ဧပြီလ ၂၄ ရက် ၂၀၁၃ ခုနှစ်
မြန်မာနိုင်ငံမှ ထောင်ပေါင်းများစွာသော သွင်းကုန်များအပေါ် အကောက်ခွန် ကောက်ခံနေမှုကို အဆုံးသတ်နိုင်ရေး အတွက် ကုန်သွယ်ရေး ဆက်ဆံမှုများကို အမေရိကန်က ပြန်လည်လေ့လာ သုံးသပ်လျက် ရှိသည်။
အမေရိကန် ခေတ္တကုန်သွယ်ရေး ကိုယ်စားလှယ် ဒီမီထရီရို့စ် မာရန်တစ်စ် (Demetrios Marantis) သည်လည်း ဗုဒ္ဓဟူးနေ့တွင် မြန်မာနိုင်ငံသို့ လာရောက်ကာ ရန်ကုန်နှင့် နေပြည်တော်မှ အစိုးရအရာရှိများနှင့် စီးပွါးရေးထိပ်သီး လုပ်ငန်းရှင်များအား တွေ့ဆုံမည်ဖြစ်ဟု ဝါရှင်တန်မှ ပေးပို့သည့် ရိုက်တာ သတင်းတရပ်က ဆိုသည်။
လွန်ခဲ့သော သီတင်းပတ်က မာရန်တစ်စ်၏ အာရှခရီးစဉ် မစတင်မီ အမေရိကန် ကုန်သွယ်ရေး ကိုယ်စားလှယ်ရုံးက ထိုသို့ပြန်လည်လေ့လာသုံးသပ်ရန် စတင် ဆောင်ရွက်ခဲ့ခြင်းဖြစ်သည်။
ထိုသုံးသပ်မှုအရ မြန်မာနှင့်လာအို နှစ်နိုင်ငံသည် ကုန်သွယ်ရေးအထူးအခွင့်အရေးရ (GSP) အစီအစဉ်တွင် ပါဝင်လာနိုင်မည် ဖြစ်သည်။ ထိုစနစ်အရ နိုင်ငံနှင့်နယ်မြေ ၁၂၈ ခုမှ ကုန်ပစ္စည်း အမည် ၅,၀၀၀ ခန့်အထိကို သွင်းကုန်ခွန် ကောက်ခံခြင်းမှ ကင်းလွတ်ခွင့်ရရှိစေမည်ဖြစ်သည်။
GSP စနစ်နှင့် စပ်လျဉ်း၍ စိတ်ဝင်စားကြောင်း မြန်မာနှင့် လာအို အစိုးရများက မကြာမီက ထုတ်ဖော်ပြောကြားခဲ့ သည်ဟု အမေရိကန် ကုန်သွယ်ရေး ကိုယ်စားလှယ် ဌာနရုံး (USTR)က ပြည်ထောင် စု ပြန်တမ်းအား ကိုးကား၍ ရိုက်တာသတင်းတွင် ရေးသားပါရှိသည်။ ထိုပြန်တမ်းတွင် ဖော်ပြထားချက်အရ လူထု၏ဆန္ဒသဘောထားကို တောင်းခံထားပြီး ဇွန်လဆန်းတွင် ကြားနာမှု ပြုလုပ်ရန် သတ်မှတ် ထားသည်။
ထိုသို့ ပြန်လည်သုံးသပ်ခြင်းကို အလုပ်အကိုင် အခွင့်အလမ်းများ ဖန်တီးရေးအတွက် မြန်မာ အစိုးရကို ကူညီရန် အိုဘားမား အစိုးရ၏ ကြိုးပန်းဆောင်ရွက်မှု တစိတ်တပိုင်း အနေဖြင့် ပြုလုပ်ခြင်းဖြစ်သည်ဟု ဆိုသည်။
မြန်မာအစိုးရ ဆောင်ရွက်လျက်ရှိသော နိုင်ငံရေးပြုပြင် ပြောင်းလဲရေးလုပ်ငန်းများအပေါ် ဆုချသည့်အနေဖြင့် ကြာမြင့်စွာ ထားရှိခဲ့သော စီးပွါးရေး ပိတ်ဆို့ဒဏ်ခတ် အရေးယူမှုများကို အမေရိကန်နိုင်ငံ က ပြန်လည် ရုပ်သိမ်းလိုက်ပြီ ဖြစ်သည်။ မြန်မာနိုင်ငံမှ ပို့ကုန် အများစုအပေါ် ပိတ်ဆို့ထားမှုများကိုလည်း ဖြေလျှော့ပေးလိုက်ပြီ ဖြစ်သည်။
အဝတ်အထည်နှင့် အခြားကုန်စည် ဒေါ်လာ ၂၇၅ သန်းဖိုးကို အမေရိကန် နိုင်ငံက သွင်းကုန် ပိတ်ဆို့မှု မပြုလုပ်မီ ၂၀၀၃ ခုနှစ်က မြန်မာနိုင်ငံမှ တင်သွင်းခဲ့သည်။ အကန့်အသတ်အများစုကို ဖယ်ရှားပြီးချိန်မှစ၍ လွန်ခဲ့သောလများ အတွင်း မြန်မာနိုင်ငံမှ သွင်းကုန်များကို တတိတတိ တင်သွင်းခဲ့ရာ ဇန်နဝါရီလက ဒေါ်လာတသိန်းဖိုးနှင့် ဖေဖော်ဝါရီလက ဒေါ်လာနှစ်သိန်းဖိုး ရှိခဲ့သည်ဟု ဝါရှင်တန်မှ ပေးပို့သည့် ရိုက်တာ သတင်းတွင် ရေးသားထားသည်။
Ref: မဇ္ဈိမ
Read More...
Collapse...
ဖနိဒါ
ဧပြီလ ၂၄ ရက် ၂၀၁၃ ခုနှစ်
လွတ်ငြိမ်းချမ်းသာခွင့်ဖြင့် အင်္ဂါနေ့က လွတ်မြောက်လာသူ နိုင်ငံရေး အကျဉ်းသား ၅၉ ဦးထဲတွင် ရှမ်းလက်နက်ကိုင်အဖွဲ့တခုမှ ၄၀ ဦး ပါဝင်လာသော်လည်း ရှမ်းပြည်တပ်မတော် တောင်ပိုင်း (RCSS/SSA) အဖွဲ့ဝင် တဦးမှ လွတ်လာခြင်း မရှိသေးကြောင်း ဗိုလ်မှူး ဆိုင်းလောဝ်စိုင်း က ပြောသည်။
“ကျနော်တို့ စိစစ်ကြည့်မိသလောက် မပါဘူးလို့ သိရတယ်။ ကျနော်တို့ စာရင်းပြုစုပြီးတော့ တင်ပြထားပြီးပါပြီ။ ကျနော်တို့ တပ်ဖွဲ့ ထဲကပဲ ဆိုရင်တော့ ၅၀ ကျော်ရှိတယ်။ ခုထိ လွတ်လာတယ်လို့ မကြားသေး ဘူး” ဟု RCSS/SSA ပြောခွင့်ရ ဗိုလ်မှူး ဆိုင်းလောဝ်စိုင်း က မဇ္ဈိမကို ပြောသည်။
၂၀၁၂ ခုနှစ်၊ မေလ ၁၉ ရက်နေ့က ရှမ်းပြည်နယ် ကျိုင်းတုံမြို့တွင် အစိုးရ ကိုယ်စားလှယ်များနှင့် လက်မှတ်ရေးထိုးခဲ့သော ပြည်ထောင်စုအဆင့် အပစ်အခတ် ရပ်စဲရေး သဘောတူညီချက်တွင် ၎င်းတို့အဖွဲ့မှ အကျဉ်းကျခံရ သူများအား လွှတ်ပေးရေး ပါဝင်ခဲ့ပြီး လွှတ်ပေးရန် RCSS/SSA အဖွဲ့ဝင်ပေါင်း ၅၀ ကျော်၏ စာရင်းကို တင်ပြထားပြီး ဖြစ်သည်။
၎င်းတို့မှာ ၁၉၉၆-၂၀၁၂ ခုနှစ်များအတွင်းက နိုင်ငံတော် ပုန်ကန်မှုနှင့် မတရားအသင်း ဆက်သွယ်မှုတို့ဖြင့် အင်းစိန်၊ ပူတာအို၊ ကျိုင်းတုံ စသည့် အကျဉ်းထောင်များတွင် အကျဉ်းကျခံနေရသည်ဟု ဆိုသည်။
၎င်းတို့ တပ်ဖွဲ့ဝင်များကို လွှတ်ပေးခြင်း မရှိသေးသော်လည်း ယခုကဲ့သို့ အကျဉ်းသားများကို လွှတ်ပေးခြင်းသည် အမျိုးသားပြန်လည် ရင်ကြားစေ့ရေးအတွက် အပြုသဘောဆောင်ခြင်း ဖြစ်သည်ဟု ရှုမြင်ကြောင်း ဗိုလ်မှူး ဆိုင်းလောဝ်စိုင်း က ပြောဆိုသည်။
ရှမ်းပြည်တပ်မတော် မြောက်ပိုင်း SSPP/SSA မှ အဖွဲ့ဝင်အချို့လည်း ဖမ်းဆီးခံထားရမှု ရှိပြီး ၎င်းတို့လည်း ဧပြီလ ၂၃ ရက်နေ့က လွတ်မြောက်လာမှုထဲတွင် ပါဝင်ခြင်း မရှိသေးပေ။
ယမန်နေ့ သာယာဝတီ အကျဉ်းထောင်မှ လွတ်မြောက်လာသူ ရှမ်းတိုင်းရင်းသား ၄၀ ဦးသည် ရှမ်းပြည် အမျိုးသား တပ်မတော် SSNA အဖွဲ့ဝင်များ ဖြစ်သည်ဟု ရှမ်းအမျိုးသား ဒီမိုကရေစီအဖွဲ့ချုပ် SNLD မှ ပြောခွင့်ရသူ ဦးစိုင်းလိတ် က ပြောသည်။
ယခင်က ဘိန်းဘုရင် ခွန်ဆာ၏ မော်ထိုင်း တပ်မတော် (MTA) မှ ခွဲထွက်၍ SSNA ပြန်လည် ဖွဲ့စည်းခဲ့သော ခေါင်းဆောင် ဗိုလ်မှူးကြီး စိုင်းကန်းယွက်၏ လက်အောက်ခံ တပ်မဟာ ၁၁ မှ တပ်ဖွဲ့ဝင်များအား ၂၀၀၂ ခုနှစ်က အစိုးရတပ်မှ ဖမ်းဆီး၍ လက်နက်ချစေပြီးနောက် အကန့်အသတ်မရှိ ပစ်ဒဏ်များ ချမှတ်ခဲ့ပြီး ယမန်နေ့က ပြန်လွှတ်ပေးခဲ့ခြင်း ဖြစ်သည်။
“(ထိုစဉ်က) ငြိမ်းချမ်းရေး ပျက်ပြားခါစဖြစ်တော့ သူတို့ ရှောင်တခင် တွေ့ကြပြီး တိုက်ပွဲဖြစ်တယ်။ လူအုပ်နဲ့ ဝိုင်းခံရပြီးတော့ လက်နက်ချခိုင်းတယ်။ လက်နက် အပ်ပြီးရင် ပြန်လွတ်ပေးမယ်ပြောလို့ သူတို့က လက်နက် ချလိုက်တယ်။ လားရှိုး စစ်ခုံရုံးမှာ စစ်တယ်။ ဘာမှ ပြန်ဖြေခွင့်မရှိဘဲ နှစ်အကန့်အသတ်မရှိ ထောင်ဒဏ် ချလိုက်တယ်” ဟု ဦးစိုင်းလိတ် က ပြောပြသည်။
၎င်းတို့မှာသည် လက်နက်ကိုင် တော်လှန်သမားများဖြစ်၍ နိုင်ငံရေး အကျဉ်းသား စာရင်းတွင် ပါဝင်သည်ဟု ဆိုကာ ပြီးခဲ့သည့် ဖေဖော်ဝါရီလက ဖွဲ့စည်းခဲ့သော နိုင်ငံရေးအကျဉ်းသား စိစစ်ရေး ကော်မတီ၏ ဥက္ကဌ ဝန်ကြီး ဦးစိုးသိန်းထံ ကော်မတီ အဖွဲ့ဝင်တဦးဖြစ်သော SNLD အတွင်းရေးမှူး ဦးစိုင်းညွန့်လွင် က တင်ပြခဲ့သည်ဟု ဦးစိုင်းလိတ် က မဇ္စျိမကို ပြောသည်။
“တချို့သော အဖွဲ့အစည်းက ပုဂ္ဂိုလ်တွေ ကျန်နေသေးတယ်။ ဥပမာ အခြား RCSS က ပုဂ္ဂိုလ်တွေ၊ အခြား မြေပေါ် နိုင်ငံရေးပါတီက ကျန်ကောင်းကျန်မယ်။ ကျန်ရှိနေတဲ့ နိုင်ငံရေးအကျဉ်းသားတွေ အကုန်လုံး ကို ဆက်လက်ပြီးတော့ မှ လွှတ်ပေးစေချင်တယ်” ဟု ပြောသည်။
လွတ်မြောက်လာသူများကို SNLD မှ သွားရောက်ကြိုဆိုခဲ့ပြီး နေထိုင် စားသောက်ရေးကို စီစဉ်ပေးနေကာ ယနေ့ နေ့လည်ပိုင်းတွင် ရွှေတိဂုံစေတီကို သွားရောက် ဖူးမြော်ပြီးနောက် ညနေပိုင်းတွင် လားရှိုးမြို့သို့ ထွက်ခွာမည် ဖြစ်ကြောင်း သိရသည်။ ဧပြီလ ၂၅ ရက်နေ့တွင် လားရှိုးမြို့ SNLD ရုံးမှ မိသားစုများနှင့် တွေ့ဆုံမည် ဖြစ်ကြောင်း ဦးစိုင်းလိတ်က ပြောသည်။
လွတ်မြောက်လာသူများမှာ သိန္နီ၊ လားရှိုး၊ နမ့်ပေါင်၊ မိုင်းရယ်၊ တန့်ယန်း စသည့် မြို့နယ်များမှ ဖြစ်ကြပြီး မူလက ၄၅ ဦး ဖမ်းဆီးခံရာမှ အကျဉ်းကျခံရစဉ်အတွင်း နှစ်ဦးမှာ မိမိကိုယ်ကို လုပ်ကြံသေဆုံးခဲ့ပြီး သုံးဦးမှာ ကျန်းမာရေးကြောင့် သေဆုံးခဲ့သည်ဟု စုံစမ်းသိရှိရသည်။
Ref: မဇ္ဈိမ
Read More...
Collapse...
သိန်းလှိုင်
ဧပြီလ ၂၄ ရက် ၂၀၁၃ ခုနှစ်
ရေထွက်သယံဇာတ ရှားပါးမှုနှင့် ရခိုင်ဒေသ ပဋိပက္ခများကြောင့် ယခုနှစ် မြန်မာ-ဘင်္ဂလားဒေ့ရှ် နယ်စပ်ကုန်သွယ်မှု ကျဆင်းလာခဲ့ရာ ယမန်နှစ် ပမာဏ၏ ထက်ဝက်သာ ရှိကြောင်း စစ်တွေနှင့် မောင်တော နယ်စပ်ကုန်သွယ်ရေးဌာနများမှ တာဝန်ရှိသူများက ဆိုသည်။
“၂၀၁၁-၂၀၁၂ ဘဏ္ဍာရေးနှစ်က စစ်တွေ-ဘင်္ဂလားဒေ့ရှ် (နယ်စပ်) ကုန်သွယ်မှု ပမာဏဟာ ၁၅.၃၃၆ ဒေါ်လာသန်း ရှိပြီးတော့ ၂၀၁၂-၁၃ မှာကျတော့ ၇.၂၅၀ ဒေါ်လာသန်းပဲ ရရှိတယ်။ ရေထွက် ကုန် လျော့ နည်း မှုနဲ့ မတည်ငြိမ်မှုတွေ ကြောင့် ကျဆင်းသွားရတာပါ။ တိုးလာမယ့် သဘော မတွေ့ရသေးပါဘူး” ဟု စစ်တွေ နယ်စပ်ကုန်သွယ်ရေးမှ တာဝန်ရှိသူတဦးက မဇ္ဈိမကို ပြောသည်။
၂၀၁၂-၂၀၁၃ ဘဏ္ဍာရေးနှစ်အတွက် စစ်တွေ နယ်စပ်ကုန်သွယ်ရေး၏ လျာထားချက်မှာ ပို့ကုန် ပမာဏ ဒေါ်လာ ၁၅ သန်း၊ သွင်းကုန် ဒေါ်လာ ၇ သန်း၊ ကုန်သွယ်မှု ပမာဏ ဒေါ်လာ ၂၂ သန်း ဖြစ်ပြီး လက်တွေ့တွင်မူ ပို့ကုန် ဒေါ်လာ ၆.၉၀၅ သန်း၊ သွင်းကုန် ဒေါ်လာ ၀.၃၄၅ သန်းနှင့် ကုန်သွယ်မှုပမာဏ ဒေါ်လာ ၇. ၂၅၀ သန်းသာ ဖြစ်ခဲ့ကြောင်း ၎င်းက ဆိုသည်။
ထို့အတူ မောင်တော နယ်စပ်ကုန်သွယ်ရေး၏ မြန်မာ-ဘင်္ဂလားဒေ့ရှ် ကုန်သွယ်မှု ပမာဏမှာလည်း အရင်နှစ်များထက် ကျဆင်းနေကြောင်းကို စစ်တွေနယ်စပ်ကုန်သွယ်ရေးမှ တာဝန်ရှိသူတဦးက ဆိုသည်။
“၂၀၁၁-၂၀၁၂ ဘဏ္ဍာရေးနှစ်က မောင်တော နယ်စပ်ကုန်သွယ်ရေး ပို့ကုန်ပမာဏက အမေရိကန်ဒေါ်လာ ၇.၈၃၁ သန်း၊ သွင်းကုန်ပမာဏ ဒေါ်လာ ၀.၆၉၂ သန်း၊ ကုန်သွယ်မှု ပမာဏ စုစုပေါင်းတန်ဖိုး ဒေါ်လာ ၈.၅၂၃ သန်း ရှိခဲ့တယ်။ ဒါပေမယ့် ကုန်ခဲ့တဲ့ ဘဏ္ဍာရေးနှစ်မှာ ပို့ကုန် ပမာဏ ဒေါ်လာ ၅.၃၈၆ သန်း၊ သွင်းကုန်ပမာဏ ဒေါ်လာ ၀.၅၃၁ သန်းနဲ့ စုစုပေါင်း ကုန်သွယ်မှု ပမာဏ ဒေါ်လာ ၅.၉၁၇ သန်းပဲ ရတယ်” ဟု ၎င်းက ပြောသည်။
မောင်တော နယ်စပ်ကုန်သွယ်ရေးစခန်းမှ ဘင်္ဂလားဒေ့ရ်ှနိုင်ငံနှင့် ကုန်သွယ်မှု ဆောင်ရွက်နေသော ကုမ္ပဏီ ၅ ခုရှိနေပြီး ငါးကုန်းညို၊ င/နီတူ၊ ငါးခြောက်မျိုးစုံ အရောအနှော၊ မတ်ပဲ၊ ပုဇွန်၊ ဖိနပ်၊ အလှကုန်များကို တင်ပို့ကာ ဘိလပ်မြေ၊ ရေအိုး၊ ရေသန့်စက်ကို တင်သွင်းလျက် ရှိသည်။
“ကုန်သွယ်မှု ကျဆင်းနေရတာက ရခိုင်ဒေသ ပဋိပက္ခ တခုတည်းကြောင်းတော့ မဟုတ်ဘူး။ ပို့ကုန်အတွက် ကုန်ရ နည်းလာတာကြောင့်လည်း ပါတယ်။ ကျနော်တို့ စစ်တွေက အဓိက ပို့နေတဲ့ ဇီးထုပ်၊ ဇီးသီး၊ မန်ကျည်းသီး၊ ကုန်ရနည်းလို့ ပို့ကုန်ပမာဏ နည်းလာနေတယ်။ သွင်းကုန်ကတော့ ဈေးပေါတဲ့ တီရှပ်တွေနဲ့ တရုတ်ကိုပို့မယ့် ဆံပင်တွေကိုပဲ ပုံမှန်တင်သွင်း နေပါတယ်” ဟု စစ်တွေမှ ဘင်္ဂလားဒေ့ရ်ှနိုင်ငံ သို့ ကုန်ပစ္စည်းများ သယ်ပို့ ရောင်းဝယ်နေသူ ကုန်သည် ဦးညီချေ က ပြောသည်။
ယခုနှစ် မတ်လဆန်းက ပို့ကုန်သွင်းကုန်များ ဖြေလျှော့ပေးလိုက်ရာတွင် ဘင်္ဂလားဒေ့ရ်ှနှင့် ကုန်သွယ်ရေး လုပ်ကိုင်သည့် စစ်တွေရှိ ကုမ္ပဏီ ၇ ခု အနေနှင့် ပို့ကုန်အားမှာ ပိုကောင်းလာဖွယ် ရှိသော်လည်း သွင်းကုန်ပိုင်းတွင်မူ အပြောင်းအလဲ မရှိနိုင်ကြောင်း ဦးညီချေ က မှန်းဆသည်။
မတ်လ ၁ ရက်နေ့မှစ၍ ပို့ကုန်သွင်းကုန် လုပ်ငန်းလုပ်ကိုင်သူများ လွယ်ကူချောမွေ့စေရေးအတွက် ပို့ကုန်ပစ္စည်း ၁၅၂ မျိုး၊ သွင်းကုန်ပစ္စည်း ၁၆၆ မျိုးကို လိုင်စင်မဲ့ တင်သွင်းခွင့် ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာက ဖြေလျော့ပေးခဲ့ခြင်း ဖြစ်သည်။
“မြန်မာ-ဘင်္ဂလားဒေ့ရှ် နယ်စပ်ကုန်သွယ်ရေး အားကောင်းဖို့က ပို့ကုန်သွင်းကုန် ဖြေလျှော့ရုံနဲ့ မလုံလောက်ဘူး။ ဖြတ်သန်းလာတဲ့ သမိုင်းကို ကြည့်ရင် ကျနော်တို့ဆီက ကုန်သည်တွေ ဘင်္ဂလားဒေ့ရှ် မှာ ဈေးနှိမ်ခံပြီးတော့ ရောင်းနေကြရတယ်။ ကျနော်တို့က ဆားသွားရောင်းတယ်။ အရင်တုန်းက ဆားအရည်အသွေး ညံ့တယ်ဆိုပြီးတော့ ဈေးနှိမ်ဝယ်တယ်။ အခုနောက်ပိုင်း ကျနော်တို့ရဲ့ ဆားကို လုံးဝ မဝယ်တော့ဘူး။ ကျနော်တို့ ပို့ကုန်တွေ အရည်အသွေး ပြည့်မီရင်တောင်မှ ဘင်္ဂလားဒေ့ရ်ှဟာ သူတို့နိုင်ငံရဲ့ အမျိုးသား အကျိုးစီးပွားရေးအရပဲ လုပ်ကိုင်နေလို့ပဲ။ ဒါကြောင့် နိုင်ငံတကာ ဈေးကွက်ကို ထိုးဖောက်နိုင်တဲ့အထိ ကျနော်တို့ ကုန်တွေ အရည်အသွေး မြင့်ဖို့ လိုတယ်” ဟု ရခိုင်ပြည်နယ် ဆားလုပ်ငန်းရှင်များအသင်း အတွင်းရေးမှူး ဦးသန်းဝင်း က သုံးသပ်သည်။
ရခိုင်တွင် တာဝန်ထမ်းဆောင်ခဲ့ပြီး ယခုလက်ရှိ ဝန်ကြီးဌာန၌ တာဝန်ထမ်းဆောင်လျက်ရှိသော နယ်စပ် ကုန်သွယ်ရေးအရာရှိ တဦးက “ရခိုင်ပြည်နယ် ကုန်သွယ်ရေး ဦးမော့လာဖို့ဆိုရင် နိုင်ငံတကာနဲ့ အပြိုင် လုပ်နိုင်ဖို့လိုပါတယ်။ နိုင်ငံတကာ စံချိန်တင်နိုင်ဖို့အတွက် ကျနော်တို့ဘက်က Value Added (ထပ်တိုးတန်ဖိုး) များများ လုပ်နိုင်ရမယ်” ဟုလည်း အကြံပြုထားသည်။
ဘင်္ဂလားဒေ့ရှ်၌ လက်ရှိပေါက်ဈေးမှာ ငါးကုန်းညို တတန် ကို ဒေါ်လာ ၇၀၀၊ င/နီတူ တတန်ကို ဒေါ်လာ ၁,၃၀၀၊ ငါးခြောက်မျိုးစုံ အရောအနှော တတန်ကို ဒေါ်လာ ၄၆၀၊ မတ်ပဲ တတန်ကို၅၆၀ ဒေါ် လာဈေးဖြင့် ရောင်းချနေကြရပြီး ဘိလပ်မြေ တတန်ကို ၈၅ ဒေါ်လာ၊ ရေအိုး (၁ ကီလိုဂရမ်) တလုံးကို ၃.၀၇၇ ဒေါ်လာ၊ ရေသန့်စက် တလုံးကို ၁၀ ဒေါ်လာပေး၍ ဝယ်ယူနေရသည်ဟု မောင်တောမှ ကုန်သည်များက ဆိုသည်။
မြန်မာ-ဘင်္ဂလားဒေ့ရှ် နှစ်နိုင်ငံကြား စုစုပေါင်းကုန်သွယ်မှု ပမာဏမှာ ၂၀၁၀-၂၀၁၁ ဘဏ္ဍာရေးနှစ်တွင် အမေရိကန် ဒေါ်လာ ၁၃၆.၆၄ သန်း၊ ၂၀၁၁-၂၀၁၂ ဘဏ္ဍာရေးနှစ်တွင် ၈၄.၈၁ သန်း ရှိခဲ့ပြီး ၂၀၁၂-၂၀၁၃ ဘဏ္ဍာရေးနှစ်တွင် စက်တင်ဘာလအထိ ၂၆.၉၈၉ သန်း ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ စာရင်းများ အရ သိရသည်။
Ref: မဇ္ဈိမ
Read More...
Collapse...
ဧပြီလ ၂၄ ရက် ၂၀၁၃ ခုနှစ်
နှစ်နိုင်ငံ ပူးပေါင်း အကောင်အထည်ဖော်နေသည့် ထားဝယ် ရေနက်ဆိပ်ကမ်းနှင့် အထူး စီးပွားရေးဇုန် တည်ဆောက်ရေးကိစ္စကို ထိုင်းဝန်ကြီးချုပ် ယင်လက် ရှီနာဝပ်ထရာ (Yingluck Shinawatra) က သမ္မတ ဦးသိန်းစိန်နှင့် ကြာသပတေးနေ့တွင် တွေ့ဆုံဆွေးနွေးဦးမည် ဖြစ်သည်။
ဘရူနိုင်းနိုင်ငံတွင် ကျင်းပနေသည့် အာဆီယံ ခေါင်းဆောင်များ ထိပ်သီးအစည်းအဝေး တက်ရောက်စဉ် ၎င်းတို့ သီးသန့်တွေ့ဆုံ၍ စီမံကိန်း အကောင်အထည်ဖော်မှု နောက်ဆုံးဖြစ်ပေါ် တိုးတက်မှုများ ကို ဆွေးနွေးကြမည်ဟု ထိုင်းနိုင်ငံခြားရေး ဝန်ကြီးဌာန အမြဲတမ်း အတွင်းဝန်အား ကိုးကား၍ The Nation သတင်းတရပ်တွင် ဖော်ပြပါရှိသည်။
၂၀၁၂ ခုနှစ်၊ ဒီဇင်္ဘာလလယ်က နှစ်နိုင်ငံခေါင်းဆောင်များ ကိုယ်တိုင် အတူသွားရောက် လေ့လာခဲ့သည့် ထားဝယ် ရေနက်ဆိပ်ကမ်း စီမံကိန်းမှာ ဒေါ်လာ ၉ ဘီလီယံ တန်ဖိုးရှိပြီး ထိုင်းက ၃၅ ရာခိုင်နှုန်း ထည့်ဝင် ရင်းနှီးမြှုပ်နှံထားသည်။
စီမံကိန်းတွင် ရေနက် ဆိပ်ကမ်း တခု၊ လျှပ်စစ် ဓါတ်အားပေး စက်ရုံများနှင့် အခြား စက်ရုံများ ပါဝင်မည် ဖြစ်သည်။ စီမံကိန်း အတွက် ထိုင်းနိုင်ငံ၏ ရင်းနှီးမြှုပ်နှံမှုများထဲတွင် ထားဝယ်မှ နေ၍ ထိုင်းနိုင်ငံ နယ်စပ်ကို ဖြတ်ကာ ဘန်ကောက်မြို့အထိ ဆက်သွယ်နိုင်မည့် အဝေးပြေးလမ်းမကြီး တခု ဆောက်လုပ်ရေးအတွက် ရင်းနှီးမြှုပ်နှံထားခြင်းလည်း ပါဝင်သည်။
ထိုင်းဝန်ကြီးချုပ်မှာ မြန်မာသမ္မတနှင့် တွေ့ဆုံခွင့်ရတိုင်း ထိုင်းနိုင်ငံ၏ အနောက်ဖက်သမုဒ္ဒရာ ထွက်ပေါက်ရနိုင်မည့် ထိုစီမံကိန်းကိစ္စကို အလေးပေး ဆွေးနွေးလေ့ရှိပြီး မကြာမီကပင် စီမံကိန်း ကြီးကြပ်ကွပ်ကွဲရန် နည်းပညာ ကော်မတီတရပ်ကိုလည်း ထိုင်းအစိုးရက အတည်ပြုခဲ့ပြီး ဖြစ်သည်။
ဦးသိန်းစိန်ကလည်း အိန္ဒိယနိုင်ငံသို့ သွားရောက်စဉ် ထားဝယ်စီမံကိန်းတွင် အိန္ဒိယမှလည်း ရင်းနှီးမြှုပ်နှံရန် ဖိတ်ခေါ်ခဲ့သည်။
Ref: မဇ္ဈိမ
Read More...
Collapse...
သိန်းလှိုင်
ဧပြီလ ၂၄ ရက် ၂၀၁၃ ခုနှစ်
ရခိုင်ပြည်နယ်၊ ကျောက်တော် ရှေးဟောင်း သုတေသနဇုန် နယ်မြေအတွင်းရှိ မဟာမုနိ ပရိဝုဏ်ဝင်းထဲ စေတီ တည်ထားမှုနှင့်ပတ်သက်၍ သက်ဆိုင်ရာ ရှေးဟောင်း သုတေသန ဌာနမှ စေတီတည်သူများ ကို တရားစွဲထားကြောင်း သိရသည်။
အမြင့် ကိုးတောင် (၁၃.၅ ပေ) ရှိပြီး “ကိုးနဝင်း စေတီ” ဟု အမည်ပေးထားသည့် အဆိုပါ စေတီငယ်ကို အမည်မသိ လူတစုက ဧပြီလ ၈ ရက်နေ့မှ ဧပြီ ၁၉ ရက်နေ့အတွင်း ညအချိန်များတွင် တည်ထားခဲ့ကြခြင်း ဖြစ်သည်။
“ရှေးဟောင်း သုတေသန နယ်မြေထဲမှာ ဧပြီ ၈ ရက်နေ့က ပန်းရန်ဆရာ ၂၀ လောက်နဲ့ ပန္နက်ချတယ်။ ကျနော်တို့ဌာနက တာဝန်အရ သွားပြီး ဟန့်တားပါတယ်။ ဒါပေမယ့် မြို့နယ် သံဃနာယက ဥက္ကဋ္ဌ ဆရာတော် ခွင့်ပြုချက်နဲ့ တည်ဆောက်တာဆိုပြီး တားမြစ်မှုကို မလေးမခန့် လုပ်ခဲ့တယ်။ ဒါကြောင့် ဧပြီလ ၉ ရက်နေ့မှာ ဌာနက ဥပဒေနဲ့ အညီ ကျောက်တော်မြို့နယ် ရဲစခန်းမှာ အမှုဖွင့် တိုင်ကြားခဲ့သလို မြို့နယ် သာသနာရေး ဦးစီးဌာနကိုလည်း အကြောင်းကြားထားတယ်။ အမှုမှာ မြို့နယ်သံဃနာယက ဥက္ကဋ္ဌ ဆက်စပ်ပါဝင်နေလို့ ပြည်နယ်ကို လွှဲထားတယ်။ ခုအချိန်ထိ ဘာမှအကြောင်း မပြန်သေးဘူး” ဟု မြောက်ဦး ရှေးဟောင်းသုတေသန ဦးစီးဌာနမှ ဝန်ထမ်းတဦးက ဆိုသည်။
ကျောက်တော် မဟာမုနိရှေးဟောင်းနယ်မြေကို မြောက်ဦးရှေးဟောင်းသုတေ သနဦးစီးဌာန အောက်တွင် ထားရှိသည်။
ယင်းသို့ တရားမဝင် စေတီတည်သူများအား ဥပဒေအရ အမှုဖွင့်ရာတွင် အလှူရှင်များကို မသိရသေးသဖြင့် ကာယကံမြောက် ကျူးလွန်ခဲ့သူ ပန်းရန်ဆရာ ဦးအောင်စိုးမိုး ကိုသာ တရားစွဲဆိုထားရသည်ဟု အဆိုပါဝန်ထမ်းက
ပြောသည်။
ထို စေတီငယ် တည်ထားခြင်းအပေါ် ရခိုင်သမိုင်းသုတေသီများ အပါအဝင် ပညာရှင်များ၊ ဒေသခံများကလည်း ကန့်ကွက်လျက်ရှိသည်။
“ရှေးဟောင်းသမိုင်းဝင်ဒေသကို မူလအတိုင်းပဲ ထားသင့်တယ်။ ဘယ်လို အဆောက်အဦ သစ်တွေကိုမှ မဆောက်လုပ်သင့်သလို သက်ဆိုင်ရာကလည်း ခွင့်မပြုသင့်ဘူး။ တကယ်လို့ စေတီဘုရား တည်ထားချင်ရင်လည်း ပရိဝုဏ် ပြင်ပမှာ တည်လို့ရတာပဲလေ” ဟု စစ်တွေမြို့မှ ရခိုင်သမိုင်း သုတေသီ အရှင်ပညာစာရ က မိန့်ကြားသည်။
မဟာမုနိရုပ်ပွားတော်မှာ ကျောက်တော်မြို့ အရှေ့ဘက် ၇ မိုင်အကွာရှိ ပေ ၃၀ မြင့်သည့် မဟာမုနိကုန်းတော် ပေါ်ဝယ် ကိန်းဝပ်စံပ္ပါယ်နေခြင်း ဖြစ်သည်။ ဘုရား ကုန်းတော်တွင် ပစ္စယာ ၃ ခု ရှိပြီး ပထမ ပစ္စယာတွင် မဟာမုနိ ရုပ်ပွားတော်၊ ဒုတိယ ပစ္စယာတွင် နတ်များနှင့် တတိယ ပစ္စယာတွင် ပြတိုက်၊ သိမ်တော်၊ လက်ဆေးကန်တို့ ရှိသည်။ ထိုစေတီငယ်ကို တတိယ ပစ္စယာ အတွင်း တည် ထားခြင်း ဖြစ်သည်။ ရှေးဟောင်းဌာန ဥပဒေအရ ပရိဝုဏ်၏ ပြင်ပ ကိုက် ၅၀ အပြင်ဘက်၌သာ တည်ဆောက်ခွင့် ရှိသည်ဟု သိရသည်။
တာဝန်ရှိသူက ဟန့်တားစဉ် ဆက်တည်ခြင်း၊ လူခြေတိတ်ချိန် ညများတွင်သာ ဆောက်လုပ်ခြင်းနှင့် အမြန်လုပ်ကိုင် နေခြင်းတို့ကြောင့် တစုံတရာ ယတြာချေခြင်း ဖြစ်နိုင်သည် ဟုလည်း ယူဆနေကြသည်။
“ဘယ်သူပဲဖြစ်ဖြစ် ဒါဟာ လုံးဝ မလုပ်သင့်တဲ့ကိစ္စ ဖြစ်တယ်။ ယဉ်ကျေးမှုနယ်မြေမှာ လောဘ၊ ဒေါသ၊ မောဟတွေနဲ့ ယတြာချေတာလိုမျိုးဟာ အတော့်ကို အရုပ်ဆိုးတယ်။ ဦးဇင်းကတော့ လုံးဝ ကန့်ကွက် ရှုတ်ချတယ်။ အားလုံး ဝိုင်းကန့်ကွက်ဖို့လည်း တိုက်တွန်းသွားမယ်” ဟု သံတွဲမြို့မှ ရခိုင်သမိုင်းသုတေသီ အရှင်ကုသလ(ငွေသဇင်)က အမိန့်ရှိသည်။
၎င်းစေတီမှာ ကျမ်းစာများနှင့် ရခိုင်ဓလေ့ထုံးတမ်းအရ ပူဇော်အပ်သည့် စေတီတဆူအဖြစ် အသိအမှတ်ပြုရန် ခက်ခဲသည်ဟု ရှေးဟောင်း သုတေသနညွှန်ကြားရေးမှူးဟောင်း ဦးကျော်ထွန်းအောင် က မှတ်ချက်ပြုသည်။
“စေတီဘုရားတွေ တည်မယ်ဆိုရင် သတ္တုရူပ ဗိသုကာကျမ်း အညီ တည်ဆောက် သွန်းလုပ်ကြရတယ်။ သတ္တုရူပဗိသုကာကျမ်း အလိုအရဆိုရင် စေတီတည်မယ့် မြေဟာ သန့်စင်ပြီးသား ဖြစ်နေ ရမယ်။ စေတီမှာ ဌာပနာမယ့် အခန်းအရံတွေ ရွေးချယ် ထည့်သွင်းရမယ်။ သူတို့မှာက ရှေးဟောင်း သုတေသနဌာနက ဥပဒေနဲ့အညီ ထိန်းချုပ်ထားတဲ့ မြေဖြစ်နေတယ်။ ပိုင်ရှင်ရဲ့ ခွင့်ပြုချက်မရ ဘဲ ဆောက်လုပ်ထားသလို အခန်းအရံ ရွေးချယ် ထည့်သွင်းခြင်း မရှိတာကိုလည်း တွေ့ရတယ်” ဟု ထောက်ပြသည်။
အခန်းအရံ ထည့်သွင်းခြင်းဆိုသည်မှာ ကျမ်းစာနှင့်အညီ ဌာပနာထည့်သွင်းခြင်းကို ဆိုလိုသည်။
“စေတီတည်သူတွေ နောက်ထပ် သိရမှာက ရခိုင်စေတီဌာပနာ ၃ ရပ် ရှိတယ်။ မြေအောက် ဌာပနာမှာ ဗုဒ္ဓမြတ်စွာ ဘုရားမဖြစ်မီ ဖွားတော်မူခန်း၊ တောထွက်ခန်းစတဲ့ ဗုဒ္ဓဝင်လာ ဆင်းတုတွေကို ဌာပနာရတယ်။ သပိတ်မှောက် ဌာပနာမှာက ဘုရားဖြစ်ပြီး ဗောဓိပင်နဲ့ ရွှေပလ္လင် အောင်တော်မူခန်းလို ဆင်းတုတွေကို ဌာပနာရတယ်။ ငှက်ပျောဖူး ဌာပနာကျတော့ ဘုရားက စကုပတိမင်းကို ချွတ်ခန်းစတာတွေနဲ့ ဌာပနာ ရပါတယ်။ မဟာမုနိကုန်းပေါ်မှာ ဥပဒေမဲ့ တည်ထားရာမှတော့ ဘီလူးရုပ်တွေ၊ ဇော်ဂျီရုပ်တွေနဲ့ လုပ်ထားတယ်။ ကျမ်းဂန်နဲ့ မညီသလို ရခိုင်ရိုးရာ ဓလေ့ထုံးစံတွေနဲ့လည်း ဆန့်ကျင်နေတယ်။ စေတီတခုရဲ့ အင်္ဂါရပ်တွေ မပါဘူးလို့ပဲ ပြောရမယ်” ဟု ရှင်းပြသည်။
မြောက်ဦးမြို့မှ ရခိုင်သမိုင်းသုတေသီ ဝေဒပညာရှင်တဦးကလည်း ပွင့်လင်းမြင်သာမှုလည်း မရှိဘဲ ဥပဒေကို ဆန့်ကျင်၍ သင်္ကြန်အတွင်း ညအချိန်များတွင် စေတီတည်ခြင်းအား ဝေဖန်လိုက်ပြီး ယတြာလုပ်ရန် ကြိုးပမ်းချက်တခုဟု စွပ်စွဲလိုက်သည်။
“ဒါဟာ နောက်ကွယ်က ဘယ်အဖွဲ့အစည်းက ကြိုးကိုင်နေမှန်းမသိပေမယ့် ရခိုင်ယဉ်ကျေးမှုကို ဖျက်ဆီးဖို့ ကြိုးစားတဲ့လုပ်ရပ်လို့ မြင်တယ်။ သူတို့က မဟာမုနိဟာ ရခိုင်တို့ရဲ့ အသက် ဆိုတာ သိတယ်။ ရခိုင်ကို တခုခု လုပ်ချင်ရင် ရခိုင်တို့ရဲ့ ဦးခေါင်းနဲ့ တူတဲ့ မဟာမုနိကို အဓိက ပစ်မှတ်ထားတယ်။ သူတို့က စေတီငယ်ကို ရှစ်သောင်း ပုထိုးပုံစံယူ တည်ထားတယ်။ ၁၅၃၅ ခုနှစ်၊ ရခိုင်ဘုရင် မင်းဗာကြီးက ရှစ်သောင်းကို တည်တဲ့အခါ ဗေဒင် ယတြာအရ တိုင်းပြည်ရဲ့ အာယုအရပ်ဖြစ်တဲ့ နန်းတော်ကုန်းရဲ့ မြောက်ဘက်မှာ တည်တယ်။ အခုဟာက ရှစ်သောင်း ပုံတူ စေတီကို မဟာမုနိရဲ့ အနောက်ဘက်အရပ်ဆိုတော့ ပရိဝါရ လို့ခေါ်တဲ့ မတည်သင့်တဲ့ အရပ်မှာ တည်လိုက်တာ ဖြစ်တယ်။ ဒါဟာ ဗေဒင်ကိန်းခန်းအရ ကောင်းတဲ့ ရည်ရွယ်ချက် လုံးဝ မဟုတ်ဘူး” ဟု ဆိုသည်။
ယခု စေတီငယ်မှာ ရှစ်သောင်းပုထိုးတော်နှင့် ပုံစံတူဟု ဆိုသော်လည်း ကွဲပြားမှုများရှိသည်။ ရှစ်သောင်း တည်ပုံမှာ ခေါင်းလောင်းမှောက် ပုံစံ ဖြစ်ကာ ဤစေတီငယ်မှာမူ အောက်ခြေမှစ၍ ၈ မျက်နှာယူထားပြီး အပေါ်ပိုင်း သပိက်မှောက်တွင် ဆောင့်ကြောင့်ထိုင်နေသော ဘီလူးရုပ်များကို ထည့်ထားသည်။
ရခိုင်ရှေးဟောင်းသုတေသနဌာန မြောက်ဦးဌာနကို ၁၉၂၀ ခုနှစ်က စတင်ဖွင့်လှစ်ပြီး ကျောက်တော် ရှေးဟောင်း နယ်မြေကို ပူးတွဲသတ်မှတ်ကာ၊ ၁၉၅၅ ခုနှစ်တွင် မဟာမုနိ ကုန်းတော်၌ ပြတိုက်တခုကို ကုန်းတော်၏ အောက်ဆုံး ပစ္စယာတွင် ထားရှိခဲ့ကြောင်း အဆိုပါဌာနမှ သိရသည်။
၂၀၁၂ ခုနှစ်၊ မေလ ၃ ရက်နေ့ထုတ် ကမ္ဘာ့အမွေအနှစ်များ ရန်ပုံငွေအဖွဲ့(Global Heritage Fund)မှ ထုတ်ပြန်သော အစီရင်ခံစာ၌ အဆိုပါ ကျောက်တော် မဟာမုနိ ရှေးဟောင်းဒေသအနီးရှိ မြောက်ဦးမြို့ ဒေသကို အာရှတိုက်၏ စိုးရိမ်ဖွယ်ရာ အခြေအနေနှင့် ရင်ဆိုင်နေရသော ယဉ်ကျေးမူ အမွေအနှစ် ၁၀ ခု စာရင်းတွင် ထည့်သွင်းထားခဲ့သည်။
Ref: မဇ္ဈိမ
Read More...
Collapse...
ဖနိဒါ
ဧပြီလ ၂၃ ရက် ၂၀၁၃ ခုနှစ်
ကချင်ပြည်နယ်၊ ဖားကန့်မြို့နယ်၊ ကျောက်စိမ်းမှော်များတွင် တနိုင်တပိုင် ရေမဆေးကျောက် တူးနေသူများ ဒေသခံ၏ တဲများ၊ စက်ပစ္စည်းများကို အစိုးရ စစ်တပ်က မီးရှို့ဖျက်ဆီးမှုများ ပြုလုပ်ကာ
ခြိန်းခြောက် နှင်ထုတ်လျက်ရှိကြောင်း ဖားကန့်မြို့ခံများက ပြောသည်။
ဖားကန့်မြို့နယ် ရှရော်ခ၊ မဲ့လင်ဂျောင်၊ မှော်စီဆာ၊ ဂွေခါ၊ မှော်လကင် စသည့် ကျောက်စိမ်း မှော်များတွင် ထိုကဲ့သို့ ဖြစ်ပျက်နေသည်ဟု ဖားကန့်မြို့ခံ ကျောက်တူးသမားတဦးက ပြောသည်။
“နေ့တိုင်းလို စစ်တပ်က ကားနှစ်စီးနဲ့ လာပြီး မောင်းထုတ် ကျောက်တူးသမားတွေနေတဲ့ တဲတွေ မီးရှို့တာတွေ၊ ဆိုင်ကယ်၊ မီးစက်တွေ မီးရှို့တယ်။ ရွှေမှော်မှာ ရွှေတူးနေတဲ့ စက်တွေကို သိမ်းယူပြီး ရေထဲ တွန်းထည့်ပေးတာတို့ မနေ့ကရော၊ ဒီနေ့ရော မောင်းထုတ်နေတာ။ မှော်တိုင်း လိုလိုပါပဲ စစ်တပ်က လုပ်နေပါတယ်” ဟု မဇ္စျိမကို ပြောသည်။
ကျောက်စိမ်းကုမ္ပဏီများ ဝင်ရောက်လာမည်ဟု မျှော်လင့်သဖြင့် သာမန်ပြည်သူများ လုပ်ကိုင်ခွင့် မပြုသည့် သဘောဖြစ်သည်ဟု မြို့ခံ ကျောက်ရှာသူတဦးက ဆိုသည်။
“သူတို့ ပြန်သွားမှ ခိုးလုပ်စားနေကြတာ။ ကျနော်တို့က တခြားဘာမှ မလုပ်စားတတ်တော့ အုပ်ချုပ်တဲ့လူတွေလည်း ကျနော်တို့ကို ဘာမှ မစဉ်းစားပေးဘူးလား ဆိုပြီး စိတ်မကောင်းစွာနဲ့ လုပ်ကိုင်စားသောက်နေရတယ်” ဟု မဇ္စျိမကို ပြောသည်။
ထိုသို့ စစ်တပ်မှ ပြုလုပ်နေခြင်းမှာ နယ်မြေစိုးမိုးရေး ပြုလုပ်နေခြင်း ဖြစ်သည်ဟု အမျိုးသားဒီမိုကရေစီအဖွဲ့ချုပ် NLD ဖားကန့်မြို့နယ် တာဝန်ခံ ဦးခင်မောင်ချင်း က ဆိုသည်။
“အဲဒါက ကျောက်စိမ်း လုပ်ကွက်တွေထဲမှာ ဒီနယ်မြေခံတွေ တနိုင်တပိုင်လေးတွေ တူးနေကြတာ။ တချို့က လူ ၃၀၀၊ ၄၀၀ လောက် အုပ်စုလိုက် လုပ်နေတော့ သူတို့လည်း နယ်မြေစိုးမိုးရေး လုပ်တဲ့သဘော လုပ်တာပါ” ဟု ၎င်းက ယူဆသည်။
ဖားကန့်မြို့နယ်တွင် ၁၀၁ တပ်မ လက်အောက်ခံ တပ်ဖွဲ့များ လှုပ်ရှားသွားလာနေပြီး စစ်ကားနှစ်စီးဖြင့် နေ့စဉ် လှည့်လည်နေကာ ထိုသို့ ပြည်သူလူထုများ၏ ပစ္စည်းများ လုယူနေသည်ဟု ဒေသခံများထံမှ သိရကြောင်း ကချင်လွတ်လပ်ရေးတပ် KIA တပ်ရင်း ၆ တပ်ရင်းမှ ဒု-ဗိုလ်မှူး ဇော်ဒွဲက ပြောသည်။
“တနေ့ကပဲ နမ်ဖျစ်ဘေးက ဥရုချောင်းနဘေးမှာ ရှိတဲ့ ရွှေမှော်မှာ ရွှေတူးနေတဲ့ ရွှေကျင်စက် အလုံး ၃၀ လောက် သိမ်းသွားပြီး မီးရှို့တယ်။ ပြည်သူတွေကို တွေ့ရင် ထိုင်ထ လုပ်ခိုင်း၊ ပိုက်ဆံ၊ ဖုန်းရှိရင် ဖုန်းယူသွားတယ်။ ဆိုင်ကယ်တွေ ယူသွား၊ ကျောက်ရှိရင် ကျောက်တွေ ယူသွားတယ်။ နေ့တိုင်းလိုပဲ” ဟု မဇ္စျိမကို ပြောသည်။
ဖားကန့်-မြစ်ကြီးနားကားလမ်း ဖားကန့်မြို့အဝင် ကျောက်ဖြာ ခုနှစ်မိုင်၊ လေပြင်၊ ကားမိုင်းအထက် မအူပင် စသည့် နေရာများတွင် ခရီးသည်များအား စစ်တပ်က မှတ်ပုံတင်စစ်ဆေးမှုများ ပြုလုပ် ၍ ငွေကောက်ခံမှုများလည်း ရှိနေသည်ဟု ဖားကန့်မြို့ခံ တဦးက ပြောသည်။
ဖားကန့်မြို့နယ်အတွင်း အစိုးရ စစ်တပ်နှင် KIO တို့ တိုက်ပွဲများဖြစ်ပွားပြီးနောက် အစိုးရဘက်မှ စစ်အင်အား အလုံးအရင်း နေရာယူထားခဲ့ရာမှ ယနေ့ထိ တပ်လျော့နည်းသွားခြင်း မရှိသေးကြောင်း ဒေသခံများက ဆိုသည်။
Ref: ဧရာဝတီ
Read More...
Collapse...
ဖိုးစိုးသူ
ဧပြီလ ၂၃ ရက် ၂၀၁၃ ခုနှစ်
ဗုဒ္ဓဘာသာ စေတီပုံပါ ပိတ်ထည်စများ ရောင်းချမိ၍ ရန်ကုန်မြို့၊ မင်္ဂလာဈေး အတွင်းရှိ မေခလာသိန်း အထည်ဆိုင်ကို ဆက်လက်ရောင်းချခြင်း မပြုရဲတော့ဘဲ ပိတ်ထားရကြောင်း အထည်ဆိုင် ပိုင်ရှင် ဦးကျော်လှိုင်သိန်း က ယနေ့ပြုလုပ်သော သတင်းစာရှင်းလင်းပွဲတွင် ပြောကြားသွားသည်။
“ဆိုင်ပိတ်ထားရတယ် အခု အန္တရာယ်ရှိလာပြီ။ ဂျာနယ်တချို့မှာက ထမီစတွေ ထုတ်လုပ် ရောင်းချတဲ့ ပုံစံမျိုးတွေ ရေးလာတဲ့အတွက် ကျနော်တို့ ငယ်ငယ် ကတည်းက ရောင်းလာခဲ့တဲ့ အထည်ဆိုင်ကို ပိတ်ရတဲ့ အဆင့် ရောက်နေပြီ။ ဘာသာရေး စော်ကားတဲ့ အလုပ်မျိုးဘယ်တော့မှ မလုပ်ပါဘူး။ ဒါကြောင့် ဒီပိတ်စတွေဟာ ကျနော်တို့ ထုတ်လုပ်တယ်ဆိုတဲ့ ပုံစံမျိုးတွေဟာ မဟုတ်ပါဘူး” ဟု ဦးကျော်လှိုင်ဦး က ငြင်းဆို။
ဧပြီလ ၁၁ ရက်နေ့က စေတီပုံပါ အထည်စများ ထိုဆိုင်မှ ဝယ်ယူမိသည့် ဇနီးမောင်နှံက တိုင်ကြား၍ အထည်ဆိုင်၊ ဂိုထောင်နှင့် ဆိုင်ရှင်၏ နေအိမ်သို့ မင်္ဂလာတောင်ညွှန့် ရဲစခန်းမှ လာရောက်ရှာဖွေ၍ အထည်များကို သိမ်းဆည်းသွားခဲ့သည်။
ပြည်တွင်းထုတ် သတင်းဂျာနယ်အချို့တွင် စေတီပုံ ရိုက်နှိပ်ထားသော အထည်စများ ရောင်းချနေသည်ဟု မျက်နှာဖုံးသတင်းအဖြစ် ပါရှိလာပြီးနောက် ဗဟန်းမြို့နယ်ရှိ တော်ဝင်နှင်းဆီ စားသောက်ဆိုင် တွင် မေခလာသိန်း အထည်ဆိုင်မှ သတင်းမီဒီယာများအား ခေါ်ယူရှင်းလင်း ပြောကြားခြင်း ဖြစ်သည်။
ထိုသို့ ဈေးကွက်များတွင် စေတီပုံပါသော အထည်စများ ရောင်းချမိခြင်းကြောင့် ရှိပြီး ပဋိပက္ခ အခြေအနေများကို ပိုပြီး ကြီးထွားစေနိုင်ကြောင်း နိုင်ငံတော် သံဃာမဟာနာယက၊ ထေရဝါဒ ဓမ္မကွန်ယက် အကြံပေး ရှေ့နေ ဦးအေးပိုင် က ဆိုသည်။
“ဂျာနယ်တွေမှာ ဖော်ပြထားတဲ့ စေတီပုံ ပါတဲ့ အထည်စတွေက ယောက်ျားလေး ဝတ်တွေလည်း မဟုတ်ဘူး။ မိန်းကလေးတွေ ဝတ်လေ့ရှိတဲ့ ထမီပုံစံမျိုးတွေပဲဖြစ်တယ်။ ဒီဟာတွေကို ရောင်းရမယ်ဆိုပြီး နောက် ကနေ ကြိုးကိုင်တဲ့ အဖွဲ့စည်းတွေ ဘာတွေတော့ မရှိနိုင်ပါဘူး” ဟု ဦးအေးပိုင် က ခန့်မှန်းသည်။
ယင်းဖြစ်စဉ်များနှင့် ပါတ်သက်၍ ရွှေဝါရောင် သံဃာတော်များ ကွန်ယက် ဥက္ကဋ္ဌ ဆရာတော် ဦးပဏ္ဍဝံသ ကလည်း “အချိန်မီလည်း ထိန်းသိမ်းနိုင်ခဲ့တဲ့အတွက် ဘာမှလည်း ပြဿနာ မဖြစ်ခဲ့ဘူး။ နောက်ပြီး ၂၀၀၇ ခုနှစ်၊ ရွှေဝါရောင် သံဃာ့အရေးအခင်းတုန်းကလည်း ဒီလိုပဲ စေတီပုံတွေ ပါတဲ့ အထည်စတွေ ပေါ်လာခဲ့ဖူးတယ်။ ဗုဒ္ဓနဲ့ ပတ်သက်တဲ့ ပုံတော်တွေရိုက်နှိပ် ထုတ်ဝေတာတွေနဲ့ပါတ်သက်ပြီး ဥပဒေနဲ့ မကိုက်ညီရင် နိုင်ငံတော် သံဃာ့ မဟာ နာယက ကနေ အရေးယူဆောင်ရွက်ပါတယ်။ အခုကိစ္စမှာလည်း ဒီလိုပဲ ဆောင်ရွက် လိမ့်မယ်လို့ ဘုန်းကြီး ထင်တယ်” ဟု ယင်းစာနယ်ဇင်းရှင်းလင်းပွဲတွင် မိန့်ကြား သွားသည်။
လက်ရှိတွင် ဆိုင်ပိုင်ရှင် ဦးကျော်လှိုင်သိန်း အား သာသနာတော် ညှိုးနွမ်းစေမှုအဖြစ် ပုဒ်မ ၂၉၅ ဖြင့် မင်္ဂလာတောင်ညွှန့် ရဲစခန်းမှ အရေးယူထားပြီး အာမခံ ရရှိထားသည်။
Ref: မဇ္ဈိမ
Read More...
Collapse...
သိန်းလှိုင်
ဧပြီလ ၂၃ ရက် ၂၀၁၃ ခုနှစ်
ရခိုင် နိုင်ငံရေး အကျဉ်းသားများ ဖြစ်ကြေသာ ကိုရဲထက်စိုးနှင့် ကိုနိုင်စိုးတို့ နှစ်ဦးအား ဧပြီလ ၂၃ ရက်နေ့ နေ့လည်ပိုင်းက အင်းစိန်နှင့် ပခုက္ကူ အကျဉ်းထောင်များမှ လွှတ်ပေးလိုက်ပြီ ဖြစ်ကြောင်း သိရသည်။
ဧပြီ ၂၃ ရက်နေ့ သမ္မတ၏ လွတ်ငြိမ်းချမ်းသာခွင့်အမိန့်အရ ပြန်လွှတ်ပေးလိုက်သောအကျဉ်းသား ၉၃ ဦးတွင် ၎င်းတို့နှစ်ဦး ပါဝင်လာခြင်း ဖြစ်သည်။
“ကျနော်က အင်းစိန်ထောင်က ပြန်လွတ်တာပါ။ ကိုနိုင်စိုးကတော့ ပခုက္ကူထောင်ကနေ ဒီနေ့ လွတ်လာပြီလို့ သိရတယ်။ ကျနော်ကို ချထားတဲ့ ကိုးနှစ်မှာ လျှော့ရက်နဲ့ဆို တနှစ်ခွဲလောက် ထောင်ကြွေး ကျန်သေးတယ်။ လွတ်ခါနီးမှာ ၄၀၁ ကို လက်မှတ်ထိုးခဲ့ရသေးတယ်” ဟု ကိုရဲထက်စိုး က မဇ္ဈိမကို ပြောသည်။
၎င်းတို့နှစ်ဦးအား နိုင်ငံရေး လှုပ်ရှားမှုကြောင့် ၂၀၀၉ ခုနှစ်တွင် ဖမ်းဆီးခံခဲ့ရပြီး ကိုရဲထက်စိုး (မြေပုံ) အား ၁၉၈၈ ခုနှစ်၊ တရားမဝင် အသင်းဖွဲ့ခြင်း ဥပဒေ ပုဒ်မ ၇ အရ ထောင် ၃ နှစ်၊ ပေါက်ကွဲစေတတ်သော ပစ္စည်းများ အက်ဥပဒေအရ ၅ နှစ်နှင့် အီလက် ထရောနစ် ဥပဒေအရ ၁ နှစ် စုစုပေါင်း ထောင်ဒဏ် ၉ နှစ် ပြစ်ဒဏ်ချမှတ်ခဲ့ သည်။ အလားတူ ကိုနိုင်စိုး (စစ်တွေ) အားလည်း ၁၉၈၈ ခုနှစ်၊ တရားမဝင် အသင်းဖွဲ့ခြင်း ဥပဒေပုဒ်မ ၇ အရ ထောင် ၃ နှစ်၊ ပေါက်ကွဲ စေတတ်သော ပစ္စည်းများ အက်ဥပဒေအရ ၅ နှစ်ပါဝင်သည့် စုစုပေါင်းပြစ်ဒဏ် ၈ နှစ် ချမှတ်ထားခဲ့ခြင်း ဖြစ်သည်။
“လက်ရှိ ထောင်အနေအထားက အတော်အသင့်ကောင်းနေတယ် ဆိုပေမယ့် စိတ်မကောင်းစရာက အခုရက်ပိုင်း အင်းစိန်ထောင်ထဲမှာ HIV နဲ့ TB ဝေဒနာရှင်တွေ ဆေးပြတ်နေတယ်ဗျ” ဟု ကိုရဲထက်စိုး က ပြောသည်။
ထောင်ပြင်ပ နိုင်ငံရေး လှုပ်ရှားမှု အနေအထားကို လေ့လာကာ မည်သည့် အနေအထား၌ဖြစ်စေ တိုင်းပြည်အတွက် လူမှုဝန်ထမ်းလုပ်ငန်းများကို ဆက်လက် လုပ်ဆောင်သွားမည်ဟု ၎င်းက ဆိုသည်။
၂၀၀၉ ခုနှစ်၊ စက်တင်ဘာလ အတွင်းက ထိုင်းနိုင်ငံအခြေစိုက် ရခိုင်ပြည်လုံးဆိုင်ရာ ကျောင်းသား လူငယ်များ အစည်းအရုံး (AASYC) အဖွဲ့ဝင်များအဖြစ် စွပ်စွဲလျက် ရခိုင်လူငယ် ၁၁ ဦးအား ဖမ်းဆီး ၍ ထောင်ဒဏ် ၃ နှစ်မှ ၉ နှစ်အထိ ပြစ်ဒဏ်များအသီးသီး ချမှတ်ထားခဲ့ပြီးနောက် ထိုအထဲမှ ၉ ဦးအား ပြန်လွှတ်ပေးခဲ့ပြီးဖြစ်ရာ ယခုနှစ်ဦးမှာ နောက်ဆုံးမှ ပြန်လွတ်လာသူများ ဖြစ်သည်။
Ref: မဇ္ဈိမ
Read More...
Collapse...
မင်းမင်း
ဧပြီလ ၂၃ ရက် ၂၀၁၃ ခုနှစ်
လွှတ်တော်ကို ဝေဖန်ထားသည့် ကလောင်ပိုင်ရှင် ဒေါက်တာဆိတ်ဖွားဆိုသူမှာ မည်သူမည်ဝါ
ဖြစ်သည်ကို စုံစမ်းစစ်ဆေးရေး ကော်မရှင်က သိရှိပြီးဖြစ်ပြီး ထိုသူကို လွှတ်တော်ပြန်စသည့် ဇွန်လကုန်တွင် ဆုံးဖြတ်မည်ဟု ခန့်မှန်းကြောင်း အဆိုပါ ကော်မရှင်အဖွဲ့ဝင် ဦးဖုန်းမြင့်အောင်က မဇ္ဈိမကို ပြောသည်။
သူက “အစီရင်ခံစာကို လွှတ်တော်ကို တင်ပြထားပါတယ်။ ဘယ်သူဆိုတာကို ပြည်ထောင်စုလွှတ်တော် နာယကနဲ့ လွှတ်တော်က ဆုံးဖြတ်မှာပေါ့။ ဇွန်လကုန်လောက်မှာ ထုတ်ပြန်မယ်ထင်တယ်” ဟု ပြော သည်။
ဒေါက်တာဆိတ်ဖွားမည်သူမည်ဝါဖြစ်သည်ကို အတိအကျမပြောသော်လည်း “ကိုယ်ပိုင်ဥာဏ်နဲ့ ဆုံးဖြတ်လို့ရနေပါပြီ” ဟု ဦးဖုန်းမြင့်အောင်ကဆိုသည်။ “ဥပဒေအထက်တွင် လွှတ်တော်ရှိသလား” ဆို သည့် ဆောင်းပါးတိုကို Voice of Myanmar ဟုအမည်ရသည့် အင်တာနက် ဘလော့ဂ်တွင် ဒေါက်တာဆိတ်ဖွား ကလောင်ဖြင့် ရေးသားသူကို ဖေါ်ထုတ်ပေးရန် ဇန်နဝါရီလ ၁၇ ရက်က ပြည်ထောင်စု လွှတ်တော်တွင် လွှတ်တော်အမတ် ဒေါက်တာစိုးရင်က အရေးကြီး အဆိုတင်သွင်းခဲ့ပြီးနောက် ကော်မရှင်ဖွဲ့၍ စစ်ဆေးခဲ့ခြင်းဖြစ် သည်။
ဒေါက်တာဆိတ်ဖွားသည် သူ၏ဆောင်းပါးတွင် “လွှတ်တောင်ဥက္ကဌနှင့် အပေါင်းအပါများ” ဟူသည့် စကားလုံးကို သုံးနှုန်း ရေးသားခဲ့ခြင်းက အမတ်များကို တရားခံအဖြစ်သုံးသည့် အသုံး အနှုန်းဖြင့် ရေးသားဝေဖန်သည်ဟု လွှတ်တော်အမတ်များ က ဆိုသည်။
စုံစမ်းစစ်ဆေးရေး ကော်မရှင်အနေဖြင့် ဆက်သွယ်ရေးဝန်ကြီးဌာန၊ သမ္မတရုံး၊ ပြန်ကြားရေးဝန်ကြီးဌာနမှ ဒုတိယဝန်ကြီးများ၊ တပ်မတော်ဆက်သွယ်ရေးတပ်မှ အရာရှိများနှင့် သတင်းမီဒီယာ အချို့တို့နှင့် ပူးပေါင်းစစ်ဆေးခဲ့ပြီးနောက် ဒေါက်တာဆိတ်ဖွားကို သိရှိခဲ့ခြင်းဖြစ်သည် ဦးဖုန်းမြင့်အောင်၏ ပြောဆိုချက်အရ သိရသည်။
“ဆက်ပြီးတော့ ဘယ်လိုအရေးယူမလဲဆိုတာကိုလည်း လွှတ်တော်ကပဲဆုံးဖြတ်လိမ့်မယ်။ တရားရုံးမှာတော့ ဥပဒေအရ ပြန်ပြီးတော့ ရင်ဆိုင်ရင် ရင်ဆိုင်မှာပေါ့” ဟုလည်း ဦးဖုန်းမြင့်အောင်ကပြောသည်။
အဆိုပါ ဒေါက်တာဆိတ်ဖွား စုံစမ်းစစ်ဆေးရေးကော်မရှင်တွင် အဖွဲ့ဝင် ၁၇ ဦးဖြင့် ဖေဖေါ်ဝါရီလ ၈ ရက်က စတင်ဖွဲ့စည်းခဲ့သည်။ ထိုကဲ့သို့ ဒေါက်တာဆိတ်ဖွား ကိစ္စကို စုံစမ်းဖေါ်ထုတ်ရန် လွှတ်တော်၏ ဆုံးဖြတ်ချက်နှင့် ပတ်သက်၍ အင်တာနက်တွင် ဝေဖန်မှုများရှိသလို နိုင်ငံရေးနယ်ပယ်တွင်လည်း လက်မခံမှုများရှိနေသည်။
Ref: မဇ္ဈိမ
Read More...
Collapse...
ဧပြီလ ၂၃ ရက် ၂၀၁၃ ခုနှစ်
မြန်မာနိုင်ငံတွင်း အကြမ်းဖက်မှုများ ဖြစ်ပွါးခဲ့သော ဒေသများရှိ လူနည်းစုများ အခြေအနေနှင့် စပ်လျဉ်း၍ စိုးရိမ်ပူ ပန်ကြောင်း အမေရိကန်နိုင်ငံက ထုတ်ဖော်ပြောကြားလိုက်သည်။
အလားတူ အကြမ်းဘက်မှုများ ထပ်မံ မပေါ်ပေါက်စေရေးအတွက် လျော်ကန်သည့် အစီအစဉ်များ ချမှတ် ဆောင်ရွက် ပါရန် လည်း တောင်းဆိုလိုက်သည်။
“မြန်မာနိုင်ငံတွင်း ဖြစ်ပွါးခဲ့တဲ့ ဘာသာရေးနဲ့ လူမျိုးရေးအရ လူနည်းစုများအပေါ် လူအုပ်စုနဲ့ အကြမ်းဖက် တိုက်ခိုက် ခဲ့ခြင်းများအပေါ် ကျနော်တုိ့ စိုးရိမ်ပူပန်မှုရှိဆဲ ဖြစ်ပါတယ်။ အလားတူ အကြမ်းဖက်မှုတွေ ထပ်မံ မပေါ်ပေါက်စေရေး အတွက် သင့်တင့် လျော်ကန်တဲ့ ခြေလှမ်းတွေ လှမ်းပါရန်လည်း မြန်မာနိုင်ငံအစိုးရကို ကျနော်တို့ ဆက်လက်တောင်းဆိုပါ တယ်။ အကြမ်းဖက် ခံရသူတွေအပေါ် အကာအကွယ်အထောက်အပံ့တွေ ပေးဖို့၊ ပြည်တွင်း ရွှေ့ပြောင်း ဒုက္ခသည်တွေနဲ့ အခြား အလားတူ လိုအပ်နေသောသူတွေဆီ လူသားချင်း စာနာတဲ့ အကူအညီ အထောက်အပံ့တွေ ပုံမှန် အဆီးအတားမရှိ အချိန် မီ ရောက်ရှိစေရန် အတွက်လည်း တောင်းဆိုပါတယ်” ဟု အမေရိကန် နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ ပက်ထရစ် ဗင်ထရဲလ် (Patrick Ventrell) က တနင်္လာနေ့က ပြောကြားလိုက်ကြောင်း PTI သတင်းတရပ်တွင် ဖော်ပြပါရှိသည်။
၎င်းက ဆက်လက်၍ “လူ့အခွင့်အရေးတွေကို ကာကွယ်စောင့်ရှောက်ဖို့၊ အခြေခံ လွတ်လပ်ခွင့်တွေကို လေးစား လိုက်နာဖို့ အစိုးရ၊ ဘာသာရေးခေါင်းဆောင်တွေနဲ့ လူထုအခြေပြု အဖွဲ့အစည်းများက ကိုယ်စားလှယ်များကို ကျနော်တို့အလေးပေး ပြောဆိုပါတယ်။ မြန်မာနိုင်ငံတွင်း ထာဝရ တည်တံ့မယ့်ငြိမ်းချမ်းရေးဆီ ရှေးရှုချီတက်ရန် မှာ ပြန်လည် ပေါင်းစည်းရေး၊ နစ်နာမှုများကို ဖြေရှင်းပေးရေး၊ ပြန်လည် ရင်ကြားစေ့ရေးတို့နဲ့သာ လုပ်ဆောင်နိုင် မှာ ဖြစ်ပါတယ်” ဟု ဗင်ထရဲလ် က ထည့်သွင်းပြောကြားသွားသည်။
မြန်မာအာဏာပိုင်များနှင့် ထိတွေ့ဆက်ဆံမှုကို အမေရိကန်က ဆက်လက်ပြုလုပ်သွားမည်ဟုလည်း သူက ဆက်လက်ပြောဆိုလိုက်သည်။
“ထိခိုက်နစ်နာခဲ့တဲ့ လူ့အသိုင်းအဝိုင်းတွေအတွက် တရားမျှတမှု ရှိစေရေး ဆောင်ရွက်ပေးဖို့၊ အကြမ်းဖက်မှုများရဲ့ အရင်းခံ အကြောင်းတရားတွေကို ဖြေရှင်းဆောင်ရွက်ပေးဖို့၊ အလားတူ ပဋိပက္ခတွေ ထပ်မံဖြစ် ပွါးစေခြင်း မရှိဘဲ တိုင်းရင်းသားလူမျိုးစုများ အတူယှဉ်တွဲနေထိုင်နိုင်စေရေး လိုအပ်တဲ့ အစီအစဉ်တွေ ချမှတ်ဆောင်ရွက်ရန် တို့ကိုလည်း မြန်မာအစိုးရကို ဆက်လက် တိုက်တွန်းသွားမှာ ဖြစ်ပါတယ်” ဟု ပက်ထရစ် ဗင်ထရဲလ် ကပြောဆိုလိုက်သည်။
၂၀၁၂ ခုနှစ်က ရခိုင်ပြည်နယ်အတွင်း ဖြစ်ပွါးခဲ့သော အကြမ်းဘက်မှုကို စုံစမ်းစစ်ဆေးရန် လွတ်လပ်သည့် စုံစမ်းရေး ကော်မရှင်တရပ်ကို မြန်မာနိုင်ငံကဖွဲ့စည်းဆောင်ရွက်လျက်ရှိပြီး မကြာမီ အစီရင်ခံစာ ထုတ်ပြန်နိုင်လိမ့် မည်ဟုလည်း သူက ဆက်လက်ပြောဆိုသည်။
“ရခိုင်ပြည်နယ်အတွင်း လူမျိုးတုံး သတ်ဖြတ်မှုများ ဖြစ်ပွါးခဲ့သည်ဟု အမေရိကန်ပြည် ထောင်စုက ယုံကြည် ပါသလား” ဟု အတိအလင်း မေးမြန်းချက်တခုကိုလည်း “ဒီလိုသတင်းတွေ ထွက်ပေါ်နေတာကို ကျနော်တို့ သိရှိပါ တယ်။ ပေါ်ပေါက်လျက်ရှိတဲ့ အခြေအနေတွေကို အမေရိကန် ပြည်ထောင်စုက အနီးကပ် ဆက်လက် စောင့်ကြည့်လေ့လာ လျက် ရှိပါတယ်။ သတင်းအချက်အလက်တွေ ရရှိလာတဲ့ အခါလည်း ဒါတွေကို ထည့်သွင်း စဉ်းစားပါတယ်။ ဒီလို စွပ်စွဲချက်တွေ ထွက်ပေါ်လာတိုင်းလည်း စုံစမ်းလေ့လာမှုတွေ ပြုလုပ်ပါတယ်” ဟု အမေရိကန် အစိုးရ ပြောရေးဆိုခွင့်ရှိသူ မစ္စတာသူ ပက်ထရစ် ဗင်ထရဲလ် က ဖြေကြားသွားကြောင်း ဝါရှင်တန်မှ ပေးပို့သည့် PTI သတင်းတရပ်တွင် ရေးသားထားသည်။
Ref: မဇ္ဈိမ
Read More...
Collapse...
မေစစ်ပိုင်
April 23, 2013
၁၅၀၀ ကျပ်တန် တန်ဖိုးနည်း ဖုန်းကတ်များ စတင်ဖြန့်ချိမည့် ဧပြီ ၂၄ ရက်တွင် တနိုင်ငံလုံးသို့ ဆက်သွယ်ခေါ်ယူနိုင်ရန် စီစဉ်ထားကြောင်း မြန်မာ့ စီးပွားရေး ကော်ပိုရေးရှင်း (MEC) မှ သိရသည်။
“ဖုန်းလိုင်းတွေ အခက်အခဲရှိရင် ကျနော်တို့ Call Center နံပါတ် ၃၄၅၆ ကို တိုက်ရိုက် ဆက်သွယ်လို့ရတယ်၊ တိုင်းနဲ့ ပြည်နယ်တွေမှာလည်း ဆက်သွယ်ရေး စခန်းတွေ ဖွင့်ပြီးပြီဆိုပေမယ့် နေရာတွေတော့ မပြောပြနိုင်သေးဘူး” ဟု MEC ၏ တာဝန်ရှိသူ တဦးက ဧရာဝတီသို့ ပြောသည်။
လူအများ ပြောနေသကဲ့သို့ မြို့တွင်းတွင်သာ ဆက်သွယ်နိုင်ရန်အတွက် မဟုတ်ဘဲ တနိုင်ငံလုံးတွင် ပြောဆို ဆက်သွယ်နိုင်ရန် အတွက် MEC ၏ ကိုယ်ပိုင် ဆက်သွယ်ရေးလိုင်းနှင့် စက်များ တည်ထောင် ထားပြီး ဖြစ်သည့်အတွက် ဆက်သွယ်၍ မရနိုင် သည့် ပြဿနာ၊ ကတ် ပြဿနာများ လုံးဝ ရှိနိုင်မည်မဟုတ်ကြောင်း၊ ချင်းပြည်နယ်ကိုမူ မြန်မာ့ဆက်သွယ်ရေး၏ WCDMA ဖုန်းကတ်များသာ ချထား မည် ဖြစ်ကြောင်း MEC မှ တာဝန်ရှိသူက ဆိုသည်။
မြန်မာ့ စီးပွားရေးကော်ပိုရေးရှင်းက ဖုန်းကတ်များ ထုတ်လုပ်ခဲ့သည့်အပြင် CDMA 800 MHZ ဟန်းဆက်များ ကိုလည်း အသုံးပြုနိုင်ရန် တရုတ်နိုင်ငံရှိ ကုမ္ပဏီတချို့အား နည်းပညာများ ပေးကာ ထုတ်လုပ် ရန် ဆောင်ရွက်ပြီး ဖြစ်သော်လည်း ကုမ္ပဏီများ၏ နာမည်များကို ထုတ်ဖော်ပြောဆိုရန် ငြင်းဆိုခဲ့သည်။
“ကျနော်တို့က တင်ဒါဝင်ပြီးတော့ ဖုန်းကတ်တွေ ထုတ်တာမဟုတ်ပါဘူး၊ ဆက်သွယ်ရေးက ပထမ အော်ပရေတာ ဖြစ်ပြီး MEC က ဒုတိယအော်ပရေတာအနေနဲ့ ယူပြီး လုပ်တာဖြစ် တာကြောင့် မြန်မာ့ဆက် သွယ်ရေးရဲ့ လက်အောက်ခံလို့ ပြောလို့ ရပါတယ်” ဟု အထက်ပါတာဝန်ရှိသူက ပြောပြသည်။
လက်ရှိတွင်မူ အဆိုပါ ၁၅၀၀ ကျပ်တန် ဖုန်းသည် အင်တာနက်လိုင်းပါ ပူးတွဲအသုံးပြုနိုင်မည် ဖြစ်ပြီး အင်တာနက်လိုင်း အတွက် ငွေကောက်ခံမှုကို MPT ၏ နှုန်းထားအတိုင်းသာ ကောက်ခံသွား မည်ဖြစ်ကြောင်း၊ မြန်မာ့ ဆက်သွယ်ရေးမှ သီးသန့်လိုင်း တလိုင်းလည်း ဝယ်ယူထားပြီးဖြစ်ကြောင်း ၎င်းက ဆိုသည်။
မိုဘိုင်းဆက်သွယ်ရေးဌာန အင်ဂျင်နီယာချုပ်ဦးဌေးဝင်းကမှု လက်ရှိတွင်ဖုန်းကဒ်များကို မဲစနစ်ဖြင့် အစိုးရမှ ပြည်သူသို့ တိုက်ရိုက်ချထားပေးနေသော်လည်း နောက်ပိုင်းတွင် ကုမ္ပဏီများက ဖုန်းကဒ် များရောင်းချလာနိုင်သည့်အတွက် လိုသ လောက်ရရှိနိုင်တော့မည်ဖြစ်ကြောင်း၊ မဲစနစ်ဖြင့်ချထားပေးရာတွင်လည်း သက်ဆိုင်ရာ တိုင်းဒေသကြီးနှင့် ပြည်နယ် များ တွင် ဆက်သွယ်ရေးတာဝါတိုင် ရှိသလောက်အရေအတွက်ဖြင့်သာ ချထားပေးနေခြင်းဖြစ်ကြောင်း ပြောသည်။
ရန်ကုန်မြို့ လှိုင်မြို့နယ်အတွင်းရှိ ရပ်ကွက်တချို့တွင်မှု ၁၅၀၀ ကျပ်တန် ဖုန်းကတ် လျှောက်ထားရန်အတွက် အိမ်ရာ ပိုင်ဆိုင် ကြောင်း စာချုပ်ကိုပါ အထောက်အထားအဖြစ် တောင်းယူနေကြောင်း ကိုယ်တိုင် ကြုံတွေ့ရသူ မယုယုက ပြောသည်။
ပြီးခဲ့သည့် ၁၉ ရက်က ရန်ကုန်မြို့တွင်းရှိ ရပ်ကွက်အများစုတွင် ဖုန်းကတ်များကို မဲစနစ်ဖြင့် ကံစမ်းဖောက်ပေးခဲ့ ရာတွင်လည်း အုပ်ချုပ်ရေးမှူးများနှင့် မဲဖောက်ရာတွင် ပါဝင်ခဲ့သူတချို့ ခြစားမှုများ ရှိခဲ့သည်ဟု ရန်ကင်းမြို့နယ် ဒဂုံမြို့သစ် မြို့နယ်များမှ ဒေသခံများက ဆိုသည်။
ဧပြီ ၂၄ ရက်တွင် ထွက်ရှိလာမည့် ဖုန်းကတ်များကို တရက် ကြိုတင်ကာ မြို့နယ်နှင့် ရပ်ကွက်အုပ်ချုပ်ရေးမှူး များထံတွင် ပေးထားပြီး ဖြစ်ကြောင်း သိရသည်။
“တချို့က စာရင်းမပေးဘဲနဲ့ သူမသိလိုက်ဘူး လုပ်ပြီး ပြဿနာရှာတာမျိုးတွေပါ။ မြို့နယ်က ခိုင်းတဲ့အတိုင်း လုပ်တာပဲ။ အားလုံး ထင်သာမြင်သာနဲ့ လုပ်သွားတာပါ” ဟု လတ်တလောတွင် ဖုန်းကတ်ကိစ္စ မဲလိမ်လည်မှုများ ရှိသည်ဟု ပြောဆိုစွပ်စွဲ ခံနေရသည့် မြောက်ဒဂုံမြို့နယ် ၄၀ ရပ်ကွက် အုပ်ချုပ်ရေးမှူး ဦးဇော်လွင်က ရှင်းပြသည်။။
အဆိုပါ ရပ်ကွက်တွင် ၁၅၀၀ ကျပ်တန် ဖုန်းကတ်အတွက် လျှောက်ထားသူ ၂၉၄ ဦးရှိခဲ့ပြီး ၁၂၀ ဦးက ဖုန်းကတ်မဲပေါက် ခဲ့ကြောင်း၊ ကျန်သည့် လူများကိုလည်း လာမည့်လများတွင် ဆက်လက် မဲဖောက်ပေး မည်ဖြစ်ကြောင်း၊ နယ်မြို့များမှ လာသော်လည်း ဧည့်စာရင်းဖြင့် အချိန်အတိုင်းအတာ တခုအထိ နေထိုင်ထားသူဖြစ်ပါက လျှောက်ထားနိုင်ကြောင်း ဦးဇော်လွင်က ပြောသည်။
၁၅၀၀ ကျပ်တန် တန်ဖိုးနည်းဖုန်းကတ်များ ပေါ်လာသော်လည်း လစဉ် ဖုန်းပြောဆိုခ ကျပ် ၂၅၀၀ အထိ သုံးစွဲရမည်ဟု ကြေညာထားခြင်း၊ လက်ရှိ အသုံးပြုနေသည့် ငွေဖြည့်ကတ်များနှင့် မရဘဲ MEC က ထုတ်သည့် ငွေဖြည့်ကတ်ဖြင့်သာ သုံးစွဲရခြင်း စသည့် ခြွင်းချက် အခြေအနေများကြောင့် ယင်းကတ်များကို လျှောက်ထားလိုသူ များအနေဖြင့် စဉ်းစားမှုများ ရှိနေကြောင်း သိရသည်။
“ရန်ကုန်တမြို့လုံးမှာ ငွေဖြည့်ကတ် ဝယ်လို့ရတာ ၄ ဆိုင် ၅ ဆိုင်လောက်ပဲရှိတယ်၊ လိုင်းတွေကလည်း ဘာမှန်း မသိသေးဘူး၊ ဟန်းဆက်တွေ ကလည်း WCDMA နဲ့ GSM လို မဟုတ်ဘူး၊ ဈေးမြင့်တော့ ၁၅၀၀တန် ဖုန်းကတ်က ၂ သိန်းတန်၊ ၅ သိန်းတန် ဖုန်းတွေ ထက်တောင် ပိုပြီး အကုန်အကျ များလာမလားဘဲ” ဟု ၁၅၀၀ ကျပ်တန် ဖုန်းကတ် ဝယ်ယူလိုသော်လည်း ကုန်ကျမည့် အထွေထွေစရိတ်နှင့် အာမခံချက် နည်းပါးသည့်အပေါ် ရန်ကင်းမြို့နယ်နေ ကို စိုင်းသီဟက သုံးသပ်သည်။
Ref: ဧရာဝတီ
Read More...
Collapse...
နန်းဆိုင်နွမ်
April 24, 2013
ရှမ်းပြည်တောင်ပိုင်း ညောင်ရွှေမြို့ရှိ အင်းလေးကန်သည် သဘာဝပတ်ဝန်းကျင် ပျက်စီးမှုကြောင့် ရေများ ယခင်နှစ်ထက် ခန်းခြောက်ကာ ဒေသခံများ အတွက် သောက်သုံးရေ အခက်အခဲ ဖြစ် လာကြောင်း ဒေသခံများ၏ အဆိုအရ သိရသည်။
အင်းလေးကန်တွင် ရေများ ခန်းခြောက်လာသည့် အတွက် ကမ္ဘာလှည့် ခရီးသည်များ လာရောက် လည်ပတ်မှု ကျဆင်းလာနိုင်သည်ဟု အင်းလေးကန် တာလေးကျေးရွာမှ ကိုခင်ဇော်ဦးက ဧရာဝတီ သို့ ပြောသည်။
“သောက်သုံးရေကန်တွေ ကလည်း ဟိုတယ်ဇုန်တွေ ဆောက်တော့ အပင်တွေခုတ်တာ၊ ကုန်းတွေကို တိုက်ချတာတွေ လုပ်တော့ ရေထွက်တွေပိတ်ပြီး အခု ရေထွက်နည်းသွားတယ်။ ဒါကြောင့် သောက်သုံးရေတွေ ခက်ခဲသွားတာ။ အခုဆိုရင် မိုးမျှော်နေရတယ်။ မိုးမရွာရင်တော့ နောက်လဆိုရင် ပိုဆိုးနိုင်တယ်” ဟု ကိုခင်ဇော်ဦးက ဆိုသည်။
အင်းလေးကန် ပတ်ဝန်းကျင်တွင် သစ်ပင်များ လျော့နည်းသွားခြင်း၊ တောင်ပေါ်တွင်လည်း သစ်ပင်များမရှိတော့သဖြင့် မိုးရွာချသည့်အခါ မြေဆီလွှာကို ထိန်းသိမ်းမှု နည်းပါးကာ ကန်ထဲသို့ နုန်းများ အဖြစ် ရောက်ရှိသွားခြင်းတို့ ဖြစ်ပေါ်နေကြောင်း၊ နုန်းများကို ကန်ပြင်ပသို့ ဆွဲထုတ်နိုင်မှသာ အဆင်ပြေနိုင်မည် ဖြစ်ကြောင်း၊ သစ်တောများ ပြုန်းတီးမှုကြောင့် အင်းလေးကန် တွင် နေထိုင် သည့် ပြည် သူများ ရေပြတ်လပ်မှုနှင့် ကြုံနေရပြီး ကမ္ဘာလှည့် ခရီးသည်များ လာရောက် လည်ပတ်မှု ကျဆင်းလာနိုင်သဖြင့် ဒေသခံများ၏ စားဝတ်နေရေး ပြဿနာ ရှိနိုင်ကြောင်း၊ နောက်ဆက်တွဲ အနေဖြင့် ရေအား လျှပ်စစ် ထုတ်နေသည့် လောပိတ ရေးအားလျှပ်စစ်လည်း ပျက်စီးသွားနိုင်ကြောင်း အင်းလေးကန် ဒေသတွင် နေထိုင်သည့် ပြည်သူများ ထံမှ သိရသည်။
“ရေခန်းတာ ဒီနှစ်က အရင်နှစ်တွေထက် ပိုဆိုးတယ်။ ဖောင်တော်ဦးကို ၀င်တဲ့ မြောက်ဘက်လမ်း တခုပဲ ရတော့တယ်။ဖောင်တော်ဦးကနေ နမ့်ပန်အလိုတော် ပေါက်ဘုရားကို သွားတဲ့ လမ်းဆိုရင် ခြောက် ကပ်နေ ပြီ။ လှေနဲ့ သွားလို့မရဘူး၊လမ်းလျှောက် သွားရတယ်” ဟု ဖောင်တော်ဦးကျောင်း ဆရာတော် ဦးဓမ္မဇဂ က ပြောသည်။
အင်းလေးကန် ဖောင်တော်ဦးဘုရား အနီးတ၀ိုက်တွင် ယခင်နှစ်က နွေရာသီတွင် ရေ ၆ ပေခန့် ရှိသဖြင့် သွားရလာရ အဆင်ပြေကြောင်း၊ ယခု တချို့နေရာတွင် လုံးဝ ခြောက်သွားသဖြင့် လမ်းလျှောက်သွား၍ ရကြောင်း၊ ဖောင်တော်ဦး ဘုရားရှိရာ နမ့်ဟူးရွာမှ ရွာသားတဦးက ဆိုသည်။
“အဓိကကတော့ ရာသီဥတု ဖောက်ပြန်တော့ အပူချိန်မြင့်လာပြီး မိုးနည်းတာပေါ့။ သစ်တောတွေ ပြုန်းတော့ မိုးရွာတဲ့အခါ ရေတိုက်စားပြီး နုန်းတွေက အကုန် ကန်ထဲရောက်ပြီး အနည်ထိုင်တယ်။ သစ်တောပြုန်းတဲ့ အခြေအနေတွေကို ဆက် မထိန်းထားနိုင်ဘူး ဆိုရင် နောက်နှစ်တွေမှာ ဒီထက် အခြေအနေ ဆိုးနိုင်တယ်” ဟု သစ်တော ပညာရှင် ဦးအုန်း (FREDA) က ဧရာဝတီ သို့ ပြောသည်။
နောင်တချိန်တွင် အင်းလေးကန် ဆိုသည်မှာ ရေထဲတွင် ဆောက်သည့်အိမ်များ၊ လှေများကို ခြေနှင့်လှော်သည့် အင်သားများ နေထိုင်ရာ နေရာဖြစ်ကြောင်း ပုံပြင်များထဲတွင်သာ ကျန်တော့မည်ကို စိုးရိမ်သည်ဟု ဦးအုန်းက ဆိုသည်။
၂၀၁၀ ခုနှစ်မှ စ၍ အပူချိန်မြင့်တက်လာပြီး သစ်တော ပြုန်းတီးမှုများနှင့် သဘာဝပတ်ဝန်းကျင် ထိန်းသိမ်းမှု အားနည်း လာသည့်အတွက် အင်းလေးကန်မှာ တနှစ်ထက် တနှစ် ရေခမ်းမှု မြင့်မားလာကြောင်း သိရသည်။
ထိုနည်းတူ ရှမ်းပြည်နယ် မြောက်ပိုင်း ကျောက်မဲတွင်လည်း မိုးခေါင်လာမှုကြောင့် ယခုနှစ်တွင် မကြုံစဖူး ရေရှားပါးမှုများ ကြုံလာပြီး မိုးရွာသွန်းမှုမရှိသဖြင့် လ္ဘက်စိုက်ပျိုးသည့် ဒေသတွင် လ္ဘက်များ အထွက်နှုန်းလျော့ လာကာ လ္ဘက်စိုက်ပျိုးသူများ အဆင်မပြေ ဖြစ်နေကြကြောင်း ကြားသိရသည်။
“ဒီလိုရေရှားပါးမှုက ကျောက်မဲမှာ မဖြစ်ဖူးဘူး။ အခုဆိုရင် စက်ရေတွင်းရှိတဲ့ ရပ်ကွက်ကနေပြီးတော့ ၁၂ ဘီးကားပေါ်မှာ မိုကာခင်းပြီး ရေမရှိတဲ့ နေရာတွေ သွားပို့နေရတယ်” ဟု ကျောက်မဲမြို့ခံ ဦးမောင်မောင်က ဆိုသည်။
သဘာဝပတ်ဝန်းကျင် ပျက်စီးမှုနှင့် သစ်တော့ ပြုန်းတီးမှု တနှစ်ထက် တနှစ် ပိုမို ဆိုးရွားလာသဖြင့် မြန်မာနိုင်ငံ အနှံ့အပြားတွင် ယခုနှစ်၌ ယခင်နှစ်များကထက် အပူချိန်မြင့်မားကာ တွင်းထွက်ရေနှင့် သဘာဝ ရေထွက်များ ခန်းခြောက် လာကြောင်း၊ သဘာဝ ပတ်ဝန်းကျင်နှင့် သစ်တောများကို အချိန်မီ မထိန်းသိမ်းပါက နွေရာသီ ရေရှားပါးမှု ကြုံတွေ့ကာ လူနှင့် တိရစ္ဆာန်များ၏ အသက်အန္တရာယ်များ လာမည့်နှစ်များတွင် ပိုမို စိုးရိမ်ရမည် ဖြစ်ကြောင်း သဘာဝ ပတ်ဝန်းကျင် လေ့လာသူများက ပြောဆို သုံးသပ် နေကြသည်။
Ref: ဧရာဝတီ
Read More...
Collapse...
ရန်ပိုင်
April 23, 2013
မြန်မာတိုင်းမ် ဂျာနယ် ရှယ်ယာဝင်ဟောင်း ဦးဆန်နီဆွေ သည် နိုင်ငံတော်သမ္မတ လွတ်ငြိမ်းခွင့် အမိန့်ဖြင့် ရှမ်းပြည်နယ် တောင်ကြီး အကျဉ်းထောင်မှ ယနေ့ လွတ်မြောက်ကြောင်း နီးစပ်သည့် အသိုင်းအ၀ိုင်း ထံမှ သတင်းရသည်။
ထောက်လှမ်းရေးဟောင်း ဗိုလ်မှူးချုပ် သိန်းဆွေ၏သား ဦးဆန်နီဆွေသည် ၂၀၀၄ ခုနှစ်က စစ်ထောက်လှမ်းရေးများနှင့် အတူ ဖမ်းဆီးခံရခြင်းဖြစ်ပြီး စာပေစိစစ်ရေး ခွင့်ပြုချက်ကို မရယူဘဲ ထုတ်ဝေခဲ့သည်ဟု အကြောင်းပြကာ ၂၀၀၅ ဧပြီတွင် စစ်အစိုးရက ထောင်ဒဏ် ၁၄ နှစ် ပြစ်ဒဏ် ချမှတ်ခြင်း ခံခဲ့ရသူဖြစ်သည်။
၎င်း၏ ဖခင်ဖြစ်သူ ဗိုလ်မှူးချုပ် သိန်းဆွေသည် ထောက်လှမ်းရေးအဖွဲ့၏ နိုင်ငံတကာဆက်ဆံရေးဌာနမှ ဌာနကြီးမှူးဖြစ်ပြီး အကျင့်ပျက်ခြစားမှုများနှင့် တခြားသော ထောက်လှမ်းရေးအရာရှိကြီး ၃၈ ဦးနှင့် အတူ ထောင်ဒဏ် နှစ် ၂၀ မှ နှစ် ၁၀၀ ကျော် ပြစ်ဒဏ်များ အသီးသီး ချမှတ်ခံခဲ့ရသည်။
ယခု သမ္မတ အမိန့်ဖြင့် လွတ်ငြိမ်းခွင့်ပြုသည့် အကျဉ်းသား စာရင်းတွင် ဗိုလ်မှူးချုပ် သိန်းဆွေ ပါမပါကိုမူ မသိရသေး ပေ။ လွတ်ငြိမ်းခွင့်ပြုသူများ၌ နိုင်ငံရေး အကျဉ်းသား ၅၉ ဦး ပါဝင်ကြောင်း နိုင်ငံရေး အကျဉ်းသားများ ကူညီစောင့်ရှောက်ရေး အသင်း(AAPP) က ပြောသည်။
ဦးဆန်နီဆွေသည် ထောက်လှမ်းရေး အဖွဲ့ ခေတ်ကောင်းစဉ် ၂၀၀၀ ပြည့်နှစ်က မြန်မာတိုင်းမ်(The Myanmar Times)ဂျာနယ်ကို ထုတ်ဝေခွင့် ရရှိခဲ့ခြင်းဖြစ်သည်။
ယခုအခါ မြန်မာတိုင်းမ် ဂျာနယ်ကို စွယ်စုံ မီဒီယာမှ ဒေါက်တာ တင်ထွန်းဦးက အမည်ခံ ထုတ်ဝေလျက်ရှိပြီး မကြာသေးမီက The Myanmar Times ဂျာနယ်၏ မန်နေဂျင်း ဒါရိုက်တာ မစ္စတာ ရော့စ် ဒန်ကလေနှင့် ပုဂ္ဂိုလ်ရေးအရ ဖြစ်သော မကျေနပ်မှုများဖြစ်ပွားကာ တရားရင်ဆိုင်လျှက် ရှိသည်။
Ref: ဧရာဝတီ
Read More...
Collapse...
April 23, 2013
လူ့အခွင့်အရေးစောင့် ကြည့်ရေးအဖွဲ့၏ အစီရင်ခံစာတွင် ယမန်နှစ်က မြန်မာနိုင်ငံ အနောက်ပိုင်းတွင်ဖြစ်ပွားခဲ့သော မွတ်စလင်များ သတ်ဖြတ်ခံရခြင်းကိစ္စ၌ အစိုးရအာဏာပိုင်များ ပါဝင်ပတ်သက်ခဲ့သည်ဟု ဖိအားပေး စွပ်စွဲခဲ့သော်လည်း ဥရောပသမဂ္ဂက မြန်မာနိုင်ငံအပေါ်တွင် ဒဏ်ခတ်ချမှတ်ထားသော ပိတ်ဆို့အရေးယူမှုများကို လက်နက်ရောင်း ၀ယ် ခြင်းမှအပ အားလုံး ပြန်လည်ရုပ်သိမ်းရန် ယခုအပတ် တနင်္လာနေ့တွင် သဘောတူလိုက်ပြီဖြစ် သည်။
ထိုသို့ ရုပ်သိမ်းပေးလိုက်ခြင်းကြောင့် မြန်မာနိုင်ငံတွင် ဥရောပမှ ကုမ္ပဏီများ လာရောက်ရင်းနှီးမြှုပ်နှံခွင့် ရရှိသွားပြီဖြစ် သည်။ ဥရောပသမဂ္ဂ၏ ခြေလှမ်းသည် အမေရိကန်နိုင်ငံအတွက် ဖိအားတခုဖြစ်လာနိုင် သည်။ အမေရိကန် ကုမ္ပဏီ အမှုဆောင်အရာရှိအချို့ကလည်း ပိတ်ဆို့မှုများကို အလုံးစုံဖယ်ရှားပေးရန် အမေရိကန်အစိုးရအား တောင်းဆိုထား ကြပြီးဖြစ်သည်။
၂၀၁၁ ခုနှစ်တွင် စစ်တပ်မှ ဘေးဖယ်သွားပြီး အရပ်သားတပိုင်း အစိုးရတာဝန်ယူခဲ့သည့်နောက်ပိုင်း အပြောင်းအလဲများကို လုပ်ဆောင်ပြနိုင်ခဲ့သောကြောင့် ဥရောပသမဂ္ဂက ပိတ်ဆို့မှုများကို ဖယ်ရှားပေး လိုက်ခြင်းဖြစ်သည်။
“ဖြစ်ပေါ်လာတဲ့ အပြောင်းအလဲတွေကို တုန့်ပြန်တဲ့အနေနဲ့ လက်နက်ရောင်းဝယ်ခြင်းကလွဲပြီး ပိတ်ဆို့အရေးယူမှုအားလုံး ကို ဖယ်ရှားပေးဖို့ ကောင်စီ (ဥရောပသမဂ္ဂအဖွဲ့ဝင်အစိုးရများ) က ဆုံးဖြတ်လိုက် ပါတယ်။ အပြောင်းအလဲတွေကို ဆက်လက်ပြီး ဖော်ဆောင်သွားလိမ့်မယ်လို့လည်း မျှော်လင့်ပါတယ်” ဟု လူဇင်ဘတ်မြို့တွင် ကျင်းပခဲ့သည့် ဥရောပ သမဂ္ဂ နိုင်ငံခြားရေးဝန်ကြီးများ အစည်းအဝေးအပြီး ထုတ်ပြန်ခဲ့သော ကြေညာချက်၌ ဖော်ပြထားသည်။
သို့သော်လည်း ဝါရှင်တန်အခြေစိုက် လူ့အခွင့်အရေးစောင့်ကြည့်ရေးအဖွဲ့ကမူ ယခင်နှစ်က မြန်မာနိုင်ငံ အနောက်ပိုင်း ရခိုင်ပြည်နယ်တွင် ဖြစ်ပွားခဲ့သော မွတ်စလင်များအား “လူမျိုးတုန်း သန့်စင်ရေး” အမည်ခံ သတ်ဖြတ်မှု များတွင် မြန်မာအာဏာပိုင်များ၏ ကိုင်ကွယ်ဆောင်ရွက်မှုသည် လက်ခံနိုင်ဖွယ်ရာမရှိဟု စွပ်စွဲပြစ်တင်ခဲ့ပြီး ဥရောပသမဂ္ဂ၏ ဒဏ်ခတ်မှုရုပ်သိမ်းခြင်းကို ကန့်ကွက်ခဲ့သည်။
မြန်မာအတိုက်အခံခေါင်းဆောင် နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကမူ ပဋိပက္ခများနှင့် စီးပွားရေး ကန့်သတ်ချက်ကို တွဲဆက်မထားသင့်တော့ကြောင်း ပြောသည်။ “ဥပဒေ စိုးမိုးရေးဆိုင်ရာ လုပ်ဆောင်စရာတွေ ရှိနေ ပါတယ်။ လူမှု နိုင်ငံရေးပြဿနာတွေလည်း ရှိနေပါသေးတယ်။ ဒါကြောင့် ပဋိပက္ခတွေနဲ့ စီးပွားရေး ပိတ်ဆို့ ကန့်သတ်တာကို ချိတ်ဆက်ပြီး မစဉ်းစားသင့်ဘူးလို့ ကျမ ထင်ပါတယ်” ဟု ဆိုသည်။
အဓိကရုဏ်းများဖြစ်ပွားနေသော်လည်း မြန်မာနိုင်ငံ၏ ဖြစ်ပေါ်တိုးတက်မှုများသည် ပိတ်ဆို့ကန့်သတ်မှုများကို ဖယ်ရှားပေးရန်အတွက် လုံလောက်ကြောင်း ဗြိတိန်နိုင်ငံခြားရေးဝန်ကြီး ဝီလီယံ ဟိတ်ကလည်း ဆိုသည်။ “လူမျိုးရေး ပဋိပက္ခတွေကို ရပ်တန့်အောင် လုပ်တဲ့နေရာမှာ တကယ့်ကို လိုအပ်ပါတယ်။ ဥရောပသမဂ္ဂနိုင်ငံတွေအနေနဲ့လည်း အဓိကနေရာက ပါဝင်သွားမှာပါ။ ရဲတပ်ဖွဲ့ကို လေ့ကျင့်ပေးဖို့၊ ဘာသာအယူဝါဒတွေကြားမှာ ပြောဆိုညှိနှိုင်းမှုတွေ တိုးပွားလာဖို့ ကျနော်တို့ တတ်နိုင်တဲ့နေရာကနေ ကူညီပေးသွားမှာပါ” ဟု ဥရောပသမဂ္ဂ အစည်းအဝေးတွင် သတင်းထောက်များကို ပြောဆိုသည်။
ဥရောပသမဂ္ဂသည် မြန်မာနိုင်ငံတွင်းမှ ကုမ္ပဏီနှင့် အဖွဲ့အစည်း ၁၀၀၀ ခန့်၏ ပိုင်ဆိုင်မှုများကို ထိန်းချုပ်ထားခဲ့ပြီး လူပုဂ္ဂိုလ် ၅၀၀ ခန့်ကို လည်း ဥရောပသမဂ္ဂ၏ နယ်မြေအတွင်းသို့ ၀င်ရောက်ခွင့် ပိတ်ထား ခဲ့သည်။ ထို့အတူ စစ်ဘက်နှင့်ဆိုင်သော နည်းပညာ အကူအညီပေးရေးကိုလည်း တားမြစ်ထားခဲ့ပြီး သတ္တုတွင်းလုပ်ငန်း၊ သစ်လုပ်ငန်းနှင့် ကျောက်မျက်လုပ်ငန်းများတွင် ဥရောပလုပ်ငန်းရှင်များ ရင်းနှီးမြှုပ် နှံခွင့်မရှိခဲ့ပေ။
သမ္မတ ဦးသိန်းစိန်၏ ပြုပြင်ပြောင်းလဲရေးလုပ်ငန်းစဉ်များကို ချီးကျူးပြောဆိုနေကြသော်လည်း လူမျိုးရေး ဘာသာရေး ပဋိပက္ခများရှိနေဆဲဖြစ်ပြီး ယမန်နှစ်က ရခိုင်ပြည်နယ်တွင် အဓိကရုဏ်းများကြောင့် လူ ၁၁၀ ခန့် သေဆုံးခဲ့ပြီး ၁၂၀၀၀၀၀ ကျော် အိုးမဲ့အိမ်မဲ့ ဖြစ်ခဲ့ရသည်။ လွန်ခဲ့သော မတ်လတွင်လည်း လူမျိုးရေးအဓိကရုဏ်း ထပ်မံပေါ်ပေါက်ခဲ့ပြီး သေဆုံးသူ ၄၃ ဦးအထိရှိခဲ့သည်။
စောင့်ကြည့်လေ့လာသူများက ပဋိပက္ခများသည် နိုင်ငံနယ်နိမိတ်ကို ကျော်လွန်ပြီး အခြားဒေသများဆီ ရောက်ရှိသွားနိုင်ကြောင်း ပြောကြသည်။ ဧပြီလဆန်းက အင်ဒိုနီးရှားနိုင်ငံရှိ ဒုက္ခသည် စခန်းတခု တွင် ရောက်ရှိနေသော မြန်မာနိုင်ငံမှ ဗုဒ္ဓဘာသာဝင်များနှင့် မွတ်စလင်များ ခိုက်ရန်ဖြစ်ပွားခဲ့ပြီးနောက် လူ ၈ ဦးသေဆုံးခဲ့သည်။
၂၀၁၄ ခုနှစ်တွင် မြန်မာနိုင်ငံသည် အရှေ့တောင်အာရှနိုင်ငံများအဖွဲ့၏ ဥက္ကဌတာဝန်ကို ရယူရန်လည်း ရှိနေသည်။
“ဥက္ကဌနေရာ ယူချိန်မှာ မြန်မာနိုင်ငံရဲ့ လူမျိုးဘာသာရေး ပြဿနာတွေ ဆက်ဖြစ်နေရင် အာဆီယံကို လာထိခိုက်မယ်။ ဒေသတွင်း ပြောဆိုပတ်သက်မှု (regional involvement) တွေ ရှိသင့်ပါတယ်။ ဝင်ရောက်စွက်ဖက်မှု (regional intervention) တော့ မဟုတ်ဘူးပေါ့” ဟု ထိုင်းနိုင်ငံ ချူလာလောင်ကွန်း တက္ကသိုလ်မှ ဒေါက်တာတစ်တီနန် ပုန်စူဒီရစ်က အာဆီယံအဖွဲ့ဝင်တွင် ပြည်တွင်းရေးကို ၀င်ရောက်စွက်ဖက်မှု မလုပ်ရသော ပေါ်လစီချမှတ်ထားသောကြောင့် အခက်မြင်ကြောင်း ပြောသည်။
ထိုင်းနိုင်ငံ ထုတ် The Nation သတင်းစာမှ အယ်ဒီတာ ကဝီ ချွန်ကစ်တာဗွန်ကလည်း “အာဆီယံမှာ ဒီလိုဖြေရှင်းမှု ကိုင်တွယ်ရေး ယန္တယား မရှိသေးဘူး၊ ဒါ တကယ့် အဖြစ်မှန်ပဲ” ဟု ဆိုသည်။
လူမျိုးရေးအဓိကရုဏ်းများက နေပြည်တော်နှင့် အမေရိကန်ဦးဆောင်သောနိုင်ငံများကြား ဆက်ဆံရေးအပေါ် အာရုံစိုက်မှုများ ဖြစ်စေခဲ့သည်။
အနောက်နိုင်ငံများအနေဖြင့် တရုတ်နေရာတွင် ၎င်းတို့၏ စစ်ရေး သို့မဟုတ် ဗျူဟာမြောက် အကျိုးစီးပွားများ၊ ကော်ပိုရေးရှင်းများနှင့် အစားထိုးရေး မြန်မာတို့ကို လွှတ်ထားပေးမည်ဟု မြန်မာအစိုးရက ယုံကြည်နေပြီး အနောက်နိုင်ငံများအတွက်မူ အရှေ့အလယ်ပိုင်းမှာကဲ့သို့ တော်လှန်ရေးများ မဖြစ်ဘဲ မြန်မာနိုင်ငံ ရှေ့ဆက် ပြောင်းလဲရေး အကောင်းဆုံး အခြေအနေဟု ထင်မြင် ယူဆနိုင်ကောင်းသည် ဟု ဝေဖန်သုံးသပ်သူတို့က ယုံကြည်ကြသည်။
“ဒါက ဇာတ်ညွှန်းအဆိုးတွေထဲက အကောင်းဆုံးတခုပေါ့။ အမေရိကန်နဲ့ မဟာမိတ်တွေအတွက် ဗျူဟာမြောက်တဲ့ အမြတ်တခုရလိုက်တယ်။ စစ်အစိုးရဟာ တရုပ်နဲ့ ဝေးရာကိုရွေ့လာတာဟာ အနောက်အ တွက် အမြတ်ပေါ့” ဟု London School of Economics မှ ဒေါက်တာဇာနည်က Al Jazeera ရုပ်သံသို့ ပြောသည်။ “ မြန်မာနဲ့ တရုတ်မဟုတ်တဲ့ ကမ္ဘာကြားထဲက ဘုံပိုင်းခြေက တရုတ်ပါပဲ” ဟု သူက ပြော သည်။
Ref: ဧရာဝတီ
Read More...
Collapse...
April 23, 2013
မြန်မာနိုင်ငံ ရခိုင်ပြည်နယ်ရှိ မွတ်စလင်များ အရေးနှင့် ပတ်သက်ပြီး အင်ဒိုနီးရှား သမ္မတ ဆူဆီလို ဘန်ဘန်း ယူဒိုယိုနိုက ဗုဒ္ဓဟူးနေ့ မြန်မာနိုင်ငံ ခရီးစဉ်အတွင်း မေးမြန်း ဆွေးနွေးသွားရန် ရှိကြောင်း ပြောဆို သည်နှင့် တပြိုင်တည်း အမေရိကန် အစိုးရအနေဖြင့် “လူမျိုးတုန်း သန့်စင်ရေး”အပေါ် အနီးကပ် စောင့်ကြည့် နေကြောင်း ဆိုသည်။
“အင်ဒိုနီးရှား နိုင်ငံအနေနဲ့ မြန်မာအစိုးရဟာ ရိုဟင်ဂျာအရေးမှာ အသိဉာဏ်ရှိရှိ မျှမျှတတ ဆုံးဖြတ် ဆောင်ရွက် သွားနိုင် လိမ့်မယ်လို့ မျှော်လင့်ပါတယ်။ အပြုသဘောဆောင်တဲ့ ရလာဒ်ကောင်းတွေအတွက် ကူညီဆောင်ရွက် ပေးသွား ချင်ပါတယ်” ဟု တနင်္လာနေ့က စင်ကာပူသို့ ထွက်ခွာမည့် ဂျကာတာ လေဆိပ် သတင်းစာ ရှင်းလင်းပွဲတွင် အင်ဒိုနီးရှားသမ္မတ က ပြောကြားသည်။
ယခုသီတင်းပတ်အတွင်း ကျင်းပရန်ရှိသည့် ဘရူနိုင်းနိုင်ငံတွင် ကျင်းပပြုလုပ်မည့် အာဆီယံနိုင်ငံများ ထိပ်သီးဆွေးနွေး ပွဲသို့ တက်ရောက်လာသည့် မြန်မာ အရာရှိများအား အင်ဒိုနီးရှား နိုင်ငံခြားရေး ၀န်ကြီး မာတီနာတာလီဂါဝါက လည်း ယင်းအရေး တိုက်တွန်းပြောဆိုရန်ရှိသည်။
အင်ဒိုနီးရှားနိုင်ငံ ဆူမတြားမြောက်ပိုင်းရှိ လူဝင်မှုကြီးကြပ်ရေးဌာန ထိန်းသိမ်းရေးစခန်းတွင် ရခိုင်ပြည်မှ ထွက်ပြေးလာ ကြသော မွတ်စလင်များက မြန်မာဗုဒ္ဓဘာသာဝင် ၈ ဦးအား ဝိုင်းသတ်ဖြတ်ခဲ့သည့် အရေးမှာ မြန်မာပြည်တွင်းရေး မျှသာမက ဒေသတွင်းသို့ ပြန့်နှံ့ကူးစက်ဖြစ်ပွားလာခြင်း ဖြစ်ကြောင်း အင်ဒိုနီးရှားနိုင်ငံခြားရေးဝန်ကြီး က ထောက်ပြ ပြောဆို ခဲ့သည်။
သမ္မတ ယူဒိုယိုနိုသည် မြန်မာနိုင်ငံသို့ ယနေ့ ဆိုက်ရောက်လာခဲ့သည်။
တချိန်တည်းမှာပင် အမေရိကန်ကလည်း မြန်မာနိုင်ငံ၏ မွတ်စလင် လူနည်းစုများအပေါ် အကြမ်းဖက်တိုက်ခိုက်မှုများ ထပ်မံ မဖြစ်ပေါ်ရေး တားဆီးထိန်းချုပ်ရန် ဖော်ပြတိုက်တွန်းသည်။
အမေရိကန် အစိုးရ ပြောရေးဆိုခွင့် ရှိသူ ပက်ထရစ်ဗန်ထရဲလ် က “ကျနော်တို့ စိုးရိမ်ချက်တွေ ရှိနေတုန်းပါ။ လူအုပ်ဖွဲ့ပြီး အကြမ်းဖက်မှု၊ ဘာသာရေးနဲ့ လူမျိုးစု လူနည်းစုတွေကို တိုက်ရိုက် အကြမ်းဖက် မှုတွေကို ကျနော်တို့ စိုးရိမ်နေတုန်းပါ။ အဲဒီလို ဖိနှိပ်မှုအပေါ် အစိုးရက တားဆီး ကာကွယ် ပေးသွားဖို့၊ အဖိနှိပ်ခံရသူတွေ ကိုလည်း အထောက်အပံ့ပေးဖို့၊ လူသားချင်း စာနာတဲ့ အကူအညီတွေ ပေး တာတွေကိုလည်း အတားအဆီး မဖြစ်စေဘဲ အားလုံးကို ပေးသွားနိုင်ဖို့ ဆိုတာတွေကို ကျနော်တို့ တောင်းဆိုထားပါတယ်” ဟု ဆိုသည်။
“ကျနော်တို့ ဆက်ပြီး အလေးအနက်ထား ရမှာတွေက ဘာသာရေး ခေါင်းဆောင်တွေရော၊ အစိုးရ အုပ်ချုပ်ရေး အဖွဲ့အစည်းတွေက ပုဂ္ဂိုလ် တွေရော လူ့အခွင့်အရေးကို လေးစားလိုက်နာဖို့နဲ့ လူ့အခွင့်အရေး အတွက် အကာ အကွယ် ပေးဖို့ပါ။ ပြီးတော့ အခြေခံ ကျတဲ့ လွတ်လပ်မှု၊ ပြန်လည်ပေါင်းစည်းပြီး ရင်ကြားစေ့ နေထိုင်နိုင်ရေး ကနေ နောက်ဆုံး တနိုင်ငံလုံး ငြိမ်းချမ်းရေး ရရှိပြည့်စုံမယ့် လမ်းကို ရွေးချယ်နိုင် ဖို့ ဖြစ်ပါတယ်” ဟု ပုံမှန်သတင်းစာ ရှင်းလင်းပွဲတွင် ပက်ထရစ်ဗန်ထရဲလ် က ပြောသည်။
ယမန်နေ့က ထုတ်ပြန်ခဲ့သော လူ့အခွင့်အရေးစောင့်ကြည့်ရေးအဖွဲ့၏ အစီရင်ခံစာပါ “လူမျိုးတုန်း သန့်စင်ရေး” လုပ်ခဲ့သည်ဟူသော စွပ်စွဲချက်အပေါ် သတင်းထောက်များက မေးမြန်းရာ အမေရိကန် အစိုးရအနေဖြင့် အနီးကပ် စောင့်ကြည့်နေကြောင်း ပြောဆိုသည်။ “ကျနော်တို့ အစီရင်ခံစာနဲ့ သတင်းအချက်အလက်တွေကို သတိပြုမိ ပါတယ်။ အမေရိကန်ဟာ ဆက်လက်ပြီး အနီးကပ် သတိရှိရှိ နဲ့ ဖြစ်စဉ်အခြေအနေကို ချဉ်းကပ် သွားမှာပါ။ ပြီးတော့ ရရှိတဲ့ သတင်း အချက်အလက်တွေထဲမှာ ဖြစ်တန်ရာတွေကို ချင့်ချိန်သွားမှာပါ။ ကျနော်တို့ဟာ အခြေအနေ နဲ့ ဖြစ်စဉ် တရပ်လုံးကို စောင့်ကြည့်နေ ပါတယ်၊ ကျယ်ပြန့်တဲ့ သတင်းအချက်အလက် တွေကို နားထောင်နေပါ တယ်၊ ပြီးတော့ ထပ်ဆင့်တက်လာမယ့် စွပ်စွဲ ပြောဆိုတာတွေ အပေါ်မှာလည်း စုံစမ်းစစ်ဆေး သွားမှာပါ” ဟု ပြောဆိုသည်။
Ref: ဧရာဝတီ
Read More...
Collapse...
စနေလင်း
April 23, 2013
မိတ္ထီလာ အရေးအခင်းတွင် လူသတ်မှုအပါအဝင် ကြီးလေးသော ပြစ်ဒဏ်များကျခံနိုင်သည့် စွဲချက်များဖြင့် လူ ၇ ဦးကို စတင် ရုံးထုတ်စစ်ဆေးရာ လုံခြုံရေး တင်းကြပ်ထားပြီး သတင်းမီဒီယာများကို ကန့်သတ်ထားခဲ့သည်။
ထိုသူများကို လူသတ်မှု ပုဒ်မ ၃၀၂၊ တုတ်၊ ဓါး စသည်တို့ဖြင့် ထိခိုက်နာကျင်စေမှု ပုဒ်မ ၃၂၄၊ လူတစ်ဦးကို သေစေနိုင်သည်အထိ ထိခိုက်နာကျင်စေမှု ပုဒ်မ ၃၂၆၊ အဆောက်အဦးကို မီးလောင်ပျက်စီးနိုင်စေမှု ပုဒ်မ ၄၃၆၊ ပြစ်မှုကျူးလွန်ရာ တွင် ၀ိုင်းဝန်းကူညီမှု ပုဒ်မ ၁၁၄ တို့ဖြင့် မိတ္ထီလာ အမှတ် ၂ ရဲစခန်းမှူးက တရားလိုပြုလုပ်ကာ တရားစွဲခဲ့ကြောင်း မိတ္ထီလာ အမှတ် ၂ ရဲစခန်းမှ တာဝန်ရှိသူတစ်ဦးက ဧရာဝတီ သို့ ပြောသည်။
အဆိုပါ အမှုတွင် သံသယရှိသူ ၇ ဦးကို ယနေ့တွင် ဆက်လက်တရားရုံးတင် စစ်ဆေးလျှက်ရှိပြီး တရားခံပြေးအဖြစ် သတ် မှတ်ထားသောသူ ၄ ဦးလည်း ပါဝင်ကြောင်း သိရသည်။
“ ဒီနေ့ညနေမှာလည်း ရုံးချိန်းထားတယ်။ သူတို့ကို အခုမှ စစ်ဆေးနေဆဲကာလဖြစ်တာကြောင့် အမှုသွား အမှုလာကိုတော့ အသေးစိတ် ပြောလို့မရသေးပါဘူး။ သူတုိ့အတွက်လည်း ရှေ့နေတွေ လိုက်ပေးနေ ပါတယ် ” ဟု ၎င်းက ဆိုသည်။
အဆိုပါ တရားစွဲဆိုခံထားရသူများမှာ မျိုးထွန်းထွန်း၊ ဖိုးချို၊ မျိုးညွန့်ဦး၊ ဇော်ထက်နိုင်၊ ညီညီနိုင်၊ မျိုးဝင်း(ခ)ဒါဂျိဂန်း၊ မြတ်ကို ကို(ခ)အဏ္ဏ၀ါတို့ဖြစ်ကြောင်း၊ လတ်ကျော်နိုင်၊ စည်သူ၊ မျိုးဝင်း(ခ)အဒူလမန်၊ ကိုဝင်း(ခ)ကျော်သူဝင်းတို့ကို တရားခံပြေးအ ဖြစ် သတ်မှတ်ထားကြောင်း မိတ္ထီလာခရိုင်ရဲတပ်ဖွဲ့မှ သိရသည်။
အထက်ဖော်ပြပါ တရားစွဲဆိုခံရသူများမှာ အစ္စလမ်ဘာသာဝင်များဖြစ်ပြီး မိတ္ထီလာအဓိကရုဏ်းတွင် ဗုဒ္ဓဘာသာ ဘုန်းတော်ကြီး ဦးသောဘိတကို သတ်ဖြတ်သည်ဟု သင်္ကာမကင်းခံရသူများ ဖြစ်ခြင်းကြောင့် တရားခွင် လုံခြုံရေး အထူးတင်းကြပ်ထားကြောင်းလည်း သိရသည်။
တရားခွင်သို့ စွပ်စွဲခံရသူများ၏ မိသားစုများပင် တက်ရောက်ခွင့်မရကြပေ။
အမှုနှင့်ပက်သက်ပြီး တရားရုံး၏ သုံးသပ်ချက်က အရေးကြီးကြောင်း၊ လူသတ်မှုဆိုရာတွင် အရေးအခင်းတွင် လူသတ်မှုမျိုးလား၊ တမင်ရည်ရွယ်ချက်ရှိရှိဖြင့် လူသတ်မှုမျိုးလားကို တရားရုံး၏ သုံးသပ်ချက်ပေါ် မူတည်ပြီး ပြစ်ဒဏ်များ၏ ပမာဏ ကွာခြားနိုင်မည်ဖြစ်ကြောင်း ရှေ့နေများကွန်ယက်မှ ဦးအောင်သိန်းက ဧရာဝတီသို့ ပြောသည်။
“ လက်ရှိ တရားရုံးတင်တယ်ဆိုတော့ တရားဥပဒေကြောင်းအရ သွားတယ်လို့ပဲမြင်ပါတယ်။ ဘယ်လိုပြစ်ဒဏ်တွေပေးနိုင် မလဲက အမှုသွားအမှုလာကို သေချာမသိတော့ မပြောနိုင်ဘူး။ တရားတယ်၊ မတရားဘူးဆိုတာကတော့ တရားရုံးရဲ့ဆောင် ရွက်ချက်တွေကို စောင့်ကြည့်ရဦးမှာပေါ့ ” ဟု ၎င်းက ဆိုသည်။
ယမန်နေ့ တရားစတင်စွဲဆိုစဉ်ကလည်း ပြည်တွင်းဂျာနယ် ၂ ခုဖြစ်သည့် Eleven မီဒီယာ၊ The Voice သတင်းဌာနနှင့် အစိုးရပိုင်သတင်းဌာနတို့သာ ၀င်ခွင့်ပေးခဲ့သောကြောင့် တရားခွင် လွတ်လပ်မှုမ ရှိဟု ဝေဖန်ပြောဆိုနေကြသည်။
အစိုးရအနေဖြင့် လုံခြုံရေးအခြေအနေအရ တရားခွင်ကို ယခုလို စီစဉ်ခြင်းဖြစ်နိုင်ကြောင်း၊ အစိုးရမှ သတင်းထုတ်ပြန်လိုက် လျှင်လည်း ပြီးမည်ဟု ယူဆသဖြင့် စတိသဘောမျိုးဖြင့် ပြည်တွင်းဂျာနယ် ၂ ခုကိုသာ တရားခွင်သို့ ၀င်ရောက်ခွင့်ပြုခဲ့သည့် သဘောရှိမည်ဟု မိမိထင်ကြောင်း Open ဂျာနယ် အယ်ဒီတာချုပ် ဦးသီဟစောက ပြောသည်။
“ သတင်းသမားတွေကတော့ ပွင့်လင်းမြင်သာမှုရှိစေချင်တာပေါ့။ သူတို့ဘက်ကလည်း လုံခြုံရေးအမြင်နဲ့ ကြည့်နေဦးမှာပဲ။ ဒီမိုကရေစီ ပီပီပြင်ပြင် မရသေးတဲ့ကာလမှာ အစိုးရဘက်က ဒီအမြင်တွေတော့ရှိနေ ဦးမှာပဲ ” ဟု ဦးသီဟစောက ဆိုသည်။
ယနေ့ နောက်ဆုံးအခြေအနေအရ မိတ္ထီလာအရေးအခင်းနှင့် ပတ်သက်ပြီး ဖမ်းဆီးထားသော သူ ၇၀ မှ အမှုဖွင့် တရားစွဲဆို ထားသောသူ ၂၀ ကျော်ရှိပြီ ဖြစ်ကြောင်း သိရသည်။
မိတ္ထီလာမြို့တွင်းရှိ ဗုဒ္ဓဘာသာဝင်များကတော့ မူလအတိုင်း ရောင်းဝယ်ဖောက် ကားပြီး တည်ငြိမ်နေပြီဖြစ်သော်လည်း အစ္စလမ်ဘာသာဝင်များ၏ ဆိုင်များကတော့ ဖွင့်လှစ်နိုင်ခြင်းမရှိသေးကြောင်း မိတ္ထီလာဒေ သများ ထံမှ သိရသည်။
ထို့အပြင် အစ္စလမ်ဘာသာဝင်များမှာ မိမိတို့နေရပ်သို့ပြန်ချင်နေပြီဖြစ်သော်လည်း လုံခြုံရေးအခြေအနေအရ ပြန်လည် အခြေချခွင့်ကို သက်ဆိုင်ရာမှ ခွင့်မပြုသေးကြောင်း အစ္စလမ်သာသနာရေးကောင်စီ တွဲဘက်အတွင်းရေးမှူးချုပ် ဦးဝဏ္ဏရွှေက ပြောသည်။
“ကျနော့်အနေနဲ့တော့ အခု တရားစွဲတဲ့အပေါ် ကျယ်ကျယ်လောင်လောင် မပြောချင်ဘူး။ အားလုံး ပြဿနာ မဖြစ်တာဘဲ လိုချင်တယ်။ ငြိမ်းငြိမ်းချမ်းချမ်းပဲ ဖြစ်စေချင်တယ်။ အခုချိန်ထိက ကျနော်တို့တွေ စိုးရိမ်မကင်းဖြစ်နေရတုန်းပဲ။ အစ္စလမ်ဘာသာနဲ့ပက်သက်ပြီး ဆန့်ကျင်တာတွေကို ပြောနေကြတုန်း၊ ဆန့်ကျင်ဖို့ စည်းရုံးနေကြတုန်းမို့ စိုးရိမ်နေရပါတယ် ” ဟု ဆိုသည်။
Ref: ဧရာဝတီ
Read More...
Collapse...
ဧပြီလ ၂၂ ရက် ၂၀၁၃ ခုနှစ်
မြန်မာနိုင်ငံသို့ စွမ်းဆောင်ရည် မြှင့်တင်ရေးလုပ်ငန်းများကို အိန္ဒိယနိုင်ငံက အားသွန်ခွန်စိုက် ဆောင်ရွက် ပေးသွားမည် ဖြစ်ပြီး သတင်းနည်းပညာ၊ ကျွမ်းကျင်မှုဖွံ့ဖြိုးတိုး တက်ရေး၊ စိုက်ပျိုးရေး ကဏ္ဍများတွင် အဓိက ဆောင်ရွက်သွားမည်ဟု အိန္ဒိယ အခြေစိုက် Hindustan Times သတင်းစာကြီး၌ တနင်္လာနေ့က ရေးသားထားသည်။
အိန္ဒိယနိုင်ငံအတွက် အဓိက အိမ်နီးချင်းနိုင်ငံလည်းဖြစ်၊ အရှေ့တောင်အာရှနိုင်ငံများအနက် ကုန်းမြေချင်း ဆက်စပ်နေသည့် တခုတည်းသော နိုင်ငံလည်းဖြစ်သော မြန်မာနိုင်ငံသို့ ဆောင်ရွက်ပေးမည့် လုပ်ငန်းများ ထဲတွင် မြန်မာ သတင်းနည်းပညာ တက္ကသိုလ် (MIIT) တခု တည်ထောင်ရေးလည်း ပါဝင်သည်။
ထိုလုပ်ငန်းအတွက် ဝန်ကြီးချုပ် မန်မိုဟန်ဆင်း၏ ကျွမ်းကျင်မှု ဖွံ့ဖြိုးတိုးတက်ရေးလုပ်ငန်း အကြံပေး အရာရှိ အက်စ်ရာမာဒိုရွိုင်း (S Ramadorai) က ဦးဆောင်ပြုလုပ်သွားမည် ဖြစ်သည်။
လယ်ယာကဏ္ဍအတွက်မူ မြန်မာနိုင်ငံတွင် စပါးဇီဝ နည်းပညာဥယျာဉ် (Rice Bio Park) တခု တည်ထောင်ရာ တွင် အကူအညီပေးရန် စိုက်ပျိုးရေးသိပ္ပံပညာရှင် အမ်အက်စ်ဆွာမိနသန် (M.S.Swaminathan) က ဦးဆောင်ပြုလုပ်မည် ဖြစ်သည်။
ထို့ပြင် နာဂ ကိုယ်ပိုင်အုပ်ချုပ်ခွင့်ရဒေသအတွင်း ဖာလာစေ့ စိုက်ပျိုးရေးလုပ်ငန်းလည်း အိန္ဒိယက ဆောင်ရွက် သွားမည် ဖြစ်သည်။
မြန်မာနိုင်ငံဆိုင်ရာ အိန္ဒိယ သံအမတ်ကြီးအဖြစ် ခန့်ထားမည့် ဂေါတမ်မူခိုးပါဒရေး (Gautam Mukhopadhyay) သည်လည်း ထိုသို့ အရည်အချင်းမြှင့်တင်ရေး လုပ်ငန်းများ ဆောင်ရွက်ရာတွင် ကျွမ်းကျင်သူ ပါရဂူတဦး ဖြစ်သည်ဟု သတင်းစာကြီးက ရေးသားထားသည်။ ၎င်းမှာ ယခင်က အာဖဂန်နစ္စတန် နိုင်ငံတွင် အလားတူ လုပ်ငန်းများကို အောင်မြင်စွာ ဆောင်ရွက်ခဲ့သူဖြစ်သည်။ ယခုကဲ့သို့ မြန်မာနိုင်ငံက ဒီမိုကရေစီစနစ်သို့ ပြောင်းလဲရေးအတွက် ကနဦး ခြေလှမ်းများ လှမ်းနေချိန်၊ အိမ်နီးချင်း အရှေ့တောင်အာရှ နိုင်ငံအတွင်း အိန္ဒိယနိုင်ငံ၏ အကျိုးစီးပွါးများ မြင့်မားစွာ ရှိနေချိန်တွင် သူက ထိုသို့အရေးပါသော ရာထူးကို ထမ်းရွက်ရခြင်း ဖြစ်သည်ဟု ဆိုသည်။
အိန္ဒိယ-မြန်မာဆက်ဆံရေးတွင် ကျွမ်းကျင်မှု ဖွံ့ဖြိုးတိုးတက်ရေး လုပ်ငန်းသည် အရေးပါသော အခန်းကဏ္ဍမှ ပါဝင်သည်။
အိန္ဒိယ-မြန်မာ စက်မှုသင်တန်း ဗဟိုဌာနကို HMT(I) က ပခုက္ကူတွင် ဖွင့်လှစ်ထားပြီးဖြစ်ကာ ဒုတိယ ဗဟိုဌာနတခုကို မြင်းခြံမြို့တွင် ထပ်မံဖွင့်လှစ်မည် ဖြစ်သည်။
အခြား ပူးပေါင်းဆောင်ရွက်မည့် နယ်ပယ်များမှာ အိန္ဒိယ အကူအညီဖြင့် ဆောင်ရွက်မည့် မြန်မာ-အိန္ဒိယ အင်္ဂလိပ်ဘာသာ ဗဟိုဌာန (MICELT)၊ မြန်မာ-အိန္ဒိယ စွန့်ဦးတီထွင် လုပ်ငန်းရှင်များ ဖွံ့ဖြိုးရေး ဗဟိုဌာန (MIEDC) နှင့် အိန္ဒိယ-မြန်မာ သတင်းနည်းပညာ ကျွမ်းကျင်မှုမြှင့်တင်ရေး လုပ်ငန်း (IMCEITS)တို့ ဖြစ်ကြ သည်။
သမ္မတ ဦးသိန်းစိန်သည် ၂၀၁၁ ခုနှစ်၊ အောက်တိုဘာလတွင် တကြိမ်နှင့် ၂၀၁၂ ခုနှစ်၊ ဒီဇင်္ဘာလတွင် တကြိမ် အိန္ဒိယနိုင်ငံသို့ လာရောက်ပြီး နိုင်ငံ့ခေါင်းဆောင်ချင်း ဆွေးနွေးပွဲများအပြင် စိုက်ပျိုးရေးဆိုင်ရာ ဇီဝနည်းပညာ သုတေသနဌာနများသို့လည်း သွားရောက်လေ့လာခဲ့ဖူးသည်။
ဒေါ်အောင်ဆန်းစုကြည်သည်လည်း ၂၀၁၂ ခုနှစ်၊ နိုဝင်္ဘာလအတွင်းက အိန္ဒိယနိုင်ငံသို့ လာရောက်စဉ် နည်းပညာသိပ္ပံများနှင့် သုတေသနဌာနများသို့လည်း သွားရောက်လည်ပတ်ခဲ့သည်။
၂၀၁၂ ခုနှစ်၊ မေလကုန်ပိုင်းကလည်း အိန္ဒိယ ဝန်ကြီးချုပ် မန်မိုဟန်ဆင်း က မြန်မာနိုင်ငံသို့ လာရောက် လည်ပတ်ခဲ့ပြီး ကဏ္ဍမျိုးစုံ ပါဝင်သည့် နှစ်နိုင်ငံ သဘောတူစာချုပ်များ ချုပ်ဆိုနိုင်ခဲ့ကြသည်။ ထို့ပြင် အိန္ဒိယမှ မြန်မာနိုင်ငံအား ထုတ်ချေးထားသော အမေရိကန် ဒေါ်လာ သန်း ၅၀၀ တန် ချေးငွေနှင့် ပတ်သတ်၍လည်း ပြန်ဆပ်ရမည့် ကာလကို နောက်ဆုတ် ပေးရန် သဘောတူညီနိုင်ခဲ့ကြသည်။
Ref: မဇ္ဈိမ
Read More...
Collapse...
ကွန်းချမ်း
ဧပြီလ ၂၂ ရက် ၂၀၁၃ ခုနှစ်
သင်္ကြန်ကာလအတွင်း ရေကစားထွက်သည့် လူငယ်များကို ဖမ်းဆီးကာ လူသားဒိုင်းအဖြစ် အစိုးရတပ်က အသုံးပြု ခဲ့ကြောင်း ရှမ်း လူ့အခွင့်အရေး မဏ္ဍိုင် (SHRF) က ဆိုသည်။
ရှမ်းပြည်နယ် မြောက်ပိုင်း တန့်ယန်းမြို့နယ်၊ မိုင်းကောင် မှ နမ့်ပန်ချောင်းကျေးရွာသို့ မော်တော်ဆိုင် ကယ်ဖြင့် ရေကစားထွက်သည့် အမျိုးသမီး/သား လူငယ် ၅၀ ခန့်ကို ထိုဒေသတွင် လှုပ်ရှားနေသည့် စစ်ကြောင်း က ဖမ်းဆီးကာ ၎င်းတို့၏ လုံခြုံရေးအတွက် ဝမ့်မူးဆေး မှ နမ့်လောင်း ကျေးရွာထိ စစ်ကြောင်း ရှေ့ နောက်တွင် လျှောက်စေကာ လူသားဒိုင်းအဖြစ် အသုံးပြုခဲ့သည်ဟု ဆိုသည်။
“ရေကစားဖို့ ဆိုပြီးတော့ ဆိုင်ကယ်လေးတွေနဲ့ သွားကြတာပေါ့ဗျာ။ အဲဒီမှာ စစ်ကြောင်း တကြောင်းက အဲဒီသွားတဲ့ လူငယ်တွေကို ရပ်ပြီးတော့မှ သူတို့ဆိုင်ကယ်ကို လမ်းဘေးရပ်ခိုင်းပြီး ဖမ်းထားတာပေါ့။ လူပေါင်း ငါးဆယ်လောက် ရတဲ့အခါကျမှ သူတို့ သွားလိုတဲ့နေရာကို သူတို့နဲ့အတူ လမ်းလျှောက်ခိုင်းပြီး သွားတာ။ ရှမ်းတပ်က သူတို့ကို ဝင်မပစ်အောင်ပေါ့ဗျာ။ သွားချင်တဲ့နေရာ ရောက်ပြီး ဆိုတဲ့အခါ ကျမှ ပြန်လာပြီးမှ အဲဒီလူငယ်တွေကို ဖမ်းတဲ့နေရာ မှာပဲ ပြန်လွှတ်တယ်” ဟု SHRF မှ ဦးခမ်းဟန်ဖ က ပြောသည်။
သင်္ကြန်အကြတ်နှင့် အတက်နေ့ (ဧပြီလ ၁၅ နှင့် ၁၆ ရက်နေ့) များတွင် ရှမ်းပြည် တပ်မတော် မြောက်ပိုင်း (SSA/SSPP) နှင့် အစိုးရတပ်ကြား တန့်ယန်းမြို့နယ်အတွင်း မိနစ်ပိုင်းမျှ ကြာသည့် တိုက်ပွဲများ သုံးကြိမ်ထက် မနည်း ဖြစ်ပွားခဲ့ပြီးနောက် အစိုးရတပ်ဘက်က လက်နက်ကြီးများဖြင့် ပစ်ခတ်ရာမှ ကလေး နှစ်ဦး ဒဏ်ရာ ရရှိခဲ့ကာ စာသင်ကျောင်းနှင့် လူနေအချို့လည်း ပျက်စီးခဲ့သည်ဟု SHRF က တနင်္လာနေ့တွင် ထုတ်ပြန်ကြေညာသည်။
၎င်းပြင် ကလေးငယ်အချို့ ပါဝင်သည့် ရွာပေါင်း ၉ ရွာမှ လူထုများအား ဖမ်းဆီးရိုက်နှက်မှုကြောင့် ဒဏ်ရာပြင်းထန်စွာ ရရှိခဲ့ကြပြီး ရွာသားများ ထွက်ပြေးရန် အသုံးပြုသည့် ယာဉ်များကို အစိုးရတပ်မှ မီးရှို့ဖျက်ဆီးကာ တိုက်ပွဲ ဖြစ်ပွားရာအနီးရှိ ကျေးရွာများကိုလည်း မီးရှို့ဖျက်ဆီးမည် ဖြစ်ကြောင်း ခြိမ်းခြောက်ခဲ့သည်ဟု ကြေညာချက်က ဆိုသည်။
“တချို့ရွာသားတွေက ထွက်ပြေးဖို့ ရွာကနေ ထွက်ကြတော့ စစ်ကြောင်းနဲ့ တွေ့ပြီးတော့ ဘယ်သွားဖို့လဲ ဘာညာ မေးတော့ ကြောက်လို့ တခြားနေရာကို ထွက်ပြေးမယ် ပြောတော့ မသွားရဘူး ဆိုပြီးတော့မှ သူတို့ရဲ့ ဆိုင်ကယ်၊ သူတို့ရဲ့ ယာဉ်တွေကို ယူပြီးတော့မှ မီးရှို့ပစ်တယ်” ဟု ဦးခမ်းဟန်ဖ က ပြောသည်။
မတ်လ နှောင်းပိုင်းတွင် ရှမ်းပြည်နယ် မြောက်ပိုင်း၊ တန့်ယန်းမြို့နယ်ရှိ လွယ်လန်းနှင့် လွယ်စေး ဒေသ တဝိုက်တွင် တိုက်ပွဲများ ဖြစ်ပွားခဲ့ရာ ရွာပေါင်း ၁၆ ရွာမှ လူဦးရေ ၁,၀၀၀ ကျော် တန့်ယန်းမြို့ပေါ်သို့ ထွက်ပြေး ခိုလှုံခဲ့ကြရာမှ သင်္ကြန်ကာလ နောက်ပိုင်းတွင် တိမ်းရှောင်သူပေါင်း ခန့်မှန်းခြေ ၂,၀၀၀ ခန့် ရှိလာခဲ့သည်ဟု SHRF မှ မယိင်းဟာန်ဖ က ပြောသည်။
“အစတုန်းက တထောင်ကျော်ကျော်ပဲ ရှိတယ်ရှင့်။ နောက်တော့ သင်္ကြန်အချိန်မှာ တိုက်ပွဲ ထပ်ဖြစ်လို့ ထပ်ပြေးလာ ကြတော့ နှစ်ထောင်လောက် ရှိပြီရှင့်” ဟု မဇ္ဈိမကို ပြောသည်။
မြို့နယ် အုပ်ချူပ်ရေးအဖွဲ့၏ စီစဉ်မှုဖြင့် ဧပြီလ ၁၁ ရက်နေ့တွင် ဒုက္ခသည် ၃၀ ခန့် နေရပ် ပြန်သွားကြသော်လည်း တိုက်ပွဲများ ဆက်လက် ဖြစ်ပွားနေခြင်းကြောင့် တန့်ယန်းမြို့သို့ ဒုက္ခသည်များ ထပ်မံရောက် ရှိလာကြကာ ပြန်သွားသည့် ဒုက္ခသည်အချို့လည်း ပြန်လည် ရောက်ရှိလာကြသည်ဟု ကယ်ဆယ်ရေးစခန်း ကော်မတီဝင် ကိုစိုင်းလူ က ပြောသည်။
ဒုက္ခသည်များ၏ စားဝတ်နေရေးအတွက် လားရှိုးနှင့် တန့်ယန်းမြို့နယ်အတွင်းရှိ သံဃာတော်များ၊ လူငယ် အဖွဲ့အစည်းများ၊ လူမှု ကူညီရေးအသင်းများ၊ နိုင်ငံရေး ပါတီများနှင့် မြို့နယ် အာဏာပိုင် အဖွဲ့အစည်း များက အကူအညီများ ပေးလျက် ရှိသည်ဟု ဆိုသည်။
ဧပြီလ ၃ ရက်နေ့က အရှေ့မြောက်ပိုင်းတိုင်း စစ်ဌာနချုပ် (ရမခ) ရှိ ရွှေလီ ရိပ်သာတွင် အစိုးရ လျှပ်စစ်ဝန်ကြီး ဦးခင်မောင်စိုး၊ စီးပွားရေးနှင့် ကူးသန်းရောင်းဝယ်ရေး ဝန်ကြီး ဦးဝင်းမြင့်တို့နှင့် တွေ့ဆုံစဉ် ဒုက္ခသည်များအား နေရပ်တွင် ပြန်လည်နေထိုင် လုပ်ကိုင်စားသောက်နိုင်ရန်အတွက် တိုက်ပွဲများ ထပ်မံမဖြစ်ပွားရန် SSA/SSPP ဘက်က တောင်းဆိုတင်ပြထားသော်လည်း တိုက်ပွဲများ ဆက် လက် ဖြစ်ပွားခဲ့ကာ၊ ယနေ့တွင်လည်း တန့်ယန်းမြို့နယ်၊ လွယ်ကျေး ကျေးရွာဘက်တွင် တိုက်ပွဲငယ် ဖြစ်ပွားခဲ့သည်ဟု SSA/SSPP မှ ဗိုလ်မှူးကြီး ဖိန်ဖ က ပြောသည်။
ဆက်သွယ်ရေး အခက်အခဲကြောင့် မည်သည့်တပ်ရင်းနှင့် ဖြစ်ပွားခဲ့ခြင်းနှင့် ထိခိုက်မှု အခြေအနေကို မသိရှိရ သေးကြောင်း သူက ပြောသည်။
ရှမ်းပြည် တပ်မတော် မြောက်ပိုင်း (SSA/SSPP) သည် ၂၀၁၂ ခုနှစ်၊ ဇန်နဝါရီလတွင် အစိုးရနှင့် အပစ်အခတ် ရပ်စဲရေး သဘောတူညီချက် ရရှိခဲ့ပြီးနောက် အစိုးရတပ်နှင့် အကြိမ် ၁၀၀ ထက် မနည်း တိုက်ပွဲများ ဖြစ်ပွားခဲ့သည်ဟု ဗိုလ်မှူးကြီး ဖိန်ဖ က ပြောသည်။
Ref: မဇ္ဈိမ
Read More...
Collapse...
စောဇင်ညီ
ဧပြီလ ၂၂ ရက် ၂၀၁၃ ခုနှစ်
တန်ဖိုးနည်း ၁၅၀၀တန် ဆင်းကဒ်များကို မဲနှိုက်စနစ်ဖြင့် ရောင်းချသော်လည်း ပြည်သူများ အနေဖြင့် မဲလိပ်များအား ကိုယ်တိုင်နှိုက်ခွင့်မရကြောင်း ယနေ့ရောင်းချခဲ့သည့် နယ်မြေများမှ ရပ်ကွက် အုပ်ချူပ်ရေး မှူးရုံးများမှ စုံစမ်းသိရှိရသည်။
“ မဲက ကိုယ်တိုင် မနှိုက်ရဘူး။ လူရှုပ်မှာဆိုးလို့ ကော်မတီအဖွဲ့က သူ့နာမည်စာရင်းနဲ့ သူနှိုက်ပေးတာ။ အဲဒီ ကော်မတီကိုလဲ ရပ်ကွက်က လူကြီးတွေနဲ့ ဖွဲ့စည်းထားတာ၊ ပေါက်တယ် မပေါက်ဘူးဆိုတာ ချက်ချင်း သိရတယ်။ လုပ်ပုံလုပ်နည်းမတူ။ နောက်လုပ်မဲ့ အခေါက်တွေမှာ ဒီအခေါက် ရသွားတဲ့ သူတွေ မပါတော့ဘူး” ဟု မြောက်ဥက္ကလာပမြို့နယ် (၁) ရပ်ကွက် အုပ်ချူပ်ရေးမှူးရုံးမှ အုပ်ချူပ်ရေးမှူး ကိုသန်းမြင့်က မဇ္ဈိမကို ပြောသည်။
တလမ်းလျှင် ခြောက်လုံးနှုန်း မဲနှိုက်ပေးကာ ဧပြီလ ၂၄ရက်နေ့ ညနေ၄နာရီ ဖုန်းကဒ်များကို အိမ်အရောက် ပို့ပေးမည် ဖြစ်ကြောင်း၊ ဖုန်းပေါက်သည့် မဲစာရင်းများကို ဧပြီ ၂၂ရက် ယနေ့တွင် မြို့နယ်ရုံးသို့ အပြီးတင်ပေးရမည်ဟု မြောက်ဥက္ကလာပမြို့နယ် (၁)ရပ်ကွက် အုပ်ချူပ်ရေးမှူးက ရှင်းပြသည်။
မဲနှိုက်ရောင်းချမှုအား မြောက်ဥက္ကလာ မြို့နယ်နယ်နှင့် အခြားမြို့နယ် အချို့တွင် ယနေ့၈နာရီမှ စတင်ကာ နေ့လည် ၁နာရီအထိ ရောင်းချမှုများ ပြုလုပ်ခဲ့ပြီး ရောင်းချသည့် ဖုန်းအရေအတွက်မှာ တရပ်ကွက်နှင့် တရပ်ကွက် မတူညီကြောင်း ရပ်ကွက်သားများထံမှ သတင်းရရှိသည်။
မြောက်ဥက္ကလာပမြို့နယ် ၂ရပ်ကွက် အုပ်ချူပ်ရေးမှူးရုံးမှ အုပ်ချူပ်ရေးမှူး ဦးလှထွန်းက " မနက် ၈နာရီခွဲလောက်ကနေ ၁၂နာရီလောက်မှာ အကုန်ပြီးစီးသွားတယ်။ ရပ်မိရပ်ဖရယ် ဆရာမရယ် သူတို့တွေ ပဲ နှိုက်တာ။ ဘုန်းကြီးတွေ အတွက်ကော မယ်သီလရှင်တွေအတွက်ကော အကုန်ပါတယ်" ဟုဆိုသည်။
ယခုလို မြန်ဆန်စွာ မဲနှိုက်ရခြင်းမှာ ဖုန်းကဒ်မဲပေါက်သူ စာရင်းများအား ယနေ့၎နာရီတွင် မြို့နယ်ရုံးသို့ အပြီးပေးရမည် ဟု ထုတ်ပြန်ထားသည့်အတွက် ဖြစ်ကြောင်း ဦးလှထွန်းက ရှင်းပြသည်။
မြောက်ဥက္ကလာပ (၁)ရပ်ကွက်ရှိ ကွမ်းယာရောင်းသူ အမျိူးသမီးက“ကျွန်မတို့ အခုဆင်းကဒ်ရောင်းတဲ့ စနစ်ကို သိပ်စိတ်အလိုမကျဘူး။ သမာသမတ် မကျဘူးလို့ ပြောတာမဟုတ်ပါဘူး ဒါပေမဲ့ ကိုယ်တိုင်လဲ မနှိုက်ရဘူး။ ရောင်းတဲ့ အရေအတွက် ကလည်း အရမ်းနည်းတယ်။ အမှန်ဆို တအိမ်တယောက် ဆိုလည်း အားလုံးထုတ်ပြီး ရောင်းလိုက် အဲဒါရှင်းတယ်။ ” သူမ၏ အမြင်ကိုပြောသည်။
၎င်း ၁,၅၀၀ တန် ဆင်းကဒ် ဝယ်ယူပြီးသည့် ၁၅ ရက်အတွင်း အနည်းဆုံး ကျပ် ၅,၀၀၀ ငွေပြည့်သွင်းရန် လိုအပ်မည် ဖြစ်ကာ အကယ်၍ မဖြည့်သွင်းနိုင်ပါ က ဖုန်းကဒ်သည် အလိုအလျောက် ပိတ်သိမ်း သွားမည်ဖြစ်ကြောင်း ဧပြီလ ၃ ရက်နေ့က နိုင်ငံပိုင် ရုပ်သံသတင်းတွင် ကြေညာခဲ့သည်။
တနိုင်ငံလုံး အတိုင်းအတာဖြင့် ဖုန်းဆင်းကဒ်များကို တလလျှင် သုံးသိန်းခွဲ ရောင်းချပေးမည်ဖြစ်ပြီး ရန်ကုန်တိုင်း ဒေသကြီးတွင် ဆင်းကဒ် တသိန်း နှစ်သောင်းခန့် ရောင်းချပေးသွားမည်ဟု အစိုးရအဖွဲ့၏ သတင်းထုတ်ပြန်ချက်အရ သိရသည်။ ရပ်ကွက်နှင့် မြို့နယ်အပေါ်မူတည်၍ ရောင်းချမည့် ဆင်းကဒ် အရေအတွက် အနည်းအများကွာခြားသည်။
Ref: မဇ္ဈိမ
Read More...
Collapse...
ခင်မျိုးသွယ်
ဧပြီလ ၂၂ ရက် ၂၀၁၃ ခုနှစ်
နှစ်ပေါင်း ၂၀ အတွင်း ကမ္ဘာ့ရွှေဈေးများ အရှိန်အဟုန်ဖြင့် အကြီးမားဆုံး ကျဆင်းလာခြင်း မှာ ပြည်တွင်း အခေါက်ရွှေဈေးများကိုလည်း ရိုက်ခတ်မှုရှိခဲ့သည်။
ဧပြီလ ၂၀ ရက်တွင် ပြည်တွင်းရွှေ ၁ ကျပ်သားလျှင် ကျပ် ၇၀၂,၀၀၀ ဖြင့် ဈေးဖွင့်ခဲ့ပြီး နာရီနှင့်အမျှ ပြောင်းလဲခဲ့ ကြောင်း ရန်ကုန် ရွှေကုန်သည်များက ဆိုသည်။
“၁၀ နာရီမှာ ပြည်တွင်းရွှေ ၇၀၅,၀၀၀ ရှိနေပါတယ်။ ၁၁ နာရီမှာ ကျပ် ၇၀၁,၀၀၀ ဖြစ်ပေါ်ပြီး နေ့လည် ၁၂နာရီမှာ ကျပ် ၇၀၂,၀၀၀ ဖြစ်ခဲ့တယ်။ ညနေ ၃နာရီမှာ ကျပ် ၇၀၆,၀၅၀ ဈေးမှာ ရှိနေတယ်” ဟု ရန်ကုန်တိုင်း ရွှေလုပ်ငန်းရှင်များအသင်း အတွင်းရေးမှူး ဦးဝင်းမြင့် က ပြောသည်။
သင်္ကြန် မတိုင်မီ ရက်များက ကမ္ဘာ့ရွှေဈေးမှာ ၁ အောင်စလျှင် ၁,၅၅၅ ဒေါ်လာတွင် ရှိခဲ့ပြီး ပြည်တွင်း ရွှေဈေးမှာ ၁ ကျပ်သားလျှင် ၇၃၉,၅၀၀ ကျပ်တွင် ရှိခဲ့သည်။
ထိုသို့ လက်ရှိ ရွှေပေါက်ဈေးကြောင့် ပြည်တွင်း ရွှေဝယ်လိုသူ များနေကြောင်းလည်း “ဒီရက်တွေက ဘဏ်ပိတ် ရက်တွေ ဖြစ်နေတယ်။ ရွှေဈေး ကြိုက်လို့ ဝယ်ချင်တာနဲ့ နယ်က မိသားစုတွေဆီ ငွေလျမ်းမှာပြီး ဝယ်နေရတယ်။ သိရသလောက် တနင်္လာနေ့မှာ ရွှေဈေး ဆက်ကျနေဦးမယ်ဆိုရင် ဘဏ်က ငွေထုတ်ပြီး ဝယ်ဖို့ ပြင်နေသူ တွေတောင် ရ်ှိနေတယ်” ဟု ကုမ္ပဏီတခုမှ မန်နေဂျာ ကိုရဲသွေး က ဆိုသည်။
ဧပြီ ၂၀ ရက်မှာ စနေနေ့ ဖြစ်ပြီး ကမ္ဘာ့ရွှေဈေးမှာ ၁ အောင်စလျှင် ၁,၄၀၄ ဒေါ်လာဖြင့် ဈေးပိတ်ခဲ့ကြောင်း သိရသည်။
သင်္ကြန်ကာလ၌ နှစ်ပေါင်း ၂၀ အတွင်း ကမ္ဘာ့ရွှေဈေး ပြောင်းလဲမှု အကြီးဆုံး ဖြစ်ပေါ်ခဲ့ကာ မြန်မာ့ ရွှေဈေးကွက် တွင်လည်း ဝယ်လိုအား လိုက်ခဲ့ကြောင်း ရွှေကုန်သည်များထံမှ သိရသည်။
“၁၅ နှစ်၊ နှစ် ၂၀ အတွင်းမှာ ကမ္ဘာ့ရွှေဈေး ထိုးကျတာ ဒီတခါ အရှိန်အပြင်းဆုံး ပြောင်းလဲမှုကြီး တခု ဖြစ်ပါတယ်” ဟု ရန်ကုန်တိုင်း ရွှေလုပ်ငန်းရှင်များအသင်းမှ ဦးသိန်းဆောင် က ပြောသည်။
“ရန်ကုန် ရွှေဈေးကွက် စအလုပ်လုပ်တဲ့ ဧပြီ ၁၈ ရက်မှာ ကမ္ဘာ့ရွှေဈေးက ၁ အောင်စကို ၁,၃၆၁ ဒေါ်လာ ဖြစ်ခဲ့ပြီး မြန်မာရွှေဈေးက ၁ ကျပ်သား ၆၆၈,၅၀၀ ကျပ် နဲ့ စခဲ့ရပါတယ်။ ရေရှည် အနေအထားမှာ
ဖြစ်တောင့်ဖြစ်ခဲ ကိစ္စတခုပါ” ဟု ရွှေကုန်သည် ဦးအေး က ဆိုသည်။
ဆိုက်ပရက်စ်ရဲ့ ရိုက်ချက်
ငွေကြေး အကြပ်အတည်းကြောင့် ဆိုက်ပရပ်စ်နိုင်ငံ ဗဟိုဘဏ်မှ IMF-EU ၏ Bailout အစီအစဉ်အရ အပေါင် တင်ထားသည့် ရွှေ ၁၄ တန်အား ထုတ်ရောင်းမည့် သတင်း ထွက်ပေါ်မှုနှင့်အတူ ကမ္ဘာ့ရွှေဈေးမှာ သင်္ကြန် ရက်များမှ စတင်၍ ဈေးနှုန်းများ ထိုးကျခဲ့ခြင်း ဖြစ်သည်။ ယင်းနှင့် ဆက်စပ်၍ ပြည်တွင်း အခေါက်ရွှေဈေး မှာလည်း ကျသင့်သလောက် ကျဆင်းခဲ့သည်ဟု ရွှေကုန်သည်များက ဆိုသည်။
“ဧပြီ ၁၈ ရက်မှာ မြန်မာရွှေဈေးက ညနေပိုင်းမှာ ကျပ် ၆၉၂,၀၀၀ နဲ့ ဈေးပိတ်ခဲ့ပါတယ်။ ဒီနေ့မှာ အရပ်ဝယ်လက် တွေ အများဆုံး ဦးဆောင် ဝယ်ယူခဲ့ပါတယ်” ဟု ရန်ကုန်တိုင်း ရွှေလုပ်ငန်းရှင်များ အသင်း၊ ရုံးအဖွဲ့မှ တာဝန်ရှိသူတဦးက ပြောသည်။
ထိုသို့ ဖြစ်ပေါ်ခဲ့သည့် ဈေးနှုန်းကြောင့် ရွှေဝယ်ယူလိုသူ အရပ်ဝယ်လက်များ ရွှေဈေး အဖွင့်ကို စိတ်ဝင်စားစွာ စောင့်ဆိုင်း ဝယ်ယူခဲ့ကြသည်။
“ဧပြီ ၁၉ ရက်မှာ ပြည်တွင်း အဖွင့်ဈေးက ၁ ကျပ်သားကို ကျပ် ၆၉၅,၀၀၀ ရှိခဲ့တယ်။ ဝယ်လိုအားကြောင့် တနေ့လုံး ဈေးအတက်အကျ မြန်နေတဲ့ အနေအထား ဖြစ်ခဲ့တယ်။ ၁ ကျပ်သားကို ကျပ် ၇၂၀,၀၀၀ အထိ အမြင့်ဆုံး တက်ခဲ့ပြီး ကျပ် ၇၁၀,၀၀၀ အထိ ပြန်ကျခဲ့တယ်။ ညနေ အပိတ်ဈေးက ကျပ် ၇၀၅,၀၀၀ နဲ့ ပိတ်ခဲ့ပါတယ်” ဟု ရွှေကုန်သည် ဦးစံမြင့် က ပြောသည်။
ထိုနေ့ ကမ္ဘာ့ရွှေဈေးမှာ ၁ အောင်စလျှင် ၁,၃၉၇ ဒေါ်လာဖြင့် ဈေးဖွင့်ခဲ့ပြီး ညနေပိုင်းတွင် ၁,၄၀၄ ဒေါ်လာဖြင့် ရှိနေခဲ့သည်။
သီးခြား ဖြစ်ပေါ်ခဲ့ပုံ
ပုံမှန်အားဖြင့် မြန်မာ့ရွှေဈေးမှာ ကမ္ဘာ့ရွှေဈေးပေါ် မှီတည် ပြောင်းလဲနေသော်လည်း ဧပြီလ ၁၈ ရက်နှင့် ၁၉ ရက်တို့တွင် မြန်မာ့ရွှေဈေးမှာ သီးခြားဖြစ်ပေါ်ပြောင်းလဲခဲ့သည် ကို တွေ့ရကြောင်း ရွှေဈေး ကွက် လေ့လာသူများက ဆိုသည်။
“ပြည်တွင်း ရွှေဈေးမှာ ကမ္ဘာ့ရွှေဈေး၊ ဒေါ်လာပေါက်ဈေး တို့အပေါ် တည်မှီဖြစ်ပေါ်တာ များတယ်။ တခါတလေ မှာ ပြည်တွင်း ဝယ်လိုအား၊ ရွှေသား ပေါမှု၊ ရွှေသား ပြတ်လပ်မှုတွေ ပေါ်မှာလည်း မူတည်ပြန် တယ်။ ဒီရက်တွေ မှာ ပြည်တွင်း ရွှေဈေးက ကမ္ဘာ့ဈေးကျသလောက် မကျဘဲ သီးခြား ဖြစ်ပေါ် ပြောင်းလဲနေတာမျိုး တွေ့ရတယ်။ အဓိက ကတော့ အရပ်ဝယ်လက်တွေရဲ့ ဝယ်လိုအားကြောင့် ဈေးကွက်ထဲမှာ ပစ္စည်းပြတ်ပြီး ရွှေဈေးက အကျကို ဆင်းနေတာကနေ အမြင့်ကို ပြန်တက်လာတာ တွေ့ရတယ်” ဟု ရွှေကုန်သည် ဦးအေး က ပြောသည်။
နယ်စပ်ဘက်က ရွှေ ဆက်တိုက် အဝင်ရှိနေ
ပြည်တွင်း ရွှေဈေး ဖြစ်ပေါ်မှုမှာ ကမ္ဘာ့ရွှေဈေး ကျသလောက် မကျခဲ့ခြင်း၊ ပြည်တွင်း ပေါက်ဈေးမှာ ကမ္ဘာ့ဈေးထက် မြင့်နေခြင်းတို့ကြောင့် နယ်စပ်ဘက်က အခေါက်ရွှေများ ဆက်တိုက် ဝင်လာနေသည်။
“ကမ္ဘာ့ရွှေဈေးက သင်္ကြန်တွင်းမှာ အမေရိကန်ဒေါ်လာ ၁,၃၅၀ ကနေ ၁,၃၂၀ လောက်အထိ ထိုးဆင်းခဲ့တဲ့ အတွက် သင်္ကြန်ရက်တွေက စပြီး နယ်စပ်ဘက်က ရွှေတွေ ဆက်တိုက် အဝင်ရှိနေခဲ့တယ်” ဟု ဦးစံမြင့် က ဆက်ပြောဆိုသည်။
Ref: မဇ္ဈိမ
Read More...
Collapse...
မန်းသားလေး
April 22, 2013
ရန်ကုန် အပြည်ပြည်ဆိုင်ရာ လေဆိပ်တွင် ပြီးခဲ့သည့် ဧပြီလ ၁၁ ရက်နေ့က The Myanmar Times ဂျာနယ်၏ မန်နေဂျင်း ဒါရိုက်တာ မစ္စတာ ရော့စ် ဒန်ကလေကို လေဆိပ်ရှိ လူဝင်မှု ကြီးကြပ်ရေးဌာနက တာဝန်ရှိသူများက ပြည်ပထွက်ခွာခွင့် တားမြစ်ခဲ့ကြောင်း သိရသည်။
ပြည်ပထွက်ခွာခွင့် တားမြစ်ရသည့် အကြောင်းရင်းကို ခိုင်လုံစွာ မသိရှိရဘဲ တားမြစ်ခံရခြင်း ဖြစ်ကြောင်း မစ္စတာရော့စ် ဒန်ကလေ၏ ပြောရေးဆိုခွင့်ရှိသူ တရားလွှတ်တော် ရှေ့နေ ဦးဝင်းဌေးက ဧရာဝတီ သို့ ပြောသည်။
“ဗီဇာ ရရှိထားပြီးသားပါ။ လေဆိပ်ရောက်မှ လေဆိပ် လ၀က အရာရှိတွေက ပြည်ပ ထွက်ခွာခွင့် မပေးတာပါ။ သူ့ကို တရားရုံးက ပြည်ပ ခေတ္တထွက်ခွာဖို့ ခွင့်ပြုချက် ပေးထားပြီးသား။ သူ့ကို ပြည်ပထွက်ခွာ ခွင့်ပြုဖို့ အမှုစစ် တရားရုံးမှာ တင်ပြလျှောက်ထားခဲ့ပြီး ပါပြီ။ တရားရုံးကလည်း ခွင့်ပြုထားပြီး ဖြစ်ပါတယ်။ ပထမနေ့မှာ အထောက်ထားမပါလို့ ခွင့်ပြုထားတဲ့စာ ယူခဲ့ဖို့ ပြောလို့ နောက်တနေ့မှာ ဒန်ကလေ ကိုယ်တိုင် တရားရုံးက ခွင့်ပြုထားကြောင်း အထောက်အထား စာကို လေဆိပ် တာဝန်ရှိသူများထံမှာ သွားရောက်တင်ပြခဲ့ပေမယ့် အခုအချိန်အထိ တစုံတရာ အကြောင်းမပြန်ဘဲ ပြည်ပ ထွက်ခွာခွင့်ကို ပိတ်ပင်ထားဆဲပါ” ဟု ၎င်းက ဆိုသည်။
မစ္စတာ ရော့စ် ဒန်ကလေသည် မြန်မာနိုင်ငံတွင် Myanmar Times အပတ်စဉ် ဂျာနယ် အပါဝင် စာစောင်လေးမျိုးကို ထုတ်ဝေနေသော မြန်မာကွန်ဆိုလီဒိတ်တက် မီဒီယာ လီမိတက်၏ မန်နေဂျင်း ဒါရိုက်တာ အဖြစ် လက်ရှိတွင် တာဝန် ထမ်းဆောင်နေသူ ဖြစ်သည်။ ကမ္ဘောဒီယားနိုင်ငံ ဖနွမ်းပင် ပို့စ် နေ့စဉ်သတင်းစာ ထုတ်ဝေနေသူလည်း ဖြစ်သည်။
The Myanmar Times ကို ၂၀၀၀ ပြည့်နှစ်တွင် စတင်တည်ထောင်ခဲ့ပြီး ရော့စ် ဒန်ကလေသည် အမှုဆောင် အရာရှိချုပ် တာဝန် ထမ်းဆောင်ခဲ့ကာ ပြီးခဲ့သည့် ၂၀၁၁ ခုနှစ်က ရုံးတွင်း ပိုင်ဆိုင်မှု ပြသနာ တချို့ကြောင့် ရာထူးအပြောင်းအလဲ ဖြစ်ပေါ် ခဲ့သည်။ ယင်းနောက် မစ္စတာ ရော့စ် ဒန်ကလေသည် ဇန်န၀ါရီလ ၂၈ ရက်နေ့က ပုဂ္ဂိုလ်ရေး မကျေနပ်မှုများနှင့် ပတ်သက်ပြီး Myanmar Times ၏ ရှယ်ယာ ရှင်တဦးဖြစ်သူ ဒေါက်တာ တင်ထွန်းဦး၏ ဇနီး ဒေါ်ခင်မိုးမိုးနှင့် ရန်ကုန်တိုင်းဒေသကြီး ကျောက်တံတားမြို့နယ် တရားရုံးတွင် အမှုရင်ဆိုင်နေရသူ ဖြစ်သည်။ ယင်းအမှု ရင်ဆိုင်နေချိန်အတွင်း ပြည်ပသို့ ထွက်ခွာခွင့်ကို တရားရုံးတွင် တရားဝင် လျှောက်ထားပြီး ခွင့်ပြုချက်ဖြင့် သွားခဲ့ခြင်း ဖြစ်ကြောင်း သိရသည်။
“ကျနော်က ကျောက်တံတားမြို့နယ် တရားရုံးရဲ့ ခေတ္တ ပြည်ပထွက်ခွာခွင့်ကို တရားဝင် ခွင့်ပြုပေးထား ခံရတဲ့သူပါ။ ဒီလို ခရီးသွားတာကို တဘက်ရှေ့နေကလည်း မကန့်ကွက်ခဲ့ပါဘူး။ ဒါကြောင့် ကျနော့် စီးပွားရေး လုပ်ငန်းတွေရှိတဲ့ ကမ္ဘောဒီးယား နိုင်ငံကို ထိုင်းနိုင်ငံကနေ တဆင့် သွားဖို့ ၁၁ ရက်နေ့က ကျနော်လေဆိပ်ကို ဆင်းခဲ့ပါတယ်။ ရန်ကုန် လေဆိပ်ရောက်တော့ လူဝင်မှုကြီးကြပ်ရေး အရာရှိတွေက ကျနော့်ကို တားဆီးခဲ့ပါတယ်။ သူတို့ရဲ့ အကြောင်းပြချက် ကတော့ အထက်ဝန်ကြီးရုံးရဲ့ စာအရ အခုလို တားဆီးရတာဖြစ်တယ်လို့ ပြောပါတယ်” ဟု ရော့စ်ဒန်ကလေက Myanmar Times ဂျာနယ် တွင် ပြောကြားထားသည်။
ခရီးသွားလာခွင့်နှင့် ပတ်သက်သည့် တရားရုံး၏ ခွင့်ပြုချက်ကို အထောက်ထားနှင့် တင်ပြရန် ရန်ကုန်လေဆိပ် လ၀က မှ တာဝန်ရှိသူများက တောင်းဆိုခဲ့ကြောင်း၊ ထိုသို့ ခရီးသွားလာခွင့်ကို မည်သည့် ဥပဒေ၊ မည်သည့် အကြောင်းပြချက်နှင့် တားဆီးခဲ့သည်ကို ၎င်းအနေဖြင့် သေချာ မသိရကြောင်း၊ အကျိုး အကြောင်းကို မေးမြန်းသော်လည်း မည်သည့် အကြောင်း ပြန်ချက်မှ မရရှိကြောင်း၊ လူဝင်မှုကြီးကြပ်ရေး ၀န်ကြီးဌာန၏ ခရီးသွားလာခွင့်ကို တားဆီးခဲ့သည့် အတွက် ၎င်းအနေဖြင့် တစ်ဘက်နိုင်ငံရှိ စီးပွားရေးကိစ္စများအတွက် များစွာ နစ်နာမှုများ ရှိခဲ့ကြောင်း ယင်းဂျာနယ်တွင် ပြောကြားခဲ့သေးသည်။
ရော့စ် ဒန်ကလေကို ဧရာဝတီမှ ဆက်သွယ် မေးမြန်းသည့်အခါ ၎င်း၏ ရှေ့နေများဖြစ်သော ဦးဝင်းဌေးနှင့် ဦးမင်းစိန်ကို လွှဲထားသည်ဟု ပြောကြားခဲ့သည်။
ပြည်ပထွက်ခွာခွင့် အထောက်ထားဖြစ်သည့် စာရွက်စာတမ်းမူရင်းများကို နေပြည်တော်ရှိ လူဝင်မှုကြီးကြပ်ရေးနှင့် ပြည်သူ့ အင်အား ၀န်ကြီးဌာန ၀န်ကြီးရုံးသို့ ဧပြီလ ၁၆ ရက်နေ့က ပေးပို့ခဲ့ပြီး ဖြစ်ကြောင်းလည်း သိရသည်။
“ရော့စ် ဒန်ကလေက ဒီကိစ္စနဲ့ ပတ်သက်ပြီး တော်တော် စိတ်ခံစားချက် ပြင်းထန်နေတယ်။ တရားဥပဒေရဲ့ အထက်မှာ ဘယ်သူမှ မရှိဘူးဆိုတဲ့ နိုင်ငံတော် ခေါင်းဆောင်ကြီးများ ချမှတ်ထားတဲ့ လမ်းစဉ်နဲ့ လွဲမှားနေပြီလို့ သူက ကျနော့်ကို ပြောတယ်” ဟု မစ္စတာ ရော့စ် ဒန်ကလေ၏ ပြောရေးဆိုခွင့်ရှိသူ တရားလွှတ်တော် ရှေ့နေ ဦးဝင်းဌေးက ဧရာဝတီသို့ ပြောပြခဲ့သည်။
အဆိုပါဖြစ်စဉ်နှင့် ပတ်သက်ပြီး နေပြည်တော် လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနရုံးသို့ ဧရာဝတီမှ ဖုန်းဆက် မေးမြန်းသော်လည်း တစုံတရာ ပြန်လည် ဖြေကြားခြင်း မရှိခဲ့ပေ။
မစ္စတာ ရော့စ် ဒန်ကလေသည် လက်ရှိတွင် ဒေါ်ခင်မိုးမိုးနှင့် ရန်ကုန်တိုင်းဒေသကြီး ကျောက်တံတားမြို့နယ် တရားရုံးတွင် ပြစ်မှုကြီးအမှတ် ၉၁/၂၀၁၃ နှင့် ၉၂/ ၂၀၁၃ အရ ပုဂ္ဂိုလ်ရေးအရ ဖြစ်သော မကျေနပ်မှုများအတွက် ပြစ်မှုဆိုင်ရာ ဥပဒေပုဒ်မ ၃၅၄/ ၃၂၃ နှင့် ၄၄၇/ ၂၉၄/ ၅၀၆ တို့ဖြင့် အပြန်အလှန် တရားစွဲဆိုထားကြောင်း သိရသည်။
ကျောက်တံတားမြို့နယ် တရားရုံး၏ ရုံးချိန်းမှာ ဧပြီ ၂၉ ရက်နေ့ ဖြစ်ပြီး ၎င်းအနေဖြင့် ၁၁ ရက်နေ့တွင် ပြည်ပထွက်ခွာကာ ၂၂ ရက်နေ့ အရောက်ပြန်လာရန် စီစဉ်ထားကြောင်း၊ ထိုသို့ တရားရုံး တွင် လျှောက်ထားခဲ့သည့် အတွက် ခွင့်ပြုချက်ရထားခြင်း ဖြစ်ကြောင်း သူ၏ ရှေ့နေများက ဆိုသည်။
မစ္စတာ ရော့စ် ဒန်ကလေသည် ဧပြီ ၁၁ ရက်နေ့တွင် ရန်ကုန် လဝကမှ ပြည်ပထွက်ခွာခွင့် တားမြစ်ခံရပြီးနောက် ယခုအချိန်အထိ ထွက်ခွာခွင့် မရသေးပေ။
Ref: ဧရာဝတီ
Read More...
Collapse...
ဧပြီလ ၁၉ ရက် ၂၀၁၃ ခုနှစ်
ဆယ်စုနှစ်အတွင်း လွှမ်းမိုးနိုင်မှု အရှိဆုံးသူဟု Time မဂ္ဂဇင်းကြီးက လတ်တလော ရွေးချယ်ခံခဲ့ရ သည့် ဒေါ်အောင်ဆန်းစုကြည်သည် ဂျပန် ခရီးစဉ်အတွင်း ဧပြီလ ၁၈ ရက်နေ့က ဝန်ကြီးချုပ် ရှင်ဇိုအာဘေးနှင့်တွေ့ဆုံခဲ့သည်။
အနာဂတ် မြန်မာနိုင်ငံ ဖွံ့ဖြိုးရေးအတွက် လူငယ်များ၏ ပညာရေးသည် အခရာကျကြောင်း ၎င်းတို့နှစ်ဦး သဘောတူညီ ခဲ့ကြသည်ဟု ဂျပန်တိုင်းမ် သတင်းတရပ်က ဖေါ်ပြသည်။
“ဂျပန်ဝန်ကြီးချုပ်ရုံးတွင် ၎င်းတို့နှစ်ဦး ၃၅ မိနစ်ကြာ တွေ့ဆုံဆွေးနွေးခဲ့ကြစဉ်အတွင်း မြန်မာနိုင်ငံ၌ ဒီမိုကရေစီ တိုးတက်မှုရှိစေရေး ဆောင်ရွက်ရာတွင် ဒေါ်အောင်ဆန်းစုကြည်၏ အောင်မြင်မှုအတွက် ဂျပန်ဝန်ကြီးချုပ်က ချီးကျူး ခဲ့ကြောင်း” ယင်းသတင်း တွင်ဖေါ်ပြခဲ့သည်။
“မြန်မာနိုင်ငံတွင် လူမှုအခြေခံ အဆောက်အအုံ တည်ဆောက်ရေးအတွက် ဂျပန်အစိုးရက ဖွံ့ဖြိုးရေး အကူအညီများ ဆက်လက်ပေးအပ်မည် ဖြစ်ကြောင်းနှင့် ပုဂ္ဂလိက ကဏ္ဍ ရင်းနှီးမြှုပ်နှံမှု တိုးတက်ရေးအတွက် ကူညီမည်ဟု ဂျပန်ဝန်ကြီး ချုပ်က ကတိပြုခဲ့ကြောင်း” ယင်းတွေ့ဆုံပွဲ တက်ရောက်ခဲ့သူ ဂျပန်အရာရှိ တဦးက ပြောသည်။
အလုပ်အကိုင် ဖန်တီးပေးနိုင်မည့် စီးပွားရေးအကူအညီပေးရန်နှင့် ရင်းနှီးမြှုပ်နှံမှုများ ပြုလုပ်ရန် ဒေါ်အောင်ဆန်းစုကြည်က ဂျပန်ကို တောင်းဆိုလိုက်သည်။ တိုကျိုတွင် ဂျပန်လွှတ်တော် ကိုယ်စားလှယ်များ
နှင့် အင်္ဂါနေ့က တွေ့ဆုံစဉ် ထိုသို့တောင်းဆိုလိုက်ခြင်း ဖြစ်သည်။
“အလုပ်မရှိဘဲ စားဝတ်နေရေးကို လူတွေအဆင်ပြေအောင် လုပ်နိုင်မှာ မဟုတ်ဘူး” ဟု ဂျပန်အမတ်များ ကို ပြောကြားလိုက်သည့် ဒေါ်အောင်ဆန်းစုကြည်၏စကားကို ကိုးကား၍ ကျိုတို သတင်းဌာနတွင်
ဖော်ပြထားသည်။
ဂျပန်အစိုးရ၏ အကူအညီဖြစ်သည့် သန့်ရှင်းသော သောက်ရေသန့်နှင့် လယ်သမားများအတွက် ဆည်ရေလုံခြုံရေး၊ လမ်းများ တည်ဆောက်ခြင်း၊ လျှပ်စစ်မီး ထောက်ပံ့ပေးရေးနှင့် ဆေးဘက်ဆိုင်ရာနှင့် ကျန်းမာရေး စောင့်ရှောက်မှုလုပ်ငန်းများကို မြှင့်တင်ပေးရန် ဂျပန်အစိုးရအား ဒေါ်အောင်ဆန်းစုကြည် က တောင်းဆိုလိုက်ပြီး ဂျပန်အကူအညီများအား ထိရောက်စွာ အသုံးပြုသွားနိုင်မည်ဟုဒေါ်အောင် ဆန်းစုကြည်က ပြောခဲ့သည်ဟု ဖော်ပြပါရှိသည်။
သင်္ကြန် အကြိုနေ့ကတည်းက ဂျပန်နိုင်ငံခရီး စတင်ခဲ့သည့် လွှတ်တော်ကိုယ်စားလှယ် ဒေါ်အောင်ဆန်းစုကြည် သည် ဂျပန်အိမ်ရှေ့မင်းသား နာရူဟီတို (Naruhito)၊ နိုင်ငံခြားရေး ဝန်ကြီး ဖူမီယို ကီရှီဒါး (Fumio Kishida) တို့နှင့် အင်္ဂါနေ့ကပင် တွေ့ဆုံခဲ့သည်။
နိုဘယ်ငြိမ်းချမ်းရေး ဆုရှင်၏ ယခုခရီးစဉ်သည် မြန်မာနိုင်ငံအား လွတ်လပ်သော ကုန်သွယ်မှု မိတ်ဖက်နိုင်ငံ အဖြစ် ဂျပန်မှ ပံ့ပိုးပေးမည် ဖြစ်သည်။
သဘောထား တင်းမာမှုသည် မြန်မာနိုင်ငံအား တရုတ်ဘက်သို့ တွန်းပို့သကဲ့သို့ ဖြစ်မည်စိုးသည့် ဂျပန်သည် အခြား ဖွံ့ဖြိုးပြီးနိုင်ငံများနှင့် မတူဘဲ မြန်မာနိုင်ငံအား စစ်အာဏာရှင်တို့ ကြီးစိုးချိန်ကတည်းက ကုန်သွယ်မှု ဆက်ဆံရေးနှင့် ရက်ရောသော အထောက်အပံ့များ ပေးခဲ့သည်။
မြန်မာ အစိုးရ ခေါင်းဆောင်များအား အတိုက်အခံများနှင့် နိုင်ငံတကာ အသိုက်အဝန်း၏ အသံများကို နားထောင်ပေးရန် ဂျပန်က ညင်သာစွာ ဖိအားပေးသည်။
၂၀၁၁ ခုနှစ်၊ စစ်အုပ်ချုပ်ရေး ကုန်ဆုံးသွားချိန် ကတည်းက မြန်မာနိုင်ငံသည် နို်င်ငံတကာသို့ ဆက်သွယ်ရန် သိသာထင်ရှားသော ကြိုးစားမှုများကို လုပ်ဆောင်ခဲ့ပြီး နိုင်ငံတကာမှ ကုမ္ပဏီများကို အကျိုးအမြတ် ရနိုင်ခြေရှိသော ဈေးကွက်တွင် စတင် လုပ်ဆောင်ရန် ဆွဲဆောင်မှုများ ပြုလုပ်ခဲ့သည်။
အကြွေးယမ်းငွေ ၃၅၀ ဘီလီယံ (ဒေါ်လာ ၃.၆ ဘီလီယံ) ပယ်ဖျက်ပေးလိုက်ခြင်းနှင့် များပြားလှသော အကူအညီ အထောက်အပံ့များ အပါအဝင် တိုကျိုမှ ကျောထောက်နောက်ခံဖြင့် မြန်မာပြည်တွင်း ဂျပန် စီးပွားရေးသည် လန်းဆန်း လျက်ရှိသည်။
အတိုးမဲ့ ချေးငွေများ ပေးမည်ဟုလည်း ကမ်းလှမ်းခဲ့ပြီး မြန်မာနိုင်ငံတွင် ရင်းနှီးမြှုပ်နှံမှု ပြုမည်ဟုလည်း ဂျပန်က ကတိပြုခဲ့သည်။ အထူးသဖြင့် ဂျပန်က သီလဝါ အထူးစီးပွားရေးဇုန်တွင် အများဆုံး ရင်းနှီးမြှုပ်နှံမည် ဖြစ်သည်။
Ref: မဇ္ဈိမ
Read More...
Collapse...
စောဇင်ညီ
ဧပြီလ ၁၉ ရက် ၂၀၁၃ ခုနှစ်
ရွှေဂတ်စ်ပိုက်လိုင်း လမ်းကြောင်းပေါ်ရှိ ဒေသတွင်း တိုင်းရင်းသားပါတီအချို့နှင့် လွှတ်တော်တွင် ကိုယ်စားလှယ်အဖြစ် အများအပြား တက်ရောက်နေကြသော ပါတီများအား တရုတ် ကွန်မြူနစ်ပါတီနှင့် တရုတ်ပြည်သူ့သမ္မတနိုင်ငံသို့ ဖိတ်ခေါ်ထားကြောင်း ဖိတ်ကြားခံရသည့် ရခိုင်တိုင်းရင်းသားများ တိုးတက်ရေးပါတီ (RNDP) မှ ဥက္ကဌ ဒေါက်တာအေးမောင် ကပြောသည်။
၎င်းက “ ပိုက်လိုင်းလမ်းကြောင်းမှာ ရှိတဲ့တိုင်းရင်းသားပါတီတွေ ခေါ်တာပဲလေ။ ရခိုင်ရှိမယ်။ ရှမ်းရှိမယ်။ ပြီးတော့ ပြည်မမှာရှိတဲ့ အနိုင်ရတဲ့ NDF နဲ့ တစညကို ခေါ်တာပါ” ဟု ဆိုသည်။
ထိုသို့ ဖိတ်ကြားထားခြင်းခံရသော ပါတီများမှာ အမျိူးသားဒီမိုကရေစီ အင်အားစု (NDF) ၊ တိုင်းရင်းသား စည်းလုံးညီညွတ်ရေးပါတီ (တ.စ.ည) ၊ ရခိုင် တိုင်းရင်းသားများ တိုးတက်ရေးပါတီ (RNDP) နှင့် ရှမ်းတိုင်းရင်းသားများ ဒီမိုကရက်တစ်ပါတီ (ကျားဖြူ) တို့ ပါဝင်ကြောင်း ဒေါက်တာအေးမောင်က ပြောကြားသည်။
တရုတ်နိုင်ငံပိုင် CNPC ကုမ္ပဏီအနေဖြင့် စစ်အစိုးရ လက်ထက် ၂၀၀၉ ခုနှစ်စ၍ ကျောက်ဖြူ-ကူမင်း ရေနံနှင့် သဘာဝဓါတ်ငွေ့ ပိုက်လိုင်းများ သွယ်တန်းခြင်း စီမံကိန်းကြီးအား စတင်ဆောင်ရွက်ခဲ့ကာ ရခိုင်ပြည်နယ်မှစ၍ ရှမ်းပြည်နယ် မြောက်ပိုင်းမှ တဆင့်တရုတ်ပြည်သို့ ပိုက်သွယ်တန်းကာပေးပို့မည် ဖြစ်သည်။
ယခုတရုတ်အစိုးရဘက်မှ ဖိတ်ခေါ်ခြင်းသည် တိုင်းရင်းသား ဒေသအတွင်းရှိ စီးပွားရေး စီမံကိန်းများ နှင့် တရုတ်-မြန်မာ ချစ်ကြည်ရင်းနှီးရေးအား ဦးတည်ခြင်း ဖြစ်နိုင်ကြောင်း ဒေါက်တာအေးမောင်က သုံးသပ်သည်။
အဆိုပါ အဖွဲ့သည်ဧပြီလ ၂၀ ရက်နေ့ နေ့လည် ၁၁၂နာရီခန့်တွင် တရုတ်နိုင်ငံ ယူနန်ပြည်နယ် ကူမင်းတွင် လေးရက်နှင့် ပီကင်းတွင် လေးရက် သွားရောက်ကြမည် ဖြစ်ကြောင်း သိရသည်။
ထို့သို့ သွားရောက်ခြင်းမှာလည်း လေ့လာရန်သာဖြစ်ကြောင်း၊ သံတမန်အနေဖြင့် သွားရခြင်းမဟုတ်ကြောင်း ရှမ်းတိုင်းရင်းသားများ ဒီမိုကရက်တစ်ပါတီ (ကျားဖြူ) မှ အတွင်းရေးမှူး ဦးစိုင်းလှကျော် က ပြောသည်။
၎င်းက “ လွှတ်တော်နဲ့ သိပ်ဆက်စပ်မှု မရှိပါဘူး။ သံတမန်ပတ်စ်ပို့နဲ့ မဟုတ်ဘူး။ အခုက ကိုယ် ကိုင်ပတ်စ်ပို့နဲ့ ကိုလေ့လာရေးအနေနဲ့ ဖိတ်လို့ သွားကြမှာပါ ” ဟု ဆိုသည်။
အဆိုပါ နိုင်ငံရေးပါတီများ၏ တရုတ်ပြည်ခရီးစဉ်သည် တရုတ်နိုင်ငံနှင့် မြန်မာနိုင်ငံ စီးပွားရေး အမြင် လွဲမှားခြင်းအား တရုတ်နိုင်ငံဘက်မှ ပြန်တည့်ချင်သည့် ပုံပေါ်ကြောင်း အမျိူးသား ဒီမိုကရေစီ အင်အားစု (NDF) မှ ဥက္ကဌ ဦးခင်မောင်ဆွေက သုံးသပ်သည်။
ဦးခင်မောင်ဆွေက “ အစဉ်အဆက် ကျင့်သုံးခဲ့သလို နိုင်ငံရေးပါတီနဲ့ နိုင်ငံရေးပါတီတွေ့ခြင်းဟာ ပြည်သူနဲ့ ပြည်သူတွေ့တဲ့ သဘောပါပဲ။ တရုတ်ပြည်ဟာ မြန်မာပြည်သူတွေကို ပိုပြီး ဆက်ဆံဖို့ ငြင်းပယ် လို့မရဘူး ဆိုတာ တွေ့ရပါတယ် ” ဟု သုံးသပ်သည်။
ကျောက်ဖြူမြို့နယ်၊ မဒေးကျွန်း၌ ရုံးစိုက်လျက် ရေနံနှင့် သဘာဝဓာတ်ငွေ့ ပိုက်လိုင်း သွယ်တန်းနေသော တရုတ်နိုင်ငံ CNPC ကုမ္ပဏီအား ဒေသခံရွာသား ၈၀၀ ခန့်က ကြာသပတေးနေ့ ညနေတွင် စီတန်း လမ်းလျှောက် ဆန္ဒပြခဲ့ကြသည်။ ၎င်းတို့၏ တောင်းဆိုချက်များထဲတွင် သိမ်းဆည်းခံ မြေများ လျော်ကြေးပေးရေး၊ ဒေသဆိပ်ကမ်းများမှ ရွာများသို့ လမ်းများ ဖောက်ပေးရေး၊ ဒေသခံများ အလုပ်အကိုင် ရရှိရေးနှင့် လုပ်အားခကို နိုင်ငံတကာ စံနှုန်းအတိုင်း ပေးရေး၊ လျှပ်စစ်မီး ရရှိရေး၊ ရပ်ရွာလုံခြုံရေး၊ လွတ်လပ်စွာ ငါးဖမ်းခွင့် ရရှိရေး၊ နောက်ထပ် မြေသိမ်းမှုများ မပြုရေး တို့ပါဝင်သည်။
Ref: မဇ္ဈိမ
Read More...
Collapse...
ဧပြီလ ၁၉ ရက် ၂၀၁၃ ခုနှစ်
အာဆီယံ နိုင်ငံများအတွင်း သြဇာကြီးလှသည့် အင်ဒိုနီးရှားနိုင်ငံ၏ သမ္မတ ဆူစီလို ဘမ်ဘန်း ယူဒိုယိုနို (Susilo Bambang Yudhoyono) သည် နေပြည်တော်သို့ ဧပြီလ ၂၃ ရက်နေ့တွင် လာရောက်မည်ဟု ၎င်း၏ရုံးမှ ထုတ်ဖော်ပြောဆိုလိုက်သည်။
အာဆီယံ အဖွဲ့ဝင် စင်္ကာပူခရီးစဉ်အပြီး မြန်မာနိုင်ငံသို့ နှစ်ရက်ကြာ လာရောက်ကာ မြန်မာသမ္မတ ဦးသိန်းစိန်နှင့် တွေ့ဆုံမည်ဖြစ်ကြောင်း ယူဒိုယိုနို၏ သမ္မတရုံး ကြေညာချက်ပါ နိုင်ငံခြားရေး အကြံပေး အရာရှိအား ကိုးကား၍ ဂျာကာတာ ဂလုပ် သတင်းတရပ်တွင် ဖော်ပြပါရှိသည်။
အဆိုပါ အကြံပေးအရာရှိ၏ အဆိုအရ ထိုခရီးစဉ်မှာ နှစ်နိုင်ငံ ဆက်ဆံရေး တိုးမြှင့်ရန် ရည်ရွယ်သည်ဟု ဆိုသည်။
၂၀၁၁ ခုနှစ်၊ မေလအတွင်း ဂျာကာတာသို့ သွားရောက်လည်ပတ်ခဲ့ဖူးသည့် ဦးသိန်းစိန်နှင့် မစ္စတာ ယူဒိုယိုနိုတို့သည် နှစ်နိုင်ငံ ကုန်သွယ်ရေး၊ စွမ်းဆောင်ရည် မြှင့်တင်ရေးနှင့် ရင်းနှီးမြှုပ်နှံမှုဆိုင်ရာ နားလည်မှု စာချွန်လွှာ (MOUs) အများအပြား လက်မှတ်ရေးထိုးပွဲသို့ ပါဝင်ကြမည်ဖြစ်သည်။
ဧပြီလဆန်းပိုင်းကလည်း အင်ဒိုနီးရှား စီးပွားရေးဝန်ကြီး ဦးဆောင်၍ ကုမ္ပဏီ ၁၁ ခုမှ ကိုယ်စားလှယ်များ မြန်မာနိုင်ငံသို့ လာရောက်ကာ ရင်းနှီးမြှုပ်နှံမှု၊ ကုန်သွယ်မှုနှင့် စီးပွားရေး လုပ်ငန်း အလားအလာများကို လာရောက် လေ့လာသွားခဲ့ကြသည်။
နှစ်နိုင်ငံ ကုန်သွယ်မှု ပမာဏကို လာမည့် ၂၀၁၆ ခုနှစ်တွင် ဒေါ်လာ ၁ ဘီလီယံထိ ရောက်ရှိလာရန် နှစ်နိုင်ငံ ခေါင်းဆောင်များ ဆွေးနွေးခဲ့ကြသည်။
အင်ဒိုနီးရှား နိုင်ငံပိုင် Bank Negara Indonesia ဘဏ်ခွဲတခု ဖွင့်လှစ်ရန် လေ့လာလျက်ရှိကြပြီး ဒေါ်လာသန်း ၂၀၀ တန် ဘိလပ်မြေ စက်ရုံတရုံကို အင်ဒိုနီးရှား၏ အကြီးမားဆုံး ဘိလပ်မြေ ထုတ်လုပ်သူ PT Semen Indonesia က ၂၀၁၄ နှစ်ဆန်းပိုင်းတွင် မြန်မာနိုင်ငံ၌ စတင် ဆောက်လုပ်မည်ဖြစ်သည်။
ဆောက်လုပ်ရေး ကုမ္ပဏီတခုဖြစ်သည့် PT Wijaya Karya (Wika)၊ PT Timah သတ္တုတွင်း ကုမ္ပဏီနှင့် PT Semen Indonesia ဘိလပ်မြေ ကုမ္ပဏီတို့ကြီးက မြန်မာနိုင်ငံတွင် လုပ်ကိုင်ရန် လိုင်စင် ရပြီး ဖြစ်သည်။
အင်ဒိုနီးရှားအစိုးရပိုင် Bukit Asam ကျောက်မီးသွေး တူးဖေါ်ရေး ကုမ္ပဏီက မြန်မာနိုင်ငံတွင် အကြီးဆုံး ကျောက်မီးသွေးသုံး လျှပ်စစ် ဓာတ်အား ထုတ်လုပ်ရေး စက်ရုံ တရုံ တည်ဆောက်ရန် အမေရိကန် ဒေါ်လာ သန်း ၈၀ ရင်းနှီးမြှုပ်နှံရန် ရှိသည်ဟုလည်း ဂျာကာတာ ဂလုပ်တွင် ရေးသားသည်။
သမ္မတ ယူဒိုယိုနိုသည် မြန်မာနိုင်ငံမှတဆင့် ဘရူနိုင်းနိုင်ငံသို့လည်း ဆက်လက်သွားရောက်ကာ အာဆီယံ ထိပ်သီးအစည်းအဝေးနှင့် အခြား ဒေသတွင်း အစည်းအဝေးများသို့ တက်ရောက်မည် ဖြစ်သည်။
Ref: မဇ္ဈိမ
Read More...
Collapse...
ခိုင်ခိုင်
ဧပြီလ ၁၉ ရက် ၂၀၁၃ ခုနှစ်
လာမည့် ၂၀၁၅ ရွေးကောက်ပွဲအတွက် ကြိုတင် ပြင်ဆင်မှု အနေဖြင့် ပြည်ထောင်စု ရွေးကောက်ပွဲ ကော်မရှင်ရုံးတွင် လာမည့် ဧပြီလ ၂၆ ရက်နေ့ မနက်(၉)နာရီမှ ညနေ ၅ နာရီ အထိ ကျင်းပမည်ဟု သင်္ကန်းကျွန်းမြို့နယ် လွှတ်တော်ကိုယ်စားလှယ် ဦးသိန်းညွှန့်က မဇ္ဈိမသို့ ပြောသည်။
၎င်းက “ကျွန်တော်ကတော့ ဆွေးနွေးပွဲမှာ ပေါ်ပေါက်လာတဲ့ အခြေအနေမှာ မူတည်ပြီးတော့ ကျွန်တော် စိတ်ဝင်စားတဲ့ issue (အကြောင်းအရာ) အပေါ်မှာ ဆွေးနွေးပါမယ်။ ကြိုတင် ပြင်ဆင်ထားတာတော့ မရှိပါဘူး” ဟုဆိုသည်။
ထို့အပြင် ၎င်းအနေဖြင့် နိုင်ငံရေးပါတီများ၏ ရန်ပုံငွေကိစ္စကို အဓိကဆွေးနွေး သွားမည်ဖြစ်ပြီး မှတ်ပုံတင်ဥပဒေ၊ နည်းပညာ ဥပဒေနှင့် ဆန့်ကျင်၍ ဘဏ္ဍာငွေ ကောက်ခံနေသည့် ကိစ္စများ၊ ဥပဒေနှင့် မညီ ရဲတင်းစွာ လုပ်ကိုင်နေမှုများကို ဆွေးနွေးသွားမည်ဟု ဆိုသည်။
အမျိုးသားဒီမိုကရေစီပါတီသစ် (NNDP) မှ ဦးမျိူးထွန်းက “ကျွန်တော်တို့ ပါတီအနေနဲ့က လူထုရဲ့ အခက်အခဲတွေကို အကူအညီပေးတဲ့ အခါမှာ လူထုကလည်း အခြားမတတ်နိုင်သူတွေကို ကူညီပေးလို့ ရအောင် ပြန်လှူပေးတဲ့ငွေနဲ့ပဲ ရပ်တည်နေတာပါ။ ပါတီက ရန်ပုံငွေရှာတာလဲ မလုပ်ပါဘူး။ ဘာအကြောင်းနဲ့ ပဲဖြစ်ဖြစ် ရန်ပုံငွေကို မရှာခဲ့တာပါ” ဟု ပါတီရန်ပုံငွေနှင့် ပတ်သတ်၍ ရှင်းပြခဲ့သည်။
ရခိုင်တိုင်းရင်းသားများ တိုးတက်ရေးပါတီ(RNDP) မှအတွင်းရေးမှူး ဦးသာထွန်းလှက မိမိတို့ပါတီအနေဖြင့် မည်သည့်အကြောင်းအရာများကို ဆွေးနွေးရမည်ဟု မသေချာသေးကြောင်း မဇ္ဈိမကို ပြောသည်။
အမျိုးသား ဒီမိုကရေစီအဖွဲ့ချူပ်မှ ဦးဥာဏ်ဝင်းကမူ ပြည်ထောင်စု ရွေးကောက်ပွဲ ကော်မရှင်မှ ပေးထားသော ခေါင်းစဉ်များကိုသာ ဆွေးနွေးဖြစ်မည်ဟု မဇ္ဈိမကို ပြောသည်။
အမျိုးသား ဒီမိုကရေစီ အင်အားစုမှ ဥက္ကဌ ဦးခင်မောင်ဆွေက ပါတီများ၏ ဘဏ္ဍာရေးကိစ္စများနှင့် အခြားကိစ္စများလည်း ဆွေးနွေးမည်ဟုဆိုသည်။
ဧပြီလ ၂၆ ရက်နေ့တွက် ဆွေးနွေးမည့် အကြောင်းအရာများမှာ မဲဆန္ဒစာရင်း တင်သွင်းမှု နိုင်ငံရေး ပါတီများ၏ ရန်ပုံငွေထောက်ပံ့မှု၊ နိုင်ငံရေး ပါတီများ၏ (Code of Conducts) လိုက်နာရမည့် ကျင့်ဝတ် စည်းကမ်း၊ ဆန္ဒမဲပေးရန် ပညာပေးမှု ၊ အရပ်ဖက် လူ့အဖွဲ့အစည်းများ၏ ပါဝင်လေ့လာ ပေးနိုင်မှုများ ဆွေးနွေးကြမည်ဟု ဖိတ်စာတွင်ပါကြောင်း ဦးသိန်းညွှန့်က ရှင်းပြသည်။
၂၀၁၀ ရွေးကောက်ပွဲတွင် ပါဝင်ယှဉ်ပြိုင်ခဲ့သော တိုင်းရင်းသားစည်းလုံးညီညွှတ်ရေးပါတီ၊ ကရင်ပြည်သူ့ပါတီ၊ ချင်းအမျိူးသားပါတီ၊ ချင်းတိုးတက်ရေးပါတီ၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ စသည့် နိုင်ငံရေး ပါတီများသာမက ၂၀၁၂ ကြားဖြတ်ရွေးကောက်ပွဲတွင် တရားဝင်ပါတီအဖြစ် မှတ်ပုံတင်ခဲ့သော အမျိူးသာ ဒီမိုကရေစီအဖွဲ့အချူပ်နှင့် ရခိုင်ဒီမိုကရေစီ အဖွဲ့ချူပ်တို့ကိုပါ တက်ရောက်ရန် ဖိတ်ကြားထားကြောင်း နိုင်ငံရေး ပါတီများမှ သိရသည်။
Ref: မဇ္ဈိမ
Read More...
Collapse...
ဧပြီလ ၁၉ ရက် ၂၀၁၃ ခုနှစ်
လူသုံးဦး သေဆုံးခဲ့သော ဧပြီလ ၅ ရက်နေ့က ဘော်စတွန် မာရသွန် ဗုံးပေါက်ကွဲမှု ပြုလုပ်ခဲ့သူများသည် ဗုံးခွဲမှုတွင် ပါဝင်ပတ်သတ်သည်ဟု သံသယ ရှိနေသူ နှစ်ဦးပင် ဖြစ်နိုင်သည် ဟုရဲတပ်ဖွဲ့က ယုံကြည်နေသည်။
၎င်းတို့ အထဲမှ တဦးမှာ ဧပြီလ ၁၉ ရက်နေ့ နံနက်ပိုင်းတွင် သေနတ်ဖြင့် ပစ်ခတ်ခံရကာ သေဆုံးသွားပြီး အခြားတဦးမှာ လွတ်မြောက်နေဆဲ ဖြစ်သည်ဟု အာဏာပိုင်များက ပြောကြားသည်။
ဧပြီလ ၁၅ ရက်နေ့ ဗုံးခွဲမှုအတွက် သံသယရှိသူနှစ်ဦးထဲမှ နံပါတ်နှစ်မှာ ဘော်စတွန် ဆင်ခြေဖုံး Watertown တွင် လွတ်မြောက်နေဆဲဖြစ်သည်။၎င်းအား ခြေရာခံ မိနိုင်ရန် ဘော်စတွန်မြို့တွင် ဒေသခံရဲအရာ ရှိများ ပြည်ထောင်စု ဥပဒေ ထိန်းသိမ်းရေး အေဂျင်စီအဖွဲ့ဝင်များက ကြိုးစားနေသည်ဟု ရဲတပ်ဖွဲ့ ပြောရေးဆိုခွင့် ရှိသူ ပေါလ်မက်မီလန် ကပြောကြားသည်။
လွတ်မြောက်နေသူ သံသယတရားခံတွင် လက်နက်ရှိနေပြီး အန္တရာယ်ရှိသည်ဟု ယုံကြည်ထားသည်။
ဒေသခံများအနေဖြင့် မိမိတို့အိမ်အတွင်း တံခါးသော့ခတ်ကာ ပြတင်းပေါက်များ တံခါးပေါက်များမှ ဝေးဝေး နေကြရန် ရဲတပ်ဖွဲ့က သတိပေးခဲ့သည်။ စောင့်ကြည့်ကင်မရာ ပုံရိပ်များကြောင့် သံသယ တရားခံ တဦးကို ကောင်းစွာ ပုံဖော်နိုင်ခဲ့ပီး အာဏာပိုင်များက လူသုံးဦး သေဆုံးခဲ့ရသော ဗုံးခွဲမှုတွင် ၎င်း ပါဝင်ပတ်သတ်မှုကို ဖော်ထုတ်နိုင်ခဲ့သည်။
အခြားတဦးမှာ ရဲတပ်ဖွဲ့ဝင်များနှင့် အပြန်အလှန် ပစ်ခတ်ကြရာတွင် သေနတ်မှန်ပြီး ဆေးရုံ၌ သေဆုံး သွားခဲ့သည်ဟု မက်ဆာချူးဆက် ခရိုင်ဥပဒေအရာရှိ၏ ကြေညာချက်တွင်ဖော်ပြခဲ့သည်။ သေဆုံးသူသည် ဗုံးခွဲမှု တရားခံနံပါတ် တစ် ဖြစ်မည်ဟု ရဲတပ်ဖွဲ့က ယုံကြည်ထားသည်။
Ref: မဇ္ဈိမ
Read More...
Collapse...
ဧပြီလ ၂၀ ရက် ၂၀၁၃ ခုနှစ်
ဘော်စတွန် မာရသွန်ဗုံးဖောက်ခွဲမှုမှ ဒုတိယမြောက် သင်္ကာမကင်း ဖြစ်ခံရသူကို သောကြာနေ့ညက ဖမ်းဆီးရမိလိုက်ပြီ ဖြစ်သောကြောင့် မက်ဆာချူးဆက် ပြည်နယ် မြို့တော် တွင်ပြုလုပ်ခဲ့သော လူဖမ်းပွဲကြီး အဆုံးသတ် သွားပြီ ဖြစ်ကာ ထိုသူသည် လက်နက်နှင့် ပေါက်ကွဲ စေတတ်သော ပစ္စည်းများ ပါဝင်နိုင်သည်ဟု သတိပေးထားမှုကြောင့် စိုးရိမ်ထိတ်လန့်နေရမှု များလည်း ကင်းစင် သွားပြီဖြစ်သည်။
ထိုသို့ ဖမ်းဆီးရမိကြောင်းကို ဘော်စတွန်ရဲတပ်ဖွဲ့က တွီတာ (Twitter) ဝဘ်ဆိုက်တွင် ဖော်ပြ အသိပေးခဲ့သည်။ ‘မိပြီ ၊ လူရှာပွဲကြီး ပြီးဆုံးပြီ၊ ရှာတွေ့ပြီ၊ အကြမ်းဖက်တိုက်ခိုက်မှု ပြီးဆုံးပြီ၊ တရားဥပဒေက အနိုင်ရရှိလိုက်ပြီ၊ မသင်္ကာသူအား ဖမ်းဆီးထားပြီ ’ ဟုရေးသားဖော်ပြ ထားသည်။
အသက် ၁၉နှစ်အရွယ် ဇိုကာဆာနက်ဗ်( Dzhokar Tsarnaev) ကိုဖမ်းဆီးရမိထားပြီ ဖြစ်ကြောင်း အာဏာပိုင်များက အတည်ပြု ပြောဆိုသည်။ ရဲတပ်ဖွဲ့က အလိုရှိနေသူ နောက်တဦးဖြစ်သော သူ့အကို တမာလန်းဆာနက်ဗ် (Tamerlan Tsarnaev) မှာ ယမန်နေ့က ရဲများနှင့် ပစ်ခတ်မှု ဖြစ်ပွားရာတွင် သေဆုံးခဲ့ပြီးနောက် ဇိုကာမှာ ထွက်ပြေးလွတ်မြောက်နေခဲ့ခြင်း ဖြစ်သည်။
ယခုအခါ ဖမ်းဆီးရမိသူ ညီဖြစ်သူ ဇိုကာဆာနက်ဗ်မှာ ဒေသတွင်းဆေးရုံတခုတွင် ဒဏ်ရာပြင်းထန် စွာဖြင့်ရောက်ရှိနေသည်ဟု ဘော်စတွန်ပုလိပ်မင်းကြီး အက်ဒ်ဒေးဗီးစ်( Ed Davis) က သတင်းစာ ရှင်းလင်း ပွဲတွင် ပြောကြားသည်။
ဘော်စတွန်မြို့ပြင် ၀ါးတားတောင်း (Watertown) တွင် အိမ်တအိမ်၏ နောက်ဖေး လှေတစင်းအတွင်း
ဇိုကာဆာနက်ဗ် ပုန်းအောင်းနေစဉ် ရဲများက ၎င်းကို ချောင်ပိတ်ဖမ်းဆီး ရရှိခဲ့ခြင်း ဖြစ်သည်။
လူရှာပွဲ လူဖမ်းပွဲကြီး ပြုလုပ်နေစဉ် အိမ်ပြင်မထွက်ကြပါရန် တားမြစ်ချက်ကို ရဲကရုပ်သိမ်း လိုက်ပြီးနောက် သူ့ကို အိမ်ရှင်က ခြေရာခံမိခဲ့ခြင်း ဖြစ်သည်။ အိမ်နောက်ဖေးတွင် ဆိုက်ကပ် ထားသော လှေပေါ်တွင်
သွေးစများကို တွေ့ရှိခဲ့ပြီးနောက် ရဲကိုအကြောင်းကြားခဲ့ခြင်း ဖြစ်သည်ဟု ဘော်စတွန်ပုလိပ်မင်းကြီး အက်ဒ်ဒေးဗီးစ်က ပြောသည်။
သွေးစကိုတွေ့ပြီး အိမ်ရှင်က လှေကိုဖုံးအုပ် ထားသည့် တာပေါ်လင်စကို လှန်လိုက်ရာ ‘ သွေးများပေကျံ
နေသည့် လူတဦး ’ ကိုတွေ့ရှိခဲ့သည်ဟု သူကပြောသည်။ ထို့နောက် ရဲကို အကြောင်းကြားခဲ့ရာမှ ဘော်စတွန် မာရသွန်ပြိုင်ပွဲ ဗုံးဖောက်ခွဲမှု အပြီး တပတ်မပြည့်မီ အချိန်အတွင်း ထိုသို့ ဖမ်းဆီးရမိခဲ့ခြင်း ဖြစ်သည်။
ထိုသို့ ဗုံးပေါက်ကွဲမှုကြောင့် ဘော်စတွန် တမြို့လုံးနှင့် တနိုင်ငံလုံး တုန်လှုပ်ချောက်ချားကာ ရင်တမမ နေမထိ ထိုင်မသာ ဖြစ်ခဲ့ကြရသည်။ “ သေနတ်တွေနဲ့ အပြန်အလှန် ပစ်ခတ်ခဲ့ကြပါတယ်။ ဒါပေမဲ့ သူ့ကိုထိမထိတော့ ကျနော်မသိပါဘူး ” ဟု ဒေးဗီးစ်က သင်္ကာမကင်းဖြစ်ခံရသူနှင့် ပတ်သတ်၍ ပြောသည်။ အာဏာပိုင်များက အော်လံ အသုံးပြုပြီး သင်္ကာမကင်း ဖြစ်ခံရသူကို လက်နက်ချ ခိုင်းခဲ့သည်။ “ လက်မြှောက်ပြီး အပြင်ထွက်လာပါ ” ဟု အော်ပြောခဲ့သည်။
သို့သော် အာဏာပိုင်များ၏ အပြောအရ ဆာနက်ဗ်က လက်နက်ချရန် ငြင်းဆန်ခဲ့သည်ဟု ဆိုသည်။ “ လှေပေါ်မှာ တာပေါ်လင်စကို လှန်ရန် စက်ရုပ်အသုံးပြု လုပ်ဆောင်ခဲ့ပါတယ်။ ရဟတ်ယဉ်ပေါ်ကလည်း အပူအာရုံခံ ပုံရိပ်ဖော် ကင်မရာအသုံးပြုပြီး သူ့ကိုစောင့်ကြည့်နေခဲ့ပါတယ်။ သူဟာသွေးထွက် လွန်လို့ မျော့နေပါတယ်။ မနေ့ကညက ရခဲ့တဲ့ ဒဏ်ရာဖြစ်ဖို့များပါတယ် ” ဟု မက်ဆာချူးဆက်ပြည်နယ် ရဲ ဌာ နမှ ဒေးဗစ်ပရိုကိုပီရို (David Procopio) ကပြောသည်။
ရဲများလှေရှိရာသို့ အပြေးတက်စီးနင်း ခဲ့ပြီးနောက် ဆာနက်ဗ်ကို ဖမ်းဆီးထိန်းသိမ်းလိုက်ကြောင်း ဒေးဗီးစ်က ဆိုသည်။
သတင်းစာရှင်းလင်းပွဲတွင် ထိုသို့ လူဖမ်းပွဲကြီး ပြုလုပ်နေရာတွင် သင်္ကာမကင်းဖြစ်ခံရသူကို ရှာမတွေ့တော့ပဲ လက်လွှတ် လိုက်ရတော့မည်ဟု အာဏာပိုင်များက ပြောကြားအပြီး မိနစ်ပိုင်း အတွင်းမှာပင် သူနှင့်ထိပ်တိုက် ရင်ဆိုင်တွေ့ကာ ဆက်လက် ဖမ်းဆီးရမိခဲ့ခြင်းဖြစ်သည်။
သူ့အကို ဖြစ်သူက သူ့နောက်လိုက် နေသူများအား ပေါက်ကွဲ စေတတ်သော ပစ္စည်းများနှင့် ပစ်ပေါက်ကာ မက်ဆာချူးဆက် စက်မှုတက္ကသိုလ် ရဲအရာရှိ ရှောင်ကော်လီယာ (Sean Collier) ကိုသတ်ဖြတ်ခဲ့ပြီး ကားတစီးကို အဓမ္မအပိုင်စီးကာ ယမန်နေ့ညကထွက်ပြေး လွတ်မြောက်သွားခဲ့သည်။
ထို့နောက် အာဏာပိုင်များက ဘောစတွန်မြို့နှင့် ရွာနီးချုပ် စပ်ကို ၀ိုင်းဝန်း ပိတ်ဆို့ကာ သင်္ကာမကင်းခံရသူကို ကျယ်ကျယ် ပြန့်ပြန့် ၀ိုင်းဝန်း ရှာဖွေ ခဲ့ကြသည်။
`ဒီဝမ်းနည်း စိတ်မကောင်းဘွယ်ရာ အဖြစ်အပျက်ကြီးကို ပြည်ဖုံးကား ချလိုက်နိုင်ပါပြီ´ ဟု သမ္မတ အိုဘားမားက တိုင်းပြည်သို့ ပြောကြားသည့် ရုပ်သံလွှင့် မိန့်ခွန်းတွင် ပြောကြား သွားခဲ့သည်။
သို့သော် မည်သည့် အတွက်ကြောင့် ထိုသို့ တိုက်ခိုက်မှုကို ပြုလုပ်ခဲ့ရသည် ဆိုသည့်အချက်နှင့် အဆိုပါ သင်္ကာမကင်း ဖြစ်ခံရသူတို့သည် သူတို့အကြံအစည်ကို အကောင်အထည် ဖော်ရာ၌ ပြင်ပမှ အကူအညီ အထောက်အပံ့ ရရှိခဲ့ခြင်း ရှိမရှိကို ဆက်လက် စုံစမ်း ဖော်ထုတ်သွားမည် ဟုလည်း သူက ကတိပြု ပြောကြားခဲ့သည်။
`ခုလိုပြီးဆုံးသွားတဲ့အတွက်ဝမ်းမြောက်ပါတယ်´
ထိုသို့ ဖမ်းဆီးရမိပြီဆိုသည့် သတင်းသည် ဆင်ခြေဖုံး ၀ါးတားတောင်းမြို့ကလေးတွင် လျင်မြန်စွာ ပျံ့နှံ့သွားခဲ့သည်။
မြို့နေလူထု လမ်းများပေါ်သို့ ထွက်လာပြီး သင်္ကာမကင်း ဖြစ်ခံရသူကို ဖမ်းဆီးရမိပြီ ဆိုသည့် သတင်းကို ၀မ်းမြောက်ဝမ်းသာ ကြိုဆို သြဘာပေးခဲ့ကြသည်။
`ကျေးဇူးတင်ပါတယ်။ ကျေးဇူးတင်ပါတယ်။ ကျနော်တို့ကလဲ ၀မ်းမြောက်ပါတယ်´ ဟု ဘော်စတွန် အကြမ်းဖက်သမား နှိမ်နင်းရေး ကွန်မန်ဒို တပ်ဖွဲ့ SWAT အဖွဲ့ဝင်များက အသံ ချဲ့စက်များဖြင့် အော်ဟစ်
ပြောကြားခဲ့ကြသည်။
သူမတုိ့ ရပ်ကွက်တွင် သောကြာနေ့ညက သေနတ်သံများ ကြားရချိန်၌ မေရီဆူလီဗန် (Mary Sullivan) တယောက် သူမ၏ အနက်ရောင် လာဗရာဒို ခွေးကလေးနှင့် လမ်းလျှောက်နေချိန် ဖြစ်သည်။
`ခုလို ပြီးဆုံး အောင်မြင်သွားတာ အတွက် အလွန်ဝမ်းသာပါတယ်။ ဒီလူငယ်နှစ်ယောက် ရဲ့ ခုလိုမဆင်မခြင် လုပ်ရပ်ကြောင့် တမြို့လုံးနဲ့ မြို့လူထုအားလုံး အလွန်နာကျင်ကြေကွဲ ရပါတယ်´ ဟု သူမက ပြောကြားခဲ့သည်။
ဗုံးခွဲမှုနောက်ခံအဆက်အသွယ်
ဗဟိုထောက်လှမ်းရေးအဖွဲ့ (FBI) က ဘော်စတွန် မာရသွန် ဗုံးဖောက်ခွဲမှုကို ပြုလုပ်ခဲ့သည် ဟု သင်္ကာမကင်း ဖြစ်ခံရသူနှစ်ဦး၏ ဓါတ်ပုံများကို ထုတ်ပြန်ခဲ့ပြီး နာရီပိုင်း အကြာတွင်ပင် လူရှာ လူဖမ်းပွဲကြီးကို ကြာသပတေးနေ့ နှောင်းပိုင်းက စတင်ပြုလုပ်ခဲ့ ကြခြင်းဖြစ်သည်။
အပြန်အလှန် ပစ်ခတ်မှု ဖြစ်ပွါးခဲ့သည့် နေရာမှ `လက်လုပ် ပေါက်ကွဲ စေတတ်သော ပစ္စည်း အများအပြားကို စုံစမ်းစစ်ဆေးသူများကရှာဖွေတွေ့ရှိခဲ့သည်´ ဟု ပရိုကိုပီရို က စီအန်အန် သတင်းဌာနကိုပြောသည်။
မည်သည့် ပေါက်ကွဲ စေတတ်သော ပစ္စည်းများ ဖြစ်ကြောင်းကို ယခုမသိရသေးပါ။
သို့သော် ထိုသို့ တွေ့ရှိပြီးနောက် တမြို့လုံးတုန်လှုပ်ချောက်ချားသွားခဲ့ကြသည်။
ရဲကလည်း ထိုညီအကိုသည် သူတို့ နောက်လိုက်နေသူများကို အဆိုပါ ပေါက်ကွဲစေတတ် သောပစ္စည်းများနှင့် ပစ်ပေါက်ခဲ့ပြီး ရဲအရာရှိတဦးသေဆုံးကာ ကားတစီးကို အဓမ္မတား ဆီးမောင်းနှင်သွား သည်ဟု ပြောခဲ့သည်။
သေဆုံးချိန်၌ အကိုဖြစ်သူ တမာလင်းဆာနက်ဗ် မှာ ကိုယ်ပေါ်တွင်ပေါက်ကွဲစေတတ် သောပစ္စည်းများ ကိုဝတ်ဆင်ကာ ယင်းတို့ကို မောင်းခလုပ် ဖြုတ်မည့် ပစ္စည်းကိုလည်း ကိုင် ဆောင်ထားသည်ကို
တွေ့ခဲ့ရကြောင်း စုံစမ်းစစ်ဆေးမှု ပြုလုပ်နေသည့် သတင်းရပ်ကွက် တခုက စီအန်အန်ကို အမည်မဖော်ဘဲ ပြောကြားခဲ့သည်။
ထိုလူရှာ လူဖမ်းပွဲကြီးကြောင့် ဘော်စတွန် တမြို့လုံးနီးပါး လုပ်ငန်းများ ရပ်ဆိုင်းလု မတတ် ဖြစ်သွား ခဲ့သည်။
`ဥပဒေ ဘက်တော်သား အရာရှိများ၏ ကြိုးပမ်း လုပ်ဆောင်မှု များကို ကူညီနိုင်ရန်အတွက်´ သောကြာနေ့ ညတွင် Kansas City Royals နှင့်ကစားမည့် ပွဲကိုရွှေ့ဆိုင်းထားလိုက်ကြောင်းဖြင့် Boston Red Sox အသင်းကကြေငြာခဲ့သည်။
Pittsburgh Penguins အသင်းနှင့်ကစားမည့်သူတို့ပွဲကိုအလားတူရွှေ့ဆိုင်းထားမည့် အကြောင်း NHL’s Boston Bruins ကကြေငြာခဲ့သည်။
အလားတူပင် မြို့တော် သယ်ယူ ပို့ဆောင်ရေး လုပ်ငန်းများ ဖြစ်သော မြေအောက်ရထား၊ ဘတ်စ်ကား၊ Amtrak အဝေးပြေးရထားလိုင်းများ၊ Greyhound အဝေးပြေးကားလိုင်းများ၊ ဒေသတွင်းပြေး Bolt Bus တို့ကိုရပ်ဆိုင်းထားခဲ့သည်။
လူဖမ်းပွဲကြီး ပြုလုပ်နေစဉ် အတွင်း မြို့တွင်း အငှါးကားလုပ်ငန်း ကိုလည်း ရပ်ဆိုင်းထားခဲ့သည်။ ဘော်စတွန် ဧရိယာတွင်းရှိ ကျောင်းအားလုံး ကိုလည်းပိတ်ထားခဲ့သည်။
ဘော်စတွန်မြို့တွင်း သယ်ယူပို့ဆောင်ရေး ဌာနအာဏာပိုင် ကလည်း ၀ါးတားတောင်းမှ မြို့နေလူထုကို ကယ်ထုတ်ရန် မြို့တွင်း ပြေးဘတ်စ်ကားများ ပို့ပေးခဲ့သည်။
ဗုံးပါရဂူများက ထိုအချိန်အတွင်း အနီးဝန်းကျင်တွင် ပေါက်ကွဲ စေတတ်သော ပစ္စည်းများကို ပိုက်စိတ် တိုက်ရှာဖွေခဲ့ကြသည်။
အဆိုပါ ညီအကိုနှစ်ဦးသည် အနီးရှိ စတိုးဆိုင်တခုကို ၀င်ရောက် လုယက်ခြင်းဖြင့် သူတို့၏ သောင်းကျန်း ထကြွမှုကို စတင်ခဲ့ကြခြင်း ဖြစ်သည်ဟု အာဏာပိုင်များက ပြောသည်။
ဆဲဗင်း အလဲဗင်း စတိုးဆိုင်ကို ၀င်ရောက် လုယက်ခဲ့မှုသည် ယခုအမှုနှင့်ဆက်စပ်မှုမရှိဟု ပြောဆိုခဲ့ခြင်းအား မစ်ဒဲလ်ဆက်စ်ခရိုင်ဥပဒေအရာရှိရုံး (Middlesex District Attorney’s Office) က သောကြာနေ့နှောင်းပိုင်းက ပြန်လည်ရုပ်သိမ်းခဲ့သည်။
ရဲအရာရှိသေဆုံးခြင်း
ထို့နောက် အကြမ်းဖက် တိုက်ခိုက်မှုများ ဖြစ်ပွါးခဲ့ပြီး နောက်ဆုံး ဖမ်းဆီးရရှိခဲ့မှုမှာ ဘော်စတွန်မြို့၏ ချားလ်စ် မြစ်တဘက်ကမ်း ကိန်းဘရစ်ခ်ျ တွင်စတင်ခဲ့ခြင်းဖြစ်သည်။
မက်ဆာချူးဆက် တက္ကသိုလ်ရဲအရာရှိ ကော်လီးယားမှာ သူ့ကားအတွင်းထိုင်နေစဉ် ကြာသပတေးနေ့ညက ပစ်သတ်ခံခဲ့ရသည် ဟု ဆားဖော့ကောင်းတီး ခရိုင်ဥပဒေအရာရှိ ရုံး (Suffolk County District Attorney’s Office) ကကြေငြာချက် ထုတ်ပြန် ပြောကြားခဲ့ သည်။
အာဏာပိုင်များ၏ အပြောအရ ထိုသို့ ပစ်သတ်ပြီးနောက် သင်္ကာမကင်း ဖြစ်ခံရသူ နှစ်ဦးသည် ကိန်းဘရစ်ခ်ျ မြို့တွင်းတွင် ကားတစီးကို သေနတ်နှင့် ချိန်၍ အပိုင်စီးကာ ကားမောင်းသူကို သူတို့သည် မာရသွန်ပြိုင်ပွဲတွင် ဗုံးဖောက်ခွဲ ခဲ့ကြသူများ ဖြစ်သည်ဟု ပြောဆို ခဲ့သည်ဟု ဥပဒေထိန်းသိမ်းရေး တပ်ဖွဲ့ဝင်တဦးက အမည်မဖော်ဘဲ စီအန်အန် သတင်း ဌာနကိုပြောကြားခဲ့သည်။
သို့သော် ဓါတ်ဆီဆိုင် တခုသို့ အရောက်တွင် ကားမောင်းသူမှာ ထွက်ပြေးလွတ်မြောက် သွားခဲ့ပုံ ရသည်ဟု အဆိုပါ သတင်းရပ်ကွက်က ဆက်လက်ပြောဆိုသည်။
ကားတွင် တပ်ဆင်ထားသော ဂျီပီအက်စ် ဂြိုဟ်တု သုံးတည်နေရာ ရှာစနစ်ကို အသုံးပြုကာ ရဲများက ထိုကားကို ၀ါးတားတောင်းမြို့တွင်းရောက်ရှိနေကြောင်းခြေရာခံမိခဲ့ကြသည်။
ထို့နောက် လူနေရပ်ကွက် အတွင်းသို့ လိုက်လံ ဖမ်းဆီးခဲ့ကြရာ မသင်္ကာသူများက ပေါက်ကွဲစေတတ် သော ပစ္စည်းများ ဖြင့်ရဲများကို ပစ်ပေါက် တိုက်ခိုက်ခဲ့ကြသည်။
အပြန်အလှန် ပစ်ခတ်မှုများ ဖြစ်ပွါးခဲ့ ပြီးနောက် ဗုံးခွဲသူတဦး ကားတွင်းမှ ထွက်လာရာ ရဲက ပစ်ခတ်ဖမ်းဆီးခဲ့ သည်။
ထိုသူသည် တမာလင်း ဆာနက်ဗ် ဖြစ်ကြောင်း နောက်ပိုင်းတွင် ဖော်ထုတ်သိရှိခဲ့သည်။ ညီဖြစ်သူက အကိုဖြစ်သူအပေါ် ကားဖြင့် တက်နင်းပြီး ထွက်ပြေး လွတ်မြောက်သွားခဲ့သည်ဟု အမည်မဖော်လိုဘဲ ထုတ်ဖော် ပြောဆိုသည့် သတင်းရပ် ကွက်တခု၏အပြောအရသိရသည်။
အဆိုပါ ပစ်ခတ်မှုအတွင်း ယဉ်ထိန်းရဲတပ်ဖွဲ့မှ အသက် ၃၃နှစ် အရွယ်ရှိ ၀ါရင့်ရဲအရာရှိ ရစ်ချတ်အိပ်ခ်ျ ဒိုနိုဟွေး (Richard H. Donohue) မှာ သေနတ်ဒဏ်ရာနှင့် ဆေးရုံသို့ ရောက်ရှိ သွားခဲ့သည်ဟု ယဉ်ထိန်းရဲဌာန ပြောရေး ဆိုခွင့်ရှိသူက သောကြာနေ့ကပြောသည်။ အဆိုပါ ရဲအရာရှိ၏ အခြေအနေကို ချက်ချင်း မသိရှိရသေးပါ။
နောက်ထပ် ရဲအရာရှိ ၁၅ ဦးကိုလည်း ပေါက်ကွဲမှုနှင့် ပစ်ခတ်မှု ဖြစ်စဉ်များတွင် ရရှိခဲ့သော သာမန် ဒဏ်ရာများဖြင့် ဆေးဝါးကုသမှု ပေးနေရသည်ဟု စိန့်အယ်လီဇဘက်ဆေးရုံမှ ပြောရေး ဆိုခွင့်ရှိသူ အမျိုးသမီး ဂျနီဖာကိုဗားလစ်ခ်ျ (Jennifer Kovalich) က ပြောသည်။
သင်္ကာမကင်းခံရသူများ၏နောက်ကြောင်းရာဇ၀င်
အဆိုပါ ညီအကိုနှစ်ဦးသည် တနင်္လာနေ့က ဖြစ်ပွါးခဲ့သည့် လူသုံးဦး သေဆုံးပြီး ဒါဇင်ပေါင်း များစွာ ဒဏ်ရာ ရရှိစေခဲ့သည့် မာရသွန်ပြိုင်ပွဲ ဗုံးဖောက်ခွဲမှုကြီး၏ တရားခံများဟု သင်္ကာမ ကင်း ဖြစ် ခံရသူများအဖြစ် အက်ဖ်ဘီအိုင်က ကြာသပတေးနေ့က ထုတ်ပြန်ပေးခဲ့သော ဓါတ်ပုံ ပါသူများပင် ဖြစ်သည်ဟု ရဲက ယုံကြည်နေသည်။
ထိုပေါက်ကွဲ မှုကြီးကြောင့် ဒဏ်ရာ ပြင်းထန် သည့်သူ ၃ ဦး အပါအ၀င် လူပေါင်း အနည်းဆုံး ၅၈ ဦးမှာ ယခုတိုင် ဆေးရုံတွင် ရှိနေဆဲ ဖြစ်သည်ဟု စီအန်အန်၏ ရေတွက် ထားမှုအရ သိရသည်။
သူတို့ ညီအကို မာရသွန်ပြိုင်ပွဲ ပန်းတိုင် အနီးလျှောက်သွား နေကြသည်ကို အဆိုပါ ဓါတ်ပုံ များ ထဲတွင် တွေ့မြင် ခဲ့ကြရသည်။
ပထမ သင်္ကာမကင်း ဖြစ်ခံရသူမှာ ဓါတ်ပုံထဲတွင် ဦးထုပ် အနက် ဆောင်းထားပြီး နေကာမျက်မှန် တပ်ထားကာ ကျောပိုးအိတ်တလုံးပါသည်။
သူသည် တမာလင်းဆာနက်ဗ် ဖြစ်ပုံရသည်ဟု အာဏာပိုင်များ၏ အပြောအရ သိရသည်။ ဒုတိယ သင်္ကာမကင်း ဖြစ်ခံရသူမှာ ဦးထုပ်အဖြူကို ဆောင်းပြီး သောကြာနေ့ တနေ့လုံး လွတ်မြောက် နေသူ
ဖြစ်သည်ဟု ရဲကပြောသည်။
သူ့ကို သောကြာနေ့ ညပိုင်းတွင် ဖမ်းဆီးနိုင်ခဲ့သည်။ သို့သော် သူ့သားနှစ်ဦးမှာ မာရသွန်ဗုံး ပေါက်ကွဲမှု တွင်ပါဝင် ပတ်သက်ခဲ့ပြီး နောက်ဆက်တွဲ ဖြစ်ပွားခဲ့သော အပြန်အလှန် ပစ်ခတ်မှုများတွင် ပါဝင်ခဲ့သည် ဆိုသည်ကို သူ မယုံကြည် နိုင် ပါကြောင်းဖြင့် ဆာနက်ဗ်ညီအကို၏ မိခင်ကပြောသည်။
`ဒီလိုမျိုး သူတို့လုပ်တယ် ဆိုတာ မဖြစ်နိုင်ပါဘူးရှင်။ ဒါ သက်သက် ထောင်ချောက်ဆင် ဖမ်းတာပါ ကျမ တကယ့်ကို ပြောရဲပါတယ်´ ဟု ဒါဂျက်စတန် (Dagestan) ပြည်နယ်တွင် အစိုးရမှထုတ်ဝေသည့် ယနေ့ရုရှ (Russia Today) သတင်းစာသို့ ဇူဗီဒတ်ဆာနီးဗား (Zubeidat Tsarnaeva) ကပြောကြားခဲ့သည်။
`ကျမသားတွေက ဘာဘဲလုပ်လုပ် ကျမကိုပြောပါတယ်။ သူတို့ အပြင်ဒီအကြောင်းသိသူ ရှိတယ်ဆိုရင် ကျမဘဲ ဖြစ်ရမှာပါ။ သူတို့ ဖုံးကွယ် မထားတတ်ပါဘူး။ ဒါပေမဲ့ ခုတော့ ဒီ အကြောင်း သူတို့ တစွန်းတစမှ မပြောခဲ့ပါဘူးရှင်´ ဟုသူမက ပြောသည်။
အဆိုပါ ညီအကိုသည် ရုရှား ကော့ကေးဆပ်စ်ဒေသမှ ခါဇတ်စတန်ဒေသသို့ ငယ်ရွယ်စဉ် ကတဲက ပြောင်းရွှေ့ နေထိုင်ခဲ့ပြီး လွန်ခဲ့သော နှစ်ပေါင်းများစွာက အမေရိကန် ပြည်ထောင်စု သို့ရောက် ရှိလာခဲ့ကြသည်။
`ကျမသား အငယ်ဆုံးက ၈ နှစ်သား ကတဲက အမေရိကန် ရောက်တာပါ။ သားအကြီးဆုံး ကိုလည်း အိမ်မှာဘဲ ကောင်းကောင်း ထိန်းသိမ်း မွေးမြူခဲ့တာပါဘဲ။ သူတို့နှစ်ယောက်လုံး အကြမ်းဖက်ဝါဒ အကြောင်း မပြောကြပါဘူး´ ဟု သူတို့၏ မိခင်ကပြောသည်။
အမေရိကန် ပြည်ထောင်စုတွင် ၁၀ နှစ်ခန့် နေထိုင် ပြီးနောက်`အိမ်လွမ်း၍´ ဟုဆိုကာ သင်္ကာမကင်းခံရသူ၏ မိဘနှစ်ပါးလုံး မကြာသေးခင်က ကော့ကေးဆပ်စ်ဒေစ ဒါဂျက်စ တန်သို့ ပြန်လည် ခဲ့ကြ သေးကြောင်း ဖခင်ဖြစ်သူ အန်ဇာဆာနက်ဗ် Anzor Tsarnaev က ရုရှအစိုးရ Zvezda ရုပ်သံသို့ပြောကြားခဲ့သည်။
သူ့သားများကို အမှုဆင် ဖမ်းဆီးခြင်းသာဟု သူက စွပ်စွဲ ပြောကြား လိုက်သည်။ `ဘယ်သူ လုပ်တယ် ဆိုတာ ကျနော် အသေအချာ မသိပါဘူး။ ဒါပေမဲ့ တယောက်ယောက် ကတော့ လုပ်တာအမှန်ဘဲ´ ဟု သူက ပြောဆိုခဲ့သည်။
၂၀၀၀ ပြည့်နှစ်များ အစောပိုင်းက ဇိုကာဆာနက်ဗ် သည် အမေရိကန်ပြည်သို့ သူ့မိသားစုနှင့် အတူ ကမ္ဘာလှည့် ခရီးသည်အဖြစ် ၀င်ရောက် လာခဲ့ပြီး နောက်ပိုင်းတွင် နိုင်ငံရေးခိုလှုံ ခွင့်တောင်းခံခဲ့ကာ အမေရိကန်နိုင်ငံသားအဖြစ် ၂၀၁၂ ခုနှစ်တွင် ခံယူခဲ့သည် ဟု ပြည်ထောင်စု အရာရှိတဦးက စီအန်အန်သို့ပြောသည်။
သို့သော် တမာလင်းဆာနက်ဗ် မှာမူ နိုင်ငံသား ခံယူထားခြင်း မရှိသေးဟု အဆိုပါ အရာရှိက အမည်မဖော်ဘဲ ထုတ်ဖော်ပြော ကြားသည်။ သူသည် `နှစ်အတော်ကြာမှ´ ရောက်လာသူဖြစ်ပြီး အမေရိကန်ပြည်
ထောင်စုတွင် ဂရင်းကဒ်ဖြင့် တရားဝင် နေထိုင်သူ ဖြစ်သည် ဟုဆိုသည်။
တမာလင်းဆာနက်ဗ်မှာ ဘန်ကာဟီးလ် ကွန်မြူနတီကောလိပ်တွင် စာသင်ကြားခဲ့ကာ အင်ဂျင်နီယာတဦး ဖြစ်လိုသူ ဖြစ်သည်ဟု သူ့ကို သိသူများ၏ အပြောအရ သိရသည်။
ထို့နောက် ကျောင်းမှ တနှစ်ခွင့်ပန်ကာ လက်ဝှေ့အတတ်ကို သင်ကြား လေ့ကျင့်နေခဲ့သည်
ကျနော်တော့သူတို့ကိုနားမလည်နိုင်တော့ဘူး
အကိုဖြစ်သူ၏ အမည်ဖြင့် တင်ထားသော လူမှုကွန်ရက်တွင် `ကျနော့်မှာအမေရိကန် သူငယ်ချင်း တယောက်မှ မရှိဘူး။ ကျနော် သူတို့ကို နားမလည်ဘူး´ ဟု ရေးသားထား ကြောင်းလည်း အဆိုပါအရာရှိ ကပြောသည်။
ဇိုကာဆာနက်ဗ်မှာ Cambridge Rindge & Latin အစိုးရ အထက်တန်းကျောင်းတွင် တက်ခဲ့သည်ဟု အဆိုပါ သင်္ကာမကင်းခံရသူ ကျောင်းပြီးပြီး နောက်တနှစ်တွင် ကျောင်းပြီးခဲ့သူ အဲရစ်မာကာဒို (Eric Marcado) ကပြောသည်။
ဆာနက်ဗ်သည် ဟားဗတ်တက္ကသိုလ်တွင် ရေကူးကန် အသက်ကယ်သမား အဖြစ် လုပ်ကိုင် ခဲ့သေးသည် ဟုလည်း မာကာဒို ကပြောသည်။
`ကျနော်တို့ အတူတူ လည်ကြတယ်။ အတူတူ ပါတီတက်ကြတယ်။ အထက်တန်း ကျောင်းတုံးက တကယ့် မိတ်ဆွေကောင်း တွေပါဘဲ´ ဟု မာကာဒိုက စီအန်အန်ကိုပြောသည်။
`ကျနော် တို့လည်း အများလိုပါဘဲ။ တကယ့်ကို တုန်လှုပ်သွားတယ်။ တကယ့်ကို နားမလည်နိုင် တော့ပါဘူး။ ဇိုကာဆီက ဒီလို လုပ်လိမ့်မယ် ဆိုတဲ့ မသင်္ကာစရာ ဘာလက္ခဏာ မှမတွေ့ခဲ့ရဘူး။ တကယ့်ကို တုန်လှုပ်စရာကြီးပါ´ဟု သူကပြောသည်။
ဇိုကာနှင့် သူသည် တရပ်ကွက်ခြားတွင် သာနေထိုင်သူများဖြစ်ပြီး သူ့အကိုအကြောင်းမသိ ပါဟု မာကာဒို ကပြောသည်။
ဇိုကာဆာနက်ဗ်သည် လောလောဆယ်တွင် မက်ဆာချူးဆက် ဒါ့မော့သ်တက္ကသိုလ် (University of Massachusetts Dartmouth) တွင်ကျောင်းသားအဖြစ် စာရင်း ပေးသွင်း အပ်နှံထားပြီး အဆိုပါ တက္ကသိုလ်ကိုလည်း သောကြာနေ့က ကျောင်းသားနှင့်အမှုထမ်းအားလုံး ဘေးကင်းရာသို့ ထွက်ခွာ သွားရန် အမိန့်ထုတ်ခဲ့ရသည်။
အဆိုပါ တက္ကသိုလ်သည် နယူးဘက်ဖို့ဒ်၏ အနောက်ဘက် ကင်းဘရစ်ခ်ျနှင့် ၆၅ မိုင်အကွာ တောင်ဘက်တွင် ရှိ သည်။
ဇိုကာဆာနက်ဗ်၏ အိမ်နီးချင်း တဦးလည်းဖြစ်၊ သူတက်ခဲ့ရာ အထက်တန်း ကျောင်းတွင် ဆရာဟောင်း တဦးလည်း ဖြစ်ခဲ့သူ လာရီအာရုန်ဆန် (Larry Aaronson) က သူသည် `အံ့ဘွယ်တော်သည့် ကလေးတဦး´ ဖြစ်ကြောင်းထုတ်ဖော်ပြောဆိုခဲ့သည်။
`သူဒီမှာ ရှိနေတာ တကယ့်ကို ကျေးဇူးတင်စရာပါ။ သူက ပျော်ပျော်နေတတ်တယ်၊ ကြင်နာ တတ်တယ်၊ ဂရုဏာထားတတ်သူလဲဖြစ်ပါတယ်´ ဟု အရုန်ဆန်က စီအန်အန် ကိုပြောဆိုခဲ့သည်။
Ref: မဇ္ဈိမ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88