ဒေါ်လာဈေးကျ၍ သွင်းကုန်ပစ္စည်းများ ဈေးမြှင့်ရောင်း

နရီလင်းလက်
22 June 2011

မြန်မာ ပြည်တွင်း၌ အမေရိကန် ဒေါ်လာတန်ဖိုး ကျဆင်းမှုကြောင့် ပို့ကုန်လုပ်ငန်းများ အရှုံးပေါ်နေခြင်းကို အစားထိုးသည့် အနေဖြင့် သွင်းကုန် ပစ္စည်းများပေါ်တွင် ဈေးနှုန်းမြှင့်၍ ရောင်းချနေသည်ဟု သိရသည်။


ယင်းသို့ ဈေးနှုန်းမြှင့်ရောင်းချခြင်းကြောင့် ဈေးကွက် အတွင်းရှိ အခြေခံ စားသောက်ကုန် ပစ္စည်းများ၊ အိမ် အလှဆင်နှင့် အိမ် ဆောက်ပစ္စည်းများ ၊ စိုက်ပျိုး ရေးသုံးပစ္စည်း ၊ စက်ယန္တရားကြီးများ စသည့် သွင်းကုန် ပစ္စည်းဈေးနှုန်း၂ ဆခန့် မြင့်တက် လကြောင်း ပို့ကုန်သွင်းကုန် လုပ်ငန်းရှင်များက ပြောပြသည်။

အိမ်ဆောက်ပစ္စည်းဖြစ်သော ဘိလပ်မြေ တအိတ်လျှင် အမျိုးအစားအလိုက် ဥပမာ ယခင်က ကျပ် ၇၀၀၀ တန် ဘိလပ်မြေသည် ကျပ် ၉၀၀၀ သို့ မြင့်တက်သွားခဲ့သည်။

ပို့ကုန် သွင်းကုန် လုပ်ငန်းရှင်များသည် ငွေကြေးအရှုံး ပြဿနာကို ဖြေရှင်းနိုင်ရန် တင်သွင်းလာသည့် သွင်းကုန် ပစ္စည်းများကို ဈေးနှုန်းမြှင့်ရောင်းချခြင်းအပြင် ယခင်က ခေတ္တရပ်နားထားသည့် သွင်းကုန်လုပ်ငန်းကို ပြန်လည်လုပ်ကိုင်လာခြင်းများ ရှိလာ သည်ဟုလည်း သိရသည်။

ပို့ကုန် သွင်းကုန် လုပ်ငန်းလုပ်ကိုင်သူများသည် တင်ပို့သည့် ကုန်ပစ္စည်းမှ ပြန်လည်ရရှိလာသော ငွေကြေးတန်ဖိုးနှင့်ညီမျှသော သွင်းကုန် ပစ္စည်းကို တင်သွင်းခွင့် ရရှိသည်။

“ဒေါ်လာဈေးကျတော့ ပို့ကုန် လုပ်ငန်းရှင်တွေအကုန်ထိတယ်။ သွင်းကုန်ကတော့ ပုံမှန်မလုပ်ရင်တောင် ကိုယ့် စားသုံးသူက ကုန်ပစ္စည်းလိုချင်တယ်ဆို မှာပေးတာမျိုးရှိတယ်။ အခု မှာတဲ့လူမရှိလည်း ဈေးကွက်ထဲမှာ ဘယ်ပစ္စည်းကစားသုံးသူလိုအပ်နိုင် မလဲကို ဆုံးဖြတ်ပြီး ပို့ကုန်က ရလာတဲ့ ငွေသားကို ကုန်ပစ္စည်းဝယ်သွင်းလိုက်တာပေါ့”ဟု ပဲအမျိုးမျိုး ရောင်းဝယ်တင်ပို့သည့် လုပ်ငန်း လုပ်ကိုင်သူ တဦးက ဧရာဝတီကို ပြောသည်။

၎င်းက ဆက်၍“ငွေသားဆို တော်တော်ရှုံးတယ်လေ။ ကုန်ပစ္စည်းကျတော့ ကိုယ်က ဒီမှာ အချိန်လေးကြည့်ပြီး ဈေးပြန်တင်
ရောင်းလို့ရတယ်။ ပို့ကုန်လုပ်ငန်းရှင်တွေ အရှုံးပေါ်နေလို့ ဆိုပြီး အစိုးရက ပြည်တွင်းဒေါ်လာဈေး တန်ဖိုးကို မြှင့်ပေးတာ မရှိဘူး။ အရှုံးကိုတောင့်မခံနိုင်ရင် ကုမ္ပဏီပြုတ်မှာဆိုတော့ ကိုယ့်ပြဿနာ ကိုယ်ရှင်းရတာပဲ”ဟု ပြောဆိုသည်။

ပြည်တွင်း ဈေးကွက်၌ အမေရိကန်ဒေါ်လာ တန်ဖိုးသည် ယမန်နှစ် နှစ်ဆန်းပိုင်းတွင် တဒေါ်လာလျှင် ကျပ် ၁၀၀၀ ရှိခဲ့ရာမှ ပြီး ခဲ့ သည့် ရက်သတ္တတပတ် နှစ်ပတ်ခန့်အတွင်းမှစတင်ပြီး ထပ်မံကျဆင်းလာရာ ယနေ့ ပေါက်ဈေး တဒေါ်လာလျှင် ၇၈၅ ကျပ် သာရှိသည်။

“လောလောဆယ် သွင်းကုန်ပဲ တော်တော်လေး လုပ်ဖြစ်နေတယ်။ တရုတ်နဲ့ ဗီယက်နမ်ကနေ ဓာတ်မြေသြဇာ သွင်းတာပါ။ လက်ရှိ အနေအထားမှာ ကုမ္ပဏီက သွင်းကုန်နဲ့ လည်ပတ်နေရတဲ့ သဘောမျိုးဖြစ်နေတာပေါ့”ဟု 7 Golden Enterprise Ltd မှ တာဝန်ခံ တဦးက ပြောသည်။

ပဲတီစိမ်း၊ ပဲလွန်းဖြူ ၊ ပဲထောပတ်နှင့် နှမ်း တို့ကို တရုတ်နှင့် ထိုင်ဝမ်နိုင်ငံသို့ တင်ပို့နေပြီး လွန်ခဲ့သည့် လအနည်းငယ်မှ စတင်၍ ဒေါ်လာတန်ဖိုး ကျဆင်းလာခြင်း ၊ ပဲဈေးနှုန်းများ ကျဆင်းလာနေခြင်းတို့ကြောင့် လက်ရှိ ပို့ကုန်လုပ်ငန်းကို ရပ်ဆိုင်းထားသည် ဟုလည်း ၎င်းက ဆိုသည်။

7 Golden Enterprise Ltd တာဝန်ခံက ဆက်၍“ပို့မယ်လို့ ပြောထားပြီးသားကုမ္ပဏီတွေကျတော့ အရှုံးခံပို့ရတာပေါ့။ ပို့ကုန်မှာ ရှုံးထားတဲ့ငွေကို ပြန်ကာမိနိုင်ဖို့ သွင်းကုန်မှာ ဈေးမတင်လို့မရဘူးဖြစ်သွားတာပေါ့။ ဓာတ်မြေသြဇာ တအိတ်ကို ဥပမာ-လွန် ခဲ့တဲ့ လက ကျပ် ၁၅၀၀၀ ဆို အခု ကျပ် ၁၇၀၀၀ လောက်နဲ့ ရောင်းရတယ်”ဟု ပြောသည်။

ဒေါ်လာတန်ဖိုး ကျဆင်းသောကြောင့် ပို့ကုန်တွင် ငွေကြေးနစ်နာမှုများစွာကြုံတွေ့နေရသော်လည်း လက်ရှိ တင်သွင်းနေသည့် ကုန်ပစ္စည်းများကြောင့် လုပ်ငန်းဆက်လက်လည်ပတ်နေသည်ဟု Myanmar Steel & Cement Co.,Ltd မှ တာဝန်ရှိသူ တဦး က ပြောသည်။

အဆိုပါ ကုမ္ပဏီသည် ပို့ကုန် အနေဖြင့် မတ်ပဲ ၊ ပဲစင်းငုံ ၊ ပဲတီစိမ်း ၊ ပြောင်း တို့ကို အိန္ဒိယ ၊ အီတလီ ၊ ပါကစ္စတန် နိုင်ငံများသို့ တင်ပို့နေပြီး သွင်းကုန်အနေဖြင့် အမေရိကန် ၊ ဂျပန် ၊ ကိုရီးယားနိုင်ငံတို့မှ ဘိလပ်မြေ ၊ PVC ပိုက်အမျိုးမျိုး ၊ မြေတူးစက် ၊ မြေ သယ်စက်များကို စင်္ကာပူနိုင်ငံမှ တဆင့် တင်သွင်းနေသည်။

“ဒေါ်လာဈေးကျတဲ့အပေါ်မူတည်ပြီး ပို့ကုန်မှာ အများကြီးနစ်နာပေမယ့် သွင်းကုန်မှာ ကိုယ်က အများကြီးဈေးတင်လိုက်ရင် ကုမ္ပဏီကြီးအနေနဲ့ နာမည်မပျက်အောင် ၊ တောင့်ခံနိုင်အောင် အရှုံးခံရောင်းပေးရတာမျိုးဖြစ်နေတာပေါ့”ဟု အဆိုပါ ကုမ္ပဏီမှ တာဝန်ရှိသူတဦးက ပြောပြသည်။

အိမ်ဆောက် ပစ္စည်းများ တင်သွင်းရောင်းချပေးနေသည့် Al-Ameen International Co.,Ltd မှ ဦးမောင်မောင်သန်း က “လက်ရှိ သွင်းကုန်တခုပဲ လုပ်နေတော့ သိပ်အဆုံးအရှုံးမရှိဘူးပြောရမယ်။ ဒါပေမယ့် ဈေးကွက်မှာ ဒေါ်လာဈေးကျပြီး
မြန်မာငွေ တန်ဖိုး မာနေတယ် ဆိုပေမယ့် ၀ယ်လိုအားမရှိတဲ့ ပြဿနာတက်နေတယ်။ ကိုယ့်ကုန်ပစ္စည်းကလည်း အစား အသောက်တို့ ၊ ဆေးဝါးတို့လို မရှိမဖြစ်မဟုတ်တာလည်း ပါတာပေါ့”ဟု ပြောသည်။

လွန်ခဲ့သည့် ၃ လခန့်မှ စတင်၍ ဈေးကွက်အတွင်း ၀ယ်လိုအား မရှိဘဲ ၊ ရောင်းလိုအားသာများနေကြောင်း ၊ အသုံးမပြုမဖြစ် ကုန်ပစ္စည်းများသာ အနည်းငယ်ရောင်းချရသည့် အခြေအနေတွင်ရှိကြောင်း သူက ဆက်ပြောသည်။

ရန်ကုန်စီးပွားရေး တက္ကသိုလ်မှ အငြိမ်းစား ပါမောက္ခတဦးက“ဒေါ်လာဈေးကို တည်ငြိမ်အောင် မလုပ်ပေးနိုင်သေးသရွေ့ ကတော့ အကျိုးဆက်တွေက အများကြီးဖြစ်နေဦးမှာပဲ။ လုပ်ငန်းရှင်တဦးတည်း ထိခိုက်တာမဟုတ်ဘူး။ မြန်မာငွေတန်ဖိုး ဘယ်လောက်တက်တက် စားသုံးသူမှာလည်း ကုန်ဈေးနှုန်းမကျတဲ့ ပြဿနာ ၊ လက်ထဲမှာ ငွေမရှိတဲ့ ပြဿနာက တက် နေ ဦးမှာပဲ”ဟု ပြောဆိုသည်။

လက်ရှိအနေအထားအရ မြန်မာနိုင်ငံတွင် ပို့ကုန် သွင်းကုန်လုပ်ငန်းများ လုပ်ကိုင်နေကြသည့် မြန်မာလုပ်ငန်းရှင်ပေါင်း ၄၀၀၀ ခန့်ရှိကြောင်း၊ ၂၀၀၇ အတွက် မြန်မာ့ကုန်သွယ်ရေး လုပ်ငန်းမှ ဒေါ်လာ သန်း ၈၀၀၀ ကျော်ရရှိခဲ့ပြီး ဒေါ်လာ သန်း ၃၀၀၀ နီးပါး ပြန်သွင်းခဲ့ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ စာရင်းများအရ သိရှိရသည်။
Ref: ဧရာဝတီ