ဟင်္သာနီ (မွန်မြေ)
မေလ ၃၁ ရက် ၂၀၁၃ ခုနှစ်
ပလောင် ကိုယ်ပိုင်အုပ်ချုပ်ခွင့်ရဒေသ ရှမ်းပြည်နယ် မန်တုံမြို့နယ်ရှိ မန်ပါတ်ရွာမှ ရွှေလီ လျှပ်စစ်တာဝါတိုစောင့် တာဝန်ကျနေသည့် ရဲတပ်ဖွဲ့ဝင်သုံးဦး မေ ၂၉ ရက်တွင် လုပ်ကြံခံရသည်ဟု တအာင်း ကျောင်းသားနှင့် လူငယ်များအစည်းအရုံးက ကြေ ညာချက်ထုတ်ပြန်သည်။
လုပ်ကြံခံခဲ့ရသည့် ရဲတပ်ဖွဲ့ဝင်များမှာ စိုးသိန်း (တပ်ကြပ်ကြီး)၊ ရဲဝင်း (တပ်ကြပ်)၊ အမည်မသိ (ဒု-တပ်ကြပ် တစ်ဦး) တို့ဖြစ်သည်ဟု တအာင်း ကျောင်းသားနှင့် လူငယ် အစည်းအရုံး၏ သတင်းနှင့် လူ့အခွင့်အရေး ဌာန၏ မေ ၃ဝ ထုတ်ပြန်ချက်တွင် ပါရှိသည်။
''အဲဒီရဲသုံးယောက်ကို မန်တုံ ဆေးရုံမှာပဲ ရင်ခွဲစစ်ဆေးနေပါတယ်၊ ဒီညနေလောက် ပြီးမလားမသိဘူး၊ ဒီနေ့ မနက် မန်တုံ ပြည်သူ့စစ်တွေရော ရဲတွေရောသွားသယ်တုန်းက သေနတ်ကျည်ဆန် ထိမှန်တဲ့ ပုံစံနဲ့
သေဆုံးခဲ့တယ်'' ဟု တအာင်း ကျောင်းသားနှင့် လူငယ်များအစည်းအရုံး အထွေထွေအတွင်းရေးမှူး ၁ မိုင်းမျိုးအောင်က ပြောသည်။
''သူတို့ မိဘတွေက ပြောတာတော့ သူတို့ကိုလမ်းပေါ်မှာစောင့်ပြီး သေနတ်နဲ့ ပစ်တယ်လို့ပြောတယ်၊ သူတို့ သေနတ်တွေနဲ့ပဲလား အခြား သေနတ် တွေနဲ့လားတော့ မပြောတတ်သေးဘူး'' ဟုလည်း တအာင်း
ကျောင်းသားနှင့် လူငယ်များ အစည်းအရုံး အထွေထွေအတွင်းရေးမှူး မလိုည်းလှားရိုင်းက မဇ္ဈိမကို ပြောသည်။
အဆိုပါ ရဲတပ်ဖွဲ့ဝင်များကို လုပ်ကြံသည့် တရား ခံကိုမူ မသိရသေးဘဲ မန်တုံရဲစခန်းမှ စုံစမ်းနေဆဲဖြစ်သည်ဟု တာဝန်ကျ ရဲဝန်ထမ်းတစ်ဦးက မဇ္ဈိမကိုပြောသည်။ ရဲသားတို့၏ ရုပ်အလောင်းကို သင်္ဂြိုဟ်ရန် မန်တုံမြို့နယ် ''မိုးသောက်ကြယ်'' နာရေးကူညီရေးအသင်းက အကူအညီပေးမည်ဖြစ်သည်။ အစိုးရဝန်ထမ်း ရဲတပ်ဖွဲ့ ဝင်များကို တိုက်ခိုက်ခံရခြင်းသည် ယခုအကြိမ်မှာ ပထမဆုံး ဖြစ်သည်။
Ref: မဇ္ဈိမ
Read More...
Collapse...
သိင်္ဂီထွန်း
မေလ ၃၁ ရက် ၂၀၁၃ ခုနှစ်
မန္တလေးတိုင်း၊ ရမည်သင်းမြို့၊ ပျော်ဘွယ်မြို့နယ်တွင် ယခုအချိန်အထိ မိုးရွာသွန်းမှုမရှိသေးသောကြောင့် ရပ်ကွက်တချို့တွင် သောက်သုံးရေပြတ်လတ်မှုနှင့် ကြုံတွေ့နေရကြောင်း ဒေသခံများက မဇ္ဈိမ ကို ပြောသည်။
ပျော်ဘွယ်မြို့နယ် ရန်အောင်(ရနောင်) မြို့မှ ဒေသခံ ဦးမောင်ဝင်းက ''မိုးကောင်းကောင်း မရွာသေးဘူး။
သောက်ရေတွင်းတွေ ကလည်း တော်တော်ခန်းနေပြီ''ဟု မဇ္ဈိမကို ပြောသည်။
ပျော်ဘွယ်မြို့နယ် ရန်အောင်မြို့တွင် သောက်ရေတွင်း သုံးတွင်းရှိသော်လည်း နှစ်တွင်းမှာ ခမ်းခြောက်နေပြီ ဖြစ်၍ မြို့တောင်ဘက်မှ အနက်ပေ ၄ဝ ခန့်ရှိသော သောက်ရေတွင်းကိုသာ အားထားရခြင်းဖြစ် သည်။ ထို တွင်းတစ်တွင်းကို ပျော်ဘွယ်မြို့ ဈေးတန်းရပ်ကွက်၊ မြို့မရပ်ကွက်၊ ကန်တော်လေးရပ်ကွက်၊ သီရိမြိုင် ရပ်ကွက်၊ အောင်မင်္ဂလာရပ်ကွက်၊ အောင်ဇေယုရပ်ကွက်နှင့် ရန်အောင်မြို့အပါအဝင် အခြားရွာသုံးရွာရှိ လူဦးရေ သုံးထောင့်ငါးရာကျော်က အားထားနေရခြင်းဖြစ်သည်။
ဒေသခံတို့၏ ရေခပ်အတွေ့အကြုံ
''ရေက မကျန်သလောက်ကိုဖြစ်နေပြီ။ ရေတွင်းထဲ ရေနည်းနည်းရောက်လာလိုက် နှစ်ယောက်လောက် ခပ်လိုက်နဲ့ ရေကကုန်သွားလိုက်နဲ့။ အခု မနက်ဆိုလေးနာရီလောက်တည်းက ထခပ်ရတယ်။ ညဆိုလည်း ညည့်နက်တဲ့အထိပဲ'' ဟု ထိုသောက် ရေတွင်းမှရေကို ဂါလံပုံးဖြင့်ထည့်ကာ လိုက်ရောင်းသည့် ရန်အောင်မြို့ က ကိုထွန်းထွန်းနောင် က ပြောသည်။
ယင်းဒေသများတွင် ဧပြီလမှစကာ သောက်ရေတွင်းများ ရေခမ်းလာပြီး မေလတွင် ပိုမိုဆိုးရွားလာခြင်းဖြစ်သည်။ ဒေသခံတချို့က လက်နှိပ်တုံကင်မှရေကို သောက်ရေ အဖြစ် အသုံးပြုကြရသည်။ လက်နှိပ်တုံကင်မှ ထွက်သောရေသည် ပုံမှန်အချိန်တွင်ရေချိုမဟုတ်သဖြင့် သုံးရေအဖြစ်သာ အသုံးပြုကြသည်။
ရန်အောင်မြို့ရှိ မဇ္ဈိမလမ်း နာရေးကူညီမှုအသင်း ဥက္ကဋ္ဌ ကိုသက်က ''နှစ်လလောက်တော့ ကောင်းကောင်း အခက်တွေ့နိုင်သေး တယ်။ မိုးကလည်းမရွာဘူး။ သုံးရေကလည်းရှားလာတယ်။ ကျွန်တော် တို့ဆို မော်တာနဲ့ ဆွဲတာတောင် သံပုံးတစ်ပုံးထွက်ဖို့ကိုမလွယ်ဘူး'' ဟု ဆိုသည်။
၎င်းက ဆက်ပြီး ''သောက်ရေတွင်းကို ပြင်ဖို့ အလှူရှင်တွေကိုသွားပြောဖို့ရှိတယ်။ အစောပိုင်းတည်းက ပြင်ဖို့ စိတ်ကူးရှိပေမယ့် မိုးရွာတာစောင့်နေတာ။ မိုးမရွာတော့ ပိုဆိုသွားတယ်'' ဟု ပြောသည်။
၂ဝ၁ဝ နောက်ပိုင်း အခြေအနေ
ပျော်ဘွယ်မြို့သည် မိုးနည်းဒေသဖြစ်သကဲ့သို့ ၂ဝ၁၁ ခုနှစ် နောက်ပိုင်းတွင်ရနောင်မြို့၏ ရေအတွက် အားထားရသော ဧက ၅ဝဝ ခန့်ကျယ်ဝန်းသည့် ရနောင်ကန်ကြီးပျက်စီးပြီးနောက်ပိုင်း ရေရှားပါးမှု ပိုမိုဖြစ်လာပြီး ယခုနှစ်သည် အဆိုးဝါးဆုံးနှစ်ဖြစ်ကြောင်း ဒေသခံများကဆိုသည်။
ထို့အပြင် မိုးရွာသီတွင် ခြောက်ခမ်းနေသော ရေကန်ထဲတွင် ကြက်သွန်ခင်းများနှင့် စပျစ်ခြံများ ဝင်ရောက် စိုက်ပျိုးမှုကလည်း မြေအောက်ရေနည်းပါးမှုကို ပိုဖြစ်စေကြောင်း ဒေသခံများကပြောကြသည်။
ဒေသခံများက ရနောင်ကန်ကို ပြန်လည်ပြုပြင်လိုပြီး ပြုပြင်ရန် မြို့နယ်အဆင့်အုပ်ချုပ်ရေးမှူး၊ မန္တလေးတိုင်း လွှတ်တော်နှင့် ပျော်ဘွယ်မြို့နယ်ရှိ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ လွှတ်တော် အမတ်များအား တင်ပြထားသော်လည်း အကြောင်းထူးခြားခြင်းမရှိသေးကြောင်း ဒေသခံများက ပြောသည်။
Ref: မဇ္ဈိမ
Read More...
Collapse...
မေလ ၃၁ ရက် ၂၀၁၃ ခုနှစ်
လူသားတိုင်းအတွက် မွေးရာပါ အခြေခံလူ့အခွင့်အရေးတွင် လွတ်လပ်စွာယုံကြည်ခွင့်၊ လွတ်လပ်စွာ ကိုးကွယ်ခွင့်နှင့် အခြားလူမျိုးတို့၏ ယုံကြည်မှုတို့ကို လေးစားမှုရှိရပေမည်။ လားရှိုးမြို့တွင် လက်ရှိဖြစ်ပွား
နေသော အကြမ်းဖက်မှုများ၊ ပစ္စည်းဥစ္စာ အဆောက်အဦးများ၊ ဘာသာရေးဆိုင်ရာ အဆောက်အဦးများကို ပစ်မှတ်ထား ဖျက်ဆီးနေမှုများသည် လူ့အခြေခံအခွင့်အရေးကို ချိုးဖောက်မှုဖြစ်သည်။
နိုင်ငံသားတိုင်း အေးချမ်းလုံခြုံစွာ နေထိုင်နိုင်ရေးမှာ နိုင်ငံတစ်နိုင်ငံ ရပ်တည်ဖြစ်ထွန်းမှု၏ အခြေခံဖြစ် ပေသည်။ နိုင်ငံ၏ စီးပွားရေး တည်ငြိမ်တိုးတက်ကောင်းမွန်ရန်မှာ နိုင်ငံသားတိုင်း အခြေခံလူ့အခွင့်
အရေးကို အေးချမ်းတည်ငြိမ်စွာဖြင့် ရရှိမှုတွင် အများအပြား မူတည်နေသည်။
မြန်မာနိုင်ငံ ဒီမိုကရေစီ ပြုပြင်ပြောင်းလဲမှု လမ်းကြောင်းပေါ် လျောက်လှမ်းရန်ကြိုးစားနေ ချိန်တွင် နိုင်ငံတကာအသိုင်းအဝိုင်းက မြန်မာနိုင်ငံအတွင်း ဘာသာရေး အကြမ်းဖက်မှုများကို စိုးရိမ်ပူပန်စွာ အနီးကပ်စောင့်ကြည့်နေ သည်။ မြန်မာနိုင်ငံ စီးပွားရေး ပြန်လည်ဖွံ့ဖြိုးတိုးတက်လာရန်မှာ နိုင်ငံခြား ရင်းနှီးမြုပ်နှံသူများအတွက် စိတ်ချရသော အခြေနေများ ကို ဖန်တီးပေးရန် အရေးကြီးသည်။
လုံခြုံရေးများ ချထားသည့်ကြားထဲက လမ်းမများပေါ်တွင် ဆိုက်ကယ်၊လူအုပ်စုလိုက် များဖြင့် တုတ်တရမ်းရမ်း၊ ဓါးတလှမ်းလှမ်းဖြင့် ဥပဒေမဲ့ ပြုလုပ်နေသည်မှာ ဥပဒေ စိုမိုးရေးအတွက် တာဝန်ရှိသူများ မျက်မှောက်တွင် ပင် ဖြစ်ပွားနေပေသည်။ တာဝန်အရှိဆုံးမှာ နိုင်ငံတော်အစိုးရ ဖြစ်ပေသည်။ အကြမ်းဖက်မှုများကို ထိရောက်စွာ မတားဆီး၊ မနှိမ်နင်းနိုင်ပါက အစရအား ပြည်သူလူထု၏ ယုံကြည် မှု လျော့လာလိပ်မည် ဖြစ်သည်။ သို့ရာတွင် အစိုးရတစ်ခုတည်းဖြင့် မပြီးပါ။ နိုင်ငံသားတိုင်းမှာ မိမိနိုင်ငံ အေးချမ်းသာယာဖွံ့ဖြိုးရေး၊ နိုင်ငံသားတိုင်း အေးချမ်းသာယာစွာနေနိုင်ရေး တို့အတွက် ကိုယ်စီ တာဝန်ရှိကြပါသည်။
ထိုအကြမ်းဖက်မှုများကို ပြင်းပြင်းထန်ထန်ဆန့်ကျင်ပြီး အရေးယူဆောင်ရွက်ရန် မြန်မာနိုင်ငံသားတိုင်းတွင် တာဝန်ရှိသည်။ ငါနှင့်မဆိုင်လို့၊ ငါနှင့်မတည့်လို့၊ ငါနှင့် ဘာ သာမတူလို့ စသဖြင့် အကြောင်း အမျိုးမျိုးပြပြီး ဆိတ်ဆိတ်နေလျှင် ငါ့အလှည့်ရောက်လျှင် နောက်ကျသွားလိမ့်မည်။ အကြမ်းဖက်မှုက ငါ့ဘက်လှည့် လာသည့်အခါ ငါတစ်ယောက်တည်းပဲ ကျန်နေတော့မည်။
အထူးသဖြင့် လူနည်းစုများအား နိုင်ငံသားတိုင်း၏ တန်းတူအခွင့်အရေးဖြင့် ကာကွယ်စောင့်ရှောက်ရန် အရေးကြီးပေသည်။ အကြမ်းဖက်မှုများ၏ နောက်ကွယ်တွင် ကြိုးကိုင်လှုံ့ဆော်နေသူများ၊ အုပ်စုများ ရှိ၊ မရှိအားလည်း သက်ဆိုင်ရာ လုံခြုံရေး အဖွဲ့အစည်းများအနေနှင့် တရားဥပဒေနှင့်အညီ မှန်မှန်ကန်ကန် စုံစမ်းဖော်ထုတ်သင့်ပြီး ထိုသူများ၊ ထိုအုပ်စုများရှိပါက တည်ဆဲဥပဒေများအရ တိတိကျကျ လျင်လျင်မြန်မြန် အရေးယူသင့်သည်။
Ref: မဇ္ဈိမ
Read More...
Collapse...
မေလ ၃၀ ရက် ၂၀၁၃ ခုနှစ်
ကပ္ပလီ ပင်လယ်ပြင်အနီး ဘင်္ဂလား ပင်လယ်အော်အတွင်းရှိ အိန္ဒိယပိုင်နက် ဖြစ်သော အန်ဒမန်နှင့် နီကိုဘာ ကွန်းစုများရှိ ပို့ဘလဲမြို့ (Port Blair) တွင် အမေရိကန် မောင်းသူမဲ့ လေယာဉ်များအတွက် အခြေစိုက် စခန်းတခုအဖြစ် သုံးရန် အမေရိကန် လေ့လာရေး အစီရင်ခံစာ တခုက ဆိုလိုက်သည်။
အမေရိကန် ကွန်ဂရက် လွှတ်တော်၏ ညွှန်ကြားချက်ဖြင့် ပင်တာဂွန် စစ်ဌာနချုပ်က ပြုစုစေခဲ့သည့် အဆိုပါ “အမေရိကန် တပ်ဖွဲ့များအတွက် ပင်လယ်ရပ်ခြား အခြေစိုက်စခန်းများ” ဆိုသည့် အစီရင်ခံစာတွင် ကမ္ဘာတဝှမ်း အမေရိကန် အခြေစိုက်စခန်းများ တည်ရှိနေမှုကို လေ့လာဖော်ပြထားကြောင်း Mail Today သတင်းတရပ်တွင် ဖော်ပြပါရှိသည်။
ကယ်လီဖိုးနီးယား အခြေစိုက် RAND ကော်ပိုရေးရှင်းက ပူးတွဲပြုစုသည့် အဆိုပါအစီ ရင်ခံစာတွင် တရုတ်နိုင်ငံကို ထိုးစစ်ဆင် တိုက်ခိုက်ရန် ဖြစ်လာသည့်အခါ ပို့ဘ လဲမြို့သည် အမေရိကန် မောင်းသူမဲ့
လေယဉ်များ အတွက် အထူးသင့်တော်သည့် အခြေစိုက်စခန်းဖြစ်လာနိုင်သည်ဟု ဆိုသည်။
ကမ္ဘာ့ရေနံတင်ပို့ သယ်ဆောင်မှု ပမာဏ လေးပုံတပုံခန့် သယ်ဆောင်နေရသည့် မလက္ကာ ရေလက်ကြားကဲ့ သို့သော မဟာဗျူဟာအရ အရေးပါသည့် ရေလမ်းကြောင်းများကို ထိန်းသိမ်း ကာကွယ်ရန်အတွက် အိန္ဒိယပိုင်နက် နယ်မြေကို အသုံးပြုရန်လည်း ရည်ညွှန်းဖော်ပြထားသည်။
“မလက္ကာ ရေလက်ကြားကို ထောက်လှမ်းပျံသန်း စောင့်ကြည့်မှုများ ပိုမိုလုပ်ဆောင်နိုင်ရန် ကျယ်ပြောသည့်ရေပြင်ကို ထောက်လှမ်းပျံသန်း စောင့်ကြပ်ပေးနိုင်မည့် တပ်ဖွဲ့တခု တပ်စွဲထားရှိရန် အမေရိ ကန် ရေတပ်အနေဖြင့် အန်ဒမန်ကျွန်းရှိ ပို့ဘလဲ လေဆိပ်ကို အသုံးပြုနိုင်ရေး ကြိုးပမ်းရလိမ့်မည်” ဟု ရေးသားထားသည်။
သို့သော် အကြံပြုချက်သည် တခါဖူးမျှ မကြုံဖူးသည့် အကြံပြုချက်တရပ်ဖြစ်ပြီး အထူးသဖြင့် တရုတ်နိုင်ငံကို အဓိကထား ပြောဆိုထားသည့်အတွက် ဖြစ်ကြောင်း မက် အာသာ ဖောင်ဒေးရှင်း အာရှလုံခြုံရေး စီမံကိန်းမှ ညှိနှိုင်းဆက်သွယ်ရေးမှူးနှင့် လိုးဝီး အင်စတီကျု (Lowy Institute) နိုင်ငံတကာ လုံခြုံရေး အစီအစဉ် စစ်ရေးသုတေသီ ဂျိမ်းစ်ဘရောင်း က ဝေဖန်သည်။
“အန်ဒမန် ကျွန်းစုဟာ မဟာဗျူဟာအရ အရေးပါတဲ့ ကျွန်းတွေဆိုတာ အငြင်းပွါးစရာ မရှိပါဘူး။ အိန္ဒိယ ပိုင်နက် နယ်မြေကို သုံးပြီး ကင်းထောက် ပျံသန်း ထောက်လှမ်းမှုတွေလုပ်ဘို့ အမေရိကန်ကို အကြံပြုတာတော့ ဒါ ပထမဆုံး ကျနော် တွေ့ဖူးတာပါပဲ” ဟု အဆိုပါ စာတန်းကို လေ့လာဆန်းစစ်ထားသည့် ပို့စ်တခုတွင် ဘရောင်း က ရေးသား ထားသည်။
ပိုင်ရှင် အိန္ဒိယအတွက်မူ ပို့တ်ဘလဲမှာ အပန်းဖြေ လည်ပတ်စရာ နေရာတခုအဖြစ်သာ ရှိသေးသည်။ သို့သော် ပင်တဂွန် အစီရင်ခံစာအရ အဆိုပါ ပို့ဘလဲမြို့ကို လုံးဝဥဿုံ ခြားနားသော အဖြစ်သို့ ပြောင်းလဲပစ်ဘို့ ကြံစည်နေခြင်း ဖြစ်သည်။
“ရုတ်တရက် ကြည့်လိုက်ရင်တော့ ဒါက ဘယ်လိုမှ မဖြစ်နိုင်ဘူးလို့ ထင်စရာပဲ။ ဒါပေမယ့် ၂၀၀၆ ခုနှစ်ကတည်းက စလို့ အမေရိကန်နဲ့ အိန္ဒိယ ရေတပ်နှစ်ခုအကြားမှာ ပူးပေါင်း ဆောင်ရွက်မှုတွေဟာ တဖြေးဖြေး တိုးတက်လာ နေခဲ့ပါတယ်။ တရုတ်က ကျူးကျော်တိုက်ခိုက်မှု ရှိလာတဲ့အခါ အိန္ဒိယက အမေရိကန်နိုင်ငံကို အင်ဒမန် ကျွန်းနယ်မြေက အခြေခံစခန်းတွေ သုံးပြီး ရေကြောင်း ထောက်လှမ်း ပျံသန်းမှုတွေ ခွင့်ပြုမှာ မဟုတ်ဘူးလို့လည်း မပြောနိုင်ဘူး” ဟု စစ်ရေးသုတေသီ ဂျိမ်းစ်ဘရောင်း က ပြောသည်။
ထိုအစီရင်ခံစာ၏ အကဲဖြတ်ချက် တရပ်အဖြစ် အီရန်၊ မြောက်ကိုရီးယား၊ တရုတ်တို့အပါ အဝင် အမေရိကန်အတွက် အလားအလာရှိသော ရန်ဘက်နိုင်ငံများကို ကြီးမားသည့် စစ်ဆင်ရေးများ ဆင်နွှဲရ သည့်အခါ ပေါ်ပေါက်လာမည့်ပြဿနာများကိုလည်း လေ့လာ သုတေသနပြု တင်ပြထားသည်။
ထိုအခြေအနေမျိုး ပေါ်ပေါက်လာသည့်အခါ အိန္ဒိယ ပစိဖိတ် ဒေသတွင်း ကြီးမားသော အပြောင်းအလဲများ ပေါ်ပေါက်လာလိမ့်မည်ဟု အဆိုပါ စာတန်းက ရေးသားသည်။
“ပစိဖိတ် သမုဒ္ဒရာအတွင်းရှိ အမေရိကန် ပိုင်နယ်နယ်မြေများ အထူးသဖြင့် ဟာဝိုင်ယီ နှင့် ဂွမ်ကျွန်းတို့တွင် ရေတပ်နှင့် မရိန်းတပ်ဖွဲ့များကို ပိုမိုချထားလာလိမ့်မည်။ တချိန်တည်း တွင် ယခု သဘောတူ ညီထားသည့် ပမာဏထက် အိုကီနာဝါကျွန်းတွင် မရိန်းတပ်ဖွဲ့ဝင် အရေအတွက်ကို ပိုမိုချထား တပ်စွဲထားဘို့ လိုလာလိမ့်မည်” ဟု ရေးသားထားသည်။
အလားတူပင် အမေရိကန် တပ်ဖွဲ့ဝင် အရေအတွက်ကို သြစတြေးလျနိုင်ငံရှိ အခြေစိုက် စခန်းများတွင် တိုးမြှင့်ချထား သင့်သည်ဟု အကြံပြုထားသည်။
Ref: မဇ္ဈိမ
Read More...
Collapse...
2013-05-29
ကချင်ပြည်နယ် မြစ်ကြီးနားမြို့မှာ ကေအိုင်အို ကချင်လွတ်မြောက်ရေးအဖွဲ့နဲ့ အစိုးရငြိမ်းချမ်းရေး ကိုယ်စားလှယ်အဖွဲ့တို့ကြား ဒီကနေ့ဆက်လက် ကျင်းပခဲ့တဲ့ ဒုတိယမြောက်နေ့ ဆွေးနွေးပွဲ မှာ နှစ်ဖက်စစ် တပ်ပိုင်းဆိုင်ရာ အကြီးအကဲတွေ သီးသန့်ဆွေးနွေးခဲ့ကြပါတယ်။
အစိုးရဖက်က တပ်မတော်ကာကွယ်ရေးဦးစီးချုပ်ရဲ့ ကိုယ်စားလှယ် ကာကွယ်ရေးဝန်ကြီးဌာန စစ်ဆင်ရေးအထူးအဖွဲ့မှူး ဒုတိယဗိုလ်ချုပ်ကြီးမြင့်စိုးနဲ့ ကချင်လွတ်မြောက်ရေးတပ်မတော် ကေအိုင်အေဖက်က ဒုတိယစစ်ဦးချုပ် ဗိုလ်ချုပ် ဂွမ်မော်တို့ မြစ်ကြီးနားမြို့ မနောကွင်းမှာရှိတဲ့ မဂျွယ်ခန်းမနားက သီးသန့်ဆောင်မှာ ဆွေးနွေးခဲ့ကြတာပါ။
နှစ်ဖက်တပ် နေရာချထားရေးအပါအဝင် စစ်တပ်ပိုင်းဆိုင်ရာကိစ္စရပ်တွေကို ညှိနှိုင်းရာမှာ ရလာဒ်ကောင်းတွေရရှိခဲ့ကြောင်း၊ မေလ ၃၀ ရက် မနက်ဖြန်မှာလုပ်မယ့် အပြီးသတ်ဆွေးနွေးပွဲပြီးရင် ကြေညာချက် ထုတ်ပြန်သွားမှာဖြစ်ကြောင်း ဒုတိယဗိုလ်ချုပ်ကြီး မြင့်စိုးက ပြောပါတယ်။
"တပ်ပိုင်းဆိုင်ရာ ဆွေးနွေးတဲ့အပိုင်းကတော့ ဒီနေ့မှာပြီးသွားပါပြီ၊ နှစ်ဦးနှစ်ဖက် တပ်နေရာချထားမှုက စပြီးတော့ပေါ့၊ အားလုံးညှိနှိုင်းပြီးဖြစ်ပါတယ်၊ နက်ဖြန်ခါ အပြီးသတ်ဆွေးနွေးပွဲပြီးတော့ ထုတ်ပြန်ကြေ ညာချက်တွေနဲ့ ထုတ်ပြန်သွားမှာပါ၊ အခုထိကတော့ အားလုံးအဆင်ပြေပါတယ်၊ တိုးတက်တဲ့လက္ခဏာတွေပဲတွေ့ရတယ်လို့ ကျနော်တို့ပြောလို့ရပါတယ်၊ အခုကျနော်တို့ နှစ်ဦးနှစ်ဖက် တပ်တွေ ဆွေးနွေးကြ မှာက ရှမ်းမြောက်ကိစ္စတွေ၊ ကချင်ပြည်နယ်ကိစ္စတွေရော အားလုံးကျနော်တို့ ဆွေးနွေးမှာဖြစ်ပါတယ်၊ နက်ဖြန်ခါတော့ ကျနော်တို့ အသေးစိတ်ကလေး ထုတ်ပြန်ပါ့မယ်"
ကေအိုင်အိုဖက်ကလည်း လောလောဆယ်အထိ နှစ်ဖက်ဆွေးနွေးမှုကို သတင်းထုတ်ပြန်တာ မရှိသေးပါဘူး။
ဆွေးနွေးပွဲအပြီးမှာ သမ္မတရုံးဝန်ကြီး ဦးအောင်မင်းနဲ့ ဒုတိယဗိုလ်ချုပ်ကြီး မြင့်စိုးခေါင်းဆောင်တဲ့ အစိုးရကိုယ်စားလှယ်တွေဟာ ကချင်နှစ်ချင်းခရစ်ယာန်အဖွဲ့ချုပ်(KBC)ရဲ့ အထွေထွေအတွင်းရေးမှူး ဒေါက်တာ ဆမ်ဆွန်ခေါင်းဆောင်တဲ့ ဘာသာရေးဆိုင်ရာပုဂ္ဂိုလ်တွေကို သွားရောက်တွေ့ဆုံခဲ့ပါတယ်။
လေ့လာသူအဖြစ်ရောက်ရှိနေတဲ့ တိုင်းရင်းသားလက်နက်ကိုင် ၈ ဖွဲ့ကတော့ မြစ်ကြီးနားမြို့နဲ့ ၂၇ မိုင်ကွာဝေးတဲ့ မေခ၊ မလိခမြစ်ဆုံကို လေ့လာရေးခရီး သွားရောက်ခဲ့တယ်လို့ သိရပါတယ်။
ဒါ့အပြင် မြစ်ကြီးနားမြို့ဆွေးနွေးပွဲကို လေ့လာသူအဖြစ် တက်ရောက်လာတဲ့ ကုလသမဂ္ဂအတွင်းရေးမှူးချုပ်ရဲ့ အထူးကိုယ်စားလှယ် မစ္စတာဗီဂျေနမ်ဘီးယားနဲ့ ကေအိုင်အေ ဒုစစ်ဦးချုပ် ဗိုလ်ချုပ်ဂွမ်မော် တို့ဟာ မြစ်ကြီးနားမြို့ခံ ကချင်တိုင်းရင်းသား ရပ်မိရပ်ဖများနဲ့ သီးခြားစီတွေ့ဆုံခဲ့ကြောင်းလည်း သတင်းရရှိပါတယ်။
Ref: အာရ်အဖ်အေ
Read More...
Collapse...
2013-05-29
ရန်ကုန်တိုင်း လှိုင်သာယာ ငွေပင်လယ်စက်မှုဇုန် စံကောင်း ပီနံအိတ်စက်ရုံမှာ အခုလ ၂၇ ရက်နေ့ ညက စတင်အစာငတ်ခံဆန္ဒပြနေကြတဲ့ စက်ရုံအလုပ်သမား ၁၆ ဦးထဲက အမျိုးသမီးနှစ်ဦး ဒီကနေ့ မူးလဲသွား တဲ့အတွက် လှိုင်သာယာဆေးရုံမှာ ကုသမှုခံယူခဲ့ရတယ်လို့ သိရပါတယ်။
ရက်သတ္တနှစ်ပတ်ကျော်ကြာလာတဲ့အထိ အလုပ်သမားတွေရဲ့ တောင်းဆိုချက်ကို အလုပ်ရှင်ဘက်က မလိုက်လျောသေးတဲ့အတွက် လုပ်သားတစ်ထောင်ကျော်လောက် လုပ်ငန်းခွင်မ၀င်ကြပဲ ဆန္ဒပြနေကြပြီး လုပ်သား ၁၆ ယောက် အစာငတ်ခံဆန္ဒပြနေရာမှာ အလုပ်သမနှစ်ဦး အခုလို မူးလဲသွားကြတာလို့ ဆန္ဒပြလုပ်သားတစ်ဦးဖြစ်တဲ့ ကိုအောင်ကိုဦးက RFA ကိုပြောပါတယ်။
"သူတို့က မလိုက်လျောနိုင်ဘူးဆိုတာ ငွေရေးကြေးရေးတို့ ခုနက ကျနော်တို့တောင်းဆိုတဲ့ အလုပ်သမားတစ်ယောက်ကို ဝန်ခံကတိထိုးရင်ပဲဖြစ်ဖြစ်၊ သမဂ္ဂနဲ့ ပူးပေါင်းဆောင်ရွက်ဖို့ ကျနော်တို့ဘက်က တောင်းဆို တာကို သူတို့ဘက်က မလိုက်လျောနိုင်ဘူး ပြောလိုက်တယ်ခင်ဗျ၊ သူတို့ဘက်က အုပ်ချုပ်ရေးပိုင်းကို ဝင်မစွတ်နဲ့ဆိုပြီးတော့ အဲဒီအချက်ကိုသူတို့ဘက်က လက်မခံဘူးလို့ပြောပါတယ်"
အလုပ်သမားဝန်ကြီးဌာန အလုပ်သမား၊ အလုပ်ရုံနဲ့ အလုပ်သမားဥပဒေ စစ်ဆေးရေးဌာန ညွှန်ကြားရေးမှူးချုပ် ဦးဝင်းရှိန်ကတော့ ဆန္ဒပြကြတဲ့သူတွေအနေနဲ့ အလုပ်ရှင်အပေါ် တောင်းဆိုပိုင်ခွင့်ရှိတယ်ဆိုပေမယ့် ဥပဒေအတိုင်းလုပ်ကြဖို့ မနေ့ကပြုလုပ်တဲ့ လှိုင်သာယာစက်မှုဇုန် အစည်းအဝေးပွဲမှာ သတင်းထောက်တွေကို ပြောကြားခဲ့ပါတယ်။
အဲဒီစက်ရုံအလုပ်သမားတွေအနေနဲ့ တောင်းဆိုချက်တွေမရမချင်း အလုပ်မဆင်းကြပဲ ဆက်လက် ဆန္ဒပြတောင်းဆိုသွားကြမယ်လို့ ပြောပါတယ်။
Ref: အာရ်အဖ်အေ
Read More...
Collapse...
2013-05-28
မြန်မာအစိုးရရဲ့ တားဆီးကန့်သတ်မှုတွေကြောင့် ရခိုင်ပြည်နယ်အနောက်ပိုင်း ဒုက္ခသည်စခန်းတွေက ဒုက္ခသည်တွေမှာ ကျန်းမာရေးစောင့်ရှောက်မှုနဲ့ အခြေခံစောင့်ရှောက်မှုတွေ မရရှိပဲဖြစ်နေတယ်လို့ MSF နယ်စည်းမခြား ဆရာဝန်များအဖွဲ့က ပြောပါတယ်။
အဲဒီဒေသမှာ ကူးသန်းသွားလာရေးကို ထိန်းချုပ်ထားတဲ့အတွက် ဆေးရုံ၊ စာသင်ကျောင်း၊ ငါးဖမ်း၊ ထင်းခွေစတာတွေ မလုပ်နိုင်ပဲရှိနေတယ်လို့ အဲဒီဒေသက ပြန်ရောက်လာခဲ့တဲ့ နိုင်ငံတကာ ကူညီစောင့်ရှောက်ရေး အဖွဲ့ဖြစ်တဲ့ MSF က ပြောပါတယ်။
အဆုတ်နာ ဝေဒနာရှင်တွေ၊ ကိုယ်ဝန်ဆောင်တွေအတွက်လဲ ကျန်းမာရေးစောင့်ရှောက်မှု မရပဲဖြစ်နေတယ်လို့ ဆိုပါတယ်။
MSF အဖွဲ့ဟာ ရခိုင်ပြည်နယ်မှာ အနှစ် ၂၀ လောက် အလုပ်လုပ်ခဲ့ပြီး HIV/AIDS ၊ တီဘီ အဆုတ်နာစတဲ့ ရောဂါတွေနဲ့အတူ အခြေခံကျန်းမာရေးစောင့်ရှောက်မှုတွေ ဆောင်ရွက်ခဲ့တယ်လို့ AP သတင်း က ဖေါ်ပြပါတယ်။
Ref: အာရ်အဖ်အေ
Read More...
Collapse...
2013-05-29
မြန်မာနိုင်ငံ ပညာရေး ပြုပြင်ပြောင်းလဲမှု နိုင်ငံလုံးဆိုင်ရာ ကွန်ရက်ဟာ ပညာရေးစနစ် ပြုပြင်ပြောင်းလဲရေး အတွက် အောက်ခြေအဆင့်ဒေသခံတွေရဲ့ အမြင်သဘောထားတွေကို ဒီနေ့ ရခိုင်ပြည်နယ် စစ်တွေမြို့မှာ မေးမြန်းဆွေးနွေးခဲ့ပါတယ်။
ပြီးခဲ့တဲ့ မေလ ၂၅ ရက်နေ့ကစလို့ သံတွဲခရိုင်၊ ကျောက်ဖြူခရိုင်တွေမှာ ကျင်းပပြုလုပ်ခဲ့တာဖြစ်ပြီး အခုနောက်ဆုံးအစီအစဉ်အဖြစ် စစ်တွေခရိုင်မှာ ပြုလုပ်တာဖြစ်တယ်လို့ အမျိုးသားဒီမိုကရေစီအဖွဲ့ချုပ်(NLD) ရခိုင်ပြည်နယ် ဒုတိယဥက္ကဌဖြစ်သူ ဦးစိုးလေးက RFA ကို ပြောပါတယ်။
"ကျနော်တို့ရခိုင်မှာဆိုရင် ၃ နေရာကျင်းပဖို့ စီစဉ်ပြီးတော့ လုပ်ထားပါတယ်၊ အဲတော့ ပြီးခဲ့တဲ့ ၂၅ ရက်မှာ သံတွဲခရိုင်မှာလုပ်ခဲ့တယ်၊ တစ်ခါ ၂၇ ရက်နေ့မှာ ကျောက်ဖြူခရိုင်မှာ လုပ်ခဲ့ပါတယ်၊ အခု ၂၉ ရက်နေ့ စစ်တွေခရိုင်ကတော့ ကျနော်တို့နောက်ဆုံးဖြစ်ပါတယ်"
မြန်မာနိုင်ငံ ပညာရေးစနစ် ပြုပြင်ပြောင်းလဲရေးအတွက် အောက်ခြေဒေသခံတွေရဲ့ အမြင်တွေကိုသိရှိအောင် အမျိုးသားဒီမိုကရေစီအဖွဲ့ချုပ်ကဦးစီးပြီး ပြည်နယ်နဲ့ တိုင်းအသီးသီးက မြို့နယ် ၂၀ ကျော်လောက်မှာ ဒေသခံတွေရဲ့ သဘောထားအမြင်တွေကို ရယူနေတာလို့ သိရပါတယ်။
လာမယ့် ပြည်ထောင်စု လွှတ်တော်မှာ ပညာရေးနဲ့ဆိုင်တဲ့ ဥပဒေသစ်တစ်ခု ပေါ်ပေါက်လာအောင် တင်သွင်းဆွေးနွေးသွားဖို့အတွက် ပြည်နယ်နဲ့ တိုင်းဒေသတွေမှာ လိုက်လံဆွေးနွေးနေတာဖြစ်ပြီး လာမယ့်ဇွန်လ ၈ ရက်နဲ့ ၉ ရက်နေ့တွေမှာ နိုင်ငံလုံးဆိုင်ရာ ပညာရေးညီလာခံကို ရန်ကုန်မြို့ မရမ်းကုန်းမြို့နယ်က မျက်မမြင်ကျောင်းမှာ ကျင်းပမယ်လို့ သိရပါတယ်။
အလားတူ ပညာရေး ပြုပြင်ပြောင်းလဲရေး ဆွေးနွေးပွဲတစ်ရပ်ကို တနသာင်္ရီတိုင်း ကော့သောင်းမြို့မှာ မနေ့ကကျင်းပခဲ့ပါတယ်။ အဲဒီဆွေးနွေးပွဲမှာ ပညာရေးမူဝါဒဆိုင်ရာ အခြေခံမူ၊ မြန်မာနိုင်ငံရေးစနစ်ဖွဲ့စည်းပုံ အထွေထွေအကြံပြုချက်၊ ပညာရေးစီမံခန့်ခွဲမှုနဲ့ အုပ်ချုပ်ရေးဆိုင်ရာမူဝါဒ၊ သင်ရိုးညွှန်းတမ်းနဲ့ ဘာသာစကား သင်ကြားရေးဆိုင်ရာမူဝါဒ၊ အသက်မွေးဝမ်းကြောင်းဆိုင်ရာ ပညာရေးမူဝါဒစတဲ့ အကြောင်းအရာ ၈ ချက်ကို အဓိကဆွေးနွေးခဲ့ကြတယ်လို့ သိရပါတယ်။
Ref: အာရ်အဖ်အေ
Read More...
Collapse...
30.05.2013
ယူဂိုဆလားဗီးယားနိုင်ငံ ပြိုကွဲစဉ် ၁၉၉၀ ပြည့်လွန်နှစ်တွေတုန်းက မူဆလင် အမျိုးသမီးတွေကို သတ်ဖြတ်မှု၊ အဓမ္မပြုကျင့်မှုနဲ့ ဘော့စ်နီးယားက နှင်ထုတ်ခဲ့တဲ့ အမှုတွေနဲ့ ဘော့စ်နီးယားနိုင်ငံက ခရိုအေး ရှား နိုင်ငံရေးနဲ့ စစ်ဘက်ဆိုင်ရာ ခေါင်းဆောင် ၆ ယောက်ကို ကုလသမဂ္ဂရဲ့ စစ်ရာဇ၀တ် ခုံရုံးကနေ နှစ်ရှည် ထောင်ဒဏ်တွေ ချမှတ်လိုက်ပါတယ်။
ယူဂိုဆလားဗီးယား နိုင်ငံဟောင်းက စစ်ရာဇ၀တ်မှုတွေအတွက် ဖွဲ့စည်းထားတဲ့ နိုင်ငံတကာ ရာဇ၀တ်ခုံရုံးက တရားသူကြီးတွေကတော့ ကွယ်လွန်သွားတဲ့ သမ္မတဟောင်း Franjo Tudjman အပါအ၀င် ခရိုအေးရှား ခေါင်းဆောင်ဟောင်းတွေဟာ ဘော့စ်နီးယားနိုင်ငံထဲမှာ ခရိုအေးရှား တိုင်းပြည် ထူထောင်ဖို့ ကြိုးပမ်းရာမှာ ပါဝင်ခဲ့တယ်လို့လည်း ပြောပါတယ်။
လူသတ်မှု၊ အဓမ္မပြုကျင့်မှုနဲ့ တိုင်းပြည်က နှင်ထုတ်တဲ့ လုပ်ရပ်တွေဟာ စည်းမဲ့ကမ်းမဲ့ စစ်သားတစုရဲ့ ကြုံသလို လုပ်ရပ်မျိုးတွေ မဟုတ်ဘဲ ဘော့စ်နီးယားမှာရှိတဲ့ ခရိုအေးရှားတွေက ပိုင်ဆိုင်ကြောင်း ပြောနေတဲ့ နယ်မြေကနေ မူဆလင်တွေကို အပြီးတိုင် ဖယ်ရှားဖို့ အစီအစဉ်ရဲ့ တစိတ်တပိုင်း ဖြစ်တယ်လို့လည်း ပြောပါတယ်။
အပြစ်ရှိကြောင်း ဆုံးဖြတ်ခံခဲ့ရသူ ၆ ဦးကိုတော့ ထောင်ဒဏ် ၁၀ နှစ်ကနေ ၂၅ နှစ်အထိ စီရင်ခဲ့ပြီး၊ ဒီအထဲမှာတော့ ဘော့စ်နီးယားနိုင်ငံတွင်း ခရိုအေးရှား တိုင်းပြည်အဖြစ် ကြေညာရာမှာ ဦးဆောင်ခဲ့သူ Jadranko Prlic ကို အမြင့်ဆုံး ပြစ်ဒဏ်ပေးခဲ့တာပါ။
ဘော်လကန်စစ်ပွဲအတွင်း ယဉ်ကျေးမှုတွေကို ဖျက်ဆီးခဲ့တဲ့ လုပ်ရပ်တွေအနက် ထင်ရှားတဲ့ ရာစုနှစ်ပေါင်းများစွာ သက်တမ်းရှိတဲ့ Mostar တံတားကို ဖျက်စီးမှုအတွက်လည်း သူတို့ ၆ ဦးစလုံးမှာ တာဝန် ရှိကြောင်း ကုလသမဂ္ဂရဲ့ စစ်ရာဇ၀တ်ခုံရုံးက ဆုံးဖြတ်ခဲ့ပါတယ်။
Ref: ဗွီအိုအေ
Read More...
Collapse...
ကိုသားညွန့်ဦး
29.05.2013
ရခိုင်ပြည်နယ် မောင်တောခရိုင်မှာရှိတဲ့ မူဆလင် လူမှုအသိုင်းအ၀ိုင်းအနေနဲ့ ကလေး ၂ ဦးပဲ ယူရမယ်ဆိုတဲ့ ဒေသန္တရအမိန့်ကို လူ့အခွင့်အရေး အဖွဲ့အစည်းတွေက ဝေဖန်တာဟာ တဘက်စောင်းနင်း ကျပြီးတော့ ပကတိအခြေအနေတွေကို မသိလို့ဖြစ်တယ်လို့ ရခိုင်ပြည်နယ် အာဏာပိုင်တွေက ပြောဆိုပါတယ်။
ရခိုင်ပြည်နယ်အစိုးရ သတင်းထုတ်ပြန်ရေးအဖွဲ့ အတွင်းရေးမှူး ဦးဝင်းမြိုင် ကို ဒီအမိန့် ထုတ်ပြန်မှုနဲ့ပတ်သက်ပြီး ကိုသားညွန့်ဦး က ဆက်သွယ်မေးမြန်းထားပါတယ်။
“ဒီဥစ္စာက အခုမှ ထွက်တဲ့ဥစ္စာ မဟုတ်ဘူး။ ၉၂၊ ၉၃၊ ၉၄ လောက်ကတည်းက ရှိနေခဲ့တဲ့ အမိန့်လို့ ပြောပါတယ်။ အဲ့ဒီဥစ္စာတွေကို အကောင်အထည်ဖော်တာက UN အဖွဲ့အစည်းနဲ့ AZT ဆိုတဲ့ INGO အဖွဲ့တွေပါခင်ဗျ။ သူတို့ အကောင်အထည်ဖော်တယ်။ ၉၂၊ ၉၃၊ ၉၄ ကစပြီး အကောင်အထည်ဖော်တာ အခု ရခိုင်အရေးအခင်း ဖြစ်တဲ့အချိန်မှာ ပြန်ကြည့်တော့ လူဦးရေက အင်မတန် များပြားလာပါတယ်။ သူတို့ကတော့ သားဆက်ခြား အောင်မြင်တယ်လို့ ဆိုပါတယ်။ ဒါပေမဲ့ လူဦးရေ ပေါက်ဖွားနှုန်းက တအားများတဲ့အတွက် အခုလို ပြဿနာဖြစ်လာတဲ့အခါ ရခိုင်ကိစ္စကို စုံစမ်းစစ်ဆေးရေး ကော်မရှင်ကလည်း အကြံပြုထားတာတွေ ရှိပါတယ်။ အဲ့ဒါတွေကို ပြန်ပြီးတော့ အကောင်အထည် ဖော်တဲ့သဘောမျိုးနဲ့ ဒေသန္တရအမိန့်နဲ့ ထုတ်တာပါခင်ဗျ။”
မေး။ ။ ဟုတ်ကဲ့ခင်ဗျ။ ၉၂၊ ၉၃ တုန်းက ထုတ်တဲ့အမိန့်က ဒီအစိုးရအနေနဲ့ ထုတ်ပြန်တာလား။ အမိန့်လား ဥပဒေလား အဲ့ဒါက။
ဖြေ။ ။ “အမိန့်ပါပဲခင်ဗျ။ ဒေသန္တရအမိန့်လို့ ခေါ်ပါတယ်။ ရခိုင်ပြည်နယ် မောင်တောတစ်ခုတည်းပါပဲ။ ကျန်တဲ့ နေရာတွေတောင် မပါပါဘူး။”
မေး။ ။ ဟုတ်ကဲ့။ အခု ရခိုင်အစိုးရကနေပြီးတော့ ထုတ်လိုက်တဲ့သဘောကရော အမိန့်လား ဥပဒေလား။
ဖြေ။ ။ “အမိန့်လို့ ပြောပါတယ်ခင်ဗျ။ ဥပဒေအပိုင်းမှာတော့ ကျနော်တို့က သိပ်နားမလည်ပါဘူး။ ဒီဥစ္စာက အရင်တုန်းက ရှိခဲ့တဲ့ဟာကို ပြန်ပြီးတော့ တည်မြဲအောင် အမိန့်ထုတ်တာပါပဲခင် ဗျ။ ပြည်နယ် အစိုးရအနေနဲ့တောင် မဟုတ်ပါဘူးခင်ဗျ။ သက်ဆိုင်ရာ မြို့နယ်အုပ်ချုပ်ရေးမှူးနဲ့ အဲ့ဒီမှာကိုင်တဲ့ နကစအဖွဲ့ကနေပြီး ထပ်ပြီး အတည်ပြုပြီး ထုတ်ပေးတာပါ။ အဲ့ဒီမောင်တောခရိုင် တစ်ခုတည်းပါပဲခင်ဗျ။”
မေး။ ။ ရခိုင်စုံစမ်းရေးကော်မရှင်ကနေပြီးတော့ အကြံပြုထားတဲ့အတိုင်းဆိုတာ ရခိုင်စုံစမ်းရေးကော်မရှင်ကရော ဒီကိစ္စနဲ့ပတ်သက်လို့ 2 Child Policy ဆိုပြီးတော့ပဲ အကြံပြုတာလား။
ဖြေ။ ။ “2 Child Policy လို့တော့ မပြောပါဘူးခင်ဗျ။ သူက ပထမစာမျက်နှာမှာတော့ ဒီလို လူဦးရေ ထိန်းချုပ်ဖို့ လိုတယ်။ အဲ့လို ထိန်းချုပ်တဲ့အခါမှာလည်း ကိုယ့်ဘာသာရေးအရ ကန့်ကွက်နိုင်တယ်။ ဒီလိုမျိုးလေး ဆိုထားပါတယ်။ ဒါပေမဲ့လည်း နောက်စာမျက်နှာမှာတော့ ရခိုင်တိုင်းရင်းသားတွေကလည်း တောင်းဆိုထားပါတယ်။ နောက်ပြီးတော့ အဲ့ဒီမှာ ဒီလို လူဦးရေ ထိန်းချုပ်တာလည်း အရင်ထဲက ရှိတဲ့အတွက် လုပ်သင့်ပါတယ်လို့ သူတို့က အဲ့ဒီမှာ အကြံပြုထားတာ ရှိပါတယ်။”
မေး။ ။ 2 Child Policy နဲ့ပတ်သက်ပြီးတော့ ရခိုင်အာဏာပိုင်တွေရဲ့ ဆုံးဖြတ်ချက်နဲ့ ပတ်သက်ပြီးတော့ အစိုးရအနေနဲ့ မြန်မာအာဏာပိုင်တွေနဲ့ ပြန်ပြီး Review လုပ်နေတယ်ဆိုပြီးတော့ ပြောနေလို့ပါ။ အထက်ကရော ဘာများပြော
ဖြေ။ ။ “အဲ့ဒါကတော့ ကျနော် မသိဘူးခင်ဗျ။ ဒီဥစ္စာက ကျနော်တို့ ပြည်နယ် အစိုးရအနေနဲ့လည်း ထုတ်တာမဟုတ်ဘူး။ ဒေသန္တရအမိန့်ဆိုတာ သူတို့ ထုတ်ခွင့်ရှိတယ်လေ။ ရန်ကုန်မှာ ပုဒ်မ ၁၄၄ အစား ၁၈၈ ထုတ်တဲ့ပုံစံမျိုးပေါ့။”
မေး။ ။ အဲ့တော့ အဲ့ဒီအထဲမှာ ကလေး ၂ ယောက်အပြင် အမျိုးသမီး မိန်းမ တစ်ယောက်ပဲ ယူရမယ်ဆိုတဲ့ဟာမျိုးရော ပါပါသလား။
ဖြေ။ ။ “ပါပါတယ်ခင်ဗျ။ ဘာလို့လဲဆိုရင် သူတို့က ၄ ယောက် ယူတဲ့အခါကျမှ စောစောကလည်း ကျနော် ပြောပြီးပြီ။ ဗိုလ်ချုပ်ကြီး သိန်းဋ္ဌေး သူ တာဝန်ထမ်းဆောင်စဉ်က အဲ့ဒီမှာ မေးတယ်။ ယောကျာ်း တစ်ယောက်က မိန်းမ ၄ ယောက်က တရားဝင်ယူတယ်။ တရားမ၀င် မိန်းမတွေကလည်း ရှိတယ်။ အဲ့ဒီက မွေးလာတဲ့ ကလေးတွေနဲ့ အားလုံး မိသားစုပေါင်းလိုက်ရင် ၈၂ ယောက်ရှိတယ်။ အဲ့လိုမျိုး မိသားစု ၁၀ ဆိုရင် လူဦးရေ ဘယ်လောက်ရှိမလဲ။ အဲ့ဒါလေးတွေ ကျနော်တို့ ပြန်တွက်ပြီးတော့ ရခိုင်တိုင်းရင်းသားတွေကလည်း အဲ့ဒါကို စိုးရိမ်တဲ့အတွက် တောင်းဆိုခြင်း ဖြစ်ပါတယ်။ ဒါကလည်း မောင်တောတစ်ခုတည်း ကို ကျနော်တို့က ဒေသန္တရအမိန့် ထုတ်တာဖြစ်ပါတယ်။ ဘူးသီးတောင်၊ မောင်တော - မောင်တောခရိုင်ဆိုရင် ဘူးသီးတောင်၊ မောင်တော ပါပါတယ်ခင်ဗျ။”
မေး။ ။ အခု ဒီအမိန့်နဲ့ ပတ်သက်ပြီးတော့ ဝေဖန်သံတွေ ထွက်လာပါတယ်ခင်ဗျ။ ဒါက ခွဲခြားဆက်ဆံတယ်။ လူ့အခွင့်အရေး ချိုးဖောက်တယ်ဆိုတဲ့ သဘောမျိုးပေါ့။ ဝေဖန်သံတွေ ထွက်လာပါတယ်။ ဒီဝေဖန်ချက်တွေအပေါ်မှာ ဦးဝင်းမြိုင်တို့ ဘာများ တုံ့ပြန်ချင်ပါသလဲ။
ဖြေ။ ။ “သူတို့ကတော့ ဘယ်လို ဝေဖန် ဝေဖန်လေ။ လူ့အခွင့်အရေး ချိုးဖောက်တယ်လို့ ပြောလို့ရှိရင် အဲ့ဒီလူတွေက ဒီမှာ လာမကြည့်ဘဲနဲ့ ပြောတယ်လို့ ကျနော် ထင်ပါတယ်။ ကျနော်ပြောမယ်လေ ၁၀ ပေပတ်လည် ရှိတဲ့အိမ်ထဲမှာ လူ ၂၀၊ ၃၀ ဘယ်လိုလုပ် နေမလဲ။ နောက်ပြီးတော့ အဲ့လိုမျိုး လူဦးရေ ပေါက်ဖွားနှုန်း များလာတဲ့အတွက် ဒီမှာ ရခိုင်တိုင်းရင်းသားတွေကလည်း စိုးရိမ်စိတ်တွေ များလာပါတယ်။ အဲ့ဒီအတွက် ရေရှည်အတွက် ကြည့်ပြီး ကျနော်တို့ နိုင်ငံတော်အနေနဲ့ ဒီလို အမိန့်ထုတ်ပြန်တယ်လို့ပဲ ကျနော်တို့က ယူဆပါတယ်။ အမိန့်ထုတ်တာကလည်း မြန်မာတနိုင်ငံလုံးကို ထုတ်တာလည်း မဟုတ်ဘူး။ ရခိုင်ပြည်နယ် တပြည်နယ်လုံးကို ထုတ်တာလည်း မဟုတ်ပါဘူး။ ဒီမောင်တောခရိုင်တစ်ခုတည်းကိုပဲ ထုတ်တာဖြစ်ပါတယ်။ အဲ့ဒါကိုမှ လူ့အခွင့်အရေးအဖွဲ့က ဒီလိုပြောတယ်ဆိုရင်တော့ ဒါ တဖက်သတ် စွပ်စွဲတယ်လို့ပဲ ကျနော် ထင်ပါတယ်။”
Ref: ဗွီအိုအေ
Read More...
Collapse...
စုမြတ်မွန်
29.05.2013
ရခိုင်ပြည်နယ် မောင်တောခရိုင်မှာ ရှိတဲ့ မူဆလင်တွေကို ကလေး ၂ ယောက်ပဲ မွေးရမယ်ဆိုတဲ့ ကန့်သတ်ချက်ထားတဲ့ ကိစ္စကို ပြန်ပြီးသုံးသပ်မယ်လို့ အစိုးရက ပြောလိုက်ပါတယ်။ လူဦးရေ ထိန်းချုပ်နိုင်ဖို့ ကလေးယူတဲ့ အရေအတွက်ကို ဒေသခံအစိုးရက ထိန်းချုပ်တဲ့အပေါ် ဒေါ်အောင်ဆန်းစုကြည်အပြင် လူ့အခွင့်အရေး အဖွဲ့တွေက ဝေဖန်ခဲ့ပြီးနောက်မှာ အခုလို ပြောလိုက်တာဖြစ်ပါတယ်။ ဘန်ကောက် VOA ရုံးက Daniel Schearf ရဲ့သတင်းကို မစုမြတ်မွန်က တင်ပြပါတယ်။
ရခိုင်ပြည်နယ် မောင်တောခရိုင်မှာ ရိုဟင်ဂျာတွေကို ကလေး ၂ ယောက်ပဲ ယူရမယ်လို့ သတ်မှတ်တဲ့ ကိစ္စကို နိုင်ငံခြား သတင်းမီဒီယာတွေမှာ ဖော်ပြတော့မှ သိရတယ်လို့ အစိုးရ ပြောခွင့်ရသူ ဦးရဲထွဋ်က ဗွီအိုအေကို အခုလို ပြောပါတယ်၊
“သတ်မှတ်ချက် အမိန့်နဲ့ ပတ်သက်ပြီးတော့ ကျနော်တို့ ဘာမှ မသိရသေးပါဘူး။ နိုင်ငံတကာ မီဒီယာတွေပေါ်မှာ ပါမှပဲ သိပါတယ်။ ဒီကိစ္စကို ပြည်နယ်အစိုးရနဲ့ ကျနော်တို့ ပြန်ပြီးတော့ မေးကြည့်ပါဦးမယ်။”
မောင်တောခရိုင်က မူဆလင်တွေကို မိန်းမတစ်ယောက်ပဲ ယူရမယ်။ ကလေး ၂ ယောက်ပဲ မွေးရမယ်ဆိုပြီး သတ်မှတ်ထားတဲ့ ကိစ္စတွေက မြန်မာသတင်း မီဒီယာတွေမှာ ပြီးခဲ့တဲ့ သီတင်းပတ်ထဲမှာ စတင် ဖော်ပြကြတာ ဖြစ်ပါတယ်။ ရခိုင်ပြည်နယ်ထဲမှာ ရိုဟင်ဂျာ မူဆလင်တွေ အများစုရှိတဲ့ မောင်တောခရိုင်ထဲက မောင်တောမြို့နဲ့ ဘူးသီးတောင်မြို့ ၂ မြို့မှာ ရခိုင်ဒေသခံ အစိုးရက အခုလို ကန့်သတ် လိုက်တာ ဖြစ်ပါတယ်။
တကယ်တော့ မူဆလင်တွေ ကလေးမွေးဖွားတဲ့ အရေအတွက် သတ်မှတ်ချက်က အရင် စစ်အစိုးရ လက်ထက်မှာကတည်းက ရှိခဲ့တာ ဖြစ်ပါတယ်။ ပြီးခဲ့တဲ့နှစ် ဧပြီလမှာ စခဲ့တဲ့ ရခိုင်ဗုဒ္ဓဘာသာဝင်တွေနဲ့ မူဆလင်တွေကြား ပဋိပက္ခတွေ ဖြစ်ပွားခဲ့ပြီးနောက် တင်းမာမှုတွေ လျော့နည်းသွားစေဖို့အတွက် သမ္မတ တာဝန်ပေးထားတဲ့ ရခိုင်စုံစမ်းရေး ကော်မရှင်ကနေ မျိုးဆက်ပွား စီမံကိန်း လုပ်ဖို့ အကြံပေးခဲ့ တာ ဖြစ်တယ်လို့ ရခိုင်ပြည်နယ် အစိုးရ သတင်းထုတ်ပြန်ရေးအဖွဲ့ အတွင်းရေးမှူး ဦးဝင်းမြိုင်က ပြောပါတယ်။
ဒါပေမဲ့ နယ်စပ်ဒေသလုံခြုံရေး နစကတွေက ဒီသတ်မှတ်ချက်ကို ၂၀၀၅ ခုနှစ် လောက်ထဲက စပြီး တင်းတင်းကျပ်ကျပ် အကောင်အထည်ဖော်ဖို့ ကြိုးစားနေတာ ဖြစ်တယ်လို့ Human Rights Watch လူ့အခွင့်အရေးအဖွဲ့ရဲ့ အာရှရေးရာ ညွှန်ကြားရေးမှူး ဖီးလ် ရောဘတ်ဆန် (Phil Robertson) က ပြောပါတယ်။
“အငြင်းပွားစရာ ဖြစ်နေတဲ့ ကိစ္စတွေကို ထိန်းဖို့ သူတို့ ကြိုးစားနေတာလို့ ကျွန်တော် ထင်ပါတယ်။ ဒါတွေကို လုပ်နေတယ်။ ဗဟိုအစိုးရကလည်း လက်ခံတယ်လို့ သူတို့က ပြောနေတာပါ။ အခုတော့ ဒီကိစ္စက ဗဟိုအစိုးရရဲ့ မူဝါဒ ဟုတ် မဟုတ် ဆိုတာ ဗဟိုအစိုးရဘက်က တုံ့ပြန်စရာ ဖြစ်လာပါပြီ။”
ပြီးခဲ့တဲ့နှစ်တုန်းက ရခိုင်ပြည်နယ်မှာ လူ ၂၀၀ လောက် သေဆုံးပြီး ၁ သိန်း ၄ သောင်းလောက် အိုးမဲ့အိမ်မဲ့ဖြစ်ခဲ့ရတဲ့ ပဋိပက္ခ အကြောင်းအရင်းကို ရခိုင်စုံစမ်းရေး ကော်မရှင်က စုံစမ်းပြီး မကြာခင်တုန်းက အစီရင်ခံစာ ထုတ်ပြန်ခဲ့တာ ဖြစ်ပါတယ်။ မူဆလင်လူဦးရေ မြန်မြန်ဆန်ဆန် တိုးပွားနေတာကြောင့် ဒေသခံ ရခိုင်တွေက မူဆလင်တွေ လွှမ်းမိုးသွားမှာကို စိုးရိမ်နေကြတယ်လို့ ကော်မရှင်က ဆိုပါတယ်။ ဒါကြောင့် မူဆလင်တွေရဲ့ မျိုးဆက်ပွားမှုကို ထိန်းချုပ်သင့်တယ်လို့ အကြံပြုထားတာ ဖြစ်ပါတယ်။
ကိုယ့်ဆန္ဒမပါပဲ ကန့်သတ်တဲ့ ကိစ္စကြောင့် ပိုပြီး တင်းမာမှုတွေ ဖြစ်နိုင်တာကိုလည်း ရခိုင်စုံစမ်းရေး ကော်မရှင်က ထောက်ပြပါတယ်။ ဒေသန္တရ အစိုးရက ကန့်သတ်တာကို သမ္မတ ဦးသိန်းစိန် အနေနဲ့ ထောက်ခံမယ် မခံဘူး ဆိုတာ မဆုံးဖြတ်ရသေးဘဲ၊ ကော်မရှင်ရဲ့ အကြံပြုချက်တွေကို သုံးသပ်ပြီးတဲ့အခါမှာ ကြေညာမှာ ဖြစ်တယ်လို့ ပြောခွင့်ရသူ ဦးရဲထွဋ် က အခုလို ပြောပါတယ်။
“ရခိုင်စုံစမ်းရေး ကော်မရှင်က အကြံပြုတဲ့ အချက်တွေ အားလုံးကို ပြန်သုံးသပ်ရဦးမှာ ဖြစ်တဲ့အတွက် ဒီကိစ္စကို ဗဟိုအစိုးရက လက်ခံတယ် မခံဘူး မပြောနိုင်သေးပါဘူး။ ဒါကြောင့် ဒီကိစ္စအတွက် တစုံတရာ မှတ်ချက် မပေးနိုင်သေးပါဘူး။”
လက်ထပ်ထိမ်းမြားချင်တဲ့ ရိုဟင်ဂျာတွေအနေနဲ့ ကလေး ၂ ယောက်ပဲ ယူရမယ်လို့ ကတိပြုရတဲ့အကြောင်း Human Rights Watch လူ့အခွင့်အရေးအဖွဲ့က ပြောပါတယ်။ ကလေး၂ ယောက်ထက် ပိုယူရင် အဲ့ဒီကလေးတွေကို ကျောင်းထားလို့ မရသလို၊ အစိုးရ ဝန်ဆောင်မှုတွေလည်း မရဘူးလို့ ဆိုပါတယ်။
ကလေး ၂ ယောက်ထက် ပိုယူသူတွေအနေနဲ့ ဒဏ်ငွေဆောင်ရမှာ ဖြစ်သလို ထောင်ဒဏ် ကျနိုင်မယ့် ကိစ္စကို လူ့အခွင့်အရေး အဖွဲ့တွေက ထောက်ပြနေကြတာ ဖြစ်တယ်လို့ ဗွီအိုအေ သတင်းထောက် Daniel Schearf က ပြောပါတယ်။
တချို့အမျိုးသမီးတွေဆိုရင် ငွေဒဏ်၊ ထောင်ဒဏ် မကျအောင် အသက်အန္တရာယ်ရှိတဲ့ ပဋိသန္ဓေ ဖျက်ချမှုတွေတောင် လုပ်ကြတယ်လို့ Human Rights Watch အဖွဲ့က ဆိုပါတယ်။ ဒီလို ကန့်သတ်ထားတာကို ပယ်ဖျက်ပေးဖို့ Human Rights Watch လူ့အခွင့်အရေးအဖွဲ့ရဲ့ တောင်းဆိုမှုကို အစိုးရ ပြောခွင့်ရသူ ဦးရဲထွဋ် က ပယ်ချပါတယ်။
“သူတို့ပြောနေတဲ့ အကြောင်းတွေက သူတို့ တဘက်သတ်ရတဲ့ အချက်တွေပေါ်မှာပဲ အခြေခံပြီး ပြောနေတာပါ။ အခု ကျနော်တို့ဘက်ကတော့ ရခိုင်ကော်မရှင်က အကြံပြုထားတဲ့ ကိစ္စတွေကို အကောင် အထည်ဖော်ဖို့ ကြိုးစားနေပါတယ်။ ကိစ္စတိုင်းကို လူ့အခွင့်အရေး ရှုဒေါင့်နဲ့ ကိုက်ညီ မညီ၊ ဒေသဆိုင်ရာ တရားဥပဒေ စိုးမိုးရေးနဲ့ ကိုက်ညီမှု ရှိ မရှိ၊ နောက် နိုင်ငံတကာစံတွေနဲ့ ကိုက်ညီမှု ရှိ မရှိ စဉ်းစားပြီး လုပ်သွားမှာ ဖြစ်ပါတယ်။”
မောင်တောခရိုင်က မူဆလင်တွေကို ကလေး ၂ ယောက်ပဲ ယူရမယ်ဆိုတဲ့ သတ်မှတ်ချက်ဟာ လူ့အခွင့်အရေးကို ချိုးဖောက်တာပဲလို့ အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် က တနင်္လာနေ့ကပဲ ပြောခဲ့ပါတယ်။
အမေရိကန် ပြည်ထောင်စုကလည်း ဒီလို ကန့်သတ်တဲ့အပေါ်မှာ အင်မတန် စိုးရိမ်ပြီး၊ ဒီကန့်သတ်ချက်တွေကို အမြန်ဆုံး ဖယ်ရှားပေးဖို့အတွက် အမေရိကန် နိုင်ငံခြားရေးဌာန ပြောခွင့်ရသူ ပက်ထရစ် ဗန်ထရဲလ် (Patric Ventrell) ကလည်း အင်္ဂါနေ့ကပဲ ပြောကြားခဲ့ပါတယ်။
Ref: ဗွီအိုအေ
Read More...
Collapse...
30.05.2013
နယူးဇီလန်နိုင်ငံသား အဒ်မန် ဟီလာရီ (Edmund Hillary) နဲ့ နီပေါနိုင်ငံသား တန်ဇန်း နော်ဂေ (Tenzing Norgay) တို့ ဧဝရတ်တောင်ကို အောင်အောင်မြင်မြင် ပထမဆုံး တက်နိုင်ခဲ့တဲ့ နှစ် ၆၀ ပြည့် အခမ်းအနားကို နီပေါနိုင်ငံမှာ ဗုဒ္ဓဟူးနေ့က ဆင်နွှဲခဲ့ကြပါတယ်။
ဟီလာရီ နဲ့ နော်ဂေ အပါအဝင် ကမ္ဘာ့အမြင့်ဆုံး ဧဝရတ်တောင်ထိပ်ကို တက်ပြီး စံချိန်တင်ခဲ့ကြသူတွေကို ဂုဏ်ပြုတဲ့အနေနဲ့ အရောင်အသွေး စုံလင်တဲ့ အဝတ်အစားတွေနဲ့ စီတန်း လှည့်လည် မှုတွေ ပြုလုပ်ခဲ့ကြပါတယ်။
တောင်တက်သမားတွေ လူကြီးလူကောင်းတွေက ဟီလာရီ နဲ့ နော်ဂေ တို့ရဲ့ ပုံတူ ရုပ်တုတွေမှာ ပန်းကုံးတွေ စွပ်ပေးပြီး နောက်ကနေ ရာချီတဲ့ လူအုပ်ကြီး လိုက်ပါလာတဲ့ မြင်းလှည်းတွေပေါ်မှာလည်း ဧည့်သည်တွေကို တင်ဆောင်ပြီး အခမ်းအနား ဆင်နွှဲဖို့ ဘုရင့် နန်းတော်ဆီ လာခဲ့ကြပါတယ်။
ဒီအထိမ်းအမှတ်ပွဲမှာ အမှတ်တရအဖြစ် ရုရှားနာမည်ကြီး အားကစား သမားတစ်ဦးကလည်း ဧဝရတ်တောင်ပေါ်ကနေ Base Jump ခုန်ချတဲ့နည်းနဲ့ လေထဲမှာ လေထီး ချက်ချင်း မဖွင့်ပဲ အလွတ် ခုန်ချပြပြီး စံချိန်သစ် တင်သွားပါတယ်။
ဗလာရီ ရို့ဂစ် (Valery Rozov) က ပေ ၂ သောင်းကျော် အမြင့်ကနေ ခုန်ချပြသွားတာ ဖြစ်ပါတယ်။ ဟီလာရီ နဲ့ နော်ဂေ တို့ကတော့ ဧဝရတ်တောင်ထိပ်ကို ၁၉၅၃ ခုနှစ် မေလ ၂၉ ရက်နေ့မှာ ရောက်ရှိခဲ့ တာဖြစ်ပါတယ်။
ပေ ၃ သောင်းနီးပါး အမြင့်ရှိတဲ့ ဧဝရတ်တောင်ထိပ်ဟာ ၂၀ ရာစုရဲ့ အထူးခြားဆုံး စူးစမ်းရှာဖွေမှုလို့ ယူဆထားကြတာ ဖြစ်ပါတယ်ရှင်။
Ref: ဗွီအိုအေ
Read More...
Collapse...
ကျော်ခ| May 29, 2013
ဥရောပသမဂ္ဂ (EU) က မြန်မာနိုင်ငံအပေါ် စီးပွားရေးပိတ်ဆို့မှု ရုတ်သိမ်းပေးပြီးတဲ့နောက် မြန်မာနိုင်ငံက ထွက်တဲ့ ဆန်ကို ဥရောပနိုင်ငံတွေထဲ ဈေးကွက် ဆက်လက်ချဲ့ထွင်ဖို့ ခြေလှမ်းပြင်နေတယ် လို့ မြန်မာနိုင်ငံ ဆန်စပါး စိုက်ပျိုး ထုတ်လုပ်သူများ အသင်း ဥက္ကဋ္ဌ ဦးစိန်ဝင်းလှိုင်က ပြောပါတယ်။
မြန်မာနိုင်ငံက ထွက်ရှိတဲ့ ဆန်တွေကို ဥရောပနိုင်ငံတွေဖြစ်တဲ့ ပြင်သစ်၊ စပိန်၊ ပေါ်တူဂီ၊ ရုရှားနဲ့ ဘယ်ဂျီယံ နိုင်ငံတွေကို ၂၀၁၂-၁၃ ဘဏ္ဍာရေးနှစ်ထဲမှာ တင်ပို့နေပြီး လာမယ့် ဘဏ္ဍာနှစ်တွေမှာ တိုးချဲ့ပို့ဆောင်ဖို့ ဆက်သွယ်ကြိုးပမ်းမှုတွေ ပြုလုပ်နေတယ်လို့ သိရပါတယ်။
“အခုလို Sanction ပွင့်လာတော့ ကျနော်တို့ အနေနဲ့လည်း ဈေးကွက်ကို ဖွင့်ရှာလို့လည်း ရတာပေါ့။ ဟိုတုန်းကတော့ ဈေးကွက်ရှိလည်း မလုပ်ရဲဘူးပေါ့ဗျာ၊ လုပ်လို့လည်းမရဘူး။ အခုကတော့ ကျနော်တို့က ဘယ်ဘက်ကိုဖြစ်ဖြစ် ခြေလှမ်း လှမ်းလို့ ရတာပေါ့ဗျာနော်” လို့ ဦးစိန်ဝင်းလှိုင်က ပြောပါတယ်။
ဦးစိန်ဝင်းလှိုင်ဟာ မြန်မာနိုင်ငံ ဆန်စပါးအသင်းချုပ်မှာလည်း ဒု ဥက္ကဋ္ဌ တာဝန်ယူထားသူ ဖြစ်ပါတယ်။
ဥရောပသမဂ္ဂက မြန်မာနိုင်ငံအပေါ် ၁၉၉၇ ခုနှစ်က စပြီး ပိတ်ဆို့အရေးယူမှုတွေ ပြုလုပ်ခဲ့ပြီး လက်ရှိ အစိုးရလက်ထက်မှာ ဒီမိုကရေစီ ပြုပြင်ပြောင်းလဲရေး တိုးတက်မှု၊ လွှတ်တော် ပေါ်ပေါက်လာမှု၊ လွတ် လပ်စွာ ထုတ်ဖော်ပြောဆိုခွင့်၊ အကျင့်ပျက် ခြစားမှု တိုက်ဖျက်ခြင်း၊ နိုင်ငံရေး အကျဉ်းသားတွေ လွှတ်ပေးခြင်း စတာတွေအပေါ် ထောက်ရှုပြီး ဒီနှစ် ဧပြီလ ၂၂ ရက်နေ့မှာ လက်နက်ရောင်းဝယ်ခြင်းမှအပ ပိတ်ဆို့ထားမှုတွေကို ရုတ်သိမ်းပေးခဲ့ပါတယ်။
မြန်မာ့ ဆန်တွေကို အာဖရိက နိုင်ငံတချို့နဲ့ အာရှနိုင်ငံတွေဖြစ်တဲ့ ကိုရီးယား၊ ဂျပန် စတဲ့နိုင်ငံတွေကိုလည်း ပို့ဆောင်နေပြီဖြစ်ပြီး ဂျပန်နိုင်ငံကိုတော့ ဆန်တန်ချိန် ၅၀၀၀ တင်ပို့ခွင့် ရရှိထားပြီးဖြစ်တယ်လို့ သိရပါတယ်။ အာဆီယံ နိုင်ငံတွေထဲက အင်ဒိုနီးရှားနိုင်ငံကိုလည်း တင်ပို့တော့မှာ ဖြစ်တယ်လို့လည်း သိရပါတယ်။
မြန်မာနိုင်ငံကနေ အဓိကထား ပို့နေတာကတော့ ဧည့်မထ ၂၅ မတ်တန် ဆန်အမျိုးအစားဖြစ်ပြီး ၂၀၁၂-၂၀၁၃ ခုနှစ် ဘဏ္ဍာရေးနှစ်အတွင်း ပြည်ပကို ဆန်တင်ပို့မှု တန် ၁ ဒသမ ၅ သန်း တင်ပို့နိုင် ဖို့ မျှော်မှန်းထားပြီး လတ်တလော အချိန်အထိတော့ တန် ၁ ဒသမ ၃၉ သန်း တင်ပို့ပြီးနေပြီလို့ သိရပါတယ်။
ဥရောပက စီးပွားရေးပိတ်ဆို့မှုတွေ ပြုလုပ်ခံထားစဉ် ကာလမှာ မြန်မာနိုင်ငံက ဆန်တွေကို အိမ်နီးချင်း တရုတ်နိုင်ငံသို့ အဓိကထား ပို့ဆောင်နေပြီး အိုင်ဗရီကို့စ်နိုင်ငံ၊ ဖိလစ်ပိုင်နိုင်ငံနဲ့ အိမ်နီးချင်း နိုင်ငံ တချို့ကိုလည်း ရေကြောင်းကနေတဆင့် ပို့ဆောင်ပါတယ်။
မြန်မာ့ဆန်တွေ နိုင်ငံတကာကို ပိုပြီး ခြေဆန့်လာတာနဲ့အမျှ ပြည်တွင်း ထုတ်လုပ်မှုအားလည်း တိုးချဲ့လုပ်ဆောင်နိုင်မှာ ဖြစ်သလို ဆန်စပါးစိုက်ပျိုးတဲ့ နိုင်ငံသားတွေလည်း ပိုပြီးအကျိုးဖြစ်ထွန်းမှာ ဖြစ်တယ်လို့ ဦးစိန်ဝင်းလှိုင်က ပြောပါတယ်။
“လယ်သမားတွေအနေနဲ့လည်း ထုတ်တော့ ထုတ်တယ်၊ ဘယ်မှာရောင်းရမှန်း မသိဘူး။ ခိုးထုတ်နေရတဲ့ အနေအထားကနေပြီး လွတ်လွတ်လပ်လပ် ရောင်းနိုင်တယ်။ နောက်ပြီးတော့ Export Tax ဆိုတာလည်း အရင်လို ထိန်းချုပ်မှု မရှိတော့ဘူးဆိုတော့ ဈေးကွက်မှာလည်း ယှဉ်ပြိုင်နိုင်တာပေါ့။ နိုင်ငံတကာ ကုန်သွယ်မှုအထိ စီးဆင်းမှုမြန်သွားရင် စိုက်ပျိုး ထုတ်လုပ်မှုတွေလည်း ပိုလုပ်နိုင်မှာပေါ့” လို့ ဦးစိန်ဝင်းလှိုင်က ရှင်းပြပါတယ်။
မြန်မာနိုင်ငံက ဆန်စပါး လုပ်ငန်းရှင်ကြီးတွေဟာ ပြည်ပပို့မယ့် ဆန်တွေကို ထိန်းချုပ်ထားပြီး ပြည်တွင်းဈေးကွက်မှာ ဈေးနှိမ်ဝယ်မှုတွေဟာလည်း ဆက်ပြီးရှိနေဆဲပဲ ဖြစ်တယ်၊ ဒီလို လုပ်ဆောင်မှုတွေကြောင့် စပါးစိုက်ပျိုးတဲ့ လယ်သမားတွေမှာ ထိခိုက်နစ်နာမှုတွေ ရှိနေရတယ်လို့ ဆန်စပါး စိုက်ပျိုးသူတွေနဲ့ ဆန်ကုန်သည်တွေက ပြောဆိုကြပါတယ်။
ဆန်ကုန်သည်တဦးက “ပိုက်ဆံရှိတဲ့လူတွေက ဝယ်ပြီး ဂိုဒေါင်တွေမှာ လှောင်ထားတယ်။ ဈေးကစားတယ်။ လယ်သမားတွေ ဆီမှာကျတော့ ဈေးနှိမ်ဝယ်တယ်။ ဟိုဘက်က ဝယ်လိုအား ရှိလာပြီဆို ရင် ဈေးတင်ပြီးထုတ်တယ်။ အထက်မှာ ပြည်ပပို့ဈေး ဘယ်လောက် ကောင်းကောင်း လယ်သမားတွေက ခံစားခွင့်ရမှာ မဟုတ်ဘူး” လို့ ဧရာဝတီကို ပြောပါတယ်။
အခုလို မြန်မာနိုင်ငံက ဆန်တွေကို ဥရောပ၊ အာရှနဲ့ အရှေ့တောင်အာရှက နိုင်ငံတွေကို တိုးချဲ့ ပို့ဆောင်မှုတွေ ပြုလုပ်နေတဲ့အတွက် လာမယ့် ဘဏ္ဍာနှစ်မှာ ဆန်တန်ချိန် ၃ သန်းကျော် တင်ပို့နိုင်ဖို့ မျှော်မှန်း တယ်လို့ သိရပါတယ်၊ ဒီအတွက်လည်း ပြည်တွင်းထုတ်လုပ်မှု ပိုများလာနိုင်ဖို့ လယ်သမားတွေကို နည်းပညာ၊ ချေးငွေနဲ့ ဓာတ်မြေသြဇာတွေကို ပံ့ပိုးပေးသွားမယ်လို့ မြန်မာနိုင်ငံ ဆန်စပါး စိုက်ပျိုးထုတ်လုပ် သူများ အသင်းကနေ သိရပါတယ်။
ဒါ့အပြင် ပြည်ပ ဝယ်လိုအားကြောင့် ပြည်တွင်းဆန်ဈေးကွက်ကို ထိခိုက်မှု မရှိစေဖို့ အရန်ဆန် ထားရှိမှုနဲ့ လုံလောက်တဲ့ ဆန်ပမာဏ ထားရှိဖို့ကိုလည်း စီမံဆောင်ရွက်သွားမှာ ဖြစ်တယ်လို့ သိရပါတယ်။
မြန်မာ့ ဆန်စပါး စိုက်ပျိုး ထုတ်လုပ်မှု၊ ကုန်သွယ်မှု မြှင့်တင်နိုင်ရေး အတွက် “ဆန်စပါး ညီလာခံ” ကို ဇူလိုင်လ ၂ ၇က်နေ့ ရန်ကုန်မြို့ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) ရုံးမှာ ကျင်းပပြုလုပ်သွားဖို့ ရှိပါတယ်။
မြန်မာနိုင်ငံ လွတ်လပ်ရေးမရမီ ကာလ ၁၉၃၃၊ ၁၉၃၄ ကာလတွေမှာ မြန်မာ့ဆန်ဟာ ကမ္ဘာ့ဆန်ဈေးကွက်ထဲကို ဆန်တန်ချိန် ၃ သန်းခွဲအထိ တင်ပို့နိုင်ခဲ့ပြီး ထိပ်ဆုံးမှာ ရပ်တည်နိုင်ခဲ့ပေမယ့် နောက်ပိုင်းမှာ ဆက်တိုက် ကျဆင်းခဲ့ပါတယ်။
ဒီနှစ် ဘဏ္ဍာနှစ်အတွက် ကမ္ဘာပေါ်မှာ ဆန်အများဆုံး တင်သွင်းနိုင်တဲ့ နိုင်ငံတွေထဲမှာ အိန္ဒိယနိုင်ငံက ဆန်တန်ချိန် ၈ ဒသမ ၃ မီလီယံတင်ပို့မှုနဲ့ အဆင့် (၁) နေရာမှာ ရပ်တည်နေပြီး ဗီယက်နမ် နိုင်ငံက တန်ချိန် ၇ ဒသမ ၈ မီလီယံနဲ့ ဒုတိယ၊ ထိုင်းနိုင်ငံက ၇ ဒသမ ၇ မီလီယံနဲ့ တတိယ ဆိုပြီး ထိပ်ဆုံးနေရာတွေမှာ ရှိနေကြပါတယ်။
ကင်မရွန်း စီးပွားရေး သတင်းဝက်ဘ်ဆိုဒ်ရဲ့ ဖော်ပြချက်အရ မြန်မာနိုင်ငံက တင်ပို့လိုက်တဲ့ ဆန်တန်ချိန် ၇ ထောင်ဟာ ဓာတ်ခွဲခန်း ၃ ခုရဲ့ စစ်ဆေးချက် ရလဒ်အရ ပိုးထိုးပြီး မသန့်ပြန့်ဘဲ စားသုံးရန် မသင့်လို့ သတ်မှတ်တဲ့အတွက် ကင်မရွန်းနိုင်ငံ စိုက်ပျိုးရေးနှင့် ကျေးလက်ဖွံ့ဖြိုးရေးဌာနက ဖျက်ဆီးပစ်ဖို့ မေလ ၁၇ ရက်နေ့က အမိန့်ပေးခဲ့တယ်လို့ သိရပါတယ်။ ပျက်စီးရတဲ့ အကြောင်းရင်းကတော့ မြန်မာ့ဆန် ရဲ့ ပြဿနာကြောင့် မဟုတ်ဘဲ ဆန်တင်သင်္ဘောရဲ့ လေဝင်လေထွက်စနစ် မှားယွင်းမှုကြောင့် ဖြစ်တယ်လို့ သတင်းမှာ ဖော်ပြထားပါတယ်။
Ref: ဧရာဝတီ
Read More...
Collapse...
နန်းဆိုင်နွမ်| May 29, 2013
ရှမ်းပြည်နယ်မြောက်ပိုင်း လားရှိုးမြို့တွင် ယမန်နေ့ညက ပဋိပက္ခ ဖြစ်ပွားခဲ့ရာမှ နယ်စပ်ဒေသ မူဆယ်မြို့သို့ ကူးစက် လာမည်ကို ဒေသခံများ စိုးရိမ်နေကြသည်။
ပဋိပက္ခ ကူးစက်လာမည်ကို စိုးရိမ်သဖြင့် နယ်စပ်ဒေသ မူဆယ် – ကျယ်ဂေါင် အ၀င်ဂိတ်များနှင့် ခိုးပေါက် ဂိတ်များ အားလုံးကို တရုတ် ကွန်မန်ဒို တပ်များ ချထားပြီး မူဆယ်မြို့ထဲတွင် အစ္စလမ် ဘာသာဝင်များ၏ ဆိုင်ခန်း များအား ပိတ်ခိုင်းထားကြောင်း မူဆယ်မြို့ ဟိုမွန်ရပ်ကွက်နေ စိုင်းအိုက်စံက ဧရာဝတီ သတင်းဌာနသို့ ပြောသည်။
“မူဆယ်မြို့မှာတော့ တော်တော် ငြိမ်နေတယ်။ ဘယ်သူမှ အပြင်မထွက် သလောက်ပဲ။ အစ္စလမ် ဘာသာဝင်တွေ ကတော့ အထုပ်တွေနဲ့ ဘယ်သွားကြလဲ မသိဘူး။ တရုတ်ပြည် မှာတော့ အ၀င်ရော၊ အထွက်ပါ သူတို့ကို ပိတ်လိုက်ပြီ” ဟု စိုင်းအိုက်စံက ဆိုသည်။
ယမန်နေ့ည ၁၁ နာရီ ခန့်က မူဆယ်မြို့ ၄၅ ရပ်ကွက်ရှိ အစ္စလမ် ဘာသာဝင် စာသင်ကျောင်း အနီးတွင် သုံးဘီးဆိုင်ကယ် အစီး သုံးဆယ်ခန့်နှင့် တုတ်၊ ဓားများ ကိုင်ဆောင်ကာ စာသင်ဆောင်ကို ဖျက်ဆီးရန် ကြိုးစားကြကြောင်း၊ ယင်းရပ်ကွက် လူကြီးနှင့် ပြည်သူများ အချိန်မီ တားဆီးနိုင်သည့် အတွက် ပဋိပက္ခ မဖြစ်ပွားခဲ့ကြောင်း ၎င်းက ဆက်ပြောသည်။
“အခုဆိုရင် ဆိုင်တွေလည်း အစောကြီး ပိတ်နေရတယ်။ နယ်စပ်ဒေသ ဖြစ်တဲ့အတွက် ပိုကြောက်ရတယ်။ ဒီကြားထဲ လူဆိုးတွေက ရှိသေးတယ်။ ဒါပေမယ့် အဲဒီလိုပဋိပက္ခ ဖြစ်လာဖို့ ခက်မယ်ထင်တယ်။ ဒီမှာကလည်း လက်နက်ကိုင် တပ်ဖွဲ့တွေ ရှိတယ်လေ။ လုံခြုံရေးကတော့ ကိုယ့်ဟာကိုယ် ယူရမှာပေါ့” ဟု မူဆယ်မြို့ ဈေးရပ်ကွက်တွင် နေထိုင်သည့် အမျိုးသား တဦးက ဆိုသည်။
လားရှိုး မြို့တွင် ဖြစ်ပွားသည့် ပဋိပက္ခကြောင့် လားရှိုး – မန္တလေး လမ်းပေါ်ရှိ နောင်မွန် – သီပေါ – ကျောက်မဲ လမ်းဘေး ဆိုင်များကို ဖျက်ဆီးထားကာ လာရှိုး – မန္တလေး လမ်းတလျှောက် အခြေအနေ မငြိမ်သက်ကြောင်း လားရှိုးမှ မန္တလေးသို့ ပြန်သည့် အမျိုးသမီးတဦးက ပြောသည်။
လားရှိုး ပဋိပက္ခနှင့် ပတ်သတ်ပြီး လားရှိုး သာသနာ့ ဗိမ္မာန်တွင် ပြည်နယ် ၀န်ကြီးချုပ်၊ ပြည်ထောင်စု သာသနာ့ ၀န်ကြီး ဦးဆန်းတင့်၊ အစ္စလမ် ဘာသာရေး ခေါင်းဆောင်များ၊ သံဃာတော်များ၊ လူမှုရေး အဖွဲ့အစည်း ခေါင်းဆောင်များ၊ ရပ်မိရပ်ဖများ တွေ့ဆုံကာ ယင်းပြဿနာကို ပူးပေါင်း ဖြေရှင်းရန် ဆွေးနွေးတိုင်ပင် ကြကြောင်း သိရသည်။
ယင်း ဆွေးနွေးပွဲတွင် ပြည်ထောင်စု သာသနာ့ ၀န်ကြီး ဦးဆန်းတင့်က “သာမန် ရောင်းဝယ်မှုကနေ နောက်ခံပြီးတော့မှ ဖြစ်တာပါ။ ဒါ မဖြစ်သင့်တဲ့ ကိစ္စပါ။ ဒါကို ဘာသာပေါင်းစုံ အနေနဲ့ သတိပြု သင့်ပါတယ်။ ဘာသာရေးနဲ့ မသက်ဆိုင်ပါဘူး” ဟု ပြောကြောင်း ယင်းဆွေးနွေးပွဲကို တက်ရောက်ခဲ့သည့် လားရှိုးမြို့ အထက်တန်း ရှေ့နေ ဦးသောင်းလွင်က ဧရာဝတီသို့ ပြန်လည် ပြောပြသည်။
ရှမ်းပြည်နယ် မြောက်ပိုင်း လားရှိုးမြို့တွင် ယမန်နေ့ မေ ၂၈ ရက်နေ့ ညနေက အမျိုးသမီးတဦး ဓာတ်ဆီလောင်း မီးရှို့ခံရမှုမှ စတင်ကာ အဓိကရုဏ်း အသွင် ဖြစ်ပွားခဲ့ပြီး ဗလီကျောင်း တကျောင်း၊ မွတ်စလင် မိဘမဲ့ကျောင်း တကျောင်းနှင့် ဆိုင်ခန်းများ မီးရှို့ ဖျက်ဆီးခံခဲ့ရကြောင်း သိရသည်။
လားရှိုးအခြေစိုက် ခရိုင်ရဲတပ်ဖွဲ့မှူးရုံးက မီးရှို့ ဆူပူ အကြမ်းဖက်သူများကို စုံစမ်းဖော်ထုတ် အရေးယူသွားမည်ဟု ပြောဆိုခဲ့သည်။
ဘာသာရေး အဓိကရုဏ်းများ ရခိုင်ပြည်နယ်တွင် ယမန်နှစ်က စတင်ဖြစ်ပွားခဲ့ပြီး မြန်မာပြည် အလယ်ပိုင်း မိတ္ထီလာသို့ ယခုနှစ် မတ်လတွင် ကူးစက် ပြန့်ပွားလာခဲ့၍ ရန်ကုန်တိုင်း ဥကံ္ကမြို့တွင်လည်း မေလ အတွင်းက အဓိကရုဏ်းတခု ဖြစ်ပွားခဲ့သေးသည်။
Ref: ဧရာဝတီ
Read More...
Collapse...
မေစစ်ပိုင်| May 29, 2013
ယနေ့ မေလ ၂၉ ရက် မနက်ပိုင်း ငြိမ်သက်နေခဲ့သော ရှမ်းပြည်နယ် မြောက်ပိုင်း လားရှိုးမြို့သည် မွန်းလွဲပိုင်း၌ မီးရှို့ဖျက်ဆီးမှုများ ပြန်လည်ဖြစ်ပွားခဲ့ရာ မွတ်စလင်ပိုင် စီးပွားရေးလုပ်ငန်းများ ပျက်စီးခဲ့ကြောင်း သတင်းရရှိသည်။
မျက်မြင်သက်သေများ၏ အဆိုအရ ဓားများ၊ သံဒုတ်များ ကိုင်ဆောင်ထားသော ရာနှင့်ချီသော လူငယ်များသည် ဆိုင်ကယ်များ စီး၍၎င်း၊ လမ်းလျှောက်၍၎င်း မြို့ကို ပတ်နေကြကာ တိုက်ခိုက်ရန် အသင့်ဖြစ်နေကြကြောင်း သိရသည်။
“ လူစုလူဝေးတွေက လမ်းလျှောက်တာတွေရော၊ ဆိုင်ကယ်တွေ သုံးဘီး တွေနဲ့ရော လက်နက်တွေကိုင်ပြီး သွားနေကြတယ်။ ဖမ်းဆီးတာ မရှိတော့ ရဲတင်းလာကြတာ။”ဟု ရပ်ကွက် ၁၀ နေ ဒေသခံ ကိုထွန်းကျော်မြင့်က ပြောပြသည်။
အမည်မဖော်လိုသူ နယ်မြေခံရဲတဦးက မွတ်စလင်ပိုင် ဆိုင်ခန်းများဖြစ်သည့် စိန်ခြယ် ဒန်ပေါက်ဆိုင်၊ ဦးခင်မောင် ကုန်စုံဆိုင်၊ ဇိုးဒီးယပ် အလှပြင်တိုက်တန်း၊ နယူးဆိုနီ အင်တာနက်ဆိုင်၊ မီကို ဒန်ပေါက် ဆိုင်၊ ရွှေလရောင် ကားဂိတ်၊ လားရှိုး ဓာတ်ပုံတိုက်၊ ကားပစ္စည်းအဟောင်းတန်းနှင့် စွန်းလွန်းလမ်းရှိ မွတ်စလင်ပိုင်ကုန်စုံဆိုင်တဆိုင်၊ သီတာအေး ဟိုတယ်နှင့် သီတာအေးရုပ်ရှင်ရုံ တို့ကို လူအုပ်များက မီးရှို့ခြင်း၊ ဖျက်ဆီးခြင်းများ ပြုလုပ်ခဲ့ကြောင်း ဧရာဝတီသို့ ပြောသည်။
ပြန်ကြားရေး ဒု ဝန်ကြီး ဦးရဲထွဋ်က “ကနဦး သတင်းအများအရ ဒဏ်ရာရရှိသူ လေးဦး၊ သေဆုံးသူ တစ်ဦးရှိကြောင်း သိရှိရပါတယ်။ ပြည်နယ်ဝန်ကြီးချုပ်နဲ့ ပြည်ထဲရေး ဒုတိယ ၀န်ကြီးလည်း လားရှိုးမြို့ကို ရောက်ရှိနေပါတယ်။ ရဲတပ်ဖွဲ့ကလည်း သေနတ်ပစ်ဖောက် လူစုခွဲခဲ့ရတယ်လို့လည်း သိရပါတယ်” ဟု ဖေ့ဘွတ်တွင် ရေးသားထားသည်။
ထိခိုက် ဒဏ်ရာရသူ ၄ ဦး ရှိသည်ဟု လားရှိုးမြို့ အမျိုးသားလွှတ်တော်ကိုယ်စားလှယ် ဦးစိုင်းစံမင်းကလည်း ဧရာဝတီသို့ ပြောသည်။
ဒဏ်ရာရရှိသူများ၏ အခြေအနေနှင့် ဒဏ်ရာရရှိသူ အရေအတွက် သိရှိရန် ဧရာဝတီသတင်းထောက်က လားရှိုးပြည်သူ့ဆေးရုံသို့ သွားရောက်ခဲ့သော်လည်း ဆေးရုံတွင်း ဝင်ခွင့်မပြုခဲ့ပေ။
လားရှိုးခရိုင်ရဲတပ်ဖွဲ့မှူးရုံးသို့ ဧရာဝတီမှ ဖုန်းဆက် မေးမြန်းရာတွင် လုံခြုံရေးသွားနေရသဖြင့် ဒဏ်ရာရစာရင်း၊ သေဆုံးစာရင်း မရသေးကြောင်း ပြောသည်။
“ ရဲတပ်ဖွဲ့ဝင်တွေအားလုံးက ရပ်ကွက် ၇ ကို လုံခြုံရေး အပြည့်ဆင်းနေကြတယ်။ တခြားနေရာတွေလည်း လုံခြုံရေး ယူထားရတယ်။ အခြေအနေတွေအားလုံးက သူတို့ ပြန်လာမှ သိရမယ်”ဟု ခရိုင်ရဲရုံး တာဝန်ကျ ရဲသားက ပြောသည်။ ရပ်ကွက် ၇ မှာ မွတ်စလင် အများစု နေထိုင်ရာ ရပ်ကွက်ဖြစ်သည်။
ယမန်နေ့ ညနေ ၄ နာရီ ၁၅ မိနစ်တွင် အသက် ၂၄ နှစ်အရွယ် ဓာတ်ဆီရောင်းသူ မအေးအေးဝင်းအား ကျိုင်းတုံမြို့နေ အသက် ၄၈ နှစ်အရွယ်ရှိ မောင်နေ၀င်းက ဓာတ်ဆီဝယ်ရာတွင် မပြည့်ဟု ဆိုပြီး စကားများရာက ဓာတ်ဆီလောင်း မီးရှို့ခံရမှုမှ စတင်ကာ ဘာသာရေး အဓိကရုဏ်းဖြစ်ပွားခဲ့ရပြီး ဗလီတကျောင်း၊ မွတ်စလင် မိဘမဲ့ကျောင်း တကျောင်းနှင့် ဆိုင်ခန်းများ မီးရှို့ခံခဲ့ရသည်။
ပြန်ကြားရေးဝန်ကြီးဌာန၏ ထုတ်ပြန်ကြေညာချက်တွင် “နေ၀င်းကို ဖမ်းဆီးပြီး ရဲစခန်းမှာ စစ်ဆေးတဲ့အခါ အင်္ကျီအိပ်ထဲက WY တံဆိပ်ပါ စိတ်ကြွ ဆေးပြား နှစ်ပြားပါတွေ့ရှိတဲ့ ပြစ်မှုဆိုင်ရာဥပဒေပုဒ်မ ၃၀၇၊ ၄၃၆၊ ၃၂၆ တိုိ့ အပြင် မူးယစ်ပုဒ်မ ၁၅/ ၁၆ (ဂ) နဲ့ ပါ အမှုဖွင့်အရေးယူခဲ့ပါတယ်”ဟု ရေးသားသည်။
လားရှိုးမြို့ မြို့မဈေးကြီးကို ပိတ်ထားရပြီး မြို့မှာ ကျီးလန့်စာစား ထိတ်လန့်နေကြရသည်။
ပဋိပက္ခတွင် သတင်းရယူနေသော နယ်ခံသတင်းထောက်တဦး ယနေ့ ညနေပိုင်းက ရိုက်နှိက်ခံရပြီး ဦးခေါင်းကွဲ ဒဏ်ရာရရှိသွားသည်။
လားရှို့မြို့မှ နယ်ခံသတင်းထောက်တဦးဖြစ်သူ အသက် ၃၀ ကျော် ကိုခွန်ဇော်ဦးမှာ လားရှိုးမြို့ ၇ ရပ်ကွက်တွင် ဆိုင်များ လိုက်လံဖျက်ဆီးနေမှုများကို သတင်းရယူနေစဉ် အကြမ်းဖက်သမားများက ဆိုင်ကယ်များနှင့် လိုက်လံတိုက်ခိုက် ရိုက်နှက်ကြောင်း၊ ကင်မရာနှင့် ကင်မရာအတွင်းမှ မန်မိုရီကဒ်ကို ဖျက်ဆီးပစ်လိုက်ကြောင်း၊ အကြမ်းဖက်သူများက ကိုခွန်ဇော်ဦးနှင့် အဖော်တဦးကို သံတုတ်ဖြင့် ရိုက်နှက်ခဲ့သဖြင့် ကိုခွန်ဇော်ဦးတွင် ခေါင်းကွဲ ဒဏ်ရာရရှိသွားကြောင်း၊ ကိုခွန်ဇော်ဦး၏ သူငယ်ချင်းဖြစ်သူမှာ ကျောကုန်းတွင် ဒဏ်ရာရရှိသွားကြောင်း မြန်မာဂျာနယ်လစ်ကွန်ရက်မှ ဦးမြင့်ကျော်က ဧရာဝတီသို့ ပြောသည်။
“ခွန်ဇော်ဦးက ကျနော်တို့ ပဋိပက္ခ သတင်းရယူနည်းသင်တန်းသွားပေးတုန်းက သင်တန်းတက်တဲ့ သတင်းထောက်တယောက်ပါ။ သူက အလွတ်သတင်းထောက် လုပ်နေတာပါ။ ဒီနေ့ ၇ ရပ်ကွက်မှာ အကြမ်းဖက်ဖျက်ဆီးနေတဲ့သူတွေက သူ့ကို လိုက်ရိုက်ကြတယ်။ သူ ခေါင်းကွဲသွားတယ်။ ကင်မရာထဲက ကဒ် ဖျက်ဆီးခံလိုက်ရတယ်” ဟု ဦးမြင့်ကျော်က ဆိုသည်။
ဧရာဝတီသတင်းထောက်၏ အဆို သတင်းထောက်များက လုံခြုံရေးအတွက် ရဲတပ်ဖွဲ့ဝင်များနှင့် လိုက်ပါလိုကြောင်း အကူအညီတောင်းခံမှုကို လျစ်လျူရှုကာ လုံးဝ ပူးပေါင်းဆောင်ရွက်မှု မပေးကြောင်း သိရှိရသည်။
“သတင်းထောက်တွေအတွက် လုံခြုံရေး အဆင်ပြေအောင်လို့ လားရှိုး ရဲကွပ်ကဲရေးရုံးလိပ်စာကို ခရိုင်ရဲရုံးမှာ သွားတောင်းတာ မသိဘူးလို့ ပြောတယ်။ မိတ္ထီလာမှာတုန်းက သတင်းထောက်တွေနဲ့ ရဲတွေနဲ့ ပူးပေါင်းလုပ်ရတာ အဆင်ပြေပေမယ့် ဒီမှာက ဘယ်လိုမှ လုံခြုံမှုမရှိဘူး”ဟု ဧရာဝတီ သတင်းထောက်က ပြောသည်။
လားရှိုးမြို့ အမျိုးသားလွှတ်တော်ကိုယ်စားလှယ် ဦးစိုင်းစံမင်းကလည်း “တကယ်တမ်း ကာကွယ်နိုင်ဖို့ သေနတ်ကို ခြိမ်းခြောက်တဲ့အနေနဲ့ ဖောက်ပြဖို့ တနည်းပဲ ရှိတော့တယ်။ လွှတ်တော် ကိုယ်စား လှယ်တယောက်အနေနဲ့ ဘာမှ လုပ်လို့ မရဘူး။ တနေရာမှာငြိမ်သွားရင် နောက်တနေရာက ဆူပူလာတယ်။ လုံခြုံရေးက အပြည့် မရှိဘူး။ အခြေအနေတွေ ငြိမ်သက်သွားဖို့ကတော့ အာဏာပိုင်တွေကပဲ လုပ်နိုင်လိမ့်မယ်”ဟု ပြောဆိုသည်။
ဧရာဝတီ သတင်းထောက် နန်းဆိုင်နွမ် ပါဝင်ပူးပေါင်း ရေးသားသည်။
Ref: ဧရာဝတီ
Read More...
Collapse...
May 29, 2013
ကေအိုင်အေနှင့် မြန်မာစစ်တပ်အကြား အပစ်အခတ်ရပ်စဲရေး စာချုပ် ထပ်မံချုပ်ဆိုမည်ဆိုပါက ကုလသမဂ္ဂ၊ တရုတ်၊ ဗြိတိသျှအပါအ၀င် နိုင်ငံတကာက ပါဝင် လက်မှတ်ရေးထိုးမှသာလျှင် ကေအိုင်အေက အပစ်အခတ်ရပ်စဲရန် သဘောတူညီ မည်ဖြစ်ကြောင်း ကေအိုင်အေ စစ်ဦးစီးချုပ် ဗိုလ်ချုပ်ဂွမ်မော်က ပြောဆိုလိုက်သည်။
ယနေ့ မြစ်ကြီးနား မြို့ မနောကွင်း တွင် ကျင်းပသော ကချင်ပြည်သူလူထုနှင့်တွေ့ဆုံစဉ် ဗိုလ်ချုပ်ဂွမ်မော်က ကချင်ပြည်သူများကို အထက်ပါ အတိုင်း ပြောဆိုလိုက်ခြင်းဖြစ်သည်။
ယခင်က အပစ်အခတ်ရပ်စဲရေး လက်မှတ်ရေးထိုးခဲ့သော်လည်း ပျက်ပြယ်ခဲ့ရကြောင်း၊ ယခုတဖန် အပစ်အခတ်ရပ်စဲရေး ထပ်မံ လုပ်ဆောင်မည်ဆိုပါက တရုတ်၊ ဗြိတိသျှနှင့် ကုလသမဂ္ဂအပါအ၀င် နိုင်ငံတကာ က ပါဝင်လက်မှတ်ရေးထိုးမှသာလျှင် အပစ်အခတ်ရပ်စဲရေး ခိုင်မြဲနိုင်မည်ဖြစ်ကြောင်း ဗိုလ်ချုပ်ဂွမ်မော်က ဆိုသည်။
“အလုံးစုံ အပစ် အခတ် ရပ်စဲရေးမှာ ကုလသမဂ္ဂ၊ ဗြိတိသျှ၊ တရုတ်တို့လိုနိုင်ငံတကာပါဝင်လာ မှပဲ လက်မှတ်ထိုးနိုင်မယ်။ ဘာကြောင့်လဲ ဆိုရင် အရင်ကတည်းက တခါပျက်ပြီးသွားပြီဖြစ်တဲ့အတွက် ဒီလို လက်မှတ်ထိုးနိုင်မှ သာရေရှည်ခိုင်မြဲနိုင်မယ်”ဟု ဗိုလ်ချုပ်ဂွမ်မော်က ပြောသည်။
အပစ်ခတ်ရပ်စဲရေးတွင် တရုတ်နှင့် ဗြိတိသျှတို့ ပါဝင်ရန် တောင်းဆိုရခြင်းမှာ တရုတ်နိုင်ငံသည် အိမ်နီးချင်းနိုင်ငံဖြစ်ပြီး နယ်နမိတ်ချင်း ထိစပ်နေကြောင်း၊ ဗြိတိသျှသည် မြန်မာနိုင်ငံကို အုပ်စိုးခဲ့သူဖြစ်ပြီး ပင်လုံစာချုပ်ကို အသိဆုံးဖြစ်သည့်အတွက် ထိုနိုင်ငံများပါဝင်ရန် တောင်းဆိုရခြင်းဖြစ်သည်ဟု ဗိုလ်ချုပ်ဂွမ်မော်က ဆက်ပြောသည်။
“တရုတ်နိုင်ငံဟာနယ်နမိတ်ချင်းဆက်စပ်နေတဲ့နိုင်ငံ တစ်ခု ဖြစ်တယ်။ နောက်ပိုင်းလည်းဆက်စပ်နေရမယ်။ ဒါကြောင့်ခေါ်တာပါ။ ဗြိတိသျှ ကိုခေါ်စေချင်တာကလည်း တချိန်က သူတို့ဟာကိုယ့်နိုင်ငံမှာအုပ်ချုပ်ခဲ့ တယ်။ ပင်လုံဆိုတာကသူတို့အသိဆုံးမို့ပါ”ဟု သူက ဆိုသည်။
မြန်မာစစ်တပ်နှင့် ကေအိုင်အေအကြား တပ်နေရာချထားရေးနှင့် ပတ်သက်၍ ကေအိုင်အေဘက်မှ ဗိုလ်ချုပ်ဂွမ်မော်အပါအ၀င် ကေအိုင်အေစစ်ဗိုလ်ချုပ်အချို့နှင့် မြန်မာစစ်တပ်မှ ဒုတိယဗိုလ်ချုပ်ကြီး မြင့်စိုး တို့ သီးသန့်ဆွေးနွေးခဲ့ပြီး ဆွေးနွေးမှုများ နှစ်ဖက် ကျေနပ်ကြကြောင်း သိရှိရသည်။
ကေအိုင်အေအနေဖြင့် နိုင်ငံ၏ကာကွယ်ရေးအတွက် တပ်မတော်တွင် ကချင်ပြည်နယ်ကာကွယ်ရေးတပ်ဖွဲ့တခုအနေဖြင့် ပါဝင်နိုင် ရေးအတွက်တောင်းဆိုသွားရန်ရှိသည်ဟုလည်း ဗိုလ်ချုပ်ဂွမ်မော်က ဆိုသည်။
ငြိမ်းချမ်းရေးဆွေးနွေးပွဲ တက်ရောက်လာသည့် ကုလသမဂ္ဂကိုယ်စားလှယ် မစ္စတာနမ်ဘီးယားက လက်ရှိဆွေးနွေးနေသော ဆွေးနွေးမှုများသည် အကောင်းဘက်ကိုဦးတည်နေပြီး အနာဂတ်တွင် အကောင်း များသာ ဖြစ်လာမည်ဟု မျှော်လင့်ကြောင်း ၊ အားရကျေနပ်မှု ပွင့်လင်းမြင်သာမှုတွေ ရှိနေပါကြောင်း ပြောသည်။
“ဒီအစည်းအဝေးက အားရကျေနပ်စရာ ကောင်းပါတယ်။ ပြည်သူတွေမှာ မျှော်လင့်ချက်တွေ၊ ရည်မှန်းချက်တွေ ရှိနေသလို စိတ်ပျက်မှုတွေလည်း ရှိနေတယ်။ ဒီလိုခံစားမှုတွေဟာ နေရာတိုင်း၊ လူမျိုးတွေတိုင်းမှာ ရှိပါတယ်။ ဒီလိုဖွင့်ပြောနိုင်ဖို့ တကယ် လိုအပ်ပါတယ်။ အနာဂတ်မှာမညီမျှမှုတွေ၊ ခံစားရမှုတွေဟာ ကောင်းမွန်တဲ့ ခံစားမှုတွေ ဖြစ်လာနိုင်မယ်လို့ ထင်ပါတယ်” ဟု မစ္စတာ နမ်ဘီးယား ကဆိုသည်။
မြန်မာအစိုးရငြိမ်းချမ်းရေးကိုယ်စားလှယ် သမ္မတရုံးဝန်ကြီးဦးအောင်မင်းက “ ဒီငြိမ်းချမ်းရေးပွဲအတွက် စိတ်ကူးယဉ်အိပ်မက်ခဲ့ရ ပေါင်းများပါပြီ။ဆွေးနွေးပွဲဟာ ၈ကြိမ်မြောက် ဖြစ်ပေမယ့် ဒီလိုတကြိမ်တခါမှ ဒီခံစားမှုကို မခံစားခဲ့ရပါဘူး” ဟု ပြောသည်။
မြစ်ကြီးနားမြို့တွင် ကျင်းပသော ငြိမ်းချမ်းရေးဆွေးနွေးပွဲတက်ရောက်လာသော ကေအိုင်အေ ကိုယ်စားလှယ်များကို ကချင်ပြည်သူသောင်းချီက လှိုက်လှိုက်လှဲလှဲကြိုဆိုခဲ့ကြသည်။
Ref: ဧရာဝတီ
Read More...
Collapse...
မြတ်စုမွန်| May 30, 2013
လွန်ခဲ့သော ၁၉၉၂ ခုနှစ် ဖေဖော်ဝါရီလက မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) မြောက်ပိုင်း ဒေသတွင် သူလျှိုဟု စွပ်စွဲကာ ညှဉ်းပမ်းသတ်ဖြတ်ခဲ့မှုများကြောင့် အဖွဲ့ဝင် ကျောင်းသားများ သေဆုံးခဲ့ရ ခြင်း နှင့် ပတ်သက်ပြီး အမှန်တရားနှင့် တရားမျှတမှု ပြန်လည် ဖော်ထုတ်ရန် ကော်မရှင်တရပ်ကို ၂၀၁၂ ခုနှစ် ဇန်န၀ါရီက စတင် ဖွဲ့စည်းခဲ့သည်။
ABSDF ကျောင်းသား တပ်မတော်သည် ၁၉၈၈ ခုနှစ် ဒီမိုကရေစီ အရေး လူထု အုံကြွမှုကို စစ်တပ်က သွေးထွက်သံယို နှိမ်နှင်းအပြီး တောခိုသွား ခဲ့သည့် ကျောင်းသား လူငယ်များနှင့် ဖွဲ့စည်းထားခြင်း ဖြစ်ပြီး လက်ရှိ အစိုးရနှင့် ငြိမ်းချမ်းရေး ဆွေးနွေး နေသည့် လက်နက်ကိုင် အဖွဲ့အစည်း တခုဖြစ်သည်။
ဖွဲ့စည်းထားသည့် အမှန်တရား နှင့် တရားမျှတမှု ဖော်ထုတ်ရေး အလုပ်အဖွဲ့က အချက်အလက် စုဆောင်းခြင်း နှင့် အစီရင်ခံစာ ရေးသားခြင်း လုပ်ငန်းများကို ၂၀၁၃ ခုနှစ် မေလတွင် အပြီးသတ် ဆောင် ရွက်သွားမည် ဟု ယင်းအဖွဲ့က ကြေငြာချက် ထုတ်ပြန်ခဲ့သည်။
ယင်း ကြေငြာချက်အရ သတ်မှတ်ကာလ ပြည့်သည့် ယခု အချိန်တွင် အဖွဲ့၏ လုပ်ဆောင်နိုင်ခဲ့မှု အခြေအနေ၊ ယင်းသို့ ဖော်ထုတ် စစ်ဆေး မှတ်တမ်းတင် သွားမည့်ကိစ္စ စသည်တို့ နှင့် ပတ်သက်၍ အမှန် တရားနှင့် တရားမျှတမှု ဖော်ထုတ်ရေး အဖွဲ့မှ တာဝန်ခံညှိနိုင်းသူ ရဲဘော် ကျော်ကျော်လင်း နှင့် ဧရာဝတီ သတင်းဌာနက မေးမြန်း ထားသည်များကို ကောက်နုတ် ဖော်ပြအပ် ပါသည်။
မေး။ ။ မြောက်ပိုင်း ကိစ္စတွေနဲ့ ပတ်သက်ပြီး အချက်အလက်တွေ စုဆောင်း၊ အစီရင်ခံစာတွေ ရေးပြီး ၂၀၁၃ မေလမှာ ထုတ်ပြန်မယ် လို့ ပြောခဲ့ဖူးတော့ အခု လက်ရှိမှာ ဘာတွေ လုပ်နေလဲ၊ ဘယ်လို ဆက်သွားနေပါသလဲ။
ဖြေ။ ။ တနှစ်ကျော် ကာလမှာ အကောင်အထည် ဖော်နိုင်ဖို့ အတွက် ပုံစံ မျိုးစုံနဲ့ ကြိုးစားခဲ့တယ်။ အခက်အခဲက ဘာလဲ ဆိုရင် နေရာ အခက်အခဲ။ ကျနော်တို့က အပြင်မှာ ရှိနေတယ်။ တော်တော်များ များက ပြည်တွင်းမှာ ရှိနေတယ်။ ဒါကြောင့် ကျနော်တို့ ကြားမှာ ဆက်သွယ်မှုက ကောင်းကောင်း လုပ်လို့ မရခဲ့ဘူး။ ဒီကိစ္စက လူချင်း တွေ့ပြီးမှ ပြောလို့ ရမယ့် ကိစ္စတွေ ကိုး။ ပထမဆုံး လူချင်း စတွေ့ရတာက ပြီးခဲ့တဲ့နှစ် ဒီဇင်ဘာကနေ ဇန်န၀ါရီ အတွင်း ABSDF ကိုယ်စားလှယ် ၉ ယောက် အဖွဲ့ ၁၈ ရက် လေ့လာရေး ခရီးစဉ် လာတုန်းက။ အဲဒီ ခရီးစဉ်မှာ မြောက်ပိုင်းက ထိခိုက် နစ်နာခဲ့တဲ့ ရဲဘော်တွေ နဲ့ တရက် အစည်းအဝေး စလုပ်ဖြစ်တယ်။ အဲဒီတော့မှာ စထိတွေ့ရတာ။
အဲဒီ တုန်းကတော့ အဖွဲ့အစည်း နဲ့ ပတ်သက်ပြီး မရှင်းတာတွေ သူတို့ မေးကြတယ်။ ကော်မရှင် အနေနဲ့ ဒီဟာတွေ ဆက်လုပ်ဖို့ ရှိတယ် ဆိုတာကို ပြန် ရှင်းပြတယ်။ အဲဒီမှာ သဘောတူခဲ့ တာက ကော်မရှင် အနေနဲ့ မတ်လလောက်မှာ ပြန်လာပြီး အချက်အလက်တွေ ကောက်မယ်။ အင်တာဗျူးတွေ လုပ်မယ်၊ ဧပြီ လောက်မှာ ရေးပြီးတော့ မေလလောက်မှာ အစီရင်ခံစာ ထုတ်မယ် ဆိုပြီး စီစဉ်ခဲ့တာ။ မဖြစ်လာခဲ့ဘူး။ ဘာကြောင့်လဲ ဆိုတော့ ABSDF ရဲ့ ငြိမ်းချမ်းရေး လုပ်ငန်းစဉ်မှာ ဘယ်လောက်ထိ ပေါက်မြောက် နေပြီလဲ၊ ဘယ်လောက်ထိ ခရီးရောက်နေပြီလဲ ဆိုတဲ့ အပေါ် မူတည်တာကိုး။ အဲဒီချိန်မှာ အစိုးရနဲ့ တရားဝင် အပတ်ခတ် ရပ်စဲတာတွေ လည်း မလုပ်ရသေးဘူး။ ဒီတော့ စီစဉ်ရတဲ့ အပိုင်းမှာ အခက်အခဲ ရှိတယ်။ အဲဒီတော့ ထပ်ရွှေ့ရင်း ရွှေ့ရင်းနဲ့ အခုမှ လာဖြစ်တာ။
မေး။ ။ အဲဒါဆိုရင် အခု ခရီးစဉ်က ABSDF ရဲ့ Peace Process ခရီးစဉ် အပြင်၊ ဒီအမှန်တရားနဲ့ တရားမျှတမှု ဖော်ထုတ်ရေး ကော်မရှင်ရဲ့ အချက် အလက်ကောက်ယူဖို့ ဆိုတဲ့ အစီအစဉ်လည်း ပါတာပေါ့။
ဖြေ။ ။ ဟုတ်ပါတယ်။ ဒီကာလမှာ ကျနော်တို့တွေကြား အပြန်အလှန် ဆက်သွယ်မှုတွေ ရဖို့ ကြိုးစားခဲ့တယ်။ ကျနော် တို့ ဒီကို လာလို့ မရရင် နိုင်ငံခြားကို ထွက်ပြီးတော့ တွေ့ရအောင် ဆိုပြီး ကြိုးစား ခဲ့ကြတာ ရှိတယ်။ ပြီးတော့ အလုပ်ရုံ ဆွေးနွေးပွဲတွေ လုပ်တယ်။ ဒီ စီမံကိန်းကနေ အကောင်းဆုံး ရလာဒ်တခု ပေါ်အောင်လုပ်မယ် ဆိုပြီး ပြင်ပက၊ နိုင်ငံခြားက နားလည်တဲ့ လူတွေ ဖိတ်ခေါ်ပြီး ဆွေးနွေးပွဲတွေ လုပ်ခဲ့တယ်။ အဲဒီအပိုင်းတွေ လုပ်နေပေမယ့် လူကိုယ်တိုင် လာပြီးတော့ တိတိကျကျကြီး အချက်အလက် ကောက်တာတွေ မလုပ်နိုင်ခဲ့ဘူး။ ဒီကို လာတာ အခုမှ စတယ်လို့ ပြောလို့ရမှာပေါ့။
မေး။ ။ အခု ဘယ်လိုပုံစံမျိုးနဲ့ စစ်တမ်းကောက်တာတွေကို လုပ်သွားမှာလဲ။
ဖြေ။ ။ ပထမဆုံး ရဲဘော်တွေကို ကိုယ်စားပြုတဲ့ သူတွေကို ကျနော်တို့ အစည်းအဝေး ပြန်ခေါ်တယ်။ ကိုယ်စားပြုနိုင်တဲ့ ရဲဘော်တွေ ပေါ့။ ဒါကတော့ သူတို့ဘာသာ သူတို့ ရွေးကြပါတယ်။ ကော်မရှင် ဘက်က ကျနော် အပါအ၀င် တာဝန်ရှိတဲ့ သူတွေ နဲ့ တွေ့ကြတယ်။ တွေ့ပြီးတော့ အချိန်ဇယားတွေ ဆွဲကြတယ်။ နောက်ပြီးတော့ တခြား ဘယ်နယ်တွေမှာ ရှိနေတယ်၊ တချို့က မန္တလေးမှာ၊ တချို့က ရန်ကုန်၊ တချို့က ကရင်ပြည်နယ်၊ မွန်ပြည်နယ်မှာ.. အဲဒါ တွေကို သူတို့နဲ့ ဆွေးနွေးပြီး အချိန်တွေ သတ်မှတ်ကြ တယ်။ ကော်မရှင်နဲ့ ပတ်သက်ပြီး မရှင်းတာလေးတွေ ပြန်မေးကြတယ်။ ကော်မရှင်က ဘာလုပ်မှာလဲ၊ ဘယ်လောက်ထိ ဆက်သွားမှာလဲ၊ ကော်မရှင်ရဲ့ ရလာဒ်က ဘာ ဖြစ်လာနိုင်မလဲ ပေါ့။ အဲဒီလို မျှော်လင့်ချက် မတူတာတွေ ပြန်ညှိကြတယ်။
ပွင့်ပွင့်လင်းလင်း ဆွေးနွေးကြတာ ကြေကြေလည်လည် ဖြစ်ပါတယ်။ သူတို့ဘက်က လည်း လုပ်ပေး နိုင်တာကို တင်ပြ တယ်။ အခုအဆင့် ကတော့ အလုပ် လုပ်တဲ့အဆင့်ကို ရောက်သွားပြီ ပေါ့နော်။ နေ့တိုင်း ရဲဘော်ဟောင်းတွေနဲ့ သွားတွေ့ တယ်၊ အင်တာဗျူးတယ်၊ အချက်အလက် စုတယ်။ သူတို့ အဆင်ပြေတဲ့ နေရာကို သွားပြီး တစ်ယောက်ချင်းကို တွေ့တယ်။ သူတို့နဲ့ သဘောတူထားတဲ့ ကတိတခု ရှိတယ်။ ရဲဘော် တယောက်ချင်းစီက သူတို့ အင်တာဗျူး မလုပ်ချင်ဘူး ဆိုရင် သူတို့ကို အင်တာဗျူး မလုပ်ဘူး။
မေး။ ။ နယ်တွေမှာ ရှိနေတဲ့ သူတွေကိုလည်း အိမ်တိုင်ယာရောက် သွားတွေ့ပြီး အချက်အလက် စုဆောင်းသွားဖို့ လည်း ရှိတယ် လို့ ဆိုလိုတာလား။
ဖြေ။ ။ ဟုတ်တယ်။ နောက်တခုက မိသားစုတွေ ကို လိုက်ပြီး တောင်းပန်စာ ပို့မယ် ဆိုတာ ရှိတယ်။ ပြီးခဲ့တဲ့ ဖေဖော်ဝါရီ ၁၂ တုန်းက မန္တလေးမှာ အထိမ်းအမှတ် နှစ်ပတ်လည်ပွဲ လုပ်တယ်လေ။ ၁၅ ယောက် တပြိုင်တည်း သတ်ခံရတဲ့ နေ့လေ။ အဲဒီ တနေ့တည်းမှာ အသတ်ခံခဲ့ ရတဲ့ ဥက္ကဋ္ဌ ဟောင်း ကိုထွန်းအောင်ကျော် အပါအ၀င် အဲဒီ ၁၅ ယောက်ရဲ့ မိသားစုတွေ ကို တောင်းပန်စာ ပို့ခဲ့တယ်။ အခုကတော့ လူကိုယ်တိုင် ရောက်နေတဲ့ အချိန်ဆိုတော့ တောင်းပန်စာတွေ လိုက်ပို့သွားဖို့ စီစဉ်ထားတာရှိတယ်။ အဲဒါ ကလည်း ဒီမှာ ရှိနေတဲ့ ရဲဘော်တွေနဲ့ တိုင်ပင်ပြီး လုပ်သွား မယ်။
မေး။ ။ အဲဒီတုန်းက အသတ်ခံရတဲ့ မိဘတွေထဲက တချို့က အမှု ဖွင့်တာတွေ ရှိတယ်လေ။ အဲဒါနဲ့ ပတ်သက်ပြီးတော့ ရော ဘယ်လို မှတ်ချက်ပေးချင် တာမျိုး ရှိပါသလဲ။
ဖြေ။ ။ ပထမ တမှုကတော့ ပိတ်သွားပြီလို့ မီဒီယာတွေမှာ ဖတ်ရတယ်။ ဒုတိယတမှုကတော့ ကျနော်တို့ ဒီရောက်မှ သတင်းစာတွေမှာ တွေ့ရတယ်။ ဒါက ကျူးလွန်ခံခဲ့ ရသူတွေရဲ့ အခွင့်အရေး ဖြစ်တယ်။ တရားစွဲဆိုခွင့် ဆိုတာ လူတိုင်းမှာ ရှိတယ် လေ။ တဦးချင်း စွဲတဲ့အပေါ်မှာ ကျနော်တို့ကတော့ ဘာမှ မပြောလိုဘူး။ ဒါက ခံခဲ့ရသူတွေရဲ့အခွင့်အရေး ဖြစ်တယ်။ သူတို့ မိသားစုတွေရဲ့ အခွင့်အရေး ဖြစ်ပါတယ်။ ကာယကံရှင်တွေက လက်ရှိ ဥပဒေအရ လုပ်ပိုင် ခွင့်ရှိတာကို လုပ်တာပါ။
မေး။ ။ စစ်တမ်းတွေ ကောက်ဖို့ အတွက် ကာယကံရှင် ရဲဘော်တွေနဲ့ တွေ့နေပြီလို့ ပြောတယ်။ မိသားစုဝင် တွေနဲ့ တွေ့ရတဲ့ အခြေအနေကရော ဘယ်လိုရှိ နေပြီလဲ ပြောပြပေးပါဦး။
ဖြေ။ ။ မိသားစုတွေနဲ့ တွေ့ဖို့ ကတော့ သဘောတူ ထားတာ ရှိတယ်။ ဒါပေမယ့် ဘယ်နေ့မှာ ဘယ်သူ့ကို သွားတွေ့မယ် ဆိုတာတော့ ကျနော်တို့ တိတိကျ ကျပြောလို့ မရသေးဘူး။ ဘယ်သူက ဘယ်မှာ ရှိနေမှန်း မသိတဲ့ အတွက် မြောက်ပိုင်း ပြန်ရဲဘော်တွေနဲ့ တိုင်ပင်ပြီး လိုက်စီစဉ်ရမယ်။ ဟိုတနေ့က ဆိုရင် နန်းအောင်ထွေးကြည်ရဲ့ အမေနဲ့ သွားတွေ့ ဖြစ်တယ်။ သူလည်း သူသိတာတွေ ရှင်းပြတယ်။
မေး။ ။ အစ်ကိုတို့ သွားပြီး အင်တာဗျူးရတဲ့ အကြောင်းတွေက လွန်ခဲ့တဲ့ နှစ်ပေါင်းများစွာ ကတည်းက ကိစ္စတွေ ဖြစ်တော့ ဒါတွေကို မိသားစုဝင်တွေက ပြန်ပြီး ပြောပြချင်ကြ သလား။ ဒါမှမဟုတ် ဒါတွေကို ပြန်မပြောပြ ချင်တော့ဘူး ဆိုတာမျိုး တုံ့ပြန်တာမျိုး ရှိသလား။
ဖြေ။ ။ တွေ့ခဲ့တဲ့ တော်တော် များများကတော့ ဒီကိစ္စကို ပြန်ပြောချင် ကြတယ်။ ဒီကိစ္စကြီးက သူတို့မှာလည်း စိတ်ပိုင်း ဆိုင်ရာ ထိခိုက်မှုတွေ အများကြီးရှိ ခဲ့တယ်လေ။ ဒါကြီးကို ထပ်ခါ တလဲလဲ ပြောပြောနေ ရတဲ့ အတွက် အရမ်း ထိခိုက်တယ်။ သူတို့ မျက်နှာတွေ၊ မျက်လုံးတွေကို ကြည့်ရင် ဒါက သိသာတယ် လေ။ ဒါကို သူတို့ ကိုယ်တိုင်လည်း ဖွင့်ပြောတယ်။ ပုံစံမျိုးစုံနဲ့ ဟိုလူက မေးလိုက်၊ ဒီလူက မေးလိုက်နဲ့ ဒါကို ထပ်ခါထပ်ခါ ပြန်ပြန် ပြောပြနေရတယ် ပေါ့။ အနာဟောင်းကို ပြန်ဆွနေသလို ဒါကို ပြော ပြောနေရ တော့ သူတို့မှာ စိတ်ခံစားမှုတွေ ရှိတာပေါ့။ ထုတ်မပြောလည်း ကျနော်တို့ နားလည်တယ် လေ။ တဖက်ကလည်း ကျနော်တို့ ပြန်ရှင်းပြ တယ်။ ဒီ ကော်မရှင်ရဲ့ ရည်မှန်းချက်နဲ့ တခြား ဟာတွေနဲ့တော့ တူချင်မှ တူမယ်။
ကျနော်တို့ မေးတဲ့အခါမှာ မေးခွန်းကို အပိုင်း ၄ ပိုင်းခွဲပြီး မေးတယ်။ ပထမ အချက် ကတော့ တဦးချင်းရဲ့ နောက်ခံ သမိုင်းကြောင်း။ ၈၈ ကို ဘယ်လို ဖြတ်သန်းခဲ့ သလဲ။ ကျောင်းသားဘ၀နဲ့ ဖြတ်သန်းခဲ့ သလား..စသဖြင့် ပေါ့။ ABSDF ထဲကို ဘယ်လိုမျိုး ရောက်ခဲ့တယ်။ ဒုတိယ အချက်ကတော့ ABSDF မြောက်ပိုင်းရဲ့ သမိုင်းကြောင်းကို မေးတယ်။ သူတို့ သိသလောက် ပေါ့။ တချို့ ရဲဘော်တွေကတော့ သိတယ်။ တချို့ ရဲဘော်တွေကတော့ မသိဘူး။ ရှမ်းပြည် မြောက်ပိုင်းက လာတဲ့ ရဲဘော်တွေ ဆိုရင် မသိဘူး။ တောင်ပိုင်းက လာတဲ့ ရဲဘော်တွေ ဆိုရင် မသိဘူး။ တချို့ကတော့ မြောက်ပိုင်းက တိုက်ရိုက် လာတဲ့ လူတွေ ဆိုတော့ သိတယ်။ အဲလိုမျိုးတော့ ကွဲသွားတာ ပေါ့။ ဒီပြဿနာကို ဖော်ပြဖို့ အခါမှာ နောက်ခံ သမိုင်းကြောင်း သိဖို့လိုတဲ့ အတွက် အဲဒါကို မေးတာ။ အဲဒီအချိန်မှာ သူတို့ကို ဘာ့ကြောင့် ဖမ်းတာလဲ၊ သူလျှိုလို့ ဘယ်လို သက်သေ အထောက်အထား တွေနဲ့ စွပ်စွဲခဲ့ တာလဲ၊ ဘယ်လို အထောက်အထားကို အခြေခံပြီး သူတို့ကို ဖမ်းတာလဲ၊ ဘယ်လို အခြေ အနေမျိုးမှာ ဖြောင့်ချက် ပေးခဲ့ရတာလဲ ဆိုတာ တစ်ဦးချင်းစီ ကို အဓိကထား မေးတယ်။ ပြီးတော့ အဲဒီမှာ ရှိခဲ့စဉ်က ကျန်းမာရေး စောင့်ရှောက်ခံခဲ့ရမှု၊ သူတို့ နေရထိုင်ရတဲ့ အခြေအနေ၊ စစ်ကြောရေးမှာ ဘယ်လို မျိုးနည်းလမ်းတွေ လုပ်တယ် ဆိုတာတွေကို မေးတယ်။
တတိယ ပိုင်းကတော့ နောက်ဆက်တွဲ အကျိုးသက်ရောက်မှု ပေါ့။ သူတို့ ရန်ကုန်၊ ဒါမှမဟုတ် မွေးရပ်မြေကို ပြန်ရောက် လာတဲ့အခါ အဲဒီ အကျိုးဆက်ကို ဘယ်လိုမျိုး ခံစားရသလဲ၊ နိုင်ငံရေး မိတ်ဆွေ အသိုင်းအ၀ိုင်းကြားမှာ သူတို့ဟာ ဘေးဖယ် ခံနေရသလား။ အဲဒီ နိုင်ငံရေး အသိုင်းအ၀ိုင်း ကရော သူတို့ကို လိုလိုလားလား လက်ခံကြရဲ့လား။ ဘာကြောင့်လဲဆိုတော့ သူတို့က သူလျှိုလို့ စွပ်စွဲခံ ခဲ့ရသူတွေ ကိုး။ နောက်ပြီးတော့ ကျန်းမာရေး ပေါ့။ စစ်ကြောရေးမှာ ရခဲ့တဲ့ ဒါဏ်ရာတွေကြောင့် ကျန်းမာရေး မှာ ဘယ်လိုမျိုး ထိခိုက်မှု ရှိသလဲ ပေါ့။ မိသားစုတွေထဲမှာ ဘယ်လိုမျိုး သက်ရောက်မှု ရှိသလဲ စသဖြင့် မေးတယ်။
နံပတ် ၄ အချက် ကတော့ အဖွဲ့အစည်းကို ဘယ်လို အကြံပေးချင် သလဲ။ လောလောဆယ်မှာ အဖွဲ့အစည်းက တောင်းပန်ထား တယ်။ အဖြစ်အပျက်များတွင် နစ်နာဆုံးရှုံး အသက်ပေးသွားခဲ့ရသည့် ရဲဘော် များအား၊ သက်ဆိုင်ရာမိသားစုများအား တောင်းပန်ပါသည် ဆိုပြီးတော့ ပြီးခဲ့တဲ့နှစ်၊ စက်တင်ဘာက ကြေငြာချက် ထုတ်ပြန်ခဲ့တာ ရှိတယ်။ လူတစ်ဦးချင်း လိုက်ပြီး တောင်းပန်တာတွေ ရှိတယ်။ အဲဒီ အပေါ် မှာ ကျေနပ်မှု ရှိရဲ့လား၊ အဲဒါအပြင် ဘာ လုပ်ပေးဖို့ လိုသေးလဲ၊ ဘာ လုပ်ပေးသင့်လဲ ဆိုတဲ့ အစီရင်ခံစာ အကြံပေးမှု အပိုင်းအတွက် ကျနော်တို့ မေးတယ်။ အစီရင် ခံစာမှာ အဲဒီအပိုင်းတွေအလိုက်ဖော်ပြ မှာပါ။
မေး။ ။ အခု လောလောဆယ်မှာ မိသားစု ဘယ်နှစ်စုလောက် တွေ့ပြီးသွားပြီလဲ။
ဖြေ။ ။ မိသားစု မတွေ့ရသေး ဘူး။ မိသားစု ဆိုလို့ မနန်းအောင်ထွေးကြည်ရဲ့ အမေကိုပဲ တွေ့ရသေးတယ်။ တချို့က တွေ့ဖို့ လုပ်ပေမယ့် မအားတာ၊ တချို့က ခရီးသွားဖို့ ပြင်ထားပြီး သား ဖြစ်နေ တယ်။ တွေ့တာကတော့ လိုက်တွေ့မယ်။ အဓိကကတော့ ကျဆုံးသွားတဲ့ ရဲဘော်တွေရဲ့ မိသားစုတွေကို လိုက်တွေ့မယ်။ လောလောဆယ် ကာယကံမြောက် ခံစားရတဲ့ ရဲဘော်တွေကို လိုက်တွေ့တာ ၆ ယောက်လောက် ရှိသွားပြီ။ ကျနော်တို့ လုပ်ငန်းက တကယ်စတာက မေ၊ ၂၄ မှာ စတာ။ ပထမပိုင်းက အစိုးရနဲ့ စကားပြောတဲ့ အပိုင်းကို လုပ်တာမှာ ကျနော်တို့လည်း ပါတာကိုး။ ၂၄ နောက်ပိုင်း ကနေ ဒီနေ့ အထိ ၃ ရက် လောက် အတွင်းမှာ ၆ ယောက်လောက် ပြီးသွားပြီ။ အချိန်က တရားဝင် ခွင့်ပြုထားတာ ၃ ပတ်ပဲ ရတယ်။ အဲဒီ ၃ ပတ် အတွင်းမှာ ကျနော်တို့ ရသလောက်လုပ် သွားမယ်။
မေး။ ။ အဲဒီ ၃ ပတ် အတွင်းမှာ နယ်တွေလည်း ဆင်းရဦး မယ်ဆိုတော့ အချိန်က လုံလောက်ပါ့မလား။ အားလုံးကို ရောက်အောင် သွားရောက် နိုင်ပါ့မလား။
ဖြေ။ ။ ရန်ကုန်ပြီးရင် တော့ ဇွန်လထဲမှာ မန္တလေး သွားမယ်။ မန္တလေးမှာ ၁ ပတ်လောက်တော့ ကြာမယ် ထင်တယ်။ ပြီးရင်တော့ ကျိုက်ထိုဘက်ကို သွားရမှာ ရှိသေးတယ်။ ၃ ပတ်အတွင်းမှာ ရသလောက်တော့ သွားရမှာ ပေါ့။
မေး။ ။ အချက်အလက် စုဆောင်းတဲ့ နေရာမှာ မိသားစုဝင်တွေရဲ့ ပူးပေါင်း ပါဝင်မှုက အခရာကျတယ် လို့ အစ်ကိုတို့ ပြောထားတာ ရှိတယ်။ ဒီတော့ အခု အလုပ်စတဲ့ အချိန်မှာ သူတို့ရဲ့ ပူးပေါင်း ပါဝင်မှုက ဘယ်လို ရှိပါသလဲ။ လက်ရှိ လုပ်နေတဲ့ အခြေအနေအရ ဘယ်လောက်ထိ ပါဝင်လာနိုင်မယ် လို့ရော မျှော်လင့်ထားလဲ။
ဖြေ။ ။ ပထမဆုံး တွေ့ဖူးတဲ့ တယောက်ကိုပဲ ပြောရမယ်။ အခုက အကုန်လုံးကို လိုက် မတွေ့ရသေးဘူး ဆိုတော့ ချက်ချင်းကြီး တော့ မပြောနိုင် သေးဘူး။ လက်ရှိမှာတော့ ရဲဘော်တွေ ကိုယ်စား လာတွေ့တဲ့ လူတွေကတော့ တော်တော်လေး အားကြိုးမာန်တက် ရှိတယ်။ အမေ ဆိုရင်တော့ မငယ် (မနန်းအောင်ထွေးကြည်)ရဲ့ အမေ တယောက်ပဲ တွေ့ရသေးတယ်။ သူ ပြောတာကို နားထောင်ရတော့ စိတ်လည်း မကောင်းဘူး။ သူတွေ့တာတွေ အကုန်ပြောပြတယ်။
မေး။ ။ ဆိုတော့ စောစောက ပြောခဲ့တယ်။ ကျနော်တို့ တောင်းပန်ထားတယ်၊ ဒါနဲ့မှ မရသေးဘူး ဆိုရင် ဘာတွေ ထပ်လုပ်ပေး စေချင်သလဲ လို့လည်း မေးမြန်း ထားတာတွေ ရှိတယ်ဆိုတော့..၊ အစ်ကိုတို့ ဘက်က ဘယ်လောက်အထိ လုပ်ပေးဖို့ ရည်ရွယ်ထားလဲ။ ကြိုတင် စဉ်းစားထားတာ ရှိလဲ။
ဖြေ။ ။ ဗဟို ကော်မတီမှာ ဆွေးနွေးခဲ့တာ ရှိတယ်။ အစီရင်ခံစာက ထွက်မယ့် ရလာဒ်နဲ့ ဘယ်လို အကြံပြုချက်တွေ လာမလဲ ဆိုတာကို သူတို့ စောင့်နေကြတယ်။ အဲဒီ အကြံပြုချက်တွေ အပေါ် မူတည်ပြီး ဗဟိုက နည်းလမ်းတွေ ဆက်ဆောင်ရွက် သွားပါလိမ့်မယ်။ အဲဒါကျတော့ ကော်မရှင်နဲ့ မဆိုင်တော့ဘူး။ အဖွဲ့အစည်းနဲ့ ဆိုင်သွားပြီ။
မေး။ ။ အခု ပြည်တွင်းထဲမှာ စစ်တမ်းတွေ ကောက်ဖို့ အတွက် လာတဲ့အခါမှာ အစ်ကိုတို့ အဖွဲ့အနေနဲ့ လူဦးရေ ဘယ်လောက် သုံးပြီး လာသလဲ။ အဲဒီ လူတွေ ကိုယ်တိုင်ရော သူတို့သိထားတဲ့ အချက်အလက်တွေ၊ လိုအပ်တဲ့ အထောက်အထား တွေကို ထုတ်ပြပြီးပြီလား။
ဖြေ။ ။ လာခွင့်ရတာ ၄ ယောက်ပဲ ရှိတယ်။ လောလောဆယ်တော့ ၄ ယောက်ပါပဲ။ ဒီ ၄ ယောက်နဲ့ပဲ လုပ်နေပါတယ်။ အခုလို အချက်အလက် စုဆောင်းတဲ့ အချိန်မှာတော့ လူ ၄ ယောက်အား နဲ့ လောက်သေး တယ်။ ဒါပေမယ့် အစီရင်ခံစာ ရေးတဲ့ အပိုင်းမှာတော့ အခြား အပြင်က တတ်ကျွမ်း နားလည်တဲ့ ပညာရှင်တွေနဲ့ အများကြီး လုပ်ရဦးမယ်။ ရနိုင် သလောက်တော့ အချက်အလက်တွေ စုတယ်၊ သူတို့တွေ မီဒီယာတွေမှာ ဖြေခဲ့ဖူးတာတွေ ရှိတယ်၊ သူတို့ကိုယ်တိုင် ထုတ်ပြောတဲ့ အင်တာဗျူးတွေ၊ ဓာတ်ပုံတွေ၊ ဗီဒီယိုဖိုင်တွေကိုတော့ ကျနော်တို့ စုထားတယ်။ ဒါပေမယ့် များများစားစား တော့ မရှိဘူး။ ပွင့်ပွင့်လင်းလင်း ပြောရရင် အဲဒါတွေနဲ့ ပတ်သက်ပြီး ကျနော်တို့ အဖွဲ့အစည်းမှာ အဲဒါတွေက မရှိတော့ဘူး။ ကျနော်တို့က တောင်ပိုင်းမှာ ဗဟိုကိုး။ အဲဒါတွေက မြောက်ပိုင်းမှာ ဖြစ်ခဲ့တာ ဆိုတော့ တောင်းပိုင်း ဗဟိုမှာ အဲဒါတွေက မရှိဘူး။ အဲဒီတုန်းက ဒီဟာနဲ့ ပတ်သက်တဲ့ အခွေတွေကို ဗီဒီယို ရိုက်ကြတယ် ပြောတယ်။ တချို့စခန်းတွေက မမြင်ဖူးဘူး။ တချို့ စခန်းတွေတော့ တွေ့ဖူးတယ်။ ဒီဘက်မှာ အဲဒီ အချက်အလက်တွေက အများကြီး မရှိဘူး။ ဒီကိုလာတော့ သူတို့မှာ တဦးချင်း စုထားတာလေးတွေ ရှိတယ်။ အဲဒါတွေကို အခြေခံပြီး ပြန်လိုက် တောင်းနေရတယ်။
ဒါပေမယ့် ဟော်လန်မှာတော့ ABSDF နဲ့ ပတ်သက်ပြီး အဖွဲ့အစည်းက လုပ်ထားတဲ့ မော်ကွန်းတိုက် ရှိတယ်။ လိုအပ်ရင် အဲဒါတွေ သွားတောင်းပြီး ကြည့်ဖို့ အစီအစဉ် ရှိတယ်။ လိုအပ်မယ် ထင်တာတွေ၊ အထောက်အကူ ဖြစ်မယ် ထင်တာတွေ ကို ယူကြည့်ဖို့ ပေါ့။ အဲဒီအတွက် အဖွဲ့အစည်းကိုလည်း အစ်ကိုတို့ခွင့် တောင်းထားတယ်။
မေး။ ။ ABSDF က ကျုးလွန်ခဲ့တဲ့ အမှုကို ABSDF က ပြန်ပြီး ကော်မရှင်ဖွဲ့ စုံစမ်းတာက တရားမျှတမှု ရှိမယ် ထင်လား။ ဒီဟာကို တရားမျှတမှု ရှိပါတယ်လို့ ဘယ်လို သက်သေပြ မလဲ။
ဖြေ။ ။ အဲဒါက အကြီးမားဆုံး စိန်ခေါ်ချက်ပဲ။ ကျူးလွန် ခံခဲ့ရတယ် ဆိုတဲ့ ရဲဘော်တွေ ကြားမှာရော၊ ပြင်ပကနေ စောင့်ကြည့်တဲ့ လူတွေ ကြားထဲမှာရော ဒါက ကျနော်တို့ အပေါ်မှာ လုံးဝ မယုံတဲ့ အပိုင်းပေါ့။ ဒီလို ထင်တာလည်း သူတို့ ဘက်က တရား ပါတယ်။ သူတို့နဲ့ တေ့တေ့ ဆိုင်ဆိုင် စကားပြောကြည့်တော့ အဲဒီ အချက်ကို သူတို့လည်း ပြောတယ်။ ဘယ်လောက်ထိလဲ ဆိုရင် ဒါက လူတစု အတွက် အကာ ကွယ် ပေးဖို့ လုပ်တာလား ဆိုတဲ့ အထိတောင် ပြောခံရတယ်။ ကျနော်တို့ အလုပ်ကို သူတို့ကို သေချာ ရှင်းပြတယ်။ အခု အခြေအနေ အထိမှာတော့ ကျနော်တို့ ထိတွေ့ခဲ့တဲ့ လူ တော်တော် များများ က အဲဒီကိစ္စကို ကြေလည်တယ်။ သူတို့နဲ့ အစည်းအဝေး ၂ ကြိမ်လုပ်ပြီး သွားပြီ။ ကျနော့် စိတ်ထဲမှာ တော့ ဒါကို သူတို့ ကြေလည်တယ် လို့ ထင်တယ်။ သူတို့က ထုတ်ပြော တာတွေလည်း ရှိတယ်။ ဒီ ကော်မရှင်ကို သူတို့ ယုံကြည်ပါတယ် ဆိုပြီး တော့ပါ။ ကျနော်ကတော့ အစီရင်ခံစာကို စောင့်ကြည့် သင့်တယ်လို့ ထင်ပါတယ်။ အစီရင်ခံစာကို စောင့်ကြည့်ပါ။ အစီရင်ခံစာမှာ ဖော်ပြမယ့် အချက်အလက်တွေကို စောင့်ကြည့် သင့်တယ်။ အဲဒီ အချက်အလက် တွေကို ကြည့်ခြင်း အားဖြင့် ဒီ ကော်မရှင်ဟာ ဘက်လိုက်မှု ရှိ/မရှိ ၊ တကယ်တန်း ချထားတဲ့ ရည်မှန်းချက်ကို သွား/မသွားဆိုတာ အဲဒီကျရင် အဖြေပေါ်မှာပါ။ သံသယတွေ ကတော့ရှိမှာပဲ။ ဒါကလည်း တရားပါတယ်။
မေး။ ။ ဒါဆို အဲဒီ စိန်ခေါ်မှုကို ကြားထဲက အဆုံးအဖြတ် လုပ်ပေးနိုင်မယ့် ဘယ်လို လူမျိုးတွေကို အကူညီ တောင်းသွား မလဲ။ ဥပမာ – နိုင်ငံတကာက အရေးအခင်းကာလ ပဋိပက္ခကို ကြုံခဲ့ဖူးတဲ့ ပညာရှင်တွေလိုမျိုး ဖြစ်ဖြစ်ပေါ့။
ဖြေ။ ။ လောလောဆယ်တော့ တတိယလူကို မထားဘဲ၊ တိုက်ရိုက် လုပ်သွားဖို့ပဲ ရှိတယ်။ ကျနော်တို့ အပေါ်မှာ မယုံကြည်ဘူး ဆိုရင် တိုက်ရိုက် မေးဖို့၊ တိုက်ရိုက်ပြောဖို့ လမ်းဖွင့်ထားတယ်။ ဘာလို့လဲ ဆိုတော့ ဒီကိစ္စက ကာယကံရှင်နဲ့ တိုက်ရိုက် ပြောတာက ပိုပြီး ထိရောက်တယ် လို့ ကျနော်တို့ ထင်လို့လေ။ ပြည်တွင်းမှာ အခြေစိုက်တဲ့ ကြားနေ သြဇာရှိသူ တွေ နဲ့ တဆင့် လုပ်ဖို့ စဉ်းစားခဲ့ဖူးတယ်။ ဒါပေမယ့် အဲဒါကျတော့ ကျနော်တို့က အပြင်မှာ၊ သူတို့ကအထဲမှာ ဆိုတော့ ကြားခံနဲ့ လုပ်မယ် ဆိုရင် စကားတွေက ဘာသာပြန်မှု တွေလွဲသွားနိုင် တယ်။ ဒါကြောင့် တိုက်ရိုက်ပဲ ဆက်သွယ်တယ်။
မေး။ ။ အခု ကိုယ်တိုင် ကြုံရတဲ့ ရဲဘော်တချို့နဲ့ မိသားစုဝင် တယောက်ကို အင်တာဗျူး လုပ်ပြီးပြီ ဆိုတော့ သူတို့ဆီက ရထားတဲ့ အချက်အလက်တွေက အမှန်တရားနဲ့ တရားမျှတမှု အတွက် ဘယ်လောက်များ အထောက်အကူ ပြုနိုင်တာတွေ ပါလဲ။
ဖြေ။ ။ အထောက်အကူ ဖြစ်ပါတယ်။ ကျနော်တို့ မေးချင်တဲ့ အပိုင်း ၄ ပိုင်းကို သေသေချာချာ သူတို့ကို မေးတယ်။ ပြောတာတွေ တော်တော်များများက တူတာတွေ တွေ့ရတယ်။ ကာလတခုကို အတူတူ ဖြတ်သန်းခဲ့ရတော့ သူတို့ ပြောတာတွေ တော်တော်များများ တူကြတယ်။ ဥပမာ- စစ်ကြောရေး ပုံစံတို့၊ ဘယ်လိုမျိုး ထွက်ဆိုရတယ် ဆိုတာတွေ၊ ဖြောင့်ချက် ပေးရတဲ့ ပုံစံပေါ့။ နောက်ပြီး စစ်ကြောရေး နည်းလမ်းတွေ ပေါ့။ အဲဒါတွေ တော်တော်များများ တူကြတယ်။ နောက်ပြီး ဘယ်သူက စစ်တယ် ဆိုတာ မျိုးတွေ တူကြတယ်။ ဒါတွေက လူမှုကွန်ယက် မီဒီယာတွေမှာလည်း သူတို့ ပြောခဲ့ကြ တာတွေပဲ။ ဒါပေမယ့် အခုကတော့ တရားဝင် လာပြီး အတိအကျ လာယူတဲ့ သဘောပေါ့။ အခြေခံတွေ က သိထားပြီး သားပဲ။ ဒါပေမယ့် အခုဟာက အသေးစိတ်နဲ့ ပိုပြီး တရားဝင် ဖြစ်အောင်ပေါ့။
မေး။ ။ အပြောင်းအလဲတွေ နောက်ပိုင်းမှာ မြန်မာပြည်တွင်းထဲ ကို ပြန်ဝင်လာတဲ့ ABSDF ရဲဘော်တွေနဲ့ ပြန် မ၀င်လာသေးဘဲ အပြင်မှာ ရှိနေသေးတဲ့ ရဲဘော်တွေရဲ့ ဒီအဖွဲ့ လုပ်ကိုင်မှုတွေကို ပူးပေါင်း ပါဝင်တဲ့ အနေအထားကရော ဘယ်လိုရှိ သလဲ။ ပူးပေါင်းချင် စိတ်ပေါ့။
ဖြေ။ ။ ဒီတနှစ်တာ ကာလထဲမှာ လုပ်ခဲ့တာတွေမှာ အဲဒါတွေလည်း ပါတယ်။ လုပ်ငန်းစဉ်၊ ရည်ရွယ်ချက်၊ ဦးတည်ချက်၊ ဘာတွေ လုပ်မယ် ဆိုတာတွေ…၊ ရေးပြီးတော့ ဒါနဲ့ ပတ်သက်တဲ့ လူတွေအားလုံးကို လက်လှမ်းမီ သလောက် အီးမေးလ် တွေ ပို့တယ်။ သူတို့ရဲ့ သဘောထားတွေကို မေးတယ်။ အီးမေးလ် ပို့တဲ့ သူတိုင်းကတော့ ပူးပေါင်းဆောင်းရွက်မှု ပေးမယ်လို့ ပြောတယ်။ သူတို့ ပါဝင်ခဲ့တဲ့ အခန်းကဏ္ဍနဲ့ ပတ်သက်ပြီးတော့ လာမေးပါ၊ သူတို့ ပြောပါ့မယ်လို့ ကျနော် တို့ကို အီးမေးလ်ထဲမှာ တရားဝင် ပြန်ထားတာ ရှိတယ်။ မြန်မာပြည်ထဲမှာ ၃ ပတ်ခရီးစဉ် ပြီးရင် ကျနော်တို့ နယ်စပ်ကို ပြန်မယ်။ ပြင်ပမှာ ရှိတဲ့လူတွေကို ထပ်ပြီးတော့မေးမယ်။
မေး။ ။ ဒီစစ်တမ်းကို ကာလ ဘယ်လောက်အကြာမှာ ထုတ်ပြန်နိုင်မယ် လို့ မှန်းထားလဲ။
ဖြေ။ ။ အမြန်ဆုံး ထွက်ဖို့တော့ မှန်းထားတယ်။ လူ ၁၀၀ လောက်ရှိတာ မှာ ၃၅ ယောက်က ဆုံးတယ်။ ၁၅ ယောက်က ဖေဖော်ဝါရီမှာ အသတ်ခံ ခဲ့ရတယ်။ ကျန်တဲ့ ၂၀ က စစ်ကြောရေး ကာလမှာ ပုံစံမျိုးစုံနဲ့ ဆုံးသွားခဲ့ ကြတယ်။ အဲဒီ ၃၅ ယောက် ရဲ့ မိသားစုတွေနဲ့ လိုက်ပြီး တွေ့နိုင်သလောက် တွေ့မယ်။ ကျန်တဲ့ ၅၅ ယောက် အုပ်စုတို့၊ ၅၅ ယောက် အပြင်က အုပ်စုတွေ ရှိကြတယ်။ တတ်နိုင်သလောက်၊ ရသလောက်တော့ ဆုံနိုင်သလောက်ကို အင်တာဗျူး လုပ်သွား မယ်။ ဒီ ၃ ပတ်အတွင်း မှာ တော့ အားလုံးတော့ မစုံနိုင်ဘူး။ အများဆုံး ရရင် လူ ၃၀ ပေါ့။ ပြီးတော့ အပြင်မှာလည်း သက်ဆိုင်သူတွေ ကို အင်တာဗျူး လုပ်ဦးမယ်။ အဲဒီ ဟာတွေ လုပ်ပြီး သွားရင် အစီရင်ခံစာ ရေးဖို့အတွက် အချိန်ပြန်ယူ ရဦးမယ်။ ဒီ သတင်း အချက်အလက်တွေကို ပြန်သုံးသပ်တဲ့ အပိုင်းတွေလုပ်ရ ဦးမယ်။ ဒါက အချိန်တော့ နည်းနည်းလို တယ်။ တိတိကျကျကြီးတော့ ပြောလို့ မရဘူး။ အမြန်ဆုံးတော့ လုပ်ချင်တယ်။ ပြီးသွားရင်တော့ နောက်တဆင့်ကို ထပ်သွားလို့ ရပြီလို့ ထင်တယ်လေ။
မေး။ ။ ဒါဆို ဒီနှစ်ထဲမှာ ဖြစ်နိုင်မလား။ ဒါမှ မဟုတ် ၂၀၁၄ နှစ်စပိုင်း လောက်မှာ ဖြစ်နိုင်မယ် ထင်လား။
ဖြေ။ ။ အခုက မေ ဆိုတော့၊ ဒီနှစ်ထဲမှာ ဖြစ်နိုင် ပါတယ်။ ဖြစ်အောင် ကြိုးစားရမှာ ပေါ့။ နည်းနည်းလေး ဖြည့်ပြောချင် တာက ဒီ အစီရင်ခံစာက အဆုံး မဟုတ်ဘူး။ ဒီအစီရင်ခံစာ ပြီးသွားတာနဲ့ ဒါကြီးက ပြီးသွားမှာ မဟုတ်သေးဘူး။ ကျနော်တို့ လုပ်ချင်နေတဲ့ အမှန်တရားနဲ့ တရားမျှတမှုတွေရဲ့ အစပဲ။ ဆက်ပြီးတော့ အကြံပြုချက်တွေ ပါမယ်။ အဲဒါတွေကို အကောင် အထည် ဖော်တဲ့ လုပ်ငန်းတွေ ပါမယ်။
မေး။ ။ ဒါတွေကို မေးမြန်းတဲ့ အခါမှာ အဲဒီတုန်းက သက်သေ အထောက်အထားတွေ ရှိတဲ့သူတွေ၊ စာရွက်စာတမ်း၊ ဓာတ်ပုံတွေ လက်ထဲမှာ ရှိတဲ့သူတွေ သက်ရှိ ထင်ရှား ရှိနေဦးမယ် ဆိုတော့၊ အဲဒီလိုလူတွေက ဒါတွေကို ထုတ်ဖော်လိုက် မှာ စိုးလို့ သူတို့ကို အသက်အန္တရာယ်ပေး တာမျိုး၊ နှုတ်ပိတ်တာမျိုး ဖြစ်လာနိုင်မလား။ အဲဒါကို အစ်ကိုတို့က ဘယ်လောက် အထိ ကာကွယ်ပေးနိုင်မလဲ။ ဥပမာ ထောင်ထဲမှာ ရှိနေတဲ့လူမျိုးဆိုရင် သူက အချိန်မရွေး အသက်အန္တရာယ်ရှိ နိုင်တယ် လေ။
ဖြေ။ ။ လောလောဆယ် တွေ့တဲ့ ရဲဘော် တော်တော်များများက သူတို့မှာ ရှိတာတွေကို အကုန် ထုတ်ပေးကြတယ်။ သူတို့မှာ တကိုယ်ရေ သိမ်းထား တာတွေ ရှိတယ်။ ဥပမာ ဗီဒီယိုခွေ ရှိတယ်။ ဓာတ်ပုံ အဟောင်းလေးတွေ ရှိတယ်။ အစီရင် ခံစာကို ထိထိရောက်ရောက် ဖြစ်အောင် အဲဒါတွေကို ထုတ်ပေးဖို့ ရှိကြတယ်။ ပွင့်ပွင့်လင်းလင်း ပြောရရင် အဲဒီ အချက်ကိုတော့ ထည့်ပြီး စဉ်းစားခဲ့တာ မရှိခဲ့သေးဘူး။ ဒါပေမယ့် ဆွေးနွေးထားတာ တချက်ကတော့ ကာယကံရှင်တွေ သဘောတူမှ ဒါကို သုံးစွဲသွားမယ် ဆိုတာ သဘောတူထားတာရှိတယ်။
မေး။ ။ အခု အစ်ကိုတို့က နယ်မှာ ရှိတဲ့လူတွေ၊ ရန်ကုန်မှာ ရှိတဲ့ လူတွေနဲ့ လိုက်တွေ့တာတွေ လုပ်နေတယ် ဆိုတော့၊ အကျဉ်းထောင် ထဲမှာရှိတဲ့ သူတွေနဲ့ရော တွေ့သွားဖို့ အစီအစဉ် ရှိသလား။
ဖြေ။ ။ အဲဒါကတော့ အာဏာပိုင်တွေနဲ့ ဆိုင်သွားပြီ။ သူတို့ ခွင့်ပြုတယ် ဆိုရင်တော့ သွားတွေ့မယ်။ ဘယ်လောက်ထိ တွေ့ခွင့်ရမယ် ဆိုတာ ကျနော်တို့ မသိသေးဘူး။ ကြိုးစားနေပြီ။
မေး။ ။ အခုတွေ့ထားတဲ့ လူတွေဆီကကော အချက်အလက်တွေ စုံစုံလင်လင် ရပြီးပြီလား။ နောက်တကြိမ် ထပ်တွေ့ဖို့ လိုသေးလား။
ဖြေ။ ။ တော်တော်လေး တော့ စုံလင်တယ်။ တချို့က အောက်ခြေ ရဲဘော်တွေ။ သူတို့ကို ဘာဖြစ်လို့ ဖမ်းသွားမှန်း တောင် မသိလိုက်ဘူး။ တချို့ဆို ကင်းစောင့်နေရင်းနဲ့ လာဆိုပြီး သေနပ်နဲ့တေ့ပြီး ဖမ်းသွားတာမျိုး။ ဖမ်းသွားပြီးမှ စစ်ကြောရေးမှာ ၀ုန်းဒိုင်းဝုန်းဒိုင်းထုပြီး ၀န်ခံခိုင်း၊ ပြီးတော့ အချုပ်ထဲချလိုက် တာမျိုး။ မြောက်ပိုင်းရဲ့ဆက်ဆံရေးက အထက်အောက် ဆက်ဆံရေး ပုံစံမျိုးရှိတယ်။ တောင်ပိုင်းနဲ့ နည်းနည်း ကွာတယ်။ သတင်း စီးဆင်းမှုမှာလည်း မသိတာများ တယ်။ အဲဒီတုန်းက ရဲဘော်ရဲ့ အဲဒီတုန်းက ယူခဲ့တဲ့ တာဝန်နဲ့လည်း ဆိုင်တယ်။ သူတို့ တာဝန်ကြီးရင် ကြီးသလို များများ ပြောနိုင်တယ်။ တာဝန်သေးရင် သေးသလို နည်းနည်းပဲ ပြောနိုင်တာ ရှိတယ်။ သူတို့နဲ့ ဆိုင်တာလောက်ပဲ သူတို့ ပြောနိုင်တယ်။ အခု လောလောဆယ် တွေ့နေတဲ့ ရဲဘော်တွေက အောက်ခြေ ရဲဘော်တွေ များတယ်။ သူတို့ ကျတော့ သိပ်အများကြီး မပြောနိုင်ဘူး။ ဒါပေမယ့် တချို့က အဲဒီမှာ ခေါင်းဆောင် အနေနဲ့ ဖြစ်ပြီး၊ အဖမ်းခံပြီးမှ လာခဲ့တဲ့သူတွေ ဆိုရင်တော့ အသေးစိတ် အများကြီး ပြောနိုင်မယ်လို့ ယုံတယ်။
မေး။ ။ မြန်မာ ငြိမ်းချမ်းရေး စင်တာ (Myanmar Pace Centre – MPC) မှာ အစ်ကိုတို့ တွေ့ဆုံပွဲ လုပ်ထားတာလည်း ရှိတော့..၊ အဲဒါကရော ဒီကော်မရှင်နဲ့ ဆက်စပ် သလား၊ ဘယ်လို ရလာဒ်တွေ ရခဲ့လဲ။
ဖြေ။ ။ အဲဒီ ဆွေးနွေးပွဲက ABSDF နဲ့ အစိုးရကြား ငြိ်မ်းချမ်းရေး လုပ်ငန်းစဉ် ကိစ္စကိုပဲ ဆွေးနွေးတာ။ ဒီကိစ္စကို မဆွေးနွေး ဘူး။ ဒါပေမယ့် ဒီကိစ္စ အတွက် သီးသန့် တရားဝင်စာနဲ့ ၃ ပတ်ခွင့်ပြု ခဲ့တယ်။ MPC မှာ လုပ်ခဲ့တဲ့ ၂ရက်မှာ တပ်မတော် ကိုယ်စားလှယ် တွေလည်း ပါတယ်။ MPC ကတာဝန်ရှိသူ တွေလည်း ပါတယ်။ အဲဒီမှာ ဆွေးနွေးတာက ဒါနဲ့ မဆိုင်ပါဘူး။
မေး။ ။ ABSDF က ကျောင်းသားတပ်ဖွဲ့ ဆိုတဲ့ အမည်ကို ပြောင်းဖို့ ရှိသလား။ တချို့က ကထိကတွေ လောက်တောင် ဖြစ်နေပြီ။ ဒါပေမယ့် ကျောင်းသား နာမည်ပဲ ဆက်ယူထားနေဆဲ ဆိုတော့လေ။ ကျောင်းသားဆိုတာကို ဖြုတ်သွားဖို့ရှိလား။ အဖွဲ့နာမည်နဲ့ပတ်သက်ပြီး နည်းနည်း ပြောပြပေးပါဦး။
ဖြေ။ ။ ကျောင်းသားဆိုတာ အဖြူနဲ့ အစိမ်းကျောင်းသား၊ တက္ကသိုလ် ကျောင်းသား ဆိုတာကို ဆိုလိုတာ မဟုတ်ဘူး။ ကျနော်တို့က ကျောင်းသား စိတ်ဓာတ်ကို အရင်းတည် ထားလို့။ မြန်မာ့လွတ်လပ်ရေး သမိုင်းမှာရော၊ ဒီမိုကရေစီ အရေးမှာပါ ထိပ်တန်းက ပါခဲ့တဲ့ ကျောင်းသားတွေရဲ့ စွန့်လွှတ် စွန့်စားမှု၊ ကျောင်းသားတွေရဲ့ စိတ်ဓာတ်ကို သင်္ကေတ အနေနဲ့ ယူပြီးတော့ သုံးတာ။ ကျောင်းသားကြီးတွေ မဟုတ် ဘူး။ ခေတ်အဆက်ဆက် ဖြတ်သန်းလာခဲ့တဲ့ စွန့်လွှတ် အနစ်နာခံခဲ့၊ တိုက်ပွဲဝင်ခဲ့ တာတွေကို ကိုယ်စားပြုတဲ့ အနေနဲ့ ဒီနာမည်ကို သုံးထားတာ ဖြစ်ပါတယ်။
မေး။ ။ ကော်မရှင်က အခုလို အချက်အလက် ကောက်နေတာတွေနဲ့ ပတ်သက်ပြီးတော့ ကာယကံရှင်တွေနဲ့ မိသားစုဝင်တွေကို ဘာများထပ်ပြီး ပြောပြချင် တာရှိဦး မလဲ။
ဖြေ။ ။ ဒီကော်မရှင်ရဲ့ ရည်ရွယ်ချက်ထဲမှာ ပါတယ်။ နံပတ် ၁ အချက်က ဒီဖြစ်စဉ် တခုလုံးနဲ့ ပတ်သက်ပြီး သမိုင်းမှန်ကို ဖော်ထုတ်ချင်တယ်။ နောက်ဆုံး အချက်က တာဝန်ခံမှုနဲ့ တာဝန်ယူမှုကို ဖော်ထုတ် ချင်တယ်။ အဲဒီ ၂ ချက်က အရေးကြီးတယ် လို့ ကျနော် ထင်တယ်။ ဘာတွေ ဘယ်လိုဖြစ် တယ်၊ ဘာ့ကြောင့် ဖြစ်တယ် ဆိုတာတွေကို ဘေးမှာ ပြောနေမယ့် အစား တရားဝင် ပြောခွင့် ရှိလာတယ်လို့ လည်း ထင်တယ်။ အဲဒီအတွက် မိသားစုတွေကို ပါဝင်ပေးဖို့ ဖိတ်ခေါ်ချင် တယ်။ တာဝန်ယူမှု တာဝန်ခံမှု ရှိလာရင်၊ အဖြစ်မှန်ကို သိရင်ဘယ်သူ့မှာ တာဝန်ရှိတယ် ဆိုတာ အလိုလျှောက် ပေါ်လာမယ်။ အဲဒီ အတွက် ကာယကံရှင် မိသားစုတွေ ပါမှ လုပ်လို့ ရတယ်။ အဲ ၂ ချက်ကို အလေးအနက် စဉ်းစားပေး စေချင်တယ် လို့ သက်ဆိုင်ရာ ကာယကံရှင်မိသားစုတွေကို ပြောချင်ပါတယ်။
Ref: ဧရာဝတီ
Read More...
Collapse...
သာလွန်ဇောင်းထက်
May 29, 2013
သမ္မတ ဦးသိန်းစိန်က ကောင်းမွန်သော အုပ်ချုပ်ရေးနှင့် သန့်ရှင်းသော အစိုးရဖြစ်ပေါ်ရေးဟု ဆိုကာ အငြိမ်းစားပေး ဖယ်ရှားလိုက်သော ညွှန်ကြားရေးမှူးချုပ် ၅ ဦးနှင့် ပါမောက္ခချုပ် ၁ ဦး၏ ရာထူးနေရာများတွင် လူသစ်များ အစားထိုးခန့် အပ်လိုက်ကြောင်း သတင်းရရှိသည်။
သမ္မတ ဦးသိန်းစိန်က ညွှန်ကြားရေးမှူးချုပ် ၅ ဦး၊ ပါမောက္ခချုပ် ၁ ဦးတို့ကို မတ်လ ၂၉ ရက်နေ့တွင် မယူမနေရ အငြိမ်းစား ပေးကာ ရာထူးမှ ဖယ်ရှားလိုက်ပြီး ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများ အပါအ၀င် အစိုးရ အရာရှိပေါင်း ၄၀ ကို ရာထူးပြောင်းရွှေ့မှုများ ပြုလုပ်ခဲ့ကြောင်း၊ အငြိမ်းစားပေးခြင်းနှင့် ဌာန ပြောင်းရွှေ့မှုဖြင့် အရေးယူမှုခံရသော အစိုးရ အရာရှိများမှာ လာဘ်ပေး လာဘ်ယူမှုဖြင့် အတိုင်ကြားခံရခြင်း၊ ဌာနဆိုင်ရာ လုပ်ငန်းစဉ်များတွင် ပြုပြင်ပြောင်းလဲရေး မလုပ်လိုဘဲ နောက်ကြောင်း ပြန်ဆွဲသော အလေ့အထများ ရှိနေခြင်းတို့ကြောင့် ဖြစ်သည်ဟု သိရှိရသည်။
အငြိမ်းစားပေး ဖယ်ရှားခံလိုက်ရသော အစိုးရအရာရှိများမှာ ဘဏ္ဍာရေးနှင့် အခွန်ဝန်ကြီး ဌာနမှ မြန်မာ့ စီးပွားရေးဘဏ် ဦးဆောင်ညွှန်ကြားရေးမှူး ဦးစံသောင်း၊ ပြည်တွင်း အခွန်များ ဦးစီးဌာနမှ ညွှန်ကြားရေးမှူးချုပ် ဦးမြတ်မော်၊ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ကုန်သွယ်မှု ညွှန်ကြားမှုဦးစီး ဌာန ညွှန်ကြားရေးမှူးချုပ် ဦးကျော်ထူး၊ ကုန်သွယ်မှု မြှင့်တင်ရေး ဦးစီးဌာန ညွှန်ကြားရေးမှူးချုပ် ဦးအောင်မင်း၊ အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ၀န်ကြီးဌာန စီမံကိန်းစိစစ်ရေးနှင့် တိုးတက်မှု အစီရင်ခံရေးဦးစီးဌာန ညွှန်ကြားရေးမှူးချုပ် ဦးအေးကို၊ သိပ္ပံနှင့်နည်းပညာ ၀န်ကြီးဌာန အဆင့်မြင့် သိပ္ပံဦးစီးဌာန လက်အောက်ရှိ ရန်ကုန် ကွန်ပျူတာ တက္ကသိုလ်မှ ပါမောက္ခချုပ် ဒေါက်တာ နီလာသိန်း တို့ဖြစ်သည်။
ဖယ်ရှားခံ ရာထူးနေရာများတွင် လူသစ်များဖြင့် အစားထိုးခန့်ထားရာ မြန်မာ့စီးပွားရေးဘဏ် ဦးဆောင် ညွှန်ကြားရေးမှူးအဖြစ် မြန်မာနိုင်ငံတော် ဗဟိုဘဏ်မှ ဒုတိယညွှန်ကြားရေးမှူးချုပ် ဒေါ်ယဉ်ယဉ်မြကို လည်းကောင်း၊ ပြည်တွင်း အခွန်များဦးစီးဌာနမှ ညွှန်ကြားရေးမှူးချုပ်အဖြစ် ဘဏ္ဍာရေးနှင့် အခွန်ဝန်ကြီးဌာန ရုံးအဖွဲ့မှူး ဦးမင်းထွဋ်ကိုလည်း ကောင်း၊ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန ကုန်သွယ်မှု ညွှန်ကြားမှုဦးစီးဌာန ညွှန်ကြားရေးမှူးချုပ်အဖြစ် ဦးလှမော်ဦးကိုလည်းကောင်း၊ ကုန်သွယ်မှု မြှင့်တင်ရေး ဦးစီးဌာန ညွှန်ကြားရေးမှူးချုပ် အဖြစ် စီးပွား/ကူးသန်း ၀န်ကြီးဌာန ရုံးအဖွဲ့မှူး ဦးတိုးအောင်မြင့် ကိုလည်းကောင်း၊ ရန်ကုန် ကွန်ပျူတာတက္ကသိုလ် ပါမောက္ခချုပ်အဖြစ် မန္တလေးကွန်ပျူတာ တက္ကသိုလ် ပါမောက္ခချုပ် ဒေါက်တာ မီမီသက်သွင်ကို လည်းကောင်း အသီးသီး အစားထိုး ခန့်အပ်လိုက်ခြင်း ဖြစ်သည်ဟု ၀န်ကြီးဌာနများ ထံမှ သိရှိရသည်။
အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန၊ စီမံကိန်းစိစစ်ရေးနှင့် တိုးတက်မှု အစီရင်ခံရေး ဦးစီးဌာန ညွှန်ကြားရေးမှူး ဦးအေးကို၏ ရာထူးနေရာအတွက်မူ ယခုအချိန်အထိ လူသစ် အစား ထိုးနိုင်ခြင်းမရှိသေးဘဲ ဗဟိုစာရင်း အင်းအဖွဲ့ ညွှန်ကြားရေးမှူးချုပ် ဦးထွန်းထွန်းနိုင်က ယာယီ တာဝန်ယူထားသည်ဟု သိရှိရသည်။
လသာမြို့နယ် ပြည်သူ့လွှတ်တော် ကိုယ်စားလှယ် ဦးကြည်မြင့်က အစိုးရက ကောင်းမွန်သော အုပ်ချုပ်ရေးယန္တရား ဖြစ်ပေါ်စေရေးအတွက် လူဟောင်းများ ထုတ်ပယ်ပြီး လူသစ်များ အစားထိုးခြင်းကို ကြိုဆိုသော်လည်း အစားထိုး ၀င်ရောက်လာသော အစိုးရ၀န်ထမ်းများအနေဖြင့် ပြည်သူလူထု အခြေခံသော ရွေးကောက်ပွဲစနစ်၊ ဒီမိုကရေစီစနစ် အုပ်ချုပ်ရေး ယန္တရား၏ သဘောတရားကို သေချာစွာ နားလည်ရန် လိုအပ်ကြောင်း၊ လူသာပြောင်းပြီး ယခင်ပုံစံ၊ ယခင်မူဝါဒ ဖြင့်သာ ဆက်သွားမည် ဆိုလျှင် ရွေးကောက်ပွဲတွင် ပြည်သူ၏ ဒဏ်ခတ်မှုကို ခံရမည်ဖြစ်ကြောင်း သုံးသပ်ပြောဆိုသည်။
“ညွှန်ချုပ်ဆိုတာ ၀န်ကြီးဌာနမှာ ၀န်ကြီးပြီးရင် အဆင့်အမြင့်ဆုံး အရာရှိတွေပဲ။ သူတို့တွေရဲ့လုပ်ရည်ကိုင်ရည်က အစိုးရ အုပ်ချုပ်ရေး ယန္တရားကောင်း၊ မကောင်း၊ သန့်ရှင်း၊ မသန့်ရှင်း ဆိုတာကို သက်သေပြနိုင်တယ်။ လူသစ်တွေ ၀င်လာပေမယ့် အရင်ပုံစံ၊ သူများကို အပြစ်တင်၊ ကိုယ့်အပြစ်လွတ်အောင် ရှောင်တဲ့ပုံစံမျိုးတွေ၊ ကိုယ့်ဖို့ ကိုယ့်အတွက် ကြည့်တဲ့ ပုံစံမျိုးဆိုရင် လာမယ့် ရွေးကောက်ပွဲတွေမှာ လက်ရှိ အာဏာရပါတီအတွက် ရလဒ်မကောင်းနိုင်ဘူး” ဟု ဦးကြည်မြင့်က ဆိုသည်။
၂၀၁၃ ခုနှစ် ဇန်န၀ါရီ လဆန်းပိုင်းကလည်း ဆက်သွယ်ရေးဝန်ကြီး ဦးသိန်းထွန်းအပါအ၀င် ဆက်သွယ်ရေး အရာရှိတချို့ကို လာဘ်ပေးလာဘ်ယူမှုဖြင့် ရာထူးမှ ဖယ်ရှားခြင်း၊ အရေးယူခြင်းများ လုပ်ဆောင် ခဲ့သည်။
Ref: ဧရာဝတီ
Read More...
Collapse...
ကေဇင်ဦး
မေလ ၂၉ ရက် ၂၀၁၃ ခုနှစ်
စစ်တောင်းမြစ် ကမ်းပါးပြိုကျမှုကြောင့် မွန်ပြည်နယ် ကျိုက်ထိုမြို့နယ်နှင့် သံဖြူဇရပ်မြို့နယ်များမှ အိမ်ရာမဲ့ဖြစ်သူများအတွက် မြေလွတ်မြေရိုင်းများကို ရှင်းလင်းပြီး အိမ်ရာကွက်များ ဖော်ဆောင်ပေးခြင်းကို ဦးဆောင်သူ ၁ဝ ဦးအား ထောင်ဒဏ်ချမှတ်ခဲ့ရာ ယင်းအတွက် အယူခံဝင်မည်ဖြစ်သည်ဟု ၎င်းးတို့၏ မိသားစုဝင်များက ပြောသည်။
ယင်းသို့ အိမ်ရာကွက် ဖော်ထုတ်ပေးခြင်းအတွက် ဦးဆောင်သူ ၁ဝ ဦးကို ထောင်ဒဏ် ခုနစ်နှစ်ကျော် ချမှတ်ခဲ့ရာ အယူခံဝင်သွားမည်ဟု မေလ ၂၆ ရက်က ရန်ကုန်မြို့၊ ရွှေတောင်ဘုန်းကြီးကျောင်းတွင်
ပြုလုပ်သော သတင်းစာရှင်းလင်းပွဲတွင် မိသားစုဝင်များက ပြောကြား လိုက်ခြင်းသည်။
ကျိုက်ထိုမြို့နယ်နှင့် သံဖြူဇရပ် မြို့နယ်များမှ အိမ်ရာမဲ့မိသားစုများအတွက် မြေလွတ်မြေရိုင်းများ ဖော်ဆောင်၍ ကိုယ်ထူကိုယ်ထ ကွက်သစ်တစ်ခုကို ဦးဆောင်ဖော်ထုတ်ရန်အတွက် နိုင်ငံတော် သမ္မတ ရုံး၊ ပြည်ထောင်စုအစိုးရ၊ ပြည်နယ်အစိုးရတို့ထံ ပြီးခဲ့သည့် ၂ဝ၁၂ ခုနှစ် စက်တင်ဘာလက စတင်ကာ စာတင်ခဲ့ပြီး ယခုနှစ် ဇန်နဝါရီလအထိ ငါးကြိမ်တိုင်တိုင် စာတင်ခဲ့သည်ဟုလည်း ၎င်းတို့က ပြောသည်။
ယင်းသို့ စာတင်ခဲ့ပြီး တရားဝင်ခွင့်ပြုမိန့်ကို အစိုးရက ဖေဖော်ဝါရီလ ၁၃ ရက်တွင် ချပေးခဲ့သော်လည်း ၎င်းတို့က ခွင့်ပြုမိန့်မကျမီပင် သိမ်ဇရပ်တိုက်နယ် အတွင်းရှိ ဝါးဒက်ကွင်းကျေးရွာ အရှေ့ဘက်တွင် ဦးဆောင် သူ ၁ဝ ဦးက ဦးစီးကာ အိမ်ခြေ ၃၆၉ လုံး ဆောက်လုပ်ခဲ့ပြီးဖြစ်သည်ဟု မိသားစုဝင်များက ဆိုသည်။ တရားဝင်ချပေးသော နေရာမှာလည်း ၎င်းတို့ ဖော်ထုတ်ထားသော နေရာမဟုတ်သဖြင့် အိမ်ရာဆောက်လုပ်
နေထိုင်သူများမှာ မိမိနေအိမ်များကို ပြန်လည်ဖြိုဖျက်ကာ ပြောင်းရွှေ့ပေးရမည်ဖြစ်သည်ဟု ခေါင်းဆောင် ၁ဝ ဦး၏ မိသားစုဝင် တစ်ဦးဖြစ်သည့် မစန္ဒာကပြောသည်။
ထောင်ကျခံရသူတစ်ဦး၏ မိသားစုဝင် ဦးထွန်းအောင်က ''ကွက်သစ်ဖော်တဲ့နေရာမှာ အစိုးရပိုင် ယူကလစ် စိုက်ခင်းကို ခုတ်တယ်ဆိုပြီး ပြည်သူပိုင်ပစ္စည်း ကာကွယ်စောင့်ရှောက်ရေး ဥပဒေပုဒ်မ ၆/၁၊ နောက်ပြီး ရပ်ကွက်အသစ်ကို နေထိုင်မယ့်သူတွေ ပြောင်းရွှေ့တဲ့အခါ ဘုန်းကြီးပင့်ပြီး ခေါင်းဆောင်တဲ့သူရဲ့နာမည်ကို ရပ်ကွက်နာမည်ပေးတဲ့အတွက် ရပ်ကျေးဥပဒေပုဒ်မ ၂၆ စုစုပေါင်းနှစ်မှုနဲ့ တရားစွဲဆိုပြီး ထောင်ခု နစ်နှစ် နဲ့ ခြောက်လချလိုက်ပါတယ်။ ဒါကို ကျွန်တော်တို့ အယူခံ ဝင်ပြီး လွတ်မြောက်အောင် ဆက်လုပ်သွားမှာပါ'' ဟု မဇ္ဈိမသတင်းစာကို ပြောသည်။
ဦးဆောင်သူ ၁ဝ ဦးအား ယခုနှစ် မတ်လအတွင်းက တရားစွဲဆိုခဲ့ပြီး ကျိုက်ထိုတရားရုံးက သုံးရက်အတွင်း အမိန့်ချခဲ့ခြင်းဖြစ်သည်။ တရားစွဲဆိုရာတွင် ဆိုင်းဘုတ်တင်ပွဲနှင့် သံယာတော်များ ဆွမ်းကပ် အမျှဝေမှုနှင့် ပတ်သက်ပြီး သိမ်ဇရပ်တိုက်နယ် အုပ်ချုပ်ရေးမှူး ဦးခင်ဇော်က ခွင့်ပြုမိန့်မရဘဲ အခမ်းအနားပြုလုပ်သည်ဟူ၍ ပုဒ်မ ၂၆ ဖြင့်လည်းကောင်း၊ ယူကလစ်ပင်များ ခုတ်ယူသည်ဟုဆို ကာ ပြည် သူပိုင်ပစ္စည်း ကာကွယ် စောင့်ရှောက်ရေး ဥပဒေပုဒ်မ ၆/၁ ဖြင့် စစ်တောင်း စက္ကူစက်ရုံမန်နေဂျာမှလည်းကောင်း တရားစွဲဆိုခဲ့သည် ဟု ဦးထွန်းအောင် က ပြောသည်။
Ref: မဇ္ဈိမ
Read More...
Collapse...
သီဟကိုကို
မေလ ၃၀ ရက် ၂၀၁၃ ခုနှစ်
ဟိုတယ်များနှင့် စီးပွားရေးလုပ်ငန်းများကြောင့် အင်းလေးကန်အပေါ် ထိခိုက်မှုများ စောင့်ကြည့်ရန် အင်းလေးကန် စောင့်ကြည့်လေ့လာရေးအဖွဲ့ကို ဖွဲ့စည်းသွားမည်ဖြစ်ကြောင်း အင်းတိုင်းရင်း သား ရေးရာ ဝန်ကြီး ဦးဝင်းမြင့်က မဇ္စျိမကို ပြောကြားသည်။
အဆိုပါအဖွဲ့တွင် အစိုးရအဖွဲ့အစည်းများမှပုဂ္ဂိုလ်များ ပါဝင်မည်မဟုတ်ဘဲ ပညာရှင်များ၊ ဒေသခံတိုင်းရင်းသား များဖြင့်သာ ဖွဲ့စည်းသွားမည် ဖြစ်ကြောင်းလည်း ၎င်းက ရှင်းပြသည်။
''ကန်နားဝန်းကျင်မှာ ဟိုတယ်တွေလာ ဆောက်တာကို ဒေသခံတွေက လုံးဝ သဘောမကျကြဘူး။ အင်းလေးကန်မှာ စီးပွားရေး လာလုပ်ကြပြီး ကန်ထိန်းသိမ်းစောက်ရှောက်ရေးတို့ကို မလုပ်ကြဘူး ဖြစ်နေ တယ်။ ဒီလိုတွေ ဖြစ်လာနေလို့ စောင့်ကြည့်လေ့လာရေးအဖွဲ့ကို ဖွဲ့ဖို့ဆောင်ရွက်နေတယ်'' ဟု သူက မှတ်ချက်ပြုသည်။
လက်ရှိတွင် အင်းလေးကန် ထိန်းသိမ်းစောက်ရှောက်ရေး လုပ်ငန်းစဉ်များကို အစိုးရ အဖွဲ့အစည်းဖြစ်သည့် အင်းလေးကန် ရေရှည်တည်တံ့ ထိန်းသိမ်းရေးအဖွဲ့မှ ဆောင်ရွက်လျက်ရှိသော်လည်း ထိုအဖွဲ့အပြင် ယခုလို စီးပွားရေးလုပ်ငန်းများက အင်းလေးကန်အပေါ် သက်ရောက်မှုကို အကဲဖြတ်ရန် အဖွဲ့အစည်းထပ်မံဖွဲ့လိုက်ခြင်း ဖြစ်သည်။
အစိုးရ၏ အင်းလေးကန် ထိန်းသိမ်းရေးအဖွဲ့သည် ကုလသမဂ္ဂဖွံ့ဖြိုးရေး အစီအစဉ်(UNDP)နှင့် နော်ဝေအစိုးရမှ လှူဒါန်းသည့် အမေရိကန် ဒေါ်လာ နှစ်သန်းကျော်ကို အသုံးပြုကာ အင်းလေးကန် ထိန်းသိမ်းစောက်ရှောက်ရေး လုပ်ငန်းစဉ်များကို လုပ်ဆောင်လျက်ရှိသည်။
အင်းလေးဒေသခံ ဦးစိုင်းဝဏ္ဏက ''အခုဆောက်နေတဲ့ ဟိုတယ်တွေက ကန်နဲ့ အရမ်းထိစပ်နေတယ်။ နောင်ဆိုရင် ဟိုတယ်တွေရဲ့ စွန့်ပစ်စ္စည်းတွေက ကန်ပတ်ဝန်းကျင်ကို ထိခိုက်လာနိုင်တယ်။ စီးပွားရေး တစ်ခုတည်းကြည့်ပြီး ကန်အလှအပကို ထိခိုက်လာမှာကို မလုပ်သင့်ဘူး'' ဟု ပြောသည်။
ဝန်ကြီးဦးဝင်းမြင့်က အင်းလေးကန်စောင့်ကြည့်လေ့လာရေး အဖွဲ့ကို အသင်း၏ လုပ်ငန်းစဉ်များ၊ ဖွဲ့စည်းပုံများ သတ်မှတ်ပြီးလျှင် ပြည်ထဲရေးဝန်ကြီးဌာနသို့ တင်ပြသွား မည်ဖြစ်ပြီး တရားဝင် ဖွဲ့စည်းသွားမည့် လူမှုရေးအဖွဲ့ ဖြစ်ကြောင်း၊ ဟိုတယ်များ စည်းကမ်းမဲ့ ဆောင်ရွက်မှုများကိုတွေ့လျှင် ပြည်ပမှ ပတ်ဝန်းကျင် ထိန်းသိမ်းရေးအဖွဲ့များ ၏ အကူအညီကို ရယူပြီး သက်ဆိုင်ရာ အစိုးရဌာနများသို့ တိုင်ကြားသွား မည်ဖြစ်ကြောင်း ဆိုသည်။
ယခုလက်ရှိ ဆောက်လုပ်နေသည့် ဟိုတယ်များအနက် ဟိုတယ် ၁ဝ လုံးကို ယခင်အစိုးရလက်ထက်တွင် ဆောက်လုပ်ခွင့် ရရှိခဲ့ခြင်းဖြစ်ပြီး အစိုးရသစ်လက်ထက်တွင် ရပ်ဆိုင်းသွားခဲ့ပြီး ခရီးသွားလုပ်ငန်း ကဏ္ဍဖွံဖြိုး တိုးတက်လာသည့်အတွက် သက်ဆိုင်ရာသို့ တင်ပြပြီး ပြန်လည် တည်ဆောက်လာခြင်းကြကြောင်း အင်းလေး ဒေသခံများက ပြောဆိုသည်။
လက်ရှိတွင် အင်းလေးကန်စပ်အနီး ဟိုတယ်များ ဆောက်လုပ်နေခြင်းကြောင့် ဒေသခံများမှ စိုးရိမ်လျက်ရှိပြီး အင်းလေးကန် အရှေ့ဘက် ကန်ပတ်လမ်းတွင် ဟိုတယ် ၁၂ လုံးခန့် ကန်စပ်အနီး ဆောက်လုပ်လျက်ရှိကြောင်း ဒေသခံများက ပြောသည်။
Ref: မဇ္ဈိမ
Read More...
Collapse...
ဇော်ဇော်ထွေး
မေလ ၃၀ ရက် ၂၀၁၃ ခုနှစ်
ဇေကမ္ဘာ အုပ်ချုပ်မှုဒါရိုက်တာ ဒေါက်တာခင်ရွှေကို မြေကွက်လိမ်လည်ရောင်းချသည်ဟု စွပ်စွဲကာ မင်္ဂလာဒုံ မြို့မရဲစခန်းတွင် မေ ၂၈ ရက်က အမှုဖွင့်ထားကြောင်း ရန်ကုန်တိုင်းရဲတပ်ဖွဲ့စခန်း၏ မှုခင်းမှတ်တမ်းတွင် ပါရှိသည်။
မဇ္ဈိမက ရရှိထားသည့် ရဲမှတ်တမ်းမိတ္တူ တွင် ''ဧရိယာ စုစုပေါင်း ၃.၃၇ ဧကရှိ မြေကွက်သုံးကွက်ကို ဒေါက်တာခင်ရွှေ (အသက်၊ စိစစ်ဆဲ) အုပ်ချုပ်မှု ဒါရိုက်တာ (ဇေကမ္ဘာကုမ္ပဏီ)၊ ဘ-စိစစ်ဆဲ'' ဟု ဖော်ပြ ထားသည်ကို တွေ့ရှိရသည်။
လိမ်လည်သည်ဟုစွပ်စွဲကာ အမှုဖွင့်ထားသူမှာ ရန်ကုန်မြို့ ဗိုလ်ချုပ်အောင်ဆန်းလမ်းတွင်နေထိုင်သူ ဦးဝင်းစိန်ဖြစ်သည်ဟု ရဲမှတ်တမ်းတွင်တွေ့ရသည်။ အဆိုပါ စွပ်စွဲမှုနှင့်ပတ်သက်၍ ဇေကမ္ဘာကုမ္ပဏီ အုပ်ချုပ်မှုဒါရိုက်တာ ဦးခင်ရွှေနှင့် ဦးဝင်းစိန်တို့အား အတည်ပြုချက်ရယူနိုင်ရန်နှင့် နှစ်ဖက်အမြင်များကို တင်ပြနိုင်ရန် ဆက်သွယ်မေးမြန်းခဲ့ရာ မရခဲ့ပေ။
မင်္ဂလာဒုံမြို့နယ်ရှိ မင်္ဂလာဒုံဥယျာဉ်မြို့တော်စီမံကိန်းနှင့် ဆက်စပ်လျက်ရှိသော ရန်ကုန်စက်မှုဇုန် စီမံကိန်းမှ စုစုပေါင်းခုနစ် ဧကကျော်ကျယ်ဝန်းသည့် မြေကွက်သုံးကွက်ကို ကျပ်သိန်း ၈၈ဝ ကျော်ဖြင့် ဒေါက် တာ ခင်ရွှေက ၎င်းထံရောင်းချခဲ့ကြောင်း ဦးဝင်းစိန်က ရဲထံထွက်ဆိုထားသည်။ ထိုသို့ရောင်းချပြီးနောက် ၂ဝ၁၂ ခုနှစ် ဇန်နဝါရီ ၁ ရက်တွင် ငွေကျပ်သိန်း ၂ဝဝ ကို စာချုပ်နှင့်တကွ ပေးချေခဲ့သလို ယင်းနှစ် စက်တင်ဘာ ၉ ရက်တွင် ကျန်ရှိသည့်ငွေကို အပြီးသတ်ပေးချေခဲ့သည်ဟု ဦးဝင်းစိန်က ထွက်ဆိုထားကြောင်း ရဲမှတ်တမ်းတွင် ဖြော်ပြထားသည်။
ဝယ်ယူထားသော အဆိုပါမြေကွက်များကို ခြံစည်းရိုးခတ်ခြင်း၊ သံပန်းသံတံခါးဖြင့် ကာရံခြင်းများ လုပ်ဆောင်ထားပြီးဖြစ်သဖြင့် ဒေါက်တာခင်ရွှေ့ထံမှ နှစ် ၆ဝ ဂရန် လွှဲပြောင်းပေးရန် ဦးဝင်းစိန်က တောင်းခံ ရာတွင် ဒေါက်တာခင်ရွှေက အမြန်ဆုံးပေးမည်ဟု ယုံကြည်အောင်ပြောဆိုခဲ့သည်ဟု ကာယကံရှင်၏ ထွက်ဆိုချက်ကို ရဲကမှတ်တမ်းတင်ထားသည်။
သို့သော် မြေကွက်သုံးကွက်အနက် စုစုပေါင်း နှစ်ဧကကျော်ကျယ်သည့် မြေနှစ်ကွက်ကို ရောင်းချခွင့်ရှိကြောင်း ပြောဆိုလျက် ယခုနှစ် ဧပြီ ၈ ရက်နှင့် ဧပြီ ၂၇ ရက်တို့တွင် အရောင်းအဝယ်စာချုပ်များ ချုပ်ဆိုပြီး အခြားသူတစ်ဦးထံမှ ဒေါက်တာခင်ရွှေက စရံငွေများယူထားသည်ဟု ဦးဝင်းစိန်၏ စွပ်စွဲထွက်ဆိုချက်ကို ရဲမှတ်တမ်းတွင် ဖော်ပြထားသည်။
ထို့ပြင် ယင်းမြေကွက်များကို ဝယ်ယူရန် စရံပေးချေထားသူ၏ ရှေ့နေက မြေကွက်များနှင့်ပတ်သက်၍ ကန့်ကွက်နိုင်ကြောင်း ယခုလ ၁၂ ရက်ထုတ် မြန်မာ့အလင်း သတင်းစာမှတစ်ဆင့် ကြေညာခဲ့သည် ဟုလည်း ဦးဝင်းစိန်က ရဲကိုထွက်ဆိုထားသည်။
ယခုကိစ္စနှင့်ပတ်သက်၍ ဒေါက်တာခင်ရွှေကို ယုံကြည်မှုအလွဲသုံးစားလုပ်သည်ဟု ဦးဝင်းစိန်က စွပ်စွဲကာ မင်္ဂလာဒုံ မြို့မရဲစခန်းတွင် တိုင်ကြားထားကာ ရဲစခန်းကလည်း အမှုအမှတ်(ပ)၂၉၈/၁၃ ဖြင့် အမှုလက်ခံ ထားပြီး ပုဒ်မ ၄၂ဝ ဖြင့် တရားစွဲရန် ရဲက ဆက်လက်ဆောင်ရွက်မည်ဟု ရန်ကုန်တိုင်း ရဲတပ်ဖွဲ့၏ ထုတ်ပြန်ချက်တွင်ပါရှိသည်။
Ref: မဇ္ဈိမ
Read More...
Collapse...
ဖနိဒါ၊ မေဦး
မေလ ၃၀ ရက် ၂၀၁၃ ခုနှစ်
မြန်မာအစိုးရ ငြိမ်းချမ်းရေး ကိုယ်စားလှယ်များနှင့် ကချင်လွတ်လပ်ရေးအဖွဲ့ KIO ကိုယ်စားလှယ်များ မေလ ၂၈ ရက် နံနက်က စတင် ငြိမ်းချမ်းရေးလုပ်ငန်းစဉ်များ ဆွေးနွေးလျက်ရှိရာ အောင်မြင်ပါက တိုင်းရင်းသား အားလုံးပါဝင်သည့် ပြည်လုံးကျွတ် ဆွေးနွေးပွဲ ပြုလုပ်မည်ဟု ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်း ကော်မတီ ဒု-ဥက္ကဋ္ဌ ဦးအောင်မင်းက ပြောဆိုလိုက်သည်။
''သမ္မတကြီးက မှာလိုက်တာက ခုဆွေးနွေးပွဲအောင်မြင်ရင် ဇွန်နဲ့ ဇူလိုင်မှာ ပင်လုံစိတ်ဓါတ်ကို အခြေခံပြီး တိုင်းရင်းသား အားလုံးပါဝင်တဲ့ ပြည်လုံးကျွတ်ဆွေးနွေးပွဲကြီး ဆောင်ရွက်ဖို့ အစိုးရအနေနဲ့ တိုင်းရင်းသားတွေ အပေါ် ဘာကန့်သတ်ချက်မှ ထားမှာမဟုတ်ဘူး''ဟု ဦးအောင်မင်းက ပြောဆိုသည်။
ဦးအောင်မင်း၏ ပြောဆိုချက်ကို KIO စစ်ဦးစီးချုပ် ဗိုလ်ချုပ်ဂမ်မော်ကလည်း ကြိုဆိုသည်ဟု သတင်းထောက် များကို ပြောသည်။ ယင်းအပြင် တပ်ပိုင်းဆိုင်ရာ ကိစ္စရပ်များကို ကာကွယ်ရေးဦးစီးချူပ်ကိုယ်စား ဒုတိယ ဗိုလ်ချူပ်ကြီးမြင့်စိုးအား အာဏာကုန်လွှဲအပ်ထားပြီး တပ်ပိုင်းဆိုင်ရာ ကိစ္စရပ်များကို ဆွေးနွေးသွားမည် ဖြစ်ကြောင်းလည်း မြန်မာပြည်တွင်း ပထမဆုံးပြုလုပ်သည့် အစိုးရနှင့် KIO တို့၏ မြစ်ကြီး နားမြို့ ဆွေးနွေးမှု တွင် သမ္မတရုံးဝန်ကြီး ဦးအောင်မင်းက ဆွေးနွေးပွဲတွင် မီဒီယာများကိုပြောသည်။
အစိုးရ၏ အထူးစစ်ဆင်ရေးအဖွဲ့မှူး ဒုတိယ ဗိုလ်ချုပ်ကြီးမြင့်စိုးကလည်း ယခုဆွေးနွေးပွဲများအပြီး နှစ်ဖက် တိုက်ခိုက်မှု အပြီးသတ်ရပ်စဲရန် သံဓိဋ္ဌာန်ချထားသည်ဟု သတင်းထောက်များကို ပြောဆိုသည်။
၂ဝ၁၃ ခုနှစ် ဖေဖော်ဝါရီလနှင့် မတ်လအတွင်း တရုတ်နိုင်ငံတွင် ကျင်းပခဲ့သည့် ဆွေးနွေးပွဲမှ ထုတ်ပြန်ခဲ့သည့် သဘောတူ ညီချက်များအရ ''နိုင်ငံရေး ဆွေးနွေးပွဲ ကျင်းပရန်နှင့် စစ်မက်ဖြစ်ပွားသည့် နေရာဒေ သများ တွင် စောင့်ကြပ်ရေးရုံးများ ထားရှိရန် အဓိကထား ဆွေးနွေးမယ်''ဟု KIO ကိုယ်စားလှယ်အဖွဲ့မှ ဦးစွန်လွတ်ဂမ် က မဇ္ဈိမသို့ ပြောဆိုထားသည်။
တပ်နေရာချထားရေးနှင့် ပတ်သက်၍ KIO ဘက်မှ ဒု-စစ်ဦးစီးချုပ် ဗိုလ်မှူးချုပ် ဂွမ်မော်၊ အစိုးရကာကွယ်ရေး ဝန်ကြီးဌာနမှ ဒု-ဗိုလ် ချုပ်ကြီး မြင့်စိုးအပါအဝင် မြောက်ပိုင်းတိုင်း မှူး ဗိုလ်မှူးချုပ် ထွန်းထွန်းနောင်တို့က အဓိက ဆွေးနွေးမည်ဟု လေ့လာသူများက သုံးသပ်သည်။
ငြိမ်းချမ်းရေးဆွေးနွေးပွဲတွင် KIO ကိုယ်စား လှယ်မှ ဦးဆွမ်လွတ်ဂမ်၊ ဒုစစ်ဦးစီးချုပ် ဂွန်မော်၊ ဒုဗိုလ်မှူးကြီး လမိုင်လ၊ ဗိုလ်မှူးကြီး လဖိုင်ခွန်နောင်၊ ဗိုလ်မှူးကြီး မရန်ဇော်တောင်၊ ဒုဗိုလ်မှူးကြီး အင်ဖန်နော်ဘူ၊ ဗိုလ်မှူး စိန်ခေါ၊ ဦးနော်ထွယ် တို့ပါဝင်သည်။
အစိုးရဘက်ကမူ ပြည်တွင်းငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ ဦးအောင်မင်း၊ ကာကွယ်ရေးဝန်ကြီးဌာန ဒုဗိုလ်မှူးကြီး မြင့်စိုး၊ ဦးအုန်းမြင့် (မွေးမြူရေးနှင့် ရေလုပ်ငန်းဝန်ကြီး)၊ ဗိုလ်ချုပ်
ဇော်ဝင်း (နယ်စပ်ရေးရာ ဒု ဝန်ကြီး)၊ ကချင်ပြည်နယ် ဝန်ကြီးချုပ် ဦးလဂျန်ငန်ဆိုင်း၊ ဦးခက်ထိန်နန် (အမျိုးသားလွတ်တော် ကိုယ်စားလှယ် )၊ ဒေါ်ဒွဲဘူ ( ပြည်သူ့လွှတ်တော် ကိုယ်စားလှယ်)နှင့် ဗိုလ်မှူးကြီး
ကျော်စိုးဝင်း (ကာကွယ်ရေး ဝန်ကြီးဌာန )၊ ဗိုလ်မှူးကြီး သန်းအောင် (ကချင်ပြည်နယ် နယ်စပ်ရေးရာနှင့် လုံခြုံရေးဝန်ကြီး) တို့ တက်ရောက်ခဲ့သည်။
Ref: မဇ္ဈိမ
Read More...
Collapse...
မေလ ၃၀ ရက် ၂၀၁၃ ခုနှစ်
ယခင်သတင်းပတ်က သွားရောက်ခဲ့သည့် သမ္မတဦးသိန်းစိန်၏ အမေရိကန် ခရီးစဉ်သည် အမေရိကန်ခေါင်းဆောင်နှင့် ပိုမိုရင်းနှီးရန်ဖြစ်သလို မြန်မာပြည်တွင်း တိုးတက်မှုအခြေနေ များကို ဆွေးနွေးရန် တို့ဖြစ်ပြီး ပို၍ခိုင်မာလာသည့်ဆက်ဆံရေးတစ်ခု၏ သင်္ကေတဖြစ်ပါသည်။
ထို့အတွက်ကြောင့် မြန်မာပြည်၏ ဒီမိုကရေစီပြုပြင်ပြောင်းလဲရေး၊ လူ့အခွင့်ရေး၊ စီးပွားရေးဖွံ့ဖြိုးတိုးတက်မှုနှင့် မြန်မာနိုင်ငံအတွင်း အမေရိကန်ကုမ္ပဏီများ စီးပွားရေးလုပ်နိုင် ရန် လမ်းခင်းပေးခြင်းများကို ဝါရှင်တန်က အတိအလင်း ထောက်ခံလိုက်ပါသည်။
သို့သော် နောက်ကွယ်မှ အဓိကအကြောင်းအရင်းသည် စစ်ရေးနှင့် စီးပွားရေးအာဏာကြီးထွားလာသည့် တရုတ်ပြည်အား ကန့်သန့်ထိန်းချုပ်ရေး မဟာဗျူဟာတစ်ရပ်အတွက် စည်းရုံးနေခြင်း ဖြစ်ပါသည်။
အမှန်တကယ်တွင် တရုတ်အနေဖြင့် အမေရိကန်-မြန်မာဆက်ဆံရေး၏ အရေးကြီးသောအခန်းကဏ္ဍတွင် ရှိပါသည်။ နိုင်ငံခြားရေးဝန်ကြီးဟောင်း ဟီလာရီကလင်တန်က အမေရိကန်အနေဖြင့် တရုတ် ကိုဆန့်ကျင့်ရန် မဟုတ်ပါဟု သတိပေး ပြောကြားခဲ့ဖူးသည်။ ဒါဟာ ၂၁ ရာစု၏ ကြီးမားသည့်နိုင်ငံရေးအရကစားခြင်းများအား လိမ်လိမ်မာမာ ဖုံးကွယ်ထား သည့် သံခင်းတမံခင်းတစ်ခုသာ ဖြစ်သည်။
အမေရိကန်စစ်တပ်နှင့် မြန်မာစစ်တပ်အကြား စစ်ရေးအရ ပူးပေါင်းဆောင်ရွက်ခြင်းနှင့် ကုန်သွယ်ခြင်းတို့အား တိုးမြှင့်ခြင်းဖြင့် မြန်မာနိုင်ငံနှင့် ဆက်ဆံရေးတွင် နိုင်ငံရေး၊ စစ်ရေးအဆင့်အထိ တိုးမြှင့်လိုက် ပါသည်။ အလားတူလုပ်ဆောင်မှုများအား ထိုင်းနိုင်ငံ၊ တရုတ်တိုင်ပေ၊ တောင်ကိုးရီးယားနှင့် ဂျပန်နိုင်ငံများတွင် တွေ့မြင်နိုင်ပါသည်။
အာရှတိုက်အား ပြန်လည်အာရုံစူးစိုက်ခြင်းသည် ဝါရှင်တန်၏ အာရှနိုင်ငံများ၊ အထူးသဖြင့် အရှေ့တောင် အာရှနှင့် ဆက်ဆံရေးတိုးမြှင့်ရန် ကြိုးပမ်းမှုတစ်ရပ် ဖြစ်သည်။ အဆိုပါ ကြိုးပမ်းမှုတွင် ဒေသအတွင်း နိုင်ငံများ၏ ရေတပ်အရည်အသွေးတိုးမြှင့်ခြင်း၊ သြစတြေးလျနိုင်ငံတွင် မရိန်းတပ်သား ၂,ဝဝဝ ထားရှိခြင်းနှင့် အာဆီယံနိုင်ငံများတွင် အပေါင်းလက္ခဏာဆောင်သော ပါဝင်ပတ်သက်မှုများ တိုးမြှင့်ခြင်းတို့ ပါဝင်သည်။
ဘေဂျင်းအနေဖြင့် အဆိုပါရန်လိုမှုများအား ကန့်သတ်ချင်နေပြီ ဖြစ်သည်။ အခြားသော အာရှနိုင်ငံများနှင့်ရေပိုင်နက်အငြင်းပွားမှုများ တိုးများလာခြင်းကြောင့် တပ်များ တိုးမြှင့်ချ ထားခြင်းသည် ဒေသတွင်းနိုင်ငံ များနှင့် ဆက်ဆံရေးမှာ တည်ငြိမ်မှုမရှိပါ။ ထို့အပြင် ရည်ရွယ်ချက်ရှိရှိနိမ့်ချထားသည့် တရုတ်ငွေကြေးတန်ဖိုးကြောင့် ဖြစ်ပေါ်ရသည့် စီးပွားရေးနှင့်ကူးသန်းရေးဝယ်ရေး မညီမျှခြင်းများ အားလည်းဆိုးရိမ် လျက်ရှိသည်။
ဤအခြေအနေများသည် တရုတ်နှင့်အမေရိကန်တို့၏ မြန်မာပြည်အပေါ် ပထဝီ နိုင်ငံရေးအရ ပြိုင်ဆိုင်မှု မြင့်မားလာလိမ့်မည်ဟု ရည်ညွှန်းခြင်းဖြစ် သည်။ လေချိုသွေးရန် အတွက် နေပြည်တော်သို့ ဘေဂျင်းနှင့် ဝါရှင်တန်မှ အာဏာပိုင်များ တဖွဲဖွဲရောက်လာပါလိမ့်ဦးမည်။
Ref: မဇ္ဈိမ
Read More...
Collapse...
မေလ ၂၉ ရက် ၂၀၁၃ ခုနှစ်
အခုတလော ငြိမ်းချမ်းရေးအကြောင်းပြောတဲ့အသံတွေ တော်တော်လေး ကြားလာရတယ်။ နှစ်ပေါင်းများစွာ ငြိမ်းချမ်းရေးစကားသံနဲ့ ဝေးနေခဲ့တော့ ငြိမ်းချမ်းရေးလို့ ဆိုလိုက်တာနဲ့ လူတွေ လန်းလန်းဆန်းဆန်း
ဖြစ်သွားစေတယ်။
လူထုကတော့ နှစ် ၆ဝကျော် ကြာမြင့်ခဲ့ပြီဖြစ်တဲ့ လွတ်လပ်ရေးရဲ့ ဖွားဘက်တော် ပြည်တွင်းစစ်ကို အဆုံး သတ်ချင်ပြီ။ ဒါကြောင့်မို့ အခြေအနေပေးရင် ပေးသလောက် ငြိမ်းချမ်းရေး တောင်းဆိုလှုပ်ရှားမှုကို လုပ်ခဲ့ကြတာပဲ။ ဒီတခါအခွင့်အခါ သာလာပုံက ငြိမ်းချမ်းရေးအသံက လွှတ်တော်ထဲအထိ ဝင်လာခဲ့တယ်။ ရွာခရိုးက ရွှေချိုးကူသံက နေပြည်တော်အထိ ချဉ်းကပ်လာနေပြီလို့တောင် ပြောလို့ရမလားပဲ။
အခုဆိုရင် ပြည်တွင်းငြိမ်းချမ်းရေးနဲ့ပတ်သက်ပြီး အစိုးရရဲ့ ဆောင်ရွက်မှုတွေဟာ လွန်လေပြီးသော ခေတ်က ငြိမ်းချမ်းရေး ဆောင်ရွက်မှုတွေနဲ့ နှိုင်းယှဉ်ရင် လက်တွေ့ ပိုကျလာတာကို တွေ့ရတယ်။ ဥပမာ အပစ်အခတ် ရပ်စဲရေးတင် ရပ်မထားပဲ နိုင်ငံရေးအရပါ ဆွေးနွေးဖို့ ပြောလာကြတယ်။ တကယ်တော့ စစ်ပွဲတွေဟာ နိုင်ငံရေးကြောင့် ဖြစ်လာရတာဖြစ်လို့ နိုင်ငံရေးအရ မဖြေရှင်းရင် ဘယ်ငြိမ်းချမ်းရေးဆောင် ရွက်မှု အစီစဉ်မဆို အချိန်မရွေး ကျိုးပဲ့သွားရမှာပဲ။
ကျွန်တော်တို့တိုင်းပြည်မှာ ဖွဲ့အစည်းပုံအခြေခံဥပဒေပြင်ဆင်ဖို့ စိုင်းပြင်းနေကြတဲ့အချိန် လွတ်လပ်တဲ့ စီးပွားရေးစံနစ် ထူထောင်နေတဲ့အချိန်မျိုးမှာ စစ်ဆန့်ကျင်ရေး ငြိမ်းချမ်းရေး တောင်းဆိုလှုပ်ရှားကြတာ
ကောင်းပါတယ်။ ဘာကြောင့်လဲဆိုတော့ စစ်လိုလားသူများ ဒီနိုင်ငံမှာ ရှိနေခဲ့လျှင် အဲဒီ အခြေခံဥပဒေရဲ့ အားနည်းချက်နဲ့ စီးပွားပျက်ကို အကြောင်းပြုပြီး အချိန်မရွေး နောက်ပြန်လှည့်သွားနိုင်လို့ပါပဲ။
ကျွန်တော်တို့ရဲ့ အန္တိမကိစ္စက စစ်ပွဲတွေမဟုတ်ဘူး။ ငြိမ်းချမ်းရေးပါ။ မတတ်သာလို့သာ စစ်တိုက်ခဲ့ကြ ရတယ်လို့ ပြောမယ်ဆိုရင် အခု တတ်သာတဲ့လမ်းမြင်ရင် အဲဒီလမ်းကိုလည်း အသုံးချသင့်ရင် ချကြရမှာပဲ။ ကျွန်တော်တို့ရဲ့ ရည်မှန်းချက်ပန်းတိုင်က အမြှောက်ဆံတွေ မဟုတ်ဘူး။ ချိုးငှက်လွှတ်ပွဲတော်ပါ။
အခုဆိုရင် တိုင်းရင်းသားလက်နက်ကိုင် အဖွဲ့တွေကလည်း ရေတိုငြိမ်းချမ်းရေး အတုအယောင်ကိုပယ်ပြီး ထာဝရငြိမ်းချမ်းရေးလမ်းကိုပဲ တောင်းဆိုနေပြီ။ လွှတ်တော်ထဲမှာတောင်မှ ပြည်တွင်းငြိမ်းချမ်းရေးစကား တရားဝင် ပြောနေဆိုနေကြရပြီ။ ပြောလို့ဆိုလို့ ရလာနေပြီ။ ဒါဟာအခြေအနေနဲ့ အချိန်အခါက ပြည်တွင်း ငြိမ်းချမ်းရေးအတွက် လမ်းခင်းပေးနေတဲ့သဘောပဲ။ ကျွန်တော်တို့အားလုံး လူထုရဲ့ ပြည် တွင်းငြိမ်း ချမ်းရေး တောင်းဆိုဖို့ ထောင်လိုက်တဲ့ အလံတော်အောက် ဝင်ပြီးရပ်ကြရပါလိမ့်မယ်။
ရွှေချိုးကူသံက ရွာခရိုးတင်မက ရွာထိပ်အထိရောက်လာနေပြီ။ ကျွန်တော်တို့ တစ်တိုင်းတစ်ပြည်လုံး အတိုင်းအတာနဲ့ ကျင်းပနိုင်တဲ့ ချိုးငှက်လွှတ်ပွဲကြီးဖြစ်လာအောင် အမြန်ဆုံးချိတ်ဆက် လုပ်ကိုင်ကြရပါ လိမ့်မယ်။
Ref: မဇ္ဈိမ
Read More...
Collapse...
သိန်းလှိုင်
မေလ ၂၉ ရက် ၂၀၁၃ ခုနှစ်
ရခိုင်ပြည်နယ်၊ ဘူးသီးတောင်မြို့နယ်တွင် မြို့မဈေး အပါအဝင် နှစ်လတာ တင်းမာနေခဲ့ သော အုပ်စု နှစ်စုခုကြား လေလံဆွဲခြင်းများ အငြင်းပွားမှု ပြဿနာကို ပြည်နယ် အစိုးရက ကြားဝင်စေ့စပ်
ဖြန်ဖြေပေးခဲ့ရသည်။
ဘူးသီးတောင် အရပ်ရပ်ဆိုင်ရာ စည်ပင်သာယာရေး လိုင်စင် ယခုနှစ် လေလံပွဲတွင် နိုင်ငံသား မဟုတ်သူများ အား လေလံဆွဲခြင်းကို ရခိုင်များက ကန့်ကွက်ပြီး ဆန္ဒပြပွဲများ ဖြစ်လုနီးပါး အနေအထား၌ ပြည်နယ် အစိုးရက ဝင်ရောက်ဖြေရှင်းပေးရခြင်း ဖြစ်သည်။
“မတ်လ ၁ ရက်နေ့ကနေ စတင်ခဲ့တဲ့ လေလံ အငြင်းပွားမှုဟာ ဒီလ နောက်ဆုံးအပတ်ထဲမှာပဲ ငြိမ်းချမ်းစွာ အဆုံးသတ်သွားခဲ့တယ်။ ဒီကာလအတွင်း ရခိုင် တိုင်းရင်းသားတွေဟာ ဆန္ဒဖော်ထုတ်ပွဲ ခွင့်ပြု ချက်တွေ တင်ခဲ့သေးတယ်။ နောက်ဆုံးမှာတော့ ပြည်နယ်အစိုးရ ကြားဝင်စေ့စပ်ပေးမှုနဲ့ ပြီးဆုံးခဲ့ရတယ်” ဟု ရခိုင်လူမှုကွန်ယက် တာဝန်ရှိသူတဦးက ဆိုသည်။
ကန့်ကွက် ဆန္ဒပြပွဲ ပြုလုပ်ရန် ဦးဆောင်ကြိုးပမ်းခဲ့သူ ရခိုင်တိုင်းရင်းသားများ တိုးတက်ရေးပါတီ (RNDP) မြို့နယ် ဥက္ကဋ္ဌ ဦးထွန်းအောင်သိန်း က “ဥပဒေရေးရာ အငြင်းပွားမှုဖြစ်နေပြီး လေလံဆိုင်ရာ စည်ပင်ဥပဒေ ပြဋ္ဌာန်းချက်တွေကို သက်ဆိုင်သူများအနေနဲ့ တိကျစွာ လိုက်နာ ကျင့်သုံးဖို့ လိုအပ်နေသေးတယ်” ဟု မဇ္ဈိမကို ပြောသည်။
ယာယီ သက်သေခံလက်မှတ် ကိုင်ဆောင်ထားသူများကို လေလံပြိုင်ခွင့် ပြုခြင်းအား ကန့်ကွက်ကြခြင်း
ဖြစ်သည်ဟု ဆိုသည်။
“အခု ပြည်နယ်အစိုးရ ဖြေရှင်းလိုက်တာက ဥပဒေအရ မဟုတ်ဘဲ ဒေသ တည်ငြိမ်ရေးကို ရှေးရှုပြီးတော့ တဘက် တဝက်စီ စေ့စပ် ခွဲဝေပေးခဲ့တာသာ ဖြစ်တယ်။ ကျနော်တို့ကတော့ ဥပဒေစိုးမိုးရေး လမ်းကြောင်းကနေ ဆက်ပြီးဆောင်ရွက်သွားမှာ ဖြစ်တယ်” ဟု ဦးထွန်းအောင်သိန်း က ဆက်ပြောသည်။
လေလံကိစ္စ ဆန္ဒပြရန် မြို့နယ် ရဲတပ်ဖွဲ့မှူးထံ ဧပြီလ ၆ ရက်နေ့၌ ခွင့်ပြုချက်တင်ခဲ့ရာ ပယ်ချခံရပြီး ပြည်နယ် ရဲတပ်ဖွဲ့မှူးထံ ဧပြီ ၁၁ ရက်နေ့က အယူခံရာတွင်လည်း ငြင်းပယ် ခံခဲ့ရသည်။
တင်းမာနေသော အခြေအနေကို ပြည်နယ်အစိုးရအဖွဲ့ ဘဏ္ဍာ/အခွန်ဝန်ကြီး ဦးမောင်စန်ရွှေနှင့် စိုက်/မွေး ဝန်ကြီး ဦးကျော်သိန်းတို့က မေလ ၁၉ ရက်နေ့မှ ၂၃ နေ့ထိ မောင်တောခရိုင်သို့ ရောက်ရှိ လာပြီး နှစ်ဘက် သက်ဆိုင်သူများနှင့် တွေ့ဆုံ စေ့စပ်ညှိနှိုင်း ဆောင်ရွက်ပေးခဲ့သည်။
“လေလံ ၁၈ မျိုး ရှိတဲ့အနက် ရခိုင်က ၇ မျိုး၊ မူဆလင်တွေက ၁၁ မျိုး ရရှိခဲ့တယ်။ နှစ်ဖက် ပြေလည်မှု အတန်အသင့် ရရှိတယ် ဆိုပေမယ့် တကယ့်လက်တွေ့မှာတော့ အားပြိုင်မှုတွေ ဆက်ဖြစ်လာမှာကို ပူပန်မိတယ်။ ဈေးကောက် နှုန်းထား တိုးလာရင် စားသုံးတွေအတွက် ကုန်ဈေးနှုန်း မြင့်လာမှာကို စိုးရိမ်နေတယ်” ဟု အမှတ်(၂) ရပ်ကွက်နေ ဒေသခံ တဦးက ဆိုသည်။
အဆိုပါ ဘူးသီးတောင်မြို့နယ် စည်ပင်သာယာရေးအဖွဲ့၏ အရပ်ရပ်ဆိုင်ရာ စည်ပင်သာယာရေး လိုင်စင် လေလံ ၁၈ မျိုးကို မတ်လ ၁ ရက်နေ့မှစ၍ ခေါ်ယူထားခဲ့ရာ ရခိုင်ဘက်မှလေလံဆွဲသူ ၁၃ ဦးနှင့် RNDP ပါတီမှ ကန့်ကွက်တုန့်ပြန်မှုများ ရှိထားခဲ့သည်။
ဘူးသီးတောင်မြို့မှာ စစ်တွေမြို့၏ အနောက်မြောက်ဘက် မိုင် ၈၀ အကွာတွင်ရှိပြီး အစ္စလာမ် ဘာသာဝင် အများစု နေထိုင်ရာ နယ်စပ်မြို့တမြို့ ဖြစ်သည်။
Ref: မဇ္ဈိမ
Read More...
Collapse...
ကွန်းချမ်း
မေလ ၂၉ ရက် ၂၀၁၃ ခုနှစ်
ကရင်ပြည်နယ်နှင့် မွန်ပြည်နယ်တို့တွင် သွေးလွန်တုတ်ကွေးရောဂါ ဖြစ်လေ့ဖြစ်ထ ရှိသည့် အချိန်ထက် ယခုနှစ် စောဖြစ်လာ၍ ယခင်နှစ်များထက် ဖြစ်ပွားမှုနှုန်း များပြားနိုင်ကြောင်း ကျန်းမာရေး ဝန်ထမ်းများက ခန့်မှန်းပြောဆိုသည်။
ယခင်နှစ်များတွင် ၎င်းရောဂါသည် ဧပြီလ နှောင်းပိုင်းရောက်မှသာ စတင် ဖြစ်ပွားလေ့ ရှိသော်လည်း ယခုနှစ်တွင်မူ မွန်ပြည်နယ်တွင်ဖေဖော်ဝါရီလကုန်ပိုင်းနှင့် ကရင်ပြည်နယ်တွင် ဧပြီလဆန်းမှ စတင် ဖြစ်ပွားခဲ့သည်ဟု ဆိုသည်။
“ခြင်ပေါက်ဖွားမှု နှုန်းရယ်၊ နောက်တော့ ရာသီဥတုကလည်း ပူနွေးတာ ရှိတယ်။ မိုးရေချိန်ကလည်း များတော့ ကူးစက်နှုန်း မြန်တဲ့သဘော ရှိပါတယ်။ မနှစ်ကဆို ဧပြီလကုန်လောက် က စဖြစ်ပါတယ်။ ဒီနှစ်ကတော့ ဧပြီလဆန်းကနေ စဖြစ်နေတဲ့အခါကျတော့ ဒီနှစ်မှာ ပိုပြီး အဖြစ်များလာနိုင်တယ်” ဟု ကရင်ပြည်နယ် ကျန်းမာရေးမှူး ဒေါက်တာဝင်းနိုင် က ပြောသည်။
မှတ်တမ်းများအရ ကရင်ပြည်နယ်တခုလုံးတွင် ၎င်းရောဂါ ဖြစ်ပွားမှုနှုန်းသည် ၂၀၁၀ ခုနှစ်တွင် ၁,၅၀၀ ဦးခန့် ရှိပြီး ၂၀၁၂ ခုနှစ်တွင် ၈၀၀ ကျော် ရှိကာ ယခုနှစ်တွင်မူ ရောဂါ ဖြစ်ပွားနှုန်း များသည့် ဇွန်လ၊ ဇူလိုင်လ မတိုင်မီ ယခုတွင်ပင် ၅၀၀ ကျော် ရှိပြီဟုလည်း ၎င်းက ဆိုသည်။
“ဒီနှစ်က သာမန် ဖြစ်ရိုး ဖြစ်စဉ်ထက် များတယ်။ မြို့ရော တောပါ ဖြစ်နေတယ်။ သင်္ကြန် နောက်ပိုင်းမှာ ပိုပြီး များလာပါတယ်။ ဒီမနက် ဆေးရုံကြီးမှာ ၅၆၀ ရှိပြီလို့ သိရပါတယ်။ အချိန်မီ ကုသမှု ပေးတဲ့အတွက် တဦးပဲ သေဆုံးပါတယ်” ဟု ဒေါက်တာဝင်းနိုင် က ဆက်ပြောသည်။
ယခင်နှစ်များက ၁၅ အောက် ကလေးငယ်များတွင်သာ ဖြစ်ပွားလေ့ ရှိသည့် ၎င်းရောဂါသည် ယခုနှစ်တွင် အသက် ၁၅ နှစ်အထက်တွင်လည်း ဖြစ်ပွားလာသည်ကို တွေ့ရှိရပြီး ၁၅ နှစ်အထက် ၄၂ ဦး ဖြစ်ပွားခဲ့သည် ကို တွေ့ရှိရသည်ဟု ဆိုသည်။
ကုလသမဂ္ဂကလေးများ ရန်ပုံငွေအဖွဲ့ (UNICEF) ၏ အကူအညီဖြင့် စာသင်ကျောင်းများနှင့် ရောဂါ ဖြစ်ပွားသူများ၏ နေအိမ် ဝန်းကျင်တွင် ဆေးများ ပက်ဖြန်းခြင်း လုပ်ဆောင်နေသည်ဟုလည်း
ဒေါက်တာက ပြောသည်။
အလားတူ မွန်ပြည်နယ်တွင်လည်း သွေးလွန်တုတ်ကွေး ရောဂါသည် ဖေဖော်ဝါရီလကုန်ပိုင်းတွင် ပေါင်မြို့နယ်မှ စတင်ဖြစ်ပွားခဲ့ပြီး ရပ်တန့်ခြင်း မရှိဘဲ ချောင်းဆုံ၊ မော်လမြိုင်၊ ကျိုက်မရော၊ မုဒုံ၊ သံဖြူဇရပ်နှင့် ရေးမြို့နယ် များတွင်လည်း ဖြစ်ပွားဆဲ ရှိသည်ဟု ပြည်နယ် ကျန်းမာရေး ဝန်ထမ်းများက ပြောသည်။
လက်ရှိ စာရင်းများအရ မွန်ပြည်နယ်တွင် ရောဂါဖြစ်ပွားသူ ၅၀၀ ကျော် ရှိပြီ ဖြစ်သော်လည်း သေဆုံးသူ မရှိသေးဘဲ UNICEF ၏ အကူအညီဖြင့် ပြည်နယ်အတွင်းရှိ ၁၀ မြို့နယ်လုံးတွင် ခြင်နှိမ်နှင်း သည့် ဆေးများကို ပက်ဖြန်းခဲ့ကြောင်း ပြည်နယ် ကျန်းမာရေး ဝန်ကြီး ဒေါက်တာလှဦး က ပြောသည်။
မော်လမြိုင် ကလေးအထူးကု ဆေးရုံတွင် ကလေးလူနာ များပြားသည့်အတွက် ကုတင်များ လိုအပ်လျက် ရှိရာ ဆေးရုံ၏ လိုအပ်ချက်ကို ကူညီထောက်ပံ့နေသည့် ကရုဏာစမ်းရေ အဖွဲ့မှ ဆေးရုံအတွက် ကုတင်အလုံး ၄၀၊ ချွဲစုပ်စက်၊ သွေးရည်ကြည်ထုတ်စက်၊ အောက်ဆီဂျင် ပေးစက်နှင့် မီးအားမြှင့်စက်တို့ကို ထောက်ပံ့ လှူဒါန်းခဲ့သည်ဟု ကလေးဆေးရုံမှ ကျန်းမာရေး ဝန်ထမ်းများက ပြောသည်။
သွေးလွန်တုတ်ကွေးရောဂါသည် ယခင်နှစ်များတွင် မိုးရာသီတွင်း အသက် ၁၂ နှစ်အောက် ကလေးများ တွင်သာ ဖြစ်ပွားလေ့ရှိသော်လည်း ယခင်နှစ်မှ စ၍ ရာသီမရွေးဘဲ လူကြီးများတွင်လည်း ဖြစ်ပွားလာ သည်ကို တွေ့ရှိရကြောင်း မော်လမြိုင်မြို့ပေါ်တွင် အနှစ် ၃၀ ခန့်ကြာ ဆေးခန်းဖွင့် ကုသနေသည့်ဒေါက်တာမင်းစိုးလင်း က ပြောသည်။
၎င်းပြင် ရန်ကုန်တိုင်းတွင်လည်း ၎င်းရောဂါ ဖြစ်ပွားသည့်နှုန်း ယခင်နှစ်ထက် ၇ ဆခန့် တိုးလာခဲ့သည်ဟု တိုင်း ကျန်းမာရေး ဦးစီးဌာနက ဆိုသည်။ ၎င်းဌာနမှ ထုတ်ပြန်သည့် စာရင်းအရ ၂၀၁၂ ခုနှစ် မေလထိ သွေးလွန် တုတ်ကွေးရောဂါ ဖြစ်ပွားသူ ၁၁၇ ဦးသာ ရှိသော်လည်း ယခုခုနှစ်တွင် ရောဂါ ဖြစ်ပွားသူ ၈၀၉ ဦးထိ မြင့်တက် လာကြောင်း သိရသည်။
Ref: မဇ္ဈိမ
Read More...
Collapse...
လေပြေသုန်
မေလ ၂၉ ရက် ၂၀၁၃ ခုနှစ်
ကျွန်တော်ငယ်ငယ်က နေထိုင်ခဲ့တဲ့ ရပ်ကွက်ကလေးထဲမှာ အင်မတန်ဆင်းရဲတဲ့ မိသားစုတစ်စု ရှိတယ်။ ဖအေလုပ်တဲ့သူက အရက်သောက်တယ်၊ ဖဲရိုက်တယ်၊ ကြက်တိုက်တယ်၊ အရက်ပုန်းရောင်းတယ်၊ တစ်ခါ တစ်ခါ သူတို့အိမ်ထဲမှာတင် သူတို့မွေးထားတဲ့ ဝက်ကို ပေါ်တယ်။ မိန်းမကလည်း ဆေးလိပ်ခုံက အငှားဆေးလိပ်သမ၊ အိမ်မှာ ဖဲဝိုင်းထောင်တယ်၊ လင်မယားတွေ ရန်မဖြစ်တဲ့နေ့ မရှိ။ ရပ်ကွက်ထဲမှာက ဝန် ထမ်းတွေက များတယ်။ ဝန်ထမ်းတွေဆိုတော့ အဲဒီလင်မယားကို အာရုံမစိုက်နိုင်ကြဘူး။ အင်း ရုံးပိတ်ရက် ကျောင်းပိတ်ရက်တွေ မှာတော့ သူတို့ဆီက အသံတွေ က သတိမထားဘဲ မနေနိုင်အောင်ကိုပဲ ကြားနေရတတ်တယ်။
သူတို့သား အငယ်လေးက ကျွန်တော်တို့အိမ်မှာ တီဗွီ လာကြည့် တတ်တယ်။ အမေကလည်း သနားတတ်တော့ မုန့်ပါ အမြဲကျွေး တယ်။ အဲ့ဒီကလေးက သူ့အဖေကို တီဗွီ အမြဲပူဆာတတ်ပုံ ရတယ်။ ဒါပေမဲ့ သူ့မိဘများရဲ့ ကြမ်းတမ်းတဲ့ဆုံးမမှုကြောင့် ငိုရတာပဲ အဖတ်တင်တာပါ။
သိတယ်မဟုတ်လား။ ခေတ်ကလည်း ရေဒီယိုကစလိုက်တာ ကက်ဆက်၊ တီဗွီ၊ ဗီဒီယို၊ စလောင်း၊ အင်တာနက် ဆိုပြီး စဉ်ဆက်မပြတ်ပဲလေ။ ဒါက လူတိုင်းလည်း သိကြမှာပါ။
အဲ့ဒီကလေးရဲ့အမေက အင်္ကျီ၊ လုံချည်နဲ့ အထည်တွေကို ချုပ်စရာ ဖါစရာရှိရင် အမေ့ဆီကို အမြဲလာတယ်။ အမေကလည်းစေတနာကောင်းကောင်းနဲ့ အမြဲချုပ်ပေးတတ် တယ်။ အမေ့ဆီမှာ က အပ်ချုပ်စက်တစ်လုံး ရှိနေတယ်လေ။ အင်း သူတို့အိမ်မှာ ဝက်ပေါ်လို့ကတော့ ကျွန်တော်တို့အိမ်မှာ ဝက်သားဟင်းကို မုန်းအောင် စားရပါရဲ့။
ကျွန်တော့်ကို အမေက စက်ဘီးလေးတစ်စီး ဝယ်ပေးတော့ တစ်ရပ်ကွက်လုံးက သဘောကျကြတယ်။ တစ်ရပ် ကွက်လုံးလည်း ငှားစီးကြတယ်။ အမေက သဘောကောင်းလို့ ပေးငှားစီး ပေမယ့် ကျွန်တော် ကတော့ အူတိုတာပေါ့ဗျာ။ ကျွန်တော် နယ်တွေရောက်သွားတော့ အဲဒီရပ်ကွက်လေးနဲ့ အဆက်ပြတ်သလို ဖြစ်သွား တယ်။ ကျွန်တော့် စက်ဘီးလေးကတော့ ပြင်မယ့်လူမရှိ၊ စီးမယ့်လူလည်းမရှိ ဘဝရောက် သွားပြီလေ။ အခု ကျွန်တော် အမြဲစီးနေရတာကတော့ စက်လှေပါပဲ။
''ခေတ်ရဲ့တောင်းဆိုမှုအရတဲ့ ခလုတ်နှိပ်ရုံနဲ့ ထမင်းခလုပ်နှိပ်ရုံနဲ့ သီချင်းရှင်သန်ခြင်းဟာ စစ်မှန်သေးရဲ့လား။ ဖန်ပြွန်မွေး လူသား ကိုယ်ဝန်အငှားသားတရား စီရင်မှု မိခင်အတုနဲ့ အစစ်စစ်ပွဲနဲ့ ဝမ်းရေးအသွေး အသားနဲ့ အချစ်ပြဿနာ ကမ္ဘာကြီးဟာ၂၃ % ဒီဂရီမကဒီဂရီ အိကျလာပြီဆိုပဲ'' ကမ္ဘာပေါ်မှာ အသွေးအသားအတွက်က ဝမ်းရေး၊ ဝမ်းရေးအတွက် စစ်ပွဲ။ အိမ်တွင်းစစ် ပြည်တွင်းစစ်တွေကနေ ကမ္ဘာ စစ်ကြီးတွေ။ ခလုတ်နှိပ်လိုက်ရုံနဲ့ တစ်ယောက်သေတဲ့ သေနတ်ကစပြီး ထောင်သောင်းချီ သေစေနိုင်တဲ့ စစ်လက်နက်တွေ။ ဟုတ်တယ်လေ ထမင်းအိုးငှဲ့စရာမလို၊ စောင့်ကြည့်နေစရာမလို၊ ခလုတ်နှိပ်လိုက်ရုံနဲ့ ထမင်းဖြစ်ပြီး ရေဒီယိုကနေ ဒစ်ဂျစ်တယ်
ခေတ်အထိ လုတ်နှိပ်လိုက်ရုံနဲ့ သီချင်း ဖြစ်ခဲ့ပါပြီ။
''အသိပညာ အတတ်ပညာက တစ်လုံးတစ်ပွင့် သီးပွင့်ပေးတိုင်း အရိုင်းစိတ်က တစ်ပင်တစ်တော ထူပြောလာ လိုက်တာ'' ငယ်ဘဝ ရပ်ကွက်လေးထဲက ဝက်မွေး ဝက်ပေါ်တဲ့အိမ်မှာရှိတဲ့ ကလေးလူကြီးတွေ အမြဲရန်ဖြစ်ကြ၊ ဆူကြပူကြတဲ့အခါ အမေက အမြဲတမ်းပြောတဲ့စကား ရှိတယ်။ သူတို့တွေက ပညာမှ မတတ်ကြတာပဲ သားရယ်တဲ့။
အဲဒီတုန်းက အမှတ်တမဲ့ရှိခဲ့ပေမယ့် အသက်ကလေးရလာလို့ စဉ်းစားတွေးခေါ် ကြည့်တဲ့အခါ အရမ်းမှန်တဲ့ စကား ဖြစ်နေတာကို တွေ့ရပါတယ်။ ခလုတ်နှိပ်ရုံနဲ့ထမင်း၊ ခလုတ်နှိပ်ရုံနဲ့ သီချင်းဆိုတာတွေက လူသားထုကို ကိုယ်စားပြုပါရဲ့။ ခလုတ်နှိပ်ရုံနဲ့ စစ်တလင်း ဖြစ်ရတာကတော့ လူသားထုကို အကျိုးနည်းစေပါတယ်။ စက်မှုတော်လှန်ရေးကြီး မပြီးသေးသလို စစ်ပြုတော်လှန်ရေးကြီးလည်း မပြီးသေးပါဘူး။ အသိပညာ အတတ်ပညာက တစ်လုံးတစ်ပွင့် သီးပွင့် သီးပွင့်ပေးတိုင်း အရိုင်းစိတ်က တစ်ပင်တစ်တော ထူပြောလာလိုက်တာ။
ကမ္ဘာ့ငြိမ်းချမ်းရေးလို့ အသံကောင်းဟစ်နေကြပေမယ့် ဉာဏ်ပညာနဲ့ ဆင်ခြင်တုံတရားတွေ အားနည်းနေသေးတာကြောင့် ''အသွေးအသား ရှိလို့သာ ယုံကြည်နေရလူမှ ဟုတ်ပါစ'' တဲ့။ ရိုဘော့တွေက
မေးသွားတယ်။ လူနဲ့စက် အပြန်အလှန် အသုံးပြုနေကြတဲ့ ခေတ်ကြီးထဲမှာ လူသားထုတစ်ရပ်လုံး လူ့အသွေး လူ့အသားနဲ့ ရှိနေကြသေးတာ အမှန်ပါပဲ။ ကျွန်တော်တို့ဟာ ရိုဘော့တွေ မဟုတ်ပါဘူး။ တစ်ခုပဲ ရှိတယ်။ ပညာဉာဏ်နဲ့ ဆင်ခြင်တုံတရားသာ အားကောင်းမောင်းသန် တပ်ဆင်နိုင်ကြဖို့ပါပဲ။
ကျွန်တော် ဆုတောင်းမိတယ်။ ပညာÓဏ် ဆင်ခြင်တုံတရားတွေ တစ်ပင်တစ်တော ထူပြောပါစေ...။ ခလုတ်မှန်သမျှ ထမင်းဖြစ်ပြီး ခလုတ်မှန်သမျှ သီချင်း ဖြစ်ပါစေ။ ခလုတ်မှန်သမျှ စစ်တလင်း မဖြစ်ပါစေနဲ့။ ရိုဘော့တွေကနေ ကျွန်တော်တို့ကို လူမှဟုတ်ပါလေစလို့ မေးရလောက်အောင်အထိ အရိုင်းစိတ် တပ်ဆင် ထားတဲ့လူသားတွေ မဖြစ်ကြပါစေ။
နိုင်သစ်နီ ရဲ့''အိပ်မက်ဘာသာပြန်'' ကဗျာ
(၁၉၉၃၊ မြားနတ်မောင်)
Ref: မဇ္ဈိမ
Read More...
Collapse...
29.05.2013
ရှေ့သီတင်းပတ်ထဲ တရုတ်သမ္မတ ရှီ ဂျင်းပင် (Xi Jinping) နဲ့ တွေ့ဆုံတဲ့အခါ ဆိုက်ဘာ အင်တာနက် လုံခြုံရေး ကိစ္စတွေကို အမေရိကန် သမ္မတ ဘရက်ခ် အိုဘားမား (Barack Obama) က ဆွေးနွေး မှာ ဖြစ်တဲ့အကြောင်း အိမ်ဖြူတော်က ကြေညာလိုက်ပါတယ်။
အမေရိကန် ပြည်ထောင်စုရဲ့ ကာကွယ်ရေးဆိုင်ရာ လုပ်ငန်းတွေကို အင်တာနက် ထိုးဖောက် တိုက်ခိုက်မှုတွေ ရှိခဲ့တယ်ဆိုတဲ့ သတင်းတွေ ထပ်မံ ထွက်ပေါ်လာတဲ့အပေါ်မှာ တစုံတရာ မှတ်ချက်ပေး ပြော ဆိုတာမျိုး မရှိပေမဲ့ ကယ်လီဖိုးနီးယားပြည်နယ်မှာ တရုတ်သမ္မတနဲ့ တွေ့ဆုံတဲ့အခါ အင်တာနက် တိုက်ခိုက်မှုတွေ အန္တရာယ်က ကာကွယ်ရေး ဆွေးနွေးဖြစ်ဖို့က သေချာတဲ့ အကြောင်း အိမ်ဖြူတော် ပြောခွင့် ရသူ ဂျေး ကာနေး (Jay Carney) က ပြောခဲ့တာပါ။
သမ္မတ အိုဘားမား အစိုးရအနေနဲ့ ဆိုက်ဘာအင်တာနက် လုံခြုံရေးကို အဓိက စိုးရိမ်စရာ ကိစ္စတခုအဖြစ် သဘောထားတဲ့အတိုင်း တရုတ်အစိုးရ တာဝန်ရှိသူ အဆင့်ဆင့်နဲ့ တွေ့ဆုံတဲ့ အခါတိုင်းမှာ ပြောဆိုလေ့ ရှိတယ်လို့လည်း ဆိုပါတယ်။
တနင်္လာနေ့ထုတ် Washington Post သတင်းစာမှာတော့ အမေရိကန်က ထိပ်တန်း အဆင့်မြင့် လက်နက်တချို့ရဲ့ အချက်အလက်တွေကို တရုတ် အင်တာနက် သူလျှိုတွေက ရယူခဲ့တဲ့အကြောင်း စွပ်စွဲထားတဲ့ ကာကွယ်ရေးဆိုင်ရာ လျိူ့ဝှက် အစီရင်ခံစာရဲ့ တစိတ်တပိုင်းကို ဖော်ပြခဲ့တာပါ။
အရင်တုန်းက မသိရသေးတဲ့ အဖြစ်အပျက်တွေ အပါအ၀င် အမေရိကန်ရဲ့ ဒုံးပျံ ကာကွယ်ရေးနဲ့ တခြားလက်နက် စနစ်တွေနဲ့ ပတ်သက်လို့ တရုတ်နိုင်ငံက ဟက်ကာတွေထံ ပေါက်ကြားမှုပေါင်း ၂၀ ကျော် ရှိခဲ့တယ်လို့လည်း လျိူ့ဝှက် အစီရင်ခံစာက ဖော်ပြထားပါတယ်။
တရုတ်အစိုးရကတော့ အင်တာနက် ထိုးဖောက်ဝင်ရောက်မှုတွေနဲ့ ပတ်သက်လို့ အခိုင်အမာ ငြင်းဆန်ထားတာဖြစ်သလို၊ တရုတ်နိုင်ငံရဲ့ ကာကွယ်ရေးဆိုင်ရာ ၀ဘ်ဆိုဒ်တွေကို အမေရိကန်က ဟက်ကာတွေရဲ့ တိုက်ခိုက်တာကိုတောင် ခံနေရတဲ့အကြောင်း ပြန်လှန်စွပ်စွဲနေတာ ဖြစ်ပါတယ်။
Ref: ဗွီအိုအေ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88