NLD ပါတီမှတ်ပုံတင်ရေး ဘက်ပေါင်းစုံမှ သုံးသပ်ဖို့ DAB တိုက်တွန်း

2011-11-15

ဒေါ်အောင်ဆန်းစုကြည်နဲ့ တွေ့ဆုံမှုဟာ ပြည်တွင်းပြည်ပ ဖိအားတွေကို ကျော်လွှားနိုင်ဖို့ နည်းပရိယာယ် အရ ဦးသိန်းစိန် အစိုးရ ဆောင်ရွက်နေတာသာ ဖြစ်တယ်လို့ ပြည်ပ အခြေစိုက် DAB ခေါ် မြန်မာပြည် ဒီမိုကရက်တစ် မဟာမိတ် အဖွဲ့ချုပ်က ကြေညာ ချက် တစ်ရပ် ထုတ်ပြန်လိုက်ပါတယ်။

အဲဒီတွေ့ဆုံမှုတွေဟာ နိုင်ငံရေး ဆွေးနွေးပွဲတွေကို ဦးတည်တာ မဟုတ်တဲ့ အကြောင်းလည်း ကြေညာချက်မှာ ပါပါတယ်။

လတ်တလော ပြောင်းလဲမှု တချို့ မြင်တွေ့ရပေမဲ့ တိုင်းရင်းသား ပဋိပက္ခနဲ့ လူ့အခွင့်အရေး ချိုးဖောက်မှုတွေ ရှိနေဆဲ ဖြစ်တာ ကြောင့် စစ်မှန်တဲ့ နိုင်ငံရေး ပြောင်းလဲမှုတွေ ဖြစ်ထွန်းမှု ရှိ မရှိဆိုတာ ဆက်လက် စောင့်ကြည့်ရမှာ ဖြစ်တယ်လို့ DAB အဖွဲ့ရဲ့ အထွေထွေ အတွင်းရေးမှူး ဦးမျိုးဝင်းက ပြောပါတယ်။


အင်န်အယ်လ်ဒီ ပါတီ မှတ်ပုံတင်ပြီး ကြားဖြတ် ရွေးကောက်ပွဲဝင်ရေး ဆုံးဖြတ်ရာမှာ ဘက်ပေါင်းစုံက သုံးသပ် ဆုံးဖြတ်ဖို့ လို အပ်တယ် လို့လည်း ဦးမျိုးဝင်းက ပြောပါတယ်။

အမျိုးသား ဒီမိုကရေစီ အဖွဲ့ချုပ် အနေနဲ့ မူလ ရည်မှန်းချက်တွေ ဖြစ်တဲ့ နိုင်ငံရေး အကျဉ်းသားများ လွတ်မြောက်ရေး၊ ပြည်တွင်း ငြိမ်းချမ်းရေးနဲ့ ၂၀၀၈ ဖွဲ့စည်းပုံ အခြေခံ ဥပဒေ ပြင်ဆင်ရေး လုပ်ငန်းစဉ်တွေကို နိုင်ငံရေး အရ တန်းတူရည်တူ ဆွေးနွေး သဘော တူညီမှုတွေက တစ်ဆင့်သာ ဖော်ဆောင်နိုင်မယ်လို့လည်း ဒီအေဘီရဲ့ ကြေညာချက်မှာ ဖော်ပြထားပါတယ်။

ဒီအေဘီ အဖွဲ့ကို မြန်မာ့ ဒီမိုကရေစီရေး ကြိုးပမ်းနေတဲ့ မဟာမိတ် အဖွဲ့အစည်းပေါင်း ၂၅ ဖွဲ့နဲ့ ဖွဲ့စည်း တည်ထောင်ထားပါတယ်။

Ref: အာရ်အဖ်အေ