ယမင်း(မြစ်မခ)
16 Aug, 2012
မွေးမြူရေးလုပ်ငန်းသုံးအစာဈေးကွက်တွင် ကုန်ကြမ်းရှားပါးလာခြင်းကြောင့် ပဲဖတ်နှမ်းဖတ် ဈေးနှုန်း များမှာ မြင့်တက်လျှက် ရှိသည့်အတွက် မွေးမြူရေးအစာရှာပါးမှုအခက်အခဲကြုံတွေ့နေရကြောင်း မြန်မာနိုင်ငံငါးလုပ်ငန်းအဖွဲ့ချုပ်က သိရသည်။
ဇူလိုင်လ နောက်ဆုံးပါတ်တွင် ပဲဖတ်တစ်ကီလိုလျှင် (၅၁ဝ)ကျပ်၊ နှမ်းဖတ်တစ်ကီလိုလျှင်(၅၆ဝ)ကျပ်၊ ဖွဲနုတစ်ပေါင်လျှင် (၇ဝ) ကျပ်ရှိခဲ့ရာမှ ယခုသြဂုတ်လဆန်းပိုင်းတွင် ပဲဖတ်တစ်ကီလိုလျှင် (၅၈ဝ) ကျပ်၊ နှမ်းဖတ်တစ်ကီလိုလျှင်(၅၉ဝ)ကျပ်၊ ဖွဲနုတစ်ပေါင် လျှင် (၈ဝ)ကျပ်သို့ မြင့်တက်လာခဲ့ခြင်းဖြစ်သည်။
''မြေပဲနှမ်းတွေက အလုံးလိုက် အဆန်လိုက် ပြည်ပကို တလဟောထွက်နေတော့ ပြည်တွင်းမှာ နိုင်ငံသားတွေစားတဲ့ ဆီစက် တွေမှာ ကုန်ကြမ်းမရှိတော့ပဲ ငါးမွေးတဲ့သူတွေအတွက် ငါးစာဖြစ်တဲ့ ပဲဖတ်နှမ်းဖတ်တွေလည်း ဈေးတက်လာတယ် '' ဟု မြန်မာ နိုင်ငံငါးလုပ်ငန်းအဖွဲ့ချုပ်မှ ဦးဝင်းကြိုင်က ပြောသည်။
ပြည်တွင်းစိုက်ပျိုးထွက်ကုန်ပစ္စည်းများဖြစ်သည့် ပဲ၊နှမ်းအစရှိသည့် သီးနှံကုန်ကြမ်းရှားပါးနေသည့် အတွက် ငါးအစာထုတ်လုပ်ရန် ကုန်ကြမ်းရှားပါးကာ ကုန်ကြမ်းများအား ဈေးကြီးပေးဝယ်၍ ထုတ်လုပ်နေရသောကြောင့် ငါးအစာဈေးကွက်အတွင်း ဈေးနူန်းများ မြင့်တက်ရခြင်းဖြစ်ကြောင်း မွေးမြူရေးလုပ်ငန်းရှင်များထံက သိရှိရသည်။
''အစာကုန်ကြမ်းရှားပါးလာတော့ တစ်ပါတ်နဲ့တစ်ပါတ်တောင် အစာဈေးနှုန်းကမတူဘူး။ အတက်ပဲ ရှိနေတယ်။ ပြီးခဲ့တဲ့နှစ်က ဖွဲနု၊ပဲဖတ်နှမ်းဖတ်ဈေးက သိပ်မရှိဘူး။ဒီနှစ်ကို အစာဈေးနှုန်းက သိသိ သာသာကို တက်လာတာ''ဟု ငါးပုစွန်အစာထုတ်လုပ် သူများအသင်းမှ ဒေါက်တာသက်မှူးက ပြောသည်။
ပြည်တွင်းမွေးမြူရေးအစာဈေးကွက်မှာ ပြည်ပနိုင်ငံထုတ်မွေးမြူရေး အစားစရိတ်ထက် ပိုမိုမြင့်တက်နေခြင်းကြောင့် မွေးမြူရေး လုပ်ငန်းများအတွက် အထောက်အကူပြုနိုင်သော အလုပ်ရုံဆွေးနွေးပွဲများ၊ သုသေတနပြု ဆွေးနွေးပွဲများ၊ မွေးမြူရေးလုပ်ငန်း လုပ်ကိုင်သူ အချင်းချင်းဆွေးနွေးတိုင်ပင်မူများပြုလုပ်သင့်ကြောင်း လုပ်ငန်းရှင်များက အကြံပြုပြောဆိုကြသည်။
Ref: မြစ်မခ
Read More...
Collapse...
စောဇင်ညီ(မြစ်မခ)
16 Aug, 2012
ကားအရောင်းစင်တာများမှ ကားသစ်များ အရစ်ကျ စနစ်ဖြစ်ရောင်းချရာတွင်ဝယ်ယူမည့်ကား၏ အပြင်ပေါက်ဈေးကွက် အား လေ့လာပြီးမှ ဝယ်ယူသင့်ကြောင်းကားဝယ်ရောင်းပြုလုပ်သူများများမှ သုံးသပ်သည်။
“အရစ်ကျစနစ်ကကောင်းပါတယ်။ ဘဏ်တိုးလောက်ပဲရှိတာပေါ့။ ဒါပေမဲ့ကားပေါက်ဈေးကိုတော့ လေ့လာပြီးမှဝယ်သင့်ပါတယ်။ ဘာလို့လဲဆိုတော့အပြင်ပေါက်ဈေးထက် ဈေးများနေတာတွေ ရှိလို့ပါ။” ပာု ကားအရောင်းအဝယ်ဝန်ဆောင်မှုပေးနေသူ ဦးကျော်က ပြောသည်။
အဆိုပါ အရစ်ကျရောင်းချပေးလျှက်ရှိသော ကားများသည်အပြင် ပေါက်ဈေးထက်ပိုများနေပြီး အရည်အသွေး အားနည်းမှုများရှိ ကြောင်း ကားဝယ်ရောင်းအများစုကသုံးသပ်သည်။
“အဲဒီကားတွေကို ဝယ်ပြီးသွားရင် ပြန်ရောင်းဖို့က သိပ်အဆင်မပြေဘူး။အရစ်ကျပေးနေတဲ့ အချိန်မှာလည်းဈေးကျသွားရင် အရှုံး ဘဲဖြစ်သွားမယ်။ဘယ်လို့လဲဆိုတော့ ကုမဏီနာမည်နဲ့ သူတိုက အကုန်လုံးကိုင်ထားမှာကိုး။”ပာုကားပွဲစား ဦးသန်းနိုင်က ပြောသည်။
အဆိုပါ ကားအရစ်ကျရောင်းဝယ်မှုစနစ်တွင် ၂ဝဝ၇ မော်ဒယ်များ ဖြစ်သည့်သိန်း(၅ဝ) ဝန်းကျင်ကားများအား တစ်လ (၈ သိန်း) ဝန်းကျင်ဖြင့် တစ်နှစ်နှင့်အပြတ်ရောင်းချနေခြင်းဖြစ်သည်။
''အရစ်ကျတွေက တော့ အေအေ တက္ကစီလုပ်ဖို့ အတွက်ပါ။ ဖောင်၇ဝဝတောင်ကုန်သွားပါပြီ''ပာု ဆာကူရာကား အရောင်း စင်တာမှ တာဝန်ရှိသူတစ်ဦးက ပြောသည်။
အဆိုပါ အရစ်ကျကားများရောင်းချမှုမှာ အောက်ခြေလူထုအတွက်မရှိမဖြစ်လိုအပ်လျှက်ရှိပြီးထိုနည်းတူပေါက်ဈေးပုံမှန်ဖြင့် အနည်း ဆုံး ငွေသွင်းကာလ မှာ(၂)နှစ်ခန့်ရှိသင့်ကြောင်းကိုလည်း ကားဝယ်ယူသူအများစုက အကြံပြုပြောဆိုကြသုံးသပ်သည်။
Ref: မြစ်မခ
Read More...
Collapse...
စောဇင်ညီ(မြစ်မခ)
16 Aug, 2012
ရခိုင်ပြည်နယ်အတွင်း ကြဲစပါးစနစ်ကြောင့် တတစ်ဧက စပါးအထွက်နှုန်းများ လျှော့ကျနိုင်ကြောင်း စပါးစိုက်တောင်သူများထံက သိရှိရသည်။
အဆိုပါ ကြဲစပါးမျိူးစေ့စိုက်ပျိုးခြင်းစနစ်သည် တစ်ဧကလျှင် နို့ ဆီဘူးအလုံး(၅ဝ)ဆန့် တောင်း (၅ဝ)ထွက်သော်လည်း စိုက်စပါး မျိုးကဲ့သို့ တစ်ဧကတောင်း(၆ဝ)ခန့်  မထွက်ရှိနိုင်ကြောင်း စစ်တွေမြို့ မှစပါးစိုက်တောင်သူ ကိုမောင်အေးတင်က ဆိုသည်။
“ကြဲမျိုးစပါးစနစ်က စိုက်မျိုးစပါးစနစ်ထွေက်နှုန်းလောက်တော့ထွက်နှုန်းမကောင်းဘူး။ဒီတော့ ဒီနှစ်ထွက်နှုန်းကတော့ လျှော့နိုင် မှာပဲ။”ပာု ကိုမောင်အေးတင်က ပြောသည်။
အဆိုပါ ကြဲမျိုးစပါးများစိုက်ပျိုးရန် ရခိုင်ပြည်နယ်မှလယ်စိုက်တောင်သူများအား လယ်ယာစိုက်ပျိုး ရေးဘဏ်မှ တစ်ဧကလျှင် ကျပ် (၄ဝဝဝဝ)နှုန်း ထုတ်ချေးပေးကြောင်းကိုလည်း သိရသည်။
ထိုပြင် ရခိုင်ပြည်နယ်အတွင်း ဖြစ်ပေါ်ခဲသော အခြေအနေများကြောင့် ဘင်္ဂလီရွာများနှင့် နီးသော လယ်စိုက်ဧကအချို့တွင်လုံခြုံ ရေး စိတ်မချရခြင်းကြောင့်ဒေသအချို့တွင် စိုက်ပျိုးနိုင်ခြင်းမရှိကြောင်းကိုလည်း သိရသည်။
ယခုအချိန်ထိ ရခိုင်ပြည်နယ်တစ်ခုလုံးရှိ လယ်ယာစိုက်ပျိုးပြီးဧကမှာ(၁ဝ)သိန်း (၇)သောင်းနှင့် (၉၉)ဧက ရှိကြောင်းရခိုင် ပြည်နယ် လယ်ယာစိုက်ပျိုးရေး နှင့် ဆည်မြောင်းဝန်ကြီးဌာနက သိရသည်။
“ကျွန်တော်တို့ ရခိုင်မှာ လျာထားချက် ဧက ၁၁ သိန်း ၂သောင်း ၅ထောင်ရှိပါတယ်။အခုစိုက်ဧက ၁ဝသိန်း ၇သောင်း ကျော် နေပါပြီ။”ပာု ရခိုင်ပြည်နယ်လယ်ယာစိုက်ပျိုးရေးနှင့်ဆည်မြောင်း ဝန်ကြီးဋ္ဌာန မှ ပြည်နယ် ဦးစီးမှူးဦးခငိမောင်ဝင်းကပြောသည်။
ထိုပြင် မိုးရေချိန်မှာလည်း ပြီးခဲ့ သည် လအတွင်းက (၅)လက်မ မှ (၁၃)လက်မအကြားအထိရောက်ရှိခဲ့ သော်လည်းယခု အချိန်တွင် (၁)လက်မခွဲသာရှိတော့ကြောင်း ပြည်နယ်ဦးစီးမှူးထံက သိရသည်။
ခိုင်းနွား အခက်အခဲရှိသူများအတွက်လည်း လက်တွန်းထွန်စက်များအားအိန္ဒိယနိုင်ငံနှင့် ပြည်းတွင်း ဝန်ကြီးဌာနများ ဒေသဆိုင်ရာ လုပ်ငန်ရှင်ကြီးများမှ လှုဒါန်းမှုများပြုလုပ်ခဲ့ကြရာထွန်စက်စုစုပေါင်း (၄၄)စီးခန့် လယ်သမားများထံ ပေးအပ်ခဲ့ပြီးကြောင်းကိုလည်း လယ်/ဆည်ပြည်နယ်ဦးစီးဋ္ဌာနက သိရသည်။
ရခိုင်ပြည်နယ်အတွင်း စိုက်ပျိုးနေသော စပါးမျိုးများမှာအထူးအထွက်ကောင်းများ၊ ပုလဲသွယ်မျိုးစပ်စပါးများ ၊ဆင်းသွယ် လက် ၊ရတနာတိုး၊ကျော်ဇေယျ၊ရွှေဝါထွန်းစသည်တို့ဖြစ်ကြောင်း ပုလဲသွယ်မျိုးစပ် စပါးမှာ ဧက (၁၂ဝဝဝဝ)ခန့်ရှိကြောင်း သိရသည်။
Ref: မြစ်မခ
Read More...
Collapse...
နေဖြိုးမြင့် (မြစ်မခ)
16 Aug, 2012
ရန်ကုန်-ပုသိမ်လမ်းမကြီးတွင် ရေကြီးရေလျှံမူကြောင့် အဝေးပြေးခရီးသည်ယာဉ်များ သွားလာမှုအခက်အခဲများ ဖြစ်ပေါ်လျှက်ရှိပြီး ယာဉ်လိုင်းပြေးဆွဲမူ လျှော့နည်းလာကြောင်း ဒဂုံဧရာအဝေးပြေး ယာဉ်ရပ်နားစခန်းက သိရှိရသည်။
''ပုံမှန်ဆိုရင် တစ်ရက်ကို ကျွန်မတို့ဂိတ်က (၇)စီးလောက် အဆင်းအတက်လုပ်တယ်။အခုကားလမ်းတွေကလည်းရေကျော် နေတော့သွားဖို့ အခက်အခဲတွေကြောင့် အတက် နှစ်စီး အဆင်း နှစ်စီးလောက်ပဲ ထွက်တော့တယ်''ဟု ရန်ကုန်-ပုသိမ် ပြေးဆွဲ နေသော နေလဝင်း ခရီးသည်ပို့ဆောင်ရေးဂိတ်မှ မချမ်းချမ်းက ပြောသည်။
ရေကြီးရေလျှံမူများဖြစ်ပေါ်နေခြင်းကြောင့် ရန်ကုန်-ပုသိမ်ပြေးဆွဲနေသော ယာဉ်လိုင်းအချို့မှာ ရပ်နားထားကြပြီး ပြေးဆွဲနေသော ယာဉ်လိုင်းအချို့မှာယာဉ်အန္တရာယ်၊လမ်းအန္တရာယ်များကြောင့် ယခင်ပုံမှန်ပြေးဆွဲနေမှုထက် သုံးပုံတစ်ပုံခန့် လျော့ချပေးဆွဲပေး နေ ခြင်းဖြစ်ကြောင်း သိရသည်။
''ခါတိုင်းကတစ်ခေါက်မောင်းရင် သုံးနာရီခွဲလောက်ပဲ အလွန်ဆုံးကြာတယ် အခုဆို ခြောက် နာရီခွဲလောက် မောင်းရတယ်၊ ခါတိုင်းထက်လည်း သတိထားပြီးမောင်းနေရတယ်'' ဟု ခရီးသည်ပို့ဆောင်ရေးလုပ်ငန်းတစ်ခုက ယာဉ်မောင်းတစ်ဦးက အတည်ပြုပြောကြားသည်။
ရန်ကုန်-ပုသိမ်ပြေးဆွဲနေသော ယာဉ်များအနေဖြင့် ပုံမှန်ခရီးသည် (၄ဝ မှ ၄၅) ဦးအထိသာ တင်ဆောင်လေ့ရှိသော်လည်း ခရီးသည်နှင့် ထွက်ခွာသည့်ယာဉ်အရေတွက် ကွာဟမှုများကြောင့် ခရီးသည် ၅ဝ မှ ၅၅ ဦးနှင့် အထက် တင်ဆောင်လာကြောင်း ကိုလည်း သိရှိရသည်။
လက်ရှိပြေးဆွဲနေသော ယာဉ်လိုင်းများမှာ ယာဉ်စီးခတိုးမြင့်ကောက်ခံခြင်းမရှိပဲ ပုံမှန် နူန်း ထားအတိုင်း တစ်ဦးလျှင် ကျပ် (၃ဝဝဝ)နှုန်းဖြင့်သာ ပြေးဆွဲလျက်ရှိကြောင်း သိရသည်။
ရေကြီးရေလျှံဖြစ်ပေါ်နေသော ပုသိမ်လမ်းပိုင်းတွင် ယာဉ်ဖြတ်သန်းသွားလာမှုအား နံနက် (၅)နောက်ပိုင်းမှ ညနေ (၈)အထိ သွားလာနိုင်ပြီး လမ်းအန္တရယ် ကင်းရှင်းရန် ည (၈)နာရီမှ နံနက် (၅)အထိ သွားလာမှုကန့်သတ်ထားခြင်း၊ သတိပေးဆိုင်း ဘုတ်များ စိုက်ထူသတိပေး ထားခြင်း၊ သက်ဆိုင်ရာမှလည်း သွားလာမှုအဆင်ပြေစေရန် ရေကာသဲအိတ်များထားရှိပေး ကြောင်းကို လည်း သိရသည်။
Ref: မြစ်မခ
Read More...
Collapse...
ဝင့်သင်ဇာကျော် (မြစ်မခ)
16 Aug, 2012
လာဘ်ပေးလာဘ်ယူမူပပျောက်ရေး အထူးကော်မရှင်ဖွဲ့စည်းထားသော်လည်း ပြည်သူများအတွက် ဘဝလုံခြုံမှု ပေးနိုင်ခြင်းမရှိပါက အဂတိလိုက်စားမှုပပျောက်ရန်မဖြစ်နိုင်သေးကြောင်း နိုင်ငံရေးပါတီအချို့က သုံးသပ်ကြသည်။
“တစ်လ နှစ်လနဲ့ ပပျောက်မယ့်ကိစ္စမဟုတ်ဘူး အရင်ဆုံး ဝန်ကြီးအဆင့်ရုံးတွေကနေ အောက်ခြေအထိ သမ္မတက ဘယ်လို မိန့်ခွန်းပြောခဲ့တယ် ဘယ်လိုအရေးယူမယ်ဆိုတာကို သိသာအောင် အမိန့် ကြေညာစာတွေ ကပ်ထား သင့်တယ်” ဟု အမျိုးသား ဒီမိုကရေစီအင်အားစုပါတီမှ ဦးခင်မောင်ဆွေက ပြောသည်။
လာဘ်ပေးလာဘ်ယူပပျောက်လိုပါက ပြည်သူများအတွက် ဘဝလုံခြုံမှုပေးခြင်း၊ လုံလောက်သော ပင်စင်လစာ၊ ကျန်းမာရေး အတွက် ဆေးဖိုးလုံလောက်စွာရရှိခြင်းနှင့် ပြည်သူများနှင့် ဆက်ဆံသည့်အခါ အာဏာသုံး၍စေခိုင်း ခြင်းများအား ဦးစွာပြင်ဆင် ရန်လိုအပ်ကြောင်း ၄င်းကဆက်လက်အကြံပြုပြောကြားခဲ့သည်။
“အောက်ခြေကလူကို လ္ဘက်ရည်ဖိုးပေးပြီး ခိုင်းတာကအစ ပြင်ဆင်ဖို့လိုတယ်။ဒါပေမဲ့ စည်းကမ်းတွေတင်းကြပ် လာမယ်၊ လာဘ် ပေးလာဘ်ယူလုပ်ရင် အရေးယူမယ်ဆိုတာမျိုးက တရားဥပဒေစိုးမိုးရေးတော့ရှိပြီး ပြည်သူတွေကို ထွက်ပေါက်ပေးဖို့ အခြေအနေမ ပေးရင် ဘာမှပြောင်းလဲလာမှာ မဟုတ်ပါဘူး” ဟု ဦးခင်မောင်ဆွေက ပြောသည်။
အဂတိလိုက်စားခြင်းကို ပပျောက်ရန်အတွက် အရေးယူဆောင်ရွက်ခံရသူများကို သတင်းစာထဲတွင် ထည့်သွင်း ကြေညာခြင်းဖြင့် လည်း အဆိုပါကိစ္စရပ်များတွင်များစွာ အထောက်အကူပြုနိုင်ကြောင်းကိုလည်း သိရသည်။
“ဟိုးအရင်လက်ထက်ကလို အရေးယူခံရတဲ့သူကို သတင်းစာထဲကနေ ဘယ်နေ့ ဘယ်ရက်က ဘယ်လို ရာထူးရှိတဲ့သူကို ဘယ် လိုပုဒ်မနဲ့ ထောင်ဒဏ် ချလိုက်တယ် ဆိုတာကို ထည့်သွင်းဖော်ပြရင် ပိုကောင်းတယ် အဲ့ဒါမှ နောက်မလုပ်ရဲမှာ” ဟု ရခိုင် တိုင်းရင်း သားများတိုးတက်ရေးပါတီ အမျိုးသားလွှတ်တော်ကိုယ် စားလှယ် တစ်ဦးက ပြောသည်။
မြန်မာနိုင်ငံတွင် လာဘ်ပေးလာဘ်ယူမှု ပပျောက်စေရန်အတွက် လာဘ်ပေးလာဘ်ယူမှုပပျောက်ရေးအထူး ကော်မရှင်ကို ပြည်သူ့ လွှတ်တော်မှ အဆိုပြုသူ (၅)ဦး ၊ အမျိုးသားလွှတ်တော်မှ အဆိုပြုသူ (၅)ဦးနှင့် နိုင်ငံတော် သမ္မတမှ အဆိုပြုသူ(၅)ဦး စုစု ပေါင်း(၁၅)ဦး ခန့်အပ်သွားမည်ဖြစ်ကြောင်း လွှတ်တော်အတွင်းက စုံစမ်းသိရှိရသည်။
Ref: မြစ်မခ
Read More...
Collapse...
ဂျာတော့(ပ်) ကချင်ပြည်နယ်- (မြစ်မခ)
16 Aug, 2012
ကချင်တိုင်းရင်းသားတို့၏ ပထမအကြိမ်ရိုးရာယဉ်ကျေးမှုပြိုင်ပွဲကြီးတွင် လီဆူ(တာဂေါ်)လူမျိုးစု အကဖြင့် ပြိုင်ပွဲဝင်မည်ဟု ကချင် ပြည်နယ် ပညာရေး၊ ကျန်းမာရေး၊ ယဉ်ကျေးမှု၊ ဘဏ္ဍရေး နှင့်လူမှုရေးဝန်ကြီး ဒေါ်ဘောက်ဂျာက ဆိုသည်။
ပြိုင်ပွဲကျင်းပရေးညှိနှိုင်းအစည်းအဝေးတွင် ယခုနှစ် ကျင်းပမည့် (၁၉)ကြိမ်မြောက် မြန်မာတိုင်းရင်း သားရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲများနှင့်အတူ ပြည်နယ်အသီးသီး၌လည်း တိုင်းရင်းသားများ၏ ရိုးရာယဉ်ကျေးမှုပြိုင်ပွဲများ ယှဉ်ပြိုင် ရ မည်ဟုဒုတိယသမ္မတ ဒေါက်တာစိုင်းမောက် ခမ်းက ပြောကြားခဲ့ခြင်းဖြစ်သည်။
အဆိုပါပြိုင်ပွဲကို ကချင်ပြည်နယ်တွင် အောက်တိုဘာ(၁)ရက်နေ့တွင် ကျင်းပမည်။ ဂျိန်းဖော့၊ ရဝမ်၊ လီဆူ၊ လချိတ်၊ လောင်ဝေါ်၊ ဇိုင်ဝါး တို့ဖြစ်သည့် ကချင်တိုင်းရင်းသားလူမျိုးစု (၆)မျိုးမှ လီဆူကချင် လူမျိုးစု အကဖြင့် အားလုံးပါဝင်ယှဉ်ပြိုင်မည်ဖြစ်ကြောင်း သိရသည်။
''ကချင်ယဉ်ကျေးမှု အဖွဲ့အကုန်ခေါ်လိုက်တယ်။ တာဂေါ်အက က သတ်မှတ်ထားတဲ့ ဘောင်ထဲမှာဝင်တဲ့အကဖြစ်တယ်။ သူက (၅ ၊ ၆) မိနစ်လောက်ရှိတယ်။ ဒီတာဂေါ်က ရဝမ်ကလွဲရင် ကျန်တဲ့ ကချင်လူမျိုးစုရဲ့ အကလည်း ဖြစ်တယ်လေ။ အဲ့တော့ လီဆူ ဆရာတွေကို ခေါ်ပြီးတော့ (၆) ဖွဲ့စလုံး ကို သူ့ရဲ့အခြေခံအကကို သင်ပေးရမှာပေ့ါ။ အဲ့ဒီအပေါ်မှာပဲ အကဖန်တီးရ မယ်။'' ဟု ဝန်ကြီး ဒေါ်ဘောက်ဂျာက ပြောသည်။
လီဆူ(တာဂေါ်) အကပြိုင်ပွဲတွင် ကိုယ့်လူမျိုးစု ဝတ်စုံကိုသာ ဝတ်ဆင်၍ လီဆူအက ကရမည် ဖြစ်ပြီး နှစ်စဉ်ရိုးရာ ယဉ်ကျေးမှု အကများကို လူမျိုးစုအလေ့ကျ ကျင်းပသွားမည်ဖြစ်ကြောင်း သိရှိ ရသည်။
ထို့ပြင် ၄င်းပြိုင်ပွဲသည် ပထမဦးဆုံးကျင်းပရမည်ဖြစ်သဖြင့် ဆို၊ ရေး၊ တီးများ မပါဝင်သော်လည်း နောက်နှစ်များဝင် ပါဝင်ယှဉ်ပြိုင် သွားမည်ဖြစ်ကြောင်းကိုလည်း သိရသည်။
'နောက်နှစ်ဆိုရင် လချိတ်ဝင်ပြိုင်မှာ အလှည့်ဆီပေ့ါ။ ဒါက ဒီနှစ်မှ စတယ်ဆိုတော့ ကျွန်မတို့လည်း လက်နိုင်ခြေနိုင်လုပ်ရတာပေ့ါ။ အကတစ်ခုတည်း၊ အတီးတွေက နောက်နှစ်လာမယ်။ဒါက ပထမဦးဆုံးဆိုတော့ မနိုင်မနှင်းဖြစ်မှာ စိုးလို့ပါ။' ဟု ဝန်ကြီးက ဆက် ပြောသည်။
ပြည်နယ်အသီးသီးမှ တိုင်းရင်းသားများသည် မိမိရိုးရာအကများကို မိမိပြည်နယ်တွင်သာ ပြိုင်ပွဲများ ပြုလုပ်ကျင်းပရမည်ဖြစ်ပြီး သက်ဆိုင်ရ ပြည်နယ်အစိုးရက အမှတ်ပေး ရွေးချယ် သွားမည်ဖြစ်သည်။
ကယားပြည်နယ်တွင်မူ အောက်တိုဘာလ မတိုင်ခင် ကယားတိုင်းရင်းသားများ၏ ရိုးရာအက ကျင်းပနိုင်ရန် စီစဉ်နေပြီဖြစ်ကြောင်း ကယားပြည်နယ် တိုင်းရင်းသားရေးရာဝန်ကြီး ဦးစိန်ဦးက ပြောသည်။
မြန်မာနိုင်ငံတွင် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲများကို ၁၉၉၃ခုနှစ်က စတင်ကျင်းပခဲ့သည့် တိုင်းရင်း သားရိုးရာအကများ ပါဝင်ယှဉ်ပြိုင်ခြင်းမရှိခဲ့ပေ။ ထို့ကြောင့် ကချင်ပြည်နယ် မြစ်ကြီးနားမြို့နယ် အမျိုးသားလွှတ်တော် ဦးခတ်ထိန် နန်မှ တိုင်းရင်းသားရိုးရာ အကများကို ဖော်ထုတ်ပေးရန် လွှတ်တော်တွင် အဆိုတင်သွင်းခဲ့ခြင်း၏ ရလာဒ်တစ်ခုဖြစ်သည်။
Ref: မြစ်မခ
Read More...
Collapse...
မိုးဝေ ရခိုင်ပြည်နယ် (မြစ်မခ)
16 Aug, 2012
ရခိုင်အရေးအခင်းတွင် ပါဝင်ပတ်သက်မှုကြောင့်အစိုးရမဟုတ်သည့်နိုင်ငံတကာအဖွဲ့စည်း(INGO) များမှ ဝန်ထမ်း(၁၀)ဦးကို
ဇွန်လအတွင်းက ဖမ်းဆီးအရေးယူခဲ့ပြီး ယနေ့ စစ်တွေမြို့နယ် တရားရုံး၊ဘူးသီးတောင်မြို့နယ်တရားရုံး၊ မောင်တောမြို့နယ် တရား ရုံးတို့တွင်ဖမ်းဆီးထားသည့် INGO ၀န်ထမ်းများအားစီရင်ချက်ချပြီးနောက်ပြန်လွှတ်ပေးလိုက်ပြီဖြစ်သည်။
ဖမ်းဆီးခံထားရသည့် AZGအဖွဲ့မှ ဦးကျော်လှအောင်နှင့် ဦးဝင်းနိုင်တို့ကိုယနေ့ မြန်မာစံတော်ချိန် နေ့လည် နှစ်နာရီခွဲတွင် စစ်တွေ အကျဉ်းထောင်မှလွှတ်ပေးလိုက်ကြောင်း သိရှိရသည်။
စစ်တွေ အကျဉ်းထောင်မှ AZG ဝန်ထမ်းဦး ကျော်လှအောင်နှင့်ဦးဝင်းနိုင်တို့ကို စစ်တွေမြို့နယ် တရားရုံးမှ စီရင်ချက်ချပြီးနောက် နေ့လည်နှစ်နာရီကျော်တွင်စစ်တွေအကျဉ်းထောင်မှလွှတ်ပေး လိုက်ခြင်း ဖြစ်သည်။
အဆိုပါ ဝန်ထမ်းများအားတရားရုံးက လွှတ်ပေးလိုက်ခြင်းနှင့်ပတ်သက်၍ရခိုင်ပြည်နယ်သတင်းနှင့် ပြန်ကြားရေးနှင့်မှတ်တမ်း စု ဆောင်းရေးဆပ်ကော်မတီဥက္ကဋ္ဌရခိုင်ပြည်နယ် ဥပဒေချုပ်ဦးလှသိန်းက ယခုကဲ့သို့ဆိုသည်။
“ကင်တားနားမြန်မာနိုင်ငံကပြန်လည် ထွက်ခွာတဲ့အခါINGOတာဝန်ထမ်းဆောင်တဲ့ပြည်တွင်း အမှုထမ်း များကို ပြန်လွှတ်ပေးရန်
တောင်းဆိုချက်ပါရှိကြောင်းကို သတိထားမိပါတယ်။ ထိုအချက်အပေါ်နိုင်ငံတကာကသော်လည်းကောင်း၊ ကမ္ဘာ့ကုလသမဂ္ဂ ကို သော်လည်းကောင်းအလေးထားခဲ့ခြင်းနဲ့ သက်ဆိုင်တဲ့ သဘောဖြစ်ပါတယ်”ဟု ဦးလှသိန်းက ပြောသည်။
ရခိုင်အရေးခင်းတွင် ပါဝင်ပတ်သက်ခဲ့သည့် INGOမှ ဝန်ထမ်းများအား ပုဒ်မ၁၅၃-က၊၄၃၆၊ ၁၄၈၊၅၀၅ (ဂ)၊ အရေးပေါ် စီမံမှုအက်ဥပဒေပုဒ်မ (၅) ည တို့ဖြင့်အရေးယူဆောင်ရွက်ခဲ့ခြင်းဖြစ်ပြီး ၄င်းတို့အား စစ်တွေမြို့နယ် တရားရုံး၊ မောင်တောမြို့ နယ်တရားရုံး၊ ဘူးသီးတောင်မြို့နယ် တရား ရုံးတို့တွင်အမှုရင်ဆိုင်ခဲ့ရခြင်းဖြစ်သည်။
ရခိုင်ပြည်နယ်အရေးအခင်းတွင် UNHCRမှ ဝန်ထမ်းငါးဦး၊ AZG မှ တစ်ဦး၊ WFPမှတစ်ဦး တို့အား ဇွန်လအတွင်းက ဖမ်းဆီး ခဲ့ခြင်းဖြစ်သည်။
Ref: မြစ်မခ
Read More...
Collapse...
ထက်အောင်ခန့် (မြစ်မခ)
16 Aug, 2012
နိုင်ငံပိုင်သတင်းစာများအား ပြည်သူ့ရေးရာဝန်ဆောင်မှုမီဒီယာဖြစ်စေရေး အတွက်လူပုဂ္ဂိုလ်ဗဟိုပြုသတင်းမှ အကြောင်းအရာဗဟိုပြု သည့်စနစ်သစ်သို့ပြောင်းလဲကျင့် သုံးတော့မည် ဖြစ်သည်။
သြဂုတ်လ(၁၅)ရက်နေ့တွင်မြန်မာ့အလင်းပုံနှိပ်တိုက် အစည်းအဝေးခန်းမတွင်ကျင်းပခဲ့သည့်နိုင်ငံပိုင်သတင်းစာများ အသွင်သဏ္ဍန် နှင့်အနှစ်သာရ ကောင်းမွန်ရေးနှင့်ပြည်သူ့ရေး ရာ ဝန်ဆောင်မှု မီဒီယာဖြစ်စေရေး မူဝါဒသဘောထားနှင့်လုပ်ငန်းစဉ်များအား ချပြ ဆွေးနွေးပွဲတွင်ယခုကဲ့သို့ပြောင်းလဲခဲ့ခြင်းဖြစ်သည်။
ပြန်ကြားရေးဝန်ကြီးဌာန သတင်းနှင့်စာနယ်ဇင်းလုပ်ငန်းမှ ထုတ်ဝေလျက်ရှိသည့်နိုင်ငံပိုင် သတင်းစာများကို အသွင်သဏ္ဍာန်နှင့် အနှစ်သာရကောင်းမွန်ရေးနှင့်ပြည်သူ့ရေးရာဝန် ဆောင်မှုမီဒီယာ (Publish Servive Media) ဖြစ်စေရေးအတွက် လူပုဂ္ဂိုလ်ဗဟိုပြုသတင်းမှ ကြောင်းအရာဗဟိုပြုသည့် စနစ်သစ်ဖြင့်ပြောင်းလဲထုတ်ဝေမည်ဖြစ်ကြောင်း သိရသည်။
''နိုင်ငံပိုင် သတင်းစာတွေဖြစ်တဲ့ မြန်မာ့အလင်းသတင်းစာ၊ကြေးမုံသတင်းစာနှင့် New Light of Myanmar စတာတွေကို ပြည်သူနှင့်နိုင်ငံတော်ကို အပြန်အလှန်အကျိုးပြုတဲ့ သတင်းတွေပြည်သူလူထုဘဝကို ထင်ဟပ်စေတဲ့ သတင်းတွေ ဖော်ပြနိုင်ဖို့ပါ ''ဟု အဆိုပါဆွေးနွေးပွဲတွင် ကြေးမုံသတင်း စာတည်းမှူးချုပ် ဦးခင်မောင်ကျော်ဒင်က ပြောသည်။
နိုင်ငံပိုင်သတင်းစာများတွင် ဋ္ဌာနဆိုင်ရာသတင်းများကိုလည်းပြည်သူ့အကျိုးပြု သတင်းများဖြစ်စေရန်နှင့် ယခင်အတိုင်းကြန့်ကြာမှု မရှိစေပဲ လျှင်လျှင်မြန်မြန်ထည့်သွင်းဖော်ပြသွားမည်ဖြစ်ကြောင်းကိုလည်း ၄င်းက ဆက်ပြောသည်။
လူပုဂ္ဂိုလ်ဗဟိုပြုကနေ အကြောင်းအရာဗဟိုပြုစသည့် အနှစ်သာရကို ထင်ထင် ရှားရှား ပြောင်းလဲသည့်အခါတွင် နိုင်ငံတော် အကြီး အကဲများနှင့်ပြည်ထောင်စုဝန်ကြီးများ ကလည်း လက်ခံကြသည်ဟု စာတည်းမှူးချုပ်ထံကသိရှိရသည်။
ထိုသို့ပြောင်းလဲထုတ်ဝေသည့်အခါတွင် ပြည်သူလူထုအတွက် အကျိုးပြုသည့်သတင်းများနှင့်၊ ပြည်သူလူထု စိတ်ဝင်စားသည့် သတင်း များကိုဦးစားပေးထည့်သွင်းဖော်ပြ ပေးမည်ဖြစ်ကြောင်း သိရသည်။
ကြေးမုံနှင့် မြန်မာ့အလင်းသတင်းစာများအနေဖြင့် ၂ဝ၁၁ ခုနှစ် နိုဝင်ဘာလ(၁)ရက်နေ့ မှစ၍ အယ်ဒီတာ့အာဘော်မှ စတင် ပြောင်းလဲခဲ့ခြင်းဖြစ်ကြောင်းပြောင်းလဲမှုအပေါ်တွင် နိုင်ငံတော်အကြီးအကဲနှင့် ပြည်သူများကလက်ခံသည့်အတွက် အဆိုပါလမ်းစဉ် အတိုင်းဆက်လက်ဆောင်ရွက်ခဲ့ခြင်းဖြစ်ကြောင်းကိုလည်း သိရသည်။
သတင်းကဏ္ဍဖွံ့ဖြိုးတိုးတတ်ရေးအတွက် ဆောင်ရွက်ရာတွင် သတင်းစာတိုက်များမှမြို့နယ်သတင်းထောက်များအား အစိုးရဝန်ထမ်း များက အကူအညီပေးစေလိုကြောင်းကိုလည်း သတင်းထောက်တစ်ဦးဖြစ်သည့် ကျော်မြင့်သန်း (လမ်းမတော်)က အကြံပြုပြော ကြားခဲ့သည်။
''အထူးသတင်းတွေနဲ့ပတ်သက်လို့ စည်ပင်နဲ့ ရဲဝန်ထမ်းတွေအနေနဲ့ အဆင်ပြေအောင်အကူအညီပေးစေလိုတယ်၊ ထူးခြားတဲ့ သတင်းတွေကိုလည်း ဘယ်ပုံစံနဲ့ပို့ရမယ်ဆိုတာအမြန်ဆုံးသတ်မှတ်ပေးစေလိုတယ်''ဟု ၄င်းက ပြောကြားခဲ့သည်။
နိုင်ငံပိုင်သတင်းစာများတွင် သတင်းဓာတ်ပုံဆု၊သတင်းအပုဒ်ရေအများဆုံးဆုနှင့် အကောင်းဆုံးသတင်းဆုများ ကိုလည်းပေးစေလို ကြောင်း သတင်းထောက်များက အကြံပြုသည်။
Ref: မြစ်မခ
Read More...
Collapse...
2012-08-16
အမျိုးသမီးအဖွဲ့အစည်း (၁၄) ဖွဲ့ ပူးပေါင်းထားတဲ့ မြန်မာနိုင်ငံ အမျိုးသမီးများ ကွန်ယက်အဖွဲ့က ရခိုင်ဒေသမှာ အကူအညီ လိုအပ် နေသူတွေအတွက် ငွေကျပ် ၈ သိန်းကို ၈၈ မျိုးဆက် ကျောင်းသား ခေါင်းဆောင် ကိုမင်းကိုနိုင်နဲ့အဖွဲ့ထံ ဒီကနေ့ မနက်ပိုင်းက လာရောက် လှူဒါန်းခဲ့ပါတယ်။
အကူအညီ လိုအပ်နေသူတွေဆီ အလှူငွေတွေ ထိထိရောက်ရောက် ပံ့ပိုးပေးနိုင်ဖို့အတွက် ရည်ရွယ်ပြီး ၈၈ မျိုးဆက် ကျောင်း သား ခေါင်းဆောင်တွေကို အခုလို လာရောက် လှူဒါန်းရတာ ဖြစ်တယ်လို့ မြန်မာနိုင်ငံအမျိုးသမီးများ ကွန်ယက်အဖွဲ့ဝင် ကရင် အမျိုးသမီးများ ဖွံ့ဖြိုးတိုးတက်ရေးအဖွဲ့ ညွှန်ကြားရေးမှူး ဒေါ်စူစန်နာ လှလှစိုးက RFA ကို ပြောပါတယ်။
"ကျွန်မတို့ မြန်မာနိုင်ငံ အမျိုးသမီးအသင်းများ ကွန်ယက်ကပါ။ ဘေးအန္တရာယ် ကျရောက်တဲ့ ဒေသမှာရှိတဲ့ အမျိုးသမီးတွေ နောက်ဒုက္ခရောက်နေတဲ့ အမျိုးသမီးတွေအတွက် ကူညီဖို့ ကျွန်မတို့အမြဲတမ်း ရန်ပုံငွေရှာပါတယ်။ ဇူလိုင်လ ၂၁ ရက်မှာလည်းပဲ ရခိုင်မှာရှိတဲ့ ပဋိပက္ခတွေကြောင့် ဒုက္ခရောက်နေတဲ့ အမျိုးသမီးတွေအတွက် ရန်ပုံငွေရှာဖွေပွဲ လုပ်ပါတယ်။ လက်တွေ့ချုပ်လုပ် တယ်။ နောက်ပြီးတော့ အိတ်ကလေးတွေလုပ်တယ်။ ပြန်ရောင်းတယ်။ အားလုံးရန်ပုံငွေကရတာ ၈ သိန်းပါ။ အဲဒီတော့ ဒီရန်ပုံ ငွေကိုလည်း ကျွန်မတို့က တစ်ကယ်ပဲ ကိုယ့်အင်အားနဲ့ ခွန်အားနဲ့ ရှာထားတဲ့ငွေ ဖြစ်တဲ့အတွက်ကြောင့် ကျွန်မတို့ကလည်း တကယ်ထိထိရောက်ရာက် ရောက်စေချင်ပါတယ်။ ၈၈ ကျောင်းသားများအဖွဲ့ကို တဆင့်လာရောက် လှူဒါန်းခြင်း ဖြစ်ပါတယ်"
ကိုမင်းကိုနိုင် ဦးဆောင်တဲ့ ၈၈ မျိုးဆက် ကျောင်းသားများအဖွဲ့ဟာ ပွင့်လင်းလူ့အဖွဲ့အစည်း ပေါ်ထွန်းရေး အထက်မြန်မာနိုင်ငံ ခရီးစဉ်ကို အဆုံးသတ်ပြီး ဒီကနေ့ မနက်ပိုင်းက ရန်ကုန်မြို့ကို ပြန်လည် ရောက်ရှိခဲ့ပါတယ်။
ကိုကိုကြီး ဦးဆောင်တဲ့ ရှမ်းပြည်ကို သွားရောက်တဲ့ အဖွဲ့ကတော့ ဒီကနေ့ မန္တလေးမြို့ကို ရောက်ရှိနေပြီး မနက်ဖြန် မနက်ပိုင်းမှာ ရန်ကုန်မြို့ကို ပြန်လည်ရောက်ရှိမှာ ဖြစ်ပါတယ်။
ဒီအတောအတွင်း ထိုင်းနိုင်ငံ အခြေစိုက် မဲခေါင်ဒေသ သဘာဝပတ်ဝန်းကျင် ထိန်းသိမ်းရေး Collaboration for Young Generation in Mekong Region အဖွဲ့က ၈၈ မျိုးဆက် ကျောင်းသား ခေါင်းဆောင်တွေကို ဒီကနေ့ ရန်ကုန်မြို့က ၈၈ ရုံးခန်းမှာ လာရောက်တွေ့ဆုံပြီး ဒေသတွင်း ဖွံ့ဖြိုးရေး လုပ်ငန်းစဉ်တွေမှာ ပူးပေါင်း ပါဝင် ဆောင်ရွက်ရေးတွေကို ဆွေးနွေးခဲ့ ကြောင်း သိရပါတယ်။ ဒီအဖွဲ့က ဒေသအတွင်း ပြဿနာရပ်တွေကို လူငယ်အဖွဲ့အစည်းတွေ ချိတ်ဆက်ပြီး အဖြေရှာ ဆောင်ရွက်ဖို့ အဓိက လာရောက် ဆွေးနွေးကြတာ ဖြစ်ကြောင်း ၈၈ မျိုးဆက် ကျောင်းသား ခေါင်းဆောင် ကိုပြုံးချိုက ပြောပါတယ်။
"အဓိကက ကျွန်တော်တို့ ဒီဒေသေတွင်းမှာ ဖြစ်ပျက်နေတဲ့ ပြဿနာတွေ၊ လူနေမှုဘဝတွေ နောက်ပြီးတော့ ပတ်ဝန်းကျင် ထိန်း သိမ်းရေး ကိစ္စတွေ၊ သယံဇာတကိစ္စတွေ နောက်ပြီးတော့ ဒေသအတွင်း လူငယ်တွေ ကွန်ယက်တွေနဲ့ ချိတ်ဆက်ဖို့ ကိစ္စတွေ၊ နောက်တိုင်းရင်းသားကိစ္စတွေ အဲဒါတွေကို သူတို့ ဒီ information တွေ share လုပ်ဖို့၊ နောက်ပြီးတစ်ဖွဲ့နဲ့ တစ်ဖွဲ့ ချိတ် ဆက်ထားဖို့၊ နောက်အစိုးရတွေရဲ့လုပ်ငန်းစဉ်တွေမှာ NGO တွေအနေနဲ့ ဘယ်လိုမျိုး စောင့်ကြည့်နိုင်မလဲ၊ ဘယ်လိုမျိုး လုပ်ငန်းစဉ် တွေကို သုံးသပ်နိုင်မလဲ၊ လိုအပ်မယ်ဆိုလို့ရှိရင် အကုန်လုံးကို စုစည်းပြီး Forum တွေကျင်းပပြီးတော့ အဲဒီကနေ အဖြေရှာကျဖို့ အဲဒါတွေကို သူတို့က ကြိုပြီးညှိတာ"
အာဆီယံ အစိုးရအဖွဲ့အစည်းတွေ လုပ်ဆောင်နေတဲ့ လုပ်ငန်းစဉ်တွေ၊ ဒေသတွင်းက ပတ်ဝန်းကျင်ထိန်းသိမ်းမှု အပါအ၀င် အခြား ပြဿနာရပ်တွေကို လာမဲ့ ၂၀၁၄ ခုနှစ် မြန်မာနိုင်ငံမှာ ကျင်းပမဲ့ အာဆီယံလူငယ်များ ညီလာခံမှာ ရှုဒေါင့်အမျိုးမျိုးက တင်ပြဖို့ ရည်ရွယ်ချက်တွေကိုလည်း ရှင်းလင်း ပြောပြခဲ့တယ်လို့ ဆိုပါတယ်။ အဲဒီ ထိုင်းနိုင်ငံ အခြေစိုက် မဲခေါင်ဒေသ သဘာဝပတ်ဝန်း ကျင် ထိန်းသိမ်းရေး အဖွဲ့ကို ကိုမြအေး၊ ကိုဂျင်မီနဲ့ ကိုပြုံးချိုတို့က တွေ့ဆုံ ဆွေးနွေးခဲ့ကြောင်း သိရပါတယ်။
Ref: အာရ်အဖ်အေ
Read More...
Collapse...
2012-08-16
ဆော်ဒီအာရေဗျနိုင်ငံ မက္ကာမြို့မှာ ကျင်းပနေတဲ့ အစ္စလာမ် ဘာသာဝင် နိုင်ငံများအဖွဲ့ OIC ညီလာခံက မြန်မာနိုင်ငံက ရိုဟင်ဂျာ အရေးကိစ္စကို ကုလသမဂ္ဂ တင်ပြသွားမယ်လို့ ဒီကနေ့ ဆုံးဖြတ်လိုက်ပါတယ်။
အဖွဲ့ဝင် ၅၇ နိုင်ငံပါဝင်တဲ့ အစ္စလာမ် ဘာသာဝင်နိုင်ငံများအဖွဲ့ OIC က “ မြန်မာအာဏာပိုင်တွေအနေနဲ့ ရခိုင်ပြည်နယ်က ရိုဟင် ဂျာတွေ နိုင်ငံသားဖြစ်ခွင့်ကို ငြင်းပယ်နေမှုနဲ့ ရိုဟင်ဂျာတွေအပေါ် အကြမ်းဖက် တိုက်ခိုက်မှုတွေ ဆက်လက် ရှိနေတာတွေကို ရှုတ်ချ ကြောင်း” ပြောဆိုလိုက်ပါတယ်။
ဒါကြောင့် အိုအိုင်စီညီလာခံကနေ ရိုဟင်ဂျာအရေးကိစ္စကို လာမယ့် ကုလသမဂ္ဂ အထွေထွေ ညီလာခံမှာ တင်ပြသွားမယ်လို့ ဆုံးဖြတ်ကြောင်း အဖွဲ့ရဲ့ ကြေညာချက်မှာ ဖော်ပြထားပါတယ်။
Ref: အာရ်အဖ်အေ
Read More...
Collapse...
2012-08-16
မြန်မာနိုင်ငံ ရခိုင်ပြည်နယ်အတွင်းက ဗုဒ္ဓဘာသာဝင်တွေနဲ့ မူဆလင်တွေအကြား ဖြစ်ပွားခဲ့တဲ့ ပဋိပက္ခနဲ့ ပတ်သက်လို့  စုံစမ်းစစ် ဆေးရေး လုပ်စရာမလိုဘူးလို့  မြန်မာနိုင်ငံ အမျိုးသား လူ့အခွင့်ရေး ကော်မရှင်က ပြောဆိုလိုက်ပါတယ်။
ရခိုင်ပြည်က အကြမ်းဖက် တိုက်ခိုက်မှုတွေနဲ့ ပတ်သက်ပြီး ကုလသမဂ္ဂ လုံခြုံရေးကောင်စီကနေ ၀င်ရောက် ဆောင်ရွက်ပေးဖို့ အစ္စလာမ်မစ် ပူးပေါင်း ဆောင်ရွက်ရေးအဖွဲ့  OIC ကနေ တောင်းဆိုမှု ထွက်ပေါ်လာပြီးနောက် အခုလို မြန်မာနိုင်ငံ အမျိုးသား လူ့အခွင့်ရေး ကော်မရှင်ရဲ့ ပြောကြားချက် ထွက်ပေါ်လာတာ ဖြစ်ပါတယ်။
ရခိုင်ပြည်နယ်က အကြမ်းဖက် တိုက်ခိုက်မှုတွေကြောင့် အိုးမဲ့ အိမ်မဲ့ ဖြစ်ရသူပေါင်း ၆ သောင်း ၈ ထောင် ကျော် ရှိသွားပြီလို့  ကုလသမဂ္ဂက မနေ့က ထုတ်ပြန် ကြေညာပါတယ်။
Ref: အာရ်အဖ်အေ
Read More...
Collapse...
2012-08-16
ထိုင်းနဲ့ အမေရိကန် ပူးတွဲလုပ်မယ့် Cobra Gold စစ်ရေးလေ့ကျင့်ခန်းကို မြန်မာနိုင်ငံက အကဲခတ် လေ့လာလိုပြီး ဒီကိစ္စကို အမေရိကန်ပြည်ထောင်စုနဲ့ ညှိနှိုင်းဖို့ ထိုင်းနိုင်ငံရဲ့ အကူအညီရအောင် ကြိုးစားနေတယ်လို့ သိရပါတယ်။
ထိုင်းကာကွယ်ရေးဝန်ကြီး Sukumpol Suwanatat ဟာ မြန်မာနိုင်ငံကို နှစ်ရက်ကြာ သွားရောက်ခဲ့ပြီး သမ္မတ ဦးသိန်းစိန်၊ ကာကွယ်ရေးဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင်နဲ့ ကာကွယ်ရေး ၀န်ကြီး ဒုတိယ ဗိုလ်ချုပ်ကြီး လှမင်းတို့နဲ့ တွေ့ဆုံ ခဲ့တယ်လို့ ထိုင်းဝန်ကြီးက မနေ့က ပြောပါတယ်။
မနေ့က ပြီးဆုံးတဲ့ မြန်မာနိုင်ငံ ခရီးစဉ်အတွင်း ကာကွယ်ရေး ဦးစီးချုပ်နဲ့ တွေ့ဆုံချိန်မှာ အမေရိကန်ပြည်ထောင်စုက သတ်မှတ်တဲ့ ဒီမိုကရေစီ စံနှုန်းနဲ့ မကိုက်ညီဘူးဆိုတဲ့ ကိစ္စတွေကို မြန်မာနိုင်ငံက စိုးရိမ်မကင်း ဖြစ်ရတယ်လို့ ဒုတိယ ဗိုလ်ချုပ်မှူးကြီး မင်း အောင်လှိုင်က ပြောကြားတဲ့အကြောင်း ထိုင်းကာကွယ်ရေး ၀န်ကြီးက ပြောကြားပါတယ်။
Cobra Gold ဟာ ထိုင်းနဲ့ အမေရိကန် နှစ်စဉ်လေ့ကျင့်တဲ့ စစ်ရေးလေ့ကျင့်ခန်း ဖြစ်ပါတယ်။ ဒီလေ့ကျင့်ခန်းကို မြန်မာက လေ့လာအကဲခတ်လို့ရအောင် ကြားက မေတ္တာရပ်ခံပေးဖို့ မြန်မာစစ်ဘက် အာဏာပိုင်တွေက ပြောတာဖြစ်ပြီး ထိုင်းကာကွယ်ရေး ၀န်ကြီးကလည်း အမေရိကန်စစ်တပ်ကို တင်ပြဖို့ ဆန္ဒရှိတယ်လို့ ပြောပါတယ်။
မြန်မာနိုင်ငံ ခရီးစဉ်အတွင်း နယ်စပ်တလျှောက် မူးယစ်ဆေးဝါး တိုက်ဖျက်ရေး လုပ်ငန်းတွေမှာ ပူးပေါင်းဆောင်ရွက်ဖို့ အထူး သဖြင့် သတင်းအချက် ဖလှယ်ရေးအတွက် နှစ်နိုင်ငံ သဘောတူညီခဲ့တယ်လို့လည်း ဆိုပါတယ်။
ခရီးစဉ်အတွင်း ထားဝယ် ရေနက်ဆိပ်ကမ်း စီမံကိန်းအတွက် ချင်းမိုင်၊ မယ်ဟောင်ဆောင်နဲ့ ကန်ချနဘူရီ ခရိုင်တွေမှာ နယ်စပ် ဂိတ်သစ်သုံးခု အမြဲတမ်း ဖွင့်လှစ်နိုင်ရေးအတွက်လည်း မြန်မာဘက်က လက်ခံအောင် ကြိုးစားခဲ့တယ်လို့ ထိုင်းကာကွယ်ရေး ၀န်ကြီးက ပြောပါတယ်။
Ref: အာရ်အဖ်အေ
Read More...
Collapse...
2012-08-16
မြန်မာနိုင်ငံ အနောက်ဘက်ခြမ်းက ရိုဟင်ဂျာ ပြဿနာနဲ့  ပတ်သက်ပြီး မနေ့က ထိုင်းနိုင်ငံ ဘန်ကောက်မြို့ရှိ သမာဆတ် တက္ကသိုလ်မှာ နိုင်ငံတကာ ဆွေးနွေးပွဲတစ်ရပ် ကျင်းပခဲ့ပါတယ်။
မြန်မာနိုင်ငံရဲ့ အမျိုးသား ပြန်လည်သင့်မြတ်ရေးနဲ့  ဒီမိုကရေစီရေးမှာ ရိုဟင်ဂျာတွေရဲ့ အနာဂတ်နဲ့ ပတ်သက်လို့  သုံးသပ် ဆွေးနွေးခြင်းဆိုတဲ့ ခေါင်းစဉ်နဲ့ ပြုလုပ်ခဲ့တာ ဖြစ်ပါတယ်။
မြန်မာနိုင်ငံ အနောက်ဘက်ခြမ်းက ရိုဟင်ဂျာ ပြဿနာကို ဘယ်လိုနည်းလမ်းတွေနဲ့ ဖြေရှင်းဆောင်ရွက်နိုင်မလဲ ဆိုတာကို အဓိက ထား ဆွေးနွေးမှာ ဖြစ်ကြောင်း အစည်းအဝေးနဲ့ ပတ်သက်ပြီး ထုတ်ပြန်တဲ့ စာထဲမှာ ဖော်ပြထားပါတယ်။
ဒီဆွေးနွေးပွဲကို တက်ရောက်သူ ၁၀၀ လောက်ရှိပြီး ထိုင်းလူ့အခွင့်ရေးအဖွဲ့ တွေဖြစ်တဲ့ Forum Asia, People Empowerment Foundation, လူ့အခွင့်ရေး စောင့်ကြည့်ရေးအဖွဲ့  human Rights Watch နဲ့  နိုင်ငံတကာ လွတ်ငြိမ်းချမ်းသာခွင့်အဖွဲ့  AI စတဲ့အဖွဲ့က ကိုယ်စားလှယ်တွေလည်း တက်ရောက်ခဲ့တယ်လို့ သိရပါတယ်။
အဲဒီဆွေးနွေးပွဲကို ထိုင်းနိုင်ငံ အခြေစိုက် ရိုဟင်ဂျာ အမျိုးသား အစည်းအရုံးနဲ့ ဂျပန်နိုင်ငံ အခြေစိုက် ရခိုင် ရိုဟင်ဂျာအဖွဲ့ တို့က ဦးဆောင်ပြုလုပ်တာဖြစ်ပြီး ထိုင်း လူ့အခွင့်အရေး အဖွဲ့ အစည်းတွေက ကူညီ ဆောင်ရွက်ပေးခဲ့ပါတယ်။
Ref: အာရ်အဖ်အေ
Read More...
Collapse...
2012-08-16
အဖွဲ့ဝင်နိုင်ငံ ၅၇ နိုင်ငံပါဝင်တဲ့ OIC ခေါ် အစ္စလာမ်မစ် ပူးပေါင်း ဆောင်ရွက်ရေးအဖွဲ့ရဲ့ အစ္စလာမ်မစ် သွေးစည်းညီညွတ်ရေး ညီလာခံကို ဆော်ဒီအာရေဗျနိုင်ငံ မက္ကာမြို့မှာ မနေ့က ကျင်းပပြီးစီးခဲ့ရာ မြန်မာနိုင်ငံက ရိုဟင်ဂျာကိစ္စနဲ့ ပတ်သက်လို့ ဖိအား ပိုမိုပေးဖို့ ဆွေးနွေးခဲ့ကြောင်း OIC ထုတ်ပြန်ချက်မှာ ဖော်ပြထားပါတယ်။
OIC အဖွဲ့ဝင် မဟုတ်တဲ့ နိုင်ငံတွေက အစ္စလာမ် အသိုင်းအ၀ိုင်းတွေ၊ အဲဒီအသိုင်းအ၀ိုင်းတွေကို အမှန်တကယ် ကိုယ်စားပြုသူ တွေနဲ့ ပြောဆိုဆွေးနွေးဖို့ အရေးကြီးကြောင်း၊ ဒါမှသာ သူတို့ရဲ့အခွင့်အရေးတွေ ကာကွယ်နိုင်မှာဖြစ်ပြီး အခြေအနေတွေကို အနီး ကပ် စောင့်ကြည့်နိုင်မှာ ဖြစ်ကြောင်း၊ ဒီကိစ္စနဲ့ဆက်နွယ်ပြီး မြန်မာနိုင်ငံက ရိုဟင်ဂျာ မူဆလင်တွေအပေါ် မြန်မာအစိုးရက အကြမ်း ဖက် ဖိနှိပ်နေတာတွေဟာ နိုင်ငံတကာ လူ့အခွင့်အရေးစံတွေ အပါအ၀င် ကိုယ်ကျင့်သိက္ခာဆိုင်ရာ စံတွေနဲ့ မကိုက်ညီတဲ့အတွက် ရှုတ်ချကြောင်းလည်း ဖော်ပြပါတယ်။
ဒါ့ပြင် အဖွဲ့အစည်း အားလုံးနဲ့အတူ ပူးပေါင်းပြီး ဒုက္ခသည်တွေဆီကို လူသားချင်း စာနာရေး အကူအညီတွေ အပြည့်အ၀ ရောက် ရှိခွင့်ပြုဖို့ ရိုဟင်ဂျာတွေကို နိုင်ငံသားဖြစ်ခွင့် ပြန်ပေးဖို့ မြန်မာအစိုးရကို တိုက်တွန်းကြောင်း မြန်မာအစိုးရနဲ့ သံတမန်ရေး၊ နိုင်ငံ ရေး၊ စီးပွားရေး အဆက်အသွယ်ရှိတဲ့ OIC အဖွဲ့ဝင် နိုင်ငံတွေအနေနဲ့ အဲဒီ ဆက်ဆံမှုတွေကို အသုံးချပြီး ရိုဟင်ဂျာတွေအပေါ် ဖိနှိပ်နေတာတွေကို ရပ်ဆိုင်းအောင် မြန်မာအစိုးရကို ဖိအားပေးကြဖို့ တိုက်တွန်းကြောင်း OIC အဖွဲ့ရဲ့ထုတ်ပြန်ချက်မှာ ဖော်ပြထား ပါတယ်။
Ref: အာရ်အဖ်အေ
Read More...
Collapse...
2012-08-16
တရုတ် မြန်မာနယ်စပ် လိုင်ဇာမြို့အနီးရှိ ဂျယ်ယန်နဲ့ ဖုံလုံယန် ဒုက္ခသည်စခန်း ၂ ခုကို ပြည်တွင်းလူမှုရေး အဖွဲ့အစည်းတွေဖြစ်တဲ့ အဖြူရောင်တွဲလက်များနဲ့ မန္တလေးရှိ ကလေးသူငယ်များ ကွန်ယက်အဖွဲ့က ဆေးနဲ့ ကျောင်းသုံးပစ္စည်းတွေ ဒီနေ့ သွားရောက် ကူညီကြပါတယ်။
အဲဒီစခန်းတွေမှာ အဓိက လိုအပ်နေတာကတော့ အစားအသောက်နဲ့ ကျောင်းသူ ကျောင်းသားတွေအတွက် စာရေးကရိယာ ပစ္စည်းတွေ ဖြစ်တယ်လို့ သိရပါတယ်။ အဲဒီစခန်း တစ်ခုမှာ ရောက်ရှိနေတဲ့ အဖြူရောင်တွဲလက်များ အဖွဲ့ဝင်တစ်ယောက်က အခုလိုပြောပါတယ်။
"နာရေးကူညီမှုအသင်းက ၂ ယောက်ပါတယ်။ နောက် မန္တလေးက အဖွဲ့ပါတယ်။ ကလေးချစ်သူများအဖွဲ့၊ အဲဒီအဖွဲ့မှာ ဆရာ တော်တစ်ပါး ပါတယ်။ ကူညီတာကတော့ ဆေးပစ္စည်း၊ ၀ှီးချဲတို့၊ ဒေါက်တို့၊ ညှပ်တို့ အဲဒါတွေတော့ ပါတယ်ခင်ဗျ။ အဖြူရောင် တွဲလက်များ အနေနဲ့ကတော့ ပြီးခဲ့တဲ့ ၆ လပိုင်းလောက်က ရောက်ထားတော့ ကျွန်တော်တို့ ရိုက်ထားတဲ့ ဓာတ်ပုံလေးတွေ၊ နောက်ပြီး ဒီဘက်ကလုပ်တဲ့ ဟာလေးတွေ ပြန်ပေးတာတို့ ရှယ်တာပဲ ရှိတယ်ခင်ဗျ။ ကျန်တဲ့လှူတာတို့ မပါသေးဘူးခင်ဗျ။ ဒီအခေါက်မှာက။ ကျန်တဲ့အဖွဲ့တွေကတော့ ကလေးတွေနဲ့ ပတ်သက်တဲ့ ပညာရေး စာအုပ်စာတမ်းတွေ ပါလာတယ်၊ မန္တလေး အဖွဲ့လှူတာက။ ကျန်တဲ့အဖွဲ့တွေကတော့ ပိုက်ဆံတွေလှူကြတယ်"
ကေအိုင်အို ဒုက္ခသည် ကူညီစောင့်ရှောက်ရေး ကော်မီတီ ဥက္ကဋ္ဌ ဦးဒွဲပီစ က ဆေးဝါးနဲ့ အစားအစာ အကူအညီတွေ လိုအပ် နေဆဲပဲလို့ ပြောပါတယ်။ အခု ပြည်တွင်းက အကူအညီပေးရေး အဖွဲ့တွေ ရောက်နေတဲ့ တရုတ် မြန်မာနယ်စပ်က ဂျယ်ယန်နဲ့ ဖုံလုံယန် ဒုက္ခသည်စခန်း ၂ ခုမှာ ဒုက္ခသည် ဦးရေ ၁ သောင်းကျော်ရှိပြီး ဆင်ဘို၊ မိုးမောက်၊ မံစီ၊ ဒေါ့ဖုန်းယန် မြို့နယ်အတွင်း က ရောက်လာသူတွေ ဖြစ်ကြပါတယ်။
Ref: အာရ်အဖ်အေ
Read More...
Collapse...
2012-08-16
ပဲခူးတိုင်းအနောက်ခြမ်း ပေါင်းတည်မြို့နယ်အတွင်း ကျေးရွာ (၃၀) လောက် စိုက်ပျိုးစရိတ်ချေးငွေ မရရှိသေးတာကြောင့် ဒေသခံ တောင်သူတွေ ထွန်ယက် စိုက်ပျိုးဖို့ အခက်တွေ့နေတယ်လို့ သိရပါတယ်။
ပေါင်းတည်မြို့မှာ ကျေးရွာအုပ်စုပေါင်း (၅၀) ကျော်ရှိပြီး အုပ်စု (၂၀) လောက်ပဲ ချေးငွေရရှိသေးတယ်လို့ သိရပါတယ်။ မြန်မာ့ စိုက်ပျိုးရေးဘဏ်က နှစ်စဉ် ဇွန်လမှာ စိုက်ပျိုးစရိတ်ချေးငွေ ထုတ်ပေးလေ့ရှိပေမယ့် ဒီနှစ်မှာတော့ ကြွေးကျန်ရှိနေတဲ့ တောင်သူ (၃) ဦးလောက်ကို အကြောင်းပြပြီး အခုချိန်ထိ မပေးသေးဘူးလို့ ရွာသစ်ကြီးကျေးရွာက တောင်သူတစ်ဦးက RFA ကို ပြောပါ တယ်။
"ကျွန်တော်တို့ ပေါင်းတည် ရွာသစ်ကြီးအုပ်စုမှာ လယ်သမား ၂၀၀ လောက်ရှိတယ်။ ဒီနေ့ အထိ စိုက်ပျိုးစရိတ် မရသေးဘူး။ ချေးငွေမကျေဘူး အကြောင်းပြချက်နဲ့ ကျွန်တော်တို့ ကို ထုတ်မပေးဘူး။ ကျွန်တော်တို့ လယ်သမား အများစုကတော့ ဧပြီလ ကတည်းက ကျေနေပြီ။ အဲတာ အခုဘဏ်ကော်မတီတို့ သူတို့ က ဘဏ်ဝန်ထမ်းတွေနဲ့ ပေါင်းပြီး သူတို့က သုံးထားတာ၊ သုံးဦး လောက်ပဲ ကျန်နေတာ၊ သုံးဦးကလည်း သိန်းသုံးဆယ်လောက် ကျန်နေတယ်။ အဲတာကြောင့် ကျွန်တော်တို့ကို ထုတ်မပေးတာ။ ခဏ ခဏ သွားမေးနေတာပဲ။ မကျေတဲ့အတွက် မပေးနိုင်သေးဘူး။ ကြွေးကျန်တွေ တောင်းတုန်းပဲဆိုပြီး သူတို့ က အကြောင်း ပြန် တယ်။ အခုတော့ ရှိတာလေးတွေ ပေါင်နှံပြီးတော့ လုပ်နေရတာပေါ့။ အတိုးရင်းနဲ့ ချေးပြီး အပြင်မှာချေးပြီး အဲဒီလို လုပ်နေ ရတယ်။ အုပ်ချုပ်ရေးမှူးတွေနဲ့  ပတ်သက်တဲ့ လူတွေပဲ ကျန်နေတယ်။ ဘဏ်ကော်မတီတို့ ဘာတို့"
ဒီကိစ္စနဲ့ ပတ်သက်လို့ ပေါင်းတည်မြို့ မြန်မာ့ စိုက်ပျိုးရေးဘဏ်ကို RFA က ဆက်သွယ် မေးမြန်းရာမှာ တောင်သူတွေကို ချေးငွေ ထုတ်မပေးသေးတာဟာ ဘဏ်ရဲ့ စည်းမျဉ်းတွေနဲ့ မကိုက်ညီတာကြောင့်လို့ ဘဏ်တာဝန်ရှိသူ တစ်ဦးက ပြောပါတယ်။
"မှန်မှန်ကန်ကန်တော့ ဖြစ်ရမယ်ပေါ့၊ မြေစာရင်းနဲ့ စိုက်ပျိုးရေးနဲ့ မြေစာရင်းနဲ့ မြေယာဧက မှန်ကန်တယ်လို့ အတည်ပြုပေးမယ်။ စိုက်ပျိုးရေးကလည်း ဒီလယ်ယာတွေပေါ်မှာ တကယ် မှန်ကန် စိုက်ပျိုးပါတယ်လို့ မှန်ကန်တဲ့ တောင်သူတွေကတော့ မချေး ပေး စရာ အကြောင်းမရှိဘူးလေ။ ဌာနရဲ့ညွန်ကြားချက်အရ တစ်မြို့ နယ်လုံးမှာ တစ်ယောက်ကျန်လို့ ရှိရင် ငွေမချေးပေးရဘူး ဆိုတဲ့ မူရှိတာပေါ့နော်။ ရှိတဲ့အခါကျတော့ အစ်မတို့ တစ်မြို့ နယ်လုံး မချေးခဲ့ရဘူး။ မေမှာလည်း မချေးခဲ့ရဘူး။
ဇွန်မှာလည်း မချေးခဲ့ရဘူးပေါ့နော်။ ဇူလိုင်လ ရောက်ပြီဆိုတော့မှ ကျေတဲ့အုပ်စုတွေ ချေးပေးပါဆို၊ ကျေတဲ့အုပ်စုတွေ ခွဲချေးပေးရ တာပေါ့။ ကျေတဲ့အုပ်စုတွေ ခွဲချေးပြီးတော့မှ ပြီးသွားရင် မကျေတဲ့အုပ်စုတွေထဲက ဆယ်လယ်စုတွေအလိုက် ချေးတော့မှာ လေ။ ဆယ်လယ်စုတွေထဲမှာ ဆယ်ယောက်တစ်ဖွဲ့ ထဲမှာ တစ်ယောက်ကျန်ရင်တော့ အကြွေးကျန် တစ်ယောက်ရှိရင်တော့ အဲဒီဆယ် လယ် စုကို ထားပြီးချေးပေးရမှာ"
အခုနှစ်အတွင်း ဧရာဝတီတိုင်း၊ ရခိုင်ပြည်နယ်၊ မွန်ပြည်နယ် စတဲ့ ဒေသတွေမှာလည်း စိုက်ပျိုး စရိတ်ချေးငွေ မရတဲ့ အခက်အခဲ တွေနဲ့ ရင်ဆိုင်နေရတယ်လို့ တောင်သူတွေက ပြောပါတယ်။
မြန်မာ့ စိုက်ပျိုးရေးဘဏ်ဟာ ပြီးခဲ့တဲ့နှစ်တွေက လယ်တစ်ဧကကို ငွေကျပ် နှစ်သောင်းနှုန်း စိုက်ပျိုးစရိတ် ထုတ်ချေးခဲ့တာ ဖြစ်ပြီး အခုနှစ်မှာ တစ်ဧကကို ငွေကျပ် ငါးသောင်းနှုန်းအထိ တိုးမြှင့်လိုက်တဲ့အတွက် တောင်သူ လယ်သမားတွေရဲ့ ငွေချေးယူမှု ပမာဏ ပိုများလာပြီး ဘဏ်တွေအနေနဲ့ ချေးငွေ အလုံအလောက် ထုတ်ပေးနိုင်မှု မရှိတော့ဘူးလို့ သိရပါတယ်။
Ref: အာရ်အဖ်အေ
Read More...
Collapse...
2012-08-16
ထိုင်းနိုင်ငံ ချင်းမိုင်တက္ကသိုလ်မှာ ဒေသန္တရ အုပ်ချုပ်ရေးဆိုင်ရာ ပညာရပ်တွေ လေ့လာသင်ကြားနိုင်ဖို့ မြန်မာနိုင်ငံက ပြည်သူ့ လွတ်တော် ကိုယ်စားလှယ်တွေနဲ့ နိုင်ငံရေးပါတီ ခေါင်းဆောင်တွေ စုစုပေါင်း ၂၀ ခန့် ဒီကနေ့ ညနေပိုင်းမှာ ချင်းမိုင်မြို့ကို ရောက် ရှိလာပါတယ်။
သြဂုတ်လ ၁၇ ရက်နေ့ ကစပြီး ၂ ပတ်ကြာ ပြုလုပ်မယ့် ဒီသင်တန်းမှာ ချင်းမိုင် တက္ကသိုလ်က ဆရာတွေက ဒေသန္တရ အုပ်ချုပ် ရေးပိုင်းဆိုင်ရာတွေကို သင်ကြားပို့ချသွားမှာ ဖြစ်ကြောင်း ဒီသင်တန်းကို စီစဉ်ခဲ့တဲ့ ချင်းမိုင်အခြေစိုက် ဗဟု ဖွံ့ဖြိုးမှုအဖွဲ့ရဲ့ ခေါင်း ဆောင် တစ်ဦးဖြစ်သူ ဦးအောင်သူငြိမ်းက အာအက်ဖ်အေကို ပြောပါတယ်။
"အဓိကကတော့ ကျွန်တော်တို့ သင်တန်းကဗျာ။ Local Government ခေါ်တာပေါ့နော်။ ဒေသန္တရ အုပ်ချုပ်ရေးပေါ့၊ ဆိုတော့ အထူးသဖြင့် ပါတဲ့အမတ်တွေကတော့ ပြည်နယ်တိုင်းအဆင့်က အမတ်တွေပဲ များပါတယ်၊ မှန်းခြေ ၂၀ လောက်ရှိမယ်။ အကုန် အမတ်တွေချည်းပဲ မဟုတ်ဘူးဗျ။ တခြား နိုင်ငံရေး ပါတီတွေလည်း ပါတယ်ဗျ။ သူတို့တွေကတော့ အထူးသဖြင့် ချင်းမိုင် တက္က သိုလ်က ဆရာတွေလည်း ပို့ချမယ်။ ပြီးတော့ ထိုင်းမှာလုပ်ခဲ့တဲ့ အောက်ခြေ ဒေသန္တရ အုပ်ချုပ်ရေး အတွေ့အကြုံတွေပါ သူတို့ လေ့လာမယ်။ ကျွန်တော်တို့ကတော့ တချို့ သီအိုရီ သဘောမျိုး ပို့ချတာပါမယ်။ နောက်တခါကျတော့ တချို့ အုပ်ချူပ်ရေးကိစ္စနဲ့ ပတ်သက်တဲ့ဟာမျိုး တချို့ ပို့ချတာပါမယ်"
ဒီသင်တန်းမှာ ဒဂုံဆိပ်ကမ်းမြို့နယ်က ပြည်သူ့လွှတ်တော် ကိုယ်စားလှယ် ဦးကြီးမြင့်၊ မရမ်းကုန်းမြို့နယ် ကိုယ်စားလှယ် ဒေါ်ခင်ဖြူ ဖြူငြိမ်း၊ မန္တလေးတိုင်း တံတားဦးမြို့နယ် ကိုယ်စားလှယ် ဦးနန်းထိုက်နဲ့ ကချင်ပြည်နယ် မိုးကောင်းမြို့နယ် ကိုယ်စားလှယ် ဦးမြတ် မိုးမြင့်တို့ အပါအ၀င် နိုင်ငံရေးပါတီ ခေါင်းဆောင်တချို့လည်း ပါဝင်ကြတယ်လို့ သိရပါတယ်။
Ref: အာရ်အဖ်အေ
Read More...
Collapse...
2012-08-16
တရုတ် မြန်မာနယ်စပ် လိုင်ဇာမြို့အနီးရှိ ဂျယ်ယန်နဲ့ ဖုံလုံယန် ဒုက္ခသည်စခန်း ၂ ခုကို ပြည်တွင်းလူမှုရေး အဖွဲ့အစည်းတွေဖြစ်တဲ့ အဖြူရောင်တွဲလက်များနဲ့ မန္တလေးရှိ ကလေးသူငယ်များ ကွန်ယက်အဖွဲ့က ဆေးနဲ့ ကျောင်းသုံးပစ္စည်းတွေ ဒီနေ့ သွားရောက် ကူညီကြပါတယ်။
အဲဒီစခန်းတွေမှာ အဓိက လိုအပ်နေတာကတော့ အစားအသောက်နဲ့ ကျောင်းသူ ကျောင်းသားတွေအတွက် စာရေးကရိယာ ပစ္စည်းတွေ ဖြစ်တယ်လို့ သိရပါတယ်။ အဲဒီစခန်း တစ်ခုမှာ ရောက်ရှိနေတဲ့ အဖြူရောင်တွဲလက်များ အဖွဲ့ဝင်တစ်ယောက်က အခုလိုပြောပါတယ်။
"နာရေးကူညီမှုအသင်းက ၂ ယောက်ပါတယ်။ နောက် မန္တလေးက အဖွဲ့ပါတယ်။ ကလေးချစ်သူများအဖွဲ့၊ အဲဒီအဖွဲ့မှာ ဆရာတော် တစ်ပါး ပါတယ်။ ကူညီတာကတော့ ဆေးပစ္စည်း၊ ၀ှီးချဲတို့၊ ဒေါက်တို့၊ ညှပ်တို့ အဲဒါတွေတော့ ပါတယ်ခင်ဗျ။ အဖြူရောင် တွဲလက် များ အနေနဲ့ကတော့ ပြီးခဲ့တဲ့ ၆ လပိုင်းလောက်က ရောက်ထားတော့ ကျွန်တော်တို့ ရိုက်ထားတဲ့ ဓာတ်ပုံလေးတွေ၊ နောက်ပြီး ဒီဘက်ကလုပ်တဲ့ ဟာလေးတွေ ပြန်ပေးတာတို့ ရှယ်တာပဲ ရှိတယ်ခင်ဗျ။ ကျန်တဲ့လှူတာတို့ မပါသေးဘူးခင်ဗျ။ ဒီအခေါက်မှာက။ ကျန်တဲ့အဖွဲ့တွေကတော့ ကလေးတွေနဲ့ ပတ်သက်တဲ့ ပညာရေး စာအုပ်စာတမ်းတွေ ပါလာတယ်၊ မန္တလေးအဖွဲ့လှူတာက။ ကျန် တဲ့ အဖွဲ့တွေကတော့ ပိုက်ဆံတွေလှူကြတယ်"
ကေအိုင်အို ဒုက္ခသည် ကူညီစောင့်ရှောက်ရေး ကော်မီတီ ဥက္ကဋ္ဌ ဦးဒွဲပီစ က ဆေးဝါးနဲ့ အစားအစာ အကူအညီတွေ လိုအပ် နေဆဲပဲလို့ ပြောပါတယ်။ အခု ပြည်တွင်းက အကူအညီပေးရေး အဖွဲ့တွေ ရောက်နေတဲ့ တရုတ် မြန်မာနယ်စပ်က ဂျယ်ယန်နဲ့ ဖုံလုံယန် ဒုက္ခသည်စခန်း ၂ ခုမှာ ဒုက္ခသည် ဦးရေ ၁ သောင်းကျော်ရှိပြီး ဆင်ဘို၊ မိုးမောက်၊ မံစီ၊ ဒေါ့ဖုန်းယန် မြို့နယ်အတွင်း က ရောက်လာသူတွေ ဖြစ်ကြပါတယ်။
Ref: အာရ်အဖ်အေ
Read More...
Collapse...
ဦးသန်းလွင်ထွန်း
16.08.2012
မြန်မာနိုင်ငံမှာ ဒုတိယသမ္မတအဖြစ် ရေတပ်ဗိုလ်ချုပ်ကြီး ဉာဏ်ထွန်းကို လွှတ်တော်ကနေ အတည်ပြု ခန့်အပ် လိုက်ပြီဖြစ်တာမို့ မြန်မာနိုင်ငံ အစိုးရအဖွဲ့အတွင်း သတင်းဖြစ်ပေါ်နေတဲ့ အပြောင်းအလဲ ခန့်အပ်မှုတွေ ဆက်တိုက် ထွက်ပေါ်လာဖို့ ရှိနေပါတယ်။ နိုင်ငံတော်ရဲ့ ပြုပြင်ပြောင်းလဲမှုအတွက် လိုအပ်နေတဲ့ အခုလို ပြုပြင် ပြောင်းလဲမှုတွေကို စီစဉ်ထားပြီးဖြစ်တဲ့အကြောင်း နိုင်ငံတော် သမ္မတကြီး ဦးသိန်းစိန်က ဗွီအိုအေ ဌာနမှူး ဦးသန်းလွင်ထွန်းနဲ့ ပြီးခဲ့တဲ့ တနင်္လာနေ့က နေပြည်တော်မှာ တွေ့ဆုံခဲ့ စဉ် ပြောကြား ခဲ့ပါတယ်။ ဒီအကြောင်း ဦးသန်းလွင်ထွန်းနဲ့ နိုင်ငံတော်သမ္မတကြီးတို့ သီးသန့်တွေ့ဆုံ မေးမြန်းခန်း တစိတ်တဒေသကို တင်ပြပေး ထားပါတယ်။
မေး။ ။ သမ္မတကြီးအနေနဲ့ နိုင်ငံတော်ရဲ့ အထွေထွေ ပြုပြင်ပြောင်းလဲရေး ကိစ္စတွေမှာ သမ္မတကြီးရဲ့ မိန့်ခွန်းတစ်ခုမှာ ကျနော်တို့ သတိထားမိလိုက်တဲ့ အချက်လေးတစ်ခု ရှိပါတယ်။
ပြုပြင်ပြောင်းလဲရေးကို အရှိန်အဟုန်နဲ့ဆက်သွားမယ်၊ ပြုပြင်ပြောင်းလဲရေးကို မလိုက်ချင်တဲ့ သူတွေ ကို နောက်ချန်ထားခဲ့ရမယ် ဆိုတဲ့ အချက်လေးကိုပါ။ အဲဒီတော့ ဒီအချက်ကို ကြည့်လိုက်တယ် ဆိုလို့ ရှိရင် သမ္မတကြီးတို့ရဲ့ အစိုးရအဖွဲ့ အသိုင်းအဝိုင်းအတွင်း ပိုင်းမှာလည်း ဒီလို ပြုပြင်ပြောင်းလဲရေးကို မလိုက်ချင်တဲ့ သူတွေ ရှိနေသလားဆိုပြီးတော့ တွေးစရာပေါ်လာပါတယ်။ ဒီအချက် ကလေးကို နည်းနည်းလောက် ရှင်းပြပါလား။
ဖြေ။ ။ ဒီကိစ္စကတော့ ဒီလိုပါ။ ပြုပြင်ပြောင်းလဲရေးတွေက မြန်မြန်ဆန်ဆန်နဲ့ လုပ်နေရတဲ့ ကိစ္စမျိုး ဖြစ် ပါတယ်။ သိပ်ပြီးတော့ နှေးကွေးသွားရင် တွေ့ကြုံရမယ့် အခက်အခဲတွေ၊ အကျပ်အတည်းတွေ- ဒါတွေက အများကြီး ရှိပါတယ်။ အခု ဒါလောက်များများ သွားတာတောင်မှ အခက်အခဲတွေ အများကြီး ကျနော်တို့ တွေ့နေရပါတယ်။ ဒါကြောင့်မို့လို့ မြန်မြန်ဆန်ဆန်နဲ့ ကျနော်တို့ ကူး ပြောင်းချင် တယ်။ မြန်မြန်ဆန်ဆန်နဲ့ ကူးပြောင်းတဲ့အခါမှာ တချို့က နှေးနှေးကွေးကွေးနဲ့ လိုက်နေတာတွေ ရှိပါတယ်။ ဆန့် ကျင်တာတော့လည်း မဟုတ်ဘူး။ သို့သော်လည်း ခရီးမတွင်ဘူးပေါ့။ ဒီလို ခရီး မတွင်တဲ့လူတွေ ကျနော်တို့ အစိုးရအဖွဲ့ထဲမှာ လည်း ရှိပါတယ်။ လွှတ်တော်ထဲမှာလည်း ရှိပါတယ်။
ဒီလူတွေကတော့ သူတို့ကို ကျနော် ပွင့်ပွင့်လင်းလင်းပဲ ပြောတယ်၊ ဒီလို လေးလေးပင်ပင်နဲ့ လုပ်နေ တဲ့သူတွေ ကတော့ နောက် ချန်ထားခဲ့ရမှာပဲ၊ ဒါလည်း ကျနော်တို့ လုပ်ရမယ့် ကိစ္စပါ။ ကျနော်ကတော့ ကိုယ့်အစိုးရ အတွင်းမှာတော့ ကျနော် လုပ်ပိုင်ခွင့် ရှိတာပေါ့လေ။ လွှတ်တော်ကျတော့ ကျနော်က လုပ်ပိုင်ခွင့် မရှိဘူး။ အစိုးရအဖွဲ့အတွင်းမှာ ဒီလို ပုဂ္ဂိုလ်တွေလည်း ရှိပါတယ်။ ဒါကြောင့် ဒါတွေကိုတော့ တဖြည်းဖြည်း ချန်ထားခဲ့မယ် ဆိုပြီးတော့ အတိအလင်းလည်း သူတို့ကို ကျနော် ပြောထားတာ ဖြစ်ပါ တယ်။
မေး။ ။ အဲဒါကြောင့်မို့လို့ပဲ ပြီးခဲ့တဲ့ လပိုင်းတွေအတွင်းမှာ ဒုတိယဝန်ကြီး အပြောင်းအလဲတွေ လုပ် တယ်၊ ပြီးတော့ ပြီးခဲ့တဲ့ သီတင်းပတ်တွေအတွင်းမှာပဲ အစိုးရအဖွဲ့အတွင်း ပြုပြင်ပြောင်းလဲမှုတွေ ရှိတယ်ဆိုတဲ့ သတင်းတွေလည်း ထွက်ပါတယ်။ ဒါ့အပြင် ဒုတိယ သမ္မတ ခန့်အပ်မှုကိစ္စဆိုတဲ့ အကြောင်းလေးတွေလည်း ရှိနေတော့ သတင်းသာ ကြားနေရတယ်၊ ချက်ချင်း ထွက်ပေါ် မလာနိုင်သေးတဲ့ ကိစ္စကရော ဘာကြောင့်များ နှောင့်နှေးနေခဲ့ပါသလဲ။
ဖြေ။ ။ ကျနော်တို့က အချိန်လည်း တွက်ရ၊ ပြုရ၊ စောင့်ရပါတယ်။ ပထမတော့ လွှတ်တော် ကျင်းပမယ့် အချိန်ပေါ့။ တခါ ဒု-သမ္မတ တစ်ယောက်ကလည်း ထွက်သွားပြန်တော့ ဒု-သမ္မတအစား တစ်ယောက် ကို ရွေးဖို့အတွက် - ကျနော်တို့က ဘယ်သူ့ကို ခန့်ပေးပါဆိုပြီးတော့ ဒီလို ပြောလို့ မရပါဘူး။ ဖွဲ့စည်းပုံ အခြေခံ ဥပဒေအရ တပ်မတော် အစုအဖွဲ့ကနေ သူတို့ ကြိုက်နှစ်သက်သူ တစ်ယောက် ရွေးရမှာ ဖြစ် ပါတယ်။
သူတို့ရွေးပေးပြီး တင်လိုက်တယ်၊ သို့သော် တစ်ယောက်က တချို့အချက်အလက်လေး နည်းနည်း ငြိစွန်းနေတဲ့အတွက် ဒီတစ် ယောက်ကို သူတို့ ပယ်လိုက်ပါတယ်။ အခု ဒါက ဒုတိယ တစ်ယောက်ပေါ့လေ။
ဒု-သမ္မတ ထိပ်စည်းကနေ ထွက်လာတာနဲ့အမျှ ကျန်တဲ့အပိုင်းတွေမှာလည်း ပြုပြင်စရာတွေ၊ ပြောင်း လဲ စရာတွေ ရှိပါတယ်။ ဒါတွေလည်း ကျနော် ထင်ပါတယ်၊ ဆက်တိုက် ဆက်ပြီး လုပ်သွားဖို့ ရှိလာ မှာပါ။
ဦးသန်းလွင်ထွန်းနဲ့ နိုင်ငံတော်သမ္မတကြီးဦးသိန်းစိန်တို့ တွေ့ဆုံမေးမြန်းခဲ့တာတွေကို အပိုင်းလိုက် ခွဲပြီး ဗွီအိုအေကနေ ဆက်လက် တင်ပြ ပေးသွားဖို့ရှိပါတယ်။
Ref: ဗွီအိုအေ
Read More...
Collapse...
16.08.2012
လန်ဒန်မြို့မှာရှိတဲ့ အီကွေဒေါ သံရုံးမှာ လွန်ခဲ့တဲ့ နှစ်လကတည်းက ခိုလှုံခွင့်လျှောက်ထားထားတဲ့ ၀ီကီလိခ် အင်တာနက်ဝဘ်ဆိုက် တည်ထောင်သူ ဂျူလီယန် အာဆန်းခ်ျကို အီကွေဒေါနိုင်ငံက လက်ခံအတည်ပြုလိုက်ပါပြီ။
ဝီကီလိခ်ဟာ အင်တာနက်ကနေ အစိုးရတွေနဲ့ အဖွဲ့အစည်းတွေရဲ့ လျှို့ဝှက်ချက်တွေကို ဖွင့်ချပြခဲ့တဲ့ အင်တာနက် ၀ဘ်ဆိုက်ဖြစ် ပါတယ်။ အီကွေဒေါနဲ့ ဗြိတိန်နိုင်ငံ နှစ်နိုင်ငံအကြား သံတမန်ရေးအရ တင်းမာမှုတွေ ဖြစ်ပွားနေချိန်မှာ အာဆန်းခ်ျရဲ့ ခိုလှုံခွင့် လျှောက်ထားချက်ကို အတည်ပြုကြောင်း အီကွေဒေါနိုင်ငံ၊ နိုင်ငံခြားရေးဝန်ကြီး ရီကာဒို ပတီနို က ကွီတိုမြို့မှာ ကြာသာပတေး နေ့က ကြေညာ လိုက်တာပါ။
သူက အာဆန်းခ်ျရဲ့လုံခြုံရေးဟာ အန္တရာယ်ရှိကြောင်း၊ သူ့ကို အမေရိကန်ပြည်ထောင်စုကို လွှဲပေးလိုက်မယ်ဆိုရင် မျှမျှတတ တရား စီရင်မှု ခံရမှာ မဟုတ်ဘူးလို့ ပြောပါတယ်။
ဗြိတိန်အာဏာပိုင်တွေက အီကွေဒေါ သံရုံးအတွင်း အတင်းဝင်ရောက်ပြီးတော့ မစ္စတာအာဆန်းရ်ှကို ဖမ်းမယ်ဆီးမယ် ဆိုပြီးတော့ ခြိမ်းခြောက်တာကို ခံနေရတယ်လို့ အီကွေဒေါ တာဝန်ရှိသူတွေက စွပ်စွဲပြောဆိုခဲ့ပါတယ်။ ဗြိတိန်နိုင်ငံက အီကွေဒေါနိုင်ငံ သံရုံးရဲ့ သံတမန်အဆင့်အတန်းကို ရုပ်သိမ်းနိုင်တဲ့ ဥပဒေကို အသုံးပြုမယ်ဆိုပြီးတော့ သတိပေးထား တယ်လို့ ဆိုပါတယ်။
မစ္စတာအာဆန်းခ်ျက သူ့ကို ဆွီဒင်နိုင်ငံလက်ကို လွှဲပြောင်းမပေးနိုင်အောင် လန်ဒန်မှာရှိတဲ့ အီကွေဒေါသံရုံးမှာ ပြီးခဲ့တဲ့ ဇွန်လ ကတည်းက ခိုလှုံနေခဲ့တာပါ။
ဗြိတိန်နိုင်ငံက မစ္စတာအာဆန်းခ်ျ ဆွီဒင်နိုင်ငံကို လွဲပြောင်းပေးချင်နေတာပါ။ ဆွီဒင်နိုင်ငံက မစ္စတာ အာဆန်းခ်ျကို လိင်အကြမ်း ဖက်မှု ကျူးလွန်ခဲ့မှုနဲ့ စစ်ဆေးဖို့ အလိုရှိနေတာဖြစ်ပါတယ်။ မစ္စတာ အာဆန်းခ်ျကတော့ ဒီစွပ်စွဲချက်ကို ငြင်းဆိုထားပါတယ်။ သူ့ကို ဗြိတိန်နိုင်ငံ ကနေ အေးအေးဆေးဆေး ထွက်ခွာသွားတာမျိုး ခွင့်မပြုနိုင်ဘူးလို့ ဗြိတိန် အာဏာပိုင်တွေက ပြောနေတာပါ။
မစ္စတာအာဆန်းခ်ျက သူ့ကို ဆွီဒင်နိုင်ငံကတဆင့် အမေရိကန်ပြည်ထောင်စုကို လွှဲပေးမှာ စိုးရိမ်နေပါတယ်။ အမေရိကန် အာဏာ ပိုင်တွေက အစိုးရလျှို့ဝှက် သတင်းအချက်အလက်တွေ သံရုံးတွေကနေ ဆက်သွယ်တဲ့ သံတမန်သတင်း အချက်လက် တွေကို ၀ီကီလိခ် ၀ဘ်ဆိုက်ကနေ ဖွင့်ချခဲ့မှုနဲ့ သူ့ကို တရားစွဲဆိုနိုင်ပါတယ်။
Ref: ဗွီအိုအေ
Read More...
Collapse...
16.08.2012
ပါကစ္စတန် မြောက်ပိုင်းက ကြီးမားတဲ့ လေတပ် အခြေစိုက်စခန်းတခုကို မောင်းပြန်သေနက်တွေ ရော့ ကတ် ဒုံးလက်နက်တွေ ကိုင်ဆောင်ထားတဲ့ စစ်သွေးကြွတွေက ၀င်ရောက်တိုက်ခိုက်ရာကနေ အပြန် အလှန် တိုက်ပွဲတွေဖြစ်ပြီး စစ်သားတဦးနဲ့ စစ်သွေး ကြွကိုးဦး သေဆုံးသွားခဲ့ပါတယ်။
Kamra လေကြောင်း အခြေစိုက်စခန်းကို ၀င်ရောက်တိုက်ခိုက်တဲ့ နှစ်နာရီကြာ မနက်လင်းအားကြီး တိုက်ပွဲ အတွင်းမှာ လေတပ် စခန်းရဲ့ တပ်မှူးလည်း ဒဏ်ရာရသွားတယ်လို့ ပါကစ္စတန် အရာရှိတွေ က ပြောပါတယ်။
လေယဉ်တစင်းလည်း ပျက်စီးသွားပါတယ်။ စစ်သွေးကြွတွေဟာ လေတပ်စခန်းရဲ့စည်းကို ဖောက်ခွဲ ၀င်ရောက် လာပြီး အချို့ဟာ စစ်ယူနီဖောင်းတွေ ၀တ်ဆင်ထားတယ်လို့ ဆိုပါတယ်။ နောက်ပိုင်း မှာတော့ ထောင်ထားတဲ့ ဗုံးအချို့ကို လုံခြုံရေးတပ်ဖွဲ့တွေက တွေ့ပြီး စနက်တံ ဖြုတ်နိုင်ခဲ့ပါတယ်။
ဒီ တိုက်ခိုက်မှုကို သူတို့ လုပ်တာလို့ ပါကစ္စတန် အခြေစိုက် တာလီဘန်က ပြောပါတယ်။ ပါကစ္စတန်-တာလီဘန်တွေဟာ ပြီး ခဲ့တဲ့ နှစ်တွေအတွင်းကလည်း ဒီလိုပဲ စစ်အခြေစိုက်စခန်းတွေကို ပစ်မှတ်ထား တိုက်ခိုက်လေ့ ရှိပါတယ်။
Ref: ဗွီအိုအေ
Read More...
Collapse...
16.08.2012
သြဂုတ်လ ၁၄ ရက်နေ့က အတိုက်အခံတွေ ထိန်းချုပ်ထားတဲ့ ဆီးရီးယားနိုင်ငံမြောက်ပိုင်းက အာဇတ်စ် မြို့ပေါ်ကို ဆီးရီးယား လေတပ်က ဗုံးကြဲတိုက်ခိုက်ခဲ့ပြီးတဲ့နောက် ရာပေါင်းများစွာသော မြို့သူမြို့ သားတွေဟာ မနေ့ကလည်း အိုးအိမ်တွေကို စွန့်ခွာ ထွက်ပြေးနေကြပါတယ်။
အဲဒီတိုက်ခိုက်မှုကြောင့် အာဇတ်စ်မြို့မှာ လူ ၅၀ ကျော် သေဆုံးခဲ့ပြီး အနည်းဆုံး ၂၅ ယောက် လောက် ပျောက်ဆုံးနေပါတယ်။ ဆီးရီးယားနိုင်ငံကို စေလွှတ်ထား တဲ့ စောင့်ကြည့်လေ့ လာရေးအဖွဲ့ရဲ့ လုပ်ငန်းတွေကို လာမယ့် တနင်္ဂနွေနေ့မှာ အဆုံးသတ် လိုက် ဖို့ ကုလသမဂ္ဂ လုံခြုံရေးကောင်စီက ခွင့်ပြုလိုက်ပါတယ်။
ဒါပေမဲ့ ဆီးရီးယားနိုင်ငံထဲမှာ ကုလသမဂ္ဂရဲ့ နိုင်ငံရေးဆိုင်ရာ ရုံးတစ်ရုံးဖွင့်လှစ်နိုင်ဖို့ကိုတော့ လုံခြုံရေးကောင်စီက မျှော်လင့်နေဆဲ ဖြစ်ပါတယ်။ လက်ရှိ စောင့်ကြည့်လေ့လာရေးအဖွဲ့ကို သက်တမ်းတိုးပြီး ထားရှိရေး ဖြစ်နိုင် ခြေ မရှိဘူးလို့ လုံခြုံရေးကောင်စီ အဖွဲ့ဝင်နိုင်ငံအားလုံးက သဘောတူညီခဲ့ကြတယ်လို့ လုံခြုံရေးကောင်စီရဲ့ အလှည့်ကျ ဥက္ကဋ္ဌဖြစ်တဲ့ ကုလသမဂ္ဂရဲ့ ပြင်သစ် သံအ မတ်ကြီးက ပြောပါတယ်။
ဆီးရီးယားနိုင်ငံတဝှမ်းက အကြမ်းဖက် တိုက်ခိုက်မှုတွေကြောင့် လူပေါင်း ၂ သန်း၊ ၅ သိန်းလောက်ဟာ အကူအညီတွေ လိုအပ် နေတယ်လို့ ကုလသမဂ္ဂက ခန့်မှန်းထားပါတယ်။
Ref: ဗွီအိုအေ
Read More...
Collapse...
ကိုသားညွန့်ဦး
16.08.2012
မြန်မာနိုင်ငံ အနောက်ဘက်ခြမ်း ရခိုင်ပြည်နယ်အတွင်းက ရိုဟင်ဂျာအရေးကိစ္စနဲ့ပတ်သက်လို့ ကုလသမဂ္ဂ အထွေထွေညီလာခံကို တင်ပြဆွေးနွေးသွားဖို့ OIC အစ္စလာမ် ပူးပေါင်းဆောင်ရွက်ရေး အဖွဲ့ ညီလာခံကနေ ဆုံးဖြတ်လိုက်ပါတယ်။ ကုလသမဂ္ဂဘက် ကတော့ ရိုဟင်ဂျာကိစ္စနဲ့ပတ်သက်ပြီး အကောင်းဆုံး ဖြေရှင်းနိုင်ဖို့ မြန်မာအာဏာပိုင်တွေနဲ့ ညှိနှိုင်းနေတယ်လို့ ပြောပါတယ်။ အကြောင်းစုံ ကိုသားညွန့်ဦးက တင်ပြပေးထားပါတယ်။
မွတ်ဆလင်နိုင်ငံပေါင်း ၅၇ နိုင်ငံပါဝင်တဲ့ OIC အစ္စလာမ် ပူးပေါင်းဆောင်ရွက်ရေးအဖွဲ့ ညီလာခံ မှာ နိုင်ငံတကာအရေးနဲ့ ပတ် သက်လို့ အဓိက လွှမ်းမိုးခဲ့တဲ့ အထဲ ဆီးရီယားကိစ္စအပြင် မြန်မာနိုင်ငံက ရိုဟင်ဂျာ အရေးလည်း ပါဝင်ပါတယ်။ မြန်မာနိုင်ငံတွင်း ရိုဟင်ဂျာ မွတ်ဆလင်အပေါ် အကြမ်းဘက် မှုတွေနဲ့ ပတ်သက်လို့ ဆော်ဒီအာရေဗီးယားနိုင်ငံ မကာမှာကျင်းပတဲ့ OIC ညီလာခံ ကနေ ပြစ်တင် ရှုတ်ချသွားပါတယ်။ ဒါ့အပြင် ဒီကိစ္စကို ကုလသမဂ္ဂအထိ တင်ပြ ဆွေးနွေးဖို့ ဆုံးဖြတ်လိုက်တယ် လို့ ဆော်ဒီအာ ရေ ဗီးယားနိုင်ငံ နိုင်ငံခြားရေးဝန်ကြီး Nizar Bin Obaid Madani က ပြောသွားပါ တယ်။
“မြန်မာနိုင်ငံမှာ နိုင်ငံသားဖြစ်ပိုင်ခွင့် ငြင်းပယ်ခံရတာနဲ့ အကြမ်းဘက်မှုတွေ ဆက်ဖြစ်နေတာတွေ အပေါ် မြန်မာခေါင်းဆောင် တွေကို အပြင်းအထန် ရှုတ်ချကြောင်း ညီလာခံကနေ ထုတ်ပြန်ပါတယ်။ ဒီ ရိုဟင်ဂျာပြဿနာကို ကုလသမဂ္ဂ အထွေထွေညီ လာခံအထိ တင်ပြဖို့အတွက် ညီလာခံကနေ ဆုံးဖြတ်လိုက်ပါတယ်။”
OIC အဖွဲ့ဝင်တွေထဲမှာ မြန်မာအိမ်နီးချင်း အာဆီယံနိုင်ငံတွေထဲက အင်ဒိုနီးရှား၊ မလေးရှား၊ ဘရူနိုင်းနိုင်ငံတွေလည်း ပါဝင်ပါ တယ်။ ကုလသမဂ္ဂ ဘက်ကတော့ အခြေအနေတွေအပေါ်မှာ အကောင်းဆုံးဖြစ်အောင် မြန်မာအာဏာပို်င်တွေနဲ့ ညှိနှိုင်းဆောင် ရွက်နေပါတယ်လို့ အတွင်းရေး မှူးချုပ်ရုံး ပြောခွင့်ရသူ Eduardo Del Buey က ပြောပါတယ်။
“မြန်မာနိုင်ငံအခြေအနေက ဖြည်းဖြည်းချင်း သွားနေတဲ့သဘောပါ။ တိုးတက်လာမှုတွေ ရှိသလို နောက်ပြန်ဆုတ်တာတွေလည်း ရှိပါတယ်။ အခြေအနေက ငြိမ်မနေတာကို လက်ခံပါတယ်။ ရိုဟင်ဂျာကိစ္စကို အကောင်းဆုံး ဘယ်လို ဖြေရှင်းနိုင်မလဲဆိုတာကို မြန်မာအာဏာပိုင်တွေနဲ့ တိုင်ပင်နေပါတယ်။ ဆက်ပြီးတော့လည်း ညှိနှိုင်းနေပါတယ်။ အခြေအနေတွေကို အတွင်းရေးမှူး ချုပ်ရော အတွင်းရေးမှူးချုပ် အထူးကိုယ်စားလှယ် မစ္စတာနမ်ဗီယားကပါ စိုးရိမ်ပူပင်နေပါတယ်။”
နိုင်ငံတကာအနေနဲ့ကတော့ ရခိုင်ပြည်နယ်အတွင်း အကြမ်းဘက်မှုတွေကို သီးခြားလွတ်လပ်တဲ့ စုံစမ်းစစ်ဆေးမှုတွေလုပ်ဖို့ တိုက် တွန်း နေတာပါ။ ဒါပေမဲ့လည်း ဒီကိစ္စဟာ ရခိုင်ပြည်နယ်ထဲက ကိစ္စရပ်တခုသာဖြစ်ပြီး နိုင်ငံတကာ စုံစမ်းရေးအဆင့်လုပ်ဖို့ မသင့် တော်ပါဘူးလို့ မြန်မာအာဏာ ပိုင်တွေ ဘက်က တုံ့ပြန်ခဲ့ပါတယ်။
အကဲခတ်တွေကတော့ မြန်မာအာဏာပိုင်တွေအနေနဲ့ အရင်းအမြစ်ကျတဲ့ နောက်ကွယ်က အကြောင်းရပ်ကို ပထမဆုံး ဖြေရှင်း သင့် တယ်ဆိုပြီး အကြံပြုမှုတွေလည်း ရှိပါတယ်။ နိုင်ငံတကာ ပဋိပက္ခတွေကို လေ့လာတဲ့ International Crisis Group ရဲ့ သုတေသီ Jim Della-Giacoma ကတော့ OIC က အခုလို ဆုံးဖြတ်လိုက်တာကိုကြည့်ရင် ရိုဟင်ဂျာအရေး ကိစ္စဟာ နိုင်ငံ တကာ ပြဿနာရပ်တခုလို ဖြစ်လာတယ်လို့ ထောက်ပြပါတယ်။ မြန်မာအစိုးရအနေနဲ့ ပထမဆုံး ဖြေရှင်းသင့်တာ ကတော့ နိုင်ငံသား ပြဿနာဖြစ်တယ်လို့ သူက မြင်ပါတယ်။
“ဒီကိစ္စရဲ့ နောက်ကွယ်မှာရှိနေတဲ့ အခြေခံကျတဲ့ပြဿနာရပ်ကို မြင်ကြည့်နိုင်ဖို့ မြန်မာ အစိုးရ ကို ဖျောင့်ဖျ တွန်းအားပေးရ မယ်ထင်ပါတယ်။ ဒါကတော့ ရိုဟင်ဂျာတွေရဲ့ နိုင်ငံမဲ့ဖြစ်နေတဲ့ကိစ္စပါ။ ၁၉၈၂ ခုနှစ် နိုင်ငံသားဖြစ်မှု ဥပဒေအရ အစိုးရရဲ့မူဝါဒ ကြောင့် ဒီလူတွေ နိုင်ငံသားဖြစ်နေကြရတာပါ။ ဒီ အခြေအနေကို ပြောင်းပစ်ဖို့က အရေးအကြီးဆုံး ပထမ အဆင့်ဖြစ်ပါတယ်။ အပြည်ပြည်ဆိုင်ရာ လူ့အခွင့်အရေး ကြေညာစာတမ်းအရ နိုင်ငံသားဖြစ်ခွင့် အချက်ကို လက်ခံ အသိအမှတ်ပြုလိုက်ခြင်း အားဖြင့် သာ မြန်မာနိုင်ငံဟာ လူမျိုးစုံ၊ ဘာသာစုံ နိုင်ငံဖြစ်တယ်၊ ဒီမိုကရေစီ မြန်မာနိုင်ငံတော်မှာ လူနည်းစုတွေ အတွက်လည်း နေရာ ရှိတယ်ဆိုတဲ့အချက်ကို မြန်မာအစိုးရက လက်ခံ ပြသရာရောက် မှာပါ။”
ဗွီအိုအေ မြန်မာပိုင်း မြန်မာသမ္မတဦးသိန်းစိန်တို့ သီးခြားတွေ့ဆုံမေးမြန်းခန်းမှာတော့ ရိုဟင်ဂျာအရေး ကိစ္စကို ဖြေရှင်းတဲ့နေရာမှာ ဒီလူမှုအသိုင်းအ၀ိုင်းရဲ့ ပညာရေးကို မြှင့်တင်ပေးဖို့လိုမယ်လို့ သူ့ သဘောထားကို ပြောခဲ့ပါတယ်။ ရိုဟင်ဂျာတွေမှာ ဘာသာရေး အခြေခံတဲ့ကျောင်းတွေပဲ ရှိတယ် လို့ ထောက်ပြပါ တယ်။ ICG သုတေသီ Giacoma ကတော့ ပညာရေးဟာ ဖြေရှင်းရမယ့် အစိတ် အပိုင်းတခုဖြစ်တယ်လို့ လက်ခံပါတယ်။ ရိုဟင်ဂျာတွေဟာ ဟိုးအရင် ကတည်းက အဆင့်မြင့်ပညာ တက်ခွင့်မရတာမို့ ပညာရေးအရ ပိတ်ပင်ခံရတာတွေရှိခဲ့တယ်လိ်ု့ ထောက်ပြပါတယ်။ ဒါပေမယ့် အရင်ဆုံး ဖြေရှင်းသင့်တာကတော့ နိုင်ငံသားဖြစ်မှု ကိစ္စပဲဖြစ်တယ်လို့ပဲ ထပ်ပြောပါတယ်။
ရိုဟင်ဂျာကိစ္စဟာ မြန်မာနိုင်ငံအတွက်တင်မဟုတ်ဘူး၊ ဘင်္ဂလားဒေ့ရ်ှနိုင်ငံနဲ့ပါ ဆက်စပ်နေပါတယ်။ ဒီလူတွေဟာ ဘင်္ဂလားဒေ့ရ်ှ ဘက်က တရားမ၀င် ၀င်ရောက်လာသူတွေဖြစ်တယ်လို့ မြန်မာ ဘက်က ပြောပါတယ်။ ဒါပေမယ့် ဘင်္ဂလားဒေ့ရ်ှဘက်ကတော့ ဒီလူတွေကို လက်ခံဖို့ ငြင်းပယ်နေ တာကြောင့် ရိုဟင်ဂျာတွေဟာ လက်ရှိအထိ နိုင်ငံမဲ့ဖြစ်နေသူတွေလို့ ဆိုရမှာပါ။
Ref: ဗွီအိုအေ
Read More...
Collapse...
16 August 2012
ယခုအချိန်၌ တိုင်းရင်းသား အဖွဲ့အစည်းများကို အကူအညီပေးရန် မသင့်တော်သေးကြောင်း သမ္မတ အပါဝင် အစိုးရအဖွဲ့ဝင် ၀န်ကြီးများက လူမှုရေး အကူအညီ ပေးနေသည့် ဂျပန်နိုင်ငံမှ နိပွန်ဖောင်ဒေးရှင်း အဖွဲ့အား ပြောခဲ့သည်ဟု သြဂုတ်လ (၁၄) ရက်နေ့ နိပွန်အဖွဲ့၏ အကြောင်းပြန်စာအရ သိခဲ့ရကြောင်း ညီညွတ်သော တိုင်းရင်းသားလူမျိုးများ ကောင်စီ(UNFC) အထွေ အထွေ အတွင်းရေးမှူးက ပြောပါသည်။
“ နိပွန်အဖွဲ့ကတော့ ဇွန်လ (၂၂ )ရက်နေ့မှာ ကျနော်တို့နဲ့ ဇင်းမယ်မှာတွေ့ခဲ့တယ်။ သူတို့ဟာ လူမှုရေး အကူအညီ ပေးနေတဲ့ အဖွဲ့ အစည်းကြီး တစ်ခုဖြစ်တယ်။ သူတို့လာတဲ့အကြောင်းကတော့ ကျနော်တို့ ကို ဘာအကူအညီများ ပေးရမလဲလို့ လာမေး တာ ဖြစ်တယ်။ လိုနေတဲ့ အကူအညီကိုလည်း သူတို့ပေးဖို့ ဆုံးဖြတ်ထားတယ်တဲ့” ဟု ဆိုပါသည်။
ဤသို့ဖြင့် UNFC အနေနှင့် လိုအပ်သော အကူအညီများကို တင်ပြတောင်းဆိုခဲ့ပါသည်။ နိပွန်ဖောင်းဒေးရှင်း ဥက္ကဌ Mr. Yohei Sa နှင့် အဖွဲ့သည်လည်း ဇွန်လ (၂၇)ရက် နေ့တွင် မြန်မာနိုင်ငံကို သွားရောက်ခဲ့ပြီး၊ သမ္မတအပါဝင် အစိုးရအဖွဲ့ ၀န် ကြီးများနှင့် နေပြည်တော်၌ တွေ့ ဆုံဆွေးနွေးခဲ့ပါသည်။ ထိုအစည်းအဝေး၌ “တိုင်းရင်းသား တို့အတွက် အကူအညီပေးရေး မှာ ဒီအချိန်ကာလ၌ ပေးရန်မသင့်သေးကြောင်း” ၀န်ကြီးများကပြော ဆိုလိုက်ခြင်းဖြစ်ပါသည်။
ဤကဲ့သို့ အစိုးရ၀န်ကြီးများ၏ ပြောဆိုမှုကြောင့် နိပွန်ဖေါင်းဒေးရှင်းသည် တိုင်းရင်းသား အဖွဲ့များကို ပေးရန်ရှိသောအကူအ ညီ များပြီးခဲ့သည့် သြဂုတ်(၈)ရက်နေ့တွင် ထိုင်းနိုင်ငံ ဇင်းမယ်မြို့တွင် ချိန်းဆိုထားသော်လည်း အကူအညီများမရရှိဘဲ အကြောင်း ပြန် စာသာပေးပို့ လိုက်ခြင်းဖြစ်ပါသည်။
ဂျပန်နိုင်ငံသည် မြန်မာနိုင်ငံအား ဂျပန်ယန်းငွေ (၅) ဘီလီယံ အကူအညီပေးရန်ရှိကြောင်း ပြီးခဲ့သည့် ဇွန်လ(၂၇)ရက်နေ့ ထိုင်း နိုင်ငံ၊ ဇင်းမယ်မြို့၌ ပြုလုပ်သည့် တွေ့ဆုံပွဲတစ်ရပ်တွင် ဂျပန်ကိုယ်စားလှယ်များ ပြောကြားပြီး တချိန်ထဲ၌ နိပွန်ဖေါင်း ဒေးရှင်း ၏ အကူအညီဖြစ်လာခဲ့ပါသည်။
Ref: ရွှေဟင်္သာ
Read More...
Collapse...
16 August 2012
ငြိမ်းချမ်းရေး အတွက် အလှူရှင်များ (Peace Donor Support Group) သည်၊ မြန်မာနိုင်ငံ ငြိမ်းချမ်းရေးနှင့် ဒီမိုကရေစီ ပြုပြင် ပြောင်းလဲရေးအတွက် လိုအပ်မှုကို အကောင်အထည် ဖေါ်နိုင်ရန် နိုင်ငံတကာ အလှူရှင်များက စုဖွဲ့ ထားခြင်းပင် ဖြစ် သည် ဟု ဇွန် လ (၁၂) ရက်နေ့ နေပြည်တော်ရှိ မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာန (MICC) တွင် ကျင်းပ သော ဆွေးနွေးသို့ တက်ရောက်ခဲ့သူ တဦးက ဆိုပါသည်။
အစည်းအဝေး၌ သမ္မတသည် “(Peace Donor Support Group) မှ မိမိတို့၏ ငြိမ်းချမ်းရေး လုပ်ငန်းစဉ် များအတွက် ပါဝင် ပူးပေါင်း ဆောင်ရွက်ရန် လာရောက် ခြင်းအတွက် များစွာ ကျေးဇူးတင်ရှိ ပါကြောင်း၊ မိမိတို့ နိုင်ငံအနေဖြင့် မြန်မာနိုင်ငံ ငြိမ်းချမ်းရေး ဗဟိုဌာန (Myanmar Peace Center) ဖွဲ့စည်း ထူထောင်းပြီး ဖြစ်၍ PDSG အဖွဲ့နှင့် ပူးပေါင်း၍ မဟာဗျူဟာ လုပ်ငန်းစဉ်များ ချမှတ် ဆောင်ရွက် သွားမှာ ဖြစ်ကြောင်း၊ မိမိတို့၏ ရည်မှန်းချက်သည် ထာဝရ ငြိမ်းချမ်းရေး ရရှိရေးနှင့် ဥပဒေ တစ်ခုတည်း အောက်တွင် တန်းတူညီမျှ နေထိုင်ကြရေးပင် ဖြစ်ကြောင်း” မိန့်ကြား ခဲ့ပါသည်။
ကုလ သမဂ္ဂ အတွင်းရေးမှုးချုပ်၏ အထူး အကြံပေး ပုဂ္ဂိုလ်နှင့် ဒုတိယ အတွင်းရေးမှူးချုပ်သည် (Myanmar Peace Center) သို့ အမေရိကန်ဒေါ် လာ (၅) သန်း ထည့်ဝင်မည် ဖြစ်ပြီး စတင် အကောင်အထည် ဖော်သည့် အချိန်၌ ထပ်မံ ထည့်ဝင် သွားမည် ဖြစ်သည်။
ထို့အတူ သြစတြေးလျနိုင်ငံ သံအမတ် ကြီးကလည်း ကျန်းမာရေး လုပ်ငန်း၌သာ အသုံးပြုရန် အမေရိကန် ဒေါ်လာ (၅) သန်း ထည့်ဝင်ခဲ့ပါသည်။ ဗြိတိန်နိုင်ငံ သံအမတ်ကြီးသည် ပြုပြင် ပြောင်းလဲရေး လုပ်ငန်းစဉ်၌ လက်တလော လိုအပ်သည့် နေရာများ တွင် အသုံးပြုနိုင်ရန်၊ မေရိကန်ဒေါ်လာ (၅) သန်း ထည့်ဝင်ပြီး လာမည့် (၃) နှစ်အတွင်း အမေရိကန် ဒေါ်လာ သန်း (၃၀၀) ပေးအပ် ကူညီသွားမည် ဖြစ်သည်။
ဥရောပ သမဂ္ဂ အဖွဲ့ ဌာနေ ကိုယ်စားလှယ်သည် ၂၀၁၂/ ၂၀၁၃ ခုနှစ်အတွင်း ဖွံ့ဖြိုးရေး လုပ်ငန်းစဉ် များအတွက် ယူရိုငွေသန်း (၁၅၀) ထောက်ပံ့ ပေးမည် ဖြစ်သည်ဟု ကြေညာခဲ့ပါသည်။ ကမ္ဘာ့ဘဏ် ဌာနေ ကိုယ်စားလှယ်သည် ကြွေးမြီ ပေးဆပ်ရေး ဆွေးနွေး ညှိနှိုင်းပြီးပါက ဖွံဖြိုး တိုးတက်ရေး အတွက် အတိုးနှုန်း သက်သာသည့် ချေးငွေဖြင့် အမေရိကန် ဒေါ်လာ သန်း (၃၀၀) ကို နှစ်စဉ် ချေးယူနိုင်မှာ ဖြစ်သည်။
Peace Donor Support Group (PDSG) တွင် ကုလသမဂ္ဂ၊ ဥရောပသမဂ္ဂနှင့် ကမ္ဘာ့ ဘဏ်တို့ကဲ့သို့သော အဖွဲ့ အစည်း များ ပါဝင်ပြီး မြန်မာနိုင်ငံ၏ လက်ရှိ ငြိမ်းချမ်းရေး ဖော်ဆောင်ရေး လုပ်ငန်းစဉ် များအတွက် အကူအညီများ ပေးအပ်ရန် ဖွဲ့စည်း မှု တစ်ရပ် ဖြစ်သည်။ ဤု PDSG အဖွဲ့ ဖြစ်မြောက်ရေးကို နော်ဝေနိုင်ငံက ဦးဆောင် ကြိုးပမ်း ခဲ့သည်။ နော်ဝေးနိုင်ငံသည် Myanmar Peace Support Initiative (MPSI) အဖွဲ့ကို ဖွဲ့ပြီး ဒေါ်လာသန်း (၇၀) ကူညီမည်ဖြစ်သည်။
အစိုးရသည် (Myanmar Peace Center) ကို ဖွဲ့စည်း ထားပြီး ၄င်းရန်ပုံငွေဖြင့် ငြိမ်းချမ်းရေး လုပ်ငန်းစဉ်များကို အကောင် အထည် ဖေါ်သွားမည်ဟု ဒုတိယ သမ္မတကိုယ်တိုင် ထုတ်ဖေါ် ပြောကြား ခဲ့ပါသည်။ တကယ် လက်တွေ့၌ မည်သို့ သုံးစွဲ သွား မည် ကို တိုင်းရင်းသား အဖွဲ့များက သိလို သော်လည်း သံသယဖြင့် စောင့်ကြည့် နေကြပါသည်။
Ref: ရွှေဟင်္သာ
Read More...
Collapse...
တင်ဇာအောင်
သြဂုတ်လ ၁၆ ရက် ၂၀၁၂ ခုနှစ်
မြန်မာ့ဆက်သွယ်ရေးလုပ်ငန်းမှ ဆက်သွယ်ရေးနှင့် ပတ်သက်သည့် တင်ဒါများ ခေါ်ယူသည့် အခါ တင်ဒါအကြံပေး လုပ်ငန်းများ လုပ်ကိုင်ရန် လျှောက်ထားသူများတွင် နိုင်ငံခြား ကုမ္ပဏီများ ပိုမိုများပြားကြောင်း သိရသည်။
သြဂုတ်လ ၁ ရက်နေ့ နောက်ဆုံးထား၍ လာရောက်လျှောက်ထားကြသည့် ကုမ္ပဏီပေါင်း ၆၄ ခုထဲတွင် ပြည်ပကုမ္ပဏီ က အများစုဖြစ်နေကာ စိစစ်ရွေးချယ်နေပြီ ဖြစ်ကြောင်း မြန်မာ့ ဆက်သွယ်ရေး လုပ်ငန်းမှ တာဝန်ရှိသူ တဦးက ပြော သည်။
“ပြည်ပအဖွှဲအစည်းတွေက တင်ဒါ ဘယ်လိုခေါ် ရတယ်၊ ဘယ်လိုရေးရတယ်၊ ဘယ်ပုံဘယ်နည်း ရွေးပုံရွေးနည်းတွေက အစ သူတို့က နားလည်တယ်။ ဒါကြောင့် အတိုင်ပင်ခံ ခေါ်တာပါ။ သူတို့က တင်ဒါ ခေါ်တာနဲ့ ပတ်သက်ပြီး အစအဆုံး လုပ်ပေးရမှာ ပါ” ဟု ဆိုသည်။
ဆက်သွယ်ရေး ဝန်ဆောင်မှု ကဏ္ဍ လျှင်မြန်စွာ တိုးတက်ရန်အတွက်လည်း ဆက်သွယ်ရေး စာတိုက်နှင့် ကြေးနန်း ဝန်ကြီးဌာန ပြည်ထောင်စု ဝန်ကြီးဦးသိန်းထွန်းက သြဂုတ်လ ၁ဝ ရက်နေ့တွင် ကျင်းပသည့် ပြုပြင်ပြောင်းလဲရေးဆိုင်ရာ အသေးစိတ်ညှိနှိုင်း အစည်းအဝေးတခုတွင် “ဆက်သွယ်ရေးကဏ္ဍ ပြုပြင်ပြောင်းလဲရေး ဆောင်ရွက်ရာတွင် အမြဲတမ်း လမ်းကြောင်းမှန်ပေါ် ရှိနေ စေရန် ဆောင်ရွက်နေသည်” ဟု ဝန်ကြီးက ပြောသည်။
ဆက်သွယ်ရေး လုပ်ငန်းများတွင် ပုဂ္ဂလိက ပူးပေါင်းဆောင်ရွက်ခြင်းနှင့် ပတ်သက်ပြီး ပြည်တွင်း မိုဘိုင်းဖုန်း လုပ်ငန်းရှင် တဦး ကလည်း “ ဆက်သွယ်ရေး လုပ်ငန်းတွေကို ပုဂ္ဂလိက ပေးမယ်ဆိုရင်၊ လုပ်ငန်းပိုင်းမှာ လုပ်နည်းလုပ်ဟန်တွေကို ပြောင်းချင် တယ်ဆိုရင် ဆက်သွယ်ရေး အနေနဲ့ ကိုင်ထားတာတွေ သိပ်မလုပ်ဘဲ လိုချင်တဲ့ ကုမ္ပဏီကို အကောင်းဆုံး လုပ်နိုင်တယ်ဆိုရင် ယှဉ်ပြိုင်ပြီး အကောင်းဆုံး ပေးလိုက်တာ ကောင်းပါတယ်။ လုပ်ငန်းရှင် ရင်းနှီးမြှုပ်နှံချင်သလောက် ရင်းနှီးမြှပ်နှံခွင့် ပေးလိုက်မယ် ဆိုရင် ကောင်းပါတယ်။ သူတို့ နည်းပညာပိုင်းကို ဘယ်လောက် လုပ်ပေးနိုင်သလဲ၊ ဘာတွေ ကောင်းအောင် လုပ်ပေးနိုင်သလဲ။ ဒါတွေကို ကြည့်ပြီး လုပ်ကိုင်ခွင့် ပေးမယ်ဆိုရင် ကောင်းပါတယ်” ဟု သုံးသပ်ပြောသွားသည်။
မြန်မာ့ဆက်သွယ်ရေး လုပ်ငန်းသည် လုပ်ငန်းသုံးပစ္စည်းများ ဝယ်ယူရန်အတွက် တင်ဒါခေါ်ယူ လျက်ရှိရာ GSM SIM ကတ် ငါးသိန်းကျော်နှင့် WCDMA SIM ကတ် နှစ်သန်းခွဲကျော် ဝယ်ယူမည်ဟု မြန်မာ့ဆက်သွယ်ရေး လုပ်ငန်း တာဝန်ရှိသူ တဦးက ပြောဆိုထားသည်။
ကျပ်ငွေဖြင့် ဝယ်ယူမည့် တင်ဒါခေါ်ယူခြင်းကို သြဂုတ်လ ၂ ရက်နေ့မှ စတင်ခဲ့ပြီး ၁၇ ရက်နေ့ နောက်ဆုံးထား၍ တင်ဒါ သိမ်း မည် ဖြစ်ကြောင်း သိရသည်။
Ref: မဇ္ဈိမ
Read More...
Collapse...
သြဂုတ်လ ၁၆ ရက် ၂၀၁၂ ခုနှစ်
ဇူလိုင်လအတွင်း ဘိန်းဖြူ ၁၁၆ ကီလိုနှင့် အဖက်တမင်း ဆေးပြား ၁ ဒဿမ ၄ သန်းကို ဖမ်းဆီးရမိလိုက်ပြီးနောက် မြန်မာ နိုင်ငံတွင် အဖက်တမင်း မူးယစ်ဆေးဝါးပြဿနာသည် `အလွန်အန္တရာယ်ရှိ´ သည့် အခြေအနေသို့ ရောက်ရှိ နေပြီဖြစ်ကြောင်း တာဝန်ရှိသူများက သတိပေး ပြောကြားလိုက်သည်။
“အခြေအနေ ပိုဆိုးလာပါတယ်။… ၂၀၁၄ ခုနှစ်မှာ မူးယစ်ဆေးဝါး ကင်းစင်စေရပါမယ်လို့ ကတိပြုထားပေမယ့် ဘိန်းမဲပဲ ကင်းစင် နိုင်ပါလိမ့်မယ်။ စိတ်ကြွဆေးကတော့ ဆက်ရှိနေမှာ ဖြစ်ပါတယ်” ဟု တာဝန်ရှိသူတဦးက မကြာသေးခင်က အေအက်ဖ်ပီ သတင်း ဌာနကို ပြောကြားခဲ့သည်။
ဇူလိုင်လအတွင်း မူးယစ်ဆေးဝါးနှင့် ဆက်နွယ်သည့်မှုခင်းပေါင်း ၃၄၂ မှု ဖြစ်ပွါးခဲ့ပြီး မသင်္ကာသူ ၄၇၃ ဦးကို ဖမ်းဆီးခဲ့ သည်ဟု နိုင်ငံပိုင်မီဒီယာက ဗုဒ္ဓဟူးနေ့က သတင်းဖော် ပြခဲ့သည်။
စိတ်ကြွဆေးအများစုကို မြန်မာနိုင်ငံ၏ အရှေ့ဘက်နယ်စပ်တွင် ဖမ်းဆီးရမိခဲ့ခြင်းဖြစ်ပြီး ရန်ကုန်မြို့သို့လည်း ၀င်ရောက်လာနေ ကြောင်း တာဝန်ရှိသူများက ပြောသည်။
ဘိန်းစိုက်ပျိုးမှုနှင့် အဖက်တမင်းဆေးပြား ထုတ်လုပ်မှုသည် အချို့သော တိုင်းရင်းသား လက်နက်ကိုင်အဖွဲ့များ အတွက် ငွေဝင် လမ်းတခု ဖြစ်ကြောင်းလည်း အစိုးရတာဝန်ရှိသူများက ပြောသည်။
အာဖဂန်နစ္စတန်နိုင်ငံ ပြီးလျှင် မြန်မာနိုင်ငံသည် ကမ္ဘာ့ဒုတိယအကြီးဆုံး ဘိန်းစိုက်ပျိုး ထုတ်လုပ်သည့်နိုင်ငံ ဖြစ်သည်။
ကုလသမဂ္ဂအဖွဲ့ကြီး၏ အဆိုအရ ရှမ်းပြည်နယ်သည် မက်တာအဖက်တမင်း ထုတ်လုပ်သည့် အဓိကနေရာ ဖြစ်ကြောင်း သိရ သည်။ ၁၉၉၈ မှ ၂၀၁၀ ခုနှစ်အတွင်း အဖက်တမင်းပုံစံ စိတ်ကြွဆေး ဖမ်းဆီးရမှုသည် လျှင်မြန်စွာ တိုးပွါးလာနေကာ ၀ယ်လို အား မြင့်တက်မှုကြောင့် သုံးဆနီးပါး မြင့်တက်လာခဲ့ကြောင်း ကုလ က ပြောသည်။
“ကုလ မူးယစ်ဆေးဝါး ထိန်းချုပ်ရေးအဖွဲ့ (UNODC) အား ရှမ်းပြည်နယ်တွင်း ၀င်ရောက် အလုပ်လုပ်ကိုင်ခွင့် ပြုထား သည့်နရာ များအား အစိုးရတာဝန်ရှိသူများက ထပ်မံတိုးချဲ့ လုပ်ကိုင်ခွင့် ပြုခဲ့သဖြင့်လည်းကောင်း၊ မကြာသေးမီက ရရှိခဲ့သော အပစ်အခတ် ရပ်စဲရေး သဘောတူညီချက်များ ကြောင့်လည်းကောင်း ကုလ မူးယစ်ဆေးဝါး အေဂျင်စီ အနေဖြင့် အားတက်မိ ကြောင်း” ပြော ဆို ခဲ့သည်ကို မဇ္ဈိမ က ဇူလိုင်လအတွင်းက သတင်းပေးပို့ခဲ့သည်။
“ကာလကြာရှည်နေပြီဖြစ်တဲ့ ဆင်းရဲမွဲတေမှုရဲ့ စိန်ခေါ်မှုတွေကို ဖြေရှင်းပေးနိုင်ရင်၊ ကျေးလက် စားနပ်ရိက္ခာ မလုံလောက်မှုကို လျှော့ချပေးနိုင်ရင်၊ လက်နက်ကိုင်ပဋိပက္ခကို လျော့ပါးသွားအောင် လုပ်နိုင်ရင် ဘိန်းစိုက် တောင်သူတွေကို ဘိန်းခင်းတွေဆီ မသွားအောင် လုပ်နိုင်ပါလိမ့်မယ်” ဟု UNODC ဘန်ကောက်ရုံး ကိုယ်စားလှယ် ဂယ်ရီလူးဝစ်စ် က ဆိုသည်။
တောင်သူများအား ဤသို့ အသွားနှစ်ဘက်ရှိသော ၀င်ငွေရလမ်းမှ ရှောင်ဖယ်သွားစေလိုပါက ၎င်းတို့၏ စားဝတ် နေရေးကို တနည်းတဖုံ ဖြည့်ဆည်းပေးရန် လိုကြောင်းလည်း သူက ပြောသည်။
“ဒီလုပ်ငန်း ထိရောက်ဖို့ဆိုရင် တောင်သူတွေကို သူတို့စားဝတ်နေရေး ရေရှည်ဖူလုံစေမယ့် အခြား နည်းလမ်းတွေ ဖြည့်ဆည်း ပေးဖို့ လိုမယ်။ တောင်သူတွေ ဘိန်းစိုက်တာ စားနပ်ရိက္ခာ ၀ယ်ဖို့ပါ။ ကြွေးဆပ်ဖို့ပါ။ ကျန်းမာရေး အသုံးစရိတ်နဲ့ ကျောင်းလခ ပေးနိုင်ဖို့ပါ” ဟု ဂယ်ရီလူးဝစ်စ် က ပြောသည်။
လွန်ခဲ့သော ဆယ်စုနှစ်အတွင်း UNODC နှင့် အစိုးရမဟုတ်သော အဖွဲ့အစည်းများက မြန်မာနိုင်ငံမှ ဘိန်းစိုက် တောင်သူများကို ဘိန်းမစိုက်ရန် ဆွဲဆောင်သည့်အနေနှင့် စားဝတ်နေရေး ပြေလည်စေရန် အဖြေရှာပေးခဲ့သည်။ လမ်းများ ဖောက်ပေးခဲ့သည်။ ဆည်မြောင်း တာတမံနှင့် ရေကြောင်း သွားလာရေးအတွက် ကူညီခဲ့သည်။ ရပ်ရွာ ကျန်းမာရေး စောင့်ရှောက်မှု စနစ်များ လုပ် ကိုင်ပေးခဲ့သည်။
ဥရောပသမဂ္ဂနှင့် ဂျပန်နှင့် ဂျာမဏီအစိုးရများက ပေးအပ်သော ရန်ပုံငွေများဖြင့် ဆောင်ရွက်နေသော UNODC ၏ အခြားနည်း ဖွံ့ဖြိုးမှု အကူအညီများသည် မကြာသေးခင် အချိန်အထိ ရှမ်းပြည်နယ် တောင်ပိုင်းရှိ သုံးမြို့နယ်တွင်သာ ဆောင်ရွက်နိုင်သည့် အသေးစား ဖွံ့ဖြိုးရေး စီမံကိန်းများ ဖြစ်နေသည်။ ယင်းသည် ရှမ်းပြည်နယ်တခုလုံးနှင့် တနိုင်ငံလုံးအတွက် လိုအပ်နေသော အခြေခံ အဆောက်အအုံများ၊ ဈေးများ၊ ကျောင်းများ၊ ရေရှည် တည်တံ့နိုင်မည့် စားဝတ်နေရေး လုပ်ငန်းများကို တိုးတက်ကောင်း မွန်အောင် ပြုလုပ်ရန် မလုံလောက်ပါ။
အစိုးရတပ်များနှင့် တိုင်းရင်းသားနှင့်နိုင်ငံရေး သူပုန်အဖွဲ့အစည်း အမျိုးမျိုးအကြား ရာစုနှစ် တ၀က်ကျော်ကြာ ဖြစ်ပွါးနေသော ပြည်တွင်းပဋိပက္ခကြောင့် နိုင်ငံမှာ အစိတ်စိတ် ကွဲပြားနေရပြီး မတည်ငြိမ်မှုနှင့် ဆင်းရဲမွဲတေမှုကို ဖြစ်ပေါ်စေခဲ့သည်ဟု UNODC က ပြောသည်။
ကရင် လွတ်မြောက်ရေး တပ်မတော် (KNLA) နှင့် ရှမ်းပြည်တပ်မတော် တောင်ပိုင်း (SSA-S) အပါအ၀င် မြန်မာပြည် တာင်ပိုင်းမှ တပ်ဖွဲ့များနှင့် ၂၀၁၂ ခုနှစ်အစောပိုင်းတွင် အပစ်အခတ် ရပ်စဲရေး စာချုပ်များ ချုပ်ဆိုနိုင်ခဲ့ ခြင်းကြောင့် ယခင်က မသွားရောက်နိုင်ခဲ့သော ဒေသများသို့ ယခု သွားရောက်နိုင်ခဲ့သည်။
UNODC ၏ လေ့လာမှုအရ မြန်မာနိုင်ငံအတွင်း ဘိန်းစိုက်ပျိုးမှုသည် ၂၀၁၀ ခုနှစ်တွင် ၃၈,၁၀၀ ဟက်တာ ရှိခဲ့ရာမှ ၂၀၁၁ ခုနှစ် တွင် ၄၃,၆၀၀ ဟက်တာအထိ ရှိလာခဲ့သည်ဟု ၂၀၁၁ ခုနှစ်အတွင်း ပြုလုပ်ခဲ့သော စစ်တမ်းတွင် ဖော်ပြထားသည်။ ယင်းစိုက်ပျိုးမြေ အများစုသည် ရှမ်းပြည်နယ်အတွင်း ရှိသည်ဟုလည်း ဆိုသည်။ သို့သော် အစိုးရအနေဖြင့် ဘိန်းတိုက်ဖျက်ရေး လုပ်ငန်းများကို အားကြိုးမာန်တက် ဆောင်ရွက်ခဲ့ပြီး ၂၀၁၁ ခုနှစ်အတွင်း ဘိန်းစိုက်မြေ စုစုပေါင်း ၆,၁၂၄ ဟက်တာကို ဖျက် ဆီးခဲ့ပြီး ၂၀၁၀ ခုနှစ်အတွင်း ၅,၁၃၆ ဟက်တာသာ ဖျက်ဆီးနိုင်ခဲ့သည် ဟု စစ်တမ်းက လေ့လာဖော်ပြထား သည်။
နိုင်ငံတွင်း ဘိန်းစိုက်ပျိုးမှုတွင် အိမ်ထောင်စုပေါင်း ၂၄၆,၀၀၀ ပါဝင်ပတ်သက်နေပြီး ယင်းတို့အထဲမှ ၉၁ ရာခိုင်နှုန်း သည် ရှမ်းပြည်နယ်မှ ဖြစ်သည်ဟု UNODC ၀ဘ်ဆိုက်၏ မေလ ဆောင်းပါးတွင် ရေးသားထားသည်။
ဘိန်းတိုက်ဖျက်ရေးသည် မြန်မာအစိုးရ၏ ဦးစားပေးလုပ်ငန်းဖြစ်ပြီး မကြာသေးမီက ပြုလုပ်ခဲ့သော ဘိန်းတိုက်ဖျက်ရေး လုပ်ငန်း များသည် သိသိသာသာ တိုးတက်လာပြီး ဘိန်းစိုက်ခင်း အမြောက်အများကို ဖျက်ဆီးနိုင်ခဲ့သည်။
“သို့သော် ယင်းလုပ်ငန်းသည် သာမန်အားဖြင့် ဆင်းရဲပြီး ကြွေးထူသော ဘိန်းစိုက် တောင်သူများအတွက် အလွန်အထိနာသော နောက်ဆက်တွဲအကျိုးဆက်များ ပေါ်ထွက်လာစေခဲ့သည်။ တောင်သူ အများအပြားသည် စားနပ်ရိက္ခာ ၀ယ်ယူရန်နှင့် မသေရုံလေး နေထိုင်နိုင်ရုံအတွက်သာ ဘိန်းစိုက်ပျိုးနေကြခြင်းဖြစ်သည်” ဟု အဆိုပါ အစီရင်ခံစာတွင် ရေးသားထားသည်။
အခြားနည်းလမ်းဖြင့် စားဝတ်နေရေး ပြဿနာကို ဖြေရှင်းပေးခြင်းမပြုဘဲ ဘိန်းတိုက်ဖျက်ရေး လုပ်ငန်းကို လုပ်ဆောင်ပါက ဘိန်း စိုက်ပျိုးခြင်းမှ ရရှိသည့်ဝင်ငွေအပေါ် ရပ်တည်နေရသော အိမ်ထောင်စုများအတွက် စားနပ်ရိက္ခာ မလုံလောက်မှုပြဿနာ ပိုမိုကြီး ထွားလာနိုင်ပြီး မိသားစုများကို ကျွေးမွေးနိုင်ရန်အတွက် အခြား ၀င်ငွေရလမ်းများကို ရှာဖွေကြရလိမ့်မည်ဟု UNODC မြန်မာနိုင်ငံ ဆိုင်ရာ မန်နေဂျာ ဂျေဆင် အီလေး (Jason Eligh) က ပြောသည်။
မကြာမီ ကာလများအတွင်း ဘိန်းစိုက်ပျိုးမြေ တိုးတက်လာရခြင်း အဓိကအကြောင်းများမှာ ကာလ ရှည်ကြာနေပြီဖြစ်သော ဆင်းရဲ မွဲတေမှု၊ စားနပ်ရိက္ခာလုံခြုံမှု လျော့ကျလာခြင်းနှင့် လက်နက်ကိုင် ပဋိပက္ခများကြောင့် ဒေသတွင်း လုံခြုံမှုမရှိခြင်းတို့ကြောင့် ဖြစ် သည်ဟု သူက ပြောသည်။ UNODC သည် ၂၀၁၁ ခုနှစ်က စ၍ ရှမ်းပြည်နယ် တောင်ပိုင်းတွင် ရေရှည် တည်တံ့မည့် စားဝတ် နေရေး ဖူလုံစေမည့် အခြားနည်းလမ်းများ နှင့် စားနပ်ရိက္ခာ လုံခြုံမှုရှိစေမည့် စီမံကိန်းများကို လုပ်ဆောင်ခဲ့သည်။ ဥရောပ သမဂ္ဂ နှင့် ဂျာမဏီအစိုးရ တို့က ပေးအပ်သော ရန်ပုံငွေများဖြင့် ဘိန်းစိုက်ပျိုးခြင်းအပေါ် မှီခိုနေရေသော ရပ်ရွာအသိုင်းအ၀ိုင်းကို ကွင်း ဆင်း ကာ တိုက်ရိုက် အကူအညီများအဖြစ် ပေးအပ်ခဲ့ခြင်း ဖြစ်သည်။
Ref: မဇ္ဈိမ
Read More...
Collapse...
အောင်သက်ဝိုင်း
August 16, 2012
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ခိုင်ရေးပါတီ) မှ ဦးအောင်သိန်းလင်းကို ရန်ကုန်တိုင်း တောင်ဥက္ကလာပမြို့နယ် ပြည်သူ့လွှတ်တော် ကိုယ်စားလှယ် အဖြစ်မှ ရုပ်သိမ်းရန် တောင်းဆိုထားသည့် မဲဆန္ဒရှင်ပြည်သူ တထောင်ကျော်၏ လက်မှတ်ရေး ထိုး တောင်းဆိုလွှာများအား သြဂုတ်လ တတိယပတ်တွင် ပြည်ထောင်စု ရွေးကောက်ပွဲကော်မရှင်ထံသို့ တင်ပြတော့မည်ဖြစ် ကြောင်း သတင်းရရှိသည်။
တရုတ်နိုင်ငံ အခြေစိုက် Southern Weekend China သတင်းစာနှင့် တွေ့ဆုံမေးမြန်းခန်းတွင် ဦးအောင်သိန်းလင်းက ကုလ သမဂ္ဂနှင့် ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း၊ အမေရိကန် နိုင်ငံခြားရေးဝန်ကြီး ဟီလာရီ ကလင် တန် တို့ကို မြန်မာ့ပြည်တွင်းရေး ဝင်ရောက်နှောင့်ယှက်သူများ ဖြစ်သဖြင့် အယုံအကြည် မရှိကြောင်း၊ အမျိုးသား ဒီမိုကရေစီအဖွဲ့ ချုပ် (NLD) ဥက္ကဋ္ဌ ဒေါ်အောင်ဆန်းစုကြည်သည် ဖခင် အရှိန်အဝါဖြင့် ကျော်ကြား နေသူဖြစ်ပြီး NLD ကို ထောက်ခံသူများ သည်လည်း အရူးများသာဖြစ်ကြောင်းကြောင်း၊ သမ္မတ ဦးသိန်းစိန်၏ အမိန့်ဖြင့် ရပ်ဆိုင်းထားသော မြစ်ဆုံစီမံကိန်းကို မဖြစ်မနေ ပြန်စရန်လိုကြောင်း စသည့် အငြင်းပွားဖွယ် အမြင်များကို ပြောဆိုခဲ့ခြင်းကြောင့် ဖွဲ့စည်းပုံ အခြေခံဥပဒေနှင့်အညီ လွှတ်တော် ကိုယ် စားလှယ်အဖြစ် ပြန်လည်ရုပ်သိမ်းပေးရန် တောင်ဥက္ကလာပ မဲဆန္ဒရှင် ပြည်သူတထောင်ကျော်က လက်မှတ်ရေးထိုး တောင်းဆိုခြင်းဖြစ်ကြောင်း သိရှိရသည်။
“ဦးအောင်သိန်းလင်းကို လွှတ်တော်ကိုယ်စားလှယ်အဖြစ် ရုပ်သိမ်းဖို့ တောင်ဥက္ကလာပ မဲဆန္ဒ ရှင်တွေဆီက လက်မှတ်စုလိုက်တာ အားလုံးပေါင်း တထောင်ကျော်ရှိပါတယ်။ ဖွဲ့စည်းပုံအခြေခံဥပဒေမှာ မူလမဲဆန္ဒရှင်များအနက်မှ အနည်းဆုံး တရာခိုင်နှုန်းက အမတ် အဖြစ်ကနေ ပြန်ရုပ်သိမ်းပေးဖို့ တောင်းဆိုနိုင်တယ်လို့ တရားဝင်ပြဋ္ဌာန်းတယ်။ လာမယ့် သြဂုတ် ၂၁ ရက်လောက်ဆိုရင် တော့ မဲဆန္ဒရှင်တွေရဲ့လက်မှတ်တွေကို ရွေးကောက်ပွဲကော်မရှင်ဆီ တင်ပြီးလောက်ပါပြီ” ဟု လက်မှတ်ရေးထိုး လှုပ်ရှားမှုကို ဦးဆောင်နေသူ ဦးမင်းအောင်က ပြောသည်။
၂၀၀၈ ဖွဲ့စည်းပုံအခြေခံဥပဒေ အခန်း ၉ ပါ ရွေးကောက်တင်မြှောက်ခြင်း၊ ပုဒ်မ ၃၉၆ တွင် သက်ဆိုင်ရာ မဲဆန္ဒနယ်၏ မူလ မဲဆန္ဒရှင်များအနက် အနည်းဆုံး တရာခိုင်နှုန်းတို့က တာဝန်မှ ပြန်လည်ရုပ်သိမ်းလိုသော လွှတ်တော် ကိုယ်စားလှယ်နှင့် ပတ် သက်သည့် တိုင်းတန်းချက်ကို ပြည်ထောင်စု ရွေးကောက်ပွဲကော်မရှင်ထံ တင်ပြရမည်ဖြစ်ပြီး ကော်မရှင်က စုံစမ်းစစ်ဆေးပြီး လွှတ်တော်ကိုယ်စားလှယ်အဖြစ် တာဝန်ဆက်လက် ထမ်းရွက်စေရန် မသင့်ကြောင်း သဘောရှိလျှင် ကိုယ်စားလှယ်အဖြစ် ပြန်လည်ရုပ်သိမ်းရေး ဥပဒေနှင့်အညီ ဆောင်ရွက်ရမည်ဟု ပြဋ္ဌာန်းထားသည်။
ဦးအောင်သိန်းလင်းကို အမတ်အဖြစ် ပြန်လည်ရုပ်သိမ်းပေးရေး တောင်းဆိုမှုနှင့် ပတ်သက်ပြီး ကြံ့ခိုင်ရေးပါတီမှ တာဝန်ရှိသူတဦး ကမူ မဲဆန္ဒရှင်များ၏ ဥပဒေပါ အခွင့်အရေးဖြစ်သည့်အတွက် မည်သို့မျှ မပြောလိုကြောင်း ဆိုသည်။
“မဲဆန္ဒရှင် ပြည်သူတွေဆီမှာ ကိုယ်ရွေးကောက်ထားတဲ့ ကိုယ်စားလှယ်ကို မယုံကြည်တော့ဘူး၊ လွှတ်တော် ကိုယ်စားလှယ်က အရည်အချင်း ပျက်ယွင်းတယ်လို့ထင်ရင် ကိုယ်စားလှယ်အဖြစ် ပြန်လည်ရုပ်သိမ်းပေးဖို့ တင်ပြတောင်းဆိုနိုင်တယ်လို့ ဥပဒေမှာ ပြဋ္ဌာန်းထားတဲ့အတွက် အခုလို ပြည်သူတွေက တောင်းဆိုတာက ဥပဒေပါ အခွင့်အရေးပါပဲ။ ပြည်ခိုင်ဖြိုးဖြစ်ဖြစ်၊ NLD ဖြစ်ဖြစ် အမတ်ဖြစ်လာပြီဆိုရင် ပြည်သူကို အလေးထားရမယ်ဆိုတာ ပေါ်လွင်စေတာပဲ။ အပြစ်ရှိတာ၊ မရှိတာကတော့ ကော်မရှင်က စစ်ဆေးပြီး အရေးယူဆောင်ရွက်ရမယ့်ကိစ္စပဲ” ဟု အဆိုပါ ပါတီတာဝန်ရှိသူက ပြောသည်။
ကြံ့ခိုင်ရေးပါတီကလည်း ဦးအောင်သိန်းလင်းနှင့် တရုတ်သတင်းစာ တွေ့ဆုံမေးမြန်းခန်းကို သေချာစွာစိစစ်ပြီး အရေးယူ ဆောင် ရွက် သွားရန်ရှိကြောင်း၊ ဦးအောင်သိန်းလင်း၏ သဘောထားသည် ကြံ့ခိုင်ရေးပါတီ၏ သဘောထားမဟုတ်ဘဲ ၄င်း၏ ကိုယ်ပိုင် အမြင်သဘောထားသာ ဖြစ်ကြောင်း ပြောဆိုခဲ့သည်။
NLD တောင်ဥက္ကလာပမြို့နယ် တာဝန်ခံ ဒေါက်တာစောနိုင်က ဦးအောင်သိန်းလင်းကို အမတ်အဖြစ် ရုပ်သိမ်းရေး တောင်းဆိုမှု သည် လွှတ်တော်ကိုယ်စားလှယ်ဖြစ်ပြီးသော နိုင်ငံရေးသမားများအနေဖြင့် ပြည်သူနှင့် အမြဲထိတွေ့ပြီး ပြည်သူလူထု၏ အကျိုး ဆောင်ရွက်စေရန် နှိုးဆော်လိုက်ခြင်းဖြစ်သည်ဟု ဆိုသည်။
“ငါအမတ်ဖြစ်ပြီဆိုတာနဲ့ ပြောချင်ရာပြော၊ လုပ်ချင်ရာလုပ်လို့မရဘူး။ မဲပေးထားတဲ့ ပြည်သူတွေမျက်နှာကို ကြည့်ရမယ်။ ပြည်သူ တွေနဲ့ အဆက်ပြတ်လို့ မရဘူး။ မဲဆန္ဒရှင် ပြည်သူတွေမျက်နှာကို မကြည့်ရင် ပြည်သူတွေကလည်း ပြန်ပြီး ဒဏ်ခတ်တယ် ဆို တာကို ပေါ်လွင်စေတယ်။ ဒီသဘောတရားက ဒီမိုကရေစီရဲ့ အနှစ်သာရကို ပေါ်လွင်စေပါတယ်” ဟု ၄င်းက ဆိုသည်။
မကြာသေးမီတွင် ကြံ့ခိုင်ရေးပါတီက ဦးအောင်သိန်းလင်းကို ပါတီ၏ ရန်ကုန်တိုင်းတာဝန်ခံရာထူးမှ ချထားလိုက်ပြီး ၄င်း၏နေရာ တွင် ခရမ်းမြို့နယ် ပြည်သူ့လွှတ်တော် ကိုယ်စားလှယ်လည်းဖြစ်၊ ယခင်မွေးမြူရေးနှင့် ရေလုပ်ငန်းဝန်ကြီးဟောင်းလည်းဖြစ်သူ ဦးမောင်မောင်သိမ်းနှင့် အစားထိုးခန့်ထားလိုက်သည်။
Ref: ဧရာဝတီ
Read More...
Collapse...
ကျော်ခ
August 16, 2012
ကချင်တိုင်းရင်းသား ဦးလထော်ဘရန်ရှောင်အား ဖမ်းဆီးပြီး တရားစွဲဆိုထားမှုနှင့် ပတ်သက်၍ တရားရုံး၌ တရားလိုပြ သက်သေ အဖြစ် ထွက်ဆိုသူ စစ်ဖက်ရေးရာ လုံခြုံရေးအဖွဲ့(စရဖ) အရာရှိက တရားခွင်အတွင်း မထီမဲ့မြင် ဆက်ဆံမှုများ ပြုလုပ်ခဲ့ကြောင်း သတင်း ရရှိသည်။
မြစ်ကြီးနား မြို့နယ် အစိုးရထိန်းချုပ်မှုအောက်ရှိ ဂျန်မိုင်ကောင် စစ်ပြေးဒုက္ခသည်စခန်း၌ ဒုက္ခသည်အဖြစ်နှင့် ခိုလှုံနေသော ဦးဘ ရန် ရှောင်ကို ကချင်ပြည်လွတ်လပ်ရေး အဖွဲ့(KIO)၏ ဝန်ထမ်းနှင့် ဖောက်ခွဲရေးသမားဟု စွပ်စွဲဖမ်းဆီးထားပြီး စရဖ အဖွဲ့က မြစ်ကြီးနား မြို့နယ် တရားရုံးတွင် တရားစွဲဆိုထားသည်။
ယင်းသို့ စွဲဆိုချက်များနှင့် ပတ်သက်၍ ဦးဘရန်ရှောင်၏ ရှေ့နေ ဦးဂျီမာခါး က ယမန်နေ့က ရုံးချိန်းတွင် စစ်ဆေးမေးမြန်းရာ၌ တရားလိုပြသက်သေ အဖြစ် ထွက်ဆိုသော တပ်ကြပ်ကြီး စောလှထူးက မထီမဲ့မြင် ပြုမူ ဆက်ဆံခြင်းများ ပြုလုပ်ခဲ့ခြင်းဖြစ် ကြောင်း ပြောပြသည်။
“ကျနော်မေးခွန်းမေးတဲ့ အချိန်မှာ သူကနားမထောင်ဘူး၊ စာပဲ ငုံ့ပြီးဖတ်နေတယ်၊ ကျနော်မေးပြီးရင် သူက ဘာပြောတာလဲ ဆိုပြီး မထီတထီနဲ့ ထပ်ခါထပ်ခါ ပြန်မေးတယ်၊ တရားရုံးထဲမှာ တာဝန်အရ မေးမြန်းချိန်မှာ ဒါမျိုးလုပ်ခွင့်မရှိပါဘူး၊ ကျနော်လည်း တရား သူကြီးကို ပြောတဲ့အခါ တရားသူကြီးက စာဖတ်လို့မရဘူး၊ မေးတာကို ဖြေပေးပါဆိုမှ သူဆက်မလုပ်တော့တာ”ဟု ဦးဂျီမာခါး က ဧရာဝတီသို့ ပြောသည်။
ဦးဘရန်ရှောင်သည်၂၀၀၂ ခုနှစ်တွင် KIO ၌ စတင် တာဝန်ထမ်းဆောင်ခဲ့ပြီး ကိုယ်ပိုင်အမှတ် A-18555 ဖြစ်ကြောင်း စရဖ က စွပ်စွဲရာ ထိုစွဲချက်နှင့်ပတ်သက်၍ ယင်းသို့နံပါတ်စဉ်မျိုးသည် KIO ၌ ၁၉၈၀ ခုနှစ်နောက်ပိုင်းတွင် သုံးစွဲခြင်းမရှိတော့ကြောင်း ယခု လက် ရှိ သုံးစွဲနေသည့် ကိုယ်ပိုင်နံပါတ် များနှင့် လွဲမှားနေကြောင်း လေ့လာသိရှိချက်များနှင့် ထောက်ပြ ပြောဆိုရာတွင် တပ်ကြပ်ကြီး စော လှထူးက ဒေါသဖြင့် ကြမ်းတမ်းစွာ အော်ဟစ် ပြောဆိုသည်ဟုလည်း ၎င်းက ဆိုသည်။
“ကျနော်ကမေးတဲ့အခါမှာ သူမဖြေနိုင်တော့ဘဲနဲ့ ထအော်တယ်၊ ခင်ဗျားက KIO နဲ့ ဆက်သွယ်လို့လား၊ ခင်ဗျားက KIO မို့ လို့လား အဲဒီလောက်သိရအောင်ဆိုပြီး မဲတာပေါ့။ တရားရုံးမှာ မထီမဲ့မြင်လုပ်တာပေါ့၊ တရားသူကြီးက ခင်ဗျားအဲဒီလိုမပြောနဲ့ မေးတာပဲဖြေ ပါဆိုမှငြိမ်သွားတယ်”ဟု ဦးမာခါး က ပြောဆိုသည်။
ထို့အပြင် ဦးဘရန်ရှောင်အားဖမ်းဆီးထားစဉ်က နှိပ်စက်ဒဏ်ရာများနှင့်ပတ်သက်၍ မေးမြန်းရာတွင် ၎င်းတို့ စရဖ အဖွဲ့က နှိပ်စက် ခြင်း မဟုတ်ကြောင်း၊ ဦးဘရန်ရှောင်ရရှိထားသော ဒဏ်ရာများမှာ ၎င်းတို့ မဖမ်းဆီးမီက ဆိုင်ကယ်မှောက်ရာမှ ရရှိထားသော ဒဏ်ရာများသာ ဖြစ်ကြောင်း တပ်ကြပ်ကြီး စောလှထူးက ထွက်ဆိုခဲ့သည်ဟုလည်း သိရသည်။
သို့သော် ဇူလိုင်လ ၂၄ ရက်နေ့ရုံးချိန်းတွင် ဦးဘရန်ရှောင်အား ဖမ်းဆီးခဲ့သူ မြစ်ကြီးနားခရိုင် ဒုစရိုက် နှိမ်နှင်းရေး တပ်ဖွဲ့မှ ဒုရဲ အုပ် ဦးကျော်မျိုးနိုင်က တရားလိုပြ သက်သေအဖြစ် ထွက်ဆိုခဲ့ရာတွင် ၎င်းအနေဖြင့် ဦးဘရန်ရှောင် သည် ဗုံးဖောက်ခွဲမှုတွင် ပါဝင်သူ တဦးဖြစ်ကြောင်း စရဖ ၏ သတင်းပေးချက်အရ ဖမ်းဆီးခဲ့ခြင်းဖြစ်ပြီး နှိပ်စက်မေးမြန်းမှုတွင် မပါဝင်ကြောင်း ထွက်ဆို ထားသည်။
တရားရုံးတွင်ဖြစ်ပျက်ခဲ့သော အခြေအနေများနှင့်ပတ်သက်၍ တပ်ကြပ်ကြီး စောလှထူး ကို ဧရာဝတီက တယ်လီဖုန်းဖြင့် ဆက် သွယ် မှု ရရှိခဲ့သော်လည်း ပြန်လည်ဖြေကြားခြင်း မပြုခဲ့ပေ။
ဦးဘရန်ရှောင်၏ ဒဏ်ရာများနှင့် ပတ်သက်၍ ဇနီးဖြစ်သူ ဒေါ်ညွယ်ဇယ် က “သူ့ကို စပြီးဖမ်း သွားတုန်းကဆိုရင် ဘာဒဏ်ရာ ဒဏ်ချက် မှ မရှိဘူး၊ အခုကြတော့ သူတို့နှိပ်စက်ထားပြီးမှ အကုန်လုံး မျက်နှာမှာ မီးနဲ့ကင်ထား၊ မျက်ခုံးပေါ်မှာလည်း ဆေးလိပ် မီးတွေနဲ့ တို့ထား၊ ခြေသလုံးမှာလည်း ရိုက်ထားပြီးတော့မှ တကယ်ဆို ဘရန်ရှောင်က ဆိုင်ကယ်လည်း မစီးတတ်ဘူး၊ စက်တောင် နှိုးတတ် တာ မဟုတ်ဘူး၊ ကျမတို့မှာ ဆိုင်ကယ်ရော၊ စက်ဘီးရောမရှိဘူး၊ သွားလို့ရှိရင်လည်း ခြေကျင်ပဲသွားတာ၊ ဒီစခန်းကလူ တွေ အကုန် မျက်မြင်ပဲ”ဟု ဧရာဝတီသို့ ပြောသည်။
ဦးဘရန်ရှောင် ရုံးချိန်းကို နှစ်ဘက်ရှေ့နေ၊ တရားလို တရားခံမှအပ တရားရုံးအတွင်း ကြားနာခွင့် ပိတ်ပင်ကြောင်း မြစ်ကြီးနား မြို့နယ် တရားရုံးက အမိန့်ထုတ်ပြန်ထားသဖြင့် ဇနီးဖြစ်သူနှင့် ဒေသခံများ ဝင်ရောက်ကြားနာခွင့် မရခဲ့ပေ။ သို့သော်လည်း တရားခွင် ပြင်ပတွင် တွေ့ခွင့်ရရှိခဲ့ကြောင်း ဒေါ်ညွယ်ဇယ် က ပြောပြသည်။
၎င်းနှင့်တွေ့ရှိချိန်တွင် ဦးဘရန်ရှောင်၏ ဒဏ်ရာများမှာ အပေါ်ယံသက်သာမှုများတွေ့ရသော်လည်း ထိုဒဏ်ရာများကြောင့် ဘယ် ဘက် နားတဘက်လုံးဝ မကြားတော့ကြောင်း၊ ကျန်းမာရေး ထိခိုက်မှုများရှိနေကြောင်း ဆက်ပြောသည်။
“နေမကောင်းဘူးလို့ပြောတယ်၊ ရင်ဘတ်မှာလည်း တအားနာတယ်၊ ချောင်းဆိုးရင်လည်း သွေး တွေပါတယ်တဲ့၊ စကား ပြောလို့ သိပ်မရဘူးတဲ့၊ ဘယ်ဘက် နားတဘက် လုံးဝ မကြားတော့တာ၊ ကျမတို့ပြောတာကတမျိုး သူကြားတာက တမျိုး၊ တရားရုံးမှာ စစ်မယ့်နေ့တောင်မှ ကျမတို့က စိုးရိမ်နေတာ၊ တရားသူကြီးတွေ၊ ရှေ့နေတွေပြောတာတမျိုး သူကြားတာက တမျိုး အဲလို မျိုးတွေ ဖြစ်မှာလည်းစိုးတာ”ဟုလည်း ဒေါ်ညွယ်ဇယ် က ပြောသည်။
စရဖ ဖမ်းဆီးထားစဉ်က ဦးဘရန်ရှောင်၏ ပေါင်နှစ်ဘက်လုံးတွင် ဓားဖြင့် ထိုးမွှေထားသော ဒဏ်ရာ၊ ဦးခေါင်း၊ မျက်နှာနှင့် ခန္ဓာ ကိုယ် အနှံ့ ဒဏ်ရာများ ရရှိထားသဖြင့် ဆေးကုသခွင့်ပေးရန် ဇူလိုင်လ ၁၁ ရက်နေ့ ပထမဆုံး ရုံးချိန်းတွင် ရှေ့နေ ဦးဂျီမာခါးက တောင်းဆိုခဲ့ခြင်းကို တရားရုံးက ပယ်ချခဲ့သည်။
ထို့အတူ အနှိပ်စက်ခံ ဒဏ်ရာများကို ဓာတ်ပုံ မှတ်တမ်းယူခွင့် တောင်းဆိုသည်ကိုလည်း ပိတ်ပင်ခဲ့သည်။
ဇွန်လ ၂၈ ရက်နေ့က စရဖ နှင့် ရဲအဖွဲ့များက ဦးဘရန်ရှောင်ကို ရုံးထုတ်ခဲ့ရာတွင် ခန္ဓာကိုယ်အနှံ့ နှိပ်စက်ဒဏ်ရာများ တွေ့ရှိခဲ့ရ သကဲ့သို့ အင်္ကျီအတွင်း ဝမ်းဗိုက်ပေါ်တွင် အာဏာပိုင်အဖွဲ့များက အသံဖမ်းစက်တလုံး တပ်ဆင်ပေးလိုက်သည်ကို တွေ့မြင်ရကြောင်း ဦးဂျီမာခါးက ပြောပြသည်။
ဦးဘရန်ရှောင်ကို ဇွန်လ ၁၇ ရက်နေ့က မြစ်ကြီးနားမြို့ အမှတ် (၁) ရဲစခန်းမှ ဒုရဲအုပ် ကျော်မျိုးနိုင်က ဂျန်မိုင်ကောင် ဒုက္ခ သည် စခန်းတွင် ဖမ်းဆီးခဲ့ပြီး စရဖ အဖွဲ့က လွှဲပြောင်းယူကာ ၃ ရက်ကြာ စစ်ဆေးခဲ့ပြီးမှ ပြင်းထန်သည့် ဒဏ်ရာများရရှိခဲ့ခြင်း ဖြစ်ကြောင်း ဇနီးဖြစ်သူနှင့် ဂျန်မိုင်ကောင် ဒုက္ခသည်စခန်း တာဝန်ရှိသူများက ပြောသည်။
“သူဘာမှမဟုတ်ဘဲနဲ့ ဒီလိုဖမ်းဆီးပြီးမှ နှိပ်စက်တဲ့အခါကြတော့ ကျမမှာ ရင်ကျိုးမရ တအားကြီးကို စိတ်ညစ်တယ်၊ အရမ်းလည်း ဝမ်းနည်းတယ်၊ သူအမြန်ဆုံးပြန်လွတ်စေချင်တယ်”ဟု ဒေါ်ညွယ်ဇယ် က ဆိုသည်။
ဇူလိုင်လ ၆ ရက်နေ့က မြစ်ကြီးနားမြို့ပေါ်ရှိ အစိုးရရုံးများနှင့် မြို့တွင်းလမ်းမများ ပေါ်တွင် ဦးဘရန်ရှောင်ကို ခြွင်းချက်မရှိ လွှတ်ပေး ရေး အပါအဝင် စစ်ဘေးခိုလှုံသူ ဒုက္ခသည်များကို အဓမ္မဖမ်းဆီး နှိပ်စက်ခြင်း မပြုရန်၊ ဒုက္ခသည်များကို လုံခြုံမှုပေးရန်၊ တရားရုံး ခွင့်ပြုမိန့်မရဘဲ လူတဦးအား ၂၄ နာရီ ကျော်လွန်၍ ဖမ်းဆီးထားခြင်း မပြုရန်နှင့် ဖမ်းဆီးထားသူအား ညှဉ်းပန်းနှိပ်စက် ခြင်းများ မပြုရန် ဒေါ်ညွယ်ဇယ် အပါအဝင် ခရစ်ယာန် ဘာသာရေးခေါင်းဆောင်များ၊ ဒုက္ခသည် ၅၀၀ ကျော်နှင့် မြို့ခံ ၁၀၀၀ ကျော်တို့ စုပေါင်း၍ ဆန္ဒပြ တောင်းဆိုမှုများ ပြုလုပ်ခဲ့ကြသည်။
ဦးဘရန်ရှောင်အပါအဝင် ကချင်ပြည်နယ်အတွင်း၌ KIO နှင့်ဆက်နွယ်သည်ဟုဆိုကာ မတရားအသင်းနှင့် ဆက်သွယ်မှုပုဒ်မ ၁၇/ ၁ ဖြင့် ဖမ်းဆီးခံထားရသူ ၅၀ ကျော်ရှိကြောင်း မြစ်ကြီးနားမြို့နယ်ရှိ ရှေ့နေများ၏ မှတ်တမ်းများအရ သိရှိရသည်။ ထို့အပြင် ရှမ်း ပြည် နယ် မြောက်ပိုင်းတွင်လည်း ယင်းသို့စွပ်စွဲချက်ဖြင့် ဒေသခံ ၂၀ ကျော်ရင်ဆိုင်နေရကြောင်း သိရသည်။
Ref: ဧရာဝတီ
Read More...
Collapse...
လင်းသန့်
August 16, 2012
ကချင်ပြည်နယ်သို့ သွားရောက် လေ့လာစစ်ဆေးခဲ့သည့် မြန်မာနိုင်ငံ အမျိုးသား လူ့အခွင့်အရေး ကော်မရှင်က မြန်မာအစိုးရ စစ်တပ်နှင့် ကချင် လွတ်လပ်ရေးတပ်မတော် (KIA) ၂ ဘက်စလုံး လူ့အခွင့်အရေး ချိုးဖောက်မှုများ ကျူးလွန်ကြ သည်ကို တွေ့ရှိရသဖြင့် ရပ်တန့်ရန် တိုက်တွန်းခဲ့ကြောင်း သိရသည်။
အဆိုပါ မြန်မာနိုင်ငံ အမျိုးသား လူ့အခွင့်အရေး ကော်မရှင်က “တပ်မတော်က တာလောကြီးရွာသား ၂ ဦးအား ၂၀၁၂ ခုနှစ် ဇန်နဝါရီလဆန်းတွင် ဖမ်းဆီးစစ်ဆေး၍ သက်ဆိုင်ရာမှ တဆင့် တည်ဆဲ ဥပဒေအရ တရားစွဲဆိုခဲ့ကြောင်း သိရှိရပါသည်။ ကာယ ကံရှင်များ နစ်နာမှု မရှိစေရေးအတွက် အမှုများ ဆောလျင်စွာ ပြီးပြတ်အောင် စစ်ဆေးသင့် ပါသည်။ လုံခြုံရေး တပ်ဖွဲ့များက မသင်္ကာသူများအား လုံခြုံရေးအရ ခေါ်ယူ စစ်ဆေးခြင်း၊ တရားဥပဒေနှင့် အညီ တရားစွဲဆိုခြင်းများအား ကော်မရှင်အနေဖြင့် အထူးပြောကြားရန် မရှိပါ။ သို့သော် စစ်ဆေးစဉ် ညှဉ်းပန်းနှိပ်စက် ခြင်းသည် လူ့အခွင့်အရေး ချိုးဖောက်ခြင်း ဖြစ်သဖြင့် ရှောင် ကြဉ်ရပါမည်” ဟုမြန်မာ အစိုးရ စစ်တပ်၏ ကျူးလွန်မှုကို ဖော်ပြထားသည်။
အမျိုးသား လူ့အခွင့်အရေး ကော်မရှင်သို့ တိုင်ကြားစာ ၄ စောင် လက်ခံရရှိခဲ့ရာ လူ့အခွင့်အရေး ချိုးဖောက်မှုနှင့် ဆက်စပ်သည် ဟု ယူဆသောကြောင့် တိုင်ကြားသူများ၊ ရွာသူရွာသားများ၊ ရွာလူကြီးများ၊ အစိုးရစစ်တပ်မှ အရာရှိ တဦးနှင့် သက်သေများကို ခေါ်ယူစစ်ဆေးခဲ့ကြောင်း၊ စစ်ဆေးရာတွင် လူ့အခွင့်အရေး ချိုးဖောက်မှုများ ရှိသည်ကို တိတိကျကျ သိရှိရ၍ ကော်မရှင်၏ သတင်း ထုတ်ပြန်ချက်တွင် ထည့်သွင်းဖော်ပြခြင်း ဖြစ်သည်ဟု မြန်မာနိုင်ငံ အမျိုးသား လူ့အခွင့်အရေး ကော်မရှင် အတွင်းရေးမှူး ဦးစစ်မြိုင်က ဧရာဝတီကို ပြောသည်။
“ကျနော်တို့ ကချင်ပြည်နယ်သွားတာ ရည်ရွယ်ချက် ၂ ခုပါ။ တခုကတော့ စောင့်ရှောက်ရေး စခန်းတွေရဲ့ အခြေအနေ ကို လေ့ လာတာပါ။ ဒုတိယ တချက်ကတော့ ကျနော်တို့ဆီကို ပေးပို့ထားတဲ့ ကချင်ပြည်နယ်က တိုင်ကြားစာ ၄ စောင် ကိစ္စပါ” ဟု သူ က ဆိုသည်။
အလားတူ ကချင်လွတ်မြောက်ရေး တပ်ဖွဲ့ဘက်ကလည်း လူ့အခွင့်အရေး ချိုးဖောက်မှုရှိသည်ကို တွေ့ရှိခဲ့ကြောင်း၊ ကလေးငယ် များကို အဓမ္မ တပ်သားသစ် စုဆောင်းခြင်း၊ မြို့နယ် အုပ်ချုပ်ရေးမှူးရုံးကို စီးနင်း တိုက်ခိုက် သတ်ဖြတ် ခြင်း၊ လက်နက်ကိုင် အဖွဲ့ ၂ ဘက်စလုံးက မိုင်းထောင်ခြင်းများ ရှိသည်ကို စစ်ဆေးတွေ့ရှိခဲ့ရကြောင်း ဦးစစ်မြိုင်က ပြောသည်။
“ကျနော်တို့က ၂ ဘက်လုံးကို တွေ့တဲ့အတွက် ၂ ဘက်လုံးကိုပဲ ပြောပါတယ်။ ဘာကြောင့်လဲ ဆိုတော့ ဒီမှာလည်း လူ့အခွင့် အရေး မချိုးဖောက်ဖို့၊ နောက် တပ်သားသစ်တွေ အတင်းအကျပ် စုဆောင်းတာတွေ မလုပ်ကြဖို့ ဒါတွေ ကျနော် တို့ ထည့်သွင်း ပြီး တိုက်တွန်းခြင်း ဖြစ်ပါတယ်” ဟု သူက ဆိုသည်။
ကချင် ဒုက္ခသည်များ ကူညီပေးရေး ကော်မတီက မြန်မာ့ လူ့အခွင့်အရေး ကော်မရှင်၏ တွေ့ရှိချက်များသည် မှန်ကန်မှု မရှိ ကြောင်း၊ အဆိုပါကော်မရှင်သည် မြန်မာအစိုးရက ထိမ်းချုပ်ထားသည့် မြစ်ကြီးနားနှင့် ၀ိုင်းမော်မြို့နယ်များ အတွင်း ရှိသည့် ဒုက္ခသည်စခန်း ၁၆ ခုကိုသာ လေ့လာသွားခြင်းဖြစ်ပြီး ကချင် လွတ်မြောက်ရေး အဖွဲ့ (KIO) ထိမ်းချုပ် ထားသည့် ဒုက္ခသည် စခန်းများကို သွားရောက်ခြင်း မရှိခဲ့၍ မျှတမှု မရှိကြောင်း ထောက်ပြဝေဖန်ခဲ့သည်။
အဆိုပါကိစ္စနှင့် ပတ်သက်၍ မြန်မာ အမျိုးသားလူ့အခွင့်အရေး ကော်မရှင်အနေဖြင့် တဘက်သတ် စွပ်စွဲခြင်းမျိုး လုံးဝ မရှိ ကြောင်း၊ ကော်မရှင်၏ ဂုဏ်သိက္ခာနှင့် ပြည်သူလူထု၏ ယုံကြည်မှုကို ပျက်ဆီးသွားမည့် အလုပ်မျိုး မလုပ်ဘဲ ပြောသင့် ပြော ထိုက်သည့် ပမာဏ အတိုင်းအတာ၊ သုံးသင့်သုံးထိုက်သည့် အသုံးအနှုန်း များနှင့်သာ ၂ ဘက်စလုံးကို အကြံပြု တင်ပြခြင်းနှင့် ပြည်သူကို အသိပေး တင်ပြခြင်းသာ ဖြစ်သည်ဟု ဦးစစ်မြိုင်က ရှင်းပြသည်။
“မိုင်းဗုံးထောင်လို့ လူတွေ ဒဏ်ရာ ရတာ၊ မြို့နယ်ခွဲ အုပ်ချုပ်ရေးမှူးရုံးကို ၀င်ရောက် စီးနင်းပြီးတော့ ၀န်ထမ်းတွေကို သတ်တာ၊ ကျနော်တို့ရဲ့ ထုတ်ပြန်ချက်ထဲမှာ ပါတဲ့ တပ်သားသစ် ၅၃ ဦး ကို အတင်း တပ်သားသစ် စုဆောင်းတယ်ဆို တာ ပေါ်လွင်လို့ ထည့်တာပါ” ဟု သူက ဆိုသည်။
အစိုးရနှင့် ကချင်ပြည် လွတ်လပ်ရေး အဖွဲ့ (KIO) နှစ်ဘက်စလုံး လူ့အခွင့်အရေး ချိုးဖောက်မှုများရှိနေပြီး ကာယကံရှင်များနှင့် တွေ့ဆုံမေးမြန်း ခဲ့သည်ဟု လူ့အခွင့်အရေး ကော်မရှင်မှ ပြောဆိုခဲ့ခြင်းအပေါ် အဖြစ်မှန်ကို အသေးစိတ် ထုတ်ဖော်ပြောဆိုခြင်း မရှိကြောင်းနှင့် အစိုးရက ခန့်ထားသော အဖွဲ့ဖြစ်သောကြောင့် အစိုးရဘက်လိုက်သော ထုတ်ပြန်ချက်သာ ဖြစ်သည်ဟု KIO ဒု အထွေထွေ အတွင်းရေးမှူး ၂ ဦးလနန်က ဝေဖန်ကန့်ကွက်မှုကို Kachin News Group ၏ သတင်းတရပ်တွင် ဖော်ပြသည်။
အမျိုးသား ဒီမိုကရေစီ အင်အားစု (NDF) ပါတီ၏ ကချင်ပြည်နယ် ဥက္ကဋ္ဌ ဖြစ်သူ ဒေါ်ဘောက်ဂျာက လူ့အခွင့်အရေး ချိုးဖောက် မှုများသည် လက်နက်ကိုင် ၂ ဘက်လုံးက ကျူးလွန်မှု ရှိသည်မှာ ဖြစ်နိုင်ကြောင်း၊ အစိုးရ စစ်တပ်ကလည်း ဒေသခံများအပေါ် အနိုင်ကျင့်သည်များ ရှိကြောင်း၊ ကချင်ဒေသခံ ကလေးငယ်တချို့ကို KIA တပ်များထဲတွင် တွေ့ခဲ့ ကြောင်း၊ စစ် သင်တန်းတက် ကာ စစ်မြေပြင် တာဝန်ထမ်းဆောင် သူများလည်း တွေ့ခဲ့ရကြောင်း ပြောသည်။
“ကျမ လိုင်ဇာဘက်ကိုလည်း ရောက်ခဲ့တယ်။ အဲဒီမှာ ကလေးစစ်သားတွေကို ၃ လခွဲဆိုလား၊ ၄ လခွဲဆိုလား စစ်သင် တန်းပေး ပြီးတော့ တခါတည်း ရှေ့တန်းပို့တယ်။ ရှေ့တန်းပို့တဲ့ အခါကျတော့ တချို့ သေကုန်တာလည်း ပါတယ်။ တချို့ ထွက်ပြေးလာပြီး တော့ လိုင်ဇာမှာ ထိမ်းသိမ်းထားတယ် ဆိုပေမယ့် လွပ်လွပ်လပ်လပ်တော့ ထားတယ်။ ပြန်ဖို့ဆိုတာ မပြန်ရဲဘူး ဖြစ်နေတယ်” ဟု သူက ဆိုသည်။
ဟူးကောင်းချိုင့်ဝှမ်း ဒေသဘက်တွင်လည်း မြန်မာအစိုးရ အုပ်ချုပ်မှုပိုင်းဆိုင်ရာ အာဏာပိုင်များနှင့် စီးပွားရေး သမားများ ပေါင်းပြီး ကျေးရွာများမှ မြေများ ရောင်းစားနေခြင်းရှိပြီး ကျယ်ကျယ်ပြန့်ပြန့် လူ့အခွင့်အရေး ချိုးဖောက်မှုများ ရှိနေကြောင်း သူက ဆက် ပြောသည်။
“ဥပမာ ယုဇန ကုမ္ပဏီနဲ့ ပတ်သက်လို့ ပြောရရင် အုပ်ချုပ်သူကလည်း ကချင်ပါပဲ၊ ဥက္ကဋ္ဌကလည်း ကချင်ပါ။ ကချင်ပေမယ့် ဟိုဘက်ကိုပဲ တဘက်သတ် ဆန်ပြီးတော့ လိုက်ကြတယ်။ ဥပမာ အဓမ္မပြုကျင့်ခံရတယ်လို့ တိုင်လိုက် ရင်လည်း ဘာတခုမှ မဖြေရှင်းပေးဘူး” ဟု သူက ဆိုသည်။
ဧရာဝတီက ဆက်သွယ်မေးမြန်းချက်များ အရ ၎င်းတို့၏ အမည်ဖော်ပြရန် ငြင်းဆိုသောဒေသခံ ကချင်၊ ရှမ်း တိုင်းရင်း သားများ က လက်နက်ကိုင် တပ်ဖွဲ့များဖြစ်သည့် ကချင်လက်နက်ကိုင် တပ်ဖွဲ့သည်လည်း လူ့အခွင့်အရေး ချိုးဖောက်မှု ရှီကြောင်း၊ မြန်မာ စစ်တပ်၏ ချိုးဖောက်မှုက ပိုများကြောင်း၊ ဒေသခံများ အနေဖြင့် စစ်ဘေးသင့်နေသည်မှာ နှစ်ပေါင်း များစွာ ကြာပြီဖြစ်ကြောင်း ငြိမ်းချမ်းရေးကို အမှန်တကယ် လိုချင်နေကြကြောင်း ပြောဆိုကြသည်။
“ကျနော်တို့ ဒေသခံ ရွားသားတွေက အခုမှ မဟုတ်ဘူး။ ဟိုးနှစ်တွေကတည်းက ခံနေခဲ့ရတာ။ ကချင်လက်နက်ကိုင် လည်း ကျနော်တို့အပေါ် မကောင်းဘူး၊ အစိုးရ စစ်တပ်ကတော့ ပိုဆိုးတာပေါ့။ ပြောရရင် သေနတ်ကိုင်တဲ့သူ ဘယ်သူ မှ ကောင်းကြတာ မဟုတ်ပါဘူး” ဟု ၀ိုင်းမော် ဒေသခံ အမည်မဖော်လိုသူ ရွာသားတဦးက ဆိုသည်။
မြန်မာ လူ့အခွင့်အရေး ကော်မရှင်အနေဖြင့် တိုက်တွန်းခြင်း၊ ဖျန်ဖြေခြင်းတို့သာ လုပ်ဆောင်နိုင်သည့် အတိုင်းအတာ ရှိကြောင်း ဦးစစ်မြိုင်က ရှင်းပြသည်။
Ref: ဧရာဝတီ
Read More...
Collapse...
ခင်ဦးသာ
August 16, 2012
ရခိုင်ပြည်နယ် ရသေ့တောင်မြို့နယ် မယူ(မေယု)မြစ်ကမ်း၌ ဘင်္ဂလားဒေ့ရှ် နိုင်ငံမှဟု ယူဆရသော လှေတစီးနှင့်စာရွက် စာတမ်း တချို့ ကို ယခု ရက်ပိုင်းအတွင်း ဖမ်းဆီးရမိကြောင်း သိရသည်။
သင်္ကာမကင်းသည့် လှေတစီးဖမ်းဆီးမိသည်မှာ မှန်ကန်ကြောင်း၊ သို့သော် ထိုလှေနှင့်ပတ်သက်၍ အသေးစိတ် အချက် အလက် များကို သက်ဆိုင်ရာ အာဏာပိုင်များက စုံစမ်း စစ်ဆေးမှု ပြုလုပ်နေကြောင်း ရခိုင်ပြည်နယ် အစိုးရအဖွဲ့၏ ပြန်ကြားရေး အဖွဲ့ ၀င် ဦးမျိုးသန့် က ဧရာဝတီ ကို ပြောသည်။
“မြစ်ကမ်းဘေးမှာ ရှိတဲ့ကျေးရွာ တခုနားကို လှေ ၂ စီးရောက်လာတယ်၊ ရွာသားတွေ သွားကြည့်ကြတော့ လှေတစီးက ထွက် ပြေးသွားတယ်၊ တစီးတော့ ဖမ်းမိထားတယ်၊ ဘာလက်နက်မှ မပါ ပါဘူး၊ ဘယ်ကလာတယ်၊ ဘယ်သူတွေရဲ့ လှေဆိုတာကို စစ်ဆေးတုန်းပါ”ဟု ၎င်းက ဆိုသည်။
စက်လှေပေါ်မှ လူတချို့သည် ထိုဒေသအနီးရှိ မယူ(မေယု)တောင်တန်းသို့ ထွက်ပြေးသွားသည်ဟု သိရ၍ ရသေ့တောင် ဒေသရှိ စစ်တပ်က လိုက်လံရှာဖွေနေပြီး ရေတပ်နှင့် လုံခြုံရေး ရဲတပ်ဖွဲ့ဝင်များကလည်း ဒေသတ၀ိုက် ကင်းလှည့်နေကြောင်း သိရ သည်။
စက်လှေ ၂ စီးနှင့်လူတစုသည် မယူမြစ်ကမ်းဘေးရှိ ကုလားချောင်း ကျေးရွာအနီးသို့ သြဂုတ်လ ၁၄ ရက်နေ့ ညတွင် ရောက်ရှိ လာ ရာ ဒေသခံ ငါးဖမ်းသမားတဦးက တွေ့ကြောင်း၊ ထိုလှေများကို သင်္ကာမကင်း၍ ရွာကို အကြောင်းကြားရာမှ ရွာ လူထု က သွားကြည့်စဉ် လှေတစီးနှင့်အတူ ထွက်ပြေးလွတ်မြောက်သွားကြောင်း ရသေ့တောင် ဒေသခံ ဦးလှမြင့် က ဧရာဝတီ ကို ပြော သည်။
လှေပေါ်၌ ဘင်္ဂလားဒေ့ရှ် နိုင်ငံအလံ လွှင့်ထူထားပြီး လှေပေါ်မှ ကျွဲတကောင်၊ ဖိနပ် ၂ ရံ၊ အ၀တ်အစား တချို့၊ မော်လ၀ီ တ ရား ဟော ဆရာ ဦးထုပ် တလုံးနှင့် ဘင်္ဂါလီဘာသာဖြင့် ရေးသားထားသည့် စာရွက်စာတမ်း တချို့ပါဝင်ကြောင်း၊ လှေနှင့် ပစ္စည်း များကို မြို့နယ် အုပ်ချုပ်ရေး အဖွဲ့သို့ ယမန်နေ့က အပ်နှံထားပြီးဖြစ်ကြောင်း ၎င်းက ဆက်ပြောသည်။
“ကျွဲတွေ၊ နွားတွေ လာခိုးတာလို့ ယူဆရပါတယ်၊ ဖမ်းမိတဲ့ လှေပေါ်မှာ ကျွဲတကောင်တွေ့တဲ့အပြင် အဲဒီနားက အောင်မ ဆိုတဲ့ ရွာက လယ်သမားတွေရဲ့ ကျွဲ ၆ ကောင် လည်း ပျောက်နေတယ်လို့ သိရပါတယ်”ဟု ဦးလှမြင့် က ဆိုသည်။
ရသေ့တောင် မြို့နယ်၊ လုံးချောင်း ကျေးရွာအုပ်စု အောင်မကျေးရွာ မှ လယ်သမား ၂ ဦး ပိုင်ဆိုင်သော ကျွဲကောင်ရေ ၄၀ ၀န်း ကျင်ကို စားကျက်မြေရှိသည့် ကုလားချောင်းကျေးရွာအနီးတွင် ထားလေ့ရှိကြောင်း၊ ထိုကျွဲများကို ခိုးယူရန်လာရောက်ခြင်း ဖြစ် နိုင်ကြောင်း၊ ဒေသခံတိုင်းရင်းသားများ၏ ကျွဲ၊ နွားများ ယခင်ကလည်း မကြာခဏ ပျောက်ဆုံးလေ့ရှိကြောင်း ဒေသခံများက ပြော သည်။
၂၀၁၁ ခုနှစ် နိုဝင်ဘာလ ၃ ရက်နေ့တွင် အောင်မကျေးရွာမှ လယ်သမား ဦးမောင်ထွန်းသာသည် လယ်တဲ၌ ရှိနေစဉ် အသတ် ခံခဲ့ ရပြီး ကျွဲ၊ နွားများလည်း အခိုးခံရကြောင်း၊ ၂၀၁၂ ခုနှစ် ဧပြီလ ၂၀ ရက်နေ့ တွင်လည်း ဆင်ပိုက်ကျေးရွာမှ နွား ၈ ကောင် ပျောက်ဆုံးခဲ့ကြောင်း သိရသည်။
ဆင်ပိုက်ရွာသည် မယူမြစ် ပင်လယ်ကမ်းခြေတွင် တည်ရှိ၍ ပင်လယ်ထွက်ပေါက် လွယ်ကူကြောင်း၊ နွားများကို လှေပေါ် တင် ယူနေခြင်းကို တွေ့မြင်သော်လည်း တဘက်တွင် လက်နက်များ ကိုင်ဆောင်ထား၍ ဒေသခံများ အနေဖြင့် ကာကွယ်တားဆီးမှု
မပြုလုပ်နိုင်ကြောင်း၊ သက်ဆိုင်ရာ ရဲစခန်းကို အကြောင်း ကြားသည့်သော်လည်း ချက်ချင်း တာဝန်ယူခြင်း မရှိဘဲ ပြည်ပအခြေ စိုက် RFA အသံလွှင့်ဌာန က ထုတ်လွှင့်ပြီးမှသာ လာရောက် စစ်ဆေးမှုတချို့ ရှိကြောင်း ဒေသခံ ဦးလှမြင့် က ပြောပြသည်။
ရသေ့တောင်မြို့နယ်သည် ဘင်္ဂလားပင်လယ်အော်နှင့်ထိစပ်နေသည့် အတွက် အလွယ်တကူ ၀င်ထွက်သွားလာနိုင်သည့် နယ် စပ်ဒေသ တခုဖြစ်ပြီး ဘင်္ဂလားဒေ့ရှ် ဘက်မှ တရားမ၀င် စက်လှေများ မကြာခဏ လာရောက်လေ့ရှိကြောင်း၊ ဒေသခံ တိုင်းရင်း သားများ ၏ ကျွဲ၊ နွားများ၊ ပစ္စည်းများ ခိုးယူခြင်း ခံနေရသည့်အပြင် အသက် အန္တရာယ် အတွက်လည်း စိုးရိမ်မှုများ ရှိနေ ကြောင်း၊ ထိုကိစ္စများကို သက်ဆိုင်ရာ အာဏာပိုင်များထံ တင်ပြန်ရန် ဒေသခံ ရပ်မိ ရပ်ဘများက ကြိုးပမ်းမည်ဖြစ်ကြောင်း သိရ သည်။
ရသေ့တောင် ဒေသတွင် အစိုးရ ခြေမြန်တပ်ရင်း (ခမရ) ၅၃၆၊ ၅၃၇၊ ၅၃၈ စသည့် တပ်ရင်းများ အခြေစိုက် စခန်းချ ထား သည့်အပြင် ရဲစခန်း၊ ရဲ တပ်ရင်း တချို့ တည်ရှိသည့် နယ်စပ်ဒေသ တခုလည်း ဖြစ်သည်။
ကျောက်တော်မြို့နယ်တွင် ပြီးခဲ့သည့် ဇူလိုင်လအတွင်း က တဘက်နိုင်ငံမှ တရားမ၀င်ရောက်ရှိလာသည့် လှေတစီးဖမ်းမိရာ
လက်နက်များ သိမ်းဆည်းရမိကြောင်း သတင်းများ ထွက်ပေါ်ခဲ့သော်လည်း အတည်ပြုနိုင် ခြင်းမရှိသေးပေ။
ဘင်္ဂလားဒေ့ရ်ှနိုင်ငံမှ ထွက်ခွာလာသည့် လူ ၁၀၀ ၀န်းကျင်တင်ဆောင်လာသော စက်လှေတစီးသည် ဂွမြို့နယ်အတွင်းရှိ ကျွန်း ငယ်တခုသို့ ဇွန်လအတွင်း တရားမ၀င်ရောက်ရှိလာရာ ဒေသဆိုင်ရာ အဏာပိုင်များက ခေတ္တ ထိန်းသိမ်းထားခဲ့ကြောင်း ဒေသ အာဏာပိုင်များ က သတင်းထုတ်ပြန်ကြောင်း ပြည်တွင်းထုတ် ဂျာနယ်တချို့က ရေးသားခဲ့ကြသည်။
၎င်းတို့အား စစ်ဆေး၍ ပြစ်မှုထင်ရှားပါက ဥပဒေ အရ အရေးယူပြီး သက်ဆိုင်ရာနိုင်ငံသို့ လွှဲပြောင်းပေးသွားမည် ဖြစ်သည်ဟု သံတွဲခရိုင် အာဏာပိုင်များက ထုတ်ပြန်ခဲ့ကြောင်း The Voice Weekly ဂျာနယ် ၏ အင်တာနက်စာမျက်နှာတွင် ဇွန်လ ၂၇ ရက် က ဖော်ပြခဲ့သည်။
Ref: ဧရာဝတီ
Read More...
Collapse...
ဖိုးသိုက်
August 16, 2012
မြန်မာပြည်တွင် ကမ္ဘာ့စီးပွားရေးဖိုရမ် World Economic Forum (WEF) ကို ၂၀၁၃ခုနှစ် ဇွန်လ၌ ကျင်းပရန် စီစဉ်ထားပြီး ဒေသတွင်းနှင့် နိုင်ငံတကာမှ ထိပ်တန်းခေါင်းဆောင်များ အပါအ၀င် ထိပ်တန်း စီးပွားရေးကုမ္ပဏီကြီးများမှ အမှုဆောင်အရာရှိချုပ် များနှင့် စီးပွားရေးပညာရှင်များပါဝင်ကာ လူဦးရေ တထောင်ကျော်တက်ရောက်မည် မျှော်လင့်ကြောင်း စုံစမ်းသိရှိရသည်။
ယင်းသို့ WEF ကို မြန်မာနိုင်ငံတွင် ပထမဆုံးအကြိမ် ကျင်းပခွင့်ရရှိမည် ဖြစ်သောကြောင့် မြန်မာနိုင်ငံအနေဖြင့် စီးပွားရေးနှင့် နိုင်ငံရေးအရ ဖွံ့ဖြိုးတိုးတက်မှုဆိုင်ရာ အခွင့်အလမ်းများ ရရှိစေနိုင်ပြီး ပြည်တွင်းလုပ်ငန်းရှင်များ အတွက်လည်း နိုင်ငံတကာ စီးပွားရေးတွင် ကျွမ်းဝင်လာစေရေး များစွာ အထောက်အပံ့ ဖြစ်စေမည်ဟု ပြည်တွင်းစီးပွားရေး ပညာရှင်များက မျှော်လင့်နေ ကြသည်။
“ဒီဖိုရမ်မှာ ကိုယ့်နိုင်ငံရဲ့အခြေအနေအရပ်ရပ်ကို သူတို့အနေနဲ့ ထိတွေ့သိရှိခွင့်ရရှိမှာဖြစ်လို့ ဒါက တကယ့်လွက်တွေ့ ကျကျ ဆောင်ရွက်နိုင်မှာဖြစ်ပါတယ်။ ပြီးတော့ ဒီမှာကလည်း ရင်းနှီးမြှုပ်နှံမှုနဲ့ဆိုင်တဲ့ဥပဒေ အပါအ၀င် စီးပွားရေးအထူးဇုန် ဥပဒေကလည်း ထွက်ရှိလာမှာ ဖြစ်တာကြောင့် သူတို့အနေနဲ့ နိုင်ငံခြားရင်းနှီးမြှုပ်နှံမှုတွေ ၀င်လာဖို့အတွက်လည်း တကယ့် အချိန်ကောင်းလည်း ဖြစ်ပါတယ်” ဟု စီးပွားရေးနှင့်ကူးသန်းရောင်းဝယ်ရေး ၀န်ကြီး၏ အကြံပေး ဒေါက်တာမောင်အောင်က ပြောသည်။
“ဒါကြောင့် နိုင်ငံခြားရင်းနှီးမြှုပ်နှံမှုတွေ ၀င်လာတာနဲ့အမျှ ပြည်တွင်းမှာ အလုပ်အကိုင် အခွင့်အလမ်းတွေကလည်း ပိုမိုရရှိလာမှာ ဖြစ်တာကြောင့် တိုင်းပြည်ရဲ့ ကုန်ထုတ်လုပ်မှု စွမ်းအားမြင့်လာတာနဲ့အမျှ စီးပွားရေးကလဲ ဖွံ့ဖြိုးတိုးတက်လာမှာ ဖြစ်ပါတယ်။ ဒီ အခွင့်အရေးကို ကျွန်တော်တို့အသုံးချတက်ဖို့ လိုပါတယ်”ဟု သူက ဆက်လက်ပြောသည်။
WEF ကို ဂျီနီဗာတက္ကသိုလ် စီးပွားရေးပညာရှင် ကလော့စ်ရွှပ်က ၁၉၇၁ ခုတွင် စတင်တည်ထောင်ခဲ့ပြီး နှစ်စဉ်ပြုလုပ်လာခဲ့ရာ ဆွစ်ဇာလန်နိုင်ငံ ဒါးဗို့စ်မြို့ ဆွေးနွေးဝိုင်းမှာ အထူးထင်ရှားသည်။ လက်တင်အမေရိက၊ အရှေ့အာရှကဲ့သို့ ဒေသတွင်း ဖိုရမ်များ ကိုလည်း နှစ်စဉ်ကျင်းပနေပြီး တရုတ်နှင့် ယူအေအီးနိုင်ငံများတွင်လည်း နှစ်စဉ်ဆွေးနွေးဝိုင်းများကို တိုးချဲ့ကျင်းပသည်။
ပြီးခဲ့သည့် ဇွန်လတွင် ဘန်ကောက်မြို့၌ ကျင်းပသော အရှေ့အာရှ WEF တွင် မြန်မာ့အတိုက်အခံ ခေါင်းဆောင် ဒေါ်အောင်ဆန်း စုကြည်ကို ဖိတ်ကြားခဲ့ပြီး အာရှအမျိုးသမီးများဆိုင်ရာ ဆွေးနွေးဝိုင်းတွင် ပါဝင်ဆွေးနွေးစေခဲ့သည်။ သမ္မတ ဦးသိန်းစိန် ကိုလည်း တက်ရောက်ဟောပြောရန် ဖိတ်ကြားခဲ့သော်လည်း အစီအစဉ်ကို မြန်မာအစိုးရက နောက်ပိုင်းတွင် ဖျက်သိမ်းခဲ့သည်။
Ref: ဧရာဝတီ
Read More...
Collapse...
15 August 2012
ဗိုလ်ချုပ်ကြီး ဥာဏ်ထွန်းသည် မြန်မာနိုင်ငံ၏ ဒုတိယသမ္မတ (၁) နေရာ၌ ယနေ့ ပြည်ထောင်စု လွှတ်တော်တွင် ကျမ်းကျိန် ခဲ့ပါသည်။ သူသည် စစ်တက္ကသိုလ် အပါတ်စဉ် (၁၆)၊ အောင်ဇေယျ တပ်ခွဲမှဖြစ်ပါသည်။ ကိုယ်ပိုင် အမှတ်မှာ ရေ (၁၁၆၉) ဖြစ်ပြီး တပ်မတော်(ရေ) တွင် ဒုဗိုလ် အဆင့်မှ ဗိုလ်ချုပ်ကြီး အထိ တာဝန် ထမ်းဆောင် ခဲ့သူဖြစ်သည်။
သူသည်လစ်လပ်နေသည့် ဒုတိယသမ္မတ သီဟသူရ တင်အောင်မြင့်ဦး၏ နေရာ၌အစားထိုး ခန့်အပ်ခြင်းဖြစ်ပါသည်။ ဒု- သမ္မတ ဟောင်း သီဟသူရ တင်အောင် မြင့်ဦးမှာ စစ်တပ် ပိုင်းမှ သဘောထား တင်းမာသူ အုပ်စုထဲမှ တစ်ဦး ဖြစ်သည်ဟု သတ်မှတ် ခြင်း ခံထားရသူ ဖြစ်ပြီး ကျန်းမာရေးကြောင့် 2012 ခုနှစ် ဇူလိုင်လ 2 ရက်နေ့တွင် နှုတ်ထွက်စာ တင်ခဲ့ပါသည်။
ဤဒုတိယ သမ္မတနေရာကို ကနဦး၌ ရန်ကုန်တိုင်း ဝန်ကြီးချုပ် ဦးမြင့်ဆွေကို တပ်မတော်သားလွှတ်တော် အမတ်များ အစုအဖွဲ့က အမည်စာ ရင်း တင်သွင်း ခဲ့သော်လည်း ဒုတိယသမ္မတ ဖြစ်ခွင့် စည်းကမ်း ချက်များနှင့် ကိုက်ညီမှု မရှိသဖြင့် ရွေးချယ်ရေး အဖွဲ့ဝင်များမှ ပယ်ချ ခဲ့ပါ သည်။
အမှန်တကယ်၌ မြန်မာနိုင်ငံအနေနှင့် စစ်တပ်ကိုကိုယ်စားပြုသော ဒု-သမ္မတ တစ်ဦးရွေးချယ်ခွင့် ပေးထားမှုသည် နိုင်ငံရေး အခန်းကဏ္ဍ၌ စစ်တပ် သြဇာ လွှမ်းမိုးထားရန် ရည်ရွယ်သော ၂၀၀၈ ဥပဒေမျိုး မရှိသင့်ဟု UNFC အတွင်းရေးမှူးအဖွဲ့ဝင် ဗိုလ်မှူးကြီး ခွန်ဥက္ကာက ဆိုပါသည်။
“နိုင်ငံကြီး တော်တော်များများ မှာတောင် သမ္မတ တစ်ဦးနဲ့ ဒု-သမ္မတ တစ်ဦးစီပဲ ရှိကြပါတယ်၊ မြန်မာနိုင်ငံလို လူဦးရေသန်း (၆၀) လောက်ပဲ ရှိတာကို သမ္မတကြီး တစ်ယောက်နဲ့ ဒု-သမ္မတ နှစ်ယောက်တောင် ထားတယ်ဗျာ၊ အားလုံးကိုလည်း ပါစေ ချင်တယ်၊ အာဏာလည်း များများ မပေးချင်တော့ လွှတ်တော်နှစ်ရပ်ဘဲရှိတဲ့တိုင်းပြည်မှာ စစ်တပ်ကိုယ်စားပြု ဒုတိယသမ္မတပါ ပေးထားရတဲ့သဘောဖြစ်နေတယ်” ဟုဆိုပါ သည်။
နိုင်ငံတော် ဖွဲ့စည်းပုံ အခြေခံ ဥပဒေပါ ပြဌာန်းချက် အရ ဒု-သမ္မတသစ် အဖြစ် အရွေးချယ် ခံရသည့် ဗိုလ်ချုပ်ကြီး ဥာဏ်ထွန်း သည် ယခင် ရာထူးဟောင်း ဖြစ်သော တပ်မတော်ရေ၏ စစ်ဦးစီးချုပ် ရာထူးမှ အလိုအလျောက် အငြိမ်းစား ယူရမည် ဖြစ်သည်။
“သူ့ကို ရွေးရမှာက စစ်တပ် ကိုယ်စားပြု (၂၅) ရာခိုင်နှုန်းသော လွှတ်တော် ကိုယ်စားလှယ် တွေကရွေးရမှာ၊ ဒါပေမဲ့ နောက် ကွယ်မှာ ကာ ကွယ်ရေး ဦးစီးချုပ်တို့ ရှိတယ်၊ ရှင်းရှင်းပြောရရင် စစ်တပ်သည် လွှတ်တော် တရပ်ကဲ့သို့ အာဏာရှိသည် ဆိုတဲ့ အချက်ကို ပြတာပဲလို့ ပြော ချင်ပါတယ်၊ အထက်လွှတ်တော်၊ အောက်လွှတ်တော် တစ်ရပ်စီကနေ သမ္မတလောင်း ရွှေးပြီးသားပါ၊ ရှိပြီး သားပါ၊” ဟု ဗိုလ်မှူးကြီး ခွန်ဥက္ကာ မှ ပြောပါသည်။
ဒု-သမ္မတသစ် ဗိုလ်ချုပ်ကြီး ဥာဏ်ထွန်း၏ ကျမ်းသစ္စာ ကျိန်ဆိုပွဲသို့ တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ် မှူး ကြီး မင်းအောင် လှိုင်၊ ပြည်ထောင်စုရွေးကောက်ပွဲ ကော်မရှင် ဥက္ကဋ္ဌ ဦးတင်အေးနှင့် အစိုးရအဖွဲ့ဝင် ဝန်ကြီးများ တက်ရောက် ခဲ့ကြသော်လည်း နိုင်ငံတော် သမ္မတ ဦးသိန်းစိန်နှင့် ဒု-သမ္မတ စိုင်းမောက်ခမ်းတို့ တက်ရောက်ခဲ့ခြင်း မရှိဟုဆိုပါသည်။
Ref: ရွှေဟင်္သာ
Read More...
Collapse...
15 August 2012
အစိုးရနှင့် ဆက်ဆံရေး ထားရှိရန် ရခိုင်ပြည် လွတ်မြောက်ရေး ပါတီ (ALP) သည် ရခိုင်ပြည်နယ် ကျော်တော်မြို့၌ ဆက်ဆံ ရေးရုံး ဖွင့်လှစ်ရန် သြဂုတ်လ အတွင်း စီစဉ် ထားကြောင်း ပါတီ အထွေထွေ အတွင်းရေးမှူး ခိုင်သုခက ဆိုပါသည်။
“ကျောက်တော်မှာလည်းပုဒ်မ ၁၄၄ ညမထွက်ရအမိန့် ထုတ်ထားတာ ရှိတော့ မြန်မာအာဏာပိုင်တွေဘက်က စောင့်ပါအုံး ဆိုပြီး ပြောနေလို့ ကြန့်ကြာ နေတာပါ” ဟုဆိုပါသည်။
ဆက်ဆံရေးရုံးများကို စစ်တွေ၊ မောင်တော၊ ပလက်ဝ၊ ကျောက်တော်၊ ရန်ကုန်နှင့် မြဝတီ၊ မြို့များ၌ ထားရှိရန် အစိုးရနှင့် သ ဘော တူညီထားပါသည်။ သို့သော်လည်း ပလက်ဝ မြို့၌ ရခိုင်အမျိုးသား လွတ်မြောက်ရေး ပါတီ (ALP) ၏ ဆက်ဆံရေးရုံး ထားရှိမှုကို ချင်းပြည်သူ့ တပ်ဦး (CNF) မှ ကန့်ကွက် ထားပါသည်။
ရခိုင်ပြည် လွတ်မြောက်ရေး ပါတီ (ALP) သည် အစိုးရနှင့် ပြည်ထောင်စု အဆင့် တွေ့ဆုံဆွေးနွေးနိုင်ရန် အဆိုပြု ထားခဲ့ သော်လည်း အစိုးရမှ အကြောင်းပြန်ကြားခြင်း မရှိသေးပါ။
ALP သည် ပြည်ထောင်စု အဆင့် တွေ့ဆုံပွဲဖြစ်မြောက်ပါက ၄င်းတို့အပေါ် မတရားအသင်း ကြေညာထားမှုကို ပြန်လည် ရုပ် သိမ်း ပေရေး၊ ရခိုင်ပြည်သူများ၏ ကျန်းမာရေး၊ ပညာရေး၊ ဘာသာရေး၊ စာပေယဉ်ကျေးမှု ကိစ္စရပ် များတွင်လွတ်လပ်စွာ လုပ်ပိုင် ခွင့်ရရန် အချက် (၁၇) ချက်ကို တောင်းဆိုရန်ရှိပါသည်။
ALP သည်အပစ်အခတ်ရပ်စဲထားသည်ဟု ဆိုသော်လည်း တပ်နေရာချထားရေးကိုမူ အစိုးရနှင့် ညှိနှိုင်းနေဆဲ ဖြစ်ပါသည်။ လေ့လာသူများကမူ ALP ၏ တပ်ဖွဲ့များသည် ထိုင်းမြန်မာနယ်စပ်၌သာ အခြေခံ ထားသည့် အတွက် တပ်နေရာ ချထားမှု၌ အခက်အခဲ ဖြစ်နိုင်ကြောင်း ဆိုကြပါသည်။
ALP သည်ရခိုင်ပြည်နယ်၌ ဖြစ်နေသော ဘင်္ဂလီအရေးခင်းကို ဒုတိယအကြိမ် မတရား ကျူးကျော် ၀င်ရောက်မှု ဖြစ်ပြီး နယ် ချဲ့ခြင်းဖြစ်သည်ဟု ခံယူကြောင်း အထွေအထွေ အတွင်းရေးမှူး ဖြစ်သူ ခိုင်သုခက ဆိုပါသည်။
ရခိုင်ပြည်လွတ်မြောက်ရေးပါတီ (ALP) နှင့် ရခိုင်ပြည်နယ်အစိုးရတို့သည် ၂၀၁၂ ဧပြီလ (၅) ရက်နေ့၌ အပစ်အခတ်ရပ်စဲ ရေးမဏာမသဘော တူညီချက် (၅) ချက်ကို လက်မှတ် ရေးထိုးခဲ့ပါသည်။
ရခိုင်ပြည် လွတ်မြောက်ရေးပါတီ(ALP)ကို ၁၉၇၃ ခုနှစ်တွင် စတင်တည်ထောင် ခဲ့ပြီး မြန်မာ-ဘင်္ဂလားဒေ့ရှ် နယ်စပ်မှတဆင့် အိန္ဒိယ နယ်စပ်နှင့် ထိုင်းနယ်စပ်တို့တွင် အခြေစိုက် နေပါသည်။
Ref: ရွှေဟင်္သာ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88