Friday, March 22, 2013

မြန်မာ့ သဘာဝဓာတ်ငွေ့ကို အိန္ဒိယ ပြည်နယ်များကလည်း လိုချင်နေ

မတ်လ ၂၂ ရက် ၂၀၁၃ ခုနှစ်

အိန္ဒိယနိုင်ငံ၊ အရှေ့မြောက်ပိုင်း ပြည်နယ်များ၏ လျှပ်စစ်ဓာတ်အား လိုအပ်ချက်ကို ဖြည့်ဆည်းရန် မြန်မာနိုင်ငံ၏ ကြီးမားလှသော အရန်သဘာဝ ဓာတ်ငွေ့များကို အကျိုးရှိစွာ အသုံးချ နိုင်မည့် နည်းလမ်းများ ရှာဖွေသင့်သည်ဟု Meghalaya ပြည်နယ် အုပ်ချုပ်ရေးမှူး က ပြောဆိုလိုက်သည်။

မြန်မာနိုင်ငံမှာ ကမ္ဘာပေါ်တွင် အရန်သဘာဝ ဓာတ်ငွေ့ ပမာဏ အများဆုံး ၁၀ နိုင်ငံထဲမှ တနိုင်ငံ ဖြစ်ပြီး အိန္ဒိယနိုင်ငံ(အထူးသဖြင့် အရှေ့မြောက်ဒေသ) အနေဖြင့် လျှပ်စစ် ဓာတ်အား ထုတ်လုပ်ရေးအတွက် တရုတ်နိုင်ငံ၊ ယူနန်ပြည်နယ်သို့ သယ်ဆောင်သကဲ့သို့ မြန်မာ့ သဘာဝ ဓာတ်ငွေ့များကို အသုံးပြုနိုင်သည်ဟု အုပ်ချုပ်ရေးမှူး မူရှာဟာရီ အား ကိုးကား၍ အိန္ဒိယ သတင်းစာများတွင် ရေးသားပါရှိသည်။

“ကျနော်တို့မှာ လျှပ်စစ်ဓာတ်အား မလုံလောက်ဘူး။ ရေအား လျှပ်စစ် ထုတ်လုပ်ရေး အလားအလာ ရှိပေမယ့် အဲဒီ စွမ်းအင်ထုတ်လုပ်မှုက ကျနော်တို့ လိုအပ်ချက် ပြည့်မီဖို့ မရှိဘူး” ဟု ၎င်းက ပြောသည်။

အရှည် ၃,၈၀၀ ကီလိုမီတာအောက် လျော့သော သဘာဝ ဓာတ်ငွေ့ ပိုက်လိုင်းများသည် တွက်ချေကိုက်သည်ဟု အမေရိကန်ပြည်ထောင်စု စွမ်းအင် သတင်းအချက်အလက် အေဂျင်စီမှ ဖေါ်ပြချက်ကို ကိုးကား၍ သူက ရှင်းပြသည်။

အိန္ဒိယ အရှေ့မြောက် ပြည်နယ် ၇ ခုအနက် မဏိပူရ၊ မီဇိုရမ်၊ နာဂလဲန်းနှင့် အရူနာချာ ပရာဟေ့ရှ် ပြည်နယ်တို့မှာ မြန်မာနိုင်ငံနှင့် နယ်နိမိတ်ချင်း ထိစပ်လျက်ရှိသည်။ မြန်မာ့ သဘောဝဓာတ်ငွေ့များကို ပိုက်လိုင်းဖြင့် အိန္ဒိယ သွယ်ယူမည်ဆိုပါက ယင်းစီမံကိန်းအတွက် အမေရိကန်ဒေါ်လာ ၂.၃ ဘီလျံကျော် လိုအပ်မည်ဟု ၎င်းက ခန့်မှန်းပြောဆိုသော်လည်း အိန္ဒိယ၏ မည်သည့်အရပ်ထိ သယ်ယူမည်ကိုမူ ပြောဆိုမထားပေ။

“တရုတ်နိုင်ငံ၊ ယူနန်ပြည်နယ်က မြန်မာနိုင်ငံဖြတ် သဘာဝ ဓာတ်ငွေ့ ပိုက်လိုင်း သွယ်သလိုမျိုး အလားတူ အကျိုးတရား ရမယ့်ဟာကို ကျနော်တို့ ပုံဖေါ်စဉ်းစားနိုင်ပါတယ်” ဟု သူက ဆက်ပြောသည်။

ရခိုင်ပြည်နယ်၊ ကျောက်ဖြူမြို့နယ်မှ တရုတ်နိုင်ငံ၊ ယူနန်ပြည်နယ်၊ ကူမင်းမြို့ထိ ကီလိုမီတာ ၁၁၀၀ ကျော် ရှည်လျားသည့် ပိုက်လိုင်းကို ၂၀၁၀ ခုနှစ်က စတင်ဆောက်လုပ်ခဲ့ရာ ယခုနှစ် မေလကုန်တွင် အစသတ်နိုင်မည်ဟု တရုတ်အမျိုးသားရေနံကုမ္ပဏီ (CNPC)က ဆိုသည်။

တနှစ်လျှင် ရေနံတန်ချိန် ၂၂ သန်း သယ်ဆောင်ကာ သဘာဝဓာတ်ငွေ့ ကုဗမီတာ သန်းပေါင်း ၁၂,၀၀၀ သယ်ဆောင်ပေးမည့် ထို တရုတ်ပိုက်လိုင်းများအတွက် အမေရိကန်ဒေါ်လာ သန်းပေါင်း ၃၅,၀၀၀ ကုန်ကျသည်။

အိန္ဒိယအတွက်လည်း ဆောင်ရွက်ဖြစ်ပါက သယ်ယူပို့ဆောင်ရေး၊ ကုန်သွယ်မှု၊ တဆင့်ခံ သယ်ယူ ပို့ဆောင်ရေးနှင့် ခရီးသွား လုပ်ငန်းတို့တွင် ကြီးမားသော အကျိုးဖြစ်ထွန်းမှု ရှိမည်ဟု မစ္စတာ မူရှာဟာရီ က ဆိုသည်။ ၎င်းဒေသအတွက် အကျိုးဖြစ်ထွန်းမှုက အိန္ဒိယ ဗဟိုအစိုးရ၏ ‘အရှေ့မျှော်မူဝါဒ’ အတွက် အရေးအပါဆုံး ရှုထောင့်တခုဖြစ်သည်ဟု မဂါလာယာပြည်နယ် အုပ်ချုပ်ရေးမှူးက ဆိုသည်။

အာဆီယံ နိုင်ငံများ၏ ဈေးကွက် ဝယ်လိုအားကို ဆက်လက်သုံးသပ်ရင်း ဒေသတွင်း ကုန်ထုတ်လုပ်မှုပိုင်း ဖွဲ့စည်းတည်ဆောက်ပုံ အရှိန်အဟုန်ဖြင့် ပြောင်းလဲနေသည်နှင့်အညီ ရည်မှန်ချက်ထား ဆောင်ရွက်မှုများ လိုအပ်သည်ဟုလည်း မစ္စတာ မူရှာဟာရီက ပြောသည်။

အရှေ့မြောက်ပြည်နယ်များတွင် အပါအဝင်ဖြစ်သော အာသံပြည်နယ်တွင် အိန္ဒိယ၏ အကြီးဆုံး ရေနံသိုက်ကြီး တခု ဖြစ်သည့် Assam Oil တည်ရှိ သော်လည်း ၎င်းမှာ အိန္ဒိယ တနိုင်ငံလုံးသို့ ဖြန့်ဖြူးပေးနေရသည်။

ရေနံနှင့် သဘာဝဓာတ်ငွေ့သိုက် တည်ရှိသော မြန်မာနိုင်ငံ ရခိုင်ပြည်နယ်မှာလည်း လျှပ်စစ်မီး မလုံလောက်မှု အပါအဝင် ဒုတိယ အဆင်းရဲဆုံး ပြည်နယ်တခုအဖြစ် တည်ရှိနေဆဲ ဖြစ်သည်။

တရုတ်ပြည်သို့ ရေနံနှင့် သဘာဝဓာတ်ငွေ ပိုက်လိုင်းများ ဖောက်လုပ်မှုမှ လူ့အခွင့်အရေး ချိုးဖောက်မှုများ၊ မြေသိမ်းမှုများနှင့် အန္တရာယ်များကြောင့် ဒေသခံများနှင့် တက်ကြွ လှုပ်ရှားသူများ၏ ကန့်ကွက်မှုများလည်း ကြုံနေရဆဲဖြစ်ပြီး ပိုက်လိုင်း လုံခြုံရေးလည်း အာမခံချက် မရှိကြောင်း တိုင်းရင်းသား လက်နက်ကိုင်အဖွဲ့များ က ပြောဆိုထားသည်။

Ref: မဇ္ဈိမ

Read More...

မိတ္ထီလာအခြေအနေ အာဏာပိုင်များပိုမို ထိန်းသိမ်းဖို့လို

မတ်လ ၂၁ ရက် ၂၀၁၃ ခုနှစ်

မိတ္ထီလာရွှေဆိုင်ကတဆင့် ဖြစ်ပွားခဲ့သည့် ပဋိပက္ခတွင် အာဏာပိုင်များဘက်မှ ထိထိရောက်ရောက် အရေးယူထိန်းသိမ်းဖို့ လိုအပ်နေကြောင်း မိတ္ထီလာသို့ ရောက်ရှိနေသော ၈၈ မျိုးဆက်
ကျောင်းသားအဖွဲ့မှ ကိုဉာဏ်လင်း က မဇ္ဈိမသို့ ပြောခဲ့သည်။

၎င်းက “ အာဏာပိုင်တွေကတော့ လုံခြုံရေးအင်အား တွေကိုထပ်ဖြည့်ပေမယ့် သူတို့မျက်စိရှေ့မှာ မြင်နေရဲ့သားနဲ့ အကြမ်းဖက်တာတွေကို ကြည့်နေတာကတော့ အတော်ဆိုးတယ်ဗျ။ ဒီကိစ္စကို နိုင်ငံတော် အစိုးရနဲ့ တာဝန်ရှိသူတွေ အားလုံးကို ဆက်သွယ်ပြီးတော့ နောက်ထပ်နေရာတွေကို မကူးစက်အောင် မပြန့်နှံ့အောင် ထိန်းသိမ်းဖို့ ကျွန်တော်တို့ ဆက်ပြီး လုပ် သွားမှာပါ ” ဟုပြောသည်။


မိတ္ထီလာမြို့တွင် မတ်လ ၂၀ရက်နေ့မှ စတင်ကာ ရွှေရောင်းစဉ် စကားများရန်ဖြစ်ရာမှ တဆင့်တဖက်နှင့် တဖက် အပြန်အလှန် ပဋိပက္ခဖြစ်ပွားခဲ့ပြီး မတ်လ ၂၀ ရက်နေ့ ညမှ စတင်ကာ ပုဒ်မ ၁၄၄ ထုတ်ပြန်ထားသည်ဟု မိတ္ထီလာမြို့ အထွေထွေ အုပ်ချုပ်ရေးမှူးရုံးမှ ပြောဆိုသည်။

ယနေ့ မနက်ပိုင်းတွင် မေးမြန်းချက်အရ မိတ္ထီလာ အမှတ် (၂) ရဲစခန်းက တာဝန်ရှိသူ တဦးက “ပထမဆုံးစရိုက်တဲ့ နေရာက လူသုံးယောက်ကိုတော့ ဖမ်းဆီးထိန်းသိမ်းထားပါတယ်။ အဓိကရိုက်တဲ့လူကိုတော့ ခုထက်ထိ မဖမ်းမိသေး ပါဘူး” ဟု မဇ္ဈိမသို့ ဖြေကြားခဲ့သည်။

လက်ရှိ မိတ္ထီလာမြို့ အခြေအနေနှင့် ပတ်သတ်ပြီး မိတ္ထီလာ အမှတ် (၂) ရဲစခန်းမှ တာဝန်မှူး ဒုရဲအုပ် မျိုးမင်းဦးက “အားလုံး လူကြီးတွေနဲ့ အတူဖြေရှင်းနေပါတယ်။ ခုချိန်မှာ အားလုံး ကတော့ ထိန်းထိန်းသိမ်းသိမ်း တော့ဖြစ်နေပါပြီ။ အခြေအနေကတော့ ထိန်းထိန်းသိမ်းသိမ်း ပါပဲခင်ဗျ။ အဲဒီထက်ပိုပြီး ကျွန်တော်တို့က ပြောလို့ မရပါဘူး” ဟု မဇ္ဈိမ၏ ဆက်သွယ် မေးမြန်းချက်ကို ဖြေကြားခဲ့သည်။

မိတ္ထီလာသို့ ၈၈ မျိုးဆက်ကျောင်းသားအဖွဲ့မှ ကိုမင်းကိုနိုင် အပါအဝင် ၁၁ ဦးတို့ သည်မတ်လ ၂၀ ရက်နေ့ည တွင် သွားရောက်ခဲ့ပြီး ရောက်ရှိ သွားချိန်တွင် အိမ်ခြေနှစ်ဆယ် အစိတ်ခန့် မီးလောင်နေပြီး လူဆယ့်လေးငါးယောက်ခန့် ထိခိုက်ဒဏ်ရာ ရထားတာကို တွေ့ရှိရကြောင်း ၈၈ မျိုးဆက်ကျောင်းသားအဖွဲ့မှ ကိုဉာဏ်လင်းက ရှင်းပြခဲ့သည်။

ထို့အပြင် မိတ္ထီလာမြို့ အခြေအနေမှာ လုံခြုံရေး အားနည်းချက်များ တွေ့ရှိရပြီး ပုဒ်မ ၁၄၄ ထုတ်ပြန်ချိန်တွင် အချိန် ရှိသော်လည်း ကြိုတင် လက်ဦးမှုရယူထားကာ ကာရံ ပိတ်ဆို့မှုများ မလုပ်ထားကြောင်းနှင့် လူမျိုးတမျိုးနှင့် တမျိုး မုန်းတီးရေးဖြစ်နိုင်ကြောင်း ၈၈ ကျောင်းသားအဖွဲ့မှ ကိုဇော်မင်း က မှတ်ချက်ပြု ပြောဆိုသည်။

ယခုအချိန်တွင် အခြေအနေကို ဆက်လက် ကိုင်တွယ်ဖြေရှင်းဖို့ အာဏာပိုင်များနှင့် ညှိနှိုင်းမှုများ ကို ၈၈ မျိုးဆက် ကျောင်းသားများအဖွဲ့၊ ရွှေညဝါဆရာတော်နှင့်ဆရာတော်ဦးဝီရသူတို့မှ ပြုလုပ်ခဲ့ကြောင်း ၈၈ မျိုးဆက်ကျောင်းသား အဖွဲ့မှ သိရှိရသည်။

“ဒီနေ့ သဘောတူညီချက် ရတယ်ဆိုတာ အခုဖြစ်နေတဲ့ ပဋိပက္ခတွေကို ဆက်မဖြစ်အောင် ထိန်းသိမ်းဖို့ပဲ။ အစိုးရ ဖက်ကလည်း ကျွန်တော်တို့ လာပြီးတော့ ကူညီတာကို ကျေးဇူးတင်တယ်။ သူတို့ဖက်ကလည်း သူတို့တတ်နိုင်တာ ကို လုပ်ပေးပါမယ် ပြောပါတယ်” ဟု ၈၈ မျိုးဆက်ကျောင်းသား တဦးဖြစ်သူ (စမ်းချောင်း) ကိုကိုကြီး က ပြောခဲ့သည်။

ဒေသခံများ အနေနှင့် လူမျိုးရေး အဓိကရုဏ်းကို မဖြစ်စေချင်ကြောင်း မိတ္ထီလာ ဒေသခံတဦးဖြစ်သူ ကိုမောင်မောင် က မဇ္ဈိမသို့ပြောသည်။

၎င်းက “ဒေသခံ အများစုကတော့ မဖြစ်ချင်ကြဘူး။ ဒါပေမယ့် ဖျက်ဆီးမှုတွေ လုပ်ကိုင်နေကြတာ နှစ်ဖက်စလုံးပဲ။ ဟိုဖက်ကလည်း လေးငါးဆယ်၊ ဒီဖက်ကလည်း လေးငါးဆယ် လုပ်နေကြပေမယ့်။ အများဆုံးကတော့ ပရိတ်သတ်ပဲ။ အဓိကတော့ လူတွေက ဘာကိုယုံရမလဲ ဆိုတာ မသိတော့ဘူး” ဟုဆိုသည်။

မိတ္ထီလာမြို့တွင် ယခုလိုပြဿနာမျိူး တခါမှ မဖြစ်ဖူးကြောင်း ရခိုင်တွင် ဖြစ်သည့်ကိစ္စနှင့် ပတ်သတ်ပြီး မကြေလည်မှု များကြောင့် ယခုလို ပြဿနာဖြစ်သွားသည် ဟုမြင်ကြောင်း ပြည်သူ့လွှတ်တော် ကိုယ်စားလှယ် ဦးဝင်းထိန် က
ပြောသည်။

၎င်းက “ဝင်နှောက်တဲ့ သူတွေတော့ ရှိပါတယ်။ တကယ်ပြဿနာဖြစ်တော့ သူတို့ ထွက်ပြေးသွားကြတယ်။ နောက်က အဖွဲ့အစည်းတော့ မရှိဘူးထင်ပါတယ်” ဟု သူ့အမြင်ကို ပြောသည်။

ယခုအခါ တောင်ကြီးနှင့်သာစည်မြို့သို့ ဒုက္ခသည် အချို့တိမ်းရှောင် ထွက်ပြေးမှုများ ရှိနေပြီး မိတ္ထီလာ ဘော်လုံးကွင်းနှင့် ဘုန်းကြီးကျောင်းတချို့တွင် ဒုက္ခသည်များ ရောက်ရှိနေကြောင်း မိတ္ထီလာ ဒေသခံတချို့က မဇ္ဈိမသို့ ပြောဆိုသည်။

ယခုလို အဖြစ်အပျက်များနှင့် ပတ်သတ်ပြီး တရားဥပဒေ စိုးမိုးမှု အားနည်းတယ်လို့ မြင်ကြောင်း အစ္စလာမ် သာသနာရေးကောင်စီ အတွင်းရေးမှူးချုပ် ဦးဝဏ္ဏရွှေမှ မှတ်ချက်ပြု ပြောဆိုသည်။

၎င်းက “တရားဥပဒေ စိုးမိုးမှု အားနည်းလို့ဘဲ မြင်ပါတယ်။ နိုင်ငံရေးနဲ့လည်းတိုက်ရိုက် ဆက်နွယ်နေတယ်။ ဘာလို့လည်းဆိုတော့ နိုင်ငံမှာရှိတဲ့ နိုင်ငံသားတွေရဲ့ အရေးမို့လို့ပါ” ဟု ပြောသည်။

ပုဒ်မ ၁၄၄ ထုတ်ပြန်ထားသော်လည်း အာဏာပိုင်များဘက်မှ ဝင်ရောက်ဖြန်ဖြေမှု မရှိပဲ ရပ်ကြည့်နေခြင်းကြောင့် ယခုလို ပြဿနာများ တိုးပွားလာရသည် ဟု ဒေသခံအချို့က ပြော သည်။ စားစရာနပ်ရိက္ခာများ ပြတ်လပ်နေပြီး နေထိုင်ရန် အခက်အခဲများရှိကြောင်း၊ ယခုဖြစ်သော ပြဿနာမှာ နိုင်ငံရေးနှင့်တိုက်ရိုက် ဆက်နွယ်သည့် ပြဿနာ ဖြစ်ကြောင်း ဒေသခံအချို့က ပြောဆိုခဲ့ကြသည်။

ယခုလို အခြေအနေတွင် လူမျိုးရေးကစားကွက်ဖြင့် နောက်ပြန်လှည့်လိုသူများ ရှိနိုင်သဖြင့် ပေါက်ကွဲမှု မြန်သည့် ဘာသာရေး အဓိကရုဏ်းဖစ်ရန် ဖန်တီးနေသည်ဟု ယူဆကြောင်း အဆိုပါ အဓိကရုဏ်းကို ဖြေရှင်းရန် မိတ္ထီလာသို့ ကြွရောက်ခဲ့သော ရွှေညဝါ ဆရာတော်မှ မဇ္ဈိမသို့ မိန့်ကြားသည်။

ဆရာတော်က “ဒါတွေကို ရှေးရှုပြီး သက်ဆိုင်ရာ၊ အာဏာပိုင်တွေ၊ သက်ဆိုင်ရာ လူထုတွေ ဘုန်းကြီးတွေက ဒီလို ကိစ္စတွေ မဖြစ်ဖို့ ထိန်းထိန်းသိမ်းသိမ်းနဲ့ ဆောင်ရွက်ဖို့ လိုအပ်တယ်။ သတိမမူဘဲ မဆိုင်သလို နေလို့ မရတော့ဘူးလေ။ လက်လှမ်းမှီသလောက် လှမ်းပြောတယ်” ဟု မိန့်ကြားခဲ့သည်။

ယခုအခါ ၈၈ မျိုးဆက်ကျောင်းသားများအဖွဲ့နှင့် ရွှေညဝါဆရာတော်တို့သည် ရန်ကုန်မြို့သို့ ပြန်လည်ထွက်ခွာ လာပြီဖြစ်ကြောင်း သိရှိရသည်။

Ref: မဇ္ဈိမ

Read More...

ဒေါ်စုကို ပြင်းထန်စွာ ဝေဖန်သည် ဆိုသည်မှာ Oxford Student က လူအများအာရုံစိုက်ရန် ရေးခြင်းဟုဆို

မတ်လ ၂၁ ရက် ၂၀၁၃ ခုနှစ်

မတ်လ ၁၈ ရက်နေ့တွင် မဇ္ဈိမ သတင်းဌာနမှ “အောက်စဖို့ဒ် တက္ကသိုလ် ဆွေးနွေးပွဲတွင် ဒေါ်စုအား ပြင်းထန်စွာ ဝေဖန်လိုက်ကြ” ဟူသည့် ခေါင်းစဉ်ဖြင့် သတင်းတပုဒ် ဖော်ပြခဲ့သည်။

မတ်လ ၉ ရက်နေ့နှင့် ၁၀ ရက်နေ့များတွင် St. Anne’s ကောလိပ်တွင် ကျင်းပ ပြုလုပ်ခဲ့သည့် အရှေ့တောင်အာရှ လေ့လာရေး ဆွေးနွေးပွဲ အပြီးတွင် အောက်စဖို့ဒ် တက္ကသိုလ် အဖွဲ့ဝင်များ၏ Oxford Student သတင်းစာက ထိုအကြောင်းအရာနှင့် ပတ်သတ်၍ သတင်းတပုဒ် ရေးသားခဲ့ရာ ထိုသတင်းမှ အချက်အလက်များကို ရယူခဲ့ပြီး အထက်ဖော်ပြပါ မဇ္ဈိမ ဆောင်းပါးကို ရေးသားခဲ့ခြင်း ဖြစ်ပါသည်။

Burma Independence Advocates ၏ ညွှန်ကြားရေးမှူး တဦးဖြစ်သည့် ဦးဇော်နေအောင် သည် ထိုဆွေးနွေးပွဲသို့ ကိုယ်တိုင် တက်ရောက်ခဲ့သူ တဦး ဖြစ်ပြီး မဇ္ဈိမက ထိုအကြောင်း အရာ အပေါ် လူအများအာရုံအထူးစိုက်လာအောင် ရေးသား တင်ဆက်ပုံကြောင့် စိတ်အနှောင့်အယှက် ဖြစ်ခဲ့ရသည်ဟု ဆိုပါသည်။ ထို့ကြောင့် ဦးဇော်နေအောင်က တွေ့ဆုံ ဆွေးနွေး ပွဲအကြောင်း အသေးစိတ်များကို ကျွန်ုပ်တို့အား စာရေးသား၍ ရှင်းပြခဲ့ပါသည်။

“ဒီ ဆွေးနွေးပွဲ တခုလုံးမှာ ဒေါ်အောင်ဆန်းစုကြည်ကို ပြင်းပြင်းထန်ထန် ဝေဖန်တာတွေ လုံးဝ မရှိခဲ့ပါဘူး။ ဒေါက်တာ Peter Carey ပြောတာတွေကလည်း ဒေါ်အောင်ဆန်းစုကြည် လက်ရှိ ရင်ဆိုင်နေရတဲ့ ပြဿနာတွေကြောင့် သူ့ အနေနဲ့ သြဇာအာဏာ ကျဆင်းလာတဲ့ အပေါ် စိုးရိမ်စရာ တခုအနေနဲ့ သုံးသပ်ထားတာပါ။ မူရင်း သတင်းကို ကိုးကားထားသူကလည်း လူတွေ အာရုံစိုက်လာအောင်လို့ လွန်လွန်ကဲကဲ ခန့်မှန်း ရေးသားမှုတွေကို အသုံးပြုထား ပါတယ်။ ကံအကြောင်းမသင့်တော့ လက်ပံတောင်း အစီရင်ခံစာ ထွက်လာတဲ့ အချိန်နဲ့ တိုက် ဆိုင်နေတဲ့အတွက် မှားယွင်းစွာ ကိုးကားထားတဲ့ ဒီသတင်းက ဟိုးလေးတကြော် ဖြစ်လာပါတော့တယ်” ဟု ဦးဇော်နေအောင်က အင်္ဂလိပ်ဘာသာစကားဖြင့် စာရေးသား ပေးပို့လာ ခဲ့ပါသည်။

“ဒါပေမယ့် အပြုသဘော ထောက်ပြဝေဖန်ကြမယ့် အစား ပုဂ္ဂိုလ်ရေးအရ နိုင်ငံရေးအရ တိုက်ခိုက်တာမျိုးကတော့ လက်မခံသင့်တဲ့ ကိစ္စမျိုးပါ။ လက်ပံတောင်း စီမံကိန်း အစီရင်ခံ စာအတွက် ဒေါ်အောင်ဆန်းစုကြည် ဆောင်ရွက်ခဲ့တဲ့ လုပ်ငန်းတွေအကြောင်းနဲ့ ပတ်သတ်ပြီး တချို့က အားမလိုအားမရ ခံစားရပြီးတော့ ဒေါ်အောင်ဆန်းစုကြည်ကို ဝေဖန်ခဲ့ ကြ ပါတယ်။ ဒေါ်စုကို ခိုင်ခိုင်မာမာ ထောက်ခံသူတွေတောင် အခုအခါမှာ ဝေဖန်ကြပြီး ပြင်းပြင်းထန်ထန် တုံ့ပြန်ခဲ့ကြပါတယ်” ဟု ဦးဇော်နေအောင်က ရေးသားထားသည်။

“ဝေဖန်တယ်ဆိုတာ ကောင်းတဲ့လုပ်ရပ် တခုပါ။ နိုင်ငံရေး သမားတွေ ဆိုတာ ထိပ်ဆုံးက အဝေဖန်ခံရမယ့်သူတွေပါ” ဟုလည်း ဦးဇော်နေအောင်က ဆိုသည်။

“မြန်မာ့ လက်ရှိ နိုင်ငံရေး အခြေအနေဟာ ခက်ခဲရှုပ်ထွေးနေတဲ့ အခြေအနေမှာ ရှိတာမို့ မီဒီယာတွေ အနေနဲ့ ဒေါ်အောင်ဆန်းစုကြည် တချိန်က သတိပေးခဲ့တဲ့အတိုင်း နိုင်ငံရဲ့ အရေးကိစ္စတွေကို မျှမျှတတ တင်ပြနိုင်ပါစေလို့ ကျနော် ဆန္ဒပြုလိုက်ပါတယ်” ဟု ဦးဇော်နေအောင်က သူ၏စာထဲတွင် နိဂုံးချုပ် ရေးသားထားသည်။

(မဇ္ဈိမ အနေဖြင့် အထက်တွင် ဖော်ပြခဲ့သည့် သတင်းဆောင်းပါးအား မဇ္ဈိမ အင်္ဂလိပ်ဘာသာ ဝက်ဘ်ဆိုဒ်နှင့် မဇ္ဈိမ မြန်မာဘာသာ ဝက်ဘ်ဆိုဒ်များမှ ဖယ်ရှားခဲ့ပြီး ဖြစ်ပါသည်။)

Ref: မဇ္ဈိမ

Read More...

မိတ္ထီလာပဋိပက္ခ သတင်းယူသည့် မီဒီယာသမားများ ခြိမ်းခြောက်ခံရ

သာလွန်ဇောင်းထက်
March 22, 2013

မန္တလေးတိုင်းဒေသကြီး၊ မိတ္ထီလာမြို့တွင် ဖြစ်ပွားနေသော ပဋိပက္ခဖြစ်စဉ်များကို သတင်းရယူနေသည့် ပြည်တွင်း ပြည်ပသတင်းသမား ၈ ဦး ယနေ့မနက်ပိုင်းက ဘုန်းကြီးအချို့ ပါဝင်သော လူအုပ်စုတခုက သတင်းမယူရန် ခြိမ်းခြောက်မှုများပြုလုပ်ကြောင်း သတင်းရရှိသည်။

ယနေ့ ၈ နာရီဝန်းကျင်တွင် မိတ္ထီလာမြို့ပေါ်ရှိ မီးလောင်ပျက်စီးနေသော အဆောက်အအုံများနှင့် အပျက်အစီး ဓာတ်ပုံရိုက်ကူးနေသော ပြည်တွင်းပြည်ပ သတင်းသမား ၈ ဦး လိုက် ပါသော မော်တော်ယာဉ်ကို ဘုန်းကြီးအချို့ ဦးဆောင်သော လူအုပ်တခုက လမ်းမပေါ်တွင် တားမြစ်ပြီး ဓာတ်ပုံများ ဖျက်ခိုင်းခြင်း၊ ကင်မရာများ သိမ်းဆည်း ရန်ကြိုးပမ်းခြင်းများ ကြုံတွေ့ရကြောင်း ကိုယ်တိုင်ကြုံတွေ့ခဲ့ရသည့် သတင်းသမားတဦးက ပြောသည်။


“ကျနော်တို့က အပျက်အစီးတွေ၊ မီးလောင်နေတဲ့ အိမ်တွေကို ဓာတ်ပုံတွေရိုက်နေတယ်။ အဲဒီအချိန်မှာ လူအုပ်စုတခုက တုတ်တွေ၊ ဓားတွေကိုင်ထားတယ်။ ကျနော်တို့ကားကို တား တယ်။ ပြီးတော့ ဘာလို့ ဓာတ်ပုံရိုက်တာလဲ၊ ဘာတွေရိုက်လဲ မေးတယ်။ ကျနော်တို့ကလည်း သတင်းထောက်ကတ်တွေ ဘာတွေ ထုတ်ပြတယ်။ ကင်မရာကိုသိမ်းတယ်။ အဲဒီတော့ ကင်မရာကိုတော့ မသိမ်းပါနဲ့ ပုံတွေဖျက်ပေးရတယ်။ အခြေအနေက လုံးဝ လုံခြုံမှုမရှိဘူး” ဟု အဆိုပါ သတင်းသမားက ဆိုသည်။

လူအုပ်တွင်ပါဝင်နေသော သံဃာအချို့မှာ ဒေသခံ သံဃာများ မဟုတ်ဘဲ အခြားဒေသများမှ လာရောက် သည့် သံဃာများဖြစ်ပုံရကြောင်း အဆိုပါသတင်းသမားက ဆိုသည်။

ခြိမ်းခြောက်ခံရသည့် သတင်းသမားများကို ဒေသခံ သံဃာတော်အချို့က မြို့ပေါ် ဘုန်းကြီးကျောင်းတခုတွင် ယာယီ စောင့်ရှောက်ပေးထားခဲ့ပြီး လုံခြုံရေးရဲတပ်ဖွဲ့ဝင်များက လာရောက်ခေါ်ဆောင်ပေးခဲ့ကြောင်း၊ အချို့ သတင်းသမားများမှာ လုံခြုံရေးအခြေအနေ စိတ်မချရသည့်အတွက် မိတ္ထီလာမြို့မှ ပြန်လည်ထွက်ခွာလာပြီး အချို့မှာမူ မိတ္ထီလာတွင် ဆက်လက်သတင်းယူနေဆဲဖြစ်ကြောင်း သိရှိရသည်။

သတင်းသမားများ ခြိမ်းခြောက်မှုအတွက် ရန်ကုန်မြို့အခြေစိုက်သတင်းလွတ်လပ်ခွင့်ကော်မတီက ကြေညာ ချက် တရပ်ထုတ်ပြန်ခဲ့ပြီး သတင်းသမားများကို ခြိမ်းခြောက်ခြင်းကို ပြင်းထန်စွာ ရှုတ်ချကြောင်း၊ အစိုးရတာဝန်ရှိသူများနှင့် မိဘပြည်သူများက သတင်းသမားများ လုံခြုံရေးကို အထူးဂရုစိုက်စေလိုကြောင်း တိုက်တွန်းပြောဆိုသည်။

သတင်းလွတ်လပ်ခွင့်ကော်မတီ၏ ပြန်ကြားရေးတာဝန်ခံသတင်းစာဆရာ ဦးဇော်သက်ထွေးက သတင်းသမားများ ခြိမ်းခြောက်ခံရမှုနှင့်ပတ်သက်ပြီး-”ကျနော်တို့ မေးခွန်းပြန် မေးရ တော့မယ်။ အခု မီးရှို့နေတဲ့သူ၊ အကြမ်းဖက် နေတဲ့သူတွေက ဘာအတွက်လဲ၊ ဘာရည်ရွယ်ချက်လဲ၊ ဘာလုပ်ချင်တာလဲ။ သတင်းသမားတွေကိုတောင် ခြိမ်းခြောက် လာတယ် ဆိုတာက ဘာကို ရည်ရွယ်ချင်တာလဲ။ ဒီဖြစ်စဉ်ကြီး နောက်မှာ တဦးတယောက်၊ အဖွဲ့အစည်းတခုခု က လုပ်ဆောင် နေတယ် ဆိုတာ အတော်ကို သံသယဖြစ် စရာကောင်းနေပြီ” ဟု ဦးဇော် သက်ထွေးက ဆိုသည်။

မိတ္ထီလာတွင် မတ် ၂၀ ရက်နေ့က ရွှေဆိုင်တဆိုင်တွင် ဖြစ်ပွားသော ရန်ပွဲတခုကို အကြောင်းပြုကာ ဘာသာရေးနှင့် လူမျိုးရေးပုံစံအဓိကရုဏ်းများဖြစ်ပွားလျက်ရှိနေပြီး လူ ၅ ဦး သေဆုံးကြောင်း အစိုးရက တရားဝင်သတင်းထုတ်ပြန် ထားသည်။

Ref: ဧရာဝတီ

Read More...

ဧပြီ ၁ ရက်နေ့မှစ၍ ဝင်ငွေခွန် ၅ ရာခိုင်နှုန်း လျှော့ပေးတော့မည်

မေခ
March 21, 2013

ကုမ္ပဏီလုပ်ငန်းများ၊ စီးပွားရေးလုပ်ငန်းများကို ကောက်ခံနေသည့် ၀င်ငွေခွန် နှုန်းထားကို ဧပြီ ၁ ရက်နေ့မှ စတင်ကာ ၅ ရာခိုင်နှုန်း လျော့ချသွားရန် စီစဉ်ထားကြောင်း ဘဏ္ဍာရေးနှင့် အခွန် (ဘဏ္ဍာ/ အခွန်) ၀န်ကြီးဌာန ညွှန်ကြားရေးမှူးထံမှ သိရသည်။

လက်ရှိတွင်၂၀၁၂ ဧပြီ ၁ ရက်မှ စတင်ကာ အသက်မွေးဝမ်းကြောင်းပညာ လုပ်ငန်း၊ စီးပွားရေးလုပ်ငန်းများ၊တနိုင်တပိုင် အသေးစား စီးပွားရေးလုပ်ငန်းများ၊ သမ၀ါယမ အသင်းနှင့် အသင်းစုများ၊နိုင်ငံပိုင် စီးပွားရေး အဖွဲ့အစည်းများ အပေါ်တွင် ၁၂ သိန်းနှင့် အထက် ၀င်ငွေရရှိမှုအပေါ် တနှစ်လျှင် ၃၀ ရာခိုင်နှုန်း ၀င်ငွေခွန် ကောက်ခံခဲ့သော်လည်း ဘဏ္ဍာရေး တစ်နှစ်တာမျှထိုသို့ ကောက်ခံခဲ့ပြီးနောက် ယခုအခါ ၅ ရာခိုင်နှုန်း လျှော့ပေါ့ကာ ၂၅ ရာခိုင်နှုန်းသာ ကောက်ခံသွားမည်ဟု သိရသည်။

“ကောက်ခံမှုမှာ ကုမ္ပဏီတခုကို သူတို့ရတဲ့ ၀င်ငွေစုစုပေါင်းထဲက တိုက်ရိုက်ကုန်ကျငွေ၊ သွယ်ဝိုက်ကုန်ကျငွေ၊အုပ်ချုပ်ရေးပိုင်း ကုန်ကျငွေတွေနဲ့ ဈေးလျှော့ ရောင်းချမှုတွေကို နုတ်ပြီး ကျန်တဲ့ငွေအပေါ်မှာ အခွန်ကောက်တယ်။ဒီအပေါ်မှာ လျှော့ချသွားမှာပါ” ဟု ၎င်းက ပြောသည်။

ထို့အပြင် အိမ်၊ ကား၊ တိုက်ခန်း၊ ဆိုင်ခန်း ရောင်းဝယ်ခြင်းတို့၌ နှစ်တနှစ်အတွင်း ရရှိသည့် ၀င်ငွေစုစုပေါင်း ကျပ် သိန်း ၅၀ ထက် ပိုပါက ၃၀ ရာခိုင်နှုန်း ကောက်ခံသည့် အပေါ်တွင် လည်း ၂၅ ရာခိုင်နှုန်းသာ ကောက်ခံသွားမည် ဖြစ်ကြောင်း သိရသည်။

အခွန် ကောက်ခံရာတွင် ၀င်ငွေနှစ်၊ စည်းကြပ်နှစ် ဟူ၍ နှစ်မျိုးရှိကြောင်း၊အမြတ်အပေါ်တွင် အခွန် ကောက်သည့်အတွက် ၂၀၁၂ ဧပြီ ၁ ရက်မှ ၂၀၁၃ မတ် ၃၁ အထိကို ၀င်ငွေနှစ်ဟု သတ်မှတ်ထားကြောင်း၊၂၀၁၃ ဧပြီ ၁ ရက်မှ စ၍ စည်းကြပ်နှစ်ဟု သတ်မှတ်ထားကြောင်း ၎င်းအပေါ်တွင် ကုမ္ပဏီများ အဆင်ပြေစေရေးအတွက် အခွန်လျှော့ပေါ့ခြင်း ဖြစ်ကြောင်း အဆိုပါ ညွှန်ကြားရေးမှူးက ဆိုသည်။

ဝါးခယ်မ ဆန်စပါးအထူးပြု ကုမ္ပဏီမှ ဒေါက်တာစိုးထွန်းက ပြောင်းလဲကောက်ခံမည့် အခွန်စနစ်ကို ကြိုဆိုကြောင်း၊ လက်ရှိ အစိုးရ ချမှတ်ထားသည့် အခွန်စနစ်မှာ သင့်တင့်သော ကောက်ခံမှု ဖြစ်သည်ဟု ထင်မြင်ကြောင်း အခွန် ကောက်ခံရာတွင် ကောက်ခံသည့် ၀န်ထမ်းများ အားနည်းခြင်း၊ ကြန့်ကြာမှုရှိနေခြင်း အပေါ်တွင် ပြင်ဆင်ဆောင်ရွက် ပေးစေချင်ကြောင်း ပြောသည်။

“အခွန်တွေနဲ့ ပတ်သတ်ပြီး လက်ရှိအချိန်မှာ ဌာနအနေနဲ့ ၀န်ထမ်းပိုင်း အားနည်းနေတယ်။နောက်ပြီး ထစ်တာတွေ၊ ရစ်တာတွေကြောင့် တယောက်နဲ့တယောက် ယုံကြည်မှု ပျက်ခဲ့ကြတယ်။တဦးနဲ့တဦး ယုံကြည်မှုရှိအောင် အခွန်ထမ်းတွေ တင်ပြလာတာကို မှန်ကန်တဲ့ တင်ပြမှုလို့ပဲ လက်ခံပေးတယ်။ အခွန်ရှောင်တာတွေ ရှိတယ်။အသေးစိတ် စစ်ဆေးမှုတွေ မလုပ်နိုင်သေးဘူး” ဟု ဘဏ္ဍာ/ အခွန် ၀န်ကြီးဌာနမှ ညွှန်ကြားရေးမှူးက ပြောသည်။

ပြည်ပနိုင်ငံမှ လာရောက်ဖွင့်လှစ်သည့် ကုမ္ပဏီများကို အခွန်ကောက်ရာတွင် ပြည်တွင်းနေ နိုင်ငံသား၊ ပြည်ပနေ နိုင်ငံသား ဟူ၍ နှစ်မျိုး ခွဲခြားထားရာတွင် ပြည်တွင်းနေ နိုင်ငံခြားသား ကုမ္ပဏီများသာ ယခုထုတ်ပြန်မည့် အခွန်ဆိုင်ရာ သက်သာခွင့်ကို ခံစားရမှာဖြစ်ကြောင်း၊ ၎င်းခံစားခွင့်တွင် ပြည်ပနေ နိုင်ငံသားများကို မူလတိုင်းသာ ကောက်ခံသွားမည် ဖြစ်ကြောင်း သိရသည်။

“ပြည်တွင်းနေ နိုင်ငံသားဆိုတာက တနှစ်မှာ ရက်ပေါင်း ၁၈၃ ရက်ထက် ပိုနေတဲ့နိုင်ငံသားကို ပြောတာပါ။ ဒီလူတွေ ဖွင့်ထားတဲ့ ကုမ္ပဏီဆိုရင် အခုခံစားခွင့်ကို ခံစားလို့ရမယ်။ အဲဒီလို မနေတဲ့သူကို ပြည်ပနေ နိုင်ငံခြားသားလို့ သတ်မှတ်တယ်။ဒီလူဆိုရင်တော့ ဒီခံစားမှု မရဘူး။ နဂိုအတိုင်း ၃၅ ရာခိုင်နှုန်း အခွန် ပေးဆောင်ရမယ်။ဝင်ငွေဟာ နိုင်ငံခြားငွေနဲ့ ရရင် နိုင်ငံခြားငွေနဲ့ ပေးရပါမယ်” ဟု ၎င်းက ပြောသည်။

လက်ရှိ ပြင်ဆင်မှုမှာ ဘဏ္ဍာ/ အခွန် ၀န်ကြီးဌာန၏ ၂၀၁၂ ဧပြီ ၁ ရက်နေ့တွင် ထုတ်ပြန်ခဲ့သော အမိန့်ကြော်ငြာစာ အမှတ် ၁၁/ ၂၀၁၂ ကို ပြန်လည် ပြင်ဆင်သွားမည်ဖြစ်ပြီး ပြင်ဆင် မည့် အမိန့်ကြော်ငြာစာ အသစ်မှာ ၂၀၁၃ ဧပြီ ၁ ရက်နေ့တွင် စတင် အသက်ဝင်မှာ ဖြစ်ကြောင်း သိရသည်။ ပြည်ထောင်စု အစိုးရ အဖွဲ့၏ ဘဏ္ဍာ/ အခွန် ၀န်ကြီး ဌာနသည် ၀င်ငွေခွန် ဥပဒေပုဒ်မ ၄ အရ အပ်နှင်းထားသော လုပ်ပိုင်ခွင့်ကို ကျင့်သုံးကာ ၀င်ငွေခွန် ကောက်ခံမှုများကို ပြောင်းလဲပြင်ဆင် နိုင်ကြောင်း အမိန့်ကြော်ငြာစာ ထုတ်ပြန်နိုင်သည်ဟု သိရသည်။ ထို့အပြင် ၀င်ငွေခွန် ဥပဒေ ပုဒ်မ ၅ ပုဒ်မခွဲ (ခ) အရ ပြည်ထောင်စု အစိုးရသည် ၀င်ငွေရရှိသူ တဦးဦး သို့မဟုတ် ၀င်ငွေ ရရှိသူတမျိုးမျိုးနှင့် စပ်လျဉ်း၍ ဖြစ်စေ၊ ၀င်ငွေတရပ်ရပ် သို့မဟုတ် ၀င်ငွေ အမျိုးအစား တရပ်ရပ်နှင့် စပ်လျဉ်း၍ ဖြစ်စေ အခွန် ကင်းလွတ်ခွင့်ပေးခြင်း၊ အခွန် သက်သာခွင့် ပေးခြင်း၊ အခွန်နှင့် စပ်လျဉ်းသည့် တခြားခံစားခွင့် ပေးခြင်းတို့ကို ပြုလုပ်နိုင်ကြောင်း သိရသည်။

Ref: ဧရာဝတီ

Read More...

ထိုင်းနယ်စပ် သောင်ရင်းမြစ် ရေလယ်ကျွန်း ကရင်လူငယ်အဖွဲ့ ထိန်းချုပ်

ပြည်တော်မြင့်
March 22, 2013

ထိုင်း-မြန်မာ နယ်စပ် သောင်ရင်းမြစ်အတွင်းရှိ မြန်မာပိုင် ရေလယ်ကျွန်းကို ကရင်လူငယ် လက်နက်ကိုင် အဖွဲ့တဖွဲ့က ယနေ့နံနက်ပိုင်းတွင် ၀င်ရောက် ထိန်းချုပ်လိုက်သည်။

ကော့မူးရာ ကရင်လူငယ် အစည်းအရုံး(KYO)က မဲဆောက်-မြ၀တီ ချစ်ကြည်ရေး တံတားအောက်ရှိ ရေလယ်ကျွန်းကို မူးယစ် ဆေးဝါး ဖြန့်ချိသည်ဟု ဆိုကာ လက်နက်ကိုင်အင်အား ၂၅ ဦးနှင့်အတူ ယနေ့နံနက် ၆ နာရီက စတင်ကာ ၀င်ရောက် ထိန်းချုပ် လိုက်ခြင်း ဖြစ်သည်။ KYO သည် ကရင်အမျိုးသား အစည်းအရုံး(KNU) ဘားအံခရိုင် လက်အောက်ခံ အဖွဲ့ ဖြစ်သည်။

၎င်းအဖွဲ့ကိုဦးဆောင်သည့် KYO ဥက္ကဌ စောမိုရှေးက“ဒီကျွန်းကနေ ထွက်တဲ့ မူးယစ်ဆေးဝါးတွေ ကရင်လူငယ်ထု အပါအ၀င် လူ သား အားလုံးကို လူညွန့်တုံးစေတဲ့ အတွက် အခုလို ၀င်ရောက် ထိန်းသိမ်း ရှင်းလင်းရတာဖြစ်တယ်၊ အခုဒီကျွန်းက ဒုစရိုက်ခေါင်း ဆောင်တချို့ရယ် လက်နက်ခဲယမ်းတွေနဲ့ မူးယစ်ဆေးဝါးတွေကို ဖမ်းထားတယ်”ဟု ဧရာဝတီကို ပြောသည်။


ဆယ်စုနှစ် ၂ ခုနီးပါး မူးယစ်ဆေးဝါး ရောင်းဝယ်ဖြန့်ချိနေသည့် ရေလယ်ကျွန်းကို လူငယ်များ၏ အနာဂတ်ကောင်းမွန်ရန်အတွက် ယခုကဲ့သို့ဝင်ရောက် ထိန်းသိမ်းရခြင်းဖြစ် သည် ဟုလည်း စောမိုရှေး က ပြောကြားသည်။ ရေလယ်ကျွန်းကို ထိန်းချုပ်လိုက်သည့် ကော့မူးရာ KYO အဖွဲ့တွင် အင်အား ၂၅ ဦးခန့်နှင့် လက်နက်များ ပါရှိသည်။

KYO အဖွဲ့သည် ရေလယ်ကျွန်းကို ဆက်လက်ထိန်းချုပ်ထားပြီး ဒု စရိုက်သမားများ ကျွန်းအတွင်း ၀ှက်ထားသည့် မူးယစ်ဆေးဝါး များနှင့် လက်နက်ခဲယမ်းများကို လိုက်လံရှာဖွေလျက် ရှိသည်ဟုလည်း သိရသည်။

မြန်မာဘက်က မြ၀တီခရိုင် အာဏာပိုင်များနှင့် ထိုင်းနိုင်ငံဘက်မှ အာဏာပိုင်များနှင့် လုံခြုံရေးတပ်ဖွဲ့ဝင်များက ၀ိုင်းရံထားပြီး ရေ လယ်ကျွန်း အခြေအနေကို အနီးကပ် စောင့်ကြည့် လျက် ရှိသည်။

KYO အဖွဲ့သည် ရေလယ်ကျွန်းမှ ပြန်လည်ထွက်ခွာရေး အတွက် မြ၀တီ ခရိုင်အာဏာပိုင်များနှင့် KNU မှ တာဝန်ရှိသူများကို ဆွေးနွေးညှိနှိုင်းမှုများ ပြုလုပ်နေသော်လည်း အခြေအနေ တိုးတက်လာခြင်း မရှိသေးကြောင်းလည်း သိရသည်။

၂ ဧက ခန့် ရှိသည့် ရေလယ်ကျွန်းတွင် ယခင်ကလည်း ဒုစရိုက်သမားများ၊ မူးယစ်ဆေးဝါးများနှင့် လက်နက်ခဲယမ်းများကို ထိုင်း နှင့် မြန်မာ နှစ်နိုင်ငံအာဏာပိုင်များက မကြာခဏ ဖမ်းဆီးရမိမှုများ ရှိခဲ့သည်။

ယနေ့တွင် ရေလယ်ကျွန်းမှ ဆေးခြောက် ထုပ်ကြီး တထုပ်၊ စိတ်ကြွဆေးပြား(ရာဘ) ၁ သောင်း၊ M ၁၆ အပါအ၀င် လက်နက်ငယ် ၃ လက်နှင့် ဆက်စပ် လက်နက် ခဲယမ်းများကို ဖမ်းဆီးရမိထားသည်ဟု စောမိုရှေးကပြောသည်။

Ref: ဧရာဝတီ

Read More...

မိတ္ထီလာအရေး စိုးရိမ်နေရဆဲ

March 21, 2013

မိတ္ထီလာအရေး လုံခြုံရေးတပ်ဖွဲ့ဝင်များအနေဖြင့် ပိုမိုတင်းကြပ်စွာ ကိုင်တွယ်သင့်ကြောင်း ဒေါ်အောင်ဆန်းစုကြည်က မန္တလေးတိုင်းဒေသကြီး အစိုးရအဖွဲ့ကို တိုက်တွန်းလိုက်ပြီး ရဲတပ်ဖွဲ့ကလည်း ရုန်းရင်းဆန်ခတ်မှုများကို အပြီးသတ် ထိန်းချုပ်နိုင်ရန် ကြိုးစားနေသော်လည်း အခြေအနေမှာ ထိန်းမနိုင်သိမ်းမရ ဖြစ်နေသေးကြောင်း သိရသည်။

“အခုအချိန်က ပုဒ်မ ၁၄၄ ထုတ်ထားတဲ့အတွက် ရဲတွေအနေနဲ့ ဥပဒေစိုးမိုးဖို့ တိတိကျကျ ကိုင်တွယ်ဖို့ လိုတယ်။ နှောင့်နှေးကြန့်ကြာ မနေဖို့ ဒီမနက်ပဲ မန္တလေး အစိုးရအဖွဲ့ကို ဒေါ်အောင်ဆန်းစုကြည်က တိုက်တွန်းထားတယ်” ဟု မိတ္ထီလာမြို့နယ် ပြည်သူ့လွှတ်တော်ကိုယ်စားလှယ် ဦးဝင်းထိန်က ဧရာဝတီကို ပြောဆိုသည်။

မိတ္ထီလာမြို့တွင် ဖြစ်ပျက်နေသော ရုန်းရင်းဆန်ခတ်မှုများကို လက်ရှိ အခြေအနေအထိ ထိန်းသိမ်းရန် ကြိုးစားနေရဆဲဖြစ် ကြောင်း မိတ္ထီလာခရိုင် ရဲတပ်ဖွဲ့ရုံးက ပြောဆိုသည်။ အခင်းဖြစ်ပွားရာ နေရာတော်တော်များများကို လုံခြုံရေးရဲတပ်ဖွဲ့များမှ သွားရောက်ထိန်းချုပ်သော်လည်း ရုန်းရင်းဆန်ခတ်မှုများ၊ ဖျက်ဆီးလုယက် မီးရှို့မှုများ ဖြစ်ပျက်နေသေး ကြောင်းလည်း တာဝန်ကျ ရဲဝန်ထမ်းက ပြောသည်။

“ ကျနော်တို့လည်း အတတ်နိုင်ဆုံး ထိန်းသိမ်းနေပါတယ်။ ဒီနေ့တော့ အပြီးထိန်းချုပ်နိုင်လိမ့်မယ်လို့ ယူဆပါတယ်။ ကျနော်တို့က တနေရာကို ထိန်းနေတုန်း တခြားတနေရာက ပြန်ဖြစ်နေသေးတယ်။ အခုချိန်ထိ မီးလောင်တာတွေ ရှိ နေသေးတယ် ” ဟု ၄င်းက ဆိုသည်။

မျက်မြင်သက်သေများ၏အဆိုအရမူ မိတ္ထီလာမြို့တွင်း နေရာအတော်များများ ကျီးလန့်စာစားဖြစ်နေရပြီး အစ္စလမ်ဘာသာဝင်များ ပိုင်ဆိုင်သော အိမ်များ၊ဈေးဆိုင်များနှင့် အခြား ပိုင်ဆိုင်မှုပစ္စည်းကို ဖျက်ဆီး မီးရှို့ခံနေရသောကြောင့် အမျိုးသမီးနှင့် ကလေးငယ်များစွာ ခိုလှုံနေရသည့် အစ္စလမ်ရပ်ကွက်က မိတ္ထီလာ အခြေစိုက် ငြိမ်းချမ်းရေးနှင့် ပွင့်လင်းလူ့အဖွဲ့ အစည်းနှင့် အခြားရပ်မိရပ်ဖများကို လုံခြုံရေးအတွက် အကူအညီ တောင်းခံကြကြောင်း သိရသည်။

မိတ္ထီလာမြို့ မင်္ဂလာဇေယျုံရပ်ကွက်အတွင်းရှိ ဗလီတစ်ခုတွင် ယမန်နေ့ညထဲက ပုန်းအောင်းနေသော အစ္စလမ်ဘာသာဝင်များကို လူအုပ်စုဖြင့် အကြမ်းဖက်ရန် လာသည့်အတွက် ရဲများအနေဖြင့် တားဆီးကယ်တင်ခဲ့ရာတွင် လူအုပ်စုကြီးကို ရ သောနည်းဖြင့် ထိုးဖောက်ကယ်တင်ခဲ့ရကြောင်း ခရိုင်ရဲတပ်ဖွဲ့ဝင်က ပြောသည်။

“ အကုန်လုံးတော့ ကယ်တင်လိုက်နိုင်တယ်။ အဲဒီမှာ ရဲတွေပါ ပိတ်မိနေတယ်။ လူအုပ်ကြီးက အစ္စလမ်ဘာသာဝင်တွေကို သတ်မှာစိုးလို့ သူတို့ကို ကယ် တင်ရာမှာ လူအုပ်ကြီးကို ထိုးဖောက် ကယ်တင်ရတယ်။ အခုဖြစ်နေတာက တကယ်လုပ်တဲ့ လူတွေက လုပ်ပြီးထွက်ပြေးသွားတာ။ ပြီးတော့ ဟိုနားတစ်စ၊ ဒီနားတစ်စ လုပ်သွားတာ ” ဟု ၄င်းက ဆက်ပြောသည်။

လုံခြုံရေးရဲတပ်ဖွဲ့ကို မန္တလေး၊ နေပြည်တော်၊ ရန်ကုန်တို့မှ အင်အားများ ညတွင်းချင်း ခေါ်ယူ၍ တိုးချထားရာ တပ်ဖွဲ့ဝင် အင်အား ၆၀၀ ကျော်ရှိနေပြီး ပုဒ်မ ၁၄၄ ထုတ်ပြန်ထား သော်လည်း အခြေအနေကို ထိန်းချုပ်မနိုင် ဖြစ်နေရကြောင်းသိရသည်။ ရန်ကုန်-မန္တလေး ကားလမ်းမပေါ်တွင်လည်း ဘုန်းတော်ကြီးများပါဝင်နေသည့် လူအုပ်က လာသမျှ ကားကို တားဆီးပြီး စစ်ဆေးနေကြောင်း၊ ဂျစ်ကားတစီး မီးရှို့ခံရကြောင်းလည်း သတင်းရရှိသည်။

မြို့တွင်းသို့ ရောက်နေသော ဧရာဝတီသတင်းထောက်၏ ပြောဆိုချက်အရ ဆူပူအကြမ်းဖက်နေသူများသည် သတင်းထောက်များကိုလည်း ဓာတ်ပုံရိုက်ခွင့် မပေးကြောင်းနှင့် အဝေးမှ ခိုးပြီး ဓာတ်ပုံရိုက်နေရကြောင်းသိရသည်။

“အခြေအနေက တော်တော်ဆိုးနေတယ်။ ရဲက ခရိုင်ရဲတပ်ဖွဲ့ရုံးရဲ့ ကိုက် ၁၀၀ အကွာမှာ ဖြစ်ပျက်နေတာ သွားမတားရဲဘူး။ သူတို့ပါ ပြန်ရန်ရှာခံထိမှာ စိုးရိမ်နေပုံပဲ” ဟု ဧရာဝတီ သတင်းထောက်က ပြောဆိုသည်။

သေဆုံးသူ အရေအတွက်ကိုမူ ယခုတိုင် အတိအကျ မသိရှိရသေးပေ။ မိတ္ထီလာမြို့သို့ ရောက်ရှိနေသော ဧရာဝတီသတင်းထောက်ကို ခရိုင်ရဲတပ်ဖွဲ့က ညနေ ၆ နာရီတွင် ပြောကြား ချက်အရ လူ ၁၄ ဦး သေဆုံးသည်ကို မြင်တွေ့ခဲ့သည်ဟု ပြောဆိုသော်လည်း ပြည်သူ့လွှတ်တော်ကိုယ်စားလှယ် ဦးဝင်းထိန်ကမူ ၁၀ ဦး သေဆုံးကြောင်း ပြောသည်။ သို့သော် မိတ္ထီလာဆေးရုံကမူ လူ ၅ ဦး သေဆုံးသည်ဟု ဆိုသည်။ ဆေးရုံသို့ လူ ၂၇ ယောက် (ကျား ၂၃+ မ ၄) ရောက်ရှိလာရာ ၃ ယောက်မှာ သေဆုံးနေပြီးဖြစ်ကြောင်း၊ ၂ ယောက်မှာ ဆေးရုံသို့ ရောက်အပြီး သေဆုံးသွားကြောင်း၊ ၅ ယောက်မှာ ပြန်ဆင်းသွားနိုင်ပြီဖြစ်၍ လတ်တလော ဆေးရုံတွင် ၁၇ ယောက် ဆေးကုသခံနေကြောင်း မိတ္ထီလာဆေးရုံက ဧရာဝတီသို့ ပြောဆိုသည်။

အဓိကရုဏ်း ဖြစ်ပွားနေမှုနှင့် ပတ်သက်ပြီး ရန်ကုန်ရှိ အမေရိကန် သံရုံးက ယနေ့ နေ့စွဲဖြင့် ကြေညာချက်တစောင် ထုတ်ပြန်လိုက်သည်။ မြန်မာနိုင်ငံဆိုင်ရာ အမေရိကန် သံအမတ်ကြီး မစ္စတာ ဒဲရက် မစ်ချယ်က မိတ္ထီလာတွင် ဖြစ်ပေါ်နေသည့် မတည်မငြိမ်မှုကို ယနေ့ မတ်လ ၂၁ ရက်နေ့ ရက်စွဲဖြင့် ထုတ်ပြန်ချက်တွင် အကြမ်းဖက်မှုများနှင့် အိုးအိမ်ပျက်ဆီးမှုများ အတွက် စိုးရိမ်ကြောင်း ပြောဆိုထားသည်။ အကြမ်းဖက် တိုက်ခိုက်မှုကြောင့် အသက်အိုးအိမ် စည်းစိမ် ပျက်ဆီးဆုံးရှုံးသွားသူများ၏ မိသားစုများအတွက် များစွာ ၀မ်းနည်း စာနာမိ ကြောင်းနှင့် အခြေအနေကို မျက်ခြေမပြတ် စောင့်ကြည့်လျက်ရှိကြောင်း ထုတ်ပြန်ထားသည်။

လက်ရှိဖြစ်စဉ်များအရ မိတ္ထီလာမြို့ပေါ်တွင် ဖြစ်ပျက်နေသော အနေအထားများသည် ရက်ပိုင်းအတွင်း ပြေငြိမ်းနိုင်သော် လည်း ယခုလို လူမျိုးရေး၊ ဘာသာရေး ပဋိပက္ခများဖြစ် လာစေရန် လှုံဆော်မှုများ ဖြစ်နိုင်ခြေ ကို ယခင်ကတည်းက မြင်တွေ့ခဲ့ရကြောင်း၊ ယခုမှ အချိန်တန်သောကြောင့် ထုတ်ဖော်ပြောကြားရခြင်းဖြစ်ကြောင်း ၈၈ မျိုးဆက်ကျောင်း သားခေါင်းဆောင် ကိုမင်းကိုနိုင်က ၄င်းအဖွဲ့၏ ရုံးခန်းတွင် ယမန်နေ့ညက ပြုလုပ်သော အရေးပေါ် သတင်းစာရှင်း လင်းပွဲတွင် ပြောကြားခဲ့သည်။

ထို့ပြင် တရားဥပဒေစိုးမိုးရေးအတွက် မည်သည့် ရာဇ၀တ်မှုများကိုမဆို ရာဇ၀တ်မှုရှုထောင့်မှ သုံးသပ်ပြီး တာဝန်ရှိ သူများအနေဖြင့် ပွင့်ပွင့်လင်းလင်း ကိုင်တွယ်ရန် လိုအပ်ကြောင်း၊ ပြည်သူလူထု၏ အသက်အိုးအိမ်များအတွက် ကာကွယ်ရန် တာဝန်ယူရမည်ဖြစ်ကြောင်း ကိုမင်းကိုနိုင်က ဆက်ပြောသည်။

“ အားလုံးက စွမ်းသမျှတော့ လုပ်ကြပါတယ်။ အသက်တွေ ကယ်တင်နိုင်ခဲ့တာလည်း ရှိခဲ့ပါတယ်။ အကြမ်းဖက်တဲ့ အထဲမှာ အဖိတ်အစဉ်တွေလည်း ရှိခဲ့ပါတယ်။ နောက်ထပ်မဖြစ် အောင်၊ နောက်ထပ် မပြန့်ပွားအောင် အားလုံး အတတ်နိုင်ဆုံး ၀ိုင်းဝန်းထိန်းသိမ်းကြပါ ” ဟု ယနေ့ ရွှေညဝါဆရာတော်၊ ဦးဝီရသူတို့နှင့် အတူ မိတ္ထီလာသို့ သွားရောက်နေစဉ် ဧရာဝတီ ကို ပြန်လည်ဖြေကြားခဲ့သည်။ “တပြည်လုံးမှာ မပြန့်ပွားအောင် ဆက်ပြီးတော့ ထိန်းကြရမယ်။ ရန်ကုန်ရောက်ရင် သက်ဆိုင်ရာ သံရုံးတွေကိုရော၊ အသိ ပေးရမယ့် လှုပ်ရှားတက်ကြွတဲ့ သူတွေရော၊ သြဇာတိက္ကမ ရှိတဲ့သူတွေရော မေတ္တာရပ်ခံမယ်။ ဒီကိစ္စကို အဆက်မပြတ် နိုးနိုးကြားကြားနဲ့ ထိန်းသိမ်းရမှာပေါ့ ” ဟုလည်း ဆိုသည်။

ထိုဖြစ်ပျက်မှုများ၏ အဖြစ်မှန်ကို စုံစမ်းပြီး တစ်ပတ်အတွင်း မန္တလေးတိုင်းဒေသကြီး အစိုးရအဖွဲ့ထံ ပြန်လည် အစီရင်ခံစာ တင်သွင်းရန် မန္တလေးတိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီးကို ဥက္ကဌခန့်ကာ စုံစမ်းရေးကော်မရှင်တစ်ရပ် ဖွဲ့ စည်းလိုက်ကြောင်း အမိန့်အမှတ် ၁၉/ ၂၀၁၃ ဖြင့် မန္တလေးတိုင်းဒေသကြီး အစိုးရအဖွဲ့က ဖွဲ့စည်းလိုက်သည်။

ယနေ့ညနေ အခြေအနေများအရ မိတ္ထီလာမြို့အတွင်းသို့ GSM၊ CDMA ဖုန်းများကို ခေါ်ဆို၍မရတော့ကြောင်း၊ ဒေသခံများ အနေက မိမိတို့၏ လုံခြုံရေးအတွက် စိုးရိမ်နေကြကြောင်း ဒေသခံများက ပြောသည်။

Ref: ဧရာဝတီ

Read More...

မိတ္ထီလာမြို့တွင် လူ ၁၀၀ ကျော် ပိတ်မိနေသဖြင့် ကယ်တင်ရန် လိုအပ်နေဟု ဆို

စနေလင်း
March 22, 2013

လက်ရှိအချိန်တွင် မိတ္ထီလာမြို့ ပြည်သာယာ ရပ်ကွက်တွင် အစ္စလမ် ဘာသာဝင် ၁၀၀ ကျော်ကို လူအုပ်စုဖြင့် ၀ိုင်းနေသည့် အတွက် ၎င်းတို့ကို ကယ်တင်ရန် လိုအပ်နေကြောင်း မိတ္ထီလာမြို့နယ် အမျိုးသားဒီမိုကရေစီ အဖွဲ့ချုပ် (NLD) ပြည်သူ့လွှတ်တော် ကိုယ်စားလှယ် ဦးဝင်းထိန်က ပြောသည်။

ထို့အပြင် မိတ္ထီလာ အမှတ် ၁ ရဲစခန်းတွင် အစ္စလမ်ဘာသာဝင် ၄၀၀ ကျော်နှင့် ခရိုင် အားကစားကွင်းအတွင်း ၈၀၀ ကျော်ကို လုံးခြုံရေး တပ်ဖွဲ့များက ကယ်တင် စောင့်ရှောက် ထားရကြောင်း သိရသည်။


“အခုမနက် အခြေအနေ တကယ် ရုတ်ရုတ်သဲသဲ ဖြစ်တဲ့နေရာတွေမှာ ရဲတပ်ဖွဲ့တွေ လှုပ်ရှားတာကို မတွေ့ရဘူး။ သူတို့က ဘာမှ မလုပ်တတ်မကိုင်တတ်တဲ့ ပုံစံဖြစ်နေတယ်။ ဒီလိုအတွေ့အကြုံမျိုး မရှိတဲ့အတွက် သူတို့ မလုပ်ရဲ မကိုင်ရဲ ဖြစ်နေတာ” ဟု သူက ဧရာဝတီသို့ ပြောသည်။

ယခုကဲ့သို့သော အခြေအနေသည် မိတ္ထီလာမြို့တွင် မဖြစ်ခဲ့ဘူးသောကြောင့် အလွန် စိတ်မချမ်းမသာ ဖြစ်ရကြောင်း၊ လူမျိုးရေး အသွင် ဆောင်လာပြီဖြစ်ကြောင်း ဦးဝင်းထိန်က ဆိုသည်။

ယနေ့ မနက် နောက်ဆုံးအခြေအနေအရ ပေါက်ချောင်း ရပ်ကွက်တွင် နေအိမ်များ မီးရှို့ခံနေရကြောင်း၊ ဘုန်းတော်ကြီး တချို့နှင့် လူတစ်စုတို့က မီးလိုက်လံ ရှို့လျက်ရှိကြောင်း မိတ္ထီလာမြို့ခံတဦးက ပြောသည်။

ထို့အပြင် မီးလောင်ခံရသော နေအိမ်များတွင် အစ္စလမ်ဘာသာဝင် နေအိမ်များအပြင် ဗုဒ္ဓဘာသာဝင်များ၏ နေအိမ်များလည်း ပါဝင်ကြောင်း၊ မြို့အနေဖြင့် ပျက်စီးသွားပြီဖြစ်ကြောင်း မိတ္ထီလာမြို့ခံများက ဆိုသည်။

“ရဲတွေအနေနဲ့က မီးလောင်နေတာကို လိုက်ပြီး ငြှိမ်းသတ်နေရတဲ့ အနေအထားမျိုး ဖြစ်နေတယ်။ တကယ် အကြမ်းဖက်တဲ့ သူတွေကို အရေးယူဖို့ လုပ်နိုင်တာမျိုး မတွေ့ရဘူး။ နောက်ပြီး အစ္စလမ်ဘာသာဝင်တွေကို ကယ်တင်ထားတဲ့ နေရာကိုပဲ လုံခြုံရေးရအောင် ထိန်းနေရတယ်” ဟု မြို့ထဲသို့ ရောက်ရှိနေသော မိတ္ထီလာမြို့ခံ တဦးက ဧရာဝတီသို့ ပြောသည်။

မီးလောင်မှုများကို မီးသတ်ကား ၁၀ စီးဖြင့် လိုက်လံငြှိမ်းသက်နေကြောင်း၊ မီးလောင်မှုတခုကို လိုက်လံထိန်းသိမ်း နေလျှင် ၎င်းနေရာနှင့် ဆန့်ကျင်ဘက် နေရာတခု၌ နောက်ထပ် ထပ်မံ ဖြစ်ပွားလာကြောင်း မိတ္ထီလာခရိုင် ရဲတပ်ဖွဲ့ရုံးမှ တာဝန်ကျ အရာရှိတဦးက ဆိုသည်။

ယခုအချိန်တွင် မန္တလေးတိုင်းဒေသကြီး ၀န်ကြီးချုပ်အပါအ၀င်၊ သာသနာရေးဝန်ကြီး၊ ပြည်ထဲရေး ၀န်ကြီးများလည်း ရောက်ရှိနေပြီ ဖြစ်ကြောင်း ၎င်းက ဆက်ပြောသည်။

“အခုချိန်မှာ အားလုံး ရှုပ်ရှက်ခက်နေတယ်ဗျ။ မီးကလည်း ၂ နေရာတောင် လောင်နေတာ။ လုံထိန်းတွေ အင်အားသုံးနေ ပါတယ်။ ဒါပေမယ့် အကြမ်းဖက်တဲ့ လူအုပ်စုကိုတော့ အခုချိန်အထိ ပစ်ခတ်ဖြိုခွဲတာမျိုး မလုပ်သေးပါဘူး။ နောက်တော့မှ ပြန်ဆက်ပါ” ဟု မန္တလေးတိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး၏ ကိုယ်ရေးအရာရှိက ဧရာဝတီသို့ ပြောသည်။

Ref: ဧရာဝတီ

Read More...

ထိုင်းဘုရင် အုတ်ဂူ အစစ်အမှန်ဟု အတည်ပြု

ရန်ပိုင်
March 22, 2013

မန္တလေးတိုင်း အမရပူရမြို့ တောင်သမန်အင်းစောင်း လင်းဇင်းကုန်း သုသာန်ရှိ ထိုင်းဘုရင်ဟောင်း ဥတွန်ပုံ၏ အုတ်ဂူမှာ အစစ် အမှန်ဟု အတည်ပြုနိုင်ပြီဖြစ်ကြောင်း တူးဖော်ရာ တွင်တွေ့ရှိရသည့် အထောက်အထားများကို ကိုးကား၍ ထိုင်းသမိုင်း ပညာရှင်များက ပြောဆိုသည်။

အုတ်ဂူကို တူးဖော်စစ်ဆေးရာတွင် အရှေ့မြောက်ဘက် အရန် စေတီတိုင်အတွင်းမှ အရိုးများထည့်ထားသည့် မှန်စီရွှေချ သပိတ် တလုံး နှင့် ပန်းချီရေးဆွဲထားသည့် မှန်ချပ်များတွေ့ ရခြင်း၊ ထိုင်း ရာဇအနွယ်ဝင်များ၏ ထုံးတမ်းဓလေ့နှင့်အညီ မြှုပ်နှံထားခြင်းများကို တွေ့ရသည့်အတွက် မှန်ကန်သည်ဟု ယူဆခြင်းဖြစ်ကြောင်း သိရသည်။


ထိုင်းနိုင်ငံမှ သမိုင်းနှင့် ရှေးဟောင်းသုတေသနအဖွဲ့ ဒုတိယခေါင်းဆောင် မစ္စတာ မစ်ကီဟတ်က“အရိုးတွေသပိတ်ထဲမှာ ထည့်ထား တယ် ဆိုကတည်းက ဘုန်းကြီးဝတ်နဲ့ ပျံလွန်တော် မူသွားတဲ့ မင်းကြီး ဥတွန်ပုံ ဆိုတာ ၉၉ ရာခိုင်နှုန်း သေချာသွားပြီ”ဟု ဧရာဝတီ ကို ပြောသည်။

အဆိုပါ မှန်စီရွှေချ မြေသပိတ်သည် အကျယ် ၈ . ၅ လက်မ၊ အမြင့် ၅ . ၅ လက်မရှိပြီး နှုတ်ခမ်းနားတွင် ရွှေချထားကြောင်း၊ သပိတ် အဖုံး လက်ကိုင်မှာ ကြာဖူးပုံသဏ္ဍာန် ပြုလုပ်ထားပြီး သို့သော် ကျောက်စာ ကမ္ပည်းဖြင့် မှတ်တမ်းတင် ရေးထိုးထားခြင်းမရှိဟု သိရ သည်။

ဤအုတ်ဂူသည် ကျောက်ဘွားဒေါက်မဒူဝါး ဘွဲ့ခံ ထိုင်းဘုရင်ဟောင်း မင်းသားကြီး ဥတွန်ပုံ ၏ အုတ်ဂူ အစစ်အမှန်ဖြစ်ကြောင်း မကြာ မီ ထိုင်းနိုင်ငံ ဘန်ကောက် မြို့၌ သတင်းစာရှင်း လင်းပွဲ ပြုလုပ်မည်ဖြစ်ကြောင်း မစ္စတာ မစ်ကီဟတ်က ပြောသည်။

ယင်းအရိုးများထည့်ထားသည့် မှန်စီရွှေချ မြေသပိတ်ကို မန္တလေးမြို့တော်ဝန်ထံ ယာယီအပ်နှံထားကြောင်း၊ အနီးအနားရှိ တခြား သော ထိုင်းအနွယ်များ၏ အုတ်ဂူများကိုလည်း ဆက်လက်တူးဖော်နိုင်ရန် မြန်မာအစိုးရထံတွင် ထပ်မံခွင့်တောင်းထားကြောင်း၊ ထို့အပြင် အုတ်ဂူအား ထိန်းသိမ်းရေးအတွက် နှစ်နိုင်ငံ အစိုးရညှိနှိုင်း၍ ဆက်လက်ဆောင်ရွက် မည်ဖြစ်ကြောင်း သိရသည်။

ထိုင်းဘုရင်အုတ်ဂူနှင့် ပတ်သက်ပြီး ထိုင်းသမိုင်းပညာရှင်များအကြား တူးဖော်သင့် မသင့် အချိန်ကြာမြင့်စွာ အငြင်းပွားနေရာ ပြီး ခဲ့သည့် နှစ် ဇူလိုင်လအတွင်းက ယင်းအုတ်ဂူရှိသည့် လင်းဇင်းကုန်း သုသာန်ကို ဖျက်သိမ်းရန် ဒေသအာဏာပိုင်များက စီစဉ်နေကြောင်း ဧရာဝတီသတင်းဌာနမှ ဖော်ပြလိုက်ပြီးနောက် ဘန်ကောက်အခြေစိုက် ထိုင်းအသိပညာ ပြန့်ပွားရေး အသင်း (Siam Society)မှ အစည်းအဝေးခေါ်ယူပြီး တူးဖော်ရန် ဆုံးဖြတ်လိုက်ခြင်းဖြစ်သည်။

မန္တလေးတိုင်း ရှေးဟောင်းသုတေသန ဦးစီးမှူး ဦးညိုမြင့်ထွန်းကလည်း ထိုင်းဘုရင်ဟောင်း၏ ဂူဖြစ်သည့် ဤအထိမ်းအမှတ် စေတီ ကို နှစ်နိုင်ငံချစ်ကြည်ရေးအတွက် ဆက်လက်ထား ရှိမည်ဆိုလျှင် ရှေးဟောင်းသုတေသနဌာန အနေဖြင့် ကူညီဆောင်ရွက်ပေးသွား မည်ဟု ဆိုသည်။

ယခုအခါ အဆိုပါ အုတ်ဂူတည်ရှိရာ လင်းဇင်းကုန်း သုသာန်သည် မန္တလေးမြို့ပြဖွံဖြိုးမှု စီမံကိန်း အကောင်အထည်ဖော်မည့် ဧရိယာ အတွင်း၌ ပါဝင်နေသည့်အတွက် ဖျက်သိမ်းရန် မန္တလေး စည်ပင်သာယာရေးက လုပ်ဆောင်လျက်ရှိသည်။

မန္တလေး စည်ပင်သာယာ သန့်ရှင်းရေးဌာနမှ ဗိုလ်မှူး နေ၀င်းမြင့်က“ကျနော်တို့အနေနဲ့ အစိုးရတို့၊ လွှတ်တော်တို့ကို တင်ပြမယ်၊ ထိန်းသိမ်းဆိုရင် ထိန်းသိမ်းပေးမယ်၊ တောင်လေးလုံး ကျောင်းထဲမှာ ထားမယ်ဆိုလည်း ရတယ်”ဟု ဆိုသည်။

တောင်သမန်အင်းစောင်း၌ အများပြည်သူ အပန်းဖြေနိုင်ရေး အတွက် မန္တလေးတိုင်း စည်ပင်သာယာရေးမှ ဆောင်ရွက်နေရာ သက်တမ်းရင့် မယ်ဇယ်ပင်ကြီးများကို ကျောက်စီနံရံများ ကာရံ ထိန်းသိမ်းခြင်း၊ အမှိုက်ပုံများ ရှင်းလင်းခြင်း နှင့် လင်းဇင်းကုန်း သာန်ကိုလည်း ပြောင်းရွှေ့ခြင်းများ ပြုလုပ်လျက်ရှိသည်။

တောင်သမန်အင်းစောင်းရှိ ကမ္ဘာကျော် ဦးပိန်တံတား အနီး ဤ ထိုင်းဘုရင့် အုတ်ဂူကို နှစ်စဉ်နှစ်တိုင်း ထိုင်းလူမျိုးများ လာရောက် ပူဇော်လေ့ရှိသည့်အတွက် မန္တလေး ဒေသ အာ ဏာပိုင်များ အနေဖြင့် ပြုပြင်ထိန်းသိမ်းလိုက်မည်ဆိုပါက ကမ္ဘာလှည့်ခရီးသွား လုပ် ငန်းကို အထောက်အကူပြုမည် ဖြစ်ကြောင်း လေ့လာသူများနှင့် ပညာရှင်များက ပြောဆိုကြ သည်။

Ref: ဧရာဝတီ

Read More...

၂၀၁၅ တွင် ချင်းပြည်နယ် အစိုးရဖွဲ့နိုင်ရန် ချင်းပါတီနှစ်ခု ပူးပေါင်းတော့မည်

ချစ်ဆု
March 21, 2013

လာမည့် ၂၀၁၅ ရွေးကောက်ပွဲတွင် ချင်းပြည်နယ်အစိုးရ ဖွဲ့စည်းနိုင်ရန်အတွက် ချင်းအမျိုးသားပါတီ (CNP) နှင့် ချင်းတိုးတက်ရေးပါတီ (CDP)တို့ ပူးပေါင်း၍ ပါတီတခုအဖြစ် ရပ်တည် သွားရန် အတည်ပြုလိုက်ပြီဖြစ်ကြောင်း (CNP) မှ အထွေထွေအတွင်းရေးမှူး ဆလိုင်းကျဲအိုဘိခ်ထောင်က ဧရာဝတီသို့ ပြောသည်။

ချင်းပြည်နယ် အစိုးရဖွဲ့နိုင်ရန် ပါတီ ၂ ခု အင်အားပူးပေါင်း၍ ကြိုးစားသွားမည်ဖြစ်ပြီး ပြည်နယ်အစိုးရ ဖွဲ့စည်းလိုခြင်းနှင့် ပတ်သတ်၍ ဆလိုင်းကျဲအိုဘိခ်ထောင်က “ချင်းပြည်နယ် အ ကြောင်းကို ချင်းတွေကပဲ ပိုသိမယ်။ အခုချင်းပြည်နယ်အစိုးရက ကြံ့ခိုင်ရေး ပါတီက ဖွဲ့ထားတာ။ ပြီးတော့ ပြည်နယ်အစိုးရ ပါတီက ပြည်ထောင်စုအစိုးရကို ဖွဲ့တဲ့ပါတီပဲ ဖြစ်နေတယ်။ တခုခုဆို ရင် နေပြည်တော် မျက်နှာပဲကြည့်နေတော့ အလုပ်တွေနှောင့်နှေးတယ်” ဟု ဆိုသည်။

ပြည်တွင်းနှင့်ပြည်ပရှိ ချင်းတိုင်းရင်းသား ပညာရှင်များက ချင်းပြည်နယ် အစိုးရကို အကူအညီပေးလိုသော်လည်း လက်ရှိ ပြည်နယ်အစိုးရသည် ယခင် နအဖ အစိုးရ၏ အမွေဟောင်း ဆက်ခံသော အဖွဲ့အစည်းဟု ထင်မြင်မှုများရှိနေကြောင်း ၎င်းက ဆက်ပြောသည်။

ပါတီအမည်သစ်နှင့် ဥက္ကဋ္ဌ၊ ဗဟိုကော်မတီဝင်များ ရွေးချယ်ခြင်းကို လာမည့် ဧပြီလအတွင်း အစည်းအဝေးပြုလုပ်၍ ညှိနှိုင်း ဆုံးဖြတ်သွားမည် ဖြစ်ကြောင်း သိရသည်။

တိုင်းရင်းသား ပါတီများအနေဖြင့် ပြည်နယ်အစိုးရဖွဲ့ရန် ကြိုးပမ်းခြင်းနှင့်ပတ်သတ်၍ ဇိုမီး ဒီမိုကရေစီအဖွဲ့ချုပ်မှ ဥက္ကဋ္ဌ ပူးကျင့်ရှင်ထန်က “၂၀၀၈ ဖွဲ့စည်းပုံ အခြေခံဥပဒေအရဆိုရင် လွှတ်တော်ကိုယ်စားလှယ်တွေ အနေနဲ့ အစိုးရဖွဲ့ဖို့ တော်တော် ခက်ပါတယ်။ ဒါကြောင့် ချင်းတိုင်းရင်းသား ပါတီတွေ အစိုးရဖွဲ့နိုင်ဖို့ ဆိုတာ သေချာပြောလို့ မရသေးပါဘူး။ ရွေး ကောက်ပွဲက ဝေးပါသေးတယ်” ဟု ပြောသည်။

လက်ရှိတွင် ချင်းတိုင်းရင်းသားပါတီ ၅ ခုရှိပြီး ချင်းအမျိုးသားပါတီ (CNP)၊ ချင်းတိုးတက်ရေးပါတီ (CDP)၊ တိုင်းရင်း သားလူမျိုးများ ဖွံ့ဖြိုးရေးပါတီ (ENDP)၊ ဇိုမီးဒီမိုကရေစီအဖွဲ့ချုပ် (ZCD)နှင့် အရှိုချင်းပါတီတို့ဖြစ်သည်။ CNP၊ CDP နှင့် ENDP တို့သည် ၂၀၁၀ ရွေးကောက်ပွဲတွင် ၀င်ရောက်ယှဉ်ပြိုင်ခဲ့သော ပါတီများ ဖြစ်သည်။

၂၀၁၅ ရွေးကောက်ပွဲတွင် တိုင်းရင်းသား ပါတီများအနေဖြင့် ပြည်မအင်အားကြီး ပါတီကြီးများ ဖြစ်သော အမျိုးသား ဒီမိုကရေစီအဖွဲ့ချုပ် (NLD)၊ ပြည်ထောင်စုကြံ့ခိုင်ရေးနှင့် ဖွံ့ဖြိုး ရေးပါတီနှင့် တိုင်းရင်းသား စည်းလုံးညီညွတ်ရေး ပါတီတို့နှင့် ယှဉ်ပြိုင်နိုင်ရန် တိုင်းရင်းသားပါတီ ၁၃ ခုပါဝင်သော ညီနောင်တိုင်းရင်းသား ပါတီများ ဖက်ဒရေးရှင်း (NBF) ကိုလည်း ဖွဲ့စည်းထားကြောင်း သိရသည်။

Ref: ဧရာဝတီ

Read More...

Thursday, March 21, 2013

ဦးအောင်မင်းနှင့် PNLO ရန်ကုန်မြို့မှာ ဆွေးနွေးမည်

ဖနိဒါ
မတ်လ ၂၀ ရက် ၂၀၁၃ ခုနှစ်

အပစ်အခတ် ရပ်စဲဖြစ်ပြီးသော ပအိုဝ်းအမျိုးသား လွတ်မြောက်ရေး အဖွဲ့ PNLO နှင့် အစိုးရ ငြိမ်းချမ်းရေးအဖွဲ့တို့ မတ်လ ၂၂ နှင့် ၂၃ ရက်နေ့များတွင် ပြည်ထောင်စုအဆင့် ငြိမ်းချမ်းရေး ဆွေးနွေးမည် ဖြစ်သည်။

ရန်ကုန်မြို့ရှိ ငြိမ်းချမ်းရေးစင်တာတွင် ငြိမ်းချမ်းရေးဖော်ဆောင်ရေးလုပ်ငန်းကော်မတီ ဒု-ဥက္ကဋ္ဌ ဦးအောင်မင်း ဦးဆောင်သော ကိုယ်စားလှယ်များနှင့် PNLO ဥက္ကဋ္ဌ ဗိုလ်မှူးကြီး ခွန်ဥက္ကာ ပါဝင်သော ကိုယ်စားလှယ်အဖွဲ့တို့
ဆွေးနွေးမည်ဟု ဗိုလ်မှူးကြီး က ပြောသည်။

“ကျနော်တို့ ပြည်ထောင်စုအဆင့် တွေ့ဖို့ ရှိတယ်။ ဦးကြီး ဦးအောင်မင်းဆီက ဖိတ်စာရောက်လာလို့ ကျနော်တို့ ထွက်လာတာ။ သူတို့ အစိုးရဘက်က လာကြိုတယ်။ ခု သထုံရောက်ပြီ။ မနက်ဖြန် ရန်ကုန်ဝင်မယ်။ ကိုယ်စားလှယ် ၁၅ ယောက် တက်မယ်။ ၅ ယောက်က ရန်ကုန်မှာ ရောက်နေပြီ” ဟု PNLO ဥက္ကဋ္ဌ က မဇ္ဈိမကို ပြောသည်။

ထိုဆွေးနွေးပွဲအတွက် ပြင်ဆင်မှုများ ပြုလုပ်နေရသဖြင့် ယနေ့ လားရှိူးမြို့တွင် စတင်ကျင်းပနေသော ရှမ်းနှင့်ကယား ပါတီအဖွဲ့အစည်းများ ညီလာခံသို့ တက်ရောက်နိုင်ခြင်း မရှိ ကြောင်း သူက မဇ္စျိမကို ပြောသည်။

PNLO သည် အစိုးရ ငြိမ်းချမ်းရေးအဖွဲ့နှင့် ထိုင်းနိုင်ငံတွင် အလွတ်သဘော နှစ်ကြိမ် တွေ့ဆုံပြီးနောက် ၂၀၁၂ ခုနှစ်၊ သြဂုတ်လ ၂၅ ရက်နေ့က ပြည်နယ်အဆင့် ပထမဆုံးအကြိမ် အပစ်အခတ် ရပ်စဲရေးသဘောတူ လက်မှတ်ရေးထိုးခဲ့ သည်။

သဘောတူညီချက်အရ PNLO ၏ ဆက်ဆံရေးရုံးများကို ရှမ်းပြည်နယ်ရှိ တောင်ကြီး၊ မောက်မယ်နှင့် ဆီဆိုင်မြို့များတွင် ဖွင့်လှစ်ရန် သဘောတူခဲ့ပြီး မွန်ပြည်နယ်ရှိ သထုံမြို့တွင် ဆက်ဆံရေးရုံး ဖွင့်လှစ်ရန် ဆွေးနွေးပွဲတွင် ညှိနှိုင်းသွားရန် ရှိသည်။

ထို့ပြင် အပစ်အခတ် ရပ်စဲမှု ခိုင်မာရေး၊ နှစ်ဖက် တပ်ဖွဲ့ဝင်များ လိုက်နာရမည့် စည်းကမ်းချက်များ သတ်မှတ်နိုင်ရေး၊ ဆက်ဆံရေးရုံး လုပ်ငန်း လည်ပတ်နိုင်ရန်အတွက် ကူညီပံ့ပိုးရေး၊ PNLO/PNLA တပ်ဖွဲ့ဝင်များ၏ တပ်တည်နေရာ ညှိနှိုင်းရေး၊ မူးယစ်ဆေးဝါး တိုက်ဖျက်ရေးတွင် ပူးပေါင်းဆောင်ရွက်ရေး စသည်တို့ကို ဆွေးနွေးရန် သဘောတူ ထားကြပြီး ဖြစ်သည်။

PNLO ကို ၂၀၀၉ ခုနှစ်၊ ဒီဇင်ဘာလတွင် ပြုလုပ်သည့် ပအိုဝ်း အမျိုးသား ညီလာခံမှ စတင် ဖွဲ့စည်းခဲ့ပြီး ရှမ်းပြည်နယ်နှင့် ကယားပြည်နယ် နယ်စပ်တွင် လှုပ်ရှားလျက် ရှိကာ လက်နက်ကိုင် တပ်ဖွဲ့ဝင် အင်အား ၂၀၀ ကျော် ရှိကြောင်း သိရသည်။ ထို့အပြင် တိုင်းရင်းသား တန်းအခွင့်အရေး အတွက် ဖွဲ့စည်းထားသော လက်နက်ကိုင်အဖွဲ့ ၁၁ ဖွဲ့ပါ ညီညွတ်သော တိုင်းရင်းသားလူမျိုးများကောင်စီ UNFC တွင် အဖွဲ့ဝင် ဖြစ်သည်။

Ref: မဇ္ဈိမ

Read More...

၂၀၀၈ ဖွဲ့စည်းပုံ ပြင်ရေး ရှမ်းနှင့် ကယား ညီလာခံ ဆွေးနွေး

ဖနိဒါ
မတ်လ ၂၀ ရက် ၂၀၁၃ ခုနှစ်

တိုင်းရင်းသားများနှင့် ငြိမ်းချမ်းရေး ရရန်အတွက် လက်ရှိ နိုင်ငံတော် ဖွဲ့စည်းပုံ အခြေခံဥပဒေကို ပြင်ရန်လိုအပ်ကြောင်း ယနေ့ စတင်ကျင်းပနေသည့် ရှမ်းနှင့် ကယားပြည်နယ်ရှိ လက်နက်ကိုင်နှင့် နိုင်ငံရေးပါတီများ ညီလာခံတွင် ဆွေးနွေးသဘောတူညီခဲ့ကြသည်ဟု ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD)က ပြောသည်။

'ငြိမ်းချမ်းရေးအတွက် ယုံကြည်မှု တည်ဆောက်ခြင်း ဆွေးနွေးပွဲ' တွင် အဖွဲ့အစည်းပေါင်း အနည်းဆုံး ၇ ဖွဲ့ခန့် ဆွေးနွေးခဲ့ကြပြီး အကျိုးရလဒ်အဖြစ် ငြိမ်းချမ်းရေး အမှန်တကယ် လိုလားနေခြင်းကို တွေ့ရှိရကြောင်း ဦးဆောင် စီစဉ်သည့် SNLD ပြောခွင့်ရပုဂ္ဂိုလ် ဦးစိုင်းလိတ် က ပြောသည်။

“အားလုံးဆွေးနွေးတာက ဖွဲ့စည်းပုံ ဥပဒေကို မဖြစ်မနေပြင်ဖို့ ဆိုတာ တွေ့ရတယ်။ ငြိမ်းချမ်ရေး လမ်းစပေါ် နေတယ်ဆိုတာ ကျနော်တွေ့ရပါတယ်။ ဖွဲ့စည်းပုံဥပဒေ ပြင်နိုင်ဖို့ လမ်းစပေါ်နေတယ်လို့ ဒါက ကောင်းတဲ့အချက်လို့ ကျနော် သုံးသပ်လို့ ရပါတယ်” ဟု မဇ္စျိမကို ပြောသည်။

ထို့ပြင် ရေရှည် တည်တံ့သည့် ငြိမ်းချမ်းရေး ဖြစ်ပေါ်ရေးအတွက် သက်ဆိုင်သူများအကြား ခိုင်မာသည့် ယုံကြည်မှု တည်ဆောက်ရန် လိုကြောင်း ဦးခွန်ထွန်းဦး က ၎င်း၏ အဖွင့် မိန့်ခွန်းတွင် ပြောဆိုသွားခဲ့သည်ဟု ညီလာခံ တက်ရောက်ခဲ့သူ ဦးစိုင်းလိတ်က ပြောသည်။

“ဖွဲ့စည်းပုံဥပဒေရဲ့ မှားယွင်းချက်ကြောင့် တိုင်းရင်းသား အချင်းချင်းကြား မညီညွတ်ဖြစ်ပြီး တိုက်ပွဲတွေ ဖြစ်ပေါ်တယ်။ ရေရှည်တည်တံ့တဲ့ ငြိမ်းချမ်းရေး ဖြစ်ပေါ်ဖို့ ဆိုရင် တိုင်းရင်းသား အချင်းချင်းကြားမှာရော၊ တိုင်းရင်းသားနဲ့ အစိုးရကြားမှာ ခိုင်မာတဲ့ ယုံကြည်မှု တည်ဆောက်ရမယ်။ ဒါမှ အားလုံးမျှော်မှန်းတဲ့ ဖယ်ဒရယ် ပြည်ထောင်စု ဖြစ်ပေါ်ရေးအတွက်ကို ဖွဲ့စည်း ပုံအခြေခံ ဥပဒေတရပ် ရေးဆွဲပြီးတော့မှ ရှေ့ဆက်လှမ်းနိုင်မယ်” ဟု ပြောပြသည်။

လားရှိုးမြို့တွင် ကျင်းပသည့် အဆိုပါ ညီလာခံသို့ လူဦးရေ စုစုပေါင်း ၁၈၄ ဦး တက်ရောက်နေပြီး နံနက် ၉ နာရီမှ ညနေ ၄ နာရီထိ ဆွေးနွေးခဲ့သည်ဟု သိရသည်။

ဦးခွန်ထွန်းဦး အပြင် ဝန်ကြီးဦးအောင်မင်း၊ နိုင်ငံရေးပါတီများ ကိုယ်စား ဦးအေးသာအောင်၊ လက်နက်ကိုင် အဖွဲ့အစည်းများ ကိုယ်စား SSPP မှ ဗိုလ်ချုပ်ဆေထင်က အဖွင့် မိန့်ခွန်းများ ပြောကြားခဲ့သည်။

ဝန်ကြီး ဦးအောင်မင်းက ငြိမ်းချမ်းရေး ရရှိရန် အထူးလိုအပ်နေသဖြင့် အခက်အခဲ ကြုံတွေ့နိုင်သော်လည်း တိုင်းရင်းသားများနှင့် တပ်မတော်အစိုးရကပါ ငြိမ်းချမ်းရေး ဖော်ဆောင်ရေး လုပ်ငန်းတွင် ပါဝင်ပူးပေါင်းရန် လိုအပ်သည်ဟု ပြောကြားခဲ့သည်။

ဖွဲ့စည်းပုံ အခြေခံဥပဒေ လေ့လာသုံးသပ်ရေး ကော်မတီနှင့် ကော်မရှင်များ ဖွဲ့စည်းရေး အရေးကြီး အဆိုကို မတ်လ ၁၅ ရက်နေ့က ကျင်းပသည့် ပြည်သူ့လွှတ်တော် အစည်းအဝေးတွင် အတည်ပြုခဲ့ပြီး ဖြစ်သည်။

ယနေ့ ညီလာခံသို့ လေ့လာသူများအဖြစ် အဖွဲ့အစည်းပေါင်း ၁၉ ဖွဲ့မှ ကိုယ်စားလှယ်များ တက်ရောက်ခဲ့ကြပြီး အင်္ဂလန်၊ အမေရိကန်၊ အင်ဒိုနီးရှာ၊ ဘရူနိုင်း သံရုံးများမှ ကိုယ်စား လှယ်များလည်း တက်ရောက်ခဲ့ကြသည်။

ရှမ်းပြည်နယ်နှင့် ကယားပြည်နယ်အတွင်းရှိ လားဟူ၊ ကိုးကန့်၊ ရှမ်း၊ ဝ၊ တအောင်း(ပလောင်)၊ ဓနု၊ အင်း၊ ပအိုဝ်း၊ ကယန်း၊ ကရင်နီ စသည့် တိုင်းရင်းသား လူမျိုးပေါင်းစုံ ပါဝင်သည့် နိုင်ငံရေးပါတီနှင့် လက်နက်ကိုင် အဖွဲ့အစည်းများမှ အဖွဲ့ပေါင်း ၂၅ ဖွဲ့ ဖိတ်ခေါ်ခဲ့ရာမှ ၂၁ ဖွဲ့ တက်ရောက်ခဲ့ခြင်း ဖြစ်သည်။

သို့သော် ရှမ်းတိုင်းရင်းသားများဒီမိုကရက်တစ်ပါတီမှ မြို့နယ်အဆင့် ကိုယ်စားလှယ်သာ တက်ရောက်ခဲ့ပြီး ဝ ဒီမိုကရက်တစ်ပါတီ၊ ပအိုဝ့် အမျိုးသားလွတ်မြောက်ရေးအဖွဲ့ PNLO နှင့် ကရင်နီ အမျိုးသား တိုးတက်ရေးပါတီ KNPP တို့ တက်ရောက်နိုင်ခြင်း မရှိခဲ့ပေ။

PNLO မှာ ပြည်ထောင်စုအဆင့် ငြိမ်းချမ်းရေးဆွေးနွေးပွဲအတွက် ပြင်ဆင်မှုများ ရှိနေသဖြင့် ထိုညီလာခံသို့ တက်ရောက်လာခြင်း မရှိကြောင်း အဖွဲ့မှ ဥက္ကဋ္ဌ နိုလ်မှူးကြီး ခွန်ဥက္ကာ က မဇ္စျိမကို ပြောဆိုထားသည်။

အပစ်အခတ် ရပ်စဲရေး လက်မှတ်ရေးထိုးပြီးသော KNPP ပါတီကမူ ထိုညီလာခံ၏ ရည်မှန်းချက် အသေးစိတ်မသိရ သဖြင့် တက်ရောက်ခြင်း မရှိကြောင်း ပါတီ၏ အထွေထွေ အတွင်းရေးမှူး(၁) ခူဦးရယ် က ပြောသည်။

“တကယ်တန်း ညီလာခံရဲ့ ရည်ရွယ်ချက်၊ ဘယ်ပုံစံနဲ့ သွားကြမယ်။ ဘယ်လို ရှိတယ်ဆိုတာ ကျနော်တို့ အဆက်အစပ် မရှိဘူး။ နောက်ပြီး သူတို့က ငြိမ်းချမ်းရေး ဖြစ်စဉ်ကို ပံ့ပိုးဖြစ် မယ်ဆိုတဲ့ ရည်ရွယ်ချက်တော့ ပြောပါတယ်။ သို့သော် ဘယ်လိုသွားမယ်ဆိုတာ အသေးမသိတဲ့ အခါကျတော့ မသေချာ မရေရာဘဲ၊ တစုံတရာ ဂဃနဏ မသိဘဲ ကျနော်တို့ သွားတာမျိုး မဖြစ်သင့်ဘူးဆိုပြီး မတက်တာပါ” ဟု မဇ္စျိမကို ရှင်းပြသည်။

အစိုးရထဲမှ ဝန်ကြီး ဦးအောင်မင်း အပြင် လျှပ်စစ်စွမ်းအားဝန်ကြီး ဦးခင်မောင်စိုး၊ သစ်တောဝန်ကြီး ဦးဝင်းထွန်းတို့ အပြင် ငြိမ်းချမ်းရေး စင်တာမှ အကျိုးဆောင် ဦးလှမောင်ရွှေ၊ ဒါရိုက်တာအဖွဲ့ဝင် ဒေါက်တာမင်းဇော်ဦးနှင့် ဦးအောင်နိုင်ဦးတို့လည်း တက်ရောက်ကြသည်။

၂၀၁၂ ခုနှစ်၊ နိုဝင်ဘာလအတွင်းကလည်း ရှမ်း နိုင်ငံရေးပါတီနှင့် လက်နက်ကိုင် အဖွဲ့အစည်းများ ပါဝင်သော ပထမဆုံး ညီလာခံတရပ်ကို ရန်ကုန်မြို့တွင် “ငြိမ်းချမ်းရေးအတွက် ယုံကြည်မှု တည်ဆောက်ခြင်း” ခေါင်းစဉ်ဖြင့် ကျင်းပခဲ့သည်။ ယခုတကြိမ် ညီလာခံသည် ဒုတိယအကြိမ် ကျင်းပနေခြင်း ဖြစ်ပြီး ကယား အဖွဲ့အစည်းများပါ ဖိတ်ခေါ်ကျင်းပခြင်း ဖြစ်သည်။

ပထမ ညီလာခံ ပြီးနောက် ဒီဇင်ဘာလအတွင်း SNLD ပါတီ အဖွဲ့ဝင်များ ရှမ်းပြည်နယ်နှင့် ကယားပြည်နယ်သို့ လေ့လာရေးခရီးစဉ်သွားရောက်စဉ် ဒေသခံ ပြည်သူများနှင့် တွေ့ဆုံခဲ့ရာ ကယား ပြည်သူလူထုနှင့် ရှမ်းပြည်သူလူထု၏ လိုအပ်ချက်၊ နိုင်ငံရေး ရည်မှန်းချက်များ ထပ်တူ ခံစားနေရသည်ကို တွေ့ရှိရ၍ ယခုကဲ့သို့ ပူးပေါင်း၍ ညီလာခံကို ကျင်းပရခြင်း ဖြစ်သည်ဟု ဦးစိုင်းလိတ်က မဇ္စျိမကို မကြာမီက ပြောဆိုခဲ့သည်။

ညီလာခံ ဒုတိယနေ့ဖြစ်သည့် ကြာသပတေးနေ့တွင် ချင်းမိုင်အခြေစိုက် ရှမ်းသံတော်ဆင့် သတင်းဌာနမှ အယ်ဒီတာချုပ် ဦးခွန်ဆိုင်း၊ ရှေ့နေများကွန်ယက်မှ တရားလွှတ်တော်ရှေ့နေ ဦးလှထွန်း၊ မြန်မာ ငြိမ်းချမ်းရေး စင်တာ မှ ဒေါက်တာမင်းဇော်ဦးတို့ ဆွေးနွေးကြမည် ဖြစ်သည်။

Ref: မဇ္ဈိမ

Read More...

ကယားပြည်နယ်သို့ အမေရိကန်သံတမန်များ လေ့လာ

စောဇင်ညီ
မတ်လ ၂၀ ရက် ၂၀၁၃ ခုနှစ်

ကယားပြည်နယ်သို့ ယနေ့မွန်းလွဲပိုင်းတွင်ရောက်ရှိလာသည့် မြန်မာနိုင်ငံဆိုင်ရာ အမေရိကန် သံတမန်နှင့် လက်ထောက်နိုင်ငံခြားရေးဝန်ကြီးတို့သည် ပြည်နယ်အစိုးရအဖွဲ့နှင့် ဆွေးနွေးမှုများ ပြုလုပ်ခဲ့ကြောင်း ကယားပြည်နယ် တိုင်းရင်းသားရေးရာ ၀န်ကြီး ဦးစိန်ဦးက ပြောသည်။

ဝန်ကြီးက “ငြိမ်းချမ်းရေး ရယူပြီးတဲ့ နောက်ပိုင်းမှာ ကျွန်တော်တို့ တိုင်းရင်းသားတွေ ပြန်လည်နေထိုင်ဖို့ အဆင်ပြေဖို့ အပြန်အလှန် ဆွေးနွေး ညှိနှိုင်းမှုတွေ လုပ်ခဲ့ပါတယ်” ဟု မဇ္ဈိမကို ပြောသည်။

အမေရိကန် ကိုယ်စားလှယ်အဖွဲ့တွင် မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရစ်မစ်ချဲလ်နှင့် အမေရိကန် လက်ထောက်နိုင်ငံခြားရေးဝန်ကြီး ရစ်ဘာတန် (Rick Barton) တို့ပါဝင်သည်။

အဆိုပါ ဆွေးနွေးမှုတွင် ယခင် စစ်ဘေးသင့် ဒေသများအတွင်း ရှိနေသော မြေမြှုပ်မိုင်းများအား ပြန်လည်တူးဖော်ရန် ကိစ္စများကို အမေရိကန် ကိုယ်စားလှယ်များဘက်မှ တိုက်တွန်းခဲ့ပြီး ပြည်သူများအား မြေမြှုပ်မိုင်းများနှင့် ပတ်သတ်၍ အသိပေး အလုပ်ရုံဆွေးနွေးပွဲများ ပြုလုပ်ရန် သဘောတူညီမှုများ ရရှိခဲ့ကြောင်း ဦးစိန်ဦးက ပြောကြားသည်။

ထိုသဘောတူညီမှုသည် ပြည်နယ်အစိုးရအဖွဲ့နှင့် အမေရိကန် လက်ထောက်နိုင်ငံခြားရေးဝန်ကြီး မစ္စတာ ရစ်ဘာတန်နှင့်
မြန်မာနိုင်ငံဆိုင်ရာ အမေရိကန်သံအမတ်ကြီး မစ္စတာ ဒဲရစ်မစ်ချယ်တို့ ဦးဆောင်သော အဖွဲ့တို့၏ ဆွေးနွေးမှုမှ ထွက်ပေါ်ခဲ့ခြင်း ဖြစ်ကြောင်း ကယားပြည်နယ် အစိုးရအဖွဲ့မှ သိရသည်။

ထိုအဖွဲ့သည် ယနေ့ မတ်လ ၂၀ရက်နေ့ မွန်းလွဲပိုင်းတွင် ကယားပြည်နယ်သို့ ရောက်ရှိပြီး ပြည်နယ် အစိုးရအဖွဲ့၊ တိုင်းရင်းသား လက်နက်ကိုင် အဖွဲ့အစည်း နှင့် လူမှုအဖွဲ့အစည်းများကို တွေ့ဆုံမည် ဖြစ်ကြောင်း အမေရိကန်သံရုံး၏ သတင်းထုတ်ပြန်ချက်အရ သိရှိရသည်။

ကယားပြည်နယ် ပညာရေး ဖွံ့ဖြိုးတိုးတက်ရန် လုပ်ဆောင်သင့်ကြောင်း ပြည်နယ်အစိုးရ အဖွဲ့သို့ အမေရိကန် ကိုယ်စားလှယ်အဖွဲ့က ထောက်ပြခဲ့ကြောင်း တိုင်းရင်းသားရေးရာ ၀န်ကြီးမှ ပြောပြသည်။

အမေရိကန်ကိုယ်စားလှယ် အဖွဲ့သည် ဒေသအတွင်း လူငယ်များနှင့် ဒေသအတွင်း အဖွဲ့အစည်းများကို တွေ့ဆုံစဉ် အလုပ်အကိုင် အခွင့်အလမ်းများ မည်ကဲ့သို့ ရှိကြောင်း လေ့လာခြင်း ဖြစ်သည်ဟု ပြောဆိုခဲ့ကြောင်း ကရင်နီပြည် လူငယ်များ သမဂ္ဂ အဖွဲ့ဝင် ကိုအက်သန်းက ပြောသည်။

၎င်းက “လူငယ်အသံတွေ ဒေသခံအဖွဲ့အစည်း အသံတွေ အလုပ်အကိုင် အခွင့်အလမ်း ဘယ်လိုရှိတယ် ဆိုတာတွေကို လာလေ့လာတာလို့ ပြောတယ်။ ကျွန်တော်တို့ ဘက်ကလည်း နိုင်ငံရေး ပြဿနာတွေကို အရင်ဖြေရှင်းဖို့ လိုတယ် ပြောလိုက်ပါတယ်” ဟု ဆိုသည်။

အမေရိကန်ကိုယ်စားလှယ်အဖွဲ့၏ ယနေ့ခရီးစဉ်သည် ကယားပြည်နယ်သို့ ပထမဦးဆုံးလာရောက်သည့် ခရီးစဉ်ဖြစ်ပြီး ကယားပြည်နယ်မှ လက်နက်ကိုင် အဖွဲ့အစည်း ကေအန်ပီပီ အပါအ၀င် အခြား လက်နက်ကိုင် အဖွဲ့အစည်းများနှင့် တွေ့ဆုံခဲ့သော်လည်း တပ်မတော်မှ တာဝန်ရှိသူများ ခရီးလွန်နေသဖြင့် တွေ့ဆုံမှု မပြုနိုင်ခဲ့ကြောင်း အစိုးရအဖွဲ့မှ တာဝန်ရှိ ပုဂ္ဂိုလ်တဦးက ပြောသည်။

ကယားပြည်နယ်တွင် ၂၀၁၂ခုနှစ်မှစ၍ လက်နက်ကိုင်အဖွဲ့အစည်းများနှင့် အပစ်အခတ် ရပ်စဲနိုင်ခဲ့ပြီး ငြိမ်းချမ်းရေး ရရှိရန် အစိုးရမှ ဆွေးနွေးမှုများ ပြုလုပ်ဖို့ ရှိကြောင်း သိရသည်။

Ref: မဇ္ဈိမ

Read More...

ဒေါ်စုကို ပြင်းထန်စွာ ဝေဖန်သည် ဆိုသည်မှာ Oxford Student က လူအများအာရုံစိုက်ရန် ရေးခြင်းဟုဆို

မတ်လ ၂၁ ရက် ၂၀၁၃ ခုနှစ်

မတ်လ ၁၈ ရက်နေ့တွင် မဇ္ဈိမ သတင်းဌာနမှ “အောက်စဖို့ဒ် တက္ကသိုလ် ဆွေးနွေးပွဲတွင် ဒေါ်စုအား ပြင်းထန်စွာ ဝေဖန်လိုက်ကြ” ဟူသည့် ခေါင်းစဉ်ဖြင့် သတင်းတပုဒ် ဖော်ပြခဲ့သည်။

မတ်လ ၉ ရက်နေ့နှင့် ၁၀ ရက်နေ့များတွင် St. Anne’s ကောလိပ်တွင် ကျင်းပ ပြုလုပ်ခဲ့သည့် အရှေ့တောင်အာရှ လေ့လာရေး ဆွေးနွေးပွဲ အပြီးတွင် အောက်စဖို့ဒ် တက္ကသိုလ် အဖွဲ့ဝင်များ၏ Oxford Student သတင်းစာက ထိုအကြောင်းအရာနှင့် ပတ်သတ်၍ သတင်းတပုဒ် ရေးသားခဲ့ရာ ထိုသတင်းမှ အချက်အလက်များကို ရယူခဲ့ပြီး အထက်ဖော်ပြပါ မဇ္ဈိမ ဆောင်းပါးကို ရေးသားခဲ့ခြင်း ဖြစ်ပါသည်။

Burma Independence Advocates ၏ ညွှန်ကြားရေးမှူး တဦးဖြစ်သည့် ဦးဇော်နေအောင် သည် ထိုဆွေးနွေးပွဲသို့ ကိုယ်တိုင် တက်ရောက်ခဲ့သူ တဦး ဖြစ်ပြီး မဇ္ဈိမက ထိုအကြောင်း အရာ အပေါ် လူအများအာရုံအထူးစိုက်လာအောင် ရေးသား တင်ဆက်ပုံကြောင့် စိတ်အနှောင့်အယှက် ဖြစ်ခဲ့ရသည်ဟု ဆိုပါသည်။ ထို့ကြောင့် ဦးဇော်နေအောင်က တွေ့ဆုံ ဆွေး နွေးပွဲအကြောင်း အသေးစိတ်များကို ကျွန်ုပ်တို့အား စာရေးသား၍ ရှင်းပြခဲ့ပါသည်။

“ဒီ ဆွေးနွေးပွဲ တခုလုံးမှာ ဒေါ်အောင်ဆန်းစုကြည်ကို ပြင်းပြင်းထန်ထန် ဝေဖန်တာတွေ လုံးဝ မရှိခဲ့ပါဘူး။ ဒေါက်တာ Peter Carey ပြောတာတွေကလည်း ဒေါ်အောင်ဆန်းစုကြည် လက်ရှိ ရင်ဆိုင်နေရတဲ့ ပြဿနာတွေကြောင့် သူ့ အနေနဲ့ သြဇာအာဏာ ကျဆင်းလာတဲ့ အပေါ် စိုးရိမ်စရာ တခုအနေနဲ့ သုံးသပ်ထားတာပါ။ မူရင်း သတင်းကို ကိုးကားထားသူကလည်း လူတွေ အာရုံစိုက်လာအောင်လို့ လွန်လွန်ကဲကဲ ခန့်မှန်း ရေးသားမှုတွေကို အသုံးပြုထား ပါတယ်။ ကံအကြောင်းမသင့်တော့ လက်ပံတောင်း အစီရင်ခံစာ ထွက်လာတဲ့ အချိန်နဲ့ တိုက် ဆိုင်နေတဲ့အတွက် မှားယွင်းစွာ ကိုးကားထားတဲ့ ဒီသတင်းက ဟိုးလေးတကြော် ဖြစ်လာပါတော့တယ်” ဟု ဦးဇော်နေအောင်က အင်္ဂလိပ်ဘာသာစကားဖြင့် စာရေးသား ပေးပို့လာခဲ့ ပါသည်။

“ဒါပေမယ့် အပြုသဘော ထောက်ပြဝေဖန်ကြမယ့် အစား ပုဂ္ဂိုလ်ရေးအရ နိုင်ငံရေးအရ တိုက်ခိုက်တာမျိုးကတော့ လက်မခံသင့်တဲ့ ကိစ္စမျိုးပါ။ လက်ပံတောင်း စီမံကိန်း အစီရင် ခံစာအတွက် ဒေါ်အောင်ဆန်းစုကြည် ဆောင်ရွက်ခဲ့တဲ့ လုပ်ငန်းတွေအကြောင်းနဲ့ ပတ်သတ်ပြီး တချို့က အားမလိုအားမရ ခံစားရပြီးတော့ ဒေါ်အောင်ဆန်းစုကြည်ကို ဝေဖန်ခဲ့ ကြ ပါတယ်။ ဒေါ်စုကို ခိုင်ခိုင်မာမာ ထောက်ခံသူတွေတောင် အခုအခါမှာ ဝေဖန်ကြပြီး ပြင်းပြင်းထန်ထန် တုံ့ပြန်ခဲ့ကြပါတယ်” ဟု ဦးဇော်နေအောင်က ရေးသားထားသည်။

“ဝေဖန်တယ်ဆိုတာ ကောင်းတဲ့လုပ်ရပ် တခုပါ။ နိုင်ငံရေး သမားတွေ ဆိုတာ ထိပ်ဆုံးက အဝေဖန်ခံရမယ့်သူတွေပါ” ဟုလည်း ဦးဇော်နေအောင်က ဆိုသည်။

“မြန်မာ့ လက်ရှိ နိုင်ငံရေး အခြေအနေဟာ ခက်ခဲရှုပ်ထွေးနေတဲ့ အခြေအနေမှာ ရှိတာမို့ မီဒီယာတွေ အနေနဲ့ ဒေါ်အောင်ဆန်းစုကြည် တချိန်က သတိပေးခဲ့တဲ့အတိုင်း နိုင်ငံရဲ့ အရေးကိစ္စတွေကို မျှမျှတတ တင်ပြနိုင်ပါစေလို့ ကျနော် ဆန္ဒပြုလိုက်ပါတယ်” ဟု ဦးဇော်နေအောင်က သူ၏စာထဲတွင် နိဂုံးချုပ် ရေးသားထားသည်။

(မဇ္ဈိမ အနေဖြင့် အထက်တွင် ဖော်ပြခဲ့သည့် သတင်းဆောင်းပါးအား မဇ္ဈိမ အင်္ဂလိပ်ဘာသာ ဝက်ဘ်ဆိုဒ်နှင့် မဇ္ဈိမ မြန်မာဘာသာ ဝက်ဘ်ဆိုဒ်များမှ ဖယ်ရှားခဲ့ပြီး ဖြစ်ပါသည်။)

Ref: မဇ္ဈိမ

Read More...

အဖြေပေးထားသော သင်္ချာတပုဒ်

ရွှေကူမေနှင်း
March 20, 2013

ပြည်ထောင်စု သမ္မတ မြန်မာနိုင်ငံတော်၊ စုံစမ်းစစ်ဆေးရေး ကော်မရှင် ၊ သတင်း ထုတ်ပြန်ချက် အမှတ် (၄/၂၀၁၃)၊ (၂၀၁၃ ခုနှစ်၊ မတ်လ ၁၁ ရက်)

အထက်ပါ သတင်းထုတ်ပြန်ချက် အပြည့်အစုံကို ၁၂- ၃- ၂၀၁၃ နေ့ထုတ် သတင်းစာတွင် ဖော်ပြခဲ့ခြင်းကို ဖတ်ရှုရသည်။ “အပြည့်အစုံ” သည် ရှည်လျားလှ၏။ အချို့နေရာများတွင် အကြောင်းအရာများ “ပွရောင်း”ပြီး ထပ်နေသည်။ လိုလည်း တွေ့ရ၏။ ခြုံ၍ကြည့်သောအခါ “အဖြေပေးထားသော သင်္ချာတပုဒ်ကို အဖြေမှန် မရ ရအောင် တွက်ထားသောနည်း” ဟု မြင်ပါသည်။


မဏ္ဍိုင် ၃ ရပ်အား တည့်မတ်ပေးရမည် ဆိုသော စတုတ္ထမဏ္ဍိုင်၏ တာဝန်အရ အထက်ပါ အစီရင်ခံစာကို ထောက်ပြရပါမည်။

(၁) ဒေသခံ လူထုသည် မြေယာသိမ်းမှုနှင့် ပတ်သက်၍ ထိုက်သင့်သည့် လျော်ကြေးငွေ မရရှိသဖြင့် လည်းကောင်း၊ ထိုက်သင့်သော အလုပ်အကိုင် အခွင့်အလမ်း မရရှိခြင်းကြေင့် လည်းကောင်း မကျေ မနပ်ဖြစ်ကာ ဆန္ဒပြမှုများ စတင် ဖြစ်ပေါ်လာခဲ့ခြင်း ဖြစ်ပါသည်။

မြေယာသိမ်းဆည်းရာတွင် သက်ဆိုင်ရာ ၀န်ထမ်းများက ပွင့်လင်းမြင်သာစွာ ရှင်းလင်းပြခြင်း မရှိခဲ့ပါ။ ထို့ကြောင့် ဒေသခံများက သီးနှံအတွက် လျော်ကြေးသာ ပေးသည် ထင်မြင်ယူ ဆခဲ့ ပါသည်။ ထိုသို့ လျော်ကြေးပေးရာတွင်လည်း ၀န်ထမ်းအချို့က ပြေပြေလည်လည် ပြောဆိုဆက်ဆံမှု မရှိခြင်းကြောင့် ပြဿနာ ပိုမိုကြီးထွားလာပါသည်။ ထိုအခြေအနေ တွင် ဒေသပြင်ပက အဖွဲ့အစည်းများကလည်း ရောက်ရှိလာကာ ဆန္ဒပြမှုများ အရှိန်မြင့်ခဲ့ပါသည်။ EIA, SIA, Transparency…။ (အပိုဒ် ၉၅ မှ ၉၈ )

အထက်ပါ သုံးသပ်ချက်က ထမင်းရေပူလာ လျှာလွှဲခြင်း ဖြစ်သည်။ အစိုးရအဖွဲ့နှင့် မသက်ဆိုင်။ ကုမ္ပဏီ၌ အပြစ်မရှိ။ ၀န်ထမ်းများ ညံ့ဖျင်းခဲ့ခြင်းကြောင့် ဟု အပြစ်ပုံချ၏။ ထို့နောက် ပြင်ပ အဖွဲ့အစည်းများ ရောက်ရှိလာကာ ဟု မိမိတို့ သက်ဆိုင်ရာ ဘာသာရပ်အလိုက် သွားရောက်ထိန်းသိမ်းရသော လူမှုရေး အဖွဲ့အစည်းများကို အပြစ်ရှာပြန်သည်။ သဘောက ဒေသခံလူများက ဘာမျှ သိပ်နားမလည်ကြ၊ အပြင်မှ လာရောက် သူများ လှုံ့ဆော်၍သာ ဤ ကိစ္စ ကြီးထွားရခြင်းဟု ဆိုလိုပေသည်။

မြန်မာ ကျေးလက်သားများသည် မိမိအိမ်၊ မိမိရွာ၊ မိမိလယ်ကို ချစ်၏။ အခြားဘယ်မျှ မသွားလို။ မိမိရွာနှင့် မိမိသာသနာကို ဖက်တွယ်ရင်း သေသည်အထိ အေးချမ်းစွာ နေထိုင်လိုကြ သူများချည့် ဖြစ်၏။ ဤ လူများအား အဓမ္မ ရွှေ့ပြောင်းစေပြီး၊ သူတို့ ကိုးကွယ်သော ဘုန်းတော်ကြီးများနှင့် ကျောင်းများကိုပါ ချိတ်ပိတ်ကြခြင်းကို မည်သည့်ရွာသားက ပြုံးပြုံးကြီး ကြည့်နေနိုင်ပါမည် လဲ။ သည်အတွက် မကျေမနပ် ဖြစ်ရခြင်းကို ပြင်ပမှ လာရောက် နှိုးဆော်၍ ဖြစ်ရဟန် မှတ်ချက်ချထား ပုံမှာ “အဖြေ” မရ ရအောင် ဆွဲယူထားမှန်း ထင်ရှားသည်။

(၂) သံဃနာယက အဖွဲ့ဝင် ဆရာတော်ကြီးများအား ဖူးမျှော်လျှောက်ထား မေးမြန်းချက် အရ …ရဟန်းပျိုများအား ဆန္ဒပြပွဲ/ဖော်ထုတ်ပွဲများတွင် မပါဝင်ကြရန် သြ၀ါဒ ပေးခဲ့ပြီး အများစုမှာ လိုက်နာကြသော်လည်း အနည်းစုမှာ ထိန်းသိမ်းရ ခက်ခဲနိုင်ကြောင်း… (အပိုဒ် ၃၅)

သေလုမျောပါး အစတေးခံခဲ့ကြရသော ရဟန်းတော်များ၏ ရုပ်ပုံများကို နည်းပညာကျေးဇူးဖြင့် အားလုံး မြင်တွေ့ခဲ့ကြရပြီး ပြီ။ ငြင်း၍ မရ။ ဤတွင် ကိုယ်လွတ်ရုံးခြင်းလော၊ ဖြေသိမ့်ပေးခြင်းလော၊ မပြောတတ်။ ဆန္ဒပြပွဲမှာ မပါဝင်ဖို့ သြ၀ါဒ ပေးထားကြောင်း၊ အနည်းစုက မလိုက်နာ၍ ယခုကဲ့သို့ ဖြစ်ရကြောင်း အဖြေ ထုတ်ထားသည်။

ဤကိစ္စနှင့် ပတ်သက်၍ မေးခွန်း တခုပဲ မေးချင်ပါ၏။ ထိုစကားကို ပြောသော ပုဂ္ဂိုလ်များသည် မြတ်စွာဘုရား ကိုယ်တိုင်ပင် ဂင်္ဂါမြစ်ရေ ခွဲဝေသုံးစွဲမှုဖြင့် စစ်ဖြစ်ကြသော တိုင်းပြည် နှစ်ပြည် ရှိရာသို့ ကိုယ်တိုင်ကြွရောက်ကာ ဖြေရှင်း ပေးခဲ့သည်ကို မဖတ်ဖူးကြဘူးလား။ (သို့မဟုတ်) မြန်မာ့သမိုင်းတွင် အင်းဝနှင့် ဟံသာဝတီ စစ်ဖြစ်ရာ၌ လူသူ အသက်ပေါင်း များစွာ မသေကြေကြစေရန် “ပင်းယ စကြိုသူမြတ်” ဆရာတော်က ကြားဝင် ဖြန်ဖြေပေးခဲ့သော အဖြစ်ကို မသင်ခဲ့ကြရဘူးလား။

ရဟန်းသံဃာတော်များသည် ဒကာလူသားများ၏ ရပ်ရေး ရွာရေးတွင် ကောင်းရာကောင်းကြောင်း ၀င်ရောက် ညွှန်ကြားပေး ကြရသောထုံးစံရှိရာ ယခု ကိစ္စတွင်လည်း မနေသာ၍ ၀င်ပါကြရခြင်းဟု မမြင်ကြဘူးလား။ ယခုအတိုင်း ဆိုလျှင် မီးလောင်ဒဏ်ရာရကြရှာသော ရဟန်းအားလုံးကို “အနေမတတ် အထိုင်မတတ်နဲ့ ဖြစ်တာ မဆန်းဘူး” ဟုပင် အပြစ်ပုံချ ချင်ကြတာလား။

(၃) မြန်မာ့စီးပွားရေး ဦးပိုင် လီမိတက်၏ ဆာလဖျူရစ် အက်စစ် စက်ရုံသည် စက်မှုဝန်ကြီးဌာန၏ ခွင့်ပြုချက် ရယူထားခြင်း မရှိသည့် အပြင်… (အပိုဒ် ၉၄ ၊ ခ …. ၂ )

ဝန်ကြီးဌာနခွင့်ပြုချက် မရဘဲ စက်ရုံတည်ခြင်းကို ယခုမှပင် အများပြည်သူများ သိကြရလေပြီ။ ဤကဲ့သို့ စက်ရုံမျိုး ဘယ်နှစ်ခု ရှိနေမည်လဲ။ ယခုမှ ခွင့်ပြုချက်ရယူပြီး ISO လက်မှတ် ယူသင့်သည်ဟု အကြံပြုလေသည်။ ပယ်ဖျက်ရန် မပြောချေ။ လက်မှတ်လေးယူလိုက်လျှင် ပြီးတာပဲ ဟု လွယ်လွယ်ပင် အကြံပြုလေ၏။ ဘက်လိုက်မှန်း မသိသာလွန်း ဘူးလား။

(၄) မြန်မာ့စီးပွားရေး ဦးပိုင် လီမိတက်နှင့် ၀မ်ပေါင်ကုမ္ပဏီတို့ ချုပ်ဆိုထားသော စာချုပ်ကို ညှိနှိုင်းပြီး ပြန်လည် ပြင်ဆင်ရန် လိုအပ်ပါသည်။ (အပိုဒ် ၉၄၊ (ခ) (၄) )

စာချုပ်ကို ပြန်လည် ပြင်ဆင်နိုင်သည်ဟု ဆိုလျှင် ယခုပင်လျှင် တမျိုးပြင်ကာ ဤစီမံကိန်းကြီးကို ရပ်ပြီး အခြားတခုခုနှင့် အစားထိုးဖို့ ဘာကြောင့် အကြံမပြုနိုင်သလဲ။

(၅) မှတ်တမ်း များအရ ဆရာတော်ဘုရားကြီးအနေနှင့် တမိုး တ၀ါစံ ၀ါးကျောင်းမျိုးသာ လက်ခံခဲ့ကြောင်း၊ အဆိုပါ သိမ်နှင့် စေတီသည် ပထမ လယ်တီ ဆရာတော်ဘုရားကြီး တည်ထားသည့် သာဿနိက အဆောက်အအုံ ဖြစ် ကြောင်း အထောက် အထားမတွေ့ရပါ။ (အပိုဒ် ၊ ၉၄ ၊ (ဂ) )

ပထမ ဆရာတော်ကြီး လက်ရာ မဟုတ်တာနှင့်ပဲ ဖျက်ချင်သလို ဖျက်နိုင်သည်လား။ သည်လို ဆိုရင်ဖြင့် သိဂုတ္တရ ကုန်းတော်ရှိ ရွှေတိဂုံစေတီကြီးကို အတူယူပြီး မြို့နယ်အများအပြားမှာ တည်ထားကြသော စေတီတော်တွေကို မူလ လက်ရာ မဟုတ်ဆိုပြီး ဖြိုပစ်လို့ ရသလား။

(၆) လက်ပံတောင်း တောင်ကြား တောရစင်္ကြန်ကျောင်း ဟုခေါ်သော မြေနေရာနှင့် ၎င်းအပေါ်ရှိ စေတီ၊ သိမ်၊ ကျောင်း စသော ဗုဒ္ဓ သာဿနိက အဆောက်အအုံ များသည် လက်ပတောင်းတောင် ကြေးနီစီမံကိန်းတွင် အလယ်ဗဟို၌ တည်ရှိပြီး သတ္တုသိုက် တည်ရှိရာ အဓိကနေရာ ဖြစ်ကြောင်း …. လက်ရှိ အနေအထားအတိုင်း အခြားသင့်တော်မည့် နေရာတခုခု သို့ ပြောင်းရွှေ့ပေးသင့်ကြောင်း။ (အပိုဒ် ၊ ၈၃ (ဂ) )

သည်လိုဆိုလျှင် အကယ်၍ ရွှေတိဂုံစေတီကြီး တည်ရှိရာ သိဂုတ္တရတောင်အောက်၌ စိန်တွင်းကြီးရှိသည်ဟု နိုင်ငံခြား ကုမ္ပဏီများက လာရောက် တူးဖေါ်ချင်လျှင် ရွှေတိဂုံစေတီကြီးကို ရွှေ့ပစ်ကြမှာလား။

(၇) လူစုလူဝေး ခွဲရာတွင် သုံးစွဲရန် မည်သည့် ပစ္စည်းကို မဆို ရဲတပ်ဖွဲ့ဝင်များက ကြိုတင် စမ်းသပ်သင့်သည်။ လိုအပ်လျှင် နိုင်ငံတကာ အကူအညီများ ရယူပြီး ပြည်ပသို့ စေလွှတ်၍ လေ့ကျင့် သင်ကြားစေသင့် ကြောင်း အကြံပြု တင်ပြအပ်ပါ သည်။ (အပိုဒ် ၊ ၉၂ (က) )

မြန်မာနိုင်ငံ ရဲတပ်ဖွဲ့၏ အဓိကရုဏ်း နှိမ်နင်းမှု လေ့ကျင့်ခြင်းကို မိမိ အစီအစဉ်ဖြင့် လည်းကောင်း၊ နိုင်ငံတကာ အကူအညီ ရယူ၍ လည်းကောင်း၊ အမြန် စတင်သင်ကြားသင့် ပါကြောင်း၊ အဆင့်မြင့် နိုင်ငံခြား သင်တန်းများသို့လည်း စေလွှတ် သင်ကြား စေသင့်ပါကြောင်း။ (အပိုဒ် ၉၂ (ခ))

ခေတ်မီ ဖွံ့ဖြိုးတိုးတက်သော ဒီမိုကရေစီ နိုင်ငံတော်သစ်ကြီး တည်ဆောက်ရေး အတွက် ယခု ထက်ကောင်း မြတ်သော အကြံများ မပြုနိုင်ကြတော့ဘူးလား။ ငြိမ်းချမ်းစွာ ဆန္ဒပြသူ များအား သေလုမျောပါး လုပ်ခြင်းကို အပြစ်မတင်ဘဲ နည်းစနစ် ထပ်မံသင်ကြား သင့်ကြောင်း အကြံပြုချက်ကို အံ့ဩရုံမှ တပါး….

အရေးအကြီးဆုံး တခုသာ ပြောချင်ပါ၏။

ယနေ့ နိုင်ငံတကာ ကျင့်ထုံးအရ တိုင်းပြည် တပြည်၏ တိုးတက်မှုကို GDP ခေါ် အသားတင် ကုန်ထုတ်လုပ်မှုဖြင့် တိုင်း တာကြကြရုံဖြင့် မလုံလောက်တော့ပါ။ ပြည်သူလူထု မည်မျှ စိတ်ပျော်ရွှင် ကျေနပ်သနည်း ဟူသော Happiness ဖြင့်လည်း တိုင်းတာနေကြပါပြီ။

ကြေးနီသည် လည်းကောင်း၊ ဒေါ်လာသည် လည်းကောင်း အရေးကြီးသလို ပြည်သူလူထု၏ စိတ်နှလုံးသာယာ ချမ်းမြေ့မှုဆိုသော “တန်ဖိုး”သည်ကား အရေးအကြီးဆုံးဟု ဆိုလိုခြင်း ဖြစ်သည်။

သို့ပါ၍ တောင်ကို ဖြိုရန်သာ မျက်စောင်းထိုးသော အိမ်နီးချင်း၏ စီးပွားရေး၊ မိမိနှင့် နိုင်ငံစီးပွား ဆိုသော အကျိုးများကို “ငွေကြေး”ဖြင့် မတိုင်းတာ ကြတော့ဘဲ တိုင်းသူပြည်သား များ၏ Happiness ကိုသာ ဦးစားပေး စဉ်းစားဆင်ခြင် ဆုံးဖြတ်ကြရန် ထောက်ပြရေးသားလိုက်ရပါသည်။

Ref: ဧရာဝတီ

Read More...

ဘယ်လို ကျောင်းသား ဗဟိုပြုမှာလဲ

ခေတ်ဘုန်းသစ်
March 20, 2013

ကလေးတို့ရဲ့ အနာဂါတ် အကြောင်းကို ကျမတို့ ပြောကြဆိုကြ ဆွေးနွေးကြတဲ့အခါမှာ ပညာရေးဆိုတဲ့အကြောင်းက မပါမဖြစ် ပါလာရပါပြီ။ မူလတန်းအရွယ် ပညာရေးကစလို့ တက္ကသိုလ်ပညာရေး အဆုံးအထိ ပညာရေး အကြောင်းကို ပြောမယ်ဆိုရင်ဖြင့် သိပ်ကို ကျယ်ပြန့်လွန်းပါတယ်။ အခုတလော ကျမတို့တိုင်းပြည်မှာ ကျောင်းသားဗဟိုပြုစနစ် ကို ပြောင်းမယ်ဆိုတဲ့ အသံတွေကို ကြားနေရပါတယ်။

ကလေး ဗဟိုပြု သင်ကြားရေးစနစ် တနည်းပြောရရင် ကျောင်းသားဗဟိုပြု သင်ကြားရေးစနစ် ဆိုတာဟာ တကယ်တော့ အင်မတန် သဘောကျစရာ ကောင်းတဲ့ သင်ကြားရေး စနစ်တစ်ခုပါပဲ။ ပညာရေးကို လမ်းသစ်ထွင်သူ၊ အတွေးအခေါ်ပညာရှင်ကြီး ဂျွန်ဒေ၀ီ (June Dewey) တို့ တွေးခဲ့ခေါ်ခဲ့ စဉ်းစားခဲ့တဲ့ နည်းပါ။ ကျောင်းဆိုတာဟာ စာသင်ရုံသက် သက်မဟုတ်ဘဲ လူ့ဘ၀ရဲ့ နေနည်းထိုိင်နည်းတွေကိုပါ သင်ကြားပေးတဲ့နေရာမို့ ကျောင်းစာသင်ခန်းဆိုတာဟာ တကယ်တော့ လူမှုအဖွဲ့အစည်းကြီးတခုကို ကိုယ်စားပြု တယ်လို့ ဆိုပါတယ်။ လူတယောက်ချင်းစီဟာလည်း ဉာဏ်ရည်အမျိုးမျိုး၊ သင်ယူပုံ သင်ယူနည်း အမျိုးမျိုး၊ လေ့လာပုံ လေ့လာနည်း အမျိုးမျိုးနဲ့ စိတ်ဝင်စားမှု အမျိုးမျိုး ရှိတာမို့ သူတို့စိတ်ဝင် စားရာကို သင်ယူချင်တဲ့ ပုံစံအတိုင်း သင်ယူခွင့်ပေးတဲ့ စနစ်ပါပဲ။


ဆရာဗဟိုပြု စနစ်မှာကတော့ ဆရာဆိုတာဟာ ဆရာပဲမို့ အားလုံးသိနေတယ်၊ သင်ရိုးညွှန်းတန်း အတိုင်းပဲ ဆရာက သင်တယ်၊ သင်တဲ့အတိုင်းပဲ ကျောင်းသားက ဖြေရပါတယ်။ ကျမတို့ တိုင်းပြည်မှာ ဆရာဗဟိုပြုစနစ်က ဗဟိုပြုလွန်းလှတယ်လို့တောင် ဆိုရဦးမှာပါပဲ။ ဘာလို့လဲဆိုတော့ ကျနော့်အဖေသည် ဦးဘဖြစ်ပါသည်လို့ ပုံနှိပ်စာအုပ်မှာ ရေးထားရင် ကိုယ့်အဖေက ဦးအောင်အောင် ဖြစ်ဦးတော့ ဦးဘလို့ပဲ တတန်းလုံးဖြေမှ အမှတ်ရတာမို့ပါပဲ။ စာအုပ်ထဲကအတိုင်း သည်၏ မရွေး ဖြေကြရတာကိုး။

ကျောင်းသားဗဟိုပြုစနစ်မှာတော့ အဲလိုမဟုတ်တော့ပါဘူး။ ဆရာဆိုတာဟာ ကူညီရုံသက်သက်ပါပဲ။ ကျောင်းသားလေ့လာချင်တဲ့ စာအုပ်စာတမ်းတွေကို ဘယ်မှာ ရှာဖတ်လို့ ရတယ် လို့ ပြောပြရုံပါပဲ။ ကျောင်းသားဟာ သူလေ့လာချင်၊ ရှာဖွေချင်တာကို သူ့ဖာသာသူ လေ့လာ အားထုတ် ရှာဖွေရပါတယ်။ ဆရာဗဟိုပြု စနစ်တုန်းကလိုမျိုး ဆရာက ကျောင်းသားကို မေးခွန်းမေးပြီးတော့ ဖြေခိုင်းရုံ မဟုတ်တော့ဘူး။ သူ့ဖာသာ သူ စာတွေဖတ် လေ့လာရင်းနဲ့ မေးစရာမေးခွန်းတွေ ထွက်လာမယ် (တနည်းပြောရရင် သိချင်လာမယ်)။ ကိုယ်သိချင်တာ ကို ကိုယ့်ဘာသာ လေ့လာ ရှာဖွေရမှာပါ။ သင်ရိုးညွှန်းတန်းကလည်း လွတ်လပ်ပါတယ်။

ကျောင်းသားဗဟိုပြု သင်ကြားရေးကို လုပ်မယ်ဆိုရင်ဖြင့် ပထမဆုံးလိုအပ်တာက ကျောင်းသားနဲ့ ဆရာ ရဲ့ဦးရေပါ။ အတန်းတတန်းမှာ လူ ငါးဆယ် ခြောက်ဆယ် ရှိပြီးတော့ ဆရာ တယောက်တည်းနဲ့တော့ဖြင့် ကျောင်းသားဗဟိုပြု သင်ကြားရေးကို လုပ်ဖို့မလွယ်လှပါဘူး။ ဒီသင်ကြားရေးစနစ်မှာ အရေးကြီးဆုံးကတော့ ကျောင်းသားများ လေ့လာချင်ရာကို လေ့လာ နိုင်ဖို့အတွက် စာအုပ်စာတမ်းများ အင်မတန်စုံတဲ့ စာကြည့်တိုက်တွေလိုပါတယ်။ သိပံ္ပဆိုလည်း သိပံ္ပကို လေ့လာဖို့ စမ်းသပ်ခန်းတွေ လိုပါတယ်။ အရည်အချင်း ပြည့်မှီတဲ့ ညွှန်ကြားနိုင်တဲ့ (သင်ကြားတာမဟုတ်ပါ) ဆရာ လိုပါတယ်။ လေ့လာချင်ရာကို လေ့လာနိုင်ဖို့အတွက်၊ ရှာဖွေနိုင်ဖို့အတွက် ကမ္ဘာ့ဆက်သွယ်ရေး ကွန်ယက် အင်တာနက်ကို ကျောင်း သားတိုင်း ပေါပေါလွယ်လွယ်နဲ့ ကျောင်းမှာသုံးနိုင်ဖို့လိုပါတယ်။

ဒီလိုမှ မဟုတ်ပါဘဲနဲ့ ကျောင်းသားဗဟိုပြုစနစ်ကို ပြောင်းမယ်ဆိုရင်ဖြင့် ဘာတွေကို ဘယ်လိုရှာပြီး ဘယ်လိုတွေလေ့လာကြမလဲလို့ မေးစရာဖြစ်လာရပါပြီ။ ပညာရေးစနစ်နဲ့ သင်ရိုး ညွှန်းတန်းဟာ ကျမတို့နိုင်ငံလောက် ပြောင်းတာ ကျမတို့နိုင်ငံပါ။ တော်ကြာ ၀ိဇ္ဇာနဲ့ သိပံ္ပ တွဲလိုက်၊ တော်ကြာ ခွဲလိုက်နဲ့ အမျိုးမျိုး ပြောင်းနေတာပါ။ ၁၉၉၀ ခု ၀န်းကျင် လောက်က လည်း ဂျပန်မှာအသုံးတွင်ကျယ်နေတဲ့ CPR (comprehensive personal record) လို့ခေါ်တဲ့ ကျောင်းသားတဦးရဲ့ အရည်အချင်းလိုက် အမှတ်ပေးစနစ် သုံးခဲ့ဖူးပါတယ်။ ရိုးရိုးနဲ့ လွယ်လွယ် ပြောရရင်ဖြင့် အဲဒီစနစ်က ကျသူ မရှိစနစ် ဖြစ်လာရတော့တာပါပဲ။ ကျောင်းသားတဦးချင်းစီရဲ့ အရည်အချင်းတွေ မပြောင်မြောက်လာပဲ မြန်မာစာတောင် ကောင်းကောင်း မဖတ်တတ်၊ မရေးတတ်တဲ့ ကလေးတွေ များလာတာကို တွေ့ကြရပါတယ်။ သချာင်္မှာ ဒဿမတောင် မဖြတ်တတ်တဲ့ အထက်တန်းကျောင်းသားတွေ၊ ပထဝီမှာလည်း လူတွေဟာ ကမ္ဘာလုံးရဲ့ အတွင်းထဲမှာ ၀င်နေတယ်လို့ ထင်တဲ့ တက္ကသိုလ်ကျောင်းသား ကျောင်းသူ တော်တော်များများကို မွေးထုတ်ပေးလိုက်တာပါပဲ။

ပြောင်းလို့ ပြောလိုက်ရတာက လွယ်လှပါတယ်။ ဒါပေမယ့် တကယ်ရော ပြောင်းနိုင်ရဲ့လား။ ပြောင်းလို့ရော ရရဲ့လား။ ပြောင်းလို့ လွယ်ရဲ့လားဆိုတာ စဉ်းစားကြဖို့ လိုပါတယ်။ ကျောင်းသားဗဟိုပြုစနစ်ကို တကယ်ပြောင်းနိုင်ဖို့အတွက် ကျမတို့ သင်ရိုးညွှန်းတန်းတွေကို တကယ် လွတ်လပ်စေပြီလား။ လွတ်လပ်စွာ လေ့လာဖို့ လေ့လာစရာ စာအုပ်စာတမ်းတွေ၊ စာကြည့် တိုက်တွေကို တည်ထောင်နိုင်ပြီလား။ ကျောင်းတွေမှာ ကျောင်းသားတိုင်း အင်တာနက်သုံးခွင့်ရှိပြီလား၊ သုံးနိုင်ပြီလား။ ဆရာနဲ့ကျောင်းသား အချိုးအဆ ညီညီရော စာသင်ခန်း တွေမှာ ထားနိုင်ပြီလား ဆိုတာကို အရင် စဉ်းစားကြပါဦး။ ကျောင်းသားဗဟိုပြုစနစ်ကို နားလည်သူပညာရှင်များအနေနဲ့လည်း ၀ိုင်းဝန်း ဆွေးနွေး ပေးကြပါဦးလို့။

Ref: ဧရာဝတီ

Read More...

ဒိန်းမတ် လူမှုကူညီရေးအဖွဲ့ ရခိုင်အဖွဲ့အစည်းများနှင့် တွေ့ဆုံရှင်းလင်း

ငြိမ်းချမ်း
March 21, 2013

ရခိုင်ပြည်နယ် အတွင်း နှစ်အတန်ကြာ လူမှုကယ်ဆယ်ရေး လုပ်ငန်းများ လုပ်ဆောင်နေသည့် ဒိန်းမတ် ဒုက္ခသည်ဆိုင်ရာ ကောင်စီ (Danish Refugee Council – DRC) သည် မတ်လ ၁၉ ရက်နေ့က ရခိုင်ပြည်နယ် စစ်တွေမြို့ရှိ ဒေသခံ လူမှုရေး အဖွဲ့စည်းများ၊ သတင်းထောက်များနှင့် တွေ့ဆုံကာ ၎င်းတို့အဖွဲ့၏ လုပ်ဆောင်ချက်များကို ရှင်းလင်းပြောကြားကြောင်း သတင်းရရှိသည်။

ရခိုင်ပြည်နယ်အတွင်း ပဋိပက္ခများ ဖြစ်ပွားပြီးနောက် NGO များ၊ နိုင်ငံတကာ NGO များသည် ပွင့်လင်းမြင်သာမှု မရှိဟု ရခိုင်ဒေသခံများက ဝေဖန်မှုများ ရှိခြင်းကြောင်း DRC အနေဖြင့် ယခုကဲ့သို့ တွေ့ဆုံရှင်းလင်းရခြင်း ဖြစ်ကြောင်း DRC အဖွဲ့မှ အကြီးအကဲ Mr. Bwder Beachlsdgard Chants က ပြောကြားကြောင်း သိရသည်။

ယင်းဆွေးနွေးပွဲသို့ တက်ရောက်ခဲ့သည့် ပြည်တွင်း သတင်းထောက် ဘအောင်စံက “သူက ပြောတာက NGO တွေအနဲ့ ပွင့်လင်းမြင်သာမှု မရှိဘူးဆိုတာ တခြား အဖွဲ့အစည်းတွေ ရှိနိုင်ပေမဲ့ အဲဒီအဖွဲ့တွေထဲမှာ မိမိတို့အဖွဲ့ မပါဝင်ကြောင်းနဲ့ ရခိုင်နှင့် ဘင်္ဂါလီ နှစ်ဘက်စလုံးကို မျှမျှတတ ကူညီပံ့ပိုးသွားမှာ ဖြစ်တယ်လို့ ပြောတယ်” ဟု ပြောသည်။

ရခိုင်ပြည်နယ် စစ်တွေမြို့နှင့် မြေပုံမြို့များတွင် ရုံးခွဲများ ဖွင့်ထားသည့် DRC အဖွဲ့သည် ရခိုင်ပြည်နယ် အတွင်း ၂၀၁၀ အောက်တိုဘာလက တိုက်ခိုက်ခဲ့သည့် ဂီရိ မုန်တိုင်း ဒုက္ခသည် များကို ကူညီခဲ့ပြီး ယမန်နှစ်က ဖြစ်ပွားသည့် ရခိုင်ပြည်နယ် ပဋိပက္ခတွင် ဒုက္ခရောက်သူများကိုလည်း အကူအညီပေးနေသည်။

ရခိုင်ပြည်နယ်ရှိ ဒုက္ခသည်စခန်းများတွင် ဒုက္ခသည် စာရင်းမဝင်သေးသော ရခိုင်နှင့် ရခိုင်မျိုးနွယ်စုဝင် တိုင်းရင်းသားတွေ ရှိနေသေးသည်ဟု တင်ပြခဲ့ကြောင်း ယင်းဆွေးနွေးပွဲ တက်ရောက်ခဲ့သည့် ရခိုင် အမျိုးသမီးကွန်ရက် အဖွဲ့မှ ဥက္ကဋ္ဌ ဒေါ်ညိုအေးက ပြောသည်။

“ဒုက္ခသည် စာရင်းမဝင်တဲ့ မိသားစုတွေ အများကြီး ရှိနေသေးတယ်ဆိုတာ တင်ပြတယ်။ ဥပမာ – စစ်တွေထဲ၊ လေးမြို့ချောင်းဘက်မှာ၊ မောင်တော မြောက်ပိုင်းမှာ ရှိတယ်ဆိုတာ တွေကို တင်ပြတဲ့ အခါကျတော့ သူတို့ဆီကို အဲဒီစာရင်းတွေကို တင်ပေးပါ။ ဖြစ်အောင် ကူညီပေးမယ်လို့ ပြောသွားပါတယ်” လို့ ဒေါ်ညိုအေးက ဆိုသည်။

ရခိုင်ပြည်နယ် ပဋိပက္ခနောက်ပိုင်းတွင် NGO များသည် ပွင့်လင်းမြင်သာမှု မရှိဘဲ ဘက်လိုက်ကူညီသည်ဟု ဒေသခံများက စွပ်စွဲပြီး NGO များ၏ လှုပ်ရှားမှုများကို စစ်တွေ၊ ကျောက်တော်၊ မြောက်ဦးနှင့် ရသေ့တောင်မြို့များတွင် ကန့်ကွက် ဆန္ဒပြမှုများ ပေါ်ပေါက်ခဲ့သည်။

ပြီးခဲ့သည့် ဖေဖော်ဝါရီ လအတွင်းက စစ်တွေမြို့၊ အိုးတန်းရပ်ရှိ ဦးထွန်းအောင်ဇံအိမ်ကို NGO အဖွဲ့တခုသို့ ငှားရမ်းရာတွင် ဒေသခံများက ကန့်ကွက်သောကြောင့် အိမ်ပိုင်ရှင်က အိမ်းငှားစာချုပ်ကို ပြန်လည် ဖျက်သိမ်းခဲ့ရကြောင်း သိရသည်။

စစ်တွေမြို့မှ လူမှုကွန်ရက်မှ ခေါင်းဆောင်တဦးဖြစ်သည့် ဦးကျော်ဇောဦးက “ကျနော်တို့က လူသားချင်း မစာနာလို့ ပြောတာတော့ မဟုတ်ပါဘူး။ ဒါပေမဲ့ NGO တွေအနေနဲ့ အစိုးရနဲ့ သဘောတူထားတဲ့ အတိုင်း စည်းကမ်းတကျ လုပ်လား မလုပ်ဘူးလား ဆိုတာကို စောင့်ကြည့်သင့်တယ်လို့ မြင်ပါတယ်” ဟု ပြေးသည်။

Ref: ဧရာဝတီ

Read More...

ရဲမှူးတဦး အဓမ္မပြုကျင့်မှုဖြင့် တရားစွဲခံရ

လင်းသန့်
March 21, 2013

မန္တလေးတိုင်း ကျောက်ဆည်ခရိုင် မြစ်သားမြို့နယ် ရခိုင်ကြီးကျေးရွာတွင် ရဲစခန်းမှူး တဦးက ရွာခံ အိမ်ထောင်ရှင် အမျိုးသမီး တဦးအား အဓမ္မ ပြုကျင့်မှုဖြင့် စွပ်စွဲ တိုင်ကြားမှုတခု ဖြစ်ပွားခဲ့ကြောင်း သတင်းရရှိသည်။

ခင်ပွန်းသည် မရှိခိုက် မြစ်သား ရဲစခန်းမှူး ဦးကြည်လှ ဆိုသူက အဓမ္မ ပြုကျင့်ခဲ့သည်ဟု တရားလို တိုင်ကြားသူ အသက် ၃၉ နှစ် အရွယ် ကလေး ၄ ယောက် မိခင် ဒေါ်သန်းခင်က ဧရာဝတီကို ပြောသည်။


လွန်ခဲ့သည့် ၂၀၁၂ ခုနှစ် ဒီဇင်ဘာလ ၃၀ ရက်နေ့ ညက အခင်းဖြစ်ပြီးနောက် မြစ်သားရဲစခန်းသို့ သွားရောက်တိုင်ကြား ခဲ့သော် လည်း အမှုဖွင့်ပေးခြင်း မပြုခဲ့ကြောင်း၊ ကျောက်ဆည် ခရိုင် တရားရုံးအား တိုင်ကြားရာ ၇ ရက်ကြာ သွားခဲ့ကြောင်း၊ စခန်းမှူး ရဲအုပ် ဦးကြည်လှ (လ-၁၄၃၈၃၁)ကို တပတ်ကြာပြီးမှ ရှေ့နေကွန်ရက် အဖွဲ့ အကူအညီဖြင့် အမှုဖွင့်နိုင်ခဲ့ ခြင်း ဖြစ်ကြောင်း ဒေါ်သန်းခင်က ဆိုသည်။

ဒေါ်သန်းခင်၏ အမှုလိုက် တရားလို ရှေ့နေ ဦးစန်းညွှန့်ဝေက ရဲစခန်းမှူး ဦးကြည်လှကို အဓမ္မ ပြုကျင့်မှု ပုဒ်မ ၃၇၆ ဖြင့် မြစ်သားမြို့နယ် တရားရုံးတွင် တရားစွဲဆို အမှုဖွင့်ခဲ့ကြောင်း၊ ကျောက်ဆည်နှင့် မြစ်သား တရားရုံးတို့ တွင် အမှုမှန်မပေါ်မည် စိုးရိမ်၍ မန္တလေး တိုင်းတရားရုံးသို့ ပြောင်းလဲ စစ်ဆေးရန် ရုံးပြောင်း လျှောက်ထား ခဲ့ကြောင်း ဧရာဝတီကို ပြောသည်။

“စခန်းမှူး ဦးကြည်လှကို ပုဒ်မ ၃၇၆ နဲ့ တရားစွဲဆိုခဲ့တယ်။ အခု တရားရုံးမှာဆို သူကလည်း ရဲ ဆိုတော့ အမှုမှန် မပေါ်မှာစိုးလို့ ရုံးပြောင်းလျှောက်ထားတာပါ”ဟု သူက ဆိုသည်။

ထို့ကြောင့် ဦးကြည်လှအား ယခုနှစ် မတ်လဆန်းက ဖမ်းဆီး ချုပ်နှောင်ထားခဲ့ကြောင်း ဦးစန်းညွှန့်ဝေ က ဆက်ပြောသည်။ ကျောက်ဆည်ခရိုင် ရဲစခန်းမှ ဒုရဲအုပ် ချမ်းငြိမ်းနိုင်ကလည်း ဦးကြည်လှကို ဖမ်းဆီးထိန်းသိမ်းထားသည်မှာ မှန်ကန်ကြောင်း၊ သို့သော် အမှုကိစ္စနှင့်ပတ်သက်၍ မသိကြောင်း၊ မိသားစုဝင်များ လာရောက် တွေ့ဆုံခွင့်ကိုလည်း စခန်းမှူးခွင့်ပြုချက် ဖြင့် တွေ့ဆုံခွင့် ပေးထားကြောင်း ဧရာဝတီကို ပြောသည်။

“ဖမ်းထားတာ ဆိုပေမယ့် ချုပ်ထားတာ။ ဒီမှာ အချုပ်ခန်းမှာ ချုပ်ထားတာ။ သူ့အမှုအခြေအနေက ကျနော်တို့ မသိဘူးလေ၊ သူ့ ကျန်းမာရေးကတော့ ကောင်းပါတယ်။ သူတို့ မိသားစု လာတွေ့တဲ့ဟာတော့ တွေ့ကြပါတယ်”ဟု ဒုရဲအုပ် ချမ်းငြိမ်းနိုင်က ဆိုသည်။

အမှုမဖွင့်နိုင်ခင်က ဦးကြည်လှသည် ရခိုင်ကြီးကျေးရွာ ရပ်မိရပ်ဘ တဦးဖြစ်သူ ဦးထွန်းထွန်းဝင်း နေအိမ်တွင် ကျပ် သိန်း ၁၀၀ ပေးမည် ကမ်းလှမ်း၍ ကျေအေးပေးရန် ဒေါ်သန်းခင်အား ညှိနှိုင်းဆွေးနွေးခဲ့ကြောင်း၊ ထိုစဉ်က ဒေါ်သန်းခင်က ကျပ် သိန်း ၅၀ ကို လက်ခံယူသွားခဲ့သည်ဟု ဦးထွန်းထွန်းဝင်းက တဖန် ဒေါ်သန်းခင် တို့ ဇနီးမောင်နှံအား လိမ်လည်မှုဖြင့် ကျောက် ဆည်မြို့နယ် တရားရုံးတွင် ပြန်လည် တရား စွဲဆိုခဲ့ကြောင်း ဦးစန်းညွှန့်ဝေက ပြောဆိုသည်။

ရဲစခန်းမှူး ရဲအုပ် ဦးကြည်လှသည် ဒေါ်သန်းခင်တို့ မိသားစုနှင့် ရင်းနှီးကြပြီး ရံဖန်ရံခါ အိမ်သို့ လာတတ်ပြီး အခင်းဖြစ်ချိန်တွင် ခင်ပွန်းဖြစ်သူ မရှိဟု သိရသည်။ ဒေါ်သန်းခင်၏ ခင်ပွန်း အသက် ၄၂ နှစ်ရှိ ဦးအောင်မင်းကြည်ကလည်း အမှန်တရားပေါ်ပေါက်ရေးအတွက် ကြိုးစားနေကြောင်း ပြောသည်။

ဒေါ်သန်းခင်တို့ ဇနီးမောင်နှံအား စွဲဆိုထားသည့် လိမ်လည်ငွေယူမှု ပုဒ်မ ၄၂၀ နှင့် ပတ်သက်သည့် ကျောက်ဆည်မြို့ ရုံးချိန်းကို မတ် ၁၉ ရက်တွင် ချိန်းဆိုခဲ့ကြောင်း၊ လာမည့် မတ်လ ၂၁ ရက်နေ့တွင် ဦးကြည်လှအား ဒေါ်သန်းခင်က တရားလိုဖြင့် စွဲဆို ထား သည့် ပုဒ်မ ၃၇၆ ဆိုင်ရာ အမှုကို မြစ်သားမြို့၌ ရုံးချိန်း ရှိကြောင်း သိရသည်။

ယင်းဖြစ်စဉ်သတင်းကို အချိန်နှင့် တပြေးညီ သတင်းများ ထုတ်ပြန်နေသော မြန်မာနိုင်ငံ ရဲ တပ်ဖွဲ့ အင်တာနက် စာမျက်နှာတွင်မူ ယနေ့အထိ ဖော်ပြထားခြင်း မရှိသေးပေ။

Ref: ဧရာဝတီ

Read More...

တရားမဝင် ရွှေတူးဖော်သည့် တရုတ်နိုင်ငံသားများ စစ်တပ်က ဖမ်းမိ

ကျော်ခ
March 21, 2013

ကချင်ပြည်နယ် တနိုင်းမြို့နယ်နှင့်မိုးကောင်းမြို့နယ်အနီးက ရွှေမှော်များတွင် တရားမဝင် ဝင်ရောက်၍ ရွှေတူးဖော်ရေး လုပ်ငန်းများ လုပ်ကိုင်နေသည့် တရုတ်နိုင်ငံသား ၆၀ ကျော်ကို ဒေသခံ အစိုးရ စစ်တပ်က ဖမ်းဆီးခဲ့ကြောင်း ဒေသတွင်း အစိုးရအဖွဲ့များ ကပြော သည်။

စစ်တပ်အနေဖြင့် တရားမဝင်နိုင်ငံခြားသားများကို ထိုသို့ဖမ်းမိသော်လည်း ဒေသဆိုင်ရာ ရဲတပ်ဖွဲ့နှင့် လူဝင်မှုကြီးကြပ်ရေးနှင့် ပြည်သူ့ အင်အားဦးစီးဌာန(လဝက) သို့ အပ်နှံခြင်း မရှိကြောင်း ယင်း အဖွဲ့များက ပြောဆိုသည်။


ကချင်ပြည်နယ် ရဲတပ်ဖွဲ့မှုရုံး ရဲအရာရှိ တဦးက“၆၄ ဦးလို့တော့ တပ်ကလှမ်းပြောတယ်၊ တပ်မတော်စစ်ကြောင်းက လှုပ်ရှား သွားလာရင်းနဲ့ မိတာ၊ တပ်က တို့ကို ကြေးနန်းနဲ့ပဲ လှမ်းပို့တာ၊ ပြန်လွှတ်လိုက်ပါသည်၊ သိရှိနိုင်ပါရန် အကြောင်းကြားပါသည် ဆိုတဲ့ စာနဲ့ ပို့လိုက်တာ၊ မအပ်ဘူး၊ မလွှဲဘူး”ဟု သူက ဧရာဝတီသို့ ပြောသည်။

ထို တရုတ်နိုင်ငံသားများကို ယခုလ ဒုတိယပတ်က ဒေသခံ ခလရ ၂၉၇ တပ်ရင်းမှ ဖမ်းဆီးခဲ့ပြီး အဆိုပါ တပ်ရင်းမှပင် နှင်ထုတ် ခဲ့ သည်ဟု တနိုင်းမြို့နယ် လဝက ရုံးအနေဖြင့် သိရှိရကြောင်း၊ သို့သော်လည်း ၎င်းတို့ထံ တိုက်ရိုက် အကြောင်း ကြားခြင်းမရှိကြောင်း တနိုင်းမြို့နယ် လဝက ရုံးအရာရှိတဦးကလည်း ပြောပြသည်။

“ကျနော်တို့ကတော့ သတင်းပဲကြားလိုက်တာ၊ အဲဒီနေရာက လဝက တွေ၊ ရဲတွေနဲ့ရော အလှမ်းဝေးနေတော့ တပ်ကနေ သူ့နည်း၊ သူ့ဟန်နဲ့ ပြန်လွှတ်လိုက်တာလို့ထင်တယ်၊ ကျနော်တို့ဆီကိုတော့ အကြောင်းကြားလာတာ မရှိပါဘူး”ဟု သူက ဧရာဝတီသို့ ပြောသည်။

တရုတ်နိုင်ငံသားများ လုပ်ကိုင်နေသည့် ရွှေမှော်များသည် ကချင်လွတ်လပ်ရေးအဖွဲ့ (KIO) ထိန်းချုပ်နယ်မြေများ အတွင်း၌ ရှိကြောင်း၊ အစိုးရ စစ်ကြောင်းက နှင်ထုတ်လိုက်ပြီးနောက် တရုတ်နိုင်ငံဘက်သို့ ပြန်သွားခြင်း ရှိမရှိကိုမူ တနိုင်းမြို့နယ် ရဲတပ်ဖွဲ့များ အနေဖြင့် စုံစမ်းနေဆဲဖြစ်ကြောင်း တနိုင်းမြို့နယ် ရဲစခန်းမှ တာဝန်ကျ ရဲအရာရှိတဦးက ပြောဆိုသည်။

နိုင်ငံအတွင်း တရားမဝင် ဝင်ရောက်နေထိုင်သည့် နိုင်ငံခြားသားများ ကိစ္စ အရေးယူဆောင်ရွက်နိုင်ရေး လဝက အဖွဲ့တွင် တာဝန်ရှိသော်လည်း ၎င်းတို့ထံ အကြောင်းကြားခြင်း မရှိသည့်အတွက် အရေးယူဆောင်ရွက်နိုင်ရန် ခက်ခဲနေကြောင်း ကချင်ပြည်နယ် လဝက ရုံးအရာရှိတဦးကလည်း ပြောသည်။

“ကျနော်တို့ သိသလောက်တော့ တပ်ကနေပြန်လွှတ်လိုက်တယ်လို့ပဲ သိထားတာ၊ ကျနော်တို့လည်း အဲဒီကွင်းဆက်ကို လိုက်နေ တာ၊ ကျနော်တို့ဆီအပ်ရင်တော့ လဝက ဥပဒေနဲ့ အရေးယူမှာပေါ့”ဟု သူက ဆိုသည်။

တချိန်တည်းမှာပင် ရှမ်းပြည်နယ် တာချီလိတ်ခရိုင် တာလေမြို့ရှိ တိမ်ကောလာသည့် နမ့်လင်းချောင်းအတွင်း သဲတူးဖော်မှုကို ဗန်းပြပြီး တရုတ်လူမျိုးများ တရားမ၀င် ရွှေတူးဖော်မှု များရှိနေကြောင်း သိရသည်။

မိုင်းလားဒေသ အခြေစိုက် လွိုင်လုံ သတ္တုတူးဖော်ရေး ကုမ္ပဏီက တိမ်ကောလာသည့် နမ့်လင်းချောင်း တူးဖော်ရန် အဆိုပါ တရုတ် လူမျိုးများကို ခေါ်ယူလာခြင်းဖြစ်ပြီး ရက်သတ္တနှစ် ပတ် နေထိုင်ခွင့်ရှိသည့် နိုင်ငံကူးလက်မှတ်ဖြင့် ၀င်ရောက်လာသူများ ဖြစ်ကြောင်း ဒေသခံများက ပြောသည်။

နမ့်လင်းချောင်းသည် တာလေဒေသကို ဖြတ်ကာ မဲခေါင်မြစ်အတွင်း စီးဝင်သည့် ချောင်းတခုဖြစ်ပြီး ယခုအခါ တိမ်ကောလာသည့် အတွက် လူမှုဝန်ထမ်း ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန၏ အကူအညီနှင့် တာလေဒေသ အာဏာပိုင်များ၊ မြို့မိမြိုဘများ ပူးပေါင်းကာ လွိုင်လုံ သတ္တုတူးဖော်ရေး ကုမ္ပဏီအား ကျပ် သိန်း ၃၀ ဖြင့် ငှားရမ်း လုပ်ဆောင်စေခြင်း ဖြစ်ကြောင်း၊ လွန်ခဲ့သည့် ၁၀ ရက်ခန့်က လုပ်ငန်းစတင်ခဲ့ခြင်း ဖြစ်ကြောင်း သိရသည်။

Ref: ဧရာဝတီ

Read More...

ကျင့်ဝတ် မလိုက်နာသည့် မီဒီယာများ တရာစွဲဆိုခံရနိုင်သည် ဟုဆို

ငြိမ်းပြည့်စုံ
March 21, 2013

တချို့သော ဂျာနယ်၊ သတင်းစာတိုက်များ အနေဖြင့် တပါးသူ၏ သတင်း၊ ကဗျာ၊ ဓာတ်ပုံ စသည်တို့အား ပိုင်ရှင်ထံတွင် ခွင့်ပြုချက် တောင်းခံခြင်းမရှိဘဲ သုံးစွဲသည့် စာနယ်ဇင်း ကျင့်ဝတ် မလိုက်နာသူများ အနေဖြင့် ရှေ့လျှောက် တရားစွဲဆို မှုများနှင့် ရင်ဆိုင်ရနိုင်သည်ဟု သိရသည်။

ထိုသို့ ခွင့်ပြုချက်မတောင်းဘဲ ယူသုံးခြင်းများအပြင်၊ မည်သည့်ဌာန၊ မည်သည့်စာစောင်မှ ဆိုသည့် ဖော်ပြချက် မထည့်သွင်းသည့် ဖြစ်ရပ်များကြောင့် တရားစွဲဆိုမှုများအပြင်၊ တခြား ပြဿနာရပ်များစွာနှင့် ရင်ဆိုင်ရနိုင်ကြောင်း သတင်းစာဆရာ အများစုက ပြောသည်။


“တော်တော်များများက ဥပဒေကို မလေးစားကြဘူး။ ကိုယ့်နိုင်ငံကတင် မဟုတ်ဘဲ သူများနိုင်ငံက ဟာကိုပါ ခွင့်ပြုချက် မတောင်းဘဲ သုံးတာတွေရှိတယ်။ ဒီလိုသာ ဆက်လုပ်နေရင် နောက်ပိုင်းမှာ တရားစွဲတာတွေက ပလူပျံလာတော့မှာ” ဟု Open News Weekly မှ အယ်ဒီတာချုပ် ဦးသီဟစောက ပြောသည်။

တချို့သော ဂျာနယ်တိုက် ပိုင်ရှင်များသည် စာနယ်ဇင်း ကျင့်ဝတ်များအား သိလျက်နှင့် မလိုက်နာကြသကဲ့သို့၊ တချို့သော သူများမှာ ကျင့်ဝတ်ပိုင်းကို လုံးဝမသိသောကြောင့် မလိုက် နာကြကြောင်း သူက ပြောသည်။

“ကျင့်ဝတ်မလိုက်နာလည်း ဘာဖြစ်လဲ၊ ကြိုက်သလိုလုပ်မှာပဲ ဆိုတဲ့ လူတွေကြောင့် သတင်းစာဆရာတွေကို မယုံတာ၊ အထင်သေးတာ ရှိနေဦးမှာပဲ။ ကျနော်တို့ နိုင်ငံတကာစံ နိုင်ငံ တကာစံလို့ ပြောကြပေမယ့် အဲဒီအတိုင်း ကျင့်ဖို့လည်း လိုအပ်သေးတယ်” ဟု ဖြစ်သူ ဦးသီဟစောက ဆက်လက် ဆိုသည်။

မိမိ၏ အနုပညာပစ္စည်းအား ခွင့်ပြုချက် မတောင်းဘဲ စာစောင်၊ စာအုပ်များတွင် ထည့်သွင်းဖော်ပြခြင်းကို မကျေနပ်ပါက ကာယကံရှင်အနေဖြင့် လျစ်လျှူရှု၍ ခွင့်လွှတ်လိုက်ခြင်းထက် သက်ဆိုင်ရာ အဖွဲ့အစည်းများထံသို့ အသိပေး တိုင်ကြား သင့်ကြောင်း မြန်မာနိုင်ငံ စာနယ်ဇင်းကောင်စီမှာ ဦးမြင့်ကျော်က ပြောသည်။

သူတပါးပိုင် အနုပညာပစ္စည်းအား ခွင့်ပြုချက်မတောင်းဘဲ သုံးစွဲခြင်းကြောင့် လတ်တလောတွင် ပြည်သူ့ဆန္ဒ ဂျာနယ်တိုက်နှင့် ကဗျာဆရာတဦးတို့ ပြဿနာတက်လျှက်ရှိကြောင်း၊ အဆိုပါ ဂျာနယ်တိုက်သာမက တခြားသော ဂျာနယ်တချို့သည်လည်း ခွင့်ပြုချက် မယူခြင်း၊ နာမည်တပ်ပေးခြင်းမရှိဘဲ တပါးသူ၏ အနုပညာပစ္စည်းများအား ယူငင်သုံးစွဲခြင်းတို့ ရှိခဲ့ကြောင်း သိရသည်။

“ကိုယ့်အနုပညာပစ္စည်းကို မသုံးစေချင်လို့ သုံးခွင့်မပေးထားတာကို ရအောင်သုံးလိုက်တယ် ဆိုရင် တရားစွဲတာတွေ၊ သက်ဆိုင်ရာ အဖွဲ့အစည်းကို တိုင်တာတွေ လုပ်သင့်တယ်။ ဒါမှသာ ဒီလိုဖြစ်ရပ်မျိုးကို ဒီလိုလူတွေက ထပ်မလုပ်ရဲတော့မှာ” ဟု ဦးမြင့်ကျော်က ဧရာဝတီသို့ ပြောသည်။

စာနယ်ဇင်းသမားမှန်လျှင် စာနယ်ဇင်း ကျင့်ဝတ်ကို လေးစားလိုက်နာသင့်ပြီး သူတပါး၏ အနုပညာပစ္စည်းများအား ယူသုံးမည်ဆိုပါကလည်း ပိုင်ရှင်အား ဦးစွာ အသိပေးသင့်ကြောင်း၊ မည်သူ့ထံမှ ယူသုံးသည်ဆိုခြင်းကိုပါ ပြည့်စုံမှန်ကန်စွာ ဖော်ပြသင့်ကြောင်း ပြည်သူ့ခေတ်ဂျာနယ်မှ အယ်ဒီတာချုပ် ဦးဖေမြင့်က ဆိုသည်။

“ပြောချင်တာက စာနယ်ဇင်းကျင့်ဝတ်ကို လိုက်နာသင့်တယ်။ ဒါက စာနယ်ဇင်းကျင့်ဝတ်ဖြစ်သလို လူ့ကျင့်ဝတ်လည်း ဖြစ်တယ်။ မလိုက်နာဘူးဆိုရင် သာမန်အားဖြင့် အပြစ်တင် ရှုတ်ချတာ၊ ပြောဆိုဝေဖန်တာကို ခံရမယ်။ သူတပါးပစ္စည်းကို ခွင့်ပြုချက် မတောင်းဘဲ ယူသုံးရင်တော့ အမှုအခင်းပါ ဖြစ်လာနိုင်တယ်” ဟု ဦးဖေမြင့်က ဆိုသည်။

စာနယ်ဇင်း သမားများသည် လွတ်လပ်ခွင့်များစွာကို တောင်းဆိုလာကြပြီးသည့်နောက် ယခင်ကထက် ပိုမို၍ လွတ်လပ်မှုများ ရရှိချိန်တွင် စာနယ်ဇင်းဆိုင်ရာ ကျင့်ဝတ်၊ စည်းကမ်း များအား မချိုးဖောက်ဘဲ လေးစားလိုက်နာသင့်ကြောင်း ၎င်းက ပြောသည်။

လွတ်လပ်မှု အထိုက်အလျောက် ရရှိလာချိန်တွင် စာနယ်ဇင်းသမား အနေဖြင့် ကျင့်ဝတ်၊ စည်းကမ်းများ လိုက်နာမှု မရှိခြင်းဖြင့် ရရှိထားသော လွတ်လပ်မှု အနည်းငယ်ပါ ဆုံးရှုံး နိုင်ဖွယ်ရှိကြောင်း၊ အပြည့်အဝ လွတ်လပ်သည့် မီဒီယာများ ဖြစ်လိုပါက တဘက်ကလည်း လိုအပ်သည့် လိုက်နာရန် စည်းကမ်းများကို အလေးထားသင့်ကြောင်း ဝါရင့် သတင်း စာဆရာများက သုံးသပ်သည်။

သူတပါး၏ အနုပညာပစ္စည်းအား ခွင့်ပြုချက်မတောင်းဘဲ သုံးခြင်း၊ အမည်နာမ ပြည့်စုံစွာ ဖော်ပြမှု မရှိခြင်းကို ပိုင်ရှင်များက တရားစွဲနိုင်ကြောင်း၊ ၎င်းသည် မူပိုင်ခွင့် ချိုးဖောက်ခြင်း ဖြစ်ပြီး တရားမ နစ်နာကြေးအပြင် တရားမ နစ်နာမှုနှင့် တရားစွဲနိုင်၍ ၎င်းကို တရားမ နစ်နာမှု ဥပဒေဟု ခေါ်ဆိုနိုင်ကြောင်း ဥပဒေ တာဝန်ခံ ရှေ့နေ ကိုဖိုးဖြူက ဆိုသည်။

“မူပိုင်ခွင့် ပစ္စည်းကို ချိုးဖောက်ယူငင် သုံးစွဲတာကလည်း ပြစ်မှုကြောင်းအရ တရားစွဲမယ် ဆိုရင် ငြိစွန်းနိုင်စရာ ရှိပါတယ်။ ဒါတွေကတော့ တခုချင်းစီ အပေါ်မှာလည်း မူတည်ပါ သေးတယ်” ဟု ကိုဖိုးဖြူက ပြောသည်။

မြန်မာပြည်တွင် မူပိုင်ခွင့်ဆိုင်ရာနှင့် ပတ်သက်သည့် ဥပဒေသည် ဥပဒေအဟောင်းသာ ဖြစ်ပြီး နိုင်ငံတကာ မူပိုင်ခွင့် အပိုင်းအား ကာကွယ်သည့် ဥပဒေ သီးသန့် ထွက်ပေါ်လာရန်လည်း လိုအပ်ကြောင်း၊ အဆိုပါ ဥပဒေ ပေါ်လာပါက မိမိတို့ နိုင်ငံအနေနှင့် အခက်အခဲများစွာနှင့် ကြုံတွေ့လာနိုင်စရာ ရှိကြောင်း သိရသည်။

“ဒီဥပဒေကို အလျင်စလို ပြဌာန်းရင်လည်း သူများတိုင်းပြည်က ပစ္စည်းတွေ၊ လိုဂိုတွေ၊ တံဆိပ်တွေကို ကိုယ့်တိုင်းပြည်မှာ ပြန်ယူ သုံးနေတာတွေက အများကြီးလေ။ အဲဒီလိုဆိုတော့လည်း သူများနိုင်ငံက ကုမ္ပဏီတွေရဲ့ တရားစွဲတာကို ခံလို့ကို ဆုံးမှာ မဟုတ်ဘူး” ဟု ကိုဖိုးဖြူက ပြောသည်။

လက်ရှိတွင် ပြည်သူ့ဆန္ဒဂျာနယ်မှ ကဗျာဆရာ ဟိန်း၏ အွန်လိုင်းပေါ်မှ ကဗျာအား အသိပေးခြင်းမရှိဘဲ သုံးစွဲခြင်းနှင့် ပတ်သက်သည့် ပြဿနာနှင့် ပတ်သက်၍ ဧရာဝတီက အဆိုပါ ဂျာနယ် အယ်ဒီတာချုပ် ဦးနေမျိုးအေးအား ဆက်သွယ် မေးမြန်းခဲ့ရာ ယင်းဂျာနယ်တွင် အယ်ဒီတာချုပ်မှအပ တခြားအယ်ဒီတာများသည် လုပ်ငန်းအတွေ့အကြုံ မရှိသည့်အပြင်၊ ကွန်ပျူတာပိုင်း ဆိုင်ရာအခက်အခဲများ၊ အချိန်အခက်အခဲများကြောင့် ယခုကဲ့သို့ ဖြစ်ခဲ့ရကြောင်း ရှင်းပြသည်။

“ခွင့်ပြုချက်မယူဘဲ သုံးကတည်းက ကျင့်ဝတ်ကို ဖောက်တာပဲ၊ ဒါကို လက်ခံတယ်။ အခုက မသိလို့ မဟုတ်ဘူး။ သိပေမယ့် ကျနော့်အောက်က အယ်ဒီတာက မသိဘူး။ နောက်ပြီး ကွန်ပျူတာပိုင်းဆိုင်ရာ အခက်အခဲအပြင် အချိန်မရတဲ့အတွက် ဒီလိုဖြစ်သွားရတာပါ။ အမှန်တကယ် ဆိုရင်တော့ ခွင့်ပြုချက် တောင်းကို တောင်းသင့်တယ်ဆိုတာ ကျနော် လက်ခံပါ တယ်” ဟု ဦးနေမျိုးအေးက ပြောသည်။

အဆိုပါ ပြဿနာကြောင့် ယခုတပတ်ထုတ် ပြည်သူ့ဆန္ဒဂျာနယ်တွင် တောင်းပန်စာ ထည့်သွင်း ခဲ့ကြောင်း၊ ကဗျာဆရာ ဟိန်း နှင့်လည်း ပြေလည်သွားပြီဖြစ်ကြောင်း ၎င်းက ဆက်ပြောသည်။

ပြည်သူ့ဆန္ဒဂျာနယ်နှင့် ကဗျာဆရာဟိန်းတို့ ပြန်လည်အဆင်ပြေသွားပြီ ဖြစ်ကြောင်း ဦးနေမျိုးအေးက ပြောသော်လည်း ကာယကံရှင်ဖြစ်သူ ကဗျာဆရာ ဟိန်း ကမူ မိမိအနေဖြင့် ထိုပြဿနာရပ်အား မကျေအေးနိုင်သေးကြောင်း၊ ၎င်းတို့ ဖော်ပြပေးသော တောင်းပန်စာသည် မိမိ ဖြစ်စေချင်သကဲ့သို့ မဟုတ်ကြောင်း ၎င်း ကဗျာဆရာက ဧရာဝတီကို ပြောသည်။

“ဘာတွေ ဆက်လုပ်ရမယ်ဆိုတာ မသိသေးဘူး။ အခုထိတော့ ဘာမှ မလုပ်ရသေးဘူး။ သူတို့က တောင်းပန်တယ် သာဆိုတယ် နာမည်ထည့်ပြီး တောင်းပန်တာလည်း မရှိသလို၊ အထက်စည်းကနေ တောင်းပန်ထားတယ်။ ဒါကြောင့် ကျနော် မကျေနပ်နိုင်ဘူး” ဟု ဟိန်းက ဆိုသည်။

ဆက်လက်၍ အဆိုပါ ကဗျာဆရာက ထိုသူများသည် မီဒီယာသမား အစစ်အမှန် မဟုတ်သကဲ့သို့ ခေတ်ကောင်းမှ အခွင့်အရေးယူပြီး ငွေရှာသည့် သဘောဖြစ်ကြောင်း၊ ၎င်းတို့သည် မီဒီယာကျင့်ဝတ်များအား နားလည်ပုံ မပေါ်ကြောင်း၊ ထိုသို့သော သူများ ဆက်လက် ရှိနေမည်ဆိုပါက မီဒီယာလောက အရှေ့ရောက်နိုင်ရန် လွယ်ကူမည် မဟုတ်ကြောင်း ပြောသည်။

“ကျနော်လိုချင်တာ ပိုက်ဆံမဟုတ်ဘူး။ facebook စာမျက်နှာနဲ့ ဂျာနယ်မှာ ကဗျာဆရာရဲ့ နာမည်ကို မှားယွင်း ဖော်ပြမိတယ် ဆိုတာရယ်၊ ကလောင်နာမည် အမှန်အပြင် ကဗျာကိုလည်း ခွင့်ပြုချက် မတောင်းမိဘဲ ကိုယ့်သဘောနဲ့ကိုယ် ဖော်ပြမိပါတယ် ဆိုတဲ့ တောင်းပန်စာရယ်ကိုပဲ လိုချင်တာပါ” ဟု ဟိန်းက ဆိုသည်။

ထိုပြဿနာရပ်နှင့် ပတ်သက်သည့် တောင်းပန်စာအား ကဗျာဆရာက မကျေနပ်သဖြင့် ဦးနေမျိုးအေးထံ ဖုန်းဖြင့် ဆက်သွယ်သော်လည်း လက်ခံစကားပြောခြင်း မရှိတော့ကြောင်း သိရသည်။

မူပိုင်ခွင့် ချိုးဖောက်သည့် ပြဿနာရပ်များ ဖြစ်လာခဲ့ပါက စာနယ်ဇင်းကောင်စီသို့ စာနှင့်ဖြစ်စေ၊ လူကိုယ်တိုင် လာ၍ဖြစ်စေ တိုင်ကြားလျှင် ယူသုံးသည့် ဂျာနယ်တိုက်၊ အဖွဲ့အစည်းအား အကြောင်းကြား၊ အသိပေး၍ နှစ်ဦးနှစ်ဘက် အဆင်ပြေစေရန် ညှိနှိုင်းမှုများ ပြုလုပ်ပေးမည် ဖြစ်ကြောင်း မြန်မာနိုင်ငံ စာနယ်ဇင်းကောင်စီမှ ဦးမြင့်ကျော်က ပြောသည်။

Ref: ဧရာဝတီ

Read More...

ဆိုရှယ်မီဒီယာမှာ ကျင့်ဝတ်ရှိစရာ လို မလို

ထက်အောင်ကျော်
March 21, 2013

စစ်အစိုးရကနေ အရပ်သားအစိုးရဆီ ဒီမိုကရေစီ အသွင်ကူးပြောင်းရေးအဖြစ် ချီတက်နေပါတယ်လို့ ကြွေးကြော်ထားတဲ့ သမ္မတဦးသိန်းစိန်အစိုးရသစ်လက်ထက်မှာ အသိသာဆုံး မြင်ရတဲ့ တိုးတက်မှုက မီဒီယာလို့ဆိုချင်ပါတယ်။ အဲဒီမီဒီယာအမျိုးမျိုးထဲမှာမှ အွန်လိုင်းပေါ်က ဆိုရှယ်မီဒီယာ။ အဲဒီ ဆိုရှယ်မီဒီယာများစွာထဲမှာမှ Facebook လို့ပြောရင် ပိုမှန်မယ် ထင်ပါတယ်။

အထူးသဖြင့် ပြီးခဲ့တဲ့ရက်ပိုင်းအတွင်းက ဖြစ်ပွားခဲ့တဲ့ လက်ပံတောင်းကိစ္စမှာ Facebook ရဲ့သြဇာ ဘယ်လောက်အထိ သက်ရောက်မှုရှိခဲ့တယ်ဆိုတာကို ဆိုရှယ်မီဒီယာ သုံးသူတိုင်း သတိထားမိမှာပါ။ စုံစမ်းရေးကော်မရှင် ဥက္ကဌ ဒေါ်အောင်ဆန်းစုကြည်နဲ့အဖွဲ့ လက်ပံတောင်းဒေသဆီ ၀င်လာပုံ၊ ဒေသခံတွေနဲ့ တွေ့ ဆုံရှင်းလင်းပုံ၊ တချို့ရွာတွေမှာဆိုရင် လုံခြုံရေး မပါပဲနဲ့ ရွာသားတွေကြားထဲ ဒေါ်အောင်ဆန်းစု ကြည် ဒီတိုင်းတိုးဝင်သွားပုံ၊ ရွာသားတချို့က ကော်မရှင်ကို အယုံအကြည်မရှိဘူးလို့ ကြွေးကြော်သံတွေ အော်ပြီးဆန္ဒပြကြတဲ့ ဓာတ်ပုံတွေ၊ ဗွီဒီယို ကလစ်တွေဟာ မိနစ်ပိုင်းအလိုက် Facebook ပေါ်မှာ တက်လာခဲ့ပါတယ်။


လွန်ခဲ့တဲ့ ၁၀ နှစ် အရင် စစ်အစိုးရခေတ်ကဆိုရင် ဒီလိုမျိုး ဘယ်တွေ့ခွင့်ရပါ့မလဲ။ ၈ လေးလုံးအရေးတော်ပုံကို ခဏထားဦး။ ၂၀၀၇ ရွှေဝါရောင်တော်လှန်ရေးခေတ်၊ ဆိုရှယ်မီဒီယာတွေ စတင်ထွန်းကားနေစဉ်မှာတောင် မြန်မာနိင်ငံတွင်းက လှုပ်ရှားမှုပုံတွေကို ဒီလို ချက်ချင်းမြင်ရဖို့ဆိုတာ မဖြစ်နိုင်ခဲ့ပါဘူး။ ၂၀၀၇ ရွှေဝါရောင်တော်လှန်ရေး၊ ၂၀၀၈ နာဂစ်မုန်တိုင်းနဲ့ ဖွဲ့စည်းအုပ်ချုပ်ပုံ အခြေခံဥပဒေ ဆန္ဒခံယူပွဲကာလ တွေမှာ အင်တာနက်ကို လုံးဝ ထိန်းချုပ်ထားပြီး ”အီလက်ထရောနစ်ပုဒ်မ” နဲ့ ဖမ်းဆီး ထောင်ချလိုက်တာ ၈၈ ကျောင်းသားတွေ၊ ဘလော့ဂါတွေ၊ စီတီဇင်ဂျာနယ်လစ်တွေ၊ သတင်းထောက်တွေ ရာနဲ့ချီ အဖမ်းခံရဖူးပါတယ်။

အခုတော့ အခြေအနေက အတော့်ကို ပြောင်းလဲသွားခဲ့ပါပြီ။ နိုင်ငံရေးအရ နည်းနည်း ပွင့်လင်းလာလို့ ဖမ်းဆီးခံ မီဒီယာသမား အားလုံးပြန်လွတ်လာသလို နည်းပညာ အရလည်း အများကြီး တိုးတက်လာတဲ့အတွက် အခင်းဖြစ်တဲ့နေရာအထိ စီတီဇင်ဂျာနယ်လစ်ခေါ် မီဒီယာ စိတ်ဝင်စားသူတွေ ကိုယ်တိုင်ဖြစ်စေ၊ နိုင်ငံရေး တက်ကြွသူ၊ လှုမှုရေး တက်ကြွသူတွေ ကိုယ်တိုင်ဖြစ်စေ၊ နိုင်ငံရေးသမားတွေ ကိုယ်တိုင်ဖြစ်စေ ဗွီဒီယို ကင်မရာ၊ ဓာတ်ပုံ ကင်မရာ၊ လက်ကိုင်ဖုန်း ကင်မရာတွေနဲ့ လွတ်လပ်စွာ ရိုက်ယူခွင့်ရနေပြီဖြစ်ပါတယ်။ ဒီတော့ အခင်းဖြစ်တဲ့နေရာကနေ မိနစ်ပိုင်းအလိုက် သတင်းတွေ၊ ဓာတ်ပုံတွေ၊ ဗွီဒီယို ကလစ်တွေ Facebook ပေါ် တက်လာနေတာပေါ့။

တချိန်တည်းမှာပဲ စိတ်ဝင်စားတဲ့ ပြည်တွင်း ပြည်ပရှိ မြန်မာတွေကလည်း Facebook ပေါ်မှာ ထင်မြင်ချက် အမျိုးမျိုး၊ မှတ်ချက် အမျိုးမျိုးပေးပြီး ရေးလိုက်ကြတာ မြန်မာနိုင်ငံမှာ မီဒီယာလွတ်လပ်ခွင့် အပြည့်အ၀ ရနေသယောင်တောင် ထင်ရပါတယ်။

Social Media အကြောင်း သုတေသနလုပ်သူတွေက Mainstream မီဒီယာတွေဖြစ်တဲ့ TV, Radio, Newspaper, Journal, Magazine တွေမဟုတ်တဲ့ တဦးချင်း လွတ်လပ်စွာ ရေးနိုင်၊ ပြောနိုင်တဲ့ အွန်လိုင်းပေါ်က နေရာတွေကို Social Media လို့ ခေါ်ဆိုကြပါတယ်။ ဆိုလိုတာကတော့ အစိုးရ၊ အဖွဲ့အစည်း၊ ကုမ္ပဏီ၊ လူပုဂ္ဂိုလ်တစုစု၊ တဦးဦးကနေ တာဝန်ခံ ထုတ်လုပ် တာမျိုးမဟုတ်တဲ့ တဦးချင်းတာ ၀န်ခံမှုနဲ့ (ဘယ်သူမှ တာဝန်မခံတာလည်း ဖြစ်နိုင်ပါတယ်) လုပ်တဲ့ မီဒီယာလို့ ပြောနိုင်ပါတယ်။

အဲဒီထဲမှာ အခု မြန်မာနိုင်ငံ အွန်လိုင်းယဉ်ကျေးမှုမှာ အထွန်းကားဆုံးဖြစ်နေတဲ့ Facebook ပါ ပါတယ်။ ပြီးရင် LinkedIn, Twitter, Google+ ။ နောက်တခါ blogs, YouTube, wikis အများကြီးပါပဲ။ စာရိုက်တာ၊ ဓာတ်ပုံပို့ တာ၊ ဗွီဒီယို ပို့တာ၊ ရှယ်တာ စသဖြင့် ကိုယ်လုပ်ချင်တဲ့ အကြောင်းအရာပေါ်လိုက်ပြီး အခမဲ့ဝန်ဆောင်မှု ပေးတဲ့ ဆိုရှယ်မီဒီယာတွေ အများကြီး ရှိပါသေးတယ်။ ဒါက လောလောဆယ် ရှိသမျှကို ပြောနေခြင်းပါ။ နည်းပညာက နေ့စဉ်နဲ့အမျှ တိုးတက်နေတဲ့အတွက် မနက်ဖြန်မှာ ဒီထက်ပို ခေတ်မီပြီး လူကြိုက်များတဲ့ Social Media တွေ ပေါ်လာနိုင်ပါသေးတယ်။

Social Media တွေ ဘယ်လောက်အထိ သြဇာကောင်းလာသလဲဆိုရင် ကမ္ဘာကြီးရဲ့ တနေရာရာမှာ အရေးကြီး သတင်းတခုခု စဖြစ်ပြီဆိုရင် AP, AFP, Reuter အပါဝင် Mainstream သတင်းဌာနတွေထက် Facebook, Twitter အပါအ၀င် Social Media တွေမှာ အရင်စောပြီး မြင်ရလေ့ရှိတယ်လို့ လေ့လာသူတွေက ဆိုပါတယ်။ ဒါကြောင့် Twitter ကို Social Media Wire သတင်းဌာနအဖြစ် သတင်းထောက် အတော်များများက ပုံမှန်ဝင်ကြည့်နေကြပြီလို့လည်း သိရပါတယ်။ အလားတူ ထူးခြား ဗွီဒီယိုတွေရနိုင် ဖို့အတွက် YouTube ကို ရုပ်-သံ သတင်းထောက်တွေက ပုံမှန်ဝင်ကြည့်နေကြပြီလို့လည်း ဆိုပါတယ်။

မြန်မာ သတင်းသမားတွေအတွက်တော့ Facebook က Social Media Wire ဖြစ်နေမယ်လို့ ထင်ပါ တယ်။ အခုချိန်ထိ Facebook တခုကိုပဲ ကျယ်ကျယ် ပြန့်ပြန့်သုံးနေကြပြီး တာဝန်ခံမှု၊ တာဝန်ယူမှုပိုရှိတဲ့ Twitter နဲ့ Google + ကိုသုံးတာ အတော်နည်း နေဆဲပါ။

ရှေ့မှာပြောခဲ့တဲ့အတိုင်း ဆိုရှယ်မီဒီယာဟာ တဦးချင်းတာဝန်ခံမှု သို့မဟုတ် (account အတု၊ လူအတု တွေအပါဝင်) ဘယ်သူ တာဝန်ခံမှန်းမသိတဲ့ သတင်းတွေကို တင်လေ့ရှိတာကြောင့် သတင်းတွေက ဦးပေမယ့် အတည်ပြုချက် ယူဖို့၊ ကိုးကားဖို့အတွက်တော့ ခက်နေဆဲဖြစ်ပါတယ်။ တနည်းအားဖြင့်ပြောမယ် ဆိုရင်တော့ အတည်ပြုချက် ယူစရာမလို၊ အကိုးအကား ထည့်စရာမလို၊ တာဝန်ခံစရာ မလိုတဲ့အတွက် ဆိုရှယ်မီဒီယာက ပင်မရေစီးမီဒီယာထက် သတင်းတွေ ပိုမြန်နေတဲ့သဘောဖြစ်ပါတယ်။

ဆိုရှယ်မီဒီယာဟာ အခမဲ့ဝန်ဆောင်မှုပေးတဲ့အတွက် ဘာအဖိုးအခမှ ပေးစရာမလို လူတိုင်းအလွယ်တကူ ၀င်ရေးနိုင်တဲ့နေရာဖြစ်ပါတယ်။ အဲဒီလို လူတိုင်း ၀င်ရေးနိင်တာကြောင့် ဟုတ်တာရော မဟုတ်တာရော သင့်တာရော မသင့်တာရော ဆဲတာရော ခြောက်တာရော ရိုင်းတာရော ပုဂ္ဂိုလ်ရေး အပုပ်ချတာရော အသရေဖျက်တာပါ စသဖြင့် ရေးကြတာကို တွေ့နိုင်ပါတယ်။

ဒေါ်အောင်ဆန်းစုကြည်ရဲ့ လက်ပံတောင်းဒေသ ခရီးစဉ်နဲ့ ပတ်သက် ပြီး ထောက်ခံသူတွေနဲ့ ကန့်ကွက်သူတွေကြား အပြင်းအထန် သဘောထားကွဲကြပြီး အပြန်အလှန် စွပ်စွဲပုတ်ခတ်ကြတာကို Facebook ပေါ်မှာ ကောင်းကောင်းတွေ့လိုက်ရပါတယ်။ ဒါကြောင့် မြန်မာတချို့က Facebook ကို ”ဖွဘုတ်” လို့တောင် ခေါ်ဝေါ်တဲ့အထိ ပြောချင်ရာပြော၊ ဖွချင်ရာဖွနိုင်တဲ့ တာဝန်မဲ့တဲ့နေရာတခုအဖြစ် မြင်လာနေကြပါတယ်။ တချို့ဆိုရင် Facebook မှာ ရေးထားတဲ့ Comment တွေကို မခံစားနိုင်လို့ account တွေတောင် ပိတ်ပစ်လိုက်တယ်လို့ ဆိုပါတယ်။ အတော်များများကတော့ မိတ်ပျက်သွားကြပြီး အချင်းချင်း Block လုပ်လိုက်ကြတယ်လို့ ပြောကြပါတယ်။

ဒါဟာ မြန်မာအွန်လိုင်း ကွန်မြူနတီ တခုတည်း ကွက်ပြီးဖြစ်နေတာမျိုးတော့ မဟုတ်ပါဘူး။ ဒါပေမယ့် မြန်မာက တခြားနိုင်ငံတွေထက် ဆိုရှယ်မီဒီယာနဲ့ နည်းပညာ လွတ်လပ်ခွင့်ရတာ နောက်ကျတာ၊ နောက်တခါ စစ်အာဏာရှင်လက်အောက်ကနေ အရပ်သားအစိုးရပြောင်းစဉ်မှာ စရတာဆိုတော့ နှစ် ၅၀ စာ အောင့်အီးထားခဲ့ရသမျှကို Facebook ပေါ်မှာ လာပေါက် ကွဲနေကြတာ ဖြစ်နိုင်တယ်လို့ မီဒီယာလေ့လာသူတွေက ထောက်ပြပါတယ်။ ဒါကြောင့် အချိန်ကြာလာတာနဲ့အမျှ တဖြေးဖြေး တည်ငြိမ်ရင့်ကျက်လာနိုင်ပါတယ်လို့လည်း သူတို့က ဆိုပါ တယ်။

တကယ်ဆိုရင် ဆိုရှယ်မီဒီယာပေါ်မှာရေးတဲ့ စီတီဇင်ဂျာနယ်လစ်တွေဟာ ပင်မရေစီး မီဒီယာမှာရေးနေတဲ့ လခစား သတင်းထောက်တွေလို မီဒီယာကျင့်ဝတ်ကို တာဝန်ခံစရာ မလို ဘူးဆိုပေမယ့် လူတဦးချင်း ကျင့်ဝတ်နဲ့ ဒီမိုကရေစီ ကျင့်ဝတ်တွေကိုတော့ တာဝန်ခံဖို့လိုမယ်လို့ ထင်ပါတယ်။ Facebook member အချင်းချင်း အပြန်အလှန်လေးစားဖို့ လိုပါတယ်။ ကိုယ့်အမြင် ကိုယ်ရေးတယ်ဆိုပေမယ့် ကိုယ်ရေးလိုက်တာကို ကိုယ်ဖတ်စေချင်တဲ့ လူတဦးတည်း၊ အုပ်စုတခုတည်းက မြင်ရ ဖတ်ရတာမျိုးမဟုတ်ပဲ ကမ္ဘာတလွှားရှိ အွန်လိုင်းကွန်မြူ နတီပေါ်က ထောင်သောင်းချီတဲ့လူတွေလည်း မြင်နေ ဖတ်နေနိုင်တယ်ဆိုတာ ကို သတိပြုဖို့ လိုပါလိမ့်မယ်။ ငါနဲ့မတူ င့ါရန်သူဆိုတဲ့ ခေတ်ဟောင်းက ဓာတ်ပြားဟောင်းကို ခေတ်သစ် Facebook ပေါ်မှာ လာတင်နေရင် ဆိုရှယ်မီဒီယာရဲ့ လွတ်လပ်ခွင့်ကို တလွဲသုံးသလို ဖြစ်ပါတယ်။

လတ်တလောအခြေအနေမှာ မြန်မာနိုင်ငံရဲ့ လွတ်လပ်ခွင့်အရှိဆုံး ဆိုရှယ်မီဒီယာ Facebook ကို စာဖတ်သူတွေ မငြိုငြင်အောင် တာဝန်မဲ့ ရေးချင်ရာရေးလို့ ရတဲ့နေရာ ဖွဘုတ် အဖြစ် မမြင်မိအောင် စီတီဇင် ဂျာနယ်လစ်တွေ၊ မီဒီယာလွတ်လပ်ခွင့်ကို ချစ်မြတ်နိုးသူတွေ အားလုံး ချင့်ချိန်ဆွေးနွေးသင့်နေပြီလို့ တိုက်တွန်းတင်ပြအပ်ပါတယ်။

Ref:

Read More...

Wednesday, March 20, 2013

စစ်ပြေးဒုက္ခသည်နေအိမ် ဆောက် လုပ်ရေး အကူအညီလိုအပ်နေသေး

20 March 2013

တောင်ငူခရိုင် သံတောင်ကြီးမြို့အရှေ့ဘက်ခြမ်းတွင် စစ်ကြောင့် နေရပ်ရွာမှ ထွက်ပြေးပုန်းရှောင်နေ ရသော ပြည်တွင်းဒုက္ခ သည် (IDP)များ နေထိုင်ရန် အတွက် NRC – Norwegian Refugee Council မှ အိမ်များ ဆောက်လုပ်ပေးလျက်ရှိရာ အကူ အညီများ လိုအပ်လျက်ရှိနေသေးသည်ဟု ၎င်းတို့အား ကူညီပေးနေသော ခရစ်ယာန်နှစ်ချင်း သင်းအုပ်ဆရာက ကေအိုင်စီသို့ ပြောသည်။

“သူတို့တွေအတွက် NRC က အိမ်ဆောက်ပေးပါတယ်။ အိမ်သာလည်း ပါပါတယ်။ အခြားသာသနာပြုအဖွဲ့တွေ NGO တွေ လည်းလာတော့ ကြည့်ထားပါတယ်။ စစ်ကြောင့် ပြေးလွှားနေရတော့ သူတို့ကို ကျန်းမာရေး၊ ပညာရေး စတဲ့ ပညာပေးမှုတွေ အများကြီး လုပ်ရဦးမှာပါ။”ဟု ၎င်းသင်းအုပ်ဆရာစောနေသားက ဆက်လက် ပြောဆိုသည်။

သံတောင်ကြီးမြို့နယ်အတွင်း IDP ရွာပေါင်း (၁၆)ရွာရှိပြီး အိမ်ထောင်စု ၆၀၀ကျော်နှင့် လူဦးရေ စုစုပေါင်း ၃၀၀၀ကျော်ရှိရာ ယခုအချိန်တွင် NRC မှ အိမ်ထောင်စု ၂၅စုအတွက် လူနေအိမ် ၂၅လုံး ဆောက်လုပ်ပေးထားပြီးဖြစ်ကြောင်း သိရသည်။

“IDP ဒေသက အမျိုးသမီးတွေဟာ မီးဖွားတာကအစ သစ်ပင်တွေအောက်၊ တောကြား တောင်ကြားမှာ ဖွားကြရတာလေ။ သူတို့ အချင်းချင်း ကူညီပြီး လုပ်ဆောင်ခဲ့ကြတာပါ။ ကျမတို့ဘက်ကလည်း ဘယ်လိုကူညီနိုင်မလဲ စဉ်းစားနေပါတယ်။”ဟု ထိုဒေသရှိ ကရင်အမျိုးသမီးများအတွက် Learning Centre ဖွင့်လှစ်ပေးထားသော KWEG ဒါရိုက်တာ နော်စူစဲနာလှလှစိုးက ပြောသည်။

Internal Displace People – IDP များမှာ ယခင်က သောက်ရေခပ်ချောင်း အနောက်ဘက်ကမ်းတွင် နေထိုင်ခဲ့ကြပြီး အစိုးရနှင့် KNU တို့၏ ထိုးစစ်ဖြစ်ပွားရာ နေရာဖြစ်သောကြောင့် တောထဲတွင် အုပ်စုလိုက် လှည့်လည်နေထိုင်ခဲ့ကြရသလို အချို့မှာ ထိုင်း နိုင်ငံဘက်ရှိ မယ်ရာမိုဒုက္ခသည်စခန်းနှင့် သံလွင်မြစ်ကမ်းနံဘေးရှိ အီတိုးထာ့ ပြည်တွင်းဒုက္ခသည်စခန်းများသို့ သွားရောက်နေ ထိုင်ကြရသည်။

“ကျမတို့က စစ်မတိုက်တော့ဘူးဆိုရင် ကိုယ်နေခဲ့တဲ့ ရွာမှာပဲ နေချင်ပါတယ်။ ရွာမှာနေတုန်းက ဟင်းသီးဟင်းရွက်၊ ငါးတွေ ပုဇွန် တွေ ၀ယ်မစားရဘူး။ တောထဲသွားခူးလို့ ရတယ်လေ။ အခုက အကုန် ၀ယ်စားနေကြရတယ်။ လက်ဖက်ခူးတဲ့အလုပ်ပဲ ရှိပြီး တစ်ပိဿာမှ ၂၅၀ကျပ်ပဲ ရတာလေ။ အိမ်တော့ ကောင်းကောင်းနေရပါတယ်။”ဟု ကမူဒိုရွာသူ နော်အိုခူဖဲ ၄၀ နှစ်က ပြောသည်။

၁၉၉၇ခုနှစ်၊ ဧပြီလ ၁၅ရက်နေ့မှစ၍ ကရင်ပြည်နယ်၊ သံတောင်အရှေ့ဘက်ခြမ်းတစ်လျှောက်ရှိ ရွာများအား အစိုးရစစ်တပ်မှ မီးရှို့သဖြင့် ရွာသူရွာသားများမှာ မိမိတို့ရွာကို စွန့်ခွာ၍ တောတောင်ထဲတွင် လှည့်ပတ်ရှောင်ပုန်းက နေထိုင်ခဲ့ကြရသည်။

Ref: ကေအိုင်စီ

Read More...

ဘုရားသုံးဆူရှိ တပ်ကုန်းနေ လူထုများ နေရာမှထွက်ပေးရန် သတိပေးခံရ

19 March 2013
စောခါးစူးညား (ကေအိုင်စီ)

ကရင်ပြည်နယ်၊ ဘုရားသုံးဆူမြို့ရှိ အစိုးရစစ်တပ်ပိုင် တပ်ကုန်းတွင် အခြေချ နေထိုင်ကြသူများကို လက်ရှိနေရာမှ ထွက်ခွာသွား ကြရန် အရှေ့တောင်တိုင်းဗျူဟာနှင့် မြို့ခံအာဏာပိုင် များက သတိပေးခဲ့သည်ဟု ကေအိုင်စီက စုံစမ်းသိရှိရသည်။

မတ်လ ၁၇ရက်နေ့က တပ်ကုန်းရှိ လူထုအားလုံး၏ ကိုယ်စား ဦးစိုင်းယု၊ မခင်မျိုးဝင်းနှင့် မမြင့်သန်းတို့ကို ညနေ ၄နာရီကျော်မှ ၅နာရီခွဲအထိ ဘုရားသုံးဆူမြို့၊ (မရက)ရုံးတွင် အဆိုပါ တာဝန်ရှိသူများမှ ခေါ်ယူကာ သတိပေးခဲ့ခြင်းဖြစ်သည်ဟု တပ်ကုန်းတွင် အခြေချနေထိုင်သူ စောသော်ယူက ကေအိုင်စီသို့ ပြောသည်။

သူက “ခေါ်တွေ့ခံရတဲ့သူတွေက ၄ယောက်ပေါ့။ တစ်ယောက်က ခရီးလွန်လို့ မသွားနိုင်ဘူး။ သွားတဲ့သူတွေ ကျနော်တို့ကို ပြန် လာပြောတာကတော့ တပ်ကုန်းဟာ တပ်ပိုင်မြေဖြစ်တဲ့ အတွက် ထွက်ဖို့ အားလုံး ပြင်ဆင်ထားတဲ့။ ဘယ်တော့ ထွက်ရမလဲတော့ မပြောဘူး။ ဒါပေမယ့် ဒီလို ပြောတဲ့အခါကျတော့ ကျနော်တို့တွေ စိုးရိမ်သောကဖြစ်ရတယ်”ဟု ပြောဆိုသည်။

ထို့အပြင် အရှေ့တောင်တိုင်းဗျူဟာမှ တာဝန်ရှိသူများက ယမန်နေ့ မတ်လ ၁၈ရက် မွန်းလွဲ ၁နာရီတွင် တပ်ကုန်းရှိ လူထုများကို တွေ့ဆုံရန် ချိန်းထားသော်လည်း နံနက် ၇နာရီတွင် ဘုရားသုံးဆူမြို့မှ ပြန်လည်ထွက်ခွာသွားခဲ့သည်ဟု သူက ဆက်ပြောသည်။

အဆိုပါတပ်ကုန်းရှိ လူထုမှာ ၎င်းတို့အိမ်တည်ဆောက်ရန် မြေကွက်များကို တပ်ကုန်းစခန်းတွင် လာရောက်တာဝန် ထမ်းဆောင် သည့် အစိုးရတပ်ရင်းများထံမှ ဘတ်ငွေ သုံးထောင်၊ ငါးထောင်မှ တစ်သောင်းအထိ ၀ယ်ယူခဲ့ရသလို မြိုခံရပ်ကွက်(၂)နှင့် (၃)ရှိ အာဏာပိုင်များကိုလည်း ယခုအချိန်အထိ လစဉ် ဘတ်ငွေ ၁၀၀ အခွန်ပေးဆောင်ရသည့်အပြင် ကင်းကြေး ငွေဘတ် ၄၀မှ ၅၀အ ထိ ပုံမှန် ပေးဆောင်နေရသည်ဟု တပ်ကုန်းဒေသခံများက ပြောသည်။

အစိုးရအာဏာပိုင်များနှင့် နီးစပ်သူတစ်ဦးက “တပ်ကုန်းဟာ စစ်တပ်က ပိုင်တဲ့အတွက် တချိန်ချိန်မှာတော့ ပြန်သိမ်းယူမှာပဲ။ ကျူးကျော်မြေအဖြစ် နေထိုင်တဲ့သူကလည်း ထွက်ပေးရမှာ ဖြစ်တယ်”ဟု ကေအိုင်စီ၏ မေးမြန်းချက်ကို ပြန်လည် ပြောဆိုသည်။

သို့သော် တပ်ကုန်းနေ လူထုများ ထွက်ခွာမည်ဆိုပါက ဘုရားသုံးဆူမြို့ရှိ ပြည်ထောင်စုကြံ့ခိုင်ရေးနှင့် ဖွံ့ဖြိုးတိုးတက်ရေးပါတီ-USDP မှ ထိုနေရာတ၀ိုက်တွင် ရွှေ့ပြောင်းအခြေချ နေထိုင်ရန် အိမ်ခြေ ၃၀ခန့်ဆံ့သည့် မြေနေရာတစ်ခု စီစဉ်ထားပြီး ပေ ၃၀-၄၀ ပတ်လည်ရှိ မြေတစ်ကွက်ကို ဘတ်ငွေ ၇,၅၀၀မှ ၃၀,၀၀၀အထိ ရောင်းချရန်ရှိသော်လည်း တောင်ကမ်း ပါးနေရာဖြစ်နေ၍ နေထိုင်ချင်သူမရှိကြောင်း စောသော်ယူက ဖြည့်စွက် ပြောဆိုသည်။

အမည်မဖော်လိုသူ တပ်ကုန်းဒေသခံတစ်ဦးကလည်း “ဒီနေရာဟာ အစိုးရ စစ်တပ်ဘက်က တပ်မြေလို့ ပြောပေမယ့် တပ်ကပဲ ရောင်းတယ်။ နောက် ပိုက်ဆံနဲ့ ၀ယ်ထားရတာတောင် ကျူးကျော်မြေမှာ နေတယ်လို့လည်း အပြောခံရတယ်။ ကျမတို့ကလည်း ဒီမှာနေလာတာ ၁၀နှစ်ကျော်ပြီဆိုတော့ ထွက်ခိုင်းမယ်ဆိုရင် အခက်အခဲ အများကြီး ရှိမှာဖြစ်လို့ ထွက်မ ပေးနိုင်ဘူး”ဟု ကေအိုင် စီသို့ ပြောသည်။

မွန်၊ မြန်မာနှင့် ကရင်လူမျိုးများ နေထိုင်ကာ အိမ်ခြေ ၁၀၂ရှိသော တပ်ကုန်းမှာ အစိုးရစစ်တပ်ကုန်းစခန်း ခြံဝင်းအပြင်ဘက်၌ တည်ရှိပြီး ထိုနေရာကို ပြီးခဲ့သည့် ၁၀နှစ်ကျော်က ချုံတော ထူထပ်ကာ မြေလွတ်မြေရိုင်းများသောကြောင့် တပ်ကုန်းစခန်းတွင် လာရောက်အမှုထမ်းသော အစိုးရတပ်ရင်းများက မြေကွက်ချပေးကာ ရောင်းချခဲ့ခြင်းဖြစ်သည်။

Ref: ကေအိုင်စီ

Read More...

နိုင်ငံရေးမှာ တပ်မတော်ဦးတည်မှုကဏ္ဍ ဖွဲ့စည်းပုံမှာ ပြင်ဆင်သင့်

ကိုသားညွန့်ဦး
20.03.2013

၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးအဆိုကို အာဏာရ ကြံ့ခိုင်ရေးပါတီက တင်သွင်းခဲ့တာဟာ အများစိတ်ဝင်စား စရာ ဖြစ်လာပါတယ်။ ဒါပေမဲ့လည်း ဖွဲ့စည်းပုံပါ စစ်တပ်ရဲ့ လုပ်ပိုင်ခွင့်တွေကို တကယ်ပဲ လျှော့ချမလား။ လူ့အခွင့်အရေးနဲ့ပတ်သက်လို့ အာမခံချက်တွေ တကယ်ပဲ တိုးလာမလား။ စိုးရိမ်သံသယတွေ ရှိနေတာ တွေ့ရပါတယ်။ AHRC အာရှ လူ့အခွင့်အရေးကော်မရှင်က လူ့အခွင့်အရေးရှေ့နေ ဦးမင်းလွင်ဦးရဲ့ အမြင်ကိုတော့ ကိုသားညွန့်ဦး က ဆက်သွယ်မေးမြန်းထားပါတယ်။

မေး။ ။ ၂၀၀၈ ခုနှစ်တုန်းက စစ်အစိုးရလက်ထက်မှာ ရေးဆွဲတာကို ခေတ်နဲ့ အညီ ပြန်ပြင်ဖို့ လိုအပ်တယ်လို့ ဆိုပါတယ်ခင်ဗျ။ အဲ့တော့ အခု ဒီမိုကရေစီ အရပ်သားအစိုးရအနေနဲ့ ခေတ်နဲ့ညီအောင်ဆိုရင် ဘယ်လိုအချက်တွေကို ပြင်သင့်တယ်လို့ လူ့အခွင့်အရေးရှေ့နေတဦးဖြစ်တဲ့ ကိုမင်းလွင်ဦးရဲ့ အမြင်ပေါ့။

“ဒီ ၂၀၀၈ ဖွဲ့စည်းပုံ အခြေခံဥပဒေကို စပြောင်းမယ်ဆိုလို့ရှိရင် ပထမဆုံးအနေနဲ့ကတော့ ထိပ်ဆုံးမှာရှိတဲ့ အမျိုးသားနိုင်ငံရေး ဦးတည်မှု အခန်းကဏ္ဍတွင် တပ်မတော်က ပါဝင်ထမ်း ဆောင်နိုင်ရေးကို အစဉ်တစိုက် ဦးတည်သည်ဆိုတဲ့ အချက်ကို စတင်ပြီးတော့ ပြောင်းရမှာဖြစ်ပါတယ်။ ဒီမိုကရေစီ နိုင်ငံတော်တွေကို တည်ထောင် တဲ့အခါမှာ တပ်မတော်က အစဉ် တစိုက် ဦးဆောင်တာမဟုတ်ဘဲနဲ့ ပြည်သူတွေ ရဲ့ ရွေးချယ်တင်မြှောက်တဲ့ အစိုးရက အစဉ်တစိုက် ဦးဆောင်သွားတာဖြစ်တယ်။ မဖြစ်မနေ ပြောင်းလဲဖို့ လိုအပ်တဲ့ အချက်တွေ ၁၂ ချက်လောက်ရှိပါတယ်။”

“လွှတ်တော်ကိုယ်စားလှယ်တွေက ပြည်ထောင်စုဝန်ကြီး ဒါမှမဟုတ် ဒုတိယ၀န်ကြီးအဖြစ် ခန့်အပ်ထားခြင်းခံရ တယ်ဆိုရင် လွှတ်တော်ကိုယ်စားလှယ်အဖြစ်က နှုတ်ထွက်ပြီးသား ဖြစ် ရမယ်လို့ သတ်မှတ်ထားတယ်။ ဒါပေမဲ့လည်း ကာကွယ်ရေး၊ ပြည်ထဲရေးနဲ့ နယ်စပ်ရေးရာ ၀န်ကြီးဌာနအတွက် ခန့်အပ်ထားတဲ့ တပ်မတော်သား ကိုယ်စားလှယ်တွေကိုကျတော့ အငြိမ်းစားယူရန်၊ နှုတ်ထွက်ရန်မလို ဆိုပြီးတော့ သတ်မှတ်ထားပြန်တယ်။ အဲ့တော့ အဲ့ဒီတွေမှာ လွှတ်တော်ကိုယ်စားလှယ်တွေခြင်း တူလျက်သားနဲ့ အခွင့်အရေးတွေ မတူနေတာတွေကို ပြန်လည် ညှိနှိုင်းပေးဖို့ လိုပါတယ်။”

“နိုင်ငံတော်သမ္မတနဲ့ ဒုသမ္မတ က စစ်ရေးအမြင်ရှိရမယ်လို့ဆိုတယ်။ သို့သော်လည်း ကျနော်တို့ အခု လက်ရှိ ဖြစ်နေတဲ့အချိန်မှာ ပြန်ကြည့်လိုက်ပါ။ ဒုသမ္မတ ဦးစိုင်းမောက်ခမ်း က အရပ်သားအဖြစ်က တက်လာတဲ့သူ ဖြစ်တယ်။ ဒါတွေက အခြေခံဥပဒေနဲ့ကို အခု ကတည်းကကို မကိုက်ညီတဲ့ အချက်အလက်တွေ ဖြစ်တဲ့အတွက် အဲ့ဒီအချက်တွေပါ ကိုက်ညီအောင် ပြုပြင်ပြောင်းလဲဖို့ လိုအပ်တယ်လို့ ကျနော်မြင်ပါတယ်။”

မေး။ ။ ဟုတ်ကဲ့ လူ့အခွင့်အရေးထောင့်ကနေ ပြောလို့ရှိရင် လူ့အခွင့်အရေး တိုးတက်ကောင်းမွန် လာစေဖို့ဆိုရင်ပေါ့ ဖွဲ့စည်းပုံမှာ ဘယ်အချက်တွေက ပြင်ဖို့ လိုအပ်တယ်လို့ မြင်ပါသလဲ။

“နိုင်ငံသားတွေရဲ့ အခွင့်အရေး၊ တရားဥပဒေဆိုင်ရာ အခွင့်အရေး၊ ဥပဒေပိုင်းဆိုင်ရာ အခွင့်အရေးတွေကို စာအုပ်မှာတင် ရေးထားတာမဟုတ်ဘဲနဲ့ အပြင်မှာ ထိထိရောက်
ရောက် လိုက်နာကျင့်သုံးနိုင်တဲ့ အခြေအနေအထိရောက်အောင် ဆောင်ရွက်ပေးနိုင်တဲ့ အစိုးရတရပ် ပေါ်ပေါက်လာဖို့ လိုတယ်။ ဖွဲ့စည်းပုံ အခြေခံဥပဒေက နိုင်ငံတနိုင်ငံလုံးရဲ့ အမြင့်ဆုံး အထွတ်အထိပ် ဥပဒေဖြစ်တဲ့အတွက် ဖွဲ့စည်းပုံ အခြေခံဥပဒေပုံပါ စကားရပ် များနဲ့ ဆန့်ကျင်ကွဲလွဲခြင်း မရှိစေရဆိုတဲ့ အချက်အလက်မျိုးတွေ ထည့်သွင်းဖို့ လိုအပ် တယ်လို့ ကျနော်ကတော့ အကြံပြုချင်ပါတယ်။”

မေး။ ။ ၂၀၀၈ ခုနှစ် ဖွဲ့စည်းပုံဆိုတာကလည်း ဒီ ဗိုလ်ချုပ်တွေပဲ၊ နောက် ကြံ့ခိုင်ဖွံ့ဖြိုးရေးပါတီကို ဦးဆောင်တဲ့သူတွေ သူတို့ပဲ ကိုယ်တိုင် ရေးဆွဲခဲ့တာပါ။ အခုချိန်ကျတော့မှ ဘာကြောင့် ပြင်ဖို့ ကြိုးစားတယ်လို့ မြင်ပါသလဲ။

“နိုင်ငံတကာခရီးစဉ်တွေကို သွားတဲ့အခါမှာ နိုင်ငံတကာက နိုင်ငံတနိုင်ငံရဲ့ အုပ်ချုပ်တဲ့ အခါမှာ တရားဥပဒေ စိုးမိုးမှု ရှိ မရှိ၊ ဒီမိုကရေစီလမ်းကြောင်းကို တကယ် သွားနိုင်ခြင်း ရှိ မရှိ ဆိုတာတွေကို ဖွဲ့စည်းပုံ အခြေခံဥပဒေကို လေ့လာယုံနဲ့ သူတို့တွေ သိရှိသွားတယ်။ တပ်မတော်က ၂၅ ရာခိုင်နှုန်း ပါနေတာတွေရှိတယ်။ ဖွဲ့စည်းပုံ အခြေခံဥပဒေ ပြင်ဖို့ အတွက်ဆိုရင် ၇၅ ရာခိုင်နှုန်းကျော်က ထောက်ခံမှ ဒါ ပြင်ဆင်လို့ရမယ်ဆိုတဲ့ အချက် အလက်တွေက ဒီမိုကရေစီ နည်းလမ်းမကျဘူး ဆိုတာတွေကို သူတို့ကိုယ်တိုင်ကို နိုင်ငံခြား အစိုးရ ပညာရှင် တွေကလည်း ထောက်ပြလာတာတွေ တွေ့လာရတဲ့အချိန်မှာ ဒါ ပြင်ဖို့ ဖြစ်လာ တယ်လို့ ကျနော်တို့ ထင်မြင်ယူဆပါတယ်။”

“နောက်တချက်က ၁ နှစ်ခွဲကာလအတွင်းမှာ အစိုးရသစ်အနေနဲ့ ပြင်ဆင်ထားတာတွေ အများကြီး တော်တော်များများရှိပါတယ်။ ဘာဖြစ်လို့လဲဆိုတော့ အရပ်ဘက်မှာရော၊ စစ်တပ် ဘက်မှာရော အုပ်ချုပ်ရေးပိုင်း အားလုံးကို သူတို့ဘက်က အခြေတကျ ပြင်ဆင် ထားပြီး ဖြစ်နေတဲ့အတွက် ဒါကြောင့်လည်း အခုလိုမျိုး ပြောတယ်လို့ ကျနော်တော့ ထင်မြင်ယူဆပါတယ်။”

မေး။ ။ ဟုတ်ကဲ့ တဘက်လှည့်တွေးမယ်ဆိုရင်တော့ အရင်ဖွဲ့စည်းပုံထဲမှာတော့ စစ်တပ်ရဲ့ ပါဝင်မှုက ကြီးပါတယ်။ အခု သူတို့ ဆန်းစစ်မယ် ပြင်မယ်ဆိုရင် စစ်တပ်ပါ ၀င်မှုက ခြေလှမ်း နောက်ဆုတ်သွားနိုင်တယ် ဆိုပြီးတော့ အကောင်းသဘော တွေးလို့ကော မရနိုင်ဘူးလား။ ဖြစ်လာနိုင်ချေပေါ့။

“တွေးလို့မရဘူးလားဆိုတာက ကာကွယ်ရေးနဲ့ လုံခြုံရေးကော်မတီမှာ ၁၁ ဦးရှိတဲ့အထဲမှာ တကယ်တမ်း အဆုံးအဖြတ်ပေးနိုင်တဲ့ ၆ ဦးက စစ်တပ်က ဖြစ်နေတယ်။ ဒါတွေကို သူတို့ လျှော့ပေးမလား။ အဲ့ဒီလိုမျိုး လျှော့ပေးတယ်ဆိုရင်တော့ ဒါတကယ်ပဲ သဘောထား အစစ်အမှန်နဲ့ ပြောင်းလဲတယ်ဆိုတဲ့ အခြေအနေမျိုးလို့ ကျနော်တို့ တစိတ်တပိုင်း လက်ခံ လို့ရတာပေါ့။”

ဖွဲ့စည်းပုံအခြေခံဥပဒေပြင်ဆင်မှုက စစ်တပ်ရဲ့ လုပ်ပိုင်ခွင့်ကို ဘယ်လိုများ ရိုက်ခတ်နိုင်မလဲဆိုတာ AHRC က ရှေ့နေ ဦးမင်းလွင်ဦး ကို ကိုသားညွန့်ဦး က ဆက်သွယ်မေးမြန်း ခဲ့တာဖြစ်ပါတယ်။


Ref: ဗွီအိုအေ

Read More...

လက်ပံတောင်းတောင်ဆန္ဒပြခွင့် ဒေသခံတွေ တောင်းဆို

မအေးအေးမာ
19.03.2013

လက်ပံတောင်းတောင် ကြေးနီစီမံကိန်းကို ဆန့်ကျင်ဆန္ဒပြဖို့ စီတန်းလှည့်လည်ခွင့် ဒေသခံတွေ လျှောက်ထားခဲ့ပေမဲ့လည်း အခုထိ အာဏာပိုင်တွေဆီက အကြောင်းပြန်ကြားချက်ကို စောင့်ဆိုင်းနေ ရဆဲ ဖြစ်ပါတယ်။ အခြေခံဥပဒေပါ အခွင့်အရေးအရဆိုရင် ပြည်သူတွေ ရဲ့ ဆန္ဒ လွတ်လွတ်လပ်လပ် ထုတ်ဖော်နိုင်အောင်လို့ အခုလိုမျိုး ဆန္ဒပြခွင့်ကို လျှောက်ထား တယ်လို့ ဆိုပါတယ်။ အပြည့်အစုံကို မအေးအေးမာ က သတင်းပေးပို့ထား ပါတယ်။

ပြီးခဲ့တဲ့ မတ်လ ၁၆ ရက်နေ့ကစပြီး လက်ပံတောင်းတောင် ကြေးနီ စီမံကိန်း ရပ်ဆိုင်းရေး ဆန္ဒပြနေတဲ့ သပိတ်စခန်းတွေကို ရုပ်သိမ်း လိုက်ပြီးတဲ့နောက်မှာတော့ ဒေသခံတွေဟာ အာဏာပိုင်တွေထံမှာ စီတန်းလှည့်လည်ခွင့်အတွက် ခွင့်ပြုမိန့်ရဖို့ တောင်းဆိုမှုတွေ စတင်လုပ်ခဲ့တာပါ။ ၁၈ ရက်နေ့ကတော့ တုံရွာက ဒေါ်ဌေးဦးနဲ့ ဒေါ်ခင်ဌေးနွယ် ဦးဆောင်ပြီး စီတန်းလှည့်လည် ဆန္ဒပြခွင့်ကို တောင်းဆိုခဲ့သလို၊ ၁၉ ရက်နေ့မှာတော့ ဆည်တဲရွာက မ၀င်းမာနဲ့ မခင်စန်းတို့ နှစ်ဦးကနေ ဆားလင်းကြီးမြို့နယ် ရဲမှူးရုံးကို ခွင်ပြုမိန့်များ တောင်း ခဲ့တာပါ။ ဆည်တဲရွာက မ၀င်းမာကတော့ သူတို့ တောင်းဆိုချက်တွေ ကို အခုလို ပြောပါတယ်။

“မီးလောင်းဗုံးတရားခံများကို အရေးယူ ဖော်ထုတ်ပေးရေးနဲ့ လက်ပံတောင်းတောင် ကြေးနီ စီမံကိန်း လုံးဝ ဖျက်သိမ်းရေးနဲ့ ၁၄၄ ပုဒ်မ ထုတ်ပြန်မှုကို ဖျက်သိမ်းပေးရေး ကျမ ဒီနေ့ စီတန်းလှည့်လည်ခွင့် သွားလျှောက်တာပါရှင့်။”

ပြီးခဲ့တဲ့နှစ်ကစပြီး ဒေသခံတွေဟာ ဆန္ဒပြခွင့်အတွက် ခွင့်ပြုမိန့်ရဖို့ ၁၁ ကြိမ်ခန့် တောင်းဆို ခဲ့ပြီးတဲ့နောက် ဒေသအတွင်းမှာ ပုဒ်မ ၁၄၄ ထုတ်ပြန်ခဲ့ပြီး ခွင့်ပြုမိန့်များ ပယ်ချခံခဲ့ရတာလို့ ဆိုပါတယ်။ ဒေသခံတွေကို အကူအညီပေးနေတဲ့ နိုင်ငံရေး အကျဉ်းသားဟောင်းလည်းဖြစ် တဲ့ ကျောင်းသားခေါင်းဆောင် ကိုဟန်ဝင်းအောင်က တော့ ဒေသခံတွေ သဘောထားကို အခုလို ပြောပြပါတယ်။

“၁၆ ရက်နေ့က ညနေ ၄ နာရီမှာ လိပ်ခွံတောင်သပိတ်စခန်း၊ အင်ကြင်းတောင် သပိတ် စခန်းနဲ့ တုံရွာသပိတ်စခန်းတွေကို ဒေသခံပြည်သူလူထုတွေက စည်းကမ်းရှိပြီး ယဉ်ကျေး တယ်ဆိုတာ ကို ဖော်ထုတ်တဲ့အနေနဲ့ တဖက်သတ် ရုပ်သိမ်းပေးခဲ့ပါတယ်။ ဒါပေမဲ့ အာဏာပိုင်တွေဘက်က ပုဒ်မ ၁၄၄ ကို ထပ်ထုတ်ထားတယ်။ လုံထိန်းရဲတွေ၊ ရဲကားတွေ ကလည်း ပုံမှန်အတိုင်း သွားလာလှုပ်ရှားမှုတွေ ရှိနေဆဲဖြစ်တယ်။ ပြည်သူလူထုတွေဘက် က သပိတ်စခန်းတွေကို ရုပ်သိမ်းပေးလိုက်ခြင်းဟာ သူတို့ရဲ့ တောင်းဆိုမှု ရည်ရွယ်ချက် တွေ နောက်ဆုတ်ပေးလိုက်တာ မဟုတ်ဘူး။ စည်းကမ်းရှိမှုနဲ့ ညီညွတ်မှုကို ဖော်ထုတ်လိုက် တာဖြစ်တယ်။ တဘက်ကနေလည်း သူတို့ရဲ့ တောင်းဆိုချက်တွေကို ငြိမ်းငြိမ်းချမ်းချမ်းနဲ့ ဆက်လက် ဖော်ထုတ်ဖို့အတွက် အခု တောင်းဆိုတဲ့ စာတင်တဲ့ဟာကို လုပ်ထားတာပါ။”

ဆန္ဒပြခွင့်နဲ့ပတ်သက်လို့တော့ ခွင့်ပြုမိန့်ကို ၅ ရက်ကြိုပြီး ခွင့်တောင်းရတဲ့အကြောင်းနဲ့ ၄၈ နာရီအကြာမှာတော့ အာဏာပိုင်တွေဘက်က ခွင့်ပြုမိန့် ပေးမယ် မပေးဘူးဆိုတာ အကြောင်း ပြန်လေ့ ရှိတယ်လို့ ဆိုပါတယ်။ မြန်မာနိုင်ငံ ရှေ့နေများကွန်ရက်က ရှေ့နေကြီး ဦးအောင်သိန်း ကတော့ ဥပဒေပါ အခွင့်အရေးအတိုင်း လုပ်ထုံးလုပ်နည်းတွေနဲ့ ပတ်သက်လို့ အခုလို ပြောပါတယ်။

“၅ ရက်ကြို လျှောက်ရမယ်။ အဲ့ဒီ ၅ ရက်ကြိုလျှောက်ရမယ့် ကိစ္စရပ်မှာ မြို့နယ် ရဲမှူးအနေနဲ့ လက်ခံရင် လက်ခံမယ်။ ပယ်ရင် ပယ်မယ်။ လက်ခံမယ်ဆိုရင်လည်း သူက အကြောင်းပြရ မယ်။ လက်မခံဘူးဆိုရင်လည်း သူက အကြောင်းပြရမယ်ပေါ့နော်။ နောက်ပြီးတော့ အင်အား ဘယ်လောက်ပြမယ်။ ဘယ်လို ကြွေးကြော်သံတွေ တိုင်မယ်။ ဘယ်လို ပိုစတာတွေ ကိုင်မယ် ဆိုတဲ့ဟာတွေပါ သူတို့က အကုန်လုံး အသေးစိတ် ဖော်ပြရတယ်။ အဲ့ဒီလို ဖော်ပြပြီးမှသာလျင် သူတို့က ဒီဟာကို ခွင့်ပြုမယ် ဆိုပြန်တော့လည်း သူတို့က စောစော ကလို စာမေးပွဲတွေရှိတယ်။ ရဟန်းသံဃာတော်တွေ စာမေးပွဲ ဖြေနေရ တယ်။ မဟုတ်လို့ရှိရင် လမ်းကြောင်းတွေက ပိတ်သွားနိုင်တယ်။ အဲ့ဒီလို အကြောင်းပြချက်တွေ၊ အကြောင်း အမျိုး မျိုး ပြပြီးတော့ ငြင်းပယ်တဲ့ဟာ များတယ်ပေါ့နော်။"

"အဲ့ဒီလို တွေ့ရတယ်။ တချို့ဟာတွေမှာ ကြိုတင် လျှောက်ထားပေမဲ့ မရဘဲ ငြင်းပယ်တာ ဟာ သူတို့အတွက် ပြဿနာမရှိဘူး။ ခွင့်ပြုလို့ ပြဿနာတက်ရင် သူတို့ဝန်ထမ်းတွေ မှာ ပြဿနာရှိတယ်ဆိုတဲ့ အစွဲတွေကလည်း ဒီလူတွေမှာရှိတယ်။ ခွင့်ပြုချက်ကို တော်ရုံ တန်ရုံ ချပေးလေ့မရှိဘူး။ မကျေနပ်ရင် သူတို့က ပယ်လိုက်မယ်။ ခရိုင်ရဲမှူးဆီကို တင်မယ်။ ၇ ရက်အတွင်း တက်။ ခရိုင်ရဲမှူးကလည်း မြို့နယ်ရဲမှူးအတိုင်းပဲ ဆန္ဒပြဖို့ မသင့်လျော်ဘူး ဆိုတာကို လက်ခံလိုက်လို့ရှိရင် ဒါ ဂိတ်ဆုံးသွားပြီ။ ဘာမှ လုပ်လို့ မရတော့ဘူး။ အဲ့ဒီသဘော မျိုးဖြစ်တယ်။ အဲ့တော့ အခြေခံဥပဒေက ပေးကာပေး၏။ ငြိမ်းချမ်းစွာ ဆန္ဒထုတ်ဖော်ခွင့်ဆိုတာ အင်မတန်မှ အရသာရှိတဲ့ စကားလုံးပဲ။ တကယ်တော့ အဲ့ဒါကို ပုံစံမျိုးစုံနဲ့ ဖမ်းဆီးမယ့် ရဲမှူးဆီမှာ မြို့နယ်ရဲမှူးဆီမှာ ခွင့်ပြုချက် တောင်းရတာဆိုတော့ ဘယ်လိုမှလဲ သဘာဝ မကျဘူး။ အဲ့ဒါကိုလည်း ငြင်းပယ်ပိုင်ခွင့် ရှိနိုင်တယ်လို့ ဆိုထားတဲ့ အတွက်ကြောင့် သူတို့က လွယ်လွယ်ကူကူ ဘယ်တော့မှ ခွင့်မပြုဘူးဆိုတာ အန်ကယ်လ်တို့ အတွေ့အကြုံအရ သိရပါတယ်။”

စုံစမ်းစစ်ဆေးရေးကော်မရှင်ကို ဦးဆောင်ခဲ့တဲ့ NLD ဥက္ကဌ ဒေါ်အောင်ဆန်းစုကြည် ကတော့ ဆန္ဒပြချင်ရင် ခွင့်ပြုမိန့် တောင်းရမယ်ဆိုပြီး ဒေသခံတွေနဲ့ တွေ့ဆုံချိန်မှာ ပြောဆို သွားခဲ့တာပါ။ ဒေသခံတွေအနေနဲ့ ဆန္ဒပြခွင့် ခွင့်ပြုမိန့် လာရောက်တောင်းဆိုမှု အခြေ အနေနဲ့ ပတ်သက်လို့တော့ မေးမြန်းဖို့အတွက် ဆားလင်းကြီးမြို့နယ် အာဏာပိုင်တွေကို ဆက်သွယ်လို့ မရခဲ့ပါဘူး။

လက်ပံတောင်းတောင် ကြေးနီစီမံကိန်းကို မြန်မာ့စီပွားရေး ဦးပိုင် ကုမ္ပဏီလီမိတက်နဲ့ တရုတ်ဝမ်ဘောင် ကုမ္ပဏီတို့က ပူးပေါင်းလုပ်ဆောင်ခဲ့ပြီး ဒေသခံတွေရဲ့ လယ်မြေ ဧကပေါင်း ၇၈၀၀ ကျော် သိမ်းယူခဲ့တာလို့ ဒေသခံတွေက ဆိုပါတယ်။

လက်ပံတောင်းတောင် ကြေးနီစီမံကိန်းနဲ့ပတ်သက်လို့ စုံစမ်းစစ်ဆေးရေးကော်မရှင်က အစီရင်ခံစာ ထွက်လာပြီးတဲ့နောက်မှာတော့ ကုမ္ပဏီ ၂ ခုက အစီရင်ခံစာအတိုင်း လိုက်နာ ဆောင်ရွက်မယ်ဆို တာကို ကြေညာချက်တွေ ထုတ်ပြန်ခဲ့ပါတယ်။ မတ်လ ၁၅ ရက်နေ့စပြီး နစ်နာကြေးတွေ စပြီးပေးနေကြောင်း ၃ ရက်အတွင်းမှာ ရွာ ၉ ရွာက ဒေသခံတွေ က နစ်နာကြေးကို ကာလပေါက်ဈေးနဲ့ လျော်ကြေးရရှိခဲ့တယ်လို့ ဆိုပါတယ်။

ဒါပေမဲ့လည်း လယ်သမားတွေအနေနဲ့ တဧကကို ၁၀ သိန်းကနေ ၁၅ သိန်းကြား ရရှိကြပေ မဲ့ မြေတွေကို ထာဝရ စွန့်လွှတ်ရေးအတွက် လက်မှတ်ထိုးပေးရတာကြောင့် တချို့ကလည်း နစ်နာကြေး ယူမယ့်ကိစ္စတွေအတွက် အဆုံးအဖြတ် မပေးနိုင်ကြသေးဘူးလို့ ဆိုပါတယ်။


Ref: ဗွီအိုအေ

Read More...

အပေါ်သို့