Saturday, June 25, 2011

ဘန်ကောက်မြို့တော်တွင် ဖွေ့ထိုင်းပါတီက ဦးဆောင်နေဟု စစ်တမ်းကောက်ယူမှု အသစ်က ပြသနေ

June 25, 2011

မကြာသေးခင်ကလေးက လုပ်ခဲ့တဲ့ စစ်တမ်းတွေအရဆို ဘန်ကောက်မှာ ဖွေ့ထိုင်းပါတီက ဒီမိုကရက်ပါတီအပေါ် အသာစီး ရနေတုန်းပဲ လို့ သိရပါတယ်။ ပြီးခဲ့တဲ့အပတ်က လုပ်ခဲ့တဲ့ စစ်တမ်းကောက်ယူမှု ၂ ခုမှာ ၀န်ကြီးချုပ်နေရာ လျာထားတဲ့ ခွန်ယင်လပ်ရှီနာဝပ်ထ် က ဒီမိုကရက်တွေနဲ့ဝန်ကြီးချုပ်လောင်း အဖိဆစ်အပေါ် အသာစီးရနေသလိုပဲ မြို့တော်က မဲဆန္ဒရှင် တွေဟာ ဖွေ့ထိုင်းမဲဆန္ဒနယ်က ကိုယ်စားလှယ်လောင်းတွေကိုပဲ ထောက်ခံတယ်ဆိုတာ ပြသ နေပါတယ်။


ဒါပေမဲ့ ဆန္ဒပြုသူ ၃ ပုံ ၁ ပုံ နီးပါးလောက်၊ ရာနှုန်း ၂၀-၂၆% လောက်က သူတို့အနေနဲ့ ဘယ်သူ့ကိုထောက်ခံရမလဲ ဆိုတာ မဆုံးဖြတ်ရသေးကြောင်းနဲ့ ၇% လောက်က ဘယ်သူ့ကိုထောက်ခံတယ်ဆိုတာ ထုတ်ဖော်ပြောဆိုဖို့ ငြင်းကြ ပါတယ်။

နေးရှင်းအုပ်စုနဲ့ ပေါင်းပြီးလုပ်တဲ့ ဒူရာကစ်ခ်ျပန်ဒစ် တက္ကသိုလ်က လုပ်တဲ့ စစ်တမ်းက ဖွေ့ထိုင်းပါတီက မြို့တော်ရဲ့ မဲ ဆန္ဒနယ် ၃၃ နေရာထဲက ၂၂ နေရာမှာ အသာစီးရနေပြီး ဒီမိုကရက်တွေက ၆ နေရာမှာသာ လုံးလုံးလျားလျား ထောက်ခံမှုရတာကို ပြသနေပါတယ်။ ကျန်တဲ့ မဲဆန္ဒနယ် ၅ နေရာမှာတော့ အကြိတ်အနယ် အပြိုင်ဖြစ်နေပါတယ်။ မြို့တော်ရဲ့ မဲဆန္ဒနယ် အမှတ် ၁၊ ၂၊ ၁၀၊ ၂၂ ၊ ၂၇ နဲ့ ၃၂ မှာ ဒီမိုကရက်တွေက ၅% လောက်နဲ့ အသာစီးက ဦး ဆောင်နေပြီး မဲ ဆန္ဒနယ် အမှတ် ၄၊ ၅၊ ၇၊ ၁၆ နဲ့ ၁၆ မှာတော့ ပြိုင်ဆိုင်မှုတွေက သိပ်မကွာဘဲ အတူတူလောက်ပဲ ပြေးနေပါတယ်။

ဝန်ကြီးချုပ်နေရာအတွက် ဘယ်သူ့ကို မဲပေးမလဲ လို့မေးကြည့်တော့ ၄၇% က ခွန်ယင်လပ်ကို ထောက်ခံကြပြီး ၃၉ % က အဖိဆစ်ကို ထောက်ခံကြပါတယ်။ ၇% ကတော့ ရတ်ဆန်တိပါတီခေါင်းဆောင် ပူရာချိုင်းဖီယွန်းဆွန်ဘွန်းကို ထောက်ခံပြီး ၄% က ရတ်ဖရာထက်ထိုင်းပါတီခေါင်းဆောင် ချူဝစ်ခမ်မိုဝိဆစ်ကို ထောက်ခံပါတယ်။ ကျန်တဲ့ ၃%က တော့ ဒီရာထူးနေရာအတွက် တခြားနိုင်ငံရေးသမားတွေကို အလိုရှိကြပါတယ်။ မဲပေးသူ ၂၆% က မဆုံးဖြတ်ရသေး တာ တွေ့ရပြီး ၆% ကတော့ သူတို့ ရွေးချယ်မှုတွေကို ပြောင်ထုတ်ဖော်ပြောမှာဖြစ်တယ်လို့ ပြောပါတယ်။ ဘန်ကောက် တက္ကသိုလ်ကလုပ်တဲ့ စစ်တမ်း ကောက်ယူမှု ကလည်း ဖွေ့ထိုင်းပါတီက လူကြိုက်များနေတယ်ဆိုတာကို ပြနေပါတယ်။

ဒီစစ်တမ်းမှာ ၃၇.၉% က သူတို့အနေနဲ့ ဖွေ့ထိုင်းကိုယ်စားလှယ်လောင်းတွေကို ရွေးမယ်လို့ ပြောပြီး ၂၂.၂% က ဒီမို ကရက်တွေကို ရွေးမှာဖြစ်ကြောင်း ပြောပါတယ်။ ၁.၂% ကတော့ ရတ်ဆန်တိအလံအောက်က နိုင်ငံရေးသမားတွေကို ရွေးမှာ ဖြစ်ကြောင်း ပြောပါတယ်။ ဒါပေမဲ့ ၂၂.၁% က သူတို့ကတော့ မဆုံးဖြတ်ရသေးကြောင်း၊ ၇.၆%က ဘယ်သူ့ကို ကြိုက်တယ် ဆိုတာ ပြောဖို့ ငြင်းပါတယ်။ ၅% ကျော်လောက်ကတော့ သူတို့မဲတွေပေါ်မှာ “NO VOTE” (မဲမပေးပါ) ဆို တာကို ချစ်မှာ ဖြစ်ကြောင်း ပြောပါတယ်။

ဘယ်ပါတီကို ကြိုက်သလဲလို့ မေးတော့ ၃၈.၃% က ဖွေ့ထိုင်းပါတီကို ရွေးပြီး၊ ၂၁.၆% က ဒီမိုကရက်ပါတီနဲ့ ၃.၄% က ရတ်ထိုင်းလင်းနဲ့၁.၆% က ရတ်ဆန်တိကို ထောက်ခံကြပါတယ်။ နောက်ဆုံး စစ်တမ်းကောက်ယူမှုကို ဘန် ကောက် က ခရိုင် ၅၀ မှာရှိတဲ့ မဲဆန္ဒနယ်အားလုံးက မဲပေးနိုင်သူ ၃၃၃၈ ယောက်နဲ့ ဇွန်လ ၁၆ ရက်နဲ့ ၂၂ ရက်နေ့မှာ လုပ်ဆောင်ခဲ့ တာ ဖြစ်ပါတယ်။ ဒီစစ်တမ်းကို စစ်တမ်းမေးခွန်းလွှာတွေဖြေပေးဖို့ တွေ့ဆုံမေးမြန်းခံရသူတွေနဲ့ မျက်နှာ ချင်းဆိုင် လူတွေ့ မေးမြန်းခဲ့တာပါ။ ပြန်လည်ဖြေကြားသူတွေထဲက ၄၇.၂% က နောက်တက်မယ့် ၀န်ကြီးချုပ်အဖြစ် ခွန်ယင်လပ်ကို ပိုကြိုက်ကြောင်း၊ ဘာလို့ လဲ ဆိုတော့ တိုင်းပြည်ကို ဦးဆောင်တာမှာ မျက်နှာသစ် လူသစ်ကို တွေ့ချင် မြင်ချင်လို့ ဖြစ်ကြောင်း ပြောဆိုပြီး ၂၈% ကတော့ အဖိဆစ်ကို ဒီတာဝန်မှာပဲ ဆက်လုပ်စေချင်ကြောင်း ပြောကြပါ တယ်။

ဒီအတောအတွင်းမှာ လက်ရှိ ၀န်ကြီးချုပ်ကတော့ သူ့အနေနဲ့ ဘန်ကောက် တက္ကသိုလ် က စစ်တမ်းကောက်ယူမှုကို စံချိန် တခုအနေနဲ့ မယူကြောင်း၊ ဘာလို့လဲဆိုတော့ ဒီစစ်တမ်းတွေထဲမှာ Abac နဲ့ Suan Dusit တို့လို တခြား စစ်တမ်း ကောက်ယူတဲ့ အဖွဲ့ကြီး တွေက အဓိကပါတီကြီး ၂ ခုအကြား သိပ်မကွာလှကြောင်း ထုတ်ဖော်ပြသနေချိန်မှာ အဲဒီစစ် တမ်းတွေထဲမှာတော့ ဘယ်စစ်တမ်းကမှ ဒီမိုကရက်တွေကို နိုင်သူအဖြစ် ပြမထားလို့ဖြစ်ပြီး ဖြစ်တယ်လို့ သူက ပြော ပါတယ်။
Ref: Naytthit

Read More...

မြန်မာဗုံးကွဲသတင်း ဘင်္ဂလာဒေခ်ျ့ သတင်းစာများတွင် ခေါင်းကြီးပိုင်းက ဖေါ်ပြ

6/25/2011

မြန်မာနိုင်ငံမှ မြို့ကြီး သုံးမြို့တွင် ယမန်နေ့က ဖြစ်ပွားခဲ့သော ဗုံးပေါက်ကွဲမူများကို ယနေ့ထုတ် ဘင်္ဂလာဒေခ်ျ့ သတင်းစာများတွင် ခေါင်းကြီးပိုင်းက ဖေါ်ပြသည်။


ယခင်က မြန်မာ သတင်းများကို ရံဖန် ရံခါ ဖေါ်ပြလေ့ရှိသော ဘင်္ဂလာဒေခ်ျ့ သတင်းစာများက ယခု ဗုံးပေါက်ကွဲမူကို ခေါင်းကြီးပိုင်းမှ စာလုံးမဲများဖြင့် ထည့်သွင်းဖေါ်ပြခဲ့သည်။

ဘင်္ဂလာဒေခ်ျ့တွင် နာမည်ကြီး သတင်းစာ တစ်စောင် ဖြစ်သော The Dailystar တွင် နောက်ကျောဖုံး တွင် ဗုံးပေါက်ကွဲ ဓါတ်ပုံနှင့် တကွ ဖေါ်ပြပြီး The Independent ကလည်း အတွင်း စာမျက်နာတွင် ဓါတ်ပုံနှင့် တကွ စာလုံးမဲကြီးများ ဖေါ်ပြသည်။

The Dailystar သတင်းစာက Reuters ကရေးသားသော Explosions Rock Myanmar Cities ခေါင်းစဉ်ဖြင့် ရေးသားဖေါ်ပြပြီး The Independent က AFP သတင်း Bomb blasts rock Myanmar Cities ဖြင့် ရေးသား ဖေါ်ပြသည်။

တခြား ဘင်္ဂလီ သတင်းစာများတွင်လည်း မြန်မာဗုံးကွဲမူ သတင်းကို သတင်းဌာန အများအပြားကို ကိုးကားပြီး ကျယ်ကျယ်ပြန့်ပြန့် ဖေါ်ပြကြသည်။

သတင်းစာ အမြဲ ဖတ်သူ တစ်ဦးဖြစ်သည့် ကျောင်းဆရာ အာရှရက်က သူ့အမြင်ကို ယခုကဲ့သို့ ပြောသည်။

� အိမ်နီးချင်း မြန်မာအကြောင်းကိုတော့ ဒီနိုင်ငံက လူတော်တော်များများ သိပါတယ်။ အဓိက အားဖြင့် ဒေါ်အောင်ဆန်းစုကြည် နဲ့ ပတ်သက်ပြီးတော့၊ နောက်တစ်ခုက အစိုးရအချင်းချင်း ပူးပေါင်း ဆောင်ရွက် နေတဲ့ စီးပွားရေး ဆိုင်ရာ ကိစ္စရပ်တွေကြောင့်ပါ။ ဒီလို မြန်မာနိုင်ငံမှာ အကြီးအကျယ် ဗုံးကွဲတာကို ဓါတ်ပုံတွေနဲ့ မြင်ရတာကတော့ ပထမဆုံး အကြိမ်ပါဘဲ။ ပါကိစ္စတန်၊ အီရတ် စတဲ့ နိုင်ငံတွေမှာလို ဗုဒ္ဓဘာသာ နိုင်ငံတစ်ခုမှာ အကြီးအကျယ် ဗုံးကွဲတာကို မြင်ရတာဟာ ဒီနိုင်ငံက လူတွေကို စိတ်ဝင်စား စေပါတယ်� ဟု ပြောသည်။

သတင်းစာ ဖတ်သူ အများစု ဘင်္ဂလီ ပြည်သူများမှာ မြန်မာ ဗုံးပေါက်ကွဲမူ သတင်းကို ယနေ့တွင် တခြား သတင်းများထက် စိတ်ဝင်တစား ရှိကြသည်ဟု သိရသည်။

Ref: Narinjara

Read More...

အထက်အရာရှိနှင့် နီးစပ်၍ အရေး မယူမူ အပေါ် တောင်ကုတ်ဒေသခံများ မကျေနပ်

6/25/2011

ရခိုင်ပြည်နယ် တောင်ကုတ်မြို့တွင် မတ်လ ဆယ်တန်း စာမေးပွဲ စစ်ဆေးစဉ်က စာမေးပွဲ ကြီးကြပ်ရန် ရောက်ရှိ လာသူနှင့် ဒေသခံ မြို့နယ် ပညာရေး ၀န်ထမ်းများ အကြား အကြီးအကျယ် ပြဿနာ ဖြစ်ပွားခဲ့ရာ အထက်မှ တောင်ကုတ်မှ ပညာရေး ၀န်ထမ်းများကို အရေးယူခဲ့ပြီး စာမေးပွဲကြီးကြပ်ရန် ရောက်ရှိလာသူ အပေါ် တစုံတရာ အရေး မယူသဖြင့် အထူး မကျေနပ်မူများ တိုးပွားနေကြောင်း သတင်း ရရှိသည်။


တောင်ကုတ်တွင် ၂၀၁၁ ခုနှစ် မတ်လ ဆယ်တန်း စာမေးပွဲတွင် စစ်တွေ အထက (၄)မှ ကျောင်းအုပ် ဆရာမကြီး ဒေါ်ခင်ခင်အောင်မှ ကြီးကြပ်ရေးမှူး အဖြစ် ဆောင်ရွက်ခဲ့ရာ ကျောင်းသားများ စာကူးချမူ အပေါ် အခန်းစောင့် ဆရာ ဆရာမများက တားဆီးခြင်း မရှိဟု ဆိုကာ တိုင်းတန်းခဲ့သဖြင့် ဆရာဆရာမ အနည်းဆုံး ၄၅ ဦးကို ရန်ကုန်က အခြေခံ ပညာဦးစီးဌာနက အပြစ်ပေးခဲ့ပြီး ကျောင်းသား ၅၀ မှာ ကျောင်းထုတ်ခံခဲ့ရသည်။

အဆိုပါ ပြဿနာတွင် ဆရာမကြီး ဒေါ်ခင်ခင်အောင်နှင့် တောင်ကုတ်မြို့နယ် ပညာရေးမှူးအကြားတွင် အထူး စကားများခဲ့ကြ ရပြီး ဒေါ်ခင်ခင်အောင်က အထက်သို့ တိုင်ကြားခဲ့သဖြင့် ပညာရေးမှူးလည်း အလုပ်မှ အငြိမ်းစားပေးခံခဲ့ရသည်။

အထက်အရာရှိများမှ အဆိုပါ ပြဿနာနှင့် ပတ်သက်ပြီး တောင်ကုတ်သို့ လာရောက်စစ်ဆေးစဉ် ဆရာ ဆရာမများ ထွက်ဆိုချက်ကြောင့် ဒေါ်ခင်ခင်အောင်ဘက်မှ အမှားများ ရှိနေကြောင်း သိရှိသွားသော်လည်း ရန်ကုန်ကို ရောက်ရှိသွား သောအခါ ဒေါ်ခင်ခင်အောင်အား တစုံတရာ အပြစ်ပေး အရေးယူခြင်း မရှိဘဲ တောင်ကုတ်မြို့နယ် ပညာရေးမှူးကို အငြိမ်းစား ပေးလိုက်ပြီး ဆရာဆရာမ ၄၅ ဦးကို တောင်ကုတ်မြို့နယ်မှ တခြား ဝေးလံသော မြို့နယ်များသို့ ပြောင်းရွှေ့ကာ အပြစ်ပေး ခဲ့သည်။

� ဆရာမကြီး ဒေါ်ခင်ခင်အောင်က လက်ထောက် ကြီးကြပ်ရေးမှုး အဖြစ် ခေါ်လာတဲ့ ဒေါ်လှသိန်းနုကို စာမေးပွဲ ဖြေဆိုခန်းထဲ ၀င်ခိုင်းပြီး ဖြေဆိုနေတဲ့ ကျောင်းသား ကျောင်းသူတွေကို ရှာဖွေ နှောင့်ယှက်မူတွေ ပြုလုပ် ခဲ့ပါတယ်။ စာမေးပွဲ စည်းမျဉ်း စည်းကမ်း အရ ကြီးကြပ်ရေးမှုးမှ လွဲပြီး မည်သူ တစ်ဦး တစ်ယောက်မှ စာမေးပွဲ ခန်းထဲကို ၀င်ခွင့်မရှိပါဘူး။ ဒီကိစ္စကိုလည်း တောင်ကုတ်မှ တာဝန်ကျ ဆရာဆရာမတွေ၊ မိဘတွေနဲ့ ကျောင်းသားတိုင်း သိကြပါတယ်။ အမှတ်(၁)အခြေခံပညာ ဦးစီးဌာမှ တောင်ကုတ်ကို လာစစ်တဲ့ အခါ ဆရာ ဆရာမများရဲ့ ထွက်ဆိုချက်တွေအရ ဒေါ်ခင်ခင်အောင်ရဲ့ အမှားတွေကို အထက်က သိရှိ သွားခဲ့ ပေမယ့် ရန်ကုန်သို့ သွားရောက် ဒေါ်ခင်ခင်အောင်ရဲ့ ဆရာ အမှတ်(၁) အခြေခံ ပညာရေးဌာနမှ ညွန်ကြားရေးမှုး ဦးကိုကိုဇော်မှ အစီရင်ခံစာကို စိတ်ကြိုက်ရေးပြီး အမှတ်(၁) အခြေခံပညာဦးစီးဌာန ညွှန်ကြားရေးမူးချုပ် ချူပ်ဗိုလ်မှူးချုပ် ကျော်သူကို တင်လိုက်တာပါ။ ဗိုလ်မှူးချုပ် ကျော်သူကလည်း အဲဒီ အစီရင်ခံစာအပေါ်မှာ မူတည်ပြီး ဆုံးဖြတ်ချက်ချကာ ဆရာ ဆရာမတွေ အပြစ်ပေး အရေးယူလိုက်ပါတယ်� ဟု တောင်ကုတ်မှ ဒေသခံ ဆရာ တစ်ဦးက ပြောသည်။

ဆရာမကြီး ဒေါ်ခင်ခင်အောင်မှာ ရခိုင်ပြည်နယ် ကျောက်တော် ဇာတိ ဖြစ်ပြီး အမှတ်(၁) ခြေခံပညာရေး ဌာနမှ ညွန်ကြားရေးမှုးဦးကိုကိုဇော် ကျောက်တော်တွင် တာဝန်ကျစဉ် ဆရာမကြီး ဒေါ်ခင်ခင်အောင်အိမ်မှာ နေခဲ့သူ ဖြစ်ကြောင်း သိရသည်။ ၎င်းပြင် ဦးကိုကိုဇော်၏ ဇနီးမှာလည်း ကျောက်တော်သူ ဖြစ်ပြီး ဆရာမကြီး ဒေါ်ခင်ခင်အောင်၏ သူငယ်ချင်း ဖြစ်ကြောင်း ဒေသခံ ဆရာက ပြောကြားသည်။

� အခု အမူကိစ္စ အတွက် ရန်ကုန် သွားရောက်စစ်ဆေး ခံစဉ်မှာလည်း ဒေါ်ခင်ခင်အောင်က ဦးကိုကိုဇော် အိမ်မှာ ပဲတည်းပါတယ်။ အဲဒါကို စဉ်စားကြည့်ရင် သူတို့ချင်း ဘယ်လို ရင်းနှီးဆိုတာ သိနိုင်ပါတယ်။ ဒေါ်ခင်ခင်အောင် မှားတဲ့ အချက်တွေလည်း အများကြီး ရှိပါတယ်။ ပြဿနာ ဖြစ်ပြီးတဲ့ နောက်မှာ ဘာမှ မပါတဲ့ စာရွက် တရွက်ပေါ် အခန်းစောင့် ဆရာ ဆရာမတွေကို အတင်း လက်မှတ် ရေးထိုးခိုင်းပြီး ကူးချတာ ဟုတ်မှန်ပါတယ်လို့ သူ့ဟာကို သူရေးပြီး အထက်ကို တင်တယ်။ ဆရာ ဆရာမတွေကလည်း အလုပ်ပြုတ်မှာကို ကြောက်ပြီး လက်မှတ်ရေးထိုးပေးလိုက်တယ်။ နောက်ဆုံးတော့ ဆရာဆရာမတွေဘဲ အပြစ်ပေးခံထိသွားပါတယ်� ဟု သူက ဆက်ပြောသည်။

တခြားတောင်ကုတ် ဒေသခံ တစ်ဦးကလည်း � ဒီလို စာရွက်တွေ ယူပြီး ကျောင်းသားတွေ ကူးချ နေတာက တောင်ကုတ် တမြို့တည်းမှာ ဖြစ်နေတာ မဟုတ်ဘဲ တနိုင်လုံးမှာ ဖြစ်နေတာပါ။ ဒီလောက် ခိုးစားနေတဲ့ ခေတ်ကြီးမှာ။ ဒါကို ဆရာမကြီး ဒေါ်ခင်ခင်အောင်က သခင်အားရ ကျွန်းပါးဝ လုပ်ပီး မျက်နာလို မျက်နာရ လုပ်တော့ ဘာမှ မဆိုင်တဲ့ ကျောင်းသားတွေ ကျောင်းထုတ်ခံလိုက်ရတယ်။ နယ်ကလာပြီး အခန်းစောင့်တဲ့ ဆရာ ဆရာမတွေလည်း ဘာမှ မသိလိုက်ဘဲ နယ်ပြောင်းခံရတယ်။ ခုလို ဒေါ်ခင်ခင်အောင်က လုပ်ရပ်ကြောင့် မိမိတို့ လူမျိုးတွေ အတွင်းမှာလည်း တဘက်နဲ့ တဘက် အမြင်တွေ စောင်းသွား ကြတယ်။ စာကူးချရင် စာကူးချတဲ့ သူကို အရေးမယူဘဲ တခန်းလုံးကို ထုတ်ပယ်တဲ့ ဆိုတာက လုံးဝ လက်သင့်ခံနိုင်တဲ့ အနေအထား မရှိဘူး။ ကျွန်တော်တို့ကတော့ ရန်ကုန် ပညာရေး ဌာနက ဆုံးဖြတ်ချက်ဟာ လုံးဝ ဘက်လိုက်တယ်။ ညီမျှမူ မရှိဘူးလို့ မြင်တယ် ။ ဒါကြောင့် ခုလုပ်ရပ် အပေါ်မှာ လုံးဝ လက်မခံနိုင်ဘူး။ လူတွေက တောင်ကုတ်မှာ ဒီလို လုပ်တဲ့ အပေါ် အထူး မကျေမနပ် ဖြစ်နေကြပါတယ်� ဟု ပြောသည်။

၂၀၁၁ ခုနှစ် တက္ကသိုလ်ဝင်ခွင့် စာမေးပွဲ တောင်ကုတ် အ.ထ.က (ကျောင်းကြီးစင်တာ) စာစစ်ဋ္ဌာနတွင် အ.ထ.က(၄) စစ်တွေဆရာမကြီးဒေါ်ခင်ခင်အောင်၏ မျက်နာလို မျက်နာရ လုပ်မူကြောင့် ကျောင်းသာ ၅၀ မှာ ကျောင်းမှ (၂) နှစ် ထုတ်ပယ်ခံလိုက်ရပြီး ဆရာ ဆရာမ ၄၅ ဦးလည်း တခြားဝေးလံသော ဒေသများသို့ ပြောင်းရွှေ့ခံရသဖြင့် မတရား လုပ်ကြံ ပက်စက်မှု အပေါ် အထူးမကျေမနပ် ဖြစ်နေကြကြောင်း သတင်း ရရှိသည်။

Ref: Narinjara

Read More...

စည်းကမ်းမဲ့ စွန့်ပစ်ပစ္စည်းများဒဏ် ရခိုင်ဒေသခံများ မခံနိုင်

ခင်ဦးသာ
25 June 2011

ရခိုင်ပြည်နယ် ကျောက်ဖြူမြို့၌ တည်ဆောက်နေသော ကျောက်ဖြူ ရေနက်ဆိပ်ကမ်း စီမံကိန်းနှင့် ဆက်စပ် လုပ်ငန်းခွင်များမှ ထွက်သော စွန့်ပစ်ပစ္စည်းများအား လူနေကျေးရွာအနီး၌ စည်းကမ်းမဲ့ စွန့်ပစ်နေခြင်းနှင့် ပတ်သက်၍ ပြည်နယ်ဝန်ကြီးချုပ်ထံ တိုင်ကြားသော်လည်း အရေးယူမှုမရှိဟု ဒေသခံများက ပြောသည်။


ကျောက်ဖြူမြို့ ကံ့ကော်တော ဘုရားအနီး တည်ဆောက်နေသော သဘာဝဓာတ်ငွေ့ သန့်စင်စက်ရုံ စီမံကိန်း လုပ်ငန်းခွင်များ၌ ကိုရီးယား၊ တရုတ်၊ အိန္ဒိယ၊ မလေးရှား၊ ဖိလစ်ပိုင် စသည့် နိုင်ငံသား တရာကျော်နှင့် မြန်မာနိုင်ငံတွင်းမှ ကုမ္ပဏီတချို့၏ ၀န်ထမ်းများ နေထိုင် လုပ်ကိုင်ကြောင်း သိရသည်။

“အဲဒီလူတရာကျော်ရဲ့ စားကြွင်းစားကျန်တွေ၊ အဲဒီလူတွေသုံးတဲ့ အိမ်သာက မိလ္လာတွေ၊ အသုံးအဆောင် စွန့်ပစ်ပစ္စည်းတွေကို ကံ့ကော်တော ဘုရားနဲ့ နီးစပ်နေတဲ့ အုန်းတောနဲ့ ဂုံးချိန် ရွာနားက ချောင်းထဲကို နေ့တိုင်းလာစွန့်ပစ်နေတယ်”ဟု အုန်းတောရွာသားတဦးက ဧရာဝတီကို ပြောသည်။

အဆိုပါ စွန့်ပစ် ပစ္စည်းများမှ ထွက်သော အနံ့ဆိုးများကြောင့် ရွာသားများသည် နေထိုင်မရအောင်ပင် ကြုံနေကြရကြောင်း၊ အထူးသဖြင့် မိုးရွာသောနေ့များတွင် ပိုမိုဆိုးရွားကြောင်း၊ ထို့ကြောင့် အုန်းတောရွာသား တရာဝန်းကျင်နှင့် ဒေသခံများ၊ ဒေသခံ သံဃာတော်များက စုပေါင်းလက်မှတ်ထိုး၍ မြို့နယ် အုပ်ချုပ်ရေးမှူးနှင့် ခရိုင် အုပ်ချုပ်ရေးမှူးများထံ ဇွန်လ ၁၄ ရက်နေ့တွင် တိုင်ကြားသော်လည်း ၎င်းတို့၌ ပြောဆို ဟန့်တားပိုင်ခွင့် မရှိဟု ပြန်လည်ပြောဆိုကြောင်း ဒေသခံများက ပြောပြသည်။

“ဒေသဆိုင်ရာတွေက တာဝန်ယူမှုမရှိလို့ ဇွန်လ ၁၈ ရက်နေ့မှာ ပြည်နယ်ဝန်ကြီးချုပ် ဦးလှမောင်တင်ကို ထပ်မံတိုင်ပါတယ်။ ၀န်ကြီးချုပ် ကလည်း ဘာမှအရေးယူပြောဆိုတာ မရှိဘူး”ဟု အုန်းတောရွာခံက ဆိုသည်။

ဒေသဆိုင်ရာအာဏာပိုင်များနှင့် ပြည်နယ်အစိုးရက အရေးယူမှုမရှိ၍ ဒေသဆိုင်ရာ လွှတ်တော်ကိုယ်စားလှယ်များနှင့် နေပြည် တော်ရှိ ဗဟိုအစိုးရထံ ထပ်မံတိုင်ကြားသွားမည်ဟု ဒေသခံများက ပြောသည်။

“တိုင်စာတွေတော့ ရထားပြီးပါပြီ၊ ပြည်နယ်အစိုးရနဲ့ ဆွေးနွေးဖို့ ဆောင်ရွက်နေပါတယ်၊ ပြည်နယ်အစိုးရ အနေနဲ့တော့ အရေး ယူမှု လုပ်နိုင်မယ်မထင်ဘူး၊ နေပြည်တော်က လွှတ်တော်အစည်းအဝေးတွေမှာလည်းပဲ ဒီကိစ္စကိုပြောထားပါတယ်”ဟု ရခိုင် တိုင်းရင်းသားများ တိုးတက်ရေး ပါတီ(RNDP)၏ ပြည်သူ့လွှတ်တော် ကိုယ်စားလှယ်နှင့် ကျောက်ဖြူမြို့ခံ ဦးဘရှင်က ပြော သည်။

ကျောက်ဖြူ ရေနက်ဆိပ်ကမ်း စီမံကိန်းနှင့်ဆက်နွယ်နေသောလုပ်ငန်းခွင်များတွင် လုပ်ကိုင်နေကြသည့် ကုမ္ပဏီများ၊ ပြည်တွင်း ၊ ပြည်ပ နိုင်ငံသားများ၊ အာဏာပိုင်များအနေဖြင့် သဘာဝပတ်ဝန်းကျင် ထိခိုက်မှု၊ ဒေသခံပြည်သူလူထုအား ထိခိုက်နစ်နာ စေ မည့် ကိစ္စများ မဖြစ်ပေါ်စေရေးကို အလေးထားလုပ်ဆောင်ရန် လိုအပ်ကြောင်း ဦးဘရှင်က ဆိုသည်။

ကျောက်ဖြူမြို့အနီးရှိ မဒေးကျွန်းပေါ်မှ တရုတ်နိုင်ငံသို့ သဘာဝဓာတ်ငွေ့ ပိုက်လိုင်းသွယ်တန်းမည့် မဒေးကျွန်းအနီးရှိ ပင်လယ်ပြင်၌ တည်ရှိသော ကျောက်ဆောင်၊ ကျောက်တန်း အများအပြားကိုလည်း ဒိုင်းနမိုက် ကိရိယာများအသုံးပြုကာ ဖြိုခွဲ ဖျက်ဆီး ခဲ့မှုများကြောင့် သဘာဝ ပတ်ဝန်းကျင် ထိခိုက်ခဲ့သည့်အပြင် ရေနေ သတ္တ၀ါ အများအပြားကို သေဆုံးစေခဲ့ကြောင်း ၎င်းက ဆက်ပြောသည်။

အဆိုပါ ရေနက်ဆိပ်ကမ်း စီမံကိန်းနှင့်ပတ်သက်သော သဘာဝပတ်ဝန်းကျင်ဆိုင်ရာ အဖွဲ့အစည်းများနှင့်ပူးပေါင်းဆောင်ရွက်မှု မရှိသေးကြောင်း၊ တာဝန်ရှိသူများ၏ စီမံကိန်းနှင့်ပတ်သက်သော သဘာဝပတ်ဝန်းကျင် ထိန်းသိမ်းရေး စာရွက်စာတမ်းများ၌ ရေးသားထားချက်များသည် ကောင်းမွန်သော်လည်း လက်တွေ့လိုက်နာမှု အားနည်းသေးကြောင်း သဘာဝပတ်ဝန်းကျင် ထိန်း သိမ်းရေး ပညာရှင် ဦးအုန်းက ပြောသည်။

ကျောက်ဖြူရေနက် ဆိပ်ကမ်းစီမံကိန်းနှင့်ဆက်စပ်နေသော လုပ်ငန်းခွင်များ၌ တရုတ်နိုင်ငံ၏ အကြီးဆုံးကုမ္ပဏီ တခုဖြစ်သော တရုတ်အမျိုးသား ရေနံကော်ပိုရေးရှင်း(China National Petroleum Corporation-CNPC) ကုမ္ပဏီက ဦးဆောင်ကာ၂၀၁၀ ပြည့် နှစ် အောက်တိုဘာလမှ စ၍ အကောင်ထည်ဖော် တည်ဆောက်လျက်ရှိပြီး ၂၀၁၃ ခုနှစ်တွင် အပြီး တည်ဆောက်မည်ဟု အစိုးရ သတင်းစာများ၌ ရေးသားခဲ့သည်။

ထိုစီမံကိန်းများပြီးစီးပါက ကျောက်ဖြူမြို့မှ တရုတ်နိုင်သို့ တနှစ်လျှင် သဘာဝဓာတ်ငွေ့ တန်ချိန် ကုဗမီတာ ၁၂ ဘီလီယံနှင့် ရေနံစိမ်း စည် ၄၀၀၀၀၀ ခန့် တင်ပို့နိုင်မည်ဖြစ်ကြောင်း သိရသည်။

CNPC ကုမ္ပဏီ အပြင် PSC ကုမ္ပဏီ၊ MNG ၊ Hyundia Myint and Associate ၊ ဒေ၀ူး၊ မြန်မာ့ ရွှေသရဖူ၊ အေးရှားဝေါလ် စသည့် ပြည်တွင်း၊ ပြည်ပ ကုမ္ပဏီများက လုပ်ဆောင်နေကြကြောင်း ရွှေသဘာဝဓာတ်ငွေ့ လှုပ်ရှားမှု အဖွဲ့တာဝန်ခံ ကိုဝင်းအောင် က ပြောသည်။

စီမံကိန်းလုပ်ငန်းခွင်များ၌လည်း လူ့အခွင့်အရေး ချိုးဖောက်မှု၊ လုပ်အားခ ဖြတ်တောက် ခေါင်းပုံဖြတ်မှုများရှိနေပြီး ထိုကိစ္စများကို မကျေနပ်၍ သက်ဆိုင်ရာကို တိုင်ကြားခဲ့သည့် အလုပ်သမား ၁၀၀ ၀န်းကျင်ကို အလုပ်မှထုတ်ပယ်ခဲ့ကြောင်း ကိုဝင်းအောင် က ဆိုသည်။

ယင်းစီမံကိန်း လုပ်ငန်းခွင်များ၌ လုပ်ကိုင်နေသော ဒေသခံ အလုပ်သမားတချို့၏အဆိုအရ ၎င်းတို့သည် မနက် ၆ နာရီမှ ညနေ ၆ နာရီ အထိ အလုပ်လုပ်ကြရပြီး တနေ့လုပ်အားခမှာ ကျပ် ၁၅၀၀ မှ ၂၅၀၀ သာ ရရှိကြောင်း၊ အလုပ်သမား တဦး အတွက် တရားဝင်လုပ်အားခကို ကျပ် ၅၀၀၀ ဟု သတ်မှတ်ထားသော်လည်း ဒေသ အာဏာပိုင်များနှင့်ကြီးကြပ်သူ မြန်မာနိုင်ငံ သားများက ခေါင်းပုံဖြတ်သည်ဟု သိရသည်။
Ref: Irrawaddy

Read More...

က​လေး​စစ်သား​ကို ပြန်လွှတ်​ပေး​ရန် ​တောင်း​ဆို

June 24, 2011
နော်နိုရင်း

အသက်မပြည့်​ သေး​တဲ့​ က​လေး​ငယ်ကို တပ်က​နေ ပြန်လွှတ်​ပေး​ဖို့​ မိဘ​တွေက အိုင်အယ်လ်အိုကို တိုင်ကြား​ခဲ့​ပါတယ်။

ဧရာဝတီတိုင်း​ ဝါး​ခယ်မမြို့နယ် အူကျွန်း​ဆွယ်ရွာမှာ​နေတဲ့​ ​မောင်ချစ်သွယ်ဦး​ဟာ အခုနှစ် ဇန်နဝါရီလက အိမ်မဲမြို့​မှာရှိတဲ့​ ဗလီ​ကျောင်း​တခုမှာ သင်တန်း​တက်ရင်း​ ​ပျောက်ဆုံး​ခဲ့​တယ်လို့​ ပြန်လွတ်​မြောက်​ရေး​အတွက် အိုင်အယ်လ်အိုဆီ ကူညီတိုင်ကြား​ပေး​တဲ့​ အမျိုး​သား​ဒီမိုက​ရေစီအဖွဲ့ချုပ် ဗဟို​တောင်သူလယ်သမား​ လုပ်ငန်း​ကော်မတီဝင် ဦး​မောင်​မောင်ကြီး​က ​ပြောပါတယ်။


ပျောက်ဆုံး​ ပြီး​ နှစ်လအကြာမှာ မိဘ​တွေဆီကို တယ်လီဖုန်း​နဲ့​ ဆက်သွယ်ပြီး​ သူဟာ ရှမ်း​ပြည်နယ် ​တောင်ကြီး​ စစ်သင်တန်း​ကျောင်း​က ဓာတ်ခွဲခန်း​မှာ သင်တန်း​တက်​နေ​ကြောင်း​ ​မောင်ချစ်သွယ်ဦး​က ​ပြောတယ်လို့​ ဆိုပါတယ်။

မိဘ​တွေကလည်း​ သား​နဲ့​အဆက်သွယ်ရပြီး​ သွား​ရောက်​တွေ့​ဆုံခဲ့​ရာမှာ အိမ်ပြန်လို​ကြောင်း​နဲ့​ သင်တန်း​မှာ မ​ပျော်​ကြောင်း​လည်း​ မိဘ​တွေကို ​ပြောဆိုခဲ့​တယ်လို့​ ဦး​မောင်​မောင်ကြီး​က ဆိုပါတယ်။

အိုင်အယ်လ်အိုကို တိုင်ကြား​နေချိန်မှာပဲ အခုလ ၆ ရက်​နေ့​က ​မောင်ချစ်သွယ်ဦး​(တပ်သား​ နံပါတ်/ ၄၄၈၁၈၅)ကို သင်တန်း​ဆင်း​ပြီး​ ဘယ်တပ်ပို့​ဆောင်သလဲဆိုတာ မိဘ​တွေအ​နေနဲ့ စုံစမ်း​လို့မရ ဖြစ်​နေကြရပါတယ်။

မောင်ချစ်သွယ်ဦး ​ဟာ လာမယ့်​ ဇွန်လိုင်လကျမှ သက် ၁၇ နှစ် ပြည့်​မှာ ဖြစ်တာ​ကြောင့်​ အသက်မပြည့်​သေး​တဲ့​ က​လေး​ငယ်ကို တပ်အရာရှိ​တွေက ပြန်လွှတ်​ပေး​ဖို့​ ​တောင်း​ဆိုပါတယ်။
Ref:

Read More...

ကျေး​ရွာအုပ်ချုပ်​ရေး​မှူး​က ရွာလုံး​ကျွတ် လုပ်အား​ပေး​ခိုင်းစေ

June 24, 2011
နော်နိုရင်း

ဧရာဝတီတိုင်း​ ​ဒေး​ဒရဲမြို့နယ်က ​ကျေး​ရွာတခုမှာ ​ကျေး​ရွာအုပ်ချုပ်​ရေး​မှူး​က ရွာသား​တွေကို အခ​ကြေး​ငွေမ​ပေး​ဘဲ လမ်း​ဖို့ခိုင်း​နေတဲ့​အတွက် ရွာသား​တွေ အလုပ်အကိုင်ပျက်ပြီး​ အခက်ကြုံနေရပါတယ်။

ဒေး​ဒရဲမြို့​ နယ် တိုး​စံပြ​ကျေး​ရွာအုပ်စုအပိုင် ဆား​ကျင်း​ကျေး​ရွာသား​တွေကို တိုး​စံပြ​ကျေး​ရွာ အုပ်ချုပ်​ရေး​မှူး​ ဦး​သက်​ဝေနဲ့​ ဆား​ကျင်း​ကျေး​ရွာ အုပ်ချုပ်​ရေး​မှူး​ ဦး​ထွေး​ (​ခေါ်) ဦး​နှုတ်ခမ်း​မွေး​တို့​က​နေပြီး​ အခ​ကြေး​ငွေမ​ပေး​ဘဲ လုပ်အား​ပေး​ခိုင်း​စေတာ ဖြစ်ပါ တယ်။

ဆား​ကျင်း​ ကျေး​ရွာ စီး​ပွား​ရေး​လုပ်ငန်း​ရှင် ဦး​ဟန်ကျင် မိသား​စုပိုင် တာပျက်စီး​သွား​တာ​ကြောင့်​ တာဖို့​ခိုင်း​တာဖြစ်ပါတယ်။ ရွာမှာ အိမ်​ခြေ ၄၀၀ ခန့်​ရှိပြီး​ အိမ်တိုင်း​ကို တာဖို့​ခိုင်း​တာလို့​ ရွာသား​တဦး​က ​ပြောပါတယ်။

“၅ လပိုင်း​ ၂၇ ရက် က​နေ လုပ်အား​ပေး​ရတာပါ။ အခုထက်ထိလည်း​ လုပ်အား​က မပြီး​သေး​ဘူး​။ တိုး​ကျေး​ရွာ အုပ်ချုပ်​ရေး​မှူး​နဲ့​ ဆား​ကျင်း​ကျေး​ရွာ အုပ်ချုပ်​ရေး​မှူး​က ခိုင်း​တာ။ လုပ်အား​ခလည်း​ တပြား​မှမ​ပေး​ဘဲနဲ့​ တအိမ်ကို လမ်း​ဘေး​မှာ ၁၀ ​ပေ​လောက် အနက်ရှိတဲ့​ အဲဒီ ကန်ကြီး​သ​ဘောမျိုး​လို ဖြစ်​နေတဲ့​ ဟာကြီး​ကို ​ဖို့​ခိုင်း​တာ။”

ပြီး​ခဲ့​တဲ့​ ​မေလ ၂၇ ရက်​နေ့​က ​ကျေး​ရွာ အုပ်ချုပ်​ရေး​မှူး​တွေက လုပ်အား​ပေး​ခိုင်းစေဖို့​ အသံချဲ့​စက်နဲ့​ ​ပြောဆိုခဲ့​တာဖြစ်ပြီး​ မလုပ်ရင် စစ်တပ်ကိုတိုင်မယ်၊​ ထိတ်တုံး​ခတ်မယ်ဆိုပြီး​ ခြိမ်း​ခြောက်တာ​ကြောင့်​ ရွား​သား​တွေက ​ကြောက်ပြီး​ လုပ်​နေရတယ်လို့​ ​ပြောပါတယ်။

လုပ်အား​ပေး​ လုပ်လာရတာ တလနီး​ပါး​ရှိပြီ​ဖြစ်တဲ့​အတွက် ရွာသား​တွေ စား​ဝတ်​နေ​ရေး​ ကျပ်တည်း​နေကြတယ်လို့​ ဆိုပါတယ်။

“အဲဒီဟာ လုပ်ငန်း​ရှင်တဦး​ရဲ့​ အပိ်ုင်​နေရာမှာ ဖြစ်​နေပါတယ်။ ​ပြောမယ်ဆိုရင် လုပ်ငန်း​ရှင်က​နေ သူ့​အိမ်ချိုင့်​ဖြစ်​နေတာ လမ်း​ကို​ကောင်း​အောင် လုပ်ခိုင်း​တာပါ။ အုပ်ချုပ်​ရေး​မှူး​တွေနဲ့​ ​ပေါင်း​ပြီး​တော့​လုပ်တာ။ ဘာမှမရပါဘူး​။ အလကား​လုပ်အား​ ​ပေး​ရတာပါ။ မလုပ်တဲ့​လူ​တောင်မှ ၁၀၀၀၊​ ၂၀၀၀ ​ပေး​ရပါတယ်။ အာဏာနဲ့​ မလုပ်ချင်မ​နေရ၊​ မလုပ်ခဲ့​ရင် ထိတ်တုံး​ခတ်မယ်၊ စစ်တပ်ကို တိုင်မယ်တို့​ အဲလိုမျိုး​ပြောတယ်။ လူ​တွေက ​ကြောက်ပြီး​တော့​ လုပ်​ပေး​ကြတယ်။ စား​ဝတ်​နေ​ရေး​ဆိုရင် အင်မတန်ကျပ်တည်း​ပါတယ်။ ကျ​နော်တို့​ ဒီမှာဆိုရင် ​ရေလုပ်ငန်း​သမား​ပါ။ ​ရေထဲမှာ ငါး​ကလည်း​ မ​တွေ့​တော့​ အဲဒီဟာကို လုပ်အား​ပေး​နေရတဲ့​အတွက် စား​ဝတ်​နေ​ရေး​ ​တော်​တော်ကျပ်တည်း​ပါတယ်။”

ဆား​ကျင်း​ ကျေး​ရွာဟာ ​ဒေး​ဒရဲမြို့နယ်က တိုး​ကျေး​ရွာပိုင်နယ်ထဲမှာရှိပြီး​ တိုး​ကျေး​ရွာသား​တွေ ငါး​ဖမ်း​၊​ ဆား​ကျုံး​လုပ်ရင်း​ ဆား​ကျင်း​ကျေး​ရွာဆိုပြီး​ ​ပေါ်လာတဲ့​ ရွာဖြစ်ပါတယ်။
Ref: DVB

Read More...

Friday, June 24, 2011

မန္တလေး ဈေးချိုးအနီးနဲ့ ကြပ်ပြေးနေပြည်တော် ဗုံးကွဲ

June 24, 2011

မန္တလေးမြို့ပေါ်ရှိ ဈေးချို ၂ရ လမ်းနှင့် ၈၄ လမ်းထောင့် မန်းမြန်မာပလာဇာအနီး နေ့လည် ၁၂ နာရီလောက်က ပေါက်ကွဲမှုတခု ဖြစ်ပွားခဲ့ပါတယ်။ ၃ ဦးလောက် ထိခိုက်ဒဏ်ရာရတာတွေ ဖြစ်နိုင်တယ်လို့ မျက်မြင်တွေ ပြောပြချက်အရ သိရှိရပြီး၊ အသွားအလာ တွေ ပိတ်ပြီး ရှင်းလင်းနေတယ်လို့လဲ သိရှိရပါတယ်။

တဆက်ထဲမှာပဲ ကြပ်ပြေးနေပြည်တော်က သပြေကုန်းဈေးအနီးမှာလဲ မန္တလေးဗုံးပေါက်ကွဲမှု အပြီး တနာရီ နီးပါးခန့် ခြားကာ ပေါက်ကွဲမှု တခု ဖြစ်ပွားခဲ့တယ်လို့လဲ ထပ်မံ သိရှိရပါတယ်။








Ref:

Read More...

အာဇာနည် ကျောင်းသားခေါင်းဆောင် ဆလိုင်းတင်မောင်ဦးနှင့် မြန်မာပြည် နိုင်ငံရေး အကျဉ်းသားများနေ့

June 24, 2011
အောင်လွှမ်းမိုး

မင်းတို့ ငါ့ခန္ဓာကိုယ်ကိုသာ သတင်လို့ရမယ်၊ ငါ့ရဲ့ ယုံကြည်ချက်နဲ့ ရပ်တည်ချက်တွေကိုတော့ ဘယ်တော့မှ သတ်လို့ရမှာ မဟုတ်ဘူး။ မင်းတို့ စစ်ဖိနပ်အောက်မှာ ငါဘယ်တော့မှ ဒူးထောက်မှာ မဟုတ်ဘူးကွ”

ဆလိုင်းတင်မောင်ဦး

ကမ္ဘာ့ ဘယ်နိုင်ငံ ဘယ်ပြည်သူ ဘယ်လူမျိုးမှာမဆို ကမ္ဘာပေါ်မှာ တည် ရှိနေသရွေ့ မမေ့ကောင်း မမေ့အပ်ဘူးလို့ သူတို့ကိုယ်တိုင် ကျေကျေ နပ်နပ်နဲ့ တညီတညွတ်တည်း သတ်မှတ်ထားကြတဲ့ နေ့ထူးတွေရှိတယ်။ ဥပမာ လွတ်လပ်ရေးနေ့ အမျိုးသာနေ့ စသဖြင့်။

အားလုံးသိကြတဲ့အတိုင်း မြန်မာနိုင်ငံမှာလည်း အဲသလိုနေ့ထူးတွေရှိ တယ်။ အဲဒီထဲမှာ အမျိုးသားအောင်ပွဲနေ့၊ တော်လှန်ရေးနေ့၊ ပြည်ထောင် စုနေ့၊ အာဇာနည်နေ့၊ လွတ်လပ်ရေးနေ့တွေကတော့ သူတို့နဲ့ အတူတွဲနေ တဲ့ ပြည့်ဝနက်ရှိုင်းတဲ့ သမိုင်းအဓိပ္ပါယ် တွေကြောင့် ပေါ်လွင်ထင်ရှား လူသိများတယ်။

ဦးနေဝင်းက သူအာဏာသိမ်းခဲ့တဲ့ မတ်လ (၂) ရက်နေ့ကို တောင်သူ လယ်သမားနေ့ဆိုပြီး သတ်မှတ်ခဲ့ပေမယ့် ရည်ရွယ်ချက်က ရိုးဖြောင့်မှန် ကန်ခြင်း မရှိတဲ့အတွက် အဲဒီနေ့ကို တောင်သူလယ်သမားနေ့ အဖြစ် တောင်သူလယ်သမားကြီးတွေ ကိုယ်တိုင် မပြောနဲ့ သူထူထောင်ခဲ့တဲ့ မဆလ ပါတီဝင် အများစုကတောင် မသိ ကြသေးဘူး။ ပြည်သူလူထု အများစုကြီးကတော့ ဝေးစွ ခြောက်ပါပဲ။

ရှစ်ဆယ့်ရှစ် အရေးတော်ပုံ ဒီဘက်ပိုင်းမှာ လူထုခေါင်းဆောင်တွေက မြန်မာပြည်သူတွေ မမေ့ကောင်း မမေ့အပ်တဲ့ နေ့ အဖြစ် အသစ်ထပ်မံ သတ်မှတ်ခဲ့ကြတဲ့ နေ့ထူးတွေ ပေါ်ထွက်လာခဲ့တယ်။ (မဆလ) လုံထိန်းတွေ လက်ချက်နဲ့ စက်မှု တက္ကသိုလ် ကျောင်းသား ကိုဘုန်းမော် ကျဆုံးတဲ့ မတ်လ (၁၃) ရက်နေ့ကို မြန်မာနိုင်ငံလူအခွင့်အရေးနေ့ အဖြစ် သတ်မှတ်ကာ လူထု ခေါင်းဆောင် ဒေါ်အောင်ဆန်းစုကြည်မွေးနေ့ကို မြန်မာနိုင်ငံ အမျိုးသမီးများနေ့အဖြစ် သတ်မှတ် တာ စသဖြင့် ဖြစ်တယ်။

အဲဒီ နေ့ထူးသတ်မှတ်မှု အသစ်တွေဟာ သူတို့ရဲ့ရင်ထဲမှာ “အောင်းပူ” ဖြစ်နေတဲ့ ဆန္ဒတွေကို အပြည့်အဝ ထင်ဟပ် ကိုယ်စားပြုမှု ရှိတဲ့အတွက် မြန်မာပြည်သူတရပ်လုံးက လှိုက်လှိုက်လှဲလှဲ လက်ခံအသိအမှတ်ပြုခဲ့ကြတယ်။ ဒါကြောင့် လူထုခေါင်းဆောင် တွေ ဟာ လုပ်သင့်လုပ်ထိုက်တဲ့ အလုပ်တခုကို မမေ့မလျော့ လုပ်ခဲ့ကြတယ်လို့ ဆိုရမယ်။

အခုလည်း မြန်မာပြည်သူတွေအတွက် အထူးသဖြင့် မြန်မာနိုင်ငံရေးလောကအတွက် အထိမ်းအမှတ်နေ့ တနေ့ကို မ ဖြစ်မနေ သတ်မှတ်ဖို့ လိုအပ်နေပါပြီ၊ အဲဒီနေ့ကတော့ “မြန်မာပြည် နိုင်ငံရေးအကျဉ်းသားများနေ့” ပါပဲ။ ဘာကြောင့် “မြန်မာပြည် နိုင်ငံရေး အကျဉ်းသားများနေ့” သတ်မှတ်သင့်ပါသလဲ။

လူထုထောက်ခံမှုမရှိတဲ့ အမျိုးသားညီလာခံ၊ လူထုထောက်ခံမှုမရှိတဲ့ (၂ဝဝ၈) အခြေခံဥပဒေ၊ လူထုထောက်ခံမှုမရှိတဲ့ (၂ဝ၁ဝ) ရွေးကောက်ပွဲတို့ရဲ့ ပေါင်းစည်းထုတ်ကုန် တခုဖြစ်တဲ့ လူထုထောက်ခံမှုမရှိတဲ့ အရေခွံလဲ ကြံ့ဖွံ့ စစ်အစိုးရက ကုလသမဂ္ဂ အပါ အဝင် မြန်မာပြည်သူ တရပ်လုံးကိုရော နိုင်ငံတကာ အသိုင်းအဝိုင်းတခုလုံးကိုယ်ပါ ဆန့်ကျင်ဖီဆန် အာခံပြီး မြန်မာပြည်မှာ နိုင်ငံရေး ပြဿနာမရှိတဲ့ ပုံမျိုးဖမ်းနိုင်ဖို့အတွက် “မြန်မာပြည်မှာ နိုင်ငံရေး အကျဉ်းသားမရှိဘူး” လို့ ငယ်သံပါအောင် အော်ဟစ် နေတဲ့ အခုလိုအချိန်မျိုးမှာ လူထုခေါင်းဆောင်တွေ အနေနဲ့ မြန်မာပြည်မှာနိုင်ငံရေး အ ကျဉ်းသားတွေ အမှန်တကယ်ပဲ ရှိနေ တယ်ဆိုတဲ့ ပကတိအရှိတရားတခုကို တရားဝင်ရဲရဲရင့်ရင့် ထုတ်ဖော်ဖို့အတွက် ထူးခြားတဲ့ နေ့တနေ့ကို “မြန်မာပြည် နိုင်ငံရေး အကျဉ်းသားများနေ့” အဖြစ် သတ်မှတ်ကြေညာခြင်းသာလျှင် အ ကောင်း ဆုံးနည်းလမ်း ဖြစ်တယ်လို့ ယူဆတယ်။

မြန်မာနိုင်ငံမှာ နိုင်ငံရေးအကျဉ်းသားများနေ့ ဘာကြောင့်ရှိသင့်သလဲ။ ရှင်းပါတယ်။ နိုင်ငံရေးအကျဉ်းသားတွေဟာ မြန် မာပြည်သူတွေ မမေ့ကောင်း မမေ့အပ်တဲ့ ဂုဏ်ပြု ဦးညွှတ်သင့်တဲ့သူတွေ ဖြစ်တဲ့ အတွက် သူတို့ရဲ့ ကျေးဇူးကို အမြဲအောက်မေ့ ဆင်ခြင်မိကြစေဖို့ သူတို့အတွက် အမှတ်တရ နေ့တနေ့ သတ်သတ်မှတ်မှတ်ရှိဖို့လိုအပ်လို့ပါပဲ။ တ ကယ်တော့ မြန်မာပြည် ခေတ်အဆက်ဆက်မှာ အကျဉ်းကျခံခဲ့ရတဲ့ နိုင်ငံရေးအကျဉ်းသား မှန်သမျှဟာ မတူညီတဲ့ ယုံကြည်ချက်အသီးသီးကို ဘယ်လိုပဲ ကိုင်စွဲခဲ့ ကိုင်စွဲခဲ့ မိမိရဲ့ယုံကြည်မှုအတွက် မတရားမှုကို ခေါင်းငုံ့မခံ အာခံဖီဆန် ခဲ့ကြတဲ့သူတွေ အများအကျိုးအတွက် ကိုယ်ကျိုး ကို စွန့်ရုံသာမက ဘဝတွေ အသက်တွေကိုပါ စတေးပြီး တော်လှန် တိုက်ပွဲဝင်ခဲ့ကြတဲ့ ကြီးမြတ်တဲ့ ပုဂ္ဂိုလ်တွေ ဖြစ်ကြတယ်။ မတရားမှုကို ခေါင်းငုံ့မခံတတ်ကြတဲ့ စိတ်ဓာတ်နဲ့ အများအ ကျိုးကို သယ်ပိုးလိုတဲ့ စိတ်ဓာတ်တွေရဲ့ အကျိုးဆက်အဖြစ် အကျဉ်း ထောင်တွေထဲ ရောက်သွားကြတဲ့ အခါမှာလည်း သူတို့ဟာ မတရားမှုကို ဆက်လက်ဖီဆန် အာခံဆန့်ကျင်ကြတယ်။ အများ အကျိုး အတွက် တိုင်းပြည်နဲ့ လူမျိုးရဲ့အ ကျိုးအတွက် ဆက်လက်ပြီး ကိုယ်ကျိုးစွန့် အနစ်နာခံ ဆောင်ရွက်ကြတယ်။ ဒီလို လုပ်တဲ့ အတွက် အာဏာပိုင်တွေက သူတို့ကို ရုပ်ပိုင်းအရရော စိတ်ပိုင်းအရပါ ပြင်းထန်စွာ နှိပ်စက်ညှဉ်းပန်းကြတယ်။ ဒါပေမယ့် သူတို့ ဟာ မတရားမှု ရှေ့မှောက်မှာ ဒူးမထောက် အရှုံးမပေးကြဘူး ။ တချို့ဆိုရင် အသက်ကိုတောင် စွန့်လွှတ်သွားကြရတယ်။

ပြောရရင် ထောင်ဆိုတာ လူသားတွေ ဘဝမကူးဘဲရောက်နေတဲ့ လောကငရဲဘဲ။ မြန်မာနိုင်ငံမှာတော့ ကိုလိုနီခေတ် ဖဆပလ ခေတ်အကျဉ်းထောင်တွေထဲက လူ့ငရဲထက် (၆၂) ခုနှစ် နောက်ပိုင်း စစ်အာဏာရှင်ခေတ် အကျဉ်းထောင် တွေထဲက လူ့ငရဲက အများကြီးပိုဆိုးတယ်။ (နအဖ) စစ်အစိုးရခေတ်၊ ကြံ့ဖွံ့စစ်အစိုးရခေတ် လူ့ငရဲတွေကတော့ အဆိုး တကာ့ အဆိုးဆုံးပဲ။ အဲဒီ အဆိုးဆုံး လူ့ငရဲထဲမှာမှ သီးသန့်ရွေးချယ် နှိပ်ကွပ်ခံနေရတဲ့ နိုင်ငံရေးအကျဉ်းသားတွေရဲ့ စိတ်ဓာတ်နဲ့ ယုံကြည်ချက်ဟာ မှန်းဆ တွေးတောကြည့်ရုံနဲ့တောင် ဦးညွတ်အလေးပြုသင့်တဲ့ အရာပါ။

အထူးသဖြင့် ခေတ်အဆက်ဆက် မိမိတို့ရဲ့တန်ဖိုးရှိတဲ့ဘဝတွေကို ပေးဆပ်ရင်း ကာယိကဒုက္ခ၊ စေတသိကဒုက္ခပေါင်း စုံကို ခံစား နေရပေမဲ့ မတရားမှုထံ အညံ့မခံ၊ အလံမလှဲဘဲ၊ ရဲရဲရင့်ရင့် ဆက်လက်တိုက်ပွဲဝင်ရင်း၊ ကျန်အဖိနှိပ်ခံ ပြည် သူတွေအတွက် မီးရှူး တန်းဆောင်သဖွယ် မားမားမက်မက်ရပ်တည်ခဲ့သူတွေ၊ ရပ်တည်နေသူတွေရဲ့ ဂုဏ်ကျေးဇူးကို အမြဲတသ ဆင်ခြင်အောက်မေ့ မိစေမယ့် နေ့တနေ့ ရှိသင့်တယ်ဆိုတာ အငြင်းပွားစရာမလိုတဲ့ အချက်ပါ။ အထူးသဖြင့် ဒီကနေ့လို ဖိနှိပ်မှုအပြင်းထန်ဆုံး ကာလ မှာ သူတို့အတွက် ဂုဏ်ပြုတဲ့ အထိမ်းအမှတ်အဖြစ် “မြန်မာပြည် နိုင်ငံရေး အကျဉ်းသားများနေ့” ဆိုတာကို မဖြစ်မနေ သတ်မှတ် သင့်ပါပြီ။

မြန်မာနိုင်ငံမှာ နိုင်ငံရေးအကျဉ်းသားများနေ့ ရှိသင့်တယ်ဆိုရင် ဘယ်နေ့ကို သတ်မှတ်ကြမလဲ။ ဘယ်နေ့ကို သတ်မှတ် သင့်ပါ သလဲ။ အမျိုးသားအောင်ပွဲနေ့ သတ်မှတ်ဖို့ စဉ်းစားကြတုန်းက သီပေါမင်းပါတော်မူတဲ့နေ့၊ ဆရာတော် ဦးဥတ္တမ အဖမ်းခံရတဲ့နေ့ စသဖြင့် အဆိုတင်သွင်းမှု အမျိုးမျိုးရှိခဲ့တယ်။ နောက်ဆုံးမှာ ရန်ကုန်တက္ကသိုလ်ကျောင်းသားတွေ တက္ကသိုလ်အက်ဥပဒေကို ဆန့်ကျင်ပြီး သပိတ်မှောက်ထွက်လာကြတဲ့ တန်ဆောင်မုန်းလပြည့်ကျော် (၁ဝ) ရက်နေ့ကို အများသဘောတူ သတ်မှတ် လိုက် ကြတယ်။ အဲဒီနေ့ဟာ ကျန်အဆိုပြုတဲ့ နေ့တွေထက် နိုင်ငံရေးအဓိပ္ပါယ် ပိုမိုနက် ရှိုင်းပြည့်ဝတဲ့အတွက် နောက်ပိုင်းမှာလည်း ဆန့်ကျင် ကန့်ကွက်သူ မရှိဘဲ ပြည်သူတရပ်လုံး ညီညီညွတ်ညွတ်နဲ့ အသိ အမှတ်ပြု လက်ခံကျင်းပလာခဲ့တာ အခု နှစ်ပေါင်း (၉ဝ) ကျော်ရှိလာတဲ့ အထိပဲ။

နိုင်ငံရေးအကျဉ်းသားများနေ့ဟာလည်း အဲသလိုမျိုးပဲ ဖြစ်သင့်တယ်။ နိုင်ငံရေးအဓိပ္ပါယ် အနက်ရှိုင်း အပြည့်ဝဆုံးနေ့ သာလျှင် အဲဒီနေ့ ဖြစ်ဖို့ ထိုက်တန်မှာ ဖြစ်တယ် ။ နိုင်ငံရေးအဓိပ္ပါယ် ပြည့်ဝနက်ရှိုင်းမှုဆိုတဲ့ ဝေါဟာရကို နိုင်ငံရေး အကျဉ်းသားများနေ့ ဆိုတဲ့ ဝေါဟာရနဲ့ ဆက်စပ်ပြီး အသေးစိတ်ဖွင့်ဆိုမယ်ဆိုရင် အဲဒီဝေါဟာရမှာ အခြေခံအင်္ဂါရပ်ကြီး နှစ်ခုပါဝင်သင့်တယ်လို့ ယူဆ တယ်။ အဲဒါတွေကတော့ ဖိနှိပ်သူ အစိုးရရဲ့ ကောက်ကျစ် ယုတ်မာ ရက်စက်ကြမ်းကြုတ် မှုနဲ့ အဖိနှိပ်ခံ နိုင်ငံရေးအကျဉ်းသားရဲ့ ဒူးမထောက် ဦးမညွှတ် အာခံ ဖီဆန်မှုတို့ ဖြစ်တယ်။ အဲဒီ အင်္ဂါရပ်နှစ်ခုစလုံးကို တချိန်တည်း တပြိုင်တည်းမှာ မြင်တွေ့နိုင်တဲ့ နေ့ ဟာ နိုင်ငံရေး အကျဉ်းသားများနေ့ ဖြစ်သင့်တယ်။

မိမိကတော့ အဲဒီအင်္ဂါရပ်နှစ်ခုစလုံးနဲ့ ပြည့်စုံတဲ့နေ့ဟာ ကျောင်းသားခေါင်းဆောင် ဆလိုင်းတင်မောင်ဦး ကြိုးပေးအ သတ်ခံရပြီး ဇွန်လ (၂၆) ရက်နေ့ကလွဲပြီး တခြားနေ့မရှိဘူးလို့ ယုံကြည်တယ်။

ချင်းလူမျိုးတဦးဖြစ်တဲ့ ဆလိုင်းတင်မောင်ဦးဟာ (၁၉၅၁) မှာ မွေးဖွားခဲ့သူ ဖြစ်တယ်။ တရားဝင်မှတ်တမ်းများအရ သူ့ရဲ့ပထမဆုံး နိုင်ငံရေးလှုပ်ရှားမှုဟာ (၁၉၆၉) ကျွန်းဆွယ် အရေးအခင်းမှာ ဖြစ်တာကြောင့် သူ့အသက် (၁၈) နှစ် အရွယ်မှာဖြစ်တယ်။ ဒါက ဘာကိုပြနေသလဲဆိုတော့ သူဟာ နိုင်ငံရေးလှိုင်းတံပိုးတွေ ငြိမ်သက်နေတယ်လို့ ပြောရ မယ့် ကာလမျိုး အင်မတန်ငယ်သေးတဲ့ အသက်အရွယ်မှာတောင် မတရားမှုကို အာခံဖီဆန်ဖို့ တာဝန်ရှိမှန်း သိခဲ့သူဖြစ် ပြီး အာခံဖီဆန်ရဲခဲ့သူလည်း ဖြစ်ခဲ့တယ်ဆိုတဲ့ အချက်ပဲ။

နောက်ပိုင်းမှာသူဟာ အလုပ်သမားအရေးအခင်း(၁၉၇၄-ဇွန်)၊ ဦးသန့်အရေးအခင်း (၁၉၇၄-ဒီဇင်ဘာ) ဇွန် သို့မဟုတ် ရွှေတိဂုံ အရေးအခင်းလို့ သိကြတဲ့ အလုပ်သမားသပိတ် နှစ်ပတ်လည်အရေးအခင်း (၁၉၇၅-ဇွန်)၊ မှိုင်းရာပြည့် အရေး အခင်း (၁၉၇၆-မတ်) တွေမှာ ဦးဆောင်အခန်းကဏ္ဍက ဆက်တိုက်ပါဝင်ဆင်နွှဲခဲ့တယ်။ ဒီကာလအတွင်း စစ်အာဏာ ရှင်တို့ရဲ့ဖမ်းဆီး မခံရအောင် ရှောင်တိမ်းရင်း နည်းသဏ္ဍာန် အမျိုးမျိုးနဲ့ တိုက်ပွဲကို ဆက်လက်ဆင်နွှဲခဲ့တယ်။

ဒီအချက်ကို ကြည့်ရင် ဆလိုင်းတင်မောင်ဦးဟာ တပွဲတိုး ပွဲပြီးမီးသေသမား မဟုတ်ဘူး။ ရေတက် ငါးစင်ရိုင်း မဟုတ် ဘူး။ အများ ယောင်လို့ယောင် အမောင်တောင်မှန်း မြောက်မှန်းမသိသူမဟုတ်ဘူး။ ကောက်ရိုးမီး မဟုတ်ဘူး။ စစ်အာ ဏာရှင် စနစ်ချုပ်ငြိမ်း ရေးအတွက် ဇွဲနဘဲကြီးစွာ သတ္တိပြာင်မြောက်စွာ ကြိုးပမ်းခဲ့သူ တိုက်ပွဲဝင်ခဲ့သူတဦး ဖြစ်တယ် ဆိုတာ ထင်ရှားတယ်။

လူထုထောက်ခံမှု (၉ဝ.၁၉%) ရရှိခဲ့တယ်ဆိုတဲ့ (၁၉၇၄) အခြေခံဥပဒေဆိုတာကြီးနဲ့ ပြည်တွင်းပြည်ပကို လှည့်စားဖို့ ကြိုးစား နေတဲ့ မဆလ ပါတီဥက္ကဌကြီး ဦးနေဝင်းဟာ ဆလိုင်းတင်မောင်ဦးရဲ့ ရဲရင့်ပြောင်မြောက်တဲ့ လုပ်ရပ်တွေ ကြောင့် အထိအနာကြီး နာခဲ့ရတယ်။ ကျောင်းသားတွေအပေါ် အငြိုးအာဃာတကြီးမားလှတဲ့ ဦးနေဝင်းဟာ ဆလိုင်း တင်မောင်ဦးကို ဖမ်းဆီးနိုင်ဖို့ သည်းကြီး မည်းကြီး ကြိုးပမ်းခဲ့တယ်။ သူ့အပေါ် ကျရောက်လာနိုင်တဲ့ အန္တရာယ်ထက် စစ်အာဏာရှင်စနစ်ချုပ်ငြိမ်းရေးကိုသာ ဦးစားပေး ခေါင်းထဲထည့်ထားတဲ့ ဆလိုင်းတင်မောင်ဦးဟာ နောက်ဆုံးတော့ အဖမ်းခံသွားခဲ့ရတယ်။ ကျောင်းသားတရပ်လုံး အပေါ် အငြိုးအတေးကြီးလှတဲ့ ဦးနေဝင်းဟာ မိမိရဲ့ တူအရွယ် သား အရွယ် ထက်တောင်ငယ်သေးတဲ့ (အဲဒီတုန်းက ဆလိုင်း တင်မောင်ဦးရဲ့ အသက်က (၂၅) နှစ်ပဲ ရှိပါတယ်) ကျောင်း သားကလေးကို ရသင့်ရထိုက်တဲ့ တရားဥပဒေဆိုင်ရာ အခွင့်အရေး ဘာတခုမှ မပေးဘဲ အကျဉ်းနည်းနဲ့ စစ်ဆေးပြီး သေဒဏ်ချမှတ်ခဲ့တယ်။ အယူခံတင်ပြီး ဒူးထောက်အညံ့ခံခိုင်းခဲ့ပေမယ့် ဆလိုင်းတင်မောင်ဦးက “စစ်ဖိနပ်အောက် ဒူးထောက်မခံဘူး”ဆိုပြီး ငြင်းဆန်တဲ့အခါ ကြားရသူ အပေါင်း အံ့သြသွားရ လောက် အောင် တကယ်ပဲ ရက်ရက်စက် စက်ကြိုးပေးသတ်ဖြတ်ခဲ့တယ်။ တနည်းအားဖြင့် သူ့ကို ဖီဆန်အာခံတဲ့ သူ အားလုံးကို ဒီလုပ်ရပ် နဲ့ အာဏာရှင်ကြီး ဦးနေဝင်းက စစ်ကြေညာလိုက်တာ ဖြစ်တယ်။ ပြောရရင် မိမိတို့ရဲ့ မွေးရာပါ လူ့အခွင့်အရေးများကို လိုလားတောင့်တ နေကြတဲ့ မြန်မာပြည်သူတရပ်လုံးနဲ့ ကမ္ဘာ့ဒီမိုကရေစီ ဘက်တော်သားအားလုံးကို စစ်ကြေညာလိုက်တာ ဖြစ် တယ်။

အဲဒီတော့ အဲဒီဖြစ်ရပ်နဲ့ မြန်မာနိုင်ငံ နိုင်ငံရေးအကျဉ်းသမားနေ့ကို ဆက်စပ်ပြီး သုံးသပ်ကြည့်ရအောင်။

ဆလိုင်းတင်မောင်ဦးဟာ ချင်းလူမျိုး လူငယ်ကျောင်းသားတယောက် ဖြစ်တယ်။ ဒါပေမယ့် သူဟာ တိုတောင်းတဲ့ သူ့ရဲ့ ဘဝ တာကာလအတွင်း ချင်းလူမျိုးများ အရေးသက်သက်၊ လူငယ်အရေးသက်သက်၊ ကျောင်းသားအရေးသက် သက်အတွက် မလုပ်ဘဲ မြန်မာပြည်သူ တရပ်လုံး ငတ်မွတ်တောင့်တနေကြတဲ့ လူအခွင့်အရေး ဒီမိုကရေစီရေး ငြိမ်း ချမ်းရေးတို့အတွက် တိုက်ပွဲ ဝင်သွားခဲ့သူ ဖြစ်တယ်။ ဒီတချက်က သူဟာ အမျိုးသားရေး သင်္ကေတတခုဖြစ်တယ် ဆို တာကို ပြသနေတယ်။ နောက်တခုက သူဟာ အင်မတန်ငယ်သေးတဲ့ အရွယ်ကတည်းကစလို့ မတရားမှုကို အာဏာ ဆန့်ကျင်ခဲ့သူ ဖြစ်တယ်။ ဒီအချက်က သူဟာ မတရားမှုကို ခေါင်းငုံ့မခံခြင်းရဲ့ သင်္ကေတတခုဖြစ်တယ် ဆိုတာကို ပြ သနေတယ်။

နောက်တခုက သူဟာ အာဏာရှင်ဆန့်ကျင်ရေး အဓိကတိုက်ပွဲ အဆက်ဆက်မှာ ဦးဆောင်ပါဝင်ခဲ့တယ်။ ဒီအချက်က သူဟာ ပန်းတိုင်ဆီအရောက် ချီတက်ဖို့ ပြည်သူတွေမှာ မရှိမဖြစ်ရှိရမှာ ဖြစ်တဲ့ ဇွဲလုံလ ဝီရိယရဲ့ သင်္ကေတ တခု ဖြစ် တယ်ဆိုတာကို ပြသနေတယ်။ နောက်တခုက သူဟာ သေဒဏ်ကို အယူခံမဝင်ခဲ့ဘူး။ ဒီအချက်က သူဟာ အသက်ဟူ သော အကြောင်းတရား အတွက် ယုံကြည်ချက်ကို မစွန့်လွှတ်တဲ့ စာမရီ ငှက်စိတ်ဓာတ်ရဲ့ သင်္ကေတဖြစ်တယ် ဆိုတာ ကို ပြသနေတယ်။

မြန်မာ့နိုင်ငံရေးသမိုင်းမှာ ယုံကြည်ချက်အတွက် မိမိတို့ရဲ့ဘဝတွေကို စွှန့်လွှတ်စတေးခဲ့ကြတဲ့ စွှန့်လွှတ်စတေးနေကြတဲ့ မြန်မာ နိုင်ငံရေးအကျဉ်းသားတွေဟာ အဖိနှိပ်ခံဘဝက လွတ်မြောက်လိုတဲ့ မြန်မာပြည်သူတရပ်လုံး အတွက် ဂုဏ်ပြုထိုက်သူတွေ စံပြုထိုက်သူတွေဖြစ်သလို အာဇာနည်ကျောင်းသားခေါင်းဆောင် ဆလိုင်းတင်မောင်ဦးရဲ့အသက် နဲ့ ဘဝကို ပိုင်းပြက်ချက်ရှိရှိ စွှန့်လွှတ်စတေးခဲ့မှု၊ နောက်ဆုံးထွက်သက်အထိ ရန်သူ့ထံ ဒူးမထောက်အညံ့မခံခဲ့တဲ့ ရပ် တည်ချက်နဲ့တိုက်ပွဲဝင် စိတ်ဓာတ် တွေဟာ အဲဒီဂုဏ်ပြုခံ နိုင်ငံရေးအကျဉ်းသားတွေရဲ့ စံနမူနာလည်းဖြစ်တယ်။ မီးရှူးတန်ဆောင်လည်း ဖြစ်တယ်၊ သင်္ကေတလည်း ဖြစ်ပါတယ်။

အဲဒီသင်္ကေတတွေရဲ့ အစုအပေါင်းဖြစ်တဲ့ ကျောင်းသားခေါင်းဆောင် ဆလိုင်းတင်မောင်ဦးဟာ ဒီကနေ့ ရှည်လျား ကြမ်းတမ်းတဲ့ ဒီမိုကရေစီ ခရီးလမ်းကို ခက်ခဲပင်ပန်းစွာ လျှောက်လှမ်းနေကြရတဲ့ မြန်မာပြည်သူတွေအတွက်ရော နောင်အနာဂတ် မျိုးဆက်သစ် တွေ အတွက်ပါ ကောင်းကင်မှာ ထာဝရထွန်းလင်းတောက်ပနေတဲ့ လမ်းပြ ဓူဝံကြယ် ကြီးပဲ ဖြစ်တယ်။

ဒါကြောင့် အာဏာရှင်စနစ်ရဲ့ အငြိုးအဃာတကြီးမားမှု ကောက်ကျစ်ယုတ်မာရက်စက်ကြမ်းကြုပ်မှု ပြည်သူ့ဆန္ဒကို ဆန့်ကျင် နှိပ်စက်မှုတွေနဲ့ ရဲရင့်တဲ့ အဖိနှိပ်ခံပြည်သူတွေရဲ့ မတရားမှုကို ခေါင်းငုံ့မခံမှု ၊ ဇွဲလုံလ ဝီရိယရှိမှု ၊ ယုံကြည် ချက် ခိုင်မာစွဲမြဲမှုတို့ကို တချိန်တည်း တပြိုင်တည်းတွေ့ခဲ့ကြရတဲ့ ကျောင်းသားခေါင်းဆောင် ဆလိုင်းတင်မောင်ဦး ကြိုးပေး သတ်ဖြတ်ခြင်း ခံခဲ့ရတဲ့။ အာဇာနည်ပီသစွာ ကျဆုံးခဲ့ရတဲ့ ဇွန်လ (၂၆) ရက်နေ့မှ တပါး မြန်မာနိုင်ငံ နိုင်ငံရေး အကျဉ်းသားများနေ့ အဖြစ်သတ်မှတ်သင့်တဲ့ အခြားနေ့ မရှိဘူးလို့ ထင်မြင်ယူဆမိပါတယ်။

စစ်အာဏာရှင်စနစ်ကို ရဲရင့်ပြတ်သားစွာ ဆန့်ကျင်တိုက်ပွဲဝင်ရင်း အာဇာနည်ပီသစွာ ကျဆုံးသွားခဲ့ရတဲ့ ကျောင်းသား ခေါင်းဆောင် ဆလိုင်းတင်မောင်ဦး အား ဦးညွှတ်အလေးပြုလျက် …
Ref: Naytthit

Read More...

သူရဦးရွှေမန်းက လူထုအုံကြွမှုအရေး သတိပေး

24 June 2011

မြန်မာပြည်၏ စီးပွားရေး နိမ့်ကျနေသောကြောင့် လူအများ ဆင်းရဲနွမ်းပါးလျက်ရှိရာ လူထုအုံကြွမှုများ ဖြစ်ပေါ်လာပါက တိုင်းပြည် နစ်နာမည်ဖြစ်ကြောင်း ပြည်သူ့ လွှတ်တော် ဥက္ကဋ္ဌ သူရဦးရွှေမန်းက ယနေ့ သတိပေး ပြောကြားလိုက်သည်။


“အမေရိကန် အထက်လွှတ်တော် အမတ် ဂျွန်မက်ကိန်း မြန်မာ ပြည်လာတုန်းက ပြောသွားသလိုပဲ အရှေ့အလယ်ပိုင်း ဒေသတွေ မှာလို လူထုအုံကြွမှုတွေ မဖြစ်အောင် အားလုံး ဝိုင်းဝန်း ကြိုးပန်းရမယ်” ဟု ၎င်းက ဆိုသည်။

ယနေ့နေ့လယ် ၁ နာရီခွဲခန့်က ရန်ကုန်တိုင်း ပြည်သူ့ လွှတ်တော်ရုံးတွင် ကျင်းပသော အစည်းအဝေးပွဲ၌ သူရ ဦးရွှေမန်းက အထက်ပါအတိုင်း ပြောခဲ့သည့်အပြင် လွှတ်တော် အမတ်တဦး၏ ကူညီမှုကြောင့် ကချင်ဒေသအတွင်း တိုက်ပွဲ များ ငြိမ်သက် သွားပြီဟုလည်း ဆိုသည်။

၎င်းက “မြစ်ကြီးနားက ပြည်သူ့လွှတ်တော်အမတ် ဦးသိန်းဇော်က ပါဝင် ဖြေရှင်းပေးတဲ့အတွက် ကချင်ပြည်နယ်ထဲမှာ တိုက်ပွဲတွေ ငြိမ်သက်သွားပြီး အရင်အခြေအနေအတိုင်း ငြိမ်းငြိမ်းချမ်းချမ်း ဖြစ်နေပါပြီ” ဟု ဆက်ပြောသည်။

မြစ်ကြီးနား ပြည်သူ့လွှတ်တော်အမတ် ဆက်သွယ်ရေးဝန်ကြီးဟောင်း ဦးသိန်းဇော်က ကချင်လွတ်လပ်ရေး တပ်မတော် (KIA) အား အပစ်အခတ် ရပ်စဲရန် ကမ်းလှမ်းခဲ့သော်လည်း KIA ဘက်က အစိုးရအဖွဲ့၏ တရားဝင်ကမ်းလှမ်းမှုကိုသာ လိုလား ကြောင်း ပြောဆိုခဲ့သည်။ လက်ရှိ အခြေအနေအရ နယ်စပ်တိုက်ပွဲများ အနည်းငယ် ငြိမ်သက်သွားသော်လည်း ဇွန် ၂၂ ရက်ညက မြစ်ကြီးနား မြို့ပေါ်၌ ဗုံးများ ဆက်တိုက် ကွဲခဲ့သည်။

လွှတ်တော်အမတ်များ အနေဖြင့် အစိုးရအဖွဲ့အား ကူညီနိုင်ကြောင်း၊ ပြင်ရန် လိုအပ်သည်များကို လွှတ်တော် အတွင်း ပြင်သွားမည် ဖြစ်ကြောင်း၊ ဥပဒေအထက်တွင် မည်သူ တဦးယောက်မျှ မရှိသကဲ့သို့ ဥပဒေ ပြင်ပတွင်လည်း မည်သူ တဦး တယောက်မျှ ရှိ၍ မရကြောင်း သူရဦးရွှေမန်းက ဆိုသည်။

“ဦးရွှေမန်းက ဥပဒေ ပြင်ပနဲ့ နီးနီးနေတဲ့သူတွေ ရှိသလို ဥပဒေပြင်ပနဲ့ ဝေးဝေးနေတဲ့ သူတွေလည်းရှိတယ် ဆိုပြီး သတိ ပေးသလို ပြောသွားတယ်။ အားလုံးကတော့ သိကြပါတယ်။ ဥပဒေပြင်ပမှာ နီးနီးနေတဲ့သူ ဆိုတာ အမျိုးသားဒီမိုကရေစီ အဖွဲ့ချုပ်နဲ့ ဒေါ်အောင်ဆန်းစုကြည်ကို ပြောတာ၊ ဝေးဝေးက ဆိုတာက ပြည်ပ အတိုက်အခံတွေကို ပြောချင်တာပါ” ဟု အစည်းအဝေး တက်ရောက်ခဲ့သူ တသီးပုဂ္ဂလ လွှတ်တော် အမတ်တဦးက ပြောသည်။

ယနေ့ကျင်းပသည့် အစည်းအဝေးပွဲတွင် သူရဦးရွှေမန်းက မ်ိန့်ခွန်းပြောကြားပြီး ရန်ကုန်တိုင်းအစိုးရ အဖွဲ့များ၊ လွှတ်တော် အမတ်များ၊ သတင်းဂျာနယ် အယ်ဒီတာချုပ်များ တက်ရောက်ခွင့်ရခဲ့သည်။
Ref: ဧရာဝတီ

Read More...

နေပြည်တော်နှင့် မန္တလေးတို့တွင် ဗုံးကွဲ

ရန်ပိုင်
24 June 2011

နေပြည်တော်နှင့် မန္တလေးတို့တွင် ယနေ့ နေ့လယ်၌ တပြိုင်တည်း လိုလို ဗုံးပေါက်ကွဲသည်။

နေပြည်တော် သပြေကုန်းရပ်ကွက်ရှိ နေအိမ်တလုံးတွင် ယနေ့နေလယ် ၁၂ နာရီခွဲခန့်က ဗုံးတလုံးပေါက်ကွဲကြောင်း သိရသည်။


သပြေကုန်း ရပ်ကွက်အတွင်း နေထိုင်သူတဦးက “အရမ်းပြင်းတော့ အိမ်အမိုးလန်သွားတယ်။ လူတွေလည်း ရုတ်ရုတ်သဲသဲ ဖြစ်ပြီး ပြေးကြလွှားကြနဲ့” ဟု ဆိုသည်။

ပေါက်ကွဲမှုကြောင့် ထိခိုက်သေကျေမှု သတင်းအတိအကျ မသိရသေးကြောင်း၊ လုံထိန်းများနှင့် ရဲများရောက်ရှိလာပြီး လမ်းများကို ပိတ်ဆို့ထားကြောင်း ၎င်းဒေသခံက ပြောသည်။

တဆက်တည်းတွင် မန္တလေး ဈေးချိုတော်ရှေ့ ၂၇ လမ်းနှင့် ၂၈ လမ်းကြား ဈေးချိုဟိုတယ် ရှေ့တွင်လည်း နေလယ် ၁၂ နာရီခန့်က ကားဗုံးတလုံး ပေါက်ကွဲသည်။

ဂျစ်ကားပေါ်တွင် ထောင်ထားသည့် ဗုံးပေါက်ကွဲခြင်းဖြစ်ပြီး နှစ်ဦး ဒဏ်ရာရကြောင်း၊ မြို့နယ်အာဏာပိုင်များနှင့် ရဲများ၊ လုံခြုံရေး တာဝန်ရှိသူများ၊ မီးသတ်များက ပေါက်ကွဲမှု ဖြစ်သည့် အနီးတ၀ိုက်ကို ပိတ်ဆို့ထားကြောင်း မန္တလေး ဒေသခံတဦးက ပြောသည်။

“အသံကြီးက ကျယ်တယ်။ ထရန်စဖော်မာ ပေါက်တယ်ထင်တာ။ ဈေးချိုက ဥပုသ်နေ့ဆိုတော့ ပိတ်ထားလို့။ ဖွင့်ရင်တော့ မလွယ်ဘူး” ဟု ဆိုသည်။

ယင်းကားဗုံးပေါက်ကွဲမှုအားသည် ကြီးမားကြောင်း၊ အနီးနား အဆောက်အဦးမှ ပြတင်းပေါက် မှန်များလည်း ကွဲကုန်ကြောင်း သိရသည်။

ယင်းဗုံးပေါက်ကွဲမှုများ ဖြစ်ပြီး မကြာမီတွင်ပင် ပြင်ဦးလွင်မြ်ို့၌လည်း ဗုံးပေါက်ကွဲမှု ဖြစ်ကြောင်း သိရသည်။ ပြင်ဦးလွင်မြို့ ရပ်ကွက်ကြီး ၃၊ အကွက် ၄ ရှိ လူမနေသည့် အိမ်တလုံးတွင် ပေါက်ကွဲခြင်းဖြစ်ပြီး အိမ်ပြိုကျသွားသည်ဟု သိရှိရသည်။

ပြီးခဲ့သည့် ရက်ပိုင်းကလည်း နေပြည်တော် မြို့မဈေးတွင်လည်း ဗုံးပေါက်ကွဲမှု ဖြစ်ပွားခဲ့ရာ ရေနီမြို့ အမှတ် ၅ လေ့ကျင်ရေးတပ် နေ အသက် ၃၅နှစ် အရွယ်ရှိ ကိုအောင်ကိုလတ်ကို ဖမ်းဆီးခဲ့သည်။

ထိုသို့ဗုံးပေါက်ကွဲမှုများတွင် မည်သည့် အဖွဲ့အစည်းကမှ မိမိတို့လက်ချက်ဖြစ်ကြောင်း ၀န်ခံခြင်းမရှိသော်လည်း အစိုးရကမူ ကရင်အမျိုးသားအစည်းအရုံး (KNU) နှင့် အခြားလက်နက်ကိုင်အဖွဲ့များကို စွပ်စွဲရေးသားသည်။
Ref: ဧရာဝတီ

Read More...

မန္တလေးဈေးချိုအနီး ဗုံးပေါက်ကွဲ

June 24, 2011
အံ့ဘုန်းမြတ်

မန္တလေးမြို့၊ ဈေးချိုအနီးရှိ ၈၄ လမ်းမပေါ်က ဈေးချိုဟိုတယ်ရှေ့မှာ ဒီကနေ့ နေ့လယ် ၁၂ နာရီကျော်က ဗုံးပေါက်ကွဲမှုတခု ဖြစ်ပွားခဲ့ပါတယ်။

ဗုံးပေါက်ကွဲမှုကြောင့် အနီးရှိ တဦး ထိခိုက်ဒဏ်ရာရရှိသွားပြီး ဈေးချို၊ မန်းမြန်မာပလာဇာနဲ့ ဈေးချိုဟိုတယ်က မှန်တွေပါ ကွဲကုန်တယ်လို့ မျက်မြင် မန္တလေးမြို့ခံတဦးက ပြောပါတယ်။


“၁၂ နာရီ ၅ မိနစ်မှာ ပေါက်တယ်ဗျ။ ၈၄ လမ်းပေါ် မန်းမြန်မာပလာဇာဘက်ပေါ့။ ကားက တစစီဖြစ်သွားတယ်။ ပါကျဲရိုး ဖြစ်ဖို့များတယ်။ ကားမှာ လူမပါဘူး။ ကားကို ဒီအတိုင်း ရပ်ထားတာ။ ကားအောက်မှာ ဗုံးကိုထားခဲ့လိုက်တာလို့ပြော တယ်။ အဲဒါ ကွဲသွားတာ။ ဈေးချိုရော၊ မန်းမြန်မာဘက်မှာရှိတဲ့ မှန်တွေ အကုန်လုံး ကွဲသွားတာ။ အဲဒီနားရပ်ထားတဲ့ လိုင်းကားတစီးပေါ်က စပယ်ယာက အောက်ကို ဆင်းတဲ့ အချိန်မှာ ကွဲသွားတာ။ အဲဒါ လက်တွေ ဘာတွေ ထိသွား တယ်ပြောတယ်။ ဖြစ်ဖြစ်ချင်းပဲ အဲဒီနားက စည်ပင်က တယောက်က ဆိုင်ကယ်နဲ့ လိုက်ပို့ပေးလိုက်တယ်။ ဗုံးက တော်တော်ကြီးတဲ့ဗုံးပဲဗျ။”

ဒီကနေ့ ဥပုသ်နေ့ဖြစ်နေတာကြောင့် လူသူကင်းရှင်းချိန်မှာ ဗုံးပေါက်ကွဲခဲ့တာ ဖြစ်ပြီး သူမြင်တွေ့ခဲ့ရတာတွေကိုလည်း အခုလို ဆက်ပြောပါတယ်။

“ဗုံးကကွဲပြီး ကားတာယာက လမ်းတပြ၀က်လောက်အထိ ရောက်သွားတယ်။ ဘီးတလုံးနဲ့ ကားက သံတိုသံစတွေ အကုန်လုံးပေါ့။ တော်တော်ပြင်းတယ်။ ဈေးချိုက ရှိတဲ့ မှန်တွေ အကုန်လုံးကွဲသွားတယ်။ ဒီနေ့ကတော့ ဈေးပိတ်နေ့လေ။ အဲဒီနေရာက ဈေးဖွင့်နေ့ဆိုရင် ဆိုင်ကယ်တောင် မနည်း တိုးဝှေ့ပြီးတော့ သွားရတယ်။ ပြည့်ကျပ်နေတာကိုး။ အခုတော့ မန္တလေးမြို့ပေါ် ဖြစ်ပြီဆိုတော့ အုန်းအုန်းကျွက်ကျွက် ဖြစ်နေ ကြတာပေါ့။”

မန္တလေးမြို့မှာ ဗုံးပေါက်ကွဲမှု ဖြစ်ပွားနေတဲ့အချိန်နဲ့ မရှေး မနှောင်းမှာပဲ အစိုးရရုံးစိုက်ရာ နေပြည်တော်ရှိ သပြေကုန်း ဈေးမှာလည်း ပေါက်ကွဲမှုတခု ဖြစ်ပွားခဲ့ပါတယ်။ အဲဒီ ပေါက်ကွဲမှုနဲ့ ပတ်သက်ပြီးတော့ မြို့ခံတဦး ပြောပြ တာကတော့ …

“ဗုံးပေါက်တာမဟုတ်ဘူးဗျ။ ရေခဲသေတ္တာနဲ့ အဲယားကွန်း ပြင်တဲ့ဆိုင်က ဂက်စ်အိုးပေါက်ကွဲတာ။ အဲဒါ တမြို့လုံး နီးနီး ကြားရတာပေါ့။ ဒီက တမြို့လုံးက ဗုံးကွဲတယ်ပဲ ထင်ကြတာ။ တမြို့လုံး လန့်သွားတာ။ အသံက တော်တော်ကျယ်တယ် ပြောတယ်။ ဒါပေမယ့် သေသေချာချာ သွားစစ်ဆေးလိုက်တဲ့အချိန်မှာ အဲယားကွန်းနဲ့ ရေခဲသေတ္တာဆိုက်က ပေါက်ကွဲတာလို့ ပြောတယ်။ ”

အလားတူ မန္တလေးတိုင်း ပြင်ဦးလွင်မြို့မှာလည်း ပေါက်ကွဲမှုတခု ဖြစ်ပွားခဲ့တယ်လို့ သတင်းတွေ ထွက်ပေါ်နေပြီး ဒီပေါက်ကွဲမှု တွေနဲ့ ပတ်သက်လို့ သက်ဆိုင်ရာ အာဏာပိုင်တွေကို ဆက်သွယ်မေးမြန်းစုံစမ်းပြီး အသေးစိတ် သိရဖို့ ကြိုးစားနေဆဲ ဖြစ်ပါတယ်။
Ref: DVB

Read More...

ထိုင်း​တောင်ပိုင်း​ ယာဉ်တိုက်မှု မြန်မာ ၄ ဦး​သေဆုံး​

June 24, 2011
နော်နိုရင်း

ထိုင်း​ နိုင်ငံ​တောင်ပိုင်း​ ပရာချွတ်ခီရီခမ် ခရိုင်အတွင်း​ မ​နေ့​ည​နေက မြန်မာ​ရွှေ့​ပြောင်း​ အလုပ်သမား​တွေ တင်​ဆောင်တဲ့​ ကား​တစီး​နဲ့​ ၁၀ ဘီကား​တစီး​နဲ့​ တိုက်မိရာမှာ ၅ ဦး​ ​သေဆုံး​ပြီး​ ၉ ​ယောက်ဒဏ်ရာရသွား​ပါတယ်။

ပရာချွတ် ခီရီခမ်ခရိုင် ဘန်း​စဖန်း​မြို့​နယ်အတွင်း​မှာ မြန်မာ​တွေစီး​နင်း​လာတဲ့​ ​တောင်း​အေ့​စ် အမျိုး​အစား​ မှန်လုံကား​နဲ့​ ၁၀ ဘီး​ကား​တစီး​ တိုက်မှုဖြစ်ပွား​ခဲ့​တာပါ။ ကား​ပေါ်ပါ မြန်မာ​တွေဟာ ထိုင်း​-မြန်မာနယ်စပ် ရ​နောင်း​မြို့​မှာ အလုပ်သမား​ ယာယီနိုင်ငံကူး​ လက်မှတ်သွား​လုပ်ကြတာဖြစ်ပြီး​ အပြန်မှာ ယာဉ်တိုက်မှု ဖြစ်တာပါ။


ရ​နောင်း​က အပြန်ကား​ပေါ်မှာ ထိုင်း​ယာဉ်​မောင်း​တဦး​နဲ့​ မြန်မာအလုပ်သမား​ ၁၃ ဦး​ လိုက်ပါလာတာပါ။ ယာဉ်တိုက်မှု​ကြောင့်​ ထိုင်း​ယာဉ်​မောင်း​နဲ့​ မြန်မာ​လေး​ဦး​ ​သေဆုံး​ပြီး​ ဒဏ်ရာရသူ ၉ ဦး​ကို ကုသ​နေတယ်လို့​ ဘန်း​စဖန်း​ဆေး​ရုံက ​ဖြေဆိုပါတယ်။

“၅ ​ယောက်​သေပြီး​ ၉ ဦး​ ဒဏ်ရာရပါတယ်။ မ​နေ့​ည​နေ ၄ နာရီခွဲက ကား​တိုက်မှု ဖြစ်ပွား​ခဲ့​တာ ဖြစ်ပါတယ်။ ​ဆေး​ရုံက အ​ရေး​ပေါ်ကား​နဲ့​ ကယ်ဆယ်​ရေး​ကား​တွေက သွား​ခေါ်တာ ဖြစ်ပါတယ်။ အလုပ်ရှင်က​တော့​ သူတို့​ကို လာကြည့်​ပါတယ်။ သူတို့​ ​ဆွေမျိုး​ လာကြိုလား​၊​ မကြိုလား​တော့​ မ​ပြောတတ်ဘူး​။ တချို့​လူ​တွေက အိမ်ပြန်လို့​ရ​တော့​ ပြန်သွား​ကြပါပြီ။”

ဆေး​ ရုံတာဝန်ရှိသူရဲ့​ ​ပြောဆိုချက်အရ ဒဏ်ရသူတချို့​တော့​ အိမ်ပြန်နိုင်​ပေမယ့်​ တချို့​က အတွင်း​လူနာအဖြစ် ကုသမှု ခံယူ​နေရတယ်လို့​ ​ပြောပါတယ်။
Ref: DVB

Read More...

မြန်မာ့အရေး အမေရိကန်အစိုးရပေါ်လစီ အားနည်းသေးဟုဆို

June 24, 2011 by နေသွင်

မြန်မာ့အရေးနဲ့ ပတ်သက်လို့ အမေရိကန်အစိုးရရဲ့ နိုင်ငံခြားရေးပေါ်လစီမှာ အားနည်းနေသေးတယ်လို့ ပြည်ပအခြေစိုက် ဒီမိုကရေစီအင်အားစုတွေက ပြောပါတယ်။


သမ္မတ အိုဘားမားလက်ထက်မှာ ကျင့်သုံးနေတဲ့ အမေရိကန်အစိုးရရဲ့ ပိတ်ဆို့မှုနဲ့ သံတမန် ဆက်သွယ်ရေး နှစ်လမ်းသွား ပေါ်လစီအပေါ်မှာ အားမလိုအားမရ ထောက်ပြကြတာပါ။

၈၈ ကျောင်းသားခေါင်းဆောင် တယောက်ဖြစ်တဲ့ ကိုမိုးသီးဇွန်က “ပထမ တလမ်းသွားဟာလည်း မထိရောက်ဘူး။ နှစ်လမ်းသွားဟာလည်း မထိရောက်သေးဘူး။ ဘယ်လမ်းနဲ့ပဲသွားသွား ထိရောက်တဲ့ လမ်းပုံစံတော့ ရှာသင့်တယ်။ သုံးလမ်းနဲ့ပဲ သွားသွား၊ လက်တွေ့ကျရမယ်။ ပါးစပ်နဲ့ နှုတ်နဲ့ သံတမန်ဆက်ဆံရေး အဆင့်စေလွှတ်တာ တော်လောက်ပြီလို့ ထင်တယ်။ သူတို့ commit မရှိသေးဘူးလို့ ထင်တယ်” လို့ ပြောပါတယ်။

၂၀၀၈ ခုနှစ်တုန်းက နာဂစ်ဒုက္ခသည်တွေကို ရိက္ခာ အကူအညီပေးဖို့ အမေရိကန် ရေတပ်သင်္ဘောတွေ မြန်မာရေပိုင်နက် အနီးရောက်ပြီးမှ ပြန်လှည့်သွားတာနဲ့ မကြာခင်တုန်းက လက်ရှိ လစ်ဗျားနိုင်ငံမှာ အမေရိကန်နဲ့ နေတိုးတပ်တွေ စစ်ရေးအရ အကူအညီပေးနေတာကို နှိုင်းယှဉ်ပြီး အမေရိကန် အစိုးရအနေနဲ့ မြန်မာပြည်ကို အမှန်တကယ် အပြောင်းလဲလုပ်ပေးချင်တဲ့စိတ် မရှိသေးဘူးလို့ ကိုမိုးသီးက ဝေဖန်ပါတယ်။

“အဲဒီတော့ တလမ်းပဲသွားသွား၊ ၆ လမ်းပဲ သွားသွား ဘာမှ မထူးဘူးလေ” လို့ ကိုမိုးသီးဇွန်က ပြောပါတယ်။

လူ့အခွင့်အရေးပညာပေးအဖွဲ့ (မြန်မာနိုင်ငံ) ဒါရိုက်တာ ဦးအောင်မျိုးမင်းကလည်း လောလောဆယ် တိုင်းရင်းသားဒေသတွေဟာ စစ်ပွဲတွေ ပြန်ဖြစ်နေတာကို ထောက်ပြပြီး နိုင်ငံတကာက စစ်အစိုးရသစ်နဲ့ ပူးပေါင်းဆောင်ရွက်မယ်ဆိုရင် အပြစ်မဲ့ပြည်သူတွေကို ပိုပြီး ဒုက္ခရောက်စေမယ်လို့ ထောက်ပြပါတယ်။

ဦးအောင်မျိုးမင်းက “အစိုးရသစ်က နိုင်ငံတကာက တောင်းဆိုမှုတွေကို လိုက်လျောမှုမရှိဘူး။ ဒီထက်ဆိုးတာက ပြည်တွင်းစစ်ကို မီးမွှေးဖို့ ကြိုးစားနေတယ်။ ဒီလိုမျိုး စီးပွားရေးပိတ်ဆို့မှုတွေ ရပ်လိုက်လို့ဆိုရင် ပြုပြင်ပြောင်းလဲပြောင်းလဲမှုတွေ ဖြစ်လာမလားဆိုတဲ့ မျှော်လင့်ချက်ကို ရိုက်ချိုးလိုက်သလိုပဲ ဖြစ်ပါတယ်။ ပြည်တွင်းစစ်တွေ ရပ်ဖို့အတွက် ဆက်လက်ပြီးတော့ ပိတ်ဆို့မှုတွေမလုပ်ဘဲ ပူးပေါင်း ဆောင်ရွက်မယ်ဆိုရင် ပြည်တွင်းစစ်ကို ထပ်ပြီးတောက်လောင်ဖို့ အားပေးသလိုဖြစ်မယ်။ ပြည်သူလူထုပိုမို ဒုက္ခရောက်မှာဖြစ်တဲ့အတွက် ပြုပြင်ပြောင်းလဲမှုတွေ အမှန်တကယ်ဖြစ်ဖို့ ဆိုရင် စီးပွားရေး ပိတ်ဆို့မှုတွေကို ဆက်လက်ကိုင်ဆောင်ထားရုံမကဘဲ ဒီထက်ပိုပြီး အရေးယူဆောင်ရွက်တဲ့ နိုင်ငံတကာအရေးယူဆောင်ရွက်မှုအထိ လုပ်ဆောင်ဖို့ အချိန်ကျရောက်နေပါပြီ” လို့ ပြောပါတယ်။

ဗုဒ္ဓဟူးနေ့တုန်းက အမေရိကန်အောက်လွှတ်တော်ကြားနာပွဲမှာ မိန့်ခွန်းပြောရာမှာ ဒေါ်အောင်ဆန်းစုကြည်က အမေရိကန်အစိုးရနေနဲ့ မြန်မာပြည်မှာ လူ့အခွင့်အရေးကောင်စီရဲ့ မတ်လဆုံးဖြတ်ချက် အကောင်အထည်ဖော်ဖို့ “တတ်နိုင် သလောက်ကူညီဖိုိ့” တိုက်တွန်းခဲ့ပါတယ်။

ကုလသမဂ္ဂ လူ့အခွင့်အရေးကောင်စီရဲ့ မတ်လဆုံးဖြတ်ချက်တွေထဲမှာ နိုင်ငံရေးအကျဉ်းသားတွေ လွတ်မြောက်ရေး၊ ပြည်သူတွေရဲ့ လွတ်လပ်စွာ ဆန္ဒဖော်ထုတ်ခွင့်၊ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ သောမတ်အိုဟေး ကင်တားနားအနေနဲ့ မြန်မာပြည်ကို လိုအပ်တဲ့အချိန်မှာ၊ လိုအပ်သလို ၀င်ရောက်စုံစမ်းခွင့်ရရေးတို့ ပါဝင်ပါတယ်။

ဒေါ်အောင်ဆန်းစုကြည်က ဒါတွေဟာ မြန်မာပြည်သူတွေ လိုချင်နေတဲ့ စစ်မှန်တဲ့ ဒီမိုကရေစီစနစ် ဖော်ဆောင်မှုရဲ့ အစပျိုးမှု၊ မြန်မာပြည်ကို ဒီမိုကရေစီသို့ သွားရာလမ်းကြောင်းမှန် ဖြစ်တယ်လို့ ဆိုပါတယ်။

ဒါ့အပြင် မြန်မာပြည်မှာ တရားဥပဒေစိုးမိုးရေးအတွက် လွတ်လပ်တဲ့ တရားစီရင်ရေးစနစ် ဖော်ဆောင်ဖို့နဲ့ မြန်မာပြည်ဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် တင်ပြထားတဲ့ လူ့အခွင့်အရေး စုံစမ်းရေးကော်မရှင်တရပ် ဖွဲ့စည်းရေးကို ထောက်ခံဖို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က တိုက်တွန်းခဲ့ပါတယ်။

လူ့အခွင့်အရေးပညာပေးအဖွဲ့ (မြန်မာနိုင်ငံ) ဒါရိုက်တာ ဦးအောင်မျိုးမင်းက “လောလောဆယ်မှာ ဥရောပသမဂ္ဂ အီးယူမှာ နိုင်ငံအားလုံးက လက်ခံနိုင်တဲ့ ယေဘုယျ ရပ်တည်ချက် မထွက်ဘူး၊ COI (အထူး စုံစမ်းရေးကော်မရှင်) ဖွဲ့ဖို့ ဂျာမဏီနဲ့ အီတလီက သိပ်ပြီးတော့ အားမပေးတာရှိတယ်။ ကျန်တဲ့နိုင်ငံတွေက ဘယ်လိုရပ်တည်မလဲ မသိဘူး။ တကယ်လို့သာ အမေရိကန်ကသာ ခေါ်လာတယ်။ တခြားနိုင်ငံက ဒေါ်စုရဲ့ ပြောကြားချက်အပေါ် ထောက်ခံလာရင် COI ကို အထွေထွေညီလာခံမှာ မဖြစ်မနေ မဲခွဲတဲ့အခါမှာ ပိုမိုထောက်ခံမဲရဖို့ မျှော်လင့်ချက်ရှိလာနိုင်ပါတယ်။ အထွေအထွေ ညီလာခံက အထူးစုံစမ်းရေးကော်မရှင်ဖွဲ့ဖို့ ဆုံးဖြတ်ချလာရင် နိုင်ငံက လိုက်နာရမယ့် အနေအထားဖြစ်ပါတယ်။ ဒါမျိုးက မြန်မာအစိုးရအနေနဲ့ မလိုက်နာလို့ မရတဲ့ အခြေအနေမျိုး ဖြစ်သွားနိုင်ပါတယ်” လို့ ပြောပါတယ်။

၈၈ ကျောင်းသားခေါင်းဆောင်တယောက်ဖြစ်တဲ့ ကိုမိုးသီးဇွန်က ကွန်ဂရက်မှာပြောတဲ့ ဒေါ်အောင်ဆန်းစုကြည်ရဲ့ မိန့်ခွန်းကို ထောက်ခံပေမယ့် ပြောတဲ့ နေရာကတော့ ထိရောက်မှု မရှိဘူးလို့ ယူဆပါတယ်။

“နိုင်ငံခြားရေးကော်မတီတခုရဲ့ sub committee ၊ အဲဒီမှာလုပ်တဲ့ ကြားနာပဲလေ။ ဒီ sub committee လေးက ဘာမှ influence မရှိဘူး။ အဲဒါမျိုးတွေ ခဏခဏနဲ့ ကျေနပ်နေလို့မရဘူး၊ ဒေါ်အောင်ဆန်းစုကြည်အနေနဲ့ အိုဘားမားကို ပြောရမယ်။ ကွန်ဂရက်ဆီနိတ်တာရဲ့ အစည်းအဝေးမှာ ပြောရမယ်။ ဘာလို့လဲဆိုတော့ တခြားသမ္မတတွေ၊ အစိုးရတွေက ပြောတဲ့အခွင့်အရေးတွေ ရနေကြတယ်။ သွားဖို့ အခွင့်အရေးမရရင် သူ့ရဲ့ တိတ်ခွေကို ဖွင့်ပြတဲ့ အခွင့်အရေးရမယ်ထင်တယ်။ အဲဒီတော့မှ သူ့ရဲ့ ဩဇာဟာ အမေရိကန်အစိုးရထဲမှာ တကယ်ထိရောက်မှု ရှိမရှိ တွက်လို့ရတယ်။ ဒီနေ့အထိတော့ ထိရောက်မှု မရှိသေးဘူးလို့ ကျနော်ထင်တယ်။”

ဒီကြားနာပွဲဟာ ပြီးခဲ့တဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ ပထမဆုံးသော ကွန်ဂရက် ကြားနာပွဲလည်းဖြစ်ပါတယ်။

ဗုဒ္ဓဟူးနေ့ကြားနာပွဲမှာ ဒေါ်အောင်ဆန်းစုကြည်က “မြန်မာပြည်ဟာ လွတ်လပ်ပွင့်လင်းတဲ့ လူ့အဖွဲ့အစည်းမဟုတ်တဲ့ အတွက် တခါတရံမှာ ကျမတို့အနေနဲ့ လုပ်သင့်လုပ်ထိုက်တာ ဘာလဲဆိုတာကို မှန်းဆနေရပါတယ်။ ဒါပေမယ့် ဒီမိုကရေစီတန်ဖိုးနဲ့ လူ့အခွင့်အရေးအပေါ်မှာ ကျမတို့ရဲ့ လေးစားမှု၊ ဖွဲ့စည်းပုံအရ လစ်ဘရယ်စနစ်ကို ရိုးရိုးသားသား ယုံကြည်တဲ့ အလျှောက် ကျမတို့ရဲ့ ခန့်မှန်းချက်တွေဟာ သိပ်အလှမ်းမကွာနိုင်ပါဘူး” လို့ ထည့်သွင်းပြောကြားသွား ပါတယ်။
Ref: DVB

Read More...

မန္တလေးနှင့် နေပြည်တော် ဗုံးများကွဲ

ဇွန်လ ၂၄ ရက် ၂၀၁၁ ခုနှစ်

မန္တလေးမြို့ ဈေးချိုဟိုတယ်ရှေ့တွင် သောကြာနေ့ နေ့လည်က ကားဗုံးပေါက်ကွဲမှုဖြစ်ပွားရာ အနည်းဆုံး လူတဦး ထိခိုက်ဒဏ်ရာရမှု ဖြစ်ပွားသည်။

ဈေးချိုဈေးအနီး ၈၂ လမ်းနှင့် ၈၄ လမ်းထောင့်တွင် ရပ်ထားသော ပါဂျယ်ရိုကား ၃ခ/ ၁၉ဝ၄ မှ ပေါက်ကွဲခြင်း ဖြစ်ပြီး အနီးနားရှိ ယာဉ်ထိန်းရဲတဦး ဒဏ်ရာရသွားသည်။


“ ကားကတော့ လုံးဝ စုတ်ပြတ်သွားတယ်။ ဗုံးကတော် တော်ပြင်းတဲ့ ဗုံးပဲ ” ဟု မန္တလေး မီးသတ်အရာရှိ တဦးက ပြောသည်။

မီးလောင်မှုဟု ထင်၍ သွားရောက်သော မီးသတ်သမား များကို စစ်ဘက်က “ မင်းတို့အလုပ်မဟုတ်ဘူး ” ဟု ဆိုကာ မောင်း ထုတ်ခဲ့ကြောင်း မျက်မြင်သက်သေ တဦးက ပြောသည်။

“ အန်တီတို့ကလည်း မိုးကြိုးပစ်တယ် အောက်မေ့နေတာ။ အခု ဗုံးပေါက်တာက ၂၈ လမ်းနဲ့ ၈၄ ထောင့် ဆိုတော့ အန်တီတို့နဲ့ ကြားထဲမှာ နှစ်ပြပဲ ဝေးတာပဲ။ အသံတော့ ကြားလိုက်ရတယ်။ မိုးကြိုးပစ်တယ် အောက်မေ့နေတာ။ မိုးကြိုးပစ်တယ်ထင်ပြီး ဒီအတိုင်းနေတာကို အရပ်ထဲက အဲဒါ မိုးကြိုးပစ်တာ မဟုတ်ဘူး။ ဗုံးကွဲတာ ပြောမှ သိရတာ။ ” ဟု မန္တလေးမြို့ခံ အမျိုးသမီးတဦး မဇ္ဈိမကို ပြောသည်။

အခြားမြို့ခံတဦးက လူနှစ်ဦးကို လူနာတင်ကားဖြင့် တင်ဆောင်သွားသည်ကို တွေ့မြင်လိုက်ရသည်ဟု ဆိုသည်။

အလားတူပင် နေပြည်တော်တွင်လည်း မွန်းလွဲ ၁၂ နာရီကျော်ခန့်က ဗုံးပေါက်ကွဲမှု တခု ဖြစ်ပွားသည်။

သပြေကုန်း ရပ်ကွက် ရွှေလာဘ်ကောင်လမ်းကြား အိမ်အမှတ် ၄၆ တွင် ပြင်းထန်သော ဗုံးပေါက်ကွဲခြင်း ဖြစ်သည်။ အသေအပျောက် ရှိ မရှိကို မသိရသေးပေ။

“ ဗုံးကတော်တော် ပြင်းလွန်းတယ်။ ၂ ထပ်တိုက် အပေါ်ထပ်မှာ ကွဲတာပါ။ အပေါ်ထပ်က သော့ပိတ်ထားတယ်။ပေါက်တာလည်း အပေါ်ထပ်မှာပဲ။ အပေါ်ထပ် တထပ်လုံး ပွင့်ထွက်သွားတယ်။ ဗုံးကပြင်းတာကိုး" ဟု မြို့အုပ်ချုပ်ရေး အရာရှိတဦးက ပြောသည်။

ပြီးခဲ့သည့် ဇွန်လ ၁ဝ ရက်နေ့ ကလည်း နေပြည်တော် မြို့မဈေး အမျိုးသား အိမ်သာတွင်းတွင် ဗုံးပေါက်ကွဲမှုဖြစ်ပွါးရာ လူ ၂ ဦး ဒဏ်ရာ ရရှိခဲ့ကြသည်။
Ref: Mizzima

Read More...

ပြည်သူ့လွှတ်တော်ဥက္ကဋ္ဌ ဦးရွှေမန်း တွေ့ဆုံပွဲ မီဒီယာ တက်ခွင့်ရမည်

June 23, 2011
အံ့ဘုန်းမြတ်

အနှစ် ၂၀ ကျော်ကာလအတွင်း ပထမဆုံးပေါ်ပေါက်လာတဲ့ လွှတ်တော်တွေထဲက ပြည်သူ့လွှတ်တော်ရဲ့ ပထမဆုံး ဥက္ကဋ္ဌ ဖြစ်လာတဲ့ ဗိုလ်ချုပ်ကြီးဟောင်း ဦးရွှေမန်းက သူရဲ့ ရန်ကုန်တိုင်းဒေသကြီး အစိုးရအဖွဲ့တွေ အပါအ၀င် လွှတ်တော် ကိုယ်စားလှယ်တွေနဲ့ တွေ့ဆုံမယ့် အခမ်းအနားကို ပြည်တွင်းထုတ် ဂျာနယ်တွေက အယ်ဒီတာချုပ်တွေပါ တက်ရောက်ခွင့် ရရှိမယ်လို့ သိရပါတယ်။

မနက်ဖြန် နေ့လယ်ပိုင်း ပြည်လမ်းမပေါ်မှာရှိတဲ့ ရန်ကုန်တိုင်းဒေသကြီး လွှတ်တော်မှာ ပြုလုပ်မယ့် ဒီအခမ်းအနားမှာ တိုင်းဒေသကြီး အစိုးရအဖွဲ့ဝင်တွေ၊ ပြည်သူ့လွှတ်တော်နဲ့ အမျိုးသားလွှတ်တော်တွေက ကိုယ်စားလှယ်တွေနဲ့အတူ ဂျာနယ် အယ်ဒီတာချုပ်တွေပါ တက်ရောက်ကြရမှာလည်း ဖြစ်ပါတယ်။


ဒီလိုတက်ရောက်ဖို့ ပြန်ကြားရေးဝန်ကြီးဌာန လက်အောက်က စာပေစိစစ်ရေးကနေ ဂျာနယ်အယ်ဒီတာချုပ်တွေကို ဒီကနေ့မှာ တယ်လီးဖုန်းက တဆင့် လိုက်လံ ဖိတ်ကြားခဲ့တာ ဖြစ်တယ်လို့ ဖိတ်ကြားခံရတဲ့ ဂျာနယ် အယ်ဒီတာချုပ် အချို့က ဆိုပါတယ်။

ဒီလို ဖိတ်ကြားထားပေမယ့်လည်း လွှတ်တော်ဥက္ကဋ္ဌကို မေးမြန်း သတင်းယူခွင့်တော့ ရနိုင်မှာ မဟုတ်ဘူးလို့ ဂျာနယ်တာဝန်ခံ အယ်ဒီတာတဦးက ဆိုပါတယ်။

“မနက်ဖြန် ဦးရွှေမန်း ဒီကိုလာမယ်ဆိုတော့ ဒီက တိုင်း ဒေသကြီး အစိုးရအဖွဲ့တွေနဲ့ တွေ့တဲ့အချိန်မှာ ဒီက အယ်ဒီတာချုပ်တွေတော့ ဖိတ်တယ်။ သတင်းယူဖို့တော့ မဟုတ်ဘူး။ ဧည့်သည်အနေနဲ့ တက်ဖို့ပေါ့။ ဧည့်သည် တက်တဲ့စာရင်းမှာ စာရင်းမှာ ဂျာနယ်အယ်ဒီတာချုပ်တွေ ပါတယ်။ မင်းပွဲစိုးပွဲတွေကို ခေါ်တယ်ဆိုတဲ့ သဘောပေါ့။ လူကြီး တွေဆိုတော့ ဖွင့်ပေးလိုက်ရင် အကုန်လုံးက sensitive ဖြစ်မယ့်​ဟာ​တွေကို သိပ်ပြီးတော့ မေးမြန်းမယ့်သူတော့ မပါဘူးလေ။ အယ်ဒီတာချုပ်တွေဆိုတော့။”

စာပေစိစစ်ရေးကနေ ပြည်တွင်းထုတ်ဂျာနယ်အတော်များများက အယ်ဒီတာချုပ်တွေကို ဖိတ်ကြားထားပေမယ့် ရန်ကုန်အခြေစိုက် နိုင်ငံခြား သတင်းထောက်တွေကိုတော့ ဖိတ်ကြားတာ မရှိတဲ့အပေါ် ခွဲခြားမှုတွေရှိတယ်လို့ ဝေဖန်ကြတာမျိုးတွေလည်း ရှိနေပါတယ်။

မနက်ဖြန်လုပ်မယ့် ပြည်သူ့လွှတ်တော်ဥက္ကဋ္ဌ ဦးရွှေမန်းရဲ့တွေ့ဆုံပွဲ အခမ်းအနားအစီအစဉ်တွေကို ဖိတ်ကြားခံထားရတဲ့ အမျိုးသားလွှတ်တော် ကိုယ်စားလှယ် ဦးဘုန်းမြင့်အောင်က အခုလိုပြောပြပါတယ်။

“သူက မနက်ဖြန်အစီအစဉ်မှာ ၁၂ နာရီကို ပြည်သူ့ရင်ပြင်မှာ ဆုံရပ်ပါ။ အဲဒီကနေ အစည်းအဝေးကို တနာရီကြိုရောက်ရမယ်။ တနာရီမှာ ကျနော်တို့ကို focus လုပ်ပါမယ်။ ခေါင်းပေါင်းမလိုပါဘူး၊ တိုက်ပုံနဲ့ စိစစ်ရေးကတ်ပြား ယူဖို့ ပြောပါတယ်။ လွှတ်တော်ရုံးကတော့ ကျနော်တို့ကို မူအရဖိတ်တာပါ။ ဦးရွှေမန်းလို့ပဲ ပြောပါတယ်။ ကျန်တာ သူတို့ ဘာမှ မပြောပါဘူး။”

ပြည်သူ့လွှတ်တော်ဥက္ကဋ္ဌ ဦးရွှေမန်းအနေနဲ့ ဒီအခမ်းအနားမှာ ရန်ကုန်တိုင်းဒေသကြီး အစိုးရ အပါအ၀င် လွှတ်တော်ကိုယ်စားလှယ်တွေနဲ့ ဂျာနယ် အယ်ဒီတာချုပ်တွေကို ဘယ်လို အကြောင်းအရာတွေ ရှင်းလင်းပြောကြားမယ် ဆိုတာကတော့ စောင့်ကြည့်ရမှာ ဖြစ်ပါတယ်။
Ref: DVB

Read More...

စစ်အာဏာရှင်ခေတ် မြန်မာနှင့် အိန္ဒိယ ဆက်ဆံရေး

အောင်လင်းထွဋ်
23 June 2011

အိန္ဒိယနိုင်ငံ တောင်ပိုင်းရှိ တမီလ်နာဒူး ပြည်နယ်တွင် ၁၉၉၁ ခုနှစ် မေ လ ၂၁ ရက်နေ့က အိန္ဒိယ ၀န်ကြီးချုပ် ရာဂျစ်ဂန္ဓီ (Rajiv Gandhi) လုပ်ကြံခံခဲ့ရပြီး နောက်ပိုင်း မြန်မာနိုင်ငံ၏ ဒီမိုကရေစီရေး လှုပ်ရှားမှုများအပေါ် အိန္ဒိယခေါင်းဆောင် အဆက်ဆက်သည် ယနေ့ထိတိုင် လျစ်လျူရှုခဲ့ကြသည်။ ကမ္ဘာ့ အင်အားအကြီးဆုံး ဒီမိုကရေစီနိုင်ငံတော်ဟု ကြွေးကြော်နေသော အိန္ဒိယနိုင်ငံသည် မြန်မာ့ဒီိမိုကရေစီအရေးကို မျက်ကွယ်ပြု၍ တရုတ်အရေးနှင့် စီးပွားရေးကို ရှေ့တန်းတင်ပြီး ၁၉၉၂ ခုနှစ်မှစ၍ မြန်မာစစ်အာဏာရှင်အစိုးရကို ဆက်သွယ်မှုများ ပြုလုပ်ခဲ့သည်။


၁၉၈၈ ခုနှစ် အရေးအခင်းပြီးကာစတွင် တရုတ်နှင့် အမေရိကန်သည် မြန်မာနိုင်ငံ၏ ရန်သူဖြစ်လာဖွယ်နိုင်ငံ (Potential Enemy Country) ဟု သတ်မှတ်ခဲ့ပြီး တရုတ်နယ်စပ်နှင့် ထိုင်းနယ်စပ်တို့အား မြန်မာ စစ်အာဏာရှင်တို့အနေဖြင့် ကာကွယ်ရေး စစ်ရေးစီမံချက်များ ရေးဆွဲပြင်ဆင်မှုများ ရှိခဲ့သည်။ သို့သော် ၁၉၈၉-၁၉၉၀ ခုနှစ် တရုတ်နယ်စပ်တွင် တိုင်းရင်းသား လက်နက်ကိုင်များဖြင့် ငြိမ်းချမ်းရေးရရှိသွားခြင်း၊ ထိုင်းတပ်မတော် စစ်ဦးစီးချုပ် ဗိုလ်ချုပ်ကြီး ချာဗလစ် ယောင်ချိုင်ယု (General Chavalit Yongchaiyudh) လာရောက် လည်ပတ်ပြီးနောက် ထိုင်း-မြန်မာ ဆက်ဆံရေး ကောင်းလာခြင်းတို့ကြောင့် ထိုစဉ်အချိန်အခါက တရုတ်နှင့် အမေရိကန်သည် ရန်သူ ဖြစ်မလာနိုင်၊ မြန်မာ့ ဒီမိုကရေစီရေး လှုပ်ရှားမှုကို ပြင်းပြင်းထန်ထန် အားပေးနေသော အိန္ဒိယနိုင်ငံသည်သာ ရန်သူဖြစ်လာနိုင်ဖွယ်ရှိသည်ဟု ပြောင်းလဲသတ်မှတ်ခဲ့သည်။

၁၉၉၂ ခုနှစ် ဧပြီလတွင် ဗိုလ်ချုပ်မှူးကြီး သန်းရွှေ အာဏာရယူခဲ့ပြီးနောက် ရန်ကုန်ရှိ မြန်မာနိုင်ငံဆိုင်ရာ အိန္ဒိယ သံအမတ်ကြီးနှင့် သံရုံးရှိ အိန္ဒိယ ထောက်လှမ်းရေးအရာရှိတို့မှ မြန်မာစစ်ထောက်လှမ်းရေးကို ဆက်သွယ်လာခဲ့ပြီး အိန္ဒိယနိုင်ငံ၏ အရှေ့မျှော်မူဝါဒ (Look East Policy) ကို ရှင်းပြ၍ မြန်မာ-အိန္ဒိယ ဆက်ဆံရေး ကောင်းမွန်အောင် ဆောင်ရွက်လိုကြောင်း စတင်ကမ်းလှမ်းမှုများ လုပ်ခဲ့သည်။

၁၉၉၂ ခုနှစ် သြဂုတ်လတွင် စစ်ထောက်လှမ်းရေးမှ ဒု ဗိုလ်မှူးကြီး ကျော်သိန်း (ဗိုလ်မှူးချုပ် ကျော်သိန်း)၊ နိုင်ငံခြားရေးဝန်ကြီးဌာနမှ ညွှန်ကြားရေးမှူး ဦးအေး (ကနေဒါနှင့် သြစတြေးလျနိုင်ငံ သံအမတ်ကြီးဟောင်း) တို့ ၂ ဦးကို ဗိုလ်ချုပ်မှူးကြီး သန်းရွှေက အိန္ဒိယနိုင်ငံသို့ စေလွှတ်ခဲ့သည်။ ၎င်းတို့ ၂ ဦးကို အိန္ဒိယအစိုးရ၊ တပ်မတော်နှင့် ထောက်လှမ်းရေးဆိုင်ရာ အဆင့်မြင့် တာဝန်ရှိသူများမှ အထူးကိုယ်စားလှယ်အနေဖြင့် လက်ခံတွေ့ဆုံခဲ့သည်။ အိန္ဒိယနိုင်ငံဘက်မှ စစ်ရေးပူးပေါင်းဆောင်ရွက်မှုနှင့် ပတ်သက်၍ နယ်စပ်ဒေသရှိ နာဂနှင့် ကသည်း လူမျိုးစုသူပုန်များ ပူးပေါင်းနှိမ်နင်းရေး၊ စစ်ဘက်ဆိုင်ရာ ပစ္စည်းများ ထောက်ပံ့ရေး၊ စစ်ဘက်အရာရှိများ အိန္ဒိယနိုင်ငံတွင် သင်တန်းတက်ရောက်ခွင့်၊ ထောက်လှမ်းရေးသတင်းများ အပြန်အလှန်ဖလှယ်ရေး၊ စီးပွားရေးအတွက် အိန္ဒိယနိုင်ငံ နယ်စပ် မိုးရေးမြို့မှ တမူး၊ ကလေးသို့ ဖောက်ထားသော ကားလမ်းပြုပြင်ရေး အစရှိသည်တို့ကို အိန္ဒိယနိုင်ငံဘက်မှ ကမ်းလှမ်းခဲ့သည်။

ကိုယ်စားလှယ်အဖွဲ့ မြန်မာနိုင်ငံသို့ ပြန်ရောက်ပြီး ဗိုလ်ချုပ်မှူးကြီး သန်းရွှေကို သတင်းပို့သည့်အခါ ဗိုလ်ချုပ်မှူးကြီး သန်းရွှေ၏ မှတ်ချက်က “ဒီ ကုလားတွေ စိတ်ချရတာမဟုတ်ဘူး။ မင်းတို့ သတိထားပြီး ဆက်ဆံကြ” ဟု ပြောခဲ့သည်။ ထိုနောက်ပိုင်းတွင် မြန်မာစစ်တပ်ဘက်က စစ်ရေးအရ လိုက်လျောသည့်အနေဖြင့် အိန္ဒိယမှ နာဂသူပုန်တို့ကို တိုက်ခိုက်ပေးခဲ့သေးသည်။ နာဂသူပုန် အင်အား ၁၀၀ ကျော် ဘင်္ဂလားဒေ့နိုင်ငံ စစ်တကောင်းတောင်တန်းတွင် စစ်သင်တန်းတက်ရောက်ပြီး မြန်မာနိုင်ငံနယ်နမိတ်အတွင်းမှ ဖြတ်မည်ဟူသောသတင်းကို အိန္ဒိယထောက်လှမ်းရေးက ပေးခဲ့သဖြင့် ဗိုလ်ချုပ်မှူးကြီး သန်းရွှေကို တင်ပြခဲ့သည်။ ကာကွယ်ရေးဦးစီးချုပ်ရုံး (ကြည်း) ၏ ကွပ်ကဲမှုဖြင့် မြောက်ပိုင်းတိုင်း စစ်ဌာနချုပ်နှင့် အနောက်မြောက်တိုင်း စစ်ဌာနချုပ် လက်အောက်ခံ ခြေလျင် ခြေမြန် တပ်ရင်းများ စေလွှတ်ကာ တိုက်ခိုက်ခဲ့သဖြင့် နာဂသူပုန် ၇၅ ယောက်ကျော် သေဆုံးခဲ့ပြီး အများအပြား ဒဏ်ရာရရှိခဲ့သည်။ မြန်မာစစ်တပ်ဘက်မှ အနည်းငယ်သာ ထိခိုက်ဒဏ်ရာရရှိခဲ့သည်။

ထိုစဉ်က ဦးသိန်းစိန်မှာ ကာကွယ်ရေး ဦးစီးချုပ်ရုံး (ကြည်း) ၏ စစ်ဦးစီး ဗိုလ်မှူးကြီး ဖြစ်သည်။ နာဂ၊ ကသည်း တော်လှန်ရေးသမားတို့၏ သတင်းများကို ယခင်က မကြာခဏ မြန်မာစစ်ထောက်လှမ်းဌာနက ရရှိ၍ ကာကွယ်ရေး ဦးစီးချုပ်ရုံး (ကြည်း) သို့ တင်ပြခဲ့သော်လည်း ဗိုလ်ချုပ်မှူးကြီး သန်းရွှေ အနေဖြင့် ယခုကဲ့သို့ ခွင့်မပြုခဲ့ပါ။ ၁၉၉၃ ခုနှစ်မှစ၍ အိန္ဒိယနိုင်ငံ ကာကွယ်ရေးတက္ကသိုလ်၌ ဗိုလ်မှူး မိုးဟိန်း (ဗိုလ်ချုပ် မိုးဟိန်း၊ အငြိမ်းစား နိုင်ငံတော်ကာကွယ်ရေးတက္ကသိုလ် ကျောင်းအုပ်ကြီး)၊ ဗိုလ်မှူး ဉာဏ်ဝင်း (ဗိုလ်ချုပ် ဉာဏ်ဝင်း၊ နိုင်ငံခြားရေးဝန်ကြီးဟောင်း၊ ပဲခူးတိုင်းဒေသကြီးဝန်ကြီးချုပ်) တို့အပါဝင် မြန်မာစစ်တပ်အရာရှိများ နှစ်စဉ် သင်တန်းတက်ရောက်ခဲ့ကြသည်။

နာဂ တော်လှန်ရေးသမားများအား နှိမ်နင်းပေးခြင်းကို အကြောင်းပြု၍ မြန်မာ-အိန္ဒိယ ဆက်ဆံရေး ကောင်းတော့မည်ဟု ထင်ခဲ့ကြသော်လည်း ၁၉၉၃ ခုနှစ်တွင် ဒေါ်အောင်ဆန်းစုကြည်အား အိန္ဒိယအစိုးရမှ ၁၉၉၂ ခုနှစ်အတွက် ဂျဝါဟလာ နေရူးဆု (Jawaharlal Nehru Award) ကို ပေးခဲ့သဖြင့် ဗိုလ်ချုပ်မှူးကြီး သန်းရွှေ အကြီးအကျယ် ဒေါသထွက်ခဲ့သည်။ “ဒီကုလားတွေ ကုလားမူ လာမူတိုင်း မင်းတို့မယုံကြနဲ့၊ နောင်ဒီကောင်တွေ တောင်းတိုင်း မပေးနဲ့တော့” ဟု ပြောခဲ့ကြောင်း သိရသည်။ ထို့နောက်ပိုင်း မြန်မာ-အိန္ဒိယ ဆက်ဆံရေးတွင် မြန်မာဘက်က ခပ်ခွာခွာနေခဲ့ပြီး နိုင်ငံတကာအရေးများတွင် လိုအပ်သည့် ထောက်ခံမှုများရရန် ကိစ္စများ၌သာ တရုတ်နှင့် ဆက်ဆံရေး၊ သဘာဝဓာတ်ငွေ့ အရေးများကို အကြောင်းပြ ဆက်ဆံခဲ့ကြသည်။ နိုင်ငံတကာနိုင်ငံရေး ပထ၀ီမဟာဗျူဟာအရ အိန္ဒိယကို တရုတ်နှင့် ထိန်းညှိထားခြင်းသာဖြစ်သည်။

မြန်မာစစ်တပ်မှ သတင်းလွှင့်ထားသော မြန်မာပိုင် ကိုးကိုးကျွန်း ရေဒါစခန်း၌ တရုတ်များက အိန္ဒိယကို ထောက်လှမ်းမှုများ ပြုလုပ်နေသည်ဆိုသော သတင်းကို အိန္ဒိယသည် ယခုအထိ ယုံနေကြဆဲဟု ယူဆပါသည်။ နာဂ၊ ကသည်း သူပုန်များ နှိမ်နင်းရေးအတွက် အိန္ဒိယဘက်မှ သတင်းထပ်မံ ပေးခဲ့သော်လည်း ယခုအချိန်အထိ အရေးယူဆောင်ရွက်ခြင်း ပြုလုပ်ရန် ခွင့်မပြုတော့ပါ။ ၁၉၉၃ ခုနှစ် နှောင်းပိုင်းလောက်မှစ၍ မြန်မာနယ်နမိတ်အတွင်းရှိသော အိန္ဒိယ သူပုန်များကို အားလည်းမပေး၊ နှောက်လည်း မနှောက်ယှက်သောမူကို ယခုအထိ ကျင့်သုံးနေဆဲဖြစ်သည်။ ရံဖန်ရံခါ အိန္ဒိယ သူပုန်များ မြန်မာနယ်မြေမှဖြတ်၍ လက်နက်ဝယ်ယူမှုများ ရှိခဲ့သော်လည်း ကာကွယ်ရေး ဦးစီးချုပ်ရုံး (ကြည်း) အမိန့်ဖြင့် မသိဟန် ဆောင်ခိုင်းခဲ့သည်များ ရှိခဲ့သည်။ ၁၉၉၄ ခုနှစ်ခန့်မှစ၍ ပါကစ္စတန် ထောက်လှမ်းရေးကလည်း မြန်မာစစ်အစိုးရအား ချဉ်းကပ်ပြီး ပါကစ္စတန်တွင် မြန်မာ စစ်အရာရှိများနှင့် ထောက်လှမ်းရေးများအား သင်တန်းပေးရေး၊ အဆင့်မြင့်အရာရှိများ လည်ပတ်ရေး၊ အိန္ဒိယနယ်စပ်တွင် အဆင့်မြင့် ဆက်သွယ်ရေး ကိရိယာများ တပ်ဆင်ပေးရေးတို့ကို ကမ်းလှမ်းလာခဲ့သည်။

၁၉၉၆ ခုနှစ် နောက်ပိုင်းတွင် အေးတိအေးစက်ဖြစ်နေသော ဆက်ဆံရေးကို ပြန်လည် အသက်သွင်းသည့်အနေဖြင့် အိန္ဒိယ စစ်ထောက်လှမ်းရေးက မြန်မာနိုင်ငံဖွား ဒု ဗိုလ်မှူးကြီးအဆင့်ရှိ ဂရေးဝါးလ် (မြန်မာအမည် မျိုးမြင့်) ကို စေလွှတ်၍ မြန်မာစစ်အစိုးရကို ဆန့်ကျင်နေသော ကရင်နှင့် ရခိုင် သူပုန်များကို အိန္ဒိယစစ်တပ်အနေဖြင့် နှိမ်နင်းပေးမည်ဟု ကမ်းလှမ်းလာခဲ့သည်။ အလားတူ ထိုစဉ်က မြန်မာနိုင်ငံဆိုင်ရာ အိန္ဒိယသံအမတ်ကြီး (ယခု အိန္ဒိယ နိုင်ငံခြားရေးဝန်ကြီးဌာန အတွင်းဝန်) အနေဖြင့် ဆက်ဆံရေး ပြန်လည် ကောင်းမွန်စေရန် အထူးကြိုးစားခဲ့သည်။

ဒုဗိုလ်မှူးကြီး ဂရေးဝါးလ်သည် ထိုင်းနိုင်ငံ တောင်ပိုင်းရှိ အိန္ဒိယ စစ်ထောက်လှမ်းရေး သတင်းပေးများ အကူအညီဖြင့် ကရင်နှင့် ရခိုင် တော်လှန်ရေးသမားများနှင့် အဆက်အသွယ်ရယူခဲ့ပြီး ဘင်္ဂလားဒေ့နိုင်ငံ စစ်တကောင်းတောင်တန်းတွင် သင်တန်းတက်နေသော နာဂ၊ ကသည်း သူပုန်များအတွက် လက်နက်မှောင်ခို ၀ယ်ယူရေး အသွင်ယူ တွေ့ဆုံမှုများ လုပ်ခဲ့သည်။ ထို့ပြင် ကရင်နှင့် ရခိုင် တော်လှန်ရေးသမားများကိုလည်း လှည့်ဖြားကာ နိုင်ငံရေးအရ အကူအညီပေးမယောင် စည်းရုံးသိမ်းသွင်းခဲ့သည်။ ဂရေးဝါးလ်က လှုပ်ရှားမှုအသေးစိတ်ကို နှစ်နှင့်ချီ၍ မြန်မာအစိုးရအား သတင်းပို့ကာ ယုံကြည်မှု တည်ဆောက်ခဲ့သည်။ ၁၉၉၈ ခုနှစ် ဖေဖော်ဝါရီလတွင် သက်သေပြသည့်အနေဖြင့် မြန်မာအစိုးရကို ဆန့်ကျင်သော ကရင်နှင့် ရခိုင် တော်လှန်ရေးသမားများကို အိန္ဒိယမှ နှိမ်နင်းပေးသည်ဟု သဘောသက်ဝင်အောင် သတ်သူကိုသတ်ပြီး ဖမ်းသူကိုဖမ်းပြခဲ့သည်။

ထို့အပြင် ဂရေးဝါးလ်က မြန်မာရေပြင်နယ်နမိတ် ခရစ္စတီးကျွန်းတွင် လက်နက်များရှိသည်ဟု သတင်းများပေးသဖြင့် ဗိုလ်ချုပ်မှူးကြီး သန်းရွှေ၏ ကာကွယ်ရေး ဦးစီးချုပ်ရုံး (ကြည်း) အမိန့်ဖြင့် ၁၉၉၈ ခုနှစ် ဧပြီလတွင် စစ်ဦးစီးအရာရှိချုပ် (ရေ) ဗိုလ်မှူးချုပ် ကြည်မင်း (ယခု ထားဝယ် ပြည်သူ့လွှတ်တော် ကိုယ်စားလှယ်)၊ စစ်ဦးစီးအရာရှိချုပ် (လေ) ဗိုလ်မှူးချုပ် မြင့်ဆွေ (ဦးနေ၀င်း၏ မြေးများကိစ္စဖြင့် အဖြုတ်ခံရသူ)၊ အမှတ် (၁၃) စစ်ဆင်ရေး ကွပ်ကဲမှုအဖွဲ့ချုပ် တပ်မမှူး ဗိုလ်မှူးချုပ် မြင့်အောင် (စစ်ရေးချုပ်ဟောင်း၊ ကာကွယ်ရေးဝန်ကြီး မလုပ်လို၍ အဖြုတ်ခံရသူ) တို့ ဦးစီးသည့် ကြည်း၊ ရေ၊ လေ ပူးပေါင်းစစ်ဆင်ရေးကို ပြုလုပ်ခဲ့သည်။

ထိုစစ်ဆင်ရေးတွင် ခရစ္စတီးကျွန်းပေါ်ရှိ သစ်ခုတ်၊ ၀ါးခုတ်၊ ငါးဖမ်း လုပ်ကိုင်စားသောက်နေသော ကလေးငယ်များ၊ အမျိုးသမီးများ အပါဝင် သာမန်အရပ်သူအရပ်သား ၈၁ ဦးကို ဖမ်းဆီးခဲ့သည်။ ၁၉၉၈ ခုနှစ် မေလတွင် အဆိုပါ သာမန်အရပ်သူအရပ်သား ၈၁ ဦးကို ဗိုလ်ချုပ်မှူးကြီး သန်းရွှေ အမိန့်ဖြင့် ပူးပေါင်းစစ်ဆင်ရေး ကွပ်ကဲမှုအဖွဲ့မှ ကော့သောင်းအခြေစိုက် စစ်ဗျူဟာမှူး ဗိုလ်မှူးကြီး ဇော်မင်း (လက်ရှိ အမှတ် ၁ လျှပ်စစ်ဝန်ကြီးနှင့် ယခင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း တွဲဘက် အထွေထွေ အတွင်းရေးမှူး) ကို အားလုံး သတ်ပစ်ရန် ဆက်လက် အမိန့်ပေးခဲ့သည်။ တာဝန်ယူ ပစ်သတ်ခဲ့သည့် တပ်ရင်းမှူး နှစ်ဦးမှာ ဒု ဗိုလ်မှူးကြီး စိုးတင် (အမှတ် ၂၆၂ ခြေလျင်တပ်ရင်း)၊ ဒု ဗိုလ်မှူးကြီး ၀င်းဆွေ (အမှတ် ၄၀၃ ခြေလျင်တပ်ရင်း) တို့ ဖြစ်သည်။ ထိုအချိန်က ကာကွယ်ရေး ဦးစီးချုပ်ရုံး (ကြည်း) ၏ စစ်ဦးစီး ဗိုလ်မှူးချုပ်မှာ ဗိုလ်မှူးချုပ် မြင့်ဆွေ (ဒု ဗိုလ်ချုပ်ကြီးဟောင်း၊ လက်ရှိ ရန်ကုန်တိုင်ဒေသကြီး ၀န်ကြီးချုပ်) ဖြစ်သည်။

အဆိုပါဖြစ်စဉ်များပြီးနောက် အိန္ဒိယ ရေနံကုမ္မဏီများကို ရခိုင်ကမ်းလွန်ရေနံနှင့် သဘာဝဓာတ်ငွေ့ ရှာဖွေရေး လုပ်ကိုင်ခွင့်များတွင် ပါဝင်ခွင့်များ ချပေးခဲ့သည်။ သဘာဝဓာတ်ငွေ့များ ထွက်လာသည့်အခါ အိန္ဒိယနိုင်ငံအား ဦးစားပေး၍ ရောင်းချပေးမယောင် မက်လုံးများ ပေးခဲ့သည်။ နယ်စပ်သူပုန်များ အရေးနှင့်ပတ်သက်၍ ကိုယ်တိုင်ဝင်ရောက် မတိုက်ပေးသော်လည်း သူပုန်များကို အတိုင်အတာတခုအထိ အားပေးအားမြှောက် မပြုလုပ်တော့ပါ။ ဤသို့ဖြင့် အိန္ဒိယအစိုးရအပေါ် ဗိုလ်ချုပ်မှူးကြီး သန်းရွှေက မလျှော့မတင်းမူဝါဒကို ကျင့်သုံးပြီး နိုင်ငံတကာဆက်ဆံရေးအတွက် ထောက်ခံမဲတမဲ အိတ်ကပ်ထဲသို့ ထည့်ထားနိုင်ခဲ့သည်။

၂၀၀၄ ခုနှစ် အောက်တိုဘာလက ဗိုလ်ချုပ်ကြီး ခင်ညွန့်နှင့် စစ်ထောက်လှမ်းရေးအဖွဲ့ကို ဖမ်းဆီးပြီး ရက်ပိုင်းအတွင်း ဗိုလ်ချုပ်မှူးကြီး သန်းရွှေသည် အိန္ဒိယနိုင်ငံသို့ သွားရောက်လည်ပတ်ခဲ့သည်။ အဆိုပါခရီးစဉ်တွင် မြန်မာအစိုးရနှင့် အိန္ဒိယအစိုးရအကြား သမားရိုးကျ မဟုတ်သော လုံခြုံရေးကိစ္စများ ပူးပေါင်းဆောင်ရွက်ရေး သဘောတူညီချက်၊ ထမံသီ ရေအားလျှပ်စစ်ထုတ်လုပ်ရေးစီမံကိန်း သဘောတူညီချက်၊ ၂၀၀၄-၂၀၀၆ ခုနှစ်အတွက် ယဉ်ကျေးမှုဖလှယ်ရေး အစီအစဉ်သဘောတူညီချက်၊ စုစုပေါင်း သဘောတူညီချက် ၃ ခု လက်မှတ်ရေးထိုးခဲ့ကြသည်။ အဆိုပါ သဘောတူညီချက် ၃ ခုအနက် အိန္ဒိယဘက်က နယ်စပ်လုံခြုံရေးနှင့် ပတ်သက်၍ ဦးစားပေးဆောင်ရွက်စေချင်သကဲ့သို့၊ မြန်မာဘက်ကလည်း ထမံသီ ရေအားလျှပ်စစ် ထုတ်လုပ်ရေးစီမံကိန်းကို အမြန် အကောင် ထည်ဖော်စေချင်ခဲ့သည်။

၂၀၀၆ ခုနှစ် မတ်လတွင် အိန္ဒိယသမ္မတ ဒေါက်တာ အဗ္ဗဒူ ကလမ် (Dr. Abdul Kalam) နှင့်အဖွဲ့ မြန်မာနိုင်ငံသို့ လာရောက်စဉ် အချိန်တွင်လည်း အိန္ဒိယအစိုးရက နယ်စပ်ရှိ နာဂ၊ ကသည်း သူပုန်များထံ လက်နက်ခဲယမ်းများ ရောက်ရှိနေမှု တပ်မတော်ချင်းပူးပေါင်း၍ နှိမ်နင်းလိုကြောင်း၊ ကုလားတန်မြစ် ဘက်စုံစီမံကိန်းနှင့် စစ်တွေမြို့တွင် ရေနက်ဆိပ်ကမ်း တည်ဆောက်ရေးစီမံကိန်း အမြန်အကောင် ထည်ဖော်လိုကြောင်း၊ မဲခေါင်-ဂင်္ဂါ ပူးပေါင်းဆောင်ရွက်ရေးအတွက် အိန္ဒိယ-မြန်မာ-ထိုင်း လမ်းမကြီးကို အမြန်အကောင်ထည်ဖော်လိုကြောင်း ပြောကြားခဲ့သည်။

ထို့အပြင် နည်းပညာနှင့် ပတ်သက်၍ ကွန်ပြူတာနည်းပညာများ အကူအညီပေးသွားရန်၊ မြန်မာနိုင်ငံရှိ သိပ္ပံဓာတ်ခွဲခန်းများ အဆင့်မြင့်စေရေး အကူညီပေးသွားရန်၊ e-Government စီမံကိန်းများအတွက် မြန်မာအရာရှိများအား သင်တန်းများ ပို့ချပေးသွားရန်နှင့် မကြာမီကာလတွင် မြန်မာနိုင်ငံ၌ Entrepreneurship Development Center တည်ဆောက်ပေးသွားရန် အိန္ဒိယ သမ္မတက ဆိုသည်။

နိုင်ငံတကာရေးရာနှင့် ပတ်သက်၍ အိန္ဒိယ သမ္မတက ကုလသမဂ္ဂ လုံခြုံရေးကောင်စီတွင် အိန္ဒိယနိုင်ငံက အမြဲတမ်းအဖွဲ့ဝင်အဖြစ် ၀င်ခွင့်ရရှိရန် အဆိုပြုထားချက်အပေါ် မြန်မာနိုင်ငံမှ ထောက်ခံမှုပေးခြင်းအတွက် ကျေးဇူးတင်ကြောင်း၊ အိန္ဒိယနိုင်ငံ အနေဖြင့်လည်း မြန်မာနိုင်ငံကို ကုလသမဂ္ဂ ညီလာခံအစည်းအဝေးများ၊ ILO အစည်းအဝေးများ၊ Human Right Council အစည်းအဝေးများတွင် ထောက်ခံမှု ပေးသွားမည်ဖြစ်ကြောင်း ပြောခဲ့သည်။

မြန်မာစစ်အစိုးရက ပြန်လည် ဆွေးနွေးရာတွင် နယ်စပ်ရှိ နာဂ၊ ကသည်း သူပုန်များထံ ရောက်ရှိနေသော လက်နက်ခဲယမ်းများသည် ထိုင်းနှင့် ကမ္ဘောဒီးယား နိုင်ငံများမှ ဖြစ်ကြောင်း၊ အိန္ဒိယ-မြန်မာ-ထိုင်း လမ်းမကြီးအတွက် မြန်မာနိုင်ငံအတွင်း တံတားကြီး ၅ စင်းတည်ဆောက်ရန် အိန္ဒိယအစိုးရမှ အမေရိကန်ဒေါ်လာသန်း ၂၅၀ ကို ချေးငွေအဖြစ် ထုတ်ပေးစေလိုကြောင်း၊ ကွန်ပြူတာနည်းပညာများ အကူအညီပေးရေးနှင့် ပတ်သက်၍ မေမြို့တွင် ICT Park တည်ဆောက်ရန် အိန္ဒိယအစိုးရမှ ငွေကြေးနှင့် နည်းပညာ အကူညီ တောင်းလိုကြောင်း၊ သံ၊ ကြေးနီ၊ နီကယ် သတ္တုရိုင်းများ တန်ချိန် သန်းပေါင်းများစွာ မြန်မာနိုင်ငံ အထက်ပိုင်းတွင် ထုတ်လုပ်ရန် လျှပ်စစ်ဓာတ်အားလိုကြောင်း၊ ထို့ကြောင့် ၂၀၀၄ ခုနှစ်တွင် ဗိုလ်ချုပ်မှူးကြီး သန်းရွှေ အိန္ဒိယနိုင်ငံသို့ လည်ပတ်စဉ် သဘောတူ လက်မှတ်ရေးထိုးခဲ့သော ထမံသီ စီမံကိန်းကို အမြန်အကောင်ထည် ဖော်လိုကြောင်း ပြောခဲ့သည်။

နိုင်ငံတကာ ဆက်ဆံရေးနှင့် ပတ်သက်၍ မြန်မာစစ်အစိုးရ၏ လမ်းပြမြေပုံကို ရှင်းပြပြီး အနောက်နိုင်ငံများကို အနှောက်အယှက်မပေးရေး အိန္ဒိယနိုင်ငံအနေဖြင့် တိုက်တွန်းပြောကြားပေးစေလိုကြောင်း၊ နိုင်ငံတကာတွင် မြန်မာစစ်အစိုးရဘက်မှ ထောက်ခံ ရပ်တည်ပေးသည့်အတွက် ကျေးဇူးတင်ကြောင်း မြန်မာစစ်အစိုးရက ပြောဆိုခဲ့သည်။

၂၀၁၀ ခုနှစ် ဇူလိုင်လတွင် ဗိုလ်ချုပ်မှူးကြီး သန်းရွှေ၏ အိန္ဒိယနိုင်ငံသို့ ဒုတိယအကြိမ် လည်ပတ်သည့် ခရီးစဉ်တွင် ၂၀၁၀ ရွေးကောက်ပွဲနှင့် အစိုးရသစ်ကို အိန္ဒိယနိုင်ငံမှ ထောက်ခံပေးရေး၊ နိုင်ငံတကာ၏ အသိအမှတ်ပြုမှုခံရရေးတို့ကို ကူညီဆောင်ရွက်ပေးရန် မေတ္တာရပ်ခံခဲ့ခြင်းနှင့် ယခင်အတိုင်း နောင်အစိုးရလက်ထက်တွင်လည်း ချစ်ကြည်ရေးကို ထိန်းသိမ်းသွားရန်တို့ ဆွေးနွေးခဲ့ကြောင်း သိရသည်။ သို့သော် ခရီးစဉ်၏ အဓိကရည်ရွယ်ချက်မှာ မိသားစု ဘုရားဖူး လည်ပတ်ခြင်းသာ ဖြစ်သည်။

နှစ်ပေါင်း ၂၀ နီးပါး မြန်မာ-အိန္ဒိယ ဆက်ဆံရေးကို လေ့လာကြည့်လျှင် အပေါ်ယံ အဆင်ပြေသယောင် ထင်ရသော်လည်း အမှန်တကယ်၌ နောက်ကွယ်တွင် မရိုးသားမှု အများအပြားရှိနေသည်ကို တွေ့ရမည်ဖြစ်သည်။ မြန်မာ-အိန္ဒိယ ခေါင်းဆောင်ချင်း သဘောတူညီချက်များစွာ လက်မှတ်ထိုးခဲ့ကြသော်လည်း ယနေ့အချိန်အထိ ပီပီပြင်ပြင် အကောင်အထည်ပေါ်လာသော စီမံကိန်းများ မတွေ့ရသေးပါ။ အဆင်ပြေလိုက်၊ မပြေလိုက်နှင့် ဆွေးနွေးနေသည့်အဆင့်သာ ရှိနေသည်။ အိန္ဒိယကလည်း မပြတ်မသား လုပ်နေသကဲ့လို မြန်မာအစိုးရကလည်း လိမ်လိုက်ညာလိုက် လှည့်ဖျားနေသည်ကို တွေ့ရသည်။

နှစ်ပေါင်း ၂၀ နီးပါး မြန်မာ-အိန္ဒိယ ဆက်ဆံရေးတွင် မြန်မာအစိုးရ မရှုံးဟု ယူဆနိုင်သည်။ ကမ္ဘာ့ အကြီးဆုံး ဒီမိုကရေစီနိုင်ငံကြီးဖြစ်သည့် အိန္ဒိယနိုင်ငံကို အာဏာရှင်စနစ်ကျင့်သုံးသည့် စစ်အစိုးရက အရင်းအနှီး သိပ်မစိုက်ရဘဲ အိတ်ကပ်အတွင်းထည့်ထားပြီး အနောက်နိုင်ငံများနှင့် နိုင်ငံတကာ ညီလာခံများကို နိုင်ငံရေးကစားခွင့်ရခဲ့သည်။ မြန်မာအစိုးရအနေဖြင့် တရုတ်နိုင်ငံ၏ ထောက်ခံမှု ရရှိရန်အတွက်မူ စီးပွားရေး၊ နိုင်ငံရေး၊ လူမှုရေး အရင်းအနှီးများစွာ ပေးပြီးမှ ရသည်ကို တွေ့ရမည်ဖြစ်သည်။ မြန်မာစစ်ခေါင်းဆောင်များသည် အိန္ဒိယကို အဆိပ်မရှိသော ရေမြွေကဲ့သို့ သဘောထားသော်လည်း တရုတ်ကိုမူ အဆိပ်ပြင်းသော မြွေပွေးကဲ့သို့ သဘောထားပြီး ဆက်ဆံကြသည်။

မြန်မာနှင့် အိန္ဒိယသည် အင်္ဂလိပ်၏ ကိုလိုနီကျွန်အဖြစ် နှစ်ပေါင်းရာချီ၍ နေခဲ့ကြရပြီး လွတ်လပ်ရေး တိုက်ပွဲဝင်စဉ် အချိန်ကာလတွင်လည်း အိန္ဒိယ ခေါင်းဆောင်ကြီးများဖြစ်သည့် မဟတ္တမ ဂန္ဒီ၊ ဂျဝါဟလာ နေရူးတို့သည် မြန်မာ ခေါင်းဆောင်ကြီးများဖြစ်သည့် ဗိုလ်ချုပ်အောင်ဆန်း၊ ဦးနုတို့နှင့် လုပ်ဖော်ကိုင်ဖက်များ ဖြစ်ခဲ့ကြသည့်အပြင် ပုဂ္ဂိလ်ရေးအားဖြင့်လည်း ရင်းနှီးခဲ့ကြသူများဖြစ်သည်။ လွတ်လပ်ရေး၊ ဒီမိုကရေစီအရေးတို့အတွက် အသက်ပေး၍ တိုက်ပွဲဝင်ခဲ့ကြသူများလည်းဖြစ်သည်။ ထို့ကြောင့် သမိုင်းကြောင်းအရ ဒီမိုကရေစီအတွက် တိုက်ပွဲဝင်ခဲ့သော မြန်မာ-အိန္ဒိယ ဆက်ဆံရေးကို ထောက်ရှု၍လည်းကောင်း၊ အိန္ဒိယအပေါ် စိတ်ရင်းစေတနာမမှန် လိမ်လည် လှည့်ဖျားနေသော စစ်အာဏာရှင်တို့၏လုပ်ရပ်ကို ထောက်ရှု၍လည်းကောင်း၊ ဒီမိုကရေစီစနစ်ကို ကျင့်သုံးနေသည့် ကမ္ဘာ့အကြီးဆုံး ဒီမိုကရေစီနိုင်ငံကြီးဖြစ်သည့် အိန္ဒိယအစိုးရအနေဖြင့် မြန်မာစစ်အာဏာရှင်အစိုးရအား ထောက်ခံနေမှုအပေါ် ပြန်လည်စဉ်းစား သုံးသပ်သင့်ပါသည်။

(ဗိုလ်မှူးဟောင်း အောင်လင်းထွဋ်သည် တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိ မြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင် အမေရိကန်၌ နိုင်ငံရေးခိုလှုံခွင့် တောင်းခံခဲ့သည်။)
Ref: ဧရာဝတီ

Read More...

ဒီမိုကရေစီနဲ့ မအပ်စပ်တဲ့ လူတန်းစား



လူထုစိန်ဝင်း

Monday, 20 June 2011

အထက်အညာ အင်းတော်ကြီးဒေသ မာန်လည်မြို့ကလေးက လူငယ် တစ်ယောက် ဂျာနယ် တိုက်တွေကို စုံစမ်း မေးမြန်းပြီး ရောက်လာတယ်။ ချစ်စရာ မြန်မာ့ရိုးရာ ဓလေ့အတိုင်း ရောက်ရောက်ချင်း ဦးချ ကန်တော့ပြီးမှ သူ့ကိုယ်သူ မိတ်ဆက်တယ်။ နောက်တော့ သူ့ရင်ထဲမှာ မျိုသိပ် ထားရတာတွေ များလွန်းလို့ ဘယ်လိုမှ အောင့်အီး မနေနိုင်တော့လို့ လာပြီး ရင်ဖွင့်တာပါလို့ နတ်သံ မနှောဘဲ ပွင့်ပွင့်လင်းလင်း ပြောလိုက်တယ်။

ရွှေရှာကျောက်တူး
နေမကောင်းလို့ စာတောင်မရေးနိုင်တဲ့ အချိန် ဖြစ်နေပေမယ့် သူ့ခမျာ ဒီလို ရင်ဖွင့်ဖို့ သက်သက် ဝေးလံခေါင်ဖျား ဒေသက တပင်တပန်း လာခဲ့ရရှာတာ ဖြစ်တဲ့အတွက် သက်သာသလို နေရင်း နားထောင် ပေးခဲ့တယ်။ စကားပြောရင်သာ မောပြီး နားထောင်တာက မောမှ မမောတာ။ သူပြောတာက သူတို့ဒေသ တစ်ဝိုက်က လယ်သမားတွေ လယ်မလုပ်တော့ဘဲ မြစ်ရိုး တစ်လျှောက် ရွှေရှာသူတွေက ရှာကြ၊ မှော်တွေထဲသွားပြီး ကျောက်တူးသူတွေက တူးကြ ဖြစ်နေတဲ့အတွက် တစ်ချိန်ချိန်မှာ သူများနိုင်ငံက ဆန်ကို ၀ယ်စားရတဲ့ အဖြစ်မျိုး ရောက်သွားမှာ စိုးရိမ် နေရပါတယ်တဲ့။ ''ရွှေမရှိတာက ဘာမှမဖြစ်ဘူး။ ဆန်မရှိရင်တော့ ဒုက္ခ အကြီးအကျယ် ရောက်မှာ ခင်ဗျ'

မျက်နှာစိမ်းတွေ
အနီးအနား ၀န်းကျင် ဒေသတွေက သာမက မန္တလေးလို နေရာက မျက်နှာစိမ်းတွေလည်း အများကြီး တွေ့မြင် ကြရတယ်တဲ့။ ခြံစောင့်ရရင် တော်ပါပြီ၊ သွားနေပြီး လုပ်စားကြပါ။ ထွက်သမျှ သီးနှံတွေ အကုန်ယူပါလို့ ပြောတာတောင် သွားနေချင်သူ မရှိတဲ့ နေရာတွေက ခြံမြေတွေကို သိန်းရာနဲ့ ထောင်နဲ့ချီ ပေးပြီး ၀ယ်တာကို မရောင်းချင်သူ ဘယ်သူရှိပါ့မလဲ။ ဒါသဘာဝပဲ။ အပြစ်တင်လို့လည်း မရဘူး။ မနေ့ကတောင် သန်လျင် သီလ၀ါ ဆိပ်ကမ်းသွားရာ လမ်းဘေး ၀ဲယာရှိ လယ်ကွက်တွေကို အ၀ယ် လိုက်နေလို့ တစ်ဧကကို သိန်း ၂၀ လောက်နဲ့ ရောင်းနေကြတယ် ဆိုတဲ့ သတင်းတွေ ဂျာနယ် တစ်စောင်မှာ ဖတ်လိုက်ရသေးတယ်။
ဒီမိုကရေစီရဲ့ အနှစ်သာရဟာ နိုင်ငံသား တစ်ဦးချင်းစီရဲ့ အကျိုးစီးပွားကို ဖွဲ့စည်း အုပ်ချုပ်ပုံ အခြေခံဥပဒေ ထဲမှာ ထည့်သွင်းရေးဆွဲ ပြဋ္ဌာန်းပေးထားခြင်း ဖြစ်တယ် . . .

ဇောကြီးလွန်းလို့
နိုင်ငံ တည်ဆောက်စ ကာလမှာ စက်ရုံ၊ အလုပ်ရုံတွေ တည်ဆောက်ကြ၊ မြို့ပြဖွံ့ဖြိုးတွေ လုပ်ဆောင်ကြ ဆိုတာ လုပ်ရိုး လုပ်စဉ် ဖြစ်ရိုးဖြစ်စဉ် တွေမို့ ဒီသတင်းမျိုးတွေဟာ သိပ်မဆန်းပါဘူး။ ဒါပေမဲ့ စည်းလွတ် ၀ါးလွတ်တော့ မဖြစ်စေသင့်ဘူး။ ၁၉၅၀ ဦးပိုင်း ကာလက လွတ်မြောက်လာစ တရုတ်ပြည်မှာ တည်ဆောက်ရေး ဇောတွေ ကြီးမား လွန်ကဲပြီး ကျေးလက်ဒေသက အိမ်တိုင်း အိမ်တိုင်းမှာ သံရည်ကျိုဖိုတွေ ရှိရမယ်။ သံတိုသံစတွေ စုဆောင်းရှာဖွေပြီး သံရည်ကျိုလုပ်ငန်း လုပ်ရမယ်။ သံနဲ့ သံမဏိ များများ ထုတ်လုပ်နိုင်မှ မြန်မြန် စက်မှုနိုင်ငံကြီး တည်ဆောက်နိုင်မယ် ဆိုတဲ့' မဟာခုန်ပျံ ကျော်လွှား' (Great Leap Forward) စီမံကိန်းကြီး ချမှတ် လုပ်ဆောင် ခဲ့တာကြောင့် ကသောင်းကနင်း ဖြစ်မှုကြီး ကြောက်စရာ ကောင်းအောင် ပေါ်ပေါက် ခဲ့ဖူးတယ်။

သင်ခန်းစာယူသင့်
တောက လယ်သမားတွေ လယ်မစိုက်နိုင်တော့ စပါး မထွက်တော့ဘဲ ကြီးမားတဲ့ အငတ်ဘေးကြီး ကြုံတွေ့ ခဲ့ရလို့ ပေါ်လစီ အမှားကို အမြန် စွန့်ပစ်ပြီး လယ်ယာ စိုက်ပျိုးရေးကို ပြန်ပြီး ဦးစားပေးခဲ့ကြရတယ်။ ဒီအဖြစ်ကို ကောင်းကောင်း သင်ခန်းစာ ယူသင့်တယ်။ စက်ရုံတွေ ဆောက်ပါ။ မြို့ပြတွေ တည်ဆောက်ပါ။ ဒါပေမယ့် စိုက်ပျိုးနေတဲ့ လယ်ယာတွေ နေရာမှာတော့ မဆောက်သင့်ဘူး။ မြန်မာပြည်မှာ မြေလွတ်မြေရိုင်းတွေ အများကြီး ရှိပါတယ်။

စက်မှုလုပ်ငန်းနဲ့ အိုင်တီလုပ်ငန်းက စိုက်ပျိုးရေး လုပ်ငန်းထက် ပိုအရေးကြီးတယ်လို့ မယူဆသင့်ဘူး။ ''ရွှေမရှိတာက ဘာမှ မဖြစ်ဘူး။ ဆန်မရှိရင်တော့ ဒုက္ခ အကြီးအကျယ် ရောက်မှာ ခင်ဗျ'' ဆိုတဲ့ မာန်လည်က လူငယ်ပြောတဲ့ စကားကို မျက်ကွယ် ပြုမထားသင့်ဘူး။

ကမ္ဘာမှာ နံပါတ်တစ်
မြန်မာနိုင်ငံသားဟာ ဘိုးစဉ်ဘောင်ဆက်က စိုက်ပျိုးရေးနိုင်ငံ ဖြစ်တယ်။ နယ်ချဲ့ လက်အောက် ကျရောက်နေစဉ် ကာလကတောင် ကမ္ဘာမှာ ဆန်တင်ပို့ ရောင်းချတဲ့ နံပါတ်တစ် နိုင်ငံ ဖြစ်ခဲ့တယ်။ ပတ်ဝန်းကျင် ဒေသ နိုင်ငံတွေ အားလုံးလောက် နီးပါးဟာ အရွယ်အစား ပမာဏ အားဖြင့် မြန်မာနိုင်ငံထက် ကြီးမား ကျယ်ဝန်းကြတယ်။ မြေကွက်ဧရိယာ အများကြီး ရှိတယ်။ ဒါပေမဲ့ ရေမြေ အနေအထားနဲ့ ရာသီဥတု အခြေအနေက မြန်မာနိုင်ငံလောက် သပ္ပာယ ဖြစ်ပြီး မျှတတာ မရှိတာကြောင့် ဘယ်နိုင်ငံမှ ကောင်းကောင်း မစိုက်ပျိုး နိုင်ကြဘူး။ စိုက်ပြီးမိုးခေါင်လို့ သရောကြီး ခိုင်းတာနဲ့ ရိတ်သိမ်းခါနီးမှ မြစ်ရေ ချောင်းရေတွေ လျှံတက်လာလို့ ရွာကိုစွန့်ပြီး ကိုယ်လွတ် ရုန်းပြေးရတာနဲ့ အင်မတန် ဒုက္ခ ကြီးမားရှာကြတယ်။

အားလုံးပြိုသွားမယ်
မြန်မာနိုင်ငံမှာတော့ အပူလွန်လို့ အအေးလွန်လို့ လူတွေ အမြောက်အမြား သေကြရတာမျိုး မရှိသလို မိုးခေါင်လွန်းလို့၊ ရေကြီးလွန်းလို့ ဒုက္ခ ရောက်ရတာမျိုးလည်း ကြီးကြီးမားမား၊ များများစားစား မကြုံဖူးပါဘူး။ နာဂစ်ကတော့ ခြွင်းချက်ပေါ့။ နောက် ပြီးတော့ စိုက်ပျိုးရေး လုပ်ငန်းလို့ ပြောတဲ့အခါမှာ တောင်သူ လယ်သမားနဲ့ ကောက်စိုက် သမတွေကိုချည်း မြင်နေလို့ မဖြစ်ဘူး။ စိုက်ပျိုးရေး လုပ်ငန်းကို အမှီပြုပြီး ရပ်တည်နေကြရတဲ့ လူဦးရေဟာ နိုင်ငံ့လူဦးရေရဲ့ ၇၅ ရာခိုင်နှုန်းလောက် ရှိပါတယ်။ စိုက်ပျိုးရေး ယိုင်နဲ့သွားရင် ရန်ကုန် ဘုရင့်နောင်လို ကုန်စည် ဈေးကွက်ကြီး တစ်ခုလုံး ပြိုကျသွားမှာပါ။ တစ်နိုင်ငံလုံး အနှံ့ ရှိနေတဲ့ ဆန်စက်တွေနဲ့ ဆက်စပ် လုပ်ငန်းတွေ၊ လှေသမ္ဗန်နဲ့ သင်္ဘောတွေ၊ မော်တော်ကားတွေလည်း လုပ်စရာ မရှိတော့ဘဲ ဖြစ်ကုန်ကြမှာပါ။

မရှိမဖြစ် လိုအပ်ချက်
အဲဒါကြောင့် မလွဲမသွေ လုပ်ကိုလုပ်ရမယ့် စက်မှု တည်ဆောက်ရေးများ လုပ်တဲ့အခါမှာ စနစ်တကျ စီမံကိန်းချပြီး လုပ်ဖို့ အထူး လိုအပ်တယ်။ ဒါ့အပြင် မမေ့အပ်တဲ့ အချက်တစ်ခုက ဒီမိုကရေစီစနစ် ထူထောင်ရာမှာ တိုင်းသူပြည်သား အားလုံးရဲ့ တက်တက်ကြွကြွ ပါဝင် ဆောင်ရွက်မှု မရှိမဖြစ် လိုအပ်တယ် ဆိုတာ ဖြစ်တယ်။ စိတ်ရောကိုယ်ပါ အားတက်သရော ပါဝင် ဆောင်ရွက်ဖို့ ဆိုရင် တိုင်းပြည်ကို အုပ်ချုပ်နေတဲ့ အစိုးရဟာ သူတို့အားလုံး အတွက် မှန်မှန်ကန်ကန် လုပ်ဆောင်နေတယ်။ သူတို့ အကျိုးစီးပွားကို အမြဲတမ်း ကာကွယ် စောင့်ရှောက် ပေးနေတယ်လို့ သံသယ ကင်းကင်းနဲ့ လုံးဝ ယုံကြည် စိတ်ချမှု ရှိနေဖို့ လိုအပ်တယ်။

ကြိုးစားဆဲကာလ
အစိုးရ တစ်ရပ်ဟာ ပြည်သူအများကို လျစ်လျူရှုပြီး လူတစ်စု အဖွဲ့ အတွက်သာ လုပ်ဆောင်နေတယ်။ လူတစ်စု တစ်ဖွဲ့ အကျိုး စီးပွားကိုသာ ကာကွယ် စောင့်ရှောက်နေတယ်လို့ ထင်မြင် ယူဆနေရင်တော့ ဘယ်တော့မှ စိတ်ပါလက်ပါ တက်တက်ကြွကြွ ပါဝင်လာမှာ မဟုတ်တာ သေချာတယ်။ ဒီနေ့ လက်ရှိ အစိုးရသစ်ဟာ ပြည်သူလူထုရဲ့ ယုံကြည် ကိုးစားမှုကို အပြည့်အ၀ ရရှိဖို့ ကြိုးစားနေဆဲ ကာလ ဖြစ်တယ်။ အစိုးရ တာဝန်ရှိသူတွေ တစ်ယောက်ပြီး တစ်ယောက် ထွက်လာပြီး တရား ဥပဒေကို မှန်မှန်ကန်ကန် တည့်တည့်မတ်မတ် လိုက်နာ အကောင်အထည် ဖော်ကြဖို့ ပြောကြားနေကြတာ တွေ့ရတယ်။ ဒါ အလွန်အရေးကြီးတဲ့ အချက် ဖြစ်တယ်။ တရားဥပဒေဟာ ပြည်သူတွေကို အမြဲတမ်း ကာကွယ် စောင့်ရှောက်တယ်။ မျက်နှာ နှစ်ဖက် မရှိဘူး။ တရားဥပဒေရဲ့ အထက်မှာ ဘယ်သူမှ မရှိဘူးလို့ သူတို့ အမှန်တကယ် ယုံကြည်လာရင် ဘယ်လို အစိုးရမျိုး မဆို သူတို့ ထောက်ခံကြမှာ ဖြစ်တယ်။

လမ်းဘေးဈေးသည် ရှင်းတဲ့အခါ
ဒီလို အခြေအနေမှာ အဆင့် အသီးသီးက တာဝန်ရှိ ၀န်ထမ်းများဟာ စက်ရုံ အလုပ်ရုံ (အစိုးရဖြစ်ဖြစ်၊ ပုဂ္ဂလိက ဖြစ်ဖြစ်) ဆောက်ဖို့ လယ်ယာမြေများ သိမ်းယူတဲ့ အခါ၊ လမ်းဖောက် တံတားဆောက်ဖို့ လူနေ အိမ်ခြေများ သိမ်းယူတဲ့ အခါ၊ ယုတ်စွအဆုံး ပလက်ဖောင်းပေါ်က လမ်းဘေးဈေးသည်တွေ ရှင်းလင်းတဲ့ အခါ ဖြစ်ဖြစ် ဥပဒေဟာ နှစ်မျိုး မရှိဘူး ဆိုတာကို ပြတ်ပြတ်သားသား ပြဖို့ လိုပါလိမ့်မယ်။ ဒီမိုကရေစီရဲ့ အနှစ်သာရဟာ နိုင်ငံသား တစ်ဦးချင်းစီရဲ့ အကျိုးစီးပွားကို ဖွဲ့စည်း အုပ်ချုပ်ပုံ အခြေခံ ဥပဒေထဲမှာ ထည့်သွင်းရေးဆွဲ ပြဋ္ဌာန်း ပေးထားခြင်း ဖြစ်တယ်။

မအပ်စပ်ဘူး
ဥပဒေထဲမှာ ပါတယ် ဆိုရုံနဲ့လည်း မပြီးသေးဘူး။ တကယ် လက်တွေ့ ကာကွယ် စောင့်ရှောက်ပေးဖို့ လိုတယ်။ ပလက်ဖောင်းပေါ်မှာ ဈေးမရောင်းရဘူး ဆိုရင် ဘယ်သူမှကို မရောင်းရတာမျိုး ဖြစ်သင့်တယ်။ ဒီမိုကရေစီ စနစ် အောက်မှာ ပြည်သူပြည်သား အားလုံး တန်းတူညီမျှ အခွင့်အရေး ရှိတယ်။ အခွင့်ထူးခံ လူတန်းစား ဆိုတာ ဒီမိုကရေစီနဲ့ နည်းနည်းလေးမှ မအပ်စပ်ပါဘူး။

Ref: EMG

Read More...

Monthly News Commentary - June 2011 (Eng)

PDC Monthly News Commentary - June 2011-English

Read More...

ဝက်နားရွက်ပြာဆေး စမ်းသပ် ဖော်ထုတ်

ကိုပေါက်
ဇွန်လ ၂၃ ရက် ၂၀၁၁ ခုနှစ်

(ဆေးသုတေသန ပညာရှင် ဒေါက်တာအောင်မြင့်နှင့် အင်တာဗျူး)

မြန်မာနိုင်ငံ အလယ်ပိုင်း မန္တလေးတိုင်းတွင် ၂ဝ၁၁ ဖေဖော်ဝါရီမှစ၍ ကူးစက်ပြန့်ပွားလာသည့် ဝက်နားရွက်ပြာ ရောဂါမှာ နေပြည်တော်၊ မကွေးတိုင်း၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်းနှင့် မွန်ပြည်နယ်တို့ထိ ဆက်လက် ကူးစက်လာခဲ့ရာ ဝက်ကောင်ရေပေါင်း ၃၀၀၀ ခန့် သေဆုံးခဲ့ရပြီး ဖြစ်သည်။

ရောဂါဖြစ်ပွားနေသည့် ဝက်များအား ကုသခြင်းနှင့် ဆက်လက် မပြန့်ပွားရန် ထိန်းချုပ်နေသော်လည်း ကြိုတင် ကာကွယ်ဆေးမှာမူ တရားဝင် ထုတ်လုပ် ဖြန့်ဖြူးနိုင်ခြင်း မရှိသေးပေ။

အခြားနိုင်ငံများတွင် ကာကွယ်ဆေးများ ထုတ်လုပ်ထားရှိသော်လည်း မြန်မာနိုင်ငံ ဈေးကွက်သို့ မဝင်ရောက်သေးပေ။

မြန်မာဆေးပညာရှင် ဒေါက်တာအောင်မြင့်က မတ်လ ကုန်ပိုင်းတွင် ကာကွယ်ဆေးကို စတင် ဖော်ထုတ်တွေ့ရှိထားပြီး၊ ထုတ်လုပ်ခွင့်ရရှိရန် သက်ဆိုင်ရာ ဝန်ကြီးဌာနသို့ တင်ပြထားကြောင်း သိရသည်။

ဒေါက်တာအောင်မြင့်မှာ မွေးမြူရေးနှင့် ကုသရေးဦးစီးဌာနတွင် နှစ်ပေါင်း ၃ဝ တာဝန်ထမ်းဆောင်ခဲ့ပြီး၊ ဆေးသုတေသန လုပ်ငန်းများကို ၂၇ နှစ်ကြာ လုပ်ကိုင်ခဲ့ကာ ၁၉၉၉ ခုနှစ်တွင် အငြိမ်းစားယူခဲ့သည်။ နိုင်ငံတကာ ဂျာနယ်များတွင် သုတေသန စာတမ်းများ ရေးသားနေသည်။

အငြိမ်းစား ယူထားသော်လည်း “ကျနော့်စိတ်ဝင်စားမှုကတော့ ဘယ်အခြေအနေမှာ အရေးပေါ်ဖြစ်နေနေ ဝင်ကူဖို့အတွက် အဆင်သင့်ပါ” ဟု ဆိုသည့် ဒေါက်တာအောင်မြင့်ကို မဇ္ဈိမသတင်းထောက် ကိုပေါက်က ဆက်သွယ်မေးမြန်းထားပါသည်။


ဝက်နားရွက်ပြာရောဂါ ကာကွယ်ဆေးကို ဆရာ ဖော်ထုတ်တွေ့ရှိထားတယ်လို့ သိရပါတယ်။

“ဟုတ်ပါတယ်။ မတ်လကုန်ပိုင်းလောက်ကပါ။ ဖေဖော်ဝါရီ၊ မတ်လမှာ မိတ်ဆွေ တိရစ္ဆာန်ဆေးကု ဆရာဝန်တွေရဲ့ တိုက်တွန်းချက်နဲ့ စလုပ်ခဲ့တာပါ။ လက်တွေ့စမ်းတာကတော့ မတ်လ တတိယပတ်လောက်ကပါ”

ဘယ်အဆင့်ထိ ရောက်နေပြီလဲခင်ဗျ။

“အစောတလျင် Rush လုပ်ပြီးတော့ စမ်းသပ်စစ်ဆေး trial လုပ်တဲ့ သဘောမျိုးပေါ့။ ဆေးထိုးနိုင်ပြီးတော့ တိုက်ရိုက် ဝက်မှာ စမ်းတဲ့ အဆင့်ပေါ့”

ဝန်ကြီးဌာနကို တင်ပြထားတယ်လို့ သိရပါတယ်။ အခုထိ ဘယ်လို တုံ့ပြန်မှုမျိုး ရှိနေလဲခင်ဗျ။

“ဒီနေ့ပဲ ကျနော်နဲ့ တွေ့ပြီးတော့ ဆွေးနွေးပွဲတခု လုပ်ပါတယ်။ ကျနော်တို့ လုပ်ထားတာကတော့ အကြိုစမ်းသပ်တဲ့ ကိစ္စပေါ့။ ဒီဆေးကို ထုတ်မယ်ဆိုရင် ဒီထက်ပိုပြီး တိကျတဲ့ စမ်းသပ်မှုတွေ နိုင်ငံတကာက လက်ခံအောင် လုပ်စရာ ရှိပါတယ်။ အဲဒါကတော့ ဌာနနဲ့ ပူးပေါင်းပြီး ဆောင်ရွက်သွားနိုင်မယ့် အနေအထား ဖြစ်နိုင်တယ်လို့ အခုဆွေးနွေးပွဲအရ ယူဆပါတယ်”

ဌာနဆိုတာက တိရစ္ဆာန်မွေးမြူရေးနှင့် ကုသရေး ဦးစီးဌာနလား ဆရာ။

“ဟုတ်ပါတယ်။ စမ်းသပ်တဲ့ကိစ္စမှာ ကောင်းတဲ့ ရလဒ်တွေ ရတယ်လို့ ကျနော် ယုံကြည်တယ်။ ဒီထုတ်လုပ်မှုတွေကိုမွေးမြူသူတွေ အသုံးချနိုင်တဲ့အဆင့်ထိ အရောက်ပို့ဖို့။ အဲဒီအတွက် ညှိနှိုင်းပြီးတော့ ပူးပေါင်းဆောင်ရွက်သွားမယ်”

ဦးစီးဌာနက ဘယ်သူတွေများ ပါဝင်ဆွေးနွေးလဲခင်ဗျ။

“ညွှန်ကြားရေးမှူးချုပ် ဒေါက်တာမြင့်သိန်းနဲ့ သူ့ရဲ့ ပညာရှင်တချို့ပါ”

ကောင်ရေ ဘယ်နှကောင်လောက် စမ်းသပ်ခဲ့ပြီးပြီလဲ ခင်ဗျ။

“ကျနော်ကိုယ်တိုင် တိုက်ရိုက် ဝက်တွေကို ဆေးထိုးစမ်းတာတော့ မရှိပါဘူး။ ကျနော်ကတော့ ဆေးကို ထုတ်ပြီး သုံးစွဲရမယ့် အညွှန်းကို ပေးပြီး စမ်းသပ်တဲ့ သဘောပါ။ သို့သော် ကျနော်နဲ့ ပူးပေါင်းပြီးတော့ တိရစ္ဆာန်ဆေးကု ဆရာဝန်တွေ၊ ဝက်မွေးမြူတဲ့ လုပ်ငန်းရှင်တွေက ဝက်ကောင်ရေ တသောင်းဝန်းကျင်လောက် စမ်းသပ်ပြီး ဖြစ်ပါတယ်”

ဘယ်နယ်တွေမှာလဲ ခင်ဗျ။

“ပထမ စမ်းတာတော့ နေပြည်တော် ပျဉ်းမနားက ဝက်ခြံတချို့ပါ။ နောက် မန္တလေး မတ္တရာက ဝက်ခြံကြီးတခု၊နောက်ပိုင်း ရန်ကုန်တိုင်းဒေသကြီးထဲမှာတော့ မရမ်းကုန်း၊ လှည်းကူး၊ လှိုင်သာယာဟိုဘက်က ညောင်တုန်းတို့မှာ အဓိကပါ။ တို့တိတို့တိလေးတွေကတော့ အနီးနားမြို့နယ်လေးတွေမှာ ရှိမှာပါ”

စမ်းသပ်မှုကနေ အဖြေဘယ်လိုရလာလဲဗျ။

“ရောဂါ လုံးဝမဖြစ်သေးတဲ့နေရာမှာ ကာကွယ်ဆေးထိုးမယ်ဆိုရင် ရောဂါရောက်လာတဲ့အချိန်မှာ အဲဒီခြံတွေဟာ မကူးစက်တာမျိုး တွေ့ရပါတယ်။ ဒါ အများစု။ ခြံ ၂ ခုမှာတော့ ၃ ကောင်လောက်စီ အသေအပျောက် တွေ့တယ်။ ဒီရောဂါလား၊ ဒီရောဂါနဲ့ ဆင်တူတဲ့ နောက်တခုလားတော့ စစ်ဆေးနိုင်တာ မရှိဘူး။ ခြုံပြီးပြောရရင်တော့ ကာကွယ်မှု ရခဲ့တယ်လို့ သုံးသပ်လို့ ရပါတယ်။ ရောဂါဖြစ်နေတဲ့ ခြံတွေမှာ ဆေးသုံးလိုက်တော့ ၂-၃ % လောက် အသေအပျောက် ရှိခဲ့ပါတယ်။ တချို့ခြံတွေမှာ ဆေးမထိုးခင်က အသေအပျောက် တော်တော် ပြင်းပြင်းထန်ထန် ဖြစ်နေတဲ့ အခြေအနေမှာ (ပိုင်ရှင်ကလည်း ဆုံးရှုံးမယ့်အတူတူ စမ်းသပ်လို့ အဖြေတခုရရင် အကျိုးရှိမယ်၊ နောင်အတွက် အသုံးဝင်မယ့် သင်္ခန်းစာတခုဖြစ်မယ်ဆိုတဲ့ အယူအဆနဲ့ ပူးပေါင်းပြီး) စမ်းသပ်တာမျိုးမှာက အသေအပျောက်က ၃ဝ % လောက် ရှိပါတယ်။ ကျန်တဲ့ ၇ဝ% က ကောင်းမွန်သွားပါတယ်”

Anti-PRRS preparation ဆိုတာ ဆေးနာမည်လားခင်ဗျ။

“ယာယီပေးထားတဲ့ နာမည်ပါ။ တကယ် ဆေးထုတ်လာရင်တော့ PRRS vaccine ဆိုပြီးတော့ ဖြစ်ဖို့များပါတယ်”

နိုင်ငံခြားက ထုတ်တဲ့ ဝက်နားရွက်ပြာရောဂါ ကာကွယ်ဆေးတွေလည်း ရှိတယ်လို့ သိရပါတယ်။ အခု ဆရာထုတ်လိုက်တဲ့ ဆေးနဲ့ ဘယ်လိုကွာခြားချက်တွေ ရှိမလဲခင်ဗျ။

“နိုင်ငံတကာမှာ သုံးနေတဲ့ ကာကွယ်ဆေးက ရောဂါပိုးကို ပြုပြင်မွမ်းမံပြီးတော့ အားပျော့အောင် လုပ်ပြီးမှ ဆေးအနေနဲ့ သုံးတာ။ ကျနော့်ဆေးကျတော့ အဲဒီဗိုင်းရပ်စ်တွေ မပါတဲ့ နည်းနဲ့ ထုတ်လုပ်တာပါ။ သဘာဝအားဖြင့် တော်တော်လေး ကွာခြားပါတယ်။ ဗိုင်းရပ်စ်ကနေ ထုတ်လုပ်တာဆိုတော့ ဆေးထိုးထားတဲ့ ဝက်တွေရဲ့ အညစ်အကြေးတွေ ကနေလည်း ဆေးထိုးမထားတဲ့ ဝက်တွေကို ဆက်ကူးနိုင်သလို ဒီကာကွယ်ဆေးကိုတောင် ဒဏ်မခံနိုင်တဲ့ ဥပမာ ဇီးရှိတဲ့ ဝက်မတွေဆို ဇီးလျှောတဲ့အထိ ဖြစ်နိုင်တဲ့ ဘေးထွက်ဆိုးကျိုးတွေ ရှိပါတယ်။ ခုကာကွယ်ဆေးကျတော့ ဘက်တီးရီးယားကို အသေသတ်ပြီးမှ ထုတ်တယ်ဆိုတော့ အဲလို ဘေးထွက်ဆိုးကျိုးမျိုး လုံးဝမရှိဘူး။ နောက်ပြီး သူတို့ဆေးတွေက ဆေးအဖြစ်သုံးတဲ့ ဗိုင်းရပ်စ်နဲ့ ပြင်ပက ရောဂါဖြစ်စေတဲ့ ဗိုင်းရပ်စ် ပေါင်းပြီး မျိုးသစ်တွေ ပေါ်လာနိုင်မလားဆိုတဲ့ စိုးရိမ်စိတ်တွေလည်း ရှိပါတယ်။ အခုဆေးမှာတော့ ဗိုင်းရပ်စ် မပါတဲ့အတွက် ဇီဝတွေ ပေါင်းစပ်ပြီး မျိုးအသစ်တွေ ပေါ်လာမယ်ဆိုတဲ့ ကြောက်လန့်မှုမျိုးလည်း မရှိနိုင်တဲ့ အခြေအနေပါ”

ဒီ နိုင်ငံခြားက ဆေးတွေကို ကျနော်တို့ တိုင်းပြည်မှာ သုံးလို့ မရနိုင်ဘူးလား ခင်ဗျ။

“အခု နိုင်ငံခြားက ထုတ်တဲ့ဆေးတွေက မျိုးဝက်တွေကို လုံးဝထိုးလို့မရပါဘူး။ ကျနော်တို့တိုင်းပြည်မှာ မွေးတာက အိမ်တွင်းမွေး၊ တနိုင်တပိုင်လေး မွေးကြတာ များပါတယ်။ တနိုင်ငံလုံး ဝက်ကောင်ရေရဲ့ ၉၅ % လောက်က အိမ်တွင်းမွေး ဝက်တွေ ဖြစ်ပါတယ်။ နိုင်ငံခြားက ဆေးတွေကို ပိုက်ဆံရှိလို့ ဝယ်ပြီးထိုးမယ်ဆိုရင်တောင် ထိုးနိုင်မယ့်သူ မရှိပါဘူး။ ကျနော်တို့နိုင်ငံမှာ ဒီရောဂါက ပြီးခဲ့တဲ့ ဖေဖော်ဝါရီလက စဖြစ်တာ။ ခုချိန်ထိ နိုင်ငံခြားကနေ တရားဝင် တင်သွင်းတဲ့ ဆေးတော့ တခုမှမရှိဘူး။ ခုနက ပြောတဲ့ နိုင်ငံခြားဆေးတွေရဲ့ အားသာချက်/ အားနည်းချက် ဆိုတဲ့ အကြောင်းက နိုင်ငံခြားတိုင်းပြည်တွေမှာ သုံးပြီးတော့ တွေ့ရတဲ့ အတွေ့အကြုံကို ကြည့်ပြောတာပါ။ ၁.၅ စီစီကို ၂ ဒေါ်လာ၊ ပေါင်စတာလင် ၁ ပေါင်ခွဲလောက် ရှိတယ်။ တကောင်အတွက်ပေါ့။ အဲဒါကို ဗမာပြည်တင်သွင်းထိုးရမယ်ဆို အခွန်နဲ့၊ သွင်းတဲ့သူ အမြတ်တင်တာနဲ့ဆို တကောင်ကို ၃ဝဝဝ-၃၅ဝဝ လောက် ကျမယ်။”

ဆရာထုတ်လုပ်မယ့် ဆေးကျတော့ကော ဝက်တကောင်အတွက် ဘယ်လောက်ကုန်ကျမလဲ။

‘‘အခုဆေးကတော့ ဆယ်ပုံတပုံလောက်ပဲ ကုန်ကျမှာပေါ့။ ဆေးတပုလင်းကို အကောင် ၂ဝ စာ ပါပါတယ်။ တကောင်ကို ၁ စီစီပဲ ထိုးဖို့ပါ။ တကောင်စာဆို (ကျပ်)၃ဝဝ နဲ့ တပုလင်းဆို (ကျပ်) ၆ဝဝဝ ပေါ့။ ဒီဆေးကတော့ ဇီးရှိတဲ့ ဝက်တွေလည်း ထိုးပေးလို့ရတယ်။ ပေါက်လာတဲ့ ဝက်လေးတွေမှာ မအေဆီက ကာကွယ်တဲ့သတ္တိ အလိုအလျောက် ရနိုင်တဲ့ အနေအထားရှိပါတယ်။ ဒီဆေးကို ဝန်ကြီးဌာနက လက်ခံသဘောတူ ခွင့်ပြုတယ်ဆိုရင် မြန်မာပြည်က ဝက်မွေးမြူရေးလုပ်ငန်း ဦးမော့လာဖို့အတွက် တကယ်အသုံးဝင်မယ့် ဆေးတခုဖြစ်မယ်လို့ ပြောချင်ပါတယ်”

ဦးစီးဌာနနဲ့ သဘောတူညီချက်တွေရော ရပြီးပြီလားဆရာ။ ဆွေးနွေးလိုက်ရတဲ့ အခြေအနေ ဘယ်လိုရှိပါသလဲ။

“ခုဟာက ညွှန်/ချုပ် ဆိုပေမယ့် တကယ်တမ်း အဆုံးအဖြတ်က ဝန်ကြီးဌာန အဆင့်ပေါ့။ သူကတော့ ချက်ချင်း
မီးစိမ်းပြ green light ပြောသွားတဲ့သဘော မရှိပါဘူး။ ဝန်ကြီးရဲ့ သဘောထား၊ အဆုံးအဖြတ်ကို စောင့်ယူရမယ်လို့ပြောသွားပါတယ်။ တော်တော်ကြာကြာလေး ဆွေးနွေးလိုက်ရတော့ အခြေအနေက ကောင်းတဲ့လက္ခဏာလို့ ယူဆပါတယ်”

ဝန်ကြီးဌာနဆီက အဖြေရပြီး ဒီဆေး ဈေးကွက်ထဲရောက်ဖို့ ဘယ်လောက် မျှော်လင့်ထားပါသလဲ။

“လောလောဆယ်မှာ ရောဂါအခြေအနေက လျော့သွားတဲ့ အခြေအနေရှိပါတယ်။ အခုဟာက အရွှေ့အပြောင်းတွေ ကန့်သတ်ထားတာလည်း ရှိတာကိုး။ အခု ကောင်းနေလို့ နည်းနည်း လွှတ်ပေးလိုက်တာနဲ့ ဗိုင်းရပ်စ်မကုန်သေးတဲ့ ဝက်တွေ မဖြစ်သေးတဲ့နေရာကို ရောက်သွားရင် နောက်ထပ် ထပြီး ကူးတာတွေ ဖြစ်လာနိုင်တယ်။ လုံးဝ မကင်းရှင်းသေးဘူး။ ကျနော့်သဘောကတော့ အသွားအလာမရှိခင် မြန်မြန်ထက်ထက် လုပ်ချင်တယ်။ မွေးမြူသူတွေ လွယ်လွယ်ဝယ်လို့ ရနိုင်တဲ့ အဆင့်မျိုး ဖြစ်စေချင်ပါတယ်။ ဒါကတော့ တာဝန်ရှိသူတွေရဲ့ ပေါ်လစီပိုင်း ဆုံးဖြတ်ချက်ပေါ့။ ဘာကြောင့်လဲဆိုတော့ ဆေးထုတ်တယ်ဆိုတာက အမျိုးသားဆေးဝါးဥပဒေအရဆိုရင် အစားအသောက်နဲ့ ဆေးဝါးအာဏာပိုင်အဖွဲ့ FDA ရဲ့ ဆုံးဖြတ်ချက်ကသာ တကယ့်တရားဝင် ထုတ်လုပ်ခွင့် ရနိုင်တာပါ။ အခုက အရေးပေါ်ကိစ္စမှာ လောလောဆယ် အမြန်ဖြေရှင်းဖို့အတွက် ယာယီအစီအစဉ်တခုနဲ့ ခွင့်ပြုပေးဖို့ ကျနော် တင်ပြတာ ဖြစ်ပါတယ်။ ယာယီအနေနဲ့ လက်ခံတယ်ဆိုရင် နောင်မှာ ဆေးလိုင်စင်ရဖို့ ဆက်လုပ်သွားစရာတွေ အများကြီးရှိပါသေးတယ်”

လက်ထောက် ညွှန်ကြားရေးမှူးက ကာကွယ်ဆေးတွေ မထိုးကြဖို့ ညွှန်ကြားထားတဲ့ ကိစ္စရော ဆွေးနွေးဖြစ်ကြပါသေးလား။

“ကျနော်က ဆေးကို ထုတ်ရောင်းတာ မဟုတ်သေးပါဘူး။ ကျန်တဲ့လူတွေလည်း ရနိုင်စရာတော့ မရှိပါဘူး။ ဒါကြောင့် သူများတွေ ဆေးသုံးတယ်ဆိုတာလည်း ဖြစ်လာစရာတော့ မရှိပါဘူး။ ထုတ်ခွင့်ပြုမှ သုံးမယ့်သဘောပါ”

ယာယီသုံးဖို့ရော ခွင့်ပြုချက် ရပါပြီလား။

“လောလောဆယ်တော့ သဘောထား ညှိသွားတဲ့သဘောပါပဲ။ ဖိုင်နယ်ကတော့ ဝန်ကြီးကိုယ်တိုင်ပဲ ဆုံးဖြတ်မလား၊ ဒါမှမဟုတ် FDA ကပဲ ညှိမလား မပြောတတ်ဘူး။ နိုင်ငံတကာမှာ အရေးပေါ်အခြေအနေတွေမှာ လိုင်စင်ပြင်ပကနေ ထုတ်လုပ်ခွင့်တို့ဘာတို့ကို သက်ဆိုင်ရာ အာဏာပိုင်အဖွဲ့အစည်းတခုခုက ယာယီအမိန့်ထုတ်ပေးလို့ ရတာတွေရှိပါတယ်။ အဲဒါတွေကို အခြေခံပြီးတော့ ကျနော် တင်ပြထားတာပါ”

ဆရာ့အနေနဲ့ ဘာများဖြည့်စွက် ပြောကြားလိုပါသလဲ ခင်ဗျာ။

“မွေးတဲ့သူတွေ အလိုရှိနေတဲ့ဆေး မွေးတဲ့လူတွေလက်ထဲ မြန်မြန်ရောက်စေချင်တဲ့ဆန္ဒပဲ ရှိပါတယ်။ အဲဒါ အဆင်ပြေပါစေလို့ပါပဲ။ ကျနော့်စိတ်ဝင်စားမှုကတော့ ဘယ်အခြေအနေမှာ အရေးပေါ်ဖြစ်နေနေ ဝင်ကူဖို့အတွက် အဆင်သင့်ပါ”
Ref: Mizzima

Read More...

စစ်ဘေးရှောင် ၁၃၀၀၀ ကျော် KIO ထံ ရောက်

သဲသဲ၊ ဖနိဒါ
ဇွန်လ ၂၃ ရက် ၂၀၁၁ ခုနှစ်

ကချင်ပြည်နယ်တွင် အစိုးရတပ်နှင့် ကချင်တိုက်ပွဲများကြောင့် စစ်ဘေးပုန်းရှောင်လာသူ ဒုက္ခသည် ၁၃ဝဝဝ ကျော် ရှိပြီဟု ကချင်လွတ်မြောက်ရေးအဖွဲ့က ပြောသည်။

KIO ဗဟိုကော်မတီဝင်ဖြစ်သူ ဒုက္ခသည်များ ကယ်ဆယ်ရေးကော်မတီ တာဝန်ခံ ဦးဒွဲပီဆား၏ ပြောဆိုချက်အရ KIO ဌာနချုပ်တည်ရှိရာ လိုင်ဇာဒေသတွင် ၅ဝဝဝ ကျော်၊ မိုးညှင်းခရိုင် တပ်ရင်း ၅ နယ်မြေတွင် ၂၃ဝဝ ကျော်နှင့် တပ်ရင်း ၃ နယ်မြေ လွယ်ဂျယ်ဒေသတွင် ၆ဝဝဝ ကျော်ရှိသည်ဟုဆိုသည်။

“မြစ်ကြီးနား ဗန်မော်လမ်းမကြီးက လူတွေ အများစုပါတယ်” ဟု ဦးဒွဲပီဆားက ပြောသည်။

ဒုက္ခသည်များမှာ ခန်းမဆောင်များ လိုင်ဇာမြို့တော်ခန်းမ၊ အမှတ်(၃) ဈေး၊ တိုက်ခန်းအလွတ်၊ ဈေးဆိုင်ခန်း အလွတ်များတွင် စုပေါင်းထားရှိသည်။

KIO ဗဟိုဌာနက ဖွင့်လှစ်ထားသည့် လိုင်ဇာရှိ ဒုက္ခသည်စခန်းများတွင် ဆေးဝါးနှင့် ဆန်အကူအညီပေးနေပြီး၊ စစ်ပြေး ဒုက္ခသည် များတွင် ကျောင်းနေသည့် ကလေး ၇ဝဝ ကျော် ပါဝင်ကြောင်း KIO ပြောခွင့်ရ ဦးလနန်က မဇ္ဈိမကို ပြောသည်။ အခြား မည်သည့်အဖွဲ့အစည်းထံမှ တစုံတရာ အကူအညီ မရဟု ဆိုသည်။

အစိုးရစစ်တပ်နှင့် KIA တပ်များအကြား ဇွန်လ ၉ ရက်နေ့တွင် တိုက်ပွဲများ စတင်ဖြစ်ပွားခဲ့ပြီးနောက် စစ်ပြေးဒုက္ခသည်များသည် KIO ထိန်းချုပ်ဒေသ တရုတ်-မြန်မာ နယ်စပ်ဘက်သို့ ဦးတည်ကာ ထွက်ပြေးနေကြသည်။

ထွက်ပြေးလာသူများတွင် ကလေးငယ်များ၊ အမျိုးသမီးနှင့် သက်ကြီးရွယ်အိုများ အများဆုံးပါဝင်ကာ၊ ဒုက္ခသည်များအတွက် စားရိက္ခာနှင့် အမိုအကာများ အဓိက လိုအပ်နေသည်ဟု KIO က ပြောသည်။

လိုင်ဇာမြို့ရှိ ဒုက္ခသည် စခန်းများတွင် စစ်ဘေးရှောင် ဒုက္ခသည်များ၏ နေထိုင်မှု၊ စားနပ်ရိက္ခာ၊ ကျန်းမာရေး၊ကျောင်းသားများ ပညာရေး အကူအညီ ရရှိမှု နောက်ဆုံး အခြေအနေကို ဒုက္ခသည်စခန်း ကျန်းမာရေး တာဝန်ခံ၏ ပြောဆိုချက်များကိုတင်ပြလိုက်ပါသည်။

စားနပ်ရိက္ခာ အခြေအနေ

“အဓိက ကုန်တာက သူတို့အတွက် ရိက္ခာပေါ့နော်၊ ကျွေးမွေးတာကတော။ ဗဟိုကော်မတီဝင်က တရက်ကို လူတယောက်ကို ဆန်နို့ဆီဗူး ၂ ခွက်ပေါ့၊ လူကြီးလူငယ်မခွဲဘဲ အဲလိုဝေပေးတယ်။ စားနပ်ရိက္ခာတွေ ဝေပေးပြီး၊ဈေးထဲကဝယ်ပြီး သူတို့ဘာသာ ချက်စားကြတယ်ပေါ့။ ကျနော်တို့က ရေတွေ၊ ထင်းတွေ စီစဉ်ပေးပါတယ်။ ပိုက်ဆံပါတဲ့ သူတချို့ကတော့ အပြင်ကနေ ဝယ်စားတာလည်း ရှိတယ်။ ပိုက်ဆံမပါတဲ့ သူတွေကတော့ ကျနော်တို့ ဝေတဲ့ ဆန်ကိုပဲ ချွေတာပြီး စားရတာပေါ့။ လိုင်ဇာတဝိုက်တင်ပဲ စားနပ်ရိက္ခာအတွက် တရက်ကို သိန်း ၂ဝ ကျော်လောက် ကုန်တယ်”

နေထိုင်ရေး အခြေအနေ

‘‘အဆောက်အအုံကြီးတွေရဲ့ ခန်းမတွေမှာ၊ လိုင်ဇာမြို့တော်ခန်းမ၊ ဈေးကြီးမှာ၊ တိုက်ခန်းလွတ်တွေမှာ နေရာ ချပေးထားတာပေါ့။ တချို့က အခင်းတွေ၊ စောင်တွေ၊ ခြင်ထောင်တွေလည်း မပါလာတော့ တမံသလင်းမှာ အိပ်ကြတယ်။ ကြာရင် သူတို့ကျန်းမာရေး ထိခိုက်မှာဆိုတော့ ဖျာတွေ၊ အခင်းတွေ စီစဉ်ပေးတယ်။ အခုဆိုရင် အများကြီး လိုလာတာပေါ့၊ လောက်တော့ ဘယ်လောက်မလဲ”

“တောထဲမှာ ပြေးရင်းရှောင်ရင်း တောထဲမှာ ပုန်းနေကြတဲ့သူတွေလည်း ရှိသေးတယ်။ ကျနော်တို့ စာရင်းထဲမှာ အဲဒါတွေ မပါသေးဘူး။ သူတို့တွေပါ တက်လာရင် ပိုများလာမယ်လေ”

ကျန်းမာရေး အခြေအနေ

“ဒုက္ခသည် တော်တော်များများ ရောက်လာတဲ့အခါမှာ ကလေးတွေ ဖျားနာတာ ပိုများတယ်။ ဝမ်းလျှောတာရယ်၊နောက်ပြီး ငှက်ဖျားဖြစ်တာ၊ အအေးပတ်ပြီး ချောင်းဆိုတာ များပါတယ်။ အများအားဖြင့် သူတို့ဖြတ်လာတဲ့ ခရီးလမ်းကလည်း ကြမ်းတယ်ဆိုတော့ ၃ ၊ ၄ ရက်လာတာဆိုတော့ တောထဲမှာနေပြီး ဖြတ်လာကြတော့ ကလေးမှာ ဖျားတာ ပိုများတယ်။ ကျနော်တို့ စခန်း ၅ နေရာ ကျန်းမာရေး ဌာနကနေ တာဝန်ယူပြီး အခမဲ့ကုပေးနေပါတယ်’’

“အခု ဝမ်းလျှောတဲ့ ကလေး ၈ ဦးကို ဆေးရုံတင်ထားရတယ်။ မျက်ခမ်းစပ်ရောဂါ၊ ဝက်သက်လို အရည်ပြားရောဂါတွေ ကလေးတွေကို ကုပေးရတာ များတယ်။ စခန်းတွေမှာက စားနပ်ရိက္ခာပြီးရင် ဒုတိယ အကုန်ဆုံးကဆေးဝါးဖြစ်နေတာပေါ့။ လောလောဆယ် ကျနော်တို့ဌာနက ပေးတာ လောက်ပေမယ့် လူတွေ ဒီ့ထက်များလာရင်၊ ရာသီဥတုကလည်း ဆက်ပြီး မိုးရွာနေရင်တော့ ဆေးဝါးအတွက်လည်း အတော်လေး အားစိုက်ရမယ့် အခြေအနေ ဖြစ်နေတယ်”

ပညာရေး အခြေအနေ

“မူကြိုကအစ အထက်တန်းအထိ ကလေးတွေကို စာရင်းကောက်ပြီး တတ်နိုင်သလောက် ပညာဆက်သင်လို့ ရအောင် စီစဉ်နေပါတယ်။ လိုင်ဇာမှာဖွင့်ထားတဲ့ ကျောင်းတချို့မှာလည်း သင်ခိုင်းမယ်ပေါ့၊ နောက်ပြီး သင့်တော်တဲ့ နေရာမှာကျောင်းဆောက်ပြီး သင်ပေးနိုင်အောင် စီစဉ်နေပါတယ်’’

အကူအညီရရှိမှု

“အခုလောလောဆယ် လာကူတဲ့သူ မရှိသေးဘူး။ ကူမယ်လို့ ပြောသံပဲကြားတယ်။ တကယ့်လက်တွေ့မှာ ဘာမှ မရောက်လာသေးပါဘူး။ ဒေသခံ အဖွဲ့အစည်းတွေ၊ ပြည်ပက NGO တွေကို အကူအညီတောင်းထားတာ ရှိပါတယ်။ ရေရှည်အတွက် ကျနော်တို့လည်း ဒီမှာရှိတာနဲ့ ဘယ်လောက်အထိ ကူညီနိုင်မယ်ဆိုတာပြောရခက်ပါတယ်’’
Ref: Mizzima

Read More...

ဗိုလ်ကြီးက ၉ တန်းကျောင်းသူကို ဓားနဲ့ထိုးပြီး သတ်သေဟုဆို

မျိုးသန့်
ဇွန်လ ၂၃ ရက် ၂၀၁၁ ခုနှစ်

ဗိုလ်ကြီးတဦးက ၉ တန်းကျောင်းသူ တဦးကို ဓားနဲ့ထိုးကာ မိမိကိုယ်ကို အဆုံးစီရင်ခဲ့သည် ဆိုသော ဖြစ်ရပ်တခု ပဲခူးမြို့နယ် ဥဿာမြို့သစ် ရပ်ကွက်တွင် ဗုဒ္ဓဟူးနေ့က ဖြစ်ပွားခဲ့သည်။

ခြေမြန်တပ်ရင်း ၇ မှ တပ်ရေးဗိုလ်ကြီး ကျော်သူရက စစ်မြေပြင် အင်ဂျင်နီယာတပ်မှ အရာခံဗိုလ် စိုးမြင့်၏ သမီး မသက်နှင်းဆွေ ကို အသင့်ပါလာသော စစ်သုံးဓားဖြင့် ထိုးသည်ဟု စွပ်စွဲထားကြသည်။

အခင်းဖြစ်ပွားချိန်က နေအိမ်တွင်း ရှိနေခဲ့သူ အရာခံဗိုလ်စိုးမြင့်၏ ဇနီး ဒေါ်စမ်းစမ်းထွေးက အော်ဟစ် အကူညီတောင်းသဖြင့် အိမ်နီး နားချင်းများ ရောက်လာခဲ့သည်။

“အော်ခေါ်တော့ ရပ်ကွက်က လူတွေက ထွက်လာပြီးတော့ အဲဒီမှာ ဝိုင်းအုံလာတော့ အဲဒီမှာ ခြံကတော့ သံပန်း သံတခါးတွေနဲ့ အုတ်တံတိုင်း ကာထားပါတယ်၊ လူတွေကတော်တော်နဲ့ ဝင်လို့ မရဘူး။ အဲဒီမှာ ယောက်ျားတွေက အားနဲ့ ကန်ပြု ဖွင့်တဲ့ အခါကျတော့ ပွင့်သွားတာ အဲဒီကျတော့မှ လူအုပ်က ဆွဲလား ရမ်းလား လုပ်တဲ့ အခါကျတော့ ဗိုလ်ကြီးက ဒူးထောက်ပြီးတော့ သူ့ရင်ဘတ် ဘယ်ဘက်ကိုသူ ဓါးနဲ့ထိုးပြီး နေရာမှာပဲ ပွဲချင်းပြီး သေသွားတယ်” ဟု ဥဿာမြို့သစ်နေ ကိုနေဝင်းက မဇ္ဈိမကို ပြောသည်။

ငွေချေးရန် ရောက်ရှိလာသော ဗိုလ်ကြီး ကျော်သူရမှာ အစောပိုင်းက နေအိမ်တွင် အရာခံဗိုလ်စိုးမြင့်ကို တယ်လီဖုန်းမှ တဆင့် စကားပြောခဲ့သည်ဟု ဒေါ်စမ်းစမ်းမြင့်က ဗီဒီယို အင်တာဗျူးတခုတွင် ပြောဆိုထားသည်။

ပဲခူးမြို့နေ အလုပ်သမားရေးရာ ကူညီစောင့်ရွက်ပေးနေသူ ဦးအေးမြင့်က ဒေါ်စမ်းစမ်းမြင့်နှင့် မျက်မြင်သက်သေ တဦးကို ဗီဒီယို အင်တာဗျူး ပြုလုပ်၍ အင်တာနက်တွင် ဖြန့်ဝေခဲ့သည်။

“ သမီးက အိမ်ရှေ့မှာ အခွေတွေ ထိုင်ရှင်းနေတယ် အဲဒီလူကြီးက ဆိုဖါပေါ်မှာ ထိုင်နေတာ ကျမက အိမ်နောက်ဖေးမှာ လက်နှီး လာလျှော်တယ် တအောင့်နေတော့ သမီး ကျူရှင် ၁၂ နာရီကို သွားရမှာ ရေချိုးတော့လို့ ပြောလည်းပြောပြီး
ပြန်ထွက်လာတော့ ကလေးကို သူအဲဒီမှာ ဓါးနဲ့ စပြီးတော့ ထိုးတာပဲ” ဟု ဒေါ်စန်းစန်းမြင့်က ဗီဒီယိုတွင် ပြောသည်။

“ ကလေးက ထွက်ပြေးသွားတဲ့ အခါကျတော့ သူက ကလေးကို အသေထိုးတော့တာ ကလေးက အိမ်ရှေ့မှာ အခွေ ထိုင်လုပ်နေတော့ ကလေးကို ဓါးနဲ့ထိုးတော့ ကလေးက အိမ်နောက်ဖေးကို ပြေးထွက်လာတယ်။ ကျမက ဒီမှာ လက်နှီးလျှော်ရင်း တန်းလန်းနဲ့ သူက ကလေးကို ထိုးတော့ ကျမက သူ့ကို ဆွဲလိုက်တာပေါ့။ မအေက ဖင်ထိုင်လျက် ကျသွားတဲ့ အခါကျတော့ မအေကို ဆွဲရမလား ဆိုပြီးတော့ သူက ဓါးနဲ့လှမ်းထိုးတာ အဲဒီမှာ ကလေးက မအေကို ဓါးနဲ့ ထိုးရမလား ဆိုပြီးတော့ အနောက်က သူ့အကျီကို ဆောင့်ဆွဲပစ်လိုက်တယ် ပြီးတော့ ကလေးကို သူကထိုင်ထိုးတာ ကျမက ဒီကရှိတဲ့ ရေဗုံးနဲ့ပေါ့ မျက်နှာကို ရေနဲ့ ပက်ပစ်လိုက်တာပေါ့” ဟု သူက ထပ်ပြောသည်။

မသက်နှင်းဆွေမှာ ပွဲချင်းပြီး သေဆုံးသွားခဲ့သည်။ သူမ၏နာရေးကို သောကြာနေ့ နေ့လည် ၁၂ နာရီတွင် ပဲခူး ဆင်ဖြူကွင်း သုဿန်သို့ ပို့ဆောင်မည် ဖြစ်သည်။

ဗိုလ်ကြီးကျော်သူရ၏ ရုပ်အလောင်းကို ပဲခူးမြို့ သာမဏေကျော် နာရေးကူညီမှု အသင်းမှ ရန်ကုန်ရေဝေး သုဿန် ရေခဲတိုက်သို့ ညနေ ၃ နာရီတွင် ပို့ဆောင်ပေးခဲ့သည်ဟု သာမဏေကျော် နာရေးကူညီမှုအသင်း အတွင်းရေးမှူး ဦးကြည်ဝင်းက မဇ္ဈိမကို ပြောသည်။

ဗိုလ်ကြီးကျော်သူရမှာ အသက် ၄ဝ ကျော်ခန့် ရှိမည်ဟု ဒေသခံများက ခန့်မှန်းထားကြသည်။

အခင်း ဖြစ်ပွားပြီးချိန်တွင် ပဲခူးမြို့ အမှတ် ၃ ရဲစခန်းမှ တာဝန်ကျရဲများ ရောက်ရှိလာပြီး ဓါတ်ပုံရိုက် မှတ်တမ်းတင် သွားခဲ့သည်ဟု မျက်မြင်တွေ့သူများက ပြောဆိုသည်။

အမှတ် ၃ ရဲစခန်းသို့ မဇ္ဈိမက ဆက်သွယ်မေးမြန်းရာ ဖြေကြားခြင်း မရှိပါ။
Ref: Mizzima

Read More...

အပေါ်သို့