Friday, November 18, 2011

NLD Statement (November 18, 2011)

NLD

Read More...

NLD မှတ်ပုံတင်၍ ရွေးကောက်ပွဲဝင်ရန် ပြည်နယ်/တိုင်း အားလုံးထောက်ခံ

မျိုးသိဏ်း
နိုဝင်ဘာလ ၁၈ ရက် ၂၀၁၁ ခုနှစ်

အမျိုးသားဒီမိုကရေစီအဖွဲ့ချုပ် NLD ပါတီ မှတ်ပုံတင်၍ ရွေးကောက်ပွဲဝင်ရန် ပြည်နယ်နှင့် တိုင်း ၁၃ ခုမှ ဗဟိုဦးစီး ကော်မတီဝင်များ သောကြာနေ့ နေ့လည်ပိုင်းတွင် ထောက်ခံ ဆွေးနွေးခဲ့ကြသည်။

ကချင်၊ ကရင်၊ ချင်း၊ စစ်ကိုင်း၊ တနင်္သာရီ၊ ပဲခူး၊ မကွေး၊ မွန်၊ မန္တလေး၊ ရခိုင်၊ ရန်ကုန်၊ ဧရာဝတီတိုင်းနှင့် ရှမ်း၊ ကယား (ပူးပေါင်း) တို့၏ ဗဟိုဦးစီးအဖွဲ့ဝင် ၁၃ ဖွဲ့မှ ပါတီမှတ်ပုံတင်၍ ရွေးကောက်ပွဲဝင်ရန် သဘောတူခဲ့ခြင်းဖြစ်သည်။


NLD ပါတီ မှတ်ပုံတင်ရေး၊ မတင်ရေးနှင့် ရွေးကောက်ပွဲဝင်ရေး မဝင်ရေး အစည်းအဝေးကို ပါတီရုံးချုပ် ရန်ကုန်ရွှေဂုံတိုင်တွင် သောကြာနေ့ နံနက် ၁၀ နာရီမှ စတင်ကျင်းပနေခြင်း ဖြစ်သည်။

အစည်းအဝေးသို့ ဖိတ်ကြားထားသူ ၁၁၇ ယောက် ရှိသည့်အနက် ၁၀၃ ယောက်တက်ရောက်ပြီး၊ NLD မှ ဖွဲ့စည်း ထားသည့် NLD လူငယ်အဖွဲ့နှင့် NLD အမျိုးသမီး လုပ်ငန်းဖေါ်ဆောင်ရေး အဖွဲ့တို့ ဆက်လက် ဆွေးနွေးရန် ကျန်ရှိနေသေးသည်။

Ref: Mizzima

Read More...

NLD မှတ်ပုံတင်ရန် ပြည်နယ်နှင့်တိုင်း ၁၃ ခုရှိ ပါတီဝင်များထောက်ခံ

November 18, 2011

အမျိုးသားဒီမိုကရေစီ အဖွဲ့ချုပ် (NLD) မှတ်ပုံတင်ပြီး ရွေးကောက်ပွဲဝင်ရန် ပြည်နယ်နှင့်တိုင်း ၁၃ ခုရှိ ပါတီဝင်များက ထောက်ခံ လိုက်ပြီ ဖြစ်သည်။

ယနေ့နံနက်တွင် NLD မှတ်ပုံတင်ရေး၊ မတင်ရေးကိစ္စကို ပါတီဝင်များ၏ သဘောထားကောက်ခံ ဆုံးဖြတ်သည့် အစည်းအဝေးကို NLD ရုံးချုပ်ရှိရာ ရန်ကုန် ရွှေဂုံတိုင် တွင်ကျင်းပစဉ် ပြည်နယ်နှင့် တိုင်း ၁၃ ခုက ထောက်ခံလိုက်ခြင်း ဖြစ်သည်။


NLD သည် ဒီမိုကရေစီပါတီ တရပ်အနေဖြင့် အနှစ် ၂၀ ကျော်လုံး မရပ်တည်နိုင်ခဲ့ သောကြောင့် ပါတီမှတ်ပုံတင်သင့်၊ မတင်သင့် ကိစ္စကို ပါတီဝင်များက တာဝန်သိသိဖြင့် ဆုံးဖြတ်ကြစေလိုကြောင်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က အဆို ပါ အစည်းအဝေး အဖွင့်မိန့်ခွန်းတွင် ပြောဆိုလိုက်သည်။

ဒေါ်အောင်ဆန်းစုကြည်က ၎င်းအနေဖြင့် ၁၉၉၀ ရွေးကောက်ပွဲတွင်လည်း ပါဝင်ခွင့်မရသကဲ့သို့၊ ၂၀၁၀ ရွေးကောက်ပွဲ တွင်လည်း ၎င်း၏ သဘောထား ဆန္ဒများကို လွတ်လပ်စွာ ပြောဆိုခွင့်၊ ပါဝင်ခွင့်မရခဲ့ကြောင်း၊ ယခုတကြိမ်ကျမှသာ ၎င်း၏ သဘောထားကို လွတ်လပ်စွာ ပြောဆိုခွင့်ရရှိပြီး ပါဝင်ခွင့်ရမည်ဖြစ်ကြောင်း ပြောသည်။

ဒီမိုကရေစီ နည်းလမ်းအရ ပါတီဝင်များထံမှ သဘောထား ကောက်ခံမည် ဖြစ်သောကြောင့် ထွက်ပေါ်လာမည့် ရလဒ်ကို အားလုံး က သဘောတူညီရမည် ဖြစ်ကြောင်းလည်း ဒေါ်အောင်ဆန်းစုကြည်က ဆိုသည်။

ဤအစည်းအဝေးသို့ နာမကျန်းဖြစ်နေသည့် NLD ဥက္ကဋ္ဌ ဦးအောင်ရွှေကလည်း သဝဏ်လွှာ ပေးပို့ခဲ့ကြောင်း၊ အဆိုပါ သဝဏ် လွှာတွင် NLD မှတ်ပုံတင်ရေး၊ မတင်ရေး၊ ရွေးကောက်ပွဲ ဝင်ရေး၊ မဝင်ရေးတို့ကို ဒေါ်အောင်ဆန်းစုကြည်၏ သဘောထားအတိုင်း ၎င်းက သဘောတူမည်ဖြစ်ကြောင်း ပါရှိသည်ဟု သိရသည်။

ပြည်တွင်းပြည်ပ လေ့လာသူများက NLD ပါတီသည် နိုင်ငံရေးပါတီ တရပ်အနေဖြင့် တရားဝင်ရပ်တည်နိုင်ရန် မှတ်ပုံ တင်လိမ့် မည်ဟု ယူဆခဲ့ကြသည်။ ယခု ထွက်ရှိခဲ့သည့် အဖြေအရဆိုလျှင် NLD မှတ်ပုံတင်ရန် သေချာသလောက် ရှိနေပြီဖြစ်သည်။

NLD ရုံးချုပ်တွင် ကျင်းပနေသော အစည်းအဝေးကို ၁ နာရီခန့် ထမင်းစား နားထားပြီးနောက် ဆက်လက်ကျင်းပကာ NLD မှတ်ပုံတင်၊ မတင် အဖြေကို ကြေညာမည်ဖြစ်သည်။

ယနေ့နံနက် NLD ရုံးချုပ်တွင် အစည်းအဝေး စတင်ကျင်းပနေချိန်၌ နိုင်ငံရေးအကျဉ်းသားများ လွတ်မြောက်ရေးအတွက် ဝတ်ပြု ဆုတောင်းပွဲများ ဦးဆောင်ကျင်းပသူ နော်အုန်းလှက လူ ၃၀ ကျော် လက်မှတ် ရေးထိုးထားသည့် NLD မှတ်ပုံတင်ရေး ကန့် ကွက်စာအား လိုက်လံဝေငှနေကြောင်း သိရသည်။

Ref: Irrawaddy

Read More...

ငြိမ်းချမ်းရေးအတွက် KNU နှင့် အစိုးရကိုယ်စားလှယ် ထပ်တွေ့မည်

November 17, 2011

ငြိမ်းချမ်းရေး ဆွေးနွေးနိုင်ရေးအတွက် ကရင် အမျိုးသား အစည်းအရုံး(KNU)နှင့် အစိုးရ ကိုယ်စားလှယ်များ ပဏာမ ထပ်မံ တွေ့ဆုံမှုကို လာမည့် ၁၉ ရက်တွင် ထိုင်းနိုင်ငံ ချင်းရိုင်ခရိုင် မယ်ဆိုင်မြို့တွင် ပြုလုပ်မည်ဖြစ်သည်။

ထို တွေ့ဆုံပွဲတွင် အစိုးရကိုယ်စားလှယ်အဖွဲ့ကို မီးရထားဝန်ကြီး ဦးအောင်မင်း ဦးဆောင်မည်ဖြစ်ပြီး KNU ကိုယ်စားလှယ်အဖွဲ့တွင် ဗိုလ်ချုပ်ကြီး မူတူးစေးဖိုး၊ ပဒိုဒေးဗစ်ထောနှင့် ပဒိုစောအားတိုး တို့ ပါဝင်မည်ဖြစ်ကြောင်း KNU က ပြောသည်။


KNU သည် မြန်မာအစိုးရနှင့် ငြိမ်းချမ်းရေး ဆွေးနွေးရန်အတွက် နိုဝင်ဘာ ၁၀ ရက်က အဖွဲ့ဝင် ၇ ဦးပါရှိသည့် ပြည်တွင်း
ငြိမ်းချမ်းရေး ဖော်ဆောင်ရေး ကော်မတီ ကို ဖွဲ့ စည်းခဲ့သည်။

ယင်းအဖွဲ့သည် အစိုးရနှင့်တွေ့ဆုံမည့် KNU ကိုယ်စားလှယ်များကို ကြီးကြပ်မည်ဖြစ်ပြီး ဆွေးနွေးမည့် ကိုယ်စားလှယ်များကို လည်း ရွေးချယ်တာဝန်ပေးအပ်မည့် အဖွဲ့ဖြစ်သည်ဟု KNU ဒု ဥက္ကဌ ပဒို ဒေးဗစ် သာကဘော က ပြောပြသည်။

၎င်းက“အခုထပ်တွေ့တာ အလွတ်သဘော တွေ့တာပဲဖြစ်တယ်၊ တကယ် ဆွေးနွေးကြတဲ့အခါကျရင် KNU အနေနဲ့တပြည်လုံး အပစ်အခတ် ရပ်စဲရေး၊ တိုင်းရင်သားဒေသတွေမှာ ထိုးစစ် ရပ်ဆိုင်းရေးနဲ့၊ အပစ်အခတ် ရပ်စဲပြီးရင် နိုင်ငံရေးဆွေးနွေးပွဲကို သွားမယ့် တောင်းဆိုချက်တွေကို တောင်းဆိုသွားမှာဖြစ်တယ်”ဟု ဧရာဝတီသို့ ပြောသည်။

နိုင်ငံရေး ဆွေးနွေးမှုများကိုလည်း KNU အပါအ၀င် အမာခံ တိုင်းရင်းသား လက်နက်ကိုင်အဖွဲ့ ၆ ဖွဲ့ အပါအ၀င် ဆက်စပ် တိုင်း ရင်းသားအဖွဲ့ ၆ ဖွဲ့နှင့် ယခုနှစ်ဆန်းပိုင်းက ဖွဲ့စည်းထားသည့် ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) အဖွဲ့အနေနှင့်သာ ဆွေးနွေးနိုင်မည်ဟုလည်း ပဒို ဒေးဗစ် သာကဘော က ဖြည့်စွက်ပြောကြားသည်။

ငြိမ်းချမ်းရေး ဆွေးနွေးရန် မြန်မာအစိုးရက စေလွှတ်သည့် မီးရထားဝန်ကြီး ဦးအောင်မင်း ဦးဆောင်သည့် အဖွဲ့သည် ယခင်လ ၉ ရက်နေ့က ထိုင်း-မြန်မာနယ်စပ် မဲဆောက်မြို့တွင် KNU ကိုယ်စားလှယ်အဖွဲ့နှင့် ပဏာမ အလွတ်ဆွေနွေးပွဲတရပ်ကို ဆွေးနွေး ခဲ့ကြ သေးသည်။

KNUအဖွဲ့သည် အမျိုးသားတန်းတူရေးနှင့် ကိုယ်ပိုင် ပြဌာန်းခွင့်ရရှိရေးအတွက် ၁၉၄၉ ခုနှစ် ဇန်န၀ါရီလ ၃၁ ရက်နေ့မှစတင် ကာ အစိုးရ အဆက်ဆက်ကို ဆန့်ကျင် တော်လှန်ခဲ့သည်မှာ (၆၂) နှစ်ရှိပြီ ဖြစ်သည်။

Ref: Irrawaddy

Read More...

ဦးသန်းရွှေ အိမ်မှာ စာဖတ်နေသည်

ခင်ဦးသာ
November 17, 2011

ယခင်စစ်အစိုးရ ခေါင်းဆောင် ဗိုလ်ချုပ်မှူးကြီးဟောင်း သန်းရွှေသည် ၎င်း၏နေအိမ်၌ စာဖတ်ခြင်းဖြင့် အေးချမ်းစွာ နေထိုင်လျက်ရှိ ကြောင်း ပြန်ကြားရေး ၀န်ကြီး ဦးကျော်ဆန်းက အင်္ဂါနေ့တွင် ပြောလိုက်သည်။

“(ဦးသန်းရွှေက) သူ့အိမ်မှာပဲ ရှိနေပါတယ်၊ သူ့အိမ်မှာနေပြီး စာတွေ အများကြီး ဖတ်နေပါတယ်” ဟု ဦးကျော်ဆန်းက ပြောဆို ကြောင်း Wall Street Journal တွင် ယနေ့ ဖော်ပြထားသည်။


ဦးသန်းရွှေသည် သူ၏ လူရင်းများ ဦးဆောင်သည့် လက်ရှိအရပ်သား အစိုးရအား နောက်ကွယ်မှ လမ်းညွန်နေသည်ဟူသော သုံးသပ်ချက်များ ထွက်ပေါ် နေခြင်းနှင့်ပတ်သက်၍ Wall Street Journal က မေးမြန်းခြင်းကို ထိုသို့ တုံ့ပြန်လိုက်ခြင်း ဖြစ်သည်။

လွန်ခဲ့သည့် ၈ လခန့်က စစ်အစိုးရမှ အရပ်သားအစိုးရသို့ အပြောင်းအလဲ ပြုလုပ်သည့်ကာလတွင် ဦးသန်းရွှေ အနားယူသွား သည်ဟု ဆိုသော်လည်း စစ်ဝတ်စုံဖြင့် ရိုက်ကူးထားသည့် သူ၏ဓာတ်ပုံများကို မကြာသေးမီ ကာလကအထိ အစိုးရရုံးများတွင် ချိတ်ဆွဲထားဆဲဖြစ်သည်ကို တွေ့ရသည်။

အစိုးရနှင့် ဦးသန်းရွှေ၏ လက်ရှိ ဆက်စပ်မှုအခြေအနေအကြောင်း မေးမြန်းသည့် မေးခွန်းကို ဦးကျော်ဆန်းက ရှင်းရှင်းလင်းလင်း ဖြေဆိုထားခြင်း မရှိပေ။

Wall Street Journal အရှေ့တောင်အာရှ ဌာနခွဲ အကြီးအကဲ Mr. Jon Patrick Barta သည် အင်္ဂါနေ့က နေပြည်တော်တွင် ၀န်ကြီး ဦးကျော်ဆန်းနှင့် ၃ နာရီကြာ တွေ့ဆုံ မေးမြန်းခဲ့ခြင်း ဖြစ်သည်။

အစိုးရအဖွဲ့တွင် ပြုပြင်ပြောင်းလဲရေး လိုလားသူနှင့် သဘောထား တင်းမာသူ ဟူ၍ အုပ်စု နှစ်စု ကွဲပြားမှု ရှိမရှိဟူသော မေးမြန်း ချက်ကို ဦးကျော်ဆန်းက အမြင်မတူသည့်အခြေအနေများကြားမှ တိုင်းပြည်နှင့် လူမျိုး အကျိုး အတွက် အကောင်းဆုံးဖြစ်မည့် မူဝါဒများကို ညှိနှိုင်းချမှတ်နိုင်ခြင်းသည်ပင်လျှင် ဒီမိုကရေစီ၏ အနှစ်သာရ ဖြစ်သည်ဟု ပြောလိုက်သည်။

ကချင်ပြည်နယ်တွင် ဖြစ်ပွားနေသော တိုက်ပွဲများနှင့်ပတ်သက်၍လည်း မြန်မာအစိုးရအဖွဲ့၏ ပြောရေးဆိုခွင့်နှင့် သတင်း ထုတ်ပြန် ရေးအဖွဲ့ ခေါင်းဆောင် တာဝန် ယူထားသူ ၀န်ကြီး ဦးကျော်ဆန်းက ရှင်းချက် ထုတ်ထားသည်။

ကချင် လွတ်လပ်ရေး တပ်မတော် (KIA)သည် တံတားများဖျက်ဆီးခြင်း၊ ဖောက်ခွဲခြင်း၊ အကြမ်းဖက်လုပ်ရပ်များကို လုပ် ဆောင်နေကြောင်း၊ အစိုးရ စစ်တပ် အနေဖြင့် စတင် တိုက်ခိုက်ခြင်းမရှိကြောင်း၊ လက်ရှိဖြစ်ပွားနေသော စစ်ပွဲများမှာလည်း လမ်းကြောင်းရှင်းရာ တွင် ဖြစ်ပေါ် နေသော တိုက်ပွဲများသာဖြစ်ကြောင်း ဦးကျော်ဆန်းက ပြောသည်။

“KIA ကို တိုက်မယ် ဆိုရင် တရက်တည်းနဲ့ အပြတ်အသတ် ချေမှုန်းပစ်နိုင်ပါတယ်၊ ဒါပေမယ့် ကျနော်တို့က မတိုက်ခိုက်ပါဘူး” ဟု ဆိုသည်။

ဧရာဝတီမြစ်ဆုံစီမံကိန်း မကြာသေးခင်က ဆိုင်းငံ့လိုက်ခြင်းကြောင့် တရုတ်-မြန်မာ ဆက်ဆံရေး ထိခိုက်မှု မရှိကြောင်း၊ တရုတ် ကုမ္ပဏီ အများ အပြား မြန်မာနိုင်ငံ၌ လုပ်ကိုင်နေသကဲ့သို့ တခြားနိုင်ငံ၊ တခြားလူမျိုးများ လာရောက် လုပ်ကိုင်လျှင်လည်း ယခု ကဲ့သို့ ၀ိရောဓိမျိုး ဖြစ်ပေါ်နိုင်သည်ဟု ၀န်ကြီးက ဆိုသည်။

“တရုတ်ဆိုပြီး အခွင့်အရေးပေးတာ မရှိပါဘူး၊ ဘယ်နိုင်ငံ၊ ဘယ်လူမျိုးပဲ လာလုပ်လုပ် တူညီတဲ့ အခွင့်အရေး ပေးမှာပါ” ဟု ၀န်ကြီးက ပြန်လည် ဖြေကြားခဲ့သည်။

Ref: Irrawaddy

Read More...

အမေ့အိမ်စာသင်ကျောင်းသို့ ဗြိတိသျှဝန်ကြီး သွားရောက်လည်ပတ်

မြတ်မိုး
November 17, 2011

ယနေ့နံနက်တွင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်း စုကြည်က ဗြိတိသျှ ပါလီမန်အမတ် အပြည်ပြည်ဆိုင်ရာ ဖွံ့ဖြိုး ရေးဌာန ဝန်ကြီး အင်ဒရူး မစ်ချယ်အား ရန်ကုန် လှိုင်သာယာတွင် ဖွင့်လှစ်ထားသော အမေ့အိမ် အခမဲ့စာသင်ကျောင်းသို့ ပို့ဆောင် ခဲ့သည်။

မြန်မာနိုင်ငံတွင် ဖွံ့ဖြိုးမှုအကူအညီ များစွာ လိုအပ်နေကြောင်း သိရှိစေရန်အတွက် ရန်ကုန်လှိုင်သာယာရှိ အမေ့အိမ် အခမဲ့ စာသင် ကျောင်းသို့ ဗြိတိသျှ ပါလီမန်အမတ် အပြည်ပြည်ဆိုင်ရာ ဖွံ့ဖြိုးရေးဌာန၀န်ကြီး အင်ဒရူး မစ်ချယ်ကို ယနေ့ သွားရောက် လေ့လာ စေ ခဲ့ခြင်းဖြစ်ကြောင်း ဒေါ်အောင်ဆန်းစုကြည်က ပြောသည်။

“ဘယ်လိုဖွံ့ဖြိုးမှု အကူအညီတွေ လိုနေတယ်၊ ပြည်သူလူထုရဲ့ လိုအပ်ချက်ကြောင့် ကျမတို့ကျောင်းတွေ ဖွင့်ထားရတယ် ဆိုတာ မြင်အောင်၊ သိရအောင်လို့ ခေါ်လာတာ” ဟု ၎င်းက ဆိုသည်။

အမေ့အိမ် အခမဲ့ စာသင်ကျောင်းသည် အမျိုးသားဒီမိုကရေစီအဖွဲ့ချုပ် (NLD) လူမှုအထောက်အကူပြု အဖွဲ့က ဖွင့်လှစ်ထားခြင်း ဖြစ်သည်။

အမေ့အိမ် စာသင်ကျောင်းအနီးသို့ ဒေါ်အောင်ဆန်းစုကြည် နှင့် အင်ဒရူး မစ်ချယ်တို့ ရောက်ရှိလာချိန်တွင် လှိုင်သာယာ မြို့နယ် အတွင်းမှ လူထု ထောင်နှင့်ချီ၍ ရောက်လာကြသည်။

အင်ဒရူး မစ်ချယ်က အမေ့အိမ် စာသင်ကျောင်းမှ ကလေးငယ်များကို တွေ့ဆုံခဲ့ပြီး ကြိုဆိုသည့် လူထုကို နှုတ်ဆက်စကား ပြောသည်။

“မြန်မာနိုင်ငံရဲ့ အရုဏ်သစ်အတွက် ဆုတောင်းပေးလိုက်ပါတယ်” ဟု အင်ဒရူး မစ်ချယ်က ဆိုသည်။

လှိုင်သာယာ အမေ့အိမ်စာသင်ကျောင်းမှ အပြန်တွင် အင်ဒရူး မစ်ချယ်သည် နာရေးကူညီမှုအသင်းနှင့် NLD လူမှု အထောက် အကူ ပြု အဖွဲ့မှ မဖြူဖြူသင်းကူညီနေသော HIV လူနာများအား စောင့်ရှောက်ထားသည့် ဂေဟာသို့ သွားရောက်ခဲ့ပြီး ညနေပိုင်း တွင် ရန်ကုန်တိုင်း မင်္ဂလာဒုံမြို့နယ်အတွင်းရှိ ထောက်ကြံ့စစ်သင်္ချိုင်းသို့ သွားရောက်မည်ဟု သိရသည်။

ဗြိတိသျှ ပါလီမန်အမတ် အပြည်ပြည်ဆိုင်ရာ ဖွံ့ဖြိုးရေးဌာန၀န်ကြီး အင်ဒရူး မစ်ချယ်သည် မြန်မာနိုင်ငံသို့ ၃ ရက်ကြာခရီးစဉ် အဖြစ် နိုဝင်ဘာ ၁၆ ရက်နေ့က ရောက်ရှိခဲ့ပြီး နေပြည်တော်၌ ဒုတိယ သမ္မတ ဦးတင်အောင်မြင့်ဦး၊ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းအပါအ၀င် အစိုးရ အဖွဲ့ဝင်များနှင့် တွေ့ဆုံခဲ့သည်။

Ref: Irrawaddy

Read More...

Thursday, November 17, 2011

၈၈ မျိုးဆက် ကျောင်းသား ခေါင်းဆောင် တချို့ ထောင်ပြောင်း

ရန်ပိုင်
November 16, 2011

၈၈ မျိုးဆက် ကျောင်းသား ခေါင်းဆောင်များ ဖြစ်သည့် ကိုမင်းကိုနိုင်၊ မနီလာသိန်းနှင့် ရွှေဝါရောင် တော်လှန်ရေး ဦးဆောင် သံဃာ တပါးဖြစ်သည့် အရှင်ဂမ္ဘီရ အပါအ၀င် နိုင်ငံရေးအကျဉ်းသားတချို့ကို ယနေ့တွင် ထောင်ပြောင်းရွှေ့မှုများ ပြုလုပ်ကြောင်း သတင်း ရ သည်။

မကွေးတိုင်း သရက်ထောင်တွင် ထောင်ဒဏ် ၆၅ နှစ် ချမှတ်ခံထားရသည့် ၈၈ မျိုးဆက်ကျောင်းသူ မနီလာသိန်းသည် ယနေ့ နံနက် ပိုင်းက သာယာဝတီထောင်သို့ ရောက်ရှိလာကြောင်း ထောင်အသိုင်းအ၀န်းနှင့် နီးစပ်သူတဦးက ဧရာဝတီသို့ ပြောပြသည်။

“မနီလာသိန်း ရောက်လာပါပြီ၊ ကိုမင်းကိုနိုင်ကိုတော့ သရက်ရွှေ့မယ်ကြားတယ်၊ ဒီည သာယာဝတီမှာ ညအိပ်ဖို့ ပြင်ဆင် ထား တယ် လို့လည်း ပြောတယ်” ဟု ၎င်းက ဆက်ပြောသည်။


မနီလာသိန်းမှာ၂၀၀၇ ခုနှစ် လောင်စာဆီနှင့် ကုန်ဈေးနှုန်းကျဆင်းရေးအတွက် လမ်းလျှောက်ဆန္ဒပြခဲ့သောကြောင့် ဖမ်းဆီး၍ ထောင် ဒဏ် ချမှတ်ခံရခြင်းဖြစ်ပြီး ခင်ပွန်းဖြစ်သူ ၈၈ မျိုးဆက်ကျောင်းသားခေါင်းဆောင်တဦးဖြစ်သည့် ကိုဂျင်မီမှာလည်း တောင်ကြီး ထောင်တွင် ထောင်ဒဏ် ၆၅ နှစ် ကျခံနေရ၍ သမီးငယ်နှင့်လည်း ခွဲခွာနေရသည်။

အလားတူ ၂၀၀၇ ရွှေဝါရောင်တော်လှန်ရေး၌ ဦးဆောင်ပါဝင်ခဲ့သည့် အတွက် စစ်ကိုင်းတိုင်း ကလေးမြို့ အကျဉ်းထောင်၌ ထောင် ဒဏ် ၆၃ နှစ် ကျခံနေရသော အရှင်ဂမ္ဘီရ အပါအ၀င် ရခိုင်ပြည်နယ် ဂွမြို့နယ် ပြည်သူ့လွှတ်တော် ကိုယ်စားလှယ် ဦးညီပုတို့နှစ်ဦး လည်း ထောင်ရွှေ့ပြောင်းရာတွင် ပါဝင်ကြောင်း အရှင်ဂမ္ဘီရ ၏ မိခင် ဒေါ်ရေးက ပြောသည်။

“ကလေး လေဆိပ်မှာ သူတို့ကား ၀င်လာတာတွေ့တယ်၊ လူချင်းမတွေ့ရဘူး၊ ခရီးသည်စာရင်းမှာ အရှင်ဘုရားရဲ့ လူနာမည် ပါတယ်” ဟု ၎င်းက ဆိုသည်။

အရှင် ဂမ္ဘီရနှင့် ဦးညီပုကိုမူ မည်သည့် အကျဉ်းထောင်သို့ ပြောင်းရွှေ့မည်မသိရကြောင်း၊ သို့သော်လည်း အင်းစိန်ထောင်ဟု ပြော ဆိုမှုများလည်း ရှိနေကြောင်း ဒေါ်ရေးက ဆက်လက်ပြောသည်။

ရှမ်းပြည်အရှေ့ပိုင်း ကျိုင်းတုံထောင်တွင် ထောင်ဒဏ် ၆၅နှစ် ချမှတ်ခံထားရသည့် ၈၈ ကျောင်းသားခေါင်းဆောင် ကိုမင်းကိုနိုင် လည်း ယခုထောင်ပြောင်းရွှေ့မှုတွင် ပါဝင်သည်ဟု သတင်းများထွက်ပေါ်နေသည့်အတွက် ယနေ့ညနေ ရန်ကုန်လေဆိပ်တွင် ပြည် တွင်းရှိ စာနယ်ဇင်းသမားများနှင့် ၈၈ မျိုးဆက်ကျောင်းသားများ သွားရောက် စောင့်မျှော်နေကြသည်။

ကိုမင်းကိုနိုင်၏ အစ်မဖြစ်သူ ဒေါ်ကြည်ကြည်ညွန့်က“သတင်းတွေကတော့ ထွက်နေတယ်၊ အိမ်ကိုတော့ တရားဝင်အကြောင်း မကြား သေးဘူး၊ ကိုပေါ်ကို သရက်ကိုရွှေ့မယ်လည်း ပြောတယ်”ဟု ဆိုသည်။

မကြာမီရက်ပိုင်းအတွင်း ကိုကိုကြီး၊ ကိုဌေးကြွယ်၊ ကိုပြုံးချို စသည့် ကျန် ၈၈ မျိုးဆက် ကျောင်းသားခေါင်းဆောင်များကိုလည်း ထောင် ပြောင်းရွှေ့မှု ဆက်လက်လုပ်နိုင်ကြောင်း ၈၈ ကျောင်းသားခေါင်းဆောင် တဦး ဖြစ်သည့် ကိုဖြိုးမင်းသိန်းက ပြောသည်။

ပြီးခဲ့သည့် စနေနေ့က မြန်မာနိုင်ငံ အမျိုးသားလူ့အခွင့်အရေး ကော်မရှင်က သမ္မတ ဦးသိန်းစိန်ထံသို့ ယုံကြည်ချက်ကြောင့်အကျဉ်း ကျ ခံနေရသည့် နိုင်ငံရေးအကျဉ်းသားများကို ထပ်မံလွှတ်ပေးရန်၊ ထိန်းသိမ်းရန် လိုအပ်သေးသည့်သူများကို မိသားစုနှင့် တွေ့ဆုံ နိုင် ရန် သွားလာရလွယ်ကူသည့် အကျဉ်းထောင်များကို ပြောင်းရွှေ့ပေးရန် တင်ပြထားသည်။

အမျိုးသားလူ့အခွင့်အရေး ကော်မရှင်၏ ဒုတိယအကြိမ် အိတ်ဖွင့်ပေးစာထွက်ပေါ်ခဲ့ပြီးနောက် နိုင်ငံရေးအကျဉ်းသားများ လွတ်မြောက် မည်ဟု အများက မျှော်လင့်နေကြသော်လည်း ယခုအချိန်အထိ လွတ်မြောက်ခြင်းမရှိသေးပေ။

၂၀၁၀ ပြည့်နှစ် ရန်ကုန်မြို့ ကန်တော်ကြီးပတ်လမ်းရှိ X2O ရေကစားမဏ္ဍပ် ဗုံးပေါက်ကွဲမှုကို သွားရောက်ဓာတ်ပုံရိုက် သတင်းယူခဲ့ သည့်အတွက် ထောင်ဒဏ် ၁၀နှစ် ချမှတ်ခံခဲ့ရသည့် ကိုစည်သူဇေယျကိုလည်း ယနေ့နံနက် ၇ နာရီခွဲခန့် က အင်းစိန်ထောင်မှ ဟင်္သာတ ထောင်သို့ ပြောင်းရွှေ့လိုက်ကြောင်း အင်းစိန်ထောင်နှင့် နီးစပ်သည့် အသိုင်းအ၀န်းက ပြောသည်။

အင်းစိန်ထောင်တွင် ထောင်ဒဏ် ၁၀နှစ် ကျခံနေရသည့် ဗိုလ်ကြီးဟောင်း နေမျိုးဇင်မှာ ကျန်းမာရေး အခြေအနေဆိုးရွားလာ နေ သည့် အတွက်မိသားစုက စိုးရိမ်ပူပန်နေကြောင်း မိခင်ဖြစ်သူ ဒေါ်ခင်သီက ဧရာဝတီသို့ ပြောသည်။

“ခါးဒဏ်ရာက အခြေအနေကတော်တော်ဆိုးတယ်၊ ထောင်ဆရာဝန်ကိုယ်တိုင်က အပြင်မှာကုမှ ကောင်းမှာလို့ပြောတာ၊ ဒါပေမယ့် ခွင့်မပေးဘူး”ဟု ၎င်းကဆိုသည်။

ဗိုလ်ကြီးဟောင်း နေမျိုးဇင်၏ လက်ရှိအခြေအနေမှာ မိခင်ဖြစ်သူ ထောင်ဝင်စာတွေ့လျှင်ပင် ပက်လက်အနေအထားဖြင့် စကားပြော ဆိုရကြောင်း၊ ဆေးကုသခွင့်ရရန် ဆက်လက်ကြိုးစားမည်ဖြစ်ကြောင်း ဒေါ်ခင်သီက ဆက်လက်ပြောသည်။

ရန်ကုန်တိုင်း တောင်ဒဂုံမြို့နယ်တွင် ဖွင့်လှစ်ထားသည့် BG သွေးလှူဘဏ် တာဝန်ခံ ဗိုလ်ကြီးဟောင်းနေမျိုးဇင်သည် ရန်ကုန်မြောက် ပိုင်း ခရိုင် အင်းစိန်ထောင်တွင်း တရားရုံးမှ ပြီးခဲ့သည့် သြဂုတ်လက အီလက်ထရွန်နစ် ပုဒ်မ ဖြင့် ထောင်ဒဏ် ၁၀ နှစ် ချမှတ် ခံခဲ့ရခြင်း ဖြစ်သည်။

စစ်ကြောရေးကာလက ရိုက်နှက်စစ်ဆေးမှုများ ရှိခဲ့သည့်အတွက် ဗိုလ်ကြီးဟောင်းနေမျိုးဇင်မှာ ခါးရိုး၌ ဒဏ်ရာရရှိပြီး အိပ်ရာထက် တွင် လှဲလျောင်းနေရကြောင်း သိရသည်။

ပြီးခဲ့သည့် ရက်ပိုင်းကလည်း ဗိုလ်ကြီးဟောင်းနေမျိုးဇင်ထံမှ ဗိုလ်ချုပ်အောင်ဆန်းပုံပါ တီရှပ်နှင့် သော့ချိတ်ကို ရှာဖွေတွေ့ရှိသည်ဟု ဆိုကာ ထောင်စည်းကမ်းဖောက်ဖျက်မှုဖြင့် ထောင်အာဏာပိုင်များက ထပ်မံတရားစွဲရန်စီစဉ်နေသည်ဟု ရှေ့နေဖြစ်သူ ဦးလှမျိုးမြင့် က ပြောသည်။

“ကိုနေမျိုးဇင်က ထိုင်လို့မရဘူး၊ ကပ်ပေါ်မှာပဲနေရမှာ၊ ရုံးထုတ်ရင် အင်းစိန်တရားရုံးထုတ်ရမှာ ဆိုတော့ သူတို့ဘယ်လိုလုပ်မယ် မသိဘူး”ဟု ၎င်းက ဆိုသည်။

ပြီးခဲ့သည့် နိုဝင်ဘာ၂ရက်နေ့ ဗိုလ်ကြီးဟောင်းနေမျိုးဇင်၏ အယူခံကို ရန်ကုန်တိုင်းတရားရုံးချုပ်က ပယ်ချခဲ့သည့်အတွက် နေပြည် တော်ရှိ တရားရုံးချုပ်သို့ ဆက်လက်အယူခံဝင်ရန် ရှိကြောင်း ဦးလှမျိုးမြင့်က ဆက်လက်ပြောသည်။

မကြာသေးမီကလည်း အင်းစိန်ထောင်မှ နိုင်ငံရေးအကျဉ်းသားများဖြစ်သည့် ကိုညီညီထွန်း၊ ကိုစိုးမိုးထွန်း၊ ကိုကောင်းမြတ်လှိုင်နှင့် ရဟန်းနှစ်ပါးဖြစ်သည့် ဦးစန္ဒိမာ၊ ဦးဝိသုဒ္ဓိ စသည့် နိုင်ငံရေးအကျဉ်းသား ၁၅ဦး က သီးသန့်နှင့် သာမန်သီးသန့် အကျဉ်းသားများ လျှော့ရက် ခံစားခွင့်ရရှိရေးအတွက် အစာငတ်ခံ ဆန္ဒပြခဲ့ကြသည်။

နိုင်ငံရေး အကျဉ်းသားများ ကူညီစောင့်ရှောက်ရေး အသင်း(AAPP)၏ လက်ရှိ စာရင်းအရ မြန်မာနိုင်ငံ အကျဉ်းထောင်များ အ တွင်း နိုင်ငံရေး အကျဉ်းသား ၁၆၆၈ ဦး ရှိနေသေးကြောင်း သိရှိရသည်။

Ref: ဧရာဝတီ

Read More...

နေရွှေသွေးအောင် ဥရောပသို့ ခရီးထွက်

November 16, 2011

ဗိုလ်ချုပ်မှူးကြီးဟောင်း သန်းရွှေ၏ မြေးဖြစ်သူ နေရွှေသွေးအောင်သည် ရန်ကုန်မြို့ရှိ ဥရောပသံရုံးတခုက ပြည်ဝင်ခွင့်ဗီဇာထုတ် ပေးသဖြင့် ဥရောပသို့ အောက်တိုဘာ ၂၆ ရက်နေ့တွင် ထွက်ခွာသွားသည်ဟု စုံစမ်း သိရှိရသည်။

ဦးသန်းရွှေ၏ မိသားစုဝင်များအပါအ၀င် ယခင် စစ်အစိုးရအဖွဲ့ဝင်များ၊ ၎င်းတို့နှင့် နီးစပ်သူများ၊ ၎င်းတို့နှင့် အချိတ်အဆက်ရှိသည့် လုပ်ငန်းရှင်ကြီးများကို အမေရိကန်နှင့် ဥရောပနိုင်ငံများက ဒဏ်ခတ်ပိတ်ဆို့ထားဆဲဖြစ်သော်လည်း နေရွှေသွေးအောင် ရရှိထား သော ဗီဇာသည် ရှန်ကန်းဗီဇာ (Schengen Visa) ခေါ် ဥရောပနိုင်ငံအများအပြားကို သွားရောက်နိုင်သည့် ဗီဇာဖြစ်သည်ဟု ဧရာဝတီ၏ ရန်ကုန်အခြေစိုက် သတင်းရင်းမြစ်တခုထံမှ သိရသည်။


ဗီဇာထုတ်ပေးသည့် သံရုံးမှာ ပြင်သစ်သံရုံး ဖြစ်သည်ဟု ဧရာဝတီ၏ သတင်းရင်းမြစ်က ပြောသည်။

ဤသတင်းနှင့် ပတ်သက်ပြီး ရန်ကုန်ရှိ ပြင်သစ်သံရုံးကို ဧရာဝတီက တယ်လီဖုန်းဖြင့် ဆက်သွယ် မေးမြန်းခဲ့သည်။

“မည်သူမည်ဝါကို ဗီဇာထုတ်ပေးလိုက်တယ်ဆိုတာ ကျမတို့ ထုတ်ဖော် ပြောလေ့မရှိပါဘူး။ ပြီးတော့ ဗီဇာပိတ်ပင်မှုစာရင်းမှာ ပါနေတဲ့သူတွေကိုလည်း ဗီဇာထုတ်ပေးလေ့မရှိပါဘူး” ဟု ပြင်သစ်သံရုံး၊ ဗီဇာဌာန အရာရှိတဦးက ဧရာဝတီကို ယနေ့ ပြောကြား သည်။

ဖိုးလပြည့်ဟု လူသိများသည့် နေရွှေသွေးအောင်သည် မြန်မာနိုင်ငံကူးလက်မှတ် ၃ အုပ်ခန့် ကိုင်ဆောင်ထားသူဖြစ်သည်ဟု သူ၏ မိသားစုနှင့် နီးစပ်သူတဦးက ဧရာဝတီကို ပြောဆိုသည်။

နေရွှေသွေးအောင် ပြည်ဝင်ခွင့်ဗီဇာလျှောက်စဉ်က မည်သည့် အမည်ဖြင့် လျှောက်ထားကြောင်း၊ ဥရောပခရီးစဉ်တွင် သူနှင့်အတူ မည်သူ လိုက်ပါသွားကြောင်း မသိရသေးပေ။

ဧရာဝတီ၏ ရန်ကုန်အခြေစိုက် သတင်းရင်းမြစ်တခု၏ အဆိုအရ အောက်တိုဘာ ၂၆ ရက်နေ့တွင် ထိုင်းနိုင်ငံ ဘန်ကောက်မြို့မှ တဆင့် ဥရောပသို့ သွားရောက်ခြင်း ဖြစ်သည်ဟု သိရသည်။

ပြီးခဲ့သည့်နှစ်က ရရှိသော သတင်းများအရ နေရွှေသွေးအောင်သည် စီးပွားရေး လုပ်ငန်းအများပြားကို အဘိုးဖြစ်သူ၏ သြဇာ သုံးပြီး လုပ်ကိုင်ခဲ့သည်ဟု သိရသည်။

နေရွှေသွေးအောင်က အဘိုး၏ အရှိန်အ၀ါကို စီးပွားရေးလုပ်ငန်းများတွင်သာ အသုံးပြုခြင်း မဟုတ်ပေ။ ၂၀၀၉ ခုနှစ်ကလည်း ရန်ကုန်မြို့ရှိ စစ်ဗိုလ်ချုပ်မိသားစုဝင်များ၏ “7 Lekker” ကော်ဖီဆိုင်ကို ၎င်း ၏ နောက်လိုက်များ စေလွှတ်၍ ဖျက်ဆီးခဲ့ သည်ဟူသော သတင်းများလည်း ထွက်ပေါ်ခဲ့သည်။

ပြီးခဲ့သည့်နှစ်ကုန်ပိုင်းက နေရွှေသွေးအောင်၏ ကားရှေ့မှ ပိတ်ရပ်မိသည့်အတွက် ယခင် နိုင်ငံခြားရေးဝန်ကြီး ဦးဉာဏ်ဝင်း၏ ကိုယ်ရေးအရာရှိ တဦးသည် နေရွှေသွေးအောင်၏ ဆုံးမသြ၀ါဒကို ၂ နာရီခန့် နားထောင်ခဲ့ရသည်ဟု ဆိုသည်။

ဦးသန်းရွှေ၏ အချစ်ဆုံးမြေးတဦးဖြစ်သည်ဟု ထင်ရှားသည့် နေရွှေသွေးအောင်သည် ဒေါက်တာ နေစိုးမောင် နှင့် ဒေါ်ကြည်ကြည် ရွှေ တို့၏သား ဖြစ်သည်။

Ref: ဧရာဝတီ

Read More...

NDF ပါတီက လူငယ်အဖွဲ့တွေ ဖွဲ့တော့မည်

2011-11-16

ပါတီရဲ့ စည်းရုံးရေး လုပ်ငန်းတွေကို အားမြှင့် ဆောင်ရွက်နိုင်ဖို့ ရည်ရွယ်ပြီး NDF အမျိုးသား ဒီမိုကရေစီ အင်အားစုပါတီက တစ်နိုင်ငံလုံးမှာ လူငယ်အဖွဲ့တွေ စတင် ဖွဲ့စည်းသွားဖို့ မနေ့က ဆွေးနွေး ဆုံးဖြတ်ခဲ့တယ်လို့ သိရပါတယ်။

လူငယ်လုပ်ငန်း ဖော်ဆောင်ရေး အဖွဲ့တွေကို ၂၀၁၁ ခု ဇန်န၀ါရီ အတွင်း တစ်နိုင်ငံလုံး အပြီးသတ် ဖွဲ့စည်းသွားမှာ ဖြစ်ကြောင်း NDF ပါတီ ခေါင်းဆောင် ဦးခင်မောင်ဆွေက အာရ်အက်ဖ်အေကို ဒီကနေ့ ပြောကြားပါတယ်။


ဒီအတောအတွင်း NDF ပါတီရဲ့ ကချင်ပြည်နယ် ရုံးခွဲကို လာမဲ့ ၁၉ ရက်မှာ မြစ်ကြီးနားမြို့မှာ ဖွင့်လှစ်မယ်လို့ သိရပါတယ်။ NDF ပါတီကို ၂၀၁၀ ရွေးကောက်ပွဲ ၀င်ရောက်ဖို့ ဆုံးဖြတ်ခဲ့တဲ့ အင်န်အယ်လ်ဒီပါတီ ခေါင်းဆောင်ဟောင်း တချို့က တည်ထောင်ထား တာ ဖြစ်ပါတယ်။

Ref: အာရ်အဖ်အေ

Read More...

မြန်မာနိုင်ငံမှာ ဂျပန် စီးပွားရေး ရင်းနှီးမြှုပ်နှံမှုတွေ အလားအလာရှိ

2011-11-16

မြန်မာနိုင်ငံက အပြောင်းအလဲ လက္ခဏာတွေကို အာဆီယံနိုင်ငံတွေက ချီးကျူးပြောဆိုနေကြချိန်မှာ ဂျပန် အစိုးရက မြန်မာနိုင်ငံမှာ စီးပွားရေး ရင်းနှီးမြှုပ်နှံမှုတွေ တိုးတက် များပြားလာဖို့ အလားအလာတွေ ရှိတယ်လို့ မနေ့က ပြောကြားလိုက်ပါတယ်။

ဂျပန်နိုင်ငံဟာ မြန်မာနဲ့ ကုန်သွယ်ရေး အပြည့်အ၀ ပြန်လည်စတင်ဖို့ အဆင်သင့် မဖြစ်သေးပေမဲ့ မြန်မာနိုင်ငံမှာ ရင်းနှီး မြှုပ်နှံမှု တွေ ဖြည်းဖြည်းချင်း တိုးများလာမယ် ဆိုတာကိုတော့ တွေ့မြင်နေရတယ်လို့ ဂျပန် နိုင်ငံခြားရေးဌာန အာရှရေးရာ ဒုတိယ ညွှန်ကြားရေး မှူးချုပ် Ishikane က ပြောကြားသွားပါတယ်။



ဂျပန် အစိုးရ အနေနဲ့ မြန်မာနိုင်ငံနဲ့ စီးပွားရေး တစ်စုံတစ်ရာ ဆောင်ရွက်ချင်ပေမဲ့ ဖြည်းဖြည်းချင်းပဲ လုပ်ဆောင်မှာ ဖြစ်ကြောင်း၊ အခြေအနေတွေကို သတိကြီးကြီး ထားပြီး စောင့်ကြည့် လေ့လာနေကြောင်း Mr. Ishikane က အာဆီယံ ထိပ်သီး ညီလာခံ ကျင်းပနေတဲ့ အင်ဒိုနီးရှား နိုင်ငံ ဘာလီမြို့မှာ သတင်းထောက်တွေကို ပြောကြားပါတယ်။

ဒီအတောအတွင်း ဂျပန် ကုန်သည်ကြီးများနဲ့ စီးပွားရေး လုပ်ငန်းရှင်များ အသင်းဟာ မြန်မာနိုင်ငံကို ကိုယ်စားလှယ် အဖွဲ့ တစ်ဖွဲ့ စေလွှတ်ဖို့ စီစဉ်နေကြောင်း သိရပါတယ်။ မြန်မာနိုင်ငံရဲ့ စီးပွားရေး ပြုပြင် ပြောင်းလဲရေး အတွက် အထောက်အကူပြုမဲ့ အလုပ်ရုံ ဆွေးနွေးပွဲ တစ်ရပ်ကို ဒီဇင်ဘာလနဲ့ ဇန်န၀ါရီလ အကြားမှာ ကျင်းပနိုင်ဖို့ စီစဉ်နေတယ်လို့လည်း ဂျပန် နိုင်ငံခြားရေး ၀န်ကြီးဌာန အရာရှိတွေက ပြောပါတယ်။

ဂျပန်အစိုးရဟာ ဒေါ်အောင်ဆန်းစုကြည် မနှစ်က နေအိမ် အကျယ်ချုပ်က လွတ်မြောက်လာပြီးနောက် မြန်မာနိုင်ငံက အသေးစား အခြေခံ အဆောက်အအုံ စီမံကိန်းတွေမှာ ပါဝင် ဆောင်ရွက်နိုင်ရေး အတွက် အကူအညီပေးရေး ဆိုင်ရာ ထိန်းချုပ် ကန့်သတ် ထားမှုတွေကို ဖြေလျော့ပေးခဲ့ပါတယ်။

Ref: အာရ်အဖ်အေ

Read More...

ဒေါ်အောင်ဆန်းစုကြည် ပြောဆိုချက်တချို့ စိစစ်ရေးက ဖြတ်

2011-11-16

နိုဝင်ဘာလ ၁၄ ရက်က ဒေါ်အောင်ဆန်းစုကြည် နေအိမ် အကျယ်ချုပ်က လွတ်မြောက်ခြင်း တစ်နှစ်ပြည့် ကျင်းပခဲ့တဲ့ သတင်းစာ ရှင်းလင်းပွဲ အကြောင်း အပတ်စဉ်ထုတ် ဂျာနယ်တွေက ဖေါ်ပြခဲ့ကြရာမှာ ဒေါ်အောင်ဆန်းစုကြည် ပြောဆိုခဲ့တဲ့ စကားရပ်တချို့ကို စာပေစိစစ်ရေးက ဖြတ်တောက်ခဲ့တယ်လို့ သိရပါတယ်။

အဓိကအနေနဲ့ တရားရေး မဏ္ဍိုင် ကျေနပ်လောက်အောင် မရှိသေးဘူးဆိုတဲ့ အကြောင်း အပါအ၀င် စကားရပ် တချို့ ဖြုတ်ပယ် ခံရတယ်လို့ ကြားသိရကြောင်း ပြည်သူ့ခေတ် ဂျာနယ် အတိုင်ပင်ခံ အယ်ဒီတာ မောင်ဝံသက ပြောပါတယ်။


ဒေါ်အောင်ဆန်းစုကြည်ရဲ့ ဆောင်းပါး တစ်စောင်ကိုလည်း စာပေ စိစစ်ရေးက ခွင့်မပြုသေးတဲ့ အတွက် မဖေါ်ပြနိုင်ဘဲ ဖြစ်နေပါ တယ်။ ဒေါ်အောင်ဆန်းစုကြည်က ပြည်သူ့ခေတ် ဂျာနယ်မှာ ပုဂံဘုရားဖူး ခရီးသွား ဆောင်းပါးတွေ ရေးသားနေရာမှာ ဆောင်းပါး အမှတ်စဉ် ၁ နဲ့ ၂ ဖေါ်ပြခဲ့ပြီး အမှတ်စဉ် ၃ ကို စာပေ စိစစ်ရေးက တချို့ နေရာတွေကို ဖြုတ်ပယ်ခိုင်းခဲ့ ပါတယ်။

ပညာရှင်တွေကို မတိုင်ပင်ဘဲ ရှေးဟောင်း ဘုရားတွေကို ပြင်ချင်သလို ပြင်ထားတာနဲ့ ပတ်သက်ပြီး ရေးတာကို စိစစ်ရေးက ဖြုတ် ပေးစေချင်ကြောင်း၊ အလားတူ အကြောင်းမျိုး ကွယ်လွန်သူ ဒေါက်တာ သန်းထွန်းက စာအုပ် ရေးသား ထုတ်ဝေဖူးကြောင်း ဆရာ မောင်ဝံသက ပြောပြပါတယ်။

ဒေါ်အောင်ဆန်းစုကြည်ရဲ့ ပုဂံခရီးသွား ဆောင်းပါး အမှတ် ၁ ဟာလည်း အချိန် အတော်ကြာ စောင့်ဆိုင်းပြီးမှ ဖေါ်ပြခွင့်ရခဲ့ ပါ တယ်။ လက်ရှိ စာပေ စိစစ်ရေးဌာန အကြီးအကဲ ဦးတင့်ဆွေကတော့ ဒီမိုကရေစီ နိုင်ငံမှာ စာပေ စိစစ်ရေး ဆိုတာ မရှိသင့်တော့ ကြောင်း အာရ်အက်ဖ်အေကို မကြာခင်က ပြောဆိုခဲ့ပါတယ်။

Ref: အာရ်အဖ်အေ

Read More...

ထင်ရှားတဲ့ နိုင်ငံရေးအကျဉ်းသား တချို့ ထောင်ပြောင်း

2011-11-16

ကိုမင်းကိုနိုင်၊ မနီလာသိန်းစတဲ့ ၈၈ မျိုးဆက် ကျောင်းသား ခေါင်းဆောင်တွေနဲ့ ရှမ်းတိုင်းရင်းသား ခေါင်းဆောင် ဦးခွန်ထွန်းဦး အပါအ၀င် ထင်ရှားတဲ့ နိုင်ငံရေး အကျဉ်းသားတချို့ကို ဒီကနေ့ ထောင်ပြောင်းလိုက်တယ်လို့ သိရပါတယ်။

အဲဒီလို ထောင်ပြောင်းတဲ့ အထဲမှာ စစ်ကိုင်းတိုင်း ကလေးမြို့ အကျဉ်းထောင်က နိုင်ငံရေး အကျဉ်းကျ အရှင် ဂမ္ဘီရနဲ့ ရခိုင် ပြည်နယ် ဂွမြို့နယ် လွှတ်တော် အမတ် ဦးညီပု တို့လည်း ပါဝင်တယ်လို့ သိရပါတယ်။


ဘယ်ထောင်ပြောင်းတယ် ဆိုတာ အတိအကျ မသိရပေမဲ့ ရန်ကုန် အင်းစိန်ထောင်ကို ပြောင်းတယ်လို့ ထင်ကြေးပေးနေကြ ပါ တယ်။

အရှင် ဂမ္ဘီရနဲ့ ဦးညီပုတို့ကို အများ မမြင်အောင် လေယာဉ်နား အထိ ကားနဲ့ ခေါ်သွားတဲ့ အကြောင်း အရှင် ဂမ္ဘီရရဲ့မယ်တော် ဒေါ်ရေးက ကလေးမြို့ လေဆိပ် အနီးကနေ အာရ်အက်ဖ်အေကို ပြောပါတယ်။

အခုလို အကျဉ်းသားတွေကို ပြောင်းရွှေ့တာ မိဘ ဆွေမျိုးတွေကို အကြောင်းကြားခြင်း မရှိဘူးလို့ သိရပါတယ်။ အာရ်အက်ဖ်အေ က လက်လှမ်းမှီသမျှ စုံစမ်းရရှိတဲ့ သတင်းတွေ အရ ကျိုင်းတုံထောင်က ကိုမင်းကိုနိုင်ကို သရက်ထောင်၊ ပူတာအိုထောင်က ဦးခွန်ထွန်းဦးကို တောင်ငူထောင်၊ ကိုစည်သူဇေယျကို အင်းစိန်ထောင် ကနေ ဟင်္သာတထောင်၊ ကျောက်ဖြူထောင်က ကိုသူရိန် ကျော်ကို ဖားအံထောင် အသီးသီး ပြောင်းရွှေ့လိုက်တယ်လို့ သိရပါတယ်။

အခုလ ၁၃ ရက်က မြန်မာနိုင်ငံ အမျိုးသား လူ့အခွင့်အရေး ကော်မရှင်ကနေ နယ်ဝေးထောင်တွေမှာ ယုံကြည်ချက်ကြောင့် အကျဉ်းကျ ခံနေရတဲ့သူတွေကို လွတ်ငြိမ်း ချမ်းသာခွင့်မှာ ထည့်မပေးနိုင်သေးရင် မိသားစုနဲ့ နီးစပ်တဲ့ နေရာတွေက ထောင် တွေကို ပြောင်းပေးဖို့ သမ္မတ ဦးသိန်းစိန်ကို မေတ္တာရပ်ခံခဲ့ပါတယ်။

Ref: အာရ်အဖ်အေ

Read More...

အမေရိကန်နဲ့ ဆက်ဆံရေး ကောင်းအောင်လုပ်ဖို့ မြန်မာကို အိုဘားမားတိုက်တွန်း

16 နိုဝင်ဘာ 2011
ဦးသိန်းထိုက်ဦး

မြန်မာနိုင်ငံမှာ လူ့အခွင့်အရေးချိုးဖောက်မှုတွေ ဆက်ရှိနေဆဲဖြစ်ပြီး မြန်မာအစိုးရအနေနဲ့ အမေရိကန် ပြည်ထောင်စုနဲ့ ဆက်ဆံ ရေး ပိုပြီး ကောင်းမွန်အောင် မြန်မာနိုင်ငံဘက်က ရှေ့ဆက်လုပ်ဆောင်ရမှာတွေကို ရှင်းရှင်းလင်းလင်း ဆက်ပြောမှာ ဖြစ်တဲ့ အကြောင်း အမေရိကန် သမ္မတ ဘရက်ခ်အိုဘားမားက ပြောဆိုသွားပါတယ်။ နိုဝင်ဘာလ ၁၆ ရက်နေ့ ပြီးခဲ့တဲ့ မိနစ်ပိုင်းက သြစတေးလျနိုင်ငံ လွှတ်တော်မှာ ပြောကြားတဲ့ မိန့်ခွန်းထဲ မြန်မာနိုင်ငံအရေးကို ထည့်သွင်းပြောဆိုသွားတာပါ။ ဦးသိန်းထိုက်ဦးက ဆက်ပြီး တင်ပြပါလိမ့်မယ်။

ဒီလို ဒီမိုကရေစီပေါ်ထွန်းစနိုင်ငံတွေမှာ လူထုအဓိက လူ့အဖွဲ့အစည်းတွေ၊ လူထုအကျိုးပြုအဖွဲ့အစည်းတွေကနေ နိုင်ငံသားတွေကို တာဝန်ပေးနိုင်အောင်၊ ကောင်းမွန်တဲ့အစိုးရတွေ ပေါ်လာအောင် စွမ်းဆောင်ဖို့ အရေးကြီးတယ်ဆိုတာကိုလည်း အခုလို ထည့် သွင်းပြီးတော့ ပြောဆိုသွားပါတယ်။

“လွတ်လပ်ခွင့်ိကို ခြိမ်းခြောက်ခံရတဲ့ အခြေအနေတွေမှာ ကျနော်တို့က လွတ်လပ်ခွင့်အတွက် ရဲရဲဝံ့ဝံ့ ပြောဆိုခဲ့ကြပါတယ်။ အင်ဒိုနီးရှားလို ထွန်းသစ်စ ဒီမိုကရေစီ နိုင်ငံတွေနဲ့ ကောင်းမွန်တဲ့အစိုးရ အုပ်ချုပ်ရေးတွေပေါ်လာအောင်၊ အစိုးရအုပ်ချုပ်ရေး ယန္တယားတွေ ခိုင်မာအောင် ကျနော်တို့ လက်တွဲ ကူညီခဲ့ကြတယ်။

လွတ်လပ်ပွင့်လင်းတဲ့ အစိုးရတွေ ပေါ်လာရေးကို ကျနော်တို့က အားပေးတာက ဒီမိုကရေစီ ဆိုတာ သတင်းအချက်အလက်တွေကို နားလည်ပြီး တက်ကြွလှုပ်ရှားနေတဲ့ နိုင်ငံသားတွေအပေါ်မှာ မှီတည်နေလို့ပါ။ လူမှုအဓိက လူ့အဖွဲ့အစည်းတွေ ပိုပြီး ခိုင်မာအောင် ကျနော်တို့ က ကူညီပေးပါတယ်။ ဘာလိုလဲဆိုတော့ လူထု အဓိက လူ့အဖွဲ့အစည်းတွေဟာ သူတို့အစိုးရတွေ တာဝန်ယူမှု ရှိလာ အောင် ပြည်သူတွေကို တာဝန်အပ်နှင်းပေး၊ ကူညီပေးတဲ့ အဖွဲ့အစည်းတွေမို့ပါ။

ပြည်သူတွေရဲ့ အခွင့်အရေး၊ အမျိုးသမီးတွေရဲ့ အခွင့်အရေး၊ လူမျိုးစုတွေနဲ့ ဌာနေတိုင်းရင်းသားတွေ အရေးကို ကျနော်တို့က တိုးမြှင့်ဆောင်ရွက်နေပါတယ်။ ဒီလို လူထုအကျိုးပြု အဖွဲ့အစည်းတွေကပဲ ပြည်သူတွေအားလုံး သူတို့ရဲ အခွင့်အလမ်းတွေ ပိုင်ဆိုင်နိုင်အောင် ထောက်ပံ့ကူညီပြီ ပိုပြီး အောင်မြင်တဲ့ ပိုပြီးချမ်းသာကြွယ်ဝတဲ့ တရားမျှတမှုရှိတဲ့ လူ့အဖွဲ့အစည်း တွေပေါ် ပေါက်လာအောင် ကူညီဆောင်ရွက်ပေးနေတာပါ”

-ဆိုပြီး သမ္မတ အိုဘားမားက ပြောသွားတာပါ။ မြန်မာနိုင်ငံအခြေအနေနဲ့ပတ်သက်လို့ သမ္မတအိုဘားမား တိတိကျကျ ပြော သွားတာက-

“မြန်မာနိုင်ငံကို ချဉ်းကပ်မှု မူဝါဒတွေနဲ့ပတ်သက်လို့ မြန်မာနိုင်ငံအပေါ်မှာ အရေးယူပိတ်ဆို့မှုနဲ့ ထိတွေ့ ဆက်ဆံရေးမှုကို ပူးတွဲ ကျင့်သုံးနေပါတယ်။ ဒီနေ့ဆိုရင် ဒေါ်အောင်ဆန်းစုကြည်ဟာ နေအိမ် အကျယ်ချုပ်က လွတ်မြောက်ခဲ့ပါပြီ။ နိုင်ငံရေးအကျဉ်းသား တချို့လည်း လွတ်မြောက်ခဲ့ပါပြီ။ အစိုးရဘက်ကလည်း တွေ့ဆုံဆွေးနွေးစကားပြောလာတာတွေ ရှိပါတယ်။ ဒါပေမယ့်လည်း လူ့ အခွင့်အရေးချိုးဖေါက်မှုတွေကတော့ မြန်မာနိုင်ငံမှာ ဆက်ရှိနေဆဲဖြစ်ပါတယ်။

မြန်မာအစိုးရအနေနဲ့ အမေရိကန်ပြည်ထောင်စုနဲ့ ဆက်ဆံရေး ပိုပြီးတော့ကောင်းမွန်အောင် ရှေ့ဆက် လုပ်ရမှာတွေကို ကျနော်တို့ ရှင်းရှင်းလင်းလင်း ဆက်ပြောရပါလိမ့်မယ် - ဆိုပြီး ပြောဆိုသွားခဲ့တာပါ ခင်ဗျာ။

Ref: ဗွီအိုအေ

Read More...

အာဆီယံဥက္ကဋ္ဌ မြန်မာဖြစ်ရေး အသေအချာစဉ်းစားဖို့ အမေရိကန်တိုက်တွန်း

16 နိုဝင်ဘာ 2011
ကိုသားညွန့်ဦး

မြန်မာနိုင်ငံကို အာဆီယံအလှည့်ကျဥက္ကဋ္ဌနေရာ ပေးရေး မပေးရေးဟာ အာဆီယံ အသင်းဝင်နိုင်ငံတွေကပဲ ဆုံးဖြတ်ရမှာဖြစ် တယ်လို့ အမေရိကန်ပြည်ထောင်စုက ပြောလိုက်ပါတယ်။ ဒါပေမယ့်လည်း မြန်မာကို အာဆီယံ ဥက္ကဋ္ဌနေရာ ထားခြင်းအားဖြင့် အာဆီယံအသင်းကြီးရဲ့ မျှော်မှန်းချက်တွေ ထိထိရောက်ရောက် အကောင်အထည် ဖော်နိုင်ပါ့မလားဆိုတာကိုတော့ အာဆီယံနိုင်ငံ တွေ အလေးထားစဉ်းစားဖို့ အမေရိကန်ပြည်ထောင်စု က အာဆီယံကို တိုက်တွန်း လိုက်ပါတယ်။ ဒီအကြောင်း ကိုသားညွန့်ဦးက တင်ပြပေးပါမယ်။

မြန်မာနိုင်ငံကို လာမယ့် ၂၀၁၄ ခုနှစ် အာဆီယံအလှည့်ကျ ဥက္ကဋ္ဌ တာဝန်ပေးရေးကို မကြာခင် အာဆီယံ ထိပ်သီးအစည်း အဝေး ကနေ ဆုံးဖြတ်တော့မှာဖြစ်ပါတယ်။ အာဆီယံအစည်းအဝေးတွေနဲ့ နောက်ဆက်တွဲ အစည်းအဝေးတွေကို တက်ရောက် ဖို့အတွက် အမေရိကန်သမ္မတအိုဘားမား အပါအ၀င် အမေရိကန် ထိပ်တန်းအရာရှိတွေလည်း အင်ဒိုနီးရှား ဘာလီအစည်းအဝေးကို မကြာခင် ရောက်မှာဖြစ်ပါတယ်။

ဒါကြောင့်လည်း မြန်မာနိုင်ငံကို အာဆီယံအလှည့်ကျဥက္ကဋ္ဌ ရရေးအတွက် အမေရိကန်ပြည်ထောင်စု အနေနဲ့ အဲဒီမှာ ထောက်ခံမှု ပေးခြင်းအားဖြင့် မြန်မာ အမေရိကန် သံတမန်ရေးဆက်ဆံရေးကို တည်ဆောက်ဖို့လိုမယ်ဆိုပြီး မြန်မာအစိုးရသမ္မတရုံး ညွှန်ကြား ရေးမှူး ဦးဇော်ဌေးက မနေ့ထုတ် ဝါရှင်တန်ပို့စ်သတင်းစာမှာ ဆောင်းပါးရေးပြီး တိုက်တွန်းထားပါတယ်။ ဒါပေမယ့်လည်း အာဆီယံ အလှည့်ကျဥက္ကဋ္ဌ မြန်မာကို ပေးရေးမပေးရေးဟာ အာဆီယံအသင်းဝင်နိုင်ငံတွေကပဲ ဆုံးဖြတ်ရမှာ ဖြစ်ပြီး ဒီဆုံးဖြတ်တဲ့နေရာမှာ အာဆီယံအသင်းကြီးရဲ့ မျှော်မှန်းချက်တွေကို ထည့်တွက် စဉ်းစားဖို့ လိုလိမ့်မယ်လို့ အမေရိကန်ပြည်ထောင်စုက သဘောထားတဲ့ အ ကြောင်း အမေရိကန် နိုင်ငံခြားရေးဌာန တာဝန်ရှိ အရာရှိတဦးက ဗွီအိုအေကို ပြောပါတယ်။

“အာဆီယံဥက္ကဋ္ဌနေရာကိစ္စကတော့ အာဆီယံအဖွဲ့ဝင်နိုင်ငံတွေ ဆုံးဖြတ်ရမှာပါ။ ဒီမိုကရေစီနဲ့ လူ့အခွင့် အရေးအခြေအနေတွေ တိုးတက်ကောင်းမွန်လာဖို့နဲ့ ဒေသတွင်းငြိမ်းချမ်းမှုနဲ့ တည်ငြိမ်မှုရှိဖို့ အပါအ၀င် အာဆီယံအသင်းကြီးရဲ့ မျှော်မှန်းချက်တွေ ထိထိ ရောက်ရောက် ဆောင်ရွက်နိုင်ဖို့အတွက် အာဆီယံဥက္ကဋ္ဌနေရာကိစ္စကို အာဆီယံအသင်းဝင်နိုင်ငံတွေ အသေအချာစဉ်းစား ကိုင် တွယ် ဖို့ အမေရိကန်ပြည်ထောင်စုကတော့ တိုက်တွန်းပါတယ်”

မြန်မာအစိုးရသမတရုံး ညွှန်ကြားရေးမှူး ဦးဇော်ဌေးရဲ့ ဝါရှင်တန်ပို့စ်ဆောင်းပါးမှာတော့ မြန်မာအတွက် အရေးကြီးတဲ့အပြောင်းအလဲ တွေ ဖြစ်လာစေရေးအတွက် ၂၀၁၄ အာဆီယံအလှည့်ကျ တာဝန် ယူနိုင်ရေးဟာ အရေးပါတယ်လို့ ရေးသားထားပါတယ်။ သမ္မတ ဦးသိန်းစိန်ဟာ ပြုပြင်ပြောင်းလဲမှု အတွက် လိုလားသူဖြစ်ပြီး မြန်မာတနိုင်ငံလုံးအတွက်လည်း မျှော်လင့်ချက်ဖြစ်တယ် လို့လည်း ညွှန်းဆို ရေးသားထားပါတယ်။ ဒါကြောင့် အမေရိကန်ပြည် ထောင်စုအပါအ၀င် အနောက်နိုင်ငံတွေအနေနဲ့ သမ္မတဦးသိန်းစိန်ကို ထောက်ခံအားပေးကြဖို့နဲ့ အကျဉ်းအကျပ်ဖြစ်စေမယ့် ဖိအားမျိုးတွေ မပေးဖို့လည်း အဲဒီဆောင်းပါးမှာ တိုက်တွန်းထားပါတယ်။ ဒါကြောင့် အမေရိကန်ပြည်ထောင်စုနဲ့ အနောက်နိုင်ငံတွေရဲ့ နှစ်လမ်းသွားမူဝါဒကို ပြောင်းလဲဖို့လိုမယ်လို့ ဆိုပါတယ်။

နှစ်လမ်းသွားမူဝါဒဆိုတာကတော့ လက်ရှိ အမေရိကန်ပြည်ထောင်စုက မြန်မာအပေါ်ထားတဲ့ ထိစပ် ဆက်ဆံရေးနဲ့ ဖိအားပေး အရေးယူဒဏ်ခတ်မှု မူဝါဒနှစ်ရပ်ကို ရည်ညွှန်းပုံရပါတယ်။ ဒါပေမယ့် အမေရိကန်ပြည်ထောင်စုအနေနဲ့ကတော့ လက်ရှိ မြန်မာ နိုင်ငံက ပြုပြင်ပြောင်းလဲမှုအချို့ကို အသိအမှတ်ပြုပေမယ့် လုပ်ဆောင်စရာတွေ အတော်ကျန်သေးတယ်လို့ မြင်ပါတယ်။ မြန်မာ အစိုးရအနေနဲ့ ဒီထက် ခိုင်မာတဲ့ အပြောင်းအလဲတွေ လုပ်ပြဖို့ လိုမယ်လို့ အမေရိကန်နိုင်ငံခြားရေးဌာန ပြောခွင့်ရသူ မာ့ခ် တိုနာကပဲ တနေ့က သတင်းစာရှင်းလင်းပွဲမှာ ပြောခဲ့ပါတယ်။

“အပြုသဘောတိုးတက်မှုအချို့ လက္ခဏာတွေကိုတော့ တွေ့နေရပါပြီ။ မြန်မာအစိုးရနဲ့လည်း တွေ့ဆုံ ဆွေးနွေးရတာ အဆင်ပြေ မှုတွေ ရှိနေပါတယ်။ ဒါပေမယ့် ကျနော်တို့ အရင်ပြောခဲ့သလို နိုင်ငံရေးအကျဉ်းသား တွေအားလုံးလွတ်မြောက်ရေး အပါအ၀င် အပြုသဘောဆောင်တဲ့ ခိုင်မာတဲ့ ခြေလှမ်းတွေကို မြင်လိုပါတယ်။ မြန်မာနိုင်ငံရေးစနစ် ပွင့်လင်းလာတာကို မြင်တွေ့လိုပါတယ်။”

မြန်မာသမ္မတရုံး ညွန်ကြားရေးမှူး ဦးဇော်ဌေးရဲ့ ဝါရှင်တန်ပို့စ်ဆောင်းပါးထဲမှာတော့ အမေရိကန် ပြည်ထောင်စု အပါအဝင် နိုင်ငံ တကာက လိုလားတောင်းဆိုနေတဲ့ နိုင်ငံရေးအကျဉ်းသားကိစ္စကိုတော့ တလုံးတပါဒမှ ထည့်သွင်းဖော်ပြတာမျိုး မရှိပါဘူး။ ပြည်တွင်း က နိုင်ငံရေးအစုအဖွဲ့တွေ တိုင်းရင်းသားတွေနဲ့ နိုင်ငံရေးအရ တွေ့ဆုံညှိနှိုင်းအဖြေရှာဖို့ အလားအလာတွေကိုလည်း ထည့်ရေးတာ မရှိပါဘူး။ ဒါပေမယ့်တော့ မြန်မာသမ္မတ ဦးသိန်းစိန်ဟာ ဒီမိုကရေစီဖြစ်ထွန်းရေးအတွက် တကယ့်ကို ဆန္ဒရှိသူဖြစ် တယ် လို့ ဒေါ်အောင်ဆန်းစုကြည် က ပြောဆိုခဲ့တာကိုတော့ ကိုးကားဖော်ပြပါတယ်။

Ref: ဗွီအိုအေ

Read More...

မြန်မာပြုပြင်ပြောင်းလဲဖို့ အင်ဒို မျှော်လင့်

16 နိုဝင်ဘာ 2011
ဦးသိန်းထိုက်ဦး

မြန်မာနိုင်ငံအနေနဲ့ ၂၀၁၄ ခုနှစ်၊ အာဆီယံအလှည့်ကျ ဥက္ကဋ္ဌတာဝန် ယူမယ်ဆိုရင် ဒီမိုကရေစီရေး အတွက် နောက်ပြန်မလှည့် ကြည့်နိုင်တဲ့ တိုးတက်တဲ့ပြောင်းလဲမှုတွေ ဖော်ဆောင်ဖို့ အာဆီယံနိုင်ငံခြားရေး ၀န်ကြီးတွေက မျှော်လင့်ထားတဲ့အကြောင်း အင်ဒို နီးရှား နိုင်ငံခြားရေးဝန်ကြီး မာတီ နာတာလီဂါဝါက မနေ့က ဘာလီကျွန်းမှာကျင်းပတဲ့ သတင်းစာရှင်းလင်းပွဲမှာ ပြောဆိုသွားပါ တယ်။ ဒီသတင်းစာရှင်းလင်းပွဲအကြောင်းကို ဦးသိန်းထိုက်ဦးကဆက်ပြီး တင်ပြပေးထားပါတယ်။

မနေ့ကတုန်းက ဘာလီကျွန်းမှာကျင်းပတဲ့အင်ဒိုနီးရှားနိုင်ငံခြားရေးဝန်ကြီး မာတီနာတာလီဂါဝါရဲ့ သတင်းစာ ရှင်းလင်းပွဲမှာ မြန်မာ နိုင်ငံ အာဆီယံအလှည့်ကျဥက္ကဋ္ဌတာဝန် ယူရေးမယူရေးကိစ္စကို အဓိက ရှင်းလင်းပြော ဆိုသွားတာကိုတွေ့ရပါတယ်။ သူမြန်မာ နိုင်ငံကို သွားရောက်ပြီး လေ့လာကြည့်ရှုခွင့်ရသမျှ အခြေအနေ အရ မြန်မာနိုင်ငံရဲ့အခြေအနေဟာ လွတ်လပ်ပွင့်လင်းတဲ့ အခြေ အနေ၊ ပြုပြင်ပြောင်းလဲမှုဆီ ဦးတည်နေပြီ လို့ ယုံကြည်တဲ့အကြောင်း အင်ဒိုနီးရှားနိုင်ငံခြားရေးဝန်ကြီးကပြောပါတယ်။

“ကျနော်ပြောနိုင်တာက မြန်မာနိုင်ငံမှာ တိုးတက်လာတဲ့ ဖြစ်စဉ်တွေကို တွေ့နေရပြီဆိုတာပါ။ အင်ဒိုနီးရှား ကိုယ်တိုင် ဒီမိုကရေစီ ရေး ပြုပြင်ပြောင်းလဲမှုတွေကို ဖြတ်သန်းခဲ့ရတာပါ။ ဒါဟာ ဆက်လက် ဖြစ်ပေါ်နေတဲ့ ဖြစ်စဉ်တခုပါ။ တကြိမ်တခါတည်းနဲ့ ပြီးဆုံး သွားတဲ့ အဖြစ်အပျက်တခု မဟုတ်ပါဘူး။ ကျနော်ကိုယ်တိုင် မြန်မာနိုင်ငံကို သွားပြီး ပြောင်းလဲမှုတွေကို ခတ္တခဏ လေ့လာခွင့် ရခဲ့ပါတယ်။ ကျနော့အနေနဲ့ မမှားဘူးဆိုရင် မြန်မာနိုင်ငံဟာ ပိုပြီး ကြီးမားတဲ့ လွတ်လပ်ပွင့်လင်းတဲ့ အခြေအနေ ပြုပြင်ပြောင်းလဲ မှုတွေဆီ ဦးတည်နေပြီဆိုတာပါပဲ”

မြန်မာအစိုးရ အနေနဲ့နိုင်ငံရေးအကျဉ်းသား တွေကိုထပ်လွှတ်ပေးတာမျိုးပြုပြင်ပြောင်းလဲမှု တွေဆက်လုပ်ဖို့လည်း အင်ဒိုနီးရှား နိုင်ငံ ခြားရေးဝန်ကြီးမာတီနာတာလီဂါဝါက သတင်းစာရှင်းလင်းပွဲမှာတိုက်တွန်းသွားပါတယ်။

“နိုင်ငံရေးအကျဉ်းသားတွေကို လွှတ်ပေးတာ၊ ဒေါ်အောင်ဆန်းစုကြည်လို ပုဂ္ဂိုလ်မျိုးတွေအပါအ၀င် တွေ့ဆုံ ဆွေးနွေးမှုတွေ ရှိနေ တာ။ နိုင်ငံရေးပါတီတွေရဲ့ မှတ်ပုံတင်ခွင့် ဥပဒေကို ပြင်ဆင်တာ၊ ဒါတွေအပါဝင် ဥပမာတွေတော်တော်များများကို ကျနော်တို့ ဘက်က ပြောင်းလဲလာတဲ့အခြေအနေလို့၊တနည်းတလမ်းနဲ့ သက်သေပြလို့ ရတဲ့အချက်တွေလို့ ပြောချင်ပါတယ်။ ဒါပေမယ့် ကျနော်တို့ဘက်က ဒီလို ပြောင်းလဲမှု အရှိန်ကို လျော့မသွားအောင် မြန်မာနိုင်ငံအနေနဲ့ ဆက်ထိန်းထားစေချင်ပါတယ်။ နိုင်ငံရေး အကျဉ်းသားတွေကို ထပ်လွှတ်ပေးတာမျိုးတွေ ပြုပြင်ပြောင်းလဲမှုတွေ လုပ်စေချင်ပါတယ်”

မြန်မာနိုင်ငံ အာဆီယံအလှည့်ကျ ဥက္ကဋ္ဌတာဝန်ယူရေးကိုအာဆီယံနိုင်ငံခြားရေးဝန်ကြီးတွေ အားလုံးက လက်ခံထားပြီးဒါကိုဒေသတွင်း နိုင်ငံခေါင်းဆောင် အစိုးရတွေဆီတင်ပြမှာဖြစ်တဲ့ အကြောင်းကိုလည်းမာတီနာတာလီဂါဝါကထည့်သွင်းပြောဆိုသွားပါတယ်။

“အာဆီယံ နိုင်ငံခြားရေး ၀န်ကြီးတွေရဲ့ အစည်းအဝေးတွေ အတွင်းမှာ ပြောဆိုကြတာတွေကို ကျနော် နားလည်လက်ခံမိတာက မြန်မာနိုင်ငံအတွင်း ပြုပြင်ပြောင်းလဲမှု အပြုသဘောဆောင်တဲ့ ဖြစ်စဉ်တွေကို အားလုံးက လှိုက်လှိုက်လှဲလှဲ ကြိုဆိုကြပါတယ်။ ဒါပေမယ့် ဒီ ဖြစ်စဉ်တွေကို ရှေ့ဆက်လုပ်ဆောင်ဖို့ သတိပေးထားသလိုပဲ ၂၀၁၄ မှာ မြန်မာနိုင်ငံ အာဆီယံ အလှည့်ကျ ဥက္ကဋ္ဌ တာဝန်ပေးမယ်ဆိုရင် ဒီ အပြောင်းအလဲတွေ ဆက်လုပ်ဆောင်မယ်ရဆိုတာကို အားလုံးက နားလည်ထားကြပါတယ်။ ကျနော်တို့က မြန်မာနိုင်ငံကို သူ့ဘက်က အပြောင်းအလဲတွေ ဖော်ဆောင်လာအောင် တွန်းအားပေးစေ့ဆော်တဲ့ အနေအထားပါ”- ဆိုပြီး အင်ဒိုနီးရှားနိုင်ငံခြားရေး ဝန်ကြီး မာတီနာတာလီဂါဝါကပြောဆိုသွားပါတယ်။

Ref: ဗွီအိုအေ

Read More...

မြန်မာပြုပြင်ပြောင်းလဲမှု နိုင်ငံရေးအကျဉ်းသားများလွှတ်ပေးရေးနဲ့ တိုင်းတာ

16 နိုဝင်ဘာ 2011
ဒေါ်ခင်မျိုးသက်

မြန်မာနိုင်ငံကို နိုဝင်ဘာလဆန်းမှာ ပထမဆုံးအကြိမ် သွားရောက်ခဲ့တဲ့ အမေရိကန် လက်ထောက် နိုင်ငံခြားရေးဝန်ကြီး မိုက်ကယ် ပို့စနာက မြန်မာနိုင်ငံမှာ အပြောင်းအလဲတွေ စတင်ဖြစ်ပေါ်နေတယ်ဆိုတာ သိသာတယ်လို့ ပြောကြားခဲ့ပေမယ့် မြန်မာအစိုးရ သစ် ဘက်က တကယ့်ပြောင်းလဲမှုတွေ ဆက်လုပ်ဖို့ သံဓိဌာန်ခိုင်မာမှု ရှိမရှိစမ်းသပ်မှုအဖြေဟာ ကျန်ရှိနေသေးတဲ့ နိုင်ငံရေး အကျဉ်းသား အားလုံး လွှတ်ပေးမှုပေါ် မူတည်နေတယ်လို့ VOA ကို ပြောပါတယ်။ အပြည့်အစုံကို ဒေါ်ခင်မျိုးသက်က တင်ပြ ပေးထားပါတယ်။

ဒီမိုကရေစီ၊ လူ့အခွင့်အရေးနဲ့ အမေရိကန်အလုပ်သမားရေးရာ လက်ထောက်နိုင်ငံခြားရေးဝန်ကြီး မိုက်ကယ်ပို့စနာဟာ နိုဝင်ဘာလ ၁ ရက်နေ့ကနေ ၄ ရက်နေ့အထိ မြန်မာနိုင်ငံကိုသွားရောက်ခဲ့ပြီး အစိုးရအဖွဲ့ တာဝန်ရှိသူတွေနဲ့ တွေ့ဆုံခဲ့သလို ဒေါ်အောင်ဆန်း စုကြည်နဲ့ အတိုက်အခံ နိုင်ငံရေး အဖွဲ့အစည်းတွေ၊ လူမှုလူ့အဖွဲ့အစည်း အသီးသီးက ပုဂ္ဂိုလ်တွေနဲ့ တွေ့ဆုံခဲ့ပါတယ်။

မစ္စတာပို့စနာဟာ မြန်မာနိုင်ငံကို ပထမဆုံးရောက်ခဲ့တာမို့ အရင်ကအနေအထားနဲ့ ယှဉ်မပြနိုင်ပေမယ့် ပြောင်းလဲမှုတွေ စဖြစ် နေ တယ်ဆိုတာ သိသာနေတယ်လို့ ဆိုပါတယ်။ ဒါပေမယ့် အစိုးရက ပြီးခဲ့တဲ့ လထဲမှာ အကျဉ်းသား ၆,၀၀၀ ကျော် လွတ်ငြိမ်း ချမ်းသာခွင့်နဲ့ လွှတ်ပေးတဲ့ထဲမှာ နိုင်ငံရေးအကျဉ်းသားက ၂၀၀ ကျော်ပဲ ရှိတာမို့ ဒီနိုင်ငံရေးအကျဉ်းသားတွေ လွှတ်ပေးမှုကိစ္စဟာ မြန်မာ အစိုးရသစ်ရဲ့ ပြုပြင်ပြောင်းလဲမှုခြေလှမ်း စစ်မှန်မှုကို မှတ်ကျောက်တင် စမ်းသပ်ရာမှာ အဓိက အချက်ဖြစ်နေတယ်လို့ အခုလိုပြောပါတယ်။

“မြန်မာနိုင်ငံမှာ နိုင်ငံရေးအကျဉ်းသားတွေက အတော်များများ ရှိနေပါသေးတယ်။ တကယ်လို့ မြန်မာနိုင်ငံမှာ တကယ့် အပြောင်း အလဲတွေဖြစ်လာဖို့အတွက် အစိုးရပိုင်းက အာမခံပြီး လုပ်မယ် မလုပ်ဘူးဆိုတာ စမ်းသပ်နိုင်တဲ့ အဓိကအချက်က ဒီနိုင်ငံရေး အကျဉ်းသားတွေကို ဆက်ပြီး လွှတ်ပေးတဲ့အပေါ် မူတည်နေတယ်လို့ အစိုးရတာဝန်ရှိသူတွေကို ကျွန်တော်တို့ ပြောခဲ့ပါတယ်”

မြန်မာအစိုးရရဲ့ သံဓိဌာန်ခိုင်မာမှုအပေါ်ဒုတိယ စမ်းသပ်နိုင်မှုကတော့ အနာဂတ် မြန်မာနိုင်ငံရဲ့ နိုင်ငံရေး လမ်းကြောင်း ဖွင့်ပေးတဲ့ ပုံစံလို့ မစ္စတာပို့စနာက ပြောပါတယ်။ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ အမျိုးသားဒီမိုကရေစီအဖွဲ့ချုပ် ပါတီ တရားဝင်ဖြစ်ရေး အတွက် ပါတီမှတ်ပုံတင်ဥပဒေ ပြင်ဆင်ပေးတာမျိုး သူကိုယ်တိုင် မြန်မာနိုင်ငံမှာရှိနေတုန်း လုပ်ဆောင် လာတာ တွေ့ရတာမို့ အခုဆိုရင် ပါတီတွင်း ဆန္ဒခံယူပြီး လာမယ့် ရွေးကောက်ပွဲတွေမှာ ပါဝင်ဖို့ ရှိမရှိ သူတို့ ကိုယ်တိုင် ဆုံးဖြတ် တော့မှာ ဖြစ်တယ်လို့ ဆိုပါတယ်။

ဒါပေမယ့် လာမယ့် လအနည်းငယ်အတွင်း ကျင်းပမယ်လို့ မျှော်လင့်ရတဲ့ ကြားဖြတ်ရွေးကောက်ပွဲမှာ လွှတ်တော် အမတ်နေရာ က ၄၇ နေရာပဲ လစ်လပ်တာမို့ သူတို့ ဆွေးနွေးကြတဲ့ထဲမှာ ကြားဖြတ် ရွေးကောက်ပွဲလုပ်မယ့် ဒီအမတ်နေရာ အားလုံး သူတို့ ရနိုင်မရနိုင်ဆိုတဲ့ အချက်တွေ၊ နောင်လာမယ့် ၂၀၁၅ ခုနှစ် ရွေးကောက်ပွဲအတွက် ဘယ်လိုပြင် ဆင်ကြမယ် ဆိုတာ တွေဖြစ်နိုင် တယ်လို့လည်း သုံးသပ်ပါတယ်။

တတိယ အချက်အနေနဲ့ အစိုးရသစ်အဖွဲ့ရဲ့ ဒီမိုကရေစီရေး ပြုပြင်ပြောင်းလဲမှု လုပ်ဆောင်ဖို့ တကယ့် ဆန္ဒ ရှိမရှိ စစ်ဆေးနိုင်တဲ့ ကိစ္စက တိုင်းရင်းသားတွေနဲ့ ဖြစ်ပွားနေတဲ့ တိုက်ပွဲတွေ လျော့ပါးအောင် လုပ်ဆောင်မှုကို ကြည့်နို်င်တယ်လို့ မစ္စတာ ပို့စနာက မြင်ပါတယ်။

တကယ်လို့ မြန်မာအစိုးရဘက်က ဒီအချက်တွေကို တိုးတက်ကောင်းမွန်အောင် လုပ်ဆောင်လာခဲ့ရင် မြန်မာနိ်ုင်ငံအပေါ်ထားရှိတဲ့ အရေးယူ ဒဏ်ခတ်မှုတွေ အတွက် ပြန်လှန်သုံးသပ်ဖို့ လုပ်မှာလားလို့ မေးတဲ့အခါမှာတော့-

“ကျွန်တော်တို့ဘက်က တဆင့်စီချင်း လုပ်ဆောင်ပါတယ်။ အရေးယူဒဏ်ခတ်မှုကိုတော့ ဆက်ပြီး ထားမှာပါ။ ဒါပေမယ့် အခုတွေ့ နေရတဲ့ အပြောင်းအလဲ စဖြစ်နေတာအတွက်တော့ တကယ် အသိ အမှတ် ပြုမှာဖြစ်ပြီး ဒီအပြောင်းအလဲတွေအတွက် အားပေး ပါတယ်။ တကယ်လို့ အပြောင်းအလဲတွေ ဆက်ပြီး ဖြစ်လာနေမယ်ဆိုရင် အခုထက်ပိုပြီး ထိတွေ့ဆက်ဆံမှုတွေ လုပ်ဖို့ ရှိတဲ့အပြင် နောင် အတွက်လည်း ဘာတွေလုပ်ဆောင်မယ်ဆိုတဲ့လမ်းတွေကို စဉ်းစားမှာပါ”

“အမေရိကန် အစိုးရက ပြီးခဲ့တဲ့ နှစ်ထဲမှာ မြန်မာ စစ်အစိုးရခေါင်းဆောင်တွေ ကျူးလွန်ခဲ့တဲ့ စစ်ရာဇ၀တ်မှုနဲ့ လူသားမျိုးနွယ် တွေအပေါ်ကျူးလွန်ခဲ့တဲ့ ရာဇ၀တ်မှုတွေအတွက် ကုလသမဂ္ဂ ဦးဆောင်တဲ့ စုံစမ်းစစ်ဆေးမှုတွေလုပ်ဖို့ ထောက်ခံခဲ့တာမို့ အခုလို မြန်မာနိုင်ငံက အပြောင်းအလဲတွေ စတွေ့လာချိန်မှာ အမေရိကန်ရဲ့ သဘောထားကရော ဘယ်လိုရှိပါသလဲ”

“မြန်မာနိုင်ငံမှာ အရင်တုန်းက ဖြစ်ပွားခဲ့တဲ့ အကြမ်းဖက်မှုတွေအတွက် တာဝန်ခံမှုနဲ့ပတ်သက်လို့ အကောင်းဆုံး ဘယ်လို လုပ် ဆောင်ရမယ်ဆိုတာ ကျွန်တော်တို့မှာ နည်းမျိုးမျိုး စဉ်းစားထားပြီး ဖြစ်ပါတယ်။ ဒါက ပြဿနာတခုပါ။ အခုလောလော ဆယ် မှာတော့ မြန်မာနိုင်ငံမှာ နိုင်ငံရေး အကျဉ်းသားတွေ အမြန်ဆုံးလွှတ်ပေးဖို့ အဓိက အာရုံစိုက် လုပ်ဆောင်နေပါတယ်။ နိုင်ငံရေး အကျဉ်းသား အားလုံးကို လွှတ်ပေးဖို့ကိစ္စ၊ တိုင်းရင်းသားလူမျိုးစုဒေသတွေမှာ အပစ်အခတ် ရပ်စဲဖို့နဲ့ အမျိုးသား ပြန်လည် သင့် မြတ်ရေးကိစ္စအပြင် နိုင်ငံရေးလုပ်ငန်းစဉ်တွေ အားလုံးအတွက် ပွင့်လင်းလာဖို့ ဖြစ်ပါတယ်။

ဒီကိစ္စတွေ အားလုံးပြောင်းလဲ ဖြစ်ထွန်းလာရင်တော့ အရင်တုန်းက ဆယ်စုနှစ်နဲ့ချီ ကြာခဲ့ပြီဖြစ်တဲ့ အကြမ်းဖက်မှု ကျူးလွန်ခဲ့တာ တွေအတွက် ဘယ်လို လုပ်ဆောင်မယ်ဆိုတာတွေ ကိုပြောကြားမှာ ဖြစ်ပြီး စုံစမ်းစစ်ဆေးရေး ကော်မရှင် လိုမလို ဆွေးနွေးရတဲ့ အပိုင်းကိုရောက်လာမှာပါ”

ဒီမိုကရေစီ လူ့အခွင့်အရေးနဲ့ အလုပ်သမားရေးဆိုင်ရာ အမေရိကန် လက်ထောက်နိုင်ငံခြားရေးဝန်ကြီး မိုက်ကယ်ပို့စနာဟာ မြန်မာ နိုင်ငံဆိုင်ရာ အမေရိကန်အထူးသံတမန် ဒဲရစ်မစ်ချဲလ်နဲ့ အတူ မြန်မာ အစိုးရခေါင်းဆောင်တွေနဲ့ တွေ့ဆုံခဲ့သလို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ပါ တွေ့ဆုံဆွေးနွေးခဲ့ပါတယ်။

မြန်မာနိုင်ငံခရီးစဉ်အပြီးမှာတော့ မြန်မာနိုင်ငံမှာ ဒီမိုကရေစီဖော်ဆောင်နိုင်ဖို့အတွက် အစိုးရပိုင်းက ထင်သာမြင်သာရှိတဲ့ လုပ်ဆောင် မှုတွေနဲ့အတူ တရားဥပဒေကို လေးစားလိုက်နာဖို့နဲ့ သတင်း လွတ်လပ်ခွင့်၊ လူထုစုဝေးခွင့်၊ လွတ်လပ်စွာပြောဆိုခွင့်ပေး ရေးတွေ ဟာ အရေးပါတယ်လို့ ထောက်ပြ ပြောဆိုခဲ့ပါတယ်။

Ref: ဗွီအိုအေ

Read More...

Thaksin လွတ်ငြိမ်းချမ်းသာခွင့်ပေးရေး ထိုင်းအစိုးရဆွေးနွေး

16 နိုဝင်ဘာ 2011

ထိုင်းနိုင်ငံမှာ ပြည်ပြေးဖြစ်နေတဲ့ ၀န်ကြီးချုပ်ဟောင်း သက်ဆင် ရှင်နာဝပ် နေရပ်ထိုင်းကို ပြန်လာနိုင်ရေး လမ်းပွင့်သွားစေမယ့် လွတ်ငြိမ်းချမ်းသာခွင့် ကြေညာဖို့ကိစ္စကို ထိုင်းအစိုးရပိုင်း အတွင်းမှာ ဆွေးနွေးနေပြီလို့ သိရပါတယ်။ မစ္စတာ သက်ဆင်ဟာ သူ့ အပေါ်စွဲဆိုထားတဲ့ အဂတိလိုက်စားမှုစွဲချက်တွေကို ရှောင်ရင်း တိုင်းပြည်ကနေ ထွက်သွားခဲ့တာပါ။

ပြီးခဲ့တဲ့အင်္ဂါနေ့ အစည်းအဝေးအတွင်းမှာ အခုလို လွတ်ငြိမ်းခွင့်အမိန့်ကို အစိုးရအဖွဲ့မှာ အတည်ပြုလိုက်ပြီလို့ ဘန်ကောက်ပို့စ် သတင်းစာက ရေးပါတယ်။ ဒီ အမိန့်ဆုံးဖြတ်ချက်မှာတော့ ထောင်ထဲမှာ ၃ နှစ်အောက် ပြစ်ဒဏ်ချခံထားရသူ အသက် ၆၀ ကျော်အရွယ်အားလုံးကို လွတ်ငြိမ်းခွင့်ပေးဖို့ဆိုတာ ပါဝင်တယ်လို့ သိရပါတယ်။

အစိုးရအဖွဲ့ ဒုတိယ၀န်ကြီးချုပ် Chalem Yubamrung ကတော့ ဒီသတင်းကို အတည်မပြုပါဘူး။ ဒါပေမယ့်လို့ ဒီကိစ္စကို နောက်ဆုံး ဆုံးဖြတ်ချက် မချရသေးဘူးလို့ ပြောပါတယ်။ အခုလို လွတ်ငြိမ်းချမ်းသာခွင့်အမ်ိန့်ကိုတော့ ထိုင်းဘုရင် ဘူမီဘောက အတည်ပြုပေးဖို့ လိုအပ်ပါတယ်။

မစ္စတာသက်ဆင်ဟာ လက်ရှိဝန်ကြီးချုပ်ယင်းလတ်ရှင်နာဝပ်ရဲ့ အကိုတော်စပ်ပြီး ၂၀၀၆ ခုနှစ် စစ်တပ်က အာဏာသိမ်းပွဲမှာ ရာထူး ကနေ ဖယ်ရှားခံရတာဖြစ်ပါတယ်။

အဲဒီကနေ နောက်ပိုင်းတော့ ထိုင်းမှာ နိုင်ငံရေး မတည်ငြိမ်မှုတွေ ဆက်ဖြစ်လာခဲ့တာပါ။ ဒီနောက် သူ့ကို အဂတိလိုက်စားမှုစွဲချက်နဲ့ ထောင်ဒဏ် ၂ နှစ်ချမှတ်ခဲ့ပြီး သူဟာ ၂၀၀၈ ခုနှစ်မှာ အဲဒီထောင်ဒဏ်ကို အကျမခဘဲ နိုင်ငံကနေ ရှောင်ပြေးသွားခဲ့တာပါ။

Ref: ဗွီအိုအေ

Read More...

နိုင်ငံရေးအကျဉ်းသားတချို့ မိသားစုနီးရာထောင်ရွှေ့

16 နိုဝင်ဘာ 2011
မသင်းသီရိ

မြန်မာနိုင်ငံထဲက နိုင်ငံရေးအကျဉ်းသားတချို့ကို ဝေးလံခေါင်သီတဲ့ ထောင်တွေကနေ မိသားစုနဲ့ နီးရာ ဒေသတွေမှာ ရှိတဲ့ အကျဉ်း ထောင်တွေကို စတင် ပြောင်းရွှေ့ နေပါတယ်။ နိုင်ငံရေး အကျဉ်းသားများနဲ့ ပတ်သက်တဲ့ မိသားစုဝင်တွေ သက်ဆိုင်ရာ ပါတီအဖွဲ့ အစည်းတွေနဲ့အတူ အကျဉ်းဦးစီးဌာနက တာဝန်ရှိသူ တချို့လည်း နို်င်ငံရေးအကျဉ်းသားများထောင်ပြောင်းတဲ့ ကိစ္စနဲ့ ပတ်သက် လို့ ပြောပြ ထားပါတယ်။ အပြည့်အစုံကိုတော့ မသင်းသီရိက တင်ပြပေးထားပါတယ်။

သရက်ထောင်မှာ အကျဉ်းကျနေတဲ့ ၈၈ မျိူးဆက်ကျောင်းသူမနီလာသိန်းကို မိသားစုနဲ့ နီးတဲ့ သာယာဝတီထောင်ကို ဒီကနေ့ ရွှေ့ လိုက်ပါတယ်။ အာဏာပိုင်တွေက မိသားစုဆီကို တရားဝင် အကြောင်းကြားတာ မဟုတ်ပေမယ့် ထောင်ပြောင်း ထောင်ရွှေ့တွေ ဒီရက်ပိုင်းအတွင်း ဖြစ်လာနိုင်တယ်ဆိုလို့ စုံစမ်း မေးမြန်းရာကနေ မနီလာသိန်းဟာ ဒီကနေ့ မနက် ၁၀ နာရီက သာယာဝတီ ထောင်ကို ရောက်နေပြီလို့ မနီလာသိန်းရဲ့ ခင်ပွန်း ဖြစ်တဲ့ ကိုဂျင်မီခေါ် ကိုကျော်မင်းယုရဲ့အကို ကိုမျိုးမင်းယုက ပြောပါတယ်။

"ဖုန်းဆက် လှမ်းမေးလိုက်တော့ သူတို့ကလည်း ရောက်ရှိကြောင်း အတည်ပြုပါတယ်။ ဒီနေ့မနက် ၁၀ နာရီလောက် ရောက်တယ် ပြောပါတယ်။ ဟုတ်တဲ့အကြောင်း အတည်ပြုတဲ့အတွက် လာတွေ့ချင်ရင် တွေ့လို့ ရပါပြီတဲ့။ ကျနော်တို့ မနက်ဖြန် သွားတွေ့ဖို့ စီစဉ်နေပါတယ်။ နီးသွားတာပေါ့။ ကျနော်တို့ ဒီကသွားရင် ၂ နာရီလောက်ပဲ ကြာတယ်လေ။ သရက်တုန်းကကျတော့ ကျနော်တို့ က ညကားသွား၊ မနက်ရောက်။ ည ၇ နာနရီလောက်သွား၊ ဟိုကို မနက် ၄ နာရီ၊ ၅ နာရီရောက်။ နဲနဲ ကသီလင်တ နိုင်တာ ပေါ့ဗျာ သရက်ကတော့။ ဒီမှာ သာယာဝတီကတော့ ဒီကသွားရင် ၂ နာရီပဲ ကြာတာကို။ နဲနဲတော့ တော်သွားသေးတာပေါ့။"

မနီလာသိန်းရဲ့ ခင်ပွန်းဖြစ်တဲ့ ၈၈ မျိူးဆက် ကျောင်းသားခေါင်းဆောင် ကိုဂျင်မီဟာလည်း တောင်ကြီး ထောင်မှာ နှစ်ရှည် အကျဉ်းချခံထားရတာ ဖြစ်ပေမယ့် ကိုဂျင်မီနဲ့ ပတ်သက်လို့တော့ ဒီနေ့ထိ အပြောင်းအရွေ့ သတင်းမသိရသေးဘူလို့ အကို ဖြစ်တဲ့ ကိုမျိူးမင်းယုက ပြောပါတယ်။

တခါ SNLD ရှမ်းအမျိူးသား ဒီမိုကရေစီ အဖွဲ့ချုပ်ရဲ့ဥက္ကဌ ခွန်ထွန်းဦးကိုလည်း ဒီကနေ့ နေ့လည်က ပူတာအိုလေယဉ်ကွင်းကနေ ခေါ်ဆောင်သွားပြီး သူ့ကို လက်ရှိ ပူတာအိုကနေ တောင်ငူထောင်ကို ရွေ့ပြောင်းဖို့ ဖြစ်တယ်လို့ စုံစမ်း သိရှိရတဲ့အကြောင်း SNLD ပါတီရဲ့ ပြောခွင့်ရသူ ဦးစိုင်းလိတ်က ပြောပါတယ်။

"လောလောဆယ်တော့ ဥက္ကဋ္ဌ ခွန်ထွန်းဦး တယောက်ထဲကိုပဲ ရွှေ့တယ်လို့ ကြားရပါတယ်။ ဒီနေ့ နေ့လည် ၁ နာရီ ၃၀ မိနစ် လောက်မှာ ပူတာအို လေယာဉ်ကွင်းကနေ လှမ်းမြင်လိုက်ရတဲ့ ပုဂ္ဂိုလ်က ကျနော့်ကို လှမ်း ဆက်တာပေါ့နော်။ ပူတာအို ထောင် ကနေ ခေါ်ထုတ်လာတာတော့ ဥက္ကဋ္ဌ ခွန်ထွန်းဦး တယောက်ထဲဘဲ။ မနက်ကတည်းက လေယာဉ်ကွင်းကို ရောက်နေတယ်။ တစ်နာရီ ၃၅ မိနစ်လောက်မှာ လေယာဉ်ပေါ် ပါသွားတယ်။ ကြားသိရတဲ့ သတင်းအရ ဆိုရင်တော့ တောင်ငူထောင်ကို ပြောင်းပေးမယ်လို့ ပြောတယ်။

လောလောဆယ်တော့ ဒီကနေ့တော့ မြစ်ကြီးနားကိုပဲ ပို့ပြီး၊ မနက်ဖြန်ကျမှ မန္တလေးကို ဆက်ပို့မယ်။ မန္တလေးကနေ တောင်ငူ ကိုတော့ ဘယ်လို အခြေအနေ၊ ဘယ်လို ပုံစံနဲ့ ပို့မယ်ဆိုတာတော့ မသိရသေးပါဘူး ခင်ဗျ။"

ဒါပေမယ့် SNLD ပါတီက အတွင်းရေးမှူး စိုင်းညွန့်လွင်ကလည်း ကလေးထောင်မှာပဲ ရှိနေသေးတယ်လို့ ဦးစိုင်းလိတ်က ပြောပါတယ်။

တခါ ကလေးထောင်မှာ အကျဉ်းကျနေတဲ့ အရှင်ဂမ္ဘီရနဲ့ ဂွမြို့နယ် NLD ပါတီအမတ် ဦးညီပုတို့ ၂ ဦး ကိုတော့ ဒီကနေ့ ကလေး ကနေ ရန်ကုန်ကိုသွားတဲ့ လေယာဉ် ခရီးသည် စာရင်းမှာ တွေ့ရတယ်လို့ ကလေးမြို့ကို ရောက်နေတဲ့ အရှင်ဂမ္ဘီရရဲ့ မိခင် ဒေါ်ရေး က ပြောပါတယ်။ အရှင်ဂမ္ဘီရနဲ့ ဦးညီပုတို့ ၂ ဦးကို ကလေးကနေ အင်းစိန်ထောင်ကို ရွှေ့မယ်လို့ သိရပြီးတော့ မနက်ဖြန် မှာ အင်းစိန်ထောင်မှာ သွားပြီးတော့ စုံစမ်းမယ်လို့လည်း ပြောပါတယ်။

"သတင်း သိုးသိုး သန့်သန့် ကြားတာလေ။ ပါများ ပါနိုင်မလားဆိုပြီးမှ လေဆိပ်ကို သွားကြည့်တာ။ ခရီးသည် စာရင်းထဲမှာ ဦးညီညီလွင်နဲ့ ဦးညီပုတဲ့။ အဲဒီလို ပါတာ။ ဦးညီညီလွင်ဆိုတာက ဦးပဇင်း လူနာမည်လေ။ ဒီ လေဆိပ် ဂိတ်ပေါက်နားမှာ အကျဉ်းဦးစီးဌာနဆိုပြီး ယူနီဖောင်း ၀တ်စုံတွေ ၀တ်ထားတဲ့ ထောင်ဝါဒါတွေပါတဲ့ ပစ္စည်းတင်တဲ့ ကားလေးသွားတယ်လို့။ ဟုတ် ဘက် ပေ ၁၅၀ လောက်ဝေးတဲ့ အဲဒီ ဂိတ်ပေါက်ကမှ ဦးပဇင်းတို့ ပါမယ်ထင်တဲ့ ကားလေးတစ်စင်း ၀င်သွားတာ တွေ့တယ်။ ဦးပဇင်းကို သွားကြည့်လိုက်စမ်းပါ ဆိုပြီးမှ ရန်ကုန် လေဆိပ်ကို ခိုင်းလိုက်သေးတယ်။ ရန်ကုန်မှာလည်း အဲဒီလိုပဲတဲ့ လုံခြုံရေး အပြည့်။ တင်းတင်း ကျပ်ကျပ်ပေါ့။ အဲဒါနဲ့ အမေရယ် မတွေ့ခဲ့ရပါဘူးတဲ့။ ရောက်လောက် ပြီ။ မနက်ဖြန်ခါ မခင်သူဌေး သွားစုံ စမ်းမှာ။"

အရှင် ဂမ္ဘီရရဲ့မိခင် ဒေါ်ရေး ပြောပြခဲ့တာပါ။

ဒီလိုသတင်းတွေအပြင် ကျိုင်းတုံထောင်မှာ နှစ်ရှည်အကျဉ်းကျနေတဲ့ ၈၈ မျိူးဆက် ကျောင်းသား ခေါင်းဆောင် ကိုမင်းကိုနိုင် ကတော့ ဒီကနေ့ ညနေထိ ကျိုင်းတုံထောင်မှာပဲ ရှိနေပါသေးတယ်။

အထက်အရာရှိတွေရဲ့ ညွန်ကြားချက် တစုံတရာ မသိရသေးပေမယ့် ကိုမင်းကိုနိုင် အပါအ၀င် နိုင်ငံရေးမှုတွေနဲ့ အကျဉ်းကျ နေတဲ့ ကိုမျိူးဟန်၊ ကိုညီညီဇော်၊ မောင်သိန်းဇော်တို့ ၄ ဦးရဲ့ ဆေးမှတ်တမ်းတွေကို အထက် အရာရှိတွေဆီကို ပေးရပြီးတော့ ကိုမင်းကိုနိုင်ထောင်ထဲမှာ ဆွဲတဲ့ ပန်းချီကားတွေကိုလည်း သိမ်းဆည်း ထုတ်ပိုးတာတွေ လုပ်နေတာရှိတယ်လို့ ကျိုင်းတုံထောင် အရာရှိတဦးက VOA မြန်မာပိုင်းကို ပြောပါတယ်။

"တရားဝင် ကျနော်တို့ကို အထက်က ညွန်ကြားလာတာလဲပဲ ဒီအချိန်ထိတော့ ဘာမှ မရှိသေးဘူးပေါ့နော်။ ဒါပေမယ့် အခုရှိနေတဲ့ အကျဉ်းသား ၄ ယောက်ပေါ့၊ သီးသန့် အကျဉ်းသား ၄ ယောက်ရဲ့ ကျန်းမာရေး စစ်ဆေးထားတဲ့၊ ကျန်းမာရေး ပြန်တမ်း၊ ကျန်း မာရေး စစ်ဆေးမှု အနှစ်ချုပ်ကို ကျနော့်ဆီမှာတောင်းလို့ ကျနော် ဒီကနေ့ အဲဒါလေးတော့ လုပ်ပေးလိုက်ရပါတယ်။ နောက်ပြီး လို့ရှိရင် သူအထဲမှာနေတုန်းက ပန်းချီတွေ ဘာတွေ ဆွဲတယ်လေ။ ပန်းချီဆွဲထားတာတွေကို သူ့ရဲ့ ပန်းချီကားတွေ ဘာတွေကို အကုန်လုံး စုစည်းပြီးတော့ ကျနော်တို့ ဒီကနေ့ ပြင်ဆင်နေတာတော့ ကျနော် တွေ့မိတယ်။ လေယာဉ် ခရီးစဉ်က မနက်ဖြန် ရှိတယ် ဆိုတဲ့အခါကျတော့ တကယ်လို့ ပြောင်းမယ်ဆိုရင်တော့ မနက်ဖြန် ဖြစ်ဖို့များတာပေါ့နော်။"

ကျိုင်းတုံထောင်က အရာရှိ ပြောပြခဲ့တာပါ။

ဒါ့အပြင် အကျဉ်းကျနေတဲ့ ၈၈ မျိုးဆက် ကျောင်းသားခေါင်းဆောင် တချို့ရဲ့ မိသားစုဝင်တွေနဲ့ ဖားအံထောင်က ဘလော့ဂါ (Blogger) ကိုနေဖုန်းလတ် မိသားစုဝင်တွေကို မေးကြည့်တဲ့အခါမှာတော့ သူတို့ဟာ လက်ရှိ သူတို့ရှိနေတဲ့ အကျဉ်းထောင်တွေ အတွင်းမှာဘဲ ရှိနေပြီးတော့ သူတို့အကြောင်းသတင်း မသိရသေးဘူးလို့ ပြောပါတယ်။

ပြန်ကြားရေးဝန်ကြီး ဦးကျော်ဆန်းက အကျဉ်းသားတွေကို မိသားစုနဲ့နီးတဲ့ ထောင်တွေဆီကို ရွှေ့ပြောင်း ပေးဖို့အတွက် စီစဉ်နေ တယ်လို့ ဗီအိုအေ မြန်မာပိုင်းနဲ့ သီးသန့် တွေ့ဆုံခန်းမှာ ပြောခဲ့သလို မြန်မာနိုင်ငံ လူ့အခွင့်အရေး ကော်မရှင်ကလည်း ဝေးလံ ခေါင်သီလှတဲ့ နေရာတွေကနေ မြို့ပြ ထောင်တွေဆီကို ရွှေ့ပြောင်းပေးဖို့ တောင်းဆိုတဲ့စာ ထွက်ခဲ့ပြီးတဲ့နောက် အခုလိုမျိုး ထောင် အပြောင်းအရွှေ့တွေ စပြီးတော့ ဖြစ်ခဲ့တာပါ။

Ref: ဗွီအိုအေ

Read More...

မြန်မာကို အပြည့်အ၀ ကူညီရေး ဂျပန်စောင့်ကြည့်

16 နိုဝင်ဘာ 2011

မြန်မာနိုင်ငံမှာ ဗိုလ်ချုပ်ကြီးဟောင်းတွေ ဦးဆောင်တဲ့ အရပ်သားအစိုးရဆိုတာ တက်လာပြီးတဲ့နောက်ပိုင်း ဖြစ်လာတဲ့ အခြေအနေ တွေ အပေါ်မှာ နိုင်ငံတကာကတော့ အတော်လေးကို အကောင်းမြင်သဘောနဲ့ တုန့်ပြန်လာကြပါတယ်။ ၂၀၁၄ ခုနှစ်မှာ အရှေ့ တောင်အာရှနိုင်ငံများအဖွဲ့ ASEAN ရဲ့ ဥက္ကဋ္ဌအဖြစ် မြန်မာနိုင်ငံကို တာဝန်ပေးဖို့ အာဆီယံနိုင်ငံခြားရေး ၀န်ကြီးတွေက ထောက်ခံ ထားပြီး ဖြစ်သလို ရင်းနှီးမြှုပ်နှံမှုနဲ့ ကူညီ ထောက်ပံ့တာတွေလည်း ၀င်လာဖွယ်ရှိနေပြီလို့ ဗွီအိုအေ သတင်းထောက် Brian Padden က အင်ဒိုနီးရှားနိုင်ငံ၊ ဂျကာတာမြို့တော်ကနေ သတင်းဆောင်းပါး ပေးပို့ထားတာကို ကိုကျော်ကျော်သိန်းက တင်ပြ ပေးထားပါတယ်။

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို နေအိမ် အကျယ်ချုပ် ချထားတာကနေ လွှတ်ပေးခဲ့ပြီးတဲ့နောက် လူ တွေရဲ့ အခြေခံ လိုအပ်ချက်အတွက် တရားဝင် ဖွံ့ဖြိုးတိုးတက်ရေး အကူအညီတွေ ဂျပန်နိုင်ငံက ပြန်ပေးခဲ့တယ်လို့ ဂျပန် ဒုတိယ နိုင်ငံခြားရေးဝန်ကြီး Kimihiro Ishikane က က အင်ဒိုနီးရှားနိုင်ငံ၊ ဂျကာတာမြို့မှာကျင်းပနေတဲ့ အာဆီယံထိပ်သီး အစည်း အဝေးအကြို၊ ၀န်ကြီးအဆင့် အစည်းအဝေးအတွင်း ဗုဒ္ဓဟူးနေ့က ပြောခဲ့ပါတယ်။

“မြန်မာနိုင်ငံနဲ့ အပြည့်အ၀ ပူးပေါင်းဆောင်ရွက်တာတွေ ပြန်စတဲ့အဆင့်ထိတော့ ကျနော်တို့ မရောက်သေး ပါဘူး။ မြန်မာနိုင်ငံမှာ အခုဖြစ်နေတဲ့ အပေါင်းလက္ခဏာဆောင်တဲ့ ဖြစ်ပေါ်တိုးတက်မှုတွေကို ကျနော်တို့ သတိ ကြီးကြီးထားပြီး ဆက်လက် စောင့်ကြည့် နေပါတယ်။ ဒါပေမဲ့လည်း မြန်မာအစိုးရက နည်းလမ်း အမျိုးမျိုးနဲ့ လုပ်ဆောင်နေတဲ့ အခုလမ်းကြောင်း ကို ထောက်ခံပေးသွားဖို့ ကတော့ ကျနော်တို့ အသေအချာကို အဆင်သင့်ရှိနေပါတယ်။”

အဖွဲ့ဝင် ဆယ်နိုင်ငံပါ အာဆီယံအဖွဲ့ရဲ့ အလှည့်ကျဥက္ကဋ္ဌအဖြစ် ၂၀၁၄ ခုနှစ်မှာ မြန်မာနိုင်ငံ ထမ်းဆောင်ရေး အာဆီယံနိုင်ငံခြား ရေးဝန်ကြီးတွေက တညီတညွတ်ထဲ ထောက်ခံခဲ့ကြပြီးတဲ့နောက်မှာ ဂျပန် ဒုတိယ နိုင်ငံခြားရေးဝန်ကြီးက အဲဒီလို ပြောခဲ့တာပါ။

မြန်မာအစိုးရက ဆက်ပြီး အကျဉ်းချထားဆဲရှိတဲ့ နိုင်ငံရေးအကျဉ်းသားတွေကို လွှတ်ပေးဖို့နဲ့ အတိုက်အခံ ပါတီတွေအားလုံးကို နိုင်ငံရေးစနစ်ထဲမှာ အပြည့်အ၀ ပါဝင်ခွင့် ပေးရေးတို့ဟာ မြန်မာနိုင်ငံ၊ ဒေသတွင်းနဲ့ ကမ္ဘာကြီးရဲ့ စီးပွားရေး အကျိုးဖြစ် ထွန်းဖို့ ပါပဲလို့ Ishikane က ပြောပါတယ်။

အာဆီယံ ဒေသတခုလုံးအနေနဲ့ ဆိုရင် စီးပွားရေး တိုးတက်နေပြီး ဂျပန်၊ အမေရိကန်နဲ့ ဥရောပ နိုင်ငံတွေဆီကနေ ကုန်သွယ် ရေးနဲ့ ရင်းနှီးမြှုပ်နှံမှုဆိုင်ရာ အခွင့်အလန်းတွေ ၀င်လာနေတယ်လို့ လက်ရှိ အာဆီယံ အလှည့်ကျဥက္ကဋ္ဌ အင်ဒိုနီးရှားနိုင်ငံသမ္မတ ဆူဆီလို ဘမ်ဘန်း ယူဒိုယိုနိုက ပြောပါတယ်။

အာဆီယံဒေသရဲ့ အားနည်းချက်တခုက အခြေခံအဆောက်အအုံပိုင်း လျော့နည်းတာဖြစ်တယ်လို့ ဂျပန် ဒုတိယနိုင်ငံခြားရေး ၀န်ကြီး Ishikane က ပြောပါတယ်။

မြန်မာနိုင်ငံ ကိစ္စမှာဆိုရင် အခြေခံအဆောက်အအုံပိုင်း အားနည်းချို့တဲ့တာနဲ့ စီးပွားရေး အရ တသီးတခြား အထီးကျန် ဖြစ်နေ တာတွေက မဲခေါင်ဒေသကနေ အိန္ဒိယနိုင်ငံဆီ တိုက်ရိုက် ကုန်သွယ်ရေးလမ်းကြောင်း ဖွင့်နိုင်ဖို့ရာမှာ အတားအဆီး ဖြစ်နေ တယ်လို့ သူကဆိုပါတယ်။

“လမ်းတွေ၊ ဆိပ်ကမ်းတွေ အများကြီးရှိတယ် ဆိုပေမဲ့ မဲခေါင်ဒေသရဲ့ တခြား အစိတ်အပိုင်းတွေကနေ ထုတ်လုပ်လိုက်တဲ့ ကုန် ပစ္စည်း တွေကို သယ်ယူပို့ဆောင်ဖို့ အသုံးပြုနိုင် တဲ့အဆင့်မှာ ရှိမနေပါဘူး။ ဒီ ပျောက်နေတဲ့ အစိတ်အပိုင်းကိုသာ ချိတ်ဆက် နိုင်မယ် ဆိုရင် မာလက္ကာ ရေလက်ကြားကို ဖြတ်စရာ မလိုတော့ဘဲ အိန္ဒိယသမုဒ္ဒရာထဲကို တိုက်ရိုက် ရောက်နိုင်ပြီးတော့ အာဆီယံဒေသ၊ အထူးသဖြင့် မဲခေါင်မြစ်ဝှမ်း ဒေသကို အိန္ဒိယနိုင်ငံနဲ့ ချိတ်ဆက်နိုင်မှာ ဖြစ်ပါတယ်။”

အခြေခံအဆောက်အအုံ တည်ဆောက်ရေးဆိုင်ရာ စီမံကိန်းတွေ အတွက် ဖွံ့ဖြိုးတိုးတက်ရေးဆိုင်ရာ ချေးငွေ ဒေါ်လာ ၂၀ ဘီလီ ယံနီးပါးကို ဂျပန်နိုင်ငံက ထောက်ပံ့နေတယ်လို့ Ishikane က ပြောပါတယ်။ မြန်မာနိုင်ငံအနေနဲ့ သိသာထင်ရှားပြီး ရေရှည်ခံတဲ့ ဒီမိုကရေစီရေး ပြုပြင်ပြောင်းလဲမှုတွေကို လုပ်မယ်ဆိုရင် အဲဒီထောက်ပံ့ငွေထဲက အများအပြားကို မြန်မာနိုင်ငံအတွက်ပေးချင်တယ် လို့လည်း ဆိုပါတယ်။

မြန်မာအစိုးရဟာ နိုင်ငံရေး အကျဉ်းသားတချို့ကိုလွှတ်ပေးတာ၊ သတင်းမီဒီယာတွေအပေါ် တင်းကျပ်ခဲ့တာတွေကို အတန်ငယ် လျှော့ပေါ့ သက်သာပေးတာ၊ ဒေါ်အောင်ဆန်းစုကြည်နဲ့ တွေ့ဆုံတာ စသည်အားဖြင့် ပြုပြင် ပြောင်းလဲနေပါတယ်ဆိုတာကို ရည်ညွှန်းတဲ့ လုပ်ရပ်တချို့ကို ပြီးခဲ့တဲ့လပိုင်းအတွင်း လုပ်ခဲ့ပါတယ်။

ဒါပေမဲ့လည်း နောက်ကြောင်း ပြန်လှည့်လို့မရအောင် ခိုင်မာတဲ့ နိုင်ငံရေး ပြုပြင်ပြောင်းလဲမှုတွေ ပိုလုပ်ဖို့ ကုလသမဂ္ဂအပါအ၀င် နိုင်ငံအများအပြားက မြန်မာအစိုးရကို ဆက်ပြီး တောင်းဆိုနေပါတယ်။

Ref: ဗွီအိုအေ

Read More...

ဒေသတွင်းလုံခြုံရေး အာဆီယံ ၀န်ကြီးများ ဆွေးနွေး

16 နိုဝင်ဘာ 2011

မြန်မာနိုင်ငံလည်း အဖွဲ့ဝင်ဖြစ်တဲ့ အရှေ့တောင်အာရှ နိုင်ငံများအသင်းရဲ့ နိုင်ငံခြားရေးဝန်ကြီးတွေရဲ့ ဒီကနေ့ စည်းဝေးပွဲမှာ ဒေသ တွင်း လုံခြုံရေး ကိစ္စတွေကိုအဓိကထား ဆွေးနွေးခဲ့ကြပါတယ်။

အင်ဒိုနီးရှားနိုင်ငံ ဘာလီကျွန်းမှာလုပ်နေတဲ့ ဒီဆွေးနွေးမှာ အာဆီယံရဲ့ ငြိမ်းချမ်းရေးနဲ့ ပြန်လည်သင့်မြတ်ရေး အဖွဲ့ ဖွဲ့ဖို့၊ တောင် တရုတ် ပင်လယ်ထဲက ပဋိပက္ခမှာ ပါဝင်ပတ်သက်နေတဲ့ နိုင်ငံတွေအနေနဲ့ ကျင့်သုံးဖို့ ထုတ်ပြန်ခဲ့တာတွေကို အကောင် အထည် ဖော်ဖို့နဲ့ နားလည်မှုနဲ့ ပူးပေါင်း ဆောင်ရွက်ရေး စာချွန်လွှာ ကိစ္စတွေကို ဆွေးနွေးခဲ့ကြပါတယ်။

ဒေသတွင်း အစိုးရိမ်ရဆုံး နိုင်ငံတကာ ပဋိပက္ခဖြစ်တဲ့ ဒီ တောင်တရုတ်ပင်လယ် နယ်မြေပိုင်ဆိုင်မှု အငြင်းပွားနေတဲ့နေတဲ့ ပြဿ နာမှာ တရုတ်၊ ထိုင်ဝမ်နဲ့ အာဆီယံ လေးနိုင်ငံဖြစ်တဲ့ ဖိလစ်ပိုင်၊ ဗီယက်နမ်၊ မလေးရှားနဲ့ ဘရူနိုင်း နိုင်ငံတို့ တိုက်ရိုက် ပါဝင် ပတ်သက်နေတာ ဖြစ်ပါတယ်။

အခုလို အာဆီယံနိုင်ငံခြားရေး ၀န်ကြီးတွေရဲ့ စည်းဝေးပွဲ ပြင်ပမှာလည်း စီးပွားရေးနဲ့ ယဉ်ကျေးမှုဆိုင်ရာ ဆွေးနွေးပွဲတွေလည်း နိုင်ငံတွေကြား ဒီကနေ့ ပြုလုပ်ခဲ့ကြပါတယ်။

အင်ဒိုနီးရှားသမ္မတ ဆူဆီလို ဘန်ဘမ်း ယူရို ယူနိုကတော့ စီးပွားရေး ဆွေးနွေးပွဲတခုမှာ သူ့နိုင်ငံအနေနဲ့ ဒီနှစ်ထဲမှာ စီးပွားရေး အလျင်အမြန် ကြီးမားဖို့ ရှိတယ်လို့ မျှော်လင့်ထားတယ်လို့ ဆိုလိုက်ပါတယ်။

Ref: ဗွီအိုအေ

Read More...

ပုပ်ရဟန်းမင်းကြီးနှင့် မူဆလင်ဗလီဆရာတို့ နှုတ်ခမ်းချင်းတေ့ အနမ်းချွေ

17 November 2011
ဝင့်ထန်း

နိုင်ငံပေါင်း ၁၂၀ မှာ ဖက်ရှင်စတိုးဆိုင်ပေါင်း ၆၀၀၀ ကျော် ဖွင့်လှစ်ထားတဲ့ အီတလီအခြေစိုက် United Colors of Benetton ကုမ္ပဏီက ပုပ်ရဟန်းမင်းကြီးနဲ့ မူဆလင်ဗလီဆရာတစ်ဦးတို့ နှုတ်ခမ်းချင်းတေ့

အားပါးတရ အနမ်းချွေနေတဲ့ ပိုစတာပုံကို ဖန်တီးပြီး ၄င်းရဲ့ ဘရန်းတံဆိပ်တွေအတွက် ဗုဒ္ဓဟူးနေ့က ကြော်ငြာခဲ့သည်။

ပုပ်ရဟန်းမင်းကြီး ဘန်နဒစ်နဲ့ အီဂျစ်နိုင်ငံ ကိုင်ရိုမြို့က ထင်ရှားတဲ့ ဗလီဆရာ အာမဒ် မိုဟာမဒ် အယ်လ် တာယဘ် တို့နှစ်ဦး ချစ် တင်းနှောနေတဲ့ ပုံဖြစ်အောင် ကွန်ပျူတာနည်းပညာနဲ့ဖန်တီးပြီး ကြော်ငြာခဲ့သည်။ အဲဒီနေ့မှာပင် နှစ်ဖက် ဘာသာရေးအယူသီး သူ များက ထိုကြော်ငြာကို ပြင်းပြင်းထန်ထန် ဝေဖန်ခဲ့ကြသည်။


Benetton ကုမ္ပဏီရဲ့ ထုတ်ပြန်ချက်မှာတော့ "ဒီကြော်ငြာရဲ့ ရည်ရွယ်ချက်ကတော့ ပုံစံမျိုးစုံဖြစ်နေတဲ့ ဘာသာရေး အမုန်း တရားတွေနဲ့ ယဉ်ကျေးမှုပဋိပက္ခတွေ ပြေလည်စေဖို့ ရည်ရွယ်တာပါ။ ပုပ်နဲ့ ဗလီဆရာ ဆီက ခွင့်ပြုချက် မယူခဲ့တဲ့အတွက် တောင်းပန်ပါတယ်၊ တကယ်လို့ ဆိုးရွားတဲ့ အကျိုးဆက်တွေဖြစ်လာရင်တော့ ဒီပုံတွေ ပြန်သိမ်းသွားပါမယ်" လို့ ရှင်းလင်း ပြောဆို ထားသည်။

နောက် ဖက်ရှင်ကုမ္ပဏီက ယဉ်ကျေးမှု မုန်းတီးမှုတွေ ပပျောက်စေဖို့အတွက် အမေရိကန် သမ္မတအိုဘားမားနဲ့ တရုတ်သမ္မတ ဟူချင်တောင်း တို့ နမ်းနေတဲ့ပုံရယ်၊ အစ္စရေးဝန်ကြီးချုပ် နတန်ယာဟု နဲ့ ပါလက်စတိုင်း သမ္မတ မာမွဒ် အဘာစ် တို့ နမ်းနေတဲ့ ဓာတ်ပုံတွေလည်း အတုဖန်တီး ကြော်ငြာသွားဦးမည်ဟု ဆိုသည်။

ပုပ်နဲ့ ဗလီဆရာရဲ့ ကြော်ငြာပုံတွေ တကမ္ဘာလုံးက မီဒီယာတွေမှာ ဖော်ပြခံရပြီးနောက်၊ Benetton ကုမ္ပဏီက "အနမ်းဆိုတာ စကြာဝဋ္ဌာရဲ့ အချစ်သင်္ကေတပါ၊ ကမ္ဘာ့ခေါင်းဆောင်တွေနဲ့ ဘာသာရေးခေါင်းဆောင်တွေကြား ငြိမ်းချမ်းမှု ရစေနိုင်တဲ့ သင်္ကေတပါ၊ အားလုံး တစ်ဦးကိုတစ်ဦးချစ်ခင်မှုနဲ့ အပြန်အလှန်တွေ့ဆုံဆွေးနွေးမှုတွေကို ဦးတည်စေဖို့ပါပဲ" လို့ ပြောဆိုခဲ့သည်။

Ref: မောက္ခ

Read More...

နောက်ကျန် ရခိုင်- ကရင် ရဲဘော်သုံးဦး အိန္ဒိယ ထောင်ထဲမှ လွတ်မြောက်လာ

11/16/2011
မောင်အေး

အိန္ဒိယနိုင်ငံ ကာလကတ္တား အကျဉ်းထောင်မှ လွတ်မြေက်လာသည့် ရခိုင်ကရင် ရဲဘော် ၃၄ ဦးထဲမှ မလွတ်ဘဲကျန်ရှိလိုက်သည့် ရဲဘော် ၃ သုံးဦး ယမန်နေ့က အပြီးအပိုင် လွတ်မြောက်လာပြီ ဖြစ်သည်။

ယခု လွတ်မြောက်လာသည့် ရဲဘော်သုံးဦးမှာ ရခိုင်အမျိုးသား လူလူ၊ ဟေးလီနှင့် ကရင် အမျိုးသား မောင်နိုင်တို့ ဖြစ်သည်။


သူတို့ ၃ ဦး လွတ်မြောက်လာသည့် ကိစ္စနှင့်ပတ်သတ်ပြီး အဖွဲ့ ခေါင်းဆောင် ကိုဓညလင်းက ယခုကဲ့သို့ ပြောသည်။

" သူတို့ မနေ့က နံနက်ပိုင်းက လွတ်တယ်။ သူတို့ကို ကာလကတ္တားကနေ အမူစစ်ဖို့ ပို့ပလေယားကို ဒီလ ၉ ရက်နေ့က ပို့လိုက်တယ်။ ပို့ပလေးယား ၁၄ ရက်နေ့က ရောက်သွားတယ်။ သူတို့ တရားရုံးကို သွားတယ်။ အဲဒီမှာ တခါတည်းလွတ် လိုက်တာ။ အမှန်က သူတို့ရုံးချိန်းက ၁၈ ရက်နေ့မှ ဆိုတော့ လွတ်ရမှာ အဲဒီနေ့မှ လွတ်ရမှာ အခု တော့ စောစောစီးစီး လွတ်ပေး လိုက်တယ်။"

ယခုလွတ်မြောက်လာသည့် ၃ ဦးမှာ ပို့ပလေးယားကျွန်းတွင် အကျဉ်ချုပ်နှင့်နေရစဉ် အိန္ဒိယ ရဲတပ်သား တဦးနှင့် စကားများ ခဲ့ သဖြင့် တရားစွဲဆိုခံခဲ့ရသည့် အတွက် ယခုကဲ့သို့ ထောင်မှ မလွှတ်ဘဲ ကြန့်ကြာ နောက်ကျ နေခဲ့ရခြင်း ဖြစ်ကြောင်း ကိုဓည လင်း က ဆက်ပြောသည်။

"ကျွန်တော်တို့ ပို့ပလေးယားမှာ ရှိနေတုန်းက သူတို့နဲ့ အစောင့်ပုလိပ်တဦးနဲ့ စကားများကြတယ်။ ရန် ဖြစ်တဲ့အဆင့်တော့ မဟုတ် ပါဘူး။ စကားများကြတဲ့အဆင့်ပါ။ ဒါကို ပုလိပ်က အမြင်ကပ် ပုဒ်မနဲ့ တရားစွဲ တာမျိုးပါ။ ဥပမာ တာဝန်ချိန်မှာ နှောင့်ချက်တဲ့ အမူ၊ ၀တ္တရားနှောင့်ချက်မှုနဲ့ တရားစွဲခံရတဲ့ အတွက် သူတို့ နောက်ကျ ကျန်ခဲ့တာပါ။"

အခုအခါ သူတို့သုံးဦးမှာ ပို့ပလေးယားကျွန်းတွင်ရှိနေပြီး မကြာမီရက်ပိုင်းအတွင်း နယူးဒေလီသို့ ပို့ဆောင်မည် ဖြစ်ကြောင်း သိရ သည်။

" သူတို့ကို ဒီနယူးဒေလီကို ပို့မှာပါ။ ကျွန်တော်တို့နဲ့ အတူ နေထိုင်မှာပါ။ ဒီမှာ နေထိုင်ရေးကတော့ ကျပ်တည်း ပါတယ်။ ဒါပေမဲ့ နေကြရမှာပါ။ အခုတော့ UNHCR ကတော့ အကူအညီ ပေးထားပါ တယ်။ ဒီနှစ်ဒီဇင်ဘာလအထိကူညီးပေးဖို့ဆိုပြီး သူတို့ပြောထား တယ်။ ဒီနှစ်ကုန်ရင်တော့ နောက်နှစ် အ တွက် မသေချာသေးဘူး သူတို့မှာ ဘတ်ဂျက် မရှိသေးဘူးလို့ပြောတယ်။ အခုတော့ UNHCR အကူအညီနဲ့ နေကြပါတယ်။"

သူတို့ အထဲမှ ၃၁ ယောက်ကို ယခုနှစ် မေလ ၁၉ ရက်နေ့က ကာလကတ္တားအကျဉ်းထောင်မှ လွတ်ပေးခဲ့သည်။ ယခုခါ သူတို့မှာ ဒေလီမြို့တွင် UNHCR ကုလသမဂ္ဂ ဒုက္ခသည်များဆိုင်ရာရုံးမှ အကူအညီနှင့် နေထိုင်လျှက်ရှိသည်။

၁၉၉၈ ခုနှစ် ဖေဖေါ်ဝါရီလက အိန္ဒိယ ထောက်လှမ်းရေးမှ အန်ဒမင်ကျွန်း ရှိ လန်းဖေါ့ ကျွန်းတွင် စစ်အခြေစိုက် စခန်း တခု တည်ဆောက်ရန် ခေါ် ယူပြီး ကျွန်းပေါ် အရောက်တွင် ရခိုင်ပြည် တပ်မတော်မှ ဗိုလ်ရာဇာအပါ အ၀င် ခေါင်းဆောင် ၆ ဦးကို အိန္ဒိယ စစ်တပ်မှ သတ်ဖြတ်ခဲ့ပြီး ကျန် ရဲဘော် ၃၄ ဦးကို အိန္ဒိယ အစိုးရမှ နှစ်ပေါင်း ၁၀ ကျော်အကြာ ဖမ်းဆီး ထိန်းသိမ်း ထားခဲ့သည်။

အဆိုပါ ရဲဘော်များမှာ ကရင်အမျိုးသားအစည်းအရုံးလက်အောက်ခံ KNLA မှ ကရင်ရဲဘော်များနှင့် ရခိုင်ပြည် အမျိုးသားညီညွတ် ရေးပါတီ NUPA လက်အောက်ခံ Arakan Army မှ ရဲဘော်များ ဖြစ်ကြသည်။

Ref: နိရဉ္စရာ

Read More...

ပါတီသစ်များလည်း ကြားဖြတ်ရွေးကောက်ပွဲ ဝင်ပြိုင်ရန်ပြင်

ထွန်းထွန်း
နိုဝင်ဘာလ ၁၆ ရက် ၂၀၁၁ ခုနှစ်

လွှတ်တော်သုံးရပ်အတွင်း လစ်လပ်နေသည့် အမတ်နေရာ ၄၈ နေရာအတွက် ဒီဇင်ဘာလအတွင်း ကျင်းပနိုင်သည့် ကြားဖြတ် ရွေးကောက်ပွဲ၌ ၂၀၁၀ ခုနှစ် ရွေးကောက်ပွဲတွင် ဝင်ပြိုင်ခဲ့သည့် ပါတီများ သာမက ပါတီသစ်များလည်း ဝင်ရောက်ယှဉ်ပြိုင်ကြ
မည် ဖြစ်သည်။

ဝင်ရောက်အရွေးချယ်ခံမည့် ပါတီများအနက် အမျိုးသားဒီမိုကရေစီအင်အားစုပါတီနှင့် တိုင်းရင်းသား စည်းလုံး ညီညွတ်ရေး ပါတီ များမှာ နေရာ ၂ဝ စီဖြင့် အများဆုံးဖြစ်သည်။ ပါတီသစ်တခုဖြစ်သည့် အမျိုးသား ဒီမိုကရေစီ ပါတီသစ်မှာမူ သုံးနေရာဝင်ပြိုင်မည် ဖြစ်ပြီး ရက်ပ်အဆိုတော်ရသမှာ မရမ်းကုန်းမြို့နယ် ပြည်သူ့ လွှတ်တော် အတွက် ရွေးချယ်ခံမည် ဖြစ်သည်။


လစ်လပ်နေရာ ၄၈ နေရာအနက် ပြည်သူ့လွှတ်တော်တွင် ၄၀၊ အမျိုးသား လွှတ်တော်တွင် ခြောက်နေရာနှင့် တိုင်းဒေသကြီး/ ပြည်နယ် လွှတ်တော်တို့တွင် နှစ်နေရာစီ ရှိသည်။ ယင်းတို့အနက် လစ်လပ်နေရာ အများဆုံး ဒေသမှာ မန္တလေးဖြစ်ပြီး ၁၀ နေရာ အထိ ရှိသည်။

လက်ရှိအာဏာရ ကြံ့ခိုင်ရေးပါတီမှာ နေရာအားလုံးတွင် ဝင်ရောက် ရွေးချယ်ခံနိုင်ဖွယ် ရှိသည်ဟု ပါတီများက ခန့်မှန်းထားကြပြီး ဒေသအခြေစိုက် တိုင်းရင်းသားပါတီ အများစုမှာမူ တနေရာစီခန့်သာ ဝင်ရောက်ယှဉ်ပြိုင် ကြမည်ဖြစ်ပြီး ၂ဝ၁၅ ရွေးကောက်ပွဲ အတွက်ကိုသာ အာရုံထားကြသည်။

ရခိုင်အခြေစိုက် ရခိုင်တိုင်းရင်းသားများ တိုးတက်ရေးပါတီ RNDP နှင့် ချင်းအမျိုးသား CNP ပါတီတို့မှာ ဝင်ရောက်ယှဉ်ပြိုင်ကြမည် မဟုတ်ပေ။

လစ်လပ်မဲဆန္ဒနယ်များ ကြားဖြတ် ရွေးကောက်ပွဲ ကျင်းပရေး အတွက် ကြိုတင် ပြင်ဆင်ထားရန် ပြည်ထောင်စု ရွေးကောက်ပွဲ ကော်မရှင်က တိုင်းဒေသကြီးနှင့် ပြည်နယ် ကော်မရှင် အဖွဲ့ခွဲများသို့ နိုဝင်ဘာလလယ်ပိုင်း ကတည်းက အကြောင်းကြား ထား ပြီးဖြစ်ကြောင်းလည်း ပြည်တွင်းအခြေစိုက် Eleven မီဒီယာ၏ အင်တာနက် စာမျက်နှာ၌ ဖော်ပြထားသည်။

ယင်းအပြင် မဲရုံနေရာများ လျာထားသတ်မှတ်ခြင်း၊ မဲပုံးနှင့် ဆန္ဒပြုခန်းများ ပြည့်စုံကောင်းမွန်မှု ရှိ၊ မရှိ စိစစ်ခြင်း တို့ကို ကြိုတင် ဆောင်ရွက်ထားရန် အကြောင်းကြားထားပြီး ဖြစ်သည်။

၂၀၁၀ ရွေးကောက်ပွဲတွင်မူ လက်ရှိအာဏာရ ကြံ့ခိုင်ရေးပါတီမှာ မဲဆန္ဒနယ် ၁,၁၅၄ အနက် ၈၈၂ နေရာ (၇၆.၅ ရာခိုင်နှုန်း) ဖြင့် အနိုင်ရရှိခဲ့သည်။

တစညကမူ ၆၃ နေရာဖြင့် ဒုတိယလိုက်ပြီး ရှမ်းတိုင်းရင်းသားများ ဒီမိုကရက်တစ်ပါတီ SNDP က ၅၇ နေရာ၊ RNDP က ၃၅ နေရာ၊ NDF နှင့် မွန်ဒေသလုံးဆိုင်ရာ ဒီမိုကရေစီ ပါတီ AMRDP တို့က ၁၆ နေရာစီရရှိခဲ့သည်။

ယင်းအပြင် အမျိုးသားဒီမိုကရေစီ အဖွဲ့ချုပ်မှာလည်း ပါတီမှတ်ပုံပြန်တင်ရေးအတွက် လာမယ့် နိုဝင်ဘာလ ၁၈ ရက်နေ့တွင် ဆုံးဖြတ်ဖွယ်ရှိပြီး၊ မှတ်ပုံတင်မည်ဆိုပါက ရွေးကောက်ပွဲတွင် အနည်းဆုံး သုံးနေရာ ဝင်ရောက် ယှဉ်ပြိုင် ရမည် ဖြစ်သည်။

Ref: မဇ္ဈိမ

Read More...

ပမာဏလျော့ဝယ်မယ့် အရန်ဆန်

သဲသဲ
နိုဝင်ဘာလ ၁၆ ရက် ၂၀၁၁ ခုနှစ်

စပါးဈေးကျသည့်အတွက် တောင်သူများ အရှုံးမပေါ်စေရန် နိုင်ငံတော်မှ အရန်ဆန် တန်ချိန် တသန်းကို အာမခံဈေးနှုန်းဖြင့် ဝယ် ယူမည့် အစီအစဉ်မှာ ညှိနှိုင်းဆဲဖြစ်ပြီး တန်ချိန်ပြည့် ဝယ်ယူနိုင်မည် မဟုတ်ကြောင်း မြန်မာနိုင်ငံ ဆန်စပါး လုပ်ငန်းရှင် အသင်း က ပြောသည်။

စပါးဈေးကျဆင်းခြင်းမှာ လယ်မြေများ ရေလွှမ်းမိုးခြင်း၊ ဒေါ်လာဈေး ကျဆင်းလာ၍ ပြည်ပတင်ပို့မှု နည်းလာခြင်းကြောင့်ဖြစ်ပြီး တောင်သူများ နစ်နာမှုအား ပံ့ပိုးသည့်အနေဖြင့် အရန်ဆန်အဖြစ် ဝယ်ယူရန် သမ္မတ ဦးသိန်းစိန်က သြဂုတ်လအတွင်း နေပြည် တော်တွင် ပြုလုပ်သည့် စီးပွားရေး အလုပ်ရုံဆွေးနွေးပွဲတွင် ပြောဆိုခဲ့ခြင်း ဖြစ်သည်။

“အရန်ဆန် ဝယ်ဖို့ကို ဒေသအလိုက်တာဝန်တွေ ပေးပြီးလုပ်ဖို့ပေါ့။ သို့သော် ဝယ်မယ်ဆိုရင်တောင် အဲဒီလောက် အများကြီး တခါ တည်း မဝယ်နိုင်ပါဘူး။ အခုက ညှိနှိုင်းနေရတုန်းပါပဲ၊ တိုးတက်မှုမရသေးဘူး” ဟု ဆန်စပါး လုပ်ငန်းရှင်များ အသင်း ဒုဥက္ကဌ ဦးစိန်ဝင်းလှိုင်က မဇ္ဈိမကို ပြောသည်။

ယင်းအရန်ဆန် တသန်းကို အစိုးရနှင့် ဆန်ကုန်သည်များက ငွေကြေးထက်ဝက်စီ စိုက်ထုတ်ဝယ်ယူရမည် ဖြစ်သည်။

ဒီဇင်ဘာလအတွင်း အရန်ဆန်ဝယ်ယူနိုင်ရန်အတွက် သက်ဆိုင်ရာသို့ တင်ပြပြီး အာမခံဈေး သတ်မှတ်ရန်နှင့် ဝယ်ယူရေး လုပ် ငန်းစဉ်အတွက် မူဝါဒညှိနှိုင်းရန် ယခုတပတ်အတွင်း ဆန်စပါးလုပ်ငန်းရှင်များ ဗဟိုကော်မတီ အစည်းအဝေးပွဲ ခေါ်ယူသွားရန် စီစဉ်ထားသည်။

သြဂုတ်လနှောင်းပိုင်းကလည်း ဆန်စပါးအထူးပြုကုမ္ဗဏီများက စပါးတင်းတရာလျှင် ကျပ်လေးသိန်းဖြင့် အာမခံပေးကာ ဝယ်ယူ မှုများ စတင်ခဲ့သေးသည်။ သို့သော် ဝယ်ယူမှုမှာ ကုမ္ဗဏီမှ မျိုးစပါးနှင့် နည်းပညာ ရယူစိုက်ပျိုး သည့် တောင်သူများအတွက်သာ ဖြစ်ခဲ့သည်။

“အထူးပြုကုမ္မဏီတွေက တောင်သူတွေကို အာမခံထားတာရှိပါတယ်။ လေးသိန်းနဲ့ ဝယ်ဖို့လေ။ အဲဒီမှာ ခြွင်းချက်တော့ ရှိတာ ပေါ့။ သူတို့ပေးတဲ့မျိုးကို စပါးမျိုးကိုစိုက်ပြီးတော့ သူတို့ပေးတဲ့ နည်းစနစ်နဲ့ အကူအညီနဲ့ စိုက်တဲ့ စပါး ဆိုရင်ပေါ့” ဟု ဦးစိန် ဝင်းလှိုင်က ဆိုသည်။

ပြည်ပဆန်တင်ပို့မှုလည်း ယခုနှစ်အတွင်း သိသာစွာ ကျဆင်းလျက်ရှိပြီး ၂ဝ၁ဝ ခုနှစ်က တန်ချိန် ရှစ်သိန်းခန့် ရှိခဲ့သော်လည်း ၂ဝ၁၁ ခုနှစ် ဧပြီလမှ စက်တင်ဘာလအထိ တန်ချိန် သုံးသိန်းခွဲသာ တင်ပို့နိုင်ခဲ့သေးသည်။

ယင်းကဲ့သို့ ပြည်ပဝယ်လက် နည်းပါးမှုကြောင့် တောင်သူများ တွက်ခြေကိုက်စေမည့် အာမခံဈေးနှုန်း သတ်မှတ်ရေး မှာ အခက် တွေ့နေသည်ဟု ဆန်စပါးလုပ်ငန်းရှင်များက ပြောဆိုသည်။

ယင်းအပြင် ပြည်ပတင်ပို့မှုနည်းခြင်းကြောင့် ပြည်တွင်းတွင်လည်း တောက်လျောက်ဆိုသလို စပါးဈေး ကျဆင်း လျက်ရှိရာ စပါး ပေါ်ဦးစတွင် ဧရာဝတီနှင့် ပဲခူးတိုင်းအတွင်း ဧည့်မထမှာ ကျပ် နှစ်သန်းရှစ်သောင်းနှင့် ဆင်းသွယ် လက်စပါးမှာ သုံးသိန်း နှစ် သောင်းသာ ပေါက်ဈေးရှိသည်။ ယင်းဈေးနှုန်းသည် ယခင်နှစ်ကထက် ကျပ်ငါးသောင်း ခန့် လျော့နည်းသည်။

“အခုကတော့ အစိုးရပေါ်ပဲ မူတည်တော့တယ်။ သုံးသိန်းခွဲနဲ့ ထိန်းပေးမယ်ဆိုပြီး တောက်လျောက် ပြောနေတာ အခုထိတော့ မလုပ်ပေးသေးဘူး” ဟု ဧရာဝတီတိုင်း မော်ကျွန်းမြို့နယ် လယ်သမားတဦးက မဇ္ဈိမကို ပြောသည်။

ပဲခူးတိုင်း သနပ်ပင်မြို့နယ်မှ လယ်သမား တဦးကလည်း “စပါးရိတ်ချိန်မှာ လယ်ထဲရေက ပေါင်လည်လောက် ရှိနေသေးတယ်။ လှမ်းဖို့မရှိတော့ ကားလမ်းပေါ် တက်လှမ်းထားရတယ်။ ရေထိစပါး ဆိုတော့ ပေါက်ဈေးတောင် မရဘူး” ဟု ဆိုသည်။

ယင်းအပြင် အရန်ဆန်ဝယ်ယူမည်ဆိုပါက အာမခံဈေးနှုန်းအား တင်းတရာလျှင် ကျပ်သုံးသိန်းခွဲ အနည်းဆုံး ထားရှိမှသာလျှင် စိုက်ပျိုးစရိတ် ကာမိနိုင်မည်ဟု တောင်သူများက ခန့်မှန်းထားသည်။

မြန်မာနိုင်ငံ၌ တနှစ်လျှင် ဆန်တန်ချိန် ၁၇ သန်း ထွက်ရှိသော်လည်း ယခုနှစ်တွင် မိုးဖျက်၍ စပါးအဓိက စိုက်ပျိုး သည့် ဧရာဝတီ နှင့် ပဲခူးတိုင်းအပါအဝင် မွန်၊ ကရင်နှင့် ရခိုင်ပြည်နယ်တို့တွင် စပါးခင်းများ ပျက်စီးခဲ့ရသည်။

ယင်းအတွက် ယခုနှစ် ဆန်ထွက်နှုန်းမှာ ၁ဝ ရာခိုင်နှုန်းအထိ ကျဆင်းဖွယ်ရှိသည်ဟု ဆန်စပါး လုပ်ငန်းရှင်များ အသင်းက ခန့်မှန်းထားသည်။

Ref: မဇ္ဈိမ

Read More...

မြစ်ကြီးနား ဗလမင်းထင်တံတား အနီး ပေါက်ကွဲမှုဖြစ်ပြန်

ဖနိဒါ
နိုဝင်ဘာလ ၁၆ ရက် ၂၀၁၁ ခုနှစ်

ဗုံးပေါက်ကွဲမှုများ ဆက်တိုက်ဖြစ်ပွားနေသော မြစ်ကြီးနားမြို့တွင် အင်္ဂါနေ့ညနေ ခြောက်နာရီ ကျော်က စီတာပူရပ်ကွက်ရှိ ဧရာဝတီ မြစ်ကူး ဗလမင်းထင် တံတားအနီး ပေါက်ကွဲမှုတခု ထပ်မံဖြစ်ပွား ခဲ့ပြန်သည်။

အစိုးရ၏ ပို့ဆောင်ဆက်သွယ်ရေးဌာန လက်အောက်ခံ ဘီးခွန်ကောက်ခံသည့် အဆောက်အအုံ အနီးတွင် ပေါက်ကွဲ ခဲ့ပြီး လူရှင်းသည့်နေရာ ဖြစ်ခြင်းကြောင့် လူအသေအပျောက်မရှိပါ။

“ရှုးဆိုတဲ့ အသံကြားပြီးနောက်မှာ ပေါက်ကွဲသံ ထွက်လာတာပဲ။ ပေါက်တာက ခြောက်နာရီ မိနစ် ၂၀ မှာ ပေါက် တာပဲ။”ဟု စီတာပူရပ်ကွက် ဒေသခံတဦးက ပြောသည်။ ဒေသခံများက အဝေးမှ မော်တာကျည်ဖြင့် ပစ်ခတ် လိုက်ခြင်း ဖြစ်သည်ဟု ထင် ကြေးပေးနေကြသည်။

လွန်ခဲ့သည့်စနေနေ့က စတင်သော ပေါက်ကွဲမှုများကြောင့် ယခင်လူထူထပ်စွာ သွားလာနေသော မြစ်ကြီးနားမြို့ပေါ်နှင့် တက္ကသိုလ် ပတ်ဝန်းကျင်များတွင်လည်း သွားလာသူ ပြတ်လျက် ရှိသည်ဟု ဒေသခံများက ပြောသည်။

“ဒီမှာက တော်တော်ကြောက်နေကြတယ်။ တမင်သက်သက် အိမ်လာထည့်ထားပေးပြီးတော့ ဟိုလိုပြောခိုင်း၊ ဒီလိုပြောခိုင်း လုပ်လာမလား။ ဘယ်အချိန်မှာ ဘာတွေပြောလာမလဲ ဆိုပြီးတော့ ကြောက်နေကြတယ်။ လူစုဖို့တောင် ကြောက်နေကြပြီ၊ ဒီမနက် မင်္ဂလာဆောင်ပွဲ ရှိတာတောင် လူက နည်းနည်းလေးပဲ။”ဟု မြစ်ကြီးနားမြို့ခံ တဦးကပြောသည်။

အခြားဒေသခံတဦးကလည်း “အခုတော့ ကျနော်တို့က ညမိုးချုပ်ပြီဆိုရင် ဘယ်တော့ ဗုံးပေါက်မလဲဆိုတာပဲ နားထောင်တော့ တယ်။”ဟု ပြောသည်။

တနင်္ဂနွေနေ့ညက သီတာရပ်ကွက်တွင် ဗုံးပေါက်ကွဲမှုဖြစ်ခဲ့သော ဦးဒယောင်တန်ဂွန်း၏ နေအိမ်တွင် ဗုံးပေါက်ကွဲ ခဲ့မှုကြောင့် ပျံ့နှံ့ နေသည့် ကျည်ဆံ အပိုင်းအစများလည်း တွေ့ရှိရသည်ဟု မျက်မြင်တဦးက ပြောသည်။

ထို့ပြင် ယင်းနေအိမ်၏ အောက်ထပ်တွင် တမံတလင်း ခင်းထားပြီး ပေါက်ကွဲမှု ဖြစ်ပွားပြီးနောက် မြေအောက်ဘက် တပေခန့် နှိမ့်ကျသွားခဲ့သည်။

မြစ်ကြီးနားရဲစခန်းတွင် ဖမ်းဆီးစစ်ဆေးခံနေရသော ဦးဒယောင်တန်ဂွန်းကို ရဲကရိုက်နှက် စစ်ဆေးနေသည်ဆိုသော စွပ်စွဲချက်များ ဒေသတွင်း ပြန့်နှံနေသည်။

Ref: မဇ္ဈိမ

Read More...

ကလေးထောင်မှ အရှင်ဂမ္ဘီရကို အင်းစိန်ထောင်ပြောင်းဟု မိခင်ပြော

မျိုးသန့်
နိုဝင်ဘာလ ၁၆ ရက် ၂၀၁၁ ခုနှစ်

၂၀၀၇ ခုနှစ် ရွှေဝါရောင် တော်လှန်ရေးတွင် ဦးဆောင်ပါဝင်ခဲ့ပြီး ကလေးထောင်တွင် ထောင်ဒဏ် ၆၃ နှစ် ကျခံနေရသည့် အရှင် ဂမ္ဘီရကို အာဏာပိုင်များမှ ဗုဒ္ဓဟူးနေ့ညနေတွင် အင်းစိန်ထောင်သို့ ပြောင်းရွှေ့လိုက်ပြီဖြစ်ကြောင်း မိခင်ဖြစ်သူ ဒေါ်ရေးက မဇ္ဈိမကို ပြောသည်။

စစ်ကိုင်းတိုင်း ကလေးမြို့မှ ရန်ကုန်သို့ ပျံသန်းသည့် မြန်မာ့လေကြောင်း လေယာဉ် (MAI) ဖြင့် အရှင်ဂမ္ဘီရကို ညနေ လေးနာရီ တွင် ပင့်ဆောင်သွားခြင်း ဖြစ်သည်ဟု ဒေါ်ရေးက သူရရှိထားသည့် လေယာဉ်ခရီးသည် စာရင်းအရ အတည်ပြုပြောဆိုသည်။


“ အန်တီသေချာတာက လေဆိပ်ခရီးသည် စာရင်းမှာ အန်တီ့သား ဦးညီညီလွင်တဲ့။ ဦးညီညီလွင်ဆိုတာ အရှင်ဂမ္ဘီရ လေ။ လေယာဉ်ခရီးသည် စာရင်းကတော့ ဒေသခံတွေ ကူညီမှုပါ။” ဟု ဒေါ်ရေးက ပြောသည်။

အရှင်ဂမ္ဘီရကို ထောင်ပြောင်းမည်ဟူသည့် သတင်းကို ကြိုတင်ရရှိထားသည့် ဒေါ်ရေးက ကလေး လေဆိပ်တွင် သွားရောက် စောင့်နေခဲ့သော်လည်း လေဆိပ်အတွင်းသို့ ဝင်ခွင့်မရခဲ့ဟု မဇ္ဈိမကိုပြောသည်။

သို့သော် လေဆိပ်အတွင်းတွင် ထောင်ဝန်ထမ်းများ ပစ္စည်းသယ်ယူနေသည်ကိုလည်း တွေ့ခဲ့ရကြောင်း ဒေါ်ရေးက ပြောသည်။

“ လေယာဉ်ကွင်းထဲကို အန်တီသိတဲ့ ထောင်ဝန်ထမ်း သုံးယောက်လောက်နဲ့ ပစ္စည်းတွေကို ကားနဲ့ သယ်လာတာတွေ့တယ်။” ဟု ဒေါ်ရေးက မဇ္ဈိမကိုပြောသည်။

ဒေါ်ရေး လက်ခံရရှိသည့် ကလေးမှ ရန်ကုန်သို့ ပျံသန်းသည့် (MAI) လေယာဉ်ခရီးသည် စာရင်းတွင် နိုင်ငံရေး အကျဉ်းသား ဦးညီပုလည်း ပါဝင်ကြောင်းလည်း ဒေါ်ရေးက ပြောသည်။ ဦးညီပုသည် အမျိုးသား ဒီမိုကရေစီအဖွဲ့ချုပ် ရခိုင်ပြည်နယ် ဂွမြို့နယ်၏ ၁၉၉ဝ ရွေးကောက်ပွဲအနိုင်ရ လွှတ်တော်အမတ်ဖြစ်ပြီး ၂ဝဝ၉ ခုနှစ်တွင် ထောင်ဒဏ် ၁၅ နှစ် ကျခံခဲ့ရသူဖြစ်သည်။

Ref: မဇ္ဈိမ

Read More...

ပြန်ပေးဆွဲခံရသူ ထိုင်းအမျိုးသမီး နှစ်ဦး လွတ်မြောက်

ကွန်းချမ်း
နိုဝင်ဘာလ ၁၆ ရက် ၂၀၁၁ ခုနှစ်

ထိုင်းမြန်မာနယ်စပ် ဘုရားသုံးဆူမြို့ အခြေစိုက် ကရင်ငြိမ်းချမ်းရေးကောင်စီ တပ်ရင်း (၇၇၇)မှ ပြန်ပေးဆွဲထားသော ထိုင်း အမျိုးသမီး သုံးဦးအနက် နှစ်ဦးမှာ အင်္ဂါနေ့ ညနေပိုင်းတွင် ပြန်လည် လွတ်မြောက်လာကြောင်း ဒေသတွင်းလုံခြုံရေး တပ်ဖွဲ့ အရာရှိများက ပြောသည်။

အသက် ၃၀ ဝန်းကျင် အသီးသီးရှိ အမျိုးသမီး သုံး ဦးကို နိုဝင်ဘာလ နှစ်ရက်နေ့တွင် သုံးဆူမြို့ပြင်ရှိ နယ်စပ် တနေရာတွင် ကရင်ငြိမ်းချမ်းရေးကောင်စီ တပ်ရင်း (၇၇၇) က ဖမ်းဆီးခဲ့ခြင်းဖြစ်ပြီး သုံးဆူမြို့မှ စစ်ဘက်ရေးရာ လုံခြုံရေး တပ်ဖွဲ့ဝင်များ ကြားဝင်ညှိနှိုင်းပေးခဲ့သည်။

ဖမ်းထားသူများကို ထိုင်းဘတ်ငွေ ငါးသိန်းဖြင့် ပြန်လွှတ်ပေးခြင်း ဖြစ်ပြီး၊ ကျန်တဦးကို ထိုင်းဘတ်ငွေ ၁၅ သိန်း ပေး မှသာ ပြန်လွှတ်ပေးလိမ့်မည်ဟု ဆိုသည်။ အဖမ်းခံရသူ အမျိုးသမီးများမှာ အကြွေးဖြင့် ဝယ်ယူထားသည့် ရာဘ စိတ်ကြွဆေးဖိုးကို မပေးဆပ်နိုင်သည့်အတွက် ဖမ်းဆီးခြင်း ဖြစ်သည်ဟုလည်း သိရသည်။

ဘုရားသုံးဆူဒေသတွင် လှုပ်ရှားနေသည့် ကရင်ငြိမ်းချမ်းရေး ကောင်စီတပ်ရင်း (၇၇၇) အမည်ခံအဖွဲ့မှာ အင်အား ၂ဝ ခန့် ရှိသည်။ အဆိုပါအဖွဲ့သည် ၂ဝ၁ဝ ခု ကုန်ပိုင်းတွင် ကရင်ငြိမ်းချမ်းရေးကောင်စီမှ ခွဲထွက်ကာ အစိုးရထံ လက်နက်အပ်ပြီး ဒေသတွင်းစီးပွားရေးလုပ်ငန်းကို လုပ်ကိုင်နေသည့်အဖွဲ့ ဖြစ်သည်။

ကရင်ငြိမ်းချမ်းရေးကောင်စီသည် ၂ဝဝ၇ ခုနှစ် ဖေဖေါ်ဝါရီလ ၁၁ ရက်နေ့တွင် ကရင်အမျိုးသား အစည်းအရုံး KNU မှ ခွဲထွက် ကာ ဒေါနတောင်တန်း အနောက်ဘက် ထို့ကော်ကိုးရွာတွင် မြို့တခုကို တည်ထောင်ခဲ့သည်။ အဖွဲ့ကို ဗိုလ်ချုပ် ဋ္ဌေးမောင် ဦးစီး သည်။

Ref: မဇ္ဈိမ

Read More...

ရိက္ခာပို့ရာလမ်းတွင်မော်တာဖြင့် ပစ်ခတ်မှုကြောင့် ဒေသခံများ ထိတ်လန့်

16 November 2011
နန်းသူးလေ

ပဲခူးတိုင်း-ကျောက်ကြီးမြို့နယ်မှ ၎င်းတို့ရှေ့တန်းတပ်စခန်းချရာ ကရင်ပြည်နယ်၊ ဖာပွန်ခရိုင်နှင့် ထိုင်း-မြန်မာနယ်စပ်သို့ ရိက္ခာ ပို့ ဆောင်ပေးနေသည့် မြန်မာအစိုးရ စစ်တပ်များသည် ၎င်းတို့ရိက္ခာပို့ဆောင်ရာ လမ်းတလျှောက်ရှိ မသင်္ကာဖွယ်ရာ နေရာများ ကို မော်တာဖြင့် ပစ်ခတ်သောကြောင့် ဒေသခံများ ထိတ်လန့်နေကြသည်ဟု သိရသည်။

၎င်းမော်တာလက်နက်ကြီးများကို မြန်မာအစိုးရတပ် တပ်မ(၁၀၁) လက်အောက်ခံတပ်ရင်း(၆)ရင်းတို့က အလျဉ်းသင့်သလို ပစ်ခတ် ခဲ့ခြင်းဖြစ်သော်လည်း ယခင်နှစ်ထက် ပိုမိုဆိုးရွားကြောင်း ဖာပွန်မြို့နယ်ရှိ ရာပလိုဒဲ ရွာခံတဦးက ကေအိုင်စီသို့ ပြောသည်။

၎င်းက “ကားလမ်းတလျှောက်လုံး စစ်တပ်ချထားတာ။ သူတို့(အစိုးရတပ်) မသင်္ကာတဲ့ ကားလမ်းနံဘေးနဲ့ မနီးမဝေး တောင် ယာမှန်သမျှ လက်နက်ကြီးနဲ့ လှမ်းထုတာပဲ။ တောင်ယာလုပ်တဲ့သူတွေလဲ ကြောက်ကြလို့ တချို့ဆိုတောင်ယာတွေကို မရိတ် သိမ်းနိုင်တော့ဘူး။ လက်နက်ကြီးတွေ သူတို့ရွာတွေကို လာထိမှာစိုးလို့ မသွားရဲမလာရဲ ဖြစ်နေကြတယ်။”ဟု ပြောသည်။

ပြီးခဲ့သည့် အောက်တိုဘာလဆန်းပိုင်းမှ စတင်ပြီး အစိုးရစစ်တပ် ခြေလျင်တပ်ရင်း ခလရ(၂၃၅)၊ (၂၅၄)၊ (၂၅၈)၊ (၂၅၅)၊ (၂၅၉)နှင့် ခြေမြန်တပ်ရင်း ခမရ(၄၃၉)တို့က ၎င်းတို့စခန်းချရာ နေရာများသို့ ဆန်၊ ဆား၊ ပဲ၊ နို့ဆီ စသည့်ရိက္ခာများကို ကား၊ မြင်းများဖြင့် တာဝန်ယူ ပို့ဆောင်ခဲ့ခြင်းဖြစ်သည်။

အစိုးရ ရိက္ခာပို့ဆောင်နေသည့် တပ်စခန်းများမှာ ကျောက်ကြီးမြို့နယ်ရှိ ဘင်းပြာ၊ ကာတယ်၊ ဆောမီလူ၊ ခိုဖလလေးခို၊ မူသယ် စခန်းများနှင့် ဖာပွန်မြို့နယ်ရှိ ကစယ်တကွီး၊ ပေါ်ခေးခို၊ ဖလာ့ခို၊ ကူခွါးခို၊ ကော်သွေးစိုး၊ မော်ဖူး၊ လယ်ကလေးစိုး၊ ဆောထာ့ စသည့်စခန်းဖြစ်သည်ဟု သိရသည်။

အစိုးရတပ်သည် တပ်ရိက္ခာများ ပို့ဆောင်သည့်ကာလအတွင်း လက်နက်ကြီးများ ပစ်ခတ်မှု ပြုလုပ်လာသည့်နေ့မှစ၍ ဖာပွန် မြို့နယ်ရှိ စာသင်ကျောင်းအချို့ကိုလည်း ဖွင့်လိုက်ပိတ်လိုက်လုပ်နေကြရပြီး ကလေးငယ်များမှာ ကောင်းမွန်စွာ စာသင်ကြား နိုင်ခြင်း မရှိကြောင်း ဖာပွန်ဒေသတွင် လှုပ်ရှားနေသည့် ကရင်ကျောင်းဆရာလုပ်သားများအဖွဲ့-Karen Teacher Working Group(KTWG) က ပြောသည်။

KTWG မှ စောအယ်ဒိုဝါးက “အခု ရိက္ခာသယ်တာလည်း မပြီးသေးဘူး။ ဘယ်တော့ပြီးမလဲ အတိအကျ မသိနိုင်သေးဘူး။ လောလောဆယ် သူတို့ ရိက္ခာပို့တဲ့ ကားလမ်းဘေးက ရွာက စာသင်ကျောင်းတွေ ဖွင့်လိုက် ပိတ်လိုက် လုပ်နေရတယ်။ ဘယ် နှစ်ကျောင်းလဲဆိုတာတော့ ကျနော်တို့ စုံစမ်းနေဆဲပဲ။”ဟု ပြောဆိုသည်။

ကျောက်ကြီးမြို့နယ်မှ ကျွဲခြံ၊ ချောမီလူ၊ အောင်စိုး မိုး၊ မူသယ်(ရွာပျက်)၊ ဖွာ့ဝေါ်(ရွာပျက်)နှင့် ဖာပွန်မြို့နယ်မှ ယူဝါးဒဲ၊ ဖယ် လယ်ဒဲ၊ သူးဘီးဒဲ၊ သာသွီးဒဲ၊ ဝေနော်ဒဲ၊ ဟီဖိုးဒဲ၊ တာအိုဒဲ၊ ပတေဒဲ၊ ပဒဲဒဲ၊ တေးမူဒဲ၊ ကော်ဝဲဒဲ၊ ဘောလိုဒဲ၊ ကူဒေး၊ သဒါးဒဲ၊ တခေါ့ တိုဘော၊ ၀ါလော်မူဒဲ၊ လာအဲဒဲ၊ ယာပလိုဒဲ၊ ပေါမူဒဲ၊ သက်ထီး စသည့်ရွာများမှာ အစိုးရတပ် ရိက္ခာပို့ရာ ကားလမ်းဘေး တစ်လျှောက်ရှိ ကျေးရွာများ ဖြစ်သည်။

Ref: ကေအိုင်စီ

Read More...

ကာတွန်း​မြစ်ပြပွဲနှင့်​ အမျိုး​သား​နေ့​အထိမ်း​အမှတ် ကာတွန်း​ပြပွဲများ​ ပြသမည်

November 16, 2011
ရွှေအောင်

ရန်ကုန်မြို့​မှာ ခုရက်ပိုင်း​အတွင် ကာတွန်း​ပြပွဲ​တွေ ဆက်တိုက်ကျင်း​ပဖို့​ ရှိ​နေပါတယ်။

ယောမင်း​ကြီး​ လမ်း​က Gallery ၆၅ ပြခန်း​မှာ ကာတွန်း​မြစ်လို့​ နာမည်​ပေး​ထား​တဲ့​ ပြပွဲနဲ့​ ​ရွေဂုံတိုင်က အမျိုး​သား​ဒီမိုက​ရေစီအဖွဲ့​ချုပ်ရုံး​မှာ ပြုလုပ်မယ့်​ အမျိုး​သား​နေ့​အထိမ်း​အမှတ် ကာတွန်း​ပြပွဲ​တွေ ပြသမှာပါ။

ယောမင်း​ကြီး​ လမ်း​ပြခန်း​၊​ ကာတွန်း​ပြပွဲက ဧရာဝတီမြစ် ထိန်း​သိမ်း​ရေး​ အပါအဝင် သဘာဝပတ်ဝန်း​ကျင်ထိန်း​သိမ်း​ရေး​ ကာတွန်း​ကား​ပေါင်း​ ခုနှစ်ဆယ်​လောက် ပြသထား​မှာဖြစ်ပြီး​၊​ နိုဝင်ဘာ ၁၈ ရက်က​နေ ၂၀ ရက်ထိ သုံး​ရက်ပြသမှာဖြစ်တယ်လို့​ ကာတွန်း​ရွှေလူက ​ပြောပါတယ်။


ပြပွဲမှာပြသထား ​တဲ့​ ကာတွန်း​ကား​တွေကို ​ရောင်း​ချသွား​မှာဖြစ်ပြီး​ လူမှု​ရေး​ရန်ပုံ​ငွေနဲ့​ သစ်ပင်စိုက်ဖို့​ လှူဒါန်း​မှာလို့​ ဆိုပါတယ်။ ကာတွန်း​ကား​ တကား​ ကျပ်သုံး​သောင်း​က​နေ သုံး​သိန်း​အထိ ​ဈေး​သတ်မှတ် ​ရောင်း​ချမှာဖြစ်ပါတယ်။

အဖွဲ့​ ချုပ်ရုံး​မှာ ပြုလုပ်မယ့်​ အမျိုး​သား​နေ့​အထိမ်း​အမှတ် ကာတွန်း​ပြပွဲက​တော့​ ဒီနှစ်မှာမှ စတင်ပြုလုပ်တာဖြစ်ပါတယ်။ အဖွဲ့​ချုပ် ကာတွန်း​ပြပွဲအတွက် စီစဉ်ထား​တာကို အဖွဲ့​ချုပ်​ပြောခွင့်​ရ ဦး​အုန်း​ကြိုင်က ခုလို​ပြောပြပါတယ်။

“အဖွဲ့​ ချုပ်ကို လာ​ရောက်ပြီး​တော့​ အကူအညီ​ပေး​ဖို့​ ကမ်း​လှမ်း​ထား​တဲ့​ ကာတွန်း​ဆရာ ၃၀ ရှိပါတယ်။ အဲဒီ ကာတွန်း​ဆရာ ၃၀ ကလည်း​ သူတို့​ ကာတွန်း​ပုံ​တွေ ဆွဲပြီး​တော့​ ပို့​ဖို့​ သ​ဘောတူထား​ပါတယ်။ ​နောက် ကျ​နော်တို့​ကလည်း​ ဝါရင့်​ကာတွန်း​ဆရာကြီး​တွေကို ချဉ်း​ကပ်ပြီး​တော့​ အမျိုး​သား​နေနဲ့​ လိုက်ဖက်မယ့်​ ကာတွန်း​ပုံ​တွေ ​ပေး​ပါလို့​ ကျ​နော်တို့​က အဲဒီလို ​မေတ္တာရပ်ခံထား​ပါတယ်။ ကျ​နော်တို့​က ၁၉ ရက်​နေ့​မှာပဲ ကာတွန်း​ပြပွဲကို ခင်း​ကျင်း​ပြီး​တော့​ ၁၉ ရက်​နေ့​မှာပဲ ဖွင့်​ပွဲလုပ်ပါမယ်။”

ကာတွန်း​ကား​ ပေါင်း​ ငါး​ဆယ်​ကျော်​လောက် ခင်း​ကျင်း​ပြသသွား​ဖို့​ ရှိတယ်လို့​လည်း​ ​ပြောပါတယ်။ အဖွဲ့​ချုပ်ရဲ့​ အမျိုး​သား​နေ့​ ကာတွန်း​ပြပွဲမှာ ပါဝင်​ရေး​ဆွဲဖို့​ရှိတဲ့​ ကာတွန်း​ရွှေမင်း​သား​က သူဆွဲမယ့်​ ကာတွန်း​ပုံကို ခုလိုဆိုပါတယ်။

“အ​ကြောင်း​ အရာက​တော့​ မကြာ​သေး​ခင်က ​ဒေါ်​အောင်ဆန်း​စုကြည်ကို ဆုတခု​ပေး​လိုက်တယ်​လေ။ Freedom House အဲဒီ Freedom House နဲ့​ ပတ်သက်တဲ့​ ဆုကို ကျ​နော်က စိတ်ကူး​လေး​တခုနဲ့​ ​ရေး​မှာပါ။”

အစိုး​ ရသစ်လက်ထက်မှာ ပြီး​ခဲ့​တဲ့​ ပုဇွန်​တောင် ​ရေ​ကျော်လမ်း​ ကာတွန်း​ပြပွဲကစလို့​ လမ်း​မ​တော်၁၃လမ်း​ ကာတွန်း​ဦး​ဘဂျမ်း​ ကာတွန်း​ပြပွဲပါ ပြန်လည်ပြသခွင့်​ရခဲ့​ကြပြီး​ ကာတွန်း​နှစ်သက်တဲ့​ ပြည်သူ​တွေနဲ့​စည်ကား​ခဲ့​ပါတယ်။

Ref: ဒီဗွီဘီ

Read More...

မြန်မာ ဒုတိယ​မြောက်​ ​ရွှေတံဆိပ်ဆု ဆွတ်ခူး

November 17, 2011
နေမင်း​သစ်

မြန်မာအားကစားအဖွဲ့အတွက် ဒုတိယမြောက်ရွှေတံဆိပ်ကို အနောက်တိုင်း လှေလှော်အဖွဲ့က ဆွတ်ခူးရရှိပါတယ်။

၂၀၁၁ ဆီးဂိမ်းပြိုင်ပွဲဝင်မြန်မာ အားကစားအဖွဲ့အတွက် ဒုတိယမြောက် ရွှေတံဆိပ်ကို နိုဝင်ဘာလ ၁၇ ရက်နေ့ မနက်ပိုင်းက ကျင်းပတဲ့ အနောက်တိုင်း လှေလှော်ပြိုင်ပွဲကနေ ဆွတ်ခူးနိုင်ခဲ့ပါတယ်။


ဒီတကြိမ် မြန်မာတို့ အတွက် ရွှေတံဆိပ် ရယူပေးခဲ့သူတွေကလည်း အမျိုးသမား အားကစားမယ်တွေ ဖြစ်ပါတယ်။ အနောက်တိုင်း လှေလှော် အမျိုးသမီး​ နှစ်ယောက်တွဲပွဲစဉ်မှာ သန်းသန်းငွေနဲ့ ရွှေစင်လတ်အတွဲက အနိုင်ရဗိုလ်စွဲခဲ့တာ ဖြစ်ပါတယ်။

အနောက်တိုင်းလှေလှော် LW2X ပွဲစဉ်မှာ မြန်မာအဖွဲ့က စံချိန် ၇ မိနစ် ၃၇ စက္ကန့်နဲ့ ဗိုလ်စွဲပြီး၊ ထိုင်းက စံချိန် ၇ မိနစ် ၄၄ စက္ကန့် နဲ့ ငွေတံဆိပ်၊ ဗီယက်နမ်က စံချိန် ၇ မိနစ် ၅၆ စက္ကန့် နဲ့ တတိယကြေးတံဆိပ် ရရှိခဲ့ကြပါတယ်။

သန်းသန်းငွေနဲ့ ရွှေစင်လတ် အတွဲဟာ နိုဝင်ဘာလ ၁၆ ရက်နေ့က ကျင်းပတဲ့ W2 ပွဲမှာစဉ်မှာလည်း ငွေတံဆိပ်​ ရရှိခဲ့သူတွေ ဖြစ်ပါတယ်။

Ref: ဒီဗွီဘီ

Read More...

နယ်အ​ဝေး​အကျဉ်း​ထောင်က နိုင်ငံ​ရေး​အကျဉ်း​သား​အချို့​ ​ထောင်​ပြောင်း​ရွှေ့​

November 16, 2011
မင်းလွင်

ယုံကြည်ချက် ​ကြောင့်​ နှစ်ရှည်​ထောင်ဒဏ် အကျဉ်း​ကျခံ​နေရတဲ့​ နိုင်ငံ​ရေး​အကျဉ်း​သား​တွေကို ဒီက​နေ့​မှာ နယ်အ​ဝေး​ထောင်က​နေ မိသား​စုနဲ့​နီး​တဲ့​ ​ထောင်ကို ​ပြောင်း​ရွှေ့​ခဲ့​တယ်လို့​ နိုင်ငံ​ရေး​အကျဉ်း​သား​ မိသား​စုဝင်​တွေက ​ပြောပါတယ်။

ပူတာအို​ ထောင်မှာ ၉၃ နှစ်ကြာ ​ထောင်သွင်း​အကျဉ်း​ချခံ​နေရတဲ့​ ရှမ်း​ခေါင်း​ဆောင် ဦး​ခွန်ထွန်း​ဦး​ကို ​ထောင်အာဏာပိုင်​တွေက ​တောင်ငူ​ထောင်ကို ​ရွှေ့​ပြောင်း​လိုက်တယ်လို့​ သူ့​ပါတီဖြစ်တဲ့​ ရှမ်း​တိုင်း​ရင်း​သား​များ​ ဒီမိုက​ရေစီအဖွဲ့​ချုပ် SNLD က အတည်ပြု ပြောပါတယ်။


ဦး​ခွန်ထွန်း​ ဦး​ဟာ ဒီက​နေ့​ ​နေ့​လယ် တနာရီခွဲမှာ ပူတာအို​လေဆိပ်က​နေ မြစ်ကြီး​နား​ ​လေဆိပ်ကိုအသွား​မှာ မျက်မြင်သက်​သေကို ကိုး​ကား​ပြီး​ ပါတီရဲ့​ ​ပြော​ရေး​ဆိုခွင့်​ရှိသူ ဦး​စိုင်း​လိတ်က ​ပြောပါတယ်။

ဦး​ခွန်ထွန်း​ဦး​ကို မြစ်ကြီး​နား​မှ တဆင့်​ ​တောင်ငူ​ထောင်ကို ပို့​မယ်လို့​ သိရပါတယ်။

ရှမ်း​တိုင်း​ ရင်း​သား​များ​ဒီမိုက​ရေစီအဖွဲ့​ချုပ်က ဦး​စိုင်း​လိတ်က​တော့​ အစိုး​ရဘက်က​နေ အစိုး​ရိမ်မကြီး​ဘဲ အခုလို ​ထောင်​ပြောင်း​ရွှေ့​တာ​တွေ လုပ်မယ့်​အစား​ ခြွင်း​ချက်မရှိ ချက်ချင်း​ လွှတ်သင့်​တယ်လို့​ ​ပြောပါတယ်။

“အစိုး​ရဘက်က အစိုး​ရိမ်ကြီး​နေပြီး​တော့​မှ ချက်ချင်း​လွှတ်မ​ပေး​တာလို့​ပဲ မြင်တယ်​လေ။ ထိပ်တန်း​ခေါင်း​ဆောင်​တွေကိုပဲဖြစ်ဖြစ်၊​ ​ကျောင်း​သား​ခေါင်း​ဆောင် ​တွေကိုပဲ ဖြစ်ဖြစ်၊​ တစုတစည်း​တည်း​ အကုန်လုံး​ကို လွှတ်မယ်ဆိုလို့​ရှိရင် သူတို့​ရဲ့​ လုပ်ငန်း​စဉ်​တွေမှာ တစုံတခုများ​ ထိခိုက်​လေမလား​ဆိုပြီး​ သူတို့​ အစိုး​ရိမ်ကြီး​နေတာလို့​ပဲ ကျ​နော် မြင်တယ်။ အဲဒီအ​ပေါ်မှာ​တော့​ ကျ​နော်တို့​က ဒါ မဖြစ်သင့်​ဘူး​ပေါ့​နော်။ တကယ်ဆိုရင် အမျိုး​သား​ပြန်လည်သင့်​မြတ်​ရေး​ လုပ်ငန်း​စဉ်မှာ တဖက်တလမ်း​က​နေ ပါဝင်အား​ဖြည့်​နိုင်ဖို့​အတွက်ဆိုရင် တိုင်း​ရင်း​သား​ခေါင်း​ဆောင်​တွေ​ရော၊​ ​ကျောင်း​သား​ခေါင်း​ဆောင်​တွေ​ရော၊​ သံဃာ​တော်​တွေ အပါဝင်​ပေါ့​ နိုင်ငံ့​အကျိုး​ကို ဝင်​ရောက်ပြီး​တော့​မှ ဖြည့်​ဆည်း​ပေး​နိုင်တဲ့​ ပုဂ္ဂိုလ်​တွေ ဖြစ်တဲ့​အတွက်​ကြောင့်​မို့​လို့​ သူတို့​အား​လုံး​ကို ခြွင်း​ချက်မရှိ အမြန်ဆုံး​လွှတ်​ပေး​ဖို့​ပဲ ကျ​နော်တို့​က လိုလား​တာပါ။”

ကျိုင်း​တုံ အကျဉ်း​ထောင်မှာ အကျဉ်း​ကျခံ​နေတဲ့​ ၈၈ မျိုး​ဆက်​ကျောင်း​သား​အဖွဲ့​ခေါင်း​ဆောင် ကိုမင်း​ကိုနိုင်ကို​တော့​ သရက်​ထောင်ကို ​ပြောင်း​ရွှေ့​လိုက်တယ်လို့​လည်း​ သတင်း​တွေ ထွက်​ပေါ်​နေပါတယ်။

ကျိုင်း​တုံ အကျဉ်း​ထောင်ကို ဆက်သွယ်စုံစမ်း​တဲ့​အခါမှာ ​ထောင်အရာရှိတဦး​က ကိုမင်း​ကိုနိုင်ဟာ ကျိုင်း​တုံ​ထောင်ထဲမှာပဲ ရှိ​နေ​သေး​တယ်လို့​ ​ပြောပါတယ်။

“ဒီအချိန်ထိ​ တော့​ ဒီသတင်း​ကို လျှို့​ဝှက်ထား​သေး​တယ်လို့​ ​ပြောလို့​ရတာ​ပေါ့​။ ဒီအချိန်ထိက​တော့​ ရှိ​နေ​သေး​တယ်။ အဲဒီသတင်း​က အမှန်ဖြစ်ဖို့​များ​လောက်တယ်လို့​ ခန့်​မှန်း​ရတာ​ပေါ့​လေ။ ဘာလို့​လဲဆို​တော့​ ဒီ​နေ့​ဆိုလို့​ရှိရင် ကျ​နော်တို့​ ကိုမင်း​ကိုနိုင်နဲ့​ ပတ်သက်တဲ့​ ကျ​နော်တို့​ ဒီကျိုင်း​တုံ​ထောင်ကို ​ရောက်ပြီး​ ​ပေါ့​နော် ကျန်း​မာ​ရေး​စောင့်​ရှောက်မှု စာရင်း​ဇယား​စစ်တမ်း​တွေ အား​လုံး​ ပြင်ဆင်​နေတာ​တော့​ ​တွေ့​ရတယ်​ပေါ့​နော်။ ကျိုင်း​တုံ​လေယာဉ်က ဘယ်​နေ့​တွေရှိလဲ ဆိုရင် တနင်္ဂ​နွေ၊​ အင်္ဂါ၊​ ကြာသပ​တေး​၊​ စ​နေ မနက်ဖြန်ဆိုရင်​တော့​ ကွန်ဖန်း​ ဖြစ်​လောက်ပါတယ်။”

ကျိုင်း​တုံ​လေယာဉ်ရှိတဲ့​ မနက်ဖြန်မှာ ​ထောင်​ပြောင်း​ဖို့​များ​တယ်လို့​လည်း​ ​ထောင်အရာရှိက ​ပြောပါတယ်။

သရက်အကျဉ်း​ ထောင်မှာ အကျဉ်း​ကျခံ​နေတဲ့​ ၈၈ မျိုး​ဆက် ​ကျောင်း​သား​များ​အဖွဲ့​က မနီလာသိန်း​ကိုလည်း​ ဒီက​နေ့​ သယာဝတီအကျဉ်း​ထောင်ကို ​ပြောင်း​ရွှေ့​လိုက်တယ်လို့​ မိသား​စုဝင်​တွေက သယာဝတီ ​ထောင်အာဏာပိုင်​တွေကို ကိုး​ကား​ပြီး​ ဒီဗွီဘီကို​ပြောပါတယ်။

နိုင်ငံ​ရေး​ အကျဉ်း​သား​တွေ အာဆီယံ အစည်း​အ​ဝေး​ပြီး​မှလည်း​ လွှတ်နိုင်မယ်လို့​ ၈၈ မျိုး​ဆက်​ကျောင်း​သား​များ​အဖွဲ့​က ကိုပြုံး​ချိုရဲ့​ ဖခင် ဦး​ဝင်း​မောင်က ​ပြောဆိုတယ်။

“သတင်း​တော့​ ထွက်လာတယ်၊​ ဘာမှ ထိထိ​ရောက်​ရောက် မကြား​ရ​သေး​ဘူး​လေ။ ဘာလို့​လဲဆို​တော့​ သူတို့​က အစီရင်ခံစာ တင်ပြတာပဲ​ပြောတယ်၊​ ဘာမှ အမိန့်​ထွက်မလာဘူး​လေ။ ​နောက်ထပ် သိရတာက​တော့​ သူတို့​ ညှိလို့​ မရ​သေး​ဘူး​လို့​ ကြား​နေတယ်။ အဲဒီ​တော့​ အာဆီယံ ပြန်လာပြီး​မှပဲ အထ​မြောက်မလား​မသိဘူး​။ တသုတ်တည်း​ မလွှတ်ဘဲနဲ့​ ခွဲလွှတ်မယ်လို့​လည်း​ ကြား​နေတယ်။ လွှတ်ဖို့​တော့​ အစီအစဉ်ရှိတယ်လို့​ ကြား​တယ်။”

စစ်ကိုင်း​ တိုင်း​ဒေသကြီး​ က​လေး​အကျဉ်း​ထောင်က​နေ နိုင်ငံ​ရေး​အကျဉ်း​သား​ နှစ်ဦး​ကိုလည်း​ ဒီက​နေ့​မှာ က​လေး​အကျဉ်း​ထောင်က​နေ ​ပြောင်း​ရွှေ့​သွား​တယ်လို့​ အဲဒီအကျဉ်း​ထောင်နဲ့​ နီး​စပ်တဲ့​ အသိုင်း​အဝိုင်း​က ​ပြောပါတယ်။

၈၈ အ​ရေး​တော်ပုံ​ကျောင်း​သား​ဟောင်း​ ကိုတိုး​ကျော်လှိ်ုင်က “မြန်မာနိုင်ငံ လူ့​အခွင့်​အ​ရေး​ ​ကော်မရှင်က​နေပြီး​တာ့​ ထပ်မံလွှတ်​ပေး​ဖို့​ ​တောင်း​ဆိုတာ။ ထပ်မံလွှတ်​ပေး​ဖို့​ ​မေတ္တာရပ်ခံတဲ့​ စာပါလာတယ်။ အဲဒီအ​ပေါ်မှာ အကြမ်း​ဖျင်း​သုံး​သပ်လိုက်ရင် နှစ်ချက် ထွက်လာတယ်။ ထပ်လွှတ်​ပေး​ဖို့​ ရှိတယ် နံပါတ်တစ်။ နံပါတ်နှစ်က အကုန်လုံး​မလွှတ်နိုင်ဘူး​။ အကုန်လုံး​မလွှတ်နိုင်ဘဲနဲ့​ ကျန်ခဲ့​တဲ့​လူ​တွေကို မိသား​စုနဲ့​ နီး​စပ်ရာအကျဉ်း​ထောင်​တွေကို ပြန်ပြီး​တော့​ ​ရွှေ့​ပေး​မယ်လို့​ ဆိုတဲ့​ ​ကောက်ချက် နှစ်ခု ဆွဲလို့​ ရတယ်။ ​ကောက်ချက် နံပါတ်တစ်က အခုန​ပြောသလို အကုန်လုံး​ မပါလာဘူး​။ ဒုတိယ​ကောက်ချက်က​တော့​ မိသား​စုနဲ့​ နီး​စပ်ရာကို ​ရွှေ့​ပေး​မယ် ဒီလို နှစ်ခု ​ကောက်ချက်ဆွဲလို့​ ရတယ်။”

Ref: ဒီဗွီဘီ

Read More...

Wednesday, November 16, 2011

ကရင်နယ်ခြားစောင့် ခွဲထွက်အဖွဲ့ KNU နှင့် ပူးပေါင်း

November 15, 2011

ကရင်နယ်ခြားစောင့်တပ်ရင်း ၁၀၁၂ မှခွဲထွက်ခဲ့သော ဗိုလ်မှူးစောဘိ ဦးဆောင်သည့် တိုးတက်သော ဗုဒ္ဓဘာသာ ကရင်အမျိုးသား တပ်မတော်(DKBA) တပ်ရင်းသည် ကရင် အမျိုးသား အစည်းအရုံး(KNU)၏ ဦးဆောင်မှုအောက်တွင် ရပ်တည်သွားမည်ဟု သိရှိ ရသည်။

ကရင်အမျိုးသား လွတ်မြောက်ရေးတပ်မတော်(KNLA) တပ်မဟာ ၇ တွင် နိုဝင်ဘာ ၁၃ ရက်နေ့က ပြုလုပ်သည့် KNU တာဝန် ရှိသူများနှင့် ဆွေးနွေးပွဲ၌ KNU ဦးဆောင်မှုကိုခံယူရန် ဗိုလ်မှူးစောဘိနှင့် တပ်ဖွဲ့ဝင်များက သဘောတူ လက်ခံခဲ့သည်ဟု KNLA တပ်မဟာ ၇ တပ်မှူး ဗိုလ်မှူးချုပ် စောဂျော်နီ က ပြောသည်။


၎င်းက“ဗိုလ်ဘိတို့ကို ကျနော်တို့ပွင့်ပွင့်လင်းလင်းပဲ ဆွေးနွေးကြတယ်၊ DKBA ဆက်လုပ်မှာလား၊ အစိုးရနဲ့ပြန်ပေါင်းမှာလား ဆို တော့ ဗိုလ်ဘိက DKBA နဲ့ ပြန်မပေါင်းချင်ဘူး၊ မြိုင်ကြီးငူဆရာတော်က အားကိုးလို့ရတဲ့ အနေအထားမရှိတော့ဘူး၊ အစိုးရနဲ့က တော့ လုံးဝ ပြန်မပေါင်းတော့ဘူး၊ ရှေ့ဆက် KNU ရဲ့ဦးဆောင်မှုအောက်မှာပဲ နေတော့မယ်ပြောတယ်”ဟု ဗိုလ်မှူးချုပ်ဂျော်နီက ဧရာဝတီသို့ ပြောသည်။

အဆိုပါဆွေးနွေးပွဲတွင် KNLA တပ်မဟာ ၁ တပ်မှူး ဗိုလ်မှူးချုပ် ကျော်လင်း၊ တပ်မဟာ ၇ တပ်မှူး ဗိုလ်မှူးချုပ် ဂျော်နီနှင့် KNU သထုံ ခရိုင် ဥက္ကဌ ပဒိုစောပယ်နိုနှင့် ဘားအံခရိုင် ဥက္ကဌ ပဒို စောအောင်မော်အေး တို့ ပါရှိသည်။

ကရင်ပြည်နယ် လှိုင်းဘွဲ့မြို့နယ်အခြေစိုက် ကရင်နယ်ခြားစောင့်တပ်ရင်း ၁၀၁၂ ၏ တပ်ရင်းမှူး ဗိုလ်မှူးစောဘိ ဦးဆောင်သည့် အင်အား ၁၅၀ ခန့်ရှိသော တပ်ဖွဲ့ဝင်များသည် တပ်တွင်း အုပ်ချုပ်ပုံအဆင့်ဆင့် ယိုယွင်းမှုများကို မကျေနပ်သောကြောင့် ဆန္ဒပြ ခဲ့ကြပြီးနောက် လွန်ခဲ့သည့်မေလက စတင်၍ တပ်မှခွဲထွက်ပြီး DKBA အဖြစ်ရပ်တည်ကာ KNLA နှင့် နားလည်မှုရယူခဲ့ပြီး အစိုးရကို ပြန်လည် တိုက်ခိုက်ခဲ့သည်။

ယခုလ ၃ ရက်နေ့က ဘားအံမြို့တွင် ကရင်ပြည်နယ်အစိုးရနှင့် ယာယီအပစ်အခတ်ရပ်စဲခဲ့သည့် ဗိုလ်ချုပ် စောလားပွယ် ဦးဆောင် သော DKBA ကလို့ထူးဘော အဖွဲ့တွင် ဗိုလ်မှူးစောဘိ၏ တပ်ဖွဲ့ကို ကလို့ထူးလားဗျူဟာ အဖြစ် တာဝန်ပေးအပ် ထား သည်ဟု DKBA ဘက်က ပြောသည်။

ဗိုလ်မှူးစောဘိနှင့် တပ်ဖွဲ့ဝင်များ ယမန်နေ့က KNLA အဖွဲ့နှင့် ပြန်လည်ပူးပေါင်းသည့်ကိစ္စကို မိမိတို့မသိရှိရသေးကြောင်း၊ ဖြစ်နိုင် ခြေမရှိကြောင်းနှင့် တစုံတရာမှားနေသည်ဟု ထင်မြင်ယူဆကြောင်း DKBA ကလို့ထူးဘော အဖွဲ့က ပြောသည်။

ဗိုလ်ချုပ် စောလားပွယ် ဦးဆောင်သော DKBA ကလို့ထူးဘော အဖွဲ့သည် နိုဝင်ဘာ ၃ ရက်နေ့က ဦးသိန်းဇော် ခေါင်းဆောင် သည့် အစိုးရ ငြိမ်းချမ်းရေးဖော်ဆောင်မှု ကော်မတီ အဖွဲ့နှင့် အပစ်အခတ် ရပ်စဲရေး သဘောတူ လက်မှတ်ထိုးထားသည်။

ယမန်နှစ် နိုဝင်ဘာ ရွေးကောက်ပွဲကာလမှစတင်၍ ဗိုလ်ချုပ် စောလားပွယ် ဦးဆောင်သော DKBA အဖွဲ့သည် နယ်ခြားစောင့် ဖွဲ့စည်းရေးကို လက်မခံခဲ့ဘဲ ကရင်ပြည်နယ်အတွင်းရှိ အစိုးရတပ်များကို တိုက်ခိုက်နေခဲ့သည်။

၂၀၁၀ ပြည့်နှစ် သြဂုတ်လ အတွင်းက အင်အား၂၀၀၀ ၀န်းကျင်ရှိ DKBA တပ်ရင်း ၁၀ ရင်းခန့်သည် နယ်ခြားစောင့်တပ် အဖြစ် စတင် အသွင်ပြောင်းခဲ့သည်။

DKBA သည် ၁၉၉၄ ခုနှစ်တွင် KNU မှ ခွဲထွက်၍ ယခင် စစ်အစိုးရနှင့် ငြိမ်းချမ်းရေး ယူခဲ့သော တိုင်းရင်းသား လက်နက်ကိုင် အဖွဲ့ ဖြစ်သည်။

ယခု KNUဦးဆောင်မှုအောက်၌ ရပ်တည်သွားမည်ဟူသော သတင်းနှင့်ပတ်သက်၍ သီးခြားအတည်ပြုနိုင်ရန်အတွက် ဧရာဝတီက ဗိုလ်မှူးစောဘိကို ဆက်သွယ်၍ မရရှိသေးပေ။

KNU သည် ပြီးခဲ့သည့် နိုဝင်ဘာ ၁၁ ရက်က အစိုးရနှင့် ငြိမ်းချမ်းရေး ဆွေးနွေးရန်အတွက် ၇ ဦးပါဝင်သည့် ငြိမ်းချမ်းရေး ကိုယ် စားလှယ် အဖွဲ့ကို ဖွဲ့စည်းထားသည်။

စက်တင်ဘာလအတွင်းကလည်း ကရင်ပြည်နယ်အစိုးရ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး အောင်လွင်နှင့်အဖွဲ့နှင့် ထိုင်း-မြန်မာ နယ်စပ် တနေရာ၌တွေ့ဆုံရာတွင် ငြိမ်းချမ်းရေး ဆွေးနွေးရန်အတွက် ဗဟိုအဆင့်နှင့်သာ တွေ့ဆုံလိုကြောင်း KNU က ပြောဆိုထားသည်။

KNU သည် နှစ်ပေါင်း ၆၀ ကျော် အစိုးရကို ဆန့်ကျင်တော်လှန်နေသော တိုင်းရင်းသား လက်နက်ကိုင် အဖွဲ့ဖြစ်သည်။

Ref: ဧရာဝတီ

Read More...

နှစ်နိုင်ငံ ချစ်ကြည်ရေးလား၊ တရုတ်က လွှမ်းမိုးချင်တာလား

ခင်ဦးသာ
November 15, 2011

မြစ်ဆုံဆည် စီမံကိန်း ဆိုင်းငံ့ခဲ့ပြီးနောက် တရုတ်နိုင်ငံ၏ လတ်တလော လုပ်ဆောင်ချက်များသည် မြန်မာနိုင်ငံအပေါ် စီးပွားရေး၊ ဘာသာရေး၊ ယဉ်ကျေးမှုအရ လွှမ်းမိုးနိုင်ရန် ကြိုးပမ်းမှု ဖြစ်သည်ဟု ရှုမြင်သူများ ရှိသော်လည်း တချို့က နှစ်နိုင်ငံချစ်ကြည်ရေး ကြောင့်ဟု သုံးသပ်ကြသည်။

တရုတ်နိုင်ငံက ဗုဒ္ဓမြတ်စွယ်တော်အား နှစ်နိုင်ငံ ချစ်ကြည်ရေးအတွက်ဟုဆိုကာ မကြာသေးမီက မြန်မာနိုင်သို့ ပင့်ဆောင်လာပြီး ပြည်သူများ ဖူးမျှော်နိုင်ရန် စီစဉ်ပေးထားသည်။

မြတ်စွယ်တော်ကို တရုတ်ပြည် ပြင်ပသို့ ၇ ကြိမ် ပင့်ဆောင်ခဲ့ရာ ၄ ကြိမ်မှာ မြန်မာပြည်သို့ ဖြစ်သည်ဟု တရုတ် သာသနာရေး ၀န်ကြီး Mr. Wang Zuo An က ရှင်းပြခဲ့ကြောင်း ပြီးခဲ့သည့် ဗုဒ္ဓဟူးနေ့ထုတ် အစိုးရသတင်းစာများ၌ ရေးသားထားသည်။


“မြန်မာနဲ့ တရုတ် နှစ်နိုင်ငံအကြား ညီရင်းအစ်ကိုလို ချစ်ကြည်ရင်းနှီးမှုကို ဖော်ပြရာ ရောက်သလို ရေစက်ရှိလို့ ဒီလို ဆုံကြရ တယ်လို့လည်း ပြောလို့ရပါတယ်” ဟု တရုတ် သာသနာရေးဝန်ကြီးက ဆိုသည်။

ဗုဒ္ဓစွယ်တော်သည် ဦးနုအစိုးရလက်ထက် ၁၉၅၅ ခုနှစ်တွင် မြန်မာနိုင်ငံသို့ ပထမဆုံးအကြိမ် ရောက်ရှိခဲ့ပြီး ၁၉၉၄၊ ၁၉၉၆ ခုနှစ် တို့တွင် ထပ်မံ ရောက်ရှိခဲ့သည်။

“တရုတ်ပဲဖြစ်ဖြစ်၊ အမေရိကန်ပဲ ဖြစ်ဖြစ်ပေါ့၊ နိုင်ငံကြီးတွေဟာ နိုင်ငံငယ်တွေ အပေါ်မှာ သူတို့ရဲ့ သြဇာရှိဖို့၊ လိုအပ်တဲ့အခါ အသုံးချနိုင်ရေးအတွက် တခုခုနဲ့ လွမ်းမိုးဖို့ ကြိုးစားတတ်လေ့ရှိတယ်။ မြန်မာ အပေါ်မှာ အိန္ဒိယရဲ့ သြဇာ ကြီးလာမှာကိုလည်း တရုတ်က သိပ်လိုလားပုံမရဘူး” ဟု သံတမန်ဟောင်း တဦးဖြစ်သူ သခင်ချန်ထွန်းက ပြောသည်။

တရုတ်အစိုးရ၏ CCTV ရုပ်သံ အစီအစဉ်များကိုလည်း အောက်တိုဘာလ ၂၇ ရက်နေ့မှ စတင်ပြီး မြန်မာအစိုးရပိုင် MRTV – 4 ရုပ်သံတွင် စမ်းသပ် ထုတ်လွှင့်ခဲ့သည်။

ဤသို့ ထုတ်လွှင့်ပေးခြင်းသည် နှစ်နိုင်ငံ ချစ်ကြည်ရေးအရ လုပ်ဆောင်ခြင်းဖြစ်သည်ဟု ယူဆကြောင်း သတင်းစာဆရာ တဦး ဖြစ်သူ ကိုကို (စက်မှုတက္ကသိုလ်) က ပြောသည်။

“MRTV-4 ရဲ့ လိုင်းပေါင်း ၄၀ လောက်မှာမှ CCTV က ၂ လိုင်းလောက်ပဲ ဆိုတော့ ယဉ်ကျေးမှုအရ ထိုးဖောက်ဖို့ ဆိုတာက မဖြစ်နိုင်ပါဘူး။ လွှမ်းမိုးစရာ အကြောင်းလည်း မရှိပါဘူး။ ကိုးရီးယား ရုပ်သံလိုင်းတွေ လိုမျိုး အခမဲ့ ကြည့်လို့ရတာတွေ အများ ကြီးရှိတော့ ရွေးချယ်စရာတွေ အများကြီး ရှိပါတယ်” ဟု ဦးကိုကိုက ဆိုသည်။

တရုတ်နိုင်ငံက ဒေါ်လာ ၃ ဒဿမ ၆ ဘီလီယံ ရင်းနှီးမြှုပ်နှံထားသည့် ဧရာဝတီ မြစ်ဆုံစီမံကိန်း ဆိုင်းငံ့ထားရန် သမ္မတ ဦးသိန်းစိန် ဆုံးဖြတ်ခဲ့ပြီးနောက် တရုတ် အစိုးရ ကိုယ်စားလှယ် များသည် မြန်မာနိုင်ငံသို့ ဆက်တိုက် လာရောက်၍ နှစ်နိုင်ငံချစ်ကြည်ရေး ကိစ္စများ လုပ်ဆောင်လျက် ရှိသည်။

သမ္မတဦးသိန်းစိန်သည် တရုတ်ကွန်မြူနစ်ပါတီ ပေါ်လစ်ဗျူရိုအဖွဲ့ဝင် MR. Liu Qi နှင့် နိုဝင်ဘာ ၁၁ ရက်နေ့က တွေ့ဆုံ၍ နှစ်နိုင်ငံ ချစ်ကြည်ရေး၊ အကျိုးစီးပွား ပူးပေါင်းရေးတို့ကို ဆွေးနွေးခဲ့ကြောင်း အစိုးရ သတင်းစာများက ဖော်ပြခဲ့သည်။

ပြီးခဲ့သည့်လကလည်း ဒုသမ္မတ သီဟသူရ ဦးတင်အောင်မြင့်ဦး၊ နိုင်ငံခြားရေးဝန်ကြီး ဦးဝဏ္ဏမောင်လွင်တို့ တရုတ်နိုင်ငံသို့ သွား ရောက်ခဲ့ပြီး နှစ်နိုင်ငံ အကျိုးစီးပွား ပိုမို ပူးပေါင်းရေး၊ မဟာဗျူဟာမြောက် ဆက်ဆံရေး၊ ပူးပေါင်းဆောင်ရွက်ရေးတို့ကို ဆွေးနွေး ခဲ့ကြောင်း တရုတ်သတင်းများတွင် တွေ့ရသည်။

ဒေသတွင်း တရုတ်၏ စီးပွားရေး၊ စစ်ရေးသြဇာ ကြီးထွားလာခြင်းနှင့်အတူ အိန္ဒိယနှင့် အမေရိကန် တို့ကလည်း ၎င်းတို့၏ စစ်ရေး အင်အား တိုးမြှင့်ရေး ကြိုးပမ်းနေကြောင်း နိုင်ငံတကာ သတင်းများက ဆိုသည်။

အရှေ့တောင်အာရှ နိုင်ငံ အများစုတွင် တရုတ်လူမျိုးများသည် စီးပွားရေးအရ အခြေချ နေထိုင်လျက်ရှိပြီး တရုတ်ယဉ်ကျေးမှု သင်္ကေတ အမှတ်အသားများကိုလည်း နေရာ အတော်များများတွင် တွေ့မြင်နေရသည်။ အာဆီယံ ဒေသအတွင်း တရုတ်၏ ရင်းနှီးမြှုပ်နှံထားမှုသည် အမေရိကန်ဒေါ်လာ ဘီလီယံပေါင်းများစွာ ရှိနေသည်ဟု သတင်းများအရ သိရသည်။

နိပေါနိုင်ငံ၌ အမေရိကန်ဒေါ်လာ ၃ ဘီယီယံ အကုန်အကျခံ တည်ဆောက်မည့် စီမံကိန်း တခုအား ကူညီမည်ဟု တရုတ် အစိုးရ က ကမ်းလှမ်းထားသေးကြောင်းလည်း သိရသည်။ ၎င်း အစီအစဉ်သည် ဗုဒ္ဓ ဖွားမြင်တော်မူခဲ့သော လုမ္ပနီ အင်ကြင်း ဥယျာဉ် အား ဗုဒ္ဓဘာသာဝင်တို့ မသွားမဖြစ်သည့် အထင်ကရ နေရာတခုအဖြစ် နီပေါအစိုးရ ပြုပြင် တည်ဆောက်မည့် စီမံကိန်း ဖြစ်သည်။

လူဦးရေ သန်း ၁၃၀၀ ကျော်လာသည့် တရုတ်နိုင်ငံသည် နိုင်ငံအများအပြား၌ ရင်းနှီးမြှုပ်နှံလျက်ရှိပြီး မြန်မာနိုင်ငံအပါအဝင် အိမ်နီးချင်းနိုင်ငံများသို့ အစုအဝေးလိုက် ပြောင်းရွှေ့နေထိုင်နေကြသည်။

“အစိုးရက ပို့တာ မဟုတ်ဘဲနဲ့ နယ်စပ်ဒေသတွေက ၀င်ပြီးတော့ အိမ်နီးချင်း နိုင်ငံတွေမှာ အခြေချတယ်။ မြန်မာနိုင်ငံမှာ ဆိုရင် လည်းပဲ တနိုင်ငံလုံးနီးပါးမှာ တရုတ်လူမျိုးတွေ နေထိုင်လာကြတာ တွေ့နေရတယ်” ဟု တရုတ်နိုင်ငံ၌ သံအမတ်ကြီးအဖြစ် တာဝန်ထမ်းဆောင်ခဲ့ဖူးသူ ဦးချန်ထွန်းက ပြောသည်။

ရှေးမြန်မာ ဘုရင်များ နန်းစိုက်ခဲ့ပြီး မြန်မာမှုလက်ရာ အမွေအနှစ် များပြားစွာ ကျန်ရှိနေသော မန္တလေးမြို့၌ တရုတ်လူမျိုးများ ကြီး စိုးလာခြင်းအပေါ် မန္တလေးဒေသခံ အနုပညာသမားများက မကြာခဏ ထောက်ပြ ဝေဖန် ရေးသားလျက်ရှိသည်ကို တွေ့ရသည်။

“တရုတ်တွေဟာ နယ်စပ်က တောရွာတွေမှာ ပထမ အခြေချပြီး ဗမာစကား သင်တယ်၊ ပြီးရင် မြို့ပေါ် တက်လာကြတယ်။ မြို့ပေါ်ရောက်တော့ ပျောက်သွားတယ်။ ရန်ကုန်တို့၊ မန္တလေးတို့ လိုမျိုးပေါ့” ဟု ဦးချန်ထွန်းက ဆိုသည်။

တရုတ်လူမျိုးများက ၎င်းတို့နေထိုင်ရာ ဒေသများ၌ တရုတ်ဘုံကျောင်းများ တည်ဆောက်၍ တရုတ်လူမျိုးများ တိုးပွားလာရေး၊ စီးပွားရေးအရ ကူညီ ထောက်ပံ့ရေး စသည်တို့ကို လုပ်ဆောင်လျက် ရှိသည်ဟူသော သတင်းတချို့လည်း ထွက်ပေါ်နေသည်။ နယ်စပ်ဒေသများမှ ၀င်ရောက်လာသော တရုတ်နိုင်ငံသား အများအပြားသည် ဒေသခံ အာဏာပိုင်တချို့ကို ချဉ်းကပ်ပြီး နိုင်ငံသား စိစစ်ရေးကတ်ပြား ရယူကြသည် ဟူသော သတင်းများလည်း ကာလ အတန်ကြာကပင် ထွက်ပေါ်နေသည်။ မြန်မာပြည်ဖွား မဟုတ် ဘဲ မြန်မာနိုင်ငံသား ဖြစ်သွားသော တရုတ်လူမျိုး အရေအတွက် မည်မျှ ရှိသည်ကိုမူ မသိရသေးပေ။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မြန်မာနိုင်ငံနှင့် တရုတ်နိုင်ငံတို့သည် အိမ်နီးချင်းများ ဖြစ်သည့်အတွက် ကမ္ဘာတည်သရွေ့ ထိတွေ့ နေကြရမည် ဖြစ်သောကြောင့် နှစ်နိုင်ငံဆက်ဆံရေး ကောင်းမွန်ရန် လိုအပ်ကြောင်း ယမန်နေ့က ပြုလုပ် သော သတင်းစာ ရှင်းလင်းပွဲ၌ ပြောခဲ့သည်။

Ref: ဧရာဝတီ

Read More...

အပေါ်သို့