Friday, July 22, 2011

Monthly News Commentary - July 2011

PDC Monthly News Commentary - July 2011

Read More...

Irrawaddy Dam EAI Review by BANCA - 2009

Irrawaddy Dam EAI Review by BANCA - 2009

Read More...

ဂွ၊ တောင်ကုတ်၊ မြေပုံ မိုးရွာ ရေကြီး နောက်ဆက်တွဲ သတင်းများ

7/21/2011

ရခိုင်ပြည်နယ်တ၀န်းလုံးတွင် မိုး အဆက်မပြတ် ရွာသွန်းနေသဖြင့် မြို့နယ် အတော်တော်များများတွင် ရေလွှမ်းနေကြောင်း သတင်း ရရှိသည်။ ဂွ၊တောင်ကုတ်နှင့် မြေပုံမြို့နယ်များတွင် ရေလွှမ်းနေကြောင်းသိရသည်။

ဂွမြို့နယ်အတွင်း ရေကြီးနေမှုကြောင့် အိမ်ခြေ ၁၀ လုံး ရေထဲ မျောပါသွား

ပေးပို့သူ- မောင်ရမ္မာ

ရခိုင်ပြည်နယ် ဂွမြို့နယ်အတွက် မိုးအဆက်မပြတ် ရွာသွန်းမှုကြောင့် အနည်းဆုံး အိမ်ခြေ ၁၀ လုံးခန့် မိုးရေထဲ မျောပါ သွားသည်ဟု သိရသည်။

" အခု အချိန်ထိ ရွာသစ်ကုန်း၊ ဒေါင်းချောင်း၊ ပေါက်တူးအထိ ရေတွေပြည့်နေပါတယ်။ ပေါက်တူးရွာက အိမ်ခြေ ၁၀ လုံးလောက် ရေထဲ မျောပါသွားတယ်လို့ သိရပါတယ်။ အခုတော့ ရွာသစ်ကုန်းရွာက လူတွေကို ဂွက လူငယ် အဖွဲ့တွေက ကယ်ဆယ်ရေး တွေလုပ်ပြီးတော့ စားနပ်ရိက္ခာတွေ ပို့ပေးပြီး လူတွေကို ဂွမြို့ကို ပို့ထားပါပြီ။"ဟု ဂွမြို့မှ ကယ်ဆယ်ရေး လုပ်နေသူ လူငယ် တဦးက နိရဉ္စရာသို့ပြောသည်။


လက်ရှိအခြေအနေတွင် လမ်းတလျှောက် မိုးရေတိုက်စားမှုကြောင့် လမ်းတွေ ပြိုပျက်ပြီး သွားလာရေး အခက် အခဲ ဖြစ်နေသည်ဟု သူက ယခုကဲ့သို့ ဆက်ပြောသည်။

" ဒေါင်းချောင်းကိုတော့ ကားနဲ့သွားလို့မရသေးတဲ့ပါဘူး။ ဒေါင်းချောင်းကြားမှာ တောင်က ပြိုနေပါတယ်။ ကားနဲ့သွားလို့ မရသေးပါဘူး။ အဲဒီကိုသွားဖို့ အခက်အခဲဖြစ်နေတဲ့အတွက် အဲဒီကလူတွေ စားရေး သောက်ရေးအတွက် အခက်အခဲတွေ ဖြစ်နေကြပါတယ်။"

ဒေါင်းချောင်းဆိုသည်မှာ ကျေးရွာအုပ်စုကြီး တခုလုံးကိုခေါ်ဆိုခြင်းဖြစ်ပြီး အဆိုပါ ဒေါင်းချောင်း အုပ်စုတွင် ကွင်းကြီး၊ ပေါက်တူးကွင်း၊ ဆားချက်ကွင်း၊ တောင်နားကုန်း၊ ဆားဖြူကွင်း အပါအ၀င် ရွာပေါင်း ၈ရွာခန့် ပါဝင်ပြီး အုပ်စုတခုလုံး၏ အိမ်ခြေအရေအတွက်မှာ အနည်းဆုံး တစ်ထောင်ကျော် ပါဝင်သည်ဟု သိရသည်။

ယခု လက်ရှိအခြနေထိ အစိုးရဌာနဆိုင်ရာအနေဖြင့် ဘာမှ ကူညီပေးတာတွေ မရှိ်သေးဘူးဟုလည်း သူက ဆက်ပြောသည်။

" မနေ့က ကျွန်တော်တို့မြို့က ၁၁ နာရီလောက်ကို ရွာသစ်ကုန်းကို အရင်သွားပြီးတော့ ကယ်ဆယ် ရေးလုပ်ခဲ့ပါတယ်။ ည ၈နာရီလောက်မှာ ဒေါင်းချောင်းက သတင်းကို ကြားတော့ လိုက်တဲ့အခါမှာ တောင် ကျော်ပြီးတော့ ထမင်းတွေ သွားပို့ကြပါတယ်။ အဲဒီအချိန်ထိတော့ ဌာနဆိုင်ရာက လုပ်ဆောင် ပေးနေတာတော့ မရှိသေးဘူး။ ကျွန်တော်တို့ လူငယ်တွေဘဲ ကယ်ဆယ်ရေးတွေ လုပ်ခဲ့ကြပါတယ်။"

ယခုအခါ ဒေါင်းချောင်းအုပ်စုမှာ ရေဘေးဒုက္ခသည်များမှာ အဆိုပါနေရာရှိ ဘုန်းကြီးကျောင်းနှင့် မြင့်မားသော နေရာများတွင် တက်နေကြရသည်ဟု သိရသည်။

၎င်းအပြင် ဒေါင်းချောင်းအုပ်စုတွင်ပါဝင်သော ချောင်းတဖက်ကမ်းရှိ ရွာနှစ်ရွာ၏အခြေအနေနှင့် ချောင်းဖျားတွင် ရှိသော ပေါက်တူးရွာ၏ အခြေအနေများကို မသိရသေးသဖြင့် ယနေ့တွင် သွားရောက်မည်ဟု သူက ပြော သည်။

" အဲဒီအုပ်စုထဲမှာ ချောင်းတဖက်ကမ်းက ရွာနှစ်ရွာက သတင်းမရသေးဘူးခင်ဗျာ။ နောက်ပြီးတော့ ချောင်း ဖျားမှာရှိတဲ့ ပေါက်တူးဆိုတဲ့ရွာက ရေတော်တော်ကြီးပြီးတော့ အိမ် ၁၀လုံးလောက် မျောပါသွားတယ်လို့ ကြား ရပါတယ်။ ဒီနေ့မှာ ကျွန်တော်တို့ မြို့နယ်အုပ်ချုပ်ရေးမှုးတွေနဲ့ လူငယ်တွေပူးပေါင်းပြီးတော့ သွားကူညီ ဖို့အစီအစဉ်ရှိပါတယ်" ဟု ပြောသည်။

တောင်ဂုတ်မြို့မှ လူများ ဘေးလွှတ်ရာသို့ ရွှေ့

ပေးပို့သူ- ထွန်းထွန်း

ရခိုင်ပြည်နယ်တောင်ကုတ်မြို့တွင် မိုးသည်းထန်စွာရွာသွန်းရာမှ ရေတက်လာသဖြင့် ရာပေါင်းများစွာသော မြို့ခံများမှာ ဘေးမဲ့ရာသို့ပြောင်း ရွှေ့နေရသည်ဟု သတင်းရရှိသည်။

"မိုးက ၃ ရက်ဆက်တိုက်ရွာတော့ မြို့တခုလုံးလိုလိုရေနစ်မြုပ်နေပါတယ်။ ဒီနေ့ညဥ့် ၁ နာရီကနေ ဈေးနဲ့ရပ် ကွက်တော်တော်များများကို ရေတက်လာတဲ့ အတွက် နစ်မြုပ်နေပါတယ်။ ရေက ၅ ပေကနေ ၆ ပေအထိတက်နေပါတယ်။ ခုလည်း မိုးဆက် တိုက်ရွာနေတုန်းဖြစ်ပါတယ်။ တချို့ ရပ်ကွက်တွေက လူတွေဘုန်းကြီးကျောင်းနဲ့ တခြား ကုန်းမြင့်တဲ့နေရာတွေ ကိုပြောင်းရွှေ့ နေကြရပါတယ်" ဟု မြို့ခံတဦးက နိဉ္စရာသို့ ပြောသည်။

အဆိုးဝါးဆုံးနစ်မြုပ်နေသော ရပ်ကွက်များမှာ ချောင်းကောက်ရပ်ကွက်၊ ဆေးရုံသစ်ရပ်ကွက်၊ ဂူတာ ရပ် ကွက်၊ မီးစက်သစ်ရပ်ကွက်၊ ကိုင်းရှည်ရပ်ကွက်၊ သိမ်တောင်ရပ်ကွက်၊ ကံပိုင်ရပ်ကွက်တို့ ဖြစ်ကြသည်။

"အဲဒီ ရပ်ကွက်မှာ ဆိုလို့ရှိရင် ဇူလိုင်လ ၂၀ ရက်နေ့ကနေ စပြီး ဆန်အိတ်တွေ၊ ၀က်တွေ၊ နွားတွေ၊ ကြက်ငှက်တွေနဲ့ တခြား အထွေထွေပစ္စည်းတွေကို ဘေးလွတ်ရာ နေရာတွေကို ပြောင်းရွှေ့ နေကြရပါတယ်" ဟုပြောသည်။

"ဆန်အိတ်နဲ့ တခြားပစ္စည်းတွေကို ဆယ်ဘီးကားနဲ့ အပြည့်တင်ပြီး တောင်ကုတ် ကားလမ်းမပေါ်တွေမှာ သယ် နေရတယ်။ ထောင်နဲ့ချီပြီးလူတွေလည်း ရေဘေးလွတ်နေရာတွေကို ပြောင်းရွှေ့နေရဆဲဖြစ်ပါတယ်" ဟုဆက် ပြောသည်။

တောင်ဂုတ်မြို့သည် နှစ်စဉ်နှစ်တိုင်းရေကြီးမူ ဘေးအန္တရာယ်ကို ခံနေရသော်လည်း ယခုနှစ်လောက် ရေနစ်မြုပ် မှုမှာ မဆိုးဝါးဟု တောင်ကုတ်မြို့ လူမှုရေးအသင်းအဖွဲ့မှ လူငယ်တဦးက ပြောသည်။


မြေပုံမြို့ မြေနိမ့်ပိုင်းများ ရပ်ကွက်များ ရေလွှမ်းနေပြီ

ပေးပို့သူ- မောင်အေး

ရခိုင်ပြည်နယ်တွင် ယခုရက်ပိုင်းအတွင်း မိုးအဆက်မပြတ် ရွာသွန်းနေသည့်အတွက် မြေပုံမြို့မြေနိမ့် ပိုင်း ရပ်ကွက် တချို့ ရေလွှမ်းမိုးမှု ခံနေရကြောင်း သိရှိရသည်။

ရေလွမ်းမိုးမှုခံနေရသည့် နေရာများမှာ မြစ်ကမ်းနားတလျှောက်ရှိ လူနေရပ်ကွက်များဖြစ်ကြောင်း မြေပုံမြို့ခံတဦးက ယခုကဲ့သို့ ပြောသည်။

"ဟုတ်တယ်ရေ သိပ်ကြီးနေတယ်။ မြို့အောက်ပိုင်းတလျှောက်ပေါ့ အလယ်ပိုင်း၊ဈေးပိုင်းနဲ့ မြစ်ကမ်း တလျှောက်က ရပ်ကွက် တွေမှာ ရေကြီးနေတယ်။ ကျောင်းတွေဘာတွေတော့ မပိတ်သေးဘူး။ စာသင် ကျောင်းတွေတော့ ဖွင့်တယ်။"

ယခုကဲ့သို့ မိုးအဆက်မပြတ်ရွာသွန်းပြီး ရေတက်နေသည့်အတွက် လက်လုပ်လက်စားတချို့မှာလည်း အလုပ်လက်မဲ့ ဖြစ်နေ ကြရကြောင်း တခြားမြေပုံမြို့ခံတဦးက ယခုကဲ့သို့ ပြောသည်။

"မိုးရွာနေတာ လေးငါးရက်ရှိပြီး အခုဆို နယ်ဘက်တွေနဲ့ အဆက်သွယ်ပြတ်နေတယ်။ စက်လှေတွေ လည်းမထွက်နိုင်ဘူး။ အလုပ်သမားတွေလည်းအလုပ်မလုပ်နိုင်၊ ဆိုက္ကားသမားတွေလည်း ဆိုက္ကား မထွက်နိုင်ဖြစ်နေတယ်။ နေ့စားအလုပ်သမားတွေ စားဝတ်နေရေးအခက်ခဲဖြစ်နေကြတယ်။"

ရက်ချောင်း၊ မီးကျောင်းတက် ကျေးရွာအနီးရှိ ရန်ကုန် စစ်တွေလမ်းပိုင်းတွင် ရေကျော်တက်နေသည့် အတွက် ကားသမား များအသွားအလာ ရပ်တန့်နေကြောင်း သိရသည်။

ကုလားတန် မြစ်ရေမှာလည်း ယနေ့နံနက်ကတည်းက တိုးလာနေပြီဖြစ်ကြောင်း စစ်တွေမြို့မှ လူငယ် တဦးက ပြောသည်။

Ref: နိရဉ္စရာ

Read More...

မြောက်ဦးမြို့ ရေမြုပ်၍ မြေနိမ့်ရပ်ကွက်များမှ မိသားစုများကို ဘေးလွှတ်ရာသို့ပြောင်းရွှေ့

7/21/2011

မြောက်ဦးမြို့တွင် မိုးအဆက် မပြတ် ရွာသွန်းပြီး ရေတက်လာသဖြင့် မြေနိမ့်ရပ်ကွက်များမှ မိသားစုများကို ဘေးလွှတ်ရာသို့ ပြောင်းရွှေ့နေကြရသည်ဟု သတင်း ရရှိသည်။

ဒေသခံ လူငယ် တစ်ဦးက "ရပ်ကွက်တိုင်းလိုလို ရေမြုပ်နေပါတယ်။ အခု ရပ်ကွက်တိုင်းက မြေနိမ့်တဲ့ နေရာက မိသားစုတွေကို စာသင်ကျောင်းတို့ ဘုန်းကြီးကျောင်းတို့ ဘေးလွှတ်ရာကို ပြောင်းရွှေ့ နေကြရပါတယ်" ဟု ပြောသည်။


လွန်ခဲ့သော ခုနှစ်ရက်ခန့်က စပြီး မိုးအဆက် မပြတ်ရွာသွန်းနေသဖြင့် ကုန်းမြင့်ပိုင်း တောင်ရပ်ထိ ရေတက်လာခဲ့သည်ဟု သိရသည်။ ဆန်ဈီး (ဈေး) ၊ အလယ်ဈီး (ဈေး) ၊ ဆန်ချဆိပ်၊ ကြက်ဈီး (ဈေး) လက်ကောက်ဈီး (ဈေး) ရှိ မြေနိမ့်ပိုင်း အိမ်များ အားလုံးမှာ ရေမြုပ်နေကြောင်း သူက ပြောသည်။

" အခု ကျောင်းတွေလည်း ပိတ်ထားလိုက်ရပြီ ဖြစ်ပါတယ်။ လူတွေကတော့ မိသားစုလိုက် ပြောင်းရွှေ့ရတာက တစ်မျိုး၊ နောက်တစ်ခါ စပါးတွေကို ကုန်းမြှင့်တဲ့ နေရာကို ပြောင်းရတာက တမျိုးနဲ့ တော်တော်ကို အလုပ်ရှုပ်နေကြပါတယ်" ဟု သူက ဆက်ပြောသည်။

၎င်းပြင် စပါးများကို ပြောင်းရွှေ့ရန်အတွက် အလုပ်သမားများ ဌားရမ်း၍ မရသဖြင့် မိသားစုတိုင်းလိုလို ကိုယ့်စပါးကို ကိုယ်တိုင် ရွှေ့နေကြရသည်ဟု အလယ်ဈီးမှ လူကြီး တဦးက ပြောသည်။

" မိုးက နောက်ထပ် ဆက်ရွာရင် အခြေအနေက ဒီထက် ပိုဆိုးနိုင်ပါတယ်။ အခုတောင်မှ ကျွန်တော်တို့ ရပ်ကွက်ထဲက မြေနိမ့် ပိုင်းက အိမ်တွေ အကုန်လုံးနစ်နေပြီ။ သိုလှောင်ထားတဲ့ စပါးတွေလည်း ကိုယ်ဟာကိုယ် စွတ်တာစွတ် စိုတာစိုနဲ့ ဘေးလွတ်ရာကို ရွှေ့နေကြတယ်။ ဒုက္ခတော့ ရောက်နေကြပါပြီ" ဟု ပြောသည်။

ရေမှာ ကျသွားခြင်း မရှိဘဲ တဖြည်းဖြည်း တက်လာနေသဖြင့် လူအများက ပိုပြီး ရေတက်လာမည်ကို စိုးရိမ်နေကြကြောင်း သိရသည်။

ယခုအချိန်ထိ သက်ဆိုင်ရာ အာဏာပိုင်များက ကယ်ဆယ်ရေး စခန်းများ ဖွင့်လှစ်ခြင်း မရှိသေးကြောင်း သိရသည်။

ဇူလိုင်လ ၁၉ ရက်နေ့က ကျောက်တော်မြို့တွင် ၁၀ ဒသမ ၁၂ လက်မ၊ မြောက်ဦးမြို့တွင် ၉ ဒသမ ၃၇ လက်မ၊ မောင်တောမြို့ တွင် ၄ ဒသမ ၆၁ လက်မ၊ စစ်တွေမြို့တွင် ၄ ဒသမ ၀၆ လက်မ၊ သံတွဲမြို့တွင် ၃ ဒသမ ၉၃ လက်မနှင့် ဂွမြို့တွင် ၃ ဒသမ ၈၆ လက်မ တို့ ရွာသန်းခဲ့ကြောင်း အစိုးရပိုင် သတင်းစာများတွင် ရေးသား ဖော်ပြထားသည်။

ကျောက်တော်မြို့တွင် ရွာသွန်းသော မိုးရေချိန် ၁၀ ဒသမ ၁၂ လက်မ သည် ၂၄ နှစ်အတွင်း စံချိန်သစ်ဖြစ်ပြီး မြောက်ဦးမြို့တွင် ရွာသွန်းသော ၉ ဒသမ ၃၇ လက်မ မိုးရေချိန်သည် ၃၃ နှစ်အတွင်း စံချိန်သစ်ဖြစ်သည်။

Ref: ဧရာဝတီ

Read More...

မြန်မာနိုင်ငံ အနှံ့အပြား မိုးကြီးသဖြင့် လယ်မြေများ ရေမြုပ်

ခင်ဦးသာ
21 July 2011

မြန်မာတနိုင်ငံလုံး၌ မိုးအဆက်မပြတ်ရွာသွန်းနေပြီး တိုင်းနှင့်ပြည်နယ် အများအပြား၌ ရေလွှမ်းမှုများ ဖြစ်ပေါ်နေကာ ဒေသ တချို့တွင် လယ်မြေများစွာ ရေမြုပ်နေကြောင်း ကြားသိရသည်။


ဧရာဝတီတိုင်းအတွင်း မိုးကြီးမှုကြောင့် ကျုံပျော်မြို့နယ်မှ တာတမံတခုအား ဒေသအာဏာပိုင်များက ဖောက်ချ လိုက်ရာ လယ်ဧက ၁ သောင်းဝန်းကျင် ရေမြုပ်သွား ခဲ့သည်။

မိုးအဆက်မပြတ်ရွာသွန်းမှုကြောင့် ကျုံပျော်မြို့နယ်အတွင်းမှ ခရေကန်အမည်ရှိသော တာတမံအား ဇူလိုင်လ ၆ ရက်နေ့တွင် ပေ ၂၀ ခန့် စတင်ဖောက်ချလိုက်ရာမှ ယခုအခါ ပေ ၁၀၀ ၀န်းကျင် ကျိုးသွားပြီး ကျုံပျော်နှင့်နီးစပ်ရာ မြို့နယ်များ ဖြစ်သော ပန်းတနော်၊ ကျောင်းကုန်း စသည့်မြို့နယ်၊ ကျေးရွာများမှ လယ်မြေများ၊ စပါးခင်းများ၊ ငါးကန်များ ရေလွှမ်း ခံလိုက်ရသည်ဟု ကျုံပျော်ဒေသခံ တဦးက ရှင်းပြသည်။

ဒေသအာဏာပိုင်များ၏ လုပ်ရပ်အား ဧရာဝတီတိုင်းဝန်ကြီးချုပ်ထံ တိုင်ကြားခဲ့ရာ ၀န်ကြီးချုပ်၏ အမိန့်ဖြင့် ဇူလိုင် ၁၆ ရက်နေ့ မှစ၍ ကျိုးသွားသည့် တာတမံ ပြန်လည်တည်ဆောက်ရေးအတွက် ဒေသခံများအား မလိုက်မနေရ လုပ်အားပေးခေါ်ယူ နေကြောင်းလည်း ၎င်းက ဆက်ပြောသည်။

ကျိုးသွားသည့် တာတမံကို ပြန်လည်ပိတ်ဆို့ရန် အတွက်ဟုဆိုကာ ဒေသခံများထံမှ အိမ်ထောင်စု တစုလျှင် ကျပ် ၅၀၀ စီ ကောက်ခံကြောင်းလည်း သိရသည်။

ဧရာဝတီတိုင်း ရေကြည်မြို့နယ်အတွင်းရှိ ကျေးရွာ ၄၀ ကျော်လည်း ယခုတပတ်အတွင်း မိုးကြီးမှုကြောင့် ရေမြုပ်ခဲ့ကြောင်း၊ လူအသေအပျောက်နှင့် ထိခိုက်ဒဏ်ရာရမှု မရှိသော်လည်း အိမ်ခြေ ၁၀ လုံးခန့် ပျက်စီးခဲ့ကြောင်း၊ စပါးခင်းများအထက် ၅ ပေအထိ ရေနစ်မြုပ်နေပြီး ကျောင်းများပိတ်ထားရကြောင်း ကမ္ဘာ့ကုသမဂ္ဂ ဖွံ့ဖြိုးမှု အစီအစဉ် (UNDP) က သတင်း ထုတ်ပြန် ထားသည်။

ယနေ့ထုတ်အစိုးရ သတင်းစာများ၌ ကချင်ပြည်နယ်၊ ကရင်ပြည်နယ်၊ စစ်ကိုင်းတိုင်းအထက်ပိုင်း၊ မွန်ပြည်နယ်၊ ရခိုင်ပြည်နယ် တို့၌ မိုးများအဆက်မပြတ် ရွာသွန်းနေပြီး မိုးရေချိန် စံချိန်သစ်များဖြစ်ပေါ်နေကြောင်း၊ ဘင်္ဂလားပင်လယ်ပြင်၌လည်း မုတ်သုန် လေ အလွန်အင်အားကောင်းနေကြောင်း ဖော်ပြထားသည်။

စံချိန်သစ်တင်သည့် မိုးရေချိန်များမှာ ရခိုင်ပြည်နယ် ဂွမြို့၌ ၁၃ ဒသမ ၀၇ လက္မ၊ ဧရာဝတီတိုင်း၊ ဟင်္သာတ( တံခွန်တိုင်)မြို့၌ ၉ ဒသမ ၁၂ လက္မ၊ ငသိုင်းချောင်းမြို့တွင် ၈ ဒသမ ၈၆ လက္မ၊ မောင်းတောမြို့တွင် ၈ ဒသမ ၁၁ လက္မတို့ ဖြစ်ကြောင်း ရေးသား ထားသည်။

ရခိုင်ပြည်နယ်အတွင်းမှ တောင်ကုတ်၊ ကျောက်ဖြူ၊ မင်းပြား၊ မြောက်ဦး၊ ကျောက်တော်၊ ဂွ စသည့်မြို့နယ်များ၏ ရပ်ကွက် ကျေးရွာ တချို့၌လည်း ယနေ့အထိ ရေကြီး၊ ရေမြုပ်နေခြင်းကြောင့် ဘေးလွတ်ရာသို့ ပြောင်းရွှေ့နေကြရကြောင်း ရခိုင်ဒေသခံ များက ပြောသည်။

တောင်ကုတ်မြို့၌ ယနေ့ နံက် ၄ နာရီခန့်မှစတင်ကာ မြို့ပေါ်ရပ်ကွက်အများအပြား ရေမြုပ်နေပြီး ရခိုင်ရိုးမတောင်ခြေရင်းရှိ တောင်ကုတ်မြို့နယ်အတွင်းမှ ကျေးရွာများရှိ နေအိမ်တချို့မှာ တောင်ကျရေ ပြင်းထန်သောကြောင့် ပျက်စီးသွားသည်ဟု တောင်ကုတ်မြို့ခံတဦးက ပြောသည်။

ယနေ့ထုတ်မြန်မာ့အလင်း သတင်းစာတွင် မြန်မာတနိုင်ငံလုံး၌ အမြင့်ဆုံးသော မိုးရေချိန် ၁၃ ဒသမ ၀၇ လက္မဖြင့် ရွာသွန်းခဲ့ သည့် ရခိုင်ပြည်နယ်၊ ဂွမြို့နယ်၌ ရွာ ၁၀ ရွာခန့် ဘေးလွတ်ရာသို့ ပြောင်းရွှေ့နေရကြောင်းဖော်ပြထားသည်။ လမ်းပန်း ဆက်သွယ်ရေး ခက်ခဲသည့် အတွက် ကူညီကယ်ဆယ်ရေး လုပ်ငန်းများ မရှိသေးဟုလည်း ဂွမြို့ဒေသခံတချို့၏ အဆိုအရ သိရသည်။

မြောက်ဦးမြို့၏ မြို့ပေါ်မှဆင်ခြေဖုံးရပ်ကွက်များနှင့်မြို့နှင့်အနီးတ၀ိုက်မှ ကျေးရွာများသည် ရွာလုံးကျွတ်နီးပါး ရေမြုပ်နေ ဆဲဖြစ်ပြီး အစားအသောက်နှင့် အ၀တ်အထည်များ၊ ဆေးဝါး အကူအညီများ အရေးပေါ် လိုအပ်နေသည်ဟု မြောက်ဦးမြို့မှ ရခိုင်တိုင်းရင်း သားများ တိုးတက်ရေးပါတီ (RNDP) ၀င်တဦးက ဆိုသည်။

“ရပ်ကွက် ၄ ခုလောက်နဲ့ မြို့နားက ရွာ ၁၀ ရွာလောက်ရေမြုပ်နေပါတယ်။ မိုးလည်း အဆက်မပြတ်ရွာနေတုန်းပါ” ဟု ၎င်းကဆိုသည်။

မြို့အနီးရှိ ရတနာပုံ၊ သက်တော်ရှည်၊ ရတနာ့မာန်အောင် စသည့် ရပ်ကွက်၊ ကျေးရွာ အနီးတွင် ရေမြုပ်နေပြီး နာမည်ကြီး ရှေးဟောင်းဘုရား၊ စေတီတချို့လည်း ပြိုကျသွားနိုင်ခြေရှိကြောင်း ၎င်းက ဆက်လက်ရှင်းပြသည်။

ယနေ့ နေ့လယ်တွင် ဒေသခံလူငယ်များ စုပေါင်း၍ မြောက်ဦးမြို့ပေါ်ရှိ ရေမမြုပ်သော ရပ်ကွက်များ၌ လိုက်လံအလှုခံကာ ရေမြုပ် နေသော ရပ်ကွက်၊ ကျေးရွာများမှ ပြည်သူများလိုအပ်နေသော အကူအညီများပေးရန် လုပ်ဆောင်နေသည်ဟု မြောက်ဦးမြို့ခံ RNDPပါတီဝင် က ပြောသည်။

ဧရာဝတီတိုင်းနှင့် ရခိုင်ပြည်နယ်အပြင် ရန်ကုန်တိုင်း၊ မွန်ပြည်နယ်၊ ကရင်ပြည်နယ်တို့၌လည်း ဇူလိုင်လဆန်းပိုင်းမှ စတင်ကာ မိုးအဆက် မပြတ်ရွာ သွန်းခဲ့ပြီး ကရင်ပြည်နယ်နှင့်မွန်ပြည်နယ်ကြား မြစ်ချောင်းတလျှောက်ရှိ စပါး စိုက်ပျိုးထားသည့် လယ်မြေ ဧက ထောင်ပေါင်းများစွာ ပျက်စီးသွားကြောင်း မွန်ဒေသခံများက ၎င်းတို့ပါတီထံ အကြောင်းကြားလာသည်ဟု မွန်ဒေသလုံး ဆိုင်ရာ ဒီမိုကရေစီပါတီ၏ ဥက္ကဋ္ဌ ဦးနိုင်ငွေသိန်းက ပြောသည်။

“မွန်ပြည်နယ်ရဲ့ မြို့နယ်အားလုံးနီးပါးက စပါးခင်းတွေ ရေမြုပ်သွားပြီ။ အစက ပြန်စိုက်ဖို့လည်း အချိန်မမီတော့တဲ့အတွက် မွန်ပြည်သူတွေဟာ လာမယ့်နှစ်အတွင်း ဆန်ရှားပါးမှုနဲ့ ကြုံရနိုင်တယ်” ဟု သူက ဆိုသည်။

မြစ်ချောင်းများနှင့် နီးစပ်သည့်ဒေသမှ လယ်မြေများသည် အလွယ်တကူ ရေကျသွားနိုင်ခြေရှိသော်လည်း ကုန်းတွင်းကျသည့် လယ်မြေဧကများ ရေမြုပ်နေသည်မှာ ၂ ပတ်ခန့်ရှိပြီဟု ၎င်းက ရှင်းပြသည်။

မိုးရေချိန်များခြင်းအပြင် ရေစီးနေသော မြစ်ချောင်းများ အကြောင်းအမျိုးမျိုးကြောင့် တိမ်ကောမှု မြန်ဆန်လာကာ ရေစီးရေလာ မရှိတော့သည့်အတွက် လူနေရပ်ကွက်၊ ကျေးရွာများ ရေမြုပ်လာခြင်းဖြစ်သည်ဟု ရခိုင်ကမ်းရိုးတန်းဆိုင်ရာ သဘာဝ ပတ်ဝန်း ကျင် ထိန်းသိမ်းရေး အဖွဲ့ဝင် တဦးက ဧရာဝတီကို ပြောသည်။

ချင်းတွင်းမြစ်၊ သံလွင်မြစ်၊ င၀န်မြစ် တို့၏ မြစ်ရေများသည် စိုးရိမ်ရေမှတ်အထိ ရောက်ရှိနိုင်ကြောင်းလည်း မိုးလေ၀သနှင့် ဇလဗေဒ ညွန်ကြားမှု ဦးစီးဌာနက ထုတ်ပြန်ထားသည်။

မိုးလေဝသနှင့် ဇလဗေဒပညာရှင် ဦးထွန်းလွင်ကလည်း ဇူလိုင် ၁၇ ရက်နေ့ ညနေ ၄ နာရီမှစ၍ ၉၆ နာရီအတွင်း မြစ်ဝကျွန်းပေါ် ကမ်းရိုးတမ်းဒေသများနှင့် ကမ်းလွန်ပင်လယ်ပြင်တွင် ရာသီဥတု ဆိုးရွားခြင်းနှင့်အတူ လေနှင့် လှိုင်းအန္တရာယ်ကို အထူးသတိ ထားရမည်ဟု ၎င်း၏ ဝက်ဘက်ဆိုက်တွင် ရေးသားထားသည်။

Ref: ဧရာဝတီ

Read More...

ဗုံးတရားခံများကို ရှာမတွေ့သေး

လင်းသန့်
21 July 2011

အာဏာပိုင်တို့က ပြီးခဲ့သည့်လ မြို့ကြီး၃ခု ဗုံးပေါက်ကွဲမှုများအတွက် သံသယရှိသူတို့၏ အမည် နှင့် ဓာတ်ပုံများကို နေရာ အများ အပြားတွင် လိုက်လံ ကြေညာလျက်ရှိသည်။


သံသယရှိသူတို့ကို ဖမ်းဆီးနိုင်ရေးအတွက် ရန်ကုန်-မန္တလေး၊ မန္တလေး-မြစ်ကြီးနား လမ်းတလျှောက် တည်းခိုခန်း၊ ဟိုတယ် စသည့် နေရာများ၊ မြို့ကြီးများရှိ ဘူတာရုံ၊ ကားဂိတ်များတွင် ကြော်ငြာများ ဖြန့်ဝေထားသည်ဟု သိရသည်။

“ရန်ကုန်ဘူတာကြီး ကြော်ငြာတွေမှာ ဖောက်ခွဲရေးသမားဆိုတဲ့ ဓာတ်ပုံတွေနဲ့ ချိတ်ထားတယ်။ အဲဒီလူတွေက ဖောက်ခွဲရေး သမားတွေ ဖြစ်လို့ သတင်းပေးဖို့၊ ဖုန်းနံပါတ်က နေပြည်တော် ဖုန်းနံပါတ် ၂ ခုပါတယ်” ဟု ရန်ကုန်မြို့မှ ဒေသခံ တဦးက ဧရာဝတီကို ပြောသည်။

ရန်ကုန်ဘူတာကြီးရှိ မီးရထားရဲဌာန၏ အဆိုအရ ထို ကြော်ငြာများကို မကြာသေးခင်မှ စတင် ကပ်ထားခြင်း ဖြစ်သည်ဟု သိရသည်။

သံသယရှိသူများကို တရုတ်-မြန်မာ နယ်စပ်မြို့ တချို့တွင်ပါ ရှာဖွေနေကြောင်း ဧရာဝတီက သတင်း ရရှိသည်။

ရန်ကုန်မြို့ ရဲသတင်းတပ်ဖွဲ့ရုံးကို ဆက်သွယ်မေးမြန်းရာ “အေမီကျော်၊ ကျော်သီဟ၊ သက်ထွန်း၊ အောင်ကိုကို ခေါ် ကိုကိုနိုင်” စသည့် ဖောက်ခွဲရေးကိစ္စများအတွက် သံသယ၀င်ခံရသူ ၄ ဦးသည် ABSDF ခေါ် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦးမှဖြစ်သည်ဟု သိရကြောင်း တယ်လီဖုန်း လက်ခံဖြေဆိုသူ တဦးက ဧရာဝတီကို ပြောသည်။

ထိုင်းမြန်မာနယ်စပ် အခြေစိုက် ABSDF ဗဟို ဦးဆောင်ကော်မတီဝင် ဆလိုင်းယောအောင်ကမူ “ကျနော်တို့ ABSDF အဖွဲ့မှာ ဒီလို နာမည်မျိုးနဲ့လူတွေလည်း မရှိဘူး။ ဒီကိစ္စတွေ စွပ်စွဲတာ သူတို့ စစ်တပ်ကပဲလုပ်ပြီး လုံခြုံရေး တင်းကျပ်ချင်လို့ အကြောင်းပြ လမ်းလွှဲတာဖြစ်မယ်” ဟု ဆိုသည်။

အာဏာပိုင်တို့၏ ကြော်ငြာများတွင် ရှမ်းတိုင်းရင်းသားအမည်နှင့် ပုဂ္ဂိုလ် ၃ ဦးကိုလည်း ဓာတ်ပုံနှင့်တကွ ဖော်ပြထားသည်ဟု သိရသည်။

ဖောက်ခွဲရေးသမားများနှင့် ပတ်သက်၍ သတင်းပေးလိုပါက နီးစပ်ရာ ရဲစခန်းသို့ ဆက်သွယ်ရန် တိုက်တွန်းထားသည်။

“အများ လူထုရှေ့မှာ ကြော်ငြာတင်ရင် တိုက်ချက် ရေးဖွင့်ပြီးသား ဖြစ်ရမယ်။ ရာဇ၀င် လူဆိုးလည်း ဖြစ်ရမယ်။ သတင်း အချက် အလက်ကလည်း ခိုင်မာရမယ်။ တရားခံပြေးလို့ ကြေညာမှသာလျှင် အများသူငါရှေ့ ဓာတ်ပုံနဲ့ နာမည်နဲ့ ကြော်ငြာလုပ်ခွင့် ရှိ တယ်” ဟု ရန်ကုန်မြို့မှ ရှေ့နေကြီး ဦးအောင်သိန်းက ပြောသည်။

ယခင် စစ်အစိုးရ လက်ထက်က ဥပဒေကြောင်းအရ တရားခံပြေး မကြေညာသော်လည်း အများပြည်သူ သွားလာသည့် နေရာများတွင် ကြော်ငြာခဲ့ဖူးကြောင်း သူက ဆက်ပြောသည်။

ထိုစဉ်က ဗုံးပေါက်ကွဲမှု ဖြစ်တိုင်း ဗုံးခွဲသည့် တရားခံဟု ၎င်းတို့ သတ်မှတ်သူများအကြောင်းကို သတင်းစာ ရှင်းလင်းပွဲ လုပ်လေ့ ရှိသည်။

ဇွန်လ ၂၄ ရက်နေ့က နေပြည်တော်၊ မန္တလေး၊ မေမြို့တို့တွင် ဗုံးကွဲမှုများ ဖြစ်ပြီး ရက်အနည်းငယ် အကြာတွင် အာဏာပိုင်တို့က စိုင်းဆမ်၊ စိုင်းအိုက်၊ စိုင်းကျော်မြင့်ဦး စသည့် ရှမ်းတိုင်းရင်းသားအမည်နှင့် ပုဂ္ဂိုလ်တို့သည် ထိုဖောက်ခွဲမှုများတွင် တာဝန်ရှိ သည် ဟု သတင်း ထုတ်ပြန်ခဲ့သည်။

ပေါက်ကွဲမှုများ ပြင်းထန်သော်လည်း လူသေဆုံးမှု မရှိခဲ့ပေ။ လူမရှိသည့် မော်တော်ယာဉ်၊ အဆောက်အအုံတို့တွင် ပေါက်ကွဲ ခဲ့ခြင်း ဖြစ်သည်။

Ref: ဧရာဝတီ

Read More...

သံအရာရှိများ ခိုလှုံခြင်းနှင့် ဂျွန်မက်ကိန်းခရီးစဉ် အဆက်အစပ် ရှိသလား

ရန်ပိုင်
21 July 2011

မြန်မာအဆင့်မြင့် သံအရာရှိနှစ်ဦး နိုင်ငံရေးခိုလှုံခွင့် တောင်းခံခဲ့ရခြင်းမှာ အမေရိကန်အထက်လွှတ်တော် အမတ် ဂျွန်မက်ကိန်း၏ ခရီးစဉ်နှင့်ပတ်သက်နေသည်ဟု နေပြည်တော်ရှိ အစိုးရအသိုင်းအ၀န်းက ပြောဆိုကြသည်။


အမေရိကန် ဝါရှင်တန်အခြေစိုက် မြန်မာသံရုံးမှ သံအရာရှိ နှစ်ဦးဖြစ်သည့် ဒုတိယ သံရုံးတာဝန်ခံ ဦးကျော်ဝင်းနှင့် သံရုံး ပထမ အတွင်းဝန် ဦးစိုးအောင်သည် အမေရိကန်နိုင်ငံနှင့် မြန်မာနိုင်ငံအကြား ဆက်ဆံရေးကို ပြန်လည် ကောင်းမွန် စေရေးအတွက် တာဝန်ယူ လုပ်ဆောင်ရသူများ ဖြစ်သည်။

ပြီးခဲ့သည့်လက နေပြည်တော်သို့ သွားရောက်ခဲ့သည့် မစ္စတာ ဂျွန်မက်ကိန်း၏ ခရီးစဉ်မတိုင်မီ နှစ်ဘက်ကြိုတင် ဆွေးနွေးပွဲများ ၌လည်း သံရုံးတာဝန်ခံ ဒု ဗိုလ်မှူးကြီး စိုးပိုင်မှာ အင်္ဂလိပ်စကားပြော အားနည်းသည့်အတွက် ဦးကျော်ဝင်းက ဦးဆောင် ဆွေးနွေး ရကြောင်း နေပြည် တော်ရှိ နိုင်ငံခြားရေး ဝန်ကြီးဌာနမှ အရာရှိတဦးက ပြောသည်။

“ခရီးစဉ်မှာ တချို့အချက်တွေကို မြန်မာအစိုးရက သဘောမတူဘူး။ အင်တင်တင်ဖြစ်နေတာတွေကို ဦးကျော်ဝင်းက ပြေလည် အောင်လုပ် ပေးရတယ်” ဟု ၎င်းကဆိုသည်။

အဆိုပါ ခရီးစဉ်နှင့်ပတ်သက်၍ ဒု သမ္မတ သီဟသူရ ဦးတင်အောင်မြင့်ဦးက အမေရိကန်နှင့် မြန်မာ ဆက်ဆံရေးကို တိုးမြှင့် ဆောင်ရွက်သွားမည်ဟု ပြောဆိုကြောင်း အစိုးရ သတင်းစာများတွင် ဖော်ပြထားသော်လည်း ဂျွန်မက်ကိန်းကမူ သတင်းစာ ရှင်းလင်းပွဲ၌ အာရပ်ကမ္ဘာတွင် ဖြစ်ပွားနေသည့် လူထုအုံကြွမှုများကဲ့သို့ မြန်မာနိုင်ငံ၌ မဖြစ်ပွားစေရန် ၀ိုင်းဝန်းတားဆီးရမည်ဟု ပြောဆိုခဲ့သည်။

ယင်းဆွေးနွေးပွဲတွင် အမေရိကန် ကိုယ်စားလှယ်များက မြန်မာအစိုးရနှင့် ပတ်သက်၍ ၎င်းတို့အမြင်ကို ပွင်လင်းစွာ ပြောဆိုခဲ့ပြီး သီဟသူရ ဦးတင်အောင်မြင့်ဦးကိုလည်း ဒေါသကြီးသူ တယောက်ဟု မှတ်ချက်ချပြောဆိုခဲ့သည်။ ထိုကြောင့် နှစ်နိုင်ငံ ပြန်လည် သင့်မြတ်ရေးနှင့် ပတ်သက်၍ မြန်မာအစိုးရ မျှော်လင့်သကဲ့သို့ ဖြစ်မလာကြောင်း နိုင်ငံခြားရေးဝန်ကြီးဌာနမှ အရာရှိက ပြောဆိုသည်။

နိုင်ငံရေးခိုလှုံခွင့် တောင်းခံခဲ့သူ ဦးကျော်ဝင်းမှ အမေရိကန် နိုင်ငံခြားရေး ၀န်ကြီး ဟီလာရီ ကလင်တန် ထံသို့ ပေးပို့သည့်စာတွင် မြန်မာနိုင်ငံနှင့် အမေရိကန်နိုင်ငံတို့ကြား ကောင်းမွန်သောဆက်ဆံရေး တည်ဆောက်နိုင်ရန် အကြံပြုစာများကို မြန်မာအစိုးရထံ ပေးပို့ခဲ့သော်လည်း အမြဲပယ်ချခံရကြောင်း၊ ထိုသို့ ဆောင်ရွက်မှုများကြောင့် ၎င်းတွင် အန္တရာယ်တစုံတရာ ကြုံလာနိုင် ကြောင်း လည်း ရေးသားထားသည်။

ဦးကျော်ဝင်း နိုင်ငံရေးခိုလှုံခွင့် တောင်းခံခြင်းနှင့် ဆက်စပ်ပြီး ဦးစိုးအောင်ကို စုံစမ်းစစ်ဆေးရေးအတွက် နေပြည်တော်သို့ ၂၄ နာရီအတွင်း ပြန်လာရန် မြန်မာအစိုးရက ဆင့်ခေါ်ခဲ့သောကြောင့် ဦးစိုးအောင်လည်း နိုင်ငံရေးခိုလှုံခွင့် တောင်းခံခဲ့သည်။

အဝေးရောက် ညွန့်ပေါင်းအစိုးရအဖွဲ့ (NCGUB) ၏ ကုလသမဂ္ဂ ကိုယ်စားလှယ် ဒေါက်တာ သောင်းထွန်းက မြန်မာအစိုးရ၏ နိုင်ငံတကာ ဆက်ဆံရေး တိုးချဲ့မှုတွင် ယခုနိုင်ငံရေး ခိုလှုံခွင့် တောင်ခံခဲ့သည့် ဒု သံရုံးတာဝန်ခံ ဦးကျော်ဝင်းသည် အဓိက တာဝန်ရှိသူတဦးဖြစ်ကြောင်း၊ ပြည်ပတွင်ရောက်ရှိနေသည့် ဒီမိုကရေစီ လှုပ်ရှားသူမျုားနှင့်လည်း ဆက်ဆံရာတွင် ပျော့ပြောင်း မှုရှိကြောင်း ပြောသည်။

မစ္စတာ ဂျွန်မက်ကိန်းသည် ပြီးခဲ့သည့် မေလက မြန်မာနိုင်ငံသို့ လာရောက်ခဲ့ပြီး သီဟသူရ ဦးတင်အောင်မြင့်ဦး၊ ပြည်သူ့ လွှတ်တော် ဥက္ကဋ္ဌ သူရ ဦးရွှေမန်း အပါအ၀င် တာဝန်ရှိသူများနှင့် တွေ့ဆုံခဲ့သည်။

ဒေါ်အောင်ဆန်းစုကြည်နှင့် တွေ့ဆုံရာ၌ မစ္စတာ ဂျွန်မက်ကိန်းက မြန်မာဒီမိုကရေစီ အရေးကို ဆက်လက် ထောက်ခံသွားမည်ဟု ပြောဆိုခဲ့ပြီး ဦးကျော်သူ ဦးဆောင်လုပ်ကိုင်နေသည့် နာရေးကူညီမှုအသင်း (ရန်ကုန်) နှင့် ဒဂုံမြို့သစ်တောင်ပိုင်းရှိ မဖြူဖြူသင်း၏ HIV/AIDS ဝေဒနာသည်များ စောင့်ရှောက်ရေး ဂေဟာသို့ သွားရောက်ခဲ့သေးသည်။

Ref: ဧရာဝတီ

Read More...

နယ်စပ်တွင် ပျက်ကျသည့် ထိုင်း ဘလက်ဟော့ခ် ရှာဖွေနေဆဲ

သန်းထိုက်ဦး
21 July 2011

ထိုင်း-မြန်မာနယ်စပ်တွင် ဇူလိုင်လ ၁၉ ရက်နေ့က ပျက်ကျခဲ့သော ထိုင်းစစ်တပ်မှ ဘလက်ဟော့ခ် ရဟတ်ယာဉ်မှ အသက်ရှင် ကျန်ဖွယ် ရှိသူများကို မြန်မာစစ်တပ် အကူအညီဖြင့် ထိုင်းစစ်တပ်က ယမန်နေ့မှ စတင်၍ သွားရောက် ရှာဖွေနေဆဲဖြစ်ကြောင်း သိရသည်။


ဇူလိုင်လ ၁၆ ရက်နေ့က ထိုင်းနိုင်ငံ ဖက်ချဘူရီ ခရိုင်ရှိ ကန်ကရာချန် အမျိုးသား ဥယျာဉ်တွင် ပျက်ကျသွားသော စစ်ရဟတ် ယာဉ်မှ သေဆုံးသွားသူ ၅ ဦး၏ ရုပ်အလောင်းကို သယ်ယူရန်အသွားတွင် လူ ၉ ဦးပါ ယင်း ဘလက်ဟော့ခ် ရဟတ်ယာဉ် ပျက်ကျခဲ့ခြင်း ဖြစ်သည်။ ပထမပျက်ကျသော ရဟတ်ယာဉ်သည် နယ်စပ်အနီး သစ်ခိုးခုတ်မှုသတင်း ကြောင့် သွားရောက် စစ်ဆေးစဉ် ပျက်ကျခြင်းဖြစ်သည်။

ပထမ စစ်ရဟတ်ယဉ်နှင့် လိုက်ပါသွားသော စစ်အရာရှိ ၅ ဦး၏ ရုပ်အလောင်းကို ယခု ပြန်လည်သယ်ဆောင် ခဲ့ပြီးဖြစ်သည်။

ထိုင်းစစ်တပ်မှ အဖွဲ့ ၂ ဖွဲ့သည် မြန်မာစစ်တပ်၏ အကူအညီဖြင့် ဘလက်ဟော့ခ် ပျက်ကျသည့် နေရာသို့ သွားရောက်နေကြောင်း၊ ဘလက်ဟော့ခ် ရဟတ်ယဉ်ဖြင့် လိုက်ပါသွားသည့် ၉ ဦးကိုမူ လိုက်လံရှာဖွေဆဲဖြစ်ကြောင်း၊ ရှာဖွေရန် ၃ ရက် ၄ ရက်ခန့် ကြာ နိုင်ကြောင်း ယနေ့ ဘန်ကောက်ပို့စ် သတင်းတွင် ဖော်ပြထားသည်။

ထိုင်းစစ်တပ်မှ ပြောခွင့်ရပုဂ္ဂိုလ်က ထိုင်းမီဒီယာများသို့ ပြောရာတွင် ဘလက်ဟော့ခ်သည် မြန်မာပိုက်နက်ထဲသို့ ပျက်ကျခြင်း ဟုတ်မဟုတ် အတည်မပြုနိုင်သေးကြောင်း၊ ထိုင်း-မြန်မာ နယ်စပ်အနီးဖြစ်နိုင်ကြောင်း၊ ဘလက်ဟော့ခ် အရေးပေါ် နေရာပြ အချက်ပေး ကိရိယာ အလုပ်မလုပ်တော့သော်လည်း အသက်ရှင်ကျန်သူများ ရှိမည်ဟု မျှော်လင့်ကြောင်း ဆိုသည်။

ယမန်နေ့က ဘန်ကောက်ပို့စ် သတင်းတွင်မှု ဘလက်ဟော့ခ် ပျက်ကျဖွယ်ရှိသည့်နေရာကို မြန်မာစစ်သားများက ခန့်မှန်းနိုင်ခဲ့ပြီး ယင်းစစ်သားများက ပျက်ကျရာနေရာကို ထိုင်းစစ်တပ်သို့ အကြောင်းကြားခဲ့ခြင်းဖြစ်ကြောင်း ရေးသားထားသည်။

ထိုင်းစစ်တပ် သတင်းရပ်ကွက်ကမူ ရာသီဥတုကြောင့် ဖြစ်နိုင်သည်ဟု ပြောဆိုထားပြီး ဘလက်ဟော့ခ် ပျက်ကျသည့်အချိန်တွင် မိုးသည်းထန်နေပြီး လေပြင်းများ တိုက်နေသည်ဟု ဆိုသည်။

ဘလက်ဟော့ခ် ရဟတ်ယာဉ်သည် တနင်္သာရီတိုင်း မြိတ်မြို့အနီးသို့ ပျံသန်းခဲ့ပြီးနောက် အဆက်အသွယ် ပြတ်တောက်သွား သည်ဟု ထိုင်းစစ်တပ်၏ ကမ္ဘာ့ မြေပုံနေရာပြ စနစ် (GPS) က ဖော်ပြနေကြောင်း ဘန်ကောက်ပို့စ်သတင်းတွင် ရေးသား ထားသည်။

ထိုင်းသတင်းများအရ မြန်မာအစိုးရတပ်က ရှာဖွေမည့်လမ်းကြောင်းတွင် မိုင်းအများအပြား ထောင်ထားသောကြောင့် သတိထား သွားလာရန် ထိုင်းစစ်သားများကို အသိပေးထားကြောင်း သိရသည်။

ထိုင်းစစ်တပ်မှ အရာရှိတဦးကလည်း “ရဟတ်ယာဉ် ပျက်ကျတဲ့ နေရာကို သွားနေတာ မရောက်သေးဘူး၊ နောက်ပြီး အဲဒီဒေသ မှာ တိုင်းရင်းသား လက်နက်ကိုင် အဖွဲ့အစည်းရဲ့မိုင်းတွေရှိတယ်ဆိုတော့ သတိထားပြီးတော့ သွားရမှာ ဖြစ်တယ်” ဟု ဧရာဝတီသို့ ပြောသည်။

ပျက်ကျဖွယ်ရှိသည့် နေရာသို့ ခြေလျင်သွားပါက အနည်းဆုံး ၂ ရက်ခန့် ကြာနိုင်ကြောင်းနှင့် ယင်းနေရာသည် ကရင်အမျိုးသား အစည်းအရုံး (KNU) တပ်များနှင့် အစိုးရတပ်များ လှုပ်ရှား ဒေသဖြစ်ကြောင်း သိရသည်။

၁၉၉၇ ခုနှစ် သြဂုတ်လ ၂၈ ရက်နေ့က ထိုင်းစစ်တပ်မှ ဂျက် ရိန်းဂျား ရဟတ်ယာဉ်တစီး ထိုင်း-မြန်မာနယ်စပ်တွင် ပျက်ကျခဲ့ဖူးပြီး သတင်းဌာနများနှင့် မြန်မာအတိုက်အခံများက မြန်မာစစ်တပ်က ပစ်ချခဲ့ခြင်း ဖြစ်သည်ဟု ဆိုခဲ့ကြသည်။ ထိုင်းစစ်တပ်ကမူ ရာသီဥတု အခြေအနေဆိုးသောကြောင့် ဖြစ်သည်ဟု ပြောခဲ့သည်။ ထိုစဉ်က ရဟတ်ယာဉ် မောင်းသူ ၂ ဦးအပါအဝင် ထိုင်း စစ်သား ၄ ဦး သေဆုံးသည်။

Ref: ဧရာဝတီ

Read More...

Thursday, July 21, 2011

ကချင်ဒုက္ခသည်များ​အတွက် အ​ရေး​ပေါ်အကူအညီလိုအပ်

July 21, 2011
နေသွင်

ကချင်ပြည်နယ်ထဲက စစ်ပွဲ​တွေမှာ ကချင်အမျိုး​သမီး​တွေကို မုဒိမ်း​ကျင့်​ဖို့​ စစ်သား​တွေက အထက်က အမိန့်​ရထား​တဲ့​အတိုင်း​၊​ မုဒိမ်း​မှု​ပေါင်း​ ၃၂ မှုရှိ​နေပြီလို့​ ထိုင်း​နိုင်ငံအ​ခြေစိုက် ကချင်အမျိုး​သမီး​အဖွဲ့က ဆိုပါတယ်။


ဇွန်လဆန်း​က စတင်ခဲ့​တဲ့​ တိုက်ပွဲဟာ တလ​ကျော်ကြာလာတဲ့​တိုင် ဒုက္ခသည်​တွေအတွက် ​ဆေး​ဝါး​၊​ ရိက္ခာ​တွေ အ​ရေး​ပေါ်လိုအပ်​နေတယ်လို့​ ကချင်အမျိုး​သမီး​အဖွဲ့ရဲ့​ ​ပြောခွင့်​ရ ရှယ်လီဆိုင်း​က ​ပြောပါတယ်။

“စစ်​ကြောင်း​ နဲ့​ နည်း​နည်း​ဝေး​တဲ့​ စစ်ဖြစ်တဲ့​နေရာ​တွေမှာ စုပြီး​နေကြတယ်။ ကူညီတဲ့​လူ​တွေက​တော့​ အဲဒီမှာရှိတဲ့​ လူထုအဖွဲ့
လူငယ်​တွေ၊​ အမျိုး​သမီး​တွေ​ပေါ့​။ အခုလိုင်ဇာဘက်မှာဆိုရင် လည်း​ လာဟင်ဆိုတဲ့​ အဖွဲ့ရှိတယ်။ မိုင်တိုင်ယန်း​ ဘက်မှာ ဆိုရင် WPM ဆိုတဲ့​ ဖွဲ့ထား​တဲ့​ လူထုနဲ့​ အမျိုး​သမီး​လူငယ်​တွေ အဲဒီက သာသနာဆရာ​တွေ အား​လုံး​ဝိုင်း​ဝန်း​ပြီး​တော့​ အကျိုး​ ဆောင်​နေတယ်။ ရိက္ခာ​တော့​ ဆန်၊​ ဆီ၊​ ဆား​ပေါ့​။”

ဇွန်လ ၉ ရက်​နေ့​က​နေ စခဲ့​တဲ့​ ကချင်ပြည်နယ်နဲ့​ ရှမ်း​ပြည်​မြောက်ပိုင်း​က တိုက်ပွဲ​တွေ​ကြောင့်​ တရုတ်-မြန်မာ နယ်စပ်မှာခိုလှုံ​နေတဲ့​ ကချင်ဒုက္ခသည် တ​သောင်း​ခြောက်​ထောင်ရှိပြီး​ ဆက်လည်း​ တိုး​လာ​နေတယ်လို့​ ကချင်အမျိုး​သမီး​အဖွဲ့​ကဆိုပါတယ်။
မိုး​ရာသီ လယ်ယာစိုက်ပျိုး​ချိန်မှာ လုပ်ငန်း​တွေကို စွန့်​ပြီး​ ထွက်​ပြေး​နေရတဲ့​အတွက် ​ရှေ့​ဆက် ပိုပြီး​ ဒုက္ခ​ရောက်နိုင်တယ်လို့​ ကချင်အမျိုး​သမီး​အဖွဲ့ကဆိုပါတယ်။

“ဗမာပြည်အစိုး ​ရကို ဖိအား​ပေး​ဖို့​၊​ အား​လုံး​ တပြည်လုံး​ငြိမ်း​ချမ်း​စွာ စကား​ပြောနိုင်ဖို့​ လိုလား​တယ်။ ​နောက် ဒီလိုမျိုး​ စစ်ကြီး​ပဲ ဆက်ဖြစ်​နေမယ်ဆိုရင် ပြည်သူလူထု​တွေ ဒုက္ခ​ရောက်တယ်။ မိုး​တွင်း​လည်း​ ဖြစ်တယ်ဆို​တော့​ ​တော်​တော်ဒုက္ခ​ရောက်ကြပါတယ်။ ဆန်စပါး​စိုက်တဲ့​ အချိန်လည်း​ဖြစ်တယ်။ အခုထွက်​ပြေး​နေရ​တော့​ ​နောက်ဆို ကျမတို့​မှာ အခက်အခဲ ပြည်သူလူထုအတွက် ပိုပြီး​ဒုက္ခ​ရောက်မယ်။”

မ​နေ့​ ကအထိလည်း​ ကချင်ပြည်လွတ်လပ်​ရေး​တပ်မ​တော်( ​ကေအိုင်​အေ) နဲ့​ မြန်မာ စစ်တပ်အကြား​ ဖြစ်ပွား​နေတဲ့​ အစိုး​ရတပ်ချီတက်ရာလမ်း​တ​လျှောက်က ​ကျေး​ရွာ​တွေမှာ အစိုး​ရတပ်က အရပ်သား​တွေကို ​ပေါ်တာဆွဲ​နေပါတယ်။

Ref: ဒီဗွီဘီ

Read More...

မတရားရောင်းစားခံရသည့်မြေကိစ္စ အုပ်ချုပ်ရေးရုံးက အရေးမယူ

July 21, 2011

ကရင်ပြည်နယ် ဘားအံမြို့နယ်ထဲက ရွာသားပိုင် မြေလွတ်မြေရိုင်းတွေကို ဒီကေဘီအေ တပ်မှူးတချို့နဲ့ ဒေသခံအာဏာပိုင်တွေ ပူးပေါင်းပြီး ရောင်းချခဲ့တဲ့ကိစ္စမှာ နစ်နာကြေးတွေ ပြန်ရဖို့အတွက် ရွာသားတွေက အုပ်ချုပ်ရေးရုံးမှာ အဆင့်ဆင့်တိုင်ကြား ခဲ့ပေမယ့် ဒီကနေ့အထိ အရေးယူဖြေရှင်းပေးတာ မရှိသေးဘူးလို့ ရွာသားတွေက ပြောပါတယ်။

လွန်ခဲ့တဲ့ ၂၀၀၇ ကနေ ၂၀၁၀ ခုနှစ် အတွင်းမှာ နောင်လုံအခြေစိုက် ဒီကေဘီအေ တပ်မဟာ ၉၉၉ တပ်ရင်း ၄ က ဗိုလ်ကျော်ရွှေ၊ ဗိုလ်ကြာဝင်း၊ ရွာသား ဦးကြာဟဲနဲ့ ပြည်နယ်မြေစာရင်းဦးစီးဌာန လက်ထောက်ဦးစီးမှူး ဦးစောသန်းစိန်၊ မြေတိုင်းစာရေး ဦးစ၀င်းထွန်း၊ ဦးပါပီိတို့က ပူးပေါင်းပြီးတော့ ဘားအံမြို့နယ် နတ်ထိပ် ကျေးရွာ အရှေ့ဘက်နဲ့ တောင်ဘက်ခြမ်း မှာရှိတဲ့ မြေလွတ် မြေရိုင်း ဧကပေါင်း ၃ ထောင်ကျော်ကို အကွက်ရိုက်ပြီး ပြည်တွင်းပြည်ပစီးပွားရေး လုပ်ငန်းရှင်တွေကို ရောင်းချပေးခဲ့ပါတယ်။

မြေတကွက်ကို ကာလပေါက်ဈေး ကျပ်ငွေသိန်းနဲ့ချီပြီး ရခဲ့ပေမယ့် ရွာသားတွေအတွက် ဘာမှ အကျိုးခံစားခွင့် မရှိခဲ့ပါဘူး။

ဒီကိစ္စကို အရေးယူပေးဖို့ ဒေသခံရွာသားတွေဟာ ပြီးခဲ့တဲ့ ၂၀၁၀ ခုနှစ် မေလတုန်းက ကျေးရွာအေးချမ်း သာယာရေးဥက္ကဋ္ဌကနေ မြို့နယ်အေးချမ်းသာယာရေးဥက္ကဋ္ဌ အဆင့်ထိ တရားဝင် စာရေးတောင်းဆိုပေမယ့် ဘာမှအရေးတယူ ဖြေရှင်းပေးတာ မရှိခဲ့ဘူး။

ဒါကြောင့် ဒီနှစ်မေလထဲမှာ ကရင်ပြည်နယ် အုပ်ချုပ်ရေးရုံးထိကို တက်ပြီး တိုင်ကြား ခဲ့ပေမယ့် ဒီကနေ့ထိ ဘာမှ အရေးယူပေး တာ မရှိသေးဘူးလို့ ပြောပါတယ်။

Ref: ဒီဗွီဘီ

Read More...

ပေါ်တာများ​နှင့်​ချီတက်လာသည့်​စစ်​ကြောင်း​ကို ​ကေအိုင်​အေ ချုံခိုတိုက်ခိုက်

July 21, 2011

ကချင်ပြည်နယ်၊ ​ ဝိုင်း​မော်မြို့နယ်အတွင်း​ မ​နေ့​က ကချင်ပြည်လွတ်လပ်​ရေး​ တပ်မ​တော် (ကေအိုင်​အေ) နဲ့​ အစိုး​ရတပ်ဖွဲ့အကြား​ တိုက်ပွဲဖြစ်ခဲ့​ပါတယ်။


ကေအိုင်​ အေတပ်ရင်း​ ၃ နယ်​မြေအတွင်း​ဝင်​ရောက်လာတဲ့​ မပခလက်​အောက်ခံ စစ်​ကြောင်း​တခုကို ​ကေအိုင်​အေတပ်ရင်း​ ၃ တပ်ဖွဲ့ဝင်​တွေက ချုံခိုတိုက်ခိုက်ခဲ့​တယ်လို့​ ​ကေအိုင်​အေနဲ့​ နီး​စပ်သူက ​ပြောပါတယ်။

“ချီ​ဗွေနဲ့​ ဝါး​ရှောင်ကြား​ထဲက ဘွမ်​တောင်ယန်မှာ မ​နေ့​က အစိုး​ရ စစ်တပ်က စစ်​ကြောင်း​သွား​နေတဲ့​ခါမှာ ​ကေအိုင်​အေက ကြား​က​နေ ချုံခိုတိုက်တာ​ပေါ့​လေ။ အဲဒီမှာ အစိုး​ရ စစ်တပ်က ၄ ဦး​ကျတယ်။ ​ကေအိုင်​အေက ​သေနတ် ၂ လက် ​ကောက်ခဲ့​တယ်။ အဲဒီမှာ ​ပေါ်တာ​တွေလည်း​ ​တော်​တော်များ​များ​ ပါတယ်။ တိုက်ပွဲဖြစ်​တော့​ ​ပေါ်တာ​တွေက ​ပြေး​ရင်း​နဲ့​ ​ကေအိုင်​အေနယ်ဘက် ​ရောက်ခဲ့​တယ်​ပြောတယ်။ ​ကေအိုင်​အေက ​ပေါ်တာ ၆ ​ယောက်ကိုလည်း​ ထိန်း​သိမ်း​ထား​တယ် ​ပြောတယ်။”

ကေအိုင်​အေ ဌာနချုပ်ရှိရာ လိုင်ဇာနဲ့​ ​ကေအိုင်​အေတပ်စခန်း​ ​တွေရှိရာ အနီး​တဝိုက်မှာ မြန်မာစစ်တပ်ဘက်မှ စစ်​ကြောင်း​တွေ ဝင်​ရောက်လှုပ်ရှား​မှု များ​ပြား​လာ​နေပြီး​ အဲဒီစစ်​ကြောင်း​တွေ ချီတက်ရာ လမ်း​တ​လျှောက်က ​ကျေး​ရွာ​တွေမှာ အိမ်​မွေး​ ကြက်၊​ ဝက်၊​ သတ်စား​တာ​တွေ၊​ အမျိုး​သား​တွေကို ​ပေါ်တာဆွဲတာ​တွေ၊​ ရိုက်နှက်တာ​တွေ၊​ အမျိုး​သမီး​တွေကို အဓမ္မပြုကျင့်​တာ​တွေ ရှိ​နေတယ် လို့​ လိုင်ဇာကလာတဲ့​ သတင်း​တွေအရ သိရပါတယ်။

ပြီး​ခဲ့​တဲ့​ ရက်ပိုင်း​က ဆင်ဘိုမှ ချီတက်လာတဲ့​ စစ်​ကြောင်း​တခုက ဗန်း​မော်-မြစ်ကြီး​နား​ကား​လမ်း​ပေါ်ရှိ မဒီယန်​ကျေး​ရွာ အနီး​ ကူယန်ဆိုသည့်​ ​တောင်​ပေါ် ကချင်ရွာမှာ တပ်စွဲစခန်း​ချ​နေပြီး​ ရွာက အသက် ၆ဝ နဲ့​ အသက် ၁၄ နှစ်အရွယ် အမျိုး​သမီး​အပါ အဝင် အမျိုး​သမီး​ ၁ဝ ဦး​ခန့်​ကို ​ကျေး​ရွာအတွင်း​ စစ်သား​တွေက အဓမ္မပြုကျင့်​တာ ​တွေရှိခဲ့​တယ်လို့​ ​ကေအိုင်အိုအမျိုး​သမီး​ရေး​ရာအဖွဲ့​ထံ ​ဒေသခံရွာသား​တွေက လာ​ရောက် တိုင်ကြား​ ထား​ ​ကြောင်း​ လိုင်ဇာကလာတဲ့​သတင်း​တွေအရ သိရပါတယ်။

Ref: ဒီဗွီဘီ

Read More...

မြန်မာ့အရေး နှုတ်ဆိတ်မနေရန် အိန္ဒိယကို အမေရိကန်ပြော

ဇာနည်မာန်
21 July 2011

မြန်မာနိုင်ငံတွင် ဒီမိုကရေစီစနစ် ပေါ်ထွန်းရေး၊ လူ့အခွင့်အရေး ချိုးဖောက်နေမှုများ ပပျောက်ရေးတို့အတွက် ထုတ်ဖော်ပြောဆို ရန် အိမ်နီးချင်း အိန္ဒိယအစိုးရအား အမေရိကန် နိုင်ငံခြားရေးဝန်ကြီး ဟီလာရီ ကလင်တန်က တိုက်တွန်းပြောဆိုလိုက်သည်။


“အိန္ဒိယအစိုးရအနေနဲ့ မြန်မာအစိုးရနဲ့ စီးပွားရေးအရ ပူးပေါင်းဆောင်ရွက်နေသလိုမျိုး အခုတက်လာတဲ့ မြန်မာ အစိုးရသစ်ကို မြန်မာ့ဒီမိုကရေစီအရေးအတွက် ဒေါ်အောင် ဆန်းစုကြည်နဲ့ တွေ့ဆုံဆွေးနွေးဖို့၊ နိုင်ငံရေးအကျဉ်းသား တွေကို လွှတ်ပေးဖို့ ကိစ္စတွေအတွက်ကိုလည်း တိုက်တွန်း ပြောဆိုဖို့ တာဝန်ရှိတယ်” ဟု သူ၏ ၃ ရက်ကြာ အိန္ဒိယ ခရီးစဉ်အတွင်း ယမန်နေ့က ချင်နိုင်းမြို့သို့ ရောက်ရှိစဉ် ပြောဆို သည်။

စီးပွားရေးအရ မြန်မာအစိုးရနှင့် ပူးပေါင်းနေသည်ကို သိရှိနားလည်ပါကြောင်း၊ အာရှ ပစိဖိတ်ဒေသတွင်း ဦး ဆောင်မှု ရှေ့တန်း ရောက်နေသော အင်အားကြီး နိုင်ငံတခု ဖြစ်သည့်အလျောက် ဒေသတွင်း တည်ငြိမ် အေးချမ်းရေး အတွက် အိန္ဒိယအနေဖြင့် မြန်မာအစိုးရက တိုင်းသူပြည်သားများအပေါ် ဆိုးဝါးစွာ ကျူးလွန်နေဆဲဖြစ်သော လူ့အခွင့်အရေး ချိုးဖောက် မှုများကို ဆန့်ကျင် တားဆီးရန် ပြောဆိုစည်းရုံးနိုင်မည်ဟု မျှော်လင့်ကြောင်း ဟီလာရီ ကလင်တန်က ဆိုသည်။

မကြာသေးမီက အိန္ဒိယ နိုင်ငံခြားရေးဝန်ကြီး၏ မြန်မာပြည်ခရီးစဉ်တွင် အိန္ဒိယနိုင်ငံခြားရေး အတွင်းဝန်နှင့် ဒေါ်အောင်ဆန်း စုကြည်တို့ တွေ့ဆုံခဲ့သည်မှ အစပြု၍ မြန်မာနိုင်ငံတွင်း ဒီမိုကရေစီစနစ် ပေါ်ထွန်းရေးအတွက် ဆက်လက် တိုက်တွန်းပြော ဆိုသွားရန် လိုအပ်သည်ဟုလည်း ဟီလာရီ ကလင်တန်က ဆိုသည်။

ဟီလာရီ ကလင်တန်သည် နှစ်နိုင်ငံချစ်ကြည်ရေးနှင့် ဒေသတွင်းလုံခြုံရေး ကိစ္စရပ်များ ဆွေးနွေးရန် အိန္ဒိယနိုင်ငံသို့ ရောက်ရှိ နေခြင်းဖြစ်ပြီး နှစ်နိုင်ငံ နိုင်ငံရေး၊ စီးပွားရေး၊ လူမှုရေး၊ ပညာရေးနှင့် နည်းပညာ ပူးပေါင်းဆောင်ရွက်ရေး ကိစ္စရပ်များကို ဆွေး နွေးပြောဆိုခဲ့သည်။ သူသည် ဇူလိုင်လ ၂၃ ရက်နေ့တွင် အင်ဒိုနီးရှားနိုင်ငံ ဘာလီကျွန်းတွင် ကျင်းပသော အာဆီယံ နိုင်ငံ ခြားရေး ဝန်ကြီးများ အစည်းအဝေး (ARF) သို့လည်း ဆက်လက် တက်ရောက်မည်ဖြစ်သည်။

ကုလသမဂ္ဂ လုံခြုံရေးကောင်စီတွင် အမြဲတမ်းအဖွဲ့ဝင်ဖြစ်ရန် ကြိုးပမ်းနေမှုနှင့် အာရှ ပစိဖတ်ဒေသတွင်း အင်အားကြီးနိုင်ငံတခု ဖြစ်လာနေသော အိန္ဒိယအနေဖြင့် ဒေသတွင်းလုံခြုံမှုနှင့် တည်ငြိမ်အေးချမ်းမှုများအတွက် ပြောဆိုလုပ်ဆောင်ရန် လိုအပ်နေရာ မြန်မာ့အရေးတွင်လည်း ယခင်လို ရေငုံနှုတ်ပိတ်မနေဘဲ တစုံတရာ ဖွင့်ဟလာလိမ့်မည်ဟု အိန္ဒိယနိုင်ငံရောက် မြန်မာ့ ဒီမိုကရေစီ ရေး လှုပ်ရှားသူများက မျှော်လင့်နေကြသည်။

နယူးဒေလီမြို့ရှိ အဝေးရောက် ညွန့်ပေါင်း အစိုးရအဖွဲ့ (NCGUB) ၀န်ကြီး ဒေါက်တာ တင့်ဆွေက “အိန္ဒိယရဲ့ ထုံးစံအရကတော့ နှေးတယ်၊ အချိန်ယူတယ်ဆိုတဲ့ သဘာဝတော့ရှိတယ်။ ကျနော်ကတော့ ဖြည်းဖြည်းလေးနဲ့ ဦးတည်ချက်ကို လျှောက်နေတယ်လို့ အကောင်းဘက်ကနေ မြင်ပါတယ်။ ကမ္ဘာ့ထိပ်တန်းနိုင်ငံတခု၊ ဒါမှမဟုတ် ဒေသတွင်း ထိပ်တန်းနိုင်ငံတခု ဖြစ်လာတော့မယ့် နိုင်ငံ တခုအနေနဲ့ ဘယ်လိုတွေ ချဉ်းကပ်ပြောဆိုလာမယ် ဆိုတာတော့ စောင့်ကြည့်ရဦးမှာပါ” ဟု ဧရာဝတီသို့ ပြောသည်။

ဒီမိုကရေစီ အင်အားကြီးနိုင်ငံနှစ်ခုဖြစ်သော အမေရိကန်နှင့် အိန္ဒိယနိုင်ငံတို့မှ မြန်မာ့အရေး ပြောဆိုမှုများသည် မြန်မာ့ဒီမိုကရေစီ အတွက် အရေးပါသော တွန်းအားများဖြစ်ကြောင်း မြန်မာ့အရေးလှုပ်ရှားသူများက ပြောသည်။

အိန္ဒိယနိုင်ငံသည် ၁၉၈၈ လူထုအံကြွမှုကာလများက မြန်မာ့ဒီမိုကရေစီရေးတွင် ထောက်ခံပါဝင်ခဲ့သော်လည်း နောက်ပိုင်းတွင်မူ စစ်အစိုးရနှင့် စီးပွားရေး၊ စစ်ရေးပူးပေါင်းမှုများ တိုးမြှင့်လုပ်ဆောင်လာပြီး မြန်မာ့အရေးတွင် နှုတ်ဆိတ်နေခဲ့သည်။

ထိုသို့ စစ်အစိုးရနှင့် ပူးပေါင်းနေခြင်းမှာ စွမ်းအင်လောင်စာ လိုအပ်မှုကြောင့် မြန်မာနိုင်ငံမှ သဘာဝဓာတ်ငွေ့များကို ရလိုမှု၊ မြန်မာ့မြေတွင် ခြေကုပ်ယူနေသည့် အိန္ဒိယခွဲထွက်ရေး သူပုန်များကို တိုက်ထုတ်လိုမှု၊ တရုတ်နိုင်ငံ၏ မြန်မာအပေါ် လွှမ်းမိုး လာနေမှုများကို တန်ပြန်လိုမှုများကြောင့်သာဖြစ်ကြောင်း ဝေဖန်မှုများရှိသည်။

အမေရိကန် သမ္မတ အိုဘားမားကလည်း ၂၀၁၀ နိုဝင်ဘာလအတွင်း အိန္ဒိယသို့ လာရောက်စဉ်က အိန္ဒိယအစိုးရသည် မြန်မာ့ အရေးနှင့် ပတ်သက်လာလျှင် နှုတ်ဆိတ်နေလေ့ရှိသည်ဟု ထောက်ပြဝေဖန်ခဲ့သေးသည်။

Ref: ဧရာဝတီ

Read More...

မြန်မာအစိုးရကို ဖိအားပေးဖို့ အိန္ဒိယကို ၀န်ကြီး ကလင်တန် တိုက်တွန်း

20 ဇူလိုင် 2011

မန်မာအစိုးရရဲ့ လူ့အခွင့်အရေး မှတ်တမ်းတွေဟာ ဆက်လက်ပြီး အခြေအနေ ဆိုးဝါးနေဆဲ ဖြစ်ကြောင်းနဲ့ အိန္ဒိယနိုင်ငံ အနေနဲ့ မြန်မာအာဏာပိုင်တွေကို ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဆွေးနွေးရေး တိုက်တွန်းစေချင်တယ်လို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က ပြောဆိုလိုက်ပါတယ်။

မြန်မာအစိုးရ အနေနဲ့ ဖမ်းဆီးခံနေရတဲ့ နိုင်ငံရေး အကျဉ်းသားတွေကို ပြန်လွှတ်ပေးရေး တိုက်တွန်းပေးဖို့ကိုလည်း အိန္ဒိယ အစိုးရကို ၀န်ကြီး ကလင်တန်က သူမရဲ့ ၂ ရက်ကြာ အိန္ဒိယ ခရီးစဉ်အတွင်း ချနိုင်းမြို့မှာ ဒီကနေ့ တိုက်တွန်း ပြောဆိုခဲ့တာ ဖြစ်ပါတယ်။

အာရှ၊ ပစိဖိတ် ဒေသတွင်းမှာ လူ့အခွင့်အရေး ချိုးဖောက်တဲ့ ကိစ္စတွေနဲ့ ပတ်သက်ပြီး ထုတ်ဖော်ပြောဆိုတာမျိုးလို တာဝန်ယူမှု အသစ်တွေကို အိန္ဒိယက လုပ်ဆောင်သင့်တဲ့အကြောင်း၊ ဒေသတွင်း နိုင်ငံတွေရဲ့ အနာဂတ် အပြုသဘောဆောင်ပြီး တိုးတက် လာဖို့ အရေးမှာ အိန္ဒိယနိုင်ငံက အလားအလာကောင်း ရှိတဲ့နိုင်ငံ ဖြစ်တယ်လို့ ပြောဆိုပါတယ်။

ပြီးခဲ့တဲ့လတုန်းက ဒေါ်အောင်ဆန်းစုကြည်နဲ့ အိန္ဒိယ နိုင်ငံခြားရေးဌာန အတွင်းဝန် နရန် ပန်ဘာရောင်းတို့ တွေ့ဆုံခဲ့တဲ့ ကိစ္စဟာ တကယ်ပဲ ထူးခြားတဲ့ ကိစ္စတခုဖြစ်ပြီး ဆက်ပြီးတော့လည်း မြန်မာပြည်မှာ လူ့အခွင့်အရေး တိုးတက်မှုတွေ ရှိလာအောင် အိန္ဒိယက လုပ်ဆောင်သွားဖို့ကို တိုက်တွန်းခဲ့ပါတယ်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို နှစ်ပေါင်းများစွာ ခိုင်ခိုင်မာမာ ထောက်ခံလာခဲ့ပြီးမှ နှစ်အတော်ကြာအတွင်း အိန္ဒိယနိုင်ငံဟာ မြန်မာအစိုးရဟောင်းဖြစ်တဲ့ စစ်အစိုးရနဲ့ ဆက်ဆံမှုတွေ လုပ်လာခဲ့ပါတယ်။

နှစ်နိုင်ငံ နယ်စပ်တလျှောက်က ခွဲထွက်ရေးသမားတွေကို နှိမ်နင်းရာမှာ မြန်မာအစိုးရကို ကူညီဖို့ အိန္ဒိယဘက်က စိတ်ဝင်စားမှု ပြခဲ့ပါတယ်။

မြန်မာနိုင်ငံမှာ လူ့အခွင့်အရေး ချိုးဖောက်မှုတွေ အကြီးအကျယ် ရှိနေတာနဲ့ ပတ်သက်ပြီး အိန္ဒိယနဲ့ အမေရိကန်လို ကမ္ဘာ့ အကြီးဆုံး ဒီမိုကရေစီ နိုင်ငံကြီး ၂ နိုင်ငံက လျစ်လျူရှုထားလို့ မရနိုင်ပါဘူးလို့ အခုရက်ပိုင်းအတွင်း အမေရိကန် နိုင်ငံခြားရေး ၀န်ကြီး ကလင်တန်ရဲ့ ခရီးစဉ်အတွင်း အမေရိကန်နဲ့ အိန္ဒိယ ဆွေးနွေးပွဲတွေနဲ့ ပတ်သက်ပြီး လူ့အခွင့်အရေးအဖွဲ့ HRW အာရှဆိုင်ရာ ညွှန်ကြားရေးမှူး ဂန်ဂူလီ (Ganguly) က ပြောဆိုသွားပါတယ်။

မြန်မာနိုင်ငံမှာ စစ်အုပ်ချုပ်ရေး အဆုံးသတ်တဲ့ နိုဝင်ဘာလ ရွေးကောက်ပွဲ အပြီးကတည်းက ပေါ်ပေါက်လာတဲ့ အစိုးရသစ်နဲ့ ဘယ်လို အလုပ်လုပ်နိုင်မလဲဆိုတဲ့ ကိစ္စကို အမေရိကန်နဲ့ ဥရောပသမဂ္ဂတို့က အကဲဖြတ်နေကြဆဲ ဖြစ်ပါတယ်။

ဒါပေမဲ့လည်း အငြိမ်းစားနဲ့ လက်ရှိ စစ်အရာရှိတွေကပဲ အစိုးရသစ်ရဲ့ အဓိက ရာထူးတွေကို ရယူခဲ့ကြပြီး အခုလပိုင်းတွေအတွင်း အပြောင်းအလဲ အနည်းငယ်ပဲ ရှိတယ်လို့ ဝေဖန်သူတွေက ပြောဆိုကြပါတယ်။

Ref: ဗွီအိုအေ

Read More...

ဆိုမာလီတောင်ပိုင်း အငတ်ဘေးဆိုက်

20 ဇူလိုင် 2011

အာဖရိက ဦးချိုဒေသမှာ ဆယ်စုနှစ်အတွင်း အဆိုးရွားဆုံး မိုးခေါင်ရေရှားဒဏ် ခံနေရချိန်မှာပဲ ဆိုမာလီယာနိုင်ငံရဲ့ တောင်ပိုင်း နယ်မြေ ၂ ခုကို အငတ်ဘေး ကြုံနေရတဲ့ ဒေသတွေအဖြစ် ကုလသမဂ္ဂက ကြေညာလိုက်ပါတယ်။

ဘာကူးလ် (Bakool) နဲ့ ရှာဘဲလ် (Shabelle) အနိမ့်ပိုင်း ဒေသတွေမှာ အငတ်ဘေး ကြုံနေရတဲ့အကြောင်း ဗုဒ္ဓဟူးနေ့မှာပဲ ကုလ သမဂ္ဂက ပြောဆိုလိုက်တာပါ။

စားနပ်ရိက္ခာ အကြီးအကျယ် ပြတ်လပ်မှုကို ချက်ချင်းကိုင်တွယ် ဖြေရှင်းတာမျိုး မလုပ်နိုင်ဘူးဆိုရင် ပြဿနာ ပိုမို ကျယ်ပြန့် လာနိုင်တယ်လို့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ကလည်း သတိပေးလိုက်ပါတယ်။

စိုးရိမ်စရာကောင်းလောက်တဲ့ နှုန်းနဲ့ ဆိုမာလီ နိုင်ငံသားတွေ သေဆုံးနေကြရပြီး နှောင့်နှေး ကြန့်ကြာမှုတွေကြောင့် အသက်တွေ ဆုံးရှုံးနိုင်တယ်လို့လည်း အတွင်းရေးမှူးချုပ်က ကုလသမဂ္ဂ ရုံးချုပ်ရှိရာ နယူးယောက်မြို့မှာ သတင်းထောက်တွေကို ပြောဆိုခဲ့တာပါ။

တိုင်းပြည် လူဦးရေရဲ့ ထက်ဝက်လောက်ရှိတဲ့ လူပေါင်း ၃,၇၀၀,၀၀၀ ဟာ စားနပ်ရိက္ခာ ပြတ်လပ်မှုနဲ့ ရင်ဆိုင်နေကြရပြီး အာဟာရ ချို့တဲ့မှုကြောင့် လူပေါင်း ထောင်သောင်းချီ သေဆုံးခဲ့ပြီး ဖြစ်တယ်လို့လည်း ဆိုမာလီယာနိုင်ငံမှာ ရှိတဲ့ ကုလသမဂ္ဂ လူသားချင်း စာနာမှုဆိုင်ရာ အကူအညီပေးရေးအဖွဲ့ အကြီးအကဲ မာ့ခ် ဘောင်ဒန် (Mark Bowden) က ပြောပါတယ်။

ဆိုမာလီယာ တနိုင်ငံတည်း အတွက်ကိုပဲ ရှေ့လာမယ့် ၂ လအတွင်း အကူအညီအဖြစ် ဒေါ်လာသန်း ၃၀၀ လောက် လိုအပ် နေကြောင်းလည်း ကုလသမဂ္ဂက ပြောဆိုထားတာပါ။

ကမ္ဘာ့စားနပ်ရိက္ခာ အစီအစဉ် (WFP) ကလည်း အရှေ့အာဖရိက ဒေသက စားနပ်ရိက္ခာ အကျပ်အတည်း ပြဿနာကို ဦးစားပေး အဆင့်အမြင့်ဆုံးအဖြစ် ဗုဒ္ဓဟူးနေ့မှာပဲ ကြေညာခဲ့ပါတယ်။

Ref: ဗွီအိုအေ

Read More...

ဧ၀ရတ်တောင်အမြင့် ပြန်တိုင်းမည်

20 ဇူလိုင် 2011

တရုတ်နဲ့ နီပေါ နယ်စပ်မျဉ်းမှာ ရှိနေတဲ့ ကမ္ဘာ့အမြင့်ဆုံး ဧ၀ရတ်တောင်ရဲ့ အမြင့်ပေကို ပြန်တိုင်းဖို့ နီပေါအစိုးရက ကြေညာခဲ့ပါတယ်။

နီပေါအစိုးရက ဂြိုဟ်တုကတဆင့် အကွာအဝေးကို တွက်ချက်တိုင်းတာတဲ့ Global-positioning Satellites (GPS) စနစ်ကို အသုံးပြုပြီး တောင်အမြင့်ကို တိုင်းဖို့ ဆုံးဖြတ်ခဲ့ကြောင်း နယ်မြေပြုပြင်ရေး ၀န်ကြီးဌာန ပြောခွင့်ရသူက ပြောပါတယ်။ မကြာခင် နှစ်တွေအတွင်း ဧ၀ရတ်တောင်ထိပ်ရဲ့ အမြင့်ပေနဲ့ ပတ်သက်လို့ အငြင်းပွားလာခဲ့ကြတာ ဖြစ်ပါတယ်။

ဧ၀ရတ်တောင် အမြင့်ကို နီပေါနိုင်ငံက ၈,၈၄၈ မီတာ၊ ပေနဲ့ဆိုရင် ပေပေါင်း ၂၉,၀၂၈ ပေလို့ ပြောပေမဲ့ တရုတ်နိုင်ငံကတော့ ၈,၈၄၄ မီတာ၊ ပေနဲ့ဆိုရင် ၂၉,၀၁၅ ပေပဲ ရှိတယ်လို့ ပြောပါတယ်။ ၁၉၉၉ ခုနှစ်က အမေရိကန် လေ့လာရေး အဖွဲ့ကတော့ ဧ၀ရတ်တောင်ရဲ့အမြင့် မီတာ ၈,၈၅၀၊ ပေပေါင်း ၂၉,၀၃၅ ပေ ရှိတယ်လို့ ပြောပါတယ်။

တိုင်းတာချက် အသစ်အတွက် ၂ နှစ် အချိန်ယူရမှာဖြစ်ပြီး GPS ဂြိုဟ်တုက တောင်ရဲ့ အနေအထား အမျိုးမျိုးကနေ အချက် အလက်တွေကို စုဆောင်းယူမှာ ဖြစ်ပါတယ်။

၁၉၅၃ ခုနှစ်မှာ နယူးဇီလန်က ဆာ၊ အဒ္ဒမွန်၊ ဟယ်လာရီနဲ့ နီပေါနိုင်ငံသား အထမ်းသမား တဲန်ဇဲန်း နော်ဂေးတို့ ဧ၀ရတ်တောင်ကို ရောက်ခဲ့ပြီးချိန်ကစလို့ ထောင်နဲ့ချီတဲ့ လူတွေဟာ ဧ၀ရတ်တောင်ထိပ်ကို တက်ခဲ့ကြတာ ဖြစ်ပါတယ်။

Ref: ဗွီအိုအေ

Read More...

အကျဉ်းကျ စစ်ထောက်လှမ်းရေး အကြီးအကဲဟောင်း ၅ ဦး မြန်မာအစိုးရ ပြန်လွှတ်ပေး

20 ဇူလိုင် 2011
မသင်းသီရိ

မြန်မာနိုင်ငံက အကျဉ်းထောင်တွေတွင်း နှစ်ရှည် အကျဉ်းချခံထားရတဲ့ အရင် စစ်ထောက်လှမ်းရေး အကြီးတန်း အရာရှိ ၅ ဦးကို ပြန်လွှတ်ပေးလိုက်တာဟာ အခု မြန်မာအစိုးရ စစ်တပ်နဲ့ တိုင်းရင်းသား ဒေသတွေမှာ ဖြစ်နေတဲ့ ပြဿနာမှာ နောက်ကွယ်ကနေ အသုံးချဖို့ ဖြစ်တယ်လို့ သုံးသပ်ချက်တွေ ရှိနေပါတယ်။ အကြောင်းကတော့ အခုလွှတ်ပေးလိုက်တဲ့ အထဲမှာ အရင် စစ်ထောက် လှမ်းရေးအဖွဲ့က တိုင်းရင်းသားရေးရာ ဒုတိယတာဝန်ခံ ဗိုလ်မှူးကြီးဟောင်း စန်းပွင့်နဲ့အတူ ဒု-ဗိုလ်မှူးကြီးဟောင်း သက်တင်စိန် တို့ဟာ အရင် စစ်အစိုးရလက်ထက်က တိုင်းရင်းသားရေးရာ ကိစ္စတွေမှာ အရေးပါတဲ့ ကဏ္ဍတွေက ပါဝင်ခဲ့တာကြောင့် ဖြစ်တယ် လို့လည်း ပြောပါတယ်။ ဒီသုံးသပ်ချက် အပြည့်အစုံကို မသင်းသီရိက တင်ပြပေးထားပါတယ်။

နှစ်ရှည်ထောင်ဒဏ်တွေနဲ့ အကျဉ်းကျနေတဲ့ အကြီးတန်း စစ်ထောက်လှမ်းရေး အရာရှိ ၅ ဦးကို ပြီးခဲ့တဲ့ ဇွန်လကုန်လောက်က ပြန်လွှတ်ပေးလိုက်တယ်လို့ အရင် တန်ပြန် စစ်ထောက်လှမ်းရေး အရာရှိဟောင်း တဦးလည်းဖြစ်၊ ၀ါရှင်တန်ဒီစီ မြန်မာသံရုံးမှာ လက်ထောက် သံရုံးတာဝန်ခံ အဖြစ်လည်း တာဝန်ထမ်းဆောင်ခဲ့ဖူးတဲ့ ဗိုလ်မှူးဟောင်း အောင်လင်းထွဋ်က ပြောပါတယ်။

“ဗိုလ်မှူးကြီး စန်းပွင့်ရယ်၊ ဒုတိယဗိုလ်မှူးကြီး သက်တင်စိန်ရယ်၊ ဗိုလ်မှူး စည်သူရယ်၊ ဗိုလ်မှူး ညီညီလွင်ရယ်၊ ဗိုလ်မှူး ထွန်းအောင်စိုးရယ် ဆိုပြီးတော့ ၅ ယောက် လွတ်တယ်ဆိုတာ သိရပါတယ်။ ဗိုလ်မှူးကြီး စန်းပွင့်နဲ့ ဗိုလ်မှူးကြီး သက်တင်စိန် တို့ကတော့ ကျနော်နဲ့လည်း ဌာနတခုထဲမှာ လုပ်ခဲ့တဲ့သူတွေ ဖြစ်ပါတယ်။

“ဗိုလ်မှူး စည်သူကတော့ ထောက်လှမ်းရေး ၆ တပ်မှူးပါ။ ရန်ကုန် ထောက်လှမ်းရေး ၆ ကပါ။ ဗိုလ်မှူး စည်သူက ဗိုလ်ချုပ်ကြီး ခင်ညွန့် နေတဲ့အိမ် ပတ်ဝန်းကျင်ပေါ့၊ အဲဒီနယ်မြေကို တာဝန်ယူရတဲ့သူပါ။ ဗိုလ်မှူး ညီညီလွင်ကတော့ တချိန်က ဗိုလ်ချုပ်ကြီး ခင်ညွန့်ရဲ့ အနီးကပ် လုံခြုံရေး လုပ်ရတဲ့၊ တာဝန်ထမ်းဆောင်ရတဲ့သူပါ။ ဗိုလ်မှူး ထွန်းအောင်စိုးကတော့ ဗိုလ်ကြီးဘ၀တုန်းက တန်ပြန် ထောက်လှမ်းရေးဌာန၊ ဗိုလ်မှူးချုပ် သန်းထွန်းတို့ ဌာနမှာ လုပ်တဲ့ ပုဂ္ဂိုလ်တွေပါ။”

အခု ပြန်လွတ်လာတယ်ဆိုတဲ့ စစ်ထောက်လှမ်းရေး အရာရှိဟောင်း ၅ ဦးထဲက ဗိုလ်မှူးကြီးဟောင်း စန်းပွင့်နဲ့ ဒု-ဗိုလ်မှူး ကြီး ဟောင်း သက်တင်စိန်တို့က အရင် စစ်ထောက်လှမ်းရေး အကြီးအကဲ ဗိုလ်ချုပ်ကြီးဟောင်း ခင်ညွန့်ရဲ့ အထူး အရေးပါသူတွေ ဖြစ်ပါတယ်။ အထူးသဖြင့် သူတို့ ၂ ဦးဟာ ဗိုလ်ချုပ်ကြီးဟောင်း ခင်ညွန့် လက်ထက်မှာ လုပ်ခဲ့တဲ့ တိုင်းရင်းသား လက်နက်ကိုင် အဖွဲ့တွေနဲ့ အပစ်အခတ် ရပ်စဲရေး ဆွေးနွေးပွဲတွေမှာ အဓိက အခန်းကဏ္ဍက ပါဝင်ခဲ့သူတွေ ဖြစ်တယ်လို့ ဗိုလ်မှူးဟောင်း အောင်လင်းထွဋ်က ပြောပါတယ်။

အခု မြန်မာအစိုးရ စစ်တပ်နဲ့ ကချင်ပြည်နယ်နဲ့ ရှမ်းပြည်နယ်တွင်း ဖြစ်ပွားနေတဲ့ တိုက်ပွဲတွေရဲ့ ပြဿနာဟာ လက်ရှိ မြန်မာ အစိုးရအတွက် အတော် ခေါင်းခဲစရာ ဖြစ်နေတာပါ။ ဒါ့ကြောင့် အရင် တိုင်းရင်းသား ကိစ္စတွေမှာ အတွေ့အကြုံရှိခဲ့တဲ့ စစ် ထောက်လှမ်းရေး အရာရှိဟောင်းတွေကို ပြန်ပြီး အသုံးချဖို့အတွက် အခုလို လွှတ်ပေးတာ ဖြစ်နိုင်တယ်လို့ ရန်ကုန်က စာရေး ဆရာတဦးက သုံးသပ်ပါတယ်။

“ထောက်လှမ်းရေးတွေကို ဘာကြောင့် လွှတ်လိုက်လဲဆို သူတို့က အခု လူမျိုးစုတွေနဲ့ တိုက်နေတဲ့ စစ်ပွဲတွေမှာ ပြန်ပြီးတော့ သူတို့ကို ကြားအဖြစ်နဲ့ အသုံးချချင်လို့လားလို့ စဉ်းစားစရာရှိတယ်။ အဲဒီတော့ အထူးသဖြင့် အခုပြဿနာက ပိုပြီး ထိပ်တိုက် ဖြစ်နေတာက ကချင်တပ်၊ KIO နဲ့ ဖြစ်နေတဲ့ ပြဿနာက သူတို့အတွက် တော်တော်အရေးကြီးတဲ့ကိစ္စ။ ရှမ်းလောက်ကိုတော့ သူတို့က ကြီးကျယ်တယ်လို့ မပြောဘူး။ KIO ကိုတော့ သူတို့က ဖြိုဖို့ သိပ်မလွယ်လှဘူး။ အဲတော့ အဲဒီမှာ အသုံးချဖို့များ ဗိုလ်မှူး ကြီး စန်းပွင့်တို့ကို နောက်ကွယ်က အကြံတောင်းပြီးတော့၊ သို့မဟုတ် နောက်ကွယ်ကနေ တဖက်လှည့်နဲ့ပဲ သူတို့ အသုံးချလိမ့်မယ် ထင်ပါတယ်။”

ဒီလို သုံးသပ်ချက်တွေကြောင့် ထောင်ဒဏ် နှစ် ၄၀ ကျော်နဲ့ ပြစ်ဒဏ်ချခံထားရပြီး နေအိမ်မှာ ထိန်းသိမ်းခံထားရတဲ့ ဗိုလ်ချုပ် ကြီးဟောင်း ခင်ညွန့်ဟာ အခု ဇူလိုင်လထဲမှာဆိုရင် နေအိမ်အကျယ်ချုပ် သက်တမ်း ၆ နှစ်ရှိပါပြီ။ ဒါ့ကြောင့် အရင် တိုင်းရင်းသား ကိစ္စတွေမှာ ဆောင်ရွက်ခဲ့ဖူးတဲ့ ဗိုလ်ချုပ်ကြီးဟောင်း ခင်ညွန့် လွတ်လာနိုင်စရာ ရှိပါသလား၊ ဗိုလ်မှူးဟောင်း ဦးအောင်လင်းထွဋ် ရဲ့ အမြင်ကတော့…

“ကျနော်ထင်တယ်ခင်ဗျ၊ ဗိုလ်ချုပ် ခင်ညွန့်ကိုလည်း သူတို့ ၂၀၀၉ ပတ်ဝန်းကျင်လောက်က ဗိုလ်ချုပ်ကြီး မြင့်ဆွေတို့ သွားပြီး တွေ့ခဲ့တဲ့ ဖြစ်စဉ်တွေ ရှိခဲ့ပါတယ်။ ဗိုလ်ချုပ်ကြီး ခင်ညွန့် အနေနဲ့ကတော့ အစိုးရအဖွဲ့ကိုပေါ့၊ အဲဒီအချိန်တုန်းကတော့ ဗိုလ်ချုပ် မှူးကြီး သန်းရွှေတို့ အပေါ်မှာ တော်တော်လေး စိတ်ပျက်တဲ့ အနေအထားမျိုး ရှိပါတယ်။”

အရင် တန်ပြန် စစ်ထောက်လှမ်းရေး အရာရှိဟောင်း ဦးအောင်လင်းထွဋ် ပြောပြသွားတာ ဖြစ်ပါတယ်။

နှစ်ရှည်ထောင်ဒဏ်တွေ ချခံထားရတဲ့ စစ်ထောက်လှမ်းရေး အရာရှိဟောင်းတွေ ပြန်လွတ်လာတဲ့အတွက် နိုင်ငံရေး တက်ကြွ လှုပ်ရှားမှုတွေကြောင့် နှစ်ရှည်ထောင်ဒဏ်တွေနဲ့ အဖမ်းခံထားရတဲ့ ၈၈ မျိုးဆက် ကျောင်းသားတွေ၊ တခြား နိုင်ငံရေး အကျဉ်း သား အားလုံးအတွက် မျှော်လင့်စရာ ပိုပြီး လမ်းစရလာတယ်လို့ ရန်ကုန်က စာရေးဆရာက သုံးသပ်ပါတယ်။

“အရပ်သား အစိုးရ ဆိုပြီးတော့ ယူနီဖောင်း ပြောင်းထားတဲ့ အစိုးရအဖွဲ့ အနေနဲ့က ပီပီပြင်ပြင် အရပ်သား အစိုးရလည်း မဟုတ် သေးသလို အရင်အရိပ်ကနေ လွတ်သေးတာလည်း မဟုတ်တဲ့အတွက် အခုဟာက အရင် စစ်အစိုးရကာလလို သိပ်ပြီးတော့ လက် သိပ်ထိုးလုပ်လို့ သိပ်မရဘူး။ မရတဲ့အခါကျတော့ သူတို့ လွှတ်တော်တို့ ဘာတို့မှာ ဒီဟာတွေက ပြဿနာတွေ အမေးအဖြေတွေ ဖြစ်လာနိုင်တယ်။

“ကောင်းတာက အဲဒီလို လွတ်လာတယ် ဆိုတဲ့ဟာ ကောင်းတယ်။ သူတို့ကို လွှတ်လိုက်တဲ့အတွက် ကျန်တဲ့ ရိုက်ခတ်ချက်တွေပါ အများကြီး ဖြစ်လာနိုင်တယ်။ နိုင်ငံရေး အကျဉ်းသားတွေကို လွှတ်ရေး၊ မလွှတ်ရေးကအစ၊ သူတို့အနေနဲ့ကလည်း အခု ရက် ၁၀၀ ကာလအတွင်းမှာ ထိရောက်တဲ့ဟာ ဘာမှ မလုပ်နိုင်ဘူး။ သူတို့ နည်းတခုခုတော့ ကြံလိမ့်မယ်လို့ ထင်ပါတယ်။ အခုဟာက သူတို့ ၂၀၁၄ အာဆီယံဥက္ကဋ္ဌ လုပ်ဖို့ကအစ နိုင်ငံရေး အကျဉ်းသား လွှတ်ပေးရေး၊ မလွှတ်ပေးရေးက ထိပ်တန်းပြဿနာ ဖြစ်နေတာကိုး။ အဲဒါကြောင့် အခုကတည်းက စပြီးတော့ သူတို့အတွက် လုံခြုံမှုအတွက်ရော၊ ထောက်လှမ်းရေးသမားတွေကို အသုံးချတာလည်း ဖြစ်နိုင်တယ်။”

ရန်ကုန်က စာရေးဆရာ သုံးသပ်ခဲ့တာ ဖြစ်ပါတယ်။

ပြီးခဲ့တဲ့ ၂၀၀၄ အောက်တိုဘာလမှာ စစ်ထောက်လှမ်းရေးတွေကို ဖမ်းဆီး အပြစ်ပေးခဲ့တဲ့အထဲ ဗိုလ်ချုပ်ကြီးဟောင်း ခင်ညွန့် နဲ့အတူ သူ့ရဲ့ အရာရှိ ၃၀ ကျော်ကို နှစ်ရှည်ထောင်ဒဏ်တွေနဲ့ ဖမ်းဆီး အပြစ်ပေးခဲ့သလို သူတို့နဲ့ ပတ်သက်သူတွေ၊ သူတို့ရဲ့ မိသားစုဝင်တွေကိုပါ ဖမ်းဆီး ထောင်ချထားတာ ဖြစ်ပါတယ်။

Ref: ဗွီအိုအေ

Read More...

မယ်ဆိုင်မှာ မူးယစ်ဆေးပြား ၁ သန်းကျော် ဖမ်းမိ

2011-07-20

မြန်မာဖက်က တာချီလိတ်မြို့နဲ့ မျက်နှာချင်းဆိုင် ချင်းရိုင်ခရိုင် မယ်ဆိုင်မြို့မှာ ထိုင်း ရဲတပ်ဖွဲ့နဲ့ မူးယစ်ဆေးဝါး ရောင်းဝယ်သူ ၂ ဦး အပြန်အလှန် ပစ်ခတ်ရာမှာ ၁ ဦးဟာ သေနတ်ဒဏ်ရာနဲ့ သေဆုံးခဲ့ပြီး စိတ်ကြွ ဆေးပြား ၁ သန်းကျော်နဲ့ လက်နက်ပစ္စည်း တွေကို ဖမ်းမိခဲ့တယ်လို့ ထိုင်းနိုင်ငံထုတ် Nation သတင်းစာက ရေးပါတယ်။

အမည်အဖွဲ့အစည်းအတိကျမသိရတဲ့ လက်နက်ကိုင် မူးယစ်မှောင်ခိုတဦးနဲ့ ပစ္စည်းသယ်သူ တဦး လိုက်ပါလာတဲ့ မော်တော်ကားကို ထိုင်းရဲက တနင်္ဂနွေနေ့ညပိုင်းက နောက်ယောင်ခံလိုက်ခဲ့ရာမှာ ထိုင်းရဲတွေကို မောင်းပြန်သေနတ်တွေနဲ့ ပစ်ခတ်ထွက်ပြေးခဲ့ တယ်လို့ ဆိုပါတယ်။

အဲဒီနောက် အဲဒီကားဟာ လမ်းချော်သွားပြီး ထိုင်းရဲက ပစ်ခတ်တဲ့အတွက် မူးယစ်ဆေးသယ်သူဟာ သေဆုံးသွားပြီး တဦးက လွတ်မြောက်သွားတယ်လို့ သိရပါတယ်။ အဲဒီမော်တော်ကားကို ထိုင်းရဲက သိမ်းဆည်းခဲ့ရာမှာ ကာလပေါက်ဈေး ဘတ်သန်း ၅၀၀ နဲ့ ညီမျှတဲ့ ယာဘ မူးယစ်ဆေးပြား ၁ သန်းကျော်နဲ့ Ice ဆေးတောင့် ၇၃ တောင့်၊ AK-47 မောင်းပြန် ရိုင်ဖယ် တလက်နဲ့ ကျည်ဆံတွေ ရမိခဲ့တယ်လို့ သိရပါတယ်။

Ref: အာရ်အဖ်အေ

Read More...

ဟိန္ဒူဘာသာဝင် NLD အဖွဲ့ဝင် နယ်ကျော်မှုနဲ့ အဖမ်းခံရ

2011-07-20

အမျိုးသားဒီမိုကရေစီ အဖွဲ့ ဝင်တဦးဖြစ်သူ တပ်ကုန်းမြို့ နယ် ဗိုလ်မင်းရောင် ရပ်ကွက်နေ ဦးအောင်လှမြင့် ခေါ် ဦးဖိုးထောင်ကို မိတ္ထီလာမြို့ နယ်မှာကျင်းပတဲ့ ၁၅ မြို့ နယ် အစည်းအဝေး တက်ရောက်ရာက အပြန် ဗုဒ္ဓဟုးနေ့ ညနေပိုင်းမှာ SB၊ စရဖ၊ လဝက ပူးပေါင်းအဖွဲ့ က ဖမ်းဆီးခဲ့တယ်လို့ သိရပါတယ်။

ဦးအောင်လှမြင့်ကို မိတ္ထီလာမှ တပ်ကုန်းကို အပြန် မြို့အ၀င် စစ်ဆေးရေးဂိတ်မှာ ဖမ်းဆီးသွားတယ်လို့ သားဖြစ်သူက ပြောပြ ပါတယ်။

ဦးအောင်လှမြင့် ခေါ် ဦးဖိုးထောင်ဟာ ဟိန္ဒူဘာသာဝင် ဖြစ်ပြီး ဧည့်နိုင်ငံသား လက်မှတ်ကို ကိုင်ဆောင်သူ ဖြစ်ပါတယ်။

သူ့ ရဲ့လှုပ်ရှားမှုတွေကြောင့် ပစ်မှတ်ထား ဖမ်းဆီးခြင်း ဖြစ်တယ်လို့ ယူဆကြောင်း သားဖြစ်သူ ကိုကူးမားက ပြောပြပါတယ်။

မိတ္ထီလာကို သွားစဉ် နယ်ကျော်မှုနဲ့ ဖမ်းဆီးခဲ့တာ ဖြစ်ကြောင်း၊ တပ်ကုန်းမှ တခြားသူများလည်း နယ်ကျော်ကြတာ ဖြစ်ပေမည့် ငွေပေးပြီး လက်ခံခဲ့ကြကြောင်း၊ ပြီးခဲ့တဲ့ ၂၀၀၉ ခုနှစ်ကလည်း သူရဲ့ ဖခင်ဖြစ်သူကို နယ်ကျော်မှုနဲ့ ဖမ်းဆီးပြီး ရဲစခန်းမှာတင် နာရီပိုင်းအတွင်း တရားစီရင် ဆုံးဖြတ်ပြီး ထောင်ချခဲ့ကြောင်း၊ နိုင်ငံရေးလုပ်သူများကို စောင့်ကြည့် ဖမ်းဆီးတယ်လို့ ယူဆကြောင်း သားဖြစ်သူက ပြောပါတယ်။

ဦးအောင်လှမြင့် ခေါ် ဦးဖိုးထောင်ရဲ့ မိသားစု နဲ့ ဆွေမျိုးသားခြင်းတွေ အားလုံးဟာ ဧည့်နိုင်ငံသား လက်မှတ် ကိုင်ဆောင်သူတွေ ဖြစ်ပါတယ်။

သူတို့ဟာ နုိင်ငံသား ဖြစ်ဖို့ လျှောက်ထားရာမှာ အခြားဘာသာဝင်တွေ ရရှိသော်လည်း သူတို့ကတော့ မရရှိခဲ့ဘူးလို့ သိရပါတယ်။

Ref: အာရ်အဖ်အေ

Read More...

မြန်မာနိုင်ငံအပေါ် စီးပွါးရေး ပိတ်ဆို့မှု အမေရိကန်အောက်လွှတ်တော် သက်တမ်းတိုး

2011-07-20

မြန်မာနိုင်ငံမှာ လူ့အခွင့်အရေး ချိုးဖေါက်မှုတွေနဲ့ ဒီမိုကရေစီရေး ပြုပြင်ပြောင်းလဲမှုတွေ မဖေါ်ထုတ်တဲ့အတွက် အမေရိကန် အစိုးရက လွန်ခဲ့တဲ့ ၂၀၀၃ ခုနှစ်က စတင်ပြီး ချမှတ်ထားတဲ့ စီးပွါးရေး ပိတ်ဆို့မှုတွေကို ဇူလိုင်လ ၂၀ ရက်နေ့ ညနေပိုင်းက အမေရိကန် အောက်လွှတ်တော်က ထပ်မံ သက်တမ်း တိုးမြှင့်လိုက်ပါတယ်။


ဒီမိုကရေစီရေး အပြောင်းအလဲတွေ မပေါ်ပေါက်လာသေးတဲ့ အတွက် ဒီ စီးပွါးရေး ပိတ်ဆို့မှုတွေကို အမေရိကန် ကွန်ဂရက်စ် လွှတ်တော်မှာ တနှစ်တခါ ထပ်ထပ်ပြီး သက်တမ်းတိုးမြှင့်နေတာ ဖြစ်ပါတယ်။

မနေ့က အောက်လွှတ်တော်မှာ ဆုံးဖြတ်ခဲ့တာနဲ့ ပတ်သက်ပြီး မြန်မာ့အရေး လှုပ်ရှားမှုအဖွဲ့ မူဝါဒ ညွှန်ကြားရေးမှူး ဦင်္းအောင်ဒင် က အောက်လွှတ်တော်အမတ်တွေ အကြား ဆန့်ကျင်ကန့်ကွက်မှုတွေ မရှိဘဲ အလွယ်တကူ ဆုံးဖြတ်ထောက်ခံခဲ့ကြတယ်လို့ ပြောပါတယ်။

ဒီဥပဒေဟာ မြန်မာနိုင်ငံက ကုန်ပစ္စည်းတွေ အမေရိကန် ပြည်ထောင်စုကို တင်သွင်းခွင့် ပိတ်ပင်ပြီး မြန်မာ အစိုးရ အရာရှိကြီး တွေကို ဗီဇာ ပြည်ဝင်ခွင့် ကန့်သတ် ဟန့်တားထားတဲ့ ဥပဒေ ဖြစ်ပါတယ်။

နောက်တဆင့်အနေနဲ့ ဆီးနိတ်အထက်လွှတ်တော်မှာ ဒီနေ့ဆက်လက် ဆွေးနွေးမယ်လို့လည်း သိရပါတယ်။ ဘယ်လို အဖြေ ထွက်လာနိုင်တယ် ဆိုတာနဲ့ ပတ်သက်ပြီး မေးကြည့်တဲ့အခါမှာ - ဦင်္းအောင်ဒင်က အခုလို ပြောပြပါတယ်။

"နက်ဖြန် ဆီးနိတ်အထက်လွှတ်တော်က အချိန်ရှိရင် မဲခွဲမယ်။ အချိန်မရှိရင်တော့ နောက်တရက်ပေါ့။ မဲခွဲ ဆုံးဖြတ်ပြီးလို့ အထက် အောက်လွှတ်တော် နှစ်ရပ်လုံးက အတည်ပြုပြီးရင်တာ့ သမ္မတ လက်မှတ်ထိုးပြီးရင်တော့ အတည် ဖြစ်သွားပါပြီ။ ဆီးနိတ် ကလည်း အတည်မပြုနိုင် စရာ အကြောင်းမရှိပါဘူး။ ဘာကြောင့်လဲဆိုတော့ ဒီဥပဒေ မူကြမ်းကို အဆိုတင်သွင်း ကတည်းက လွှတ်တော် အမတ်တရာထဲမှာ ၅၆ ယောက်က စုပေါင်း တင်သွင်းထားတာပါ။"

Ref: အာရ်အဖ်

Read More...

အစိုးရတပ်မှ ၇ ဦး KIO မိထားဆို

ဖနိဒါ
ဇူလိုင်လ ၂၀ ရက် ၂၀၁၁ ခုနှစ်

မြန်မာအစိုးရနှင့် ကချင်လွတ်မြောက်ရေးအဖွဲ့ KIO တို့အကြား ၂ ရက်ကြာ တိုက်ပွဲတွင် အစိုးရတပ် မြောက်ပိုင်းတိုင်း စစ်ဌာနချုပ် လက်အောက်ခံ တပ်ရင်း ၂၁ မှ ဗိုလ်ကြီး တဦးနှင့် တပ်သားများ အပါအဝင် ၇ ဦးကို လက်နက်ပစ္စည်းများနှင့်အတူ KIO က လိုင်ဇာဗဟိုဌာနချုပ်တွင် ဖမ်းဆီးထားသည်။

KIO တပ်ရင်း ၁၈၊ ၂၃ တို့နှင့် ပမခ လက်အောက် ခလရ ၂၁ တို့ မြစ်ကြီးနား-ဗန်းမော်ကားလမ်းပေါ် ဝိုင်းမော်မြို့နယ် ခယာ ကျေးရွာတွင် ယခု ဇူလိုင်လ ၁၆၊ ၁၇ ရက် နှစ်ရက်ကြာတိုက်ပွဲတွင် မြန်မာအစိုးရ တပ်သား ၁ဝ ဦးကျော် ကျဆုံးသည့်အပြင် စစ်သုံ့ပန်းများကို ဖမ်းဆီးရမိခဲ့သည်။


ဖမ်းဆီးထားသော စစ်သုံ့ပန်းများမှာ ဗိုလ်ကြီး ထွန်းထွန်းမင်း၊ဗိုလ် ဇော်ရဲထွန်း၊ တပ်ကြပ်ကြီး တင်ထွန်း၊ တပ်ကြပ် သိန်းနိုင်ဦး၊ ဒုတပ်ကြပ် နိုင်လင်းထွန်း၊ တပ်သား မျိုးမင်းစိုး၊ တပ်သား နေနိုင် တို့ ၇ ဦးဖြစ်ပြီး ၂ ဦး ဒဏ်ရာရသဖြင့်ဆေးကုသမှု ခံယူနေ သည် ဟု တွဲဘက် အတွင်းရေးမှူး ဦးလနန်က ပြောသည်။

“ ခရာကျေးရွာ တိုက်ပွဲကနေ ဖမ်းဆီးထားတဲ့ လူတွေဘဲ။ အစိုးရတပ်တွေက သေနတ်တွေ ပစ်ထားပြီးတော့ ထွက်ပြေး သွားတယ်။ ကျတာက ၁ဝ ယောက်ကျော်တော့ ရှိမယ်။ သူတို့ ဆန္ဒအတိုင်း ပြန်ခိုင်းမယ်။ ကျနော်တို့ကနိုင်ငံတကာ စည်းမျဉ်း အတိုင်း လိုက်နာ ကျင့်သုံးမှာပါ။ တခြားဘာမှ မလုပ်ဘူး” ဟု သူက မဇ္စျိမကို ပြောသည်။

ဒု-တပ်ကြပ် နိုင်လင်းထွန်းနှင့် တပ်ကြပ်ကြီး တင်ထွန်း တို့ ဒဏ်ရာရသဖြင့် လိုင်ဇာဆေးရုံတွင် ဆေးကုသပေးနေပြီး သူတို့ကို KIA ၏ သုံ့ပန်းစည်းမျဉ်းစည်းကမ်းများနှင့် အညီ စစ်ဆေးမေးမြန်း၍ သူတို့ဆန္ဒအတိုင်း ပြန်လွှတ်ပေးမည်ဟု ဆိုသည်။

၆ဝ မမ ပြောင်းရှည် ၂ လက်၊ ကျည် ၅ လုံး၊ MG 42 Machin ၂ လက်၊ ကျည် ၃ တွဲ၊ MA4 လောင်ချာတွဲ ၁ လက် ကျည်ပေါင်း ၇ဝဝ၊ MA3 ၃ လက်၊ MA1 ၅ လက်၊ MA2 ၁ လက်၊ RPG ဗုံးသီး ၉ လုံး၊ ၉ မမ ပစ္စတို ၄ လက်၊ ကျည် ၆၄ တောင့်၊ နင်းမိုင်း ၉ လုံး၊ လက်ပစ်မိုင်း ၇ လုံး၊ ၇၉ မမ ဗုံးသီး ၇ လုံး၊ ၇.၆၂ ကျည်ဆံ ၅၆၉ တောင့်တို့ကို သိမ်းဆည်းထားသည်ဟု KIO က ပြောသည်။

ယင်းတိုက်ပွဲတွင် မြန်မာအစိုးရဘက်မှ စစ်ကြောင်းမှူး ဗိုလ်ကြီး အောင်ခိုင်ဝင်း အပါအဝင် အနည်းဆုံး ၁ဝ ဦးကျော် သေဆုံးမည်ဟု KIO က ပြောသည်။

အလားတူ မန်စီမြို့နယ် ကောင်လွန်ကျေးရွာအနီးတွင် KIA တပ်မဟာ ၃ လက်အောက်ခံ တပ်ရင်း ၁၂ နှင့် မြန်မာ အစိုးရတပ် ခမရ ၃၄၈ တို့အကြား ယခုလ ၁၈၊ ၁၉ ရက်များတွင် နှစ်ရက်ကြာ တိုက်ပွဲတွင် အစိုးရဘက်မှ စစ်ကြောင်း ၁ မှူး ဗိုလ်ကြီး သိန်းဇော်ထွေးနှင့် တပ်သား ၃ ဦး သေဆုံးခဲ့သည်ဟု ဦးလနန်က ပြောသည်။

“မနေ့ကထိဖြစ်တဲ့ တိုက်ပွဲမှာ ခမရ စစ်ကြောင်း ၁ မှူး ဗိုလ်ကြီးနဲ့ တပ်သား ၃ ဦးကျပြီ။ ဒီနေ့ ဆက်ဖြစ်အုန်းမယ်။ ဒါပေမဲ့ သတင်း တော့ မရောက်လာသေးဘူး။ ၁၈ ရက်နေ့မှာ ကျနော်တို့ တပ်ရင်း ၁၂ က တပ်သားတဦး ကျသွားတယ်” ဟု ဦလနန်က ပြော သည်။

ခမရ ၃၄၈ တပ်ရင်းတွင် ခလရ တပ်ရင်း ၇၄ တပ်ဖွဲ့များ အင်အားထပ်ဖြည့်၍ တိုက်ခိုက်နေသည်ဟု ဆိုသည်။

အစိုးရနှင့် KIO အကြား တိုက်ပွဲဖြစ်ပွားမှု ၁ လကျော်ကြာချိန်အထိ ပြည်တွင်းပြည်ပမှ အဖွဲ့အစည်းများ၏ အကူအညီ မရသေး သလို အစိုးရ မဟုတ်သော အဖွဲ့အစည်းများကိုလည်း စစ်ပြေးဒုက္ခသည်များကို မကူညီရန် မြန်မာအစိုးရကပြောဆိုမှုများရှိသဖြင့် မည်သည့် NGO အဖွဲ့အစည်းမှ ကူညီပေးခြင်း မရှိသေးပေ။

ထို့ကြောင့် လက်ရှိ စစ်ပြေးဒုက္ခသည်များမှ ကလေးငယ်များ အတွက် အဓိကအားဖြင့် ကျန်းမာရေးနှင့် အာဟာရဖြည့်ပေးရန် အတွက် အစားအသောက်နှင့် ဆေးဝါးအရေးတကြီး လိုအပ် နေသည်ဟု ဦးလနန်က ပြောသည်။

“ပထမဆုံး ဦးစားပေးက အာဟာရ ဖြည့်ဖို့ ဆေးဝါး လိုအပ်တယ်။ ဆေးဝါးဆိုတဲ့ထဲမှာ ကာကွယ်ဆေးကအစ ကလေးတွေအတွက် အာဟာရ ဖြည့်ဖို့ လိုအပ်နေတယ်။ ကလေးတွေ အာဟာရ ပြတ်လာရင် ကြာရင် ဖျားနာလာမယ်။ ဒါကြောင့် ဖြည့်စွက် အာဟာရ လိုအပ်နေတယ်။ ဆေးဝါးပစ္စည်း ၊ နောက်ပြီးတော့ ကလေးတွေအတွက် ပညာသင်ကြားဖို့ စာရေးကိရိယာတွေ လိုအပ်တယ်” ဟု ပြောသည်။

အလားတူ တိုက်ပွဲကြောင့် အိုးအိမ်နှင့် တောင်ယာ၊ လယ်များကို စွန့်ခွာ၍ ထွက်ပြေးလာသော ဒုက္ခသည် ၁၆,ဝဝဝ အတွက် ပြည်တွင်း၊ ပြည်ပအကူအညီများ မရသေးသဖြင့် အရေးပေါ် ဆန်၊ မိုးကာနှင့် ဆေးဝါး စသည့် အကူအညီများ လိုအပ်နေသည်ဟု ယမန်နေ့ အင်္ဂါနေ့က ထိုင်းအခြေစိုက် ကချင်အမျိုးသမီးများအဖွဲ့ချုပ်-KWAT က ထုတ်ပြန်ခဲ့သည်။

“အခု အခက်အခဲအစုံဘဲ။ မိုးတွင်းဆိုတော့ သဲဆောက်ဖို့၊ ရွက်ဖျင်တွေ၊ စားသောက်ဖို့ ဆန်တွေလည်း လိုအပ်နေတယ်။ ရှိတဲ့ဟာ တွေလည်း စားလို့ကုန်တော့မယ်။ ဒေသခံအဖွဲ့အစည်းတွေနဲ့ ဘာသာရေး အဖွဲ့အစည်းတွေကတော့ တတ်နိုင်သလောက် အကူ အညီပေးနေတာဘဲ။ ဒါပေမဲ့ မလုံလောက်ဘူး”ဟု KWAT ပြောရေးဆိုခွင့်ရှိသူဒေါ်ချယ်လီဆိုင်းက မဇ္စျိမကို ပြောသည်။

Ref: မဇ္ဈိမ

Read More...

ထိုင်း ဘလက်ဟော့ စစ်ရဟတ်ယာဉ်ပျက် မြိတ်အနီးတွေ့ဟုဆို

မျိုးသန့်
ဇူလိုင်လ ၂၀ ရက် ၂၀၁၁ ခုနှစ်

အင်္ဂါနေ့မွန်းလွဲပိုင်းက ပျက်ကျသွားခဲ့သည့် ထိုင်းစစ်တပ်ပိုင် ဘလက်ဟော့ ရဟတ်ယာဉ်ကိုမြန်မာနိုင်ငံ မြိတ်မြို့အနီးတွင် တွေ့ရှိပြီဖြစ်ကြောင်း ထိုင်းရတ် Thairath သတင်းဌာနက ရေးသားသည်။

ဘလက်ဟော့ ရဟတ်ယာဉ် NQ 24113 ကို ထိုင်းမြန်မာနယ်စပ်နှင့် တမိုင်ခန့်အကွာ မြိတ်မြို့အနီး မြန်မာတပ်ရင်း၁ဝ၁ အနီး
တွင် တွေ့ရှိကာ ရဟတ်ယာဉ်တွင်း သေဆုံးသူများ၏ အလောင်းများ ထိုင်းနယ်စပ်သို့ ပြန်သယ်ရန်မြန်မာအရာရှိများ၏ ညွှန်ကြားချက်များကို စောင့်ရန်လိုနေသေးသည်ဟု သတင်းတွင်ဖော်ပြသည်။

ရဟတ်ယာဉ်သည် စနေနေ့က ထိုင်းမြန်မာ နယ်စပ်အတွင်း ပျက်ကျသွားသည့် Huey ရဟတ်ယာဉ်များကို ရှာဖွေရန်ခြေလျင် တပ်မဟာ အမှတ် ၉ မှ ဗိုလ်ချုပ်တဦး၊ ဗိုလ်မှူးနှစ်ဦးနှင့် ရုပ်သံလွှင့် သတင်းထောက် တဦး စုစုပေါင်း ၉ ဦးကို တင်ဆောင်ကာ မြန်မာနယ်စပ်သို့ ထွက်ခွာသွားရာ ဒေသစံတော်ချိန် နေ့လယ် ၁၂း၃ဝ ခန့်တွင် ပျက်ကျသွားသည်ဟု ထိုင်းသတင်းများက ဖော်ပြသည်။

မြန်မာစစ်တပ် ပစ်ခတ်မှုကြောင့် ပျက်ကျသွားသည်ဟု ကောလာဟလများ အစောပိုင်းတွင် ထွက်ပေါ်ခဲ့သေးသော်လည်း ရာသီဥတု ဆိုးရွားမှုကြောင့် ပျက်ကျရကြောင်း ထိုင်းတပ်မဟာ ၁၊ စစ်တိုင်းမှူးက သတင်းထောက်များကိုပြောဆိုသည်။

စနေနေ့တွင် ပထမ ပျက်ကျသည့် Huey ရဟတ်ယာဉ်ပါ အလောင်း ၅ လောင်းကို လေယာဉ်ဖြင့် ထိုင်းနိုင်ငံ ရတ်ခ်ျဘူရီမြို့သို့ ဗုဒ္ဓဟူးနေ့ နေ့လယ် ၂ နာရီတွင် ပြန်သယ်လာပြီဟုလည်း ထိုင်းသတင်းများတွင် ရေးသားသည်။

အင်္ဂါနေ့က ပျက်ကျသည့် ဘလက်ဟော့ ရဟတ်ယာဉ်တွင် လိုက်ပါသွားသူများကို ရှာဖွေရန် ပက်ခ်ျဘူရီခရိုင် အခြေစိုက် ထိုင်း စစ်တပ် ခြေလျင်တပ်ရင်း အမှတ် ၉ မှ တပ်သား အယောက် ၆ဝ ထိုင်း-မြန်မာနယ်စပ် မြိတ်ခရိုင်သို့ ဗုဒ္ဓဟူးနေ့နံနက် ၇ နာရီက ထွက်ခွာသွားပြီဟုလည်း ဗုဒ္ဓဟူးနေ့ အစောပိုင်း ထိုင်းသတင်းများက ရေးသားကြသည်။

အင်္ဂါနေ့က ပျက်ကျခဲ့သည့် ရဟတ်ယာဉ်မှာ သက်တမ်း ၇ နှစ် ရှိပြီး မထွက်ခွာမီ စစ်ဆေးချက်များအရ စက်အလုပ် လုပ်နိုင်မှု စွမ်းရည် ရာနှုန်းပြည့် ကောင်းမွန်ကြောင်းလည်း သတင်းများကဆိုသည်။ ထိုင်းစစ်တပ်တွင် ဘလက်ဟော့ ရဟတ်ယာဉ် ၅ စီး ကျန်ရစ်သည်။

Ref: မဇ္ဈိမ

Read More...

Hot News အမှု SSC မရုပ်သိမ်းသေး

သဲသဲ
ဇူလိုင်လ ၂၀ ရက် ၂၀၁၁ ခုနှစ်

Hot News ဂျာနယ်နှင့် အယ်ဒီတာချုပ် ဒေါ်မမ (ခ) ဒေါ်ဟေမာအား တရားစွဲထားသော ရန်ကုန်ရှိ နာမည်ကြီး ပုဂ္ဂလိကဆေးရုံ SSC ခေါ် Shwe Gon Dine Specialist Centre မှ တာဝန်ရှိသူများအကြားဆွေးနွေးမှုများ ရှိခဲ့သော်လည်း အမှုကို ပြန်ရုပ်သိမ်း ရန် အကြောင်းကြားခြင်း မရှိသေးကြောင်း တရားလို SSC အမှုအတွက် လိုက်ပါဆောင်ရွက်ပေးမည့် ရှေ့နေတဦးဖြစ်သူ ရှေ့နေ ဦးရဲမြင့်က ပြောသည်။

“တွေ့တယ်ဆိုတာကိုတော့ သိတယ်။ ဘာတွေဆွေးနွေးတယ်ဆိုတာ ကျနော် မသိပါဘူး။ အမှုကြေအေးဖို့ကို ကျနော့်ဘက်ကို ဘာမှညွှန်ကြားမလာသေးလို့ ဒီအတိုင်းပဲ ဆက်သွားနေပါတယ်။ အမှုရုပ်သိမ်းဖို့က အကယ်၍ သူတို့တောင်းပန်တယ်ဆိုရင် ကျနော်တို့ စဉ်းစားသွားရမယ့် ကိစ္စပါ” ဟု ရှေ့နေဦးရဲမြင့်က ပြောသည်။

တရားစွဲဆိုမှုနှင့် ပတ်သက်၍ Hot News ဂျာနယ်က ဇူလိုင် ၈ ရက် သတင်းစာ ရှင်းလင်းပွဲတွင် တရားဆိုင်သွားမည်ဟုပြောဆို ခဲ့ပြီး နောက်ပိုင်းတွင် သွားရောက် တွေ့ဆုံမှုမှု ဖြစ်ခဲ့ခြင်းဟု ယုံကြည်ရသည်။


SSC က ရှေ့နေ နှစ်ဦး ငှားရမ်းထားပြီး ဦးရဲမြင့်သည် ယခုအမှုအတွက် ပြောရေးဆိုခွင့်ရှိသူ ဖြစ်သလို၊ SSC ဥပဒေအကြံပေး ပုဂ္ဂိုလ်လည်း ဖြစ်သည်။

ဗဟန်းတရားရုံးသို့ ရဲအစီရင်ခံစာ ရောက်လာပါက အမှုကြားနာမှု စတင်မည့် ရက်ကို လာမည့် သောကြာနေ့တွင် သိရမည်ဟု ဆိုသည်။

ဇွန်လ ပထမပတ်ထုတ် Hot News ဂျာနယ်တွင် ရွှေဂုံတိုင် SSC ပုဂ္ဂလိက ဆေးရုံ၏ ဝန်ဆောင်မှုနှင့် ပတ်သက်၍ သတင်း ဆောင်းပါး တပုဒ် ဖော်ပြခဲ့ရာ၊ ဆောင်းပါးပါ အကြောင်းအရာ မမှန်ကန်သဖြင့် ဇွန်လ ၃ဝ ရက်နောက်ဆုံးထားကာ တောင်းပန် ရန်နှင့် မတောင်းပန်ပါက ဥပဒေကြောင်းအရ အရေးယူသွားမည်ဟု စာတိုက်မှတဆင့် Hot News ထံ သတိပေးစာ ပို့ခဲ့သည်။ သို့သော် Hot News က သတင်းစာ ရှင်းလင်းပွဲလုပ်ကာ အမှုဆိုင်သွားမည်ဟု ပြောဆိုခဲ့ခြင်း ဖြစ်သည်။

ထို့နောက် အသရေဖျက်မှုနှင့် ရန်ကုန်တိုင်း တရားလွှတ်တော်နှင့် ဗဟန်းမြို့နယ်၌ ဇွန် ၆ ရက်တွင် SSC က Hot News ကို တရားစွဲခဲ့သည်။ နစ်နာကြေးအဖြစ် ကျပ်သိန်းပေါင်း ၂ သောင်းရလိုကြောင်း တောင်းဆိုခဲ့သည်။

“ အဓိကကတော့ တောင်းပန်ဖို့ပေါ့။ သူတို့တောင်းပန်တာကို SSC အုပ်ချုပ်ရေးအဖွဲ့က လက်ခံတယ်ဆိုရင် ဒါက ပြီးသွားပြီပေါ့။ တရားစွဲပေမယ့် တောင်းပန်မယ်ဆိုရင် လက်ခံမယ့် အခြေအနေ ရှိပါတယ်။ နဂိုကတည်းကလည်းတောင်းပန်ဖို့ပဲ ပြောခဲ့တာကိုး၊ မတောင်းပန်လို့သာ အမှုဖြစ်ရတာကိုး” ဟု ရှေ့နေ ဦးရဲမြင့်က ဆိုသည်။

ဂျာနယ်နှင့် အမှုဖြစ်နေသော်လည်း ဆေးရုံ၏ လုပ်ငန်းများ ကျဆင်းသွားခြင်း မရှိဟု ဦးရဲမြင့်က ဆိုသည်။

Hot News ဂျာနယ်၏ ရှေ့နေ ဦးသိန်းညွန့်ကလည်း “ သူတို့တွေ တွေ့ကြပြောကြတာတော့ သိတယ်။ ဘာတွေ ဆုံးဖြတ်ချက် ချတယ်ဆိုတာတော့ မသိဘူး။ ကျနော့်ဆီက တရားရုံးက ဆင့်ခေါ်စာလည်း အခုထိတော့ မရောက်လာသေးဘူး” ဟု ပြောသည်။ အမှုရင်ဆိုင်ရပါက Hot News ဘက်က ၂ဝဝ၈ ဖွဲ့စည်းပုံ အခြေခံဥပဒေပါ လွတ်လပ်စွာ ရေးသားခွင့်၊ ထုတ်ဖော်ပြောဆိုခွင့်ကို ကိုင်စွဲသွားမည်ဟု ဆိုသည်။

ထို့အပြင် SSC နှင့် Hot News ပြဿနာသည် သတင်းမီဒီယာ လွတ်လပ်ခွင့်နှင့် လုပ်ငန်းရှင် သူဋ္ဌေးကြီးများ၏ပြဿနာဟု လွှတ်တော်အမတ်လည်းဖြစ်သူ ဦးသိန်းညွန့်က ရှုမြင်သည်။

“ဒီပြဿနာဟာ အခုမှ အညှောက်ထွက်ခါစ သတင်းမီဒီယာ လွတ်လပ်ခွင့်နဲ့ နိုင်ငံတော် သူဋ္ဌေးကြီးတချို့ ဖြစ်တဲ့ပွဲလို့ ယူဆတယ်။ နိုင်ငံတော် သူဋ္ဌေးကြီးတချို့ရဲ့ လုပ်ပုံက အင်တမန်မှ သွေးလေခြောက်ခြားစရာ ကောင်းပါတယ်။ သူတို့ ဆေးရုံမှာ လူတယောက် အသက်ဆုံးရှုံးတာကို သိန်း ၁၀၀၀ သာ တောင်းပေမယ့် သူ့ကို (Hot News) သိန်း ၂ သောင်းတောင် တောင်းထားတယ်လေ’’ ဟု သူက ဆိုသည်။

နှစ်ဦးနှစ်ဖက်အကြား တွေ့ဆုံဆွေးနွေးခဲ့သည့် အကြောင်းအရာများကို သိရှိနိုင်ရန်အတွက် Hot News အယ်ဒီတာချုပ်ဒေါ်မမကို ဆက်သွယ်မရနိုင်ဘဲ ဖြစ်နေသည်။

Hot News ဂျာနယ် အယ်ဒီတာချုပ် ဒေါ်မမ ခေါ် ဒေါ်ဟေမာသည် ဒုဗိုလ်ချုပ်ကြီးဟောင်း ဦးခင်မောင်သန်း၏ သမီးဖြစ်ပြီး၊ ပေဖူးလွှာ မဂ္ဂဇင်းတွင်လည်း အမှုဆောင် အယ်ဒီတာချုပ်လည်း ဖြစ်သည်။

မြန်မာနိုင်ငံ ခရီးသွားလုပ်ငန်း ဘုတ်အဖွဲ့ကလည်း ခရီးသွားလုပ်ငန်းနှင့် ပတ်သက်သည့် ဆောင်းပါးတပုဒ် Hot News တွင် ဖော်ပြခဲ့သည်ကို တောင်းပန်ရန် အစိုးရသတင်းစာများ၊ သတင်းဂျာနယ်များမှနေ၍ Hot News ကို သတိပေးစာ ထုတ်ပြန်ခဲ့သည်။ ဇွန် ၁၄ ရက်တွင်မူ တရားစွဲဆိုကြောင်း ပြောဆိုခဲ့သဖြင့် ထိုကိစ္စအတွက် ဘုတ်အဖွဲ့ထံ ရှင်းလင်းစာပြန်ပို့ထားခဲ့ရာ၊ ယခုအထိ ထူးခြားမှု မရှိသေးကြောင်း ဦးသိန်းညွန့်က ပြောပြသည်။

၎င်းတို့ဂျာနယ်တွင် ဖော်ပြခဲ့သော ပြင်ပဆောင်းပါးရှင် မောင်လင်းသူ (စိန်ဂျွန်း) ၏ “တိုးတက်အောင် လုပ်ဖို့လား အမြတ် ထုတ်ဖို့လား” ဆောင်းပါးမှာ ပြည်မြန်မာနှင့် ဆဲဗင်းဒေးတွင် ပါရှိသော မြန်မာနိုင်ငံ ခရီးသွားလုပ်ငန်း ဘုတ်အဖွဲ့နှင့် ပတ်သက် သည့် သတင်းအချက်အလက်ကို အခြေခံကာ ရေးသားခဲ့ကြောင်း Hot News ဘက်က သတင်းစာ ရှင်းလင်းပွဲတွင် ရှင်းပြခဲ့သည်။

မြန်မာစာနယ်ဇင်း လောကတွင် လေ့လာစောင့်ကြည့်နေခဲ့သည့် ဥပဒေကြောင်းဆိုင်ရာ နောက်ထပ် အမှုအခင်းတရပ်မှာ မြန်မာတိုင်းမ်ဂျာနယ် အကြီးအကဲတဦးဖြစ်သူ သြစတြေးလျနိုင်ငံသား မစ္စတာ ရောစ့်ဒန်ကလေ၏ အမှုဖြစ်သည်။

မခိုင်ဇာလင်းအား သာမန် နာကျင်စေမှု ပြုသည်ဟူသော စွဲဆိုချက်ဖြင့် ထောင်ဒဏ်တလ ကျခံရန် ကမာရွတ်မြို့နယ် တရားရုံးက သူ့ကို ဇွန်လ ၃ဝ ရက်နေ့တွင် စီရင်ချက်ချခဲ့သည်။

ချုပ်ရက်ဖြင့် ထောင်ဒဏ် လွတ်မြောက်ခဲ့သော မစ္စတာဒန်ကလေက အမှုမကျူးလွန်ကြောင်း အယူခံဝင်ထားသည်။ ထိုအမှု၏ တရားလို ကိုယ်ဝန်ဆောင် မခိုင်ဇာလင်းမှာ မကြာသေးခင်က မီးဖွားခဲ့သည်။

Ref: မဇ္ဈိမ

Read More...

ICC အမြန်ရောက်လိုသူ အငြင်းပွားဖွယ်ရာ ဦးထူးထူးဟန်

ကိုပေါက်
ဇူလိုင်လ ၂၀ ရက် ၂၀၁၁ ခုနှစ်

အပြည်ပြည်ဆိုင်ရာ ရာဇ၀တ်ခုံရုံး ICC သို့ တက်ရောက်ရန် ရည်ရွယ်ချက်ဖြင့် မိမိကိုယ်ကို မြန်မာစစ်ရာဇ၀တ်ကောင်အဖြစ် ထုတ်ဖော်ဝန်ခံခဲ့ကြောင်း သြစတြေးလျ နိုင်ငံသားဖြစ်နေပြီး မိမိကိုယ်ကို စစ်ထောက်လှမ်းရေး ဗိုလ်ဟောင်းဟု ဆိုထားသူ ဦးထူးထူးဟန်က မဇ္ဈိမကို ပြောသည်။

၁၉၈၈ လူထုအုံကြွမှုအတွင်း အစိုးရဆန့်ကျင်ဆန္ဒပြသူ ၂၄ ဦးအား ကိုယ်တိုင်ပစ်သတ်ခဲ့ပြီး ၁၀၀ ကျော် သတ်ဖြတ်ရာ၌ ပါဝင် ခဲ့သည်ဟု ဦးထူးထူးဟန်၏ ၀န်ခံဖြောင့်ချက်များကို ကိုးကား၍ သြစတြေးလျနိုင်ငံ AAP သတင်းဌာနတွင် ဇူလိုင်လ ၁၈ ရက်နေ့ ကတည်းက ဖော်ပြပါရှိခဲ့ပြီး ဖြစ်သည်။

“အဓိကက ICC ကို ရောက်ချင်တယ်။ ICC ကို တန်းတူစကားပြောချင်တယ်။ ဒါ ကျနော့်ရည်ရွယ်ချက်။ အဲဒီအချိန်မှာ ကမ္ဘာ့ မီဒီယာကို ကျနော်က ရထားပြီ။ အဲဒီ ကမ္ဘာ့မီဒီယာရဲ့ အားနဲ့ နိုင်ငံတကာမှာရှိတဲ့ သမ္မတတွေ၊ အကြီးအကဲတွေ အကုန်လုံးက ကျနော့်ရဲ့အကြောင်းကို ကြည့်မယ်လေ။ အဲဒီမှာ ကျနော်ပြောချင်တာ ပြောလို့ရတယ်လေ” ဟု ဘရစ္စဘိန်း မြို့နေ ဦးထူးထူး ဟန်က ပြောသည်။

သို့သော် သူ၏လုပ်ရပ်အပေါ် အတိုက်အခံများအတွင်း သံသယဖြစ်သူများရှိနေကြသလို မြန်မာအစိုးရကိုသာ အကျိုးဖြစ်ထွန်း စေမှာ လားဆိုသော မေးခွန်းထုတ်လာကြသည်။

“မြန်မာပြည်မှာ လူ့အခွင့်အရေး ချိုးဖောက်မှုတွေက တကယ်ရှိနေတာ။ အခုလိုမျိုး ဇာတ်လမ်းတွေ ထွင်ပြောလို့ ဒါတွေဟာ မဟုတ်ခဲ့ဘူးလို့ တနေ့ သိတဲ့အချိန်မှာ တကယ်ဖြစ်ရပ်တွေအပေါ် ဖုံးကွယ်သွားပြီး စစ်အစိုးရကို အထောက်အကူ သွားဖြစ် နိုင်တယ်” ဟု ကနေဒါ မြန်မာ့မိတ်ဆွေများအဖွဲ့ - CFB မှ အမှုဆောင်ဒါရိုက်တာ ဦးတင်မောင်ထူးက မဇ္ဈိကို ပြောသည်။

၁၉၆၇ ခုဖွား ဦးထူးထူးဟန်၏ အဆိုအရ ၎င်းမှာ စစ်ထောက်လှန်းရေး MI - 6 တွင် ဗိုလ်အဖြစ် တာဝန်ထမ်းနေစဉ် ၈၈ အရေး အခင်း ကာလအတွင်း တောင်ဥက္ကလာ အခြေခံပညာ အထက်တန်း ကျောင်းသားများသမဂ္ဂ (အကသ) အတွင်းရေးမှူးအဖြစ် သူလျှိုလုပ်ငန်းများ လုပ်ဆောင်ခဲ့ကြောင်း သိရသည်။

ဦးထူးထူးဟန်နှင့်အတူ ဘန်ကောက်နှင့် သြစတြေးလျတွင် အကသ လှုပ်ရှားမှုများ အတူတွဲလုပ်ခဲ့ဖူးသူ ကိုဇေယျာဦးက “ကျနော် အကဲခတ်မိသလောက်ကတော့ သူ့စကားက အမျိုးမျိုးပြောနေတော့ မယုံရဘူး။ နိုင်ငံရေးမှာလည်း ဟီးရိုးဖြစ်ချင်တာတွေ အများ ကြီးပဲ။ ဟုတ်တာရော၊ မဟုတ်တာရော ပါးစပ်က ပြောနေတာ။ သူနာမည်ကြီးရင် ကောင်းတာဖြစ်ဖြစ်၊ မကောင်းတာဖြစ်ဖြစ် လုပ် မှာပါပဲ” ဟု မဇ္ဈိမကို ပြောသည်။ အကသ လှုပ်ရှားမှုဆိုသည်မှာ ပြည်တွင်းရှိ နိုင်ငံရေးအကျဉ်းသားများအား ထောက်ပံ့ငွေ လှူဒါန်းခြင်း ဖြစ်သည်။

ဦးထူးထူးဟန်က မြန်မာနိုင်ငံအရေး ICC ရောက်ရေးကိစ္စကို မည်သူနှင့်မျှ မတိုင်ပင်ဘဲ ၎င်းတဦးတည်းဆန္ဒဖြင့် လုပ်ဆောင် ခဲ့သည်ဟု ဆိုသည်။

“ကျနော်တယောက်ထဲ လုပ်တာ။ မီဒီယာ ရဖို့နည်းက အများကြီးရှိတယ်ဗျ။ ခင်ဗျားက ထူးထူးဆန်းဆန်းလုပ်ပြရင် မီဒီယာက ခင်ဗျားဆီ ရောက်လာမှာ။ ကျနော်က ဖြတ်လမ်းက တက်တဲ့သဘော ဖြစ်နေတယ်။ သူတို့က လုပ်ထုံးလုပ်နည်းကြီးနဲ့ တက်တယ် ဆိုရင် မရဘူး။ ဒေါ်အောင်ဆန်းစုကြည် ရှိတုန်းလေးကို ရတဲ့နည်းနဲ့ တိုက်ကြပါ” ဟု ပြောသည်။

ဤသို့ တိုင်ပင်ဆွေးနွေးမှုမရှိဘဲ တကိုယ်တော်လှုပ်ရှားမှုကြောင့် နိုင်ငံတကာ စုံစမ်းစစ်ဆေးရေး ကော်မရှင် - CoI ဖွဲ့စည်းရေး ကဲမ်ပိန်းလှုပ်ရှားမှုကြီးအား ထိခိုက်စေနိုင်ကြောင်း ဦးတင်မောင်ထူးက ပြောသည်။

“အများကြီး ထိခိုက်မှုရှိနိုင်တာပေါ့။ ကျနော်တို့ပြောခဲ့တဲ့ ဟာတွေက ဘာမှ လိမ်ညာပြောဆိုခဲ့တာ မဟုတ်ဘူး။ သူ ထ,လုပ် လိုက်တော့မှ ကျနော်တို့ပြောတဲ့ အရာတွေက မှန်ပေမယ့် အမှားတွေ ဖြစ်သွားနိုင်တဲ့ အချက်ပေါ့။ ကျနော်တို့ရဲ့ ဂုဏ်သိက္ခာကို ကျဆင်းစေနိုင်တယ်။ လှုပ်ရှားမှုကို အများကြီး ထိခိုက်နိုင်တယ်” ဟု ဆိုသည်။

ဦးထူးထူးဟန်အနေဖြင့် ယခုကဲ့သို့ လူသတ်ခဲ့ကြောင်း ပြောဆိုထားသော်လည်း သြစတြေးလျ ရဲဌာနများက တစုံတရာ စစ်ဆေး မေးမြန်းခြင်း မရှိသေးပေ။

“အခု ဘာအရေးယူမှုမှ မရှိသေးဘူး။ ဒီမှာက ၀န်ခံတိုင်းလည်း အရေးယူလို့ရတာ မဟုတ်ဘူး။ လိမ်ပြောနေတာလားလို့ ထင်ချင် ထင်မယ်။ ကျနော်က အရမ်းနာမည်ကြီးတာကိုး။ စောင့်ကြည့်နေတယ်။ ကျနော့်ဖုန်းလိုင်းတွေ နားထောင်နေတယ်။ သိတာပေါ့။ ကျနော်လည်း ထောက်လှမ်းရေးက လာတာပဲ” ဟု သူက ဆိုသည်။

ဤလုပ်ရပ်ကြောင့် သြစတြေးလျသို့ မြန်မာနိုင်ငံသားများ လာရောက်အခြေချရေးအပေါ် သက်ရောက်မှုများ ရှိစေနိုင်ကြောင်း ဘရစ္စဘိန်း တမြို့ထဲနေ ကိုတင်ကိုက “ကျနော်ထင်တယ်။ နောက်ပိုင်း ဆိုးကျိုးတွေ ဖြစ်လာနိုင်တယ်။ နောက်ပိုင်းလာတဲ့ လူတွေ ကို စိစစ်မှုတွေ ပိုလုပ်လာမယ်။ အရေအတွက် လျှော့ချတာတွေ ဖြစ်လာနိုင်တယ်။ သူ လီဆယ်ပြီး ပြောတယ်ဆိုရင်လည်း သြစတြေးလျအစိုးရက ဥပဒေအရ အရေးယူပါလိမ့်မယ်” ဟု ပြောသည်။

ထို့အပြင် ဦးထူးထူးဟန်၏ စိတ်ပိုင်းဆိုင်ရာ ကျန်းမာရေးအခြေအနေမှာလည်း အစောင့်ရှောက်ခံ အနေအထားဖြင့် ဆေးပင်စင် ရရှိထားကြောင်း တမြို့ထဲနေ သူ၏ မိတ်ဆွေများက ပြောသည်။

ဤကိစ္စနှင့်ပတ်သက်၍ ဦးထူးထူးဟန် ကိုယ်တိုင်ကလည်း “ကျနော်က ထောင်တွေထဲမှာလည်း ရက်ရက်စက်စက် အရိုက်ခံခဲ့ ရဖူးတယ်။ သာယာဝတီထောင်မှာ ကျနော်မရောက်ဖူးတဲ့ တိုက်ခန်း မရှိပါဘူး။ သြစတြေးလျမှာလည်း စိတ်ကျရောဂါနဲ့ အိပ် ဆေးလေးဘာလေး သောက်ရတယ်။ ကောင်းဆဲလင်းတွေနဲ့ သွားတွေ့တယ်။ အခုထက်ထိပေါ့။ အရူးတော့ မဟုတ်ဘူးဗျာ။ စိတ်ကျတာတော့ ရှိတယ်” ဟု ရှင်းလင်းပြောဆိုသွားသည်။

မဇ္ဈိမနှင့် ဦးထူးထူးဟန် ဆက်သွယ်မေးမြန်းချက် အပြည့်အစုံအား သီးခြားဖော်ပြသွားမည်ဖြစ်သည်။

Ref: မဇျ္စိမ

Read More...

လုမ္ဗနီ ဘာသာရေး လုပ်ငန်းစီမံကိန်း၊ တရုတ် ဒေါ်လာ ၃ ဘီလီယံ မြှုပ်နှံ

20 July 2011

ဗုဒ္ဓဘုရားရှင် ဖြစ်လာမည့် သိဒ္ဓတ္ထမင်းသားကို လွန်ခဲ့သော နှစ်ပေါင်း ၂၅၀၀ ကျော်က နီပေါနိုင်ငံ လုမ္ဗနီမြို့လေးတွင် ဖွားမြင်ခဲ့သည်။ ယခု တရုတ်အစိုးရက


ကမ္ဘာအနှံမှ ဘုရားဖူးများကို စွဲဆောင်မည့် ထို ဗုဒ္ဓပွင့်တော်မူရာ လုမ္ဗနီမြို့လေး ပြုပြင်ဖို့အတွက်၊ ဒေါ်လာ ၃ ဘီလီယံ အကုန်ကျခံပြီး နီပေါနိုင်ငံမှာ ပရောဂျက်တစ်ခု စတင်တော့မည် ဖြစ်သည်။

တရုတ်ရဲ့ လုမ္ဗနီစီမံကိန်းတွင် လေဆိပ်တစ်ခု၊ အဝေးပြေးလမ်းမ၊ ဟိုတယ်များ၊ ကွန့်ဖရင့်စင်တာများ၊ ဘုရားကျောင်းများနှင့် ဗုဒ္ဓ တက္ကသိုလ်တစ်ခုကို တည်ဆောက်မည် ဖြစ်သည်။ နောက် ပန်းခြံများ၊ ရေပန်းအလှများနှင့် လက်ရှိချို့တဲ့နေတဲ့ လျှပ်စစ်မီးနှင့် ဆက်သွယ်ရေး စနစ်များကိုလည်း တပ်ဆင်ပေးမည် ဖြစ်သည်။

နီပေါအစိုးရကတော့ တရုတ် ရင်းနှီးမြှုပ်နှံမယ့် ဒေါ်လာ ၃ ဘီလီယံ အတွက် ၀မ်းသာပီတိ ဂွမ်းဆီထိနေကြသည်။ နီပေါရဲ့ ဂျီဒီပီ က ပြီးခဲ့တဲ့နှစ် ၃၅ ဘီလီယံသာ ရှိသည်။ ယခု တရုတ် လုပ်မယ့်စီမံကိန်းက တစ်နိုင်ငံလုံးဂျီဒီပီရဲ့ ၁၀ ရာခိုင်နှုန်းနီးပါး ရှိသည်။

ပရော့ဂျက်လုပ်မည့် အဖွဲ့အစည်းက အစိုးရတစ်ပိုင်း၊ NGO တစ်ပိုင်းလုပ်နေတဲ့ Asia Pacific Exchange and Cooperation Foundation (APECF) ဖြစ်ပြီး၊ ဥက္ကဌ ဇိုဝူနန် က တရုတ်ကွန်မြူနစ်ပါတီ အဖွဲ့ဝင်လည်းဖြစ်၊ တရုတ် အမျိုးသား ဖွံ့ဖြိုးရေးနှင့် ပြုပြင်ပြောင်းလဲရေး ကော်မရှင် မှာ ရာထူးကြီးကြီး ရယူထားသူလည်း ဖြစ်သည်။ APECF ရဲ့ ပရောဂျက်လက်မှတ်ထိုးပွဲ အခမ်း အနားကို နီပေါမှာ ပြီးခဲ့တဲ့ အပတ်တွင် ကျင်းပခဲ့သည်။

တရုတ်ရဲ့ လုမ္ဗနီစီမံကိန်းကို ကုလသမဂ္ဂ ကလည်း ထောက်ခံမှုပေးထားသည်။ လုမ္ဗနီစီမံကိန်းက ဗုဒ္ဓဘာသာ ဂိုဏ်းကြီး သုံးဂိုဏ်းဖြစ်သည့် တရုတ်၊ ဂျပန်၊ တောင်ကိုရီးယား တို့မှ မဟာယာန အုပ်စု၊ အရှေ့တောင်အာရှမှ ဟိနယာန (ထေရ၀ါဒ) အုပ်စုနှင့် တိဘက် ဗုဒ္ဓဘာသာ အုပ်စုတို့မှ ဘုရားဖူးများကို စွဲဆောင်နိုင်မည်ဖြစ်သည်။

နှစ်စဉ် လုမ္ဗနီသို့လာသည့် ဘုရားဖူးဧည့်သည်မှာ ၅သိန်းကျော် ရှိသည်။ တရုတ်က ဘုရားဖူး သန်းပေါင်းများစွာ ၀င်လာမစဲ အောင်လုပ်ပြီး ဟိုတယ်လုပ်ငန်းနှင့် အခြားစီးပွားရေးလုပ်ငန်းပေါင်းစုံကနေ အမြတ်ထုတ်ယူသွားမည် ဖြစ်သည်။ တရုတ်က ဘာမှပြန်မရဘဲ အလကား ရင်းနှီးမြှုပ်နှံမည်တော့မဟုတ်။

သို့သော် တရုတ်အစိုးရ လုမ္ဗနီပရော့ဂျက်အတွက် အဓိကပြဿနာက ဒလိုင်းလားမား ဖြစ်သည်။ အခြားဗုဒ္ဓဘာသာ ဂိုဏ်းကြီး နှစ်ဂိုဏ်းက တရုတ်ရဲ့ စီမံကိန်းအပေါ် ကောင်းသည်ဆိုးသည် မပြောပေမဲ့၊ ဘုန်းတော်ကြီး ဒလိုင်းလားမားနှင့် ကမ္ဘာအနှံပျံနေ သည့် တိဘက်ဘာသာဝင် သန်းပေါင်းများစွာက တရုတ်ရဲ့ ဘာသာရေး ဈေးကွက်လုပ်ငန်းကို ဝေဖန်နှောင့်ယှက် လာနိုင်တာ ကြောင့်၊ တရုတ်အစိုးရဘက်က သတိထား ဆောင်ရွက်လျက်ရှိသည်။

Ref: မောက္ခ

Read More...

ထိုင်းစစ်ရဟတ်ယာဉ်တစီး မြန်မာ ဘက်ခြမ်းတွင် ပျက်ကျ

20 July 2011

Black Hawk အမျိုးအစားရှိ ထိုင်းစစ်ရဟတ်ယာဉ်တစ်စီး မြန်မာဘက်ကမ်းမှာ ယမန်နေ့က ပျက်ကျသွားကြောင်း ထိုင်းသ တင်းဌာနများတွင် ဖော်ပြထားသည်။

လေယာဉ်ပျက်ကျရာ၌ ထိုင်းအဆင့်မြင့် စစ်ဘက်အရာရှိ ၈ဦး အပါအဝင် ထိုင်းရုပ်သံလိုင်း (Channel-5)မှ ဗွီဒီယို သတင်း ထောက်တစ်ဦးလည်း ပါဝင်ကြောင်း ဘန်ကောက်ရှိ Bangkok Post သတင်းစာမျက်နှာတွင် ဖော်ပြပါရှိသည်။

၎င်းအဖြစ်အပျက်သည် ထိုင်း-မြန်မာနယ်စပ် ပက်ခ်ျဘူရီခရိုင်နှင့် နယ်နမိတ်ချင်း ထိစပ်နေသည့် မြန်မာဘက်ကမ်း ထားဝယ် ခရိုင်အတွင်း၌ ဖြစ်ပွားခဲ့ကြောင်း သိရသည်။


Black Hawk ရဟတ်ယာဉ်ပျက်ကျသည့်နေရာမှာ ကရင် အမျိုးသားအစည်းအရုံး (ကေအဲန်ယူ)တပ်နှင့် အစိုးရ တပ်များ လှုပ် ရှားနေသည့် နယ်မြေတွင် ဖြစ်နေကြောင်း ကေအဲန်ယူအသိုင်းအဝိုင်းမှ သိရသည်။

ကရင်အမျိုးသားအစည်းအရုံး (ကေအဲန်ယူ)နှင့် နီးစပ်သူ တစ်ဦးက “အဲဒီဒေသမှာ ကျနော်တို့ ကရင်တပ်တွေရှိ တယ်။ တပ်မ ဟာ(၄) လက်အောက်ခံ တပ်ရင်း(၇)ပေါ့နော်။ ပြီးတော့ ဗမာတပ်တွေလည်း ရှိတယ်။ ပျက်ကျတဲ့နေရာက ကျနော်တို့ထက်ကို ဗမာတပ်တွေနဲ့က ပိုနီးတယ်။”ဟု ပြော သည်။

ထိုဒေသတွင် တောတောင်ထူထပ်ခြင်းနှင့် ရာသီဥတုအခြေအနေကြောင့် ပျက်ကျတာဖြစ်နိုင်တယ်လို့လည်း သူက ဆက်ပြော သည်။

ထိုင်းစစ်တပ်အမှတ်(၁) တပ်မှူး၏ ပြောဆိုချက်ကို ကိုးကားပြီး Bangkokpost သတင်းစာတွင် ဖော်ပြထားသည်မှာ ပျက်ကျ သွားသည့် ရဟတ်ယာဉ်သည် ရာသီဥတုကြောင့် ဖြစ်နိုင်သလို မြန်မာဘက်ကမ်းမှ ပစ်ခတ်မှုလည်း ဖြစ်နိုင်ချေရှိကြောင်း ဖော် ပြထားသည်။

ယမန်နေ့က ပျက်ကျသွားသည့် Black Hawk ရဟတ်ယာဉ်သည် ပြီးခဲ့သည့် စနေနေ့(ဇူလိုင် ၁၆ရက်)က ပျက်ကျသွားသည့် စစ် ရဟတ်ယာဉ်မှ လူသေအလောင်း ၅လောင်းကို သယ်ဆောင်ရန်အသွားတွင် ပျက်ကျခဲ့ခြင်းဖြစ်သည်။

မြန်မာစစ်တပ် စစ်ကွပ်ကဲရေးဌာနချုပ်(၁၃)က ဇူလိုင်လ ၁၇ရက်၊ နေ့လည် ၁၁နာရီခန့်တွင် ရှေ့တန်း နည်းဗျူဟာ(၃)၊ ခလရ (၁၀၁)နှင့် (၁၀၃) နယ်စပ်တပ်များအား ထိုင်းရဟတ်ယာဉ် (၁)စီး ပျက်ကျမှုနှင့် ပတ်သက်၍ ထူးခြားမှုနှင့် နောက်ဆက်တွဲ သတင်းများကို အထက်ဌာနသို့ အမြန်တင်ပြရန် ညွှန်ကြားထားခဲ့သည်။

Ref: ကေအိုင်စီ

Read More...

တိုင်းရင်းသားဒေသ လူ့အခွင့်အရေးချိုးဖောက်မှုများ ဥရောပစိတ်မ၀င်စား

20 July 2011
စောခါးစူးညား

မြန်မာနိုင်ငံ တိုင်းရင်းသားဒေသများတွင် ဖြစ်နေသည့် လူ့အခွင့်အရေး ချိုးဖောက်မှုများကို ဥရောပသမဂ္ဂအဖွဲ့ဝင် နိုင်ငံများအ ကြား စိတ်ဝင်စားမှု နည်းပါးသည့်အတွက် စိတ်ပျက်မိကြောင်း ဥရောပတိုက်တွင် မြန်မာ့အရေး လှုပ်ရှားနေသည့် ဗြိတိန်အခြေ စိုက် Burma Campaign-UK အဖွဲ့က ပြောကြားလိုက်သည်။

အဆိုပါအဖွဲ့၏ လှုံ့ဆော်ရေးမှူး နမ့်ဇိုယာဖန်းက “တိုင်းရင်းသားဒေသမှာ အစိုးရတပ်က ထိုးစစ်ဆင်တဲ့အခါ လူ့အခွင့်အရေး ချိုးဖောက်မှုတွေ ကျယ်ကျယ်ပြန့်ပြန့် ဖြစ်နေတာတောင်မှ အီးယူနိုင်ငံအများဟာ စိတ်ဝင်စားမှု နည်းတာကိုကြည့်ရင် ရင်လေး စရာပဲ။ သူတို့က အရှေ့အလယ်ပိုင်းဒေသရဲ့ နိုင်ငံရေးအခင်းအကျင်းကိုပဲ ပိုအာရုံစိုက်ကြတယ်။”ဟု ကေအိုင်စီကို ပြောသည်။


တိုင်းရင်းသားဒေသများအတွင်း မြန်မာအစိုးရတပ်များ၏ ထိုးစစ်ဆင်မှုနှင့် လူ့အခွင့်အရေးချိုးဖောက်မှု ကိစ္စများကို တင်ပြရန် မြန်မာ့အရေး လှုပ်ရှားဆောင်ရွက်နေသည့် အဖွဲ့အချို့နှင့် ပူးပေါင်း၍ ယမန်နေ့က ဘယ်လ်ဂျီယံနိုင်ငံ ဘရပ်ဆဲလ်မြို့၌ သတင်း စာရှင်းလင်းပွဲ ကျင်းပစဉ် ယခုလို ပြောဆိုခဲ့ခြင်း ဖြစ်သည်။

သတင်းစာရှင်းလင်းပွဲကို ဗြိတိန်အခြေစိုက် Burma Campaign-UK, FIDH International Federation for Human Right နှင့် ITUC International Trade Union Confederation စသည့်အဖွဲ့တို့က ပူးတွဲကျင်းပခဲ့ခြင်းဖြစ်ပြီး ကချင်၊ ကယား၊ ကရင် နှင့် သျှမ်းပြည်နယ်အတွင်း မြန်မာအစိုးရ စစ်တပ်၏ လူ့အခွင့်အရေးချိုးဖောက်မှုများကို အီးယူ ဥရောသမဂ္ဂနိုင်ငံများ ပိုမို အာရုံ စိုက်လာရန် ရည်ရွယ်သည်ဟု သိရသည်။

ယခုလ ၅ရက်နေ့၌ သျှမ်းပြည်နယ် ကျေးသီးမြို့နယ်အတွင်း မြန်မာ အစိုးရတပ် ခလရ(၅၁၃)၏ အမျိုးသမီး ၄ဦးကို မုဒိမ်းကျင့်ခဲ့ သည့် လူ့အခွင့်အရေးချိုးဖောက်မှုဖြစ်ရပ်ကို အဓိကထား၍ အခြားသော ချိုးဖောက်မှုများကိုပါ ရှင်းလင်းပွဲတွင် ပြောဆိုခဲ့သည် ဟု နမ့်ဇိုယာဖန်းက ဆိုသည်။

အစိုးရတပ်၏ လူ့အခွင့်အရေးချိုးဖောက်မှုများနှင့် ပတ်သက်၍ စုံစမ်းစစ်ဆေးရန် မြန်မာနိုင်ငံဆိုင်ရာ ကုလသမဂ္ဂ အထူးစုံစမ်း စစ်ဆေးရေး ကိုယ်စားလှယ်တောမတ်စ် အိုဟေးကင်တားနား အဆိုပြုထားသည့် လူ့အခွင့်အရေးစုံစမ်း စစ်ဆေးရေးကော်မရှင် (COI) တရပ် ဖွဲ့စည်းရေးကိစ္စကို ဥရောပ ၁၆နိုင်ငံက ထောက်ခံထားသော်လည်း ကျန်နိုင်ငံများပါ ထောက်ခံမှု ရရှိအောင်နှင့် (COI) ဖွဲ့စည်းနိုင်ရန် နည်းမျိုးစုံဖြင့် စည်းရုံးမှုများ လုပ်ဆောင်သွားမည်ဟု သူမက ဖြည့်စွက်ပြောဆိုသည်။

မစ္စတာကင်တားနား၏ (COI) ဖွဲ့စည်းရေးအဆိုပြုချက်ကို မြန်မာ့ဒီမိုကရေစီခေါင်းဆောင် NLD အထွေထွေ အတွင်းရေးမှူး ဒေါ်အောင်ဆန်းစုကြည်ကလည်း ထောက်ခံကြောင်း ယခုနှစ် ပြီးခဲ့သည့်လက ပြောဆိုခဲ့သည်။

ဥရောပသမဂ္ဂ၏ ထောက်ခံမှုဖြင့် လာမည့် ဒီဇင်ဘာလကုလသမဂ္ဂ အထွေထွေညီလာခံ၌ မြန်မာနိုင်ငံဆိုင်ရာ စုံစမ်းစစ်ဆေး ရေး ကော်မရှင် ဖွဲ့စည်းရေး တင်သွင်းနိုင်ရန် ဥရောပနိုင်ငံရှိသက်ဆိုင်ရာ ခေါင်းဆောင် နိုင်ငံရေးသမားများနှင့် ပြည်သူများ အား တွေ့ဆုံဆွေးနွေးခြင်း၊ စည်းရုံးရေးဆင်းခြင်း၊ စာရေးသားဖြန့်ဝေခြင်းနှင့် မီဒီယာများတွင် ပြောဆိုခြင်း စသည့် လှုပ်ရှားမှု များဖြင့် တစ်စုံတရာ အကျိုးသက်ရောက်မှု ရှိလာနိုင်မည်ဟု မျှော်လင့်ကြောင်း နမ့်ဇိုယာဖန်းက ဆိုသည်။

မြန်မာ့အရေး လှုပ်ရှားမှုအဖွဲ့များ ပူးပေါင်း၍ ဘယ်လ်ဂျီယံနိုင်ငံ၊ ဘရပ်ဆဲလ်မြို့၌ ယခုကဲ့သို့ သတင်းစာရှင်းလင်းပွဲ ကျင်းပပြု လုပ်သည်မှာ ပထမဆုံးအကြိမ်ဖြစ်ပြီး နိုင်ငံတကာ သတင်းမီဒီယာ အပါအ၀င် လူ(၂၀)ကျော် တက်ရောက်ခဲ့သည်ဟု သိရ သည်။

Ref: ကေအိုင်စီ

Read More...

KIA ဌာနချုပ်တွင် စစ်ရေးပြင်ဆင်

သန်းထိုက်ဦး
20 July 2011

ကချင် လွတ်လပ်ရေး တပ်မတော် (KIA) ၏ ဌာနချုပ် လိုင်ဇာဒေသကို အစိုးတပ်များက ရက်ပိုင်းအတွင်း ၀င်ရောက် တိုက် ခိုက်မည် ဆိုသည့် သတင်း ထွက်ပေါ် နေသောကြောင့် မြို့လုံခြုံရေး ပို၍ တိုးမြင့်ထားသည်ဟု သိရသည်။


“ဗျူဟာအရ ၀င်တိုက်မယ်လို့ ကြားတယ်၊ ဒါပေမယ့် ကျနော်တို့လည်း စစ်ရေး ပြင်ဆင်ထားတယ်” ဟု လိုင်ဇာမြို့ အုပ်ချုပ်ရေးမှူး ဦးနော်အောင်က ဧရာဝတီကို ပြောသည်။

လိုင်ဇာကို လာမည့် ၃ ရက်အတွင်း အစိုးရတပ်များ ၀င်တိုက်မည်ဟု သတင်းထွက်နေကြောင်း KIA တပ် မဟာ ၄ တာ ၀န်ခံ ဗိုလ်မှူးကြီး ဇော်ရောက ရှင်းပြသည်။

ဤအတောအတွင်း ကချင်ဒေသတွင် စစ်အင်အား တိုးချဲ့နေသည့် အစိုးရတပ်အတွက် စစ်ကူများ စစ်သင်္ဘော သုံးစီးဖြင့် ဗန်းမော်မြို့သို့ ရောက်လာသည်ဟု ဗိုလ်မှူးကြီး ဇော်ရောက ဆိုသည်။

လိုင်ဇာရောက် စစ်ပြေး ဒုက္ခသည်တချို့ကို လုံခြုံမှု ရှိသော နေရာများသို့ ယမန်နေ့က ပြောင်းရွှေ့လိုက်ကြောင်း အမည်မဖော် လိုသူ KIA တပ်မှူး တဦးက ပြောသည်။

လိုင်ဇာသည် တရုတ်မြန်မာနယ်စပ်တွင် တည်ရှိပြီး KIA အတွက် စီးပွားရေး အချက်အချာကျသည့် မြို့ ဖြစ်သည်။ အနီးတ၀ိုက် တွင် KIA တပ်စခန်းများ ရှိပြီး၊ မြို့ထဲတွင် KIA စစ်သည်များ သွားလာနေသည်ကို တွေ့ရသည်ဟု ထိုဒေသသို့ မကြာသေးမီက ရောက်ခဲ့သည့် ဧရာဝတီ သတင်းထောက်က ရှင်းပြသည်။

ကချင်တိုင်းရင်းသား အများစု နေထိုင်ပြီး KIA အုပ်ချုပ်သော လိုင်ဇာတွင် စစ်ပွဲဖြစ်ပွားပါက ဘေးလွတ်ရာသို့ မည်သို့ မည်ပုံ တိမ်းရှောင် နေထိုင်ရမည်ကို လေ့ကျင့်ထားပြီး ဖြစ်သည်ဟု ဆိုသည်။

ယမန်နေ့က ကချင်အမျိုးသမီး အစည်းအရုံး ထိုင်းနိုင်ငံအဖွဲ့၏ ထုတ်ပြန်သည့် ကြေညာချက်တွင် လိုင်ဇာမြို့၊ မိုးမောက်မြို့ စသည့် ဒေသများတွင် စစ်ပြေး ဒုက္ခသည် ၁၆၀၀၀ ခန့် ရှိနေပြီး အကူအညီများ အရေးပေါ် လိုအပ်နေကြောင်း ဖော်ပြထား သည်။

ဒုက္ခသည်များကို KIA အပါအ၀င် ဒေသခံ ဘုရားကျောင်းတချို့၊ အဖွဲ့အစည်း တချို့တို့က ကူညီနေသော် လည်း လုံလောက်မှု မရှိဟု ဆိုသည်။

စစ်ဖြစ်ပွားရာ ဒေသရှိ အရပ်သား အများအပြားလည်း KIA နှင့် အဆက်အသွယ် ရှိသည့်ဟု စွပ်စွဲခံရပြီး ဖမ်းဆီး နှိပ်စက်မှုများနှင့် ကြုံနေရကြောင်း ထုတ်ပြန်ချက်တွင် ရေးထားသည်။

စနေနေ့က KIA နှင့် အစိုးရတပ်များ အကြား ဖြစ်ပွားခဲ့သော တိုက်ပွဲများအပြီးတွင် အစိုးရတပ်ဘက်မှ ဗိုလ်ကြီးတဦး အပါ အ၀င် တချို့ တပ်သားတချို့ကို ဖမ်းဆီးခဲ့သည်ဟု KIA တပ်မှူးတချို့က ပြောသည်။

ယင်း တိုက်ပွဲတွင် KIA တပ်ဖွဲ့ဝင်များက အစိုးရဘက်မှ လက်နက် တချို့တို့ကိုလည်း သိမ်းဆည်းရမိပြီး အစိုးရစစ်သည် ၂၈ ဦးခန့် ကျဆုံးသွားကြောင်း သိရသည်။

အစိုးရ တာဝန်ရှိသူများနှင့် KIO ခေါင်းဆောင် တချို့ အပစ်အခတ်ရပ်စဲရေးနှင့် ပတ်သက်၍ ဇွန်လ ၃၀ ရက်နေ့တွင် တွေ့ဆုံ ဆွေးနွေးခဲ့သည်။

ထို နောက်ပိုင်း အပြန်အလှန် စာရေးသား ဆက်သွယ်မှု တချို့ ရှိသော်လည်း သဘောတူညီမှု တစုံတရာ မရသေးပေ။

၁၉၆၁ ခုနှစ်တွင် စတင် ဖွဲ့စည်းခဲ့သည့် KIA သည် ၁၉၉၄ တွင် အစိုးရနှင့် ငြိမ်းချမ်းရေးစာချုပ် ချုပ်ဆိုပြီး နှစ်ဘက် အပစ်အခတ် ရပ်စဲခဲ့သည်။

အပစ်ရပ်ပြီးနောက်ပိုင်း ကချင်ပြည်နယ်၊ ရှမ်းပြည်နယ်ရှိ KIA ထိန်းချုပ်သည့် ဒေသများတွင် ပဋိပက္ခတချို့ ဖြစ်ပွားခဲ့သော် လည်း ငြိမ်းချမ်းရေး သဘောတူညီချက်ကို ၁၇ နှစ်ကြာ ထိန်းသိမ်းထားနိုင်ခဲ့သည်။ ပြီးခဲ့သည့်လတွင် တိုက်ပွဲများ ပြန်လည် ဖြစ်ပွားခဲ့သည်။

Ref: ဧရာဝတီ

Read More...

ဦးခင်ညွန့် ပြန်လွတ်တော့မည်လော

လင်းသန့်
20 July 2011

စနေနေ့တွင် နေအိမ်အကျယ်ချုပ် သက်တမ်း ၆ နှစ် ပြည့်တော့မည့် စစ်ထောက်လှမ်းရေး ဗိုလ်ချုပ်ကြီးဟောင်း ခင်ညွန့်၏ အမှု အား အစိုးရသစ်က မည်သို့ ဆက်လက် ကိုင်တွယ်မည်ကို နိုင်ငံရေးလေ့လာသူများက စိတ်ဝင်စားနေကြသည်။


ဗိုလ်ချုပ်ကြီးဟောင်း ခင်ညွန့်ကို ယခင် စစ်အစိုးရက နိုင်ငံတော်အာဏာ အလွဲသုံးစားမှု၊ အဂတိလိုက်စားမှု တို့ဖြင့် ထောင်ဒဏ် ၄၄ နှစ် ဆိုင်းငံ့ပြစ်ဒဏ်ချခဲ့ပြီးနောက် နေအိမ် အကျယ်ချုပ် ချမှတ်ထားခဲ့ခြင်း ဖြစ်သည်။

“ဆိုင်းငံ့ပြစ်ဒဏ်ဆိုတာက အပြင်မှာထားလည်း ရတယ်။ ပုဒ်မ ၁၀ (ခ) သဘောအရ ပြည်ထဲရေး ဗဟိုအဖွဲ့ ကနေ ၆ လ တကြိမ် သက်တမ်းတိုးလို့ရတယ် ဆိုတာ ရှိတယ်။ ဗိုလ်ချုပ်ခင်ညွန့်ကိုတော့ အစိုးရက သူတို့ လွှတ်ပေးချင်ရင် ပုဒ်မ ၄၀၁ အရလည်း လွှတ်ပေးနိုင်တယ်”ဟု ရန်ကုန်မြို့မှ ရှေ့နေကြီး ဦးအောင်သိန်းက ဧရာဝတီကို ပြောသည်။

ပြီးခဲ့သည့်လက ဗိုလ်မှူးကြီးဟောင်း စန်းပွင့်၊ ဒု ဗိုလ်မှူးကြီးဟောင်း သက်တင်စိန် အပါအ၀င် နှစ်ရှည် ထောင်ဒဏ်ကျခံနေကြသော စစ်ထောက်လှမ်းရေးအရာရှိဟောင်းတချို့ကို ဦးသိန်းစိန် အစိုးရသစ်က ပြန်လွှတ်ပေးခဲ့သည်။ ဗိုလ်ချုပ်ကြီးဟောင်း ခင်ညွန့်၏ လက်ရုံးများဖြစ်သော ထိုပုဂ္ဂိုလ်တို့သည် တိုင်းရင်းသားအဖွဲ့များနှင့် ညှိနှိုင်းရာတွင် အတွေ့အကြုံများသည်ဟု သိရသည်။

၎င်းတို့ လွတ်မြောက်လာခြင်းသည် ဗိုလ်ချုပ်ကြီးဟောင်း ခင်ညွန့် နေအိမ် အကျယ်ချုပ် ၆ နှစ် ပြည့်သဖြင့် သူ့အား ပြန်လွှတ် ပေးတော့မည်လော ဆိုသည့် သုံးသပ်ချက်များ ထွက်ပေါ်နေချိန်နှင့် တိုက်ဆိုင်နေသည်။

ဝါရင့်နိုင်ငံရေး သမားကြီး သခင်ချန်ထွန်းကလည်း “ဗိုလ်ခင်ညွှန့်ကို အာဏာ ဘာမှ မရှိတော့အောင် သူ့လက်ရင်းတွေကို အကုန် ရှင်းပြီးသားဆိုတော့ ဘာမှ အန္တရာယ် မရှိတော့ဘူးလို့ အခု ဦးသိန်းစိန်အစိုးရက သတ်မှတ်ပြီး ပြန်လွှတ်ပေးကောင်း ပေးနိုင်တယ်” ဟု ဧရာဝတီကို ပြောသည်။

တိုင်းရင်းသား လက်နက်ကိုင် အဖွဲ့များအရေးကို အစိုးရက ကိုင်တွယ်ရာတွင် ဗိုလ်ချုပ်ကြီးဟောင်း ခင်ညွန့်အား တာဝန်ပေး မည် မဟုတ်ဘဲ အကြံပြုချက် တောင်းဆိုမှုသာ ရှိနိုင်သည်ဟု သခင်ချန်ထွန်းက သုံးသပ်သည်။

ဗိုလ်ချုပ်ကြီးခင်ညွန့် တာဝန်မှ ဖယ်ရှားခံလိုက်ရပြီး နောက်ပိုင်းတွင် အာဏာပိုင်တို့သည် နိုင်ငံတကာတွင် လည်းကောင်း၊ အပစ်ရပ် တိုင်းရင်းသား လက်နက်ကိုင် အဖွဲ့များနှင့် ဆက်ဆံရာတွင်လည်းကောင်း တင်းမာမှုများ ပေါ်ပေါက်ခဲ့သည်။

၂၀၀၉ ခုနှစ်က စစ်ဆင်ရေး အထူးအဖွဲ့ အမှတ် ၅ ၏ တပ်မှူး ဒု ဗိုလ်ချုပ်ကြီး မြင့်ဆွေက နေအိမ်အကျယ်ချုပ် ကျနေသော သူ့ကို သွားရောက် တွေ့ဆုံခဲ့သည်ဟုလည်း သိရသည်။

ပြီးခဲ့သည့် နှစ်ကုန်ပိုင်းက သူ နှင့် ဇနီးသည်တို့ကို နေအိမ်မှ အင်းစိန်ထောင်သို့ ပို့ဆောင်ပုံကို ရိုက်ကူးထားသည်ဟု ယူဆရသည့် မှတ်တမ်းဗွီဒီယို အင်တာနက်တွင် ထွက်ပေါ်လာစဉ်ကလည်း စိတ်ဝင်စားသူ များပြားခဲ့သည်။

သူ၏ စစ်ထောက်လှမ်းရေးအဖွဲ့ကို အစားထိုးရန် အာဏာပိုင်တို့က စစ်ဖက်ရေးရာ လုံခြုံရေးအဖွဲ့ (စရဖ) ကို တည်ထောင် ထားသည်။ ဦးသိန်းစိန်အစိုးရလက်ထက်တွင် စရဖ အကြီးအကဲအဖြစ် ဗိုလ်မှူးချုပ်စိုးရှိန် တာဝန်ယူပြီးနောက် စစ်ထောက်လှမ်းရေး အရာရှိဟောင်းတချို့ လွတ်မြောက်လာခြင်း၊ ဦးခင်ညွန့်၏ အကျယ်ချုပ် ကာလ ၆နှစ်ပြည့်မြောက်ခြင်း တို့ကို လေ့လာသူများက စိတ်ဝင်စားနေကြသည်။

၂၀၀၄ ခုနှစ်တွင် ယခင် အစိုးရ ဗိုလ်ချုပ်ကြီးတို့က ဦးခင်ညွန့်ကို အာဏာမှ ဖယ်ရှားလိုက်သော်လည်း ယခုအခါ သက်ညှာစွာ စဉ်းစားပေးမှုများ ရှိကောင်း ရှိနိုင်သည်ဟု အမျိုးသား ဒီမိုကရေစီ အဖွဲ့ချုပ် ခေါင်းဆောင်တဦးဖြစ်သူ တပ်မတော်အရာရှိဟောင်း ဦးဝင်းထိန်က ပြောသည်။

“ကျနော်တို့ ခံရသလို သူလည်း အခု ခံနေရတာပဲ။ ပုဂ္ဂိုလ်အရ ကရုဏာသက်မိပါတယ်။ ဒါပေမယ့် သူတို့ အချင်းချင်းက အထာတွေ ရှိမှာပဲ” ဟု ဦးဝင်းထိန်းက ဧရာဝတီကို ပြောသည်။

အာဏာအလွဲသုံးစား ပြုခဲ့သော နာမည်ကျော် စစ်ထောက်လှမ်းရေးတပ်ဖွဲ့၏ အရာရှိများကို ဦးသိန်းစိန်အစိုးရက လွှတ်ပေးမည် ဆိုပါက တရားမျှတမည်မဟုတ်ဟု ရန်ကုန်မှ နိုင်ငံရေးအကျဉ်းသားမိသားစုဝင်တဦးက ဆိုသည်။

“နိုင်ငံအတွက် ကောင်းအောင် လုပ်ပြီး ထောင်ကျခံနေရတဲ့ နိုင်ငံရေးအကျဉ်းသားတွေကို ပထမ ဦးစားပေး လွှတ်ပေးသင့်တာ” ဟု သူက ပြောသည်။

Ref: ဧရာဝတီ

Read More...

လုပ်ငန်းခွင်ကြောင့် ဒဏ်ရာရသူ အမှုမလုပ်ရန် တရုတ်ကုမ္ပဏီ ဖိအားပေး

ခင်ဦးသာ
20 July 2011

ရခိုင်ပြည်နယ် ကျောက်ဖြူရေနက်ဆိပ်ကမ်း စီမံကိန်းလုပ်ငန်းခွင်တွင် ယခုလဆန်းက ဒဏ်ရာပြင်းထန်စွာရရှိသွားသော အမျိုးသမီးတဦးအား တရုတ်ပိုင် China National Petroleum Corporation (CNPC) ကုမ္ပဏီမှ လျော်ကြေး ကျပ်သိန်း ၄၀ ပေးပြီး အမှုမလုပ်ပါဟု ခံဝန်ကတိဖြင့် ဖိအားပေး လက်မှတ်ထိုးခိုင်းကြောင်း သိရသည်။

ဒဏ်ရာ ပြင်းထန်စွာ ရရှိသွားသော အမျိုးသမီးသည် ကျောက်ဖြူရေနက်ဆိပ်ကမ်း တည်ဆောက်နေသော မဒေးကျွန်းပေါ်ရှိ ရွာမ ကျေးရွာမှ အသက် ၂၈ နှစ်အရွယ် မနုခင်သန်း ဆိုသူဖြစ်ကြောင်း၊ ၎င်းသည် လုပ်ငန်းခွင်အနီးရှိ နေအိမ်တအိမ်၌ ရှိနေစဉ် လုပ်ငန်းခွင် မိုင်းခွဲရာမှ လွင့်စဉ်လာသော ကျောက်တုံးထိမှန်ရာမှ ခါးရိုးကျိုးပြီး အောက်ပိုင်းတပိုင်းလုံး လှုပ်ရှားမှု မပြုနိုင် တော့ ကြောင်း ၎င်းနှင့်ဆွေမျိုးတော်စပ်သူ တဦးက ဧရာဝတီကို ပြောသည်။

“ခါးရိုးကနေ အောက်ပိုင်းတပိုင်းလုံး ကျိုးသွားတာပါ။ ကျောက်ဖြူဆေးရုံက လက်မခံလို့ ရန်ကုန်မှာကုရမှာပါ။ သိန်းရာနဲ့ချီ ကုန်ကျမယ်လို့ သိရပါတယ်။ ကုမ္ပဏီက တာဝန်ရှိတဲ့သူတွေနဲ့ အာဏာပိုင်တွေက ဒီကိစ္စကို အပြင်မပေါက်ကြားဖို့၊ သတင်း ဌာနတွေ ကိုမပြောဖို့ မှာထားပါတယ်” ဟု ၎င်းက ဆိုသည်။

ဇူလိုင်ပထမပတ်တွင် အဆိုပါဖြစ်ရပ် ဖြစ်ပွားခဲ့ပြီး ကျောက်ဖြူဆေးရုံ၌ ရက်အနည်းငယ် သတိမေ့နေခဲ့ကြောင်း၊ ဆေးရုံ တင်စဉ်က CNPC သည် လျော်ကြေးငွေဟုဆိုကာ ကျပ် ၅ သိန်းပေးခဲ့ကြောင်း၊ ဒဏ်ရာပြင်းထန်၍ ကျောက်ဖြူ ဆေးရုံမှ လက်မခံတော့သည့်အတွက် ဇူလိုင် ၁၈ ရက်နေ့က လေယာဉ်ဖြင့် ရန်ကုန်သို့ ပို့ဆောင်လိုက်ကြောင်း သူက ရှင်းပြသည်။

CNPC ကုမ္ပဏီသည် တရုတ်နိုင်ငံ၏ အကြီးဆုံးကုမ္ပဏီတခုဖြစ်ပြီး ကျောက်ဖြူ ရေနက်ဆိပ်ကမ်း စီမံကိန်းလုပ်ငန်းခွင်များ၌ အဓိက ဦးဆောင်နေသော ကုမ္ပဏီကြီး တခုဖြစ်သည်။

“အောက်ပိုင်းသေသလို ဖြစ်သွားတော့ ရေရှည်ကုသရမယ်လို့ ဆရာဝန်က ပြောပါတယ်။ ပုံမှန်ပြန်ဖြစ်၊ မဖြစ်တော့ မသိသေးပါဘူး” ဟုလည်း ဆွေမျိုးနီးစပ် တော်စပ်သူက ဆိုသည်။

အထွေထွေစရိတ်များကြီးမြင့်နေ၍ CNPC က ပေးသော လျော်ကြေးငွေသည် ဆေးဝါးကုသမှုအတွက် လုံလောက်မှု မရှိဟု ၎င်းက ဆက်ပြောသည်။

မနုခင်သန်းသည် ရေနက်ဆိပ်ကမ်းစီမံကိန်း လုပ်ငန်းခွင်မှ တရုတ်နိုင်ငံသား တဦးနှင့်လက်ထပ် ထားသူဟု ဒေသခံ တချို့က ပြောဆိုသော်လည်း အတည်မပြုနိုင်သေးပေ။

ထိုကိစ္စနှင့် ပတ်သက်၍ မေးမြန်းရန် CNPC ကုမ္ပဏီ၌ တာဝန်ထမ်းဆောင်နေသော မြန်မာနိုင်ငံသား တာဝန်ရှိသူများအား
ဧရာဝတီက ဆက်သွယ်ခဲ့သော်လည်း မရခဲ့ပေ။

၂၀၁၁ ခုနှစ် မေလ အတွင်းကလည်း ရေနက်ဆိပ်ကမ်းစီမံကိန်းမှ CNPC ပိုင် မော်တော်ကား တစီးသည် မဒေးကျွန်းပေါ်ရှိ လုပ်ငန်းခွင်တွင် အသက် ၅၂ နှစ်အရွယ် အမျိုးသမီး တဦးအား တိုက်မိခဲ့ရာ ခြေထောက်တဘက် ကျိုးသွားသော်လည်း တာဝန် ယူမှု တစုံတရာမရှိခဲ့ကြောင်း၊ ထိုအမျိုးသမီးသည် ယခုချိန်အထိ ခြေကျိုးနေဆဲ ဖြစ်ကြောင်း မဒေးကျွန်းပေါ်မှ ကျောက်တန်း ရွာသားတဦးက ပြောသည်။

လုပ်ငန်းခွင်များ၌ ထိခိုက်ဒဏ်ရာရသူ အများအပြားရှိသော်လည်း CNPC ကုမ္ပဏီအပါအ၀င် မည်သည့် ကုမ္ပဏီကမှ တာဝန်ယူ
ဆေးကုပေးခြင်း မရှိဟု သိရသည်။

ကျောက်ဖြူမြို့နှင့် မဒေးကျွန်းတို့တွင် ကျောက်ဖြူရေနက်ဆိပ်ကမ်းအပြင် ရေနံသိုလှောင်ကန် တည်ဆောက်ရေး စီမံကိန်း၊ သဘာဝဓာတ်ငွေ့ သိုလှောင်မည့်နေရာ၊ ဓာတ်ငွေ့သန့်စင် စက်ရုံ စီမံကိန်း၊ သဘာဝဓာတ်ငွေ့ ပိုက်လိုင်း သွယ်တန်းမည့် စီမံကိန်း လုပ်ငန်းခွင် စသည့် စီမံကိန်းလုပ်ငန်း အများအပြား လုပ်ဆောင်နေကြသည်။

CNPC ကုမ္ပဏီအပြင် တရုတ်ကုမ္ပဏီများ၊ ကိုးရီးယားပိုင် ဒေ၀ူးကုမ္ပဏီ၊ ဟွန်ဒိုင်းနှင့် မြန်မာနိုင်ငံမှ အေးရှားဝေါလ်၊ မြန်မာ့ရွှေသဖူ (MGC)၊ သန္တာနဂါး၊ 7-Star။ PSC၊ Myint and Association စသည့် ကုမ္ပဏီတွေများလည်း စီမံကိန်း တည်ဆောက်ရေး လုပ်ငန်း များ လုပ်ဆောင်နေကြကြောင်း သိရသည်။

Ref: ဧရာဝတီ

Read More...

Wednesday, July 20, 2011

၎ ဒီဂရီ ကွာဟချက်

20 July 2011

ကမ္ဘာပေါ်တွင် လူသားတွေ မရှိခင် နှစ်ပေါင်း ဆယ်သန်းလောက်က ကမ္ဘာကြီးသည် ယနေ့ ကမ္ဘာထက် ၄ ဒီဂရီ ခန့်ပို၍ ပူနွေးခဲ့သည်။ ကုလသမဂ္ဂ မှတ်တမ်းများအရ မျှော်မှန်းထားသည့် ဖန်လုံအိမ်ဓါတ်ငွေ့ ထုတ်လွှတ်မှုက ဤရာစု ကာလတွင်ပင် လေး ဒီဂရီ ပိုပူနွေးလာစေသည်။

မဲလ်ဘုန်း တက္ကသိုလ်တွင် ပြုလုပ်သည် ကာဗွန် အခွန်ကိစ္စ ကွန်ဖရန့်တက်ရောက်သည့် နိုင်ငံရေး သမားတွေက ပြဿနာ၏ အဖြေ ဖေါ်ထုတ်ကြမည်ဖြစ်သည်။ ယနေ့ထက် ၄ ဒီဂရီ ပိုပြီး ပူနွေးလာမည့် ကမ္ဘာကြီးမှာ ဘာတွေဖြစ်လာမည်နည်း။


ကွန်ဖရင့်ကို တက်ရောက်မည့် နိုင်ငံတကာနှင့် ဩစတေးလျရှိ ကျွမ်းကျင်သူများ၏ အလိုအရ ပြဿနာ၏ အဖြေက ပင်လယ်ရေ အနည်းငယ် မြင့်တက်လာမည်။ “ဂိုးကိုစ်” ပင်လယ်ကမ်းခြေ ယဉ်ကျေးမှုကို မဲလ်ဘုန်းက မွေးစားလိုက်သည်။ စသည့်ကိစ္စလောက် မရိုးစင်းပါ။

လူတို့ ကျန်းမာခြင်းအပေါ် သက်ရောက် ထိခိုက်နိုင်သည်။ မျက်မှောက်ကာလ လားရာကို ရိုးစင်းစွာ ခန့်မှန်းရသည်ထက် ပိုပြီး ကျယ်ပြန့် ခက်ခဲလိမ့်ဟု “တိုနီမိုက် မိုက်ကယ်”(ANC အကြီးအကဲဖတ် ကြားသည့် စာတမ်း) ကဆိုသည်။ CCC အဖွဲ့ကို အကြံ ပေးနေသည့်သိပ္ပံ ပညာရပ်ဆိုင်ရာ ပညာရှင် အဖွဲ့ဝင် တစ်ဦးက ၄ ဒီဂရီ အပူချိန် မြင့်တက်ခြင်းက ကျန်းမာသော လူ့အဖွဲ့ အစည်း၏ အခြေခံ အုတ်မြစ်တွေကို တိုက်စား ပစ်လိမ့်မည်ဟု ပြောသည်။

အပူချိန် ရုတ်ချည်း ပြောင်းသွားခြင်း၊ မီးတောင် ပေါက်ကွဲမှုကြောင့် ၄ ဒီဂရီ အေးလာခြင်း၊ သို့မဟုတ် မြောက်အတ္တလန္တိတ် ပင်လယ်ကွေ့ ရေစီးကြောင်း ရုတ်တရက် ရပ်သွားခြင်း တို့က သီးနှံတွေ ပြိုကျ ပျက်စီးသွား၍ ယဉ်ကျေးမှု အဆောက်အအုံများကို ဖျက်ဆီး ရှင်းပစ်လိုက်သည်။

၎ ဒီဂရီ ပူနွေးလာခြင်းက စိုက်ပျိုးရေးတွေ ဆက်မလုပ်နိုင်တော့ခြင်း၊ လျင်မြန်စွာ တိုးပွါးလာသည့် လူဦးရေအတိုင်း ကျွေးမွေး နိုင်ရန် ပညာရှင်များ စွမ်းရည် လျော့ဆင်းခြင်းတို့ ဖြစ်လာနိုင်သည်။ အလားတူပင် လူနေ ထူထပ်သည့် ဒေသတွင် မိုးရာသီပုံ ပြောင်းပြီး မြစ်များ ခန်းခြောက်ရာက ဖြန့်ဖြူးပေးနေသည့် ရေမှာ အငွေ့ ပြန်တက်သွားခြင်း တို့လည်း ဖြစ်နိုင်သည်။

မကြာခဏ အပူလှိုင်း ဖြတ်သန်းခြင်း၊ ရာသီဘေးဆိုးများ တွေ့ကြုံရခြင်းများ ပို ဖြစ်လာနိုင်သည်။ အစားအစာ မလောက်ငခြင်း၊ အာဟာရ မပြည့်ဝခြင်း၊ ကူးစက်ရောဂါများ ပိုဖြစ်လာခြင်း၊ စိတ်ကျရောဂါများ ပူပန်သောက ရောက်ရခြင်းများ၊ ကျေးလက်တွင် ဆင်းရဲ နွမ်းပါးမှုများ လာခြင်း၊ ရင်းမြစ် စွမ်းအင် မလောက်ငရာမှ တင်းမာမှုများ၊ ပဋိပက္ခများ ထူပြော လာခြင်း ၊ မြို့ရွာ စွန့်ခွါ ပြောင်းလာခြင်းများ၊ ပြည်ပြေး ဒုက္ခသည်များ လာခြင်း စသည့် အနိဌာရုံ ပေါင်းစုံ ဖြစ်လာနိုင်သည်။

အကျပ်အတည်း ပြဿနာများ ပိုများလာနိုင်ကြောင်း ယင်းကြောင့် အခြေအနေ အပြောင်းအလဲ ဖြစ်လာနိုင်ကြောင်း စွမ်းအား ရင်းမြစ် ရနိုင်ခြေ လျော့ကျသွားခြင်း၊ ဇီဝမျိုးကွဲတို့ ပျက်သုဉ်းလာခြင်းနှင့် ကမ္ဘာလုံးချီ နိုင်ငံရေး ဂယက်များ ဖြစ်လာနိုင်ကြောင်း “ ဝီလျံစတီဗင်” (ANU CC အင်စတီကျု ၊ အမှုဆောင်ဒါရိုက်တာ)နှင့် “ဒေးဗစ်ဂရစ်” MS အင်စတီကျု ၊ ဒါရိုက်တာ) တို့က ဆွေးနွေး သွားသည်။

Ref: မောက္ခ

Read More...

ထူးထူးဟန်၏စကား ယုံကြည်သူ နည်းပါး

20 July 2011
ရန်ပိုင်

မြန်မာနိုင်ငံတွင် အနည်းဆုံး လူ အယောက် ၁၀၀ သတ်ဖြတ်ခဲ့သည် ဟူသော သြစတြေးလျနိုင်ငံရောက် ကိုထူးထူးဟန် ဆိုသူ၏ မကြာသေးခင်က ပြောကြားချက်များကို ယုံကြည်ရန် ခက်ခဲသည်ဟု အများက ယူဆနေကြသည်။


၁၉၈၇ မှ ၁၉၉၂ အတွင်း မြန်မာ စစ်ထောက်လှမ်းရေး တပ်ဖွဲ့ အရာရှိတဦး အဖြစ် တာဝန်ယူခဲ့ပြီး ထိုသတ်ဖြတ်မှုများ ကျူးလွန်ခဲ့ သည်ဟူသော သူ၏ ပြောဆိုချက်ကို နိုင်ငံတကာ သတင်း ဌာနများက ဖော်ပြလျက်ရှိသည်။

ကိုထူးထူးဟန်သည် ၁၉၉၀ ၀န်းကျင်က အင်းစိန်၊ သာယာဝတီထောင်တို့တွင် အထိန်းသိမ်းခံရဖူးကြောင်း နိုင်ငံရေး အကျဉ်းသား များ ကူညီ စောင့်ရှောက်ရေး အသင်းမှ ကိုတိတ် နိုင်က ဧရာဝတီကို ပြောသည်။

“အခုလို သူပြောတဲ့ အချက်တွေက မဖြစ်နိုင်ပါဘူး၊ ထောင်ထဲမှာ ကျနော်နဲ့ တွေ့တုန်းက သူ့ အသက်က ၁၆ နှစ်ပဲ ရှိသေးတယ်” ဟု ကိုတိတ်နိုင်က ရှင်းပြသည်။

ကိုထူးထူးဟန်သည် ထောင်တွင်း နှိပ်စက်ညှဉ်းပန်းမှုများကြောင့် စိတ်ပိုင်းဆိုင်ရာ ချို့ယွင်းမှု ဖြစ်ခဲ့ဖူးသည်ဟု သူက ဆိုသည်။

သြစတြေးလျရှိ မြန်မာ့အရေးလှုပ်ရှားသူများကမူ ကိုထူးထူးဟန်၏ မဆင်မခြင် ပြောဆိုမှုသည် သြစတြေးလျတွင် အခြေချရန် စောင်ဆိုင်းနေသည့် မြန်မာဒုက္ခသည်များကို ထိခိုက်စေနိုင်သည်ဟု ယူဆသည်။

“သူ လူ ၁၀၀ လောက် ဗမာပြည်မှာ သတ်ခဲ့တယ် ဆိုတဲ့ကိစ္စက ယုံဖို့ အရမ်းခက်တယ်” ဟု သြစတြေးလျတွင် မြန်မာ့ ဒီမိုကရေစီ အရေး လှုပ်ရှားနေသည့် ဒေါက်တာမြင့်ချိုက ကောက်ချက်ချသည်။

ကိုထူးထူးဟန်သည် ၁၉၉၆ ခုနှစ်က သြစတြေးလျတွင် ခိုလှုံခွင့် ယူခဲ့သည်ဟု သိရသည်။ နောက်ပိုင်းတွင် သြစတေးလျနိုင်ငံသား အဖြစ် ခံယူလိုက်ကြောင်း၊ ဇနီးသည်နှင့် သားသမီး ၃ ဦး ရှိကြောင်း သတင်းများက ဆိုသည်။

လူ အယောက် ၁၀၀ သတ်ဖြတ်ခဲ့သည်ဟူသော ပြောဆိုချက်များကို ဇနီးသည်ကပင် ယုံကြည်ခြင်းမရှိဟု သူက ပြောဆိုကြောင်း The Australian သတင်းစာ အင်တာနက် စာမျက်နှာတွင် ယနေ့ ရက်စွဲဖြင့် ဖော်ပြထားသည်။

မြန်မာစစ်ထောက်လှမ်းရေး တပ်ဖွဲ့သည် အတိုက်အခံ နိုင်ငံရေးသမားများကို သတ်ဖြတ်ရန် တဦးတယောက်ကို သီးခြား တာဝန် ပေးခဲ့ဖူးခြင်း မရှိဟု စစ်ထောက်လှမ်းရေး အရာရှိဟောင်း ဦးအောင်လင်းထွဋ်က ဘီဘီစီ သတင်းဌာနကို တနင်္လာနေ့က ရှင်းပြ သည်။

ကိုထူးထူးဟန်၏ ပြောဆိုချက်များနှင့် ပတ်သက်ပြီး သြစတြေးလျ အာဏာပိုင်များက စုံစမ်း စစ်ဆေးနေကြောင်း သိရသည်။

ကိုထူးထူးဟန်က သူ့ကိုယ်သူ စစ်ရာဇာဝတ်ကောင် ဟု ပြောဆိုကြောင်း၊ တချိန်က ကျောင်းသား အဖွဲ့အစည်းများအတွင်း ထိုးဖောက်ဝင်ရောက်ပြီး ထင်ရှားသည့် နိုင်ငံရေးသမားများ၊ တက်ကြွလှုပ်ရှားသူများကို ပစ်မှတ်ထား တိုက်ခိုက်ခဲ့ကြောင်း ဟူသော ပြောဆိုချက်တို့ကို နိုင်ငံတကာ သတင်းများတွင် ဖော်ပြထားကြသည်။

သတ်ဖြတ်ရာတွင် နှိပ်စက်ညှဉ်းပမ်းမှု မပြုလုပ်ဘဲ ဦးခေါင်းကို ပစ်သတ်သည့် နည်းကိုသာ သုံးခဲ့ကြောင်း၊ နှစ်ပေါင်း ၂၀ ခန့်က ကျူးလွန်ခဲ့သည့် လုပ်ရပ် အတွက် သေဆုံးခဲ့သူတို့၏ မိဘများ၊ မြန်မာ ပြည်သူများကို ၀မ်းနည်းစကား ပြောချင်ကြောင်း ဟူသော ပြောဆိုချက်များကို သူ၏ သတင်း စတင် ဖော်ပြသည့် AAP သတင်းတပုဒ်တွင် ရေးသားထားသည်။

သြစတေးလျ ပြည်ထောင်စု ရှေ့နေချုပ် ရောဘတ်မက္ကလန်က “တော်တော်ကို ဆိုးရွားတဲ့ အဖြစ်အပျက်တခုပဲ” ဟု ကောက်ချက်ချ ပြောဆိုလိုက်သည်။

ဘီဘီစီ သတင်းဌာနနှင့် ဆက်သွယ် မေးမြန်းခန်း တခုတွင် သူက ၁၉၈၇ ခုနှစ်တွင် မေမြို့ စစ်တက္ကသိုလ်မှ ရွှေဓားဆု ချီးမြှင့်ခံ ရဖူးကြောင်း၊ စစ်ထောက်လှမ်းရေး အမှတ် ၆ တွင် တာဝန်ယူဖူးကြောင်း၊ ၁၉၉၃ တွင် ထိုင်းနိုင်ငံသို့ ရောက်ရှိသွားပြီး မြန်မာ့ ဒီမိုကရေစီ အရေး လှုပ်ရှားသူများကို စာနာသည့် အတွက် ထောက်လှမ်းရေး တာဝန် မယူတော့ကြောင်း ပြောဆိုခဲ့သည်။

Ref: ဧရာဝတီ

Read More...

အပေါ်သို့