂၀၀ ကျော်ကို နံ့သာတောင်ကျေးရွာ ဘုန်းတော်ကြီးကျောင်း၌ ပရဟိတ ကျောင်းတခု ဖွင့်လှစ် သင်ကြားနေရကြောင်း၊ ကျောင်းသားများနှင့် ဆရာ၊ ဆရာမ ၂၃ ဦးတို့အတွက် စားဝတ်နေရေး အခက်အခဲများ ရှိနေကြောင်း နံ့သာတောင် ကျောင်းဆရာတော်က ဧရာဝတီ သို့ မိန့်ကြားသည်။
အစိုးရ ကျောင်းတချို့ ဖွင့်လှစ်ထားသော်လည်း လုံခြုံရေး စိတ်မချရသည့်အတွက် စာသင်ပေးမည့် ဆရာမရှိ သကဲ့သို့ မိဘများ ကလည်း မိမိတို့ သားသမီးများကို စိတ်မချကြောင်း၊ ထို့ကြောင့် အစိုးရကျောင်းများမှ ကျောင်းသားများသည် ဘုန်းတော်ကြီး ပရဟိတ စာသင်ကျောင်းသို့ ရောက်လာကြကြောင်း ပရဟိတကျောင်း တည်ထောင်ထားသည့် ဆရာတော် ဦးစရဏက မိန့်သည်။
“ကျောင်းသားက ၂၁၀ ဦးနဲ့ ဆရာ၊ ဆရာမ ၂၃ ဦး၊ သူတို့တွေရဲ့ နေ့စဉ် စားဝတ်နေရေး တာဝန်ယူပေးနေရတော့ တလကို ကျပ် ၁၀ သိန်း၊ ၁၁ သိန်းဝန်းကျင် ကုန်ကျနေတယ်။ ဆရာ၊ ဆရာမတွေကို လစာပေးဖို့နဲ့ အခု ဆောင်းတွင်းဆိုတော့ ကလေး တွေအတွက် အနွေးထည်၊ စောင်တွေ အရေးပေါ် လိုအပ်နေပါတယ်” ဟု ဆရာတော်က မိန့် ကြားသည်။
မူလတန်းမှ အထက်တန်းအထိ ကျောင်းသား၊ ကျောင်းသူ စုစုပေါင်း ၂၁၀ သည် မောင်တောမြို့နယ် မြောက်ဖျားပိုင်းရှိ နံ့သာ တောင်၊ ကြိမ်ချောင်း၊ သိမ်ချောင်း၊ ပရိန်ကုန်း၊ သာယာကုန်း၊ သဘောင်္လှ၊ တောင်ပြို စသည့်ကျေး ရွာများမှ ကလေးများဖြစ် ကြောင်း၊ အများစုမှာ ရခိုင်တိုင်းရင်းသား ကလေးများဖြစ်ပြီး၊ ရခိုင်မျိုးနွယ်စု ဒိုင်းနက် တိုင်းရင်းသားနှင့် တခြားတိုင်းရင်းသား ကလေးများလည်း ပါဝင်ကြောင်း၊ ထိုကျောင်း၏ အမည်ကို “နယ်စပ်ဒေသ ရခိုင် အမျိုးသား၊ အမျိုးသမီးများ ပညာဒါန ပရဟိတ ကျောင်း”ဟု အမည်ပေးထားကြောင်း သိရသည်။
“တရွာနဲ့တရွာက အလှမ်းဝေးတော့ ကလေးတွေကို လုံခြုံရေးအရ အိမ်မပြန်ခိုင်းဘဲ ကျောင်းမှာပဲ ကျောင်းအိပ်၊ ကျောင်းစား သင်ပေးထားတယ်။ ပညာသင်နှစ် တနှစ် မဆုံးရှုံးစေချင်လို့ပါ။ အစိုးရကျောင်းတွေက ပုံမှန်ဖြစ်ဖို့ မလွယ်သေးဘူးလေ။ ဖွင့်ရင် လည်း စာသင်ရဲတဲ့ ဆရာ၊ ဆရာမ မရှိဘူးဖြစ်နေတယ်” ဟု ဦးစရဏက မိန့်သည်။
ထိုဒေသသည် မြို့နှင့်ဝေးလံသည့် နယ်စပ်ဒေသဖြစ်ခြင်း၊ လမ်းပန်းဆက်သွယ်ရေး ခက်ခဲခြင်းနှင့် လုံခြုံရေး အခြေအနေတို့ကြောင့် ပြည်တွင်း၊ ပြည်ပ အလှုရှင်များ လာရောက်လှူဒါန်းနိုင်မှု မရှိကြောင်း၊ နိုင်ငံတကာ NGO အဖွဲ့များနှင့် နိုင်ငံတော် အစိုးရကလည်း ထောက်ပံ့ပေးမှု မရှိဟု သိရသည်။
ထို ပရဟိတကျောင်းကို မောင်တော အရေးအခင်းအပြီး ၂၀၁၂ ခုနှစ် ဇူလိုင်လတွင် အရေးပေါ် ဖွင့်လှစ်ထားရသည့် အတွက် အစိုးရထံ အကူအညီတောင်းခံမှု မလုပ်ဆောင်ရသေးကြောင်း၊ လက်ရှိတွင် ပြည်ပရောက် ရခိုင်လူမှု အဖွဲ့အစည်းများမှ ကူညီ ထောက်ပံ့နေပြီး ပြည်တွင်းရှိ ရခိုင်လူမှုရေးအဖွဲ့တချို့၏ လှူဒါန်းငွေဖြင့် လည်ပတ်နေရကြောင်း ဆရာတော် ဦးစရဏက မိန့်သည်။
၎င်းက“ဒေသဆိုင်ရာတွေကို အကူအညီတောင်းတော့ ဒေသတပ်ဖွဲ့တခုက ဆန်အိတ် ၅၀ ကို တကြိမ် လာလှူ ဖူးပါတယ်”ဟု ဆိုသည်။
ဆရာ၊ ဆရာမ တဦးအတွက် တလလျှင် ထောက်ပံ့ငွေ ကျပ် ၃ သောင်းနှင့် ဆန်တအိတ်စီ ထောက်ပံ့ပေးထားကြောင်း၊ ဆရာ၊ ဆရာမ အများစုမှာ နီးစပ်ရာ မြို့နယ်၊ ကျေးရွာများမှ ဒေသခံများ ဖြစ်ကြောင်း ထိုကျောင်းတွင် စာသင်ပေးနေသူ ဆရာ ဦးဝင်းလှိုင်က ပြောသည်။
မောင်တောဒေသ အကြမ်းဖက်မှုများကြောင့် ကလေးအများစုသည် စိတ်ပိုင်းရာ ထိခိုက်မှု ရှိခဲ့ကြကြောင်း၊ သို့သော် ယခုအခါ ပုံမှန်အနေအထားသို့ တဖြည်းဖြည်း ရောက်ရှိလာနေပြီ ဖြစ်ကြောင်း၊ ပညာသင်ကြားရေးတွင် အခက်အခဲများ ရှိနေသကဲ့သို့ ကျန်းမာရေး စောင့်ရှောက်မှုလည်း မပေးနိုင်သေးကြောင်း သိရသည်။
“ဒီကျောင်းက ကလေးတွေမှာ စာသင်ဖို့ စာအုပ်စာတမ်း မပြည့်စုံတဲ့အပြင် အစစအရာရာ အခက်အခဲတွေနဲ့ ရင်ဆိုင်နေရပါ တယ်” ဟု ဆရာ ဦးဝင်းလှိုင်က ဆိုသည်။
မောင်တောမြို့ အကြမ်းဖက်မှုသည် ၂၀၁၂ ခုနှစ် ဇွန်လ ၈ ရက်နေ့တွင် ဖြစ်ပွားခဲ့ပြီး ထိုအရေးအခင်း နောက်ပိုင်း အစိုးရကျောင်း များကို ပြန်လည်ဖွင့်လှစ်နိုင်ခြင်း မရှိသည့်အတွက် ဘုန်းတော်ကြီး ပရဟိတ ကျောင်းများ ဖွင့်လှစ်သင်ကြား ပေးနေရကြောင်း၊ မောင်တောမြို့၌ အလိုတော်ပြည့် ပရဟိတကျောင်း၊ ဗဟိုကျောင်း၊ သုံးမိုင် ပရဟိတ၊ ဇောတိကာရုံ ပရဟိတ စသည့်ကျောင်းများ ဖွင့်လှစ် သင်ကြားပေးထားရကြောင်း သိရသည်။
Ref: ဧရာဝတီ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88