Friday, March 23, 2012

ကျောက်ဖြူတွင် အိန္ဒိယ လုပ်သားများကို အရပ်သားများ တိုက်ခိုက်၍ ရဲက သေနတ်ပစ်ဖေါက် လူစုခွဲ

3/22/2012

ကျောက်ဖြူတွင် အိန္ဒိယ အလုပ်သမားများအား ကျေးရွာသားများက တုတ်၊ဓါး၊ လေးဂွများဖြင့် ၀ိုင်းဝန်း တိုက်ခိုက်သဖြင့် ရဲအဖွဲ့က သေနတ်ပစ်ဖေါက်ကာ လူစုခွဲခဲ့ရကြောင်း သတင်း ရရှိသည်။

" ဖြစ်တာက မတ်လ ၂၀ ရက်နေ့ ညမှာ ကြက်တိန်ကျေးရွာ KP 14 လုပ်ငန်းခွင်မှာ ဖြစ်ပါတယ်။ ရွာသား ၆၀ ခန့်က အစောင့်တွေကို လေးဂွတွေနဲ့ စတင် တိုက်ခိုက်ရာကနေ ပြဿနာ ကြီးထွားလာတဲ့ အတွက် ရဲအဖွဲ့က မိုးပေါ်ကို သေနတ် သုံးချက်ပစ်ပြီး လူစု ခွဲခဲ့ ရပါတယ်" ဟု ဒေသခံ လူငယ် တစ်ဦးက ပြောသည်။

အတိုက်ခံရသော အိန္ဒိယ လုပ်သားများမှာ Punj Lloyd အိန္ဒိယ ကုမ္ပဏီမှ ဖြစ်ပြီး ကျေးရွာသားများက မကျေနပ်မူများ တိုးပွားနေရာမှ ၀ိုင်းဝန်း တိုက်ခိုက်ကြခြင်း ဖြစ်ကြောင်း သိရသည်။

" သူတို့က ဒေသခံ ရွာသားတွေကို မလေးမစား လုပ်တာတွေ များလာတဲ့ အခါ မကျေနပ်မူတွေ များလာပြီးတော့ ကျေးရွာသားတွေက တိုက်ခိုက်တာ ဖြစ်တယ်လို့ သိရပါတယ်။ ထိခိုက်ဒဏ်ရာ ရတာက အနည်းအကျဉ်းရှိတယ်လို့ သိရပါတယ်" ဟု ရခိုင်တိုင်းရင်းသားများ တိုးတက်ရေး ပါတီ ကျောက်ဖြူမြို့နယ်မှ တာဝန်ရှိသူ ဦးသန္တာမောင်က ပြောသည်။

ကြက်တိန် ကျေးရွာသားများသည် အိန္ဒိယ လုပ်သားများကို တိုက်ခိုက်စဉ် အတွင်း မြေထိုးစက်ကြီးများ၊ ကရိန်း မောင်းတံများကိုလည်း ဖျက်ဆီးပစ်ကာ စက်သုံးဆီများကိုလည်း ထုတ်ယူ မီးရှို့ ပစ်ကြသည်ဟု ဆိုသည်။

အိန္ဒိယ လုပ်သားများနှင့် ရွာသားများမှာ တဘက်နှင့် တဘက် ရိုက်ပုတ်ကြသည့် အထိ အခြေအနေ ရောက်ရှိလာပြီး ရဲအဖွဲ့က မိုးပေါ်ကို သေနတ် သုံးချက်တိတိ ထောင်ပစ်ဖေါက်ပြီးမှ ရွာသားများ ထွက်ပြေးသွားကြသည်ဟု ဒေသခံ လူငယ်က ပြောသည်။

ကျောက်ဖြူရဲစခန်းသို့ အဆိုပါ သတင်းနှင့် ပတ်သက်ပြီး မေးမြန်းရာ တာဝန်ကျ ရဲအရာရှိက မိမိတို့ အနေဖြင့် ထိုသတင်းကို လက်ခံရရှိခြင်း မရှိသေးသဖြင့် မပြောနိုင်ကြောင်း ပြောကြားသည်။

ကြက်တိန်ကျေးရွာမှာ ကျောက်ဖြူမှ ကုန်းမိုင် (၁၂) မိုင်ခန့် ဝေကွာပြီး အဆိုပါ ကျေးရွာအနီးတွင် အိန္ဒိယ Punj Lloyd ကုမ္ပဏီမှ စီမံကိန်း တစ်ခုကို လုပ်ကိုင်နေကြောင်း သိရသည်။

Ref: နိရဉ္စရာ

Read More...

မလေး ရခိုင် ဒုက္ခသည်များ UNHCR ၏ အသက်မွေးဝမ်းကြောင်း ပညာသင် ကျောင်းများတွင် ပညာသင်ကြားခွင့် ရရှိကြတော့မည်

3/22/2012
ခိုင်မောင်ဦး(မလေး)

မလေးရှားရှိ ဒုက္ခသည်များဆိုင်ရာ မဟာမင်းကြီး ရုံးမှ "UNHCR" ကဒ်ကိုင်ဆောင်သူ ရခိုင်ဒုက္ခသည်များကို အခမဲ့ အသက် မွေးဝမ်း ကျောင်း ပညာရပ်များကို သင်ကြားပို့ ချသွားမည်ဖြစ်ကြောင်း သတင်းရရှိသည်။

သင်ကြားပို့ချမည့် ပညာရပ်များ အထဲတွင် (၁) English ဘာသာရပ် (၂) သင်္ချာ (Mathematics) ( ၃) သိပ္ပံ (Science) နှင့် (၄) လူမူ သိပ္ပံ (Social Science) စသည့် ဘာသာရပ်များ ပါဝင်မည် ဖြစ်ကြောင်း သိရသည်။

" ဒီဘာသာာရပ်တွေ အားလုံးကို အင်္ဂလိပ်လို ပြသွားမှာပါ။ ဆွေးနွေးတဲ့အခါ သဘောတူညီမူ ရခဲ့တာပါ" ဟု ဆွေးနွေးပွဲကို တက်ရောက် ခဲ့သူ ARRC မလေးရှား ဒုက္ခသည်များ ကယ်ဆယ်ရေး ရုံးမှ လက်ထောက် အတွင်းရေမူး ကိုမြင့်စိုးက နိရဉ္စရာသို့ ပြောသည်။


မလေးရှားရှိ UNHCR အရာရှိများက မလေးရှားတွင် ရှိနေသော ရခိုင် ဒုက္ခသည်ရုံးများမှ ကော်မတီ အဖွဲ့ဝင်များ အားလုံးအား Chinese Assembly Hall သို့ ဖိတ်ခေါ်ပြီး ဆွေးနွေးစဉ် ဖွင့်လှစ် သင်ကြားမည့် အသက်မွေး ၀မ်းကြောင်း ပညာသင်ကျောင်းတွင် သင်ကြားမည့် ဘာသာရပ်များကို ပြောကြားခဲ့ခြင်း ဖြစ်သည်။

" ဆွေးနွေးပွဲမှာ အခု General Education Diploma က ပို ချမယ့် အစီစဉ်တွေ အရင်ဆုံး ဆွေနွေးခဲ့ကြတယ်။ နောက်ပြီး မလေးရှားမှာ ရောက်ရှိနေတဲ့ ဒုက္ခသည် ကလေး ၃နှစ် ကနေ ၆ နှစ် အရွယ်တွေရဲ့ သူတို့  ပညာရေးနဲ့  ပက်သက်ပြီးတော့လည်း ဆွေးနွေး ခဲ့ပါးသေး တယ်" ဟု ကိုစိုးမြင့်က ဆက်ပြောသည်။

ဆွေးနွေးပွဲကို မလေးရှိ နှိုင်ငံရှိ ဒုက္ခရုံး အသီးသီးတို့ မှ တက်ရောက်ခဲ့ပြီး ကိုယ်စလှယ်ပေါင်း ၅၀ကျော်တို့  မှ တက်ရောက် ဆွေးနွေးခဲ့ သည်ဟု ကိုစိုးမြင့်က ပြောသည်။

ယခင်နှစ်များက ချင်း၊ ကရင်၊ မွန်၊ ကချင်၊ ဒုက္ခသည်များသာ အဆိုပါ သင်တန်းများကို တက်ရောက် သင်ကြားနိုင်ခဲ့ပြီး ရခိုင် ဒုက္ခသည် များ အနေဖြင့် အခွင့်အရေး မရရှိခဲ့ကြောင်း သိရသည်။

ယခုနှစ်မှ ရခိုင်ဒုက္ခသည်များကို အဆိုပါ သင်တန်းကျောင်းသို့ တက်ရောက်ခွင့် ပေးရန် မ လေးရှား UNHCR က စီစဉ်လာခြင်း ဖြစ်သည်။

သင်တန်း စတင်မည့် နေ့ရက်ကို UNHCR မှ နောက်တစ်ကြိမ် ဆွေးနွေးပွဲတွင် ကျေညာမည်ဟု သိရသည်။ အဆိုပါ သင်တန်းကျောင်းနှင့် ပတ်သက်ပြီး UNHCR တာဝန်ရှိသူများက ဖေဖေါ်ဝါရီလက တစ်ကြိမ်၊ မတ်လ ၁၅ ရက်နေ့က တစ်ကြိမ် မြန်မာ ဒုက္ခသည် ရုံးများမှ တာဝန်ရှိသူများနှင့် ဆွေးနွေးခဲ့ကြောင်း ကိုစိုးမြှင့်က ပြောသည်။

General Education Diploma Training သင်တန်းကို တက်ရောက် သင်ကြားသူများ အနေဖြင့် မလေးရှားနှိင်ငံတွင် အလုပ်အကိုင် အခွင့်အလမ်းများ ရရှိနိုင်သည်သာမက အမေရိကန် တက္ကသိုလ်များတွင် ပညာ တက်ရောက် သင်ကြားရန် အခွင့်အလမ်းများ ရရှိ နိုင်ကြမည် ဖြစ်သည်။

General Education Diploma Training တွင် သင်ကြားမည့် ပညာရပ်များသည် အမေရိကန်ရှိ တက္ကသိုလ် ကျောင်းများတွင် သင်ကြားပို့ ချသော ပညာရပ်များနဲ့  ညီမျှကြောင်း ကိုစိုးမြင့်က ပြောဆိုသည်။

UNHCR ကဒ် ကိုင်ဆောင်ထားသူ ရခိုင် ဒုက္ခသည်များ အားလုံး တက်သင် သင်ကြားခွင့် ရမည် ဖြစ်သော်လည်း ၀င်ခွင့် ဖြေဆိုရမည်ဟု သိရသည်။

" ဒီသတင်းက ကျွန်တော် ဒုက္ခသည်တွေကို အင်မတန်မှ အကျိုးပြုလိမ့်မယ်လို့ မျှော်လင့်ပါတယ်။ ကျွန်တော်တို့ မြန်မာနိုင်ငံမှာ သင်ခဲ့ တဲ့ ပညာရေးထက် အဆင့် မြင့်မားလိမ့်မယ်လို့  ထင်တယ်။ နောက်ပြီး ဒီသင်တန်း ပြီးဆုံး အောင်မြင်သွားရင်လည်း အမေရိကမှာ ကျောင်းတက်ခွင့်ရမယ်။ ဒါ့ပြင် အဲ့ ဒီမှာHigh School Diploma တက်ခွင့်ရှိတယ်။ ဆက်လက် ကျောင်းတက် နိုင်ဖို့ အတွက်လည်း "certificate" လက်မှက် ထုက်ပေးသွားမှာ ဖြစ်ပါတယ်။ ဒီမှာ မလေးရှားမှာလည်း GET ဖြေဆိုခွင့်ရှိတယ်။ ရခိုင်ဒုက္ခသည်တွေ ဒီကျောင်း ကို တက်ရောက်သင်ကြားကြလိမ့်မယ်လို့ မျှော်လင့်ထားပါတယ်" ဟု ကိုစိုးမြှင့်က ပြောသည်။

အဆိုပါ ပညာသင်ကျောင်းကို တက်ရောက်ခြင်းအားဖြင့် ပညာရေး အဆင့်အတန်း မြင့်မား လာမည် ဖြစ်သလို တဘက်တွင်လည်း အလုပ်အကိုင် အခွင့်အလမ်းများနှင့် စာပေ ဗဟုသုတများပါ တိုးပွားလာမည် ဖြစ်ကြောင်း သိရသည်။

Ref: နိရဉ္စရာ

Read More...

မွန်အမျိုးသားကျောင်းများ လွှဲပြောင်း တာဝန်ယူရန် ခက်ခဲလျက်ရှိ

ကွန်းချမ်း
မတ်လ ၂၂ ရက် ၂၀၁၂ ခုနှစ်

မွန်ပြည်သစ်ပါတီ ဧရိယာပြင်ပရှိ မွန်အမျိုးသားကျောင်းများကို မွန်စာပေနှင့် ယဉ်ကျေးမှု ကော်မတီ (ဗဟို) သို့ လွှဲပြောင်းယူနိုင်ရန် ဆွေးနွေးနေ ရှိသော်လည်း တာဝန်ယူရန် ခက်ခဲလျက်ရှိကြောင်း သိရသည်။

မွန်ပြည်သစ်နှင့် ပြည်ထောင်စု အစိုးရတို့ ဖေဖော်ဝါရီလ အပစ်အခတ် ရပ်စဲပြီးနောက် လွှဲပြောင်းယူရန် မွန်ပြည်သစ်၏ ကမ်းလှမ်းချက်ကို မတ်လ ၁၈ ရက်နေ့က မွန်ပြည်နယ် မော်လမြိုင်မြို့ရှိ မွန်ဓမ္မာရုံတွင် ပြုလုပ်သည့် မွန်စာ/ယဉ်၏ ဗဟိုကော်မတီ အစည်းအဝေးတွင် ဆွေနွေးခဲ့ကြသည်ဟု ကော်မတီ ဒု-ဥက္ကဋ္ဌ ဒေါက်တာ မင်းစိုးလင်း က ပြောသည်။

“သူတို့ ထိန်းချုပ် ဧရိယာပြင်ပမှာ ရှိတဲ့ ကျောင်းတွေ ဆက်လက် ပညာသင်ကြားနိုင်ဖို့အတွက် ကျနော်တို့ မွန်စာပေနဲ့ ယဉ်ကျေးမှု ကော်မတီ ဗဟိုကို စီမံကွပ်ကဲနိုင်ဖို့ အပ်နှင်းတာ ဖြစ်တယ်” ဟု မဇ္ဈိမကို ပြောသည်။

လွှဲပြောင်းပေးမည့် ကျောင်းများတွင် မွန်ပြည်နယ် သံဖြူဇရပ်၊ မုဒုံ၊ ကျိုက်မရောမြို့နယ်နှင့် ကရင်ပြည်နယ် ကော့ကရိတ်၊ ဘားအံမြို့ နယ်ရှိ မွန်အမျိုးသားကျောင်းများအပြင် အစိုးရကျောင်းနှင့် တွဲဖက်သင်ကြားသည့်ကျောင်း စုစုပေါင်း ၁၄၅ ကျောင်း ပါဝင်သည်။

အဆိုပါကျောင်းများကို တာဝန်ယူရန်မှာ ကြီးလေးသည့် တာဝန်တခု ဖြစ်ပြီး ကျောင်းဆရာ ဆရာမများ၏ လစာ အပါအဝင် အခြား ကုန်ကျမှုများအတွက် ဘဏ္ဍာငွေ ရှာဖွေရေး ကော်မတီတရပ်ကိုလည်း ဖွဲ့စည်းထားပြီ ဖြစ်ကြောင်း အဆိုပါ ကော်မတီမှ နာယက ဆရာတော်တပါး ဖြစ်သည့် ဘဒ္ဒန္တ သီလဝန္တက မိန့်သည်။

“အမျိုးသားကျောင်း ဆိုတာက နွေရာသီ သင်တန်းကျောင်းလို မဟုတ်ဘူး၊ တာဝန် အရမ်းကြီးတယ်။ ဘုန်းကြီးတို့က ရွာဘုန်းကြီးတွေဆီ သွားမယ်။ သူ့ရွာနဲ့သူ ရန်ပုံငွေ ရှာပြီး၊ အမျိုးသားကျောင်းအတွက် ဘဏ္ဍာရေး စုဆောင်းသွားမယ်” ဟု ဘဏ္ဍာ ရှာဖွေရေး ကော်မတီဝင် လည်း ဖြစ်သည့် ဆရာတော်က မိန့်ကြားသည်။

“အခု လေး ငါး မြို့နယ်ပဲ သူတို့ အရင် လွှဲတယ်။ ကွပ်ကဲနိုင်မယ်ဆိုရင် အားလုံးကို လွှဲပေးဖို့ အစီအစဉ် ရှိတယ်” ဟု ဆရာတော်က ဆက်လက်မိန့်ကြားသည်။

မွန်ပြည်သစ် လက်အောက်ရှိ မွန်အမျိုးသား ပညာရေးဌာနမှ တာဝန်ရှိသူတဦးကလည်း မွန်စာပေနှင့် ယဉ်ကျေးမှု ကော်မတီ (ဗဟို) အနေနှင့် မွန်အမျိုးသားကျောင်းများကို တာဝန်ယူနိုင်ရန်မှာ ဖြစ်နိုင်ခြေ နည်းကြောင်း ပြောသည်။

မွန်စာပေနှင့် ယဉ်ကျေးမှု ကော်မတီ (ဗဟို) ကို

Ref: မဇ္ဈိမ

Read More...

ဒဂုန်မြို့သစ် မြေသိမ်းခံရမှု ၈၈ နှင့် လွှတ်တော်အမတ် လက်တွဲ

မင်းသက်
မတ်လ ၂၂ ရက် ၂၀၁၂ ခုနှစ်

ရန်ကုန်တိုင်း ဒဂုန်မြို့သစ် အရှေ့ပိုင်းမှ အသိမ်းခံရတော့မည့် မြေကွက်များ ကိစ္စနှင့် ပတ်သက်၍ ၈၈ မျိုးဆက် ကျောင်းသားများနှင့် လွှတ်တော်ကိုယ်စားလှယ်တို့က နစ်နာသူတို့နှင့်အတူ လက်တွဲ
ဆောင်ရွက်သွားမည်ဟု ဆိုသည်။

မတ်လ ၇ ရက်နေ့က နိုင်ငံပိုင်မီဒီယာများမှတဆင့် ထုတ်ပြန်ချက်အရ အထူးစိုက်ပျိုးရေးဇုန် စီမံကိန်းအတွက် ဒဂုန်မြို့သစ် အရှေ့ပိုင်း မြို့နယ်ရှိ မြေတိုင်းအမှတ် ၁၁ ခုမှ မြေကွက်ပေါင်း ၈,ဝဝဝ ကျော်ကို ဆောက်လုပ်ရေး ဝန်ကြီးဌာန၊ အိုးအိမ်ဦးစီးဌာနမှ အသိမ်းခံရမည် ဖြစ်သည်။

အဆိုပါမြေကွက်များမှာ ဝန်ထမ်း မြေကွက်များ ဖြစ်၍ နစ်နာသူ ဒေသခံ ဝန်ထမ်းများက အကူအညီတောင်းသဖြင့် ၈၈ ကျောင်းသား များနှင့် လက်တွဲဆောင်ရွက်နေခြင်းဖြစ်ကြောင်း အလုံမြို့နယ် ပြည်သူ့လွှတ်တော်ကိုယ်စားလှယ် ဦးခိုင်မောင်ရည် က မဇ္ဈိမကို ပြော သည်။


“၈၈ မျိုးဆက်ကလည်း ပြည်သူပဲ။ ဘယ်သူက မပေါင်းရဘူး ပြောမလဲ။ ကျနော်တို့ အချင်းချင်း သူငယ်ချင်းတွေဖြစ်လို့ ပိုတောင် ပေါင်းလုပ်လို့ ရသေးတယ်” ဟု ပြောသည်။

အသိမ်းခံ မြေကွက်များကို ၁၉၉၈ ခုနှစ်က ဝန်ထမ်းများအား ရောင်းချစဉ်က တန်ဖိုးဖြစ်သည့် ကျပ် ၁၂,ဝဝဝ သာ ပြန်လည်ပေး လျော်မည်ဖြစ်၍ ကာလပေါက်ဈေးနှင့်ယှဉ်ပါက လွန်စွာနစ်နာနေရကြောင်းလည်း ဦးခိုင်မောင်ရည်က ပြောသည်။

“ခုဟာက မြေကွက်တွေကို သိမ်းမယ်ဆိုတာရယ်၊ ပြန်အမ်းမယ်ဆိုတဲ့ ပိုက်ဆံက နဂို မူလ သွင်းတဲ့ပိုက်ဆံဆိုတာ တလကို ၂ဝဝ နှုန်းနဲ့ ငါးနှစ်တိတိ ဝန်ထမ်းလခထဲက ဖြတ်လာခဲ့တာ အားလုံး တသောင်းနှစ်ထောင်ရှိတယ်။ ကာလပေါက်ဈေး မြေကြီးဆိုတာက တန်ဖိုး ဖြတ်လို့ မရဘူး။ သိန်း သုံးလေးငါးဆယ်ကနေ သိန်းရာချီပြီးတော့လည်း ရှိသွားနိုင်သလို ဒိထက်လည်း မြင့်နိုင်ပါတယ်။ နေရာအလိုက် ပေါ့” ဟု ပြောသည်။

သတ်မှတ်လျော်ကြေး ၁၂,ဝဝဝ ကျပ်ကို မတ်လ ၃၁ ရက်နေ့ နောက်ဆုံးထား၍ လာရောက်ထုတ်ယူရမည်ဟု
ကြေညာထားကြောင်း သိရသည်။

မတ်လ ၁၅ ရက်နေ့ လွှတ်တော်တွင် အဆိုပါကိစ္စအား ဦးခိုင်မောင်ရည်က မေးခွန်းထုတ်ခဲ့သဖြင့် အထောက်အထား များဖြင့် ဖြစ်စဉ် အသေးစိတ်အား ပြည်သူ့လွှတ်တော် ဥက္ကဋ္ဌက တောင်းခံနေရာ ဒေသခံများထံ ၈၈ ကျောင်းသားများနှင့် အတူ မတ်လ ၁၇ ရက်နေ့က သွားရောက်တွေ့ဆုံ စုံစမ်းခဲ့သည်ဟု ဦးခိုင်မောင်ရည်က ပြောသည်။

အဆိုပါကိစ္စနဲ့ပတ်သက်၍ နစ်နာသူများအား နည်းလမ်းနှစ်သွယ်ဖြင့် ကူညီဆောင်ရွက်ပေးသွားမည်ဟု ၈၈ ကျောင်းသားခေါင်းဆောင် တဦးဖြစ်သူ ဦးကိုကိုကြီးက ပြောသည်။

“ကျနော်တို့ကလည်း အတတ်နိုင်ဆုံး အချက်အလက်တွေ ကောက်ပေးသွားမယ်။ ဒါနဲ့ပတ်သက်ပြီး ကိုယ်စားပြု ဒီမိုကရေစီနဲ့ တိုက်ရိုက် ဒီမိုကရေစီဆိုတဲ့ ပုံစံနှစ်ခုနဲ့ ကြိုးစားသွားမယ်။ ကိုယ်စားပြု ဒီမိုကရေစီနည်းကတော့ လွှတ်တော် ကိုယ်စားလှယ်တွေက တဆင့် ဆွေး နွေးတင်ပြသွားမှာဖြစ်တယ်။ တိုက်ရိုက် ဒီမိုကရေစီကတော့ ကျနော်တို့ ၈၈ မျိုးဆက် ကျောင်းသားတွေနဲ့ ပြည်သူတွေ ပူးပေါင်း ဆောင်ရွက်ဖို့ ဖြစ်ပါတယ်”ဟု မဇ္ဈိမကို ပြောသည်။

ယင်းမြေယာကိစ္စ အသေးစိတ်ကို သူရဦးရွှေမန်းက သမ္မတကြီးထံ တင်ပြထားပြီး ဖြစ်သည်ဟုလည်း ဆိုသည်။

စုံစမ်းလေ့လာမှုအရ အဆိုပါ ပေ ၆ဝ၊ ပေ ၄ဝ ရှိ မြေကွက် ၈,ဝဝဝ ကျော်မှာ ၁၉၉၈ ခုနှစ်မှပင် အိမ်ဆောက်လုပ်ခွင့် ပါမစ်များ ရထားပြီး လက်ရှိတွင် အိမ်ထောင်စုပေါင်း ၈ဝ၇၉ စု နေထိုင်လျက်ရှိသည်ဟု ဦးခိုင်မောင်ရည်က ပြောသည်။

Ref: မဇ္ဈိမ

Read More...

ကော့မှူးမှ တနိုင်ငံလုံး အလုပ်လက်မဲ့ ပပျောက်ရေး ဒေါ်စု အလေးပေး

ဖနိဒါ
မတ်လ ၂၂ ရက် ၂၀၁၂ ခုနှစ်

အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်က ကြားဖြတ် ရွေးကောက်ပွဲတွင် ၎င်းဝင်ရောက် ယှဉ်ပြိုင်မည့် ရန်ကုန်တိုင်း ကော့မှူးမြို့နယ်မှ အလုပ်လက်မဲ့ အခြေအနေ ပပျောက်စေရန် အလေးထား လုပ်ဆောင်ပေးမည်ဟု ပြောကြားလိုက်သည်။

ကော့မှူးမြို့နယ် ဘုရားလမ်း ရပ်ကွက် ဝိဇ္ဖောဒယကျောင်းရှေ့မှ ကွင်းပြင်တွင် ပြည်သူလူထု လေးသောင်းခန့်ကို ၂၅ မိနစ်ခန့်ကြာ ပထမဆုံး မဲဆွယ် စည်းရုံးရေးဟောပြောရာတွင် ဒေါ်အောင်ဆန်းစုကြည် က ယင်းသို့ ပြောဆိုခဲ့ခြင်း ဖြစ်ကြောင်း NLD ၏ ကော့မှူး မြို့နယ် အောင်နိုင်ရေး တာဝန်ခံ ဦးမြင့်သိန်းက ပြောသည်။

“ကော့မှူးမြိုနယ်မှာ အလုပ်လက်မဲ့ များပြီးတော့ စီးပွားရေး အခြေအနေ တော်တော်ဆိုးနေတာ တွေ့ရတယ်။ ကော့မှူး မြို့နယ်က မဲ ဆန္ဒရှင် အားလုံးအတွက်ကို ကျမမြို့နယ်ဖြစ်တဲ့အတွက်ကို မြန်မာပြည်မှာ ကျမမြို့နယ်ကနေစပြီး အဲဒါတွေကို ပြုပြင်ပေးချင်တယ်။ ကျမ တာဝန်ကျေအောင် ထမ်းဆောင်ပါ့မယ်။ ဒါကြောင့် ကော့မှူးမြို့က လူထု မဲပေးမှသာလျှင် မြန်မာတပြည်လုံးအတွက် အဲဒီတာဝန်ကို ထမ်းဆောင်နိုင်မှာ ဖြစ်ပါတယ်”ဟု ဒေါ်အောင်ဆန်းစုကြည် ၏ ပြောစကားအတိုင်း ဦးမြင့်သိန်းက မဇ္စျိမကို ပြန်ပြောပြသည်။

ထို့ပြင် ဖေဖေါ်ဝါရီလ ၁၅ ရက်နေ့က သွားရောက်ခဲ့သည့် မရမ်းကုန်းမြို့နယ် ပါတီစည်းရုံးရေး ဟောပြောပွဲတွင်လည်း အလုပ်လက် မဲ့ပြဿနာ ဖြေရှင်းရေးအတွက် ဒေါ်အောင်ဆန်းစုကြည်က ပြောဆိုခဲ့ဖူးသည်။

“ကျမတို့နိုင်ငံရဲ့ အဓိက ပြဿနာကြီးကတော့ ဆင်းရဲမွဲတေမှုပါပဲ။ ဒီပြဿနာနဲ့ ပတ်သက်လို့ ဘယ်လိုဖြေရှင်းဖို့ စဉ်းစားထားသလဲလို့ မေးလို့ရှိရင် ကျမတို့ မြန်မာနိုင်ငံကို ကူညီချင်တဲ့ အဖွဲ့အစည်းတွေ နိုင်ငံတွေနဲ့ ဒီကိစ္စတွေကို ကျမတို့ ဆွေးနွေးပြီးပါပြီ။ ကျမတို့ ဘယ် လိုပုံစံနဲ့ အကောင်းဆုံး လုပ်မလဲဆိုတာကို စတင်ပြီးတော့ ကျမတို့ တတ်နိုင်သလောက် ဆောင်ရွက်နေပါတယ်” ဟု ပြောကြား ခဲ့ဖူးသည်။

ကြာသပတေးနေ့ ကော့မှူးဟောပြောပွဲတွင် တိုင်းရင်းသားစည်းလုံးညီညွတ်ရေး ဦးတည်ချက်ဖြင့် ကရင်တိုင်းရင်းသား များ နေထိုင်သည့် ကော့မှူးမြို့နယ် မဲဆန္ဒနယ်ကို ရွေးချယ်ထားပြီး လွှတ်တော်ထဲရောက်ရှိပါက ကော့မှူးမြို့နယ်ရှိ တိုင်းရင်းသားကျေးရွာ အသီးသီးသို့ အရောက် သွားမည်ဟု ပြောခဲ့သည်ဟု လည်း သိရသည်။

ယခုခရီးစဉ်မှာ ၎င်း၏ မဲဆန္ဒနယ်သို့ လေးကြိမ်မြောက် သွားရောက်ခြင်းဖြစ်သော်လည်း ရွေးကောက်ပွဲ အောင်နိုင်ရေး မဲဆွယ်စည်းရုံး မှုအနေဖြင့် ပထမဆုံးအကြိမ်ဖြစ်သည်။

ဒေါ်အောင်ဆန်းစုကြည်၏ ယနေ့ ကော့မှူးခရီးစဉ်တွင် မြို့ခံဆရာတော် ၁၃ ပါးကို ပင့်ဆောင်ကာ ဝတ္ထုပစ္စည်းများဖြင့် ပူဇော်ခဲ့သလို တွံ့တေးမြို့နယ် ဘုရားကြီး ကျေးရွာမှ မင်္ဂလာပရဟိတ မိဘမဲ့ကလေးဂေဟာကျောင်းသို့ သွားရောက် ကာ မိဘမဲ့ကလေးငယ် ၄ဝဝ ကျော်တို့အား အားပေးစကားပြောခဲ့သည်ဟု သိရသည်။

ထို့ပြင် ကော့မှူးမြို့နယ် ကျေးရွာပေါင်း ၆၂ ရွာမှ ရပ်ကျေးခေါင်းဆောင်များနှင့် ပါတီအောင်နိုင်ရေးရုံးတွင် တွေ့ဆုံကာ ရွေးကောက်ပွဲ ဝင်ရခြင်း၏ အကြောင်းအရင်းများ၊ မဲဆွယ်စည်းရုံးရေးကိစ္စများနှင့် ပတ်သက်၍ ဆွေးနွေးခဲ့သည်ဟု ဦးသိန်းမြင့်က ပြောသည်။

ကော့မှူးမြို့နယ် ပြည်သူ့လွှတ်တော် မဲဆန္ဒနယ်တွင် ကျေးရွာပေါင်း ၆၂ ရွာ၊ မဲပေးနိုင်သူ ဦးရေ ၈၇,ဝဝဝ ရှိပြီး မဲရုံပေါင်း ၁၂၉ ရုံထား ရှိမည် ဖြစ်သည်။

ကြာသပတေးနေ့ နေ့လယ်ပိုင်း စတင်သည့် ခရီးစဉ်တွင် ရန်ကုန်တိုင်း တွံတေးမြို့မှ ကော့မှူးမြို့သို့ အသွားလမ်း တလျှောက် ပြည်သူ လူထုက လမ်းဘေးဝဲယာမှ ပျော်ပျော်ရွှင်ရွှင် လာရောက် ကြိုဆိုခဲ့သည်ကို တွေ့ရကြောင်း ခရီးစဉ်တလျှောက် လိုက်ပါခဲ့သူ မဇ္ဈိမ သတင်းထောက်တဦးက ပြောသည်။

“တွံတေးကနေ ကော့မှူးတလျှောက် လူတွေက ပြည့်ညပ်နေတော့ ကားက လိမ့်ရုံပဲ သွားရတာ။ ဒီလောက် နေပူကြဲ ထဲမှာတောင် ရွာ တိုင်းလိုလို ထွက်လာပြီး လာကြိုပြီး နှုတ်ဆက်ကြတယ် အဖိုးကြီး အဘွားကြီးတွေတောင်မှ ဖိနပ် မပါဘဲ လာနှုတ်ဆက်တာ တွေ့ရတယ်။ လူတွေက ပူအိုက်ပြီး ချွေးတွေ ထွက်နေတာတောင်မှ တကယ်ကို ပျော်ပျော် ရွှင်ရွှင်နဲ့ ကြိုကြတာ တွေ့ရတယ်”ဟု ပြောသည်။

ပြီးခဲ့သည့် ဖေဖော်ဝါရီလဆန်းပိုင်းတွင် ဒေါ်အောင်ဆန်းစုကြည်က ကော့မှူးမြို့နယ် ဝါးသင်္ခကျေးရွာမှ ဒေါ်သန်းသန်းလေး မိသားစုတွင် အိမ်ထောင်စု စာရင်းဝင် လိုက်သော်လည်း မဲထည့်ရန် ပုံစံ ၁ဝ ပြုလုပ်ဖို့ လိုအပ်သဖြင့် မဲထည့်နိုင်ရန် ကြိုးစားတော့မည် မဟုတ်ကြောင်း NLD ဗဟိုအောင်နိုင်ရေး အတွင်းရေးမှူး ဦးဉာဏ်ဝင်းက ပြောသည်။

ကော့မှူးမြို့နယ် ပြည်သူ့လွှတ်တော် မဲဆန္ဒနယ်တွင် NLD မှ ဒေါ်အောင်ဆန်းစုကြည်၊ ကြံ့ခိုင်ရေးပါတီမှ ဒေါက်တာ စိုးမင်းနှင့် ညီညွတ် ရေးနှင့် ငြိမ်းချမ်းရေးပါတီမှ ဦးတင်ရီတို့ ယှဉ်ပြိုင်ကြမည် ဖြစ်သည်။

Ref: မဇ္ဈိမ

Read More...

ဒေါ်အောင်ဆန်းစုကြည်ကော့မှူးတွင် ပထမဆုံး မဲဆွယ်စည်းရုံး

22 March 2012
နန်းသူးလေ

အမျိုးသားဒီမိုကရေစီအဖွဲ့ချုပ်(NLD) ဥက္ကဌ ဒေါ်အောင်ဆန်းစုကြည်သည် ၎င်း၏မဲဆန္ဒနယ် ကော့မှူးမြို့နယ်တွင် ပထမဆုံးအကြိမ် မဲ ဆွယ်စည်းရုံးမှုကို ယနေ့ ပြုလုပ်ခဲ့သည်။

ဒေါ်အောင်ဆန်းစုကြည်သည် ကော့မှူးမြို့သို့ လေးကြိမ်လာရောက်ခဲ့ပြီးဖြစ်သော်လည်း ယခုတစ်ကြိမ်မှသာ ၎င်းမဲဆန္ဒနယ်အတွက် လာ ရောက်စည်းရုံးခြင်းဖြစ်သည်ဟု ကော့မှူးမြို့နယ် (NLD) မဲအောင်နိုင်ရေး တာဝန်ခံ ဦးမြင့်သိန်းက ပြောသည်။

“အရင် သုံးကြိမ်တုန်းက လာတာကတော့ ပါတီအတွက်လာတာ။ သူ(ဒေါ်စု)က ရွေးကောက်ပွဲကိုယ်စားလှယ် ဟုတ်မယ် မဟုတ်ဘူးဆို တာ မသေချာသေးတဲ့အတွက် စည်းရုံးဖို့လာတာ မဟုတ်ဘူး။ အခုလာတာကတော့ ရွေးကောက်ပွဲအတွက် စည်းရုံးဖို့ အဓိကလာတာလို့ ပြောသွားတယ်။”ဟု ၎င်းက ပြောဆိုသည်။

ဒေါ်အောင်ဆန်းစုကြည်သည် တိုင်းရင်းသားအရေးကို အလေးအနက်ထားသည့်အနေဖြင့် ကော့မှူးမြို့နယ် ၀ါးသင်္ခကျေးရွာရှိ ကရင်မိသား စုတစ်စုထံတွင် အိမ်ထောင်စုစာရင်းဝင်ကာ ကြားဖြတ်ရွေးကောက်ပွဲ ၀င်ပြိုင်ခြင်း ဖြစ်သည်။

ဒေါ်အောင်ဆန်းစုကြည်သည် ယနေ့ နေ့လည်တွင် ရန်ကုန်မှ ကော့မှူးသို့လာရောက်ခဲ့ပြီး ၎င်းမြို့နယ်အတွင်းရှိ ဘုရားလမ်းရပ်ကွက် ၀ိဇ္ဇေ ဒရကျောင်းတိုက် အရှေ့ကွင်းပြင်တွင် လေးဆယ့်ငါးမိနစ်ကြာ စည်းရုံးဟောပြောခဲ့သည်။

လူထုပရိဿတ် လေးသောင်းခန့် တက်ရောက်ခဲ့သည့် ထိုဟောပြောပွဲတွင် ဒေသခံပြည်သူများအနေဖြင့် မဲထည့်မမှားကြရန်၊ မိမိအား မဲပေးကြရန် ဟောပြောသွားခဲ့သည်ဟု ၎င်းဟောပြောပွဲသို့ သတင်းတက်ရောက်ယူနေသည့် ပြည်တွင်းသတင်းထောက်တစ်ဦးက ယခုလို ပြောသည်။

၎င်းက “ပြောသွားတာကတော့ မဲထည့်မမှားကြဖို့ တခြားပါတီတွေကလည်း ငွေချေးပေးမယ်ဆိုရင် ယူပေါ့နော်။ အခက်အခဲကြောင့် ငွေလို တယ်ဆိုရင်တော့ ယူပေါ့။ ဒါပေမယ့် မဲပေးတဲ့နေရာမှတော့ ကိုယ့်ရည်မှန်းထားတဲ့လူကိုပဲ မဲပေး၊ ကိုယ့်အတွက် ကောင်းအောင်လုပ်ပေး နိုင်တယ် မနိုင်ဘူးဆိုတာတော့ ကိုယ့်ဘာသာကိုယ် လေ့လာပါဆို ပြီးပြောသွားတယ်”ဟု ပြောသည်။

ကော့မှူးဒေသခံတစ်ဦးကလည်း “ဒေါ်စုပြောသွားတာကတော့ တကယ်လို့ ရွေးကောက်ပွဲက တင်မြှောက်ထားတဲ့ အမတ်တစ်ယောက် ဖြစ်နေပြီး ရွာတိုင်းလိုလို မရောက်ခဲ့ဘူးဆိုရင်တော့ သူ တာဝန်မကျေဘူးပေါ့။ အဲ့ဒီအတွက် သူရောက် အောင်သွားမယ်။ နောက်ပြီး ပြည် သူအတွက် တာဝန်ယူထားတဲ့အတွက် တာဝန်ကျေအောင် ပေးဆပ်ဖို့ ကြိုးစားမယ်ပေါ့” ဟု ပြောသည်။

ပြီးခဲ့သည့် ရက်ပိုင်းအတွင်း ဒေါ်အောင်ဆန်းစုကြည်သည် ၎င်း၏မဲဆန္ဒနယ်တွင် မဲပေးနိုင်ရန်အတွက် ပုံစံ (၁၀)ပြုလုပ်ရန် ကော့မှူးမြို့သို့ သွားရောက်မည်ဟု သတင်းများထွက်ပေါ်နေခဲ့သော်လည်း အလုပ်များ မအားလပ်သည့်အတွက် မဲမထည့်ရန် ဆုံးဖြတ်လိုက်ကြောင်း NLD တာဝန်ရှိသူများ၏ ပြောဆိုချက်အရ သိရသည်။

ရန်ကုန်တိုင်းဒေသကြီးအတွင်းရှိ ကော့မှူးမဲဆန္ဒနယ်တွင် ဒေါ်အောင်ဆန်းစုကြည်အပြင် ကြံ့ခိုင်ရေးပါတီမှ ဒေါက်တာစိုးမင်း၊ ညီညွှတ် ရေး နှင့် ငြိမ်းချမ်းရေးပါတီမှ ဦးတင်ရီတို့ ၀င်ရောက်အရွေးခံကြမည် ဖြစ်သည်။

Ref: ကေအိုင်စီ

Read More...

တမျိုးသားလုံး၏ သမိုင်းတရားခံ မဖြစ်ရန် KNU သတိပြုသင့်ကြောင်း KPC ပြောဆို

22 March 2012
စောသိန်းမြင့်

ကရင်အမျိုးသားအစည်းအရုံး(KNU)အနေဖြင့် ငြိမ်းချမ်းရေး ဖော်ဆောင်ရာတွင် ကရင်တမျိုးသားလုံး၏ သမိုင်းတရားခံ မဖြစ်ရန် သတိပြု သင့်ကြောင်း ကရင်ငြိမ်းချမ်းရေးကော်မတီ- KPC ခေါင်းဆောင်များက မတ်လ ၂၀ရက်နေ့က ဆွေးနွေးပြောဆိုခဲ့ကြသည်။

ထိုနေ့ညနေတွင် ကရင်ပြည်နယ် ဘားအံမြို့၊ တောင်ကလေးဘုန်းတော်ကြီးကျောင်း၌ ကျင်းပပြုလုပ်သည့် KPC ဆရာတော်များ၏ အထူး အစည်းအဝေးတွင် KNU ဖော်ဆောင်သော ငြိမ်းချမ်းရေးကို အပြုသဘော ကြိုဆိုသော်လည်း KNU အနေဖြင့် သမိုင်းစာမျက်နှာ၌ တစ်မျိုး သားလုံး၏ သမိုင်းတရားခံ မဖြစ်ရန် သတိပြုသင့်သည်ဟု ဆွေးနွေးခဲ့ကြခြင်း ဖြစ်သည်။

ထိုအစည်းအဝေးတွင် တောင်ပတ်ဆရာတော်၊ တောင်ကလေးဆရာတော်၊ ဘီးရှော့ဖိုးရေ၊ ဘီးရှော့ ဒီဝှိုက်ကျင်း၊ သိက္ခာတော်ရ ဆရာ တော် ဒေါက်တာဂျိမ်း(စ်) ကေဘန်တို့ စသည့် KPC ၏ ဦးဆောင်ဆရာတော် ၅ပါး ပါဝင်ခဲ့ကြသည်။


ကရင့်အရေးသည် ကရင်အမျိုးသားတစ်ရပ်လုံးနှင့် သက်ဆိုင်သည့်အတွက် ကရင်လူထုအင်အား တစ်ရပ်လုံး မပါဘဲ ဖော်ဆောင်သော ငြိမ်းချမ်းရေးသည် ရေရှည်တည်တံ့သော ငြိမ်းချမ်းရေးဖြစ်မည်မဟုတ်ကြောင်း ခံယူသကဲ့သို့ အမှန်တရားကို အခြေမခံသော ငြိမ်းချမ်း ရေး သည် ထာဝရ ငြိမ်းချမ်းရေး မည်သို့မျှ မဖြစ်နိုင်ဟု KPC ဆရာတော်များက ရှုမြင်သုံးသပ်ကြသည်။

၎င်းအပြင် ကရင်အမျိုးသား၏ စီးပွားကို ပျက်ပြားစေမည့် ငြိမ်းချမ်းရေးမျိုးမဖြစ်စေရန်နှင့် တစ်ပါးသူတို့၏ ချယ်လှယ်သော ငြိမ်းချမ်းရေး ဖော်ဆောင်မှုမျိုး မဖြစ်စေရန် အထူးသတိပြုသင့်သည့်အတွက် KNU အနေဖြင့် အစိုးရနှင့် ထပ်မံ တွေ့ဆုံရာတွင် ကရင်ပြည်သူအားလုံး၏ အကြံဉာဏ်များကို ရယူသွားမည်ဟု KPC ၏ အစည်းအဝေး မှတ်တမ်းတွင် ဖော်ပြပါရှိသည်။

KNU ၏ ဒု ဥက္ကဌ ပဒိုစောဒေးဗစ်သကဘောက “ဒါ တစ်မျိုးသားလုံးကိစ္စဆိုတော့ အားလုံးရဲ့ အကြံအဉာဏ်တွေကို ယူမှာပါ။ ကရင်ပြည် နယ်တင်မကဘူး။ ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ တနင်္သာရီတိုင်းမှာရှိ ကရင်ပြည်သူတွေရဲ့ အကြံဉာဏ်တွေ ယူမယ်။ နောက် တစ်ခေါက်သွားရင်ပေါ့လေ”ဟု ပြောသည်။

ပြီးခဲ့သည့် ဇန်န၀ါရီလက အစိုးရ ငြိမ်းချမ်းရေးဖော်ဆောင်ရေး ကိုယ်စားလှယ်တို့နှင့် သွားရောက်ဆွေးနွေးခဲ့သော KNU ကိုယ်စားလှယ်အ ဖွဲ့သည် အကြောင်းအမျိုးမျိုးကြောင့် KPC ကို သီးသန့် သွားရောက် တွေ့ဆုံနိုင်ခြင်းမရှိသော်လည်း နောက်တစ်ခေါက် ခရီးစဉ်တွင် မဖြစ် ဖြစ်အောင် သွားရောက်တွေ့ဆုံမည်ဟု KNU ဘက်က ပြောဆိုသည်။

နှစ်ပေါင်း (၆၀)ကျော်ကြာ တိုက်ပွဲဝင်ခဲ့သည့် KNU အဖွဲ့သည် မီးရထားဝန်ကြီး ဦးအောင်မင်း ဦးဆောင်သည့် အစိုးရ ငြိမ်းချမ်းရေးဖော် ဆောင်ရေးအဖွဲ့နှင့် ပြည်နယ်အဆင့် ပဏာမ အပစ်အခတ် ရပ်စဲရေး သဘောတူညီစာချုပ်ကို ယခုနှစ် ဇန်န၀ါရီလ ၁၂ရက်နေ့က ချုပ်ဆိုခဲ့ သည်။

ထိုကာလနောက်ပိုင်း KNU အဖွဲ့သည် ပြည်တွင်းပြည်ပရှိ ကရင်လူမှုအဖွဲ့အစည်းများ၊ တတ်သိပညာရှင်များနှင့် ခရိုင်၊ တပ်မဟာ ခေါင်း ဆောင်များက အပြန်အလှန် ဆွေးနွေးခဲ့ကြပြီး လာမည့် ဧပြီလဆန်းပိုင်းတွင် အစိုးရနှင့် ဒုတိယအကြိမ် သွားရောက်တွေ့ဆုံနိုင်ရန်အ တွက် ပြင်ဆင်ထားသည်ဟုလည်း ပဒိုဒေးဗစ်သကဘောက ဆက်ပြောသည်။

ဘားအံမြို့အခြေစိုက် Karen Peace Committee-KPC ကို ကရင်လူမျိုးများအချင်းချင်း စည်းလုံးညီညွှတ်ရေးနှင့် မြန်မာပြည်ငြိမ်းချမ်း ရေး အတွက် ၂၀၀၄ခုနှစ်က ကရင်ပြည်နယ်၊ ဘားအံမြို့၌ ဗုဒ္ဓဘာသာ သံဃာတော် ၅ပါးနှင့် ခရစ်ယာန်ဆရာတော် ၄ပါးဖြင့် စတင် ဖွဲ့စည်းခဲ့ သည်။

အစိုးရနှင့် KNU တို့ ပဏာမ ငြိမ်းချမ်းရေးသဘောတူ လက်မှတ်မထိုးခင် ဒီဇင်ဘာလ ၇ရက်နေ့တွင် KPC ၏ ဦးဆောင်အဖွဲ့ဝင် ၃ဦးသည် ထိုင်း-မြန်မာနယ်စပ်တစ်နေရာ၌ KNU ဗဟိုကော်မတီဝင်တချို့နှင့် လာရောက်တွေ့ဆုံခဲ့ဖူးသည်။

Ref: ကေအိုင်စီ

Read More...

အစိုးရတပ်က အဆိပ်ငွေ့သုံး၍တိုက်ခိုက်ဟု ကေအိုင်အေစွပ်စွဲ

March 22, 2012
နန်းမြနဒီ

အစိုးရငြိမ်းချမ်းရေး ကိုယ်စားလှယ်အဖွဲ့တွေနဲ့ အကြိမ်ကြိမ် ညှိနှိုင်းနေပေ မယ့် ကေအိုင်အေနဲ့  အစိုးရ အကြား တိုက်ပွဲတွေ ဆက်ဖြစ် နေပြီး အခု သီတင်းပတ် အတွင်း ဖြစ်ပွားတဲ့ တိုက်ပွဲတခုမှာ အစိုးရတပ်ဘက်က အဆိပ်ဓာတ်ငွေ့တွေပါ သုံးစွဲလာတယ်လို့ ကေအိုင်အို ပြောရေး ဆိုခွင့်ရှိသူ ဦးလနန်းက ပြောပါတယ်။

ဒီလ ၁၉ ရက်နေ့က ဖြစ်ပွားခဲ့တဲ့ ကန်ဒေါင်ယန် ကျေးရွာအနီးက တိုက်ပွဲမှာ အစိုးရဘက်က ဒီအဆိပ်သင့် ကျည်ငွေ့တွေကို သုံးခဲ့တာလို့ သူက ပြောပါတယ်။ မြစ်ကြီးနား ဗန်းမော်သွား လမ်းပေါ်မှာ ရှိတဲ့ အဲဒီ တောင်ကုန်းတွေပေါ်က ကေအိုင်အေ တပ်မဟာ ၅ လက်အောက်ခံ ခြေကုပ်စခန်းတွေ ကို ခလရ ၄၆၀၊ ခမရ ၃၉၀ စတဲ့ အစိုးရတပ်က လွန်ခဲ့တဲ့ ၃ – ၄ ရက်က စပြီး သိမ်းဖို့ကြိုးစားတဲ့အတွက် တိုက်ပွဲ ဆက်ဖြစ်နေတယ် လို့ သူက ဆိုပါတယ်၊။

၂၀၁၁​ ခုနှစ် နှစ်လည်ပိုင်းက ရှမ်းပြည်တပ်မတော် မြောက်ပိုင်းနဲ့ အစိုးရတို့ အကြား ဖြစ်ပွားတဲ့ တိုက်ပွဲတခုမှာလည်း အစိုးရဘက်က ပစ်တဲ့ ကျည်ဆံပေါက်ကွဲမှုကနေ ထွက်တဲ့အငွေ့​ကို ရှုရှိုက်မိတဲ့ ရှမ်းတပ်သားတချို့  မူးဝေခဲ့ရတယ် ဆိုတဲ့ သတင်း ထွက်ပေါ်ခဲ့ဖူးပါတယ်​။​

Ref: ဒီဗွီဘီ

Read More...

ဓမ္မာစရိယတန်း အောင်မှ နယ်လှည့်​တရား​​ဟောရမည်

March 22, 2012
အေး​နိုင်

ဓမ္မာစရိယတန်း ​ မ​အောင်မြင်​သေး​တဲ့​ သူတွေကို နယ်လှည့်​တရား​​ဟော​ပြောခွင့်​ ပိတ်ပင်ထားတဲ့​ နယ်လှည့်​ဓမ္မကထိက ဂုဏ်အင်္ဂါ ၉ ချက် အမည်ရှိ ကြေညာချက်ကို နိုင်ငံတော်သံဃမဟာနာယက က ထုတ်ပြန်လိုက်ပါတယ်။

အဲဒီဂုဏ်အင်္ဂါ ၉ ချက်ထဲမှာ အဓိအားဖြင့် ဓမ္မာစရိယတန်း​ ​အောင်ရမယ် ဆိုတာနဲ့ နိုင်ငံ​ရေး​၊​ စီး​ပွားရေး​၊​ လူမှု​ရေး​တွေကို မ​ဟောရဘူး​ ဆိုတာတွေ ပါဝင်တယ်လို့ ထုတ်ပြန်ချက် ရရှိထား​တဲ့​ ရန်ကုန်တိုင်း​ ပုဇွန်​တောင်မြို့နယ် ​ရွှေ​တောင်​ကျောင်း​တိုက်က ​ကျောင်း​ထိုင်ဆရာ​တော် ဦး​ပဏ်ဏဝံသက မိန့်ဆိုပါတယ်။

ကျန်တဲ့ ဂုဏ်အင်္ဂါတွေထဲမှာ အနည်းဆုံးသိက္ခာ ၁၀ ဝါရှိဖို့၊ ဆဋ္ဌသင်္ဂါယနာ မူအတိုင်း​ ပိဋကတ်​တော်​တွေ၊​ အဋ္ဌကထာတော်တွေနဲ့ ဆန့်ကျင်ဘက် မပြုဖို့ နဲ့  ပုဂ္ဂိုလ်ရေးထိပါးပုတ်ခတ်ခြင်း မပြုဖို့  ဆိုတာတွေ ပါဝင်တယ်လို့  ဆိုပါတယ်။

ဒီထုတ်ပြန်ချက်ကြောင့် ဓမ္မာစရိယတန်း မအောင်မြင်ပေမယ့် တရားဟော ကောင်းတဲ့ ရဟန်းတွေ နယ်လှည့်တရားဟောခွင့် ဆုံးရှုံးမယ့် သဘော ရှိနေတယ်လို့  ဆရာတော်က မိန့် ပါတယ်။

“​ဓမ္မာစရိယ ​အောင်တိုင်း​ တရား​ဟော နိုင်တာ မဟုတ်တာကိုး။ ဒါကို မြန်မာ နိုင်ငံမှာ ရှိ​နေတဲ့​ ​ထေရဝါဒ ရဟန်း​တော်​တွေအ​နေနဲ့​ ​တော်​တော် သိထား​တယ်​။ ဥပမာဆိုရင် စွန်း​လွန်း​ဂူဆရာ​တော်ဟာ ရဟန္တာ ဖြစ်တာပဲ။ သူတို့လည်း​ တရား​တွေ ​ဟောသွား​တာပဲ။ ဘာအတန်း​မှ မ​အောင်ခဲ့​ပါဘူး​။ ဒါဟာ မလိုအပ်ပါဘူး​။ ” လို့  မိန့်ပါတယ်။

 နိုင်ငံ​ရေး​၊​ စီး​ပွား​ရေး​၊​ ​လောကအ​ရေး​တွေ မ​ဟောကြဖို့ ဆို​တဲ့အချက်ဟာလည်း ဘုရားအလိုနဲ့ ဆန့် ကျင်နေတယ်လို့ ဆက်မိန့် ပါတယ်။

“​ဒါက ဘာနဲ့ဆန့်ကျင်လဲ ဆို​တော့​ ဦး​ဇင်း​တို့ ရတနာ့​သုတ်၊​ ပရိတ်ကြီး​ပါဠိ​တော် အဖွင့်​မှာတင် ​လောကတ္ထစရိယ၊ ဉာတတ္ထစရိယ၊ ဗုဒ္ဓတ္ထစ ရိယ ဆိုတာရှိတာပဲ။ ဒါ​လောကတ္ထစရိယကို ပိတ်ပင်တာနဲ့ အတူတူပါပဲ။ ”

တရားနာပရိသတ်တွေ အယူမှားအမြင်မှား ဖြစ်မှာစိုးလို့ ပိတ်ပင်ရတာလို့ သိရပြီး ထူးခြားချက် အဖြစ်ကတော့ မလိုက်နာရင် ဘယ်လို အပြစ်ပေး အရေးယူ မယ်ဆိုတာ မပါရှိဘူးလို့ ဆရာတော်က မိန့်ပါတယ်။

တ​ပေါင်း​ လပြည့်​ကျော် ၃ ရက်က​နေပြီး​ လပြည့်​နေ့​ထိ ကျင်းပတဲ့ ၄၇ ပါး​စုံညီ အစည်း​အ​ဝေး​ ဆုံးဖြတ်ချက်အရ ​ ထုတ်ပြန်တာဖြစ်ပြီး မြို့နယ် သံဃနာယက အဖွဲ့တွေထံ ဝေငှထားပါတယ်။

Ref: ဒီဗွီဘီ

Read More...

မြန်မာအပေါ် သတိရှိရှိနဲ့ စနစ်တကျကူညီဖို့လို

2012-03-22

မြန်မာနိုင်ငံက အခြေအနေတွေဟာ ရှေ့လျောက် တိုးတက်လာမယ်ဆိုရင်၊ အမေရိကန်ဘက်က ပိတ်ဆို့ အရေးယူထားတာတွေကို လျော့ချသွားဖို့ ရှိတယ်လို့ မြန်မာနိုင်ငံဆိုင်ရာ အမေရိကန် အထူးကိုယ်စားလှယ် ဒဲရက်ခ်မစ်ချယ်လ်က မနေ့က ပြောလိုက်ပါတယ်။

မြန်မာနိုင်ငံအပေါ် နိုင်ငံတကာရဲ့ အကူအညီတွေ ဘယ်လိုထိရောက်အောင် ပေးမလဲဆိုတဲ့ ခေါင်းစဉ်နဲ့ မနေ့က အမေရိကန် ပြည်ထောင်စု၊ ၀ါရှင်တန်ဒီစီမြို့တော်၊ သြစတြေးလျသံရုံးမှာ ကျင်းပတဲ့ ဆွေးနွေးပွဲမှာ မစ္စတာမစ်ချယ်လ်က-


" မြန်မာအပေါ် ပိတ်ဆို့ အရေးယူထားတာတွေနဲ့ ပတ်သက်လို့ အမေရိကန်အစိုးရက အပြောင်းအလဲတွေ လုပ်ဖို့ရှိတယ် ဆိုတာကလည်း၊ သမ္မတရဲ့ဗီတိုအာဏာနဲ့ လျော့ချခွင့် ရှိတယ်ဆိုတဲ့ လုပ်ပိုင်ခွင့် ဘောင်အတွင်းက ပြောတာပါ။ မြန်မာနိုင်ငံကို ကျွန်တော်သွားခဲ့တဲ့ ခရီးစဉ် ခြောက်ကြိမ်ရှိပါပြီ။ ဒီခရီးစဉ် အားလုံးနဲ့ ပတ်သက်လို့ အမေရိကန်လွှတ်တော်မှာ တင်ပြ အစီရင်ခံထားပါတယ်။ မြန်မာ့အရေးကိစ္စမှာ အထူးကိုယ်စားလှယ် တစ်ဦးအနေနဲ့ အမေရိကန်အထက်နဲ့ အောက်လွှတ်တော် နှစ်ရပ်လုံးနဲ့ အဆင့်လိုက် ပူးပေါင်းဆောင်ရွက် လုပ်ကိုင် နေပါတယ်"လို့ ပြောဆိုခဲ့ပါတယ်။

ပိတ်ဆို့မှုတွေ ရုပ်သိမ်းဖို့ ကိစ္စမှာလည်း ကြားဖြတ်ရွေးကောက်ပွဲ ကိစ္စတစ်ခုတည်းအပေါ်မှာပဲ အခြေခံမှာမဟုတ်ဘူးလို့ မစ္စတာမစ် ချယ်လ် က ဆိုပါတယ်။ ဒါ့အပြင် မြန်မာနိုင်ငံကိုပံ့ပိုးမယ့် နိုင်ငံတကာ အကူအညီပေးရေးအဖွဲ့တွေ အနေနဲ့ သတိရှိရှိနဲ့ နည်းဗျူဟာ မြောက် ပူးပေါင်းဆောင်ရွက်ဖို့ လိုအပ်တဲ့အကြောင်း တိုက်တွန်းသွားပါတယ်။

ဒီဆွေးနွေးပွဲမှာ မစ္စတာ မစ်ချယ်လ်နဲ့အတူ တင်ပြတဲ့ ပရောဂျက် 2049 Institution က သုတေသန ပညာရှင် Kelley Currie ကလည်း၊ မြန်မာပြည်မှာ လက်ရှိ နိုင်ငံတကာအလှူရှင်အဖွဲ့တွေ အချင်းချင်း၊ မလိုလားအပ်တဲ့ ပြိုင်ဆိုင်မှုတွေ ဖြစ်နေတယ်လို့ ထောက်ပြသွား ပါတယ်။

မြန်မာနိုင်ငံ အသွင်ကူးပြောင်းရေး ကာလမှာ နိုင်ငံတကာ အလှူရှင်အသိုင်းအ၀ိုင်းရဲ့ ဆောင်ရွက်ချက် မှတ်တမ်းတွေဟာ ကောင်းမွန် တယ် ဆိုတာမျိုး မတွေ့ရပါဘူး။ ဒါကြောင့် ကမ္ဘောဒီးယားမှာ နိုင်ငံတကာ NGO အဖွဲ့တွေ လုပ်စားတဲ့ အခြေအနေမျိုး၊ မြန်မာနိုင်ငံမှာ ဖြစ်လာမှာကို စိုးရိမ်နေတဲ့ အသံတွေကို ကြားကြမှာပါ။ အဲဒီလားရာကို ဦးတည်မယ့် တိုးတက်တာမျိုးကို မြန်မာတွေ မလိုချင်ကြဘူးလို့ Kelley Currie က ပြောဆိုခဲ့ပါတယ်။

တိုင်းပြည်ဟာ အရင်ကထက်စာရင် ပွင့်လင်းလာတယ် ဆိုပေမယ့် အောက်ခြေအဆင့်တွေမှာ အခြေအနေတွေက ရှုပ်ထွေးနေပါ တယ် လို့လည်း Kelley Currie ဆိုပါတယ်။ ဒါကြောင့် လုံခြုံစိတ်ချရတဲ့ ပြုပြင်ပြောင်းလဲမှုနဲ့အတူ လူထုအခြေပြု အဖွဲ့အစည်းတွေကို စနစ် တကျ အကူအညီပေးဖို့ အကြံပြု တိုက်တွန်းသွားပါတယ်။

Ref: အာရ်အဖ်အေ

Read More...

မြန်မာအစိုးရ ရိုးသားသင့်ကြောင်း ရွေးကောက်ပွဲ စောင့်ကြည့်ရေးအဖွဲ့ ပြောဆို

2012-03-22

မြန်မာနိုင်ငံရဲ့ နိုင်ငံရေး ပွင့်လင်းမှုဟာ ခြွင်းချက်မရှိတဲ့ ပွင့်လင်းမှုမျိုး ဖြစ်သင့်တယ်လို့ ထိုင်းနိုင်ငံ၊ ဘန်ကောက်အခြေစိုက် ANFREL ခေါ် ရွေးကောက်ပွဲ လွတ်လပ်ရေး အာရှကွန်ရက်အဖွဲ့၊အကြီးအကဲ Somsri Hananuntasuk က ကြာသပတေးနေ့က ပြောလိုက်ပါတယ်။

ရွေးကောက်ပွဲ လွတ်လပ်ရေး အာရှကွန်ရက်အဖွဲ့ရဲ့ အမှုဆောင်ညွန်ကြားရေးမှူး Somsri နဲ့ အဖွဲ့ဝင်နှစ်ဦးတို့ဟာ မြန်မာနိုင်ငံကို သွား ရောက် ခဲ့ကြရာမှာ ပြီးခဲ့တဲ့ အင်္ဂါနေ့ ညက Somsri ကို မြန်မာအာဏာပိုင်တွေက တိုင်းပြည်က နှင်ထုတ်ခဲ့ပြီး၊ သူ့လက်ထောက်နှစ်ဦးကို ဗုဒ္ဒဟူးနေ့မှာ နှင်ထုတ်ခဲ့ပါတယ်။

ဝါရင့် ရွေးကောက်ပွဲ စောင့်ကြည့် လေ့လာသူ အမျိုးသမီး Somsri နဲ့ အဖွဲ့ဟာ မတ်လ (၁၅)ရက်နေ့က မြန်မာနိုင်ငံကို ရောက်ရှိခဲ့ပါ တယ်။ ဧပြီ (၁)ရက်နေ့ ကြားဖြတ် ရွေးကောက်ပွဲမှာ ပြင်ပက လွတ်လပ်တဲ့ လေ့လာသူတွေကို၊ မြန်မာအစိုးရက လာရောက် ကြည့်ရှု ခွင့်ပြုမယ့် ကိစ္စအပေါ် လာရောက်စုံစမ်းတာ ဖြစ်ပါတယ်။

ရန်ကုန်မြို့ ရွေးကောက်ပွဲကော်မရှင်က တဆင့် နေပြည်တော်ကို တရားဝင် စုံစမ်းမေးမြန်းခဲ့ပေမယ့် တစုံတရာ ပြန်ကြားချက် မရရှိ ခဲ့ဘူးလို့ ဆိုပါတယ်။ နောက်ဆုံး သူတို့ရဲ့ ပြည်ဝင်ခွင့်ဗီဇာ မှားယွင်းနေတယ်လို့ ပြောဆိုပြီး နှင်ထုတ်ခဲ့တာ ဖြစ်ပါတယ်။

သူတို့ကို နှင်ထုတ်ပြီးတဲ့နောက် အမေရိကန် ပြည်ထောင်စု၊ ဥရောပ သမဂ္ဂ အီးယူ၊ ဂျပန်၊ တရုတ်၊ တောင်ကိုရီးယားနဲ့ ကုလသမဂ္ဂတို့က ရွေးကောက်ပွဲ စောင့်ကြည့်လေ့လာသူ နှစ်ဦးစီနဲ့ သတင်းထောက် သုံးဦးစီကိုသာ လက်ခံမယ်လို့ နေပြည်တော်က ကြေညာခဲ့ပါတယ်။ အာဆီယံနိုင်ငံတွေကလည်း၊ ရွေးကောက်ပွဲ စောင့်ကြည့်လေ့လာသူတွေ စေလွှတ်နိုင်တယ်လို့ ဆိုပါတယ်။

ရွေးကောက်ပွဲ လွတ်လပ်ရေး အာရှကွန်ရက်အဖွဲ့ရဲ့ အမှုဆောင်ညွန်ကြားရေးမှူး Somsri က မြန်မာအစိုးရဟာ ပွင့်လင်းမြင်သာမှု ရှိမယ်၊ ရိုးသားမယ်ဆိုရင် အရပ်ဘက် အဖွဲ့အစည်းတွေကိုလည်း၊ လွတ်လွတ်လပ်လပ် လာရောက် ကြည့်ရှုခွင့်  ပြုသင့်တယ်လို့ ပြောဆိုလိုက်ပါတယ်။

Ref: အာရ်အဖ်အေ

Read More...

ပွင်လင်းလူ့အဖွဲ့အစည်း ပေါ်ပေါက်ရေး ဟောပြောပွဲကျင်းပ

2012-03-22

၈၈ မျိုးဆက် ကျောင်းသားခေါင်းဆောင်တွေနဲ့ ဗကသများအဖွဲ့ချုပ် အမှုဆောင်တွေ ရန်ကုန်တိုင်း၊ မှော်ဘီမြို့နယ်မှာ ဒေသခံကျောင်း သားနဲ့လူငယ်တွေ ဒီကနေ့ ဖွဲ့စည်းတဲ့ သွေးကူညီရေးအဖွဲ့ ဖွင့်ပွဲကို တက်ရောက်ခဲ့ကြပြီး၊ ပွင်လင်းလူ့အဖွဲ့အစည်း ပေါ်ပေါက်ရေး ဆိုင်ရာ ဟောပြောပွဲတရပ်ကို ကျင်းပခဲ့တယ်လို့ သတင်းရရှိပါတယ်။

ပွင်လင်းလူ့အဖွဲ့အစည်း ပေါ်ပေါက်ရေး ဟောပြောတာနဲ့ ပတ်သက်လို့ ၈၈ မျိုးဆက် ကျောင်းသားများအဖွဲ့က ကိုဂျင်မီက RFA ကို အခုလိုပြောပါတယ်။

"ပွင့်လင်းလူ့အဖွဲ့အစည်းရဲ့ဆောင်ပုဒ်ကတော့ ငါတို့မြို့ကို ငါတို့ပိုင်သည် ဆိုတဲ့ဆောင်ပုဒ်၊ အဲဒီဆောင်ပုဒ်အောက်မှာပဲ နံပါတ် (၁) မြို့တိုင်းမြို့တိုင်းမှာ အသင်းအပင်းတွေရှိရမယ်။ နံပါတ် (၂) အဲဒီအသင်းအပင်းတွေဟာ ကွန်ယက်ဖြစ်နေရမယ်။ နံပါတ် (၃) အဲဒီ ကွန် ယက်လှုပ်ရှားမှု အမြဲရှိနေရမယ်။ နံပါတ် (၄) area ရှိရမယ်။ အဲဒီအချက် ၄ ချက်ပေါ် မူတည်ပြီးတော့ မြို့တစ်မြို့ချင်းစီရဲ့ ပွင့်လင်း လူ့အဖွဲ့ အစည်း တည်ဆောက်ကြဖို့ ဟောပြောခဲ့ပါတယ်"

အဲဒီပွဲကို ဒေသခံ အလုပ်သမား၊ လယ်သမား၊ ကျောင်းသား စုစုပေါင်း ၁၀၀ ကျော် တက်ရောက်ခဲ့ကြတယ်လို့ သိရပါတယ်။

Ref: အာရ်အဖ်အေ

Read More...

ပြည်ပ ရင်းနှီးမြှုပ်နှံမှု မြန်မာ့ သဘာဝသယံဇာတနဲ့ မြေယာကို မနစ်နာစေသင့်

2012-03-22

မြန်မာနိုင်ငံမှာ ရင်းနှီးမြှုပ်နှံမှုတွေ အလုံးအရင်းနဲ့ ၀င်လာပေမယ့် ဘဏ္ဍာရေးပိုင်းမှာ ပွင့်လင်းမြင်သာမှုနဲ့ တာဝန်ခံမှု ဆိတ်သုဉ်းနေတဲ့ အတွက် တိုင်းပြည်ရဲ့ သဘာဝကျိန်စာပိုပြီး ဆိုးဝါးသွားတယ်လို့ Arakan Oil Watch ရခိုင်ရေနံစောင့်ကြည့်ရေးအဖွဲ့က ပြောကြားလိုက် ပါတယ်။

ထိုင်းနိုင်ငံ၊ ချင်းမိုင်မြို့မှာ ဒီကနေ့ ထုတ်ပြန်တဲ့ " မြန်မာ့သယံဇာတ ကျိန်စာ" ခေါင်းစဉ်နဲ့ "ရေနံနှင့်သဘာဝဓါတ်ငွေ့ ဘဏ္ဍာငွေ ပွင့်လင်း မြင် သာမှု ပြဿနာများ" ဆိုတဲ့ စာမျက်နှာ ၆၀ ပါအစီရင်ခံစာမှာ အဲဒီလို ဖော်ပြထားပါတယ်။


မြန်မာနိုင်ငံဟာ သဘာဝသယံဇာတ ပေါကြွယ်ဝပေမဲ့ နိုင်ငံမတိုးတက်ဘဲ လူထု ဆင်းရဲနေတဲ့အတွက် သဘာဝ ကျိန်စာသင့်နေတဲ့နိုင်ငံ ဖြစ်နေတယ်လို့ ရခိုင်ရေနံစောင့်ကြည့်ရေးအဖွဲ့ ညွှန်ကြားရေးမှူး ဦးကျော်ခိုင်က ပြောပါတယ်။

မြန်မာနိုင်ငံဟာ ပြည်ပကို ရေနံနဲ့ သဘာဝဓာတ်ငွေ့ တင်ပို့ရောင်းချရာက နှစ်စဉ် အမေရိကန်ဒေါ်လာ သန်းနှစ်ထောင် ရရှိနေပြီး၊ ၂ဝ၁၃ ခုနှစ် အစောပိုင်းမှာ တခြားလုပ်ကွက်သုံးခုက သဘာဝဓါတ်ငွေ့တွေ ထုတ်လုပ်ရောင်းချတဲ့အခါ လက်ရှိဝင်ငွေရဲ့ နှစ်ဆနီးပါး တိုးလာ မယ်လို့ ခန့်မှန်းရတဲ့အကြောင်း အစီရင်ခံစာမှာ ပါရှိပါတယ်။

ဒါ့အပြင် လက်ရှိ စမ်းသပ်ရှာဖွေ တူးဖော်နေတဲ့ တခြားရေနံနဲ့ သဘာဝဓာတ်ငွေ့ လုပ်ကွက်ပေါင်း (၄ဝ) ကျော်ကလည်း၊ နိုင်ငံ့ဘဏ္ဍာ ဝင်ငွေ အမြောက်အများ ရရှိလာတယ်လို့ ဖော်ပြပါတယ်။ ဒီလို ဘဏ္ဍာဝင်ငွေ အမြောက်အများ ရရှိနေပေမယ့် မြန်မာနိုင်ငံဟာ ကမ္ဘာ့ အဆင်းရဲဆုံးနိုင်ငံ ဖြစ်နေပြီး၊ ပြည်သူတွေဟာ စွမ်းအင်နဲ့လောင်စာ ပြတ်လပ်တဲ့ ပြဿနာနဲ့ ရင်ဆိုင်နေရတယ်လို့ အစီရင်ခံစာက ထောက်ပြပါတယ်။

ဒီအစီရင်ခံစာနဲ့ အတူ BEWG မြန်မာ့ သဘာဝပတ်ဝန်းကျင် အလုပ်အဖွဲ့ကလည်း စွမ်းအင်၊ ဓာတ်သတ္တုတူးဖော်ရေးနဲ့ မြေယာကဏ္ဍမှာ ရင်းနှီးမြှုပ်နှံမှု စံသတ်မှတ်ချက်နဲ့ ပတ်သက်ပြီး၊ ကြေညာချက်တစ်စောင် ထုတ်ပြန်ပါတယ်။ အဲဒီထုတ်ပြန်ချက်မှာ မြန်မာနိုင်ငံမှာ လာ ရောက် ရင်းနှီးမြှုပ်နှံတာတွေဟာ သဘာဝသယံဇာတနဲ့ မြေယာအခြေခံတဲ့ အငြင်းပွားမှုတွေကို မထိခိုက် မနစ်နာစေသင့်ဘူးလို့ ဖော် ပြပါတယ်။

Ref: အာရ်အဖ်အေ

Read More...

မှန်ကန်စွာရွေးချယ် မဲပေးဖို့ ဒေါ်အောင်ဆန်းစုကြည်ပြော

2012-03-22

အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ကော့မှုးမြို့ကို ဒုတိယအကြိမ် စည်းရုံးရေး ခရီးစဉ်အဖြစ် ဒီကနေ့ ရောက်ရှိသွားပြီး၊ ကော့မှုးမြို့က မဟာဝိဇောဓရ ကျောင်းတိုက်မှာ၊ မြို့နယ်အတွင်းရှိ ကျောင်းတိုက် ၁၃ တိုက်က ဆရာတော် ၁၃ ပါးကို ဖူးမြော်ပြီးနောက် လူထုကို မိန့်ခွန်းပြောကြားပါတယ်။

ဒီကနေ့ မိန့်ခွန်းမှာ မြန်မာနိုင်ငံမှာ စစ်မှန်တဲ့ ဒီမိုကရေစီ ရရှိရေးအတွက် ပြည်သူတွေအနေနဲ့ အကြောက်တရားကင်းကင်းနဲ့ မှန်ကန်စွာ ရွေးချယ် မဲပေးကြဖို့ ဒေါ်အောင်ဆန်းစုကြည်က တိုက်တွန်း ပြောကြားခဲ့ပါတယ်။


မြန်မာနိုင်ငံ ဖွံ့ ဖြိုးတိုးတက်ရေးအတွက် တရားဥပဒေ စိုးမိုးရေး ၊ ပြည်တွင်း ငြိမ်းချမ်းရေးနဲ့ ဖွဲ့စည်းပုံ အခြေခံဥပဒေကို ပြင်ဆင်နိုင်ရေး စတဲ့ NLD ပါတီရဲ့မူဝါဒအတွက် ကြားဖြတ်ရွေးကောက်ပွဲကို ၀င်ရောက်ယှဉ်ပြိုင်မှာဖြစ်ကြောင်း လူထုကို ပြောကြားပါတယ်။

ဒါ့အပြင် သူ့အနေနဲ့ ကြားဖြတ်ရွေးကောက်ပွဲကို ၀င်ရောက်ယှဉ်ပြိုင်ဖို့အတွက် ကော့မှုးမြို့နယ်ကို ရွေးချယ်ရတဲ့ အဓိကအချက် ၂ ချက်ရှိကြောင်း၊ ကော့မှုးမြို့နယ်က ပြည်သူတွေ ဆင်းရဲနွမ်းပါးမှု ပပျောက်အောင်နဲ့ တိုင်းရင်းသားအများစု နေထိုင်တဲ့ မြို့နယ်ဖြစ် တဲ့အတွက် ပြည်ထောင်စုအသွင်ကို ဆောင်တဲ့သဘောအနေနဲ့ ကော့မှုးမြို့နယ်ကနေ ၀င်ရောက်ယှဉ်ပြိုင်ရတာဖြစ်ကြောင်း လူထုကို ရှင်းပြပါတယ်။

NLD ပါတီအနေနဲ့ လွှတ်တော်တွင်းကနေ ပြည်သူ့အရေးကို တာဝန်ကျေအောင် ထမ်းဆောင်သွားမှာ ဖြစ်ကြောင်းလည်း ဒေါ်အောင်ဆန်း စုကြည်က ကတိပြု ပြောဆိုခဲ့ပါတယ်။

ဒေါ်အောင်ဆန်းစုကြည်ဟာ အစောပိုင်းက တွံတေးမြို့နယ်၊ ဘုရားကြီးရပ်ကွက်က မင်္ဂလာ မိဘမဲ့ဂေဟာကို သွားရောက်ပြီး၊ မိဘမဲ့ ကလေးတွေကို စိတ်အားမငယ်ဖို့ ၊ သူတို့တွေအတွက် ရှေ့ရေးကောင်းအောင် လုပ်ဆောင်ပေးနိုင်မယ့် သူတွေ များစွာရှိကြောင်း၊ သူမ အနေနဲ့လည်း တိုင်ပင်စရာရှိတာတွေ၊ လုပ်ဆောင်စရာရှိတာတွေကို ဆက်ပြီး ဆောင်ရွက်သွားမယ်လို့ ပြောကြားခဲ့ပါတယ်။

Ref: ဗွီအိုအေ

Read More...

ရွေးကောက်ပွဲ တရားမျှတရုံနဲ့ မြန်မာ့ပြုပြင်ရေး မပြီးဆုံးသေး

22 မတ် 2012

မြန်မာနိုင်ငံဆိုင်ရာ အမေရိကန်အထူးကိုယ်စားလှယ် ဒဲရက် မစ်ချဲလ်ဟာ မကြာခင်က မြန်မာနိုင်ငံကို သွားရောက်ခဲ့ရာက ပြန်လာ အပြီး မှာပဲ မြန်မာနိုင်ငံမှာ လာမယ့်ရွေးကောက်ပွဲတွေအတွင်း လွတ်လပ်ပြီး တရားမျှတဖို့ အရေးကြီးပေမယ့် ဒါတစ်ခုတည်းနဲ့ ပြုပြင်ပြောင်း လဲရေး ပြီးပြည့်စုံပြီလို့ မဆိုနိုင်ကြောင်း ဗွီအိုအေနဲ့ သီးသန့်မေးမြန်းခန်းမှာ ထုတ်ပြောလိုက်ပါတယ်။

ကြာသာပတေးနေ့မနက်က အမေရိကန်နိုင်ငံခြားရေးရုံးမှာ သီးသန့်တွေ့ဆုံမေးမြန်းတဲ့အခါ သံအမတ်ကြီးမစ်ချဲလ်က ရွေးကောက်ပွဲလုပ် တဲ့နည်း တစ်ခုတည်းမှာ လွတ်လပ်ပြီးတရားမျှတရုံနဲ့ မပြီးဘဲ ရွေးကောက်ပွဲတွေမတိုင်ခင် မဲဆွယ်စဉ်ကာလနဲ့ ရွေးကောက်ပွဲအပြီးကာလ လွှတ်တော် ကျင်းပချိန်တွေမှာပါ နိုင့်ထက်စီးနင်း ပြုလုပ်မှုတွေ၊ မကောင်းကြံစည်မှုတွေ ကင်းရှင်းဖို့ အရေးကြီးတယ်လို့ ဆိုလိုက်ပါတယ်။

ဒါ့အပြင် ဝါရှင်တန်မြို့တော်မှာ ကြာသာပတေးနေ့ နေ့လည်ပိုင်းက မြန်မာနိုင်ငံ၊ သြစတြေးလျသံရုံးမှာ ကျင်းပခဲ့တဲ့ မြန်မာနိုင်ငံ ရင်းနှီး မြှုပ်နှံမှုနဲ့ အသွင်ကူးပြောင်းရေးကာလ ချိန်ခွင်လျှာ-ဆိုတဲ့ခေါင်းစဉ်နဲ့ ဆွေးနွေးပွဲမှာ သံအမတ်ကြီး မစ်ချဲကပဲ မြန်မာနိုင်ငံက ပြုပြင်
ပြောင်း လဲရေးတွေ ပြီးပြည့်စုံနိုင်ဖို့ အမေရိကန်အနေနဲ့ လက်တွဲဖော် မိတ်ဆွေအဖြစ် ပူးပေါင်းဆောင်ရွက်သွားဖို့ အရေးကြီးတယ်လို့ ထောက်ပြလိုက်ပါတယ်။

မစ္စတာမစ်ချဲလ်က ဆက်ပြီး အိန္ဒိယနဲ့ တရုတ်နိုင်ငံတို့ကြား သေနင်္ဂဗျူဟာအရ အရေးပါလာတဲ့ မြန်မာနိုင်ငံမှာ အခု စတင် ပြောင်းလဲ
လာမှု တွေဟာ ကမ္ဘာပေါ်မှာ ဖြစ်ပျက်နေတာတွေထဲက အကောင်းဆုံး ဖြစ်ရပ်တစ်ခု ဖြစ်နေတယ်လို့လည်း ချီးကျူးလိုက်ပါတယ်။ ဒီပြောင်းလဲမှုတွေ နောက်ပြန်ဆုတ်သွားနိုင်ဖို့ အလားအလာ နည်းနေတယ်လို့လည်း ဆိုလိုက်ပါတယ်။ ဒါ့အပြင် မစ္စတာ မစ်ချဲလ်ကပဲ အင်ဒိုနီးရှားနိုင်ငံမှာ စစ်တပ်ကြီးစိုးတဲ့ အုပ်ချုပ်မှုကနေ ဒီမိုကရေစီကို အသွင်ကူး ပြောင်းခဲ့တာနဲ့ ဆင်တူတဲ့မြန်မာနိုင်ငံမှာ မြန်မာစစ် တပ်အနေနဲ့ အရင်က သူ့အုပ်ချုပ်ရေးကို သူ့ကိုယ်သူ အထင်ကြီးဂုဏ်ယူခဲ့ပေမယ့် အခုတော့ မှားခဲ့တာတွေကို နားလည်ဝန်ခံမှု ရှိလာပြီး ဒါတွေကို ပြောင်းသွားဖို့ လုပ်နေတာဟာ ကောင်းတဲ့လက္ခဏာတစ်ခု ဖြစ်တယ်လို့ ထောက်ပြလိုက်ပါတယ်။

Ref: ဗွီအိုအေ

Read More...

မြောက်ကိုရီးယား ဒုံးပျံအစီအစဉ် ကုလအတွင်းရေးမှူးချုပ် သတိပေး

22 မတ် 2012

အာကာသထဲကို ဂြိုဟ်တုတစ်လုံး လွှတ်တင်ဖို့ မြောက်ကိုရီးယားက စီစဉ်နေတဲ့အပေါ် အလွန်အမင်း စိုးရိမ်မိကြောင်းနဲ့ ဒီကိစ္စကိုလည်း ရှေ့တစ်ပတ်ထဲ တောင်ကိုရီးယားနိုင်ငံ၊ ဆိုးလ်မြိ့က နျူကလီယား လုံခြုံရေးဆိုင်ရာ ထိပ်သီးဆွေးနွေးပွဲမှာ တင်ပြမယ်လို့ ကုလသမဂ္ဂ အတွင်းရေးမှူးချုပ် ဘန်ကီမွန်းက ပြောလိုက်ပါတယ်။

နျူကလီယားလက်နက် တပ်ဆင်ပစ်လွှတ်နိုင်ဖို့ စမ်းသပ်ချက် တစ်ခုအဖြစ် အများက မြင်နေကြတဲ့ ဒုံးပျံပစ်လွှတ်မယ့် အစီအစဉ်ဟာ ဒေသ တွင်း လုံခြုံရေးကို ခြိမ်းခြောက်နေတယ်လို့ အတွင်းရေးမှူးချုပ်က ကြာသပတေးနေ့မှာ ပြောလိုက်တာပါ။ ဒီအစီအစဉ်ဟာ တာဝေး ပစ်ဒုံးပျံ နည်းပညာတွေ အသုံးမပြုဖို့ တားမြစ်ထားတဲ့ ကုလသမဂ္ဂရဲ့ ဆုံးဖြတ်ချက်ကို ချိုးဖောက်ရာ ရောက်နေတယ်လို့လည်း ပြော သွားပါတယ်။

မြောက်ကိုရီးယားကတော့ ဧပြီလလယ်မှာ ပစ်လွှတ်ဖို့ ရည်ရွယ်ထားတဲ့ အစီအစဉ်ဟာ ငြိမ်းချမ်းတဲ့ သိပ္ပံနည်းကျ စမ်းသပ်မှုသာ ဖြစ် တယ်လို့ ပြောဆိုထားတာပါ။ ဆိုးလ်မြို့က လုံခြုံရေး အစည်းအဝေးပွဲ အတွင်း အချေအတင် ဖြစ်နေရတဲ့ နျူကလီယား အစီအစဉ် တွေနဲ့ ပတ်သက်လို့ ဆွေးနွေးဖို့ တောင်ကိုရီးယားက ကြိုးစားလာမယ်ဆိုရင်တော့ စစ်ကြေညာတာလို့ သဘောထားမှာ ဖြစ်တဲ့အကြောင်းလည်း မြောက်ကိုရီးယားက ဒီတစ်ပတ် အစောပိုင်းမှာပဲ သတိပေးထားပါတယ်။

ပြီးခဲ့တဲ့လထဲမှာတုန်းကတော့ ယူရေနီယံ သန့်စင်မှုတွေနဲ့ ဒုံးကျည်စမ်းသပ်မှုတွေကို ဆိုင်းငံ့ထားဖို့ မြောက်ကိုရီးယားက သဘောတူ ထားတာပါ။ ဒီလိုပဲ မြောက်ကိုရီးယားမှာ အကြီးအကျယ် လိုအပ်နေတဲ့ စားနပ်ရိက္ခာ ထောက်ပံ့မှုတွေ အမေရိကန်ထံက ရရှိဖို့အတွက် အပြန်အလှန် အနေနဲ့ ကုလသမဂ္ဂ နျူကလီယားလက်နက် စုံစမ်းစစ်ဆေးသူတွေကို ပြန်လည် လာရောက်ခွင့်ပေးဖို့ သဘောတူထား တာလည်း ဖြစ်ပါတယ်။ နိုင်ငံတကာ အဏုမြူစွမ်းအင် အေဂျင်စီ (IAEA) ကတော့ လွန်ခဲ့တဲ့ ၂ နှစ်ကျော်က နှင်ထုတ်ခံထားရတဲ့ စုံစမ်း စစ်ဆေးသူတွေ ပြန်လည် သွားရောက်နိုင်ရေး မြောက်ကိုရီးယား တာဝန်ရှိသူတွေနဲ့ အကြို ဆွေးနွေးမှုတွေ ရှိနေတဲ့အကြောင်း ကြာသပတေးနေ့ကပဲ ပြောဆိုခဲ့တာပါ။

Ref: ဗွီအိုအေ

Read More...

ရေအရင်းအမြစ် ပြဿနာ တည်ငြိမ်မှု ထိခိုက်မှာ အမေရိကန်စိုးရိမ်

2 မတ် 2012

လူ့အသိုင်းအဝိုင်းအတွက် ကျန်းမာရေးနဲ့ ဖွံ့ဖြိုးမှုတွေအတွက် ရေရရှိရေးဟာ မရှိမဖြစ် အရေးကြီးတဲ့ အကြောင်း အမေရိကန် နိုင်ငံ ခြားရေးဝန်ကြီး ဟီလာရီ ကလင်တန်က ပြောဆိုလိုက်တဲ့ တချိန်တည်းမှာပဲ နောင်လာမယ့် ဆယ်စုနှစ်အတွင်း ရေကြောင့် ပေါ်ပေါက် လာမယ့် စိန်ခေါ်မှုတွေက မတည်ငြိမ်မှုတွေ ဖြစ်နိုင်တဲ့ အန္တရာယ်တွေ ရှိနေတယ်လို့ အမေရိကန်ထောက်လှမ်းရေး အစီရင်ခံစာ တစ် စောင်က ဖော်ပြလိုက်ပါတယ်။

နိုင်ငံခြားရေးဝန်ကြီး ကလင်တန်ကတော့ ရေအရင်းအမြစ် ရရှိရေး အခရာကျတဲ့အကြောင်း ဒီနှစ် ၂၀၁၂ ခုနှစ်အတွက် “ကမ္ဘာ့ရေနေ့” အဖြစ် ဝါရှင်တန်မြို့တော်မှာ ပြောလိုက်တာပါ။ သန့်ရှင်းတဲ့ သောက်သုံးရေ ရရှိရေးဟာဆိုရင်လည်း ကျန်းမာရေးကိစ္စအပေါ် သက် ရောက်မှုတွေ အကြီးအကျယ်ရှိတယ်လို့ ပြောပါတယ်။ ကမ္ဘာတဝှမ်း ရေရရှိရေးဟာ စိုးရိမ်စရာ ကိစ္စတခု ဖြစ်နေရသလို ဒီအထဲက အမေ ရိကန်မှာဆိုရင်လည်း တိုင်းပြည် အနောက်တောင်ဘက်က ကန္တာရဒေသမှာ လိုအပ်ချက် ပြည့်မီအောင် ဆောင်ရွက်ရတဲ့ အခက် အခဲ တွေ၊ အရှေ့ပိုင်းမှာ ဆိုရင်လည်း ရေလွှမ်းမိုးတဲ့ ပြဿနာတွေကို ဖြေရှင်းနေရတာတွေလို အခြေအနေတွေကိုလည်း အလေးထား ပြော သွားခဲ့တာပါ။

တချိန်တည်းမှာပဲ အမေရိကန် အမျိုးသား ထောက်လှမ်းရေး ကောင်စီရဲ့ အစီရင်ခံစာထဲမှာတော့ ရေပြဿနာကြောင့် လာမယ့် ဆယ်စု နှစ်အတွင်း ဒေသတွင်း တင်းမာမှုတွေ အရေးကြီးတဲ့ ကိစ္စရပ်တွေကို အာရုံမစိုက်နိုင်တဲ့ အဖြစ်မျိုးတွေ ကြုံရနိုင်တယ်လို့ ဖော်ပြလိုက် ပါတယ်။

အစီရင်ခံစာကတော့ အမေရိကန် လုံခြုံရေး အကျိုးစီးပွားအတွက် လာမယ့် နှစ်ပေါင်း ၃ဝ အတွင်း ကမ္ဘာ့ရေပြဿနာက ဘယ်လို ရိုက် ခတ်နိုင်သလဲဆိုတာကို ဆန်းစစ်ဖို့ ရည်ရွယ်ထုတ်ပြန်ခဲ့တာ ဖြစ်ပါတယ်။

Ref: ဗွီအိုအေ

Read More...

ကြားဖြတ်ရွေးကောက်ပွဲ အပြီး ဘန်ကီးမွန်း မြန်မာပြည်သွားရန်ရှိ

22 မတ် 2012
နန္ဒာချမ်း

မြန်မာအစိုးရကနေ ဧပြီလ (၁) ရက်နေ့ ကျင်းပမယ့် ကြားဖြတ် ရွေးကောက်ပွဲ မှာ လေ့လာ စောင့်ကြည့်ရေး အဖွဲ့တွေ လာရောက်ဖို့ ဖိတ်ကြားခဲ့တဲ့ အပေါ် ကုလသမဂ္ဂ အတွင်းရေးမှူး ချုပ် ဘန်ကီမွန်း က ကြိုဆိုလိုက်ပြီး သူ့အနေနဲ့လည်း ရွေးကောက်ပွဲ ကျင်းပပြီး နောက်ပိုင်း မြန်မာနိုင်ငံကို သွားရောက် နိုင်လိမ့်မယ်လို့ မျှော်လင့်ကြောင်း ဒီကနေ့ ပြောဆိုလိုက်ပါတယ်။ အာရှခရီးစဉ် သွားရောက်နေတဲ့ မစ္စတာ ဘန်ကီးမွန်းက မလေးရှား နိုင်ငံ ကွာလာလမ်ပူမှာ မလေးရှား ၀န်ကြီးချုပ်နဲ့ ပူးတွဲပြုလုပ်တဲ့ သတင်းစာ ရှင်းလင်း ပွဲအတွင်း သတင်းထောက် တွေကို အဲဒီလို ပြောကြားလိုက်တာပါ။

မြန်မာနိုင်ငံမှာ ကျင်းပဖို့ရာ ရက်ပိုင်းသာလိုတော့ ကြားဖြတ် ရွေးကောက်ပွဲကို လေ့လာစောင့်ကြည့်ဖို့အတွက် ကုလသမဂ္ဂ အပါအ၀င် အရှေ့တောင် အာရှ နိုင်ငံများ အသင်း (အာဆီယံ)၊ အမေရိကန်ပြည်ထောင်စု နဲ့ EU ဥရောပသမဂ္ဂ က နိုင်ငံတကာ အကဲခတ်တွေ လာ ရောက်ဖို့ကို မြန်မာအစိုးရက ဖိတ်ခေါ်ခဲ့ တဲ့အပေါ် နိုင်ငံတကာ က ကြိုဆိုခဲ့ ကြသလို အခုနောက်ဆုံး ကုလသမဂ္ဂ အတွင်းရေးမှူးချုပ် ဘန်ကီမွန်း ကိုယ်တိုင် ကလည်း ကြိုဆိုလိုက်တာဖြစ်ပါတယ်။ အာရှ ၄ နိုင်ငံခရီး လှည့်လည်နေတဲ့ မစ္စတာ ဘန်ကီမွန်း က မလေးရှား နိုင်ငံ ကွာလာလမ်ပူ မြို့မှာ မလေးရှား ၀န်ကြီးချုပ် နာဂျစ် ရာဇတ်နဲ့ ပူးတွဲပြုလုပ်ခဲ့တဲ့ သတင်းစာ ရှင်းလင်းပွဲအတွင်း သတင်းထောက် တွေကို အခုလို ပြောဆိုခဲ့တာဖြစ်ပါတယ်။


"ဒါဟာ ကြိုဆိုရမယ့် သတင်းကောင်းပါ။ ရွေးကောက်ပွဲဟာ အများယုံကြည် လက်ခံ နိုင်ဖို့နဲ့ ပွင်းလင်းမြင် သာမှု ရှိစေဖို့ ကုလသမဂ္ဂ အနေနဲ့ သက်ဆိုင်ရာ နိုင်ငံတွေ၊ အဖွဲ့အစည်းတွေ နဲ့ ဆွေးနွေးသွားမှာပါ။ အခု အခြေ အနေ ဟာ မှန်ကန်တဲ့ လမ်းကြောင်း အပေါ် ရောက်နေ ပါတယ်။"

ဒါ့အပြင် ဧပြီလ (၁) ရက်နေ့ ကျင်းပမယ့် ရွေးကောက်ပွဲအပြီး သိပ်မကြာခင်မှာပဲ သူ့အနေနဲ့ မြန်မာနိုင်ငံကို သွားရောက်မှာ ဖြစ်တဲ့အ ကြောင်း ကိုလည်း မစ္စတာ ဘန်ကီမွန်း က သတင်းထောက်တွေကို ပြောကြား သွားခဲ့ပါတယ်။ မစ္စတာ ဘန်ကီမွန်းဟာ မြန်မာနိုင်ငံမှာ ၂၀၀၈ ခုနှစ် နာဂစ်မုန်တိုင်းဖြစ်ပြီးချိန်က တကြိမ်၊ ၂၀၀၉ ခုနှစ်ကတကြိမ်၊ နှစ် ကြိမ်သွားရောက်ခဲ့ပြီးတော့ တကယ်လို့သာ ကြားဖြတ် ရွေးကောက်ပွဲအပြီး မြန်မာနိုင်ငံကို သွားဖြစ်ရောက် ဖြစ်ခဲ့မယ် ဆိုရင်တော့ ဒါဟာ သူ့ရဲ့ တတိယမြောက် မြန်မာနိုင်ငံကို သွားရောက်တဲ့ ခရီးစဉ် ဖြစ်လာမှာပါ။

တခါ ရှေ့တပတ်ထဲ မြန်မာနိုင်ငံ ကို သွားရောက်ဖို့ စီစဉ်ထားတဲ့ မလေးရှား ၀န်ကြီးချုပ် နာဂျစ် ကလည်း မြန်မာနိုင်ငံက အမျိုးသား ပြန်လည်သင့်မြတ်ရေးနဲ့ ဒီမိုကရေစီ ဖော်ဆောင်ရေး လုပ်ငန်းစဉ် တွေအတွက် သူ့အစိုးရ အနေနဲ့ မြန်မာအစိုးရ ကို အတတ်နိုင်ဆုံး အားပေး တိုက်တွန်းသွားမှာ ဖြစ်တဲ့အကြောင်း ဒီပူးတွဲ သတင်းစာ ရှင်းလင်းပွဲမှာပဲ သတင်းထောက် တွေကို ပြောဆိုသွားခဲ့ပါတယ်။

မြန်မာနိုင်ငံမှာ ကြားဖြတ် ရွေးကောက်ပွဲ ကျင်းပဖို့ရာ အခုဆိုရင် ကိုးရက်သာ လိုတော့ တာပါ။ ဒီ ကြားဖြတ် ရွေးကောက်ပွဲ ဟာ ဒါ့အပြင် မြန်မာအစိုးရရဲ့ ရွေးကောက်ပွဲ လေ့လာအကဲခတ် ရေးအဖွဲ့တွေ လာရောက်ရေး ဖိတ်ကြားချက် အပေါ် အမေရိကန် ပြည်ထောင်စု ကလည်း ကြိုဆို ခဲ့ပြီးတော့ ဒီကြားဖြတ် ရွေးကောက်ပွဲ ဟာ မြန်မာ့နိုင်ငံရေး ပြုပြင်ပြောင်းလဲ မှုလုပ်ငန်းတွေအတွက် အရေးကြီးတဲ့ မှတ်တိုင် တခုဖြစ်တယ်ဆိုတာကို မနေ့တုန်းကပဲ ပြောဆိုသွားခဲ့တာပါ။ အလားတူ EU ဥရောပသမဂ္ဂရော၊ အာဆီယံ ကပါ အားလုံးက ကြိုဆို နေကြ တာဖြစ်ပါတယ်။

မြန်မာ့ဒီမို ကရေစီ ခေါင်းဆောင် ဒေါ်အောင်ဆန်း စုကြည် ဦးဆောင်တဲ့ NLD အမျိုးသား ဒီမိုကရေစီ အဖွဲ့ချုပ် ကတော့ ဒီကြားဖြတ် ရွေးကောက်ပွဲမှာ လစ်လပ်နေရာ (၄၈) နေရာထဲက (၄၇) နေရာကို ၀င်ရောက် ယှဉ်ပြိုင်ဖို့ ဆုံးဖြတ် ထားပါတယ်။ ၂၀၁၀ ရွေးကောက် ပွဲတုန်းက ၀င်ရောက်ယှဉ်ပြိုင်ခဲ့ခြင်းမရှိတဲ့ NLD နဲ့ အာဏာရ ကြံ့ခိုင် ဖွံ့ဖြိုးရေး ပါတီကြား အဓိကပြိုင်ဘက်တွေ ဖြစ်လာကြတော့မှာ ဖြစ် ပါတယ်။

အခု ဧပြီရွေးကောက်ပွဲ တရားမျှတမှု၊ လွတ်လပ်မှု ရှိမရှိ အခြေအနေ အပေါ်မူတည်ပြီးတော့ နိုင်ငံတကာ အနေနဲ့ကလည်း မြန်မာနိုင်ငံ အပေါ် ထားတဲ့ သဘောထား ပြောင်းလဲ ဖွယ်ရှိပါတယ်။

ဒီ အခြေအနေပေါ်မှာ မြန်မာနိုင်ငံအပေါ် အရေးယူပိတ်ဆို့မှုတွေကို ပြန်ရုပ်သိမ်း မသိမ်း ဆိုတာကိုလည်း ထည့်တွက် စဉ်းစားမှာဖြစ် တယ်လို့ အမေရိကန် ပြည်ထောင်စုရော EU ဥရောပသမဂ္ဂ ဘက်ကပါ ပြောထား ပါတယ်။ မြန်မာ အာဏာပိုင်တွေအနေနဲ့ နိုင်ငံ ရေး ပြုပြင်ပြောင်းလဲမှုတွေ လုပ်ဖို့ ဘယ်လောက် ဆန္ဒရှိမရှိ၊ လက်တွေ့ ကျမကျဆိုတာဟာ ဒီရွေးကောက်ပွဲဟာ စမ်းသပ်မှုတရပ် ဖြစ်မယ် လို့လည်း နိုင်ငံတကာက ပြောထားပါတယ်။

Ref: ဗွီအိုအေ

Read More...

ပြည်သူ့ဆုံးဖြတ်ချက်ကို NLD လက်ခံမည်

22 မတ် 2012
ကျော်ကျော်သိန်း

အမျိုးသားဒီမိုကရေစီအဖွဲ့ချုပ် NLD ခေါင်းဆောင် ဒေါ်အောင်ဆန်းစုကြည်ဟာ အခုအခါ ကော့မှူးမြို့နယ်ဆီ သွားရောက်ပြီး မဲဆန္ဒရှင် လူထုနဲ့ တွေ့ဆုံပြီးတော့ စကားပြောခဲ့ပါတယ်။ ပြည်သူ့ဆုံးဖြတ်ချက်ကို လက်ခံရမှာ ဖြစ်တဲ့အကြောင်း၊ တိုင်းပြည်ပြဿနာတွေကို ဖြေ ရှင်းဖို့ ပြည်သူတွေ ပူးပေါင်း ပါဝင်ကြဖို့အကြောင်း၊ ကော့မှူးမဲဆန္ဒနယ်ကို ဘာ့ကြောင့် ရွေးချယ်ရ သလဲဆိုတဲ့ အကြောင်းတွေအပြင် လူထုအနေနဲ့ ဧပြီလ ၁ ရက်နေ့မှာ မဖြစ်မနေ သွားပြီး မဲပေးကြဖို့ အလေးအနက် တိုက်တွန်းသွားပါတယ်။ အပြည့်အစုံကို ဘန်ကောက် ကနေ ကိုကျော်ကျော်သိန်းက သတင်းပို့ထားပါတယ်။

ဒေါ်အောင်ဆန်းစုကြည်ဟာ ဒီကနေ့ နေ့လည်ပိုင်းမှာ ရန်ကုန်ကနေ ကော့မှူးမြို့ဆီထွက်ခွာပြီး ကော့မှူးကို သွားတဲ့ လမ်းတလျှောက် လူထုပရိသတ်ထောင်ပေါင်းများစွာက ဒေါ်အောင်ဆန်း စုကြည်ကို ကြိုဆိုခဲ့ကြ ပါတယ်။ ညနေပိုင်းမှာ ကော့မှူးနဲ့ အနီးအနားဒေသ တွေက စုဝေး ရောက် ရှိလာတဲ့ လူထုကို စကားပြောခဲ့ ပါတယ်။


သူ့ရဲ့မဲဆွယ်စည်းရုံးရေးမိန့်ခွန်းတိုင်းမှာ ပါလေ့ရှိတဲ့ NLD ရွေးကောက်ပွဲဝင်ရတဲ့ အကြောင်းရင်း သုံးချက် ဖြစ်တဲ့ တရားဥပဒေစိုးမိုးရေး၊ ပြည်တွင်းငြိမ်းချမ်းရေးနဲ့ အခြေခံဥပဒေ ပြင်ဆင်ရေး ဆိုတာကို ထည့်သွင်း ပြောဆိုသွားသလို မဲဆန္ဒရှင်လူထုရဲ့ဆုံးဖြတ်ချက်ကို လက်ခံ ရမှာ ဖြစ်တယ်ဆိုတာကို ပြောပါတယ်။

“ကျမတို့က ပြည်သူတွေရဲ့ဆုံးဖြတ်ချက်ကို လက်ခံရမှာပါ။ ကျမ တခုပဲ ပြောချင်ပါတယ်။ ကျမတို့ဟာ ဒီလို လွှတ်တော်ထဲကနေပြီးတော့ ပြည်သူတွေရဲ့တာဝန်တွေကို ထမ်းဆောင်ခွင့် ဆိုတာဟာ ၁၉၉၀ ခုနှစ်ထဲက မရခဲ့ပါဘူး။ ကျမတို့ကို ၁၉၉၀ ခုနှစ်ကလည်း ပြည်သူတွေက တကယ့်ကို အင်တိုက်အားတိုက် ထောက်ခံကြခဲ့ ပေမဲ့ မဲတွေပဲရပြီးတော့ ကျမတို့ ကိုယ်စား လှယ်တွေ အရွေးခံကြရပေမဲ့ ကျမတို့ဟာ လွှတ်တော်အတွင်း ကနေပြီးတော့ ပြည်သူတွေရဲ့ တာဝန်တွေကို ထမ်းဆောင်ခွင့် မရခဲ့ပါဘူး။

“အခုအချိန်မှာတော့ နေရာ နည်းနည်းလေးပေါ့နော်၊ အားလုံးက ၄၈ နေရာရှိပါတယ်၊ အားလုံး နိုင်လို့ရှိရင် တောင်မှ ဒါဟာ ရာခိုင်နှုန်းအရ နည်းနည်းလေးပါ။ ဒါပေမဲ့လည်း ကျမတို့ဟာ တတ်နိုင်တဲ့ နေရာကနေ ပြီးတော့ လုပ်သွားမယ်လို့ ကျမပြောချင်ပါတယ်။ လွှတ်တော် ထဲမှာ လုံးဝ ကျမတို့ နေရာမရှိတဲ့ အနှစ် ၂၀ အတွင်းမှာတောင်မှ ပြည်သူတွေရဲ့တာဝန်တွေကို၊ ပြည်သူတွေပေါ်မှာ ကျမတို့ရှိရ မယ့် တာဝန်တွေကို ကျမတို့ ကျေပွန်အောင် ထမ်းဆောင်ခဲ့ပါ တယ်။ အဲဒီတော့ လွှတ်တော် တစ်နေရာပဲဖြစ်ဖြစ်၊ ၄၈ နေရာပဲဖြစ်ဖြစ် ဆိုလို့ ရှိရင် ကျမတို့ အရင်ကထက် စာလို့ရှိရင်တော့ ပိုပြီးတော့ တာဝန်ကျေနိုင်မယ့်အနေအထား ရောက်သွား ပါလိမ့်မယ်လို့ ကျမ ဒီလောက်ကို ကတိပေးနိုင်ပါတယ်။”

NLD အနေနဲ့ ကြားဖြတ်ရွေးကောက်ပွဲဝင်ဖို့ ဆုံးဖြတ်ပြီးတဲ့နောက်မှာ ဒေါ်အောင်ဆန်းစုကြည်က ကော့မှူး မဲဆန္ဒနယ်ကနေ ၀င်ရောက် ယှဉ်ပြိုင်ဖို့ ရွေးချယ်ခဲ့ပါတယ်။ ဘာ့ကြောင့် ကော့မှူး မဲဆန္ဒနယ်ကနေ ၀င်ပြိုင်ဖို့ ဆုံးဖြတ်ခဲ့ရသလည်းဆိုတာကိုလည်း ဒေါ်အောင်ဆန်း စုကြည်က ရှင်းလင်းပြောဆိုပါတယ်။

“အချက် နှစ်ချက်ရှိပါတယ်။ တစ်ခုကတော့ ကျမတို့ပြည်သူတွေဟာ ဆင်းရဲနွမ်းပါးမှုနဲ့ ရုန်းကန် နေရတာတွေ တော်တော်များများ ရှိတယ်။ အဲဒီကိစ္စတွေအတွက်လည်း ကျမ တတ်နိုင် သလောက် လုပ်ပေးချင်လို့ ကျမ ကော့မှူးကို ရွေးတာပါ။ နောက်တခုကလည်း ကော့မှူးမြို့နယ် မှာဆိုလို့ရှိရင် ကရင်တိုင်းရင်းသားတွေ များတဲ့ အခါကျတော့ ကျမတို့ရဲ့ ပြည်ထောင်စုအသွင်ကို ဆောင်မယ်ဆိုတဲ့ အမြင်နဲ့ ကျမ ကော့မှူးမြို့နယ်ကို ရွေးတာ ဖြစ်ပါတယ်။”

မဲဆွယ်စည်းရုံးရေးခရီးစဉ်တွေအတွင်း တိုင်းပြည်ရင်ဆိုင်နေရတဲ့ပြဿနာတွေကို သူတွေ့ရတဲ့ ထဲကမှ အလုပ်လက်မဲ့နဲ့ အလုပ်အကိုင် မလုံလောက်တဲ့ ပြဿနာတွေ ရှိနေတာ၊ လူငယ်တွေ ဘွဲ့ရပြီးတဲ့ နောက်မှာ တောင်မှ ဘာမှ မလုပ်နိုင် မကိုင်နိုင် အခြေအနေတွေနဲ့ ကြုံ နေရတာတွေကို ပြောပါတယ်။ အဲဒီလို တိုင်းပြည် ရဲ့ ပြဿနာတွေကိုဖြေရှင်းဖို့ ပြည်သူလူထုက ပူးပေါင်းပါဝင်ပါ လို့ ဒေါ်အောင်ဆန်း စုကြည်က တိုက်တွန်း ပါတယ်။

ဒါ့အပြင် ဧပြီလ ၁ ရက်နေ့၊ ကြားဖြတ်ရွေးကောက်ပွဲတွေ ကျင်းပတဲ့နေ့မှာလည်း လူထုအနေနဲ့ မဖြစ်မနေ သွားရောက် မဲပေးကြဖို့ အလေးအနက် တိုက်တွန်းခဲ့ပါသေးတယ်။ ဒီမိုကရေစီ တိုင်းပြည်တခုမှာ အစိုးရအဖွဲ့ အလုပ်လုပ်ရတဲ့ ပုံသဏ္ဌာန်ကိုလည်း ဒေါ်အောင် ဆန်းစုကြည်က ဖွင့်ဆို ပြောခဲ့ပါသေးတယ်။

“ဒီမိုကရေစီဆိုတာ ဒီလိုပါပဲ၊ အစိုးရတစ်ခုထဲက ကိုယ့်သဘောနဲ့ လုပ်တာမဟုတ်ပါဘူး။ ပြည်သူတွေရဲ့ သဘောထားကို စိစစ်ပြီး၊ ပြည်သူတွေရဲ့သဘောထားကို လေ့လာပြီး၊ ပြည်သူတွေရဲ့ ဆန္ဒတွေကို နားထောငိ ပြီးမှ ဆုံးဖြတ်ချက်တွေ ချရမှာဖြစ်ပါတယ်။ အဲဒါကြောင့်မို့လို့ ကျမက ပြည်သူတွေနဲ့ နီးနီးကပ်ကပ် လုပ်သွား နိုင်ဖို့ အများကြီး မျှော်လင့်ပါတယ်။ နောက်ဆိုလို့ရှိရင် ကော့မှူးကို ခဏခဏလာလို့ ငြီးငွေ့သွားလိမ့်မယ်။”

အခု ခရီးစဉ်တလျှောက် အခက်အခဲ အနှောက်အယှက် တစုံတရာ မကြုံတွေ့ခဲ့ရဘဲ လမ်းခရီး တလျှောက် လူထုအများအပြား ကြိုဆို ခဲ့ကြတာဖြစ်ပေမဲ့ ပြဿနာ တစုံတရာမရှိခဲ့ပါဘူး။

ကြားဖြတ်ရွေးကောက်ပွဲတွေကျင်းပမယ့် ဧပြီလ ၁ ရက်နေ့မှာတော့ အမေရိကန်၊ ဥရောပသမဂ္ဂ နဲ့ အရှေ့ တောင်အာရှနိုင်ငံတွေကနေ ရွေးကောက်ပွဲ စောင့်ကြည့်လေ့လာသူတွေ၊ သတင်း မီဒီယာသမားတွေ လွှတ်ပေးပါလို့ မြန်မာအစိုးရက ပြီးခဲ့တဲ့ ရက်ပိုင်းတွေကပဲ ဖိတ်ခေါ်ထား ပါတယ်။

Ref: ဗွီအိုအေ

Read More...

မဲဆွယ်စည်းရုံးရေး မသမာမှုတွေ NLD သတင်းထုတ်ပြန်

22 မတ် 2012
သင်းသီရိ

ကြားဖြတ် ရွေးကောက်ပွဲရက် နီးလာတာနဲ့အမျှ ဥပဒေနဲ့ မကိုက်ညီတဲ့ မဲဆွယ်စည်းရုံးမှုတွေ ပိုများလာနေပြီး မသမာတဲ့ လုပ်ရပ်တွေ လည်း ပိုဖြစ်လာနေတယ်လို့ NLD အမျိူးသားဒီမိုကရေစီအဖွဲ့ချုပ်က ပြောပါတယ်။ ဒီလို ဥပဒေနဲ့ ဆန့်ကျင်တဲ့ မဲဆွယ်မှုတွေနဲ့ လုပ်ရပ် တွေကို အများပြည်သူ သိရှိအောင်နေ့စဉ် သတင်းတွေ ထုတ်ပြန် အသိပေး သွားမယ်လို့လည်း NLD က ပြောပါတယ်၊ ဘယ်လိုအခြေ အနေတွေကြောင့် အခုလို NLD ဖက်က အသိပေးချက်တွေ ထုတ်ပြန်နေတာနဲ့ ပတ်သက်ပြီး မသင်းသီရိက တင်ပြပေးထားပါတယ်။

အခုဆိုရင် ကြားဖြတ် ရွေးကောက်ပွဲ ကျင်းပဖို့ (၉) ရက်သာလိုတော့တဲ့ အချိန်မှာ မဲဆွယ် စည်းရုံးရေး လုပ်ရ တာတွေ ဟာ ပိုပြီး ခက် ခဲတဲ့ အခြေအနေတွေ တွေ့လာရပြီး လက်ရှိ အာဏာရ ကြံ့ခိုင် ဖွံဖြိူးရေး ပါတီဖက်က လည်း ဥပဒေနဲ့ မကိုက်ညီ တဲ့ မဲဆွယ် မှု တွေ ကိုလည်း ပိုတွေ့လာရတယ်လို့ NLD ပါတီက ပြောပါ တယ်။ ဒီလိုရွေးကောက်ပွဲ ဥပဒေနဲ့ ဆန့်ကျင်တဲ့ လုပ်ရပ်တွေကို NLD ပါတီက နေ့စဉ် သတင်း ထုတ်ပြန်ကာ အများ ပြည်သူကို အသိပေးသွားမယ်လို့ NLD ပါတီက ပြောပါတယ်၊


ဒါ့ကြောင့် ဒီကနေ့ မတ်လ ၂၂ ရက်နေ့ နေ့စွဲနဲ့ အများပြည်သူက နိုင်ငံတော် သမ္မတ ဦးသိန်းစိန်ရဲ့ မဲဆွယ် စည်းရုံးမှု လို့ ယူဆရတဲ့ အခြေအနေတခုနဲ့ အတူ NLD ပါတီဝင် ဖြစ်တဲ့အတွက် တရားမျှတမှုမရှိ ဖိနှိပ် ကန့်သတ်ခံရတဲ့ အခြေအနေ တခုကို ထုတ်ပြန်ခဲ့တယ်လို့ NLD ပါတီရဲ့ ရွေးကောက်ပွဲ အောင်နိုင်ရေး မန်နေဂျာ ဦးဥာဏ်ဝင်းက ပြောပါတယ်။

“ပထမတစ်ချက်က ဇဗ္မူသီရီမြို့နယ်မှာ သမ္မတကြီး ဦးသိန်းစိန်က လယ်သမားများ အမတော်ကြေးပေးတဲ့ ပွဲကို တက်ပါတယ်။ တက်ပြီးတဲ့ အခါမှာ သမ္မတကြီးက ပြောတယ်။ ခင်ဗျားတို့ တောင်းတာ တွေတော့ ကျုပ်တို့ ပေးပြီးပြီ။ ကျုပ် တို့ တောင်းဖို့ပဲ ကျန်တော့တယ် ဆိုတော့ လယ်သမားက ဟုတ်ပါတယ်။ ကျနော်တို့ သိပါတယ် လို့ပြောတယ်။ ဒီဟာလေးကို 7 days News မှာ ကျနော်တို့ တွေ့တယ်။ အဲဒါနဲ့ ပတ်သက်ပြီး တော့ ပြည်သူတွေ ကတော့ ဟာ သမ္မတကြီးကတော့ မဲဆွယ်နေတာဘဲ လို့ အများက အဲဒီလို ယူဆနေကြတဲ့ အကြောင်း၊ ဒါက တစ်ပုဒ်။ နောက် တစ်ပုဒ်က ဇဗ္မူသီရီမှာဘဲ အဲဒီ ကျေးရွာတစ်ခုမှာ လျှပ်စစ်မီးချပေးတယ်။ တစ်ယောက် တည်းဘဲ ကျန်ခဲ့တယ်။ ဦးကြည်ဆိုတာ။ ဘာလို့ ကျန်ခဲ့လဲ ဆိုတော့ သူ့အိမ်မှာ NLD ဆိုင်းဘုတ် ရှိတယ်။ ပြီးတော့ ရာအိမ်မှူး က လာပြောတယ်။ ဒီဟာကတော့ နေပြည်တော် ကောင်စီဝင် ရဲ့ ညွှန်ကြားချက် အရ ကျနော်တို့ ချန်ထားတာပါတဲ့။ အဲဒီတော့ ကျနော်တို့ ပြောတာက နေပြည်တော် ကောင်စီဝင် ကသာ တစ်ကယ် တမ်း ဒီလို အမိန့်ပေးခဲ့ရင် ဒါဟာ အလွန် မလျော်ကန်တဲ့ ကိစ္စဘဲ လို့ အဲဒါ သတင်း ထုတ်ပြန် တယ်။”

ဒါ့အပြင် အစိုးရရုံးစိုက်ရာနေပြည်တော်က ဥတ္တရသီရိမဲဆန္ဒနယ်မှာ ၀င်ပြိုင်မယ့် NLD ပါတီရဲ့ ကိုယ်စားလှယ် လောင်း ဦးမင်းသူကို လောက်လေးဂွနဲ့ ပစ်တဲ့ ကိစ္စ၊ နေပြည်တော်က လစ်လပ်မဲဆန္ဒနယ်ထဲမှာပဲ NLD ပါတီ ဆိုင်းဘုတ် တွေကို ဓါးနဲ့လှီး ဖျက်ဆီး လိုက် တာမျိူး စတဲ့ မသမာမှု တွေလည်း ကြုံနေရတယ်လို့ ပြော ပါတယ်။

အခု ကြားဖြတ် ရွေးကောက်ပွဲ အတွက် ကြုံနေရတဲ့ ပြသနာတွေထဲ မဲဆန္ဒရှင်တွေ ရဲ့ အမည် စာရင်း မှားယွင်းနေ တဲ့ အခြေအနေ က လည်း အတော်လေး ကို ဖြေရှင်း မရ ဖြစ်နေတာပါ၊ ကြံခိုင် ဖွံဖြိုးရေး ပါတီ ဘက် က ရွေးကောက်ပွဲဥပဒေ နဲမကိုက်ညီတဲ့ မဲဆွယ်မှုတွေ ရှိနေတဲ့ အခြေအနေ တွေကိုတော့ မန္တလေးတိုင်း မဟာ အောင်မြေ မဲဆန္ဒ နယ်ရဲ့ NLD ကိုယ်စားလှယ်လောင်း ဦးအုန်းကြိူင် က ပြော ပါတယ်။

“မန္တလေးတိုင်း မဲ ဆန္ဒနယ်ထဲကဘဲ တံတားဦးတို့ ဘာတို့ မှာလည်း ကြံ့ခိုင်ဖွံ့ဖြိုးရေး ကနေပြီးတော့ ဟောပြောပွဲမှာ ဝင်ပြီး နှောက်ယှက် တာတို့ ဘာတို့ အဲဒါတွေလည်း ကြားနေရတယ်။ ကျနော်တို့ ပခုက္ကူ တို့ ဘာတို့မှာလည်း ကြံ့ခိုင် ဖွံ့ဖြိုးရေးက NLD ကိုထောက်ခံရင် ဒေါ်စု ကို ထောက်ခံရင် အမှန်ခြစ်လိုက်ပေ့ါ။ ဒါပေမဲ့ သူတို့ကို မထောက်ခံဘူး ဆိုရင်လည်း ကြက်ခြေခတ်လိုက်ပါ။ ပယ်မဲ ဖြစ်အောင် လုပ်တဲ့ သဘောပေါ့။ အဲဒါမျိုးတွေ လုပ်နေတယ်။”

မန္တလေးတိုင်း မဟာအောင်မြေ မဲဆန္ဒနယ်ရဲ့ NLD ပါတီ ကိုယ်စားလှယ်လောင်း ဦးအုန်းကြိူင်ပါ၊ ရန်ကုန်တိုင်း လှည်းကူး မဲဆန္ဒနယ် ထဲမှာလည်း မဲဆွယ် စည်းရုံးရေးအတွက် ကြုံနေရတဲ့ အခက်အခဲ တွေကိုတော့ လှည်းကူး မဲဆန္ဒနယ် NLD ကိုယ်စားလှယ်လောင်း ဦးဖြိူးမင်းသိန်း ပြောပြတာကတော့

“မအူကျေးရွာမှာ ကျနော်တို့ အစိုးရဆီက လယ်သမားတွေ ငွေချေးထားတဲ့ ငွေကို လက်ရှိ အစိုးရက ကြံ့ခိုင်ဖွံ့ဖြိုးရေး အစိုးရက သူတို့ အစိုးရဖြစ်တယ်။ သူတို့ကို မဲပေးမယ် ဆိုလို့ ရှိရင်တော့ ဒီငွေကို မဆပ်နိုင်သေးဖူး ဆိုရင် သက်ညှာစွာ စဉ်းစားပေးမယ်။ သူတို့ကို မဲ မပေးဘူးဆိုရင် အပက (၃) နဲ့ ဖမ်းဆီးမယ် ဆိုပြီးတော့ လာရောက် ဟောပြောပြီးတော့ မဲကို ရဖို့ အတွက် ကြိုးပမ်းနေပါတယ်။ ဒီကိစ္စနဲ့ ပတ်သက်ပြီးတော့ လည်း ကျနော်တို့ ခရိုင်ကော်မရှင်ကို တိုက်ရိုက် တိုင်ကြားထားပါတယ်။ ”

ဒါကတော့ လှည်းကူးမဲဆန္ဒနယ် မှာ ဝင်ရောက်ယှဉ်ပြိုင်မယ့် ကိုယ်စားလှယ်လောင်း ဦးဖြိူးမင်းသိန်း ဖြစ်ပါတယ်။ လစ်လပ်နေရာ ၄၈ နေရာအတွက်သာ ရွေးချယ်တဲ့ ကြားဖြတ်ရွေးကောက်ပွဲဆိုပေမယ့် မြန်မာ့ ဒီမိုကရေစီခေါင်းဆောင် ဒေါ်အောင်ဆန်း စုကြည်ကိုယ်တိုင် ၀င်ရောက်ယှဉ်ပြိုင်အရွေးခံမယ့် ပွဲမို့ ပြည်တွင်း ပြည်ပနဲ့ ကမ္ဘာ့အဖွဲ့အစည်း အသီးသီးက အထူးအာရုံစိုက်မှု ရှိနေတာပါ။ အခုဆိုရင် ကြားဖြတ် ရွေးကောက်ပွဲ ကို နိုင်ငံတကာလေ့လာ စောင့်ကြည့်သူတွေကို ခွင့်ပြု လိုက်တဲ့အပေါ် ကြိုဆိုလိုက်ကြတာနဲ့ တပြိုင်နက် အခုလိုမျိူး မသမာမှုတွေ ရှိနေတဲ့အပေါ်လည်း စိုးရိမ်မကင်း ဖြစ်ကြတယ် လို့ နိုင်ငံတွေက ထုတ်ပြန်သလို ဒီ ကြားဖြတ်ရွေးကောက်ပွဲမှာ တရားမျှတမှု ရှိမရှိ ဆိုတာကိုလည်း အထူးစောင့်ကြည့် နေတယ်လို့ နိုင်ငံတွေက ပြောကြပါတယ်။

Ref: ဗွီအိုအေ

Read More...

တူးလုစ် (Toulouse) သေနတ်သမား သေဆုံး

22 မတ် 2012

ပြင်သစ်နိုင်ငံ တူးလုစ် (Toulouse) မြို့မှာ လူ ၇ ယောက်ကို သတ်ပစ်ခဲ့တဲ့သူလို့ သံသယ ရှိရတဲ့ သေနတ်သမား နေအိမ်ကို ဝင်ရောက် စီးနင်းပြီးတဲ့ နောက်မှာ အဲဒီ သေနတ်သမား ဟာ သေဆုံးသွားပြီလို့ ပြင်သစ်အာဏာပိုင် တွေက ပြောလိုက်ပါတယ်။ ၃၂ နာရီကြာ ရှေ့မတိုး နောက်မဆုတ် ဖြစ်နေတာ ကနေ ပြင်သစ် ရဲတပ်ဖွဲ့ က သူနေတဲ့ နေရာကို ဝင်ရောက် စီးနင်းခဲ့ပါတယ်။ အဲဒီနောက် အပြန် အလှန် ပစ်ခတ် ကြပြီးတဲ့ နောက် ၂၄ နှစ် အရွယ် မိုဟာမက်မေရာ ဟာ ပြတင်းပေါက် က နေ ခုန်ချသွားတယ် လို့ ပြင်သစ် ပြည်ထဲရေး ဝန်ကြီး ပြောပါတယ်။ အဲဒီ လို ဝင်ရောက် စီးနင်းတဲ့ အတွက် ရဲ နှစ်ယောက် ဒဏ်ရာ ရသွားခဲ့ တယ်လို့ ပြောပါတယ်။

မနက် ကိုးနာရီခွဲမှာ ရဲ အထူးတပ်ဖွဲ့က အိမ်ထဲ ကို ဝင်ရောက် စီးနင်းခဲ့ပြီးတော့ မေရာ ဟာ ရေချိုးခန်းထဲက ထွက်လာပြီးတော့ အပြင်း အထန် ပြန်လှန် ပစ်ခတ်ခဲ့တယ်လို့ ပြင်သစ် ပြည်ထဲရေး ဝန်ကြီး က ပြောပါတယ်။ အဲဒါကြောင့် ရဲတပ်ဖွဲ့က သူတို့ ဟာ သူတို့ ကာကွယ်တဲ့ အနေနဲ့ ပြန်ပစ်ခတ် ခဲ့တာလို့ ပြောပါတယ်။ မေရာ ဟာ ပြတင်းပေါက် က ခုန်ချတဲ့ အချိန်မှာလည်း သေနတ်နဲ့ ဆက်ပြီး ဖြစ်ခတ်နေ ကြောင်း ဒါပေမဲ့ အောက် ကို ရောက်တဲ့ အချိန်မှာတော့ မေရာ ဟာ သေဆုံးနေပြီလို့ ပြောပါတယ်။


အစောပိုင်းမှာတုန်းကတော့ အဲဒီ သေနတ်သမားက သူဟာ အယ်လ်ကိုင်းဒါးနဲ့ ဆက်နွယ်သူဖြစ်တယ်လို့ ပြောခဲ့ပြီး၊ လက်နက်ကိုင်ပြီး တော့ သေဆုံးချင်တယ်လို့လည်း ပြောခဲ့ကြောင်း ပြင်သစ်နိုင်ငံခြားရေးဝန်ကြီးက ပြောပါတယ်။

အယ်လ်ဂျီးရီးယားနွယ်ဖွား ပြင်သစ်နိုင်ငံသားဟာ ပြင်သစ်နိုင်ငံ တူးလုစ် (Toulouse) မြို့ကနေ မော်တော်ဆိုင်ကယ်နဲ့ ထွက်မပြေးခင်မှာ ကလေး သုံး ယောက်နဲ့ ဂျူးတရားဟောဆရာ တစ်ဦးတို့ကို သတ်ဖြတ်ခဲ့တယ်လို့ စွပ်စွဲခံနေရတာဖြစ်ပါတယ်။ ဒါ့အပြင် သူဟာ ပြီးခဲ့တဲ့ တပတ်ကလည်း အဲဒီသေနတ်နဲ့ပဲ ပြင်သစ်စစ်သား သုံး ဦးကို တူးလုစ်နဲ့ အနီးနားက မြို့တခုမှာ သတ်ဖြတ်ခဲ့တယ်လို့ ပြင်သစ်ရဲက ပြော ပါတယ်။

Ref: ဗွီအိုအေ

Read More...

Thursday, March 22, 2012

မသမာမှုတွေအတွက် ကော်မရှင်နဲ့ အစိုးရက သတိပေးစာထုတ်ဖို့ ဒေါ်အောင်ဆန်းစုကြည် အကြံပြု

2012-03-21

လာမယ့် ကြားဖြတ်ရွေးကောက်ပွဲ မကျင်းပခင် မသမာမှုတွေ တိုးများ ဖြစ်ပေါ်နေပြီး၊ ဒီကိစ္စတွေနဲ့ ပတ်သက်လို့ ရွေးကောက်ပွဲ ကော်မရှင် အပြင် အစိုးရအနေနဲ့ပါ တရားဝင် စာထုတ်ပြန်ခြင်း၊ သတိပေးခြင်းတွေ ပြုလုပ်သင့်တယ်လို့ ဒေါ်အောင်ဆန်းစုကြည်က RFA ကို ပြောပါ တယ်။

RFA က အပတ်စဉ် ထုတ်လွှင့်နေတဲ့ ဒီမိုကရေစီခရီးကြမ်း အစီအစဉ်အတွက် ပြောဆိုရာမှာ လက်ရှိ ရွေးကောက်ပွဲ မတိုင်ခင် ဖြစ်ပေါ်နေ တဲ့ အခြေအနေများကို ထည့်သွင်းပြောဆိုသွားတာ ဖြစ်ပါတယ်။ တချို့ဖြစ်စဉ်တွေဟာ နေပြည်တော် နယ်နမိတ်အတွင်းမှာ ဖြစ်တာမို့ အကျဉ်း တန်တဲ့ ဖြစ်ရပ်လို့ ဒေါ်အောင်ဆန်းစုကြည်က ပြောပါတယ်။

"မသမာမှုလေးတွေကတော့ ဆက်ဖြစ်နေတယ်။ ဆက်ဖြစ်နေတယ်တင် မကဘူး၊ ထပ်တိုးဖြစ်နေတယ်လို့တောင် ပြောရမလားမသိဘူး။ ကျမတို့ကိုယ်စားလှယ် ဥတ္တရသီရိက ဦးမင်းသူကို လောက်လေးဂွနဲ့ ပစ်တယ်ဆိုပေမယ့် သူပစ်လိုက်တဲ့ဟာက သစ်သားအချွန်လေးနဲ့ ပေါ့နော်။ ပစ်တာ ဦးမင်းသူကို မထိဘဲနဲ့ အနားက မိန်းကလေးတယောက်ကို ထိသွားတယ်။ အဲဒါတွေကတော့ နဲနဲ လွန်လာပြီလေ။ ဥပ္ပသီရိနဲ့ ဒက္ခိဏသီရိထင်တယ်။ အဲဒီ ၂ နေရာမှာ ဆိုင်းဘုတ်တွေကို သူတို့ ဖျက်ဆီးတာပေါ့နော်။ ဓားနဲ့လှီးပြီးတော့ ထုတ်တာတွေ ဘာတွေဟာ အဲဒါ မဖြစ်သင့်ဘူး။ အထူးသဖြင့် နေပြည်တော်မှာ ဖြစ်တယ်ဆိုတာဟာ အင်မတန်မှ အကျဉ်းတန်တယ်"

ဒီဖြစ်ပေါ်နေတဲ့ အခြေအနေတွေဟာ မလုပ်သင့် မလုပ်အပ်တဲ့ ကိစ္စတွေ ဖြစ်ပြီး ဒါဟာ ပြစ်မှုကျူးလွန်တာ ဖြစ်တယ်ဆိုတာ ကျူးလွန်သူနဲ့ အများပြည်သူ သိရှိအောင် ပြည်ထောင်စု ကော်မရှင်တင်မက အစိုးရကပါ တရားဝင် သတိပေးစာ ထုတ်ပြန်စေချင်တယ်လို့ ဒေါ်အောင် ဆန်း စုကြည်က ပြောပါတယ်။

Ref: အာရ်အဖ်အေ

Read More...

ကျေးရွာ ဖွံ့ဖြိုးရေးအကြောင်းပြ ကြံခိုင်ဖွံ့ဖြိုးရေးအတွက် စည်းရုံးရေးဆင်း

2012-03-21

မတ်လ ၂၁ ရက်နေ့ မနက်ပိုင်းက တနင်္သာရီတိုင်းဒေသကြီး ၀န်ကြီးချုပ် ဦးမြတ်ကိုနဲ့ အဖွဲ့ဟာ ကျေးရွာဖွံ့ဖြိုးရေးဆိုတဲ့ အကြောင်းပြ ချက်နဲ့ ရွာသူ ရွာသားတွေကို စုရုံးစေပြီး၊ ဧပြီ ၁ ရက်နေ့ ကြားဖြတ်ရွေးကောက်ပွဲမှာ ကြံခိုင်ဖွံ့ဖြိုးရေးပါတီ အောင်နိုင်ရေးအတွက် စည်းရုံးရေး ဆင်းခဲ့တယ်လို့ ဒေသခံတွေက ပြောပါတယ်။

အဲဒီ ဟောပြောပွဲအတွက် ဝေဠုဝန် ဘုန်းကြီးကျောင်းမှာ ဟောပြောဖို့ အစီအစဉ်ကို ဆရာတော်က ခွင့်မပြုတဲ့အတွက် မင်းရပ်၊ တလိုင်း မော် မူလတန်းကျောင်းမှာ ပြုလုပ်ခဲ့တာဖြစ်ပါတယ်။

ဟောပြောပွဲကို ဆရာတော်က ကျေးရွာသူ၊ ကျေးရွာသားတွေရဲ့ ဆန္ဒအရ ဘုန်းကြီးကျောင်းမှာ လုပ်ခွင့်မပေးနိုင်ကြောင်း၊ မိန့်ကြားခဲ့ တာကိုလည်း မူလတန်းကျောင်းမှာ ဟောပြောစဉ် ပါတီတစ်ခုရဲ့ ပယောဂကြောင့် ဆရာတော်က ခွင့်မပြုတာ ဖြစ်တယ်လို့ စွပ်စွဲ ပြောဆိုခဲ့တယ်လို့ ဒေသခံတွေက ပြောပါတယ်။

ဒါ့အပြင် ဟောပြောပွဲမှာ လာမယ့် ကြားဖြတ် ရွေးကောက်ပွဲမှာ ကြံ့ခိုင်ဖွံ့ဖြိုးရေးပါတီကို မဲထည့်ရေးကို သွယ်ဝှက်ပြီး ပြောဆိုတာ ရှိသလို ဒေသခံတွေဖြစ်မှ ဒေသအကျိုးကို ဆောင်ရွက်နိုင်မှာဖြစ်ကြောင်း၊ အခုရွေးကောက်ပွဲမှာ မိမိတို့ပါတီ အနိုင်ရသည်ဖြစ်စေ၊ မနိုင်သည် ဖြစ်စေ နောက်လေးနှစ်အထိ၊ မိမိတို့ရဲ့ အုပ်ချုပ်ရေးအောက်မှာပဲ ရှိနေမှာဖြစ်တယ်လို့ ခြိမ်းခြောက် ပြောဆိုတာလည်း ရှိတယ်လို့ဆို ပါတယ်။

ဟောပြောပွဲ ပြုလုပ်ခွင့်ရသွားတဲ့ မင်းရပ်၊ တလိုင်းမော် မူကြိုကျောင်းအတွက် သွတ်ပြား ၈၀၊ ဘိလပ်မြေ အိတ် ၃၀၊ သစ် ၅ တန်၊ မူလတန်းလွန်ကျောင်းအတွက် ဘိလပ်မြေအိတ် ၁၀၀၊ ငွေ ၈၅ သိန်းနဲ့ မင်းရပ်မြောက်ပိုင်း အမက အတွက် ဘိလပ်မြေ အိတ် ၁၀၀ ပေးသွားတယ်လို့ သိရပါတယ် ။

Ref: အာရ်အဖ်အေ

Read More...

ကြားဖြတ်ရွေးကောက်ပွဲ စောင့်ကြည့်ဖို့ အမေရိကန်လာမည်

2012-03-21

လာမယ့်ဧပြီလ ၁ ရက်နေ့မှာ ကျင်းပမယ့် ကြားဖြတ်ရွေးကောက်ပွဲ စောင့်ကြည့် လေ့လာခွင့်ကို နိုင်ငံတကာစံချိန်နဲ့ ကိုက်ညီအောင် စီစဉ်ဆောင်ရွက်ဖို့ မြန်မာအစိုးရကို အမေရိကန်ပြည်ထောင်စုက မနေ့က တိုက်တွန်းလိုက်ပါတယ်။

ဒါ့အပြင် သမ္မတ ဦးသိန်းစိန်ရဲ့ဖိတ်ခေါ်ချက်အရ ရွေးကောက်ပွဲ စောင့်ကြည့်လေ့လာရေးအဖွဲ့ကို အမေရိကန်အစိုးရက စေလွှတ်မှာဖြစ် တယ်လို့ နိုင်ငံခြားရေးဌာန ပြောခွင့်ရအမျိုးသမီး Victoria Nuland က သတင်းထောက်တွေကို ပြောပါတယ်။

ဒီရွေးကောက်ပွဲ စောင့်ကြည့်ရေးကိစ္စကို မြန်မာအစိုးရ အနေနဲ့ နိုင်ငံတကာ စံချိန် စံနှုန်းတွေနဲ့ အညီ၊ ကိုက်ညီအောင် အတတ်နိုင်ဆုံး ကြိုးစားဆောင်ရွက်ဖို့ အမေရိကန်အစိုးရက အားပေး တိုက်တွန်းပါတယ်လို့ Victoria Nuland က ပြောသွားပါတယ်။

ဒါအပြင် စံနှုန်းပြည့် ရွေးကောက်ပွဲ စောင့်ကြည့်ရေးအဖွဲ့ဆိုတဲ့နေရာမှာ ကြိုတင် စီစဉ်ဆောင်ရွက် တာတွေ၊ ရွေးကောက်ပွဲနောက်ပိုင်း ဆက်ပြီးလုပ်ဆောင်ရမှာတွေ၊ အမှန်တကယ် လိုအပ်တယ်လို့လည်း အမေရိကန် နိုင်ငံခြားရေးဌာန ပြောခွင့်ရ အမျိုးသမီးက ဆိုပါတယ်။

စောင့်ကြည့်ရေးအဖွဲ့တွေ ပိုပြီး အားကောင်းဖို့အတွက် အာဆီယံအပါအ၀င်၊ အခြားနိုင်ငံတကာ လေ့လာ စောင့်ကြည့်ရေးအဖွဲ့တွေနဲ့ အမေရိကန်က ပူးပေါင်း ဆောင်ရွက်သွားမှာ ဖြစ်တယ်လို့လည်း ပြောပါတယ်။

ကြားဖြတ် ရွေးကောက်ပွဲကို စောင့်ကြည့်လေ့လာမယ့် အမေရိကန် ကိုယ်စားလှယ်အဖွဲ့ထဲမှာ ရွေးကောက်ပွဲဆိုင်ရာ ကျွမ်းကျင်သူ ၂ ဦးနဲ့ သတင်းထောက် ၃ ဦး ပါဝင်မှာ ဖြစ်ပေမယ့် အမည်စာရင်းတွေကို တရားဝင် ပြောဆိုခြင်း မရှိပါဘူး။

Ref: အာရ်အဖ်အေ

Read More...

မြန်မာနိုင်ငံ ကဗျာဆရာများသမဂ္ဂ ကမ္ဘာ့ကဗျာနေ့ အခမ်းအနားကျင်းပ

2012-03-21

မြန်မာနိုင်ငံ ကဗျာဆရာများသမဂ္ဂရဲ့ ပထမဆုံး ကမ္ဘာ့ကဗျာနေ့ အခမ်းအနားကို ဒီကနေ့ ရန်ကုန်မြို့၊ ယုဒသန်ရိပ်သာမှာ ကျင်းပပါတယ်။

ဒီအခမ်းအနားမှာ နှစ်ပေါင်း ၂၀ ကျော် ပိတ်ပင်ခံထားရတဲ့ သင်္ကြန် သံချပ်တွေကို ရွတ်ဆိုကြပြီး၊ တစ်ခန်းရပ် ပြဇာတ်တွေနဲ့ စည်စည်ကား ကား ကျင်းပခဲ့ကြပါတယ်။

အခမ်းအနားမှာ ဆရာကြီး ဒဂုန် တာရာ ပေးပို့တဲ့ သ၀ဏ်လွှာဖတ်ကြားပြီး၊ ကဗျာဆရာ မင်းသုဝဏ်နဲ့ ဆရာကြီး တင်မိုးတို့ရဲ့ ကဗျာ တွေကို ရွတ်ဆိုကြသလို၊ ၈၈ မျိုးဆက် ကျောင်းသားခေါင်းဆောင် မင်းကိုနိုင်ကလည်း ကဗျာတစ်ပုဒ် ရွတ်ဆိုခဲ့ပါတယ်။


မြန်မာနိုင်ငံ ကဗျာဆရာများသမဂ္ဂ အနေနဲ့ အခမ်းအနား အခုလို ကျင်းပခွင့်ရတာနဲ့ ပတ်သက်ပြီး၊ ကဗျာဆရာများသမဂ္ဂ အထွေထွေ အတွင်းရေးမှူး ဆရာသစ္စာနီက အနုပညာရှင်တွေ အားလုံးလည်း လွတ်လပ်စွာ ဖော်ထုတ်ပြသခွင့် ရသင့်ပါတယ်လို့ ပြောပါတယ်။

ဒီအခမ်းအနားကို စာရေးဆရာ၊ ကဗျာဆရာ၊ စာပေအနုပညာရှင်တွေ၊ ၈၈ မျိုးဆက် ကျောင်းသားခေါင်းဆောင်တွေနဲ့ နိုင်ငံရေး အသိုင်း အ၀ိုင်းတွေက လူစုစုပေါင်း ၃၀၀ ကျော် တက်ရောက်လာကြောင်း သိရပါတယ်။ ကုလသမဂ္ဂပညာရေး၊ ကျန်းမာရေးနဲ့ ယဉ်ကျေးမှုအဖွဲ့ UNESCO က မတ်လ ၂၁ ရက်နေ့ကို ကမ္ဘာ့ကဗျာနေ့အဖြစ် သတ်မှတ်ခဲ့တာ ဖြစ်ပါတယ်။

Ref: အာရ်အဖ်အေ

Read More...

ပုသိမ်သူ (၁၁) ရေယာဉ် တိမ်းမှောက်

2012-03-21

ဧရာဝတီတိုင်း၊ ငပုတောမြို့နယ်ကအထွက် ကံဆိပ်ရွာအနီး မနေ့ မွန်းလွဲပိုင်းက ပုသိမ်သူ (၁၁) ရေယာဉ် တိမ်းမှောက်မှုကြောင့် အခုချိန်ထိ သေဆုံးသူပေါင်း ( ၆ ) ဦး ရှိသွားပြီဖြစ်ကြောင်း သိရှိရပါတယ်။

ဆိပ်ကမ်းအာဏာပိုင်တွေနဲ့ ကယ်ဆယ်ရေးအဖွဲ့တွေက ဒီကနေ့ ဆက်လက်ရှာဖွေရာမှာ၊ အမျိုးသမီးအလောင်း (၄) လောင်းကို ထပ်မံ ဆယ်ယူ ရရှိခဲ့တယ်လို့ သိရပါတယ်။

အလျားပေ(၁၂၀) ရှိတဲ့ ပုသိမ်သူ(၁၁) ရေယာဉ်ဟာ ပုသိမ်နဲ့ သရက်တောကြား ပြေးဆွဲနေတဲ့ ရေယာဉ်ဖြစ်ပြီး၊ ရေယာဉ်ကို တဖက် လှည့်ချိန်မှာ ကမ်းနဲ့ငြိပြီး တိမ်းမှောက်သွားတာ ဖြစ်ပါတယ်။

တိမ်းမှောက်ချိန်မှာ လူ( ၉၀)ကျော် စီးနင်းလိုက်ပါသွားတာဖြစ်ပြီး၊ အခုချိန်ထိ (၁၅) ဦး ပျောက်ဆုံးနေတယ်ဆိုတာ အတည်ပြုနိုင် ကြောင်းနဲ့ ကျန်သူတွေကို ဆက်လက်ရှာဖွေနေဆဲ ဖြစ်ပါတယ်။

Ref: အာရ်အဖ်အေ

Read More...

ဒေါ်အောင်ဆန်းစုကြည်ကို ဒဂုံမြို့သစ် ဆိပ်ကမ်းမြို့နယ်ပြည်သူ သောင်းနဲ့ချီကြိုဆို

2012-03-21

အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ မဲဆွယ်စည်းရုံးရေး ခရီးစဉ်အဖြစ် ဒီကနေ့ ညနေက ရန်ကုန်၊ ဒဂုံမြို့သစ် ဆိပ်ကမ်းမြို့နယ်ကို သွားရောက်ပြီး၊ NLD ပြည်သူ့လွှတ်တော် ကိုယ်စားလှယ်လောင်းအတွက် ဒေသခံတွေကို စည်းရုံး ဟောပြောခဲ့ပါတယ်။

ဒေါ်အောင်ဆန်းစုကြည်ကို သောင်းနဲ့ချီတဲ့ ပြည်သူတွေက ကြိုဆိုနှုတ်ဆက်ခဲ့ကြပါတယ်။ ဒီဟောပြောပွဲမှာ ဒေါ်အောင်ဆန်းစုကြည်က နိုင်ငံအတွင်း အဂတိလိုက်စားမှုတွေနဲ့ ပတ်သက်ပြီး အခုလို ပြောကြားခဲ့ပါတယ်။


"ကျွန်မတို့နိုင်ငံမှာ ဆိုလို့ရှိရင် အကျင့်တွေပျက်နေတာ ကြာပြီ၊ အခြေခံအားဖြင့် ကြည့်မယ်ဆိုရင်တော့ ကျွန်မတို့ နိုင်ငံမှာ ပြုပြင်ဖို့ဆိုတာ လွယ်မှာမဟုတ်ပါဘူး။ ဒါပေမဲ့ ကျွန်မတို့ ယုံကြည်တယ်။ ကျွန်မတို့ ပြည်သူဟာ သန့်သန့်ရှင်းရှင်းနဲ့ မှန်မှန်ကန်ကန် လုပ်ချင်တယ်။ အဲဒါကြောင့်မို့လို့ ကျွန်မတို့နဲ့အတူ လက်တွဲပြီးတော့ လုပ်မယ်လို့ ကျွန်မတို့ ယုံကြည်တယ်"

ဒီကနေ့ မွန်းလွဲပိုင်းမှာ ဒေါ်အောင်ဆန်းစုကြည်ဟာ တာမွေမြို့နယ်၊ အလိုတော်ပြည့်ကျောင်းတိုက်ကို ရောက်ရှိခဲ့ပြီး ရခိုင်ရှေးဟောင်း သမိုင်းဝင် မဟာမုနိ ရုပ်ရှင်တော်မြတ်ကြီးကို ဖူးမျှော် ကြည်ညိုခဲ့တယ်လို့ သိရပါတယ်။

မနေ့က ညနေခင်းကလည်း အင်းစိန်ရွာမ၊ ပရိယတ္တိ စာသင်တိုက်ကို သွားရောက်ခဲ့ပြီး ဆရာတော် ဦးတိလောကကို တွေ့ဆုံ ဖူးမျှော် ခဲ့ပါတယ်။ အဲဒီလို သွားရောက်ရာမှာ အများပြည်သူကို အသိပေး ကြေညာခြင်း မရှိခဲ့ပေမယ့် အင်းစိန်နဲ့ မရမ်းကုန်းမြို့နယ်က ပြည်သူ တွေနဲ့ ကျောင်းသူ၊ကျောင်းသား အများအပြား အင်းစိန်ရွာမ စာသင်တိုက်မှာ စောင့်ကြိုခဲ့ကြပါတယ်။

ဒေါ်အောင်ဆန်းစုကြည်ဟာ ဆရာတော်ကြီးကို ဖူးမြော်ကန်တော့အပြီးမှာ စောင့်ကြိုနေကြတဲ့ ကလေးငယ်တွေကို သီးသန့်တွေ့ဆုံခဲ့ပြီး ညနေ ၆ နာရီမှာ ပြန်လည်ထွက်ခွာသွားပါတယ်။

Ref: အာရ်အဖ်အေ

Read More...

မဲပေးနိုင်သူစာရင်း မှားယွင်းမှုရ

ှိ2012-03-21

ကြားဖြတ်ရွေးကောက်ပွဲ ကျင်းပဖို့ ရက်ပိုင်းပဲ လိုတော့တဲ့ အချိန်မှာ မဲဆန္ဒနယ်မြေတွေမှာ မဲပေးနိုင်သူစာရင်း ပျောက်ဆုံးနေတာ၊ ကျန်နေ တာတွေ ရှိနေပြီး NLD ပါတီဝင်တချို့ကို ခြိမ်းခြောက်မှုတွေ ရှိနေကြောင်း သိရပါတယ်။

မန္တလေးတိုင်း၊ မဟာအောင်မြေ မဲဆန္ဒနယ် မဲဆန္ဒရှင်စာရင်းထဲမှာ မပါဝင်တဲ့ မဲပေးခွင့်ရှိသူ နှစ်ထောင်ကျော်လောက်ကျန် ရှိနေကြောင်း၊ သူတို့တွေ မဲပေးခွင့်ရရေးအတွက် မန္တလေး အမျိုးသားဒီမိုကရေစီ အဖွဲ့ချုပ်က ခရိုင်ကော်မရှင်ကို တင်ပြဖို့ စီစဉ်ဆောင်ရွက်နေကြောင်း၊ မဟာအောင်မြေမြို့နယ်က ၀င်ရောက်ယှဉ်ပြိုင်မယ့် NLD ပြည်သူ့လွှတ်တော်ကိုယ်စားလှယ် ဦးအုန်းကြိုင်က အခုလို ပြောပါတယ်။


"ပထမ မြို့နယ်ကော်မရှင်က ပြောတာက ၆လ ဆက်တိုက် ဒီမှာနေပြီးလို့ရှိရင် ဧည့်စာရင်းနဲ့ နေရင်လည်းပဲ မဲမေးခွင့် ရှိတယ်လို့ပြော တယ်။ အခု အဲဒီလူတွေက တကယ်ပဲ သူတို့ ဒီနေရာမှာနေတာ ၆ လကျော်သွားပြီ၊ ဘော်ဒါဆောင်မှာနေတဲ့ ခလေးတွေပေါ့။ သူတို့က မဲပေးချင်ပါတယ်ဆိုပြီး တကယ်တင်လာတဲ့ အခါကျတော့၊ မဟုတ်ဘူးတဲ့ ဥပဒေမှာ ပြဋ္ဌာန်းတာက ရွေးကောက်ပွဲမတိုင်မီ တစ်လလောက် ကတည်းက ကြိုပြီးတော့ အပြတ်ဖြတ်ရမှာတဲ့ ဆိုတော့ လွန်ခဲ့တဲ့ ၂ လလောက်က မဲစာရင်းမှာ မကြေညာပဲနဲ့ အဲလူတွေက ဘယ်လိုလုပ် ပြီးတော့ သူတို့ဒီမှာ မဲစာရင်းထဲပါတယ် မပါဘူး သိနိုင်မလဲ"

အလားတူပဲ ပဲခူးတိုင်း၊ က၀မြို့နယ်မှာလည်း မဲစာရင်းကွာဟမှုတွေ တွေ့ရတဲ့အတွက် မြို့နယ်ကော်မရှင်ကို တင်ပြထားကြောင်းနဲ့ ကြံ့ခိုင် ရေးနှင့် ဖွံ့ဖြိုးရေးပါတီဝင်ဆိုသူက၊ NLD ပါတီဝင်တချို့ကို ခြိမ်းခြောက်မှုတွေ ရှိနေတယ်လို့ အမှတ် ၂ တိုင်းဒေသကြီး လွှတ်တော် နေရာကို ၀င်ရောက်ယှဉ်ပြိုင်မယ့် NLD လွှတ်တော် ကိုယ်စားလှယ်လောင်း ဦးမျိုးခိုင်က ပြောပါတယ်။

ပြီးခဲ့တဲ့ ရက်တွေကလည်း စစ်ကိုင်းတိုင်းဒေသကြီး၊ ရွှေဘိုခရိုင်၊ ကန့်ဘလူမြို့နယ်၊ ဇီးကုန်းတိုက်နယ်၊ နဂါးပေါ်ကျေးရွာကို မဲဆွယ် စည်းရုံးရေးဆင်းလာတဲ့ ကန့်ဘလူမြို့နယ်၊ အမျိုးသားလွှတ်တော် အမှတ် (၃) မဲဆန္ဒနယ်မှာ ဝင်ရောက်ယှဉ်ပြိုင်မယ့် အမျိုးသား ဒီမိုကရေစီ အဖွဲ့ချုပ်မှ အမျိုးသားလွှတ်တော် ကိုယ်စားလှယ်လောင်း ဒေါက်တာမြင့်နိုင်နဲ့ အဖွဲ့ကို ကြံ့ခိုင်ရေးနှင့် ဖွံ့ဖြိုးရေးပါတီက လိုက်လံနှောင့်ယှက်ခဲ့တယ်လို့လည်း သိရပါတယ်။

Ref: အာရ်အဖ်အေ

Read More...

Monthly News Commentary - March 2012 (Eng)

PDC Monthly News Commentary - March 2012 (Eng)

Read More...

သံလွင်တိုင်း(မ်)ကို မွန်-မြန်မာ နှစ်ဘာသာဖြင့် ထုတ်ဝေသင့်

21 March 2012
နန်းသူးလေ

မွန်ပြည်နယ်အတွင်း မကြာမီ ထုတ်ဝေခွင့်ရတော့မည့် သံလွင်တိုင်း(မ်) သတင်းဂျာနယ်ကို မွန်-မြန်မာ နှစ်ဘာသာဖြင့် ထုတ်ဝေသင့် ကြောင်း တိုင်းရင်းသားသတင်းဌာနတစ်ခုဖြစ်သည့် ကေအိုင်စီ အယ်ဒီတာ နန်းဖော့ဂေက ပြောသည်။

၎င်းက “ကိုယ့်မွန်ဒေသက သတင်းတွေကို အဓိကထားပြီး ထုတ်မယ့် ဂျာနယ်ဆိုတော့ ဘာပဲဖြစ်ဖြစ် အခုလက်ရှိ ထုတ်နေတဲ့ဂျာနယ်တွေ နဲ့စာရင် ပုံစံမတူဘဲ တစ်မျိုးတော့ ကောင်းတယ်။ ဖြစ်နိုင်မယ်ဆိုရင်တော့ ကိုယ့်တိုင်းရင်းသားစာပေကို ထိန်းသိမ်းတဲ့အနေနဲ့ မွန်ဘာသာ ကော၊ မြန်မာဘာသာကော ထုတ်နိုင်ရင် အကောင်းဆုံးလို့ မြင်ပါတယ်”ဟု ပြောသည်။

ပြည်တွင်းထုတ် သတင်းဂျာနယ်များအနေဖြင့် မွန်ပြည်နယ်တွင် ဖြစ်ပျက်နေသည့် အခြေအနေနှင့် အကြောင်းအရာများကို ရေးသားဖော် ပြမှု အားနည်းနေသဖြင့် မွန်ပြည်နယ်အကြောင်းကို ပိုမိုကျယ်ပြန့်စွာ သိရှိစေရန် သံလွင်တိုင်း(မ်)ဂျာနယ်ကို မြန်မာဘာသာဖြင့် ဧပြီလ ဆန်းပိုင်းတွင် စတင်ထုတ်ဝေသွားမည်ဟု အယ်ဒီတာ အဖွဲ့ဝင် နိုင်မင်းမင်းနွယ်က ပြောသည်။

“အဓိကထွက်လာတဲ့ ဂျာနယ်တော်တော်များများက ရန်ကုန်ကို အခြေပြုပြီးတော့ နယ်သတင်းတွေက နယ်မှာ တကယ်ဖြစ် ပျက်နေတဲ့ လယ်သမားအရေးတို့ အလုပ်သမားအရေးတို့ ပညာရေး၊ ကျန်းမာရေး၊ စီးပွားရေး၊ လူမှုရေးတို့က သိပ်ပြီးတော့ များများစားစား ဖော် ပြခြင်း မခံရဘူးဗျ”ဟု ၎င်းက ပြောသည်။

ထိုသတင်းဂျာနယ်ထုတ်ဝေရန် ပြီးခဲ့သည့် ဇန်န၀ါရီလ ၁၅ရက်နေ့က စာပေနှင့် စာနယ်ဇင်းအဖွဲ့ထံသို့ ထုတ်ဝေခွင့်တောင်းထားပြီး လာ မည့်အပတ်တွင် ခွင့်ပြုချက်ကျမည်ဟု သိရသည်။

မော်လမြိုင်မြို့တွင် အခြေစိုက်မည့် သံလွင်တိုင်းမ်ဂျာနယ်က ထုတ်ဝေသူနှင့် အယ်ဒီတာချုပ်မှာ မွန်ပြည်သစ်ပါတီက တွဲဖက်အထွေထွေ အတွင်းရေးမှူးဟောင်း နိုင်ချမ်းတွဲ့ ဖြစ်သည်။ အယ်ဒီတာအဖွဲ့ဝင်အဖြစ် နိုင်ဇေ၊ နိုင်အောင်ထူး၊ နိုင်ရာဇာနှင့် နိုင်မင်းမင်းနွယ်တို့က ဆောင် ရွက်မည်ဖြစ်သည်။ သတင်းထောက် ငါးဦးကိုလည်း ခန့်ထားပြီး ဖြစ်သည်။

လစဉ် ထုတ်ဝေသွားမည့် ၎င်းဂျာနယ်ကို စောင်ရေ သုံးထောင်မှ ငါးထောင်ကြား ထုတ်ဝေကာ တစ်စောင်လျှင် ငါးရာကျပ်ဖြင့် မွန်ပြည် နယ်နှင့် တနင်္သာရီတိုင်းသို့ ဖြန့်ချီသွားမည် ဖြစ်သည်။

ကရင့်စာဖတ်ပရိသတ်တစ်ဦးဖြစ်သည့် စောလောအဲ့ထူးက “ကရင်ပြည်နယ်ထဲမှာဆိုရင် မြို့နဲ့ ဝေးလံခေါင်းပါးတဲ့ နေရာတွေက သတင်း တွေဆိုရင် အခုပြည်တွင်းက ဂျာနယ်တွေက လိုက်လို့ မမှီဘူးလေ။ ဒါကြောင့် အကယ်၍များ ကရင်ပြည်နယ်ထဲမှာ ထုတ်ဝေနိုင်မယ့် စာ စောင်ရှိရင် သိပ်ကောင်းတာပေါ့”ဟု ပြောသည်။

တိုင်းရင်းသားဒေသများရှိ သတင်းများကို ပြည်နယ်နှင့် တိုင်းအသီးသီးက ဒေသများအနေဖြင့် ပိုမိုသိရှိလိုသည့်အတွက် လွတ်လပ်သည့် တိုင်းရင်းသားကိုယ်စားပြု သီးသန့်သတင်းဂျာနယ်များ ပိုမိုထွက်ရှိစေရန် လိုလားလျက်ရှိကြောင်း နန်းဖော့ဂေက ပြောသည်။

၂၀၁၁ခုနှစ် အောက်တိုဘာလက မြန်မာပြည်တွင်း၌ The Union အမည်ဖြင့် တိုင်းရင်းသားအရေး ဂျာနယ်ထုတ်ဝေရန် စီစဉ်မှုများ ရှိခဲ့ သော်လည်း စာပေစိစစ်ရေးနှင့် မှတ်ပုံတင်ဌာနမှ ခွင့်ပြုချက်မရရှိခဲ့၍ ယနေ့အထိ ထုတ်ဝေနိုင်ခြင်း မရှိခဲ့ပေ။

Ref: ကေအိုင်စီ

Read More...

အမေရိကန်နဲ့ အီးယူကို ရွေးကောက်ပွဲစောင့်ကြည့်ဖို့ မြန်မာ ဖိတ်ကြား

March 21, 2012
နေသွင်

လာမယ့် ဧပြီလ ကြားဖြတ်ရွေးကောက်ပွဲကို လေ့လာဖို့ နိုင်ငံတကာက ရွေးကောက် ပွဲ စောင့်ကြည့်ရေးအဖွဲ့တွေကို ဖိတ်ကြားလိုက်တာ အရေးကြီးတဲ့ အစပြုမှုဖြစ်တယ်လို့ ရန်ကုန်အခြေစိုက် အမေရိကန်သံရုံးက ဒီဗွီဘီကို ပြောပါတယ်။

အာဆီယံ၊ အမေရိကန်နှင့် ဥရောပသမဂ္ဂ လေ့လာရေး အဖွဲ့တွေ ကို ကြားဖြတ်ရွေးကောက် ပွဲ စောင့်ကြည်ဖို့ မြန်မာ အစိုးရက ဖိတ်ကြား လိုက်တဲ့ အပေါ်မှာ အမေရိကန် သံရုံးက အရာရှိ တဦးက ပြောလိုက်တာပါ။

ခုလိုဖိတ်ကြားလိုက်တဲ့ အပေါ်မှာ အားတက်ရတဲ့ အကြောင်းနဲ့ ဒါဟာ မြန်မာပြည် ဒီမိုကရေစီ အသွင် ကူးပြောင်းရေးမှာ အရေးကြီးတဲ့ ခြေလှမ်း အဖြစ် ယူဆတဲ့အကြောင်း အမေရိကန် အရာရှိက ပြောပါတယ်။

ဒီဖိတ်ကြားချက်နဲ့ ပတ်သက်လို့ ၀ါရှင်တန်ကို အကြောင်းကြား ထားပြီး ရွေးကောက် ပွဲ စောင့်ကြည့်ရေး အဖွဲ့တွေကို စေလွှတ်ဖို့ အသေး စိတ် အစီအစဉ်တွေကိုတော့ အခု အချိန်မှာ မပြောနိုင်သေး လို့ အရာရှိက ပြောပါတယ်။

မြန်မာအစိုးရဟာ ကြားဖြတ်ရွေးကောက်ပွဲမှာ အမေရိကန်နဲ့ အီးယူနိုင်ငံတွေ ကို စောင့်ကြည့်ရေး အဖွဲ့တွေကို ဖိတ်ကြားသလိုပဲ အာဆီယံ အဖွဲ့ကိုလည်း ဖိတ်ကြားထား တယ်လို့ အာဆီယံက မနေ့က ကြေညာချက် ထုတ်ပြန်ထားပါတယ်။

အဖွဲ့ဝင် ၅ ဦးပါတဲ့ အာဆီယံ ရွေးကောက်ပွဲစောင့်ကြည့်ရေးအဖွဲ့၊ လွှတ်တော်အမတ်တွေနဲ့ သတင်းသမား ၂ ဒါဇင်ကျော်ကို စေလွှတ်ဖို့ မြန်မာအစိုးရက ဖိတ်ကြားတယ် လို့ အာဆီယံကြေညာချက်က ဆိုပါတယ်။

ရန်ကုန်အခြေစိုက် အမေရိကန်သံရုံးကတော့ အစိုးရရဲ့ ဒီလိုခြေလှမ်းတွေနဲ့ ပတ်သက်လို့ အားတက်ရပေမယ့် တဖက်မှာလည်း အခု လော လောဆယ် အမျိုးသားဒီမိုကရေစီအဖွဲ့ချုပ် အဖွဲ့ဝင်တွေ တိုက်ခိုက်နေရတာ၊ အကျပ်ကိုင်ခံနေရတဲ့ သတင်းတွေ ကြားနေရတဲ့အတွက် စိုး ရိမ်တယ်လို့ ဆိုပါတယ်။

ဧပြီလ ကြားဖြတ်ရွေးကောက်ပွဲဟာ လွတ်လပ်ပြီး တရားမျှတတဲ့ ရွေးကောက်ပွဲဖြစ်ဖို့ အစိုးရက လိုအပ်တဲ့ လက်တွေ့ဆောင်ရွက်မှု တွေကို လုပ်ဆောင်ဖို့ဟာ အရေးကြီးတယ်လို့ အဲဒီ အရာရှိက ပြောပါတယ်။

Ref: ဒီဗွီဘီ

Read More...

ဖမ်းဆီးထားသော မြန်မာနိုင်ငံ လုပ်သား ၁၅၄ ယောက်အား ခိုးကြောင်ခိုးဝှက် နှင်လွတ်



ယနေ့ ၂၁.၃.၂၀၁၂ ည ၉း၃၀ အချိန်တွင် ကျန်းဖုံး အထပ်သား စက်ရုံမှ ဖမ်းဆီးထားသော မြန်မာနိုင်ငံ လုပ်သား ၁၅၄ ယောက်အား ခိုးကြောင်ခိုးဝှက် နှင်လွတ် လိုက်သည်။

အလုပ်သမား ၁၅၄ ယောက်သည် ကျန်းဖုံး အထပ်သား စက်ရုံမှ ဖြစ်သည်။ ထိုစက်ရုံမှ အလုပ်သမားများအား လုပ်ခ လစာများ ရှင်းပေးခြင်း မရှိသဖြင့် ဆန္ဒပြရာမှ အလုပ်သမားများ နေထိုင်ခွင့် စာအုပ် စစ်၍ မရှိသဖြင့် ဖမ်းဆီး ထားခြင်းဖြစ်သည်။ နေထိုင်ခွင့် စာအုပ်လုပ်ရန် မှတ်ပုံတင် လိုပါသည်။ အလုပ်သမားများ၏ မှတ်ပုံတင်များအား စက်ရုံပိုင်ရှင်မှ သိမ်းဆည်း ထားပါသည်။ အလုပ်သမားများ နေထိုင်ခွင့် စာအုပ် လုပ်ရန် အလုပ်ရှင်မှ တာဝန် ယူရပါသည်။

ဖမ်းဆီးထားသော အလုပ်သမားများအား တနေကုန် မည်သည့် အစားအစာမှ ကျွေးမွေးခြင်း မရှိပဲ ည ၉း၀၀ နာရီ အချိန်မှ လူမသိ သူမသိ ခိုးချောင်ခိုးဝှက် စက်လှေဆိပ် တံတားမှ နှင်လွတ်ခြင်း ဖြစ်ပါသည်။ ဖမ်းဆီး ထားသူများကို တကယ်ဆိုလျှင် နှစ်နိုင်ငံ တရားဝင် လွဲပြောင်း ရမည်ဖြစ်ပါသည်။ အလုပ်သမား ၁၅၄ ယောက်အား မူဆယ်ဘက် နော်တောင်းဘုန်းကြီး ကျောင်းဝန်း အတွင်းတွင် ထားရှိပါသည်။ ယခုမှ မူဆယ်ဘက်မှ တာဝန်ရှိသူများ လာရောက်ကြည့်ရှု့ ပဏာယူလျက် ရှိပါကြောင်း ။ တာဝန် ယူချင်စိတ် ရှိလျှင် တရုတ်ပြည်ဘက် ရဲစခန်းတွင် ဖမ်းဆီး ထားသော မြန်မာ အလုပ်သမားများ အများအပြား ရှိပါသေးသည်။ ဆက်လက်၍လည်း ဖမ်းဆီး နေပါသေးသည်။



Ref: Aung Kyaw Zaw

Read More...

အာရှ ရွေးကောက်ပွဲစောင့်ကြည့်ရေးအဖွဲ့ အရာရှိ ပြန်ပို့ခံရ

March 21, 2012
ကို​ထွေး​

အာရှနိုင်ငံတွေမှာ ကျင်းပတဲ့ ရွေးကောက်ပွဲတွေကို​ ​စောင့်ကြည့်လေ့လာတဲ့ အဖွဲ့တခုရဲ့ တာဝန်ရှိသူ တဦးကို မြန်မာ အာဏာပိုင် တွေက မနေ့က ရန်ကုန်လေဆိပ်ကနေ ထိုင်းနိုင်ငံကို ပြန်လည် ပို့လိုက်ပါတယ်။

မြန်မာပြည်ကို သွားရောက်ခဲ့တဲ့ လွတ်လပ်သော ရွေးကောက်ပွဲများ ဆိုင်ရာ အာရှကွန်ရက် (Asian Network for Free Elections-ANFREL) က ညှိနှိုင်း ဆောင်ရွက်ရေးမှူးကို မြန်မာ့ လူဝင်မှု ကြီးကြပ်ရေးက (လ၀က) က ပြန်လည် ပို့ဆောင်ခဲ့တာပါ။

ဒီပို့ဆောင်မှုဟာ လ၀က တာဝန်ရှိသူတွေက သူ့အပေါ် နားလည်မှု လွဲပြီး ဆောင်ရွက်ခဲ့ တာပါ၊ ဒါက ပြည်နှင်တာ မဟုတ်ပါဘူး၊ သူတို့က သင့်တော်တဲ့ ဗီဇာလျှောက်ပြီး ပြန်လာဖို့ ပြောပါတယ်၊ ဘာဗီဇာ အမျိုးအစားလဲ ဆိုတာ ကျမ မသိပါဘူး။ သူတို့မှာက ရှင်းလင်း တဲ့ မူဝါဒမရှိပါဘူးလို့ အမည်မဖော်လိုတဲ့ ကာယကံရှင်က ဒီဗွီဘီကို ပြောပါတယ်။

အလည်အပတ်ဗီဇာနဲ့ သွားတာဖြစ်တဲ့အတွက် ဗီဇာ မှားယွင်းမှုရှိတယ်လို့ လ၀ကက ပြောဆိုခဲ့ပြီး သင့်တော်တဲ့ ဗီဇာလျှောက်ပြီး ပြန် လာဖို့ ပြောဆိုတယ်လို့လည်း သူက ဆိုပါတယ်။

“သူတို့က သံတမန်တွေ၊ သူတို့နဲ့ စကားပြောဖော်ပြောဖက်တွေကို ဖိတ်တယ်၊ ဘယ်လို အဆင့်ကို ခွင့်ပြုတယ်၊ ခွင့်မပြုဘူးလဲ ဆိုတာကိုလဲ ကျမ မသိပါဘူး၊ အပြင်က လူတွေကတော့ အတော်ကို နားလည်မှုလွဲတော့မယ်၊ ဘယ်သူတွေ သွားခွင့်ရှိတယ်၊ ဘယ်မီဒီယာတွေ သွား ခွင့်ရှိတယ် ဆိုတာကိုလည်း ရှင်းရှင်းလင်းလင်း ပြောသင့်ပါတယ်၊ အဲသလိုမှ မဟုတ်ဘဲ သွားမယ် ဆိုရင်တော့ ငွေကို ဖြုန်းတီး နေသ လို ပါပဲ။”

သူဟာ ဧပြီလ ၁ ရက်နေ့မှာ ကျင်းပမယ့် ရွေးကောက်ပွဲ ကို ၀င်ရောက်ကြည့်ခွင့်ပေး ဖို့ မြန်မာ့ကော်မရှင်ထံကို ဘန်ကောက်ကနေ စာ ပေးပို့ခဲ့ပေမယ့်လည်း မတုံ့ပြန်တဲ့အတွက် ကိုယ်တိုင်သွားရောက် ပေးပို့ခဲ့တာလို့ ပြောပါတယ်။ သူဟာ မတ်လ ၁၅ ရက်နေ့က မြန်မာ ပြည်ကို ၀င်ရောက်ပြီး ရန်ကုန်ရွေးကောက်ပွဲ ကော်မရှင် နဲ့ တွေ့ဆုံခဲ့တယ် လို့ သိရပါတယ်။ ဒါ့အပြင် ခရီးစဉ်အတွင်းမှာ ဒေသခံ အစိုးရ မဟုတ်တဲ့ လူမှုရေး အဖွဲ့အစည်းတွေ၊ ပါတီတွေက ပြုလုပ်တဲ့ သင်တန်းတွေမှာလည်း အတွေ့ အကြုံတွေ ဖလှယ်ခဲ့တယ် လို့ သူက ပြော ပါတယ်။

ရွေးကောက်ပွဲ စောင့်ကြည့်လေ့လာရေး အဖွဲ့ ANFREL ဟာ အာရှ၏ ပထမဆုံး ဒေသတွင်း ချိတ်ဆက်ထားတဲ့ လူထုအခြေပြု လူမှုအဖွဲ့ အစည်းဖြစ်ပြီးတော့ ၁၉၉၇ ခုနှစ်က တည်ထောင်ခဲ့ပါတယ်။

Ref: ဒီဗွီဘီ

Read More...

ဓမ္မစရိယ မ​အောင်ရင် နယ်လှည့်​တရား​မ​ဟောရ

March 21, 2012
အေး​နိုင်

ဓမ္မစရိယတန်း​ မ​အောင်မြင်​သေး​တဲ့​ ဘုန်း​ကြီး​၊​ လူ၊​ မယ်သီလရှင်​တွေကို နယ်လှည့်​တရား​ပွဲ​တွေမှာ ​ဟော​ပြောခွင့်​ ပိတ်​ကောင်း​ပိတ်ပင် နိုင်​စေမယ့်​ “နယ်လှည့်​ဓမ္မကထိက ဂုဏ်အင်္ဂါ ၉ ချက်” ကို နိုင်ငံတော်သံဃမဟာနာယက က ထုတ်ပြန်လိုက်ပါတယ်။

ဒါနဲ့ ​ ပတ်သက်လို့​ ဒီထုတ်ပြန်ချက်ကို လက်ဝယ်ရထား​တဲ့​ ရန်ကုန်တိုင်း​ ပုဇွန်​တောင်မြို့​နယ် ​ရွှေ​တောင်​ကျောင်း​တိုက်က ​ကျောင်း​ထိုင် ဆရာ​တော် ဦး​ပဏ်ဏဝံသ ​ခေါ် ဦး​ပြည်​ကျော်ကို ကို​အေး​နိုင်က ​မေး​မြန်း​ထား​ပါတယ်။

“တ​ပေါင်း​ လပြည့်​ကျော် ၃ ရက်က​နေပြီး​ လပြည့်​နေ့​ထိ ၄၇ ပါး​စုံညီ အစည်း​အ​ဝေး​ ကျင်း​ပတယ်။ အဲဒါသံဃာ ဒွါဒဿမ ၁၅ ကြိမ်​မြောက် အစည်း​အ​ဝေး​ ဆုံး​ဖြတ်ချက်အရ ဆိုပြီး​ နယ်လှည့်​ဓမ္မကထိက ဂုဏ်အင်္ဂါ ၉ ချက်ဆိုပြီး​ ထုတ်လိုက်တာ။ အဲဒီ​တော့​ ဒီဂုဏ်အင်္ဂါ ၉ ချက် ထုတ်တဲ့​အခါမှာ အဓိက အချက်က​တော့​ နိုင်ငံ​ရေး​၊​ စီး​ပွား​ရေး​၊​ လူမှု​ရေး​တွေကို မ​ဟောရဘူး​။ ဓမ္မစရိယတန်း​ ​အောင်ရမယ်။ အဲလို အစ ရှိတာ​တွေကို ​ပြောတာ​လေ။ နယ်လှည့်​ဓမ္မကထိက ဆို​တော့​ မြန်မာနိုင်ငံမှာက နယ်လှည့်​ဓမ္မကထိက ၃ မျိုး​ရှိတယ်။

“ရဟန်း​ ပုဂ္ဂိုလ်၊​ သီလရှင်ပုဂ္ဂိုလ်၊​ လူပုဂ္ဂိုလ် ၃ မျိုး​ရှိတယ်။ ဒီ ၃ မျိုး​စလုံး​က သက်ဆိုင်တယ်။ မလိုက်နာရင် ဘယ်လို အပြစ်​ပေး​မယ် ဆိုတာ​တော့​ မပါဘူး​။ ဒါက ထူး​ခြား​တယ်။ ခါတိုင်း​ဆိုရင် မလိုက်နာရင် ဘယ်လို အ​ရေး​ယူမယ်ဆိုတာ ပါတယ်။ ​နောက်တခုက နယ်လှည့်​ ဓမ္မကထိက ဂုဏ်အင်္ဂါ ၉ ချက်ကို ဘာ​ကြောင့်​ ထုတ်ရ သလဲလို့​ ဆို​တော့​ မြို့​နယ်သံဃာ့​နာယက အဖွဲ့​များ​အ​နေဖြင့်​ တရား​ပွဲများ​ကို ခွင့်​ပြုရာတွင် စိစစ် ​ဆောင်ရွက်နိုင်ရန် ညွှန်ကြား​ချက်​ပေး​တယ်လို့​ ​ပြောပါတယ်။ ဒီဟာက မလိုလား​အပ်ဘူး​။ ဘာ​ကြောင့်​လဲဆို​တော့​ သံဃာ ​တော်​တော်များ​များ​ကို လိုက်​မေး​ကြည့်​တော့​ ​နောက်ဆုံး​ တိုင်း​သံဃာ့​နာယကအဖွဲ့​က ဆရာ​တော် တချို့​တောင် ဒါ မလိုလား​အပ်တာ​တွေပါတဲ့​။ ဓမ္မကထိက တပါး​ဖြစ်ဖို့​ ဆိုတာ နဂိုကတည်း​က စာ​ပေ၊​ ပရိယတ္တိကျမ်း​ဂန်​တွေကို ကျွမ်း​ကျင်တဲ့​ ပုဂ္ဂိုလ်​တွေမှသာ ဓမ္မကထိက ဆရာဖြစ်တယ်။ ရိုး​ရိုး​ စာသင်၊​ စာချပြီး​တော့​ ​အောင်လက်မှတ်​လေး​ ရရုံ​လောက်နဲ့​တော့​ မဖြစ်ပါဘူး​။ ဒီလို ဓမ္မစရိယ ​အောင်မှလို့​ ​ပြောရင် ဦး​ဇင်း​တို့​ ​ထေရဝါဒသာသနာအရဆိုရင် ဘာအတန်း​မှ မ​အောင်ဘဲနဲ့​ ရဟန္တာပုဂ္ဂိုလ်အ​နေနဲ့​ ဆိုရင် ဘယ်လိုလုပ်မလဲ။

“ရဟန္တာပုဂ္ဂိုလ် ​တောင်မှ တရား​ဟောခွင့်​၊​ သစ္စာ ၄ ပါး​ကို တကယ် ကိုယ်တိုင် မှန်ကန်စွာ သိထား​တဲ့​ ရဟန်း​တပါး​ အ​နေနဲ့​တောင်မှ ပရိသတ် ၄ပါး​ကို ပြန်လည် ​ဟောကြား​ခွင့်​ မရှိတဲ့​ ပုံစံမျိုး​ သက်​ရောက်တာ​ပေါ့​။ အဓိက​တော့​ သာသနာကို သန့်​ရှင်း​ပြန့်​ပွား​ တည်တံ့​လိုတဲ့​ အရာထက်၊​ လက်ရှိ ရှိ​နေတဲ့​ ​ရွှေညဝါနဲ့​ ဒယ်အိုး​ဆရာ​တော်တို့​ကို တရား​ဟောခွင့်​ မပြုဘဲနဲ့​ ပိတ်ထား​ရခြင်း​ အ​ကြောင်း​တရား​က၊​ လူ​တွေ၊​ ရဟန်း​တွေ၊​ ပရိသတ်​တွေ ​မေး​လာတဲ့​အခါမှာ တိတိကျကျ သူတို့​ ​ဖြေကြား​နိုင်ခြင်း​ မရှိဘူး​။ နိုင်ငံ​တော် သံဃာ့​မဟာ နာယက အ​နေနဲ့​ တကယ့်​ကို ဓမ္မဝိနည်း​တော်နဲ့​အညီ ပြန်လည် ​ဖြေကြား​နိုင်တာ မရှိဘူး​။ ဒီဥစ္စာကို ထုတ်လိုက်တဲ့​အတွက် ပြန်လည်​ဖြေကြား​ဖို့​ အချက်အ လက် ရှိသွား​တယ်​ပေါ့​။ လူမှု​ရေး​၊​ နိုင်ငံ​ရေး​၊​ ​လောကီ​ရေး​ ကိစ္စ​တွေကို မ​ဟောရဘူး​။ ရဟန်း​တော်​တွေက ​လောကီ​ရေး​ကိစ္စ​တွေကို ​ဟောတဲ့​အတွက် မ​ပေး​နိုင်ဘူး​ဆိုတဲ့​ အစီအစဉ်ကို အ​ကြောင်း​ပြလိုခြင်း​ ဖြစ်တယ်လို့​ ဦး​ဇင်း​အ​နေနဲ့​တော့​ အဲလို ယုံကြည် လိုက်တယ်။ ဒါကို ထုတ် ခြင်း​ကြောင့်​ ​ကောင်း​တဲ့​ ဓမ္မကထိက​တွေက တကယ့်​ကိုပဲ အနှစ်သာရရှိရှိ ​ဟောကြား​နိုင်တဲ့​ ဓမ္မကထိက ပိုလို့​ ထွက်မလာပါဘူး​။

“လက်ရှိမှာ နာမည်ကြီး​ပြီး​ တကယ်ပဲ ​ဟော​ရေး​ပြော​ရေး​ ပိဋကတ် ၃ ပုံ၊​ ဆဌသံဃာရတနာမူနဲ့​ မဆန့်​ကျင်ပဲနဲ့​။ ဓမ္မစရိယ မ​အောင်ပဲနဲ့​ ​ဟော​နေတဲ့​ သံဃာ​တော်​တွေ၊​ သူတို့​က ချီး​မြှင့်​ထား​တဲ့​ ဓမ္မကထိက တရား​ ​ဟောဆရာ​တော်၊​ ဘွဲ့​ရထား​တဲ့​ ဆရာ​တော်​တွေထဲမှာ ​တောင်မှ ဓမ္မစရိယ မပြီး​သေး​တဲ့​ ပုဂ္ဂိုလ်​တွေ အများ​ကြီး​ရှိပါတယ်။ ဒီလို ပုဂ္ဂိုလ်​တွေ အများ​ကြီး​ရှိ​တော့​ အခု ညွှန်ကြား​ချက်ထွက်လာ​တော့​ အဲဒီ ပုဂ္ဂိုလ်​တွေ အ​နေနဲ့​ ဘာဆက်ဖြစ်ကြမလဲ။ သူတို့​ တရား​ဟောပွဲ အပိတ်ခံရပြီ။ သူတို့​မှာလည်း​ ပရိသတ်​တွေ ရှိ​နေတယ်။ နယ်လှည့်​ဓမ္မ ကထိက ဂုဏ်အင်္ဂါ ၉ ချက်ကို ​ပြောလိုက်တဲ့​အတွက် ဒီမှာ ကမ္မဌာနာစရိယဆရာ​တော်​တွေ ရှိ​သေး​တယ်။ အဲဒီဆရာ​တော်​တွေ အ​နေနဲ့​ ကျ​တော့​လည်း​ ဒီလမ်း​က ​ပြောစရာ ဖြစ်တယ်။ ကျမ်း​ဂန်​တွေအရ နှံ့​စပ်တဲ့​ပုဂ္ဂိုလ်​တွေသာလျှင် ဓမ္မကထိက ဖြစ်တယ်။ တရား​ဟောနိုင်တာ မှန်တယ်။ ဒါ​ပေမယ့်​ ဓမ္မာစရိယ ​အောင်တိုင်း​ တရား​ဟောနိုင်တာ မဟုတ်ဘူး​။

“ဒါကို မြန်မာနိ်ုင်ငံမှာ ရှိ​နေတဲ့​ ​ထေရဝါဒ ရဟန်း​တော်​တွေအ​နေနဲ့​ ​တော်​တော် သိထား​တယ်​လေ။ ဥပမာဆိုရင် စွန်း​လွန်း​ဂူဆရာ​တော်တို့​ ရဟန္တာဖြစ်တာပဲ။ သူတို့​လည်း​ တရား​တွေ ​ဟောသွား​တာပဲ။ ဘာအတန်း​မှ မ​အောင်ခဲ့​ပါဘူး​။ ဒါဟာ မလိုအပ်ပါဘူး​။ ရန်ကုန်တိုင်း​ထဲမှာ ရှိတဲ့​ သံဃာ​တော်​တော်များ​များ​ကို ဦး​ဇင်း​အ​နေနဲ့​ ဖုန်း​နဲ့​လှမ်း​မေး​တော့​ တသံထဲပဲ ထွက်ကြတယ်။ ဒါဟာ မလိုလား​အပ်ပဲ လုပ်တာပဲ။ အဓိက​တော့​ နိုင်ငံ​ရေး​၊​ စီး​ပွား​ရေး​၊​ ​လောကအ​ရေး​တွေ မ​ဟောကြဖို့​ ဆို​တော့​ ဒါက ဘာနဲ့​ဆန့်​ကျင်လဲ ဆို​တော့​ ဦး​ဇင်း​တို့​ ရတနာ့​သုတ်၊​ ပရိတ်ကြီး​ပါဠိ​တော် အဖွင့်​မှာတင် ​လောကဓာတ် စရိယ၊​ ဉာဏ်ဓါတ်ဌာစရိယ၊​ ဗုဒ္ဓဿစရိယ ဆိုတာရှိတာပဲ။ ဒါ​လောကဓာတ်စရိယကို ပိတ်ပင်တာနဲ့​ အတူတူပါပဲ။ ဒါကို ​သေချာ ဂဃနဏ ​ပြောလိုက်​တော့​ ​လျော့​ရဲတယ်။ ဒီဟာကို မလိုက်နာရင် ဘယ်လို အပြစ်​ပေး​မယ် ဆိုတာ​တော့​ မပါလာပါဘူး​။”

တင်ပါ့​ဘုရား​။ ဒီဥစ္စာကစည်း​ကမ်း​ ၉ ချက်လား​၊​ လိုက်နာရမယ့်​ ဂုဏ်အင်္ဂါ​ပေါ့​။

“ဟုတ်ပါတယ်။ ဂုဏ်အင်္ဂါလို့​ လှည့်​သုံး​ထား​ပါတယ်။ စည်း​ကမ်း​ချက်လို့​ မသုံး​ထား​ပါဘူး​။”

ဂုဏ်အင်္ဂါထဲက​ နေ ဓမ္မာစရိယ မ​အောင်ရင်ဆိုတဲ့​ကိစ္စ အား​လုံး​ကျန်တဲ့​ အချက်အလက်​တွေက​ကော နည်း​နည်း​ခြုံ​ပြောပြပါလား​။ တပည့်​တော်တို့​ လုံး​လုံး​မသိ​သေး​လို့​ပါ။

“​ပြောချင်တာက ၁၀ ဝါ ပြည့်​ရမယ်ဆိုတာက ​ထေရဝါဒသာသနာက ​ကျောင်း​ထိုင်ဘုန်း​ကြီး​ အင်္ဂါမှာ ၁၀ ဝါ ပြည့်​ရမယ်။ ဝိနည်း​တရား​တွေကို နား​လည်ထား​ရမယ် ဆိုတာ​တွေ​ပေါ့​။ ဒီမှာကျ​တော့​ ၁၀ ဝါ ပြည့်​ရမယ်။ ဓမ္မာစရိယ ​အောင်ရမယ်။ အဲဒါအပြင်ကို ဆဌသံဃာ ရတနာ မူအတိုင်း​ ပိဋကတ်​တော်​တွေ၊​ ဌာကထာ​တော်​တွေနဲ့​ ဆန့်​ကျင်ဘက် မပြုရဘူး​။ ဒါမျိုး​တွေပါတယ်။ နိုင်ငံ​ရေး​ကိစ္စ လုံး​ဝ​ဟောကြား​ခြင်း​ မပြုရဘူး​။ လူမှု​ရေး​ကိစ္စ လုံး​ဝ​ဟော​ပြောခြင်း​ မပြုရဘူး​။ ပုဂ္ဂိုလ်​ရေး​အရ လုံး​ဝ​ဟော​ပြောခြင်း​ မပြုရဘူး​။ အစရှိတဲ့​ စည်း​ကမ်း​ချက်​တွေ​ပေါ့​။”

ဘုန်း​ဘုန်း​တို့​လက်ဝယ်ရထား​တာ ​ရောက်ပြီလား​။

“​ရောက်ပါပြီ။ မြို့​နယ်ကို ဒီ​နေ့​မှပဲ​ရောက်တယ်။ အခုန ဖုန်း​ဆက်တဲ့​အချိန်မှာ မ​ရောက်​သေး​ဘူး​ ​ပြော​နေတုန်း​ အခု​တော့​ ​ရောက်​နေပါ တယ်။ ​ရောက်လာ​တော့​ အဲဒီ ဂုဏ်အင်္ဂါ ၉ ချက် ဆိုပြီး​တော့​ အဲဒီ​တော့​ အဲဒီ ဓမ္မစရိယ ဆရာ​တော်က​နေ ပြီး​တော့​ သီလဝံသ ပုဂ္ဂိုလ် လည်း​ ဖြစ်ရပါမယ်ဆိုတဲ့​အချက်​ပေါ့​။ ၉ ချက်​ပေါ့​။

“ပြန်ရွတ်ပြရမယ် ဆိုရင်​တော့​ ၁၀ ဝါပြည့်​ရမယ်။ ဓမ္မာစရိယ ​အောင်ထား​ရမယ်။ နိ်ုင်ငံ​ရေး​ကိစ္စ ထည့်​မ​ပြောရဘူး​။ ​လောကီ​ရေး​ရာကိစ္စ ထည့်​မ​ပြောရဘူး​။ သီလဝံသ ပုဂ္ဂိုလ်ဖြစ်ရမယ်။ ဆဌသံဃာရတနာ​တော်လာ အဌာကထာ​တွေ သုတ္တန်​တွေနဲ့​ ဆန့်​ကျင်ဘက် မပြုရဘူး​။ အဲဒီလို အစရှိသဖြင့်​ပေါ့​။”

 နောက်ဆိုရင်လည်း​ တနိုင်ငံလုံး​နဲ့​ တရား​ပွဲ​တွေလည်း​ ခြိမ့်​ခြိမ့်​သဲကျင်း​ပတယ်ဆို​တော့​ ဒီဥစ္စာနဲ့​ပတ်သက်ပြီး​ ကျယ်ကျယ်ပြန့်​ပြန့်​ ​ဆွေး​နွေး​ပွဲ​တွေလည်း​ ဖြစ်လာနိ်ုင်တာ​ပေါ့​။

“ဖြစ်နိုင်ပါတယ်။ ဘာလို့​လည်း​ဆို​တော့​ ပါမစ်ယူတဲ့​ ကိစ္စ​ပေါ့​။ ဒီမှာ​ပြောတာက သံဃာ့​နာယက​တွေကို ညွှန်ကြား​ တယ်လို့​ ​ပြောတာ။ တကယ်​တော့​ တရား​ဟောပါမစ်​တွေက အစိုး​ရ အစဉ်အဆက် မဆလ ​ခေတ်ထဲက နအဖ၊​ နဝတ၊​ ပြည်ခိ်ုင်ဖြိုး​အထိ အာဏာပိ်ုင်​တွေကပဲ ဒီပွဲမိန့်​ကို ​ပေး​တာပါ။ ဦး​ဇင်း​တို့​ သံဃာ့​နာယ ကအဖွဲ့​တွေက ပွဲမိန့်​ကို ​ပေး​ခြင်း​ မရှိပါဘူး​။ ​ထောက်ခံမှု ပြုတာပဲ ရှိပါတယ်။ ဒီမှာ​တော့​ စိစစ် နိ်ုင်ရန် အတွက်လို့​ ​ပြောတာပဲ။

ပကတိ ဘုန်း​ဘုန်း​တို့​ သံဃာ​လောကမှာ နယ်လှည့်​ကျင်း​ပ​နေတဲ့​ သံဃာ​တော်​တွေ ဓမ္မာစရိယ မ​အောင်တဲ့​ ပုဂ္ဂိုလ်အချိုး​နဲ့​ ​အောင်တဲ့​ပုဂ္ဂိုလ်နဲ့​ ဘယ်သူက ပိုများ​လဲ ဘုရား​။

“သူက ​ခေတ်အဆက်ဆက် ​ပြောရရင် မ​အောင်တဲ့​ပုဂ္ဂိုလ်က ပိုများ​ပါတယ်။ ​အောင်တဲ့​ပုဂ္ဂိုလ်က နည်း​ပါ တယ်။ သီလရှင်​တွေလည်း​ ပါတယ်။ လူ၊​ ဓမ္မကထိက​တွေ လည်း​ပါတယ်။ လူ၊​ ဓမ္မကထိက​တွေဆိုတာ ဓမ္မ​ဇောတိကတို့​ ဆိုတာ ​တွေ​ပေါ့​။ ဆရာကြီး​ ဂိုအင်ကာတို့​ အဲဒါ​တွေပါ ပါတာ​ပေါ့​။”

ဒါဆိုရင်သူတို့​ တရား​ပွဲ​တွေက ဒီတိုင်း​ဆိုရင် ဂုဏ်အင်္ဂါနဲ့​ မညီလို့​ ပိတ်တာပါလို့​ သက်​သေပြစရာ ရှိသွား​တာ​ပေါ့​နော်။

“အဲဒီလို ရှိသွား​တာပါ။”

Ref: ဒီဗွီဘီ

Read More...

မိုး​ပြာ​ရောင်ဘုန်း​ကြီး​ မတရား​သဖြင့်​ ​ထောင်ဒဏ်ချမှတ်ခံ​နေရ

March 21, 2012
မင်းလွင်

မိုး​ပြာ​ရောင်ဆရာ​တော်လို့​ လူသိများ​တဲ့​ ပစ္စုန်ပန်ကမ္မဝါဒ ဘုန်း​ကြီး​ဦး​ဉာဏကို ကချင်ပြည်နယ် မြစ်ကြီး​ နား​ထောင်မှာ ​ထောင်ဒဏ် အနှစ် (၂၀) ချမှတ်ခံရတာဟာ ဘာသာ​ရေး​ လွတ်လပ်ခွင့်​မရှိမှုနဲ့​ လွတ်လပ် စွာ အသင်း​အဖွဲ့​ ဖွဲ့​စည်း​ခွင့်​ မရှိဖြစ်​နေတယ်လို့​ အာရှလူအခွင့်​အ​ရေး​ကော်မရှင်က ဒီ​နေ့​မှာ ထုတ်​ဖော် ​ပြောဆိုပါတယ်။

မိုး​ပြာ​ရောင်ဦး​ဉာဏဟာ မန္တ​လေး​တိုင်း​ ပုသိမ်ကြီး​မြို့​နယ်က အနုပါဒါယဉ်​ကျေး​မှု တရား​ဌာနမှာ သီး​တင်း​ သုံး​နေစဉ်မှာ ၂၀၁၀ ​ဖေ​ဖော်ဝါရီ ၁၂ ရက်​နေ့​မှာ ဖမ်း​ဆီး​ခံခဲ့​ရပြီး​ ဘာသာ​ရေး​ပုဒ်မ​တွေနဲ့​ တရား​စွဲဆိုပြီး​ ​ထောင်ဒဏ်အနှစ် ၂၀ ချမှတ်ခံထား​ရတာပါ။


မိုး​ပြာ​ ရောင် ဦး​ဉာဏဟာ ပစ္စုပန်ကမ္မဝါဒ ဗုဒ္ဒဘာသာကို တည်​ထောင်ခဲ့​သူဖြစ်ပြီး​ ၁၉၈၃ ခုနှစ်ကတည်း​ ​ထေရဝါဒဗုဒ္ဓဘာသာကို စွန့်​လွှတ်ထား​သူလည်း​ ဖြစ်ပါတယ်။ ပစ္စုပန်ကံမဝါဒ ဗုဒ္ဓဘာသာဟာ ​ထေရာဝါဒနဲ့​ မတူတဲ့​ သီး​ခြား​ဗုဒ္ဓဘာသာ တခုဖြစ်တယ်လို့​ မိုး​ပြာ​ရောင်ဦး​ဉာဏ တပည့်​သာဝါက​တွေက ​ပြောပါတယ်။

မိုး​ပြာ​ ရောင် ဦး​ဉာဏဟာ ၁၉၈၃ ကလည်း​ သာသနာ​တော်ကို ညှိုး​နွှမ်း​စေမှုနဲ့​ အပြစ်​ပေး​ခံပြီး​ ​နောက် တခါ ဒီအမှုနဲ့​ပဲ ပြန်ပြီး​ တရား​စွဲ အပြစ်​ပေး​တာဟာ အမှုတစ်ခုကို နှစ်ခါအပြစ်​ပေး​ခံရတာဖြစ်လို့​ တရား​မျှတမှုမရှိဘူး​လို့​ ဥပ​ဒေ အကျိုး​ဆောင် ဦး​အောင်သိန်း​ကလည်း​ ဒီဗွီဘီကို ​ပြောပါတယ်။

“ကျ​နော်တို့​ က သူ့​ကို ဘာသာ​ရေး​ ယုံကြည်ချက် အကျဉ်း​သား​လို ဖြစ်​နေတာ အမှန်ပဲ။ ဗုဒ္ဓဘာသာက သူ့​ဘာသာသူ လမ်း​ခွဲထွက်ပြီး​တော့​ အပြာဝတ်ပြီး​ ရပ်တည်​နေတဲ့​သ​ဘော​ပေါ့​။ သူ့​အစီအစဉ်က တမျိုး​ပေါ့​။ ကျ​နော် သူ့​အစီအစဉ်ကို မ​ပြောလိုဘူး​။ ကျ​နော် ​ပြောတာက ဥပ​ဒေဆိုင်ရာကိစ္စကို ​ပြောတာပါ။ ဥပ​ဒေက ချပြီး​သား​ အမှု​တွေကို ထပ်ပြီး​ချတယ်ဗျာ။ ”

မိုး​ပြာ​ ရောင်ဂိုဏ်း​ဝင် ဦး​ဉာဏရဲ့​ တပည့်​သာဝက​တွေကလည်း​ သမ္မတဦး​သိန်း​စိန်နဲ့​ အမျိုး​သား​ လူအခွင့်​အ​ရေး​ကော်မရှင်ဆီကို စာတင် အ​ကြောင်း​ကြား​ထား​တယ်လို့​လည်း​ ​ပြောပါတယ်။

Ref: ဒီဗွီဘီ

Read More...

အဓမ္မ​ပြောင်း​ခိုင်း​ပြီး​ မ​ပြောင်း​တဲ့​ ရွာသား​များ​​ ​ထောင်ဒဏ်ကျခံရ

March 21, 2012
နော်နိုရင်း

အစိုး​ရရုံး​ စိုက်ရာ ​နေပြည်​တော်ခရိုင် လယ်​ဝေး​မြို့​နယ်အတွင်း​ စီမံကိန်း​နယ်​မြေ ​ဖော်​ဆောင်တုန်း​က ​နေရာ ဖယ်​ပေး​ဖို့​ ငြင်း​ဆန်တဲ့​ ရွာသား​တချို့​ စည်ပင်သာယာက တရား​စွဲတာခံရပြီး​ အလုပ်ကြမ်း​နဲ့​ ​ထောင်ဒဏ် ချမှတ်ခံရပါတယ်။

လယ်​ဝေး​မြို့ ​နယ် မီး​သွေး​ဖိုကုန်း​ ​ကျေး​ရွာမှာ ​နေထိုင်တဲ့​ ရွာသား​တွေကို မနှစ် ​အောက်တိုဘာလမှာ ဖယ်ခိုင်း​ခဲ့​ပြီး​ မဖယ်​ပေး​သူ​တွေကို စည်ပင်သာယာက ကျူး​ကျော်မှုနဲ့​ စွဲဆိုခဲ့​တာပါ။

ဒီလလယ်ပိုင်း​ မှာ​တော့​ ရွာသား​ ၆ ဦး​ကို အလုပ်ကြမ်း​နဲ့​ ​ထောင်ဒဏ် သုံး​လ ချမှတ်ပြီး​ ​နောက်ထပ် ၈ ဦး​ကိုလည်း​ ဆက်လက် တရား​စွဲဆိုထား​တယ်လို့​ အမျိုး​သား​ဒီမိုက​ရေစီအဖွဲ့​ချုပ်ဝင် တရား​လွှတ်​တော်​ရှေ့​နေ ​ဒေါ်စန်း​စန်း​မြင့်​က ​ပြောပါတယ်။

“၁၄ ရက်​နေ့​က ၄ ​ယောက်ချတယ်။ ၁၆ ရက်​နေ့​က ၂ ​ယောက်ချတယ်။ အခု ​နောက်ထပ် ၈ ​ယောက်က​တော့​ ဆက်လက်တရား​စွဲဆို ခံထား​ရတယ်။ ​ထောင်ဒဏ်ချမှတ် ခံထား​ရတဲ့​ ၆ ​ယောက်ထဲမှာ ကို​အောင်မြင့်​စိန်၊​ ကိုငြိမ်း​ဦး​၊​ ​ဒေါ်​အေး​မူ၊​ ဦး​သောင်း​ဝေ၊​ ခင်မိုး​မိုး​၊​ တင်မာ​အေး​။ ​ဒေါ်​အေး​မူဆိုရင် ​ယောက်ျား​က မရှိဘူး​။ က​လေး​နှစ်​ယောက် ကျန်ခဲ့​တယ်။ မ​အေက သုံး​လကျသွား​တော့​ သူ့​က​လေး​ ၂ ​ယောက် ကို ​ဘေး​အိမ်က ​ကျွေး​မွေး​ထား​ရတယ်။ ၁၁ နှစ်နဲ့​ ၈ နှစ်အရွယ် ​မောင်နှမ ၂ ​ယောက်။ ​ဘေး​အိမ်ဆိုတာကလည်း​ အိမ်မဟုတ်ဘူး​။ အဲဒီလို ​ထောင်ကျသွား​ပြီး​ အိမ်​တွေပါ ဖျက်ခိုင်း​တဲ့​အခါကျ​တော့​ လမ်း​ဘေး​က သစ်ပင်​တွေမှာ တဲထိုး​ပြီး​ ​နေရတယ်။ အဲဒီ​နေရာမှာ အချင်း​ချင်း​ ပြန်ပြီး​ ​စောင့်​ရှောက်ထား​ရတာ​ပေါ့​။”

နေပြည်​တော် စည်ပင်သာယာက စီမံကိန်း​နယ်​မြေနဲ့​ မလွတ်ကင်း​လို့​ ဆိုပြီး​ ဖယ်ခိုင်း​တဲ့​ မီး​သွေး​ဖို ကုန်း​ကျေး​ရွာဟာ အိမ်​ခြေ ၁၅၀ ခန့်​ ရှိပါတယ်။ သက်ဆိုင်ရာက ဖယ်​ပေး​သူ​တွေကို ​ပြောင်း​ရွှေ့​စရိတ် ၂ သိန်း​နဲ့​ ​မြေ​နေရာအစား​ ​ပေး​ပါတယ်။ ဒါ​ပေမယ့်​ ရှိတဲ့​ အိမ်​ခြေ​တွေ အနက် သုံး​ပုံတပုံခန့်​သာ ​မြေ​နေရာရပြီး​ ကျန်သုံး​ပုံနှစ်ပုံက ​မြေ​နေရာအစား​ ပြန်မရလို့​ မဖယ်​ပေး​ဘဲ တင်း​ခံကြတာပါ။ ဒါ​ပေမယ့်​ မဖယ်​ပေး​ရင် ဖမ်း​ဆီး​မ ယ်လို့​ ​ပြောတဲ့​အတွက် အများ​စု ထွက်​ပြေး​ကုန်ပြီး​ ကျန်ရှိတဲ့​ အိမ်​ခြေ ၂၀ ​ကျော်ကို ​နေပြည်​တော် စည်ပင် သာယာက ​ဖေ​ဖော်ဝါရီ ၁၀ ရက်မှာ တရား​စွဲဆိုခဲ့​တာပါ။

ရွာသား​တွေ ရင်ဆိုင်​နေရတဲ့​ ဒီအမှု​တွေအတွက် တဆင့်​ပြီး​တဆင့်​ အယူခံ တက်သွား​မှာပါလို့​ ​ဒေါ်စန်း​စန်း​မြင့်​က ဆိုပါတယ်။

“အယူခံတက်​ နေတဲ့​ ကာလမှာပဲ ၃ လပဲ ချတာ ဖြစ်တဲ့​အတွက် ပြစ်ဒဏ်က​နေ​တော့​ လွတ်သွား​နိုင် တယ်။ အယူခံတက်တဲ့​ကာလက ကြာ ဦး​မှာကိုး​။ ဒါ​ပေမယ့်​ ဒီအမှုက လွတ်​မြောက်သွား​ပေမယ့်​ အမှုအမှန်ကို ရှင်း​ရှင်း​လင်း​လင်း​ ဖြစ်သွား​စေချင်တယ်။ ​နောက်တခုက ဒီလို ပြဿနာ​တွေကို သက်ဆိုင်ရာ လူကြီး​တွေကို သိ​စေချင်တယ်။ ဒါ​တွေ ဆက်ပြီး​မလုပ်ဖို့​လည်း​ ကျမတို့​က တား​ချင်တယ်။”

ရွာသား​တွေဘက်က လယ်​ဝေး​မြို့​ခံ ​ရှေ့​နေ ဦး​ခင်​မောင်ကြီး​က လိုက်လံ ကူညီ​ပေး​မှာ ဖြစ်တယ်လို့​လည်း​ ​ပြောပါတယ်။

Ref: ဒီဗွီဘီ

Read More...

ရန်ကုန်တိုင်း အောင်နိုင်ရေး ဦးအောင်သိန်းလင်း ကြိုးပမ်း

မင်းသက်
မတ်လ ၂၁ ရက် ၂၀၁၂ ခုနှစ်

ဧပြီလ ကြားဖြတ်ရွေးကောက်ပွဲအတွက် မဲဆွယ်စည်းရုံးရေးများကို တရွာဝင်တရွာထွက် ကိုယ်တိုင်လိုက်ပါ ဆောင်ရွက်နေကြောင်း ကြံ့ခိုင်ရေးပါတီ ရန်ကုန်တိုင်း တာဝန်ခံ ဦးအောင်သိန်းလင်း က ပြောသည်။

ရန်ကုန်တိုင်း၊ သုံးခွမြို့နယ်အတွင်းရှိ ကျေးရွာများကို တနင်္လာနေ့က သွားရောက်ခဲ့ပြီး ကော့မှူးမြို့နယ်ကိုလည်း အလေးထား စည်းရုံး နေရကြောင်း ရန်ကုန်မြို့တော်ဝန်ဟောင်းဖြစ်သည့် ဦးအောင်သိန်းလင်း က မဇ္ဈိမကို ပြောသည်။

"သုံးခွမှာ ရွာပေါင်း ၁၀ ရွာကို သွားခဲ့တယ်။ ရန်ကုန်တိုင်းဒေသကြီးအတွင်းမှာ လစ်လပ်နေရာ ၆ နေရာ ရှိတဲ့အနက် ကော့မှူးမဲဆန္ဒနယ် ကိုတော့ အဓိကထားပြီးတော့ မဲဆွယ်မှု ပြူလုပ်ပါတယ်။ အရေးကြီးတယ်လေ သိတယ်မလား၊ အဲဒီနယ်က ဘယ်လိုဆိုတာ” ဟု ဒေါ် အောင် ဆန်းစုကြည် ၀င်ရောက်ယှဉ်ပြိုင်မည်ကို ဦးအောင်သိန်းလင်းက ရည်ညွှန်းပြောဆိုသွားသည်။


ထိုသို့ မဲဆွယ်စည်းရုံးရာတွင် ရွေးကောက်ပွဲပြီးပါက ၎င်းတို့ပါတီအနေဖြင့် ဖွံ့ဖြိုးရေးလုပ်ငန်းများ ဆက်လက်လုပ်ဆောင်ပေးမည်ဟု ပြောဆိုစည်းရုံးခဲ့သည်ဟု ဆိုသည်။

“အဓိကကတော့ ဖွံ့ဖြိုးရေးတွေထဲမှာတော့ လမ်းခင်းတာ၊ လျှပ်စစ်မီး သွယ်တန်းပေးတာ၊ ရေရရှိရေး ဆောင်ရွက်တာ၊ ငွေချေးတာ၊ ကျောင်းဆောက်ပေးတာ၊ ဆေးကုပေးတာတွေ ပါတယ်"ဟု ဦးအောင်သိန်းလင်းက မဇ္ဈိမကို ပြောသည်။

ကြံ့ခိုင်ရေးပါတီ၏ ဖွံ့ဖြိုးရေးလုပ်ငန်းများကို ရွေးကောက်ပွဲဥပဒေအရ ဖေဖေါ်ဝါရီလ ၈ ရက်နေ့ကတည်းက စတင်၍ ခေတ္တရပ်ဆိုင်း ထားကြောင်း ဦးအောင်သိန်းလင်း က ပြောသည်။

ထိုသို့ရပ်ထားသည်ဟုဆိုသော်လည်း ရန်ကုန် အင်းစိန်လမ်းပေါ် သမိုင်းလမ်းဆုံရှိ ကြံ့ခိုင်ရေးပါတီ၏ ဖြိုးစေတနာ ဆေးခန်းကြီးတွင် ကော့မှူး၊ သုံးခွ၊ လှည်းကူး တို့မှ မျက်စိဝေဒနာရှင်များကို မျက်စိ အခမဲ့ စမ်းသပ်ခြင်း၊ ခွဲစိတ်ကုသပေးခြင်းတို့ ဆောင်ရွက်နေကြောင်း မျက်စိသွားရောက်ကုသခဲ့သူတဦးက ပြောသည်။

"ကျမတို့ ကော့မှူးက မျက်စိရောဂါသမားတွေကို ကြံ့ခိုင်ရေးက လူတွေက လာပြောတယ်။ ဆေးကုပေးမယ်ပေါ့။ ဒါကြောင့် လာပြတာပါ။ ထပ်ချိန်းလိုက်တယ်။ မျက်စိတိမ် ခွဲမယ်တဲ့"ဟု အသက် ၄၀ ကျော်အရွယ် အမျိုးသမီးတဦးက ပြောသည်။

အဆိုပါဆေးခန်းတွင် အပါတ်စဉ် သောကြောနေ့တွင် မျက်စိခွဲစိတ်ကုသပေးနေကြောင်း အဆိုပါဆေးခန်းက တာဝန်ကျ သူနာပြု ဆရာမတဦးက ပြောသည်။

"ကျမတို့ သောကြာနေ့ဆိုရင် ဆရာဝန် ၃ ယောက်က လူနာတွေကိုကြည့်ပြီး လိုအပ်သလို လုပ်တာပါ။ ခွဲရမယ့်သူကို ခွဲတာပေါ့။ တရက်မှာ လူနာအဟောင်း အသစ် ပေါင်းရင် ၂၀၀ ကျော်မယ်"ဟု ဆရာမ က ပြောသည်။

ဦးအောင်သိန်းလင်းသည် နေပြည်တော်တွင် ကျင်းပနေသော လွှတ်တော်မှခွင့်ယူကာ ရန်ကုန်တိုင်း ရွေးကောက်ပွဲအောင်နိုင်ရေးအတွက် လာရောက် ဆောင်ရွက်နေခြင်း ဖြစ်သည်ဟု ကြံ့ခိုင်ရေးပါတီ တိုင်းရုံးက ပြောသည်။

အမျိုးသားဒီမိုကရေစီအဖွဲ့ချုပ်မှ ကော့မှူးမြို့နယ် ကိုယ်စားလှယ်လောင်းဖြစ်သည့် ဒေါ်အောင်ဆန်းစုကြည်သည်လည်း မတ်လ ၂၂ ရက်နေ့ ညနေ ၄ နာရီတွင် ကော့မှူးမြို့ရှိ ဝိဇ္ဇောကျောင်းတိုက် ရှေ့ကွင်းပြင်တွင် စည်းရုံးရေး ဟောပြောမည် ဖြစ်သည်။

“မဲဝယ်တာဆိုတာလည်း တရားမ၀င်ပါဘူး။ တို့အဖွဲ့ကို မဲပေးရင် ဒါပေးမယ်၊ ဟိုဟာပေးမယ်ဆိုတာ ဒါလည်း တရားမ၀င်ဘူးဆိုတာ ကျမ သတိပေးပါရစေ။ နောက်ပြီး မက်လုံးပေးပြီး ဒါတွေဒါတွေ လုပ်ပေးမယ်ဆိုတဲ့သူတွေကို မယုံပါနဲ့” ဟု နေပြည်တော် မဲဆွယ်စည်း ရုံးရေး ခရီးတွင် ဒေါ်အောင်ဆန်းစုကြည်က ထည့်သွင်းပြောဆိုခဲ့ဖူးသည်။

NLD အနေဖြင့် ကြားဖြတ်ရွေးကောက်ပွဲ ကြွေးကြော်သံများအဖြစ် တရားဥပဒေစိုးမိုးရေး၊ ပြည်တွင်းငြိမ်းချမ်းရေးနှင့် ဖွဲ့စည်းပုံ အခြေခံ ဥပဒေ ပြင်ဆင်ရေးတို့ကို ပြည်သူလူထုထံ တင်ပြစည်းရုံးနေသည်။

မဲပေးနိုင်သူ ဦးရေ ၈၇,၀၀၀ ဦးရှိသည့် ကော့မှူးမြို့နယ် ပြည်သူ့လွှတ်တော် မဲဆန္ဒနယ်တွင် NLD မှ ဒေါ်အောင်ဆန်းစုကြည်၊ ကြံ့ခိုင်ရေး ပါတီမှ ဒေါက်တာ စိုးမင်း၊ ညီညွတ်ရေးနှင့် ငြိမ်းချမ်းရေးပါတီမှ ဦးတင်ရီတို့ ယှဉ်ပြိုင်ကြမည်ဖြစ်သည်။

Ref: မဇ္ဈိမ

Read More...

နွေရာသီ မွန်စာပေနှင့် ယဉ်ကျေးမှုသင်တန်းများ လွတ်လပ်လာ

ကွန်းချမ်း
မတ်လ ၂၁ ရက် ၂၀၁၂ ခုနှစ်

နွေရာသီ မွန်စာပေ သင်တန်းကို ယခုနှစ်တွင် မွန်ဒေသအသီးသီး၌ လွတ်လပ်စွာ သင်ကြားခွင့် ရပြီဖြစ်ကြောင်း သင်ကြားရေး တာဝန် ခံတို့က ပြောသည်။

ယခင်နှစ်များက သင်ကြားခွင့် ရရန် သက်ဆိုင်ရာ ကျေးရွာ၊ ရပ်ကွက်နှင့် မြို့နယ်အာဏာပိုင် အဆင့်ဆင့်သို့ တင်ပြရပြီး သင်ကြားချိန် တွင်လည်း ခေါ်ယူမေးမြန်း စစ်ဆေးမှုများ ရှိသော်လည်း ယခုနှစ်တွင် တင်ပြစရာ မလိုသည့်ပြင် သင်သည့်နေရာများကိုလည်း စီစဉ် ပေးကြောင်း ပြောသည်။

“ကျနော်တို့ လုပ်တာ လွတ်လပ်လာပြီ။ အရင်ကလို စစ်ဆေး မေးမြန်းတာ မရှိတော့ဘူး။ ရပ်ကွက်တွေ၊ မြို့နယ်တွေမှာလည်း သူတို့ ပိုင်တဲ့ ဓမ္မာရုံကိုတောင် သုံးခွင့် ပေးတယ်။ ကျနော်တို့ သိပ်ဝမ်းသာတယ်။ အစိုးရသစ်ကိုလည်း ကျေးဇူးတင်ပါတယ်” ဟု ရန်ကုန် မွန်စာပေနှင့် ယဉ်ကျေးမှု ကော်မတီ ဥက္ကဋ္ဌ နိုင်မင်းသောင်းသျှင် က မဇ္ဈိမကို ပြောသည်။

အလားတူ မွန်ဒေသလုံးဆိုင်ရာ နွေရာသီ ဗုဒ္ဓဘာသာ ယဉ်ကျေးမှုနှင့် မွန်စာပေသင်တန်းမှ တာဝန်ခံတဦး ဖြစ်သည့် ဆရာတော် ဘဒ္ဒန္တ သီလဝန္တ ကလည်း “ဒီနှစ်က အရင်နှစ်တွေလို မဟုတ်တော့ဘူး။ အခုဆိုရင် အစိုးရ စာသင်ကျောင်းမှာလည်း လိုအပ်ရင် သင်ကြားခွင့် ပေးထားတယ်” ဟု ပြောသည်။

ယခင်နှစ်များတွင် ဘုန်းတော်ကြီးကျောင်းရှိ ဇရပ်များ၊ ဓမ္မာရုံများ၊ နေအိမ်များနှင့် အချို့ကျေးရွာများတွင် အရိပ်ကောင်းသည့် သစ်ပင် အောက်၌ နွေရာသီ မွန်စာပေကို သင်ကြားခဲ့ရသည်။

နွေရာသီ မွန်စာပေ သင်ကြားမှုကို ၁၉၄၁ ခုနှစ်မှ စ၍ မွန်ဘုန်းတော်ကြီးများက ဦးဆောင်ကာ စတင်သင်ကြားခဲ့ပြီး မွန်စာပေနှင့် ယဉ်ကျေးမှု ကော်မတီနှင့် ဘုန်းတော်ကြီးများက ယနေ့တိုင် လက်ဆင့်ကမ်း တာဝန်ယူခဲ့ကြသည်။

ဗုဒ္ဓဘာသာ ယဉ်ကျေးမှုနှင့် မွန်စာပေသင်တန်း ကော်မတီ (ဗဟို) စာရင်းဇယားအရ ၂၀၁၁ ခုနှစ် နွေရာသီ မွန်စာပေ သင်တန်း တက် ရောက်သည့် သင်တန်းသား ဦးရေ ၆၀,၀၀၀ (ခြောက်သောင်း) ကျော် ရှိကြောင်း သိရသည်။

လွတ်လပ်ရေး ရရှိပြီးစ ဦးနု အစိုးရ လက်ထက်က အစိုးရကျောင်းစာများတွင် မွန်စာပေ သင်ကြားခွင့် ရရှိခဲ့ပြီး ၁၉၅၄ ခုနှစ်တွင် မွန် ပညာရေး ဘုတ်အဖွဲ့ကို ဖွဲ့စည်းပေးကာ မွန်ကျောင်းဆရာများကို ခန့်အပ်ပေးပြီး မူလတန်းအဆင့်တွင် မွန်စာပေကို တရားဝင် သင်ကြား ခွင့် ပေးခဲ့သည်။

မဆလ အစိုးရလက်ထက် ၁၉၆၂ ခုနှစ်မှ စပြီး မွန်စာပေကို တရားဝင် သင်ကြားခွင့် မရရှိတော့ဘဲ ကျောင်းအချို့တွင်သာ နားလည်မှု ယူကာ အချိန်ပိုင်းအနေနှင့် အနည်းငယ် သင်ကြားခွင့် ရရှိခဲ့သည်။

၁၉၈၈ ခုနှစ်နောက်ပိုင်းတွင်မူ အစိုးရကျောင်းများ၌ မွန်စာပေ သင်ကြားမှုကို အလုံးစုံ ပိတ်ပင်ခဲ့ပြီး လူဦးရေ ၃ သန်းခန့် ရှိသည့် မြန်မာ နိုင်ငံ အောက်ပိုင်းတွင် နေထိုင်သည့် မွန်လူမျိုးများမှာလည်း အခြားတိုင်းရင်းသားများ နည်းတူ မိခင်စာပေ သင်ကြားခွင့် ဆိတ်သုဉ်း ခဲ့သည်။

သို့သော်လည်း မွန်ပြည်သစ်ပါတီ လက်အောက်ရှိ မွန်ပညာရေးဌာနက ပါတီအုပ်ချုပ်ရေး ဒေသတွင် ၁၉၇၂ ခုနှစ်မှ စပြီး မွန်စာပေကို စတင်သင်ကြားခဲ့ကာ ၁၉၈၄-၈၅ ခုနှစ်ခန့်တွင် ဗဟိုပညာရေး အဖွဲ့ငယ်ကို ဖွဲ့စည်းခဲ့သည်။

မွန်ပြည်သစ် ဗဟိုပညာရေးဌာန အောက်ရှိ မွန်အမျိုးသားကျောင်းများတွင် မူလတန်း ၁၄၂ ကျောင်း၊ အလယ်တန်း ၁၂ ကျောင်းနှင့် အထက်တန်းကျောင်း ၃ ကျောင်းများ၌ ကျောင်းသူ/သား တသောင်းခွဲခန့် ပညာသင်ကြားလျက် ရှိပြီး အစိုးရကျောင်းများနှင့် တွဲဖက်ပြီး သင်ကြားသည့် ကျောင်းသားဦးရေ နှစ်သောင်းကျော် ရှိသည်။

အိန္ဒိယ ရှေးဟောင်း ဗြာဟ္မီ အက္ခရာမှ ဆင်းသက်လာပြီး မြန်မာ အက္ခရာ အပါအဝင် ထိုင်း၊ ခမာ၊ လော စာပေ အက္ခရာများ၏ အခြေခံ အက္ခရာ ဖြစ်သည့် မွန်စာပေကို မြန်မာနိုင်ငံ မွန်ပြည်နယ်၊ ကရင်ပြည်နယ်၊ တနင်္သာရီတိုင်း၊ ပဲခူးတိုင်းနှင့် ရန်ကုန်တိုင်းနှင့် ထိုင်းနိုင်ငံ အတွင်းရှိ မွန်လူမျိုး အများအပြားကလည်း သင်ယူလျက် ရှိသည်။

Ref: မဇ္ဈိမ

Read More...

အပေါ်သို့