ATM စက်များတွင် တစ်နေ့လျှင် အများဆုံး ကျပ်ငွေ(၉)သိန်းသာ ထုတ်ယူနိုင်

ထက်အောင်ခန့်(မြစ်မခ)
15 Nov, 2012

Master Card ၊ Maestro ၊ Cirrus Card များကို ကိုင်ဆောင်ထားသူများအနေဖြင့် CB ဘဏ် ATM စက်များတွင် နိုဝင်ဘာ (၁၅)ရက်နေ့မှ စတင်ကာငွေများ စတင်ထုတ်ယူနိုင်ပြီဖြစ်ကြောင်း သိရသည်။

အဆိုပါ ကတ်ကိုင်ဆောင်ထားသူများအနေဖြင့် ATM စက်များတွင် တစ်နေ့လျှင် သုံးကြိမ်သာ ထုတ်ယူနိုင်မည်ဖြစ်ပြီး တစ်ခါထုတ် ယူပါက ငွေကျပ် သုံးသိန်းအထိသာ ထုတ်ယူနိုင်ခြင်းသည်။

“လောလောဆယ်တော့ အဲ့လိုသုံးမျိုးကို ထုတ်ပေးလို့ရတယ်။ တစ်နေ့ကို သုံးကြိမ်အထိ ထုတ်လို့ ရပါတယ်။ ပြီးတော့ တစ်ခါထုတ်ရင် သုံးသိန်းအထိ ထုတ်ပေး လို့ရတယ်။” ဟု CB ဘဏ်မှ တာဝန်ရှိသူ တစ်ဦးက ပြောသည်။

အဆိုပါကတ်များအား CB ဘဏ်၏ ATM စက်ထားရှိသည့် နေရာ ဒေသအသီးသီး၌ (၂၄)နာရီ ထုတ်ယူနိုင်ခြင်းဖြစ်ပြီး ATM စက်မှာ တစ်နိုင်ငံလုံးတွင် (၃၆) လုံးရှိသည်။

တစ်ခါထုတ်ယူပါက Master Card charges အနေဖြင့် ငွေကျပ်(၅၀၀၀) ဖြတ်တောက်သွားမည် ဖြစ်ကြောင်းကိုလည်း သိရသည်။

“Master က ချမှတ်ပေးထားတဲ့ နှုန်းအတိုင်းပဲ။ Master ကတ်ပေါ်မှာထုတ် တဲ့အတွက် ကွန်မြူနစ်ကေး ရှင်း ယူတဲ့သဘောပါ။ အနည်းအများ အပေါ် မခွဲတော့ဘူး။” ဟု CB ဘဏ်မှ တာဝန်ရှိသူ တစ်ဦးက ဆက်ပြောသည်။

CB ဘဏ်သည် နိုဝင်ဘာ (၃) ရက်နေ့တွင်လည်း အီလက်ထရွန်းနစ် ငွေချေစနစ် ကုမ္ပဏီတစ်ခု ဖြစ် သည့် VISA ကုမ္ပဏီနှင့် လိုင်စင်စင်သဘောတူညီချက် ရေးထိုးခဲ့ပြီး ၂၀၁၃ ခုနှစ် ဧပြီလတွင် စတင် အသုံးပြုနိုင်ရန်လျာထားကြောင်း သိရသည်။

Ref: မြစ်မခ

Read More...

Collapse...

အန္တရာယ်ကိုထွေးပွေ့နေရတဲ့ ချင်းတွင်းမြစ်ဝှမ်း”

ဒေါက်တာစိန်စိန်သိန်း
16 Nov, 2012

ကမ္ဘာပေါ်တွင် အသေချာဆုံးတစ်ခုမှာ " ပြောင်းလဲခြင်းဖြစ်စဉ်" ဖြစ်သည်မှာ တရုတ်စကားပုံ ဖြစ်မည် ထင်သည်။ ပြောင်းလဲခြင်း ဖြစ်စဉ်တို့ကသာ သေချာသည့်သဘော ဖြစ်ပေလိမ့်မည်။ ကျွန်မမြေပုံတစ်ခုကို မြင်ခဲ့၍ ပုံတွင်းမှ အပြောင်းအလဲကို မြင်လိုက် ရခြင်း ဖြစ်သည်။ ဝေဟင်မှ လျှပ်စစ်သံလိုက် အလင်းလှိုင်းများနှင့် ပုံရိပ်ဖေါ်ခြင်း Remote Sensing method အရရိုက်ထားသော ပုံမှာ ပြောင်းလဲနေသော ချင်းတွင်းမြစ်ဝှမ်းကို မြင်ခဲ့ လိုက်ရပါသဖြင့် ၀မ်းနည်းကြေကွဲရပါ၏။ မြန်မာနိုင်ငံ၏ မြောက်ပိုင်းရှိ ဥရုမြစ်မှ မြစ်ဖျားခံကာဧရာဝတီသို့ ရေပို့ပေး၏။ ပို့ပေးစရာ ရေတို့က နည်းချေပြီ။

ကျွန်မမုံရွာသို့ ရောက်ခဲ့ဖူးသည်။ ဘုရားဖူးရန်တစ်ခေါက် မုံရွာတက္ကသိုလ်တွင် ကျမ်းစစ်ဆေးရန် တစ်ခေါက် ဖြစ်သည်။ ပထမအကြိမ် ရောက်စဉ်က ၁၉၉၅ ခုဖြစ်၏။ ဒုတိယအကြိမ်ရောက်ချိန်မှာ ၂၀၀၄ ဖြစ်ပါသည်။ ထို ၁၀ နှစ်အတွင်း မုံရွာရေမှတ်စခန်းမှ တိုင်းတာ ချက်အရ သိသိသာသာလျော့နည်းရာမှ လမ်းပန်း ဆက်သွယ်ရေး ပင် အခက်အခဲ ရှိလာနိုင်သည်ကိုတွေ့လာရပြီဖြစ်၏။ လက်ပံ တောင်းတောင် စီမံကိန်းမှ စွန့်ပစ်မည့် ပတ်ဝန်း ကျင်ညစ်ညမ်းစေသော ဓာတ်ငွေ့ဓာတ်ပေါင်းတို့ကလည်း တစ်မှောင့်။ ဤသည့်ထက် ပိုဆိုးဖို့သာရှိသည်။ ရာသီဥတုက ပူပြင်းမှု ပိုလာသည်။ မြေယာအသုံးပြုမှုစနစ်များကလည်း ပြောင်းလဲခြင်းဖြစ်စဉ် အတိုင်းမြစ်ရေ လျော့လာမှုကို မိုးတွင်းရေလှောင်ကန်များနှင့် ရေခွဲဝေစနစ်သုံးကာ ထိန်းသိမ်းရန်လိုသည်။ မိုးကလည်းနည်း အပူကလည်း မြင့် လာရာ ရေကိစ္စမှာအတော်ခက်ခဲနေပြီဖြစ်ပါ၏။ လက်ပံတောင်းတောင်၏အနီးမှာ ချင်းတွင်း သို့ ၀င်သော ချောင်းလက်တက်များ ရှိပါသည်။ ထိုချောင်းများမှ တစ်ဆင့် ရေဆိုးတို့ ချင်းတွင်းမြစ်ထဲသို့ မ၀င်ဘူးဟု မည်သူ ငြင်းမည်နည်း။ ထို့အတူမြစ်တို့တွင် မြစ်ပြင်ဘ၀မှ လယ်ကွင်းဖြစ်ကာ သောင်ထွန်း၍ မြစ်ဝကျွန်းက ပေါ်ထွန်းလာပြန်တော့ bridgehead ဟူသော မြစ်ကျော်ပိုင်နက် ပြဿနာများက တက် လာသည်။ နယ်နမိတ်ဖြစ်နိုင်သည့်နေရာတွင် တစ်ဘက်ကတိုးဝင်လာမည်စိုး၍ ပိုင်နက် နယ်မြေဟု သတ်မှတ်ထားသော နေရာဖြစ်ပါသည်။ မြစ်ကမ်းပါးတို့ ပြိုခြင်းကြောင့်လည်း မြစ်တို့ ဘ၀ပြောင်း နိုင်သလို၊ မိုးခေါင် သဖြင့်လည်း မြစ်တို့ဘ၀ခြားခဲ့ ရသည့် မြန်မာတွင် မိုးခေါင်ရေရှားအများဆုံး ဒေသမှာ စစ်ကိုင်းတိုင်း၊ မကွေး တိုင်းနှင့် မန္တလေးတိုင်းတို့မှ မြိ်ု့နယ် (၆၀) ပါဝင်သည်။ ချင်းတွင်းမြစ်ဝှမ်းက ခံနိုင်ရိုးလား ….။

မိုးခေါင်သောအခါ အပူလှိုင်းများကလည်း ကျရောက်လာသည် သီးနှံထွက်နှုန်းလျော့စေမည်ဖြစ်၏။ ရေကြောင်း ခရီးသွားလုပ်ငန်းကို အဟန့်အတားဖြစ်စေသည်။ မြေဆီလွှာတို့ တိုက်စားပြုန်းတီးကာ ပြည်သူများ နေရာ ရွှေ့ပြောင်းနှင့် ရေအရင်းအမြစ်ဆိုင်ရာ အငြင်း ပွားမှုများဆိုးသထက်ဆိုးလာမည်မှာ ဖြစ်ရိုးဖြစ်စဉ်သာ ဖြစ်ပေ လိမ့်မည်။ သောက်သုံးရေပြဿနာကတောင့်တလာ၏။ မိုးခေါင် သောရပ်ဝှမ်းတို့မှာ တဟုတ်ခြင်း ဖြစ်လာခဲ့ သည်မဟုတ် တရွေ့ရွေ့နှင့် ဆိုးဝါးလာရာကြိုတင်သိမြင်ကာကွယ်နိုင်ရန် အချိန်ရပါ၏။

ချင်းတွင်းမြစ်ဝှမ်းသားတို့ အစိမ်းရောင်စီးပွားရေးကို မမျှော်လင့်ရဲသေးခင်မှာ စက်ရုံများမှစွန့်ပစ်ရေဆိုးတို့ ၀င်ရောက်လာကြတော့ မည်မှာ အသေအချာဖြစ်ပါ၏။ ပိုးသတ်ဆေး ပေါင်းသက်ဆေးများ ပျော်ဝင်လာသော ရေသည် မြို့ကြီး (၇၀) နှင့် မြို့တော် (၂၉) ကိုဖြတ်စီးပြီးသကာလ ဂဂါင်္မြစ်ထဲသို့ဝင်သောအခါ လူတွေ သေကုန် ကြသည်။

ရေပြင် ညစ်ညမ်းမှုကြောင့် အာရှတိုက်တွင် နှစ်စဉ် လူဦးရေ (၅)သိန်းဝန်းကျင် သေလေ့ ရှိ၏။ ကမ္ဘာနှင့် ချီပြောရလျှင် (၁.၁) ဘီလျံသေခဲ့ကြသည်။ ချင်းတွင်းထဲ တိုးဝင်လာသည့်ရေမှာ ဘာတွေပါ သနည်း။ စမ်းသပ် ပေးကြရန် လိုပါသည်။ တရုတ်ပြည်တွင် Yellow River ဟုခေါ်သော မြစ်ဝါမြစ်ရေတို့ ခမ်းခြောက် လာခဲ့ရသည်မှာ ကျောက်မီးသွေးသုံး လျှပ်စစ်ဓာတ်အားပေးစက်ရုံများ တည်ဆောက်ခဲ့ခြင်းဖြင့် စွန့်ပစ် ရေတို့ကြောင့် သဘာ၀၀န်းကျင်၊ မြေပေါ် မြေအောက်သယံဇာတများ ပျက်စီးကာ မြေအောက် ရေကြော ခြောက်ခမ်း လာရကာ ထိုမြေတို့ကန္တာရ ဖြစ်သွားကြတော့သည်။

ကျောက်မီးသွေးကို မီးဖြစ်စေရန် အသုံးပြုသည့် ပြဒါးသည် အဆိုးဆုံးဖြစ်၏။ ပြဒါးသည် မီးနှင့် ပေါင်း၍ အငွေ့ဖြစ်ကာ အက်ဆစ်မိုး အဖြစ်ပြန်လည်ကာ ရွာချလေတော့ရာ သစ်ပင်များ သေဆုံးရုံမက တောပြုန်းသွားပြီး စက်ရုံ၏ အပူချိန်ကလည်း ပိုမိုမြင့်တက်သွား ကာ အပူဓာတ်က မြေအောက်သို့ ရောက်ရှိသွား၍ ရေတို့ ခမ်း ခြောက်ခဲ့ကြရတော့သည်။ ကျောက်မီးသွေးစက်ရုံမှာ ရေဂါလံသန်း (၆၅၀)ကို သုံးစွဲပြီးမှ စွန့်ပစ်လေ့ရှိ၏။ ချင်းတွင်း အောက်မှာ ပြဒါးပါသောရေများ မစီးဆင်းဟု မည်သူက တာဝန်ယူပါမည်နည်း။

ချင်းတွင်းအောက်မှ ဧရာဝတီကိုရော မ၀င်ဘူးဟု မည်သူပြောမည်နည်း ငြင်း၍မရသော အရာများပေသိ ငြင်းကြဦးမည် ထင်ရပါသည်။

Ref: မြစ်မခ

Read More...

Collapse...

ဝိုင်းမော်စက်မှုဇုန်စီမံကိန်း မစမီကပင် တောင်သူများကန့်ကွက်

လုဆိုင်း- ကချင်ပြည်နယ် (မြစ်မခ)
15 Nov, 2012

ကချင်ပြည်နယ်အစိုးရမှ ဝိုင်းမော်မြို့နယ်၌ စက်မှုဇုန်မံကိန်းတည်ဆောက်ရန် အကောင်အထည် ဖော်ဆောင်ရွက်နေမှုကို ဒေသခံ တောင်သူများက နိုဝင်ဘာလ (၁၄) ရက်က နိုင်ငံတော်သမ္မတထံ ကန့်ကွက်စာ တင်ပြတောင်းဆိုခဲ့ကြောင်း သိရသည်။

”ကျွန်တော်တို့ ကန့်ကွက်ရတဲ့အကြောင်းကတော့ စီမံကိန်းနေရာဟာ ဘိုးဘွားစဉ်ဆက်ကနေဒီနေ့အထိ စိုက်ပျိုးလုပ် ကိုင်နေ တဲ့မြေ ဖြစ်တယ်။ စိုက်ပျိုးမြေ မရှိလို့မရဘူး၊ မိသားစုအားလုံးက ဒီစိုက်ပျိုးရေးနဲ့ပဲ အမှီပြုပြီး လုပ်ကိုင်စားသောက်နေတာပါ။ မကန့်ကွက်လို့ မရပါဘူး”ဟု တောင်သူ ဦးအောင်ထွေးက ပြောသည်။

သမ္မတထံသို့ မေတ္တာရပ်ခံ ရင်ဖွင့်သောလူဦးရေမှာ တောင်သူလယ်သမား (၁၀၄၂) ဦးနှင့် လယ်ပိုင်ရှင်(၆၀) ဦးတို့ ပါဝင်သည်။

”ကျွန်တော်တို့ ပြည်နယ်အစိုးရဆီကို စာတင်ထားတာလည်း ဘာမှပြန်မဖြေဘူး။ မြေစာရင်းက နိုင်ဝင်ဘာလ(၄)ရက်နေ့ကလာ တိုင်းသွားတယ်။ ဒါကြောင့် ကျွန်တော်တို့ မဖြစ်မနေ သမ္မထံကို မေတ္တာရပ်ခံစာတင်ရတာပါ ”ဟု တောင်သူ ဦးလအောင်က ပြောသည်။

ဝိုင်းမော်မြို့တွင် တည်ဆောက်မည့် ကုန်သွယ်နှင့်စက်မှုဇုန် စီမံကိန်းအတွက် ဧက (၅၀၀၀) ကျော်လျာထားပြီး ဧရိယာမှာ မြို့နှင့် (၂) မိုင်သာ ကွာဝေး၍ ဧရာဝတီမြစ်အနီးတွင်ဖြစ်သည်။

“ကျွန်မတို့ အစိုးရက စီမံကိန်းတွေလုပ်ဖို့ လျာထားတာ ကိုယ့်ပြည်နယ် တိုးတက်လာဖို့ပါ။ ခုက အလုပ်တောင် မစရသေးဘူး.. ဆန္ဒပြမယ်၊ မကျေနပ်ဘူး။ ဆိုတာတွေက ပြောနေကြပြီ။ ဘာမှတောင် မလုပ် ရသေးဘူး။ လုပ်ခဲ့ရင်လည်း ပြည်သူတွေ ကျေနပ် အောင် လျော်ကြေးတွေ ပေးပြီးလုပ်မှာပါ။ ဒီမြေယာ တွေမှာလည်း တကယ့် စိုက်ပျိုးရေး လုပ်ငန်းတွေ သိပ်မရှိပါဘူး။ ဒါက မြေလွတ် မြေရိုင်းတွေပါ။”ဟု ဝန်ကြီးဒေါ်ဘောက်ဂျာက ဆိုသည်။

အိမ်နီးချင်း နိုင်ငံများဖြစ်သည့် အိန္ဒိယနိုင်ငံစက်မှုဇုန်မှာ မြို့ နှင့် မိုင်(၄၀) ကွာဝေးပြီး၊ ဂျပန်နိုင်ငံ စက်မှုဇုံမှာ မြို့နှင့်မိုင် (၃၅) အကွာတွင် ရှိကာ၊ တရုတ်နိုင်ငံ ခွန်းမြင့် စက်မှုဇုံမှာမြို့နှင့် (၂၇) မိုင်ဝေးကြောင်း ဒေသခံတို့က ထောက်ပြပြောဆိုကြသည်။

Ref: မြစ်မခ

Read More...

Collapse...

KBC အစည်းအဝေး တက်ရောက် ရန် KNU အဖွဲ့ဝင် ၃ဦး ဖိတ်ကြားခံရ

15 November 2012
စောခါးစူးညား

မြန်မာနိုင်ငံရှိ Karen Baptist Convention ခေါ် နှစ်ခြင်းခရစ်ယာန်အဖွဲ့ တစ်ခုက နိုဝင်ဘာလ ၁၇ရက်နေ့၌ အစည်းအဝေးတစ် ရပ် ပြုလုပ် မည်ဖြစ် ပြီးယင်း အစည်းအဝေးတွင် ကရင်အမျိုးသားအစည်းအရုံး-KNU မှ ကိုယ်စားလှယ် ၃ဦး အပါအ၀င် ထိုင်း-မြန် မာနယ်စပ်အခြေစိုက် ကရင်အဖွဲ့အစည်းအချို့ကို ဖိတ်ကြား ထားသည်။

၂ရက်ကြာ ပြုလုပ်မည့် ယင်းအစည်းအဝေးတွင် KBC အဖွဲ့ကိစ္စအပြင် လက်ရှိ ကေအဲန်ယူနှင့် မြန်မာအစိုးရတို့၏ ငြိမ်းချမ်းရေး လုပ်ငန်းစဉ်သည် မည်သည့်အဆင့်၌ ရှိနေကြောင်း၊ ရှေ့ဆက် မည်သို့လုပ်ဆောင်သွားမည်ဖြစ်ကြောင်းနှင့်အခြေအနေပေါ် မူတည်၍ ဆောင်ရန်၊ ရှောင်ရန် ကိစ္စများကို မည်သို့ ပြင်ဆင်သင့်ကြောင်း စသည်တို့ကို ဆွေးနွေးသွားမည်ဟု KBC အမှုဆောင် အရာရှိဖြစ်သူ ဒေါက်တာဂါဘရီလ်(Dr. Gabriel)က ပြောသည်။

ဒေါက်တာဂါဘရီလ်က “ပြည်တွင်းမှာရှိတဲ့ ကရင်တွေဟာ အပစ်ခတ်ရပ်စဲရေးဖြစ်စေ၊ စည်းလုံးညီညွှတ်ရေးဖြစ်စေ ကျနော်တို့ ဘယ်လိုပူးပေါင်းပါဝင်ဆောင်ရွက်မလဲဆိုတာ အားနည်းနေသေးတယ်။ ဒါကို ဒီထက် နားလည်အောင် အခုလုပ်မယ့် အစည်းအ ဝေးမှာ ပြောဆိုဆွေးနွေးကြဖို့ ကေအဲန်ယူကိုလည်း ဖိတ်တာဖြစ်တယ်”ဟု ကေအိုင်စီသို့ ပြောသည်။

အစည်းအဝေးသို့ ကေအဲန်ယူ ကိုယ်စားလှယ် ၃ဦး အပါအ၀င် ထိုင်း-မြန်မာနယ်စပ်ရှိ ကရင်ဒုက္ခသည်များကော်မတီ-KRC မှ ဥက္ကဌလည်းဖြစ်၊ နှစ်ခြင်းခရစ်ယာန် သိက္ခာတော်ရ ဆရာတော်စောရောဘတ်ထွေး ပါဝင်သည့်အဖွဲ့ ၈ဦးနှင့် KBC အား ကူညီပံ့ပိုး သူများ၊ ပြည်တွင်းရှိ ခရစ်ယာန်အသင်းအဖွဲ့များမှ ပုဂ္ဂိုလ်များ စသည်တို့ စုစုပေါင်း လူဦးရေ ၄၀ကျော် တက်ရောက်မည်ဟု သိရ သည်။

သို့သော် ကေအဲန်ယူဘက်မှ KBC ၏ အစည်းအဝေးသို့ တက်ရောက်ရန် ကိုယ်စားလှယ်အဖြစ် မည်သူအား စေလွှတ်မည်ကို ယခုထိ ထုတ်ဖော်ပြောဆိုထားခြင်း မရှိသေးပေ။

KBC အစည်းအဝေးသည် အဓိကအားဖြင့် ဘာသာရေးဆိုင်ရာ အစည်းအဝေးဖြစ်၍ လက်ရှိအချိန်တွင် ကေအဲန်ယူအနေဖြင့် တက် ရောက်ရန် မသင့်လျော်သေးသလို အသေအချာ စဉ်းစားရန်လိုကြောင်းလည်း ပြည်ပရောက် ကရင်အဖွဲ့အစည်းအချို့က သုံး သပ် ဝေဖန်နေကြသည်။

KBC သည် ယခုလို အစည်းအဝေးကို ပြီးခဲ့သည့် ၂၀၁၁ခုနှစ်မှစ၍ လာမည့် ၂၀၂၀ခုနှစ်အထိ စတင်ကာ တနှစ်လျှင် ၂ကြိမ် စီမံ ကိန်းဖြင့် လုပ်ဆောင်သွားရန်ရှိပြီး ကေအဲန်ယူကို ဖိတ်ကြားသည်မှာ ပထမဆုံးအကြိမ် ဖြစ်သည်။

Ref: ကေအိုင်စီ

Read More...

Collapse...

အိုဘားမားခရီးစဉ် မတိုင်မီ နိုင်ငံရေး အကျဉ်းသားများ လွှတ်ပေး

2012-11-15

အမေရိကန်သမ္မတ အိုဘားမား ရဲ့ နိုဝင်ဘာ ၁၉ ရက် မြန်မာနိုင်ငံ ခရီးစဉ် မတိုင်ခင် မြန်မာအစိုးရက လွတ်ငြိမ်းချမ်းသာခွင့် ကြေညာမှာဖြစ်တယ်လို့ အစိုးရပိုင်းကပြောပါတယ်။

ကြာသပတေးနေ့ထုတ် သတင်းစာတွေမှာ လွတ်ငြိမ်းချမ်းသာခွင့် ကြေညာတဲ့သတင်း ပါလာပါလိမ့်မယ်လို့ သမ္မတရုံး ပြောခွင့်ရပုဂ္ဂိုလ် ဦးဇော်ဌေး က ပြောဆိုကြောင်း AFP သတင်းက ဖေါ်ပြပါတယ်။

အမည်မဖေါ်လိုသူ အစိုးရအရာရှိတစ်ဦးကတော့ အကျဉ်းသားဦးရေ ၄၅၀ ပြန်လွှတ်မယ်လို့ဆိုပါတယ်။ ဒါပေမဲ့ အဲဒီ အရေအတွက်ထဲမှာ နိုင်ငံရေးအကျဉ်းသား ဘယ်လောက်ပါမယ်ဆိုတာ မသိရသေးပါဘူး။

အကျဉ်းသားများ ကူညီစောင့်ရှောက်ရေးအဖွဲ့ (မြန်မာနိုင်ငံ) AAPP ရဲ့ အောက်တိုဘာလကုန်ပိုင်း စာရင်းအရ ကျန်နေသေးတဲ့ နိုင်ငံရေးအကျဉ်းသားဦးရေ ၂၈၃ ယောက် ရှိတယ်လို့ ဖော်ပြထားပါတယ်။

Ref: အာရ်အဖ်အေ

Read More...

Collapse...

မြန်မာ့ဒီမိုကရေစီအရေး အားပေးဖို့ အိန္ဒိယပြည်သူတွေကို ဒေါ်အောင်ဆန်း စုကြည် တိုက်တွန်း

2012-11-15

မြန်မာနိုင်ငံဟာ ဒီမိုကရေစီပန်းတိုင်ရောက်အောင် ကြိုးစားနေဆဲဖြစ်တာကြောင့် မြန်မာပြည်သူတွေနဲ့ အတူ အားပေးရပ်တည် ပေး သွားဖို့အတွက် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် က နိုဝင်ဘာလ ၁၄ ရက် မနေ့ညနေပိုင်းက ကျင်းပတဲ့ နေရူးအထိမ်းအမှတ် ဟောပြောပွဲမှာ အိန္ဒိယပြည်သူတွေကို တိုက်တွန်းပြောဆိုလိုက်ပါတယ်။

ဒါ့အပြင် ဒေါ်အောင်ဆန်းစုကြည်က ဆက်လက်ပြောဆိုရာမှာ အိန္ဒိယဟာ မြန်မာ့ဒီမိုကရေစီရေးအပေါ် အားတက်သရော ထောက် ခံခဲ့ရာက ၁၉၉၀ ခုနှစ်တွေ အတွင်း လမ်းကြောင်းပြောင်းသွားတာနဲ့ ပတ်သက်ပြီး ဘယ်လိုခံစားရသလဲမေးကြပါတယ်။

ကျမတို့ တကယ့် အကျဉ်းအကြပ်တွေ့နေရချိန်မှာ အိန္ဒိယကခွာသွားခဲ့တဲ့အပေါ် ကျမအနေနဲ့ အလွန်ပဲ စိတ်ထိခိုက်မိပါတယ်။ ဒါပေမဲ့ ၀မ်းနည်းမှု ဆိုတာ ကျမတို့ လက်ခံသိမ်းပိုက်ထားရမယ့်အရာ မဟုတ်ပါဘူးလို့ နေရူး အကြောင်းပြောဆိုရင်း ထည့်သွင်းပြော ကြားခဲ့ပါတယ်။

ဒီဟောပြောပွဲကို အိန္ဒိယ ဒုတိယသမ္မတ Mohammad Hamid Ansari (မိုဟာမတ် ဟာမစ် အန်စာရီ)၊ အာဏာရ ကွန်ဂရက်ပါတီ ဥက္ကဋ္ဌ ဆိုနီယာဂန္ဒီ၊ အတွင်းရေးမှူး ရာဟူးလ်ဂန္ဒီ အပါအ၀င် အစိုးရအဖွဲ့ဝင်တွေ၊ နေရူးအထိမ်းအမှတ် ကျင်းပရေးအဖွဲ့ဝင်တွေ၊ အိန္ဒိယနိုင်ငံရေးသမားတွေ၊ မြန်မာနိုင်ငံသားတွေ အပါအ၀င် ပရိသတ် ၁၀၀၀ ကျော် တက်ရောက်ခဲ့ပါတယ်။

ဒီပွဲကို တက်ရောက်ခဲ့တဲ့ ၁၉၉၀ ရွေးကောက်ခံကိုယ်စားလှယ် ဒေါက်တာတင့်ဆွေကလည်း အခု ဟောပြောပွဲကနေ နှစ်နိုင်ငံလုံး အတွက် အကျိုးရှိတဲ့ အလားအလာတွေကို ဖော်ဆောင်နိုင်မယ်လို့ မျှော်လင့်ကြောင်း ပြောပါတယ်။

ဟောပြောပွဲအပြီးမှာ ဒေါ်အောင်ဆန်းစုကြည်ကိုယ်တိုင် အင်္ဂလိပ်ဘာသာနဲ့ ရေးသားခဲ့ပြီး ၁၉၉၀ ခုနှစ်က အိန္ဒိယနိုင်ငံမှာ ထုတ်ဝေ ခဲ့တဲ့ ကိုလိုနီလက်အောက် မြန်မာနဲ့ အိန္ဒိယ ပညာတတ်တွေရဲ့ ဘ၀မျက်နှာစာတချို့ ဆိုတဲ့ စာအုပ်ကို အိန္ဒိယ ဒုတိယသမ္မတ က လက်ဆောင်ပေးအပ်ခဲ့ပါတယ်။

ဒေါ်အောင်ဆန်းစုကြည်ဟာ ဒီကနေ့ အိန္ဒိယ ဒုတိယသမ္မတ နဲ့ တွေ့ဆုံဦးမှာဖြစ်ပြီး အိန္ဒိယလွှတ်တော်မှာ အောက်လွှတ်တော် ဥက္ကဋ္ဌ နဲ့ လည်း တွေ့ဆုံဦးမှာ ဖြစ်ပါတယ်။

Ref: အာရ်အဖ်အေ

Read More...

Collapse...

စစ်တပ်ကိုယ်စားလှယ်တွေ ပူးပေါင်းမှသာ ဒီမိုကရေစီ ပန်းတိုင် ရောက်မည်

2012-11-15

လွှတ်တော်တွင်းမှာ ကိုယ်စားပြုနေတဲ့ စစ်တပ်ကိုယ်စားလှယ် ၂၅ ရာခိုင်နှုန်းက မိမိတို့နဲ့အတူ ပူးပေါင်းဆောင်ရွက်လိုစိတ်ရှိမှသာ အကြမ်းမဖက်လမ်းစဉ်နဲ့ ဒီမိုကရေစီပန်းတိုင်ကို ရောက်နိုင်မယ့် တခုတည်းသော နည်းလမ်းဖြစ်တယ်လို့ အမျိုးသားဒီမိုကရေစီအဖွဲ့ချုပ် ပါတီ ဥက္ကဋ္ဌ ဒေါ်အောင်ဆန်းစုကြည်က ဒီကနေ့ ပြောဆိုလိုက်ပါတယ်။

ဒေါ်အောင်ဆန်းစုကြည်ဟာ သူ့ရဲ့ အိန္ဒိယနိုင်ငံခရီးစဉ် တတိယနေ့မှာ အင်္ဂလိပ်ဘာသာနဲ့ ထုတ်လွှင့်တဲ့ အိန္ဒိယမီဒီယာ CNN-IBN နဲ့ တွေ့ဆုံမေးမြန်းခန်းမှာ အင်္ဂလိပ်ဘာသာနဲ့ ပြောဆိုခဲ့ရာမှာ အခုလို ထည့်သွင်း ပြောဆိုခဲ့ပါတယ်။

စစ်တပ်ရဲ့တစိတ်တပိုင်းဟာ အခြေခံဥပဒေအရ အစိုးရအဖွဲ့ထဲပါဝင်နေကြတယ်။ ဒါကြောင့် စစ်တပ်ကသာ လိုလိုချင်ချင်နဲ့ ပူး ပေါင်းဆောင်ရွက်မယ်ဆိုရင် ကျမတို့ မြန်မာနိုင်ငံဟာ အကြမ်းမဖက်တဲ့နည်းနဲ့ စစ်မှန်တဲ့ ဒီမိုကရေစီလမ်းကြောင်းပေါ်ကို လျောက် လှမ်းနိုင်မှာ ဖြစ်ပါတယ်လို့ ဒေါ်အောင်ဆန်းစုကြည်က ပြောကြားခဲ့တာပါ။

ဒါ့အပြင် ၂၀၀၈ ဖွဲ့စည်းပုံ အခြေခံဥပဒေမှာ စစ်တပ်က အရပ်သားအစိုးရကို လွှမ်းမိုးနိုင်ဖို့ အခွင့်အာဏာ ပေးထားတယ်လို့လည်း ဒေါ်အောင်ဆန်းစုကြည်က ပြောခဲ့ပါတယ်။

စစ်တပ်က စစ်တန်းလျားကို ပြန်တယ် မပြန်ဘူးဆိုတာက သီးခြားကိစ္စုပါ။ ဒါပေမယ့် သေချာတာတော့ စစ်တပ်နဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီဟာ တခုတည်း အတူတူ မဟုတ်ပါဘူး..... အခြေခံဥပဒေက အရပ်သားအစိုးအပေါ် စစ်တပ်ကလွှမ်း မိုးဖို့ အခွင့်အာဏာပေးထားတယ်။ တကယ်တော့ စစ်တပ်က အရပ်သားအစိုးရ နဲ့ လက်ရှိ အာဏာရပါတီအပေါ်မှာ လွှမ်းမိုးမှုရှိတယ် လို့ ပြောရင် မမှားပါဘူးလို့ ပြောခဲ့တာပါ။

ဒေါ်အောင်ဆန်းစုကြည်ဟာ အိန္ဒိယခရီးစဉ် တတိယနေ့ ဒီကနေ့ နေ့လယ် ၁၂ နာရီမှာ အိန္ဒိယ ဒုတိယသမ္မတ Mohammad Hamid Ansari (မိုဟာမတ်ဟာမစ် အန်စာရီ)၊ အောက်လွှတ်တော်ဥက္ကဋ္ဌ Meira Kumar (မီရာကူးမားရ်) နဲ့လည်း တွေ့ဆုံခဲ့ပြီး ည ၇ နာရီမှာ အိန္ဒိယနိုင်ငံခြားရေးဝန်ကြီးနဲ့ တွေ့ဆုံမှာ ဖြစ်ပါတယ်။

Ref: အာရ်အဖ်အေ

Read More...

Collapse...

ရခိုင်ပြည်နယ်က ပဋိပက္ခတွေဟာ နိုင်ငံတကာ အတွက် ဝမ်းနည်းဖွယ်ဖြစ်

2012-11-15

ရခိုင်ပြည်နယ်မှာ ဗုဒ္ဓဘာသာရခိုင်တွေ နဲ့ မူဆလင်တွေအကြား အကြမ်းဖက် ပဋိပက္ခတွေ ဖြစ်ပေါ်ခဲ့တာဟာ နိုင်ငံတကာ အသိုင်း အဝိုင်းအတွက် ကြီးမားတဲ့ ဝမ်းနည်းဖွယ်ရာ ဖြစ်ရပ်တစ်ခုပါလို့ ဒေါ်အောင်ဆန်းစုကြည်က အိန္ဒိယနိုင်ငံက NDTV သတင်းဌာနနဲ့ တွေ့ဆုံမေးမြန်းခန်းမှာ ပြောလိုက်ပါတယ်။

အင်္ဂလိပ်ဘာသာနဲ့ အိန္ဒိယနိုင်ငံမှာ ထုတ်လွှင့်တဲ့ NDTV သတင်းထောက်က ရခိုင်ပြည်နယ်အရေးနဲ့ ပတ်သက်ပြီး နိုင်ငံတကာ အသိုင်းအ၀ိုင်းအတွက် ၀မ်းနည်းဖွယ်ရာ ဖြစ်ရပ်တစ်ခုပါလားလို့ မေးမြန်းခဲ့ပါတယ်။

ဒေါ်အောင်ဆန်းစုကြည်က ရခိုင်ပြည်နယ်က အကြမ်းဖက် ပဋိပက္ခတွေဟာ နိုင်ငံတကာ အသိုင်းအ၀ိုင်းအတွက် ၀မ်းနည်းဖွယ်ရာ ဖြစ်ရပ်ပါ။ ကျွန်မ အနေနဲ့အမြဲတမ်းပြောနေတာက အစိုးရ အနေနဲ့ နိုင်ငံသားဥပဒေနဲ့ ပတ်သက်ပြီး တိကျတဲ့ မူဝါဒရှိဖို့ လိုအပ် ပါတယ်။ကျွန်မတို့နိုင်ငံမှာ နိုင်ငံသားဆိုင်ရာ ဥပဒေရှိပါတယ်။ ဒါကြောင့် ဥပဒေနဲ့ အညီ နိုင်ငံသားဖြစ်ခွင့်ရှိသူတိုင်းကို နိုင်ငံသားအဖြစ် အသိအမှတ်ပြုရမှာဖြစ်တယ်ဆိုတာ ကျွန်မတို့ ရှင်းရှင်းလင်းလင်း ပြောထားပြီးသား ဖြစ်ပါတယ်လို့ ဒေါ်အောင်ဆန်းစုကြည်က NDTV ဖြေတဲ့အခါမှာ ထည့်သွင်းပြောခဲ့ပါတယ်။

ဒါ့အပြင် ရခိုင်ပြည်နယ် နယ်စပ်ကိစ္စနဲ့ ပတ်သက်ပြီး မြန်မာနိုင်ငံမှာတင် တာဝန်ရှိတာမဟုတ်ပဲ ၊ ဘင်္ဂလားဒေ့ရ်ှနိုင်ငံမှာလည်း တာဝန် ရှိကြောင်း ၊တကယ်လို့ နှစ်နိုင်ငံ နယ်စပ်မှာ ဘင်္ဂလားဒေ့ရ်ှဖက်က ခိုးဝင်နေတာတွေ ရှိနေရင်လည်း တားဆီးနိုင်ဖို့ လိုအပ်ကြောင်း၊ အဲဒီလို မတားဆီးနိုင်ဘူးဆိုရင် ရခိုင်ပြည်နယ် အရေးကိစ္စဟာ ပြီးဆုံးဖို့ ခက်ခဲပါတယ်လို့လည်း ဒေါ်အောင်ဆန်းစုကြည်က ပြော ကြောင်းသိရပါတယ်။

ရခိုင်ပြည်နယ်က အကြမ်းဖက် ပဋိပက္ခတွေမှာ နှစ်ဖက်စလုံးက ကျူးလွန်တာဖြစ်ပြီး ၊ မိမိအနေနဲ့ ဘက်တဘက်တည်းကို ရပ်တည်ပြီး မပြောဆိုနိုင်ကြောင်း၊ နှစ်ဖက် ပြန်လည်သင့်မြတ်ရေးကိစ္စကိုသာ မိမိအနေနဲ့ ကြိုးပမ်းလိုကြောင်းလည်း အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် က ပြောခဲ့တယ်လို့သိရပါတယ်။

Ref: အာရ်အဖ်အေ

Read More...

Collapse...

မြန်မာနိုင်ငံမှာ မသန်စွမ်းသူတွေရဲ့ အခွင့်အရေးချိုးဖောက်ခံရ

2012-11-15

မသန်စွမ်းသူတွေရဲ့ အခွင့်အရေးနဲ့ အလုပ်အကိုင် ရရှိရေးဆိုင်ရာ နှီးနှော ဖလှယ်ပွဲ အခမ်းအနားကို ရန်ကုန်မြို့ လှိုင်မြို့နယ်မှာရှိတဲ့ International Business Center အဆောက်အဦးမှာ ကျင်းပခဲ့ရာမှာ မသန်စွမ်းသူတွေဟာ သူတို့ရသင့်တဲ့ အခွင့်အရေးတွေ ချိုးဖောက်ခံနေရကြောင်း ပြောလိုက်ပါတယ်။

မြန်မာနိုင်ငံရဲ့ ရွေးကောက်ပွဲတွေမှာ မဲထည့်တဲ့အခါ မသန်စွမ်းသူတွေဟာ သာမန်လူတွေနဲ့ တန်းတူအခွင့် အရေး မရရှိသလို၊ ပညာသင်ကြားရေးတွေမှာ ခွဲခြားဆက်ဆံခံရတာတွေလည်း ရှိနေတယ်လို့ အခမ်းအနားမှာ ဦးဆောင်ဆွေးနွေးသူတွေက ထောက်ပြကြပါတယ်။

ဒါ့အပြင် ရန်ကုန်မှာရှိတဲ့ ကုန်တိုက်တွေမှာ ဈေးဝယ်တဲ့အခါ ဝှီးချဲတွေနဲ့ ဝင်လို့မရတဲ့အတွက် မသန်စွမ်းသူတွေအနေနဲ့ အများသူ ငှာတွေလို လွတ်လပ်စွာ သွားလာခွင့် အခွင့်အရေးတွေ ဆုံးရှုံးနေတယ်လို့ ပြောပါတယ်။

ဒီလို သူတို့ရပိုင်ခွင့်အခွင့်အရေးတွေကို အသိအမှတ်ပြု စဉ်းစားပေးနိုင်ဖို့ နဲ့ လိုအပ်ရင် ဥပဒေပြုနိုင်ဖို့အတွက်ို လွှတ်တော်မှာ အဆို တင်သွင်းထားတယ်လို့ သိရပါတယ်။

မသန်စွမ်းသူတွေအနေနဲ့ အမှီအခိုကင်းကင်း ဘဝရပ်တည်နိုင်ဖို့အတွက် စွမ်းရည်မြင့်မားလာစေဖို့၊ လိုအပ်တဲ့ ပံ့ပိုးကူညီမှုတွေရရှိဖို့၊ ဆုံးရှုံးနေတဲ့ အခွင့်အရေးတွေ ရရှိလာအောင်ဆောင်ရွက်ပေးဖို့ စတဲ့ အချက်တွေကို ဆွေးနွေးခဲ့ကြပါတယ်။

နိုဝင်ဘာလ(၁၃)ရက်နေ့ကနေ (၁၅)ရက်နေ့ အထိ (၃)ရက်ကြာကျင်းပခဲ့တဲ့ မသန်စွမ်းသူတွေရဲ့ နှီးနှောဖလှယ်ပွဲ အခမ်းအနားကို မြန်မာနိုင်ငံ မသန်စွမ်းသူများရှေ့ဆောင်အဖွဲ့၊ ရွှေမင်းသားဖောင်ဒေးရှင်း၊ AAR ဂျပန် အကူအညီပေးရေးနဲ့ ပြန်လည်ထူထောင်ရေး အသင်းနဲ့ စီးပွားရေးလုပ်ငန်းရှင်တွေ အပါအဝင် လူပုဂ္ဂိုလ် (၁၀၀)ကျော် တက်ရောက်ခဲ့ပါတယ်။

Ref: အာရ်အဖ်အေ

Read More...

Collapse...

တာဝန်သိ ရင်းနှီးမြှုပ်နှံမှု ဒေါ်စုဖိတ်ခေါ်

သိင်္ဂီထိုက်
15.11.2012

နိုဘယ်လ် ငြိမ်းချမ်းရေး ဆုရှင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က သယံဇာတ ကြွယ်ဝတဲ့ မြန်မာနိုင်ငံမှာ တာဝန်ယူမှု ရှိတဲ့ ရင်းနှီးမြှုပ်နှံမှုတွေ လာရောက် လုပ်ဆောင်ကြဖို့ ကြာသပတေးနေ့မှာ ပြောကြားလိုက်ပါတယ်။ သတင်းတပတ်ကြာ အိန္ဒိယနိုင်ငံ ခရီးစဉ် အတွင်း စွမ်းအင်နဲ့ ရင်းမြစ်ဆိုင်ရာ နည်းပညာသိပ္ပံ TERI ကိုရောက်ရှိစဉ်မှာ အခုလို ပြောဆိုလိုက်တာပါ။ ဒါ့အပြင် မြန်မာ့ ဒီမိုကရေစီ အရေးအတွက် လိုအပ်နေသေး တဲ့ ပြုပြင်ပြောင်းလဲရေး ကိစ္စတွေကိုလည်း ဒေါ်အောင်ဆန်းစုကြည်က
ပြောကြား သွားပါတယ်။ မသိင်္ဂီထိုက်က တင်ပြပေးထားပါတယ်။

မြန်မာရဲ့ စွမ်းအင်၊ ရင်းမြစ်၊ ကြွယ်ဝမှု ဆိုတဲ့ ထောင်ချောက်မှာ မလှုပ်သာ မယှက်သာ မိနေကြတဲ့ သယံဇာတ မက်မောကြတဲ့ ရင်းနှီးမြှုပ်နှံသူတွေဟာ တိုင်းရင်းသားတွေရဲ့ သဘောထားတွေကိုလည်း အထူး အလေးဂရုပြုဖို့လည်း လိုအပ်တယ်လို့လည်း ဒေါ်အောင်ဆန်းစုကြည်က ပြောပါတယ်။ အိန္ဒိယနိုင်ငံ မြောက်ပိုင်းမြို့တော် Gurgaon မြို့က စွမ်းအင်နဲ့ ရင်းမြစ်ဆိုင်ရာ နည်းပညာ သိပ္ပံ TERI ကို ရောက်ရှိစဉ်မှာ သူမက အခုလို ပြောကြားလိုက်တာပါ။

“ဗမာပြည်ဟာ စွမ်းအင် အရင်းအမြစ်တွေ သိပ်ကို ကြွယ်ဝပါတယ်။ ဒီကြွယ်ဝမှုကြောင့်လည်း နိုင်ငံဟာ သိပ်ကို အန္တရာယ်ရှိနေ ပါတယ်။ ဘာကြောင့်လည်း ဆိုတော့ ဒီ သယံဇာတ အရင်းအမြစ်တွေကို လိုချင်ကြသူတွေ နောက် နိုင်ငံတွင်းကို လာရောက်ချင် သူတွေ နဲ့ သူတို့ကိုယ်ကျိုးအတွက် သုံးစွဲချင်သူတွေ ထုနဲ့ဒေးနဲ့ ရှိနေတာကြောင့်ပါ။ ကျမတို့ နိုင်ငံ အတွက် ရင်းနှီးမြှုပ်နှံမှုတွေ လိုအပ်နေတယ်ဆိုတာကို နားလည်ပါတယ်။ ရင်းနှီးမြှုပ်နှံမှုတွေကိုလည်း ကျမတို့ ကြိုဆိုပါတယ်။ ကျမတို့ အနေနဲ့ နိုင်ငံရဲ့ အနာဂတ် ကောင်းစေဖို့ အတွက် သဘာဝပတ်ဝန်းကျင်ကို ထိန်းသိမ်းမယ့် တာဝန်သိတဲ့ ရင်းနှီးမြှုပ်နှံမှုတွေတော့ ဖြစ်စေချင်ပါတယ်။”

မြန်မာနိုင်ငံဟာ စိုက်ပျိုးရေး ထွက်ကုန်တွေ၊ ချည်မျှင်နဲ့ အထည်၊ သစ်တောထွက် ပစ္စည်းတွေ၊ ဆောက်လုပ်ရေး လုပ်ငန်းသုံး ပစ္စည်းတွေ၊ ကျောက်မျက်ရတနာ၊ ရေနံနဲ့ သဘာဝ ဓာတ်ငွေ့ ထုတ်လုပ်မှုတွေလည်း ပိုင်ဆိုင်ထားပါတယ်။ နိုင်ငံရဲ့ စီးပွားရေးကို အထောက်အကူ ဖြစ်စေဖို့ ၀ါး အခြေပြု ကုန်ထုတ်လုပ်ငန်း ကို ဒေသခံတွေ အတွက် အသက်မွေးဝမ်းကျောင်း သင်တန်းတွေနဲ့ ပေါင်းစပ်ပြီး ဖွံ့ဖြိုးစေချင်တယ်လို့လည်း သူမက ပြောပါတယ်။ တိုင်းရင်းသား လူမျိုးစုတွေ အခြေချ နေထိုင်နေတဲ့ ဒေသတွေမှာ သဘာဝ သယံဇာတတွေ ရှာဖွေရေး လုပ်ငန်းတွေမှာ အထူးအလေးထားသင့်တဲ့ ကိစ္စတွေကိုလည်း ဒေါ်အောင်ဆန်းစုကြည်က ထည့်သွင်းပြောဆိုသွားပါတယ်။

“တိုင်းရင်းသား လူမျိုးစု ဒေသတွေက စွမ်းအင် အရင်းအမြစ်တွေကို လက်တွေ့ကျပြီး ထိရောက်တဲ့ စီမံခန့်ခွဲမှု လိုအပ်နေပါတယ်။ ဒေသရဲ့ စီးပွားရေး တွက်ချေကိုက်ဖို့၊ ရေရှည်တည်တံ့တဲ့ ဖွံ့ဖြိုးရေး ဖြစ်ဖို့ အတွက်တင် မကပါဘူး။ ဒေသခံတွေ လက်ခံနိုင်တဲ့ မူဝါဒတွေ ချမှတ်ကျင့်သုံးဖို့ လည်း လိုပါတယ်။ ဒေသခံတွေ အနေနဲ့ သူတို့ရဲ့ အမွေအနှစ်တွေနဲ့ သဘာဝ အရင်းအမြစ်တွေ ကုန်ဆုံးသွားပြီလို့ ခံစားကောင်း ခံစားနေကြမှာလည်းဖြစ်ပါတယ်။”

ပြည်သူတွေ စွမ်းဆောင်ရည်နဲ့ ၀င်ငွေ တိုးလာရင် နိုင်ငံဟာလည်း ပိုပြီး အားကောင်းလာစေ ပါလိမ့်မယ်လို့လည်း သူမက ဆိုပါ တယ်။ ၂၀၁၁ ခုနှစ်မှာ မြန်မာနိုင်ငံဟာ စစ်အုပ်ချုပ်ရေးကနေ လွတ်မြောက်လာတယ်ဆိုပေမယ့် ဒီမိုကရေစီ ဆီကို ဦးတည်သွားရာ မှာတော့ နှေးကွေးနေပါသေးတယ်။ မြန်မာ့ ဒီမိုကရေစီ ခေါင်းဆောင်က နိုင်ငံမှာ အာဏာခွဲဝေကျင့်သုံးဖို့ လိုအပ်ပြီး ဒေသန္တရ အုပ်ချုပ်ရေးပိုင်းကို အာဏာ ခွဲဝေကျင့်သုံးဖို့ လိုအပ်တယ်လို့လည်း အလေးထား ပြောကြားသွားပါတယ်။

“ဒေသန္တရ အုပ်ချုပ်ရေး စနစ် အားကောင်းအောင် တည်ဆောက်ဖို့ လိုအပ်ပါတယ်။ ဒီမိုကရေစီကို ရှေ့ရှု သွားနေပြီဆိုရင် ကျမတို့ အနေနဲ့ ဒါကို တည်ဆောက်ဖို့ လိုပါတယ်။ လောလောဆယ်မှာ မြန်မာနိုင်ငံဟာ ဒီမိုကရေစီ ဖြစ်စဉ်ဆီကို ဦးတည်နေပြီ ဆိုပေ မယ့်လည်း ဗဟိုချုပ်ကိုင်မှု စနစ်နဲ့ သိပ်ကို အသားကျနေပါတယ်။ အာဏာရှင် စနစ်နဲ့ နှစ်ပေါင်း ၅၀ - ၆၀ လောက် နေခဲ့ ရတဲ့နောက်မှာ အားလုံးဟာ ပြောင်းလဲ သွားမယ်လို့ ယူဆလို့ မရနိုင်ပါဘူး။

အာဏာ ခွဲဝေကျင့်သုံးဖို့ အတွက်က သိပ်ကို ခက်ခဲနေပြီး ဗဟိုက ဒါကို မလုပ်ချင်ပါဘူး။ ဒီလို လုပ်လိုက်မယ်ဆိုရင် အားလုံး ပြိုလဲသွားလိမ့်မယ်လို့ သူတို့က ယူဆနေကြပါတယ်။ ဒေသန္တရ အဆင့်ကလည်း ဗဟိုနဲ့ ပြသနာ ဖြစ်မှာ စိုးတော့ ကိုယ်ပိုင် ဆုံးဖြတ်ချက်ချဖို့ မ၀ံ့မရဲ ဖြစ်နေကြ တယ်လို့လည်း ဒေါ်အောင်ဆန်းစုကြည်က ပြောပါတယ်။

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ အိန္ဒိယ နိုင်ငံကို သတင်းတပတ်ကြာ ခရီးရောက်ရှိနေတဲ့ အတော အတွင်း အိန္ဒိယ ၀န်ကြီးချုပ် မန်မို ဟန်ဆင်း၊ အာဏာရ ကွန်ဂရက်စ် ပါတီရဲ့ အကြီးအကဲ ဆိုနီယာဂန္ဒီနဲ့လည်း တွေ့ဆုံပြီး ဖြစ်ပါတယ်။ ဗုဒ္ဒဟူးနေ့တုန်းက ဂျဝါဟာလာ နေရူး အထိမ်းအမှတ် မိန့်ခွန်းပြောကြားခဲ့ပါတယ်။ ဒေါ်အောင်ဆန်းစုကြည်ဟာ ဘင်္ဂလော ပြည်နယ်က အိန္ဒိယ သိပ္ပံ ဌာနနဲ့ အိုင်တီ နည်းပညာ ကုမ္ပဏီကြီး ဖြစ်တဲ့ Infosys Campus ကိုလည်း သွားဖို့ ရှိပါတယ်။


Ref: ဗွီအိုအေ

Read More...

Collapse...

အဆိုတော်ခင်မောင်တိုး ကွယ်လွန်

ကိုသားညွန့်ဦး
15.11.2012

ကိုယ်ပိုင်သံစဉ်တွေကိုသာ အဓိကသီဆိုခဲ့တဲ့ နိုင်ငံကျော်အဆိုတော် ခင်မောင်တိုး ဒီနေ့မနက်ပိုင်း စင်္ကာပူနိုင်ငံမှာ ကွယ်လွန် သွားခဲ့ပါတယ်။ ဒီအကြောင်းနဲ့ ပတ်သက်ပြီး ကိုသားညွန့်ဦးက တင်ဆက်ပေးထားပါတယ်။

အသက် ၆၂နှစ်အရွယ် အဆိုတော် ခင်မောင်တိုးဟာ ဒီကနေ့မနက်ပိုင်း ဒေသစံချိန် ၈နာရီကျော်မှာ စင်ကာပူနိုင်ငံမှာ အသည်း ရောဂါနဲ့ကွယ်လွန်သွားတာဖြစ်ပါတယ်။ အသည်းရောဂါကြောင့် ပြီးခဲ့တဲ့ စက်တင်ဘာလဆန်းကတည်းက စင်ကာပူနိုင်ငံမှာ ဆေးဝါး ကုသမှုခံယူနေတာဖြစ်ပါတယ်။ ကိုခင်မောင်တိုးရဲ့ မိသားစုဝင်တွေလည်း အခု စင်ကာပူနိုင်ငံကို ရောက်ရှိနေပြီး၊ ကျန်နေတဲ့ သူ့ရဲ့ရုပ်ကြွင်းကို စင်ကာပူနိုင်ငံမှာပဲ သဂြိုလ်မှာဖြစ်ပါတယ်။ ကိုယ်ပိုင်သံစဉ်တွေကို အဓိကထား သီဆိုခဲ့တဲ့ အဆိုတော်ခင်မောင်တိုး ကွယ်လွန်မှုဟာ မြန်မာ့ဂီတလောကအတွက် ကွက်လပ်တစ်ခုဖြစ်သွားစေတယ်လို့ အဆိုတော် မမီမီဝင်းဖေက ပြောပါတယ်။

"မမီတို့ ဂီတလောကမှာ ကိုထီး ကိုတိုးဆိုပြီးတော့ တကယ့်လူကြီးပေါ့ မမီတို့ဂီတလောက အတွက် တကယ့်ကိုအရေးပါတဲ့ မပါမဖြစ် လူကြီးနှစ်ယောက်ရှိပါတယ်။ ကိုထီးဆုံးတုန်းကတော့ မမီတို့ မြန်မာ့ဂီတလောကရဲ့ကွက်လပ်ကြီးဖြစ်သွားပြီအပေါက်ကြီးတစ်ခုဖြစ်သွားတယ်လို့ ပြောခဲ့တယ်။ အခုတော့ အပေါက်ကြီးက နှစ်ခုဖြစ် သွားတာ ပေါ့နော်။ နောက်ပြီးတော့ ဂီတလောက အတွက်လည်း ကိုယ်ပိုင်ဖန်တီးမှု တွေနဲ့ခိုင်ခိုင်မာမာရှိတဲ့ရိုသေ လေးစားရတဲ့ လူကြီးတစ်ယောက်ဆုံးရှုံးသွားတာပေါ့နော်။ မနှစ်ကနှစ်ဆုံးပိုင်း နိုဝင်ဘာလ ကနေပြီးတော့ ၂၀၁၂ နှစ်ဆန်းပိုင်း ဇန်နဝါရီ အလယ် လောက်အထိ သူက အမေရိကားကို ဖျော်ဖြေရေးခရီးလာခဲ့တယ်။ မမီက ကိုထီးဆုံးပြီးတဲ့ နောက်ပိုင်းမှာ မမီရဲ့ လေးစားတဲ့ အကိုကြီးနှစ်ယောက်ထဲက တစ်ယောက်ပဲရှိခဲ့တယ်ဆိုပြီး မမီအရမ်း အလေးထားပြီးတော့ ရပ်ဝေးတိုင်းပြည်နဲ့ အဝေးကြီးမှာ ရောက်နေတဲ့အချိန်မှာ
မမီ ဝမ်းသာအားရနဲ့ ကိုတိုးလာတဲ့အချိန်မှာ ဂရုစိုက်ခွင့်ရခဲ့တယ်ပေါ့လေ။ ဒါလေးကိုပဲ ပြန်ပြီးတော့ တွေးတွေးပြီးတော့ ဖြေသိမ့် ပါတယ်"

စစ်ကိုင်းတိုင်း မော်လိုက်ဇာတိဖြစ်တဲ့ ကိုခင်မောင်တိုးဟာ ၁၉၆၆ ခုနှစ်မှာ ရန်ကုန် စက်မှုတက္ကသိုလ်မှာ ပညာသင်ရင်း ဂီတအနု ပညာဖက်ကို ပိုပြီး အလေးပေး လုပ်လာတာကြောင့် ကျောင်းမပြီးခဲ့ပါဘူး။

စက်မှုတက္ကသိုလ်ကျောင်းတက်စဉ်ကတည်းက တေးရေးကိုမောင်မောင် ကိုရဲလွင်တို့နဲ့အတူ ကိုယ်ပိုင်သံစဉ် တေးသီချင်းတွေကို စတင် ရေးသားခဲ့သူပါ။ ဒီနောက် ကိုရဲလွင်တို့နဲ့အတူပဲ 'လိစ္ဆ၀ီ' တေးဂီတ အဖွဲ့ ဖွဲ့စည်းရာမှာ ပါဝင်ပြီး တေးသီချင်းတွေ စတင်ထုတ်ဝေ ခဲ့ပါတယ်။ မဇ္ဈိမလှိုင်း တေးဂီတအဖွဲ့ဆိုပြိး နောက်မည်ပြောင်းပြီးနောက် မဟာဆန်သူဆိုတဲ့ တေးစီးရီးကလည်း လူငယ်တွေအကြား အထူးရေပန်းစားပြီး ခင်မောင်တိုးဆိုတဲ့ အမည် တွင်ခဲ့တာပါ။

အဆိုတော်ခင်မောင်တိုး ကွယ်လွန်ချိန်တွင် ဇနီး ဒေါ်ဝေဝေခိုင်နှင့် သားသမီး ၃ ဦး ကျန်ရစ်ခဲ့ပါတယ်။

ကိုခင်မောင်တိုးရဲ့နောက်ဆုံး စင်မြင့်ဂီတပွဲကတော့ သြဂုတ်လအတွင်းက ၈၈ မျိုးဆက်ကျောင်းသားများ ပြုလုပ်သည့် ဂီတဝဿန်ရံပုံငွေရှာဖွေတဲ့ပွဲ ဖြစ်ပါတယ်။ ကိုခင်မောင်တိုးဟာ မကွယ်လွန်ချိန်မှာ အမေရိကန်ပြည်ထောင်စုကို လာရောက်စဉ် ဗွီအိုအေကနေ သူ့ကိုဆက်သွယ်မေးမြန်းခွင့်ရခဲ့ပါတယ်။ အဲဒီအချိန်တုန်းက သူ့ရဲ့အနုပညာနဲ့ ပါတ်သက်လို့ ယူဆချက်နဲ့ပါတ်သက်လို့ ပြောပြခဲ့တာကို အမှတ်တရ ထုတ်လွှင့်လိုက်ပါတယ်။

"သီချင်းတွေအကုန်လုံးက သူ့ဖာသာသူ ဆိုင်ရာဆိုင်ရာတွေကတော့ရှိပါတယ်။ ကျနော်သန်တာကတော့ စိတ်ပိုင်းဆိုင်ရာ မြင့်မြတ်မှုကို ဖြစ်စေတဲ့သီချင်းတွေကို ဆိုရတာပိုပြီးတော့ အဆင်ပြေတယ်။ ပိုပြီးတော့လည်း လိုက်ဖက်မယ်လို့ထင်ပါတယ်။ နောက်ပြီးတော့ ဘဝသီချင်းတွေဆိုရတာလည်း သဘောကျပါတယ်။ သီချင်းတွေကြောင့် လူတွေစိတ်ပိုင်းဆိုင်ရာကို ပြောင်းလဲသလို လူတွေကို မူတည်ပြီးတော့လည်း သီချင်းတွေကပြောင်းရတယ်။ လူ့ရဲ့ ဖြစ်စဉ်တွေ မူတည်ပြီးတော့လည်း သီချင်းတွေဟာ မွေးဖွားလာတယ်။ ဒီလိုပဲအပြန်အလှန်ပါပဲ။ ဆိုချင်ပြီးတော့မဆိုရတာတွေလည်းရှိတယ်။ မဆိုချင်ဘဲနဲ့ ဆိုရတာတွေလည်းရှိပါတယ်။ အဲဒါတော့ တစ်ချို့ကိစ္စတွေမှာ မလွဲမရှောင်သာ အကျဉ်းအကျပ်အနေအထားတွေမှာ ဆိုရတာတွေ ကြုံဖူးပါတယ်။ ဒါပေမယ့် စိတ်ပါတယ် မပါဘူးကတော့ ကိုယ်နဲ့ပဲဆိုင်ပါတယ်။ စိတ်ဝင်စားမှုရှိတယ် မရှိဘူးပေါ့။ အချို့ကိစ္စတွေကျတော့ ဆိုချင်ပေမယ့်လည်း မဆိုရတာတွေရှိတယ်။ အဲလိုသီချင်းမျိုးတွေ မဆိုခဲ့ရတာတွေ ရှိပါတယ်"

ကိုယ်ပိုင်သံစဉ်တွေကိုသာ အဓိက သီဆိုတဲ့ နိုင်ငံတော်အဆိုတော် ခင်မောင်တိုး အမေရိကန်ပြည်ထောင်စုကို ပြီးခဲ့တဲ့ နှစ်တုန်းကလာရောက်ခဲ့တုန်းက ဗွီအိုအေ နဲ့ တွေ့ဆုံမေးမြန်းခမ်းမှာ ဦးခင်မောင်တိုးပြောသွားခဲ့တဲ့ သူ့ရဲ့အနုပညာ အပေါ်ယူဆချက်တစ်ချို့ကို အခုအမှတ်တရအနေနဲ့ ပြန်လည်ထုတ်လွှင့်ပေးလိုက်တာပါ။


Ref: ဗွီအိုအေ

Read More...

Collapse...

တရုတ်ခေါင်းဆောင်သစ် ရာထူး Xi Jinping ကို ပေးအပ်

15.11.2012

ဗဟိုစစ်ကော်မရှင်ရဲ့ ဥက္ကဌလည်းဖြစ်၊ တရုတ်ကွန်မြူနစ်ပါတီရဲ့ အထွေအထွေအတွင်းရေးမှူးအဖြစ် တရုတ်ခေါင်းဆောင်သစ် နေရာ ရာထူးကို Xi Jinping ကို ပေးအပ်လိုက်ပါပြီ။ ဒုသမ္မတ မစ္စတာ Xi ဟာ ရာထူးကနေ အနားယူတော့မယ့် သမ္မတ Hu Jintao ပြီးရင် ပါတီရဲ့ခေါင်းဆောင် ရာထူးကို ဆက်ခံမဲ့သူဖြစ်တယ်ဆိုတာကိုတော့ အချိန်အတော်ကြာကြာ ကတည်းက မျှော်လင့်ထားပြီး ဖြစ်ပါတယ်။ ပြီးခဲ့တဲ့ ဗုဒ္ဓဟူးနေ့ကတော့ ဘေဂျင်းမြို့တော်ရဲ့ ပြည်သူ့ ခန်းမထက်က ကော်ဇော်နီပေါ်မှာ မစ္စတာ Xi ဟာ တရုတ် ခေါင်းဆောင်သစ် ခြောက်ယောက်နဲ့အတူ လျောက်လှမ်းခဲ့ပါတယ်။

လာမယ့်မတ်လမှာ သမ္မတရာထူးကို လက်ခံယူမှာဖြစ်တဲ့ မစ္စတာ Xi ဟာ နိုင်ငံပိုင်ရုပ်မြင်သံကြားကနေ တိုင်းပြည်ကိုပြောတဲ့မိန့်ခွန်း မှာတော့ တရုတ်ခေါင်းဆောင်သစ်အနေနဲ့ အလွန်ကြီးမားတဲ့ တာဝန်ယူမှုတွေနဲ့ရင်ဆိုင်ရမှာဖြစ်ပေမယ့် ၁.၃ ဘီလျံသော တရုတ် ပြည်သူလူထုအတွက် ကောင်းမွန်တဲ့ လူနေမှုဘဝတွေအတွက် တိုက်ပွဲဝင်သွားမှာဖြစ်တယ်လို့ မိန့်ခွန်းပြောခဲ့ပါတယ်။

တော်လှန်ရေးခေါင်းဆောင်တဦးရဲ့သားဖြစ်သူ အသက်၅၉နှစ်အရွယ် ခေါင်းဆောင်သစ်ဟာ စိးပွားရေးဖွံ့ဖြိုးမှုနှေးကွေးနေတာတွေ နောက် ပြည်သူတွေ အမျက်ထွက်နေတဲ့ အစိုးရပိုင်းက အကျင့်ပျက်လာဘ်စားမှုတွေစတဲ့ စိန်ခေါ်မှုတွေနဲ့ရင်ဆိုင်နေရတဲ့ ကမ္ဘာ့ဒုတိယအကြီး မားဆုံး စီးပွားရေးလုပ်ငန်းတွေလုပ်ကိုင်ရာ တရုတ်နိုင်ငံကို ဦးဆောင်မှုပေးရတော့မှာဖြစ်ပါတယ်။


Ref: ဗွီအိုအေ

Read More...

Collapse...

Post titleBPရေနံကုမ္ပဏီ ဒေါ်လာ သန်း ၄ ထောင်ကျော် ဒဏ်ဆောင်ရမည်

15.11.2012

မက္ကဆီကို ပင်လယ်ကွေ့မှာ ရေနံယိုဖိတ်မှုတွေ နဲ့ လူကိုပါသေဆုံးစေတဲ့ ပေါက်ကွဲမှုဖြစ်ပွါးစေမှုနဲ့ ပါတ်သက်ပြီး ဗြိတိသျှ ရေနံ ကုမ္မဏီ BP မှာ အပြစ်ရှိကြောင်းနဲ့ ဒဏ်ကြေးငွေအဖြစ် ဒေါ်လာ သန်းပေါင်းလေးထောင်ငါးရာ (သန်း ၄၅၀၀) ပေးဆပ်ဖို့ ကိစ္စကို BP ရေနံကုမ္မဏီ က သဘောတူညီခဲ့ပါတယ်။

ဒီသဘောတူညီချက်အရ ရေနက်ဒေသ ပေါက်ကွဲမှုမှာ လုပ်သား ၁၁ဦးသေဆုံးစေခဲ့တာမို့ ဒီသေဆုံးမှု ၁၁မှုအတွက် အပြစ်ရှိကြောင်း BP ကုမ္မဏီ က ကြာသာပတေးနေ့မှာ ဝန်ခံခဲ့ပါတယ်။ ဒါ့အပြင် လွှတ်တော်ရဲ့ လုပ်ပိုင်ခွင့် အာဏာကို နှောက်ယှက်မှု အတွက် အပြစ်ရှိကြောင်းလည်း ဝန်ခံခဲ့ပြီး ဒဏ်ကြေးငွေအဖြစ်နဲ့ လုံခြုံရေးနဲ့ ငွေကြေးကော်မရှင်ကို ဒေါ်လာသန်းပေါင်း ၅၂၅သန်း ပေး ဆောင်ဖို့ သဘောတူခဲ့ပါတယ်။

၂၀၁၁ ခုနှစ် ဧပြီလ ၂၀ ရက်နေ့မှာ မက္ကဆီကို ပင်လယ်ကွေ့မှာရှိတဲ့ BP ရေနံတွင်း ပေါက်ကွဲမှုကြီးအပြီး ရေနံယိုစိမ့်မှုတွေ ဖြစ်ပွါးခဲ့တာဟာ ရေနံလုပ်ငန်းသမိုင်း တစ်လျှောက်မှာ အကြီးမားဆုံး ရေနံယိုစိမ့်မှု ဖြစ်ပါတယ်။

သုံးလတာ ကာလအတွင်း ရေနံစိမ်းစည်ပေါင်း ငါးသန်းလောက် ပင်လယ်ကွေ့ဒေသထဲကို ယိုစိမ့်ခဲ့တာပါ။ ဒီမတော်တဆဖြစ်ပွါးမှုကနေ အသက်တွေပါ ဆုံးရှုံးခဲ့ရပြီး ရေနံယိုစိမ့်မှုတွေ ဖြစ်ပွါးခဲ့ရတဲ့ အတွက် BP ရေနံကုမ္မဏီ အနေနဲ့ ဝမ်းနည်းကြေကွဲမှု ဖြစ်ရကြောင်း ကုမ္မဏီရဲ့ အမှုဆောင် ဥက္ကဌ Bob Dudley ကပြောကြားခဲ့ပါတယ်။


Ref: ဗွီအိုအေ

Read More...

Collapse...

အိုဘားမားခရီးစဉ် ကြိုတဲ့ မြန်မာ့မီဒီယာ

မဆုမွန်
15.11.2012

အမေရိကန်သမ္မတ ဘာရပ်အိုးဘားမား မြန်မာနိုင်ငံကို ရောက်လာမယ့် ရက် နီးကပ်လာတာနဲ့အမျ မြန်မာသတင်းမီဒီယာတွေမှာ အမေရိကန်သမ္မတခရီးစဉ်နဲ့ ပတ်သက်ပြီး ကျယ်ကျယ်ပြန့်ပြန့် ဖော်ပြလာသလို သမ္မတဆိုက်ရောက်လာမယ့် ရန်ကုန်မြို့မှာလည်း လုံခြုံရေးတင်းကျပ်မှုတွေ ရှိနေပါတယ်။ ဒီအကြောင်း ဆက်သွယ်စုံစမ်းထားတဲ့ မဆုမွန်က တင်ပြပေးထားပါတယ်။

အမေရိကန်သမ္မတ ဘရပ်အိုဘားမားဟာ မြန်မာနိုင်ငံကို ဒီရက်ပိုင်းအတွင်းမှာပဲ ရောက်ရှိလာတော့မှာဖြစ်ပါတယ်။ အခုလိုမျိုး အမေရိကန်ပြည်ထောင်စုရဲ့ ထိပ်တန်းခေါင်းဆောင်သမ္မတတဦးရဲ့ မြန်မာနိုင်ငံကို ရောက်ရှိလာမယ့် သမိုင်းဝင်ခရီးစဉ်နဲ့ ပတ်သက် ပြီးတော့ မြန်မာနိုင်ငံသတင်းမီဒီယာတွေမှာ လည်း ကျယ်ကျယ်ပြန့်ပြန့် ဖော်ပြနေပါတယ်။ ဒါပေမယ့် ပုဂိုလပိုင် သတင်းဂျာ နယ်တွေမှာပဲ ဝေဝေဆာဆာဖော်ပြနေပြီးတော့ အစိုးရပိုင် သတင်းမှာတော့ သိပ်ပြီး ကျယ်ကျယ်ပြန့်ပြန့် ပြောဆိုတာမရှိဘူးလို့ မြန်မာနိုင်ငံ သတင်းစာဆရာများအသင်း ဥက္ကဌ မောင်ဝံသက ဗွီအိုအေမြန်မာပိုင်းက ပြောပါတယ်။

“သတင်းကတော့ ပြည်တွင်းလို ပုဂ္ဂလိကမီဒီယာတွေကတော့ အကုန်လုံးက အသားပေးပြီးတော့ ထည့်ကြပါတယ်။ သေချာလေး လေးစားစားထည့်တယ်။ အသားပေးပြီးတော့ ထည့်ပါတယ်။ အစိုးရသတင်းစာမှာတော့ အခုအချိန်အထိ အကျယ်တဝင့်ကြီးတော့ မထည့်သေးဘူး။ အဲ့သလိုသိရတယ်။ ပုဂ္ဂလိကသတင်းစာတွေကတော့ သူတို့ရတဲ့ Sources တွေကတော့ နိုင်ငံခြားသတင်း တွေကရတာတွေ၊ အွန်လိုင်းမီဒီယာကတဆင့် ရတာတွေ၊ နောက် ဒေါ်အောင်ဆန်းစုကြည် ရဲ့ NLD Source က ရတာပေါ့လေ။”

သမ္မတအိုဘားမားရဲ့ခရီးစဉ်နဲ့ပတ်သက်ပြီး သူ့ရဲ့အမြင်ကိုလည်း သတင်းစာဆရာမောင်ဝံသက အခုလိုသုံးသပ်ပါတယ်။

“တကယ်တမ်းပြောမယ်ဆိုရင် မြန်မာနိုင်ငံကို အမေရိကန်က ထိပ်သီးတယောက်၊ နိုင်ငံအကြီးအကဲ တယောက် မလာတာ ဆိုရင် သိရသလောက်ဆိုရင် ရာစုနှစ် တဝက်လောက်ကို ရှိသွားပါပြီ။ ဒါကြောင့် အင်မတန်မှ ထူးခြားတဲ့ ခရီးစဉ်ဖြစ်တယ်။ သူလာတာ တရက်ပဲပြည့်ပြည့် မပြည့်ပြည့်ပေါ့။ မြန်မာနိုင်ငံကို အမေရိကန်သမ္မတကြီးတယောက်၊ အခုလောလောဆယ် ပူပူနွေးနွေး ဒုတိယ သက်တမ်းအတွက် အနိုင်ရထားတဲ့ သမ္မတရောက်လာတာဟာ တိုင်းပြည်အတွက်ရော၊ လက်ရှိအစိုးရအတွက်ရော၊ နောက် မြန်မာ နိုင်ငံမှာ ရှိတဲ့ ဒီမိုကရေစီလိုလားတဲ့ အင်အားစုတွေ၊ ဒီမိုကရေစီလိုလားတဲ့ ပြည်သူတွေ၊အတွက် အင်မတန်မှ တွန်းအားပေးတဲ့ အားဆေးကြီးတခုလိုပါပဲ။"

ရုပ်ရှင်သရုပ်ဆောင်လူမင်းကလည်း အခုလို အမေရိကန်သမ္မတဦး ရန်ကုန်ကို လာရောက်တာဟာ ပြုပြင်ပြောင်းလဲရေးကိုလိုလားတဲ့ မြန်မာပြည်သူတွေရဲ့ မျှော်လင့်ချက်ကို ပိုပြီးတော့ရလာစေမယ်လို့ ဆိုပါတယ်။

“ကျနော်တို့တိုင်းပြည်အတွက်၊ ကျနော်တို့ပြည်သူတွေအတွက်၊ ကမ္ဘာက ကျနော်တို့ပြည်သူတွေဘက်မှာရှိတယ်ဆိုတာ အခုလက်တ လော ပူပူနွေးနွေး ဒုတိယသက်တမ်းထမ်းဆောင်ခွင့်ရတဲ့ သမ္မတကြီးဟာ ကျနော်တို့ ပြည်သူတွေဆီကို လာတယ်ဆိုတာ ကျနော် တို့ပြည်သူတွေရဲ့ လိုလားချက်၊ ကျနော်တို့ပြည်သူတွေရဲ့ တောင်းဆိုချက်တွေ၊ နောက် လက်ရှိအစိုးရက နောက် ဘယ်တော့များ နောက်ကြောင်းပြန်လှည့်မလည်းဆိုတဲ့၊ စိုးရိမ်ပူပင်နေတဲ့ သံသယတွေကို ဖယ်ရှားပေးနိုင်မယ့်၊ ကျနော်တို့ပြည်သူဘက်က အားရှိစေမယ့်၊ ခရီးစဉ်တခုလို့ ကျနော်တို့ ဝမ်းသာအားရ သုံးသပ်မိပါတယ်။”

မြန်မာနိုင်ငံတွင်း ပြုပြင်ပြောင်းလဲရေးတွေကို လက်ရှိအစိုးရကနေ လုပ်ပေးနေတယ်ဆိုတဲ့အချိန်မှာပဲ အခြေခံပြည်သူတွေမှာ ပြောင်း လဲမှု တစုံတရာမရှိသေးတာကို အမေရိကန်သမ္မတတယောက်အနေနဲ့ ပြည်သူတွေရဲ့ အဓိကအခက်အခဲတွေကို နားလည်သင့်တယ်လို့ လယ်သိမ်းယာသိမ်းပြဿနာတွေနဲ့ လုပ်ခ လစာနစ်နာကြေးတွေအတွက် တောင်းဆိုဆန္ဒပြနေတဲ့ တောင်သူလယ်သမားရေးနဲ့ အလုပ်သမားရေးကူညီဆောင်ရွက်ပေးနေတဲ့ ဦးဝင်းချိုက ပြောပါတယ်။

“အမေရိကန်သမ္မတလာတာကို ကျနော်တို့မြန်မာနိုင်ငံရဲ့ ပကတိအခြေအနေမှန်တွေကိုလည်း သူသိစေချင်ပါတယ်။ ကျနော်တို့ ပြုပြင်ပြောင်းလဲဖို့ ကြိုးစားနေတယ်လို့ အစိုးရက ထပ်ခါတလဲလဲ ပြောနေသော်လည်းဘဲ အောက်ခြေအဆင့်မှာကတော့ အရင် လွန်ခဲ့တဲ့ နှစ်ပေါင်း ၃၀၊ ၄၀လောက်ကို ဖျက်ဆီးခံထားရတဲ့၊ ခေါက်ရိုးကျိုးနေတဲ့ အပြုအမူတွေဟာ ယနေ့အချိန်အထိ အောက် ခြေပြည်သူတွေကို နှိပ်စက်နေဆဲဘဲဆိုတဲ့ အကြောင်းအရာကို အမှန်အတိုင်း သိတော့ သိစေချင်ပါတယ်။”

အမေရိကန် သမ္မတရန်ကုန်ခရီးစဉ်အတွင်း ရန်ကုန်မြို့တွင်း လုံခြုံရေးနဲ့ ဟိုတယ်လုံခြုံရေးတွေကို တင်းတင်းကျပ်ကျပ် ချထား တယ်လို့လည်း ဟိုတယ်မှာ လက်ဆောင်ပစ္စည်း အရောင်းဆိုင်ဖွင့်လှစ်ထားတဲ့ ဦးဝင်းချိုကလည်း ဆိုပါတယ်။

အခုလက်ရှိ သမ္မတအိုဘားမားရဲ့ ရန်ကုန်ခရီးစဉ်အတွင်း အစိုးရအကြီးအကဲတွေ၊ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင် ဆန်းစုကြည်နဲ့ လူမှုအခြေပြု အဖွဲ့အစည်းတွေနဲ့ တွေ့ဆုံမှာဖြစ်ပြီး ရန်ကုန်မြို့မှာ မြန်မာပြည်သူတွေကို မိန့်ခွန်းပြောမှာဖြစ်တယ်လို့ သမ္မတအိမ်ဖြူတော်နဲ့ ရန်ကုန်အခြေစိုက် အမေရိကန်သံရုံးကနေ သတင်းတွေထုတ်ပြန်ထားပါတယ်။


Ref: ဗွီအိုအေ

Read More...

Collapse...

အိုဘားမားအတွက် ရန်ကုန်တက္ကသိုလ် ပြန်လည်မွမ်းမံ

စနေလင်း
November 15, 2012

လာမည့် နိုဝင်ဘာ ၁၉ ရက်တွင် လာရောက်မည့် အမေရိကန်သမ္မတ ဘားရက်အိုဘားမား မိန့်ခွန်းပြောမည်ဟု သတင်းပြေးနေသည့် ရန်ကုန်တက္ကသိုလ် ဘွဲနှင်းသဘင်၊ တက္ကသိုလ်ဝင်း အတွင်းရှိ အဓိပတိလမ်းမနှင့် စာသင်ဆောင်တချို့ကို ပြင်ဆင်မွမ်းမံခြင်းများ ပြုလုပ်နေပြီး လုံခြုံရေးလည်း တင်းကျပ်ထားသည်။

အဆိုပါ အခမ်းအနားသို့ ကန့်သတ်ထားသော ဧည့်သည် အရေအတွက်သာ ခွင့်ပြုသွားမည်ဖြစ်ကြောင်းလည်း သိရှိရသည်။

တက္ကသိုလ် အာဏာပိုင်များက နိုင်ငံခြားအရေးကြီး ပုဂ္ဂိုလ်တဦးလာရောက်မည် ဖြစ်သည့်အတွက် ဆရာဆရာမများ၊ တက္က သိုလ်ဝန်ထမ်းများ အနေဖြင့် ၀တ်စားဆင်ယင်မှုနှင့် အပြုအမူပိုင်း သတိပြုဆင်ခြင်ရန် ပြောဆိုကြောင်းလည်း သိရသည်။

ဘူမိဗေဒဌာနမှ ကထိကတစ်ဦးက“ ပါချုပ်ကြီး မနေ့ကပြောတာက လာ၏ မလာ၏ ကတော့ မသေချာဘူး။ ဒါပေမယ့် လာလာ၊ မလာလာ ဒီမှာက မြှင့်တင်ရ မယ့်အပိုင်းကို ပြောတာ။ အခုလာမယ့် အရေးကြီး နိုင်ငံခြားသားပုဂ္ဂိုလ်ဆိုတာ သမ္မတအိုဘားမားလို့ပဲ သဘောပေါက်လိုက်တယ် ” ဟု ဧရာဝတီသို့ ပြောဆိုပသည်။

ရန်ကုန်တက္ကသိုလ် ကျောင်းသားဟောင်းများနှင့် ဆရာဟောင်းများက သမ္မတအိုဘားမားသာ သမိုင်းဝင်ရန်ကုန်တက္ကသိုလ် လာ ရောက်ခဲ့မည် ဆိုလျှင် စစ်အစိုးရ အဆက်ဆက် လစ်လျူရှုခံရပြီး ပြင်ပနှင့် ဆက်သွယ်မှု ပြတ်တောက်နေသည့် မြန်မာပညာရေး အတွက် အကျိူးအမြတ် တစုံတရာ ဖြစ်ထွန်းလာမည်ဟု မျှော်လင့်နေကြသည်။

ရန်ကုန်တက္ကသိုလ် စာကြည်တိုက်မှူး တာဝန်ယူခဲ့သူ ဆရာကြီး ဦးသော်ကောင်းက“ လာမယ်ဆိုရင်တော့ အားတက်စရာပဲ၊ အထောက် အကူကောင်းတခုတော့ ရမှာလေ၊ ပညာသင်ခွင့်တွေရရင် ကောင်းတာပေါ့”ဟု ဆိုသည်။

ယခင်က ရန်ကုန်တက္ကသိုလ်သို့ ယူဂိုစလားဗီးယား သမ္မတ မာရှယ်တီးတိုး၊ အစ္စရေး ၀န်ကြီးချုပ် ဒေးဗစ် ဘင်ဂူရီးယန်တို့ ကဲ့သို့ ပုဂ္ဂိုလ်များ လာရောက်ဖူးသည့်အပြင် ဗီယက်နမ် သမ္မတ ဟိုချီမင်းအား ဂုဏ်ထူးဆောင် ဒေါက်တာဘွဲ့ပင် ချီးမြှင့်ဖူးသည့် အစဉ် အလာရှိကြောင်း၊ သမ္မတအိုဘားမားလာရောက်မည်ဆိုလျှင် ကြိုဆိုရမည်ဖြစ်သည်ဟု ဦးသော်ကောင်းကဆိုသည်။

အလားတူ စိတ်ပညာဌာန၌ လူမှုရေးပညာ ဒီပလိုမာသင်တန်းများကို ပို့ချပေးနေသည့် ပြင်ပပညာရှင် ဒေါက်တာ ဦးထိုက်အောင် ကလည်း “ဒီလိုမျိုး နိုင်ငံခေါင်းဆောင် လာလည်လိုက်တာ ပညာရေး အဆင့်အတန်းဟာ ဘယ်လောက် အရေးကြီးတယ် ဆိုတာကို ပြလိုက်တာပဲ” ဟုပြောသည်။

သမ္မတ အိုဘားမားလာရောက်ခြင်းကြောင့် ဦးသိန်းစိန်အစိုးရအနေဖြင့် ပညာရေးဘက်တွင် ပိုမိုအာရုံစိုက် လုပ်ကိုင်မည်ဟု နိုင်ငံရေး အသိုင်းအဝိုင်းကလည်း မျှော်လင့်နေကြသည်။

၈၈ မျိုးဆက်ကျောင်းသားခေါင်းဆောင်တဦးဖြစ်သည့် ကိုဂျင်မီကလည်း ရန်ကုန်တက္ကသိုလ် ကျောင်းသားသမဂ္ဂ အဆောက်အအုံ ပြန်လည် တည်ဆောက်ရေးနှင့် ရှင်သန်ဖွံ့ဖြိုးရေးအစီအစဉ်သည် သမ္မတအိုဘားမား လာရောက်မည်ဆိုပါက များစွာအကျိုးသက် ရောက်လာနိုင်သည်ဟု ဆိုသည်။

“ရန်ကုန်တက္ကသိုလ်ရဲ့သမိုင်းကို အပြည့်အ၀ ထောက်ခံပေးလိုက်တဲ့ သဘောပဲ။ ကြိုဆိုပါတယ်။ ဒါပေမယ့် အိုဘားမားအနေနဲ့ ကျောင်းသားသမဂ္ဂ ကိစ္စကို ပြောဆိုလိမ့်မယ်လို့တော့ မမျှော်လင့်ထားပါဘူး။ ဒီနေရာကို ရောက်လာပြီဆိုထဲကိုက သမိုင်းကြောင်းကို သူသိထားပြီးဖြစ်လိမ့်မယ်လို့တော့ ယုံကြည်ပါတယ်” ဟုကိုဂျင်မီက ပြောသည်။

ရန်ကုန်တက္ကသိုလ်ကို ၁၈၇၈ ခုနှစ် ဗြိတိသျှ ကိုလိုနီအစိုးရက အိန္ဒိယနိုင်ငံ ကာလကတ္တားတက္ကသိုလ်၏ ကျောင်းခွဲအဖြစ် ရန်ကုန် ကောလိပ်အဖြစ် စတင်ဖွင့် လှစ်ခဲ့ရာ ၁၉၂၀ ခုနှစ်တွင် တက္ကသိုလ်အဆင့်သို့ တိုးမြှင့်ခဲ့သည်။ မြန်မာကျောင်းသားများက ကိုလိုနီ ပညာရေးကို ၁၉၂၀ ခုနှင့် ၁၉၃၆ ခုနှစ်များတွင် သပိတ်မှောက်ဆန့်ကျင်ခဲ့ဖူးသည်။

သို့သော် ရန်ကုန်တက္ကသိုလ်သည် ကာလကတ္တားနှင့် ဘုံဘေတက္ကသိုလ်ပြီးလျှင် အရှေ့တောင်အာရှတွင် အကောင်းဆုံး တက္ကသိုလ်ဖြစ် ခဲ့ဖူးသည်။

၁၉၆၂ ခုနှစ် တော်လှန်ရေးကောင်စီ အစိုးရလက်ထက်တွင် ရန်ကုန်တက္ကသိုလ်၏ သမိုင်းဝင် ကျောင်းသားသမဂ္ဂ အဆောက် အဦကို ဖောက်ခွဲဖျက်ဆီးခဲ့ပြီး ပညာရေးစနစ်များကိုပါ ပြောင်းလဲပစ်ခဲ့ရာ နောက်ပိုင်းတွင် ပညာရေးမှာ တဖြည်းဖြည်းကျဆင်းခဲ့ရသည်။

၁၉၈၈ ခုနှစ် တက္ကသိုလ်ကျောင်းသားများမှ စတင်ခဲ့သော ဒီမိုကရေစီနှင့် လူ့အခွင့်အရေး တောင်းဆိုဆန္ဒပြပွဲများနှင့် ၎င်း၏ နောက် ဆက်တွဲ ၁၉၉၆ ခုနှစ် ကျောင်းသားဆန္ဒပြပွဲကြောင့် ကျောင်းသားများ လူမစုစေရန် ရည်ရွယ်၍ ရန်ကုန်မြို့ပြင်ရှိ တက္ကသိုလ်သစ် များသို့ ခွဲထုတ်ခဲ့သည်။ နောက်ပိုင်း ပညာရေးစနစ် အဆင့်အတန်းပါ တရှိန်ထိုး ကျဆင်းလာခဲ့သည်။

၁၉၉၆ ခုနှစ်နောက်ပိုင်းတွင် မဟာဘွဲ့နှင့် ပါရဂူဘွဲ့များကိုသာ လက်ခံသင်ကြားပေးပြီး ဒီပလိုမာသင်တန်းများကိုသာ ရန်ကုန် တက္ကသိုလ် ကျောင်းဝင်း အတွင်း ဖွင့်လှစ်သင်ကြားတော့သည်။

ရန်ကုန်တက္ကသိုလ်သည် မြန်မာ့ နိုင်ငံရေးနှင့် လူမှုရေးခေါင်းဆောင်များစွာကို မွေးထုတ်ပေးခဲ့ရာ သခင်ဘသောင်း၊ သခင်အောင် ဆန်း၊ ဗိုလ်လကျာ်၊ သခင်နု၊ ဦးကျော်ငြိမ်း၊ ဦးဗဆွေ၊ ကိုဗဟိန်း၊ မစ္စတာရာရှစ်၊ သိန်းဖေမြင့် စသည့် နိုင်ငံရေး ခေါင်းဆောင်များ အပြင် ဒေါက်တာလှမြင့်၊ ဒေါက်တာထင်အောင်၊ ဒေါက်တာ သန်းထွန်း၊ မင်းသုဝဏ်၊ ဇော်ဂျီ၊ မောင်ထင်၊ ဒဂုန်တာရာစသည့် ပညာရှင်များ ကိုလည်း မွေးထုတ်ပေးခဲ့သည်။

ဧရာဝတီ သတင်းထောက် ရန်ပိုင် ပါဝင်ရေးသားသည်။

Ref: ဧရာဝတီ

Read More...

Collapse...

အလွဲသုံးစား ပြည်သူ့ဘဏ္ဍာများ ပြန်မပေးလျှင် ၀န်ကြီးဌာနများ တရားစွဲခံရမည်

သာလွန်ဇောင်းထက်
November 15, 2012

အစိုးရ၀န်ကြီးဌာန ၁၅ ခုက ယမန်နှစ်ဘဏ္ဍာနှစ်အတွင်း အလွဲသုံးစား ထားသောပြုလုပ်ထား ပြည်သူ့ဘဏ္ဍာ များကို နိုင်ငံတော်သို့ ပြန်လည်ပေးသွင်းခြင်း မရှိပါက ၀န်ကြီးဌာနများကို တရားစွဲဆိုသွားမည် ဖြစ်ကြောင်း ပြည်ထောင်စု စာရင်းစစ်ချုပ် ဦးသိန်းထိုက်က ပြောဆိုလိုက်သည်။

ယမန်နေ့ ပြည်ထောင်စုလွှတ်တော်သို့ တင်သွင်းသော ပြည်ထောင်စုအစိုးရဌာနအဖွဲ့အစည်းများ၏ ၂၀၁၁-၂၀၁၂ ဘဏ္ဍာရေးနှစ် ဘဏ္ဍာငွေအရအသုံးဆိုင်ရာ စစ်ဆေးတွေ့ရှိခြင်းနှင့်စပ်လျဉ်းသော အရေးကြီးအစီရင်ခံစာတွင် ပြည်ထောင်စုစာရင်းစစ်ချုပ်ဦးသိန်း ထိုက်က အထက်ပါအတိုင်းပြောဆိုလိုက်ခြင်း ဖြစ်ကြောင်း လွှတ်တော်ကိုယ်စားလှယ်များထံမှ သိရှိရသည်။

၂၀၁၁-၂၀၁၂ ဘဏ္ဍာရေးနှစ်အတွင်း အစိုးရ၀န်ကြီးဌာန ၁၅ ခုက အလွဲသုံးစားမှု ၄၇ ခုကျူးလွန်ခဲ့ပြီး နိုင်ငံတော်ဘဏ္ဍာငွေ ကျပ်ငွေ ၅၈ ဘီလီယံကျော် (ကျပ်သန်းပေါင်း ၅၈၃၉၈ ဒသမ ၈၁၀) နှင့် အမေရိကန်ဒေါ်လာ ၂၃၂၉၇၇ ဒသမ ၃၁၀ ကို အလွဲသုံးစားပြု လုပ်ထားသည်ကို စစ်ဆေးတွေ့ရှိခဲ့ရကြောင်း၊ အလွဲသုံးစားပြုလုပ်ထားသည့်ငွေများအနက်မှ ကျပ်ငွေ ၁၇ ဘီလီယံကျော် (ကျပ်သန်း ပေါင်း ၁၇၄၂၆ ဒဿမ ၇၇၂ သန်း) နှင့် အမေရိကန်ဒေါ်လာ ၁၆၂၃၂၂ ဒသမ ၂၉၀ ကိုနိုင်ငံတော်က ပြန်လည်သိမ်းဆည်း နိုင်ခဲ့ပြီး အစိုးရ၀န်ကြီးဌာနများက ကျပ်ငွေ ၄၀ ဘီလီယံကျော်(ကျပ်သန်းပေါင်း ၄၀၉၇၂ ဒသမ ၀၃၈) နှင့် အမေရိကန်ဒေါ်လာ ၇၀၆၅၅ ဒသမ ၀၂၀ ပြန်လည်ပေးအပ်ရန် ကျန်ရှိနေဆဲဖြစ်ကြောင်း သရှိရသည်။

အစိုးရ၀န်ကြီးဌာန ၁၅ ခုအနေဖြင့် အလွဲသုံးစားထားသော ငွေကြေးများကို ၂၀၁၃ ခုနှစ် မတ်လ ၁၃ ရက်မတိုင်မီ ပြန်လည် ပေးသွင်းခြင်းမပြုပါက ပြည်ထောင်စုစာရင်းချုပ်ရုံးက တရားစွဲဆိုမှုများပြုလုပ်မည့်အပြင် ဒဏ်ကြေးပါ သတ်မှတ်မည်ဖြစ်ကြောင်း၊ ပြည်ထောင်စုစာရင်းစစ်ချုပ်၏ အစီရင်ခံစာမှာ သမ္မတဦးသိန်းစိန် လက်မှတ်ရေးထိုးထားသဖြင့် သမ္မတ၏သဘောတူညီချက်ဖြင့် တင်သွင်းခြင်းဖြစ်ကြောင်း သိရှိရသည်။

“၀န်ကြီးဌာန ၁၅ ခုက အလွဲသုံးစားလုပ်ထားတဲ့ငွေတွေကို ၂၀၁၃ ၊ မတ်လ ၁၃ ရက်မတိုင်မီ နိုင်ငံတော်ကို ပြန်ပေးရမယ်။ မပေးရင်တော့ ၀န်ကြီးဌာနတွေအနေနဲ့ ဒဏ်ကြေးဆောင်ရမယ်၊ တရားစွဲဆိုခံရမယ်။ ဒါပေမဲ့ ဘယ်လိုဒဏ်ကြေးတပ်မလဲ၊ ဘယ် လိုတရားစွဲမှာလဲ အဲဒါတွေကိုတော့ ရှင်းရှင်းလင်းအစီရင်ခံစာမှာ ပြမထားဘူး”ဟု လသာမြို့နယ်ပြည်သူ့လွှတ်တော် ကိုယ်စား လှယ်ဦးကြည့်မြင့်က ဧရာဝတီသို့ပြောသည်။

ပြည်သူ့ဘဏ္ဍာများကို အလွဲသုံးစားပြုကြသည့် ၀န်ကြီးဌာန ၁၅ ခုတွင် လျှပ်စစ်စွမ်းအားဝန်ကြီးဌာနက ၄ ခု၊ ကျန်းမာရေး ၀န်ကြီး ဌာနက ၆ ခု၊ သိပ္ပံနှင့်နည်းပညာဝန်ကြီးဌာနက ၁ခု၊ မွေးမြူရေးနှင့်ရေလုပ်ငန်းဝန်ကြီးဌာနက ၂ ခု၊ ပြန်ကြားရေးဝန်ကြီးဌာနက ၄ ခု၊ စက်မှုဝန်ကြီးဌာနက ၅ ခု၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ၃ ခု၊ သစ်တောဝန်ကြီးဌာနက ၃ ခု၊ သမ၀ါယမ ၀န်ကြီးဌာနက ၂ ခု၊ လယ်/ဆည်ဝန်ကြီးဌာနက ၅ ခု၊ ပညာရေးဝန်ကြီးဌာနက ၁ ခု၊ ဘဏ္ဍာ/အခွန်ဝန်ကြီးဌာနက ၃ ခု၊ ဟို တယ်/ခရီးဝန်ကြီးဌာနက ၂ ခု၊ မီးရထားဝန်ကြီးဌာနက ၄ ခု၊ ဆက်သွယ်ရေးဝန်ကြီးဌာနက ၄ ခု ကျူးလွန်ခဲ့ကြောင်း အစီရင်ခံစာ တွင်ဖော်ပြထားသည်။

နိုင်ငံတော်အနေဖြင့် ယမန်နှစ်ဘဏ္ဍာနှစ်အတွင်း ပုဂ္ဂလိက လုပ်ငန်းရှင်များထံမှ ကျပ်ငွေ ၄၀ ဘီလီယံကျော် (ကျပ်သန်းပေါင်း ၄၀၈၂၈ ဒသမ ၁၂၂) ရရှိမှုမရှိသေးဘဲ ပုဂ္ဂလိကလုပ်ငန်းရှင်များအနေဖြင့်လည်း အချိန်မီ ငွေပေးသွင်းခြင်းမပြုလျှင် အရေးယူ မှုများခံရမည်ဟု သိရှိရသည်။

အစိုးရ၀န်ကြီးဌာနများ၏ အလွဲသုံးစားမှုနှင့်ပတ်သက်ပြီး အစိုးရ၀န်ထမ်းအချို့ကို သတိပေးခြင်း၊ အရေးယူမှုပြုလုပ် ခြင်းများပြု လုပ်သည်ဟု အစီရင်ခံစာတွင် ဖော်ပြထားသော်လည်း အသေးစိတ်အချက်အလက်များဖော်ပြခြင်းမပြုဟု သိရှိရသည်။

ပြည်ထောင်စုစာရင်းစစ်ချုပ်က သမ္မတ၏ အမိန့်ဖြင့် ပြည်ထောင်စုလွှတ်တော်သို့ အစိုးရ၀န်ကြီးဌာနများ၏ အလွဲသုံးစားမှုကို တင်ပြခြင်းအပေါ် အပြုသဘောဆောင်သော လုပ်ရပ်အဖြစ် လွှတ်တော်ကိုယ်စားလှယ်အချို့က ကြိုဆိုကြသော်လည်း ယနေ့ထုတ် အစိုးရသတင်းစာများတွင် ယင်းအစီရင်ခံစာအသေးစိတ်ကို ဖော်ပြခြင်းမပြုခြင်းမှုအပေါ် စိတ်ပျက်မှုရှိကြောင်း ပြောဆိုကြသည်။

“ထင်သာမြင်သာရှိသင့်တယ်။ လွှတ်တော်ကိုတောင်တင်ပြထားတာပဲ ပြည်သူတွေဆီကိုလည်း သိသင့်အောင် အစိုးရသတင်းစာတွေ ကနေ ဖော်ပြသင့်တယ်”ဟု အမျိုးသားလွှတ်တော်ကိုယ်စားလှယ်ဦးဖုန်းမြင့်အောင်က ဧရာဝတီသို့ ပြောသည်။

ပြည်ထောင်စုစာရင်းစစ်ချုပ်၏ အစီရင်ခံစာတွင် ကာကွယ်ရေးဝန်ကြီးဌာန၏ အသုံးစရိတ်နှင့် တပ်မတော်၏ အသုံးစရိတ်များ နှင့်ပတ်သက်ပြီး တစုံတရာ ဖော်ပြခြင်းမရှိကြောင်း သိရှိရသည်။

Ref: ဧရာဝတီ

Read More...

Collapse...

အမေရိကန် သမ္မတ၏ မြန်မာ ခရီးစဉ်သည် မဟာဗျူဟာ နိုင်ငံရေး

November 15, 2012

နိုဝင်ဘာ ၁၉ ရက်တွင် မြန်မာနိုင်ငံသို့ ပထမဆုံးအကြိမ် လာရောက်မည့် အမေရိကန်သမ္မတ ဘားရက်ဟူစိန်အိုဘားမား၏ သမိုင်းဝင် ခရီးကို မြန်မာအစိုးရနှင့် ပြည်သူလူထုကသာမက ဒေသတွင်းကပါ အရေးပါသော ခရီးစဉ်တရပ်ဟု ရှုမြင်သုံးသပ်နေကြသည်။

ပြန်လည် ရွေးကောက် တင်မြှောက် ခံခဲ့ရသော သမ္မတ အိုဘားမား၏ အမေရိကန် ပြည်ထောင်စု အစိုးရသည် စက်တင်ဘာလ အတွင်း အမေရိကားသို့ မြန်မာသမ္မတ ဦးသိန်းစိန်နှင့် ဒီမိုကရေစီ ခေါင်းဆောင် ဒေါ်အောင်ဆန်း စုကြည်တို့ လာရောက် လည် ပတ်ခဲ့စဉ် ကလည်း မြန်မာ့နိုင်ငံရေးနှင့် စီးပွားရေး ပြုပြင်ပြောင်းလဲမှုများ အတွက် ချီးကျူးဂုဏ်ပြုခဲ့ပြီး ဆယ်စုနှစ်ကြာ ဒဏ်ခတ် ပိတ်ဆို့မှုများကို ရုတ်သိမ်းပေးခဲ့သည်။

ယခု အိုဘားမား၏ ခရီးစဉ်သည် ၂၀၁၁ ခုနှစ် ဒီဇင်ဘာလတွင် အမေရိကန် နိုင်ငံခြားရေးဝန်ကြီး ဟီလာရီကလင်တန် နေပြည်တော် သို့ လာရောက်ပြီး လမ်းခင်းသွားခဲ့သော နှစ်နိုင်ငံ ပုံမှန် သံတမာန်ဆက်ဆံရေးကို အပြီးသတ် အတည်ပြုပေးလိုက်ခြင်း ဖြစ်သည်။ မြန်မာပြည်က လိုအပ်နေသော ငွေကြေးနှင့် နည်းပညာများ နိုင်ငံတကာအနေဖြင့် အခိုင်အမာ ထောက်ပံ့ကူညီရန် လမ်းပွင့်သွား ခြင်းလည်း ဖြစ်သည်။

သို့ရာတွင် အာရှဒေသတွင်း တရှိန်ထိုး ဩဇာ ကြီးထွားလာနေသည့် တရုတ်နိုင်ငံကို ဟန်ချက် ထိန်းညှိရန် ရည်ရွယ်သည့် အမေရိ ကန်၏ နိုင်ငံခြားရေး မူဝါဒ အကျိုးအမြတ်ကို ရှေ့တန်းတင်၍ သမ္မတ အိုဘားမား မြန်မာပြည်လာရေး ဆုံးဖြတ်ခဲ့ပုံပေါ်သည်ဟု ဝေဖန်မှုများလည်း ရှိနေသည်။ အမှန်တကယ်လည်း အိုဘားမား၏ အမေရိကန် နိုင်ငံခြားရေး မူဝါဒ အပြောင်းအရွှေ့တွင် အာရှ- ပစိဖိတ်ဒေသသည် ပထဝီနိုင်ငံရေး၊ စီးပွားကူးသန်းရေး တို့အတွက် မဟာဗျူဟာအရ အခရာကျလာပြီး သမ္မတ၏ ဒုတိယ ၄ နှစ် သက်တမ်းအတွင်း အရှိန်မြှင့် ဆောင်ရွက်မည်ကို ယခုအပတ်အတွင်း ဒေသတွင်း စစ်ရေး မဟာမိတ်နိုင်ငံများဖြစ်သော ဂျပန်၊ တောင်ကိုရီးယား၊ ဩစတြေးလျ၊ ဖိလစ်ပိုင်၊ စင်ကာပူနှင့် ထိုင်းနိုင်ငံများသို့ အမေရိကန် ကာကွယ်ရေးဝန်ကြီး လီယွန်ပနက်တာ ခရီးလှည့်နေခြင်းက သက်သေခံနေသည်။

ကာကွယ်ရေးဝန်ကြီး၏ ခရီးစဉ်များပြီးဆုံးသည်နှင့် တပြိုင်နက်တည်း ကမ်ဘောဒီးယားတွင် ကျင်းပမည့် အရှေ့အာရှ ထိပ်သီး ဆွေးနွေးပွဲ တက်ရန်နှင့် ကမ္ဘာလုံးဆိုင်ရာစနစ်နှင့် ပြန်လည်ချိတ်ဆက်ရန် ကြိုးပမ်းနေသော မြန်မာကို သွားရောက် အားပေးရန် သမ္မတ အိုဘားမားနှင့် နိုင်ငံခြားရေးဝန်ကြီး ဟီလာရီကလင်တန်တို့ ထိုင်းနိုင်ငံသို့ ရောက်ရှိလာမည်ဖြစ်သည်။ တောင်တရုတ်ပင်လယ် တင်းမာမှုတွင် ပါဝင်နေသော ဗီယက်နမ်နိုင်ငံ၏ ဖိတ်ကြားချက်ကို ရွှေ့ဆိုင်းပြီး မြန်မာပြည်သို့ လာရန်သာ ရွေးချယ်ခဲ့ခြင်းကမူ ဒေသတွင်း သံတမာန်ရေး ပို တင်းမာနိုင်ဖွယ် အန္တရာယ်ကို ရှောင်လို၍ ဖြစ်မည်။

ယင်းတွက်ချက်ယူဆချက် မှန်သည်။ မြန်မာနှင့် အဓိက နယ်မြေချင်းထိစပ်နေသည့် တရုတ်နိုင်ငံ ယူနန်ပြည်နယ် ကွန်မြူနစ်ပါတီ ၏ ဒုတိယ အကြီးဆုံး တာဝန်ယူထားသူ မစ္စတာ ချင်ဂွမ်ဇောင်းက အိုဘားမား၏ မြန်မာနိုင်ငံခရီးစဉ်သည် တရုတ်နိုင်ငံ၏ အကျိုးစီးပွား ကို မထိခိုက်ကြောင်း ဘေဂျင်းတွင် ကျင်းပနေသော တရုတ် ကွန်မြူနစ် ပါတီကွန်ဂရက် ပြင်ပ ဆွေးနွေးပွဲ၌ သတင်းထောက်များကို သဘောထား မှတ်ချက်ပေးခဲ့သည်။

သို့သော် အမေရိကန်တို့အနေဖြင့် မြန်မာကို လုပ်ဖော်ကိုင်ဘက် ဖြစ်လာနိုင်သည့် အလားအလာရှိသော နိုင်ငံဟု ရှုမြင်နေပြီး ထိုင်းနိုင်ငံတွင် ရှေ့နှစ် ပြုလုပ်ရန်ရှိသည့် အမေရိကန်- ထိုင်း Cobra-Gold ပူးတွဲ စစ်ရေး လေ့ကျင့်မှုတွင် လေ့လာသူအဖြစ် မြန်မာ့တပ်မတော် ကိုယ်စားလှယ်များ ပထမဆုံး အကြိမ် ပါဝင်ခွင့်ပြုထားပြီဖြစ်သည်။

လူ့အခွင့်အရေး တက်ကြွလှုပ်ရှားသူများနှင့် ပြည်ပရောက် မြန်မာ့အရေး လှုပ်ရှားသူများကမူ ကချင်ပြည်နယ် စစ်ပွဲများနှင့် လူ အခွင့်အရေး ချိုးဖောက်မှု၊ ရခိုင်ပြည်နယ် ပဋိပက္ခနှင့် မတည်ငြိမ်မှု၊ နိုင်ငံရေးအကျဉ်းသား ၃၀၀ ကျော် မလွတ်မြောက်သေးဘဲ ကျန်ရှိနေမှု၊ ဒုက္ခသည်များအရေး စသည့် အဖက်ဖက်မှ လိုအပ်နေသည့် အခြေအနေများကို ထောက်ပြဝေဖန်ပြီး သမ္မတ အိုဘားမား၏ ခရီးစဉ်မှာ အချိန်စောလွန်းသေးကြောင်း ဝေဖန်နေကြသည်။

သို့ရာတွင် မြန်မာနိုင်ငံအနေဖြင့် ရှေ့ဆက်လုပ်ဆောင်ရန် ကျန်ရှိနေသည့် လူ့အခွင့်အရေး၊ အမျိုးသားရင်ကြားစေ့ရေး၊ တရားဥပဒေ စိုးမိုးရေးနှင့် ပြည်တွင်းငြိမ်းချမ်းရေး ကိစ္စရပ်များအပါအဝင် ဒီမိုကရေစီတည်ဆောက်ရေးလုပ်ငန်းစဉ်ကို မြန်မာ့သမိုင်းဝင် ရန်ကုန် တက္ကသိုလ် ဘွဲ့နှင်းသဘင် ခန်းမစင်မြင့်ထက် နိုင်ငံရေး၊ စီးပွားရေးနှင့် လူမှုရေး ကိုယ်စားလှယ်များ ရှေ့မှောက် အားပေးတိုက် တွန်းပြောကြားရင်း အမေရိကန်တို့၏ ထောက်ခံမှုကို ကတိပေး ပြောဆိုမည်ဟု ယုံကြည်ရသည်။

အချုပ်အားဖြင့်ဆိုရလျှင် အမေရိကန် သမ္မတ၏ မြန်မာခရီးစဉ်သည် ဒေသတွင်း နိုင်ငံရေးတွင် အမေရိကန်တို့၏ ဩဇာဖြန့် ကျက် နိုင်ရေး သာမက မြန်မာနိုင်ငံ၏ ပြည်တွင်းအပြောင်းအလဲကို ကမ္ဘာ့အင်အားအကြီးဆုံး နိုင်ငံမှ အားပေးကူညီရန် အခိုင်အမာ ပြသမည့် မဟာဗျူဟာမြောက် ခြေလှမ်းတရပ်ပင် ဖြစ်တော့သည်။

Ref: ဧရာဝတီ

Read More...

Collapse...

အိန္ဒိယကို စိတ်ပျက်မိခဲ့ကြောင်း ဒေါ်အောင်ဆန်းစုကြည် ပြော

ဇာနည်မာန်
November 15, 2012

မြန်မာ့ဒီမိုကရေစီရေးအတွက် အလိုအပ်ဆုံးအချိန်တွင် အားပေးမှု နောက်ပြန်လှည့်သွားသော အိန္ဒိယနုိုင်ငံအား စိတ်ပျက်ခဲ့မိကြောင်း အိန္ဒိယနိုင်ငံသို့ ရောက်ရှိနေသည့် အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က ပြောလိုက်သည်။

နယူးဒေလီမြို့ ဗီဂ်ရန်ဘာဝန်ရှိ ပလန်နရီ ခန်းမတွင် ယမန်နေ့ညက ကျင်းပသည့် ဂျဝါဟာလာနေရူး မွေးနေ့အထိမ်းအမှတ် ဟောပြော ပွဲတွင် ဗိုလ်ချုပ်အောင်ဆန်းနှင့် နေရူးတို့ ရှိစဉ်ကတည်းက ဖြစ်တည်ခဲ့သည့် နှစ်နိုင်ငံ ရင်းနှီးချစ်ကြည်မှုအကြောင်းကို ပြောဆိုစဉ် ယခုလို ပြောဆိုခဲ့ခြင်းဖြစ်သည်။

“ကျမတို့ အခက်အခဲတွေ ရင်ဆိုင်နေရတဲ့အချိန်မှာ အိန္ဒိယက အဝေးကို ထွက်သွားခဲ့တယ်။ ဒါကိုတွေ့ရတော့ ကျမ တော်တော် စိတ်ထိခိုက်ခဲ့ရတယ်။ စိတ်ပျက်ခဲ့ရတယ်။ ဒါပေမယ့် ကျမတို့ နှစ်နိုင်ငံက ချစ်ကြည်ရင်းနှီးမှုဟာ လူထုကိုအခြေပြုပြီး ရေရှည်တည်မြဲမှု ရှိနေမယ်ဆိုတာ ကျမအမြဲယုံကြည်ထားပါတယ်” ဟု သူက ဆိုသည်။

အိန္ဒိယနိုင်ငံသည် စစ်အုပ်ချုပ်ရေးကို ကန့်ကွက်ဆန့်ကျင်သည့် ၁၉၈၈ လူထုလှုပ်ရှားမှုများအတွင်းတွင် မြန်မာ့ဒီမိုကရေစီရေးအတွက် အားပေးကူညီမှုများ ပြုခဲ့သလို အိန္ဒိယခေါင်းဆောင်တဦးဖြစ်သူ မဟတ္တမ ဂန္ဒီ၏ အကြမ်းမဖက်မူဝါဒနှင့် မြန်မာ့အရေး လုပ်ဆောင် သည့် ဒေါ်အောင်ဆန်းစုကြည်ကိုလည်း ထောက်ခံအားပေးခဲ့သည်။

၁၉၉၀ ခုနှစ်နောက်ပိုင်းတွင်မူ အိန္ဒိယ-မြန်မာနယ်စပ်ရှိ အိန္ဒိယခွဲထွက်ရေး သူပုန်များကို ပူးပေါင်းတိုက်ထုတ်ရေးအတွက် စစ်အစိုးရ နှင့် ပူးပေါင်းခဲ့ရာ မြန်မာ့အရေးတွင် ထောက်ခံအားပေးမှု လျော့ကျသွားခဲ့သည်။

၁၉၉၂ ခုနှစ်တွင် ဒေါ်အောင်ဆန်းစုကြည်ကို ဂျဝါဟာလာနေရူးဆု ချီးမြှင့်လိုက်ရာ နှစ်နိုင်ငံ အစိုးရချင်း ဆက်ဆံရေးမှာ အတန်ငယ် ရပ်တန့်သွားခဲ့သည်။

သို့သော်လည်း အိန္ဒိယက အရှေ့မျှော်ဝါဒကို ကျင့်သုံးလာသည့်နောက်ပိုင်းတွင် နှစ်နိုင်ငံအစိုးရချင်း စီးပွားရေး၊ နိုင်ငံရေး၊ စစ်ရေး ဆက်ဆံမှုများ ပိုမိုမြင့်တက်လာပြီး မြန်မာ့ဒီမိုကရေစီရေး လှုပ်ရှားမှုများတွင် အိန္ဒိယက ရေငုံနှုတ်ပိတ်နေခဲ့သည်။

ယခုလက်ရှိ မြန်မာ့နိုင်ငံရေး အပြောင်းအလဲနှင့် ပတ်သက်၍လည်း ဒေါ်အောင်ဆန်းစုကြည်က သူ၏ မိန့်ခွန်းတွင် ထည့်သွင်း ပြောဆိုခဲ့သည်။

“ကျမတို့နိုင်ငံဟာ ဒီမိုကရေစီ ပန်းတိုင်ကို မရောက်သေးပါဘူး။ ပန်းတိုင်ကိုရောက်ဖို့ ကျမတို့ ကြိုးစားနေကြတုန်းပါပဲ” ဟု သူမက ဆိုသည်။

မြန်မာနိုင်ငံအနေဖြင့် ဒီမိုကရေစီလမ်းကြောင်းသို့ သွားရာတွင် အိန္ဒိယပြည်သူများအနေဖြင့် မြန်မာပြည်သူများဖက်မှ ရပ်တည်ပေး မည်ဟု မျှော်လင့်ကြောင်းကိုလည်း ပြောဆိုခဲ့သည်။

“ကျမတို့ ရှေ့ဆက်တိုးဖို့ ကြိုးစားကြရင်း အခက်အခဲတွေ ကြုံတဲ့အခါ အိန္ဒိယပြည်သူတွေအနေနဲ့ ကျမတို့နဲ့အတူ ရပ်တည်ပေးမယ်၊ ကျမတို့ရဲ့ဘေးမှာ နှစ်တွေအများကြီး အတူတူ ရှိနေမယ်လို့ မျှော်လင့်ပါတယ်” လို့ ဒေါ်အောင်ဆန်းစုကြည်က ပြောသည်။

ထို့အပြင် နိုင်ငံနှစ်နိုင်ငံ ရင်းနှီးဆက်ဆံမှုတွင် အစိုးရချင်း ပေါင်းသင်းဆက်ဆံသည်ထက် ပြည်သူအချင်းချင်း ပေါင်းသင်းဆက်ဆံသည့် ရင်းနှီးမှုက ပိုမိုတည်တံ့ခိုင်မြဲကြောင်း၊ ထိုသို့သော ရင်းနှင်းချစ်ကြည်မှုသာ ဖြစ်သင့်ကြောင်း၊ သူမအနေဖြင့် အနာဂတ်တွင် အိန္ဒိယနှင့် မြန်မာ ပြည်သူအချင်းချင်း ရင်းနှီးခင်မင်မှုကို လိုလားကြောင်း ပြောဆိုခဲ့သည်။

“အစိုးရဆိုတာက လာလိုက်သွားလိုက်နဲ့ ပြောင်းနေတာ။ ဒါဟာ ဒီမိုကရေစီ စနစ်ကျတာကြောင့်ပေါ့နော်။ ဒါပေမယ့် ပြည်သူလူထု ဆိုတာက အမြဲတမ်း ဒီတိုင်းပဲ မပြောင်းမလဲ ရှိနေတာပါ” ဟု ဒေါ်အောင်ဆန်းစုကြည်က ပြောသည်။

ဗိုလ်ချုပ်အောင်ဆန်းနှင့် ဂျဝါဟာလာနေရူးတို့ လက်ထက်ကတည်းက ချစ်ကြည်ရင်းနှီးခဲ့သည့် အိန္ဒိယ-မြန်မာ နှစ်နိုင်ငံဆက်ဆံ ရေးသည် နှစ်ပေါင်းများစွာ တည်တံ့ခိုင်မြဲမည်ဟု ယုံကြည်ကြောင်း သူကဆိုသည်။

သူမအနေဖြင့် ဂျဝါဟာလာနေရူး၏ စာများ၊ ကဗျာများဖြင့် သူမနေအိမ်အကျယ်ချုပ်ကျစဉ်အချိန်တွင် အားယူခဲ့ကြောင်း၊ သူမ၏ နိုင်ငံရေး ဖြတ်သန်းမှုတွင် ဂျဝါဟာလာနေရူး၏ အဆိုအမိန့်များ၊ မဟတ္တမဂန္ဒီ၏ အကြမ်းမဖက်ရေးမူဝါဒများက အထောက်အပံ့များစွာ ပေးခဲ့သည်ဟုဆိုသည်။

နိုင်ငံရပ်ခြား ခရီးထွက်မည့်အချိန် အနောက်တိုင်း ကုတ်အင်္ကျီမရှိသည့် သူမ၏ ဖခင် ဗိုလ်ချုပ်အောင်ဆန်းကို ဂျဝါဟာလာနေရူးက သူ့ထံရှိသော ဆုိုဒ်အငယ်ဆုံး ကုတ်အင်္ကျီကို လက်ဆောင်ပေးခဲ့ကြောင်း၊ သို့သော်လည်း ဗိုလ်ချုပ်အောင်ဆန်းဝတ်သည့်အခါ ဆိုဒ်အလွန်ကြီးမားနေပြီး ရယ်စရာဖြစ်ခဲ့ကြောင်း၊ အဆိုပါ အင်္ကျီမှာ ယခုမြင်တွေ့နေရသော ဗိုလ်ချုပ်၏ ဓာတ်ပုံများမှ အင်္ကျီပင် ဖြစ်ကြောင်းကိုလည်း ရယ်မောစရာအဖြစ် ပြောဆိုခဲ့သေးသည်။

ဒေါ်အောင်ဆန်းစုကြည်သည် ယနေ့တွင် အိန္ဒိယ ဒုသမတနှင့် တွေ့ဆုံမည်ဖြစ်ပြီး အိန္ဒိယလွှတ်တော်ကိုလည်း သွားရောက်လေ့လာ မည်ဖြစ်ကာ အိန္ဒိယအောက်လွှတ်တော် ဥက္ကဌ နှင့်လည်း တွေ့ဆုံရန်ရှိသည်။

Ref: ဧရာဝတီ

Read More...

Collapse...

အဆိုတော် ခင်မောင်တိုး ကွယ်လွန်

ရန်ပိုင်
November 15, 2012

ခေတ်ပေါ်မြန်မာ သီချင်းလောကတွင် ကိုယ်ပိုင်သံစဉ် တခေတ်ဆန်းစေခဲ့သည့် မဇ္စျိမလှိုင်းတေးဂီတ၏ ပင်တိုင် အဆိုတော် ခင်မောင်တိုး အသက် ၆၂ နှစ်သည် စင်ကာပူနိုင်ငံ ဒေသစံတော်ချိန် ယနေ့နံနက် ၈နာရီ ၁၈မိနစ် တွင် အသည်းရောဂါဖြင့် ကွယ်လွန် သွားပြီဖြစ်သည်။

ကိုတိုးကြီးဟု ပရိသတ်က ချစ်ခင်စွာ ခေါ်သည့် အဆိုတော် ခင်မောင်တိုးသည် ပြီးခဲ့သည့် စက်တင်ဘာလဆန်းကတည်းက စင်ကာပူ နိုင်ငံသို့ သွားရောက်ကာ ဆေးကုသခံနေရခြင်းဖြစ်သည်။ ကိုခင်မောင်တိုး၏ ကြွင်းကျန်သည့် ရုပ်ကလာပ်ကို စင်ကာပူနိုင်ငံတွင် သဂြိုလ် မည်ဖြစ်သည်ဟု သူငယ်ချင်းဖြစ်သူ မဇ္စိုမလှိုင်းမှ တေးရေးဆရာလည်းဖြစ် ဘေ့စ်ဂစ်တာသမားလည်းဖြစ်သူ ကိုရဲလွင် ကပြောသည်။

“ဆိုးတူကောင်းဖက် နေခဲ့ကြတာလေ၊ ကျနော်သူငယ်ချင်းနဲ့က ဘာမှ အမုန်းတရားမရှိဘူး၊ နောက်ဆုံးလမ်းခွဲသွားတယ်ဗျာ၊ သူလည်း နောက်ဆုံးအချိန်အထိ ကျနော်ကို သတိရနေတယ်လို့ ပြောတယ်” ဟု ကိုရဲလွင်က ဧရာဝတီသို့ အမှတ်တရစကား ဆိုသည်။

ကိုခင်မောင်တိုးသည် ပြီးခဲ့သည့် သြဂုတ်လအတွင်းက ၈၈ မျိုးဆက်ကျောင်းသားများ ပြုလုပ်သည့် ဂီတ၀ဿန် ပွဲတွင် နောက်ဆုံး ဖျော်ဖြေခဲ့ပြီးနောက် စင်ကာပူနိုင်ငံသို့ သွားရောက်ဆေးကုခဲ့ခြင်းဖြစ်သည်။ ထိုစဉ်ကတည်းကပင် ဖျော်ဖြေမှုကို ပင်ပန်းကြီးစွာ ပြုလုပ်ခဲ့ရကြောင်း ကိုရဲလွင်က ဆက်ပြောသည်။

လက်ရှိအချိန်တွင် ကိုရဲလွင်မှာ အမေရိကန်နိုင်ငံသို့ ခရီးထွက်နေရသောကြောင့် စင်ကာပူသို့ မသွားခဲ့နိုင်သော်လည်း ဖုန်းဖြင့် နောက်ဆုံးအချိန်ထိ အဆက်အသွယ်သာ လုပ်နိုင်ခဲ့ကြောင်းလည်း ဆိုသည်။

ကိုခင်မောင်တိုးနှင့် စက်မှုတက္ကသိုလ် ပထမနှစ်ကတည်းက အနုပညာရောင်းရင်း နောက်တဦးဖြစ်သည့် ကဗျာဆရာ စာရေးဆရာ မောင်စိန်ဝင်း(ပုတီးကုန်း)ကလည်း မိသားစု ကဲ့သို့ နေထိုင်သည့် သူငယ်ချင်း တဦး တိမ်းပါးသွားခြင်းဖြစ်သည့်အပြင် ဂီတ လောကအတွက် အစားထိုးမရသည့် ဆုံးရှုံးမှုဖြစ်ကြောင်း ဆိုသည်။

“ကျောင်းပြီးလို့ ကျန်တဲ့ သူငယ်ချင်းတွေနဲ့ ကွဲကွာသွားပေမယ့် သူနဲ့ ကျနော်နဲ့က အနုပညာလောကမှာကျန်ခဲ့ပြီး အမြဲတွေ့နေတာ၊ မိသားစုလို နေကြတာဆိုတော့ ခံစားရတယ်”ဟု မောင်စိန်ဝင်း (ပုတီးကုန်း) က ဆိုသည်။

စစ်ကိုင်းတိုင်း မော်လိုက်ဇာတိ ကိုခင်မောင်တိုးသည် ငယ်စဉ်ကတည်းက ဂီတ၀ါသနာပါသူဖြစ်ပြီး ၁၉၆၆ ခုနှစ် စွယ်တော်ရိပ်ဟု တင်စားခေါ်ဝေါ်ကြသော ရန်ကုန်စက်မှုတက္ကသိုလ်(RIT)ကို တက်ရောက်သင်ကြားခဲ့သည်။ ဂီတအနုပညာဘက်တွင်သာ ပိုစိတ် ပါဝင်စားသဖြင့် ကျောင်းမပြီးခဲ့ချေ။

အပေါင်းအသင်းများကြား အေးဆေးတည်ငြိမ်စွာနေတတ်သူ၊ စကားပြောလျှင် လေးလေးမှန်မှန်သာ ပြောဆိုတတ်ပြီး မထုံ တက် တေးနေတတ်သူဖြစ်ပြီး ကိုသန်းမြင့်(တယော)၊ ကိုစောဝင်း(စောင်း)၊ ဘူမိဗေဒကျောင်းသား ကိုတင် မောင်လှိုင် (မျက်သွယ်)၊ ကဗျာဆရာမောင်စိန်ဝင်း( ပုတီးကုန်း) တို့နှင့် အများဆုံး တွဲဖက်ပေါင်းသင်းခဲ့သည်။

၁၉၆၈ခုနှစ်၌ နောင်တွင် မဇ္စျိမလှိုင်းကို ပူးပေါင်းတည်ထောင်သူများဖြစ်လာမည့် ကိုရဲလွင်၊ ကိုမောင်မောင် တို့နှင့် တွဲဖက်မိပြီး အင်းလျား၊ သီရိ၊ မာလာ၊ ရတနာ၊ သဇင် စသည့် တက္ကသိုလ်ကျောင်းဆောင်များရှေ့တွင် ကိုယ်တိုင်ရေးသီချင်းများကို စတင်လေ့ကျင့် သီဆိုခဲ့ကြသည်။

ထိုစဉ်က ကိုခင်မောင်တိုးမှာ အဆိုထက် တီးခတ်မှုကိုသာ အားသန်သူဖြစ်ပြီး၊ အင်ဂျင်နီယာပညာထက် အနုပညာကို သာ ပိုမိုခုံမင်သူအဖြစ် ငယ်သူငယ်ချင်းဖြစ်သူ ကဗျာဆရာ မောင်စိန်ဝင်း( ပုတီးကုန်း)က ဆိုသည်။

ဆံပင်ရှည်ထားပြီး ဂစ်တာတီးခြင်းအား သရုပ်ပျက်ဂီတဟု ရှုတ်ချနေခဲ့သော မြန်မာ့ဆိုရှယ်လစ်လမ်းစဉ်ပါတီ၏ တပါတီအာဏာရှင် ခေတ်ဦးတွင် ကိုခင်မောင်တိုး၊ ကိုရဲလွင်၊ ကိုမောင်မောင်၊ ကိုနေ၀င်း တို့နှင့်အတူ ၁၉၇၄ ခုနှစ်ခန့်က“ ပြဿာနာအုပ်စု” ဆိုသည့် တေးဂီတ၀ိုင်းကို တည်ထောင်ပြီး ကျေးဇူးတင်တယ် ကမ္ဘာကြီးရယ်၊ ရင်ခုန်နေသော အိမ်မက်ငယ် စသည့် တေးစီးရီးကို ထုတ်ခဲ့သည်။

“အဲဒီတုန်းက ပြဿနာ Problem ဆိုတဲ့စကားက ခေတ်စားတယ်လေ၊ အဲဒီတော့ ပြဿာနာ နာမည်ကို ရွေးပြီး ဖွဲ့လိုက်တာ”ဟု ကိုရဲလွင်က ပြောသည်။

နောက်ပိုင်းတွင် ကီးဘုတ် ဇော်မျိုးထွဋ်၊ ဒရမ် တွတ်ကီတို့ပါ ပါဝင်လာပြီး “လိစ္ဆ၀ီ” တေးဂီတဟု ပြောင်းလဲဖွဲ့စည်းကာ “ဝိုင်းရဲ့ ဆည်းဆာ”၊ “အဉ္ဇလီအတွက် ဂီတဉ္ဇလီ” စသည့် တေးသီချင်းများကို ထုတ်ဝေခဲ့သည်။

သို့သော် ၁၉၈၄ ခုနှစ်ဦးပိုင်း မဇ္စျိမလှိုင်း တေးဂီတနှင့်အတူ သီဆိုခဲ့သည့် “ မဟာဆန်သူ” တေးစီးရီးသည် ကိုယ်ပိုင်သံစဉ် တခေတ် ဆန်းစေပြီး ထိုခေတ်လူငယ်များအတွင်း အထူးရေပန်းစားကာ လူကြိုက်များခဲ့ပြီး ခင်မောင်တိုး အမည်ကို လူသိများ စေခဲ့သည်။

ထို့ပြင် ကြိုးကြာသံ၊ မျက်သွယ်၊ လေးညှိ့ရှင်၊ရောင်စဉ် ခုနှစ်သွယ်၊ ဝေးခဲ့ပြီ ပန်းခရမ်းပြာ အပါအ၀င် အောင်မြင်ကျော်ကြားသော တေးစီးရီး ၂၀ ခန့် သီဆိုထုတ်ဝေခဲ့သည်။

ကွယ်လွန်ချိန်တွင် ဇနီး ဒေါ်ဝေဝေခိုင်နှင့် သားသမီး ၃ ဦး ကျန်ရစ်သည်။

Ref: ဧရာဝတီ

Read More...

Collapse...

မြန်မာရေလုပ်သားများကို ထိုင်းစစ်တပ် ဝင်ဖမ်း

သန်းထိုက်ဦး
November 15, 2012

ထိုင်းနိုင်ငံ တောင်ပိုင်းတွင် ရေလုပ်ငန်း လုပ်ကိုင်နေသည့် မြန်မာပြည်သား ၁၀၀ ခန့် ယမန်နေ့က ဖမ်းဆီးခံရကြောင်း သိရသည်။

ထိုင်းရေတပ် အာဏာပိုင်များက အဆိုပါ မြန်မာပြည်သားများ နေထိုင်လျက်ရှိသည့် ဖန်င ခရိုင် အတွင်းရှိ ထလမုကျေးရွာကို ပိတ်ဆို့ပြီး ဖမ်းဆီးခြင်း ဖြစ်သည်ဟု ထိုင်းနိုင်ငံတောင်ပိုင်း အခြေစိုက် ပညာရေးနှင့် ဖွံ့ ဖြိုး တိုးတက်ရေး ဖောင်ဒေးရှင်း ဒါရိုက်တာ ဦးထူးချစ်က ပြောသည်။

“ဖမ်းတာကလည်း တကယ့် စစ်ဆင်းရေးကြီးတခုလို ရွာကို ၀ိုင်းပြီးတော့ ဖမ်းတော့ လူတစ်ရာလောက် အဖမ်းခံလိုက် ရတယ်”ဟု ဦးထူးချစ်က ဧရာဝတီသို့ ပြောဆိုသည်။

ထိုင်း ရေတပ် အနေနှင့် ထလမုကျေးရွာမှ လှေများကိုပါ ကမ်းနားကပ်ခိုင်း၍ ပိတ်ဆို့ဖမ်းဆီးသည့်အတွက် ရေလုပ်ငန်းပိုင်ရှင်များကြား ရုတ်ရုတ်သဲသဲ ဖြစ်ပွားခဲ့ပြီး ဖမ်းဆီးခံထားရသည့် အလုပ်သမားများကိုလည်း ပြန်လွှတ်ပေးရန် ရေလုပ်ငန်းပိုင်ရှင်များ က တောင်းဆို ဆန္ဒပြခဲ့ကြောင်း သိရသည်။

“လှေပိုင်ရှင်ဖြစ်တဲ့ ထိုင်းတွေ အကုန်လုံး ဆန္ဒပြတယ်၊ တအိမ်တယောက် ထွက်ဆိုပြီးတော့ လမ်းတွေကို ကားတွေနဲ့ ပိတ်ထား ပြီးတော့ စစ်တပ်တွေ မ၀င်ရအောင် အဲဒီလောက် အထိလုပ်တာ၊ သူတို့က မြန်မာတွေကို ဖမ်းမှာစိုးရိမ်လို့”ဟု ဦးထူးချစ်က ဆက် ပြောသည်။

ဦးထူးချစ်၏ ပြောပြချက်အရ ထလမုကျေးရွာတွင် ငါးဖမ်းလုပ်ငန်း အဖြစ် အသက်မွေးဝမ်းကြောင်းပြုနေသူ မြန်မာပြည်သားအနည်း ဆုံး ၄၀၀၀ ခန့်ရှိပြီး တရားဝင် အလုပ်လုပ်ကိုင်နေသူများ ရှိသကဲ့သို့ အများစုမှာ တရားမ၀င် နေထိုင်သူများကြောင်း ဆိုသည်။

ယနေ့ နောက်ဆုံးရရှိသောသတင်းများအရ တရားဝင် အလုပ်သမား လက်မှတ်ရှိပြီး ဖမ်းဆီးခံထားရသည့် မြန်မာပြည်သားများ ကို ပြန်လွတ်ပေးပြီး တရားမ၀င် နေထိုင်သူများအတွက် ပြန်လည်လွတ်မြောက်လာရန် ထိုင်းအာဏာပိုင်များနှင့် လုပ်ငန်းရှင်များ ညှိနှိုင်းဆောင်ရွက်နေကြောင်း သိရသည်။

အဖမ်းခံရသည့် မြန်မာပြည်သားများကို ဖန်ငမြို့နယ် လူဝင်မှုကြီးကြပ်ရေး (လ၀က) အချုပ်တွင် ထိန်းသိမ်းထား သည်။

ထလမုကျေးရွာကို ၀င်ရောက် ဖမ်းဆီးသည့် အကြောင်းအရင်းကို မသိရသော်လည်း ရေလုပ်ငန်းပိုင်ရှင်များနှင့် ထိုင်းအာဏာပိုင်များ ကြား မြန်မာပြည်သားများက ဓားစာခံဖြစ်ခဲ့ရကြောင်း ဦးထူးချစ်က ရှင်းပြသည်။

“အမှန်ဆိုလို့ရှိရင် မှတ်ပုံတင်လုပ်ဖို့ သူဌေးတွေ ကိုယ်တိုင် အားပေးထားတယ် ဆိုလို့ရှိရင် ဒီပြဿနာတွေ တက်လာမှာ မဟုတ်ဘူး”ဟု ဆိုသည်။

ထိုင်းနိုင်ငံ တောင်ပိုင်းတွင် အလုပ်လုပ်ကိုင်နေသည့် မြန်မာပြည်သား အများစုမှာ ရေလုပ်ငန်း၊ ဆောက်လုပ်ရေးလုပ်ငန်းနှင့် ရာဘာ ခြံတို့တွင် လုပ်ကိုင်ကြသည်။

အလုပ်သမားများ ဖမ်းဆီး အရေးယူမှုနှင့် ပတ်သက်၍ ထိုင်းနိုင်ငံအတွင်း တရားမ၀င်နေထိုင်သည့် မြန်မာ၊ လာအိုနှင့် ကမ္ဘောဒီးယား နိုင်ငံသားများကို ဖမ်းဆီးပြီး နေရပ်ရင်း ပြန်ပို့မည့် အရေးယူမှု တရပ်ကို လာမည့် ဒီဇင်ဘာလ ၁၄ ရက်နေ့ နောက်ပိုင်း စတင် ပြုလုပ် မည် ဖြစ်ကြောင်း ထိုင်း အလုပ်သမား ၀န်ကြီးဌာနက ပြောကြားထားသည်။

ထိုင်း အစိုးရ အနေနှင့် Nationality Verification Process (NVP) နိုင်ငံသား စိစစ်ရေး လုပ်ငန်းစဉ် အရ နောက်ဆုံး သတ်မှတ် ပေးထားသော ဒီဇင်ဘာလ ၁၄ ရက်နေ့ မတိုင်ခင် မှတ်ပုံတင်ရန် ပျက်ကွက်သူများကို အရေးယူမှု ပြုလုပ် သွားမည်ဟု ထိုင်း အလုပ်သမားဝန်ကြီး Padermchai Sasomsap က ပြောကြောင်း ထိုင်း အလုပ်သမား ၀န်ကြီးဌာန အင်တာနက် စာမျက် နှာတွင် ယမန်နေ့က ဖော်ပြထားသည်။

ရွှေ့ပြောင်း အလုပ်သမားများအတွက် နိုင်ငံသား စိစစ်ရေး အစီအစဉ်ကို ယခုနှစ် ဇွန်လ ၁၄ ရက်နေ့မှ စတင်၍ ဒီဇင်ဘာလ ၁၄ ရက် နေ့ အထိ ၆ လ သက်တမ်းတိုးရန် ထိုင်း အစိုးရအနေနှင့် ခွင့်ပြုပေးထားခြင်း ဖြစ်သည်။

အလုပ်သမား လက်မှတ် ပြုလုပ်ထားသူတိုင်းသည် ယာယီ နိုင်ငံကူးလက်မှတ် ပြုလုပ်ရန် အတွက် နိုင်ငံသား စိစစ်ရေးအစီအစဉ်တွင် ပါဝင်ရမည်ဖြစ်ပြီး လာအိုနှင့် ကမ္ဘောဒီးယား နိုင်ငံသားများ အတွက် ၂၀၀၆ ခုနှစ်နှင့် မြန်မာနိုင်ငံသားများ အတွက် ၂၀၀၉ ခုနှစ် သြ ဂုတ်လ အတွင်း၌ စတင် လုပ်ဆောင်ပေးခဲ့ကြောင်း သိရသည်။

ထိုင်းနိုင်ငံ အနှံ့ ဆောက်လုပ်ရေး၊ အိမ်ဖော်၊ ရေလုပ်သား၊ စားသောက်ဆိုင် စသည့် လုပ်ငန်းများတွင် အလုပ်လုပ်ကိုင်နေသည့် မြန်မာ ပြည်သား စုစုပေါင်း ၂ သန်းမှ ၄ သန်း အထိရှိနိုင်ကြောင်း အလုပ်သမားအဖွဲ့များက ခန့်မှန်းထားကြသည်။

Ref: ဧရာဝတီ

Read More...

Collapse...

အဆိုတော် ခင်မောင်တိုး ကွယ်လွန်

ကွန်းချမ်း
နိုဝင်ဘာလ ၁၅ ရက် ၂၀၁၂ ခုနှစ်

ကိုယ်ပိုင်သံစဉ် တေးသီချင်းများဖြင့် ထင်ရှားသူ အဆိုတော် ခင်မောင်တိုး (အသက် ၆၂ နှစ်) သည် ကြာသပတေးနေ့ စင်ကာပူ စံတော်ချိန် နံနက် ၈ နာရီ မိနစ် ၂ဝ ခန့်တွင် အထွေထွေဆေးရုံကြီး၌ အသည်းကင်ဆာရောဂါဖြင့် ကွယ်လွန်သည်။

“ကျနော် ချာတိတ်ကတည်းက ကျနော်တို့ အိမ်ကို သူဝင်ထွက်နေတာ။ ကျနော့်အကို ကိုချစ်ကို (တေးရေး)ရဲ့ သူငယ်ချင်းပေါ့။ ကျနော့်ဆရာ ဆိုလည်း မမှားဘူး။ ကျနော် အခုအချိန်မှာ သူ့ကို အရမ်းနှမြော အရမ်းဝမ်းနည်းနေ တယ်”ဟု မဇ္ဈိလှိုင်း တေးဂီတ အဖွဲ့တွင် လက်တွဲဖော်လည်းဖြစ်၊ တပည့်တဦးလည်း ဖြစ်သူ ကိုသားထွေး က ပြောသည်။

ဦးခင်မောင်တိုးသည် စင်ကာပူနိုင်ငံသို့ သွားရောက် ဆေးကုသမှု ခံယူစဉ် နိုဝင်ဘာ ၈ ရက်နေ့က ကွယ်လွန်ကြောင်း
ကောလ ဟာလ သတင်းများ ထွက်ပေါ်ခဲ့ပြီး၊ မိသားစုများနှင့် မိတ်ဆွေများက ကျန်းမာရေး အခြေအနေ တိုးတက်မှု ရှိကြောင်း ထုတ်ပြန်ပြောဆိုခဲ့ကြသေးသည်။

မဇ္ဈိလှိုင်း တေးဂီတအဖွဲ့၏ ပင်တိုင် အဆိုတော်တဦး ဖြစ်ပြီး ၁၉၈၄ ခုနှစ်တွင် ထွက်ရှိသည့် “မဟာဆန်သူ” ကိုယ်ပိုင်သံစဉ် တေးစီးရီးမှ ကျော်ကြားခဲ့ကာ နောက်ပိုင်းထုတ် တေးစီးရီးများအားလုံးတွင်လည်း အောင်မြင်မှု ရရှိခဲ့သူ ဖြစ်ပြီး ပရိသတ်များက ကိုတိုးကြီး ဟု ချစ်စနိုး ခေါ်ကြသည်။

စတီရီယိုခေတ်ဦး အဆိုတော်တဦး ဖြစ်ပြီး ၁၉၇၃ ခုနှစ်တွင် “ကျေးဇူးတင်ပါတယ် ကမ္ဘာကြီးရယ်”၊ ၁၉၇၄ တွင် “ရင်ခုန်နေသော အိပ်မက်ငယ်” ကော်ပီသံစဉ် တေးစီးရီးများ သီဆိုပြီးနောက်ပိုင်း ၁၉၇၉ ထုတ် “အဉ္ဇလီအတွက် ဂီတဉ္ဇလီ” တေးစီးရီးမှစကာ ကိုယ်ပိုင်သံစဉ်များကိုသာ သီဆိုလာခဲ့သည်။

ဝိုင်းရဲ့ ဆည်းဆာ၊ စောင်းကြိုးရှိုက်သံနှင့် ဆယ်နှစ်တာတေးများ၊ မဟာဆန်သူ၊ မျက်သွယ်၊ ရောင်စဉ် ခုနစ်သွယ်၊ ဝေးခဲ့ပြီ ပန်းခရမ်းပြာ၊ လေးညှို့ရှင်၊ ပန်းချစ်သူ၊ ပန်တော်ဦး၊ မြစ်တစင်း ဖြစ်တည်မှု စသည့် တေးစီးရီး ၂ဝ ခန့်ကို သီဆို ထုတ်ဝေခဲ့သည်။

ဖခင် အရေးပိုင်မင်း ဦးခင်မောင်နှင့် မိခင် ဒေါ်ခင်လှ တို့မှ ၁၉၅ဝ ပြည့်နှစ် ဧပြီလ ၁ ရက်နေ့တွင် စစ်ကိုင်းတိုင်း၊
မော်လိုက် မြို့၌ မွေးဖွားသည့် ကိုခင်မောင်တိုးသည် မွေးချင်းသုံးယောက်အနက် အငယ်ဆုံးသား ဖြစ်သည်။

၁၉၆၆ ခုနှစ်တွင် ရန်ကုန်စက်မှုတက္ကသိုလ် (RIT) သို့ တက်ရောက်သင်ကြားခဲ့သော်လည်း ဂီတတွင် အလွန်ဝါသနာထုံသည့်အတွက် ဆုံးခန်းတိုင် ပညာမသင်ကြားခဲ့ပေ။

ဦးခင်မောင်တိုးသည် လွန်ခဲ့သည့် မေလခန့်ကပင် ကျန်းမာရေး ယိုယွင်းခဲ့သည်ကို သတိထားမိကြောင်း မဇ္ဈိမလှိုင်း တေးဂီတအဖွဲ့တွင် လွန်ခဲ့သည့် ၁၂ နှစ်က လက်တွဲလုပ်ဆောင်ခဲ့သည့် ကို E-ချို က ပြောသည်။

“လျှို့ဝှက်စွာ နေထိုင်ကျင့်ကြံတဲ့ အကျင့်လည်း နဂိုကတည်းက သူ့မှာ ရှိတယ်။ ဒီရောဂါကလည်း ကျနော်တို့ အသေအချာ မသိခဲ့တာ။ သူသွားပြီး ကုလို့ ကွယ်လွန်တဲ့ အချိန်မှ အာမေဍိတ် ဖြစ်ရတာ” ဟု ပြောသည်။

ဦးခင်မောင်တိုးသည် ၁၉၉၆ ခုနှစ်တွင် ဆရာကြီး ဂိုအင်ဂါ၏ ဝိပဿနာ တရားရိပ်သာသို့ စတင်ဝင်ရောက်ပြီး တရားပြဆရာအဖြစ် ဆရာကြီး၏ ရွေးချယ်ခြင်းကို ခံရသည်။ သို့သော်လည်း ဂီတနှင့် အနုပညာကို ငဲ့ပြီး တရားဓမ္မဘက်သို့ ခြေစုံပစ် မဝင်ခဲ့ကြောင်း ကို E-ချို က ပြောသည်။

“တရားနဲ့ ပတ်သက်ပြီးတော့ သူ့ သူငယ်ချင်းတွေကိုလည်း လမ်းပြပို့ဆောင်ပေးခဲ့တယ်။ ဂီတမိတ်ဆွေသာမက ဓမ္မမိတ်ဆွေ တယောက်အနေနဲ့လည်း ကိုခင်မောင်တိုးကို ကျနော်တို့ လေးစားရတယ်” ဟု သူက ပြောသည်။

“သူမှာ ဒေါသဆိုတာ ထွက်ခဲတယ်။ မိသားစု၊ ပတ်ဝန်းကျင်၊ သူငယ်ချင်းတွေအပေါ်မှာ မျှမျှတတနဲ့ ပေါင်းသင်းတယ်။ မျှဝေခံ စားတတ်တယ်။ သူနဲ့ ပေါင်းသင်းရတာ စိတ်ချမ်းသာမှု ခံစားရပါတယ်” ဟု ကို E-ချို က ဆက်ပြောသည်။

ဦးခင်မောင်တိုးသည် သြဂုတ်လအတွင်းက ၈၈ မျိုးဆက်ကျောင်းသားများ ပြုလုပ်သည့် ဂီတဝဿန်ပွဲတွင် နောက်ဆုံး
ဖျော်ဖြေ ခဲ့ပြီး အောက်တိုဘာလတွင် “ခွန်အားဖြည့် သမီးငယ်” တေးစီးရီးကို နောက်ဆုံး ထုတ်ဝေခဲ့သည်။

ကျန်ရစ်သည့် ရုပ်ကလာပ်ကို ကွယ်လွန်သည့် ကြာသပတေးနေ့ စင်ကာပူ စံတော်ချိန် ညနေ ၃ နာရီ ၄ဝ မိနစ်တွင် မွန်ဒိုင်း သုဿာန်၌ ဈာပနအခမ်းအနား ကျင်းပသည်ဟု စင်ကာပူရောက် မြန်မာများ၏ ဖေ့ဘွတ်ခ် စာမျက်နှာများ တွင် ဖော်ပြကြသည်။

ဦးခင်မောင်တိုး၏ ပရိသတ်တဦးက “ကျနော် အနှစ်သက်ဆုံး အဆိုတော် နှစ်ယောက် ရှိတယ်လေ။ စိုင်းထီးဆိုင်နဲ့ ခင်မောင် တိုးပေ့ါ။ စိုင်းထီးဆိုင်လည်း ဆုံးသွားခဲ့ပြီ။ အခု ကိုတိုးကြီးလည်း ဆုံးသွားပြီလို့ ကြားရတော့ နောက်ပိုင်း ဆိုရင် သူတို့ရဲ့ အသံတွေကို ကြားရတော့မှာ မဟုတ်ဖူးလေ။ သူတို့ရဲ့ ခံစားချက် တေးသီချင်းတွေနဲ့ အတူ ကျနော့်ရဲ့ ခံစားချက်တွေလည်း ပျောက်ဆုံးသွားသလို ခံစားရပါတယ်” ဟု ပြောသည်။

ကွယ်လွန်ချိန်တွင် ဇနီး ဒေါ်ဝေဝေခိုင်၊ သား မင်းမင်းလတ်၊ အောင်ပန်းဦးနှင့် သမီး ဝေနှင်းခိုင် တို့ ကျန်ရစ်သည်။

Ref: မဇ္ဈိမ

Read More...

Collapse...

သမ္မတဦးသိန်းစိန် အာဆီယံထိပ်သီးအစည်းအဝေး လေးရက်ကြာ တက်ရောက်မည်

မျိုးသန့်
နိုဝင်ဘာလ ၁၅ ရက် ၂၀၁၂ ခုနှစ်

ကမ္ဘောဒီးယားနိုင်ငံ ဖနွမ်ပင်မြို့တွင် နိုဝင်ဘာ ၁၅ ရက်နေ့တွင် စတင်ကျင်းပ လျက်ရှိသော အာဆီယံ ထိပ်သီး အစည်းအဝေးသို့ မြန်မာ သမ္မတ ဦးသိန်းစိန်တက်ရောက်ရန်ရှိပြီး ကမ္ဘောဒီးယားနိုင်ငံတွင် လေးရက် တာ နေထိုင်မည်ဖြစ်သည်ဟု ထိပ်သီးအစည်း အဝေး ကျင်းပရေးကော်မတီ၏ ထုတ်ပြန်သည့် အစီအစဉ်တွင် ပါရှိသည်။

သမ္မတသည် အထူးလေယာဉ်ဖြင့် နိုဝင်ဘာ ၁၇ ရက်နေ့နံနက် ၁ဝ နာရီတွင် ရောက်ရှိမည်ဖြစ်ပြီး၊ နိုဝင်ဘာ ၂၁ ရက်နေ့ နံနက် ၁ဝ နာရီတွင် ပြန်လည်ထွက်ခွာ မည်ဖြစ်သည်ဟု အစီအစဉ်တွင်ပါရှိသည်။

အလားတူ မြန်မာဝန်ကြီးများဖြစ်သော နိုင်ငံခြားရေးဝန်ကြီး ဦးဝဏ္ဏမောင်လွင်၊ သမ္မတရုံးဝန်ကြီး ဦးတင်နိုင်သိန်း၊ ဦးစိုးသိန်း၊ အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီး ဒေါက်တာကံဇော်နှင့် ကျန်းမာရေးဝန်ကြီး တို့လည်း နိုဝင်ဘာ ၁၆ ရက်နေ့ ၁၂ နာရီအချိန်တွင် ရောက်ရှိလာမည်ဖြစ်ပြီး နိုဝင်ဘာ ၂၁ ရက်နေ့ နံနက် ၁ဝ နာရီတွင် ပြန်လည်ထွက်ခွာမည်ဖြစ်သည်။

ထိပ်သီးအစည်းအဝေးသို့ အာဆီယံ ၁ဝ နိုင်ငံမှ ခေါင်းဆောင်များအပါအဝင်၊ သြစတေးလျ ဝန်ကြီးချုပ် ဂျူလီယာ ဂီးလတ်၊ တရုတ် ဝန်ကြီးချုပ် တရုတ် ဝန်ကြီးချုပ် ဝမ်ကြားပေါင်၊ အိန္ဒိယ ဝန်ကြီးချုပ် မန်မိုဟန်ဆင်း၊ ဂျပန် ဝန်ကြီးချုပ် ယိုရှီဟီကိုနိုဒါ၊ တောင်ကိုရီး ယား လီ မြောင်ဘတ်၊ နယူးဇီလန် ဝန်ကြီးချုပ် ဂျွန်ကီး၊ ရုရှ သမ္မတ ဗလာဒီမာပူတင်နှင့် အမေရိကန်သမ္မတ ဘားရတ် ဟူစိန် အိုဘားမား တို့လည်း နိုဝင်ဘာ ၁၉ ရက်နေ့တွင် ရောက်ရှိလာမည်ဟု အစီအစဉ်တွင် ဖေါ်ပြထားသည်။

အမေရိကန်သမ္မတ အိုဘားမားသည် နိုဝင်ဘာ ၁၉ ရက်နေ့တွင် မြန်မာနိုင်ငံသို့ သွားရောက်ရန်ရှိပြီး ဒေါ်အောင်ဆန်း စုကြည်နှင့် တွေ့ဆုံရန် ရှိနေသည်။ ယင်းအပြင် သမ္မတရုံးနှင့် နီးစပ်သူများ၏ အဆိုအရ မြန်မာသမ္မတနှင့် အမေရိကန် သမ္မတတို့သည် ထိုနေ့ တွင်ပင် မြန်မာနိုင်ငံအတွင်း တွေ့ဆုံရန် ရှိနေသည်ဟု ဆိုသည်။ မြန်မာသမ္မတ၏ ခရီးစဉ် အသေးစိတ်ကိုမူ အဆိုပါ အရာရှိ များက ထုတ်ဖေါ်ပြောဆိုခြင်းမရှိပေ။ ထို့ကြောင့် မြန်မာသမ္မတသည် အမေရိကန် သမ္မတ လာရောက်ချိန်တွင် မြန်မာနိုင်ငံသို့ ခေတ္တပြန် လည်ကာ တွေ့ဆုံမည်ဟုလည်း ခန့်မှန်းချက်များ ထွက်ပေါ်နေ သည်။

နိုဝင်ဘာ ၁၅ ရက်နေ့မှ ၂ဝ ရက်နေ့အထိ ကျင်းပမည့် အာဆီယံ ထိပ်သီးအစည်းအဝေးကို ကမ္ဘောဒီးယားနိုင်ငံ ဖနွမ်ပင်မြို့ ၁ဝ ထပ်အမြင့်ရှိ Vikmean Santepaep အဆောက်အဦးတွင် ကျင်းပခြင်းဖြစ်သည်။ အစည်းအဝေးသို့ တက်ရောက်သတင်းယူမည့် သတင်းထောက်များအတွက် စားပွဲတင် ကွန်ပျူတာ ၃ဝဝ ထားရှိပြီး အိတ်ဆောင် ကွန်ပျူတာများအတွက် အင်တာနက်ကေဘယ်လ် ၁ဝဝ ထားရှိသည်။ သို့သော်လည်း လျှပ်စစ်မီးပြတ်တောက်မှု မကြာခဏကြုံတွေ့နေကြရသည်။

Ref: မဇ္ဈိမ

Read More...

Collapse...

အကျဉ်းသား ၄၅၂ ဦးအား လွတ်ငြိမ်းချမ်းသာခွင့်ပြု

ခင်မျိုးသွယ်
နိုဝင်ဘာလ ၁၆ ရက် ၂၀၁၂ ခုနှစ်

ပြည်ထောင်စု သမ္မတ မြန်မာနိုင်ငံတော် နိုင်ငံတော်သမ္မတ ဦးသိန်းစိန်သည် နိုင်ငံရေး အကျဉ်းသားများ အပါအဝင် အကျဉ်းသားများ အပါအဝင် ၄၅၂ ဦးအား ပြစ်မှုဆိုင်ရာကျင့်ထုံး ဥပဒေ ပုဒ်မ ၄ဝ (၁) အရ ၂ဝ၁၂ ခုနှစ် နိုဝင်ဘာလ ၁၅ ရက်မှစ၍ ပြစ်ဒဏ်မှ လွတ်ငြိမ်းချမ်းသာခွင့် ပြုကြောင်း သိရသည်။

နိုင်ငံတော်တည်ငြိမ်ရေးနှင့် ထာဝရငြိမ်းချမ်းမှု ဖော်ဆောင်ရေး အတွက်လည်းကောင်း၊ အမျိုးသား ပြန်လည် စည်းလုံး ညီညွတ်ရေး အတွက်လည်းကောင်း၊ နိုင်ငံတော်၏ မေတ္တာနှင့် စေတနာကို နားလည်ကြပြီး နိုင်ငံတော် တည်ဆောက်ရေးတွင် တဖက်တလမ်းမှ အထောက်အပံ့ ဖြစ်စေမည့် နိုင်ငံသားများ အဖြစ်သို့ ပြုပြင်ပြောင်းလဲစေရန် လည်းကောင်း၊ လူသားချင်း စာနာ ထောက်ထားမှုကို အလေးပေးသော အားဖြင့် လည်းကောင်း၊ နှစ်နိုင်ငံချစ်ကြည်ရေး၊ နိုင်ငံအချင်း အချင်း မိတ်ဝတ် မပျက် ဆက်ဆံရေး တို့ကို ရှေ့ရှုသောအားဖြင့် လည်းကောင်း၊ နိုင်ငံတောဖွဲ့စည်းပုံ အခြေခံဥပဒေ ပုဒ်မ ၂ဝ၄၊ ပုဒ်မခွဲ (က) နှင့် အညီ အကျဉ်းထောင် အသီးသီးမှ ပြစ်ဒဏ် များကို ထိုက်သင့်စွာကျခံ ပြီးကြသော အသက်အရွယ်ကြီးရင့် သူများ၊ ကျန်းမာရေးချို့တဲ့သူများနှင့် နိုင်ငံခြားသား အကျဉ်းသားများအား ပြည်နှင့်ဒဏ် ပေးမည်ဖြစ်ကြောင်း သတင်းရရှိသည်။

“သမ္မတရဲ့ လွတ်ငြိမ်းချမ်းသာခွင့်က ယုံကြည်ချက်ကြောင့် အကျဉ်းကျခံရသူ တွေအတွက် ဝမ်းသာကြိုဆိုရမှာပါ။ ခိုးမှု၊ လုယက်မှု၊ ခါးပိုက်နှိုက်စတဲ့ ဒုစရိုက်မှု့ တွေနဲ့ ထောင်ကျတဲ့ သူတွေကျတော့ အပြင်ပြန်ရောက်လည်း နဂို သူတို့ လျှောက်တဲ့လမ်း ဟောင်း ကို အလွယ်ပြန်လျှောက်ကြတာ များတယ်။ အဲဒီလိုလူတွေ အပြင်ကို ပြန်ရောက်လာရင် လူထုအတွက် စိန်မငြိမ်းချမ်းမှုတွေ ဖြစ်ကြရ ပါတယ်။ ဒုစရိုက်သမားတွေကို လွတ်ငြိမ်းချမ်းသာခွင့် ပေးတာမျိုးဆိုရင် အတော်စီစစ်သင့်ပါတယ်” ဟု ရှေ့နေတဦးက ပြောကြားသည်။

အဆိုပါ လွတ်ငြိမ်းချမ်းသာခွင့်မှာ ၅ ကြိမ်မြောက်ဖြစ်ပြီး နိုင်ငံတော်သမ္မတ အနေဖြင့် ယခင်က အကျဉ်းသား ၂၈,ဝဝဝ ခန့်အား လွတ်ငြိမ်းချမ်းသာခွင့် ၄ ကြိမ်ပေးခဲ့ပြီး ဖြစ်ကြောင်း သိရသည်။

Ref: မဇ္ဈိမ

Read More...

Collapse...

နှစ် ၄၀ ကြာပြီး အိန္ဒိယကို ခြေချတဲ့ ဒေါ်အောင်ဆန်းစုကြည်ရဲ့ ခရီးအစ

ဇာနည်မာန်
November 13, 2012

အင်ဒီရာဂန္ဒီ လေဆိပ် ဧည့်ကြိုနေရာမှာ မြန်မာတိုင်းရင်းသားဝတ်စုံ၊ ချင်းတိုင်းရင်းသားဝတ်စုံ ကိုယ်စီ၊ ပန်းကုံးကိုယ်စီနဲ့ အမျိုး သမီးတွေ ဒေါ်အောင်ဆန်းစုကြည် အလာကို ကြိုဆုိုဖို့ စောင့်နေကြတယ်။

ကြိုဆိုဖို့ လာတယ်သာ ဆိုပေမယ့် ဒေါ်အောင်ဆန်းစုကြည်ဟာ ဘယ်လေယာဉ်နဲ့ ပါလာမယ်၊ ဘယ်အချိန် ရောက်မယ်ဆိုတာ သေသေချာချာ မသိဖြစ်နေကြတယ်။

သူတို့မမြင်ဖူးတဲ့ အ၀တ်အစားတွေနဲ့ လူတွေ အုံလိုက်ဖြစ်နေလေတော့ လေဆိပ်လုံခြုံရေးနဲ့ ထောက်လှမ်းရေးတွေက မင်းတို့က ဘယ်ကလဲ၊ ဘာလာလုပ်ကြတာလဲ၊ ဘယ်သူလာမှာမို့လို့လဲ စတာတွေ လာမေးပါတယ်။

မြန်မာနိုင်ငံကနေလာမယ့် ဒေါ်အောင်ဆန်းစုကြည်ကို လာကြိုကြတာပဲ ဆိုတော့ ဒေါ်အောင်ဆန်းစုကြည်ဆိုတာ ဘယ်သူလဲတဲ့လေ။ အကျိုးအကြောင်း ရှင်းပြပြီးတော့ သူတို့ကို လေယာဉ်အချိန်သိလားဆိုတာ ပြန်မေးတော့ သူတို့မှာ ဒီအကြောင်း ဘာသတင်း အချက်အလက်မှ မရှိပါဘူးတဲ့လေ။

မကြာခင်မှာပဲ အိန္ဒိယသတင်းဌာန NDTV က သတင်းထောက်တယောက် ရောက်လာပြန်ပါတယ်။ သူက ဒေါ်အောင်ဆန်းစုကြည် ဘယ်တော့ ရောက်လာမလဲလို့ ကျမကို မေးပြန်ပါတယ်။

ကျမတို့ စိတ်ထဲမှာတော့ ဒေါ်အောင်ဆန်းစုကြည်လို လူတယောက် လာတာကိုတောင် လေဆိပ်လုံခြုံရေး၊ ထောက်လှမ်းရေးကအစ မသိဘူးဆိုတော့ အလေးမထားတာလား၊ ဒါမှမဟုတ် ဘယ်သူမှ မသိအောင် တမင်လျှို့ဝှက် လုပ်နေလားလို့ တွေးမိပါတယ်။

လေဆိပ်က လေယာဉ်အချိန်စာရင်း ကြေညာတဲ့နေရာမှာ ကြည့်တော့ ဒီနေ့မနက် ထိုင်းနိုင်ငံ ဘန်ကောက်ကနေ လာမယ့် လေယာဉ်က ၂ စီး ရှိနေပါတယ်။ မနက် ၁၀ နာရီ ၅၀ မှာ ဆိုက်မယ့် ထိုင်းလေကြောင်းလိုင်းနဲ့ နေ့လည် ၁၂ နာရီ ၁၅ မှာ ဆိုက်မယ့် အိန္ဒိယလေကြောင်းလိုင်း ၂ ခုပါ။

အဲဒီအချိန်မှာပဲ တယောက်က “ဟေး … ဟိုဖက်မှာ VIP တွေ စီးတဲ့ ကားမည်းကြီးတွေ ရောက်လာပြီ၊ ဒီဖက်ကပဲ ထွက်မှာ သေချာတယ်” လို့ လှမ်းပြောလိုက်တာနဲ့ ခရီးသည်အများစု ထွက်လာရတဲ့ ဂိတ်နံပါတ် ၅ မှာ စောင့်နေရင်းက အရေးကြီး ပုဂ္ဂိုလ်တွေအတွက် ထွက်ပေါက်သီးသန့်နေရာမှာ သွားစောင့်ဖို့ နေရာပြောင်းကြပါတယ်။

သိပ်မကြာခင်မှာပဲ သူပြောတဲ့ ကား ၃ စီးဟာ ထွက်ပေါက်နားကို ရောက်လာတာကြောင့် လာပြီဟေ့ဆိုပြီး အသင့်ပြင်ကြတာပေါ့။

ဒါပေမယ့် ထွက်လာတဲ့ သူတွေဟာ ဒေါ်အောင်ဆန်းစုကြည်နဲ့ အဖွဲ့မဟုတ်ဘဲ နိုင်ငံခြား သံတမန်တယောက်ဖြစ်နေတော့ ကျမတို့မှာ ငိုရမလို ရယ်ရမလို ဖြစ်ရပါရော။

အင်ဒီရာဂန္ဒီ လေဆိပ်မှာကလည်း ထွက်ပေါက် ၂ ခု ရှိနေတော့ သတင်းသမားတွေ အပါအ၀င် ဒေါ်အောင်ဆန်းစုကြည်ကို ကြိုမယ့်သူတွေမှာ ဘယ်နေရာမှာစောင့်လို့ စောင့်ရမှန်းမသိ ဖြစ်နေကြပါတယ်။

အိန္ဒိယမှာက အစွန်းရောက် အကြမ်းဖက်သမားတွေရဲ့အရေး အမြဲစိုးရိမ်ပူပန်နေရတော့ အိန္ဒိယအစိုးရဖက်က ဒေါ်အောင်ဆန်းစု ကြည်ရဲ့ ခရီးစဉ်အတွက် လုံခြုံရေးကို အထူးကြပ်မတ်ထားတာမှာ သူဘယ်အချိန် ဘယ်ကို သွားမယ်ဆိုတာကို အချိန်နီးကပ်မှ အသိပေးတာမျိုး၊ အစိုးရအဖွဲ့နဲ့ အင်မတန် နီးစပ်သူတွေကိုသာ အသိပေးတာမျိုးတွေကြောင့်ပါပဲ။

၁၀ နာရီ ၅၀ မှာ ဆိုက်ရမယ့် လေယာဉ်ကလည်း ဆိုက်ပြီ၊ ဒေါ်အောင်ဆန်းစုကြည်တို့ရဲ့ အရိပ်အယောင်ကိုလည်း မတွေ့ရသေး၊ ဒီလိုနဲ့ပဲ အချိန်တဖြည်းဖြည်း ကုန်လာတော့ ကြိုဆိုရေးအဖွဲ့ထဲက တယောက်က မြန်မာသံရုံးနံပါတ်နဲ့ ကားတစီးလေဆိပ်ရဲ့ သီးခြား အဆောင်ဖက်ကို မောင်းသွားတာတွေ့လို့ သွားစုံစမ်းတာမှာ ဒေါ်အောင်ဆန်းစုကြည်တို့ဟာ အဲဒီ အထူးအဆောက်အဦကနေ ထွက်မယ်ဆိုတာ သိလိုိုက်ရပါတယ်။

ဒါနဲ့ပဲ “ဒေါ်အောင်ဆန်းစုကြည်ကို ကြိုဆိုပါ၏” ဆိုတဲ့ ဆိုင်းဘုတ်ကြီးတွေကိုင်ပြီး အပြေးအလွှားနဲ့ နေရာပြောင်းကြရပြန်ပါတယ်။ အဲဒီအဆောင်ရှေ့ကိုလည်း ရောက်ရော လုံခြုံရေးတွေက သတင်းသမားတွေကိုတော့ ကန့်သတ်တာ မရှိပေမယ့် ကြိုဆို ရေး သမားတွေကိုတော့ ဒီမှာ ဒီလိုလာပြီး ကြိုဆိုခွင့်မရှိဘူးဆိုပြီး တားပါတော့တယ်။

“တို့တိုင်းပြည်က လူထုခေါင်းဆောင်လာတာကို ဒီတိုင်းလေးပဲ လာကြိုတာပါ၊ တို့က အကြမ်းဖက်မယ့်သူတွေလည်း မဟုတ်ပါဘူး၊ ငြိမ်းငြိမ်းချမ်းချမ်းပဲ ကြိုဆိုမှာပါ” လို့ အခြေအတင် ပြောပြီးတဲ့နောက်မှာတော့ ပန်းကုံးမစွပ်ရ၊ ပန်းစည်းမပေးရ၊ ဘာမှ မပေးရ၊ အနားမကပ်ရ၊ သတ်မှတ်တဲ့ ကြိုးတန်းနောက်မှာပဲနေဆိုပြီး ခွင့်ပြုချက် ရလိုက်ပါတယ်။

ကြိုဆိုတဲ့သူတွေကို နေခိုင်းတဲ့နေရာဟာ ဒေါ်အောင်ဆန်းစုကြည် ထွက်လာမယ့် တံခါးဝနဲ့ ပေ ၅၀ ကျော် အကွာလောက် နေရာ မှာပါ။ ဒေါ်အောင်ဆန်းစုကြည်ဟာ ၁၂ နာရီ ၁၅ မိနစ်ကျမှ ရောက်မယ်ဆိုတာကိုလည်း သိလိုက်ရပါတယ်။

“ကျမတို့ကို နားလည်ပေးပါ။ ဒေါ်အောင်ဆန်းစုကြည်ရဲ့ လုံခြုံရေး၊ သူစိတ်အနှောင့်အယှက် မဖြစ်ရေးအတွက် ဒီလိုလုပ်ရတာပါ။ ဒီနေရာမှာပဲနေပါ၊ မဟုတ်ရင်တော့ အရေးယူရလိမ့်မယ်” လို့ လုံခြုံရေး အကြီးအကဲ အမျိုးသမီးက ပြောပါတယ်။

၁ နာရီကျော်ကြာ ထိုင်လိုက်၊ ထလိုက်နဲ့ စောင့်ပြီးတဲ့နောက်မှာတော့ ဒေါ်အောင်ဆန်းစုကြည် စီးလာတဲ့ လေယာဉ်ဆိုက်ပြီလို့ လုံခြုံရေးတွေက ပြောပါတယ်။

ကျမတို့ သတင်းသမားတွေ အဲဒီတံခါးဝနားကို နေရာသွားယူတော့ တံခါးနဲ့ မျက်နှာချင်းဆိုင်က လမ်းတဖက်ကမ်းကို မီဒီယာ သမားတွေ အကုန်သွားဆိုပြီး မောင်းထုတ်ပါတယ်။ ကျမက မကြားချင်ယောင်ဆောင်ပြီး ပေရပ်နေတုန်း တခြား အိန္ဒိယ မီဒီ ယာသမားတွေက “အဲ့ဒီဖက် ဘာသွားလုပ်ရမလဲ၊ အဲဒီဘက်ကနေသာ ရိုက်ရရင် ပုံကောင်းမရနိုင်လို့ ဒီဘက်ကနေပဲ ရိုက်မယ်၊ တို့အလုပ်ကို နားလည်ပေးပါ” လို့ ၀ိုင်းပြောကြတော့ မောင်းမထုတ်တော့ပါဘူး။

ဒါပေမယ့် လုံခြုံရေးတွေက အဝေးကနေပဲ လှမ်းရိုက်ဖို့၊ အနားမတိုးဖို့ တားတဲ့ လုံခြုံရေးဝန်ထမ်းတွေက ကင်မရာမြင်ကွင်းကို ပိတ်ရပ်နေတာမို့ အိန္ဒိယ သတင်းသမားတွေက ပြဿနာရှာပါတော့တယ်။

“ခင်ဗျားတို့က အဝေးကနေလည်း ရိုက်ခိုင်းသေးတယ်။ ရှေ့ကလည်း ပိတ်ရပ်နေတော့ ကျနော်တို့က ဘယ်လုို အလုပ်လုပ်ရမလဲ” လို့ လုံခြုံရေးအကြီးအကဲကို ကင်မရာသမားတယောက်က လှမ်းအော်ပါတယ်။

“သူထွက်လာရင် ဖယ်ပေးပါ့မယ်” လို့ လုံခြုံရေးသမားတွေက ပြောပေမယ့်လည်း “မရဘူး ခုကတည်းက အဲဒီမှာ မရပ်နဲ့” ဆိုပြီး ပြန်အော်ကြပါတယ်။ ဒီလိုဖြစ်နေရင်းက အမျိုးသမီး လုံခြုံရေးတယောက်က ကင်မရာသမားတွေရှေ့က ဖြတ်လျှောက်လာတော့ “ဖယ်စမ်းပါ” ဆိုပြီး ၀ိုင်းအော်လိုက်ကြတာလေ။

သြော် … သူတို့ဆီမှာတော့ ဒီလိုအဖြစ်မျိုးတွေ ရှိတယ်ပေါ့ဆိုပြီး ကျမဖြင့် အတော်လေး အံ့အားသင့်သွားတယ်။

လုံခြုံရေးဝန်ထမ်းတွေကလည်း သူတို့ မီဒီယာသမားတွေကို စိတ်မငြိုငြင်စေချင်ဘူး ထင်ပါတယ်။ ချက်ခြင်းကို တောင်းပန်ပြီး အားလုံး နေရာရှင်းပေးကြပါတယ်။

ဒေါ်အောင်ဆန်းစုကြည် ရောက်လာပါပြီ။ ခရမ်းရင့်ရောင် ၀မ်းဆက်ပေါ်က အဖြူရောက် ကုတ်အင်္ကျီ အဖြူရောင် ပုဝါလေးလွှမ်း ထားတဲ့ ဒေါ်အောင်ဆန်းစုကြည်၊ အိန္ဒိယ နိုင်ငံခြားရေး အတွင်းဝန် ရှရီရန်ဂျန် မတိုင်း နဲ့အတူ ရွှင်ရွှင်ပျပျနဲ့ တံခါးဝကို ရောက် တဲ့အခါမှာ သတင်းသမားတွေဘက်ကို လှည့်ပြီး အိန္ဒိယရိုးရာ နှုတ်ဆက်ပုံစံအတိုင်း လက်အုပ်ချီပြီး နှုတ်ဆက်ပါတယ်။

သတင်းသမားတွေက တခုလောက်တော့ မေးခွင့်ပြုပါဆိုတော့ ခနလေး ကိုယ်ရှိန်သတ်ပြီး ကျမတို့ဖက်ကို လှည့်ကြည့်ပါတယ်။ အိန္ဒိယကို နှစ် ၄၀ အတွင်း ပထမဆုံးအကြိမ် ပြန်ရောက်လာတာ ဘယ်လိုခံစားရပါလဲလို့ ၀ိုင်းမေးတာကို သူပြန်ဖြေမလို့ လုပ်တုန်းမှာပဲ ရုတ်တရက် ကျမ နောက်က သတင်းသမားအုပ်ကြီး တိုးဝှေ့လိုက်တာများ ရှေ့ဆုံးက ကျမ မှောက်လျက် လဲကျမတတ်ပါပဲ။

လုံခြုံရေးတွေက တယောက်တခွန်း ၀ိုင်းမေးကြတဲ့ သတင်းသမားတွေနဲ့ သူ့အကြား ၀င်ကာဆီးပြီး သူ့ကို ကားပေါ်တက်စေ တာကြောင့် ကျမတို့မှာ သူ့ပုံရိပ်ကို ခနလေးပဲ မှတ်တမ်းတင်ခွင့် ရလိုက်ပါတယ်။

ကျမတို့ သတင်းသမားတွေထက် ဆိုးတာကတော့ သူ့ကို လာကြိုတဲ့သူတွေပါပဲ။

“သူထွက်လာတုန်းလေးတော့ မြင်လိုက်ရတယ်။ မျက်နှာလေးကို ဖွေးသန့်နေတာပါပဲ။ အဝေးကနေပဲ လှမ်းမြင်ရလို့ အားမရဘူး။ ဒါ့ထက်ဆိုးတာက ကျမတို့က အမေစုကို ကိုယ်တိုင်ကိုယ်ကျ ပန်းကုံးစွပ်ပေးချင်တာ၊ နှုတ်ဆက်ချင်တာ၊ အခုက မနက်အစောကြီး ကတည်း ဘယ်အချိန် ရောက်မယ်မှန်းမသိ လာစောင့်ရတာကို ဟိုတားဒီတားနဲ့ဆိုတော့ ၀မ်းနည်းတာပေါ့” လို့ လာကြိုတဲ့သူတ ယောက်က ပြောပြပါတယ်။

လေဆိပ်မှာလာကြိုတုန်း မတွေ့လိုက်ရဘူး ဆိုပေမယ့် ဒေါ်အောင်ဆန်းစုကြည်ဟာ လာမယ့် သောကြာနေ့မှာ နယူးဒေလီရောက် မြန်မာမိသားစုတွေနဲ့ တွေ့ဖို့ ပြင်ဆင်ထားတာကြောင့် အဲ့ဒီအချိန်ကျ တွေ့ခွင့်ရရင်တော့ ၀မ်းသာရမှာပါလို့ သူက ဆိုပါတယ်။

ဒေါ်အောင်ဆန်းစုကြည်ရဲ့ ခရီးစဉ်အဓိက အကြောင်းရင်းဖြစ်တဲ့ ဂျဝါဟလာနေရူး အထိမ်းအမှတ် ဟောပြောပွဲမှာလည်း မြန်မာ မိသားစုတချို့ တက်ရောက်ခွင့် ရထားပါတယ်။

ဒီနေ့ညနေပိုင်းမှာတော့ သူဟာ အိန္ဒိယ အာဏာရပါတီဖြစ်တဲ့ ကွန်ဂရက်ပါတီ ဥက္ကဌ ဆိုနီယာ ဂန္ဒီနဲ့ တွေ့ဆုံမှာပါ။ မနက်ဖြန် မနက်ပိုင်းမှာလည်း အိန္ဒိယ ၀န်ကြီးချုပ် မာမိုဟမ်ဆင်းနဲ့တွေ့မှာ ဖြစ်ပါတယ်။ တိုတောင်းတဲ့ ခရီးစဉ်အတွင်းမှာ သူ့အတွက် အချိန်ရှားပါးပေမယ့် မြန်မာမိသားစုတွေနဲ့လည်း လာမယ့် သောကြာနေ့မှာ တွေ့ဖို့ စီစဉ်ထားပါတယ်။

Ref: ဧရာဝတီ

Read More...

Collapse...

ဗိုလ်နှုတ်ခမ်းမွေး၏ တပ်ဖွဲ့ဝင်များကို ထိုင်းအာဏာပိုင်များ တရက်ကြာ ဖမ်း

သန်းထိုက်ဦး
November 13, 2012

ိုတိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်ဖွဲ့မှ ဗိုလ်နှုတ်ခမ်းမွေး (ခေါ်) ဗိုလ်ချုပ် စောလားပွယ်၏ ဆွေမျိုးနှင့် တပ်ဖွဲ့ဝင်တချို့ လိုက်ပါလာသည့် ကားတစီးကို ထိုင်းအာဏာပိုင်များက နိုဝင်ဘာလ ၁၁ ရက်နေ့တွင် ဖမ်းဆီးခဲ့ပြီး နောက်တရက်တွင် ပြန်လွှတ်ပေးလိုက်ကြောင်း သိရသည်။

ယင်း ကားပေါ်တွင် DKBA တပ်ဖွဲ့ဝင် ၂ ဦးနှင့် ဗိုလ်ချုပ် စောလားပွယ်၏ ဆွေမျိုး အပါအ၀င် ၆ ဦး လိုက်ပါလာပြီး မဲဆောက်မြို့မှ တဆင့် ထိုင်း-မြန်မာနယ်စပ်သို့ မောင်းသွားနေစဉ် ဖုပ္ဖရဒေသရှိ စစ်ဆေးရေး ဂိတ်တခုတွင် အဖမ်းခံရခြင်း ဖြစ်ကြောင်း DKBA တပ်ဖွဲ့မှ ဗိုလ်မှူးကြီး စန်းအောင်က ဧရာဝတီသို့ ပြောသည်။

ကားပေါ်တွင် လိုက်ပါလာသူများသည် နယ်စပ်ဖြတ်ကျော်သည့် တရားဝင် စာရွက်စာတမ်း တချို့သာပါရှိပြီး ထိုင်းနိုင်ငံ နယ်စပ်မှ တဆင့် DKBA တပ်ဖွဲ့ဝင်ရှိရာ မြ၀တီမြို့နယ် ဆုံစည်းမြိုင် ကျေးရွာသို့ သွားမည်ဟု သိရသည်။

DKBA တပ်ဖွဲ့ဝင်များရှိရာ ဆုံစည်းမြို့ဒေသကို မြ၀တီမြို့မှ သွား၍ရသော်လည်း ဗိုလ်ချုပ် စောလားပွယ်၏ အမျိုးတော်စပ်သူ သက်ကြီးရွယ်အို ပါသည့်အတွက် အဆင်ပြေရန် စီစဉ်ခဲ့ကြောင်း ဗိုလ်မှူးကြီး စန်းအောင်က ဆက်ပြောသည်။

ထိုင်း အာဏာပိုင်များက ကားပေါ်တွင် လိုက်ပါလာသူများကို ပြန်လွှတ်ပေးသော်လည်း ကားမောင်းသူကိုမှု လူကုန်ကူးမှုဖြင့် စွပ်စွဲ၍ မဲဆောက်မြို့နယ် ရဲစခန်းတွင် ထိန်းသိမ်းထားကြောင်း သိရသည်။

လတ်တလောတွင် ကားမောင်းသမား ပြန်လည် လွတ်မြောက်လာရန် ကြိုးစားဆောင်ရွက်နေပြီး အခြေအနေများကို မသိရှိရသေး ကြောင်း ကားသမားအမှုကို ဆောင်ရွက်ပေးနေသည့် DKBA တပ်ဖွဲ့မှ ကိုဇေယျာက ပြောသည်။

“ကားနဲ့ လူကိုတော့ မရသေးဘူး။ ဒီမနက် ကားကို လာထုတ်ပါလို့ ရဲအရာရှိတဦးရဲ့ လက်ထောက်က ပြောတယ် ဆိုပြီးတော့ လှမ်းပြောလို့ ကျနော်တို့ သွားတဲ့အခါ အမှုတွဲ ကာယံကံရှင်က တရားရုံးရောက်နေတော့ ထုတ်လို့ မရသေးပါဘူး” ဟု ၎င်းက ဆိုသည်။

ကားမောင်းသမားနှင့် ပတ်သက်သည့် အခြေအနေမှန်ကို ကားမောင်းသမားနှင့် တွေ့ဆုံ စကားပြောခွင့် ရမှသာလျှင် သိရှိရမည်ဟု ကိုဇေယျာက ပြောသည်။

“အရင်ကလည်း ထိုင်းနိုင်ငံကနေပြီးတော့ သွားတာပဲ။ သွားခဲ့တဲ့ အခေါက်ရေလည်းများပြီ။ ဒီတကြောင်းကျမှ ဘာဖြစ်လို့ ဒီလို ဖြစ်တာလဲ ဆိုတာကတော့ နောက်ကွယ်က တခုခုများ ရှိနေသလားလို့ ကျနော်တို့ စဉ်စားထားတာရှိပါတယ်”ဟု ဆိုသည်။

ကိုဇေယျာက ဖမ်းဆီးရသည့် အကြောင်းအရင်းကို ရှင်းရှင်းလင်းလင်း မသိရသေးကြောင်း၊ ကားလမ်းများ သွားရေးလာရေး အခက်အခဲရှိသည့်အခါ နှစ်နိုင်ငံ မဟာမိတ်ဆက်ဆံရေး ပုံစံအရ DKBA တပ်ဖွဲ့ဝင် တချို့ကို ထိုင်းနိုင်ငံဘက်မှ ပို့လေ့ပို့ထ ရှိကြောင်းပြောသည်။

ဗိုလ်ချုပ် စောလားပွယ်ကို ဧပြီလ ၂၀ ရက်နေ့က ထိုင်းနိုင်ငံရှိ မူးယစ်ဆေး ထိန်းချုပ်ရေး ဘုတ်အဖွဲ့ရုံး (ONCB)မှ မူးယစ် ဆေးဝါးနှင့် ပတ်သက်၍ ဖမ်းဆီးရန် ဆုငွေ ထိုင်း ဘတ် ၁ သန်း (ဒေါ်လာ ၃,၂၀၀၀ခန့်) ထုတ်ပြန်ထားသည်။

DKBA တပ်ဖွဲ့ဝင်များ အခြေစိုက်သည့် ဝေါ်လေတပ်စခန်း တည်ရှိရာ ထိုင်းဘက်ခြမ်းတွင် ၂၀၀၃ ခုနှစ်က ပိုင်ရှင်မဲ့ စိတ်ကြွ ဆေးပြား (ရာဘ) အလုံးရေ ၉ ဒဿမ ၄ သန်း ဖမ်းဆီးရရှိခဲ့မှုနှင့် ပတ်သက်၍ ONCB အဖွဲ့က ဗိုလ်ချုပ် စောလားပွယ်တွင် တာဝန်ရှိသည်ဟု စွပ်စွဲ၍ ဆုကြေးငွေ ထုတ်ထားခြင်း ဖြစ်သည်။

Ref: ဧရာဝတီ

Read More...

Collapse...

ငလျင်ကြောင့် စစ်ကိုင်းတိုင်းတွင် ဆုံးရှုံးမှုတန်ဖိုး ကျပ်သိန်း ၂၇၀၀ ခန့်ရှိ

နန်းသီရိလွင်
November 12, 2012

စစ်ကိုင်းနှင့် ရွှေဘိုခရိုင်အတွင်း လှုပ်ခတ်ခဲ့သော ငလျင်ဒဏ်ကြောင့် သေဆုံးသူ ၂ ဦး၊ ပျောက်ဆုံးသူ ၅ ဦး၊ ဒဏ်ရာရသူ ၂၆ ဦးနှင့် ပြိုကျပျက်စီးသည့်အဆောက်အဦးပေါင်း ၁၁၈ ခု ရှိပြီး ဆုံးရှုံးမှုတန်ဖိုး ကျပ် ၂၆၉၂. ၅ သိန်းခန့် ရှိနိုင်ကြောင်း စစ်ကိုင်း တိုင်း ဒေသကြီး အစိုးရအဖွဲ့က သတင်း ထုတ်ပြန်ထားသည်။

မြန်မာနိုင်ငံရဲတပ်ဖွဲ့၏ ယနေ့နံနက် သတင်းထုတ်ပြန်ချက်တွင် ယမန်နေ့က ငလျင်လှုပ်ခတ်မှုများကြောင့် တခြား တိုင်းဒေသများ အပါအဝင် သေဆုံးသူ စုစုပေါင်း ၁၁ ဦး၊ ပျောက်ဆုံးနေသူ ၃၆ ဦး ရှိကြောင်း သိရသည်။

နိုဝင်ဘာ ၁၁ ရက်နေ့ နံနက်ပိုင်းက လှုပ်ခတ်ခဲ့သည့် အင်အားရခ်ျတာ စကေးလ် ၆ ဒဿမ ၈ ရှိ အင်အားပြင်းထန်သည့် ငလျင်ကြောင့် စစ်ကိုင်းခရိုင်နှင့် ရွှေဘို ခရိုင်အတွင်းရှိ မြို့နယ် ၆ မြို့နယ်တို့တွင် ပျက်စီးဆုံးရှုံးမှုများ ရှိခဲ့ပြီး ရွှေဘိုမြို့နယ်နှင့် စဥ့်ကူးမြို့နယ်ကို ဆက်သွယ်ပေးမည့် ဆောက်လုပ်ဆဲ ရတနာသိင်္ခ ဧရာဝတီ မြစ်ကူးတံတား၏ တံတားတိုင် ၁ နှင့် ၃ အကြားရှိ ၂၀ မီတာ အရှည် တံတားသံပေါင်နှင့် တာဝါတိုင်တခု ပြိုကျ ပျက်စီးခဲ့ကြောင်း ဇက် ရေယာဉ်တစီးနှင့် Barge ယာဉ်တစီး တို့သည် လျှောကျသည့် တံတား သံပေါင်အောက်တွင် ဧရာဝတီ မြစ်အတွင်း နစ်မြုပ်ခဲ့ကြောင်း သိရသည်။

“ငလျင်လှုပ်တဲ့ အချိန်မှာ ကျနော်နဲ့အတူ တံတားပေါ်မှာ တော်တော်များများရှိနေတယ်။ ပထမတော့ ငလျင်က အလျားလိုက် လှုပ်တယ်။ နောက် အပေါ်အောက် လှုပ်တဲ့အချိန်မှာ တံတားပေါ်က ဆောက်လက်စ တာဝါတိုင်က လေးပေလောက် အပေါ်ကို မြောက်တက်သွားပြီး မြစ်ဘက်ကို ပြုတ်ကျသွားတာ။ အဲဒီမှာ ကျနော်တို့ အလုပ်သမားတွေလည်း ပြုတ်ကျကုန် တာပဲ” ဟု ရတနာသိင်္ခ တံတားဆောက်လုပ်ရေး လုပ်ငန်းခွင်မှ အလုပ်သမား တစ်ဦး ကဆိုသည်။

ငလျင်ဒဏ်ကြောင့် ပြိုကျပျက်စီးသွားသော ရတနာသိင်္ခ တံတားဆောက်လုပ်ရေး လုပ်ငန်းနေရာသို့ ဒုတိယ သမ္မတ ဒေါက်တာ စိုင်းမောက်ခမ်း ယနေ့ နံနက်ပိုင်းက လာရောက်ကြည့်ရှုသွားခဲ့သည်။

“မြစ်ထဲမှာ ရှိနေတဲ့ တံတားတိုင် ၃ နဲ့ စဥ့်ကူးဘက်က တံတားတိုင်တွေအားလုံးကို စစ်ဆေးပြီးပါပြီ။ အားလုံး အခြေအနေ ကောင်းပါတယ်။ ဒီဘက်က တံတားတိုင်တွေကိုပဲ ပြန်ဆောက်ရဖို့ ရှိတယ်” ဟု ဆောက်လုပ်ရေး ၀န်ကြီးဌာန ပြည်ထောင်စု ၀န်ကြီးက ပြောသည်။

ဒုတိယ သမ္မတ ဒေါက်တာ စိုင်းမောက်ခမ်းသည် ပြိုကျ ပျက်စီးနေသည့် တံတားကို ကြည့်ရှုစစ်ဆေးသွားပြီး ငလျင်ဘေးဒဏ် ခံခဲ့ရသည့် ကျောက်မြောင်းမြို့နယ်ခွဲ ဒေသခံများကို တွေ့ဆုံ အားပေးသွားကြောင်း သိရသည်။

“အသေအပျောက် မရှိပေမယ့် ကျနော်တို့ ဆိုရင် တရွာလုံး နီးပါး အပြင်ထွက်နေရတယ်။ အဲဒါကို ဒုတိယ သမ္မတကို ပြောချင် ပေမယ့် တိုင်းဒေသကြီး ၀န်ကြီးချုပ်က အားလုံး အဆင်ပြေတယ် ဆိုတာကိုပဲ ပိတ်ပြောနေတော့ ကျနော်တို့ အနေနဲ့ ပြောဆိုဖို့ ခက်နေတယ်။ အိမ်တွေ ပြိုမှာ ကြောက်လို့ လူတွေကို ဘောလုံးကွင်းထဲမှာ စုထားရတယ်။ သူတို့ရဲ့ စားဝတ်နေရေး၊ အိမ်၊ ကျောင်းနဲ့ သာသနိက အဆောက်အအုံတွေ ပြန်ဆောက်ဖို့ ကျန်နော်တို့မှာ ဘာမှ မရှိဘူး” ဟု ရွှေဘိုမြို့နယ် ကျောက် မြောင်း မြို့နယ်ခွဲ မလားကျေးရွာအုပ်စုမှ ကျေးရွာ အုပ်ချုပ်ရေးမှူး ဦးဇော်မျိုးထွန်းက ပြောသည်။

မလားကျေးရွာ အုပ်စုနှင့် မခေါက် ကျေးရွာ အုပ်စုများတွင် စာသင်ကျောင်း၊ ဘုန်းတော်ကြီးကျောင်းနှင့် သာနိက အဆောက် အအုံများ၊ အုတ်ဖြင့် ဆောက်ထားသော လူနေအိမ်များ ပြိုကျမှု အများဆုံးဖြစ်ပြီး မလားကျေးရွာ အုပ်စုနှင့် မခေါက်ကျေးရွာ အုပ်စုအကြားရှိ တံတားငယ် တစင်းမှာ ငလျင်ဒဏ်ကြောင့် ပျက်စီးနေသဖြင့် အဆက်အသွယ် မပျက်စေရန် ရပ်ရွာလူထုက ဖြစ်သလို ပြင်ဆင်ထားရကြောင်း သိရသည်။

ငလျင်ကြောင့် မန္တလေးတိုင်း စဥ့်ကူးမြို့နယ် ကျည်တော်ပေါက်နှင့် ကန်တောင် ကျေးရွာ ရွှေတော ရွှေတွင်း ၂ တွင်းတွင် အလုပ် သမား ၂၀ တို့သည် ၄ နာရီအကြာ ပိတ်မိနေခဲ့ကြပြီး ယခုအခါ ပြန်လည် လွတ်မြောက်လာပြီဖြစ်ကြောင်း သိရသည်။

နိုဝင်ဘာလ ၁၁ ရက်နေ့ နံနက် အင်အားပြင်းထန်သော ငလျင်ကြီး လှုပ်ပြီးနောက် နိုဝင်ဘာလ ၁၂ ရက် နံနက် ၃ နာရီအထိ နောက်ဆက်တွဲ ငလျင် ၆ ကြိမ်အထိ လှုပ်ခတ်ခဲ့ပြီး အင်အားအနည်းငယ် ပြင်းထန်သော ငလျင်ငယ်များ ဖြစ်ကြောင်း မိုးလေ၀ သနှင့် ဇလဗေဒ ညွှန်ကြားမှု ဦးစီးဌာနက သတင်းထုတ်ပြန်ထားသည်။

Ref: ဧရာဝတီ

Read More...

Collapse...

အဆောက်အဦးသစ်ကိစ္စဆန္ဒထုတ်ဖော်မှုမှာ ၄င်းတို့နှင့်မဆိုင်ကြောင်း ပုဂံရှေးဟောင်းဌာနမှ ရှင်းလင်း

ငြိမ်းချမ်း(မြစ်မခ)
13 Nov, 2012

ပုဂံရှေးဟောင်းယဉ်ကျေးမှုနယ်မြေအတွင်း အဆောက်အဦးသစ်များ တည်ဆောက်နေမှုအပေါ်ဒေသခံများက ဆန္ဒထုတ်ဖော်ခဲ့ သော်လည်း ၄င်းအဆောက်အဦးများမှာ ယခင်စစ်အစိုးရလက်ထက်ကတည်းက တည်ဆောက် ခဲ့ခြင်းကြောင့် အချို့အကြောင်း အရာများမှာ ရှေးဟောင်းဌာနနှင့် သက်ဆိုင်ခြင်းမရှိသောကြောင့် လိုက်လျော မပေးနိုင်ကြောင်း ပုဂံရှေးဟောင်းဦးစီးဌာနထံက သိရသည်။

လက်ရှိပုဂံတွင် ဖြစ်ပွားနေသည့် ဆန္ဒထုတ်ဖော်မှုမှာ ရှေးဟောင်းဌာန အနေနှင့်တိုက်ရိုက် သက်ဆိုင်မှုမရှိပဲဌာန မူဝါဒစည်း မျဉ်းစည်းကမ်းများနှင့်ကိုက်ညီမှုမရှိသောကြောင့် ရှေးဟောင်းဌာနအနေဖြင့် လိုက်လျောပေးနိုင်ခြင်း မရှိပဲ ရှေးဟောင်းဌာန မူဝါဒစည်းမျဉ်းစည်းကမ်းများနှင့် ကိုက်ညီမှုရှိမှသာ လုပ်ဆောင်ပေးနိုင်မည်ဖြစ်ကြောင်း သိရသည်။

“အခုလက်ရှိဖြစ်နေတာက အရင် စစ်အစိုးရလက်ထက်တုန်းက ဖြစ်ခဲ့တဲ့ဟာတွေ တစ်ချို့အကြောင်း တွေက ရှေးဟောင်းဌာနနဲ့ ကိုက်ညီမှု မရှိပါဘူး၊ဒါကြောင့်မို့ ဌာနအနေနှင့်လုပ်ဆောင် မပေးနိုင်တာပါ”ဟု ပုဂံ ရှေးဟောင်းဌာနညွှန်ကြားရေးမှုး ကိုနိုင်ဝင်းက ပြောသည်။

ပုဂံမြို့ဟောင်းအတွင်း ဗူးဘုရားအနီးရှိ ညဈေးတန်းအဆောက်အဦးသစ်များနှင့်ကဇာတ်ရုံတည်ဆောက်ထားရှိမှု သာ ရှေးဟောင်းဋ္ဌာန နှင့် သက်ဆိုင်သည့်အတွက် ဖျက်ဆီင်္းခိုင်းထားကြောင်းကိုလည်း သိရသည်။

၁၉၉၀ခုနှစ်က ပုဂံမြို့ဟောင်းအား ယဉ်ကျေးမှုဇုန်အဖြစ် သတ်မှတ်ရန်အတွက် လူနေအိမ်များအား ဖယ်ရှားခဲ့ပြီး နောက်ပိုင်းတွင် ယခုလိုအဆောက်အဦးသစ်များ တည်ဆောက်နေမှုကြောင့် ယခုနှစ် အောက်တိုဘာလ(၂၂)ရက်နေ့တွင် ဒေသခံ ကိုမင်းနိုင် အောင်က ဦးဆောင်၍ ဆန္ဒထုတ်ဖော်ခဲ့ကြောင်းကိုလည်း သိရသည်။

ထိုကဲ့သို့ ဆန္ဒထုတ်ဖော်ခဲ့သော်လည်း သက်ဆိုင်ဌာနအနေဖြင့် လုပ်ဆောင်ပေးနိုင်ခြင်း မရှိသောကြောင့် နိုဝင်ဘာလ(၁၀)ရက် နေ့၌ ရန်ကုန်မြို့ရှိ မီဒီယာများနှင့် တွေ့ဆုံခဲ့ပြီး နိုဝင်ဘာလ(၂၂)ရက်နေ့တွင် ပုဂံ၌ ဒုတိယအကြိမ်ဆန္ဒထုတ်ဖော်သွားရန် စီစဉ် ထားကြောင်းကိုလည်း သိရသည်။

“အဆောက်အဦးသစ်တွေကို တားဆီးမပေးမချင်း ကျွန်တော်တို့ကတော့ ဆက်လက်ဆန္ဒထုတ်ဖော်နေမှာပါ ၊ကျွန်တော်တို့ဒေသခံ တွေကြတော့ အိမ်တွေဖယ်ပေးရပြီး လုပ်ငန်းရှင်တွေကိုတော့ ၀င်ရောက်နေရာယူ နေတာကို ကျွန်တော်တို့ ဒေသခံတွေက မ ကျေနပ်ပါဘူး”ဟု ကိုမင်းနိုင်အောင်က ပြောသည်။

အောက်တိုဘာ(၂၂)ရက်နေ့ ပထမအကြိမ် အဆောက်အဦးသစ်ကိစ္စ ဆန္ဒထုတ်မှုမှာ ဒေသခံ ကိုမင်းနိုင်အောင်မှ တကိုယ်တော် ဦးဆောင် ဆန္ဒထုတ်ဖော်ခဲ့ခြင်းဖြစ်ပြီး တစ်လပြည့်မြောက်သည့် နိုဝင်ဘာ(၂၂)ရက်နေ့ ဆန္ဒထုတ် ဖော်မှုမှာ ပုဂံရှေးဟောင်းနယ် မြေ ယဉ်ကျေးမှုထိမ်းသိမ်းစောင့်ရှောက်ရေးနှင့် ဖွံ့ဖြိုးတိုးတက်ရေးအဖွဲ့မှ ဦးဆောင်ကာ ပုဂံညောင်ဦးမြို့လုံးကျွတ်ဆန္ဒထုတ်ဖော်ရန် စီစဉ်နေခြင်းဖြစ်ကြောင်း သိရသည်။

ဧရာဝတီမြစ်ဆုံစီမံကိန်းသည်လည်း ယခင်စစ်အစိုးရလက်ထက်က လုပ်ဆောင်ခဲ့ခြင်းဖြစ်သော်လည်းယခုအရပ် သားအစိုးရသစ် လက်ထက်တွင် ပြုပြင်ပြောင်းလဲမှုများဖော်ဆောင်ကာ စီမံကိန်းအား ရပ်ဆိုင်းခဲ့ကြောင်း ပုဂံသားတို့က ထောက်ပြပြောဆိုကြသည်။

ယခုပုဂံယဉ်ကျေးမှုဇုံအတွင်း အဆောက်အအုံများတည်ဆောက်နေမှုကိုလည်း နိုင်ငံတော်အစိုးရအနေဖြင့် ရပ်ဆိုင်းပေစေလိုကြောင်း ကိုမင်းနိုင်အောင်က ထောက်ပြပြောဆိုသည်။

“အရင်အစိုးရ လက်ထက်က မို့လို့ မလုပ်ပေးနိုင်ဘူးဆိုတာတော့ မဖြစ်သင့်ပါဘူး။ မြစ်ဆုံကိစ္စကြီးတောင် ရပ်နားထားခဲ့နိုင် တာပဲ။ မြန်မာတစ်နိုင်ငံလုံးကရော၊ ကမ္ဘာကပါ လူသိများတဲ့ ပုဂံပြည်ကြီးကို မပျောက်ပျက်အောင် ထိန်းသိမ်းဖို့ တောင်းဆိုတာကြ တာပါ” ဟု ပုဂံဒေသခံ ဦးတူးက ပြောသည်။

Ref: မြစ်မခ

Read More...

Collapse...

ကလေးသူငယ်နှင့် ထူထောင်ရေးလုပ်ငန်းများအတွက် BCမှ ဦးစီးသည့် ရန်ပုံငွေဖျော်ဖြေပွဲကျင်းပမည်

မြစ်မခ
13 Nov, 2012

ဗြိတိသျှကောင်စီစာကြည့်တိုက်မှဦးစီးသည့် CSI (Civic Society Initiative) လူငယ်ပရဟိတ အဖွဲ့အစည်း၏ တတိယအကြိမ် ရံပုံငွေဖျော်ဖြေပွဲအား နိုဝင်ဘာလ (၂၅)ရက်နေ့ ညနေ ၄ နာရီမှ ည ၁၁ နာရီအထိ ခြံအမှတ် ၁၂ အေ ၊ မေခလမ်း ၊ မရမ်းကုန်းမြို့နယ်ရှိ ဗြိတိသျှကောင်စီ ညွှန်ကြားရေးမှူး ၏ နေအိမ်ခြံဝင်းအတွင်း၌ ကျင်းပမည် ဖြစ်ပါသည်။

ရည်ရွယ်ချက်မှာ အားငယ်ချို့တဲ့သော ကလေးငယ်များ၏ကိုယ်ပိုင်အရည်အချင်းကို ပြသခွင့်ရရှိပြီး မိမိကိုယ် ကိုယုံကြည်မှု ရှိလာ စေရန်၊ စောင့်ရှောက်မှုကင်းနေသော သက်ကြီးရွယ်အိုများအား အစာ အာဟာရ နှင့် နေရာထိုင်ခင်း အတွက် ကူညီထောက်ပံ့ မှုပေးနိုင်ရန်၊ ကချင်ပြည်နယ်နှင့်ရခိုင်ပြည်နယ် ဒေသ ပြန်လည်ထူထောင် ရေးလုပ်ငန်းများတွင် ကူညီထောက်ပံ့ မှုပေးနိုင်ရန် တို့ဖြစ်သည်ဟု CSI မှ တာဝန်ရှိသူတစ်ဦးက ပြောပါသည်။

Sunkist အချိုရည် မှ exclusive sponsor အဖြစ် ဂုဏ်ယူစွာဖြင့် အဓိက ကူညီပံ့ပိုးထားသည့် ဤ ရန်ပုံငွေဖျော်ဖြေပွဲ တွင် အနုပညာရှင်များဖြစ်သော L လွန်းဝါ၊ Wanted၊ အောင်လ၊ ဟဲလေး၊ သားကြီး၊ ဩရသ၊ အာတီချုပ်၊ ကျော်ထွဋ်ဆွေ၊ SZ၊ ဖြူဖြူကျော်သိန်း၊ မီးမီးခဲ၊ ချစ်သုဝေ၊ ရတနာမိုင်၊ N ကိုင်ရာ၊ အိမ့်ချစ်၊ နန်းသူဇာ၊ မေမြတ်နိုး တို့ ၏ မေတ္တာဖြင့်ပံ့ပိုး ကူညီသီဆိုမှု၊ DJ Blue နှင့် Dancer အဖွဲ့များ ဖြစ်ကြသော Girl Universal နှင့် Black Diamond အဖွဲ့တို့မှ မေတ္တာဖြင့် ကပြဖျော်ဖြေမှုများ ပါဝင်မည် ဖြစ်ပါသည်။

ရံပုံငွေဖျော်ဖြေပွဲတွင် မုန့်မျိုးစုံ၊အလှကုန်၊ လက်ဆောင်ပစ္စည်း၊ fancy ပစ္စည်းအရောင်းဆိုင်များနှင့် ကံစမ်းမဲ အစီအစဉ်များပါဝင် မည်ဖြစ်ကြောင်းကိုလည်း သိရသည်။

လက်မှတ်တစ်စောင်လျှင် ကျပ် (၄၀၀၀) နှုန်း ဖြင့် နိုဝင်ဘာလ (၁၀)ရက်နေ့မှ စတင်ရောင်းချပေး မည်ဖြစ်ပြီး ဝယ်ယူရ ရှိနိုင်သော နေရာများမှာ ဗြိတိသျှကောင်စီစာကြည့်တိုက်နှင့် Telefono Mobile House (Yuzana Plaza, 1st Floor)၊ Smart Resources Education & Consultancy (MWEA Tower # 104, 288/290, Shwe Dagon Pagoda Road, Dagon Tsp)၊Telefono Mobile House ( Yuzana Plaza, 1st floor)၊ Chewy Junior ( No.53, Sint Oho Dan Street, Latha Tsp)၊ Morning Star ( Taw Win) ၊Frolick (Taw Win & Yaw Min Gyi Street) ဆိုင်များတွင် ၀ယ်ယူ နိုင်သည်။

CSI မှအလားတူ ရံပုံငွေဖျော်ဖြေပွဲကို ပြီးခဲ့သည့်နှစ်များကလည်း အောင်မြင်စွာကျင်းပခဲ့ပြီး ထိုမှ ရသော အကျိုးအမြတ်များအား CSI project area မှ ကလေးငယ်များ၏ ပညာရေးထောက်ပံ့မှု၊ သက်ကြီးရွယ်အိုများ ကျန်းမာရေးစောင့်ရှောက်မှု၊ အစာ အာဟာရနှင့် နေရာထိုင်ခင်း ထောက်ပံ့မှုတွင်၎င်း၊ ရခိုင်ပြည်နယ်သို့ အဝတ်အစားများ လှူဒါန်းခြင်းဖြင့် ၎င်း၊ ပုဇွန်တောင် စက်ဆန်းမီးဘေးသင့်သူ များအား အိမ်အသုံးအဆောင်ပစ္စည်းများဖြင့် ၎င်း ထောက်ပံ့လှူဒါန်းမှု ပြုလုပ်ခဲ့ကြောင်း သိရသည်။

စိတ်ဝင်စားသူများအနေဖြင့် ဗြိတိသျှကောင်စီစာကြည့်တိုက် ဖုံးနံပါတ် - ၂၅၄၆၅၈၊ ၂၅၆၂၉၀၊ ၂၅၆၂၉၁ လိုင်းခွဲ - ၃၃၁၆ သို့ ဆက်သွယ်မေးမြန်းနိုင်ပါသည်။

Ref: မြစ်မခ

Read More...

Collapse...

တရုတ်သို့အဓမ္မထိမ်းမြားမှုနှင့် လူကုန်ကူးခံခဲ့ရသူ အမျိုးသမီးတစ်ဦး၏ ဖွင့်ဟ၀န်ခံချက်

ယမင်း(မြစ်မခ)
13 Nov, 2012


မြန်မာနိုင်ငံအတွင်းရှိ လူကုန်ကူးမှုဖြစ်စဉ်များထဲမှ လူကုန်ကူးသူ တရားခံများ၏ (၆၅)ရာခိုင်နှုန်းမှာ အမျိုးသမီးများ ဖြစ်သည်ဟု လူကုန်ကူးမှုတားဆီးကာကွယ်ရေးဗဟိုမှ သိရသည်။ လူကုန်ကူးခံရသူ အများစုမှာလည်း အမျိုးသမီးများပင်ဖြစ်၍ (၈၅)ရာခိုင် နှုန်းရှိကြောင်း သိရသည်။

ပြည်တွင်းမှ ပြည်ပနိုင်ငံများသို့ နှစ်စဉ်လူကုန်ကူးခံရမှု ပုံစံ(၇)မျိုးဖြင့် ဖြစ်ပွားလျှက်ရှိကြောင်း၊ ထိုပုံစံ (၇)မျိုးတွင် အဓမ္မထိမ်းမြား လက်ထပ်မှုမှာ အများဆုံးဖြစ်ကြောင်း သိရသည်။

ရွှေပြည်သာမြို့နယ်အတွင်းပိုင်းကျသည့် ရပ်ကွက်ငယ်တစ်ခုတွင် နေထိုင်ပြီး တရုတ်ပြည်သို့ လူကုန်ကူးခံရကာ (၂)လ၀န်းကျင် ကြာမြင့်ပြီးမှ ပြန်လည်ရောက်လာသည့် အမျိုးသမီးတစ်ဦးက ကိုယ်တိုင် လူကုန်ကူးခံရသည့် အဖြစ်အပျက်မှ ကိုယ်တွေ့ကြုံတွေ့ ခဲ့ရသုတစ်ဦး၏ ပြောပြချက်များအား သိရှိနိုင်ရန် ဖော်ပြအပ်ပါသည်။

မို့မို့

အသက်(၃၂)နှစ်

ယောင်္ကျားအလုပ်က အိမ်တွေကို ဆေးလိုက်သုတ်ရတာဆိုတော့ မိုးတွင်းဆိုရင် အလုပ်ကမရှိဘူး။ အဲ့ဒါနဲ့ မစိုးဆိုတဲ့ အစ်မဆီက ပိုက်ဆံတွေ ခဏခဏ ယူချေးမိတယ်။ ကြာတော့ ပိုက်ဆံအကြွေး (၃)သောင်း လောက်ရှိသွားတယ်။ ကိုယ်က ပြန်လည်း မ ဆပ်နိုင်ဘူး။ သူက တရုတ်ပြည်မှာ အိမ်ဖော် လုပ်မလားတဲ့။ တရပ်ကွက်သားချင်းဆိုတော့ သူ့ကိုလည်း ယုံတယ်လေ။

ဒီလိုနဲ့ ၈လပိုင်း (၂၂)ရက်နေ့က မစိုးနဲ့ လားရှိုးကို လိုက်သွားတယ်။ ဘာမှမပူနဲ့။ စားပြီးသောက်ပြီး (၂)သိန်းရမယ်ဆိုလို့ မစိုးပြောတဲ့စကားကို ယုံပြီး ယောင်္ကျားသဘောမတူတဲ့ကြားကနေ လိုက်သွား ခဲ့တယ်။ ရန်ကုန်ကနေ လာရှိုးကို ကျွန်မ ခရီး ဆက်ခဲ့တယ်။

သားအိမ်အစစ်ခံရတယ်-

ကျွန်မတို့ လားရှိုးကနေ မင်းတိန် ရောက်တော့ ပွဲစားမိန်းမတွေ (၆)ယောက်လောက်ကို တွေ့ရတယ်။ သူတို့က ကျွန်မ အိမ်သာ သွား ရင်အိမ်သာ၊ ထမင်းစားရင်လည်း အမြဲစောင့်ကြည့်နေတယ်။ ပြီးတော့ သူတို့ က အဲ့ဒီမှာ ကျွန်မကို ကလေးမွေးနိုင်၊ မမွေး နိုင် ဗိုက်ကိုစစ်တယ်။ သားအိမ်ကိုစစ်တယ်။ တစ်ကိုယ်လုံးကို စက်တွေနဲ့ စစ်ဆေးတယ်။ ကျွန်မကို ဓါတ်ပုံရိုက်ယူတယ်။ ကျွန်မ စိတ်ထဲမှာ ထင်နေပြီ… သူတို့တွေ က လူကုန်သည်ပွဲစားတွေလားလို့ စိတ်ထဲမှာ သံသယရှိနေပြီ။ နောက်တော့ ကျွန်မ သိလိုက် တယ် သူတို့တွေက လူပွဲစားတွေဆိုတာ။

တရုတ်ငွေ(၄)သောင်းနဲ့ အရောင်းအ၀ယ်ဖြစ်တယ်

ကျွန်မကို ဖုန်းတွေနဲ့လည်း အရောင်းအဝယ်လုပ်နေတာ ကြားတယ်။ အဲ့တာနဲ့ကျွန်မ ထွက်ပြေးဖို့ လုပ်တယ်။ ဘယ်ထွက်ပြေးလို့ရ မလဲ.. သူတို့မိသွားတယ်။ ကျွန်မကို သူတို့တွေက ရိုက်နှက်တာ တွေလုပ်တယ်။

နောက်တော့ ပွဲစားမိန်းမတွေက ကျွန်မလက်ထဲကို တရုတ်ဖုန်းတစ်လုံး လာထည့်ပေးတယ်။ သူတို့နဲ့ ဆက်သွယ်လို့ရအောင်တဲ့။ အဲ့ဒီအချိန်မှာ ကျွန်မသိလိုက်တယ်။ ကျွန်မရောင်းစားခံရပြီ။ ကျွန်မသူတို့ တရုတ်ငွေ(၄)သောင်းနဲ့ အရောင်းအ၀ယ်ဖြစ်သွားတယ်။ ကျွန်မ အရမ်းခံစားရတယ်။ ကျွန်မဘာမှ မစားနိုင်တော့ဘူး။ ငါတော့ သေရတော့မှာပဲဆိုပြီး ငိုပဲငိုနေခဲ့တယ်။ ကျွန်မကိုဝယ်တဲ့ တရုတ်ကြီးက အသက်က (၃၇)နှစ်လောက်ရှိပြီ။ သူ့အိမ်ကိုရောက်သွားတော့ သူ့အမေရယ်၊ သူ့ညီရယ်ရှိတာတွေ့ရ တယ်။

စောင့်ရှောက်ရေးဂေဟာမှာ သောင်သင်နေတယ်

သူ့ဆီရောက်လို့ (၄)ရက်မြောက်နေ့မှာ သူက ကျွန်မကို လက်ဟန်ခြေဟန်နဲ့ အပြင်သွားဖို့ခေါ်တယ်။ ဒီလိုနဲ့ မြို့ထဲရောက်တော့ သူက ယောင်္ကျားလေးအိမ်သာထဲကို ၀င်သွားတယ်။ ကျွန်မလည်း ထွက်ပြေးဖို့ စိတ်ကူးရသွားတယ်။ နီးစပ်ရာ သတင်းစာရောင်း နေတဲ့ တရုတ်ကြီးတစ်ယောက်ကို ကျွန်မ ခြေဟန်လက်ဟန်နဲ့ ငိုပြီးပြောပြတယ်။ အဲ့ဒါနဲ့သူက တရုတ်ရဲကို ဖုန်းဆက်ပေးတယ်။ တရုတ်ရဲ ရောက်လာတယ်။ ကျွန်မကို စခန်းကို ခေါ်သွားတယ်။ ကျွန်မကိုမေးတဲ့အခါမှာ ကျွန်မကို ၀ယ်တဲ့ တရုတ်ကြီးကို ဖုန်းနဲ့ ဓါတ်ပုံရိုက်ထားတာရှိတယ်လေ။ အဲ့ဒါကို ပြလိုက်တယ်။ သူတို့က အဲ့ပုံကို ဖျက်ပစ်တယ်။ ကျွန်မကို ပွဲစားမိန်းမတွေဆီကို ဖုန်းခေါ် ခိုင်းတယ်။ ပွဲစားတွေက ဖုန်းကို ချချပစ်တယ်။ လုံးဝမကိုင်ဘူး။ အဲ့ဒါနဲ့ တရုတ်ရဲတွေက မူဆယ်နယ်စပ်ဂေဟာကို လိုက်ပုိ့ပေး တယ်။

အဲ့ဒီမှာ (၁၅- ၁၆)အရွယ် ကောင်မလေးတွေ အများကြီးပဲတွေ့ရတယ်။ တချို့ဆို ကိုယ့်ကိုကိုယ် တောင်မမှတ်မိချင်ဘူး။ ဦးနှောက်ပျက်နေတဲ့သူတွေ၊ ကိုယ့်အိမ်လိပ်စာတောင် ကိုယ်မမှတ် မိကြလို့ အမျိုးသမီးများထိန်းသိမ်းစောင့်ရှောင်ရေး ဂေဟာမှာ သောင်တင်နေတဲ့လူတွေလည်း အများကြီးပဲ။

အဲ့ဒီမှာတွေ့ရတဲ့ မိန်းကလေးတွေအများစုက အရမ်းဆင်းရဲပြီး စားဝတ်နေရေး မပြေလည်လို့ လူကုန် ကူးခံရတဲ့ သူတွေကြီးပဲ။

(၂)လတာ ငရဲခန်း

“ရည်ရွယ်တာက ဘုံနန်း၊ ခံစားရတာ ငရဲခန်း ”ဆိုတဲ့ ဂေဟာမှာတွေ့တဲ့ဆောင်ပုဒ်လေး တိုင်းပါပဲ။ ဒါ့ကြောင့် ကျွန်မကိုယ့်နိုင်ငံမှာ လက်လုပ်လက်စားပဲလုပ်ရလုပ်ရ ရှာဖွေစားတော့မယ်။ လူကုန်ကူးတဲ့ ပွဲစားတွေကိုလည်း များများဖမ်းစေချင်တယ်။ အမျိုး ကောင်း သမီးလေးတွေကို မပျက်စီးစေချင်ဘူး။ ကိုယ့်နိုင်ငံမှာ ရှိတဲ့အလုပ်တွေကိုပဲ ရှာဖွေစားသောက်ကြပါ။ သူများနိုင်ငံဆိုတာက မ လုံခြုံပါဘူး။ အထင်မကြီးစေချင်ဘူး။ ကျွန်မလည်း ကျွန်မကို လူကုန်ကူးခဲ့တဲ့ ပွဲစားတွေကိုလည်း တိုင်ချက်ဖွင့် ထားတယ်။ ၂၂ရက်နေ့ ၈လပိုင်းက လိုက်သွားခဲ့တာ။ အခု ၂၁ရက်နေ့ ၁၀လပိုင်းမှာ ပြန်ရောက် လာတာပါ။ ၂လနီးပါးကြာ ခဲ့ပါတယ်။

မြန်မာပြည်မှာပဲ အလုပ်လုပ်တော့မယ်

အခု ကျွန်မစိတ်ကူးထားတာက ၁ ပတ်လောက်နားပြီးရင် ယောင်္ကျားနဲ့ အလုပ်လုပ်မယ်လို့ စိတ်ကူး ထားပါတယ်။

လူကုန်ကူးခံရမှုမှာ လက်ရှိအချိန်တွင် မြို့ပေါ်မှ မိန်းကလေး မျာသာမက ယောင်္ကျားလေးများပါ လူကုန်ကူးခံနေရကြောင်း လူကုန်ကူးမှုကာကွယ်တာဆီးရေးအဖွဲ့များထံက သိရသည်။

“အရင်တုန်းကဆို အသိပညာနည်းပါးတဲ့ တောရွာတွေက လူတွေပဲလူကုန်ကူးခံရပေမယ့် အခုဆိုမြို့တွေက လူတွေပါ လူကုန် ကူးခံနေရတယ်။ မိန်းကလေးတွေ အများစု လူကုန်ကူးခံရတာကို လူတွေသိပေမယ့် နယ်စပ်ဘက်တွေက နေတဆင့်သွားတဲ့ ယောင်္ကျားလေးတွေလည်း လူကုန်ကုးခံ နေကြရတာတွေ အများကြီးရှိပါတယ် ” Youth Legal Clinic အဖွဲ့မှ ဒေါ်လှလှရီက ပြောသည်။

မြန်မာနိုင်ငံမှနေ၍ အခြားနိုင်ငံများသို့ လူကုန်ကူးခံရမှုတွင် တရုတ်နိုင်ငံသို့ လူကုန်ကူးခံရခြင်းမှာ အများဆုံးဖြစ်နေကြောင်း လူကုန်ကူးမှုဗဟိုမှ စာရင်းများအရ သိရသည်။ တရုတ်နိုင်ငံသို့ လူကုန်ကူးခံရသူ အရေအတွက်များပြားနေခြင်းမှာ တရုတ် ပြည်အစိုးရမှ ချမှတ်ထားသော one Child ပေါ်လစီ ကြောင့် အိမ်ထောင်သည်အများစု ကလေးယူရာတွင် ယောင်္ကျား လေးသာ အယူများနေပြီး တရုတ် ပြည်တွင် သတို့သမီး သန်း(၂၀၀) ၀န်းကျင်လိုအပ်လျက် ရှိသည့်အတွက် အိမ်နီးချင်းနိုင်ငံ များမှ အမျိုးသမီးများ လူကုန်ကူးခံနေရခြင်းဖြစ်သည်။

တရုတ်အစိုးရအနေဖြင့် လူကုန်ကူးမှုတားဆီးနှိမ်နှင်းရေးကို ထိရောက်စွာအရေးယူမှုမပြုလုပ်သည့် အတွက် မြန်မာနိုင်ငံသူနိုင်ငံ သားတို့၏ လုံခြုံရေးကို မိမိတို့ကိုယ်တိုင်ထိန်းသိမ်းရန် အရေးကြီးကြောင်း ကရင်အမျိုးသမီးဖွံ့ဖြိုးတိုးတက်ရေးအဖွဲ့မှ ဆိုထား သည်။

Ref: မြစ်မခ

Read More...

Collapse...

ရန်ကုန်လေဆိပ် ၀န်ထမ်းများအတွက် လစာမဲ့ခွင့် (၅)နှစ်ပေးရန် အစီအစဉ်ရှိ

ဥာဏ်ဥာဏ် (မြစ်မခ)
13 Nov, 2012

ရန်ကုန်အပြည်ပြည်ဆိုင်ရာလေဆိပ်အား ပုဂ္ဂလိကကဏ္ဍအဖြစ် ဆောင်ရွက်သည့်အခါ၌ လက်ရှိတာဝန် ထမ်းဆောင်နေကြသည့် ၀န်ထမ်းများအနေဖြင့် ပုဂ္ဂလိကကုမ္ပဏီများ၌ ၀င်ရောက်လုပ်ကိုင်လိုသည့် ၀န်ထမ်းများအား လစာမဲ့ခွင့်အဖြစ် (၅)နှစ်ပေးရန် စီစဉ်ထားကြောင်း လေကြောင်းပို့ဆောင်ရေးညွှန်ကြားမှု ဦးစီးဌာနက သိရှိရသည်။

ယခုကဲ့သို့ စီစဉ်ထားရာ၌ လေကြောင်းပို့ဆောင်ရေးညွှန်ကြားမှု ဦးစီးဌာန လက်အောက်ရှိဝန်ထမ်းများအနေဖြင့် ရန်ကုန် အပြည် ပြည်ဆိုင်ရာလေဆိပ်တွင် လုပ်ငန်းလုပ်ကိုင်ခွင့်ရရှိသည့် ပုဂ္ဂလိကကုမ္ပဏီများမှ လစာ ရယူကာ (၅)နှစ် အလုပ်လုပ်ကိုင်ခွင့် ပြုခြင်းဖြစ်သည်။

“ဒီလို ပုဂ္ဂလိက ကုမ္ပဏီအတွက် တာဝန်ထမ်းဆောင်နေတဲ့ ၀န်ထမ်းတွေက အစိုးရ ၀န်ထမ်းများ အဖြစ် ဆက်လက် သတ် မှတ်ခြင်း ခံထားရမှာ ဖြစ်ပါတယ်။” ဟု လေကြောင်း ပို့ဆောင်ရေး ညွှန်ကြားမှု ဦးစီးဌာနမှ တာဝန်ရှိသူတစ်ဦက ပြောသည်။

လစာမဲ့ခွင့်(၅)နှစ်ပြည့်သည့်အခါ အစိုးရ၀န်ထမ်းတာဝန်အား ထမ်းဆောင်လိုခြင်း မရှိတော့ပဲ ကုမ္ပဏီဝန်ထမ်း အဖြစ်သာ တာဝန်ထမ်းဆောင် လိုပါကလည်း ခွင့်ပြုပေးနိုင်ရန် အတွက်ပါ စီစဉ်ဆောင်ရွက်သွားမည် ဖြစ်ကြောင်းကိုလည်း သိရှိရသည်။

ပုဂ္ဂလိကကုမ္ပဏီများ၌ အဆိုပါ ၀န်ထမ်းများ၏ စွမ်းဆောင်မှုအပေါ်မူတည်၍ အမှုထမ်းမှ တဆင့် အရာထမ်းများ ဖြစ်လာနိုင် ကြောင်းကိုလည်း သိရှိရသည်။

“ဒီလို လစာမဲ့ခွင့်နဲ့ ပြောင်းရွှေ့လုပ်ကိုင်ခွင့်မှာတော့ လေကြောင်းပို့ဆောင်ရေး ညွှန်ကြားမှု ဦးစီးဌာန လက်အောက်ရှိတဲ့ ၀န်ထမ်း တွေ အတွက်သာ ဆောင်ရွက်သွားမှာ ဖြစ်ပါတယ်။” ဟု လေကြောင်းပို့ဆောင်ရေး ညွှန် ကြားမှုဦးစီးဌာနမှ တာဝန်ရှိသူက ဆက်ပြောသည်။

အထက်ပါဆောင်ရွက်ချက်များအား ဆောင်ရွက်နိုင်ရေးအတွက် သက်ဆိုင်ရာဝန်ကြီးဌာန တာဝန်ရှိသူများ ထံသို့ ဆက်လက် တင်ပြသွားမည်ဖြစ်ကြောင်နှင့် ခွင့်ပြုချက် ရရှိလာပါက ရန်ကုန် အပြည်ပြည်ဆိုင်ရာ လေဆိပ်မှာ ပုဂ္ဂလိကမှ ၀င်ရောက်လုပ် ကိုင်သည့်အခါ လုပ်ငန်းများအစီအစဉ်တကျဖြစ်စေရေးနှင့် လိုအပ်သည့် စည်းကမ်းချက်များ၊ ထုတ်ပြန်ချက် များအား ရေးဆွဲပြု စုလျက်ရှိကြောင်းသိရသည်။

လက်ရှိအချိန်တွင် ရန်ကုန်အပြည်ပြည်ဆိုင်ရာလေဆိပ်အား ပုဂ္ဂလိက လုပ်ကိုင်ခွင့်အတွက် တင်ဒါခေါ်ယူလျှက်ရှိကြောင်း လေကြောင်း ညွှန်ကြားမှုဦးစီးဋ္ဌာနမှ သိရှိရသည်။

Ref: မြစ်မခ

Read More...

Collapse...

လူခြောက်သောင်းကျော်မှ Samsumg Galaxy mini ကံထူးရှင်(၈၀) ပေါ်ထွက်

ထက်အောင်ခန့် (မြစ်မခ)
12 Nov, 2012

ရန်ကုန်ရှိ လူကြီးမင်းဖုန်းဆိုင်(၇)ဆိုင်မှာ Samsumg Galaxy mini အမျိုးအစား ဟမ်းဆက် အလုံးရေ ၈၀ အား နိုဝင်ဘာ ၁၂ ရက်နေ့က မဲဖောက်ပေးခဲ့သည်။

ယခုအစီအစဉ်မှာ နိုဝင်ဘာ (၃)ရက်နေ့တွင် အစီအစဉ် ဖျက်သိမ်းခဲ့သောကြောင့် လူကြီးမင်းဖုန်း ဆိုင်အား လိမ်လည်သည်ဟု သတင်းအမျိုးမျိုးထွက်ပေါ်ခဲ့ပြီးနောက် ယခုကဲ့သို့ မီဒီယာအရှေ့တွင် မဲဖောက်ပေးခဲ့ခြင်း ဖြစ်သည်။

“ကျွန်တော်တို့ရဲ့ဝယ်ယူသူတွေကို အမှန်တကယ် မဲဖောက်ပေးချင်တာပါ။ ယခုလိုမဲပေါက်တဲ့သူတွေ ကိုလည်း ဖုန်းဆက် အကြောင်း ကြားပေးမှာပါ။ ဆိုင်ရှေ့တွေမှာလဲ ကြော်ငြာစာရွက်တွေနဲ့ ကပ်ထား ပေးမှာပါ” ဟု လူကြီးမင်းဖုန်းဆိုင်မှ ဒါရိုက်တာ ကိုရန်နိုင်စိုးမြင့်က ပြောသည်။

မဲဖောက်ပေးရာ၌အင်းစိန်မြို့နယ်ရှိ ဖော့ကန်ဆိုင်တွင် မဲပေါက်သူနှစ်ဦးတွင် တစ်ဦးမှာ မှတ်ပုံတင်ဖြည့်သွင်း ရမည့်နေရာတွင် မှတ်ပုံတင်ပြုလုပ်ဆဲဟု ဖြည့်သွင်းထားပြီး၊ နောက်တစ်ဦးမှာ မှတ်ပုံတင်နံပါတ်မပီမသ ဖြည့်သွင်းထားသဖြင့် ထိုမဲပေါက်သူနှစ်ဦးအား ပယ်မဲအဖြစ်သတ်မှတ်ပြီး အစားထိုးပြန်လည်ဖြည့်စွက်မဲနှိုက်ပေးခဲ့သည်။

“လက်မှတ်တွေဖြည့်စွက်ရာမှာ ကိုယ်တိုင်ဖြည့်သွင်းရတာပါ။ အရမ်းခက်ခဲတဲ့သူတွေကိုပဲ ကျွန်တော်တို့ဆိုင်က ၀န်ထမ်းတွေ က ဖြည့်သွင်းပေးရတာပါ။ ဖြည့်သွင်းပေးပြီးရင်သူတို့ကို ကိုယ်တိုင် လက်မှတ်ထိုးခိုင်းတာပါ။ ကျွန်တော်တို့ဆိုင်က လူတွေကို မဖြည့် သွင်းခိုင်းပါဘူး”ဟု ကိုရန်နိုင်စိုးမြင့် ဆက်ပြောသည်။

ရန်ကုန်ရှိလူကြီးမင်းဖုန်းဆိုင် ၇ ဆိုင်တွင် ရရှိသည့် မဲအရေအတွက်ပေါင်း (၆၀၃၀၀)ပေါင်းရရှိပြီး ထိုမဲအရေ အတွက် ၆၀၃၀၀ ကျော်ထဲမှ ဖုန်းအလုံးပေါင်း (၈၀) အားမဲဖောက်ပေးခဲ့ခြင်းဖြစ်သည်။

Samsung Galaxy mini ဖုန်းများသည် ယခုလက်ရှိ ပေါက်ဈေးမှာ တစ်သိန်းကျော်အထက်ရှိပြီး လူကြီးမင်းဖုန်းဆိုင်သည် မဲပေါက်သူ များအား ကျပ် (၅) ထောင်နှုန်းဖြင့် ရောင်းချပေးခြင်းဖြစ်သည်။

လူကြီးမင်းဖုန်းဆိုင်များသည် နိုဝင်ဘာ ၃ ရက်နေ့တွင်ဖြစ်ပွားခဲ့သောပြသာနာများကြောင့် ရန်ကုန်ရှိဆိုင်များအား တစ်ပါတ်ခန့်ပိတ် ထားခဲ့ပြီး နိုဝင်ဘာ ၁၃ ရက်နေ့တွင် ပြန်လည်ဖွင့်လှစ်မည်ဖြစ်ပြီး ပြန်လည်ဖွင့်လှစ်သောအခါ တွင် မဲပေါက်သူများအနေဖြင့် အဆိုပါ ဖုန်းများအား ကျပ်(၅)ထောင်ဖြင့် လာရောက်ဝယ်ယူနိုင်မည်ဖြစ်သည်။

Ref:

Read More...

Collapse...

ကျောက်ဝိုင်းတွင် လောပန်တစ်ဦးက ကလေးတစ်ယောက်အား ကိုယ်ထိလက်ရောက် ကျူးလွန်

မင်းမင်းလတ်-မန္တလေး(မြစ်မခ)
12 Nov, 2012

တရုတ်နိုင်ငံသားတစ်ဦးမှ အမျိုးသားကလေးငယ်တစ်ဦးအား ၎င်း၏ပိုက်ဆံခိုးယူသူဟု ထင်မြင်၍ ကိုယ်ထိလက် ရောက်ကျူးလွန် မှုနှင့် ပတ်သက်၍ မန္တလေးကျောက်မြတ်ဈေးအတွင်းမှ လူအများစုက ဈေးရုံအား ၀န်းရံမှုတစ်ရပ် ဖြစ်ပွားခဲ့သည်။

“ကျွန်တော်က ချဉ်ပေါင်းသည်ဆီကနေ ချဉ်ပေါင်းတောင်းစားနေတာ၊ သူက ကျွန်တော့် နောက်ကနေ တကောက် ကောက် လိုက်နေတာ၊ လိုက်နေတာနဲ့ လောပန်း ဘာတုန်းဆိုမေးလိုက်တော့ သူက ကျွန်တော့် ဂုတ်ကိုညှစ်ထားတာ၊ အဲဒါ နဲ့ သူ့လက်ကို ပုတ်ပြီး ထွက်ပြေးတော့ သူကလိုက်လာပြီး ပြန် မိသွားတော့ လက်သီးနဲ့ ထိုးတယ်“ ဟု ကိုယ်ထိလက် ရောက် ကျူးလွန်ခံရသူ အမျိုးသားကလေး ငယ်က ပြောသည်။

ထိုဖြစ်ရပ်ကြောင့် ဈေးတာဝန်ရှိသူများက ရုံးခန်းတွင် ခေါ်ယူဖြေရှင်းနေစဉ် ထောင်ချီသည့် လူအုပ်ကြီးမှ ရုံးခန်းအား ၀ိုင်းထားခဲ့ ကြပြီး ပြင်းထန်စွာအပြစ်ပေးရန် တောင်းဆိုခဲ့ကြောင်း သိရသည်။

“ပိုက်ဆံခိုးတယ်ဆိုပြီး ဒီရောက်လာကြတာ၊ ခိုး/မခိုးတော့ မသိကြဘူး၊ တရုတ်ကလည်း သူ့ပိုက်ဆံ ခိုးတယ် ထင်ပြီး ထိုးလိုက်တာ ဖြစ်တော့ ကလေးဖက်က မကျေနပ်ကြဘူးဖြစ်ကုန်တာ၊ ကျွန်တော်တို့လည်း တတ်နိုင်သမျှ ဒီမှာ ပြေလည်အောင် ဆောင်ရွက်ပေး နေပါတယ်၊ ဘေးမှာလဲ ပြသနာက ထိန်းမရဘူး ဖြစ်လာတယ်´´ဟု ဈေးတာဝန်ရှိသူ ဒု-ဥက္ကဌ ဦးဇော်ဇော်က အတည်ပြုပြော သည်။

အဆိုပါကိစ္စတွင် ဈေးစည်ပင် ရဲတစ်ဦးကလည်း ကလေးငယ်အား ထိုးကြိတ်မှုပြု လုပ်ခဲ့သည်ဟု စွပ်စွဲပြောဆိုမှုများ ရှိခဲ့သော် လည်း တာဝန်ရှိသူများမှ မဟုတ်မှန်ကြောင်း ငြင်းဆိုခဲ့ပြီး မျက်မြင် သက်သေများကမူ ဟုတ်မှန်ကြောင်း ပြောဆိုကြသည်။

ကလေးတစ်ဦးအား အပြစ်မရှိပဲနှင့် ရိုက်နှက်မှုသည် ကလေးငယ် အခွင့်အရေး ဆုံးရှုံးမှုဖြစ်ပြီး တာဝန်ကျရဲအနေဖြင့် ထိုသို့မပြု လုပ်သင့်ကြောင်း ကလေးချစ်သူများကွန်ယက်မှကိုညိုလင်းက ပြောသည်။

အထက်ပါကိစ္စနှင့်ပတ်သတ်၍ တရုတ်နိုင်ငံသားဖြစ်သူက ၎င်း၏ပိုက်ဆံအား ခိုးယူသွားသည်ဟု ထင်မြင်ပြီး လိုက် လံဖမ်းဆည်းခြင်း သာဖြစ်ကြောင်း ၎င်း၏ စကားပြန်မှတဆင့် မေးမြန်းမှုကို ပြန်လည် ဖြေကြားခဲ့သည်။

ထိုဖြစ်ရပ်အတွက် တရုတ်နိုင်ငံသားမှ အထိုးခံရသူ အမျိုးသား ကလေးငယ်အတွက် နစ်နာကြေး ကျပ်(၂)သိန်း ပေးခဲ့ကြောင်း သိရသည်။

Ref: မြစ်မခ

Read More...

Collapse...