Thursday, May 9, 2013

ညွန့်ပေါင်းအစိုးရဖွဲ့ရန် NLD သဘောထား ချမှတ်ထားခြင်းမရှိ

2013-05-08

အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင် အဖွဲ့ဝင်တစ်ဦးက လာမယ့် ၂ဝ၁၅ ရွေးကောက်ပွဲမှာ မိမိတို့ပါတီက အမတ်နေရာ အများစုနိုင်ခြေရှိပြီး ညွန့်ပေါင်းအစိုးရကို ဖွဲ့စည်းမယ့် သဘောရှိတယ်လို့ ပြီးခဲ့တဲ့ ရက်ပိုင်းက မြစ်ကြီးနားမှာ ပြောကြားခဲ့တာဟာ အဲဒီပုဂ္ဂိုလ်ရဲ့ သဘောထားအမြင်မျှသာဖြစ်ပါတယ်လို့ NLD ဥက္ကဌ ဒေါ်အောင်ဆန်းစုကြည်က RFA ကို ပြော ပါတယ်။

"အဓိကက CEC ရဲ့ တရားဝင်သဘောထား ထုတ်ပြန်ချက်မဟုတ်ပါဘူး၊ ဒီပုဂ္ဂိုလ်က သူ့ရဲ့တစ်ဦး တစ်ယောက် အမြင်ကို ပြောသွားတာပါ၊ ကျွန်မက CEC ဥက္ကဌအနေနဲ့ ဒါကိုဆွေးနွေးဖို့ စောပါသေးတယ်"

RFA က ပုံမှန်တင်ဆက်နေတဲ့ ဒီမိုကရေစီခရီးကြမ်း နဲ့ ဒေါ်အောင်ဆန်းစုကြည် အစီအစဉ်အတွက် မနေ့ညနေက ဆက်သွယ်မေးမြန်းခဲ့ရာမှာ အခုလိုဖြေကြားခဲ့တာဖြစ်ပါတယ်။

ဥက္ကံမြို့မှာဖြစ်ပွါးခဲ့တဲ့ ဆူပူမှုတွေနဲ့ပတ်သက်လို့ မေးမြန်းရာမှာတော့ ပြသနာတွေဖြေရှင်းဖို့အတွက် တရားဥပဒေစိုးမိုးရေးဟာ အဓိကပါပဲလို့ ဒေါ်အောင်ဆန်းစုကြည်က ပြောပါတယ်။

"ဒါတွေဟာ ကောင်းတော့မကောင်းဘူး၊ ကျွန်မတို့နိုင်ငံမှာ အားလုံးကို အေးအေးချမ်းချမ်းနဲ့ သင့်သင့်မြတ်မြတ် ဖြစ်စေချင်တာပေါ့၊ ကျွန်မကတော့ ဥပဒေစိုးမိုးရေးဘက်က ပြောတာပဲ၊ ဥပဒေစိုးမိုးရေးရှိမှ သာရင် ပြည်သူတွေရဲ့စိတ်ထဲမှာ လုံခြုံမှုရှိမှသာလျှင် ဒီလိုတစ်ယောက်နဲ့ တစ်ယောက် အဆင်မပြေတဲ့ကိစ္စတွေကို ဖြေရှင်းနိုင်မှာပါ"

တဆက်တည်းမှာပဲ စိတ်နေစိတ်ထားတွေပြုပြင်ဖို့အတွက် အားလုံးမှာတာဝန်ရှိပြီး တရားဥပဒေစိုးမိုးရေးကတော့ အစိုးရရဲ့တာဝန်ဖြစ်တယ်လို့ ဒေါ်အောင်ဆန်းစုကြည်ကပြောပါတယ်။

Ref: အာရ်အဖ်အေ

Read More...

ထိုင်းနိုင်ငံက မြန်မာ ကလေးငယ်တွေ နိုင်ငံကူးလက်မှတ် ရပြီ

2013-05-08

ထိုင်းနိုင်ငံတွင်းမှာ အလုပ်လုပ်ကိုင်နေတဲ့ မြန်မာရွှေ့ပြောင်း အလုပ်သမားတွေရဲ့ အသက် ၁၈ နှစ်အောက် ကလေးငယ်တွေအတွက် ဒီကနေ့ကနေစပြီး မြန်မာပတ်စပို့စ် ထုတ်ယူလို့ရပြီဖြစ်ကြောင်း ဘန်ကောက်မြို့ မြန်မာသံရုံးရှိ အလုပ်သမားဝန်ကြီးဌာန ညွှန်ကြားရေးမှူး ဦးနိုင်ထွန်းက RFA ကိုပြောပါတယ်။

ဒီအစီအစဉ်အရ မြန်မာကလေးတွေဟာ မှီခိုသူပတ်စပို့စ် ကိုင်ဆောင်ဖို့အတွက် ထိုင်းနိုင်ငံမှာ ဖွင့်လှစ်ထားတဲ့ ယာယီပတ်စပို့စ် ထုတ်ပေးရေးရုံး ၁၁ ရုံးမှာ ထိုင်းငွေ ၁၇၅ ဘတ် ပေးသွင်းကာ ထုတ် ယူနိုင်ကြ မှာဖြစ်ပြီး၊ ထိုင်းလဝကမှာ ဗီဇာသွားလျှောက်ရင်တော့ ဘတ်ငွေ ၅၀၀ ပေးပြီး သူတို့မိဘတွေရရှိထားတဲ့ ဗီဇာကာလ သတ်မှတ်ချက်အတိုင်း သက်တမ်း ၂ နှစ် ရရှိမှာဖြစ်တယ်လို့ ဦးနိုင်ထွန်းက ပြောပါတယ်။

“ဒီကလေးတွေအတွက် ကျနော်တို့ဆီက soft wear တွေပေါ့နော်၊ soft wear ရယ် နောက်ကလေးတွေအတွက် ထုတ်ပေးမယ့်စာအုပ်ကို ကျနော်တို့က အမျိုးအစားပြန်ခွဲတယ်၊ ဘာလို့လည်းဆိုတော့ ဒီအလုပ်သမာတွေအတိုင်း တပုံစံတည်းထုတ်ပေးမယ်ဆိုလို့ရှိရင် ကလေးတွေနဲ့ အလုပ်သမားနဲ့ ခွဲလိ့မရတော့ဘူးပေါ့နော် ၊အဲဒီတော့ မှီခိုသူမှန်းကြည့်တာနဲ့ တန်းသိအောင် ဆိုပြီးတော့ ကျနော်တို့ဘက် ကနေပြီးတော့မှ ပတ်စပို့စ်စာအုပ်အပြာရောင် အပြာရောင်မှာမှ အဲဒီအောက်မှာမှ dependent လို့ဆိုပြီးတော့ ထည့်ထားတဲ့စာသားလေးပါ ပါတယ်ပေါ့နော်၊ ကျနော်မနက်ဖြန် စခန်း ၁၁ ခုလုံးကနေပြီးတော့မှ စပြီးတော့ ကလေးတွေကိုထုတ်ဖို့ ထုတ်လို့ရပါပြီဆိုတဲ့ဟာကို ကျနော်တို့ လှမ်းပြီးတော့ ပြောလိုက်မယ်ပေါ့နော်၊ ထိုင်းဘက်ကလည်းပြောတာက အလုပ်သမားဝန်ကြီးဌာနဘက်က ပြောတာကတော့ လဝကကိုပြောပြီးတော့ ဗီဇာတုံးတွေဘာတွထုပေးဖို့ သူတို့ပြောမယ်လို့ပြောတယ်၊ သူတို့က(ကလေးများ) work permit လုပ်စရာမလိုဘူး၊ ဆေးစစ်စရာမလိုဘူး၊ Bio data ကတော့ သူတို့သွင်းရမှာပေါ့နော်”

ဒီပတ်စပို့စ်ကြောင့် မြန်မာကလေးသူငယ်တွေဟာ မြန်မာနဲ့ထိုင်း နှစ်နိုင်ငံအစိုးရတွေထံက အခွင့်အရေးတွေရရှိမှာ ဖြစ်တယ်လို့လည်း ဦးနိုင်ထွန်းက ပြောပါတယ်။

“ထိုင်းဘက်မှာ ကျောင်းတက်မယ်ဆိုလို့ရှိရင်လည်း သူကတရားဝင် ဗီဇာရထားတဲ့အတွက် ကျောင်းတက်ခွင့်တွေ ဘာတွေရမယ်၊ တရားဝင်အသိအမှတ်ပြုခွင့်ရမယ်၊ နောက်ကျနော်တို့ ဒီပညာရေးပိုင်းနဲ့ ပတ်သက်ပြီးတော့ မြန်မာပြည်မှာ အခုကျနော်တို့ ဒီဘက်က မူလနိထိ(NGOs များ) Foundation တွေပေါ့နော်၊ foundation ဖွင့်ထားတဲ့ ကျောင်းလေးတွေရှိတယ်၊ ဥပမာ သူငယ်တန်းကနေ လေးတန်း အထိ၊ လေးတန်းကနေ ရှစ်တန်းအထိ အဲဒါမျိုးပေါ့နော်၊ အဲဒီကလေးတွေကိုလည်း ကျနော်တို့ မြန်မာပြည်အစိုးရကနေပြီးတော့မှ ဒီ text books တွေ၊ note books တွေ ထောက်ပံ့ပေးမယ်ဆိုတဲ့သတင်းလည်း ကျနော်ရထားတယ်၊ ဒီကလေးတွေကို တရားဝင် ဥပမာ ဒီထိုင်းနိုင်ငံမှာ တတိယတန်းရှိမယ် မြန်မာပြည်ကလည်း တရားဝင်တတိယတန်းအောင်တယ်ဆိုတဲ့ အသိအမှတ်ပြုဖို့ပေါ့နော်၊ အဲဒါလည်း မြန်မာပြည် ပညာရေးဌာနကလည်း ခွင့်ပြုမယ်ဆိုတဲ့ အကြမ်းဖျင်းဆွေးနွေးထားတာရှိတယ်၊ အဲဒီတော့ သူတို့ကထိုင်းဘက်ကိုလည်း တက်လို့ရမယ်၊ မြန်မာပြည်အစိုးရက တရားဝင်ခွင့်ပြုတဲ့ အတန်းပညာလည်းရမယ် အဲဒီလိုမျိုးအခွင့်အရေးတွေ ရလာမှာပေါ့”

ယခု ၂၀၁၃ နှစ်အတွင်း ယာယီပတ်စပို့စ် ထုတ်ပေးရေးအတွက် လျှောက်လွှာတင်ထားသူ အလုပ်သမား ၃ သိန်းရှိပြီး သူတို့ရဲ့ရင်သွေး ကလေးငယ်တွေအရေအတွက်က ၃၀၀၀ ခန့် ရှိတယ်လို့ ဆိုပါတယ်၊

ထိုင်းနိုင်ငံမှာ အခုမြန်မာအလုပ်သမား တစ်သန်းခွဲခန့် တရားဝင် အလုပ်လုပ်ကိုင်နေတယ်လို့လည်းသိရပါတယ်။

Ref: အာရ်အဖ်အေ

Read More...

အင်ဒိုနီးရှားက မြန်မာသံရုံးကို အကြမ်းဖက်တိုက်ခိုက်ဖို့ ကြံစည်သူတွေ နောက်ထပ်ဖမ်းမိ

2013-05-08

အင်ဒိုနီးရှားနိုင်ငံ ဂျကာတာမြို့က မြန်မာသံရုံးကို ဗုံးခွဲတိုက်ခိုက်ဖို့ ကြံစည်ခဲ့တဲ့ အကြမ်းဖက် အဖွဲ့ဝင်တွေ နဲ့ ဆက်စပ်ပတ်သက်နေတယ်လို့ ယူဆရသူတွေနဲ့ အကြမ်းဖက်မှု နှိမ်နင်းရေး တပ်ဖွဲ့တို့ မနေ့ က အပြန်အလှန် ပစ်ခတ်ခဲ့ကြရမှာ အကြမ်းဖက်သမား (၃) ယောက် အသေရမိပြီး တစ်ယောက်ကိုအရှင်ဖမ်းမိခဲ့ပါတယ်။

အကြမ်းဖက်အဖွဲ့ဝင်တွေ ခိုအောင်းနေတဲ့ အနောက်ဂျာဗားခရိုင် ဘန်ဒေါင်းမြို့စွန် စပါးခင်းတွေ ကြားက အိမ်တစ်လုံးကို ရဲတပ်ဖွဲ့က ၀င်ရောက်စီးနင်းခဲ့ရာမှာ အကြမ်းဖက်သမားတွေက လက်နက်မချ ဘဲ ပြန် လည် ခုခံခဲ့ကြတဲ့အတွက် အပြန်အလှန်ပစ်ခတ်မှုတွေဖြစ်ပွားခဲ့ပါတယ်။

အကြမ်းဖက်သမားတွေက လက်ပစ်ဗုံးတွေနဲ့ပစ်ခတ်တိုက်ခိုက်ခဲ့ကြောင်း ရဲချုပ်က ပြောပါတယ်။

အင်ဒိုနီးရှား အကြမ်းဖက်နှိမ်နင်းရေးတပ်ဖွဲ့တွေက မျက်ရည်ယိုဗှုံး သုံးစွဲတိုက်ခိုက်ခဲ့ရာမှာ အိမ်ထဲက ထွက်ပြေး လာသူ အသက် (၂၅) နှစ်အရွယ် လူတစ်ယောက်ကို ဦးဆုံးဖမ်းဆီးမိပြီး၊ ကျန်သုံးယောက်ကို အသေရမိခဲ့တာ ဖြစ်ပါတယ်။

နေအိမ်ထဲက သေနတ်သုံးလက်နဲ့ ကျည်ဆန် (၂၈၀) သိမ်းဆည်းမိခဲ့ကြောင်း၊ အဲဒီ အကြမ်းဖက်သမားတွေဟာ အင်ဒိုနီးရှားတပြည်လုံးမှာဖြန့်ကျက်ထားတဲ့ အကြမ်းဖက်အဖွဲ့တစ်ဖွဲ့က အဖွဲ့ဝင်တွေဖြစ် မယ်လို့ ယုံကြည်ရ ကြောင်း ရဲတပ်ဖွဲ့ပြောခွင့်ရသူ က ပြောပါတယ်။ မနက် (၁၁) နာရီခွဲလောက်က စပြီး (၇) နာရီ နီးပါး အပြန်အလှန် ပစ်ခတ်တိုက်ခိုက်နေကြပုံကို ရုပ်မြင်သံကြား ကနေ ထုတ်လွှင့်ပြသခဲ့ ပါတယ်။

ပြီးခဲ့တဲ့ ကြာသပတေးနေ့က ဂျကာတာမြို့ မြန်မာသံရုံးကို ဗုံးခွဲတိုက်ခိုက်ဖို့ ကြံစည်ခဲ့သူနှစ်ဦးကို လက်လုပ်ဗုံး တွေနဲ့ အတူ ရဲ က ဖမ်းဆီးမိခဲ့ပါတယ်။ သူတို့ဟာ နောက်တစ်နေ့ သောကြာနေ့မှာ မြန်မာ သံရုံးကို ဗုံးခွဲဖို့စီစဉ်ထားတယ်လို့ ဆိုပါတယ်။

အကြမ်းဖက်သမားတွေဟာ လွန်ခဲ့တဲ့ ၄ လလောက်ကတည်းက အဲဒီအိမ်ကို ငှားရမ်းအသုံးပြုနေခဲ့ပြီး အခုစီးနင်းဝင်ရောက်ဖမ်းဆီးတဲ့အခါ ပြန်ပြီးခုခံတဲ့အတွက် ပစ်ခတ်နှိမ်နင်းခဲ့ရတာဖြစ်တယ်လို့ အင်ဒိုနီးရှား ရဲချုပ်က ပြောပါတယ်။

Ref: အာရ်အဖ်အေ

Read More...

အင်ဒိုနီးရှားရဲနဲ့ ပစ်ခတ်မှုအတွင်း သံရုံးတိုက်ခိုက်ဖို့ ကြံစည်သူအဖြစ် သံသယရှိသူ ၃ ဦးသေဆုံး

08.05.2013
အင်ဒိုနီးရှားနိုင်ငံမှာ မြန်မာသံရုံးကို တိုက်ခိုက်ဖို့ ကြိုးပမ်းသူတွေလို့ သံသယရှိသူတွေကို နောက်ထပ် လိုက်လံဖမ်းဆီးရင်း လုံခြုံရေး အာဏာပိုင်တွေနဲ့ ပစ်ခတ်မှုတွေ ဖြစ်ပွားရာက စစ်သွေးကြွ ၃ ယောက် သေဆုံးသွားပြီး အနည်းဆုံး တဦးကို အရှင်ဖမ်းမိခဲ့ပါတယ်။

ဂျာဗားခရိုင်အနောက်ဖက် Cigondewah ကျေးရွာမှာ သံသယရှိသူတွေ ပုန်းအောင်းနေတဲ့ နေအိမ်တလုံးကို အင်ဒိုနီးရှား အကြမ်းဖက်မှု တိုက်ဖျက်ရေး အထူးတပ်ဖွဲ့ဝင်တွေ နာရီအတော်ကြာ ၀ိုင်းဝန်း ထားပြီးနောက် ပစ်ခတ်မှုဖြစ်ပွားခဲ့ရာက သေဆုံးခဲ့တာလို့ အင်ဒိုနီးရှားရဲတပ်ဖွဲ့ရဲ့ အကြီးအကဲ တီမူရာ ပရာဒိုပို (Timur Pradopo) က သတင်းထောက်တွေကို ပြောဆိုခဲ့တာပါ။ ၄ လကြာ ငှားရမ်းထားတဲ့ အိမ်ထဲမှာရှိနေကြတဲ့ လက်နက်ကိုင် စစ်သွေးကြွတွေဖက်က ခုခံမှုတွေ ရှိခဲ့ရာက လုံခြုံရေးတပ်ဖွဲ့ဝင်တွေနဲ့ အစောပိုင်းမှာ အပြန်အလှန် ပစ်ခတ်မှုတွေ ရှိခဲ့ကြောင်းလည်း အင်ဒိုနီးရှား တာဝန်ရှိသူတွေ က ပြောပါတယ်။

အင်ဒိုနီးရှား ဒေသခံသတင်းတွေမှာတော့ လုံခြုံရေး အာဏာပိုင်တွေ ၀ိုင်းထားတဲ့ နေအိမ်ကနေ ထွက်ပြေးဖို့ ကြိုးပမ်းကြတဲ့ စစ်သွေးကြွတွေကို လိုက်လံဖမ်းဆီးရင်း ပစ်ခတ်ရာက သေဆုံးခဲ့ တာလို့ လည်း ဖော်ပြနေကြ တာပါ။ အနည်းဆုံး နောက်ထပ်လူတဦးကို အရှင်ဖမ်းမိခဲ့သလို လက်နက်ခဲယမ်းတွေလည်း သိမ်းဆည်းရမိတယ်လို့ ပြောပါတယ်။ ပြီးခဲ့တဲ့ သီတင်းပတ်ထဲ မြန်မာသံရုံးကို တိုက်ခိုက်ဖို့ ကြံစည်သူတွေအဖြစ် သံသယရှိသူ ၂ ယောက်ကို အင်ဒိုနီးရှား လုံခြုံရေး တပ်ဖွဲ့ဝင်တွေက ဂျာကာတာမြို့တော်မှာ မော်တော်ဆိုင်ကယ် တစင်းနဲ့ သွားနေတုန်း ဖမ်းဆီးမိခဲ့တာပါ။ သူတို့ ၂ ဦးထံက လက်လုပ် ဗုံးတွေ အပါအ၀င် ဖောက်ခွဲရေး ပစ္စည်းတွေကို သိမ်းဆည်းရမိခဲ့ပြီးတဲ့နောက် နောက်ဆက်တွဲ သံသယရှိသူတွေကို အာဏာပိုင်တွေက လိုက်လံရှာဖွေ ဖမ်းဆီးနေတာ ဖြစ်ပါတယ်။ ဒီအတွက်ကြောင့် အင်ဒို နီးရှား နိုင်ငံမှာ ဖျော်ဖြေဖို့စီစဉ်ထားတဲ့ နာမည်ကျော် AeroSmith အဖွဲ့ရဲ့ စင်တင်ဂီတပွဲကိုလည်း ဖျက်လိုက်တဲ့အကြောင်း ဒီသီတင်းပတ်ထဲမှာပဲ ကြေညာခဲ့တာပါ။

မြန်မာနိုင်ငံမှာ လူအများအပြား ထိခိုက်သေဆုံးမှုတွေ ကြုံခဲ့ရတဲ့ မကြာသေးခင်တုန်းက ပဋိပက္ခတွေအတွင်း မူဆလင်တွေကို ပစ်မှတ်ထား တိုက်ခိုက်ခံခဲ့ရတာကို လက်တုန့်ပြန်ဖို့ ရည်ရွယ်ပြီး အစွန်းရောက် သူတွေက တိုက်ခိုက်ဖို့ စီစဉ်ခဲ့တာလို့လည်း အင်ဒိုနီးရှား ရဲတပ်ဖွဲ့ကပြောပါတယ်။ မကြာသေးခင်နှစ်တွေကစလို့ မြန်မာနိုင်ငံက ပဋိပက္ခတွေအပေါ် မကျေနပ်သူ အင်ဒိုနီးရှား မူဆလင်အစွန်းရောက်တွေ က မြန်မာအစိုးရရဲ့ အကျိုးစီးပွားတွေကို ပစ်မှတ်ထားပြီး ဂျေဟတ် ဘာသာရေးစစ်ပွဲ ဆင်နွှဲဖို့ လှုံ့ဆော်တိုက်တွန်းမှုတွေလည်း ရှိနေခဲ့တာ ဖြစ်ပါတယ်။

အခုနောက်ဆုံး သေဆုံးသွားသူတွေနဲ့ ဖမ်းဆီးမိသူတွေဟာ သံရုံးကို တိုက်ခိုက်ဖို့ ကြံစည်မှုနဲ့ ဆက်နွယ်မှု ရှိမရှိ စစ်ဆေးသွားမှာ ဖြစ်တယ်လို့လည်း ရဲတပ်ဖွဲ့က ပြောပါတယ်။


Ref: ဗွီအိုအေ

Read More...

မြန်မာနိုင်ငံကို အတုယူဖို့ မြောက်ကိုရီးယားကို အိုဘားမား တိုက်တွန်း

ကိုသားညွန့်ဦး
09.05.2013

မြောက်ကိုရီးယားနိုင်ငံအနေနဲ့ မြန်မာနိုင်ငံကို အတုယူပြီး ပြုပြင်ပြောင်းလဲရေးတွေ လုပ်ဆောင်ဖို့ အမေရိကန်သမ္မတ ဘရက်ခ် အိုဘားမား (Barack Obama) က မြောက်ကိုရီးယားကို တိုက်တွန်းပြောကြား ပါတယ်။ အပြည့်အစုံကို ကိုသားညွန့်ဦး တင်ပြထားပါတယ်။

အမေရိကန်ပြည်ထောင်စုကို ၅ ရက်ကြာခရီး ရောက်ရှိနေတဲ့ တောင် ကိုရီးယား သမ္မတ ပခ် ဂွန် ဟေဲး (Park Geun-hye) နဲ့ အင်္ဂါနေ့တုန်းက ပြုလုပ်တဲ့ ပူးတွဲ သတင်းစာ ရှင်းလင်းပွဲအတွင်းမှာ သမ္မတ အိုဘားမားက ပြောကြားသွားတာပါ။

အမေရိကန်နဲ့ တောင်ကိုရီးယား ခေါင်းဆောင်နှစ်ဦး အင်္ဂါနေ့ကလုပ်တဲ့ အစည်းအဝေး မှာတော့ မြောက်ကိုရီးယား ကိစ္စနဲ့ နျူကလီးယား ခြိမ်းခြောက်မှုတွေကို ဘယ်လို ကိုင်တွယ်ကြမလဲဆိုတာ အဓိက ထား ဆွေးနွေးခဲ့ကြ တယ်လို့ ယူဆရပါ တယ်။

မြောက်ကိုရီးယားအနေနဲ့ မြန်မာကို ဥပမာယူပြီး နိုင်ငံတကာနဲ့ ထိတွေ့ဆက်ဆံမှုတွေ လမ်းဖွင့်ဖို့ သမ္မတ အိုဘားမားက အင်္ဂါနေ့ ပူးတွဲသတင်းစာ ရှင်းလင်းပွဲမှာ ပြောသွား ပါတယ်။

“မြောက်ကိုရီးယားအနေနဲ့ ပြုပြင်ပြောင်းလဲရေးတွေ လုပ်လာတဲ့ မြန်မာနိုင်ငံလို တိုင်းပြည်တွေက အဖြစ်အပျက် အခြေအနေတွေကို အတုယူသင့်တယ်ဆိုတာကို ကျနော်တို့ ဆွေးနွေး ခဲ့ကြပါ တယ်။ မြန်မာနိုင်ငံ ဟာ အခုဆိုရင် အမေရိကန်နဲ့ တောင်ကိုရီးယားနိုင်ငံအပါအ၀င် နိုင်ငံတကာနဲ့ ကုန်သွယ်ရေး၊ ရင်းနှီးမြှုပ်နှံမှု သံတမန်ရေး ဆက်ဆံမှုတွေ ပိုပြီး တိုးလုပ်လာနေပါပြီ။”

အမေရိကန် ခေါင်းဆောင်တွေအနေနဲ့ မြောက်ကိုရီးယားနဲ့ ပတ်သက်လို့ မြန်မာကို အတုယူဖို့ ပြီးခဲ့တဲ့ကာလတွေတုန်းကလည်း မကြာမကြာ ပြောခဲ့ဖူးပါတယ်။ မြန်မာနိုင်ငံအနေနဲ့ ပြုပြင်ပြောင်း လဲ မှုတွေ လုပ်လာပြီးနောက်ပိုင်းမှာ တောင်ကိုရီးယားနဲ့ ဆက်ဆံမှုတွေ ပိုတိုးလာသလို၊ အမေရိကန် ပြည်ထောင်စုနဲ့လည်း အရင်လို မဟုတ်ဘဲ ဆက်ဆံရေး အတော် အဆင်ပြေလာပါတယ်။

တောင်ကိုရီးယားဟာ အရင်တုန်းက မြန်မာစစ်အစိုးရနဲ့ ဆက်ဆံပြီး ကုန်သွယ်ရေး လုပ်ငန်းတွေ လုပ်တာ ရှိခဲ့ပေမဲ့၊ အခုနောက်ပိုင်း ဆက်ဆံမှုတွေ ပိုကျယ်ပြန့်လာပါတယ်။

တောင်ကိုရီးယား ကုမ္ပဏီတွေဟာ မြန်မာနိုင်ငံမှာ ဆောက်လုပ်ရေး၊ သတ္ထုမိုင်း၊ စိုက်ပျိုးရေး၊ လျှပ်စစ်စွမ်းအင်၊ မော်တော်ယာဉ် ထုတ်လုပ်ရေးလုပ်ငန်း၊ ဆက်သွယ်ရေး စတဲ့ လုပ်ငန်း အတော်များများမှာ ရင်းနှီးမြှုပ်နှံဖို့ စိတ်ဝင်စားနေကြတယ်လို့ တောင်ကိုရီးယား တာဝန်ရှိသူတွေက ပြီးခဲ့တဲ့နှစ်က ပြောခဲ့ဖူးပါတယ်။

၂၀၁၂ ခုနှစ် ဇန်န၀ါရီလ စာရင်းအရဆိုရင် တောင်ကိုရီးယား ရင်းနှီးမြှုပ်နှံမှုဟာ မြန်မာနိုင်ငံမှာ လုပ်ငန်း ၄၈ ခုရှိပြီး၊ စုစုပေါင်း အမေရိကန်ဒေါ်လာ ၂ ဒဿမ ၉ ဘီလီယံ ရှိတယ်လို့ မြန်မာအစိုးရ ကိန်းဂဏန်းတွေမှာ ဖော်ပြခဲ့ပါတယ်။

အမေရိကန် ပြည်ထောင်စုကတော့ မြန်မာနိုင်ငံနဲ့ ဆက်ဆံရေးသစ် ဖွင့်ပြီးတဲ့နောက် အရေးယူ ဒဏ်ခတ်မှုအချို့ကို ယာယီဆိုင်းငံ့လိုက်ပြီး၊ အမေရိကန် ရင်းနှီးမြှုပ်နှံမှုတွေနဲ့ ငွေကြေး ၀န်ဆောင်မှု လုပ်ငန်းတွေ မြန်မာနိုင်ငံမှာ လုပ်ကိုင်ခွင့် ပေးခဲ့ပါတယ်။

မကြာခင်ကဆိုရင်တော့ မြန်မာအစိုးရပိုင်း တာဝန်ရှိသူတွေနဲ့ သူတို့ မိသားစုဝင်တွေကို အမေရိကန် ပြည်ဝင်ခွင့် ဗီဇာ ပိတ်ပင်ထားတာတွေကို ပြန်လည်ရုပ်သိမ်းခဲ့ပါတယ်။ ဒါပေမဲ့ အရေးယူမှု ဥပဒေ အတော်များများက ယာယီ ဆိုင်းငံ့ထားတဲ့ သဘောမှာရှိပြီး၊ အားလုံးဟာ ဥပဒေအရ တည်ရှိနေဆဲ ဖြစ်ပါတယ်။

အမေရိကန် ပြည်ထောင်စုအနေနဲ့ အခုလို အရေးယူမှုတွေကို ဥပဒေအတိုင်း ဆက်ထားတာဟာ၊ မြန်မာနိုင်ငံမှာ အပြောင်းအလဲတွေ ရှိတာကို အသိအမှတ်ပြုပေမဲ့ လုပ်ဆောင်စရာတွေ ရှိသေးတယ်ဆို တာ ဖော်ပြချက်ဖြစ်တယ်လို့ အမေရိကန် တာဝန်ရှိသူတွေက ပြောခဲ့ပါတယ်။

ဒီအထဲမှာတော့ မြန်မာနဲ့ မြောက်ကိုရီးယား စစ်ရေးဆက်ဆံမှုကိစ္စ သတိပေးချက်လည်း တစ်ခု အပါအ၀င်ဖြစ်ပါတယ်။


Ref: ဗွီအိုအေ

Read More...

မြောက်ကိုရီးယားခြိမ်းခြောက်မှု အောင်မြင်မည်မဟုတ် သမ္မတ Park ပြောကြား

09.05.2013

နျူကလီးယားလက်နက် ကင်းရှင်းတဲ့ ကမ္ဘာကြီးဖြစ်ဖို့ အမေရိကန်သမ္မတ ဘရက်ခ် အိုဘားမား (Barack Obama) ရဲ့အမြင်ကို ကိုရီးယားကျွန်းဆွယ်ကနေ စရမယ်လို့ တောင် ကိုရီးယားသမ္မတ ပခ် ဂွန် ဟေဲး (Park Geun-hye) က ပြောလိုက်ပါတယ်။

ဝါရှင်တန်မြို့တော်က အမေရိကန်လွှတ်တော်မှာ ဗုဒ္ဓဟူးနေ့က လုပ်ခဲ့တဲ့ လွှတ်တော် ၂ ရပ် အစည်းအဝေးမှာ တောင်ကိုရီးယား သမ္မတက မိန့်ခွန်းပြောခဲ့တာမှာ တောင်ကိုရီးယားနိုင်ငံဟာ မြောက် ကိုရီးယား ရဲ့ နျူကလီးယားလက်နက်နဲ့ တိုက်ခိုက်တော့မလားဆိုတဲ့ စိုးရိမ်စိတ်နဲ့ နေထိုင်နေကြရတယ်လို့ ပြောကြားခဲ့ပါတယ်။

တောင်ကိုရီးယားအပေါ် အမေရိကန်တွေရဲ့ ထောက်ခံမှုအတွက် လွှတ်တော်ကို ကျေးဇူးတင်ကြောင်းလည်း ပြောဆို ခဲ့သလို၊ စီးပွားရေး ပိုမို တိုးတက်ကောင်း မွန်အောင် လုပ်ဆောင်နေပြီး ကိုရီးယားကျွန်း ဆွယ်မှာ ပြန်လည်သင့်မြတ်ရေးလမ်းကို ဖန်တီးနေတဲ့ အမေရိကန်နဲ့ တောင်ကိုရီးယား ၂ နိုင်ငံကြား ဆက်ဆံရေးဟာ ဘာနဲ့မှမတူအောင် ကောင်းမွန်တယ်လို့ တောင်ကိုရီးယားသမ္မတက ဆိုခဲ့ပါတယ်။

ငြိမ်းချမ်းရေးနဲ့ စည်းလုံးရေးဟာ ယုံကြည်မှုအပေါ်မှာ အခြေခံတယ်ဆိုတာကိုလည်း မိန့်ခွန်းထဲမှာ ပြောခဲ့သလို၊ မြောက်ကိုရီးယားမှာ ပြောကြသလို လက်ခုပ်ဆိုတာ နှစ်ဘက်တီးမှ မြည်တယ်လို့ လည်း ဥပမာ ပေးခဲ့ပါတယ်။ တောင်ကိုရီးယားသမ္မတ ပခ် ဂွန် ဟေဲး (Park Geun-hye) ဟာ အမေရိကန်ကို ၅ ရက်ကြာ ခရီးစဉ်အဖြစ် တနင်္လာနေ့ထဲက ရောက်ရှိနေတာ ဖြစ်ပါတယ်။


Ref: ဗွီအိုအေ

Read More...

Benghazi အမေရိကန်သံရုံး တိုက်ခိုက်ခံရမှု စစ်ကူတောင်းပေမဲ့ မရခဲ့

09.05.2013

ပြီးခဲ့တဲ့နှစ်တုန်းက လစ်ဗျားနိုင်ငံ Benghazi မြို့မှာ အမေရိကန်ကောင်စစ်ဝန်ရုံး တိုက်ခိုက်ခံရစဉ်အတွင်း သူ့အနေနဲ့ စစ်ရေး အထောက်အကူရဖို့ ကြိုးစားခဲ့တယ်လို့ အဲ့ဒီအချိန်က ကောင်စစ်ဝန်ရုံးမှာ ဒုတိယ အကြီးအကဲအဖြစ် တာဝန်ယူခဲ့သူက ပြောလိုက်ပါတယ်။

အဲ့ဒီအချိန် အနီးစပ်ဆုံး စစ်စခန်းကတော့ အီတလီမှာရှိတဲ့ အမေရိကန် လေတပ်စခန်း ဖြစ်တယ်လို့ သူက ပြောပါတယ်။ ဒါပေမဲ့လည်း အကူအညီရဖို့ အတော်လေး အလှမ်းဝေး ခဲ့တယ်လို့လည်း ပြောပါတယ်။

နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) အပါအ၀င် ၀ါရှင်တန်မှာရှိတဲ့ အမေရိကန် အရာရှိတွေကိုရော လစ်ဗျား တာဝန်ရှိသူတွေကိုပါ သူ အကြိမ်ကြိမ် ဆက်သွယ်ခဲ့တယ်လို့ ကောင်စစ် ၀န်ရုံးရဲ့ ဒုတိယ အကြီးအကဲ လုပ်ခဲ့သူ အမေရိကန် သံတမန် ဂရစ်ဂိုရီ ဟစ် (Gregory Hicks) က ပြောတာပါ။

Benghazi ကောင်စစ်ဝန်ရုံး တိုက်ခိုက်ခံရမှုမှာ စစ်ဘက်အကူအညီ ရနိုင်မလားဆိုတာကိုလည်း သူ အမေရိကန် ကာကွယ်ရေး အရာရှိတွေကို မေးခဲ့တယ်လို့လည်း ပြောပါတယ်။ ဒါပေမဲ့လည်း အီတလီမှာ ရှိတဲ့ လေတပ်စခန်းကနေ အမေရိကန် စစ်လေယာဉ်တွေ လစ်ဗျားကို လာဖို့ဆိုရင် နှစ်နာရီ သုံးနာရီလောက် အချိန်ယူရလိမ့်မယ်လို့ သူကို ပြန်တုံ့ပြန်တဲ့အကြောင်း ဟစ် (Hicks) က ပြောပါတယ်။ ဒါ့အပြင် စစ်လေယာဉ်တွေကို ဝေဟင်ထဲ ဆီဖြည့်ပေးမယ့် ဆီဖြည့်လေယာဉ်လည်း မရှိဘူးလို့ တုံ့ပြန်ခဲ့တယ်လို့ ဆိုပါတယ်။ ဟစ် (Hicks) နဲ့ အခြား နိုင်ငံခြားရေးဌာန အရာရှိနှစ်ဦးဟာ မနေ့တုန်းက အောက်လွှတ်တော် ကြားနာပွဲမှာ အစစ်ဆေးခံခဲ့ကြတာပါ။

လစ်ဗျားဆိုင်ရာ အမေရိကန် သံအမတ်ကြီး ခရစ်စတိုဖာ စတီဗန်စ် (Christopher Stevens) နဲ့ အခြား အမေရိကန် သံတမန်သုံးဦး သေဆုံးခဲ့ရတဲ့ အဲ့ဒီ တိုက်ခိုက်ခံရမှု ကိစ္စကို အောက်လွှတ်တော် ကြား နာပွဲလုပ်ခဲ့တာပါ။ အစ္စလာမ်ဘာသာကို ဆန့်ကျင်ထားတဲ့ ဗွီဒီယိုကြောင့် ဆန္ဒပြမှုတွေဖြစ်ခဲ့ပြီး၊ အဲ့ဒီ ဆန္ဒပြမှုတွေကနေ တိုက်ခိုက်မှုဖြစ်လာတာလို့ အမေရိကန်ရုပ်သံကို ကုလသမဂ္ဂဆိုင်ရာ အမေရိကန် သံအမတ်ကြီး ဆူဇန် ရိုက်စ် (Susan Rice) က ပြောခဲ့တာကြားရတော့ သူတုံ့လှုပ် အံ့အားသင့်မိတယ်လို့ ဟစ် (Hicks) က ပြောပါတယ်။

တကယ်တော့ ဒီတိုက်ခိုက်မှုဟာ ဆန္ဒပြမှုတွေနဲ့ မဆက်စပ်ဘူးလို့ ဟစ် (Hicks) က ပြောခဲ့ပါတယ်။ ကုလသမဂ္ဂဆိုင်ရာ သံအမတ်ကြီး ဆူဇန် ရိုက်စ် (Susan Rice) ရဲ့ မှတ်ချက်တွေကြောင့်မို့လို့၊ သမ္မတ အိုဘားမားအစိုးရဟာ ဒီတိုက်ခိုက်မှုဖြစ်စဉ် အသေးစိတ်နဲ့ပတ်သက်လို့ အများပြည်သူကို လိမ်လည်လှည့်ဖျားခဲ့တယ်လို့ ရီပတ်ပလစ်ကန် အောက်လွှတ်တော်အမတ်တွေက စွပ်စွဲကြပါတယ်။

ဝေဖန်မှုတွေမှာ နိုင်ငံခြားရေးဝန်ကြီးဟောင်း ဟီလာရီ ကလင်တန်ကို ရည်ရွယ်ပြီး အဓိကထား ဝေဖန်ကြတာ ဖြစ်ပါတယ်။ ဒီမိုကရက် လွှတ်တော်အမတ်တွေကတော့ မစ္စစ်ကလင်တန်ကို တမင်တကာ နာမည်ပျက်အောင် နိုင်ငံရေးရည်ရွယ်ချက်နဲ့ လုပ်တာဖြစ်တယ်ဆိုပြီး စုံစမ်းစစ်ဆေးမှုတွေကို ဝေဖန်ပါတယ်။

မစ္စစ်ကလင်တန်ဟာ အခုလာမယ့် ၂၀၁၆ ခုနှစ် သမ္မတရွေးကောက်ပွဲအတွက် ရည်မှန်းထားတဲ့ ဒီမိုကရက်တစ် ကိုယ်စားလှယ်တဦး ဖြစ်တယ်ဆိုပြီးတော့လည်း ဒီမိုကရက်အမတ်တွေက ပြောခဲ့ကြပါတယ်။


Ref: ဗွီအိုအေ

Read More...

WTO အကြီးအကဲသစ်အဖြစ် ဘရာဇီးသံအမတ်ကိုခန့်

09.05.2013

WTO ကမ္ဘာ့ကုန်သွယ်ရေးအဖွဲ့ကြီးအတွက် အကြီးအကဲသစ်အဖြစ် WTO ဆိုင်ရာ ဘရာဇီးသံအမတ်ကြီး ရိုဘာတို အဇေဗီရဲဒို (Roberto Azevedo) ကို WTO က ရွေးချယ်လိုက်ပါတယ်။

ပထမဆုံး လက်တင် အမေရိကတိုက်သား တစ်ယောက်အဖြစ် WTO အကြီးအကဲကို ရွေးချယ်လိုက်တာဖြစ်ပြီး၊ စက်တင်ဘာလမှာ လက်ရှိအကြီးအကဲ ပတ်စ်ကယ်လ် လမီ (Pascal Lamy) ဆီကနေ ရာထူး တာဝန်ကို လွှဲပြောင်းယူရမှာ ဖြစ်ပါတယ်။ BRIC လို့ခေါ်ကြတဲ့ စီးပွားရေး ထွန်းသစ်စနိုင်ငံများ အဖွဲ့ဝင်နိုင်ငံ တစ်ခုကနေ ကမ္ဘာ့ကုန်သွယ်ရေး အဖွဲ့ကြီးကို ဦးဆောင်ဖို့ ပထမဆုံး ရွေးချယ်ခံရတာ လည်း ဖြစ်ပါတယ်။

WTO အဖွဲ့ဝင်တွေကြား ကမ္ဘာ့ကုန်သွယ်ရေးနဲ့ ပတ်သက်တဲ့ သဘောတူညီမှုတွေကို ၂၀၀၁ ခုနှစ်ထဲက ညှိနှိုင်းမရနိုင် ဖြစ်နေကြပါတယ်။ လယ်ယာထွက်ကုန်တွေအပေါ် အထောက်အပံ့ပေးရေးကိစ္စ၊ ထုတ် ကုန်ပစ္စည်းတွေအပေါ် အခွန်သတ်မှတ်တဲ့ကိစ္စနဲ့ ကမ္ဘာ့ဈေးကွက်ကို ဖွံ့ဖြိုးဆဲနိုင်ငံတွေ ဝင်ရောက်နိုင်တဲ့ အခွင့်အလမ်းတွေနဲ့ပတ်သက်လို့ အဖွဲ့ဝင်နိုင်ငံတွေကြား သဘောတူမှုတွေ မရနိုင်ကြသေးပါဘူး။

ဒီကိစ္စတွေက WTO အကြီးအကဲသစ် ရင်ဆိုင်ရမယ့် စိန်ခေါ်မှုတွေ ဖြစ်ပါတယ်။ ၆ လကြာတဲ့ ကမ္ဘာ့ကုန်သွယ်ရေးအဖွဲ့ကြီးရဲ့ အကြီးအကဲသစ် ရွေးချယ်မှုကနေ မစ္စတာ ရိုဘာတို အဇေဗီရဲဒို (Roberto Azevedo) ကို ရွေးလိုက်တဲ့အပေါ် ဘရာဇီးသမ္မတ (Dilma Rousseff) က ကြိုဆိုခဲ့ပြီး၊ ဒီရွေးချယ်မှုဟာ ဘရာဇီးနိုင်ငံနဲ့ BRICS အဖွဲ့ထက် WTO အဖွဲ့ကြီးအတွက် အောင်မြင်မှု ဖြစ်တယ်လို့ ဖော်ပြပြောဆိုခဲ့ပါတယ်။


Ref: ဗွီအိုအေ

Read More...

ငြိမ်းချမ်းရေး ကဗျာဆရာကြီး ဒဂုန်တာရာ၏ ၉၄ နှစ်မြောက် မွေးနေ့ ကျင်းပ

ငြိမ်းဝေ (ကဗျာ့အိုးဝေ)
မေလ ၀၈ ရက် ၂၀၁၃ ခုနှစ်

ကမ္ဘာ့ငြိမ်းချမ်းရေးနှင့် ပြည်တွင်းငြိမ်းချမ်းအတွက် တစိုက်မတ်မတ် ဦးဆောင်လှုပ်ရှားခဲ့ သည့် ကဗျာဆရာကြီး ဒဂုန်တာရာ၏ ၉၄ နှစ်မြောက် မွေးနေ့ ဂုဏ်ပြု အခမ်းအနားကို ရှမ်းပြည်တောင်ပိုင်းရှိ
အောင်ပန်း မြို့၊ မဟာဂန္ဓာရုံ ကျောင်းတိုက်တွင် မေလ ၅ ရက်နေ့က ကြိုတင်ကျင်းပခဲ့သည်။

မြန်မာနိုင်ငံတနံတလျားမှ ကဗျာဆရာ စာရေးဆရာများ၊ ဆရာကြီးအားကြည်ညိုလေးစားသူများ ၃၀၀ ခန့် တက်ရောက်သည့် ယင်းအခမ်းအနားတွင် အခမ်းအနားမှူးအဖြစ် ကဗျာဆရာကြီး အံ့မောင် က
ဆောင်ရွက်ပေးခဲ့သည်။

အဖွဲ့အစည်းအသီးသီးမှ ပေးပို့သော သဝဏ်လွှာများ ဖတ်ကြားပြီး တက်ရောက်လာသူများက ဆရာကြီး ဒဂုန်တာရာနှင့် ပတ်သက်သည့် ဂုဏ်ပြုစကားများ ပြောကြားကာ ကဗျာရွတ်ဆို ဂုဏ်ပြုခြင်းများ
ပြုလုပ်ခဲ့ကြသည်။

ကဗျာဆရာ မြင့်ဦးဦးမြင့် က 'ဆရာကြီးဒဂုန်တာရာဟာ မြင်ဆရာတစ်ဦးဖြစ်ပြီး ကဗျာအဖွဲ့အနွဲ့နှင့် အယူအဆတွေကိုလည်း လူငယ် ကဗျာဆရာတယောက်အနေနှင့် အများကြီး လေးစားခဲ့ကြောင်း' ပြောသည်။

ငြိမ်းချမ်းရေးကို အဓိက အကြောင်းအရာအဖြစ် ဖွဲ့သီမည့် သုံးကြောင်း ကဗျာစာအုပ်တအုပ် ထုတ်ဝေရန်လည်း ဆရာ မြင့်ဦးဦးမြင့် က ပြောသည်။

'ဆရာကြီး သခင်ကိုယ်တော်မှိုင်း၊ ဆရာကြီးဒဂုန်တာရာတို့ရဲ့ ငြိမ်းချမ်းရေးလုပ်ငန်း ငြိမ်းချမ်းရေးအယူအဆကို လေးစားတဲ့အနေနဲ့ ဆရာကြီးရဲ့ မွေးနေ့ကို လာတက်ခြင်းဖြစ်ပြီး ၎င်းတို့ ခင်းပေးလိုက်တဲ့ လမ်းကြောင်း အတိုင်း ဆက်လက်လျှောက်လှမ်းမယ်' ဟု မဇ္ဈိမကို ပြောသည်။

ဆရာဒဂုန်တာရာကို ကျိုက်လတ်မြို့နယ်၊ ထိုင်ကူမြစ်တန်းရွာတွင် အဘ ဦးဘအုန်း၊ အမိ ဒေါ်ဖွားရှင်တို့မှ ၁၉၁၉ ခု မေလ ၁၀ ရက် စနေနေ့တွင် မွေးဖွားခဲ့ပြီး အမည်ရင်းမှာ ဦးဌေးမြိုင် ဖြစ်သည်။

အိုးဝေမဂ္ဂဇင်း အယ်ဒီတာချုပ်(၁၉၄၀)၊ တာရာမဂ္ဂဇင်း ထုတ်ဝေသူနှင့် အယ်ဒီတာ( ၁၉၄၆)၊ မြန်မာနိုင်ငံ စာရေးဆရာအသင်း ဥက္ကဋ္ဌ (၁၉၅၀)၊ စာပေသစ် မဂ္ဂဇင်း စတင်ထုတ်ဝေသူနှင့် အယ်ဒီတာ အဖြစ်
ဆောင်ရွက်ခဲ့သည်။

၁၉၃၄ ခု၊ ဖေဖော်ဝါရီလ တက္ကသိုလ်ရိပ်သာ မဂ္ဂဇင်းတွင် မှုန်ပြာရီ ဝတ္ထုကို မြိုင်သဇင် ကလောင်အမည်ဖြင့် ဖေါ်ပြခံရခြင်းဖြင့် စာပေနယ်သို့ စတင်ခြေချခဲ့ပြီး စာပေဗိမာန် ဝတ္ထုတိုပေါင်းချုပ်ဆုနှင့် အမျိုးသား စာပေဆု (စာပေပဒေသာဆု)ရရှိခဲ့သူ ဖြစ်သည်။

ဒဂုန်တာရာ၏ ကလောင်အမည်ခွဲများမှာ မြိုင်သဇင်၊ မောင်နန်းနွယ်၊ စောထွတ်၊ စောတင်မူ၊ ဌေးမြိုင်၊ မောင်သစ္စာ၊ မောင်ဘတင့်၊ မောင်စ၊ ဗညားသီဟ၊ မောင်စိမ်းမြ၊ ဦးဒဂုန်၊ မောင်လင်းထက်၊ မောင်ကြာညွန့် စသည်တို့ ဖြစ်သည်။

ဆရာကြီးသည် လွန်ခဲ့သည့်လအတွင်းက ကျန်းမာရေး ဆိုးဝါးခဲ့သော်လည်း ယခုအခါ အသက်အရွယ်အရ အင်အားနည်းပါးနေသည်မှအပ အစားအသောက်များ ပုံမှန် ပြန်လည် စားသောက်လာနိုင်ပြီး ကျန်းမာရေး ကောင်းမွန်လျက် ရှိနေသည်။

ယခုအခါ ကဗျာဆရာကြီး ဒဂုန်တာရာသည် ရှမ်းပြည်တောင်ပိုင်း အောင်ပန်းမြို့တွင် တူမဖြစ်သူ စာရေး ဆရာမ သင်းမြစန္ဒီ ၏ မိသားစုနှင့်အတူ နေထိုင်လျက် ရှိသည်။

Ref: မဇ္ဈိမ

Read More...

ပလက်ဝမြို့ ဆိပ်ခံတံတား ဆောက်လုပ်ရေးတွင် ဒေသခံများ အလုပ်လုပ်ကိုင်ခွင့် နည်းပါး

နန်းလွင်နှင်းပွင့်
မေလ ၀၈ ရက် ၂၀၁၃ ခုနှစ်

ချင်းပြည်နယ်၊ ပလက်ဝမြို့ အရှေ့ဘက်ကမ်းတွင် တည်ရှိသော ဆိပ်ခံတံတား ဆောက်လုပ်ရေး လုပ်ငန်းခွင် တွင် ဒေသခံများအား အလုပ်အကိုင်ခေါ်ယူမှု နည်းပါးသောကြောင့် ပလက်ဝဒေသခံ ချင်းလူမျိုးများ ဝင်ရောက် အလုပ်လုပ်ကိုင် နိုင်ခြင်းမရှိဟု ပလက်ဝမြို့နယ် လူမှုရေးအသင်းမှ အထွေထွေ အတွင်းရေးမှူး ကိုပီတာလွယ်လူးထံမှ သိရသည်။

ဒေသခံ ကိုဆလိုင်းထွန်းက “ ဒေသခံတွေ မှာ အလုပ်အကိုင်အတွက်ကျတော့ အလုပ်ခေါ်တာတွေ၊ အလုပ်အတွက် အသိပေးတာတွေ လုံးဝ မရှိခဲ့ဘူး၊ ကျွန်တော်တို့ ဒေသမှာ အလုပ်အကိုင်မရှိတဲ့သူတွေ က အလုပ်လုပ်ချင်ပေမယ့် သူတို့ဘက်က မခေါ်တော့ အခွင့်အရေးမရဘူး၊ ” ဟု ပြောသည်။

ပလက်ဝမြို့ခံအများစုတို့က ၎င်းတို့ဒေသတွင် ဖွံ့ဖြိုးရေးနှင့်ပတ်သတ်သော လုပ်ငန်းများ စီမံကိန်းများ လာရောက် လုပ်ကိုင်ကြရာတွင် မိမိတို့အား အလုပ်များ ခန့်ထားစေလိုသည်ဟု ချင်းလူ့အခွင့်အရေး အဖွဲ့မှ ကိုဘွေပီးကဆိုသည်။

၎င်းက " ကျွန်တော်တို့ တိုင်းရင်းသားတွေကို ပါဝင်ခွင့်ပေးစေချင်တယ်၊ ကျွန်တော်တို့ကို ပွင့်ပွင့်လင်းလင်းနဲ့ ရှိစေချင်တယ်၊ အခုက ဘာဖြစ်ဖြစ် ကျွန်တော်တို့ မသိရဘူး၊ ကြည့်နေရုံကလွဲပြီး ဘာမှ သိခွင့်မရဘူး၊ " ဟု ဆိုသည်။

ပလက်ဝမြို့နယ် လူမှုရေးအသင်း၏ ပြောကြားချက်အရ ပလက်ဝဆိပ်ခံတံတား ဆောက်လုပ်ရေးတွင် အခြေခံအလုပ်သမားများအဖြစ် အလုပ်လုပ်ကိုင်နေကြသော အိန္ဒိယနိုင်ငံသား အလုပ်သမားများမှာ
မြန်မာအလုပ်သမားများထက် နှစ်ဆရှိနေပြီး မြန်မာလုပ်သားများမှာ နေ့စဉ် ကျပ် ၄၀၀၀ ခန့်ရရှိသည်ဟု သိရသည်။

ဒေသခံ ကိုဆလိုင်းထွန်းက “ ဥပဒေပြုထားတဲ့ အထဲမှာ ကျွန်တော်တို့ သိသလောက် ကတော့ မြန်မာ အလုပ်သမား ၇၅ ရာခိုင်နှုန်းပါရမယ်လို့ သိထားတယ်၊ အခုက ကျွန်တော်တို့ ဒေသခံတွေကိုလည်း တစ်ယောက်မှ မခေါ်ဘူး၊ ကျွန်တော်တို့မှာ အလုပ်လက်မဲ့တွေက အလုပ်လိုချင်တယ်။ ပြီးခဲ့တဲ့လ ကဆိုရင် အစိုးရဌာနအတွက် ၀န်ထမ်းတစ်နေရာစာခေါ်တာတောင် လျှောက်တဲ့သူ ထောင်ကျော်တယ်၊ ”ဟု ဆိုသည်။

ပလက်ဝဆိပ်ခံတံတားဆောက်လုပ်ရေးမှာ ၂၀၀၈ခုနှစ်တွင် မြန်မာနှင့်အိန္ဒိယ နှစ်နိုင်ငံ အစိုးရတို့မှ စီးပွားရေးလမ်းပွင့်စေရန် ကုလားတန်ဘက်စုံစီမံကိန်းလုပ်ဆောင်ခြင်း၏ အစိတ်အပိုင်းတစ်နေရာ ဖြစ်သည်။

Ref: မဇ္ဈိမ

Read More...

ရခိုင်လူမျိုးများ လူ့အခွင့်ရေးများ အပြည့်ဝရရှိရန် AHRDO ကူညီမည်

ဖိုးစိုးသူ
မေလ ၀၈ ရက် ၂၀၁၃ ခုနှစ်

ရခိုင်ပြည်နယ်ရှိ ရခိုင်လူမျိုးများ၏ လူ့အခွင့်ရေးနှင့် ပါတ်သက်၍ Organisation ရခိုင်လူ့အခွင့်ရေးနှင့် ဖွံ့ဖြိုး တိုးတက်ရေးအဖွဲ့ (AHRDO) Arakan Human Rights and Development မှ ကူညီထောက်ပံ့
ပေးသွားမည် ဖြစ်ကြောင်း ယင်းအဖွဲ့မှ အမှုဆောင် ဒါရိုက်တာ ဦးအောင်မင်းဦး က ပြောကြားသည်။

ရခိုင်ပြည်နယ်ရှိ လယ်သမားများ လယ်ယာမြေ သိမ်းဆည်းခံရခြင်း ၊ရွှေဓာတ်ငွေ့ ပိုက်လိုင်း ရပိုင်ခွင့်များနှင့် လူ့အခွင့်ရေး ချိုးဖောက်ခံရမှုများအား ရခိုင်ပြည်နယ်ရှိ နိုင်ငံရေးပါတီများ အစိုးရစီမံကိန်း တာဝန်ရှိသူများ နှင့် ချိတ်ဆက်ပြီး ရသင့်သော အခွင့်ရေးများကို အပြည့်အ၀ ရရှိရန် ဆောင်ရွက်ပေးသွားမည် ဖြစ်ကြောင်း HRDO ဒါရိုက်တာ ဦးအောင်မင်းဦး က မဇ္ဈိမသို့ ပြောကြားသည်။

၎င်းက “ HRDO အနေနဲ့ လယ်မြေသိမ်းတာတွေ ကို အဓိကထားကူညီပေးသွားမှာပါ။ ရခိုင်ပြည်နယ်များမြေပေါ်မြေအောက် သယံဇာတ တွေပေါတယ် ။ နောက်ပြီးအစိုးရ စိမံကိန်းတွေအတွက် သုသေတန
ပြုလုပ်မှုတွေ ကွင်းဆင်းပြီး လုပ်ဆောင်ပေးသွားမှာပါ " ဟု ဆက်လက်ရှင်းပြသည်။

HRDO မှ ရခိုင်လူမျိုးများ၏ အခွင့်ရေးများ ရရှိရန်အတွက် ရခိုင်အမျိုးသားဒိမိုကရေစီ အဖွဲ့ချူပ်နှင့် ချိတ်ဆက်ထားပြီ ဖြစ်သော်လည်း မည်ကဲ့သို့ လုပ်ကိုင်သွားမည်ကို မသိရှိရသေးကြောင်း ရခိုင်အမျိုးသား ဒီမိုကရေစီအဖွဲ့ချူပ် ဥက္ကဋ္ဌ ဦးအေးသာအောင် က ဆိုသည်။

ရခိုင်အမျိုးသား ဒီမိုကရေစီအဖွဲ့ချူပ် ဥက္ကဋ္ဌ ဦးအေးသာအောင် က “ လူ့အခွင့်ရေး က ရခိုင်ပြည်မှာတင် မဟုတ်ပါဘူး ။ မြန်မာပြည် အနှံ့မှာခံစားနေရကြတာ။ ချွတ်ခြုံကျနေတဲ့ ရခိုင်ပြည်နယ်အတွက် ဒိလို ကူညီပေးတာ ကောင်းပါတယ် " ဟု ရှင်းပြသည်။

ရခိုင်ပြည်နယ်တွင် လူ့အခွင့်ရေး နှင့် ပါတ်သက်ပြီး အပြည့်ဝ ရရှိရန်အတွက် ဥပဒေဘောင်ထဲမှ ဆောင်ရွက် သွားရန် လိုပြီး ပြည်နယ် တွင်နေထိုင်ကြသော ပြည်သူ ပြည်သားများ တူညီစွာ လက်တွဲဆောင်ရွက် ရန်လို အပ်ကြောင်း ရခိုင်ပြည်နယ် တိုင်းရင်းသားရေးရာ ၀န်ကြီး ဦးဇော်အေးမောင် က မှတ်ချက်ပြု ပြောကြားသည် ။

ရခိုင်လူ့အခွင့်ရေး နှင့် ဖွံ့ဖြိုးတိုးတက်ရေး အဖွဲ့ (AHRDO )ArakanHuman Rights and Development Organisation ကို ရခိုင်ပြည်နယ်လုံးဆိုင်ရာ ကျောင်းသားများ နှင့် လူငယ်များဆိုင်ရာ အစည်းရုံးတို့မှ ဦးဆောင်၍ ထိုင်း-မြန်မာ နယ်စပ်တွင် ၂၀၁၁ အောက်တိုဘာလတွင် စတင်ဖွဲ့စည်း တည်ထောင်ခဲ့ခြင်းဖြစ်ကြောင်း AHRDO ကြေငြာချက် အရသိရှိရသည်။

Ref: မဇ္ဈိမ

Read More...

သံဃာတော် တပါး သေဆုံးစေခဲ့မှုဖြင့် အစ္စလာမ်ဘာသာဝင် ၆ ဦး သေဒဏ်ကျခံရဖွယ်ရှိ

မေလ ၀၈ ရက် ၂၀၁၃ ခုနှစ်

ယခု လပိုင်းအတွင်း ဖြစ်ပွားခဲ့သည့် ဘာသာရေးဆိုင်ရာ ပဋိပက္ခအတွင်း၌ ပျံလွန်တော်မူခဲ့ရသော သံဃာတော်၏ သေဆုံးမှုနှင့်ပတ်သက်၍ စစ်ဆေးခြင်းခံနေရသော အစ္စလာမ်ဘာသာဝင် ၆ ဦးမှာ ပြစ်မှု ထင်ရှားပါက သေဒဏ်ကျခံရနိုင်ဖွယ် ရှိကြောင်း အာဏာပိုင်များက အင်္ဂါနေ့တွင် ပြောကြားလိုက်သည်ဟု AFP သတင်းတရပ်တွင် ဖော်ပြပါရှိသည်။

မန္တလေးတိုင်း တရားသူကြီး ဦးရဲအောင်မြင့်၏ အဆိုအရ ၎င်းတို့အား စစ်ဆေးနေပြီး သောကြာနေ့တွင် အမိန့် ချမှတ်လိမ့်မည်ဟု ခန့်မှန်းထားသည်။

“လူသတ်မှုအတွက် ပြစ်မှုထင်ရှားရင်တော့ သေဒဏ် ချမှတ် ခံရမှာပါ” ဟု ဦးရဲအောင်မြင့် ၏ တယ်လီဖုန်းမှ တဆင့် ဖြေကြားချက်အား ကိုးကား၍ AFP သတင်းက ရေးသားသည်။

မတ်လ အတွင်းက မိထ္ထီလာမြို့ရှိ ရွှေဆိုင်၌ ခိုက်ရန် ဖြစ်ပွားမှု တခုမှ အစပြုပြန့်ပွားခဲ့သော အကြမ်းဖက်မှု ဂယက်များကြောင့် အနည်းဆုံး လူ ၄၃ ဦး သေဆုံးခဲ့ရပြီး လူပေါင်း ထောင်ချီ၍ အိုးမဲ့အိမ်မဲ့ ဖြစ်ခဲ့ရသည်။

သံဃာတော် တပါး ပျံလွန်တော်မူစေခဲ့သည့် ကိစ္စ ထွက်ပေါ်ခဲ့ပြီးနောက်ပိုင်း နိုင်ငံတွင်းရှိ ဒေသ အများအပြား၌ ဆူပူအုံကြွမှုများ ဖြစ်ပေါ်ခဲ့ကာ ၎င်းအကြမ်းဖက်မှုများသည် အစ္စလာမ် ဘာသာဝင်များ ထံသို့ ဦးတည်လာခဲ့ သည်။

ပြဿနာ စတင်ဖြစ်ပွားခဲ့သည့် ရွှေဆိုင်ပိုင်ရှင်နှင့် အခြား အစ္စလာမ်ဘာသာဝင် နှစ်ဦးတို့အား ဈေးဝယ်သူကို ကိုယ်ထိလက်ရောက်ကျူးလွန်မှုဖြင့် ဧပြီလအတွင်းက ထောင်ဒဏ် ၁၄ နှစ်စီ ချမှတ်လိုက်သည်။

ဖြစ်ပွားခဲ့သော ဆူပူအုံကြွမှုများနှင့် ပတ်သက်၍ ဗုဒ္ဓဘာသာဝင် တစ်ဦးမျှ ပြစ်ဒဏ်ကျ ခံခဲ့ရခြင်းမရှိကြောင်း AFP သတင်းက ဆိုသည်။

ခန့်မှန်းခြေအရ မြန်မာနိုင်ငံလူဦးရေ၏ ၄ ရာခိုင်နှုန်းခန့်ရှိသော အစ္စလာမ်ဘာသာဝင်များအား တိုက်ခိုက်ခဲ့ခြင်း သည် ယခု ကောင်းမွန်သောနိုင်ငံရေး အပြောင်းအလဲ ကာလဟု အမွှမ်းတင်ခြင်း ခံနေရမှုများကို အမှောင်ရိပ် ဖုံးစေခဲ့ပြီး စစ်အစိုးရ၏ အုပ်ချုပ်မှုကြောင့် ဆိုးရွားစွာ ဖြစ်နေခဲ့ရသည့် နိုင်ငံ၏ အက်ကြောင်းများကို သိသာ ထင်ရှားစေခဲ့သည်ဟု ဆိုသည်။


အဓိကရုဏ်း ဖြစ်ပွားရာတွင် သံဃာတော်အချို့ ပါဝင်ခဲ့ပြီး အချို့မှာ လူမျိုးရေး လှုံ့ဆော်မှုအဖြစ် အစ္စလာမ် ဘာသာဝင်များ ပိုင်ဆိုင်သော ဆိုင်များ၌ စီးပွားရေးအရ အဆက်အဆံ မလုပ်ရန် ဆော်သြမှု များ ပြုလုပ်ခဲ့ကြ သည်။

ယခု တရားခွင်တွင် စစ်ဆေးခြင်း ခံနေရသည့် ၆ ဦး အနက် သံဃာတော်အား သေစေခဲ့မှု၏ အဓိက တရားခံမှာ အသက် ၂၀ အရွယ်ရှိသူ ဖြစ်ပြီး ကျန် ၅ ဦးမှာလည်း လူသတ်မှု၌ ပါဝင် ပတ်သက်သူများအဖြစ် စွဲချက်တင်ခံ ထားရသည်။

၇ ယောက်မြောက် မသင်္ကာဖွယ်ဖြစ်သူအား သက်ငယ် တရားရုံး၌ စစ်ဆေးသွားမည်ဖြစ်ပြီး အမှုတွင် ပါဝင်ပတ်သက်သည်ဟု ယူဆရသော ကျန် ၄ ဦးကိုလည်း ဖမ်းဆီးနိုင်ရန် ကြိုးပမ်းလျက်ရှိသည်။

ယခင် သီတင်းပတ်က ရန်ကုန် မြို့၏တောင်ဘက် မိုင် ၆၀ အကွာရှိ ဥက္ကံမြို့တွင် ထပ်မံဖြစ်ပွားခဲ့သော အစ္စလာမ်ဘာသာ ဆန့်ကျင်ရေး အဓိကရုဏ်းကြောင့် လူ ၁ ဦး သေဆုံးပြီး ဗလီနှင့် လူနေအိမ်များ ဖျက်ဆီးခံရကာ နိုင်ငံအတွင်း၌ ထိတ်လန့်တုန်လှုပ်မှုများ တဖန် ဖြစ်ပေါ်ခဲ့ရသည်။

၂၀၁၂ ခုနှစ်က ရခိုင်ပြည်နယ်တွင် ဖြစ်ပွားခဲ့သည့် ဗုဒ္ဓဘာသာဝင်နှင့် အစ္စလာမ်ဘာသာဝင်များ အကြား ပဋိပက္ခများကြောင့် လူ ၂၀၀ ခန့် သေဆုံးခဲ့ရပြီး သေဆုံးသူ အများစုမှာ ရိုဟင်ဂျာ မူဆလင်များ ဖြစ်ကြသည်။

သမ္မတ ဦးသိန်းစိန် တနင်္လာနေ့က ပြောကြားခဲ့သော မိန့်ခွန်းတွင် ရခိုင်ပြည်နယ်ရှိ အစ္စလာမ် ဘာသာဝင်များ အတွက် အဓိကကျသော အခြေခံ အခွင့်အရေးများ ရရှိရန် ကတိပြုခဲ့ပြီး “ငြိမ်းချမ်းစွာ ယှဉ်တွဲ နေထိုင်နိုင်ရန်” နိုင်ငံတော်အနေဖြင့် ဦးတည်သင့်သည်ဟု ပါရှိသည်။

Ref: မဇ္ဈိမ

Read More...

နိုင်/ကျဉ်းဟောင်းများ အတွက် ၄၀၁ ခြိမ်းခြောက်နေဟု AAPP သတိပေး

ဖနိဒါ
မေလ ၀၈ ရက် ၂၀၁၃ ခုနှစ်

ဦးနေမျိုးဇင် အား ထောင်ဒဏ် ၆ နှစ် ပြန်လည် ချမှတ်လိုက်ခြင်းမှာ နိုင်ငံရေး အကျဉ်းသား ဟောင်းများအား ခြိမ်းခြောက်မှု ဖြစ်ကြောင်း ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီ
စောင့်ရှောင်ရေးအသင်း (AAPP)က ယနေ့ ပြောဆိုလိုက်သည်။

“သူက လယ်သမားတွေအတွက် ထဲထဲဝင်ဝင် လုပ်တယ်။ လူမှုရေးတွင် ပါဝင်နေတယ်။ အဲဒီလို ကိစ္စမျိုးတွေ နိုင်ငံရေးကိစ္စမျိုးတွေမှာ ပါဝင်နေတယ်ဆိုရင် သူတို့နဲ့ အခန့်မသင့်တဲ့ အခြေအနေမျိုး ကျရင် အချိန်မရွေး ပြန်ဖမ်းမယ်ဆိုတဲ့ ကိစ္စကို အသိပေးလိုက်တာပဲ။ ဒါက ပြင်းထန်စွာ အသိပေးလိုက်တာပဲ” ဟု AAPP အတွင်းရေးမှူး ကိုတိတ်နိုင် က မဇ္ဈိမကို ပြောသည်။

ထို့ပြင် ၂၀၁၂ ခုနှစ်၊ ဇန်နဝါရီလ လွတ်ငြိမ်းချမ်းသာခွင့်ဖြင့် လွတ်မြောက်လာပြီးဖြစ်သည့် နိုင်ငံရေး အကျဉ်းသားဟောင်း တဦးအား ဤသို့ပြုမူလိုက်ခြင်းမှာ သမ္မတ ဦးသိန်းစိန်အစိုးရ၏ နောက်ကြောင်း
ပြန်လှည့်သည့် လုပ်ဟန်ဖြစ်ကြောင်း “ဒီကနေ လက်ရှိ သမ္မတ ဦးသိန်းစိန်ကနေ ပုဒ်မ ၄၀၁ ကို ပြန်လည် အသက်သွင်းပြီးတော့ ပြန်ပြီး ဖမ်းဆီးနေတဲ့ ကိစ္စက နောက်ကြောင်းပြန် ဥပဒေတွေကို သက်ရောက်စေတဲ့ ကိစ္စ။ အဲဒီလို လုပ်ဆောင်နေတဲ့အပေါ်မှာ ကျနော်တို့က နောက်ကြောင်း ပြန်ဆုတ်နေပြီလားဆိုပြီး သံသယ ရှိပါတယ်” ဟု ကိုတိတ်နိုင် က ဝေဖန်သည်။

လူ့အခွင့်အရေး၊ ဒီမိုကရေစီရေး၊ အမျိုးသားပြန်လည် ရင်ကြေားစေရေး လုပ်ငန်းစဉ်များအား ကြီးများသော ဟန့်တားမှုတခု ဖြစ်သည့်အပြင် ယခုလုပ်ရပ်အပေါ် AAPP ပြင်းထန်စွာ ကန့်ကွက်ရှုံ့ချလိုက်သည်။

ဧရာဝတီတိုင်း၊ ပန်းတနော်မြို့နယ် လယ်သမားများနှင့် တွေ့ဆုံပွဲတခုတွင် ဗိုလ်ကြီးဟောင်း နေမျိုးဇင်က ရဲတပ်ဖွဲ့များ လဘ်စားသည် ဆိုသည့်စကား ပြောဆိုသည်ဟု ဆိုကာ ဒေါင့်ကြီးကျေးရွာ ရဲစခန်းမှူး ဦးထွန်းထွန်း က အသရေဖျက်မှု ပုဒ်မ ၅၀၀ ဖြင့် တရားစွဲဆိုချက်ကို ခရိုင်တရားရုံးမှ မေလ ၃ ရက်နေ့က ထောင်ဒဏ် ၃ လနှင့် ငွေဒဏ် ၂ သောင်း ပေးဆောင်ရန် အမိန့် ချမှတ်လိုက်သည်။

နေမျိုးဇင်က ငွေဒဏ် ပေးဆောင်ဘဲ ငြင်းဆိုခဲ့သည့်အတွက် မအူပင်အကျဉ်းထောင်သို့ ပို့ဆောင်ခဲ့သည်။ ထိုဒဏ်ငွေများကို တောင်သူ ၁၀၀ ကျော်မှ မေလ ၇ ရက်နေ့က ပေးဆောင်ခဲ့သည်။ သို့သော် အစိုးရ
ပြည်ထဲရေးဝန်ကြီးဌာန အမိန့်အရ မအူပင်ခရိုင် အုပ်ချုပ်ရေးမှူး ဦးအေးသောင်း က မအူပင်အကျဉ်းထောင် တွင်း လာရောက်၍ ယခင် ပြစ်ဒဏ်ဟောင်းထဲမှ ထောင်ဒဏ် ၆ နှစ် ချခံရန် အမိန့်ချမှတ်ခဲ့သည်ဟု သိရသည်။

ကိုနေမျုိးဇင်သည် ၂၀၁၁ ခုနှစ်သြဂုတ်လက ဖမ်းဆီးခံရပြီး အီလက်ထရောနစ် ပုဒ်မ ၃၃ (က)ဖြင့်ထောင်ဒဏ် ၁၀ နှစ် ထောင်ဒဏ်ချမှတ်ခံရကာ ၂၀၁၂ ခုနှစ်၊ ဇန်နဝါရီလ ၁၃ ရက်နေ့ သမ္မတ၏ လွတ်ငြိမ်း ချမ်းသာခွင့် အမိန့် ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၀၁ (၁) ဖြင့် ပြန်လည်လွတ်မြောက်လာခြင်း ဖြစ်သည်။

ထိုပုဒ်မအရ နောင်တဖန် ပြစ်ဒဏ်တစုံတရာ ကျပါက ယခင် လက်ကျန် ပြစ်ဒဏ်များကိုပါ တပါတည်း ကျခံရမည်ဖြစ်သည်။

AAPP ကမူ ယခု ဦးနေမျုိးဇင်အား ထပ်မံ ထောင်ချလိုက်ခြင်းသည် ဦးသိန်းစိန်၏ လွတ်ငြိမ်းချမ်းသာခွင့်ဖြင့် လွတ်မြောက်လာသာ နိုင်ငံရေးအကျဉ်းသားများကို ကြီးမားသော ခြိမ်းခြောက်မှု ဖြစ်ပြီး ၎င်းတို့အား
နိုင်ငံရေး၊ လူမှုရေး လုပ်ငန်းများတွင် တက်ကြွစွာ ပါဝင်ခြင်း မရှိစေရန် ပြင်းထန်စွာ သတိပေးလိုက်ခြင်းဖြစ်သည်ဟု မှတ်ချက်ချထားသည်။

၎င်း ပုဒ်မ ၄၀၁ ဥပဒေနှင့်ပတ်သက်၍ သက်ဆိုင်ရာတာဝန်ရှိသူများနှင့် ဆွေးနွေးတိုင်ပင်ခြင်း၊ အကြံပြုခြင်း များနှင့် တောင်းဆိုမှုများ ဆက်လက် လုပ်ဆောင်သွားမည်ဟု ကိုတိတ်နိုင်က ပြောသည်။

ယခုကဲ့သို့ အစိုးရ၏ လုပ်ဆောင်ချက်အား ပြင်းထန်စွာ ရှုံ့ချကာ တိုင်းပြည်ဖွံ့ဖြိုးရေးနှင့် အမျိုးသားပြန်လည် သင့်မြတ်ရေးအတွက် ဗိုလ်ကြီးဟောင်း နေမျိုးဇင်အား ချွင်းချက်မရှိ အမြန်ဆုံး ပြန်လွှတ်ပေးရန် AAPP က တောင်းဆိုလိုက်သည်။

လက်ရှိ မြန်မာနိုင်ငံ ထောင်အသီးသီးတွင် နိုင်ငံရေးအကျဉ်းသားပေါင်း ၂၀၀ ကျော် ကျန်ရှိနေသေးကာ အယောက် ၇၀ ကျော်မှာ အမှုရင်ဆိုင်နေရသည်ဟု AAPP က ဆိုသည်။

Ref: မဇ္ဈိမ

Read More...

သြစတြေးလျဝါရင့် သတင်းထောက်တဦးက သတင်းစာပညာ သင်တန်း ပို့ချ

နေမျိုး
မေလ ၀၈ ရက် ၂၀၁၃ ခုနှစ်

ရန်ကုန်မြို့ရှိ သြစတြေးလျသံရုံး အစီအစဉ်ဖြင့် သြစကြေးလျ ကလပ်တွင် သတင်းစာ ပညာရပ်နှင့် ပါတ်သက်၍ သုံးရက်ကြာ ရက်တိုသင်တန်းတခုကို ကျင်းပနေသည်။

“သတင်းရေးသားရာမှာ အခြေခံ လိုအပ်တဲ့ အချက်အလက်တွေကို ဆန်းစစ်ခြင်းနဲ့ အကျိုးရှိရှိ အသုံးပြုနိုင်ရေး၊ ရေးသားထုတ်ဝေခြင်းနဲ့ ရေဒီယို ထုတ်လွှင့်ခြင်း ဆိုင်ရာသင်ခန်းစာများနဲ့ ထွက်ပေါ်လာတဲ့ ရလဒ်များကို ထုတ်နုတ်ဆွေးနွေးခြင်းဆိုတဲ့ သင်ခန်းစားတွေပါဝင်တယ်” ဟု သင်တန်းပို့ချပေးသူ ဝါရင့် သတင်းစာဆရာ Mr. Peter Rodgers က ရှင်းပြသည်။

Mr. Peter Rodgers သည် ကာရေဘီယံနှင့် အစ္စရေး နိုင်ငံတို့တွင် သြစတြေးလျ သံအမတ်အဖြစ် တာဝန် ထမ်းဆောင်ခဲ့ဖူးသူဖြစ်ပြီး သတင်းစာပညာနှင့် ပါတ်သက်၍ စာပေရေးသားခြင်း၊ သင်ကြားပို့ချခြင်း တို့တွင် ၂၄ နှစ်တာ အတွေ့အကြုံရှိခဲ့သူလည်း ဖြစ်သည်။

အရှေ့တီမော အရေးနှင့် ပါတ်သက်ပြီး ၎င်း ရေးသားပေးပို့သည့် သတင်းများအတွက် သြစတြေးလျနိုင်ငံ ဂျာနယ်လစ်ဆုကို ဆွတ်ခူးနိုင်ခဲ့ပြီး The Sydney Morning Herald နှင့် Age Newspaper တို့တွင် သတင်းထောက်တဦးအဖြစ် ဆောင်ရွက်ခဲ့သည်။

“သတင်းစာ၊ တီဗွီ၊ ရေဒီယို တွေမှာ အလုပ်လုပ်တဲ့ ဘယ်သူမဆို ပထမဆုံး ကျင့်ဝတ်တွေကို လိုက်နာရပါမယ်။ အချက်အလက်တွေကို ရိုးရိုးရှင်းရှင်း မှန်မှန်ကန်ကန် တင်ပြနိုင်ရပါမယ်။ မတူညီတဲ့ သူတွေကြား မှာ မတူညီတဲ့ အမြင်တွေ၊ ဘာတွေ ဖြစ်ပျက်နေတယ်၊ ဒါဟာ ဘယ်လိုအဓိပ္ပါယ် ထွက်တယ်ဆိုတာ။ အဲဒီလို တမျိုးစီဖြင့်နေတဲ့ အမြင်တွေကို ဂျာနယ်လစ် တဦးအနေနဲ့ တတ်နိုင်သမျှ မှန်ကန်စွာ ကောက်ချက် ချနိုင်ရပါမယ်” ဟု Mr. Peter Rodgers က မဇ္ဈိမ ကို ပြောသည်။

အခွင့်သင့်ပါက မြန်မာနိုင်ငံတွင် ထိုကဲ့သို့ မီဒီယာ နှင့် ပါတ်သက်သည့် ပညာရပ်များ ပို့ချသွားရန် အစီအစဉ် ရှိကြောင်း Mr. Peter Rodgers က ဖြည့်စွက်ပြောကြားသွားသည်။

“Journalism (သတင်းစာပညာ)နဲ့ ပါတ်သက်တဲ့ knowledge (အသိပညာ)ကို ရချင်လို့ပါ။ ကျမက Skynet က မြန်မာနယ်ရှင်နယ် တီဗွီမှာ Reporting (သတင်းရေးသားပေးပို့ခြင်း)နဲ့ Translating (ဘာ သာပြန်)မှာ လုပ်ပါတယ်။ တော်တော်များများ အသုံးဝင်ပါတယ်။ သင်တန်းတက်တော့ ကိုယ့်ရဲ့ skill (အရည်အသွေး) တက်လာတယ်” ဟု သတင်တန်းသူ မဇင်နိုနိုဇော် က ပြောသည်။

မေလ ၆ ရက်နေ့မှ စတင်ကာ မေလ ၈ နေ့အထိ ကျင်းပနေသည့် ထိုသင်တန်းသို့ နိုင်ငံပိုင် မီဒီယာများ နှင့်အတူ ပြည်တွင်းမီဒီယာ စုစုပေါင်း ၅ ခု တို့မှ တက်ရောက် လေ့လာနေကြသည်။

Ref: မဇ္ဈိမ

Read More...

စစ်တပ် လူ့အခွင့်အရေး ချိုးဖောက်မှု ပလောင်အဖွဲ့များ ထုတ်ဖော်

ကျော်ခ
May 8, 2013

ရှမ်းပြည်နယ် မြောက်ပိုင်း ပလောင်ဒေသ အတွင်း လှုပ်ရှားနေသည့် တိုင်းရင်းသား လက်နက်ကိုင်များကို ထိုးစစ်ဆင်ရာတွင် အစိုးရ စစ်တပ်က ဒေသခံ ပလောင် လူမျိုးများအပေါ် လူ့အခွင့်အရေး ချိုးဖောက် မှုများရှိနေကြောင်း ပလောင်အဖွဲ့များက ထုတ်ပြန် လိုက်သည်။

စစ်ဆင်ရေးပြုလုပ်ရာတွင် အစိုးရ စစ်တပ်က ဒေသခံများကို ဥပဒေမဲ့ သတ်ဖြတ်ခြင်း၊ ပေါ်တာဆွဲခြင်း၊ အဓမ္မပြုကျင့်ခြင်း၊ အဓမ္မ လုပ်အားပေး ခိုင်းစေခြင်းတို့ ပြုလုပ်ကြောင်း၊ ဒေသခံများမှာ စစ်ဘေးရှောင် ဒုက္ခသည်များအဖြစ် ထွက်ပြေးခိုလှုံရကြောင်း ပလောင် အမျိုးသမီး အစည်းအရုံး(PWO)နှင့် ပလောင်(တအာင်း) ကျောင်းသားနှင့် လူငယ်များအစည်းအရုံး(TSYO) တို့၏ ထုတ်ပြန်ချက်၌ တွေ့ရှိရသည်။

အဆိုပါအဖွဲ့များက ယခုနှစ် မတ်နှင့် ဧပြီ နှစ်လအတွင်း ကွင်းဆင်း မှတ်တမ်းယူခဲ့ခြင်းဖြစ်ကြောင်း သိရပြီး ယခုလ ၆ ရက် နေ့က ထုတ်ပြန်လိုက်သည့် ကြေညာချက်ထဲတွင် ပလောင် အမျိုးသမီး များ ကို ပေါ်တာအဖြစ် အသုံးပြုခြင်းနှင့် အဓမ္မပြုကျင့် ခံရခြင်းများ လည်း ပါဝင်ပြီး ယင်းကိစ္စများသည် အမျိုးသမီးများအပေါ် အကြမ်းဖက်မှုများ ဖြစ်သကဲ့သို့ စိုးရိမ်ဖွယ်ရာ အခြေအနေတွေလည်း ဖြစ် ကြောင်း PWO အဖွဲ့က ပြောသည်။

“ခံခဲ့ရတဲ့လူတွေကို ကျမတို့ ကိုယ်တိုင် ကွင်းဆင်းပြီး တွေ့ဆုံမှုတွေ လုပ်ခဲ့တယ်၊ သူတို့က ဒီအဖြစ် အပျက်တွေကို ပြန်တိုင်ဖို့ နေနေ သာသာ ရွာသူကြီးကိုယ်တိုင်က စစ်တပ်ကို ကြောက်နေရတာဆိုတော့ သူတို့လည်း ဘယ်မှ မတိုင်ရဲကြဘူး”ဟု PWO အဖွဲ့ တွဲဖက် အတွင်းရေးမှူး(၂) လွေးပိုးညှင်း(လွေးပိုးညိူဝ်း) က ဧရာဝတီသို့ ပြောသည်။

ပလောင်အဖွဲ့၏ စစ်တမ်းကောက်ယူမှုများ၌ ဧပြီလ ၁၉၊ ၂၀ ရက်တွင် မန်တုံမြို့နယ် ရေပုံးကျေးရွာက အိမ်ထောင်သည် အမျိုးသမီး ၂ ဦးကို ဒေသခံ ခြေလျင် တပ်ရင်း ခလရ (၅၀၂) တပ်ရင်းမှ ခြိမ်းခြောက် အဓမ္မပြုကျင့်မှုပြုခဲ့ပြီး မတ်လ ၂၅ ရက်နေ့ကလည်း တန့်ယန်းမြို့နယ် နန့်မနွတ်ကျေးရွာမှ အသက် ၁၆ နှစ်အောက် မိန်းကလေး ၃ ဦးအား ခြေမြန် တပ်ရင်း ခမရ (၄၁) မှ ပေါ်တာအဖြစ် ခေါ်ယူ အသုံးပြုခဲ့ကြောင်း ထုတ်ပြန်ချက်၌ ပါရှိသည်။

“ကျမတို့ကို စစ်သား အယောက် (၃၀) ဝန်းကျင်လောက်၊ ညနေ ၅ နာရီအချိန်လောက် အိမ်ကိုလာခေါ်ပြီးတော့ ကောင်းဆိုင်း ကနေ ဟွေ့ပူရွာအထိ လမ်းပြခိုင်းတယ်၊ ကျမတို့ကို သေနတ်နဲ့ ချိန်ပြီး ခြောက်တော့ ကြောက်လွန်းလို့ ငိုတောင် ငိုတယ်၊ ဟွေ့ပူ ရွာကို မိနစ် ၄၀ လောက် ခြေကျင်လျှောက်သွားရတယ်၊ ကျမတို့ကို စစ်သားတွေက ဘာမှတော့ မလုပ်ပါဘူး၊ သူတို့တောထဲ လျှောက် မသွားရဲဘူးလား မသိဘူး၊ ၂၆ ရက်နေ့မနက် ၇ နာရီလောက်မှ အိမ်ပြန်လွှတ်တယ်”ဟု ပေါ်တာဆွဲခံခဲ့ရသည့် အမျိုးသမီး တဦး ၏ ပြောပြချက်ကို ထုတ်ပြန်ချက်တွင် ဖော်ပြထားသည်။

အဆိုပါ ခမရ (၄၁) တပ်ရင်းက မတ်လ ၂၆ ရက်နေ့တွင် ကောင်းဆိုင်းကျေးရွာမှ ရွာသား ၅ ဦးအား လမ်းပြအဖြစ် ခေါ်ဆောင် သွားခဲ့ရာ လမ်းခရီးတွင် မိုင်းထိ၍ ၂ ဦးပွဲချင်းပြီး သေဆုံးသွားခဲ့သည်ဟုလည်း ဆိုသည်။

ဧပြီလ ဒုတိယအပတ်တွင် ပလောင် အမျိုးသား လွတ်မြောက်ရေး တပ်မတော် (TNLA) က တပ်သား ၃ ဦးကိုလည်း ခလရ (၅၀၄) တပ်ရင်းမှ သတ်ဖြတ်ခဲ့ သကဲ့သို့ ကွတ်ခိုင်မြို့နယ် လွယ်စရန်းရွာသား ၅ ဦးနှင့် ရွာသူကြီးကိုလည်း TNLA တပ်ဖွဲ့များနှင့် ဆက်နွယ် သည် ဟုဆိုကာ ဖမ်းဆီးနှိပ်စက်ခဲ့သည်ဟု ထုတ်ပြန်ချက်၌ ပါရှိသည်။

ထို့အပြင် အစိုးရတပ် ခမရ (၅၀၁) တပ်ရင်းမှ တပ်စခန်းသစ် တည်ဆောက်ရာတွင် ကျောက်မဲမြို့နယ်၊ ခွာန်ခါ ကျေးရွာမှ ရွာသူ၊ ရွာသားများကို ဧပြီလ ၁၂ ရက်နေ့က အဓမ္မ လုပ်အားပေး ခိုင်းစေခြင်းများ လည်း ပြုလုပ်ခဲ့ကြောင်း သိရသည်။ ပလောင်အဖွဲ့များက ထုတ်ပြန်ထားသော စစ်တပ်၏ လူ့အခွင့်အရေး ချိုးဖောက်မှုများနှင့် ပတ်သက်၍ ဧရာဝတီ အနေဖြင့် အစိုးရ စစ်တပ်ဘက်မှ အတည်ပြု ချက်၊ ငြင်းဆိုချက်များ မရရှိပါ။

အရပ်သားအမည်ခံ အစိုးရအနေဖြင့် ကမ္ဘာနှင့် မြန်မာနိုင်ငံတဝန်း၌ ငြိမ်းချမ်းရေး လုပ်ဆောင်နေမှုများကို ကြေညာ ပြောဆိုမှုများ ဆက်တိုက် လုပ်ဆောင်နေသော်လည်း ပလောင်ဒေသနှင့် အခြားတိုင်း ရင်းသား ဒေသအချို့တွင် စစ်တပ်၏ စစ်ရေးအရှိန်မြှင့်မှုများ လုပ်ဆောင်နေပြီး လူ့အခွင့်အရေး ချိုးဖောက်မှုများလည်း ရှိနေဆဲဖြစ်ကြောင်း TSYO ၏ အထွေထွေ အတွင်း ရေးမှူး လွေးလှားရိုန်း က ပြောသည်။

“အစိုးရ အကြီးအကဲတွေက နိုင်ငံထဲမှာ ငြိမ်းချမ်းနေပါပြီ၊ ပြုပြင်ပြောင်းလဲနေပါပြီဆိုပြီး ကမ္ဘာကို အော်ပြောနေပေမယ့်၊ လက်တွေ့ ကျမတို့ တိုင်းရင်းသား ဒေသအချို့မှာက ပြောင်းလဲမှုတွေ မရှိသေး ဘူး၊ ဒေသခံတွေကိုယ်တိုင် လူ့အခွင့်အရေးချိုးဖောက်မှုတွေ လက်တွေ့ ခံနေရတုန်းပဲ၊ ငြိမ်းချမ်းနေပြီဆိုတာ မြို့ပြတွေပေါ်က လူတွေယုံရင် ယုံလိမ့်မယ်၊ ကျမတို့ဆီမှာ ဘာမှ မပြောင်းလဲသေး ဘူး” ဟု လွေးလှားရိုန်း က ဧရာဝတီ သို့ ပြောသည်။

ရှမ်းပြည်နယ်မြောက်ပိုင်း ပလောင်ဒေသတွင် ကချင် လွတ်မြောက်ရေး တပ်မတော် (KIA)၊ ရှမ်းပြည်မြောက်ပိုင်း တပ်မတော် (SSPP/SSA)၊ ပလောင် အမျိုးသား လွတ်မြောက်ရေး တပ်မတော် (TNLA) စသည့်လက်နက်ကိုင် တပ်များလှုပ်ရှားလျက်ရှိသည်။

ယင်းဒေသတွင် တိုင်းရင်းသား လက်နက်ကိုင်တပ်ဖွဲ့များနှင့် အစိုးရတပ်များ တိုက်ပွဲဖြစ်ပွားမှုကြောင့် ဒေသခံ ၁၅၀၀ ကျော်မှာ အိုးအိမ်များကို စွန့်၍ တန့်ယန်းမြို့ပေါ်ရှိ ဒုက္ခသည်စခန်းများတွင် ခိုလှုံနေကြရပြီး ကွတ်ခိုင်မြို့ပေါ်တွင်လည်း စစ်ပြေးဒုက္ခသည် ၄၀၀၀ ကျော် ခိုလှုံနေကြောင်း ပလောင်အဖွဲ့များ၏ ထုတ်ပြန်ချက်များ၌ ဖော်ပြထားသည်။

ယင်းသို့ ပလောင်ဒေသတွင် ဖြစ်ပွားနေသော အဖြစ်အပျက် အခြေအနေများနှင့် ပတ်သက်၍ မြန်မာနိုင်ငံ အမျိုးသား လူ့အခွင့် အရေး ကော်မရှင် အနေဖြင့် မသိရှိသေးကြောင်း ၎င်းတို့ထံ တင်ပြလာပါက လက်ခံသွားမည်ဖြစ်ကြောင်း ဧရာဝတီ က မေးမြန်း ရာတွင် ပြောဆိုသည်။

ရရှိလာသည့် အချက်များပေါ် စိစစ်၍ အခြေအနေပေးပါက ကွင်းဆင်းဆောင်ရွက်နိုင်ရန် ကြိုးစားလုပ်ဆောင်သွားမည် ဖြစ်ကြောင်း၊ သို့သော်လည်း ယင်းသို့လုပ်ဆောင်နိုင်ရန်အတွက် ၎င်းတို့ ကော်မရှင်တွင် အခက်အခဲတချို့ရှိနေကြောင်း မြန်မာနိုင်ငံ အမျိုးသား လူ့အခွင့်အရေး ကော်မရှင် ၏ အတွင်းရေးမှူး ဦးစစ်မြိုင် က ပြောသည်။

“ကျနော်တို့ဆီ တင်ပြတိုင်ကြားလာလို့ရှိရင် ကျနော်တို့လည်း သွားနိုင်မယ်ဆိုရင်တော့ သွားဖို့ ကြိုးစားပါတယ်၊ တခုရှိတာက ကုန်ကျစရိတ်က လက်လှမ်းမီဖို့ရယ်၊ လုံခြုံရေးအရ အခြေအနေပေးဖို့ရယ် အဓိက ကတော့ အဲဒီနှစ်ချက်ပါပဲ၊ ကျနော်တို့မှာ ဆောင် ရွက်ခွင့်ရှိတယ်လေ၊ ချိုးဖောက်မှုတွေဟာ မှန်ကန်တယ်လို့ ကော်မရှင်က ယူဆရင်၊ နယ်မြေကလည်း သွားနိုင်တဲ့ လုံခြုံရေးကောင်း မွန်တဲ့ နေရာမှာ ရှိရင် ကော်မရှင်အနေနဲ့ သွားလို့ရပါတယ်”ဟု ဦးစစ်မြိုင် က ပြောသည်။

သူကဆက်ပြီး “ကျနော်တို့ ကော်မရှင်ဆိုတာကတော့ တွေ့ရှိချက်ကို မှန်မှန်ကန်ကန် ရပ်တည်ပြီးတော့ ကျနော်တို့ရဲ့ သုံးသပ်ချက် နဲ့တကွ အစိုးရ အဖွဲ့ကိုပို့တာပေါ့၊ အဲဒီကမှ သက်ဆိုင်ရာဌာနကို လိုအပ်သလိုဆောင်ရွက်ပေးဖို့ အကြောင်းကြားတာပေါ့၊ တိုက်တွန်း တယ်၊ အကြံပြုတယ်ဆိုတာကတော့ ကျနော်တို့ လုပ်နိုင်တဲ့ အခွင့်အာဏာပေါ့ဗျာ”ဟု ဆိုသည်။

ကချင်ပြည်နယ်ထဲတွင်ဖြစ်ပွားနေသည့် ပဋိပက္ခများအကြားတွင် နှစ်ဖက်လက်နက်ကိုင် တပ်များ၏ လူ့အခွင့်အရေး ချိုးဖောက်မှုများ နှင့် ပတ်သက်ပြီး တိုင်ကြားချက်များရရှိခဲ့ကြောင်း၊ သို့သော် လည်း ကော်မရှင်အနေဖြင့် လုံခြုံရေးအရ မြစ်ကြီးနားမြို့နယ် အနီး တဝိုက်ကိုသာ သွားရောက်နိုင်ကြောင်း ၎င်းက ပြောဆိုသည်။

ပလောင်ဒေသတွင် ဖြစ်ပွားခဲ့သည့် စစ်တပ်၏ လူ့အခွင့်အရေး ချိုးဖောက်မှု စစ်တမ်း များနှင့် ယင်းဖြစ်ရပ်များကို အရေးယူဆောင်ရွက် ပေးရန် တောင်းဆိုချက်များကို မြန်မာနိုင်ငံ အမျိုးသား လူ့အခွင့် အရေး ကော်မရှင် အပါအဝင် နိုင်ငံတော် သမ္မတရုံးနှင့် အခြား သက်ဆိုင်ရာ အစိုးရ အဖွဲ့များ၊ နိုင်ငံရေးပါတီကြီးများထံ ပေးပို့သွားမည်ဖြစ်ကြောင်း စစ်တမ်းကောက်ယူခဲ့သည့် ပလောင်အဖွဲ့ နှစ်ဖွဲ့က လည်း ပြောသည်။

PWO အဖွဲ့ တွဲဖက် အတွင်းရေးမှူး(၂) လွေးပိုးညှင်း(လွေးပိုးညိူဝ်း) က“ဒီရရှိချက်တွေကို ကျမတို့က ပို့ပေးသွားမှာပါ၊ ဒီလူ့အခွင့် အရေး ချိုးဖောက်မှုတွေ ကျူးလွန်နေတယ်ဆိုတာက ရိုးရိုး သာမန် ဖြစ်ရပ် ကျူးလွန်မှုတွေ မဟုတ်ဘူး၊ ရာဇဝတ်မှု ကျူးလွန်တာလေ၊ မြန်မာနိုင်ငံ အမျိုးသား လူ့အခွင့်အရေး ကော်မရှင် အနေနဲ့လည်း တကယ့်တကယ် အလုပ်လုပ်တယ် ဆိုလို့ရှိရင် အဲဒီအကြောင်း အရာတွေကို အမှန်တရားအတွက် ဖော်ထုတ်ပေးရမှာပဲ”ဟု ပြောသည်။

နိုင်ငံအတွင်း တိုင်းရင်းသားဒေသများအပါအဝင် ဒေသအသီးသီး၌ ဖြစ်ပျက်ခဲ့သော လူ့အခွင့်အရေးချိုးဖောက်မှုများနှင့် ပတ်သက် ၍ မြန်မာနိုင်ငံ အမျိုးသား လူ့အခွင့်အရေး ကော်မရှင် တိုင်တန်း ကြသော်လည်း ကော်မရှင်အနေဖြင့် လုပ်ဆောင်မှုများ နှေးကွေးနေ မှုနှင့်ပတ်သက်၍ ပြည်တွင်း၊ ပြည်ပ လူ့အခွင့်အရေး လှုပ်ရှားသည့်အဖွဲ့များ၊ နိုင်ငံရေးပါတီများနှင့် လူမှုအဖွဲ့ အစည်းများ၏ ဝေဖန်မှုများကို ခံနေရသည်။

ယင်းသို့ ဝေဖန်မှုများနှင့် ပတ်သက်၍ ဦးစစ်မြိုင်က“ကျနော်တို့ကတော့ လုပ်တယ်ဆို အဖွဲ့နဲ့လုပ်ရတယ်၊ ကော်မရှင်ရဲ့သဘော တူညီချက် ယူရတယ်၊ သက်ဆိုင်ရာနယ်မြေနဲ့ ညှိရ တယ်၊ ကော်မရှင်က သွားပြီဆိုရင်လည်း ထိထိမိမိနဲ့ မှန်မှန်ကန်ကန် ဖြစ်ဖို့လို တယ်၊ ကွန်ရက်တွေလို တက်ကြွလှုပ်ရှားသူတွေလိုတော့ သွက်သွက် လက်လက် မရှိဘူးပေါ့ဗျာ၊ သို့သော်လည်း ကျနော်တို့ ဝေဖန် သုံးသပ်ချက်တွေ ကတော့ ထိရောက်တယ်၊ လေးနက်တယ်ဆိုတဲ့ သဘောတော့ ဆောင်တာပေါ့ဗျာ၊ ဒီလိုကွဲပြားတဲ့ သဘော သဘာဝတွေတော့ ရှိတာပေါ့”ဟု ပြောဆိုသည်။

Ref: ဧရာဝတီ

Read More...

စစ်တွေ လူဦးရေစာရင်း ကောက်ယူမှု ပြန်စမည်

ခင်ဦးသာ
May 9, 2013

ရခိုင်ပြည်နယ် စစ်တွေမြို့နယ် အတွင်းရှိ ဒုက္ခသည်စခန်း များတွင်(ဆွဲ၊ တင်၊ စစ်) လူဦးရေ စာရင်း ကောက်ခံမှုကို မကြာမီ ပြန် လည် စတင်တော့ မည်ဖြစ်ကြောင်း သိရသည်။

“စစ်တွေက စခန်းတွေမှာ မွတ်စလင်လူဦးရေ အရမ်းများလာနေတယ်၊ စာရင်းမရှိတဲ့ သူတွေများနေတော့ ရိက္ခာပေးရင် အ ခက်အခဲ တွေ ရှိတယ်၊ WFP ကလည်း လူဦးရေ စာရင်းအတိုင်းပဲ ရိက္ခာပေးတယ်၊ စာရင်းမရှိလို့ မရတဲ့သူတွေ ရှိရင် အဲဒီ လူတွေကို ကျနော် တို့ကပဲ မပေးသလိုမျိုး လူ့အခွင့်အရေး အဖွဲ့တွေက အော်ကြတယ်”ဟု ရခိုင်ပြည်နယ် အစိုးရ အဖွဲ့၏ ပြန်ကြားရေး တာဝန်ခံ ဦးဝင်းမြိုင် က ဧရာဝတီ ကို ပြောသည်။

စစ်တွေရှိ ဒုက္ခသည် စခန်းများသို့ ရခိုင်ပြည်နယ်၏ တခြားဒေသများမှ မွတ်စလင် များသည် နည်းမျိုးစုံဖြင့် ရောက်ရှိနေကြကြောင်း၊ တာဝန်ရှိသူများ သွားရောက် စစ်ဆေးချိန်၌ နီးစပ်ရာနေအိမ်များတွင် ပုန်းအောင်းနေကြပြီး ရိက္ခာ ဝေပေးချိန်မှသာ အများအပြား ထွက်လာကြကြောင်း ၎င်းက ဆိုသည်။

“ဥပမာ- စာရင်းရှိတဲ့ လူ ၁၀ ယောက်စာ ရိက္ခာပေးမယ်ဆိုရင် နောက်ထပ် ၃၀ လောက် ရောက်လာကြတယ်၊ အဲဒီအတွက် ကျနော် တို့မှာ အခက်အခဲတွေ အများကြီး ကြုံတွေ့နေရတယ်”ဟု ဦးဝင်းမြိုင် က ပြောသည်။

ဒုက္ခသည် စခန်းများသည် ပင်လယ်ကမ်းခြေနှင့်နီးစပ်၍ စစ်တွေဒေသနှင့်နီးစပ်သော ပေါက်တော အပါအ၀င် ရခိုင်ပြည်နယ်၏ တခြား ဒေသများမှ မွတ်စလင်များသည် ညအချိန်တွင် လှေများဖြင့် စခန်းထဲသို့ခိုးဝင်ကြကြောင်း၊ စခန်းများတွင် လုံခြုံရေးထားရှိသော် လည်း ပင်လယ်ကမ်းခြေ ရှည်လျား၍ နေရာတိုင်းတွင် လုံခြုံရေး မထားနိုင်ကြောင်း သိရသည်။

စစ်တွေမြို့နယ် ဒုက္ခသည် စခန်းများရှိ လူဦးရေ ကောက်ခံခြင်းကို ဆွဲ၊ တင်၊ စစ် စနစ်ဖြင့် လူဝင်မှု ကြီးကြပ်ရေးဌာန၊ ပြည် နယ် အစိုးရ၊ ဒေသဆိုင်ရာ အာဏာပိုင်များ စုပေါင်း၍ ဧပြီလကုန်ပိုင်းတွင် စတင်ကောက်ခံရာ အုံကြွ ကန့်ကွက်မှုများနှင့် ကြုံတွေ့ရ၍ ရပ်ဆိုင်းထားကြောင်း၊ လူဦးရေ စာရင်းကောက်ခံရာ၌ လူမျိုးအမည်တွင် ဘင်္ဂါလီဟု မဖြည့်လိုဘဲ ရိုဟင်ဂျာ ဟူ၍ စာရင်းသွင်းမှသာ လက်ခံမည်ဟုဆိုကာ အုပ်စုဖွဲ့ ကန့်ကွက်သည့်အတွက် ခေတ္တရပ်ခဲ့ရကြောင်း သိရသည်။

လူဦးရေ စာရင်းကောက်ခံနိုင်ရန် လုံခြုံရေး ဆိုင်ရာများ ဆောင်ရွက်နေကြောင်း၊ ဘင်္ဂါလီလူမျိုး အမည်ဖြင့်သာ ကောက်ခံမည် ဖြစ်ကြောင်း၊ နိုင်ငံတော် သတင်းစာများကလည်း ဘင်္ဂါလီလူမျိုးဟု တရား ၀င်ကြေညာထားပြီး ဖြစ်ကြောင်း၊ ထို့ကြောင့် မြန်မာနိုင်ငံ၌ မရှိသည့် လူမျိုးအမည်ကို ပြောဆို၍ လှုံ့ဆော်မှု မပြုလုပ်ကြရန် ဘင်္ဂါလီ ရပ်မိရပ်ဘများကို ခေါ်ယူဆွေးနွေး ပြောဆိုထားကြောင်း ဦးဝင်းမြိုင် က ရှင်းပြသည်။

ဆွဲ၊ တင်၊ စစ် ဆိုသည်မှာ နေရာဒေသ မြေပုံဆွဲခြင်း၊ မှတ်တမ်း တင်ခြင်း နှင့် စစ်ဆေးခြင်း တို့ ဖြစ်သည်။

၂၀၁၂ ခုနှစ် အောက်တိုဘာလအတွင်း ဖြစ်ပွားသော ပဋိပက္ခကြောင့် ကျောက်ဖြူဒေသမှ ထွက်ပြေးသွားသူများသည် စစ်တွေမြို့နယ် အတွင်းရှိ ဒုက္ခသည်စခန်းများတွင် ရှိနေကြောင်း၊ ၎င်းတို့ကိုလည်း မိုးရာသီ မရောက်မီ ကျောက်ဖြူဒေသသို့ ပြန်လည်ပို့ဆောင်၍ နေရာချထားပေးရန် စီစဉ်နေကြောင်း ပြည်နယ် အစိုးရထံမှ သိရသည်။

ကျောက်ဖြူဒေသခံများကမူ ၎င်းတို့ဒေသ၌ နေရာ ချထားပေးမည့် ကိစ္စကို ကန့်ကွက်ထားကြောင်း၊ ရခိုင်ပြည်နယ် အစိုးရက စီစဉ် နေသည့် နေရာများသည် ကျေးလက် တောရွာများဖြစ်၍ ဘင်္ဂါလီများ ကို နေရာချထားပေးပါက ဒေသခံများ၏ ရေ လုပ်ငန်းနှင့် လယ်ယာ လုပ်ငန်းများကို လွတ်လပ်စွာ လုပ်ကိုင်နိုင်ကြတော့မည် မဟုတ်သည့်အတွက် ကန့်ကွက်ရခြင်း ဖြစ်ကြောင်း ကျောက်ဖြူ ဒေသခံများ က ဧရာဝတီ ကို ပြောသည်။

“ကျနော်တို့က ချောင်းတွေ၊ ပင်လယ်တွေ ထွက် ငါးဖမ်းကြတယ်၊ လယ်ကွင်းတွေမှာ သွားပြီး လယ်လုပ်ရတယ်၊ ဒီလူတွေ ရောက် လာရင် ကျနော်တို့ တဦး တယောက်တည်းသွားဖို့ ခက်ခဲ မယ်၊ ဒေသခံတွေရဲ့လုံခြုံရေး စိုးရိမ်ရတယ်၊ ကျနော်တို့ နောက်ထပ်ပြဿနာတွေ မဖြစ်ချင်တော့ဘူး၊ အေးအေးဆေးဆေးပဲ လုပ်ကိုင်စားသောက်ချင်တယ်”ဟု လှေပြိုင်ကွင်း ဒေသခံတဦး က ပြောသည်။

ကျောက်ဖြူဒေသ၌ မွတ်စလင်များ ပြန်လည်နေရာချရေးအတွက် ဗဟိုအစိုးရနှင့်ရခိုင်ပြည်နယ် အစိုးရအဖွဲ့မှ ၀န်ကြီးများ သည် မကြာခဏ လာရောက်၍ နေရာရှာဖွေနေကြကြောင်း၊ လက်ရှိတွင် ဂုံးချွိုင်ရွာ၊ လှေပြိုင်ကွင်း၊ ကုလားမ ကျွန်း စသည့် နေရာ ၄ ခုကို ရွေးချယ်ထားကြောင်း၊ ထိုနေရာများကို အားလုံးက ကန့်ကွက်ထားကြောင်း၊ ဘင်္ဂါလီများအား လူသားချင်း စာနာထောက်ထားသည့် တိုင် တတိယ အကြိမ် ပဋိပက္ခဖြစ်ပွားလာမည်ကို ရခိုင်ပြည်သူများက စိုးရိမ်နေကြကြောင်း ဒေသခံများက ပြောသည်။

“ဒီလူတွေကို မိုးရာသီ မရောက်ခင် အမိုးအကာအောက် ရောက်ဖို့လုပ်ပေးမယ့် ကိစ္စကို ကျနော်တို့က မကန့်ကွက်ပါဘူး၊ သူတို့လည်း လူတွေပဲ၊ ဒါပေမယ့် ဒေသခံတွေနဲ့ ပြဿနာတွေ မဖြစ်နိုင်တဲ့ နေရာတွေမှာပဲ ဒုက္ခသည် စခန်းနဲ့ လုံခြုံရေးတွေနဲ့ ထားပေးစေချင်တယ်”ဟု လှေပြိုင်ကွင်း ဒေသခံက ပြောသည်။

မွတ်စလင် ဒုက္ခသည်များကမူ ၎င်းတို့နေထိုင်ခဲ့သည့် မြို့ပေါ်ရှိ ရပ်ကွက် သို့မဟုတ် ကျောက်ဖြူမြို့အနီးရှိ ပြင်ဖြူမော် ကျေးရွာတွင် နေထိုင်လိုကြသည်ဟု ဆိုသည်။

ကျောက်ဖြူမြို့နယ်တွင် ရခိုင် ဒုက္ခသည်စခန်းတခုနှင့် မွတ်စလင် စခန်း တခုရှိပြီး မွတ်စလင် ဒုက္ခသည် ၁၆၀၀ ၀န်းကျင်ရှိကြောင်း၊ စစ်တွေဒေသ၌ ကျောက်ဖြူမှ ဒုက္ခသည် ၆၀၀၀ ၀န်းကျင် ရှိကြောင်း သိရသည်။

မွတ်စလင်များ နေရာပြန်ချထားရေး အတွက် အာဏာပိုင်များနှင့်ဆွေးနွေးခဲ့သူ ဂုံးချွိုင်ကျောင်း ဆရာတော် ဦးအိန္တောဘာသက “ရွာတွေမှာ ဘင်္ဂါလီတွေကို နေရာချပေးရင် နေ့တိုင်းလို ပြဿနာဖြစ်လာနိုင်တယ်၊ လုပ်ကိုင် စားသောက်လို့ ရတော့မှာ မဟုတ်တော့ ဘူး ဆိုပြီး ကန့်ကွက်ကြတယ်၊ အာဏာပိုင်တွေကတော့ ဒေသခံတွေ သဘောမတူရင် မလုပ်ဘူးလို့ ဘုန်းကြီးကို ပြောသွားတယ်”ဟု မိန့်သည်။

ရခိုင်ဒေသတွင်း ပဋိပက္ခများကြောင့် နှစ်ဘက်စလုံး၌ အပြန်အလှန် ယုံကြည်မှုနည်းပါးနေ၍ ဒုက္ခသည်များ နေရာပြန်လည် ချထား ပေးရေး ကိစ္စသည် လတ်တလောတွင် အခက်အခဲရှိနိုင်ကြောင်း၊ ထို့ကြောင့် ယုံကြည်မှု တည်ဆောက်ရေး ကိစ္စသည်လည်း အရေးကြီးကြောင်း၊ မြန်မာနိုင်ငံလုံးဆိုင်ရာ အစ္စလမ် ဘာသာရေးအဖွဲ့၏ အတွင်းရေးမှူးချုပ် ဦးကျော်ခင် က ဧရာဝတီကို ပြောသည်။

“စစ်တွေက စခန်း ၇ ခုလောက်မှာ မွတ်စလင် လူဦးရေ တသိန်းခွဲ ၀န်းကျင်ရှိတယ်၊ သူတို့တွေ စားဝတ်နေရေး အခက်အခဲ ရှိတယ် လို့ ကျနော်တို့ ဆီကို မကြာခဏ အကြောင်းကြား အကူအညီတောင်းနေ ပါတယ်”ဟု ၎င်းက ဆိုသည်။

Ref: ဧရာဝတီ

Read More...

ဂျကာတာ သံရုံးဗုံး မသင်္ကာသူများကို အင်ဒိုနီးရှားရဲ ပစ်ခတ်ဖမ်းဆီး

May 8, 2013

အင်ဒိုနီးရှားနိုင်ငံ ဂျကာတာမြို့ရှိ မြန်မာသံရုံးကို ဗုံးခွဲတိုက်ခိုက်ရန် ကြံစည်ခဲ့သော စစ်သွေးကြွများ ပုန်းအောင်းနေ သည်ဟု သံသယရှိသည့် နေရာတခုကို အင်ဒိုနီးရှား ရဲတပ်ဖွဲ့က စီးနင်းရှာဖွေစဉ် အပြန်အလှန် ပစ်ခတ်မှုတရပ် ယနေ့ ဖြစ်ပွားကြောင်း အင်ဒိုနီးရှားနိုင်ငံမှ လာသော သတင်းများအရ သိရှိရသည်။

အင်ဒိုနီးရှား ရဲတပ်ဖွဲ့က ယနေ့ မေလ ၈ ရက်နေ့ အင်ဒိုနီးရှားနိုင်ငံ အနောက်ဂျာဗားခရိုင် Cigondewah ကျေးရွာတွင် မြန်မာသံရုံး ဗုံးခွဲ တိုက်ခိုက်ရန် ကြံစည်သူများ ခိုအောင်းနေနိုင်သည်ဟု ယူဆ ရသော နေအိမ် တခုကို စီးနင်း ၀င်ရောက်စဉ် ပစ်ခတ်မှု များ အပြန်အလှန် ဖြစ်ပွား ခဲ့ခြင်းဖြစ်ကြောင်း၊ သေဆုံးဒဏ်ရာရသည့် အခြေအနေ ကို မသိရှိရသေးကြောင်း အင်ဒိုနီးရှား ရဲတပ်ဖွဲ့၏ ဒုတိယ အကြီးအကဲ ဒုတိယ ရဲဗိုလ်ချုပ်ကြီး Nanan Sukarna ၏ ပြောကြားချက်ကို ကိုးကားပြီး အေပီသတင်းဌာနက သတင်းရေးသားဖော်ပြသည်။


အင်ဒိုနီရှားရဲတပ်ဖွဲ့၏ အကြီးအကဲ ရဲဗိုလ်ချုပ်ကြီး Timur Pradopo ၏ အဆိုအရ ပစ်ခတ်မှုများဖြစ်ပွားခဲ့ရခြင်းမှာ စစ်သွေးကြွဟု သံသယရှိခံ ရသူများက ခိုအောင်းနေသော နေအိမ် အတွင်းမှနေ ၍ ပြန်လည် ခုခံတိုက်ခိုက် ပစ် ခတ်ခဲ့ကြခြင်းကြောင့် ဖြစ်ကြောင်း၊ အခင်းဖြစ်ရာ နေအိမ်နှင့် အနီးတ၀ိုက်တွင် နေထိုင်သူများကို နေရာရွှေ့ပြောင်းပေးခဲ့ ကြောင်း သိရှိရသည်။

“ပစ်ခတ်မှုမှာ ထိခိုက်ဒဏ်ရာရသူမရှိဘူးလို့ မျှော်လင့်ပါတယ်” ဟု ရဲဗိုလ်ချုပ်ကြီးTimur Pradopo ကပြောသည်။

အခင်းဖြစ်ပွားရာ နေရာတွင် ရောက်ရှိနေသော အေပီသတင်းဌာနမှ သတင်းထောက်၏ အဆိုအရ ရဲတပ်ဖွဲ့က စစ်သွေးကြွများကို လက်နက်ချပြီး ထွက်လာကြရန် သတိပေးပြော ဆိုခဲ့ကြောင်း၊ ရဲတပ်ဖွဲ့က သတိပေးပြောဆိုနေစဉ် နေအိမ်အတွင်းမှ သေနတ်ဖြင့် ပစ်ခတ်မှုဖြစ်ပေါ်လာခြင်းဖြစ်ကြောင်း သိရှိရသည်။

မေလ လဆန်ပိုင်းက မြန်မာသံရုံးဗုံးခွဲတိုက်ခိုက်မည်ဟု သံသယရှိခံရသော အစွန်းရောက် စစ်သွေးကြွ ၂ ဦးကို လက်လုပ်ဗုံး ၅ လုံးနှင့်အတူ ဂျာကာတာမြို့တွင် ဖမ်းဆီးမိခဲ့ပြီး ၎င်းတို့၏နေအိမ်တွင် လည်း ဖေါက်ခွဲရေး ပစ္စည်းများ သိမ်းဆည်းရမိခဲ့ကြောင်း၊ ဖမ်ဆီးမိသူ ၂ ဦးက မြန်မာနိုင်ငံတွင် အစ္စလမ်ဘာသာဝင်များ တိုက်ခိုက်ခံရခြင်း အတွက် ပြန်လည်လက်စားချေလိုခြင်းကြောင့် ဗုံးခွဲရန် ကြံစည်ခြင်းဖြစ်သည်ဟု ထုတ်ဖော်ပြော ဆိုခဲ့သည်ဟု အင်ဒိုနီရှားမှ လာသော သတင်းများ တွင် ဖော်ပြထားသည်။

Ref: ဧရာဝတီ

Read More...

ဦးနေမျိုးဇင် ထောင်ကြွေးကျန် ၆ နှစ် ချမှတ်ခံရ

လင်းသန့်| May 8, 2013

ဧရာဝတီတိုင်း၊ မအူပင် အကျဉ်းထောင်တွင် ထောင်ဒဏ် ၃ လ ကျခံနေရသော မြန်မာ့လူမှုဘဝ ဖွံ့ဖြိုးတိုးတက်ရေး ကွန်ရက်မှ ဦးနေမျိုးဇင်ကို ပြည်ထဲရေး ၀န်ကြီးဌာန အမိန့်ဖြင့် ထောင်ဒဏ် ကြွေးကျန် ၆ နှစ် ထပ်မံ ချမှတ်လိုက်သည်။

“သူက ဒဏ်ငွေမဆောင်ဘဲနဲ့ ထောင်ကျခံလိုက်တာကို လယ်သမားတွေက လက်မခံဘူး။ ဒဏ်ငွေ ၂ သောင်းကို လယ်သမားတွေက ဆောင်ပေးလိုက်ပြီး သူကို့ ပြန်ထုတ်ဖို့ စောင့်နေတာ။ ညနေ ၄ နာရီ လည်းရောက်ရော မအူပင်ခရိုင် အုပ်ချုပ်ရေးမှူး ဦးအေးသောင်းက ပြည်ထဲရေးဝန်ကြီး ဦးကိုကိုရဲ့ အမိန့်အရဆိုပြီး အရင်အမှုဟောင်း ဖြစ်တဲ့ ထောင် ၆ နှစ်ချလိုက်တယ်။ အမိန့်စာဖတ်သွားတာပေ့ါ” ဗိုလ်ကြီးဟောင်း ဦးနေမျိုးဇင်၏ ဇနီး ဒေါ်ဇင်မျိုးမော်က ဧရာဝတီသို့ ပြောသည်။


ဒေါ်ဇင်မျိုးမော်က ဆက်လက်၍ “သူ လွတ်တုန်းက ပုဒ်မ ၄၀၁ လက်မှတ်လည်း မထိုးခဲ့ဘူးတဲ့။ အဲဒီတုန်းက သူ့ကို ဘာမှလည်း မဖတ်ပြခဲ့ဘူးတဲ့” ဟု ဆိုသည်။

ဦးနေမျိုးဇင်သည် ၂၀၁၁ ခုနှစ်က အီလက်ထရွန်းနစ်ပုဒ်မဖြင့် ထောင်ဒဏ် ၁၀ ချမှတ်ခဲ့ပြီး ၂၀၁၂ ခုနှစ် ဇန်န၀ါရီလ ၁၃ ရက်နေ့တွင် သမ္မတ၏ လွတ်ငြိမ်းချမ်းသာခွင့် အမိန့်ဖြင့် လွတ်မြောက်လာခဲ့သည်။ ထို့နောက် မြန်မာ့လူမှုဘ၀ ဖွံ့ဖြိုးတုိုးတက်ရေး ကွန်ရက်ဖွဲ့ကာ လူမှုရေး လုပ်ငန်းများကို လုပ်ကိုင်ဆောင်ရွက်နေသူ ဖြစ်သည်။

ဧရာဝတီတိုင်း ပန်းတနော်မြို့နယ်ရှိ လယ်သမားများကို အကူအညီပေးနေစဉ် သက်ဆိုင်ရာ ရဲဝန်ထမ်းများအား လာဘ်စားသည်ဟု ဦးနေမျိုးဇင်က ပြောဆိုမှုကြောင့် အကြည်ညိုပျက်စေမှု ပုဒ်မ ၅၀၀ ဖြင့် ပန်းတနော် ရဲမှူးက တရားလိုလုပ်၍ တရားစွဲခံခဲ့ရသည်။

မေလ ၂ ရက်နေ့က ပန်းတနော်မြို့နယ် တရားရုံးက ၄င်းကိစ္စအတွက် ပြစ်ဒဏ်အဖြစ် ဒဏ်ငွေ ၂ သောင်းကျပ် သို့မဟုတ် ထောင်ဒဏ် ၃ လ ကျခံစေရန် အမိန့်ချမှတ်ခဲ့သည်။

“ကျနော့် အစ်ကိုက တရားရေးမဏ္ဍိုင် တည့်မတ်ဖို့အတွက် မဖြစ်သင့်တဲ့ကိစ္စမို့ ငွေဒဏ်မဆောင်ဘဲ ထောင်ဒဏ် ၃ လကိုပဲ လက်ခံလိုက်တယ်” ဟု ဦးနေမျိုးဇင်၏ ညီဖြစ်သူ ဦးခင်မောင်ဌေးက ဧရာဝတီ သို့ ပြောသည်။

ပန်းတနော် လယ်သမားများအရေး ကူညီဆောင်ရွက်ပေးစဉ် တရားစွဲ အဖမ်းခံလိုက်ရ၍ လယ်သမား စုစုပေါင်း ၁၀၀ ၀န်းကျင်က ဦးနေမျိုးဇင်အား ထောင်ဒဏ် ၃ လ ကျခံမှုမှ ပြန်လည်လွတ်မြောက်ရေးအတွက် ယမန်နေ့က ဒဏ်ငွေ ၂ သောင်းကို ပေးချေပြီး စောင့်ဆိုင်းနေစဉ် နောက်ထပ် ကြွေးကျန် ထောင်ဒဏ် ၆ နှစ် ကျခံခဲ့ရသည်ကို သိခဲ့ရခြင်းဖြစ်သည်ဟု ဇနီးသည် ဒေါ်ဇင်မျိုးမော်က ဆိုသည်။

“သူတို့ ဟိုမှာရှိတဲ့ လယ်သမားတွေက ကိုနေမျိုးဇင်အတွက် ဒဏ်ငွေ ၂ သောင်းကို စုပြီး ပေးထားတယ်။ အဲဒါကို နေမျိုးဇင် အမေနဲ့ ညီက မနေ့ကသွားတယ်။ အဲဒီ ဒဏ်ငွေ ဆောင်ပြီးသွားတဲ့အတွက် သူတို့ ပြန်လွတ်မယ်ဆိုပြီး ပြောတယ်။ အခုတော့ ကျမတို့ ဥပဒေကြောင်းအရ အားလုံး လုပ်နိုင်တာ အကုန်လုပ်သွားမှာပါ” ဟု သူက ဆက်ပြောသည်။

ဦးနေမျိုးဇင်၏ ရှေ့နေ ဦးရောဘတ်စန်းအောင်နှင့် တိုင်ပင်ကာ အယူခံဝင်နိုင်ရန် ကြိုးစားသွားမည်ဟု သိရသည်။

ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP) အတွင်းရေးမှူး ဦးတိတ်နိုင်က ယခု ဖြစ်ရပ်သည် ပြန်လည်လွတ်မြောက်လာသည့် နိုင်ငံရေးအကျဉ်းသားအားလုံးကို မလိုလျှင် နောက်ကြောင်းပြန် သက်ရောက် ခံစားရမည်ဟု ခြိမ်းခြောက်၊ အသိပေးလိုက်သည့် စိုးရိမ်စရာ အခြေအနေတခုဖြစ်ကြောင်း ပြောသည်။

ဦးတိတ်နိုင်က “ဒီကိစ္စဟာ အင်မတန် ကြောက်စရာ ကောင်းတဲ့၊ စိုးရိမ်စရာ ကောင်းတဲ့ လုပ်ရပ်လို့ ကျနော်တို့က မြင်ပါတယ်” ဟု ပြောသည်။

နိုင်ငံရေးအကျဉ်းသားများ လွတ်ရက်မစေ့ခင် ပြန်လွှတ်ပေးရာတွင် အစိုးရက လုပ်ပိုင်ခွင့် ပုဒ်မ ၄၀၁ ဖြင့် လွတ်ငြိမ်းချမ်းသာခွင့် ပေးကြောင်း၊ အဆိုပါ ပုဒ်မ သဘောအရ နောက်တကြိမ် ပြစ်မှု ကျူးလွန် လျှင် ကြွေးကျန် နှစ်များ ပြန်လည်ကျခံစေရမည့် သဘောဖြစ်ပြီး လွတ်ငြိမ်းခွင့်ဖြင့် ပြန်လွတ်လာသူ နိုင်ငံရေးအကျဉ်းသားတိုင်းအတွက် ယခုလုပ်ရပ်ကြောင့် စိုးရိမ်ရပြီဖြစ်ကြောင်း သူက ဆက်ပြောသည်။

“သေချာတဲ့ တခုကတော့ ဒါဟာ နောက်ကြောင်းပြန် သက်ရောက်စေတာကို ပြန်အသက်သွင်းလိုက်တာပါပဲ” ဟု ဦးတိတ်နိုင်က ဆိုသည်။

လွတ်ငြိမ်းချမ်းသာခွင့်ဖြင့် လွတ်မြောက်လာသော နိုင်ငံရေး အကျဉ်းသားဟောင်းတဦးကို ထောင်ကြွေးကျန်ဖြင့် ယခုကဲ့သို့ ပြန်လည်ချမှတ်ခြင်းမှာ သမ္မတ ဦးသိန်းစိန် အစိုးရလက်ထက်တွင် ပထမဆုံး အကြိမ်ဖြစ်သည်။

ဖွဲ့စည်းပုံ အခြေခံဥပဒေ ပုဒ်မ ၂၀၄ အရ နိုင်ငံတော်သမ္မတသည် ပြစ်ဒဏ်လွတ်ငြိမ်းခွင့် ပေးပိုင်ခွင့်ရှိသော်လည်း အမျိုးသားကာကွယ်ရေးနှင့် လုံခြုံရေးကောင်စီက ခွင့်ပြုမှသာလျှင် လွတ်ငြိမ်းချမ်းသာ ခွင့် ပေးပိုင်ခွင့်ရှိသည်။

ရန်ကုန်အခြေစိုက် ဧရာဝတီ သတင်းထောက် ထက်နိုင်ဇော် ပူးပေါင်းရေးသားသည်။

Ref: ဧရာဝတီ

Read More...

၈၈ အဖွဲ့ကို ဟိုပန်မြို့က ပေးမဝင်

နန်းဆိုင်နွမ်| May 8, 2013

ရှမ်းပြည် မြောက်ပိုင်းသို့ လတ်တလော ခရီးထွက်နေသော ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ကိုယ်စားလှယ်အဖွဲ့သည် မေလ ၇ ရက်နေ့ လားရှိုးမှ သံလွင်မြစ်အရှေ့ခြမ်း ၀ ကိုယ်ပိုင်အုပ်ချုပ်ခွင့်ရဒေသရှိ ဟိုပန်မြို့ သို့ သွားရာ မြို့ခံများက ၀င်ရောက် ခွင့်မပြုခဲ့၍ လမ်းတဝက် သီန္နီမြို့မှ ပြန်လှည့်ခဲ့ရသည်။

ဧရာဝတီမှ ရရှိသောသတင်းများအရ လားရှိုးမှ ယမန်နေ့ မနက် ခရီးထွက်လာသော ဦးမင်းကိုနိုင်၊ ဦးကိုကိုကြီး၊ ဦးမင်းဇေယျာ၊ ဦးပြုံးချိုတို့ ဦးစီးသည့် အဖွဲ့ကို ဟိုပန်မြို့မှ ပွဲဖြစ်မြောက်ရေး တာဝန်ခံတို့မှ သီန္နီတွင် လာရောက်ဆီးကြိုပြီး ဟိုပန်မြို့အ၀င်အခြေအနေသည် ရုတ်ချည်းပြောင်းလဲသွားခဲ့ကြောင်း၊ မြို့ခံ ဦးခွန်စိန်ဦးစီးသည့် အဖွဲ့က တောင်ပေါ်ရွာများမှ ရွာသားများကို ကား ၁၇ စီးဖြင့် ခေါ်လာပြီး ဟိုပန်မြို့အ၀င် တံတားတွင် ချထားကြောင်း၊ လူအင်အား ၄၀၀ ကျော်ခန့်ရှိကြောင်း၊ ပွဲကျင်းပခွင့်ပြုထားသည့် ပြည်သူ့ရဲများက အခမ်းအနားကျင်းပမည့် ဘုန်းတော်ကြီးကျောင်း တွင်သာ လုံခြုံရေး တာဝန်ယူပေးနိုင် မည်ဖြစ်ပြီး လာရောက်မည့်သူတို့အတွက် လုံခြုံရေးကို ပွဲစီစဉ်သူများ အာမခံ တာဝန် ယူပေးနိုင်ရန်မှာ မလွယ်ကူကြောင်း၊ ထို့ကြောင့် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း ကိုယ်စားလှယ် များ လားရှိုးသို့ ပြန်လှည့်လာကြောင်း သိရသည်။

“ပြောစရာကလည်း များတယ်။ ပြီးတော့ ပွဲကျင်းပဖို့က အစကတည်းက လုပ်သင့်လုပ်ထိုက်တာ အားလုံးလုပ်ပြီး သွားပြီ။ ဒေသခံက အစ သဘောတူတယ်။ ဒါပေမယ့် ပွဲကျင်းပမယ့်နေ့ရောက်မှ ဘာဖြစ်မှန်း မသိဘူး။ သူတို့ဘက်က လုံခြုံရေးမပေးနိုင်ဘူးဆိုတော့ ဒေသခံတွေအတွက် စိုးရိမ်စိတ်ကြောင့် သီန္နီမြို့ကနေ လားရှိုးကို ပြန်လှည့်ခဲ့ပါ တယ်” ဟု ဦးပြုံးချိုက ဧရာဝတီကို ဖုန်းမှတဆင့် ပြောသည်။

အဆိုပါ ကိစ္စနှင့်ပတ်သက်ပြီး လားရှိုးမြို့အခြေစိုက် သတင်းထောက် ဦးမောင်မောင်သန်းက “ ဟိုပန်မြို့က ၀ ကိုယ်ပိုင်အုပ်ချုပ်ခွင့်ရဒေသဆိုတော့ သူတို့ လုပ်ရက်တွေကို သိမှာစိုးလို့ မြို့အ၀င်မခံ ခိုင်းတာ လည်း ဖြစ်မှာပါ။ ပြီးတော့ ဟိုပန်က ရှမ်းပြည်နယ် လွှတ်တော် ဟိုပန်ကိုယ်စားလှယ် ဦးဆောင်တဲ့ စီးပွားရေးလုပ်ငန်းတွေက တရားဝင်လုပ်ကွက် မဟုတ်တာတွေကို သိသွားမှာ ကြောက်လို့ပေါ့။ အဲ့က အရမ်းပြဿနာများတယ်” ဟု ဧရာဝတီသို့ ပြောသည်။

၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းသည် လားရှိုးမြို့၊ ဟိုပန်မြို့၊ သီပေါမြို့၊ ကျောက်မဲမြို့နှင့် နမ့်ဆမ်မြို့တို့တွင် နယ်မြေခံ လူထုနှင့် တွေ့ဆုံပွဲများ ပြုလုပ်သွားရန် စီစဉ်ထားကာ ရှမ်းပြည်နယ်မြောက်ပိုင်းတွင် ခရီးသွားနေကြသည်။

၂ဝဝ၈ ဖွဲ့စည်းပုံ အခြေခံဥပဒေတွင် ရှမ်းပြည်နယ်ရှိ ဟိုပန်၊ မိုင်းမော၊ ပန်ဝိုင်၊ နားဖန်၊ မက်မန်း၊ ပန်ဆန်း(ပန်ခမ်း) မြို့နယ် ၆ မြို့နယ်ကို ခရိုင် နှစ်ခရိုင် ဖွဲ့ပြီး “ဝ” ကိုယ်ပိုင်အုပ်ချုပ်ခွင့်ရ တိုင်း အဖြစ် သတ်မှတ်ထားသည်။

Ref: ဧရာဝတီ

Read More...

ဘဏ်သစ် ၃ ဘဏ် ထပ်မံ ဖွင့်လှစ်ခွင့် ပြုမည်

ရန်ပိုင်
May 8, 2013

အစိုးရ ဆောက်လုပ်ရေး ၀န်ကြီးဌာနနှင့် မြန်မာနိုင်ငံ ကျောက်မျက်လုပ်ငန်းရှင်များအသင်း အပါအ၀င် ဌာန အဖွဲ့အစည်းများ၏ ဘဏ်အသစ် ၃ ဘဏ်ကို မကြာမီ ထပ်မံဖွင့်လှစ်ခွင့် ပြုမည်ဖြစ်ကြောင်း ဘဏ်လုပ်ငန်းရှင်များ အသိုင်းအ၀န်းမှ သတင်းရရှိသည်။

ဆောက်လုပ်ရေး ၀န်ကြီးဌာနသည် ပြင်ပဆောက်လုပ်ရေး လုပ်ငန်းရှင်များနှင့် ပူးပေါင်းကာ ဘဏ်ဖွဲ့စည်း တည်ထောင်မည် ဖြစ်ကြောင်း၊ အလားတူ ကျောက်မျက်လုပ်ငန်းရှင်များကိုလည်း ပုဂ္ဂလိက ဘဏ်အဖြစ် ဖွင့်လှစ်ခွင့် ပြုခြင်းဖြစ်ကြောင်း သိရသည်။

ဘဏ်လုပ်ငန်းရှင်တဦးက “တခြားနိုင်ငံတွေက စိုက်ပျိုးရေးဘဏ်တွေ ဖွင့်သလို ဆောက်လုပ်ရေးနဲ့ ကျောက်မျက်တူးဖော်ရေး လုပ်ငန်းတွေအတွက် ဘဏ်ဖွင့်ခွင့်ပေးတဲ့ ပုံစံပါ” ဟု ပြောသည်။

မြန်မာနိုင်ငံ ကျောက်မျက်လုပ်ငန်းရှင်များအသင်း၌ စီးပွားရေးလုပ်ငန်းရှင် ဦးတေဇက လက်ရှိ ဥက္ကဋ္ဌအဖြစ် တာဝန်ယူလျက်ရှိသည်။

တတိယမြောက် ဘဏ်ကို အတည်မပြုနိုင်သေးသည့် သတင်းများအရ နိုင်ငံရေးပါတီကြီးတခုက ကျောထောက်နောက်ခံ ပြုထားသည့် ပုဂ္ဂလိကလုပ်ငန်းရှင်တဦးက လုပ်ကိုင်ခွင့်ရကြောင်း သိရသည်။

၁၉၉၆ ခုနှစ်က စတင်ဖွဲ့စည်းခဲ့သည့် မွေးမြူရေးနှင့် ရေလုပ်ငန်းဝန်ကြီးဌာနပိုင် မြန်မာ့မွေးမြူရေးနှင့် ရေလုပ်ငန်းဖွံ့ဖြိုးရေးဘဏ်ကို “မြန်မာ့ရတနာဘဏ်” ဟု အမည်ပြောင်းကာ အများပိုင်ဘဏ်အဖြစ် ပြောင်းလဲဖွဲ့စည်းကြောင်း ယမန်နေ့ထုတ် အစိုးရသတင်းစာတွင် ဖော်ပြထားသည်။

စီးပွားရေးလုပ်ငန်းရှင် ဦးတေဇ၏ အာရှစိမ်းလန်းမှု ဖွံဖြိုးရေးဘဏ် (AGD) သည်လည်း အများပိုင်ဘဏ်အဖြစ် ပြောင်းလဲရန် ဆောင်ရွက်လျက်ရှိသည်။

မြန်မာနိုင်ငံဗဟိုဘဏ်တွင် တာဝန်ယူဖူးပြီး လက်ရှိ ကမ္ဘောဇဘဏ်၏ ဒု ဥက္ကဋ္ဌတာဝန် ယူထားသူ ဦးသန်းလွင်က အစိုးရအနေဖြင့် တိုင်းပြည်၌ အရေးကြီးသည့် ပို့ကုန်သွင်းကုန်နှင့် စိုက်ပျိုးရေးလုပ်ငန်းများနှင့် ပတ်သက်သည့် ဘဏ်များဖွင့်လှစ်ရန် ပိုမိုလိုအပ်ကြောင်း ဆိုသည်။

“နိုင်ငံတိုင်းမှာ အဓိကက ကိုယ်နိုင်ငံက ပစ္စည်းပို့ရင် အဆင်ပြေအောင် ကူညီပေးမယ့် ငွေချေးပေးမယ့် ပို့ကုန်သွင်းကုန်ဘဏ်တွေ ရှိတယ်။ အဲဒီတော့ ဆောက်လုပ်ရေးတို့ ကျောက်မျက်တို့ထက် ဒါမျိုးဘဏ်တွေ ထောင်ရမယ်” ဟု ၎င်းက ပြောသည်။

လက်ရှိ အစိုးရ စိုက်ပျိုးရေးဘဏ်သည် အမတော်ကြေးငွေ ချေးခြင်း၊ ပြန်ဆပ်သည့်ငွေကို လက်ခံခြင်းစသည့် ကဏ္ဍနှစ်ရပ်ကိုသာ လုပ်ကိုင်ရာ လယ်သမားများအတွက် အဆင်မပြေကြောင်း၊ ထို့အတွက် လယ်ယာကဏ္ဍ တိုးတက်ရန် နိုင်ငံခြားတိုင်းပြည်များကို အတုယူပြီး တောင်သူလယ်သမား အကျိုးပြုဘဏ်မျိုး ထူထောင်ပေးသင့်ကြောင်း ဦးသန်းလွင်က ဆက်လက်ပြောသည်။

မြန်မာနိုင်ငံ၌ အစိုးရ ဘဏ် ၃ ဘဏ်နှင့် ပုဂ္ဂလိကဘဏ် ၁၉ ဘဏ်၊ စုစုပေါင်း ၂၂ ဘဏ် ရှိသော်လည်း ပုဂ္ဂလိက ဘဏ်များအနေဖြင့် ဘဏ်ခွဲ ဖွင့်လှစ်နိုင်မှုမှာ တနိုင်ငံလုံး အတိုင်းအတာနှင့် နှိုင်းယှဉ်လျှင် နည်းပါးနေသေးသည်ကို တွေ့ရသည်။

ဘဏ်လုပ်ငန်းရှင်များကမူ အစိုးရအနေဖြင့် ဘဏ်သစ်များ ထပ်မံ ဖွင့်လှစ်ခွင့်ပေးခြင်းထက် လက်ရှိ ပုဂ္ဂလိကဘဏ်များ၏ ဘဏ်ခွဲများ နိုင်ငံနှင့် တ၀ှမ်း အားကောင်းကောင်းဖြင့် ဖွင့်လှစ်လာနိုင်စေရေးကို ပိုမိုအားပေးသင့်သည်ဟု ဘဏ်လုပ်ငန်းရှင်များက ယူဆကြောင်း သိရသည်။

“ဘဏ်အသေးလေးတွေ များနေရင် ယှဉ်ပြိုင်နိုင်စွမ်းအား မရှိဘူး။ ဒါကြောင့် ပေါင်းပေးသင့်တယ်။ တခြားနိုင်ငံတွေလည်း အစိုးရက ဒီလိုပဲ ပေါင်းပေးတယ်။ မပေါင်းနိုင်ရင် ဘဏ်ကြီးတွေက၀ယ်၊ ဒါမှ အင်အားတောင့်လာမှာ” ဟု ကမ္ဘောဇဘဏ် ဒု ဥက္ကဋ္ဌ ဦးသန်းလွင်က ဆိုသည်။

အစိုးရသစ်လက်ထက် ပြည်ပရင်းနှီးမြှုပ်နှံမှုများ တနေ့တခြား ၀င်ရောက်နေရာ ခေတ်မီဘဏ်စနစ်မှာ မရှိမဖြစ် လိုအပ်သကဲ့သို့ ဘဏ်များ၏ အင်အားတောင့်တင်းရန်လည်း လိုအပ်ကြောင်း၊ ထို့အတွက် ၁၉၉၀ ဝန်းကျင်က ရေးဆွဲထားသည့် ဘဏ်ဥပဒေများကို ပြန်လည် ပြင်ဆင်ရမည်ဖြစ်ကြောင်း၊ ခေတ်မီဘဏ်စနစ်နှင့် ကင်းကွာနေခဲ့သည့် ဘဏ်များအနေဖြင့် ဘဏ်လုပ်ငန်းဆိုင်ရာ ကျွမ်းကျင်ပညာရှင်များကို နိုင်ငံခြားမှာ ခေါ်ယူငှားရမ်းသင့်ကြောင်း ဦးသန်းလွင်က ပြောသည်။

လက်ရှိအနေအထားတွင် မြန်မာနိုင်ငံ၌ ဘဏ်ခွဲအများဆုံး ဖွင့်လှစ်ထားသည့် ဘဏ်မှာ ကမ္ဘောဇဘဏ်ဖြစ်ပြီး ဘဏ်ခွဲ ၁၀၆ ခု ဖွင့်လှစ်ထားသည်။ ရိုးမဘဏ်က ဘဏ်ခွဲ ၄၀ ကျော်၊ အာရှစိမ်းလန်းမှု ဖွံဖြိုးရေးဘဏ် (AGD) က ဘဏ်ခွဲ ၂၈ ဘဏ် ဖွင့်လှစ်ထားပြီး ဖြစ်သည်။

၁၉၉၄-၉၅ ခုနှစ်ခန့် ကတည်းက ဖွင့်လှစ်ခွင့်ရရှိထားသည့် အာရှ ရန်ကုန်ဘဏ် ဆိုလျှင် ရန်ကုန်၊ မန္တလေး မြို့ကြီး နှစ်မြို့၌သာ ဘဏ်ခွဲများ ဖွင့်လှစ်ထားသည်ဟု သိရသည်။

Ref: ဧရာဝတီ

Read More...

အနာကြီးရောဂါသည်များ ဘဝ ဖွံ့ဖြိုးရေး လွှတ်တော်တွင် တင်ပြမည့်သူ မရှိဟုဆို

မေစစ်ပိုင်| May 8, 2013

အနာကြီး ရောဂါသည်များ၏ ဘဝဖွံ့ဖြိုးရေးအတွက် လွှတ်တော်တွင် ကိုယ်စားလှယ်များက အဆိုတင်ပေးခြင်း၊ ဆွေးနွေးတင်ပြခြင်း လုံးဝမရှိကြောင်း မန္တလေးတိုင်းဒေသကြီး မတ္တရာမြို့နယ် ရေနံ့သာကျေးရွာ နံ့သာမြိုင်အနာကြီး ရောဂါသည်စခန်းမှ တာဝန်ခံ ဦးတင်ထွဋ်က ပြောပြသည်။

မြန်မာနိုင်ငံရှိ AIDS အပါအဝင် မသန်စွမ်းသူများ၊ ဆွံ့အနားမကြားများ စသည့် တခြား ရောဂါဝေဒနာရှင်များ အတွက် လူမှုဘဝ ဖွံ့ဖြိုးရေးကို လွှတ်တော်တွင် ကိုယ်စားလှယ်များက တင်ပြဆွေးနွေး နေကြ သော်လည်း အနာကြီးရောဂါသည်များ၏ လူမှုဘဝ ဖွံ့ဖြိုးရေးအတွက် အဆိုတင်သွင်းခြင်းမရှိသကဲ့သို့ အလေးထား ဆောင်ရွက်ပေးမှု အားနည်းနေသည်ဟု ကိုယ်တိုင်လည်း အနာကြီးရောဂါ ဝေဒနာ ခံစားခဲ့ရပြီး လက်ရှိတွင် နံ့သာမြိုင် အနာကြီးရောဂါသည်စခန်း၏ တာဝန်ခံဖြစ်သူ အသက် ၆၂ နှစ် အရွယ်ရှိ ဦးတင်ထွဋ်က ရှင်းပြသည်။

ဦးတင်ထွဋ်သည် ၁၉၉၀ ပြည့်နှစ်က မန္တလေးတိုင်းတွင် ဗိုလ်ချုပ်ထွန်းကြည် တာဝန်ထမ်းဆောင်စဉ်က မန္တလေးမြို့တွင်းရှိ အနာကြီး ရောဂါသည်များရှိရာ ရပ်ကွက် ၅ ခုကို မြို့ပြအင်္ဂါရပ်နှင့် မညီဟုဆို၍ မြို့နှင့် မိုင် ၅၀ ကျော်ဝေးသော မတ္တရာမြို့ ရေနံ့သာ ကျေးရွာ အစွန်အဖျား တောအုပ်ကြား ကွက်လပ်သို့ ပြောင်းရွှေ့ ပို့ဆောင်ခဲ့စဉ် ကတည်းက အဆိုပါစခန်းသို့ ရောက်ရှိခဲ့ပြီး လက်ရှိ နေထိုင်နေသူ ဖြစ်သည်။

“အဘတို့လို အနာကြီး ဝေဒနာရှင်တွေအတွက် တခြားရောဂါသည်တွေလို ဖွံ့ဖြိုးတိုးတက်ဖို့ စဉ်းစားတဲ့အထဲ လုံးဝမပါသေး တာတော့ စိတ်ထဲမကောင်းဘူး၊ ဗိုလ်ချုပ်ထွန်းကြည် လက်ထက်ကတည်းက ပေးနေတဲ့ ထောက်ပံ့ကြေးတလ ၆၀၀ ကျပ်က အခုထိလည်း ဒီအတိုင်းပဲ၊ ဘယ်သူမှ အနာကြီးရောဂါသည်တွေကို ဂရုမစိုက်သလို အရေးထားတဲ့ အထဲလည်း မပါဘူး” ဟု သူ၏ ခံစားချက်ကို ပြောပြသည်။

၎င်းတို့ ပြောင်းရွှေ့ခဲ့ပြီး ၁၀ နှစ်ခန့် ကြာသည်အထိ ရောဂါသည် တဦးလျှင်တလ ဆန် ၆ ပြည်နှင့် ငွေ ၆၀၀ ကျပ် အစိုးရမှ ထောက်ပံ့ ခဲ့သော်လည်း ၂၀၀၆ ခုနှစ်ခန့်မှ စတင်ကာ ဆန်အထောက်အပံ့လုံးဝမရ တော့ဘဲ လက်ရှိ အချိန်ထိ ရောဂါသည် အသက် ၆၀ ကျော်လူတဦးလျှင် ငွေ ၆၀၀ကျပ်သာ ဆက်လက်ထောက်ပံ့ပေးနေသောကြောင့် အဆင်မပြေတော့ကြောင်း သိရသည်။

လက်ရှိအချိန်ထိ ရောဂါရှိ အသက် ၆၀ အထက် ရောဂါသည်နှင့် တကိုယ်တည်းနေသူ တဦးလျှင် တလ ၆၀၀ ကျပ်နှုန်း၊ ရောဂါရှိ အသက် ၆၀ အောက် မှီခိုတဦးလျှင် ၄၅၀ ကျပ်နှုန်း၊ ရောဂါမရှိ အသက် ၆၀ အထက် မှီခိုသူနှင့် အသက် ၁၅ နှစ် အောက် မှီခိုတဦးလျှင် တလ ၁၅၀ ကျပ်နှုန်း အထောက်အပံ့ အဖြစ် ရရှိခဲ့သည်။ ထိုနှုန်းအတိုင်း လက်ရှိ အချိန်အထိ ထောက်ပံ့ပေးနေသော်လည်း လွန်ခဲ့သည့် ၁၀ နှစ်ကျော်ကတည်းက ဆန်ထောက်ပံ့မှု မရရှိတော့ပေ။

အဆိုပါစခန်းတွင် နေထိုင်သူ ဦးအေဝမ်းက အစိုးရ တာဝန်ရှိသူတချို့နှင့် ပုဂ္ဂလိက လုပ်ငန်းရှင်တချို့တို့ အဆိုပါ စခန်းသို့ လာရောက် ကြည့်ရှုမှုများ ရှိခဲ့သော်လည်း လက်တွေ့ အကျိုးဖြစ်လာမှု လုံးဝ မရှိကြောင်း၊ ဂရိတ်ဝေါကုမ္ပဏီ ပိုင်ရှင်ဖြစ်သူက စခန်းတွင်း နေထိုင်နေသည့် ဒေသခံများ အလုပ်အကိုင်ရရှိရန် အတွက် အရက်ပျံချက် စက်ရုံ တည်ထောင်မည်ဟု ဆိုကာ အဆောက်အဦးများ တည် ဆောက်ခဲ့သော်လည်း အကြောင်းအမျိုးမျိုးကြောင့် စီမံကိန်း ပျက်ခဲ့ရကြောင်း၊ စခန်းတည်ရှိရာ ရေမြေ အနေအထားသည် လယ်ယာစိုက်ပျိုး မရခြင်း၊ တခြား ကုန်ကြမ်းရှာဖွေမရနိုင်ခြင်း၊ မြို့နှင့် ဝေးကွာခြင်းများတို့ကြောင့် စခန်းနေသူများ၏ အဓိက အလုပ်အဖြစ် တောင်ပေါ်တက်၍ ဝါးခုတ်ရောင်းခြင်း တမျိုးဖြင့်သာ စားဝတ်နေရေး ပြဿနာကို ဖြေရှင်းနေရကြောင်း ပြောပြသည်။

“ကျနော်တို့ ဒီစခန်းကိုမပြောင်းခင် မန္တလေးမြို့ပေါ်မှာ နေတုန်းက အိမ်ကွက်မြေကွက်တွေကို ရောင်းလို့ရတဲ့ငွေကို ဘဏ်မှာ သိမ်းထားပေးပြီး အတိုးနဲ့ ထောက်ပံ့ကြေး ပြန်ပေးတာ၊ အခုဆို ဘဏ်တိုးငွေ ဘယ်လောက်ရလဲ မသိရဘူး၊ ငွေ ဘယ်လောက် အပ်ထားမှန်းလည်း မသိရဘူး၊ ထောက်ပံ့ကြေးကတော့ ၁၉၉၀ ခုနှစ်ကအတိုင်းပဲ” ဟု ဦးအေဝမ်းက ဆိုသည်။

စခန်း၏ ထောက်ပံ့ကြေးငွေ လစဉ်ထုတ်ပေးရန်အတွက် နံ့သာမြိုင် အနာကြီး ဆေးရုံအုပ်၊ တိုင်းဒေသကြီး အစိုးရအဖွဲ့၊ မြို့နယ်၊ ကျေးရွာ အုပ်ချုပ်ရေးရုံးများက တာဝန်ယူ ဆောင်ရွက်ပေးလျှက်ရှိကြောင်း၊ အနာကြီးရောဂါ ဝေဒနာ ခံစားရသူသည် စခန်းတာဝန်ခံထံတွင် နေ့စဉ်လက်မှတ်ထိုးရပြီး ရက်ပျက်အဖြစ် ၁၀ ရက်သာ ခွင့်ပြုပြီး ၁၀ ရက်ကျော် လက်မှတ်မထိုးပါက ထောက်ပံ့ကြေးငွေ မရရှိတော့ကြောင်း သိရသည်။

ဒေသခံတဦးဖြစ်သူ ကိုကျော်ကျော်ဝင်းက ၎င်းတို့ အနာကြီးရောဂါသည် များနှင့် ပတ်သက်သည့် အကြောင်းအရာများကို လွှတ်တော် ကိုယ်စားလှယ်များက တင်ပြဆွေးနွေး ပေးမည်ဆိုသည့် အထင်ဖြင့် စောင့်ကြည့်ခဲ့သော်လည်း လက်ရှိအချိန်အထိ ကူညီစောင့်ရှောက်ပေးခြင်း၊ တင်ပြပေးခြင်း လုံးဝမရှိသည့်အတွက် စိတ်ပျက်ရသည်ဟု ဆိုသည်။

“လေ့လာသွားကြတာပဲရှိတာ၊ တကယ်တမ်း လုပ်ဆောင်ပေးမယ့် သူတွေတော့ တယောက်မှ မရှိဘူး။ စခန်းမှာနေတဲ့ ကလေးတွေ ကတော့ ပညာသင်စရိတ်က အစ အခက်အခဲတွေ အများကြီးကြားထဲ ရုန်းကန်နေရတယ်” ဟု သူက ရှင်းပြသည်။

အသက် ၁၃ နှစ်အရွယ်ရှိပြီး လက်ရှိ သတ္တမတန်း အောင်၍ ကျောင်းထွက်ထားသည့် မောင်အောင်ဇော်မင်းက ၎င်းအနေဖြင့် ကျောင်းဆက်လက် တက်ချင်သော်လည်း အသက် ၇၀ ခန့်အရွယ်ရှိ အဘွားဖြစ်သူနှင့်သာ နေထိုင်ရသဖြင့် စားဝတ်နေရေး ပြဿနာအတွက် တောင်ပေါ် ဝါးခုတ်သည့် အလုပ်ဖြင့်သာ ဘဝ ရပ်တည်ရတော့မည် ဖြစ်ကြောင်း၊ ၎င်း၏ ရည်မှန်းချက်မှာ ပညာတတ်သူ တဦးဖြစ်ချင်သော်လည်း ပညာသင်စရိတ် ထောက်ပံ့မည့်သူ မရှိခြင်း၊ မိဘနှစ်ပါးက ရွာမှ ထွက်ခွာသွားကာ ပြန်လှည့် မကြည့်တော့သည့် အပြင် အဘွားဖြစ်သူကိုလည်း ငဲ့ညာနေရသဖြင့် ပညာရေးထက် ဘဝရပ်တည်နိုင်ရေး၊ စားဝတ်နေရေး ဖြေရှင်းရေးတို့ကိုသာ အဓိက စဉ်းစားတော့ကြောင်း ပြောပြသည်။

ဘဏ်တိုးမှရသည့် ငွေဖြင့် ထောက်ပံ့မှု မလုံလောက်သောကြောင့် ဝေဒနာရှင်များ၏ သားသမီးများသည် အနီးအနား တောအုပ်အတွင်း ဝါးသွားခုတ်ခြင်းအပြင် ဝေဒနာမရှိသော တချို့ လူငယ်များမှာ မန္တလေးမြို့ပေါ်တွင် စားပွဲထိုးလုပ်ခြင်း၊ မူဆယ်သို့ သွားကာ ကုန်ထမ်းပိုးခြင်း စသည့် အလုပ်များလုပ်ကိုင် ငွေရှာ၍ ဝေဒနာသည် မိဘများအား ထောက်ပံ့ ပေးကြရကြောင်း သိရသည်။

ဗိုလ်ချုပ်ထွန်းကြည် အာဏာရှိစဉ်က နံ့သာမြိုင်အနာကြီး ရောဂါသည်စခန်းကို နှစ်လတကြိမ် လာရောက်ကြည့်ရှု အားပေးမှု ရှိခဲ့ပြီး အနာကြီးရောဂါ ဝေဒနာသည်များ၊ ၎င်းတို့၏ မျိုးဆက်များနှင့် လက်ပွန်းတတီး အားပေးနှစ်သိမ့်မှုများ ရှိသည့်အပြင် ငွေကြေးအားဖြင့် အထိုက်အလျောက် ထောက်ပံ့မှုများ ရှိခဲ့သည်ဟု ဒေသခံများက ပြောသည်။

“ဗိုလ်ချုပ်ထွန်းကြည် လက်ထက်တုန်းက ဒီအထိကို ဟယ်လီကော်ပတာနဲ့ လာပြီး ဝေဒနာသည်တွေနဲ့ စကားပြောတာ၊ ဘာလိုအပ်လဲ မေးတာ ရှိတယ်။ ငွေအားဖြင့်လည်း တခါတခါ လာတိုင်း ထောက်ပံ့ပေး ခဲ့တယ်” ဟု ဦးအေဝမ်းက ဆိုသည်။

အနာကြီးရောဂါ ဝေဒနာသည်များသည် ရောဂါပျောက်ဆုံးသွားသော်လည်း တခြားသူများ၏ တပြေးညီ ဆက်ဆံမှု မရရှိကြောင်း၊ နှိမ်ချဆက်ဆံ ခံရကြောင်း၊ တခြားသော မသန်စွမ်းဝေဒနာသည်များကို လူသားချင်းစာနာသည့် ကူညီမှုများ၊ အဆိုပါ မသန်စွမ်းများအတွက် လွှတ်တော်တွင် တင်ပြဆွေးနွေးမှုများ စသည့် သတင်းများ တွေ့ရသည့်အချိန်တွင် မိမိအပါအဝင် အနာကြီး ဝေဒနာ ရှင်များအတွက် စိတ်မကောင်း ဖြစ်မိကြောင်း ဦးတင်ထွဋ်က ပြောသည်။

“ဒီလူတွေအတွက် အခြေခံကျပြီး လက်တွေ့ကျတဲ့ အလုပ်အကိုင် ဖန်တီးပေးဖို့လိုတယ်” ဟု အဆိုပါဒေသတွင် ဝါးဒိုင်အဖြစ် လုပ်ကိုင်ရင်း ဒေသခံများအား တတ်စွမ်းသရွေ့ ကူညီထောက်ပံ့ပေးနေသည့် ဝေဒနာသည်များ၏ မျိုးဆက် မန္တလေး ရတနာပုံ တက္ကသိုလ်မှ ဘွဲရခဲ့သူ တဦးဖြစ်သူ ဦးဖာက ဆိုသည်။

နံ့သာမြိုင် အနာကြီးရောဂါသည် စခန်းသည် မန္တလေးတိုင်းဒေသကြီး မတ္တရာမြို့နယ် ရေနံ့သာကျေးရွာတွင် တည်ရှိပြီး ၁၉၉၀ ပြည့်နှစ် မတ်လ ၃ ရက်နေ့က မန္တလေးမြို့ပေါ် ရပ်ကွက် ၅ ခုတွင် နေထိုင်ကြ သည့် အနာကြီးရောဂါသည် များကို မြို့တော် အင်္ဂါရပ်နှင့် မညီညွတ်ဟုဆိုကာ အကြောင်းကြားစာများပို့၍ မြို့နှင့် မိုင် ၅၀ ကျော် ဝေးသည့် လက်ရှိစခန်း တည်ရှိရာ နေရာ သို့ ပြောင်းရွှေ့စေခဲ့သည်။

ပြောင်းရွှေ့စတွင် အာဟာရ မပြည့်ဝခြင်း၊ သစ်ပင်မရှိသော ထိုနေရာ၌ ရာသီဥတုဒဏ် ပြင်းထန်စွာ ခံစားရခြင်းတို့ကြောင့် ငှက်ဖျားမိ၍ သေဆုံးသူများစွာ ရှိခဲ့ကြောင်း ဒေသခံများထံမှ သိရသည်။ ပြောင်းရွှေ့စက အိမ်ထောင်စု ၄၅၆ စုရှိခဲ့သော်လည်း ယခုအခါ အိမ်ထောင်စု ၃၁၈ သာ ကျန်တော့သည်။

လက်ရှိ အဆိုပါစခန်းတွင် ရောဂါရှိ အိမ်ထောင်စု ၂၄၇ စုနှင့် ရောဂါမရှိတော့သည့် အိမ်ထောင်စု ၇၁ စုရှိပြီး စုစုပေါင်းလူဦးရေ ၁၃၈၀ ဦး နေထိုင်လျှက်ရှိသည်။

Ref: ဧရာဝတီ

Read More...

Wednesday, May 8, 2013

ဥက္ကံမြို့က ဒုက္ခသည်တွေအတွက် ၈၈ကျောင်းသားတွေ သွားရောက်လှူဒါန်း

2013-05-07

ပြီးခဲ့တဲ့ ဧပြီလကုန်ပိုင်းက ဥက္ကံမြို့နယ်မှာ ဖြစ်ပွားခဲ့တဲ့ ပဋိပက္ခကြောင့် အိုးမဲ့အိမ်မဲ့ ဒုက္ခရောက်နေသူတွေကို ရန်ကုန်မြို့နေ ပြည်သူတချို့လှူဒါန်းထားတဲ့ ပစ္စည်းနဲ့ ငွေကြေးတွေကို ၈၈မျိုးဆက်ပွင့်လင်း လူ့အဖွဲ့ အစည်းရုံးက ဒီကနေ့မှာ သွားရောက်လှူဒါန်းခဲ့ကြပါ တယ်။

ဥက္ကံမြို့နယ်က မီးလောင်ပြင်စခန်းနဲ့ သနီပင်ကျေးရွာတွေက ဒုက္ခသည်တွေအတွက် စားသောက်ကုန်၊ ဆေးဝါးနဲ့ ငွေကျပ် ၈ သိန်းကို လှူဒါန်းခဲ့တာပါ။ ဒုက္ခသည်တွေရဲ့ နောက်ဆုံး အခြေအနေကို ၈၈မျိုးဆက် ပွင့်လင်း လူ့အဖွဲ့အစည်းက မမီးမီးက RFA ကို အခုလိုပြောပါတယ်။

“မီးလောင်ပြင်စခန်းကျေးရွာကို သွားတဲ့အခါမှာတော့ မီးလောင်ထားတဲ့အိမ် ၁ဝ လုံးနဲ့ ဖျက်ဆီးခံရထားတဲ့အိမ် ၂၄ လုံးစာ ကျမတို့ခွဲခြမ်းပြီးတော့ လှူဒါန်းခဲ့ပါတယ်၊ အဲ့ဒီရွာမှာတော့ ကယ်ဆယ်ရေးစခန်းတို့ ဘာတို့ဆောက် ထားခြင်းမရှိပါဘူး၊ ရဲအစောင့်အကြပ် ချထားတယ်၊ နောက်ပြီးအခုဖျက်ဆီးခံထားရတဲ့ လူတွေကလည်း သင့်တော်သလိုပေါ့နော် နေနေကြတာတွေ့ရတယ်၊ သူတို့အဆင်ပြေသလိုပေါ့နော်၊ ယာယီသူတို့ ဘာသာသူတို့ တဲလေးတွေထိုးနေတယ်၊ တချို့ကျတော့လည်း ဘာမှမဖြစ်တဲ့အိမ်တွေနဲ့ ပေါင်း ပြီးတော့နေတယ်ပေါ့၊ အဲလိုမျိုးလေးတွေတွေ့ရတယ်”

၈၈မျိုးဆက်ကျောင်းသားများအဖွဲ့နဲ့အတူ တက္ကသိုလ်ကျောင်းသားများသမဂ္ဂဖြစ်မြောက်ရေး အဖွဲ့ဝင်တွေလည်း ပူးပေါင်းကူညီခဲ့ကြပါတယ်။

ဧပြီလနှောင်းပိုင်းက ဥက္ကံမြို့မှာ ဖြစ်ပွားခဲ့တဲ့ ပဋိပက္ခကြောင့် သေဆုံးသူ ၁ ဦး၊ ဒဏ်ရာရသူ ၁၀ ဦးရှိခဲ့ပြီး အိမ်ခြေ ၁၀၀ ကျော်နဲ့ ဆိုင်ခန်း ၂၀ ကျော် ဖျက်ဆီးခံခဲ့ရပါတယ်။

Ref: အာရ်အဖ်အေ

Read More...

မိတ္ထီလာ သံဃာသတ်ဖြတ်မှု သံသယရှိသူတွေကို ရုံးထုတ်စစ်ဆေး

2013-05-07

ပြီးခဲ့တဲ့ မတ်လက မိတ္ထီလာမြို့တွင်းမှာ ပဋိပက္ခ ဖြစ်ပွားနေချိန် သံဃာတော်တစ်ပါး အသတ်ခံရမှုမှာ ပါဝင်သူတွေလို့ သံသယရှိသူ ၇ ဦးကို မနေ့က ဒုတိယအကြိမ် ရုံးထုတ်စစ်ဆေးပြီး စွဲချက်တင် ခဲ့ပါတယ်။

တရားခံ ၇ ဦးထဲက ၁ ဦးဟာ အသက် ၁၆ နှစ် မပြည့်သေးတဲ့အတွက် သူ့ကိုကလေးသူငယ်တရားရုံး ကို လွှဲပြောင်း လိုက်ပြီး ကျန်တဲ့သူတွေကိုတော့ တရားရုံးမှာ စွဲချက်တင်လိုက်တယ်လို့ အဲဒီအမှုမှာ စွဲချက် တင်ခံထားရသူ တချို့ရဲ့အမှုကို လိုက်ပါဆောင် ရွက်ပေးနေတဲ့ ရှေ့နေ ဦးသိန်းသန်းဦးက အခုလိုပြော ပါတယ်။

"တရားခံ ၇ ယောက်မှာ တစ်ယောက်က အသက် ၁၆ နှစ်မပြည့်ဘူးဆိုတော့ စွဲချက်မတင်ခင်မှာ အမှုကို ပြန်လည်ရုပ်သိမ်းပြီးတော့ ကလေးသူငယ် တရားရုံးကို လွဲပြောင်းပေးခဲ့တယ်၊ ကျန်တဲ့ ၆ ယောက်ထဲမှာ ၁ ဦးကို ပုဒ်မ ၁၄၄ လူစုလူဝေးမှာပါဝင်မှု၊ ၂၉၅ (က) သာသနာညိုးနွမ်းစေမှုစတဲ့ ပြစ်မှု ၃ ခုနဲ့ တရားစွဲထားပြီးတော့ ကျန်တဲ့ ၅ ယောက်ကိုတော့ ခုနကလို ၁၄၄၊ ၂၉၅ (က)တွေနဲ့ စွဲချက်တင်လိုက်တယ်၊ ကျွန်တော် တို့က သက်သေထွက်ချက် အရပေါ့နော်၊ သက်သေတစ်ယောက်ပဲ အဲ့မှာရှိနေတယ်၊ အဲ့ဒီထွက်ချက်အရ တရားရုံးက စွဲမှာပဲ၊ ကိုယ်ကအခိုင်အမာ ရှင်းပြနိုင်ရင် လွတ်မှာပဲလေ"

အဲဒီအမှုမှာ အပြစ်မရှိပဲ အရေးယူခံထားရသူတွေလည်းပါတယ်လို့ ဆွေမျိုးသားချင်းတွေက ပြောပေမယ့် ရှေ့နေ ဦးသိန်းသန်းဦးကတော့ မိတ္ထီလာခရိုင် တရားရုံးရဲ့ စစ်ဆေးချက်တွေဟာ တရားမျှတမှုရှိပြီး တရားခံအခွင့်အရေးတွေ အပြည့်အဝရရှိနေတယ်လို့ ပြောပါတယ်။

အခုစွဲချက်တင်ခံထားရသူ ၆ ဦးစလုံးဟာ ပြစ်မှုထင်ရှားရင် သေဒဏ်အထိကျခံရနိုင်ပြီး၊ အသက်မပြည့်သေးတဲ့ မောင်ညီညီနိုင်ကတော့ အမြင့်ဆုံး ထောင်ဒဏ် ၇ နှစ် ကျခံရနိုင်တယ်လို့ သိရပါတယ်။

Ref: အာရ်အဖ်အေ

Read More...

ဒေါက်တာဆိတ်ဖွား မဟုတ်ကြောင်း ဦးရဲထွဋ် ရှင်းလင်း

2013-05-07

အင်တာနက်ပေါ်ကနေ ဥပဒေအထက်မှာ လွှတ်တော်ရှိသလားခေါင်းစဉ်နဲ့ လွှတ်တော်ကို ဝေဖန်ရေးသားခဲ့တဲ့ ဒေါက်တာဆိတ်ဖွားဟာ မိမိမဟုတ်ကြောင်း၊ ပြန်ကြားရေးဝန်ကြီးဌာနအနေနဲ့လည်း ဒေါက်တာ ဆိတ်ဖွား အမည်ခံပြီး ရေးသားခိုင်းထားတာမရှိကြောင်း သမ္မတရဲ့ပြောခွင့်ရပုဂ္ဂိုလ် ပြန်ကြားရေး ဒုတိယ၀န်ကြီး ဦးရဲထွဋ်က သတင်းထောက်တွေ ကို ဒီကနေ့ ဖြေရှင်းပြောဆိုလိုက်ပါတယ်။

ဒေါက်တာဆိတ်ဖွား စုံစမ်းရေးကော်မရှင်က ဦးရဲထွဋ်ကို ခေါ်ယူမေးမြန်းခဲ့တာနဲ့ ပတ်သက်လို့ သတင်းထောက်တွေက မေးမြန်းရာမှာ သူမဟုတ်ကြောင်း ဦးရဲထွဋ်က အခုလိုပြန်လည်ဖြေကြားခဲ့တာပါ။

“ကျနော့်ကို လွှတ်တော်ကခေါ်ပြီးတော့ မေးတဲ့အချိန်မှာ လွှတ်တော်ကောင်မရှင် ဥက္ကဌက ရှင်းပြတယ်၊ လွှတ်တော် ရဲ့အခန်းကဏ္ဍကို အထင်မှားစေတဲ့အတွက်ကြောင့်မို့ ဘယ်သူရေးတယ်ဆိုတာကို ရှာဖွေ ဖို့လုပ်ရခြင်းဖြစ်တယ်တဲ့၊ ပြန်ကြားရေး ဝန်ကြီးဌာနအနေနဲ့သော်၎င်း၊ ကျနော့်အနေနဲ့သော်၎င်း အတတ်နိုင်ဆုံးပူးပေါင်းဆောင်ရွက်ပေးဖို့ပြောတယ်၊ ကျနော်ကစစခြင်း ဘာပြောသလဲ ဆိုတော့ နံပါတ် (၁) ပြန်ကြားရေးဝန်ကြီးဌာနအနေနဲ့ ဘယ်သူ့ကိုမှ ဒေါက်တာဆိတ်ဖွားအဖြစ်နဲ့ရေးဖို့ တာဝန်ပေးထားတာမရှိဘူးလို့၊ နံပါတ် (၂) က ကျနော်ကလည်း ဒေါက်တာဆိတ်ဖွားမဟုတ်ဘူး၊ နံပါတ် (၃) က ကျနော်က ဒေါက်တာဆိတ်ဖွားဆိုလို့ရှိရင်လည်း ကော်မရှင်ဥက္ကဌကြီးအနေနဲ့ အဲ့ဒီလောက်အထိ အလုပ်ရှုပ်စရာမရှိဘူး၊ ကော်မရှင်ဖွဲ့ပြီးတော့ နောက်တစ်နေ့မှာ ကျနော်ကိုယ်တိုင် ကျနော်ယုံကြည်လို့ ကျနော်ရေးတယ်၊ ဥက္ကဌကြီး အပြစ်ရှိတယ်ထင်လို့ရှိရင် ကျနော့်ကိုတရားရုံးမှာ ခေါ်စစ်ပါဆိုပြီးတော့ ကျနော်ပြောမှာပဲ”

အင်တာနက် ဖေ့စ်ဘွတ်လူမှုရေးကွန်ရက် စာမျက်နှာတွေပေါ်မှာ ဒေါက်တာဆိတ်ဖွား ကလောင်ပိုင်ရှင်ဟာ ဦးရဲထွဋ်ဖြစ် တယ်ဆိုပြီး ရေးသားပြောဆိုမှုတွေ ပေါ်ထွက်ခဲ့ပါတယ်။

ဒေါက်တာဆိတ်ဖွား ဘယ်သူဆိုတာကို ထုတ်ဖော်ဖို့အတွက် အမျိုးသားလွတ်တော် ဒုတိယဥက္ကဌ ဦးမြငြိမ်း ခေါင်းဆောင်တဲ့ စုံစမ်းရေးကော်မရှင်က ပြည်တွင်းသတင်းမီဒီယာသမားတစ်ချို့ကိုပါ နေပြည်တော် ကို ခေါ်ယူမေးမြန်း ခဲ့ပါတယ်။

နောက်ပိုင်းမှာ အဲဒီကော်မရှင်က ဒေါက်တာဆိတ်ဖွားကို ဖော်ထုတ်နိုင်ပြီဖြစ်တယ်လို့ ပြောကြားခဲ့ပေမယ့် နာမည်အမှန်ကို ထုတ်ပြောဖို့ကိုတော့ ကာယကံရှင်ကို ထိခိုက်မှာစိုးရိမ်ရတယ်ဆိုတဲ့ အကြောင်းပြ ချက်နဲ့ ငြင်းဆန်ခဲ့ပါတယ်။

ဒေါက်တာဆိတ်ဖွားဆိုသူကို ဖော်ထုတ်ပေးဖို့ ကမာရွတ်မဲဆန္ဒနယ်က ဒေါက်တာစိုးရင်က ဇန်န၀ါရီလ ၁၄ ရက်နေ့ ပြည်ထောင်စု လွှတ်တော်အစည်းအဝေးမှာ အဆိုတင်သွင်းခဲ့ပြီး၊ များမကြာမီမှာ အဖွဲ့ဝင် ၁၇ ဦးပါ ဒေါက်တာဆိတ်ဖွား စုံစမ်းရေးကော်မရှင်ကို ဖွဲ့စည်းခဲ့ပါတယ်။

Ref: အာရ်အဖ်အေ

Read More...

တောင်ကြီးမြို့မှာ ဘာသာပေါင်းစုံ ဆွေးနွေးပွဲ ကျင်းပ

2013-05-07

ဘာသာပေါင်းစုံ စည်းလုံးညီညွှတ်ရေးနှင့် ငြိမ်းချမ်းစွာ အတူယှဉ်တွဲ နေထိုင်ရေးအတွက် ရှမ်းပြည်နယ်တောင်ပိုင်း၊ တောင်ကြီးမြို့မှာ ဒီကနေ့ မနက်ပိုင်းက အလုပ်ရုံဆွေးနွေးပွဲတစ်ရပ် ကျင်းပခဲ့ပါတယ်။

နှစ်ရက်ကြာကျင်းပနေတဲ့ ဒီအလုပ်ရုံဆွေးနွေးပွဲနဲ့ ပတ်သက်ပြီး ရတနာမြေ လူမှုဖွံ့ဖြိုးရေးအသင်းမှ စီမံကိန်းဒါရိုက်တာ ဒေါက်တာ နှင်းအေးကိုက RFA ကို အခုလို ပြောပါတယ်။

“လက်ရှိဖြစ်ပေါ်နေသော ဘာသာတရားနဲ့ စပ်လျဉ်းပြီး တစ်ဦးနဲ့တစ်ဦးထားရှိတဲ့ သံသယတွေ အမြင်မကြည်လင်မှု တွေကို လျော့ချ ပပျောက်သွားစေရန်နဲ့ ဘာသာကွဲများအကြား ရင်းနှီးခင်မင်စွာ အတူယှဉ်တွဲ နေထိုင်နိုင်စေဖို့ အ တွက် ရည်ရွယ်ပါတယ်”

ဒီကနေ့ကျင်းပတဲ့ အလုပ်ရုံဆွေးနွေးပွဲမှာ ဗုဒ္ဓဘာသာနှင့် ငြိမ်းချမ်းရေးတရား၊ ဟိန္ဒူဘာသာနှင့် ငြိမ်းချမ်းရေးတရား၊ အစ္စလာမ်ဘာသာနှင့် ငြိမ်းချမ်းရေးတရား၊ ခရစ်ယာန်ဘာသာနှင့် ငြိမ်းချမ်းရေးတရားတွေကို ဘာသာရေးခေါင်းဆောင် အသီးသီးက ဟောပြောခဲ့ကြပါတယ်။

ဆွေးနွေးပွဲကို တက်ရောက်လာတဲ့ အေးစေတီကျောင်းတိုက် ဆရာတော် ဦးသြဘာသက ဘာသာတစ်ခုနဲ့တစ်ခု ပဋိပက္ခမဖြစ်အောင် ကိုယ်ကျင့်တရားကောင်းမွန်ဖို့နဲ့ သည်းခံတတ်ဖို့ လိုအပ်တယ်လို့ မိန့်ကြား ပါတယ်။

ဒီအလုပ်ရုံဆွေးနွေးပွဲကို နော်ဝေပြည်သူများ ထောက်ပံ့ရေးအဖွဲ့ Norwegian People's Aid ကူညီမှုနဲ့ ရတနာမြေ လူမှုဖွံ့ဖြိုးရေးအသင်းက ဦးဆောင်ကျင်းပတာဖြစ်ပြီး ဘာသာ အသီးသီးက ခေါင်းဆောင်တွေ၊ ဌာနဆိုင်ရာ တာဝန်ရှိသူတွေ အပါအဝင် လူ ၅၀ ကျော်တက်ရောက်ခဲ့ကြပါတယ်။

အခုလို ဘာသာပေါင်းစုံ အလုပ်ရုံဆွေးနွေးပွဲတွေကို ရှမ်းပြည်နယ်အတွင်းမှာရှိတဲ့ မြို့တွေမှာသာမကဘဲ မန္တလေးတိုင်း၊ ပဲခူးတိုင်း၊ ဧရာဝတီတိုင်း၊ မွန်ပြည်နယ်၊ ကရင်ပြည်နယ်က မြို့တွေမှာလည်း ဆက်လက် ကျင်းပသွားမယ်လို့လည်း သိရပါတယ်။

Ref: အာရ်အဖ်အေ

Read More...

မူဆလင်တွေကို အကြမ်းဖက် တိုက်ခိုက်တဲ့ ရဟန်းတော်တွေကို ဒလိုင်းလားမား ရှုတ်ချ

2013-05-07

မြန်မာနိုင်ငံမှာ ဖြစ်ပွားခဲ့တဲ့ ပဋိပက္ခတွေအတွင်း ဗုဒ္ဓဘာသာ ရဟန်းတွေက မူဆလင်တွေအပေါ် အကြမ်းဖက် တိုက်ခိုက်ခဲ့တာတွေကို ရှုတ်ချကြောင်း တိဘက်ဘာသာရေးခေါင်းဆောင် ဒလိုင်းလားမားက ပြောကြားလိုက်ပါတယ်။

အမေရိကန် ပြည်ထောင်စုကို ရောက်ရှိနေတဲ့ ဒလိုင်းလားမားက ၀ါရှင်တန်ဒီစီ မေရီလဲန်းတက္ကသိုလ်မှာ မနေ့က ကျင်းပခဲ့တဲ့ အန်ဝါဆဒတ် ငြိမ်းချမ်းရေးဆု လက်ခံယူတဲ့ပွဲမှာ ပြောကြားခဲ့တာပါ။

အခုလတ်တလော မြန်မာနိုင်ငံက ဗုဒ္ဓဘာသာဝင် ရဟန်းတွေတောင် အကြမ်းဖက်မှုတွေမှာ ပါဝင်ပတ်သက် နေကြပါတယ်၊ ဒါဟာ အင်မတန် ၀မ်းနည်းဖို့ ကောင်းပါတယ်၊ မြန်မာရဟန်းတွေ ဗုဒ္ဓရှင်တော်ရဲ့ မျက်နှာတော်ကို အာရုံပြုနိုင်ကြ ပါစေ၊ နှလုံးသွင်းနိုင်ကြပါစေလို့ ဆုတောင်းပါတယ်၊ ဘာသာရေးအတွက် ပါဏာတိပါတာကံကို ကျူးလွန်တယ် ဆိုတာ ဘယ်လိုမှစဉ်းစားလို့မရတဲ့ကိစ္စပါလို့ ဒလိုင်းလားမားက ပြောကြားခဲ့တာပါ။

မေရီလဲန်းတက္ကသိုလ်မှာ တက်ရောက်လာသူ ပရိသတ်ကို သြ၀ါဒစကားမြွက်ကြားခဲ့ရာမှာ ဗုဒ္ဓအဆုံးအမနဲ့ မေတ္တာတရား အကြောင်း ဒလိုင်းလားမားက ဟောကြားခဲ့ပါတယ်။

အဲဒီနောက် အမေးအဖြေအစီအစဉ်မှာ လက်ရှိကမ္ဘာရဲ့ မငြိမ်းချမ်းမှုတွေနဲ့ ဗုဒ္ဓအဆုံးအမအကြောင်းမေးခွန်းကို ဖြေဆို ရာမှာ မြန်မာနိုင်ငံက လက်ရှိအခြေအနေတွေကို ဒလိုင်းလားမားက ထည့်သွင်းဟောကြားခဲ့ တာဖြစ်ပါတယ်။

Ref: အာရ်အဖ်အေ

Read More...

မြန်မာမိခင်တွေ အခြေအနေ ကမ္ဘာမှာ နိမ့်ကျနေဆဲ

08.05.2013

အမေရိကန်ပြည်ထောင်စုအပါအ၀င် ကမ္ဘာပေါ်က တိုင်းပြည်အတော်များများ မှာ မွေးကင်းစကလေး ကျန်းမာရေးဟာ အတော်ကြီးကို အန္တရာယ်ကြီးတဲ့ အနေအထားမှာ ရှိနေတယ်လို့ နိုင်ငံတကာ အကူအညီပေးရေးအဖွဲ့ တဖွဲ့ဖြစ်တဲ့ Save the Children အဖွဲ့ရဲ့ အစီရင်ခံစာမှာ ဖော်ပြပါတယ်။ အင်္ဂါနေ့တုန်းက မိခင်များဆိုင်ရာ နိုင်ငံတကာ အစီရင်ခံစာတစ်စောင်ကို Save the Children အဖွဲ့က ထုတ်ပြန်ခဲ့တာပါ။

အစီရင်ခံစာအရဆိုရင် တစ်နှစ် တစ်နှစ်ကို မွေးကင်းစ ကလေးငယ် တစ်သန်းဟာ မွေးဖွားပြီးပြီးချင်းမှာပဲ သေဆုံးခဲ့တယ်ဆိုပြီး သုံးသပ် ဖော်ပြထားပါတယ်။ အစီရင်ခံစာထဲမှာ မိခင်တွေနဲ့ပတ်သက်လို့ အရည်အသွေး အကောင်းဆုံးအဆင့်တွေကို သတ်မှတ်ဖော်ပြရာမှာ ဖင်လန်နိုင်ငံက ထိပ်ဆုံးမှာရှိနေပြီး၊ ကွန်ဂိုနိုင်ငံက မိခင်တယောက်အတွက် အဆိုးဆုံး အခြေအနေအဖြစ် သတ်မှတ်ဖော်ပြပါတယ်။

မိခင်တွေရဲ့ အရည်အသွေးနဲ့ပတ်သက်လို့ နိုင်ငံပေါင်း ၁၇၆ နိုင်ငံကို သုံးသပ်ထားရာမှာ မြန်မာနိုင်ငံကတော့ အဆင့် ၁၅၂ နဲ့ အတော်လေး အောက်ပိုင်းမှာ ရှိနေပါတယ်။ အမျိုးသမီးတွေ နိုင်ငံရေးမှာ ပါဝင်ပတ်သက်ခွင့် ရှိတဲ့နေရာမှာလည်း ၄ ဒဿမ ၆ ရာခိုင်နှုန်းပဲ ရှိတယ်လို့ ဖော်ပြပါတယ်။ အသက် ၅ နှစ်အောက် ကလေးငယ် သေဆုံးမှုနှုန်းမှာလည်း တစ်ထောင်မှာ ၆၂ ဒဿမ ၄ ရှိတယ်လို့ ဖော်ပြထားပါတယ်။

မိခင်တွေရဲ့ အရည်အသွေးမှာ မြန်မာ့အိမ်နီးချင်းတွေဖြစ်တဲ့ ထိုင်းနိုင်ငံကတော့ နံပါတ် ၈၀၊ ဘင်္ဂလားဒေ့ရ်ှက နံပါတ် ၁၃၆ ရှိတာမို့၊ မြန်မာဟာ အာရှမှာ အောက်ဆုံးက လိုက်နေပြီး မြန်မာအောက်မှာ အာဖရိကတိုက်နိုင်ငံတွေ အများစု တွေ့ရပါတယ်။

အိန္ဒိယနိုင်ငံက မြန်မာအထက်မှာ ရှိပေမဲ့၊ မွေးကင်းစ ကလေးငယ် သေဆုံးမှုနှုန်း မှာတော့ အမြင့်ဆုံးမှာ ရှိနေပါတယ်။ အိန္ဒိယမှာ တစ်နှစ်တစ်နှစ်ကို မွေးဖွားစ ကလေးငယ် သုံးသိန်းကျော် သေဆုံးမှု ရှိတယ်လို့ ဖော်ပြပါတယ်။

Ref: ဗွီအိုအေ

Read More...

မြန်မာနိုင်ငံ ဘာသာရေးအကြမ်းဖက်မှု Dalai Lama ဝေဖန်

ကိုသားညွန့်ဦး

08.05.2013
မြန်မာနိုင်ငံတွင်းမှာ ဘာသာရေးခေါင်းစဉ်နဲ့ သတ်ဖြတ်မှုတွေ ဖြစ်ခဲ့တာဟာ အင်မတန်ကို ၀မ်းနည်းစရာ ကောင်းပါတယ်လို့ ငြိမ်းချမ်းရေး နိုဘဲလ်ဆုရှင် တိဘက်ဘုန်းတော်ကြီး ဒလိုင်းလားမား (Dalai Lama) က ပြောပါတယ်။ မူဆလင်လူမှု အသိုင်းအ၀ိုင်းအပေါ်မှာလည်း စိတ်ခံစားမှုတွေ ဖြစ်လာတဲ့အခါမှာ ဗုဒ္ဓမြတ်စွာဘုရားကို သတိရကြဖို့ကိုလည်း တိုက်တွန်းသွားပါတယ်။ အကြောင်းစုံကိုတော့ ကိုသားညွန့်ဦးက တင်ပြထားပါတယ်။

အမေရိကန်ပြည်ထောင်စု မယ်ရီလန်းပြည်နယ် မယ်ရီလန်းတက္ကသိုလ် မှာ မနေ့တုန်းက လုပ်တဲ့ ဟောပြောပွဲအတွင်း မြန်မာနိုင်ငံတွင်း ဘာသာရေးအခြေခံတဲ့ ပဋိပက္ခတွေအပေါ်မှာ အခုလို မှတ်ချက်ပေး ဟောကြားသွားတာပါ။ အန်န၀ါ ဆဒတ် (Anwar Sadat) ကို အမှတ်တရ ပြုလုပ်တဲ့ ငြိမ်းချမ်းရေးနဲ့ ဖွံ့ဖြိုးရေးဆိုင်ရာ ဟောပြောပွဲတွေ အတွင်း နိုင်ငံတကာက ခေါင်းဆောင်တွေ ဘာသာရေး ခေါင်းဆောင် တွေကို ဖိတ်ခေါ် ဟောကြားစေခဲ့ရာမှာ တိဘက်ဘုန်းတော်ကြီး ဒလိုင်းလားမား (Dalai Lama) လည်း တတ်ရောက်ဟောကြားခဲ့တာပါ။

လူ့အဖွဲ့အစည်းအတွင်း မတူကွဲပြားချက်တွေအပေါ်မှာ ငြိမ်းချမ်းရေးကို ဘယ်လို တည်ဆောက်နိုင်မလဲဆိုတဲ့ အချက်ကို အဓိကထား ဟောပြောသွားရင်း ကမ္ဘာ့နေရာ အတော်များများမှာ ဘာသာရေး ခေါင်းစဉ်တပ်ပြီး အကြမ်းဖက်မှုတွေနဲ့ ပဋိပက္ခတွေ ဖြစ်တဲ့အပေါ်မှာ ဘုန်းတော်ကြီး ဒလိုင်းလားမား (Dalai Lama) က ဝေဖန်သွားခဲ့ပါတယ်။

အဲ့ဒီမှာ မြန်မာနိုင်ငံတွင်း မူဆလင်လူမှုအသိုင်းအ၀ိုင်းကို ဗုဒ္ဓဘာသာဝင်တွေက အကြမ်းဖက်မှုတွေဟာ အင်မတန် ၀မ်းနည်းစရာကောင်းတယ်လို့ ဘုန်းတော်ကြီး ဒလိုင်းလားမား (Dalai Lama) က မိန့်ပါတယ်။

“ဘာသာရေးခေါင်းစဉ်တပ်ပြီး လူတွေကို သတ်ဖြတ်နေတာကို စဉ်းစားလို့ကို မရပါဘူး။ တကယ့်ကို အတော်လေး ၀မ်းနည်းစရာ ကောင်းပါတယ်။ အခုကာလမှာ ဒါမျိုးတွေကို မြန်မာနိုင်ငံနဲ့ သီရိလင်္ကာနိုင်ငံ တွေမှာ တွေ့နေရပါတယ်။ ဗုဒ္ဓဘာသာ ဘုန်းတော်ကြီးတွေဟာ မူဆလင် ဗလီတွေကို ဖျက်ဆီးတာ၊ မူဆလင်မိသားစုတွေကို တိုက်ခိုက်တဲ့ ကိစ္စတွေပါ။”

ဘာသာရေး ခေါင်းစဉ်ခံပြီး ဖြစ်ခဲ့တဲ့ အဖြစ်အပျက်တွေဟာ နေရာအတော်များများ မှာ နိုင်ငံရေးနဲ့ ဆက်နွယ်ပတ်သက်ပုံရပြီး၊ ဒါဟာ ဘာသာရေးကိစ္စ မဟုတ်ဘူးလို့ လည်း ဘုန်းတော်ကြီး ဒလိုင်းလားမား (Dalai Lama) က မိန့်ပါတယ်။

ဒါကြောင့်လည်းပဲ မြန်မာနိုင်ငံမှာ ဖြစ်နေတဲ့ကိစ္စတွေမှာ ဗုဒ္ဓဘာသာဝင်တွေအနေနဲ့ မုန်းတီးမှု ခံစားချက်တွေ ဖြစ်လာရင် ဗုဒ္ဓမြတ်စွာဘုရားကို သတိရပါလို့ သူက တိုက်တွန်းပါတယ်။

“ဒါတွေဟာ အတော်လေး ၀မ်းနည်းစရာ ကောင်းပါတယ်။ ကျနော်ပြောခဲ့ဖူးပါတယ်။ ဗုဒ္ဓဘာသာ ညီအကိုတော်တွေ မောင်နှမတွေအနေနဲ့ မူဆလင်အသိုင်းအ၀ိုင်းအပေါ်မှာ မကျေမနပ် စိတ်ခံစားမှုတွေ ရှိလာတဲ့အခါမှာ ဗုဒ္ဓမြတ်စွာကို သတိရကြပါ။”

အန်န၀ါ ဆဒတ် (Anwar Sadat) ကို အမှတ်တရပြုတဲ့ အဲ့ဒီ ဟောပြောပွဲတွေမှာ ဘုန်းတော်ကြီး ဒလိုင်းလားမား (Dalai Lama) အပြင်၊ တောင်အာဖရိက သမ္မတဟောင်း နယ်လ်ဆင် မန်ဒဲးလား (Nelson Mandela)၊ ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် (Kofi Annan)၊ အမေရိကန်သမ္မတဟောင်း ဂျင်မီကာတာ (Jimmy Carter)၊ အမေရိကန်နိုင်ငံခြားရေးဝန်ကြီးဟောင်း မန်ဒရင်း အောဘရိုက် (Madeleine Albright) စတဲ့ နိုင်ငံရေးခေါင်းဆောင်တွေ ဟောပြောခဲ့ဖူးပါတယ်။

ဘုန်းတော်ကြီး ဒလိုင်းလားမား (Dalai Lama) အနေနဲ့ မြန်မာနိုင်ငံတွင်းမှာ ဖြစ်နေ တဲ့ ဘာသာရေးအခြေခံတဲ့ ပဋိပက္ခတွေနဲ့ပတ်သက်ပြီး အရင်တုန်းကလည်း ဝေဖန် ခဲ့ဖူးပါတယ်။ ပြီးခဲ့တဲ့နှစ်ဆန်းပိုင်း မိတ္ထီလာအရေးအခင်း ဖြစ်ပြီးတဲ့နောက်ပိုင်း ပြီးခဲ့တဲ့ ဧပြီလတုန်းကလည်း မြန်မာနိုင်ငံက ဗုဒ္ဓဘာသာ ဘုန်းတော်ကြီးတွေအနေနဲ့ ဗုဒ္ဓမြတ်စွာရဲ့ မိန့်ကြားချက်တိုင်း မေတ္တာတရား ထားပြီး ခွင့်လွှတ်သည်းခံကြဖို့ တိုက်တွန်းခဲ့ပါတယ်။

မိမိရဲ့ စိတ်ထဲမှာ စိတ်ခံစားမှု ပြင်းထန်လာပြီး သတ်ဖြတ်လိုစိတ် ဖြစ်လာရင် ဗုဒ္ဓတရားကို လက်ကိုင်ထားဖို့နဲ့ ဗုဒ္ဓမြတ်စွာရဲ့ နောက်လိုက်တွေဆိုတာ မမေ့ကြဖို့ တိုက်တွန်းခဲ့ပါတယ်။


Ref: ဗွီအိုအေ

Read More...

မိတ္ထီလာအကြမ်းဖက်မှု လူ ၂၀ ရုံးတင်

မအေးအေးမာ
07.05.2013

မန္တလေးတိုင်း မိတ္ထီလာမြို့မှာ ဖြစ်ပွားခဲ့တဲ့ အကြမ်းဖက် တိုက်ခိုက်မှုတွေအတွင်း လူသေဆုံးမှုတွေနဲ့ ဆက်နွယ်ပြီး နောက်ထပ် လူအများအပြားကို လူသတ်မှု၊ ဆူပူအောင် လှုံ့ဆော်မှုတွေ အပါအ၀င် ပုဒ်မ အများအပြားနဲ့ တရားစွဲဆိုလိုက်ပါတယ်။ မတ်လတုန်းကဖြစ်ခဲ့တဲ့ ဆူပူမှုတွေနဲ့ ဆက်နွယ်ပြီး သံသယရှိသူပေါင်း ဒါဇင်နဲ့ချီပြီး ဖမ်းဆီးထားတဲ့ အထဲက နောက်ထပ် လူ ၁၅ ယောက်ကို ထပ်မံ ရုံးတင် တရားစွဲဆိုလိုက်တာပါ။ အပြည့်အစုံကို ဗွီအိုအေ (မြန်မာပိုင်း) အစီအစဉ် သတင်းထောက် မအေးအေးမာ က သတင်းပေးပို့ခဲ့ပါတယ်။

မိတ္ထီလာမြို့မှာ မတ်လ ၂၂ ရက်နောက်ပိုင်း ဖြစ်ပွားခဲ့တဲ့ အရေးအခင်းမှာ သွေးထိုးမြှောက်ပင့်ပေးမှု၊ လူသတ်မှု မီးရှို့မှု စတာတွေ မိတ္ထီလာထောင်မှာ လူ ၇၄ ဦးကို ဖမ်းဆီးအရေးယူခဲ့တာပါ။ ဒီအထဲက လူသတ်မှု ကျုးလွန်ခဲ့တယ်ဆိုတဲ့ စွဲချက်တွေနဲ့ လူ ၁၅ ဦးကို မိတ္ထီလာခရိုင် တရားရုံးမှာ စတင်ရုံးတင်စစ်ဆေးခဲ့တာ ဖြစ်ပါတယ်။

ဒီအမှုတွေကို အနီးကပ် လေ့လာစောင့်ကြည့်နေတဲ့ မိတ္ထီလာမြို့ခံ သတင်းစာဆရာ စာရေးဆရာ ဦးတင်လှိုင်ကတော့ လူ ၄၀ ကျော် သတ်ဖြတ်မှုနဲ့ ဆက်နွယ်ပြီး အခုနောက်ဆုံး တရားစွဲဆိုလိုက်တာလို့ ပြောပါတယ်။

“မိတ္ထီလာမြို့မှာ အရေးအခင်းကာလ မတ်လ ၂၂ ရက်နေ့မှာ လူသတ်မှု ကျူးလွန်ခဲ့ကြတယ်ဆိုတဲ့ ရန်မျိုးအောင်ရပ်ကွက်က ကျော်လင်းဦး ၃၃ နှစ်၊ အောင်လင်းဦး ခေါ် ဖိုက်တာ ၁၇ နှစ်၊ ဇော်လင်း ၃၆ နှစ်၊ ကိုနိုင် ခေါ် ကျော်နိုင် ၄၄ နှစ်၊ စောဋ္ဌေးဦး ၃၉ နှစ်၊ ဆံရှည် ခေါ် ကျော်လှ ၄၂ နှစ်၊ မျိုးဇော် ၃၆ နှစ်၊ ပြည်ဖြိုးအောင် ၂၁ နှစ်၊ မောင်မောင်သိန်း ခေါ် မောင်သိန်း ၄၅ နှစ်၊ လှမျိုး ၂၄ နှစ်၊ သီဟ ၃၂ နှစ်၊ ကျော်ဋ္ဌေး ခေါ် ကျော်စိန်ဝင်း ၂၉ နှစ်၊ ပိုက်ထွေး ၂၃ နှစ်၊ ကျော်စွာ ခေါ် မိုဟာမက်အလီ ၃၂ နှစ်၊ အောင်ထွန်း ၂၄ နှစ် တို့ကို အမှတ် ၂ ရဲစခန်းက ရဲအုပ်မြင့်သန်းက ဧပြီလ ၈ ရက်နေ့က ဖမ်းဆီးခဲ့တယ်။ ဖမ်းပြီးတော့ သူတို့ကို ပုဒ်မ ၃၀၂၊ ၄၃၆၊ ၄၂၅၊ ၄၁၄ တွေနဲ့ အမှုဖွင့်ခဲ့တယ်။ ကျန်တရားခံများဖြစ်တဲ့ ချစ်မင်း ၃၀ နှစ်၊ သက်ဦးပိုင် ၂၂ နှစ်၊ ဖိုးသား ၂၁ နှစ်၊ မျိုးကြီးနဲ့ ၀င်းဇော်တို့က ထွက်ပြေးတဲ့ သူတို့ကို တရားခံပြေးအဖြစ် အမှုဖွင့် အရေးယူထားပါတယ်။”

မိတ္ထီလာမြို့မှာ ဆူပူအကြမ်းဖက်မှုအတွင်း လုယက်မှု စွဲချက်နဲ့ ၁၆ ဦး၊ နာကျင်စေမှုနဲ့ ၃ ဦး၊ မီးရှို့မှုနဲ့ ၃ ဦး၊ ပြည်သူပိုင်ပစ္စည်း ဖျက်ဆီးမှု ၆၁ နဲ့ တစ်ဦး၊ ဦးဇင်း ဦးသောဘိတ အမည်ရတဲ့ သံဃာတစ်ပါးကို သတ်မှုနဲ့ ၁၁ ဦး၊ အကျိုးဖျက်ဆီးမှုနဲ့ ၁၀ ဦး၊ အဓိကရုဏ်းအတွင်း လူ ၄၀ ကျော် အသတ်ခံရမှုနဲ့ ၃၄ ဦး အားလုံးပေါင်း ၇၄ ဦးကို ဖမ်းဆီးအရေးယူထားခဲ့ပြီး ဧပြီလ ၅ ရက်နေ့ကစပြီး တရားရုံးတင် စစ်ဆေး နေခဲ့တာ ဖြစ်ပါတယ်။ အခု လူသတ်မှု တရားခံတွေအဖြစ် စွပ်စွဲခံထားရသူတွေကိုတော့ ပုဒ်မ ၃၀၂ အပါအ၀င် တခြားပုဒ်မတွေနဲ့ တရားရုံးတင်ခဲ့တာ ဖြစ်တယ်လို့ ဆိုပါတယ်။

“ပုဒ်မ ၃၀၂၊ ၄၃၆၊ ၄၂၇၊ ၁၁၄ မိတ္ထီလာခရိုင်တရားရုံးကို တရားစွဲတင်ဖို့၊ မိတ္ထီလာခရိုင် တရားရုံးကနေပြီးတော့ ပြစ်မှုကြီးအမှတ် ၃၁/၂၀၁၃ နဲ့ လက်ခံကြားနာ စစ်ဆေးပြီး အမှုကို မေလ ၁၆ ရက်နေ့မှာ ဆက်လက် စစ်ဆေးဖို့ ချိန်းဆိုလိုက်တယ်လေ။”

မိတ္ထီလာ အဓိကရုဏ်း စတင်ဖြစ်ပွားခဲ့ရာနေရာက နယူးဝိန့်စိန် ရွှေဆိုင်ပိုင်ရှင် ၂ ဦးနဲ့ အလုပ်သမားတစ်ဦးကိုတော့ ဧပြီလကပဲ ထောင်ဒဏ် ၁၄ နှစ်စီ ချလိုက်ပြီး၊ ဘုန်းကြီး ဦးသောဘိတ ကို သတ်ဖြတ်မှုနဲ့ လူ ၇ ဦးကိုတော့ လူသတ်မှုပုဒ်မတွေနဲ့ စွဲချက်တင်ခဲ့ပြီး နှစ်ဘက် တရားလို တရားခံရှေနေ့တွေ လျှောက်လှဲစေခဲ့တာပါ။

မေလ ၆ ရက်နေ့က မြန်မာသမ္မတ ဦးသိန်းစိန်ရဲ့ မိန့်ခွန်းထဲမှာတော့ ရခိုင်ပြည် အဓိကရုဏ်း အပါအ၀င် နောက်ဆက်တွဲ ဖြစ်ရတဲ့ မိတ္ထီလာနဲ့ ဥက္ကံ အဓိကရုဏ်းတွေနဲ့ ပတ်သက်လို့ ပြောကြားရာမှာ တာဝန်ရှိတဲ့ လုံခြုံရေး အဖွဲ့အစည်းတွေအနေနဲ့ တည်ငြိမ်အေးချမ်းရေးနဲ့ တရားဥပဒေ စိုးမိုးရေး ကိစ္စရပ်များမှာ အပြည့်အဝ ပူးပေါင်း အကောင်အထည် ဖော်နိုင်ရေးအတွက် နိုင်ငံတော်သမ္မတရဲ့ လုပ်ပိုင်ခွင့်၊ အခွင့်အာဏာ များ အသုံးပြု ဆောင်ရွက်သွားမှာ ဖြစ်တယ်လို့ ပြောဆိုလိုက်ပြီး လုံခြုံရေး အဖွဲ့အစည်းများအနေနဲ့လည်း ပြည်သူ့ဝန်ထမ်း ကျင့်ဝတ်နှင့်အညီ ဘက်လိုက်မှုမရှိဘဲ ဥပဒေအရ တိတိကျကျ လိုက်နာဆောင်ရွက် စေ ဖို့ကို လည်း ညွှန်ကြားအမိန့်ပေးထားပြီး ဖြစ်တဲ့အကြောင်း ပြောကြားသွာပါတယ်။

ပဋိပက္ခများအတွင်း ဖြစ်ပွားခဲ့တဲ့ ဥပဒေ ချိုးဖောက်မှုတွေကိုလည်း ဘက်လိုက်မှု မရှိစေဘဲ ထိရောက်စွာ အရေးယူသွားမှာ ဖြစ်ပါတယ်လို့ ပြောဆိုသွားပါတယ်။


Ref: ဗွီအိုအေ

Read More...

ဆိုက်ဘာတိုက်ခိုက်မှု အမေရိကန်စွပ်စွဲချက် တရုတ်ပယ်ချ

08.05.2013

တရုတ်အနေနဲ့ Cyber အင်တာနက်ဆိုင်ရာ မသမာမှုတွေလုပ်ပြီး၊ အမေရိကန် ပြည်ထောင်စုရဲ့ နိုင်ငံခြားရေးမူဝါဒနဲ့ စစ်ရေးစီမံကိန်းတွေကို ရယူဖို့ ကြိုးစားတယ်ဆိုတဲ့ အမေရိကန် ကာကွယ်ရေး ၀န်ကြီးဌာန အစီရင်ခံချက်ကို တရုတ်နိုင်ငံက ငြင်းပယ်လိုက်ပါတယ်။

အမေရိကန် ကာကွယ်ရေးဌာနရဲ့ စွပ်စွဲချက်တွေဟာ အခြေအမြစ်မရှိဘဲ တာဝန်မဲ့ရာကျပြီး၊ တရုတ် အမေရိကန် ဆက်ဆံရေးကို ထိခိုက်စေလိမ့်မယ်လို့ အင်္ဂါနေ့ သတင်းစာ ရှင်းလင်းပွဲမှာ တရုတ်နိုင်ငံခြားရေး ၀န်ကြီးဌာန ပြောခွင့်ရသူ ဟူ ချွန်းယွမ် (Hua Chunying) က ပြောသွားပါတယ်။

တနင်္လာနေ့တုန်းက အမေရိကန် ကာကွယ်ရေးဌာန ထုတ်ပြန်ချက်ထဲမှာတော့ အမေရိကန်အစိုးရ ကွန်ပြူတာစနစ်တွေကို ဆိုက်ဘာ တိုက်ခိုက်မှုတွေရှိခဲ့ပြီး၊ ဒါဟာ တရုတ်အစိုးရနဲ့ စစ်ရေးအဖွဲ့အစည်းတွေက တိုက်ရိုက်လုပ်ဆောင်ပုံရတယ်လို့ ဖော်ပြ ပါတယ်။

တရုတ်အခြေစိုက် ကွန်ပြူတာ ဟက်ကာတွေရဲ့ လုပ်ဆောင်ချက်တွေအပေါ်မှာ အမေရိကန် တာဝန်ရှိသူတွေရဲ့ ဝေဖန်ပြစ်တင်မှုတွေ အခု ပိုတိုးလာနေပါတယ်။ ဒါပေမဲ့လည်း တရုတ်အစိုးရကို တိုက်ရိုက် ဝေဖန်စွပ်စွဲတာမျိုးကိုတော့ အများစု အခြေအနေမှာ ရှောင်ပါတယ်။

ဒါဟာ ပြဿနာကို ဖြေရှင်းနိုင်ရေး ဆွေးနွေးမှုတွေ လုပ်ဖို့လို့ မျှော်လင့်ချက်နဲ့ပါ။ ဗြိတိန်က Nottingham တက္ကသိုလ်က တရုတ်ပညာရှင် စတိ စန် (Steve Tsang) ကတော့ အမေရိကန် ကာကွယ်ရေးဌာနအနေနဲ့ အခုလို ပြင်းထန်တဲ့ စွပ်စွဲချက်တွေ လုပ်ဖို့ ခိုင်လုံတဲ့ အထောက်အထားတွေ ရှိရမှာ ဖြစ်တယ်လို့ သူထင်တဲ့အကြောင်း ဗွီအိုအေကို ပြောပါတယ်။


Ref: ဗွီအိုအေ

Read More...

ဘင်္ဂလားဒေ့ရှ် အဆောက်အဦးပြိုကျမှု သေဆုံးသူ ၇၀၀ ကျော်ပြီ

08.05.2013

ဘင်္ဂလားဒေ့ရ်ှနိုင်ငံမှာ ဖြစ်ပွားခဲ့တဲ့ အထည်ချုပ်စက်ရုံ အဆောက်အဦး ပြိုကျမှုမှာ သေဆုံးသူအရေအတွက် ၇၀၀ ကျော်သွားပြီဖြစ်ပြီး၊ ကယ်ဆယ်ရေး လုပ်သားတွေကတော့ အပြိုအပျက်ပုံတွေအောက်က လူသေအလောင်းတွေကို ဆက်ပြီး ရှာဖွေနေဆဲ ဖြစ်ပါတယ်။

အင်္ဂါနေ့မှာလည်း အပြိုအပျက်ပုံတွေအောက်က လူသေအလောင်းတွေ ထပ်ရှာတွေ့ခဲ့တယ်လို့ ရဲကပြောပြီး သေဆုံးရသူအရေအတွက် ၇၀၅ ဦးလို့ အတည်ပြုခဲ့ပါတယ်။

ဧပြီလ ၂၄ ရက်နေ့က အဲ့ဒီဖြစ်ရပ်ကြောင့် သေဆုံးသူတွေရဲ့ ရုပ်အလောင်းတွေကို ဘယ်သူဘယ်ဝါ ဖြစ်တယ်ဆိုတာပြောဖို့ ပိုပြီး ခက်လာတယ်လို့ အာဏာပိုင်တွေက ပြောပါတယ်။ အများအားဖြင့် သေဆုံးသူ တွေရဲ့ အိတ်တွေထဲမှာတွေ့ရတဲ့ မှတ်ပုံတင်တွေ လက်ကိုင်ဖုံးတွေကိုကြည့်ပြီးပဲ ဘယ်သူဘယ်ဝါဆိုတာ ပြောနေရတယ်လို့ ဆိုပါတယ်။

အဲ့ဒီ အထည်ချုပ်စက်ရုံ ပြိုကျမှုဟာ သိပ်ပြီးစိုးရိမ်မရာ မရှိပါဘူး။ ဒါဟာ မတော်တဆ ထိခိုက်မှုပါလို့ ဘင်္ဂလားဒေ့ရှ် ဘဏ္ဍာရေးဝန်ကြီးက အရင်တစ်ပတ်ကပဲ ပြောသွားပါ တယ်။ အဲ့ဒီဖြစ်ရပ်ကြောင့် နိုင်ငံခြား အထည်ချုပ်ကုမ္ပဏီတွေ ပြန်ထွက်သွားမှာ မစိုးရိမ်ပါဘူး၊ ဒီလို ဖြစ်ရပ်မျိုးက နေရာတိုင်းမှာ ဖြစ်တာပါလို့ သူက ပြောပါတယ်။

ဘင်္ဂလားဒေ့ရ်ှနိုင်ငံရဲ့ ဒေါ်လာသန်း ၂ သောင်းဖိုးရှိတဲ့ အထည်ချုပ်လုပ်ငန်းဟာ နိုင်ငံ ပြည်ပပို့ကုန် ပမာဏရဲ့ ၈၀ ရာခိုင်နှုန်း ရှိပါတယ်။ နိုင်ငံခြား အဝတ်အထည် ကုမ္ပဏီ အများအပြားကလည်း သေဆုံးသူတွေရဲ့ မိသားစုတွေကို ထောက်ပံ့ပါမယ်လို့ ကတိပြုထားပါတယ်။

ဒီဖြစ်ရပ်ကြောင့် လူအနည်းဆုံး ၉ ဦးကို ဖမ်းဆီးထားပါတယ်။ အဲ့ဒီထဲမှာ ပြုိကျတဲ့ အဆောက်အဦးပိုင်ရှင်၊ အဲ့ဒီ အဆောက်အဦးမှာရှိတဲ့ စက်ရုံတွေရဲ့ ပိုင်ရှင်တွေနဲ့ အဲ့ဒီ အဆောက်အဦး တည်ဆောက်မှု အတွက် တာဝန်ရှိတဲ့ အင်ဂျင်နီယာတွေ ပါဝင်ပါတယ်။


Ref: ဗွီအိုအေ

Read More...

အိုဘားမားနဲ့ တောင်ကိုရီးယားသမ္မတ မြောက်ကိုရီးယားအရေး ရပ်တည်ချက်တူ

08.05.2013

သမ္မတ ဘရက်ခ် အိုဘားမား (Barack Obama) ဟာ တောင်ကိုရီးယား သမ္မတ ပခ့် ဂွန် ဟဲး (Park Geun-Hye) ကို သမ္မတ အိမ်ဖြူတော်မှာ ဧည့်ခံတွေ့ဆုံခဲ့ပြီး၊ မြောက်ကိုရီးယား အရေးနဲ့ နျူကလီးယား ခြိမ်းခြောက်မှု ကိစ္စရပ်တွေကို အလေးပေး ဆွေးနွေးခဲ့တယ်လို့ မျှော်လင့်ရပါတယ်။

အမေရိကန် ပြည်ထောင်စုအနေနဲ့ တောင်ကိုရီးယားနိုင်ငံ ကာကွယ်ရေးအတွက် ထပ်မံ ကတိပေး ပြောဆိုခဲ့တဲ့ဆွေးနွေး ပွဲဖြစ်တယ်လို့ သမ္မတ အိမ်ဖြူတော် အရာရှိတွေက ပြောပါတယ်။

တောင်ကိုရီးယားသမ္မတ ပခ့် ဂွန် ဟဲး (Park Geun-Hye) ဟာ အမေရိကန်ပြည်ထောင်စုကို ၅ ရက်ကြာခရီး ရောက်ရှိနေတာဖြစ်ပြီး၊ တနင်္လာနေ့တုန်းကတော့ နယူးယောက်မြို့ ကုလသမဂ္ဂဌာနချုပ်မှာ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) နဲ့ တွေ့ဆုံပါတယ်။

မြောက်ကိုရီးယားရဲ့ ရန်စမှုတွေကို တုံ့ပြန်ရာမှာ အလေးအနက်ရှိပြီး အတိုင်းအတာ ဆောင်တယ်လို့ တောင်ကိုရီးယား သမ္မတကို အတွင်းရေးမှူးချုပ် ဘန်ကီမွန်း က ချီးကျူးခဲ့ပါတယ်။ မြောက်ကိုရီးယားဘက်ကတော့ အခုအခါမှာ ရန်စပြောဆိုတာတွေ တဖြေးဖြေးနဲ့ လျော့လာပါတယ်။

ဒီ့မတိုင်ခင် ရက်သီတင်းပတ် အတော်များများမှာတော့ အမေရိကန်ပြည်ထောင်စု နဲ့ တောင်ကိုရီးယားတို့ကို နျူကလီးယားနဲ့ မြေပြင်တိုက်ခိုက်မှုတွေ လုပ်မယ်ဆိုပြီး ခြိမ်းခြောက်ပြောဆိုမှုတွေ လုပ်ခဲ့တာပါ။

မြောက်ကိုရီးယားဟာ သူတို့ရဲ့ တာလတ်ပစ် ဒုံးကျည်နှစ်စင်းကို မူလ တင်းမာမှု အနေအထားကနေ အခု နေရာပြောင်းလိုက်ပြီလို့ ယုံကြည်ရတဲ့အကြောင်း အမေရိကန် တာဝန်ရှိသူတွေက ပြော ပါတယ်။ ဒါကြောင့် ကိုရီးယားကျွန်းဆွယ် တင်းမာမှုဟာ ပြေလျော့လာမယ့်ပုံတော့ ရှိလာပါတယ်။


Ref: ဗွီအိုအေ

Read More...

ကော်မရှင် အကြံပြုချက်အရ နယ်စပ်လုံခြုံရေး တင်းကျပ်မည်

နန်းဆိုင်နွမ်| May 7, 2013

ရခိုင်ပြည်နယ် ပဋိပက္ခများ စုံစမ်းရေး ကော်မရှင်၏ အကြံပြုချက်အရ ပဋိပက္ခများ ပိုမိုဆိုးရွားမလာစေရန် တရားမ၀င် ဆက်လက် ၀င်ရောက်လာသူများကို ဟန့်တားရေးနှင့် ထိရောက်စွာ အရေးယူရန် တို့အတွက် လိုအပ်သည့် လုံခြုံရေးဆိုင်ရာ အစီအမံများ ချမှတ်သွားမည်ဟု သမ္မတ ဦးသိန်းစိန်က ပြောသည်။

ယမန်နေ့ည ၈ နာရီတွင် ရခိုင်ပြည်နယ် ပဋိပက္ခများ စုံစမ်းရေး ကော်မရှင်၏ အစီရင်ခံစာနှင့် စပ်လျဉ်း၍ ရုပ်သံမှတဆင့် ပြောကြားသော မိန့်ခွန်းတွင် “အစိုးရအနေနဲ့ ရခိုင်ပြည်နယ်အတွင်မှာ မူလက ရောက်ရှိ နေကြတဲ့ အစ္စလမ်ဘာသာ ကိုးကွယ်သူများအား လူသားချင်း စာနာထောက်ထားသည့်အနေဖြင့် သူတို့ရဲ့ အခြေခံရပိုင်ခွင့်များနဲ့ အခွင့်အရေးများကို လက်တွေ့အကျဆုံး နည်းလမ်းများနဲ့ အရေးယူ ဆောင် ရွက်သွားမှာ ဖြစ်သလို ရခိုင်တိုင်းရင်းသားများရဲ့ ခံစားမှုနှင့် လိုလားချက်များကိုလည်း လုံးဝလျစ်လျူရှုမှာ မဟုတ်ကြောင်း” ဟုလည်း သမ္မတ ဦးသိန်းစိန်က ထည့်သွင်း ပြောကြားသွားသည်။

ထို့အပြင် နိုင်ငံသား ဖြစ်ခွင့်ရှိသူများ နိုင်ငံသားဖြစ်ရေး ကိစ္စရပ်များကိုလည်း ရေတို ရေရှည် စီမံချက်များ ချမှတ် ဆောင်ရွက်သွားမည်ဟု ဆိုသည်။

ရခိုင်ပြည်နယ် ပဋိပက္ခများ စုံစမ်းရေး ကော်မရှင်၏ အကြံပြုချက်များအနက် အဓိက အချက်များတွင် ပထမဆုံး ဆောင်ရွက်ရမည့် အချက်မှာ နယ်မြေဒေသ တည်ငြိမ်အေးချမ်းရေးနှင့် ပဋိပက္ခများ ထပ်မံ မဖြစ်ပွားရေးအတွက် တရားဥပဒေ စိုးမိုးရေး အစီအမံများ ချမှတ်ဆောင်ရွက်ရေး ဖြစ်ကြောင်း သမ္မတ ဦးသိန်းစိန်က ပြောသည်။

ပဋိပက္ခကြောင့် အိုးအိမ် မီးရှို့ခံရသူများ၊ အိုးအိမ်စွန့်ခွာ နေရသူများသည် ပဋိပက္ခ ဆက်လက် ဖြစ်ပွားလာမည်ကို စိုးရိမ်နေကြကြောင်း၊ ဘူးသီးတောင် မောင်တောဒေသများတွင် လုံခြုံရေးကို ယခင်ကထက် ရခိုင်အမျိုးသား ဒီမိုကရေစီ အဖွဲ့ချုပ် ဥက္ကဌ ဦးအေးသာအောင်က ဆိုသည်။

ဦးအေးသောအောင်က ဆက်လက်၍ “တရားမ၀င် ၀င်ရောက်မလာဖို့အတွက် နယ်စပ်လုံခြုံရေးကို ပိုချပေးဖို့၊ နယ်စပ်လုံခြုံရေး ယူထားတာ မလုံလောက်မှု၊ နယ်စပ်မှာ သံစည်းရိုးနဲ့သာ ခံထားတဲ့အတွက် ကျူးကျော်တဲ့သူတွေက နည်းမျိုးစုံ ကျော်တက်လာလို့ရတယ်။ လုံခြုံရေးကို တင်းတင်းကျပ်ကျပ် လုပ်သင့်တယ်” ဟု ဦးအေးသာအောင်က ပြောသည်။

မြန်မာနိုင်ငံလုံးဆိုင်ရာ မော်လ၀ီအဖွဲ့ချုပ် အထွေထွေအတွင်းရေးမှူး ဦးရဲနောင်သိန်းက “ကျနော်တို့ နယ်စပ်ကတော့ ကျနော်တို့ ထိန်းသိမ်းရမယ်လေ။ တရားမ၀င် ခိုးဝင်လာတဲ့သူကို တင်းကျပ်စွာတား မြစ်ရမယ်။ ထိရောက်တဲ့ ဥပဒေနဲ့အညီ အရေးယူရမှာပေါ့” ဟု ပြောသည်။

ဒီမိုကရေစီ ပြုပြင်ပြောင်းလဲရာတွင် နိုင်ငံသားတိုင်း မိမိတို့ ယုံကြည်ရာ ဘာသာတရားကို လွတ်လပ်စွာ ရွေးချယ်ကိုးကွယ်ပိုင်ခွင့်နှင့် လွတ်လပ်စွာ ထုတ်ဖော်ပြောဆိုခွင့် ရရှိစေရန်လည်း ကြိုးပမ်းဖော်ဆောင် ကြောင်း သမ္မတ ဦးသိန်းစိန်က မိန့်ခွန်းတွင် ထည့်သွင်းပြောကြားသည်။

ထို့အပြင် ပဋိပက္ခများအတွင်း ဖြစ်ပွားခဲ့သော ဥပဒေ ချိုးဖောက်မှုများကိုလည်း ဘက်လိုက်မှု မရှိစေဘဲ ထိရောက်စွာ အရေးယူသွားမည်ဟုလည်း ပြောဆိုခဲ့သည်။

သို့သော် ပြီးခဲ့သည့် လပိုင်းက မြန်မာနိုင်ငံ အလယ်ပိုင်းတွင် ဖြစ်ပွားခဲ့သည့် ပဋိပက္ခများတွင် လုံခြုံရေးတပ်ဖွဲ့များ၏ ထိရောက်စွာ မကိုင်တွယ်နိုင်ခဲ့မှုအပေါ် ဝေဖန်မှုများလည်း ထွက်ပေါ်နေသည်။

သမ္မတ ဦးသိန်းစိန်က ရခိုင်ပြည်နယ် ပဋိပက္ခများနှင့် ပတ်သက်၍ အစိုးရအနေဖြင့် လက်တွေ့ကျသော နည်းလမ်းများနှင့် ကိုင်တွယ် ဖြေရှင်းပြီး အနာဂတ်တွင် ငြိမ်းချမ်းစွာ အတူယှဉ်တွဲ နေထိုင်နိုင်သည့် လူ့အဖွဲ့အစည်း ပေါ်ပေါက်ရေးကို ရှေးရှုကြောင်း ပြောကြားသွားသည်။ ထို့အပြင် စိတ်ခံစားမှုများကို ရှေ့တန်းတင်ခြင်းနှင့် လွဲမှားသော အယူသီး အစွန်းရောက် လုပ်ရပ်များကြောင့် ဆုံရှုံးမှုနှင့် အန္တရာယ်များ ကြုံတွေ့နိုင်ကြောင်း၊ အလားတူ ပဋိပက္ခများ မဖြစ်ပွားစေရန် တဦးချင်းစီတွင် တာဝန်ရှိကြောင်းလည်း ထည့်သွင်းပြောကြားသည်။

မြန်မာနိုင်ငံလုံးဆိုင်ရာ မော်လ၀ီအဖွဲ့ချုပ် အထွေထွေအတွင်းရေးမှူး ဦးရဲနောင်သိန်းက ဘာသာတချို့၏ အယူသီးမှု၊ အစွန်းရောက်မှုကြောင့် ဘာသာတခုနှင့်တခု ပေါင်းစည်းမှု ခက်ခဲကြောင်း၊ မြန်မာ နိုင်ငံထဲ တွင် အတူတကွနေထိုင်ပြီး တဦးကိုတဦး အသားအရေ၊ လူမျိုးဘာသာ မခွဲခြားဘဲ ငါ့တိုင်းငါ့ပြည်ဟု သဘောထား နေထိုင်ကြမည်ဆိုပါက ဘာသာရေး ပဋိပက္ခဖြစ်လာမည် မဟုတ်ကြောင်း ဆိုသည်။

ပဋိပက္ခများ ဖြစ်ပွားခဲ့ရခြင်းနှင့် ပတ်သက်၍ သမ္မတ ဦးသိန်းစိန်က သမိုင်းကြောင်းနှင့် ချီ၍ ဒီမိုကရေစီရေချိန် နိမ့်ပါးခြင်း၊ ပွင့်လင်းလွတ်လပ်သည့် လူ့အဖွဲ့အစည်းကို မတည်ဆောက်နိုင်ခြင်း စသည့်အချက် များကို ထောက်ပြပြောဆိုသွားသည်။

ရခိုင်ပြည်နယ် ပဋိပက္ခ ဒုက္ခသည် ၁ သိန်းကျော်နှင့် စပ်လျဉ်း၍ မိုးမကျမီ အမိုးအကာအောက် ရောက်ရှိရေး၊ ကလေးသူငယ်များ အဟာရပြည့်ရေး၊ စိတ်ပိုင်းဆိုင်ရာ နာကျင်မှုများနှင့် မလုံခြုံမှုများ ကုစားရေး၊ ကူးစက်ရောဂါများ ဟန့်တားရေးတို့ကို သမ္မတ ဦးသိန်းစိန်က ပြောဆိုသွားသည်။ ထို့အပြင် ယင်းသို့ ပြန်လည် ထူထောင်မှုများတွက် နိုင်ငံတကာ အကူအညီများကို ရယူသွားမည်ဟု ပြောကြားသည်။

ရခိုင်ပြည်နယ် ပဋိပက္ခများ ဖြစ်ပွားပြီးနောက် NGO များ၊ နိုင်ငံတကာ NGO များကို ယင်းဒေသများသို့ ဝင်ရောက်ခွင့် မပေးမှုနှင့် ပတ်သက်၍ မြန်မာအစိုးရသည် ဝေဖန်မှုများ ခံခဲ့ရသည်။ သမ္မတ ဦးသိန်းစိန်၏ မိန့်ခွန်းတွင်မူ လူသားချင်း စာနာထောက်ထားမှု အကူအညီပေးရေးဆိုင်ရာ ခေါင်းစဉ်နှင့် ရခိုင်ဒေသသို့ ဝင်ရောက်လုပ်ကိုင်ခဲ့သည့် နိုင်ငံတကာ အဖွဲ့အစည်းအချို့၏ လုပ်နည်းကိုင်နည်း အမှားများကြောင့် ပြဿနာများ ပိုမိုရှုပ်ထွေး နက်ရှိုင်းခဲ့သည်ဟု ဝေဖန်ထားသည်။

ရခိုင်ပြည်နယ်တွင် ဖြစ်ပွားခဲ့သည့် ပဋိပက္ခများနှင့် ပတ်သက်၍ လူပေါင်း ၂ ထောင်ကျော်အား ကွင်းဆင်း မေးမြန်းချက်များအပေါ် အခြေခံသည့် အစီရင်ခံစာကို ရခိုင်ပြည်နယ် ပဋိပက္ခများ စုံစမ်းရေး ကော်မရှင်က အများပြည်သူသို့ ဧပြီ ၂၉ ရက်နေ့တွင် ထုတ်ပြန်ခဲ့သည်။

အစီရင်ခံစာတွင် ဖော်ပြချက်အရ ၂၀၁၂ ခုနှစ် ပဋိပက္ခများအတွင်း လူပေါင်း ၁၉၂ ဦး သေဆုံးပြီး ၂၆၅ ဦး ဒဏ်ရာရရှိခဲ့ကာ နေအိမ်ပေါင်း ၈၆၁၄ လုံး ပျက်စီးခဲ့ကြောင်း သိရသည်။

Ref: ဧရာဝတီ

Read More...

ရဲတွေက စရိုက်တာဟု မွန်လူငယ်များ ပြော

စနေလင်း
May 7, 2013

မွန်ပြည်နယ် မော်လမြိုင်မြို့ ရိုးဂိုရွာတွင် ဖြစ်ပျက်ခဲ့သော သင်္ကြန် နှစ်ဆန်း ၁ ရက်နေ့တွင် ရဲနှင့် ဒေသခံလူငယ်များ အပြန်အလှန် ရိုက်နှက်မှုတွင် ရဲဘက်မှ စတင်ခဲ့ခြင်းဖြစ်သောကြောင့် ယခုလို ပဋိပ က္ခဖြစ်ခဲ့ရပြီး ဖမ်းဆီးထားသော လူငယ် ၁၁ ဦးကို ပြန်လည်လွှတ်ပေးရန် မွန်လူငယ်ဖိုရမ်က တောင်းဆိုလိုက်သည်။

ထို့အပြင် ဖမ်းဆီးထားသော လူငယ်များတွင် အသက်မပြည့်သူ အများစုဖြစ်ပြီး ဖမ်းဆီးချုပ်နှောင်ထားစဉ် ညှဉ်းပမ်းနှိပ်စက်မှုများလည်း တွေ့ရကြောင်း မွန်လူငယ်ဖိုရမ် တာဝန်ခံ မင်းဉာဏ်သိုက်ရာမာန်က ဧရာဝတီသို့ ပြောသည်။

ဖြစ်စဉ်များကို ပြန်ကြည့်လျှင် မွန်အမျိုးသားအလံကိုင်လာသော လူငယ်များသည် ရိုးဂိုရွာထဲသို့ မရောက်မီ လုံခြုံရေးဂိတ် ၂ ခုမှ တုတ် ဓား လက်နက်များကို စစ်ဆေးရာတွင် အလံကိစ္စကို ခွင့်ပြုခဲ့ပြီးမှ ရွာထဲသို့ ရောက်လာခဲ့ခြင်းဖြစ်ကြောင်း၊ အလံကို ရဲတပ်ဖွဲ့မှ ရဲအုပ်မြင့်နိုင်ဆိုသူက အမျိုးသားအလံကို ပုတ်ခတ်ပြောဆိုခဲ့ပြီး သိမ်းဆည်း ဆုတ်ဖြဲခဲ့သောကြောင့် လူငယ် များမှ အလံပြန်တောင်းခဲ့ရာ ရဲအုပ်မြင့်နိုင်က လူငယ်များကို စတင်ရိုက်ပုတ်ခဲ့ခြင်းဟု ၎င်းက ဆိုသည်။

“ ရဲတွေဘက်က သတင်းထုတ်ပြန်တာ မမှန်ဘူး။ လူငယ်တွေက စတာ မဟုတ်ဘူး။ အဲဒီရဲအုပ်က လူငယ်တွေကို စတင်ရိုက်ပုတ်တဲ့တွက် လူငယ်တွေက ပြန်လုပ်တာ။ ဒါ့ကြောင့် ဖမ်းထားတဲ့ လူ ၁၁ ဦးကို ပြန်လွှတ်ပေးဖို့၊ လူမျိုးရေးကို ပုတ်ခတ်ပြောတဲ့အပြင် တိုင်းရင်းသားစည်းလုံးညီညွတ်မှုကိုပါ ထိခိုက်အောင် ပဋိပက္ခကို စတင်ခဲ့တဲ့ ရဲအုပ်မြင့်နိုင်ကို အရေးယူဖို့ တောင်း ဆိုလိုက်တာ ” ဟု မင်းဉာဏ်သိုက် ရာမာန်က ပြောသည်။

ထို့အပြင် ဖမ်းဆီးထားသော ၁၁ ဦးတွင် အသက်ပြည့်သောသူ ၃ ဦးသာပါဝင်ပြီး ထိုအထဲမှ အသက် ၁၅ နှစ်အရွယ် ၉ တန်းကျောင်းသား တစ်ဦးလည်း ပါဝင်ကြောင်း၊ ထိုကလေးကို ရုံးထုတ်ရာတွင် ကလေး၏ ကိုယ်ခန္ဓာ၌ အပ်နှင့်ထိုးသော ဒဏ်ရာများ၊ လျှပ်စစ်ဖြင့် တို့ထားသော ဒဏ်ရာများဟု ယူဆရသော ဒဏ်ရာတချို့ကိုတွေ့ရကြောင်း၊ ကလေးများအနေ ဖြင့် စိတ်ဓာတ်ရေးရာပါ ထိခိုက်ပျက်ပြားနေသော အခြေအနေကို မိဘများနှင့် မိမိတို့က စိုးရိမ်ကြောင်း မွန်လူငယ်ဖိုရမ်မှ တာဝန်ခံတစ်ဦးဖြစ်သည့် မိစန္ဒာနွန်ကလည်း ဧရာဝတီသို့ ပြောသည်။

အခင်းဖြစ်ပွားသော နေရာတွင် ရဲအုပ်မြင့်သန်းမှာ တရားဝင် တာဝန်ကျခြင်းမဟုတ်ပဲ၊ ရင်းနှီးသော ဒေသခံများထံ လာရောက်သောက်စားနေပြီး မိမိတုိ့ လူမျိုးအလံကို ကိုင်ဆောင်ကာ ဆိုင်ကယ်စီးဝင်လာသော လူငယ်များထံမှ အလံကိုလုယူ ပြီး အဆိုပါ အလံတိုင်ဖြင့် အလံကိုင်ဆောင်သူကို စတင်ရိုက်နှက်ခဲ့ခြင်းဖြစ်ကြောင်း၊ အလံကို ပြန်တောင်းရာ “ ဓမိန်း(ထမိန်)လား၊ အလံလား ” စသည်ဖြင့် အလံအပေါ် ပုတ်ခတ် ပြောဆိုပြီး ကိုယ်ထိလက်ရောက် ထိုးနှက်သဖြင့် ရိုက်ပွဲဖြစ်ပွားရခြင်းဖြစ်ကြောင်း မွန်လူငယ်ဖိုရမ်၏ ထုတ်ပြန်ချက်အရ သိရသည်။

“ ပြီးခဲ့တဲ့ အပတ်က ရုံးထုတ်တော့ မိဘတွေက သွားကြည့်ပြီး တော်တော်လေး စိုးရိမ်ရတဲ့အကြောင်း ပြောတယ်။ ကလေး တွေက စိတ်ဓာတ် တော်တော် ကျနေကြတယ်။ သူတို့ကို လွှတ်ဖို့ မရှိတော့ဘူးလား ဆိုနေကြတယ်။ သူတို့ကို နှိပ်စက်တဲ့အကြောင်းလည်း ပြောတယ် ” ဟု မိစန္ဒာနွန်က ဆိုသည်။

ထိုကိစ္စနှင့် ပက်သက်ပြီး ဧရာဝတီသတင်းဌာနမှ မုပွန်ရဲစခန်းနှင့် မော်လမြိုင်မြို့ ရဲတပ်ဖွဲ့မှူး ဒုရဲမှူးကြီး မျိုးသန့် တို့ထံသို့ ၂ ရက်တိတိ ဆက်သွယ် မေးမြန်းသော်လည်း ပြန်လည်ဖြေကြားခြင်းမရှိခဲ့ပေ။

ထိုကိစ္စနှင့် ပက်သက်ပြီး ရဲများဘက်မှ နှိပ်စက်မှုရှိ မရှိကို စုံစမ်းလေ့လာရန်လိုအပ်ကြောင်း၊ ယခင်အချိန်များက ရဲများအနေ ဖြင့် အတင်းအကြပ် ၀န်ခံရန်အတွက် ထိုသို့ ဆောင်ရွက်တတ်ကြောင်း၊ ရဲများဘက်မှ မှားယွင်းမှုရှိနေလျှင်သော်မှ မှန်ကန်မှု ရှိရန် လုပ်ကြံဖန်တီးနှိပ်စက်တတ်ကြောင်း မွန်ဒေသလုံးဆိုင်ရာ ဒီမိုကရေစီ ပါတီအတွင်းရေးမှူး ဒေါက်တာ ဗညားအောင်မိုး က ဧရာဝတီသို့ ပြောသည်။

ယခုလို မွန်လူငယ်ဖိုရမ်မှ သတင်းထုတ်ပြန်ချက်များသည် အချက်အလက် မှန်ကန်သည်ဟု ယူဆသဖြင့် ထုတ်ပြန်ခဲ့ခြင်း ဖြစ်နိုင်သော်လည်း ၎င်းအနေဖြင့် အချက်အလက် မှန်ကန်မှုရှိ မရှိ မသိသေးသော ကြောင့် မည်သို့ တွေးထင်ရမည်ကို မသိ ကြောင်း၊ သို့ရာတွင် အထောက်အထား ခိုင်လုံမည်ဆိုလျှင်တော့ မွန်လူငယ်ဖိုရမ်ဘက်ကို ထောက်ခံရမည်ဖြစ်ကြောင်း ၎င်းက ဆိုသည်။

“ တရားဥပဒေစိုးမိုးရေးက အရေးကြီးပါတယ်။ ဒီလို ကလေးတွေကို ရဲဘက်က လုပ်ခဲ့တာ မှန်မယ်ဆိုရင်တော့ လက်မခံပါ ဘူး။ ဒီလို မမှန်ကန်မှုတွေ လုပ်ခဲ့တာမှန်ရင် အစိုးရအဖွဲ့ကရော၊ လွှတ်တော်ကရော ဒါကို ဒီအတိုင်းကြည့်နေလို့ မရပါဘူး။ မှန်ကန်မှုရှိအောင် လုပ်ရမယ် ” ဟု ၎င်းက ဆက်ဆိုသည်။

Ref: ဧရာဝတီ

Read More...

ဘင်္ဂလားဒေ့ရ်ှသို့ မြန်မာသစ်များ မှောင်ခိုလမ်းကြောင်းမှ အလုံးအရင်း ဝင်

ငြိမ်းချမ်း
May 7, 2013

မြန်မာ-ဘင်္ဂလားဒေ့ရှ် နယ်စပ်ကုန်သွယ်ရေး တုံ့ဆိုင်းနေသည် ဆိုသော်လည်း မြန်မာဘက်မှ သစ်များ အလုံးအရင်းဖြင့် မှောင်ခိုလမ်းကြောင်းမှ တဆင့် ဘင်္ဂလားဒေ့ရ်ှသို့ ဝင်ရောက်နေဆဲဖြစ်ကြောင်း သတင်းရရှိသည်။

မြန်မာနိုင်ငံဘက်မှ ဘင်္ဂလားဒေ့ရ်ှနိုင်ငံသို့ တရားမဝင်လမ်းကြောင်းမှ ဝင်ရောက်လာသော သစ်တန်ချိန် ၂ သောင်းကျော်သည် ဘင်္ဂလားဒေ့ရ်ှတွင် သစ်ဈေး ထိုးကျမှုကြောင့် တာ့ခ်နာမြို့ ကုန်သွယ်ရေးဆိပ်ကမ်းတွင် သောင်တင်နေကြောင်း သိရသည်။


သောင်တင်နေသော သစ်များတွင် ကျွန်းသစ်အများစု ပါဝင်ပြီး ရခိုင်ပြည်နယ်မှ သစ်ကုန်ကြီးတဦး၏ သစ်များက အများဆုံးဖြစ်ကာ တခြားကုန်သည်များ၏ သစ်များလည်း အနည်းအကျဉ်း ဝါဝင်သည်ဟု တာ့ခ်နာမြို့သို့ ရောက်ရှိနေသည့် မြန်မာ သစ်ကိုယ်စားလှယ်တဦးက ပြောသည်။

“ကျွန်းဆိုတာက ပြည်ဘက်ကနေ တောင်ကုတ်အထိ ကားနဲ့ယူလာပြီး အဲဒီကနေ ဘင်္ဂလာဒေ့ရ်ှကို သင်္ဘောတွေနဲ့ လာရတာဖြစ်တယ်။ အခု ဘင်္ဂလားမှာ သောင်တင်နေတဲ့ သစ်ကလည်း သူတို့သစ်တွေ ချည်းပါပဲ” ဟု ၎င်းက ဆိုသည်။

အဆိုပါ ကျွန်းခွဲသားများသည် ပဲခူးတိုင်း အနောက်ခြမ်းရှိ ပြည်၊ ပေါက်ခေါင်း၊ သာယာဝတီ၊ ပန်းတောင်း၊ ဥသျှစ်ပင်နှင့် မကွေးတိုင်း ကံမ၊ မင်းတုန်း မြို့နယ်တို့မှ ထွက်ရှိသည့် သစ်များဖြစ်ပြီး ကားများပေါ်တွင် တခြားကုန်စ္စည်းများဖြင့် ဖုံးအုပ်၍ လည်းကောင်း၊ လမ်းတလျှောက်ရှိ စစ်ဆေးရေးဂိတ်များ၌ ညှိနှိုင်း၍ လည်းကောင်း တင်ပို့ကြကြောင်း စုံစမ်းသိရှိရသည်။

ယခင်က ကျွန်းသစ် တတန်လျှင် ဘင်္ဂလားဒေ့ရှ် တာကာငွေ ၃ သိန်း (ကျပ်ငွေ သိန်း ၃၀) ပေါက်ဈေးရှိရာမှ ဧပြီလ ၁၈ ရက်နေ့မှစ၍ ကျွန်းသစ် တတန်လျှင် တာကာငွေ ၁ သိန်း (ကျပ်ငွေ ၁၀ သိန်း) ဝန်းကျင် အထိ ထိုးကျခဲ့ပြီး ရုတ်တရက် သစ်အရောင်းအဝယ် ရပ်ဆိုင်သွားခြင်း ဖြစ်ကြောင်း တာ့ခ်နာ ဆိပ်ကမ်းမှ အလုပ်သမားခေါင်းဆောင် တဦးဖြစ်သူ မူဟာမက် အစ္စမိုင်းလ်က ပြောသည်။

“ကျွန်းသစ်ဈေးက ကျသွားတော့ မြန်မာဘက်က ကုန်သည်တွေက ဈေးမကိုက်လို့ မရောင်းဘဲ ဆိပ်ကမ်းမှာပဲ အခွန်ဆောင်ပြီး ပုံထားတယ်” ဟု အဆိုပါ အလုပ်သမားခေါင်းဆောင်က ဆိုသည်။

ယခုကဲ့သို့ သစ်ဈေးထိုးကျသွားခြင်းမှာ ဘင်္ဂလားဒေ့ရ်ှနိုင်ငံအတွင်း နိုင်ငံရေးလှုပ်ရှားမှုများနှင့် မငြိမ်သက်မှုများကြောင့် လမ်းပန်းဆက်သွယ်ရေး ပုံမှန် မလည်ပတ်ရာမှ စတင်ခဲ့ခြင်း ဖြစ်ကြောင်း ဘင်္ဂလားဒေ့ရ်ှမှ သစ်ကုန်သည် နိုဒူလ် ဟူစိန်က ပြောသည်။

“ဒီမှာက အစိုးရနဲ့ အတိုက်အခံ ပါတီအကြား နိုင်ငံရေး တင်းမာမှုတွေကြောင့် ဆန္ဒပြပွဲတွေ ဆက်တိုက်ဖြစ်လာတယ်။ ဆန္ဒပြသူတွေက လမ်းပန်းဆက်သွယ်ရေး ဖြတ်တောက်ပစ်တယ်။ လမ်းပေါ်ထွက်တဲ့ကား ဆို မီးရှို့ဖျက်ဆီးတယ်ဆိုတော့ ဘယ်ကားသမားကမှ မသွားတော့ဘူး။ ဒီတော့ ပစ္စည်းမပို့ရတော့ ဈေးတွေကျကုန်တာဖြစ်တယ်” ဟု ၎င်းက ဆိုသည်။

တာ့ခ်နာမြို့ရှိ ကုန်သွယ်ရေး ဆိပ်ကမ်းတွင် ရောင်းရသည့်အချိန်၌ သစ်တတန်လျှင် တာကာငွေ ၂၅၀၀၀ (ကျပ်ငွေ ၂ သိန်းခွဲ) ကို ဘင်္ဂလားဒေ့ရှ် အကောက်ခွန်ဌာနသို့ ပေးဆောင်ရသည်ဟု တောင်ကုတ်မှ သစ်ကိုယ်စားလှယ် တဦးက ပြောသည်။

ရခိုင်ပြည်နယ်အတွင်းမှ ဘင်္ဂလားဒေ့ရ်ှနိုင်ငံ တာ့ခ်နာမြို့သို့ တရားမဝင် သစ်တင်သွင်းရာ လမ်းတလျှောက်တွင် ပင်လယ်ပြင်လုံခြုံရေး ယူထားသည့် တောင်ကုတ်၊ မယူဝ၊ ဆံတော်ရှင် စသည့်နေရာများရှိ အစိုးရ ရေတပ်သို့ စက်လှေတစီးလျှင် သစ်အမျိုးအစားနှင့် တန်ချိန်ပေါ် မူတည်ပြီး ကျပ်ငွေ ၁၀ သိန်းမှ သိန်း ၂၀ အထိ ပေးကြရကြောင်း စက်လှေပိုင်ရှင်တဦးက ပြောသည်။

“ရေတပ်တို့ နစက (နယ်စပ်ဒေသ လုံခြုံရေးနှင့် ကွပ်ကဲရေး) တို့ကို ပေးရတာပါ။ ကျွန်းသစ်ဆို ဈေးတမျိုး၊ တခြား စကားဝါတို့၊ ကညင်တိုဆို တမျိုး နောက်ပြီး စက်လှေကြီးရင် ကြီးသလို ပေးရတယ်။ စက်လှေပိုင်ရှင်နဲ့ မဆိုင်ဘူး၊ ပစ္စည်းပိုင်ရှင်ကပဲ ရှင်းရတယ်။ ကျနော်တို့ကတော့ ကုန်တင်ခယူပြီး သယ်ပို့တာပါ” ဟု အဆိုပါ စက်လှေပိုင်ရှင်က ဆိုသည်။

ဘင်္ဂလားဒေ့ရ်ှသို့ တရားမဝင် တင်သွင်းသည့် သစ်များသည် ရခိုင်ပြည်နယ် တောင်ကုတ်၊ ကျောက်ဖြူ၊ မာန်အောင်၊ ရမ်းဗြဲတို့မှ အပြင် ဧရာဝတီတိုင်းနှင့် ရန်ကုန်တိုင်းတို့မှလည်း ပါဝင်ကြောင်း သိရသည်။

မြန်မာနိုင်ငံဘက်မှ တရားမဝင် သယ်ဆောင်လာသော သစ်များသည် ဘင်္ဂလားဒေ့ရှ် ရေပိုင်နက်ထဲသို့ ရောက်ရှိပါက အဖမ်းအဆီးမရှိတော့ဘဲ ဘင်္ဂလားဒေ့ရှ် အစိုးရက အခွန်ကောက်ခံပြီး တရားဝင် ဖြစ်သွားသည်ဟုလည်း သိရှိရသည်။

မြန်မာနိုင်ငံဘက်မှ ဘင်္ဂလားဒေ့ရ်ှသို့ တရားဝင် ကုန်ပစ္စည်းများ တင်ပို့ရာတွင် ငါးစိမ်း၊ ငါးခြောက်၊ ပုစွန်၊ မတ်ပဲ၊ ဖိနပ်၊ ဝါး၊ အလှကုန်နှင့် ယိုစုံတို့ ပါဝင်ပြီး ဘင်္ဂလားဒေ့ရ်ှဘက်မှ ဘိလပ်မြေ၊ ရေအိုး၊ ရေသန့်စက် စသည်တို့ တင်သွင်းသည်။ မြန်မာနိုင်ငံဘက်ခြမ်း စစ်တွေနှင့် မောင်တောတို့တွင် လည်းကောင်း၊ ဘင်္ဂလားဒေ့ရ်ှဘက်အခြမ်း၌ စစ်တကောင်းနှင့် တာ့ခ်နာတို့တွင်လည်းကောင်း နှစ်နိုင်ငံ နယ်စပ်ကုန်သွယ်ရေး ဆိပ်ကမ်းများ ဖွင့်လှစ်ထားသည်။

ကျွန်း၊ စကားဝါ၊ ကညင်စသော သစ်များနှင့် နွားတို့ကို မြန်မာဘက်မှ ဘင်္ဂလားဒေ့ရ်ှဘက်သို့ တရားမဝင် တင်သွင်းကာ၊ ဘင်္ဂလားဒေ့ရှ် ဘက်က ဓာတ်မြေသြဇာကို မြန်မာနိုင်ငံသို့ တရားမဝင် ပြန်လည် တင်သွင်းသည်။

“တခြားကုန်သည်တွေဆိုရင် ကညင်တို့၊ စကားဝါ လောက်ကိုပဲ တင်ပို့လို့ရတယ်လေ။ အစိုးရက ချုပ်ကိုင်ထားတဲ့ ကျွန်းကို နိုင်ငံခြားကို အခုလို ကျွန်းတင်ပို့နေတဲ့ လူတွေက တရားမဝင် တင်ပို့နိုင်တာဟာ အာဏာပိုင်တွေ ပါဝင်နေတယ် ဆိုတာတော့ သေချာတယ်။ နောက်ပြီးတော့ ကုန်သည် အသေးစားတွေကျတော့ ဆိပ်ကမ်းခပေးပြီး ပုံမထားနိုင်ဘူးလေ။

ရသလောက်နဲ့ရောင်းပြီး ပြန်သွားကြတယ်။ ပစ္စည်းကလည်းနည်းတော့ သိပ်မထိခိုက်ဘူးပေါ့” ဟု တောင်ကုတ်မှ သစ်ကိုယ်စားလှယ်တဦးက ပြောသည်။

Ref: ဧရာဝတီ

Read More...

အပေါ်သို့