ဒုတိယကမ္ဘာစစ်က ပျောက်ဆုံးကန်စစ်သည်တွေရှာဖို့ အချက်အလက်တွေ ရရှိ

2013-03-19

ဒုတိယကမ္ဘာစစ်အတွင်းက မြန်မာနိုင်ငံမှာ ပျောက်ဆုံးခဲ့တဲ့ အမေရိကန် စစ်သည်တွေရဲ့ရုပ်ကြွင်းတွေ ရှာဖွေရေး ပထမအဖွဲ့ရဲ့ လုပ်ငန်းတွေ အောင်အောင်မြင်မြင် ပြီးစီးခဲ့ပြီလို့ အမေရိကန်အစိုးရက မနေ့က ပြောပါတယ်။

အဖွဲ့ဝင် (၉) ဦးပါတဲ့ ရုပ်ကြွင်းရှာဖွေရေးအဖွဲ့ဟာ တောင်ငူ ၊ ရန်ကုန် နဲ့ မန္တလေး တ၀ိုက်မှာ သီတင်းသုံးပတ်ကြာ ကွင်းဆင်း စုံစမ်းခဲ့ကြရာမှာ သောကြာနေ့က ပြီးဆုံးသွားခဲ့ပါတယ်။ သတင်းအချက်အလက်တွေ အများအပြားရရှိခဲ့တယ်လို့ ရန်ကုန်မြို့ အမေရိကန်သံရုံးက ကြေညာချက်ထုတ်ပြန်ပါတယ်။

ရုပ်ကြွင်းတွေနဲ့ပတ်သက်တဲ့ သတင်းအချက်အလက်တွေ၊ သဲလွန်စတွေကို ပြည်တွင်း ဂျာနယ်တွေက တဆင့် လည်း တောင်းခံခဲ့ပါတယ်။

ရုပ်ကြွင်းရှာဖွေရေး ပထမအဆင့် အစီအစဉ်မှာ ရုပ်ကြွင်းတွေရှိနေနိုင်တဲ့နေရာတွေကို သတ်မှတ်ဖို့ဖြစ်ပြီး၊အဲဒီနေရာတွေကို သိတဲ့ ဒေသခံတွေကို ရှာဖွေဖို့လည်းပါတယ် လို့ သံရုံး ပြောခွင့်ရသူက ဆိုပါတယ်။

အမေရိကန် ကာကွယ်ရေးဝန်ကြီးဌာန အဆိုအရ ဒုတိယကမ္ဘာစစ်အတွင်း မြန်မာပြည်စစ်မျက်နှာမှာ မဟာမိတ်တပ်တွေက ဂျပန်တပ်တွေကို တိုက်ထုတ်ခဲ့စဉ်က အမေရိကန် စစ်သည် (၇၃၀) ၀န်းကျင် ပျောက်ဆုံးခဲ့တယ်လို့ သိရပါတယ်။

Ref: မဇ္ဈိမ