သာလွန်ဇောင်းထက်
April 10, 2013
ရန်ကုန်မြို့၏ အချိန်အကြာဆုံးသော ယာဉ်ကြောပိတ်ဆို့သည့် နေရာတခုဖြစ်သော လှည်းတန်းလမ်းဆုံတွင် ခုံးကျော် တံတားကို ယနေ့ စတင်ဖွင့်လှစ်လိုက်ပြီဖြစ်သော်လည်း ယာဉ်ကြောပိတ်ဆို့မှုများ ဆက်လက် ဖြစ်ပွားနေဆဲဖြစ်ကြောင်း သိရှိရသည်။
ရွှေတောင်ကုမ္ပဏီက တနှစ်ကျော်ကြာ တာဝန်ယူတည်ဆောက်ခဲ့သော လှည်းတန်းခုံးကျော်တံတားကို ယနေ့ ဧပြီလ ၁၀ ရက်နေ့ မနက် ၆ နာရီတွင် ကားများ စတင်ဖြတ်သန်း သွားလာခွင့်ပြုလိုက်ခြင်းဖြစ်ပြီး ယာဉ်ကြော ပိတ်ဆို့မှုနှင့် လမ်းပိတ်ဆို့မှု ပြသနာ မပြေလည်သေးဘဲ ဆက်လက်ကြုံတွေ့နေရဆဲဖြစ်သည်။
လှည်းတန်းလမ်းဆုံတွင် ယခင်ထက်စာလျှင် ယာဉ်ကြောပိတ်ဆို့မှု လျော့ကျသွားသော်လည်း ဟံသာဝတီ အ၀ိုင်း နှင့် မြေနီကုန်းမီးပွိုင့်တွင် ကားများတန်းစီ တိုးဝှေ့နေပြီး ယာဉ်ကြောပိတ်ဆို့မှုကို အချိန်ကြာမြင့် စွာ ကြုံတွေ့ ရကြောင်း ရန်ကုန်မြို့ခံများက ဆိုသည်။
“ခုံးကျော်တံတား ဖွင့်လိုက်တော့ ရန်ကုန်-ပြည်လမ်းဘက်က လာတဲ့ ကားတွေက မီးပွိုင့်မရှိတော့တဲ့အတွက် အကုန်ပြုံဆင်းလာတယ်။ ရန်ကုန်-အင်းစိန်လမ်းက လာတဲ့ ကားတွေကတော့ မီးပွိုင့်ရှိသေးတဲ့ အတွက် ကားတွေက တဖြည်းဖြည်း မြို့ထဲကို တိုးဝင်တယ်။ အဓိက ဟံသာဝတီအ၀ိုင်းမှာ ကားတွေ အားလုံး စုပြုံတိုးနေတာ။ အ၀ိုင်းပတ်တယ်ဆိုတာက မီးပွိုင့်လိုမဟုတ်ဘူးလေ။ ကိုယ်လွတ်မယ်ထင်ရင် တိုးထွက်ကြ တာဆိုတော့ သူတိုး၊ ကိုယ်တိုးနဲ့ လမ်းတွေပိတ်ကုန်တယ်။ နောက်ဆုံး ယာဉ်ထိန်းရဲတွေက ကားတွေကို တားပြီး ယာဉ်ကြော တခုချင်းစီ ပြန်လွှတ်ပေးရတဲ့အထိ ကားတွေ တိုးဝှေ့ကုန်တာ” ဟု မထသ ၄၈ ယာဉ်လိုင်းမှ ယာဉ်မောင်းတဦးက ပြောသည်။
လှည်းတန်းခုံးကျော်တံတားကြောင့် ရန်ကုန်-အင်းစိန်လမ်း၊ တက္ကသိုလ်ရိပ်သာလမ်း၊ လှည်းတန်းလမ်းမတို့တွင်မူ သိသိသာသာ ယာဉ်ကြောပိတ်ဆို့မှု လျော့ကျသွားသည်။
သို့သော် ဟံသာဝတီအ၀ိုင်းတွင် ယာဉ်ကြောပိတ်ဆို့မှုကြောင့် ဦးဝီစာရလမ်းမကြီးတလျှောက်၊ ရန်ကုန်-ပြည်လမ်း တလျှောက်တွင် ကားများစုပြုံတိုးပိတ်ဆို့ပြီး မြို့ထဲသွားမည့် ကားများမှာ လှည်းတန်းခုံးကျော် တံတားပေါ်တွင်ပင် ရပ်တန့်စောင့်ဆိုင်းရသည်အထိ လမ်းပိတ်ဆို့မှု ဖြစ်ပွားနေသည်။
“မြို့ထဲကနေ ၈ မိုင်ဘက်သွားတဲ့ ရန်ကုန်-ပြည်လမ်း အပြန်လမ်းက လှည်းတန်းခုံးကျော်တံတားကြောင့် တော်တော်ကို ယာဉ်ကြောချောင်တယ်။ ဒါပေမယ့် မြေနီကုန်း မီးပွိုင့်ကနေပြီးတော့ ဟံသာဝတီအ၀ိုင်း အထိ ကားတွေ တအားကျပ်တယ်။ အ၀ိုင်းပတ်ဖို့ကိုလည်း တော်တော်ကြီးကို စောင့်ရတာ။ အဲဒီလိုပဲ မြို့ထဲသွားမယ့် ကားတွေကလည်း လှည်းတန်းခုံးကျော်တံတားပေါ်ကနေ ဟံသာဝတီအ၀ိုင်းအထိ ကားတန်းကြီးကို မျက်စိတဆုံး မြင်နေရတယ်။ ဟံသာဝတီအ၀ိုင်းဖြတ်ပြီးတော့လည်း မြေနီကုန်းပွိုင့်မှာ အကြာကြီး သွားပိတ်တယ်” ဟု မထသ ၅၁ ယာဉ်လိုင်းမှ ယာဉ်မောင်းတဦးက ပြောသည်။
ခရီးသွားပြည်သူများကမူ လှည်းတန်းခုံးတံတားကြောင့် မြို့ထဲသို့ သွားလာရသည့်အချိန် အနည်းငယ်မြန်ဆန်လာသည်ဟု ဆိုကြသည်။
“အရင်တုန်းကဆိုရင် မီးပွိုင့်မှာ လိုင်းကားတွေ စက်ရပ်ပြီး ရပ်ထားရတာ အချိန်တော်တော်ကြာတယ်။ အခုကတော့ ကားက တဖြည်းဖြည်းလေးနဲ့ ရွေ့ပြီး သွားနေတယ်ဆိုတော့ အရင်ထက်စာရင် နည်း နည်း လေးမြန်လာတယ်လို့ထင်တယ်။ အရင်ကထက် ၅ မိနစ်၊ ၁၀ မိနစ်လောက် အချိန်ကုန်သက်သာလာတယ်လို့ ထင်ပါတယ်” ဟု မင်္ဂလာဒုံမှ ဆူးလေထိ နေ့စဉ် ရုံးတက်ရုံးဆင်းသွားလာနေရသည့် ကုမ္ပဏီဝန်ထမ်း ခရီးသည် တဦးက ဆိုသည်။
ဟံသာဝတီအ၀ိုင်းတွင် ယာဉ်ကြောရှင်းလင်းပေးနေသော တာဝန်ကျ ရဲအရာရှိတဦးကမူ ဟံသာဝတီအ၀ိုင်းတွင် ရုံးတက်ချိန် မနက်ပိုင်းနှင့် ရုံးဆင်းချိန် ညနေပိုင်းတွင် ယာဉ်ကြောပိတ်ဆို့သည့် အချိန်ကြာမြင့်ပြီး ကျန်အချိန်များတွင် ယာဉ်ကြော ပိတ်ဆို့မှု သက်သာမည်ဟု ဆိုသည်။
ရန်ကုန်မြို့တော် စည်ပင်သာယာရေးကော်မတီ၊ လမ်းနှင့်တံတားဌာနမှ အရာရှိတဦးက လှည်းတန်းခုံးကျော်တံတားကြောင့် ယာဉ်ကြောပိတ်ဆို့မှု ၆၀ ရာခိုင်နှုန်းသက်သာသွားမည်ဟု ပြောကြားကြောင်း ဧပြီလ ၁ ရက်နေ့ထုတ် ကြေးမုံသတင်းစာတွင် ဖော်ပြထားသည်။
ရန်ကုန်တိုင်းဒေသကြီးအစိုးရအနေဖြင့် လှည်းတန်းခုံးကျော်တံတား ဖွင့်လှစ်လိုက်သော်လည်း ယာဉ်ကြော ပိတ်ဆို့မှု ပြသနာ ဆက်လက်ကြုံတွေ့နေရသည်ကို သိရှိကြောင်း၊ သက်ဆိုင်ရာ တာဝန်ရှိသူများ အနေဖြင့် စီမံချက်ဖြင့် ရန်ကုန်မြို့တော် ဖွံ့ဖြိုးတိုးတက်ရေး ဆောင်ရွက်နေကြောင်း အစိုးရ တာဝန်ရှိသူတဦးက ရှင်းလင်း ပြောဆိုသည်။
“ဖြစ်တာတွေကတော့ တခုပြီး တခုကတော့ တံတားတွေပြီးသွားတဲ့အခါမှာ သူ့ဟာသူ ဖြစ်သွားမှာပေါ့။ လိုတာတွေလည်း ထပ်လုပ်မှာပေါ့။ လူကြီးတွေလည်း သိပါတယ်။ တိုင်းဒေသကြီးအစိုးရလည်း သိတယ်။ စီမံချက်နဲ့လုပ်တဲ့အခါကျတော့ ချက်ချင်းကြီး လုပ်မရတာ တော့ရှိတာပေါ့။ စီမံချက်တွေ ပါပြီးသား၊ ရေးဆွဲထားပြီးသားပါ” ဟု ရန်ကုန်မြို့တော် စည်ပင်သာယာရေးကော်မတီ အတွင်းရေးမှူး ဦးကျော်စိုး က ပြောဆိုသည်။
လှည်းတန်းခုံးကျော်တံတား ကုန်ကျစရိတ်သည် ငွေကျပ် ၁၄ ဒသမ ၄၈၇ ဘီလီယံ ကုန်ကျပြီး ဘုရင့်နောင် ခုံးတံတား၊ ရွှေဂုံတိုင်ခုံးတံတားတို့မှာ ဆက်လက်တည်ဆောက်နေဆဲဖြစ်ပြီး ၈ မိုင်လမ်းဆုံနှင့် မြေနီ ကုန်း လမ်းဆုံတွင်လည်း ခုံးကျော်တံတားများ တည်ဆောက်သွားမည်ဖြစ်ကြောင်း တာဝန်ရှိသူများ၏ ထုတ်ပြန်ပြော ဆိုသည်။
Ref: ဧရာဝတီ
Read More...
Collapse...
ကျော်ခ
April 11, 2013
မြန်မာနိုင်ငံတွင် လက်ရှိအသုံးပြုနေသော နိုင်ငံသား စိစစ်ရေးကတ်ပြားများကို စမတ်ကတ် အဖြစ်ပြောင်းလဲ နိုင်ရေး အတွက် နိုင်ငံခြား ကုမ္ပဏီများက လာရောက် စမ်းသပ်မှု ပြုလုပ်နေကြောင်း လူဝင်မှုကြီး ကြပ်ရေးနှင့် ပြည်သူ့အင်အား ဦးစီးဌာန (လဝက) ထံမှ သိရသည်။
စမတ်ကတ် ပုံစံအဖြစ် ပြောင်းနိုင်ရန် တောင်ကိုရီးယား၊ ဂျပန် နှင့် မလေးရှားနိုင်ငံတို့မှ ကုမ္ပဏီ ၆ ခုက လဝက ဌာနမှ နိုင်ငံသား စိစစ်ရေး ကိုယ်ရေး အချက်အလက်များကို ယူ၍ စတင် စမ်းသပ်နေပြီဖြစ်ကြောင်း လဝက ညွှန်ကြားရေး မှူးချုပ် ဦးမောင်မောင်သန်း က ဧရာဝတီသို့ ပြောသည်။
“စမတ်ကတ်လုပ်ဖို့ Data Center ကို အရင်သွင်းပြီးမှ လုပ်ရမှာကိုး ဒီဥစ္စာကြတော့ နည်းပညာပိုင်းတွေ ပါလာတယ် ဆိုတော့ ပြန်ပြီး စိစစ်တဲ့ အခါလည်း အဆင်ပြေအောင် လာကမ်းလှမ်းတဲ့ ကုမ္ပဏီမှန်သမျှ ကိုလည်း သူတို့ အဆင်ပြေအောင် ဘယ်လို လုပ်နိုင်မလဲ ဆိုတာကို ပြန်တင်ပြနိုင်အောင်လို့ စမ်းသပ် လေ့လာ ခိုင်းထားတာပါ”ဟု ဦးမောင်မောင်သန်းက ပြောသည်။
ယင်းလုပ်ငန်းစဉ်ကို နိုင်ငံခြားကုမ္ပဏီများကကမ်းလှမ်းလာခြင်းဖြစ်သော်လည်း မြန်မာအစိုးရဘက်မှလည်း ခေတ်နှင့် လျော်ညီ သည့် စမတ်ကတ်များအဖြစ်ပြောင်းလဲ အသုံးပြုနိုင်ရေး ပြုလုပ်ပေးရန် အစီ အစဉ်များ ရှိပြီးသားဖြစ်ကြောင်းလည်း သူက ဆက်ပြော သည်။
လက်ရှိ အသုံးပြုလျက်ရှိသော နိုင်ငံသား စိစစ်ရေးကတ်မှာ စက္ကူဖြင့် ပြုလုပ်ထားခြင်းဖြစ်ပြီး ယင်းကတ်တွင် ကာယကံရှင် နိုင်ငံ သား ၏ ကိုယ်ရေး အချက်အလက်များ ပြည့်စုံစွာ ထည့်ထားနိုင်ခြင်း မရှိပေ။
စမတ်ကတ်တွင်မူ နိုင်ငံသား၏ ကိုယ်ရေး အချက်အလက်များ၊ ထင်ရှားသည့် အမှတ်အသားများနှင့် မိဘ၊ ဘိုးဘွားများ၏ ကိုယ်ရေး အချက်အလက်များပါ ပါဝင်မည်ဖြစ်ပြီး စက်ဖြင့် စစ်ဆေးသည့် နည်း စနစ်လည်း ဖြစ်သည်။
အချက်အလက်များကို သိမ်းဆည်းထားသော အဆိုပါ စမတ်ကတ်ကို ကွန်ပျူတာစက်အတွင်းသို့ ထည့်သွင်း စစ်ဆေးလျင် ကာယကံ ရှင်၏ ကိုယ်ရေး အချက်အလက်များအားလုံး ပေါ်ထွက်လာမည်ဖြစ်ပြီး လက်ရှိအသုံးပြုနေ သည့် နိုင်ငံသား စိစစ်ရေး ကတ် ထက် ခိုင်ခန့်ပြီး အသုံးပြုရန်လွယ်ကူမည် ဖြစ်ကြောင်း သိရသည်။
“ပြောင်းမယ်ဆိုရင် ကုန်ကျမယ့် စရိတ်တွေက အများကြီးရှိတာပေါ့နော့ ဒါကို ဘယ်လိုလုပ်လို့ရမလဲ ဆိုတာကို အရင်ဆုံး ကျနော် တို့က စမ်းသပ်နေတာပေါ့၊ ဒါတွေအပေါ်မှာ မူတည်ပြီးတော့ ငွေကြေး ကုန်ကျစရိတ်တွေ တွက်ချက်ရမယ်၊ ပြီးတော့မှ ဘယ်လိုလုပ် ပေးလို့ရမလဲ၊ နိုင်ငံတော်ကပဲ လုပ်ပေးနိုင်မလား၊ ပြည်သူဆီကနေ ကတ်ဖိုး ကောက်ရင်ရော ဘယ်လိုရှိမလဲ ဒါတွေကို အကုန်လုံးချိန်ဆ ရ ဦးမှာပေါ့၊ ပထမဦးဆုံး ကတော့ Data Center ကြီးကိုဆောက်ဖို့ အဓိကပေါ့”ဟု ဦးမောင်မောင်သန်းက ပြောဆိုသည်။
Ref: ဧရာဝတီ
Read More...
Collapse...
နန်းသီရိလွင်
April 11, 2013
မတ်လ ၂၈ ရက်နေ့က တန့်ယန်းမြို့နယ်အတွင်း ဖြစ်ပွားခဲ့သည့် ရှမ်းပြည်တပ်မတော် (SSA) နှင့် မြန်မာ့ တပ်မတော်တို့၏ တိုက်ပွဲများကြောင့် စစ်ဘေးရှောင်လာသော ဒုက္ခသည်များသည် မနက်ဖြန် ဧပြီလ ၁၁ ရက်နေ့တွင် သက်ဆိုင် ရာ ကျေးရွာ များသို့ ပြန်မည်ဖြစ်ကြောင်း သတင်းရရှိသည်။
“ကျနော်တို့ကတော့ တအား ပြန်ချင်တာပေါ့ဗျာ။ ဒီလမှာ တောင်ယာ လုပ်ငန်းတွေ မစနိုင်ရင် တနှစ်လုံးအ တွက် နောက်ကျ သွားမှာ။ ၁ နှစ်စာ နစ်နာတာပေါ့။ တိုက်ပွဲ မရှိတော့ဘူးကြားတာနဲ့ ပြန်ဖို့ ပြင်နေ ကြတာ” ဟု တန့်ယန်းမြို့ပေါ် သို့ စစ်ဘေးရှောင်ရန် ရောက်ရှိနေသည့် ကောင်းကော် ကျေးရွာသား တဦးက ဧရာဝတီကို ပြောသည်။
ရှမ်းပြည်နယ် မြောက်ပိုင်း တန့်ယန်းမြို့နယ်အတွင်း လှုပ်ရှားနေသော ရှမ်းပြည် တပ်မတော် မြောက်ပိုင်း၏ လွယ်လန်းနှင့် လွယ်စေး တပ်စခန်း ၂ ခုကို ဆုတ်ခွာပေးရန် အရှေ့မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် အောင်စိုးက ယခုလ ၂၅ ရက်နေ့က လားရှိုးမြို့ ရွှေလီရိပ်သာတွင် SSA မြောက်ပိုင်းတပ်ဖွဲ့နှင့် တွေ့ဆုံခဲ့စဉ် ပြောကြားခဲ့သည်။
ရှမ်းပြည် တပ်မတော် မြောက်ပိုင်းက တပ်စခန်းများ ဆုတ်ခွာပေးခြင်း မရှိသဖြင့် မတ်လ ၂၈ ရက်နေ့မှ စတင်ကာ အပြန်အလှန် တိုက်ပွဲများ ဖြစ်ပွားခဲ့ပြီး လွယ်လန်း၊ လွယ်စေး၊ ကုန်းကော်၊ ကောင်းဆိုင်း၊ ပါဖန်၊ လွိုင်ပု၊ နမ့်လွတ် စသည့် ကျေးရွာများမှ ဒေသခံ တထောင်နီးပါးခန့်တို့ တန့်ယန်းမြို့ပေါ်သို့ စစ်ဘေးရှောင် ဒုက္ခသည်များ အဖြစ် ရောက်ရှိလာခဲ့ကြောင်း သိရသည်။
“၂၈ ရက်နေ့ ညကနေစပြီး သုံးလေးရက် ဆက်တိုက် ရောက်လာကြတယ်။ အများစုက ဆွေမျိုးအိမ်တွေ၊ သူတို့နဲ့ ရင်းနှီးတဲ့ သီးနှံ ပွဲစားတွေအိမ်မှာ နေတယ်။ ဘုန်းကြီးကျောင်း ရောက်လာတာက လေးရာကျော် ရှိတယ်။ မနက်ဖြန် ကို ပြန်ပို့ဖို့ စီစဉ်ထားတယ်။ အခုဟာက မြို့ပေါ်နားကတော့ သတင်းကတော့ အားလုံး အေးဆေး ငြိမ်းချမ်းနေတယ်။ ဒါပေမယ့် ဒီ မြေမြှုပ် မိုင်းနဲ့ ပတ်သက်တာ ကျတော့ ကျနော်တို့လည်း အာမ မခံရဲဘူး။ မိုင်းတခုပဲ ကြောက်ရ တယ်။ တဘက်နဲ့ တဘက် ပစ်ခတ်မှု မရှိတော့ဘူး။ အစိုးရတပ်တော့ ရှိနေတယ်” ဟု တန့်ယန်းမြို့နယ် တအာင်း (ပလောင်) စာပေနှင့် ယဉ်ကျေးမှု အသင်းမှ ပြောရေး ဆိုခွင့်ရှိသူ တဦးက ပြောသည်။
စစ်ဘေးရှောင် ဒုက္ခသည်များကို ပြန်ပို့ရန် မြို့နယ် အုပ်ချုပ်ရေးအဖွဲ့က ကားများ စီစဉ်ထားပြီး ၇ ရက်စာ ဆန်နှင့် ရိက္ခာ ကိုလည်း ပို့ပေးမည်ဖြစ်ကာ ၇ ရက်အတွင်း အခြေအနေ ပြန်လည် ဆိုးဝါးလာပါက တန့်ယန်းမြို့ပေါ်သို့ ချက်ချင်း ပြန်လာနိုင်ရန် စီစဉ်မည်ဖြစ်ကြောင်း သိရသည်။
“မနေ့က မြန်မာ့ တပ်မတော်ကနေပြီးတော့ အခြေအနေတွေ အေးဆေးသွားပါပြီ၊ ဒုက္ခသည်တွေ အိမ်ပြန်လို့ ရပါပြီ ဆိုတဲ့ သဘောမျိုး လာပြောသွားတာ ရှိတယ်။ ဒုက္ခသည်တွေကလည်း ပြန်ချင်နေကြတော့ ကျနော်တို့က အလှူခံ ရထားတဲ့ ဆန်ရိက္ခာ ၇ ရက်စာကို စီစဉ်ပြီး ထည့်ပေးမယ်။ အခြေအနေ မကောင်းရင်လည်း တန့်ယန်းကို ပြန်လာဖို့ ရွာလူကြီးတွေနဲ့ တိုင်ပင်ထားတာရှိတယ်” ဟု တန့်ယန်းမြို့နယ် လွှတ်တော်ကိုယ်စားလှယ် ဦးစိုင်းထွန်းထွန်းဝင်းက ဧရာဝတီ ကို ပြောသည်။
တိုင်းရင်းသား လက်နက်ကိုင်များနှင့် ငြိမ်းချမ်းရေးအတွက် ဆွေးနွေးနေဆဲ အချိန်တွင် ယခုကဲ့သို့ တိုက်ပွဲ များ ဖြစ်ပွား နေခြင်းကို လွှတ်တော်တွင် တင်ပြဆွေးနွေးရန် စီစဉ်ထားကြောင်း ၎င်းက ဆိုသည်။
ရှမ်းပြည် တပ်မတော်နှင့် မြန်မာ့တပ်မတော်တို့ တိုက်ပွဲများ ဖြစ်ပွားနေ စဉ် ဧပြီလ ၃ ရက်နေ့တွင် ပြည်ထောင်စု ငြိမ်းချမ်းရေး ဖော်ဆောင်ရေး ကော်မတီနှင့် လားရှိုးမြို့တွင် တွေ့ဆုံခဲ့ပြီး မတ်လ ၂၈ ရက် တွေ့ ဆုံပွဲတွင် လွယ်လန်း၊ လွယ်စေးဒေသမှ တပ်များ ဆုတ်ခွာခိုင်းသည့် ကိစ္စကို ရှမ်းပြည်တပ်မတော်မှ ထပ်မံ ငြင်းဆိုခဲ့ကြောင်း သတင်းများက ဆိုသည်။
ရှမ်းပြည် တပ်မတော်သည် အစိုးရနှင့် ပြည်ထောင်စုအဆင့် အပစ်အခတ်ရပ်ဆဲရေး သဘောတူညီချက် ရရှိ ထားသော်လည်း နယ်မြေသတ်မှတ်မှု မပြုလုပ်နိုင်သေးသဖြင့် တိုက်ပွဲများ ဆက်လက် ဖြစ် ပွားနေခြင်းဖြစ်ကြောင်း သိရသည်။
Ref: ဧရာဝတီ
Read More...
Collapse...
ထက်နိုင်ဇော်
April 11, 2013
အငြိမ်းစား ဗိုလ်ချုပ်မှူးကြီး သန်းရွှေ၏မြေး နေရွှေသွေးအောင် (ခေါ်) ဖိုးလပြည့်က မီးပွိုင့်တွင် ကားလမ်းရှင်းပေးသည့် ကိစ္စနှင့် ပတ်သက်၍ ကိုယ်ထိလက်ရောက် စော်ကားခံခဲ့ရခြင်းမှာ ဟုတ်မှန်ကြောင်း ယဉ်ထိန်းရဲတပ်သား စံသိန်းထွေးက ဧရာဝတီသို့ အတည်ပြု ပြောဆိုသည်။
ကောလာဟလများ ပျံ့နှံ့နေသကဲ့သို့ ငွေကြေး လက်ခံရယူမှု မရှိခဲ့ကြောင်း၊ ဂျာနယ် တချို့တွင် ဖော်ပြထားသော နှစ်ဘက်ကျေအေးသည် ဆိုသည်မှာ လုံးဝမဟုတ်ဘဲ ၎င်းအနေဖြင့် အေးအေးဆေးဆေး သာ နေလိုသောကြောင့် မည်သည့်အဖွဲ့အစည်းကိုမျှ တင်ပြတိုင်ကြားတော့မည် မဟုတ်ကြောင်း ရဲတပ်သား စံသိန်းထွေးက ရှင်းပြသည်။
တပ်သားစံသိန်းထွေးမှာ ၎င်း တာဝန်ထမ်းဆောင်နေသော နေရာကို ဖော်ထုတ်ပြောဆိုရန်နှင့် ဧရာဝတီ သတင်းဋ္ဌာနနှင့် လူချင်းတွေ့ဆုံရန်လည်း ငြင်းဆိုသည်။
“ကျနော် အေးအေးဆေးဆေးပဲ နေချင်တယ်။ ဘယ်အဖွဲ့အစည်းနဲ့မှလည်း မဆက်သွယ်ချင်ဘူး” ဟု သူက ပြောသည်။
ကမာရွတ်မြို့နယ် ယာဉ်ထိန်း တပ်ဖွဲ့စုရုံး အမှတ် ၂၅ မှ တာဝန်ကျ အရာရှိ၏ အဆိုအရ တပ်သားစံသိန်းထွေးကို ၎င်းတို့ ဋ္ဌာန အင်အားမှ ထုတ်နုတ်သွားပြီ ဖြစ်ပြီး နေပြည်တော် မှ ခေါ်ယူထားသည်ဟု သာ နောက်ဆုံး သိရှိရကြောင်း သိရ သည်။
နေပြည်တော် ယဉ်ထိန်းတပ်ဖွဲ့မှူးရုံးကမူ ယဉ်ထိန်းရဲတပ်သား စံသိန်းထွေးကို နေပြည်တော်တွင် ခေါ်ယူထားခြင်းမှာ မဟုတ်မှန်ဘဲ ရန်ကုန်ရုံးသို့ ပြန်လည်ပို့ဆောင်လိုက်ပြီ ဖြစ်သောကြောင့် ရန်ကုန်တွင်သာ စုံးစမ်းမေးမြန်း ရန် ပြောကြားသည်။
ယခုအခါ တပ်သား စံသိန်းထွေးမှာ ရန်ကုန်မြို့ရှိ ၅၁ လမ်း ယဉ်ထိန်းရုံးတွင် တာဝန် ထမ်းဆောင်နေကြောင်း ဧရာဝတီ သတင်းဋ္ဌာန၏ စုံစမ်း သိရသည်။
အငြိမ်းစား ဗိုလ်ချုပ်မှူးကြီး သန်းရွှေ၏မြေး နေရွှေသွေးအောင် (ခေါ်) ဖိုးလပြည့်နှင့် ပြဿနာတက်ခဲ့သော ယဉ်ထိန်းရဲ တပ်သား စံသိန်းထွေးကို နေပြည်တော်ရှိ အကြီးအကဲတဦးက မတ်လကုန်ပိုင်း တွင် ခေါ် ယူခဲ့သေးသည်။ နေပြည်တော်မှ အကြီးအကဲဟု ဆိုသော်လည်း ၎င်းတို့အနေဖြင့် သေချာမသိရှိရဘဲ နေပြည်တော် ယဉ်ထိန်း တပ်ဖွဲ့မှူးမှ တဆင့် ခေါ်ယူထားခြင်း ဖြစ်ကြောင်း၊ ရန်ကုန်ရုံးတွင် ခွင့်ယူ ထားကြောင်း၊ နေပြည်တော်မှ ခေါ်ဆိုရခြင်း အကြောင်းကို ၎င်းတို့ အဆင့်ဖြင့် မသိရှိနိုင်ကြောင်း ကမာရွတ် ယာဉ်ထိန်းရုံးမှ အရာရှိတဦးက မတ်လ ၂၁ ရက်နေ့က ပြောပြခဲ့ဖူးသည်။
ဒီမိုကရေစီရေး စဉ်ဆက်မပြတ် လှုပ်ရှားသူများ အင်အားစုမှ ဦးထင်ကျော်က ဖိုးလပြည့်လက်သီးနှင့် ထိုးခဲ့သည့် ကိစ္စနှင့် ပတ်သက်၍ မခံနိုင်သောကြောင့် နိုင်ငံသားတဦး၏ တရားဥပဒေ စိုးမိုးရေးကို ပုံဖော်သည့် ပုံစံဖြင့် ကမာရွတ်မြို့နယ် ရဲတပ်ဖွဲ့သို့ သွားရောက်အမှုဖွင့် တိုင်ကြားခဲ့ရာ စခန်းမှူး ဦးအောင်မော်က အမှုတိုင်တန်းချက်ကို လက်ခံခဲ့သော်လည်း အမှုဖွင့်မပေးခဲ့ကြောင်း သိရသည်။
“အမှုဖွင့်တဲ့ တိုင်စာကို လက်ခံထား လိုက်တယ်။ သူ့ဆီမှာ ကမာရွတ် ယဉ်ထိန်းတပ်ဖွဲ့စု ၂၅ က လာရောက် တိုင်ကြား ထားတာ မရှိဘူး။ ကာယကံရှင် ဖြစ်တဲ့ ရဲတပ်သား စံသိန်းထွေးကလည်း လာရောက် တိုင်ကြားထားတာ မရှိတဲ့အတွက် တိုင်စာကို လက်ခံတယ်။ အမှုဖွင့် မပေးဘူး။ လူကြီးကို တင်ပြပေးပါ့မယ်လို့ ပြောတယ်” ဟု သူက ဆိုသည်။
တာဝန် ထမ်းဆောင်နေသော ယူနီဖောင်းဝတ် အစိုးရ၀န်ထမ်းတဦး တာဝန်ချိန်တွင် ပါးရိုက်ခံရခြင်းသည် တရားဥပဒေ စိုးမိုးရေးကို စိန်ခေါ်လိုက်ခြင်း ဖြစ်ကြောင်း၊ ယခုကဲ့သို့ ကာယကံရှင် ကိုယ်စား အမှုလိုက်ဖွင့်နေခြင်းမှာ သက်ဆိုင်သူ များကို ပုဂ္ဂိုလ်ရေး မုန်းတီးမှုကြောင့် မဟုတ်ဘဲ ဥပဒေအထက်တွင် မည်သူမျှမရှိကြောင်း သက်သေပြလို၍ ဖြစ်ကြောင်း ဦးထင်ကျော် က ဆိုသည်။
“သူ့ဟာသူ အမှုဖွင့်တာ ဖြစ်ပါလိမ့်မယ်။ ကျနော်နဲ့ မဆိုင်ပါဘူး” ဟု တပ်သား စံသိန်းထွေးက ဧရာဝတီသို့ ပြောသည်။
ယဉ်ထိန်းရဲ တပ်သား စံသိန်းထွေးကိစ္စကို တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီသို့ ကာယကံရှင် ကိုယ်တိုင် တင်ပြလာပါက တရားဥပဒေ စိုးမိုးရေး ရှိစေရန်ဥပဒေနှင့်အညီ ဆောင် ရွက်ပေးနိုင်ကြောင်း၊ ကာယကံရှင် ကိုယ်တိုင် မဆောင်ရွက်လိုသော ကိစ္စကို ၀င်ရောက် ဆောင်ရွက်ပေးရန်မှာ မဖြစ်နိုင်ကြောင်း ယင်းကော်မတီ အတွင်းရေးမှူး ဦးဝင်းမြင့်က ပြောသည်။
“တရားဥပဒေ စိုးမိုးရေးဆိုတာက အာဏာရှိသည်ဖြစ်စေ၊ မရှိသည်ဖြစ်စေ၊ ပစ္စည်းဥစ္စာ ရှိသည်ဖြစ်စေ၊ မရှိသည် ဖြစ်စေ မျက်နှားကြီးငယ် မလိုက်ဘဲနဲ့ ကျောသားရင်သား မခွဲခြားဘဲနဲ့ ဥပဒေရဲ့ ရှေ့မှောက်မှာ အားလုံး အညီအမျှ ဖြစ်ရမယ်။ ဥပဒေကို လေးစားလိုက်နာတဲ့ ပြည်သူတွေအားလုံး ဥပဒေရဲ့ အကာအကွယ်ကို ရရှိခံစားရမယ်။ အဲဒီလိုမှ တရားဥပဒေ စိုးမိုးရေးက ပြည့်စုံတယ်လို့ ပြောလို့ရမယ်” ဟု ၎င်းက ဆိုသည်။
မတ်လ ၁၄ ရက်နေ့ မွန်းလွဲ ၂ နာရီခန့်တွင် ဖိုးလပြည့်သည် ၉ ဂ/ ၉၉၁၄ ကို မောင်းနှင်လာပြီး တက္ကသိုလ်ရိပ်သာ လမ်းနှင့် အင်းလျားလမ်း မီးပွိုင့်တွင် ကားလမ်းရှင်းပေးရန် တောင်းဆိုသောကြောင့် ယဉ်ထိန်းရဲ တပ်သားစံသိန်းထွေးက လမ်းရှင်း ပေးရာ မီးနီနေစဉ် မီးစိမ်းပေးခဲ့သော်လည်း ပွိုင့်ဖြတ်စဉ် မီးဝါသွားသဖြင့် ကားပြန်လှည့်လာပြီး တာဝန်ကျရဲကို လက်သီးဖြင့် ဆင်းထိုးခဲ့ကြောင်း၊ ညနေ ၃ နာရီခန့်တွင် ဗိုလ်မှူး ဆိုသူတဦး ထပ်မံရောက်ရှိလာပြီး ယဉ်ထိန်းရဲ တပ်သား စံသိန်းထွေးကို ခေါ်ယူကာ ၎င်း၏ အိမ်တွင် ရေခဲရေဖြင့်ပက်ခြင်း၊ ပါးရိုက်ခြင်းတို့ ပြုလုပ်ခဲ့သေးကြောင်း လူမှုကွန်ရက် အင်တာနက် စာမျက်နှာများ တွင် ဖော်ပြထားခဲ့ရာ ဖြစ်စဉ်များမှာ မှန်ကန်ကြောင်း စုံစမ်းမေးမြန်းချက်များအရ သိရသည်။
အစိုးရ ယူနီဖောင်းဝတ် ၀န်ထမ်းတဦးကို တာဝန်ချိန်တွင် လက်ရောက်မှုပြုပါက ပြစ်မှုဆိုင်ရာ ဥပဒေ ပုဒ်မ ၃၂၃ အရ အရေးယူနိုင်ပြီး ပြစ်မှုထင်ရှားပါက ထောင်ဒဏ် တနှစ် (သို့မဟုတ်) ငွေဒဏ် ကျပ် တထောင် ချမှတ်နိုင်ကြောင်း၊ တာဝန် ၀တ္ထရား နှောင့်ယှက်မှုတွင် နှစ်ပိုင်းရှိပြီး ပုဒ်မ ၁၈၆ အရ ပြည်သူ့ဝန်ထမ်းကို ဟန့်တား နှောက်ယှက်သည်ဟု ယူဆပါက ထောင်ဒဏ် ၃ လ (သို့မဟုတ်) ငွေဒဏ် ကျပ် ၅ ရာ၊ ပုဒ်မ ၁၈၉ အရ ပြည်သူ့ ၀န်ထမ်းကို နစ်နာစေမည့် ခြိမ်းခြောက်မှုဟု ယူဆပါက ထောင်ဒဏ်နှင့် ငွေဒဏ်များ ပြစ်ဒဏ်ခံရနိုင်ကြောင်း သိရသည်။
Ref: ဧရာဝတီ
Read More...
Collapse...
ခင်ဦးသာ
April 10, 2013
ရခိုင်ပြည်နယ် အမ်းမြို့နယ် ရဲစခန်းတွင် ဗုဒ္ဓဘာသာ ဘုန်းကြီးတပါးကို လူကုန်ကူးမှုဖြင့် အမှုဖွင့်၍ ဖမ်းဆီး အရေး ယူထားကြောင်း သိရသည်။
ဖမ်းဆီးခံထားရသည့် ဘုန်းကြီးသည် သက်တော် ၄၀ ၀န်းကျင် ၀ါတော် ၁၈ ၀ါ ရှိ ဦးကောသိယ ဘွဲ့အမည်ရှိပြီး မွန်ပြည်နယ် ကျိုက်ထိုမြို့နယ် ဇဗ္ဗူအေး ကျောင်းတိုက်၏ ကျောင်းထိုင်ဟု သိရသည်။ ရခိုင်ပြည်နယ် ကျောက်တော်မြို့ နယ်မှ မှတ်ပုံတင် အထောက်အထား မရှိသူ ၈ ဦးအား သင်္ကန်းစည်းပေးပြီး အခကြေးငွေယူ၍ ရန်ကုန်သို့ ပို့ဆောင်ရန် ခေါ်လာစဉ် အမ်းမြို့၌ ဧပြီလ ၅ ရက်နေ့က ဖမ်းဆီးမိခဲ့ကြောင်း အမ်းမြို့နယ် ရဲစခန်းက ဧရာဝတီကို ပြောသည်။
“ပုဒ်မ ၃၆၇ တရားမ၀င် လူကုန်ကူးမှုနဲ့ တရားစွဲဆိုဖို့ ယမန်ယူထားပါတယ်၊ ကားဒရိုင်ဘာလည်း ပါတယ်”ဟု ရဲစခန်း တာဝန်ရှိသူ က ဆိုသည်။
ဦးကောသိယအား အမ်းမြို့နယ် သံဃာ့မဟာနာယက အဖွဲ့ ဥက္ကဋ္ဌ ကိုယ်စား ဒု ဥက္ကဋ္ဌ ကို ပင့်ဖိတ်၍ မြို့နယ် သံဃ မဟာနာယက အဖွဲ့ဝင် ဆရာတော်များ ရှေ့မှောက်တွင် ၀ိနည်းတော်နှင့်အညီ သိက္ခာချ လူဝတ်လဲပြီးမှသာ ထိန်းသိမ်း အရေးယူထားခြင်း ဖြစ်ကြောင်း သိရသည်။
ဦးကောသိယသည် မှတ်ပုံတင် မရှိသူများကို ရန်ကုန်ဘက်သို့ ပို့ဆောင်နေသည်မှာ ယခုအကြိမ်သည် ၃ ကြိမ်မြောက်ဖြစ်ကြောင်း အမ်းမြို့ ရဲစခန်းက ပြောသည်။
“ကားမှာ မြို့နယ် သံဃာ့နာယက ဆရာတော်လို့ ဆိုင်းဘုတ်ကပ်ထားတော့ စစ်ဆေးရေးဂိတ်တွေကလည်း မစစ်ဆေး ကြတော့ မဖမ်းမိခဲ့ဘူးပေါ့၊ အခုအကြိမ်မှာ သံသယဖြစ်စရာ တချို့သတင်းရလို့ စစ်ဆေးတော့မှ လူကုန်ကူးတာ ဖြစ်နေတယ်”ဟု အမည်မဖော်လိုသူ ရဲအရာရှိက ပြောသည်။
မှတ်ပုံတင် မရှိသူများကိုလည်း လူဝင်မှုကြီးကြပ်ရေးဌာနက ဥပဒေ ပုဒ်မ ၆၂/၆၃ တို့ဖြင့် မကြာမီ တရားစွဲဆိုသွား မည်ဖြစ်ကြောင်း၊ ဦးကောသိယ နှင့် ဒရိုင်ဘာတို့ကို ရဲစခန်းက အရေးယူ ဆောင်ရွက်သွား မည်ဖြစ်ကြောင်း သိရသည်။
မှတ်ပုံတင်မရှိဘဲ ဖမ်းဆီးခံရသူများမှာ မြန်မာမွတ်စလင် သို့မဟုတ် ဘင်္ဂလာဒေ့ရှ် နိုင်ငံမှ ခိုးဝင်လာသူများဟူသည်ကို ဧရာဝတီက အတိအကျ ခွဲခြား မသိသေးပါ။
Ref: ဧရာဝတီ
Read More...
Collapse...
စောဇင်ညီ
ဧပြီလ ၁၀ ရက် ၂၀၁၃ ခုနှစ်
ရန်ကုန်တိုင်းဒေသကြီး မပာာ သင်္ကြန်ကာလတွင် ရေကစားကြမည့် ပြည်သူများ လုံခြုံရေးအတွက် ရန်ကုန်တိုင်း တစ်တိုင်းလုံးရှိ ရဲအင်အား ခုနှစ်ထောင်ကျော်မှ တစ်ဝက်ခန့် အသုံးပြု သွားမည် ဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့မှ ဒုတိယ တိုင်းဒေသကြီး ရဲတပ်ဖွဲ့မှူး ဒု- ရဲမှုးကြီး ဦးသက်လွင် ကပြောသည်။
၎င်းက “ဆရာတို့စီမှာ ရှိတဲ့  အင်အားက ၇၀၀၀ ကျော် လောက်ရှိတယ်။အဲဒီထဲက တ၀က်ကို သုံးပြီး လုံခြုံရေးယူမယ်။ လမ်းအလိုက် လုံခြုံရေးပေးသွားမယ်။” ပာု မဇ္ဈိမကို ပြောသည်။
ထို့ပြင် သင်္ကြန်လုံခြုံရေးအတွက် ပြည်သူများအနေဖြင့်လည်း ဒေါသအား အခြေမခံစေဘဲ မိမိ အသိစိတ်များ ဖြင့် လုံခြုံရေးကို ထိန်းသိမ်းသင့်ကြောင်း ဒု-ရဲမှူးကြီး ဦးသက်လွင် မှ သုံးသပ်ပြောကြားသည်။
ယခုနှစ် သင်္ကြန်တွင် အစိုးရလုံခြုံရေးများသည် ရေကစားမဏ္ဍပ်ကြီးများရှိရာ မလှမ်းမကမ်းတွင် ရဲတပ်ရင်းများ ချထားကာ လုံခြုံရေးယူမည်ဖြစ်ကြောင်း သိရသည်။
ထိုပြင် မဏ္ဍပ် ပေါ်၌ လုံခြုံရေး ကင်မရာ များတပ်ထားရမည်ဖြစ်ပြီး ထိုကင်မရာများအားနေ့စဉ် မဏ္ဍပ် သိမ်းချိန်တိုင်း နီးစပ်ရာ ရဲတပ်ဖွဲသို့  ပေးပိုကြရမည် ဖြစ်ကြောင်း မဏ္ဍပ်ဆောက်လုပ်ရေး ဆပ်ကော်မတီက ညွှန်ကြားထားကြောင်း သိရသည်။
သင်္ကြန် ရေကစား မဏ္ဍပ် များ လုံ ခြုံမှု ရှိစေရန် မဏ္ဍပ် ၏ အောက်တွင် အစိုးရပိုင်းဆိုင်ရာ ပြည်ထဲရေးဝန်ကြီးဌာနမှ ပြည်သူ့  လုံခြုံရေးဝန်ထမ်းများအား ချထားပေးစေချင်ကြောင်း မဏ္ဍပ်များမှ တာဝန်ရှိသူ အချို့ ကပြောသည်။
“ဒီနှစ် မဏ္ဍပ်တွေ လုံခြုံရေးအတွက် မဏ္ဍပ်တစ်ခုခြင်းစီရဲ့ အောက်မှာ အစိုးရဘက်က လုံခြုံရေးဝန်ထမ်းတွေ ချထားပေးစေချင်ပါတယ်။”ပာု FHM ရေကစားမဏ္ဍပ် မှမဏ္ဍပ် စီစဉ်သူ ကို ကျော်ကြီးကပြောသည်။
ယခုအခါ သင်္ကြန်မဏ္ဍပ်များ၏ အပေါ်နှင့် အောက်တွင် ပုဂ္ဂလိက လုံခြုံရေးများဖြင့်သာ လုံခြုံရေး ယူရမည် ဖြစ်ကြောင်း ၊ ပုဂ္ဂလိက လုံခြုံရေး တဦးလျှင် ငွေကျပ် ၁သိန်းအထိ ၀န်ဆောင်ခ ပေးရကြောင်း မဏ္ဍပ် စီစဉ်သူများထံမှ သိရသည်။
မဏ္ဍပ်စီစဉ်သူ ကိုကျော်ကြီးက “ကျွန်တော်တို့ မဏ္ဍပ်မှာဆိုရင် အပေါ်ကို လုံခြုံရေး ၃၀၊ အောက်မှာ ၁၀ ယောက် ချထားရတယ်။ အစိုးရ လုံခြုံရေးတွေလဲ မဏ္ဍပ်နားတွေမှာ ရှိမယ်ဆိုတော့ လုံခြုံမှုရှိနိုင် ပါတယ်” ဟု ဆိုသည်။
ယခုနှစ် မဏ္ဍပ် လျှောက်ထားသူများအား ရန်ကုန်မြို့တော် မဏ္ဍပ်နေရာချထားရေး ဆပ်ကော်မတီမှ စည်းကမ်းချက် (၂၈)ချက် ချမှတ်ကာ ထိုအချက်များထဲမှ မဏ္ဍပ်ကြီးနှင့် မဏ္ဍပ်လတ်များတွင် လုံခြုံရေး အတွက် CCTV ကင်မရာများအား တပ်ဆင်ထားရန် အဆိုပါ ကင်မရာများမှ မှတ်တမ်း များအား သက်ဆိုင်ရာ ကွပ်ကဲရေးမှူးရုံးများသို့  ည ၈ နာရီ ထပ်နောက်မကျစေဘဲ ပေးပို့ရန် တို့  ပါဝင်သည်။
ထို့ပြင် ယခုထွက်ပေါ်နေသော အက်စစ်နှင့် သင်္ကြန်တွင် ပတ်မည်ဆိုသည့် သတင်းမှာလည်း မဖြစ်နိုင်ကြောင်း ရန်ကုန်တိုင်းဒေသကြီး ရဲတပ်ဖွဲ့မှ ဒုတိယ တိုင်းဒေသကြီး ရဲတပ်ဖွဲ့မှူး ဒု- ရဲမှုးကြီး ဦးသက်လွင် ကပြောသည်။
Ref: မဇ္ဈိမ
Read More...
Collapse...
ကွန်ချမ်း
ဧပြီလ ၁၀ ရက် ၂၀၁၃ ခုနှစ်
မြန်မာနိုင်ငံ အရှေ့ပိုင်း ကရင်ဒေသတွင် မြေမြှုပ်မိုင်း အသုံးပြုခြင်းကြောင့် ၂၀၁၂ ခုနှစ် သြဂုတ်လမှ ၂၀၁၃ ခုနှစ် မတ်လထိ လူ ၉ ဦးထက်မနည်း သေဆုံးပြီး ၉ ဦးထက်မနည်း ကိုယ်လက်အင်္ဂါ ချို့ယွင်းသည့် ဒဏ်ရာများ ရရှိခဲ့ကြောင်း ကရင် လူ့အခွင့်အရေးအဖွဲ့ (KHRG) က ပြောသည်။
KHRG မှ ကွင်းဆင်းလေ့လာခဲ့သည့် တနင်္သာရီ၊ သထုံ၊ ဘားအံ၊ ဒူးပလာယာ၊ ဖာပွန်၊ ညောင်လေးပင်နှင့် တောင်ငူ (တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ပဲခူးတိုင်း) ဒေသ ၇ ခုအနက် မြေမြှုပ် မိုင်းကြောင့် သေဆုံး ဒဏ်ရာရသူ အများဆုံးမှာ ဒူပလာယာခရိုင်၊ ဖာပွန်၊ ညောင်လေးပင် ဒေသ ဖြစ်သည်ဟု KHRG ၏ ကွင်းဆင်း ဒါရိုက်တာ စောအဲလ်ဘတ် (Saw Albert) က ပြောသည်။
၎င်းက “ဒီလွန်ခဲ့တဲ့ ဖေဖော်ဝါရီလအတွင်းမှာတင် တပ်မဟာ ၅ (ကရင်အမျိုးသား အစည်းအရုံး KNU ထိန်းချုပ်နယ်မြေ ဖာပွန်ခရိုင်) မှာ ၅ ယောက်၊ တပ်မဟာ ၃ (ညောင်လေးပင်ခရိုင်) မှာ ၃ ယောက် မိုင်းထိတယ်။ ခြေထောက်ပြတ် ဒဏ်ရာရတဲ့လူတွေ များတယ်” ဟု ပြောသည်။
KHRG ကွင်းဆင်း လေ့လာရာဒေသသည် အစိုးရတပ်နှင့် ကရင် လက်နက်ကိုင်အဖွဲ့များ စစ်ရေး ပဋိပက္ခ ဖြစ်ပွားခဲ့ရာဒေသ ဖြစ်ပြီး ယင်းလက်နက်ကိုင် အဖွဲ့များသာမက ဒေသခံများကပါ မြေမြှုပ်မိုင်းများကို အသုံးပြုကြသည်ဟု KHRG ၏ မြေမြှုပ်မိုင်း ဆိုင်ရာ သတင်းအချက်အလက် ပြောရေးဆိုခွင့် ရှိသူ မခူခူဂျူး က ပြောသည်။
“ရွာသားတွေက သူတို့ကိုယ်တိုင်လည်း မိုင်းခင်းတာ ရှိတယ်။ တချို့ရွာတွေမှာဆိုရင် ကော်မတီတွေ ဖွဲ့ပြီးတော့ သူတို့ကို သူတို့ ကာကွယ်ဖို့အတွက်တောင် အသုံးပြုတဲ့ အခြေအနေမျိုးကို တွေ့ရတယ်” ဟု သူက ပြောသည်။
တနင်္လာနေ့တွင် KHRG က ၂၀၁၂ ခုနှစ် သြဂုတ်လမှ ၂၀၁၃ ခုနှစ် မတ်လထိ ကွင်းဆင်းလေ့လာခဲ့သည့် မှတ်တမ်းများကို စုစည်းပြီး စာမျက်နှာ ၂၄ မျက်နှာပါ သတင်း အချက်အလက် အစီရင်ခံစာ တစောင်ကို ထုတ်ပြန်ခဲ့သည်။
ထိုသတင်း အချက်အလက်သည် ၂၀၁၂ ခုနှစ် မေလတွင် အင်္ဂလိပ် ဘာသာဖြင့် ထုတ်ပြန်သည့် Uncertain Ground ‘စိတ်ချသေချာမှု မရှိသောမြေ’ အစီရင်ခံစာ၏ နောက်ဆက်တွဲ ဖြစ်ပြီး တွေ့ဆုံမေးမြန်းမှု ၄၄၂ ခုတွင် မြေမြှုပ်မိုင်းနှင့် ပတ်သက်သည့် တွေ့ရှိချက် ၉၁ ခုမှ ၁၉ ခုကို အထောက်အထား ဓါတ်ပုံနှင့် တကွ ကောက်နှုတ် တင်ပြထားခြင်း ဖြစ်သည်။
မြန်မာနိုင်ငံ မြောက်ပိုင်းနှင့် အရှေ့တောင်းပိုင်းရှိ ပြည်နယ်များတွင် နေရာအနှံ့အပြား မြေမြှုပ်မိုင်းများ ရှိနေခြင်းကြောင့် ဒုက္ခသည် ငါးသိန်းခန့် နေရပ်မပြန်နိုင်သေးကြောင်း ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR က ပြောသည်။
မြေမြှုပ်မိုင်း အသုံးပြုခြင်းကြောင့် လူအသေအပျောက် အများဆုံးနိုင်ငံတွင် မြန်မာနိုင်ငံသည် တတိယမြောက်နိုင်ငံ ဖြစ်ကြောင်း ၂၀၁၂ ခုနှစ် နိုဝင်ဘာလတွင် နိုင်ငံတကာ မြေမြှုပ်မိုင်း တားဆီး ကာကွယ်ရေးအဖွဲ့ (ICBL) က ထုတ်ပြန်ထားသည်။
မြန်မာနိုင်ငံတွင် မြေမြှုပ်မိုင်းကြောင့် ၂၀၁၁ ခုနှစ်အတွင်း လူဦးရေ ၂၇၄ ဦး သေဆုံးခဲ့ပြီး မြေမြှုပ်မိုင်းကြောင့် လူဦးရေ ၁၀၀ နှင့် အထက် သေဆုံးသည့် နိုင်ငံများအနက် ပဉ္စမမြောက်နိုင်ငံ ဖြစ်ကြောင်း ဧပြီ ၄ ရက်နေ့က ရန်ကုန်မြို့ Myanmar Peace Center ၌ ကျင်းပခဲ့သည့် ၁၄ ကြိမ်မြောက် အပြည်ပြည်ဆိုင်ရာ မြေမြှုပ်မိုင်း အသိမြှင့်တင်ရေးနေ့ အခမ်းအနားတွင် မြေမြှုပ်မိုင်းနှင့် ပတ်သက်၍ လှုပ်ရှားဆောင် ရွက်နေသူများက ပြောကြားခဲ့သည်။
ကမ္ဘာပေါ်တွင် နိုင်ငံပေါင်း ၁၅၆ နိုင်ငံက မိုင်း အသုံးမပြုရေး စာချုပ်ကို သဘောတူ လက်မှတ်ရေးထိုးခဲ့ကြပြီး၊ လက်မှတ် မထိုးသည့် နိုင်ငံ ၃၉ နိုင်ငံတွင် အမေရိကန်၊ တရုတ်၊ ရုရှားနှင့်အတူ မြန်မာနိုင်ငံလည်း ပါဝင်သည်။
Ref: မဇ္ဈိမ
Read More...
Collapse...
ခိုင်ခိုင်
ဧပြီလ ၁၀ ရက် ၂၀၁၃ ခုနှစ်
ရှမ်းပြည်နယ် မြောက်ပိုင်း၊ တအာင်း(ပလောင်) ဒေသတွင် သဘာဝဓာတ်ငွေ့နှင့် ရေနံပိုက်လိုင်းများကြောင့် သဘာဝပတ် ဝန်းကျင် ပျက်စီးမှုများ ဆိုးရွားလာနိုင်ကြောင်း နမ့်ဆန်ဒေသခံ တဦးမဖြူက ပြောသည်။
၎င်းက “ ကျွန်မတို့ နမ့်ဆန်မှာ မိုးရာသီတိုင်း မြေပြိုတယ်။ မြေသားတွေလဲ မကောင်းတော့ဘူး။ အထွက်နှုန်းလဲ သိသာ တယ် လျော့သွားတယ် ” ဟုဆိုသည်။
အဆိုပါ သဘာဝပတ်ဝန်းကျင် ပျက်စီးလာမှု အတွက် ကုမ္ပဏီဘက်မှ မည်သို့ ဆောင်ရွက် ပေးမည် ဆိုသည်ကို မသိရှိ ရကြောင်း မဖြူကပြောသည်။
တအာင်းကျောင်းသားနှင့် လူငယ်များ အဖွဲ့မှ တွဲဖက် အထွေထွေ အတွင်းရေးမှူး(၁) မိုင်မျိူးအောင်က ရှမ်းပြည် နယ် မြောက်ပိုင်းရှိ ဒေသခံ (၈၀၀၀) ကျော်မှာ သဘာဝဓာတ်ငွေ့နှင့် ရေနံပိုက်လိုင်းများမှ အနံ့ဆိုးများကြောင့် အခက် အခဲများ ရှိနေပြီး သောက်သုံးရေများမှာ မသန့်ရှင်းတော့ကြောင်း မဇ္ဈိမသို့ ပြောသည်။
မိုင်မျိူးအောင်က “တချို့နေရာတွေမှာတော့ ရေတွေက သုံးမရဘူး အနံ့ဆိုးတွေ ထွက်နေတယ်။ မိုးရာသီမှာ ဆိုရင် မြေပြိုတာ ဖြစ်တတ်တယ်။ ရေတိုက်စားတဲ့ နေရာတွေ များတယ်” ဟု ဆိုသည်။
ရှမ်းပြည်နယ် မြောက်ပိုင်းတွင် ဒေသခံများ၏ လယ်ယာမြေများသာမက သစ်တောများ၊ မြစ်ချောင်းများပါ ပျက်စီးနေ ရကြောင်း သဘာဝ ပတ်ဝန်းကျင် ထိန်းသိမ်းရေး တာဝန်ခံ မိုင်လမိုင်းက ပြောသည်။
၎င်းက“ ကျွန်တော်တို့ လေ့လာချက်တွေအရ မြေယာတွေကော သဘာဝ ပတ်ဝန်းကျင်ပါ ပျက်စီးနေပါ တယ်။ ချောင်းရေတွေ ခန်းသွားတယ်။ မှောင်ခိုဒေသလို ဖြစ်လာတယ်။ မှောင်ခိုဇုန်တွေ ဖြစ်လာတယ်။ မူးယစ်ဆေးဝါးတွေ ရောင်းဝယ်နေကြတယ်။ စစ်တပ်တွေကလည်း မသိသလိုပဲ မျက်ကွယ် ပြုနေကြတယ် ” ဟု ဆိုသည်။
၂၀၁၂ခုနှစ် ဖေဖော်ဝါရီ ၂၈ရက်နေ့ နမ့်ခမ်းမြို့ အနီးတွင် ဓာတ်ငွေ့ ပိုက်လိုင်း စမ်းသပ်ရေလွှတ် ကြည့် စဉ် ပေါက်ကွဲမှု ဖြစ်ခဲ့ပြီး၊ မတ်လ ၂၃ရက်နေ့တွင်လည်း နမ္မတူမြို့အနီးတွင် ဓာတ်ငွေ့ပိုက်လိုင်း ထပ်မံ တူးနေစဉ် ပေါက်ကွဲမှု ထပ်ဖြစ်ခဲ့ကြောင်း ဒေသခံများ၏ ပြောပြချက်အရ သိရသည်။
ထိုပေါက်ကွဲမှုများကြောင့် သဘာဝပတ်ဝန်းကျင် ထိခိုက်မှု မရှိအောင် လုပ်ဆောင်မထားမှုမှာ သိသာ လာကြောင်း၊ ရေနံနှင့် သဘာဝ ဓာတ်ငွေ့များကို အမှန်တကယ် တင်ပို့ချိန်တွင် ပေါက်ကွဲမှု ဖြစ်ပွားမည်ကို
ဒေသခံများက အထူးစိုးရိမ်နေကြကြောင်း တအာင်းကျောင်းသားနှင့် လူငယ်များအဖွဲ့မှ အလုပ်မှုဆောင် အဖွဲ့ဝင် မလွေးကွယ်က ရှင်းပြသည်။
ပိုက်လိုင်းများကြောင့် ပတ်ဝန်းကျင်ထိခိုက်မှုဆိုင်ရာ (EIA) နှင့် လူမှုဝန်းကျင် ထိခိုက်မှု ဆိုင်ရာ လေ့လာချက် (SIA) များ လုပ်ပေးဖို့ တောင်းဆိုထားကြောင်း ပိုက်လိုင်း စောင့်ကြည့်ရေး ကော်မတီမှ ကိုအိုလာက ဆိုသည်။
ကုမ္ပဏီမှ တာဝန်ရှိသော ကိစ္စများ မှန်သမျှကို တာဝန်ယူရန် လိုအပ်ကြောင်း ရိုးရိုးသားသား နေရမည်ဟု ဦးအုန်းက ပြောသည်။
ရှမ်းပြည်မြောက်ပိုင်းရှိ ကျောက်မဲ၊ သီပေါ၊ နမ္မတူ၊ နမ့်ခမ်း၊ မန်တုံ၊ နောင်ချို မြို့နယ်များတွင် သစ်တော ပြုန်းတီးမှုများ ဖြစ်ပေါ်နေပြီး စမ်းချောင်းများမှ ရေမစီးဆင်းနိုင်တော့ခြင်းကြောင့် သောက်သုံးရေ အခက်အခဲများ ရှိနေကြောင်း၊ တအာင်း လူမျိုးများ၏ အသက်မွေး ဝမ်းကျောင်း ဖြစ်သော လက်ဖက်ခြံများ လယ်ယာမြေများမှာ တူးမြောင်းဖောက်လုပ်ခြင်း လမ်းများဖောက်လုပ်ခြင်း တို့ကြောင့် မြေယာများ ပျက်စီးကြရကြောင်း နှင့် အသက်မွေး ဝမ်းကျောင်းမှု ထိခိုက်ကာ သစ်တောပြုန်းတီးမှုများကြောင့် ဂေဟစနစ် ပျက်စီးသွားနိုင်ကြောင်း ဒေသခံများက ပြောသည်။
Ref: မဇ္ဈိမ
Read More...
Collapse...
ဧပြီလ ၁၀ ရက် ၂၀၁၃ ခုနှစ်
ကမ္ဘာ့ထိပ်တန်း လူမှု ကွန်ယက်ဖြစ်သော ဖေ့စ်ဘွတ်(Facebook) သည် ၎င်းကို အသုံးပြုသူများ အကြား သတင်းစကား မက်ဆေ့ခ်ျ (massage) များပေးပို့သည့် ကဏ္ဍမှ အကျိုးအမြတ်ယူရန် စီစဉ်နေသည်။
ဖေ့စ်ဘွတ် အသုံးပြုသူများ အနေဖြင့် မိမိတို့ ပေးပို့လိုသော မည်သည့် သတင်းစကား မက်ဆေ့ခ်ျကို မဆို အခြား Facebook အသုံးပြုသူများအား ပေးပို့နိုင်မည်ဖြစ်ကာ အကယ်၍ မိမိပေးပို့ချင်သူသည် မိမိ၏
ဖေ့စ်ဘွတ် အကောင့်ထဲမှ မိတ်ဆွေ သူငယ်ချင်းမဟုတ်ခဲ့လျှင် အစီအစဉ်သစ်အရ သတင်းစကား မက်ဆေ့ခ်ျ တစောင်လျှင် တဒေါ်လာနှုန်းဖြင့် ပေးပို့နိုင်မည် ဖြစ်သည်။
အကယ်၍ မိမိ သတင်းစကား မက်ဆေ့ခ်ျ ပေးပို့လိုသူသည် ထင်ပေါ် ကျော်ကြားသူ ဖြစ်ပါက မက်ဆေ့ တစောင်လျှင် တဒေါ်လာထက် ပိုသော နှုန်းထားဖြင့် ပေးပို့ နိုင်တော့မည် ဖြစ်သည်။
အခကြေးငွေ ပေးရမည့် ဝန်ဆောင်မှုအသစ်ကို အသုံးပြု၍ မိမိနှင့် မသိကျွမ်းသူများ သို့မဟုတ် မိမိနှင့် အဆက်အသွယ် မရှိသည့် သူများထံသို့ ၎င်းတို့၏ ကိုယ်ပိုင် ဖေ့စ်ဘွတ် အကောင့်တွင် ချိန်ညှိကန့်သတ် ထားမှု (privacy settings) များကို ရှောင်လွှဲ၍ မက်ဆေ့ခ်ျ ပေးပို့နိုင်လိမ့်မည် ဟုဆိုသည်။
ဖေ့စ်ဘွတ် အသုံးပြုသူများသည် ထင်ပေါ် ကျော်ကြားသူများထံသို့ စာများ ပေးပို့နိုင်မည်ဖြစ်သော်လည်း မိမိတို့ ပေးပို့လိုက်သည့် စာများကို လက်ခံရရှိသူက ဖတ်မဖတ်ဆိုသည်ကိုမူ ဖေ့စ်ဘွတ်က တာဝန် ယူနိုင်ခြင်း မရှိပါ။
အခကြေးငွေယူမည့် ယင်းဝန်ဆောင်မှု လုပ်ငန်းအား လူကြိုက်မကြိုက်နှင့် အဆိုပါ ၀န်ဆောင်မှု လုပ်ငန်းကို တလွဲအသုံးချမှုများ ရှိမရှိ ဆိုသည်ကို စောင့်ကြည့်ရန် လအနည်းငယ်ကြာ ထိုဝန်ဆောင်မှုကို စမ်းသပ်မည်ဟု ဆိုသည်။
ထိုကဲ့သို့ ဝန်ဆောင်မှု အသစ် စတင်ရခြင်းမှာ၊ တဘက်တွင် မလိုလားအပ်သည့် စာ (spam) များအား Facebook အနေဖြင့် တားဆီးကာကွယ်ပေးရန် ရည်ရွယ်ခဲ့သော်လည်း၊ တခြားတဘက်တွင်မူ ဖေ့စ်ဘွတ် အသုံးပြုသူများ အနေဖြင့် ၄င်းတို့၏ အသိုင်းအဝိုင်းပြင်ပရှိ ပုဂ္ဂိုလ်များထံမှ စကားများကို တခါတရံတွင် သိရှိလိုကောင်း သိရှိလိုမည် ဖြစ်သည့်အတွက် ဝန်ဆောင်မှု အသစ် စတင်ခြင်း ဖြစ်သည်ဟု ဖေ့စ်ဘွတ်က ဆိုသည်။
ဖေ့စ်ဘွတ်သည် ယခုအစီအစဉ်သစ်ကို ဖေ့စ်ဘွတ်အကောင့်တခုအတွက် မေးလ်ဘောက်စ် (mail box) နှစ်ခု ထည့်ပေးခြင်းဖြင့် ပြီးခဲ့သည့် လမှ စတင်စမ်းသပ် ခဲ့သည်။ ပင်မ မေးလ်ဘောက်စ်သည် မိတ်ဆွေ သူငယ်ချင်း များနှင့် အခြားသူများထံမှ ပေးပို့လာသော မက်ဆေ့ခ်ျများကို အကောင့်ပိုင်ရှင်က ၄င်း ကန့်သတ် ချိန်ညှိ ထားသည့် privacy settings ပေါ်မူတည်၍ ကြည့်ရှုနိုင်မည် ဖြစ်သည်။
အခြားသော မေးလ်ဘောက်စ်မှာမူ ဝှက်ထားသည့်အတွက် သာမန်အားဖြင့် မြင်ရလိမ့်မည် မဟုတ်ပါ။ ဖေ့စ်ဘွတ် အသုံးပြုသူ အများစုမှာ အဆိုပါ မေးလ်ဘောက်စ်ကို မည်သည့်အခါမျှ မကြည့်ကြသည့် အပြင်ရှိမှန်း ပင်မသိကြဟု ဆိုသည်။
Ref: မဇ္ဈိမ
Read More...
Collapse...
ကွန်းချမ်း
ဧပြီလ ၁၀ ရက် ၂၀၁၃ ခုနှစ်
ပထမဆုံးအကြိမ် တိုင်းရင်းသား မီဒီယာ ညီလာခံ တခုကို နိုင်ငံတကာ မြန်မာ့ သတင်းအဖွဲ့ (BNI) က ဦးဆောင်ပြီး ပြည်တွင်းတွင် ကျင်းပမည် ဖြစ်ကြောင်း ဖြစ်မြောက်ရေး ကော်မတီက ပြောသည်။
ဧပြီလ ၂၅ ရက်နေ့မှ ၂၇ ရက်နေ့ထိ မွန်ပြည်နယ်၊ မော်လမြိုင်မြို့၊ စထရင်းဟိုတယ်တွင် ကျင်းပမည်ဟု ညီလာခံ ပြန်ကြားရေး တာဝန်ခံ နိုင်ဗညားအောင် က ပြောသည်။
“လောလောဆယ် ပြန်ကြားရေး ဝန်ကြီးဌာနက ထုတ်လွှင့်နေတဲ့ မြန်မာ့အသံကိုပဲ ကြည့်။ နိုင်ငံတော် ဘက်ဂျက်ကို သုံးပေမယ့် ဗမာ အစီအစဉ်ဆိုရင် တနေ့ အနည်းဆုံး ၁၀ နာရီ ရှိတယ်။ တိုင်းရင်းသား အစီအစဉ်က တနာရီခွဲပဲ ရတယ်။ ဝန်ထမ်းတွေလည်း မလောက်မငှနဲ့။ အဲဒါ အချိုးအစား မညီဘူး။ တီဗီဆို ပိုပြီး ဝေးသေးတယ်။ ဗမာ တကျပ်၊ တိုင်းရင်းသား တကျပ် မရရင်တောင် တမတ်လောက် ရရင် ကျေနပ်ပြီ။ အဲဒီကိစ္စ ကျနော်တို့ ဒီညီလာခံမှာ ပြောမယ်” ဟု မွန်သတင်းအေဂျင်စီ၏ အယ်ဒီတာ နိုင်ဗညားအောင် က ပြောသည်။
နိုင်ငံတကာ စံချိန် စံညွှန်းနှင့် ပြည်စုံပြီး ဒီမိုကရေစီနည်းကျသည့် မီဒီယာ ဥပဒေ တရပ် ပေါ်ထွန်းလာရေး၊ တိုင်းရင်းသား ဒေသများတွင် ဘက်စုံ မာလ်တီမီဒီယာများ ပေါ်ထွန်းလာရေးနှင့် ငြိမ်းချမ်းရေး ဖြစ်စဉ် တွင် တိုင်းရင်းသား မီဒီယာများ၏ အခန်းကဏ္ဍ မြင့်မားလာစေရေးအတွက် ဦးတည်ပြီး ညီလာခံကို ကျင်းပခြင်း ဖြစ်သည်ဟု ဆိုသည်။
မွန်ပြည်နယ် အစိုးရ၏ ခွင့်ပြုချက်ဖြင့် ကျင်းပမည့် ထိုညီလာခံသို့ အိမ်နီးချင်း နိုင်ငံများတွင် အခြေစိုက်သည့် မြန်မာနိုင်ငံ တိုင်းရင်းသား မီဒီယာများဖြင့် ဖွဲ့စည်းထားသည့် BNI အဖွဲ့ဝင်များမှ ကိုယ်စားလှယ်များ၊ မွန်ပြည်နယ် အခြေစိုက် မီဒီယာ ကိုယ်စားလှယ်များ၊ တိုင်းနှင့် ပြည်နယ် တခုစီမှ တိုင်းရင်းသား မီဒီယာ ကိုယ်စားလှယ် ၂ ဦးစီနှင့် နိုင်ငံတကာ မီဒီယာ ကျွမ်းကျင်သူများ၊ စာနယ်ဇင်း ကောင်စီ (ယာယီ) မှ တာဝန်ရှိသူများကို တက်ရောက်ရန် ဖိတ်ကြားထားသည်ဟု ညီလာခံ ဖြစ်မြောက်ရေး ကော်မတီဝင်နှင့် သံလွင်တိုင်းမ် ဂျာနယ် အုပ်ချုပ်မှု အယ်ဒီတာ ကိုမင်းမင်းနွယ် က ပြောသည်။
ထို့ပြင် ပြည်နယ် ဝန်ကြီးချုပ် အပါအဝင် လွှတ်တော်အမတ်များ၊ ပြည်ထောင်စု အစိုးရ ပြန်ကြားရေး ဝန်ကြီးဌာနမှ တာဝန်ရှိသူများနှင့် ပြည်ထောင်စု ဝန်ကြီးအချို့လည်း တက်ရောက်ဖွယ် ရှိပြီး စုစုပေါင်း ကိုယ်စားလှယ် ၉၀ ကျော်ကို ဖိတ်ကြားထားသည်ဟု ဆိုသည်။
ထိုင်းနိုင်ငံ၊ ချင်းမိုင်မြို့၌ အခြေစိုက်သည့် BNI ကို ၂၀၀၃ ခုနှစ်၊ ဇန်နဝါရီလတွင် စတင်ဖွဲ့စည်းခဲ့ပြီး လက်ရှိတွင် ကချင်၊ ကယား၊ ကရင်၊ ချင်း၊ ဗမာ၊ မွန်၊ ရခိုင်၊ ရှမ်း စသည့် တိုင်းရင်းသား သတင်းဌာန ၁၁ ခု ဖြစ်သည့်
ကေအဲန်ဂျီ၊ ကုလားတန်၊ ကန္တရဝတီ၊ ရွှေဟင်္သာ၊ ကေအိုင်စီ၊ ခိုနုမ်းထုန်၊ နိရဉ္စရာ၊ မဇ္ဈိမ၊ အဲန်အမ်ဂျီ၊ သျှမ်းသံတော်ဆင့် တို့ ပါဝင်ကာ ထိုင်း၊ အိန္ဒိယ၊ ဘင်္ဂလားဒေ့ရ်ှနှင့် မြန်မာပြည်တွင်းတွင် အခြေစိုက်ကြသည်။
ညီလာခံ ဖြစ်မြောက်ရေးအတွက် ကုန်ကျစရိတ် အားလုံးကို ပွင့်လင်း လူ့အဖွဲ့အစည်း ဖောင်ဒေးရှင်း (OSF) မှ ကူညီထောက်ပံ့ပေးကြောင်း သိရသည်။
Ref: မဇ္ဈိမ
Read More...
Collapse...
ဖနိဒါ
ဧပြီလ ၁၀ ရက် ၂၀၁၃ ခုနှစ်
ရှမ်းပြည်နယ် မြောက်ပိုင်း ဘိန်းစိုက်ပျိုးမှုနှင့် ထုတ်လုပ်ဖြန့်ဖြူးရောင်းချမှု ပိုမိုများပြား လာပြီး မြန်မာအစိုးရအနေဖြင့် ၎င်းကို အရေးတယူ ဆောင်ရွက်ပေးခြင်း မရှိသည့်အပေါ် ပလောင် (တအာင်း) အမျိုးသမီး အစည်းအရုံး PWO က ရှုတ်ချလိုက်သည်။
မူဆယ်၊ နမ့်ခမ်း၊ မန်တုံနှင့် ကွတ်ခိုင်မြို့နယ်အတွင်း မူးယစ်ဆေးဝါး ထုတ်လုပ်ဖြန့်ဖြူး ရောင်းချနေသူများအား သမ္မတ ဦးသိန်းစိန် အစိုးရက အရေးယူမှုများ မလုပ်သည့်အပြင် ကာကွယ်ပေးနေသည်ဟု ထိုင်းနိုင်ငံ အခြေစိုက် PWO က ကြေညာချက် ထုတ်ပြန်လိုက်ခြင်း ဖြစ်သည်။
ဧပြီလ ၈ ရက်နေ့က နမ့်ခမ်းမြို့နယ် ပန်းဆေးဒေသရှိ ဘိန်းချက်စခန်း ၃ ခုကို တအာင်းအမျိုးသား လွတ်မြောက်ရေးတပ်မတော် TNLA တပ်ဖွဲ့များ ဝင်ရောက်တိုက်ခိုက်ခဲ့ရာ အစိုးရတပ်ဖွဲ့နှင့် ပန်းဆေး
ပြည်သူ့စစ်များ ပူးပေါင်း၍ ပြန်လည် ခုခံတိုက်ခိုက်ခဲ့သည်ဟု PWO ၏ ထုတ်ပြန်ချက်တွင် ပါရှိသည်။
ထိုပန်းဆေးဒေသရှိ ဝါယော့ပြည်သူ့စစ်စခန်း ၃ ခုမှ ဘိန်းဖြူ ၁ ကီလိုဂရမ်၊ ဘိန်းမဲ ၂ ပိဿာ၊ ယာမ(ရာဘ) အလုံး ၄,၀၀၀ အပြင် အခြား လက်နက်နှင့် ပစ္စည်းများကို TNLA တပ်ဖွဲ့များ သိမ်းဆည်းနိုင်ခဲ့သည်ဟု လိုည်းနွေနှောင်းက ပြောသည်။
“တကယ်တမ်းကျတော့ မြန်မာနိုင်ငံတခုလုံး လုံးဝ အပြောင်းအလဲ မရှိတဲ့အပြင် ကျမတို့ ပလောင်ဒေသမှာ မူးယစ်ဆေးဝါး စိုက်ပျိုးတာတွေ၊ ရောင်းဝယ်တာတွေ ပိုပြီး များပြားလာတယ်။ အရင် ရပ်ရွာမှာက နည်းနည်းကြပ်တယ်။ ဒီနောက်ပိုင်း လူတွေက အခွင့်အရေး ရလာတော့ ပိုပြီးတော့ လုပ်လာတဲ့ အပိုင်းတွေ ရှိတယ်” ဟု PWO မှတ်တမ်းနှင့် သုတေသနဌာန တာဝန်ခံ လိုည်းနွေနှောင်း က ပြောသည်။
PWO က ထိုဒေသအတွင်း သွားရောက်ကာ ဘိန်းစိုက်ပျိုးမှု၊ သုံးစွဲမှုနှင့် ရောင်းဝယ်သူများနှင့် ပတ်သက် ၍ဒေသခံ ပြည်သူများနှင့် မေးမြန်း၍ စောင့်ကြည့်လေ့လာခဲ့သည်ဟု ဆိုသည်။
ကွတ်ခိုင်မြို့နယ်တွင် ကောင်းခါး ပြည်သူ့စစ် လက်အောက်ခံ ဒေသများတွင် ဘိန်းအများဆုံး စိုက်ပျိုးကြပြီး မန်တုံမြို့နယ် ဟိုတုံ၊ ဆိုင်လိန်း၊ လွယ်ဆောင်၊ လွမ်းခမ်း၊ ဗော်ဟိုစင်း၊ ကျယ်ကောင်၊ ပါင်ခါး၊ လွယ်ကန်၊ နားအော်ကြီး၊ နားအော်လေး၊ ခိုမုန်း၊ မန်ဆွန်၊ မန်းစပ် ကျေးရွာများနှင့် နမ့်ခမ်းမြို့နယ် ပန်းဆေး၊ မိုင်ဝီး၊ မန်ပူး၊ တာကွမ်း၊ လီရှော-လွယ်လွမ်း၊ သာပန်းကုန်း၊ ရှောက်ပန်းကုန်း ကျေးရွာများတွင် ဘိန်းစိုက်ပျိုးနေကြသည်ဟု
ဖော်ပြထားသည်။
ကုလသမဂ္ဂ မူးယစ်ဆေးဝါးနှင့် ရာဇဝန်မှုဆိုင်ရာရုံး UNODC ၏ အစီရင်ခံစာတွင် မြန်မာနိုင်ငံ ဘိန်းစိုက်ပျိုးမှု နှုန်းမှာ ၂၀၁၁ ခုနှစ်တွင် ၄၃,၆၀၀ ဟတ်တာရှိခဲ့ရာမှ ၂၀၁၂ ခုနှစ်တွင် ၅၁,၀၀၀ ဟတ်တာအထိ (၁၇ ရာခိုင်နှုန်း) မြင့်တက်သွားခဲ့သည်ဟု ဖော်ပြထားသည်။
ပလောင်အမျိုးသမီးများသည် မူးယစ်ဆေးဝါးနှင့် ပတ်သက်၍ “အဆိပ်သင့်ပန်းများ”၊ “အဆိပ်သင့် တောင်တန်းများ”နှင့် “အဆိပ်သင့်နေဆဲ” ဟူသော အစီရင်ခံစာ သုံးခုအား ပြီးခဲ့သည့် ၂၀၁၁ ခုနှစ်ထိ
နှစ်စဉ်ထုတ်ပြန်ခဲ့ပြီး ဖြစ်သည်။ မကြာမီ မူးယစ်ဆေးဝါးနှင့်ပတ်သက်၍ အစီရင်ခံစာ တခု ထပ်မံ ထုတ်ပြန်ရန် အသေးစိတ် အချက်အလက်များကို ပြင်ဆင်နေသည်ဟု ဆိုသည်။
ထို့ပြင် မြန်မာနိုင်ငံတွင် မူးယစ်ဆေးဝါး လျော့ကျပပျောက်စေရန် ဦးသိန်းစိန်အနေဖြင့် အဓိက ပြဿနာဖြစ်သည့် နိုင်ငံရေး ပြဿနာကို မှန်ကန်သောနည်းလမ်းဖြင့် ကိုင်တွယ်ဖြေရှင်းပေးရန်၊ မူးယစ်ဆေး ဝါး ရောင်းဝယ်ဖြန့်ဖြူးကြသော ပြည်သူ့စစ်တပ်ဖွဲ့ ခေါင်းဆောင် (သို့) ကြံ့ခိုင်ရေး လွှတ်တော်အမတ်များကို စုံစမ်းစစ်ဆေး အရေးယူဆောင်ရွက်မှု ပြုလုပ်ပေးရန်တို့ ပလောင် (တအာင်း) အမျိုးသမီးများ က တောင်းဆိုသည်။
ကြံ့ခိုင်ဖွံ့ဖြိုးရေးပါတီမှ နမ်းခမ်းမြို့နယ် ပြည်နယ်လွှတ်တော်အမတ် ပန်းဆေး ဦးကျော်မြင့် (ခ) လီယောင်ကျန်း နှင့် ကွတ်ခိုင်မြို့နယ် ပြည်နယ်လွှတ်တော် အမတ် ဦမြင့်လွင် ခေါ် ဦးဝမ်းကွယ်တာနှင့် အောက် လွှတ်တော် အမတ် ဦးတီခွန်မြတ် တို့ကြောင့် ဘိန်းစိုက်ပျိုးမှ ပိုမိုများပြားလာသည်ဟု PWO က စွပ်စွဲထားသည်။
ဧပြီလ ၉ ရက်နေ့တွင်လည်း ပန်းဆေးဒေသတွင် အစိုးရစစ်တပ်နှင့် TNLA တပ်များအကြား တိုက်ပွဲ ဆက်လက် ဖြစ်ပွားခဲ့သည်ဟု ဆိုသည်။ သို့သော် တိုက်ပွဲအခြေအနေအား မေးမြန်းရန် တအာင်းတပ်ဖွဲ့အား မဇ္စျိမက ဆက်သွယ်၍ မရခဲ့ပေ။
Ref: မဇ္ဈိမ
Read More...
Collapse...
2013-04-09
ဒေါ်အောင်ဆန်းစုကြည်နဲ့ ပြည်သူ့လွှတ်တော် ဥက္ကဌ သူရဦးရွှေမန်းတို့ဟာ ဒီနေ့မှာ ရန်ကုန်ပြည်သူ့ဆေးရုံကြီး အဆင့်မြှင့် တင်ရေးကော်မတီ အစည်းအဝေးကို တက်ရောက်ခဲ့ပြီး ဆေးရုံအဆောက်အဦးတွေကို အမြန်ဆုံးပြုပြင်ဖို့နဲ့ ဆေးရုံပြင် ဆင်နေစဉ်အတွင်း လူနာတွေကို ရွှေ့ပြောင်းထားရှိရေးကိစ္စတွေကို ဆွေးနွေး ခဲ့ပါတယ်။
ရန်ကုန်ပြည်သူ့ဆေးရုံ အဆင့်မြှင့်တင်ရေးအတွက် ဆွေးနွေးဖြစ်တဲ့ကိစ္စတွေနဲ့ ပတ်သက်ပြီး ဆွေးနွေးပွဲကို တက်ရောက်ခဲ့တဲ့ NLD အမျိုးသားကျန်းမာရေးကွန်ရက် ဥက္ကဌ ဒေါက်တာတင်မျိုးဝင်းက RFA ကို အခုလို ပြောပါတယ်။
“ဒေါ်အောင်ဆန်းစုကြည်ကတော့ ပထမဦးဆုံးအနေနဲ့ အဆောက်အဦးနဲ့ ပတ်သက်တာကိုပေါ့နော်၊ ဒီကိစ္စကိုမူအားဖြင့် ချပေးပြီးတော့ မြန်မြန်ထက်ထက်လုပ်ဖို့ပေါ့၊ ဘာလို့လဲဆိုရင် ဒီအစည်းအဝေးက အခုဆို လို့ရှိရင် အနည်းဆုံးး ၄ ကြိမ်ဖြစ်သွားပြီ၊ ဘယ်လိုစမလဲ၊ ဘယ်နေရာကနေ စလုပ်မလဲ၊ နောက်တစ်ခုက လူနာတွေအတွက် ရွေ့ပြောင်းဖို့၊ ဘယ်လိုလုပ်ကြမလဲ၊ ပြီးတော့ ဒီဆေးရုံရွေ့ပြောင်းဖို့အတွက်က ဘယ်နေရာမှာ လူနာတွေကို သွားထားကြမလဲ၊ ဘယ်စီမံကိန်း၊ ဘယ် စီမံချက်ပဲလုပ်လုပ်၊ ဆရာတို့က လူသားပေါ့နော်၊ အထူးအဖြင့် မြန်မာပြည်မှာဆိုရင် လူ့အရင်းအမြစ် ပဲခေါ်ခေါ် လူနာပေါ့၊ သူတို့ရဲ့သက် သာချောင်ချိရေး အဲဒါတွေလုပ်ရမယ်ဆိုတော့ အဲဒါတွေလည်း ဆွေးနွေးကြတာပေါ့”
ဆေးရုံကြီးကို အဆောက်အဦးပိုင်းဆိုင်ရာ ပြင်ဆင်ရေး၊ လိုအပ်တဲ့အထောက်အကူပြု ပစ္စည်းကိရိယာတွေ ဖြည့်ဆည်းရေး နဲ့ ဆရာဝန်တွေ ကျန်းမာရေးဝန်ထမ်းတွေရဲ့ အရည်အချင်း မြှင့်တင်ရေးတို့ အတွက်ပါ ဆွေးနွေးခဲ့ကြပါတယ်။
အလားတူပြီးခဲ့တဲ့ NLD အနေနဲ့ မြန်မာနိုင်ငံ ကျန်းမာရေးကဏ္ဍ တိုးတက်လာအောင် နိုင်ငံတကာက နည်းပညာအကူ အညီနဲ့ ၀ိုင်းဝန်းကြိုးပမ်းသွားမယ်လို့ ပြီးခဲ့တဲ့ရက်ပိုင်းအတွင်းကကျင်းပခဲ့တဲ့ အမျိုးသားဒီမို ကရေစီအဖွဲ့ချုပ်ရဲ့ ကျန်းမာရေးဆိုင်ရာ ညီလာခံ မှာ ပြောခဲ့ပါတယ်။
Ref: အာရ်အဖ်အေ
Read More...
Collapse...
2013-04-09
ဒိန်းမတ် ကြက်ခြေနီအသင်းနဲ့ မြန်မာနိုင်ငံ ကြက်ခြေနီအသင်းတို့ ပူးပေါင်းပြီး ကချင်ပြည်နယ်၊ ဝိုင်းမော်မြို့နယ်မှာရှိတဲ့ စစ်ဘေးဒုက္ခသည်စခန်း ၁၄ က ဒုက္ခသည် ၅၀၀၀ အတွက် သောက်သုံးရေသန့်တွေကို ဒီနေ့မှာ စတင်ပေးဝေနေပါတယ်။
လာမယ့်နွေရာသီကာလမှာ ဒုက္ခသည်စခန်းတွေမှ သောက်သုံးရေ ပြတ်လပ်မှု ကြုံရမယ့်အခြေအနေကို ကြိုတင် ကာကွယ်နိုင်အောင် အခုလိုရေပေးဝေလှူဒါန်းတာဖြစ်ကြောင်း ဒိန်းမတ်ကြက်ခြေနီအသင်း ရဲ့ မြန်မာနိုင်ငံ ကိုယ်စား လှယ် Mariana Liptuga က RFA ကို ပြောပါတယ်။
ဒုက္ခသည်တွေအတွက် အရေးပေါ် ရေသန့်ဖြန့်ဖြူရေးစက်ကို တပ်ဆင်ပြီး တစ်ရက်ကို ဂါလံ ခြောက်ထောင်ကျော် ဒီကနေ့မှာ စတင်လှူဒါန်းနေတာဖြစ်တယ်လို့ ကချင်ပြည်နယ်ကြက်ခြေနီအသင်းက ဦးဂဲနက်စ် က ပြောကြားခဲ့ပါတယ်။
ဒါ့အပြင် အစိုးရခွင့်ပြုချက်ရရှိခဲ့ရင် KIO ဌာနချုပ်ရှိတဲ့ လိုင်ဇာမြို့အနီနားက စစ်ဘေးဒုက္ခသည်တွေအတွက် လိုအပ်တဲ့ ပစ္စည်းတွေကို ဒီလကုန်မှာ သွားရောက်လှူဒါန်းဖို့ စီစဉ်ထားတယ်လို့သိရပါတယ်။
Ref: အာရ်အဖ်အေ
Read More...
Collapse...
2013-04-09
မကြာခင်ကာလမှာ မြန်မာနိုင်ငံက ဆန်တန်ချိန် ၅၀၀၀ ကို ဂျပန်နိုင်ငံက ၀ယ်ယူဖို့ ပြင်ဆင်နေတယ်လို့ ထိုင်းနိုင်ငံထုတ် ဘန်ကောက်ပို့စ် သတင်းစာက ဒီနေ့မှာရေးသားပါတယ်။
ဂျပန်နိုင်ငံဟာ မြန်မာနိုင်ငံက ဆန်ကိုဝယ်ယူဖို့ နှစ်ပေါင်း ၄၅ နှစ်ကျော်မှာ ပထမဆုံးအကြိမ် သဘောတူလိုက် တာ ဖြစ်ပါတယ်။
အခု ဂျပန်က၀ယ်ယူမယ့် ဆန်အမျိုးအစားကတော့ ဆန်ကျိုး တမတ်သား ၂၅% အမျိုးစားဆန်ဖြစ်ပြီး သိပ်မကြာခင် ကာလမှာ တန်ချိန်ငါးထောင်ကို ၀ယ်ယူမှာဖြစ်တယ်လို့ ပြီးခဲ့တဲ့သတင်းပတ်က တည်းက ပြော ဆိုနေကြ တာပါ။
ဂျပန်ဟာ မြန်မာနိုင်ငံမှာ ရင်းနှီးမြှပ်နှံမှုတွေ အားပြုဆောင်ရွက်လာခဲ့သလို ဆန်ထုတ်လုပ်ရေးမှာလည်း ဆန်ကြိတ်ခွဲ သန့်စင်စက်ရုံ ၄ ခုကို ရန်ကုန်တိုင်းဒေသကြီး သံလျင်မြို့နယ်နဲ့ ဧရာဝတီတိုင်းဒေသကြီး ကျိုက်လတ်မြို့ နယ်တွေမှာ တည်ဆောက်သွားမှာဖြစ်ပါတယ်။ အဲဒီစက်ရုံတစ်ရုံစီကနေ နှစ်စဉ်ဆန်တန်ချိန် ၄ သိန်း ကြိတ်ခွဲထုတ်လုပ်နိုင် မယ်လို့ မျှော်လင့်နေကြပါတယ်။
မြန်မာနိုင်ငံဟာ ပြီးခဲ့တဲ့နှစ်က ဆန်တန်ချိန် ၁ ဒဿမ ၂ သန်း ပြည်ပကို တင်ပို့နိုင်ခဲ့တယ်လို့ သိရပါတယ်။
Ref: အာရ်အဖ်အေ
Read More...
Collapse...
2013-04-09
မြန်မာနိုင်ငံ အရှေ့ခြမ်းဒေသ KNU တပ်မဟာ (၃၊ ၅၊ ၆၊ ၇) နယ်မြေတွေမှာ မြေမြှုပ်မိုင်းတွေကြောင့် ထိခိုက်သေဆုံးမှုတွေ ရှိနေသေးတယ်လို့ ကရင်လူ့အခွင့်အရေးအဖွဲ့ KHRG က ဒီကနေ့ပြောပါတယ်။
တပ်မဟာ (၇) နယ်မြေ တနေးချားဒေသ၊ တပ်မဟာ(၅) ဖာပွန်ဒေသ၊ တပ်မဟာ(၆) ဝေါလေဒေသနဲ့ တပ်မဟာ (၃) ညောင်လေးပင်ခရိုင်၊ မုံးမြို့နယ်တို့တွေမှာ မြေမြှုပ်မိုင်းကြောင့် ထိခိုက်မှုအများဆုံးတွေ့ရပြီး လူနဲ့ တိရိစ္ဆာန်တွေ ထိခိုက်သေဆုံးနေရတယ်လို့ KHRG အဖွဲ့ ကွင်းဆင်းဒါရိုက်တာ စောအဲလ်ဘတ် (Saw Albert) က ပြောပါတယ်။
"တပ်မဟာ ၅ မှာဆိုရင် ပြီးခဲ့တဲ့ ဖေဖော်ဝါရီလမှာဆိုရင် မြေမြှုပ်မိုင်းကြောင့် လူ ၅ ယောက် သေတာရှိ တယ်၊ နောက်ပြီးတော့ တပ်မဟာ ၇ နဲ့ ၃ တွေမှာလည်း ရွာသားတွေ မိုင်းထိတာရှိတယ်"
နှစ်ဘက်စစ်တပ်တွေက ရည်ရွယ်ချက်အမျိုးမျိုးနဲ့ ဒီမြေမြှုပ်မိုင်းတွေထောင်ခဲ့ကြရာမှာ စီးပွားရေးစီမံကိန်းတွေ တိုးချဲ့လာ တာတွေကို ကာကွယ်ဖို့အတွက် မိုင်းထောင်ကြတာလည်း တွေ့ရတယ်လို့ ပြောပါတယ်။
KHRG အဖွဲ့ဟာ မြေမြှုပ်မိုင်းကိစ္စနဲ့ ပတ်သက်ပြီး ၂၀၁၂ ခုနှစ် သြဂုတ်လကနေ ၂၀၁၃ ခုနှစ် မတ်လအထိ ကွင်းဆင်းလေ့ လာ မှတ်တမ်းတင်ထားတဲ့ အချက်အလက်တွေကို စုစည်းဖော်ပြထားတဲ့ အစီရင်ခံစာ တစ်စောင်ကို အင်္ဂလိပ် ဘာသာနဲ့ မနေ့က ထုတ်ပြန်ခဲ့ပါတယ်။
အဲဒီအစီရင်ခံစာမှာ တွေ့ဆုံမေးမြန်းမှုပေါင်း (၄၂၂) ခု၊ တွေ့ရှိချက်ပေါင်း (၉၁) ခုထဲကနေ ကောက်နှုတ်ပြီး ဓါတ်ပုံ မှတ်တမ်းတွေနဲ့တကွ တင်ပြထားပါတယ်။
မြေမြှုပ်မိုင်းရှင်းလင်းရေးနဲ့ ပတ်သက်လို့ လက်နက်ကိုင်အဖွဲ့တွေက ဖာပွန်ဒေသမှာ ပူးပေါင်းလုပ်ဆောင်မှု တစ်ကြိမ်ရှိ ခဲ့ပေမဲ့၊ တပ်သားတစ်ယောက် မိုင်းထိခဲ့ပြီးနောက်ပိုင်း ဒီစီမံကိန်းကို ဆက်လက်အကောင် အထည်ဖော်တာ မတွေ့ ရတော့ဘူးလို့လည်း စောအဲလ်ဘတ်က ပြောပါတယ်။
Ref: အာရ်အဖ်အေ
Read More...
Collapse...
ခိုင်ခိုင်
ဧပြီလ ၁၀ ရက် ၂၀၁၃ ခုနှစ်
မြန်မာနိုင်ငံ မြောက်ပိုင်းရှိ တအောင်း(ပလောင်) ဒေသတွင် လူ့အခွင့်အရေး ချိုးဖောက်မှုများ ရှိနေပြီး စပ်များမှ အင်အားများ ထပ်မံတိုးချဲ့ နေကြောင်း တအောင်းကျောင်းသားနှင့် လူငယ်များအဖွဲ့မှ တွဲဖက် အထွေထွေအတွင်းရေးမှူး မိုင်မျိုးအာင်က တော်ဝင်နှင်းဆီတွင် ဧပြီလ ၉ ရက်နေ့က ပြုလုပ်ခဲ့သည့် ရွှေသဘာဝ ဓါတ်ငွေ့နှင့် ရေနံပိုက်လိုင်း သတင်းစာ ရှင်းလင်းပွဲတွင် ပြောသည်။
၎င်းက “ သီပေါနားမှာတော့ စစ်တပ်တွေ ရုပ်သိမ်း လိုက်ပြီဆိုပေမယ့် တကယ် လိုအပ်တဲ့နေရာ မူးယစ်ဆေးဝါး သုံးစွဲနေကြတဲ့ အတော်ဆိုးဝါးတဲ့ နေရာတွေမှာ စစ်တပ်တွေက ရှိနေသေးတယ်ဗျ။ သူတို့က ထိန်းပေးလားဆိုတော့ မထိန်းပေးတဲ့ အပြင် ပိုတောင်ဆိုးလာတယ်လို့ ထင်ရတယ် ” ဟု မဇ္ဈိမသို့ ပြောသည်။
စစ်တပ်မှ စစ်သားများက ဒေသခံများကို လေးစားစွာ ဆက်ဆံခြင်းမရှိပဲ လုပ်ငန်းခွင်သွားသူများကို လည်းမလိုအပ်ပဲ စစ်ဆေးမေးမြန်းခြင်းများ ပြုလုပ်နေကြောင်း၊ တရားဥပဒေ စိုးမိုးမှုမှာ စီမံကိန်း ၀န်းကျင်တို့ တွင် လိုအပ်လျက် ရှိကြောင်းနှင့် စစ်တပ်အင်အားများ တိုးချဲ့လျက်ရှိကြောင်း တွဲဖက်အထွေထွေ အတွင်းရေးမှူးက ပြောကြားခဲ့သည်။
သဘာဝ ဓါတ်ငွေ့ပိုက်လိုင်းများမှာ မြန်မာနိုင်ငံ၏ အလယ်မှ ဖြတ်ကာသွယ်တန်းထားသောကြောင့် လုံခြုံမှု မရှိပါက အခက်တွေ့မည်ဖြစ်ပြီး တရုတ်ကုမ္ပဏီဘက်မှ စီးပွားရေးကို ထိခိုက်စေသည်ဟု ယူဆပါ က နိုင်ငံ၏ အချူပ်အချာအာဏာ အထိထိပါးလာနိုင်သည်ဟု ယူဆကြောင်း ၎င်းက ဆိုသည်။
အဆိုပါစီမံကိန်း အနီးအနားတွင် စစ်တပ်များ တိုးချဲ့ထားသောကြောင့် ဒေသခံများအတွက် ကြောက်ရွံ့မှုများ ပိုမိုဖြစ်ပေါ်လာစေကြောင်း တအောင်ကျောင်းသားနှင့် လူငယ်များအဖွဲ့မှ အလုပ်မှုဆောင် အဖွဲ့ဝင် မလွေးကွယ်က ဆိုသည်။
၎င်းက “ ကျွန်မတို့ တအောင်းတိုင်းရင်းသားတွေ ကတော့ များသောအားဖြင့် ကိုယ်ခံစားရတာတွေ ကိုလဲ မပြောတတ်ကြပါဘူး။ ပိုက်လိုင်း ဆက်သွယ်ကတည်းက အခုထိ ကျွန်မတို့ ကောင်းကျိူးကတော့ မရှိသေးပါဘူး ” ဟုရှင်းပြသည်။
ထိုသတင်းစာ ရှင်းလင်းပွဲသို့ တက်ရောက်လာသူ တအောင်းအမျိူးသမီး တဦးက ရွှေသဘာဝ ဓါတ်ငွေ့ ပိုက်လိုင်း စတည်ကတည်းက ဒေသခံ အမျိူးသမီးများအတွက် လုံခြုံမှု လိုအပ်နေပြီး ၀ယ်ယူသော ပစ္စည်းများပြားပါက စစ်တပ်များမှ စစ်သားများက စစ်ဆေးကြပြီး မေးခွန်းများစွာ မေးကြသည်ဟု ၎င်း၏ အတွေ့အကြုံကို ရှင်းလင်းခဲ့သည်။
တရုတ် မြန်မာ သဘာဝဓါတ်ငွေ့ ရေနံပိုက်လိုင်း စောင့်ကြည့်ရေး ကော်မတီမှ ကိုအိုလာက မြေယာ လျော်ကြေးနှင့် ပတ်သတ်ပြီး မမျှတခြင်းများ ရှိကာ သဘာဝပတ်ဝန်းကျင် ထိခိုက် ပျက်စီးမှုများ
ဖြစ်ပေါ်လာကြောင်း ဆိုသည်။
ကိုအိုလာက “ ကျွန်တော်တို့က ဒေသခံတွေအတွက် တရုတ်ကုမ္ပဏီနဲ့ ဆွေးနွေးခဲ့တယ်။ မှတ်တမ်းတွေ ရယူခဲ့တယ်။ ဘယ်မှာတော့ ဘာတွေ လုပ်နေလဲ ဆိုတာတွေကို သိဖို့လိုတယ်။ သူတို့ဘက်က ပွင့်လင်းမြင်သာမှု မရှိရင်တော့ ဘာမှ အလုပ်မဖြစ်နိုင်ပါဘူး ” ဟုပြောသည်။
ပိုက်လိုင်းများမှ မတော်တဆ ပေါက်ကွဲမှုများ ဖြစ်ပေါ်လာပါက တာဝန်ယူမှု အပိုင်းများ၊ အရေးပေါ် ပြုစုရေး ပစ္စည်းများ စုံလင်မှု ရှိမရှိနှင့် ပိုက်လိုင်းများ ကြံ့ခိုင်မှု ရှိမရှိကို စောင့်ကြည့်ရန် လိုကြောင်း ၎င်းက ဆက်ပြောသည်။
၂၀၀၈ခုနှစ်နှင့် ၂၀၀၉ခုနှစ်တို့တွင် တရုတ်ပြည်သူ့ သမ္မတ နိုင်ငံ၏ အကြီးဆုံး ပေါင်းစည်း စွမ်းအင် ရေနံကုမ္ပဏီ တခုဖြစ်သည့် တရုတ်အမျိူးသားရေနံ ကုမ္ပဏီ (CNPC) နှင့် မြန်မာ့စွမ်းအင် ၀န်ကြီးဌာန တို့က မြန်မာတရုတ်ဓါတ်ငွေ့ ပိုက်လိုင်းဖြင့် ဓါတ်ငွေ့ သယ်သူပို့ဆောင်ရေး သဘောတူညီချက်ကို လက်မှတ် ရေးထိုးခဲ့ကြကြောင်း၊ မြန်မာအစိုးနှင့် နားလည်မှု သဘောတူ စာချွန်လွှာအရ ရေနံနှင့် ဓါတ်ငွေ့ ပိုက်လိုင်း အရှည် ကီလိုမီတာ ၄၀၀၀ကျော်ကို CNPC မှ တည်ဆောက်၊ စီမံခန့်ခွဲ၊ လည်ပတ်လုပ်ဆောင် မည်ဟု ပါရှိကြောင်း တအောင်းကျောင်းသားနှင့် လူငယ်များ အစည်းအရုံး၏ စီမံကိန်း အချက်အလက် များ သုတေသန ပြုချက်အရ သိရသည်။
ရွှေသဘာဝ ဓါတ်ငွေ့နှင့် ရေနံပိုက်လိုင်း စီမံကိန်းများသည် ဘင်္ဂလားပင်လယ်အော်ရှိ မြန်မာနိုင်ငံ အနောက်ဘက် ကမ်းရိုးတန်း ရခိုင်ပြည်နယ်မှ မြန်မာနိုင်ငံ အလယ်ပိုင်း မကွေးတိုင်း၊ မန္တလေးတိုင်းတို့မှ ရှမ်းပြည်နယ် မြောက်ပိုင်းသို့ ဖြတ်သန်းကာ တရုတ်ပြည်သူ့ သမ္မတ နိုင်ငံ ယူနန်ပြည်နယ် ကူမင်းမြို့မ ဆီသို့ ဆက်သွယ်ထားသည်။
အဆိုပါရေနံပိုက်လိုင်းမှာ ၂၀၀၉ခုနှစ်တွင် စီမံကိန်းစတင်ခဲ့ပြီး ၂၀၁၃ခုနှစ် စက်တင်ဘာလ တွင် ပြီးစီးတော့ မည် ဖြစ်ကြောင်း၊နှင့် ယခုအခါ ၆၅ရာခိုင်နှုန်းပြီးစီးနေပြီ ဖြစ်ကြောင်း စီမံကိန်းအား သုတေသနပြု အချက်အလက်များအရ သိရသည်။
Ref: မဇ္ဈိမ
Read More...
Collapse...
စောဇင်ညီ
ဧပြီလ ၀၉ ရက် ၂၀၁၃ ခုနှစ်
မြန်မာနိုင်ငံတွင် စီးပွားရေး လုပ်ငန်းရှင်ကြီးများနှင့် ဝန်ထမ်းများ အခွန်မဆောင် ကြခြင်းသည် နိုင်ငံတော် ဆုံးရှုံးမှုမဟုတ်ပဲ ပြည်သူများအတွက် ဆုံးရှုံးမှုသာ ဖြစ်ကြောင်း ယနေ့ ပြည်ထောင်စု မြန်မာနိုင် ငံတော် ကုန်သည်များနှင့် စက်မှု လက်မှု လုပ်ငန်းရှင်များ အသင်းချူပ် (UMFCCI) တွင် ပြုလုပ်သည့် တွေ့ဆုံပွဲတွင် ပြည်သူ့လွှတ်တော် ဥက္ကဌ သူရဦးရွှေမန်းက ပြောခဲ့သည်။
ထိုသို့ ပြောကြားခြင်းမှာ အခွန်ဆောင်နိုင်သူများမှာ အခွန်မဆောင်၍ ကျန်အခွန် မဆောင်ရသော ပြည်သူများ အတွက် ထောက်ပံ့မှုများ နိုင်ငံတော်မှ မလုပ်နိုင်ခြင်းကြောင့် ဖြစ်ကြောင်း ၎င်းက ဆိုသည်။
သူရဦးရွှေမန်းက “ဘယ်သူတွေကို အခွန်ကောက်ရမယ် မကောက်ရဘူးလဲ ဆိုတာ စာရင်းတွေရှိဖို့ လိုတယ်။ ကောက်ရမဲ့လူတွေ ကို မှတ်သားပြီးတော့ ကောက်သင့်တယ်။ ဒါမှ နိုင်ငံတော်က ပြည်သူတွေကို
ထောက်ပံ့မှုတွေ ပေးနိုင်မယ်” ဟု ရှင်းပြခဲ့သည်။
စီးပွားရေး လုပ်ငန်းရှင် ပြည်သူများ အနေဖြင့် တလလျှင် ၁၄.၄ သိန်း ရရှိပါက အခွန်ထမ်း ရမည်ဖြစ်ပြီး အောက်ခြေဝန်ထမ်း ပြည်သူတဦးအနေဖြင့် ၁.၂ သိန်း ရရှိပါက အခွန်ထမ်းရမည် ဖြစ်ကြောင်း လွှတ်တော်ဥက္ကဌ၏ ပြောကြားချက်အရ သိရသည်။
အဆိုပါ ကောက်ခံမည် အကောက်အခွန်များအနေဖြင့် အများပြည်သူမှ လက်ခံနိုင်စရာ အခြေအနေ တစ်ရပ်ဖြစ် သင့်ကြောင်း အမျိုးသားဒီမိုကရေစီ အဖွဲချုပ် ဥက္ကဌ ဒေါ်အောင်ဆန်းစုကြည်ကပြောသည်။
"ကျွန်မတို့နိုင်ငံမှာ အခွန်ကောက်တယ် ဆိုတာက ပြည်သူ့အကျိုး အတွက်လည်းပါတယ်ဆိုတာ သိဖို့လိုပါတယ်။ တဖက်တည်း စဉ်းစားလို့ရတာမဟုတ်ဘူး။အခွန်ကောက်ဝန်ထမ်းတွေက လည်း အခွန် အကြောင်းကို ပြည်သူတွေ သိဖို့ ပြောကြားဖို့ လိုတယ်။" ပာု ဒေါ်အောင်ဆန်းစုကြည် ကပြောသည်။
မြန်မာနိုင်ငံတွင် ယခင်စစ်အစိုးရလက်ထက်က မြန်မာပြည်၏ ထိပ်သီး စီးပွားရေးလုပ်ငန်းကြီးများမှ အခွန်ရှောင်ခဲ့ရာ အစိုးရသစ် တက်လာပြီး ယခုနှစ်မှသာ အခွန်ဆောင်ရန် ဘဏ္ဍာရေးနှင့် အခွန်ဝန်ကြီးဌာနမှ အသိပေး ပြောကြား ခဲ့ကြောင်း သတင်းအချက်အလက်များမှ သိရသည်။
အခွန်ထမ်းရမည့် ပြည်သူများအနေဖြင့် အခွန်အခနှုန်းထားများအား ပေးဆောင်ရန် စားဝတ်နေရေး အဆင်ပြေသည့် အချိန်အတိုင်းအတာ လိုအပ်ကြောင်း ထိုမှသာ အခွန်ပေးဆောင် နိုင်ကြမည်
ဖြစ်ကြောင်း ရွှေလင်ပန်းစက်မှုဇုန်ရှိ ကေဇာမြန်မာ ကုမ္ပဏီပိုင်ရှင် ကိုဝင်းကိုမျိူးက ပြောသည်။
၎င်းက “ နိုင်ငံအတွက် အခွန်က အရေးကြီးပါတယ်။ လူတွေအတွက်လဲ စားဝတ်နေရေး ဖူလုံဖို့က အရေးကြီး တယ်။ ဖူလုံမှ အခွန်ပေးနိုင်မှာ။ ဒီလိုဖြစ်မှပဲ အပြန်အလှန် အဆင်ပြေမှာပါ ” ဟု ဆိုသည်။
ပြည်ထောင်စု မြန်မာနိုင်ငံတော် ကုန်သည်များနှင့် စက်မှု လက်မှု လုပ်ငန်းရှင်များ အသင်းချူပ် (UMFCCI) တွင် ပြည်သူ့လွှတ်တော် ဥက္ကဌ သူရဦးရွှေမန်းနှင့် နယ်ပယ် အသီးသီးမှ လုပ်ငန်းရှင်များနှင့် အသင်းအဖွဲ့များ ယနေ့ တွေ့ဆုံခဲ့ကြသည်။
Ref: မဇ္ဈိမ
Read More...
Collapse...
သိန်းလှိုင်
ဧပြီလ ၀၉ ရက် ၂၀၁၃ ခုနှစ်
သံတွဲမြို့တွင် လက်ရှိအနေအထားအရ ညမထွက်ရအမိန့် ထုတ်သင့် မသင့် အငြင်းပွား နေကြကြောင်း ဒေသခံများက ဆိုသည်။
ဧပြီလ ၆ ရက်နေ့က သံတွဲခရိုင် အုပ်ချုပ်ရေးမှူးရုံးတွင် နိုင်ငံရေးပါတီများ၊ မြို့မိမြို့ဖများ၊ ဟိုတယ် လုပ်ငန်း ရှင်များ၊ ကျော့ပိုက် လုပ်ငန်းရှင်များ၊ ဌာနဆိုင်ရာများ တွေ့ဆုံဆွေးနွေးရာတွင် မန္တလေးတိုင်းအောက်ပိုင်းနှင့် ပဲခူးတိုင်းမှာကဲ့သို့ သံတွဲမြို့တွင်လည်း အကြမ်းဖက်မှုများ ဖြစ်လာဖွယ် ကောလာဟလများ ထွက်ပေါ်နေ၍ စိုးရိမ်ကာ အစည်းအဝေး တက်ရောက်သူ အများစုက ပုဒ်မ ၁၄၄ ထုတ်ပြန်ထားရန် အကြံပြု ဆုံးဖြတ်ကြသည်။
သို့သော် အစည်းအဝေး တက်ရောက်ခဲ့သည့် အမျိုးသား ဒီမိုကရေစီအဖွဲ့ချုပ် သံတွဲခရိုင် ဥက္ကဋ္ဌ ဦးဝင်းနိုင်ကမူ ထိုသို့ မာရှယ်လော ထုတ်မည့်အစား ဖြစ်လာချေ ပြဿနာများကို ညှိနှိုင်းဖြေရှင်းသင့်ကြောင်း သဘောထားရှိသည်။
“ပုဒ်မ ၁၄၄ ထုတ်တာဟာ ပြည်သူတွေကို စိတ်ဖိစီးမှု များစေတယ်ဗျာ။ တခါထုတ်ရင် အနည်းဆုံး နှစ်လလောက် ဒါနဲ့ သွားရမယ်။ ၁၄၄ ထုတ်မယ့်အစား မပြေလည်ဖြစ်နိုင်တာတွေကို နှစ်ဦးနှစ်ဖက်
တွေ့ဆုံဆွေးနွေး အဖြေရှာသင့်တယ်လို့မြင်တယ်” ဟု အကြံပြုသည်။
အစည်းအဝေး ဆုံးဖြတ်ချက်အား ပြည်နယ်အစိုးရအဖွဲ့သို့ တင်ပြထားပြီး သံတွဲမြို့မှ တက်ကြွလှုပ်ရှားသူများက ညမထွက်ရအမိန့် မထုတ်ရေး လက်မှတ်ထိုး လှုပ်ရှားမှုများကို ဆောင်ရွက်လျက်ရှိသည်။
“လက်ရှိသံတွဲဟာ အေးချမ်းတည်ငြိမ်နေပြီးတော့ ငပလီခရီးသွား လုပ်ငန်းလည်း အောင်မြင်နေတယ်။ ငါးလုပ်ငန်း လုပ်ကိုင်သူတွေလည်း ဒီရာသီမှာ စီးပွားရေးအရ တွက်ခြေကိုက်နေတယ်။ ဘာပြဿ နာမှမရှိတဲ့ အနေအထားမှာ ညမထွက်ရအမိန့်ကို ထုတ်လိုက်ရင် အများပြည်သူ စားဝတ်နေရေးကို အကြီးအကျယ် ထိခိုက်သွားနိုင်တာမို့ ကျနော်တို့ ကန့်ကွက်နေရတာပါ” ဟု လက်မှတ်ထိုး လှုပ်ရှား မှု ခေါင်းဆောင်တဦးက ပြောသည်။
ကောက်ယူရရှိထားသောလက်မှတ် ၅၀၀ ခန့်ကို ပြည်နယ်ဝန်ကြီးချုပ်သို့ အင်္ဂါနေ့ ညနေတွင် ပေးပို့သွားမှာ ဖြစ်ပြီး သံတွဲတမြို့နယ်လုံး၌ ဆက်လက် ကောက်ခံသွားမည်ဟု ၎င်းက ဆိုသည်။
မည်သည့်ပြဿနာမှ မရှိဘဲနှင့် ရခိုင်ပြည်နယ်အစိုးရက သံတွဲကို ပုဒ်မ ၁၄၄ ထုတ်ပြန်ခိုင်းလိမ့်မည် မဟုတ်ဟု မြို့တွင်း တာဝန်ကျ လုံခြုံရေးတပ်ဖွဲ့ဝင်တဦးကလည်း မှတ်ချက်ပြုသည်။
ယမန်နှစ် ဇွန်လကလည်း ရခိုင်ဒေသ ပဋိပက္ခများကြောင့် သံတွဲ၌ ပုဒ်မ ၁၄၄ ထုတ်ပြန်ခဲ့ပြီး အောက်တိုဘာ ၁၀ ရက်နေ့တွင် ပြန်လည် ရုပ်သိမ်းပေးထားခဲ့သည်။
Ref: မဇ္ဈိမ
Read More...
Collapse...
ဧပြီလ ၀၉ ရက် ၂၀၁၃ ခုနှစ်
နိုင်ငံရေးအရ မာကျောလွန်းသောကြောင့် “သံမဏိမယ်” (Iron Lady ) ဟု တင်စားခေါ်ဝေါ် ခဲ့ရသော ဗြိတိန်ဝန်ကြီးချုပ်ဟောင်း မာဂရက်သက်ချာ ဧပြီလ ၈ ရက်နေ့တွင် ကွယ်လွန်သွားခဲ့ပါပြီ။
ဗြိတိန်၏ ပထမဆုံး အမျိူးသမီး ဝန်ကြီးချုပ် ဖြစ်သူ မာဂရက်သက်ချာ ကွယ်လွန်သွားခဲ့ရခြင်းနှင့် ပတ်သတ်ပြီး လက်ရှိ ဗြိတိန်ဝန်ကြီးချုပ် ဒေးဗစ်ကင်မရွမ်း က “သူမဟာ ကြီးကျယ်တဲ့ ဗြိတိန်နိုင်ငံသားပါ” ဟု မှတ်ချက်ချ ဂုဏ်ပြု ချီးကျုး လိုက်သည်။
၂၀၀၁ ခုနှစ်တွင် လေဖြတ်သွားပြီးနောက် ကျန်းမာရေးအရ အလုပ်တာဝန်မှ အနားယူခဲ့ပြီး နောက်ပိုင်းတွင် အကြိမ်ပေါင်းများစွာ လေဖြတ်ခြင်း ဝေဒနာကို ခံစားခဲ့ရသည်။
သူမ၏ သက်တမ်း နောက်ဆုံးကာလများတွင် လူမြင်ကွင်းသို့ ထွက်ခဲပြီး ၂၀၁၀ ခုနှစ် အောက်တိုဘာလ အတွင်း ဝန်ကြီးချုပ် ဒေးဗစ်ကင်မရွန်းက ကျင်းပပေးခဲ့သည့် မာဂရက်၏ အသက် ၈၅ နှစ်မြောက်
မွေးနေ့ဧည့်ခံပွဲ သို့တက်ရောက်ခဲ့ခြင်း မရှိခဲ့သလို ၂၀၁၁ ခုနှစ် ဇူလိုင်လ အတွင်းက သူ၏ မိတ်ဆွေဟောင်း ဖြစ်သော ရော်နယ်ရီဝင်၏ ရုပ်ထုကို လန်ဒန်၌ ဖွင့်ပွဲပြုလုပ်ရာသို့လည်း တက်ရောက်ခဲ့ခြင်း မရှိပေ။
ဗြိတိန်ဝန်ကြီးချုပ်ဟောင်း၏ ဈာပန အခမ်းအနားကို လာမည့် သီတင်းပတ် အတွင်း ပြုလုပ်မည်ဟု မျှော်လင့် ရသည်။ သူမ ကွယ်လွန်ခဲ့ခြင်းနှင့် ပတ်သတ်ပြီး ကမ္ဘာတဝန်းမှ ခေါင်းဆောင်များနှင့် ထင်ရှားကျော်ကြား သူများက ၀မ်းနည်း စကားများနှင့် သူမအား ချီးကျုး စကားများ ပြောကြားခဲ့ကြရာ -
အမေရိကန်သမ္မတ ဘားရက်အိုဘားမားက “လွတ်လပ်မှုနဲ့ လွတ်မြောက်ရေးတို့ဘက်မှ ရပ်တည်သူ တယောက်ကို ကမ္ဘာကြီးက လက်လွှတ် ဆုံးရှုံး လိုက်ရပြီး အမေရိကန်နိုင်ငံရဲ့ မိတ်ဆွေစစ်တယောက် ဆုံးရှုံးသွားခဲ့ရပါတယ်” ဟု ပြောသည်။
ထို့အပြင် ကမ္ဘာကျော် နိုင်ငံရေး ပညာရှင် အမေရိကန် နိုင်ငံခြားရေး ဝန်ကြီးဟောင်း ဟင်နရီကစ်ဆင်းဂျား ကလဲ “သူမဟာ အာဂ၀န်ကြီးချုပ်နဲ့ ထူးချွန်ပြောင်မြောက်တဲ့ အမျိူးသမီးတယောက်ပါ။ သူမရဲ့ အတွေးအမြင် တွေက အရမ်းကောင်းပါတယ်။ နွေးထွေး လှိုက်လှဲမှုရှိသူလည်း ဖြစ်ပါတယ် ဟု မှတ်ချက်ချသည်။
ဂျာမဏီ ဝန်ကြီးချုပ်ဟောင်း မာကယ်က “ ဥရောပအကွဲအပြဲ ကျော်လွှားနိုင်ရေးနဲ့ စစ်အေး ကာလနိဂုံးပိုင်းမှာ သူမရဲ့ စွမ်းဆောင်မှုတွေကို ကျွန်မ ဘယ်တော့မှ မမေ့ပါဘူး ” ဟုဆိုသည်။
ဂျာမဏီဝန်ကြီးချုပ် မာကယ်က “ ဥရောပ အကွဲအပြဲ ကျော်လွှားနိုင်ရေးနဲ့ စစ်အေး ကာလနိဂုံးပိုင်းမှာ သူမရဲ့ စွမ်းဆောင်မှုတွေကို ကျွန်မဘယ်တော့မှ မမေ့ပါဘူး ” ပြောသည်။
သူမ၏ ဘ၀သမိုင်းကြောင်း အကျဉ်းချုံ့ ပြန်ကြည့်လျှင်တော့ မာဂရက်သက်ချာကို ၁၉၅၂ ခုနှစ် အောက်တိုဘာလ တွင် လင်ကွန်းရှိုင်းယား၌ မွေးဖွားခဲ့သည်။
၁၉၅၁ တွင် စီးပွားရေးသမား ဒင်းနစ်သက်ချာနှင့် လက်ထပ်ခဲ့သည်။
၁၉၇၀ တွင် ပညာရေးဝန်ကြီး ဖြစ်လာသည်။
၁၉၇၅ တွင် ကွန်ဆာဗေးတစ်ပါတီ ခေါင်းဆောင်အဖြစ် ရွေးချယ်တင်မြှောက်ခံခဲ့ရသည်။
၁၉၇၉ တွင် ဗြိတိန်၏ ပထမဆုံး ၀န်ကြီးချုပ်ဖြစ်လာပြီး ၁၉၈၂တွင် အာဂျင်တီးနားနှင့် ဖြစ်ပွားသော ဖောက်ကလန် စစ်ပွဲကို ဦးဆောင်ခဲ့သည်။
၁၉၉၀ တွင် ၀န်ကြီးချုပ်အဖြစ်မှ နှုတ်ထွက်ခဲ့သည်။ ၁၉၉၂ တွင် ဗြိတိသျှ သူရဲကောင်းဘွဲ့ချီးမြှင့် ခံခဲ့ရသည်။
မာဂရက်သက်ချာ ပြောကြားခဲ့သည့် စကားများအနက် ထင်ရှားသည့် စကားအချို့မှာ “အိမ်ထောင်တခုရဲ့ ပြဿနာတွေကို စီမံကိုင်တွယ်ဖို့ နားလည်တဲ့ အိမ်ထောင်ရှင်မတိုင်း တိုင်းပြည်တပြည်ရဲ့ ပြဿ နာတွေကို စီမံကိုင်တွယ်ရေးကို နားလည်သဘောပေါက်ဖို့ နီးစပ်ပါတယ်” ဟူ၍ ဖြစ်သည်။
Ref: မဇ္ဈိမ
Read More...
Collapse...
Rosie Gogan-Keogh
ဧပြီလ ၀၉ ရက် ၂၀၁၃ ခုနှစ်
မြန်မာနိုင်ငံ ဆက်သွယ်ရေးလုပ်ငန်းတွင် လုပ်ကိုင်ခွင့် နှစ်နေရာအတွက် လိုင်စင် လျှောက်ထားခြင်းအား ကြိုတင် အရည်အချင်းစစ်ဆေးခြင်း နောက်ဆုံးအချိန်တွင် အင်အားကြီး နိုင်ငံတကာ ကုမ္ပဏီနှစ်ခုတို့ ပူးပေါင်းကာ ဖက်စပ်ကုမ္ပဏီတခု ထူထောင်လိုက်ခြင်းဖြင့် ပြိုင်ဆိုင်မှုအရှိန် မြင့်တက်လာခဲ့ သည်။
ကမ္ဘာ့အကြီးဆုံး မိုဘိုင်း ကုမ္ပဏီကြီး နှစ်ခုဖြစ်သည့် Vodafone နှင့်China Mobile တို့ ပူးပေါင်းကာ ဖက်စပ် ကုမ္ပဏီတခု တည်ထောင်ခြင်းဖြင့် မြန်မာ့ဆက်သွယ်ရေး ဈေးကွက်အတွင်း ဝင်ရောက်ခွင့်ရရန် ကြိုးစားလိုက်ကြသည်။
မြန်မာ့ ဆက်သွယ်ရေးလုပ်ငန်း ဈေးကွက်ကို ၂၀၀၈ ခုနှစ်ကတည်းက စိတ်ဝင်စားနေသည့် အိုင်ယာလန် ကုမ္ပဏီတခု ဖြစ်သော Digicel ကုမ္ပဏီက ဆာ့ဂ်ျပန်း၏ မြန်မာနိုင်ငံမှ Yoma Holdings ကုမ္ပဏီ၊ ဘီလျံနာ သူဌေး ဂျော့ဆိုးရော့စ်၏ Quantum Strategic Partners Ltd တို့နှင့် တချိန်တည်းမှာပင် ပူးပေါင်းခဲ့ကြသည်။
“မကြာသေးခင်က ဖြေလျှော့မှုတွေပေးခဲ့ပြီး ကမ္ဘာပေါ်မှာ တယ်လီဖုန်း သိပ်သည်းဆ အရမ်းနည်းနေ တဲ့ နိုင်ငံတနိုင်ငံ ဖြစ်တဲ့ မြန်မာ့ဈေးကွက်ထဲကို ဝင်ရောက်ရာမှာ Digicel က အောင်မြင်မှု ရှိထားပါတယ်” ဟု ကုမ္ပဏီပိုင်ရှင် ဒင်းနစ်အိုဘရိုင်ရန် က ကြေညာချက်တခုတွင် ပြောကြားသည်။
“မြန်မာနိုင်ငံမှာ လက်ရှိ မိုဘိုင်းသုံးစွဲနှုန်းက ၁၀ ရာခိုင်နှုန်းအောက်မှာပဲ ရှိပါတယ်။ ကမ္ဘာ့အဆင့်ဝင် တယ်လီဖုန်း ကွန်ယက်တခုထွက်ပေါ်လာဖို့ ကျနော်တို့မှာ တာဝန်ရှိတယ်လို့ ခံစားရပါတယ်” ဟု ၎င်းက ဆက်လက်ပြောကြားသည်။
မြန်မာနိုင်ငံတွင် ဆက်သွယ်ရေးဈေးကွက် ဖြေလျှော့ပေးမှုသည် တိုင်းပြည်၏ စီးပွားရေးကို နိုးထလာစေလိမ့် မည်ဟု ဆိုးရော့စ် က ဆိုသည်။ ဆက်သွယ်ရေး လုပ်ငန်း လုပ်ကိုင်ခွင့် လိုင်စင်ကို ဇွန်လတွင် ကြေညာမည် ဖြစ်ပြီး လိုင်စင်ရရှိ ပါက မြန်နိုင်ငံ၌ မိုဘိုင်း ကွန်ယက် တည်ဆောက်ကာ လုပ်ငန်းလုပ်ခွင့် ၁၅ နှစ် ရရှိမည် ဖြစ်သည်။
“လုပ်ခွင့်လိုင်စင် ပေးတာက မိုဘိုင်းဝန်ဆောင်မှု ဈေးကွက်ကြီး ဖြစ်ပေါ်ပြီး မြန်မာ့လူမှုရေးနဲ့ စီးပွားရေး ဖွံ့ဖြိုးမှု အရှိန်ကောင်း ဖို့ အခွင့်အရေးတရပ်ပါပဲ” ဟု Vodafone နှင့် China Mobile တို့၏ပူးတွဲ ကြေညာချက်တွင် ဖေါ်ပြခဲ့သည်။
Ref: မဇ္ဈိမ
Read More...
Collapse...
ကိုမိုးဇော်
09.04.2013
ကချင်လွတ်မြောက်ရေးအဖွဲ့ KIO နဲ့ အစိုးရဲ့ ငြိမ်းချမ်းရေး ဆွေးနွေးရေးအဖွဲ့ တို့ တွေ့ဆုံဆွေးနွေးဖို့ ရှိနေချိန်မှာပဲ နှစ်ဘက်တပ်တွေအကြား တိုက်ပွဲတွေ ဆက်လက်ဖြစ်ပွား နေဆဲဖြစ်ပါတယ်။ ဒီလို တိုက်ပွဲတွေ ဆက်လက်ဖြစ်ပွားနေတာဟာ အစိုးရတပ်တွေဘက်က စစ်ရေးလှုပ်ရှားမှုတွေ ဆက်ရှိနေတာကြောင့် ဖြစ်တယ်လို့ KIO ဘက်က ပြောဆိုပါတယ်။ အပြည့်အစုံကိုတော့ ကိုမိုးဇော် က တင်ပြထားပါတယ်။
KIO နဲ့ အစိုးရရဲ့ ငြိမ်းချမ်းရေး ဆွေးနွေးရေးအဖွဲ့တို့ဟာ ဖေဖော်ဝါရီလဆန်းက တရုတ်နိုင်ငံ ရွှေလီမြို့မှာ စစ်ရေးအရှိန် လျှော့ချဖို့ သဘောတူညီခဲ့ပေမဲ့ တိုက်ပွဲတွေကတော့ ကြိုးကြား ကြိုးကြား ဆက်လက် ဖြစ် ပွားနေတာ ဖြစ်ပါတယ်။ ဒီရက်ပိုင်းတွေ အတွင်းမှာတော့ ရှမ်းပြည်နယ် မြောက်ပိုင်းဒေသမှာ တိုက်ပွဲတွေဟာ နေ့စဉ်ဆိုသလို ဖြစ်ပွားနေတယ်လို့ KIO ပြောခွင့်ရပုဂ္ဂိုလ် ဦးလနန်က ပြောပါတယ်။
“ဒီရက်ပိုင်းမှာ အဖြစ်များတာတော့ ခပ်စိပ်စိပ်ဖြစ်နေတာကတော့ ရှမ်းပြည်မြောက်ပိုင်း တပ်မဟာ ၄ ဒေသမှာ ပိုဖြစ်တယ်။ ၈ ရက်နေ့ကလည်း ကျနော်တို့ တပ်ရင်း ၂ ဘက်မှာ သူတို့လာပြီး တိုက်ခိုက်တာတွေ လုပ်ပါတယ်။ အဲ့လိုဟာမျိုးတွေ တပ်ရင်း ၉ တို့၊ တပ်ရင်း ၈ တို့၊ တပ်ရင်း ၁၇ တို့၊ တပ်ရင်း ၂ တွေကတော့ တပ်မဟာ ၄ လက်အောက်ခံ တပ်ရင်းတွေပါ။ အဲ့ဒီဒေသမှာ တိုက်ပွဲတွေကတော့ တရက်ခြားပုံစံပေါ့။ အဲ့လိုဟာမျိုးတွေ ဖြစ်တယ်ခင်ဗျ။ မနေ့က ဒီတပ်ရင်း ၂ ရယ်၊ တပ်ရင်း ၃၆ ရယ်၊ အဲ့ဒီနေရာ ၂ နေရာမှာ တိုက်ပွဲတွေ ဖြစ်ပွားတယ်။” ဒီလိုတိုက်ပွဲတွေဖြစ်ရတဲ့ အဓိက အကြောင်းကိုတော့ ဦးလနန်က အခုလို ပြောပါတယ်။
“ဖြစ်တဲ့ဖြစ်စဉ်အားလုံးကတော့ အစိုးရစစ်တပ်ရဲ့ စစ်ကြောင်းလှုပ်ရှားမှုတွေကြောင့်ပါ။ သူတို့ရဲ့ ရှေ့တန်းတွေမှာ ညွှန်ကြားနေတဲ့ အချက်တွေက ဘာလဲဆိုတော့ KIA တပ်စခန်းတွေနဲ့ အနီးကပ်ဆုံး နေရာယူ ထားရမယ်ဆိုတဲ့ ညွှန်ကြားချက်ရှိတယ်ခင်ဗျ။ တချို့ဆိုရင် ကျနော်တို့ KIA လှုပ်ရှားနေတဲ့ တပ်ဖွဲ့တွေကို နောက်ကနေပြီးတော့ အမြဲတစေ လိုက်ပြီးတော့ အကွက်ချောင်းတဲ့ ပုံစံမျိုးပေါ့ဗျာ။ သူ အဆင်ပြေ ရင် ပြေသလို၊ ပစ်ခတ်ချေမှုန်းရေး လုပ်မယ့်ပုံစံနဲ့၊ လိုက်လံချဉ်းကပ်ရင်းနဲ့ တိုက်ပွဲတွေ ဖြစ်တာများ တယ်ခင်ဗျ။ တချို့နေရာမှာဆိုရင် ကျနော်တို့ KIA တပ်စခန်းတွေနဲ့ ကိုက် ၄၀၊ ၅၀ အထိ သူတို့လာပြီးတော့ ကတုတ်ကျင်းတူးပြီးတော့ နေရာဝင်ယူကြတယ်။ တကယ်လို့များ ကျနော်တို့ဘက်က သည်းခံစိတ်မရှိဘဲ ပစ်ခတ်မယ်ဆိုရင် တိုက်ပွဲတွေ ကြီးကြီးမား မား ပြန်ဖြစ်သွားနိုင်တယ်။ ဒီလိုဟာမျိုး ပုံစံတွေ ကတော့ နေရာတကာ အနှံ့မှာ ရှိတယ်ခင်ဗျ။”
ဒီလိုတိုက်ပွဲတွေဆက်လက်ဖြစ်ပွားနေပေမဲ့ တွေ့ဆုံဆွေးနွေးရေးကိုတော့ ဆက်လက်လုပ်ဆောင်သွားမှာ ဖြစ်တယ်လို့ ဦးလနန်က ဆက်ပြောပါတယ်။
“အခုဖြစ်တဲ့ တိုက်ပွဲတွေကြောင့်တော့ ဆွေးနွေးပွဲက နှစ်ဘက်ဆန္ဒရှိမယ်ဆိုရင်တော့ ဘာမှ အဟန့်အတားဖြစ်မယ်လို့ မထင်ပါဘူး။ တကယ်လို့ ဆွေးနွေးဖြစ်မယ်ဆိုရင်လည်း ဒီကိစ္စအပေါ်မှာတော့ ဆွေးနွေး စရာ ရှိတယ်ခင်ဗျ။ ဒီကိစ္စတွေက ဒီလို ဆွေးနွေးရင်းနဲ့ပဲ တိုက်ပွဲတွေ လျော့ပါးသွားအောင် လုပ်ဆောင်ကြဖို့ဆိုတဲ့ ရည်မှန်းချက်လည်း ရှိပါတယ်။ ဒါကြောင့် တွေ့ဆုံမှုကတော့ ဒီတိုက်ပွဲတွေ ဖြစ်တဲ့အ တွက်ကြောင့် ဟန့် တားတာမျိုး၊ ဆွေးနွေးပွဲ ဟန့်တားတာမျိုး မဖြစ်စေနိုင်ပါဘူးခင်ဗျ။”
KIO ပြောရေးဆိုခွင့်ရှိသူရဲ့ အစိုးရစစ်တပ်အပေါ် ပြောဆိုချက်နဲ့ပတ်သက်ပြီး ကာကွယ်ရေးဝန်ကြီးဌာနကို ဆက်သွယ်မေးမြန်းရာမှာတော့ စစ်ဆင်ရေး အခြေအနေတွေကို ကကကြည်းက သတင်းအချက် အလက် ပေးပို့ထားတာ မရှိကြောင်း ပြောဆိုပါတယ်။
KIO နဲ့ အစိုးရ ငြိမ်းချမ်းရေး ဆွေးနွေးရေးအဖွဲ့ဟာ ဒီလ ၁၀ ရက်နေ့မတိုင်ခင် ဆွေးနွေး ဖို့အတွက် သဘောတူညီထားပေမဲ့ နိုင်ငံတကာ လေ့လာသူတွေ မတက်ရောက်နိုင် တာကြောင့် ဆွေးနွေးပွဲကို သင်္ကြန်နောက်ပိုင်း ကာလအထိ ရွှေ့ဆိုင်းထားပါတယ်။
ငြိမ်းချမ်းရေး သဘောတူညီချက်တွေ အပြည့်အ၀ မရနိုင်သေးတာကြောင့် လက်နက်ကိုင် ပဋိပက္ခတွေ ကြားကနေ ထွက်ပြေးနေရတဲ့ ဒုက္ခသည် အများအပြားဟာလည်း နေရပ် မပြန်နိုင်သေးဘဲ ဖြစ်နေကြ ပါတယ်။
လောလောဆယ်မှာတော့ ကုလသမဂ္ဂ လက်အောက်ခံ ဌာနတွေက မိုးမောက်မြို့ နယ်အတွင်းက မိုင်ဂျာယန်ဒေသဘက်ကို ကူညီထောက်ပံ့ရေး ပစ္စည်းတွေ ပေးပို့ဖို့ သွားရောက်နေပါတယ်။ ဒါပေမဲ့ ထောက် ပံ့ရေး ပစ္စည်းတွေသယ်ယူလာတဲ့ ယာဉ်တန်းဟာ လမ်းခရီးမှာ ကြန့်ကြာနေတယ်လို့လည်း KIO ရဲ့ ဒုက္ခသည်ရေးရာ တာဝန်ခံ ဦးဒွဲပီဆာ က ပြောပါတယ်။
“ဒီနေ့လာမယ်လို့ သူတို့ဘက်က အကြောင်းကြားထားတာ ရှိပါတယ်။ ဒါပေမဲ့ မနေ့ညက သူတို့ ပြန်ပြောတာက နိုင်ငံခြားသားတယောက်ပါတယ်ဆိုတော့ ခွင့်ပြုချက် မရသေးဘူးတဲ့။ ဒါကြောင့် မရောက်သေး ပါဘူးလို့ သတင်းပြန်ကြားပါတယ်။”
ဒီထောက်ပံ့ရေးယာဉ်တန်းဟာ ဘယ်နေ့ ရောက်လာမယ်ဆိုတာတော့ အသေအချာ မသိရကြောင်းလည်း ပြောပါတယ်။
KIOနဲ့ အစိုးရတပ်တွေအကြား ဖြစ်ပွားနေတဲ့ ၂ နှစ်နီးပါးကြာ စစ်ပွဲကာလအတွင်း မှာ ဒေသခံပြည်သူ ၁ သိန်းကျော်ဟာ ကချင်ပြည်နယ်က မြို့ကြီးတွေနဲ့ KIO ထိန်းချုပ်ရာ တရုတ-်မြန်မာနယ်စပ် ဒေသတွေကို ထွက်ပြေးတိမ်းရှောင်နေကြရပါတယ်။
ကုလသမဂ္ဂ အပါအ၀င် လူမှုကယ်ဆယ်ရေး အသင်းအဖွဲ့တွေဟာ နယ်စပ်ဒေသ ကို ရောက်ရှိနေတဲ့ ဒုက္ခသည်တွေဆီ သွားရောက်ဖို့ အခက်အခဲတွေ ရှိနေတာလည်း ဖြစ်ပါတယ်။
Ref: ဗွီအိုအေ
Read More...
Collapse...
ကိုသားညွန့်ဦး
09.04.2013
မြန်မာနိုင်ငံတွင်း ဒီမိုကရေစီ အသွင်ကူးပြောင်းရေး အောင်မြင်မှု ရှိမရှိဆိုတာကို လာမယ့် ၂၀၁၅ ခုနှစ် ရွေးကောက်ပွဲ အခြေအနေနဲ့ တိုင်းတာရလိမ့်မယ်လို့ မကြာခင်က မြန်မာနိုင်ငံကို သွားခဲ့တဲ့ Carter Center ညွန်ကြားရေးမှူး ဒေါက်တာ ဒေးဗစ် ကာရိုးလ် (Dr.David Carroll) က ပြောပါတယ်။ မြန်မာ့နိုင်ငံရေးမှာ အစုအဖွဲ့အားလုံး ကျယ်ကျယ်ပြန့်ပြန့် ပါဝင်ဆောင်ရွက်လာဖို့အတွက် ဒီကြားထဲ အကောင်အ ထည်ဖော် ဆောင် ရွက်ဖို့ လိုမယ်လို့ ဆိုပါတယ်။ ဒေါက်တာ ကာရိုးလ် ကို ဆက်သွယ် မေးမြန်းထားတဲ့ ကိုသားညွန့်ဦး တင်ပြထားပါတယ်။
သမ္မတ ကာတာ (Carter) ကိုယ်တိုင် ဦးဆောင်တဲ့ Carter Center အဖွဲ့ဟာ မြန်မာနိုင်ငံမှာ သမ္မတ ဦးသိန်းစိန်အပါအ၀င် အစိုးရအာဏာပိုင်တွေကိုရော၊ ဒေါ်အောင်ဆန်းစုကြည်နဲ့ အတိုက်အခံ ပါတီခေါင်းဆောင်ေ တွ အရပ်ဘက် လူမှုအဖွဲ့အစည်း အသီးသီးက ကိုယ်စားလှယ်တွေကိုပါ တွေ့ဆုံခဲ့တာပါ။
မြန်မာနိုင်ငံတွင်းက အသွင်ကူးပြောင်းရေး လုပ်ငန်းစဉ်တွေနဲ့ ငြိမ်းချမ်းရေး ဖော်ဆောင်မှု လုပ်ငန်းစဉ်တွေကို လေ့လာခဲ့ကြပြီး၊ ဒီလုပ်ငန်းတချို့မှာ Carter Center က အကူအညီတွေ ပေးသွားနိုင်ဖို့လည်း ကမ်းလှမ်းခဲ့တယ်လို့ သိရပါတယ်။
Carter Center ဟာ ကမ္ဘာ့နိုင်ငံအတော်များများက ရွေးကောက်ပွဲကို လွတ်လပ်မျှတမှု ရှိ မရှိနဲ့ ရွေးကောက်ပွဲ စနစ်တွေကို စောင့်ကြည့် အထောက်အပံ့ ပေးနေတာနဲ့အညီ၊ မြန်မာနိုင်ငံမှာ လာမယ့် ၂၀၁၅ ရွေးကောက်ပွဲကိုလည်း စိတ်ဝင်စားမှုရှိတာ တွေ့ရပါတယ်။ ဒီ ၂၀၁၅ ရွေးကောက်ပွဲဟာ အသွင်ကူးပြောင်းရေး လုပ်ငန်းစဉ်ရဲ့ အခရာကျတဲ့ အခြေအနေတခု ဖြစ်တယ်လို့ Carter Center ရဲ့ ဒီမိုကရေစီ အစီအစဉ်ဆိုင်ရာ ညွှန်ကြားရေးမှူး ဒေါက်တာ ဒေးဗစ် ကာရိုးလ် (Dr.David Carroll) က ရှုမြင်ပါတယ်။
“အသွင်ကူးပြောင်းရေးဆိုတာ ရေရှည်သွားရတဲ့ လုပ်ငန်းစဉ်ပါ။ အောင်မြင်မှု ရှိ မရှိဆိုတာကိုတော့ လာမယ့် ၂၀၁၅ ခုနှစ် ရွေးကောက်ပွဲနဲ့ တိုင်းတာရပါလိမ့်မယ်။ ဒီ့မတိုင်ခင် အချိန်မှာတော့ မြန်မာ့နိုင်ငံရေး လုပ်ငန်းစဉ်ထဲမှာ အစုအဖွဲ့အားလုံး ကျယ်ကျယ်ပြန့်ပြန့် ပါဝင်လာနိုင်အောင် လုပ်ဆောင်စရာတွေ အတော်များများ ရှိနေပါတယ်။ နိုင်ငံရေးလုပ်ငန်းစဉ်မှာ အစုအဖွဲ့အားလုံး ပါဝင်နိုင်ဖို့၊ သူတို့ရဲ့ သဘောထားတွေ အမြင်တွေကို ထုတ်ပြောနိုင်ဖို့ လိုပါတယ်။”
၂၀၁၅ ရွေးကောက်ပွဲနဲ့ အကြိုပြင်ဆင်မှု ကာလတွေမှာလည်း Carter Center အနေနဲ့ အကူအညီ ပေးချင်တယ်ဆိုတာကိုလည်း ကမ်းလှမ်းထားတဲ့အကြောင်း သိရပါတယ်။
“၂၀၁၅ ရွေးကောက်ပွဲနဲ့ ဒီ့မတိုင်ခင် ပြင်ဆင်ဆောင်ရွက်မှုတွေနဲ့ပတ်သက်လို့ ကျနော်တို့အနေနဲ့ အထူးပဲ စိတ်ဝင်စားတယ်ဆိုတာကို ကျနော်တို့နဲ့ တွေ့ခဲ့တဲ့ အရေးကြီးတဲ့ ပုဂ္ဂိုလ်အားလုံးကို ပြောခဲ့ပါ တယ်။ ရွေးကောက်ပွဲကို လေ့လာစောင့်ကြည့်ဖို့ တရားဝင် ဖိတ်ခေါ်ချက် ရရင်တော့၊ ကျနော်တို့အနေနဲ့ ဒီအခန်းကဏ္ဍမှာ လိုလိုလားလားနဲ့ ဆောင်ရွက်ချင်ပါတယ်။”
သူတို့ တွေ့ဆုံခဲ့တဲ့ နိုင်ငံရေးပါတီတွေနဲ့ နိုင်ငံရေး အစုအဖွဲ့တွေဟာလည်း လာမယ့် ၂၀၁၅ အတွက် ပြင်ဆင်မှုတွေ စလုပ်နေတာ တွေ့ရတယ်လို့ ဒေါက်တာ ကာရိုးလ် က ပြောပါတယ်။ အထူး သဖြင့်တော့ ရွေးကောက်ပွဲစနစ်ပါ။
“နိုင်ငံရေးပါတီအားလုံးဟာ လာမယ့် ၂၀၁၅ ရွေးကောက်ပွဲကို အသွင်ကူးပြောင်းရေးအတွက် အရေးကြီးတဲ့ အခြေအနေတရပ်အနေနဲ့ မျှော်လင့် စောင့်စားနေကြပါတယ်။ အရေးအကြီးဆုံး ကတော့ ရွေးကောက် ပွဲစနစ်ပါ။ ရွေးကောက်ပွဲစနစ်နဲ့ ပတ်သက်လို့ ဒီနှစ်ထဲမှာ အပြောင်းအလဲတွေ ထွက်လာမလား မျှော်နေကြပါတယ်။ ရွေးကောက်ပွဲ စနစ်သစ်တခု ဖြစ်လာပြီဆိုရင်တော့ အာဏာပိုင်တွေအနေနဲ့ ဒါကို အကောင် အထည်ဖော်မယ့် လုပ်ငန်းစဉ်တွေ ရေးဆွဲရမှာပါ။ ဒါကြောင့် နိုင်ငံရေးခေါင်းဆောင်တွေ၊ ပါတီခေါင်းဆောင်တွေကြားမှာ ဒီနှစ်ထဲ ရွေးကောက်ပွဲစနစ် အပြောင်းအလဲကိစ္စကို ပြင်းပြင်း ထန်ထန် ဆွေးနွေးနေတာရှိ ပါတယ်။”
ပါတီကြီးတွေ လွှမ်းမိုးတဲ့စနစ်ထက်၊ အချိုးကျ ကိုယ်စားပြုမှုနဲ့ ရွေးကောက်တဲ့ ရွေးကောက်ပွဲစနစ် သွားဖို့ နိုင်ငံရေးပါတီတွေအကြား ဆွေးနွေးတိုင်ပင်မှုတွေ ကျယ်ကျယ်ပြန့်ပြန့် ရှိနေပါတယ်။ ရွေးကောက်ပွဲ ကျင်းပချိန်အပြင် မကျင်းပမှီ ပြင်ဆင်မှုတွေ ညှိနှိုင်းမှုတွေဟာလည်း အသွင်ကူးပြောင်းရေးအတွက် အရေးပါတယ်လို့ ဒေါက်တာ ကာရိုးလ် က ပြောပါတယ်။
တချိန်တည်းမှာတော့ အသွင်ကူးပြောင်းရေးအတွက် တိုင်းရင်းသား လူနည်းစုတွေအားလုံးနဲ့ ငြိမ်ချမ်းရေး သဘောတူညီချက်ယူပြီး၊ လက်တွေ့ အကောင်အထည်ဖော်ဖို့လည်း လိုမယ်လို့ ပြောပါတယ်။ တိုင်းရင်းသား လူမျိုးစုံပါဝင်တဲ့ မြန်မာနိုင်ငံမှာ လူနည်းစု တိုင်းရင်းသားတွေအားလုံး နိုင်ငံရေးလုပ်ငန်းစဉ်ထဲမှာ ကျယ်ကျယ်ပြန့်ပြန့် ပါဝင်လာဖို့ လိုမယ်လို့ ထောက်ပြပါတယ်။ တချိန်တည်းမှာတော့ လူ့အခွင့်အရေးနဲ့ ပတ်သက်လို့ စိုးရိမ်စရာ အခြေအနေတွေလည်း ရှိနေသေးတယ်လို့ ဒေါက်တာ ကာရိုးလ် က ပြောပါတယ်။
“စိုးရိမ်မကင်းဖြစ်စရာ အခြေအနေတချို့၊ အထူးသဖြင့်တော့ မကြာသေးခင်တုန်းက လူမျိုးရေး အဓိကရုဏ်းတွေ ဖြစ်ခဲ့တာတွေနဲ့ ရခိုင်ပြည်နယ်တွင်းက အခြေအနေတွေ၊ နောက် ပဋိပက္ခတွေကြောင့် အိုးမဲ့အိမ်မဲ့ ထွက်ပြေးကြရတဲ့ ဒုက္ခသည်တွေ အခြေအနေတွေ ရှိနေပါတယ်။ ဒါကိုလည်း သမ္မတ ကာတာအနေနဲ့ သူ့မိန့်ခွန်းမှာ ပြောခဲ့ပြီးပါပြီ။ မြန်မာအာဏာပိုင်တွေအနေနဲ့ ဒီပြဿနာရပ်တွေကို အလျင်အမြန် ကိုင်တွယ်ဖြေရှင်းလိမ့်မယ်လို့ မျှော်လင့်ပါတယ်။”
သမ္မတ ကာတာနဲ့ Carter Center အဖွဲ့ရဲ့ ၄ ရက်ကြာ မြန်မာနိုင်ငံ ခရီးစဉ်အတွင်းမှာ ရန်ကုန်အပြင် နေပြည်တော်မှာ အစိုးရထိပ်ပိုင်း တာဝန်ရှိသူတွေ၊ လွှတ်တော်ပိုင်းက တာဝန်ရှိသူတွေနဲ့ တွေ့ခဲ့ပါတယ်။
Carter Center အနေနဲ့ မြန်မာနိုင်ငံရဲ့ အသွင်ကူးပြောင်းရေး လုပ်ငန်းတွေမှာ အကူအညီပေးနိုင်ဖို့ ကမ်းလှမ်းထားရာမှာ၊ အစိုးရဘက်က ခွင့်ပြုချက် ရမယ်ဆိုရင်တော့ သူတို့အနေနဲ့ မြန်မာနိုင်ငံမှာ ရုံးဖွင့် ပြီး ရွေးကောက်ပွဲ စောင့်ကြည့်ရေးလုပ်ငန်းတွေကို ပြင်ဆင် ဆောင်ရွက်သွားဖို့ စီစဉ်ထားတယ်လို့ သိရပါတယ်။
Ref: ဗွီအိုအေ
Read More...
Collapse...
ဒေါ်ခင်မျိုးသက်
09.04.2013
မြန်မာနိုင်ငံရဲ့ စီးပွားရေး ဖွံ့ဖြိုးမှုနှုန်းဟာ ၆ ရာခိုင်နှုန်းကျော်အထိ တိုးတက်လာခဲ့တဲ့အကြောင်း အာရှဖွံ့ဖြိုးရေးဘဏ် (ADB) ရဲ့ ဒီကနေ့ ထုတ်ပြန်တဲ့ အစီရင်ခံစာက ဖော်ပြထားပါတယ်။ ဒါပေမဲ့လည်း ဖွံ့ဖြိုးမှုတွေ ဆက်လက် အားကောင်းဖို့ ဆိုရင်တော့ အပြောင်းအလဲတွေ ဆက်လက် လုပ်ဆောင်ရမှာ ဖြစ်သလို၊ ဖွံ့ဖြိုးမှုတွေ ရေရှည်ခံမယ့် အစီအမံတွေ လိုအပ်မယ်လို့လည်း စီးပွားရေး ကျွမ်းကျင်သူတွေက သတိပေးခဲ့ကြတာပါ။ အပြည့်အစုံကိုတော့ ဒေါ်ခင်မျိုးသက် က တင်ပြထားပါတယ်။
မတ်လ ၃၁ ရက်နေ့အထိ ပါဝင်တဲ့ ၂၀၁၂ ခုနှစ် စီးပွားရေးနှစ်အတွင်း မြန်မာနိုင်ငံရဲ့ ဖွံ့ဖြိုးမှုဟာ ၆ ဒဿမ ၃ ရာခိုင်နှုန်းရှိမယ်လို့ ADB က ခန့်မှန်းလိုက်တာပါ။ ပြီးခဲ့တဲ့နှစ်က ၅ ရာခိုင်နှုန်း ကြီးထွားမှုရှိခဲ့သလို၊ အခုလို တိုးတက်မှုတွေဟာ ၂၀၁၁ ခုနှစ် အစိုးရသစ် တက်လာခဲ့တဲ့နောက်ပိုင်း စီးပွားရေးအပါအ၀င် ပြုပြင်ပြောင်းလဲမှုတွေ လုပ်ခဲ့တာရဲ့ အကျိုးဆက်ဖြစ်တယ်လို့ ဆိုပါတယ်။
မြန်မာနိုင်ငံအပါအ၀င် အာဆီယံနိုင်ငံတွေမှာ နိုင်ငံတွင်း သယံဇာတတွေနဲ့အတူ ထွက်ကုန်တိုးလာတာမို့ အာရှဒေသ စီးပွားရေး ဖွံ့ဖြိုးကြီးထွားလာတာဟာ အာဆီယံနိုင်ငံတွေက အဓိကလို့ ADB ရဲ့ စီးပွားရေး ပညာရှင် ချန်ယောင် ရီး (Changyong Rhee) က ပြောပါတယ်။
“အင်ဒိုနီးရှားနိုင်ငံက ၆ ရာခိုင်နှုန်းကျော် သိသိသာသာ တိုးလာသလို၊ ဖိလစ်ပိုင်နိုင်ငံကတော့ ပြီးခဲ့တဲ့နှစ်ထဲမှာ ၆ ဒဿမ ၆ ရာခိုင်နှုန်း ရှိလာတာပါ။ မြန်မာနိုင်ငံကတော့ အရင်ကနဲ့မတူဘဲ ရင်းနှီးမြှုပ်နှံသူတွေ အတွက် စွဲဆောင်မှုတွေ ရှိလာတာ တွေ့ရပြီး၊ အာရှဒေသ စီးပွားရေး ကြီးထွားလာတာဟာ ၁၉၉၇ ခုနှစ်တုန်းကစလို့ အာရှဒေသတွင်း ဘဏ္ဍာရေးဆိုင်ရာ ပြုပြင်ပြောင်းလဲမှုတွေ လုပ်တာကြောင့်လို့ လည်း ပြောလို့ ရပါတယ်။”
မြန်မာနိုင်ငံအပါအ၀င် အာဆီယံနိုင်ငံတွေရဲ့ အခန်းကဏ္ဍဟာ အရေးပါတဲ့ အနေအထားမှာ ရှိနေသလို၊ တရုတ်နိုင်ငံရဲ့ ကြီးထွားတိုးတက်မှုကလည်း ဒေသတွင်း စီးပွားရေး ဖွံ့ဖြိုးမှုကို ဦးဆောင်နေတယ်လို့ ဆိုပါတယ်။ မြန်မာနိုင်ငံမှာ ၂၀၁၂ ခုနှစ် ပထမ ၁၀ လအတွင်းမှာလည်း နိုင်ငံရပ်ခြား ကုမ္ပဏီတွေ ရင်းနှီးမြှုပ်နှံမှု လုပ်ဖို့အတွက် မှတ်ပုံတင်ကြတာမို့ အရင်က ရင်းနှီးမြှုပ်နှံမှုထက် ၁၄ ဆ တိုးလာခဲ့တယ်လို့ အစီရင်ခံစာထဲမှာ ဖော်ပြထားပါတယ်။
ဧပြီလကနေ ဒီဇင်ဘာလအတွင်း နိုင်ငံခြားကုမ္ပဏီတွေရဲ့ စီမံကိန်း ၆၂ ခုကို အစိုးရက ခွင့်ပြုပေးလိုက်သလို၊ လာမယ့် ၃ နှစ်အတွင်း ထပ်ပြီး ခွင့်ပြုဖို့လည်း ရှိတယ်လို့ ဆိုပါတယ်။ မြန်မာနိုင်ငံအတွက် စီးပွားရေး ကြီးထွားမှုတွေနဲ့ ပတ်သက်ပြီး သံသယဖြစ်စရာ မလိုပေမဲ့ ADB က ဖော်ပြနေတဲ့ စာရင်းဇယား အချက်အလက်တွေနဲ့ ပတ်သက်ပြီး ပြဿနာတွေ ရှိနေနိုင်တာမို့ ဘယ်လောက်ရာခိုင်နှုန်း ကြီးထွားမယ်ဆိုတာကို အတိအကျ ပြောလို့ရမယ် မထင်ဘူးလို့ သြစတြေးလျနိုင်ငံက စီးပွားရေး ပညာရှင် ရှောင်တာနယ်လ် (Sean Turnell) က သုံးသပ်သလို အခုလို မြန်မာနိုင်ငံရဲ့ စီးပွားရေး ကြီးထွားလာတဲ့ အဓိကအကြောင်း အရင်းဟာ ရေနံနဲ့ သဘာဝဓာတ်ငွေ့ကြောင့်လို့ ဆိုပါတယ်။
“မြန်မာနိုင်ငံရဲ့ သဘာဝဓာတ်ငွေ့တွေကို ကောင်းကောင်းဆက်ပြီး တင်ပို့နေနိုင်တာက အဓိက အကြောင်းအရင်း ဖြစ်မယ်လို့ ထင်ပါတယ်။ ဒါဟာ ပြီးခဲ့တဲ့နှစ်ကနဲ့စာရင် ရာနှုန်း ၂၀ လောက်ကို တိုးလာခဲ့ တာပါ။ နောက်တချက်ကလည်း နိုင်ငံတကာက ရင်းနှီးမြှုပ်နှံမှုတွေ တိုးလုပ်လာကြတာကြောင့် ဖြစ်သလို၊ နိုင်ငံခြားခရီးသွား ပိုတိုးလာခဲ့တာမို့ ပြီးခဲ့တဲ့နှစ်မှာတင်မကဘဲ လာမယ့်နှစ်တွေမှာလည်း ပိုပြီး ကောင်းလာမယ်လို့ ထင်ပါတယ်။”
မြန်မာနိုင်ငံမှာ စီးပွားရေး ကြီးထွားလာတာနဲ့ပတ်သက်ပြီး မေးခွန်း ထုတ်စရာ မလိုသလို၊ လွန်ခဲ့တဲ့ ၁၀ နှစ်အတွင်းမှာရော၊ လာမယ့်နှစ်တွေမှာပါ ပိုပြီး ကောင်းလာဖို့ ရှိနေပေမဲ့ စိန်ခေါ်မှုတွေကို အများကြီး ရင်ဆိုင်ရဖို့ ရှိတယ်လို့ ဆိုပါတယ်။
“မြန်မာနိုင်ငံမှာ ဆိုးရွားခဲ့တဲ့ အနေအထားတွေ ရှိခဲ့တာမို့လို့ ရှေ့ဆက်ပြီး စိန်ခေါ်မှု အများကြီးလည်း ရှိနေဦးမှာပါ။ ရေရှည် တည်တံ့စေမယ့် ဥပဒေဖြစ်ထွန်းမှုတွေ အခုထိ မရှိသေးတဲ့အတွက် စီးပွားရေး အမြတ်ထုတ်သူတွေရဲ့ အန္တရာယ်ရှိနေသလို၊ စီးပွားရေး လုပ်ငန်းတွေအတွက် ပြည့်ပြည့်၀၀ လုပ်မပေးနိုင်သေးတာမို့ စိန်ခေါ်မှုတွေ အများကြီး တွေ့ရမှာပါ။ မြန်မာနိုင်ငံကို စက်မှုနိုင်ငံ ထူထောင်ဖို့ လုပ်နေပေမဲ့ အကြီးစားရော၊ အသေးစားရော စက်မှုလုပ်ငန်းတွေအတွက်ပါ အကောင်အထည်ဖော်ဖို့ သိပ် ချမပြနိုင်သေးတာကလည်း အားမရစရာ ဖြစ်နေပါသေးတယ်။”
သြစတြေးလျနိုင်ငံ Macquarie တက္ကသိုလ်က မြန်မာ့စီးပွားရေး လေ့လာသုံးသပ် သူ ရှောင်တာနယ်လ် (Sean Turnell) ဖြစ်ပါတယ်။
Ref: ဗွီအိုအေ
Read More...
Collapse...
09.04.2013
အမေရိကန် နိုင်ငံခြားရေးဝန်ကြီး ဂျွန် ကယ်ရီ (John Kerry) ဟာ အစ္စရေးလ်နဲ့ ပါလက်စတိုင်း နယ်မြေတွေကို သွားရောက် တဲ့ ၃ ရက်တာ ခရီးစဉ်ကို မနေ့ကပဲ အဆုံးသတ်လိုက်ပါတယ်။
နောက်ဆုံးမှာ အရှေ့အလယ်ပိုင်းဒေသ ငြိမ်းချမ်းရေး သဘောတူညီမှု ရရှိလာဖို့ မျှော်လင့်ကြောင်းနဲ့ အီရန်နိုင် ငံ နျူကလီးယား လက်နက် ပိုင်ဆိုင်တဲ့နိုင်ငံ ဖြစ်မှာကို အမေရိကန်က ဆန့်ကျင်တယ်လို့ မစ္စတာ ကယ်ရီ က ပြောသွားခဲ့ပါတယ်။
မစ္စတာ ကယ်ရီ က အစ္စရေးလ် ဝန်ကြီးချုပ် ဘင်ဂျမင် နတန်ယာဟု (Benjamin Netanyahu) နဲ့ ၂ နာရီ ကြာ တွေ့ဆုံဆွေးနွေးပြီး သူ့ခရီးစဉ်ကို အဆုံးသတ်ခဲ့တာပါ။
ကြန့်ကြာနေတဲ့ အရှေ့အလယ်ပိုင်း ငြိမ်းချမ်းရေး ဆွေးနွေးပွဲ ပြန်အသက်သွင်းနိုင်ဖို့ သူတို့ ၂ ဦးလုံး စိတ်ပိုင်းဖြတ် ထားကြောင်း ပြောသွားပြီး၊ အဲ့ဒါကို အောင်မြင်အောင် အတွက် သေချာ အားစိုက်ထုတ် လုပ်ဆောင်ဖို့လည်း ဆုံးဖြတ်ထား တယ်လို့ မစ္စတာ နတန်ယာဟု က မစ္စတာ ကယ်ရီ ကို ပြောပါတယ်။
Ref: ဗွီအိုအေ
Read More...
Collapse...
09.04.2013
စစ်ရေးပဋိပက္ခ ဖြစ်နိုင်ချေကြောင့် တောင် ကိုရီးယား ကနေ နိုင်ငံခြားသားတွေ ထွက်ခွာသွားဖို့ မြောက်ကိုရီးယားက တိုက်တွန်းနေပါတယ်။ ဒါပေမဲ့လည်း အခုလို မြောက်ကိုရီးယား ခြိမ်းခြောက် မှုကြောင့် တောင်ကိုရီး ယားဘက်မှာ ကြီးကြီးကျယ်ကျယ် လှုပ်လှုပ်ရှားရှားတော့ မရှိခဲ့ပါဘူး။
နျူကလီးယားစစ် ဖြစ်နိုင်ချေ အန္တရာယ်ကြောင့် လုံခြုံရေးအတွက် ခရီးသွား ဧည့်သည်တွေနဲ့ စီးပွားရေးလုပ်ငန်းတွေ ဆိုးလ်မြို့ ကနေ ရှောင်ခွာကြဖို့ မြောက်ကိုရီးယား ရုပ်မြင်သံကြား ကနေ အင်္ဂါနေ့တုန်း က ကြေညာသွားတာပါ။
ဒါပေမဲ့လည်း တောင်ကိုရီးယားဘက်က စီးပွားရေးလုပ်ငန်းတွေကတော့ ပုံမှန်အတိုင်း လည်ပတ်ခဲ့သလို၊ ဆိုးလ်မြို့တော် မှာလည်း ပုံမှန်အခြေအနေတွေပဲ ရှိခဲ့ပါတယ်။ ပြီးခဲ့တဲ့ သီတင်းပတ်တုန်းက လည်း မြောက် ကိုရီးယားမှာရှိ တဲ့ နိုင်ငံခြားသံရုံးက သံတမန်တွေကို အခု ဗုဒ္ဓဟူးနေ့ နောက်ဆုံးထားပြီး ထွက်ခွာကြဖို့ မြောက် ကိုရီးယားဘက်က ပြီးခဲ့တဲ့ သီတင်းပတ်အတွင်းက သတိပေးချက် ထုတ်ခဲ့ပါတယ်။
ဒါပေမဲ့လည်း ဘယ်သံရုံးကမှ ပြုံယမ်းကနေ သူတို့ သံဝန်ထမ်းတွေကို အရေးပေါ် ထွက်ခွာစေတာမျိုး မကြားရသေးပါဘူး။ အခုလို မြောက်ကိုရီးယားရဲ့ ခြိမ်းခြောက်မှုတွေဟာ မြောက်ကိုရီးယားကို ပိုပြီး အထီးကျန်ဖြစ်စေလိမ့်မယ်လို့ အမေရိကန် သမ္မတ အိမ်ဖြူတော် ပြောခွင့်ရသူ ဂျေး ကာနေး (Jay Carney) က တုံ့ပြန်ပါတယ်။
ကုလသမဂ္ဂ အတွင်းရေးမှူးချုပ် ဘန်ကီမွန်းကတော့ ကိုရီးယားကျွန်းဆွယ် တင်းမာမှုဟာ အတော့်ကို အန္တရာယ် ကြီးမား လာတဲ့ အခြေအနေကို ရောက်နေပြီလို့ သူ့ရဲ့ စိုးရိမ်ချက်ကို ထုတ်ပြောပါတယ်။
ပစိဖိတ်ဒေသက အမေရိကန် တပ်ဖွဲ့တွေကို ကြီးကြပ်ရတဲ့ ရေတပ်ဗိုလ်ချုပ်ကြီး စမ်မျူရယ် လော့ခ်လား (Samuel Locklear) ကတော့ မြောက်ကိုရီးယားဘက်က စစ်ရေး ရန်စမှု လုပ်လာရင်တော့ ပြန်လည် တုံ့ပြန်ဖို့အတွက် အမေရိကန် တပ်တွေနဲ့ တောင်ကိုရီးယားတပ်တွေ အဆင်သင့်ရှိတယ်လို့ ပြောပါတယ်။
မြောက်ကိုရီးယားဟာ မကြာခင်ရက်ပိုင်းအတွင်း ဒုံးကျည်စမ်းသပ်မှု လုပ်လာမယ့်ပုံ ရှိတယ်လို့ အစိုးရတာဝန် ရှိတွေ ပြောတာကို ကိုးကားပြီး တောင်ကိုရီးယား သတင်းတွေမှာတော့ ဖော်ပြနေပါတယ်။
Ref: ဗွီအိုအေ
Read More...
Collapse...
ခင်ဦးသာ
April 9, 2013
ရခိုင်ပြည်နယ်မှ တရုတ်နိုင်ငံသို့ ဆက်သွယ်မည့် ရွှေ သဘာဝဓာတ်ငွေ့ ပိုက်လိုင်း ဖြတ်သန်းရာ လမ်းကြောင်း၌ ပါဝင်သည့် ရှမ်းပြည်နယ်အတွင်းရှိ မြို့နယ်တချို့တွင် ပိုက်လိုင်းထဲသို့ ရေ စမ်းသပ်လွှတ်ရာမှ ပိုက်လိုင်း ကျိုးပေါက် ပွင့်ထွက်မှုများ ဖြစ်ပွားခဲ့ကြောင်း သိရသည်။
“ပိုက်လိုင်းသန့်ရှင်းရေး လုပ်တဲ့အနေနဲ့ ရေ စမ်းလွှတ်တာက ပေါက်ကွဲမှု ဖြစ်တယ်၊ စုစုပေါင်း ၄ ကြိမ် ဖြစ်ဖူးတယ်။ ဂက်စ်တောင် မပို့လွှတ်ရသေးဘူး၊ ဒီလို ဖြစ်နေတော့ ဒေသခံတွေက တအား စိုးရိမ်ကြောက် လန့်မှုတွေ ဖြစ်နေကြတယ်” ဟု တအာင်း ကျောင်းသားနှင့် လူငယ်များအဖွဲ့ချုပ်မှ သတင်းနှင့် လူ့အခွင့်အရေး မှတ်တမ်း တာဝန်ခံ မိုင်းအိုက်မွန်းက ဧရာဝတီသို့ ပြောသည်။
ဓာတ်ငွေ့ပိုက်လိုင်းသည် ခိုင်ခန့်မှု မရှိခြင်း၊ စနစ်တကျ မြှုပ်နှံမှု မရှိခြင်းတို့ကြောင့် စမ်းသပ်စဉ် ကာလ၌ပင် ကျိုးပေါက် ပွင့်ထွက်မှု ဖြစ်နေကြောင်း၊ နမ္မတူ၊ နမ့်ခမ်း၊ ကျောက်မဲ စသည့် မြို့နယ်တို့၌ ပြီးခဲ့ သည့် ဖေဖော်ဝါရီလနှင့် မတ်လတွင် ၂ ကြိမ်၊ ၂၀၁၂ ခုနှစ် နှောင်းပိုင်းတွင် ၂ ကြိမ် ကျိုးပေါက် ပွင့်ထွက်မှု ဖြစ်ပွားခဲ့ကြောင်း သိရသည်။ ပိုက်လိုင်းသည် ရှမ်းပြည်နယ် မြောက်ပိုင်းရှိ နမ့်ခမ်း၊ နမ္မတူ၊ သီပေါ၊ မန်တုံ၊ နောင်ချို၊ ကျောက်မဲ စသည့်မြို့နယ်များကို ဖြတ်၍ တရုတ်နိုင်ငံ၊ ယူနန်ပြည်နယ်၌ အဆုံးသတ်မည် ဖြစ်သည်။
ရွှေ သဘာဝ ဓာတ်ငွေ့ပိုက်လိုင်းသည် ရခိုင်ပြည်နယ်၊ ကျောက်ဖြူဒေသ၌ တည်ဆောက်နေပြီး သဘာဓာတ်ငွေ့များကို လာမည့် မေလမှစတင်၍ တရုတ်နိုင်ငံသို့ ပို့လွှတ်တော့မည်ဟု ဂက်စ်ပိုက်လိုင်း စီမံကိန်းကို ဦးဆောင် တည်ဆောက်နေသည့် တရုတ်အမျိုးသား ရေနံကော်ပိုရေးရှင်း (China National Petroleum Corporation – CNPC) ကုမ္ပဏီမှ ပြောဆိုထားသည်။
ရှမ်းပြည်နယ် အတွင်းမှ ဒေသခံပြည်သူများသည် ဓာတ်ငွေ့ပိုက်လိုင်းနှင့် ပတ်သက်၍ ပထမပိုင်းတွင် သတိမထား မသိရှိခဲ့ကြသော်လည်း ယခုအခါ အသိအမြင် ရှိလာကြသည့်အတွက် စိုးရိမ်မှုများ တိုးပွား လာနေကြောင်း၊ ဓာတ်ငွေ့ပိုက်လိုင်း ဖြတ်သန်းမည့် ကိစ္စကိုလည်း လုံးဝ အလို မရှိကြောင်း မိုင်းအိုက်မွန်းက ဆက်ပြောသည်။
ရှမ်းပြည်မြောက်ပိုင်း ရှမ်းတောင်သူ လယ်သမားများ ကော်မတီအဖွဲ့မှ သီပေါဒေသခံ ဦးစိုင်းဆန်အေးက “ကျနော်တို့က ရေနံပိုက်လိုင်းကို လယ်ယာမြေတွေအောက်မှ မြှုပ်တော့ စိုက်ပျိုးရေးအတွက် ထိခိုက် လာမှာကို စိုးရိမ်တယ်။ ပြီးတော့ ဓာတ်ငွေ့ပိုက်လိုင်းက ပေါက်ကွဲရင် အားလုံး ဒုက္ခရောက်နိုင်တာပေါ့” ဟု ပြောသည်။
တောင်းသူ လယ်သမားများကို မြေယာပေါ်တွင် ဖြတ်သန်းခ ပေးထားသော်လည်း တမြို့နှင့်တမြို့ ဈေးနှုန်း မတူကြောင်း၊ နမ့်ခမ်းမြို့မှ လယ်သမားများရရှိသည့် လယ်ယာမြေ ဈေးနှုန်းသည် ကျန်မြို့များထက် များစွာရရှိနေကြောင်း သိရသည်။
“ကျနော်တို့ကို လယ်ယာပေါ် ဖြတ်သန်းတဲ့အတွက် လျော်ကြေးငွေ ပေးပါတယ်။ ဒါပေမယ့် နောက်ပိုင်း ဖြစ်လာမယ့် ပိုက်လိုင်းအန္တရာယ်တွေ ပိုက်လိုင်းပြဿနာတွေကို ဘယ်သူတွေက တာဝန်ယူမယ်ဆိုတာ မသိဘူး။ အစိုးရ တာဝန်ယူမလား၊ ကုမ္ပဏီက တာဝန်ယူမှာလား” ဟု ဦးစိုင်းဆန်အေးက ဆိုသည်။
သီပေါ မြို့နယ် လွှတ်တော် ကိုယ်စားလှယ် ဦးရဲထွန်းကမူ “ပိုက်လိုင်း လျော်ကြေးအတွက် ဒေသခံတောင်သူများ မကျေနပ်စရာ မရှိပါဘူး။ အခုနောက်ပိုင်းမှ ဖြစ်လာတာ။ အစကဆိုရင် လျော်ကြေးငွေရ တဲ့အတွက် ဘာမှမပြောဘူး” ဟု ဧရာဝတီသို့ ပြောသည်။
ပိုက်လိုင်းကိစ္စနှင့် ပတ်သက်ပြီး ပြည်သူလူထုများ သိသင့်သည့် ကိစ္စများကို သက်ဆိုင်ရာ မြို့နယ်အုပ်ချုပ်ရေးမှူး၊ ကုမ္ပဏီများနှင့် ဆက်သွယ်ပြီး ဆောင်ရွက်ပေးခဲ့ကြောင်း၊ သီးနှံလျော်ကြေးများ ပေးရာတွင် လယ်သမားများ အတွက် ကာလပေါက်ဈေးအတိုင်း လယ်သမားများနှင့် တိုင်းကာ လျော်ကြေး ပေးခဲ့ကြောင်း၊ တခါမှ မကြားဖူးသော လျော်ကြေးရသည့် အတွက် လယ်သမားများ ကျေနပ်ခဲ့ကြောင်း၊ အန္တရာယ် မဖြစ်အောင်လည်း အဆင့်အဆင့် လုပ်ထားသည်ကို တွေ့ရကြောင်း၊ ပိုက်လိုင်းကို မဖြတ်သန်းဖို့ ဆိုလျှင် တိုင်းပြည်၏ စီးပွားရေးကို ထိခိုက်နိုင်ကြောင်း၊ ပြည်ပ ရင်းနှီးမြှုပ်နှံမှု မလာရဲအောင်လုပ်ပါက အားမပေးခြင်ကြောင်း ဦးရဲထွန်းက ဆိုသည်။
ရွှေ သဘာဝဓာတ်ငွေ့ ပိုက်လိုင်းဖြတ်သန်းရာ ရှမ်းပြည်နယ်အတွင်းရှိ ဒေသခံပြည်သူများ၏ ပိုက်လိုင်း အပေါ် စိုးရိမ်မှုများ၊ လယ်ယာမြေ ဆုံးရှုံးသွားသည့် တောင်သူများ၊ ပိုက်လိုင်းစီမံကိန်းတွင် လုပ်ကိုင်နေ သည့် အလုပ်သမားများ ခေါင်းပုံဖြတ်ခံရခြင်း၊ လူ့အခွင့်အရေး ချိုးဖောက်ခံရခြင်း၊ ဒေသခံ အမျိုးသမီးများသည် ပိုက်လိုင်း လုံခြုံရေး တာဝန်ယူထားသည့် စစ်သားများ၏ အဓမ္မပြုကျင့်ခံရခြင်း စသည့် ကိစ္စများနှင့် ပတ်သက်၍လည်း သတင်းစာ ရှင်းလင်းပွဲ တရပ်ကို ရန်ကုန်မြို့ တော်ဝင်နှင်းဆီ ခန်းမ၌ တအာင်း ကျောင်းသားနှင့် လူငယ်များ အဖွဲ့ချုပ်က ယနေ့တွင် ကျင်းပသည်။
“ပိုက်လိုင်း လုံခြုံရေး အကြောင်းပြပြီးတော့ တပ်ရင်းတွေ တိုးချလာတယ်။ ဒီစစ်သားတွေက အမျိုးသမီးတွေကို လိင်ပိုင်းဆိုင်ရာ အဓမ္မမှုတွေ လုပ်လာတယ်။ ဒေသခံတွေကို လမ်းပြဖို့ အဓမ္မ ခေါ်တာတွေ၊ လုပ်အားပေးစေခိုင်းတဲ့ လုပ်ဆောင်မှုတွေ ကြုံနေရတယ်” ဟု မိုင်းအိုက်မွန်းက ဆိုသည်။
ရှမ်းပြည်သူများ၏ နစ်နာဆုံးရှုံးမှုရှိခြင်း၊ ပိုက်လိုင်း လုံခြုံမှုမရှိခြင်း၊ လူ့အခွင့်အရေးချိုး ဖောက်ခံရမှုများနှင့် ပတ်သက်၍လည်း ထို ပိုက်လိုင်းအား ရှမ်းဒေသခံများက ဆန့်ကျင်ကြောင်း ရှမ်းလူမှု အဖွဲ့အစည်း အများက ထိုင်းနိုင်ငံ၊ ချင်းမိုင်မြို့ ၌ ပြီးခဲ့သည့် သီတင်းပတ်တွင် သတင်းစာ ရှင်းလင်းပွဲ ပြုလုပ်ခဲ့ကြောင်း၊ ရှမ်းပြည်သူများ၏ အခက်အခဲများကို အစီရင်ခံစာတစောင် ရေးသား၍ ချင်းမိုင်အခြေစိုက် တရုတ်ကောင်စစ်ဝန်ရုံးသို့ ပေးပို့ခဲ့ကြောင်း သိရသည်။
ဂက်စ်ပိုက်လိုင်း စတင်ရာ ရခိုင်ပြည်နယ်၊ ကျောက်ဖြူ ဒေသ၌လည်း ပိုက်လိုင်းအပေါ် စိုးရိမ်မကင်း ဖြစ်နေရကြောင်း၊ ဂက်စ် ပိုက်လိုင်းအား တချို့နေရာတွင် မြေကြီးထဲ၌ ၃ ပေမှ ၅ ပေခန့်သာ မြှုပ်နှံထားပြီး၊ တချို့နေရာ၌ မြေမြှုပ်ခြင်း မရှိ၍ ဂက်စ် ယိုစိမ့်မှု၊ ပေါက်ကွဲမှု ဖြစ်လာမည်ကို စိုးရိမ်နေကြကြောင်း ဒေသခံများက ပြောသည်။ နိုင်ငံအများစု၌ ဂက်စ်ပိုက်လိုင်းကို ၁၀ ပေမှ ၁၅ ပေအနက်ရှိ မြေထဲ တွင် မြှုပ်နှံ ရကြောင်း သိရသည်။
“ပိုက်လိုင်းကို နိုင်ငံတကာအဆင့်မီ ခိုင်ခံ့မှုမျိုးနဲ့ တည်ဆောက်တာလား၊ ကျမတို့ မသိပါဘူး။ ပြီးတော့ ပိုက်လိုင်း ဖြတ်သန်းရာ ဒေသတွေမှာ အခုဆိုရင် ငြိမ်းချမ်းမှု မရှိပါဘူး။ အကြောင်း တခုခုကြောင့် မတော်တဆ ဖြစ်ရပ်တွေ ရှိခဲ့ရင် ဘယ်လို တာဝန်ယူပေးမလဲ ဆိုတာလည်း ကျမတို့ မသိရပါဘူး။ ပိုက်လိုင်းရဲ့ ခိုင်ခံ့မှုကို ကျမတို့ ဒေသခံတွေသိဖို့ လိုအပ်ပါတယ်” ဟု တအာင်းကျောင်းသား လူငယ် အဖွဲ့မှ လွေးလွယ်က ပြောသည်။
ကျောက်ဖြူ ဒေသအတွင်းရှိ ဒေသခံများ၏ လယ်ယာမြေ၊ နွားစားကျက်မြေ၊ ဥယာဉ်ခြံမြေ စသည့် မြေဧက ထောင်ပေါင်းများစွာ အဓမ္မ သိမ်းယူခံထားရပြီး ဒေသတွင်း လမ်းအများအပြားမှာလည်း ပျက်စီးသွား သည့် အတွက် လမ်းပန်းဆက်သွယ်ရေး ခက်ခဲမှုများနှင့် ရင်ဆိုင်နေရကြောင်း ဒေသခံများက ပြောသည်။
သိမ်းဆည်းခံ လယ်မြေများကို တန်ရာတန်ကြေး လျော်ကြေးပေးဆောင်ရန်၊ ပျက်စီးသွားသည့် ကျေးရွာလမ်းများ ပြုပြင်ပေးရန်၊ စီမံကိန်း ဧရိယာတ၀ိုက်ရှိ ကျေးရွာများ မီလင်းရေး ဆောင်ရွက်ပေးရန်၊ လုပ်ငန်း ခွင်များ၌ ဒေသခံများအား အလုပ်အကိုင် အခွင့်အလမ်းများပေးရန် စသည့် အချက် ၉ ချက်ကို ဧပြီလ ၁၁ ရက်နေ့တွင် ဆန္ဒထုတ်ဖော်ရန် ပြည်နယ် အစိုးရသို့ တင်ပြထားကြောင်း အလုပ်သမားအရေး ဦးဆောင်ပေးနေသူ မဒေးကျွန်း ဒေသခံ ကိုထွန်းကြည်က ပြောသည်။
ဓာတ်ငွေ့ပိုက်လိုင်းသည် ရခိုင်ပြည်နယ်မှတဆင့် မကွေးတိုင်း၊ မန္တလေးတိုင်း၊ ရှမ်းပြည်နယ် တို့ကို ဖြတ်သန်း၍ တရုတ်နိုင်ငံ ယူနန်ပြည်နယ်၌ အဆုံးသတ်မည်ဖြစ်သည်။
မြန်မာအစိုးရမှ တရုတ်အစိုးရသို့ အနှစ် ၃၀ ဓါတ်ငွေ့ ရောင်းချမှုအတွက် ခန့်မှန်းခြေ အမေရိကန်ဒေါ်လာ ၂၉ ဘီလီယံ ရရှိကြောင်းသိရသည်။
ဧရာဝတီ သတင်းထောက် ခင်ဦးသာ၊ နန်းဆိုင်နွမ်နှင့် နန်းသိရီလွင်တို့ ပူးပေါင်း ရေးသားသည်။
Ref: ဧရာဝတီ
Read More...
Collapse...
ထက်နိုင်ဇော်
April 9, 2013
၂၀၁၅ ခုနှစ် ပါတီစုံ အထွေထွေ ရွှေးကောက်ပွဲ တွင် ပြည်သူလူထု၏ ထောက်ခံမဲ ရရှိမှုပေါ် မူတည်ပြီး လွှတ်တော် ကိုယ်စားလှယ် အချိုးကျ ရရှိသည့်စနစ်(Propotional Representative) ကျင့်သုံးရေး ကြိုးပမ်းမှုအပေါ် နိုင်ငံရေးပါတီများ အကြား သဘောထားကွဲလွဲနေကြောင်း သိရှိရသည်။
အမျိုးသားဒီမိုကရေစီအင်အားစုပါတီနှင့် တိုင်းရင်းသားစည်းလုံးညီညွတ်ရေးပါတီတို့က လာမည့် ၂၀၁၅ ခုနှစ် ရွေးကောက် ပွဲတွင် လက်ရှိကျင့်သုံးနေသည့် မဲအများဆုံးရရှိသူက အနိုင်ရသည့်စနစ် အစား ပြည်သူ လူထု၏ ထောက် ခံသော မဲအရေအတွက် အပေါ်မူတည်ပြီး လွှတ်တော်ကိုယ်စားလှယ်အချိုးကျ ရရှိသည့်စနစ်(Proportional Representative) ပြောင်းလဲ ကျင့်သုံးရန် ပြည်ထောင်စုရွေးကောက်ပွဲကော် မရှင်ထံ တင်ပြချက်အပေါ် နိုင်ငံရေး ပါတီအချို့ကန့်ကွက်လျက်ရှိပြီး အချို့နိုင်ငံရေးပါတီများ ထောက်ခံကြခြင်းဖြင့် သဘောထား ကွဲလွဲမှုများ သိသိသာသာ ဖြစ်ပေါ်လျက်ရှိကြောင်း သိရှိရသည်။
မဲအချိုးကျ ကိုယ်စားပြု (Proportional Representative) စနစ်မှာ မဲဆန္ဒနယ် တခုတွင် မဲအများဆုံးရရှိသူက အနိုင်ရရှိသည့်ပုံစံမဟုတ်ဘဲ ထောက်ခံမဲ မဲအချိုးကျပေါ်မူတည်ပြီး လွှတ်တော်ကိုယ်စားလှယ် ရရှိသည့်ပုံစံဖြစ်သည်။
နေပြည်တော်တွင် မတ်လ ၈ ရက်နေ့က ပြည်ထောင်စု ရွှေးကောက်ပွဲကော်မရှင်နှင့် နိုင်ငံရေးပါတီများ ၂၀၁၅ ခုနှစ် ရွေးကောက်ပွဲကျင်းပရေး ကိစ္စ တွေ့ဆုံခဲ့ကြရာ နိုင်ငံရေးပါတီ ၅၃ ခု တက်ရောက်ခဲ့ပြီး မဲအချိုးကျ ကိုယ်စားပြုစနစ် (Propotional Representative) ကျင့်သုံးရန် တင်ပြထောက်ခံသောနိုင်ငံရေးပါတီ ၇ ခု၊ ကန့်ကွက်သောနိုင်ငံရေးပါတီ ၅ ခုရှိခဲ့ပြီးအချိန်ယူ၍ ဆောင်ရွက်သင့်သည်ဟု စဉ်စားပါတီ ၄ ခုရှိခဲ့ကြောင်း၊ နိုင်ငံရေးပါတီအများစုမှာ ၀င်ရောက်ဆွေးနွေးခြင်း မရှိ ခဲ့ကြောင်းသိရှိရသည်။
PR စနစ်ကျင့်သုံးရန်တင်ပြထောက်ခံသည် နိုင်ငံရေးပါတီ ၇ ခုတွင် တိုင်းရင်းသား စည်းလုံးညီညွတ်ရေးပါတီ ၊ ဒီမိုကရက် တစ်ပါတီ (မြန်မာ) ၊အမျိုးသား ဒီမိုကရေစီ အင်အားစု ပါတီ၊ ဒီမိုကရေစီနှင့် ငြိမ်းချမ်းရေး ပါတီ တို့ ပါဝင်ကြောင်း၊ အမျိုးသားဒီမိုကရေစီအဖွဲ့ချုပ်၊ တိုင်းရင်းသားပါတီအချို့အပါအ၀င် နိုင်ငံရေးပါတီ ၅ ခုကမူ PR စနစ်ကြောင့် ဆိုးကျိုး များရှိလိမ့်မည်ဟု ဆိုကာ ကန့်ကွက်ဆွေးနွေးခဲ့ကြသည်ဟု သိရှိ ရသည်။
PR စနစ်ကို ထောက်ခံသော အမျိုးသားဒီမိုကရေစီအင်အားစုပါတီမှ အတွင်းရေးမှူး ၁ ဦးကြည်သန်းက “အခု လုပ်နေတဲ့ နိုင်သူ အကုန်ယူ စနစ်အရ ဆိုရင် မဲဆန္ဒရှင် အားလုံးရဲ့ဆန္ဒကို လွှတ်တော်မှာ ကိုယ်စားပြုပြီး ပြောမယ့် ဆိုမယ့် သူ မရဘူးပေါ့ဗျာ။ ပြည်သူ့ဆန္ဒမဲရာခိုင်နှုန်းမှာ နိုင်ငံရေးပါတီတခုက ၅၁ ရာခိုင်နှုန်းရပြီး အခြားနိုင်ငံရေး ပါတီတခုက ၄၉ ရာခိုင်နှုန်းရလို့ ၅၁ ရာခိုင်နှုန်း ရတဲ့သူက နိုင်သွားလို့ ရှိရင် ၄၉ ရာခိုင်နှုန်းမဲတွေရထားသူက ဘာမှလုပ်လို့ မရတော့ဘူးလေ။ အဲဒါကြောင့် ပြောရေးဆိုခွင့် ရအောင် ရတဲ့ မဲအချိုးပေါ်မှာ မူတည်ပြီးတော့ ရတဲ့ မဲနဲ့ လွှတ်တော် ထဲရောက်သွားရင်ပြောရေး ဆို ခွင့်ရှိ အောင် တင်ပြတာပါ”ဟု ရှင်းပြသည်။
၁၉၉၀ ပြည့်နှစ်ရွေးကောက်ပွဲ အမျိုးသားဒီမိုကရေစီအဖွဲ့ချုပ်က မဲဆန္ဒနယ်အားလုံးနီးပါး အနိုင်ရခဲ့သော်လည်း စစ်အာဏာရှင်စနစ်၏ အသိအမှတ်မပြုခဲ့သောကြောင့် အနိုင်ရရှိမှု အလကားဖြစ်ခဲ့ရကြောင်း၊ PR စနစ် ကျင့်သုံးမည် ဆိုပါက ပါတီတခုတည်းက ရွေးကောက်ပွဲတွင် အနိုင်ရရှိမှုမျိုးရှိတော့မည်မဟုတ်ဟု ဦးကြည်သန်းက ဆက်လက်ပြောသည်။
”၁၉၉၀ ရွှေးကောက်ပွဲမှာ ဆိုရင် ပါတီတစ်ခုကအကုန်နိုင်တယ်ဗျာ။ အဲဒီရွေးကောက်ပွဲ ရလဒ် အဟောသိ ကံ ဖြစ်သွားရတယ်။ အဲဒါမျိုး နောင်မဖြစ်ရအောင် ရည်ရွယ်တာပါ”ဟု ဦးကြည်သန်းက ဆိုသည်။
တိုင်းရင်းသားစည်းလုံးညီညွတ်ရေးပါတီကလည်း PR စနစ်ကို ကျင့်သုံးရန် ကြိုးပမ်းရခြင်းမှာ ပြည်သူများ ၏ ထောက်ခံဆန္ဒမဲအားလုံး အကျိုးရှိ စေရန် ရည်ရွယ်တင်ပြထားခြင်း ဖြစ်ကြောင်း တိုင်းရင်းသားစည်း လုံးညီညွတ်ရေး ပါတီ၏ ရန်ကုန်တိုင်း ဒေသကြီးအနောက်ပိုင်းခရိုင် ဥက္ကဋ္ဌ ဦးခင်စိုးက ဧရာဝတီသို့ ပြောသည်။
PR စနစ်ကို ကန့်ကွက်သော အမျိုသားဒီမိုကရေစီအဖွဲ့ချုပ်မှ ပုသိမ်မြို့နယ်လွှတ်တော်ကိုယ်စားလှယ်ဦးဝင်းမြင့်က ”ဒီ PR စနစ်ကို ကျင့်သုံးမယ် ဆိုရင် လူမျိုးစွဲ၊ ၀ါဒစွဲ၊ အစွန်းရောက် ပါတီတွေက အချိုးကျ စနစ်နဲ့ မဲရလာနိုင်တယ်။ အဲဒီလိုဖြစ် လာရင် တိုင်းပြည်ရဲ့ကံကြမ္မာ စိုးရိမ်ရတဲ့ အခြေအနေ ရောက်သွားလိမ့်မယ်။ ဂျာမနီနိုင်ငံမှာ PR စနစ်ကျင့်သုံးခဲ့လို့ နာဇီတွေ နေရာရလာပြီး အာဏာရှင် ဟစ်တလာ တက်လာတာကိုကျနော် ဥပမာပေး ထောက်ပြခဲ့တယ်။ ဂျာမန် ဒီမိုကရေစီ ပျက်စီးရခြင်းဟာ PR စနစ်ကြောင့်လို့ ပြောစမှတ်တွင်သွားတယ်။အခုဒီက ဒီမိုကရေစီစနစ်က အပင်ပေါက်လေး ပဲရှိသေး တယ်။ သင်းသတ်တဲ့ ပုံစံမျိုး တော့ အဖြစ်မခံနိုင်ဘူး”ဟု ပြောသည်။
အာဏာရ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ဒုတိယဥက္ကဋ္ဌလည်းဖြစ် ဟင်္သတမြို့နယ်ပြည်သူ့လွှတ်တော် ကိုယ်စားလှယ် လည်းဖြစ်သူ ဦးဌေးဦးကမူ ရွေးကောက်ပွဲတွင် မည်သို့သော မဲပေးစနစ် အသုံးပြုစေကာမူ ပြည်သူလူထု နားလည်လွယ်သော စနစ်ဖြစ်ရေးသည်သာ အဓိကဖြစ်ကြောင်း၊ ၂၀၁၅ ရွေးကောက်ပွဲတွင် PR စနစ် အသုံးပြုရေး မဖြစ်နိုင်သေးကြောင်း ဧရာဝတီသို့ ပြောဆိုသည်။
”အဓိက က မဲထည့်မယ့် ပြည်သူတွေ အဆင်ပြေဖို့လိုတယ်။ မဲပေးသူတွေ ရှင်းရှင်းလင်းလင်း သဘောမပေါက်ဘူးဆိုရင် သူတို့ပေးချင်တဲ့သူကို ပေးနိုင်မှာ မဟုတ်ဘူး။ အခု အမှား အမှန်ခြစ်တဲ့ ကိစ္စမှာတောင် လူတွေ ဒီလောက် ဇဝေဇ၀ါ ဖြစ်နေတာ။ PR စနစ် ဆိုရင် လည်း ပြည်သူတွေ လိုက်ပါလာနိုင်ဖို့ လိုတာပေါ့။ ပြည်သူတွေ နားလည်မှ ဒီစနစ် အောင်မြင် လိမ့်မယ်”ဟု ဦးဌေးဦးက သုံးသပ်သည်။
တိုင်းရင်းသားနိုင်ငံရေးပါတီများကမူ ရွေးကောက်ပွဲတွင် PR စနစ် အသုံးပြုရေး စောလွန်းနေသေးပြီး အခက်အခဲများစွာ ရှိလိမ့်မည်ဟု ဆိုကြသည်။
”တိုင်းရင်းသား ဒေသမှာဆိုရင် စာတတ်မှုနှုန်းက တော်တော်နည်းတယ်။ Voter Education တွေအများကြီးလုပ်ရဦးမယ်။ PR စနစ် ကောင်းတာ မကောင်းတာထက် လူထုရဲ့ ပညာရေး ရေချိန်ပေါ်မှာ မူတည်ပြီးတော့ အချိန်ယူ တည်ဆောက်ရမယ်လို့မြင်တယ်”ဟု ချင်းအမျိုးသားပါတီ အထွေထွေအတွင်းရေးမှူး ဦးဆလိုင်းဒေးဗစ် ထွန်းက ပြောသည်။
ရှမ်းအမျိုးသားဒီမိုကရေစီအဖွဲ့ချုပ်ဥက္ကဋ္ဌ ဦးခွန်ထွန်းဦးက PR စနစ်ထက် ၂၀၀၈ ခုနှစ်ဖွဲ့စည်းပုံအခြေခံဥပဒေပြင်ဆင်ရေးကို အလေးပေးပြောလိုကြောင်း ပြောဆိုသည်။
”အခြေခံ ဥပဒေပြင်ပေးပါ။ တိုင်းရင်းသားပြသနာ အရင်ရှင်းပါ။ ပြီးမှရွေးကောက်ပွဲကို တရားမျှတအောင် လုပ်ပါ။ ကျနော်ကတော့ နိုင်ငံရေးနည်းကိုပဲ ပြောချင်တယ်”ဟု ဦးခွန်ထွန်းဦးက သုံးသပ်သည်။
PR စနစ်ကြောင့် အစွန်းရောက်လူနည်းစုများ ပါတီထောင်ပြီး နိုင်ငံရေးတွင် ပါဝင်ခြေရှုပ်လာမည်ကို စိုးရိမ်သည့်အတွက် ကန့်ကွက်ကြောင်း ရခိုင်တိုင်းရင်းသားတိုးတက်ရေးပါတီဥက္ကဋ္ဌလည်းဖြစ် အမျိုးသား လွှတ်တော်ကိုယ်စား လှယ်လည်း ဖြစ်သူ ဒေါက်တာအေးမောင်က ပြောသည်။
”ကျနော်တို့က PR စနစ်ကို လက်မခံဘူး။ ဒုတိယအင်အားကြီး ပါတီဝင်မှာကြောက်လို့။ ပြီးတော့ အစွန်းရောက်တွေလည်း ပါတီထောင်လာနိုင်တယ်။ ရွေးကောက်ပွဲမှာ ရှုံးပေမယ့် လည်း အချောင်ရတဲ့ ပါတီခေါင်းဆောင်တွေ ပါလာနိုင်တယ်။သူတို့ ၂၀၁၀ ရွေးကောက်ပွဲမှာ ရှုံး ခဲ့ပြီး၂၀၁၅ မှာ ရှုံး နိုင်တဲ့ အတွေးလေးဝင်တာနဲ့ အခုလို ပုံစံပြောင်း ချင်တာ”ဟု ဒေါက်တာ အေးမောင်က ပြောသည်။
ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးတင်အေးကမူ ၂၀၁၅ ခုနှစ်ရွေးကောက်ပွဲတွင် PR စနစ် အသုံးပြုရေး လာမည့် ဇွန်လတွင် ကျင်းပမည့် ပြည်ထောင်စုလွှတ်တော်အစည်းအဝေးသို့ တင်ပြကာ အဆုံးအဖြတ် ရယူ မည်ဖြစ်ကြောင်း၊ ၂၀၁၅ ရွေးကောက်ပွဲကို သန့်ရှင်းမျှတသော ရွေးကောက်ပွဲဖြစ်စေရေး ဆောင်ရွက်ပေး သွားမည်ဖြစ်ကြောင်း ကတိပြုပြောဆိုခဲ့သည်။
Ref: ဧရာဝတီ
Read More...
Collapse...
လဝီဝမ်
April 9, 2013
ပြီးခဲ့သောအပတ် သောကြာနေ့ ဧပြီလ ၆ ရက်နေ့တွင် ပြုလုပ်ရမည့် မြန်မာအစိုးရနှင့် ကချင်လက်နက်ကိုင်တပ်ဖွဲ့များ၏ အပစ်အခတ် ရပ်စဲရေးဆွေးနွေးပွဲကို ရွှေ့ဆိုင်းလိုက်ရခြင်းမှာ တရုတ်နိုင်ငံက ကန့်ကွက်သောကြောင့်ဟု ကချင်အရပ်ဖက် အဖွဲ့အစည်းများက ဝေဖန်ပြောဆိုခဲ့ကြသည်။
အနောက်နိုင်ငံများမှ လေ့လာသူများ တက်ရောက်လာမည်ကို တရုတ်နိုင်ငံက လက်မခံခြင်းကြောင့်ဖြစ်သည်ဟု ၎င်းတို့ကဆိုသော်လည်း ရန်ကုန်မြို့ရှိ တရုပ်နိုင်ငံသံရုံးကမူ ဆွေးနွေးပွဲရွှေ့ဆိုင်းရခြင်းသည် ထိုအချက်ကြောင့်မဟုတ် ဟု ငြင်းဆိုခဲ့သည်။
အစိုးရဘက်မှ ငြိမ်းချမ်းရေးဖော်ဆောင်ရေးအဖွဲ့ နှင့် ကချင်လွတ်မြောက်ရေးအဖွဲ့ (KIO) တို့ ကချင်ပြည်နယ်၏ မြို့တော် မြစ်ကြီးနားတွင် တွေ့ဆုံဆွေးနွေးရန် စီစဉ်ထားခဲ့သော်လည်း ရက်အနည်းအငယ်မျှ အလိုတွင် ယခုကဲ့ သို့ ရွှေ့ဆိုင်းလိုက်ခြင်း ဖြစ်သည်။
ရက်ရွှေ့ဆိုင်းရန်အတွက် ကချင်ဘက်မှစတင်တောင်းဆိုခဲ့ခြင်းဖြစ်ကြောင်း အစိုးရကတည်ထောင်ထားသည့် မြန်မာ့ ငြိမ်းချမ်းရေးစင်တာ (Myanmar Peace Center) မှ အကျိုးဆောင်တဦးဖြစ်သူ ဦးလှမောင်ရွှေက ဧရာဝတီသို့ ပြော သည်။
“ကျနော်တို့ဘက်ကတော့ ဆွေးနွေးဖို့ အဆင်သင့်ပါပဲ။ ဒါပေမယ့် သူတို့ (KIO) က ရက်ရွှေ့ပေးဖို့ တောင်း ဆိုလာတာ ကြောင့် လက်ခံပေးလိုက်တာပါ” ဟု ဆိုသည်။ ဧပြီလ ၁၅ ရက်နေ့တွင်ပြီးဆုံး မည့် မြန်မာ့ရိုးရာ သင်္ကြန်ပွဲတော်လွန်လျှင် တွေ့ဆုံညှိနှိုင်းမှုများ ပြန်လည် ပြုလုပ်သွားမည်ဟု သူက ထပ်လောင်းပြောကြားခဲ့သည်။
သို့သော်လည်း ကချင်ပြည်နယ်တွင်းရှိ အစိုးရမဟုတ်သောအဖွဲ့အစည်း ၁၃ ခု ကမူ ဆွေးနွေးပွဲရက်ရွှေ့ရခြင်းသည့် တရုတ်နိုင်ငံကြောင့်ဖြစ်သည်ဟု စွပ်စွဲပြောဆိုကြသည်။ ကုလသမဂ္ဂ၊ အင်္ဂလန် နှင့် အမေရိကန်ပြည်ထောင် စုမှ လေ့လာသူများ တက်ရောက်ပါက ဆွေးနွေးပွဲအတွက် ထောက်ပံ့ပေးမှုများကို ရပ်ဆိုင်းပစ်မည်ဟု တရုတ်ဘက် က ခြိမ်းချောက်ခဲ့ကြောင်း ၎င်းတို့ကဆိုသည်။ ထိုအဖွဲ့ အစည်းများက ပူးတွဲကျေညာချက်တစောင်ထုတ်ပြန်ခဲ့ရာတွင် မတ်လ ၂၉ ရက်နေ့တွေပြုလုပ်ခဲ့သောဆွေးနွေးပွဲ၌ တရုတ်နှင့် အနောက်နိုင်ငံများမှ လေ့လာသူများ တက်ရောက်ခွင့်ပြု ရန် KIO ဖက်မှ တောင်းဆိုခဲ့ခြင်းအား အစိုးရဖက်မှ ဦးဆောင်ဆွေးနွေးသူဖြစ်သော သမ္မတရုံးဝန်ကြီး ဦးအောင်မင်းက လက်ခံ သဘောတူပြီးဖြစ်ကြောင်း ဖော်ပြထားသည်။
ဦးလှမောင်ရွှေကလည်း နောက်ပိုင်းကျင်းပမည့် ဆွေးနွေးပွဲများသို့ အနောက်နိုင်ငံ များမှ လေ့လာသူများ တက်ရောက်ခွင့် ရမည်ဖြစ်ကြောင်း ဧရာဝတီသို့ မတ်လအတွင်းက ပြုလုပ်ခဲ့ သည့် မေးမြန်းမှုတခု တွင် ပြောကြားခဲ့သည်။
ယခု ပျက်သွားခဲ့သော ဆွေးနွေးပွဲမှာ ဖေဖော်ဝါရီလ ၄ ရက်နှင့် မတ်လ ၈ ရက်တို့တွင် တရုတ်နယ်စပ်မြို့ ရွှေလီမြို့ ၌ကျင်းပခဲ့သော ဆွေးနွေးပွဲ နှစ်ကြိမ်၏ နောက်ဆက်တွဲဖြစ်သည်။ ယင်းဆွေးနွေးပွဲများတွင် မည်သည့် သဘောတူညီ ချက်မျှ မရရှိခဲ့ဘဲ တရုတ်ဘက်မှ လေ့လာသူများသာ တက်ရောက်ခဲ့ကြသည်။
“ ဧပြီ ၆ရက်မှာလုပ်မယ့် ဆွေးနွေးပွဲကို ကုလသမဂ္ဂ၊ အင်္ဂလန် နှင့် အမေရိကန်နိုင်ငံတွေ တက်လာမှာကို တရုတ်က လက်မခံဘူး၊ ခွင့်မပြုဘူး” ဟု ကချင်ပြည်နယ်တွင်းရှိ စစ်ပြေးဒုက္ခသည်များကို ကူညီပေးနေ သည့် အဖွဲ့တခုဖြစ်သည့် Kachin Legal Aid Network မှ အမှုဆောင်ညွှန်ကြားရေးမှုး ဦးမာခါးက ဆိုသည်။ ၎င်း၏ အဖွဲ့သည် ကချင် ငြိမ်းချမ်းရေးကွန်ရက်၊ ကချင်ရှေ့နေများအဖွဲ့၊ ကချင်အမျိုးသမီးငြိမ်းချမ်းရေး အဖွဲ့ စသည်များနှင့် အတူ ပူးတွဲ ကြေညာချက်ထုတ်ရာတွင်ပါဝင်ခဲ့သည်။
“KIO ခေါင်းဆောင်တွေကလည်း တရုတ်နဲ့ မျက်နှာမပျက်ချင်လို့ ဆွေးနွေးပွဲကို ရွှေ့ဆိုင်းလိုက်ရတယ်လို့ ပြောပါတယ်။ ဒါကြောင့်လည်း သူတို့ရဲ့ကိုယ်စားလှယ်တွေ အချိန်မီ ရောက်လာနိုင်မှာ မဟုတ်ဘူးလို့ အကြောင်းပြလိုက်ရတယ်” ဟု တနင်္လာနေ့က ဧရာဝတီမှ တယ်လီဖုန်းနှင့် ဆက်သွယ်မေးမြန်းရာတွင် ပြောကြားသည်။
တရုတ်နိုင်ငံသံရုံးကမူ အနောက်အုပ်စုမှ လေ့လာသူများတက်ရောက်ခြင်းကို တရုတ်မှကန့်ကွက်ခဲ့သည် ဆိုသည့်အချက် ကို ငြင်းပယ်လိုက်ပြီး ၎င်းတို့၏ Face Book စာမျက်နှာတွင် ထိုစွပ်စွဲမှုသည် အခြေအမြစ်မရှိ ဟု ရေးသားဖေါ်ပြခဲ့သည်။
အိမ်နီးချင်း မိတ်ဆွေစစ် မိတ်ဆွေကောင်းများအနေဖြင့် မိမိတို့သည် မြန်မာနိုင်ငံ၏ အချုပ်အခြာအာဏာပိုင်ဆိုင်မှု အပေါ် အပြည့်အ၀ လေးစားပါကြောင်းနှင့် အမျိုးသားညီညွတ်မှုထိန်းသိမ်းရေးနှင့် တိုင်းရင်း သားမျိုးနွယ်စုများ အချင်းချင်း သဟဇာတဖြစ်ရေးအတွက်လည်း ထောက်ခံပေးသွားမည်ဖြစ်ကြောင်း တရုတ်သံရုံးက ထုတ်ပြန်ပြောဆိုခဲ့ သည်။
အနောက်နိုင်ငံများနှင့် မြန်မာအစိုးရကြားတွင် ဆက်ဆံရေး တိုးတက်ကောင်းမွန်စေရန် မြှင့်တင်နေသည့် အချိန် ဖြစ်သည့်အတွက် ၎င်းတို့နိုင်ငံများမှ လေ့လာသူများ တက်ရာက်လာခြင်းသည် ငြိမ်း ချမ်းရေးဆွေးနွေး ပွဲ များကို ပို၍လျှင်မြန် အောင်မြင်စေလိမ့်မည်ဟု ဦးမာခါးကပြောသည်။ သူကထပ်၍ “ ဒါဟာ တရုတ်က သူနဲ့လည်းမဆိုင်ဘဲနဲ့ ကျနော် တို့ရဲ့ အချုပ်အခြာအာဏာကို ထိန်းချုပ်စွက်ဖက် ချင်တဲ့သဘောပဲ” ဟုဆို၏။
ယခင်အပတ်က သမ္မတဦးသိန်းစိန်သည် တရုတ်နိုင်ငံသို့ သုံးရက်ကြာ ခရီးသွားရောက်ခဲ့ပြီး တရုတ်သမ္မတသစ် မစ္စတာ ရှီကျင်ပင်း နှင့်တွေ့ဆုံခဲ့သည်။ ထိုသို့တွေဆုံရာတွင် ကချင်ပဋိပက္ခ နှင့် ပတ်သက် ၍ နှစ်နိုင် ငံခေါင်းဆောင်များ ဆွေးနွေးခဲ့ကြကြောင်း တရုတ်အစိုးရ မီဒီယာများတွင်ဖေါ်ပြထားသည်။ တရုတ်သမ္မတ က မြန်မာ-တရုတ်နယ်စပ် တွင်ဖြစ်ပွားနေသည့် တိုင်းရင်းသားပဋိပက္ခများ ဖြေရှင်းနိုင်ရေး အတွက် ဆက်လက် ကူညီထောက်ပံ့ပေးမည် ဖြစ်ကြောင်း ပြောကြားခဲ့သလို သမ္မတ ဦးသိန်းစိန်ကလည်း ငြိမ်းချမ်းရေးကို ဆက်လက် အကောင်အထည် ဖော်သွားမည်ဟု ပြောဆိုခဲ့သည်။
အစိုးရတပ်ဖွဲ့ နှင့် ကချင်လက်နက်ကိုင်အဖွဲ့များကြား တိုက်ပွဲများ ၂၀၁၁ ခုနှစ်ဇွန်လမှ စတင်ဖြစ်ပွားခဲ့ပြီး ထိုနှစ် ဒီဇင်ဘာလမှ ယခုနှစ် ဖေဖော်ဝါရီလကြားတွင် အရှိန်တိုးမြင့်လာခဲ့၏။ ထိုစစ်ပွဲများ တရုတ်နိုင်ငံ ဘက်သို့ ကူးစက် လာမည်ကို စိုးရိမ်သည့်အတွက် တရုတ်အစိုးရက နယ်စပ်တလျောက်တွင် လုံခြုံရေးတပ်ဖွဲ့များ ချထားခဲ့သည်။
Ref: ဧရာဝတီ
Read More...
Collapse...
ညိမ်းပြည့်စုံ
April 9, 2013
ယခုနှစ် သင်္ကြန်တွင် လူငယ် လူလတ်အများစုက မဏ္ဍပ်ထိုင်ခြင်း၊ ကားဖြင့်လည်ခြင်း၊ အပန်းဖြေ ခရီးထွက်ခြင်း စသည်တို့ကို ပြုလုပ်ရန် အဝတ်အစားနှင့် ငွေကြေးများကို ကြိုတင် စုဆောင်းပြင် ဆင်ထား ကြကြောင်း သိရသည်။
အဝတ်အစားများ ဝယ်ယူစုဆောင်းကြရာတွင် လူတဦးနှင့် တဦး အကြိုက်ချင်း မတူညီမှုများကြောင့် အဝတ်အစား အမျိုးအစား များ၏ ရောင်းအားအခြေအနေများမှာ တူညီမှုများ မရှိကြကြောင်း၊ ၎င်းတို့ အထဲတွင် ပလာဇာများ၌ လျှော့ဈေးဖြင့် ရောင်းသည့် အဝတ်အထည်များနှင့် လမ်းဘေးဈေးသည်များ ရောင်းသော အဝတ်အထည်များ ပိုမိုအရောင်းသွက်လျှက် ရှိသည်။
“တယောက်နဲ့ တယောက်က အကြိုက်ချင်း၊ တွေးပုံချင်း မတူကြဘူး။ တယောက်က ပစ္စည်းအကောင်း၊ အသစ်ဝတ်ပြီး လည်ချင်ပေမယ့် တယောက်က ရေစိုပြီး ပြဲစုတ်မှာဆိုတော့ ကျနော်တို့လို လမ်းဘေး မှာ ရောင်းတဲ့ အဝတ်အစားတွေကိုပဲ ၂ ထောင်၊ ၃ ထောင်ဈေးပေါပေါ ပေးပြီး ဝယ်ဝတ်ကြတာရှိတယ်။ ရောင်းအားကတော့ ကောင်းတယ်လို့ ပြောလို့ရတယ်” ဟု အနော်ရထာ လမ်းမကြီး၏ ဘေးတွင် အဝတ်အထည်များ ရောင်းသူတဦးက ဆိုသည်။
သင်္ကြန်အတွက် အဝတ်အစားများ၊ အလှကုန် ပစ္စည်းများ၊ အသုံးအဆောင် ပစ္စည်းများအား အရောင်းစင်တာများ၊ ဈေးကြီးများတွင် ဈေးနှုန်း လျှော့ချကြသော်လည်း နာမည်ကြီး အဝတ်အထည် အရောင်းဆိုင် တချို့ကမူ ဈေးနှုန်းလျှော့ချ၍ ရောင်းကြသည်မှာ အလွန်နည်းကြောင်း၊ ထို့အပြင် အလှပြင်ခန်းမများတွင်လည်း ဆံပင်အရောင် ဆေးဆိုးခြင်း၊ ဆံပင် အလှပြုပြင်ခြင်းများကို ဈေးနှုန်းလျှော့ချ ထားကြကြောင်း သိရသည်။
“သင်္ကြန်အတွက်ကတော့ ဆံပင်ကို လာကောက်တဲ့လူ၊ လာဖြောင့်တဲ့လူ၊ ကျစ်ဆံမြီး လာကျစ်တဲ့သူ ဆေးလာဆိုးတဲ့သူ အစုံရှိတယ်။ သူ့အကြိုက်နဲ့သူ ကိုယ့်အကြိုက်နဲ့ ကိုယ်ပေါ့။ စီးပွားရေး လုပ်နေ ရတာ ဆိုတော့ ကိုယ့်ဆိုင်ကို လူပိုလာအောင် ဈေးကို အတတ်နိုင်ဆုံး လျှော့ချပြီး လူခေါ်ရတယ်၊ ဒီနှစ် သင်္ကြန်အတွက်ဆိုပြီး ဆံပင်ကို အနီရောင် ဆိုးကြတာများတယ်” ဟု ဗိုလ်အောင်ကျော် လမ်းတွင်ရှိသည့် အလှပြင်ဆိုင်မှ ဆိုင်ရှင် မစန်းက ပြောသည်။
ထိုကဲ့သို့ပင် သင်္ကြန်မဏ္ဍပ် လက်မှတ်များကို မန္တလေးတွင် ဈေးနှုန်းလျှော့ချပြီး အပြိုင်အဆိုင် ရောင်းချနေကြသော်လည်း ရန်ကုန်မြို့တွင်မူ ထိုကဲ့သို့မဟုတ်ဘဲ ထူးခြားသော အစီအစဉ်များ၊ မဏ္ဍပ် တည်ဆောက်ပုံများ၊ ဝန်ဆောင်မှုများ၊ အနုပညာ ရှင်များကို မဏ္ဍပ်တခုနှင့်တခု မတူဘဲ အပြိုင်အဆိုင် ပြုလုပ်ထားကြသဖြင့် လက်မှတ်ဈေးနှုန်း မြင့်မားနေဆဲ ဖြစ်သည်။
မန္တလေးတွင် သင်္ကြန်မဏ္ဍပ် လက်မှတ်အား ကျပ် ၂ သောင်းခွဲ မှ ၃ သောင်းအထိ ဈေးနှုန်းများဖြင့် ရောင်းချကြသော်လည်း ရန်ကုန်မြို့တွင်မူ ကြိုတင်လက်မှတ် အနည်းဆုံး ၃ သောင်းခွဲဖြင့် ရောင်းချပြီး သင်္ကြန်ကျရောက်ပြီဆိုပါက လက်မှတ် တန်ဖိုးမှာ ၄ သောင်းခွဲမှ ၆ သောင်းအထိ မြင့်တက်သွားလျှက်ရှိကြောင်း မဏ္ဍပ်ဖြစ်မြောက်ရေးအဖွဲ့မှ တာဝန်ရှိသူများက ပြောကြသည်။
“ကျနော်တို့ကတော့ ကိုယ့်မဏ္ဍပ်ကို အကောင်းဆုံးဖြစ်အောင် လုပ်တာပဲ။ မဏ္ဍပ်တွေကများတော့ ဝင်တိုးဖို့ခက်တယ်၊ ဒီတော့ ကိုယ့်မဏ္ဍပ်မှာ ထူးခြားတဲ့ အစီအစဉ်တွေထည့်ပြီး လူခေါ်ရတာပေါ့ ဗျာ။ ဈေးနှုန်းတွေကိုတော့ အကြိုနဲ့ အကျ တရက်ချင်းစီကို ၁ သောင်းခွဲ၊ အကြတ်နေ့ကို ၂ သောင်း၊ နောက်ဆုံးနေ့ကို ၃ သောင်းယူတယ်။ ၄ ရက်လုံးဆိုရင်တော့ ၄ သောင်းခွဲ ယူတယ်” ဟု ရန်ကုန်မြို့ ကန်တော်ကြီး ပတ်လမ်းတွင် တည်ဆောက်မည့် Black Culture မဏ္ဍပ်ဖြစ်မြောက်ရေး အဖွဲ့မှ တာဝန်ရှိသူ တဦးက ဆိုသည်။
မဏ္ဍပ်လက်မှတ်များအား ဈေးနှုန်းကြီးမြင့်စွာ ရောင်းချနေကြသော်လည်း လာရောက်ဝယ်ကြသူများ ရှိကြောင်း၊ လာရောက် ဝယ်ကြသူများမှာ လူငယ်၊ လူလတ်များဖြစ်ကြောင်း၊ အများစုက သင်္ကြန်ရက် ၄ ရက်လုံးအတွက် လက်မှတ် ဝယ်ယူကြ ကြောင်း သိရသည်။
“ကျနော်တို့တော့ ကားနဲ့ လည်ရတာကို သိပ်မကြိုက်ဘူး။ ဒီတော့ သူငယ်ချင်းတွေနဲ့ စုပြီး မဏ္ဍပ်ထိုင်တယ်။ မဏ္ဍပ်ထိုင်တာ ၃ နှစ်လောက်တော့ ရှိပြီ။ တနှစ်နဲ့ တနှစ်ကတော့ ဘာမှ ကွာခြားသွားတာ မရှိပါဘူး။ လက်မှတ်ဈေးနှုန်းတွေကလည်း ဒီအတိုင်းပါပဲ။ ဒါပေမယ့် သင်္ကြန်မတိုင်ခင်ထဲက ဝယ်ထားရတာပေါ့။ မဟုတ်ရင် ဈေးနှုန်းတွေက လန်ပျံနေရော” ဟု ယခုနှစ်တွင် မဏ္ဍပ်ထိုင်မည့် ၂၁ နှစ် အရွယ် လမ်းမတော် မြို့နယ်တွင် နေထိုင်သူ ကိုဝေယံက ဆိုသည်။
သင်္ကြန်တွင် မဏ္ဍပ်ထိုင်သည်ဖြစ်စေ၊ ကားဖြင့် လည်သည်ဖြစ်စေ ၄ ရက်စလုံးဆိုပါက အနည်းဆုံး ကျပ် ၁ သိန်းခွဲခန့် ကုန်ကျမည်ဖြစ်သည်။
“မဏ္ဍပ်ထိုင်မယ်ဆိုရင် လက်မှတ်က ၄ ရက်လုံးကို ၄သောင်းခွဲ၊ အဲဒီ ရက်တွေမှာ စားဖို့ သောက်ဖို့က ၁ ရက်ကို ၁ သောင်းက အနည်းဆုံး ကုန်တယ်။ ပြီးရင် မဏ္ဍပ်ကို သွားဖို့က ကားငှားပြီး သွားရတယ်။ အဲဒီအတွက်က တရက်ကို ၁ သောင်း လောက်တော့ ကုန်တယ်။ ကားနဲ့လည်မယ် ဆိုရင်လည်း ဒီလောက်ပါပဲ” ဟု သင်္ဃန်းကျွန်း မြို့နယ်တွင် နေထိုင်သော ကိုကျော်ဇေယျက ပြောသည်။
သင်္ကြန်တွင် အသုံးပြုရန် ကုန်ကျစရိတ်များအတွက်ကို အလုပ်လုပ်ကိုင်နေကြသူများက မိမိတို့ လစာများ စုဆောင်းပြီး သုံးကြမည်ဖြစ်သကဲ့သို့ ကျောင်းသားများကလည်း မိမိတို့ကို မိဘများကပေးသည့် မုန့်ဖိုးများဖြင့် အသုံးပြုကြမည်ဟု လူငယ်များက ဆိုသည်။
ထိုသို့ သုံးဖြုန်းနိုင်သည့် လူငယ်များက ယခုကဲ့သို့ ငွေကြေးများအား ပေါပေါများများဖြင့် သုံးနေကြသော်လည်း ငွေကြေး မတတ်နိုင်သည့် အခြေခံ လူတန်းစားများ၏ သားသမီးများမှာ မဏ္ဍပ်ထိုင်ခြင်း ကားဖြင့် လည်ခြင်းများ မလုပ်နိုင်ဟု သိရသည်။
“သူများတွေလို လည်ချင်တယ်၊ ဒါပေမယ့် တရက်ကို ၄ သောင်းလောက်ကုန်မှာဆိုတော့ တလလုံးအလုပ်လုပ်တဲ့ လစာ လောက် ဖြစ်နေတာ၊ သူများတွေ လုပ်သလို မလုပ်နိုင်ဘူးလေ။ မဏ္ဍပ်တွေဆီကို ဘတ်စ်ကားစီးပြီး သွားတယ်၊ ပြီးရင် ဘတ်စ်ကားစီးပြီး ပြန်လာ။ အဲဒီလိုပဲ လုပ်နိုင်တယ်” ဟု ဒဂုံမြို့သစ်တောင်ပိုင်းတွင် နေထိုင်သော အထည်ချုပ် စက်ရုံ တခုတွင် အလုပ်လုပ်ကိုင်သူ မိန်းကလေး တဦးက ပြောသည်။
Ref: ဧရာဝတီ
Read More...
Collapse...
April 9, 2013
လူမျိုးရေး၊ ဘာသာရေး အဓိကရုဏ်း မဖြစ်စေရေး ရည်ရွယ်ချက်ဖြင့် လှုပ်ရှားခဲ့သော ဘာသာပေါင်းစုံ ငြိမ်းချမ်ရေး လှုပ်ရှားမှုတွင် ပါဝင်သည့် လူငယ်တချို့ကို ဧရာဝတီသတင်းထောက်နန်းသီရိလွင် က တွေ့ ဆုံ မေးမြန်းထား ပါသည်။ ကျွန်ုပ်ကြောင့် လူမျိုးရေး ဘာသာရေး အဓိကရုဏ်း မဖြစ်စေရ စာတမ်းပါ တီရှပ်၊ စတစ်ကာများနှင့် ဘာသာလူမျိုး မခွဲခြား မြန်မာနိုင်ငံသား လက်ကမ်း ပိုစတာများကို အခမဲ့ ဖြန့်ဝေ ခဲ့သည့် ငြိမ်းချမ်းရေး လှုပ်ရှားမှုကို ဧပြီလ ၅ ရက်နေ့တွင် ရန်ကုန် မြေနီကုန်း၊ လှည်းတန်း၊ မင်္ဂလာဈေး စသည့် လူစည်ကားရာ နေရာများတွင် လည်းကောင်း ဧပြီလ ၈ ရက်နေ့တွင် ဘိုကလေးဈေး မှတ်တိုင် တွင်လည်းကောင်း ဘာသာ ပေါင်းစုံ လူငယ်များ ပူးပေါင်း လှုပ်ရှားခဲ့ကြသည်။
ကိုနိုင်ဦး (ဗုဒ္ဓဘာသာဝင်လူငယ်)
ကျွန်တော်တို့ သွားရလာရတာ မလုံမခြုံ ခံစားနေရတယ်။ သူများတွေလည်း ကိုယ့်လိုပဲ မလုံခြုံတဲ့ ခံစားမှု ဖြစ်နေမှာပဲလို့ စဉ်းစားမိပြီးတော့ ကျွန်ုပ်ကြောင့် လူမျိုးရေး ဘာသာရေး ပဋိပက္ခမဖြစ်စေရ၊ ကျနော် သည် သူများကို ဒုက္ခပေးမယ့်သူ မဟုတ်ဘူး ဆိုတာကို ဖော်ပြချင်လို့ ဒီလို လှုပ်ရှားမှု လုပ်ဖြစ်သွားတာပါ။ ကျနော်တို့ ပထမဆုံး အကြိမ် မြန်မာပြည်အတွက် ဆုတောင်းခြင်း ဆိုပြီးတော့ ၀ိုင်အမ်စီအေမှာ လုပ်ခဲ့ပါတယ်။ အဲဒီနောက်မှာမှ အများဆီ ပြန့်သွားအောင် ဆိုပြီးတော့ ကျနော်တို့ ဒီစတစ်ကာတွေ၊ တီရှပ်တွေကို ဝေတဲ့ လှုပ်ရှားမှုထပ်လုပ်ဖြစ်တယ်။ ကျနော်တို့ လှုပ်ရှားမှုကို လက်မခံနိုင်တဲ့ သူတွေ တော်တော် များများကိုလည်း ကြုံခဲ့ရပါတယ်။ ဒီလို သဘောထားလေး အပေါ်မှာ လက်မခံနိုင်တဲ့သူတွေ တော်တော်များများရှိပါတယ်။ ဘာကြောင့်လဲ ဆိုတာတော့ ကျနော်လည်း မသိပါဘူး။ အကြီးကြီး မျှော်လင့်ထားတာ ကျနော်တို့မှာ မရှိဘူး။ အဓိက ကတော့ ပဋိပက္ခတွေ ငြိမ်သက်ပြီးတော့ ငြိမ်းငြိမ်းချမ်းချမ်း ဖြစ်သွားဖို့ပဲ။ တယောက်နဲ့ တယောက် မယုံသင်္ကာဖြစ်နေ တာတွေ လျော့သွား ရင် ကျေနပ်ပါတယ်။
ကိုသန့်ဇင် – Mizzima Network (အစ္စလမ် ဘာသာဝင်လူငယ်)
အဓိက ရည်ရွယ်ချက်ကတော့ မြန်မာတနိုင်ငံလုံး ငြိမ်းချမ်းစေချင်တယ်။ ပဋိပက္ခတွေ ငြိမ်းအေးစေချင်တယ်။ ပြဿနာတွေ မဖြစ်စေချင်ဘူး။ ကျနော်တို့ သွားရမယ့် ဒီမိုကရေစီခရီးလမ်းမှာ အနှောင့်အယှက် အဟန့်အတားဖြစ်စေမယ့် ပဋိပက္ခတွေ အဓိကရုဏ်းတွေကို အမြန်ဆုံး ရပ်တန့်သွားစေချင်တယ်။ ကျနော်အစ္စလမ် ဘာသာဝင် တယောက်အနေနဲ့ ခံစားရတယ်။ ဒါပေမယ့် မြန်မာနိုင်ငံသား တယောက်အနေ နဲ့ ပြောရမယ်ဆိုရင် ကျနော်တို့ကတော့ ဒီလို အဖြစ်အပျက်တွေကို လုံးဝ လက်မခံဘူး။ ကျနော်တို့ နိုင်ငံက လူအများစုဟာ ငြိမ်းငြိမ်းချမ်းချမ်း နေချင်ကြတယ်၊ ပဋိပက္ခ မလိုချင်ဘူး။ အဲဒါကြောင့်မို့လို့ ကျနော် တို့ရဲ့ လှုပ်ရှားမှုဟာ တနိုင်ငံလုံး အတိုင်းအတာနဲ့ အောင်မြင်မယ်လို့ ယုံကြည်တယ်။ အစ္စလမ်ဘာသာပဲ ဖြစ်ဖြစ်၊ ဗုဒ္ဓဘာသာပဲ ဖြစ်ဖြစ် ဘယ်လို ဘာသာပဲဖြစ်ဖြစ် ပုတ်ခတ် စော်ကားမှုတွေက နေရာတိုင်းမှာ ရှိတယ်။ အဲဒါကို ကျနော်တို့က လိုက်ပြီးတော့ ခံစားနေမယ်ဆိုရင် ခံစားလို့ ကုန်မှာတောင် မဟုတ်ဘူး။ ဒါတွေဟာ အဖျက်အမှောင့် လုပ်ရပ်တွေပဲ။ ဒါတွေက အမှန်တရား မဟုတ်ဘူး။ ဗုဒ္ဓကို စော်ကားတဲ့ ဗီဒီယိုတွေ၊ သခင်ယေရှုကို စော်ကားတဲ့ ဗီဒီယိုတွေ၊ ဒါတွေကို လုပ်တဲ့သူတွေက ဂိမ်းတခုလို သူတို့က ခံယူပြီး လုပ်တာ။ ကျနော်တို့ ဒါတွေကို မြင်ရတာ ခံစားရတယ်။ ကျနော်တို့ ဘာသာတရားမှာလည်း ဘယ်သူ့ကိုမှ စော်ကားပိုင်ခွင့် ရှုံ့ချပိုင်ခွင့် လုံးဝမရှိဘူး။ ဒီလို ပုတ်ခတ်ထားတာတွေကို မြင်တဲ့အခါ ဖီလင်တော့ဖြစ်တယ်။ ဒါပေမယ့် ခံစားချက်ကို အတွင်းထဲမှာပဲ မျိုသိပ် သည်းခံလိုက်တယ်။ ကျနော်တို့ လိုချင်တာက ငြိမ်းချမ်းမှုပဲ။
ကိုစည်သူမောင် (ခရစ်ယာန်ဘာသာဝင် လူငယ်)
ဘာသာတရားရှိတဲ့ သူပဲဖြစ်ဖြစ်၊ ဘာသာတရားကို လက်မခံသေးတဲ့သူပဲ ဖြစ်ဖြစ် ငြိမ်းချမ်းစွာ နေလိုတဲ့ သူက ငြိမ်းချမ်း ချင်ကြတယ်။ ကိုယ်ချင်းစာတရား တခုနဲ့ ကျနော်ငြိမ်းချမ်းချင်တယ်။ ဘာသာတရားတွေ အားလုံးက ကောင်းတာကိုပဲ သင်ပြတယ်။ ဒါပေမယ့် တချို့လူတွေက သူတို့ကိုယ် သူတို့ ဘုရားလို့ ထင်သွားတဲ့ သူတွေ ရှိတယ်။ အဓိကကတော့ ပညာရေးလို့ ထင်တယ်ခင်ဗျ။ ပညာတတ်ပြီးတော့ အကောင်းမြင်တတ်တဲ့ ဘာသာရေး ခေါင်းဆောင်တွေ ကျနော်တို့ ကမ္ဘာကြီးမှာ များလာဖို့ လိုအပ်တယ်လို့ ကျနော်ထင်တယ်။ ဘယ်ဘာသာမဆို ပညာနဲ့ မစဉ်းစားဘဲ အစွန်းရောက်သွားတဲ့ ဘာသာရေး ခေါင်းဆောာင်တွေ ရှိပါတယ်။ သူတို့တွေက တဆင့် ဟောပြောလှုံ့ဆော်လာရာကနေ အခုလို ပြဿနာတွေ ဖြစ်လာတာ။ ပညာပါတဲ့ အသိတရားနဲ့ အားလုံးကို ထိန်းကျောင်းသွားနိုင်မှ ငြိမ်းချမ်းနိုင်မယ်လို့ ကျနော်ယူဆတယ်။ နောက်တခုက ဘာသာတရားတခုက တခြားကို လွှမ်းမိုးလိုတဲ့ စိတ်၊ ချဲ့ထွင်လိုတဲ့ စိတ်တွေကြောင့် ဒီပြဿနာတွေ ရှိနိုင်တယ်။ ဒီလို စိတ်တွေကို မငြှိမ်းသတ်နိုင် သ၍တော့ ဒီလိုပြဿနာတွေက ဖြစ်နေအုံးမှာပဲလို့ ကျနော်ထင်ပါတယ်။
Ref: ဧရာဝတီ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88