19 July 2011
ရွမ္းျပည္ေျမာက္ပိုင္း ကခ်င္လြတ္ေျမာက္ေရးတပ္ဖြဲ႔ (KIA) တပ္မဟာ ၄ အားတိုက္ခိုက္သိမ္းပိုက္ေတာ့မည္ျဖစ္ေၾကာင္း နယ္စပ္တ႐ုတ္အာဏာပုိင္မ်ားထံသို႔ သက္ဆိုက္ရာျမန္မာ အစိုးရအရာရိွမ်ားအေၾကာင္းၾကားခဲ့ ေၾကာင္း သိရသည္။
ဇူလိုင္ ၁၆ ရက္ စေနေန႔၊ မံုကိုးမ်က္ႏွာခ်င္းဆိုင္ မန္ဟိုင္း၌ တ႐ုတ္အစိုးရ ျပည္ပဆက္ဆံေရး႐ံုးတြင္ ႏွစ္ဖက္ႏိုုင္ငံမွ တာ၀န္ရွိ ပုဂၢိဳလ္မ်ားေတြ႔ဆံုစဥ္ တ႐ုတ္ထံ ျမန္မာဘက္က ေဆြးေႏြးအေၾကာင္းၾကားျခင္း ျဖစ္သည္ဟု နယ္စပ္သတင္းရပ္ကြက္မွ သိရသည္။
လြယ္ကန္အေျခစိုက္ KIA တပ္မဟာ ၄ အားသိမ္းပိုက္စဥ္ ျမန္မာစစ္သားမ်ား မန္ဟိုင္းသို႔ ၀င္ထြက္သြားလာႏိုင္ရန္ တ႐ုတ္ထံ ခြင့္ေတာင္းသည့္အေပၚ အခ်င္းခ်င္းနားလည္မႈတစ္ခု ျပဳလုပ္ႏိုင္ခဲ့သည္ဟု ထပ္မံသိရသည္။
အစည္းအေ၀း၌ ယခင္ မံုးကိုးကာကြယ္ေရးတပ္ဖြဲ႔ (Munggu Defense Army) ထိန္းခ်ဳပ္ေဒသသို႔ပါ KIA မ်ား စိမ့္၀င္ လႈပ္ရွားလာေသာေၾကာင့္ အျမန္ဆံုးေခ်မႈန္းပစ္ရန္ ကက(ၾကည္း)ႏွင့္ လား႐ိႈးအေျခစိုက္ အေရွ႔ေျမာက္ပိုင္းတုိင္းစစ္ဌာနခ်ဳပ္ (ရမခ)မွ ညႊန္းၾကားခ်က္ထြက္လာျခင္းမ်ားကို ျမန္မာဘက္မွ ေဆြးေႏြးခဲ့သည္ဟု အစည္းအေ၀းႏွင့္နီးစပ္သူမ်ား ေျပာသည္။
ယခင္ကလည္း KIA တပ္မဟာ ၄ အား KIO/KIA ဌာနခ်ဳပ္ တည္ရွိရာ ကခ်င္ျပည္နယ္သို႔ ေျပာင္းေရႊ႕ရန္ သုိ႔မဟုတ္ ျပည္သူ႔စစ္ သို႔အသြင္ေျပာင္းလဲရန္ ျမန္မာစစ္တပ္က အၾကိမ္ၾကိမ္ ဖိအားေပး တိုက္တြန္းခဲ့သည္။
သို႔ေသာ္ လက္ရိွအေျခအေနထိ တပ္မဟာ ၄ အားသိမ္းပိုက္ရန္ ျမန္မာစစ္တပ္၏ သိသာထင္ရွားသည့္ စစ္ေရးလႈပ္ရွားမႈ မေတြ႔ ရေသာ္လည္း ဌာနခ်ုဳပ္လိုင္ဇာတြင္မူ KIO ေခါင္းေဆာင္မ်ားမွ အေရးပါေသာ အစည္းအေ၀းမ်ား က်င္းပေနသည္ဟု သိရသည္။
Ref: ေကအန္ဂ်ီ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
2 hours ago
Posts
0 comments:
Post a Comment