အရှင်ဂမ္ဘီရ

အရှင်ဂမ္ဘီရ

ဘွဲ့အမည်။ ။ ဦးစန္ဒောဘာသ
လူအမည်။ ။ ညီညီလွင်

ဦးဂမ္ဘီရကို ၁၉၇၉ ခုနှစ်၊ ဇွန်လ ၁၉ ရက်၊ အင်္ဂါနေ့၌ အဖ
ဦးမင်းလွင်၊ အမိဒေါ်ရေးတို့မှ မကွေးတိုင်း၊ ပေါက်မြို့နယ်၊
ကိုင်းလယ်ကျေးရွာတွင်မွေးဖွားခဲ့သည်။

မိသားစုနောက်ခံပုံရိပ်တစေ့တစောင်း

ဖခင်ဖြစ်သူမှာ စစ်မှုထမ်းဟောင်းတဦးဖြစ်ပြီး ၁၀နှစ်ကျော်ကြာ တာဝန်ထမ်းဆောင်ခဲ့ဖူးသည်။ မဟုတ်မခံစိတ် ရှိပြီး အများအတွက် အနစ်နာ ခံလိုစိတ်များရှိ၍ ထိုစိတ်ဓါတ် ကြောင့်ပင် အထက် လူကြီးများနှင့် မတည့်ဖြစ်ကာ တပ်မှ ထွက်ခဲ့ရသည်။ တပ်မှ ထွက်ပြီးနောက် ဒေါ်ရေးနှင့် အိမ်ထောင်ပြုကာ လက်ဖက်ခြောက်၊ ကျားရိုး၊ ကျားရေ၊ ကျောက်မျက် ရတနာ ကုန်သည် အဖြစ် အသက်မွေးခဲ့သည်။ မိခင်ဖြစ်သူ ဒေါ်ရေးမှာ ကျောင်းဆရာမဟောင်း တဦး ဖြစ်ခဲ့ပြီး တာဝန်ကျရာ ပေါက်မြို့နယ်၊ သပွတ်စုကျေးရွာ၊ ကိုင်းလယ် ကျေးရွာတို့ တွင် ၁၃ နှစ်ကြာ တာဝန် ထမ်းခဲ့သည်။ သူမသည်လည်း ၀ါသနာကြောင့်သာလျှင် ကျောင်းဆရာမ အလုပ်ကို ၁၃နှစ်ကြာ တာဝန် ထမ်းဆောင်နိုင်ခြင်း ဖြစ်သည်။ အဘယ်ကြောင့် ဆိုသော် ထိုအချိန်က မဆလ လူကြီးများနှင့် အထက်ဖား အောက်ဖိ ကျောင်းအုပ် ဆရာကြီးများ၏ ပညာပြမှုမှာ သြချရလောက်သော ကြောင့်ဖြစ်ပေသည်။

မိသားစုနှင့်အတူအရှင်ဂမ္ဘီရ(ယာဘက်အစွန်)

သပွတ်စုကျေးရွာတွင် တာဝန်ထမ်းဆောင်စဉ်ကဆိုလျှင် အခြားဆရာမများကို ရွာတွင် ၀န်ထမ်း အိမ်ရာများ ပေးခဲ့ သော်လည်း ဒေါ်ရေးကိုမူ ပေါက်မြို့မှနေ့ချင်းပြန် ကျောင်းတက် စေခဲ့သည်။ ထိုအချိန်က ဒေါ်ရေးတွင် သားသမီး နှစ်ယောက် ရှိနေပြီဖြစ်ပြီး ဒုတိယ သမီးမှာ ရက်ငါးဆယ်သာ ရှိသေးသည်။ မဆလ ကောင်စီလူကြီး ဦးမောင်မောင် ၏ တူမဖြစ်သူမှာ ဒေါ်ရေး၏ နေရာတွင် တာဝန် ထမ်းဆောင်လိုသည် ဆိုသောကြောင့် ဒေါ်ရေးမှာ ပေါက်မြို့နှင့် (၈) မိုင်ဝေးသော ကိုင်းလယ်ရွာသို့ ပြောင်းရွှေ့ခြင်း ခံရသည်။ ထိုအချိန်တွင် ဖခင်ဖြစ်သူ ဦးမင်းလွင်မှာ ဆန်စက်၊ ဆီစက်များ စတင်တည်ထောင်ကာ စီးပွားရေးကို ကြိုးစားရှာ ဖွေခဲ့ရာ အတန်အသင့် စုမိဆောင်းမိ ဖြစ်လာခဲ့သည်။ ကလေးငယ် နှစ်ဦး တာဝန်၊ ဆီစက်၊ ဆန်စက်များ တာဝန်၊ ထမင်း ဟင်းလျာများ ချက်ခြင်း တာဝန်များကို တစ်ဦးတည်း ယူခဲ့ရသည်။ မိခင်ဖြစ်သူ ဒေါ်ရေးကတော့ အလုပ်ထွက်ရန် ခေါင်းမာနေဆဲ၊ ကျောင်းအုပ် ဆရာကြီး၏ ပညာပြမှုများကို နေ့စဉ် ခါးစည်း ခံနေရမြဲ ဖြစ်သည်။ ဤသို့ဖြင့် ကိုင်းလယ်ရွာသို့ ရောက်ပြီး ၁၁-နှစ်အကြာ အလုပ်မှ ထွက်ခဲ့ရသည်။ ဦးမင်းလွင် သည်လည်း မဆလ လူကြီးများ၏ စစ်မေးမှုများကို မကြာခဏ ခံခဲ့ရသည်။ အကြောင်းပြချက်မှာ “ဘာကြောင့် ဒီလောက် ချမ်းသာသလဲ“ ဟူ၍ဖြစ်သည်။ မကြာခဏလည်း ဖမ်းဆီးရန် ထောင်ချောက် ဆင်ခြင်း ခံရသည်။ မဆလ လူကြီးမင်းများ မုန်းတီးရသည့် အကြောင်းအရင်းမှာ ဦးမင်းလွင်သည် တနယ်သားဖြစ်ပြီး စီးပွား တက်လာခြင်းနှင့် သူ၏မဟုတ်မခံ စိတ်ရှိ ခြင်းကြောင့် သာဖြစ်ပေသည်။ ထိုသို့သော အခြေအနေ အရပ်ရပ်ကြောင့် ၁၉၈၃-ခုနှစ်တွင် ပေါက်မြို့သို့ ပြောင်းရွှေ့ခဲ့သည်။

၁၉၈၈ခုနှစ် အရေးအခင်းဖြစ်သောအခါ ပေါက်မြို့နယ် သပိတ်ခေါင်းဆောင်၊ NLD အဖွဲ့ဝင် ဖြစ်ပြီး တသီးပုဂ္ဂလ အမတ်အဖြစ် ရပ်ရွာ လူထု၏ ရွေးချယ် တင်မြှောက်ခြင်း ခံရသူဖြစ်သည်။ ထို အရေးအခင်းတွင် ဦးဂမ္ဘီရ၏ ဖခင်မှာ နှိပ်စက်ခံ ပြည်သူလူထု၏ စိတ်ဓါတ် အုံကြွမှု၊ လက်စားချေလိုမှု၊ လက်တုံ့ပြန် လိုမှုများကို အကြမ်း မဖက်စေဘဲ ငြိမ်းချမ်းရေး အသွင်ဖြင့် ထိန်းသိမ်း ခဲ့သောသူ ဖြစ်ပါသည်။

အကယ်ဆိုလျှင် ၎င်း မဆလများအပေါ် လက်တုံ့ပြန်လျှင်ရနိုင်သော်လည်း ရန်ကို ရန်ချင်း မတုံ့နှင်းခဲ့ပေ။ ရှစ်လေး လုံးကာလ အတွင်းက ဆီစက် တလုံးမှ လွဲ၍ ရှိသမျှ စည်းစိမ် ဥစ္စာများ အားလုံး ကုန်ဆုံး သွားခဲ့သည်။ ပြည်သူလူထု အတွက် အသုံးပြုခဲ့ခြင်း ဖြစ်သည်။ အိမ်၌လည်း အငယ်ဆုံး ကလေးမှ လွဲလျှင် အားလုံး ကျောင်းသားများ ဖြစ်ကြသည်။ အငယ်ဆုံး ကလေးမှာ (၄) နှစ် အရွယ်ဖြစ်သည်။ အရေးအခင်း ပြီးချိန်တွင် ဖခင်ဖြစ်သူနှင့် အကိုကြီးတို့မှာ ထောင် (၁နှစ်ခွဲ) နှင့်(၃) နှစ်စီ ကျခံခဲ့ရသည်။ မိခင် ဖြစ်သူမှာ ဖခင်နှင့် အကိုကြီးတို့၏ အမှုကိစ္စများကို လိုက်လံ ဆောင်ရွက် နေရသောကြောင့် အိမ်မှုကိစ္စများကို မရှောင်မလွှဲသာ ပခုံးပြောင်း တာဝန် ထမ်းဆောင်ရန် လိုအပ်လာသဖြင့် ဒုတိ ယသမီးဖြစ်သူ မခင်သူဌေးမှာ (၁၀) တန်းနှင့် ကျောင်းထွက် လိုက်ရပြီး မောင် ညီမလေးများ အားလုံး (၁၀) တန်း အောင်မြင်ပြီးမှ တဖန် (၁၀) တန်း ပြန်ဖြေ ခဲ့ရသည်။ ဂုဏ်ထူး ၁ ခုနှင့် နှစ်ချင်းပေါက် အောင်မြင်ခဲ့သည်။

၁၉၈၃ခုနှစ် ထိုကာလက ဦးဂမ္ဘီရမှာ အသက်လေးနှစ်ရှိပြီ ဖြစ်သည်။ မွေးချင်း (၇)ယောက်ရှိပြီး ဦးဂမ္ဘီရမှာ (၅) ယောက်မြောက် ဖြစ်သည်။ အသက် (၅) နှစ်အရွယ်တွင် ပေါက်မြို့၊ အောင်တံခွန်ရပ်၊ အမှတ်(၄) မူလတန်း ကျောင်းတွင် စတင် ကျောင်းနေခဲ့သည်။ သူငယ်တန်းမှ လေးတန်းအထိ၊ အတန်းစဉ် ပထမရကာ ကျောင်းအုပ် ဆရာမကြီး၏ ချစ်ခင်မှုကို အထူး ခံရသူဖြစ်သည်။

ကလေးစစ်သားဖြစ်ရသေး

၁၉၈၈ခုနှစ်မှစ၍ ဦးဂမ္ဘီရ၏စိတ်တွင် မိသားစုများ တကွဲတပြားစီဖြစ်ရခြင်း၊ စီးပွားရေး ကျဆင်း မှုများကို ခံစားရခြင်းနှင့် အတူ နိုင်ငံရေး စိတ်များလည်း အမြစ် တွယ်ခဲ့ဟန် ရှိပါသည်။ ကျောင်းများ (၂) နှစ်ခန့် ပိတ်လိုက်ခြင်း ကြောင့်လည်းကောင်း၊ အုပ်ထိန်းသူ မိဘများ၏ အုပ်ချုပ်မှုကင်းလွတ် သွားခြင်းကြောင့် လည်းကောင်း၊ အသက် ငယ်ငယ်နှင့်ပေခဲ့၊ တေခဲ့ သေးသည်။ မိသားစု အုပ်ချုပ်မှု ပုံစံမှာလည်း ဖခင်မှာ စစ်မှုထမ်းဟောင်း တဦး ဖြစ်ခြင်းကြောင့် စည်းကမ်း တင်းကျပ်ကာ စစ်တပ်ပုံစံ အုပ်ချုပ်ခဲ့သည်။ လူငယ် ဘ၀တွင် ကြောက်ရွံ့ရသော ပုံစံနှင့် ရှင်သန်ရလျှင် ထွက်ပေါက် ရှာကြစမြဲ ဖြစ်သည်နှင့် အညီ မိဘ၏ တင်းကျပ်မှု အောက်တွင် အသက် ငယ်ငယ်နှင့် ပေတေ လေလွင့်ခဲ့သည်။ ထိုအခါ မိဘများက ပို၍တင်းကျပ်၊ တဖန် လူငယ်က ထွက်ပေါက်ရှာ မှားသည့်အခါ နောက်ဆုံး ငရဲတွင်း ရောက်ခဲ့ရသည်။ ဤသို့ဖြင့် အသက်၁၂ နှစ်အရွယ် ၅ တန်းကျောင်းသား ဘ၀တွင် ကလေး စစ်သား ဖြစ်ခဲ့ရသည်။

သာသာနာ့ဘောင်ရောက်ပြီ

အိမ်မှရုတ်တရက် ပျောက်သွားသော သားဖြစ်သူ၏ သတင်းကို မိဘများက အပူတပြင်း လိုက်လံ စုံစမ်းခဲ့သည်။ ရန်ကုန်ရှိ စစ်ဌာန တစ်ခုတွင်ဟု စုံစမ်း သိရှိရသောအခါ လိုက်လံ ကယ်ထုတ်ခဲ့သည်။ ထိုကိစ္စနှင့် ပတ်သက်၍ အာဏာပိုင်များက ပေါက်မြို့သို့ လာရောက် စုံစမ်းခဲ့သည်။ သားဖြစ်သူကို တွေ့သွားလျှင် အဖမ်းခံရမည်၊ အသက် မပြည့်ဘဲ စစ်မှု ထမ်းရမည်၊ ထောင်ဒဏ် ကျခံရမည်စိုးသောကြောင့် ပေါက်မြို့လေသာတောင် ကျောင်းတိုက် ဆရာတော်ကို ဥပဇ္ဇယ်ပြုကာ သာမဏေ အဖြစ် စတင် ရောက်ရှိခဲ့သည်။ ထို့နောက် ရန်ကုန်ရှိ အင်းစိန် ရွာမ ကျောင်းတိုက်သို့ ပို့ဆောင် ပေးခဲ့သည်။ သာသနာ့ ဘောင်တွင် ပျော်ပိုက်ကာ စာဝါများ လိုက်ခဲ့သည်။ မူလတန်း၊ အငယ်တန်း၊ အလတ်တန်း၊ အကြီးတန်း၊ စာမေးပွဲများနှင့် နိကာယ် လေးကျမ်းကို ထူးချွန်စွာ အောင်မြင်ခဲ့ပြီး ဖြစ်သည်။

အရှင်ဂမ္ဘီရ(ယပ်တောင်နှင့်)

နေထိုင်ခဲ့သော ကျောင်းများကတော့ အစုံအနှံ့ပင်ဖြစ်သည်။ အင်းစိန်ရွာမ၊ ထောက်ကြံ့တောရ၊ သဒ္ဓမ္မ၀ံသ အလုံ ကျောင်းတိုက်၊ ပခုက္ကူ အရှေ့တိုက်၊ အလယ်တိုက်၊ မန္တလေး မစိုးရိမ်ကျောင်း တိုက်တို့ ဖြစ်သည်။ အသက် ၂၀ အရွယ်တွင် လှည်းကူးမြို့မှ ရဟန်းဒကာ ဦးသိန်းဦးတို့ ဇနီး မောင်နှံနှင့်အတူ၊ မိသားစုတို့က ရဟန်း ခံပေးခဲ့ခြင်း ဖြစ်ပါသည်။ စာဝါ လိုက်နေစဉ်အတွင်း ကရင်ပြည်နယ် မြိုင်ကြီးငူတွင် ၅ နှစ်ကြာမျှ ဗုဒ္ဓဘာသာ ပြန့်ပွားရေး အတွက် သာသနာ ပြုခဲ့ပါသည်။

အရှင်ဂမ္ဘီရနှင့်ရဟန်းဒကာမိသားစု

ပင်ကိုယ်စိတ်နေစိတ်ရင်း
မိမိ၏ တိုင်းပြည်နှင့်လူမျိုးအပေါ် အထူးချစ်ခင်သူ၊ အမှန်တရားကို မြတ်နိုးပြီး လွတ်လပ်မှုကို ခုံမင်သူ၊ ဖိနှိပ်စိုးမိုး အနိုင် ကျင့်မှုများကို စက်ဆုပ်သူဖြစ်သည်။ စာပေကို မြတ်နိုးသော အရှင်ဂမ္ဘီရသည် ဘာသာရေး ဆိုင်ရာ စာအုပ်များ၊ အင်္ဂလိပ်စာနှင့် ဆိုင်သော စာအုပ်များ၊ ကွန်ပြူတာ နည်းပညာနှင့် ဆိုင်သော စာအုပ်များကို အမြဲ ၀ယ်ယူဖတ်ရှု စုဆောင်းခဲ့သည်။ မြန်မာနိုင်ငံ အရပ်ရပ်ရှိ စာကြည့်တိုက်များသို့ စာအုပ်များ လှူဒါန်းခဲ့သည်။ သူနေထိုင်ရာ ပေါက်မြို့တွင် စာကြည့်တိုက် တခုကို ထူထောင်၍ စာအုပ်များ လှူဒါန်းခဲ့သည်။ ဇီဝိတ ဒါန သွေးလှူခြင်း အမှုကို လည်း နှစ်စဉ်နှစ်တိုင်းလိုပင် ပြုလုပ်မြဲဖြစ်သည်။

အရှင်ဂမ္ဘီရ(၀ဲဘက်မတ်တက်ရပ်လျှက်)

ရည်မှန်းချက်မှာ------

ထောက်ကြံ့တောရ၌ နေစဉ်အတွင်း ကျောင်းထိုင်ဘုန်းကြီး၏ ချစ်ခင်မှုကို အထူးခံရသူ ဖြစ်သည်။ စာချ ဘုန်းကြီး အဖြစ် တာဝန် ပေးအပ်ခြင်း ခံရသည်။ ရခိုင်ပြည်နယ် ဘုန်းကြီးကျောင်း တကျောင်း မှလည်း ကျောင်းထိုင် ဘုန်းကြီးအဖြစ် ပင့်ဖိတ်ခြင်း ခံရသည်။ သို့သော် ဓမ္မာစရိယတန်းပြီးလျှင် သာသနာပြု တက္ကသိုလ် တက်ရန် ရည်ရွယ်ချက် ရှိခဲ့သောကြောင့် ကျောင်းမထိုင်ခဲ့ပေ။ သာသနာပြု တက္ကသိုလ်မှ ဘွဲ့ရပြီးလျှင် အိန္ဒိယနိုင်ငံတွင် ပညာ သင်ကြားပြီးလျှင် နိုင်ငံတကာ သာသနာပြု ဓမ္မကထိက အဖြစ် ရှင်သန်သွားရန် ရည်ရွယ်ထားသည်။ အချိန် ရလျှင်လည်း အင်္ဂလိပ်စာနှင့် ကွန်ပြူ တာပညာတို့ကို လေ့လာ လိုက်စားခဲ့သည်။ နိုင်ငံရေးသိပ္ပံ၊ ရသစာပေ၊ ကဗျာ၊ ဂီတ တို့ကိုလည်း လေ့လာ လိုက်စားခဲ့သည်။ ဘာသာရေးဆောင်းပါး၊ ၀တ္ထု၊ ကဗျာတို့လည်း ရေးသားခဲ့သည်။


လမ်းကြောင်းပြောင်းပြီ
ဓမ္မာစရိယတန်း စာဝါလိုက်နေစဉ်အတွင်း ၂၀၀၅ ခုနှစ်တွင် ပြည်သူလူထု၏ စားဝတ်နေရေး၊ ပညာရေး၊ ဘာသာရေး နိမ့်ကျ နေမှုများကို အထူးသိမြင်ကာ လျစ်လျူ မရှုရက်တော့ဘဲ သံဃာထု အတွင်း စည်းရုံးမှုများကို စတင်ခဲ့သည်။ ဒီပဲယင်း အရေးအခင်း ကာလက နှစ်ကြီး ထောင်ကျ အကျဉ်းသားများကို သင်္ကန်း စည်းပေးကာ ဒေါ်အောင် ဆန်းစုကြည်နှင့် ကျောင်းသားများအား အာဏာပိုင်များက အသတ်ခိုင်းမှု အပေါ် အထူး စိတ်နာခဲ့သည်။ စစ်အစိုးရ အာဏာပိုင်များ၏ ဘာသာတရား ကင်းမဲ့မှု၊ သာသနာ တော်ကြီးအား အသရေ ညှိုးနွမ်းအောင် ပြုလုပ်မှု၊ ဘုန်းကြီး အယောင်ဆောင်ကာ နာမည်ဖျက်မှု၊ စစ်အုပ်စု အာဏာတည်မြဲရေး တခုတည်းကိုသာ ကြည့်မှုတို့ကြောင့် မိမိ၏ ရည်ရွယ်ချက်များ အပျက်ခံကာ စာဝါ မလိုက်နိုင်တော့ဘဲ ဤစက်တင်ဘာ အရေးအခင်းကို ဦးဆောင်ပါဝင် လှုပ်ရှား ခဲ့ရပါတော့သည်။

သူ၏ မအိပ်မနေလှုပ်ရှားမှုများကတော့ အံ့မခန်းပင်ဖြစ်သည်။ ထို့ကြောင့်လည်း တနိုင်ငံလုံးရှိ သံဃာတော် အရှင်သူမြတ် အားလုံး လိုလိုနှင့် ပေါင်းစည်း လက်တွဲနိုင်ခဲ့သည်။ ထို့ကြောင့်ပင်၂၀၀၇ ခုနှစ် စက်တင်ဘာ အရေးတော်ပုံကြီးမှာ အောင်မြင်စွာ ပေါ်ပေါက် လာခဲ့ရသည်။ သို့သော် အာဏာရှင် ဗိုလ်ချုပ်ကြီးများ အနေဖြင့် သံဃာတော် အရှင်သူမြတ်များ၊ ပြည်သူများ၊ ကျောင်းသား လူငယ်များ အပေါ် ဤကဲ့သို့ ရက်ရက်စက်စက် ချေမှုန်း သတ်ဖြတ်ပစ်မည် ကိုတော့ သူ-လုံးဝ မျှော်လင့် မထားမိခဲ့။ ဤမျှ ရိုင်းစိုင်း ယုတ်မာလိမ့်မည်ဟု မထင်ခဲ့ခြင်းကြောင့်လည်း လမ်းပေါ် ထွက်ခဲ့ခြင်းဖြစ်ကြောင်း ၎င်းက နောက်ပိုင်းတွင် ဖွင့်ဟ မြွက်ကြားခဲ့သည်။

ဤအဖြစ်ဆိုးကြီးကို ပြန်လည်းစဉ်းစားမိတိုင်း စိတ်ဖိစီးမှုများခံစားရကာ ကျန်းမာရေး ထိခိုက် လာခဲ့သည်။ သို့သော်လည်း ကျန်းမာရေး ချို့ငဲ့နေသည့် အကြားကပင် ရှောင်တိမ်း ပုန်းအောင်းရင်းနှင့် အရေးတော်ပုံ အရှိန် အဟုန် ကျမသွားရေး ဆက်လက် ထိန်းသိမ်း သယ်ပိုး နေခဲ့ရသည်။ မိတ်ဆွေ အသိုင်းအ၀ိုင်းများမှ သူလွတ်မြောက်ရေး အတွက် ပြည်ပသို့ ထွက်ခွာသွားရန် တိုက်တွန်း ပြောဆို ခဲ့သော်လည်း "တိုက်ပွဲ မအောင်မြင် မချင်း ပြည်ပသို့ ထွက်ခွာမသွားကြေး" ဆိုသည့် တိုက်ပွဲဝင် ရဲဘော်များအကြား ထားရှိခဲ့သည့် ကတိသစ္စာကို သစ္စာရှိရှိ ခိုင်ကျည်စွာ စောင့်ထိန်းခဲ့သည်။

အဖမ်းခံရပြီ
ယခုအချိန်တွင်မူ အာဏာပိုင်များ၏ ပိုက်စိပ်တိုက် ရှာဖွေဖမ်းဆီးမှု အောက်၌ အဖမ်း ခံလိုက်ရပေပြီ။ နိုဝင်ဘာ ၄ ရက်နေ့၌ ၎င်းပုန်းအောင်း နေထိုင်သည့် စဥ့်ကိုင်းနယ်ထဲတွင် အဖမ်း ခံလိုက်ရပြီး၊ ရန်ကုန်၊ အင်းစိန်အကျဉ်း ထောင်၊ အဆောင် (၂)၊ အခန်း (၂၃) ၌ တဦးတည်း အထီးကျန် စံပယ်နေရသည်။

ထောင်ကျသော်လည်း
ဒီဇင်ဘာ ၅ ရက်နေ့တွင် မိသားစုအနေဖြင့် ပထမအကြိမ် ထောင်ဝင်စာတွေ့ဆုံခွင့် ရခဲ့သည်။ မိသားစု၏ စီးပွားရေး အခြေအနေ ယိမ်းယိုင် နေခြင်းနှင့်အတူ ခရီးလည်း ဝေးကွာသည့်အတွက် ထောင်ဝင်စာ ပုံမှန် တွေ့ဆုံနိုင်ရန် အတွက်ပင် ရုန်းကန် နေကြရသည်။ အရှင်ဂမ္ဘီရသည် ထောင်တွင်း အထီးကျန်မှုကို တရားတော်များ မှတ်ရင်းနှင့်ပင် ပယ်ဖျောက်ရင်း ပြင်ပတွင် ကျန်နေရစ်သည့် ရဟန်းရှင်လူ ပြည်သူများ၏ နောက်ထပ်တကြိမ် တိုက်ပွဲခေါ် သံကို နားစွင့်နေမည်မှာ မလွဲဧကန်ပင်။

ဦးဂမ္ဘီရပြောနေကြစကားတခွန်းရှိပါသည်။
“ကျုပ်တို့ဘုန်းကြီးတွေဆိုတာက လူတွေလို ဇနီးမယား၊ စည်းစိမ် ဥစ္စာ တွယ်တာစရာတွေ ဘာမှ ရှိတာမဟုတ် ဘူး၊ ကျုပ်တို့ လူဖြစ်လာရတာကိုက သာသနာ ပြုဖို့ အတွက်ဗျ၊ လူတွေ အတွက်ဗျ၊ သာသနာပြုနိုင်ဖို့ ဆိုတာကလည်း လူတွေရဲ့ ဘ၀ စားဝတ်နေရေး၊ လူမှုရေး၊ မင်းဆိုးမင်းညစ်တွေ ဘေးက ပြေလည် ကင်းလွတ်နေမှဗျ၊ ဘာ သံယောဇဉ်မှမရှိတဲ့ ကျုပ်တို့က လူတွေရဲ့ အခက်အခဲတွေကို ပြေလည်အောင် ဖြေရှင်းပေးရမယ်။ ဒီအလုပ်တွေ ကို လုပ်ကတည်းက ဘ၀တွေ၊ အသက်တွေ ရင်းထားရတာ၊ အဖမ်းခံရမှာနဲ့ သေမှာ နှစ်မျိုးပဲရှိတယ်“

Read More...

Collapse...

မြန်မာနိုင်ငံကိုပို့မည့်တရုတ်လုပ်စစ်ကားများ နယ်စပ်သို့ထပ်မံရောက်ရှိ

မြန်မာနိုင်ငံကိုပို့မည့် တရုတ်လုပ်စစ်ကားများ နယ်စပ်သို့ထပ်မံရောက်ရှိ

၂၀၀၈ ခုနှစ် ဇန်န၀ါရီလ ၁၆ ရက်

မြန်မာနိုင်ငံကိုလွှဲပြောင်းပေးမည့် တရုတ်နိုင်ငံလုပ် ဖော (FAW) တံဆိပ်ပါခြောက်ဘီးတပ် စစ်သုံးအငယ်စား ကုန်တင်ထရပ်ကားများ တရုတ် - မြန်မာနယ်စပ်ရွှေလီနှင့် ကျယ်ဂေါင်တွင်ထပ်မံရောက်ရှိလာသည်။

ယမန်နေ့ ညနေပိုင်းမှစတင်၍ နယ်စပ်ရွှေလီမြို့ကို ခြောက်ဘီးတပ် စစ်သုံးအငယ်စား ကုန်တင်ယာဉ်များ ရောက်ရှိလာခြင်းဖြစ်ပြီး ယနေ့တွင် ရွှေလီမြို့တ၀ိုက်ရှိ ကားရေဆေးခုံများတွင် သန့်ရှင်းရေးများပြုလုပ်နေကြ သည်ဟုသိရသည်။ စုစုပေါင်း ကားအစီးရေ (၁၀၀) ရောက်ရှိနေသည်ဟု သိရသည်။

FAW Trucks in Ruili (Shwe Li)

ပြီးခဲ့သည့် ဒီဇင်ဘာလစောပိုင်းကလည်း အလားတူ ဖော (FAW) တံဆိပ်ပါ ခြောက်ဘီးတပ် စစ်သုံးအငယ် စား ကုန်တင်ထရပ်ကားအစီးရေ စုစုပေါင်း (၄၅၀) ကို မြန်မာစစ်တပ်အာဏာပိုင်းများထံ နယ်စပ် ကျယ်ဂေါင် - မူဆယ်တွင် လွှဲပြောင်းပေးအပ်ခဲ့သည်။

LIFAN Trucks

၂၀၀၁ ခုနှစ်ကတည်းက FAFW,DONG, FENG,LJC, LIFAN တံဆိပ်ပါစစ်သုံးကားများနှင့် စစ်ဖက်ဆိုင်ရာ ဆက်စပ်ပစ္စည်းများကို မြန်မာစစ်တပ်အာဏာပိုင်များထံ နယ်စပ်မှတဆင့် လွှဲပြောင်းထောက်ပံ့ပေးခဲ့သည်။ တရုတ်အစိုးရမှ မြန်မာစစ်အစိုးရထံသို့လက်ဆောင်ပေးခြင်း၊ အကြွေးစနစ်ဖြင့်ရောင်းချခြင်း၊ ကျွန်းသစ်၊ ကျောက် စိမ်း၊ လယ်ယာထွက်ပစ္စည်းများဖြင့် လဲလှယ်ခဲ့ခြင်းများပြုလုပ်ခဲ့ခြင်းဖြစ်သည်။ မြန်မာစစ်တပ်အနေဖြင့် တရုတ် နိုင်ငံလုပ် စစ်သုံးပစ္စည်းများကိုသာ အဓိကအားထားနေရသည်ဟု စစ်ဖက်လေ့လာသူများက သုံးသပ်သည်။

Read More...

Collapse...

ဓမ္မခွန်အား

ဒီမှာဖွင့်ကြည့်ပါ

Read More...

Collapse...

စိန်စီသောည

စိန်စီသောည

Read More...

Collapse...

အသဲနာကမ္ဘာမကြေ

အသဲနာကမ္ဘာမကြေ (မာမာအေး)

ဗိုလ်အောင်ဆန်း

Read More...

Collapse...

ဗိုလ်ချုပ်ကျော်ဇော

ဗိုလ်ချုပ်ကျော်ဇော

သုံးကျိပ်တဲ့ရဲဘော်
တော်လှန်တဲ့သမိုင်း။
စစ်ပညာ
ဂျပန်မှာ သူသင်လို့
ထိုင်းရောက်လျှင် စစ်တပ်ဖွဲ့
နယ်ချဲ့ကိုဝိုင်း။


ဗိုလ်ချုပ်ဆို ကျော်ဇောတဲ့
ကျော်စောတဲ့ ဗိုလ်ချုပ်ပါ။
အောင်ကျော်နဲ့ သူလဲပါ
အောင်ဆန်းမှာ သူလိုက်။
ကျောင်းသားနဲ့ သခင်
လှုပ်ရှားလျှင် သူပါခဲ့
စစ်ချီရာသူလိုက်
အောင်ဆန်းနဲ့အတူ တိုက်။

နယ်ချဲ့ ဖက်ဆစ်ပါ
တော်လှန်ရာရှေ့တန်း။
တရုတ်ဖြူမောင်းထုတ်ပွဲ
ရဲတဲ့မော်ကွန်း။

တိုင်းပြည်ရန် ဟူသမျှ
သူတိုက်ရ ရှေ့တန်းမှာ
စစ်ပွဲတွေပြီးတဲ့အခါ
ယမ်းငွေ့မှာ သူမအောင်း။

စစ်အာဏာ သူမမက်
စစ်မင်းဆက် သူမထောင်ဘု
ငြိမ်းချမ်းအောင် ချိုးဖြူလွှင့်ပါလို
မှိုင်းသခင့် ထံတော်ပါးမှာ
စစ်မုန်းသူ ပြည့်စစ်သားရယ်လို့
အားထုတ်ခဲ့ကြောင်း။

ဗမာပြည် စစ်ကျွန်သဘောက်
လွတ်မြောက်စေ စော။
လွတ်မြောက်တဲ့ ဗမာပြေ
ငြိမ်းချမ်းစေသော။

မောင်စွမ်းရည်
၂၀၀၇ မတ် ၂၇၊ တော်လှန်ရေးနေ့
(နောင်တခေတ် ကျောင်းဖတ်မှာသုံးဖို့)

Read More...

Collapse...

ဖွားကြီးမာ

ဖွားကြီးမာ
မှိုင်းရဲ့သမီး၊ ဖွား ကြီးမာ
လှရဲ့ဇနီး
ခရီး ကမ်းမှာ ဆန်းရဲ့ ရဲဘော်
ဒို့ဒေါ်ဒေါ်။

တော်လှန်မိခင်၊ စုမိခင်
လန်းရွှင်စေသော်၊
သက်ရာကျော်။

မောင်စွမ်းရည်
၂၀၀၇ နိုဝင်ဘာ ၂၉။
အမေ လူထုဒေါ်အမာမွေးနေ့

Read More...

Collapse...

ဒီမိုဂါထာ

ဒီမိုဂါထာ

ငရဲလားချင်
စစ်ထဲဝင်။

ကုသိုလ်ယူ
ကျော်သူနဲ့ တိုင်ပင်။

ကြောက်မွေးပါ
ဇာဂနာနဲ့ နှုတ်။

တနေ့သုံးခါ
ရွတ်ဆိုပါ
ဂါထာ ဤသုံးပုဒ်။

မောင်စွမ်းရည်
၂၀၀၇ အောက်တိုဘာ ၁၆။

Read More...

Collapse...

ခင်မမမျိုး၏ ဆောင်းပါးများ

ဒီမိုကရေစီအသွင်ကူးပြောင်းမှုနှင့် တိုင်းရင်းသားရေးရာ
အစ္စရေး-ပါလက်စတိုင်း ပြဿနာအကြောင်း တစေ့တစောင်း
ကျည်ဆံတွေတိုး၊ သေနတ်မျိုးစုံ၊ လက်နက်တောင်လိုပုံ
မြေအောက်ရဲဘော် ဆောင်ရန်ရှောင်ရန်
မျက်လှည့်ဆရာ စစ်အုပ်စု
ရွှေပြည်တော်ယောင်တိုင်းဝေး
အပြည်ပြည်ဆိုင်ရာနိုင်ငံတော်လုံခြုံရေး၊ အပြည်ပြည်ဆိုင်ရာ လုံခြုံရေးနှင့် မြန်မာပြည်ရေးရာ
လက်နက်ကိုင်တော်လှန်ရေး၊ ကန့်သတ်စစ်ပွဲနှင့် နိုင်ငံရေး ချိန်ခွင်လျှာ
Strategic Doctrine နှင့် ကမ္ဘာ့အရေး၊ မြန်မာ့အရေး
ကျွန်မတို့ဘာတွေပြင်ဆင်ထားပြီးပြီလဲ

Read More...

Collapse...

နအဖ တပ်အချင်းချင်း ပစ်ခတ်

နအဖ တပ်အချင်းချင်း ပစ်ခတ်
စစ်သည် ၂ ဦးသေဆုံး

၂၀၀၈ ခုနှစ် ဇန်န၀ါရီလ ၁၄ ရက်

ရှမ်းပြည်နယ် (တောင်ပိုင်း) မိုင်းနောင်မြို့တွင် နအဖစစ်တပ်အချင်းချင်းပစ်ခတ်မှုဖြစ်ပွား၍ တပ်သား (၂) ဦး သေဆုံးပြီး ဒုတိယအရာခံဗိုလ် (၁) ဦး ထွက်ပြေးနေကြောင်း စစ်ဖက်သတင်းများအရ သိရသည်။
ဖြစ်ပွားပုံမှာ ဇန်န၀ါရီလ (၁၃) ရက်နေ့ည (၈) နာရီခန့်တွင် မိုင်းနောင်မြို့အခြေစိုက် အမှတ် (၂) စစ်ဆင်ရေး ကွပ်ကဲမှုဌာနချုပ် ( စကခ- ၂) မှ ဒုတိယအရာခံဗိုလ်ကျော်သိန်းဦးစီးသည့် တပ်စိတ်သည် မိုင်းနောင်မြို့အတွင်း ကင်းလှည့်နေစဉ် မိုင်းနောင်မြို့၊ မြို့မဈေးအနောက်ဖက်အရောက်တွင် လဲချားမြို့အခြေစိုက် ခလရ (၆၄) မှ တပ်သားဇော်ထွန်းကိုတွေ့ရှိ၍ စစ်ဆေးမေးမြန်းရာတွင် စကားများကြပြီး ဒုတိယအရာခံဗိုလ်ကျော်သိန်းက တပ်သားဇော်ထွန်းကို ရိုက်နှက်ထိုးကြိတ်သဖြင့် အပြန်အလှန်ပစ်ခတ်မှုဖြစ်ခဲ့ပြီး တပ်သား (၂) ဦး ပွဲချင်းပြီး သေဆုံးခဲ့သည်ဟု သိရသည်။

အခင်းဖြစ်ပွားချိန်တွင် ဒုတိယအရာခံဗိုလ်ကျော်သိန်း၏ တပ်စိတ်မှ တပ်သား (၁) ဦး သေနတ်ထိမှန်ပြီး တပ်သား ဇော်ထွန်းသည်လည်း သေနတ်ဒဏ်ရာဖြင့် သေဆုံးသွားသည်ဟုသိရသည်။ ဒုတိယအရာခံဗိုလ်ကျော်သိန်း သည် ထိခိုက်မှုမရှိသော်လည်း အခင်းဖြစ်နေရာမှ ၎င်းကိုင်ဆောင်သည့် MA လက်နက်နှင့်အတူ ထွက်ပြေး လွတ်မြောက်သွားသည်ဟု သိရသည်။

မိုင်းနောင်အခြေစိုက် စကခ (၂) လက်အောက်ခံတပ်များက လက်နက်နှင့်အတူ ထွက်ပြေးလွတ်မြောက်သွား သည့် ဒုတိယအရာခံဗိုလ်ကျော်သိန်းကို ပိုက်စိတ်တိုက်လိုက်လံရှာဖွေနေပြီး ဖမ်းဆီးမခံပါက အသေပစ်သတ်၍ ဖမ်းဆီးရန် စကခ (၂) မှ အမိန့်ပေးထားသည်ဟု သိရသည်။

၂၀၀၇ ခုနှစ် အောက်တိုဘာလ (၁၁) ရက်နေ့ကလည်း ဟိုမိန်းဒေသတွင် လှုပ်ရှားနေသည့် ကွန်ဟိန်းအခြေစိုက် ခလရ (၂၄၆) မှ အောက်ခြေတပ်သားများကို နိုင်ထက်စီးနင်းပြုလုပ်နေသည့် ဒုတိယတပ်ရင်းမှူး ဗိုလ်မှူးမျိုးလှီုင် ကိုလည်း တပ်သားသီဟအောင်က ၎င်းကိုင်ဆောင်သည့် MA-1 သေနတ်ဖြင့် ကျည်ဘောက်ကုန်သည်အထိ အသေပစ်သတ်ခဲ့သည်။

Read More...

Collapse...

သင့်အခွင့်အရေးအတွက်၊ ဟစ်တိုင်တက်

'သင့်အခွင့်အရေးအတွက်၊ ဟစ်တိုင်တက် (hrhittaing@gmail.com)'
'မြန်မာပြည်လွတ်မြောက်စေမယ့်၊ သင့်ရဲ့ပူးပေါင်းဆောင်ရွက်မှုခွန်အား'

သင်ဟာ ရဟန်းတစ်ပါး(သို့) ကျောင်းသားတစ်ယောက် (သို့) ၀န်ထမ်းတစ်ဦး (သို့) အရပ်သား တစ်ယောက်ဖြစ် နိုင်ပါတယ်။ ထွက်ဆိုချက်များစုဆောင်းရာမှာ သင်တို့ရဲ့ပူးပေါင်းပါဝင် ဆောင်ရွက်မှုနဲ့ မြန်မာနိုင်ငံကို စစ်အာဏာ ရှင်စနစ်အောက်ကနေ လွတ်မြောက်စေနိုင်ပါလိမ့်မယ်။

သင်တို့ရဲ့ထွက်ဆိုချက်များဟာ မြန်မာနိုင်ငံအတွင်း အာဏာပိုင်တို့ရဲ့ လူ့အခွင့်အရေး ကျူးလွန် ဖောက်ဖျက်မှုများ ကို ကမ္ဘာကသိစေရန် ဖော်ထုတ်နိုင်စွမ်းရှိပါတယ်။ လူ့အခွင့်အရေး ချိုးဖောက်ခံရ သူများရဲ့ ထွက်ဆိုချက်များဟာ ကုလသမဂ္ဂလူ့အခွင့်အရေးရုံးခွဲ မြန်မာပြည်မှာဖွင့်လှစ်ထားရှိ ရန်ကိစ္စ၊ ကုလသမဂ္ဂလုံခြုံရေးကောင်စီမှာ မြန်မာ ပြည်နိုင်ငံရေးကိစ္စကို ပိုမိုအာရုံစိုက်ပြီး တိုက်ရိုက် ကိုင်တွယ် လုပ်ဆောင်လာစေရန်နှင့် ကုလသမဂ္ဂလုံခြုံရေး ကောင်စီက မြန်မာနိုင်ငံအပေါ် မလိုက်နာဘဲ နေလို့မရတဲ့ ဆုံးဖြတ်ချက်ချမှတ်ရေး ကြိုးပမ်းဆောင်ရွက်နေစဉ်မှာ လက်ရှိစစ် အာဏာရှင်တွေကို အကာအကွယ်ပေးနေတဲ့ တရုတ်နိုင်ငံနှင့် ရုရှားနိုင်ငံတို့ကို နှုတ်ဆိတ်နေစေရန် အတွက် အလွန်ထိရောက်သောအင်အားများဖြစ်ပါတယ်။
ဆန္ဒပြပွဲတွင် ပါဝင်၍ဖြစ်စေ၊ အားပေးကူညီ၍ဖြစ်စေ၊ အာဏာပိုင်များရဲ့ပစ်ခတ်သတ်ဖြတ်မှု၊ ဖမ်းဆီးမှုတို့ အပေါ် ဝေဖန်ပြောဆိုမိ၍ဖြစ်စေ၊ နိုင်ငံရေးပါတီတစ်ခုခုရဲ့ အဖွဲ့ဝင်ဖြစ်သောကြောင့် ဖြစ်စေ၊ ဘာသာရေးအရပြုလုပ်တဲ့ ၀တ်ပြုဆုတောင်းပွဲများကြောင့်ဖြစ်စေ၊ အာဏာပိုင်တို့ကြောင့် ပစ်ခတ်သတ်ဖြတ်ခံရသူများ၊ အစာရေစာဖြတ် တောက်ခံရသူများ၊ လူ့ဂုဏ်သိက္ခာထိပါးနှိပ်စက် ခံရသူများ၊ ဗွီဒီယို၊ ကက်ဆက်၊ ကင်မရာ၊ ကွန်ပျူတာ၊ ဆိုင်ခန်း၊ အိမ်ရာမြေ၊ လက်ဝတ်ရတနာ အသိမ်းခံရသူများ၊ တရားဥပဒေ၏ ခုခံကာကွယ်ခွင့်မရပဲ ထောင်ချအပြစ်ပေးခံရ သူများ၊ စာရေး သားခြင်း၊ ရုပ်ရှင်၊ ဗွီဒီယိုရိုက်ကူးမှုကို ပိတ်ပင်တားဆီးခံရသများ၊ နိုင်ငံသားဖြစ်ခွင့်ဆုံးရှုံးသူများနှင့် စစ်တပ်၊ ကြံ့ဖွံ့၊ စွမ်းအားရှင်နှင့် အမျိုးသမီးရေးရာအဖွဲ့များအတွင်း အတင်းအကျပ်ဝင်ခိုင်းခံရသူများ အားလုံးဟာ ကာယကံရှင်ကိုယ်တိုင်ဖြစ်စေ၊ မိသားစုဝင်တစ်ဦးဦးမှဖြစ်စေ၊ မျက်မြင်သက်သေ တစ်ဦးဦးမှဖြစ်စေ၊ ထွက်ဆို ချက်များကို ကိုယ်တိုင်ရေးသားထွက်ဆိုပြီး ယခုအီးမေးလ်လိပ်စာသို့ ပေးပို့ရန်မေတ္တာရပ်ခံအပ်ပါတယ်။
ထွက်ဆိုချက်ကို မိမိကိုယ်တိုင် စာဖြင့်ရေးသားထွက်ဆိုခြင်း၊ အသံသွင်းပြီးထွက်ဆိုခြင်းနှင့် တခြား တစ်ယောက်မှ ထွက်ဆိုသူ့ထွက်ဆိုချက်အတိုင်းရေးသားထားခြင်းတို့ကိုပြုလုပ်နိုင်ပါတယ်။

ထွက်ဆိုချက်များကိုပေးပို့ရာမှာ အခြားသော သက်သေခံ အထောက်အထားများပါ ပေးပို့ နိုင်ပါက ပိုမို ကောင်းမွန်ပါတယ်။ အခြားအသုံးဝင်တဲ့ သက်သေခံအထောက်အထားများမှာ သေဆုံး ဒဏ်ရာရ၊ ဖမ်းဆီးခံရသူများ၏ ဓာတ်ပုံများ၊ ဗွီဒီယိုမှတ်တမ်းများ၊ အသံဖိုင်များ၊ အစိုးရ အမိန့် ကြေညာစာတမ်းများ၊ ပစ်ခတ်သတ်ဖြတ်သူများ၊ အမိန့်ပေးစေခိုင်းသူများ၏ အမည်နှင့် ဓာတ်ပုံများ၊ ဆရာဝန်များ၏ အလောင်းဆေးစစ်တွေ့ရှိချက်များ၊ တရားရေး ဆိုင်ရာမှတ်တမ်းများနှင့် အသုံးပြုခဲ့ သည့်လက်နက်များ၏ ဓာတ်ပုံများ၊ မိတ္တူ (သို့) မူရင်းများကို ဆိုလိုပါတယ်။ သင်တို့ လက်လှမ်းမှီသလောက် ထွက်ဆိုချက်များကို မြန်မြန်စုဆောင်းပြီး ပေးပို့စေလိုပါတယ်။ ဒီစာကို ဖတ်လိုက်ရသူ တစ်ဦးအနေနဲ့ ကိုယ်တိုင်ထွက်ဆိုစရာမရှိခဲ့ရင် ကျွန်တော်တို့ကို အသတ်ခံရသူများ၊ ဖမ်းဆီးနှိပ် စက်ခံရသူများနဲ့ ပစ္စည်းသိမ်းခံရသူများရဲ့အမည်များ၊ ဆက်သွယ်ရန်လိပ်စာများနဲ့ အဖြစ်အပျက်များကိုသိခဲ့ရင် ပေးပို့ဖို့ မေတ္တာ ရပ်ခံပါတယ်။
"ကဲ- ပြည်သူကိုဖိနှိပ်ပြီး အာဏာအလွဲသုံးစားလုပ်နေတဲ့ စစ်အစိုးရရဲ့ ရက်စက်မှုတွေ၊ အကျင့်ပျက်ခြစားမှုတွေ ကို ဖော်ထုတ်ပြီး တာဝန်ကျေတဲ့သူရဲကောင်းနိုင်ငံသားတွေအဖြစ် ဂုဏ်ယူဝင့်ကြွား ကြရအောင်။"

"လူ့အခွင့်အရေးချိုးဖောက်ခံရမှုအပေါ်ထွက်ဆိုချက်ပုံစံကို အောက်ဖော်ပြပါ စာမျက်နှာတွင် တိကျမှန်ကန်စွာ ဖြည့်စွက်၍ ပေးပို့ခြင်းဖြင့် စစ်အာဏာရှင်စနစ်ကို တွန်းလှန်ဖယ်ရှားကြပါစို့။"

"သင်တို့ရဲ့ထွက်ဆိုချက်များကို ကုလသမဂ္ဂလူ့အခွင့်အရေးရုံးနဲ့ အခြားလူ့အခွင့်အရေး ကိုယ်စားလှယ် များရုံးသို့ အီးမေးလ်၊ အင်တာနက်မှတဆင့် လုံခြုံစိတ်ချစွာနဲ့လျှို့ဝှက်စွာ ရောက်ရှိ နိုင်အောင်စီစဉ်ထားပါတယ်။ သင့် အတွက် အန္တရာယ်ကင်းအောင် အထူးဂရုစိုက်စီမံထားပါတယ်။ မသက်ဆိုင်သူများ လုံးဝမသိစေရပါ။"

ပေးပို့ရန်လိပ်စာ-(hrhittaing@gmail.com)

လူ့အခွင့်အရေးချိုးဖောက်ခံရမှုများအတွက်ထွက်ဆိုချက်ပုံစံ....
၁။ အမည် (ကျူးလွန်ခံရသူအမည်) –
၂၊ အဖအမည် -
၃၊ မွေးသက္ကရာဇ် -
၎။ မှတ်ပုံတင်အမှတ် -
၅။ နေရပ်လိပ်စာ -
၆။ အိမ်ထောင်ရှိ၊ မရှိ -
၇။ ရှိခဲ့လျှင်၊ သားသမီးဦးရေ -
၈။ အလုပ်အကိုင် -
၉။ ကျူးလွန်ခံရသည့်နေ့၊ အချိန်၊ နေရာ (လိပ်စာအတိအကျ) –
၁၀။ ကျူးလွန်ခံရပုံဖြစ်စဉ်အကျဉ်း (မည်သူက၊ မည်သည့်အဖွဲ့အစည်းကကျူးလွန်ခဲ့ပါသလဲ) -
၁၁။ ကျူးလွန်ခံရသူ၏ မိသားစုဝင်တစ်ဦးဦးထွက်ဆိုချက် -
၁၂။ မျက်မြင်သက်သေ၏ ထွက်ဆိုချက် -
၁၃။ ကျူးလွန်ခံရသည့်ပြစ်မှုနှင့်ပတ်သက်သော စာရွက်စာတမ်းများ ( အမိန့်စာများ၊ ဆေးမှတ်တမ်းများ၊ တရားရုံး မှတ်တမ်းများ၊ မူရင်း၊ မိတ္တူ၊ ဓာတ်ပုံ)
၁၄။ ပြစ်မှုကျူးလွန်ရာတွင် အသုံးပြုသော သက်သေခံပစ္စည်းများ (ဖြစ်ခဲ့သည့်ရက်စွဲနှင့် ဓာတ်ပုံ အနည်းဆုံး (၂) ပုံ၊ ဓာတ်ပုံမိတ္တူ၊ သက်သေခံပစ္စည်းများ၏ ပုံသဏ္ဍန်ကိုရေးမှတ်ထားသောစာများ၊ အသံသွင်းတိပ်ခွေများ) -

Read More...

Collapse...