မိုးဝေ ရခိုင်ပြည်နယ် (မြစ်မခ)
15 Aug, 2012
ရခိုင်ဒီမိုကရေစီအဖွဲ့ချုပ်၏ နာယကကြီးဖြစ်သည့် ရခိုင်မြန်မာ ပဏ္ဍိတ်ဦးဦးသာထွန်း ကွယ်လွန်ခြင်း ၂၂ နှစ်မြောက်အခမ်းအနားကို စစ်တွေမြို့ရခိုင်ဒီမိုကရေစီအဖွဲ့ချုပ် ဗဟိုရုံးမှာ ယမန်နေ့(သြဂုတ်လ-၁၄)ရက်နေ့က ပြုလုပ်ခဲ့သည်။
ပရိတ်သတ်(၃၀) ကျော်တက်ရောက်သည့် ၄င်း အခမ်းအနားတွင်ရခိုင်ဒီမိုကရေစီအဖွဲ့ချုပ်ခေါင်းဆောင်များက ရခိုင်မြန်မာပဏ္ဍိတ် ဦးဦးသာထွန်းနှင့် ပတ်သက်သော အကြောင်းအရာများကို ဟောပြောခဲ့ကြသည်။ နံနက်ပိုင်းတွင် အလှူဆွမ်းကျွေးပွဲပြုလုပ်ခဲ့ပြီး နေ့လည်ပိုင်းတွင်ဟောပြောပွဲပြုလုပ်ခဲ့ခြင်းဖြစ်သည်။
၁၉၁၇ ခုနှစ်နိုဝင်ဘာလ ၁၃ ရက်နေ့တွင် မွေးဖွားခဲ့ပြီး ၁၉၉၀ တွင်ကွယ်လွန်ခဲ့သည့် ဆရာကြီး ဦးဦးသာထွန်း သည်ရခိုင်သမိုင်း ပညာရှင် တစ်ဦးဖြစ်ပြီး ရခိုင်ဒီမိုကရေစီအဖွဲ့ချုပ်တွင်လည်း နာယကအဖြစ် ဆောင်ရွက်ခဲ့သူဖြစ်သည်။ ၁၉၉၀ တွင်(၃)နှစ်အကျဉ်း ကျခံရပြီး (၅)လ အကြာတွင် ကွယ်လွန်ခဲ့ခြင်းဖြစ်သည်။
Ref: မြစ်မခ
1 hour ago
Posts
0 comments:
Post a Comment