ချင်း အမျိုးသား ညီလာခံ ဟားခါးတွင် နှစ်မကုန်မီ ကျင်းပမည်

ထက်ထက်
မလ ၀၆ ရက် ၂၀၁၃ ခုနှစ်

ချင်း အမျိုးသား ညီလာခံကို ပြည်နယ်မြို့တော် ဟားခါး၌ ယခုနှစ် ကုန်ပိုင်းတွင်ပြုလုပ်သွားမည်ဖြစ်ကြောင်း မေလ ၂ ရက်မှ ၄ ရက်နေ့အထိ ရန်ကုန်မြိုကတွင် ကျင်းပခဲ့သည့် ညီလာခံ ဖြစ်မြောက်ရေး အစည်းအဝေးမှ ဆုံးဖြတ်သည်။

တရားဝင် နိုင်ငံရေး ပါတီများ ဖြစ်ကြသော ချင်းအမျိုးသားပါတီ၊ ချင်းတိုးတက်ရေးပါတီ၊ တိုင်းရင်းသား လူမျိုးများ ဖွံ့ဖြိုးတိုးတက်ရေးပါတီ၊ အရှိုချင်းအမျိုးသားပါတီ၊ ဇိုမီးအမျိုးသား ဒီမိုကရေစီအဖွဲ့ချုပ် တို့စုဝေး ပြုလုပ်ခဲ့သော ၎င်းအစည်းအဝေးသည် ၂၀၁၄ ခုနှစ်တွင် ပင်လုံကဲ့သို့သော တိုင်းရင်းသားပေါင်းစုံ ညီလာခံပြုလုပ်ရာ၌ ချင်းတမျိုးသား လုံးမှ တူညီသော ဦးတည်ချက်ဖြင့် စနစ်တ ကျ ဆွေးနွေးသွား နိုင်ရန် ရည်ရွယ်ကျင်းကခြင်းဖြစ်သည်။

“ညီလာခံလုပ်ဖို့ သဘောတူတယ်၊ ချင်းနိုင်ငံရေးပါတီများဘက်က လိုအပ်တဲ့ လုပ်ငန်းကော်မတီ လုပ်ဖြစ် တယ်” ဟု ချင်းအမျိုးသားပါတီမှ အတွင်းရေးမှုး-၁ ကိုငယ်ပီး က ပြောသည်။

ပါတီများ၏ လုပ်ငန်းကော်မတီတွင် ဇိုမီးအမျိုးသား ဒီမိုကရေစီပါတီမှလွဲ၍ ကျန်လေးပါတီမှ ကိုယ်စားလှယ် သုံးဦးစီဖြင့် ဖွဲ့စည်းထားကြောင်း သိရသည်။ ၎င်းကော်မတီမှ အခြားလက်နက်ကိုင် အဖွဲ့အစည်းများ၊ လူမှုရေး၊ ဘာသာရေးအဖွဲ့ အစည်းများနှင့် တွေ့ဆုံမှုများပြုလုပ်ပြီး ညီလာခံ ကျင်းပရေး အစီအစဉ်များကို ဆက်လက်လုပ်ဆောင် သွားမည်ဟုလည်း သိရသည်။

“ညီလာခံကို အောင်အောင်မြင်မြင် ကျင်းပနိုင်မယ်ဆိုရင် အစိုးရနဲ့ တိုင်းရင်းသား လက်နက်ကိုင်များ ကြားမှာ ငြိမ်းချမ်းရေး ဖော်ဆောင် နိုင်လိမ့်မယ်လို့ ယုံကြည်ပါတယ်” ဟု ချင်းတိုးတက်ရေးပါတီမှ ဒု-ဥက္ကဋ္ဌ ဦးလျန်ကြယ် က ပြောသည်။

ကျင်းပမည့် ညီလာခံတွင် အဆင်းရဲဆုံး ပြည်နယ်အဖြစ်မှ ဘယ်လို ရုန်းထကြမလဲ အဖြေရှာရန်၊ ချင်းလူမျိုးစု များသည် လက်ရှိတွင် စာရင်းအရ ၅၃ မျိုး ရှိသော်လည်း ချင်းလူမျိုးများကိုယ်တိုင်က ပြန်လည် သတ်မှတ်သော အရေအတွက်အား တင်ပြဆွေးနွေးရန်နှင့် ငြိမ်းချမ်းရေးဆိုင်ရာ အကြောင်းအရာများ စသည်တို့ ဆွေးနွေးသွား ကြမည် ဖြစ်သည်။

“ဘယ်လောက် အတိုင်းအတာအထိ ကိုယ်စားပြုနိင်မလဲ။ ကိုယ်စားပြုတဲ့အပိုင်းမှာရော ဘယ်လောက်အောင်မြင်အောင် လုပ်နိုင်မလဲဆိုတာ စိန်ခေါ်ချက်ပါပဲ” ဟုလည်း ကြုံတွေ့နိုင်သည့် အခက်အခဲအား ကိုငယ်ပီး က ပြောသည်။

လက်နက်ကိုင်အဖွဲ့အဖြစ် ချင်းအမျိုးသားတပ်ဦးမှာ လက်ရှိအစိုးရနှင့် အပစ်အခတ်ရပ်စဲထားပြီး ဖြစ်သည်။

ချင်းအမျိုးသား ညီလာခံ ကျင်းပနိုင်ပါက ဒုတိယအကြိမ်ဖြစ်လာနိုင်ပြီး ပထမအကြိမ်ကို ၁၉၄၈ ခုနှစ်၊ ဖေဖော်ဝါရီလ ၂၀ ရက်နေ့က ဖလမ်းမြို့တွင် လူ ၅,၀၀၀ ကျော် တက်ရောက်သော လူထု အစည်းအဝေးပွဲ အဖြစ် ကျင်းပနိုင်ခဲ့သည်။

ထို ဖလမ်း အစည်းအဝေးမှနေ၍ မြေရှင်ပဒေသရာဇ်စနစ်မှ အများပြည်သူရွေးကောက်သူများမှ အုပ်ချုပ်သော စနစ် သို့ ပြောင်းလဲနိုင်ခဲ့ပြီး ထိုနေ့ကိုပင် ဂုဏ်ပြု၍ ချင်းအမျိုးသားနေ့ဟု သတ်မှတ်ထားခဲ့ကြသည်။

Ref: မဇ္ဈိမ