Friday, November 23, 2012

မင်းပြား သရက်အုပ် မွတ်ဆလင် ကျေးရွာ ပြန်လည် နေရာချ

November 22, 2012

အောက်တိုဘာလ အတွင်းက ဖြစ်ပေါ်ခဲ့သောအပြန်အလှန် တိုက်ခိုက်မူ အတွင်း ရွာလုံးကျွတ် မီးရှို့ခံခဲ့ရသော သရက်အုပ် မွတ်ဆ လင်ကျေးရွာမှ ကျေးရွာသားများကို အဆိုပါ ကျေးရွာတွင်ပင် ယခုအခါ ပြန်လည် နေရာချထား ပေးနေပြီ ဖြစ်ကြောင်း သတင်း ရရှိသည်။

“ သူတို့ အစီအစဉ်နဲ့ လာနေတာတော့ မဟုတ်ပါဘူး။ သက်ဆိုင်ရာက စီစဉ်ပေးတဲ့ အစီအစဉ်နဲ့ လာနေကြတာ ထင်ပါတယ်” ဟု ပန်းမြောင်း ဒေသခံ တစ်ဦးက နိရဉ္စရာသို့ ပြောသည်။

ယခု ရောက်ရှိလာကြသည့် မိသားစုမှ လေးငါးဆယ်ခန့်ရှိသည်ဟု သူက ပြောသည်။

“ သူတို့က ပထမတော့ ရွာမှာ တဲတွေ လာထိုးတယ်။ ညကျရင် နာဂါရာ ကျေးရွာကို ပြန်တယ်။ အခုတော့ မပြန်တော့ဘဲ ရွာမှာ နေနေကြပြီ ဖြစ်တယ်လို့ သိရပါတယ်” ဟု ဆိုသည်။

သရက်အုပ် ကျေးရွာတွင် အိမ်ခြေပေါင်း ၁၆၀ ခန့်ရှိပြီး မီးရှို့ တိုက်ခိုက်မူ ဖြစ်ပွားပြီးနောက် နာဂါရာ ကျေးရွာသို့ အားလုံး ထွက်ပြေး ခိုလုံခဲ့ကြသည်။

သူတို့အား နိုင်ငံတကာ အန်ဂျီအိုများနှင့် ဘာသာရေး အဖွဲ့အစည်းများမှ ဆန်ဆီဆား ဆေးဝါးများ ထောက်ပံ့ပေးထားသည်ဟု ဆိုသည်။

ယခုအခါ ပန်းမြောင်းဒေသ အနီးတ၀ိုက်တွင် အခြေအနေမှာ တည်ငြိမ်နေပြီး ပုံမှန် အခြေအနေသို့ ပြန်ရောက်နေပြီဟု ဒေသခံ များက ဆိုသည်။

သို့သော်လည်း စစ်တပ်ကို ရခိုင်ကျေးရွာများနှင့် မွတ်ဆလင် ကျေးရွာများ အကြားတွင် ဆက်လက် ချထားရတုန်း ဖြစ်ကြောင်း သိရသည်။

Ref: နိရဉ္စရာ

Read More...

မောင်တော အကြမ်းဖက် ဆူပူမူ ဦးဆောင်သူအဖြစ် စွပ်စွဲ ဖမ်းဆီးခံရသူ ထောင် ၁၂ နှစ် ချမှတ်ခံရ

November 23, 2012

ရခိုင်ပြည်နယ် မောင်တောမြို့တွင် ဇွန်လ ၈ ရက်နေ့က ဖြစ်ပွားခဲ့သော အကြမ်းဖက် ဆူပူမူကို ဦးဆောင်သူဟု စွပ်စွဲ ဖမ်းဆီးခံထား ရသူ ဒေါက်တာ ထွန်းအောင် (ခေါ်) နုရ်ဟောက်ကို နိုဝင်္ဘာလ ၂၁ ရက်နေ့က ထောင် (၁၂) နှစ် ချမှတ်လိုက်သည်ဟု သတင်း ရရှိသည်။

အဆိုပါ သတင်း ရရှိပြီး နောက် နိရဉ္စရာမှ ရှေ့နေမကြီး ဒေါ်အေးနုစိန်အား ဆက်သွယ်မေးမြန်းရာ“ ဟိုတစ်နေ့ကတည်းက ချလိုက် တာပါ။ နှစ်တော်တော်များ ချုလိုက်ပါတယ်” ဟုပြောဆိုသည်။

ဒေါက်တာ ထွန်းအောင် ထောင် ၁၂ နှစ် ချမှတ်ခံရကြောင်းကို ပြည်တွင်း ရခိုင် သတင်းဌာန (၂) ခု ဖြစ်သော The Coral Arakan နှင့် The Rakhine Straight Views တို့တွင်လည်း ဖေါ်ပြသည်။

ဒေါက်တာ ထွန်းအောင်အား ပြည်သူပိုင်ပစ္စည်း ကာကွယ် စောင့်ရှောက်ရေး အက်ဥပဒေပုဒ်မ-၆(၁)အရ အလုပ်နှင့် ထောင်ဒဏ် ၁ နှစ်၊ နိုင်ငံတော် ငြိမ်ဝပ် ပိပြားမှုကို ပျက်ပြားစေသော အမူနှင့် အလုပ်နှင့် ထောင်ဒဏ် ၄ နှစ်၊ အရေးပေါ် စီမံမှုအက်ဥပဒေ ပုဒ်မ-၅(ည) အရ အလုပ်ကြမ်းနှင့် ထောင်ဒဏ် ၇ နှစ် - စုစုပေါင်း အလုပ်ကြမ်းနှင့် ထောင်ဒဏ် ၁၂ နှစ်ကို သီးခြားစီ ထပ်မံကျခံစေရန် စစ်တွေ ခရိုင် တရားရုံးက စီရင်ချက် ချလိုက်သည်ဟု ဆိုသည်။

ဒေါက်တာ ထွန်းအောင် အနေဖြင့် တရားရုံးတွင် အမှုအတွက် ရှေ့နေ မရှိသဖြင့် ၎င်းကိုယ်တိုင် အမူကို ပြန်လည် ချေပ လျှောက် လဲခဲ့ရသည်ဟု The Rakhine Straight Views က ဖေါ်ပြသည်။

ဒေါက်တာထွန်းအောင်ကို သြဂုတ်လကုန်ပိုင်းကလည်း နိုင်ငံခြားငွေ တရားမ၀င် ကိုင်ဆောင် လဲလှယ်မူနှင့် ပတ်သက်ပြီး ထောင်ဒဏ် ၃ နှစ်ကျခံစေရန် စစ်တွေခရိုင် တရားရုံး က အမိန့် ချမှတ်ခဲ့ကြောင်း ဆက်လက် ဖေါ်ပြသည်။

ဒေါက်တာ ထွန်းအောင်အား အာဏာပိုင်များမှ အမှု ၅ မှုဖြင့် စွဲချက်တင်ခဲ့ကြောင်း သိရသည်။ ထိုအထဲတွင် ပြစ်မှုဆိုင်ရာ ဥပဒေပုဒ်မ-၄၆၈ ၊ ၄၂၀ – မှတ်ပုံတင်အတု ပြုလုပ်သည် ဆိုသော ပြစ်မှုမှာ မထင်ရှား သဖြင့် ပလပ်ခဲ့သည်ဟု သိရသည်။

ဒေါက်တာထွန်းအောင်အား မောင်တော ဆူပူ အကြမ်းဖက်မူ ဖြစ်ပွားပြီး ဇွန်လ ၁၁ ရက်နေ့တွင် မောင်တောမြို့ ကုလသမဂ္ဂ UNHCR ရုံးခွဲမှာ ခိုလှုံနေစဉ် ဒေသဆိုင်ရာ အာဏာပိုင်များက မောင်တောမြို့ အကြမ်းဖက် တိုက်ခိုက်မှုနှင့် ဆက်စပ်ကာ ဖမ်းဆီး ခဲ့သည်။

ဒေါက်တာ ထွန်းအောင်သည် ဇွန်လ ၈ ရက်နေ့က မည်သည့် ပြဿနာမှ မပေါ်ပေါက်စေရပါဟု အာမခံကာ မောင်တောမြို့ ဗလီတွင် ငြိမ်းချမ်းစွာ ဆုတောင်းပွဲ လုပ်ရန် ယခင် နစက တပ်ဖွဲ့ တာဝန်ခံ ဗိုလ်မှူးကြီး အောင်ကြီးထံမှ ခွင့်တောင်းခဲ့သည်။

သို့သော် ဆုတောင်းပွဲ အပြီးတွင် ဗလီတွင်းမှ ထွက်လာသော လူအုပ်ကြီးက ရခိုင်နေအိမ်များ၊ ဘုန်းတော်ကြီးကျောင်းများ၊ ဈေးဆိုင် များကို စတင် တိုက်ခိုက်ရာမှ ဆူပူ အကြမ်းဖက် ဖြစ်ပွားကာ ရခိုင်ကျေးရွာ တစ်ဆယ်ကျော် မီးရှို့ခံခဲ့ရပြီး အပြစ်မဲ့ ရခိုင် အမျိုးသား အမျိုးသမီး ၁၀ ကျော် သေဆုံးခဲ့ရသည်။

ယင်းနောက်ပိုင်းတွင် ဆူပူ အကြမ်းဖက်မူသည် ရခိုင်တပြည်နယ်လုံးသို့ ကူးစက် ပျံ့နှံ့သွားခဲ့သည်။

Ref: နိရဉ္စရာ

Read More...

ဘင်္ဂလာဒေခ်ျ့နယ်စပ် မြစ်နားရွာမှ ရခိုင်(၃)ဦး ဖမ်းဆီးခံရ

November 23, 2012

ဘင်္ဂလာဒေခ်ျ့ နိုင်ငံ နတ်မြစ်ကမ်းခြေတွင် တည်ရှိသော မြစ်နားရွာမှ ရခိုင် အမျိုးသား (၃) ဦးကို ဘင်္ဂလာဒေခ်ျ့ အထူး မူခင်း နှိမ်နှင်းရေး တပ်ဖွဲ့ RAB မှ ယမန်နေ့က ဖမ်းဆီး ခေါ်ဆောင်သွားခဲ့သည်။

“ မနေ့ညနေ ၅ နာရီ အချိန်မှာ မြစ်နားရွာထဲကို ၀င်လာပြီး ဖမ်းဆီး ခေါ်ဆောင်သွားတာ ဖြစ်ပါတယ်။ ယာဘားဆေးပြားတွေလည်း သူတို့ဆီက မိတယ်လို့ ကြားရပါတယ်။ အတိအကျ ဘယ်လောက် မိတယ်ဆိုတာကိုတော့ တိတိကျကျ မသိရသေးပါဘူး” ဟု ရွာသား တစ်ဦးက ပြောသည်။

ဖမ်းဆီခံရသူများမှာ ဘုမောင် (ညလားကျေးရွာ)၊ မောင်စောလှ (မြစ်နားရွာ) နှင့် သူအစ်ကို တော်စပ်သူ ရဲစူး ကျေးရွာသား တစ်ဦးတို့ ဖြစ်ကြသည်။

ယနေ့ ဘင်္ဂလာဒေခ်ျ့ ရုပ်သံဌာနများမှ အဆိုပါ ဖမ်းဆီးမူအား ထုတ်လွှင့်ပြသရာ သူတို့ထံမှ ယာဘားဆေးပြား သုံးထောင် ဖမ်းဆီး ရမိသည်ဟု ရဲက ပြောသည်ဟု ဆိုသည်။

RAB ခေါ် ဘင်္ဂလာဒေခ်ျ့ အထူး မူခင်းနှိမ်နှင်းရေး တပ်ဖွဲ့မှ သတင်းအရ သူတို့အား အနီး ကပ် စောင့်ကြည့်နေသည်မှာ ကြာနေပြီ ဖြစ်ကြောင်းနှင့် သေချာသည်နှင့် တပြိုင်နက် တည်း မြစ်နားရွာထဲသို့ ၀င်ရောက် ဖမ်းဆီးခြင်း ဖြစ်သည်ဟု ကျေးရွာသားက ဆက်ပြောသည်။

ဘင်္ဂလာဒေခ်ျ့နိုင်ငံတွင် ယာဘားဆေးပြားများကို ကာမအားတိုးဆေးအဖြစ် လူငယ်များ အကြား ဈေးကြီးကြီးပေး၍ တွင်တွင် ကျယ်ကျယ် သုံးစွဲနေကြရာ မှောင်ခိုသမားများ အနေဖြင့် အဆိုပါ အခွင့်အရေးကို အသုံးချပြီး ယာဘားဆေးပြားများကို မြန်မာနှင့် အိန္ဒိယ နိုင်ငံများက အကြီးအကျယ် မှောင်ခို တင်သွင်းနေကြသည်။

နိုဝင်္ဘာလ ၁၆ရက်နေ့ ညနေပိုင်းက ဒက္ကား-စစ်တကောင်း ကားလမ်းမကြီး ဘေးတွင် တည်ရှိသော ကိုမီလာမြို့တွင် အိန္ဒိယမှ တင်သွင်းလာသော ယာဘားဆေးပြား တစ်သိန်း လေးသောင်းကျော်ကို RAB က ဖမ်းဆီးရမိခဲ့သည်။ စုစုပေါင်း ဆေးပြားတန်ဖိုးမှာ တာကာ ၄၃ ဒဿမ ၂ သန်းကျော် ဖိုးရှိသည်ဟု ဆိုသည်။

နိုဝင်္ဘာလ ၂၀ရက်နေ့ကလည်း ယာဘားဆေးပြား ၄၅၀၀၀ကို သယ်ဆောင်လာသူ ၆ဦးနှင့် အတူ ဒက္ကားမြို့ အ၀င် ကွာမလာလာမ်ပူ ရပ်ကွက်တွင် မှုခင်းနှိမ်နင်းရေး ရဲတပ်ဖွဲ့မှ ကားတစီးပေါ်မှ ဖမ်းဆီး ရမိခဲ့သည်။

Ref: နိရဉ္စရာ

Read More...

ဘင်္ဂလာဒေခ်ျ့ သတင်းဌာနကြီး တစ်ခုက မလေးရှား လှေစီးသွားသူ အစစ်အမှန်ကို ဖေါ်ထုတ် ရေးသား

November 22, 2012

နိုင်ငံတကာ မီဒီယာအများစုက ဘင်္ဂလာဒေခ်ျ့နိုင်ငံမှ စက်လှေများဖြင့် ခိုးထွက်ပြီး မလေးရှားသို့ သွားလာနေကြသူများမှာ မြန်မာ နိုင်ငံတွင် လူ့အခွင့်အရေး ချိုးဖေါက်ခံရ၍ ထွက်ပြေး တိမ်းရှောင် လာရသူ ရိုဟင်ဂျာဆိုသူများ ဖြစ်ကြောင်း ထုတ်ဖေါ်ရေးသား နေကြခြင်းမှာ မဟုတ်မမှန်ဘဲ လိုသည်ထက် တမင်ချဲ့ကား ရေးသားနေကြသည်ဟု ဘင်္ဂလာဒေခ်ျ့ သတင်းဌာနကြီး တစ်ခုက ယမန်နေ့က သတင်း ထုတ်ဖေါ် ရေးသားလိုက်သည်။

ဘင်္ဂလာဒေခ်ျ့မှအကြီးဆုံး သတင်းဌာန တစ်ခု ဖြစ်သော United News of Bangladesh (UNB) က ယမန်နေ့က Bangladesh join Rohingya in search of opportunity တွင် ထိုသို့ ထုတ်ဖေါ် ရေးသားလိုက်ခြင်း ဖြစ်သည်။

အောက်တိုဘာလ ၂၇ ရက်နေ့မှ နိုဝင်္ဘာလ ၇ ရက်နေ့ အတွင်း လူပေါင်း ၂၄၅ ဦးကို တင်ဆောင်လာသော လူမှောင်ခို စက်လှေ နှစ်စီး ကော့စ်ဘဇား ခရိုင် တက်ကနက် ကမ်းခြေတွင် နစ်မြုပ်ခဲ့သည်။ လှေနစ်မြုပ်ရာမှ လူ ၂၈ ဦးကို ဆယ်ယူခဲ့ရာ တ၀က် နီးပါးမှာ ရိုဟင်ဂျာ ဆိုသူများ မဟုတ်ဘဲ ဘင်္ဂလာဒေခ်ျ့ နိုင်ငံသားများ ဖြစ်ကြောင်း UNB က ရေးသား ဖေါ်ပြသည်။

သို့ရာတွင် နိုင်ငံတကာ သတင်း မီဒီယာများက အဆိုပါ လှေစီးပြီး သွားသူများမှာ ရိုဟင်ဂျာ ဆိုသူများ ဖြစ်ကြောင်း ရေးသား ဖေါ်ပြခဲ့ကြဟု ဆိုသည်။

UNB သတင်းဌာနက ဘီဂျီဘီ ဘင်္ဂလာဒေခ်ျ့ နယ်ခြား စောင့်တပ်ဖွဲ့မှ ဗိုလ်မှူးကြီး Mohammad Zahid Hasan ကို ကိုးကား ရေးသားရာတွင် နိုင်ငံတကာ၏ အာရုံ စူးစိုက်မူ ရယူလိုသဖြင့် ထိုသို့ ရေးသားခြင်းနေခြင်းမှာ လုံးဝ မှားယွင်းပြီး လူမှောင်ခို သွားသူတိုင်းသည် ရိုဟင်ဂျာ မဟုတ်ကြောင်း ဗိုလ်မှူးကြီးက ပြောကြောင်း သတင်းတွင် ဖေါ်ပြသည်။

၎င်းပြင် လှေစီးပြီး သွားကြသူ တ၀က်ခန့်မှာဘင်္ဂလာဒေခ်ျ့ နိုင်ငံသားများဖြစ်ကြသော်လည်း မည်သည့် သတင်းဌာနကမှ ဘင်္ဂလာဒေခ်ျ့ နိုင်ငံသားများ ဖြစ်ကြောင်း မဖေါ်ပြကြတော့ကြောင်းနှင့် ယနေ့ ဘင်္ဂလာဒေခ်ျ့မှ မလေးရှားသို့ သွားနေကြသူများအထဲတွင် ၆၀ နှင့် ၆၅ ရာခိုင်နုန်းမှာ ဘင်္ဂလာဒေခ်ျ့ နိုင်ငံသားများ ဖြစ်ကြသည်ဟု ဆိုသည်။

ယခုကဲ့သို့ သတင်းအမှား အမှန်ကို မဆန်းစစ်ဘဲ ရိုဟင်ဂျာ အရေးကို ဇောင်းပေး ရေးသားနေရာတွင် နိုင်ငံခြား သတင်းဌာန များသာမက ပြည်ပ အခြေစိုက် မြန်မာ သတင်းဌာန တချို့လည်း ရှေ့တန်းမှ ပါဝင်နေကြောင်း သိရသည်။

ဘင်္ဂလာဒေခ်ျ့ နိုင်ငံတွင် အလုပ်လက်မဲ့ ဖြစ်နေကြသော လူငယ် တစ်ဦးအနေဖြင့် မလေးရှားနှင့် အာရပ် နိုင်ငံများသို့ တရားဝင် အလုပ်သွားလုပ်မည် ဆိုပါက တာကာငွေ နှစ်သိန်းခွဲ (ယူရို နှစ်ထောင်ငါးရာ)ထိ အသုံးပြုကြရသည်။ သို့အတွက် ဘင်္ဂလီ လူငယ် အများစုသည် တာကာငွေ ၁၅၀၀၀ (ယူရို ၁၄၀) ခန့်ဖြင့် တရားမ၀င် အလုပ် လုပ်ကိုင်နိုင်သော မလေးရှားကို ခိုးလှေဖြင့် ထွက်ခွာနေကြသည်ဟု ဆိုသည်။

မလေးရှားသို့ ခိုးလှေဖြင့် သွားသူများ အနေဖြင့် တာကာငွေ တစ်သိန်းမှ တစ်သိန်း သုံးသောင်းထိ ကုန်ကျသော်လည်း လူမှောင် ခိုသမားများကို မလေးရှားတွင် အလုပ် လုပ်ပြီး အရစ်ကျ ပေးဆပ်နိုင်ခွင့် ရှိကြောင်းလည်း သိရသည်။

Ref: နိရဉ္စရာ

Read More...

နိုင်ငံတ၀န်း လျှပ်စစ်မီး ရရှိရေး အစိုးရ ဆောင်ရွက်ပေးနိုင်ခြင်း မရှိ

ခင်ဦးသာ
November 22, 2012

မြန်မာနိုင်ငံတ၀န်း လျှပ်စစ်ဓာတ်အား သုံးစွဲနိုင်ရန် အလတ်စားနှင့်အသေးစား လျှပ်စစ်ဓာတ်အားထုတ်လုပ်ရေး အတွက် ဗဟို အစိုးရအနေဖြင့် ဆောင်ရွက်ပေးနိုင်ခြင်း မရှိဟု ပြည်ထောင်စု ၀န်ကြီး က ပြောဆိုကြောင်း သိရသည်။

“မြန်မာနိုင်ငံ၏ လျှပ်စစ်ဖွံ့ဖြိုးမှု မြန်ဆန်စွာ အထောက်အကူပြုနိုင်မည့် အသေးစားလျှပ်စစ် ကဏ္ဍ ပုံဖော်မှု အစီအစဉ်ကို လက် တွေ့ကျကျ အကောင်အထည်ဖော် ဆောင်ရွက်သွားရန် ပြည်ထောင်စု အစိုးရအား တိုက်တွန်းကြောင်း” အဆိုနှင့် ပတ်သက်၍ ယမန်နေ့က ကျင်းပသော အမျိုးသားလွှတ်တော် အစည်းအဝေး၌ ပြည်ထောင်စု လျှပ်စစ်စွမ်းအား ၀န်ကြီး ဦးခင်မောင်စိုး က အထက်ပါ အတိုင်း ပြန်လည်ဖြေကြားသွားခြင်း ဖြစ်သည်။

အမျိုးသားလွှတ်တော် ကိုယ်စားလှယ် ဦးဖုန်းမြင့်အောင် ကမူ“၀န်ကြီးက လက်ရှောင်လိုတဲ့သဘောပါ၊ ၀န်ကြီးပြောတာကို စစ် တပ် ကိုယ်စားလှယ်တွေကပါ ကန့်ကွက်ကြတယ်၊ ကျေး လက်ဒေသတွေ လျှပ်စစ်မီးရရှိရေးကိစ္စကို ဗဟိုအစိုးရ က လုပ်ပေးမှ ရမယ်ဆို ပြီးတော့ ကိုယ်စားလှယ်အများစုက ကန့်ကွက်တော့မှ ၀န်ကြီးဘက်က လက်လျှော့သွားတယ်”ဟု ပြောဆိုသည်။

ထိုအဆိုအား မန္တလေးတိုင်းဒေသမှ အမျိုးသားလွှတ်တော် ကိုယ်စားလှယ် ဦးမျိုးမြင့်က တင်သွင်းခြင်းဖြစ်ပြီး ကိုယ်စားလှယ် ၈ ဦး ပါဝင်ဆွေးနွေးကြကြောင်း၊ အတည်ပြုနိုင်ရေးအတွက် မဲခွဲဆုံးဖြတ်ရာ ထောက်ခံမဲ အရေအတွက် များသည့်အတွက် အဆိုကို လွှတ်တော်က အတည်ပြု ပေးလိုက်ကြောင်း ယနေ့ထုတ် အစိုးရ သတင်းစာများ၌ ဖော်ပြထားသည်။

ကျေးလက်ဒေသ မီးလင်းရေးအဆိုနှင့်ပတ်သက်၍ ၀န်ကြီး ဦးခင်မောင်စိုး က ပြန်လည်ဆွေးနွေးရာတွင် အသေးစားနှင့်အ လတ် စား လျှပ်စစ်ဓာတ် ထုတ်လုပ် ဖြန့်ဖြူးရေး လုပ်ငန်းများကို နိုင်ငံတော်ဖွဲ့စည်းပုံ ဥပဒေအရ တိုင်းဒေသနှင့်ပြည်နယ် အစိုးရ တို့ကို လုပ် ပိုင်ခွင့်ပေးထားသည့် အတွက် ပြည်ထောင်စုအစိုးရ က စီမံပိုင်ခွင့် မရှိဟု ဆိုသည်။

ပြည်နယ်၊ တိုင်းဒေသ အစိုးရများအတွက်၂၀၀၈ ဖွဲ့စည်းပုံ အခြေခံ ဥပဒေ၏ ဇယား ၂ တွင် လုပ်ပိုင်ခွင့်တချို့ပေး ထားသော် လည်း အရေးပါသည့် ကိစ္စများအားအလုံးကို ဗဟိုအစိုးရကသာ စီမံ ခန့်ခွဲပိုင်ခွင့် ရရှိထားသည်။ ပြည်နယ်၊ တိုင်းဒေသ အစိုးရ အတွက် ဇယား ၂ ပါ လုပ်ပိုင်ခွင့်၌ စည်ပင်သာယာ အခွန်ကောက်ခံခွင့်နှင့်ဒေသထွက် သတ္တုများကို စီမံခန့်ခွဲခွင့် စသည့်ဖြင့် ဖော် ပြ ထားသည်။

ပြည်ထောင်စု အစိုးရနှင့် ပြည်နယ်၊ တိုင်းဒေသအစိုးရတို့ အကြား လုပ်ပိုင်ခွင့်အာဏာ များစွာ ကွဲပြားခြားနားကြောင်း၊ လျှပ်စစ် မီး ရရှိရေးအပြင် ဒေသဖွံ့ဖြိုးရေး အတွက်လည်း ဘဏ္ဍာငွေလုံလောက်မှု မရှိကြောင်း သိရသည်။

“ဗဟိုအစိုးရက ကျပ်ဘီလီယံ တသောင်းကျော် (၁၄၀၀၀ ) ရထားတဲ့အချိန်မှာ တိုင်းဒေသ၊ ပြည်နယ် အစိုးရ အဖွဲ့တွေက ဘီလီ ယံ ၉၀၀ ပဲရထားတယ်၊ အဲဒါက ပြည်နယ်၊ တိုင်း ၁၄ ခု အတွက်ပါ၊ ဒီတော့ ဗဟိုအစိုးရရဲ့ သုံးတဲ့ငွေက အဆမတန်များနေ တယ်” ဟု ဦးဖုန်းမြင့်အောင် က ပြောသည်။

ဝန်ကြီး ဦးခင်မောင်စိုး က အသေးစားနှင့်အလတ်စား လျှပ်စစ်ဓာတ် ထုတ်လုပ်ရေး လုပ်ငန်းများအတွက် နည်းပညာပိုင်း ဆိုင်ရာများ ပံ့ပိုး ကူညီပေးရန် ပြည်နယ်၊ တိုင်းဒေသ အစိုးရများက အကူအညီတောင်းခံ လာပါက ဗဟိုအစိုးရ အနေဖြင့် ကူညီပံ့ပိုးပေး သွား မည်ဟု ပြောဆိုသည်။

လျှပ်စစ်ဓာတ်အား ပိုမိုရရှိရေးအတွက် ရေအားလျှပ်စစ် စီမံကိန်းများကို တည်ဆောက်လျှက်ရှိကြောင်း၊ လမ်းပန်းဆက်သွယ် ရေးနှင့်ကုန်ချောပစ္စည်းရရှိမှု ခက်ခဲသော ရခိုင်ပြည်နယ်နှင့် ကယားပြည်နယ် တို့ရှိ စီမံကိန်းတချို့မှာ ကုန်ကျ စရိတ် မြင့်မား သည်ကိုတွေ့ ရှိထားကြောင်းလည်း ၎င်း က ပြောသည်။

ရခိုင်ပြည်နယ် အတွင်း လျှပ်စစ်ဓာတ်အား ဖြန့်ဖြူးပေးနိုင်ရန် တချို့တ၀က် အကောင်အထည် ဖော်ထားသည့် ဘူးသီး တောင် ဒေသရှိ စိုင်းဒင်ရေအား လျှပ်စီမံကိန်းအား ယခုအခါ ရပ်ဆိုင်းထားကြောင်း သိရသည်။

ထိုစီမံကိန်းအား အကောင်အထည်ဖော်ရန် ၁၉၅၂ ခုနှစ် ဦးနုအစိုးရ လက်ထက်မှ စတင်ခဲ့သော်လည်း လက်တွေ့ အကောင် အထည်ဖော်နိုင်ခြင်း မရှိသေးပေ။

ပြည်နယ်တချို့၌ အကောင်အထည်ဖော်ရန် လေ့လာနေသည့် ရေအားလျှပ်စစ် စီမံကိန်းများသည် ပြည်ထောင်စု အစိုးရ အတွက် အကျိုးအမြတ် မရရှိသည့်တိုင် ဒေသတွင်းပြည်သူများ လျှပ်စစ်မီး ရရှိရေး၊ ဒေသဖွံ့ဖြိုးရေး အတွက် လက်တွေ့ အကောင် အထည် ဖော်ရန် လိုအပ်ကြောင်း အမျိုးသားလွှတ်တော် ကိုယ်စားလှယ် ဒေါက်တာ ဗညားအောင်မိုး က ပြော သည်။

“တနိုင်ငံလုံး တန်းတူ ဖွံ့ဖြိုးစေချင်ရင် ဗဟိုအစိုးရ အနေနဲ့ ချုပ်ကိုင်ထားထာတွေ လျှော့ချပေးဖို့ လိုပါတယ်၊ လုပ်ပိုင်ခွင့် အာ ဏာ ခွဲဝေပေးဖို့၊ ဘဏ္ဍငွေတွေခွဲပေးဖို့ အရေးကြီးပါတယ်၊ လက်တွေ့ လုပ်ပေးဖို့လိုပါတယ်”ဟု ၎င်းက ဆိုသည်။

သဘာဝ သယံဇာတ အများဆုံးထွက်ရှိသည့် တိုင်းရင်းသား ဒေသများအတွက် လျှပ်စစ်မီး ရရှိရေးနှင့် လမ်းပန်းဆက်သွယ်ရေး ကဏ္ဍကို အလေးထား လုပ်ဆောင်ပေးမှု အားနည်းကြောင်းလည်း ဒေါက်တာ ဗညားအောင်မိုး က ပြောသည်။

ရန်ကုန်မြို့နှင့် အနီးတ၀ိုက်ရှိ စက်ရုံ၊ အလုပ်ရုံများ လည်ပတ်နိုင်ရေးနှင့် ပြည်သူများလျှပ်စစ်ဓာတ်အား သုံးစွဲနိုင်ရေး အတွက် ကိုမူ အမေရိကန် ဒေါ်လာ သန်း ၁၅၀ တန် သဘာဝဓာတ်ငွေ့သုံး ဂက်စ် တာဘိုင် ၂ လုံးကို ထိုင်းနိုင်ငံမှ လှူဒါန်း ထားကြောင်း၊ ထိုတာဘိုင် တည်ဆောက်ရန် ဒေါ်လာ ၄၃ သန်းကုန်ကျမည် ဖြစ်ပြီး အကောင်အထည်ဖော်ရန် ဗဟိုအစိုးရကို ပြည်ထောင်စု လွှတ်တော် က ယနေ့ ဆုံးဖြတ်ပေးလိုက်ကြောင်း သိရသည်။

လျှပ်စစ်မီး အခက်အခဲကြောင့် ရန်ကုန်၊ မန္တလေး စသည့်မြို့ကြီးများနှင့် နိုင်ငံတ၀န်း မြို့အများအပြားတွင် လျှပ်စစ်မီး ရရှိရေး အတွက် ဖယောင်းတိုင် ထွန်းညှိ၍ ဆန္ဒပြတောင်းဆိုမှုများ ပြီးခဲ့သည့် မေလ နှင့်ဇွန်လတို့တွင် ဆက်တိုက် ဖြစ်ပွားခဲ့ကြသေး သည်။

Ref: ဧရာဝတီ

Read More...

တော်ဝင်ကုမ္ပဏီ အလုပ်သမား အရေး အပြီးသတ် ဆုံးဖြတ်မည်

လဖိုင်
November 23, 2012

ရွှေပြည်သာမြို့နယ် ၀ါးတရာ စက်မှုဇုန်ရှိ တော်ဝင် ကုမ္ပဏီပိုင် သစ်အချောထည်စက်ရုံမှ ၀န်ထမ်းများ၏ တောင်းဆိုမှုများနှင့် ပတ် သက်၍ လာမည့်ရက်ပိုင်းအတွင်း အပြီးသတ်ဆုံးဖြတ်ပေးသွားမည်ဟု ခုံသမာဓိအဖွဲ့က အလုပ်သမား ကိုယ်စားလှယ်များ ကို ယမန် နေ့က ပြောဆိုကြောင်း သိရသည်။

တော်ဝင် သစ်စက် အလုပ်သမား ၂၆၀ ကျော် ၏ ကိုယ်စားလှယ် ၇ ဦးက အလုပ်သမားများ ကြုံတွေ့နေရသော အခက်အခဲများနှင့် နစ်နာမှုများကို ဖြေရှင်းပေးရန် ခုံသမာဓိအဖွဲ့နှင့် သွားရောက်တွေ့ဆုံရာတွင် ယင်းသို့ အကြောင်းပြန်လိုက်ခြင်း ဖြစ်သည်ဟုအလုပ် သမား ကိုယ်စားလှယ် တဦးက ပြောသည်။

ခုံသမာဓိအဖွဲ့က အလုပ်ရှင်နှင့် အလုပ်သမား အငြင်းပွားနေမှုကို ကြားနာစစ်ဆေးရန် ယင်းအလုပ်သမား ကိုယ်စားလှယ်များ အပါ အ၀င် လုပ်ငန်းရှင်ဘက်မှ ကိုယ်စားလှယ် ၅ ဦးတို့အား နိုဝင်ဘာ ၂၀ ရက်နေ့တွင် ဆင့်ခေါ် စစ်ဆေးခဲ့ကြောင်းလည်း သိရသည်။

တော်ဝင် သစ်အချောထည် စက်ရုံ အလုပ်သမားများသည် လုပ်ခ လစာ မှန်ကန်စွာရရှိရေး အပါအ၀င် အလုပ်သမား အခွင့်အရေး များ အပြည့်အ၀ ရရှိရေးအတွက် ပြီးခဲ့သည့် အောက်တိုဘာ ၂၅ ရက်မှ စတင်၍ ဆန္ဒပြခဲ့ကြခြင်း ဖြစ်သည်။

အလုပ်သမားများ တောင်းဆိုထားသည့် အချက်များမှာ စက်ရုံရှိ အလုပ်သမားများအား အပြင်လုပ်ငန်း ခွင်များသို့ မပို့ရန်၊ အလုပ် သမားများ၏ သဘောတူညီမှုမရဘဲ စည်းကမ်းချက်များ ထုတ်ပြန်ခြင်း မပြုရန်၊ လူမှုဖူလုံရေးကတ် တပတ်အတွင်း ထုတ်ပေးရန်၊ အလုပ်ခန့်အပ်သည့် သဘောတူညီချက်(EC) စာချုပ် အမြန်ဆုံးချုပ်ပေးရန်နှင့် သပိတ်မှောက်တောင်းဆိုခဲ့သည့် ၁၈ ရက်ကြာ ကာလကို တာဝန်ချိန် (On Duty) အဖြစ် သတ်မှတ်ပေးရန် ဟူသည့် အချက်များဖြစ်ပြီး ခုံသမာဓိရုံးက နောက်ဆုံးတချက်မှ အပ အလုပ်ရှင် ဘက်မှ ဆောင်ရွက်ပေးရန် ညှိနှိုင်းဆုံးဖြတ်ပေးခဲ့ခြင်း ဖြစ်ကြောင်း သိရသည်။

နိုဝင်ဘာလ ၁၁ ရက်နေ့တွင် ရန်ကုန်တိုင်းဒေသကြီး အလုပ်သမားရေးဆိုင်ရာ ခုံသမာဓိရုံးက အလုပ်သမားများ တောင်းဆိုသည့် အချက်များထဲမှ အချက် ၄ ချက်အား လိုက်လျောဆောင်ရွက်ပေးရန် ဆုံးဖြတ်ပေးခဲ့သော်လည်း အလုပ်ရှင်ဘက်က ဆောင်ရွက် ပေးခြင်း မရှိဘဲ ယင်း ဆုံးဖြတ်ချက်နှင့် ပတ်သက်ပြီး အယူခံဝင်ခဲ့သည်။

ခုံသမာဓိရုံး၏ ဆုံးဖြတ်ချက်အရ အလုပ်သမားများက လုပ်ငန်းခွင်ပြန်လည် ၀င်ရောက်ရန် ကြိုးစားသော်လည်း စက်ရုံပိုင်ရှင် ဦး ကိုကိုထွေးက အယူခံဝင်ထားဆဲဖြစ်သောကြေင့်ဟု ဆိုကာ ခွင့်မပြုခဲ့ကြောင်း၊ ထို့ကြောင့် အလုပ်သမားများဘက်မှ ရွှေပြည်သာမြို့နယ် အလုပ်သမားရုံးသို့ သွားရောက်အသိပေး အကြောင်းကြားထားကြောင်း အလုပ်သမားခေါင်းဆောင် ကိုနေလင်းဦးက ပြောပြသည်။

“၁၁ ရက်နေ့မှာ နေပြည်တော်က ဒု ညွှန်ချုပ် ဦးသက်နိုင် ကိုယ်တိုင် အလုပ်သွားဆင်းတော့လို့ ပြောလို့ ကျနော်တို့ ပြန်သွားတာပါ။ ဒါပေမယ့် စက်ရုံအ၀င်လမ်းကို ပိတ်ထားပြီး လုပ်ငန်းခွင် ၀င်လို့ မရခဲ့ဘူး”ဟု ၎င်းက ပြောသည်။

ရွှေပြည်သာ မြို့နယ်အလုပ်သမားရုံးက ခုံသမာဓိအဖွဲ့က ဆုံးဖြတ်ချက်ပေးထားပြီးဖြစ်၍ အယူခံဝင်ထားသည့် ကာလအတွင်း လုပ်ငန်း ခွင်မ၀င်ရောက်သော်လည်း လုပ်ခ ရမည်ဟု ပြောဆိုကြောင်းလည်း ကိုနေလင်းက ပြောပြသည်။

အလုပ်ရှင်ဘက်မှ အယူခံဝင်ထားသည့် ကာလ နိုဝင်ဘာ ၁၂ ရက်နေ့မှ ၁၉ ရက်နေ့အထိ အတွက် လုပ်ခ တပတ်စာလည်း မရ ရှိသဖြင့် စက်ရုံအလုပ်သမားများ သည် နိုဝင်ဘာ ၁၉ ရက်နေ့တွင် ရွှေပြည်သာ အလုပ်သမားရုံးရှေ့သို့သွားရောက်ကာ တပတ် စာလုပ်ခ ရရှိရေး ဆောင်ရွက်ပေးရန် တင်ပြတောင်းဆိုခဲ့ကြသေးကြောင်း သိရသည်။

Ref: ဧရာဝတီ

Read More...

ဒီမိုကရေစီ တကယ်လိုလားရင် ဖွဲ့စည်းပုံ ကို ပြင်မှဖြစ်မယ်လို့ ဒေါ်စု ပြောကြား

2012-11-22

အမျိုးသားဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်း စုကြည် က ဒီမိုကရေစီ တကယ်လိုလားရင် ဒီမိုကရေစီ နည်းမကျတဲ့ လက်ရှိ ဖွဲ့စည်းပုံအခြေခံဥပဒေကို မလွဲမသွေပြုပြင်ဖို့လိုကြောင်း ပြောဆိုလိုက်ပါတယ်။

RFA က ပုံမှန်တင်ဆက်နေတဲ့ “ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည်” အစီအစဉ်အတွက် အင်္ဂါနေ့က ဆက်သွယ်မေးမြန်း ရာမှာ သမ္မတအိုဘားမားက မြန်မာပြည်မှာ ပြည်သူလူထုက ရွေးချယ်တဲ့အစိုးရကသာလျှင် တိုင်းပြည်အုပ်ချုပ်ခွင့်ရှိရေးကို အာမခံတဲ့ ဖွဲ့စည်း ပုံဥပဒေတခု ပေါ်ပေါက်ဖို့လိုကြောင်း ပြောဆိုခဲ့တာနဲ့ဆက်နွယ်ပြီး ဒေါ်အောင်ဆန်းစုကြည်က အခုလိုဝေဖန်ခဲ့တာဖြစ်ပါတယ်။

ဒါပေမယ့် အဲဒီလိုပြုပြင်ဖို့အတွက် NLD ပါတီတခုတည်းရဲ့ သဘောထားနဲ့ ဆောင်ရွက်မှာမဟုတ်ပဲ လွတ်တော်ကိုယ်စားလှယ်အများစုနဲ့ ညှိနှိုင်းဆောင်ရွက်ရမှာဖြစ်တယ်လို့ ဒေါ်အောင်ဆန်းစုကြည်က ပြောပါတယ်။

တဆက်တည်းမှာပဲ ဝန်ကြီးဌာနတွေက နိုင်ငံတော်ဘဏ္ဏာငွေ ကျပ်သန်းပေါင်း ၆ သောင်းခန့် အလွဲသုံးစားပြုခဲ့တာနဲ့ ပတ်သက်ပြီး အဲဒီကိစ္စကို ထိထိရောက်ရောက် အရေးယူဖို့လိုကြောင်းလည်း ပြောဆိုခဲ့ပါတယ်။

ဒါ့အပြင် အိန္ဒိယနိုင်ငံခရီးစဉ်အတွင်း တက္ကသိုလ်တချို့ကို သွားရောက်လေ့လာခွင့်ရခဲ့ရာမှာ အင်မတန်အားကျစရာကောင်းကြောင်းနဲ့ မကြာခင် ရန်ကုန်တက္ကသိုလ် ပြန်လည်ရှင်သန်ရေးအတွက် ကော်မတီတခုဖွဲ့စည်းဖုိ့ ကြိုးပမ်းမှာဖြစ်ကြောင်း စသဖြင့် ဒေါ်အောင် ဆန်းစုကြည်က RFA ကို ပြောဆိုခဲ့ပါတယ်။

Ref: အာရ်အဖ်အေ

Read More...

ဒေါက်တာထွန်းအောင်ကို ထောင်ဒဏ် ၁၂ နှစ် ကျခံစေရန် အမိန့်ချမှတ်

2012-11-22

ပြီးခဲ့တဲ့ဇွန်လက ရခိုင်ပြည်နယ် အတွင်း ဖြစ်ပွားခဲ့တဲ့ ပဋိပက္ခတွေနဲ့ပတ်သက်ပြီး အာဏာပိုင်တွေက အမှု ၅ မှုနဲ့ဖမ်းဆီးထိန်းသိမ်းခဲ့တဲ့ ဒေါက်တာထွန်းအောင်(ခေါ်) နုရာဟက်ကို စစ်တွေခရိုင် တရားရုံးက အလုပ်နဲ့ ထောင်ဒဏ် ၁၂ နှစ် ကျခံစေဖို့ မနေ့က အပြီးသတ် အမိန့် ချမှတ်လိုက်ပါတယ်။

ပြည်သူပိုင်ပစ္စည်း ကာကွယ်စောင့်ရှောက်ရေး အက်ဥပဒေပုဒ်မ-၆(၁)အရ အလုပ်နဲ့ ထောင်ဒဏ် ၁ နှစ်၊ နိုင်ငံတော် ငြိမ်ဝပ် ပိပြားမှုကို ပျက်ပြားစေတဲ့ အမှုအပေါ် အလုပ်နဲ့ ထောင်ဒဏ် ၄ နှစ်၊ အရေးပေါ် စီမံမှုအက်ဥပဒေ ပုဒ်မ-၅(ည) အရ အလုပ်နဲ့ ထောင်ဒဏ် ၇ နှစ် စုစုပေါင်း အလုပ်နဲ့ ထောင်ဒဏ် ၁၂ နှစ်ကို သီးခြားစီ ထပ်မံကျခံစေဖို့ မနေ့က ချမှတ်ခဲ့တာပါ။

ဒေါက်တာထွန်းအောင်(ခေါ်) နုရာဟက်ကို ပြီးခဲ့တဲ့ သြဂုတ်လကုန်ပိုင်းက နိုင်ငံခြားငွေ လဲလှယ်မှု စည်းမျဉ်း သတ်မှတ်ရေး အက် ဥပဒေပုဒ်မ-၂၄(က) အရ ထောင်ဒဏ် ၃ နှစ်ကျခံစေဖို့ စစ်တွေခရိုင် တရားရုံး ကပဲ အမိန့် ချမှတ်ပေးခဲ့ပြီး ကျန်ရှိနေသေးတဲ့ ပုဒ်မတွေအတွက် မနေ့က အပြီးသတ် အမိန့်ချမှတ်ခဲ့တာ ဖြစ်ပါတယ်။

ဒေါက်တာ ထွန်းအောင်ကို အာဏာပိုင်တွေက အမှု ၅ မှုနဲ့ စွဲချက်တင်ခဲ့ပေမယ့် အဲဒီအထဲက ပြစ်မှုဆိုင်ရာ ဥပဒေပုဒ်မ-၄၆၈ ၊ ၄၂၀ - မှတ်ပုံတင်အတု ပြုလုပ်တဲ့အပေါ် ပြစ်မှု မထင်ရှားတဲ့အတွက် အဲဒီပုဒ်မကို ပလပ်ခဲ့ပါတယ်။

ဒေါက်တာထွန်းအောင်ကို ပြီးခဲ့တဲ့ဇွန်လ ၁၁ ရက်နေ့က မောင်တောမြို့ ကုလသမဂ္ဂ UNHCR ရုံးခွဲမှာ ခိုလှုံနေစဉ် ဒေသဆိုင်ရာ အာဏာပိုင်တွေက မောင်တောမြို့ အကြမ်းဖက် တိုက်ခိုက်မှုတွေနဲ့ ဆက်စပ်ပြီး ဖမ်းဆီးခဲ့တာပါ။ အဲဒီအချိန်ကတည်းက မိသားစုဝင် တွေနဲ့လည်း တွေ့ခွင့်မရခဲ့ဘူးလို့ မိသားစုဝင်တွေက ပြောပါတယ်။

စစ်တွေခရိုင်တရားရုံးမှာ အမှုတွေ ရင်ဆိုင်နေရချိန်အတွင်း အာဏာပိုင်တွေရဲ့ စွပ်စွဲချက်တွေကို ခုခံချေပဖို့အတွက် ရှေ့နေမရှိဘဲ မိမိကိုယ်တိုင် ချေပလျှောက်လဲခဲ့ရတယ်လို့ ဆိုပါတယ်။

ဒေါက်တာထွန်းအောင်(ခေါ်) နုရာဟက်ဟာ ၁၉၉၀ ခုနှစ် နိုင်ငံရေး အခင်းအကျင်းကာလမှာ လူ့အခွင့် အရေးနဲ့ ဒီမိုကရေစီပါတီက မောင်တောမြို့နယ် လွှတ်တော် ကိုယ်စားလှယ်တစ်ဦးဖြစ်တယ်လို့ သိရှိရပါတယ်။

Ref: အာရ်အဖ်အေ

Read More...

ရွှေပါရမီဆေးခန်းကို ရွှေ့ပြောင်း လုပ်သားတွေ လာရောက်ဆေးကုသ

2012-11-22

ရွှေပါရမီတောရ ဆရာတော် အရှင်ဆန္ဒာဓိက ဦးဆောင်တဲ့ ရွှေပါရမီ ကျန်းမာရေးဖောင်ဒေးရှင်းက ထိုင်း-မြန်မာနယ်စပ် မြဝတီမြို့ အမှတ် (၁)ရပ်ကွက် မိုးကုတ်စက်ဝိုင်းကျောင်းတိုက်မှာ လာရောက်ပြီး အခမဲ့ဆေးကုသပေးနေရာမှာ မဲဆောက်ရောက် မြန်မာ ရွှေ့ပြောင်း အလုပ်သမားများပါသွားရောက် ဆေးကုသခံယူကြပါတယ်။

ရွှေပါရမီ ကျန်းမာရေးဖောင်ဒေးရှင်းရဲ့ အခမဲ့ ဆေးကုသမှုဖွင့်ပွဲကို အရှင်ဆန္ဒာဓိက ရွှေပါရမီတောရ ဆရာတော် ကိုယ်တိုင် ဒီကနေ့ဖွင့်လှစ်ပေးခဲ့ပြီး ဆေးဝါးကုသမှုခံယူ ဖို့ မြဝတီနဲ့ မဲဆောက်မြို့ရောက် ရွှေ့ပြောင်းမြန်မာအလုပ် သမား လူနာ စုစုပေါင်း (၂၅ဝဝ)ကျော် လာရောက်ခဲ့ကြတယ်လို့ ရွှေပါရမီ ကျန်းမာရေးဖောင်ဒေးရှင်း မဲဆောက် တာဝန်ခံ ကိုရှည်ကြီးက ပြောပါတယ်။

ကုသပေးတဲ့ရောဂါတွေကတော့ သွား၊ မျက်စိ၊ နား၊ နှာခေါင်း၊ လည်ချောင်း၊ လည်ပင်းကြီး၊ နှုတ်ခမ်းကွဲ၊ အာခေါင်ကွဲ၊ ဦးနှောက်နဲ့ အာရုံကြော၊ အရေပြား၊ အမျိုးသမီးရောဂါနဲ့ အထွေထွေရောဂါတို့ဖြစ်ပြီး အထူးကုဆရာဝန်ကြီးတွေက ဒီကနေ့ကစပြီး နိုဝင်ဘာ (၂၄)ရက်နေ့အထိ ကုသပေးသွားမှာဖြစ်ပါတယ်။

ဆေးဝါးကုသမှုခံယူဖို့ စာရင်းပေးသွင်းထားတဲ့ ထိုင်းနိုင်ငံ မဲဆောက်က ရွှေ့ ပြောင်းမြန်မာအလုပ်သမား လူနာတွေ အတွက် မဲဆောက်အခြေစိုက် မနောဖြူစင်ရေလှူအသင်းက သွားလာရေးအတွက် အခမဲ့ ကားစီစဉ် ပို့ဆောင်ပေး နေပြီး မြန်မာပြည် သားစေတနာ့ဝန်ထမ်း (၂ဝဝ)ကျော်က ဆေးကုသရာမှာ ကူညီလုပ်ဆောင်ပေးနေတယ်လို့ သိ ရပါတယ်။

ရွှေပါရမီကျန်းမာရေး ဖောင်ဒေးရှင်းကို ရွှေပါရမီတောရဆရာတော် အရှင်ဆန္ဒာဓိက၏ ဦးဆောင်မှုနဲ့ ၂ဝ၁၁ခုနှစ်၊ သြဂုတ်လ (၁၄)ရက်က စတင် တည်ထောင်ခဲ့တာပါ။ မြဝတီမြို့ မိုးကုတ်စက်ဝိုင်းကျောင်းတိုက်အနီးမှာ ရွှေပါရမီ ကျန်းမာရေး အလှူမေတ္တာ ဆေးခန်းကို ဒီနှစ်၊ ဖေဖော်ဝါရီလ (၂ဝ)ရက် နေ့က ဖွင့်လှစ်ခဲ့ပြီး တပတ်မှာ (၂)ရက် အခမဲ့ ဆေးကုပေးနေတယ်လို့လည်း သိရပါတယ်။

Ref: အာရ်အဖ်အေ

Read More...

ဆီရထားမီးလောင်မှု နောက်ဆက်တွဲ ဆေးရုံမှာ သေဆုံးသူ ၃၁ ယောက်ရှိနေ

2012-11-22

စစ်ကိုင်းတိုင်း ကန့်ဘလူမြို့နယ် ချပ်ကြီးဘူတာမှာ ဒီလ ၉ ရက်နေ့က ဆီရထားတွဲ မှောက်ရာက မီးလောင်ပြီး ထိခိုက်ဒဏ်ရာ ရသူတွေ ကန့်ဘလူဆေးရုံမှာ မနေ့ကအထိ ၁၀ ရက် အတွင်း သေဆုံးတဲ့လူနာပေါင်း ၃၁ ယောက် ရှိသွားပြီလို့သိရပါတယ်။ လောလောဆယ် ကျန်ရှိတဲ့လူနာက ၃၀ လောက် ရှိသေးတယ်လို့လည်း သိရပါတယ်။

ရထားမှောက်တဲ့နေ့က သေဆုံးသူ ၂၅ ယောက်နဲ့ဆိုရင် စုစုပေါင်း သေဆုံးသူ ၅၆ ယောက်ရှိသွားပြီလို့ သိရပါတယ်။

နိုဝင်ဘာလ ၉ ရက်နေ့က မန္တလေးကနေ မြစ်ကြီးနားကိုသွားမယ့် အဲဒီ ဆီရထားတွဲတိမ်းမှောက်ရာကကျလာတဲ့ ဆီတွေကို ဒေသခံတွေက ခပ်ယူနေတဲ့အချိန် မီးလောင်မှုဖြစ်ပွားခဲ့တာပါ။

မီးလောင်မှုကြောင့် ထိခိုက် သေဆုံးသူအများစုဟာ ကန့်ဘလူမြို့နယ် ချပ်ကြီးကျေးရွာကဖြစ်ပြီး ကောလင်းလူစီးရထားတွဲပေါ်ကနေ လာရောက်ကြည့်ရှုသူ ခရီးသည် တချို့လည်းပါတယ်လို့ သိရပါတယ်။

မီးလောင်ဒဏ်ရာနဲ့ လူနာ ၃၀ လောက်ကို ရေရှည်ကုသဖို့ လိုတဲ့အကြောင်း ကန့်ဘလူမြို့ ဆေးရုံအုပ်ကြီး ဒေါက်တာ မိုးမြင့်ဝင်းက အခုလို ပြောပါတယ်။

“မီးလောင်ဒဏ်ရာရတဲ့လူတွေက များသောအားဖြင့် ကြာတယ်ဗျ အချိန်မရွေးကုရမှာ လိုအပ်တဲ့အခါကျရင် ကျနော်တို့က အရေပြား အစားထိုးပြီးကုမယ့် အဆင့်အထိ ကျနော်တို့ဆီမှာတော့ ပြင်ထားတယ် မီးလောင်ဒဏ်ရာရတဲ့အထဲမှာ ၁၀၀ percents burn တွေလဲ ပါတယ်။ ၂ယောက်လောက် ကျနော်တို့ဆီမှာ ကျန်တယ်။ အဲဒီဟာတော့ အခြေအနေက စိုးရိမ်ရတယ် ကျန်တဲ့လူနာတွေ ကတော့ သိပ်မဆိုးဘူးပြောရမှာပဲ”

မီးလောင်ခံရတဲ့ လူနာတွေအတွက် ကျန်းမာရေးဝန်ကြီးဌာနက ထောက်ပံ့ငွေ သိန်း၁၀၀ နဲ့ တသီးပုဂ္ဂလ စေတနာရှင်တွေရဲ့ ကူညီ ထောက်ပံ့ငွေ သိန်း ၃၈၀ လောက်ရှိနေပေမယ့် လူနာတွေကို ရေရှည်ကုသရမှာ ဖြစ်တဲ့အတွက် ဆေးဝါးနဲ့ ငွေကြေးအကူအညီတွေ ဆက်လက်လိုအပ်နေအုံးမယ်လို့ ဒေါက်တာ မိုးမြင့်ဝင်းက ပြောပါတယ်။

ရန်ကုန်၊ စစ်ကိုင်း၊ မုံရွာ၊ မန္တလေး စတဲ့မြို့တွေကလည်း ကူညီထောက်ပံ့တာတွေရှိပြီး မီးလောင်ခံရတဲ့ ကန့်ဘလူဆေးရုံရှိ လူနာနဲ့ လူနာစောင့်တွေအတွက် မြို့ပေါ်ရပ်ကွက်တွေက စားရေးသောက်ရေး အကူအညီပေးနေကြတယ်လို့ သိရပါတယ်။

Ref: အာရ်အဖ်အေ

Read More...

မြန်မာ့စီးပွားရေး ခိုင်မာလာနိုင်ကြောင်း IMF ခန့်မှန်း

22.11.2012

မြန်မာနိုင်ငံရဲ့ စီးပွားရေး ဖွံ့ဖြိုးမှုနှုန်းဟာ ရှေ့နှစ်မှာ ၆.၂၅% တိုးတက်လာနိုင်တယ်လို့ နိုင်ငံတကာ ငွေကြေးရန်ပုံငွေအဖွဲ့ (IMF) က ခန့်မှန်း ပြောဆိုလိုက်ပါတယ်။ မကြာသေးခင်က စတင်လာခဲ့တဲ့ မြန်မာနိုင်ငံရဲ့ ပြုပြင် ပြောင်းလဲမှုတွေနဲ့အတူ နိုင်ငံခြား ရင်းနှီး မြှုပ်နှံမှုတွေ တိုးလာနေတာတွေကြောင့် မြန်မာ့စီးပွားရေး ရှေ့လျှောက် ခိုင်မာလာနိုင်တယ်ဆိုတာကို စီးပွားရေးပညာရှင် တချို့ ကလည်း သဘောတူပါတယ်။ မြန်မာ့စီးပွားရေး တိုးတက်မှု အလားအလာနဲ့ ရေရှည်ခံတဲ့ စီးပွားရေး ပြုပြင် ပြောင်းလဲမှုတွေဖြစ်ဖို့ ဘာတွေ လိုအပ်မလဲ ဆိုတာကို ဆက်သွယ် စုံစမ်းထားတဲ့ မခင်ဖြူထွေးက တင်ပြထားပါတယ်။

သိပ်မကြာခင် နှစ်ပိုင်းကပဲ စတင်လာခဲ့တဲ့ မြန်မာနိုင်ငံရဲ့ ပြုပြင် ပြောင်းလဲမှုတွေနဲ့အတူ သဘာဝ အရင်းအမြစ်နဲ့ နိုင်ငံခြား ပို့ကုန် ပစ္စည်း ထုတ်လုပ်တဲ့လုပ်ငန်းတွေမှာ ရင်းနှီးမြှုပ်နှံ မှုတွေ တိုးလာနေတာတွေကြောင့် မြန်မာနိုင်ငံဟာ အာရှမှာ ထွန်းတောက်လာ တော့မယ့် ကြယ်တပွင့်လို့တောင် နိုင်ငံတကာ ငွေကြေးရန်ပုံငွေအဖွဲ့ IMF ရဲ့ မြန်မာနိုင်ငံဆိုင်ရာ အကြီးအကဲ Meral Karasulu က ဗုဒ္ဓဟူးနေ့က ပြောဆိုလိုက်တာပါ။

မြန်မာနိုင်ငံရဲ့ စီးပွားရေး ဖွံ့ဖြိုးမှုနှုန်းဟာ ရှေ့နှစ်မှာ ၆.၂၅% ထိ တက်လာနိုင်တယ်လို့လည်း IMF က ခန့်မှန်းလိုက်တာပါ။ ဒါဟာ သိပ် အကောင်းမြင်လွန်းရာ ကျနေပါသလား၊ ရန်ကုန် စီးပွားရေးတက္ကသိုလ် ပါမောက္ခချုပ်ဟောင်း ဦးကျော်မင်းထွန်းကတော့ အခု IMF က ခန့်မှန်းတဲ့နှုန်းဟာ ဖြစ်နိုင်ခြေရှိတဲ့ ဖွံ့ဖြိုးမှုနှုန်းပါလို့ ဆိုပါတယ်။

“ပြည်တွင်းမှာ ခုနကပြောတဲ့ ဆင်းရဲမှုတွေပေါ့နော်။ ဆင်းရဲမှုတွေက ရှိနေတယ်ဆိုတာ တကယ်တော့ မမှားပါဘူး။ မှန်ပါတယ်။ ဒါပေမဲ့ IMF က အခု လာမယ့်နှစ်မှာ ၆.၂၅% လို့ ခန့်မှန်းတာဟာ ကျနော်ကတော့ လုံးဝကို ဖြစ်နိုင်တယ်လို့ ထင်တယ်လေ။ ကျနော်တို့က plan အနေနဲ့ ၆.၇ လို့ ခန့်မှန်းခဲ့တာကိုး။ ဒါပေမဲ့ အခုက ၆.၂၅ ဆိုတာကတော့ ကျနော် ထင်ပါတယ်။ reasonable ပေါ့။ ဖြစ်နိုင်တဲ့နှုန်းပါပဲ။ ဘာဖြစ်လို့လဲဆိုတော့ .၂၅ ပဲ။

“အခြေအနေကတော့ မနှစ်ကနဲ့ ဒီနှစ်က လုံးဝကို မတူပါဘူး။ ပြောင်းလဲမှုကတော့လေ ကျနော်တို့ ဒီ ရင်းနှီးမြှုပ်နှံမှုမှာ၊ ကုန်သွယ် မှုတွေမှာလည်း တက်လာတယ်။ ရင်းနှီးမြှုပ်နှံ မှုလည်း ဘာပဲဖြစ်ဖြစ်ပေါ့လေ တကယ် အမှန်အကန် ၀င်မလာသေးပေမဲ့ တော်တော် လေး စိတ်ဝင်တစားနဲ့ လာနေကြတာတွေ၊ စုံစမ်းနေကြတာတွေ၊ ၀င်ဖို့ ပြင်ဆင်နေတာတွေက အများကြီးပဲရှိတယ်။ အဲဒီတော့ ကျနော်တို့ကလည်း တကယ်တော့ ဒီ ၆.၂၅ ဆိုတာက ကျနော်တို့ရဲ့ မျှော်မှန်းချက်က ၆.၂၅ နဲ့ထားရင်တောင်မှ အမှန်တကယ် ဆိုရင် နည်းတယ်။ ကျနော်တို့က ခုနကပြောသလို ၈%၊ ၉% လောက်ကို ရအောင် လုပ်နိုင်မှ။ ဒါပေမဲ့ ကျနော်တို့ ရနိုင်သလားဆို တော့ ရဖို့ အခွင့်အလမ်းတွေရော၊ အခြေအနေတွေရော ရှိပါတယ်။”

ဒီသီတင်းပတ် အစောပိုင်းကပဲ အမေရိကန်သမ္မတ အိုဘားမား မြန်မာနိုင်ငံကို လာရောက်ခဲ့ တာနဲ့အတူ မြန်မာအပေါ် အမေရိကန်ရဲ့ ဒဏ်ခတ်ပိတ်ဆို့မှုတွေ အထိုက်အလျောက် ဖြေလျှော့ပေးခဲ့တာတွေကလည်း အမေရိကန်နဲ့ အနောက်နိုင်ငံတွေအနေနဲ့ မြန်မာအပေါ် မှာ ယုံကြည်မှု ပိုပြီး ဖြစ်လာစေတာကြောင့်မို့လို့ ဒီအချက်ကလည်း မြန်မာ့စီးပွားရေး ဖွံ့ဖြိုး တိုးတက်ဖို့မှာ အထောက်အကူတရပ် ဖြစ်စေတယ်လို့လည်း ဦးကျော်မင်းထွန်းက သုံးသပ် ပါတယ်။

ဒီလို အလားအလာကောင်းတဲ့ စီးပွားရေး ဖွံ့ဖြိုးတိုးတက်မှုတွေ ရေရှည် ဖြစ်လာနိုင်ပါလား။ ဒီလိုဖြစ်ဖို့မှာ ဘယ်အရာတွေကို အဓိက ပြုပြင် ပြောင်းလဲသင့်ပါလဲ။ ဦးကျော်မင်းထွန်းက တော့ ခုလို ထောက်ပြပါတယ်။

“ဘာတွေ လိုလဲဆိုတော့ ဘာတွေလိုသလဲဆိုတာကို Pin-Point တခုချင်း ပြောစရာ မလိုဘူး။ ဘာတွေလိုလဲဆို အကုန်လုံး လိုတာပဲ။ ကျနော်တို့မှာ ငွေရေးကြေးရေးကဏ္ဍ၊ အဲဒီအပိုင်းထဲမှာ ဘဏ်တွေ၊ နောက် taxation system (အခွန်စနစ်) တွေ၊ legal framework (ဥပဒေပိုင်းဆိုင်ရာ ချမှတ်ဆောင်ရွက်မှု) တွေ၊ regulatory practice (စည်းမျဉ်းစည်းကမ်းပိုင်းဆိုင်ရာ လိုက်နာဆောင်ရွက်မှု) တွေ။

“ကျနော်တို့မှာ regulation က တချိန်လုံး စိုးရိမ်တကြီးနဲ့ regulation တွေက များနေတော့ အဲဒါတွေလည်း ကျနော်တို့က ပြန်ပြီးတော့ ပြုပြင်ရမယ်။ ဆိုတော့ ကျနော်တို့ရဲ့ ပြုပြင်ရမယ့် ဟာတွေက အများကြီးပဲ။ နောက်ဆုံး ကျနော်တို့ ပညာရေးနဲ့ ကျန်းမာရေးမှာကိုက ကျနော် ထင်တယ်၊ အခု တော်တော်လေး ပြုပြင် ပြောင်းလဲမှုတွေ လုပ်နေပေမဲ့ လုပ်စပြုလာတဲ့ အချိန်ပဲ၊ စရုံပဲ။ just starting point ပဲ။

“အခု ဒီ နိုင်ငံတကာအဖွဲ့တွေက ပြောသလိုပေါ့ human capital ဖြစ်တဲ့ ပညာရေးနဲ့ ကျန်းမာ ရေးကိုတော့ ကျနော်တို့က ပိုပြီးတော့ လုပ်ပေးရမှာပေါ့။ ဒါမှ ကျနော်တို့က ယုတ်လျော့နေတဲ့ တိုးတက်မှုမျိုး မဟုတ်ဘဲနဲ့ သူက အရှိန်အဟုန်နဲ့ တိုးတက်မှုကို ရဖို့က ပညာရေးနဲ့ ကျန်းမာရေးကိုတော့ အဓိက လုပ်ရမယ်။ သို့သော် အဲဒါတွေတင်ပဲ လုပ်လို့လည်းမရဘူး။ တဘက်က ဘဏ္ဍာရေး ဆိုင်ရာမှာလည်း အများကြီးကို လိုအပ်ချက်တွေရှိတယ်။”

ရန်ကုန် စီးပွားရေးတက္ကသိုလ် ပါမောက္ခချုပ်ဟောင်း ဦးကျော်မင်းထွန်းကို ဆက်သွယ် မေးမြန်းခဲ့တာပါ။

မြန်မာနိုင်ငံအနေနဲ့ ပြီးခဲ့တဲ့နှစ်ပိုင်းကပြီး နိုင်ငံရေးနဲ့ စီးပွားရေး ပြုပြင်ပြောင်းလဲမှုတချို့ လုပ်လာခဲ့တဲ့အပေါ်မှာ အနောက်နိုင်ငံတွေက လည်း ဒါကို အသိအမှတ်ပြုတဲ့အနေနဲ့ မြန်မာ အပေါ် အရေးယူပိတ်ဆို့မှုတွေ လျှော့ပေါ့ပေးခဲ့သလို IMF အပါအ၀င် နိုင်ငံတကာ ဘဏ္ဍာရေး အဖွဲ့အစည်းတွေကလည်း မြန်မာနိုင်ငံနဲ့ ဆက်ဆံရေး ပြန်လည် တည်ဆောက်ပြီး ငွေကြေးနဲ့ နည်းပညာရပ်ပိုင်းဆိုင်ရာ အကူအညီတွေ ပြန်ပြီး ပေးအပ်လာတာလည်း ဖြစ်ပါတယ်။

Ref: ဗွီအိုအေ

Read More...

တရုတ်ပတ်(စ်)ပို့ပါမြေပုံ ဖိလစ်ပိုင်ကန့်ကွက်

22.11.2012

တရုတ်နိုင်ငံကူး လက်မှတ် အသစ်ပေါ်မှာ တွေ့ရတဲ့ မြေပုံထဲမှာ တောင်တရုတ် ပင်လယ်ပြင်ဒေသ တခုလုံးကို တရုတ် ပိုင်နက်အဖြစ်နဲ့ ဖော်ပြထားတဲ့ အတွက် ဖိလစ်ပိုင်နိုင်ငံက ကန့်ကွက် လိုက်ပါတယ်။ ဒီပိုင်နက်ဖော်ပြချက်ထဲမှာ ဖိလစ်ပိုင်နိုင်ငံရဲ့ ရေနဲ့ မြေပိုင်နက်တချို့ပါ ပါဝင်နေတယ်လို့ ဖိလစ်ပိုင် နိုင်ငံခြားရေးဝန်ကြီး Albert del Rosario က ကြာသပတေးနေ့က ထုတ်ဖော်ပြောကြားလိုက်ပါတယ်။​

တောင်တရုတ်ပင်လယ်ပြင်ဒေသက ရေပြင်ပိုင်နက်ပြဿနာဟာ တရုတ်နဲ့ ဖိလစ်ပိုင် နှစ်နိုင်ငံကြား ကာလကြာရှည်စွာ ဖြစ်ပေါ်နေတာပါ။ တရုတ်က အဲ့ဒီ့ဒေသတခုလုံးကို ပိုင်ဆိုင်တယ်လို့ ကြွေးကြော်နေတာမို့ ဒီဒေသမှာ တရုတ်နဲ့ ဖိလစ်ပိုင် နှစ်နိုင်ငံ သင်္ဘောသွားလာမှု ဆိုင်ရာ ထိပ်တိုက်တွေ့ကြပြီး ပြဿနာတွေ အခုထိ တင်းတင်းမာမာဖြစ်ပွားနေဆဲပါ။

ဒီရေပြင်မှာ ဖိလစ်ပိုင်အပြင် ဗီယက်နမ်၊ ဘရူနိုင်းနဲ့ မလေးရှားနိုင်ငံတို့ကလည်း တရုတ်နဲ့ ရေပြင်ပိုင်နက်အငြင်းပွားမှုတွေဖြစ်နေပါတယ်။ ရေပြင်အကျယ်စတုရန်းမိုင်- တစ်သန်းသုံးသိန်းခွဲ ကျယ်တဲ့ ဒီရေပြင်ဟာ ကမ္ဘာ့ရေကြောင်းသွားလာရေးမှာ အများဆုံးသုံးတဲ့နေရာ ဖြစ်သလို ငါးသယံဇာတနဲ့ စွမ်းအင်ဆိုင်ရာ သယံဇာတတွေ အများအပြားထွက်တဲ့နေရာလည်း ဖြစ်ပါတယ်။

Ref: ဗွီအိုအေ

Read More...

ဆီးရီးယား-တူရကီနယ်စပ် ဒုံးခွင်းဒုံးမထားဖို့ ရုရှားသတိပေး

22.11.2012

ဆီးရီးယားနဲ့ နယ်နိမိတ်ချင်း ထိစပ်နေတဲ့ တူရကီဘက်အခြမ်းမှာ Patriot ဒုံးခွင်းဒုံးတွေ မချဖို့ နေတိုးအဖွဲ့ကို ရုရှားက သတိပေး လိုက်ပါတယ်။ အဲဒီ ဒုန်းကျည်တွေချထားဖို့ အနောက်အုပ်စု မဟာမိတ်တပ်ဖွဲ့အပေါ် တူရကီရဲ့ တောင်းဆိုမှုဟာ ဒေသတွင်း တည်ငြိမ် ရေးကို အထောက်အကူ ဖြစ်စေမှာ မဟုတ်ဘူးလို့ ရုရှားနိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Alexander Lukashevich က ကြာသပတေးနေ့မှာ သတိပေး ပြောလိုက်တာပါ။

ဆီးရီးယားနိုင်ငံမှာ ဖြစ်နေတဲ့ ပြည်တွင်းစစ်က မိုင် ၅၆၀ လောက်ရှည်လျားတဲ့ တူရကီ နယ်စပ်ကို ကူးစက်လာမယ့်အရေးက ဟန့်တားနိုင်အောင် ဒုံးကျည်တွေ ချထားဖို့ တူရကီရဲ့တောင်းဆိုမှုကို နေတိုးတပ်ဖွဲ့က တူရကီအရာရှိတွေနဲ့ အရင်ဆွေးနွေးခဲ့ပြီး ဗုဒ္ဓဟူးနေ့မှာတော့ နေတိုးအရာရှိတွေ ဒီကိစ္စကို ဆွေးနွေးခဲ့ကြတာပါ။

ဒုံးကျည်တွေ ချထားခြင်းအားဖြင့် အရှေ့တောင်ပိုင်းမှာ ရှိနေတဲ့ နေတိုးမဟာမိတ်အဖွဲ့ဝင် တူရကီနိုင်ငံရဲ့ လေကြောင်း ကာကွယ်ရေးကို အထောက်အကူဖြစ်စေမယ် လို့ နေတိုးအတွင်းရေးမှူးချုပ် Anders Fogh Rasmussen က ပြောပါတယ်။

သူတို့ကို အဲဒီ အဆင့်မြင့် Patriot ဒုံးခွင်းဒုံးတွေ နေတိုးကပေးဖို့ သဘောတူထားတယ်လို့ တူရကီက အင်္ဂါနေ့က ပြောပါတယ်။ တကယ်တော့ အမေရိကန်၊ နယ်သာလန်နဲ့ ဂျာမနီနိုင်ငံတို့သာ အဲဒီ ဒုံးခွင်းဒုံးပိုင်ဆိုင်ကြတာပါ။ တူရကီရဲ့ တောင်းဆိုမှုကို လိုက် လျောပေးဖို့ သူတို့ရဲ့ နေတိုးဆိုင်ရာ သံအမတ်ကို ညွန်ကြားထားတယ်လို့ ဂျာမနီ နိုင်ငံခြားရေးဝန်ကြီး Guido Westerwelle က ပြောပါတယ်။

ဆီးရီးယားသမ္မတ Bashar al-Assad အစိုးရကို ဆန့်ကျင်တဲ့ တော်လှန်ရေး အင်အားစုတွေကို အစိုးရတပ်တွေက လိုက်လံ တိုက်ခိုက်နေတာမှာ တူရကီဘက်အခြမ်းက ကျေးရွာတွေကိုပါ အမြောက်တွေ ထိမှန်နေတာ ဖြစ်ပါတယ်။

Ref: ဗွီအိုအေ

Read More...

မြန်မာအတွက် နယူးဇီလန်အကူအညီ ဒေါ်လာ ၇ သန်း ပေးမည်

22.11.2012
နယူးဇီလန်အစိုးရက မြန်မာနိုင်ငံကို အမေရိကန်ဒေါ်လာ ၇ သန်း ကူညီထောက်ပံ့မှု ပေးမယ်လို့ မြန်မာနိုင်ငံမှာ အလည်ပတ် ရောက်ရှိနေတဲ့ နယူးဇီလန်ဝန်ကြီးချုပ်က ကြေညာလိုက်ပါတယ်။

မြန်မာသမ္မတ ဦးသိန်းစိန်နဲ့ နေပြည်တော်မှာ တွေ့ဆုံပြီးတဲ့နောက် နယူးဇီလန်ဝန်ကြီးချုပ် မစ္စတာဂျွန်ကီး (John Key) က အခုလို အကူညီပေးမယ့် အစီအစဉ်ကို ထုတ်ပြန်ကြေညာ လိုက်တာဖြစ်ပါတယ်။

ဒီလိုအကူအညီပေးတဲ့ အစီအစဉ်အရ ပေါ်ပေါက်လာမယ့် နို့နဲ့နို့ထွက်ပစ္စည်း ထုတ်လုပ်မှု လုပ်ငန်းမှာ နယူးဇီလန်နိုင်ငံက နောက် လာမယ့် ၅ နှစ်အတွက် ဒေါ်လာ ၆ သန်း ရင်းနှီး မြှုပ်နှံမှု ပြုလုပ်မှာဖြစ်တယ်လို့ နယူးဇီလန်ဝန်ကြီးချုပ် မစ္စတာကီးက ပြောပါတယ်။ ပညာသင်ဆုနဲ့ အင်္ဂလိပ်စကားပြော သင်တန်းတွေအတွက်လည်း အကူညီတွေ ပေးနေပြီ ဖြစ်ကြောင်း ပြောပါတယ်။

မကြာခင်က ရခိုင်ပြည်နယ်အတွင်းဖြစ်ပွားခဲ့တဲ့ ပဋိပက္ခတွေကြောင့် အိုးအိမ်စွန့်ခွာ ထွက်ပြေး ခဲ့ရသူတွေအတွက်လည်း ဒေါ်လာ တစ်သန်း အကူအညီပေးမှာ ဖြစ်ကြောင်း နယူးဇီလန် ၀န်ကြီးချုပ် မစ္စတာကီးက ပြောပါတယ်။

မြန်မာနိုင်ငံအနေနဲ့ ကျယ်ပြန့်တဲ့ နိုင်ငံတကာ အသိုင်းအ၀ိုင်းအတွင်း ပြန်လည်ပါဝင်လာစေ ရေး နယူးဇီလန်နိုင်ငံက ထောက်ခံ မှာဖြစ်ကြောင်း မစ္စတာကီးက သမ္မတ ဦးသိန်းစိန်ကို ပြောဆိုခဲ့ပါတယ်။

သမ္မတဦးသိန်စိန်က ပြီးခဲ့တဲ့နှစ်အတွင်း လုပ်ဆောင်ခဲ့တဲ့ ပြုပြင်ပြောင်းလဲရေးလုပ်ငန်းတွေနဲ့ ရင်ဆိုင်ရမယ့် အခက်အခဲတွေကို ရှင်းပြခဲ့သလို ရခိုင်ပြည်နယ်အတွင်းမှာ ဖြစ်ပွားနေတဲ့ အကြမ်းဖက်မှုတွေနဲ့ ပတ်သက်ပြီး အစိုးရက အရေးယူ လုပ်ဆောင်နေတာ တွေကို ရှင်းပြခဲ့ တယ်လို့ နယူးဇီလန်ဝန်ကြီးချုပ်က ပြောပါတယ်။

နယူးဇီလန်နိုင်ငံဟာ ရှေ့လာမယ့်နှစ်အတွင်း မြန်မာနိုင်ငံမှာ သံရုံးဖွင့်ပြီး နှစ်နိုင်ငံအကြား နိုင်ငံရေးအရကော သံတမန်ရေးအရပါ ထိတွေ့ဆက်ဆံမှုတွေ တိုးချဲ့လုပ်ဆောင် သွားမှာ ဖြစ်တယ်လို့ပြောပါတယ်။

မစ္စတာ ဂျွန် ကီးရဲ့ အခုခရီးစဉ်ဟာ မြန်မာနဲ့ နယူးဇီလန်တို့အကြား ၅၄ နှစ် ကြာ သံတမန် ဆက်ဆံရေးကာလအတွင်း နယူးဇီ လန်ဝန်ကြီးချုပ်တဦးရဲ့ ပထမဆုံး မြန်မာနိုင်ငံခရီးစဉ် ဖြစ်သလို အမေရိကန်သမ္မတ ဘရာ့ခ် အိုဘားမား မြန်မာနိုင်ငံဆီ လာရောက် သွားအပြီး နောက်ထပ် နိုင်ငံတကာ ထိပ်တန်းခေါင်းဆောင်တဦး လာရောက်တာလည်းဖြစ်ပါတယ်။


Ref: ဗွီအိုအေ

Read More...

စစ်ဗိုလ်များနှင့် ပညာရေး (၂)

23 November 2012
တင်ညွန့်

၁၉၆၂ ခုနှစ် မတ်လ ၂ ရက်နေ့၊ နံနက် ၈ နာရီ ၂၅ မိနစ်တွင် မြန်မာ့အသံမှ ကရင်ပိုင်း အစီအစဉ်ကို ထုတ်လွှင့်နေစဉ်၊ အစီအစဉ်ကို ရုတ်တရက် ရပ်ပြီး ကာကွယ်ရေး ဦးစီးချုပ် ဗိုလ်ချုပ်ကြီး နေဝင်းက နိုင်ငံတော် အာဏာကို ဗမာ့ တပ်မတော်မှ တာဝန်ယူစောင့်ရှောက်လိုက်ပြီဖြစ်ကြောင်း ကြေညာလိုက်သည်။

ထိုနေ့နံနက်တွင်ပင် တော်လှန်ရေးကောင်စီကို ဖွဲ့စည်းလိုက်ပြီဖြစ်ကြောင်း မြန်မာ့အသံမှ ကြေညာခဲ့သည်။ တော်လှန်ရေးကောင်စီတွင် အဖွဲ့ဝင် ၁၇ ဦးပါဝင်ပြီး၊ တော်လှန်ရေးကောင်စီဥက္ကဌမှာ ဗိုလ်ချုပ်ကြီးနေဝင်းဖြစ် သည်။ ထိုစဉ်က ပညာရေးဝန်ကြီးဌာနနှင့် ကျန်းမာရေးဝန်ကြီးဌာနကို ပူးတွဲတာဝန်ယူရသူမှာ ဗိုလ်မှူးချုပ် သန်းဖေဖြစ်သည်။ စစ်ဗိုလ်တို့ ပညာရေးလောကတွင် စတင်စိုးမိုး လာသည့် ခေတ်ဦးဟုဆိုရမည်ဖြစ်သည်။

တော်လှန်ရေးကောင်စီတက်လာပြီးမှာ ကြားလာရသည့်ပညာရေးစနစ်မှာ “စနစ်သစ်ပညာရေး” ဟူ၍ဖြစ်သည်။ ကိုလိုနီခေတ် ပညာရေးစနစ်ကို မွမ်းမံဖာထေးထားသည့် ပညာရေးကို အလိုမရှိဟုဆိုကာ “စနစ်သစ်ပညာရေး” ကို ကြွေးကြော်ခဲ့ခြင်းဖြစ်သည်။ စစ်ဗိုလ်များက လက်ရှိကျင့်သုံးနေသည့် ပညာရေးစနစ်သည် ဗျူရိုကရေစီ အုပ်ချုပ်ရေးယန္တရားအတွက် စာရေး၊ စာချီနှင့် အရာ ရှိအရာခံထုတ်လုက်ရေးအတွက် အဓိကထားသည့် ပညာရေးဟူ၍ ကိုလိုနီခေတ် အမျိုးသားရေးစိတ်ဓာတ်ကို ဆက်လက်အမွေခံ ဝေဖန်ပြီး “လက်တွေ့ဘဝနှင့် စပ်ဟပ်ခြင်းမရှိဘဲ ကင်းကွာလျက် နိုင်ငံခြားလောင်းရိပ်မိကာ ပုံတူကူးချမှုများရှိနေသည့်ပညာရေး” ဟု ပက်ပက်စက်စက်ဝေဖန်လိုက်ပြီး “မြန်မာ့ဆိုရှယ်လစ်လမ်းစဉ်၏ ပညာရေးမူဝါဒများ” ကို ချမှတ်လိုက် တော့သည်။ ထိုပညာရေး မူဝါဒတွင် အဓိကအားဖြင့်

(၁) အသက်မွေးဝမ်းကျောင်းမှုကို အထောက်အကူမပြုသော လက်ရှိပညာရေးစနစ်ကို ပြောင်းလဲရမည်။

(၂) အသက်မွေးဝမ်းကျောင်းမှုကို အထောက်အကူပြု၍ စာရိတ္တမြင့်မားမှုကို အခြေခံသော ပညာရေးကို ဆောက်တည်မည်။

(၃) သိပ္ပံပညာကို ဦးစားပေးမည်။

(၄) အခြေခံပညာကို လူတိုင်းသင်ယူနိုင်ခွင့်ရရေးကို ဦးတည်မည်။

(၅) အထက်တန်းပညာ (ဝါ) တက္ကသိုလ်ပညာကို ဥာဏ်ပညာ ထက်မြက်ခြင်းရှိ၍ အထက်တန်းကို မီအောင် လိုက်နိုင်သူ၊ ကြိုးစားမှုရှိသူများကိုသာ သင်ကြားခွင့်ပြုစေရန် ရည်သန်သည်ဟူ၍ဖြစ်သည်။

အထက်ပါ ပညာရေးဆိုင်ရမူဝါဒသည် ၁၉၆၂ ခုနှစ် ဧပြီလ ၃၀ ရက်နေ့ တနင်္လာနေ့တွင် ကြေညာသည့် တော်လှန်ရေးကောင်စီ၏ ဝါဒသဘောထားကြေညာချက် အပိုဒ် ၁၇ (က) တွင် ပါဝင်ခြင်းဖြစ်သည်။

တော်လှန်ရေးကောင်စီနှင့် တော်လှန်ရေးကောင်စီကဖော်ထုတ်လိုက်သည့် ဆိုရှယ်လစ်ခေတ်ပြောင်း တော်လှန်ရေးကို ၁၉၆၂ ခုနှစ်ကတည်းက ကျောင်းသားများသည် နိုင်ငံရေးအရ ဆန့်ကျင်ခဲ့ကြသည်။ အထူးသဖြင့် တက္ကသိုလ်ကျောင်းသားများသမဂ္ဂ (တကသ)၊ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် (ဗကသ) ၊ ရန်ကုန်ခရိုင်ကျောင်းသားများ သမဂ္ဂ (ရကသ)နှင့် တပ်ဦး (သစ်) ကျောင်းသားများက တော်လှန်ရေးကောင်စီကို ဆန့်ကျင်ခဲ့ကြသည်။ တော်လှန်ရေးကောင်စီက တိုင်းပြည်အား ထိန်းသိမ်းစောင့် ရှောက်ခြင်းဆိုသည်မှာ “လက်နက်နှင့်အာဏာသိမ်းခြင်း” သာဖြစ်သည်ဆိုပြီး ကန့်ကွက်ကြောင်း ကြေညာချက် များထုတ်ပြန်ကာ ဆန့်ကျင်ခဲ့ကြသည်။ ၁၉၆၂ ခုနှစ် ဇူလိုင် ၇ ရက်အရေးအခင်းသည် သမိုင်းတင်နိုင်ခဲ့ သည့် စစ်အာဏာ ရှင်ဆန့်ကျင်ရေး ကျောင်းသားလှုပ်ရှားမှုကြီးတစ်ခုဖြစ်ခဲ့သည်။

တော်လှန်ရေးကောင်စီ၏ ဆိုရှယ်လစ်စနစ်လွှမ်းမိုးထားသည့်အယူအဆများသည် ကျောင်းသားလှုပ်ရှားမှုများ နှင့် ကိုယ်ပိုင်ကျောင်း များအပေါ် မျက်စိစပါးမွှေးစူးလာခဲ့သည်။ တော်လှန်ရေးကောင်စီက “လုပ်သားပြည်သူ များ၏ သားသမီးများအားလုံးသည် ဆိုရှယ်လစ်စီးပွားရေးစနစ်ထူထောင်ရေးအတွက် အထောက်အကူဖြစ်စေ မည့် ပညာရပ်များကို ပြည်သူ့ကျောင်းများတွင် တစ်ပြေး ညီစွာ ပညာယူသင်ကြားနိုင်ရန်အတွက်လည်းကောင်း၊ ကျောင်းသားများ ပညာရည်တိုးတက်မှု၊ အတွေးအခေါ်ပြုပြင် ပြောင်းလဲမှုများကို တစ်နိုင်ငံလုံး တစ်ပြေးညီစွာ ဆောင်ရွက်နိုင်ရန်အတွက်လည်းကောင်း၊ အသွင်အမျိုးမျိုး ပုံသဏ္ဌန်အဖုံဖုံတို့ဖြင့် ထိုးဖောက်ဝင် ရောက်လာ နေသော နိုင်ငံခြား အလေ့အကျင့်၊ နိုင်ငံခြားဓလေ့ထုံးစံ မှားယွင်းသော အတွေးအခေါ်အယူအဆစသော နိုင်ငံခြား ယဉ်ကျေးမှု လွှမ်းမိုးခြင်းများကို တားဆီးဖယ်ရှားနိုင်ရန်အတွက်လည်းကောင်း တော်လှန်ရေး ကောင်စီသည် ပထမအဆင့် တားဆီးသည့်အနေဖြင့်” ဟုဆိုကာ ၁၉၆၃ ခုနှစ် ဇွန်လ ၁ ရက်နေ့တွင် “ကိုယ်ပိုင်ကျောင်းမှတ်ပုံ တင်ဥပဒေ” ကိုပြဌာန်းလိုက်သည်။

မြန်မာနိုင်ငံတွင် လွတ်လပ်ရေးရပြီးနောက်ပိုင်း သာသနာပြုကျောင်းများ၊ ပြည်တွင်းရှိ တရုတ်၊ ကုလားတို့၏ လူမျိုးခြားကိုယ်ပိုင် ကျောင်းများနှင့် စီးပွားရေးသက်သက်ဖြင့် ဖွင့်လှစ်ထားသော ကိုယ်ပိုင်ကျောင်း အမြောက်အမြား ပေါ်ပေါက်လာခဲ့သည်။ ကိုယ်ပိုင် ကျောင်းများသည် ဆိုရှယ်လစ်စနစ်နှင့်ဆန့်ကျင်ဘက် ဖြစ်နေခြင်း၊ ပုဂ္ဂလိကကျောင်းများမှ ကျောင်းသားဆူပူလှုပ်ရှားမှုများ ပေါ် ပေါက်လာမှုကို မျက်မုန်းကျိုးနေသော တော်လှန်ကောင်စီသည် ဒုတိယအဆင့် အနေဖြင့် ကိုယ်ပိုင်ကျောင်းများအနက်မှ အထက်တန်း ကျောင်း ၁၀၂ ကျောင်းနှင့် အလယ်တန်းကျောင်း ၂၇ ကျောင်း စုစုပေါင်း ၁၂၉ ကျောင်းကို ၁၉၆၅ ခုနှစ် ဧပြီလ ၁ ရက်နေ့မှ စတင်ပြီး ပြည်သူပိုင်ပြုလုပ်ခဲ့သည်။

တော်လှန်ရေးကောင်စီတက်လာပြီးကတည်းက ၁၉၆၂ ခုနှစ် ဇူလိုင်တွင်တစ်ကြိမ်၊ ၁၉၆၃ ခုနှစ် နိုဝင်ဘာလတွင် တစ်ကြိမ် ကျောင်းသားဆူပူလှုပ်ရှားမှုများဖြစ်ပေါ်လာခဲ့သဖြင့် ရန်ကုန်တက္ကသိုလ်ရှိ တက္ကသိုလ်မဟာဌာန ၃ ခုကို ပိတ်လိုက်ရသည်။ မန္တလေးတက္ကသိုလ်၊ မော်လမြိုင်ကောလိပ်နှင့် ပုသိမ်ကောလိပ်များလည်းပိတ်ခဲ့ရသည်။ တက္ကသိုလ်ကျောင်းများကို မဖွင့်နိုင်သဖြင့် ပိတ်ထားရသော ရန်ကုန်တက္ကသိုလ်တွင် ၁၉၆၄ ခုနှစ် ဧပြီလ ၁၆ ရက်နေ့မှ ၁၉ ရက်နေ့အထိ ဘွဲ့နှင်းသဘင်ခန်းမဆောင်၌ တက္ကသိုလ်ပညာရေး နှီးနှောဖလှယ်ပွဲကို ကျင်းပခဲ့ သည်။ ထိုနှီးနှောဖလှယ်ပွဲတွင် တော်လှန်ရေးကောင်စီသည် စစ်အစိုးရကို ထောက်ခံသည့် ပညာရှိ ပါမောက္ခ ကြီးများ၊ ပညာရှင်များကို စည်းရုံးမွေးထုတ်နိုင်ခဲ့ပြီး စစ်တပ်အစိုးရအလိုကျ ပညာရေးဆိုင်ရာ မူဝါဒများကို ထုတ်ပြန်ချမှတ်နိုင်ခဲ့သည်။ ရလဒ်အနေဖြင့် “၁၉၆၄ ခုနှစ် ပြည်ထောင်စုမြန်မာနိုင်ငံ တက္ကသိုလ်ပညာရေး ဥပဒေ” ပေါ်ပေါက်လာခဲ့သည်။

တော်လှန်ရေးကောင်စီအလိုကျ စနစ်သစ်ပညာရေးဆိုသည်မှာ “တက္ကသိုလ်သည် စာသင်ရန်သက်သက်၊ သုတေသနပြုလုပ် ရန် သက်သက်” မဟုတ်တော့ပေ။ စနစ်သစ်တက္ကသိုလ်ပညာရေးကို မြန်မာ့ဆိုရှယ်လစ် လမ်းစဉ်တည်ဆောက်ရာတွင် ဆိုရှယ်လစ် အတွေးအခေါ်များဖြင့် လမ်းစဉ်ပါတီကိုလည်းထောက်ခံ၊ အစိုးရကို လည်း ကလန်ကဆန်မလုပ်၊ လုပ်သားကောင်းများ မွေးထုတ် ရန်ဆို သည့် အစီအစဉ်များဖြင့် စတင်တော့သည်။

လွတ်လပ်ရေးတိုက်ပွဲဝင်ခဲ့ရသည့် သမိုင်းစဉ်ကာလတစ်လျှောက်လုံး ပညာရေးကို ဆုံးခန်းတိုင်အောင် မသင် ကြားခဲ့ရသော စစ်ဗိုလ် နိုင်ငံရေးသမားများအား ပညာရှင်များက စနစ်သစ်တက္ကသိုလ်ပညာရေးကို “မြန်မာ ဘာသာဖြင့် သင်ကြားရေး” အားဝိုင်းဝန်းအဆို ပြုကြသည်။ တက္ကသိုလ်တွင် သင်ကြားနေသော ဘာသာရပ် အသီးသီးကိုလည်း ကျောင်းသုံးစာအုပ်များကို မြန်မာဘာသာဖြင့် မဖြစ်ဖြစ်အောင် ကြိုးစားပြုစုကာ သင်ကြား ခဲ့ကြသည်။ ထိုအချိန်မှစ၍ တက္ကသိုလ်တွင် အင်္ဂလိပ်စာတတ်ပြီး ကမ္ဘာကိုရင်ဘောင် တန်းနိုင်မည့်သူများ ပျောက်ကွယ်သွားခဲ့ရသည်။ တက္ကသိုလ်တွင် မြန်မာစာဖြင့်သာ ဘာသာရပ်များကို သင်ကြားရန် အဆိုပြုပြီး အကောင်အထည်ဖော်ခဲ့မှုအပေါ် ပြန်လည်လေ့လာဆန်းစစ်ပြီး သင်ခန်းစာယူသင့်ပါသည်။

စနစ်ဟောင်းပညာရေးတွင် ဘာသာတွဲစနစ် (Combination System) ကိုကျင့်သုံးပါသည်။ တက္ကသိုလ် ကျောင်းသားတစ်ဦးသည် မိမိနှစ်သက်ရာ ဘာသာတွဲ ၄ ခုကို သင်ကြားရသည်။ စနစ်သစ်တွင် ဘာသာတွဲ အစား ဘာသာရပ်တစ်ခုတည်း ကိုသာလေ့ လာ စေသည့် အဓိကဘာသာစနစ် (Majoring System) ကိုကျင့် သုံးလိုက်သောကြောင့် တစ်လိုင်းသွားပညာရေးစနစ်ဖြစ်လာသည်။ ဥပမာ သမိုင်းမေဂျာယူသည့်သူသည် သမိုင်းဘာသာတစ်မျိုးတည်းကိုသာ လေ့လာစေသဖြင့် တစ်ဘာသာတည်းကိုသာ သိရှိနိုင် မည်ဖြစ်သည်။ ဘာသာရပ်များကို မြန်မာလိုပြောင်း၊ အင်္ဂလိပ်လို ဘာသာတွဲယူစရာကလည်းမရှိ၊ သင်ကြားရေးတွင် စမ်းသပ် အဆင့်များဖြင့်သာ အချိန်ကုန်ခဲ့သဖြင့် အင်္ဂလိပ်စာညံ့ခဲ့ရခြင်းမှာ မဆန်းပေ။ ထို့ပြင် စနစ်သစ်ဟုဆိုကာ ယခင် အမှတ် ၁၀၀ ပေးသည့် “ရာခိုင်နှုန်းစနစ်” ကိုမကျင့်သုံးတော့ဘဲ “အဆင့်အမှတ်ပေးသည့်စနစ်” ကိုပြောင်းလဲ ကျင့်သုံးသဖြင့် တက္ကသိုလ်ဆရာများ သမာသမတ်ကျပါရဲ့လားဟု မေးစရာများဖြစ်လာသည်။ အမှန်မှာ ထိုစဉ် ကတည်းက တက္ကသိုလ်ပညာရေးတွင် အဆင့်ကို ဆရာများ လက်တွင်ထားလိုက်ခြင်းကြောင့် မသမာမှုများ စတင်ခဲ့သည်ဟုဆိုနိုင်သည်။

Ref: မောက္ခ

Read More...

နိုင်ငံလုံးဆိုင်ရာ လူငယ်ဖိုရမ်အတွက် ပြည်နယ်နှင့် တိုင်းများ ပြင်ဆင်နေ

ကွန်းချမ်း
နိုဝင်ဘာလ ၂၂ ရက် ၂၀၁၂ ခုနှစ်

တိုင်းနှင့် ပြည်နယ် အသီးသီးတွင် နိုဝင်ဘာလအတွင်း လူငယ်ဖိုရမ်များ ကျင်းပပြီး၊ ကျင်းပဆဲနှင့် ကျင်းပရန် စီစဉ်နေကြောင်း ဦးဆောင် ကျင်းပသူများထံမှ သိရသည်။

ဒီဇင်ဘာလလယ်တွင် ကျင်းပမည့် မြန်မာနိုင်ငံလုံး ဆိုင်ရာ လူငယ်ဖိုရမ် “Myanmar Youth Forum” သို့ တက်ရောက်မည့် ကိုယ် စားလှယ်များ စေလွှတ်နိုင်ရန်နှင့် စာတမ်းများ တင်သွင်းနိုင်ရန်အတွက် ထိုသို့ စီစဉ်နေရခြင်း ဖြစ်ကြောင်း ဦးဆောင်လှုပ်ရှားသူ တဦးဖြစ်သည့် မသဉ္ဇာရွှန်းလဲ့ရည် က ပြောသည်။

“ရန်ကုန်ကတော့ ပြီးသွားပြီ။ ချင်းနဲ့ ရခိုင်ကတော့ လုပ်နေဆဲပဲ။ မွန်တို့ ကယားတို့က လုပ်တော့မယ်။ အားလုံးကတော့ နိုဝင်ဘာ ၃ဝ ရက်နေ့ နောက်ဆုံးထား လုပ်ကြမယ်” ဟု မဇ္ဈိမကို ပြောသည်။

မြန်မာနိုင်ငံလုံးဆိုင်ရာ ဖိုရမ်ကို ဒီဇင်ဘာလ ၁ဝ၊ ၁၁၊ ၁၂ ရက်နေ့များတွင် ရန်ကုန်မြို့၌ ကျင်းပရန် ရည်ရွယ်ထားပြီး တိုင်းနှင့် ပြည်နယ်များရှိ ခရိုင် ၆၄ ခုမှ ကိုယ်စားလှယ် သုံးဦးစီ တက်ရောက်ရန် ဖိတ်ကြားထားပြီး စာတမ်းများ တင်သွင်းကြမည် ဖြစ်သည်။

ရန်ကုန်တိုင်း၌ နိုဝင်ဘာလ ၇ ရက်နေ့တွင် ကျင်းပ ပြီးစီးခဲ့ပြီး မြန်မာ လူငယ်ဖိုရမ်သို့ တက်ရောက်မည့် ကိုယ်စားလှယ် စာရင်းကို ပေးသွင်းပြီး ဖြစ်သည်ဟု ဆိုသည်။

ကလေးမြို့တွင် နိုဝင်ဘာလ ၈ နှင့် ၉ ရက်နေ့များတွင်လည်းကောင်း၊ ပြည်မြို့တွင် နိုဝင်ဘာလ ၁၅ နှင့် ၁၆ ရက်နေ့ များတွင် လည်းကောင်း ကျင်းပပြီးစီးမည်။ ချင်းပြည်နယ်တွင် နေရာသုံးခု ခွဲကာ ကျင်းပပြီး ပလက်ဝမြို့တွင် နိုဝင်ဘာလ နောက်ဆုံးပတ်၌ ကျင်းပမည် ဖြစ်သည်။

ရခိုင်ပြည်နယ်တွင်မူ မြို့နယ်အလိုက် ဖိုရမ်ကို ကျင်းပနေဆဲ ဖြစ်ပြီး နိုဝင်ဘာ နောက်ဆုံးပတ်တွင် ပြည်နယ်လုံး ဆိုင်ရာ ဖိုရမ်ကို ကျင်းပမည် ဖြစ်သည်ဟု ဖိုရမ် ဖြစ်မြောက်ရေး ဦးဆောင်စီစဉ်သည့် ဝံလက် ဖောင်ဒေးရှင်းမှ ကိုအောင်နိုင်လင်း က ပြောသည်။

“စစ်တွေမြို့နယ် ဖိုရမ်က မနေ့က ပြီးသွာပြီး ကျန်တာတွေ ဆက်လုပ်နေတယ်” ဟု မဇ္ဈိမကို ပြောသည်။

ပြည်နယ်လုံးဆိုင်ရာ ဖိုရမ်ကို နိုဝင်ဘာလ ၃ဝ ရက်နေ့တွင် စစ်တွေမြို့ ဝံလက် ဖောင်ဒေးရှင်း ရုံးခန်း၌ ကျင်းပမည် ဖြစ်ပြီး မြို့နယ် ၁၇ ခုမှ ကိုယ်စားလှယ် နှစ်ဦးစီနှင့် ချင်းပြည်နယ် ပလက်ဝမြို့နယ်နှင့် ရန်ကုန်တိုင်းမှ ကိုယ်စား ၄ ဦး အပါအဝင် စုစုပေါင်း ၃၈ ဦး တက်ရောက်ကာ ၎င်းတို့၏ စာတမ်းတခုစီကို ဆွေးနွေးကြမည်ဟု ဆိုသည်။

ရခိုင်ပြည်နယ် လူငယ်ဖိုရမ်မှ ထွက်ပေါ်လာမည့် စာတမ်းကို ပြည်နယ်လွှတ်တော်တွင် ဆွေးနွေးနိုင်ရန် တင်ပြသွား မည်ဟု ဆိုသည်။

၎င်းပြင် ကယားပြည်နယ်တွင် နိုဝင်ဘာ ၂၃ နှင့် ၂၄ ရက်နေ့များတွင်လည်းကောင်း၊ မွန်ပြည်နယ်တွင် နိုဝင်ဘာ ၂၉ နှင့် ၃ဝ ရက်နေ့များတွင်လည်းကောင်း ကျင်းပရန် စီစဉ်ပြီး ဖြစ်ကာ ကျန်သည့် တိုင်းနှင့် ပြည်နယ်များတွင်လည်း ကျင်းပရန် အသီးသီး စီစဉ်နေဆဲ ဖြစ်ကြောင်း သိရသည်။

မော်လမြိုင်မြို့ရှိ မွန်မြတ်သော အိမ်ထောင်စု ဘုရားရှိခိုးကျောင်း (Holy family church) တွင် ပြုလုပ်မည့် မွန်ပြည်နယ် လူငယ်ဖိုရမ်သို့ မြို့နယ် ၁ဝ မြို့နယ်မှ လူငယ် ကိုယ်စားလှယ်များနှင့် ယခင် ရှိနှင့်ပြီးသည့် မွန်လူငယ် ဖိုရမ်တို့မှ ကိုယ်စားလှယ်များ ၂ဝဝ ခန့် တက်ရောက်မည် ဖြစ်ကြောင်း သိရှိရသည်။

မွန်လူငယ်ဖိုရမ်တွင် လူငယ်နှင့် ပတ်သက်သည့် ပညာရေး၊ စီးပွားရေး၊ ကျန်းမာရေး၊ ဒီမိုကရေစီရေး၊ လူ့အခွင့်အရေး၊ လူငယ်နှင့် တိုင်းရင်းသားရေးရာ၊ လူငယ်နှင့် နည်းပညာ၊ လူငယ်နှင့် မီဒီယာကဏ္ဍ၊ လူငယ်နှင့် နိုင်ငံရေး စသည့် အကြောင်းအရာ ၁၁ ခုကို ဆွေးနွေးသွားမည်ဟု ဆိုသည်။

“မြို့နယ်အသီးသီးက လူငယ့်ရေးရာ ကိစ္စရပ်ကို လုပ်ဆောင်နေတဲ့ အဖွဲ့အစည်းများရယ်၊ လူငယ်များ ကိုယ်တိုင် ဦးဆောင်ပြီး ဖွဲ့စည်း ထားတဲ့ အဖွဲ့အစည်းများရယ်ကို ဖိတ်ပါတယ်။ ဖိတ်စာနဲ့အတူ မိမိတို့ ဆွေးနွေးလိုတဲ့ ခေါင်းစဉ် တခုရဲ့ စာတမ်းပါ တင်ပြရမှာ ဖြစ် ပါတယ်” ဟု ပွင့်လင်းကွန်ယက်မှ ကိုကြည်ဇော်လွင် က ပြောသည်။

နိုင်ငံ တဝှန်းလုံးရှိ လူငယ်များ ပူးပေါင်းဆွေးနွေး ချိတ်ဆက် လုပ်ဆောင်နိုင်ရန်၊ မြန်မာနိုင်ငံလုံးဆိုင်ရာ လူငယ် ကွန်ရက် ပေါ်ပေါက် ရန်၊ လူငယ်များ၏ အခွင့်အရေး၊ တာဝန်နှင့် ရပိုင်ခွင့်များကို ဖော်ထုတ်ကာ လူငယ့်ရေးရာ မူဝါဒများ ပေါ်ထွက်လာစေရန်နှင့် လူငယ်များ၏ လက်ရှိအခြေအနေ၊ အခက်အခဲနှင့် စိန်ခေါ်မှုများကို ထင်ဟပ်သော အသံများ ဖော်ထုတ်နိုင်ရန်အတွက် မြန်မာနိုင်ငံ လုံးဆိုင်ရာ ဖိုရမ်ကို ကျင်းပရခြင်း ဖြစ်ကြောင်း သိရသည်။

၂ဝ၁၄ ခုနှစ်တွင် မြန်မာနိုင်ငံ အာဆီယံ ဥက္ကဋ္ဌ ဖြစ်လာမည့်ကို ကြိုတင်ပြင်ဆင်သောအားဖြင့် မြန်မာနိုင်ငံ ကိုယ်စားပြု လူငယ် အဖွဲ့အစည်းတရပ် ပေါ်ပေါက်လာရန် ရည်ရွယ်ပြီး မြန်မာ လူငယ်ဖိုရမ် “Myanmar Youth Forum” ကို ကျင်းပရခြင်း ဖြစ်သည်ဟု ဦးဆောင်ကျင်းပသူများက ဆိုသည်။

မတ်လကုန်ပိုင်းက ကျင်းပခဲ့သော Asian Youth Forum အစည်းအဝေးသို့ မသဉ္ဇာရွှန်းလဲ့ရည် အပါအဝင် မြန်မာ လူငယ် ၁၆ ဦး တက်ရောက်ခဲ့ပြီးနောက် အာရှ လူငယ်ဖိုရမ်အား မြန်မာနိုင်ငံက လက်ခံကျင်းပနိုင်ရေးအတွက် ပြင်ဆင်ခြင်း ဖြစ်သည်။

Ref: မဇ္ဈိမ

Read More...

နိုင်ငံခြား ရင်းနှီးမြှုပ်နှံမှု ဥပဒေကို သူတို့ ဘယ်လို သုံးသပ်ကြလဲ

ခင်မျိုးသွယ်
နိုဝင်ဘာလ ၂၂ ရက် ၂၀၁၂ ခုနှစ်


ပြည်ပနှင့် ပြည်တွင်း နှီးမြှုပ်နှံသူများကို ဆွဲဆောင်မှုတရပ် ဖြစ်စေရမည့် နိုင်ငံခြား ရင်းနှီးမြှုပ်နှံမှု ဥပဒေကို ၂ဝ၁၂ ခုနှစ်၊ နိုဝင်ဘာလတွင် ပြည်ထောင်စုလွှတ်တော်က ပြဋ္ဌာန်းလိုက်ပြီ ဖြစ်သည်။

အဆိုပါ ဥပဒေပါ နိုင်ငံတကာ စီးပွားရေး ကုမ္ပဏီကြီးများ ဝင်ရောက်လာစေနိုင်မည့် အချက်အလက်များ၊ ပြည်တွင်း စီးပွားရေး လုပ်ငန်းများကို ကာကွယ်မှုပြုစေသည့် အချက်များ စသည်တို့ကို စီးပွားရေးလုပ်ငန်းရှင်များနှင့် မဇ္ဈိမက တွေ့ဆုံ၍ မဇ္ဈိမက သဘောထား မေးမြန်းသည်။

ကုန်သည်စက်မှုအသင်းချုပ် ဒုတိယ ဥက္ကဋ္ဌ ဦးလှမောင်ရွှေ…

“ဒါတွေ စဉ်းစားကြမှာပါ”

“နိုင်ငံခြား ကုမ္ပဏီတွေ ဝင်လာအောင် ဆွဲဆောင်နိုင်ဖို့ဆိုရင် မြန်မာနိုင်ငံနဲ့ အပြိုင် စဉ်းစားနိုင်တဲ့ ဒေသတွင်း နိုင်ငံတွေထက် ဘယ်လိုအချက်တွေ သာနိုင်မလဲ။ ကမ်းလွန် လုပ်ကွက် ဓါတ်ငွေ့တူးဖော်တဲ့ လုပ်ငန်းတွေဆိုရင် လာအိုတို့၊ ကမ္ဘောဒီယားတို့မှာ မရှိဘူး။ ဒီကဏ္ဍဟာ အဲဒီနိုင်ငံတွေနဲ့ ယှဉ်စရာ မလိုဘူး။ ဒေသတွင်း နိုင်ငံတွေထက် အားသာချက် မရှိလည်း ဝင်ရောက် လုပ် ကိုင်ကြမှာပဲ။

“အထည်ချုပ် လုပ်ငန်းလိုဟာမျိုးကျတော့ ဒေသတွင်းနိုင်ငံတွေနဲ့ ယှဉ်ရမယ့် သဘော ရှိတယ်။ လုပ်အားခ၊ ဥပဒေ အရ ဘယ် လောက် အကာအကွယ်ပေးထားသလဲ။ ငြင်းပွားမှုတွေ ဖြစ်လာရင် ဘယ်လို ရပ်တည်ချက်ပေးမလဲ။ သန်း ၆ဝ ဆိုတဲ့ လူဦးရေ ကလည်း သိပ်မသေးတဲ့ ဈေးကွက်ဆိုတော့ ဒါတွေအားလုံး လေ့လာပြီးမှ လာကြမှပါ။

“ဥပဒေ ထွက်ပြီးရင် နိုင်ငံခြားကုမ္ပဏီတွေ ပြင်ဆင်မှုတွေ၊ တည်ဆောက်မှုတွေ လုပ်နိုင်ပါတယ်။ တချို့နိုင်ငံခြားသား ကတော့ နည်းပဒေ ဆက်ထွက်တဲ့အထိ စောင့်ကြည့်နိုင်ပါတယ်” ဟု ဆိုသည်။

“ကဏ္ဍအလိုက် စဉ်းစားပုံရတယ်”

“အချို့နိုင်ငံခြား ကုမ္ပဏီတွေကျတော့ ကဏ္ဍအလိုက် စဉ်းစားဆုံးဖြတ်ကြပုံ ပေါ်တယ်။ Pepsi ကုမ္ပဏီဆို လူဦးရေ သန်း ၆ဝ ရှိတဲ့ ဈေးကွက်ကို ကြည့်ပြီး ရင်းနှီးမြှုပ်ဖို့ ဆုံးဖြတ်ပုံရတယ်။ သူ့ရဲ့ဆုံးဖြတ်ချက်ကို ခိုင်မာစေဖို့ နိုင်ငံခြား ရင်းနှီးမြှုပ်နှံမှု ဥပဒေက တွန်း အားပေးသလို ဖြစ်နိုင်ပါတယ်။

“ဂျပန်ကုမ္ပဏီတွေကျတော့လည်း အထူးစီးပွားရေးဇုန် (SEZ) မှာ လုပ်ကိုင်မယ့်အဖွဲ့က ၄၉-၅၁ မူနဲ့ လိုက်ခံဖို့ အစကတည်းက ဆုံးဖြတ်ထားပုံရတယ်” ဟု ဆိုသည်။

“ရှုထောင့် နှစ်ခုက ကြည့်သင့်”

“ကားစက်ရုံလိုဟာမျိုးမှာ ၁ဝဝ% ရင်းနှီးမြှုပ်နှံမှုမှ အပ အများစုနဲ့ဆိုင်တဲ့ လယ်ယာနဲ့ သားငါးကဏ္ဍတွေမှာ နိုင်ငံခြား ကုမ္ပဏီတွေကို ကန့်သတ်ချက်တွေ ရှိတယ်။ ဒါကလည်း နိုင်ငံသားတွေကို တစိတ်တပိုင်း ကာကွယ်ပေးတဲ့ သဘောပါ။

“တချို့ကိစ္စတွေကျတော့လည်း ရှုထောင့် နှစ်ခုက ကြည့်သင့်ပါတယ်။ ဦးနာအောက်နဲ့ ဧရာဝတီ သင်္ဘော အပြိုင် ပြေးဆွဲတဲ့ ယှဉ်ပြိုင် မှုမှာ အမျိုးသားရေးအနေနဲ့ ကြည့်ရင် ဦးနာအောက်ကို အားပေးသင့်တယ်။ ဈေးကွက်စီးပွားရေး စနစ်နဲ့ ကြည့်ရင် ဝန်ဆောင်မှု သာတဲ့သူကို စားသုံးသူက ရွေးချယ်သင့်တယ်” ဟု ကုန်သည်စက်မှုအသင်းချုပ် ဒုတိယ ဥက္ကဋ္ဌ ဦးလှမောင်ရွှေ က မြင်သည်။

ဂျပန်နိုင်ငံသို့ ရေထွက်ကုန် အများဆုံး တင်ပို့နေသူ ဦးထွန်းအေး…

“စည်းကမ်းတကျ ဖြစ်ဖို့လို”

“အဲဒီဥပဒေမှာ နိုင်ငံခြားသားတွေ လုပ်နိုင် ကိုင်နိုင်အောင် ဖြေလျှော့ပံ့ပိုးမှုတွေ အများကြီး လုပ်ပေးထားတာပါ။ မြန်မာနိုင်ငံထဲ မှာ တရားမဝင် အလုပ်လုပ်နေတဲ့ နိုင်ငံခြားသားတွေကို ဥပဒေအတိုင်း တရားဝင် လုပ်ကိုင်လာသင့် ပါပြီ။ FDI ဥပဒေက အခုဝင်လာ မယ့် နိုင်ငံခြားသားတွေ၊ နိုင်ငံခြားကုမ္ပဏီတွေကို စည်းကမ်းတကျ ဖြစ်အောင် ကျပ်မတ်ပေးဖို့ လိုပါတယ်။

“ဝင်လာမယ့် နိုင်ငံခြားရင်း နှီးမြှုပ်နှံသူတွေကလည်း နိုင်ငံတကာမှာ နှံနှံစပ်စပ် လုပ်ကိုင်ခဲ့ဖူးတဲ့ သူတွေပဲ ဝင်လာမှာ ဖြစ်တယ်။ နိုင်ငံတကာရဲ့ အစီးပွားရေး လုပ်ငန်းတွေကို နားလည်တတ်ကျွမ်းပြီးသားပါ။ မြန်မာနိုင်ငံရဲ့ လက်ရှိ ထုတ်ပြန်ထားတဲ့ FDI ကို လက်တလုံးခြားလုပ်ပြီး ဘောင်ဝင်အောင် လုပ်တာမျိုးတို့၊ ကျော်လုပ်တာမျိုးတို့ ပါလာမှာ ပဲ။ အဲဒီလို လူတွေအတွက် ဥပဒေနဲ့ သွေဖည်မသွားရအောင် အစိုးရပိုင်းက သေချာကြပ်မတ်ဖို့ လိုပါတယ်”ဟု ဆိုသည်။

နိုင်ငံခြား ကုမ္ပဏီတွေ အလွယ်ဝင်လာနိုင်အောင်

“စက်မှုဇုန်တွေမှာ နိုင်ငံခြားသား ရင်းနှီးမြှုပ်နှံသူတွေ ဝင်ရောက် လုပ်ကိုင်ချင်လောက်အောင် လိုအပ်ချက်တွေ ဖြည့်ဆည်း ထားတာ မတွေ့ရသေးပါဘူး။ စက်မှုဇုန်တခုရဲ့ အဓိကအင်္ဂါရပ်တွေဖြစ်တဲ့ လမ်း၊ မီးရေ ဆက်သွယ်ရေး စတဲ့ Infrastructure တွေသာ အဆင်သင့် ဖြစ်နေရင် နိုင်ငံခြားရင်းနှီးမြှုပ်နံသူတွေ အလွယ်တကူ ဝင်လာနိုင်ပါတယ် အခုဖြစ်နေတာက စက်မှုဇုန် ဖော်ပြီးတာနဲ့ လမ်းက ပျက်ပြီ။ ရေဆိုးစွန့်တဲ့စနစ်ကို လုပ်တဲ့ စက်ရုံက လုပ်၊ မလုပ်တဲ့ စက်ရုံက စက်ရုံကမလုပ်။ ရေမြောင်းတွေ စီးဆင်းမှု ကလည်း စနစ်တကျလုပ်ထားတာ မတွေ့ရဘူး။ ရေဆိုးစွန့်ပစ်တဲ့ ကိစ္စကို စက်ရုံတရုံချင်းစီက လုပ်ရင်ကုန်ကျစရိတ် သိပ်များတယ်။ ဇုန်ကြီးတခုလုံးအတွက် စက်မှုဇုန်ဆောက်က တည်းက ထည့်သွင်းတည်ဆောက်ဖို့ လိုပါတယ်” ဟု အကြံပြု ပြောဆိုသွားသည်။

ပြည်ပ ဆောက်လုပ်ရေးပစ္စည်းများ တင်သွင်းနေသူ ဦးကိုကိုထွေး...

“ကော်မရှင် ဥက္ကဋ္ဌ အပေါ်မှာ အများကြီး မူတည်သွားနိုင်တယ်”

“နိုင်ငံခြား ရင်းနှီးမြှုပ်နှံမှု ဥပဒေ ပြဋ္ဌာန်းချက်တွေထဲက အခန်း (၅) မှာပါတဲ့ ‘နိုင်ငံခြားသားသည် တားမြစ်သည့် လုပ်ငန်း၊ ကန့်သတ်သည့် လုပ်ငန်းများကို နိုင်ငံသားနှင့် ဖက်စပ်လုပ်ကိုင်လိုပါက နိုင်ငံခြား မတည်ငွေရင်း အချိုးကို နည်းဥပဒေဖြင့် ပြဋ္ဌာန်းထားသည့် အချိုးအတိုင်း အဆိုပြုနိုင်သည်’ လို့ ပါလာတဲ့အတွက် အဓိက ကော်မရှင် ဥက္ကဋ္ဌရဲ့ သဘောထားအပေါ်မှာ အများကြီး မူတည်သွားနိုင်ပါတယ်

နိုင်ငံခြားရင်းနှီးမြှုပ်နှံမှု့ ဥပဒေ အခန်း (၆) မှာလည်း

‘ရင်းနှီးမြှုပ်မှု လုပ်ငန်းများနှင့် စပ်လျဉ်း၍ ဤ ဥပဒေပါလုပ်ငန်း တာဝန်များကို ဆောင်ရွက်နိုင်ရန် သင့်လျော်တဲ့ ပြည်ထောင်စု အဆင့် ပုဂ္ဂိုလ်တဦးအား ဥက္ကဋ္ဌ အဖြစ်လည်းကောင်း’ လို့ ပါရှိလာတဲ့ အချက်က သင့်တော်ပါတယ်။ အဲဒီ ပုဂ္ဂိုလ်ဟာ ကော်မရှင် အဖွဲ့အစည်းရဲ့ လုပ်ငန်းဆောင်တာတွေကို ဦးဆောင်မယ့် သူလည်း ဖြစ်တယ်။ သူရဲ့ သဘောထားနဲ့လည်း လုပ်ငန်းတွေကို ဆုံးဖြတ် ဆောင်ရွက်ရမှာ ဖြစ်တယ်။

“ရင်းနှီးမြှုပ်မှုကော်မရှင် ဥက္ကဋ္ဌဟာ နိုင်ငံခြားရင်းနှီးမြှုပ်နှံသူတွေအတွက် တခုတည်း မဟုတ်ဘဲ၊ နိုင်ငံသား ရင်းနှီးမြှုပ်နှံသူ (သို့မဟုတ်) တိုင်းရင်းသား လုပ်ငန်းရှင်တွေနဲ့လည်း သက်ဆိုင်မယ့် ပုဂ္ဂိုလ်မျိုး ဖြစ်မယ်။ ဒါကြောင့် ကော်မရှင် ဥက္ကဋ္ဌ ရွေးချယ် ရာမှာ တိုင်းပြည်ရဲ့ အကျိုးစီးပွားကို အမှန်တကယ် အကျိုးရှိနိုင်မှုကို တွက်ဆနိုင်တဲ့ ပုဂ္ဂိုလ်မျိုး စြဖ်သင့်ပါတယ်” ဟု ပြောဆိုသည်။

ကိုရီးယားနိုင်ငံသို့ မြန်မာထီးများ ထုတ်လုပ်တင်ပို့နေသူ ဦးသန်းလွင်…

“အခုထုတ်ပြန်လိုက်တဲ့ဥပဒေဟာ လုပ်သာ - ကိုင်သာရှိတဲ့ ဥပဒေပါ။ ပြည်တွင်း လုပ်ငန်းရှင်ရော၊ ပြည်ပလုပ်ငန်းရှင်တွေပါ နှစ်ဦး နှစ်ဖက် လုပ်သာကိုင်သာနိုင်ပါတယ်။ အသေးစားနဲ့ အလတ်စား စက်မှုလုပ်ငန်းရှင်အများစု စိုးရိမ်သလို စိတ်ပူစရာ သိပ်မရှိပါဘူး။ ပြည်တွင်းကုမ္ပဏီတွေကို ထိုက်သင့်သလောက် အကာအကွယ် ပေးထားပါတယ်။ တခုပဲရှိတယ် အခြေခံအဆောက်အအုံတွေကို ပြည့်စုံအောင် လုပ်ပေးဖို့ပဲ လိုပါတယ်။

“မကြာခင် ဝင်လာမယ့် နိုင်ငံခြားကုမ္ပဏီတွေမှာ မြန်မာလုပ်သားတွေ လစာ ထိုက်ထိုက်တန်တန် ရနိုင်ပါတယ်။ မြန်မာလုပ်သား တွေဘက်ကလည်း နိုင်ငံတကာ လုပ်သားတွေရဲ့ လုပ်နိုင်စွမ်းအားတွေလို လုပ်နိုင်စွမ်းအားတွေကို မြှင့်ပေးဖို့ လိုပါတယ်။

“စက်မှုဇုန် မြေလွတ်တွေရဲ့ ၈ဝ% က ထုတ်လုပ်မှု မရနိုင်သေးပါဘူးလို့ ပြည်တွင်း ဂျာနယ် တစောင်မှာ တွေ့လိုက် ရပါတယ်။ ဥပဒေအရ မြေကွက် ချပေးပြီးရင် ၁ နှစ် အတွင်း စက်ရုံ ဆောက်ရမယ်။ ၉ လ အတွင်း လည်ပတ်ရမယ် လို့ သိထားပါတယ်။ စက်မှုဇုန် မြေကွက်တွေ ရထားတာ ၁ဝ နှစ် ကျော်ပြီ။ တချို့က ဘာမှမလုပ်ဘဲ ပစ်ထားတယ်။ တချို့က ဂိုဒေါင်တွေ လုပ်ထားတယ် စက်မှုဇုန်မှာ ဂိုဒေါင်ဆောက်တာက သိပ်သဘာဝမကျတဲ့ ကိစ္စပါ။ အခြေအနေပေးလို့ ရထားတဲ့ မြေကွက်တွေကို ဘာမှမလုပ်ရင် ပြတ်ပြတ်သားသား သိမ်းပစ်သင့်ပါတယ်။ တကယ် လုပ်မယ့် ကိုင်မယ့်သူတွေကို ချထားပေးသင့်ပါတယ်” ဟု ပြောဆိုသွားသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာနတွင် အဆင့်မြင့် တာဝန်ထမ်းဆောင်ပြီး (အငြိမ်းစား)ယူခဲ့သူ ဦးသူရကျော်…

“တရားဥပဒေစိုးမိုးရေးကိုလည်း ကြည့်ပါတယ်”

နိုင်ငံခြားသားက နိုင်ငံတနိုင်ငံမှာ ရင်းနှီးမြှုပ်နှံတော့မယ်ဆိုရင် သူ့အတွက် လုံခြုံမှု၊ တရားဥပဒေ စိုးမိုးမှုကိုလည်း ကြည့်ပါတယ်။ အခုချိန်မှာ ကျန်နေသေးတဲ့ လက်နက်ကိုင် အဖွဲ့အချို့တွေနဲ့ ငြိမ်းချမ်းရေး ကိစ္စတွေကို လက်တွဲ ဆောင်ရွက်နေပါပြီ။ အရင် အညို ရောင် နယ်မြေတွေမှာ နိုင်ငံခြားသားတွေ တရားဝင် သွားလာနိုင်တာကလည်း နိုင်ငံခြား ရင်းနှီးမြှုပ်နှံသူတွေ မြန်မာပြည်မှာ လာ ရောက်လုပ်ကိုင်ချင်အောင် ဆွဲဆောင်နိုင်မှု တခုပါ။

“အောက်ခြေအဆင့်အထိ လိုက်ပါအောင် တွန်းအားပေးသင့်”

“အခုချိန်မှာ နိုင်ငံခေါင်းဆောင်ပိုင်း အနေနဲ့ ပြုပြင်ပြောင်းလဲရေးလုပ်ငန်းတွေ အင်တိုက်အားတိုက် လိုက်ပါဆောင် ရွက်နေသလို အောက်ခြေအဆင့်တွေကပါ လိုက်ပါဆောင်ရွက်အောင် တွန်းအားပေးသင့်ပါတယ်။ ဌာနတွေမှာ အပေါ်က ဆောင်ရွက်ခွင့်ပြု ပြီး တာတောင်မှာ အောက်ခြေအဆင့်တွေမှာ ကြန့်ကြာမှုတွေ၊ အဆင်မပြေမှုတွေက ဒီနေ့အထိ ဌာနအများစုမှာ ကြုံတွေ့နေရဆဲပါ။ ဒါ့ကြောင့် အောက်ခြေအဆင့် လုပ်ငန်းခွင် ကျွမ်းကျင်မှု သင်တန်းတွေ ပေးပြီး ဆောင်ရွက်သင့်ပါတယ်။ နိုင်ငံခြား ရင်းနှီးမြှုပ်နှံမှုတွေ အလုံးအရင်းနဲ့ ဝင်လာတဲ့အချိန်မှာ အဲဒီအခက်အခဲတွေ ကို ဖြေရှင်းနိုင်အောင် ကြိုတင်ပြင်ဆင်ဖို့တော့ လိုပါလိမ့်မယ်” ဟု ဝန်ကြီးဌာန အငြိမ်းစားအရာရှိ ဦးသူရကျော် က ပြောဆိုသည်။

Ref: မဇ္ဈိမ

Read More...

နိုင်ငံရေးဆွေးနွေးရန် KIO ဘက်မှ အကြောင်းမပြန်နိုင်သေး

ဖနိဒါ
နိုဝင်ဘာလ ၂၂ ရက် ၂၀၁၂ ခုနှစ်


ပြည်ထောင်စု ငြိမ်းချမ်းရေး လုပ်ငန်းဖော်ဆောင်ရေး ကော်မတီ ခေါင်းဆောင် ဝန်ကြီး ဦးအောင်မင်းနှင့် ပြန်လည်တွေ့ဆုံရန် ကချင်လွတ်လပ်ရေးအဖွဲ့ KIO ဘက်မှ လက်တလော အဆင်သင့် မဖြစ်သေးကြောင်း သိရသည်။

အောက်တိုဘာလ ၃ဝ ရက်နေ့က တရုတ်နိုင်ငံ ရွှေလီမြို့တွင် တွေ့ဆုံစဉ် နိုဝင်ဘာလအတွင်း နိုင်ငံရေး စတင် ဆွေးနွေး ရန် သဘောတူခဲ့သည်။ သို့သော် KIO မှာ အဖွဲ့တွင်း အစည်းအဝေး မပြီးပြတ်သေး၍ ပြန်လည်တွေ့ဆုံရန် အသင့်မဖြစ်သေးကြောင်း ကချင်ငြိမ်းချမ်းရေးအကျိုးဆောင် ဦးလမိုင်ဂွမ်ဂျာ ကို ပြောသည်။

ဦးအောင်မင်း ထံ ကြာသပတေးနေ့က ဆက်သွယ်မေးမြန်းစဉ်ကလည်း KIO ဘက်မှ တုံ့ပြန်မှုကို စောင့်ဆိုင်းနေကြောင်း ဝန်ကြီးက ပြောဆိုခဲ့သည်ဟု ဦးလမိုင်ဂွမ်ဂျာ က ပြောသည်။

“(ပြီးခဲ့တဲ့) အစည်းအဝေးမှာ KIO ဘက်က ဒီလမှာ လုပ်ရအောင်ဆိုတာကို သဘောတူတယ်။ ဘယ်နေ့ လုပ်မယ် ဆိုတာ တပတ် ကြိုတင်အကြောင်းကြားဖို့ကို ပြောလာတာကို စောင့်နေပါတယ်။ ဘယ်တော့ အကြောင်းကြားလာ မယ်ဆိုတာ စောင့်နေတယ်လို့ ပြောတယ်။ KIO ဘက်ကို ကျနော်တို့ မေးကြည့်တော့ သူတို့ စည်းဝေးနေသေး တယ်လို့ ပြောပါတယ်။ စည်းဝေးပြီးမှ အကြောင်း ပြန်ကြားလာမယ်လို့ ပြောတယ်” ဟု မဇ္ဈိမကို ပြောသည်။

ယခု နိုင်ငံရေး ဆွေးနွေးမည့် နေရာကို မြစ်ကြီးနား၊ ဗန်းမော် သို့မဟုတ် ရှမ်းပြည်နယ် မူဆယ်မြို့ တနေရာရာတွင် တွေ့ဆုံရန် သဘောတူထားကြသည်။ သို့သော် တွေ့ဆုံရန် ဆုံးဖြတ် ပြီးနောက် ပြန်လည် ညှိနှိုင်းကြမည် ဖြစ်သည်။

ထိုစဉ်တွင် ဖားကန့်မြို့နယ်နှင့် ရှမ်းပြည်နယ် မြောက်ပိုင်း KIO တပ်မဟာ ၄ နယ်မြေများအတွင်း အစိုးရ စစ်တပ်နှင့် KIO တပ်များ အကြား တိုက်ပွဲများ နေ့စဉ် ဖြစ်ပွားလျက် ရှိနေသည်။

ထို့ပြင် အစိုးရတပ်များ အင်အား ၁,ဝဝဝ ခန့် မြစ်ကြီးနား-ဆွမ်ပရာဘွမ် ကားလမ်းအတိုင်း တိုးမြင့်ချလာသဖြင့် ကျေးရွာသားများ ထွက်ပြေးတိမ်းရှောင်နေမှုများ ရှိနေသည်ဟု အကျိုးဆောင်တဦးဖြစ်သူ ဦးအင်ဆင်းဆန့်အောင် က ပြောသည်။

“အရင်တပတ်က ဆွမ်ပရာဘွမ်၊ ပူတာအို သွားတဲ့လမ်းတလျှောက် တန်ယန်ဇွပ် အထက်ပိုင်းမှာရှိတဲ့ ရွာသားတွေက အကုန်ထွက် ပြေးကုန်ပြီ၊ သူတို့က စစ်ပြေးဒုက္ခသည် မဟုတ်ဘဲ ကိုယ့်ဖာသာကိုယ် တောတွေမှာ ထွက်ပြေးနေရ တယ်။ တပ်မ ၃၃ စစ်သား တထောင် တက်လာတယ်ဆိုပြီး ထွက်ပြေးနေတယ်လို့ ကြားတယ်” ဟု မဇ္စျိမကို ပြောသည်။

KIO က အဖွဲ့ဝင်အဖြစ် ပါဝင်သည့် ညီညွတ်သော တိုင်းရင်းသားလူမျိုးများ ဖက်ဒရယ် ကောင်စီ UNFC နှင့် အစိုးရ ငြိမ်းချမ်းရေး ကိုယ်စားလှယ်များ ဂျပန်နိုင်ငံတွင် တွေ့ဆုံရန် နီပွန် ဖောင်ဒေးရှင်း၏ အကြံပြုချက်ကိုလည်း ဝန်ကြီး ဦးအောင်မင်းက လက်မခံ ကြောင်း UNFC တွဲဖက်အတွင်းရေးမှူး (၂) ဗိုလ်မှူးကြီး ခွန်ဥက္ကာ က ပြောသည်။

“ဂျပန်မှာ တွေ့ဖို့ နီပွန်ဖောင်ဒေးရှင်းက ကျနော်တို့ အလွတ်သဘော တွေ့ဖို့ စီစဉ်တာ။ အဲဒါကို ဦးအောင်မင်းက ပထမ သဘောတူ သလိုလို လုပ်ပြီး နောက်ပိုင်းမှာ မတူတော့ဘူး။ အပြင်မှာ တွေ့တာ မကောင်းဘူး၊ အစိုးရဘက် သိက္ခာကျ သလိုလို အဲဒီ လေသံမျိုး ရှိတယ်။ ညှိနှိုင်းနေတုန်းပါ” ဟု မဇ္စျိမကို ပြောသည်။

ဝန်ကြီး ဦးအောင်မင်းအနေဖြင့် ရန်ကုန်မြို့ရှိ Myanam Peace Center တွင်သာ တွေ့ဆုံလိုပြီး ထိုကိစ္စနှင့် ပတ်သက် ၍ UNFC အနေဖြင့် မကြာမီ ရက်ပိုင်းအတွင်း ထပ်မံဆွေးနွေးကြမည် ဖြစ်သည်ဟု ၎င်းက ဆိုသည်။

နီပွန်ဖောင်ဒေးရှင်းက မြန်မာနိုင်ငံ တိုင်းရင်းသား စစ်ဘေးဒစ်သင့် ဒေသများအတွက် အမေရိကန် ဒေါ်လာ ၃ သန်း တန် ဆန်၊ ဆေးဝါး၊ ရိက္ခာများကို လူသားချင်းစာနာမှုဖြင့် သွားရောက်ကူညီမည် ဖြစ်ပြီး အင်္ဂါနေ့က ထိုင်းနိုင်ငံ၊ ချင်းမိုင်မြို့ တနေရာတွင် UNFC နှင့် ထပ်မံ တွေ့ဆုံခဲ့ကြောင်း သိရှိရသည်။


Ref: မဇ္ဈိမ

Read More...

မြန်မာ့ပညာရေး မြှင့်တင်ရန် အမေရိကန် တက္ကသိုလ်များ ကူညီမည်

November 22, 2012

မြန်မာနိုင်ငံ ပညာရေး အဆင့်အတန်း မြင့်မားရေးအတွက် အမေရိကန် ပြည်ထောင်စုရှိ ထိပ်တန်း တက္ကလိုလ် ၉ ခုနှင့် ချိတ်ဆက် ဆောင်ရွက်သွားမည်ဟု သတင်းရရှိသည်။

အမေရိကန်သမ္မတ မစ္စတာ ဘားရက် အိုဘားမား၏ သမိုင်းဝင် မြန်မာနိုင်ငံခရီးစဉ်အပြီး နိုဝင်ဘာလ ၂၀ ရက်နေ့က နိုင်ငံတကာ ပညာရေးအဖွဲ့ (Institute of International Education – IIE) က မြန်မာနိုင်ငံဆိုင်ရာ ၂၀၁၂ ခုနှစ် နိုင်ငံတကာ ပညာရေး ပူးပေါင်းဆောင်ရွက်မှုအစီအစဉ် (International Academic Partnership Program – IAPP) ၏ အစိတ်အပိုင်းတခုအဖြစ် ပါဝင်လာနိုင်ရေးအတွက် အဆိုပါ ချိတ်ဆက်မည့် မဏာမ အစီအစဉ်ကို ကြေညာလိုက်ခြင်း ဖြစ်သည်။

အမေရိကန် ထိပ်တန်း တက္ကသိုလ် ၉ ခုမှာ အမေရိကန် တက္ကသိုလ်၊ အရီဇိုးနား ပြည်နယ် တက္ကသိုလ်၊ ဘောလ် ပြည်နယ် တက္ကသိုလ်၊ ဟာဝိုင်ယီ ပစိဖိတ် တက္ကသိုလ်၊ မြောက် အီလီနွိုက်စ် တက္ကသိုလ်၊ မြောက် အရီဇိုနား တက္ကသိုလ်၊ ဆမ်ဖို့ဒ် တက္ကသိုလ်၊ မန်ဆာချူဆက် တက္ကသိုလ်နှင့် ၀ါရှင်တန် တက္ကသိုလ်တို့ဖြစ်သည်။

IIE ၏ ဥက္ကဌလည်းဖြစ်၊ အမှုဆောင်အရာရှိချုပ်လည်းဖြစ်သူ မစ္စတာ Allan Goodman က လာမည့် ၂၀၁၃ ခုနှစ် ဖေဖော်ဝါရီလတွင် အမေရိကန် တက္ကသိုလ်များဆိုင်ရာ ကိုယ်စားလှယ်အဖွဲ့တခုကို ဦးဆောင်ကာ မြန်မာနိုင်ငံသို့ သွားရောက်ကာ ရက်သတ္တ တပတ်ကြာ နေထိုင်မည်ဖြစ်ကြောင်း IIE က ဧရာဝတီကို ပြောသည်။

အဆိုပါ ကိုယ်စားလှယ်အဖွဲ့ မြန်မာပြည် ခရီးစဉ်အတွင်း ရန်ကုန်တက္ကသိုလ်နှင့် မန္တလေး တက္ကသိုလ်များတွင် ပညာရေးဆိုင်ရာ အလုပ်ရုံဆွေးနွေးပွဲများ လုပ်ဆောင်သွားရန် အစီအစဉ်ရှိကြောင်းလည်း သိရသည်။

လာမည့် ဒီဇင်ဘာလတွင် အဆင့်မြင့်ပညာရေးဆိုင်ရာ ၂ နိုင်ငံ ညီလာခံတခုကျင်းပသွားရေးလည်း ယခု အစီအစဉ်တွင် ပါဝင်သည်။

IIE အနေဖြင့်လည်း မြန်မာ-အမေရိကန် ကျောင်းသားများ အပြန်အလှန် ပညာသင်ကြားရေး အစီအစဉ်အရ နှစ်စဉ် စာရင်းဇယားများတွင် ၂၀၁၀/၁၁ ခုနှစ် စာသင်နှစ်၌ မြန်မာကျောင်းသား ၇၉၆ ဦးသည် အမေရိကန် ပြည်ထောင်စုတွင် ပညာသင်ကြားလျှက်ရှိရာ ယမန်နှစ်ကထက် ကျောင်းသားဦးရေ ၁၄.၅ ရာခိုင်နှုန်း မြင့်တက်လာကြောင်း၊ ၂၀၀၉/ ၁၀ ခုနှစ်စာသင်နှစ်တွင် အမေရိကန်ကျောင်းသား ၁၀၀ နီးပါးသည် မြန်မာနိုင်ငံတွင် ပညာသင်ကြားလျှက် ရှိသည့်အတွက် အဆိုပါ ကိန်းဂဏန်းများသည် မြန်မာအနေဖြင့် ကမ္ဘာ့မျက်နှာစာတွင် ပွင့်လင်းမှုသို့ ဆက်လက်ရွေ့လျားလာသည်ကို ပြသရာ ရောက်သည်ဟု သိရသည်။

ပညာရေးဆိုင်ရာ အကြံပေးပုဂ္ဂိုလ်၊ Thinking Classroom Foundation ဒါရိုက်တာ ဒေါက်တာ သိန်းလွင်က အမေရိကန်သမ္မတ ကိုယ်တိုင် အားပေးခြင်း၊ အမေရိကန် တက္ကသိုလ်များက အားပေးကူညီ ခြင်း၊ ဒေါ်အောင်ဆန်းစုကြည်၏ ရန်ကုန်တက္ကသိုလ် မြှင့်တင်ရေး လွှတ်တော်သို့တင်ပြမှု အောင်မြင်မှုရခြင်းစသည့် အဖက်ဖက်က စိတ်အားထက်သန် အားပေးထောက်ခံမှု ရသည့်အတွက် မြန်မာ့ပညာရေး အမြန်ဆုံး အဆင့်မြှင့်ရေး အကောင်အထည် ဖော်နိုင်မည်ဟု ယုံကြည်ကြောင်း ဧရာဝတီကို ပြောသည်။

“လက်ရှိ အခြေအနေကတော့ မြန်မာနိုင်ငံရဲ့ ပညာရေး အဆင့်အတန်းက တော်တော်လေးကို နိမ့်ကျနေတယ်” ဟု ဒေါက်တာ သိန်းလွင်က ဆိုသည်။

စာမေးပွဲအောင်ရေး ဗဟိုပြုစနစ်ဖြစ်နေသည့်အတွက် ကျောင်းသားများ အမှန်တကယ် ပညာသင်ယူမှု မရှိခြင်း၊ သင်ကြားပေးသည့် ပညာရေးကလည်း လက်တွေ့ဘ၀တွင် မည်သို့မျှ အသုံးချ၍ မရခြင်း၊ ဆရာ/ဆရာမ ကျွမ်းကျင်မှု အားနည်းခြင်းနှင့် လစာမလုံလောက်ခြင်း၊ ပညာရေး အသုံးစာရိတ်သည် လက်ရှိကျောင်းသား ဦးရေ၊ ဆရာ/ဆရာမ ဦးရေနှင့် နှိုင်ယှဉ်လျှင် အလွန်နည်းပါး၍ မလုံလောက်ခြင်း စသည့် အချက်များက ပညာရေး အဆင့်အတန်း နိမ့်ကျစေသည့်အတွက် အမြန်ဆုံးပြင်ဆင်ရန် လိုအပ်နေပြီဖြစ်ကြောင်း ဒေါက်တာ သိန်းလွင်က ဆက်ပြောသည်။

နိုင်ငံတနိုင်ငံ၏ အရေးအကြီးဆုံးသော ပညာရေး အဆင့်မြှင့်တင်ရာတွင် ပညာရှင်များ၊ လွှတ်တော် ကိုယ်စားလှယ်များ၊ အစိုးရပိုင်းနှင့် သက်ဆိုင်ရာ တာဝန်ရှိသူအားလုံး ပါဝင်သည့် ဒီမိုကရေစီနည်းကျ ပညာရေးစနစ်ကို အမြန်ဆုံး ပြုပြင် ပြောင်းလဲရေး ဖြစ်သင့်ကြောင်း ၎င်းက အကြံပြုသည်။

“ပညာရေး အဆင့်မြှင်တင်ဖို့ဆိုရင် တက္ကသိုလ်ကောင်စီက လွပ်လပ်စွာ စီမံခန့်ခွဲပိုင်ခွင့်ရှိရမယ်။ နောက် တက္ကသိုလ် ၀င်ခွင့်မှာ ကျောင်းသားတွေကိုယ်တိုင် ရွေးချယ်တာ ဖြစ်ရမယ်” ဟု ဒေါက်တာ သိန်းလွင်က ပြောသည်။

သို့မှသာ ကျောင်းသားများအနေဖြင့် ကိုယ်တိုင်ရွေးချယ်ခွင့် ရသည့် ပညာရေးဖြစ်သည့်အတွက် ကိုယ်တိုင် ကြိုးစားမည် ဖြစ်ကြောင်း၊ လက်တွေ့ဘ၀ အသုံးချနိုင်မည့် ပညာရပ်များ ပို့ချသည့်အတွက် ကျောင်းသားနှင့် နိုင်ငံအတွက် အကျိုးရှိမည်ဖြစ်ကြောင်း၊ တခြား အခြေခံပညာရေးတွင်လည်း စာမေးပွဲဗဟိုပြု စနစ်ထက် ကျောင်းသားကိုယ်တိုင် အားထုတ်သင်ယူသည့် စနစ်ကို ကျင့်သုံးမည်ဆိုပါက ပညာရေး တိုးတက်မည်ဖြစ်ကြောင်း သူက ဆိုသည်။

“ဘတ်ဂျက်က အများကြီး တိုးဖို့လိုတယ်။ အခု ပြဌာန်းထားတာက မလုံလောက်ဘူး။ ၂၀၁၂-၂၀၁၃ ဘတ်ဂျက်မှာ ကျပ် သန်းပေါင်း ၇ သိန်းလို့ ရေးထားတယ်။ အဲဒါဟာ ကျနော်တို့ဆီမှာရှိတဲ့ ကျောင်းသား ဦးရေနဲ့ နှိုင်းစာလိုက်ရင် မပြောပလောက်ဘူး” ဟု ဒေါက်တာ သိန်းလွင်က ပြောသည်။

ပညာရေး ဘတ်ဂျက်သည် နိုင်ငံတော် ဘတ်ဂျက်၏ ၁၀ ရာခိုင်နှုန်းအထက် ပြဌာန်းသတ်မှတ်ရန် လိုကြောင်း၊ အမေရိကန်၊ ကမ္ဘာ့ဘဏ်နှင့် နိုင်ငံတကာမိသားစုတို့က မြန်မာ့ပညာရေး အကူအညီများ ပို၍ ပေးလာပါက မြန်မာ့ ပညာရေးမြှင့်တင်ရေးသည် အချိန်တိုအတွင် အကောင်းဘက်သို့ ဦးတည်လာမည်ဖြစ်ကြောင်း ဒေါက်တာ သိန်းလွင်က သုံးသပ်သည်။

ဧရာဝတီ သတင်းထောက် လာလစ် ကေဂျာ့နှင့် လင်းသန့်တို့ ပူးပေါင်းရေးသားသည်။

Ref: ဧရာဝတီ

Read More...

ထိန်းချုပ်မှုအသစ်ကြောင့် တရားမဝင် ထိုင်း ကုန်သွင်းမှု ထက်ဝက်ကျ

ကျော်ခ
November 22, 2012

မြန်မာအစိုးရက ထိုင်းနိုင်ငံထုတ် ကုန်ပစ္စည်းများ တရားမဝင် တင်သွင်းနေခြင်းကို တားဆီးနှိမ်နင်းမှု စံနစ်သစ်ဖြင့် စတင် ဆောင် ရွက်ခဲ့ပြီးနောက် ထိုင်းကုန်ပစ္စည်း ဝင်ရောက်မှု ထက်ဝက်ကျော် ကျဆင်းသွားကြောင်း မြန်မာကုန်သည်များက ပြောသည်။

စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ နယ်စပ်ကုန်သွယ်ရေး ဦးစီးဌာနက တရားမဝင်ကုန်သွယ်မှု ကျဆင်းရေး အတွက် ထိုင်း-မြန်မာ နှစ်နိုင်ငံ၏ အဓိက ကုန်သွယ်ရေးလမ်းကြောင်း တခုဖြစ်သော မြဝတီ-ရန်ကုန် လမ်းကြောင်းကို ယခုလ ၂၀ ရက် နေ့မှ စတင်ကာ ရှောင်တခင်စစ်ဆေးရေးအဖွဲ့ (Mobile Team) ဖြင့် နှိမ်နင်းရေး စတင်လှုပ်ရှားခဲ့သည်။

အစိုးရက ယင်းသို့ စီမံဆောင်ရွက်သည့် နေ့မှစ၍ မြန်မာနိုင်ငံမှ ရေထွက်ကုန်၊ လယ်ယာ ထွက်ကုန်နှင့် သစ်တော ထွက်ကုန်များသာ မြ၀တီနယ်စပ် ကုန်သွယ်ရေး ဇုန်မှတဆင့် ထိုင်းနိုင်ငံသို့ ပုံမှန်တင်ပို့လျက် ရှိနေသော်လည်း ထိုင်းနိုင်ငံဘက်မှ တင်သွင်းသည့် ကုန်ပစ္စည်းများမှာ ထက်ဝက်ကျော် ရပ်ဆိုင်းသွားသည်ဟု သိရသည်။

“ကုန်သည်အများစုက ပစ္စည်းတွေ အောက်မပို့တော့ဘူး။ အခုဆိုရင် မြ၀တီမှာက ကုန်တွေ အောက်ကကို မဆင်းကြတော့ဘူး။ တမြို့လုံး ခြောက်ကပ်နေပြီး ခရီးသည်တင်ကားတွေပဲ အောက်ကိုဆင်းကြတယ်” ဟု မြန်မာကုန်သည် ဦးမာမက်က ပြောသည်။

မြဝတီ-ရန်ကုန် ကုန်သွယ်ရေးလမ်းကြောင်းတွင် ထိုင်းနိုင်ငံဖက်မှ ဝင်ရောက်လာသော ကား၊ ဆိုင်ကယ်၊ အီလက်ထရောနစ် ပစ္စည်း၊ အရက်၊ ဘီယာ၊ အလှကုန်၊ အိမ်တွင်း အသုံးအဆောင်ပစ္စည်း၊ အဝတ်အထည်နှင့် စားသောက်ကုန်များကို နယ်စပ်အခြေစိုက် အစိုးရ အာဏာပိုင်များနှင့် အစိုးရလက်အောက်ခံ ကရင်လက်နက်ကိုင် နယ်ခြားစောင့် (BGF) တပ်ဖွဲ့ဝင်များက နားလည်မှုဖြင့် တရားမဝင် တင်သွင်းနေကြခြင်းဖြစ်ပြီး စီမံချက်အသစ်ဖြင့် စတင်ဆောင်ရွက်သည့်နေ့မှစ၍ ယင်းသို့ တင်သွင်းခွင့် မရှိတော့ကြောင်း အစိုးရက သတိပေးထားပြီး ဖြစ်သည်ဟု သိရသည်။

မြဝတီ-ရန်ကုန် ကုန်သွယ်ရေး လမ်းကြောင်းပေါ်တွင် ယခင်က နယ်စပ်ကုန်သွယ်ရေး ဦးစီးဌာနအပါအဝင် အဖွဲ့အစည်းပေါင်းစုံ စုပေါင်းကာ အထိုင်ဂိတ်များချ၍ စစ်ဆေးဖမ်းဆီးမှုများ ပြုလုပ်ခဲ့သော်လည်း ယခုအခါ Mobile Team ပုံစံဖြင့် နှိမ်နင်းရန် ပုံစံပြောင်း လဲလိုက်ခြင်းဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ပြောသည်။

“အရင်ကလို ဂိတ်တွေ မထားတော့ဘူး၊ Mobile Team က ရွေ့လျားမှာပေါ့၊ ဒီနေ့ ဝေါမှာ ထိုင်ရင်ထိုင်မယ်၊ နောက်နေ့ ဘားအံမှာ ထိုင်ရင်ထိုင်မယ်၊ ကော့ကရိတ်မှာ ထိုင်ရင်ထိုင်မယ်၊ အဲလိုပုံစံမျိုးပေါ့” ဟု စီးပွားရေးနှင့် ကူးသန်းရောင်းဝယ်ရေးဝန်ကြီးဌာန လက်ထောက်ညွှန်ကြားရေးမှူး ဦးတင်ထွန်းအောင်က ဧရာဝတီသို့ ပြောသည်။

စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ နယ်စပ်ကုန်သွယ်ရေး ဦးစီးဌာနမှ ဦးဆောင်ပြီး အကောက်ခွန်ဦးစီးဌာန၊ မြန်မာနိုင်ငံရဲတပ်ဖွဲ့၊ ဒေသအုပ်ချုပ်ရေးအဖွဲ့ ကိုယ်စားလှယ်၊ နယ်စပ်ကုန်သည်အသင်း ကိုယ်စားလှယ်နှင့် သတင်းမီဒီယာအဖွဲ့မှ ကိုယ်စားလှယ်များဖြင့် ဖွဲ့စည်းထားသော Mobile Team အဖွဲ့က မြဝတီ-ရန်ကုန် ကုန်သွယ်ရေး လမ်းကြောင်းတလျှောက်က ကားများကို ရှောင်တခင် စစ်ဆေးမှုများ ပြုလုပ်လျက်ရှိသည်။

မြန်မာအစိုးရက တင်သွင်းခွင့် ပြုထားသော ကုန်ပစ္စည်း အမျိုးအမည်ဖြင့် ထိုင်းနိုင်ငံဘက်မှ တဆင့် အခွန်ဆောင်ခြင်းမရှိဘဲ တင်သွင်းလာသည့် ကုန်ပစ္စများကို တရားမဝင် မှောင်ခိုပစ္စည်းအဖြစ် သတ်မှတ်ကြောင်း၊ ကုန်ပစ္စည်း တင်သွင်းခွင့် လိုင်စဉ်ကိုလည်း ၂၄ နာရီအတွင်း အပြီးလုပ်ပေးနေကြောင်း၊ ထို့အတူ ယခင်ပို့ကုန် အခွန်ကောက်ခံမှု ရှိခဲ့သော်လည်း ယခုအခါ ပယ်ဖျက်၍ ဖြေလျှော့ပေးထားကြောင်း သိရသည်။

“Export ဆိုရင် အရင်တုန်းကလို ၁၀ ရာခိုင်နှုန်းတို့ ၈ ရာခိုင်နှုန်းတို့ မရှိတော့ဘူး။ ဒီလိုဖြေလျှော့ပေးမှုကိုမှ လုပ်ငန်းရှင်တွေ အနေနဲ့ တရားမဝင် နည်းလမ်းတွေနဲ့ သွားနေတဲ့အတွက်ကြောင့် ကုန်သွယ်မှု Volume တွေက ကျနေတဲ့ အတွက်ကြောင့် ထိန်းထိန်းသိမ်းသိမ်း လုပ်ဖို့အတွက် အထက်ကို တင်ပြပြီးတော့မှ ဆောင်ရွက်ခြင်းဖြစ်ပါတယ်” ဟု လက်ထောက်ညွှန်ကြားရေးမှူး ဦးတင်ထွန်းအောင်က ပြောသည်။

Mobile Team လုပ်ငန်း အစီအစဉ်နှင့် ပတ်သက်၍လည်း ယခုလဆန်းပိုင်းမှစ၍ ရန်ကုန်ရှိ ဘုရင့်နောင် ကုန်စည်ဒိုင် အစည်း အဝေးခန်းမ၊ ဘားအံ ဇွဲကပင်ခန်းမ၊ မော်လမြိုင် ရွှေမြင့်မိုရ်ထွန်း ဟိုတယ်ခန်းမ၊ မြဝတီ ကုန်သွယ်ရေးဇုန် အစည်း အဝေးခန်းမတို့၌ သက်ဆိုင်ရာ ပြည်နယ်၊ တိုင်းအစိုးရအဖွဲ့မှ တာဝန်ရှိသူများ၊ ဌာနဆိုင်ရာများ၊ အသင်းအဖွဲ့များ၊ ကုန်သည်အသင်း၊ လုပ်ငန်းရှင် များ အသင်းနှင့် သတင်းမီဒီယာများကိုလည်း ရှင်းလင်းအသိပေးခြင်းများ ပြုလုပ်ခဲ့ကြောင်း သိရသည်။

ထိုင်း-မြန်မာ နယ်စပ် မဲဆောက်-မြ၀တီ ကုန်သွယ်ရေး လမ်းကြောင်းမှတဆင့် ထိုင်းကုန်ပစ္စည်းများ မြန်မာဘက်သို့ တင်ပို့မှုမှာ လစဉ် ဘတ် သန်း ၃,၀၀၀ ဖိုး ရှိသည်ဟု တာ့ခ်ခရိုင် ကုန်သည်ကြီးများအသင်းက ပြောသည်။ သို့သော် ထိုင်းကုန်သည်ကြီး တဦး၏အဆိုအရ လစဉ် မြန်မာဘက်သို့ တင်ပို့သည့် ထိုင်းကုန်ပစ္စည်း တန်ဖိုးပမာဏမှာ ဘတ်ငွေ သန်း ၅၀၀၀ ဖိုးအထိ ရှိသည်ဟု ဆိုသည်။

နယ်စပ်ကုန်သွယ်ရေး ဦးစီးဌာန၏ အဆိုအရ တရားမဝင် ကုန်သွယ်မှု၊ ကူးသန်းသွားလာမှုနှင့် နိုင်ငံတွင်း စီးပွားဖွံ့ဖြိုးရေးနှင့် နိုင်ငံသားများ အလုပ်အကိုင် ရရှိရေးတို့အတွက် ယခုနှစ်ကုန်ပိုင်းနှင့် ၂၀၁၃ နှစ်ဆန်းပိုင်းတွင် တနင်္သာရီတိုင်း ဒေသကြီး မြိတ်ခရိုင်အတွင်းရှိ မောတောင်နယ်စပ် ကုန်သွယ်ရေး စခန်း၊ ကယားပြည်နယ် မယ်စဲ့ နယ်စပ်ကုန်သွယ်ရေးစခန်း၊ ထားဝယ် ခရိုင်အတွင်းရှိ ထီးစီး နယ်စပ်ကုန်သွယ်ရေးစခန်းတို့ကို ဖွင့်လှစ်သွားရန်ရှိကြောင်းသိရသည်။

Ref: ဧရာဝတီ

Read More...

သမ္မတ အိုဘားမား၏ ရိုဟင်ဂျာ အသုံးအနှုန်း မြန်မာအစိုးရ လက်မခံဟု တုံ့ပြန်

သာလွန်ဇောင်းထက်
November 21, 2012

အမေရိကန်သမ္မတ အိုဘားမားက ရခိုင်ပြည်နယ်မှ ရိုဟင်ဂျာများကို နိုင်ငံသားတဦးကဲ့သို့ အခြေခံ လူ့အခွင့်အရေးများ ပေး အပ်သင့်သည် ဆိုသော ပြောဆိုမှုနှင့် ဆက်စပ်ပြီး ရိုဟင်ဂျာဆိုသော အသုံးအနှုန်းကို မြန်မာအစိုးရက လက်မခံကြောင်း နယ်စပ်ရေးရာ လုံခြုံရေးဝန်ကြီး ဒုတိယ ဗိုလ်ချုပ်ကြီး သိန်းဌေးက ပြောဆိုလိုက်သည်။

ယနေ့ ညနေ ၅ နာရီ ရန်ကုန်မြို့၊ မင်းရဲကျော်စွာလမ်း၊ ပြည်ထောင်စုသမ္မတ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်ရုံး (UMFCCI) တွင် ကျင်းပပြုလုပ်သော ကုလသမဂ္ဂနှင့် မြန်မာအစိုးရတို့၏ ရခိုင်အရေး တုံ့ပြန် ဆောင်ရွက်မှုဆိုင်ရာ အစည်းအဝေးတွင် ၎င်းက ဧရာဝတီသတင်းဌာန၏ မေးမြန်းချက်များကို ဖြေကြားစဉ် အထက်ပါအတိုင်း ပြောဆိုလိုက်ခြင်း ဖြစ်သည်။

သမ္မတ အိုဘားမားက ရန်ကုန်တက္ကသိုလ် ဘွဲ့နှင်းသဘင် ခန်းမ၌ နိုဝင်ဘာလ ၁၉ ရက်နေ့က ပြောကြားသော မိန့်ခွန်းထဲတွင် “ရခိုင်ပြည်နယ်မှာ အကြမ်းဖက်မှုတွေကို တွေ့မြင်ရပြီး တင်းမာမှုတွေ ဆက်လက်ဖြစ်နိုင်မယ့် အန္တရာယ်ကို မြင်နေရပါတယ်။ ရခိုင် တိုင်းရင်းသားများ အပါအ၀င် ဒီပြည်နယ်လူထုတွေက ဆင်းရဲနွမ်းပါးမှုနဲ့ တရားလွန် ညှင်းပန်းနှိပ်စက်မှု ဒဏ်ကို ကာလရှည်ကြာစွာ ရင်ဆိုင်ခဲ့ကြရပါတယ်။ သို့ပေမယ့် အပြစ်မဲ့သူများကို အကြမ်းဖက်မှုအတွက် ဘာဆင်ခြေမှ ပေးလို့မရပါဘူး။ ရိုဟင်ဂျာတွေလည်း ခင်ဗျားတို့လို၊ ကျနော့်လို သူတို့မှာလည်း သူတို့ဂုဏ်သိက္ခာနဲ့ သူတို့ရှိပါတယ်။ ပြန်လည်သင့်မြတ်ရေးအတွက် အချိန်ယူရမှာဖြစ်ပါ တယ်။ ဒါပေမယ့် ကျနော့်တို့ အားလုံးရဲ့ လူသားဖြစ်တည်မှုအတွက် ဒီနိုင်ငံရဲ့ အနာဂတ်အတွက် ရည်မှန်းပြီး သွေးထိုးလှုံ့ဆော်မှုတွေ အကြမ်းဖက်မှုတွေကို ရပ်တန်းကရပ်ဖို့ အချိန်တန်ပါပြီ” ဟု ထည့်သွင်း ပြောဆိုခဲ့သည်။

ဒုတိယ ဗိုလ်ချုပ်ကြီး သိန်းဌေးက “ရိုဟင်ဂျာဆိုတဲ့ အသုံးအနှုန်းက အင်မတန်မှ အငြင်းပွားဖွယ်ရာ အသုံးအနှုန်းဖြစ်ပါတယ်။ သို့သော် ပြည်ထောင်စု အစိုးရအနေနဲ့ရော၊ ရှေ့က အစိုးရ အဆက်ဆက်အနေနဲ့ကတော့ ရိုဟင်ဂျာဆိုတဲ့ အခေါ်အဝေါ်ကိုသော် လည်းကောင်း၊ တိုင်းရင်းသားဆိုတဲ့ အချက်ကိုသော် လည်းကောင်း လက်ခံထားခြင်း မရှိပါဘူး။ ဒါ ပွင့်ပွင့်လင်းလင်း ပြောတာပါ” ဟု ရှင်းပြသည်။

ဧရာဝတီသတင်းဌာနက မြန်မာ-ဘင်္ဂလားဒေ့ရှ် နယ်စပ်တွင် ခြံစည်းရိုးကာရင်း အမည်မသိ လက်နက်ကိုင်များ၏ ဖမ်းဆီးခေါ်ခြင်း ခံသွားရသော မြန်မာစစ်သားများကိစ္စနှင့် ပတ်သက်ပြီး အစိုးရက မည်သို့မည်ပုံ ဆောင်ရွက်လျက် ရှိပါသနည်းဟု မေးမြန်းရာ ဒုတိယ ဗိုလ်ချုပ်ကြီး သိန်းဌေးက ကာကွယ်ရေးဝန်ကြီးဌာနနှင့် သက်ဆိုင်သည့်အတွက် မိမိမဖြေကြားနိုင်ကြောင်း ပြောသည်။

“ကာကွယ်ရေးဝန်ကြီးဌာနနဲ့ပဲ သက်ဆိုင်တဲ့အတွက် ကျနော် မဖြေနိုင်ပါဘူး” ဟု ၎င်းက ဧရာဝတီသို့ ပြောသည်။

ရခိုင်ပြည်နယ် ပဋိပက္ခ အကြမ်းဖက်မှုများ၏ နောက်ကွယ်တွင် အဖွဲ့အစည်းများ ရှိနေသည်ဆိုပြီး အစိုးရက မကြာခဏဆိုသကဲ့သို့ သတင်းထုတ်ပြန်လေ့ ရှိသည့်အတွက် မည်သည့်အဖွဲ့အစည်းများ ရှိနေပါသနည်း၊ မည်သူများကို အရေးယူထားပါသနည်း ဆိုသော ဧရာဝတီ၏ မေးခွန်းနှင့် ပတ်သက်ပြီးလည်း တိကျစွာ ဖြေကြားခြင်းမပြုခဲ့ပေ။

“အကြမ်းဖက်မှုတွေဖြစ်အောင် နောက်ကွယ်က ကြိုးကိုင်ခြင်း၊ လှုံ့ဆော်ခြင်း ပြုလုပ်တဲ့သူတွေက နှစ်ဖက်စလုံးမှာ ရှိတယ်ဆိုတာ ကျနော်တို့ ပြောခဲ့တာရှိတယ်။ ဒါတွေကလည်း ကျနော်တို့မှာ ခိုင်လုံသော အထောက်အထားတွေ တွေ့ရှိပြီး ဖြစ်ပါတယ်။ ဆက်လက် စုံစမ်းဖော်ထုတ်ဆဲ ဖြစ်ပါတယ်။ ဒီအချိန်မှာတော့ အရေးယူမှု မပြုခင် ထုတ်ဖော်ပြောဖို့ မသင့်ဘူးလို့ ယူဆပါတယ်” ဟု ဒုတိယ ဗိုလ်ချုပ်ကြီးသိန်းဌေးက ရှင်းပြသည်။

ရခိုင်ပြည်နယ်တွင် နိုင်ငံသားစိစစ်မှုများ လုပ်ဆောင်လျက်ရှိပြီး ယင်းသို့လုပ်ဆောင်ရာတွင် လူမျိုးစုနှစ်ခုစလုံးမှ ခေါင်းဆောင်များ၏ သဘောတူညီချက်ဖြင့် လုပ်ဆောင်ခြင်းဖြစ်ကြောင်း၊ ယင်းသို့ စိစစ်ရာတွင်လည်း ၁၉၈၂ ခုနှစ် ဥပဒေအတိုင်း ဆောင်ရွက်သွား မည်ဖြစ်ပြီး မည်မျှ နိုင်ငံသားဖြစ်ခွင့်ရှိမည်ကို ဖြေကြားခြင်းနိုင်ခြင်း မရှိသေးကြောင်း၊ လတ်တလော အနေအထားတွင် စိစစ် နေဆဲဖြစ်ပြီး အထောက်အထား မပြနိုင်သူများကို တရားမ၀င် ၀င်ရောက်လာသူများအဖြစ် သတ်မှတ်မည်ဟု သိရှိရသည်။

“လူအဖွဲ့အစည်း နှစ်ခုကြားမှာ သံသယတွေ ရှိနေကြတယ်။ ဘင်္ဂါလီတွေ မှတ်ပုံတင်တွေ ရသွား၊ မှတ်ပုံတင်နှစ်ခုလောက် ကိုင်နေ တာတွေမြင်တော့ ရခိုင်တွေဘက်ကလည်း ခိုးဝင်လာတဲ့သူတွေဆိုပြီး ခံစားချက်တွေရှိတယ်။ တဘက်ကလည်း ဘိုးဘွားဘီဘင် လက်ထက်ကတည်းက နေထိုင်လာတာ ခိုးဝင်တာမဟုတ်ဘူးဆိုတဲ့ ခံစားချက်ရှိတယ်။ နှစ်ဘက်စလုံးက စစ်ဆေးပေးစေလိုတဲ့ အတွက်ကြောင့် စစ်ဆေးတာဖြစ်တယ်” ဟု ဒုတိယ ဗိုလ်ချုပ်ကြီးသိန်းဌေးက ဆိုသည်။

နိုင်ငံသား စိစစ်ရေးလုပ်ငန်းများအပြီး မည်သို့ နိုင်ငံသားမှတ်ပုံတင်ကတ် ထုတ်ပေးမည်၊ တရားမ၀င် ၀င်ရောက်လာသူအဖြစ် သတ်မှတ်ပြီးသူများကို မည်သို့မည်ပုံ အရေးယူမည်ကိုမူ နယ်စပ်လုံခြုံရေးဝန်ကြီးက ထုတ်ဖော်ပြောဆိုရန် ငြင်းဆိုသွားသည်။

နိုင်ငံသားစိစစ်ရာတွင်လည်း ရိုဟင်ဂျာအဖြစ် မှတ်ပုံတင်ခွင့်ပေးရန် တောင်းဆိုမှုများရှိနေကြောင်း သိရှိရသည်။

“ရိုဟင်ဂျာအဖြစ် စာရင်းသွင်းဖို့ တောင်းဆိုတာက တထောင်မှာ တရာလောက်ပဲ ရှိပါတယ်။ ဒါပေမယ့် လ၀ကက စစ်လိုက်တော့ အဖေကလည်း ဘင်္ဂါလီ၊ အမေကလည်း ဘင်္ဂါလီ၊ သားသမီးကျမှ ရိုဟင်ဂျာဖြစ်ချင်တာက ဆန္ဒစွဲတွေဖြစ်ပါတယ်” ဟု ဒုတိယ ဗိုလ်ချုပ်ကြီးသိန်းဌေးက ဆိုသည်။

လက်ရှိအနေအထားတွင် ရခိုင်ပြည်နယ်၌ ဒုက္ခသည် ခြောက်သိန်းရှိနေပြီး ယင်းဒုက္ခသည်များအတွက် လူသားချင်း စာနာထောက် ထားမှုဆိုင်ရာ အကူအညီပေးရန် အမေရိကန်ဒေါ်လာ ၆၈ သန်း လိုအပ်နေကြောင်း သိရှိရသည်။

“အကြမ်းဖက်မှုတွေကြောင့် ဒုက္ခသည် အရေအတွက် ၁၁၁၀၀၀၊ ဟိုတလောက တောင်ပြို၊ ရေကြီးတာကြောင့် ဒုက္ခသည်အရေ အတွက် ၁၉၀၀၀၊ ဂီရိမုန်တိုင်းဒဏ်ကြောင့် ဒုက္ခသည် ၂၆၀၀၀၀၊ စိုက်ပျိုးရခက်ခဲ၊ လမ်းပန်းဆက်သွယ်ရေး ခက်ခဲတော့ ၂၀၀၀၀၀ လောက် စားနပ်ရိက္ခာ အခက်အခဲ ရင်ဆိုင်နေရတယ်။ စုစုပေါင်း ဒုက္ခသည်ခြောက်သိန်း အကျပ်အတည်း ဆိုက်ရောက်နေတယ်” ဟု ၎င်းက ဆိုသည်။

ရခိုင်ပြည်နယ်တွင် လူသားချင်း စာနာထောက်ထားမှု အကူအညီများ ပေးအပ်ရေး၊ လူမျိုးစုများအကြား ငြိမ်းချမ်းစွာ အတူယှဉ် တွဲနေထိုင်ရေး၊ ပုံမှန်အခြေအနေ ပြန်လည်ရောက်ရှိရေး မြန်မာအစိုးရက နိုင်ငံတကာ အဖွဲ့အစည်းများနှင့် ပူးပေါင်းဆောင်ရွက် သွား မည်ဟု အစိုးရက ထုတ်ပြန်ထားသည်။

ရခိုင်ပြည်နယ်တွင် ဖြစ်ပွားခဲ့သော အကြမ်းဖက်မှုများကြောင့် ထိခိုက်သေဆုံးမှုများ ရှိနေပြီး နေအိမ်များနှင့် အဆောက်အအုံများ မီးရှို့ခံရခြင်း အပါအ၀င် အပျက်အစီးများစွာ ကြုံတွေ့ရလျက်ရှိသည်။

Ref: ဧရာဝတီ

Read More...

ကယားဒေသ လမ်းစီမံကိန်း လုံခြုံရေး ပြဿနာ ကြုံနိုင်

ကြယ်ပြာ
November 22, 2012

ကယားပြည်နယ်၏ အဓိကလမ်းမကြီး နှစ်ခုအား ကျပ် သန်း ၇၀၀၀ ကျော် သုံးစွဲပြီး ပြင်ဆင် ဆောက်လုပ်မည့် စီမံကိန်းတွင် အစိုးရ အနေဖြင့် ကရင်နီအမျိုးသား တိုးတက်ရေးပါတီ (KNPP) ကို အသိပေးညှိနှိုင်းခြင်း မရှိ၍ လုံခြုံရေးပြဿနာများ ပေါ်ပေါက် လာနိုင်ကြောင်း KNPP က ပြောသည်။

ပြင်ဆင်မည့်လမ်းများမှာ ဖားဆောင်း-မော်ချီး လမ်းနှင့် ဖရူးဆိုး-မရူးဆိုး-ဟိုရာ လမ်းပိုင်းများဖြစ်ကြောင်း၊ ၎င်းစီမံကိန်းအား ၂၀၁၃-၂၀၁၄ ဘဏ္ဍာနှစ်တွင် စတင်မည်ဖြစ်ပြီး မော်ချီးလမ်းအတွက် ကျပ် သန်း ၃၃၀၀ နှင့် ဟိုရာလမ်းအတွက် ကျပ်သန်း ၄၀၀၀ လျာထား ကြောင်း သိရသည်။

KNPP အတွင်းရေးမှူး ၁ ခူးဦးရယ်က လမ်းများကောင်းလာပါက ဒေသခံများအတွက် အလုပ်အကိုင်များ ပိုမိုရရှိလာနိုင်ခြင်းကြောင့် ၎င်းတို့အနေဖြင့် ကြိုဆိုသော်လည်း အစိုးရအနေဖြင့် ယင်းစီမံကိန်းနှင့် ပတ်သက်ပြီး ၎င်းတို့အား အသိပေးသင့်ကြောင်း၊ ပြင်ဆင် မည့် လမ်းနှစ်ခုလုံးမှာ အစိုးရနှင့် KNPP နှစ်ဘက်စလုံးက ထိန်းချူပ်ထားသော နယ်မြေဖြစ်ပြီး အပစ်အခတ် ရပ်စဲရေးနှင့် ငြိမ်းချမ်း ရေး လုပ်ငန်းစဉ် ပြီးဆုံးခြင်းမရှိသေး၍ ယင်း စီမံကိန်းကြောင့် လုံခြုံရေး ပြဿနာများ ဖြစ်ပွားလာနိုင်ကြောင်း ပြောဆိုခြင်း ဖြစ် သည်။

ပဏာမအဆင့် ငြိမ်းချမ်းရေး ဆွေးနွေးခဲ့စဉ်က အစိုးရ၏ ကယားပြည်နယ်အတွင်း ပြုလုပ်မည့် စီမံကိန်းအားလုံးတွင် KNPP အဖွဲ့အား ပူးပေါင်းဆောင်ရွက်ခွင့် ပြုမည်ဆိုသော သဘောတူညီချက် ပါဝင်ကြောင်း သိရသည်။

“နှစ်ဦးနှစ်ဖက် ယုံကြည်ချက်ခိုင်ခိုင်မာမာ မရသေးခင်မှာ ဒီလိုမျိုး လုပ်နေမယ်ဆိုရင် ကျနော်တို့ဘက်က အာမမခံနိုင်ပါဘူး၊ လမ်း ဖောက် ဖို့ ကိစ္စအပေါ်ကို အကျိုးသက်ရောက်မှု ရှိလာလိမ့်မယ်” ဟု ခူးဦးရယ်က ဧရာဝတီသို့ ပြောသည်။

အဆိုပါစီမံကိန်း အတွက် ကုန်ကျငွေကို ပြည်ထောင်စု အစိုးရမှတဆင့် ဂျပန် နိုင်ငံတကာ ပူးပေါင်း ဆောင်ရွက်ရေး အေဂျင်စီ (Japan International Corporation Agency-JICA) က ထုတ်ချေးပေးသွားမည်ဖြစ်ပြီး လမ်းများဆောက်လုပ်ရေးအတွက် ကယားပြည်နယ် ဆောက်လုပ်ရေး ၀န်ကြီးဌာန နှင့် JICA တို့က အတူပူးပေါင်း၍ ကွင်းဆင်း တိုင်းတာနေကြကြောင်း သိရသည်။

JICA အဖွဲ့သည် ၁၉၈၁ ခုနှစ်က မြန်မာနိုင်ငံသို့ စတင်ဝင်ရောက်လာခဲ့ပြီး ကျန်းမာရေး၊ ပညာရေး၊ စိုက်ပျိုးရေး၊ မွေးမြူရေး၊ သဘာဝ ပတ်ဝန်းကျင် ထိန်းသိမ်းရေး နှင့် ဖွံ့ဖြိုးရေး လုပ်ငန်းများအတွက် မြို့ကြီး ၁၁ မြို့တွင် စီမံကိန်းပေါင်း ၂၄ ခုကို ဆောင်ရွက်ပေးနေပြီး ချင်းပြည်နယ် အတွက်လည်း ပြည်ထောင်စု အစိုးရမှ တဆင့် ကျပ်သန်း ၉၉၀၀ ထုတ်ချေးပေးသွားမည်ဟု ဆိုသည်။

ကယားပြည်နယ် လမ်းပန်းဆက်သွယ်ရေး ၀န်ကြီး ဦးချစ်လှ က“အစိုးရဆီကတော့ သန်း ၄၀၀၀ လောက်ပဲ ရမယ်ထင်တယ်။ နယ်မြေ အေးချမ်းစပြုလာပြီး ငြိမ်းချမ်းရေးလည်း ရတော့မှာဖြစ်လို့ ဒီလိုမျိုးပြင်ဆင်မှုတွေ စလုပ်တာပါ”ဟု ဧရာဝတီသို့ ပြောသည်။

ယင်း လမ်းနှစ်ခုတွင် ဖားဆောင်း-မော်ချီးလမ်းက သတ္တုတွင်းများသို့ သွားရာလမ်းဖြစ်ပြီး တောင်ဆင်း၊ တောင်တက်လမ်း ဖြစ်ကြောင်း၊ တလမ်းမောင်း ဖြစ်သောကြောင့် မိုးရာသီတွင် သွားလာရေး အလွန်ခက်ခဲကြောင်း၊ ယခင်ကတည်းကပြင်ဆင် လိုခဲ့သော် လည်း ကယားပြည်နယ်အတွင်း ဘတ်ဂျက်ငွေ မရှိခြင်းကြောင့် ၂၀၁၃-၂၀၁၄ ဘဏ္ဍာ နှစ်တွင်မှ စတင်နိုင်မည်ဖြစ်ကြောင်းလည်း ၀န်ကြီး ဦးချစ်လှ က ပြောဆိုသည်။

မော်ချီးလမ်းသည် အင်္ဂလိပ်လက်ထက်က စတင်ဖောက်လုပ်ခဲ့ခြင်းဖြစ်ပြီး ကယားပြည်နယ်၏ အဓိကလမ်း ဖြစ်ကြောင်း၊ လွိုင်ကော် မြို့နှင့် မော်ချီးမြို့သို့ မိုင်ပေါင်း ၉၆ မိုင်သာ ရှိသော်လည်း လမ်းဆိုးသည့်အတွက် တညအိပ် သွားရကြောင်း၊ ထိုင်းနိုင်ငံနှင့် နယ်စပ် ထွက်ပေါက်ရှိခြင်းကြောင့် လမ်းများပြင်ဆင်ပါက ဒေသခံများ အတွက် စီးပွားရေး အခွင့်အလမ်းများ ဖြစ်လာနိုင်ကြောင်း သိရသည်။
ကယားပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး တင်စိုးကလည်း“အစိုးရအနေနဲ့ ပြည်သူလူထုအတွက် ဒီလမ်းတွေ ကိုပြင်ပေးမှာပါ၊ သူတို့အဖွဲ့ကို အသိပေးခြင်း မပေးခြင်းကတော့ အစိုးရရဲ့ သဘော ပါ၊ အခြားဌာနတွေကိုလည်း ဘတ်ဂျက်တွေ ချပေးထားတယ်”ဟု ပြောသည်။

အစိုးရ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီအဖွဲ့နှင့် KNPP ကိုယ်စားလှယ်များသည် ပြီးခဲ့သည့် ဇွန်လ ၉ ရက်က ကယားပြည်နယ် လွိုင်ကော်မြို့တွင် ပြည်ထောင်စု အဆင့် တွေ့ဆုံဆွေးနွေး၍ သဘောတူညီချက် ၁၄ ချက်ကို လက်မှတ် ရေးထိုးခဲ့ကြသည်။

သဘောတူညီချက်များ၌ နှစ်ဘက်တပ်များ ပြန်ဆုတ်ပေးရေး၊ ဆက်ဆံရေးရုံးများ ဖွင့်လှစ်ရေး၊ ပြည်တွင်းရွှေ့ပြောင်းဒုက္ခသည် (IDP)များ ပြန်လည် နေရာချထားရေး၊ နှစ်ဖက်တပ်များ သွားလာရာတွင် ကြိုတင်အသိပေးခြင်း၊ စစ်ရေး လေ့ကျင့်ရေးကျောင်း တည်ဆောက်ရေးစီမံကိန်း၌ KNPP နှင့် ပူးပေါင်းဆောင်ရွက်ရေး၊ ရွာသစ် ရေကာတာ စီမံကိန်းအား လူမှုအဖွဲ့အစည်းများအား လေ့လာစောင့်ကြည့်ခွင့်ပြုရေး စသည့် အချက်များ ပါဝင်ကြောင်း သိရသည်။

ယင်း သဘောတူညီချက်များထဲမှ အချက်တချို့ကို အစိုးရအနေဖြင့် ပျက်ကွက်ခဲ့ကြောင်း ပြီးခဲ့သည့် အောက်တိုဘာ ၃၁ ရက်နေ့ တွင် ကရင်နီ အခြေပြု လူမှုအသင်းအဖွဲ့များ ကွန်ရက်(KCSN) အဖွဲ့က ထိုင်းနိုင်ငံ ချင်းမိုင်မြို့၌ သတင်းစာ ရှင်းလင်းပွဲ ကျင်းပ၍ “မြန်မာ အစိုးရနှင့် KNPPတပ်ဖွဲ့တို့ အကြား ၆ လတာ အပစ်အခတ် ရပ်စဲရေး လုပ်ငန်း အပေါ် သုံးသပ်ချက်” အစီရင်ခံစာ ထုတ်ဝေ ခဲ့သေးသည်။

သတင်းစာ ရှင်းလင်းပွ္ပဲ၌ အစိုးရအနေဖြင့် နှစ်ဘက် တပ်များသွားလာရာတွင် ကြိုတင်အသိပေးခြင်း၊ စစ်ရေး လေ့ကျင့်ရေးကျောင်း တည်ဆောက်ရေး စီမံကိန်း၌ KNPPနှင့် ပူးပေါင်းဆောင်ရွက်ခြင်း၊ ရွာသစ် ရေကာတာစီမံကိန်းအား လူမှုအဖွဲ့အစည်းများ လေ့ လာစောင့်ကြည့်ခွင့်ပြုရေး တို့ကို သဘောတူထားခဲ့သော်လည်း လက်တွေ့တွင် ပျက်ကွက်များရှိနေကြောင်း ထုတ်ပြန်ခဲ့သည်။

“သူတို့ဘက်က တာဝန်ခံမှုတွေ မရှိဘူး၊ ဥပမာ ရွာသစ် စီမံကိန်းလိုမျိုး၊ နောက် စစ်လေ့ကျင့်ရေး စီမံကိန်းလိုမျိုး၊ နောက်ပြီးတော့ မူးယစ်ဆေးဝါး ကိစ္စတွေမှာလည်း ပူးပေါင်းဆောင်ရွက်မယ်၊ တနစ်တကျ ပြင်ဆင်မယ်၊ နောက် ပြန်လည် ထူထောင်ရေး လုပ်ငန်း ကိစ္စတွေမှာလည်း သူတို့ဘက်က လျော့ရဲရဲပဲလို့ ကျနော်တို့ဘက်က အဲဒီလိုပဲ မြင်တယ်”ဟု ခူးဦးရယ်ကလည်း ပြောဆိုထားသည်။

KNPP နှင့် ပဏမအဆင့် ငြိမ်းချမ်းရေး ယူထားပြီးနောက် ကယားပြည်နယ်အတွင်း ခရီးသွားလုပ်ငန်းများအား သွားလာခွင့် နေရာများ ထပ်မံချပေးခဲ့ကြောင်း၊ ယခင်က လွိုင်ကော်မြို့အထိသာ ခွင့်ပြုခဲ့ပြီး ယခုအခါ ဒီမောဆိုးမြို့နှင့် ငွေတောင်ဆည် အထိ ခွင့်ပြုပေး ကြောင်း၊ နိုင်ငံခြားသား ခရီးသွားများအတွက် နေပြည်တော်ရှိ ဟိုတယ်နှင့်ခရီးသွားလာရေး ၀န်ကြီးဌာနတွင် ခွင့်ပြုချက်ယူရကြောင်း သိရသည်။

ရန်ကုန်မြို့မှ ဧည့်လမ်းညွန်တဦးဖြစ်သူ မခွန်းချိုက နိုင်ငံခြားသား ခရီးသွားများသည် ကယားပြည်နယ် ကိုစိတ်ဝင်စားသော်လည်း လုံခြုံရေး တင်းကျပ်ပြီး လမ်းကြမ်းမှုများကြောင့် သွားလာမှုနည်းပါးခဲ့ကြောင်း၊ လက်ရှိ ရခိုင် ပြည်နယ်အတွင်း ပဋိပက္ခများကြောင့် ယင်းဒေသသို့ ခရီးသွားလာခွင့်အား ရပ်ဆိုင်းလိုက်ပြီးနောက်တွင် ခရီးသွားလုပ်ငန်းများက ကယားပြည်နယ်နှင့် ချင်းပြည်နယ်ဘက် သို့ လုပ်ငန်းကို ဦးတည်ထားကြောင်း၊ ကားလမ်း ခရီးထက် ဘီလူးချောင်း အတွင်းမှ ရေကြောင်းခရီးဖြင့် ဖယ်ခုံမြို့အထိ သွားရ သော ခရီးစဉ်အား အထူးနှစ်သက်ကြသဖြင့် နိုင်ငံခြားသား ခရီးသွားများ ပိုများလာနေကြောင်း ပြောဆိုသည်။

Ref: ဧရာဝတီ

Read More...

သစ်တင်ပို့မှု တားဆီးဖို့ ခိုင်မာတဲ့ ဥပဒေနဲ့ စီမံခန့်ခွဲမှု လိုအပ်

ဝီလျံဘွတ်
November 22, 2012

နိုင်ငံပိုင်သစ်တောတွေနဲ့ တောရိုင်းတိရစ္ဆာန်တွေ သေကြေပျက်စီးတာကို ရပ်တန့်စေဖို့ ၂၀၁၄ ခုနှစ်မှာ သစ်တင်ပို့မှု လုံးဝတားမြစ် သွားမယ်ဆိုတဲ့ မြန်မာအစိုးရရဲ့ အစီအစဉ်ကို သစ်တောထိန်းသိမ်းသူတွေက ကြိုဆိုလိုက်ကြပါတယ်။ ဒါပေမယ့် တရုတ်နိုင်ငံမှာရှိတဲ့ ပရိဘောဂစက်ရုံတွေဆီ တင်သွင်းဖို့နဲ့ ရိုးရာဆေးဝါးဈေးကွက်တွေအတွက် သစ်ခိုး ထုတ်တာတွေကိုတော့ တားဆီးဖို့ခက်လိမ့်မယ်လို့ သူတို့က ဆိုပါတယ်။

ကျန်နေသေးတဲ့ သစ်တောတွေကို ကာကွယ်စောင့်ရှောက်ဖို့နဲ့ ရေရှည်တည်တံ့မယ့် သစ်မာတင်ပို့မှုဈေးကွက် ဖွံ့ဖြိုးလာစေဖို့အတွက် သစ်တင်ပို့တာတွေကို တားမြစ်မှုတရပ် ပြဌာန်းထားတယ်လို့ မြန်မာအစိုးရက အခိုင်အမာ ပြောဆိုပါတယ်။ ဥရောပ သစ်တော အင်စတီကျူ (Euopean Forest Institute – EFI) ရဲ့အဆိုအရ မြန်မာနိုင်ငံဟာ ၂၀၀၆ ခုနှစ်မှာ နိုင်ငံခြားဝင်ငွေရဲ့ ၁၀ ရာခိုင်နှုန်းကို သစ်တင်ပို့ကနေ ရခဲ့တာပါ။

မြန်မာနိုင်ငံဟာ လောလောဆယ် ကမ္ဘာပေါ်မှာ ကျွန်းသစ်အများဆုံး တင်ပို့တဲ့ နိုင်ငံတခုဖြစ်ပါတယ်၊ ဒါပေမယ့် လိုတာထက်ပိုနေတဲ့ တရားဝင် သစ်ခုတ်မှု၊ တရားမဝင် သစ်ထုတ်လုပ်မှုနဲ့ ထင်းလောင်စာအတွက် သစ်ခုတ်တာ၊ စိုက်ပျိုးရေးအတွက် ခုတ်ထွင်ရှင်းလင်း မီးရှို့တာတွေရဲ့ ပေါင်းစပ် အကျိုးသက်ရောက်မှုတွေက ကြီးမားလှတယ်လို့ ပြည်သူ့လွှတ်တော် သယံဇာတနှင့် သဘာဝပတ်ဝန်းကျင် ထိန်းသိမ်းရေးဆိုင်ရာ ကော်မတီ (Natural Resources and Environment Conservation Committee – NRECC) က ပြောပါတယ်။

ပြဿနာက ဘာလဲဆိုတော့ ၂၀ ရာစု အစောပိုင်းထက်ဝက်က မြန်မာပြည်မှာ မြင့်မြင့်မားမားထားရှိခဲ့တဲ့ သစ်တောစီမံမှုဆိုင်ရာ စံချိန်စံညွှန်းတွေဟာ နှစ် ၅၀ စစ်အုပ်ချုပ်ရေးကာလအတွင်းမှာ တဖြည်းဖြည်း ပျက်စီးယိုယွင်းသွားတာပါပဲ။

သစ်တောကဏ္ဍနဲ့ ပတ်သက်တဲ့ အချက်အလက်တွေ မပြည့်စုံတဲ့အပြင် စီမံခန့်ခွဲမှုကလည်း ညံ့ဖျင်းတာမို့ လက်ရှိ မြန်မာ့သစ် လုပ် ငန်းအပေါ် သေသေချာချာ အကဲဖြတ်ဖို့ ခက်တယ်လို့ သစ်တောဆိုင်ရာ လေ့လာသုံးသပ်သူတွေနဲ့ အစိုးရ မဟုတ်တဲ့ အဖွဲ့အစည်း NGO တွေက ဆိုပါတယ်။

မြန်မာအစိုးရရဲ့ အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ၀န်ကြီးဌာနအောက်မှာရှိတဲ့ ဗဟိုစာရင်းဇယားအဖွဲ့ (Central Statistical Organization) အဆိုအရ မြန်မာနိုင်ငံအနေနဲ့ ၂၀၁၀-၂၀၁၁ ဘဏ္ဍာရေးနှစ်မှာ သစ်တန်ချိန် ၈၆၄၀၀၀ မက်ထရစ်တန် နိုင်ငံခြားတင်ပို့ပြီး အမေရိကန် ဒေါ်လာ သန်း ၆၀၀ ကျော် တရားဝင်ရရှိခဲ့တယ်လို့ သိရပါတယ်။ သစ်အများဆုံး ဝယ်ယူတာက အိန္ဒိယနိုင်ငံဖြစ်ပြီး ဂျပန်နဲ့ ထိုင်းနိုင်ငံတွေကလည်း မြန်မာ့သစ်တော တင်ပို့ရာ အဓိက ဈေးကွက်တွေပါ။

ရန်ကုန်ဆိပ်ကမ်းတွေကနေ သင်္ဘောနဲ့တင်ပြီးပို့တဲ့ သစ်တွေအကုန်လုံးကို အစိုးရပိုင် မြန်မာ့သစ်လုပ်ငန်း (Myanmar Timber Enterprise – MTE) က ခွင့်ပြုချက်တံဆိပ်ရိုက်ပြီး တရားဝင်ဖြစ်အောင် လုပ်တယ်၊ ဒါပေမယ့် အဲ့ဒီပို့တာတွေထဲက ဖြတ် တောက်လျှော့ချပြီး တရားမဝင် ပို့တာတွေလည်းရှိနိုင်တယ်လို့ မကြာသေးခင်က ထုတ်ပြန်တဲ့ EFI ရဲ့ လေ့လာချက်ထဲမှာ ရေးသားထားပါတယ်။

“မြန်မာ့သစ်တောထွက်ပစ္စည်း ကုန်သွယ်မှုဆိုင်ရာ ကိန်းဂဏန်းများမှာ ယုံကြည်အားထား၍ မရပေ။ မကြာခဏဆိုသလို ရှေ့နောက်မညီ ဖြစ်လေ့ရှိသည့် ယင်းကိန်းဂဏန်းများတွင် နယ်စပ်ဖြတ်ကျော် ကုန်သွယ်မှု အပါအဝင် တရားမဝင်တင်ပို့မှုများ ပါဝင်ခြင်းမရှိသည့်အပြင် ပြီးခဲ့သည့်ကာလများ၌ အဆိုပါ နယ်စပ်ဖြတ်ကျော် ကုန်သွယ်မှုမှာ အထူးသဖြင့် ယူနန် နယ်စပ်တလျှောက်တွင် အများအပြား ရှိခဲ့သည်” လို့ EFI အစီရင်ခံစာက ဆိုပါတယ်။

ကမ္ဘာလုံးဆိုင်ရာ သက်သေ (Global Wintess) NGO အဖွဲ့ကတော့ ၂၀၀၂ ခုနှစ်မှာ မြန်မာနိုင်ငံက တရုတ်နိုင်ငံကို တရားမဝင် သစ်တင်ပို့မှု အများဆုံးဖြစ်ခဲ့ပြီး အဲ့ဒီနှစ်မှာ အနည်းဆုံး သစ် ကုဗမီတာ ၁ သန်း ပို့ခဲ့တယ်လို့ တွက်ချက် ထားပါတယ်။

MTE ဟာ အရင်စစ်အစိုးရနဲ့ ချိတ်ဆက်တွေရှိတာမို့ မြန်မာ့ရေနံနှင့် သဘာဝဓာတ်ငွေ့လုပ်ငန်း (Myanmar Oil & Gas Enterprise – MOGE) လိုပဲ အမည်းစက်ထင်နေတာပါ။ မက်စ်မြန်မာ၊ ထူးနဲ့ အေးရှားဝေါလ် အပါအဝင် လူသိများတဲ့ ခရိုနီကုမ္ပဏီတွေဟာ MTE ရဲ့ သစ်ထုတ်စာချုပ်တွေ ပိုင်ထားကြတယ်လို့ EFI အစီရင်ခံစာမှာ ဖော်ပြထားပါတယ်။

“မထိန်းနိုင်သိမ်းမနိုင် ဖြစ်နေတဲ့ သစ်တောလုပ်ငန်း၊ သတ္တုတူးဖော်ခြင်းလုပ်ငန်း၊ စိုက်ပျိုးရေးနဲ့ ငါးဖမ်းလုပ်ငန်းတွေက သဘာဝပတ်ဝန်းကျင် အရည်အသွေးကို နိမ့်ကျစေပြီး ဂေဟစနစ်တွေကိုလည်း တိုက်ရိုက် ပျက်စီးဆုံးရှုံးစေတယ်” လို့ ရန်ကုန်အခြေစိုက် ဇီဝမျိုးစုံ မျိုးကွဲနှင့် သဘာဝ ထိန်းသိမ်းရေးအသင်း (Biodiversity and Nature Conservation Association – BANCA) က သတိပေးပါတယ်။

“အသက်မွေးဝမ်းကျောင်း လုပ်ငန်းတွေအတွက် သဘာဝ အရင်းအမြစ်တွေအပေါ် အများဆုံး မှီခိုနေရတဲ့ ပြည်သူတွေဟာ ရေကြီးတာ၊ မိုးခေါင်တာနဲ့ မြေပြိုတာစတဲ့ သစ်တောပြုန်းတီးမှုရဲ့ အကျိုးဆက်တွေကြောင့် ဒုက္ခရောက်ကြရတဲ့အပြင် သူတို့တွေဟာ သဘာဝ ဘေးအန္တရာယ်တွေကိုလည်း တခြားလူတွေထက်ပိုပြီး ခံရနိုင်ပါတယ်” လို့ BANCA က ဆိုပါတယ်။

တကယ်တော့ မြန်မာပြည်မှာ လက်ရှိ သစ်တော ဘယ်လောက်ရှိနေသေးတယ် ဆိုတာကိုတောင် ဘယ်သူမှ သေသေချာချာ မသိ ပါဘူး။ နိုင်ငံအကျယ်အဝန်းရဲ့ ၅၀ ရာခိုင်နှုန်းကျော်ကို သစ်တောတွေက ဖုံးလွှမ်းထားတယ်လို့ ၂၀၀၅ ခုနှစ်တုန်းက ခန့်မှန်းခဲ့ဖူး ပါတယ်။ တခါ ပြီးခဲ့တဲ့နှစ်မှာ လုပ်ခဲ့တဲ့ နိုင်ငံခြားလေ့လာမှု ၂ ခု (တခုကို ထင်ရှားတဲ့ Science မဂ္ဂဇင်းက လုပ်တာဖြစ်ပြီး အခြားတခုကိုတော့ ကုလသမဂ္ဂက လုပ်တာပါ) ကလည်း အကျယ်အဝန်းရဲ့ အနည်းဆုံး ၄၆ နဲ့ ၄၈ ရာခိုင်နှုန်းကြား သစ်တောတွေ ဖုံးလွှမ်းနေတယ်လို့ ဆိုပြန်ပါတယ်။ ဒါပေမယ့် NRECC အတွင်းရေးမှူး ဦးသိန်းလွင်ကတော့ ၂၄ ရာခိုင်နှုန်းပဲရှိတယ်လို့ သြဂုတ်လမှာ ပြောခဲ့ပါတယ်။

ဘယ်လိုပဲဖြစ်ဖြစ် မြန်မာပြည်မှာ အနည်းဆုံး သန်း ၃၀ လောက်ရှိတဲ့ ကျေးလက်နေလူဦးရေရဲ့ ၇၀ ရာခိုင်နှုန်းဝန်းကျင်ဟာ “၄င်း တို့၏ အခြေခံ လိုအပ်ချက်များအတွက် သစ်တောများအပေါ် ကြီးကြီးမားမား မှီခိုနေကြရသည်” လို့ ကမ္ဘာ့ စားနပ်ရိက္ခာအဖွဲ့ရဲ့ ၂၀၀၉ ခုနှစ် အစီရင်ခံစာအရ သိရပါတယ်။ လူ ၅ သိန်းက သူတို့အလုပ်အတွက် သစ်တောတွေ အပေါ် မှီခိုနေကြရတာတဲ့။

“ဒေသခံပြည်သူတွေဟာ သဘာဝ သယံဇာတတွေအပေါ်မှာ မြင့်မြင့်မားမား မှီခိုနေရပေမယ့် နိုင်ငံထဲမှာရှိတဲ့ တားမြစ် ဧရိယာတွေနဲ့ ပတ်သက်ပြီး ဆုံးဖြတ်ချက်တွေ ချတဲ့အပိုင်းမှာ ပါဝင်ခွင့်မရဘဲ ချန်ထားခံနေကြတယ်။ ဒါပေမယ့် ဒီအခြေအနေက ဖြည်းဖြည်းချင်း တော့ ပြောင်းနေပါပြီ” လို့ နိုင်ငံတကာ တောရိုင်းတိရစ္ဆာန်နဲ့ သစ်တော ထိန်းသိမ်း စောင့်ရှောက်ရေးဆိုင်ရာ NGO အဖွဲ့တခုဖြစ်တဲ့ Fauna and Flora International (FFI) က ဆိုပါတယ်။

“သဘာဝ ပတ်ဝန်းကျင်ဆိုင်ရာ စီမံအုပ်ချုပ်မှု (Envioronmental Governance) နဲ့ လူသားတွေရဲ့ ဖူလုံရေးကိစ္စရပ်တွေကို ကိုယ်တွယ်ဆောင်ရွက်ဖို့အတွက် ပထမဆုံးအကြိမ်အဖြစ် အောက်ခြေအဖွဲ့အစည်းတွေ ထူထောင်နေကြပါပြီ” လို့လည်း FFI က ပြောပါတယ်။

FFI ဟာ မြန်မာနိုင်ငံမှာ သဘာဝ ပတ်ဝန်းကျင် စီမံခန့်ခွဲမှုနဲ့ ထိန်းသိမ်းရေးဆိုင်ရာ ကိစ္စတွေမှာ တိုးတက်မှုရှိလာစေဖို့ မြန်မာ အာဏာပိုင်တွေနဲ့ အတူတွဲပြီး ကြိုးစားဆောင်ရွက်နေတဲ့ နိုင်ငံတကာ NGO ပါ။ FFI ရဲ့ လုပ်ငန်းညှိနှိုင်းရေးမှူး တယောက်လည်း မြန်မာနိုင်ငံထဲမှာ တာဝန်ပေးထားပါတယ်။ မကြာသေးခင်ကတောင် အဲဒီ FFI ကိုယ်စားလှယ်က အစိုးရရဲ့ သစ်တောအရာရှိတွေနဲ့ ဆွေးနွေးမှုတွေ လုပ်ခဲ့ပါသေးတယ်။

“သစ်တောဌာနအနေနဲ့ လေးလေးနက်နက် အပြောင်းအလဲတွေလုပ်ဖို့ စိတ်ပိုင်းဖြတ်ထားတယ် ဆိုတာကို ကျနော် ကိုယ်တွေ့ကြုံခဲ့တာပါ။ အဲဒီ အပြောင်းအလဲတွေထဲက သစ်တောဥပဒေ ပီပီပြင်ပြင် အားကောင်းလာစေရေး၊ သစ်တော စီမံအုပ်ချုပ်မှုနဲ့ ကုန်သွယ်မှုတွေအပြင် ရေတည်တည်တံ့မယ့် သစ်တောစီမံခန့်ခွဲမှုဆိုင်ရာနဲ့ သစ်တောကဏ္ဍမှာ ဒေသခံပြည်သူတွေ အနေနဲ့ အခုထက် ပိုကျယ်ကျယ်ပြန့်ပြန့် ပါဝင်ဆောင်ရွက်လာနိုင်ရေး စတာတွေကို လွှမ်းခြုံသွားမှာ ဖြစ်ပါတယ်” လို့ FFI လုပ်ငန်းညှိနှိုင်း ဆောင်ရွက်ရေးမှူး ဖရန့်ခ် မွမ်ဘာ့ဂ် (Frank Momberg) က ပြောပါတယ်။

“သစ်တင်ပို့မှု တားမြစ်ချက်ကြောင့် အထူးသဖြင့် နယ်စပ်ဒေသတွေမှာ တရားမဝင် သစ်ထုတ်နေတာတွေ ရပ်တန့်သွားစေဖို့ ဆောင် ရွက် တဲ့ အပေါ် သိပ်ကောင်းတဲ့ အကျိုးသက်ရောက်မှု ရှိပါလိမ့်မယ်။ ဘာဖြစ်လို့လဲဆိုတော့ နယ်စပ်ဖြတ်ကျော် သစ်ထုတ်လုပ်မှု အားလုံးဟာ တရားမဝင်ဖြစ်တယ်ဆိုတဲ့ ဥပဒေအခြေခံကို ဒီတားမြစ်ချက်ထဲမှာ ရှင်းရှင်းလင်းလင်း ထည့်သွင်းထားလို့ပါပဲ။ အခုလို တားမြစ်မှုကြောင့် ကချင်ပြည်နယ်မှာ တရုတ်ကုမ္ပဏီတွေက တရားမဝင် သစ်ထုတ်နေတာတွေ လျော့သွားမယ်လို့ မျှော်လင့်ပါတယ်” လို့လည်း သူက ဆိုပါတယ်။

“သစ်တင်ပို့မှု တားမြစ်ချက်အသစ် တရားဝင် မဖြစ်သေးခင် အချိန်အထိ အရေးတကြီး ဆောင်ရွက်စရာတွေကတော့ သစ်တော ဥပဒေ ပီပီပြင်ပြင်ဖြစ်လာရေး၊ သစ်တော စီမံအုပ်ချုပ်မှုနဲ့ ကုန်သွယ်မှုမူဝါဒတွေ၊ စည်းမျဉ်းစည်းကမ်းတွေ ပိုကောင်းလာအောင် ဆောင်ရွက်ရေးပါပဲ” လို့လည်း သူက ဖြည့်ပြောပါသေးတယ်။

ကမ္ဘာပေါ်က ဒါဇင်နဲ့ချီတဲ့ နိုင်ငံတွေမှာ လုပ်ငန်းလည်ပတ်နေတဲ့ အင်္ဂလန်နိုင်ငံ ကိန်းဘရစ်ခ်ျမြို့ အခြေစိုက် FFI က မြန်မာပြည်မှာ မပျက်မယွင်း ရှိနေသေးတဲ့ သစ်တောနယ်ပယ် ကြီးကြီးမားမားရှိနေပြီး အဲဒီသစ်တောတွေဟာ ဂေဟစနစ်တွေ ကြွယ်ကြွယ်ဝဝ တည်ရှိနေရာ ဖြစ်တယ်လို့ဆိုပါတယ်။ တိုင်းပြည်က ဆယ်စုနှစ်နဲ့ချီပြီး အထီးကျန် ဖြစ်ခဲ့တာမို့ တချို့သစ်တောတွေဆိုရင် အနောက် တိုင်း သုတေသီတွေက အခုမှ ရှာတွေ့တာလို့လည်း FFI က ပြောပါတယ်။

FFI ဟာ ၂၀၁၀ ခုနှစ်က ရှားပါး မျောက်နှာလန် (Snub-Nosed Monkey) မျိုး ရှာဖွေတွေ့ရှိတဲ့ လုပ်ငန်းမှာ ဦးဆောင် ပါဝင် ခဲ့တာပါ။ ပထဝီအနေအထားအရ မဲခေါင်နဲ့ သံလွင်မြစ်တွေကြားမှာ အထီးကျန်ဖြစ်နေတဲ့ ဒီမျောက်မျိုးဟာ ကချင်ပြည်နယ်နဲ့ တရုတ်-မြန်မာ နယ်စပ်မှာလောက်ပဲ ရှိတယ်လို့ ယူဆကြပါတယ်။

တကယ်ကောင်းမွန်ပြည့်စုံပြီး အဂတိလိုက်စားမှုမရှိတဲ့ သစ်တော စီမံအုပ်ချုပ်မှုနဲ့ ထိန်းသိမ်းကြပ်မတ်မှု စနစ် မရှိဘူးဆိုရင်တော့ မြန်မာ့သစ်တောတွေဟာ အာရှ ရိုးရာ ဆေးဝါးဈေးကွက်ကို အထောက်အပံ့ဖြစ်စေမယ့် ဒေသတွင်း ရှားပါးတိရစ္ဆာန်နဲ့ သစ်ပင်တွေ ကုန်သွယ်မှုမှာ သားကောင် ဖြစ်သွားနိုင်ခြေရှိပါတယ်။

အဲဒီ့ကုန်သွယ်မှုဟာ တနှစ်ကို ဒေါ်လာ သန်းရာနဲ့ချီပြီး တန်ဖိုးရှိတယ်လို့ ကမ္ဘာ့တောရိုင်းတိရစ္ဆာန် ရန်ပုံငွေအဖွဲ့ (World Wildlife Fund – WWF) က ခန့်မှန်းထားပါတယ်။

တခြား အဖွဲ့အစည်းတွေကတော့ WWF က ခန့်မှန်းတဲ့တန်ဖိုးထက် ပိုမြင့်နိုင်တယ်လို့ ယူဆကြပါတယ်။ “စနစ်တကျ စုစည်းထားတဲ့ နိုင်ငံတကာ ရာဇဝတ်အဖွဲ့တွေက ထိန်းချုပ်ထားတဲ့ တရားမဝင် တောရိုင်းတိရစ္ဆာန် ကုန်သွယ်မှု တန်ဖိုးဟာ နှစ်စဉ် ဒေါ်လာ ၁၀ ဘီလီယံနဲ့ ၂၀ ဘီလီယံကြားမှာ ရှိတယ်လို့ ကျွမ်းကျင်သူတချို့က ခန့်မှန်းပါတယ်” လို့ ဘန်ကောက်အခြေစိုက် တောရိုင်းတိရစ္ဆာန် ကုန်သွယ်မှုဆန့်ကျင်ရေး NGO (Freeland Foundation) က ပြောပါတယ်။

“မျိုးပြုန်းမယ့် အန္တရာယ်ရှိနေတဲ့ တိရစ္ဆာန်မျိုးစိတ်တွေကို ကာကွယ်ဖို့ နိုင်ငံအလိုက်ရော နိုင်ငံတကာ ဥပဒေတွေပါ ရှိနေပေမယ့် တောရိုင်းတိရစ္ဆာန် မျိုးစိတ်အားလုံးနီးပါးဟာ ရောင်းဝယ်ဖောက်ကား ခံနေရပါတယ်။ ကြောင်ကြီးတွေ၊ သင်းခွေချပ်တွေ၊ ငှက်တွေ၊ ဆင်စွယ်နဲ့ ခိုးထုတ်တဲ့သစ်တွေကို အကြီးအကျယ် တရားမဝင် ကုန်သွယ်မ ပြုနေကြပါတယ်။ ဒီတရားမဝင် ကုန်သွယ်မှုကလည်း ရိုးရာဆေးဝါးတွေ ဖော်စပ်ရာမှာ လိုအပ်တဲ့ ရှားပါးသစ်ပင်တွေ၊ အရိုးတွေ၊ အကြေးခွံတွေနဲ့ တခြားအရာတွေ လိုအပ်ချက်ကြောင့် ဖြစ်နေရတာပါ” လို့ Freeland Foundation က ဆိုပါတယ်။

Ref: ဧရာဝတီ

Read More...

အသရေဖျက်မှုဖြင့် PDP ပါတီ ခေါင်းဆောင်များ အဖမ်းခံထားရ

ကျော်ခ
November 22, 2012

မန္တလေးမြို့အခြေစိုက် ပြည်သူ့ဒီမိုကရေစီ ပါတီ (People Democracy Party – PDP) ခေါင်းဆောင်များကို ပုဂ္ဂိုလ်ရေး မမှန်မကန်စွပ်စွဲမှု၊ အသရေဖျက်မှုတို့ဖြင့် ကချင်ပြည်နယ်အစိုးရက တရားစွဲဆိုထားသဖြင့် သက်ဆိုင်ရာဒေသများ၌ တရား ရင်ဆိုင်နေရပြီး အာမခံမရဘဲ ဖမ်းဆီးခံထားရကြောင်း PDP ပါတီက ပြောသည်။

PDP ပါတီမှ လစဉ်ထုတ် ပြည်သူ့လုပ်သား စာစောင်မှတဆင့် ကချင်ပြည်နယ် ဝန်ကြီးချုပ် ဦးလဂျွန်ငန်ဆိုင်း အပါအဝင် ပြည်နယ် အစိုးရ အဖွဲ့ဝင်များအား ပုဂ္ဂိုလ်ရေး ထိခိုက်စေသော ရေးသားမှုများ ထည့်သွင်းဖော်ပြသဖြင့် ကာယကံရှင်များက တရားစွဲဆိုထားပြီး ပါတီဥက္ကဋ္ဌ၊ ဒု ဥက္ကဋ္ဌနှင့် ပါတီတာဝန်ရှိသူ ၃ ဦးတို့ တရားရင်ဆိုင်နေကြရခြင်း ဖြစ်ကြောင်း သိရသည်။

“ကျနော်တို့ စာစောင်ကနေပြီးတော့ ကချင်ပြည်နယ်အစိုးရကို ဂုဏ်သိက္ခာ ညိုးနွမ်းအောင်၊ ကျဆင်းအောင် ရေးတယ်ဆိုတဲ့ ပုံစံ နဲ့ဖမ်းပြီး တရားစွဲတာ” ဟု PDP ပါတီ အထွေထွေ အတွင်းရေးမှူး ဦးအောင်မြင့်က ဧရာဝတီသို့ ပြောသည်။

ကချင်ပြည်နယ်အစိုးရက PDP ပါတီ ခေါင်းဆောင်များကို အသရေဖျက်မှုဆိုင်ရာ ဥပဒေပုဒ်မ ၅၀၀၊ လူအမျိုးအစား အချင်းချင်း ဖြစ်စေ၊ လူမျိုးစု အချင်းချင်းဖြစ်စေ၊ တဖက်နှင့်တဖက် ပြစ်မှုကျူးလွန်အောင် လှုံ့ဆော်မှုကို သက်ရောက်စေမှု ပုဒ်မ ၅၀၅ (ဂ)၊ ၁၉၆၂ ပုံနှိပ်ဥပဒေ ပုဒ်မ ၂၀ တို့ဖြင့် တရားစွဲဆိုထားကြောင်း သူက ဆက်ပြောသည်။

တရားစွဲခံနေရသော ပါတီဥက္ကဋ္ဌ ဒေါက်တာ ဦးသန်းထိုက်ဦးနှင့် ပါတီ ဒုဥက္ကဋ္ဌ ဦးဟိန်းထက်အောင်၊ တနိုင်းမြို့နယ် စည်းရုံးရေး ကော်မတီဝင် ဒေါ်နန်းခမ်းထွေးတို့မှာ တနိုင်းမြို့နယ် တရားရုံး၌ တရားရင်ဆိုင်နေရပြီး ယင်းမြို့နယ် ရဲစခန်းတွင် ဖမ်းဆီး ချုပ်နှောင်ထားကြောင်း သိရသည်။

ထို့အတူ PDP ပါတီ၏ ဗဟိုဦးစီးကော်မတီဝင် ဖြစ်သည့် ဦးဝင်းနိုင်နှင့် ကချင်ပြည်နယ် စည်းရုံးရေးကော်မတီဝင် ဒေါ်ကြေးမုံ တို့မှာလည်း ယင်းအမှုဖြင့်ပင် မြစ်ကြီးနားမြို့နယ် တရားရုံးတွင် တရားရင်ဆိုင်နေရပြီး ယင်းမြို့နယ် ရဲစခန်းတွင်ပင် ဖမ်းဆီး ချုပ်နှောင်ထားကြောင်း သိရသည်။

ပါတီ တာဝန်ရှိသူများကို ကချင်ပြည်နယ် အစိုးရ၏ တိုင်တန်းမှုဖြင့် အောက်တိုဘာလ ၂၄ ရက်နေ့က ဒေသဆိုင်ရာ အာဏာပိုင် များက ဖမ်းဝရမ်းထုတ်၍ ဖမ်းဆီးခဲ့ပြီး ဖမ်းဆီးခံထားရသူ ၅ ဦးအနက် ဒေါ်နန်းခမ်းထွေးမှာ ကျန်းမာရေး အာမခံဖြင့် အပြင်ထွက်ခွင့် ရသော်လည်း ကျန်း ၄ ဦးကို အာမခံ ပေးခွင့်မရှိသဖြင့် ချုပ်နှောင်ခံထားရကြောင်း ဦးအောင်မြင့်က ပြောသည်။

တရားစွဲဆိုမှုနှင့် ပတ်သက်၍ ကချင်ပြည်နယ် ဝန်ကြီးချုပ် ဦးလဂျွန်ငန်ဆိုင်းနှင့် အစိုးရအဖွဲ့ဝင်များကို ဆက်သွယ်မေးမြန်းရန် ဧရာဝတီက ကြိုးစားခဲ့သော်လည်း မရရှိခဲ့ပေ။

PDP ပါတီသည် ၂၀၁၁ ခုနှစ် သြဂုတ်လပိုင်းတွင် ပါတီတည်ထောင်ခွင့် ရရှိခဲ့ပြီး ယခုနှစ် ကြားဖြတ်ရွေးကောက်ပွဲတွင် မန္တလေး မဟာအောင်မြေမြို့နယ်၊ ပုလဲမြို့နယ်နှင့် ရေးဦးမြို့နယ်တို့တွင် ဝင်ရောက်ယှဉ်ပြိုင်ခဲ့ကြသော်လည်း ၃ နေရာစလုံးတွင် အနိုင်မရရှိခဲ့ပေ။

ကချင်ပြည်နယ်အစိုးရ၏ လုပ်ဆောင်မှုများနှင့် ပတ်သက်၍ PDP ပါတီက ၎င်းတို့ ထုတ်ဝေသော လစဉ်ထုတ် ပြည်သူ့လုပ်သား စာစောင်မှတဆင့် ဝေဖန်ရေးသားမှုများ မကြခဏ ပြုလုပ်လေ့ရှိပြီး ဦးလဂျွန်ငန်ဆိုင်း ဦးဆောင်သော ကချင်ပြည်နယ် အစိုးရ အနေဖြင့် ပြည်နယ်အတွင်း ကားလုပ်ငန်း၊ စက်လှေလုပ်ငန်း၊ ကချင်ရိုးရာ မနောပွဲ ကိစ္စရပ်များတွင် အာဏာသုံး လုပ်ဆောင် ချက်များရှိကြောင်း ရေးသားခဲ့သည်။

ယင်းသို့ ရေးသားမှုများအနက် ကချင်ပြည်နယ် မနောပွဲ ဘဏ္ဍာရေး ထိန်းချုပ်မှုနှင့် ပတ်သက်၍ PDP ပါတီ၏ စွပ်စွဲရေးသားမှုကို PDP ပါတီအနေဖြင့် ကချင်ပြည်နယ် အစိုးရကို ပြန်လည် တောင်းပန်ရန် အစိုးရသတင်းစာမှတဆင့် ကြေညာချက် ထုတ်ပြန်ခဲ့ သော်လည်း PDP က ယင်းကြေညာချက်ကို ပြန်လည် ရုတ်သိမ်းရန် ချေပပြောဆိုခဲ့သည်။

ဖမ်းဆီးချုပ်နှောင်ကာ တရားစွဲခံနေရသည့် ပါတီခေါင်းဆောင်များကိစ္စနှင့် ပတ်သက်၍ သမ္မတ ဦးသိန်းစိန် အပါအဝင် ပြည်သူ့ လွှတ်တော်၊ အမျိုးသားလွှတ်တော်နှင့် ဒေါ်အောင်ဆန်းစုကြည် ဦးဆောင်သည့် တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီထံသို့ ခုံရုံးဖွဲ့စစ်ဆေးပေးရန် PDP ပါတီက တောင်းဆိုထားသည်ဟု သိရသည်။

“ကျနော်တို့ မှားတယ်ဆိုရင် ပါတီကိုပါ ဖျက်ဖျက်၊ လူတွေလည်း ထောင်ကျကျ ခံရဲပါတယ်။ ကျနော်တို့က မှန်တယ်ဆိုရင်လည်း မှားတဲ့လူကို ဥပဒေအရ အရေးယူသင့်တာပေါ့၊ နိုင်ငံတော်သမ္မတကလည်း Check and balance ဆိုတာပြောထားတယ်။ အခုတော့ သူတို့က လက်ဦးမှုယူပြီး လုပ်သွားတော့ ကျနော်တို့က တဖက်စောင်းနင်းကြီး ခံလိုက်ရတာ” ဟု ဦးအာင်မြင့်က ပြောသည်။

PDP ပါတီခေါင်းဆောင်များကို တရားစွဲဆိုထားသော ကချင်ပြည်နယ် ဝန်ကြီးချုပ် ဦးလဂျွန်ငန်ဆိုင်းသည် ၂၀၁၀ ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ခိုင်ရေးပါတီ) မှ တနိုင်း အမှတ် (၁) မဲဆန္ဒနယ်မြေတွင် ဝင်ရောက်ရွေးချယ် ခံခဲ့သူဖြစ်ပြီး ထိုစဉ်က ပြည်တွင်း၊ ပြည်ပ ကချင်အတိုက်အခံများနှင့် ဒေသခံ လုထုတချို့၏ ကန့်ကွက်မှုကို ခံခဲ့ရသည်။

ယခုနှစ် သြဂုတ်လဆန်းပိုင်းကလည်း မတူကွဲပြားခြင်းနှင့် ငြိမ်းချမ်းရေးပါတီ (PDP) က ထုတ်ဝေသော ဒိုင်ဗာစတီး စာစောင်တွင် နိုင်ငံရေးနှင့် မသက်ဆိုင်သော အကြောင်းအရာများကို ရေးသားဖော်ပြမှုဖြင့် ပါတီ စာစောင် ထုတ်ဝေခွင့်အတွက် စပေါ်တင် ထား သည့် ကျပ် ၅ သိန်းကို ပြန်ကြားရေးဝန်ကြီးဌာနက သိမ်းယူလိုက်သည်။

ထိုစဉ်က PDP ပါတီက ထုတ်ဝေသော စာစောင်မျက်နှာဖုံးတွင် ဝန်ထမ်းများ အကျင့်ပျက် လာဘ်ယူနေခြင်းကို သိလျက်နှင့် အရေး မယူသည့် အစိုးရကို နောက်တကြိမ် မဲပေးမမှားကြရန် ရေးသားခဲ့သည်။ ယင်းမတိုင်မီကလည်း ကြံ့ခိုင်ရေးပါတီမှ အမျိုး သား လွှတ်တော်အမတ် ဦးခင်ရွှေ၏ ဇေကမ္ဘာကုမ္ပဏီမှ မင်္ဂလာဒုံဒေသခံ လယ်သမားများထံမှ လယ်မြေများ အဓမ္မ သိမ်းယူကြောင်း ဝေဖန်ရေးသား ခဲ့သဖြင့် ခေါ်ယူ သတိပေးခြင်း ခံခဲ့ရသည်။

Ref: ဧရာဝတီ

Read More...

Thursday, November 22, 2012

ပလက်ဝတွင် အိန္ဒိယ စီမံကိန်း အကောင်အထည်ဖော်ပြီ

မိုးဝေ- ရခိုင်ပြည်နယ် ( မြစ်မခ)
22 Nov, 2012

ပလက်ဝမြို့တွင် မြန်မာ-အိန္ဒိယ ကုလားတန်ဘက်စုံဖွံ့ဖြိုးရေးစီမံကိန်းတွင် ပါဝင်သည့် ဆိပ်ကမ်းကို ယခုလတွင် အကောင် အထည်ဖော်ဆောင်ရွက်နေပြီဟု သိရသည်။

အဆိုပါမြို့၏ တစ်ဘက်ကမ်းရှိ ဆိပ်ကမ်းနှင့် အိန္ဒိယသို့ တိုက်ရိုက်သွယ်တန်းမည့်ကားလမ်းကို ပြီးခဲ့သည့် နှစ်က တိုင်းတာမှု များပြုလုပ်ခဲ့ရာ ယခုလတွင် စတင်လုပ်ဆောင်နေခြင်း ဖြစ်သည်။

“အိန္ဒိယလူမျိုးတွေတော့ ဒီလအတွင်းမှာ တော်တော်လေးများလာတယ်။ ပလက်ဝတစ်ဘက်ကမ်းမှာတော့ ကားလမ်းတွေ၊ ဆိပ်ကမ်းတွေ ဖောက်နေတာမြင်ရတယ်။ အရင်ကတော့ တိုင်းတာရုံဘဲ၊ အခုတော့ စီမံကိန်းလုပ်ငန်းတွေ လုပ်နေတာတွေ့ ရတယ်”ဟု ပလက်ဝမြို့ခံတစ်ဦးက ပြောသည်။

ပလက်ဝမြို့တွင် မြန်မာအိန္ဒိယ ကုလားတန်စီမံကိန်းအတွက် ကြားခံဆိပ်ကမ်းတစ်ခုထားရှိမည်ဖြစ်ရာ ယင်းမှတဆင့် အိန္ဒိယနိုင်ငံ သို့တိုက်ရိုက် ကားလမ်းဖောက်လုပ် မည်ဖြစ်သည်။

“ပလက်ဝကနေပြီးတော့ အိန္ဒိယနိုင်ငံ မီဇိုရမ်ပြည်နယ်သို့ တိုက်ရိုက်ကား လမ်းဖောက်လုပ်မယ်။ စက်ပစ်ပြင်ရွာမှာတော့ စခန်း တစ်ခုထားရှိမယ်။ မြစ်ကိုတော့တံတားတစ်ခု ထိုးဖို့ရှိတယ်ဆိုပြီး မြေတိုင်းတာထားတာရှိတယ်။ စက်ပစ်ပြင်ကျေးရွာ ရှေ့ကပါ” ဟု ပလက်ဝမြို့နယ် စက်ပစ်ပြင် ကျေးရွာဒေသခံတစ်ဦးကပြောသည်။

ပလက်ဝမြို့မှ မြန်မာ-အိန္ဒိယ နှစ်နိုင်ငံနယ်စပ်အထိ (၁၂၉)ကီလိုမီတာရှည်လျှားသည့် အဝေးပြေးကားလမ်းကိုလည်း အိန္ဒိယနိုင်ငံ ပြည်ထဲရေးရာဝန်ကြီးဌာနမှ ဖောက်လုပ်ပေးနေပြီဟု သိရသည်။

စစ်တွေမှတစ်ဆင့် ပလက်ဝမြို့ထိ ကုလားတန် မြစ်ကြောင်းအတိုင်းပြည်တွင်းရေကြောင်းယာဉ်များဖြင့် ကုန်စည်များသယ်ယူ ပို့ဆောင်မည်ဖြစ်ပြီး ပလက်ဝမှတစ်ဆင့်အိန္ဒိယနိုင်ငံသို့ အဝေးပြေးလမ်းမကြီးအတိုင်း ကုန်စည်စီးဆင်းမည်ဖြစ်သည်။

တန်ဖိုးအားဖြင့်အမေရိကန်ဒေါ်လာ (၇၆) သန်း ရှိသည့်ကုလားတန်စီမံကိန်းကို ၂၀၁၀ခုနှစ် စက်တင်ဘာလအတွင်းက စတင် အကောင်အထည်ဖော်ခဲ့ပြီး စစ်တွေတွင်ဆောက်လုပ်နေသည့် ဆိပ်ကမ်းသည် တန်ချိန်(၂၀၀၀၀) သင်္ဘောများ ဆိပ်ကမ်းကပ် နိုင်မည်ဖြစ်ရာ စစ်တွေဆိပ်ကမ်းတွင် အိန္ဒိယ ရူပီ ၁၁.၂၅ ဘီလီယံကုန်ကျမည်ဟု သိရသည်။

အိန္ဒိယနိုင်ငံ Essar (India) Ltd, Mumbai မှ ဆောက်လုပ်နေသည့် စစ်တွေဆိပ်ကမ်းသည် အိန္ဒိယ - မြန်မာ ကုလားတန် မြစ်ကြောင်း ဘက်စုံဖွံ့ဖြိုးရေး စီမံကိန်းဖြစ်ရာလာမည့် ၂၀၁၃ ခုနှစ်တွင် ပြီးစီးရန်လျာထားကြောင်း သိရသည်။

Ref: မြစ်မခ

Read More...

လာမည့် Barcamp Mandalay ပွဲအတွက် ကြိုတင်စည်းဝေးမည်

မြတ်မိုးကျော်(မြစ်မခ)
21 Nov, 2012

Barcamp Mandalay 2013 အတွက် ကြိုတင်အစည်းအဝေးကို မန္တလေးမြို့၊ ရွှေဖြူပလာဇာ(ဒုတိယထပ်)တွင် Organizer များနှင့် နိုဝင်ဘာလ (၂၃) ရက်နေ့တွင် ကျင်းပ ပြုလုပ်မည်ဖြစ်ကြောင်း သိရှိရသည်။

အဆိုပါအစည်းအဝေးတွင် Barcamp Mandalay ပြုလုပ်ကျင်းပမည့်နေရာနှင့် ရက်တို့အပြင် ပွဲ အစီအစဉ်များနှင့် ပတ်သက်ပြီး ဆွေးနွေးမည်ဖြစ်ပြီး အဆိုပါ အစည်းအဝေးကို Organizer များသာမကပဲ Barcamp အတွက် အချိ်န်ပေးနိုင်သော သူများနှင့် အထောက်အပံ့ပေးနိုင်သော သူများအပြင် မီဒီယာသမားများပါ တက်ရောက်နိုင်ကြောင်း သိရှိရသည်။

“ကျွန်နော်တို့ မန္တလေးမြို့မှာ Barcamp လုပ်ခဲ့တာ နှစ်နှစ်ရှိပါပြီ။ ဒါကတော့ တတိယမြောက် Barcamp ပါ။ ကိုယ်ကြိုက်တဲ့ ခေါင်းစဉ်နဲ့ ဆွေးနွေးနိုင်ပါတယ်။ လာနားထောင်ရင်းနဲ့ သူတို့ ကြိုက်တဲ့ Topic ကို တက်ပြီးတော့ ဆွေးနွေးလို့ရပါတယ်။ မနှစ်ကတော့ အများဆုံးဆွေးနွေးဖြစ်တာက နည်းပညာပိုင်းတွေနဲ့ ပြောင်းလဲလာတဲ့နိုင်ငံရေးတွေ ပတ်သက် ပြီး အများဆုံး ဆွေးနွေးဖြစ်ပါတယ်” ဟု အဆိုပါ ပွဲဖြစ်မြောက်စေရန် ဆောင်ရွက်နေသူ ကိုပြည့်ဖြိုးမောင်က ပြောသည်။

စတင် ပြုလုပ်သည့် နှစ်တွင် လူဦးနေ ၂၀၀၀ ကျော် တက်ရောက်ပြီး ယမန်နှစ်က Barcamp တက်ရောက်ဆွေးနွေးသူ သုံးထောင်ကျော် ရှိကြောင်း၊ ယခုနှစ်တွင် အနည်းဆုံး ၃၀၀၀ ခန့် မှန်းထားကြောင်း ၄င်းက ဆက်လက်ပြောသည်။

နည်းပညာပိုင်းဆိုင်ရာ ဆွေးနွေးမှုအတွက် ပြည်ပနိုင်ငံများမှ ပညာရှင်များကို ဖိတ်ကြားမည်ဖြစ်ကြောင်း သိရသည်။

ထိုပွဲနှင့် ပတ်သက်၍ မန္တလေးမြို့တွင် နေထိုင်သူ ကိုမင်းအောင်မှ “ဒီလိုပွဲတွေ များများကျင်းပပေးသင့်ပါတယ်။ ဒီပွဲရဲ့ အကျိုး ကျေးဇူးက လူငယ်တွေ တစ်ယောက်နဲ့ တစ်ယောက်ရဲ့အမြင်တွေ သိလာမယ်။ ဗဟုသုတလည်း တိုးတယ်။ ပြီးတော့ လူငယ် တွေအချင်းချင်း ကောင်းတဲ့ နေရာမှာ ပိုမိုထိတွေ့ဆက်ဆံ နိုင်တာပေါ့။ ပြီးတော့ နည်းပညာပိုင်းတွေနဲ့ ပတ်သက်တဲ့ ပြောင်း လဲမှုတွေကိုလည်း သိလာရတယ်” ဟု ပြောသည်။

Barcamp Mandalay ကျင်းပမည့်ရက်ကို ဇန်န၀ါရီ (၂၆)ရက်နှင့် (၂၇)ရက် သတ်မှတ်ထားကြောင်း သိရှိရသည်။ အချိန်နှင့် ပွဲအစီအစဉ်များကိုမူ နိုဝင်ဘာလ (၂၃) ရက်နေ့ အစည်းအဝေးအပြီးတွင် သိရှိရမည်ဖြစ်သည်။

Ref: မြစ်မခ

Read More...

ဗီဒီယိုအခွေအား ဆင်ဆာမဲ့ရောင်းချမှုဖြင့် (၄)ဦးအား မိုးညှင်းမြို့နယ်ရဲစခန်းတွင် အမှုဖွင့်

ငြိမ်းချမ်း (မြစ်မခ)
21 Nov, 2012

ကချင်ပြည်နယ် မိုးညှင်းမြို့နယ်ရှိ ညောင်ပင်ဈေးမပြောင်းရွှေ့ရေးအတွက်ဆန္ဒထုတ်ဖော်သည့် ဗီဒီယိုအခွေအား ဆင်ဆာမဲ့ ရောင်း ချမှုဖြင့် (၄)ဦအားဗွီဒီယိုအက်ဥပဒေပုဒ်မ၃၂(ခ) ပအမှတ် ၇၆/၁၂ဖြင့် မိုးညှင်းမြို့နယ် ရဲစခန်းတွင် နိုဝင်ဘာလ ၂၀ရက်နေ့က ဖမ်းဆီးကာ၊ အမှုဖွင့်ထားကြောင်း သိရှိရသည်။

အဆိုပါ လေးဦးကို ဖမ်းဆီးရခြင်းမှာ ညောင်ပင်ဈေးပြောင်းရွှေ့ရေးအတွက်ဆန္ဒထုတ်ဖော်မှုတွင် ပါဝင်ခြင်းကြောင့် မဟုတ်ဘဲ ဆင် ဆာမဲ့အခွေရောင်းချခြင်းကြောင့် ဖမ်းဆီးရခြင်းဖြစ်သည်ဟုမိုးညှင်းရဲစခန်းမှ မြို့နယ်အုပ်ချုပ်ရေးမှူး ဦးဘ၀င်းထံက သိရှိရသည်။

"အရေးယူထားတဲ့လေးဦးက ဈေးပြောင်းရွေှ့ရာမှာ ဆန္ဒပြခဲ့လို့ ဖမ်းတာမဟုတ်ဘူး၊နိုင်ငံရေးအမှုနဲ့ ဖမ်းတာမဟုတ်ဘူး၊ အဓိကက ဆင်ဆာမဲ့ အခွေကိုဖြန့်တာတွေ့ရှိမှုနဲ့ ဖမ်းပြီးအရေးယူတာပါ”ဟု မိုးညှင်းမြို့နယ် အုပ်ချုပ်ရေးမှုး ဦးဘ၀င်းက ပြောသည်။

ဆင်ဆာမဲ့အခွေဖြန့်ချီမှုကြောင့် အထိန်းသိမ်းခံရသူ လေးဦးမှာ ကိုဗညားနိုင်၊ မပွားပွားလှိုင်၊ မသီတာအေး နှင့်မင်းရာဇာဗီဒီယို ရိုက်ကူးရေးတို့ ပါဝင်သည်ဟု ၄င်းကဆက်လက်ပြောသည်။

“ဈေးထဲမှာအခွေကိုင်ထားတဲ့ အမျိုးသမီးတစ်ယောက်ကို အရင်ဖမ်းသွားတာ၊အဲဒီအမျိုးသမီးက ကိုဗညားဆီကရတယ်ဆိုပြီး ပြောလိုက်တော့ လာဖမ်းသွားတယ်”ဟုကိုဗညားနိုင်၏အဒေါ်ဖြစ်သူ ဒေါ်ခင်ကပြောသည်။

နိုဝင်ဘာလ(၁၈)ရက်နေ့တွင် ညောင်ပင်ဈေးသူဈေးသားများသည်ဈေးပြောင်းရွှေ့ခိုင်း ခြင်းနှင့် ပတ်သက်ပြီး ဆန္ဒထုတ်ဖော်ရန် အတွက်လူစုဝေးခဲ့သော်လည်း သက်ဆိုင်ရာတာဝန်ရှိသူများက လာရောက် ညှိနှိုင်းခဲ့သောကြောင့် ဆန္ဒထုတ်ဖော်မှုမပြု လုပ်ခဲ့ကြောင်း ညောင်ပင်ဈေးမှဈေးသူ၊ ဈေးသားအချို့ထံမှ သိရှိရသည်။

အဆိုပါ အခွေတွင်ဆန္ဒထုတ်ဖော်ရန်လူစုဝေးနေသောပုံများနှင့်စည်ပင်မှတာဝန်ရှိသူတစ်ဦးနှင့် ဆန္ဒပြရာတွင် ပါဝင်သော ဈေးသူ တစ်ဦးဖြစ်သူမအေးအေးခိုင် အမေးအဖြေပြုလုပ်နေသည့် အခန်းများ ပါဝင်ကြောင်း သိရသည်။

ရုပ်မြင်သံကြားနှင့် ဗွီဒီယို နည်းဥပဒေ ပုဒ်မ(၉၆)တွင် မည်သည့်အခွေမဆိုရုပ်သံပါသောအခွေများကို ဗီဒီယိုဆင်ဆာတင်ရ မည်ဖြစ်ပြီး ၊ထိုသို့ဆင်ဆာမတင်ပါကတရားဥပဒေအရအရေး ယူနိုင်ကြောင်းမြန်မာ နိုင်ငံဗီဒီယို ဆင်ဆာအဖွဲ့မှ တာဝန်ရှိသူ တစ်ဦးထံက သိရှိရသည်။

အဆိုပါဆန္ဒထုတ်ဖော်သည့် ဗီဒီယိုအခွေများကို မိုးညှင်းမြို့ပေါ်တွင်တစ်ခွေလျှင်(၁)ထောင်ကျပ်နှုန်း ဖြင့် ရောင်းချလျက် ရှိသည်ဟု မြို့နယ်အုပ်ချုပ်ရေးမှုး ဦးဘ၀င်းက ဆိုသည်။

Ref: မြစ်မခ

Read More...

အပေါ်သို့