Friday, October 19, 2012

ပုသိမ် တောင်သူ လယ်သမား သမဂ္ဂဖွဲ့

ဆလိုင်း ဟံသာစန်း
October 18, 2012

တောင်သူ လယ်သမားများ ၏ အရေးကိစ္စများကို ထိရောက်စွာ ဆောင်ရွက်နိုင်ရေးအတွက် ပုသိမ်မြို့နယ် အတွင်းရှိ ကျေးရွာ ၅၀ ကျော်မှ တောင်သူလယ်သမားများ စုစည်း၍ ပုသိမ်မြို့နယ် တောင်သူ လယ်သမား သမဂ္ဂကို ဖွဲ့စည်းလိုက်သည်။

ပုသိမ်မြို့နယ် ကြက်ပေါင် တိုက်နယ်၊ ကြက်ပေါင် ကျေးရွာ ပေါ်တော်မူ ဘုန်းကြီးကျောင်း၌ ယမန်နေ့က ကျင်းပသည့် သမဂ္ဂ ဖွဲ့စည်းခြင်း အခမ်းအနားသို့ ကျေးရွာ ၅၀ ကျော်မှ တောင်သူ လယ်သမား ကိုယ်စားလှယ် ၁၀၀ ခန့် တက်ရောက်၍ ပုသိမ် မြို့နယ် တောင်သူ လယ်သမား သမဂ္ဂ အလုပ် အမှုဆောင် အဖွဲ့ဝင် ၄၆ ဦးကို ရွေးချယ်ခဲ့ကြခြင်း ဖြစ်သည်။

“ကျနော်တို့အနေနဲ့ တောင်သူ လယ်သမားနဲ့ပတ်သတ်တဲ့ ကိစ္စမှန်သမျှကို အတတ်နိုင်ဆုံး ကြိုးစား လုပ်ဆောင်သွားမှာပါ။ အဲဒီ အထဲ မှာ လယ်သမားတွေ မြေ အသိမ်းခံရတဲ့ကိစ္စ၊ ဘဏ်ချေးငွေကိစ္စတွေ နောက် တခြားတိုင်ကြားဖို့ လိုအပ်တာတွေပေါ့။ လယ် သမား အရေးကို အတတ်နိုင်ဆုံး ကြိုးစား လုပ်ဆောင်သွားမှာပါ”ဟု သမဂ္ဂ အထွေထွေ အတွင်းရေးမှူး အဖြစ် ခန့်အပ်ခံရသည့် ကြက် ပေါင် ကျေးရွာမှ လယ်သမား ကိုမျိုးကိုကို က ဧရာဝတီကို ပြောသည်။

ပုသိမ်မြို့နယ် တောင်သူလယ်သမား သမဂ္ဂ ဥက္ကဋ္ဌ မှာ ဦးထွန်းနု ဖြစ်၍ ဦးထွန်းထွန်းနိုင်နှင့် ဦးကျော်နိုင်တို့ နှစ်ဦးက ဒု ဥက္ကဋ္ဌ များ ဖြစ်ပြီး နာယက အဖြစ် ဦးသောင်းထွန်း၊ ဦးသာမောင်၊ ဦးဝင်းတင် တို့က တာဝန်ယူထားသည်။

တဆက်တည်းတွင်ပင် သမဂ္ဂ အလုပ်အမှုဆောင်အဖွဲ့ ဦးဆောင်မှုအောက်၌ ဆက်သွယ်ရေး၊ ပြန်ကြားရေး နှင့် သုတေသန ကော် မတီ၊ မြေယာ၊ ကြွေးမြီ နှင့် ချေးငွေဆိုင်ရာ ကော်မတီ၊ ဘဏ္ဍာရေးနှင့် ဈေးကွက်ရှာဖွေရေး ကော်မတီ၊ သမဂ္ဂ၀င်များ စည်းရုံး ရေး ကော်မတီ၊ သာရေးနာရေး၊ လူမှုစောင့်ရှောက်ရေးနှင့် သမဂ္ဂ အကြံပေးကော်မတီ များလည်း ဖွဲ့စည်းခဲ့သည်။

ဧရာဝတီ တိုင်းတွင် ပုသိမ်အပြင် မြောင်းမြ၊ ကန်ကြီးထောင့် နှင့် လပွတ္တာမြို့နယ် များတွင်လည်း မြို့နယ် တောင်သူ လယ်သမား သမဂ္ဂများ ဖွဲ့စည်း ထားပြီးဖြစ်ကြောင်း သိရသည်။

Ref: ဧရာဝတီ

Read More...

ဖားကန့်၌ လက်နက်ကြီးစ ထိမှန်၍ ဒဏ်ရာရ သေဆုံးမှု ရှိ

သန်းထိုက်ဦး
October 19, 2012

အစိုးရနှင့် ကချင်လွတ်လပ်ရေး တပ်မတော် (KIA) တပ်ဖွဲ့ဝင်များ တိုက်ပွဲဖြစ်ပွားရာ ကချင်ပြည်နယ် ဖားကန့်ဒေသတွင် လက်နက်ကြီး အစထိမှန်၍ ဒေသခံတချို့ ဒဏ်ရာရ သေဆုံးမှုရှိကြောင်း သတင်းရသည်။

ဖားကန့်မြို့နှင့် ၃ မိုင်ခန့် အကွာရှိ မှော်မောင်းကုန်း ကျေးရွာထဲကို ယခုလ ၁၇ ရက်နေ့က အစိုးရ အမြောက် တပ်ဖွဲ့ဝင်များက လက်နက်ကြီးများနှင့် ပစ်ခတ်ခဲ့ကြောင်း၊ ဖားကန့်မြို့ အခြေစိုက် အစိုးရ စစ်ဗျူဟာကုန်းမှ တဆင့် မှော်မောင်းကုန် ကျေးရွာထဲသို့ လက် နက်ကြီးနှင့် ၆ ကြိမ်ခန့် ပစ်ခတ်ခဲ့ခြင်း ဖြစ်ကြောင်း ဖားကန့်မြို့နယ် အမျိုးသား ဒီမိုကရေစီအဖွဲ့ချုပ်(NLD) အဖွဲ့ဝင် ဦးဒါချီ လစိုင်းက ဧရာဝတီ သို့ ပြောသည်။

“လက်နက်ကြီးနဲ့ ပစ်တော့ မှော်မောင်းကုန်က ဦးမုံနွယ်လ အိမ်မှာ တလုံးကျတယ်၊ နောက်ပြီးတော့ အဲဒီ အိမ်ဘေးနားတွေမှာ ကျ တယ်”ဟု ဦးဒါချီလစိုင်းက ဆိုသည်။

ဦးဒါချီလစိုင်းက ဆက်လက်ပြီး ပစ်ခတ်မှုကြောင့် ၄ ဦးသေဆုံး၍ ၄ ဦး ဒဏ်ရာရရှိပြီး ဒေသခံရွာသားတချို့ ဖားကန့်မြို့ပေါ်သို့ ထွက်ပြေး တိမ်းရှောင်သွားသည်ဟု ကြားသိရကြောင်း၊ အတည်မပြုနိုင်သော သတင်းများအရ သေဆုံးသူ ၄ ဦးတွင် KIA တပ်ဖွဲ့ဝင် ၂ ဦး ပါဝင်ကြောင်းလည်း ပြောဆိုသည်။ ဧရာဝတီက KIA ကို ဆက်သွယ်ခဲ့သော်လည်း ဆက်သွယ်၍ မရခဲ့ပေ။

ဦးဒါချီလစိုင်းက“အဲဒီရွာက ဒေသခံတွေ လွန်ခဲ့တဲ့ လအတွင်းမှာ အစိုးရတပ် ထိုးစစ်ဆင်မှုကြောင့် အကုန်းလုံး တိမ်းရှောင်ခဲ့ကြ တယ်၊ ရှောင် ပြီးတော့ နောက်ပိုင်းမှာ KIA တပ်ဖွဲ့ဝင်တွေက နေရာယူထားတယ်၊ ဒီရက်ပိုင်းမှာ နည်းနည်း အခြေအနေကောင်း တော့ ရွာသားတွေ ကလည်း ပြန်သွားနေကြတယ်၊ အဲဒီမှာ မမျှောင်လင့်ဘဲ အစိုးရက လက်နက်ကြီးတွေနဲ့ ပစ်ခတ်ခဲ့တယ်”ဟု ပြောပြ သည်။

ယခုဖြစ်ရပ်များနှင့် ပတ်သက်၍ အတည်ပြုနိုင်ရန် ဖားကန့်မြို့ပေါ်ရှိ အစိုးရ စစ်ဗျူဟာမှူးရုံးသို့ ဧရာဝတီက ဆက်သွယ် မေးမြန်းရာ တာဝန် ထမ်းဆောင်နေသူ တဦးက အစိုးရ တပ်က ပစ်ခတ်ခြင်း မဟုတ်ကြောင်း ငြင်းဆိုသည်။

ယင်းသို့ ဖြစ်ပွားမှုသည် လတ်တလောတွင် KIA ခေါင်းဆောင်များကို တွေ့ဆုံ ဆွေးနွေးရန် အစိုးရက ကမ်းလှမ်းချိန်နှင့်လည်း တိုက်ဆိုင်နေသည်။

ယခုနှစ် သြဂုတ်လကလည်း KIA တပ်ဖွဲ့နှင့် အစိုးရတပ်ဖွဲ့ဝင်များ တိုက်ပွဲဖြစ်ပွားမှုကြောင့် ဒေသခံ ၈၀၀၀ ခန့် ဖားကန့်မြို့ပေါ်သို့ ထွက် ပြေး တိမ်းရှောင် ခဲ့ရသည်။

KIA သည် ၁၉၉၄ ခုနှစ်တွင် ယခင် စစ်အစိုးရနှင့် အပစ်အခတ်ရပ်စဲရေး လက်မှတ်ရေးထိုးထားသည့် တိုင်းရင်းသား လက်နက် ကိုင် အဖွဲ့ ဖြစ်ပြီး ၂၀၁၁ ခုနှစ် ဇွန်လတွင် တိုက်ပွဲများ ပြန်လည် ဖြစ်ပွားခဲ့ပြီးနောက် အပစ်အခတ် ရပ်စဲရေးလည်း ပျက်ပြား ခဲ့သည်။

ယင်း တိုက်ပွဲများကြောင့် လက်ရှိ အစိုးရနှင့် KIA ကြား ငြိမ်းချမ်းရေး ပြန်လည် တည်ဆောက်ရန် ၂၀၁၁ ခုနှစ် နိုဝင်ဘာလမှ စတင် ၍ ၂၀၁၂ ခုနှစ်အတွင်း အကြိမ်ကြိမ် တွေ့ဆုံခဲ့ကြသော်လည်း သဘောတူညီချက် တစုံတရာ မရရှိသေးပေ။ သောင်းနှင့် ချီသော ဒေသခံ များမှာလည်း အိုးအိမ်၊ တောင်ယာများကို စွန့်ခွာ၍ တရုတ် မြန်မာနယ်စပ် ဒုက္ခသည် စခန်းများ၊ ပြည်တွင်း စစ်ဖြစ်ရာဒေသ အနီးရှိ မြို့ပေါ်များနှင့် တောတောင်များထဲတွင် ထွက်ပြေး ခိုလှုံနေကြရဆဲ ဖြစ်သည်။

Ref: ဧရာဝတီ

Read More...

OIC ရုံးကိစ္စ မြန်မာအစိုးရ တရားဝင် အကြောင်းမကြားသေး

October 19, 2012

အစ္စလာမ် ပူးပေါင်းဆောင်ရွက်ရေး အဖွဲ့ (Organization of Islamic Cooperation – OIC) အထွေထွေအတွင်း ရေးမှူး အက်မဲလက်ဒင် အစ်စန်နိုးလူ (Ekmeleddin Ihsanoglu) က မြန်မာနိုင်ငံမှာ OIC ရဲ့လူသား ချင်းဆိုင်ရာ ရုံး ဖွင့်ခွင့် မရတော့တဲ့ကိစ္စအပေါ် မြန်မာအစိုးရဆီက တရားဝင် အကြောင်းကြားမှု တစုံတရာ မရရှိသေးဘူးလို့ ဆော်ဒီအာရေဗျ နိုင်ငံ ဂျက်ဒါး (Jeddah) မြို့မှာ သတင်းထောက်တွေကို ပြောကြားလိုက်ပါတယ်။

တရားဝင် အကြောင်းကြားစာ ရပြီဆိုရင် နိုဝင်ဘာလမှာ လုပ်ဖို့ရှိတဲ့ OIC နိုင်ငံခြားရေးဝန်ကြီးတွေ အစည်းအဝေးမှာဘာဆက်လုပ် ကြ မယ်ဆိုတာ ဆွေးနွေးမယ်လို့လည်း ဆိုပါတယ်။ ဒါပေမယ့် ရုံးဖွင့်ဖို့ကိစ္စရွှေ့ဆိုင်းဖို့ မြန်မာအစိုးရရဲ့ နယ်စပ်ရေးရာဝန်ကြီး ဒု ဗိုလ်ချုပ်ကြီးသိန်းဌေးက အစောပိုင်းမှာ OIC ကို တရားဝင်မဟုတ်ပဲ မေတ္တာရပ်ခံခဲ့တာကိုလည်း သူက ထုတ်ဖော်ပြောဆိုပါတယ်။

OIC နဲ့ မြန်မာအစိုးရ ပူးပေါင်းဆောင်ရွက်ရေး သဘောတူညီချက်ကို ပြီးခဲ့ တဲ့လမှာ နှစ်ဖက် လက်မှတ်ထိုးကြတဲ့အခါ နယ်စပ် ရေးရာဝန်ကြီးက မြန်မာအစိုးရကိုယ်စား လက် မှတ်ရေးထိုးခဲ့တာပါ။

အဲ့ဒီသဘောတူညီချက်ထဲမှာ OIC ရုံးအနေနဲ့ မြန်မာအစိုးရရဲ့ ပူးပေါင်းဆောင်ရွက်မှုနဲ့အတူ ရခိုင်ပြည်နယ်မှာဖြစ်ပွားခဲ့တဲ့ အကြမ်း ဖက်မှုတွေကြောင့် ဒုက္ခရောက်ရသူတွေဆီကို လူသားချင်းစာနာတဲ့ အကူအညီတွေပေးရာမှာ ယာယီ ကြီး ကြပ်သွားရန်လို့ ဖော်ပြထားကြောင်း အက်မဲလက်ဒင် အစ်စန်နိုးလူက ပြောပါတယ်။

မြန်မာနိုင်ငံမှာဖွင့်မယ့် OIC ရုံးဟာ လူသားချင်းဆိုင်ရာ ဘေးအန္တရာယ်တွေကြောင့် ဒုက္ခရောက်ကြရတဲ့ အခြားနိုင်ငံတွေမှာ အဖွဲ့အစည်းအသီးသီးက တည်ထောင်ထားတဲ့ လူသားချင်းဆိုင်ရာရုံးတွေအတိုင်းကလွဲလို့ ဘာမှ ထူးထူးခြားခြား ရှိမှာမဟုတ်ဘူး လို့လည်း သူက အလေးအနက် ဆိုပါတယ်။

မြန်မာနိုင်ငံမှာ OIC ရုံးဖွင့်မယ့်ကိစ္စနဲ့ပတ်သက်ပြီးတော့ ပြီးခဲ့တဲ့လ OIC ကိုယ်စားလှယ်အဖွဲ့နဲ့တွေ့တဲ့အချိန်မှာ မြန်မာ အစိုးရဖက် က ရုံးဖွင့်ဖို့ထောက်ခံခဲ့တယ်၊ OIC ဘက်ကလည်း လူမျိုး ဒါမှမဟုတ် ဘာသာရေးအရ ခွဲခြားမှုမရှိဘဲ ဒုက္ခ ရောက်ရသူတွေကို အကူအညီပေးဖို့သာ ရည်ရွယ်ကြောင်း မြန်မာအစိုးရကို အာမခံချက်ပေးခဲ့တယ်လို့ သူက ပြောပါ သေးတယ်။

OIC အနေနဲ့ လူသားချင်းဆိုင်ရာအလုပ်တွေကို နိုင်ငံရေးကိစ္စဖြစ်အောင် လုပ်မှာမဟုတ်ဘူး ဆိုတာနဲ့ ပတ်သက်ပြီး တော့လည်း ရိုဟင်ဂျာတွေ မြန်မာပြည်ထဲမှာ သူတို့ရဲ့ ဥပဒေကြောင်းအရ၊ ဖွဲ့စည်းပုံအခြေခံဥပဒေအရ အခွင့်အရေး တွေ ပြန်ရအောင် OIC က ဆက်လက် ကြိုးပမ်းသွားမှာဖြစ်တယ်။

ဒါပေမယ့် အဲ့ဒီလို ကြိုးပမ်းတာကို တရားဝင် သံတမန် လမ်းကြောင်းတွေကနေတဆင့်သာ ဆောင်ရွက်သွားမှာဖြစ်ပြီး မြန်မာပြည် မှာဖွင့်မယ့် OIC ရုံးကနေတဆင့် ဆောင် ရွက်သွားမှာမဟုတ်ဘူးလို့ အက်မဲလက်ဒင် အစ်စန်နိုးလူက အလေးအနက် ဆိုပါတယ်။

လူသားချင်းဆိုင်ရာဆောင် ရွက်ချက်တွေကို နိုင်ငံရေးကိစ္စဖြစ်အောင်လုပ်ဖို့ OIC မှာ ဘယ်သူမှ စိတ်မဝင်စားဘူးလို့လည်း သူက ဖြည့်ပြောပါ တယ်။

မြန်မာပြည်မှာ OIC ရုံးဖွင့်ဖို့ ဆောင်ရွက်တာဟာ တူရကီနဲ့ အင်ဒိုနီးရှား ကြက်ခြေနီအဖွဲ့တွေက လူသားချင်းဆိုင်ရာ အကူအညီ တွေ ပေးနေသလိုမျိုး မွတ်ဆလင် ကမ္ဘာက ပြည်သူတွေနဲ့ အခြားပြည်သူတွေအကြား သွေး စည်းညီညွတ်ရရှိအောင် ရည်ရွယ်ပြီး ဆောင်ရွက်တာဖြစ်တယ်လို့ သူက ဆိုပါတယ်။

OIC ရုံး ဖွင့်ခွင့် မပြုရေး ကန့်ကွက်ဆန္ဒပြမှုတွေ ရန်ကုန်၊ မန္တလေး၊ ပခုက္ကူမြို့နှင့် မြို့ကြီးတချို့တွင် ဖြစ်ပွားခဲ့အပြီး “ပြည်သူ့ ဆန္ဒနှင့် မကိုက်ညီသဖြင့်” ရုံးကို ခွင့်ပြုမှာ မဟုတ်လို့ သမ္မတရုံးက ထုတ်ပြန်ကြေညာခဲ့ပါတယ်။

အတိုက်အခံခေါင်းဆောင် ဒေါ်အောင်ဆန်းစုကြည်ကလည်း နယ်စပ်ရေးရာဝန်ကြီး ဒု ဗိုလ်ချုပ်ကြီးသိန်းဌေးနဲ့ မကြာမီက သွားရောက် တွေ့ဆုံခဲ့ပြီး ရုံးကိစ္စနဲ့ပတ်သက်ပြီး မေးမြန်းဆွေးနွေးခဲ့တယ်လို့ သိရပါတယ်။

Ref: ဧရာဝတီ

Read More...

ရပ်/ကျေး အုပ်ချုပ်သူများ တိုင်ကြားခံရလျှင် ထိရောက်စွာ အရေးယူမည်

မေစစ်ပိုင်
October 19, 2012

ရပ်ကွက်နှင့် ကျေးရွာ (ရပ်/ ကျေး) အုပ်ချုပ်ရေးမှူးများ၏ အလွဲသုံးစားမှုများကို တိုင်ကြားလာပါက စိစစ်ပြီး ထိရောက်စွာ ဥပ ဒေအရ အရေးယူ ဆောင်ရွက်လျှက်ရှိကြောင်း ရန်ကုန်တိုင်း ဒေသကြီးအစိုးရအဖွဲ့ အထွေထွေ အုပ်ချုပ်ရေးဦးစီးဌာနမှ ပြောရေး ဆိုခွင့်ရ ပုဂ္ဂိုလ် ဦးအောင်ကျော်စိုးက ပြောသည်။

ရပ်ကွက်နှင့် ကျေးရွာများတွင် ရွေးချယ်ထားသော အုပ်ချုပ်ရေးမှူးများသည် ပေးထားသည့် အာဏာကို အလွဲသုံးစားလုပ်ကာ ရပ် ကွက်ပိုင် မြေနေရာများကို ကိုယ်ကျိုးအတွက် အငှားချခြင်း၊ ရောင်းစားခြင်း၊ ရပ်ကွက်ကျေးရွာနေ ပြည်သူများကို အနိုင်အထက် ပြု ဆက်ဆံခြင်းများရှိပါက သက်ဆိုင်ရာသို့ တိုင်ကြားလာလျှင် ထိရောက်သည့် အရေးယူခြင်းများ ပြုလုပ်လျှက် ရှိကြောင်း သိ ရသည်။

“အာဏာ အလွဲသုံးစား လုပ်တာ၊ ရပ်ကွက်ကျေးရွာပိုင် မြေတွေအလွဲသုံးစားလုပ်တာတွေရှိရင် ဘယ်သူကိုမှ မျက်နှာမလိုက်ဘူး ထောင်ချသင့်တာဆို ချပစ်ဖို့လုပ်တယ်၊ စိစစ်ပြီး ထိထိရောက်ရောက် ဥပဒေအရ အရေးယူတယ်”ဟု ဦးအောင်ကျော်စိုး ပြောသည်။

လက်ရှိတွင် အလွဲသုံးစား ပြုလုပ်သည့် ပြဿနာများကြောင့် တရားရုံးများတွင် တရားရင်ဆိုင်နေကြရသည့် အုပ်ချုပ်ရေးမှူးများ ရှိနေကြောင်းလည်း သူကဆိုသည်။

ရပ်/ ကျေး အုပ်ချုပ်ရေးမှူးရွေးချယ်ရာတွင် အထွေထွေ အုပ်ချုပ်ရေးဦးစီးဌာနမှ တာဝန်ရှိသူများနှင့် ရပ်မိရပ်ဖ ၅ ဦးတို့က ဦး ဆောင်ပြီး ဒေသနေ ပြည်သူများကို ရွေးကောက်ပွဲ ပုံစံ မဲစနစ်ဖြင့် လျှို့ဝှက်ရွေးချယ် တင်မြှောက်ခြင်းဖြစ်ကြောင်း သိရသည်။

သို့သော် ဒေသတချို့၊ မြို့နယ်တချို့တွင် နည်းလမ်းတကျ မဲပေးစနစ်ဖြင့် ရွေးချယ်ခြင်း မဟုတ်သည့် အုပ်ချုပ်ရေးမှူး ရွေးချယ်မှု များရှိနေပြီး အာဏာအလွဲသုံးစား လုပ်ကာ ရပ်ကွက် ကျေးရွာပိုင် မြေနေရာများ၊ ပစ္စည်းများကို ရောင်းချ၊ ငှားစားကာ ကိုယ် ကျိုးအတွက် အသုံးပြုခြင်း၊ ရပ်ကွက်ရန်ပုံငွေဟု ဆိုကာ ပြည်သူများထံမှ နာမည်အမျိုးမျိုး ခေါင်းစဉ်တပ်၍ အခကြေးငွေကောက်ခံခြင်းများ ရှိနေကြောင်း သိရသည်။

“ရပ်ကွက်ပိုင် ဘောလုံးကွင်း မြေနေရာကို တဦးတည်းသဘောနဲ့ ရောင်း၊ ကိုယ်ကျိုးအတွက် သုံးတဲ့ အုပ်ချုပ်ရေးမှူးကို မကျေနပ် လို့ လူထုက သမ္မတ အထိ တိုင်ပေမယ့် သူ့အပေါ် ထိရောက်တဲ့ အရေးယူတာမျိုး မရှိတော့ ပြည်သူက မကျေနပ်ကြဘူး” ဟု ပုသိမ်မြို့နယ် သစ်ပုတ်ကုန်း ကျေးရွာဒေသခံ တဦးက ဆိုသည်။

ရပ်/ ကျေး အုပ်ချုပ်ရေးမှူးများ၏ မမှန်မကန် ဆောင်ရွက်သည့် ပြဿနာများကို တိုင်ကြားသော်လည်း ထိရောက်စွာ အရေး ယူပေးခြင်း အားနည်းနေသည့် နေရာများ ရှိနေသောကြောင့် အမှန်တကယ် အရေးယူပေးရန် လိုအပ်နေကြောင်း ပြောဆိုမှုများ ရှိသည်။

ရန်ကုန်မြို့တွင်းမြို့နယ် တချို့တွင်လည်း အုပ်ချုပ်ရေးမှူးများက ကောက်ခံခိုင်းသည်ဟု ဆိုကာ အုပ်ချုပ်ရေးရုံးက လစဉ် မီးသတ် ကြေး၊ လမ်းမီးကြေး၊ မီးကင်းကြေးများ၊ ရပ်ကွက်ထောက်ခံစာ၊ ဧည့်စာရင်း တိုင်ခြင်းများ ပြုလုပ်ခြင်းကို အခမဲ့ ဆောင်ရွက်ရမည် ဟု ဌာနမှ သတ်မှတ်ထားသော်လည်း အလှူငွေ ကောက်ခံနေခြင်းများ ရှိနေကြောင်း သိရသည်။

“ရပ်ကွက်ရုံးမှာ ထောက်ခံစာလုပ်ရင် တစောင် ကျပ် ၅ ရာပဲ၊ ဧည့်စာရင်း တပတ်တခါ တိုင်ရင် ကျပ် ၁ ရာပေးရတယ်။ ရပ်ကွက် တော်တော်များများက မကောက်တဲ့ မီးသတ်ကြေး၊ မီးကင်းကြေး ဆိုတာတွေလည်း ကောက်တယ်၊ ရပ်ကွက်ရုံးက လုပ်ထားတဲ့ အမှိုက်လှည်းနဲ့ပစ်ရင် အမှိုက်တထုပ် ၃၀၀ ကျပ် ပေးရတယ်။ ရပ်ကွက်မှာ အမှိုက်ပုံလည်းမရှိဘူး။ ပိုက်ဆံ မတတ်နိုင်ရင် အိမ်မှာမြေမြှုပ်ပဲ” ဟု မင်္ဂလာဒုံမြို့နယ်နေ ပြည်သူတဦးက ပြောသည်။

ရပ်/ ကျေး အုပ်ချုပ်ရေးမှူးများ ရွေးချယ်ရာတွင် ဥပဒေအတိုင်း တင်မြှောက်ရန် လိုကြောင်း၊ ဥပဒေအထက်တွင် မည်သူမျှ ရှိမ နေနိုင်အောင် ဆောင်ရွက်သင့်ကြောင်း၊ လက်ရှိ ဖြစ်ပေါ်နေသော ရပ်ကျေးအုပ်ချုပ်ရေး ပြဿနာများသည် နိုင်ငံ၏ တရားဥပဒေ အခြေအနေကို မီးမောင်းထိုးပြသည်နှင့် တူနေကြောင်း၊ ထို့ကြောင့် အဆိုပါကိစ္စများ လျော့နည်းသွားစေရန် နိုင်ငံရေး အဖွဲ့အ စည်းများ၊ နိုင်ငံရေးမဟုတ်သည့် အဖွဲ့အစည်းများ၊ အစိုးရအပါအဝင် အဓိကဖြစ်သည့် ပြည်သူလူထု ကလည်း ပါဝင်ကာ ဆောင် ရွက်သင့်ကြောင်း ၈၈ မျိုးဆက် ကျောင်းသားခေါင်းဆောင် ကိုမြအေးက သုံးသပ်သည်။

“စစ်မှန်တဲ့ လူထုကိုယ်စားပြုသူကို ရွေးချယ်သင့်တယ်။ နားမလည်တဲ့ ပြည်သူတွေကို အာဏာအလွဲသုံးစား လုပ်တာ ရှိနေတယ်။ ဒါတွေကို မပြင်ဆင်ရင်တော့ မြန်မာနိုင်ငံမှာ အာဏာကြီးလေလေ၊ ငါသာလျင် အရှင်သခင်ဆိုတဲ့ ဝါဒ ထွန်းကားနေအုံးမှာပဲ” ဟု သူက ဆိုသည်။

အုပ်ချုပ်ရေးမှူးများသည် ပြည်သူများကို ကိုယ်စားပြုသည့် လူတန်းစားတခု ဖြစ်နေသော်လည်း စက်တင်ဘာ လပိုင်းက မန္တလေး တိုင်း ဒေသကြီး ပြည်ကြီးတံခွန်မြို့နယ် ကံကြီးကုန်း ကျေးရွာနှင့် ဇီးအုပ် ကျေးရွာတွင် ဖြစ်ပေါ်ခဲ့သည့် ကျူးကျော် ပြဿနာတွင် အုပ်ချုပ်ရေးမှူးများက အဆိုပါ မြေနေရာများကို ရောင်းစားခဲ့ရာမှ ဖြစ်ပွားခဲ့ရခြင်း ဖြစ်သည်ဟု ကိုမြအေးက ဆိုသည်။

၂၀၀၈ ခုနှစ် ပြည်ထောင်စု မြန်မာနိုင်ငံတော် ဖွဲ့စည်းပုံ အခြေခံဥပဒေတွင် ရပ်ကွက်သို့မဟုတ်ကျေးရွာအုပ်စု၏ အုပ်ချုပ်ရေးကို ရပ်ကွက်က ကြည်ညိုလေးစားပြီး သိက္ခာသမာဓိရှိသည့် ပုဂ္ဂိုလ်တဦးဦးကို ဥပဒေနှင့်အညီ တာဝန်ပေး ဆောင်ရွက်ရမည်ဟု သတ် မှတ်ပြဌာန်း ထားသည်။

ပြည်ထဲရေးဝန်ကြီးဌာနမှ ရပ်ကွက်သို့မဟုတ် ကျေးရွာအုပ်ချုပ်ရေးမှူး များကို လစဉ်ချီးမြှင့် ထောက်ပံ့ငွေ တဦးလျှင် ကျပ် ၇၀၀၀၀ နှင့် အုပ်ချုပ်ရေးရုံး တရုံးလျှင် လစဉ်အသုံးစရိတ် ကျပ် ၅၀၀၀၀၊ ရပ်ကွက်သို့မဟုတ် ကျေးရွာအုပ်စု ၁၆၆၇၉ စု အတွက် လစဉ် ထောက်ပံ့ကြေးငွေနှင့် ရုံးအသုံးအဆောင် စရိတ်ငွေ တနှစ်လျှင် ကျပ်သန်းပေါင်း ၂၄၀၁၇. ၇၆ သန်း ကုန်ကျ သုံးစွဲနိုင်ရန် အစီ အစဉ် ရေးဆွဲနေပြီး ရပ်ကွက် သို့မဟုတ် ကျေးရွာအုပ်စုများ၏ အုပ်ချုပ်ရေး နည်းဥပဒေကို လုပ်ထုံး လုပ်နည်းများနှင့်အညီ ပြဌာန်းနိုင်ရန် စီစဉ်လျက်ရှိကြောင်း သိရသည်။

Ref: ဧရာဝတီ

Read More...

စစ်တပ်ဖမ်းထားသည့် ပလောင် ကျေးရွာလူကြီးများ ပြန်လွတ်

ကျော်ခ
October 19, 2012

ရှမ်းပြည်နယ်မြောက်ပိုင်း နမ့်ဆန်မြို့နယ် အခြေစိုက် အစိုးရစစ်တပ်က ဖမ်းဆီးထားသော ဒေသခံ ပလောင် တိုင်းရင်းသား ကျေးရွာ အုပ်ချုပ်ရေးမှူးများ ပြန်လည် လွတ်မြောက်လာပြီဖြစ်ကြောင်း ဒေသခံများက ပြောသည်။

နမ့်ဆန်မြို့နယ် ပလောင်ကျေးရွာများ၌ ဒေသတွင်းလှုပ်ရှားနေသော ပလောင်(တအာင်း) အမျိုးသား လွတ်မြောက်ရေး တပ်မ တော်(TNLA) တပ်ဖွဲ့များ ဝင်ထွက်ခြင်းကို အစိုးရတပ်ထံ အကြောင်းမကြားသဖြင့်ဟုဆိုကာ ယခုလ ၁၆-၁၇ ရက်နေ့ များက ဒေသခံ ကျေးရွာ အုပ်ချုပ်ရေးမှူး ၁၀ ဦးကို နမ့်ဆန်မြို့နယ်တွင် လှုပ်ရှားနေသည့် အစိုးရ တပ်ရင်းများက ဖမ်းဆီးခေါ်ယူ စစ် ဆေးမှု ပြုလုပ်ခဲ့ ရာမှလွတ်မြောက်လာကြခြင်း ဖြစ်သည်။

ပလောင် အမျိုးသား လွတ်မြောက်ရေး တပ်မတော်(TNLA) သည် ပလောင်ပြည် လွတ်မြောက်ရေး တပ်ဦး(PSLF) ၏ လက်အောက် ခံ တပ်မတော်ဖြစ်သည်။

“အခုတော့ တော်တော်များများ လွတ်လာကြပြီ၊ အဓိကကတော့ တိုင်းရင်းသားတပ်တွေ ရွာထဲဝင်တာကို သူတို့ကို သတင်းမပို့လို့ ဆိုပြီး ဘယ်လိုဆက်နွယ်နေလဲ၊ ဘာကြောင့်လဲဆိုပြီး နှိပ်စက်မေးမြန်းတာတွေ လုပ်တာပေါ့၊ နောက်ဆိုသူတို့ကို သတင်းပေးဖို့ပေါ့” ဟု ဖမ်းဆီးခံရသည့် ကျေးရွာများတွင် ပါဝင်သော ကျေးရွာ ဒေသခံတဦးက ဧရာဝတီသို့ ပြောသည်။

ဖမ်းဆီးခံရသူများမှာ နမ့်ဆန်မြို့နယ်တွင်းမှ နမ့်လင်း၊ အထက်ပန်းတောင်း၊ အောက်ပန်းတောင်း၊ အထက်မန်ဝယ်၊ အောက်မန်ဝယ်၊ အထက်မန်ငိုင်၊ အောက်မန်ငိုင်၊ မန်းလန်းရွာမန်ပိန်း၊ ခေးခင်နှင့် အုမ်လောတ် စသည့်ကျေးရွာများမှ ပလောင်လူမျိုး ကျေးရွာအုပ် ချုပ် ရေးမှူးများ ဖြစ်ကြသည်။

၎င်းတို့မှာ ယခုလ ၁၇ ရက်နေ့က အောက်မန်ငိုင်ရွာတွင် ကျေးရွာအုပ်ချုပ်ရေးမှူးများ၊ အတွင်းရေးမှူးများကို အစည်းအဝေးဆင့်ခေါ် ခဲ့ပြီးနောက် အဆိုပါရွာများမှ ကျေးရွာအုပ်ချုပ်ရေးမှူးများအား TNLA တပ်ဖွဲ့ဝင်များ ကျေးရွာအတွင်း ဝင်ရောက်ခြင်းကို အစိုးရတပ် ကို အကြောင်းမကြားသည့်အတွက် ဖမ်းဆီးခေါ်ယူစစ်ဆေးခံရခြင်းဖြစ်သည်ဟု ဒေသခံများက ပြောသည်။

နမ့်ဆန်မြို့နယ်တွင် လာရောက်လှုပ်ရှားနေပြီး ကျေးရွာအုပ်ချုပ်ရေးမှူးများကို ဖမ်းဆီး စစ်ဆေးခဲ့သည့် နမ္မတူ အခြေစိုက် ခြေမြန် တပ်ရင်း(ခမရ) ၃၂၄ တပ်ရင်းနှင့် ကျောက်မဲ အခြေစိုက် ခမရ ၅၀၁ တို့သည် ဗိုလ်မှူးကြီး အောင်ဇော်ဦး ကိုင်တွယ်လျက် ရှိသော ရှမ်းပြည်နယ် မြောက်ပိုင်း ကျောက်မဲမြို့နယ် အခြေစိုက် စစ်ဆင်ရေး ကွပ်ကဲမှု ဌာနချုပ်(စကခ) ၁ ၏ လက်အောက်ခံ တပ်ရင်းများ ဖြစ် ကြောင်း သိရသည်။

ထိုတပ်ရင်းများသည် ၁၆ ရက်နေ့ကလည်း အထက်မန်ငိုင်၊ အောက်မန်ငိုင်နှင့် မန်လန်းကျေးရွာက အုပ်ချုပ်ရေးမှူး ၃ ဦးကိုလည်း PSLF နှင့် ဆက်နွယ်မှုရှိနေသည်ဟုဆိုသည့် သံသယဖြင့် ဖမ်းဆီးခေါ်ယူ စစ်ဆေးမှုများ ပြုလုပ်ခဲ့ပြီး ပြန်လွှတ်ပေးခဲ့ကြောင်း သိရ သည်။

“ဖမ်းသွားကတည်းက ပုံစံအမျိုးမျိုးနဲ့ ရိုက်နှက်တယ်ဗျာ၊ လက်သီးနဲ့လည်း ထိုးတယ်၊ နားရင်းလည်း အုပ်တယ်၊ တုတ်နဲ့လည်းရိုက် တယ်၊ အမျိုးမျိုးဆဲဆိုတယ်၊ နောက် ရွာထဲကို အခြားတပ်တွေဝင်လာလို့ ချက်ချင်းအကြောင်းမကြားရင် ဒိထက်ဆိုးမယ်တဲ့”ဟု ကျေးရွာ ဒေသခံ တဦးက ပြောသည်။

အဆိုပါဒေသတွင် TNLA အပါအဝင် ကချင်ပြည်လွတ်လပ်ရေး တပ်မတော်(KIA)၊ ရှမ်းပြည် တပ်မတော် မြောက်ပိုင်း(SSA-N) တပ် ဖွဲ့များ လှုပ်ရှားလျက်ရှိပြီး အစိုးရ စစ်တပ်နှင့်လည်း မကြာခဏ တိုက်ပွဲ ဖြစ်ပွားကြောင်း PSLF ၏ အထွေထွေ အတွင်း ရေးမှူး မိုင်းဘုန်းကျော် က ဧရာဝတီသို့ ပြောသည်။

အုပ်ချုပ်ရေးမှူးများ ဖမ်းဆီးခံခဲ့ရသည့် ပလောင်ကျေးရွာများတွင် ဘိန်းဖြူနှင့် အခြားစိတ်ကြွ ဆေးပြားများကို လူငယ် ၅၀ ရာခိုင် နှုန်း ခန့် သုံးစွဲနေကြကြောင်း၊ ထို့ကြောင့် မူးယစ်ဆေးဝါး မသုံးစွဲရေးအတွက် TNLA က ဝင်ရောက်ဟောပြောရင်း ပလောင် လူမျိုးများ၏ အခွင့် အရေးနှင့် နိုင်ငံရေးစည်းရုံးမှုများ ပြုလုပ်ခဲ့ကြောင်း သိရသည်။

“အခုတော့ အားလုံးလွတ်လာကုန်ပြီလို့ ကျနော်တို့ သတင်းရပါတယ်၊ ကျနော်တို့ ဒီရွာတွေဝင်တဲ့ အကြောင်းအရင်းက ကျနော်တို့ ပလောင် လူငယ်တွေ ထက်ဝက်နှုန်းက မူးယစ်ဆေးသုံးစွဲနေကြတယ်၊ ရောင်းတဲ့လူတွေက ရဲနဲ့ အစိုးရ အာဏာပိုင်တွေနဲ့ ဆက် စပ် နေတယ်၊ ဒီကိစ္စတွေ ပညာပေးရင်းနဲ့ နိုင်ငံရေးအရ စည်းရုံးရေးဆင်းတာ”ဟု မိုင်းဘုန်းကျော် က ပြောသည်။

၎င်းတို့ဒေသအတွင်း ယခုကဲ့သို့ ကျေးရွာအုပ်ချုပ်ရေးမှူးများကို ဖမ်းဆီးနှိပ်စက်ခြင်းနှင့် အခြားလူ့အခွင့်အရေး ချိုးဖောက်မှုများကို PSLF အနေဖြင့် မှတ်တမ်းပြုစုကာ သက်ဆိုင်ရာ သံတမန်များနှင့် နိုင်ငံတကာ အဖွဲ့အစည်းများသို့ ပေးပို့သွားရန် ရှိကြောင်း သိရ သည်။

“ဒါက ကျနော်တို့ လက်နက်ကိုင်တပ်ဖွဲ့တွေကို မချေမှုန်းနိုင်တဲ့ အချိန်မှာ အပစ်မဲ့တဲ့ ပြည်သူလူထုကို ဒီလိုလုပ်တဲ့ အတွက် ဒါက အစိုးရရဲ့ တပ်မတော် အဆင့်အတန်းက တော်တော်လေး နိမ့်ကျတယ်လို့ ပြောလို့ရတာပေါ့၊ ဒါမျိုးတွေ မဖြစ်သင့်ဘူး၊ ဒီလိုသာ ဆက် လုပ်နေဦးမယ်ဆိုရင်တော့ အစိုးရတပ်ဖွဲ့နဲ့ ကျနော်တို့ အကြားမှာ တိုက်ပွဲတွေ ပိုဖြစ်လာနိုင်တယ်၊ လူမျိုးရေး အရ စိတ်နာ ကြည်းမှုတွေ ဖြစ်လာနိုင်တာပေါ့”ဟု မိုင်းဘုန်းကျော်က ပြောသည်။

အဆိုပါဒေသတွင် အစိုးရတပ်နှင့် TNLA ၊ KIA ၊ SSA-N တပ်ဖွဲ့တို့ တိုက်ပွဲများ ဆက်ဖြစ်နိုင်ဖွယ်ရှိကြောင်း၊ စကခ (၁) မှ ဗိုလ်မှူးကြီး အောင်ဇော်ဦး သည် ရှမ်းပြည်နယ် မြောက်ပိုင်းအတွင်း တိုက်ပွဲများဖြစ်ပွားနေသည့် ကာလတွင် နမ့်ဆန်မြို့သို့လာ ရောက်၍ တိုက်ပွဲများကို အနီးကပ် ကွပ်ကဲမှုများ ပြုလုပ်ကြောင်းလည်း မိုင်းဘုန်းကျော်က ပြောဆိုသည်။

Ref: ဧရာဝတီ

Read More...

၂၀၁၁ ရန်ကုန်အကယ်ဒမီနဲ့ မတ္တရာလွင်ပြင်

မစပ်စု
October 18, 2012

မျှော်တလင့်လင့် ၂၀၁၁ ရန်ကုန် အကယ်ဒမီ

မစပ်စုတို့ရဲ့ မြန်မာ့ရုပ်ရှင် အကယ်ဒမီပေးပွဲကြီးကတော့ ရန်ကုန်မှာ ကျင်းပနေရာကနေ နေပြည်တော်မှာကျင်းပ၊ အခုတခါတော့ နေပြည်တော်မှာ ကျင်းပရာကနေ တပတ်ပြန်လည်ပြီး ရန်ကုန်မှာ ကျင်းပတော့မှာ ဖြစ်ပါတယ်။

လာမယ့် ဒီဇင်ဘာ ၃၀ ရက်နေ့မှာ ၂၀၁၁ ခုနှစ်အတွက် အကယ်ဒမီပေးပွဲကြီးကို ရန်ကုန် သုဝဏ္ဏမိုးလုံ လေလုံ အားကစား ရုံကြီးမှာ ပြန်လည်ကျင်းပတော့မယ်လို့ နိုင်ငံပိုင်သတင်းမီဒီယာတွေမှာ ကြေညာလိုက်ပါပြီ။

အခုလို ရန်ကုန်မြို့ကို ပြန်လည်ပြောင်းရွှေ့လိုက်တော့ ရုပ်ရှင်လောကသားတွေ အနေနဲ့ သွားရေးလာရေးလည်း အဆင်ပြေ၊ လူစံ တက်စုံ မိသားစု စုံစုံလင်လင်နဲ့ အလှမပျက် အကယ်ဒမီပွဲကို ပြန်တက်နိုင်ကြပြီပေါ့။

ဒီလို အကယ်ဒမီပေးပွဲကို အနုပညာရှင်တွေ တနှစ်တနှစ် နေပြည်တော်မှာသွား တက်နေရတဲ့အတွက် တချို့ဆို ယာဉ်မတော် တဆမှုတွေတောင် ဖြစ်လို့ ဒုက္ခများကြရတယ်ဆိုပြီး ရုပ်ရှင်အစည်းအရုံး ဒုက္ကဋ္ဌ အကယ်ဒမီ လူမင်းက ဆိုပါတယ်။

“နေပြည်တော်ကိုကျတော့ အနုပညာသမားတွေ လူစုံ မတက်နိုင်ဘူးပေ့ါ။ တချို့ ရုပ်ရှင်ကို တကယ်ချစ်တဲ့ သက်ကြီး ၀ါကြီး အနုပညာရှင်ကြီးတွေ၊ မဖြစ်မနေ တက်သင့်တဲ့ လူကြီးတွေ မပါဝင်တော့ဘူးပေ့ါ။ သွားတဲ့သူတွေလည်း အခက်
အခဲ ဖြစ်ကြတယ်။ မနှစ်ကဆို ကားအက်ဆီဒင့်တွေ ဖြစ်ကြတယ်” လို့ သူက ဆိုပါတယ်။

တိုက်တိုက်ဆိုင်ဆိုင်ပဲ မနှစ်က အကယ်ဒမီပေးပွဲအပြန် ရုပ်ရှင်အဖွဲ့သားတွေနဲ့ နေပြည်တော်အထွက် ၁၁၅ မိုင်က စားသောက်ဆိုင် တွေမှာ မစပ်စုတို့နဲ့ ကြုံလိုက်သေးတယ်။ မစပ်စုကတော့ ပွဲသွားမော့မော့၊ ပွဲပြန်ကျော့ကျော့ ဆိုတဲ့စကားကိုပဲ သတိရမိတယ်။ ညဘက် အကယ်ဒမီပေးပွဲမှာ လှပ ကျော့မော့နေကြမယ့် ရုပ်ရှင်အဖွဲ့သားတွေဟာ မနက် ရန်ကုန်အပြန် လမ်းခုလပ် စားသောက် ဆိုင်မှာ ဖြစ်သလို ဝင်ရောက် ဝမ်းဖြည့်နေတာ တွေ့ရလို့ပါ။

ရုပ်ရှင်လောကသား တွေဟာ အကယ်ဒမီပေးပွဲကြီးကို ရန်ကုန်ကနေ နေပြည်တော်အထိ သွားရောက်ရတဲ့အတွက် ကားရိုက် တွေနား၊ အချိန်လည်း တော်တော် ပေးရတယ်လို့ သိရပါတယ်။

ဒီတကြိမ် အကယ်ဒမီပေးပွဲကို ဒီဇင်ဘာမှာ စောပြီး ကျင်းပလိုက်ခြင်းဟာ ထူးခြားတယ်လို့ ပြောရမှာပါ။ ပြီးခဲ့တဲ့ နှစ်တွေဆို အကယ်ဒမီပေးပွဲ ရက်ကို ရက်နောက်ကျပြီး သတ်မှတ်တဲ့အတွက် ဆုပေးရမယ့် ဇာတ်ကားခုနှစ်ဟာ တနှစ်ခြားမှ တခါ ဆိုသလို ဖြစ်နေတာပါ။ ဥပမာ – ၂၀၁၀ ပြည့်နှစ်အတွက် အကယ်ဒမီပေးပွဲကို ၂၀၁၂ ဖေဖော်ဝါရီမှ ကျင်းပတာမျိုးဆိုတော့ တမေ့ တ မောပေ့ါ။ အခု ဒီနှစ် ၂၀၁၂ ဖေဖော်ဝါရီမှာ အကယ်ဒမီ တပွဲ ကျင်းပပေးပြီးပြီပါပြီ။ ဒီဇင်ဘာမှာ တခါထပ် ကျင်းပဦးမယ် ဆို တော့ ဒီတနှစ်ထဲမှာ နှစ်ခါ ကျင်းပလိုက်သလို ဖြစ်နေပါတယ်။ တနှစ်ခြားနေတဲ့ အစဉ်အလာကို ပယ်ဖျက်တော့မယ့် သဘောလို့ မြင်မိပါတယ်။

ဟောလီးဝုဒ် အပါအဝင် အနောက်နိုင်ငံတွေရဲ့ အကယ်ဒမီ ဆုပေးပွဲကြီးတွေကတော့ တနှစ်တခါ ပုံမှန် ပေးသွားတာပါ။ အခု ဒီနှစ်ကနေစပြီး မစပ်စုတို့ မြန်မာပြည်လည်း အဲ့ဒီနည်းအတိုင်း အမီလိုက်တော့မယ် ထင်ပါရဲ့။

၂၀၁၁ ခုနှစ်နဲ့ ၂၀၁၂ ခုနှစ်တွေ အတွက်ကိုတော့ ပြန်ကြားရေးဝန်ကြီးဌာနက ဦးစီး ပေးအပ်သွားမှာဖြစ်ပြီး ၂၀၁၃ ခုနှစ်က
စလို့ အကယ်ဒမီပေးပွဲတွေကို ရုပ်ရှင်အစည်းအရုံးက ကြီးမှူး ကျင်းပပေး သွားတော့မယ်လို့ ဥက္ကဋ္ဌ ဦးဇင်ဝိုင်းက ဧရာဝတီကို
ပြောပါတယ်။

၁၉၅၂ ခုနှစ်က စတင်ပေးအပ်ခဲ့တဲ့ ဒီအကယ်ဒမီပေးပွဲကြီးဟာ ရန်ကုန်မြို့ကြီးမှာ စည်းကား သိုက်မြိုက်စွာ ကျင်းပနေ တာကျ ဖြစ်ပြီး ၂၀၀၇ ခုနှစ်မှာ ရုတ်တရက် နေပြည်တော်ကို ပြောင်းရွှေ့သွားတာပါ။ ဒါကလည်း စစ်အစိုးရလက်ထက် အစိုးရ မင်းများ နေပြည်တော်ဆိုတဲ့ မြို့သစ်ကြီးကိုတည်ပြီး ပြောင်းရွှေ့ ရုံးစိုက်ကြလေတော့ လူတွေကော တိရစ္ဆာန်တွေပါ ပြောင်းရွှေ့ ကုန်ကြရ တာပါ။ အဲဒီတော့ ပြောင်းရွှေ့ရတာတွေထဲ နိုင်ငံတော် အစိုးရက ကြီးမှူးကျင်းပလေ့ရှိတဲ့ အကယ်ဒမီပွဲနဲ့ ဆို၊ က၊ ရေး၊ တီး ပြိုင်ပွဲ ဆိုတာတွေပါ ပါကုန်တော့တာပေါ့။

အခုလာမယ့် အကယ်ဒမီပေးပွဲမှာ ပေးအပ်မယ့် ၂၀၁၁ ခုနှစ် အကယ်ဒမီ စာရင်းဝင် ဇာတ်ကား ၁၅ ကားထဲက အများစုကတော့ ဟာသ ကားတွေလို့သိရပါတယ်။ ဆန်ခါတင် ၁၅ ကားထဲမှာ ဟော့ရှော့ ၃၊ အလန်းဇယား၊ ငါ့နှမလေးပွသွားပြီ၊ လာထားအာဘွား၊ အိုင်လပ်ဗ်ယူ၊ ဖလန်းဖလန်းဖြစ်တဲ့ အချစ်၊ အားလုံးက ဟော့မှ ကြိုက်တယ်၊ ချောကလက်ဘေဘီ၊ ချိန်း၊ ၀ဋ်ကြွေး၊ ထာဝရ အလင်း တန်းများ၊ ချစ်ပန်းဝေ၊ အမွှေဇယား၊ ရင်ကွဲနာ၊ ပန်းကြာဝတ်မှုန် စတဲ့ ဇာတ်ကားတွေပါဝင်ပါတယ်။

ရန်ကုန်ကနေ ခဏတာ ပျောက်သွားတဲ့ မြန်မာ့ရုပ်ရှင် အကယ်ဒမီပေးပွဲကြီး အရင်နှစ်တွေကထက် ပိုမိုစည်ကား သိုက်မြိုက် စွာ ကျင်းပနိုင်တော့မယ်လို့ မျှော်လင့်မိရင်း။

မတ္တရာ လွင်ပြင်ရဲ့ ကယ်ရီကေးချားအလှူ

လက်ရှိ မြန်မာနိုင်ငံရဲ့ အနုပညာရှင်တွေအပါအဝင် သာမန် ပြည်သူပြည်သား အတော်များများဟာ ကိုယ်တတ်စွမ်းတဲ့ အနု ပညာနဲ့ သော်လည်းကောင်း၊ ငွေကြေးအင်အားနဲ့ သော်လည်းကောင်း လူမှုရေးပရဟိတ လုပ်ငန်းတွေမှာ တတ်နိုင်သလောက် ပါဝင် လုပ်ကိုင်လာကြတာ အစဉ်အလာတခုလိုတောင် ဖြစ်နေပါပြီ။

မြန်မာနိုင်ငံမှာ လူမှုရေး ပရဟိတ အသင်းအဖွဲ့တွေ များသထက် များလာသလို၊ ဂီတ တတ်ကျွမ်းတဲ့ သူကလည်း ဂီတအစွမ်းနဲ့၊ ပန်းချီ ပညာရှင်တွေ ကလည်း ပန်းချီ ပညာနဲ့ စသည်ဖြင့် လိုအပ်တဲ့ နေရာတွေကို လှူဒါန်းနိုင်ဖို့ လူမှုရေး လုပ်ငန်းတွေကို လုပ်ဆောင်လာတာ တွေ့ရပါတယ်။

အခုလည်း မတ္တရာ မြို့သူ မြို့သားတွေ စုပေါင်းပြီး မြန်မာ ကာတွန်းဆရာတွေဆီက ကာတွန်းပုံလေးတွေ အလှူခံပြီး တီရှပ်တွေ၊ လွယ်အိတ်တွေ ပြုလုပ်လို့ မြန်မာနိုင်ငံအနှံ့က ဘုရားပွဲတွေမှာ လိုက်လံရောင်းချ တာတွေ၊ ကာတွန်းဆရာတွေ ကိုယ်တိုင် အဲဒီ ဘုရားပွဲတွေမှာ ပုံတူ ရုပ်ပြောင် (ကယ်ရီကေချား) များ ဆွဲပြီး အလှူငွေ ကောက်ခံတာတွေ လုပ်ပြီး ရလာတဲ့ အကျိုးအမြတ်ကို ကျေးလက် တောရွာတွေ၊ နယ်မြို့တွေမှာ ရှိတဲ့ ဘုန်းကြီးကျောင်း ပညာရေး ကိစ္စအတွက် လှူဒါန်းမှုတွေ ပြုလုပ်မယ်လို့ သိရပါတယ်။

ဒီအဖွဲ့ကို “မတ္တရာလွင်ပြင်” လို့ အမည်ပေးထားတာပါ။

“ကျနော်တို့မှာ ရှိတဲ့ ဘုန်တော်ကြီးသင် ပညာရေးတွေမှာ မပြည်စုံတာတွေ ရှိတယ်။ အဲဒီအတွက် လှူဖို့ ရည်ရွယ်တာပါ။ ဂီတသမားတွေက သူတို့တတ်တဲ့ ဂီတနဲ့ အလှူခံပြီးတော့ ပြန်လှူဒါန်းတယ်။ ကျနော်က ကာတွန်းဆရာဆိုတော့ ကာတွန်းဆရာတွေ ဆီက အရုပ်လေးတွေ အလှူခံပြီး တီရှပ်ပေါ်မှာ တံဆိပ်ရိုက် ရောင်းမယ်။ နောက် ကာတွန်းဆရာတွေနဲ့ ဘုရားပွဲတွေမှာ ကာတွန်းလေးတွေ လိုက်ဆွဲပြီးတော့ ရလာတဲ့ အလှူငွေနဲ့ ပြန်လှူဒါန်းဖို့ ရည်ရွယ်ထားပါတယ်” လို့ မတ္တရာလွင်ပြင် အဖွဲ့ဝင် တဦးဖြစ်သူ ကာတွန်း တော်တီဆွေက ဧရာဝတီကို ပြောပါတယ်။

ဒီအဖွဲ့ဟာ တနှစ်ပတ်လုံး ရှိသလောက် ဘုရားပွဲတွေမှာ လိုက်လံ အလှူခံသွားဖို့ ရည်ရွယ်ထားပြီး ပညာမတတ်တဲ့ ကလေးသူ ငယ်တွေ ပညာတတ် ဖြစ်လာဖို့အတွက်လည်း ဦးတည် ရည်ရွယ်သွားမယ်လို့ သူက ဆက်ပြောပါတယ်။

နိုင်ငံတကာနဲ့ ယှဉ်ရင် အစစအရာရာ နောက်ကျ ကျန်ရစ်နေခဲ့တဲ့ မြန်မာနိုင်ငံ ပညာရေး အခြေအနေကို အားလုံး မြင်နေသိနေ ပြီးသားပါ။ ဆင်းရဲနွမ်းပါးတဲ့အတွက် ပညာရေးကို ဦးစားမပေးနိုင်သူတွေ၊ ပညာဆိုတာကို သင်ကြားရမယ် ဆိုတာတောင်မသိ တဲ့ အတွေးအခေါ် နိမ့်ပါးမှုတွေ၊ ပညာသင်ချင်ရက်နဲ့ အကြောင်းအမျိုးမျိုးကြောင့် မသင်နိုင်သူတွေလည်း အများအပြား ရှိနေပါတယ်။

အစိုးရကျောင်းတောင် မတတ်နိုင်တဲ့ ဆင်းရဲနွမ်းပါးသူများကတော့ အခမဲ့သင်ကြားခွင့် ရနိုင်တဲ့ ဘုန်းကြီးကျောင်း ပညာရေးကိုသာ အားကိုး နေကြရပါတယ်။ အားကိုးလာသူတွေ များပြားလာတာနဲ့ အမျှဘုန်းတော်ကြီး ပညာသင်ကျောင်းတွေမှာ စာရေးကိရိယာ ကအစ၊ သင်ကြားမယ့်ဆရာ၊ ဆရာမနဲ့ ငွေကြေးလိုအပ်ချက်တွေ များပြားလာတယ်လို့သိရပါတယ်။

ဒီလိုအပ်ချက်တွေကို တထောင့်တနေရာက ဖြည့်ဆည်းဖို့ မတ္တရာလွင်ပြင်က ဆောင်ရွက်တာဖြစ်တယ်လို့ ဆိုပါတယ်။

အနာဂတ်မှာ မြန်မာနိုင်ငံရဲ့ ပညာရေး အလင်းရောင် ပိုမို ထွန်းတောက်နိုင်ပါစေလို့ မစပ်စု ဆန္ဒပြုလိုက်ပါတယ်။

Ref: ဧရာဝတီ

Read More...

နေပြည်တော်စကားဝိုင်း အပြုသဘောဆောင်ဟု အမေရိကန် ပြော

October 18, 2012

ပြီးဆုံးခဲ့ပြီဖြစ်တဲ့ ပထမဆုံးအကြိမ် အမေရိကန်ပြည်ထောင်စုနဲ့ မြန်မာနိုင်ငံ လူ့အခွင့်အရေး စကားဝိုင်းဟာ“သိပ်ကိုအပြုသဘော ဆောင်တယ်” လို့ အမေရိကန်အစိုးရ နိုင်ငံခြားရေးဝန်ကြီးဌာနက ပြောကြားလိုက်ပါတယ်။

“အခုဆိုရင် လူ့အခွင့်အရေးကိစ္စတွေကို ဆွေးနွေးဖို့နဲ့ မြန်မာအစိုးရနဲ့ အမေရိကန်ပြည်ထောင်စုအကြား လမ်းကြောင်း ပွင့်သွားပြီလို့ ကျမတို့ယုံကြည်ပါတယ်။ ပြီးတော့ ကျမတို့အနေနဲ့ လူ့အခွင့်အရေးစံချိန်စံညွှန်းတွေအရ မြန်မာအစိုးရက ဖြစ်ချင်တာတွေ ဖြစ်လာ အောင် ဆက်လက်ဆောင်ရွက်ပေးနိုင်ဖို့ လမ်းပွင့်သွားပြီလို့လည်း ယုံကြည်ပါတယ်”လို့ အမေရိကန် နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ဗစ်တိုးရီးယား နူလန် (Victoria Nuland)က နေ့စဉ် သတင်းစာရှင်းလင်းပွဲမှာ သတင်းထောက်တွေကို ပြောပါတယ်။

နေပြည်တော်မှာ ဒီရက်များအတွင်း ကျင်းပခဲ့တဲ့ ပထမဆုံးအကြိမ် အမေရိကန်ပြည်ထောင်စုနဲ့ မြန်မာနိုင်ငံ လူ့အခွင့်အရေး စကား ဝိုင်းကို ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ လက်ထောက်နိုင်ငံခြားရေးဝန်ကြီး မိုက်ကယ် ပေါ့စနာ (Michael Posner) ဦးဆောင်တဲ့ အမေရိကန်ကိုယ်စားလှယ်အဖွဲ့ တက်ရောက်ခဲ့တာပါ။ အဖွဲ့ဝင် ၂၂ ပါတဲ့ ဒီကိုယ်စားလှယ်အဖွဲ့ထဲမှာ အိမ်ဖြူတော် အမျိုးသား လုံခြုံရေးအဖွဲ့ (White House National Security Staff)၊ ဒု သမ္မတရုံး၊ နိုင်ငံတော် လုံခြုံရေး ဝန်ကြီးဌာန (Department of Homeland Security)၊ အမေရိကန် နိုင်ငံ တကာဖွံ့ဖြိုးရေး အေဂျင်စီ (US Agency for International Development) နဲ့ ကာကွယ်ရေး ဝန်ကြီးဌာနက အကြီး တန်း ကိုယ်စားလှယ် တွေ ပါဝင်ကြပါတယ်။

မြန်မာဘက်က ဒု နိုင်ငံခြားရေးဝန်ကြီး ဦးဇင်ယော်၊ နိုင်ငံခြားရေးဝန်ကြီးဌာနမှ ဥပဒေနဲ့ ကောင်စစ်ရေးရာ ဦးစီးဌာန ညွှန်ကြားရေး မှူးချုပ် ဦးသာအောင်ညွန့် ဦးဆောင်တဲ့ အစိုးရအဖွဲ့ တာဝန်ရှိသူတွေ၊ ကာကွယ်ရေး ဒုဝန်ကြီး ဗိုလ်မှူးချုပ် အောင်သော်၊ သမ္မတရုံး ဝန်ကြီးတွေဖြစ်တဲ့ ဦးစိုးသိန်းနဲ့ ဦးအောင်မင်း၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန ဝန်ကြီး ဦးခင်ရီ၊ ရှေ့နေချုပ်ရုံး၊ သမ္မတ အကြံပေးတွေနဲ့ ဒေါ်အောင်ဆန်းစုကြည်တို့ ပါဝင်တက်ရောက် ဆွေးနွေးကြပါတယ်။

စကားဝိုင်းမှာ လူ့အခွင့်အရေးနဲ့ သက်ဆိုင်တဲ့ကိစ္စရပ်တွေ အများအပြားကို ဆွေးနွေးကြရာမှာ တရားဥပဒေစိုးမိုးရေး၊ ပဋိပက္ခဖြစ် ပွားရာ ဒေသတွေက အရပ်သားတွေကို အကာအကွယ်ပေးရေး၊ စီးပွားရေးလုပ်ငန်း၊ အလုပ်သမားရေးရာနဲ့ စီးပွားရေးဖွံ့ဖြိုးမှု၊ လွတ်လပ်စွာ ထုတ်ဖော်ခွင့်၊ ဘာသာရေး လွတ်လပ်ခွင့်၊ မှုခင်းဆိုင်ရာ တရားမျှတမှု (Criminal Justice) နဲ့ နိုင်ငံရေး အကျဉ်းသားတွေကိစ္စ၊ လူ့အခွင့်အရေးနဲ့ စစ်တပ် စတာ တွေ ပါဝင်ပါတယ်။

“လူ့အခွင့်အရေးကိစ္စတွေနဲ့ပတ်သက်ပြီး နိုင်ငံတကာက စိုးရိမ်မှုရှိနေတာတွေအပေါ် မြန်မာနိုင်ငံနဲ့ တိုက်ရိုက်ညှိနှိုင်း ဆောင်ရွက်ဖို့ အမေရိကန်အစိုးရတခုလုံးက ချဉ်းကပ်ဆောင်ရွက်နေတယ်ဆိုတာကို ဒီစကားဝိုင်းက ပေါ်လွင်စေပါ တယ်။ စကားဝိုင်းရဲ့ ရလာဒ် တွေကို သိပ်အပြုသဘောဆောင်တယ်လို့ ကျမတို့ အကဲဖြတ်မိပါတယ်၊ ဒါကြောင့် အခုလို ဆွေးနွေးမှုတွေကို မြန်မာအာဏာပိုင် တွေနဲ့ ဆက်လက်ပြုလုပ်သွားနိုင်လိမ့်မယ်လို့ ကျမတို့ မျှော်လင့်ပါတယ်” လို့ ဗစ်တိုးရီးယား နူလန်က ဆိုပါတယ်။

“အားလုံးသိကြတဲ့အတိုင်း ကျမတို့ကိုယ်စားလှယ်အဖွဲ့မှာ လူ့အခွင့်အရေးကိစ္စနဲ့ပတ်သက်ပြီး ကျမတို့အစိုးရက ကိုင် တွယ်ဆောင် ရွက် တယ်ဆိုတာကို ကဏ္ဍအသီးသီးကနေ တင်ပြနိုင်တဲ့ ကျွမ်းကျင်သူတွေ ပါဝင်ကြတာပါ။ အဲ့ဒီကိစ္စတွေ အားလုံးကို ဆွေးနွေး နိုင်ဖို့ မြန်မာအစိုးရကိုယ်စားလှယ်တွေ လမ်းဖွင့်ပေးမပေးဆိုတာကို ကျမတို့မသေချာခဲ့ပါဘူး၊ ဒါပေမယ့် တကယ်တမ်းတွေ့ကြတဲ့ အခါမှာတော့ ဆွေးနွေးနိုင်ဖို့ သူတို့လမ်းဖွင့်ပေးခဲ့ပါတယ်” လို့ ဗစ်တိုးရီးယား နူလန်က ဆိုပါတယ်။

“မြန်မာပြည်သူတွေရဲ့ သီးခံနိုင်မှုကို ကျမ မခန့်မှန်းတော့ပါဘူး၊ ဒါပေမယ့် မြန်မာပြည်မှာ နိုင်ငံရေးအကျဉ်းသား အရေ အတွက် သုညဖြစ်ဖို့လိုတယ်ဆိုတာကို ကျမတို့ ပြောခဲ့ပါတယ်၊ အဲ့ဒီလိုဖြစ်အောင်လည်း မြန်မာအစိုးရနဲ့ ကျမတို့ ဆက်လက် လက်တွဲဆောင် ရွက် သွားမှာပါ” လို့ သူက ပြောပါသေးတယ်။

မြန်မာအစိုးရ ပြန်ကြားရေးဝန်ကြီးဌာနက ထုတ်ဝေတဲ့ သတင်းစာတွေကလည်း ဒီအစည်းအဝေးအကြောင်း သတင်းရေးသား ထုတ်ပြန်ပါတယ်။

ဒီစကားဝိုင်းမှာ အမေရိကန် ကာကွယ်ရေး ဝန်ကြီးဌာနက အရှေ့အာရှ ဆိုင် ရာ လက်ထောက် ကာကွယ်ရေးဝန်ကြီး ဗစ်ကရမ် ဆင်း (Vikram Singh) နဲ့ အမေရိကန်စစ်တပ်က ပစိဖိတ်ဒေသ စစ်ဦးစီးမှူး ဒု ဗိုလ်ချုပ်ကြီး ဖရန်စစ် ဝီယာစင်စကီ (Francis Wiercinski) တို့လည်း ပါဝင်တာမို့ အမေရိကန်နဲ့ မြန်မာ ၂ နိုင်ငံအကြား ကာကွယ်ရေးဆိုင်ရာ ဆက်စပ် ဆောင်ရွက်မှုတွေ ပြန်လည် သက်ဝင်လာပြီလားလို့ မေးခွန်းထုတ်စရာ ဖြစ်ခဲ့ရပါတယ်။

ဒါပေမယ့် မြန်မာစစ်တပ်ရဲ့ လူ့အခွင့်အရေး ချိုးဖောက်မှုတွေနဲ့ပတ်သက်ပြီး အမေရိကန်ပြည်ထောင်စုက စိုးရိမ်မှု ရှိနေတာတွေအ ပေါ် ကိုင်တွယ်ဖြေရှင်းပြီးတဲ့အချိန်အထိ မြန်မာပြည်နဲ့ ကာကွယ်ရေးဆိုင်ရာ ဆက်စပ်ဆောင်ရွက်မှုတွေ လုံးဝ ပြန်လည် စတင်မှာ မဟုတ်ဘူးလို့ ပင်တဂွန်စစ်ဌာနချုပ်က ပြောထားပါတယ်။

အမေရိကန် လက်ထောက်နိုင်ငံခြားရေးဝန်ကြီး ဝီလျံ ဘန်းစ် (William Burns)က ဒီနေ့ နေပြည်တော်ကို ရောက်ရှိ လာမှာဖြစ်ပါတယ်။ သူက သမ္မတဦးသိန်းစိန်နဲ့ အစိုးရအဖွဲ့ဝင်တွေကို တွေ့မှာဖြစ်တဲ့အပြင် အတိုက်အခံခေါင်းဆောင် ဒေါ်အောင် ဆန်းစုကြည်နဲ့လည်း တွေ့ဖို့ အစီအစဉ်ရှိပါတယ်။

Ref: ဧရာဝတီ

Read More...

မပြီးနိုင်သော ရင်းနှီးမြှုပ်နှံမှု ဥပဒေ၏ တန်ဖိုး

ဝီလျံဘွတ်
October 18, 2012

အများမျှော်လင့်နေသော နိုင်ငံခြားရင်းနှီးမြှုပ်နှံမှုဥပဒေ မထွက်နိုင်သေးသော်လည်း နိုင်ငံခြား ကုမ္ပဏီ အမှုဆောင် အရာရှိများအား ရန်ကုန်တွင် ကျင်းပတော့မည့် ရင်းနှီးမြှုပ်နှံမှု “ထိပ်သီးဆွေးနွေးပွဲ”သို့တက်ရောက်ရန် ဖိတ်ကြား ထားသည်။

ထိပ်တန်းအစိုးရတာဝန်ရှိသူများက “ရင်းနှီးမြှုပ်နှံမှု အခွင့်အလမ်းနှင့် ပုဂ္ဂလိက ကဏ္ဍ ဖွံ့ဖြိုးတိုးတက်လာမှု” အကြောင်း အကျယ် တ၀င့် ပြောကြားကြမည့် တချိန်တည်းတွင် နိုင်ငံခြား တိုက်ရိုက် ရင်းနှီးမြှုပ်နှံမှု (FDI)ဥပဒေမူကြမ်း ကမူ နောက်ထပ် ပြင်ဆင် ဖြည့်စွက်မှုများ လုပ်ရန် လွှတ်တော်သို့ ပြန်တင်ထားဆဲ ဖြစ်သည်။

“နိုင်ငံခြား ရင်းနှီးမြှုပ်နှံမှုဥပဒေ ပြဌာန်းဖို့ နှောင့်နှေးနေပေမယ့် နိုင်ငံစုံ ကော်ပိုရေရှင်း အမှုဆောင် အရာရှိတွေ၊ ဒေသတွင်း စီးပွားရေးသမားတွေကတော့ မြန်မာနိုင်ငံထဲမှာ လာစုနေကြပါပြီ” ဟု အစည်းအဝေး ဖြစ်မြောက်ရေး စီစဉ်သူ စင်ကာပူအ ခြေစိုက် Centre for Management Technology က ပြောဆိုခဲ့သည်။

သို့သော် ၁၀ လ ကြာ အပြန်အလှန် အငြင်းပွားနေရသော နိုင်ငံခြား ရင်းနှီးမြှုပ်နှံမှု ဥပဒေအတွက် မြန်မာ့စီးပွားရေး မည်မျှ ထိခိုက်နေရသနည်း။

“FDI ဥပဒေ ကြန့်ကြာနေခြင်းက ရင်းနှီးမြှုပ်နှံသူ တချို့ကို အဟန့်အတား ဖြစ်စေနိုင်တယ်။ သို့သော် ရေရှည် စီးပွားရေး အမြင်ရှိသူတွေ၊ မြန်မာနိုင်ငံ အကျိုးဖြစ်ထွန်းမှု မြင်ချင်သူတွေအတွက်တော့ ဖြစ်ချင်မှ ဖြစ်မှာပါ”ဟု ဩစတြေးလျ စီးပွားရေး ပညာရှင် နှင့် မြန်မာ့အရေးကျွမ်းကျင်သူ ရှောင်တာနဲလ်က ဧရာဝတီသို့ ပြောကြားခဲ့သည်။ “အခုလို FDI ဥပဒေကို ရှည် ရှည်ဝေးဝေး အချိန်ယူ ဆွေးနွေးနေပြီးမှ ကျနော် စိုးရိမ်တာက ဥပဒေမရှိသေးတာထက် ခပ်ညံ့ညံ့ ဥပဒေတခု ထွက်လာမှာ ကိုပါ” ဟု သူက ဖြည့်စွက် ပြောကြားခဲ့သည်။

လွှတ်တော်အမတ်များကမူ သမ္မတတင်ပြထားသာ ပြင်ဆင်မှုများအား ရင်းနှီးမြှုပ်နှံမှုနှင့် ကုမ္ပဏီ စီမံအုပ်ချုပ်ရေးမှူး ညွှန်ကြား ရေးမှူးချုပ် ဦးအောင်နိုင်ဦးမှ “ ရင်းနှီးမြှုပ်နှံမှု အခွင့်အရေးနှင့် ပုဂ္ဂလိကကဏ္ဍဖွံ့ဖြိုးတိုးတက်မှု” အကြောင်း ဟောပြောပြီးမှ ဆွေးနွေးမည်ဖြစ်သည်။

အမျိုသား စီမံကိန်းနှင့် စီးပွားဖွံ့ဖြိုးတိုးတက်မှု ၀န်ကြီးဌာနနှင့် ဘဏ္ဍာ အခွန် ၀န်ကြီးဌာနမှ ဦးအောင်နိုင်ဦးနှင့် တခြား အကြီး တန်းအရာရှိများသည် ဖက်စပ်စီးပွားရေးလုပ်ငန်းများ လုပ်ကိုင်ခြင်းနှင့် မြေယာပိုင်ဆိုင်မှုဆိုင်ရာ စည်းမျဉ်းများနှင့်ပတ်သက်ပြီး တက်ရောက်လာသူ လုပ်ငန်းရှင်များကို အကြံပြု ဆွေးနွေး တင်ပြမည်ဖြစ်သည်။

“ဒီဥပဒေနဲ့ ပတ်သက်ပြီး လက်ရှိအနေအထားအရ မရေရာမှုတွေ၊ ဥပဒေပြု ပြဌာန်းရေး မရောရာမှုတွေက ဦးသိန်းစိန် အစိုးရရဲ့ ပွင့်လင်းမြင်သာမှုနှင့် ဆုံးဖြတ်ချက် ချခြင်းတွေကို အဓိက စိန်ခေါ်နေပါတယ်” ဟု ၀ါရှင်တန် အခြေစိုက်သုတေသီအဖွဲ့ဖြစ်သည့် Brookings Institution မှ ထုတ်ပြန်လိုက်သော မြန်မာနိုင်ငံဆိုင်ရာ အစီရင်ခံစာအသစ်က အချိန်ကိုက် ရေးသား ဖော်ပြခဲ့သည်။

“လက်ရှိအစိုးရမှာ ဒီမိုကရေစီ စိတ်ဓာတ်နဲ့ လက်တွေ့ဘ၀ကို ပေါင်းစပ်ဖို့ အခက်အခဲဖြစ်နေတယ်။ လက်တွေ့ဘ၀ဆိုတာ ကနဦး ဥပဒေမူကြမ်းပါ စာသားတွေကို လူထုထဲ ချမပြတာ၊ မူကြမ်းမှာ အပြစ်အနာတွေ ရှိနေတယ်လို့ ပြောဆိုကြတဲ့အခါ အဲဒီကိစ္စနဲ့ ပတ်သက်ပြီး ဆွေးနွေးမှုတွေကို လူထုထဲအထိ ချမပြတာ၊ ဥပဒေပြဌာန်းရေးနဲ့ပတ်သက်ပြီး ရှင်းလင်းတဲ့ အချိန်ဇယားတခု ပေးဖို့ အစိုးရက ငြင်းဆန်တာ စတဲ့ဟာတွေပါ ” ဟု အဆိုပါ အစီရင်ခံစာ ရေးသားသူ လက်ဇ် ရစ်ဖ်ဖဲလ် (Lex Rieffel) က ပြောဆိုသည်။

အမေရိကန် ဘဏ္ဍာရေးဝန်ကြီးဌာန အရှေ့တောင် အာရှရေးရာ ကျွမ်းကျင်သူ အရာရှိဟောင်းနှင့် နိုင်ငံတကာ ငွေကြေး အင် စတီကျူ အကြီးတန်း အမှုဆောင်အရာရှိ ဖြစ်သူ ရစ်ဖ်ဖဲလ် က“ အများဆုံး ဖြစ်နေတာက မူဝါဒဆိုင်ရာ ဆုံးဖြတ်ချက်တွေကို အရင်အစိုးရလက်ထက်တုန်းကအတိုင်း ထင်သာမြင်သာမရှိ၊ အပေါ်အောက် စနစ်၊ အဆင်ပြေသလို စနစ်မျိုးနဲ့သွားနေတာ တွေ့ ရတယ်” ဟုလည်း ပြောဆိုသည်။

စွမ်းအင်ဝန်ကြီးဌာနမှ ကမ်းလွန်ရေနံနှင့် သဘာဝဓာတ်ငွေ့ တူးဖော်ရန် လုပ်ကွက် လေလံပစ်ပွဲကို ရွှေ့ဆိုင်းလိုက်ရခြင်းသည် ပွင့်လင်းမြင်သာမှု အားနည်းခြင်းကြောင့်ဖြစ်သည်။ ယခုနှစ်အတွင်း ရန်ကုန်မြို့တွင် “သိလိုသမျှ အကုန်မေး” ပုံစံမျိုး ကွန်ဖ ရင့်ကြီး နှစ်ခု ကျင်းပခဲ့ပြီး ၎င်းကွန်ဖရင့်များသို့ နိုင်ငံတကာရေနံ ကုမ္ပဏီကြီးများဖြစ်သည့် Chevron, Shell နှင့် ConocoPhillips များတက်ရောက်ခဲ့ကြသည်။

သို့သော် အဆိုပါ ကုမ္ပဏီကြီးများသည် ရင်းနှီးမြှုပ်နှံမှုနှင့် ပတ်သက်သော ကန့်သတ်ချက် အသစ်များအပေါ် မသေချာ မရေ ရာ မှုများ ဆက်ဖြစ်နေကြသည့်ပြင် ယခင် စစ်အစိုးရဟောင်းနှင့် စာရင်းမရှင်းသေးသော မြန်မာ့ရေနံနှင့် သဘာဝဓာတ်ငွေ့လုပ်ငန်း ဆက်လက် ပါဝင်နေခြင်းအပေါ်တွင်လည်း စိုးရိမ်ချက်များ ထုတ်ဖော်ပြောဆိုခဲ့ကြသည်။

စက်တင်ဘာ ၇ ရက်နေ့တွင် လွှတ်တော်အမတ်များက အတည်ပြုခဲ့သော FDI ဥပဒေ မူကြမ်း ထက် ပို၍ ရှင်းလင်းသော၊ ပြုလွယ်ပြင်လွယ်ဖြစ်သော မူကြမ်းတခုဖြစ်အောင် လွှတ်တော်ကို ဆောင်ရွက်စေလိုကြောင်း သမ္မတဦးသိန်းစိန်က ပြောဆိုပြီး မူကြမ်းကို လွှတ်တော်သို့ ပြန်ပို့ထားသည်။ သမ္မတအနေနှင့် နိုင်ငံခြားသား ပိုင်ဆိုင်မှုကို ၅၀ အထက်တိတိုးမြှင့်ပေးစေလိုသည်ဟု သမ္မတရုံးအရာရှိများက ပြောဆိုသည်။ ပထမမူကြမ်းတွင် ၄၉ ရာခိုင်နှုန်းအဖြစ် ကန့်သတ်ထားသည်။

စီးပွားရေးလုပ်ငန်းအပေါ် မူတည်၍ နိုင်ငံခြားသား ပိုင်ဆိုင်မှု ရာခိုင်နှုန်းကို ပြုလွယ်ပြင်လွယ် ထားသင့်သည်ဟု သမ္မတက တောင်း ဆိုနေသည်။ ယခု မူကြမ်းတွင် နိုင်ငံခြားရင်းနှီးမြှုပ်နှံမှုများအား စိုက်ပျိုးရေး၊ ငါးဖမ်းလုပ်ငန်းနှင့် စိုက်ပျိုးရေးကဏ္ဍများတွင် ကန့် သတ် ထားသဖြင့် သမ္မတက ၎င်းကိစ္စနှင့် ပတ်သက်ပြီး ရှင်းလင်းချက်လည်း တောင်းဆိုထားသည်။

“ မူဝါဒချမှတ်ခြင်း လုပ်ငန်းစဉ်မှာ အားနည်းချက်တွေ ရှိနေတာကြောင့် လယ်သမားတွေရဲ့ ၀င်ငွေတိုးမြှင့်လာစေဖို့ စိုက်ပျိုးရေး ကဏ္ဍနဲ့ပတ်သက်ပြီး နည်းလမ်းတွေပြဌာန်းဖို့မှာ ကြန့်ကြာနေတာပါ။ တတိုင်းပြည်လုံးရဲ့ လူဦးရေ ၇၀ ရာခိုင်နှုန်းက ကျေးလက်နေ လူတန်းစားဖြစ်တဲ့အတွက် ဒါဟာ မဖြစ်မနေ လုပ်ရမယ့် ခြေလှမ်းတလှမ်း ဖြစ်ပါတယ်။ ဒါ့အပြင် သဘာဝ အရင်းအမြစ် ထုတ်ယူ မှုဟာလည်း ရေရှည်အတွက် အန္တရာယ်ရှိတဲ့ ပုံစံမျိုးတွေနဲ့ ဆက်သွားနေတာကို တွေ့ရတဲ့အပြင် မလိုလားအပ်တဲ့ ဆိုးကျိုးတွေပါ ဖြစ်နေတာ တွေ့ရပါတယ်” ဟု ရစ်ဖ်ဖဲလ်ကလည်း ပြောဆိုသည်။

Burma Economic Watch စာစောင်အား တည်းဖြတ်သူ ရှောင်တာနဲလ်ကလည်း ရင်းနှီးမြုပ်နှံမှုအသစ်များ ကြန့်ကြာနေခြင်း သည် အဆိုးဖြစ်ချင်မှ ဖြစ်မည်ဟု သူယုံကြည်ကြောင်း ပြောဆိုခဲ့သည်။ “သတ္တုနဲ့ သယံဇာတတူးဖော်ရေး လုပ်ငန်းတွေ လုပ်ငန်း လိုင်စင်ချပေးနေတာကို ခေတ္တရပ်ဆိုင်းထားတာမျိုး ကျနော်က ပိုဖြစ်စေချင်တယ်”ဟု သူက ပြောသည်။“ လုပ်ငန်း လုပ်ခွင့်ချ ပေးတာရော၊ ၀င်ငွေရောပါ ထင်သာမြင်သာရှိတဲ့ ပိုကောင်းတဲ့ လုပ်ငန်းစဉ်တွေရှိဖို့ လိုပါတယ်။ ပြောရရင် မြန်မာပြည်ကြီး မပျက် စီးရအောင် ကာကွယ်နိုင်တဲ့ နည်းလမ်းတခုမို့ တခြားနည်းမရှိဘူး။ ဒါကြောင့် ခဏလေး နားထားတာက ကောင်းတယ်လို့ ကျနော် ယူဆ တယ်” ဟုသူကပြောဆိုခဲ့သည်။

ရစ်ဖ်ဖဲလ်က အရှေ့တောင်အာရှနိုင်ငံများအသင်း Asean အဖွဲ့ဝင် ၁၀ နိုင်ငံတွင် မည်သည့်နိုင်ငံမှ တိတိကျကျ ပြဌာန်းထားသော FDI ဥပဒေ မရှိဟု ဆိုသည်။။ ယေဘုယျအားဖြင့် ပြည်တွင်း၌ ပြဌာန်းထားသော ဥပဒေများအတွင်း နိုင်ငံခြားရင်းနှီးမြှုပ်နှံ သူများ အတွက် စည်းမျဉ်းနှင့် ကန့်သတ်ချက်များ ထည့်သွင်း ပြဌာန်းလေ့ရှိသည်။ ဥပမာအားဖြင့် အိမ်နီးချင်း ထိုင်းနိုင်ငံတွင် နိုင်ငံခြားများ သည် ငွေသားမည်မျှပင် ရင်းနှီးမြှုပ်နှံမှုလုပ်စေကာမူ မြေယာပိုင်ဆိုင်ခွင့်မရှိပေ။ သို့သော် မလေးရှားတွင် နိုင်ငံခြားသားများအား မြေ ပိုင်ဆိုင်ခွင့် ပြုထားသည်။

“သိပ်မကြာခင် အချိန်အတွင်းမှာ မြန်မာနိုင်ငံကို ၀င်လာကြမယ့် နိုင်ငံခြား ရင်းနှီးမြှုပ်နှံသူတွေအတွက် ဒီဥပဒေသစ်က ဘယ် လောက် အရေးကြီးသလဲဆိုတာ စောင့်ကြည့်ဖို့ လုိုပါသေးတယ်။ ချုပ်ပြီး ပြောရမယ်ဆိုရင်တော့ အခုလက်ရှိ တည်ဆဲ ဥပဒေ ဟာလည်း ပြီးခဲ့တဲ့နှစ် ၂၀ အတွင်း မြန်မာအစိုးရက ခွင့်ပြုလို့ ၀င်လာတဲ့ ဒေါ်လာ ဘီလီယံပေါင်းများစွာ နိုင်ငံခြား ရင်းနှီးမြှုပ် နှံမှုတွေအတွက် အဟန့်အတား မဖြစ်စေခဲ့ဘူး” ဟုရက်ဖက်ဖဲလ်က ပြောဆိုခဲ့သည်။

“ တချိန်တည်းမှာပဲ ဥပဒေသစ်အပေါ် မရှင်းမလင်း ဖြစ်ပြီး သံသယ ဝင်ကုန်တာက ခေတ်မီ ဈေးကွက်စီးပွားရေး စနစ်ကို တည် ဆောက်ဖို့ ဦးသိန်းစိန် အစိုးရရဲ့ စိတ်ဆုံးဖြတ်ထားမှုနဲ့ ဒီလိုလုပ်လို့ အကျိုးရုတ်သွားမယ့် ဩဇာညောင်းတဲ့ အုပ်စုတွေကို လွှမ်းမိုး ချုပ် ကိုင်နိုင်တဲ့ အရည်အချင်း ရှိမရှိ ဆိုတာနဲ့သက်ဆိုင်နေတာပါ” ဟုလည်း ပြောဆိုသည်။

William Boot ၏ The Cost to Burma of a Stalled Investment Law ကို ဆီလျော်အောင် ဘာသာပြန် ဆိုသည်။

Ref: ဧရာဝတီ

Read More...

ရွှေမြွေဟောက် စစ်ရေးလေ့ကျင့်မှု တွင် မြန်မာ စစ်တပ် လေ့လာသူ အဖြစ် ပါဝင်ရန် အမေရိကန် ကမ်းလှမ်း

October 19, 2012

အာရှဒေသတွင်းရှိ အမေရိကန် နှင့် မဟာမိတ်နိုင်ငံ များ နှစ်စဉ်ပြုလုပ်နေကျ စစ်ရေးလေ့ကျင့်မှုကို ယခုနှစ်တွင် မြန်မာ နိုင်ငံ က လေ့လာသူ အဖြစ် ပါဝင်ရန်အမေရိကန် က ကမ်းလှမ်းထား သည် ဟု ရိုက်တာ သတင်း ဌာန က သီးသန့် ရရှိ သည့် သတင်းတွင် ဖော်ပြထားသည်။

Cobra Gold စစ်ရေးလေ့ကျင့်မှုမှာ အမေရိကန်၊ ဂျပန်၊ တောင်ကိုရီးယား၊ ထိုင်း၊ အင်ဒိုနီးရှားနှင့်စင်ကာပူနိုင်ငံမှ ကြည်း၊ ရေ၊ လေ စစ်သားများနှင့် ခောတ်မှီစစ်လက်နက် ပစ္စည်းများ သုံးကာစစ်ရေးလေ့ကျင့် ကြခြင်းဖြစ်သည်။

တရုတ် စစ်ရေးဝှက်ဖဲ ရှန်ဂရီလာတွင် အာရှနိုင်ငံများ ကို စိတ်မသက်သာရာ ဖြစ်စေ

အဆိုပါစစ်ရေး လေ့ကျင့်မှု သည် အာရှ ဒေသအတွင်း တည်ငြိမ်မှု အတွက် ဖြစ်သည်။ထိုင်း နိုင်ငံသည် ရွှေမြွေဟောက် စစ်ရေး လေ့ကျင့်မှု များ ကိုလက်ခံ လာရာ နှစ် ပေါင်း ၃၀ ရှိသွားပြီ ဖြသ်သည်။ တောင်ကိုရီးယား နိုင်ငံသည် ၂၀၁၀ခုနှစ်ကမှ ရွှေမြွေ ဟောက် စစ်ဆင်ရေးတွင် ပူးပေါင်း ခဲ့ခြင်းဖြစ်သည်။

တရုတ် နိုင်ငံ က ဂျပန် ၊ တောင်ကိုရီယားတို့ နှင့် ပိုင်ဆိုင်မှု အငြင်းပွားနေသည့် ကျွန်းများ တွင်ရေတပ် စစ်ရေးလေ့ကျင့်မှု ပြု လုပ် နေစဉ် အမေရိကန် က ငွေကြေး စိုက် ထုတ် ပြီး ဦးဆောင်ပြုလုပ်သည့် Cobra Gold စစ်ရေး လေ့ကျင့်မှုတွင် မြန်မာ နိုင်ငံပါဝင်ရန် ဖိတ်ခေါ်ကြောင်း သတင်း ထွက်ပေါ်ခဲ့ ခြင်းဖြစ်သည်။

Cobra Gold စစ်ရေး လေ့ကျင့်မှု ကို ၂၀၁၃ ခုနှစ် ဖေဖော်ဝါလဆန်း တွင်ကျင်းပ နိုင်ဖွယ်ရှိ သည်။

မြန်မာနိုင်ငံသည် ဗြိတိသျှနှင့်လည်း စစ်ရေးဆက်ဆံမှု တိုးမြှင့်လုပ်ဆောင် လျှက်ရှိသည်။

၂၀၁၂ ခုနှစ်က ထိုင်းနိုင်ငံ အရှေ့ပိုင်းရှိ ချွန် ဘူရီ တွင် နောက်ဆုံး ကျင်းပခဲ့သည့် ရွှေမြွေဟောက် စစ်ရေး လေ့ကျင့်မှု တွင် အမေရိကန် လက်နက်ကိုင် တပ်ဖွဲ့ဝင် တစ်သောင်း ပါဝင်ခဲ့ သည်။

မြန်မာနိုင်ငံသည် ၁၉၈၀ မှ ၁၉၈၅ ခုနှစ်အတွင်း အမေရိကန်နိုင်ငံရှိ စစ်တက္ကသိုလ်များ စစ်သင်တန်းကျောင်း များသို့  မြန်မာ အရာရှိ ၂၀၀ ကျော်တက်ရောက် ခဲ့သည်။

အမေရိကန်၏ ရွှေမြွေဟောက် စစ်ရေး လေ့ကျင့်မှုတွင် မြန်မာ ပါဝင်ရန် ဖိတ်ခေါ်ခြင်းသည် မြန်မာ အစိုးရနှင့် ပဋိပက္ခ ဖြစ်ပွား နေသည့် တိုင်းရင်းသား လူနည်းစုလက်နက် ကိုင်များ အတွက် စိတ်မသက်မသာ ဖြစ်စေမည်ဟု ရိုက်တာကဆိုသည်။

Ref: အဖ်အဲန်ဂျီ

Read More...

ရန်ကုန်မြို့တွင်း အခမဲ့ ယာဉ်ရပ်နားစခန်းများ ဆောက်မည်

ရတနာဦး
အောက်တိုဘာလ ၁၈ ရက် ၂၀၁၂ ခုနှစ်

ယာဉ်ကြောပိတ်ဆို့မှုနှင့် ကားပါကင် ပြဿနာများ အဆင်ပြေနိုင်ရန် အခမဲ့ ယာဉ်ရပ်နား စခန်း ခုနှစ်ခုကို ပြုလုပ်ပေးသွားမည်ဖြစ် ကြောင်း ရန်ကုန်မြို့တော် စည်ပင်သာယာရေး ကော်မတီ အရာထမ်း တဦးက ပြောသည်။

ပုဇွန်တောင် မြို့နယ် ဗိုလ်တထောင် ဘုရားလမ်း (အနော်ရထာလမ်းနှင့် မဟာဗန္ဓုလ လမ်းကြား)၌ တခု၊ အထက် ပုဇွန်တောင် လမ်းမကြီးတွင် တခု၊ သိမ်ဖြူလမ်းနှင့် ဗိုလ်တထောင် ဘုရားလမ်းကြားအထိ ပါဝင်မည့် ဗိုလ်ချုပ်လမ်းတွင် တခု၊ ဗိုလ်မြတ်ထွန်း လမ်းနှင့် သိမ်ဖြူလမ်းကြားတို့ ပါဝင်မည့် အနော်ရထာလမ်းတွင် တခုနှင့် ကုန်သည်လမ်း၊ ဗိုလ်အောင်ကျော်လမ်းနှင့် သိမ်ဖြူလမ်း တို့တွင် တခုစီ ဆောက်လုပ်သွားမည် ဖြစ်သည်။

“အခမဲ့ ကား ပါကင်တွေကို လူနေအိမ်တွေနဲ့ လွတ်တဲ့ ကားလမ်းဘးမှာ လုပ်မှာ ဖြစ်တာကြောင့် လူနေအိမ်တွေနဲ့ အဆောက် အအုံတွေကို ဖျက်ဖို့ မရှိပါဘူး။ အခုလက်ရှိ ပုဇွန်တောင်မှာ စလုပ်နေပါပြီ။ အကုန်လုံးကို ဒီနှစ်ထဲပဲ ပြီးအောင် အကောင်အထည် ဖော်ဖြစ်ဖို့ များတယ်။ Free Car Parking နေရာတွေကို အခမဲ့ ကားပါကင် ဆိုပြီး တရားဝင် စာကပ်ပေးထားမှာပါ။ ယာဉ် အရေအတွက် ဘယ်လောက် ရပ်နားရမယ်ဆိုတဲ့ ကန့်သတ်မှုတော့ မရှိပါဘူး” ဟု ရန်ကုန်မြို့တော် စည်ပင်သာယာရေး ကော်မတီ အင်ဂျင်နီယာဌာန(လမ်းတံတား)မှ ဒု-ဌာနမှူး ဦးစည်သူလွင် က ဆိုသည်။

အခြားမြို့နယ်များ၌လည်း နေရာရှိပါက ဆက်လက် ဆောင်ရွက်ပေးသွားမည် ဖြစ်ကြောင်း သိရှိရသည်။

“ကားပါကင် ပြဿနာက နေရာတိုင်းလိုလိုမှာ ကြုံတွေ့နေရတာ ကြာပါပြီ။ အခု ကားအသစ်တွေ ဝင်လာတော့ ယာဉ်ကြောပိတ် ဆို့မှုနဲ့ ကားပါကင် လုံလောက်မှုမရှိတဲ့ ပြဿနာက ပိုကြုံလာရတယ်။ အခုလို အခကြေးငွေ ပေးစရာ မလိုတဲ့ ကားပါကင်တွေ ဆောက်လုပ်ပေးမယ်ဆိုတော့ အဆင်ပြေလာနိုင်တာပေါ့။ အမြန် အကောင်အထည် ဖော်နိုင်ဖို့ပဲ အရေးကြီးတယ်” ဟု ပန်းဘဲတန်း မြို့နယ်တွင် နေထိုင်သူ ဦးမောင်မောင် က ပြောသည်။

လက်ရှိတွင် ပုဂ္ဂလိက လုပ်ကိုင်နေကြသည့် ကားပါကင်များတွင် ယာဉ်တကြိမ် ရပ်နားခ ကျပ် ၁၅ဝ အနည်းဆုံး ကောက်ခံနေ ပြီး ယာဉ်ရပ်နားမှု များပြားလေ့ရှိသည့် အချို့နေရာများတွင် ယာဉ်ရပ်နားမှုအား အချိန်ပိုင်း သတ်မှတ်၍ ယင်းအချိန်ထက် ကျော်လွန် ရပ်နားပါက ထပ်မံပေးဆောင်ရမှုများလည်း ရှိကြသည်။

Ref: မဇ္ဈိမ

Read More...

ဂျိုးဖြူပိုက်လိုင်းအတွက် ရေတွန်းစက်များ တည်ဆောက်

ခင်မျိုးသွယ်
အောက်တိုဘာလ ၁၈ ရက် ၂၀၁၂ ခုနှစ်

ရန်ကုန်တိုင်း အတွင်း ဂျိုးဖြူရေ ပေးဝေရာတွင် ရေပိုက်ဖျားပိုင်း မြို့နယ်များအတွက် ထပ်ဆင့်ရေတွန်းစက်ရုံ ၁၃ ခုကို တိုးချဲ့တည် ဆောက်ပြီးဖြစ်ကြောင်း မြို့တော်စည်ပင်သာယာရေး ကော်မတီကပြောဆိုသည်။

“ဂျိုးဖြူရေ ပေးဝေတဲ့အခါမှာ ရေပိုက်အရင်းပိုင်းနဲ့ အလယ်ပိုင်းကျတဲ့ မြို့နယ်တွေက ရေကောင်းကောင်း ရပေမယ့် ရေပိုက်အဖျား ပိုင်းကျတဲ့ မြို့နယ်တွေကျ ရေသိပ်မရကြဘူး။ ဒါကြောင့် ရေတွန်းစက်ရုံတွေ တိုးချဲ့ခဲ့ရတာပါ”ဟု စည်/ပင်ကော်မတီ တာဝန်ရှိသူ တဦးကပြောသည်။

ရေပိုက်အဖျားပိုင်း ကျနေသည့် သင်္ဃန်းကျွန်းတွင် ထပ်ဆင့်ရေတွန်းစက်ရုံ ၆ ရုံ၊ မင်္ဂလာတောင်ညွှန့်နှင့် ဗဟန်းမြို့နယ် တို့တွင် စက်ရုံ ၁ ရုံစီ၊ ဒဂုံမြို့သစ်မြောက်ပိုင်းတွင် ၃ ရုံနှင့် ဒဂုံမြို့သစ် အရှေ့ပိုင်းတွင် ၂ ရုံ စုစုပေါင်း ထပ်ဆင့် ရေတွန်းစက်ရုံ ၁၃ ရုံကို တည်ဆောက်ပေးပြီးဖြစ်ကြောင်း သိရှိရသည်။

ထိုကြောင့် အဆိုပါ မြို့နယ်များတွင် ယခင်ကထက် ရေအား ပိုမိုကောင်းမွန်စွာ ရရှိလာမည်ဟု ဆိုသည်။

Ref: မဇ္ဈိမ

Read More...

ရန်ကုန် ကားဈေးကွက် အေး၊ စလစ်ဈေး ဆက်မာ

ခင်မျိုးသွယ်
အောက်တိုဘာလ ၁၈ ရက် ၂၀၁၂ ခုနှစ်

ရန်ကုန် ကားဈေးကွက်အတွင်း အောက်တိုဘာလလယ်တွင် ဈေးကွက် အေးလျက်ရှိသော် လည်း စလစ်ဈေးမှာ မာလျက် ဆက်ရှိကြောင်း ဝယ်/ရောင်း လက်ကြီးသမားများထံမှ သိရှိရသည်။

“စက်တင်ဘာလကုန်ပိုင်းက အရောင်းအဝယ်ရှိခဲ့တဲ့ အင်ဂျင်ပါဝါကြီးကားတွေလည်း အခုရက်ပိုင်းမှာ အရောင်းအဝယ် ပါး သွားပါတယ်။ အင်ဂျင်ပါဝါသေး ကားတွေတော့ ခပ်ပါးပါး အရောင်းအဝယ်ရှိတယ်။ ဈေးကွက်ကြီး တခုလုံးကို
ခြုံပြောရင် အေးသွားတယ်။ မကြာခင်ပြုလုပ်မယ့် ကားအရောင်း ပြပွဲတွေကြောင့် ဈေးကွက်ဆက်အေးသွားနိုင် ပါတယ်။ အများစုရဲ့ အာရုံက ကားအရောင်းပြပွဲကို ရောက်သွားနိုင်ပါတယ်” ဟု ဝါရင့် ကား ဝယ်/ရောင်း ဦးစန်းဌေး က ပြောသည်။

ရန်ကုန် ကားပွဲစားဝိုင်းများတွင် ရောင်းချလိုသူများနှင့် စည်ကားနေပြီး အပေါ်ဝိုင်းတွင် ကိုယ်တိုင်တင်သွင်းပြီး
ပြန်လည်ရောင်းချသည့် ကားအများအပြား ရှိနေသည်။

“ကားရောင်းသူ တချို့က စက်ခေါင်းကို ဖွင့်ထားပြီး ရောင်းလိုတဲ့ ဈေးနှုန်း၊ ဝယ်သူသိသင့်သည့် အချက်တွေ၊ သူရဲ့ ဖုန်းနံပါတ်ပါတဲ့ ကြော်ငြာစာရွက်တွေ ကပ်ထားတယ်။ ရောင်းချတဲ့ ပုံစံ ပြောင်းလာတယ်။ ပြခန်းမှာ ဝယ်သလို၊ ကြားခံ နည်းသွားတယ်။ စာဖတ်ပြီး ခေါင်းအေးအေးနဲ့ စဉ်းစား ဆုံးဖြတ်ဝယ်နိုင်အောင် စီစဉ်ထားတာ တွေ့ရတယ်” ဟု ကားပွဲစားတန်းသို့ ကားဝယ်ရန် သွားရောက်လေ့လာခဲ့သည့် ဦးတင်ထွန်း က ပြောသည်။

လတ်တလော အခြေအနေတွင် အပေါ်ကားဈေးကွက်၌ စလစ်ဈေးကြီး၍ ကိုယ်ပိုင်စီးရန် ဝယ်သူနည်းသွား သကဲ့သို့ နယ်မှ ဝယ်လက်များလည်း ကျဲသွားသည်။

Ref: မဇ္ဈိမ

Read More...

သိန်း ၃၀ ဖြင့် တရုတ်မယား ဈေးကွက် ဗြောင်ဆွယ်နေ

ရတနာဦး
အောက်တိုဘာလ ၁၈ ရက် ၂၀၁၂ ခုနှစ်

ငွေကျပ် သိန်း ၃၀ ရရှိမည် ဟူသည့် မက်လုံးဖြင့် မြန်မာ အမျိုးသမီးငယ်များကို တရုတ်နိုင်ငံ ရှိ အမျိုးသားများနှင့် လက်ထပ်ရန် ပွဲစားများ အတင့်ရဲစွာ စည်းရုံးသိမ်းသွင်းမှုများ ရှိလာကြောင်း လူကုန်ကူးမှု တားဆီးကာကွယ်ရေး ဗဟိုအဖွဲ့မှ ဒု-ရဲမှူးကြီးညွန့်လှိုင် က ပြောသည်။

လက်ထပ်ပြီး ကလေး တယောက် မွေးပေးပါက ယင်းငွေ ကျပ်သိန်း ၃ဝ ရရှိနိုင်မည်ဟု ပွဲစားများက ပြောဆို သိမ်းသွင်းခေါ် ဆောင် နေကြခြင်း ဖြစ်သည်။

“ကလေးမွေးပြီး သွားရင်တော့ ကိုယ့်နိုင်ငံ ပြန်လာလို့ရတယ်ဆိုပြီး ပေါ်ပေါ်တင်တင် စည်းရုံးမှုတွေ ပြုလုပ်လာကြ တယ်။ အဲဒါကို သဘောတူလို့ လိုက်သွားကြတဲ့ အမျိုးသမီးငယ်တွေ အများကြီးရှိကြတယ်။ အဲဒီကိစ္စရပ်က ဈေးကွက် တခုလို ဖြစ်နေတယ်” ဟု ဒု-ရဲမှူးကြီးညွန့်လှိုင် က ပြောသည်။

မြန်မာနိုင်ငံ၌ လက်ရှိဖြစ်ပွားနေသည့် လူကုန်ကူးမှုများ၏ ၈ဝ ရာခိုင်နှုန်းသည် တရုတ်နိုင်ငံသို့ ဦးတည်ကာ ၁ဝ ရာခိုင်နှုန်းမှာ ထိုင်းနိုင်ငံသို့ ဦးတည်နေပြီး ၆ ရာခိုင်နှုန်းမှာ မလေးရှားနိုင်ငံသို့ ပို့ဆောင်ခံနေရကြောင်း အဆိုပါအဖွဲ့မှ ထုတ်ပြန်ထားသည်။

တရုတ်နိုင်ငံသို့ လူကုန်ကူးမှုသည် အဓမ္မ ထိမ်းမြားလက်ထပ်ရန် အမျိုးသမီးငယ်များအား ရောင်းဝယ်ခြင်း ဖြစ်ပြီး ထိုင်းနိုင်ငံသို့ လူကုန်ကူးမှုမှာ တိုက်ရိုက် လူကုန်ကူးခြင်းထက် တရားမဝင် အလုပ်လုပ်ကိုင်ရာမှ တဆင့် လိင်မှုဆိုင်ရာ ခေါင်းပုံဖြတ်မှု အတွက် နည်းမျိူးစုံ လူကုန်ကူးခံရခြင်း ဖြစ်သည်။ မလေးရှားနိုင်ငံသို့လည်း တိုက်ရိုက် လူကုန်ကူးခြင်း ထက် ထိုင်းနိုင်ငံမှတဆင့် သွေး ဆောင်ဖြားယောင်းကာ ပြည့်တန်ဆာပြုခြင်းနှင့် ကလေးငယ်များအား အဓမ္မ တောင်းရမ်းစေခိုင်းမှုများ ဖြစ်သည်။

“တရုတ်နိုင်ငံ ကျေးလက်တွေမှာ ရှိကြတဲ့ အမျိုးသမီးတွေက ရွှေ့ပြောင်း အလုပ်လုပ်ကိုင်ကြတာတွေ များလာတဲ့ အတွက် အမျိုး သားနဲ့အမျိုးသမီး လူဦးရေ ကွာဟချက်က မြင့်လာပါတယ်။ ကျေးလက်ဒေသတွေမှာ အမျိုးသမီး ရှားပါးမှုတွေ ဖြစ်လာတာကြောင့် ထုံးတမ်းစဉ်လာအရ မိန်းမ တောင်းယူ လက်ထပ်ရတဲ့ စရိတ် မြင့်လာတဲ့အတွက် အခုလို တဖက်နိုင်ငံ(မြန်မာ)မှ အမျိုးသမီးငယ် တွေကို ဝယ်ယူဖို့ ပွဲစားတွေကတဆင့် လူကုန်ကူးမှုတွေ ပေါ်ပေါက် လာကြတာပါ” ဟု ဒုရဲမှူးကြီးညွန့်လှိုင်က ရှင်းပြသည်။

ထိုသို့ မြန်မာအမျိုးသမီးများ တရုတ်နိုင်ငံသို့ လူကုန်ကူးခံရမှု ကာကွယ်တားဆီးရေး ဆောင်ရွက်ရာတွင် တဖက်နိုင်ငံ၌ ဥပဒေ သတ်မှတ်ပြဋ္ဌာန်းထားချက်မရှိ၍ အခက်အခဲ ကြုံရကြောင်းလည်း “လက်ရှိအချိန်အထိ တရုတ်နိုင်ငံကို ဦးတည်တဲ့ လူကုန်ကူးမှု အရေအတွက်က သိသိသာသာ ကျဆင်းမှု မရှိသေးဘူး။ တရုတ်နိုင်ငံမှာက လူကုန်ကူးမှု တားဆီးနှိမ်နင်းတဲ့ ဥပဒေ မရှိသေးတာ ကြောင့် နှစ်နိုင်ငံ နားလည်မှုစာချွန်လွှာ ရေးထိုးပြီး လုပ်ဆောင်နေရတယ်” ဟု ဒုရဲမှူးကြီးညွန့်လှိုင် က ရှင်းပြသည်။

၂ဝ၁၁ ခုနှစ်အတွင်း ဖြစ်ပေါ်ခဲ့သည့် လူကုန်ကူးခံရမှု အနည်းဆုံး ၁၃၆ မှု ရှိခဲ့ရာ တရုတ်နိုင်ငံသို့ ဦးတည်သည့်အမှုမှာ ၉၄ မှု၊ ပြည်တွင်း၌ ဖြစ်ပွားသည့်အမှု ၂၃ မှုနှင့် ထိုင်းနိုင်ငံသို့ ဦးတည်သည့်အမှု ၁၉ မှု ရှိခဲ့သည်။ နိုင်ငံတဝှန်းရှိ လူကုန်ကူးခံရသူ အရေအတွက်မှာလည်း အနည်းဆုံး ၂၃၄ ဦး ရှိခဲ့ရာတွင် ရန်ကုန်တိုင်းမှ ၆၃ ဦး၊ ရှမ်းပြည်နယ် မြောက်ပိုင်းမှ ၄၁ ဦး၊ မန္တလေး တိုင်းမှ ၃၆ ဦး၊ ကချင်ပြည်နယ်မှ ၂၆ ဦး၊ ပဲခူးတိုင်းမှ ၂၅ ဦး၊ ဧရာဝတီတိုင်းမှ ၁၇ ဦး၊ ကရင်ပြည်နယ်မှ ၁၆ ဦးနှင့် မွန်ပြည် နယ်မှ ၁ဝ ဦး ပါဝင်သည်။

မြန်မာနိုင်ငံတွင် လူကုန်ကူးမှု တားဆီးကာကွယ်ရေး ဥပဒေကို ၂ဝဝ၅ ခုနှစ်၊ စက်တင်ဘာလ ၁၃ ရက်နေ့က ပြဋ္ဌာန်း ခဲ့သည်။

၂ဝ၁၁ ခုနှစ်အတွင်း မြန်မာနိုင်ငံတွင် လူကုန်ကူးခံရသူများ၏ လေးပုံတစ်ပုံနီးပါး (၂၃ ရာခိုင်နှုန်း) သည် ကလေး သူငယ်များ ဖြစ်ကြောင်း လူကုန်ကူးမှု တားဆီးကာကွယ်ရေး ဗဟိုအဖွဲ့၏ နှစ်ပတ်လည် အစီရင်ခံစာက ဆိုသည်။

ထိုနှစ်အတွင်း လူကုန်ကူးခံရသူ ၂၆၅ ဦး ကို ကယ်တင်နိုင်ခဲ့ပြီး ၎င်းတို့အနက် ၆၁ ဦးမှာ အရွယ် မရောက်သေးသော ကလေး သူငယ်များဖြစ်သည်။ထို ကလေးသူငယ် ၆၁ ဦးအနက် ၅၂ ဦးမှာ မိန်းကလေးများ ဖြစ်ကြသည်။

လူကုန်ကူးမှုများသည် ရှမ်းပြည်နယ်မြောက်ပိုင်းတွင် အများဆုံးဖြစ်ပွားပြီး တရားခံများကို ရန်ကုန်တိုင်းမှ အများဆုံး ဖမ်းဆီးရမိ ကြောင်း အဆိုပါ အစီရင်ခံစာတွင် တွေ့ရသည်။

လူကုန်ကူးခံရသူ စုစုပေါင်း၏ ၈၃ ရာခိုင်နှုန်းသည် အမျိုးသမီးများဖြစ်ကြပြီး အများဆုံး အကြောင်းအရင်းမှာ အဓမ္မ လက်ထပ် ထိမ်းမြားပေးရန်ဖြစ်ကာ ဒုတိယအများဆုံးမှာ ပြည့်တန်ဆာ အဖြစ်ခိုင်းစေရန် ဖြစ်သည်ဟု ထိုအဖွဲ့၏ စာရင်းဇယားများအရ သိ ရှိရသည်။

ကမ္ဘာတဝှမ်းတွင်မူ နှစ်စဉ် ကလေးသူငယ် ၁၂ သန်းခန့် လူကုန်ကူးခံနေရပြီး လူကုန်ကူးခြင်းမှာ ဒေါ်လာဘီလျံများစွာ အကျိုး အမြတ် ရရှိနေသည့် ရာဇဝတ်မှု လုပ်ငန်းဖြစ်ကြောင်း UNICEF က ထုတ်ပြန်ထားသည်။

Ref: မဇ္ဈိမ

Read More...

အစိုးရတပ် လက်နက်ကြီး ပစ်ခတ်မှုကြောင့် KIA နှစ်ဦးနှင့် ရွာသား သုံးဦးသေဆုံး

ဖနိဒါ
အောက်တိုဘာလ ၁၈ ရက် ၂၀၁၂ ခုနှစ်

ဖားကန့်မြို့ပေါ်ရှိ အစိုးရတပ်မှ လက်နက်ကြီးများဖြင့် ပစ်ခတ်ခဲ့၍ ကချင်လွတ်လပ်ရေးအဖွဲ့ KIO ရဲဘော် နှစ်ဦးနှင့် ဒေသခံရွာသား သုံးဦး သေဆုံးခဲ့ပြီး ငါးဦး ဒဏ်ရာရှိခဲ့သည်ဟု ဖားကန့် ဒေသခံများနှင့် KIO က ပြောသည်။

ဗုဒ္ဓဟူးနေ့ ည ၉ နာရီမှ ၁၁ နာရီဝန်းကျင်ထိ ဖားကန့် ဗျူဟာကုန်း အစိုးရတပ်စခန်းမှ တမိုင်ကျော် အကွာအဝေးရှိ KIA တပ်မဟာ ၂ လက်အောက်ခံ တပ်ရင်း ၆ တပ်ဖွဲ့များရှိရာ မော်မောင်ဘွမ်းသို့ လက်နက်ကြီးများဖြင့် ပစ်ခတ်ခဲ့ခြင်း ဖြစ်သည်။

သေဆုံးသူများမှာ ကိုခခူးတူးခေါင်၊ ကိုစဂ နော်အောင်၊ ကိုမဂေါင် နော်ဆန့်၊ ကိုကီလ တူးအောင်၊ ကိုဂွမ်ယောင် တန်ဂွန်း တို့ ဖြစ်ပြီး ကိုစက လဂျာ၊ ကိုဇော်ခွမ်၊ ကိုဘရန်အောင်၊ လယန် ဇော်ဆိုင်း၊ လဖိုင် ဇော်လတ်အောင်တို့ ငါးဦး ဒဏ်ရာရရှိခဲ့ သည်ဟု ကက်သလစ် အသင်းတော်မှ ဓမ္မဆရာ နော်ဂျာက ပြောသည်။

“မနေ့က လက်နက်ကြီးနဲ့ မော်မောင်းဘွမ်ဘက် ပစ်လို့ ပြန်သွားတဲ့ ပြည်သူတွေ တော်တော်ထိခိုက်သွားတယ်။ အားလုံး ငါးဦး သေတယ်။ ကိုကီလ တူးအောင်က ဆယ်အိမ်မှူး ကျနော်တို့ ဒုက္ခသည်စခန်းကပဲ။ နယ်မြေ တည်ငြိမ် လာပြီဆိုပြီး ရွာကို ပြန်သွား တာ။ ခုလို ခဏပြန်တဲ့အချိန်မှာ သေဆုံးသွားတယ်” ဟု သူက မဇ္စျိမကို ပြောသည်။

ထိုဒဏ်ရာရသူများထဲမှ တချို့မှာ အခြေအနေ စိုးရိမ်ရသဖြင့် မြစ်ကြီးနားဆေးရုံသို့ ပို့မည်ဟု ဆိုသည်။

KIA တပ်ရင်း ၆ မှ အရာရှိ တဦးကလည်း “ကျနော်တို့ဘက်က နှစ်ဦးသေတယ်။ သုံးဦး ဒဏ်ရာရတယ်။ သေတဲ့လူ တချို့က ခေါင်းပြတ်သွားတယ်။ တချို့ ပုခုံး ပြတ်သွားတယ်။ ကိုယ်တပိုင်း ဖြစ်သွားတဲ့ လူလည်း ပါတယ်။ ဝန်ထမ်း နှစ်ယောက်က တ ယောက်က ရင်ပတ်မှာ ကျည်ဆံ ထိသွားလို့ ပွဲချင်းပြီး သေသွားတယ်။ တယောက်က ဝမ်းပိုက်မှာ ထိသွာလို့ ပွဲချင်းပြီး သေသွား တယ်” ဟု မဇ္ဈိမကို ပြောသည်။

အစိုးရဘက်မှ ပစ်ခတ်သည့် လက်နက်ကြီးကို ဖားကန့်ဗျူဟာကုန်းတွင် မကြာသေးမီက လာရောက်တပ်ဆင်ထားပြီး ဖြစ်သည်ဟု သိရပြီး KIO ဘက်မှ ပြန်လည် ပစ်ခတ်ခြင်း မရှိသေးကြောင်း “ဘာလက်နက်ကြီးလဲ ဆိုတာတောင် သေသေချချာ မသိသေး ဘူး။ အလုံး ၂၀ ကျော်လောက် ပစ်တယ်။ ကျနော်တို့ ပြန်ပစ်ဖို့က ဖားကန့်ဒေသခံတွေကို ထိမှာဆိုးလို့ ခက်နေတယ်။ ခုထိတော့ ကျနော်တို့ဘက်က ပစ်တာ မရှိသေးဘူး။ သူတို့က ကျနော်တို့ဘက် ထိုးစစ်ဆင်မယ်လို့ သတင်းတွေတော့ ထွက်နေတယ်” ဟု အဆိုပါအရာရှိက ပြောသည်။

ဖားကန့်မြို့နယ်အတွင်း တလခန့်ကြာ တိုက်ပွဲများ ငြိမ်သက်နေခဲ့ပြီးနောက် ယခုလ ၉ ရက်နေ့နှင့် ၁၀ ရက်နေ့များတွင် လုံးခင်း ကျေးရွာ အုပ်စုအတွင်း တိုက်ပွဲထပ်မံ ဖြစ်ပြီးခဲ့ပြီး ပြန်လည်ငြိမ်သက်နေခဲ့ရာမှ ယမန်နေ့ညက ထိုသို့ ဖြစ်ပျက်ခဲ့ခြင်း ဖြစ်သည်။

သေဆုံးသူများ၏ ရုပ်အလောင်းများအား ကြာသပတေးနေ့ နံနက် ၉ နာရီချိန်တွင် မော်မောင်းဘွမ် နှစ်ခြင်းဘုရား ကျောင်းတွင် ဝတ်ပြုဆုတောင်းမှု ပြုလုပ်၍ သင်္ဂြိုလ်လိုက်ပြီ ဖြစ်ကြောင်း ဓမ္မဆရာ ဂျာနော်က ပြောသည်။

ဖားကန့်မြို့ပေါ်တွင် ခိုလှုံနေထိုင်ကြသော စစ်ပြေး ဒုက္ခသည်များအနက် တချို့မှာ တိုက်ပွဲများငြိမ်သက်နေ၍ အောက်တိုဘာလ ဆန်းက မိမိနေရပ်သို့ ပြန်သွားခဲ့သော်လည်း ယနေ့နံနက်ပိုင်းတွင် ဒုက္ခသည် ၁၀၀ ကျော်ပြန်လည် ရောက်ရှိလာသည်ဟု ဆရာ နော်ဂျာ က ဆိုသည်။

သြဂုတ်လဆန်းပိုင်းမှစတင်၍ အစိုးရနှင့် KIA တပ်များအကြား တိုက်ပွဲများ ဖြစ်ပွားခဲ့ပြီးနောက် ဒေသခံ ရွာသားများ သေဆုံးမှု အနည်းဆုံး ရှစ်ဦးခန့် ရှိသွားပြီဟု သိရှိရသည်။

ဖားကန့်မြို့ပေါ်တွင် စစ်ပြေးဒုက္ခသည် ၈,၀၀၀ ကျော် ခိုလှုံနေသည်။

Ref: မဇ္ဈိမ

Read More...

လက်ပန်တောင်းတောင် ပြည်သူ့ညီလာခံ ကျင်းပ

နေမျိုး
အောက်တိုဘာလ ၁၈ ရက် ၂၀၁၂ ခုနှစ်

နှစ်ရက်ကြာ ကျင်းပမည့် ‘လက်ပန်တောင်းတောင် စီမံကိန်း ရပ်စဲရေး ပြည်သူ့ညီလာခံ’ ကို ဆားလင်းကြီးမြို့နယ်၊ ဆည်တည်း ကျေးရွာတွင် ကြာသပတေးနေ့ မနက်ပိုင်းက စတင်ကျင်းပခဲ့သည်။

အနယ်နယ် အရပ်ရပ်မှ သံဃာတော်များ၊ ကျောင်းသားများ၊ တိုင်းရင်သားများ၊ ကဗျာဆရာများနှင့် ဒေသခံ ရွာသူ၊ ရွာသားများ ထောင်နှင့်ချီ၍ တက်ရောက်ခဲ့ကြကြောင်း ဆည်တည်း ဘုန်းကြီးကျောင်းမှ ဦးပဉ္ဇင်း ဦးနန္ဒာစာရ က မိန့်ကြားသည်။

“အဓိကတော့ လက်ပန်တောင်းတောင် စီမံကိန်းရပ်စဲရေး ဆိုပြီး အဆိုတင်ပြီး အားလုံးက ထောက်ခံပြီး ဆုံးဖြတ်ကြ တယ်။ ဒီကိစ္စဟာ သူပိုင်ငါပိုင် အငြင်းပွားမှု ဖြစ်နေတယ်။ နိုင်ငံတော် သီချင်းနဲ့ သာဓက ထောက်ပြ ဆုံးဖြတ်တယ်။ ‘ဒါဒို့ပြေ ဒါဒို့မြေ’ ဆိုပြီး ဆုံးဖြတ်တယ်။ ဒီမြေဟာ ပြည်သူလူထု ပိုင်တယ်ဆိုတဲ့အကြောင်း သံဃာတော်တွေရဲ့ ကိုယ်စား၊ ပြည်သူတွေရဲ့ကိုယ်စား ဆရာတော်တပါးက အဆိုတင်သွင်းတယ်။ လယ်ယာမြေကိစ္စ၊ အလုပ်သမားကိစ္စ၊ ကချင်စစ်ရပ်ဆိုင်းရေး၊ ရခိုင်အရေးကိစ္စတွေ ပါတယ်” ဟု မဇ္ဈိမကို မိန့်ကြားသည်။

ဆည်းတည်းကျေးရွာ ဘုန်းတော်ကြီးကျောင်း မြောက်ဘက်ရှိ ကွင်ပြင်တွင် ‘လက်ပန်တောင်းတောင် စီမံကိန်း လုံးဝရပ်စဲရေး’ တိုက်ပွဲဝင် အလံများ လွှင့်ထူကာ ပရိတ်သတ်အင်အား ငါးထောင်ကျော် တက်ရောက် အားပေးခဲ့ကြကြောင်း မုံရွာခရိုင် ဗကသ ခေါင်းဆောင်တဦး ဖြစ်သည့် ကိုနွေဦးကို က ဆိုသည်။

“အလံက အောက်ခံ အနီရောင်။ ထောင့်က စက်ဝိုင်းထဲမှာ အင်္ဂလိပ် အက္ခရာ Y ပုံသဏ္ဍာန်က ချင်းတွင်းမြစ်နဲ့ ဧရာဝတီမြစ် ဆုံတဲ့နေရာ။ ချင်းတွင်းမြစ် လတ်တလော ဖြစ်နေတဲ့ ပြဿနာကို ဖြေရှင်းနေရလို့။ Y ရဲ့ ဘယ်ဘက် ထိပ်မှာ ကြယ်အဖြူ တပ် ထားတယ်။ အဝိုင်းကတော့ အမဲရောင်။ လက်ပန်တောင်းတောင် စီမံကိန်း လုံးဝရပ်စဲရေး ကိုယ်စားပြုတဲ့အလံ။ မရပ်မချင်း တိုက်ပွဲဝင်သွားမယ်” ဟု မဇ္ဈိမကို ပြောသည်။

မန္တလေး လေးပြင်လေးရပ် သံဃာ့သမဂ္ဂီအဖွဲ့မှ သံဃာတော်များ၊ ၅ နှစ်ပြည့် ရွှေဝါရောင် ဖြစ်မြောက်ရေး ကော်မတီမှ မြဝတီ မင်းကြီး ကျောင်းဆရာတော်၊ မစိုးရိမ်ကျောင်းတိုက် ဆရာတော် ဦးဝီရသူနှင့် ရန်ကုန်မှ သံဃာတော်များ ကြွရောက်ခဲ့ကြသလို မုံရွာမြို့ခံ ကဗျာဆရာကြီး (ဦး)အံ့မောင်၊ ဓနထွန်းတို့က ကဗျာများ ရွတ်ဆိုခဲ့ကြသည်။

စီမံကိန်းကြောင့် နယ်မြေသူ၊ နယ်မြေသားများ လယ်ယာကိုင်းကျွန်း လုပ်ကိုင်ရန် အခက်အခဲများ ဖြစ်ပေါ်နေခြင်း၊ ဓါတုစွန့်ပစ် ပစ္စည်းများကြောင့် နောင်တွင် လက်ပန်တောင်းတောင်၊ ချင်းတွင်းမြစ်၊ ဧရာဝတီမြစ် အပါအဝင် တနိုင်ငံလုံး ထိခိုက်မှာ ဖြစ် ကြောင်း ဦးနန္ဒာစာရ က မိန့်ဆိုသည်။

ထို့ပြင် လယ်တီဆရာတော်ဘုရားကြီး တရားကျင့်ခဲ့ရာ တောရကျောင်း ပရဝုဏ်လည်း အဆိုပါ ကြေးနီစီမံကိန်း အတွင်း ပါဝင်နေ ပြီး ဖြိုဖျက် ရှင်းလင်းမည်ကို စိုးရိမ် ပူပန်လျက်ရှိကြောင်း “ဖြိုချတော့မယ့် ပုံစံ လှိုဏ်တွေလုပ်ထားပြီ၊ မဖြိုသေးဘူး”ဟု မိန့်ကြား သည်။

သမ္မတ သို့ လိပ်မူကာ ‘ပထမ လယ်တီဆရာတော် ဘုရားကြီး၏ ရှေးဟောင်းသမိုင်းဝင် အဆောက်အဦများ ကွယ်ပျောက် မဆုံးရှုံးစေရေးအတွက် ဆောင်ရွက် ပေးပါရန် မေတ္တာရပ်ခံချက်’ ကို လက်မှတ်ရေးထိုး တောင်းဆိုခဲ့ကြောင်း သိရသည်။

“ပထမ လယ်တီဆရာတော်ဘုရားကြီး၏ ပရမတ္ထသံခိပ်၊ ဓါတုသစ္စဒီပနီ၊ နိရုတ္တိဒီပနီ၊ သမ္မာဒိဌိဒီပနီ၊ ကမ္မဌာနဒီပနီ စသည်စသည် များကို ရေးသားတော်မူခဲ့သော စစ်ကိုင်းတိုင်းဒေသကြီး ဆားလင်းကြီးမြို့နယ်၊ လက်ပန်တောင်း တောင်ခြေရှိ လယ်တီ တောရ ကျောင်းအား ယခုအခါ မြန်မာဝမ်ပေါင် ကြေးနီသတ္တုတူးဖော်ရေး ကုမ္ပဏီနှင့် မြန်မာ့စီးပွားရေး ဦးပိုင်လီမိတက် တို့က သတ္တုဖော် ရန် အတွက် မြေတူးစက်ဖြင့် ဖြိုချဖျက်ဆီးမည့် အရေးနှင့် ကြုံတွေ့နေရကြောင်း” သံဃာတော်များ၏ မေတ္တာရပ်ခံချက်တွင် ဖော်ပြ ပါရှိသည်။

အဆိုပါ စီမံကိန်းကြောင့် လက်ပန်တောင်းတောင် ပတ်ဝန်းကျင်ရှိ စံပယ်တောင်နှင့် ကြေးစင်တောင် နှစ်ခုသည် ယခုအခါ တွင်းကျယ်ကြီးများအဖြစ် ကျန်ရှိပြီး လက်ရှိစီမံကိန်း လုပ်ကိုင်လျက်ရှိသည့် ကြေးနီတောင်ကိုလည်း ယင်းတောင်များကဲ့သို့ ကွယ်ပျောက်သွားမည်ကို ပတ်ဝန်းကျင်ရှိ ကျေးရွာသူ/သားများနှင့် ယနေ့အစည်းအဝေး တက်ရောက်လာသူများက စိုးရိမ်လျက် ရှိကြသည်။

၁၉၉၆-၉၈ မျိုးဆက် ကျောင်းသားများကလည်း “လက်ပန်တောင်းတောင် ကြေးနီထုတ်လုပ်ရေး စီမံကိန်းသည် အမှားတခုအဖြစ် သမိုင်းတွင် မကျန်ရစ်စေရန် ပြန်လည်သုံးသပ်ပြင်ဆင်နိုင်ရန်အတွက် ယခုအချိန်သည် အချိန်အခါ ကောင်းပင် ဖြစ်ပါသည်။ ထိုသို့ဖြစ်နိုင်ရန် ဒေသခံနိုင်ငံသားများနှင့် တရားမျှတသော ဆွေးနွေးပွဲများ အမြန်ဆုံး ပြန်လည်စတင်သင့်ပြီး ပြည်သူများ၏အသံ ကိုပါ နားထောင်သင့်ပါသည်” ဟု သဘောထား ထုတ်ပြန်လိုက်သည်။

ထိုစီမံကိန်းရပ်တန့်ရန် တောင်းဆိုမှုသည် တိုင်းဒေသကြီး အစိုးရအနေဖြင့် လုပ်ဆောင်၍ မရနိုင်ဘဲ ရေရှည်စဉ်းစား ဆောင်ရွက် ရမည့် ကိစ္စဖြစ်သည်ဟု စစ်ကိုင်းတိုင်း ဝန်ကြီးချုပ် ဦးသာအေး က ပြောဆိုထားသည်။

စီမံကိန်းကို မြန်မာ့စီးပွားရေး ဦးပိုင်လီမိတက်နှင့် တရုတ်ကုမ္ပဏီ ဝမ်ပေါင်းတို့ ဖက်စပ် လုပ်ဆောင်ကြပြီး အဆိုပါ စီမံကိန်းကြောင့် လယ်ယာဧကပေါင်း ၇,၈ဝဝ ကျော် အသိမ်းခံလိုက်ရသည့်အတွက် တောင်သူများက မကျေနပ်၍ ဇွန်လမှ စတင်ကာ စက်တင် ဘာလအထိ ချီတက်ဆန္ဒပြပွဲများ ဖြစ်ပွားခဲ့သည်။

Ref: မဇ္ဈိမ

Read More...

အမေရိကန် လက်ထောက် နိုင်ငံခြားရေးဝန်ကြီး နေပြည်တော် ရောက်ရှိ

2012-10-18

နေပြည်တော်ကို ဒီကနေ့ ရောက်ရှိလာတဲ့ အမေရိကန် လက်ထောက် နိုင်ငံခြားရေးဝန်ကြီး မစ္စတာ ၀ီလီယံဘန်းဟာ သမ္မတ ဦးသိန်းစိန် အစိုးရအဖွဲ့နဲ့ တွေ့ဆုံဆွေးနွေးခဲ့ပါတယ်။ ခရီးစဉ်အတွင်း မစ္စတာ ၀ီလီယံဘန်းဟာ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့လည်း နေပြည်တော်မှာ သီးသန့် တွေ့ဆုံခဲ့ပါတယ်။

အမေရိကန် အစိုးရ အနေနဲ့ မြန်မာနိုင်ငံမှာ ဒီကနေ့ တိုးတက်လာတဲ့ အခြေအနေတွေကို ကြည့်ပြီး အားတက်မိပေမယ့် အနာ ဂတ် မြန်မာနိုင်ငံမှာ ဒီမိုကရေစီစနစ် အပြည့်အ၀ ထွန်းကားလာရေး၊ တရားဥပဒေ စိုးမိုးရေး၊ လူ့အခွင့်အရေးနဲ့ ပွင့်လင်းမြင်သာတဲ့ ရင်းနှီးမြှုပ်နှံမှု၊ စစ်မှန်တဲ့ အမျိုးသားပြန်လည် သင့်မြတ်ရေး တိုးတက်မှုတွေ ရှိလာမယ်လို့ မျှော်လင့်ကြောင်း၊ နိုင်ငံရေး အကျဉ်း သားတွေ လွှတ်ပေးတာကို ကြိုဆိုပေမယ့် မလွတ်သေးတဲ့ နိုင်ငံရေး အကျဉ်းသားတွေ ရှိနေကြောင်း၊ စတဲ့အချက်တွေ ပါဝင်တဲ့ ကြေငြာချက် တစ်စောင်ကို ရန်ကုန်အခြေစိုက် အမေရိကန်သံရုံးက ဒီကနေ့ အောက်တိုဘာလ ၁၈ ရက် ရက်စွဲနဲ့ ကြေငြာချက် ထုတ်ပြန်ခဲ့ ပါတယ်။

အလားတူ မြန်မာနိုင်ငံကို အမေရိကန် နိုင်ငံခြားရေးဌာနရဲ့ ဒီမိုကရေစီ လူ့အခွင့်အရေးနဲ့ အလုပ်သမားရေးရာ ဌာန လက်ထောက် နိုင်ငံခြားရေး ၀န်ကြီး မိုက်ကယ်ပို့စ်နာ ဦးဆောင်တဲ့အဖွဲ့လည်း ရောက်ရှိနေပြီး အမေရိကန် ကာကွယ်ရေးဌာနက ဒုဗိုလ်ချုပ်ကြီး Francis Wiercinski နဲ့ အမေရိကန် အမျိုးသားလုံခြုံရေး ကောင်စီက ထိပ်တန်းအရာရှိ Samantha Power တို့ လိုက်ပါလာပါတယ်။

သမ္မတဦးသိန်းစိန်နဲ့ ဒေါ်အောင်ဆန်းစုကြည်တို့ရဲ့ အမေရိကန် ခရီးစဉ်အပြီး(၂) ပတ်အကြာမှာ အမေရိကန်ပြည်ထောင်စုရဲ့ အစိုးရ ထိပ်တန်း ကိုယ်စားလှယ်တွေ ရောက်ရှိလာပြီး ဆွေးနွေးခဲ့ကြတာ ဖြစ်ပါတယ်။

Ref: အာရ်အဖ်အေ

Read More...

နယ်စည်းမခြား ဆရာဝန်များ အဖွဲ့ ဆေးခန်းကို လူတချို့ ဆန္ဒပြ

2012-10-18

ဟော်လန်နိုင်ငံ အမ်စတာဒမ်မြို့ အခြေစိုက် နယ်စည်းမခြား ဆရာဝန်များ အဖွဲ့ရဲ့ AZG ဆေးခန်း စစ်တွေမြို့မှာ ဒီကနေ့ မနက်ပိုင်း က ပြန်လည်ဖွင့်လှစ်ဖို့ စီစဉ်ခဲ့တာကို မြို့ခံလူထု ၂၀ ကျော်က အဲဒီဆေးခန်းရှေ့မှာပဲ ကန့်ကွက်ဆန္ဒပြခဲ့ကြပါတယ်။

ရခိုင်ပြည်နယ်အတွင်း ဖြစ်ပွားခဲ့တဲ့ ပဋိပက္ခတွေ အတွင်း ဒီဆေးခန်းကုို ယာယီ ပိတ်ထားခဲ့ပြီး စစ်တွေမြို့ အမှတ်-၁၇၊ ကမ်းနား လမ်း၊ မိဇံရပ်ကွက်မှာ ရှုခင်းသာ အမည်နဲ့ ဒီကနေ့ မနက်ပိုင်းက ဆေးခန်း ပြန်လည်ဖွင့်လှစ်ဖို့ စီစဉ်ခဲ့တာ ဖြစ်ပါတယ်။

ဒီကိစ္စနဲ့ ပတ်သက်ပြီး ကန့်ကွက် ဆန္ဒပြရာမှာ ပါဝင်ခဲ့တဲ့ ကိုကျော်ဇောဦးက RFA ကို အခုလို ပြောပါတယ်။

"ဟိုးကတည်းက အမြဲတမ်း ဘက်လိုက်ပြီးတော့ ရခိုင်တွေကို ဘာမှမကူညီဘူး။ ကူညီတယ်ဆိုရင်လည်း အပြသဘောပဲ ကူညီတယ်။ ပြီးတော့ ဘင်္ဂါလီတွေကို အဓိက ထောက်ပံ့ လှုပ်ရှားပေးနေတဲ့ AZG အဖွဲ့ ကျွန်တော်တို့ကလည်း ဘာမှပြောစရာ မလိုပါဘူး။ အဲဒီတော့ လူထုအနေနဲ့ သူ့အလိုလို ဒီလို ဆေးခန်းလေး တစ်ခန်း လာဖွင့်တယ်ဆိုတာ သူတို့က ဒီ HIV/AIDS ရောဂါသည်တွေကို ငါတို့ လုပ်ပေးပါတယ် ဆိုတဲ့ ဥစ္စာလေးနဲ့ သူက ခြေကုပ်ယူပြီးတော့ ဟိုကဝင်လာတဲ့ ဘင်္ဂါလီဘက်ကို သူတို့ က အဓိက အားပေးချင်တယ်။ အဲဒီလို လုပ်ကိုလုပ်ဖို့ ဆိုပြီးတော့ ဒီက ရခိုင် Communityက လူတွေက သဘောပေါက်တဲ့ အတွက် ဒါကို တားဆီးရမယ်ဆိုတဲ့ သဘောနဲ့ တားကြတာ ဖြစ်ပါတယ်။"

အခုလို AZG ဆေးခန်း ဖွင့်လှစ်တာကို မြို့ခံလူထုက ကန့်ကွက် ဆန္ဒပြခဲ့ကြတဲ့ အတွက် ဒီကနေ့ ဆေးခန်း ဖွင့်လှစ်မယ့် အစီ အစဉ်ကို ဖျက်သိမ်းလိုက်ရတယ်လို့လည်း သိရပါတယ်။

ဟော်လန်အခြေစိုက် နယ်စည်းမခြား ဆရာဝန်များအဖွဲ့ရဲ့ AZG ဆေးခန်းတွေကို ရခိုင်ပြည်နယ် အတွင်း HIV ဝေဒနာရှင်တွေနဲ့ ငှက်ဖျား တိုက်ဖျက်ရေးဆိုင်ရာ ကိစ္စရပ်တွေ အတွက် ၁၉၉၄ ခုနှစ်တည်းက စတင်ဆောင်ရွက်ခဲ့တာ ဖြစ်ပါတယ်။ ဒါပေမယ့် မကြာသေးခင်က ရခိုင်ပြည်နယ်အတွင်းမှာ ဖြစ်ပွားခဲ့တဲ့ ပဋိပက္ခတွေ အတွင်း ဆေးခန်းအားလုံးကို ယာယီပိတ်ထားခဲ့ရပါတယ်။

ဒါ့အပြင် ဒီအဖွဲ့အနေနဲ့ ပဋိပက္ခတွေနဲ့ တစ်နည်းတစ်ဖုံ ဆက်နွယ်မှု ရှိနေတယ်ဆိုတဲ့ စွပ်စွဲ အကြောင်းပြချက်နဲ့ အစိုးရက ဦးကျော်လှအောင် အပါအဝင် ဝန်ထမ်းအချို့ကို ဖမ်းဆီး ထိန်းသိမ်းခဲ့ပြီး များမကြာခင်က နိုင်ငံတော်သမ္မတရဲ့ လွတ်ငြိမ်းချမ်းသာခွင့် အမ်ိန့်နဲ့ ပြန်လွှတ်ပေးခဲ့ပါတယ်။

Ref: အာရ်အဖ်အေ

Read More...

လက်နက်ကြီး ကျည်ကြောင့် ဖားကန့်ဒေသ ရွာသား ၃ ဦးသေဆုံး

2012-10-18

မနေ့ညက ကချင်ပြည်နယ် ဖားကန့် ကျောက်စိမ်းတွင်းဒေသ မှော်မောင်းကုန်း ကျေးရွာမှာ လက်နက်ကြီး ကျည်ဆံတွေ ကျ ရောက် ပေါက်ကွဲတာကြောင့် ဒေသခံ ၃ ဦး သေဆုံးတယ်လို့ သိရှိရပါတယ်။

မနေ့ည ၁၀ နာရီ ပတ်ဝန်းကျင်လောက်က ဖားကန့်မြို့ရဲ့ မြောက်ဘက်မှာရှိတဲ့ မှော်မောင်းကုန်း ကျေးရွာဘက်မှာ ပစ်ခတ်သံတွေ ကြားရပြီးနောက်ပိုင်း ဖားကန့် ဗျူဟာကုန်းဘက်က ပစ်ခတ်ခဲ့တဲ့ လက်နက်ကြီး ကျည်ဆံတွေ မှော်မောင်းကုန်း ကျေးရွာထဲ ကျရောက် ပေါက်ကွဲပြီး သေဆုံးခဲ့တာလို့ ဒေသခံတစ်ဦးက RFA ကို ပြောပါတယ်။

ဒီ အဖြစ်အပျက်ကြောင့် ဖားကန့်စစ်ဘေး ကယ်ဆယ်ရေး စခန်းတွေကနေ ပြီးခဲ့တဲ့ရက်ပိုင်းတွေ အတွင်းက သက်ဆိုင်ရာ ရပ်ရွာတွေမှာ ပြန်လည်အခြေချ နေထိုင်စပြုနေတဲ့ ဒေသခံ ပြည်သူတွေကြားမှာ စိုးရိမ် ကြောက်လန့်မှုတွေ ဖြစ်နေတယ်လို့ သိရပါတယ်။

လက်နက်ကြီး ပေါက်ကွဲ ထိမှန်မှုကြောင့် သေဆုံးခဲ့တဲ့ မှော်မောင်းကုန်း ကျေးရွာသား ၃ ဦးကတော့ ကိုဂွမ်ရော်တန်ဂွန်း၊ ကိုလ ကီးတူးအောင် နဲ့ ကိုမဂေါင်နော်ဆန် တို့ဖြစ်ပြီး ဒဏ်ရာရသူ ၃ ဦးကတော့ ကိုဆဂါ့လဂျာ၊ အသက် ၁၉ နှစ်အရွယ် ဖြစ်တဲ့ မောင်လဖိုင်ဇိုင်းလတ်အောင်နဲ့ အသက် ၁၇ နှစ်အရွယ်ရှိတဲ့ မောင်လရန်ဘရန်ဆိုင်းတို့ ဖြစ်ကြောင်း ရွာသားတွေက ပြောပြပါတယ်။


Ref: အာရ်အဖ်အေ

Read More...

လက်ပံတောင်းတောင် ပြည်သူ့ညီလာခံ စတင်

2012-10-18

စစ်ကိုင်းတိုင်း၊ မုံရွာခရိုင်၊ ဆားလင်းကြီးမြို့နယ်၊ ဆည်တည်းကျေးရွာမှာ နှစ်ရက်ကြာ ကျင်းပမယ့် လက်ပံတောင်းတောင် ပြည်သူ့ ညီလာခံကို ဒီကနေ့ စတင် ကျင်းပခဲ့ပါတယ်။

အဲဒီညီလာခံမှာ အဖွဲ့အစည်း (၄၀) ကျော် အပါအ၀င် လယ်မြေသိမ်းခံထားရတဲ့ ကျေးရွာ(၂၆) ရွာက ဒေသခံ (၂၀၀၀) ကျော် တတ်ရောက်ခဲ့တယ်လို့ သိရပါတယ်။

ဒီကနေ့ ညီလာခံကို နှစ်ပိုင်းခွဲ ကျင်းပခဲ့ပြီး၊ ပထမပိုင်းမှာ ညီလာခံကို တက်ရောက်လာတဲ့ ပြည်ထောင်စု တိုင်းရင်းသားများ မဟာမိတ်အဖွဲ့(UNA)၊ ကယန်းပြည်သစ်ပါတီ၊ ၇၄-၇၅-၇၆ နိုင်ငံရေး အင်အားစု၊ ကိုးကန့် ဒီမိုကရက်တစ်ပါတီ စတဲ့အဖွဲ့ပေါင်း ၄၀ ရဲ့သဝဏ်လွှာတွေကို ဖတ်ကြားခဲ့ပါတယ်။

ညီလာခံကျင်းပရေးနဲ့ ပတ်သက်ပြီး လူ့အခွင့်အရေး လှုပ်ရှားနေသူ ကိုဟန်ဝင်းအောင်က RFA ကို အခုလို ပြောပါတယ်။

"အခြေခံအကျဆုံး ဖြစ်တဲ့ ပြည်သူလူထုနဲ့ တိုင်းရင်းသားတွေရဲ့ ပကတိအတိုင်း ခံစားနေရတဲ့ ဆန္ဒတွေကို လွတ်လွတ်လပ်လပ် ငြိမ်းငြိမ်းချမ်းချမ်း ပျော်ပျော်ရွှင်ရွှင်နဲ့ ဖော်ထုတ်နိုင်ဖို့ ဒီအခမ်းအနားကို စီစဉ်ရခြင်း ဖြစ်တယ်။ လယ်သမား၊ အလုပ်သမား၊ တိုင်း ရင်းသားရေးရာ ဆိုင်ရာ ပြဿနာတွေကို ဆုံးဖြတ်ချက်တွေကို ညီလာခံ ဆုံးဖြတ်ချက် မှတ်တမ်းများအဖြစ် ပြည်သူများကို အသိ ပေးပြီးတော့ ထုတ်ပြန်သွားမယ်။ သက်ဆိုင်ရာ တာဝန်ရှိသူတွေကိုလည်း ကျွန်တော်တို့ အသိပေး အကြောင်းကြားသွားမယ်။"

ညီလာခံ ဒုတိယပိုင်းမှာ လက်ပံတောင်းဒေသရဲ့ ဖြစ်ပျက်နေတဲ့ ကိစ္စတွေကို ဆည်တဲရွာက ဆရာတော် ဦးသြသဓက အဆိုတင် သွင်းခဲ့ပြီး၊ ရခိုင်ပြည်နယ်မှာ ဖြစ်ပျက်နေတဲ့ ပြဿနာတွေကို ပြည်ထောင်စု တိုင်းရင်းသားများ မဟာမိတ်အဖွဲ့(UNA) ကိုယ်စား လှယ် ဦးသာဘန်းက အဆိုတင်သွင်းခဲ့တယ်လို့ သိရပါတယ်။

Ref: အာရ်အဖ်အေ

Read More...

Forum 2000 အကြံပေးအဖွဲ့ ဒေါ်အောင်ဆန်းစုကြည် ပါဝင်

ဒေါ်ခင်မျိုးသက်
18.10.2012

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တိဘက်ဘုန်းတော်ကြီး ဒလိုင်လားမား တို့ဟာ Forum 2000 အဖွဲ့ရဲ့ နိုင်ငံတကာ အကြံပေးဘုတ်အဖွဲ့ထဲမှာ ပါဝင်လာကြပြီလို့ Forum 2000 အဖွဲ့က ကြာသပတေးနေ့မှာ သတင်းထုတ်ပြန်ပါတယ်။ ဒီမိုကရေစီရေးကျိုးပမ်းမှုကြောင့် ကမ္ဘာကချစ်ခင်လေးစားမှုခံရသူ ၂ဦးပါ အခုလို ပါဝင်လာတာမို့ ဒီအဖွဲ့ရဲ့ လုပ်ဆောင်မှုတွေ ပိုမိုအားကောင်း လာမှာ ဖြစ်တဲ့အပြင် ကမ္ဘာအနှံ့က လူတွေအတွက် ပိုအားတက်လာစေတယ်လို့ ဖိုရမ် ၂၀၀၀ ဆွေးနွေးပွဲကို တက်ရောက်မယ့် သူတွေက သုံးသပ်ပါတယ်။

ကမ္ဘာတ၀ှမ်း ရင်ဆိုင်နေရတဲ့ ပြဿနာတွေကို မျက်နှာချင်းဆိုင်ဆွေးနွေး အဖြေရှာနိုင်ဖို့ စဉ်းစားခဲ့တဲ့ ချက်ပြည်သူ့သမ္မတနိုင်ငံက ကွယ်လွန်သူ သမ္မတဟောင်း Vaclav Havel က ဦးဆောင်ပြီး ဂျပန်နိုင်ငံသား Yohei Sasakawa နဲ့ ငြိမ်းချမ်းရေး နိုဗယ်ဆုရှင် Elie Wiesel တို့နဲ့ အတူ ၁၉၉၆ခုနှစ်မှာ စတင်ဖွဲ့စည်းခဲ့တဲ့ Forum 2000 အဖွဲ့ဟာ နှစ်စဉ် နိုင်ငံ တကာက လူ့အခွင့်အရေး ဒီမိုကရေစီရေး ဦးဆောင်နေသူတွေနဲ့ အစည်းအဝေးကျင်းပ နေတာဖြစ်ပြီး ၁၆ကြိမ်မြောက် နှစ် ပတ်လည် ညီလာခံကိုတော့ အောက်တိုဘာလ ၂၁ရက်နေ့ကနေ ၂၃ရက်နေ့အထိ Prague မှာကျင်းပမှာဖြစ်ပါတယ်။

ဒီညီလာခံမကျင်းပခင် ကြာသပတေးနေ့ကတော့ အဖွဲ့အကြီးအကဲ Jakub Klepal က မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်နဲ့ တိဘက်ဘုန်းတော်ကြီး ဒလိုင်လားမားတို့ပါ အဖွဲ့ရဲ့ အကြံပေးဘုတ်အဖွဲ့မှာ ပါဝင်လာပြီဖြစ်ကြောင်း ကြေငြာခဲ့ ပါတယ်။

ဒီညီလာခံကိုတက်ရောက်ဖို့ အဖိတ်ကြားခံရတဲ့ ၈၈ မျိုးဆက်ကျောင်းသားခေါင်းဆောင် ကိုကိုကြီးကတော့ ဒါဟာ ဒီအဖွဲ့ကို ပိုမို အားကောင်း လာစေတယ်လို့ ပြောပါတယ်။

ဦးကိုကိုကြီး။ ။“ ကွန်ဖရင့် ၂၀၀၀ ကိုစီစဉ်တဲ့ အဖွဲ့အစည်းက People in Need အဖွဲ့ပါ မစ္စတာ ဗားစလပ်ဟာဗဲလ်ကို ဂုဏ်ပြုတဲ့ အနေနဲ့ တည်ထောင်ထားတာ ဆိုတော့ ဒီအဖွဲ့အစည်းက နိုင်ငံတကာမှာ ဒီမိုကရေစီ အသွင်ကူးပြောင်းရေး လုပ်နေတဲ့ နိုင်ငံတွေ အတွက် ဒီလိုမျိုး ဆွေးနွေးပွဲတွေ လုပ်တဲ့နေရာမှာ ကျွန်တော်တို့ နိုင်ငံက ဒေါ်အောင်ဆန်းစုကြည်လို လူထုခေါင်းဆောင် တယောက်၊ မစ္စတာ ဒလိုင်လားမား လို ပြည်သူတွေ အတွက် တောက်လျှောက် ရပ်တည်ခဲ့တဲ့ သူတွေ ပါဝင်လာခြင်းဟာ ဒီအဖွဲ့အစည်း ဒီကွန်ဖရင့်ကို ပိုပြီးအားကောင်း လာစေတယ်။ နောက် ကျွန်တော်တို့ ကမ္ဘာအနှံ့က ပြည်သူတွေ အတွက်လည်း ပိုပြီးတော့ အားတက်စရာတွေ ဖြစ်လာစေတယ်လို့ ကျွန်တော် အဲဒီလိုပဲ ခံစားရပါတယ်။”

မေး။ ။ဖိုရမ်၂၀၀၀ ရဲ့ ၁၆ကြိမ်မြောက် ညီလာခံမှာ မြန်မာနိုင်ငံက ဘယ်နှစ်ယောက်တက်မှာပါလဲ ဦးကိုကိုကြီး။

ဦးကိုကိုကြီး။ ။“အခုကျွန်တော်သိသလောက်က အန်ကယ်ဦးအုန်းကြိုင်တက်မယ်။ နောက် ကျွန်တော်တက်မယ်။ ဒေါက်တာ ကျော်သူနောက် မခင်သန်းမြင့်၊ နောက်ကျွန်တော်တို့ မင်းရန်နောင်တက်မယ်။ နောက်ဒေါ် စူစန်နာ လှလှစိုးကတော့ သူက တခြားအခန်းအနား တခုရှိလို့ မတက်ဖြစ်ဖူးလို့ သိရတယ်။ ကျွန်တော်တို့ မြန်မာနိုင်ငံကနေ တက်ကြမယ့်သူတွေကတော့ အဲဒါပဲပေါ့လေ။”

မေး။ ။မြန်မာနိုင်ငံက ၆ယောက်ဖိတ်တဲ့ထဲမှာ ၅ယောက်တက်ဖြစ်တယ်ပေါ့နော်။ ဖိုရမ် ၂၀၀၀ နဲ့ ပါတ်သက်ပြီးတော့ ဘာတွေ ဆွေးနွေးကြတယ် ဆိုတာ။ ကိုယ်ကတော့ ဒါက ပထမဦးဆုံးအကြိမ်တက်တာဆိုတော့ ထူးထူးခြားခြား ဘာတွေများ မျှော်လင့်ထား ပါသလဲ။ ဒီအခန်းအနားနဲ့ ပါတ်သက်ပြီးတော့။

ဦးကိုကိုကြီး။ ။“အခုကတော့ နိုင်ငံတကာ နိုင်ငံရေး နယ်ပယ်မှာ အစဉ်အလာကြီးမားတဲ့ ပုဂ္ဂိုလ်တွေနဲ့ ဒီမှာလာပြီးတော့ တက် ကြတာတွေ ပြောကြတာတွေ တွေ့ရတော့ ကျွန်တော်ကတော့ ဒါဟာ ပထမဦးဆုံး အတွေ့အကြုံလည်း ဖြစ်တယ်။ နောက် ဒါ ကျွန်တော့အနေနဲ့ လေ့လာ သင်ယူစရာ တွေလည်း အများကြီးရလိမ့်မယ်လို့ အဲဒီလိုပဲ ကျွန်တော်တို့ မျှော်လင့်ထားခဲ့တာပေါ့။ ကျွန်တော်သိသလောက်ကတော့ တက်လာတဲ့သူတွေကနေ ပြီးတော့ သူတို့ရဲ့ အတွေ့အကြုံတွေ သူတို့ နိုင်ငံတကာက အပြောင်း အလဲ တွေ အပေါ်မှာ အမြင်တွေပေါ့လေ။ အဲဒါတွေ သုံးသပ်ဆွေးနွေးကြမယ်။ ကျွန်တော် အဲလောက်ပဲ သိထားပါတယ်။”

မေး။ ။မြန်မာနိုင်ငံက ပုဂ္ဂိုလ် တယောက်အနေနဲ့ အဖိတ်ခံရတဲ့အခါမှာ ဦးကိုကိုကြီးအနေနဲ့ ဘာတွေများ တင်ပြနိုင်မယ်လို့ မျှော်လင့်ထားပါသလဲ။

ဦးကိုကိုကြီး။ ။ “ကျွန်တော်ကတော့ ကျွန်တော်တို့ နိုင်ငံ အပြောင်းအလဲ နောက် ကျွန်တော်တို့ သက်တမ်း အတွေ့အကြုံ ပေါ့ နော်။ အဲဒါတွေနဲ့ ဒီ နိုင်ငံတကာနဲ့ ပူးပေါင်းဆောင်ရွက်နိုင်မယ့် အခန်းကဏ္ဍ ပေါ့။ အဲဒါတွေကို ကျွန်တော်ပြောဖို့ စီစဉ်ထား ပါ တယ်။”

ကျောင်းသားခေါင်းဆောင် ကိုကိုကြီးပါ။ ဒီနှစ်ဆွေးနွေးပွဲကို နိုင်ငံတကာက ထင်ရှားတဲ့ ပုဂ္ဂိုလ် ၁၂၀ကျော်တက်ရောက်မှာဖြစ်ပြီး ဒီအထဲမှာ အမေရိကန် နိုင်ငံခြားရေးဝန်ကြီးဟောင်း Madeleine Albright တို့ တိဘက်ဝန်ကြီးချုပ် Lobsang Sangay တို့လည်း တက်ရောက်မှာ ဖြစ်ပါတယ်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို အရင်နေအိမ်အကျယ်ချုပ်နဲ့နေရစဉ် ကတည်းက ညီလာခံ တက်ရောက်ဖို့ ဖိတ်ကြားခဲ့ပြီး နောင်ဆွေးနွေးပွဲတွေမှာ တက်ရောက်လာဖို့ မျှော်လင့်ထားကြောင်းလည်း ဖိုရမ် ၂၀၀၀ အဖွဲ့က ထုတ်ပြန်တဲ့ ကြေငြာချက်မှာ ဖေါ်ပြထားပါတယ်။


Ref: ဗွီအိုအေ

Read More...

အမေရိကန်အပေါ် ရုရှားတို့အမြင်မကြည်

18.10.2012

ပြီးခဲ့တဲ့နှစ်က အမေရိကန်ပြည်ထောင်စုအပေါ်မှာ ရုရှသမ္မတနိုင်ငံသားတွေ သဘောထားတွေက ပိုမိုဆိုးရွားလာတယ်လို့ ရုရှနိုင်ငံက အစိုးရမဟုတ်တဲ့ Nevada သုတေသနဌာန စစ်တမ်းမှာ ဖော်ပြထားပါတယ်။ ရုရှနိုင်ငံသားတွေထဲက အမေရိကန်ပြည်ထောင်စုအပေါ် အကောင်းမြင်သဘောထားရှိသူ ရာခိုင်နှုန်းက ဒီနှစ်မှာ လျော့ကျသွားခဲ့ပါတယ်။

မနှစ်က ၂၀၁၁ခုနှစ်မှာ အမေရိကန်ကို အကောင်းမြင်သူ ရှရုနိုင်ငံသားဟာ စစ်တမ်းကောက်ယူခံရသူတွေထဲ ၆၇% ရှိခဲ့ပေမယ့် ဒီနှစ်မှာ ၄၆%ဆီကို ကျဆင်းသွားခဲ့ပါတယ်။ အမေရိကန်အပေါ် အကောင်းမမြင်ကြသူတွေ ၂၀၁၁က ၂၇% သာရှိခဲ့ပေမယ့် ဒီနှစ်မှာ တော့ ရုရှနိုင်ငံသား ၃၈%ဟာ အမေရိကန်တွေအပေါ် အကောင်းမမြင်ကြပါဘူး။

စစ်တမ်းကောက်ခံခဲ့တဲ့ ရုရှနိုင်ငံသားတွေ ၃ပုံ ၂ပုံဟာ အမေရိကန်ပြည်ထောင်စုဟာ ရုရှနိုင်ငံအပေါ် အပြန်အလှန် လေးစားမှု ထား ရှိရမယ့်အစား ဖိအားတွေပေးဖို့ကိုပဲ စိတ်အားတွေ ထက်သန်နေတယ်လို့ ထင်မြင်ယူဆနေကြ ပါတယ်။


Ref: ဗွီအိုအေ

Read More...

တူရကီစန္ဒယားဆရာ အစ္စလာမ်စော်ကားမှု စွဲဆိုခံရ

18.10.2012

လူသိများ ထင်ရှားတဲ့ တူရကီ စန္နယား ဂီတပညာရှင်ဟာ ပြီးခဲ့တဲ့ ဧပြီလက သူ့ရဲ့ တွစ်တာပေါ်မှာ အစ္စလာမ်ဘာသာကို ပုတ်ခတ် ရေးသားခဲ့တာကြောင့် ဘာသာရေး စော်ကားမှုနဲ့ တရားစွဲဆိုခံထားရပါတယ်။ တွစ်တာပေါ်မှာ ရေးသားခဲ့တဲ့ မှတ်ချက်ကို တွစ်တာ သုံးစွဲသူ အတော်များများက မူဆလင်တွေကို ဟာသ လုပ်ခဲ့ကြတဲ့ အတွက် ဘာသာရေး စော်ကားမှု အဖြစ် စွဲဆိုခံရတာကို အစ္စ တန်ဘူးလ်က တရားရုံးက တရားခွင်မှာ အသက် ၄၂ နှစ် အရွယ် Fazil Say က ကိုယ်တိုင် ချေပခဲ့ပါတယ်။

အပြစ်ရှိတယ်လို့ အမိန့်ချမှတ်ခံရရင်တော့ ထောင်ဒဏ် ၁၈ လ အထက် ကျခံရမှာဖြစ်ပါတယ်။ ချက်ချင်း တရားသေ လွှတ်ပေးဖို့ Say က တရားရုံးမှာ တောင်းဆိုပေမယ့် တရားသူကြီးက ဒီအမှုကို ဖေဖော်ဝါရီလ ၁၈ ရက်နေ့ အထိ ရွှေ့ဆိုင်းလိုက်ပါတယ်။ Say ဟာ ဥရောပ ကော်မရှင်ရဲ့ ယဉ်ကျေးမှု ဆိုင်ရာ သံအမတ်ကြီး အဖြစ် တာဝန်ထမ်းဆောင်ခဲ့သလို New York Philharmonic နဲ့ Berlin Symphony Orchestra တို့ အပါအ၀င် သံစုံတီးဝိုင်း အတော်များများလည်း ပါဝင်တီခတ် ခဲ့သူ ဖြစ်ပါတယ်။


Ref: ဗွီအိုအေ

Read More...

ဥပဒေအချို့ ပြည်သူ့ လွှတ်တော် ပယ်ဖျက်

စုမြတ်မွန်
18.10.2012

ပထမအကြိမ် လွှတ်တော် ပဉ္စမပုံမှန်အစည်းအဝေးတွေ ပြန်လည်စတင်တဲ့ နေ့မှာပဲ အမျိုးသားလွှတ် တော်ကနေအတည်ပြုထားတဲ့ ဥပဒေ ၄ ခု ဖျက်သိမ်းရေး ဥပဒေကြမ်းတွေကို ပြည်သူ့လွှတ်တော်ကလဲ ဖျက်သိမ်းကြောင်း အတည်ပြုခဲ့ပါတယ်။ ဘယ်ဥပဒေ တွေကို ဖျက်သိမ်းလိုက်သလဲဆိုတာနဲ့ ပထမနေ့ လွှတ်တော် စည်းဝေးတွေမှာ ဘာတွေ ထူးခြားမှုရှိလဲ ဆိုတာကို ဘန်ကောက်ရုံးက မစုမြတ်မွန်က တင်ပြပေးထားပါတယ်။

အောက်တိုဘာ ၁၈ ရက် ဒီနေ့မှာ ပြန်လည် စတင်ခဲ့တဲ့ ပြည်သူ့လွှတ်တော်မှာ မလိုအပ်တော့တဲ့ ဥပဒေ ၄ ခုကို အမျိုးသား လွှတ်တော် အတည်ပြုချက်အတိုင်း အတည်ပြု ဖျက်သိမ်းလိုက်တယ်လို့ ရခိုင် တိုင်းရင်းသားများ တိုးတက်ရေး ပါတီရဲ့ မြေပုံမြို့နယ် ပြည်သူ့လွှတ်တော် ကိုယ်စားလှယ် ဦးဖေသန်းက ခုလို ရှင်းပြပါတယ်၊

“ ၁၉၆၄ခု မြန်မာနိုင်ငံ ကြယ်ငါးပွင့် သဘောင်္လုပ်ငန်းကော်ပရေးရှင်း ဥပဒေကို ရုပ်သိမ်းသည့် ဥပဒေကြမ်း အဲ့ဒီ့ဥပဒေကို ရုပ် သိမ်းပစ်လိုက်ပြီး အဲ့တာကို အမျိုးသားလွှတ်တော်ကနေ ဆွေးနွေးပြီးတော့ ပို့တာ။ အဲ့ဒီ့ထဲက ပြန်ပြီး ကျနော်တို့က ပြန်ပြီးတော့ ဆွေးနွေးတာ မရှိတဲ့အတွက် အဲ့ဒီ့အတိုင်းပဲ အတည်ပြုတယ်။ နောက်တခုက Agenda ၁၃မှာ နိုင်ငံတော် တာဝန်ကို တည်ငြိမ် အေးချမ်းအောင် စနစ်တကျ လွှဲပြောင်းပေးရန်၊ အမျိုးသားညီလာခံ လုပ်ငန်းများ အောင်မြင်စွာ ဆောင်ရွက်နိုင်ရေးတို့ကို နှောင့် ယှက်ဆန့်ကျင်ခြင်း ကာကွယ်သည့်ဥပဒေ ရုပ်သိမ်းသည့်ဥပဒေ၊ ဒါလည်း အမျိုးသား ညီလာခံပြီးတော့ ဒီဥပဒေက မလိုတော့ဘူး လေ။ ဒါကိုလည်း အမျိုးသားလွှတ်တော်ရဲ့ အတည်ပြုချက်အတိုင်း ပဲ ကျနော်တို့က ပြန်ပြီး အတည်ပြုလိုက်တာပေါ့။

Agenda ၁၄လည်း အဲ့ဒီ့အတိုင်းပဲ ပြည်သူ့အကျိုးပြုဝန်ဆောင်မှုကာကွယ်ရေး အက်ဥပဒေကို ရုပ်သိမ်းသည့် ဥပဒေကြမ်း အဲ့တာ ကိုလည်း အမျိုးသားလွှတ်တော်က အတည်ပြုချက်အတိုင်းပဲ ကျနော်တို့ ပြည်သူ့လွှတ်တော်က အတည်ပြုပြီး ရုပ်သိမ်း လိုက်တာ။

နောက်တခု Agenda ၁၅မှာက မြေသိမ်း သတ္တုတွင်းများ ဥပဒေကို ရုပ်သိမ်းသည့် ဥပဒေကြမ်း၊ အဲ့တာကိုလည်းပဲ အမျိုးသား လွှတ်တော်က ရုပ်သိမ်းပြီးပြီလို့ အတည်ပြုထားတဲ့အတိုင်း ပြည်သူ့လွှတ်တော်က ထပ်ပြီး အတည်ပြုပြီး ရုပ်သိမ်းလိုက်တာပေါ့။

အဲ့တော့ ဥပဒေကြမ်း ၄ခုပေါ့ ဆိုလိုတာကတော့ ပြည်ထောင်စုလွှတ်တော်က အဲ့ဒီ့ဥပဒေကြမ်းတွေ ဖျက်ပစ် လိုက်ပြီပေါ့နော်၊ အမျိုး သားလွှတ်တော်ရော ပြည်ထောင်စုလွှတ်တော်ရော ဒါကို အတည်ပြုပြီးပြီဆိုတော့ ပြည်ထောင်စုက လွှတ်တော်က ဖျက်ပြီးသားဖြစ် သွားတာပေါ့။ ခေတ်နဲ့ မညီတော့ဘူးဗျာ။ အလုပ်မဖြစ်တော့တဲ့ ဥပဒေကို အဲ့တာကို ကျနော်တို့က ဥပဒေဖောင်းပွနေလို့ များနေလို့ အကုန်လုံး ကျနော်တို့က မလိုတော့တဲ့ ဥပဒေတွေကို ဖျက်သိမ်းပစ်လိုက်တဲ့သဘောပါ။”

ပြည်သူ့လွှတ်တော်ပြန်စတဲ့ ပထမနေ့မှာ ခုလို အစည်းအဝေးအစီအစဉ်တွေအတိုင်း မဆောင်ရွက်ခင်က ဥက္ကဌ သူရဦးရွှေမန်းက မိန့်ခွန်းပြောခဲ့ပါတယ်။ တရားဥပဒေစိုးမိုးရေး အတွက် တည်ဆဲဥပဒေတွေအတိုင်း မလိုက်နာသူတွေကို အရေးယူဖို့ ပျက်ကွက်တဲ့ လူ၊ အဖွဲ့အစည်းတွေကို ပြည်သူ့ကိုယ်စားလှယ်တွေက အပြစ်ပေးအရေးယူနိုင်ဖို့ လုပ်ရမယ်လို့ မိန့်ခွန်းထဲမှာ ပြောသွားပါတယ်။

“ဥပဒေအရ အရေးယူဆောင်ရွက်ရန်၊ ပျက်ကွက်သူ သို့မဟုတ် အဖွဲ့အစည်းကိုလည်း ပြည်သူများ သို့မဟုတ် ပြည်သူ့ကိုယ်စား လှယ်များက ဥပဒေနဲ့အညီ အပြစ်ပေး အရေးယူနိုင်ရေးအတွက် ဆောင်ရွက်ခွင့်ရှိနေရမည်။ အရေးယူ ဆောင်ရွက်ကြရမည် ဖြစ်၍ ထိုကိစ္စ ထိုဖြစ်စဉ်များကို လက်တွေ့နယ်ပယ်တွင် အရေးယူဆောင်ရွက်နေမှုများ ရှင်သန် နေရန် မိမိတို့ လွှတ်တော်ကိုယ်စားလှယ် များတွင် တာဝန်ရှိနေသည်ဟု ခံယူပြီး မိမိလွှတ်တော်နယ်မြေရှိ ပြည်သူလူ ထုအားလုံးပါဝင်ရေးအတွက် ဆောင်ရွက်ကြပြီး မိမိတို့ မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲရေး အောင်မြင် အောင် ကြိုးပမ်းဆောင်ရွက်သွားကြရန် လိုပါတယ်။”

ဒီမိုကရေစီစနစ်ရှင်သန်ဖို့ အရေးကြီးတဲ့ တည်ငြိမ်အေးချမ်းမှုအတွက် တရားဥပဒေစိုးမိုးမှုရှိနေဖို့ လိုတယ်လို့လဲ ပြည်သူ့ လွှတ်တော် အဖွင့်မိန့်ခွန်းမှာ ဥက္ကဌ သူရဦးရွှေမန်းက ဆိုပါတယ်။

“ငြိမ်းချမ်းမှု၊ တည်ငြိမ်အေးချမ်းမှု ရှိမှသာ ဒီမိုကရေစီစနစ် ရှင်သန်နိုင်မှာဖြစ်ပါတယ်။ ထို့အတူ တည်ငြိမ်အေးချမ်း မှုရှိမှလည်း တရားဥပဒေစိုးမိုးရေး Rule of Law ရှိမှာဖြစ်ပါတယ်။ ငြိမ်းချမ်းရေး၊ တည်ငြိမ်အေးချမ်း ရေးနဲ့ တရားဥပဒေစိုးမိုးရေးတို့သည် အပြန်အလှန် အမှီသဟဲပြုပြီး အကျိုးသက်ရောက်မှုများလည်း ရှိနေကြတာဖြစ် ပါတယ်။”

ဒီကနေ့ ပြန်လည်စတင်တဲ့ ပြည်သူ့လွှတ်တော်မှာရော အမျိုးသားလွှတ်တော်မှာပါ၊ အသစ်ခန့်အပ်ခံရတဲ့ တပ်မတော်သား ကိုယ် စားလှယ်တွေ ကတိသစ္စာပြုခဲ့ကြပါတယ်၊ ပြည်ထောင်စုလွှတ်တော်ကိုတော့ တနင်္လာနေ့မှာ ပြန်လည်စတင် မှာဖြစ်ပါတယ်။


Ref: ဗွီအိုအေ

Read More...

မြန်မာပြည်ကျန် ဗြိတိသျှ Spitfire တိုက်လေယာဉ်များ ပြန် တူးဖော်မည်

18.10.2012

လွန်ခဲ့တဲ့ နှစ်ပေါင်း ၇၀လောက်က ဗြိတိသျှတွေ မြန်မာနိုင်ငံအတွင်းမှာ မြုတ်နှံဖွက်ထားခဲ့တဲ့ ဒါဇင်နဲ့ချီတဲ့ Spitfire တိုက် လေယာဉ်တွေကို ပြန်လည်တူးဖော်ခွင့်ပြုဖို့ မြန်မာအစိုးရနဲ့ ဗြိတိန်ဝန်ထမ်း ဝါသနာရှင်တဦး တို့ကြား သဘောတူညီမှုတခုပြုလုပ်ခဲ့ ပါတယ်။

နှစ်ပေါင်းများစွာ လိုက်လံရှာဖွေပြီးတဲ့နောက် အခုနှစ်ဆန်းပိုင်းမှာ ရှာဖွေတွေ့ရှိခဲ့ တာဖြစ်ကြောင်း ဗြိတိန်နိုင်ငံသား David J. Cundall က ပြောဆိုတယ်လို့ အေပီသတင်းဌာနက ဖော်ပြထားပါတယ်။ လေယာဉ်တွေဟာ အကောင်းပကတိ ရှိနေတယ်လို့ ယုံကြည်ကြောင်းလည်း သူက ပြောပါတယ်။

ဗြိတိသျှဝန်ကြီး ဒေးဗစ်ကမ်မရွမ်နဲ့ မြန်မာသမ္မတဦးသိန်းစိန်တို့ အခုနှစ်ဆန်းပိုင်းက တွေ့ဆုံချိန်မှာ ဒီအကြောင်း ဆွေးနွေးခဲ့ကြပြီး တော့ အခုလိုသဘောတူညီမှုရခဲ့တာဖြစ်တယ်လို့ ဆိုပါတယ်။

Spitfire လေယာဉ်ဟာ တစ်ယောက်မောင်း တိုက်လေယာဉ်အမျိုးအစားဖြစ်ပြီးတော့ အရှည်ပေ ၃၀ အတောင်ပံနှစ်ဖက် အစွန်းအထိ ၃၇ ပေရှိပါတယ်။ မြုတ်ထားတဲ့လေယာဉ်တွေဟာ အတောင်ပံတွေ ဖြုတ်ပြီးတော့ မြုတ်နှံထားတာ ဖြစ်နိုင်ကြောင်း လေယာဉ်တွေဟာ အသစ်စက်စက်ဖြစ်ပြီးတော့ သေချာ သေတ္တာနဲ့ထည့်ပြီးတော့ မြုတ်နှံထားတာ ဖြစ်တယ်လို့ ဆိုပါတယ်။

လေယာဉ်တွေပြန်လည်တူးဖော်မှုကို အောက်တိုဘာ လကုန်ပိုင်းမှာ လုပ်ဆောင်မယ်လို့ သိရပါတယ်။ မစ္စတာ David J Cundall ဟာ ဒီလေယာဉ်တွေရှိတဲ့အရပ်ကို သိရဖို့အတွက် ၁၆နှစ်လောက် ကြိုးပမ်းရှာဖွေခဲ့ရတယ်လို့ ဆိုပါတယ်။


Ref: ဗွီအိုအေ

Read More...

ရုံးဖွင့်ခွင့် ပြုတော့မည် မဟုတ်ကြောင်း နယ်စပ်ရေးရာ ၀န်ကြီးဌာနမှ အိုအိုင်စီသို့ အကြောင်းကြား

October 18, 2012

မြန်မာ နယ်စပ်ရေးရာ ၀န်ကြီးဌာနမှ အစ္စလာမ်မစ် ပူးပေါင်းရေး အဖွဲ့(အိုအိုင်စီ)သို့မြန်မာနိုင်ငံ၌ ရုံးဖွင့်ခွင့်ပြုတော့မည် မဟုတ် ကြောင်း အကြောင်းကြားလိုက်ပြီ ဖြစ်ကြောင်း သတင်း ရရှိသည်။

ထိုသို့ အကြောင်းကြားလာခြင်းကို အိုအိုင်စီ အတွင်းရေးမှူး Ekmeleddin Ihsanoglu က ယမန်နေက အတည်ပြု ပြော ကြားသည်ဟု အေပီ သတင်းတွင် ဖေါ်ပြသည်။

သူက ပြောကြားရာတွင် သူတို့ထံသို့ နယ်စပ်ရေးရာ ၀န်ကြီး ဌာမှ တဆင့် အကြောင်းကြားစာ ရောက်လာခြင်း ဖြစ်ပြီး အစိုးရ ထံမှ တရားဝင် မဟုတ်ကြောင်း ပြောကြားသည်။

အဆိုပါ ကိစ္စကို နောက်လတွင် ကျင်းပမည့် အိုအိုင်စီ အစည်းဝေးတွင် ဆွေးနွေးမည် ဖြစ်ကြောင်း ပြောဆိုသည်။

မြန်မာနိုင်ငံတွင် အိုအိုင်စီ ရုံးဖွင့်မည့် ကိစ္စကို မြန်မာတ၀န်းလုံးတွင် ကန့်ကွက် ဆန္ဒပြမူများ ပေါ်ပေါက် လာသဖြင့် ပြည်သူများ၏ ဆန္ဒကို လေးစားလိုက်နာသဖြင့် ယခုလို ရုံးများ ဖွင့်လှစ်ခြင်းကို ဆက်လက် ပြုလုပ်နိုင်တော့မည် မဟုတ်ကြောင်း ပြောဆိုသည် ဟု ဆိုသည်။

မြန်မာ နယ်စပ်ရေးရာ ၀န်ကြီးဌာနနှင့် အိုအိုင်စီ ကိုယ်စားလှယ်တို့သည် မြန်မာနိုင်ငံ စစ်တွေနှင့် ရန်ကုန်မြို့တို့တွင် ရုံးများ ဖွင့်လှစ်ရန် ယခုနှစ် စက်တင်္ဘာလ ၁၁ ရက်နေ့က သဘောတူ လက်မှတ်ရေးထိုးခဲ့ကြသည်။

အဆိုပါ လက်မှတ်ရေးထိုး ပြီးနောက် မြန်မာနိုင်ငံ မြို့ကြီးများတွင် ရဟန်းတော်များမှ ဦးဆောင်ပြီး အိုအိုင်စီ ရုံးများ ဖွင့်လှစ်ရေးကို ကန့်ကွက် ဆန္ဒပြသည့် လူပ်ရှားမူများ နေ့စဉ် ရက်ဆက် ပေါ်ပေါက်ခဲ့သည်။

Ref: နိရဉ္စရာ

Read More...

ကရင်ပြည်၏ ပထမဦးဆုံး ထဘာကော် ခရီးသွားလာရေး ကုမ္ပဏီဖွင့်လှစ်

18 October 2012
နန်းသူးလေ

ကရင်ပြည်နယ်၊ ဘားအံမြို့ရှိ ရတနာဒီပအမှတ်(၉)ရပ်ကွက်၊ ကားကွင်းကြီးအနီးတွင် ကရင်ပြည်နယ်၏ ပထမဦးဆုံးသော “ထဘာကော်”ခရီးသွားလာရေး ကုမ္ပဏီလီမိတက်ကို ယမန်နေ့က စတင်ဖွင့်လှစ်ခဲ့သည်။

ကရင်ပြည်နယ်အတွင်းရှိ ရှေးဟောင်းပစ္စည်းများ၊ ယဉ်ကျေးမှုအမွေအနှစ်များ၊ တောတောင်သဘာဝအလှများကို ပြည်တွင်း နှင့် နိုင်ငံတကာမှ လာရောက်ကြည့်ရှုပြီး နိုင်ငံခြားဝင်ငွေရရှိရန်နှင့် နိုင်ငံရပ်ခြားသို့ သွားချင်သည့် ကရင်လူမျိုးများ အလွယ် တကူ သွားလာနိုင်ရန် ရည်ရွယ်ချက်ဖြင့် ဖွင့်လှစ်လိုက်ရခြင်း ဖြစ်ကြောင်း ထဘကော် ကုမ္ပဏီလီမိတက်၏ အကြံပေး ပုဂ္ဂိုလ် နော်ယုဇန ၀ါက ပြောသည်။

နော်ယုဇန၀ါက “ကျမတို့ ပြည်နယ်ထဲမှာလည်း နိုင်ငံခြားသားတွေ လာရောက်ကြည့်ရှုလို့ရတဲ့ သဘာဝအလှတရားတွေ အများ ကြီးရှိတယ်။ နောင်လာမယ့် မျိုးဆက်သစ်တွေအနေနဲ့လည်း ဒီလုပ်ငန်းတွေကို စိတ်ဝင်စားမှုရှိလာအောင် ကျမတို့က ရင်တွေအ နေနဲ့ ဟိုတယ်နဲ့ခရီးသွားလာရေးလုပ်ငန်းကို ပထမဆုံးခြေလှမ်းစလိုက်တဲ့ သဘောပါ”ဟု ပြောသည်။

ထဘာကော် ကုမ္ပဏီဖွင့်ပွဲအခမ်းအနားကို ယမန်နေ့ နံနက် ၈နာရီအချိန်တွင် ကရင်ကလေးငယ်လေးများက ဖဲကြိုးဖြတ်ဖွင့်လှစ် ပေးခဲ့ပြီး ပြည်တွင်း၊ ပြည်ပ ခရီးစဉ်များနှင့် ပတ်သက်၍ ရှင်းပြခဲ့ကြကာ အခမ်းအနားသို့ စီးပွားရေးလုပ်ငန်းရှင်များ ကရင်မိတ်ဆွေ အသိုင်းအ၀ိုင်းနှင့် ဘားအံမြို့ရှိ ဟိုတယ်နှင့် ခရီးသွားလာရေးလုပ်ငန်းများ အရာရှိများ တက်ရောက်ခဲ့ ကြောင်း အခမ်းအနားတက် ရောက်ခဲ့သူ တစ်ဦးက ပြောသည်။

ပိုးကရင်ဘာသာစကားအရ ကုမ္ပဏီ၏ “ထဘာကော်”ဟူသည့်အမည်သည် မြန်မာဘာသာအရ ကမ္ဘာကြီးကို ထိန်းသိမ်းပါ ဟူသည့် အဓိပ္ပါယ်ရပြီး အင်္ဂလိပ်ဘာသာမှာ (Save the World)ဖြစ်သည်။

ယင်းကုမ္ပဏီလီမိတက်တွင် မန်းနေဂျင်းဒါရိုက်တာအဖြစ် နော်ယုဇန၀င်း၊ အဖွဲ့ဝင်များဖြစ်သည့် နန်းအေးအေးသွယ်နှင့် ဒေါက်တာ စောစိုးနိုင်အပြင် အမည်မဖော်လိုသည့် ရှယ်ယာဝင်နှစ်ဦး၊ စုစုပေါင်း ကရင်ရှယ်ယာဝင် ၅ဦးတို့ စုပေါင်း လုပ်ဆောင်လိုက်ခြင်း ဖြစ်သည်။

ထို့အပြင် ခရီးသွားလာရေးလုပ်ငန်း အစပိုင်းအနေဖြင့် ပြည်တွင်းတွင် ကရင်ပြည်နယ်နှင့် တနင်္သာရီတိုင်းတို့ဖြစ်ပြီး ပြည်ပ ခရီးစဉ် အဖြစ် အာရှနိုင်ငံများနှင့် ဥရောပနိုင်ငံများသို့ ပို့ဆောင်ရန် ရည်ရွယ်ထားကြောင်းနှင့် ခရီးသွားလာရေးအတွက် လောလောဆယ် တွင် ပုဂ္ဂလိက ကားများကိုသာ ငှားရမ်းသုံးစွဲသွားမည်ကြောင်း သိရသည်။

တဆက်တည်းမှာပင် ဧည့်လမ်းညွှန်အနေဖြင့်လည်း ဘားအံဒေသခံလူငယ်များကို ဦးစားပေးငှားရမ်းသွားပြီး ရန်ကုန်မှ ဧည့်သည် လမ်းညွှန်များကိုလည်း ငှားရမ်းသွားမည်ဖြစ်သကဲ့သို့ ၎င်းတို့၏ ခရီးသွားကုမ္ပဏီလီမိတက်နှင့် ပူးပေါင်း လုပ်ဆောင်လိုပါကလည်း လာရောက်ဆက်သွယ်နိုင်ကြောင်းလည်း နော်ယုဇန၀ါက ပြောသည်။

“ဒေသခံလမ်းပြတွေနဲ့ပဲအလုပ်ဖြစ်အောင် ကျောင်းပြီးတဲ့လူတွေ အယောက် ၂၀လောက်ကို သင်တန်းပေးထားတာ မနေ့ကပဲ သူတို့ သင်တန်းဆင်းပြီးသွားတယ်။လုပ်ငန်းပိုင်းအနေနဲ့ကတော့ ခရီးစဉ်တွေက သုံးရက်ဆိုဘယ်လောက်၊ ၅ရက်ဆိုရင် ဘယ်လောက် ပေါ့နော်၊အဓိကတော့ ခရီးစဉ်တွေကို ရောင်းသွားမှာပါ”ဟု ပြောသည်။

ထဘာကော် ခရီးသွားလုပ်ငန်းသည် ပထမဦးခရီးစဉ်အဖြစ် လာမည့် နိုဝင်ဘာလထဲတွင် အိန္ဒိယနိုင်ငံသို့ ဗုဒ္ဓဂါယာ ဘုရားဖူး ခရီးစဉ်အဖြစ် စတင်ပို့ဆောင်ပေးတော့မည်ကို ကြားသိရကြောင်း ဘားအံဒေသခံတစ်ဦးက ပြောပြသည်။

ရှေ့ဆက်လုပ်ငန်းစဉ်များအနေဖြင့် ကရင်ပြည်နယ်ထဲတွင် ဟိုတယ်ကဲ့သို့ တည်းခိုနိုင်သည့် ရိုးရာအိမ်ငယ်လေးများ တည်ဆောက် ပြီး ခရီးသည်များငှားရမ်းနေထိုင်နိုင်ရန် လုပ်ဆောင်သွားမည်ဟုလည်း နော်ယုဇန၀ါက ပြောသည်။

ထဘာကော် ခရီးသွားလာရေးကုမ္ပဏီလီမီတက်ကို ဟိုတည်နှင့် ခရီးသွားလာရေးလုပ်ငန်းဌာနသို့ ယခုနှစ်ဆန်းပိုင်းက မှတ်ပုံတင်ခဲ့ ပြီး တရားဝင်လုပ်ကိုင်နိုင်ခွင့် မှတ်ပုံတင်စာ ရရှိပြီးစီးကြောင်းနှင့် ၎င်းကုမ္ပဏီ၏ ဖွဲ့စည်းပုံအရ အမြတ်ငွေ ငါး ရာခိုင်နှုန်းကို အမျိုး သားရေးနှင့် အများပြည်သူလူထုလိုအပ်ချက်အတွက် အသုံးပြုသွားမည်ဟု သိရသည်။

Ref: ကေအိုင်စီ

Read More...

Thursday, October 18, 2012

အမေရိကန်-မြန်မာ လူ့အခွင့်အရေးဆွေးနွေး

ဒေါ်ခင်မျိုးသက်
17.10.2012

အမေရိကန် နိုင်ငံခြားရေးဌာန ဒီမိုကရေစီ လူ့အခွင့်အရေးနဲ့ အလုပ်သမားရေးရာဌာန လက်ထောက် နိုင်ငံခြားရေး ၀န်ကြီး မိုက်ကယ်ပို့စ်နာ (Michael Posner) နဲ့ အဖွဲ့ဟာ ဗုဒ္ဓဟူးနေ့က နေပြည်တော်မှာ မြန်မာအစိုးရတာဝန်ရှိသူတွေနဲ့ တွေ့ဆုံပြီး ပထမဆုံးအကြိမ် လူ့အခွင့်ရေး ဆိုင်ရာ ဆွေးနွေးမှုတွေ လုပ်ခဲ့ပါတယ်။ ဒီဆွေးနွေးမှုတွေဟာ အတော် အပြု သဘောဆောင်သလို အမေရိကန်ဘက်က အခုလို လူ့အခွင့် အရေးဆိုင်ရာ ဆွေးနွေးမှုတွေ ဆက်လုပ်နိုင်ဖို့ အတွက် လမ်းဖွင့်ထားကြောင်းလည်းပြော ပါတယ်။

အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

မြန်မာနိုင်ငံက လူ့အခွင့်အရေးချိုးဖောက်မှုတွေ ရပ်ဆိုင်းစေဖို့ အရေးယူဒဏ်ခတ်မှုတွေ နှစ်ပေါင်း များစွာ ချမှတ်ခဲ့တဲ့ အမေရိကန် နိုင်ငံက ဒီမိုကရေစီရေး အပြောင်းအလဲတွေ လုပ်လာတဲ့ မြန်မာနိုင်ငံ အပေါ် မကြာသေးခင်ပဲ ပစ်ဒဏ်ခတ်မှုတွေ လျှော့ပေါ့ပေးခဲ့ ရာ ကနေ အခု ပထမဆုံးအကြိမ်အဖြစ် အမေရိကန်-မြန်မာလူ့အခွင့်ရေးဆိုင်ရာ ဆွေးနွေးမှုတွေ ပြုလုပ်ခဲ့တယ်လို့ အမေရိကန် နိုင်ငံခြားရေး ၀န်ကြီးဌာနရဲ့ ဗုဒ္ဓဟူးနေ့ သတင်းစာရှင်းလင်းပွဲမှာ နိုင်ငံခြားရေးဌာနပြောခွင့်ရ Victoria Nuland ကပြော ပါတယ်။

“အမေရိကန်အစိုးရရဲ့ မြန်မာအစိုးရနဲ့ ပထမဆုံးအကြိမ်ပြုလုပ်တဲ့ လူ့အခွင့်အရေးဆိုင်ရာ တွေ့ ဆုံဆွေးနွေးမှု ကို ဗုဒ္ဓဟူးနေ့ အစောပိုင်းက နေပြည်တော်မှာ လုပ်ခဲ့ပါတယ်။ နိုင်ငံခြားရေးဌာန ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ လက်ထောက် နိုင်ငံခြားရေး ၀န်ကြီး မိုက်ကယ် ပို့စ်နာ (Michael Posner) ဦးဆောင်တဲ့ အမေရိကန် ပြည်ထောင်စု အစိုးရဌာန အသီးသီးက အဖွဲ့ဝင် ၂၂ ဦး ပါဝင်တဲ့ အမေရိကန် ကိုယ်စားလှယ် အဖွဲ့ဟာ မြန်မာနိုင်ငံရဲ့ လူ့အခွင့်ရေးဆိုင်ရာ ကိစ္စရပ်တွေ ကို ကျယ်ကျယ်ပြန့်ပြန့်ဆွေးနွေးခဲ့ပါတယ်။ ဒီအဖွဲ့ထဲမှာ သမ္မတ အိမ်ဖြူတော်၊ အမျိုးသား လုံခြုံရေး ဌာနကနေ ဒုသမ္မတရုံး၊ အမိမြေလုံခြုံရေး၊ ကာကွယ်ရေးဝန်ကြီးဌာနနဲ့ နိုင်ငံတကာဖွံ့ဖြိုးရေး အထောက်အကူပေးမှု ဆိုင်ရာအဖွဲ့တွေအထိ ပါပါတယ်။ မြန်မာနိုင်ငံရဲ့ လူ့အခွင့်အရေးနဲ့ ပတ်သက် လို့ နိုင်ငံတကာရဲ့ စိုးရိမ်ပူပန်မှုတွေကို ဖြေရှင်းနိုင်ဖို့ အစိုးရတရပ်လုံးရဲ့ ချဉ်းကပ် ဆောင်ရွက်မှု ဖြစ်ပါ တယ်။”

အခုပြုလုပ်ခဲ့တဲ့ ပထမဆုံးအကြိမ်ဆွေးနွေးပွဲရလာဒ်နဲ့ ပတ်သက်ပြီး အတော်အပြုသဘောဆောင် တာကို တွေ့ရတယ်လို့လည်း ပြောပါတယ်။ အခုသွားရောက်ခဲ့တဲ့ အမေရိကန်ကိုယ်စားလှယ် အဖွဲ့ထဲမှာ လူ့အခွင့်ရေးဆိုင်ရာ ကိစ္စရပ်တွေကို ထောင့်စုံက ဆွေးနွေးမယ့် ကျွမ်းကျင်သူတွေ ပါဝင်ပြီး မြန်မာ အစိုးရဘက်ကလည်း သူတို့နဲ့ လိုလိုလားလားဆွေးနွေးခဲ့တာကို သိရတယ်လို့ ဆိုပါတယ်။ ဒါ့ကြောင့် လူ့အခွင့်ရေး ဆိုင်ရာ စံချိန်မီတဲ့ အစိုးရတရပ် ဖြစ်လာအောင်ကူညီဖို့ အမေရိကန်အစိုးရဘက်က လမ်းဖွင့် ထားတယ်လို့ လည်းပြောပါတယ်။

“အမေရိကန်အစိုးရဘက်က အခုအခါမှာ လူ့အခွင့်ရေး ဆိုင်ရာ ကိစ္စရပ်တွေကို ဆွေးနွေးဖို့ လမ်းဖွင့် ထားသလို မြန်မာနိုင်ငံ အတွက် လူ့အခွင့်ရေးဆိုင်ရာ စံချိန်မီတဲ့ အစိုးရတရပ်ပေါ်လာရေးအတွက် ဆက်ပြီး လက်တွဲ လုပ်ဆောင်သွားမှာဖြစ်ပါတယ်။”

အမေရိကန်အစိုးရအနေနဲ့ နိုင်ငံရေး အကျဉ်းသားတယောက်မကျန် ပြန်လွှတ်ပေးဖို့ ဆက်လက် တိုက်တွန်းနေမှာဖြစ်သလို မြန်မာနိုင်ငံ လူ့အခွင့်အရေး တိုးတက်ကောင်းမွန်လာစေဖို့ ဆက်လက် ကူညီသွားမယ်လို့လည်း ပြောပါတယ်။

လက်ထောက် နိုင်ငံခြားရေး ၀န်ကြီး မိုက်ကယ်ပိုစ့်နာနဲ့ အဖွဲ့ဟာ မြန်မာ့ ဒီမိုကရေ စီခေါင်းဆောင် ဒေါ်အောင်ဆန်းစုကြည်နဲ့လည်း တွေ့ဆုံခဲ့တယ်လို့ သူ့ရဲ့လွှတ်တော်ရေးရာ ကိုယ်စားလှယ် ပြည်သူ့ လွှတ်တော်ကိုယ်စားလှယ် ဦးဇေယျာသော်က VOA ကို ပြော ပါတယ်။


Ref: ဗွီအိုအေ

Read More...

သီဟာနုရုပ်ကလာပ် ကမ္ဘောဒီးယားပြန်ရောက်

17.10.2012

ကွယ်လွန်သူ ကမ္ဘောဒီးယား ဘုရင်ဟောင်း နိုရိုဒွန် သီဟာနုရဲ့ ကြွင်းကျန်ရစ်တဲ့ ရုပ်အလောင်းကို ဒီကနေ့ ကမ္ဘောဒီးယားနိုင်ငံဆီ ပြန်လည် သယ်ဆောင်လာတာမှာ လူ ထောင်ပေါင်းများစွာက ဂါရ၀ပြု ကြိုဆိုခဲ့ကြပါတယ်။

ဘုရင်သီဟာနုရဲ့ ရုပ်အလောင်းဟာ တရုတ်နိုင်ငံ၊ ဘေဂျင်းမြို့တော်ကနေ ကမ္ဘောဒီးယားနိုင်ငံရဲ့ ဖနွမ်းပင်မြို့တော်ဆီ လေယာဉ်နဲ့ ရောက်သွားခဲ့တာပါ။ ဘေဂျင်းမြို့တော်မှာ ကင်ဆာရောဂါကို ကာလရှည်ကြာ ကုသနေရင်း အသက် ၈၉ နှစ်အရွယ်မှာ တနင်္လာ နေ့က နှလုံးရောဂါနဲ့ ကွယ်လွန်သွားတာ ဖြစ်ပါတယ်။

ဝမ်းနည်းကြေကွဲနေကြတဲ့ လူထောင်ပေါင်းများစွာတို့ဟာ ဘုရင်ဟောင်းရဲ့ နောက်ဆုံး အိမ်အပြန်ခရီးကို ကြိုဆိုဖို့နဲ့ သူ့ရဲ့ရုပ်အ လောင်းကို ကြည့်ခွင့်ရဖို့ ဘုရင့်နန်းတော်မှာ စုဝေး စောင့်ဆိုင်းခဲ့ကြပါတယ်။ ကွယ်လွန်သူ ဘုရင်ဟောင်းရဲ့ ရုပ်အလောင်းကို ဘုရင့်နန်းတော်မှာ သုံးလကြာ ထားရှိပြီးတဲ့နောက် ဗုဒ္ဓဘာသာဝင်တွေရဲ့ ဓလေ့ထုံးတမ်းအတိုင်း အသုဘအခမ်းအနားကျင်းပပြီး မီးသဂြုင်္ိဟ်မှာဖြစ်ပါတယ်။


Ref: ဗွီအိုအေ

Read More...

သမိုင်းဝင်တရားရုံးများ ပုဂ္ဂလိကမလွှဲရေးဆန္ဒပြ

17.10.2012

ရှေးဟောင်းအဆောက်အဦးတွေဖြစ်တဲ့ ရန်ကုန်တိုင်းဒေသကြီး တရားလွှတ်တော်ရုံးနဲ့ ရန်ကုန်တိုင်း တရားရုံးတွေကို ပြတိုက်နဲ့ ဟိုတယ်အဖြစ်ဆောက်လုပ်တော့မဲ့ စီမံကိန်းတွေကို ရပ်ဆိုင်းပေးဖို့ ဒီကနေ့ ရန်ကုန်မှာ ရှိတဲ့ ရှေ့နေကွန်ယက်ကနေ ဆန္ဒ ထုတ်ဖော်ပြခဲ့ကြပါတယ်။

ဒီစီမံကိန်းတွေ စတင်ဆောင်ရွက်ခဲ့စဉ်က နိုင်ငံတော်သမ္မတနဲ့ လွှတ်တော်သုံးရပ်က အာဏာပိုင်တွေကို တင်ပြပြီး ရပ်ဆိုင်းပေးဖို့ ပြောထားပေမဲ့ တစ်စုံတစ်ရာ အကြောင်းမထူးတာကြောင့် အခုလို ဆန္ဒပြ ရတာ ဖြစ်တယ်လိ်ု့ မြန်မာနိုင်ငံ၊ ရှေ့နေကွန်ယက် တာဝန်ရှိသူတွေက ပြောပါတယ်။ ခုလို သူတို့ ဆန္ဒ အတိုင်း သက်ဆိုင်ရာက ဆောင်ရွက်မပေးရင် ဘာဆက်လုပ်ကြမှာပါလဲ၊

ဆန္ဒထုတ်ဖော်ပွဲကို ကိုယ်တိုင် သတင်းရယူခဲ့တဲ့ ရန်ကုန်အခြေစိုက် ဗွီအိုအေသတင်းထောက် ကိုအောင်ရဲမောင်မောင် က တင်ပြပေးထားပါတယ်။

ပုဂ္ဂလိပိုင်ပေးစဉ်က ပါဝင်သွားခဲ့တဲ့ နိုင်ငံ့ဂုဏ်ဆောင် အထင်ကရ High Court လို့ သိကြတဲ့ တရား လွှတ်တော်ချုပ်ရုံးနဲ့ ရန်ကုန်တိုင်းဒေသကြီး တရားလွှတ်တော်ရုံးလို့ ခေါ်တဲ့ စုပေါင်းရုံးတွေကို မူလအတိုင်း ရှေးမူမပျက် ထိန်းသိမ်းပေးဖို့ အာဏာပိုင် တွေကို တောင်းဆိုတဲ့အပေါ် တစ်စုံတစ်ရာ လိုက်လျှောပေးတာတွေ မရှိတာကြောင့် မြန်မာနိုင်ငံရှေ့နေများကွန်ယက်က ရှေ့နေ အင်အား ၁၀၀ ကျော်နဲ့ ဒီကနေ့ မှာ ဆန္ဒထုတ်ဖော်ခဲ့ကြတာပါ။

နှစ်ပေါင်းတစ်ရာကျော် အမျိုးသား ယဉ်ကျေးမှုအမွေအနှစ်တွေဖြစ်ခဲ့တဲ့ တရားလွှတ်တော်ကြီးနဲ့ ရန်ကုန်တိုင်းတရားရုံးတွေဟာ ပုဂ္ဂလိပိုင်လုပ်ငန်းရှင်တွေလက်ထဲမှာ အသွင်ပြောင်းသွားမှာကို မလိုလားဘူးလို့ ရှေ့နေကွန်ယက်မှ တရားလွှတ်တော် ရှေ့နေ တစ်ဦးဖြစ်တဲ့ ဦးကိုနီက VOA ကို ပြောပါတယ်။

“မြန်မာနိုင်ငံရဲ့သမိုင်းဝင် အဆောက်အအုံနှစ်ခုဖြစ်တဲ့ ရန်ကုန် High Court လို့ခေါ်တဲ့ တရား လွှတ်တော်ချုပ် အဆောက်အအုံ နဲ့ စုပေါင်းတိုင်း တရားရုံးကြီး- အမျိုးသားယဉ်ကျေးမှု အမွေအနှစ် အဖြစ် သတ်မှတ်ထားတဲ့ ဒီ အဆောက်အအုံကြီးနှစ်ခုကို ပုဂ္ဂလိကလုပ်ငန်းရှင်ကို လွှဲပေးတဲ့အပေါ်မှာ မကျေနပ်လို့ ဆန္ဒထုတ်ဖော်ရတာပါ။ ပထမတချက်က မဟာဗန္ဓုလပန်းခြံနားမှာရှိတဲ့ တရား လွှတ်တော် အဆောက်အအုံရဲ့ အပေါ်ဆုံးထပ်ကို ပြတိုက်ဖွင့်ဖို့ လုပ်ငန်းရှင်တယောက်ကို လွှဲပေးတယ်။ အဲဒါလည်းပဲ လက်မခံနိုင်ပါဘူး။ နှစ်ပေါင်းတစ်ရာကျော် တရားရုံးအဖြစ် သုံးခဲ့တဲ့ အဆောက်အအုံရဲ့အပေါ်ဆုံးထပ်ကို ပုဂ္ဂလိက လုပ်ငန်းရှင်တစ် ယောက်က ရယူသွားစရာအကြောင်း မရှိဘူးဗျ။

နောက် ဒီဘက်ကရုံးကလည်း စဆောက်ကတည်းက တရားရုံး၊ တရားရုံးအဖြစ် နှစ်ပေါင်း တစ်ရာလောက် ဆက်တိုက်သုံးခဲ့တယ်။ ကြားထဲမှာ မဆလခေတ် တစ်ခေတ်ပဲ သူတို့ပါတီိ ဌာနချုပ် အနေနဲ့သုံးတယ်။ ပြီးတော့ ၁၉၈၈ ကနေစ၊ ဒီကနေ့အထိ တရားရုံး အဖြစ် သုံးနေတယ်။ အဲဒီတော့ ဒီမှာ ကျနော်တို့ အရှေ့ပိုင်းခရိုင် တရားရုံးရှိတယ်။ အနောက်ပိုင်းခရိုင် တရားရုံးရှိတယ်။ ရန်ကုန် ထဲမှာရှိတဲ့ မြို့နယ် တော်တော်များများက တရားရုံးတွေ ရှိတယ်။ အဲဒီတရားရုံးတွေ အားလုံးကို အပြင်ထုတ်လိုက်တယ်။

ဥပမာ- အရှေ့ပိုင်းခရိုင်တရားရုံးဆို သင်္ကန်းကျွန်းအထိ ရောက်သွားတယ်။ အဝေးကြီးသွားရတယ်။ လူတွေ အများကြီး ဒုက္ခဖြစ် ကုန် တယ်။ တရားသူကြီးလည်း ဒုက္ခဖြစ်တယ်။ ဝန်ထမ်းတွေလည်း တော်တော် ဒုက္ခဖြစ်တယ်။ အဲဒီတော့ လူတွေအားလုံးကို ဒီလို ဒုက္ခဖြစ်စေတဲ့ကိစ္စ အကျိုးရှိတဲ့အခါကျတော့ စီးပွားရေး ပုဂ္ဂလိကလုပ်ငန်းရှင်တွေပဲ အကျိုးဖြစ်ထွန်းတယ်။ ဒီလို လုပ်ရပ်မျိုးကို ကျနော်တို့က သဘောမကျဘူး။

ဒါ့အပြင် ဒီအဆောက်အအုံနှစ်ခုဟာ အမျိုးသားယဉ်ကျေးမှု အမွေအနှစ် ပစ္စည်းတွေဖြစ်တယ်။ အမျိုးသားယဉ်ကျေးမှု အမွေအနှစ် ပစ္စည်းကို ထိန်းသိမ်းဖို့က နိုင်ငံသားအားလုံးရဲ့တာဝန်ဖြစ်တယ်။ အထူးသဖြင့် ကျနော်တို့လို ရှေ့နေ ရှေ့ရပ်တွေ၊ ဥပဒေသမား တွေက ဒါကို ပိုပြီးတော့ ထိန်းသိမ်းဖို့ တာဝန်ရှိတယ်။ ဒါကြောင့်မို့လို့လည်း သက်ဆိုင်ရာ တာဝန်ရှိတဲ့သူတွေက မထိန်းသိမ်းရင် တောင် ကျနော်တို့ ဥပဒေပညာရှင်တွေဖြစ်တဲ့ ကျနော်တို့ရှေ့နေများ ကွန်ယက်အနေနဲ့တော့ ဒီအမျိုးသား ယဉ်ကျေးမှု အမွေအနှစ် ပစ္စည်းတွေကို ဆက်ပြီးတော့ တည်တံ့ခိုင်မြဲအောင် တတ်စွမ်းသမျှလုပ်ဖို့ သင့်တယ်လို့ ကျနော်တို့က ယုံကြည်ယူဆလို့ အခုလိုမျိုး ဆန္ဒထုတ်ဖော်ရတာ ဖြစ်တယ်။”

ရှေ့နေတွေ ဆန္ဒထုတ်ဖော်မှုမလုပ်ခင်က အုပ်ချုပ်ရေးနဲ့ ဥပဒေပြုရေးပိုင်းက တာဝန်ရှိ အာဏာပိုင်တွေဆီ တရားရုံးတွေကို အသွင် မပြောင်းဖြစ်ဖို့ ပြောကြားခဲ့ပေမဲ့လည်း သုံးလကြာတဲ့အထိ တစ်စုံတစ်ရာ ပြေကြားလာတာတွေမရှိလို့ အခုလို ဆန္ဒထုတ်ဖော်ရ တာလို့ ဦးကိုနီက ပြောပါတယ်။ ဒီနေ့ ဆန္ဒဖော် ထုတ်တဲ့ ရှေ့နေကွန်ယက်ရဲ့လုပ်ရပ်အပေါ် အာဏာပိုင်တွေဘက်က တစ်စုံတစ်ခု အကြောင်းပြန် လာခြင်း၊ သဘောထား ပြင်ဆင်ပေးတာတွေမရှိခဲ့ရင်လည်း ရှေ့နေကွန်ယက်က အခြားဥပဒေလမ်း ကြောင်းတွေက နေ ဆောင်ရွက်သွားမှာဖြစ်တယ်လို့ ဦးကိုနီက ဆိုပါတယ်။

နိုင်ငံတကာမှာလည်း ရှေးဟောင်းအမွေအနှစ်တွေကို ထိန်းသိန်းစောင့်ရှောက်မှုတွေ ဆောင်ရွက်နေ ချိန်မှာ နိုင်ငံတော်ပိုင်းက ထိန်းသိမ်းဆောင်ရွက်နိုင်တာမျိုးတွေ မပြုလုပ်နိုင်ခဲ့ ရင်တောင် တရား လွှတ်တော်နဲ့ တရားရုံးတွေကို ဟိုတယ်အသွင် ပြောင်း လဲပစ်မယ့် လုပ်ရပ်တွေကတော့ လုံးဝ မသင့်လျော်ဘူးလို့ တရားလွှတ်တော် ရှေ့နေတစ်ဦးဖြစ်တဲ့ ဦးမျိုးသန့်(ရန်ကင်း) က ပြောပါတယ်။

အရင် အစိုးရလက်ထက်က တရားရုံးအဖြစ် အသုံးပြုလာခဲ့တဲ့ ရန်ကုန်တိုင်း၊ စုပေါင်းရုံးအတွင်းက ခရိုင်ရုံးပေါင်းများစွာကို မြို့စွန်မြို့ဖျားဆီကို ရွှေ့ပြောင်းစေခဲ့ပြီး ရန်ကုန်တိုင်းတရားရုံးကြီးကို ရပ်နားထားခဲ့တာလည်း ကာလအားဖြင့် ခုနစ်လ တိတိ ရှိလာပြီလို့ တရားလွှတ်တော်ရှေ့နေတစ်ဦး က ထောက်ပြ ပြောခဲ့ပါတယ်။

ခေတ်အဆက်ဆက် တရားစီရင်ရေးရဲ့ အမွေအနှစ်လို့ ပြောလို့ ရတဲ့ တရားရုံးတွေကို ထိန်းသိမ်း တာမျိုး မလုပ်ဘဲ လုံးဝ အသွင် ပြောင်းတာဟာ မူလကရှိနေတဲ့ ယဉ်ကျေးမှုတွေကို ဖျက်ဆီး လိုက် တာနဲ့ တူတယ်လို့လည်း ရှေ့နေကွန်ယက်က ဥပဒေအတိုင် ပင်ခံ ဦးဖိုးဖြူက ပြောပါတယ်။

“သမိုင်းအမွေအနှစ်၊ ယဉ်ကျေးမှုအမွေအနှစ် ဖြစ်တယ်၊ တရားစီရင်ရေးရဲ့ အမွေအနှစ် လို့တောင် ပြောလို့ ရတဲ့ ဒီတရားရုံး အဆောက်အဦးကို ပုဂ္ဂလိကပိုင် လွှဲပြောင်းမယ်ဆိုတာကတော့ အကြီးအကျယ် ကန့်ကွက်သင့်တဲ့ကိစ္စပါ။ ကျနော်တို့ သားတွေ သမီးတွေ၊ ရှေ့နေ ရှေ့ရပ်တွေ၊ ဥပဒေပညာရှင်တွေ ဖြစ်လာခဲ့မယ်ဆိုရင်တောင် တို့ဘိုးတွေ၊ ဘွားတွေ၊ ဘေးတွေ လက်ထက် တုန်းက တရားစီရင်ခဲ့တဲ့၊ ဆုံးဖြတ်ခဲ့တဲ့ သမိုင်းဝင် စီရင်ချက်ကြီးတွေ ချမှတ်ခဲ့တဲ့ရုံးက ဒီရုံးပဲလို့ ကျနော်တို့ ပြစရာမရှိတဲ့နေ့ တနေ့ကို ရောက်သွားမှာ အလွန်စိုးရိမ်ပါတယ်။”

ဒီကနေ့မှာ မြန်မာနိုင်ငံရှေ့နေကွန်ယက်က တရားရုံးကြီးနှစ်ခုကို ဟိုတယ်နဲ့ပြတိုက်တွေမဖြစ်ဖို့ ဆန္ဒ ထုတ်ဖော်မှုတွေ ပြုလုပ်ခဲ့သလို မြင့်မားလာတဲ့ ရုံးခွန်တံဆိပ်ခေါင်းကိစ္စတွေကို အာဏာပိုင်တွေဘက် က ပြန်စဉ်းစားတာတွေ ပြုလုပ်ဖို့လည်း တောင်းဆိုခဲ့ကြ ပါ တယ်ခင်ဗျာ။


Ref: ဗွီအိုအေ

Read More...

ပါကစ္စတန်ရေဘေး ၄၅၀ ကျော်သေ

17.10.2012

ပါကစ္စတန်နိုင်ငံမှာ ပြီးခဲ့တဲ့ မုတ်သုန်မိုးရာသီအတွင်း သီတင်းပတ်ပေါင်းများစွာ ရေကြီးခဲ့တာကြောင့် လူ ၄၅၅ ယောက်သေဆုံးပြီး ၅ သန်းကျော် ဘေးဒုက္ခရောက်ခဲ့ကြတယ်လို့ ပါကစ္စတန် ဘေးဒုက္ခ ကယ်ဆယ်ရေး အဖွဲ့က ခန့်မှန်းလိုက်ပါတယ်။

ပြီးခဲ့တဲ့ သီတင်းပတ် ငါးပတ်အတွင်းမှာ ပါကစ္စတန်တနိုင်ငံလုံး ရေကြီးတဲ့ဘေးဒဏ်တွေကို ခံခဲ့ကြရတယ်လို့ ပါကစ္စတန် တာဝန် ရှိသူ တွေက ပြောပါတယ်။ အဆိုးဆုံးခံခဲ့ရတာကတော့ မြေနိမ့်ပိုင်း ဆင်းပြည် နယ် ဖြစ်ပါတယ်။ ဆင်းပြည်နယ်ဒေသဟာ ပင် လယ်ကမ်းရိုးတန်း တလျှောက် တည်ရှိတဲ့နေရာဖြစ်ပါ တယ်။ ရေကြီးမှုနဲ့ဆက်နွယ်တဲ့ သေဆုံးသူ တ၀က်ကျော်ဟာ ဆင်းပြည် နယ် က ဖြစ်ပြီး လူ ၂ သိန်းခွဲ နီးပါးလောက် ဟာလည်း ကယ်ဆယ်ရေးစခန်း တွေမှာနေ နေကြရပါတယ်။

လယ်ယာစိုက်ပျိုးရေးကဏ္ဍဘက်မှာဆိုရင်လည်း ပန်ဂျပ်ပြည်နယ်က အဆိုးဆုံးခံရတာဖြစ်ပြီး သီးနှံစိုက်ပျိုးမြေ ဧက ၅ သိန်းလောက် ထိခိုက်ပျက်စီးခဲ့ရပါတယ်။ အနောက်တောင်ပိုင်း ဘလူချီစတန်ပြည်နယ်မှာတော့ လယ်ယာသုံးတိရစ္ဆာန် တွေ အများဆုံးသေဆုံးခဲ့ပြီး နွားကောင်ရေ ၇ ထောင်သေဆုံးခဲ့ပါတယ်။

ပါကစ္စတန်နိုင်ငံမှာ နှစ်စဉ်လိုလို မုတ်သုန်ရာသီရောက်ပြီးဆိုရင် ရေကြီးတာတွေ ကြုံရတတ်ပြီး လွန်ခဲ့ တဲ့နှစ်နှစ်မှာလည်း ရေကြီးမှုဒဏ်ကို အကြီးအကျယ်ခံခဲ့ရပါတယ်။ ၂၀၁၀ ခုနှစ်က ဖြစ်ခဲ့တဲ့ ရေကြီးမှု ကတော့ ရာစုနှစ်တခုအတွင်း အဆိုးဆုံး ရေကြီးမှုဖြစ်ပါတယ်။ အဲဒီ ရေကြီးမှုကြောင့် ဗြိတိန်နိုင်ငံ အင်္ဂလန် နယ်လောက်ရှိတဲ့ မြေဧရိယာ ရေနစ်မြုပ်ခဲ့ပြီး ၁,၈၀၀ ကျော်သေဆုံးခဲ့သလို၊ လူပေါင်း ၂၁ သန်း ဒုက္ခရောက်ခဲ့ကြပါတယ်ခင်ဗျာ။


Ref: ဗွီအိုအေ

Read More...

ဒေါ်အောင်ဆန်းစုကြည်အတွက် ဂျပန်ငြိမ်းချမ်းရေးဆု

17.10.2012

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ဂုဏ်ပြုတဲ့ ငြိမ်းချမ်းရေး ဂုဏ်ထူးဆောင် ဆုတစ်ဆု ချီးမြှင့်မယ့်အ ကြောင်း ဂျပန်နိုင်ငံက ကြေညာလိုက်ပါတယ်။

နိုင်ငံတကာ ငြိမ်းချမ်းရေး တိုးတက်ထွန်းကားစေဖို့ ဆောင်ရွက်သူ လူပုဂ္ဂိုလ်နဲ့ အဖွဲ့အစည်းတွေကို ချီးမြှင့်တဲ့ တတိယအကြိမ် မြောက် Sakai ငြိမ်းချမ်းရေးဆုကို အောက်တိုဘာ ၂၅ ရက်နေ့မှာ Sakai မြို့တော်မှာ ချီးမြှင့်ပေးအပ်ဖို့ ရှိပါတယ်။ ဂျပန်နိုင်ငံ Osaca နယ် Sakai မြို့အုပ်ချုပ်ရေးအဖွဲ့ က နှစ်နှစ် တစ်ကြိမ် ချီးမြှင့်တဲ့ ငြိမ်းချမ်းရေးဆုပေးပွဲကို မြန်မာ့ဒီမိုကရေစီ ခေါင်း ဆောင် ဒေါ်အောင်ဆန်းစုကြည် ကိုယ်တိုင် တက်ရောက်ပြီး ဆုလက်ခံယူနိုင်မှာတော့ မဟုတ်ပါဘူး။

ဒေါ်အောင်ဆန်းစုကြည်ဟာ အသက် ၄၀ အရွယ် ၁၉၈၅ ခုနှစ်က သားငယ်ဖြစ်သူနဲ့အတူ ဂျပန်နိုင်ငံမှာ ခေတ္တနေထိုင်ခဲ့ပါတယ်။ မြန်မာ့လွပ်လပ်ရေး ကြိုးပမ်းမှုသမိုင်း သုတေသနလုပ်ငန်းအတွက် Kyoto တက္ကသိုလ်က အရှေ့တောင်အာရှလေ့လာရေး စင်တာ မှာကိုးလ နေထိုင်ခဲ့တာ ဖြစ်ပါတယ်။


Ref: ဗွီအိုအေ

Read More...

ရင်းနှီးမြှုပ်နှံမှုဥပဒေကြမ်း လွှတ်တော်မှာဆွးနွေးမည်

စုမြတ်မွန်
17.10.2012

ပထမအကြိမ် အမျိုးသားလွှတ်တော်နဲ့ ပြည်သူ့လွှတ်တော် ပဉ္စမပုံမှန် အစည်းအဝေးတွေကို မနက်ဖြန် အောက်တိုဘာလ ၁၈ ရက်နေ့မှာ ပြန်လည် စတင်တော့မှာဖြစ်ပါတယ်။ ဒီတခါ လွှတ်တော် စည်းဝေးပွဲတွေကျရင် နိုင်ငံသားရင်းနှီးမြှုပ်နှံမှုဥပဒေကြမ်းကို အတည်ပြုနိုင်ဖို့ ဆွေးနွေးကြမှာ ဖြစ် သလို အတည်ပြုထားတဲ့ နိုင်ငံခြားရင်းနှီးမြှုပ်နှံမှု ဥပဒေပြင်ဆင်ချက်တွေကို ဆွေးနွေးကြမှာ ဖြစ်တယ် လို့ ပြည်ထောင်စု လွှတ်တော် ဥပဒေကြမ်းပူးပေါင်းကော်မတီဝင် ဒေါက်တာမြတ်ဉာဏစိုးက VOA ကိုပြောပါတယ်။ အခုလို လွှတ်တော်တွေပြန်မစခင် တရက် အလိုမှာပဲ NLD အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ကလည်း NLD ပါတီဝင် လွှတ်တော် ကိုယ်စားလှယ်တွေ ကို တွေ့ဆုံပြီး ထုတ်ပြန်ပြီးသား ဥပဒေ၊ နည်းဥဒေတွေမှာ ဥပဒေကို ကျော်လွန် ပြဌာန်းထားတဲ့ အချက်တွေကို ဖော်ထုတ်ကြဖို့ မှာကြားခဲ့ပါတယ်။ အပြည့်အစုံကို ဘန်ကောက်ရုံးက မစုမြတ်မွန်က တင်ပြပေးထားပါတယ်။

စက်တင်ဘာလဆန်းမှာ ပထမအကြိမ်လွှတ်တော် စတုတ္ထအစည်းအဝေးတွေ ပြီးဆုံး ခဲ့ပြီးနောက် အောက်တိုဘာလ ၁၈ ရက်၊ ကြာသပတေးနေ့ ကျရင် ပဉ္စမပုံမှန် အစည်းအဝေးတွေ ကို ပြန်လည် စတင်တော့မှာဖြစ်ပါတယ်။ ဒီတခါ လွှတ်တော်မှာ ဆွေး နွေးကြဖို့ရှိတဲ့ ကိစ္စတွေနဲ့ ပတ်သက်လို့ အမျိုးသားလွှတ်တော်ရဲ့ ဥပဒေကြမ်းကော်မတီဝင်လည်းဖြစ်၊ ပြည်ထောင်စု လွှတ်တော် ဥပဒေကြမ်း ပူးပေါင်းကော်မတီဝင်လည်းဖြစ်တဲ့ NLD ပါတီကိုယ်စားလှယ် ဒေါက်တာမြတ်ဉာဏစိုးက ခုလိုပြောပါတယ်။

“ပြည်ထောင်စုလွှတ်တော်က အတည်ပြုထားပြီးဖြစ်တဲ့ နိုင်ငံခြား ရင်းနှီးမြှုပ်နှံမှု ဥပဒေမှာ နိုင်ငံတော် သမ္မတကြီးကနေပြီးတော့ သဘောထား မှတ်ချက် ၁၁ ချက် ပြင်ဆင်ဖို့ ပေးပို့ထားတာ ရှိပါတယ်။ အဲဒီိ သဘောထား မှတ်ချက်တွေနဲ့ပတ်သက်ပြီိးတော့ ဆွေးနွေးဖို့ ရှိပါတယ်။ အခု ပဉ္စမအကြိမ် အစည်း အဝေးမှာတော့ နိုင်ငံခြားရင်းနှီးမြှုပ်နှံမှု ဥပဒေကို အတည်ပြုနိုင်မှာ ဖြစ်ပါတယ်။ တဆက်တည်း မှာပဲ နိုင်ငံသား ရင်းနှီးမြှုပ်နှံမှု ဥပဒေကြမ်းကိုလည်း လွှတ်တော်တွေ ကို ပေးပို့ထားပြီး ဖြစ်ပါတယ်။ ဒါကိုလည်း ဒီတကြိမ်မှာတော့ ဆွေးနွေးရမှာ ဖြစ်ပါတယ်။ ကျန်တဲ့ ဥပဒေကြမ်းတွေကို လွှတ်တော်ကို တင်သွင်းအုံးမလဲဆိုတာကတော့ မနက် ဖြန်နဲ့သဘက်ခါမှာကျင်းပတဲ့ လွှတ်တော် အစည်းအဝေးတွေ ကျမှပဲ သိရမှာပါ။”

၁၉၉၅ ခုနှစ်က ပြဌာန်းထားတဲ့ နိုင်ငံသားရင်းနှီးမြှုပ်ဥပဒေနေရာမှာ အစားထိုးမဲ့ ဥပဒေသစ်ထဲမှာ ရင်းနှီးမြှုပ်နှံမဲ့ နိုင်ငံသားတွေကို အကာအကွယ်ပေးတဲ့ အချက်တွေ ပါဝင်တယ်လို့ ဆိုပါတယ်။

“တိုင်းရင်းသားလုပ်ငန်းရှင်တွေကို အကာအကွယ်ပြုပေးတဲ့ ကိစ္စရပ်တွေ ပါပါတယ်။ ဥပမာ နိုင်ငံခြားက ဘဏ်တွေနဲ့ ချိတ်ဆက်ပြီး တော့ ငွေချေးဖို့ ကို ကော်မရှင်ကနေ ထောက်ခံ မှုပေးနိုင်တယ်ဆိုတဲ့ဟာမျိုးတွေ ထည့်ထားတာ ရှိပါတယ်။ နိုင်ငံခြားသား ရင်းနှီး မြှုပ်နှံသူတွေ ကို အခွင့်အရေးတွေ ပေးသလိုပဲ နိုင်ငံသား ရင်းနှီးမြှုပ်နှံသူတွေ အတွက် အကာအကွယ်ပြုမယ့် အခြေအနေတွေ ဒီ ဥပဒေထဲမှာ ပါပါတယ်ခင်ဗျ။”

ပထမအကြိမ်လွှတ်တော် စတုတ္ထ ပုံမှန်အစည်းအဝေးတွေ အဆုံးမသတ်ခင်က လွှတ်တော် ကော်မတီတွေကို ပြည်ထောင်စုအဆင့် သတ်မှတ်သင့်၊ မသင့်ဆိုတာနဲ့ ပတ်သက်လို့ လွှတ်တော်နဲ့ အခြေခံ ဥပဒေခုံရုံးကြားမှာ အခြေအတင်ဖြစ်ပြီး အခြေခံဥပဒေခုံရုံး အဖွဲ့ဝင်တွေ အားလုံး နုတ်ထွက်သွားခဲ့ကြပါတယ်။ အခုတကြိမ် လွှတ်တော်ပဉ္စမပုံမှန်အစည်းအဝေးပြန်စရင် ခုံရုံးအဖွဲ့ဝင်တွေကို ရွေးချယ် ခန့်အပ်ဖို့ ရှိတယ်လို့လည်း အမျိုးသားလွှတ်တော် ကိုယ်စားလှယ် ဒေါက်တာမြတ်ဉာဏစိုးက ပြောပါတယ်။

“အခြေခံဥပဒေခုံရုံးမှာ အဖွဲ့ဝင် ကိုးဦးရှိပါတယ်။ အဲဒီ ကိုးဦးအနက်မှာ ပြည်သူ့လွှတ်တော် ဥက္ကဋ္ဌက သုံးဦး အဆိုပြုရပါတယ်။ အမျိုးသား လွှတ်တော်ဥက္ကဋ္ဌက သုံးဦး အဆိုပြုရပါတယ်။ နိုင်ငံတော် သမ္မတ က သုံးဦး အဆိုပြုရပါတယ်။ ဒီ အဆိုပြုတဲ့ သုံးဦးစီ စုစုပေါင်းကိုးဦးကိုမှ ပြည်ထောင်စု လွှတ်တော်က အတည်ပြုရတာဖြစ်ပါတယ်။ အဲဒီ အဖွဲ့ဝင်ကိုးဦးထဲကမှ တစ်ဦးက ဥက္ကဋ္ဌအဖြစ် တာဝန် ယူပြီးတော့ ဆောင်ရွက်ရမှာ ဖြစ်ပါတယ်။”

ခုလို လွှတ်တော်ပုံမှန်အစည်းအဝေးတွေ ပြန်မစခင် အမျိုးသားဒီမိုကရေစီအဖွဲ့ချုပ် NLD ပါတီ ဥက္ကဋ္ဌ ဒေါ်အောင်ဆန်းစုကြည်က NLD လွှတ်တော်ကိုယ်စားလှယ်တွေကို ဒီနေ့ ဗုဒ္ဓဟူးနေ့မှာ တွေ့ဆုံခဲ့ ပါတယ်။ လွှတ်တော်ကိုယ်စားလှယ်တွေအနေနဲ့ ဥပဒေကို ကျော်လွန် ပြဌာန်းထားတဲ့ နည်းဥပဒေတွေ ကို ဖော်ထုတ်ကြဖို့ ဒေါ်အောင်ဆန်းစုကြည်က မှာတယ်လို့ ပြောပါတယ်။

“ထုတ်ပြန်ပြီးတဲ့ ဥပဒေတွေနဲ့၊ နောက်တခါ ထုတ်ပြန်ပြီးတဲ့ နည်းဥပဒေတွေထဲမှာ ကွဲလွဲနေတာတွေ ရှိပါတယ်။ အဲဒီနည်းဥပဒေ တွေဟာ ဥပဒေတွေကို ကျော်လွန်ပြီးတော့ ပြဌာန်းထားတာတွေ ရှိပါ တယ်။ ပြည်သူတွေအပေါ်မှာ ဖိစီးနေနိုင်တဲ့ နည်းဥပဒေမျိုး တွေကို ပြန်လည် ဖော်ထုတ်ပြီးတော့ စိစစ်ဖို့ဆိုတာကို လမ်းညွှန်ခဲ့ပါတယ်။ နောက်တခုကတော့ ကျနော်တို့ မြန်မာနိုင်ငံဟာ ပြုပြင်ပြောင်း လဲရေး လမ်းကြောင်းကို သွားနေတဲ့အချိန်မှာ အမျိုးသားဒီမိုကရေစီအဖွဲ့ချုပ် ကိုယ်စားပြု လွှတ်တော် ကိုယ်စားလှယ် တွေအနေနဲ့ ဒီမိုကရေစီကျတဲ့၊ ဒီမိုကရေစီကျင့်စဉ်နဲ့ ညီညွတ်တဲ့ အချက်တွေကို သာ ထောက်ခံသွားဖို့ ဘယ်အဖွဲ့အစည်း၊ ဘယ် ဘက်ကပဲကြည့်ကြည့် ဒီမိုကရေစီ ကျနတဲ့ နည်းလမ်းတွေ ဘက်ကသာ ရပ်တည်သွားဖို့ လမ်းညွှန်သွားပါတယ်ခင်ဗျ။”

ပထမအကြိမ် အမျိုးသားလွှတ်တော်နဲ့ ပြည်သူ့လွှတ်တောတို့ရဲ့ ပဉ္စမပုံမှန် အစည်းအဝေးတွေ ကို အောက်တိုဘာ ၁၈ ရက် ကြာသပတေးနေ့မှာ ပြန်စမှာ ဖြစ်ပြီး ပြည်ထောင်စု လွှတ်တော် စည်းဝေးပွဲတွေကို အောက်တိုဘာလ ၂၂ ရက် တနင်္လာနေ့မှာ ပြန်လည်စတင်မှာဖြစ်ပါတယ်ရှင်။


Ref: ဗွီအိုအေ

Read More...

အပေါ်သို့