- ၁၉ ၊၈၊၂၀၁၁
ပြည်ပရောက် မြန်မာနိုင်ငံရေး တက်ကြွသူ၊ ကြွတက်သူ၊ နိုးကြားသူ၊ ကြားနှိုးသူ၊ လှုပ်ရှားသူ၊ လုပ်စားသူ၊ အဖွဲ့အစည်းများ၊ လူပုတ်ဂိုလ်များကို ကျန်းမာ ချမ်းသာစေကြောင်း ဦးစွာ နှုတ်ခွန်း ဆက်လိုက်ပါတယ်။
လွန်ခဲ့တဲ့ သြဂုတ်လ (၁၇)ရက်နေ့က နေပူတော်မှာ ကျနော် တွေ့ဆုံ ပြောကြားလိုက်တဲ့ မိန်းခွန်းမှာ ပြည်ပရောက် မြန်မာနိုင်ငံသားများ အရေးနဲ့ ပတ်သက်ပြီး ပြန်လာနိုင်ဖို့ ကျနော်တို့ စဉ်းစားပေးမှာ ဖြစ်တဲ့အကြောင်း ပြောခဲ့ပါတယ်။ ပြန်လာခဲ့ပါလို့ ဖိတ်ခေါ်တာတောင် မဟုတ်ပဲ စဉ်းစားပေးမှာ ဖြစ်ပါတယ်လို့ ပြောကြားလိုက်ရုံနဲ့ ပြည်ပရောက် မြန်မာ နိုင်ငံရေး သမားတွေ အဖွဲ့အစည်းတွေကြား “ ကြိုဆုိုတယ် .. မကြိုဆုိုဘူး.... ပြန်မယ်.. မပြန်ဘူး.... စောင့်ကြည့်မယ်... စဉ်းစားဦးမယ်... မိန်းမနဲ့ တိုင်ပင်ဦးမယ်...ယေက်ျား နဲ့ တိုင်ပင်ဦးမယ်... ယုံကြည်တယ်... မယုံကြည်ဘူး...” စသဖြင့် သဘောထား အမျိုးမျိုး ကွဲပြားခဲ့သလို တဦး အပေါ်တဦး အယုံအကြည်တွေ ကင်းမဲ့ကြ… နားလည်မှုတွေ လွဲကြ..နဲ့ အတော်လေးကို အားရဖွယ် တွေ့မြင်ရပါတယ်။
ပွင့်ပွင့်လင်းလင်းပြောရရင် ဒီတချက်တည်းနဲ့တင် ကျနော်တို့ လုပ်ရပ် အတော်လေး အောင်မြင် တာမို့ ၀မ်းမြောက် မိပါတယ်။ ဘာဖြစ်လို့လည်း ဆိုတော့ ဘာမှ လုပ်ပေးတာ မဟုတ်သေးပဲ နဲ့တောင် အတော်ကြီးကို သွေးကွဲကုန်လို့ ဖြစ်ပါတယ်။ ဒုတိယ အဆင့်အနေနဲ့ ကျနော်တို့ သဘောထားကြီးပါတယ် ဆိုပြီး နိုင်ငံတကာကို ပြသနိုင်တာမို့ ထပ်ဆင့် ကျေနပ်မိပါတယ်။
ကျနော် ဒီစကားပြောတဲ့အခါ ပစ်မှတ်က အများကြီးကို ထိပါတယ်။ ကျနော်တို့က “စေတနာ ကောင်းနဲ့ ခွင့်လွှတ် နိုင်တာတွေကို ခွင့်လွှတ်ပေးမယ်၊ ပြန်လာခဲ့ပါ” ဆိုရဲ့သားနဲ့ မပြန်လာရင်လည်း ကျနော်တို့ သဘောထား ကြီးတာကို ပြနိုင်တာမို့ အောင်မြင်ပါတယ်။ အဲ.. ကျနော်ပြောတာ အဟုတ်ထင်ပြီး ပြန်လာရင်တော့.. “ကိုယ့်ထိုက်နဲ့ကိုယ့်ကံ” “အမိုက် နင့်ပြင် ရှိဦးမလား” လို့သာ သဘောထား ခဲ့ကြဖို့ လိုပါတယ်။
ဘာပဲဖြစ်ဖြစ် ကျနော်ပြောလိုက်တဲ့စကားကြောင့် ၀မ်းမြောက်ဝမ်းသာ ပြန်လာမယ့် သူများ အတွက် ပိုပြီး ၀မ်းသာနိုင်အောင် ကျနော်တို့ စီစဉ် ဆောင်ရွက်ပေးမယ့် အစီအစဉ် များကိုလည်း တဆက်တည်း ပြောကြား ပေးပါ့မယ်။ ပြည်ပက ပြန်လာသူတွေ အတွက် ကျနော်တို့ ထောင်တွေကို တိုးချဲ့ ဆောက်လုပ်ပေးပါ့မယ်။ ယခင်က အင်းစိန်ထောင်၊ သာယာဝတီထောင်၊ မြစ်ကြီးနားထောင်၊ စစ်တွေထောင်၊ သရက်ထောင် စသဖြင့် နိုင်ငံအနှံ့ ထောင်တွေပဲ ရှိခဲ့ပါတယ်။ ယခု နိုင်ငံတကာထောင် တွေအဖြစ် အမေရိကန်ပြန်များ အတွက် “အမေရိကန် ထောင်”၊ သြစတေးလျ ပြန်များအတွက် “သြစတေးလျထောင်” ၊ ဂျပန်က ပြန်လာသူတွေအတွက် “ဂျပန်ထောင်”၊ ထိုင်းက ပြန်လာသူတွေ အ တွက် “ယိုးဒယားထောင်”..“ကိုးရီးယားထောင်၊ မလေးရှားထောင်” စသဖြင့် သီးသီးသန့်သန့် စီစဉ်ပေးမှာ ဖြစ်ပါတယ်။
ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ ထောင်ထဲမှာ နိုင်ငံအလိုက် အထူး အစီအစဉ် ရှိပါတယ်။ ဥပမာ- မလေးရှားအတွက် အဖွဲ့ဝင်တွေ ဖေါဖေါသီသီ ထုတ်ခွင့်ပေးပါ့မယ်။ ဂျပန်က သံရုံးရှေ့ နေ့စဉ် လာအော်သူတွေ ၀ါသနာမပျက် အဆင်ပြေစေဖို့ နေ့စဉ် မိနစ် ၃၀ စိတ်တိုင်းကျ “အားလုံး ကောင်းပါသည်ခင်ဗျား” အော်ခွင့် အစီအစဉ်၊ အမေရိကန်က လူတွေအတွက် “ဖိနပ်ပေါက် အားကစားကွင်း”၊ ယိုးဒယားပြန်တွေ အတွက် အရက်ဆိုင်၊ ကာရာအိုကေနဲ့ လက်ဝှေ့ကွင်း၊ ဘော်လုံး ကွင်း(အသေး) စသဖြင့် ထောင်တွင်းမှာ စီစဉ်ပေးမှာ ဖြစ်ပါတယ်။
ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ ဂျာနယ်ထုတ်တာ ၀ါသနာပါတဲ့ သူတွေအတွက် ထောင်တွင်း ဂျာနယ်၊ ထောင်တွင်း နံရံကပ် စာစောင်တွေနဲ့ ထောင်တွင်း မီဒီယာ သမားများ၊ ထောင်တွင်း ဘလော့ဂါများ၊ ထောင်တွင်း စီဘောက်သမားများ၊ ကိုယ့်ဘက်တော်သား အချင်းချင်း အားပါးတရ အပြင်းအထန် ပြစ်ပြစ် နှစ်နှစ်၊ ပိုးစုိုးပက်စက် သွားပုတ် လေလွင့် ရေးသား နိုင်မှာ ဖြစ်ပါတယ်။ ပုံပါမှ အားရသူတွေ အတွက်လည်း (ဗျူးသူရော၊ အဗျူးခံသူရော) ဖက်ရှင် လှလှလေးတွေ ၀တ်ပြီး အရေမရ အဖတ်မရ အပြိုင်အဆိုင်ကိုယ်ရည်သွေး တီးလုံးတွေတီးနုိုင်ဖုို့ ထောင်တွင်း တီဗွီအသံ လွှင့်ဌာနလည်း ထားပေးပါ့မယ်။ (DVJB = Drunken Voice of Jails in Burma.... လုို့ နာမယ်တပ်ခွင့် တောင် ပေး..ဦး..မှာ.....)
ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ ထောင်တွင်းမှာ အန်ဂျီအိုတွေ မအို တအိုတွေလည်း ထားပေးမှာ ဖြစ်ပါတယ်။ ငွေကြေးလည်း အလှူခံခွင့်၊ ပရောဂျက်ရေးခွင့်၊ ပရိုပိုဇယ် ရေးခွင့်တွေ ပေးပြီး အန်ဂျီ မအို တအိုတွေထံ တင်ပြခွင့် ပေးထားမှာ ဖြစ်ပါတယ်။ အန်ဂျီအိုတွေ ရှိခြင်း အားဖြင့်၊ ငွေကြေးတွေ ကိုင်တွယ် အသုံးပြုခြင်းအားဖြင့် သူတို့ အချင်းချင်း ကျနော်တုို့ ဘာမှ လုပ်စရာမလိုပဲ ကွဲကြ ပြဲကြ၊ ဆော်ကြ နှက်ကြနဲ့ အလွန်ကို ပျော်စရာ ကောင်းစေချင်လို့ ဖြစ်ပါတယ်။ ငွေစာရင်းတွေကို ရှင်းမရ၊ ငွေစာရင်း ရှင်းတမ်းတောင်းရင်း မာန်ဖီကြ၊ “အလှူငွေကောက်ရင် ငါတို့ အဖွဲ့နဲ့ ငါနဲ့တော့ မထည့်နိုင် ပေမယ့် အဖွဲ့ဝင်သစ် လေးတွေဆီက တောင်းပေးမယ်” ဆိုပြီး ထမိန်ရည်ပူလာ လျှာလွှဲကြ တာမျိုးကလည်း အင်မတန်မှ ကြည်နူးစရာ ကောင်းလှတာကိုး ခင်ဗျ။
ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ ပြည်ပက ပြန်လာသူတွေကို ရံပုံငွေပွဲတွေ လုပ်ခွင့်လည်း ပြုမှာဖြစ်ပါတယ်။ ဒါလည်း ဆိုခဲ့သလို ကွဲစေ ပြဲစေတဲ့နည်းလမ်း တခုကိုး ခင်ဗျ။ အနှစ် ၂၀ကျော် ကျနော်တို့ကို ပြည်ပကနေ ဘာမှ ထိထိရောက်ရောက် မလုပ်နိုင်တာ ဒီလို အချက်တွေလည်း ပါတာမို့ ပြည်တွင်းမှာလည်း သူတို့ကို ဒါတွေ ဆက်လုပ်ခွင့်ပြုမှာ ဖြစ်ပါတယ်။
ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ အစားအသောက်နဲ့ ပတ်သက်ပြီး နံနက်စာ၊ နေ့လည်စာတွေ အပြင် ညစာကိုလည်း အရက်ဝိုင်းတွေ ဘာတွေ ဖန်တီး ပေးထားမှာ ဖြစ်ပါတယ်။ထောင်တွင်း သက်သာဆိုင်၊ ထောင်တွင်း ကာရာအိုကေ၊ အနှိပ်ခန်း စသဖြင့် ထားရှိပေးမှာ ဖြစ်ပါတယ်။ ကိုယ့်ငွေနဲ့ကိုယ် စိတ်တိုင်းကျ မူးယစ်ပျော်ပါးပြီး နိုင်ငံရေး ဆွေးနွေး ဆောင်ရွက်နိုင်မှာ ဖြစ်ပါတယ်။
ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ ကျနော်တို့ အစိုးရသစ်ရဲ့ စေတနာတွေပေါ့ ခင်ဗျာ။ အပြင်ကနေ တိုင်းပြည် ကောင်းအောင် ဘာလုပ်မယ် ညာလုပ်မယ် ပြောနေမယ့် အစား လက်တွေ့ ကျကျ လုပ်နိုင်အောင် ပြည်ပက ပြန်လာသူတွေကို လမ်းတံတား ဆောက်တာတွေ၊ အုတ်သယ်၊ ခဲသယ်ခွင့် (တချို့ သဘောထား ပြော့ပြောင်း သူတွေကုိုဆုို ရဲဘက်စခန်းမှာ ကျောက်ထုခွင့် တွေကို) ပြည့်ပြည့်၀၀ ပေးပြီး နိုင်ငံတော်သစ်ကို တည်ဆောက်စေမှာ ဖြစ်ပါတယ်။
ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ (လေသက်သက်) တိုက်ပွဲ ပျော်များ အတွက်ကတော့ ပြန်လာရင် တပ်မတော်အတွက် ပေါ်တာ လိုက်ခွင့်၊ အသေခံ လူသား မိုင်းရှင်း သမားအဖြစ် မိုင်းနင်းခွင့်လည်း တစ်ဝကြီး ပေးမှာဖြစ်ပါတယ်။
ယခု ပြောနေတာတွေက ကျနော် တကယ်ကို စေတနာထားပြီး ဆောင်ရွက် ပေးမှာတွေ ဖြစ်ပါတယ်။ ဒါကြောင့် ပြန်လာမယ် ဆိုရင် အားမနာတမ်း အသက်ကို ဖက်နဲ့ထုပ်ပြီး ပြန်လာ နိုင်ပါပြီ ဆိုတဲ့ အကြောင်း သတင်းကောင်း ပါးအပ်ပါတယ်ခင်ဗျား။
ကြီးစွာသောမေတ္တာဖြင့်
“ဒါတင်ပဲလား” သမ်မဒကျီး
မောင်ကိုဦး
၁၉ ၊၈။၂၀၁၁။
Read More...
Collapse...
18 သြဂုတ် 2011
မနန္ဒာချမ်း
ရုပ်ရှင်သရုပ်ဆောင် မင်းသား ကျော်သူ ဦးဆောင်ဖွင့်လှစ်ထားတဲ့ နာရေးကူညီမှု အသင်းဟာ တရားဝင် ဖွဲ့စည်းလုပ်ကိုင်ခွင့် မှတ်ပုံတင်သက်တမ်း ထပ်တိုးမပေးဘဲ ဆိုင်းငံ့ခံထားရတာကနေ အခုတော့ အလားအလာ ကောင်းလာပြီ ဖြစ်ပါတယ်။ ဗုဒ္ဓဟူးနေ့ က နေပြည်တော်မှာ သမ္မတ ဦးသိန်းစိန်နဲ့ တွေ့ဆုံပြီးနောက် အခုလို ဆိုင်းငံ့ခံထားရတဲ့ မှတ်ပုံတင် သက်တမ်းတိုးမှုကိစ္စ အလား အလာ ပြန်ကောင်းလာတာ ဖြစ်ပါတယ်။ အပြည့်အစုံကို မနန္ဒာချမ်းက တင်ပြပေးထားပါတယ်။
နာရေးကူညီမှုအသင်း (ရန်ကုန်) ရဲ့ တရားဝင် ဖွဲ့စည်းလုပ်ကိုင်ခွင့် မှတ်ပုံတင် သက်တမ်းဟာ ပြီးခဲ့တဲ့ ၂၀၀၈ ခုနှစ် ဒီဇင်ဘာ မှာကတည်းက ကုန်ဆုံးခဲ့တာပါ။ ဒါကို ဆက်တိုးမပေးဘဲ ဆိုင်းငံ့ခံထားရတာ ဖြစ်ပါတယ်။ ဒီကိစ္စ သက်တမ်းတိုးပေးဖို့ကို မနေ့က နေပြည်တော်မှာ ပြုလုပ်ခဲ့တဲ့ စီးပွားရေး လုပ်ငန်းရှင်တွေ၊ လူမှုရေး အသင်းအဖွဲ့ ခေါင်းဆောင်တွေနဲ့ သမ္မတ ဦးသိန်းစိန် တွေ့ဆုံ ပွဲမှာ နာရေးကူညီမှု အသင်းရဲ့ အတွင်းရေးမှူး ဆရာမ သန်းမြင့်အောင်က သမ္မတ ဦးသိန်းစိန်ကို ပြောဆိုခဲ့တာ ဖြစ်တယ်လို့ နာရေးကူညီမှုအသင်း (ရန်ကုန်) ကို ဦးဆောင်ဖွဲ့စည်းခဲ့တဲ့ ရုပ်ရှင်သရုပ်ဆောင် အကယ်ဒမီ ကျော်သူရဲ့ ဇနီး ဒေါ်ရွှေဇီးကွက်က အခုလို ပြောပြပါတယ်။
“သမ္မတကြီး ဦးသိန်းစိန်နဲ့ မြန်မာပြည်မှာရှိတဲ့ အလွှာစုံက အဖွဲ့အစည်းပေါင်းစုံနဲ့ တွေ့တဲ့ဟာကို၊ မိနစ် ၂၀ လောက်ပြောတယ်၊ ပြောပြီး ပြန်အထွက်မှာ သူက အဖွဲ့အစည်း တခုချင်းနဲ့ နှုတ်ဆက်တယ်။ အဲဒီနှုတ်ဆက်တဲ့ အချိန်မှာ အမတို့နဲ့ နှုတ်ဆက်ခွင့် ရ လိုက်တယ်။ ရလိုက်တဲ့ အချိန်လေးမှာ အမတို့က လှမ်းပြီးတော့ ကျမတို့အသင်းရဲ့ မှတ်ပုံတင် သက်တမ်းတိုးခွင့်၊ မှတ်ပုံတင်က ရှိပြီး သား၊ သက်တမ်းတိုးလို့ မရဘူး၊ ၂၀၀၈ ခုနှစ် ဒီဇင်ဘာမှာ သက်တမ်း ကုန်သွားတာကိုး။ အဲဒါလေးကို ပြန်ချပေးဖို့ပေါ့ အမတို့က အကူအညီ တောင်းလိုက်တာပါ။
“သူ့ကို ပြောတဲ့အချိန်မှာ ဆရာမ ဒေါ်သန်းမြင့်အောင်က ကျမတို့ကို တိုင်းဒေသကြီးကလည်း ကူညီနေပါတယ် ဘာညာနဲ့ ပြော တော့ တိုင်းဒေသကြီးက ကူညီနေတယ် ဆိုရင်တော့ ခင်ဗျားတို့ ရမှာပါလို့ ပြောလိုက်ပါတယ်။”
၂၀၀၈ ခုနှစ် ဒီဇင်ဘာမှာ မှတ်ပုံတင်သက်တမ်း ကုန်ဆုံးပြီးချိန်ကနေ ၂၀၁၁ ခုနှစ် ဇွန်လ ၁၆ ရက်နေ့အထိ ၃ ကြိမ်တိုင်တိုင် ဖွဲ့စည်းလုပ်ကိုင်ခွင့် မှတ်ပုံတင်သက်တမ်း တိုးပေးဖို့ တောင်းဆိုခဲ့ပေမဲ့ အခုထိ တိုးမပေးဘဲ ဆိုင်းငံ့ခံထားရတာ ဖြစ်ပါတယ်။ ဒါကြောင့် အခုလို သမ္မတ ဦးသိန်းစိန်နဲ့ တွေ့ဆုံခွင့် ရတဲ့အချိန်မှာ တင်ပြရတာ ဖြစ်တယ်လို့ ဒေါ်ရွှေဇီးကွက်က ပြောပါတယ်။
အခုလို မှတ်ပုံတင်သက်တမ်း တိုးမပေးတဲ့အတွက်လည်း နာရေးကူညီမှု ကိစ္စရပ်တွေ အပါအ၀င် အဲ့ဒီနာမည်အောက်မှာ ဖွင့်လှစ် ထားတဲ့ တခြား လူမှုရေးလုပ်ငန်းတွေမှာပါ ထိထိရောက်ရောက် မဆောင်ရွက်နိုင်ဘဲ အတော်လေး အခက်အခဲ ဖြစ်ရတယ်လို့ ဒေါ်ရွှေဇီးကွက်က အခုလို ဆက်ပြောခဲ့ပါတယ်။
“ပထမဆုံးကတော့ အမတို့ FE ကိုင်ဆောင်ခွင့် ရှိတယ်ပေါ့။ FE ကိုင်ဆောင်ခွင့်ဟာလည်း အဲဒီမှာ သက်တမ်းကုန်သွားတယ်။ အဲဒီမှာ အမတို့ နည်းနည်း ပြဿနာရှိတယ်။ နောက်တခုက အမတို့ မျက်စိခွဲခန်းကို ပိုက်ဆံတွေ အလှူခံပြီး ပြင်ဆင်ပြီးတာက သုံးမယ်ဆိုရင် သုံးလေးလလောက်ရှိပြီ၊ သုံးလို့ရတာ။ ဒါပေမဲ့ အခုအချိန်ထိ သုံးလို့မရသေးဘူး။ ဒါကြီးက ဆေးခန်းဆိုတော့ ကျန်းမာရေး ၀န်ကြီးဌာနကို ပြောတဲ့အခါကျတော့ ကျန်းမာရေးကလည်း ပြည်ထဲရေးက ထောက်ခံစာရမှ ရမယ်လို့ ပြောတော့ ပြည်ထဲရေးက ဒီသက်တမ်းရမှ သူတို့ကလည်း ထောက်ခံမယ့်သဘော ရှိတာကိုး။ အဲဒါတွေမှာ ပြဿနာတက်တယ်။
“ပြီးတော့ ပြည်မှာ အမတို့ ဆေးခန်းဖွင့်တယ်။ အဲဒါလည်း ညှိနေရတယ်၊ လုပ်နေရတယ်။ ဖွင့်လို့မရဘူး ဖြစ်နေတယ်။ ၃ လရှိပြီ။ ပိုက်ဆံတွေလည်း အကုန်ခံ၊ အကုန်လုပ်ပြီးတော့ ဆေးခန်းက ဆေးတွေလည်း ရောက်နေပြီ၊ ဆရာဝန်ကလည်း အဆင်သင့်ပဲ၊ ထိုင်ပေးမယ်။ လူနာကလည်း ရှိတယ်။ ဒါပေမဲ့ အဲဒီမှာ ၃ ရက်ပဲ ဖွင့်လို့ရပြီး ၃ လ ပြန်ပိတ်၊ ၃ လရှိပြီ အမတို့ မဖွင့်နိုင်သေးဘူး။ ၃ ရက်ပဲ ဖွင့်လိုက်ရသေးတယ်။”
ဒီ နာရေးကူညီမှုအသင်း တရားဝင် ဖွဲ့စည်းလုပ်ဆောင်ခွင့် မှတ်ပုံတင်သက်တမ်း အတွက်ပဲ ဒီကနေ့မှာ တိုင်းဒေသကြီးရုံးကို ထပ်မံသွားရောက် စာတင်ဖို့ ရှိတယ်လို့လည်း ဒေါ်ရွှေဇီးကွက်က ပြောပါတယ်။ ၁၀ နှစ်ကျော်လာပြီဖြစ်တဲ့ ဒီအသင်းကြီးရဲ့ လုပ်ငန်း တွေကို လူတန်းစား အလွှာအသီးသီးကနေ ထောက်ခံ အသိအမှတ်ပြုတဲ့ အတွက်ကြောင့်လည်း ဘယ်လို အခက်အခဲ မျိုးပဲရှိရှိ ဆက်လက် လုပ်ဆောင်သွားမှာ ဖြစ်တယ်လို့လည်း အခုလို ဆက်ပြောခဲ့ပါတယ်။
“ဆက်တိုက် လုပ်နေမှာပါပဲ။ ကျမတို့က မှတ်ပုံတင်မရှိလည်း လုပ်နေရတာပါပဲ။ သေတာက ရပ်မှမသွားတာ၊ လူနာတွေကလည်း ရပ်မှမသွားတာ။ ဒါပေမဲ့ Legally ဖြစ်ချင်တာပေါ့နော်၊ တရားဝင်လေး ဖြစ်ချင်တာပေါ့။ အခုလို ဒီမှာ အဖိတ်ခံရတဲ့ အတွက်တော့ နိုင်ငံတော် အနေနဲ့ ကျမတို့ကို တရားဝင် သတ်မှတ်တယ်လို့တော့ ကျမတို့က ခံစားရတာပေါ့။ တရားဝင် အဖွဲ့အစည်းတခု အနေ နဲ့ သတ်မှတ်တယ်လို့ ကျမတို့ ခံစားရပါတယ်။”
နာရေးကူညီမှုအသင်း (ရန်ကုန်) ပေါ်ပေါက်လာစေဖို့အတွက် စတင် မျိုးစေ့ချပေးသူကတော့ ရုပ်ရှင်ဒါရိုက်တာ စာရေးဆရာကြီး ဦးသုခ ဖြစ်ပါတယ်။ ဒီအသင်းကို ၂၀၀၁ ခုနှစ် ဇန်န၀ါရီလ ၁ ရက်က စတင် တည်ထောင်ခဲ့တာဖြစ်ပြီး ၂၀၁၁ ခုနှစ် ဇန်န၀ါရီလ ၁ ရက်နေ့မှာ ၁၀ နှစ်တင်းတင်း ပြည့်မြောက်ခဲ့တာပါ။ အခုဆိုရင်တော့ ၁၀ နှစ်ခွဲ ရှိသွားခဲ့ပါပြီ။ ဒီ ၁၀ နှစ်ခွဲ ကာလအတွင်းမှာ ငွေကြေး မတတ်နိုင်သူတွေအတွက် ဈာပနတွေကို အခမဲ့ ၀န်ဆောင်မှု ပေးခဲ့တာ ရုပ်အလောင်းပေါင်း ၁၀၀,၀၀၀ ကျော် ရှိသွားခဲ့ပြီ ဖြစ်ပါတယ်။ ဒီကာလတွေ အတွင်းမှာလည်း အာဏာပိုင်တွေရဲ့ အမျိုးမျိုး ဖိအားပေး နှောင့်ယှက်မှုတွေကို ခံခဲ့ရတာ ဖြစ်ပါတယ်။
Ref: ဗွီအိုအေ
Read More...
Collapse...
18 သြဂုတ် 2011
နေပြည်တော်မှာ မနက်ဖြန် စတင်ပြုလုပ်မယ့် နိုင်ငံတော်အဆင့် ဖွံ့ဖြိုးမှုဆိုင်ရာ အလုပ်ရုံ ဆွေးနွေးပွဲကို တက်ရောက်ဖို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို အာဏာပိုင်တွေက တရားဝင် ဖိတ်ကြားလိုက်ပါတယ်။ မနေ့ ဗုဒ္ဓဟူးနေ့ တုန်းကမှ ဒေါ်အောင်ဆန်းစုကြည်ရဲ့ နေအိမ်ကို အလုပ်ရုံ ဆွေးနွေးပွဲဆိုင်ရာ ကျင်းပရေး ဦးစီးကော်မတီက ဖိတ်စာ လာရောက် ပေးပို့တာလို့ သိရပါတယ်။
NLD ဘက်က ပြောခွင့်ရ ဦးအုန်းကြိုင်ကတော့ ဒေါ်အောင်ဆန်းစုကြည် အခုလို ဖိတ်စာ လက်ခံရရှိတာကို အတည်ပြုပေမဲ့ တက် မတက် ဆုံးဖြတ်ချက်ကိုတော့ မသိသေးဘူးလို့ ပြောပါတယ်။
“နေပြည်တော်မှာ ကျင်းပဖို့ရှိတဲ့ နိုင်ငံတော် စီးပွားရေး ပြုပြင်ပြောင်းလဲမှုဆိုင်ရာ အမျိုးသားရေးအဆင့် အလုပ်ရုံ ဆွေးနွေးပွဲ၊ အဲဒီဆွေးနွေးပွဲကို ဆွေးနွေးပွဲ ကျင်းပရေးဆိုင်ရာ ဦးစီး ကော်မတီက မနေ့က အထွေထွေ အတွင်းရေးမှူး ဒေါ်အောင်ဆန်းစုကြည် ကို ဖိတ်စာ လာပေးပါတယ်။ ဖိတ်စာ လက်ခံရရှိပါတယ်။ ဆွေးနွေးပွဲ တက်မယ်၊ မတက်ဘူး၊ ကျနော်တို့ကို ဘာမှ မပြောသေးပါ ဘူး။ ကျနော်တို့ ဘာမှ မပြောနိုင်သေးပါဘူး။”
တချို့သတင်းတွေမှာတော့ ဒေါ်အောင်ဆန်းစုကြည်ဟာ လေ့လာသူအနေနဲ့ တက်ရောက်ဖွယ် ရှိတယ်လို့ ဆိုနေပေမဲ့ သီးခြား အတည်ပြုချက်တော့ မရသေးပါဘူး။
ဒီအလုပ်ရုံ ဆွေးနွေးပွဲကို သမ္မတ ဦးသိန်းစိန်ကိုယ်တိုင် တက်ရောက်မယ့်အပြင် အစိုးရ အာဏာပိုင်တွေ၊ ပြည်နယ်နဲ့ တိုင်းဒေသ ကြီးအဆင့် ၀န်ကြီးတွေ၊ နိုင်ငံရေးပါတီတွေရဲ့ ကိုယ်စားလှယ်တွေ၊ စီးပွားရေး လုပ်ငန်းရှင်တွေ၊ အသင်းအဖွဲ့တွေနဲ့ နိုင်ငံခြား သံတမန် တချို့ကိုလည်း ဖိတ်ကြားထားတယ်လို့ သိရပါတယ်။
အလုပ်ရုံ ဆွေးနွေးပွဲကို နေပြည်တော်မှာရှိတဲ့ မြန်မာနိုင်ငံ အပြည်ပြည်ဆိုင်ရာ ကွန်ဗင်းရှင်း ဗဟိုဌာနမှာ ၃ ရက်ကြာ ပြုလုပ်မှာ ဖြစ်ပါတယ်။ နိုင်ငံတော် စီးပွားဖွံ့ဖြိုးရေး ပြုပြင်ပြောင်းလဲမှုဆိုင်ရာ အမျိုးသားအဆင့် အလုပ်ရုံ ဆွေးနွေးပွဲကို ဒါ ပထမဆုံး အကြိမ် အဖြစ် ကျင်းပတာဖြစ်ပြီး အမျိုးသား စီမံကိန်း ၀န်ကြီးဌာနက အဓိက ဦးဆောင်ပြုလုပ်တယ်လို့ သိရပါတယ်။
သမ္မတ ဦးသိန်းစိန် အစိုးရရဲ့ စီးပွားရေး ပြုပြင်ပြောင်းလဲမှုဆိုင်ရာ မူဝါဒ ဖော်ဆောင်ဖို့ လက်တွေ့ လုပ်ငန်းစဉ်တွေ ချမှတ်နိုင်မယ့် အလုပ်ရုံ ဆွေးနွေးပွဲ ဖြစ်မယ်လို့ စီးပွားရေး လုပ်ငန်းရှင်တွေကတော့ ယူဆထားပါတယ်။
Ref: ဗွီအိုအေ
Read More...
Collapse...
18 သြဂုတ် 2011
မသင်းသီရိ
နိုင်ငံခြားဝင်ငွေ ရနေတဲ့ ပြည်တွင်း ပုဂ္ဂလိက လုပ်ငန်းတွေနဲ့ ပြည်တွင်း ပြည်ပ နိုင်ငံသားတွေ ပေးဆောင်နေကြရတဲ့ ၀င်ငွေခွန်ကို လျှော့ချ ပေးဆောင်ဖို့ မြန်မာအစိုးရရဲ့ ဘဏ္ဍာရေးနဲ့ အခွန်ဝန်ကြီးဌာန ၀န်ကြီးရုံးက ဒီနေ့ ထုတ်ပြန် ကြေညာလိုက်ပါတယ်။ အခုပေးဆောင်နေကြရတဲ့ ၀င်ငွေခွန် ၁၀% ကို လျှော့ချပြီး ၂% သာ ပေးဆောင်ကြရတော့မှာ ဖြစ်ပေမဲ့ ဒီဝင်ငွေခွန် လျှော့ချတဲ့ ကာလသက်တမ်းကလည်း ၆ လပဲဖြစ်တယ် ဆိုတာကို ထုတ်ပြန်ထားပါတယ်။ အပြည့်အစုံကို မသင်းသီရိက တင်ပြပေးထားပါတယ်။
ဒီနေ့ သြဂုတ်လ ၁၈ ရက် ကြာသပတေးနေ့က စပြီး ၂၀၁၂ ခုနှစ် ဖေဖော်ဝါရီလ ၁၈ ရက်နေ့အထိ ၆ လအတွင်း ၀င်ငွေခွန်တွေကို ၁၀% ကနေ ၂% အထိ လျှော့ချ ကောက်ခံမယ်လို့ မြန်မာအစိုးရရဲ့ ဘဏ္ဍာရေးနဲ့ အခွန်ဝန်ကြီးဌာနက ဒီနေ့ညနေပိုင်းမှာ သတင်းထုတ်ပြန်ခဲ့တာပါ။ ဒါဟာ ပြည်တွင်းမှာရှိနေတဲ့ အထည်ချုပ် စက်ရုံတွေ၊ ပြည်ပကိုရောက်ပြီး အလုပ်လုပ်နေကြသူတွေ အတွက် အားလုံး အကျုံးဝင်ပါတယ်။
အခု အခွန်လျှော့ချလိုက်တဲ့ ကာလသက်တမ်းဟာ လတ်တလောမှာ ၆ လ ဆိုပေမဲ့ ၀င်ငွေခွန် ပေးနေရတဲ့ သူတွေအဖို့ တစုံတရာ အဆင်ပြေသွားနိုင်သလို အစိုးရရဲ့ စီးပွားရေး ပြုပြင်ပြောင်းလဲရေး စီမံကိန်းတွေအတွက် ခြေလှမ်းသစ်တွေ ဖြစ်တယ်လို့ စီးပွားရေး ပညာရှင် ဦးခင်မောင်ညိုက ပြောပါတယ်။
“၀င်ငွေခွန်ကို ၁၀% ပေးဆောင်နေတဲ့ အထည်ချုပ် လုပ်ငန်းတွေ အကျိုးခံစားခွင့် ရှိမယ်။ နောက်တခုက ပြည်ပရောက်နေတဲ့ သူတွေက နိုင်ငံခြားကနေ ငွေလွှဲရင် ၁၀% ဖြတ်ခံရတယ်၊ ၀င်ငွေခွန် ဆောင်ရတယ်။ အဲဒါ အခုဆိုရင် ၂% ပဲ ဆောင်ရမယ်။ နောက် သင်္ဘောသားတွေ၊ သူတို့ အုပ်စု ၃ ခု အကျိုးခံစားခွင့် ရှိပါမယ်။
“နိုင်ငံခြားကနေ ငွေလွှဲတာတွေက တရားဝင် လမ်းကြောင်းကနေ လွှဲတာတွေလည်း ဖြစ်လာနိုင်တယ်လို့ ဆရာ ယူဆတယ်။ ခါတိုင်းက ဟွန်ဒီလွှဲနေရာကနေ အခု တရားဝင်လွှဲဖို့ အဆင်ပြေလာမယ်လို့ ဆရာကတော့ မျှော်လင့်တယ်။ သမ္မတကြီးက လျှော့သင့်လျှော့ထိုက်တာတွေ လျှော့ပေးဦးမယ်လို့ မနေ့ကပဲ ပြောတာလေ။ ဒါ တရက်အတွင်း အကောင်အထည် ပေါ်တာပဲ။”
စီးပွားရေး ပညာရှင် ဦးခင်မောင်ညို ပြောပြသွားတာ ဖြစ်ပါတယ်။
အခုဆိုရင် ပြည်တွင်းက အထည်ချုပ်လုပ်ငန်း တော်တော်များများဟာ ပြည်တွင်းမှာ ဒေါ်လာဈေး အဆမတန် ကျနေတာမို့ အဆင်မပြေ ဖြစ်နေကြတဲ့အချိန် အခုလို ၀င်ငွေခွန် လျှော့ချလိုက်တဲ့အတွက် သူတို့အဖို့ သက်သာရာ ရစေမှာ အမှန်ဖြစ်သလို ပြည်ပမှာ အလုပ်တွေ ထွက်လုပ်နေကြပြီး သက်ဆိုင်ရာ နိုင်ငံတွေမှာရှိတဲ့ မြန်မာသံရုံးတွေမှာ ၀င်ငွေခွန် ပေးဆောင်နေကြရတဲ့ မြန်မာနိုင်ငံသားတွေကတော့ ဒီသတင်းကို ကြိုဆိုကြပါတယ်။
အခု စင်ကာပူနိုင်ငံမှာ အလုပ်လုပ်နေလို့ လစဉ် ၀င်ငွေခွန် သံရုံးကို ပေးဆောင်နေရတဲ့ မစုမွန်ကတော့ ဒီအတိုင်းသာဆိုရင် သူတို့အတွက် ပေးဆောင်နေရတဲ့ အခွန် တ၀က်လောက် သက်သာသွားမယ်လို့ ပြောပါတယ်။
“စင်ကာပူအရဆိုရင် အလုပ်လုပ်တဲ့ Category ၂ မျိုးရှိတယ်။ တခုက SPass၊ နောက်တခုက EP၊ နောက်တခုကတော့ Permanent Resident ရထားတဲ့ PR တွေပေါ့။ အဲဒီလိုဟာမျိုးတွေမှာ SPass သမားတွေကိုဆိုရင် တလကို ၈၀ နှုန်း၊ EP နဲ့ PR ကတော့ တလကို ၁၂၀ နှုန်းပေါ့။ အဲဒါက လခ ဘယ်လောက်ပဲ ရနေ ရနေ ဒီလိုမျိုး သတ်မှတ်ထားတယ်။
“၄၀ လောက်ပဲ ဆောင်ရမယ်ဆိုတော့ အရင်တုန်းက ဆောင်ရတာ ၈၀ ဆိုတော့ ၄၀ ဆိုရင် တ၀က်လောက် ကျသွားတာပေါ့။ ပြီးတော့ EP သမားတွေအတွက် ဆိုရင်လည်း ၃,၀၀၀ ဆိုရင် ၆၀ ပဲကျတော့မယ်။ အရင်တုန်းက ၁၂၀ ကနေ ၆၀ ဆိုရင် အခု တ၀က် သက်သာသွားတဲ့ သဘောပေါ့။”
အခု ၀င်ငွေခွန်ကို လျှော့ချလိုက်တဲ့ ထုတ်ပြန်ချက်ဟာ နိုင်ငံခြားမှာ အလုပ်သွားလုပ်နေကြတဲ့ သင်္ဘောသားတွေလည်း ပါဝင်ပါတယ်။ ရေမြေရပ်ခြားမှာ အလုပ်သွားလုပ်ပြီး ကိုယ့်နိုင်ငံထဲကို ငွေပြန်ပို့တဲ့သူတွေ အဖို့ အခု မြန်မာပြည်ထဲမှာ ဒေါ်လာဈေး အဆမတန် ကျတာဟာ သူတို့အတွက် အတော်လေး အဆင်မပြေတာမျိုး ကြုံနေကြရပါတယ်။
“တော်တော်နစ်နာပါတယ်။ ပထမတုန်းက ကျမ ကျောင်းစတက်တုန်းကဆိုရင် စင်ကာပူဒေါ်လာဈေးက ၈၀၀ ကို တော်တော် ကျော်ပြီး ၉၀၀ နီးပါးလောက် ရှိတယ်။ ဒါပေမဲ့ အခု ဒီနေ့ ငွေဈေးက ၆၀၀ ပဲ ကျန်တော့တယ်။ အဲတော့ ကိုယ်ကျောင်းပြီးလို့ အိမ်ကိုပြန်ပို့တော့မယ့် အချိန်ကျတော့ သုံးချိုးတချိုးလောက် ကျသွားတာဆိုတော့ မလွယ်တော့ဘူး။
“မြန်မာပြည်မှာကျတော့လည်း ကုန်ဈေးနှုန်းက ဒေါ်လာဈေးသာကျတယ်၊ ကုန်ဈေးနှုန်းက ကျမှမကျတာ။ အဲတော့ ရန်ကုန်မှာ ကုန်ဈေးနှုန်းကလည်း နဂိုအတိုင်းပဲဆိုတော့ အရင်တုန်းက သုံးတဲ့ Amount ကို ရဖို့အတွက်ဆိုရင် ဒီဘက်က ပိုရှာပြီး ပိုပြီး ပို့ရ သလိုပဲ။”
စင်ကာပူနိုင်ငံက မစုမွန် ပြောပြသွားတာ ဖြစ်ပါတယ်။
မြန်မာအစိုးရကတော့ ပြည်တွင်းမှာ ဒေါ်လာဈေးတွေကျပြီး မြန်မာကျပ်ငွေတန်ဖိုး မြင့်နေတဲ့အတွက် ပို့ကုန်လုပ်ငန်းတွေ ထိခိုက်မှု မရှိရလေအောင် ပြီးခဲ့တဲ့ ရက်ပိုင်းကပဲ ၆ လ ကုန်သွယ်ခွန် လျှော့ချပေးတာတွေ ကြေညာခဲ့ပြီး ဒီနေ့ ၀င်ငွေခွန်တွေကိုလည်း ၆ လ လျှော့ကောက်မယ်လို့ ကြေညာခဲ့တာပါ။
ဒါ့အပြင် မနက်ဖြန် သြဂုတ်လ ၁၉ ရက်၊ သောကြာနေ့မှာတော့ နိုင်ငံတော် စီးပွားရေးနဲ့ ပြုပြင်ပြောင်းလဲရေးဆိုင်ရာ အမျိုးသား အဆင့် အလုပ်ရုံ ဆွေးနွေးပွဲတွေကို ပထမဆုံး အကြိမ်အဖြစ် နေပြည်တော်မှာ ကျင်းပဖို့ ရှိပါတယ်။
Ref: ဗွီအိုအေ
Read More...
Collapse...
18 သြဂုတ် 2011
အိန္ဒိယနိုင်ငံမှာ သောကြာနေ့ကျရင် လူအများအပြား ပါဝင်တဲ့ အစာငတ်ခံ ဆန္ဒပြပွဲကြီး တခုကို လုပ်ဖို့ ထိပ်တန်း လှုပ်ရှားသူ တယောက်က စီစဉ်နေပါတယ်။
အကျင့်ပျက် ခြစားမှု တိုက်ဖျက်ရေးဆိုင်ရာ ပိုပြီး တင်းကျပ်တဲ့ ဥပဒေတရပ် ပြဋ္ဌာန်းပေးဖို့ တောင်းဆိုတဲ့ အနေနဲ့ အဲဒီ အစာငတ်ခံ ဆန္ဒပြပွဲကို လုပ်ဖို့ စီစဉ်နေတာဖြစ်ပြီး ဒီလှုပ်ရှားမှုဟာ တနိုင်ငံလုံးမှာ ဆန္ဒပြပွဲတွေ ဖြစ်ခဲ့ပြီးပါပြီ။
အန်နာ ဟာဇာရေး (Anna Hazare) ဟာ ထောင်ထဲကနေထွက်ပြီး နယူးဒေလီမြို့က လူ ၂၅,၀၀၀ ဆန့်တဲ့ ဟင်းလင်းပြင်မှာ ၁၅ ရက်ကြာ လူထုဆန္ဒပြပွဲ လုပ်ဖို့ကိစ္စ ရဲတပ်ဖွဲ့နဲ့ သဘောတူညီချက် တရပ်ကို ကြာသပတေးနေ့က ရခဲ့ပါတယ်။
အသက် ၇၄ နှစ်အရွယ် အန်နာ ဟာဇာရေးရဲ့ လှုပ်ရှားမှုကို ထောက်ခံကြောင်း ပြသဖို့အတွက် မကြာသေးခင် ရက်တွေအတွင်း နယူးဒေလီ၊ မွမ်ဘိုင်းနဲ့ အိန္ဒိယနိုင်ငံရဲ့ တခြားမြို့ကြီးတွေမှာ ထောင်ပေါင်းများစွာသော လူတွေ လမ်းပေါ်ထွက် ဆန္ဒပြခဲ့ ကြ ပါတယ်။ လူထု အစာငတ်ခံ ဆန္ဒပြပွဲကြီး မဖြစ်အောင် ပိတ်ပင်ဖို့ ကြိုးစားတဲ့ အနေနဲ့ ဟာဇာရေးကို အင်္ဂါနေ့မှာ ရဲတပ်ဖွဲ့က ဖမ်းဆီးခဲ့ပါတယ်။
ဟာဇာရေးက သူ့ကို ထိန်းသိမ်းထားတဲ့ နယူးဒေလီမြို့တော်က တီဟာ အကျဉ်းထောင်ထဲမှာ အစာငတ်ခံ ဆန္ဒပြပွဲ ဆက်လုပ်ခဲ့ပြီး သူ့ကိုထောက်ခံသူ ရာပေါင်းများစွာဟာလည်း အကျဉ်းထောင် ပြင်ပမှာ စုဝေးခဲ့ကြပါတယ်။ အစာမစားတာ ၂ ရက်ကြာခဲ့ပေမဲ့ သူ့ရဲ့ ကျန်းမာရေး ကောင်းပါတယ်လို့ ကြာသပတေးနေ့က အင်တာနက်ပေါ် တင်ထားတဲ့ ဗွီဒီယိုထဲမှာ ဟာဇာရေးက ပြောထား ပါတယ်။
Ref: ဗွီအိုအေ
Read More...
Collapse...
18 သြဂုတ် 2011
နိုင်ငံရေး ဆန္ဒပြသူတွေကို အပြင်းအထန် ဖြိုခွဲ နှိမ်နင်းတဲ့အတွက် ဆီးရီးယား သမ္မတ ဘာရှား အယ်လ်-အာဆဒ် (Bashar al-Assad) နှုတ်ထွက်ပေးဖို့ အမေရိကန်၊ ဥရောပသမဂ္ဂနဲ့ တခြား ကမ္ဘာ့အင်အားကြီး နိုင်ငံတွေက တောင်းဆိုနေကြပါတယ်။
မစ္စတာ အာဆဒ် နှုတ်ထွက်ဖို့ အချိန်ရောက်နေပြီလို့ အမေရိကန်သမ္မတ ဘရက်ခ် အိုဘားမား (Barack Obama) က ကြာသပတေး နေ့ ထုတ်ပြန်ချက်ထဲမှာ ပြောထားပါတယ်။ မစ္စတာ အာဆဒ် အစိုးရအပေါ် စီးပွားရေးအရ ဖယ်ထုတ် ကန့်သတ် ထားတာကို ပိုပြီး အားကောင်းစေဖို့အတွက် သာမန်ထက် ထူးခြားတဲ့ ဒဏ်ခတ် အရေးယူမှုတွေ လုပ်ဖို့ အမိန့်တရပ်ကိုလည်း အမေရိကန် သမ္မတက ထုတ်ပြန်ခဲ့ပါတယ်။
သီးခြားဖြစ်စဉ် တခုမှာတော့ ဒီမိုကရေစီ အသွင်ကူးပြောင်းရေးဟာ ဆီးရီးယားနိုင်ငံမှာ စတင်ခဲ့ပြီဖြစ်ပြီး မစ္စတာ အာဆဒ်အတွက် ဒီလမ်းကြောင်းကနေ ဘေးထွက်ပေးဖို့ အချိန်ရောက်ပြီလို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က ပြောခဲ့ပါတယ်။
ဥရောပသမဂ္ဂ (EU) ရဲ့ နိုင်ငံခြားရေး မူဝါဒဆိုင်ရာ အကြီးအကဲ ကက်သရင်း အက်ရ်ှတွန် (Catherine Ashton) ကလည်း ဒီ တောင်းဆိုချက်ကို ပဲ့တင်ထပ်ပြီး ဆီးရီးယားလူထုရဲ့ အမြင်မှာ မစ္စတာ အာဆဒ်ဟာ လုံးဝ တရားဝင်မှု မရှိတော့ဘူးလို့ ပြောခဲ့ပါ တယ်။ ဗြိတိန်၊ ပြင်သစ်၊ ဂျာမနီနဲ့ ကနေဒါ နိုင်ငံတွေကလည်း မစ္စတာ အာဆဒ် နှုတ်ထွက်ပေးဖို့ တိုက်တွန်းခဲ့ကြပါတယ်။
ဒီတောင်းဆိုချက်နဲ့ ပတ်သက်ပြီး ဆီးရီးယား ခေါင်းဆောင်ဘက်က တုံ့ပြန်ချက်တော့ ချက်ချင်း ထွက်မလာသေးပါဘူး။ ဒါပေမဲ့ လည်း ဆီးရီးယားနိုင်ငံ ပြုပြင်ပြောင်းလဲရေးဟာ ပြည်ပဖိအားကြောင့်တော့ ဖြစ်လာမှာ မဟုတ်ဘူးလို့ အာဏာရ ဘာ့သ်ပါတီဝင် တွေ ကို မစ္စတာ အာဆဒ်က ပြောခဲ့ကြောင်း ဆီးရီးယားနိုင်ငံပိုင် သတင်းဌာနတွေက ပြောပါတယ်။
Ref: ဗွီအိုအေ
Read More...
Collapse...
18 သြဂုတ် 2011
ဦးသားညွန့်ဦး
မြန်မာနိုင်ငံမှာ လက်နက်ကိုင် ပဋိပက္ခ ဖြေရှင်းပြီး ငြိမ်းချမ်းရေး ဖော်ဆောင်လိုတဲ့ တိုင်းရင်းသား အဖွဲ့အစည်းတွေနဲ့ တွေ့ဆုံ ဆွေးနွေးချင်တယ်လို့ မြန်မာအစိုးရက တရားဝင် ကမ်းလှမ်းတာကို မြန်မာအစိုးရပိုင် သတင်းတွေမှာ ဒီကနေ့ညပဲ ကြေညာသွား ပါ တယ်။ တိုင်းရင်းသားတွေဘက်ကတော့ တဖွဲ့ချင်း တွေ့မယ့်အစား တိုင်းရင်းသား ပြဿနာတွေကို အားလုံး စုစည်း ဖြေရှင်း ပေးဖို့ လိုလားနေတာပါ။ ဒီအကြောင်း အပြည့်အစုံကို ကိုသားညွန့်ဦးက တင်ပြပေးထားပါတယ်။
မတူကွဲပြားမှုတွေကို ဘေးဖယ်ပြီး အခြေခံ တူညီမှုတွေကို ရှာသွားမယ်လို့ သမ္မတ ဦးသိန်းစိန်ရဲ့ ပြန်လည်သင့်မြတ်ရေး မိန့်ခွန်း ပြောဆိုပြီး တရက်မှာပဲ အခုလို အစိုးရ သတင်းဌာနတွေကနေ တိုင်းရင်းသား လက်နက်ကိုင်တွေကို ငြိမ်းချမ်းရေး ကမ်းလှမ်းချက် တရားဝင် ထုတ်ပြန်လိုက်တာ ဖြစ်ပါတယ်။ ဒီကမ်းလှမ်းချက်ကိုတော့ ပြည်ထောင်စုအစိုးရ အဖွဲ့ရဲ့ အတွင်းရေးမှူး ဦးတင်မျိုး ကြည် က လက်မှတ်ထိုးထားပါတယ်။
ငြိမ်းချမ်းရေး ရယူလိုတဲ့ တိုင်းရင်းသား လက်နက်ကိုင် အဖွဲ့အစည်းတွေ အနေနဲ့ တဖွဲ့ချင်းအလိုက် ပထမဆုံးအဆင့် အနေနဲ့ ဆိုင်ရာ ပြည်နယ်နဲ့ တိုင်းဒေသကြီး အစိုးရအဖွဲ့နဲ့ ဆက်သွယ်ဆောင်ရွက်ဖို့ ကြေညာထားပါတယ်။ ဒီကတဆင့်မှ အစိုးရဘက်က ဆွေးနွေးမယ့် ကိုယ်စားလှယ်အဖွဲ့ ဖွဲ့စည်းပြီး တိုင်းရင်းသား အဖွဲ့တွေနဲ့ ငြိမ်းချမ်းရေး လုပ်ငန်းစဉ်တွေ စတင် ဆောင်ရွက်မယ်ဆိုပြီး ထုတ်ပြန်ပါတယ်။
ရခိုင်တိုင်းရင်းသားများ တိုးတက်ရေးပါတီ ဥက္ကဋ္ဌလည်းဖြစ်၊ အမျိုးသားလွှတ်တော် ကိုယ်စားလှယ်လည်းဖြစ်တဲ့ ဦးအေးမောင် ကတော့ တိုင်းရင်းသားအရေးကို အဓိက ဆုံးဖြတ်နိုင်သူတွေ ပါဝင်ပြီး တပြည်လုံး အတိုင်းအတာဆောင်တဲ့ ဆွေးနွေးမှုမျိုးကနေ ဖြေရှင်းသင့်တယ်လို့ မြင်ပါတယ်။
“ဒီဥစ္စာက သမ္မတကြီးရဲ့ မိန့်ခွန်းအပေါ်မှာ ထပ်ဆင့်ပြီး ညွှန်ကြားတယ်လို့ပဲ ထင်တယ်။ ကျနော်တို့ကတော့ နေရာဒေသ အကုန် လုံး ပါဝင်တဲ့၊ တိုင်းရင်းသားအားလုံး တပြေးညီ ဆွေးနွေးပွဲလေးတခု လုပ်ပေးနိုင်ရင်တော့ ပိုကောင်းတာပေါ့။ တိုင်းရင်းသားဒေသ တခုချင်းကတော့ လိုလားမှု တူချင်မှ တူမယ်လေ။ ဒါပေမဲ့ ကျနော်ထင်တယ်၊ တိုင်းရင်းသား လက်နက်ကိုင် စတင် ပေါ်ပေါက်လာ ကတည်းက ဦးတည်ချက်များ တူကောင်း တူနိုင်ခဲ့မယ်။ အဲဒီတော့ ဒီပြဿနာကြီးကို ဖြေရှင်းဖို့အတွက်၊ ဒါ ကျနော့်အမြင် ပြောပြ တာပါ၊ ဆုံးဖြတ်ချက် ပေးနိုင်တဲ့ ပုဂ္ဂိုလ်က ပါဝင်မှပဲ၊ သို့မဟုတ် ဆုံးဖြတ်ချက် ပေးနိုင်တဲ့ အဖွဲ့တခုက ဦးဆောင်နိုင်မှပဲ ဒီဥစ္စာက ရှေ့ကို တဆင့် လှမ်းနိုင်မယ် ထင်တယ်။
“အဲတော့ တိုင်းရင်းသား ဒေသတခု ကိစ္စကို ဆွေးနွေးတဲ့ အခါမှာ တိုင်းရင်းသား အကုန်လုံး ပါဝင်တဲ့ Mission လိုဟာမျိုးပေါ့၊ ဆိုလိုတာက ဥပမာ မွန်နဲ့ ပတ်သက်တဲ့ဟာကို ရှမ်းလည်းပါမယ်၊ ကရင်လည်းပါမယ်၊ ကချင်လည်းပါမယ်၊ တိုင်းရင်းသားတွေ လည်း ကိုးစားနိုင်တဲ့ပုဂ္ဂိုလ် ပါမယ်၊ အဲဒါမျိုးတွေနဲ့ ဆွေးနွေးကြမယ်ဆိုရင် ဒါ တိုင်းရင်းသား တခုတည်း Issue မဟုတ်တော့ဘူး လေ၊ တိုင်းရင်းသား အကုန်လုံးနဲ့ ဖွဲ့စည်းထားတဲ့ ပြည်ထောင်စုရဲ့ ယူဆချက်လည်း ဖြစ်သွားမှာပေါ့။ ထဲထဲဝင်ဝင်လည်း ပိုရှိ မယ်လို့ ထင်လို့ပါ။”
တိုင်းရင်းသား လက်နက်ကိုင်တွေကတော့ တဖွဲ့ချင်း အစိုးရနဲ့ ဆွေးနွေးတာထက် တိုင်းရင်းသား လက်နက်ကိုင် အဖွဲ့အစည်းတွေ စုဖွဲ့ထားတဲ့ မဟာမိတ်အဖွဲ့ကို ကိုယ်စားပြုပြီး ဗဟိုအစိုးရနဲ့ တိုက်ရိုက် ဆွေးနွေးလိုကြပါတယ်။ ဒါ့အပြင် တိုင်းရင်းသား ပြဿနာ တွေကို ဖြေရှင်းတဲ့အခါ တနိုင်ငံလုံး ပြဿနာကိုပါ စုပြီး ဒီမိုကရေစီ အင်အားစုတွေ၊ တိုင်းရင်းသား အင်အားစုတွေနဲ့ အစိုးရ အကြား သုံးပွင့်ဆိုင်သဘော ဆွေးနွေးလိုတယ်လို့ ပြောကြပါတယ်။
KNU ကရင်အမျိုးသား အစည်းအရုံး ပြောခွင့်ရသူ ဗိုလ်မှူး စောလှငွေကတော့ ဆွေးနွေးပွဲအတွက် ကန့်သတ်မှုတွေ ရှိလာရင် လက်ခံမှာ မဟုတ်ဘူးလို့ ပြောပါတယ်။
“ကျနော်တို့ဘက်ကတော့ ဒီလိုမျိုး ဟိုအစိတ်အပိုင်း၊ ဒီအစိတ်အပိုင်း ခွဲပြီး ဆွေးနွေးတာမျိုး ဆိုရင်တော့ မလုပ်ပါဘူး။ ဥပမာ အားဖြင့် ကျနော်တို့ဆိုရင် UNFC တွေ ဘာတွေ ကျနော်တို့ ထူထောင်ထားတဲ့အဖွဲ့ ရှိတယ်။ အဲဒါတွေ ကျနော်တို့ ဆွေးနွေးမယ်။ ဆွေးနွေးတဲ့အခါ ကျနော်တို့ ဗဟိုအစိုးရကိုပဲ တိုက်ရိုက် ဆွေးနွေးမယ်။
“ဆွေးနွေးတဲ့ နေရာမှာလည်း သူတို့ ပြောဆိုနေတဲ့ ၂၀၀၈ ဖွဲ့စည်းပုံ အခြေခံဥပဒေ အတွင်းကနေ စဉ်းစားပေးမယ် ဆိုတဲ့ဟာတွေ ကျနော်တို့ အဲဒါတွေ နားမလည်ပါဘူး။ ကျနော်တို့ကတော့ အဲဒါလည်း ကျနော်တို့ကို ဖြုတ်ထားတဲ့ဟာ ဖြစ်တယ်လို့ နားလည်ပြီး၊ ကျနော်တို့ အကျိုးစီးပွားနဲ့ မပတ်သက်ဘဲ၊ ကျနော်တို့ ဆန္ဒနဲ့ မပတ်သက်ဘဲ ဖြစ်လာတဲ့ ဖွဲ့စည်းပုံ ဖြစ်တဲ့အတွက်ကြောင့် အဲဒါတွေနဲ့ ပတ်သက်ပြီးတော့ ကျနော်တို့ အနေနဲ့ လက်ခံမှာ မဟုတ်ပါဘူး။”
KNU အပါအ၀င် မြန်မာတိုင်းရင်းသား လက်နက်ကိုင် အများစုဟာ တိုင်းရင်းသား လူမျိုးများ ဖက်ဒရယ်ကောင်စီ ဆိုတာကို ဖွဲ့ပြီး အဲဒီကောင်စီနဲ့ မြန်မာအစိုးရအကြား တိုက်ရိုက်ဆွေးနွေးပြီး ငြိမ်းချမ်းရေးစကား ပြောဆိုလိုတယ်ဆိုပြီး KIA ကလည်း ကမ်းလှမ်း ထားတာပါ။ ဒီကောင်စီဟာ UWSA ၀ပြည် သွေးစည်းရေးကလွဲပြီး ကျန်တိုင်းရင်းသား လက်နက်ကိုင်တွေနဲ့ စုစည်းထားတာ ဖြစ် ပါတယ်။
မြန်မာအစိုးရ ကမ်းလှမ်းချက်မှာတော့ တဖွဲ့ချင်း အနေနဲ့ ဆိုင်ရာပြည်နယ် အစိုးရကို ဆက်သွယ်ပါလို့ ပြောထားတော့ တိုင်းရင်း သား လက်နက်ကိုင်တွေရဲ့ လိုလားချက်နဲ့တော့ အနည်းငယ် ကွာဟနေတယ်လို့ ပြောရမှာ ဖြစ်ပါတယ်။
Ref: ဗွီအိုအေ
Read More...
Collapse...
18/8/2011
၂၀၁၁ ခုနှစ် သြဂတ်စ်လ ၁၇ ရက်နေ့က သမ္မတကြီး ဦးသိန်းစိန်ဟာ ပြည်ပမှာ အကြောင်း အမျိုးမျိုးနဲ့ ရောက်ရှိနေကြတဲ့ မြန်မာနိုင်ငံသားတွေကို ပြစ်မူ ကျူးလွန်တာ မရှိဘူးဆိုရင် အချိန်မရွှေး ပြန်လာရန် စဉ်းစားပေးမှာ ဖြစ်ကြောင်း ပြောဆိုသွား ခဲ့သည်။
အဆိုပါ စကားကို နေပြည်တော်တွင် ပြုလုပ်သည့် စီးပွားရေး၊ လူမူရေး နယ်ပယ် အသီးသီး၊ အသင်း အဖွဲ့အစည်း အသီးသီးမှ တာဝန်ရှိ သူများနှင့် တွေ့ဆုံစဉ် ပြောကြားသွားခဲ့ခြင်း ဖြစ်သည်။
အဆိုပါ ပြောဆိုမူမှာ သာမန် အစည်းအဝေး တစ်ခုတွင် ပြောဆိုသွားသဖြင့် ယုံကြည်၍ မရနိုင်ကြောင်း ၈၈ အရေး အခင်း နောက် ပိုင်း ဘင်္ဂလာဒေခ်ျ့တွင် ရောက်ရှိ နေသော ရခိုင်ခေါင်းဆောင်များက ပြောသည်။
သမ္မတ ဦးသိန်းစိန်၏ ဖိတ်ခေါ်ချက်နှင့် ပတ်သက်ပြီး ဘင်္ဂလာဒေခ်ျ့တွင် ရောက်ရှိနေသော ရန်ကုန်တက္ကသိုလ်မှ ၁၉၇၅ ခုနှစ်တွင် B.A (Philosophy) ဖြင့် ဘွဲ့ရရှိခဲ့ပြီး ၈၈ အရေးအခင်းတွင် မင်းပြားမြို့နယ် သပိတ်ကော်မီတီ အထွေထွေအတွင်းရေးမှူး အဖြစ် တာဝန်ယူ ဆောင်ရွက်ခဲ့သူ ဦးကျော်မြသာက ယခုကဲ့သို့ ပြောသည်။
" အမျိုးသား ရင်ကြားစေ့ရေး National Reconciliation အတွက် ဖိတ်ခေါ်တာကိုတော့ ကြိုဆိုဖို့ ကောင်းပါတယ်။ ဒါပေမယ့် ဒီကနေ့ မြန်မာနိုင်ငံမှာ စစ်အစိုးရ ခေါင်းဆောင်တွေရော၊ သူတို့နဲ့ ပူးတွဲပြီး အကြံပေး နေကြတဲ့ နိုင်ငံရေး သမားတွေရော၊ ဒေ၀ါလီ နိုင်ငံဖြစ်နေတဲ့ မြန်မာနိုင်ငံတော်ရဲ့ ရှေ့ရေးကို တိကျ ခိုင်မာတဲ့ ပေါ်လစီ တခုကို မချမှတ်နိုင်တဲ့ အတွက်နဲ့ ဒီလို ကသောင်း ကနင်း ဖြစ်နေကြတာ ဖြစ်တယ်လို့ ပထမဆုံး ပြောလိုပါတယ်။"
၎င်းပြင် ဦးကျော်မြသာက သူ့ အမြင်ကို ယခုလို ဆက်ပြောသည်။
" ဦးသိန်းစိန်က ၈၈ ခုနောက်ပိုင်းမှာ ဗမာပြည်က ထွက်သွားတဲ့ လူတွေကို ပြန်လာဖို့အတွက် ခေါ်တဲ့နည်းက စနစ်မကျတာကို တွေ့ရပါတယ်။ ဦးသိန်းစိန် အစိုးရဟာ အမျိုးသား ရင်ကြားစေ့ရေးကို လိုချင်တယ်ဆိုရင် ပထမဆုံး နိုင်ငံရေးအကျဉ်းသား ၂၀၀၀ ကျော်ကို ချွင်းချက်မရှိ လွတ်ပေးရမယ်။ နောက်ပြီးတော့ ဦးသိန်းစိန်ပြောတဲ့ စကားမှာ အဓိပ္ပါယ် နှစ်မျိုး ထွက်နေပါတယ်။ ၈၈ နောက်ပိုင်း ထွက်သွားတဲ့ လူတွေမှာ ရာဇ၀တ်ပြစ်မှုတွေ ကျူးလွန်ခဲ့တယ်ဆိုရင်လည်း အဲဒီရာဇ၀တ်ပြစ်မှုတွေကို လျော့ပေါ့ စဉ်း စား ပေးမယ်လို့ ပြောတဲ့ စကားရပ်လည်း ပါဝင်လာတာကြောင့် ၀င်လာတဲ့သူတွေကို အချိန် မရွေး ဖမ်းဆီး နိုင်အောင် ပြောတဲ့ စကားဖြစ်တယ်လို့ ယူလို့ ရတယ်။ နောက်တခုက ဦးသိန်းစိန်ဟာ ဒီစကားကို လုပ်ငန်းရှင်တွေနဲ့ တွေ့ဆုံတဲ့ အစည်းအဝေးမှာ ပြောဖို့အစား လွှတ်တော်မှာ ပါတီ ပေါင်းစုံ၊ အမတ် ပေါင်းစုံနဲ့ အသေအချာ ဆွေးနွေး ပြီးတော့ ဥပဒေတခုကဲ့သို့ ပြုစုပြီးတော့ အမိန့် ထုတ်ဖို့ ကောင်းပါတယ်။ အထွေထွေ လွတ်ငြိမ်း ချမ်းသားခွင့် ပြန်တန်းတခု လုပ်ပြီး သမ္မတ ဦးသိန်းစိန် ကိုယ်တိုင် လက် မှတ်ထိုးပြီး ပြည်သူသိအောင်၊ ကမ္ဘာက သိအောင် တရားဝင် ကြေငြာရပါမယ်။ အဲဒီလိုမှသာ သူပြောတဲ့ စကားဟာ တရားဝင်ပြီး လုပ်ထုံး လုပ်နည်း ကျမှာ ဖြစ်တယ်။ ဦးသိန်းစိန်က ခုလို အစည်းအဝေးမှာ ပြောလိုက်တဲ့ လွတ်ငြိမ်းချမ်းသာခွင့်ဟာ တိုင်းပြည်ရဲ့ အမိန့်ပြန်တန်း မဟုတ်၊ တိုင်းပြည်ရဲ့ ဥပေဒလည်း မဟုတ်၊ အခုလို အစည်းအဝေးမှာ အလွတ် သဘော ခေါ်တာဟာ ဟန်ပြ နိုင်ငံရေး၊ အမျိုးသားရင်ကြားစေ့ရေး၊ ဟန်ပြ နိုင်ငံရေး ပြေလည်မှု ရအောင် လုပ်နေခြင်းသာ ဖြစ်ပါတယ်။ တကယ့်စေတနာရှိလို့ လုပ်တယ်လို့ ယုံကြည်လို့ မရနိုင်သေးဘူး။ စောင့်ကြည့်ရ ပါလိမ့်မယ်" ဟု ပြောသည်။
ရှစ်လေးလုံး အရေးတော်ပုံတွင် ရခိုင်ပြည်နယ် ပေါက်တောမြို့နယ်မှာ ကျောင်းသား ဥက္ကဌ အနေဖြင့် လှုပ်ရှား ခဲ့ပြီး အာဏာသိမ်း ပြီးနောက် ဘင်္ဂလာဒေခ်ျ့သို့ ရောက်ရှိလာက ABSDF (Arakan) တွင် ဥက္ကဌ အဖြစ် တာဝန်ယူ ဆောင်ရွက်ခဲ့သူ ကိုခိုင်ဆန်း အောင်ကလည်း ယခုကဲ့သို့ ပြောသည်။
" ပြည်ပရောက် မြန်မာတွေကို ပြန်ခေါ်လိုက်တယ်ဆိုတဲ့ အပေါ်မှာ ကျနော့်အမြင်ကတော့ သတင်းစာ ရှင်းလင်းပွဲ တခုမှာ ပြောတဲ့ ပုံစံသာဖြစ်တယ်။ ဒါကတော့ နိုင်ငံတော်အစိုးရ တရပ် အနေနဲ့ တရာဝင် လွတ်ငြိမ်း ချမ်းသာခွင့် ပုံစံမျိုးနဲ့ ခေါ်တာမဟုတ်ဘူးလို့ မြင်ပါတယ်။ တကယ်တမ်းသာ ဒီလိုမျိုး ဦးသိန်းစိန်အနေနဲ့ ဖြစ်ချင်တယ်။ လုပ်ချင်တယ် ဆိုရင် ကျနော့်အနေနဲ့ အချက် (၃)ချက် မြင်ပါတယ်။ နံပတ်(၁) အနေနဲ့ နိုင်ငံရေးအကျဉ်းသား တွေ အားလုံးကို လွတ်ပေးရမယ်။ နံပတ်(၂) အစိုးရအနေနဲ့ တရားဝင် လွတ်ငြိမ်း ချမ်းခွင့်ကို နှောင်းကြိုးမဲ့ အချက်အလက်တွေနဲ့ ခေါ်ပေးရမယ်။ ဘာတခုမှ နှောင်းကြိုးတွေမရှိစေရဘူး။ နံပတ်(၃) ကတော့ နိုင်ငံရေးအရ ပြည်ပမှာရောက်ရှိနေကြတဲ့ နိုင်ငံရေး လှုပ်ရှားသူ အားလုံးကို ရာဇဝတ်မှု ကျူးလွန်သူများ ဖြစ်တယ် ဆိုပီးတော့ တစုံတရာ သတ်မှတ်ခြင်းမရှိရ၊ ဒီအချက်သုံးချက် လိုအပ်မယ်လို့ ကျနော့်အနေနဲ့ မြင်ပါတယ်" ဟု ပြောသည်။
၎င်းပြင် သမ္မတ ဦးသိန်းစိန်မှ " ရိုးသားတဲ့ စိတ်ရင်းစေတနာ ရှိသူတိုင်းဟာကိုယ်နိုင်ကို ချစ်ကြပါတယ်။ ကိုယ့်နိုင်ငံကို ကောင်းစား စေလိုကြပါတယ်။ ညီညီညွတ်ညွတ် ချစ်ချစ်ခင်ခင် စည်းစည်းလုံးလုံးနဲ့ နေလိုကြပါတယ်။ ကိုယ့်မြေ၊ ကိုယ်ပြည်၊ ကိုယ်ဆွေမျိုး အသိုင်းအ၀ိုင်းကို ခင်တွယ်ကြပါတယ်။ ငြိမ်းချမ်းသာယာ ၀ပြောတဲ့ လူ့ဘောင် အဖွဲ့အစည်းကြီးကို ထူထောင်လိုကြပါတယ်။ ဒါဟာ ကျွန်တော်တို့နဲ့ တူညီတဲ့ ဆန္ဒဖြစ်ပါတယ်။ ဒီ Common Ground အပေါ်မှာ အခြေခံပြီး ငြိမ်းချမ်း သာယာတဲ့ ခေတ်မှီ ဖွံ့ဖြိုးတိုးတက်တဲ့ နိုင်ငံ၊ ကမ္ဘာအလယ်မှာ ထည်ထည်ဝါ၀ါ နေနိုင်တဲ့ နိုင်ငံ ဖြစ်အောင် ၀ိုင်းဝန်း တည်ဆောက်ကြဖို့ ကျွန်တော့် အနေနဲ့ တိုက်တွန်းလိုပါတယ်" ဟုလည်း ပြောဆိုသွားခဲ့ကြောင်း သိရသည်။
Ref: နိရဉ္စရာ
Read More...
Collapse...
18/8/2011
သဘာဝပတ်ဝန်းကျင် လူပ်ရှားမူ အဖွဲ့ Greenpeace International မှ ၂၂ နှစ်ကြာ အသုံးပြုခဲ့သော သင်္ဘော တစ်စီးကို ရေပေါ် ဆေးရုံ အဖြစ် အသုံးပြုရန် ဘင်္ဂလာဒေခ်ျ့နိုင်ငံသို့ လွှဲပြောင်း ပေးအပ် လိုက်ကြောင်း သတင်း ရရှိသည်။
အဆိုပါသင်္ဘောကို Greenpeace လူပ်ရှားမူ အဖွဲ့မှ ဘင်္ဂလာဒေခ်ျ့ ဒေသ အန်ဂျီအို တခုဖြစ်သော Friendship သို့ သြဂတ်စ် ၁၆ ရက်နေ့က စင်္ကာပူနိုင်ငံတွင် လွှဲပြောင်း ပေးအပ်လိုက်သည်။
အဆိုပါ သင်္ဘောကို ရေပေါ် ဆေးကုသရာ ဆေးရုံ တစ်ခု အဖြစ် ပြုလုပ် ဖန်တီးပြီး ဘင်္ဂလာဒေခ်ျ့ ကမ်းခြေ တလျှောက် တည်ရှိ သော ကျေးရွာများတွင် လှည့်လည် ဆိပ်ကပ်ပြီး ဆေးကုသ ပေးသွားမည် ဖြစ်သည်။
ယခု လွှဲပြောင်းပေးလိုက်သော သင်္ဘော အမည်မှာ သက်တံ့ စစ်သည်တော် “ Rainbow Warrior II” သင်္ဘော ဖြစ်ပြီး ၂၂ နှစ်ကြာအောင် သဘာဝ ပတ်ဝန်းကျင် ခုခံကာကွယ်ရေး လုပ်ငန်းတွင် ဆောင်ရွက်ခဲ့သော သင်္ဘော ဖြစ်သည်။
အဆိုပါ သင်္ဘောသည် ရှေ့လ စက်တင်္ဘာတွင် ဘင်္ဂလာဒေခ်ျ့သို့ ရောက်ရှိမည် ဖြစ်ပြီး ရာသီဥတု ပြောင်းလဲမူကို ဆိုးဆိုးရွားရွား ခံစားနေကြရသော ပင်လယ် ကမ်းခြေ ဒေသမှ ဘင်္ဂလီ ပြည်သူများကို အဓိက ဦးစားပေးကာ ဆေးဝါး ကုသ သွားမည် ဖြစ် ကြောင်းသိရသည်။
ယခု သင်္ဘောအား လွဲပြောင်း လက်ခံသော အန်ဂျီအို Friendship မှာ ဘင်္ဂလာဒေခ်ျ့တွင် လူမူ ကယ်ဆယ်ရေး လုပ်နေသည်မှာ ဆယ်စုနှစ်နှင့် ချီပြီး ကြာမြင့်နေပြီ ဖြစ်သည်။ အဆိုပါ အန်ဂျီသည် ဘင်္ဂလာဒေခ်ျ့၏ ပထမဆုံး ရေပေါ် ဆေးရုံ တစ်ခုကို ၂၀၀၁ ခုနှစ်က စတင် တည်ဆောက်ခဲ့သည်။
Ref: နိရဉ္စရာ
Read More...
Collapse...
18/8/2011
ရခိုင်ပြည်နယ် သံတွဲမြို့နယ် ကျေးရွာ တစ်ချို့မှ အစ္စလာမ် ဘာသာဝင်များ၏ ယခင် အိမ်ထောင်စု စာရင်းများကို သိမ်းယူပြီး ယခုအခါ � E � တံဆိပ်ပါ အိမ်ထောင်စု စာရင်းများကို ထုတ်ပေးနေကြောင်း ဒေသခံ မွတ်ဆလင် ခေါင်းဆောင် တစ်ဦးက ပြောသည်။
� E � တံဆိပ်ပါ အိမ်ထောင်စု စာရင်းမှာ ဧည့်နိုင်ငံသား အဖြစ် သတ်မှတ်ထားသော အိမ်ထောင်စု စာရင်း ဖြစ်ကြောင်း သူက ပြောဆိုသည်။
� ၂၀၀၈ ခုနှစ်က ထုတ်ပေးထားတဲ့ အိမ်ထောင်စု စာရင်းတွေကို သိမ်းယူသွားပြီး ခုထုတ်ပေးနေတာက � E � တံဆိပ်ပါ အိမ်ထောင်စု စာရင်းတွေ ဖြစ်ပါတယ်။ သံတွဲ မြို့နယ် လင်းသီကျေးရွာက အစ္စလာမ်ဘာသာဝင်တွေကို ဒီကဒ်တွေကို ထုတ်ပေး နေပါတယ်။ � E � သင်္ကေတက ဧည့်နိုင်ငံသား ပေါ့ဗျာ� ဟု သူက ပြောသည်။
လင်းသီ ကျေးရွာမှ သံတွဲမြို့မှ ၁၇ မိုင် အကွာတွင် တည်ရှိပြီး အများစု အစ္စလာမ်ဘာသာဝင်များမှာ စာမတတ်သူများ ဖြစ်ကြ သောကြောင့် မည်သို့မှ စောဒက မတက်ဘဲ အစိုးရမှ အသစ် ထုတ်ပေးထားသော � E � အိမ်ထောင်စု စာရင်းများကို ယခင် က ထုတ်ပေးထားသော အိမ်ထောင်စု စာရင်း အစစ်များ ကိုယ်စား အသုံးပြု ကိုင်ဆောင် နေကြသည်ဟု သူက ပြောသည်။
၎င်းအပြင် သံတွဲမြိုနယ်တွင် ၁၉၉၂ ခုနှစ်က ထုတ်ပေးထားသော ရခိုင်- အစ္စလာမ်ဟု ရေးသား ထားသော နိုင်ငံသားကဒ်များ ကိုလည်း အစ္စလာမ် ဘာသာဝင်များလက်မှ သိမ်းယူသွားပြီး ယခု အချိန်ထိ ကဒ်သစ်များ ထုတ်ပေးခြင်း မရှိသေးကြောင်း သူက ပြောသည်။
� ရခိုင်အစ္စလာမ် ဆိုတာ မရှိဘူးဆိုပြီး နိုင်ငံသား ကဒ်တွေကို သိမ်းယူသွားခဲ့တာ ဖြစ်ပါတယ်။ အဲသလို သိမ်းပြီးတဲ့ နောက်ပိုင်း မှာ ရခိုင် အစ္စလာမ်ဆိုတာ မရှိတဲ့ အတွက် ကမန် အစ္စလာမ် လုပ်ရင် လုပ်၊ မလုပ်ရင် ဘင်္ဂလီ အစ္စလာမ်ထဲ ထည့်ပစ်မယ်ဆိုပြီး ပြောပါတယ်။ ကျွန်တော်တို့က ကမန် အစ္စလာမ် လည်း မဟုတ်သလို ဘင်္ဂလီ အစ္စလာမ်လည်း မဟုတ်ဘူး။ ဘိုးစဉ် ဘောင်ဆက် ရခိုင်မှာနေတဲ့ အစ္စလာမ်တွေ ဖြစ်ပါတယ်။ အခုလို ကျွန်တော်တို့ကို အစ္စလာမ်တွေ ဖြစ်တဲ့ အတွက် အတင်း တခြား လူမျိုးတွေထဲ ထည့်ပစ်ဖို့ လုပ်တာကတော့ အကြီးအကျယ် လူ့အခွင့်အရေး ချိုးဖေါက်မူ ဖြစ်ပါတယ်� ဟု သူက ဆက်ပြောသည်။
ရခိုင်ပြည်နယ်ရှိ ကမန် အစ္စလာမ်မှာ မြန်မာနိုင်ငံသား တိုင်းရင်းသား အဖြစ် လက်ခံထားသဖြင့် အမျိုးသားမှတ်ပုံတင် အစစ်များ ကို ကိုင်ဆောင်ခွင့် ရသူများ ဖြစ်ပြီး ဘင်္ဂလီ အစ္စလာမ်မှာ ဧည့်နိုင်ငံသား အဖြစ် သတ်မှတ်ထားသဖြင့် အဖြူရောင် ဧည့်နိုင်ငံသား ကဒ်ပြားများကို ကိုင်ဆောင်ခွင့် ရကြသည်။
ရခိုင်ပြည်နယ်မှ အစ္စလာမ် ဘာသာဝင်များ၏ ခရီးသွားလာခွင့်ကို ဗဟို အစိုးရမှ တင်းတင်းကျပ်ကျပ် ပိတ်ပင်ထားခဲ့သော်လည်း ယခုအခါ အဖြူရောင် ကဒ်ကိုင်ဆောင်ထားသူ ဘင်္ဂလီ အစ္စလာမ်များမှ အပ ကျန် အစ္စလာမ်များကို လွတ်လပ်စွာ ခရီးသွား လာ ခွင့်ပြုခဲ့သည်။
� အခု ကမန် အစ္စလာမ်၊ ရခိုင် အစ္စလာမ် နိုင်ငံသားကဒ်တွေ ကိုင်ဆောင်ထားတဲ့ သူတွေကို ဇူလိုင်လ ၁၅ ရက်နေ့က စပြီး ပုံစံ ၄ လုပ်စရာ မလိုဘဲ ခရီးသွားလာခွင့်ပြုတယ်။ ဒါပေမယ့် ဘင်္ဂလီ အစ္စလာမ် အဖြူရောင် ဧည့်နိုင်ငံသားကဒ်တွေ ကိုင်ဆောင် ထားတဲ့ သူတွေကိုတော့ ခရီးသွားလာခွင့် မပြုဘူး။ ကျန်းမာရေး၊ ပညာရေး အရ သွားမယ် ဆိုရင် ပုံစံ ၄ လုပ်ပီး လ၀က ဌာနရဲ့ ထောက်ခံချက်နဲ့သာ သွားလာလို့ ရပါတယ်� ဟု ဆက်ပြောသည်။
မြန်မာ အစိုးရသည် ရခိုင်ပြည်နယ် စစ်တွေ၊ ဘူးသီးတောင်နှင့် မောင်းတောမြို့နယ်များတွင် နေထိုင်သော အစ္စလာမ် ဘာသာဝင် များအား ဘင်္ဂလီ ဧည့်နိုင်ငံသားများ အဖြစ် အသိအမှတ်ပြုထားပြီး ခရီးသွားလာခွင့်ကို တင်းတင်း ကျပ်ကျပ် ပိတ်ပင်ထားသည်။ ထိုသို့ ပိတ်ပင်ထားရခြင်းမှာ ခရီးသွားလာခွင့် ရပါက ရခိုင်ပြည်နယ်ကို စွန့်ခွာပြီး ဗမာပြည်သို့ ပြောင်းရွှေ့ အခြေချ နေထိုင်သွား မည် ကို စိုးရိမ်၍ ဖြစ်ကြောင်း စုံစမ်း သိရှိရသည်။
Ref: နိရဉ္စရာ
Read More...
Collapse...
လင်းသန့်
18 August 2011
နေပြည်တော်တွင် ကျင်းပမည့် စီးပွားရေးဆိုင်ရာ အလုပ်ရုံဆွေးနွေးပွဲ တက်ရောက်ရန် ဖိတ်ကြားစာကို ဒေါ်အောင်ဆန်းစုကြည်က ယမန်နေ့တွင် လက်ခံရရှိကြောင်း သိရသည်။
“ဒီကိစ္စနဲ့ပတ်သက်ပြီး ဖိတ်စာကို မနေ့က ရပါတယ်။ ဖိတ်တဲ့ ရက်က သြဂုတ်လ ၁၉ ကနေ ၂၁ ပါ။ ဒေါ်အောင်ဆန်းစုကြည် တက်မယ်၊ မတက်ဘူးဆိုတာကတော့ လောလောဆယ် ကျနော်တို့ မပြောနိုင်သေးပါဘူး” ဟု အမျိုးသားဒီမိုကရေစီ အဖွဲ့ချုပ် (NLD) ပါတီ ပြောခွင့် ရပုဂ္ဂိုလ် ဦးဉာဏ်ဝင်းက ပြောသည်။
ဒေါ်အောင်ဆန်းစုကြည်ထံ အပြည်ပြည်ဆိုင်ရာ အလုပ်ရုံ ဆွေးနွေးပွဲ ကျင်းပရေးဆိုင်ရာ ဦးစီးကော်မတီက ပေးပို့ လာသော ဖိတ်ကြားစာသည် NLD ပါတီ ခေါင်းဆောင် တဦးအဖြစ် မဟုတ်သကဲ့သို့ လေ့လာသူအဖြစ်လည်း မဟုတ် ကြောင်း၊ ဒေါ်အောင် ဆန်းစုကြည် အမည်ဖြင့်သာ ဖိတ်ကြားခြင်း ဖြစ်ကြောင်း သိရသည်။
ဒေါ်အောင်ဆန်းစုကြည်အနေဖြင့် ပါတီအရေးကိစ္စ အပါ အဝင် လုပ်ဆောင်စရာများ ရှိနေကြောင်း၊ ဒေါ်အောင်ဆန်း စုကြည်သည် ပါတီခေါင်းဆောင်ဖြစ်၍ ၄င်း၏ သဘော ထားသည် NLD ပါတီ၏ သဘောထားဖြစ်ကြောင်း ဦးဝင်းထိန်က ပြောသည်။
အလုပ်ရုံဆွေးနွေးပွဲသို့ ဒေါ်အောင်ဆန်းစုကြည် ဖိတ်ကြားခံရသည့်ကိစ္စနှင့် ပတ်သက်ပြီး NLD ပါတီ ခေါင်းဆောင်တဦးဖြစ်သူ ဦးဝင်းတင်က ပြဿနာများစွာကို အောက်ခြေအထိ ဖြေရှင်းသွားနိုင်ရေးအတွက် သမ္မတ ဦးသိန်းစိန်နှင့် ဆက်လက်ဆွေးနွေး ရန်အဆင့်အထိ မျှော်လင့်ထားကြောင်း ပြောသည်။
စီးပွားရေး ဖွံ့ဖြိုးတိုးတက်ရေးအတွက် အမျိုးသားအဆင့် အလုပ်ရုံဆွေးနွေးပွဲသို့ စီးပွားရေး၊ လူမှုရေး၊ နိုင်ငံရေး နယ်ပယ်များမှ လူပုဂ္ဂိုလ်ပေါင်း ၅၀၀ ခန့် တက်ရောက်ရန် ဖိတ်ကြားထားသည်ဟု သိရသည်။
အဆိုပါ အလုပ်ရုံဆွေးနွေးပွဲသို့ ဖိတ်ကြားခံထားရသူများထဲတွင် ပြည်ပအခြေစိုက် “ဗဟု” အဖွဲ့ဟု လူသိများသည့် အဖွဲ့မှ ပုဂ္ဂိုလ် များလည်း ပါဝင်သည်ဟုသိရပြီး ဆွေးနွေးပွဲတက်ရောက်မည်ဟု ဆိုသည်။
ထို့အပြင် ပြည်ပအခြေစိုက် နိုင်ငံရေးနယ်ပယ်မှ ပုဂ္ဂိုလ်တချို့လည်း ဖိတ်ကြားခံထားရကြောင်းနှင့် တက်ရောက်ရန် ပြင်ဆင်နေ ကြကြောင်း သိရသော်လည်း မည်သူတက်ရောက်မည်ကို စုံစမ်းနေဆဲ ဖြစ်သည်။
အလုပ်ရုံဆွေးနွေးပွဲသို့ သမ္မတ အကြံပေးများနှင့် စာနယ်ဇင်းသမားများကိုလည်း ဖိတ်ကြားထားသည်။
၂၀၁၀ ရွေးကောက်ပွဲဝင် နိုင်ငံရေးပါတီ ၃၇ ပါတီမှ ကိုယ်စားလှယ်များကိုလည်း ဖိတ်ကြားထားပြီး ပါတီ တခုလျှင် ကိုယ်စားလှယ် ၃ ဦးနှုန်း တက်ရောက်ရမည်ဟု သိရသည်။
နေပြည်တော် လွှတ်တော်အစည်းအဝေးနှင့် တိုက်ဆိုင်နေသဖြင့် အလုပ်ရုံဆွေးနွေးပွဲသို့ တချို့နိုင်ငံရေးပါတီများမှ လွှတ်တော် တက်ရောက်မည့် သူများကသာ တက်ရောက်သွားမည်ဖြစ်သည်ဟု ဆိုသည်။
ဒီမိုကရက်တစ်ပါတီ (မြန်မာပြည်) က ပါတီခေါင်းဆောင် ၃ ဦးဖြစ်သည့် ဦးသုဝေ၊ ဒေါ်ချိုချိုကျော်ငြိမ်းနှင့် ဒေါ်နေခြည်ဗဆွေတို့ ၃ ဦး တက်ရောက်မည်ဟု သိရသည်။
“ကျနော်တို့ အခု ၃ ယောက် နေပြည်တော်ကို သွားနေကြပါတယ်။ ပါတီတွေအားလုံးကို ဖိတ်ထားတယ်သိရပါတယ်” ဟု ဦးသုဝေ က ပြောသည်။
Ref: ဧရာဝတီ
Read More...
Collapse...
ခင်ဦးသာ
18 August 2011
ပြည်တော်ပြန်ရန် တံခါးဖွင့်ပေးလိုက်ပြီဟု သမ္မတဦးသိန်းစိန်က ပြောဆိုသော်လည်း ခိုင်မာသည့် အာမခံချက် တစုံတရာ မရှိသောကြောင့် အိမ်ပြန်ရန် မဖြစ်နိုင်သေးဟု ပြည်ပရောက် အတိုက်အခံများက ဆိုကြသည်။
ဦးသိန်းစိန်၏ ကမ်းလှမ်းချက်ကို ကြိုဆိုကြောင်း၊ စစ်ခေါင်းဆောင်ဟောင်းများ ပါဝင်သည့် အစိုးရအဖွဲ့သစ်၏ မူဝါဒကို လက်တွေ့ အကောင်အထည် ဖော်ရန် အချိန်အတန်ကြာယူရဖွယ်ရှိကြောင်း ABSDF ခေါ် မြန်မာနိုင်ငံလုံးဆိုင်ရာ ကျောင်းသားများ ဒီမိုက ရက်တစ် တပ်ဦးတွင် ထိပ်တန်းတာဝန် ယူခဲ့ဖူးသူ ဦးအောင်နိုင်ဦးက ပြောသည်။
“အရပ်သား အစိုးရ လက်ထက်မှာစတဲ့ ခြေလှမ်းသစ်တခုလို့ ဆိုရမှာပါ၊ ဒါပေမယ့် ပြုပြင်ပြောင်းလဲရေးကို မလိုလားသူတွေနဲ့ လုပ်နေရတာ ဆိုတော့ (သမ္မတအတွက်) လွယ်ကူတဲ့ အလုပ် မဟုတ်ပါဘူး” ဟု ဦးအောင်နိုင်ဦးက ဆိုသည်။
အတိုက်အခံများ ပြည်တွင်းပြန်ဝင်ရေးကို နေပြည်တော်တွင် ပြုလုပ်သည့် လုပ်ငန်းရှင်များ၊ လူမှုရေးအဖွဲ့များနှင့် တွေ့ဆုံပွဲတွင် သမ္မတဦးသိန်းစိန်က ကမ်းလှမ်းလိုက်ခြင်း ဖြစ်သည်။
“ပြစ်မှု တစုံတရာ ကျူးလွန်ထားတာ မရှိဘူး ဆိုရင် အချိန်မရွေး ပြန်လာနိုင်ဖို့ ကျွန်တော်တို့ စဉ်း စားပေးမှာ ဖြစ်ပါတယ်၊ ပြစ်မှု ကျူးလွန်ထားသည့်တိုင် ထိုက်သင့်တဲ့ ပြစ်ဒဏ်ကျခံဖို့ ပြန်လာမယ် ဆိုရင်တောင် ကျွန်တော်တို့ သဘောထားကြီးစွာ စဉ်းစား ပေးမှာဖြစ်ပါတယ်” ဟူသော ဦးသိန်းစိန်၏ ပြောကြားချက်ကို ကြာသပတေးနေ့ထုတ် အစိုးရသတင်းစာများတွင် ဖော်ပြထား
သည်။
ဤသို့သော် ကမ်းလှမ်းချက်မျိုးကို ကြေညာချက်၊ ဥပဒေများဖြင့် ရေးသား ထုတ်ပြန်သင့်သည်ဟု အမျိုးသမီးများ အဖွဲ့ချုပ် (မြန်မာနိုင်ငံ)မှ အတွင်းရေးမှူး ဒေါ်တင်တင်ညိုက ပြောသည်။
“ပြည်ပရောက်အတိုက်အခံတွေကို တကယ်ပြန်ခေါ်ဖို့ အစီအစဉ် ရှိတယ် ဆိုရင် လေးလေးနက်နက် လုပ်စေချင်တယ်၊ တိကျတဲ့ ထုတ်ပြန်ချက် ထုတ်ပြန်တာမျိုး၊ နှစ်ဦးနှစ်ဘက် သဘောတူညီမှု ရစေနိုင်တာမျိုးပေါ့။ အခုဟာက ယုံကြည်လောက်တဲ့ အနေ အထား မရှိဘူး” ဟု ချင်းမိုင်မြို့တွင် နေထိုင်သူ ဒေါ်တင်တင်ညိုက ဆိုသည်။
အခြေအနေပေါ် မူတည်၍ လာမည့်လအတွင်း မြန်မာနိုင်ငံသို့ ပြန်မည်ဟု စီစဉ်ထားသူမှာ ထိုင်းနိုင်ငံတွင် ရောက်ရှိနေသည့် လူရွှင်တော် ဂေါ်ဇီလာ ဖြစ်သည်။
“ကျနော်တို့ အနုပညာသမားတွေက ပြည်ပမှာထက် ပြည်တွင်းမှာ လုပ်ရတာက ပိုပြီး အဆင်ပြေပါတယ်၊ မြန်မာပြည် ပြုပြင် ပြောင်းလဲရေးကိုလည်းပဲ အတွင်းကပဲ လုပ်ဆောင်နိုင်မှာပါ” ဟု လူရွှင်တော် ဂေါ်ဇီလာက ဆိုသည်။
နိုင်ငံရေးအကျဉ်းသားများကို ထိန်းသိမ်းထားခြင်း၊ ဆက်လက်ဖြစ်ပွားနေသော တိုင်းရင်းသားဒေသ ပဋိပက္ခကို ဖြေရှင်းမှု မပြုခြင်းတို့ကြောင့် အစိုးရ၏ ဖိတ်ခေါ်ချက်ကို သေချာ စဉ်းစားသင့်ကြောင်း ကာတွန်းဆရာ ဟန်လေးက ပြောသည်။
“အနီးကလူတွေနဲ့တောင် ပြေလည်အောင် မညှိနှိုင်းနိုင်သေးဘဲ အဝေးကို ကမ်းလှမ်းတာ စဉ်းစားစရာပါ” ဟု ထိုင်းနိုင်ငံတွင် ရောက်ရှိနေသူ ကာတွန်းဆရာ ဟန်လေးက သုံးသပ်ပြသည်။
ပြည်ပရောက် အင်အားစုများအား အစိုးရက ထိုသို့ ကမ်းလှမ်းနေသော်လည်း ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် ပြည်တွင်း နိုင်ငံရေးအားစုများနှင့် မည်သို့ ပူးပေါင်းဆောင်ရွက်သွားမည် ဆိုသည်ကို ရှင်းပြခြင်း မရှိသေးပေ။
နေပြည်တော်တွင် သမ္မတနှင့် တွေ့ဆုံပွဲသို့ တက်ရောက်ခဲ့သူ ဇေကမ္ဘာကုမ္ပဏီ ဥက္ကဋ္ဌ ဦးခင်ရွှေက “ဘယ်သူမဆို ပြန်လာဖို့၊ အပြစ်တွေ ရှိရင်ခွင့် လွှတ်ပေးမယ် ပြောတယ်၊ အာမခံချက် အတိအကျ ပေးမထားပေမယ့် အားလုံးနဲ့ အပြုသဘော ဆောင်ပြီး ဆွေးနွေးပြီးတော့ နိုင်ငံ တိုးတက်ရေးလုပ်ငန်းစဉ်တွေမှာ ပါဝင်လုပ်ဆောင်ကြဖို့အတွက် သမ္မတက ဖိတ်ခေါ်လိုက်တာပါ” ဟု ဧရာဝတီကို ပြောသည်။
အိမ်နီးချင်းနိုင်ငံများသည် တချိန်က မြန်မာနိုင်ငံထက် များစွာ နိမ့်ကျခဲ့သော်လည်း ယနေ့တွင် မြန်မာနိုင်ငံထက်များစွာ တိုးတက် သွားပြီးဖြစ်ကြောင်း၊ မြန်မာနိုင်ငံသည် ပြည်တွင်းမငြိမ်သက်မှုများကြောင့် ဆင်းရဲ ကျပ်တည်းနေရကြောင်း သမ္မတက ပြောကြား သည် ဟု အစိုးရထုတ်ဝေသည့် သတင်းစာများတွင် ဖော်ပြထားသည်။ တိုင်းရင်းသားဒေသများ၌ ငြိမ်းချမ်းရေး ရလိုပါက သက် ဆိုင်ရာပြည်နယ် အစိုးရများနှင့် စေ့စပ် ဆွေးနွေးနိုင်သည်ဟု ဆိုသည်။
တိုက်ပွဲများကြောင့် လူအများအပြား ဒေသစွန့်ခွာ ထွက်ပြေးနေရသည့် ကချင်ပြည်နယ်တွင် လာမည့်နှစ်အတွင်း ရိက္ခာ စပါး မလုံလောက်မှုဖြစ်ပေါ်နိုင်ကြောင်း၊ ရေလွှမ်းမိုးသည့် ဒေသများတွင်လည်း ရိက္ခာ စပါး ခက်ခဲမည်ကို အထူးစိုးရိမ်လျက်ရှိကြောင်း သမ္မတက ပြောသည်ဟု ဆိုသည်။
ပြည်တွင်းငြိမ်းချမ်းရေးအတွက် တူသည့်အရာ ပူးပေါင်း လုပ်ဆောင်ပြီး မတူညီသည့် ကိစ္စများကို ခွဲခြားလုပ်ဆောင်မည် ဟုလည်း သမ္မတက ပြောဆိုခဲ့သည်။
Ref: ဧရာဝတီ
Read More...
Collapse...
သြဂုတ်လ ၁၈ ရက် ၂၀၁၁ ခုနှစ်
သောကြာနေ့တွင် နေပြည်တော်၌ ကျင်းပမည့် သမ္မတ ဦးသိန်းစိန် တက်ရောက်မည် ဖြစ်သော နိုင်ငံတော် စီးပွားဖွံ့ဖြိုးတိုးတက်မှု ဆိုင်ရာ အမျိုးသား အဆင့် အလုပ်ရုံ ဆွေးနွေးပွဲသို့ အတိုက်အခံ ခေါင်းဆောင် ဒေါ်အောင်ဆန်းစုကြည် တက်ရောက်ရန် တရား ဝင် ဖိတ်ကြားထားပြီး ဖြစ်သည်။
အစိုးရအရာရှိများ၊ နိုင်ငံရေး ပါတီများနှင့် စီးပွားရေး လုပ်ငန်းရှင်များ တက်ရောက်မည့် အလုပ်ရုံ ဆွေးနွေးပွဲဆိုင်ရာ ကျင်းပရေး ဦးစီးကော်မတီက ရန်ကုန်မြို့ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်၏ နေအိမ်သို့ ဗုဒ္ဓဟူးနေ့က သွားရောက်ကာ ဖိတ်စာပေး ဖိတ်ကြားထားခြင်း ဖြစ်သည်။
“ဖိတ်စာ မနေ့က ရပါပြီ၊ စီးပွားရေး အလုပ်ရုံ ဆွေးနွေးပွဲပါ၊ ၁၉ ၇က် ၂ဝ ရက်နေ့ နှစ်ရက်အတွက် ဖိတ်တာပါ” ဟု သူ၏ပါတီ အမျိုးသား ဒီမိုကရေစီ အဖွဲ့ချုပ်မှ ပြောရေးဆိုခွင့်ရှိသူ ဦးဥာဏ်ဝင်းက ပြောသည်။
ဒေါ်အောင်ဆန်းစုကြည်က ဆွေးနွေးပွဲ တက်ရောက်ပါမည်လား ဆိုသော အမေးကိုတော့ ဦးဥာဏ်ဝင်းက မသိပါကြောင်း ဖြေကြား သည်။
သို့သော် ပါတီတွင်း သတင်းရပ်ကွက် တခုက ဒေါ်အောင်ဆန်းစုကြည်သည် လေ့လာသူ အနေဖြင့် တက်ရောက်ရန် သဘော တူညီပြီး ဖြစ်သည်ဟု ဆိုသည်။
အလုပ်ရုံ ဆွေးနွေးပွဲမှာ သုံးရက် ကြာမြင့်မည် ဖြစ်ကာ နေပြည်တော်ရှိ မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာနတွင် ကျင်းပမှာ ဖြစ်သည်။
ဆွေးနွေးပွဲသို့ နိုင်ငံရေး ပါတီ ၃၇ ပါတီကိုလည်း ဖိတ်ကြားထားပြီး တပါတီလျှင် ၃ ဦးစီ တက်ရောက်ခွင့် ပြုထားသလို တိုင်း ဒေသကြီး များနှင့် ပြည်နယ်များမှ ဝန်ကြီး နှစ်ဦးစီနှင့် စီးပွားရေး လုပ်ငန်းရှင် ၃ ဦးစီ အထိ တက်ရောက်ရန်လည်း ညွှန်ကြား ထားသည်။
Ref: မဇ္ဈိမ
Read More...
Collapse...
သြဂုတ်လ ၁၈ ရက် ၂၀၁၁ ခုနှစ်
သမ္မတ ဦးသိန်းစိန်သည် သြဂုတ်လ ၁၇ ရက်နေ့ မွန်းလွဲ ၂ နာရီတွင် နေပြည်တော် ဇမ္ဗူသီရိမြို့ရှိ မြန်မာ အပြည်ပြည် ဆိုင်ရာ ကွန်ဗင်းရှင်း ဗဟိုဌာန MICC တွင် ကျင်းပသည့် စီးပွားရေး လူမှုရေး နယ်ပယ်အသီးသီး အသင်းအဖွဲ့ အသီးသီးမှ တာဝန်ရှိသူ များနှင့် တွေ့ဆုံပွဲ အခမ်းအနားသို့ တက်ရောက် အမှာစကား ပြောသည်။
ဦးသိန်းစိန်၏ အမှာစကား အပြည့်အစုံမှာ အောက်ပါအတိုင်းဖြစ်သည်။
"ဒီကနေ့ အခမ်းအနားကို တက်ရောက်လာကြတဲ့ ပြည်ထောင်စုအစိုးရအဖွဲ့က စီးပွားရေးလုပ်ငန်းတွေကို တာဝန်ယူပြီးတော့ လုပ်ကိုင်ကြရတဲ့ ဝန်ကြီးဌာနအသီးသီးက ဝန်ကြီးများနှင့် ဌာနဆိုင်ရာအခြေခံများ၊ စီးပွားရေး၊ လူမူရေး နယ်ပယ်အသီးသီးက တက်ရောက် လာကြတဲ့ တာဝန်ရှိပုဂ္ဂိုလ်များနဲ့ ဖိတ်ကြားထားတဲ့ ဧည့်သည်တော်များအားလုံး ကျက်သရေ မင်္ဂလာအပေါင်းနဲ့ ပြည့်စုံကြပါစေလို့ ဦးစွာပထမ နှုတ်ခွန်း ဆက်သလိုက်ပါတယ်။"
"ကျနော့်အနေနဲ့ ကျနော်တို့ အစိုးရအဖွဲ့ကို ပြည်သူတွေ ရွေးချယ် တာဝန်ပေးအပ်ပြီးတော့ တိုတောင်းတဲ့ သက်တမ်းကာလ ၄ လကျော်၊ ၅ လအတွင်းမှာ ပြည်သူတွေ ကိုယ်စိတ်နှစ်ပါး ချမ်းသာစေရန် ဆောင်ရွက်ခဲ့တဲ့ လုပ်ငန်းအချို့၊ နောက်တိုင်းပြည်ရဲ့ နိုင်ငံရေး၊ စီးပွားရေး အခြေအနေနဲ့ ကျနော်တို့ အစိုးရအဖွဲ့ရဲ့သဘောထား ရပ်တည်ချက်တချို့ကို ကြုံကြိုက်တုန်းမှာ အကျဉ်း ချုံးပြီးတော့ ကျနော့်အနေနဲ့ ပြောပြသွားမှာဖြစ်ပါတယ်။"
"ကျနော်တို့ အစိုးရတက်လာပြီးတဲ့နောက် ပြည်သူတွေကို ကျနော်တို့ ကတိကဝတ်ပြုခဲ့တဲ့ ဦးစားပေး လုပ်ကိုင်ခဲ့တဲ့ လုပ်ငန်း တွေကို ရက်ပိုင်း လ ပိုင်းအတွင်းမှာပဲ စီးပွားရေးနဲ့ ပတ်သက်တဲ့ အဟန့်အတားတချို့ ဒါတွေကို ကျနော်တို့ ဖယ်ရှားပေးခဲ့ပြီး
တော့ ဈေးကွက်စီးပွားရေးစနစ်ရဲ့ လွတ်လပ်မူနဲ့ ယှဉ်ပြိုင်မူကို ပွင့်လင်းမြင်သာမှုအောင် ဆောင်ရွက်ပေးခဲ့ပါတယ်။"
"ဒါတွေနဲ့ပတ်သက်ပြီးတော့ ကျနော်တို့ ဘာတွေဆောင်ရွက်ပေးတယ်ဆိုတာ တက်ရောက်လာကြတဲ့ ပရိတ်သတ်တွေ သိပြီး ဖြစ်ပါတယ်။ နောက်တခုက ကျနော်တို့ ဆင်းရဲနွမ်းပါးတဲ့ မြို့ပေါ်ရပ်ကွက်နဲ့ ကျေးလက်နေ ပြည်သူတွေရဲ့ လူမှုစီးပွားဘဝကို မြင့်တင်ပေးလိုတဲ့ဆန္ဒနဲ့ ကျေးလက်ဒေသဖွံ့ဖြိုးရေးနဲ့ ဆင်းရဲနွမ်းပါးမှု လျော့ချရေး အလုပ်ရုံ ဆွေးနွေးပွဲ တခုကို ပြည်တွင်း၊ ပြည်ပမှာ ရှိနေတဲ့ တိုင်းရင်းသား၊ စီးပွားရေးပညာရှင်များ၊ စီးပွားရေးလုပ်ငန်းရှင်ကြီး များ၊ ဝန်ကြီးဌာန အသီးသီးတို့မှ အရာရှိကြီးများ၊ လူထုလုတန်းစားအလွှာ အသီးသီးတို့မှ ပုဂ္ဂိုလ်များ အပါအဝင် ကျနော်တို့ နေပြည်တော် ဒီခန်းမမှာပဲ ၃ ရက်တာ ကျင်းပပြုလုပ်ပေးခဲ့ပါတယ်။"
"အဲဒီအလုပ်ရုံဆွေးနွေးပွဲကနေ ကျနော်တို့ ရရှိလာတဲ့ အကြံပြုချက်တွေ၊ သဘောထားတွေ ဒါတွေကို ကျနော်တို့ စုပေါင်းပြီး တော့မှ လုပ်ငန်းစဉ် ၈ ရပ်ကို ကျနော်တို့ ရွေးထုတ်နိုင်ခဲ့ပါတယ်။ အဲဒီလုပ်ငန်းစဉ် ၈ ရပ်ကို ကျနော်တို့ ရွေးထုတ်ပြီး ဗဟိုကနေ အောက်ခြေအထိ လုပ်ငန်းအကော်မတီအဆင့်ဆင့် ဖွဲ့စည်းပြီး လက်တွေ့ အကောင် အထည်ဖော် ဆောင်ရွက်ခဲ့တဲ့အတွက်ကြောင့် ဒီကနေ့ ကျနော်တို့ တောင်သူလယ်သမားများ၊ လက်လုပ် လက်စား သမားများ မြို့ပေါ်ရပ်ကွက်မှာရှိနေတဲ့ တချို့ ဆင်းရဲသူများ ခေါင်းရွက်ဗျတ်ထိုးများ၊ ဈေးသည်များပါမကျန် ဒီကနေ့ ဒီအကျိုးရလာဒ်တွေကို အထိုက် အလျောက် ခံစားရနေပြီဖြစ်ပါတယ်။"
"ပြီးတော့ တချိန်က တိုင်းပြည်ရဲ့ တာဝန်ကို ပင်ပင်ပန်းပန်းနဲ့ ထမ်းဆောင်ခဲ့ကြတဲ့ ပင်စင်စား ကျနော်တို့ရဲ့ ဝန်ထမ်းများအနေနဲ့ မလောက်မင ရကြတဲ့ ပင်စင်လစာလေးနဲ့ သူတို့ရဲ့ ဘဝကို ချို့ချို့တဲ့တဲ့ ရပ်တည်နေရကြတဲ့ အခြေအနေကနေပြီးတော့ အခု အခါမှာ ကျနော်တို့ ပင်စင်လစာတွေ တိုးမြှင့်ပြီးတော့ ပေးခဲ့တဲ့အတွက်ကြောင့် ဘာပဲပြောပြော ဒီပုဂ္ဂိုလ်တွေဟာ စားနိုင်၊ နေနိုင်၊ လှူဒါန်းနိုင်တဲ့ သူတို့ရဲ့ ဘဝတွေကို ကျေနပ်နှစ်သက်ပြီးတော့ ပျော်ရွှင် ချမ်းမြေ့နေနိုင်ကြတာကို ကျနော်တို့ တက်လာတဲ့ ပုဂ္ဂိုလ် များအားလုံးလည်း အသိပဲဖြစ်ပါတယ်။"
"အဲဒီတော့ ဒီမြင်ကွင်းကို မြင်ကြရတဲ့သူ အားလုံးဟာလည်းပဲ ဒီပင်စင်စားကြီးတွေနဲ့ အတူ ထပ်တူထပ်မျှ ကျနော်တို့ပျော်ရွှင် ကြည်နူးနေတာ ကျနော်တို့ ဒါအမှန်ပဲ ဖြစ်ပါတယ်။ အခုအခါမှာ စီးပွားရေး အကျပ်အတည်းနဲ့ ဒေါ်လာငွေ ဈေးကျဆင်းမှု တွေဟာ ကျနော်တို့ နိုင်ငံ စီးပွားရေးကိုပါ အထိုက်အလျောက် ရိုက်ခတ်လျက် ရှိနေပါတယ်။ အဲဒီတော့ လွန်ခဲ့တဲ့ ၁ လခွဲ ၂ လ လောက်က အမေရိကန် ၁ ဒေါ်လာရဲ့ ငွေလဲနှုန်းက ပြည်တွင်းငွေ ကျပ် ၈ဝဝ လောက်နဲ့ အချိန်အတော်ကြာ ရပ်တန့်ပြီးတော့ နေပါတယ်။"
"သို့သော်လည်းပဲ အခုအခါမှာ အမေရိကန် ၁ ဒေါ်လာရဲ့ ငွေလဲနှုန်းဟာ ကျပ် ၇၅ဝ ပတ်ဝန်းကျင်အထိ ကျဆင်း သွားခဲ့ပါတယ်။ ကျနော်တို့ ပို့ကုန်လုပ်ငန်း တွေကလည်းပဲ ကျဆင်းခဲ့ရပါတယ်။ ပို့ကုန်လုပ်ငန်းတွေ ကျဆင်း လာတာနဲ့အမျှ ပြည်တွင်းဝယ်လိုအား ကျဆင်းလာပြီးတော့ ထုတ်လုပ်သူတွေကိုပါ ကျနော်တို့ ထိခိုက်လာနေတဲ့ အတွက် အထူးသဖြင့် မြန်မာ့စီးပွားရေးမှာ ဒီလယ်ယာ ထွက်ကုန်တွေကိုပဲ ပြည်ပ ပို့ကုန်အဖြင့် ဒီကနေ့ အားထားနေကြ ရတဲ့အတွက် တောင်သူလယ်သမားတွေ ထိခိုက်မူ အထိုက် အလျောက်ရှိခဲ့ပါတယ်။ အဲဒီတော့ တောင်သူ လယ်သမား ထိခိုက်မူ မရှိအောင် နည်းလမ်းတွေရှာဖွေပြီးတော့ ကျနော်တို့ ဆောင်ရွက်ဖို့ရှိနေပါတယ်။"
"ဒီမှာတော့ ကျနော်တို့ တပူပေါ်နှစ်ပူဆင့် ဆိုသလို ရာသီဥတုဖောက်ပြန်ပြီးတော့ တနိုင်ငံလုံး မိုးသည်းထန်းစွာ ရွာသွန်းခဲ့တဲ့ အတွက် အထူးသဖြင့် ဧရာဝတီတိုင်းဒေသကြီး၊ ပဲခူးတိုင်းဒေသကြီး၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်မှာရှိတဲ့ မြို့နယ်တချို့မှာ ရေကြီးနစ်မြုပ်တဲ့ အန္တရာယ်ကို ဒီကနေ့တိုင် ကျနော်တို့ ကြုံတွေ့ နေရဆဲ ဖြစ်ပါတယ်။ ကျနော်တို့ ပြည်ထောင်စု အစိုးရ၊ တိုင်းဒေသကြီးနဲ့ ပြည်နယ်အစိုးရတို့နဲ့အတူ စေတနာရှင်ပြည်သူများတပ်မတော်သားများ ရဲ့ကူညီစောင့်ရှောက်မူ တို့ ကြောင့် အတန်အသင့် သက်သာရာရခဲ့ပါတယ်။"
"လယ်ယာများ ရေလွှမ်းမိုးမူ မဖြစ်မနေ ကြုံတွေရတဲ့ တောင်သူလယ်သမားများ အထိအနာဆုံး ဖြစ်ပါတယ်။ ယခုအခါမှာ အဲဒီ တောင်သူလယ်သမားတွေကို မျိုးစပါးတွေကို ကျနော်တို့ စီမံပေးခြင်း၊ သူတို့သာမက တောင်သူ လယ်သမား အားလုံးကိုလည်းပဲ စိုက်စရိတ် ယခင်တုန်းက ကျနော်တို့ တဧကကို ကျပ် နှစ်သောင်းလောက်ပဲ ကျနော်တို့ ထုတ်ပြီးတော့ ချေးနိုင်ခဲ့ပါတယ်။ ယခု အခါမှတော့ ကျနော်တို့ နှစ်ဆတိုးပြီးတော့မှ တဧကကို ကျပ် ၄ သောင်းအထိ နိုင်ငံတော်က နေပြီးတော့ တိုးပြီးတော့ ထုတ်ချေး ပေးတဲ့အပြင် ပုဂ္ဂလိက ငွေစု၊ ငွေချေး အသင်းလေးတွေကို ကျနော်တို့ ထူထောင်တဲ့အတွက်ကြောင့်ဒီအသင်းလေးတွေ ကနေ ပြီးတော့လည်း ဒီချေးငွေ တွေကို ပါဝင်ကူညီပြီးတော့ ဆောင်ရွက်ပေးခဲ့ပါတယ်။"
"အဲဒီတော့ ဒီလယ်သမားတွေ စပါးပေါ်ချိန်မှာ သူတို့တွေ အရှုံးမပေါ်စေရဖို့အတွက် ကျနော်တို့ မနေ့ကပဲ တိုင်ပင်ကြပါ တယ်။ ကျနော်တို့ အစိုးရနဲ့ ဆန်ကုန်သည်ကြီးများ ဖက်စပ်ပေါ့လေ တယောက်တဝက်စီ ငွေကြေးစိုက်ထုတ် ပြီးတော့ လယ်သမားတွေ မရှုံးရအောင် အခြေခံ ဈေးနှုန်းကို ကျနော်တို့ သတ်မှတ်ဝယ်ယူပြီးတော့ နိုင်ငံတော်ရဲ့ အရန်ဆန်အဖြစ်နဲ့ ထားရှိဖို့ အစီအစဉ် တရပ်ကို ကျနော်တို့ စီမံထားပြီးဖြစ်ပါတယ်။ အဲတော့ နိုင်ငံတော်ရဲ့ အရန် ဆိုတာလည်း ကျနော်တို့ ဒေသတွင်းရဲ့ အရန်ဆန် ဖြစ်ပါတယ်။ အဲတော့ ပြည်ပထုတ်ကုန်ပို့တဲ့ ကုန်သည်ကြီးများ ပို့ကုန်ကျဆင်းမသွားစေဖို့နဲ့ ဒေါ်လာဈေး ကျဆင်းမူပေါ်မှာ ထိခိုက် နစ်နာမူတွေ သက်သာစေဖို့ ဆိုပြီးတော့ ယခင် ကျနော်တို့ အခွန်အကောက်အဖြင့် ကုန်သွယ်ခွန် ၈ ရာခိုင်နှုန်း ကောက်ခံနေရာ ကနေ မကြာခင်ရက်ပိုင်းအတွင်းမှာ ၅ ရာခိုင်နှုန်းအထိ ကျနော်တို့ လျော့ပေးလိုက်ပါတယ်။"
"အခုအခါမှတော့ ကျနော်တို့ အားလုံး လျော့ပေးပြီးပါပြီ။ ဒီကုန်သွယ်ခွန်ပေးရန် မလိုတော့ဘဲနဲ့ လွတ်လပ်စွာ ကုန်သွယ်နိုင်အောင် နိုင်ငံတော်ကနေပြီးတော့ စီမံပေးခဲ့ပါတယ်။ အဲတော့ ကျနော်တို့ စာရင်းဇယားမှာပါတဲ့ လုပ်ငန်းတွေသာမက တခြား ပို့ကုန်များနဲ့ အထည်အချုပ်လုပ်ငန်း ဒါတွေလည်း ကျနော်တုိ့သက်သာမူ ရအောင် စီမံပေးသွားမှာဖြစ်ကြောင်း ပြောကြားလိုပါတယ်။"
"အထည်အချုပ်လုပ်ငန်းတွေဟာ ပြည်ပကနေပြီးတော့ သွင်းလာတဲ့အထည်ပေါ်မှာ ချုပ်တဲ့ လုပ်ခပဲ ကျနော်တို့ ရလာတာ ဖြစ်ပါ တယ်။ ချုပ်တဲ့လုပ်ခပဲ ရသော်လည်းပဲ ဒီလုပ်ငန်းတွေမှာ မှီခိုနေကြတဲ့ အလုပ်သမတွေ စက်ရုံတရုံ တရုံဆိုရင် ထောင်နဲ့ချီပြီးတော့ ရှိပါတယ်။ အဲတော့ ဒီပစ္စည်းတွေကို ဟိုပို့တယ်၊ ပိုတော့ ဟိုက ဒေါ်လာနဲ့ ငွေပေး တယ်။ ဒီလို ဒေါ်လာကို ပြည်တွင်း ရောက်တဲ့ အခါမှ ကျပ်ငွေနဲ့ ကျနော်တို့ လဲရပါတယ်။ ကျပ်ငွေနဲ့လဲပြီးတော့မှ ဒီအလုပ်သမတွေကို ပေးရတာ ဖြစ်ပါတယ်။"
"အဲတော့ ဒေါ်လာဈေးကျဆင်းတာနဲ့အမျှ ကျပ်ငွေတွေက အရင်တုန်းကလို သူတို့များများစားစား မရတော့ဘူး။ အဲတော့ မရတဲ့အခါမှာ ခုနကလို အလုပ်သမားတွေကို ငွေချေဖို့ပြုဖို့ကအစ အခက်အခဲဖြစ်လာတယ်။ နောက်ဆုံး အခက်အခဲဖြစ်လာတာ များလာရင် ဘာဖြစ်မလဲဆိုတော့ စက်ရုံကို ပိတ်သိမ်းရတဲ့ အခြေအနေမျိုးအထိ ရောက်သွား နိုင်တယ်။ အဲတော့ စက်ရုံပိတ်သိမ်း လိုက်ရင် စက်ရုံတရုံ တရုံမှာ အလုပ်လုပ်နေတဲ့ အလုပ်သမတွေဟာ ထောင်နဲ့ ချီပြီး ရှိသလိုပဲ ဒီအလုပ်သမတွေ ကူညီပေးနေ ကြတဲ့ လူတွေကလည်းပဲ များစွာရှိပါတယ်။ ဒီဟာလည်း အင်မတန်မှ ထိခိုက်နစ်နာ သွားနိုင်တဲ့အတွက်ကြောင့် ဒီ အထည်ချုပ် လုပ်ငန်း တွေကို သက်သာမှုရအောင် ရက်ပိုင်းအတွင်းမှာပဲ ဒါတွေကို စီစဉ်ပေးဖို့အတွက် အသိပေး ပြောကြားလိုပါတယ်။"
"အဲဒီတော့ ဒီဒေါ်လာငွေကြေးဂယက်ဟာ ဘယ်အတိုင်းအတာထိ ရိုက်ခတ်နေတာလဲဆိုတာ ဒါကို ကျနော်တို့ မျှော်မှန်းလို့ မရပါဘူး။ သို့သော်လည်းပဲ ဒါတွေကို ကြိုတင်တွက်ဆ ပြီးတော့မှ ကျနော်တို့ အစိုးရပိုင်းကရော ပြည်သူတွေ အပိုင်းကပါ သတိရှိရှိနဲ့ ကြိုတင်ပြင်ဆင်မှုတွေ လုပ်ထားကြဖို့ လိုပါတယ်။ ပြည်ပကို ကျနော်တို့ ကုန်ပစ္စည်းတွေ မပို့ရသည့်တိုင်အောင် တခုကောင်းတာက ကျနော်တို့ တိုင်းပြည်အတွက် ပြည်တွင်းမှာနေဖို့ စားနပ်ရိက္ခာ ပြည်စုံဖူလုံစွာ ကျနော်တို့ ရှိနေပါတယ်။ ပြည့်စုံဖူလုံစွာ ရှိနေတဲ့အတွက် ပြည်သူများအတွက်တော့ အထူး စိုးရိမ်ပူပန်စရာ ကျနော်တို့ မရှိပါဘူးလို့ ပြောကြားလိုပါတယ်။"
"သို့သော်လည်းပဲ ပြည်ပသွင်းကုန် တချို့ကိုတော့ ကျနော်တို့ စီစီစစ်စစ်နဲ့ သွင်းကြရမှာ ဖြစ်တဲ့ အတွက်ကြောင့်မလိုအပ်တာ တွေ ရော လိုအပ်တာတွေရော ချွေတာသုံးစွဲကြဖို့ ကျနော်တို့ လိုပါတယ်။ အထူးသဖြင့် ပြန်ကြည့်လိုက်တဲ့ အခါမှာနို့နဲ့နို့ထွက်ပစ္စည်း တွေ ကို ပြီးခဲ့တဲ့ နှစ်ကဆို ဒေါ်လာ သန်း ၅ဝ ဖိုးလောက် ကျနော်တို့ သွင်းရပါတယ်။ ပြည်ပသွင်းကုန်တချို့ကို ကျနော်တို့က စိစိစစ်စစ်နဲ့ လုပ်ကြပြုကြရမှာ ဖြစ်တဲ့ အတွက်ကြောင့် မလိုအပ်တာတွေကို ခြိုးခြံချွေတာ သုံးစွဲကြဖို့ကိုလည်း ဒါလည်း ကျနော် ပြော ကြားလိုပါတယ်။"
"တိုင်းပြည်ကနုနု မုန်တိုင်းကထန်ထန် ဆိုသလိုပါပဲ။ ကျနော်တို့ အစိုးရသစ် တက်လာတဲ့ မကြာခင်မှာပဲ ကချင်ပြည်နယ် မှာ KIO, KIA အဖွဲ့တွေနဲ့ ပြဿနာဖြစ်ခဲ့ရပါတယ်။ ဒါကိုလည်း တက်ရောက်လာကြတဲ့လူတွေအားလုံး အသိပဲဖြစ်ပါတယ်။ အမှန်ကတော့ ဒီအဖွဲ့ဟာ ကချင်ပြည်နယ်မှာရှိတဲ့ ပြည်သူလူထုကို ကိုယ်စားပြုတဲ့အဖွဲ့ မဟုတ်ပါဘူး။"
"ကချင်ပြည်နယ်မှာ နိုင်ငံတော်ရဲ့ ရေအားလျှပ်စစ်စီမံကိန်းတွေကို ဖျက်လိုဖျက်ဆီးလုပ်ရာကနေ ပြီးတော့မှ ဒီပြဿနာ စတင်ပြီး ဖြစ်ပေါ်လာခဲ့တာဖြစ်ပါတယ်။ အခုအခါမှာ ကျနော်တို့ ဗန်းမော်ခရိုင် အတွင်းမှာ လမ်းတွေ၊ တံတားတွေ၊ လျှပ်စစ်တာဝါတိုင်တွေ၊ ဒါတွေ ဖောက်ခွဲခံခဲ့ကြရတဲ့အတွက် တော်တော်များများ ပျက်စီးကုန်တာ ရှိပါတယ်။ ဒါတွေပျက်စီးတဲ့အတွက် ဘယ်သူတွေ ဒုက္ခရောက်ကြရသလဲဆိုရင် လောလောဆယ်ကတော့ ကချင်ပြည်နယ်မှာ နေထိုင်ကြတဲ့ တိုင်းရင်းသားတွေပဲ သွားရေး၊ လာရေး၊ ဆက်သွယ်ရေး၊ စသည်အားဖြင့် စီးပွားရေး၊ ပညာရေး တွေပါ ထိခိုက်နစ်နာကြရတာပဲဖြစ်ပါတယ်။ အခုအခါမှာ ဒီအန္တရာယ် တွေ ကို ကျနော်တို့ ကြောက်ပြီးတော့ ရှောင်တိမ်း ထွက်ပြေး နေကြတဲ့ ပြည်သူအချို့ဟာ စိုက်ချိန် ပျိုးချိန် ရောက်နေပေမယ့် မစိုက်နိုင် မပျိုးနိုင်ဘဲဖြစ်နေတဲ့ အတွက်ကြောင့် ဒီပြည်နယ်မှာတော့ လာမယ့်နှစ်အတွင်းမှာ ဆန်ရေစပါးရှားပါးမှုနဲ့ ကြုံတွေ့နိုင်တယ်။"
"ဒီကချင်ပြည်နယ်နဲ့ တိုင်းရင်းသားပြည်သူတွေနဲ့ အသင်းအဖွဲ့တွေပေါ့ အသင်းအဖွဲ့ တွေဆိုတဲ့နေရာမှာ ဒီခရစ်ယာန် အသင်း တွေပါပါတယ်။ ဒီမှာ အသင်းအုပ်ဆရာတို့ဘာတို့၊ သူတို့တွေပါပါတယ်။ နောက်တခါ ယဉ်ကျေးမှု စာပေ အသင်းတွေ ပါပါတယ်။ နောက် လူမျိုးစု အသင်းအဖွဲ့လေးတွေ ပါပါတယ်။ ဒီပုဂ္ဂိုလ်တွေအနေနဲ့ စစ်ကိုရပ်စဲပေးဖို့၊ ငြိမ်းချမ်းရေး အမြန်ရယူပေးဖို့ ဆိုပြီး တော့ ကျနော့်ဆီကို စာတွေ ရေးကြပါတယ်။ သူတို့ရေးတဲ့စာတွေကိုလည်း ကျနော်တို့ နေ့စဉ် သတင်းစာတွေမှာ ဖော်ပြနေတာ တွေ့မှာဖြစ်ပါတယ်။"
"အဲဒီတော့ တဘက်က တပ်မတော်အပိုင်းကတော့ သူတို့က ကျနော်တို့ တုန့်ပြန်ပစ်ခတ်မှု တိုက်ခိုက်မှုတွေ ဒါတွေ က ကျနော်တို့ သူတို့ပစ်ခတ်လာတဲ့အခါမှာ တုန့်ပြန်ပစ်ခတ်မှုကလွဲလို့ ကျန်တာ ခုနကလို ပစ်ခတ်တာတွေ တိုက်ခိုက်တာတွေ ဒါတွေ ကျနော်တို့ မရှိပါဘူး။ အဲဒီတော့ ဒီ လူသတ်မိုင်းခွဲ၊ ပြန်ပေးဆွဲ၊ ဆက်ကြေးကောက် စတဲ့ ဒီလုပ်ရပ်တွေဟာ ဒီကနေ့ တကမ္ဘာလုံး ကနေပြီး တော့ လက်မခံတဲ့ အကြမ်းဖက်လုပ်ရပ်တွေ ဖြစ်ပါတယ်။ အဲဒီတော့ ဒီအကြမ်းဖက်လုပ်ရပ်တွေကို မြန်မြန်ရပ်ဆိုင်းပြီးတော့ သက်ဆိုင်ရာ ပြည်နယ်အစိုးရနဲ့ ငြိမ်းချမ်းရေး ဆွေးနွေးကြဖို့ ကျနော်တို့ ဗဟိုအစိုးရအနေနဲ့ ပြည်နယ်အစိုးရကို ညွှန်ကြား ထားပြီး ဖြစ်ပါတယ်။"
"အဲဒီတော့ ကချင်ပြည်နယ် အစိုးရအဖွဲ့အနေနဲ့လည်း ဒီငြိမ်းချမ်းရေး ဆွေးနွေးဖို့ကို ဖွဲ့စည်းပြီးတော့မှ သူတို့နဲ့ အကြိမ်ကြိမ် ဖိတ်ခေါ် ဆွေးနွေးနေတယ်လို့ ကျနော်တို့ သိရပါတယ်။ ဒီလူတွေဟာလည်း ကိုယ့်ရဲ့ တိုင်းရင်းသားတွေ ဖြစ်တဲ့ အတွက်ကြောင့် ကျနော်တို့အနေနဲ့ စိတ်ရှည်သည်းခံပြီးတော့ ငြိမ်းချမ်းရေးအတွက် ကျနော်တို့ မျှော်လင့် စောင့်စား နေကြောင်းလည်း ပြောကြား လိုပါတယ်။ အဲဒီတော့ ဒီမှာ ကျနော်တို့ ကေအိုင်အို ကေအိုင်အေ အဖွဲ့တင် မဟုတ်ပါဘူး။ ရှမ်းပြည်နယ်နဲ့ ကရင်ပြည်နယ်မှာလည်း အစိုးရကို ဆန့်ကျင်တိုက်ခိုက်နေတဲ့ လက်နက်ကိုင်အဖွဲ့အချို့ ရှိနေပါတယ်။ အဲဒီတော့ ဒီလက်နက်ကိုင်အဖွဲ့တွေအနေနဲ့လည်း ငြိမ်းချမ်းရေးကို ရယူလိုတဲ့ ဆန္ဒရှိတယ် ဆိုရင် သက်ဆိုင်ရာ ပြည်နယ် အစိုးရအဖွဲ့နဲ့ အချိန်မရွေး ဆွေးနွေးနိုင်ပါတယ်။ အဲဒီတော့ ဒီကိစ္စကို ကျနော်တို့ လမ်းဖွင့်ပေးထားပြီးဖြစ်ပါတယ်။"
"ကျနော်တို့ အစိုးရ အဖွဲ့အနေနဲ့လည်း ပြည်ထောင်စု အစိုးရအဖွဲ့ အနေနဲ့တော့ တို့တာဝန်အရေး သုံးပါးကို အဓိက ထားပြီးတော့ ဖွဲ့စည်းပုံ အခြေခံ ဥပဒေနဲ့ အညီ ဆောင်ရွက်ပေးသွားမှာပဲ ဖြစ်ပါတယ်။ နောက်ပြီးတော့ ပြည်တွင်းမှာ ရှိတဲ့ သဘောထား အမြင်ချင်း မတူကြတဲ့ လူပုဂ္ဂိုလ်၊ အဖွဲ့အစည်းတွေကိုလည်း မတူကွဲပြားတာတွေကို ကျနော်တို့ ဘေးဖယ်ထားပြီး တိုင်းပြည် အတွက် အမှန်တကယ်အကျိုးရှိစေမယ့် ဘုံအကျိုးစီးပွားတွေကို ပူးပေါင်းဆောင်ရွက်
ကြဖို့ ကျနော်တို့ အမြဲဖိတ်ခေါ်လျက်ရှိနေပါတယ်။"
"အဲဒီတော့ အကြောင်းအမျိုးမျိုးကြောင့် နောက် ပြည်ပကိုရောက်နေ ကျနော်တို့ မြန်မာနိုင်ငံသား တိုင်းရင်းသားတွေ ကိုလည်း ပြစ်မှုတစုံတရာ ကျူးလွန်သွားတာ မရှိဘူးဆိုလို့ရှိရင် အချိန်မရွေး ပြန်လာနိုင်ဖို့ ကျနော်တို့ ဒါ စဉ်းစားပေး မှာ ဖြစ်ပါတယ်။ ပြီးတော့ ပြစ်မှုကျူးလွန်ခဲ့သည့်တိုင်အောင် ထိုက်သင့်တဲ့ ပြစ်ဒဏ်ခံယူဖို့ ပြန်လာမယ် ဆိုလို့ရှိရင် လည်း ကျနော်တို့ ဒါ သဘော ထားကြီးစွာနဲ့ စဉ်းစားပေးသွားမှာဖြစ်ပါတယ်။"
"အဲဒီတော့ ပြောရမယ်ဆိုရင်တော့ ကျနော်တို့ ဒီရိုးသားတဲ့စိတ်စေတနာ ရှိတဲ့သူတိုင်းဟာ ကိုယ့်နိုင်ငံကို ချစ်ကြပါတယ်။ ကိုယ့် နိုင်ငံကို ကောင်းစားစေလိုကြပါတယ်။ ညီညီညွတ်ညွတ် ချစ်ချစ်ခင်ခင် စည်းစည်းလုံးလုံးနဲ့ နေလိုကြ ပါတယ်။ အဲဒီတော့ ကိုယ့်မြေ ကိုယ့်တိုင်းပြည် ကိုယ့်ဆွေမျိုးအသိုင်းအဝိုင်းကို ခင်တွယ်ကြပါတယ်။ အဲဒီတော့ ငြိမ်းချမ်းသာယာဝပြောတဲ့ လူ့ဘောင် အဖွဲ့အစည်းကြီးကို ထူထောင်လိုကြပါတယ်။ ဒါဟာကျနော်တို့အားလုံးရဲ့ တူညီတဲ့ ဆန္ဒဖြစ်ပါတယ်။"
"အဲဒီတော့ ဒီ common ground ပေါ်မှာ အခြေခံပြီးတော့ ဒီငြိမ်းချမ်းသာယာတဲ့ ခေတ်မီ ဖွံ့ဖြိုးတိုးတက်တဲ့နိုင်ငံ။ ကမ္ဘာ့အလယ် မှာ ထည်ထည်ဝါဝါ နေနိုင်တဲ့နိုင်ငံဖြစ်အောင် ဝိုင်းဝန်း တည်ဆောက်ကြဖို့ ကျနော့်အနေနဲ့ တိုက်တွန်း လိုပါတယ်။ အဲဒီတော့ နိဂုံးချုပ်အနေနဲ့ ပြောရရင် ဒီကနေ့အချိန်အခါဟာ ကျနော်တို့ ဒီမိုကရေစီစနစ်နဲ့ နိုင်ငံအသစ်ကို ကျနော်တို့ ပြန်လည်ပြီးတော့ တည်ဆောက်နေရတဲ့အချိန်ဖြစ်ပါတယ်။ အဲဒီတော့ စိန်ခေါ်မှုတွေလည်း ရှိပါတယ်။ ဒီစိန်ခေါ်မှုတွေ ရှိသလိုပဲ အခွင့်အလမ်း ကောင်း တွေလည်း ရှိနေပါတယ်။ အဲဒီတော့ ဒီစိန်ခေါ်မှုတွေကို ကျနော်တို့ ကြံ့ကြံ့ခံကျော်လွှားပြီးတော့ ဒီကနေ့ အခွင့်အလမ်း ကောင်းတွေကို အရအမိ ဆုပ်ကိုင်ထားဖို့ လိုအပ်ပါတယ်။"
"အဲဒီတော့ ကျနော်တို့ နိုင်ငံရဲ့ သမိုင်းစဉ်တလျှောက်မှာ မတည်မငြိမ် မအေးမချမ်းနဲ့ ကုန်လွန် သွားခဲ့ရတဲ့ ကာလ တွေကို အလွန် ကျနော်တို့ နှမြောဖို့ကောင်းပါတယ်။ အဲဒီတော့ လွတ်လပ်ရေး ရပြီးကာစ ကျနော်တို့ထက် နိမ့်ကျတဲ့ နိုင်ငံတွေ၊ ကျနော်တို့နဲ့ တန်းတူရည်တူရှိခဲ့တဲ့ နိုင်ငံတွေဟာ ဒီကနေ့ ကျနော်တို့ နိုင်ငံကို များစွာ ကျော်ဖြတ်သွားကြပြီ ဖြစ်ပါတယ်။"
"ကျနော်ပြောချင်တာကတော့ ဒီအချိန်ဟာ အချင်းချင်း ကျနော်တို့ ငြင်းခုန်နေကြရမယ့်အချိန်၊ တဦးနဲ့တဦး တဘက်နဲ့ တဘက် အပြစ်ရှာ အပြစ်ပြောနေရမယ့်အချိန် မဟုတ်တော့ပါဘူး။ စည်းလုံးညီညွတ်ကြလို့ရှိရင် ကြီးပွားတိုးတက်နိုင်တဲ့ရေခံမြေခံ ကောင်း တွေ ကျနော်တို့ တိုင်းပြည်မှာရှိပြီး ဖြစ်ပါတယ်။ အဲဒီတော့ ဒီနိုင်ငံဟာ နိုင်ငံသားအားလုံး ပိုင်တဲ့ နိုင်ငံဖြစ်ပါတယ်။ အဲဒီတော့ ကိုယ့် နိုင်ငံ ပျက်စီးဆုံးရှုံးမသွားရအောင်၊ ကိုယ့်နိုင်ငံ သေးသိမ်မသွားရအောင် နိုင်ငံသားအားလုံး ဝိုင်းဝန်းစောင့်ရှောက် ကာ ကွယ် သွားကြဖို့ တာဝန်ရှိ ပါတယ်။ အဲဒီတော့ ကျနော်တို့ရဲ့ သားစဉ်မြေးဆက်အတွက် ကောင်းမွန်တဲ့ အမွေခံကောင်းတွေ၊ ကောင်းမွန် တဲ့ ပတ်ဝန်းကျင်ကောင်းတွေကို တည်ဆောက်သွားကြဖို့ လိုအပ်ပါတယ်လို့ ပြောကြားရင်းနဲ့ နိဂုံးချုပ်ပါတယ်။"
Ref: မဇ္ဈိမ
Read More...
Collapse...
8/18/2011
စံလင်း
ဒေသအတွင်း စခန်းချနေသော ရေတပ် ဗိုလ်မှူးများ အကြား ဝေစု မတည့်ရာမှ ရခိုင်ကနေ ဘင်္ဂလာသို့ တင်ပို့ရန် စီစဉ်ထား သည့် နွားကောင်ရေ ၁၂၀ ဖမ်းဆီးခံရကြောင်း သတင်း ရရှိသည်။
သြဂတ်စ်လ (၇) ရက်နေ့က ကျောက်ဖြူ အခြေစိုက် ဓည၀တီ ရေတပ် စခန်းမှ ဗိုလ်မှူး တဦးက လာရောက် ဖမ်းဆီးခြင်း ဖြစ် ကြောင်း ဒေသခံ တစ်ဦးက ပြောသည်။
" နွားတွေကို မာန်အောင်မြို့နယ် ဘူးရေမျက်ရွာအနီးက ချောင်းထဲမှာ ဘင်္ဂလားဒေ့ခ်ျကို တင်ပို့ဖို့ စက်လှေ တစီးပေါ်မှာ တင် ထား စဉ် အဲဒီဗိုလ်မှူးနဲ့ အဖွဲ့က သတင်းအရ ကျောက်ဖြူ ရေတပ်စခန်းကနေ လိုက်လာပြီး ဖမ်းဆီးသွားပါတယ်။ စုစုပေါင်း နွားက ၁၂၀ ဖြစ်ပါတယ်။"
အဆိုပါ နွားများကို ဘင်္ဂလာဒေခ်ျ့ တင်ပို့ရန် မာန်အောင်မြို့နယ်၊ မျှော်တော်ဦး ကျေးရွာတွင် စခန်းချနေသော အမှတ် (၁၈) ဓည၀တီ ရေတပ်စခန်းမှ ဗိုလ်မှူးအား လမ်းကြောင်း ကင်းရှင်းရေး အတွက် နွားမှောင်ခို တင်ပို့သူများက ငွေကျပ် သိန်း (၁၀၀) ပေးထားကြောင်း သိရသည်။
" အဲသလို ပေးထားပေမယ့် သူတို့အချင်းချင်း ဝေစု မတည့်ကြဘူးလို့ သိရပါတယ်။ ဒါကြောင့် ကျောက်ဖြူခရိုင် အဆင့် ရေတပ် က ဗိုလ်မှူး တစ်ဦးက လိုက်လာပြီး ဖမ်းတာ ဖြစ်ပါတယ်။ အရင်ကလည်း ရေတပ်ကို ပိုက်ဆံပေးပြီး သွားလာနေကြတာပါ။ တခါမှ ခုလို ပိုက်ဆံပေးပြီး ဖမ်းခံ ရတာမျိုးတော့ မရှိပါဘူး" ဟု သူက ပြောသည်။
စက်လှေပိုင်ရှင် ဦးတင်ရွှေနှင့်အဖွဲ့မှ နွားများကို မဖမ်းရန် ကျောက်ဖြူခရိုင် ရေတပ် ဗိုလ်မှူးအား သိန်း (၄၀၀) ကျပ် ပေးသော် လည်း လက်မခံဘဲ နွားများကို ဖမ်းဆီး ယူဆောင်သွားခဲ့သည်ဟု သိရသည်။
ရခိုင်ပြည်နယ် ရမ်းဗြဲ၊ မာန်အောင်နှင့် ကျောက်ဖြူဒေသတွင် နွားများကို စီးပွားဖြစ် မွေးမြူ ကြသော်လည်း ရောင်းချမည့် ပြည်တွင်း ဈေးကွက် မရှိသဖြင့် ဒေသခံများသည် နွားများကို ပွဲစား မှောင်ခို သမားများမှ တဆင့် ဘင်္ဂလာဒေခ်ျ့သို့ တင်ပို့ ရောင်းချကြရသည်။
ထိုသို့ တင်ပို့ ရောင်းချရာတွင် လမ်းကြောင်း တလျှောက်ရှိ ရေတပ်၊ စစ်တပ်နှင့် ဒေသဆိုင်ရာ ရဲများကို ဆက်ကြေးပေးပြီး သွား လာကြရသည်။
ရခိုင်ပြည်နယ်တွင် အစိုးရသစ် တက်လာပြီ ဖြစ်သော်လည်း လက်နက်ကိုင် အဖွဲ့များမှာ နယ်ဒေသများတွင် ယခင်ကလို မင်းမူ နေဆဲ ဖြစ်ပြီး တရားမ၀င် ဖမ်းဆီးရမိသော ပစ္စည်းများကို တရားဥပဒေနှင့် အညီ ရုံးတင် တရားစွဲဆိုခြင်း မရှိဘဲ မိမိပိုင် အဖြစ် သိမ်းပိုက် ယူငင် နေကြဆဲ ဖြစ်ကြောင်း သိရသည်။
စီးပွားရေး လုပ်ငန်းများကိုလည်း စစ်တပ်က ချုပ်ကိုင်ထားဆဲ ဖြစ်ပြီး ဒေသခံများမှာ စီးပွားရေး သမားများမှာ လွတ်လွတ်လပ်လပ် လုပ်ကိုင်ခွင့်မရရှိဘဲ စစ်အာဏာပိုင်များနှင့် ပူးပေါင်း လုပ်ဆောင်နေကြရသည်။ သို့သော်လည်း အာဏာပိုင်များ အကြား အချင်း ချင်း ပါဝါပြသည့် အခါ ဒေသခံ စီးပွားရေးသမားများ ယခုလို နစ်နာပြီး ဒုက္ခ ရောက်ကြရသည်ဟု သိရသည်။
Ref: နိရဉ္စရာ
Read More...
Collapse...
ရန်ပိုင်
18 August 2011
ရခိုင်ကမ်းလွန်မှ တရုတ်နိုင်ငံသို့ သွယ်တန်းမည့် ရေနံနှင့် သဘာဝဓာတ်ငွေ့ ပိုက်လိုင်း စီမံကိန်းကို ရှမ်းပြည်မြောက်ပိုင်းတွင် တရုတ် အမျိုးသားရေနံကော်ပိုရေးရှင်း (CNPC) က လုပ်ငန်း စတင် အကောင်အထည်ဖော်နေပြီ ဖြစ်သည်။
အဆိုပါ စီမံကိန်းသည် ရှမ်းပြည်မြောက်ပိုင်းရှိ ကျောက်မဲ၊ သီပေါ၊ ကွတ်ခိုင်၊ ပန်ဆိုင်း စသည့် ဒေသများကို ဖြတ်သန်းသွားမည် ဖြစ်ပြီး ယခုအခါ ကျောက်မဲမြို့နယ်တွင် ပိုက်လိုင်းဖြတ်သန်းမည့်နေရာများ၌ ရှိနေသည့် ဥယျာဉ်ခြံမြေများအတွက် CNPC က လျော်ကြေးများ စတင်ပေးနေကြောင်း ကျောက်မဲမြို့ခံတဦးက ပြောသည်။
“ပိုက်လုံးတွေပုံဖို့ မြေငှားချင်တယ် လာပြောတယ်။ အဆောက်အဦးပါ ဆောက်မယ်။ သူတို့ပြန်ရင် အဆောက်အဦးကို ကိုယ်ပိုင် မှာပေါ့” ဟု ၄င်းမြို့ခံက ဆိုသည်။
အဆောက်အဦး ဆောက်လုပ်ခြင်းနှင့် ပိုက်လုံးများ စုပုံရန် နေရာအဖြစ် မြေ ၇ ဧကအတွက် ငှားခ ၁ လလျှင် ၁၆၁ သိန်းပေး ကြောင်း၊ CNPC မှ တာဝန်ရှိသူများက ဒေသတွင်းဖွံ့ဖြိုးရေးအတွက် တည်ဆောက်ရေး လုပ်ငန်းများ လုပ်ကိုင်ပေးမည်ဟု ဆို ကြောင်း အဆိုပါဒေသခံက ဆက်ပြောသည်။
ယခု စီမံကိန်းတွင် ရေနံပိုက်လိုင်း၊ သဘာဝဓာတ်ငွေ့ပိုက်လိုင်းနှင့် မီးရထားလမ်းအပြင် ကားလမ်းပါ ပါရှိမည်ဟု သိရသည်။
အဆိုပါ စီမံကိန်းအရ ပိုက်လိုင်းသည် ရခိုင်ပြည်နယ် ရမ်းဗြဲကျွန်းတွင် စတင်ကာ အမ်းမြို့နယ်အတွင်းမှနေ၍ ရခိုင်ရိုးမကို ဖြတ်ကျော်မည်ဖြစ်ပြီး မကွေးတိုင်း ပွင့်ဖြူမြို့နယ်အတွင်းမှ ဧရာဝတီမြစ်ကို ဖြတ်သန်းကာ ရေနံချောင်းမြို့နယ်အတွင်း ၀င် ရောက်မည်ဖြစ်သည်။
ထိုမှတဆင့် မန္တလေးတိုင်း ကျောက်ပန်းတောင်းမြို့နယ်၊ ထိုမှတဆင့် ပုသိမ်ကြီးမြို့နယ်မှ မေမြို့သို့လည်းကောင်း၊ ရှမ်းပြည်နယ် သီပေါ၊ ကျောက်မဲ၊ လားရှိုးဒေသမှ တရုတ်နိုင်ငံ ယူနန်ပြည်နယ် ကူမင်းမြို့နှင့် ကွမ်ကျိုးပြည်နယ် ချုံကင်းမြို့အထိ ဖောက်လုပ် မည်ဖြစ်သည်။
မကွေးတိုင်း ရေနံချောင်းမြို့နယ်အတွင်းရှိ ၀က်မစွတ်၊ ညောင်ညို၊ ရေနက်ချောင်း၊ အုတ်သျှစ်ကုန်း၊ ငါးလံတာ၊ ရှားတော စသည့် ကျေးရွာများ၌ ပိုက်လိုင်းများချကာ လုပ်ငန်းများလုပ်ဆောင်နေပြီး သီးနှံပျက်စီးမှုများနှင့် ထွန်ယက်စိုက်ပျိုးမှုများ ခေတ္တ ရပ်ဆိုင်း ထားရသည့် တောင်သူများကို CNPC က သီးနှံထွက်ရှိမှုအပေါ် မူတည်၍ ထိုက်တန်သည့် လျော်ကြေးပေးကြောင်း ရေနံချောင်း ဒေသခံတဦးက ပြောသည်။
ပိုက်လိုင်းသည် စုစုပေါင်း ၂၈၀၆ ကီလိုမီတာ ရှည်လျားမည်ဖြစ်ပြီး ဖြတ်သန်းမည့် ဒေသတလျှောက် ဒေသဖွံ့ဖြိုးရေး လုပ်ငန်းများ လုပ်ကိုင်နိုင်ရန် CNPC က အမေရိကန် ဒေါ်လာ ၆ သန်း မြန်မာအစိုးရကို ပေးအပ်ထားသည်။
သို့သော် ရခိုင်ပြည်နယ်တွင်မူ အလုပ်အကိုင်များနှင့် ပတ်သက်၍ ခေါင်းပုံဖြတ်မှုများ၊ အဓမ္မ လယ်မြေသိမ်းဆည်းခံရမှုများ၊ လူအခွင့်အရေး ချိုးဖောက်ခံရခြင်းများ ဖြစ်ပေါ်နေသည်ဟု ရွှေ သဘာဝဓာတ်ငွေ့ လှုပ်ရှားမှုအဖွဲ့မှ ပြောခွင့်ရပုဂ္ဂိုလ် ကိုဝင်း အောင်က ပြောသည်။
Ref: ဧရာဝတီ
Read More...
Collapse...
18 August 2011
နယ်စပ်ဒေသ မြို့များတွင် စက်မှုဇုန်များ တည်ထောင် သွားမည်ဖြစ်ကြောင်း အမှတ်(၂) စက်မှုဝန်ကြီးဌာန ၀န်ကြီး ဦးသိန်းစိုးက အင်္ဂါနေ့တွင် ပြောကြားလိုက်သည်။
လုပ်သားအင်အား အများအပြား အသုံးပြုရသော လုပ်ငန်းများကို အဓိက တည်ထောင်သွားမည်ဖြစ်ပြီး ကရင်ပြည်နယ်မြို့များ တွင် အစပြုမည်ဟု ၀န်ကြီးက ပြောကြားသည်။
“ဘားအံ နဲ့ လှိုင်းဘွဲ့ ကြားက စက်မှုဇုန်ကို စလုပ်မယ်။ ပြီးရင် မွန်ပြည်နယ်တို့၊ ရခိုင်ပြည်နယ်တို့မှာ ဆက်လုပ်ဖို့ စီစဉ်မယ်” ဟု နေပြည်တော်တွင် ကျင်းပသည့် စက်မှုလုပ်ငန်းများ ဖွံ့ဖြိုး တိုးတက်ရေး ကော်မတီ၏ အစည်းအဝေးအတွင်း ၀န်ကြီးက ရှင်းပြ သည်။
စက်မှုဇုန်တည်ဆောက်ရေးသည် သမ္မတဦးသိန်းစိန်၏ ဆင်းရဲမှု လျှော့ချရေး အစီအစဉ်များထဲမှ တခု ဖြစ်သည်ဟု ဆိုသည်။
“ဒီကနေ့ မနက်က သမ္မတကြီးနဲ့ တွေ့တော့ အဲဒီ စက်မှုဇုန်ကိစ္စ တင်ပြတာ ခွင့်ပြုချက် ရခဲ့ပါတယ်။ ” ဟု ၀န်ကြီးက ပြောသည်။
စက်မှုဇုန်တခုတွင် ပါဝင်မည့် စက်ရုံ အရေအတွက်၊ အမျိုးအစား၊ အကျယ်အ၀န်း၊ တည်ဆောက်မည့်ဇုန်နေရာရှိ ဒေသခံများကို ဖယ်ရှားရေးတို့နှင့် ပတ်သက်ပြီး အသေးစိတ် ပြောဆိုခြင်း မရှိပေ။
တည်ဆောက်မည့် နယ်စပ် စက်မှုဇုန်များသည် ဒေသအနီး ၀န်းကျင်မှ လူများ အလုပ်အကိုင် ရရှိစေရန်၊ ပြည်ပနိုင်ငံများသို့ သွားရောက် အလုပ် လုပ်ကိုင်ခြင်း လျော့နည်းစေရန် တို့ကို ရည်ရွယ်သည်ဟုလည်း ၀န်ကြီးက ဆိုသည်။
အစည်းအဝေးတက်ရောက်သူ လုပ်ငန်းရှင်တဦးက “ဌာနဆိုင်ရာက ဘယ်လို ပံ့ပိုးပေးမလဲ ဆိုတာ စောင့်ကြည့်ပြီး ရင်းနှီးမြှုပ်နှံမှု လုပ်သွားမယ်” ဟု ပြောသည်။
လုပ်သားများစွာ အသုံးပြုမည့် လုပ်ငန်းများဟု ဆိုသဖြင့် အထည်ချုပ် စက်ရုံ၊ အီလက်ထရွန်နစ် ပစ္စည်း တပ်ဆင်သည့်စက်ရုံတို့ အများစု ပါဝင်ဖွယ် ရှိကြောင်း စက်မှုလုပ်ငန်းရှင်များက သုံးသပ်နေကြသည်။
ထိုင်းမြန်မာနယ်စပ် တနင်္သာရီတိုင်းအတွင်း တည်ဆောက်နေသည့် ထားဝယ် ရေနက်ဆိပ်ကမ်း စီမံကိန်းတွင်လည်း စက်မှုဇုန် များပါဝင်သည်ဟု သိရသည်။
Ref: ဧရာဝတီ
Read More...
Collapse...
17 August 2011
ကာကွယ်ရေး ဦးစီးချုပ်(လေ) ဒုတိယဗိုလ်ချုပ်ကြီး မြတ်ဟိန်း(လေချုပ်)ဟာ လေတပ်စခန်းများသို့ လွန်ခဲ့တဲ့ နှစ်ပတ်က လှည့်လည် စစ်ဆေးခဲ့ကြောင်း လေတပ်အသိုင်းအဝိုင်းက စည်းလုံးခြင်းရဲ့ အင်အားဝက်ဘ်ဆိုဒ်သို့ သတင်းပေးပို့လာပါတယ်။
လေချုပ်အနေဖြင့် ယခင်ကကဲ့သို့ တင်ပြချက် Power Point ဖြင့် ပြသောနေရာများကိုသာ ကြည့်ခြင်းမျိုး မလုပ်တော့ဘဲ ၎င်းစိတ်ကူးတည့်ရာ ပျံသန်းရေးအုပ်များ၊ ရိပ်သာများနှင့် လိုင်းခန်းများ၊ တပ်အဆောက်အဦးများ အထိ လိုက်လံကြည့်ရှု ခဲ့တယ်လို့ သိရှိရပါတယ်။ လေချုပ်ဟာ အရာရှိ စစ်သည်များထံမှ အသေးစိတ် အချက်အလက်များကို မေးမြန်းရာမှာ ယခင် ကတည်းက ရှိနေခဲ့သော အဆင်မပြေမှုများ ပေါ်ထွက်လာလို့ “အခုမှ ဘာလို့ တင်ပြရလဲ” ဆိုသော အပြစ်တင်မှုကို အုပ်မှူး/ တပ်မှူး အများစု ခံကြရကြောင်း သိရှိရပါတယ်။ အုပ်မှူး/ တပ်မှူးများအနေဖြင့် အဖြစ်မှန်များ အားလုံးကို မတင်ပြသော်လည်း သိနေလျက်နှင့် မတင်ပြလို့ လေချုပ်က သူမသိဟုဆိုသောစကားမှာ ၀ိနည်းလွတ် ရှောင်လွဲနည်းသုံးနေတာဖြစ်ကြောင်း အုပ်မှူး/ တပ်မှူး များမှ ယူဆနေကြပါတယ်။
တပ်စခန်းတစ်ခုလုံးမှ အရာရှိ/စစ်သည် အားလုံးကို ယခင်ကကဲ့သို့ စုပေါင်း သြ၀ါဒပေးခြင်းမျိုး မလုပ်တော့ဘဲ တွေ့လိုသူများ အားတွေ့ကာ သိလိုသည်များသာ မေးမြန်းသွားခဲ့ကြောင်း သိရှိရပါတယ်။ လေချုပ်လှည့်လည်ရတဲ့အကြောင်းရင်းမှာ လေတပ်မှ သတင်းဆောင်းပါးများ စည်းလုံးခြင်းရဲ့အင်အား ဝက်ဘ်ဆိုဒ်ပေါ်တွင် ပါရှိနေပြီး တပ်မတော်ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က စည်းလုံးခြင်းရဲ့အင်အား ဝက်ဘ်ဆိုဒ်ရှိ ဆောင်းပါးများမှ အချက်အလက်များနှင့် ပတ်သက်၍ တစ်ခုချင်း ဖြေရှင်းခိုင်းနေကြောင်း သိရှိရပါတယ်။ ၄င်းသတင်းနှင့်ဆောင်းပါးများရဲ့ အရင်းမြစ်များကို လေတပ်အတွင်းမှ ရာထူး အဆင့်မတိုးသူများ၊ ချောင်ထိုးခံရသူများ၊ တပ်မတော်တွင်နေရန် ဆန္ဒမရှိသူများ၊ မြန်မာ့စစ်တပ်၏ မူဝါဒများကို မကြိုက် မနှစ် သက် သူများထံမှ ရရှိနေတယ်လုိ့ လေချုပ်မှသုံးသပ်ကာ ယခုလို စစ်ဆေးတဲ့ အစီအမံများ ပေါ်ထွက်လာခြင်း ဖြစ်ပါတယ်။ လောလောဆယ် အခြေအနေတွင် သတင်းနှင့်ဆောင်းပါးများပါ အချက်အလက်များကို သိသာစွာ ပြောင်းလဲပြင်ဆင်မှုများ ဆောင် ရွက်ပေးခြင်း မရှိသော်လည်း မှန်ကန်မှု ရှိမရှိ စစ်ဆေးခဲ့ခြင်းဖြစ်ရာ အများစုအနေဖြင့် အထက်ပါ တွေ့ဆုံမှုများအရ မှန်ကန် နေကြောင်း တွေ့ရှိရပါတယ်။ တပြိုင်တည်းလိုပင် လေချုပ်ရဲ့ မျက်နှာမှာ “ဒီအကြောင်းတွေ ဘယ်ကောင်တွေ ဖွနေတာ လဲ”ဟု မပြောရုံတမယ် ပေါ်လွင်နေပြီး သတင်းများ ပေါက်ကြားမှုကို ကက(လေ) မှ စုံစမ်းလျက်ရှိကြောင်း သိရှိရပါတယ်။ လေတပ် မှ အရာရှိများအနေဖြင့် ဖိုးတရုတ်မှ ဆောင်းပါးများအား Download လုပ်ကာ Print ထုတ်၍ နီးစပ်ရာ ဝေငှဖတ်ရှုပြီး အကြီးအကဲများအနေဖြင့် မည်သို့သော ပြင်ဆင်ဆောင်ရွက်မှုများ ဆောင်ရွက်မည်ကို စောင့်ကြည့်နေကြကြောင်း သတင်းပေးပို့ လာပါတယ်။
Ref: ဖိုးတရုတ်
Read More...
Collapse...
ကျော်ခ
သြဂုတ်လ ၁၈ ရက် ၂၀၁၁ ခုနှစ်
မြန်မာ အစိုးရသစ်က တရားမဝင်ဟု ဆိုနေသည့် အမျိုးသား ဒီမိုကရေစီ အဖွဲ့ချုပ် NLD က ပါတီ ရပ်တည်ရေးနှင့် ပါတီအပေါ် လူ့အခွင့်အရေး ချိုးဖောက်ခံရမှုများကို ကမ္ဘာ့ ကုလသမဂ္ဂ လူ့အခွင့်အရေး ကောင်စီထံ တိုင်တန်းရန် ပြင်ဆင်နေမှုများ ကြန့်ကြာ နေသည်။
မူလက သြဂုတ်လ ပထမပတ်ထဲတွင် တိုင်တန်းရန် ပြင်ဆင်ထားသော်လည်း စစ်အစိုးရလက်ထက် နှစ်ပေါင်း ၂ဝ ကျော် NLD ဖြတ်သန်း လာရသည့် အခြေအနေများကို အသေးစိတ် ပြုစုနေသဖြင့် ခန့်မှန်းသည်ထက် ပိုကြာ နေရခြင်း ဖြစ်ကြောင်း ၁၉၉ဝ ပြည့်နှစ် ရွေးကောက်ပွဲ အနိုင်ရသော်လည်း အာဏာ လွှဲပြောင်းပေးအပ်ခြင်း မခံရ သည့် NLD ပါတီ၏ ဥပဒေ ရေးရာ အကြံပေး တဦးဖြစ်သည့် ဦးဉာဏ်ဝင်း က ပြောသည်။
“နှစ် ၂ဝ ကျော် ကျနော်တို့ ပါတီအပေါ်မှာ ဖိနှိပ်ခဲ့တဲ့ဟာတွေကို စေ့စေ့စပ်စပ် အကုန်ရေးနေရတာကြောင့် ကြာနေတာပါ” ဟု ဦးဉာဏ်ဝင်း က မဇ္ဈိမကိုပြောသည်။
တိုင်တန်းမှု မလုပ်ဖြစ်ခြင်းသည် NLD အထွေထွေ အတွင်းရေးမှူး ဒေါ်အောင်ဆန်းစုကြည်နှင့် အစိုးရတို့အကြား တွေ့ဆုံဆွေးနွေး မှုများနှင့် မသက်ဆိုင်ကြောင်း ၎င်းက တဆက်တည်း ငြင်းဆိုသွားသည်။
ယခင် နအဖ စစ်အစိုးရ လက်ထက်နှင့် အစိုးရသစ် ပေါ်ပေါက်လာသည့် ကာလအတွင်း ပါတီရပ်တည်ခွင့် ရရန် တရားဝင် ဥပဒေ လမ်းကြောင်းမှ အကြိမ်ကြိမ် ကြိုးစားခဲ့မှုများကို ပယ်ချခံခဲ့ရသဖြင့် ပါတီ အထွေထွေ အတွင်းရေးမှူး ဒေါ်အောင်ဆန်းစုကြည်နှင့် ပါတီ၏ ဥပဒေရေးရာ အကြံပေး ပုဂ္ဂိုလ်များ ဖြစ်သည့် ရှေ့နေကြီး ဦးကြည်ဝင်းနှင့် ဦးဉာဏ်ဝင်း တို့ ဆွေးနွေးခဲ့ကြပြီး လူ့အခွင့် အရေး ကောင်စီထံ တိုင်ကြားရင် ပြင်ဆင်နေကြခြင်း
ဖြစ်သည်။
တိုင်တန်းရန် အချက်များကို ဥပဒေ အကြောင်းအရ စိစစ်မှုများ ပြုလုပ်နေလျက်ရှိပြီး မကြာမီ တိုင်တန်းနိုင်တော့မှာ ဖြစ်သည် ဟု ဆိုသည်။ ထို့အပြင် ရက်ပိုင်းအတွင်း မြန်မာနိုင်ငံသို့ ရောက်ရှိလာမည့် ကုလသမဂ္ဂ၏ မြန်မာနိုင်ငံ လူ့အခွင့်အရေးဆိုင်ရာ အထူး ကိုယ်စားလှယ် မစ္စတာကင်တားနား နှင့်တွေ့ဆုံသည့်အခါတွင်လည်း ယင်းကိစ္စကို ဆွေးနွေးသွားမည်ဟုလည်း ဦးဉာဏ်ဝင်း က ပြောသည်။
အမျိုးသား ဒီမိုကရေစီအဖွဲ့ချုပ်-NLD ပါတီက စစ်ဗိုလ်ချုပ်များ စိတ်ကြိုက် ရေးဆွဲခဲ့သည်ဟု ဆိုကြသည့် ၂ဝဝ၈ အခြေခံ ဥပဒေ နှင့် ၂ဝ၁ဝ ရွေးကောက်ပွဲ ဥပဒေများကို မျှတမှု မရှိဟု ဆိုကာ ၂ဝ၁ဝ ရွေးကောက်ပွဲကို ဝင်ရောက် ယှဉ်ပြိုင်ခြင်း မပြုဘဲ နေခဲ့ သည်။
ပါတီမှတ်ပုံခြင်း မပြုသဖြင့် ပါတီ၏ တရားဝင်မှု ပျက်ပြယ်ကြောင်း ပြည်ထောင်စု ရွေးကောက်ပွဲ ကော်မရှင်က ၂ဝ၁ဝ ခုနှစ် စက်တင်ဘာလ ၁၄ ရက် နေ့တွင် ကြေညာခဲ့သည်။
ယင်းသို့ ကြေညာအပြီး ပါတီခေါင်းဆောင် ဒေါ်အောင်ဆန်းစုကြည်က ဆက်လက်၍ တရားဝင် ရပ်တည်ရှိခွင့် ရှိကြောင်း အယူခံ တင်သွင်းမှုများ ကိုယ်တိုင် လက်မှတ်ရေးထိုးကာ တရားရုံးမှ အဆင့်ဆင့် လျှောက်ထားခဲ့ သော်လည်း ပယ်ချခံခဲ့ရသည်။ ထို့ကြောင့် ယခုကဲ့သို့ ကုလသမဂ္ဂ လူ့အခွင့်အရေး ကောင်စီအား တင်ပြရခြင်း ဖြစ်လာခဲ့သည်။
အပြည်ပြည်ဆိုင်ရာ လူအခွင့်အရေး ဥပဒေများနှင့် အညီ တိုင်တန်းသွားမှာဖြစ်ပြီး ကုလသမဂ္ဂ၏ အခွင့်အာဏာဖြင့် ကြားဝင် ဖြေရှင်းပေးမည်ကို မမျှော်လင့်ပဲ အမှန်တရားကို ဖေါ်ထုတ်နိုင်ရန်သာ ကြိုးစားနေခြင်း ဖြစ်ကြောင်း ဦးဉာဏ်ဝင်းက ပြောသည်။
“ကျနော်တို့ တရားဥပဒေအရ ဘယ်လောက်မှန်တယ်။ လူ့အခွင့်အရေးကြေညာစာတမ်းနဲ့ ကိုက်ညှိပြီးတော့ ဆုံးဖြတ်တာမျိုး ကျနော်တို့ မျှော်လင့်တာပေါ့။ အခွင့်အာဏာဆိုတာကတော့ နိုင်ငံတကာ ဥပဒေအတိုင်းပါပဲ။ မှားတယ်မှန်တယ် အကျိုး အကြောင်း နဲ့ ပြောမယ်။ Enforce လုပ်ဖို့ကတော့ ကုလသမဂ္ဂရော ဘယ်မှာမှ အာဏာမရှိပါဘူး။ ကျနော်တို့ကအမှန်ကို ဖေါ်ထုတ် ဖို့ အဓိကကြိုးစားနေတာပါ” ဟု ဦးဉာဏ်ဝင်းက ပြောသည်။
၁၉၈၈ စစ်တပ်မှ အာဏာသိမ်းပြီး ၁၉၉ဝတွင် ပါတီစုံ အထွေထွေ ရွေးကောက်ပွဲ ကျင်းပပေးခဲ့ရာတွင် NLD ပါတီမှ ပြတ်ပြတ် သားသား အနိုင်ရရှိခဲ့သည်။ သို့သော် ထိုစဉ်က စစ်အစိုးရက အာဏာလွှဲပြောင်း မပေးပဲ စစ်အစိုးရနှင့် NLD နိုင်ငံရေးအရ ထိပ်တိုက်တွေ့ခဲ့ရာ NLD ပါတီဝင်များနှင့် ထောက်ခံလှုပ်ရှားသူများ အဖမ်းခံခဲ့ကြရသည်။
ယင်းကာလ မှ ယနေ့ အစိုးရသစ် ပေါ်ထွန်းချိန်အထိ မြန်မာနိုင်ငံ အတွင်းရှိ အကျဉ်းထောင်များထဲတွင် နိုင်ငံရေးအကျဉ်းသား ပေါင်း ၂ဝဝဝ ကျော်ရှိပြီး ထိုအထဲတွင် NLD အဖွဲ့ဝင် ၆ဝဝ ကျော်ပါဝင်ကြောင်း ဦးဉာဏ်ဝင်းကပြောသည်။
Ref: မဇ္ဈိမ
Read More...
Collapse...
17 သြဂုတ် 2011
အကြောင်းအမျိုးမျိုးနဲ့ နိုင်ငံခြား ရောက်နေတဲ့ မြန်မာနိုင်ငံသားတွေ နိုင်ငံက ထွက်ခွာမသွားမီမှာ ပြစ်မှု မကျူးလွန်ခဲ့ဘူးဆိုရင် မြန်မာနိုင်ငံကို အချိန်မရွေး ပြန်လာနိုင်ဖို့ စဉ်းစားပေးမယ်လို့ သမ္မတ ဦးသိန်းစိန်ကပြောပါတယ်။ တကယ်လို့ အပြစ်ကျူးလွန်ခဲ့ သူတွေ ရှိရင်လည်း ထိုက်သင့်တဲ့ပြစ်ဒဏ် ခံယူဖို့ ပြန်လာမယ်ဆိုရင် သဘောထားကြီးကြီးနဲ့ စဉ်းစားပေးမှာ ဖြစ်တယ်လို့ သမ္မတ က ဆိုပါတယ်။
မြန်မာနိုင်ငံက ဖြစ်ပေါ်တိုးတက်မှုတွေဟာ စိတ်အားတက်စရာတွေ ဖြစ်ပေမဲ့ လက်တွေ့လုပ်ရပ်တွေနဲ့သာ ဆုံးဖြတ်မှာဖြစ်ကြောင်း အမေရိကန် နိုင်ငံခြားရေး ၀န်ကြီးဌာန ပြောရေးဆိုခွင့်ရှိသူ ဗစ်တိုးရီးယား နူလန်းဒ် (Victoria Nuland) က သြဂုတ်လ ၁၇ ရက်၊ နိုင်ငံခြားရေး ၀န်ကြီးဌာန ပုံမှန်လုပ်နေကျ သတင်းစာ ရှင်းလင်းပွဲမှာ ပြောကြားသွားပါတယ်။
“ဒေါ်အောင်ဆန်းစုကြည် ခရီးသွားနိုင်၊ စကားပြောနိုင်ပြီး အစိုးရနဲ့ တွေ့ဆုံ ဆွေးနွေးနေတာတွေအတွက် ကျမတို့ စိတ်အားတက် စရာ ဖြစ်ပါတယ်။ ဒီလို ဆောင်ရွက်ချက်တွေ ကျမတို့ ဆက်မြင်ချင်ပါတယ်။ ဒါပေမဲ့ ဒီမိုကရေစီ အခွင့်အလမ်းတွေ ပွင့်လာအောင် လုပ်တဲ့ လုပ်ရပ်တွေနဲ့ပဲ အစိုးရအသစ်အပေါ် ကျမတို့က ဆုံးဖြတ်မှာပါ။”
သမ္မတ ဦးသိန်းစိန်က ပြည်တွင်း စီးပွားရေးနဲ့ လူမှုရေးနယ်ပယ် အသီးသီးက တာဝန်ရှိသူတွေနဲ့ တွေ့ဆုံရာမှာ ပြည်ပရောက် မြန်မာနိုင်ငံသားတွေ ပြန်လာနိုင်မယ့် ကိစ္စကိုလည်း ထည့်သွင်း ပြောကြားသွားခဲ့တာ ဖြစ်တယ်လို့ ဒီတွေ့ဆုံပွဲကို ကိုယ်တိုင် တက်ရောက်ခဲ့တဲ့ မြန်မာ့ခရီးသွားလုပ်ငန်း ဘုတ်အဖွဲ့ ဥက္ကဋ္ဌလည်းဖြစ်၊ လွှတ်တော်ကိုယ်စားလှယ် တဦးလည်းဖြစ်တဲ့ ဦးခင်ရွှေက ဗွီအိုအေကို ပြောပါတယ်။
နေပြည်တော်မှာရှိတဲ့ မြန်မာကွန်ဗင်းရှင်းစင်တာမှာ ဗုဒ္ဓဟူးနေ့ နေ့လယ် ၂ နာရီ အချိန်က သမ္မတက အခုလို တွေ့ဆုံခဲ့တာပါ။ မြန်မာနိုင်ငံကို ပြန်လာဖို့အတွက် နိုင်ငံခြားရောက် မြန်မာနိုင်ငံသားတွေဟာ မြန်မာနိုင်ငံမှာ နောက်ဆုံး နေထိုင်စဉ်က ကိုယ် နေထိုင် ခဲ့တဲ့ မြို့နယ်ရှိရာ တိုင်းဒေသကြီးနဲ့ ပြည်နယ်အစိုးရတွေကို တိုက်ရိုက် ဆက်သွယ် ဆောင်ရွက်နိုင်တယ်လို့ The Voice Journal ရဲ့ Facebook အင်တာနက် စာမျက်နှာက သမ္မတကို ကိုးကားပြီး ပြောပါတယ်။
Ref: ဗွီအိုအေ
Read More...
Collapse...
17 သြဂုတ် 2011
အီသီယိုးပီးယား ဒုက္ခသည်စခန်း တခုမှာ ထိတ်လန့်စရာ ကောင်းလောက်တဲ့နှုန်းနဲ့ ဆိုမာလီ ဒုက္ခသည် ကလေးငယ်တွေ သေဆုံး နေကြတယ်လို့ ကုလသမဂ္ဂ ဒုက္ခသည်များ မဟာမင်းကြီးရုံးက ပြောပါတယ်။
အီသီယိုးပီးယား အရှေ့ပိုင်းက ကိုဘေ (Kobe) ဒုက္ခသည်စခန်းမှာ အသက် ၅ နှစ်အရွယ်အောက် ပျမ်းမျှ ကလေး ၁၀ ယောက် တနေ့တနေ့ သေနေကြတယ်လို့ အစီရင်ခံစာမှာ ဆိုပါတယ်။ အာဟာရ ချို့တဲ့တာက သေရတဲ့ အဓိက အကြောင်းရင်းဖြစ်ပြီး ၀က်သက်ရောဂါ ပျံ့နှံ့နေတာကလည်း ပြဿနာကို ပိုဆိုးသွားစေတယ်လို့ ပြောပါတယ်။
ဆိုမာလီတောင်ပိုင်း ဒေသ ၅ ခုကို ဒုဗ္ဘိကန္တရကပ် ဆိုက်နေတဲ့ ဒေသတွေအဖြစ် ကုလသမဂ္ဂက ကြေညာထားပါတယ်။ လာမယ့်လ ကုန်တာနဲ့ တောင်ပိုင်း တပိုင်းလုံး အငတ်ဘေး ဆိုက်သွားမယ်လို့လည်း ဟောကိန်းထုတ်ထားပါတယ်။
အရေးပေါ် ကယ်ဆယ်ရေး လုပ်ငန်းတွေကို မလုပ်ဘူးဆိုရင် ဆိုမာလီ ကလေး ၄၀၀,၀၀၀ အထိ အငတ်ဘေးနဲ့ သေနိုင်တယ်လို့ ဗြိတိန် နိုင်ငံတကာ ဖွံ့ဖြိုးတိုးတက်ရေးဌာန အတွင်းဝန် အန်ဒရူး မစ်ရှဲလ် (Andrew Mitchell) က ဆိုပါတယ်။ ဗြိတိန်က နောက် ထပ် ဒေါ်လာ ၄၁ သန်း အကူအညီ ပေးမယ်လို့ ကတိပေးလိုက်ပါတယ်။
Ref: ဗွီအိုအေ
Read More...
Collapse...
17 သြဂုတ် 2011
ဦးမိုးဇော်
ဒီကနေ့ နေပြည်တော်မှာ ကျင်းပခဲ့တဲ့ နိုင်ငံတော်သမ္မတ ဦးသိန်းစိန်နဲ့ စီးပွားရေး လုပ်ငန်းရှင်တွေ၊ လူမှုရေး အသင်းအဖွဲ့ ခေါင်း ဆောင်တွေ တွေ့ဆုံပွဲမှာ ဦးသိန်းစိန်က ၁၉၈၈ ခုနှစ်နောက်ပိုင်း အကြောင်းအမျိုးမျိုးကြောင့် ပြည်ပနိုင်ငံတွေကို ရောက်ရှိနေ ကြ တဲ့ မြန်မာနိုင်ငံသား အားလုံးကို တိုင်းပြည်ဖွံ့ဖြိုး တိုးတက်ရေးအတွက် နေရပ်ရင်း ပြန်လာပြီး အတူပူးပေါင်း လုပ်ဆောင်ကြဖို့ ဖိတ်ခေါ်လိုက်ပါတယ်။ ဒီတွေ့ဆုံပွဲမှာ အစိုးရသစ် တာဝန်ယူခဲ့တဲ့ ၄ လတာ ကာလအတွင်း စီးပွားရေး ဖွံ့ဖြိုးတိုးတက်မှုဆိုင်ရာ လုပ်ငန်းတွေနဲ့ ဆက်လက် ဆောင်ရွက်မယ့် လုပ်ငန်းတွေကိုလည်း ရှင်းလင်း ပြောဆိုခဲ့ပါတယ်။ အပြည့်အစုံကို ဗွီအိုအေ ထိုင်း အခြေစိုက် သတင်းထောက် ကိုမိုးဇော်က တင်ပြပေးထားပါတယ်။
ဒီကနေ့ နေပြည်တော်မှာ ကျင်းပခဲ့တဲ့ နိုင်ငံတော်သမ္မတ ဦးသိန်းစိန်နဲ့ စီးပွားရေး လုပ်ငန်းရှင်တွေ၊ လူမှုရေးအသင်းအဖွဲ့ ခေါင်း ဆောင်တွေနဲ့ တွေ့ဆုံပွဲကို မွန်းလွဲ ၂ နာရီလောက်က စတင်ခဲ့တာ ဖြစ်ပါတယ်။ ဒီတွေ့ဆုံပွဲမှာ ဦးသိန်းစိန်က သူတို့ အစိုးရသစ် လက်ထက်မှာ တိုင်းပြည်စီးပွားရေး တိုးတက်အောင် ဆောင်ရွက်ခဲ့တာတွေနဲ့ ဆက်လက် ဆောင်ရွက်မယ့် လုပ်ငန်းတွေကို မိနစ် ၂၀ လောက် ပြောဆိုခဲ့ပါတယ်။
ဒီပြောဆိုခဲ့တာတွေထဲမှာ ထူးခြားတာ တခုကတော့ အကြောင်းအမျိုးမျိုးကြောင့် ပြည်ပမှာ ရောက်ရှိနေသူတွေကို တိုင်းပြည် တိုးတက်ရေးအတွက် မြန်မာပြည်ကို ပြန်လာပြီး အတူပူးပေါင်း ဆောင်ရွက်ဖို့ ဖိတ်ခေါ်တဲ့ အချက်လည်း ပါဝင်တယ်လို့ ဒီ တွေ့ဆုံပွဲကို ကိုယ်တိုင် တက်ရောက်ခဲ့တဲ့ မြန်မာ့ခရီးသွားလုပ်ငန်း ဘုတ်အဖွဲ့ ဥက္ကဋ္ဌလည်းဖြစ်၊ လွှတ်တော်ကိုယ်စားလှယ် တဦးလည်းဖြစ်တဲ့ ဦးခင်ရွှေက အခုလို ပြောပါတယ်။
“အဓိကတော့ အပြင်ရောက်နေတဲ့ မြန်မာလူမျိုးတွေပေ့ါ၊ ပြည်တွင်းလာပြီး အလုပ်လာပြန်လုပ်ဖို့။ မြန်မာပြည်ရဲ့ စီးပွားရေးအရ တိုးတက်အောင် ဆောင်ရွက်တော့မယ်၊ အဲဒီကာလမှာ ပြည်ပရောက်နေတဲ့ ပုဂ္ဂိုလ်များလည်း ပြည်တွင်းပြန်လာပြီးတော့ မြန်မာ ပြည် တိုးတက်ရာ၊ တိုးတက်ကြောင်း ၀ိုင်းဝန်းကြပါ။ တကယ်လို့ အပြစ်များ ရှိခဲ့လို့ရှိရင်လည်း တော်ရုံတန်ရုံ အပြစ်တွေ ခွင့်လွှတ် ပေးမယ်ဆိုတာ အဲဒီတချက်ကတော့ ထူးခြားပါတယ်။”
ဒါ့အပြင် အခြား ကချင်လွတ်လပ်ရေးအဖွဲ့နဲ့ လက်ရှိ ဖြစ်ပွားနေတဲ့ ပဋိပက္ခတွေကိုလည်း ငြိမ်းချမ်းရေးရအောင် ဆောင်ရွက် သွား မယ်ဆိုတဲ့ အကြောင်းကိုလည်း ပြောကြားခဲ့တယ်လုိ့ ဦးခင်ရွှေက ပြောပါတယ်။
“KIA နဲ့ ဖြစ်တဲ့ကိစ္စမှာ ကချင်လူထုကို ကိုယ်စားမပြုဘူး။ အဲဒီကိစ္စကိုလည်း ငြိမ်းချမ်းရေးရအောင် ဆွေးနွေးမယ်ဆိုတဲ့ အကြောင်း လေးတွေ။”
ဒီတွေ့ဆုံပွဲကို တက်ရောက်ခဲ့တဲ့ ဟိုတယ်လုပ်ငန်းရှင်များ အသင်းရဲ့ အထွေထွေ အတွင်းရေးမှူး ဦးခင်အောင်ထွန်းကတော့ နိုင်ငံတော် သမ္မတ ဦးသိန်းစိန်က နိုင်ငံ ဖွံ့ဖြိုးတိုးတက်အောင် လက်ရှိ ကောက်ခံနေတဲ့ အခွန်အခတွေကို လျှော့ချပေးနေသလို ဆက်လက် လျှော့ချပေးသွားဖို့ ရှိကြောင်း ပြောဆိုသွားတယ်လို့ အခုလို ပြောပြပါတယ်။
“အဓိက Export Tax တွေနဲ့ ပတ်သက်လို့၊ Export Tax တွေ၊ အထည်ချုပ်နဲ့ ပတ်သက်တာ၊ ကောက်ပဲသီးနှံနဲ့ ပတ်သက်တာ၊ ခရီးသွားလုပ်ငန်းတွေနဲ့ ပတ်သက်တာတွေ၊ ပြည်တွင်းက စိုက်ပျိုးရေးနဲ့ ပတ်သက်လို့ Tax တွေ လျှော့ချပေးပြီး ဖြစ်တယ်လေ။ ပြီးတော့ မကြာခင်မှာ အထည်ချုပ်လုပ်ငန်းနဲ့ ပတ်သက်လို့လည်း သူတို့ Tax တွေကို လျှော့ချပေးဖို့ရှိတယ်။ နောက် တခြားဟာ တွေနဲ့ ပတ်သက်လို့ လျှော့ချပေးဖို့ရှိတယ်။ ပြီးတော့ ခရီးသွားလုပ်ငန်း အပါအ၀င် တခြားလုပ်ငန်းတွေမှာလည်း Tax တွေကို လျှော့ချပေးဖို့၊ ပြန်လည်သုံးသပ်ပေးဖို့ ဆက်လုပ်သွားမယ်လို့ ပြောတယ်။”
နိုင်ငံတော် သမ္မတ ဦးသိန်းစိန်က ဆင်းရဲမွဲတေမှု ပပျောက်ရေး၊ ပင်စင်လစာ တိုးပေးရေး၊ လက်ရှိ ရေဘေးဒဏ် ခံနေရတဲ့ ပဲခူး၊ ဧရာဝတီနဲ့ ကရင် ဒေသတွေက ပျက်စီးသွားတဲ့ လယ်ယာလုပ်ငန်း ပြန်လည်ထူထောင်ရေး၊ အရံဆန်စပါး ထားရှိရေး စတာတွေကို ဆောင်ရွက်နေတာနဲ့ ဒေါ်လာဈေး မတည်ငြိမ်မှုကြောင့် သွင်းကုန် ထုတ်ကုန်လုပ်ငန်းကို ထိခိုက်နေတဲ့အတွက် ငွေလဲနှုန်းကို ပြင် ဆင် သတ်မှတ်ဖို့ ဆောင်ရွက်နေတဲ့ အကြောင်းလည်း ထည့်သွင်း ပြောကြားခဲ့ပါတယ်။
ဒီတွေ့ဆုံပွဲမှာ စီးပွားရေး လုပ်ငန်းရှင်တွေနဲ့ လူမှုအသင်းအဖွဲ့ ခေါင်းဆောင်တွေ ၄၀၀ လောက် တက်ရောက်ခဲ့တာဖြစ်ပြီး သမ္မတ ဦးသိန်းစိန်က ရှင်းလင်း ပြောဆိုပြီးတဲ့အခါ တက်ရောက်လာသူ တချို့ကို နှုတ်ဆက်တာ၊ မေးမြန်းတာနဲ့ စကားပြောဆိုတာတွေ ရှိခဲ့ပေမဲ့ အပြန်အလှန် ဆွေးနွေးတာတော့ မရှိခဲ့ဘူးလို့ တက်ရောက်သူတွေက ပြောပါတယ်။
Ref: ဗွီအိုအေ
Read More...
Collapse...
17 သြဂုတ် 2011
ဦးသားညွန့်ဦး
၁၉၈၈ ခုနှစ်နောက်ပိုင်း အကြောင်းအမျိုးမျိုးကြောင့် ပြည်ပနိုင်ငံတွေကို ရောက်နေကြတဲ့ မြန်မာနိုင်ငံသား အားလုံးကို မြန်မာ နိုင်ငံကို ပြန်လာခွင့် ပြုလိုက်ပြီလို့ ဒီကနေ့ နေ့လယ်ပိုင်း နေပြည်တော်မှာလုပ်တဲ့ အစည်းအဝေး တခုမှာ သမ္မတ ဦးသိန်းစိန်က ကြေညာသွားပါတယ်။ ပြည်ပရောက် အတိုက်အခံ လှုပ်ရှားသူတွေကတော့ မြန်မာပြည် ပြန်ဖို့ဆိုရင် လွတ်လပ်တဲ့ နိုင်ငံရေး အခင်း အကျင်းနဲ့ လွတ်လပ်စွာ နိုင်ငံရေး လှုပ်ရှားခွင့်ရှိဖို့ လိုအပ်မယ်လို့ တုံ့ပြန်ကြပါတယ်။ ဒီပြောဆိုချက်ဟာ အမျိုးသား ရင်ကြား စေ့ရေး အတွက် ရည်ညွှန်းတယ် ဆိုရင်တော့ အကျဉ်းထောင်တွေ အတွင်းမှာရှိတဲ့ နိုင်ငံရေး အကျဉ်းသား အားလုံးကို အရင် ပြန်လွှတ်သင့်တယ်လို့လည်း ပြောပါတယ်။ အပြည့်အစုံကို ဆက်သွယ်မေးမြန်းထားတဲ့ ကိုသားညွန့်ဦးက တင်ပြပေးထား ပါတယ်။
သမ္မတ ဦးသိန်းစိန်ဟာ ပြည်တွင်း စီးပွားရေးနဲ့ လူမှုရေးနယ်ပယ် အသီးသီးက တာဝန်ရှိသူတွေနဲ့ ဒီကနေ့ နေပြည်တော်မှာ တွေ့ဆုံစဉ် အခုလို ပြောဆိုသွားတာ ဖြစ်ပါတယ်။ နိုင်ငံ့စီးပွား တိုးတက်ရေးအတွက် အကြောင်းအမျိုးမျိုးနဲ့ ပြည်ပရောက်နေတဲ့ မြန်မာနိုင်ငံသားတွေကို ပြန်လာခွင့် ပြုလိုက်ပြီး ပြစ်ဒဏ်ရှိသူတွေကို လျှော့ပေါ့ဖို့ စဉ်းစားပေးမယ်လို့ ပြောဆိုသွားတာပါ။ မြန်မာ နိုင်ငံ ဒီမိုကရေစီ အင်အားစု (FDB) ရဲ့ အတွင်းရေးမှူးချုပ် ဒေါက်တာ နိုင်အောင်ကတော့ ပြည်ပရောက် အတိုက်အခံ လှုပ်ရှားသူ တွေ မြန်မာပြည် ပြန်နိုင်ဖို့ဆိုရင် လွတ်လပ်တဲ့ နိုင်ငံရေးနောက်ခံ၊ နိုင်ငံရေး အခင်းအကျင်း ရှိဖို့လိုမယ်လို့ ပြောပါတယ်။
“အမျိုးသား ပြန်လည်သင့်မြတ်ရေး၊ မိသားစုတွေ အားလုံး အတူတူလုပ်ကြရေး ဆိုတဲ့ အနှစ်သာရ တကယ်များ ရှိတယ်ဆိုရင် တော့ ဒါက ကြိုဆိုရမယ့်ကိစ္စ၊ ကြိုဆိုသင့်တဲ့ကိစ္စ ဖြစ်ပါတယ်။ တဘက်မှာလည်း အဲဒီလိုစိတ်မျိုးရှိတယ် ဆိုတာကို သေသေချာချာ ထင်ထင်ရှားရှား ပြဖို့ လိုတာပေါ့။
“ဥပမာ ဒီလိုမိန့်ခွန်းမျိုးမှာတင် ပြောတာ မဟုတ်ဘဲနဲ့ အမိန့်ဒီဂရီလို ဟာမျိုးနဲ့ ထုတ်ပြန်ပေးသင့်တယ်လို့ ထင်ပါတယ်။ ဆိုလိုတာ က ဒီလိုလူမျိုးတွေ ပြန်လာသင့်တယ် ဘာညာဆိုတာ သေသေချာချာ အမိန့်ဒီဂရီလို ဟာမျိုးပေါ့၊ အဲဒီလိုမျိုး ထုတ်ပြန်ပြီး ပြော တယ် ဆိုရင်တော့ ပိုပြီးတော့ အချက်အလက် တိတိကျကျ ကျနော်တို့ သိနိုင်တာပေါ့။”
အခုလို ပြန်လာခွင့်ပြုမယ် ဆိုတဲ့ သဘောကြောင့် ပြည်ပရောက် အတိုက်အခံ အဖွဲ့အစည်းတွေ ကြားထဲမှာရော တစုံတရာ ရိုက်ခတ်မှု ရှိနိုင်လား။
“ကျနော်တို့ စပြီး ထွက်လာကတည်းက မြန်မာပြည် ဒီမိုကရေစီရေး ရဖို့၊ လူ့အခွင့်အရေးရဖို့၊ နိုင်ငံရေးတွေ လွတ်လွတ်လပ်လပ် လှုပ်ရှားခွင့် မရှိလို့၊ လှုပ်ရှားမှုတွေကို ဖိနှိပ်လို့ ဆိုပြီး ကျနော်တို့ ထွက်လာခဲ့ကြတာကိုး။ ဆိုတော့ ကျနော်တို့က စီးပွားရေးအရ လုပ်ကိုင်ရှာဖွေ စားသောက်ဖို့မှ မဟုတ်တာ။ အဲဒီတော့ ကျနော်တို့ ပြန်မယ်ဆိုရင်လည်း ကျနော်တို့ လိုချင်တဲ့ အခွင့်အရေးတွေ ရမရဆိုတဲ့ အပေါ်မှာ အဓိက မူတည်တာပေ့ါ။
“ကျနော်တို့ နိုင်ငံရေး လွတ်လွတ်လပ်လပ် လှုပ်ရှားခွင့် ရှိမလား၊ လွတ်လွတ်လပ်လပ် ပြောဆိုခွင့် ရှိမလား၊ ကျနော်တို့အပေါ်မှာ ဖိနှိပ် ထုတ်ပြန်ထားတဲ့ ဥပဒေတွေ၊ ၅(ည) လို ဥပဒေမျိုးတွေ၊ ပယ်ဖျက်ပေးတာမျိုးတွေ ရှိမလား။ အဲဒီလိုမျိုးတွေ ရှိမယ် ဆိုရင် တော့၊ ကျနော်တို့ နိုင်ငံရေးလုပ်ချင်လို့ ဒီဟာတွေ ပြောနေတာ၊ ဒီမိုကရေစီ လိုချင်လို့ ပြောနေတာပဲ။ အဲဒီလို အခွင့်အရေးတွေ ရှိတယ်ဆိုရင်တော့ ကျနော်တို့ ပြန်ပြီးလုပ်ရမယ်။ ကျနော်တို့ ဒီအလုပ် လုပ်နေတာလည်း ကျနော်တို့တိုင်းပြည်ကို ကောင်းစေချင် လို့၊ နောက် ကျနော်တို့လည်း တိုင်းပြည်ကို အဲဒီလို အခြေအနေမျိုးနဲ့ ပြန်စေချင်လို့ပဲ လုပ်နေတာပေ့ါ။
“ဆိုတော့ အဲဒီဟာမျိုးတွေ ရှင်းရှင်းလင်းလင်းဖြစ်တယ် ဆိုရင်တော့ သဘောထား ကွဲစရာ မရှိပါဘူး။ နိုင်ငံရေးအတွက်၊ တိုင်းပြည် အတွက် လုပ်ဖို့ ထွက်လာတဲ့လူတွေ တိုင်းပြည်မှာ ဒါမျိုး ပြန်လုပ်ခွင့်ရပြီ ဆိုရင် ကျနော်တို့ ဘာဖြစ်လို့ အပြင်မှာ လုပ်နေမလဲ။”
AAPP နိုင်ငံရေး အကျဉ်းသားများ ကူညီစောင့်ရှောက်ရေးအဖွဲ့ တွဲဖက် အတွင်းရေးမှူး ကိုဘိုကြည်ကတော့ အသွင်ကူးပြောင်း ရေး ကာလမှာ အထိန်းသိမ်း ခံထားရတဲ့ နိုင်ငံရေး အကျဉ်းသားတွေကို အရင်ဆုံး ပြန်လွှတ်ပေးသင့်တယ်လို့ ယူဆပါတယ်။ တဘက်မှာလည်း လက်ရှိ အစိုးရအပေါ်မှာ အများပြည်သူက နိုင်ငံရေးအရ အယုံအကြည် ရှိလာအောင် လက်တွေ့ ဆောင်ရွက် ပြမှုမျိုးတွေ လုပ်ဖို့ လိုအပ်သေးတယ်လို့ ပြောပါတယ်။
“ပြည်ပရောက်နေတဲ့သူတွေ ပြန်လာဖို့ ပြောတာထက်စာရင် ပြည်တွင်းမှာ ရှိနေတဲ့ ဥပမာ နိုင်ငံရေး အကျဉ်းသားတွေကို အရင် လွှတ်ပေးတာ ပိုပြီးတော့ လက်တွေ့ကျတယ်၊ ပိုသဘာဝကျတယ်လို့ ထင်ပါတယ်။ ဒီလူတွေရဲ့ ကိစ္စကို မဖြေရှင်းဘဲနဲ့ တခြားကိစ္စ တွေ လိုက်ဖြေရှင်းနေတာက သိပ်သဘာဝ မကျပါဘူး။ အသွင်ကူးပြောင်းရေးကာလ တခုမှာ နိုင်ငံရေး အကျဉ်းသား တွေ အရင် ဆုံး လွှတ်ဖို့ဆိုတာ အရေးကြီးပါတယ်။ ဒါကို အရင်လုပ်ဖို့ လိုအပ်ပါတယ်။ နောက်တခုက ကျနော်တို့ အခုရှိနေတဲ့ ဦးသိန်းစိန် အစိုးရကို ဘယ်လောက် ယုံကြည်ရမလဲ ဆိုတာက စောင့်ကြည့်ရဦးမှာပါ။”
တကယ်တော့ ဖမ်းဆီးခံရတဲ့ နိုင်ငံရေး အကျဉ်းသားတွေ အားလုံး ပြန်လွှတ်ပေးဖို့နဲ့ ပြည်ပမှာ ရောက်ရှိနေတဲ့ အတိုက်အခံ လှုပ်ရှားသူတွေ မြန်မာနိုင်ငံတွင်းကို ပြန်လာခွင့်ရဖို့ နိုင်ငံရေးပါတီကြီး အချို့က အစိုးရကို လွှတ်တော်တွင်းမှာရော လွှတ်တော် ပမှာပါ တောင်းဆိုခဲ့ဖူးပါတယ်။ ဒီအတွက် အထွေထွေ လွတ်ငြိမ်းချမ်းသာခွင့်သဘော ထုတ်ပေးရမှာ ဖြစ်ပါတယ်။ ဒါကိုလည်း ဖွဲ့စည်းပုံအရဆိုရင် နိုင်ငံတော် ကာကွယ်ရေးနဲ့ လုံခြုံရေးကောင်စီ ဆုံးဖြတ်ချက်နဲ့ သမ္မတက အတည်ပြု ထုတ်ပြန်ရမှာ ဖြစ်ပါ တယ်။
အခု ပြည်ပရောက်တွေ ပြန်လာခွင့်ပြုတယ်ဆိုတဲ့ သဘောဟာ Amnesty သဘော သက်ရောက်နိုင်မှု ရှိမရှိ ဆိုတာတော့ နောက် ပိုင်း အသေးစိတ် ထုတ်ပြန်မယ်ဆိုတဲ့ အခြေအနေကိုပဲ စောင့်ကြည့်ရမှာ ဖြစ်ပါတယ်။
Ref: ဗွီအိုအေ
Read More...
Collapse...
17 သြဂုတ် 2011
ဒေါ်ခင်မျိုးသက်
အမေရိကန်ပြည်ထောင်စု မက်ဆာချူးဆက်ပြည်နယ် ဒီမိုကရက် အထက်လွှတ်တော်အမတ်၊ နိုင်ငံခြား ဆက်ဆံရေး ကော်မတီ ဥက္ကဋ္ဌ ဂျွန်ကယ်ရီ (John Kerry) ရဲ့ အကြံပေး အရာရှိတဦး ဖြစ်တဲ့ အက်ဒ်မန် ထရီဘာတီဟာ ရန်ကုန် အမေရိကန်သံရုံး တာဝန်ခံ ၂ ဦးနဲ့အတူ ဒီနေ့ အမျိုးသား ဒီမိုကရေစီ အဖွဲ့ချုပ် ပါတီ ဒု-ဥက္ကဋ္ဌ ဦးတင်ဦးနဲ့ ဗဟိုကော်မတီဝင်တွေအပြင် ရွေးကောက် ပွဲ ၀င်ခဲ့ကြတဲ့ ပါတီ ၈ ခုက ကိုယ်စားလှယ်တွေနဲ့ပါ တွေ့ဆုံခဲ့ကြပြီး မြန်မာအစိုးရသစ် အဖွဲ့နဲ့ ပတ်သက်တဲ့ သဘောထားတွေကို စုံစမ်း မေးမြန်းခဲ့ပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
အမေရိကန် အထက်လွှတ်တော် နိုင်ငံခြားရေးရာ ကော်မတီ ဥက္ကဋ္ဌ ဂျွန်ကယ်ရီရဲ့ အကြံပေး မစ္စတာ အက်ဒ်မန်ဟာ ဒီနေ့ နေ့လယ်က အမျိုးသား ဒီမိုကရေစီ အဖွဲ့ချုပ် ရုံးကို သွားရောက်ပြီး အဖွဲ့ချုပ် ဒု-ဥက္ကဋ္ဌ ဦးတင်ဦး အပါအ၀င် ဗဟိုအလုပ် အမှုဆောင် အဖွဲ့ဝင်တွေနဲ့ တွေ့ဆုံခဲ့တယ်လို့ အဖွဲ့ချုပ် ပြောခွင့်ရ ဦးအုန်းကြိုင်က ပြောပါတယ်။
“မစ္စတာ အက်ဒ်မန်နဲ့ အမေရိကန်သံရုံးက သံအရာရှိ ၂ ယောက် ပါပါတယ်။ ကျနော်တို့ ဒီဘက်က တွေ့တာတော့ ဒုတိယ ဥက္ကဋ္ဌ ဦးတင်ဦး၊ ဦးသန်းထွန်း၊ ဦးလှဖေ၊ ကျနော်၊ ဦးမျိုးမြင့်၊ ဦးဟံသာမြင့်၊ ဒေါ်မေ၀င်းမြင့်၊ ဦးဝင်းထိန်၊ အကုန်တက်ကြတယ်။ ၂ နာရီ ကနေ ၃ နာရီအထိပါ။ ကျနော်တို့ကတော့ သူမေးတဲ့ မေးခွန်းတွေ ဖြေတာပါ။
“တနင်္ဂနွေနေ့က ဒေါ်အောင်ဆန်းစုကြည်ရဲ့ ခရီးစဉ်အကြောင်း၊ အဖွဲ့ချုပ် ဆက်လက် ဆောင်ရွက်နေတဲ့ နိုင်ငံရေး၊ လူမှုရေး လုပ်ငန်းတွေအကြောင်း မေးပါတယ်။ အဲဒါတွေကို ဒုတိယ ဥက္ကဋ္ဌကပဲ ဒိုင်ခံ ရှင်းပြပါတယ်။ ကျနော်တို့ရဲ့ တိုင်းရင်းသား တွေ အပေါ် ထားတဲ့ သဘောထား၊ ကျနော်တို့ရဲ့ ဆောင်ရွက်ချက်တွေ၊ နောက် တိုင်းရင်းသားတွေရဲ့ Open Letter တို့၊ ဧရာဝတီ Appeal ထုတ်ထားတဲ့ ကိစ္စတို့၊ အဲဒီသဘောထားတွေကို ရှင်းပြတာပါ။”
ရွေးကောက်ပွဲမှာ ၀င်ရောက် ယှဉ်ပြိုင်ဖို့အတွက် ပါတီမှတ်ပုံ တင်မထားတဲ့ အမျိုးသားဒီမိုကရေစီ အဖွဲ့ချုပ် ပါတီရဲ့ နိုင်ငံရေး လှုပ်ရှားမှုတွေကို သတိပေးနေတဲ့ အစိုးရသစ် အဖွဲ့ဟာ တနင်္ဂနွေနေ့ ဒေါ်အောင်ဆန်းစုကြည်ရဲ့ ပထမဆုံး နယ်ခရီးစဉ်အတွင်း လုံခြုံရေးကို ပူးပေါင်း ဆောင်ရွက်ခဲ့တာမို့ တနင်္လာနေ့က အမေရိကန် နိုင်ငံခြားရေး ၀န်ကြီးဌာနက ကြိုဆိုကြောင်း ပြောကြားခဲ့ သလို အခု ဗုဒ္ဓဟူးနေ့မှာတော့ အထက်လွှတ်တော် နိုင်ငံခြားရေး ကော်မတီ ဥက္ကဋ္ဌရဲ့ အကြံပေးက လာရောက်ပြီး တွေ့ဆုံခဲ့တာ ဖြစ်ပါတယ်။
မစ္စတာ အက်ဒ်မန်ဟာ ရန်ကုန် အမေရိကန်သံရုံးမှာ ၂၀၁၀ ရွေးကောက်ပွဲမှာ ပါဝင် ယှဉ်ပြိုင်ခဲ့ကြတဲ့ နိုင်ငံရေးပါတီတွေနဲ့ပါ တွေ့ဆုံခဲ့တယ်လို့ အမျိုးသား ဒီမိုကရေစီ အင်အားစု ပါတီ (NDF) က ဦးခင်မောင်ဆွေက ပြောပါတယ်။
“မစ္စတာ အက်ဒ်မန် ထရီဘာတီ အပါအ၀င် ဒုတိယသံအမတ်၊ နိုင်ငံရေးသံမှူးနဲ့ ဒီနေ့မနက် ၁၀ နာရီမှာ တွေ့ပါတယ်။ သူသိချင် တာတွေကတော့ မြန်မာနိုင်ငံမှာ ဖြစ်နေတဲ့ သမ္မတက ပေးထားတဲ့ မိန့်ခွန်းအပေါ်မှာ ယုံကြည်မှု ရှိသလား၊ ဖြစ်နိုင်ချေ ရှိသလား၊ ပြီးတော့ ရွေးကောက်ပွဲကို ဘာဖြစ်လို့ ပါတီတွေက ၀င်ကြရတာလဲ။ Ethnic ပါတီတွေကရော သမ္မတ မိန့်ခွန်းအပေါ်မှာ ဘယ်လို မြင်သလဲပေါ့။ နောက်ပြီးတော့ လွှတ်တော်ထဲမှာ ဘာတွေများ လုပ်နိုင်ချေတွေ ရှိနေပြီလဲ၊ အဲဒါတွေ မေးပါတယ်။ အဓိကတော့ အဲဒီလောက်ပါပဲ။”
ချင်း၊ ရခိုင်၊ မွန်၊ ရှမ်း၊ ကရင် တိုင်းရင်းသား အဖွဲ့တွေ ပါဝင်ဖွဲ့စည်းထားတဲ့ ဒီမိုကရေစီ မိတ်ဆွေများပါတီ အဖွဲ့က ရှမ်းအဖွဲ့ တဖွဲ့ကလွဲလို့ ကျန်အဖွဲ့ဝင် ၈ ဖွဲ့စလုံး တက်ရောက်ခဲ့တယ်လို့ ပြောပါတယ်။ ဒီအဖွဲ့တွေဟာ ၂၀၁၀ ရွေးကောက်ပွဲမှာ ပါဝင် ယှဉ်ပြိုင်ခဲ့ကြပြီး NDF ပါတီ အနေနဲ့ ရွေးကောက်ပွဲကို ၀င်ခဲ့တာဟာ နိုင်ငံရေးမှာ ၀င်ရောက် ပူးပေါင်း ဆောင်ရွက်ဖို့အတွက် ဖြစ်သလို အခုတက်လာတဲ့ အစိုးရသစ်ရဲ့ သမ္မတ ပြောကြားချက်တွေကိုလည်း ယုံကြည်မှု ရှိတယ်လို့ ပြောပါတယ်။
“နှစ်ပေါင်း ၂၀ အတွင်းမှာ ဒီလောက် ထင်ရှားတဲ့၊ ကတိက၀တ် ပေးတဲ့ မိန့်ခွန်းမျိုး မရှိပါဘူး။ သူတို့မှာ ထောက်စရာ၊ လှည့်စရာ မရှိတော့လို့ သူတို့ကိုယ်တိုင် Confident ရှိနေပြီဆိုတော့ လုပ်ရမှာ ဖြစ်တဲ့အတွက်ကြောင့်မို့ သူ့မိန့်ခွန်းကို ယုံတယ်။ လွှတ်တော် ထဲက ကိစ္စတွေက အခုဆိုရင် စီးပွားရေး ပြုပြင်ပြောင်းလဲမှုဘက်မှာ တွေ့နေရပြီလို့ ပြောလိုက်ပါတယ်။ သူတို့က ဘာတွေများ တွေ့ရမလဲလို့ မေးတာကိုး။ စီးပွားရေးဘက်မှာတော့ ပြုပြင်ပြောင်းလဲတာတွေ အတန်အသင့်တော့ ရှိလာပြီ။
“Trade နဲ့ ပတ်သက်တာတွေ ရှိသလို Economy နဲ့ ပတ်သက်တဲ့ စီးပွားရေး ဥပဒေတွေ၊ ဥပဒေပြုဖို့ အကြောင်းအရာတွေ ရှိနေ ပြီ။ ဒါတွေဟာ တဖြည်းဖြည်း ပြင်လာတာ တွေ့နေရပြီဖြစ်တယ်။ ဒါကြောင့်မို့ အမေရိကန် အစိုးရ အနေနဲ့လည်း စီးပွားရေး ပြုပြင်ပြောင်းလဲမှုတွေနဲ့ လိုက်လျောညီထွေရှိတဲ့ Sanction တွေကိုလည်း ပြန်လည်ရုပ်သိမ်းဖို့ စဉ်းစားသင့်ပြီလို့ ကျနော် ပြောလိုက် ပါတယ်။”
အမျိုးသား ဒီမိုကရေစီ အင်အားစု ပါတီက ဦးခင်မောင်ဆွေ ပြောပြသွားတာ ဖြစ်ပါတယ်။
Ref: ဗွီအိုအေ
Read More...
Collapse...
17 သြဂုတ် 2011
ဦးကျော်ထင်
ပြီးခဲ့တဲ့ သောကြာနေ့က နေပြည်တော်မှာ ကျင်းပခဲ့တဲ့ သတင်းစာ ရှင်းလင်းပွဲအတွင်း ဗဟိုဘဏ် ဥက္ကဋ္ဌက မြန်မာနိုင်ငံမှာ သုံးစွဲ နေတဲ့ FEC နိုင်ငံခြားငွေ လဲလှယ်မှု လက်မှတ်ကို မကြာခင် ပြန်ရုပ်သိမ်းတော့မယ်လို့ ပြောဆိုခဲ့ပြီးနောက် ဒီရက်ပိုင်းအတွင်း FEC ငွေဈေး မတည်မငြိမ် ဖြစ်လာခဲ့ပါတယ်။ အရင်က FEC တဒေါ်လာကို မြန်မာကျပ်ငွေ ၈၀၀ ၀န်းကျင် ရှိနေရာက ၆၀၀ လောက်ထိ ထိုးကျသွားပြီး ဒီနေ့မှာတော့ ဈေးအနည်းငယ် ပြန်တက်လာပါတယ်။ အခြေအနေကို စုံစမ်းထားတဲ့ ဗွီအိုအေ ထိုင်းအခြေစိုက် သတင်းထောက် ကိုကျော်ထင်က တင်ပြထားပါတယ်။
အစိုးရ အပြောင်းအလဲဖြစ်ပြီး နောက်ပိုင်း မကြာခင်ပဲ ဒေါ်လာနဲ့ FEC ဈေးနှုန်း သိသိသာသာ ကျလာတာဟာ ပြီးခဲ့တဲ့ မေလကုန်ပိုင်းက ဖြစ်ပါတယ်။ မေလဆန်းပိုင်းက တဒေါ်လာကို ၈၃၇ ကျပ်နဲ့ FEC တယူနစ်ကို ၈၃၄ ကျပ် ဈေးရှိရာကနေ ဒီကနေ့ ပေါက်ဈေးက ဒေါ်လာက ၇၃၇ ကျပ်နဲ့ FEC က ၆၈၀ ကျပ် ၀န်းကျင်ထိ ကျသွားတာပါ။
ရန်ကုန်က ငွေအရောင်းအ၀ယ်လုပ်သူ တယောက်က ဒီနေ့မှာပဲ ဈေးအပြောင်းအလဲ ရှိတယ်လို့ ဆိုပါတယ်။
“၃၅ ပြန်ဝင်နေပြီ၊ ၆၃၅၊ ဈေးကတော့ လူးနေတယ်ဆရာရေ၊ ခုတမျိုး၊ ခုတမျိုး ဖြစ်နေတယ်။ ၆၇၅ ဒါက ကျနော်တို့အ၀ယ်၊ အခုလောလောဆယ် ၈၅ ရောင်းတယ်။”
ငွေပွဲစား နောက်တယောက်ကတော့ အရင်လို FEC ကို သိမ်းထားသူ မရှိဘူးလို့ ဆိုပါတယ်။
“FEC ၆၈၀ ၀ယ်တယ်၊ ရောင်းတာက ၆၉၅ ပါ၊ ပုံမှန်အရောင်းအ၀ယ်ပါပဲ။ အရင်လို လုပ်ငန်းတော့ မလည်ပတ်ဘူး။ လက်ထဲ သိမ်းထားတာတွေ မရှိတော့ဘူး၊ ၀ယ်တဲ့လူ ရှိပါတယ်။”
FEC နဲ့ ပေးချေရမယ့် ကိစ္စတွေ အတွက်ပဲ ၀ယ်ကြတာလို့ ပွဲစားတွေက ပြောကြပါတယ်။ FEC တန်ဖိုးကျတာကြောင့် နိုင်ငံတကာ NGO တွေ၊ နိုင်ငံတကာ ကုမ္ပဏီ ၀န်ထမ်းတွေ၊ ခရီးသွား လုပ်ငန်းတွေ ထိခိုက်တယ်လို့ သိရပါတယ်။ ဈေးနှုန်း မတည်ငြိမ် တာ ကြောင့် FEC တယူနစ်ကို ၆၁၀ ကျပ်နဲ့ မနေ့က ထုတ်ရောင်းလိုက်တယ်လို့ NGO ၀န်ထမ်းတယောက်က ဗွီအိုအေကို ပြောပါတယ်။
ခရီးသွားလမ်းညွှန် တယောက်က ငွေဈေး မတည်ငြိမ်တာကြောင့် အခက်အခဲ ဖြစ်တယ်လို့ ဆိုပါတယ်။
“အခု ဒီနှစ်ပိုင်းတွေကျတော့ ၆၀၀ ကျော်ကျော်၊ ၇၀၀ အောက် ရောက်သွားတော့ အနိမ့်ဆုံးလို့ ပြောလို့ရတယ်။ ကျနော်တို့ရတဲ့ ပိုက်ဆံလည်း တန်ဖိုးကျသွားတယ်လေ။ တန်ဖိုးတက်နေချိန်မှာသာ ကုန်ပစ္စည်းတွေက ဒေါ်လာဈေးတက်လို့ ဈေးတက်တယ်၊ ဈေးတက်တယ်။ အခုဟာ ဒေါ်လာဈေး၊ FEC ဈေး ကျသွားတယ်၊ ကျန်တဲ့ဈေးက မကျဘူးဗျ။ ကျနော်တုိ့ရတဲ့ ပိုက်ဆံက ၉၀၀ နဲ့ ၁,၀၀၀ ကြားဆိုရင် ကာမိတာပေါ့ဗျာ။ ခုက ၆၀၀ ကျော်၊ ၇၀၀ ပတ်ဝန်းကျင်ဆိုတော့ ကျနော်တို့က ဥပမာ ခရီးသွားတဲ့ လူ တယောက်က လမ်းမှာ အသုံးစရိတ်တွေ ရှိတယ်ဗျာ၊ ရတဲ့ပိုက်ဆံက နည်းတဲ့အခါကျတော့ ခရီးရှည်ရင် ရှုံးတာတောင် ဖြစ်နေတယ်။”
အခုလို ဈေးကျတာဟာ နိုင်ငံခြားဝင်ငွေရှိတဲ့ စီးပွားရေး လုပ်ငန်းရှင်တွေ၊ အိမ်မြေနဲ့ ထုတ်ကုန် လုပ်ငန်းတွေမှာ ရင်းနှီးမြှုပ်နှံ လာတာကြောင့်လို့ ဇေကမ္ဘာ ဦးခင်ရွှေက ဗွီအိုအေကို ပြောဆိုဖူးပါတယ်။
“ဒီရက်ပိုင်းတွေက အထူးသဖြင့် ကျောက်မျက်ကရတဲ့ ပိုက်ဆံတွေနဲ့ မြေကြီးတွေ Invest လုပ်တဲ့သူ များတယ်။ များတဲ့အခါ ကျတော့ ရန်ကုန်မြို့ပေါ်က မြေကြီးတွေက တက်သွားတယ်။ မနှစ်ကနဲ့ ဒီနှစ်တောင် မတူတော့ဘူး။ ဒါကြောင့်လည်း ကျပ်ဈေး တွေတက်၊ ဒေါ်လာဈေးတွေကျ၊ သူတို့ရတဲ့ ပိုက်ဆံတွေ အပေါ်မှာ ကျပ်ပြန်ဖော်၊ ဖော်ပြီးတော့မှ တဘက်က အလားအလာ ကောင်းတဲ့ မြေကြီးကို Invest တွေ ပြန်လုပ်ကြတာပေါ့။ တကယ် စက်ရုံဆောက်သူ ပါသလို ဒီမြေကြီးကို Invest လုပ်သူတွေ လည်း ပါတယ်။ အခု အရောင်းပိတ်ထားတယ်၊ ၀ယ်တဲ့လူများလို့။ ၀ယ်တဲ့လူ သိပ်များတော့ ကျနော့်မှာ ရောင်းစရာလည်း သိပ်မကျန်တော့ဘူး။”
စစ်အစိုးရဟောင်းဟာ ၁၉၉၃ ခုနှစ်က အမေရိကန်ဒေါ်လာ အစားထိုးအဖြစ် FEC ကို စတင် ထုတ်ဝေခဲ့တာပါ။ အစိုးရသစ်ဟာ ငွေကြေးစနစ် ပြောင်းလဲဖို့ နိုင်ငံတကာ ငွေကြေးရန်ပုံငွေအဖွဲ့ (IMF) နဲ့ ပူးပေါင်းဆောင်ရွက်မှာ ဖြစ်တဲ့အတွက် FEC ဖျက်သိမ်းဖို့ အစီအစဉ်ရှိပြီး ဖျက်သိမ်းတယ် ဆိုရင်လည်း အမေရိကန်ဒေါ်လာ ဒါမှမဟုတ် ပေါက်ဈေးအတိုင်း ကျပ်ငွေနဲ့ လဲပေးမယ်လို့ ဗဟို ဘဏ် ဥက္ကဋ္ဌက ပြီးခဲ့တဲ့ သောကြာနေ့က သတင်းစာ ရှင်းလင်းပွဲမှာ ပြောဆိုသွားပါတယ်။
Ref: ဗွီအိုအေ
Read More...
Collapse...
August 17, 2011
အံ့ဘုန်းမြတ်
နိုင်ငံ တော်သမ္မတဦးသိန်းစိန်က ပြည်ပရောက်နိုင်ငံသားတွေ ပြန်လာပြီး ဖွံ့ဖြိုးတိုးတက်ရေးလုပ်ငန်းတွေမှာ ပါဝင်ဆောင်ရွက်ကြဖို့ ဖိတ်ခေါ်လိုက်တဲ့အပေါ် အတိုက်အခံ နိုင်ငံရေး အင်အားစုတွေက ကြိုဆိုလိုက်ကြသလို ယုံကြည်ချက်တွေကြောင့် အကျဉ်းကျခံနေရတဲ့ နိုင်ငံရေး အကျဉ်းသားတွေကိုပါ လွှတ်ပေးဖို့ လိုအပ်ကြောင်း တောင်းဆိုလိုက်ကြပါတယ်။
ဒီကနေ့ နေပြည်တော် မြန်မာကွန်ဗင်းရှင်းစင်တာက စက်မှုလုပ်ငန်း ဖွံ့ဖြိုးတိုးတက်ရေး ကော်မတီ တွေ့ဆုံပွဲမှာ ပြောကြားလိုက်တဲ့ သမ္မတမိန့်ခွန်းပါ ပြည်ပရောက် မြန်မာနိုင်ငံသားတွေ ပြန်လာဖို့ ကမ်းလှမ်းချက်အပေါ် အမျိုးသားဒီမိုကရေစီအဖွဲချုပ်အပါအဝင် ရွေးကောက်ပွဲဝင် နိုင်ငံရေးပါတီခေါင်းဆောင် တွေက ကြိုဆိုလိုက်ကြတာဖြစ်ပါတယ်။
အဲ့ဒီထဲက အမျိုးသားဒီမိုကရေစီအဖွဲ့ချုပ် ဗဟိုပြန်ကြားရေးအဖွဲ့ဝင် ဦးဉာဏ်ဝင်းက “ဒီဥစ္စာက သတင်းကောင်းပါ။ ကျနော်တို့အနေနဲ့လည်း အဲဒီလိုပြောတယ်ဆိုရင် ကြိုဆိုပါတယ်။ အခုဖြစ်စဉ်တွေကို ဒီထက်တိုးတက်လာဖို့ကို ကျနော်တို့ မျှော်လင့်တယ်။ တိုင်းပြည်အတွက် အကျိုးရှိမယ်လို့ မျှော်လင့်တယ်” လို့ ပြောပါတယ်။
ရွေး ကောက်ပွဲဝင် နိုင်ငံရေးပါတီတခုဖြစ်တဲ့ အမျိုးသားဒီမိုကရေစီအင်အားစု ပါတီရဲ့ခေါင်းဆောင်တဦးဖြစ်တဲ့ ဦးခင်မောင်ဆွေကတော့ နိုင်ငံရေးအကျဉ်းသားတွေလွှတ်ပေးပြီး နိုင်ငံရေးမှာပါဝင်ခွင့်ပေးဖို့ လိုအပ်ကြောင်း အခုလို ပြောကြားပါတယ်။
“ပထမဆုံးအ ခေါက်မှာထဲကို ငြိမ်းချမ်းရေးသဘောတွေ ပြေလည်ရေး သဘောတွေ ပြောသွားတဲ့မိန့်ခွန်းတွေ ပြောသွားတာရှိ တာကို။ အခုဒါကို ထပ်ပြောတယ်ဆိုတာတော့ ကျနော်တို့ လွတ်ငြိမ်းချမ်းသာခွင့်အမိန့် နောက်ဆက်တွဲတွေက ထပ်ပြီးလွှတ်ပေးသင့်တယ်လို့ ကျနော်တို့ မြင်ပါတယ်။ ဒါမှလည်း အမျိုးသားပြန်လည် သင့်မြတ်ရေးကို သွားတဲ့နေရာမှာ အားလုံးပါဝင်နိုင်တဲ့ နိုင်ငံရေးဖြစ်စဉ်ကြီးပေါ်လာပြီး အားလုံးမျှတတဲ့ အနေအထားတရပ်ကို ရောက်အောင် သွားနိုင်ခွင့်တွေ ဖြစ်လာဖို့ အကြောင်းတွေ ဖြစ်လာတယ်လို့ပဲ မှန်းဆနိုင်တယ်ပေါ့။”
သမ္မတမိန့်ခွန်းကို နားထောင်ခဲ့ရတဲ့ ထိပ်တန်းစီးပွားရေးလုပ်ငန်းရှင် ဇေကမ္ဘာဦးခင်ရွှေကလည်း
“သမ္မတကြီးက တော့ ဘယ်လိုပဲဖြစ်ဖြစ် မြန်မာပြည်ရဲ့ စီးပွားရေး တိုးတက်ရာ တိုးတက်ကြောင်းကို အဓိက စဉ်းစားနေတယ်။ စဉ်းစားပြီးတော့ အပွင့်လင်းဆုံးပြောရင် သူက တခြားပြည်ပတွေနဲ့လည်း ပြေလည်အောင်လုပ်ပြီးတော့ စီးပွားရေး ပိတ်ဆို့မှုတွေ ကအစ သူ့အလိုအလျောက် ပြန်ရုပ်သိမ်းသွားအောင် လုပ်မယ့်သဘောရှိတယ်။ မြန်မာပြည်က စီးပွားရေးတိုးတက်အောင် သူကြိုးစားနေတဲ့ အနေအထားမျိုးရှိပါတယ်။ တံခါးကို တကယ်ဖွင့်မယ့် အနေအထားမျိုး။ ဘာလို့လည်းဆိုတော့ လေးလဆိုတဲ့ အချိန် ကာလက ဘာမှမရှိဘူး။ ဒီအပေါ်မှာ သူ့အနေနဲ့လည်း ပြောင်းလဲသင့်တာတွေ လျှော့ပေးသင့်တာတွေ၊ အခုလည်း မျက်မြင်ကိုယ်တွေ့ လျှော့နေတာ ပြောင်းလဲနေတာတွေ တွေ့ပြီဆိုတဲ့အတွက်ကြောင့် ဘယ်လိုပဲဖြစ်ဖြစ် တနှစ်အတွင်းမှာတော့ အခြေအနေတွေ အများကြီးပြောင်းသွားမယ်။”
စီးပွားရေး နဲ့အတူ နိုင်ငံရေးနဲ့ လူမှုရေးကဏ္ဍတွေကို ပြိုင်တူမြှင့်တင်သင့်တယ်လို့လည်း သမ္မတမိန့်ခွန်းအပေါ် ၂၀၁၀ ရွေးကောက်ပွဲမှာ တသီးပုဂ္ဂလလွှတ်တော်ကိုယ်စားလှယ်အဖြစ် ဝင်ရောက်ယှဉ်ပြိုင်ခဲ့တဲ့ ဒေါက်တာ ဘုန်းဝင်းကလည်း အခုလို ပြောကြားထားပါတယ်။
“အဆုံးပိုင်း မှာပြောတာက သူက ဒီမိုကရေစီ စနစ်ကို တည်ဆောက်မယ်။ အခုလက်ရှိရှိနေတဲ့ အခွင့်အရေးတွေကို အရယူပြီး တယောက်နဲ့တယောက် အပြစ်မယူဘဲ နိ်ုင်ငံကိုလည်း ရေခံမြေခံကောင်းပြီးသားဆိုတော့ တိုးတက်အောင်လုပ်မယ်ဆိုတော့ ဒါကတော့ ကောင်းတာပေါ့။ ဆိုလိုတာက တယောက်နဲ့တယောက် အပြစ်မတင်ဘူးဆိုတာက ကျနော်တို့ အရင်တုန်းကလို သတင်းစာထဲကနေ တယောက်နဲ့တယောက် ပုတ်ခတ်နေတာမရှိတော့ဘူး။ ပြီးတော့ အခွင့်အရေးကိုလည်း အရယူမယ်ဆိုတော့ အခု လက်ရှိ ဒေါ်အောင်ဆန်းစုကြည်နဲ့ စကားပြောနေတာကိုလည်း အောင်မြင်အောင်လုပ်မယ်ဆိုတဲ့ သဘော၊ ဒီတခါကတော့ သူတို့က စီးပွားရေးကိစ္စကို အဓိကပြောတယ်လို့ ထင်တယ်။ ကျနော်တို့ကတော့ အားလုံး စီးပွားရေးရော၊ လူမှုရေးရော၊ နိ်ုင်ငံရေးရော အားလုံးမျှပြီးတော့ လုပ်နိုင်ရင်တော့ ပိုကောင်းတာပေါ့။”
ဒီကနေ့ တွေ့ဆုံပွဲမှာတော့ နာရေးကူညီမှုအသင်း (ရန်ကုန်) က အတွင်းရေးမှူး ဒေါ်ရွှေဇီးကွက်၊ စာရေးဆရာမ သန်းမြင့်အောင်တို့ အပါအဝင်လူမှုရေး အသင်းအဖွဲ့တွေနဲ့ စီးပွားရေးဆိုင်ရာ အသင်းအဖွဲ့တွေက ပုဂ္ဂိုလ်တွေလည်း တက်ရောက်ခဲ့ကြပြီး စီးပွားရေးဆိုင်ရာ မူဝါဒနဲ့ ငြိမ်းချမ်းရေးကိစ္စတွေကိုလည်း ဦးသိန်းစိန်က သူ့မိန့်ခွန်းမှာ ထည့်သွင်းပြောကြားခဲ့ပါတယ်။
Ref: ဒီဗွီဘီ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88