မဟီဒေါ တက္ကသိုလ်တွင် နိုင်ငံတကာ သမိုင်းပညာရှင်များ ရခိုင်သမိုင်းရှင်းလင်း

သိန်းလှိုင်
မတ်လ ၁၄ ရက် ၂၀၁၃ ခုနှစ်

ရခိုင်သမိုင်းနှင့်ပတ်သက်၍ နိုင်ငံတကာ သမိုင်းပညာရှင်များ၏ သမိုင်းဆိုင်ရာ ရှင်းလင်းပွဲတရပ်ကို ထိုင်းနိုင်ငံ ဘန်ကောက်မြို့ မဟီဒေါတက္ကသိုလ်၌ မတ်လ ၉ ရက်နေ့က ပြုလုပ်ခဲ့ ကြောင်း ရှင်းလင်းပွဲစီစဉ်သူများက သတင်းထောက် များအား ပြောကြားလိုက်သည်။

အဆိုပါ ရှင်းလင်းပွဲတွင် ရခိုင်သမိုင်းဆိုင်ရာ နိုင်ငံတကာ ပညာရှင်များ ဖြစ်ကြသည့် ပြင်သစ်နိုင်ငံ အာရှ လေ့လာရေး ဌာနမှ ဒေါက်တာ ဂျက်စ်ပီလေဒါ (Dr.JacquesP.Leider ) ၊ နယ်သာ လန်နိုင်ငံ ဟိုက်ဂူးဒေသ၊ ဒတ်ခ်ျ ဘာသာ စကား အသိအမှတ်ပြု အသင်း၏ ညှိနှိုင်းဆောင်ရွက်ရေးမှူး လိုက်ဒင်းတက္ကသိုလ်မှ ပါမောက စတီဗင် ဂယ်လန်( Dr. Stephan Van Galen ) ၊နှင့် ဂျပန်နိုင်ငံ ကန်ဒါတက္ကသိုလ် နိုင်ငံတကာ လေ့လာရေး ဌာနမှ သမိုင်းပါမောက္ခ
ဒေါက်တာအေးချမ်းတို့က ရခိုင်သမိုင်းနှင့် စပ်လျဉ်း၍ တက်ရောက် ရှင်းလင်းခဲ့ကြသည်။

ရှင်းလင်းပွဲဖြစ် မြောက်ရေး ကော်မတီဥက္ကဋ္ဌ ဦးကျော်သောင်းက “ရှင်းလင်းပွဲကို ကျင်းပရတာဟာ ရခိုင်သမိုင်းကို နိုင်ငံတကာ သတင်းမီဒီယာများနဲ့ မိတ်ဆက်ပေးဖို့၊ ရခိုင် ပြည်နယ်မှာ ဖြစ်ပွားခဲ့တဲ့ ပဋိပက္ခ အဖြေရှာရေးမှာ အထောက်အကူဖြစ်စေနိုင်ဖို့၊ နောက်ပြီး နိုင်ငံတကာသမိုင်း ပညာရှင်တွေရဲ့ ဟောပြောချက်တွေဟာ သမိုင်း သုတေသီတွေ အတွက်ကိုးကားနိုင်လောက်တဲ့ အထောက် အထားတွေ အပြည့် အစုံနဲ့ ရခိုင်သမိုင်း စာတမ်းတစောင် ကျန်ရှိနေခဲ့ဖို့ ရည်ရွယ်ပါတယ်”ဟု ပြောသည်။

ရခိုင်သမိုင်းကို ရှင်းလင်းရာတွင် ရှေးဦးစွာ ပြင်သစ်နိုင်ငံ အာရှလေ့လာရေး ဌာနမှ ဒေါက်တာ ဂျက်စ်ပီလေဒါ (Dr.JacquesP.Leider ) က မြန်မာဘုရင့် နိုင်ငံမှ ရခိုင်ဘုရင့်နိုင်ငံကို သိမ်းပိုက်ခဲ့စဉ်က ရခိုင်ပြည်၏ သမိုင်းဆိုင်ရာ အခြေအနေများ၊ နိုင်ငံရေး၊ ဘာသာရေး၊ စီးပွားရေး အခြေအနေများကို အသေးစိတ်ရှင်းလင်းခဲ့သည်။

ထို့နောက် ပါမောက္ခ စတီဗင် ဂယ်လန် ( Dr.Stephan Van Galen )က ၁၅ရာစုမှ၁၈ရာစုအတွင်း ရခိုင်နှင့် ဘင်္ဂလားအကြား ဆက်ဆံရေး အခြေအနေများနှင့်စပ်လျဉ်း၍ ရှင်းလင်းရာ၌ ၁၆၃၅ တွင် ရခိုင်ဘုရင် နိုင်ငံ သြဇာအာဏာ ထိပ်ဆုံးသို့ ရောက်ရှိလာကာ ဘင်္ဂလားဒေသတွင် ရခိုင်၏ ကုန်သွယ်ရေးမှာလည်း လွန်စွာ ကောင်းမွန်လာခဲ့ပြီး၊ အခွန်ဘဏ္ဍာများ တိုးတက် များပြားလာခဲ့ခြင်းနှင့် အတူ ဘင်္ဂလားဒေသအတွင်း ရခိုင်နှင့် ဒတ်ခ်ျတို့၏ ကူးသန်း ရောင်းဝယ်မှုများရှိခဲ့ကြောင်း၊ ရခိုင်ဒေသမှ ဒတ်ခ်ျ ကုန်သည်များ ထွက်ခွာသွားခြင်းက ရခိုင်စီးပွားရေး အပေါ် သက်ရောက်မှု များစွာရှိစေခဲ့ကြောင်း ဖြင့် အသေးစိတ် ရှင်းလင်းခဲ့သည်။

၎င်းနောက် သမိုင်းပါမောက္ခ ဒေါက်တာအေးချမ်းက “ရခိုင်နယ်စပ်ဖြတ်ကျော် ပြောင်းရွှေ့နေထိုင်မှုမှသည် လူမျိုးစု အကြမ်းဖက်မှု” ခေါင်းစဉ်ဖြင့် ဟောပြောခဲ့ရာတွင် ခေတ်ပြိုင် သမိုင်းဖြစ်စဉ်များနှင့် တကွ ရှင်းလင်း သွားခဲ့သည်။

ရှင်းလင်းပွဲသို့တက္ကသိုလ် အသီးသီးမှ သမိုင်းပါမောက္ခများ၊ နိုင်ငံတကာ သံအရာရှိများ၊ သတင်းဌာန များနှင့် ဖိတ်ကြားထားသူများ၊ထိုင်းနိုင်ငံဘန်ကောက်ရှိ တက္ကသိုလ်များမှရခိုင် ရဟန်း သံဃာများနှင့် ကျောင်းသားများ၊ မွတ်ဆလင် ခေါင်းဆောင်များနှင့် သမိုင်းပညာရှင်များ ၊ပြည်တွင်းမှ ရခိုင်ဒီမိုကရေစီ အဖွဲ့ချုပ်နှင့် ရခိုင် တိုင်းရင်းသားများ တိုးတက်ရေးပါတီမှ ဥက္ကဋ္ဌများ ဖြစ်သည့် ဦးအေးသာအောင်၊ ဒေါက်တာအေးမောင်တို့ အပါ အဝင်ရခိုင် နိုင်ငံရေးနယ်ပယ်မှ ခေါင်းဆောင်များလည်း တက်ရောက်ခဲ့ကြသည်ဟု သိရသည်။

ထိုင်းနိုင်ငံ ဘန်ကောက်မြို့မဟီဒေါတက္ကသိုလ်၌ကျင်းပသော အဆိုပါရှင်းလင်းပွဲကို မတ်လ ၉ ရက်နေ့ နေ့လည် ၁၂ နာရီမှ ညနေ ၄း၁၀ နာရီထိ ကျင်းပခဲ့သည်။

Ref: မဇ္ဈိမ

Read More...

Collapse...

သမ္မတ ဦးသိန်းစိန်အား နယူးဇီလန်က လှိုက်လှိုက်လှဲလှဲ ကြိုဆို

မတ်လ ၁၄ ရက် ၂၀၁၃ ခုနှစ်

နယူးဇီလန် ဘုရင်ခံချုပ် ဒုတိယ ဗိုလ်ချုပ်ကြီး Sir Jerry Mateparae က မြန်မာသမ္မတ ဦးသိန်းစိန် အား လက်ခံကြိုဆိုခဲ့ရာတွင် နယူးဇီလန် ရေတပ်နှင့် အခြား နယူးဇီလန် ကာကွယ်ရေး အမှုထမ်းများက သေနတ် ၂၁ ချက် ပစ်ဖောက်ကာ ဂုဏ်ပြုခဲ့ကြသည်။

သမ္မတ ဦးသိန်းစိန်အား နယူးဇီလန်မှ “မာအိုရီ” လူမျိုးစုတို့၏ ရိုးရာအက ဖြစ်သည့် “ဟားက” ဖြင့်လည်း ဖျော်ဖြေခဲ့ပြီး ထိုအကမှာ နယူးဇီလန် ရဂ်ဘီ အသင်းကြောင့် ကမ္ဘာတွင် ကျော်ကြားလာသည့် အက ဖြစ်သည်။

နယူးဇီလန် အစိုးရ အိမ်တော်တွင် နှစ်နိုင်ငံ ခေါင်းဆောင်များ ဆွေးနွေးခဲ့ကြပြီးနောက် မြန်မာ သမ္မတ ဦးသိန်းစိန်နှင့် နယူးဇီလန် ဘုရင်ခံချုပ်တို့သည် အစိုးရ အိမ်တော်တွင် ကြာသပတေးနေ့ည၌ နိုင်ငံတော် ညစာစားပွဲတွင် မိန့်ခွန်းပြောကြားလိမ့်မည်ဟု ရေဒီယို နယူးဇီလန်က ကြေညာခဲ့သည်။

သမ္မတ ဦးသိန်းစိန် အနေဖြင့် အော့ကလန် တက္ကသိုလ်တွင် ကိုယ်စားလှယ်များနှင့် တွေ့ဆုံ ဆွေးနွေးဦးမည် ဖြစ်ကာ Fonterra နို့ထွက်ပစ္စည်း ကုမ္ပဏီ၊ နို့စားနွား မွေးမြူရေး ခြံတခုသို့လည်း ၎င်း၏ လေးရက်တာ ခရီးစဉ်အတွင်း သွားရောက်လည်ပတ်မည်ဟု သိရသည်။

လွန်ခဲ့သည့်နှစ် နိုဝင်ဘာလ အတွင်းက နယူးဇီလန် ဝန်ကြီးချုပ် ဂျွန်ကီး မြန်မာနိုင်ငံသို့ လာရောက် လည်ပတ်ခဲ့ပြီး သမ္မတ ဦးသိန်းစိန် ဦးဆောင်သည့် မြန်မာအစိုးရ အဖွဲ့၏ စီးပွါးရေးနှင့် နိုင်ငံရေး ပြုပြင်ပြောင်းလဲမှုများကိုလည်း ချီးကျူးခဲ့ကာ ဦးသိန်းစိန်ကိုလည်း နယူးဇီလန်သို့ လာရောက် လည်ပတ်ပါရန် ဖိတ်ကြားခဲ့သည်။

ဂျွန်ကီးမှာ မြန်မာနိုင်ငံသို့ လာရောက်လည်ပတ်ခဲ့သည့် ပထမဆုံး နယူးဇီလန် ဝန်ကြီးချုပ် ဖြစ်သည်။

Ref: မဇ္ဈိမ

Read More...

Collapse...

ဘတ်ဂျက် စာရင်းကို အတည်ပြုရန် သမ္မတ ဦးသိန်းစိန် တိုက်တွန်း

မတ်လ ၁၃ ရက် ၂၀၁၃ ခုနှစ်

သမ္မတ ဦးသိန်းစိန်က ဘဏ္ဍာရေး ကော်မရှင် အဖွဲ့ဝင်များအား ၂၀၁၃-၂၀၁၄ ဘဏ္ဍာရေးနှစ်အတွက် အသစ်ပြန်လည် ရေးဆွဲထားသည့် ရသုံးခန့်မှန်းခြေ ငွေစာရင်း (ဘတ်ဂျက်စာရင်း) ကို ဆွေးနွေး အတည်ပြုပေးကြပါ ရန် မတ်လ ၁၂ ရက်နေ့က ကျင်းပခဲ့သည့် ၂၀၁၃ခုနှစ်အတွက် ဘဏ္ဍာရေး ကော်မရှင်၏ ပထမဆုံး အစည်းအဝေး တွင် တိုက်တွန်းခဲ့သည်ဟု အစိုးရထုတ် မြန်မာ့အလင်း သတင်းစာတွင် ဖော်ပြထားသည်။

ပြုပြင်ရေးဆွဲ အတည်ပြုထားပြီး ဖြစ်သည့် အမျိုးသားစီမံကိန်း ဥပဒေကြမ်းနှင့် အညီ ၂၀၁၃-၂၀၁၄ အတွက် ဘတ်ဂျက်စာရင်းကို ပြန်လည်ရေးဆွဲခဲ့ကြပြီး ထိုဘတ်ဂျက် စာရင်းကို လွှတ်တော်သို့ တင်ပြရန် ဖြစ်သည်။

ထို ဘတ်ဂျက်စာရင်းတွင် ဘဏ္ဍာရေး လိုငွေပြမှုမှာ ၂၉၂၆.၈၉၈ ဘီလီယံကျပ် (အမေရိကန် ဒေါ်လာ ၃.၄ ဘီလီယံခန့်) ဖြစ်ပြီး လိုငွေနှင့် ဂျီဒီပီ(GDP) အချိုးမှာ ၄.၉၄ ရာခိုင်နှုန်း ဖြစ်သည်ဟု ဆိုသည်။

၂၀၁၃-၂၀၁၄ ဘဏ္ဍာရေးနှစ် အတွက် ကာကွယ်ရေး ဝန်ကြီးဌာန ၏ဘတ်ဂျက် ခွဲတမ်းမှာ အမေရိကန် ဒေါ်လာ ၂.၆ ဘီလီယံ ကျော် ရှိသည်။ ထို့ကြောင့် စုစုပေါင်း အမျိုးသား ဘတ်ဂျက်၏ ငါးပုံတပုံခန့် ရှိသဖြင့် ထိုခွဲတမ်း ပမာဏကို မတ်လ ၁ရက်နေ့က လွှတ်တော်တွင် အငြင်းပွါးဖွယ်ရာ အတည်ပြုခဲ့ခြင်း ဖြစ်သည်။

မှန်းခြေ ငွေစာရင်း [ဘတ်ဂျက်စာရင်း] ကို ဆွေးနွေး အတည်ပြုပေးကြပါရန် မတ်လ ၁၂ ရက်နေ့က ကျင်းပခဲ့သည့် ၂၀၁၃ခုနှစ်အတွက် ဘဏ္ဍာရေး ကော်မရှင်၏ ပထမဆုံး အစည်းအဝေးတွင် တိုက်တွန်းခဲ့သည်ဟု အစိုးရထုတ် မြန်မာ့အလင်း သတင်းစာတွင် ဖော်ပြထားသည်။

Ref: မဇ္ဈိမ

Read More...

Collapse...

KIO နယ်မြေရှိ ကျောင်းများ ဧပြီ ၁ ရက်နေ့မှ ၁၀ တန်းဖြေမည်

ဖနိဒါ
မတ်လ ၁၃ ရက် ၂၀၁၃ ခုနှစ်

မြန်မာနိုင်ငံ တဝှမ်း တက္ကသိုလ်ဝင်တန်း စာမေးပွဲများကို ယနေ့ မတ်လ ၁၃ ရက်နေ့တွင် စတင် ဖြေဆိုနေပြီ ဖြစ်သော်လည်း ကချင်လွတ်လပ်ရေး အဖွဲ့ KIO ထိန်းချုပ် နယ်မြေများမှ ၁၀ တန်း ကျောင်းသူ/သားများ အတွက်မူ လာမည့် ဧပြီလ ၁ ရက်နေ့မှ ဖြေဆိုကြမည် ဖြစ်သည်။

မကြာသေးမီက တိုက်ပွဲများနှင့် ပစ်ခတ်မှုများကြောင့် ကျောင်းစာသင်ရက်များ ပျက်ခဲ့ရပြီး သင်ရိုးကုန်ရန် အချိန် နောက်ကျခဲ့၍ စာမေးပွဲလည်း နောက်ကျ စစ်ရကြောင်း KIO ပညာရေးဌာနမှ အထွေထွေ အတွင်းရေးမှူးက မဇ္စျိမကို ပြောသည်။

“တိုက်ပွဲတွေ ပြင်းထန်တယ်။ လိုင်ဇာအနားမှာ အစိုးရဘက်က လက်နက်ကြီးတွေ နေရော ညပါ ပစ်နေတော့ ကျောင်းတွေ တပတ်ကျော် ပိတ်လိုက်ရတယ်။ လက်နက်ကြီးတွေ ကျမှာစိုးလို့ သတိနဲ့ စာသင်ရတော့ သင်ခန်းစာတွေ နောက်ကျသွားတယ်။ သင်ခန်းစာ ကုန်အောင် သင်ကြားပေးနေလို့ပဲ တခြားတော့ မရှိဘူး” ဟု ဆရာကြီး ဖောင်းဂါ
ရော်ဆော် က ပြောသည်။

လိုင်ဇာ၊ မိုင်ဂျာယန်၊ အင်ဂွမ်လ အထက်တန်းကျောင်းမှ ကျောင်းသူကျောင်းသား အားလုံးက ၂၀၀ ဦးကျော် ရှိကြောင်း သိရသည်။

၎င်းတို့အတွက် ၂၀၁၂-၂၀၁၃ ခုနှစ်၊ ပညာသင်နှစ် တက္ကသုိုလ်ဝင်တန်း စာမေးပွဲကို KIO ၏ ပညာရေးဌာနမှ ဘုတ် အဖွဲ့ ဖွဲ့စည်း၍ မေးခွန်းများထုတ်ကာ စာမေးပွဲကို လာမည့် ဧပြီလ ၁ ရက်နေ့မှာ စတင် ဖြေဆိုမည် ဖြစ်ကြောင်း ဆရာကြီး ဖောင်းဂါ ရော်ဆော် က ဆက်ပြောသည်။

“ကျနော်တို့ ကျောင်းသားတွေက လိုင်ဇာ၊ မိုင်ဂျာယန်၊ အင်ဂွမ်လတို့မှာ ခွဲပြီး ဖြေရမယ်။ အရင်နှစ်တွေက အစိုးရ ကျောင်းတက်ပြီး ဖြေခိုင်းတာ။ ခုတော့ သူတို့ အစိုးရဘက်က လာပါလို့လည်း မပြောဘူး။ မလာနဲ့ လို့လည်း မပြောဘူး ဆိုတော့ ကျနော်တို့ဘက်က မသွားတော့ဘူး” ဟု ဆိုသည်။

အစိုးရနှင့် KIO တို့ တိုက်ပွဲဖြစ်ပွားခဲ့သော ၂၀၁၁ ခုနှစ်မှ စ၍ ၂၀၁၁-၂၀၁၂ ခု ပညာသင်နှစ်က KIO နယ်မြေအတွင်းရှိ ၁၀ တန်းကျောင်းသူ/သားများ အစိုးရကျောင်းများနှင့် ပူးတွဲ၍ စာမေးပွဲ ဖြေဆိုခွင့် မရတော့၍ KIO က ကိုယ့်နည်း ကိုယ့်ဟန်ဖြင့် စာမေးပွဲ ဖြေဆိုခဲ့ခြင်း ဖြစ်သည်။

၁၉၉၄ ခုနှစ်က အပစ်အခတ် ရပ်စဲပြီးနောက် ပူးတွဲပညာသင်ကြားခွင့်ပေးသည့် အစီအစဉ်အရ KIO နယ်မြေရှိ ၁၀ တန်း ကျောင်းသူ/သားများကို နှစ်စဉ် စက်တင်ဘာလတွင် မြစ်ကြီးနားမြို့၌ ဘော်ဒါဆောင်အဖြစ် သီးသန့်နေထိုင်ပြီး အထက(၁) ကျောင်းတွင် တက်ရောက်၍ စာမေးပွဲ ဖြေဆိုခွင့်ပေးခဲ့သည်။

သို့သော် ၂၀၁၁ ခုနှစ်မှစတင်၍ အစိုးရဘက်မှ စာမေးပွဲ လာရောက်ဖြေဆိုရန် ပြောဆိုခြင်း မရှိသလို KIO ဘက်မှ လည်း လုံခြုံရေး စိုးရိမ်၍ ထိုအစီအစဉ် ရပ်ဆိုင်းသွားခဲ့သည်ဟု ဆိုသည်။

ယမန်နှစ် စာမေးပွဲအောင်မြင်သူ ၅၅ ဦး ရှိပြီး မြို့ပေါ်တွင် နေထိုင်နေသော တက္ကသိုလ်ဝင်တန်း အောင်မြင်ထားသူများနှင့် ၎င်းတို့ ထိန်းချုပ်နယ်မြေအတွင်းရှိ ၁၀ တန်းစာမေးပွဲ အောင်မြင်သူများ စုစုပေါင်း ကျောင်းသူ ကျောင်းသား ၃၀၀ ခန့်ရှိပြီး ၎င်းတို့ကို KIO အတွင်း ဆေးကျောင်း၊ ဆရာအတတ်သင်ကျောင်း၊ ဗိုလ်လောင်းကျောင်းနှင့် တရုတ်နိုင်ငံ မန်ရှိ တက္ကသိုလ်ကျောင်း၊ တရုတ်စာသင်ကြားခြင်း စသည့် နေရာများတွင် တက်ရောက် နေကြသည်ဟု ပြောသည်။

ထို့ပြင် တက္ကသိုလ်ဝင်တန်း စာမေးပွဲ အောင်မြင်သူများအတွက် မိုင်ဂျာယန်တွင် တက္ကသိုလ်တခု ဖွင့်လှစ်ရန် စီစဉ် နေပြီဟု ဆရာကြီး ရော်ဆော် က ပြောဆိုသည်။

Ref: မဇ္ဈိမ

Read More...

Collapse...

တားမြစ်ခံထားရသည့် ငြိမ်းချမ်းရေး လမ်းလျှောက်အဖွဲ့ လိုင်ဇာမြို့ရောက်ပြီ

ဖနိဒါ
မတ်လ ၁၃ ရက် ၂၀၁၃ ခုနှစ်

ကချင်ပြည်နယ် ငြိမ်းချမ်းရေးအတွက် မန္တလေးနှင့် မြင်းခြံမြို့မှ လမ်းလျှောက်လာသူများ ဗုဒ္ဓဟူးနေ့ မွန်းလွဲ ၂ နာ၇ီတွင် လိုင်ဇာမြို့သို့ ရောက်ရှိလာပြီး ပြည်သူလူထု ၅၀၀ ခန့် ကြိုဆိုခဲ့သည်ဟု ကချင်လွတ်လပ်ရေးအဖွဲ့ KIO ၏ ကြိုဆိုရေးကော်မတီ တာဝန်ခံ ဦးဒွဲပီဆား က ပြောသည်။

“ကျနော်တို့က ငြိမ်းချမ်းရေး ရလိုတယ်။ ကချင်ပြည်နယ်မှာ တိုက်ပွဲဖြစ်တယ်။ ကချင်မှ မပြီးခင်၊ ရှမ်းပြည်နယ် ဘက်တွေမှာလည်း တိုက်ပွဲတွေ ဖြစ်လာနိုင်တယ်။ အဲဒီကနေ ကယား၊ ကရင် စသဖြင့် တိုက်ပွဲတွေ ကြီးထွားလာနိုင်လို့ တိုက်ပွဲတွေ ချုပ်ငြိမ်းစေချင်လို့ ဆန္ဒကို ဖော်ပြတာပါ ဆိုတာပါပဲ”ဟု မဇ္ဈိမကို ပြောသည်။

မိုင်းများ ရှိနိုင်၍ လုံခြုံမှု မရှိကြောင်း ဒေါ့ဖုန်းယန်မြို့နယ်ခွဲ ဒုံခွန်းကျေးရွာရှိ အစိုးရ စစ်တပ်ဘက်မှ မတ်လ ၉ ရက်နေ့မှ ၁၂ ရက်နေ့ထိ ၄ ရက်ကြာ တားမြစ်ထားရာမှ ယနေ့ နံနက်ပိုင်း တွင် ဖြတ်သန်းခွင့် ပြုခဲ့ခြင်း ဖြစ်သည်။

“သူတို့က တားမြစ်ထားပြီး အစားအသောက်လာပေးရင်လည်း မစားဘဲ ဆန္ဒပြနေရာကနေ ဒီမနက်တော့ ခွင့်ပြုလိုက်တယ်။ ဒီလိုင်ဇာဘက် ဖြတ်လာဖို့ ပိတ်ထားတာတွေ ဖွင့်လိုက်လို့ သူတို့ ဖြတ်လာနိုင်တယ်လို့ ပြောတယ်”ဟု ၎င်းက ဆက်ပြောသည်။

လိုင်ဇာမြို့တော်ဝန်၊ ကျောင်းသားတပ်မတော်(မြန်မာပြည်မြောက်ပိုင်း) တို့မှ တာဝန်ရှိသူများက ကြိုဆိုနှုတ်ခွန်းဆက် စကားများ ပြောကြားပြီး လမ်းလျှောက်ဆန္ဒပြ ဦးဆောင်သူ ကိုသန့်ဇင်၊ ဦးဇင်းတပါးနှင့် အမျိုးသမီး တဦးတို့က ငြိမ်းချမ်းရေးရရှိလိုကြောင်း မိတ်ဆက်စကား ပြောကြားခဲ့ကြသည်ဟု ဦးဒွဲပီဆား က ပြောပြသည်။

ချီတက်လမ်းလျှောက်လာသူများအား ကြိုဆိုသည့် အခမ်းအနား ကျင်းပပြီးနောက် ညနေပိုင်းတွင် ညစာစားပွဲ ကျင်းပနေသည်ဟု သူက မဇ္စျိမကို ပြောသည်။ ၎င်းတို့သည် ကြာသပတေး နေ့တွင် စစ်ပြေး ဒုက္ခသည်စခန်းများသို့ သွားရောက် လေ့လာမည် ဖြစ်သည်။

မြစ်ကြီးနားလမ်းဘက်မှ လမ်းလျှောက်လာသည် အဖွဲ့မှာ လာမည့် ၁၅ ရက်နေ့မှ မြစ်ကြီးနားမြို့မှ လိုင်ဇာမြို့သို့ ချီတက်လာမည် ဖြစ်ကြောင်း သိရသည်။

Ref: မဇ္ဈိမ

Read More...

Collapse...

မှတ်ပုံတင်မရှိသဖြင့် နာဂတို့ အသံပျောက်

ခိုင်ခိုင်
မတ်လ ၁၃ ရက် ၂၀၁၃ ခုနှစ်

မှတ်ပုံတင်မရှိသဖြင့် နာဂတိုင်းရင်းသားများ၏ အခွင့်အရေးများနှင့် လူဦးရေ ဆုံးရှုံးမှု ကြီးကြီးမားမား ကြုံတွေ့နေရသည်ဟု ရန်ကုန် နာဂကျောင်းသားလူငယ် အဖွဲ့ချူပ် (ဥက္ကဌ) ဦးနော်အောင်ဆန်းက မတ်လ ၁၁ရက်နေ့တွင် ပြုလုပ်ခဲ့သော သတင်းစာ ရှင်းလင်းပွဲတွင် ပြောခဲ့သည်။

“ တောင်တန်းမှာ နေတောင်တန်းမှာပျော် မြို့နဲ့ ဘာမှမဆိုင်ဆိုတဲ့ ပုဂိုလ် များဖြစ်ကြတဲ့ နည်းတူမှတ်ပုံတင် ဆိုတာ အရေးမကြီးပါဘူး ဖြစ်ကြတဲ့အတွက် အခုချိန်မှာ လူဦးရေ ဆုံးရှုံးမှု ကြီးကြီး ကျွန်တော်တို့ ကြုံတွေ့နေရပါတယ်” ဟု ဦးနော်အောင်ဆန်းက ပြောသည်။

နာဂလူဦးရေ တိတိကျကျ စာရင်းရရှိရန် သန်းခေါင်းစာရင်း ကောက်ခံခြင်း မှတ်ပုံတင် လုပ်ပေးခြင်း ကိစ္စရပ်များမှာ အစိုးရ လုပ်ဆောင်ပေးရမည့် အပိုင်းသာဖြစ်ကြောင်း နာဂလူဦးရေ အပေါ် အခြေခံပြီး လူဦးရေ အများဆုံး နေထိုင်ရာ ဒေသများတွင်သာ စာရင်း တိတိကျကျ လုပ်ထားခြင်းများ မရှိသောကြောင့် လေရှီး လေဟယ်၊ နန်းယွင်းဒေသတို့မှာသာ မှတ်ပုံတင် ရကြောင်း နာဂတောင်တန်းဖွံ့ဖြိုး တိုးတက်ရေး ကွန်ယက်(အတွင်းရေးမှူး) ဦးဇော်ဝင့်ဖြိုးက ပြောသည်။

၎င်းက“မှတ်ပုံတင်မရှိလို့ ဆုံးရှုံးတယ် ဆိုတာက နာဂကိုယ်ပိုင် အုပ်ချူပ်ခွင့်ရ ဒေသက လူဦးရေ အပေါ် အခြေခံပြီး ဖွဲ့ထားတယ်။ လူဦးရေ အများဆုံး နေထိုင်ရာဒေသပေါ့။သူတို့ရဲ့ မှတ်ပုံတင်ထားတဲ့ အပေါ်ကို အခြေခံပြီး လုပ်ထားတဲ့အတွက် ကျွန်တော်တို့က (၃)ဒေသ ပဲရတယ်။ အမှန်တကယ်ဆိုရင် စာရင်းသာ တိတိကျကျ ကောက်နိုင်ခဲ့ရင် ကျွန်တော်တို့ ဒီထက် ပိုရနိုင်ပါတယ်။ ဒါကြောင့် ကျွန်တော်တို့ နာဂတိုင်းရင်းသားတွေရဲ့ အသံပျောက်သွားတာပါ။ ” ဟု ပြောသည်။

မှတ်ပုံတင်ကိစ္စနှင့် ပတ်သတ်၍ ခရီးသွားလာမှု မရှိကြသဖြင့် ဗဟုသုတ မရှိကြကြောင်း၊ မှတ်ပုံတင် လိုချင်သူများမှာ မရနိုင်ကြကြောင်း ရန်ကုန် နာဂနှစ်ခြင်းမှ သင်းအုပ်ဆရာ ဦးစီမူထောင်းက ပြောသည်။

၎င်းက “ ကျွန်တော်တို့ နာဂလူမျိူးတွေက စာမတတ်ဘူး။ နောက်တခုက ဆက်သွယ်လမ်းလဲ မရှိဘူး။ အဲဒီမှာ မှီတင်းနေထိုင်ကြတဲ့ နာဂတိုင်းရင်းသားတွေက ခရီးသွားလာဖို့လဲ မလိုဘူး။ မှတ်ပုံတင်ကို တန်ဖိုးမထားဘူး။ ခရီးသွားဖို့ လိုတဲ့လူတွေပဲ လုပ်ကြပေါ့။ မှတ်ပုံတင်ဌာန(လ.၀.က)က လူတွေ အတင်းသွားလုပ်ပေးလဲ မလုပ်ချင်ဘူး။ အလကား လုပ်ပေးတာတောင်မှ သူတို့ မလုပ်ချင်ကြဘူး” ဟုပြောသည်။

မှတ်ပုံတင် လုပ်ထားရမည်ကို သိသည့် ကျေးရွာများတွင်တော့ လုပ်ချင်သော်လည်း အချိန်နှင့် ငွေပါကုန်ပြီး မှတ်ပုံတင်တခု လုပ်ရသည်မှာ ခက်ခဲကြောင်း၊ မှတ်ပုံတင်မလိုချင်သူများက ရပြီး လိုချင်သူများက မရဖြစ်နေကြောင်း ဦးစီမူထောင်းက ပြောသည်။

၂၀၁၄ မှာသန်းခေါင်စာရင်း ကောက်ချိန်တွင် နာဂလူမျိူးများကို ထည့်သွင်း ကောက်စေချင်ပြီး တာဝန်ရှိသူများက တိတိကျကျ မှန်ကန်သည့် စာရင်း ကောက်စေချင်ကြောင်း နာဂနှစ်ခြင်း ခရစ်ယာန် အဖွဲ့ချူပ် (ခန္တီး) (အထွေထွေ အတွင်းရေးမှူး) ဆရာတော် ဦးစိန်မောင်က ပြောသည်။

၎င်းက “ နာဂ ကိုယ်ပိုင်အုပ်ချူပ်ခွင့်ရဒေသမှာ (၃)မြို့နယ်ထဲ မဟုတ်ပဲ ခန္တီးတို့ ဟုမ္မလင်းတို့ ပါသင့်ပါတယ်။ တိတိကျကျနဲ့ ကျွန်တော်တို့ နာဂလူဦးရေကို ဖော်ပြီးတော့မှ ဆက်လက်ပြီး လုပ်ဆောင်သွားမယ်ဆို အောင်မြင်လိမ့်မယ် လို့ယုံကြည်ပါတယ်။ ကျွန်တော် သိသလောက်ကတော့ နာဂတွေ သုံးသိန်းခွဲ ၀န်းကျင်ရှိတယ်ဆိုတာ မှတ်ပုံတင်မရတဲ့ ဦးရေ တော်တော် များများ ရှိတယ်” ဟု ပြောသည်။

Ref: မဇ္ဈိမ

Read More...

Collapse...

လူ့အခွင့်အရေးနေ့ အခမ်းအနား ဒေလီတွင် ကျင်းပ

နေမျိုး
မတ်လ ၁၃ ရက် ၂၀၁၃ ခုနှစ်

ငွေရတု တိုင်ပြီဖြစ်သည့် မြန်မာနိုင်ငံ လူ့အခွင့်အရေးနေ့ အထိမ်းအမှတ် အခမ်းအနား တရပ်ကို အိန္ဒိယနိုင်ငံ၊ နယူးဒေလီမြို့တွင် မြန်မာ့ဒီမိုကရေစီ အင်အားစုများက ဗုဒ္ဓဟူးနေ့တွင် ကျင်းပခဲ့ကြသည်။

၁၉၈၈ ခုနှစ်၊ မတ်လ ၁၃ ရက်နေ့က ရန်ကုန် စက်မှုတက္ကသိုလ် (RIT) ပဉ္စမနှစ် ကျောင်းသား ကိုဖုန်းမော်နှင့် ကိုစိုးနိုင် တို့မှာ အဓိကရုဏ်း နှိမ်နင်းရေး လုံထိန်းရဲတပ်ဖွဲ့ဝင်များ၏ ပစ်ခတ်မှုကြောင့် သေနတ်ဒဏ်ရာဖြင့် သေဆုံး ခဲ့ရသည်။ ထိုနေ့ကို ဒေါ်အောင်ဆန်းစုကြည် ဦးဆောင်သော ဒီမိုကရေစီ အင်အားစုများက မြန်မာနိုင်ငံ လူ့အခွင့်အရေးနေ့ အဖြစ် သတ်မှတ်ခဲ့ကြခြင်း ဖြစ်သည်။

“လွန်ခဲ့တဲ့ ၂၅ နှစ်လောက်က ရှိနေတဲ့ လူ့အခွင့်အရေး အခြေအနေမျိုးကနေ သိသိသာသာ တရားဝင် ပြောင်းလဲလာတဲ့၊ အများပြည်သူတွေရဲ့ ဆန္ဒရှိသလောက် ပြောင်းလဲလာတဲ့ အပြောင်းအလဲမျိုး လုံးဝ မရှိသေးဘူး ဆိုတာ ထင်ရှား နေတယ်လို့ ပြောချင်တယ်” ဟု ၁၉၈၈ ခုနှစ်၊ အရေးအခင်းတွင် ပါဝင်လှုပ်ရှားခဲ့သူ လက်ရှိ ABSDF ကျောင်းသား
ခေါင်း ဆောင် ကိုဇင်နိုင် က မဇ္စျိမ ကို ပြောသည်။

ထိုအချိန်က အာဏာရ မြန်မာ့ဆိုရှယ်လစ် လမ်းစဉ်ပါတီ (မဆလ) အစိုးရက ကိုဖုန်းမော် သေဆုံးမှုရမှာ RIT အနီးဝန်းကျင်နေ အရပ်သားများနှင့် ကျောင်းသားများ ခိုက်ရန်ဖြစ်ပွားရာမှ သေဆုံးရခြင်း ဖြစ်သည်ဟု နိုင်ငံပိုင် သတင်းစာများမှ သတင်းထုတ်ပြန်ခဲ့သည်။

သို့သော် “ကြို့ကုန်းရပ်ကွက်နဲ့ အင်းစိန် RITကျောင်းက ဟိုဘက် ကမ်း ဒီဘက်ကမ်းပဲ ဆိုတော့ သူတို့ကြားထဲမှာ ဘာပဲဖြစ်ဖြစ် သူငယ်ချင်းလို ပေါင်းနေတဲ့ သူလည်း ရှိတာပဲ။ ရပ်ကွက် သားတွေ အနေနဲ့ ကျောင်းသားတွေကို ပေါင်းသင်းနေတဲ့ သူရှိသ လို ကျောင်းသားတွေကလည်း ရပ်ကွက်သားတွေနဲ့ ပေါင်းနေတာပဲ။ တကယ်ဖြစ်ခဲ့တာက ရပ်ကွက်ထဲက လူတွေနဲ့ ဘာပြဿနာမှ မရှိဘူး။ ရပ်ကွက်ထဲမှာ ဗိုလ်ကျနေတဲ့ မဆလ အာဏာပိုင်တွေရဲ့ သားသမီးတွေကတော့ ဗိုလ်ကျခဲ့တယ်” ဟု မြန်မာနိုင်ငံလုံးဆိုင်ရာ ကျောင်းသားများ အဖွဲ့ချုပ်မှ ကိုကျော်သန်း က အခမ်းအနား တွင် ထည့်သွင်း ပြောဆိုသွားသည်။

ထိုနှစ် မတ်လက ဗိုလ်ချုပ်ကြီး (ဦး)နေဝင်း ဦးဆောင်သည့် မြန်မာဆိုရှယ်လစ် လမ်းစဉ်ပါတီက တိုင်းပြည်တွင်း လှည့်လည်သုံးစွဲနေသည့် ကျပ်ငွေများ တရားမဝင်ကြောင်း ကြေညာရာမှ မကျေမနပ်ဖြစ်ကာ ပြဿနာ စတင် ကြောင်း ကိုဇင်နိုင် က ဆက်ပြောသည်။

“ပိုက်ဆံ သိမ်းတဲ့ကိစ္စ မြန်မာ့အသံ ရေဒီယို မနက် ၁၁ နာရီ သတင်းမှာ ကြေညာတယ်။ ညနေ ကျတော့ ရုတ်ရုတ် ရုတ်ရုတ် ဖြစ်တယ်။ အဲဒီမှာ ကျောင်းသားတွေ စာမေးပွဲဖြေနေရတဲ့ ကာလ ငါတို့တော့ ပိုက်ဆံမရှိဘူး။ မနက်ဖြန်ကျရင် စားဖို့ သောက်ဖို့ ဘယ်လိုလုပ်ကြမလဲဆိုပြီးတော့ ပြောရင်းပြောရင်း စဖြစ်လာတာ” ဟု ပြန်ပြောပြသည်။

ထိုမှတဆင့် စက်မှုတက္ကသိုလ် ကျောင်းသားများသာမက အခြား တက္ကသိုလ်များမှ ကျောင်းသားများ စုစည်းဆန္ဒပြကြ ရာမှ မတ်လ ၁၆ ရက် “တံတားနီ”အရေးအခင်း အကြမ်း ဖက်ဖြိုခွင်းမှု ဖြစ်ပေါ်ခဲ့ပြီးနောက် ဇွန်လ အရေးအခင်းနှင့် တဆက်တည်း သြဂုတ်လတွင် တနိုင်ငံလုံး အတိုင်းအတာဖြင့် ကျယ်ပြန့်ခဲ့ကာ ၈၈ အရေးအခင်းဟူ၍ ဖြစ်ပွားလာခဲ့ရ
သည်။

ထိုအရေးအခင်းတွင် သမ္မတ သုံးယောက် ဆက်တိုက် ဖြုတ်ချခဲ့နိုင်ပြီး ရဟန်းရှင်လူ ပြည်သူများမှာလည်း အာဏာပိုင် များ၏ အကြမ်းဖက် ပစ်ခတ်ဖြိုခွင်းမှုကြောင့် ထောင်နှင့်ချီ၍ အသက်ပေးခဲ့ကြရသည်။

ထို ၈၈၈၈ အရေးတော်၏ အစဖြစ်သည့် မူလက “ဖုန်းမော်နေ့”ဟု ခေါ်တွင်ခဲ့သည့် “မြန်မာနိုင်ငံ လူ့အခွင့်အရေးနေ့” အခမ်းအနားသို့ ဒေလီမြို့ရှိ ဒီမိုကရေစီအင်အားစု ၃၀ ကျော် တက်ရောက်ခဲ့ကြသည်။

အခမ်းအနားအပြီးတွင် လက်ရှိနိုင်ငံရေးအခြေအနေ သုံးသပ်စကားဝိုင်းတစ်ခုကိုလည်း ဆက်လက်ပြုလုပ်ခဲ့ကြသည်။

အလားတူ လူ့အခွင့်အရေးနေ့ အထိမ်းအမှတ်အခမ်းအနား တခုကို ထိုင်း-မြန်မာနယ်စပ် မဲ့ဆောက်မြို့တွင်လည်း ပြုလုပ်ခဲ့ကြကြောင်း သိရှိရသည်။

Ref: မဇ္ဈိမ

Read More...

Collapse...

EU သံအဖွဲ့ မြစ်ကြီးနားရှိ ဒုက္ခသည်များနှင့် သာဘာရေးပုဂ္ဂိုလ်များကို တွေ့ဆုံ

ဖနိဒါ
မတ်လ ၁၃ ရက် ၂၀၁၃ ခုနှစ်

ဥရောပ သမဂ္ဂ EU မှ ၁၅ ဦး ပါဝင်သော သံတမန်များ ကချင်ပြည်နယ်၊ မြစ်ကြီးနားမြို့သို့ အင်္ဂါနေ့က ရောက်ရှိလာပြီး စစ်ပြေးဒုက္ခသည်စခန်းများသို့ ယနေ့ သွားရောက် လေ့လာခဲ့ သည်ဟု စခန်းတာဝန်ရှိ တဦးက ပြောသည်။

နံနက် ၁၀ နာရီက မြစ်ကြီးနားမြို့၊ တပ်ကုန်ရပ်ကွက် နှစ်ခြင်းအသင်းတော်မှ ဖွင့်လှစ်ထားသော စစ်ပြေး ဒုက္ခသည် စခန်းသို့ EU သံသမန်များ သွားရောက် တွေ့ဆုံ မေးမြန်းခဲ့ပြီး စခန်းအတွင်း အသေးစိတ်လေ့လာကြည့်ရှုခဲ့သည်ဟု စခန်းတာဝန်ခံ သင်းထောက်ဆရာ ဦးတန်ဂွန်း က ပြောသည်။

“သူတို့က စစ်ပြေးဒုက္ခသည်တွေ ဘယ်လိုလုပ် ဒီကိုရောက်လာတယ်။ ကျေးရွာတွေမှာ မီးရှို့ဖျက်ဆီးမှုတွေ ရှိလား။ စခန်းမှာနေရတဲ့ လူတွေ ဘယ်လို ခံစားရတယ်။ တဲတွေမှာ အသေးစိတ်ကြည့်ရှုတယ်။ ထဲထဲဝင်ဝင် လာကြည့်သွား တယ်” ဟု မဇ္စျိမကို ပြောသည်။

တပ်ကုန်းဒုက္ခသည် စခန်းတွင် ဒုက္ခသည်ပေါင်း ၂၆၀ ကျော်ရှိပြီး ဆန်နှင့် ကုလားပဲ ပုံမှန်ရရှိသော်လည်း အာဟာရ ဖြစ်စေမည့် အခြား အစားအစာ မရသည့် အခက်အခဲနှင့် ကြုံတွေ့ နေရသည်ဟု ဆိုသည်။

“ခုလို လာအားပေးတာ အရမ်းအားရှိတယ်။ ဥရောပနိုင်ငံတွေ အများကြီးက သံသမန်တွေ လာရောက်လုိ့ ကျနော်တို့ ဘက်က အားရတယ်။ ကျနော်တို့လည်း ငြိမ်းချမ်းရေးကို ရဖို့ မျှော်လင့်တယ်။ သူတို့ လာရောက်တဲ့အတွက် အရမ်း အကျိုးရှိတယ်။ ကောင်းတဲ့အလားလာပါပဲ” ဟု ဆရာ ဦးတန်ဂွန်း က ပြောသည်။

EU ကိုယ်စားလှယ်များသည် ညနေပိုင်းတွင် ဝိုင်းမော်မြို့နယ်၊ မိုင်းနားကျေးရွာရှိ ဒုက္ခသည် စခန်းများနှင့် အခြား ဒုက္ခသည်စခန်းများသို့လည်း သွားရောက်လေ့လာမည် ဖြစ်ကြောင်း သူက ဆိုသည်။

မတ်လ ၁၂ ရက် ညနေပိုင်းက မြစ်ကြီးနားမြို့မှ ရိုမင်ကက်သလစ်အသင်းတော်မှ ဆရာတော်ရုံးတွင် မြစ်ကြီးနား ဆရာတော် ဖရန်စစ် အပါအဝင် ဘုန်းတော်ကြီးများနှင့် EU ကိုယ်စား လှယ်တို့ တွေ့ဆုံခဲ့သည်ဟု ဆရာတော်ရုံးမှ အထွေထွေအတွင်းရေးမှူး ဘုန်းတော်ကြီး ရုံဝါ က ပြောသည်။

“သူတို့ EU ဘက်ကတော့ မေးခွန်းတွေ မေးတယ်။ ဒီကအခြေအနေ ဘယ်လိုရှိလဲ။ လမ်းခရီး သွားရေးလာရေး ဘယ်လိုရှိလဲ။ ငြိမ်းချမ်းရေးနဲ့ ပတ်သက်လို့ ဘယ်လို မြင်လဲ။ ဘယ်လို ဖြစ်နေလဲ။ လူ့အခွင့်အရေး ချိုးဖောက်မှု ရှိလား စသဖြင့် မေးတယ်။ စစ်ပြေး ဒုက္ခသည်အကြောင်းတွေ မေးတယ်။ ဖာသာတို့ဘက်ကတော့ အခုဆို ပိုဆိုးလာတယ်။ ပိုခက်ခဲလာတယ်။ ကြာလည်း ကြာပြီဆိုတော့ အဲဒါကြောင့် ဆက်ပြီး ကူညီပေးသွားနိုင်ရင် ကောင်းတယ်လို့ တောင်းဆိုတယ်” ဟု မဇ္စျိမကို ပြောသည်။

EU သံသမန်များ ကိုယ်တိုင် ယခုကဲ့သို့ လာရောက်ခြင်းအားဖြင့် မြန်မာနိုင်ငံ ငြိမ်းချမ်းရေးအတွက် များစွာ အကျိုးရှိလမ့်မည်ဟု ယုံကြည်ကြောင်း ဘုန်းတော်ကြီး ရုံဝါက ပြောသည်။

“ခုလို အခက်အခဲ ရှိနေတဲ့အချိန်မှာ ကျနော်တို့ကြီးပဲ ကြိတ်ပြီး ကြိုးစားနေမယ့်အစား ပတ်ဝန်းကျင်က၊ အထူးသဖြင့် ဒီလိုမျိုး နိုင်ငံတကာကနေပြီးမှ ကိုယ်တိုင်ကိုယ်ကျ လာကြည့်တယ်။ နောက် ငြိမ်းချမ်းရေး ရလာအောင်လည်းပဲ သူတို့ ဘက်ကနေ ဖာသာ သိသလောက်တော့ သူတို့ နေပြည်တော်မှာလည်း တွေ့ဖို့ ရှိတယ်လို့ပြောတယ်။
ကောင်းမှာပါ။ အကျိုးရှိမှာပါ” ဟု သူက ဆက်ပြောသည်။

အလားတူ ကချင် နှစ်ခြင်း ခရစ်ယာန်အဖွဲ့ချုပ် KBC ခေါင်းဆောင်များနှင့် အခြားဘာသာရေး ခေါင်းဆောင်များ နှင့်လည်း တွေ့ဆုံခဲ့သည်ဟု သိရသည်။

သံသမန်များသည် ပြည်နယ် ဝန်ကြီးချုပ် ရွှေလီဆွေးနွေးပွဲမှ ပြန်ရောက်လာခြင်း မရှိသေးသဖြင့် ပြည်နယ် အစိုးရအဖွဲ့နှင့် သီးခြားတွေ့ဆုံခြင်း မရှိသော်လည်း သံသမန်များ၏ ယမန်နေ့ ညစာစားပွဲကို တည်ခင်းကျွေးမွေး ခဲ့သည်ဟု ပြည်နယ် လူမှုဝန်ကြီး ဒေါ်ဘောက်ဂျာ က မဇ္စျိမကို ပြောသည်။

အဆိုပါ EU ကိုယ်စားလှယ်များ ယနေ့ ညနေတွင် မြစ်ကြီးနားမြို့မှ ပြန်လည် ထွက်ခွာမည် ဖြစ်ကြောင်း သိရသည်။

Ref: မဇ္ဈိမ

Read More...

Collapse...

အကျဉ်းသား ရဲဘက်များ အုပ်စုလိုက်ထွက်ပြေးမှု ဖြစ်ပွား

ကျော်ခ
March 13, 2013

ရှမ်းပြည်နယ်တောင်ပိုင်း တောင်ကြီးမြို့နယ်တွင်းရှိ ဘန်းကန် ရဲဘက်စခန်းမှ ရဲဘက် ၈ ဦး အုပ်စုလိုက် ထွက်ပြေးမှု ဖြစ်ပွားခဲ့ကြောင်း ထွက်ပြေးသူ တရားခံများကို ပူးပေါင်း ရှာဖွေပေးခဲ့ရသည့် ရပ်စောက်မြို့နယ် ရဲစခန်းက ပြောသည်။

ဘန်းကန် ရဲဘက်စခန်းက စိုက်ပျိုးရေးခြံတခုတွင် မြက်ရှင်းနေရာမှ အဆိုပါ ရဲဘက် ၈ ဦးသည် တနလာင်္နေ့က ထွက်ပြေးသွားခြင်း ဖြစ်ရာ ၃ ဦးကို ပြန်လည်ဖမ်းဆီးနိုင်ခဲ့ပြီး ၅ ဦးလွတ်မြောက်သွားကြောင်း ရပ်စောက်မြို့နယ် ရဲစခန်းမှ စခန်းမှူး ဦးမြင့်ကျော် က ဧရာဝတီသို့ ပြောသည်။

“သူတို့ကို ပေါင်းရှင်းလုပ်အားပေး ခိုင်းနေရာကနေ ထွက်ပြေးသွားတာလို့ပြောတာပဲ၊ ၃ ယောက်တော့ပြန်မိတယ်၊ ကျန်တဲ့ လူတွေကတော့ ရှာလို့မရဘူး၊ ကျနော်တို့လည်း ဝိုင်းလိုက်ပေးသေးတယ်၊ မိုးချုပ်သွားတာနဲ့ ရှာလို့မတွေ့တော့ ပြန်လာတာ”ဟု ဦးမြင့်ကျော် က ပြောသည်။

ထွက်ပြေးကြသူများမှာ မူးယစ်မှုဖြင့် တောင်ကြီးခရိုင်နှင့် လွိုင်လင် ခရိုင်များမှ တောင်လေးလုံး ထောင်တွင် ပြစ်ဒဏ်ကျခံ နေသူများ ဖြစ်ပြီး ၎င်းတို့ကို ဘန်းကန် ရဲဘက်စခန်းမှ စိုက်ပျိုးရေးနှင့် မွေးမြူရေး ခြံလုပ်ငန်းများတွင် တာဝန်ပေး ခိုင်းထားရာမှ အုပ်စုလိုက် ထွက်ပြေး သွားခြင်းဖြစ်ကြောင်း သိရသည်။

ထို ရဲဘက်များသည် ပင်းတယမြို့နယ်ဘက်သို့ ထွက်ပြေးသွားကြောင်း ၎င်းတို့ အနေဖြင့် သက်ဆိုင်ရာ ဒေသအာဏာပိုင်များ ဒေသခံများနှင့် ဆက်သွယ်ဆောင်ရွက်ထားသော်လည်း ထူးခြားမှုမရှိသေးကြောင်း ရပ်စောက် ရဲ စခန်းမှူး က ပြောသည်။

“အရင်တုန်းက ဒီလိုရဲဘက်တွေပြေးတာ တစ်ယောက်စ၊ နှစ်ယောက်စလောက်ပဲ ရှိဖူးတာဗျ၊ အခုဟာကတော့ အုပ်လိုက်ကြီး ပြေး တာဆိုတော့ နည်းနည်းလေး ဟော့သွားတာပေါ့ဗျာ၊ အထက်က လူကြီးတွေကလည်း လိုက်ရှာ ဆိုတော့ ကျနော်တို့လည်း ရှာပေးရ တာပေါ့”ဟု ဦးမြင့်ကျော် က ပြောဆိုသည်။

ရပ်စောက် ရဲစခန်းအနေဖြင့် ထွက်ပြေးသူများ၏ အချက်အလက်များကို ဘန်းကန်ရဲဘက် စခန်းမှတောင်းယူကာ အထက်ကို တင်ပြ မည် ဖြစ်ကြောင်းလည်း ပြောသည်။

ပြန်လည်ဖမ်းဆီးရမိသူ ၃ ဦးကိုတော့ ရပ်စောက် ရဲစခန်းတွင် ရဲဘက်ပြေးမှုဖြင့် အမှုဖွင့်ထားပြီး စစ်ဆေးမေးမြန်းမှုများ ပြုလုပ်လျက် ရှိကြောင်း သိရသည်။

မြန်မာနိုင်ငံတ၀န်းတွင် အကျဉ်းထောင်ပေါင်း (၄၄) ခုရှိပြီး ရဲဘက်စခန်းပေါင်း (၁၀၀) ကျော် ရှိမည်ဟု နိုင်ငံရေးအကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) က ခန့်မှန်းပြောဆိုထားသည်။

Ref: ဧရာဝတီ

Read More...

Collapse...

ပုံနှိပ်ဥပဒေကြမ်း ရုပ်သိမ်းရန် ဝိုင်းဝန်း တောင်းဆို

သာလွန်ဇောင်းထက်
March 12, 2013

ပြန်ကြားရေးဝန်ကြီးဌာနက ရေးဆွဲထားသော ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းကို လွှတ်တော်သို့ တင်သွင်းမှုကို ပြန်လည်ရုပ်သိမ်းရန် နိုင်ငံရေးအဖွဲ့အစည်းများ၊ သတင်း မီဒီယာ အဖွဲ့အစည်းများနှင့် လူမှုအဖွဲ့အစည်းများက ယနေ့တောင်းဆိုလိုက်ကြသည်။

ရန်ကုန်မြို့ ဒဂုံမြို့နယ်ရှိ ယုဇနဂါးဒင်းဟိုတယ်တွင် ယနေ့ကျင်းပပြုလုပ်သော ပြန်ကြားရေးဝန်ကြီးဌာန၏ ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းအပေါ် ဆန့်ကျင် ကန့်ကွက် ရှုတ်ချခြင်းနှင့် ရှေ့ဆက်ဆောင်ရွက်မည့်လုပ်ငန်းစဉ်များ ဆွေးနွေးပွဲအပြီး ထုတ်ပြန်သော အဖွဲ့အစည်းပေါင်းစုံ စုစည်းထားသည့် သဘောထား ကြေညာချက်တွင် ပြန်ကြားရေးဝန်ကြီး ဌာနအနေဖြင့် ပုံနှိပ်ခြင်းနှင့် ထုတ်ဝေခြင်း လုပ်ငန်းဥပဒေကြမ်းကို ပြန်ရုပ်သိမ်းရန် ထုတ်ပြန် ကြေညာလိုက်ခြင်းဖြစ်သည်။


သတင်း အဖွဲ့အစည်းများဖြစ်ကြသည့် မြန်မာနိုင်ငံ သတင်းစာဆရာများ အသင်း(MJA) ၊ မြန်မာနိုင်ငံ သတင်းစာဆရာများ သမဂ္ဂ (MJU)၊ မြန်မာ ဂျာနယ်လစ် ကွန်ယက်(MJN)၊ သတင်း လွတ်လပ်ခွင့် ကော်မတီ ၊ သတင်းဌာနများ၊ လူမှုရေးနှင့် နိုင်ငံရေး အဖွဲ့အစည်းများဖြစ်ကြသည့် ၈၈ မျိုးဆက်ကျောင်းသားများ အဖွဲ့၊ လူ့ဘောင်သစ် ဒီမိုကရက်တစ်ပါတီ (ပြည်တွင်း)၊ လူ့ဘောင်သစ် ဒီမိုကရက်တစ်ပါတီ စုစည်းရေးကော်မတီ(ပြည်တွင်း) ၊ ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်၊ နိုင်ငံရေးအကျဉ်းသားဟောင်းများအဖွဲ့ချုပ်တို့အပြင် လွတ်လပ်သော ထုတ်ဝေရေး လုပ်ငန်းရှင်များက ပြန်ကြားရေးဝန်ကြီးဌာန၏ ဥပဒေကြမ်းသည် နိုင်ငံသားတို့၏ အခွင့်အရေးနှင့် သတင်းမီဒီယာများ၏ လွတ်လပ်ခွင့်ကို ပြောင်တင်းစွာ ထိန်းချုပ်ထားသဖြင့် ဥပဒေကြမ်း ပြန်လည်ရုပ်သိမ်းရေး ပူးပေါင်း တောင်းဆိုသွားကြမည်ဖြစ်ကြောင်း ပြောဆိုလိုက်ကြသည်။

မြန်မာနိုင်ငံ သတင်းစာဆရာအသင်း ဥက္ကဋ္ဌ မောင်ဝံသက မကျန်းမာနေသည့်ကြားက အစည်းအဝေးသို့ တက်ရောက်လာပြီး အစိုးရ ပုံနှိပ်ဥပဒေကြမ်းမှာ ဒီမိုကရေစီစနစ်မှ နောက်ကြောင်းပြန်သွားနေသည့် လုပ်ရပ်ဖြစ်သဖြင့် နိုင်ငံတော်သမ္မတ၊ ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌနှင့် လွှတ်တော်ကိုယ်စားလှယ်များအနေဖြင့် ဥပဒေကြမ်းကို ဆင်ခြင်သုံးသပ်သင့်သည်ဟု ဆိုသည်။

“ကျနော်ဒီနေရာကနေ ပြောချင်တယ်။ နိုင်ငံတော်သမ္မတနဲ့ လွှတ်တော်ကိုယ်စားလှယ်တွေကို ဒီဥပဒေကြမ်းကို ပြန်ပြီး သုံးသပ်ပါလို့ ပြောချင်တယ်” ဟု မောင်ဝံသက ဆိုသည်။

၈၈ မျိုးဆက်ကျောင်းသားများဖြစ်ကြသည့် ကိုပြုံးချိုနှင့် ကိုဂျင်မီတို့ကလည်း အစိုးရ ပုံနှိပ်ဥပဒေကြမ်းသည် သတင်းလွတ်လပ်ခွင့်ကို ပိတ်ပင်ထားသဖြင့် ၈၈ မျိုးဆက်တဖွဲ့လုံးအနေဖြင့် သဘောထားကြေညာချက် ထုတ်ပြန် ကန့်ကွက်သွားမည်ဟု ပြောဆိုလိုက်သည်။

“နှစ်ချက်ရှိတယ်။ အစိုးရအနေနဲ့ စာနယ်ဇင်းလွတ်လပ်ခွင့်၊ သတင်းလွတ်လပ်ခွင့်ကို မချုပ်ကိုင်သင့်ဘူး။ နောက်တချက်က အစိုးရ ပုံနှိပ်ဥပဒေကြမ်းက ပွင့်လင်းမြင်သာမှုမရှိဘူး။ အပြောင်းအလဲသွားနေတဲ့အချိန်မှာ မီဒီယာက အရမ်း အရေးကြီးတယ်။ ဒီမိုကရေစီအရေးအတွက် မီဒီယာတွေက အားဖြည့်နေတယ်လို့ ရှုမြင်သင့်တယ်”ဟု ၈၈ မျိုးဆက် ကျောင်းသား ကိုပြုံးချိုက ပြောသည်။

ပြည်သူ့ခေတ်ဂျာနယ်၏ အတိုင်ပင်ခံ အယ်ဒီတာ ဦးဖေမြင့်ကလည်း အစိုးရပုံနှိပ်ဥပဒေကြမ်းတွင် ပြန်ကြားရေး ၀န်ကြီးဌာနမှ မှတ်ပုံတင်အရာရှိသည် သတင်းမီဒီယာလုပ်ငန်း လုပ်ကိုင်ခွင့်၊ သက်တမ်းတိုးခွင့်၊ ရုပ်သိမ်းခွင့်များ လုပ်ပိုင်ခွင့်ရှိသဖြင့် အထူးအာဏာ ပေးအပ်ထားသကဲ့သို့ ဖြစ်နေကြောင်းပြောသည်။

“ပြန်ကြားရေးက အထူးအာဏာ သုံးရပ် ရထားတယ်။ လုပ်ငန်းလုပ်ကိုင်ခွင့်၊ သက်တမ်းတိုးခွင့်၊ လုပ်ငန်းရုပ်သိမ်း ပိတ်ပင်ခွင့်။ တကယ်တော့ တရားစီရေးမဏ္ဍိုင်က လုပ်ရမယ့် အလုပ်တွေကိုပါ သူက ယူထားတာ။ အဲဒီတော့ ဒီဥပဒေက စာနယ်ဇင်းတွေကို ထိန်းချုပ်ထားဖို့ ရည်ရွယ်ထားတာပဲ” ဟု ဦးဖေမြင့်က ပြောသည်။

မြန်မာနိုင်ငံ စာပေထုတ်ဝေသူနှင့် ဖြန့်ချိရေးအသင်းကမူ ပြန်ကြားရေးဝန်ကြီးဌာန၏ ပုံနှိပ်ဥပဒေကြမ်းကို အတည်ပြုပြဋ္ဌာန်းနိုင်ရေး ထောက်ခံကြောင်း ယနေ့ သဘောထား ကြေညာချက်ထုတ်ပြန်သည်။

သို့ရာတွင် ပုံနှိပ်ထုတ်ဝေရေးလုပ်ငန်းအချို့ကမူ မြန်မာနိုင်ငံ စာပေထုတ်ဝေသူနှင့် ဖြန့်ချိရေးအသင်း၏ ထုတ်ပြန်ချက်သည် ပုံနှိပ်ထုတ်ဝေသူ လုပ်ငန်းရှင်အားလုံးကို ကိုယ်စားမပြု ကြောင်း ပြောဆိုလိုက်ကြသည်။

“ငါတို့စာပေ”ထုတ်ဝေရေးပိုင်ရှင် စာရေးဆရာ မြေမှုန်လွင်က “ဒီပွဲနဲ့ တပြိုင်နက်တည်း စာပေထုတ်ဝေသူနဲ့ ဖြန့်ချိရေးအသင်းကလည်း ဥပဒေကြမ်းကို ထောက်ခံတဲ့ပွဲ လုပ်တယ်။ ဒါက စာပေထုတ်ဝေရေးလုပ်ငန်းရှင် အားလုံးကို ကိုယ်စားမပြုဘူး။ ကျနော်အနေနဲ့ စာပေထုတ်ဝေရေး လုပ်ကိုင်သူတယောက်အနေနဲ့ ဒီဥပဒေကြမ်းကို ကန့်ကွက်တယ်။ ဒီဥပဒေအရဆိုရင် ထုတ်ဝေခွင့် မှတ်ပုံတင် ပြန်ကြားရေး ထုတ်ပေးမယ်၊ ရုပ်သိမ်းနိုင်တယ်။ ထုတ်ထားတဲ့ စာအုပ်စာပေတွေကို အရင်စိစစ်ရေးတုန်းကလိုပဲ သူတို့ဆီ သွားပေးရမယ်ဆိုတာတွေပါတယ်။ အဲဒီတော့ ကျနော် ကန့်ကွက်တယ်” ဟု ဆိုသည်။

“သမဂ္ဂ”ဂျာနယ် ထုတ်ဝေသူ ဦးသန်းဦးကလည်း အစိုးရပုံနှိပ်ဥပဒေကြမ်းကို ထုတ်ဝေသူများက ထောက်ခံသည်ဆိုသော ပြောဆိုချက်များမှာ ပုံနှိပ်ထုတ်ဝေသူလုပ်ငန်းရှင် အားလုံးကို ကိုယ်စားမပြုကြောင်း အစည်းအဝေးတက်ရောက်လာ သူများကို ရှင်းလင်းပြောဆိုသည်။

သတင်း လွတ်လပ်ခွင့်ကော်မတီမှ ပြန်ကြားရေး တာဝန်ခံ ကိုဇော်သက်ထွေးက “သတင်းလွတ်လပ်ခွင့်ကို ပိတ်ပင်ထားသော ပုံနှိပ်ဥပဒေကြမ်းကို ပြည်သူတွေပါ နားလည်သိရှိနိုင်အောင် လှုပ်ရှားမှုတွေ ဆက်လုပ်သွားမယ်။ တနိုင်ငံလုံး အတိုင်းအတာနဲ့ လုပ်ပါ့မယ်” ဟု ပြောသည်။

သတင်း လွတ်လပ်ခွင့် ကော်မတီက အစိုးရ ပုံနှိပ်ဥပဒေကြမ်းကို ကန့်ကွက်သော လက်မှတ်များ စုဆောင်းထားရှိမှုအရ ယနေ့အထိ လက်မှတ် ၂၅၀ နီးပါးရရှိနေပြီး များမကြာမီ နိုင်ငံတော်သမ္မတ၊ ပြည်သူ့လွှတ်တော် ဥက္ကဋ္ဌ၊ အမျိုးသားလွှတ်တော် ဥက္ကဋ္ဌများထံ ပေးပို့သွားမည်ဖြစ်ကြောင်း သိရှိရသည်။

ပြန်ကြားရေးဝန်ကြီးဌာန ဒု ဝန်ကြီး ဦးရဲထွဋ်ကမူ ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းသည် ၁၉၆၂ ခုနှစ် ပုံနှိပ်သူများနှင့် ထုတ်ဝေသူများ ဥပဒေကို ပယ်ဖျက်ရေးအတွက် တင်သွင်းခြင်းဖြစ်ကြောင်း၊ ဗဟိုကြီးကြပ်ရေးအဖွဲ့ ဖွဲ့စည်းမှုမှာလည်း နောက်ကြောင်းပြန်လှည့်ပြီး စာနယ်ဇင်းနှင့်သတင်းလွတ်လပ်ခွင့် ကိုထိန်းချုပ်ရန် မဟုတ်ကြောင်း ကိုယ်ပိုင် ဖေ့ဘွတ် စာမျက်နှာတွင် ရေးသားထားသည်။

ပြည်သူ့လွှတ်တော်အားကစား၊ ယဉ်ကျေးမှုနှင့် ပြည်သူ့ဆက်ဆံရေး ဖွံ့ဖြိုးတိုးတက်မှု ကော်မတီ ဥက္ကဋ္ဌ သူရဦးအေးမြင့်က မြန်မာနိုင်ငံစာနယ်ဇင်းကောင်စီ(ယာယီ)က ရေးဆွဲနေသော မီဒီယာဥပဒေကြမ်း ထွက်ရှိသည်အထိ ပြန်ကြားရေးဝန်ကြီး ဌာနက ရေးဆွဲတင်သွင်းလာသော ပုံနှိပ်ခြင်းနှင့်ထုတ်ဝေခြင်းလုပ်ငန်း ဥပဒေကြမ်းကို ဆိုင်းငံ့ထားသင့်ကြောင်း တရားဝင် ထုတ်ပြန် ပြောဆိုထားပြီးဖြစ်သည်။

Ref: ဧရာဝတီ

Read More...

Collapse...

လက်ပံတောင်း အစီရင်ခံစာကို သဘောမတွေ့ကြ

စနေလင်း
March 12, 2013

ယနေ့ မတ်လ ၁၂ ရက်နေ့တွင် ထုတ်ပြန်သော လက်ပံတောင်းတောင် ကြေးနီစီမံကိန်း အပြီးသတ် အစီရင်ခံစာနှင့် ပတ်သက်ပြီး ဒေသခံများအပါအ၀င် လက်ပံတောင်းအရေး တက်ကြွ လှုပ်ရှားသူများက ကျေနပ်မှု မရှိကြောင်း ပြောဆိုကြသည်။

လက်ပံတောင်းတောင် အပြီးသတ် အစီရင်ခံစာတွင် စီမံကိန်းကို ဆက်လက် အကောင်အထည်ဖော်ရန် ဦးတည်ထားပြီး ဒေသခံများ၏ သဘောထားဆန္ဒကို လျစ်လျူရှုထားသည့် အစီရင်ခံစာသာဖြစ်ကြောင်း လက်ပံတောင်းအရေး ကူညီဆောင်ရွက်နေသည့် ကိုဟန်ဝင်းအောင်က ပြောသည်။


“ ဒီအစီရင်ခံစာကို လုံးဝ ကန့်ကွက်တယ်။ ဒီအစီရင်ခံစာက စီမံကိန်းကို ဆက်လုပ်ဖို့ လုပ်တဲ့ အစီရင်ခံစာတစ်ခုပဲ ဖြစ်တယ်” ဟု ပြောဆိုသည်။

အစိုးရပိုင် သတင်းစာများတွင် မြန်မာဘာသာဖြင့် ရေးသားပုံနှိပ်ထားသော အပြီးသတ် အစီရင်ခံစာတွင် လက်ပံတောင်းတောင် စုံစမ်းရေးကော်မရှင်အနေဖြင့် ယခု ကြေးနီစီမံကိန်းကို စီးပွားရေးရှုထောင့်မှ အကျိုးရှိစွာ လုပ်ကိုင်နိုင်သည်ကို ပြတ်သားစွာ သုံးသပ်ထားသည်။ အနာဂတ် မျိုးဆက်များအတွက် အကျိုးရှိစေရန်လည်း စဉ်ဆက်မပြတ် ဖွံ့ဖြိုးမှုများကို ကျင့်သုံး ရန်လိုအပ် ကြောင်း၊ ကြေးနီစီမံကိန်းနှင့်ပက်သက်ပြီး ရွေးချယ်ဆုံးဖြတ်ရာတွင် စီးပွားရေးအတွက် အကျိုးရှိမှု၊ နိုင်ငံတကာဆက်ဆံရေး၊ လူမှုရေးနှင့် ပတ်ဝန်းကျင်ထိန်းသိမ်းရေးတို့ကို ခြုံငုံ စဉ်းစားရန်လိုအပ်ကြောင်း ရေးသားထားသည်။

သဘာဝပတ်ဝန်းကျင်နှင့် လူမှုစီးပွားရေးဆိုင်ရာ သက်ရောက်မှု အကဲဖြတ်ဆန်းစစ်ချက်များ စနစ်တကျ ပြုလုပ်ထားခြင်း မရှိကြောင်း၊ ဒေသခံများအတွက် လူမှုစီးပွားရေးဘ၀ တိုးမြှင့် စေရန်နှင့် အလုပ်အကိုင် အခွင့်အလမ်း ထိရောက်စွာ ဖော်ဆောင်ထားနိုင် ခြင်းမရှိသောကြောင့် လက်ရှိအတိုင်း ကြေးနီစီမံကိန်းကို ဆက်လက် လုပ်ကိုင်ရန် မသင့်ကြောင်း အကြံပြု ချက်တွင် ပါဝင်သည်။

သို့သော် စီးပွားရေးလုပ်ငန်းကို ဖျက်သိမ်းပါက မြန်မာနိုင်ငံအနေဖြင့် သဘောတူစာချုပ်ကို လေးစားလိုက်နာခြင်းမရှိသည့် ထင်မြင်မှုများ နိုင်ငံခြားရင်းနှီးမြှုပ်နှံသူများအကြား ပေါ်လာ နိုင်ပြီး လာရောက်ရင်းနှီးမြုပ်နှံလိုသော နိုင်ငံ ခြား ကုမ္ပဏီများ၏ ရင်းနှီးလိုစိတ်ကို လျော့နည်းသွားနိုင်ကြောင်း၊ ထို့အပြင် တရုတ်နိုင်ငံနှင့် ဆက်ဆံရေးတွင် ပြေလည်မှု မရှိသည့် အခြေအနေများ ဖြစ်ပေါ်လာနိုင်ကြောင်း၊ စီမံကိန်း ရပ်ဆိုင်းလိုက်ခြင်းကြောင့် ဒေသခံများ၏ အကျိုးစီးပွားဖြစ်ထွန်းမှု အလားအလာကို ရပ်တန့်ရုံမက ပတ်ဝန်းကျင်ပြန်လည်ပြုပြင် ရေးတွင်လည်း အခက်အခဲများရှိလာနိုင်မည်ဖြစ်ကြောင်း ဆိုပြီး ယင်းနည်းလမ်းကိုလည်း ရွေးချယ်ရန် မသင့်ဟု အကြံပြုသည်။

ထို့ကြောင့် ကြေးနီစီမံကိန်းအပေါ် လေ့လာတွေ့ရှိချက်များအရ အားနည်းချက်များကို ပြုပြင်ကာ နိုင်ငံတော်၊ ဒေသခံပြည်သူများ၏ အကျိုးစီးပွား၊ အနာဂတ်မျိုးဆက်အတွက် အကျိုး ရှိစေမည့် အစီအမံများချမှတ်ပြီး စီမံကိန်းကို ဆက်လုပ်လုပ်ဆောင်ရန် နည်းလမ်းများကိုလည်း အကြံပြုထားသည်။ နိုင်ငံတော်အနေဖြင့် ယခုထက် ပိုမိုအကျိုးအမြတ်ရစေရန် မြန်မာ့ စီပွားရေးဦးပိုင်လီမိတက်နှင့် ၀မ်ပေါင် ကုမ္ပဏီတို့ ချုပ်ဆိုထားသော စာချုပ်များကို ပြန်လည်ပြင်ဆင်ချုပ်ဆိုပြီး စီမံကိန်းကို ဆက်လက်အကောင်ထည်ဖော်ရန် အကြံပြုထားသည်။

ထို့အပြင် သဘာဝပတ်ဝန်းကျင်နှင့် လူမှုစီးပွားဆိုင်ရာ သက်ရောက်မှု အကဲဖြတ်ဆန်းစစ်ခြင်း အစီရင်ခံစာ၊ ပတ်ဝန်းကျင်ဆိုင်ရာ စီမံခန့်ခွဲမှု စီမံချက်၊ လုပ်ငန်းခွင် ကျန်းမာရေး နှင့်ဘေးအန္တရာယ် ကင်းရှင်းရေးဆိုင်ရာ စီမံခန့်ခွဲမှု စနစ်တို့ကို စနစ်တကျရေးဆွဲပြီး ဆောင်ရွက်ရန်၊ မြေလျော်ကြေးများကို ကာလတန်ဖို့အတိုင်း ပြင်ဆင်တိုးမြှင့်လျော်ပေးရန်၊ လိုအပ်သည့် ပမာဏကိုသာ သိမ်းဆည်းပြီး ကျန်မြေများကို ကျေးရွာလူထုသို့ ပြန်လည်ခွဲဝေပေးရန်၊ ဒေသခံများအတွက် ကုမ္ပဏီတွင် အလုပ်ခန့်ထားသည့်အပြင် အသေးစား နှင့် အလတ်စား လုပ်ငန်းများထူထောင်ပေးရန်တို့ကိုလည်း အကြံပြုထားသည်။ လယ်တီဆရာတော်ဘုရားကြီး၏ ကျမ်းပြုရာနေရာကိုလည်း ယခုနေရာတွင် ဆက်လက်တည်ရှိနေလျှင် မဖြစ်နိုင်သောကြောင့် မူလပုံစံအတိုင်း လုံးဝထိခိုက်ပျက်စီးမှုမရှိစေဘဲ တခြား သင့်လျော်သောနေရာသို့ ပြောင်းရွှေပေးသင့်ကြောင်း အကြံပြုထားသည်။

ဆန္ဒပြ သပိတ်စခန်းဖြိုခွဲခံရမှုနှင့် ပတ်သက်ပြီးလည်း အစီရင်ခံစာတွင် မီးခိုးဗုံးကိုသာ အသုံးပြုပြီး ပိုလီယက်စတာ အ၀တ်စများ၊ တာပေါ်လင်ခေါ် ပလက်စတစ်မိုး ကာစများ နှင့် ထိတွေ့လျှင် မီးလောင်နိုင်ကြောင်း၊ မီးခိုးဗုံး အများအပြားကို အသုံးပြုပါက ပတ်ဝန်းကျင်ရှိ လောင်စာအမျိုးအစားပေါ်မူတည်၍ ပြင်းထန်ကြာမြင့်စွာ လောင်ကျွမ်းနိုင်ကြောင်း ရေးသားထားသည်။

မြန်မာနိုင်ငံ ရဲတပ်ဖွဲ့အနေဖြင့် ယခုလို မီးခိုးဗုံးမျိုးကို ယာယီ အဆောက်အအုံရှိသည့် နေရာမျိုးတွင် စမ်းသပ်ခဲ့ခြင်း မရှိခဲ့သဖြင့် မီးခိုးဗုံး၏ အာနိသင်ကို ­­­­သိရှိခြင်း မရှိကြောင်း၊ မသိပဲ သုံးစွဲမှုကြောင့် မမျှော်မှန်း မလိုလားအပ်သော မီးလောင်ဒဏ်ရာများ ရဟန်းသံဃာနှင့် လူပုဂ္ဂိုလ်အချို့ ဒဏ်ရာ ရရှိခဲ့ခြင်းဖြစ်ကြောင်း ရေးသားထားသည်။

ရဲတပ်ဖွဲ့များ နိုင်ငံတကာအဆင့်မီစေရန် ပြုလုပ်သင့်သောအချက်များ ပါဝင်ခဲ့သော်လည်း လက်ရှိ တွေ့ကြုံနေရသော အနေအထားများအရ နည်းပညာပိုင်းများ အဆင့်မီစေရန်သာမက စည်းကမ်းနှင့် စိတ်ဓါတ်ရေးရာများပါ ပြုပြင်ရန်လိုအပ်ကြောင်း လက်ပံတောင်းတောင် ဆန္ဒပြမှုတွင် ဦးဆောင်သံဃာတစ်ပါးဖြစ်သည့် ဥူးဇ၀နက မိန့်ကြားသည်။

“ ရဲတွေမှာ ညစ်ပတ်တဲ့ စိတ်တွေ ရှိနေတာကို ကြုံတွေ့ခဲ့ရတယ်။ ဒီ့အပြင် ဥပဒေဆိုတာကိုလည်း သူတို့က လုပ်ချင်သလို လုပ်လို့ရအောင်လုပ်ထားတာ။ ဒါတွေ အများကြီး ပြုပြင်ရ ဦးမယ်။ နောက်ပြီး သပိတ်စခန်းဖြိုခွဲတာ ဘယ်သူအမိန့်ဆိုတာ အခုချိန်ထိ မဖော်သေးဘူး။ အောက်ခြေရဲတပ်ဖွဲ့ဝင်တွေက အမိန့်ပေးတဲ့သူရှိမှ လုပ်လို့ရမှာ ” ဟု ဥူးဇ၀နက မိန့်သည်။

ဆန္ဒပြ သပိတ်မှောက်မှုတွင် ဦးဆောင်သံဃာတစ်ပါးဖြစ်သည့် ဥူး ၀ိသိဓ္ထဓမ္မက “ သပိတ်စခန်းဖြိုခွဲတဲ့ ကိစ္စနဲ့ပတ်သက်ပြီး လုံးဝ မကျေနပ်ဘူး။ ဒီအစီရင်ခံစာကို လုံးဝ မကျေနပ်ဘူး။ နောက်ပြီး ဒီအစီရင်ခံစာအရ ဒေသခံတွေ ကျေနပ်မှုမရှိဘူးဆိုရင် နောက်ထပ် ပြသနာတွေ ဖြစ်လာနိုင်တယ်။ နောက်ဆုံး သွေးချောင်းစီးတာတွေပါ ဖြစ်လာနိုင်တယ် ” ဟု မိန့်ကြားသည်။

ရှေ့နေများကွန်ယက်မှ ဦးသိန်းသန်းဦးကလည်း ငြိမ်းငြိမ်းချမ်းချမ်းဖြင့် ဆန္ဒပြခဲ့ကြသော သပိတ်စခန်းများကို ဖြိုခွဲသည့်ကိစ္စနှင့် ပတ်သက်ပြီး ကျူးလွန်သည့် သက်ဆိုင်ရာ ရဲတပ်ဖွဲ့မှ တာဝန်ရှိသူများကိုလည်း အရေးယူမှ တရားမျှတမည်ဖြစ်ကြောင်း ပြောဆိုသည်။

လက်ပံတောင်းတောင် ကြေးနီစီမံကိန်း ရပ်ဆိုင်းရေး၊ ဆက်လက် လုပ်ဆောင်ရေးနှင့် ပတ်သက်ပြီး ယခု စုံစမ်းရေးကောင်မရှင်နှင့်ပင် ဆုံးဖြတ်ရန် မသင့် ကြောင်း၊ ယခုကော်မရှင်ကို လွတ်လပ်သည့်ကော်မရှင်ဟု မယူဆကြောင်း၊ ယခုကော်မရှင်တွင် အစိုးရဘက်နှင့် ကင်းလွတ်သူများ နည်းပါးပြီး အစိုးရ၊ ဦးပိုင်ကုမ္ပဏီ၊ ၀မ်ပေါင်ကုမ္ပဏီ၊ လွတ်လပ်သော ထင်ရှားသည့် ဥပဒေပညာရှင်များ၊ သဘာဝပတ်ဝန်း ကျင် ကျွမ်းကျင်သူများ၊ နိုင်ငံရေးသမားများနှင့် ဒေသခံများအားလုံး စုပေါင်းပြီးမှ ဆုံးဖြတ်သင့်ကြောင်း၊ သွေးချောင်းစီးမည့်အရေးကိုတော့ သက်ဆိုင်ရာ အစိုးရအဖွဲ့များရော ဒေသခံများပါ ရှောင်ရှားသင့်ကြောင်း ဦးသိန်းသန်းဦးက ဆိုသည်။

စုံစမ်းရေးကော်မရှင်ဥက္ကဌ ဒေါ်အောင်ဆန်းစုကြည်က အစီရင်ခံစာနှင့် ပတ်သတ်၍ ဒေသခံများ မကျေနပ်ပါက ဥပဒေဘောင်အတွင်းမှ လုပ်ဆောင်ကြရန် ယနေ့ ပြည်ထောင်စု လွှတ်တော် ခေတ္တရပ်နားချိန်တွင် ပြောကြားကြောင်း သိရသည်။ အစီရင်ခံစာ နောက်ဆက်တွဲအနေဖြင့် လက်ပံတောင်းတောင် ဒေသခံများနှင့်တွေ့ဆုံရန် မတ်လ ၁၃ ရက်တွင် နေပြည်တော်မှ မုံရွာမြို့သို့ သွားမည်ဖြစ်ကြောင်းလည်း သိရသည်။

တက်ကြွလှုပ်ရှားသူ ဒေသခံများကမူ လက်ပံတောင်းတောင် ကြေးနီစီမံကိန်း လုံးဝဖျက်သိမ်းသည်အထိ ဆက်လက်လုပ်ဆောင်သွားမည်ဟု ဆိုသည်။

လက်ပံတောင်းကိစ္စနှင့် ပက်သက်ပြီး တောင်းဆိုမှုများအားလုံးသည် လုံးဝဖျက်သိမ်းရေးကို တညီတညွတ်တောင်းဆိုခဲ့ပြီးဖြစ်ကြောင်း၊ တောင်းဆိုမှုများကို မရမချင်းဆက်လက် လုပ်ဆောင်သွားရန် တိုင်ပင်နေပြီဖြစ်ကြောင်း လက်ပံတောင်းတောင် ကယ်တင်ရေးကော်မတီမှ ဥက္ကဌဖြစ်သူ ဦးချစ်ခင်က ဆိုသည်။

“ ဆက်လုပ်မယ်ဆိုရင် ကန့်ကွက်မှာပဲ။ အခြေအနေပေါ်မူတည်ပြီး တရားဥပဒေမဲ့တော့ မလုပ်ဘူး။ ဒေသကြီးတစ်ခုလုံး ပျက်ဆီးစေမယ့် ဒီစီမံကိန်းကို လုံးဝ လက်မခံဘူး။ အားလုံးနဲ့ တိုင်ပင်ပြီးတော့မှ ဘာတွေဆက်လုပ်မယ်ဆိုတာ ပြောနိုင်မယ် ” ဟု ဦးချစ်ခင်က ဆိုသည်။

အစီရင်ခံစာနှင့် ပက်သက်ပြီး လူအားလုံး ကျေနပ်သည့်အဖြေကို မည်သည့်ကိစ္စတွင်မှ ရှိနိုင်မည်မဟုတ်ကြောင်း၊ ကော်မရှင်မှ စုံစမ်းမှုများအတွက် ချဉ်းကပ်ပုံများ၊ အသုံးပြုသွားသော ပညာရှင်များကို ကြည့်မည်ဆိုလျှင် နိုင်ငံတကာအဆင့်မီသော ဆုံးဖြတ်ချက်တစ်ခုကို ရှာပေးခဲ့သည်ကို တွေ့ရမည်ဖြစ်ကြောင်း နိုင်ငံတော်သမ္မတ၏ ပြောရေးဆိုခွင့်ရှိသူ ဦးရဲထွဋ်က ဧရာဝတီသို့ ပြောသည်။

“အမေရိကန်နိုင်ငံမှာတောင် ဒီလို ဖွံ့ဖြိုးတိုးတက်မှု စီမံကိန်းတွေလုပ်ရင် ဒီလိုပြသနာမျိုးတွေ ရှိနိုင်ပါတယ်။ ကျနော်တို့လုပ်ရမှာက အကျိုးကိုများများ ရအောင်နဲ့ အပြစ်ကို နည်းနည်း ဖြစ်အောင် လုပ်ရမယ်။ ဘာမှမလုပ်တော့ဘူးဆိုတာမျိုးတော့ ဘယ်နိုင်ငံမှာမှ ဒီလိုဖွံ့ဖြိုးတိုးတက်မှုလုပ်တဲ့ စီမံကိန်းတွေကို လုပ်မှာမဟုတ်ဘူးလေ ” ဟု ဦးရဲထွဋ်က ပြောဆိုသည်။

ထို့အပြင် ၄င်းအစီရင်ခံစာကို ဒေသခံများအနေဖြင့် ကျေနပ်မှု မရှိသောကြောင့် ဆန္ဒထုတ်ဖော်ကြမည်ဆိုလျှင်လည်း ဆန္ဒထုတ်ဖော်ခြင်းနှင့်ဆိုင်သော လုပ်ထုံးလုပ်နည်းများအတိုင်း လုပ်ရန် လိုအပ်ကြောင်း၊ အစီရင်ခံစာတွင်လည်း ထောက်ပြထားပြီးဖြစ်ကြောင်း၊ ဥပဒေအတိုင်း လိုက်နာခြင်းမရှိပဲ အတင်းပြုလုပ်မည်ဆိုပါက လိုအပ်သော ကာကွယ်တားဆီးမှုများ ပြုလုပ်ရမည်ဖြစ်ကြောင်း ပြောဆိုသည်။

Ref: ဧရာဝတီ

Read More...

Collapse...

ကျောင်းကြိုကား အတိုက်ခံရ၊ ၄၀ ကျော် ဒဏ်ရာရ၊ ကလေး ၁ ဦး သေဆုံး

သန်းထိုက်ဦး
March 12, 2013

ထိုင်း-မြန်မာနယ်စပ် တာ့ခ်ခရိုင် အတွင်းရှိ ဖုတ်ဖရမြို့နယ်တွင် ယမန်နေ့က မြန်မာ အလုပ်သမားများ၏ ကလေးငယ်များ တင် ဆောင်ထားသည့် ကျောင်းကား တစီး ယာဉ်တိုက်မှု ဖြစ်ပွားရာ ၁ ဦး သေဆုံးပြီး ၄၂ ဦး ဒဏ်ရာ ရရှိသွားသည်။

ဖုတ်ဖရမြို့နယ်ရှိ ကျောင်းသားငယ်များကို တင်ဆောင်၍ စာသင်ကျောင်းသို့အသွား လမ်းခုလပ်တွင် ယာဉ်တိုက်မှု ဖြစ်ပွားခဲ့ခြင်း ဖြစ်ကြောင်း အကောင်းဆုံး မိတ်ဆွေ စာသင်ကျောင်းမှ ကျောင်းဆရာ ဦးထိုက်သူအောင်က ဧရာဝတီသို့ ပြောသည်။


“၄၂ ကီလိုမီတာ ရွာမှာ ရှိတဲ့ ကလေး ၂ ယောက်ကို ၀င်ကြိုရင်း အနောက်က ကားက ကျောင်းကားရဲ့ အနောက်ပိုင်းကနေ ၀င် တိုက်ပြီးတော့ ၂ စီးစလုံး လမ်းဘေးကို လိမ့်ကျသွား တယ်”ဟု ၎င်းက ဆိုသည်။

ယာဉ်တိုက်မှုကြောင့် ကားပေါ်တွင် မိခင်နှင့်အတူ လိုက်ပါလာသည့် ၃ လသား အရွယ် ကလေးငယ် တဦး သေဆုံး၍ ဒဏ်ရာပြင်း ထန်စွာရရှိသည့် ကလေးငယ် တချို့ကို မဲဆောက်နှင့် ဖုတ်ဖရမြို့နယ် ဆေးရုံတို့ကို ပို့ဆောင်ထားကြောင်း ကျောင်းဆရာ ထိုက် သူအောင်က ဆက်ပြောသည်။

မဲဆောက်နှင့် ဖုတ်ဖရ ဆေးရုံတွင် ရောက်ရှိနေသည့် ကလေး ၁၀ ဦးခန့်ထဲမှ တချို့မှာ ခြေထောက်ဖြတ်ရမည်အထိ ဒဏ်ရာပြင်းထန်စွာ ရရှိထား သည်။ တချို့ ဒဏ်ရာအနည်းငယ် ရရှိသူများမှာ နေအိမ်သို့ ပြန်သွားကြပြီ ဖြစ်ကြောင်း သိရ သည်။

ဦးထိုက်သူအောင်၏ အဆိုအရ အကောင်းဆုံး မိတ်ဆွေ စာသင်ကျောင်းတွင် ဖုတ်ဖရမြို့နယ်ရှိ မြန်မာရွှေ့ပြောင်း အလုပ်သမားများ၏ ကလေးအများစု စာသင်နေကြပြီး အသက် ၈ နှစ် မှ ၁၃ နှစ် အရွယ်ထိရှိသည်ဟု ဆိုသည်။ ယခု အတိုက်ခံရသည့် ကျောင်း ကား မှာ အကောင်းဆုံး မိတ်ဆွေ စာသင်ကျောင်း သို့ လာသည့် ကားဖြစ်သည်။

ယခု ယာဉ်တိုက်မှုအပြီး တဖက်ကားသမားမှာ ဖုတ်ဖရမြို့နယ် ရဲစခန်းသို့ လာရောက်အဖမ်းခံပြီး ဆေးရုံတင်ထားရသည့် ကလေး ငယ်များကို သွားရောက်တွေ့ဆုံခဲ့ကြောင်း ကလေးများကို လိုက်လံ ကူညီပေးနေသည့် ဒေါက်တာ ခင်ဇော်က ပြောသည်။

ကလေးငယ်များ၏ အမှုနှင့် ပတ်သက်၍ တဖက်ကားသမားထံမှ နစ်နာကြေးရရှိရေးနှင့် ထိုင်း ဥပဒေအရ ဆောင်ရွက်ပေးရန် ထိုင်းရှေ့နေများနှင့် အစိုးရမဟုတ်သော အဖွဲ့ အစည်း (NGO) အဖွဲ့တို့ ပူးပေါင်း၍ တောင်းဆိုမှုများ ပြုလုပ်သွားမည်ဟု ၎င်းက ဆို သည်။

ထိုသို့ တောင်းဆိုမှုများ ပြုလုပ်ရာတွင်လည်း ကလေးများ၌ တရားဝင်နေထိုင်သည့် စာရွက်စာတမ်းများ မရှိသည့် အတွက် အခက် အခဲများနှင့် ကြုံတွေ့ရမည် ဖြစ်ကြောင်းလည်း ဦးခင်ဇော်က ဆက်ပြောသည်။

“ပြဿနာက တကယ်လို့ လျော်ကြေးရသွားပြီး အဲဒီလျော်ကြေးတွေ လက်ခံဖို့ မိဘတွေမှာ ပတ်စ်ပို့ ဒါမှမဟုတ် ၁၀ နှစ်ခံ ကတ်တို့လိုမျိုး တယောက်မှ မရှိကြဘူး”ဟု ၎င်းက ပြောဆိုသည်။

ကလေးငယ်များ အတွက် နစ်နာကြေး ရရှိရန် ဥပဒေပိုင်းဆိုင်ရာ တာဝန်ရှိသူများနှင့် ယနေ့ တိုင်ပင် ဆွေးနွေးရန် စီစဉ် ထားကြောင်း သိရသည်။

မြန်မာနိုင်ငံ ကရင်ပြည်နယ် မြ၀တီမြို့နှင့် ကပ်လျက် တည်ရှိသော မဲဆောက်၊ မယ်လမ၊ ဖုတ်ဖရ စသည့် ထိုင်းနိုင်ငံအတွင်းရှိ မြို့နယ် ၃ ခု တွင် မြန်မာ ပြည်သား အလုပ်သမားများ၏ သားသမီးများ အတွက် ဖွင့်ထားသော စာသင်ကျောင်း အများအပြား ရှိသည်။

မြန်မာ ရွှေ့ပြောင်း အလုပ်သမား ပညာရေး ကော်မတီ(BMWEC)၏ စာရင်းများအရ ကျောင်းပေါင်း ၆၂ ကျောင်းရှိသည် ဟု ဆို သည်။ BMWEC နှင့် တရားဝင် အဆက်အသွယ် မပြုရသေးသည့် ကျောင်းတချို့လည်း ရှိသေးသည်ဟု သိရသည်။

Ref: ဧရာဝတီ

Read More...

Collapse...