သစ်ငြိမ်း
သြဂုတ်လ ၁၅ ရက် ၂၀၁၂ ခုနှစ်
ပင်လယ်လိပ်များ တက်ရောက်ခိုလှုံလေ့ရှိသည့် ဧရာဝတီတိုင်းအတွင်းရှိ လိပ်ကျွန်း၊ လိပ်သောင်များသည် ဆယ်စုနှစ်တခုအတွင်း ထက်ဝက်နီးပါး ပျက်စီးဆုံးရှုံးခဲ့ကြောင်း လေ့လာသုတေသနပြုသူတို့ကပြောသည်။
“လွန်ခဲ့တဲ့ ၁ဝ နှစ်လောက်ကတော့ နေရာ ၅ဝ လောက်တက်တယ်။ ဆယ်စုနှစ်အတွင်းမှာ ၂၇ ခုလောက်ပဲရှိ တော့တယ်။ ၅ဝ ရာခိုင်နှုန်း လျော့ကျသွားခဲ့တယ်။ အဲဒါက လေ့လာနိုင်တဲ့နေရာတွေကို သွား ရောက်လေ့လာပြီး စစ်တမ်းလုပ်ထားတာပါ။ တချို့ မသွားရောက် မလေ့လာနိုင်တဲ့ နေရာတွေလည်းရှိတယ်။ သွားဖို့လာဖို့ အခက်အခဲ ရှိတဲ့နေရာ တွေပေါ့။ အဲဒါတွေကလည်း သိပ် များများစားစားတော့ မရှိပါဘူး”ဟု ဧရာဝတီတိုင်းအတွင်း ပင်လယ်လိပ် ထိန်းသိမ်းရေး လုပ်ငန်းကို အစဉ်တစိုက် လုပ်ဆောင် လျက်ရှိ သူတဦးက ပြောသည်။
“ဘိုကလေးမှာ လိပ်တက်ရောက်တဲ့နေရာ အရင်က ငါးခု ရှိတယ်။ အခုတော့ သုံးကျွန်းပဲ တက်တော့တယ်။ ဟိုင်းကြီး ကျွန်း ဘက်က သောင်တွေဆိုရင် အရင်ကတက်ရောက် ပေမယ့် အခုမတက်တော့ဘူး” အဆိုပါ တာဝန်ခံက ပြောသည်။
ယင်းအပြင် ဧရာဝတီတိုင်းအတွင်းရှိ သမီးလှကျွန်းမှာလည်း ပင်လယ်လိပ်များ တက်ရောက်သည့် သောင်ခုံ ငါးခု ရှိခဲ့သော်လည်း ၂ဝဝ၈ ခုနှစ် နာဂစ်မုန်တိုင်း တိုက်ခတ်ပြီးနောက် သောင်ခုံ သုံးခုသာ လိပ်များ တက်ရောက်တော့ သည်ဟု ပင်လယ်လိပ်မျိုး ထိန်းသိမ်းရေး သုတေသနနှင့် ပညာပေးရေးစခန်းမှ စခန်းတာဝန်ခံက ပြောသည်။
"သူကတော့ အဓိကက သဘာဝဘေးဒဏ်ကြောင့်ဖြစ်တယ်။ ဆူနာမီနဲ့ နာဂစ်မှာ သဲသောင်တွေ ပျက်စီးသွားတယ်။ အောက် ဘက်က ကျောက်လွှာထုတွေ၊ ကျောက်ထပ်တွေ ပေါ်လာတော့ လိပ်ကမတက်တော့ဘူး။ ကျွန်းနှစ်ကျွန်း ကတော့ ရေမြုပ်သွား တယ်" ဟုဆိုသည်။
ရခိုင်ကမ်းရိုးတန်း လေးနေရာ၊ ဧရာဝတီတိုင်းဒေသကြီးအတွင်း၌ ကိုးနေရာ၊ မွန်ပြည်နယ်တွင် သုံးနေရာ၊ တနင်္သာရီ တိုင်းဒေသ ကြီးတွင် ၁၄ နေရာ၊ ၁၅ နေရာခန့်သာ လိပ်တက်ရောက်နိုင်သည့် အခြေအနေ ကျန်ရှိတော့ကြောင်း သိရသည်။
ကမ္ဘာပေါ်တွင် ပင်လယ်လိပ်မျိုးစိတ် ခုနစ်မျိုး ပြန့်နှံ့နေထိုင်ကျက်စားလျက်ရှိပြီး အရှေ့တောင်အာရှ ဒေသနိုင်ငံများတွင် မျိုးစိတ် ခြောက်မျိုးတွေ့ရှိရပြီး မြန်မာနိုင်ငံတွင် မျိုးစိတ် ငါးမျိုး တွေ့ရှိရကြောင်း သိရသည်။
Ref: မဇ္ဈိမ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
2 hours ago
Posts
0 comments:
Post a Comment