Wednesday, December 14, 2011

မြန်မာ့အရေး စိန်ခေါ်မှု အမေရိကန်နဲ့ ပူးပေါင်းဆောင်ရွက်ဖို့ တရုတ်စိတ်ဝင်စား

13 ဒီဇင်ဘာ 2011
ဒေါ်ခင်မျိုးသက်

မန်မာနိုင်ငံမှာ တိုးတက်ပြောင်းလဲလာစေဖို့ ဒေသတွင်း မဟာမိတ်နိုင်ငံတွေဆီက ပူးပေါင်းဆောင်ရွက်မှုတွေရအောင် အာရှ ၃ နိုင်ငံကို သွားခဲ့တဲ့ မြန်မာနိုင်ငံဆိုင်ရာ အမေရိကန် အထူးကိုယ်စားလှယ် ဒဲရက်မစ်ချဲလ် (Derek Mitchell)ရဲ့ ခရီးစဉ်ဟာ မနေ့က အင်္ဂါနေ့က ပြီးဆုံးသွားခဲ့ပြီ ဖြစ်ပါတယ်။ မြန်မာအစိုးရ ရင်ဆိုင်နေရတဲ့ စိန်ခေါ်မှုတွေကို တရုတ်နိုင်ငံက အမေရိကန်နဲ့အတူ ပူးပေါင်းဆောင်ရွက်ဖို့ စိတ်ဝင်စားတာ တွေ့ရတယ်လို့ အခုနောက်ဆုံးသွားတဲ့ တရုတ်နိုင်ငံခရီးစဉ်အတွင်းမှာ မစ္စတာမစ်ချဲလ်က ပြောပါတယ်။ ဒါ့အပြင် မြန်မာနဲ့ အမေရိကန်အကြား ဆက်ဆံရေးကောင်းမွန်ဖို့ ကြိုးစားတာမှာလည်း တရုတ်နိုင်ငံအပေါ် ခြိမ်း ခြောက် မှုတခုအဖြစ် မမြင်သင့်ဘူးလို့လည်း သူက ပြောပါတယ်။ အကြောင်းစုံကို ဒေါ်ခင်မျိုးသက်က တင်ပြပေးထားပါတယ်။

မြန်မာနိုင်ငံမှာ အပြောင်းအလဲတွေ ပိုပြီးလုပ်လာအောင် အားပေးဖို့နဲ့ အမေရိကန်-မြန်မာ ဆက်ဆံရေး ပိုမိုကျယ်ပြန့်လာအောင် လုပ်ဖို့ အပါအဝင် နိုင်ငံခြားရေးဝန်ကြီး ဟီလာရီကလင်တန် (Hillary Clinton) မြန်မာနိုင်ငံကို သွားရောက်ခဲ့တဲ့ နောက် ပိုင်း မှာ မြန်မာနိုင်ငံဆိုင်ရာ အမေရိကန် အထူးကိုယ်စားလှယ် မစ္စတာမစ်ချဲလ်ဟာ အာရှ သုံးနိုင်ငံခရီးကို ထွက်လာခဲ့တာပါ။

သူဟာ ဒေသတွင်းနိုင်ငံတွေနဲ့ပါ မြန်မာ့အရေး ပူးပေါင်းဆောင်ရွက်နိုင်ဖို့ ကြိုးစားတဲ့အနေနဲ့ ဒီဇင်ဘာလ ၈ ရက်နေ့က တောင်ကို ရီးယားနိုင်ငံကို စတင်ခရီးထွက်ခွာခဲ့ပြီး ဂျပန်နိုင်ငံနဲ့ တရုတ်နိုင်ငံကိုပါ သွားရောက်ခဲ့တာပါ။ ဒီဇင်ဘာလ ၁၃ ရက်နေ့မှာ တရုတ် နိုင်ငံမှာ ခရီးစဉ်ကို အဆုံးသတ်ခဲ့တယ်လို့ အမေရိကန်နိုင်ငံခြားရေး ၀န်ကြီးဌာန ပြောခွင့်ရက VOA ကိုပြောပါတယ်။

“မြန်မာနိုင်ငံဆိုင်ရာ မူဝါဒညှိနှိုင်းရေးမှူးနဲ့ အထူးကိုယ်စားလှယ်ဒဲရက် မစ်ချဲလ် (Derek Mitchell) ရဲ့ တရုတ်နိုင်ငံ ဒုတိယ နေ့ ခရီးစဉ် အဆုံးသတ်သွားပြီ ဖြစ်ပါတယ်။ အင်္ဂါနေ့မှာ သူဟာ တရုတ်အစိုးရ အရာရှိကြီးတွေနဲ့ရော တရုတ်နိုင်ငံမှာရှိတဲ့ အာဆီ ယံနိုင်ငံ သံရုံးတွေက တာဝန်ခံတွေနဲ့ သာမက နိုင်ငံတကာအဖွဲ့အစည်းတွေနဲ့ပါတွေ့ဆုံခဲ့ပါတယ်။

ဒီလိုတွေ့ဆုံရာမှာ မြန်မာနိုင်ငံဆိုင်ရာ မူဝါဒ ညှိနှိုင်းရေးမှူး မစ္စတာ မစ်ချဲလ်က အမေရိကန်နိုင်ငံခြားရေးဝန်ကြီး ဟီလာရီကလင်တန် (Hillary Clinton) ရဲ့ မြန်မာနိုင်ငံခရီးစဉ် အပါအဝင် မြန်မာနိုင်ငံအပေါ်ထားရှိတဲ့ အမေရိကန်ရဲ့ မူဝါဒတွေနဲ့ ပတ်သက်ပြီး ဆွေးနွေးခဲ့သလို မြန်မာနိုင်ငံမှာ မကြာခင်အချိန်အတွင်း ဖြစ်ထွန်းတိုးတက်မှုတွေအပေါ် သူတို့ရဲ့အမြင်တွေကိုလည်း ဆွေးနွေးခဲ့ကြ ပါတယ်။ ဒါ့အပြင် ၂ နိုင်ငံ ဘုံအကျိုးစီးပွားဆိုင်ရာ ကိစ္စရပ်တွေ၊ မြန်မာနိုင်ငံ ပြုပြင်ပြောင်းလဲရေးနဲ့ လူသားချင်း စာနာမှုဆိုင်ရာ လိုအပ်ချက်တွေမှာ ပူးပေါင်း ဆောင်ရွက်နိုင်ခြေတွေကိုလည်း ဆွေးနွေးခဲ့ပါတယ်”

မြန်မာနိုင်ငံပြုပြင်ပြောင်းလဲရေးနဲ့ မြန်မာနိုင်ငံမှာလိုအပ်နေတဲ့ အကူအညီတွေပေးရေးကိစ္စတွေနဲ့ ပတ်သက်ပြီး တရုတ်နိုင်ငံကလည်း စိတ်ဝင်တစား ရှိနေတာတွေ့ရတယ်လို့ ဆိုပါတယ်။

“မြန်မာအစိုးရ ရင်ဆိုင်နေရတဲ့ စိန်ခေါ်မှုတွေနဲ့ ပတ်သက်ပြီး အမေရိကန်နဲ့တရုတ်တို့ ပူးတွဲဆောင်ရွက်ဖို့ ၂ နိုင်ငံစလုံးက စိတ်ဝင် တစား ရှိကြတယ်လို့ ပီကင်းမှာ အမေရိကန်အထူးကိုယ်စားလှယ်က ပြောပါတယ်။ မြန်မာနိုင်ငံအထဲမှာရော တရုတ်-မြန်မာ နယ် စပ်တကြောမှာပါ ရှိနေတဲ့ စိန်ခေါ်မှုတွေထဲမှာ မူးယစ်ဆေးဝါး တိုက်ဖျက်ရေး၊ လူကုန်ကူးမှု တိုက်ဖျက်ရေးနဲ့ ကျန်းမာရေးဆိုင်ရာ ပြဿနာတွေပါ ပါပါတယ်”

အခုလို ဒေသတွင်း နိုင်ငံတွေနဲ့ မြန်မာ့အရေး ပူးပေါင်းဆောင်ရွက်နိုင်ဖို့ လာရောက်ခဲ့တဲ့ မစ္စတာမစ်ချဲလ်ဟာ သူ့ရဲ့ တရုတ်နိုင်ငံ ခရီးစဉ်အပြီး ပီကင်းမှာ ပြုလုပ်တဲ့ သတင်းစာရှင်းလင်းပွဲမှာတော့ အမေရိကန်နဲ့ မြန်မာတို့ကြား ဆက်ဆံရေးတိုးတက် လာမှု အတွက် တရုတ်နိုင်ငံအပေါ် ခြိမ်းခြောက်မှုတခုအနေနဲ့ မမြင်သင့်ဘူးလို့ သတင်းထောက်တွေကို ပြောကြားခဲ့ပါတယ်။

ဒါ့အပြင် မြန်မာနိုင်ငံအတွက် သူ့အိမ်နီးချင်း ဘယ်နိုင်ငံနဲ့မှ ဆက်ဆံရေး တင်းမာတာမျိုး မဖြစ်စေချင်သလို တရုတ်-မြန်မာ ဆက်ဆံရေးမှာ အနုတ်လက္ခဏာတရပ် ဖြစ်လာစေဖို့ ရည်ရွယ်ချက်လည်း လုံးဝမရှိပါဘူးလို့ ဆိုပါတယ်။ မြန်မာနိုင်ငံနဲ့ မြန်မာ နိုင်ငံသားတွေရဲ့အကျိုးစီးပွားနဲ့ ဒေသတွင်း တည်ငြိမ်အေးချမ်းရေးတွေအတွက် အမေရိကန်နဲ့တရုတ် ၂ နိုင်ငံ အတူပူးပေါင်း ဆောင်ရွက်နိုင်ခြေတွေနဲ့ပတ်သက်ပြီး တရုတ်နိုင်ငံဘက်က တွက်ဆချက်တွေ၊ အမြင်တွေကို သိရဖို့အတွက် တရုတ်အရာရှိတွေနဲ့ ဆွေးနွေးခဲ့တယ်လို့လည်း သတင်းထောက်တွေကို ပြောပါတယ်။

မြန်မာနိုင်ငံအပေါ် စီးပွားရေးပိတ်ဆို့ အရေးယူမှုတွေကို ရုပ်သိမ်းပေးဖို့ မကြာသေးခင်ကပဲ တရုတ်နိုင်ငံခြားရေး ဝန်ကြီးဌာနက ကြေညာချက် ထုတ်ပြန်ခဲ့ပါတယ်။ ဒီအရေးယူဒဏ်ခတ်မှုဟာ မြန်မာနိုင်ငံမှာ လူ့အခွင့်အရေး ချိုးဖောက်မှုတွေနဲ့ ဒီမိုကရေစီရေး ဖိနှိပ်မှုတွေကြောင့် ချမှတ်ထားတာမို့ မြန်မာနိုင်ငံတွင်း ပြုပြင်ပြောင်းလဲမှုတွေ ဆက်ပြီး လုပ်လာခဲ့ရင် ရုပ်သိမ်းပေးဖို့ ဖြစ်လာမယ်လို့ နိုင်ငံခြားရေးဝန်ကြီး ဟီလာရီကလင်တန် (Hillary Clinton) က မြန်မာနိုင်ငံခရီးစဉ်အတွင်း ပြောကြားခဲ့တာပါ။

မြန်မာနိုင်ငံမှာ ပြုပြင်ပြောင်းလဲမှုတွေ အများကြီး တွေ့လာရပေမယ့် အပြောင်းအလဲတွေ ဆက်ပြီးလုပ်ဖို့ အတွက် လိုအပ်နေတာ တွေ အများကြီး ရှိနေသေးသလို မြန်မာနိုင်ငံရဲ့ အနာဂတ်နိုင်ငံရေးအတွက် မေးခွန်းထုတ်စရာတွေ ရှိနေသေးတယ်လို့ မစ္စတာ မစ်ချဲလ်က ပီကင်းမှာ ပြောကြားခဲ့ပါတယ်။ ဒါပေမယ့် အခုလိုပဲ အပြောင်းအလဲတွေ ဆက်ပြီး လုပ်နေမယ်ဆိုရင် မြန်မာနိုင်ငံ ဒီမိုကရေစီရေးခရီးလမ်းကို လျှောက်လှမ်းရာမှာ အမေရိကန်နိုင်ငံက မိတ်ဆွေကောင်းတယောက်အဖြစ်နဲ့ ရပ်တည်နေမှာ ဖြစ်သလို တွေ့လာရတဲ့ တိုးတက် ပြောင်းလဲမှုတွေအတွက် တဆင့်ချင်း အကူအညီတွေတိုးပေးပြီး တုံ့ပြန်ဖို့ ရှိတယ်လို့လည်း ပြောကြား ခဲ့ပါတယ်။

Ref: ဗွီအိုအေ

Read More...

အမေရိကန် ကာကွယ်ရေး ၀န်ကြီး အာဖဂန်နစ္စတန်ရောက်

13 ဒီဇင်ဘာ 2011

အမေရိကန် ဦးဆောင်တဲ့ သူပုန်နှိမ်နင်းရေး လုပ်ငန်းတွေ တိုးတက်မှုရှိမရှိ စစ်ဆေးဖို့အတွက် အမေရိကန် ကာကွယ်ရေး ၀န်ကြီး Leon Panetta ဟာ အာဖဂန်နစ္စတန်နိုင်ငံကို ရောက်ရှိနေပါတယ်။ တာလီဘန်တွေကို ဆယ်စုတစ်စု တိုက်ခိုက်ခဲ့ပြီးတဲ့နောက် သူပုန်နှိမ်နင်းရေး အလုပ်တွေက အလှည့်အပြောင်းကို ရောက်ရှိခဲ့တယ်လို့ သူက ဆိုပါတယ်။

အမေရိကန်တပ်မှူးတွေနဲ့ အာဖဂန်တာဝန်ရှိသူတွေနဲ့ ဆွေးနွေးဖို့ အတွက် ကဘူးမြို့ကို Panetta ပါနက်တာ အင်္ဂါနေ့က ရောက်ရှိ လာတာပါ။ အမေရိကန် ဦးဆောင်တဲ့ နေတိုးတပ်တွေ တဖြည်းဖြည်း ရုပ်သိမ်းတဲ့အခါ နိုင်ငံလုံခြုံရေးကို တာဝန်ယူဖို့ အာဖဂန် နစ္စတန် စစ်တပ်နဲ့ ရဲတပ်ဖွဲ့တွေဟာ ပိုပြီး ပြင်ပြင်ဆင်ဆင် ရှိလာပြီလို့ အာဖဂန်နစ္စတန်မြို့တော်ကို လေယာဉ်နဲ့အသွားမှာ သတင်း ထောက်တွေ ကို သူက ပြောပါတယ်။

အမေရိကန်တပ် ၁ သောင်းကို ၂၀၁၁ ကုန်မှာ ရုပ်သိမ်းဖို့ အမေရိကန်သမ္မတ ဘရက်အိုဘားမားက ဒီ နှစ် အစောပိုင်းက အမိန့် ထုတ်ခဲ့ပါတယ်။ နောက်နှစ် အောက်တိုဘာမှာ နောက်ထပ် ၂ သောင်း ၃ ထောင် ထပ်ရုပ်သိမ်းဖို့လည်း အမိန့်မှာ ပါပါတယ်။ ဒီကာလအတွင်းမှာ အာဖဂန်နစ္စတန်က ပြည်နယ်တွေရဲ့ လုံခြုံရေးတာဝန်ကို အာဖဂန်တပ်တွေကယူဖို့ နေတိုးက လွှဲပြောင်းပေးဖို့ စီစဉ်ထားပါတယ်။

အကူးအပြောင်းဖြစ်စဉ်က အမေရိကန်နဲ့ ပါကစ္စတန် ဆက်ဆံရေး ဆိုးဝါးလာတာကြောင့် ရှုပ်ထွေးလာခဲ့ပါတယ်။ အာဖဂန် နယ် စပ်က ပါကစ္စတန်ဘက်ကို နေတိုးက လေကြောင်းကနေ အရင်လအတွင်း တိုက်ခိုက်မိခဲ့ရာမှာ ပါကစ္စတန် စစ်သား ၂၄ ယောက် သေဆုံးသွားခဲ့တာကြောင့် ဆက်ဆံရေး ယိုယွင်းသွားခဲ့ရတာ ဖြစ်ပါတယ်။ နှစ်နိုင်ငံ နယ်စပ်တစ်ဘက်တစ်ချက် လုံခြုံရေး အတွက် ပူးပေါင်းဆောင်ရွက်ကြဖို့ ရည်ရွယ်ပြီး အာဖဂန်နစ္စတန်နဲ့ ဆွေးနွေးခဲ့ရာမှာ တိုးတက်မှုတွေ ရှိခဲ့တယ်လို့ အာဖဂန်မှာရှိတဲ့ မဟာမိတ်တပ်တွေရဲ့ ထိပ်တန်းတပ်မှူး၊ ဗိုလ်ချုပ်ကြီး John Allen က ပြောပါတယ်။ ပါကစ္စတန် စစ်တပ်အကြီးအကဲ Ashfaq Pervez Kayani နဲ့လည်း တယ်လီဖုန်းကနေ တနင်္လာနေ့က သူ စကားပြောခဲ့ပါတယ်လို့ Allen က ဆိုပါတယ်။

အမေရိကန် ပါကစ္စတန် ဆက်ဆံရေးဟာ အကြမ်းဖက်ဝါဒ တိုက်ဖျက်ရေးမှာ အဓိကသော့ချက် ဖြစ်တယ်လို့ အမေရိကန် က ယုံကြည်ကြောင်း Panetta က ဆိုပါတယ်။

Ref: ဗွီအိုအေ

Read More...

မလေးရှား အတိုက်အခံခေါင်းဆောင်အမှု အပြီးသတ်လျှောက်လဲချက်တင်

13 ဒီဇင်ဘာ 2011

မလေးရှားနိုင်ငံမှာ အတိုက်အခံခေါင်းဆောင် အဏ္ဍဝါ အီဘရာဟင်ကို မသင့်လျော်တဲ့ လိင်ဆက်ဆံမှုနဲ့ ပတ်သက်ပြီးတော့ တရားရုံး တင် စစ်ဆေးနေတာမှာ မစ္စတာ အဏ္ဍဝါကို ပြစ်ဒဏ်ချဖို့ သံသယအကျိုး ခံစားခွင့်ပေးစရာမလိုလောက်အောင် သက်သေအထောက် အထားတွေရှိတယ်လို့ အစိုးရရှေ့နေတွေက တရားခွင်အပြီးသတ်လျှောက်လဲချက်မှာ ပြောသွားပါတယ်။

ဒါပေမဲ့ မစ္စတာ အဏ္ဍဝါကတော့ သူ့ကို ဘာနဲ့မှ အထောက်အထားမပြနိုင်ပါဘူး၊ သူ့ကို ပြန်လွှတ်ပေးသင့်တယ် လို့ တရားခွင် အပြီး သတင်းထောက်တွေကို ပြောသွားပါတယ်။ မစ္စတာ အဏ္ဍဝါဟာ ၂၀၀၈ ခုနှစ်က သူ့ရဲ့ တိုက်ခန်းမှာ သူ့ရဲ့လက်ထောက်ကို အတင်း အဓမ္မလိင်ဆက်ဆံခဲ့တယ်လို့ သူ့ရဲ့လက်ထောက်ဟောင်းက ပြောတာဖြစ်ပါတယ်။

အသက် ၆၄ နှစ်အရွယ် မစ္စတာအဏ္ဍဝါကတော့ သူ့မှာ အပြစ်မရှိကြောင်း သူ့ကိုစွဲဆိုချက်က နိုင်ငံရေး အကြံအစည်နဲ့ ပြုလုပ် တာဖြစ်ကြောင်း ပြောပါတယ်။

ဒီသီတင်းပတ်မှာ အမှုစစ်ဆေးတာ ပြီးဆုံးမှာဖြစ်ပါတယ်။ ပြစ်မှုထင်ရှားကြောင်း တွေ့ရှိရပါက သူ့အနေနဲ့ ထောင်ဒဏ် နှစ် ၂၀ ထိ ကျခံရနိုင်ရဖွယ်ရှိပါတယ်။ မစ္စတာ အဏ္ဏ၀ါ (Anwar) ဟာ ၀န်ကြီးချုပ် နာဂျစ် ရာဇတ် Najib Razak ရဲ့ အဓိက ယှဉ်ပြိုင် ဘက်ဖြစ်ပါတယ်။ သူ့ရဲ့ပါတီဟာ ပြီးခဲ့တဲ့ လွှတ်တော်ရွေးကောက်ပွဲတွေမှာ နေရာအတော်များများကို အနိုင်ရရှိခဲ့ပါတယ်။ ပြစ်မှု ထင်ရှား တွေ့ရှိခဲ့ရင် နောက်နှစ်ကျင်းပဖို့ စီစဉ်ထားတဲ့ ရွေးကောက်ပွဲတွေမှာ သူပါဝင်ယှဉ်ပြိုင်ခွင့်ရမှာ မဟုတ်ပါဘူး။

Ref: ဗွီအိုအေ

Read More...

NLD ပါတီ ထူထောင်ခွင့်ရပြီ

13 ဒီဇင်ဘာ 2011
မစုမြတ်မွန်

မြန်မာနိုင်ငံ ပြည်ထောင်စုရွေးကောက်ပွဲ ကော်မရှင်ကနေ NLD အမျိုးသားဒီမိုကရေစီအဖွဲ့ချုပ်ကို နိုင်ငံရေးပါတီအဖြစ် တည် ထောင် ဖို့ ခွင့်ပြုလိုက်ပါပြီ။ ဒီလိုခွင့်ပြုလိုက်တဲ့အတွက် ပါတီမှတ်ပုံတင်ဖို့ လိုအပ်တာတွေကို စလုပ်နေပြီလို့ NLD ကပြောပါတယ်။ ပါတီကို အသစ် ပြန်လည် ဖွဲ့စည်းသွားမှာဖြစ်ပြီး ရွေးကောက်ပွဲအတွက်လည်း ပြင်ဆင်မှုတွေလုပ်နေတဲ့အကြောင်း နောက်ဆုံး အခြေအနေကို ဘန်ကောက်ရုံးကနေ မစုမြတ်မွန်က တင်ပြထားပါတယ်။

လက်ရှိ NLD အမျိုးသားဒီမိုကရေစီအဖွဲ့ချုပ်ဒုဥက္ကဋ္ဌ ဦးတင်ဦး၊ အတွင်းရေးမှူး ဒေါ်အောင်ဆန်းစုကြည် အပါအဝင် ပြည်နယ်နဲ့ တိုင်းအစုံက အဖွဲ့ဝင် ၂၁ ယောက် နာမည်နဲ့ ပါတီတည်ထောင်ခွင့်လျှောက်ထားတာကို ခွင့်ပြုလိုက်တယ်လို့ ရွေးကောက်ပွဲ ကော်မရှင်က တရားဝင်အသိပေး အကြောင်းပြန်ခဲ့တာပါ။ နိုင်ငံရေးပါတီအဖြစ် မှတ်ပုံတင်ဖို့ ပထမအဆင့် ကျော်သွားပြီဖြစ်လို့ နောက်တဆင့် ဘာတွေလုပ်ရမယ် ဆိုတာကို NLD သတင်းနဲ့ ပြန်ကြားရေးတာဝန်ခံ ဦးအုန်းကြိုင်က ခုလိုရှင်းပြပါတယ်။

ပါတီတည်ထောင်ခွင့်ပြုလိုက်ပြီလို့ အကြောင်းကြားစာရပြီဆိုရင် ကျနော်တို့လုပ်ရမှာက စတင်တည်ထောင်ဖို့ သွားပြီးတင်တဲ့ ၂၁ ယောက် ထဲက ပထမခေါင်းဆောင်၊ ဒုတိယခေါင်းဆောင် ရွေးရမယ်။ ရွေးပြီးတဲ့အခါကျ ကျနော်တို့ပါတီရဲ့နာမည်၊ ပါတီရဲ့ အလံ တော်၊ ပါတီရဲ့တံဆိပ်၊ ပါတီရဲ့သင်္ကေတ၊ ပါတီရဲ့မူဝါဒလမ်းစဉ်၊ ပါတီရဲ့ဘယ်လို ဖွဲ့စည်းမယ်ဆိုတဲ့ ဖွဲ့စည်းပုံ၊ အဲဒါတွေကို ပြုစုပြီး တော့ အဲဒီ ပ-ခေါင်းဆောင်၊ ဒု-ခေါင်းဆောင်တွေက နေပြည်တော် ကော်မရှင်ကို သွားတွေ့ပြီးတော့ မှတ်ပုံတင်ရမှာ။ အဲဒီအဆင့် ကိုလုပ်ဖို့ ဦးဉာဏ်ဝင်းတို့ ပြင်ဆင်နေကြတယ်”

ခေါင်းဆောင်တွေကို သဘောတူ ရွေးချယ်မယ့် အစည်းအဝေးမှတ်တမ်း မိတ္တူကိုလည်း ပါတီမှတ်ပုံတင်ခွင့်လျှောက်တဲ့အခါ ပေးဖို့ လိုတဲ့အတွက် ပါတီတည်ထောင်ခွင့် လျှောက်ထားခဲ့ကြတဲ့ ၂၁ ယောက်လုံး ပြန်ဆုံပြီး ဆုံးဖြတ်ရွေးချယ်ကြရမှာဖြစ်ပါတယ်။ ဒါပေမဲ့ ဒီ ၂၁ ယောက်ထဲမှာ ဝေးလံတဲ့ဒေသတွေမှာ နေထိုင်ကြတဲ့ အဖွဲ့ဝင်တွေလည်း ပါတာမို့ ဘယ်တော့ အချိန်အတိအကျဖြစ် နိုင်မလဲ ဆိုတာ မပြောနိုင်ပေမဲ့ အမြန်ဆုံး ကြိုးစားမယ်လို့ ဦးအုန်းကြိုင်က ပြောပါတယ်။

တကယ်လို့ ပါတီမှတ်ပုံတင်ခွင့် ရသွားပြီဆိုရင်တော့ ပါတီအဖွဲ့ဝင်အင်အား စည်းရုံးခွင့်ပါရမှာ ဖြစ်ပါတယ်။ ဒီတော့ အဲဒီအခါကျရင် ၁၉၈၈ ခုနှစ်က တည်ထောင်ခဲ့တဲ့ NLD ပါတီဆိုတာ ရှိတော့မှာ မဟုတ်တဲ့အတွက် လက်ရှိ ပါတီဝင်တွေက ဘယ်လို ဖြစ်သွား မှာပါလဲ၊ ဦးအုန်းကြိုင်ကတော့ NLD ကို အသစ်ပြုပြင်ပြောင်းလဲ ဖွဲ့စည်းမှာဖြစ်လို့ လူဟောင်း လူသစ် အားလုံးအဖွဲ့ဝင်သစ် ပြန် လျှောက်ကြရမယ်လို့ ပြောပါတယ်။

“အဲဒီနေရာမှာ လူကြီးတွေရဲ့သဘောထားကတော့လေ လက်ရှိပါတီဝင်တွေလည်း အသစ်ပြန်ပြီးတော့ လျှောက်ထားကြမယ်၊ အဲလို လုပ်မယ်လို့ စိတ်ကူးရှိပါတယ်။ အဲဒီလို ညွှန်ကြားထားတာ ရှိတယ်။ အဲဒီတော့ ကျနော်တို့သည်ပင်လျှင်ကို ပါတီဝင်အဖြစ်နဲ့ ပြန်ပြီးတော့ လျှောက်ကြရမှာပေါ့”

နောင်ကျင်းပမဲ့ ရွေးကောက်ပွဲတွေမှာ ဝင်ပြိုင်နိုင်ဖို့ NLD ပါတီက နိုင်ငံရေးပါတီအဖြစ် ပြန်လည် မှတ်ပုံတင်တယ်လို့ အသိပေး ကြေညာ ခဲ့ပြီးကတည်းက ရွေးကောက်ပွဲ အောင်နိင်ရေးအတွက်ကိုလည်း လှုပ်ရှားဆောင်ရွက်နေကြပါတယ်။ အဖွဲ့ဝင် ၂၁ ယောက်ပါဝင်တဲ့ ဗဟို အောင်နိုင်ရေးအဖွဲ့ကို ဖွဲ့စည်းခဲ့ပါတယ်။ လွှတ်တော် ကိုယ်စားလှယ် နေရာ လစ်လပ်နေတဲ့ မြို့နယ်တွေ၊ ခရိုင်၊ ပြည်နယ်နဲ့တိုင်းတွေမှာလည်း ရွေးကောက်ပွဲအောင်နိုင်ရေး အဖွဲ့တွေဖွဲ့ကြဖို့ ဆောင်ရွက်နေတယ်လို့ NLD သတင်းနဲ့ ပြန်ကြားရေးတာဝန်ခံ ဦးအုန်းကြိုင်က ပြောပါတယ်။ အဲဒီလိုဖွဲ့ကြတဲ့ထဲမှာ အလွှာစုံကသူတွေ ပါဝင်နိုင်ဖို့ အဆိုပြုစာရင်းတွေကို သက်ဆိုင်ရာ ပါတီရုံးတွေဆီက တောင်းခံထားပါတယ်။

“အဆိုပြုစာရင်းထဲမှာတော့ လက်ရှိဆောင်ရွက်နေတဲ့ အဖွဲ့ဝင်ဟောင်းတွေ၊ စည်းရုံးရေးမှူး အဟောင်းတွေလည်း ပါဖို့လိုသလို ရပ်မိရပ်ဖတွေ၊ မြို့မိမြို့ဖတွေ ပြီးတော့ လယ်သမားတွေ၊ အလုပ်သမားတွေ၊ NLD အောင်နိုင်ရေးအတွက် ပါဝင်ကူညီနိုင်မယ့် စီးပွားရေးလုပ်ငန်းရှင်တွေ၊ တတ်/သိ ပညာရှင်တွေ၊ နိုင်ငံရေးသမားဟောင်းတွေ- အဲဒါတွေပါ အကုန်လုံး ပါဝင်အောင် စည်းရုံး ပြီးတော့ အောင်နိုင်ရေးကော်မတီဖွဲ့ဖို့ ပြင်ဆင်ပါ၊ စည်းရုံးညှိနှိုင်း ဆွေးနွေးပြီးပြီဆိုရင်လည်း လျာထားစာရင်းပေါ့ဗျာ-အောင်နိုင်ရေး ကော်မတီကိုတော့ အောက်ပါပုဂ္ဂိုလ်များနဲ့ ဖွဲ့စည်းသင့်ပါတယ်ဆိုတဲ့ လျာထားစာရင်း၊ ကျနော်တို့ဆီကို တင်ပါ ဆိုပြီးတော့ ဗဟို အောင်နိုင်ရေးကော်မတီက ညွှန်ကြားထားတယ်၊ အဲဒီညွှန်ကြားစာအရ ပြည်နယ်၊ တိုင်း တော်တော်များများကတော့ စာရင်းတွေပို့ နေတယ်။ ကျနော်တို့ဆီ တချို့ရောက်တာတွေ ရောက်နေပြီ”

ရွေးကောက်ပွဲ မှတ်ပုံတင်ခြင်းဆိုင်ရာ ဥပဒေထဲက အချက်တချို့ကို ရွေးကောက်ပွဲကော်မရှင်က ပြင်ဆင်ခဲ့ပြီးနောက် NLD က ပါတီမှတ်ပုံ ပြန်တင်ပြီး ရွေးကောက်ပွဲတွေမှာ ပါဝင်ယှဉ်ပြိုင်သွားမယ်လို့ ကြေညာခဲ့တာပါ။ ကိုယ်စားလှယ် လစ်လပ်နေတဲ့ မဲ ဆန္ဒနယ်အားလုံးမှာ ပါဝင်ယှဉ်ပြိုင်သွားမှာဖြစ်သလို ဒေါ်အောင်ဆန်းစုကြည်ကိုယ်တိုင် ဝင်ရောက် အရွေးခံသွားမှာ ဖြစ်တယ်လို့ NLD က ပြောထားပါတယ်။ နောင်ရွေးကောက်ပွဲတွေစည်းရုံးမဲဆွယ်တဲ့အခါ အနီရောင်အောက်ခံမှာ ခွပ်ဒေါင်းနဲ့ ကြယ်ပုံပါပြီး အောက်ဖက်မှာ အမျိုးသားဒီမိုကရေစီ အဖွဲ့ချုပ်ဆိုတဲ့ စာတန်းပါတဲ့ အလံနဲ့အမှတ်တံဆိပ် သင်္ကေတကို အသုံးပြုသွားမယ်လို့ အသိပေးခဲ့သလို ၁၉၉၀ ခုနှစ် ရွေးကောက်ပွဲမှာ ပါတီ အမှတ်တံဆိပ်အဖြစ် အသုံးပြုခဲ့တဲ့ ခမောက်တံဆိပ်ကို လုံးဝ အသုံးပြု တော့မှာ မဟုတ်ဘူးဆိုတာကို တနင်္ဂနွေနေ့ကပဲ အစိုးရထုတ် သတင်းစာတွေကနေ ကြေညာခဲ့ပါတယ်။ သက်ဆိုင်ရာကတော့ ကြားဖြတ် ရွေးကောက်ပွဲ ဘယ်တော့လုပ်မယ်ဆိုတာကို အသိပေး ကြေညာခြင်း မရှိသေးပါဘူးရှင်။

Ref: ဗွီအိုအေ

Read More...

ကုလအရာရှိတချို့ လိုင်ဇာရောက်

13 ဒီဇင်ဘာ 2011
ကိုမိုးဇော်

မြန်မာနိုင်ငံ မြောက်ပိုင်းက လက်နက်ကိုင် ပဋိပက္ခတွေကြောင့် ထွက်ပြေးနေရသူတွေကို အကူအညီပေးဖို့ ကုလသမဂ္ဂ၀န်ထမ်းတွေ ကချင်ပြည်နယ်ကို ရောက်လာပါတယ်။ ဒုက္ခသည်တွေရဲ့အခြေအနေကို အကဲခတ်ဖို့ ပထမဆုံး အကြိမ်အဖြစ် မနေ့နှောင်းပိုင်းက ကိုယ်စားလှယ်တွေ လိုင်ဇာမြို့ကိုရောက်လာချိန်မှာပဲ တိုက်ပွဲတွေကလည်း ဆက်လက်ဖြစ်ပွားနေဆဲပါ။ သမ္မတက တိုက်ပွဲတွေ ရပ်ဆိုင်းဖို့ မြန်မာစစ်တပ်ကို ညွှန်ကြားထားတဲ့နောက်မှာပဲ တိုက်ခိုက်မှုတွေ ဆက်ဖြစ်နေတာပါ။ အပြည့်အစုံကိုတော့ ထိုင်းအခြေ စိုက် သတင်းထောက် ကိုမိုးဇော်က တင်ပြမှာ ဖြစ်ပါတယ်။

ဟုတ်ကဲ့။ ကချင်လွတ်လပ်ရေးတပ်မတော် KIA နဲ့ မြန်မာအစိုးရတပ်တွေအကြားဖြစ်ပွားနေတဲ့ ၆ လကျော်ကြာ တိုက်ပွဲတွေ ကြောင့် တရုတ်-မြန်မာနယ်စပ်ဒေသနဲ့ ကချင်ပြည်နယ်အတွင်းက မြစ်ကြီးနား၊ ၀ိုင်းမော်၊ ဗန်းမော် စတဲ့မြို့တွေမှာ စစ်ပြေးဒုက္ခ သည်တွေ သောင်းနဲ့ချီပြီး ထွက်ပြေး တိမ်းရှောင်နေရတာ ဖြစ်ပါတယ်။

အစိုးရထိန်းချုပ်ရာမြို့ရွာတွေဆီ ရောက်ရှိလာတဲ့ ဒုက္ခသည်တွေကိုတော့ အစိုးရနဲ့ ကုလသမဂ္ဂအပါအ၀င် ဘာသာရေးနဲ့ လူမှုရေး အသင်းအဖွဲ့တွေက ထောက်ပံ့ကူညီပေးနိုင်ပေမဲ့ KIA ထိန်းချုပ်ရာ လိုင်ဇာမြို့နဲ့ တရုတ်-မြန်မာ နယ်စပ်ဒေသဘက်ကို ထွက်ပြေး ခိုလှုံသူတွေကတော့ ထိရောက်တဲ့ ကူညီထောက်ပံမှုတွေ မရကြပါဘူး။

ဒီရက်ပိုင်းတွေအတွင်းမှာတော့ ကုလသမဂ္ဂက ၀န်ထမ်းတချို့ဟာ ပထမဆုံးအကြိမ်အဖြစ် လိုင်ဇာမြို့ကို ရောက်ရှိလာပြီး ဒုက္ခသည် တွေကို ထောက်ပံ့ကူညီဖို့အတွက် စတင်ဆောင်ရွက်နေပြီလို့ ရန်ကုန် ကုလသမဂ္ဂ ရုံးရဲ့ ပြန်ကြားရေး အရာရှိ ဦးအေးဝင်းက ပြောပါတယ်။

“ဟုတ်ကဲ့ UN အဖွဲ့ရောက်နေပါတယ်ခင်ဗျ။ အဓိကကတော့ လိုအပ်တဲ့ ပစ္စည်းတွေ သွားပို့ဖို့ပါပဲခင်ဗျ။ ဒါက ပထမဦးဆုံး အကြိမ် ပေါ့နော်။ နောက်လည်း ဆက်ပို့ဖို့ ကြိုးစားအုံးမှာပါခင်ဗျ။ လက်လှမ်းမီတဲ့နေရာ အားလုံးကို ပို့ဖို့တော့ ကြိုးစားနေ ပါတယ်ခင်ဗျ။ ပစ္စည်းတွေ ပို့နိုင်တယ်ဆိုတာကလည်း အဘက်ဘက်နဲ့ ညှိနှိုင်းပြီးတော့ ဖြစ်ပေါ်လာတဲ့ ရလာဒ်တခုပေ့ါလေ။ ဒါကလည်း ကနဦး ပဲရှိပါသေးတယ်ခင်ဗျ”

ဌာနေ၀န်ထမ်း ၄ ယောက်ပါတဲ့ ကုလသမဂ္ဂအဖွဲ့ဟာ မနေ့ညနေပိုင်းက လိုင်ဇာမြို့ကို ရောက်ရှိခဲ့တာဖြစ်ပြီး မနက်ဖန်မှ ပြန်လည် ထွက်ခွာမှာဖြစ်ပါတယ်။

ဒီလို လာရောက်တဲ့အပေါ်မှာ ကချင်လွတ်လပ်ရေးအဖွဲ့ KIOက ကြိုဆိုကြောင်း၊ အဖွဲ့ရဲ့ ပြောရေးဆိုခွင့်ရှိသူ ဦးလနန်က ပြောပါ တယ်။

“ကျနော်တို့ KIO အဖွဲ့အစည်းကတော့ ကြိုဆိုလက်ခံပါတယ်။ ဒါလည်း သူတို့ NGO အဖွဲ့အစည်းကနေပြီး လုပ်သင့်လုပ်ထိုက်တဲ့ ကိစ္စတွေကို လုပ်တာပဲလို့ မှတ်ယူပါတယ်။ အဲဒါကြောင့် ဘာမှ ပြဿနာမရှိပါဘူး။ အဓိကကတော့ လူသားချင်းစာနာတဲ့ အကူ အညီပေးဖို့အတွက် လာပြီးလေ့လာတယ်လို့ပဲ မှတ်ယူတယ်ခင်ဗျ။ ဒုက္ခသည်တွေနဲ့ လွတ်လွတ်လပ်လပ်တွေ့ဆုံခွင့်ကို ပေးထား ပါတယ်”

လောလောဆယ်မှာတော့ ကုလသမဂ္ဂအဖွဲ့က စစ်ပြေးဒုက္ခသည်မိသားစု ၅၀၀ အတွက် လိုအပ်တဲ့ အိုး၊ ခွက်၊ ပန်းကန်စတာတွေနဲ့ ကလေးအ၀တ်အစားတွေ၊ ရွက်ဖျဉ်တဲတွေ ထောက်ပံ့တာတွေ့ရကြောင်း ပြောပါတယ်။

ကုလသမဂ္ဂကိုယ်စားလှယ်အဖွဲ့ရောက်ရှိချိန်ဟာ နိုင်ငံတော်သမ္မတဦးသိန်းစိန်က ကချင်တပ်ဖွဲ့ကို ထိုးစစ် မဆင်ဖို့အတွက် ကာကွယ် ရေးဦးစီးချုပ်ကို ဒီလ ၁၀ ရက်နေ့က ညွှန်ကြားထားကြောင်း သတင်းတွေ ထွက်ပေါ်နေချိန်နဲ့လည်း တိုက်ဆိုင်နေတာ ဖြစ်ပါတယ်။

KIO ဘက်ကတော့ သမ္မတ ဦးသိန်းစိန်က ဒီလို ညွှန်ကြားထားပေမဲ့ တိုက်ပွဲတွေက ဆက်လက်ဖြစ်ပွားနေဆဲ ဖြစ်တယ်လို့ ပြောပါတယ်။

“စစ်ဆင်ရေးမလုပ်ဖို့ ထိုးစစ်မလုပ်ဖို့ ညွှန်ကြားထားပေမဲ့ မနေ့ကလည်း တိုက်ပွဲကဖြစ်တာပဲ။ အခုလည်း တိုုက်ပွဲက ပြင်းပြင်း ထန်ထန်ဖြစ်နေတယ်ခင်ဗျ။ အခုလောလောဆည်ဖြစ်နေတာ ရတဲ့သတင်းကတော့ တပ်မဟာ ၃ ဒေသ တပ်ရင်း ၁၅ ဂွင်မှာ ဖြစ်နေတယ်။ မိုးမောက်မြို့နယ်လို့ ပြောလို့ ရတယ်။ အဲဒီဒေသမှာ ဖြစ်နေတာတော့ ၅ ရက်လောက်ရှိပါပြီ”

ဒေသခံတချို့ကတော့ ဒီကနေ့ မိုးမောက်မြို့နယ်အတွင်း တိုက်ပွဲမှာ အစိုးရတပ်က ရဟတ်ယာဉ်သုံးပြီး တိုက်ခိုက်တာတွေ ရှိတယ်လို့ ပြောပေမဲ့ KIO ဘက်ကတော့ အတည်မပြုပါဘူး။

ကချင်ပြည်နယ်အတွင်း ဒီလိုတိုက်ပွဲတွေ ပြင်းထန်နေတဲ့တချိန်တည်းမှာ ရှမ်းပြည်နယ်မြောက်ပိုင်း မူဆယ်၊ နမ်းခမ်းဘက်ကနေ တပ်မ ၈၈၊ ၉၉ နဲ့ စစ်ဆင်ရေးကွပ်ကဲမှုဌာနချုပ် စကခ ၁၀ လက်အောက်ခံတပ်ရင်းတွေ စုစုပေါင်း ၁၀ ရင်းလောက် တက်လာ သလို မြစ်ကြီးနားမြို့ကိုလည်း မီးရထားနဲ့ အစိုးရတပ်ဖွဲ့တွေ လာရောက်နေတာရှိတယ်လို့ ဦးလနန်က ပြောပါတယ်။

KIO နဲ့ မြန်မာအစိုးရဟာ ဒီနှစ် ဇွန်လတည်းက တိုက်ပွဲတွေပြန်လည်စတင်ခဲ့ပြီး ကချင်ပြည်နယ်အတွင်း ငြိမ်းချမ်းရေးရရှိဖို့အတွက် အစိုးရကိုယ်စားလှယ်တွေနဲ့ KIO အဖွဲ့ဟာ အနည်းဆုံး ၅ ကြိမ် တွေ့ဆုံခဲ့ပြီး ဖြစ်ပါတယ်။ နိုဝင်ဘာလ ၂၉ ရက်နေ့ကတော့ KIO ဥက္ကဋ္ဌ ဦးဇောင်းဟရား ဦးဆောင်တဲ့ကိုယ်စားလှယ်အဖွဲ့ဟာ ပြည်ထောင်စုအစိုးရရဲ့ အဆင့်မြင့်ကိုယ်စားလှယ်တွေနဲ့ဆွေးနွေးခဲ့ပေမဲ့ အခုချိန်ထိတော့ အပစ်အခတ် ရပ်စဲဖို့အတွက် သဘောတူညီချက်မရသေးပါဘူး။

မြန်မာအစိုးရကတော့ ၀၊ မိုင်းလားအဖွဲ့တွေနဲ့ အပစ်အခတ်ရပ်စဲရေးကို ဆက်လက်ထိန်းသိမ်းဖို့ သဘောတူညီချက် ရရှိထား ကြောင်းနဲ့ ဒီရက်ပိုင်းတွေအတွင်းမှာတော့ ရှမ်းတပ်မတော် SSA တောင်ပိုင်းနဲ့ ဗိုလ်နုတ်ခမ်းမွှေး ဦးဆောင်တဲ့ တိုးတက်သော ဗုဒ္ဓ ဘာသာ ကရင်အမျိုးသားတပ်မတော် (DKBA) တို့နဲ့ အပစ်အခတ်ရပ်စဲဖို့ သဘောတူညီချက်ရကြောင်း သတင်းထုတ်ပြန်ထား ပါ တယ်။

Ref: ဗွီအိုအေ

Read More...

တရုတ်ဝန်ကြီးချုပ် မြန်မာပြည်သွားမည်

13 ဒီဇင်ဘာ 2011

တရုတ်ဝန်ကြီးချုပ် ၀မ်ကျားပေါင်ဟာ မြန်မာနိုင်ငံမှာ ကျင်းပဖို့ရှိတဲ့ မဲခေါင်မြစ်ကြောင်းတလျှောက် ပါဝင်တဲ့နိုင်ငံများ အစည်း အဝေးကို တက်ရောက်ဖို့အတွက် ရှေ့လာမယ့် သီတင်းပတ်အတွင်း မြန်မာနိုင်ငံကိုသွားဖို့ရှိတယ်လို့ အစည်းအဝေးကို စီစဉ်သူတွေနဲ့ နည်းစပ်သူ တွေကို ကိုးကားပြီး ရိုက်တာသတင်းမှာ ရေးသားထားပါတယ်။

မြန်မာနိုင်ငံရဲ့အရပ်သားအစိုးရသစ်ကို နိုင်ငံရေးပြုပြင်ပြောင်းလဲရေးနဲ့ နိုင်ငံတကာ အသိုင်းဝိုင်းနဲ့ ပြန်လည်ထိတွေ့ ဆက်ဆံရေး တွန်း အား ပေးဖို့ အတွက် အမေရိကန်နိုင်ငံခြားရေးဝန်ကြီး မစ္စဟယ်လာရီကလင်တန် မြန်မာနိုင်ငံကို သွားရောက်ခဲ့ပြီးနောက် အခု ၀မ် ရဲ့ ခရီးစဉ်ထွက်ပေါ်လာတာပါ။

တရုတ်နိုင်ငံဟာ မြန်မာအစိုးရနဲ့ ရေရှည်နီးနီးကပ်ကပ် ဆက်ဆံလာခဲ့တဲ့တိုင်းပြည်ဖြစ်ပြီး မြန်မာအစိုးရဖက်က တရုတ်နိုင်ငံနဲ့ ပြုလုပ် ထားတဲ့ ရေအားလျှပ်စစ်ထုတ်ဖို့ အစီအစဉ်နဲ့တည်ဆောက်နေတဲ့ ဆည်ကာတာ စီမံကိန်းကို ရပ်ဆိုင်းလိုက်မှုက ဆက်ဆံရေး မှာ အဖုအထစ်ဖြစ်စေခဲ့ပါတယ်။

ဒီအတောအတွင်း အမေရိကန်ပြည်ထောင်စုရဲ့ မြန်မာနိုင်ငံဆိုင်ရာ အထူးသံတမန်က မြန်မာနဲ့ အမေရိကန်ကန်အကြား ဆက်ဆံရေး တိုးတက်လာမှုက တရုတ်နိုင်ငံအပေါ်ခြိမ်းခြောက်မှုတခုအဖြစ် မမြင်သင့်ကြောင်း ပြောဆိုလိုက်ပါတယ်။

ပီကင်းမြို့ကို သွားရောက်လည်ပတ်တဲ့ခရီးစဉ်အပြီး အင်္ဂါနေ့က သတင်းထောက်တွေကို ပြောကြားရာမှာ မစ္စတာ ဒဲရက် မစ်ချယ် က အမေရိကန်နဲ့မြန်မာရဲ့ဆက်ဆံမှုကြောင့် တရုတ်နဲ့မြန်မာဆက်ဆံရေးအပေါ် မကောင်းတဲ့အကျိုးဆက် ဖြစ်ပေါ်စေနိုင်တဲ့ ရည်ရွယ် ချက်မျိုး အမေရိကန်နိုင်ငံမှာ စိုးစဉ်းမှမရှိဘူးလို့ ပြောပါတယ်။

အမေရိကန်နိုင်ငံခြားရေးဝန်ကြီး ဟယ်လာရီကလင်တန်က မြန်မာနိုင်ငံခရီးစဉ်အတွင်း အရပ်သားအစိုးရအသစ်အနေနဲ့ နိုင်ငံရေး ပြုပြင် ပြောင်းလဲမှုတွေကို ဆက်လက်အကောင်ထည်ဖေါ် လုပ်ဆောင်သွားမယ်ဆိုရင် ပိတ်ဆို့ အရေးယူ ထားတာတွေကို ယုတ် သိမ်းပေးဖို့ အမေရိကန်ဖက်က စဉ်းစားမှာ ဖြစ်တယ်လို့ ပြောဆိုခဲ့ပါတယ်။

ဒီခရီးစဉ်အတွင်း တရုတ်နိုင်ငံပိုင် သတင်းစာတစောင်က တရုတ်နိုင်ငံရဲ့ အကျိုးစီးပွားကို မထိခိုက်ဖူးဆိုရင် မြန်မာနဲ့ အနောက်နိုင်ငံ တွေရဲ့ ဆက်ဆံမှုကို ကန့်ကွက်စရာမရှိပါဘူးဆိုပြီး ရေးသားခဲ့ပါတယ်။

တချို့ကတော့ ၀န်ကြီးကလင်တန်ရဲ့ မြန်မာနိုင်ငံခရီးစဉ်ဟာ တရုတ်နဲ့နှစ်ပေါင်းရှည်ကြာ အပေါင်းအပါဖြစ်နေတဲ့ မြန်မာနိုင်ငံကို အမေရိကန်ဘက် ယိမ်းလာအောင် ကျိုးပမ်းချက်တရပ်အဖြစ်မြင်နေကြပါတယ်။

Ref: ဗွီအိုအေ

Read More...

ဆီးရီးယားနှိပ်ကွပ်မှု ICC စုံစမ်းဖို့ ကုလတင်ပြမည်

13 ဒီဇင်ဘာ 2011

ဆီးရီးယားအစိုးရတပ်တွေက နိုင်ငံရဲ့ အနောက်မြောက်ပိုင်းမှာ လူပေါင်း ၁၁ ဦးကို သတ်ဖြတ်ခဲ့ပြီးတော့ ဒါဇင်ပေါင်းများစွာကို ဒဏ်ရာရရှိသွားစေခဲ့ကြောင်း ဆီးရီးယားလူ့အခွင့်အရေးအဖွဲ့တွေက ပြောပါတယ်။ တချိန်တည်းမှာပဲ ကုလသမဂ္ဂက ဆီးရီးယား နိုင်ငံတွင်းမှာ နိုင်ငံရေးအဓိကရုဏ်းအတွင်း သေဆုံးသူဦးရေ ၅,၀၀၀ လောက် ရှိသွားပြီလို့ ပြောပါတယ်။

လန်ဒန်အခြေစိုက် ဆီးရီးယားလူ့အခွင့်အရေးအဖွဲ့ရဲ့ အပြောအရ မကြာခင်က ဖြစ်ခဲ့တဲ့ သတ်ဖြတ်မှုတွေဟာ တူရကီနယ်စပ်၊ အီလစ်ပ် ခရိုင်အတွင်းမှာ ဖြစ်ခဲ့တာလို့ ပြောပါတယ်။

မတ်လကစပြီး ဖြစ်ပွားခဲ့တဲ့နိုင်ငံရေးအဓိကရုဏ်းအတွင်း သေဆုံးသူအရေအတွက်ဟာ ၅ ထောင်ထက်တောင် ကျော်ဖွယ်ရှိ တဲ့ အကြောင်း ယုံကြည်စိတ်ချရတဲ့ သတင်းအရင်းအမြစ်တွေဆီက အစီရင်ခံစာ ရရှိထားတယ်လို့ ကုလသမဂ္ဂလူ့အခွင့်အရေးဆိုင်ရာ အကြီးအကဲ နာဗီပီလေးက ပြောပါတယ်။

ရရှိထားတဲ့အထောက်အထားတွေအရ စနစ်တကျ စီစဉ်သတ်ဖြတ်တာတွေ၊ ဖမ်းဆီးတာတွေ၊ နှိပ်စက်တာတွေဟာ လူသားအချင်း ချင်းအပေါ် ကျူးလွန်တဲ့ ရာဇဝတ်မှုမြောက်တဲ့အတွက် ဒီကိစ္စကို အပြည်ပြည်ဆိုင်ရာ ရာဇဝတ်မှုခုံရုံးကို လွှဲပြောင်းပေးဖို့ သူမအနေ နဲ့ တင်ပြမှာဖြစ်တယ်လို့ ပီလေးက ပြောပါတယ်။

လမ်းဆုံမြို့ကြီးဖြစ်တဲ့ ဟွန်းမြို့မှာ ကြီးမားတဲ့တိုက်ခိုက်မှုကြီး ဖြစ်လာနိုင်တယ်လို့လည်း ပီလေးက သတိပေး လိုက်ပါတယ်။ ဆီးရီး ယားနိုင်ငံပိုင် သတင်းစာဖြစ်တဲ့ ဆာရာကတော့ နယ်စပ်က အစိုးရတပ်ဖွဲ့တွေဟာ တူရကီဘက်ကနေ ဝင်လာတဲ့ အကြမ်းဖက် သမား ၁၅ ဦးနဲ့ တိုက်ပွဲဖြစ်ပွားပြီး အကြမ်းဖက်သမား ၂ ဦး သေဆုံးသွားတယ်လို့ ကြေညာခဲ့ပါတယ်။

Ref: ဗွီအိုအေ

Read More...

အမျိုး​သား​ဒီမိုက​ရေစီအဖွဲ့​ချုပ်ကို ပါတီ​ထောင်ခွင့်​ပြုလိုက်ပြီ

December 13, 2011
ရွှေအောင်

မြန်မာ့​ရွေး​ကောက်ပွဲ ​ကော်မရှင်က အမျိုး​သား​ဒီမိုက​ရေစီအဖွဲ့​ချုပ်ပါတီ (အန်အယ်လ်ဒီ) ကို ပါတီထူ​ထောင်ခွင့်​ ပြုလိုက်ပါတယ်။

ဦး​တင်ဦး​ပါ ၂၁ ဦး​ရဲ့​ ပါတီထူ​ထောင်ခွင့်​ ​လျှောက်ထား​မှုဟာ ဥပ​ဒေ၊​ နည်း​ဥပ​ဒေ​တွေနဲ့​ ညီညွတ်​ကြောင်း​တွေ့​ရှိရလို့​ ၂၀၁၁ ခုနှစ်၊​ ဒီဇင်ဘာ ၁၂ ရက် ရက်စွဲနဲ့​ ပါတီထူ​ထောင်ခွင့်​ ပြုလိုက်တယ်လို့​ ​ကော်မရှင်ရဲ့​ ​ကြေညာချက်မှာ ​ဖော်ပြထား​ပါတယ်။

ပါတီထူ​ ထောင်ခွင့်​ကျပြီဖြစ်လို့​ ​နေပြည်​တော်ကိုသွား​ပြီး​ ပါတီမှတ်ပုံတင်ဖို့​ လုပ်မယ့်​အ​ကြောင်း​၊​ ပါတီမှတ်ပုံတင်ရာမှာ လိုအပ်တဲ့​ ပါတီဖွဲ့​စည်း​ပုံ၊​ မူဝါဒသ​ဘောထား​၊​ အလံတံဆိပ်၊​ ၂၁ ဦး​ထဲက ပါတီ​ခေါင်း​ဆောင်၊​ ဒု-​ခေါင်း​ဆောင် ​ရွေး​ချယ်​ရေး​ တို့​ကို ချက်ချင်း​ ​ဆောင် ရွက်​ နေတယ်လို့​ ပါတီ​ပြောခွင့်​ရ ဦး​ဉာဏ်ဝင်း​က ​ပြောပါတယ်။

ပါတီ​ခေါင်း​ ဆောင်၊​ ဒု​ခေါင်း​ဆောင် ​ရွေး​ချယ်ဖို့​အတွက် ပါတီထူ​ထောင်ရာမှာ ပါဝင်တဲ့​ ၂၁ ဦး​ကို အစည်း​အ​ဝေး​ခေါ် ​ဆောင်ရွက် သွား​မှာဖြစ်ပြီး​ ​နောက်တပတ်​လောက်မှ ပါတီမှတ်ပုံတင်ဖို့​ ​နေပြည်​တော်ကို သွား​နိုင်မယ်လို့​လည်း​ သိရပါတယ်။

အမျိုး​သား​ ဒီမိုက​ရေစီအဖွဲ့​ချုပ် ပါတီထူ​ထောင်ခွင့်​ကို ပြီး​ခဲ့​တဲ့​ နိုဝင်ဘာ ၂၅ ရက်​နေ့​က ​နေပြည်​တော် ​ကော်မရှင်ရုံး​မှာ ​လျှောက်ထား​ခဲ့​တာ ဖြစ်ပါတယ်။

၂၁ ဦး​စာရင်း
၁။ ဦး​တင်ဦး
၂။ ​ဒေါ်​အောင်ဆန်း​စုကြည်
၃။ ဦး​ဝင်း​တင်
၎။ ဦး​ဟံသာမြင့်
၅။ ဦး​ဉာဏ်ဝင်း
၆။ ​ဒေါ်​မေဝင်း​မြင့်
၇။ ဦး​ဒါလဆိုင်း​(ကချင်)
၈။ ​ဒေါ်ခင်သန်း​လှိုင်(စစ်ကိုင်း​)
၉။ ​ဒေါ်အုန်း​ကြည်(မန္တ​လေး​)
၁၀။ ​ဒေါက်တာ​ဒေါ်သန်း​ငွေ(ရှမ်း​)
၁၁။ ​ဒေါ်ခင်မိုး​မိုး​(ကယား​)
၁၂။ ဦး​ကျော်ခိုင်(ရခိုင်)
၁၃။ ဦး​ဇိုပွဲ(ချင်း​)
၁၄။ ​ဒေါ်ခင်​စော​ဌေး​(မ​ကွေး​)
၁၅။ ​ဒေါ်လှလှမိုး​(ပဲခူး​)
၁၆။ ​ဒေါ်နန်း​ခင်​ထွေး​မြင့်​(ကရင်)
၁၇။ ​ဒေါ်ခင်​ဌေး​ကြွယ်(မွန်)
၁၈။ ဦး​ခင်​ဇော်လင်း​(ဧရာဝတီ)
၁၉။ ​ဒေါ်ခင်​အေး​မူ(တနင်္သာရီ)
၂၀။ ဦး​စိုး​ဝင်း​(ရန်ကုန်)
၂၁။ ကိုမျိုး​ညွန့်​(လူငယ်)

Ref: ဒီဗွီဘီ

Read More...

ရခိုင်နှင့်​ မွန်ပါတီကို ပြန်လည်ဖွဲ့​စည်း​ဖွယ်ရှိ

December 13, 2011
နေသွင်

၁၉၉၀ ​ရွေး​ကောက်ပွဲမှာ အနိုင်ရခဲ့​တဲ့​ တိုင်း​ရင်း​သား​ နှစ်ပါတီနဲ့​ ၂၀၁၀ ​ရွေး​ကောက်ပွဲဝင် တိုင်း​ရင်း​သား​နှစ်ပါတီ ​ပေါင်း​စည်း​ရေး​ အ​တော်ခရီး​ရောက်​နေပြီလို့​ သိရပါတယ်။

ရွေး​ ကောက်ပွဲဝင် တိုင်း​ရင်း​သား​နှစ်ပါတီနဲ့​ ​လော​လောဆယ် ဖျက်သိမ်း​ခံထား​ရတဲ့​ ၁၉၉၀ ​ရွေး​ကောက်ပွဲ အနိုင်ရနှစ်ပါတီတို့​ ​ပေါင်း​စည်း​ပြီး​ရင် သက်ဆိုင်ရာပါတီ​တွေမှာ ​ခေါင်း​ဆောင် အ​ပြောင်း​အလဲ​တွေလည်း​ ဖြစ်လာနိုင်တယ်လို့​ ပါတီ ​ခေါင်း​ဆောင်​တွေက ​ပြော ပါတယ်။

၂၀၁၀ ​ရွေး​ကောက်ပွဲဝင်ခဲ့​တဲ့​ မွန်​ဒေသလုံး​ဆိုင်ရာ ဒီမိုက​ရေစီပါတီနဲ့​ ​ရွေး​ကောက်ပွဲကို သပိတ်​မှောက်ခဲ့​တဲ့​ မွန်အမျိုး​သား​ ဒီမိုက​ရေစီအဖွဲ့​ချုပ်တို့​ ပြန်လည်​ပေါင်း​စည်း​ရေး​ ​ရှေ့​တပတ်ထဲမှာ တရား​ဝင်ဆုံး​ဖြတ်ပြီး​ရင် ​ခေါင်း​ဆောင်မှု အ​ပြောင်း​အလဲ​တွေလည်း​ ဖြစ် နိုင်တယ်လို့​ မွန်​ဒေသလုံး​ဆိုင်ရာပါတီ ဥက္ကဋ္ဌ နိုင်​ငွေသိန်း​က ​ပြောပါတယ်။

“လူက​တော့​ ပြောင်း​နိုင်တယ်။ ဥပမာ ကျ​နော့်​နေရာမှာဆိုရင် သင့်​တော်မယ့်​ ဟိုဘက် ပုဂ္ဂိုလ်​ပေါ့​။ ကျ​နော် ကမ်း​လှမ်း​ပြီး​သား​ပဲ​လေ။ နှစ်ဖက်စလုံး​က သ​ဘောကျမယ်ဆိုရင် ပိုပြီး​ သင့်​တော်မယ့်​ အ​ခြေအ​နေ​ပေး​မယ့်​ ပုဂ္ဂိုလ်တ​ယောက်ကို တင်မယ်ဆိုရင် ကျ​နော့်​အ​နေနဲ့​ ဘာမှကန့်​ကွက်စရာ အ​ကြောင်း​မရှိဘူး​လေ။ ပိုပြီး​တော့​ ​ကောင်း​အောင်၊​ ပိုပြီး​ အရည်အ​သွေး​ပြည့်​အောင်၊​ ပိုပြီး​ခိုင်မာ​အောင် ကျစ်လျစ်​အောင် ကျ​နော်က ကမ်း​လှမ်း​ထား​ပြီး​သား​ပါ။”

မွန်​ဒေသလုံး​ ဆိုင်ရာ ဒီမိုက​ရေစီပါတီဟာ ပြီး​ခဲ့​တဲ့​ ​ရွေး​ကောက်ပွဲမှာ လွှတ်​တော် ၃ ရပ်စလုံး​အတွက် အမတ်​နေရာ ၁၆ ​နေရာမှာ အနိုင်ရခဲ့​တာပါ။

မွန်ပါတီနှစ်ရပ် ​ပေါင်း​စည်း​ရေး​အတွက် ဆုံး​ဖြတ်ထား​တဲ့​ မွန်အမျိုး​သား​ ဒီမိုက​ရေစီအဖွဲ့​ချုပ်ရဲ့​ အ​ထွေ​ထွေအတွင်း​ရေး​မှူး​ မင်း​စိုး​လင်း​ကလည်း​ ၂ ပါတီ ​ပေါင်း​စည်း​ရေး​နဲ့​ လာမယ့်​ ကြား​ဖြတ်​ရွေး​ကောက်ပွဲ ဝင်​ရောက်ယှဉ်ပြိုင်​ရေး​ ကိစ္စကို ​ရှေ့​တပတ်မှာ ​ဆွေး​နွေး​မယ်လို့​ ​ပြောပါတယ်။

“အဓိက က​တော့​ဗျာ။ ကျ​နော်တို့​အဖွဲ့​က ယူအန်အယ်လ်ဒီ (ပြည်​ထောင်စု တိုင်း​ရင်း​သား​များ​ ဒီမိုက​ရေစီအဖွဲ့​ချုပ်) ရယ်၊​ ယူအန်​အေ (ညီညွတ်​သော တိုင်း​ရင်း​သား​မဟာမိတ်များ​အဖွဲ့​) ​ရော ကျ​နော်တို့​အဖွဲ့​က ပါ​နေတယ်​လေ။ ယူအန်အယ်လ်ဒီနဲ့​ ယူအန်​အေရဲ့​ ​နောက်ဆုံး​ ၁၆၊​ ၁၁၊​ ၂၀၊​ ၂၁ မှာလုပ်တဲ့​ အစည်း​အ​ဝေး​တုန်း​က နိုင်ငံ​ရေး​အကျဉ်း​သား​များ​ မလွတ်​မြောက်​သေး​သော​ကြောင့်​ တိုင်း​ရင်း​သား​အများ​စုက ပါတီမှတ်ပုံတင်ရန် မဆုံး​ဖြတ်​သေး​၊​ ဆက်လက် ​ဆွေး​နွေး​သွား​မည် ဆိုတဲ့​အပိုဒ်မှာ ကျ​နော်တို့​ခံ​နေတယ်။ အဲ့​အချက်က ကျ​နော်တို့​ ပါတီ ၂၂ ရက်မှာ ထိုင်ပြီး​ အဆုံး​အဖြတ် အတိအကျ ​ပေး​မှာပါ။”

မွန်အမျိုး​ သား​ ဒီမိုက​ရေစီအဖွဲ့​ချုပ်ဟာ ၁၉၉၀ ​ရွေး​ကောက်ပွဲမှာ အနိုင်ရခဲ့​ဖူး​ပြီး​၊​ ၂၀၁၀ ​ရွေး​ကောက်ပွဲ ဥပ​ဒေအ​ပေါ်မှာ လက်မခံ နိုင်တဲ့​ အတွက် ​ရွေး​ကောက်ပွဲကို သပိတ်​မှောက်ခဲ့​ပါတယ်။

အလား​တူ ရခိုင်ပြည်နယ်အ​ခြေစိုက် ရခိုင်နှစ်ပါတီလည်း​ လာမယ့်​နှစ်ဆန်း​ပိုင်း​မှာ ပြန်​ပေါင်း​စည်း​နိုင်​ရေး​ ကြိုး​ပမ်း​နေတဲ့​ အ​ကြောင်း​ကို ရခိုင်အမျိုး​သား​တိုး​တက်​ရေး​ပါတီဥက္ကဋ္ဌ ​ဒေါက်တာ​အေး​မောင်က ​ပြောပါတယ်။

“အမှန်အတိုင်း ​ဆိုရင် ရခိုင်ဒီမိုက​ရေစီ အဖွဲ့​ချုပ်က ပြီး​ခဲ့​တဲ့​ အစိုး​ရလက်ထက်က ဖျက်သိမ်း​ထား​တဲ့​အဖွဲ့​ပေါ့​။ ဒါ​ပေမယ့်​ ရှိပြီး​သား​အဖွဲ့​လို့​ပဲ ကျ​နော်တို့​ သတ်မှတ်ပါတယ်။ လာမယ့်​လွှတ်​တော်နား​တဲ့​ကာလ ဧပြီလ​လောက်ကို မှန်း​ထား​ပါတယ်။ အဲဒီမှာ ပါတီ ညီလာခံလုပ်မယ်။ ပါတီကြီး​တခုကို ​ပေါင်း​တယ်ဆိုတဲ့​ သ​ဘော အဓိက ဦး​တည်ထား​ပါတယ်။ အဲဒီညီလာခံမှာ ရခိုင်ဒီမိုက​ရေစီ အဖွဲ့​ချုပ်က ပုဂ္ဂိုလ်​တွေလည်း​ ပါလာပြီး​တော့​ သတ်မှတ်ရင် ပို​ကောင်း​တာ​ပေါ့​။ အဲဒီ​တော့​ အဲဒီကာလထိ မလာနိုင်ဘူး​ဆိုရင်လည်း​ ကျ​နော်တို့​က နည်း​ဗျူဟာတခု ​ပြောင်း​ရမှာ​ပေါ့​။ ​နောက်ကာလတခုထိ ဖွင့်​ထား​မယ့်​သ​ဘော​တော့​ ရှိတယ်။ ကျ​နော်တို့​က သင့်​လျော် တဲ့​ ပုဂ္ဂိုလ်တ​ယောက်​ယောက်ကို ဘယ်သူပဲဖြစ်ဖြစ် ​ရှေ့​ကသွား​။ ကျ​နော်တို့​က ​နောက်ကလိုက်မှာပါ။”

ပြီး​ခဲ့​တဲ့​ ​ရွေး​ကောက်ပွဲမှာ ၁၉၉၀ ​ရွေး​ကောက်ပွဲအနိုင်ရ တိုင်း​ရင်း​သား​ပါတီ​တွေ အား​လုံး​ သပိတ်​မှောက်ခဲ့​ကြပြီး​နောက် သက်ဆိုင်ရာ​ဒေသ​တွေမှာ တိုင်း​ရင်း​သား​ပါတီ အသစ်​တွေ ​ပေါ်​ပေါက်ခဲ့​ပါတယ်။

မကြာခင်တုန်း​ က​တော့​ ၁၉၉၀ ​ရွေး​ကောက်ပွဲမှာ အများ​ဆုံး​အနိုင်ရခဲ့​တဲ့​ အမျိုး​သား​ဒီမိုက​ရေစီ အဖွဲ့​ချုပ်က ပါတီမှတ်ပုံပြန်တင်ပြီး​ ကြား​ဖြတ်​ရွေး​ကောက်ပွဲဝင်ဖို့​ ဆုံး​ဖြတ်တဲ့​နောက်မှာ မဟာမိတ် တိုင်း​ရင်း​သား​ ပါတီတချို့​လည်း​ တရား​ဝင်ပါတီဖြစ်​ရေး​ စဉ်း​စား​လာကြတာပါ။

Ref: ဒီဗွီဘီ

Read More...

ဒီကေဘီအေကလိုထူးဘောတပ်နှင့် အစိုးရတို့ ပြည်ထောင်စုအဆင့် ငြိမ်းချမ်းရေး လက်မှတ်ထိုး

December 13, 2011
နော်နိုရင်း

ဗိုလ်ချုပ်စောလားဘွယ် ဦးဆောင်တဲ့ ဒီကေဘီအေ ကလိုထူးဘောတပ်နဲ့ မြန်မာအစိုးရ ကိုယ်စားလှယ်တို့ ပြည်ထောင်စုအဆင့် ငြိမ်းချမ်းရေး ဆွေးနွေးပြီး နှစ်ဘက်သဘောတူ လက်မှတ်​ ​ရေးထိုးခဲ့ကြပါတယ်။

တောင်သာမြို့နယ် ပြည်သူ့လွှတ်တော် ကိုယ်စားလှယ် ဦးအောင်သောင်း ဦးဆောင်တဲ့ အစိုးရအဖွဲ့ ၇ ဦးနဲ့ ဗိုလ်ချုပ် စောလားဘွယ် ဦးဆောင်တဲ့ ကလိုထူးဘော အဖွဲ့ ၆ ဦးတို့ ပြီးခဲ့တဲ့ တနင်္ဂနွေနေ့က ကရင်ပြည်နယ် ဘားအံမြို့မှာ​​ ​ပြည်ထောင်စုအဆင့်​ ​ငြိမ်းချမ်း ရေး တွေ့ဆုံဆွေးနွေးပြီး လက်မှတ်ထိုးခဲ့ကြတာ ဖြစ်ပါတယ်။

ဘားအံမြို့ ရဲမွန်ရိပ်သာမှာ နှစ်ဖက်တွေ့ဆုံမှု ပြုလုပ်ခဲ့တာဖြစ်ပြီး နိုဝင်ဘာလ ၃ ရက်နေ့က ပြုလုပ်တဲ့ ပြည်နယ်အဆင့် ပဏာမ တွေ့ဆုံ ဆွေးနွေးမှုကနေ ရလာတဲ့ သဘောတူညီချက်တွေအပေါ် အခြေခံပြီး တွေ့ဆုံညှိနှိုင်းတာပါ။

ဒီတွေ့ဆုံဆွေးနွေးမှုကနေ နှစ်ဦးနှစ်ဘက် သဘောတူညီချက် ၆ ချက် လက်မှတ်ထိုးတာ ဖြစ်တယ်လို့ တွေ့ဆုံမှုမှာ ပါဝင်တဲ့ ဒီကေ ဘီအေ ပြင်ပဆက်ဆံရေးတာဝန်ခံ စောလုံ့လုံက ပြောပါတယ်။

“နံပါတ် ၁ က နိုဝင်ဘာလ ၃ ရက်နေ့က ကရင်ပြည်နယ် ငြိမ်းချမ်းမှု တည်ဆောက်ရေးအဖွဲ့နဲ့ ကလိုထူးဖောတပ်ဖွဲ့ ဒီကေဘီ အေမှ ငြိမ်းချမ်းရေး တည်ဆောက်ရေး အဖွဲ့တို့ လက်မှတ်ရေးထိုးခဲ့ကြသော ငြိမ်းချမ်းရေး တည်ဆောက်ရန်အတွက် ပဏာ​မ​ သဘောတူညီချက်ကို အတည်ပြုရန် သဘောတူသည်။ အရင်ကတော့ စမ်းသပ်ကာလပေါ့။ တလလောက် ကျနော်တို့ တိုက်ပွဲ မဖြစ်ဘူး။ ထိန်းသိမ်းကြတယ် ဆိုပြီးတော့ အခု အဲဒါကို အတည်ပြုလိုက်တာပဲ။ အဲဒီပုံစံပါပဲ။

“နံပါတ် ၂ က ကရင်ပြည်နယ်သည် ပြည်ထောင်စုသမ္မတမြန်မာနိုင်ငံတော်၏ အရေးပါသော အစိတ်အပိုင်း တခုဖြစ်သည်။ ကရင်ပြည်နယ်ကို ပြည်ထောင်စု အတွင်းမှ မည်သည့်အခါမှ ခွဲမထွက်ရန် သဘောတူသည်။ ကျနော်တို့က ခွဲမထွက်ပါဘူးလို့ ပြောတာပေါ့။

“နံပါတ် ၃ ပြည်ထောင်စု မပြိုကွဲရေး။ တိုင်းရင်းသား စည်းလုံးညီညွတ်မှု မပြိုကွဲရေးနဲ့ အချုပ်အခြာအာဏာ တည်တံ့ခိုင်မြဲရေးကို ထာဝစဉ် ထိန်းသိမ်း စောင့်ရှောက်သွားရန် သဘောတူသည်။ အဲဒါက ဒို့တာဝန် အရေးသုံးပါးကို သဘောတူတာပေါ့။

“နောက်တချက်က ဆုံဆည်းမြိုင်ဒေသတွင် ယာယီအခြေပြု၍ ဦးဂလိဒေသတွင် နယ်မြေဖွံ့ဖြိုးတိုးတက်ရေး ကလိုထူးဖော တပ်ဖွဲ့ ၀င်များနှင့် မိသားစုများ အခြေချ နေထိုင်လုပ်ကိုင် စားသောက်နိုင်ရေး။ လူမှုဘ၀မြှင့်တင်ရေး လုပ်ငန်းစဉ်များကို ဥပဒေနဲ့အညီ အစိုးရနဲ့ ပူးပေါင်းဆောင်ရွက်ရန် သဘောတူသည်။ အဲဒီအချက်တွေကို ဆွေးနွေးဖြစ်ခဲ့တာပေါ့။

“နံပါတ် ၅ က မူးယစ်ဆေးဝါးနဲ့ စိတ်ကိုပြောင်းလဲစေတတ်သော ဆေးဝါးများ တိုက်ဖျက်ရေးအား ပြည်ထောင်စု အစိုးရနှင့် ပူးပေါင်းဆောင်ရွက်ရန် သဘောတူသည်။

“နံပါတ် ၆ ဆက်လက်ပြီး ထာဝရငြိမ်းချမ်းရေး တည်ဆောက်နိုင်ရေးအတွက် ဆွေးနွေးမှုများ ပြုလုပ်သွားရန် သဘောတူသည်။”

နှစ်ဘက်ငြိမ်းချမ်းရေး သဘောတူညီမှုတွေ ရရှိနောက်ပိုင်း ဖွံ့ဖြိုးရေးအတွက် မိမိလုပ်လိုတဲ့လုပ်ငန်းကို တင်ပြဖို့လည်း အစိုးရ ကိုယ်စားလှယ်ဖက်က ပြောဆိုကြောင်း ပြောပါတယ်။

လောလောဆယ်မှာတော့ မိမိလက်နက်ကို မိမိနယ်မြေမှာ ကိုင်ဆောင်ခွင့် ပေးထားကြောင်းလည်း ပြောပါတယ်။ ငြိမ်းချမ်းရေး တွေ့ဆုံဆွေးနွေးမှုပေါ် မူတည်ပြီး လက်ရှိတက်လာတဲ့ အစိုးရသစ်အနေနဲ့ တိုင်းရင်းသားတွေအပေါ် သဘောထား ပျော့ပျောင်းပြီး အပေါင်းလက္ခဏာ ဆောင်ကြောင်း စောလုံ့လုံက ပြောပါတယ်။

နိုဝင်ဘာ ၃ ရက်နေ့က ဒီကေဘီအေကိုယ်စားလှယ်အဖွဲ့ဝင် ၇ ဦးနဲ့ အစိုးရရဲ့ ပြည်ထောင်စုအဆင့် ငြိမ်းချမ်းရေး ဆွေးနွေးရေး အဖွဲ့ရဲ့ ဒုတိယခေါင်းဆောင် ဦးသိန်းဇော် ဦးဆောင်တဲ့အဖွဲ့ ကရင်ပြည်နယ် ဘားအံမြို့မှာ တွေ့ဆုံခဲ့ကြတာပါ။

အဲဒီတွေ့ဆုံမှုအတွင်း အပစ်ခတ်ရပ်စဲရေး၊ ဆက်ဆံရေးရုံး ဖွင့်လှစ်ရေးနဲ့ တဦးရဲ့နယ်မြေကို ဖြတ်သန်းသွားလာတဲ့အခါမှာ အသိ ပေးပြီးမှ သွားလာဖို့ စတဲ့ ပဏာမသဘောတူညီချက် ရရှိ လက်မှတ်ထိုးခဲ့ပြီး တနင်္ဂနွေနေ့က အဲဒီ့ သဘောတူညီချက်ကို အတည် ပြု လက်မှတ်ထိုးတာ ဖြစ်ပါတယ်။

ဗိုလ်ချုပ်နှုတ်ခမ်းမွေး ဦးဆောင်တဲ့ ဒီကေဘီအေ ကလိုထူးဘော တပ်ဖွဲ့ဟာ နယ်ခြားစောင့်​တပ် အသွင်​ပြောင်း​ရေးကို ငြင်း​ဆန်ပြီး​ ၂၀၁၀ နိုဝင်ဘာ ​ရွေး​ကောက်ပွဲ​နေ့ကစပြီး​ အစိုး​ရတပ်ကို ပြန်လည် တိုက်ခိုက်ခဲ့​ပါတယ်။

တနှစ်ကြာတဲ့အချိန်မှာ ငြိမ်းချမ်းရေးဆွေးနွေးဖို့ အစိုးရဘက်က ကမ်းလှမ်းခဲ့ပြီး အပစ်အခတ် ရပ်စဲ​ရေး​နဲ့ ပတ်သက်လို့ အစိုး​ရ ဘက်နဲ့ ကရင်ပြည်နယ်ဝန်ကြီး​ရုံးမှာ ​အောက်တိုဘာ ၂၆ ရက်က ပဏာမ ​ဆွေး​နွေး​ခဲ့​ပါတယ်။ နိုဝင်ဘာလ ၃ ရက်မှာတော့ အပစ်အခတ်ရပ်စဲရေး သဘောတူညီချက် ရရှိသွားပြီး ဒီဇင်ဘာလ ၁၁ ရက် မှာတော့ ပြည်ထောင်စုအဆင့် ငြိမ်းချမ်းရေး နှစ်ဘက်သဘောတူညီ လက်မှတ်ထိုးတာ ဖြစ်ပါတယ်။

ဒီကေဘီအေကလိုထူဘော တပ်ဖွဲ့ကနေပြီး ဒီလိုပြည်ထောင်တစုအဆင့် ငြိမ်းချမ်းရေး သဘောတူညီ လက်မှတ်ထိုးချိန်မှာပဲ ကရင် အမျိုးသားအစည်းအရုံးနဲ့ အစိုးရတို့ တွေ့ဆုံဆွေးနွေးမှု အခြေအနေ ဘယ်လိုရှိပါသလဲ ပြည်ထောင်စုအဆင့် ငြိမ်းချမ်းရဖို့ နီးစပ် နေပြီလာဆိုတာနဲ့ ပတ်သက်လို့ ကေအန်ယူ ဒု-ဥက္ကဋ္ဌ ပဒိုဒေးဗစ်သာကပေါ်ကို မေးကြည့်ရာမှာတော့

“ကျနော်တို့ အလွတ်သဘော တွေ့ခဲ့တာတော့ လေးကြိမ်ရှိပြီ။ အဲဒီကနေတော့ မတိုးတက်သေးဘူးပေါ့။ ကျနော်တို့ ဖြစ်စေ ချင် တာ က တိုင်းရင်းသားတွေကို တိုက်ခိုက်နေတဲ့ စစ်ရေးတွေအားလုံး ရပ်ဖို့၊ အဲဒီလိုရပ်မှ ကျနော်တို့ ဆွေးနွေးပွဲ ဆက်တက်မယ်။ အဲ့လိုသဘောရှိတယ်။ အခု ဒီမနက်သတင်းတွေ့တော့ သူက ကချင်မှာ တိုက်နေတဲ့ကိစ္စ။ အဲဒါက စစ်ရေးမှာ ရပ်ခိုင်းတယ်လို့ ပြောတာပဲ။ အဲဒါဆိုရင်တော့ ကောင်းတာပေါ့။ ဒါပေမယ့် တကယ်ဖြစ်မဖြစ်တော့ ဒါစောင့်ကြည့်ရမယ်။ ကချင်ဘက်မှာ ရပ်မှ ကျနော်တို့က အပစ်အခတ် ရပ်စဲရေးကို ဆွေးနွေးရမယ်။ အပစ်အခတ် ရပ်စဲပြီးမှ နိုင်ငံရေးဆွေးနွေးမှုတွေ ဆက်သွားရဦးမယ်။ နိုင်ငံရေးဆွေးနွေးမှုတွေ အခြေခံပြီးတော့ ကျနော်တို့တွေ သဘောတူညီချက်အပေါ်မှာ ငြိမ်းချမ်းရေး ဆိုတာ ဖြစ်ပေါ်မှာ ဖြစ်ပါ တယ်။”

ပြည်ထောင်စုအဆင့် ငြိမ်းချမ်းရေးကတော့ ချက်ချင်းဖြစ်လာမှာ မဟုတ်ဘူးလို့လည်း ပြောပါတယ်။

Ref: ဒီဗွီဘီ

Read More...

မြ၀တီတံတား ကုန်ပစ္စည်းများ ဖြတ်သန်းခွင့် မရသေး

December 13, 2011
မင်းလွင်

ထိုင်း-မြန်မာနယ်စပ် မြ၀တီ-မဲဆောက် ချစ်ကြည်ရေးတံတား ဖွင့်ခဲ့တာ တပတ်ကျော်ပေမယ့် ခုချိန်ထိ မြန်မာဘက်က တရားဝင် ကုန်ပစ္စည်း ထုတ်တာ သွင်းတာ မရှိသေးပါဘူး။

တနှစ်ကျော်ကြာအောင် ပိတ်ထားတဲ့ ထိုင်း-မြန်မာနယ်စပ်က ချစ်ကြည်ရေး တံတားကို ဒီဇင်ဘာလ ၅ ရက်နေ့မှာ ဖွင့်လှစ်ခဲ့ပါတယ်။

ကုန်သွင်းခွင့်လိုင်စင် ရဖို့ကိုတော့ နောက် သတင်းပတ်အထိ ကြာမယ်လို့ နယ်စပ်က ကုန်သည်တွေက ပြောကြပါတယ်။

မြ၀တီမြို့က ကုန်သည်တဦးက “ကုန်တွေတော့ မပေးကူးသေးဘူး။ အခုက လူတွေပဲ ပေးကူးသေးတယ်။ ချက်ချင်းတော့ မရ သေးဘူး။ ကုန်ကူးခွင့် လိုင်စင်တွေဘာတွေ ရှိသေးတယ်။ အဲဒါတွေ လုပ်ရသေးတယ်။ သူတို့ပြောတာတော့ အဲဒါတွေကို လုပ်ပြီးသွားရင်တော့ ဘေးကင်းတယ်လို့ ပြောတာပဲ။ သူတို့မှာ လုပ်ရတဲ့ အချက်အလက်တွေ ရှိတယ်။”

မြန်မာဘက်က ကုန်သည်တွေဟာ သွင်းကုန် ထုတ်ကုန် လိုင်စင်ရပြီးမှ တရားဝင် ကုန်တင်သွင်းခွင့်ရမှာ ဖြစ်ပြီး သွင်းကုန် လိုင်စင်ဟာ တနှစ်သက်တမ်းသာ ရှိတဲ့အတွက် ပြန်လျှောက်ရတာ ဖြစ်တယ်လို့ ကုန်သည်တွေက ပြောပါတယ်။

မြ၀တီမြို့က ရွှေမြန်မာ တောင်းအေ့စ် ကားလိုင်းကနေ အစီး ၄၀ လောက် မဲဆောက်ကို နေ့စဉ် ခရီးသည်တွေ တင်ဆောင်ဖြတ် သန်းနေတဲ့ အတွက် ထိုင်းခရီးသည်တင် ကားလိုင်းသမားတွေ မြန်မာဘက်ကလာတဲ့ ရွှေမြန်မာ ကားလိုင်းကို ဖြတ်သန်းခွင့်မပေးဖို့ အရေးဆိုလာနိုင်တယ်လို့လည်း မဲဆောက် ဒေသခံတဦးက ပြောဆိုပါတယ်။

“ကားသမားတွေက ဒီတံတားကို ကားတွေနဲ့ပိတ်ချင်တယ်။ ပိတ်လို့မရဘူး။ ဒီတခေါက် တံတားပိတ်လိုက်ရင် ပိုဆိုးမယ်လေ။ ဒီကားပြဿနာကိုတော့ အဖြစ်မခံနိုင်တော့ဘူး။ ထိုင်းဘက်က ကုန်သည်ကြီးများအသင်းတို့ ဘာတို့က။ ဒါပေမယ့် ခက်တာ ကလည်း ဒီမှာက ဒီမိုကရေစီနိုင်ငံဆိုတော့ မကျေနပ်ရင် အရေးဆိုခွင့်ရှိတယ်ဆိုတော့ သူတို့အရေးဆိုလိမ့်မယ်။ သူတို့အရေး ဆိုခဲ့ရင် သူတို့ ထိုင်းအာဏာပိုင်တွေနဲ့ပဲ ရှင်းရမှာပေါ့။”

မြ၀တီ-မဲဆောက် ချစ်ကြည်ရေးတံတား ပြန်ဖွင့်လိုက်တဲ့အတွက် ရန်ကုန်မြို့မှာတော့ ထိုင်းကုန်ပစ္စည်း ဈေးနှုန်းတွေ ကျသွားတယ် လို့လည်း ရန်ကုန်က ကုန်သည်တဦးက ဒီဗွီဘီ ပြောပါတယ်။

“ဈေးတွေပြန်ကျတယ်။ ဟိုတရက်ကတော့ ဈေးတအားတက်တယ်။ အခုတလော ခွင့်ပြုတာ အဓိကတော့ ၅ မျိုးပေးမယ်လို့ ပြောတာပဲ၊ အချိုမှုန့်တို့၊ အချိုရည်ဗူးတို့၊ ၅ မျိုးလေ။ အဲဒါတော့ ပြောတယ်။ ဈေးကျတာပေါ့။ အရင်တုန်းက ကျပ် ၂၄၀၀ လောက်ရောင်းတဲ့ ပစ္စည်းဆိုရင် ကျပ် ၂၁၀၀၊ ၂၀၀၀ လောက်ပဲ ရှိတော့တယ်။”

Ref: ဒီဗွီဘီ

Read More...

ကုလသမဂ္ဂစောင့်ရှောက်ရေးအဖွဲ့များ လိုင်ဇာရောက်ချိန် တိုက်ပွဲများ ဆက်ဖြစ်

December 13, 2011
မန်းစိုင်းမွန်

ကုလသမဂ္ဂကလေးများ ရန်ပုံငွေအဖွဲ့ UNICEF အပါအ၀င် ကုလသမဂ္ဂ လူသားချင်းစာနာရေး အထောက်အကူ ညှိနှိုင်း ဆောင် ရွက်ရေးအဖွဲ့ UNOCHA နဲ့ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး UNHCR အဖွဲ့ ၃ ဖွဲ့ ကချင်ဒုက္ခသည်တွေကို ဒီကနေ့ လာရောက် ကြည့်ရှုကြတယ်လို့ စစ်ပြေးဒုက္ခသည် ကူညီစောင့်ရှောက်ရေးကော်မတီဥက္ကဋ္ဌ ဦးဒွဲဒီဆန်းက ပြောပါတယ်။

“လိုင်ဇာကိုမနေ့ည ၄ နာရီကျော်မှာရောက်တယ်။ ဒီမနက် ကျနော်တို့  IDP ရွှေ့ပြောင်းဒုက္ခသည်တွေရဲ့ စခန်းကိုလိုက် ကြည့်ရှု ပြီးမှ အခု လိုင်ဇာအပြင်ဘက်က စခန်းမှာ ရောက်နေကြတယ်။ အခုတော့ သူတို့ ဒုက္ခသည်တွေရဲ့ အခြေအနေကို လာလေ့လာ တဲ့သဘော။ လေ့လာပြီးမှ နောက် ဘာတွေကူုညီရမလဲ ဆိုတာ နောက်မှသူတို့ ဆုံးဖြတ်မယ်နဲ့ တူတယ်။ အခုတော့ အိမ်သုံး ပစ္စည်းပါတယ်။ ပစ္စည်းတင်တဲ့ကားက ၇ စီး။ အရာရှိတွေ စီးတဲ့ကားက ၂ စီး အားလုံး ၁၀ စီးပါတယ်။”

လောလောဆယ် လိုင်ဇာဒုက္ခသည်စခန်း ၄ ခုမှာ ကချင်ဒုက္ခသည် တသောင်းကျော် ရှိပါတယ်။ လိုင်ဇာအပြင်ဘက်မှာလည်း တသောင်းကျော်ရှိပြီး ကချင်ပြည်နယ် မြစ်ကြီးနားအရှေ့ဘက်ကနေ ရှမ်းပြည်နယ်စပ်အထိ စုစုပေါင်း ကချင်ဒုက္ခသည် ၄၅၀၀၀ ထောင်ကျော် ရှိနေပြီ ဖြစ်တယ်လို့ သိရပါတယ်။

ကုလသမဂ္ဂအဖွဲ့တွေ ရောက်နေပေမယ့် ကချင်ပြည်နယ် လိုင်ဇာဒေသကို မြန်မာ အစိုးရတပ်တွေက တပ်အင်အား အမြောက် အမြားတိုးပြီး ထိုးစစ်ဆင်နေဆဲ ဖြစ်တယ်လို့  ဦးဒွဲဒီဆန်းက ဆက်ပြောပါတယ်။

“သတင်းအရတော့ ဒီဇင်ဘာ ၁၀ ရက် နေ့စွဲနဲ့ အပစ်အခတ်ရပ်ဖို့ အမိန့် ပေးထားတယ် ဆိုတာတော့ ကြားပါတယ်။ လက်တွေ့ ရှေ့တန်းမှာတော့ တိုက်ပွဲတော့ ဖြစ်နေတုန်းပဲ။ တပ်ရင်းပေါင်း ၁၄၀ ပတ်ဝန်းကျင် ရောက်နေတယ်။ တပ်မ ၈၈၊ ၃၃၊ ၂၂၊ ၉၉ ပြန်တက်လာတယ်လို့ ပြောကြတယ်။ ဒီနေ့လည်း ဆင်လုံဟဲ ဟိုဘက်မှာ တိုက်ပွဲ ဖြစ်နေတယ်။”

နိုဝင်ဘာလ ၂၇ ရက်နေ့မှာ ကေအိုင်အိုနဲ့ မြန်မာအစိုးရကိုယ်စားလှယ်တွေ တရုတ်ပြည်နယ်စပ် ရွှေလီမြို့မှာ အပစ်အခတ်ရပ်စဲရေး အတွက်​ ​တွေ့ဆုံ ဆွေးနွေးခဲ့ကြပေမယ့် မြန်မာစစ်တပ်က ထိုးစစ်တွေကို ရပ်နားခဲ့တာတွေ မရှိခဲ့ပါဘူး။

ဒီဇင်ဘာလ ၁၀ ရက်နေ့က သမ္မတဦးသိန်းစိန်ကနေပြီး ကေအိုင်အိုကို တိုက်နေတာတွေ ရပ်ဖို့ အမိန့်ထုတ်ပြန်ခဲ့တဲ့ ကြားက စစ်တပ်က ထိုးစစ်ဆင်မှုတွေကို တိုးမြှင့် လုပ်ဆောင်နေခဲ့ပါတယ်။

Ref: ဒီဗွီဘီ

Read More...

ဘာကာက ဘာကာပါပဲ

မောင်လင်းဝေ
December 13, 2011

ဒီတပတ် ကစားကြမယ့် ပရီမီးယားလိဂ်၊ အီတလီစီးရီးအေ၊ ဂျာမန် ဘွန်ဒက်စ်လီဂါနဲ့ စပိန်လာလီဂါ ဘောလုံးပွဲစဉ်တွေမှာ ဘောလုံး ပရိသတ်ကိုညှို့ ယူဖမ်းစားထားတာကတော့ စပိန် လာလီဂါ ပွဲစဉ် ၁၆ က ရီးရဲလ်နဲ့ ဘာစီလိုနာ(ဘာကာ)တို့ ရဲ့  ဘာနေမျူးကွင်း ထိပ်တိုက်ပွဲကြီးပါပဲ။ ရီးရဲလ်ကို ရင်ဆိုင်ရမယ့် ဘာစီလိုနာရဲ့ အနေအထားက မတည်မငြိမ်ဖြစ်နေတယ်လို့ သုံးသပ်သူတွေက သုံးသပ် ပါ တယ်။ ဘာစီလိုနာ အသင်းရဲ့ နည်းပြဖြစ်သူ ဂွါဒီယိုလာက ရီးရဲလ်မက်ဒရစ် အသင်းနဲ့ပွဲမှာ မိမိတို့ ရှုံးနိမ့်ခဲ့ပါက အမီလိုက်ဖို့ အလွန် ခက်ခဲသွားမှာဖြစ်ကြောင်း ပြောကြားသွားခဲ့ပါတယ်။ ရီးရဲလ် အသင်းဟာ အကောင်း ဆုံး ခြေစွမ်းရရှိနေပြီး မိမိတို့ထက်(၁)ပွဲ လျော့ကစားထားတဲ့အပြင် အခုနှစ် ရာသီမှာ အဝေးကွင်း နိုင်ပွဲများ ဆက်တိုက်ရရှိနေပြီး အိမ်ကွင်းပွဲစဉ်များ ပိုမိုကျန်ရှိနေတဲ့အတွက် ခက်ခက်ခဲခဲ ယှဉ်ပြိုင်ရဖွယ်ရှိတယ်လို့ ပြိုင်ပွဲ မတိုင်မီက ပြောကြားသွားခဲ့ ပါတယ်။


ဒါ့အပြင် ဘာစီလိုနာ တိုက်စစ်မှူး ဒေးဗစ်ဗီလာရဲ့ ဘာစီလိုနာမှာ ဆက်ရှိ မရှိ ဖော်ပြနိုင်တဲ့ အနာဂတ်အတွက်အဆုံး အဖြတ် ပွဲ တပွဲ ဖြစ်လာလိမ့်မယ်လို့လည်း ရီးရဲယ့်မက်ဒရစ် အားကစား ဒါရိုက်တာဟောင်း ဂျော့ဗယ်ဒါနိုက သုံးသပ်ခဲ့ပါတယ်။ အသက် ၃၀ အရွယ်ရှိ ဒေးဗစ်ဗီလာဟာ ဘာကာကို ဖာဘရီဂတ်စ်နဲ့ ဆန်းချက်ဇ်တို့ ရောက်ရှိလာပြီးနောက်ပိုင်း အရန်ခုံမှာ အထိုင်များနေရသူ ဖြစ်ပါတယ်။ သူကပဲ ရီးရဲလ်နည်းပြ မော်ရင်ဟိုအနေနဲ့ ဘာစီလိုနာအသင်းကို တိုက်စစ်ဖွင့် ရင်ဆိုင် ကစားသင့်ကြောင်း အကြံပြု ပြောကြားသွားခဲ့ပါသေးတယ်။

ရီးရဲလ်ကွင်းလယ်လူဟောင်း ဂူတီက ရီးရဲလ် ၃ ဘာစီလိုနာ ၁ ရလဒ် ထွက်ပေါ်ပါလိမ့်မယ်လို့ ခန့်မှန်းသွားခဲ့တာပါ။ တဆက် တည်းမှာပဲ ဂူတီက ဘာစီလိုနာဟာ မက်ဆီအပေါ် မှီခိုလွန်း တာရယ်၊ ရီးရဲယ့်ရဲ့ခြေစွမ်းက အတော်ကလေး ကောင်းနေလို့ စီရော်နယ်ဒို မပါဘဲ ကစားရင်တောင်မှ ဘာစီလိုနာကို (၃-၁) ဂိုးလောက်နဲ့ အနိုင်ရမယ်လိမ့်မယ်ထင်တယ်လို့ ပြောကြား သွား ခဲ့ပါတယ်။ တချို့ဘောလုံးဝေဖန်သူတွေကတော့ ပြိုင်ဆိုင်မှုကြီးမားတဲ့ နှစ်သင်းဖြစ်တဲ့အတွက် ဥရောပရဲ့ ထူး ခြားတဲ့ ဘောလုံးရသ ကိုပေးနိုင်မယ့် အကောင်းဆုံး ဘောလုံးပွဲတပွဲ ဖြစ်လာမယ်၊ ရီးရဲလ်အသင်းက လက်ရှိခြေစွမ်း အကောင်းဆုံးပုံစံရနေပြီး ဘာစီလို နာက ခြေစွမ်းမငြိမ် ဖြစ်နေတာကြောင့် ရူံးနိမ့်ခဲ့တာတွေလည်း တွေ့နေရတယ်။ အိမ်ကွင်း အားနဲ့ကစားမှာ ဖြစ်တဲ့အတွက်လည်း ရီးရဲလ်က အသာစီးရနေတယ်လို့ ဝေဖန်သုံးသပ် ထားကြတာပါ။

ဘာနေမျူးမှာ ထိပ်တိုင်ရင်ဆိုင်ကစားကြတဲ့အခါမှာတော့ ပထမပိုင်း ၁ မိနစ်မှာပဲ ရီးရဲယ့်က ပထမအဖွင့်ဂိုး စ ရ တာပါ။ ဘာစီ လိုနာဂိုးသမား ကန်တင်တဲ့ဘောလုံးက ရီးရဲယ့် ကျောနံပါတ် ၂၂ ဒီမာရီယို ရောက်သွားရာကနေ ဒီမာရီယို ကန်တင်ပေးတဲ့ ဘောလုံး ကို ဘာကာနောက်တန်းက ဖျက်ထုတ်ပေမယ့် လျှံထွက်လာတဲ့ ဘောလုံးကို ရီးရဲယ့် တိုက်စစ်မှူးထပ်မံ ကန်သွင်းချက်ကို ဘာကာ နောက်တန်းက ဖျက်ထုတ်ပါတယ်။ ဘောလုံးက ဂိုးစည်းဘက် လည်ထွက်သွားပြီး ရီးရဲယ့် တိုက်စစ်မှူး ဘန်ဇီမာ အနီး ကပ် အပိုင်ကန်သွင်းနိုင်တဲ့အတွက် အဖွင့်ဂိုး ဦးဆောင်ရရှိသွားခဲ့တာပါ။

ဘာကာအနေနဲ့  ရီးရဲယ့်ရဲ့ အိမ်ကွင်းတိုက်စစ်ဗျူဟာကို ခုခံဖျက်ထုတ်ရင်း ဘောလုံးတည်ငြိမ်မှု ရအောင် ကြိုးစား ကစားနေခဲ့ ရပါတယ်။ သို့ပေမယ့် စီရော်နယ်ဒို ခင်းကျင်းနေတဲ့ ရီးရဲယ့် ရဲ့  တိုက်စစ် ဖိအားက မိနစ် ၃၀ ပဲ ခံနိုင်စွမ်းရှိတယ် လို့ ပြောရ မှာပါ။ မိနစ် ၃၀ အစွန်းမှာပဲ ဘာစီလိုနာ ရဲ့  ကွင်းလယ်နဲ့ ဂိုးပါရမီရှင် မက်ဆီရဲ့  ဖန်တီးပေးမှုတွေနဲ့ ညာရှေ့ တိုက် စစ်မှူး ဆန်းချက်ဇ်က ကားစီးလက်ရဲ့  အားနည်းတဲ့ ဂိုးဘယ်ထောင့်ကို ကန်သွင်းပြီး ချေပဂိုးကို ထွေးပွေ့ လိုက်တာပါ။ ချေပ ဂိုးရပြီး နောက်ပိုင်း ရီးရဲလ် ကစားအားကျသွားသလို ဘောလုံး ပိုင်ဆိုင်မှုလည်း ပြောင်းလဲသွားခဲ့ပါတယ်။

ဒုတိယပိုင်း ပြန်ကစားတဲ့အခါမှာလည်း ဘာကာက ဘောလုံးပိုင်ဆိုင်မှု ၅၂း ၄၈ ဖြစ်လာခဲ့ပါပြီ။ ဘာကာရဲ့  ကွင်းလယ် စီးနင်း ထားနိုင်မှုနဲ့ မက်ဆီရဲ့  ၀ဲယာ အခင်းအကျင်းတွေဟာ ရာမို့ တို့ နောက်တန်းကို ဖရိုဖရဲ ဖြစ်စေခဲ့တာပါ။ ဘာကာက တိုက်စစ် အရှိန် ကို မြှင့်တင်ကစားရင်း ၅၃ မိနစ်မှာ ရီးရဲယ့်နောက်ခံလူ မာဆယ်လို ခေါင်းတိုက်ဖျက်ထုတ်ရာကနေ (Own Goal) ပေး လိုက်ရတဲ့အတွက် ဘာကာတို့ ၂ ဂိုး တဂိုးနဲ့ ရီးရဲယ့်ကို ရိုက်ချိုးလိုက်နိုင်ပါတော့တယ်။

ဘာကာရဲ့ ဆက်တိုက်ဆိုသလို တိုက်စစ်အတွဲတွေက ရီးရဲယ့်ကို စိုးမိုးထားနိုင်ခဲ့ပြီး ၆၆ မိနစ်မှာတော့ ဖာဘရီဂတ်စ်ရဲ့  သေသပ် လှပတဲ့ ကန်ချက်နဲ့ ဘာကာတို့ ၃ ဂိုးရခဲ့တာပါ။ ဒီပွဲရဲ့ ရလဒ် ကတော့ မော်ရင်ဟိုနဲ့ ဒီဂွါရီယိုတို့ရဲ့  နည်းဗျူဟာ၊ စီရော်နယ်ဒိုနဲ့ မက်ဆီတို့ရဲ့ ဘောလုံး အခင်းအကျင်း၊ အသင်းစုစည်းမှု၊ စိတ်ဓာတ်ပိုင်းဆိုင်ရာတွေကို သိသိ သာသာ ဖော်ပြသွားနိုင်တဲ့ပွဲလို့ဆိုရင် မမှားပါဘူး။ ရီးရဲလ်က (၁၄) ပွဲ တပွဲလျော့ ၃၇ မှတ်နဲ့ ဘာစီလိုနာက (၁၅) ပွဲ ၃၄ မှတ်ရရှိထားရာ ကနေ ဘာစီလိုနာက (၁၆) ပွဲ၊ ၃၇ မှတ်နဲ့ ဒုတိယ နေရာမှာ ရပ်တည်လာခဲ့ပါတယ်။

ဒီပွဲနဲ့ ပတ်သက်လို့ ရီးရဲလ်အလယ်တန်းလူ ပီပီ (Pepe) က “ဘာကာတွေ ကံကောင်းလို့ နိုင်သွားတာပါ”လို့ ပြောပေမယ့် အသင်းခေါင်းဆောင် ဂိုးသမား အီကာ ကစီလာစ်(Iker Casillas) ကတော့ ဘာကာကို စိတ်ဓာတ်ပိုင်းဆိုင်ရာအရ အနိုင် ယူဖို့ အားနည်းခဲ့တာကြောင့် နလန်ပြန်မထူနိုင်အောင်ဖြစ်ခဲ့ရတယ်လို့ ဆိုပါတယ်။

ဘယ်သူပြာမလဲ

ပရီးမီးယားလိဂ် ပွဲစဉ်တွေကို အာရုံပြု နှလုံးသွင်းတဲ့ ပရိသတ်အတွက်တော့ မျှော်လင့်ထားသလို ဖြစ်ခဲ့ပါတယ်။ ဥရောပ ချန်ပီယံ လိဂ် အကောင်းဆုံး ၁၆ သင်း စာရင်းမ၀င်ဘဲ ဆုတ်ခွာခဲ့ရတဲ့ မန်ယူဟာ ပရီးမီးယားလိဂ်ကို ပြန်လည် မောင်းနှင်ခြင်းအနေနဲ့ ရွန်းနီနဲ့ နာနီတို့ ရဲ့ အတွဲနဲ့ ရတဲ့အခွင့်အရေးတွေကို တိတိပပ အသုံးချနိုင်ခဲ့တဲ့အတွက် ၀ုဒ်သမ်တန်ကို ၄း ၁ နဲ့ အပြတ်နိုင် ခဲ့သလို ဂိုးမိုး ရွာမယ်လို့ ဘောလုံးသတင်းတွေက မျှော်လင့်ရေးသားထားကြပေမယ့် ဗန်ပါစီရဲ့ တလုံး တည်းဂိုးနဲ့ပဲ အဲဗာတန်ကို အနိုင်ရ ကျေနပ်ခဲ့ရပါတယ်။

အင်္ဂါနေ့(၁၃ ဒီဇင်ဘာ) မှာ ကစားမယ့် ချယ်လ်ဆီးနဲ့ မန်စီးတီးရဲ့ ပွဲကတော့ အထူးစိန်ခေါ်ပွဲလို့ ပြောရလေမလားပါပဲ။ အထူး သဖြင့် ချန်ပီယံလိဂ်ကို တဆင့်တက်နိုင်ပေမယ့် ခြေမှန်ပြန်ရလာတယ်လို့ မပြောနိုင်သေးကြောင်း နည်းပြ ဘိုအက်ရ်ှကို မီဒီယာ တွေက ဖိအားပေးနေတာပါ။ သို့ပေမယ့် ချယ်လ်ဆီး တိုက်စစ်မှူး ဒရော့ဘာကတော့ ဒီ ဖိအားတွေကို ဘိုအက်ရ်ှနဲ့အတူ အသင်း သား တွေက ချေဖျက်နိုင်မှာဖြစ်ပြီး မန်စီးတီးနဲ့ပွဲမှာ သက်သေထူပြမှာပါလို့ ပြောခဲ့ပါတယ်။ မန်စီး တီးနည်းပြမန်စီနီကတော့ ဒီပွဲက သူ့ အသင်းသားတွေကို ခြေရည်စစ်မယ်လို့ ယူဆထားပုံပါ။ လက်ရှိ ပရီးမီးယားလိဂ် ဇယားမှာတော့ မန်စီးတီးက ၁၄ ပွဲ ၃၈ မှတ်။ မန်ယူက ၁၄ ပွဲ ၃၃ မှတ် နဲ့ ချယ်လ်ဆီးက ၁၄ ပွဲ ၂၈ မှတ်နဲ့ အဆင့် ၄ နေရာ မှာ ရပ်တည်နေတာပါ။ စောင့်ကြည့်ရ မယ့် ပွဲကောင်းတခု ဖြစ်လာမှာ သေချာပါတယ်။

Ref: ဧရာဝတီ

Read More...

အစိုးရတပ်နှင့် မူးယစ်ရာဇာ နော်ခမ်း တပ်ဖွဲ့ တိုက်ပွဲဖြစ်

သန်းထိုက်ဦး
December 13, 2011

အစိုးရတပ်နှင့် မူးယစ်ရာဇာ နော်ခမ်း ဦးဆောင်သော တပ်ဖွဲ့ဝင်များ ယခုရက်ပိုင်းအတွင်း ရွှေတြိဂံ ဒေသအနီး၌ တိုက်ပွဲ ၂ ကြိမ် ဖြစ် ပွားခဲ့ရာ နှစ်ဘက်အကျအဆုံး ရှိကြောင်း သိရသည်။

ရှမ်းပြည်နယ် အရှေ့ပိုင်း ရွှေတြိဂံဒေသအနီး တာချီလိတ်မြို့နယ်အတွင်းရှိ မိုင်းကိုး ကျေးရွာ၌ ဒီဇင်ဘာ ၆ ရက်နှင့် ၉ရက်နေ့တွင် ကင်းလှည့်နေသော တာလေမြို့အခြေအစိုက် အစိုးရ တပ်ဖွဲ့ဝင်များကို နော်ခမ်း၏ တပ်ဖွဲ့ဝင် တချို့က သွားရောက် တိုက်ခိုက်ခဲ့ ကြောင်း သျှမ်း သံတော်ဆင့် သတင်းစဉ်မှ အယ်ဒီတာ ဦးခွန်စိုင်းက ဧရာဝတီသို့ ပြောသည်။


“နော်ခမ်းက ပြောတာက ကျနော့် လူတွေလည်း လနဲ့ ချီပြီးတော့မှ ဒီအတိုင်း အလကားနေရတယ်၊ ဒါကြောင့်မို့ သူတို့ကို ကွင်းဆင်း ပြီးတော့ စစ်လေ့ကျင့်ရေး လုပ်ခိုင်းနေတယ်လို့ အဲဒီလိုမျိုး ပြောတယ်”ဟု နော်ခမ်းအဖွဲ့နှင့် နီးစပ်သူတဦးကို ကိုးကား၍ ဦးခွန်စိုင်းက ပြောဆိုသည်။

ယင်းဖြစ်ပွားခဲ့သော တိုက်ပွဲများတွင် လတ်တလော အကျအဆုံး စာရင်းကို အတိအကျ မသိရသေးသော်လည်း နှစ်ဘက် အကျ အဆုံး ရှိကြောင်းလည်း ဆိုသည်။

ယင်း တိုက်ခိုက်မှုသည် ရွှေတြိဂံဒေသ မဲခေါင်မြစ်အတွင်း တရုတ်နိုင်ငံသား ၁၃ ဦး အသတ်ခံရမှုနှင့် ပတ်သက်၍ ယာယီ ရပ်ဆိုင်း ထားသော တရုတ် ကုန်တင်သင်္ဘောများကို တရုတ် အာဏာပိုင်များက ပြန်လည် သွားလာခွင့်ပြုမည့် ဒီဇင်ဘာလ ၁၀ရက်နေ့ မတိုင်ခင် ဖြစ်ပွားခဲ့ခြင်း ဖြစ်သည်။

မြစ်ခေါင်မြစ် လုံခြုံရေးအတွက် တရုတ်၊ ထိုင်း၊ လာအိုနှင့် မြန်မာနိုင်ငံ အပါအ၀င် ကင်းလှည့်သည့် အစီအစဉ်ကို စနေနေ့က စတင် ခဲ့ပြီး တရုတ် ကုန်သင်္ဘောများ တရုတ်နိုင်ငံ ယူနန်မြို့ဆိပ်ကမ်းမှ ထိုင်းနိုင်ငံ ချင်းရိုင်ခရိုင် ချင်းစန်မြို့အထိ ကုန်ပစ္စည်းများ အပြန် အလှန်သယ်ယူ ပို့ဆောင်ခဲ့သည်။

ပြီးခဲ့သည့် အောက်တိုဘာ လဆန်းပိုင်းက Hua Ping နှင့် Yu Xing 8 Hao အမည်ရှိ တရုတ် ကုန်တင်သဘောင်္၂ စီး အမည်မသိ လက်နက်ကိုင် တစု၏ တိုက်ခိုက်မှုကို ခံရပြီးနောက် မဲခေါင်မြစ်တွင် သွားလာနေသော ကုန်တင်သင်္ဘောများကို တရုတ် အာဏာ ပိုင်များက ရပ်ဆိုင်းထားခြင်း ဖြစ်သည်။ ထိုတိုက်ခိုက်မှုကို မြန်မာနှင့် ထိုင်းအာဏာပိုင်များက နော်ခမ်း၏ လက်ချက်ဖြစ်ကြောင်း အစောပိုင်းတွင် စွပ်စွဲမှုများ ရှိခဲ့သည်။

ထိုင်းနိုင်ငံအနေနှင့် တရုတ်နိုင်ငံသို့ ကြက်သား၊ သကြား၊ ဆီ၊ ကားတို့ တင်ပို့ပြီး တရုတ်နိုင်ငံဘက်က ပန်းသီး၊ လိမ္မော်သီး၊ စပြစ်သီး စသည့် သစ်သီးဝလံများကို ထိုင်းနိုင်ငံသို့ ပြန်လည် တင်သွင်းကြောင်း၊ ထိုင်းနိုင်ငံမှ တင်ပို့သည့် ကုန်ပစ္စည်း၏ တန်းဖိုမှာ တလတွင် ဘတ် သန်း ၈၆၀ ကျော်ရှိပြီး တရုတ်နိုင်ငံက ၆၉ သန်းခန့် ရှိကြောင်း သိရသည်။

ရှမ်းတိုင်းရင်းသား တဦးဖြစ်သည့် နော်ခမ်းသည် ရွှေတြိဂံ ဒေသတွင် မူးယစ် ဆေးကုန်ကူးနေသူဟု ကျော်ကြားပြီး မြန်မာ၊ တရုတ်၊ ထိုင်းနှင့် လာအို နိုင်ငံများက အလိုရှိနေသူ ဖြစ်ကြောင်း သိရသည်။

နော်ခမ်းသည် ၁၉၉၆ ခုနှစ်တွင် လက်နက်ချခဲ့သော ဦးခွန်ဆာ ခေါင်းဆာင်သည့် မော်ထိုင်း တပ်မတော်(MTA) တပ်ဖွဲ့ဝင်ဟောင်း ဖြစ် သည်။

၂၀၀၆ ခုနှစ်မှ စတင်၍ လက်နက်ကိုင်ပြီး ရွှေတြိဂံ နယ်မြေ၌ ပြန်လည် လှုပ်ရှားခဲ့ကြောင်း သိရသည်။ သူ၏တပ်ဖွဲ့ကို လားဟူ၊ ရှမ်း တိုင်းရင်းသားတို့နှင့် ဖွဲ့စည်းထားကြောင်း သိရသည်။

Ref: ဧရာဝတီ

Read More...

ငမိုးရိပ်ချောင်းဘေး နေထိုင်သူများ ဖယ်ရှားခံရ

မြတ်မိုး
December 13, 2011

တောင်ဥက္ကလာပ မြို့နယ် ၁၅ ရပ်ကွက် ငမိုးရိပ်ချောင်းဘေးရှိ ၀ါးတံတားတဲ ၂၀၀ နီးပါးကို ကျူးကျော်အဖြစ် သတ်မှတ်ပြီး နေထိုင် သူများအား ယနေ့အပြီးပြောင်းရွှေ့ခိုင်းမှုကြောင့် နေထိုင်သူများ အခက်အခဲ ဖြစ်နေရကြောင်း သိရသည်။

“ဒီနေ့ အပြီးပြောင်းပေးရင် ပြောင်းပေး၊ မပေးရင် ဥပဒေအရ အရေးယူမယ်လို့ လာခြိမ်းခြောက်သွားတယ်” ဟု ၀ါးတံတားတွင် နေထိုင်သူ တဦးက ပြောသည်။


အဆိုပါ ငမိုးရိပ်ချောင်းဘေး ၀ါးတံတား အနီးတွင် ဘိလပ်မြေ စက်ရုံတရုံကို နိုဝင်ဘာလက စတင် တည်ဆောက်ခဲ့ပြီး ဘိလပ်မြေ သယ်ယူပို့ဆောင်ရာတွင် မလွတ်၍ ဖယ်ရှားခိုင်းခြင်းဖြစ်ကြောင်း ၁၅ ရပ်ကွက် အုပ်ချုပ်ရေးမှူး တဦးက ရှင်းပြသည်။

“ဘိလက်မြေ စက်ရုံပိုင်မြေဖြစ်သွားတဲ့ အတွက် ပြောင်းပေးရမှာ” ဟု ၎င်းက ဆိုသည်။

ယင်းနေရာတွင် နေထိုင်သူများကို လက်ရှိနေရာမှ ဖယ်ရှားခိုင်းပြီး တောင်ဒဂုံ ၁၄၀ ရပ်ကွက်တွင် တည်ဆောက်ထားသော သွပ်မိုး ထရံကာ ၈ ပေပတ်လည် ၁၂ ခန်းတွဲပါ အိမ် ၈ လုံး၊ စုစုပေါင်းအခန်း ၉၆ ခန်းတွင် ပြောင်းရွှေ့ နေထိုင်စေကြောင်း သိရသည်။

လက်ရှိ ၀ါးတံတားတဲများ၌ အိမ်ထောင်စု ၁၈၀ ကျော်၊ လူဦးရေ ၈၅၀ ကျော်ရှိပြီး ပြန်လည် နေရာချထားပေးသည့် တောင်ဒဂုံ ၁၄၀ ရပ်ကွက်ရှိ အိမ်များသည် အလွန်ကျဉ်းမြောင်းကာ အခန်း ၉၆ ခန်းသာရှိသဖြင့် အိမ်နှင့်လူ အရေအတွက် မမျှတသဖြင့် ဝါးတံတားတွင် နေထိုင်သူများက ပြောင်းရွှေ့ခိုင်းမှုကို ငြင်းဆန်နေကြကြောင်း အဆိုပါနေရာတွင် တံမြက်စည်း လုပ်ငန်း လုပ်ကိုင် သူ တဦးက ပြောသည်။

“သူတို့ ပြန်ချပေးတဲ့ နေရာလေးက ကျမတို့ ပြောင်းဖို့အတွက် အဆင်ပြေရင် အခုတောင် ပြောင်းပေးမှာပါ” ဟု ၎င်းက ဆိုသည်။

ဝါးတံတားတဲတွင် နေထိုင်သူများကို ဒီဇင်ဘာ ၁၂ ရက်နေ့တွင် ပြောင်းရွှေ့ရန် အာဏာပိုင်များက ပြောကြားခဲ့ပြီး ယနေ့နံနက်တွင် ပြောင်းရွှေ့ရန် ကားများ ရပ်ကွက်အနီး၌ လာရောက် ရပ်ထားသော်လည်း မည်သူမှ မပြောင်းပေးကြောင်း အမျိုးသားလွှတ်တော် အမတ် ဦးဖုန်းမြင့်အောင်က ပြောသည်။

အဆိုပါ ၀ါးတံတားတဲများတွင် ၁၉၉၆ ခုနှစ်မှ စတင်ပြီး တံမြက်စည်း လုပ်ငန်းရှင် ၉ ဦးသည် တောင်ဥက္ကလာပ စည်ပင်သာယာ ရေး ဌာနသို့ အခွန်ပေးဆောင်ကာ နေထိုင်ခဲ့ရာမှ လူဦးရေ တဖြည်းဖြည်း များလာခြင်း ဖြစ်သည်။

“ဒီရပ်ကွက်မှာနေတဲ့ လူတွေက လက်လုပ်လက်စား တွေပါ။ ကိုယ့်ဘာသာ အိမ်ငှားပြီး နေနိုင်သူမရှိပါဘူး။ မိသားစု တစု နေထိုင် နိုင်တဲ့ လူနေအိမ်ပေးရင် ချက်ချင်းပြောင်းပေးမှာပါ” ဟု ၀ါးတံတားတဲတွင် ၁၀ နှစ်ကျော် နေထိုင်ခဲ့သူ တဦးက ဆိုသည်။

Ref: ဧရာဝတီ

Read More...

ကချင်ဒုက္ခသည်များကို ကုလသမဂ္ဂ ပထမဆုံးအကြိမ် ကူညီ

ခင်ဦးသာ
December 13, 2011

ကချင် စစ်ပြေးဒုက္ခသည်များ အတွက် ရန်ကုန်အခြေစိုက် ကုလသမဂ္ဂအဖွဲ့ တချို့ ကချင်လွတ်မြောက်ရေး တပ်မတော် (KIA) ထိန်းချုပ်ရာ လိုင်ဇာဒေသသို့ပထမဆုံး အကြိမ် သွားရောက်၍ အိမ်သုံးပစ္စည်းများနှင့် စားသောက်ကုန်များ ထောက်ပံ့ ပေးခဲ့
ကြောင်း သိရသည်။

“အဓိက လိုအပ်နေတဲ့ အိမ်သုံးပစ္စည်းတချို့ ကူညီထောက်ပံ့ပေးခဲ့ပါတယ်၊ ဒုက္ခသည်တွေကို ကူညီပေးနိုင်ဖို့ ပထမဆုံး သွားရောက် ခဲ့တဲ့ လေ့လာရေး ခရီးစဉ်သဘောပါ၊ ဆက်လက်ကူညီပေးသွားနိုင်မယ်လို့ မျှော်လင့်ရပါတယ်”ဟု ရန်ကုန် အခြေစိုက် ကုလသမဂ္ဂ ရုံး၏ ပြန်ကြားရေး တာဝန်ခံ ဦးအေးဝင်း က ဧရာဝတီ ကိုပြောသည်။


ကမ္ဘာ့ ကုလသမဂ္ဂ ကလေးများ ရန်ပုံငွေအဖွဲ့ ယူနီဆက်(UNICEF)၊ နိုင်ငံတကာ ဒုက္ခသည်များဆိုင်ရာ မဟာမင်းကြီးရုံး (UNHCR)၊ ကုလသမဂ္ဂ လူသားချင်းစာနာမှု ဆိုင်ရာ အကူအညီပေးရေးအဖွဲ့ ကွပ်ကဲမှုရုံး(UNOCHA)တို့သည် ကချင်ပြည်နယ် သို့ ယမန်နေ့က ရောက်ရှိနေပြီး ကူညီကယ်ဆယ်ရေး ကိစ္စများကို KIA နှင့်ဆွေးနွေး၍ ဒုက္ခသည်များထံ ကိုယ်တိုင်ပေးအပ်ခဲ့ကြောင်း သိရသည်။

“အိမ်ထောင်စု ၃၀၀ အတွက် ပစ္စည်း ၆ မျိုးပါတဲ့ မီးဖိုချောင်သုံးပစ္စည်းတွေ၊ တကိုယ်ရည် ကျန်းမာရေးသုံး ပစ္စည်းတွေ၊ စောင်၊ အ၀တ်အထည်တွေကို ပေးခဲ့ပါတယ်”ဟု ရန်ကုန် အခြေစိုက် ယူနီဆက်ရုံး၏ ပြန်ကြားရေးအရာရှိ Mr. Zafrin Chowdhuryက
ဆိုသည်။

ကုလသမဂ္ဂ အဖွဲ့များသည် မြန်မာအစိုးရ၊ ကချင်လွတ်မြောက်ရေး တပ်မတော်(KIA)တို့နှင့် သဘောတူညီမှုရရှိခဲ့ပြီး ဗန်းမော်မြို့မှ လိုင်ဇာဒေသသို့ ရောက်ရှိခဲ့ကြခြင်း ဖြစ်သည်။

အိုးအိမ်စွန့်ခွာ၍ ထွက်ပြေးနေကြရသည့် KIA ထိန်းချုပ်ရာ ဒေသများမှ စစ်ပြေးဒုက္ခသည်များကို ဆက်လက် ကူညီထောက် ပံ့ ပေးခွင့်ရရန် မျှော်လင့်ထားကြောင်း Mr. Zafrin Chowdhury က ဆက်ပြောသည်။

ထိုအဖွဲ့များနှင့် ကမ္ဘာ့စားနပ်ရိက္ခာ အစီအစဉ်(WFP) အပါအ၀င် NGO များကိုပါ KIA ထိန်းချုပ်ဒေသသို့ သွားရောက်ကူညီခွင့် ကို အစိုးရ အာဏာပိုင်များက ကာလအတန်ကြာ ပိတ်ထားခဲ့ရာမှ ယခု ခွင့်ပြုပေးလိုက်ခြင်း ဖြစ်သည်။

“ယူအန်အဖွဲ့(ကုလသမဂ္ဂ)က ပုဂ္ဂိုလ် ၄ ဦးရယ်၊ ကား ၆ စီးနဲ့ စားနပ်ရိက္ခာပစ္စည်းတွေ ပါပါတယ်၊ ဆန်နဲ့ တခြားပစ္စည်းတွေ ပါ”ဟု လိုင်ဇာ အခြေစိုက် ကချင် စစ်ပြေးဒုက္ခသည်များ ကူညီကယ်ဆယ်ရေးအဖွဲ့မှ တာဝန်ခံ ကိုလာရစ် က ဧရာဝတီကို ပြော သည်။

ကချင်ဒေသ၌ တိုက်ပွဲများ ဆက်တိုက်ဖြစ်ပွားနေ၍ ဒုက္ခသည် ဦးရေ တိုးပွားလာနေကြောင်း၊ ဒုက္ခသည်များအတွက် အရေးတကြီး လိုအပ်သည့်အရာမှာ အစားအစာ၊ ကျန်းမာရေး စောင့်ရှောက်မှုနှင့်ကလေးများ၏ ပညာရေးကိစ္စများ ဖြစ်ကြောင်းလည်း ၎င်း က ဆိုသည်။

KIA ထိန်းချုပ်ရာ လိုင်ဇာဒေသ တ၀ိုက်၌ လတ်တလော ဒုက္ခသည် ၃၄၀၀၀ ခန့်ရှိပြီး ၀ိုင်းမော်၊ ဗန်းမော်၊ မိုးမောက်၊ မံစီ၊ မိုင်ဂျာယန် စသည်တို့တွင် ဒုက္ခသည် ၇၀၀၀ ခန့် ထပ်မံ တိုးပွားလာကြောင်း ကိုလာရစ်က ဆက်လက်ပြောဆိုသည်။

မြန်မာအစိုးရ ထိန်းချုပ်ရာဒေသ မြစ်ကြီးနားနှင့်မြို့နယ်တချို့ရှိ စစ်ပြေးဒုက္ခသည်များအတွက် ပြည်တွင်းရှိ ၈၈ မျိုးဆက်ကျောင်း သားများအဖွဲ့နှင့် နာရေးကူညီမှုအသင်း(ရန်ကုန်) စသည့် လူမှုရေးအဖွဲ့များကလည်း ပစ္စည်းတချို့ကို ပြီးခဲ့သည့် ရက်ပိုင်း အတွင်း က လှူဒါန်းခဲ့သေးသည်။

ကချင်ပြည်နယ်အတွင်း ဖြစ်ပွားနေသည့် စစ်ပွဲများ၌ တပ်အင်အားတိုးခြင်း၊ ထိုးစစ်ဆင်ခြင်းတို့ ထပ်မံ မလုပ်ဆောင်ရန် သမ္မတ ဦးသိန်းစိန်က ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ထံ ဒီဇင်ဘာ ၁၀ ရက်နေ့က စာပို့ ညွန်ကြားထားသည်ဟု
ပြည်နယ်ဝန်ကြီးချုပ်က မြစ်ကြီးနားမြို့ရှိ ဒုက္ခသည်များကို လှူဒါန်းသည့်အခမ်းအနားတခု၌ ပြောဆိုသွားခဲ့ကြောင်း ဒေသခံများ က ပြောသည်

ပြည်ထောင်စုအဆင့် လွှတ်တော်ကိုယ်စားလှယ်များက ငွေကျပ် သိန်း ၇၀၀ နှင့် အဝတ်အထည်များ လှူဒါန်းသည့် ယင်းအခမ်း အနား ကို ဒီဇင်ဘာ ၁၂ ရက်နေ့က ကချင်ပြည်နယ် ၀န်ကြီးချုပ် ဦးဆောင်၍ ပြုလုပ်ခဲ့ရာ၌ ပြည်တွင်း မီဒီယာ တချို့နှင့်ဒေသခံ များ တက်ရောက်ခဲ့စဉ် ပြည်နယ် ၀န်ကြီးချုပ်က ပြောဆိုခဲ့ခြင်း ဖြစ်သည်။

ထိုအကြောင်းကြားစာအား KIA မှ အတိအကျမသိသေးဟု ပြောဆိုပြီး အစိုးရသတင်းစာများကလည်း တရားဝင်ကြေညာ ခြင်း မရှိပေ။

“၁၀ ရက်နေ့မှာ သမ္မတက စာပို့ထားတယ်လို့ကြားပေမယ့် တိုက်ပွဲက ဒီနေ့အထိ ဖြစ်နေတုန်းပါ၊ စစ်တပ်အနေနဲ့ ဘယ်အတိုင်း အတာ အထိ လိုက်နာမလဲဆိုတာ စောင်ကြည့်ရဦးမှာပါ”ဟု KIA ၏ ပြောခွင့်ရသူ ဦးလနန် က ဆိုသည်။

၎င်းက“မနေ့က ဆိုရင်လည်းပဲ မြစ်ကြီးနားဘက်ကို ရထား၂ စီးနဲ့ စစ်သားတွေ အပြည့်ရောက်လာတယ်၊ ဗန်းမော်ဘက် ကို လည်း စစ်သဘောင်္ ၄ စီးရောက်လာတယ်၊၂ စီးက စစ်သားတွေ၊၂ စီးက စစ်လက်နက်တွေ အပြည့်ပါတယ်”ဟု ဆက်ပြော သည်။

အစိုးရစစ်တပ်သည် ရှေ့တန်း စစ်မျက်နှာ၌ တပ်အင်အား ထပ်မံတိုးချနေကာ လားရှိုးမြို့နယ်ဒေသ တ၀ိုက်တွင်လည်း တပ် အင်အား တိုးချနေသည်ဟု သိရသည်။

ပြီးခဲ့သည့် နိုဝင်ဘာ၂၉ ရက်နေ့က KIA နှင့် မြန်မာအစိုးရ ကိုယ်စားလှယ်များ တရုတ်နိုင်ငံ ရွှေလီမြို့တွင် တွေ့ဆုံ ဆွေးနွေးခဲ့ သော်လည်း အပစ်အခတ် ရပ်စဲရေးအတွက် သဘောတူညီမှု မရကြသေးဘဲ တိုက်ပွဲများ ဖြစ်နေကြောင်း၊ သို့သော် အစိုးရ ဘက်မှ တွေ့ဆုံရန် ကမ်းလှမ်းလာပါက ၎င်းတို့အနေနှင့် တွေ့ဆုံရန် အသင့်ရှိကြောင်း ဦးလနန် က ဆိုသည်။

KIA သည် ၁၉၆၁ ခုနှစ်တွင် စတင် ဖွဲ့စည်းခဲ့ပြီး ၁၉၉၄ ခုနှစ်တွင် အစိုးရနှင့် ငြိမ်းချမ်းရေးစာချုပ် ချုပ်ဆို၍ နှစ်ဘက် အပစ် အခတ် ရပ်စဲခဲ့သည်။

အပစ်ရပ်ပြီးနောက်ပိုင်း ကချင်ပြည်နယ်၊ ရှမ်းပြည်နယ်ရှိ KIA ထိန်းချုပ် ဒေသများတွင် စစ်ရေးပဋိပက္ခတချို့ ဖြစ်ပွားခဲ့သော် လည်း ငြိမ်းချမ်းရေး သဘောတူညီချက်ကို ၁၇ နှစ်ကြာ ထိန်းသိမ်းထားနိုင်ခဲ့သည်။

ပြီးခဲ့သည့် ဇွန်လ ၉ ရက်နေ့မှ စတင်၍ တိုက်ပွဲများ ပြန်လည် ဖြစ်ပွားခဲ့ပြီး အပစ်အခတ် ရပ်စဲရေးလည်း ပျက်ပြားခဲ့ခြင်း ဖြစ် သည်။

Ref: ဧရာဝတီ

Read More...

Elvis မျောက် မျိုးစိတ်သစ် မြန်မာတွင်တွေ့

လင်းသန့်
December 13, 2011

မြန်မာနိုင်ငံ မြောက်ပိုင်းတွင် Elvis ဟု အမည်ပေးထားသော ထူးဆန်းသည့် မျောက်မျိုးစိတ်သစ် တမျိုး တွေ့ရှိကြောင်း သိရှိ ရသည်။

အရှေ့တောင်အာရှမဲခေါင် မြစ်ဝှမ်း ဒေသတွင် ဇီဝ မျိုးစိတ်သစ်ပေါင်း၂၀၈ မျိုးကို သိပ္ပံပညာရှင်များက ထပ်မံတွေ့ရှိခဲ့ရာ မြန်မာ နိုင်ငံ မြောက်ပိုင်းက ထူးဆန်းသည့် မျောက်တမျိုးလည်း ပါဝင်ကြောင်း တနင်္လာနေ့က ထုတ်ပြန်လိုက်သော သဘာဝ တောရိုင်း တိရစ္ဆာန် ထိန်းသိမ်းစောင့်ရှောက်ရေး အဖွဲ့တဖွဲ့၏ အစီရင်ခံစာတွင် ဖော်ပြထားသည်။


၂၀၁၀ ပြည့်နှစ်အတွင်း တွေ့ရှိခဲ့ရသည့် ထိုမျောက်အမျိုးအစားမှာ ကမ္ဘာကျော်အဆိုတော် အဲလ်ဗစ် ပရက်စလေ(Elvis Presley) ၏ ဆံပင်ပုံစံမျိုးနှင့် ဆင်တူ၍ အမွေးနက်ပြောင်ပြီး နှာခေါင်းပေါက်များမှာ သာမန်မဟုတ်ဘဲ ပြောင်းပြန် အပေါ် သို့မျက် နှာမူနေကြောင်း အစီရင်ခံစာ၌ ပါရှိသည်။ အဆိုပါ မျောက်သည် ဇီဝ မျိုးစိတ်ဆိုင်ရာ သိပ္ပံတွေ့ရှိချက် အသစ်တခုဖြစ်ပြီး မြန်မာ ဒေသခံများက ကောင်းစွာသိသည်ဟုလည်း AP သတင်းတရပ်က ဆိုသည်။

မြန်မာနိုင်ငံ မြောက်ဘက်ပိုင်း ကချင်ပြည်နယ်ဒေသသည် ထူးဆန်းသော တိရစ္ဆာန်များစွာရှိကြောင်း လေ့လာသူများကလည်း ပြော ဆိုကြသည်။

ထို့အတူ ဗီယက်နမ်နိုင်ငံတွင်လည်း ထူးဆန်းသည့် မျိုးစိတ်သစ် တောက်တဲ့ တမျိုးကို တွေ့ရှိရပြီး အရောင်အဆင်းလည်း ထူးခြား တောက်ပမှု ရှိကြောင်း သိရသည်။

ရာသီဥတုပြောင်းလဲမှု၊ သစ်တော ပြုန်းတီးမှု၊ စားကျက်ပျောက်ဆုံးမှုများကြောင့် ဇီဝ ဖြစ်စဉ်ပြောင်းလဲတတ်ကြောင်း၊ ထို့ကြောင့် ဇီဝ ဖြစ်စဉ်ပြောင်းလဲသွားသည့် ထူးဆန်းသော တိရစ္ဆာန်များကို တွေ့ရှိခဲ့ရခြင်းဖြစ်ကြောင်း ကမ္ဘာ့ တောရိုင်း တိရိစ္ဆာန် ထိန်းသိမ်း စောင့်ရှောက်ရေး အဖွဲ့ (WWF)၏ အစီရင်ခံစာတွင် ဖော်ပြထားသည်။

World Wildlife Fund(WWF)ကမ္ဘာ့ တောရိုင်းတိရစ္ဆာန် ထိန်းသိမ်းစောင့်ရှောက်ရေး အဖွဲ့သည် ဆွစ်ဇာလန် နိုင်ငံတွင် အခြေ စိုက်သည့် အဖွဲ့တဖွဲ့ဖြစ်သည်။

WWF ၏ မဟာမဲခေါင် ဒေသဆိုင်ရာ ဆက်သွယ်ရေးမှူး Sarah Bladen က“ဒီဒေသက ဇီဝ ဖြစ်စဉ်ပြောင်းလဲတဲ့ အပိုင်းမှာ အလွန်ထူးဆန်းမှုတွေနဲ့ ပြည့်နှက်နေတဲ့ ဒေသတခုဖြစ်သလို အတော့်ကို အကာအကွယ်မဲ့တဲ့ အခြေအနေမျိုးပါ၊ ၀မ်းနည်း စရာ ကောင်းတာကတော့ ဇီဝ မျိုးစိတ်တွေ ပျက်သုဉ်းနေတာပါပဲ”ဟု ပြောသည်။

မဲခေါင်မြစ်သည် တရုတ်၊ မြန်မာ၊ လာအို၊ ထိုင်း၊ ကမ္ဘောဒီးယားနှင့် ဗီယက်နမ်နိုင်ငံများကို ဖြတ်သန်းစီးဆင်းလျက်ရှိပြီး မဲခေါင် ဒေသတွင် သဘာဝ တိရစ္ဆာန်များနှင့် မျိုးစိတ်များ ပျက်စီးဆုံးရှုံးမှုများ ဖြစ်နေကြောင်းလည်း အောက်တိုဘာလ က WWF က ထုတ်ပြန်ထားသည်။

Ref: ဧရာဝတီ

Read More...

မန်းငြိမ်းမောင်ကို ရုံးတင် စစ်ဆေးနေ

December 13, 2011

ကရင်အမျိုးသား အစည်းအရုံး (KNU) ခေါင်းဆောင် တဦးဖြစ်သူ မန်းငြိမ်းမောင်သည် အစိုးရ အာဏာပိုင်များက တရားမ၀င် အသင်း ဆက်သွယ်မှု ပုဒ်မ၁၇(၁)ဖြင့် လတ်တလော စွပ်စွဲခံထားရပြီး ရန်ကုန်တိုင်း မင်္ဂလာဒုံမြို့နယ် တရားရုံး၌ ပြီးခဲ့သည့် အပတ် က ရုံးတင် စစ်ဆေးခဲ့ကြောင်း သိရသည်။

ဦးမန်းငြိမ်းမောင်ကို အစိုးရ လူဝင်မှု ကြီးကြပ်ရေး ဥပဒေ အရေးပေါ် ပြဋ္ဌာန်းချက် ပုဒ်မ ၁၃/၁၊ နိုင်ငံသား စိစစ်ရေးကတ်ပြား အတု ကိုင်ဆောင်မှု ပုဒ်မ ၄၆၈ တို့နှင့် စက်တင်ဘာ၂၇ရက်နေ့က ထောင်ဒဏ် တနှစ် ချမှတ်ထားပြီး ဒုတိယ အကြိမ် စစ် ဆေးနေခြင်း ဖြစ် ကြောင်း ရန်ကုန် အခြေစိုက် The Flower News ဂျာနယ်တွင် ဖော်ပြထားသည်။


KNU တွဲဖက် အထွေထွေ အတွင်းရေးမှူး (၁) ဗိုလ်မှူး စောလှငွေကလည်း ပြည်တွင်း ဂျာနယ်များတွင် မန်းငြိမ်းမောင်၏ ဖြစ်ရပ်နှင့် ပတ်သက်၍ ရေးသားဖော်ပြချက်များသည် မှန်ကန်နိုင်ဖွယ်ရှိသည်ဟု ဧရာဝတီသို့ ပြောသည်။

“ထွက်ရှိလာတဲ့ သတင်းအချက်အလက်တွေ ဖတ်ကြည့်တဲ့အခါကျတော့ ဖြစ်နိုင်ပါတယ်၊ ဒါပေမယ့် ခက်တာက မင်္ဂလာဒုံ ဘယ်ရုံး မှာလဲဆိုတာ သေချာအောင် ပြန်လိုက် ကြည့်ရဦးမယ်”ဟု ၎င်းက ဆိုသည်။

မန်းငြိမ်းမောင်သည် တရုတ်ပြည် ကူမင်းလေဆိပ်တွင် ဇူလိုင်လ ၂၄ ရက်နေ့မှ စတင် ပျောက်ဆုံးခဲ့သည်။ တရုတ်မြန်မာ နယ်စပ်မှ လာသော သတင်းအရ ယူနန်ပြည်နယ်မြို့တော် ကူမင်းရှိ အာဏာပိုင်များက ၎င်းကို မြန်မာပြည်သို့သွားသည့် လေယာဉ်တစီးဖြင့် ပို့ဆောင်ခဲ့ခြင်း ဖြစ်ကြောင်း သိရသည်။

မန်းငြိမ်းမောင်ကို ဖမ်းဆီးထိန်းသိမ်းထားသည်ဟူသော သတင်းများ ၆ လခန့် ထွက်ပေါ်နေသော်လည်း အစိုးရက တစုံတရာ တုံ့ပြန်ခြင်း မရှိပေ။

KNU က တခြားသော တိုင်းရင်းသား တပ်ဖွဲ့များနှင့် ပူးပေါင်းဖွဲ့စည်းထားသည့် ညီညွတ်သော တိုင်းရင်းသား လူမျိုးများ ဖယ်ဒရယ် ကောင်စီ(UNFC)တွင် ပဒိုမန်းငြိမ်းမောင်က ကော်မတီဝင် တဦးအဖြစ် တာဝန်ယူထားသည်။

မန်းငြိမ်းမောင်သည် ယခင်ကလည်း မြန်မာပြည် အကျဉ်းစခန်း၊ အကျဉ်းထောင်တို့တွင် နှစ်ပေါင်းအတန်ကြာ ထိန်းသိမ်းခံရဖူး သည်။

ကိုကိုးကျွန်း အကျဉ်းစခန်းတွင် ရှိနေစဉ် မန်းငြိမ်းမောင်သည် ကရင်လူငယ်အဖွဲ့မှ မန်းအောင်ကြည်၊ အထက်တန်းပြဆရာ ကိုအောင်ငွေ တို့နှင့် အတူ ပင်လယ်ပြင် မိုင်ပေါင်း ၂၀၀ ကျော်ခရီးကို ဖြတ်ပြီး ထွက်ပြေးခဲ့ဖူးသူလည်း ဖြစ်သည်။

သို့သော် ပြည်မသို့ အရောက်တွင် ဒေသခံ အာဏာပိုင်များ၏ ဖမ်းဆီးခြင်း ခံခဲ့ရသည်။ ထိုအတွေ့အကြုံများကို၂၀၀၀ ပြည့်နှစ်က ထုတ်ဝေသည့် ‘မုန်တိုင်းကိုဆန်၍ ပင်လယ်ကိုဖြတ်သောအခါ’ အမည်ရှိ စာအုပ်တွင် ရေးသားဖော်ပြထားသည်။

ကိုကိုးကျွန်းရောက် နိုင်ငံရေးသမားများ၏ အကျဉ်းသား အခွင့်အရေး အတွက် အကြိမ်ကြိမ် အစာငတ်ခံဆန္ဒပြရာတွင်လည်း မန်းငြိမ်းမောင် ပါဝင်ခဲ့ကြောင်း သိရသည်။

Ref: ဧရာဝတီ

Read More...

NLD ပါတီ ပြန်လည် ထူထောင်ခွင့် ပြုပြီ

လင်းသန့်
December 13, 2011

အမျိုးသား ဒီမိုကရေစီ အဖွဲ့ချုပ် (NLD) နိုင်ငံရေးပါတီ ထူထောင်ခွင့်ကို ပြည်ထောင်စု ရွေးကောက်ပွဲ ကော်မရှင်က ခွင့်ပြုလိုက် လိုက်ပြီ ဖြစ်သည်။

“ကျနော်တို့ကို တည်ထောင်ခွင့် ပေးတယ်ဆိုတာက Permission ပေးတဲ့ သဘောပေါ့။ ဒါကို ကျနော်တို့က နောက်ထပ် မှတ်ပုံတင်ဖို့ လုပ်ရဦးမယ်” ဟု NLD ပါတီ၏ ပြောခွင့်ရ ရှေ့နေ ဦးဉာဏ်ဝင်းက ဧရာဝတီကို ပြောသည်။

NLD ပါတီကို နိုင်ငံရေးပါတီအဖြစ် ဒီဇင်ဘာလ ၁၂ ရက် နေ့စွဲဖြင့် ပြည်ထောင်စု ရွေးကောက်ပွဲ ကော်မရှင်က ခွင့်ပြုလိုက် ခြင်း ဖြစ် ကြောင်း နိုင်ငံပိုင် သတင်းစာများတွင်လည်း ဖော်ပြထားသည်။


“ပြည်ထောင်စု ရွေးကောက်ပွဲကော်မရှင်သည် နိုင်ငံရေးပါတည် တည်ထောင်ခွင့် လျှောက်ထားချက်များကို စိစစ် ခွင့်ပြုပေးလျှက် ရှိရာ ဦးတင်ဦးပါ ၂၁ ဦးတို့က လျှောက်ထားသည့် အမျိုးသားဒီမိုကရေစီ အဖွဲ့ချုပ် ပါတီ တည်ထောင်ခွင့် လျှောက်ထားချက်သည် ဥပဒေ၊ နည်းဥပဒေများဖြင့် ညီညွတ်ကြောင်း တွေ့ရသဖြင့် ကော်မရှင်က ၂၀၁၁ ဒီဇင်ဘာ ၁၂ ရက်နေ့တွင် ပါတီ ထူထောင် ခွင့်ပြု ခဲ့ကြောင်း သတင်းရရှိသည်” ဟု သတင်းစာများတွင် ရေးသားထားသည်။

NLD ပါတီ တည်ထောင်ခွင့်ကို လွန်ခဲ့သည့် နိုဝင်ဘာလ ၂၆ ရက် နေ့စွဲဖြင့် လျှောက်ထားခဲ့ပြီး ယခု ပါတီ ထူထောင်ခွင့်ပြုမိန့် ကျပြီဖြစ်ရာ မှတ်ပုံတင်ရန်အတွက် လာမည့် သတင်းပတ်အတွင်း နေပြည်တော်သို့ သွားရမည်ဖြစ်ကြောင်း ဦးဉာဏ်ဝင်းက ဆက်လက် ရှင်းပြသည်။

ကော်မရှင်က စိစစ်ဆဲ ကာလတွင် ပါတီတည်ထောင်ခွင့် လျှောက်ထားခဲ့သူ ၂၁ ဦး၏ ကိုယ်ရေးရာဇ၀င်များကို သက်ဆိုင်ရာ အာဏာပိုင် အဖွဲ့အစည်းများက မေးမြန်းစိစစ်ခဲ့ကြောင်း၊ ဥပဒေအရ နိုင်ငံခြားမှ အကူအညီယူခြင်းရှိ၊ မရှိ တို့ကိုလည်း မေးမြန်း ခဲ့ကြောင်း သူက ဆိုသည်။

NLD ပါတီသည် ယခင်အသုံးပြုခဲ့သည့် ခမောက် သင်္ကေတကို အသုံးပြုတော့မည် မဟုတ်တော့ဘဲ ယခုလက်ရှိ ပါတီအလံအတိုင်း အနီရောင် အောက်ခံတွင် အဖြူရောင် ကြယ်နှင့် ရွှေရောင် ခွပ်ဒေါင်းပုံ၊ အဖြူရောင် “အမျိုးသား ဒီမိုကရေစီ အဖွဲ့ချုပ်” စာတန်း ကို အောက်ခြေတွင် ဖော်ပြထားသည့် အမှတ်တံဆိပ်အား အသုံးပြုမည်ဖြစ်ကာ အမှတ်တံဆိပ်၏ စံပြု အရွယ်အစားမှာ ထောင့်မှန် စတုဂံပုံ အလျား ၁. ၆၂ လက္မ၊ အနံ ၁ လက္ခ ဖြစ်ကြောင်း NLD က ဒီဇင်ဘာလ ၁၂ ရက်နေ့ထုတ် နိုင်ငံပိုင် သတင်းစာ များတွင် ကြေညာထားသည်။

ဒီဇင်ဘာလ ၁၁ ရက်နေ့ နေ့လယ်က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်သည် ပြည်ထောင်စု လွှတ်တော် နာယက ဦးခင်အောင်မြင့်၏ နေအိမ်တွင် ၁ နာရီကျော်ကြာ တွေ့ဆုံ ဆွေးနွေး ခဲ့ကြောင်း၊ အလွတ်သဘော ဆွေးနွေးခြင်း သာ ဖြစ် ကြောင်း ဦးဉာဏ်ဝင်းက ဧရာဝတီကို ပြောသည်။

“ကျနော်တို့ သိတာကတော့ ကောင်းကောင်းမွန်မွန် မိတ်ဆက်စကားပြောကြတာပါ။ အသေးစိတ်တော့ မသိပါဘူး။ ခေါင်းစဉ်တော့ မရှိပါဘူး။ မိတ်ဆွေတွေ ပြောကြတဲ့ပုံစံပါပဲ” ဟု ဦးဉာဏ်ဝင်းက ဆိုသည်။

ဆက်လက်၍ ဦးဉာဏ်ဝင်းက တိုင်းပြည်နှင့် ပြည်သူလူထုအတွက် များစွာ ဆက်လက်လုပ်ဆောင် နေရဦးမည်ဖြစ်ပြီး အခု ကဲ့သို့သော တွေ့ဆုံမှုများသည် အလားအလာကောင်းများ ဖြစ်သည်ဟု ပြောသည်။

ဒေါ်အောင်ဆန်းစုကြည်နှင့် ဦးခင်အောင်မြင့်တို့ တွေ့ဆုံမှုအပေါ် NLD လူငယ်များနှင့် နိုင်ငံရေးတက်ကြွ လှုပ်ရှားသူ လူငယ်များ ကလည်း မြန်မာနိုင်ငံအတွက် အကောင်းဘက်သို့ ဦးတည်သည်ဟု ရှုမြင်ကြသည်။

“ကျနော်တို့ကတော့ အားလုံး အပြုသဘော ပူးပေါင်းဆောင်ရွက်ပြီး လုပ်ကြရင် ကျနော်တို့ တိုင်းပြည်ကောင်းသွား မှာပဲလို့ ကျနော်တို့ သုံးသပ်တယ်” ဟု NLD လူငယ် ကိုကျော်စိုးနိုင်က ဧရာဝတီကို ပြောသည်။

ပြည်ထောင်စု လွှတ်တော် နာယက ဦးခင်အောင်မြင့်သည် NLD ပါတီအနေဖြင့် တနိုင်ငံလုံး အတိုင်းအတာနှင့် မဲအပြတ်အသတ် အနိုင်ရခဲ့သည့် ၁၉၉ဝ ပြည့်နှစ် ရွေးကောက်ပွဲရလဒ်ကို အသိအမှတ်ပြုကြောင်း၊ အဆိုပါ ရလဒ်သည် ဖျောက်ဖျက်၍ ရသည့် ကိစ္စ မဟုတ်ကြောင်း Yangon Times သတင်းဂျာနယ်နှင့် အောက်တိုဘာလ ၃၁ ရက်နေ့က တွေ့ဆုံစဉ် ပြောခဲ့သေးသည်။

NLD ပါတီ မှတ်ပုံပြန်တင်မည် ဆိုပါက လွှတ်တော် အကြီးအကဲဖြစ်သည့် ၎င်းနှင့်အတူ လွှတ်တော်ထဲမှ ကိုယ်စားလှယ် များက ကြိုဆိုမည်ဖြစ်ကြောင်း၊ ဒေါ်အောင်ဆန်းစုကြည်အား ပြည်သူများက ရွေးချယ်တင်မြှောက်ပါက လွှတ်တော် တွင်းကို ရောက်ရှိ လာမည်ဖြစ်ကြောင်း၊ ဒေါ်အောင်ဆန်းစုကြည်သည် နိုင်ငံတကာ ဗဟုသုတ ကြွယ်ဝ သည့် ပညာတတ်တယောက် ဖြစ်သောကြောင့် နိုင်ငံတည်ဆောက်ရေးအတွက် များစွာ အားကိုးရမည် ဖြစ်ကြောင်းလည်း သူက ပြောဆိုခဲ့သည်။

Ref: ဧရာဝတီ

Read More...

ဘိုကလေး မတော်တဆ ပေါက်ကွဲမှု ၅ ဦး ဒဏ်ရာရ

သဲသဲ
ဒီဇင်ဘာလ ၁၃ ရက် ၂၀၁၁ ခုနှစ်

ရေနံရှာဖွေရေးလုပ်ငန်းတွင် အသုံးပြုသည့် ဖောက်ခွဲရေးမိုင်း၏ အစိတ်အပိုင်းတခု (Detonator) အား ကလေးငယ်တဦး ဆော့ ကစားမိရာမှ ပေါက်ကွဲမှုဖြစ်ပွားခဲ့ပြီး ဖခင်နှင့် ကလေးငယ်တဦး ပြင်းထန်စွာ ဒဏ်ရာရှိခဲ့သည့် ဖြစ်ရပ်တခု ဘိုကလေး မြို့နယ် အုန်း ဘိုင်းကျေးရွာ၌ ဖြစ်ပွားခဲ့သည်။

ဒီဇင်ဘာလ ၆ ရက်နေ့ ညနေပိုင်းက ဖြစ်ပွားခဲ့သည့် ယင်းပေါက်ကွဲမှုကြောင့် နေအိမ်ရှိ မိသားစု ၅ ဦး ဒဏ်ရာ ရရှိ သွားပြီး ဖခင်ဖြစ်သူမှာ ဘယ်ဘက် လက်ချောင်း သုံးချောင်း ပြတ်သွားခဲ့ပြီး သားဖြစ်သူ ဆယ်နှစ်အရွယ် မောင်ကောင်းလမ်းမှာ ပေါက်ကွဲမှု ကြောင့် လွင့်စင်လာသည့် သတ္တုစများ ဝမ်းဗိုက်၌ ထိမှန်ခဲ့သည်။


“နှစ်ယောက်က အခြေအနေဆိုးတယ်။ အဲဒီမှာ တယောက်က လက်ဖြတ်ပစ်ရတယ်၊ ကလေးတယောက်က ဗိုက်ခွဲ ပြီးတော့ ကျည်ဖူးလိုဟာလေး ခွဲထုတ်ထားရတာပေါ့” ဟု ဘိုကလေးမြို့ ကုတင် ၁ဝဝ ဆေးရုံမှ ဆေးရုံဝန်ထမ်း တဦးက မဇ္ဈိမကို ပြော သည်။

ပေါက်ကွဲမှုကြောင့် ဒဏ်ရာရရှိသူများအားလုံးမှာလည်း ဆေးရုံတွင်း ကုသမှု ခံယူနေသည်ဟု သိရသည်။

ပေါက်ကွဲမှုဖြစ်ပွားမှုနှင့် ပတ်သက်၍ “ဘယ်ကနေ ဘယ်လို ရလာလဲ မသိဘူး။ မိဘတွေလည်း မသိဘူး။ ညကျတော့ အဲဒါကို ဓါတ်မီးနဲ့ ထိုးကြည့်တာ အဲဒီအစလေးနဲ့ ဓါတ်မီးနဲ့ သွားတေ့မိတာကနေ ထပေါက်တာပဲ” ဟု ဒဏ်ရာရှိသွား သူ ဖခင်ဖြစ်သူ ဦးအောင်မျိုးဆန်း ပြန်ပြောပြသည်။

အခင်းဖြစ်ပွားရာသို့ ဒေသအာဏာပိုင် ရဲတပ်ဖွဲ့ဝင်များနှင့် အထူးသတင်းတပ်ဖွဲ့မှ ရဲအရာရှိများ လာရောက်ခဲ့ပြီး ရေနံ ရှာဖွေရန် အသုံးပြုပြီးနောက် မပေါက်ကွဲဘဲ ကျန်ရှိခဲ့သည့် မိုင်း၏ အစိတ်အပိုင်းကြောင့် ပေါက်ကွဲမှုဖြစ်ကြောင်းနှင့် ကျန်ရှိခဲ့သည့် မိုင်းသီး အစိတ်အပိုင်းများအား သိမ်းဆည်းသွားခဲ့သည်ဟု ရွာသားများက ပြောဆိုသည်။

ယင်းပေါက်ကွဲမှုနှင့် ပတ်သတ်၍ ဘိုကလေးမြို့နယ် ရဲစခန်းနှင့် အထူးသတင်းတပ်ဖွဲ့သို့ ဆက်သွယ်မေးမြန်း သော်လည်း ပြန်လည် ဖြေကြားခဲ့ခြင်း မရှိပေ။

၂ဝ၁ဝ ခုနှစ် ဒီဇင်ဘာအတွင်းက ဘိုကလေးမြို့နယ် အုန်းဘိုင်းကျေးရွာအနီး၌ ကုမ္ပဏီတချို့မှ မြေကြီးတွင်း မိုင်းခွဲ စမ်းသပ်၍ ရေနံရှာဖွေမှုများ ရှိခဲ့ပြီး မည်သည့်ကုမ္ပဏီဖြစ်သည်ကိုမူ မသိရပေ။ ယင်းကဲ့သို့ ဖြစ်ပွားမှုကြောင့် ထိခိုက်သူများအနေဖြင့် လျော်ကြေး တစုံတရာ မရရှိနိုင်တော့ကြောင်း ယင်းဒေသသို့ ရောက်ရှိနေသည့် မတူကွဲပြား ခြင်းနှင့် ငြိမ်းချမ်းရေးပါတီ - PDP ဥက္ကဋ္ဌက သုံးသပ်သည်။

“ဒေသအာဏာပိုင်တွေကလည်း မြန်မာ့ရေနံနဲ့ ဘသာဝ ဓါတ်ငွေ့ဝန်ကြီးဌာနကို ဆက်သွယ်ပြီး cooperation လုပ်ရမှာ။ လှမ်းလက်ပြောပြီး လာတွေ့ရမှာပေါ့။ အခုထိ ဘာမှလာလုပ်မပေးဘူး။ လက်နဲ့ လုပ်စားတာ လက်ပြတ် သွားတော့ ဘာလုပ် စားမတုန်း” ဟု အုန်းဘိုင်းရွာသို့ သွားရောက်ကြည့်ရှုခဲ့သူ PDP ဥက္ကဋ္ဌ ဦးနေမျိုးဝေက မဇ္ဈိမကို ပြောသည်။

ယင်းကဲ့သို့သော မပေါက်ကွဲသေးသည့် မိုင်းတချို့ကိုလည်း ဘိုကလေးမြို့နယ် ဆူးပဒိုင်းကုန်း ကျေးရွာအုပ်စု အနီးတဝိုက်ရှိ လယ်ကွင်းနှင့် ချောင်းစပ်တချို့တွင် တွေ့ရှိနေသဖြင့် ရွာသားများ စိုးရိမ်မကင်း ဖြစ်နေကြသည်

Ref: မဇ္ဈိမ

Read More...

သမ္မတ ‘အစစ်’ နဲ့သာ ဆွေးနွေးလိုတဲ့ KNU

ကျော်ခ
ဒီဇင်ဘာလ ၁၃ ရက် ၂၀၁၁ ခုနှစ်

တိုးတက်သော ဗုဒ္ဓဘာသာ ကရင်အမျိုးသားတပ်မတော် DKBA မှာ အစိုးရနှင့် ငြိမ်းချမ်းရေး ယူသွားသော်လည်း ကရင်တပ် အချင်းချင်း တိုက်ပွဲပြန်ဖြစ်မည် မဟုတ်သည့်အပြင် နားလည်မှု ရှိရှိ လုပ်ကိုင်သွား မည်ဟု ကရင်အမျိုးသား အစည်းအရုံး KNU က ပြောဆိုသည်။

၁၉၉၄ နှစ်ကုန်ပိုင်းအတွင်း KNU အတွင်းမှ DKBA အဖြစ် ခွဲထွက်သွားကာ အကျိုးဆက်အဖြစ် တိုင်းရင်းသား လက်နက်ကိုင် အင်အားစုများ၏ ဌာနချုပ်ဖြစ်သည့် မာနယ်ပလောစခန်းမှာ ကျဆုံးခဲ့ဖူးသည်။

ကိုယ်ပိုင်ပြဌာန်းခွင့်နှင့် တန်းတူရေးအတွက်အတွက် နှစ်ပေါင်း ၆ဝ ကျော် အစိုးရကို လက်နက်ကိုင် တော်လှန်နေ သည့် KNU မှာ ယခု အစိုးရသစ်လက်ထက်တွင် ၄ ကြိမ်တိုင် တွေ့ဆုံခဲ့ပြီးဖြစ်သော်လည်း တစုံတရာ သဘောတူညီမှု မရရှိခဲ့ပေ။


ယင်းကိစ္စရပ်များနှင့် ပတ်သက်၍ KNU ဒုဥက္ကဌ ပဒို ဒေးဗစ်သာကပေါကို မဇ္ဈိမ သတင်းထောက် ကျော်ခက ဆက်သွယ် မေးမြန်း ထားပါသည်။

ဗိုလ်မှူးစောလားပွယ် ဦးဆောင်တဲ့ DKBA အဖွဲ့ဟာ အပစ်ခတ်ရပ်စဲခြင်းမပြုလုပ်ခင် KNU တပ်တွေနဲ့ ပူးပေါင်းပြီး အစိုးရတပ် တွေကို တိုက်ခိုက်ခဲ့တာရှိပါတယ်။ အခုသူတို့က အစိုးရနဲ့ အပစ်ရပ်လိုက်တော့ KNU နဲ့ KNU ရဲ့ ထိန်းချုပ်နယ်မြေတွေ အတွက် စိုးရိမ်ရတဲ့ အနေအထားတွေများ ရှိမလားခင်ဗျ။

“မရှိပါဘူး။ ကျနော်တို့ နားလည်မှုရှိရှိနဲ့ ဆက်လုပ်နေပါတယ်။ သူတို့ KNU ကို ပြန်ပြီးတော့ စစ်ရေးအရ တိုက်မှာ မဟုတ်ဘူး။ DKBA သမိုင်းရဲ့ အစကိုက အစိုးရက အကွက်ဆင်ပြီး အိမ်ကြက်ချင်း အိုးမဲသုပ်ပြီး ခွပ်ခိုင်းခံရတဲ့ သမိုင်းဖြစ်နေတယ်။ အဲဒီ အခြေအနေကို ကျနော်တို့အားလုံး ပြန်မရောက်ချင်ကြဘူးဆိုတာကို သူတို့လဲ သိပါတယ်။ အခုတော့ ကျနော်တို့ အချင်းချင်း နားလည်မှု ရှိပါတယ်။ ကျနော်တို့က ကရင် အချင်းချင်းပဲ။ အရင်က လက်တွဲလုပ်ခဲ့တဲ့ လူတွေပဲ။ အရင်ကအစိုးရရဲညာဏ် ဆင် ထိုးခွဲမှုမှာ အလိမ် ခံရတယ်။ အခုလဲ အလိမ်ခံရပြီး လွယ်လွယ်နဲ့ လုပ်သွား တယ်ပေါ့ဗျာ။ သူတို့ လည်း သူတို့ အဆင်ပြေ သလို ရပ်တည် ပေါ့ဗျာ”

“တခုတော့ ရှိတာပေါ့ သူတို့လွယ်လွယ်နဲ့ အပစ်ရပ်သွားတာက အစိုးရနဲ့ အပစ်ရပ်ရေးဆွေးနွေးဖို့အတွက် ကြားခံ အဖြစ် လုပ်ပေး တဲ့ ပွဲစားတွေက လိမ်သွားတာ။ ဘယ်လိုလိမ်လဲဆိုတော့ တဖက်မှာ KNU က လျှို့ဝှက် သဘောတူညီချက်တွေ လုပ်နေပြီ ခင်ဗျားတို့ မြန်မြန် လုပ်၊ နောက်ကျရင် KNU က တဆယ်ရတဲ့အခါ ခင်ဗျားတို့က ၂ ကျပ်ပဲ ရလိမ့်မယ် ဆိုပြီးတော့ DKBA ကို ဖဲ့ထုတ်သွားတယ်။ DKBA ကလည်း ရိုးတယ်မို့လား လူရိုးတွေလေ”

ဒီရက်ပိုင်းအတွင်းမှာ KNU နဲ့ မြန်မာအစိုးရ ကိုယ်စားလှယ်တွေနဲ့ ဘားအံမြို့မှာ အပစ်ရပ်ရေး ထပ်ပြီး ဆွေးနွေးဖို့ ရှိတယ် ဆိုတာ ရော ဟုတ်လား။

“မဟုတ်သေးပါဘူး။ ဟုတ်မယ်ဆိုရင်လည်း ကျနော်တို့ သတင်းထုတ်ပြန်မှာပါ”

KNU နဲ့ မြန်မာအစိုးရသစ်နဲ့ အပစ်ရပ်ရေး တွေ့ဆုံဆွေးနွေးကြတာ ၄ ကြိမ်ရှိပြီလို့ သိရတယ်။ ဒီတွေ့ဆုံမှု တွေကနေ အပစ်ရပ်ဖို့ သဘောတူညီမှု ဘာကြောင့် မရနိုင်သေး ဖြစ်နေတာလဲ ခင်ဗျ။

“ကျနော်တို့ တောင်းဆိုတာက တပြည်လုံးအတိုင်းအတာနဲ့ အပစ်အခတ်ရပ်ဆဲဖို့၊ တိုင်းရင်းသား နယ်မြေတွေမှာ လာချထားတဲ့ အစိုးရတပ်တွေ ရုတ်သိမ်းပေးဖို့၊ ငြိမ်းချမ်းရေးအတွက် ကောင်းတဲ့ အလားအလာ ကိစ္စတွေပေါ့ဗျာ။ နိုင်ငံရေး အကျဉ်းသား လွှတ်ပေးဖို့ကိစ္စ၊ ဒီမိုကရေစီလွတ်လပ်မှုရှိရမယ်။ လှု့အခွင့်ရေးချိုးဖောက်မှုတွေ ရပ်ဖို့ ကျနော် တို့ဘက်က ဆွေးနွေးထားတာပဲ”

“ကျနော်တို့ ထိုင်းမြန်မာနယ်စပ်မှာ တွေ့ဆုံမှုတွေလုပ်ခဲ့တာ ၄ ကြိမ်ရှိပြီ။ ဝန်ကြီး အဆင့်ဖြစ်တဲ့ ဦးအောင်မင်း နဲ့ ၂ ကြိမ်၊ ပြည်နယ်အဆင့်နဲ့က ၂ ကြိမ် တွေ့ဆုံပြီးပါပြီ။ သူတို့လည်း သမ္မတကြီး ဦးသိန်းစိန်ကို တင်ပြလိုက်ပါ့မယ်။ တင်ပြလိုက်ပါ မယ်ဆိုပြီးတာ ပြန်ပြန်သွားတယ်။ ဘာမှ တိုးတက်မလာပါဘူး။ အခု ကချင်ဘက်မှာလည်း နေ့တိုင်းလို တိုက်နေတာပဲ”

“မပြေလည်တာကတော့ ဦးသိန်းစိန် အစိုးရက ဘာမှ တိုးလုပ်လာတာ မရှိဘူး။ တိုးလုပ်လာရင်တော့ နှစ်ဘက် ဆွေးနွေးမှု တွေဟာ တိုးတက်မှုတွေရှိလာမှာပေါ့”

KNU က မြန်မာအစိုးရနဲ့ အပစ်ရပ် လက်မှတ်ထိုးပြီးရင် အခြားလူ အမည်ခံ နာမည်တခုနဲ့ ထိုင်းနိုင်ငံ မဲ့စရီးယန်းဘက်မှာ သွင်း ကုန်၊ ပို့ကုန် ကုမ္ပဏီ တခု ဖွင့်မယ်လို့ ကြားနေရပါတယ်။

“အစိုးရဘက်ကနေ အပစ်ရပ်ဖို့ ဆွေးနွေးပွဲတွေလုပ်တဲ့အခါမှာ ကြားမှာ စီးပွားရေးသမားတွေက ကြားခံ ပါလာတယ်။ အဲဒီ ကြားပွဲစားတွေက ဟိုဘက်ကလည်း ရမယ်။ ဒီဘက်ကလည်းရမယ် ဆိုပြီးလုပ်တဲ့ အဲဒီလို စီးပွားရေးသမားတွေ လည်း ရှိတယ်။ အဲဒီလူတွေက သူတို့လိုချင်တဲ့ အဆင့်မရဘူးဆိုရင် မဟုတ်မှန်သတင်းတွေ လျှောက်လွှင့်နေတယ်။ ပြီးရင်နောက်မှာလည်း UNFC ကိုတိုက်ခိုက်တယ်”

KNU ထိန်ချုပ်နယ်မြေတွေ ဖြစ်တဲ့ တပ်မဟာ ၃ နဲ့ ၅ နယ်မြေတွေထဲမှာ KNU က ရွှေတူးဖေါ်ရေး လုပ်ငန်းတွေ လုပ်ဖို့ ကားလမ်းတွေ ဖောက်နေတယ်ဆိုတဲ့ အသံတွေ ကြားနေရသလို တပ်မဟာ ၂ နဲ့ ၃ နယ်မြေ တွေမှာရှိတဲ့ ဝါးဘိုးဝါးတွေကို ကုန်ချောအဖြစ် ထုတ်ဘို့ အစီအစဉ်ရှိတယ်လို့လည်း နယ်စပ် လက်နက်ကိုင် တပ်တွေ ဘက်ကနေလည်း အသံတွေ ကြားနေ ရပါတယ်။

“ခင်ဗျားကြားတဲ့သတင်းက မမှန်ပါဘူး။ အဲဒီအစီအစဉ်တွေကို လုပ်နေတာမျိုးလည်း မရှိပါဘူး။ ဒါတွေက မလိုသူတွေ
ပြောတဲ့ စကားတွေပါ”

နိုင်ငံတချို့ကတော့ မြန်မာအစိုးရသစ်ရဲ့ လုပ်ဆောင်ချက်တွေဟာ တိုးတက် ပြောင်းလဲမှုတွေ ရှိလာတယ် လို့ မှတ်ချက်ပြုကြ တာတွေလည်းရှိပါတယ်။ KNU အနေနဲ့ အပစ်ရပ်ဖို့ကြတော့ အစိုးရက ဘယ်လို အတိုင်းအတာမျိုး ဖော်ဆောင်မှ ပြည်စုံမယ်လို့ ယူဆထားလို့လဲ။

“ဦးသိန်းစိန်ကတော့ နိုင်ငံရေးအကျဉ်းသား ၂ဝဝ လောက်တော့ လွှတ်ပေးတာပဲ။ နောက်ဟိုဒီ အဖွဲ့အစည်းလေးတွေ ဖွဲ့စည်း ခွင့်တွေ လုပ်ပေးတာ။ သတင်းလွတ်လပ်ခွင့်ပေးတာလေးတွေရှိတာပေါ့။ သတင်းလွတ်လပ်ခွင့်ကလည်း တကယ် လွတ်လွတ် လပ်လပ် ပေးသလားဆိုတော့လည်း မဟုတ်ပါဘူး”

“အဓိက ကတော့ တိုင်းရင်းသားတွေ အပေါ်စစ်ဆင်နေတဲ့ ကိစ္စပဲ။ အဲဒါတွေ ကိုရပ် အဲဒါတွေရပ်ရင်တော့ ကျနော် တို့နဲ့ အလား အလာကောင်းမယ်ဗျာ။ ကျနော်တို့နဲ့ အပစ်ရပ်ဖို့ဆိုတာက အစိုးရပေါ်မှာ မူတည်တယ်လေ။ သူတို့ ပြည်တွင်းစစ်ရပ် ဖို့လိုတယ်။ မရပ်ရင် ဘာတိုးတက်မှုမှ ရှိမှာမဟုတ်ဘူး”

“ကျနော်တို့ အခုစဉ်းစားနေတာက ဦးသိန်းစိန်က တကယ်လုပ်ပိုင်ခွင့်အာဏာရှိလားမရှိလား ဒါပဲ။ သူတကယ်ပဲ အပစ်ရပ်ချင်လား။ စစ်တပ်အပေါ်မှာ သူအာဏာရှိလား။ သမ္မတဖြစ်ရင်တော့ သူအာဏာရှိရမှာပေါ့။ သမ္မတ အတု ဆိုရင်တော့ အာဏာမရှိဘူးပေါ့ဗျာ။ အဲဒါကို ကျနော်တို့ ဆုံးဖြတ်ရမှာပဲ။ ကျနော်တို့ကတော့ သမ္မတ အစစ်နဲ့ပဲ ဆွေးနွေးချင်တယ်။ အစစ်နဲ့ ဆွေးနွေးမှ အလုပ် ဖြစ် မယ်။ အစစ်မဟုတ်ရင် ကျနော်တို့အတွက် ပရိယာယ်ပဲ ဖြစ်နေ မယ်။ ဒါကြောင့် သမ္မတ တကယ်အစစ်လား။ အတုလား စောင့် ကြည့်နေတာပေါ့”

Ref: မဇ္ဈိမ

Read More...

အစိုးရအလှူ KIO ဒုက္ခသည် ကော်မတီ လက်မခံ

ဖနိဒါ
ဒီဇင်ဘာလ ၁၃ ရက် ၂၀၁၁ ခုနှစ်

ကချင်လွတ်မြောက်ရေးအဖွဲ့ KIO ဌာနချုပ်ရှိရာ လိုင်ဇာမြို့ရှိ စစ်ပြေးဒုက္ခသည်များအတွက် ကမ္ဘာ့ကုလသမဂ္ဂ ဒုက္ခသည် များ ဆိုင်ရာ မဟာမင်းကြီးရုံး UNHCR နှင့် ကမ္ဘာ့ကုလသမဂ္ဂ ကလေးများဆိုင်ရာ ရန်ပုံငွေအဖွဲ့ UNICEF က ပထမဆုံး အကြိမ် လှူဒါန်းသော ပစ္စည်းများကို လက်ခံသော်လည်း အစိုးရဘက်မှ လှူဒါန်း ပစ္စည်းများကို လက်မခံကြောင်း KIO အရာရှိ တဦးက ပြောသည်။

UNICEF မှ စုစုပေါင်း အိမ်တွင်းသုံး ကယ်ဆယ်ရေးပစ္စည်းအစုံ ၈ဝဝ ကို လက်ခံသော်လည်း ကချင်ပြည်နယ် ကယ်ဆယ်ရေးနှင့် ပြန်လည် နေရာချထားရေးဦးစီးဌာနမှ ကယ်ဆယ်ရေးပစ္စည်းအစုံ ၁,ဝဝဝ၊ ပြည်နယ်အမတ် ဦးသိန်းဇော်က ဆန်အိတ် ၃ဝဝနှင့် အနွေးထည် ၁,ဝဝဝ ၊ ကချင်ပြည်နယ် ကြက်ခြေနီအသင်းမှ အိမ်တွင်းသုံးပစ္စည်း အစုံ ၄ဝဝ တို့ကိုမူ KIO ဘက်က လက်မခံ ခဲ့ခြင်း ဖြစ်သည်။


“လက်ခံလို့ မရဘူးလေ။ အစိုးရက ထိုးစစ်တွေ ဆင်နေတဲ့အချိန်၊ သူတို့အစိုးရဘက်က သူတို့ကူညီတာ လက်ခံတယ် ဆိုရင် တဖက်မှာ သတ်၊ တဘက်မှာ ထမင်းကျွေးဆိုတဲ့ အဓိပ္ပါယ်ဖြစ်နေတယ်။ ဒါကြောင့် ကျနော်တို့ ဒီအချိန်မှာ လက်မခံနိုင်ဘူး”ဟု KIO စစ်ပြေးဒုက္ခသည် ကူညီရေးကော်မတီ တာဝန်ခံ ဦးဒွဲပီဆားက ပြောသည်။

ကုလသမဂ္ဂမှ လှူဒါန်းသည့်ပစ္စည်းများကိုမူ လက်ခံလိုက်ကြောင်း “အခု လောလောဆယ်က အိမ်ထောင်စု ၈ဝဝ ဖို့ အိမ်တွင်းသုံး အိုးခွက်ပန်းကန်၊ ဇွန်းကအစ၊ ခြင်ထောင်၊ မိုးကာတွေ ပါတယ်လို့ ပြောတယ်။ အဲဒါကိုတော့ လက်ခံ လိုက်တယ်”ဟု သူက ဆက် ပြောသည်။

ရန်ကုန်မြို့ရှိ UNICEF မှ ဝန်ထမ်း ဦးမြတ်သာ၊ ဦးညီလင်းထက်၊ UNHCR မှ ဦးဂျိုးဇက်နှင့် UNOCHA မှ ဦးမိုးအောင် တို့ ၄ ဦးတို့က ယမန်နေ့ ညနေပိုင်းက လှူဒါန်းမည့်ပစ္စည်းများတင်ဆောင်လာသော ကား ၈ စီးနှင့်အတူ လိုင်ဇာမြို့ရှိ စစ်ပြေး ဒုက္ခ သည်များအတွက် သွားရောက်လှူဒါန်းကြခြင်းဖြစ်ကြောင်း ရန်ကုန်မြို့ရှိ ကုလသမဂ္ဂရုံးမှ ပြောရေးဆိုခွင့် ရှိသူ ဦးအေးဝင်း က မဇ္ဈိမကို ပြောသည်။

“ကျနော်တို့ သိသလောက် အထောက်အပံ့ supply တွေ တော်တော်နည်းနေတယ်လို့ ကြားတယ်။ ဆောင်းရာသီ လည်း ဝင်နေပြီ ဆိုတော့ ပိုပြီးတော့ ဂရုစိုက်ပြီးတော့ ပေးရမယ့် အခြေအနေရှိပါတယ်။ ကျနော်တို့လည်း သက်ဆိုင်ရာ အလှူရှင် နိုင်ငံတွေကို အကူအညီတောင်းနေပါတယ်။ အခုဒီလိုစပြီး သွားနိုင်ပြီဆိုကတည်းကလေ ကျနော်တို့ ထပ်ပြီးတော့ လက်လှမ်း မီနိုင်အောင် ကြိုးစားသွားဦးမှာပါ”ဟု ပြောသည်။

ပထမဆုံးလာရောက်၍ စစ်ဆေးခြင်းဖြစ်၍ စစ်ပြေးဒုက္ခသည်များအတွက် လုံလောက်ခြင်းမရှိသော်လည်း လက်ရှိ လိုင်ဇာမြို့ အနီးတဝိုက် ရှိနေသော ဒုက္ခသည်စခန်း ၆ ခုတွင် စစ်ပြေးဒုက္ခသည် အိမ်ထောင်စုပေါင်း ၁၄ဝဝဝ ကျော် ရှိသည်။

KIO ထိန်းချုပ်သော နယ်မြေအတွင်း စစ်ပြေးဒုက္ခသည်စခန်းပေါင်း ၂၂ ခုရှိပြီး လူဦးရေ ၄၆ဝဝဝ ရှိနေပြီဟု ဒုက္ခသည် ကူညီ ရေး ကော်မတီက ခန့်မှန်းသည်။

စစ်ပြေးဒုက္ခသည်များအတွက် ကုလသမဂ္ဂမှ အကူအညီပေးခြင်းကို လက်ခံ ကြိုဆိုကြောင်းနှင့် ဆက်လက် အကူအညီပေးရန် KIO အရပ်ဘက်အရာရှိ ဦးဒွဲပီဆားက ပြောသည်။

“ကျနော်တို့ ဒုက္ခရောက်နေတဲ့အတွက် စစ်က ဘယ်တော့ ပြီးဆုံးမယ်ဆိုတာ မသိသေးဘူး။ ဒါပေမယ့် ကျနော်တို့ ပြည်သူတွေ ဘက်ကနေ စစ်ပြေးဒုက္ခရောက်နေတဲ့အချိန် ဒီလိုကူညီတယ်ဆိုတာ ကြိုဆိုပါတယ်။ ပြည်သူတွေလည်း ဝမ်းသာမယ်လို့ ယုံကြည် ပါတယ်”ဟု ပြောသည်။

ကုလသမဂ္ဂမှ လာရောက်လှူဒါန်းသည့် ကိုယ်စားလှယ်များသည် စစ်ပြေး ဒုက္ခသည်စခန်းများသို့ လိုက်လံ ကြည့်ရှုခဲ့ပြီး ဗုဒ္ဓဟူးနေ့ တွင် လိုင်ဇာမြို့မှ ပြန်လည် ထွက်ခွာကြမည် ဖြစ်သည်။

ဒုက္ခသည် ၁၄,၀၀၀ ကျော်အတွက် ပြည်ထောင်စု လွှတ်တော် ကိုယ်စားလှယ်များကလည်း ပထမဆုံးအကြိမ် ကျပ်သိန်း ၇၀၀ ကို တနင်္လာနေ့က ပြည်နယ်ဝန်ကြီးချုပ် ဦးလဂျွန်ငံဆိုင်းထံ ပေးအပ်ခဲ့သည်။

မြန်မာအစိုးရနှင့် KIO အကြား ပြီးခဲ့သည့် ဇွန်လမှ စတင်တိုက်ပွဲဖြစ်ပွားခဲ့ရာ ၆ လကြာသည်အထိ အစိုးရက ပြည်ပ အကူ အညီနှင့် ပြည်တွင်းမှ အစိုးရမဟုတ်သော NGO များ အကူအညီထောက်ပံ့မှုကို ပိတ်ပင်ခဲ့ရာမှ ပထမဆုံး အကြိမ်အဖြစ် ကုလ သမဂ္ဂမှ သွားရောက် လှူဒါန်းခြင်း ဖြစ်သည်။

ကချင်ပြည်နယ်အတွင်း ထိုးစစ်ဆင်မှု ရပ်ဆိုင်းရန် သမ္မတ ဦးသိန်းစိန်က ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်ထံ စနေနေ့က ညွန်ကြားထားသော်လည်း အင်္ဂါနေ့ ညနေ ၃ နာရီချိန်တွင် KIA တပ်မဟာ ၃ လက်အောက် တပ်ရင်း ၁၅ နယ်မြေ အတွင်း တိုက်ပွဲများ ဆက်လက် ဖြစ်ပွားနေသည်ဟု KIO က ပြောသည်။

Ref: မဇ္ဈိမ

Read More...

အရေးကြီး ရည်မှန်းချက်များ အတွက် ဗြိတိန် ဝန်ကြီး မြန်မာပြည် သွားမည်

ကိုဝိုင်း
ဒီဇင်ဘာလ ၁၃ ရက် ၂၀၁၁ ခုနှစ်

အမေရိကန်နှင့် သဘောထားတူညီထားသော အရေးကြီး ရည်မှန်းချက်များ အတွက် အထောက်အကူပြုစေရန် အပြုသဘော ဆက်ဆံ ရေးအဖြစ် မြန်မာနိုင်ငံသို့ လာမည့် နှစ်ဆန်းပိုင်းတွင် သွားရောက် မည်ဟု ဗြိတိသျှ နိုင်ငံခြားရေးဝန်ကြီး မစ္စတာ ဝီလျံဟိတ် William Hague က တနင်္လာနေ့၌ ပြောကြားလိုက်သည်။

အမေရိကန် နိုင်ငံခြားရေး ဝန်ကြီး ဟယ်လာရီ ကလင်တန်နှင့် ဝါရှင်တန် နိုင်ငံခြားရေးဝန်ကြီးဌာန၌ ဒီဇင်ဘာ ၁၂ ရက်နေ့က တွေ့ဆုံ ဆွေးနွေးမှုအပြီး မစ္စတာ ဟိတ်က သတင်းထောက်များကို ထုတ်ဖော် ပြောဆိုခြင်း ဖြစ်ကြောင်း ဗြိတိန် နိုင်ငံခြားရေး ဝန်ကြီးဌာန၏ ထုတ်ပြန်ချက်တွင် ပါရှိသည်။


“ကျနော် မြန်မာနိုင်ငံကို ဇန်နာဝါရီလ အစောပိုင်းမှာ သွားလည်ပါမယ်။ နိုင်ငံခြားရေးဝန်ကြီး ကလင်တန် သွားခဲ့တာ ကိုလည်း ကြိုဆိုပါတယ်။ မြန်မာနိုင်ငံမှာ နိုင်ငံရေး လွတ်လပ်မှု ရှိတာကို မြင်တွေ့ချင်တာနဲ့ ရှေ့မှာရှိတဲ့ သိပ်အရေး ကြီးတဲ့ ရည်မှန်းချက် တွေကို အထောက်ကူ ဖြစ်စေမယ့် အပြုသဘော ထိတွေ့ဆက်ဆံရေးမူဟာ ကျနော်တို့ရဲ့ တူညီတာတွေပါပဲ” ဟု မစ္စတာဟိတ်က သတင်းထောက်များကို ပြောသည်။

ခရီးစဉ် အသေးစိတ်ကို ထုတ်ပြန်ခြင်း မရှိသေးသော်လည်း ဆယ်စုနှစ်များစွာအတွင်း ဗြိတိန်-မြန်မာ နှစ်နိုင်ငံ အဆင့်မြင့်ဆုံး သံတမန် ဆက်ဆံရေးတခု ဖြစ်လာဖွယ် ရှိသည်။

ကန်နိုင်ငံခြားရေး ဝန်ကြီး မစ္စစ် ဟယ်လာရီကလင်တန်ကလည်း ယင်းခရီးစဉ်ကို ကြိုဆိုလိုက်ပြီး သံတမန် ဆက်ဆံရေးကို ထိန်း ထားခြင်းဖြင့် မြန်မာအစိုးရသစ်၏ လုပ်ဟန်များကို စမ်းသပ်ခွင့်ရမည်ဟု ထုတ်ဖော်ခဲ့သည်။

“၂၁ ရာစုမှာ ဒေသတွင်းမှာ မြန်မာနိုင်ငံအတွက် သင့်လျော်တဲ့ နေရာတခုရမှာ ပိတ်ဆို့နေတဲ့ အတားအဆီးတွေကို ဖြေရှင်းသွား ရေးအတွက် အခွင့်အလမ်းတခု ရှိနေပါတယ်” ဟု မစ္စစ်ကလင်တန်က သတင်းထောက်များကို ပြောဆို ခဲ့သည်။

သို့သော် ဗြိတိန်ဝန်ကြီးချုပ်၏ ခရီးစဉ်သည် ဥရောပသမဂ္ဂနှင့် အတူ မြန်မာနိုင်ငံအပေါ် ပစ်မှတ်ထား ဘဏ္ဍာရေး ပိတ်ဆို့မှုနှင့် လက်နက် တင်ပို့ရေး တားမြစ်ပိတ်ပင်မှုထားမှုများကို ကြီးကြီးမားမား ပြောင်းလဲစေမည် မဟုတ်ဟု ဗြိတိန်အခြေစိုက် ဘားမား ကမ်ပိန်း - ယူကေ Burma Campaign – UK က သုံးသပ်သည်။

ယင်းအပြင် နိုင်ငံရေး အကျဉ်းသား အားလုံး လွှတ်ပေးရေး၊ တိုင်းရင်းသားဒေသ ထိုးစစ်များ ရပ်ဆိုင်ရေး၊ စစ်မှန်သည့် အမျိုး သား ရင်ကြားစေ့ရေးနှင့် ဒီမိုကရေစီ အသွင်ကူးပြောင်းရေးကဲ့သို့သော စံနှုန်းမျာအပေါ် မြန်မာအစိုးရ၏ လုပ်ဆောင်ချက် က သာလျှင် အဓိကကျဖွယ်ရှိသည်ဟု ရှုမြင်ထားသည်။

“ဝီလျံ ဟိတ်အနေနဲ့ ကြားဖြတ်ရွေးကောက်ပွဲကို လွတ်လပ်ပြီး တရားမျှတအောင် ကျင်းပပေးဖို့ တိုက်တွန်းနိုင်ပါတယ်။ အဲဒီ စံနှုန်းအဆင့်တွေကို အစိုးရက ဖော်ဆောင်လာရင် ဗြိတိန်နဲ့ အီးယူတို့က ပိတ်ဆို့ထားတာတွေကို လျှော့ပေါ့ပေး ဖို့ ပြောပါလိမ့် မယ်” ဟု ဘားမားကမ်ပိန်း - ယူကေ ဒါရိုက်တာ မက်ခ် ဖါမန်နာ Mark Farmaner က မဇ္ဈိမကို ပြောသည်။

မစ္စတာ ဟိတ်၏ ယခုခရီးစဉ်သည် နိုဝင်ဘာလ ၁၅ ရက်နေ့က ဗြိတိန်အစိုးရ နိုင်ငံတကာဖွံ့ဖြိုးရေးဌာန DFID ဝန်ကြီး အင်ဒရူး မစ်ချယ်လ်၏ မြန်မာပြည်ခရီးစဉ်အပြီး တလမပြည့်မီ ထပ်မံသွားရောက်မည့် ဗြိတိန်အဆင့်မြင့်အရာရှိတဦး၏ ခရီးစဉ်လည်း ဖြစ် သည်။

အင်ဒရူးမစ်ချယ်လ်၏ နိုဝင်ဘာလ ၁၅ ရက် ခရီးစဉ်၌ ဒုသမ္မတ သီဟသူရတင်အောင်မြင့်ဦး၊ ပြည်သူ့လွှတ်တော် ဥက္ကဌ သူရ ဦးရွှေမန်း၊ နယ်စပ်ရေးရာဝန်ကြီးဌာနနှင့် စက်မှုဖွံ့ဖြိုးရေးဝန်ကြီး ဒုတိယ ဗိုလ်ချုပ်ကြီး သိန်းဌေး၊ ပြည်ထောင်စု ဒုဝန်ကြီးများနှင့် သီးခြားစီ တွေ့ဆုံခဲ့သည်။ အတိုက်အခံပါတီ အမျိုးသားဒီမိုကရေစီအဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည် နဲ့လည်း တွေ့ဆုံသွားခဲ့သည်။

တွေ့ဆုံမှုများတွင် မြန်မာ့နိုင်ငံရေးဖြစ်ပေါ်ပြောင်းလဲနေမှု၊ တိုင်းရင်းသားအဖွဲ့အစည်းများနှင့် ငြိမ်ချမ်းရေး ဆောင်ရွက် နေမှုနှင့် မြန်မာ-ဗြိတိန် နှစ်နိုင်ငံအကြား ဆက်ဆံရေးပူးပေါင်းဆောင်ရွက်မှု မြှင့်တင်ရေးကိစ္စများ ဆွေးနွေးခဲ့ကြသည်။

DFID သည် မြန်မာနိုင်ငံ ပညာရေးနှင့် ကျန်ားမရေးအတွက် ၂ဝ၁၂ မှ ၂ဝ၁၅ ခုနှစ်အထိ လေးနှစ်တာအတွင်း ခန့်မှန်းခြေ ပေါင် သန်း ၁၈ဝ (အမေရိကန်ဒေါ်လာ သန်း ၃ဝဝ) ကို ကုလသမဂ္ဂ လက်အောက်ခံ အဖွဲ့များ၊ နိုင်ငံတကာနှင့် ဒေသခံ NGO များ၊ ရပ်ရွာအဖွဲ့အစည်းများမှတဆင့် ကူညီပေးသွားရန် ရှိသည်။

ဗြိတိန်နိုင်ငံခြားရေးဝန်ကြီး၏ ခရီးစဉ်နှင့်ပတ်သက်၍ တရားဝင်မသိရသေးသော်လည်း လာရောက်မည် ဆိုပါက ဒေါ်အောင်ဆန်း စုကြည်နှင့် တွေ့ခွင့်ရနိုင်ဖွယ်ရှိသည်ဟု အမျိုးသားဒီမိုကရေစီအဖွဲ့ချုပ် NLD က မျှော်လင့် ထားသည်။

“ဘာလို့လည်းဆိုတော့ အမေရိကန်တောင် ခွင့်ပြုသေးတယ်။ ဗြိတိသျှလည်း ခွင့်ပြုမှာပေါ့။ လာလို့ ရှိရင်ဒေါ်အောင်ဆန်း စုကြည်နဲ့ တွေ့မှာပေါ့ခင်ဗျ။ အမေရိကန်တို့ ဗြိတိသျှတို့ကတော့ တနိုင်ငံထဲ လိုပဲလေ” ဟု NLD ဒုဥက္ကဋ္ဌ ဦးတင်ဦးက မဇ္ဈိမကို ပြောသည်။

၁၉၈၈ ခုနှစ် ဒီမိုကရေစီအုံကြွမှုကို ပစ်ခတ်နှိမ်နင်း၍ အာဏာသိမ်းခဲ့သည့် နိုင်ငံတော်ငြိမ်ဝပ်ပိပြားမှု တည်ဆောက်ရေး အဖွဲ့ - နဝတလက်ထက် ၁၉၈၉ မှ စ၍ နိုင်ငံ၏အမည်ကို အင်္ဂလိပ်ဘာသာဖြင့် Burma ဟု သုံးနေရာမှ Myanmar ဟု ပြောင်းလဲ သုံးနှုန်းလာသော်လည်း အမေရိကန်နှင့် ဗြိတိန်တို့ကမူ Burma ဟုသာ ဆက်သုံးနေဆဲ ဖြစ်သည်။

Ref: မဇ္ဈိမ

Read More...

စင်္ကာပူနိုင်ငံခြားရေး ဝန်ကြီးနှင့် ဆွေးနွေးခဲ့သူ ဦးကိုကိုလှိုင်

ထွန်းထွန်း
ဒီဇင်ဘာလ ၁၃ ရက် ၂၀၁၁ ခုနှစ်

စင်္ကာပူနိုင်ငံခြားရေးဝန်ကြီး H.E.Mr.K.Shanmugam ၏ မြန်မာပြည်ခရီးစဉ်မှာ မြန်မာ့နိုင်ငံရေး တည်ငြိမ်မှုနှင့် စီးပွားရေး အခွင့်အလမ်းများကို လာရောက်လေ့လာခြင်းဖြစ်သည်ဟု သမ္မတ ဦးသိန်းစိန်၏ နိုင်ငံရေးအကြံပေးအဖွဲ့ခေါင်းဆောင် ဦးကိုကို လှိုင်က ပြောဆိုသည်။

စင်္ကာပူနိုင်ငံခြားရေးဝန်ကြီးမှာ ဒီဇင်ဘာလ ၁၂ ရက်နေ့က ရန်ကုန်မြို့သို့ ရောက်ရှိခဲ့ခြင်းဖြစ်ကာ သမ္မတ အကြံပေး အဖွဲ့ဝင်များ ဖြစ်သည့် ဦးကိုကိုလှိုင်၊ ရဲမှူးကြီး စစ်အေး (ငြိမ်း)နှင့် ဒေါက်တာစိန်လှဗိုလ်တို့အား တွေ့ဆုံခဲ့သည်။

ဒီဇင်ဘာလ ၁၄ ရက်အထိ သုံးရက်ကြာခရီးစဉ်အတွင်း သမ္မတ ဦးသိန်းစိန်၊ နိုင်ငံခြားရေးဝန်ကြီးဌာန၊ တရားသူကြီး ချုပ် ဦးထွန်းရှိန်အပြင် ပြည်ခိုင်ဖြိုးပါတီ အထွေထွေ အတွင်းရေးမှူး ဦးဌေးဦးတို့နှင့်လည်း တွေ့ဆုံဖွယ်ရှိသည်ဟု စင်္ကာပူနိုင်ငံထုတ် Channel News Asia သတင်းစာတွင် ဖော်ပြထားသည်။

စင်္ကာပူနိုင်ငံမှာ မြန်မာနိုင်ငံ၏ ဆဋ္ဌမမြောက် ရင်းနှီးမြုပ်နှံမှု အများဆုံးနိုင်ငံဖြစ်ပြီး ၂ဝ၁၁ ခုနှစ် မတ်လအထိ အမေရိကန်ဒေါ်လာ ၁၈၁၈.၆၁၃ သန်းအထိ ရင်းနှီးမြှုပ်နှံထားကြောင်း ပြည်တွင်းထုတ် Eleven ဂျာနယ်၏ အင်တာနက်စာမျက်နှာတွင် ဖော်ပြထား သည်။

သမ္မတအကြံပေးအဖွဲ့နှင့် စင်္ကာပူဝန်ကြီးချုပ် တွေ့ဆုံစဉ်အတွင်း ဆွေးနွေးခဲ့သည်ကိစ္စရပ်များနှင့် ပတ်သက်၍ ဦးကိုကိုလှိုင်အား မဇ္ဈိမသတင်းထောက် ထွန်းထွန်းက ဆက်သွယ်မေးမြန်းထားသည်။

သမ္မတအကြံပေးအဖွဲ့နဲ့ စင်္ကာပူနိုင်ငံခြားဝန်ကြီးတွေ့တယ်ဆိုတော့ ဘယ်လိုကိစ္စတွေကို အဓိက ဆွေးနွေး ခဲ့ပါသလဲ။

“အဓိက ကတော့ စင်္ကာပူနိုင်ငံခြားရေးဝန်ကြီး မြန်မာပြည်ကို လာတာကတော့ Introducotry ပေါ့နော်။ မိတ်ဆက် အနေနဲ့ လာတာပါပဲ။ သူကတော့ မြန်မာနိုင်ငံမှာ ဖြစ်ပျက်နေတဲ့ ပြောင်းလဲမှုတွေ၊ ဖြစ်ပေါ် တိုးတက်မှုတွေကို သူကိုယ်တိုင် လာရောက်ပြီး တော့မှ လေ့လာမယ်။ အဲဒီကနေပြီးတော့မှ စင်္ကာပူက ရှိနေတဲ့ ကျန်တဲ့ စီးပွားရေး အသိုင်းအဝိုင်းတွေ၊ ဒါတွေ အကုန်လုံး က လည်း ပဲ မြန်မာနိုင်ငံမှာ လာပြီးတော့မှ ရင်းနှီးမြှုပ်နှံဖို့က စိတ်ဝင်စား နေတယ်။ ဒီက စီးပွားရေးလုပ်နိုင်မယ့် အခွင့်အရေးတွေ၊ အခြေအနေတွေ၊ နိုင်ငံရေးတည်ငြိမ်မှု စသဖြင့်ပေါ့။ ဒီအခြေအနေတွေက လာပြီးတော့မှ သူက ရှေ့ပြေးအနေနဲ့ လေ့လာ စူးစမ်းတဲ့ ခရီးစဉ် ဖြစ်ပါတယ်”

ဒါဆိုရင် နိုင်ငံရေးထက် စီးပွားရေးအတွက် လာတဲ့ခရီးစဉ်လို့ ပြောလို့ရမလား။

“နှစ်ခုကတော့ တွဲနေတာပေါ့။ နိုင်ငံရေးအခြေအနေ တည်ငြိမ်မှလည်းပဲ စီးပွားရေးကလည်း လုပ်လို့ ကောင်းမှာကိုး။ နောက် ဥပဒေဆိုင်ရာ ပြုပြင်ပြောင်းလဲမှုတွေလည်းပဲ ဘယ်လောက်ခိုင်မာလည်းပဲဆိုတာ သူက သိချင်မှာပဲ။ သူကိုယ်တိုင်ကလည်း ဥပဒေသမား ဖြစ်နေတော့လေ။ ဆိုတော့ အဲဒီအကြောင်းအရာတွေ အကုန်လုံးကို နည်းနည်းစီ ပေါ့လေ။ သူသိချင်တာတွေ မေးသွားတဲ့သဘောပါပဲ”

မြန်မာပြည်ရဲ့ ပြောင်းလဲမှုအပေါ်မှာကော စင်္ကာပူသဘောထား ဘယ်လိုရှိတယ်လို့ သိရလဲ။

“စင်္ကာပူကတော့ အခြားသော အာဆီယံ မိသားစုနိုင်ငံတွေလိုပဲ မြန်မာနိုင်ငံမှာ ပြုပြင်ပြောင်းလဲမှုတွေ၊ ဖြစ်ပေါ် တိုးတက်မှုတွေကို အသိအမှတ်ပြုပါတယ်။ ကြိုလည်း ကြိုဆိုပါတယ်။ အဲဒါကို သူ ပြောသွားပါ တယ်။ နောက်တခုက အခု ဖြစ်ပေါ်လာတဲ့ အခြေ အနေသစ်မှာ မြန်မာနိုင်ငံမှာ ပွင့်လန်းလာတဲ့ အခွင့်အရေးတွေ၊ အခွင့်အလမ်းတွေပေါ့လေ။ ဒါတွေနဲ့ပတ်သက်ပြီးတော့လည်းပဲ စင်္ကာပူနိုင်ငံအနေနဲ့ အကျိုးတူ ပူးပေါင်း ဆောင်ရွက်နိုင်ဖို့ နှစ်ဖက်အကျိုးရှိနိုင်တဲ့ နေရာတွေမှာ ပါဝင်ပူးပေါင်းဆောင်ရွက်နိုင်ဖို့ စိတ်ဝင်စားနေတဲ့အကြောင်းလည်း သူပြောပါတယ်။ လိုအပ်တဲ့ အကူအညီတွေ ရှိလို့ ရှိရင်လည်းပဲ စင်္ကာပူက ပေးဖို့အဆင်သင့် ပဲဆို တာလည်း သူပြောသွားပါတယ်”

စင်္ကာပူအတွက်ကော မြန်မာနိုင်ငံမှာ ဘယ်လိုအကျိုးအမြတ်လုပ်ငန်းတွေ ရှိနိုင်သလဲ။

“စင်္ကာပူကတော့ အထူးသဖြင့် ဝန်ဆောင်မှုကို အဓိကထားတဲ့ နိုင်ငံဖြစ်ပါတယ်။ အဲဒီတော့ ဝန်ဆောင်မှု လုပ်ငန်းနဲ့ ပတ်သက်ရင် သူတို့စိတ်ဝင်စားတာကတော့ ဥပမာ…ဟိုတယ်နဲ့ ခရီးသွားလုပ်ငန်းပေါ့လေ။ ကမ္ဘာလှည့် ခရီးသွား လုပ်ငန်းတွေမှာ စင်္ကာပူရဲ့ ဟိုတယ် လုပ်ငန်းတွေ လာပြီး ရင်းနှီးမြှုပ်နှံဖို့ စိတ်ဝင်စားတာ ရှိပါတယ်။ အဲဒါအပြင် ကျန်တဲ့ စက်မှုလက်မှုတို့၊ နောက် သယ်ယူ ပို့ဆောင်ရေးပေါ့လေ။ ထားဝယ်ရေနက် ဆိပ်ကမ်းလိုဟာမျိုးတွေ။ နောက်ပြီးတော့ တခြားသော စိုက်ပျိုးရေးနဲ့ပတ်သက်တဲ့ ရင်းနှီး မြှုပ်နှံမှု လုပ်ငန်းတွေ။ သူကတော့ အခွင့်အလမ်းရှိတဲ့ နေရာမှန်သမျှကိုတော့၊ သူတို့က ငွေပိုငွေလျှံရှိတဲ့ နိုင်ငံလည်း ဖြစ်တော့ ဖြစ်နိုင်တဲ့နေရာတွေမှာ ရင်းနှီးမြှုပ်နှံဖို့ စိတ်ဝင်စားတဲ့ သဘော ရှိပါတယ်”

အခု မြန်မာပြည်ကို နိုင်ငံတကာက ဝန်ကြီးတွေ၊ ဝန်ကြီးချုပ်တွေလာတာဟာ သူတို့ရဲ့ အမျိုးသား အကျိုးစီးပွားလာတာလို့ ပြောဆိုမှု တွေ ရှိပါတယ်။ ဒီတော့ သမ္မတအကြံပေး အနေနဲ့ကော ဘယ်လိုမြင်ပါ သလဲ။

“မှန်ပါတယ်။ နိုင်ငံတကာ ဆက်ဆံရေးဆိုတာတော့ ကိုယ့်အကျိုးစီးပွားကို ကိုယ် အတည်ပြုပြီးတော့ လုပ်ကြ တာပါပဲ။ ဒါပေမယ့် ဒီဘက်ခေတ် ရောက်လာတဲ့အခါကျတော့ ကိုယ့်အကျိုးလည်းရှိသလို သူ့အကျိုးလည်းရှိမှ၊ Win-Win Situation ပေါ့နော်။ အဲဒီဟာကို မှီတည်ပြီးတော့မှ အပြန်အလှန် အကျိုးဖြစ်ထွန်းမယ့် ဧရိယာ နယ်ပယ်တွေမှာ ပိုပြီးတော့မှ တက်တက်ကြွကြွ ပူးပေါင်းဆောင်ရွက်လာကြတဲ့ အနေအထား ဖြစ်ပါတယ်။ ဒါကြောင့်မို့လို့ သူတို့ ကလည်းပဲ သူတို့ရဲ့ အမျိုးသားအကျိုးစီးပွား အတွက် လာသလို မြန်မာနိုင်ငံအနေနဲ့ကလည်း ကိုယ့်ရဲ့ အမျိုးသား အကျိုးစီးပွားကို ရှေ့ရှုပြီးတော့မှ အပြန်အလှန် အကျိုးဖြစ် မယ့်နေရာတွေမှာ ပိုပြီးတော့မှ ပူးပေါင်းဆောင်ရွက်သွားဖို့ပဲ လုပ်ဆောင်သွားကြမှာ ဖြစ်ပါတယ်”

မြန်မာနိုင်ငံကို အနောက်နိုင်ငံတွေက စီးပွားရေးပိတ်ဆို့မှုလုပ်ထားတော့ စင်္ကာပူက တဆင့် လိုအပ်တာ တွေ ဝယ်သွင်းရသလို ငွေမည်းကို ငွေဖြူဖြစ်အောင် လုပ်ပေးနေသူလို့ နိုင်ငံတကာက ထောက်ပြမှုတွေ ရှိပါတယ်။ ဒီတော့ စင်္ကာပူနဲ့ ဒီလိုမျိုး စီးပွားရေး ဆက်ဆံမှု ထပ်တိုးလုပ်ရင် နိုင်ငံတကာဆက်ဆံရေးမှာ ထိခိုက်နိုင်မလား။

“အခုက တကယ်ပြောရမယ်ဆိုရင် နိုင်ငံတကာ ဆက်ဆံရေးမှာ မြန်မာနိုင်ငံရဲ့ အနေအထားက အရင်နဲ့ မတူပဲနဲ့ လုံးဝပြောင်း လဲသွား ပြီ ဖြစ်ပါတယ်။ လုံးဝပြောင်းလဲသွားပြီဆိုတော့ အရင်တုန်းက ပိတ်ဆို့မှုကြောင့် မို့လို့ရှိနေတဲ့ အဖြစ်အပျက်တွေနဲ့ ကြားထဲမှာ ဖြစ်နေတဲ့ ပုံမှန်မဟုတ်တဲ့ ဆက်ဆံမှုတွေကလည်း တဖြည်းဖြည်းချင်း ပျောက်သွား တော့မှာ ဖြစ်ပါတယ်။ အားလုံးက မြန်မာနိုင်ငံအနေနဲ့ ပုံမှန် ကမ္ဘာ့လူ့အဖွဲ့အစည်းထဲမှာ ရင်ဘောင်တန်းနိုင်မယ့် နိုင်ငံ တခု အဖြစ်နဲ့ ဖြစ်လာပါပြီ။ အဲဒီလို ဖြစ်လာ တဲ့အခါမှာ စင်္ကာပူအနေနဲ့ကလည်းပဲ နိုင်ငံတကာမှာ စီးပွားရေးအရ ရှေ့တန်းရောက်နေတဲ့ နိုင်ငံတနိုင်ငံ ဖြစ်တဲ့အခါ ကျတော့ ကျနော်တို့ရဲ့ ပုံမှန်ဖြစ်လာတဲ့ မြန်မာနိုင်ငံရဲ့ တိုးတက် ဖွံ့ဖြိုးမှု အတွက်ကို အများကြီး အထောက်အကူပေးနိုင်မယ့် အနေအထားမျိုး ရှိပါတယ်”

မြန်မာဘက်က အမျိုးသားအကျိုးစီးပွား မထိခိုက်ဖို့ဆိုရင် ဘာတွေ ပြင်ဆင်ထားသင့်သလဲ။

“ကျနော်တို့ ပူးပေါင်းဆောင်ရွက်တဲ့ ကိစ္စတိုင်းမှာပေါ့နော်။ ကျနော်တုိ့ရဲ့ ရှိနေပြီးဖြစ်တဲ့ နိုင်ငံရေးစနစ်မှာကိုက အပြန်အလှန် ချိန်ညှိ မှုတွေ၊ စစ်ဆေးမှုတွေ ရှိနေပြီးသား ဖြစ်ပါတယ်။ ပူးပေါင်းဆောင်ရွက်မှုအားလုံးဟာ ကိုယ့်အမျိုးသားရေး အကျိုးစီးပွားကို မထိ ခိုက်စေဘဲနဲ့ အမျိုးသားအကျိုးစီးပွားကို ဖြည့်ဆည်းနိုင်ဖို့အတွက် လိုအပ်တဲ့ စိစစ်မှုတွေ၊ လေ့လာမှုတွေနဲ့ သုံးသပ်မှုတွေ ကတော့ ပညာရှင်တွေကော၊ ဥပဒေပြုတဲ့အဖွဲ့တွေ၊ နောက် အုပ်ချုပ်ရေးအဖွဲ့တွေ စသဖြင့်ပေါ့နော်။ နောက် မီဒီယာပေါ့။ အားလုံး ကနေပြီး တော့မှ လေ့လာစိစစ် သွားကြဖို့ပဲ ရှိပါတယ်။ အဲဒီကနေမှ ကောင်းတဲ့ဟာတွေ ယူမယ်။ ထိခိုက်မယ့်ကိစ္စတွေကို ပြန်ပြီး ညှိနှိုင်း ကြရ မှာပေါ့။ အဲဒီလိုမျိုးပဲ လုပ်သွားကြရမယ့် သဘောရှိပါတယ်”

နိုင်ငံတကာရင်းနှီးမြှုပ်နှံမှုတွေ ဝင်လာရင် သဘာဝပတ်ဝန်းကျင်တို့၊ အလုပ်သမား အခွင့်အရေး ဥပဒေတွေ ကြိုတင်ပြဋ္ဌာန်းသင့် တယ်လို့ အကြံပြုချက်တွေ ရှိပါတယ်။ ဒီတော့ မြန်မာဘက်က ဘယ်လိုဥပဒေတွေကို ကြိုတင် ပြဋ္ဌာန်းသင့်သလဲ။

“အဲဒီဥစ္စာတွေ အကုန်လုံးကတော့ လုပ်နေပါတယ်။ လွှတ်တော်အဖွဲ့အစည်းတွေနဲ့ သက်ဆိုင်ရာ ဝန်ကြီးဌာန တွေနဲ့ ပူးပေါင်းပြီး တော့ လုပ်နေပါတယ်။ ဥပမာအားဖြင့်ဆိုရင် ရင်းနှီးမြှုပ်နှံမှုဥပဒေပေါ့နော်။ နောက်ပြီးတော့မှ ကုမ္ဗဏီတွေ ဥပဒေ၊ နောက်ပြီးတော့ လက်ဝါးကြီးအုပ် လုပ်ဆောင်မှုကို တားမြစ်တဲ့ဥပဒေ စသဖြင့် စီးပွားရေးထဲမှာ ဥပဒေတွေ လုပ်နေသလိုပဲ သဘာဝ ပတ်ဝန်းကျင် မှာလည်း သက်ဆိုင်ရာ သဘာဝ ပတ်ဝန်းကျင်ထိန်းသိမ်းရေးအတွက် လိုအပ်တဲ့ ဥပဒေတွေ ထုတ်ပြန်နေတာ၊ ပြုစုနေတာတွေ လည်း အများကြီး ရှိပါတယ်”

“အဲဒီလိုပဲ အထူးသဖြင့် အထူးစီးပွားရေးဇုန်ကြီးတွေနဲ့ ပတ်သက်လို့ရှိရင်လည်း Substainble Development လို့ခေါ် တဲ့ စဉ်ဆက်မပြတ်နဲ့ ထိန်းထိန်းသိမ်းသိမ်း တိုးတက်နိုင်ဖို့အတွက် ဘယ်ဟာကိုမှ မထိခိုက်ပဲ တိုးတက် နိုင်ဖို့ဆိုတော့ အထူးအက် ဥပဒေ တွေ ထုတ်ပြန်ဖို့လည်းပဲ လုပ်နေတာတွေ ရှိပါတယ်။ ဒါတွေကတော့ လွှတ်တော် အဖွဲ့အစည်း ကလည်းပဲ စနစ်တကျ ပေါ်ပေါက်လာပြီဆိုတဲ့အခါကျတော့ လွှတ်တော်အနေနဲ့က လည်းပဲ ဒါတွေကို လေ့လာပြီးတဲ့ အခါကျတော့ လိုအပ်သလို ဆောင် ရွက်နေတာ ရှိပါတယ်။ အဲဒါအပြင်ကိုပဲ မီဒီယာတွေက ထောက်ပြနေတာ အားလုံးကိုလည်း အားလုံးကနေပြီးတော့မှ သေချာ စိစစ်လေ့လာပြီးတဲ့အခါ ကျတော့မှ လိုအပ်နေတာတွေ ထည့်သွင်းနေတာလည်း ရှိပါတယ်”

Ref: မဇ္ဈိမ

Read More...

Tuesday, December 13, 2011

ကလေးကူးသန်းရောင်းဝယ်မှု ပပျောက်ရေးနေ့ မဲဆောက်တွင် ကျင်းပ

13 December 2011
နန်းသူးလေ

မြန်မာနိုင်ငံ ကလေးကူးသန်းရောင်းဝယ်မှု လျော့ကျရေးလုပ်ငန်းအဖွဲ့ (Burma- ACT)က ကြီးမှူး၍ ယနေ့ကျရောက်သည့် ကလေး ကူးသန်းရောင်းဝယ်မှု ဆန့်ကျင်ရေးနေ့ အခမ်းအနားကို ထိုင်းနိုင်ငံ မဲဆောက်မြို့ရှိ Children Development Center (CDC) ကျောင်းတွင် ယနေ့မနက် ၈နာရီက ကျင်းပခဲ့ကြသည်။

Burma- ACT အဖွဲ့မှ ဒုတာဝန်ခံ စောနေဦးက “အရင်တုန်းကဆိုရင် လူထုထဲကတော့ ပါဝင်တာနည်းပါတယ်။ ဒီနှစ်တော့ လူထု တွေ အားတက်သရောနဲ့ ပူးပေါင်း ပါဝင်လာတာ များလာတယ်။ နောက်ပြီး ကလေးကူသန်းရောင်းဝယ်မှု လျော့နည်းလာ အောင် ဘယ်လိုမျိုးနည်းလမ်းတွေနဲ့ ဆက်လက်ဝိုင်းဝန်းလုပ်ဆောင်သွားမှာလဲဆိုတာ အားလုံးမှာ တာဝန်ရှိတယ်။”ဟု ပြော သည်။


အခမ်းအနားတွင် မြန်မာရွှေ့ပြောင်းကျောင်း ၃၀ကျော်မှ ကျောင်းဆရာ ဆရာမများ၊ ကျောင်းသူကျောင်းသားများ၊ မြန်မာရွှေ့ ပြောင်းအလုပ်သမားများနှင့် အခမ်းအနားဖြစ်မြောက်ရေးအတွက် ကူညီထောက်ပံ့ပေးခဲ့သည့် World Vision အဖွဲ့နှင့် Foundation for Education and Development အဖွဲ့ အပါအ၀င် ပရိဿတ် ထောင်နှင့်ချီ၍ တက်ရောက်အား ပေးခဲ့သည်။

ထို့အပြင် အခမ်းအနားကို မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ဗီဒီယိုမိန့်ခွန်းဖြစ်သည့် “ကလေးသူငယ် များ ကူးသန်းရောင်းဝယ်ရေး ဆန့်ကျင်ရေးနေ့ ဆိုပြီးတော့ ကျမတို့ စွဲစွဲမြဲမြဲ မှတ်ထားဖို့ လိုတယ်။”ဟု ပြသခဲ့ပြီး အခမ်းအနားကို စတင် ဖွင့်လှစ်ခဲ့ခြင်းဖြစ်သည်။

တဆက်တည်း၌ပင် ကျောင်းသူကျောင်းသားများမှ ဖျော်ဖြေရေးအဖြစ် အက၊ ကဗျာ၊ သံချပ်များဖြင့် ကျောင်းအလိုက် တင် ဆက်ခဲ့ကြပြီး United ACT အဖွဲ့မှ ပြဇာတ်ဖြင့် တင်ဆက်ကပြခဲ့ကာ ကလေးများအား ကာကွယ်စောင့်ရှောက်ရန် လုပ်ဆောင် ခဲ့သည့် အချက်အလက်များ၊ ရုပ်ပုံကားချပ်များနှင့် ဓါတ်ပုံများပါသည့် ပြခန်းများလည်း အခမ်းအနားတွင် ပြသထားခဲ့သည်။

CDC ကျောင်းမှ ကျောင်းသူ မအိက “ဒီလိုအခမ်းအနားကို ငွေကုန်ခံ၊ အချိန်ကုန်ခံပြီး ကျင်းပပေးခဲ့တဲ့အတွက် မြန်မာပြည်သား အားလုံးကို လာစေချင်တယ်။ နောက်ပြီး ဒီကနေ ပေးလိုက်တဲ့ပညာတွေကို ပေါ့ပေါ့တန်တန်မထင်ပဲနဲ့ တကယ်လို့ ကိုယ်တိုင် ကူးသန်းရောင်းဝယ်ခံနေရပြီဆိုရင် ပြန်လည် ကာကွယ်တတ်အောင် လုံးဝ မမေ့ဖို့ လိုတယ်။”ဟု ပြောသည်။

အခမ်းအနားကို တက်ရောက်ခဲ့သည့် ထိုင်းပညာရေးဌာနမှ ဖနိဒါကလည်း မိဘများနှင့် လူထုအဖွဲ့အစည်းများမှ ကလေးများ အား အလုပ်မခိုင်းစေရန်၊ အရောင်းစားမခံရအောင် ကာကွယ်စောင့်ရှောက်ရန်၊ ကလေးငယ်များကို ပညာသင်ကြားပေးပြီး အသိဥာဏ် ဖွံ့တိုးတက်လာအောင် လုပ်ဆောင်ပေးကြရန်၊ ကျေးရွာများမှ ကလေးငယ်များ ကျောင်းတက်နိုင်ရန် လူမှုရေးအဖွဲ့ အစည်းများမှ တိုက်တွန်းပေးသွားကြရန် ပြောကြားခဲ့သည်။

အမျိုးသမီးနှင့် ကလေးများအပေါ် လူကုန်ကူးမှုများကို ရာဇ၀တ်မှုအဖြစ် သတ်မှတ်ပြီး နိုင်ငံများမှ ပူးပေါင်းတိုက်ဖျက်ရန် တာ ၀န်ပေးထားခဲ့သည့် ပါလာမိုစာချုပ် အသက်ဝင်လာသည့်နေ့ကိုအစွဲပြုပြီး ၂၀၀၀ခုနှစ်၊ ဒီဇင်ဘာလ ၁၂ရက်နေ့တွင် ကလေးကူး သန်းရောင်းဝယ်မှု ဆန့်ကျင်ရေးနေ့ကို သတ်မှတ်ခဲ့ခြင်း ဖြစ်သည်။

ကလေးကူးသန်းရောင်းဝယ်မှု ဆန့်ကျင်ရေးအတွက် အရှေ့တောင်အာရှရှိ ထိုင်းနိုင်ငံအပြင် လာအို၊ ဖိလစ်ပိုင်၊ ကမ္ဘောဒီးယား၊ အင်ဒိုနီးရှားနှင့် ဗီယက်နမ် နိုင်ငံများတွင်လည်း လှုံ့ဆော်သည့် အခမ်းအနားများ ကျင်းပသည်ဟု သိရသည်။

Ref: ဗွီအိုအေ

Read More...

ဗြိတိန်နိုင်ငံခြားရေးဝန်ကြီး ဇန်န၀ါရီလဆန်း မြန်မာပြည်သွားမည်

12 ဒီဇင်ဘာ 2011
ဦးရော်နီညိမ်း

ဗြိတိန်နိုင်ငံခြားရေးဝန်ကြီး ၀ီလျံဟိတ်ဂ် (William Hague) က မြန်မာနိုင်ငံကို နောက်နှစ် ဇန်န၀ါရီလ အစောပိုင်းမှာ သွား ရောက်မှာဖြစ်တယ်လို့ ၀ါရှင်တန်မြို့တော်မှာ ရောက်ရှိနေစဉ် တနင်္လာနေ့က ပြောပါတယ်။ အမေရိကန်နိုင်ငံခြားရေးဝန်ကြီး ဟီလာ ရီကလင်တန်နဲ့ နှစ်နိုင်ငံကြား အရေးပါတဲ့ကိစ္စရပ်တွေ ဆွေးနွေးအပြီး နိုင်ငံခြားရေးဝန်ကြီးဌာနနဲ့ ပူးတွဲကျင်းပတဲ့ သတင်းစာ ရှင်း လင်းပွဲမှာ အခုလို ဗြိတိန်ဝန်ကြီး ၀ီလျံဟိတ်ဂ် က ပြောဆိုခဲ့တာဖြစ်ပါတယ်။ အကြောင်းစုံကို ဦးရောနီညိမ်းက တင်ပြထား ပါတယ်။

ဒီဇင်ဘာလ ၁၂ ရက်နေ့က ၀ါရှင်တန်ဒီစီမြို့တော်ကို ရောက်ရှိနေတဲ့ ဗြိတိသျှ နိုင်ငံခြားရေးဝန်ကြီး ၀ီလျံဟိတ်ဂ် နဲ့ အမေရိကန် နိုင်ငံခြားရေးဝန်ကြီး ဟီလာရီကလင်တန်တို့ တွေ့ဆုံခဲ့ရာမှာ နှစ်နိုင်ငံကြား အလေးထားပြီး စိုးရိမ်မကင်း ဖြစ်နေရတဲ့ကိစ္စရပ်တွေ ဖြစ်တဲ့ ဥရောပ စီးပွားရေး ပဋိပက္ခ၊ အီရန်အပေါ် တိုးမြှင့် အရေးယူဒဏ်ခတ်ရေးကိစ္စ၊ အာဖဂန်နစ္စတန်ရဲ့ အသွင်ကူးပြောင်းရေး ကာလ ကိစ္စ၊ ပါကစ္စတန် အရေးကိစ္စတွေအပြင် မြန်မာနိုင်ငံ အရေးကိစ္စ ကိုပါ ဆွေးနွေးခဲ့ကြပါတယ်။

အခုလို ဆွေးနွေးရာမှာ အာရှပစိဖိတ်ဒေသတွင်း အမေရိကန်ရဲ့ ပိုမိုပါဝင်လှုပ်ရှားလာတဲ့ အခန်းကဏ္ဍနဲ့ ပတ်သက်ပြီးတော့လည်း ထည့်သွင်းဆွေးနွေးခဲ့ကြပါတယ်။ အထူးသဖြင့် ပြီးခဲ့တဲ့ ၅၆ နှစ်အတွင်းမှာ ပထမဆုံးအကြိမ်အဖြစ် အမေရိကန် နိုင်ငံခြားရေး ၀န်ကြီး ဟီလာရီကလင်တန်ရဲ့ နိုဝင်ဘာလ ၃၀ ရက်နေ့ကနေ ဒီဇင်ဘာလ ၂ ရက်နေ့အထိ သုံးရက်ကြာ မြန်မာနိုင်ငံခရီးစဉ်ကို ၀န်ကြီးဟိတ်ဂ် က ကြိုဆိုထောက်ခံလိုက်ပြီး သူ့အနေနဲ့လည်း ရှေ့လ ဇန်န၀ါရီလမှာ မြန်မာနိုင်ငံကို သွားရောက်မယ်လို့ သတင်းထောက်တွေကို အခုလို ပြောကြားခဲ့ပါတယ်။

“ကျနော်တို့ရဲ့ ဘုံဦးတည်ချက်က မြန်မာနိုင်ငံမှာ နိုင်ငံရေးအရ လွတ်လပ်ခွင့်တွေ ပိုပြီးတော့ ရလာစေဖို့ ဖြစ်ပါတယ်။ အပြုသဘော ဆောင်တဲ့ ထိတွေ့ဆက်ဆံမှုတွေနဲ့ ဒီလိုလွတ်လပ်ခွင့်တွေ ပိုရရေး ဦးတည်ချက်ကို ပိုပြီးတော့ အောင်မြင်အောင် ဆောင်ရွက်ဖို့ပါ။ ဒါက သိပ်ကိုအရေးကြီးပါတယ်။ ကျနော် ဇန်န၀ါရီလဆန်းထဲမှာ မြန်မာနိုင်ငံကို သွားရောက်မှာဖြစ်ပြီး မြန်မာ့အရေး အပါအ၀င် တခြား ကိစ္စတွေနဲ့ပတ်သက်လို့ အမေရိကန် ပြည်ထောင်စုနဲ့ နီးနီးကပ်ကပ် ဆက်သွယ် ဆောင်ရွက်သွားမှာဖြစ်ပါတယ်။”

အမေရိကန်နိုင်ငံခြားရေးဝန်ကြီး ဟီလာရီကလင်တန်ဟာ မြန်မာသမ္မတ ဦးသိန်းစိန်၊ မြန်မာ့ဒီမိုကရေစီ ခေါင်းဆောင် ဒေါ်အောင် ဆန်းစုကြည်နဲ့ မြန်မာအစိုးရအဖွဲ့ ခေါင်းဆောင်တွေ၊ မြန်မာနိုင်ငံက လွှတ်တော်ခေါင်းဆောင်တွေနဲ့ တွေ့ဆုံဆွေးနွေးခဲ့ပါတယ်။ မြန်မာနိုင်ငံ ခရီးစဉ်အပြီးမှာတော့ ၀န်ကြီးကလင်တန်က လွတ်လပ်ခွင့်တွေအတွက် မြန်မာနိုင်ငံမှာ အစပျိုးတဲ့ခြေလှမ်းတွေ တွေ့နေ ရပေမဲ့ တကယ်စစ်မှန်တဲ့ ပြောင်းလဲမှုတွေရှိလာဖို့ လုပ်စရာအလုပ်တွေ အများကြီး ကျန်နေသေးတယ်လို့ ပြောဆိုသွားခဲ့ပါတယ်။

မြန်မာအစိုးရခေါင်းဆောင်တွေနဲ့ ၀န်ကြီး ဟီလာရီကလင်တန်တို့ အောင်အောင်မြင်မြင် တွေ့ဆုံဆွေးနွေး နိုင်ခဲ့မှုအတွက် မိမိအနေနဲ့ ၀မ်းမြောက်ဝမ်းသာရှိတယ်လို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောဆိုခဲ့ပြီးတော့ တရုတ်နိုင်ငံကလည်း ၀န်ကြီး ဟီလာရီကလင်တန်ရဲ့ မြန်မာနိုင်ငံခရီးစဉ်ကို ထောက်ခံကြိုဆိုကြောင်း ကြေညာချက် ထုတ်ပြန်ခဲ့ပါတယ်။

မြန်မာနိုင်ငံကို ဗြိတိသျှ နိုင်ငံခြားရေးဝန်ကြီး ၀ီလျံဟိတ်ဂ် သွားရောက်မယ့်သတင်းကို အမေရိကန် နိုင်ငံခြားရေးဝန်ကြီး ဟီလာရီ ကလင်တန်ကလည်း ကြိုဆိုကြောင်း သတင်းထောက်တွေကို အခုလို ပြောကြားခဲ့ပါတယ်။

“ဗြိတိန်နိုင်ငံခြားရေးဝန်ကြီး မြန်မာနိုင်ငံကို သွားရောက်မယ့် ခရီးစဉ်သတင်းကို ကျမ ကြိုဆိုပါတယ်။ သံတမန်ရေးအရ ဆက် လက် အရေးပေး ဆောင်ရွက်သွားခြင်းအားဖြင့် ကျမတို့အနေနဲ့ မြန်မာအစိုးရသစ်ကို စမ်းသပ်နိုင်ဖို့ အခွင့်အလမ်းကောင်း ရလိမ့် မယ်လို့ ကျမ ထင်ပါတယ်။ ဒါ့အပြင် ၂၁ ရာစုမှာ မြန်မာနိုင်ငံအနေနဲ့ ကမ္ဘာ့နိုင်ငံ အသိုင်းအ၀ိုင်းကြား နေရာမှန် ရောက်နိုင်ဖို့ ကြိုးပမ်းမှုအတွက်လည်း အဟန့်အတားဖြစ်နေတဲ့ ကျန်ရှိနေသေးတဲ့ ပြဿနာတွေ ဖြေရှင်းရေးအတွက်လည်း လုပ်ဆောင်ပေးနိုင်မှာ ဖြစ်ပါတယ်။ မြန်မာအစိုးရသစ်အနေနဲ့ ဆန္ဒရှိတယ်ဆိုရင် ဘယ်လိုလမ်းမျိုး လျှောက်လှမ်းရမယ်ဆိုတာက ရှင်းပါတယ်။”

ဗြိတိသျှဝန်ကြီး ၀ီလျံဟိတ်ဂ် မြန်မာနိုင်ငံကို သွားရောက်မှာဖြစ်သလို ပြီးခဲ့တဲ့ နိုဝင်ဘာလ ၁၅ ရက်နေ့ကလည်း မြန်မာနိုင်ငံကို ဗြိတိန်ရဲ့ နိုင်ငံတကာ ဖွံ့ဖြိုးတိုးတက်ရေး ၀န်ကြီး အန်ဒရူးမစ်ချဲလ် သုံးရက်ကြာခရီး သွားရောက်ပြီးတော့ ပြည်သူ့လွှတ်တော်ဥက္ကဋ္ဌ သူရဦးရွှေမန်းအပါအ၀င် မြန်မာအစိုးရ ခေါင်းဆောင်တွေ၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်တို့နဲ့ တွေ့ဆုံဆွေး နွေးခဲ့ပါတယ်။

ဝန်ကြီး အဲန်ဒရူးမစ်ချဲလ်ကလည်း မြန်မာနိုင်ငံက ပြုပြင်ပြောင်းလဲမှုတွေကို သတိကြီးကြီးနဲ့ အကောင်းမြင် သုံးသပ်နေမယ်လို့ သူ့ရဲ့ မြန်မာနိုင်ငံ ခရီးစဉ်အပြီးမှာ ပြောဆိုခဲ့ပါတယ်။

Ref: ဗွီအိုအေ

Read More...

ကလေးသူငယ် ကူးသန်းရောင်းဝယ်မှု လူသားမဆန်တဲ့ပြစ်မှု

12 ဒီဇင်ဘာ 2011
မအေးအေးမာ

ဒီဇင်ဘာလ ၁၂ ရက်နေ့မှာကျရောက်တဲ့ ကလေးငယ်တွေကို လူကုန်ကူးမှု ဆန့်ကျင်ရေးနေ့ကို ထိုင်း-မြန်မာ နယ်စပ်မှာရှိတဲ့ ကလေးငယ်များ လူကုန်ကူးမှု ဆန်ကျင့်တားဆီးတဲ့ အဖွဲ့တွေစုထားတဲ့ အဖွဲ့ကဦးစည်းပြီး ပညာပေးလှုံ့ဆော်ပွဲ ကျင်းပခဲ့ပါတယ်။ ဒီပညာပေးပွဲမှာ ကလေးငယ်တွေ ရောင်းစားခံရမှုဟာ တစ်နှစ်ထက်တစ်နှစ် ပိုမိုးများပြားလာတယ်လို့ သတိပေးပြောဆိုလိုက် ပါတယ်။ အကြောင်းစုံကို မအေးအေးမာက သတင်းပေးပို့ထားပါတယ်။

လူကုန်ကူးမူတွေ အများဆုံးဖြစ်ရာကနေ ကလေး ကူးသန်းရောင်းဝယ်မှု တွေဟာလည်း တဖြည်းဖြည်း ပိုမိုများပြားလာနေတဲ့ အတွက် ပညာပေးလှုံ့ဆော်ပွဲတွေကို ထိုင်း-မြန်မာနယ်စပ်မှာ လုပ်ခဲ့ကြတာပါ။ ဒီပွဲကို မြန်မာ့ဒီမိုကရေစီခေါင်းဆောင် ဒေါ်အောင် ဆန်းစုကြည် ကလည်း ဗွီဒီယို မိန့်ခွန်း ပေးပိုခဲ့ပါတယ်။

“ကလေးရောင်းဝယ်မှု ဆန့်ကျင်ရေးနေ့ဆိုတာ နေ့တိုင်းဖြစ်သင့်ပါတယ်။ ဒီလိုကိစ္စမျိုးဟာ နေ့တိုင်းနေ့တိုင်း ကျမတို့ ဆန့်ကျင် ရမှာပါ။ ဒါကြောင့်မိုလို့ အခုလို မြန်မာ-ထိုင်းနယ်စပ်မှာ အားလုံးကနေ ၀ိုင်းဝန်းပြီးတော့ ဒီကိစ္စတွေအတွက် ဆောင်ရွက်ကြတာကို ကျမ အင်မတန်မှ လေးစားပါတယ်။ အင်မတန်မှ ကျေးဇူး တင်ပါတယ်။ အင်မတန်မှလည်း အားပေးချင်ပါတယ်။ ကလေးသူ ငယ်များ ဆိုတာဟာ ကျမတို့နိုင်ငံရဲ့ ကျမတို့ကမ္ဘာကြီးရဲ့ အနာဂတ်တွေပါ။ ကိုယ့်အနာဂတ်ကို စောင့်ရှောက်တဲ့အနေနဲ့ ဒီကလေး သူငယ်တွေကို စောင့်ရှောက်ရမှာဖြစ်ပါတယ်။ ကလေးသူငယ်တွေကို ကူသန်းရောင်းဝယ်တွေလုပ်တယ်၊ ကျမတို့ရဲ့ အနာဂတ်ကို ကုန်ကူးတယ်ဆိုတာ အင်မတန်မှ မလုပ်သင့်တဲ့ကိစ္စပါ။ ဒါဟာ လူသားမဆန်တဲ့အပြင် အင်မတန်မှ ပညာနည်းတဲ့ကိစ္စဖြစ်ပါတယ်။ ကိုယ့်ရဲ့အနာဂတ်နဲ့ လောင်းကစားလုပ်နေသလိုပါပဲ။ ဒါကြောင့်မိုလို့ ဒီကလေးသူငယ်များ ကူးသန်းရောင်းဝယ်ရေး ကိစ္စဆိုတာ လုံးဝ လုံးဝကို ပပျောက်ဖို့လိုပါတယ်။ အဲဒီလို ပပျောက်ရေးအတွက် ဆောင်ရွက်နေသူအားလုံးကို ကျမအနေနဲ့ တတ်နိုင်တဲ့ဘက် ကနေ ကူညီချင်ပါတယ်။ အားပေးချင်ပါတယ်။ ဂုဏ်ပြုချင်ပါတယ်။ သူတို့ရဲ့ အနာဂတ်ကို ပြန်လည်ပြီးတော့ ထူထောင်နိုင်ဖို့ ဆက်ပြီးတော့ အကူအညီတွေ အများကြီးလိုပါတယ်။ အဲဒါအတွက်လည်း ၀ိုင်းဝန်းပြီးတော့ လုပ်ဆောင်ကြပါလို့ ကျမအနေနဲ့ သတိပေးချင်ပါတယ်။”

ထိုင်း-မြန်မာနယ်စပ်မှာ ကလေးကူးသန်းရောင်းဝယ်မူတွေ ပိုမိုများပြားလာနေကြောင်း၊ ၂၀၁၁ ခုနှစ်ထဲမှာ အမှုပေါင်း ၁၅၀ ကျော် လက်ခံရရှိခဲ့ကြောင်း မြန်မာနိုင်ငံ ကလေးကူးသန်းရောင်းဝယ်မှု ဆန့်ကျင်တားဆီးရေး အဖွဲ့ရဲ့ တာဝန်ခံ မနန်းမူက အခုလို ပြောပါတယ်။

“ဒီနှစ်ဆိုရင် ၁၀၀ ကျော် ၁၅၀ အထက်လောက် ရှိတာပေါ့နော်။ ဒါက ကျမတို့ လက်လှမ်းမီတဲ့ဟာပေါ့။ မမီတဲ့ဟာတွေလည်း အများကြီးရှိသေးတာပေါ့။ ဆိုတော့ ဒီထက်ပိုပြီး များနိုင်တယ်လို့ ခန့်မှန်းမိတယ်ပေါ့။ အခုနယ်စပ်ဒေသမှာ ကလေးကူးသန်း ရောင်းဝယ်မှုဟာ အဓိကကတော့ မဲဆောက်ကနေတဆင့်ပေါ့နော်၊ ဘန်ကောက်မှာ ရောင်းစားခံရတယ်။ နောက်ပြီးတော့ ရေလုပ် ငန်းတွေမှာ ငါးဖမ်းလုပ်သားတွေ အဖြစ် ရောင်းစားခံရတာရှိတယ်။ နောက်ပြီးတော့ ကလေးသူတောင်းစားတွေ ပေါ့နော်။ ကလေး သူတောင်းစားတွေ တဖြည်းဖြည်း များလာတာတွေ့ရတယ်။ နောက်ပြီးတော့ ကလေး ပြည့်တန်ဆာလေးတွေ ပိုပြီးတော့ များလာ တာတွေ့ရတယ်။ အဲဒါကြောင့်မိုလို့ ကျမတို့က ဒီဟာတွေ ပပျောက်နိုင်ဖို့အတွက် လုပ်ဆောင်ဖို့ ၀ိုင်းဝန်းပြီး အားလုံးရဲ့ ပူးပေါင်း ပါဝင်မှုနဲ့ လုပ်ဆောင်နေပါတယ်။”

တကယ်တော့ မြန်မာ့စီးပွားရေး အကျပ်အတည်းတွေကြောင့် အိမ်နီးချင်းနိုင်ငံတွေမှာ အလုပ်လုပ်ကိုင်ဖို့ အတွက် မိဘတွေနဲ့အတူ လာကြရင်းနဲ့ တချို့ ကလေးငယ်တွေဟာ လူပွဲစားတွေရဲ့ ဖျားယောင်း သွေးဆောင်မူကို ခံရပြီး ရောင်းစားခံနေရတာလည်း ဖြစ် ပါတယ်။

မြန်မာနိုင်ငံထဲမှာတော့ ကလေးတွေကို စစ်သားအဖြစ် စစ်တပ်ထဲကို ပို့ပြီး ရောင်းစားကြတာတွေ၊ ထိုင်း-မြန်မာ နယ်စပ်မှာတော့ တောင်းရမ်းစားသောက်တဲ့ နေရာတွေမှာ အသုံးပြုဖို့အတွက် ရောင်းစားကြတာတွေ များပါတယ်။

ကုလသမဂ္ဂက ကလေးရောင်းဝယ်မှုတွေကို ကာကွယ်တားဆီးတဲ့ ပါလာမို (Palermo) သဘောတူစာချုပ်အရ ဒီဇင်ဘာလ ၁၂ ရက်နေ့ကို ကလေးကူးသန်းရောင်းဝယ်မှု ဆန့်ကျင်ရေးနေ့အဖြစ် သတ်မှတ်ခဲ့ကြတာပါ။

အာရှနိုင်ငံ အတော်များများမှာလည်း ဒီနေ့မှာ ပညာပေးလှုံ့ဆော်မှုတွေကို လုပ်ခဲ့ကြပါတယ်။

Ref: ဗွီအိုအေ

Read More...

အပေါ်သို့