Friday, February 24, 2012

ဆိုမာလီအရေး ကူညီဖို့ ကမ္ဘာ့ခေါင်းဆောင်တွေဆွေးနွေး

23 ဖေဖော်ဝါရီ 2012

ဆိုမားလီးယားနိုင်ငံက ဆယ်စုနှစ်ပေါင်းများစွာ တာရှည်တဲ့ နိုင်ငံမတည်ငြိမ်မှုတွေနဲ့ ပတ်သတ်ပြီး အတူတကွ ပူးပေါင်း ကူညီနိုင်ဖို့ ရည် ရွယ်တဲ့ ညီလာခံတရပ်အတွက် ကမ္ဘာ့ခေါင်းဆောင်တွေ ဗြိတိန်နိုင်ငံ လန်ဒန်မြို့တော်မှာ စုဝေး ရောက်ရှိ နေကြပါတယ်။

အမေရိကန်နိုင်ငံခြားရေးဝန်ကြီး Hillary Clinton နဲ့ ကုလသမဂ္ဂအတွင်းရေးမှုးချုပ် Ban Ki-moon တို့ အပါအဝင် နိုင်ငံ (၄၀) က ကိုယ်
စား လှယ်တွေ ဒီညီလာခံကို တက်ရောက်ကြမှာ ဖြစ်ပါတယ်။ နိုင်ငံမှာ တည်ငြိမ်မှုရှိခဲ့တဲ့ အစိုးရ ၁၉၉၁ ခုနှစ်က ပြုတ်ကျသွားပြီး က တည်းက နှစ်ပေါင်း (၂၀) ကျော် ပြည်တွင်းစစ်ရဲ့ ဒဏ်တွေ၊ ဆင်းရဲမွဲတေမှုတွေနဲ့ ကြုံနေရတဲ့ ဆိုမားလီးယားနိုင်ငံအတွက် နိုင်ငံတကာရဲ့ ထောက်ပံ့ ကူညီမှု တွေရရှိရေးအတွက် ကမ္ဘာ့ခေါင်းဆောင်တွေက ဒီတရက် တာ ညီလာခံမှာ ဆွဲဆောင်စည်းရုံးကြမှာဖြစ်ပါတယ်။


လတ်တလော ဆုံးရှုံးမှုအကြီးအကျယ်ဖြစ်နေရတဲ့ ငတ်မွတ် ခေါင်းပါးမှုနဲ့ ဒေသလုံခြုံရေးကို အန္တရာယ်ပေးနေတဲ့ ပင်လယ်ဓါးပြနဲ့ အစ္စလာမ် သူပုန်တွေ ပြဿနာကို ကိုင်တွယ် ဖြေရှင်းဖို့ လက်ရှိအသွင်ကူးပြောင်းလဲရေးအစိုးရက မနည်းကြိုးစားနေရတာပါ။ ဆိုမား လီးယား အသွင်ကူးပြောင်းရေး အစိုးရကို အနောက်နိုင်ငံတွေက ကျော ထောက် နောက်ခံပေးနေရဖြစ်ပါတယ်။

Ref: ဗွီအိုအေ

Read More...

ဒေါ်အောင်ဆန်းစုကြည်ကို ကချင်လူထု ထောင်သောင်းများစွာ ကြိုဆို

2012-02-23

ဒီကနေ့ ကချင်ပြည်နယ် မြစ်ကြီးနားမြို့ကို ရောက်ရှိလာတဲ့ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ကို ကချင် လူထု ထောင်ပေါင်း များစွာက ကြိုဆိုခဲ့ပါတယ်။

မြစ်ကြီးနားမြို့ကနေ မော်တော်ကားနဲ့ ထွက်ခွာလာပြီး နမ္မတီးမြို့ကိုအရောက် ပြည်သူ့ အားကစားကွင်းမှာ စောင့်ကြိုနေတဲ့ ကချင် ပြည်သူ တွေကို ဒေါ်အောင်ဆန်းစုကြည်က နှုတ်ဆက်မိန့်ခွန်း ပြောခဲ့ပါတယ်။


“နမ္မတီးဟာ ကျွန်မ ရွေးကောက်ပွဲ စည်းရုံးရေး ခရီးတွေမှာ ပထမဦးဆုံး ရောက်လာတဲ့ ပြည်နယ်ခရီးစဉ် ဖြစ်ပါတယ်။ ပြည်နယ်ခရီးစဉ် ဒီမှာဆိုလို့ရှိရင် ရှမ်း၊ ဗမာ၊ ကချင် တိုင်းရင်းသားမျိုးစုံကနေပြီးတော့ အတူနေတဲ့ မြို့နယ်တစ်ခုကို ရောက်လာတဲ့အတွက် ကျွန်မ အင် မတန်မှ ဝမ်းသာတယ်။ ဒီမိုးကောင်းမှာလည်း ကျွန်မတို့ အမျိုးသားဒီမိုကရေစီ အဖွဲ့ချုပ်က ဝင်ပြီးတော့ ယှဉ်ပြိုင်ရတဲ့ အကြောင်းရင်း တစ်ခုကတော့ ပြည်ထောင်စုကို ကျွန်မတို့ ထူထောင်ချင်လို့၊ စစ်မှန်တဲ့ ပြည်ထောင်စု စိတ်ဓာတ်ကို ပြန့်ပွားစေချင်လို့ ဖြစ်ပါတယ်”

အဲဒီဘောလုံးကွင်းမှာ လူတွေ အပြည့်ပဲလို့ နမ္မတီး အန်အယ်လ်ဒီ တာဝန်ခံ ဦးဝင်းနိုင်က ပြောပါတယ်။ ငြိမ်းချမ်းရေးအတွက် ဒေါ်အောင် ဆန်းစုကြည်ရဲ့ ဦးဆောင်မှုကို ကချင်ပြည်သူတွေက ထောက်ခံကြောင်း ပြသခဲ့တယ်လို့ မိုးကောင်းမြို့ခရီးစဉ်မှာ လိုက်ပါသွားတဲ့ နမ္မတီး အန်အယ်လ်ဒီ ပြန်ကြားရေး တာဝန်ခံ ကိုမောင်ပွားက ပြောပါတယ်။

ဒီကနေ့ ညနေပိုင်းမှာတော့ ကြားဖြတ် ရွေးကောက်ပွဲမှာ မိုးကောင်းမြို့နယ်ကနေ ၀င်ပြိုင်မယ့် အန်အယ်လ်ဒီ ပြည်သူ့လွှတ်တော် ကိုယ်စားလှယ်လောင်း ဒေါ်ခင်ကြည်အတွက် မိုးကောင်းမြို့ ဘောလုံးအားကစားကွင်းမှာ ဒေါ်အောင်ဆန်းစုကြည် မဲဆွယ် စည်းရုံး ဟောပြောခဲ့ပါတယ်။

ဒီကနေ့မနက်ပိုင်း ရန်ကုန်ကနေ မြစ်ကြီးနားမြို့ကို ထွက်ခွာဖို့ ဒေါ်အောင်ဆန်းစုကြည် လိုက်ပါမယ့် လေယာဉ်ဟာ နှင်းမြူတွေ ဆိုင်းနေ တာကြောင့် သတ်မှတ်ချိန်ထက် နောက်ကျပြီးမှ ပျံသန်းနိုင်ခဲ့ပါတယ်။ ဒါပေမယ့် ဒေသခံကချင်လူထုက ဒေါ်အောင်ဆန်းစုကြည် ရောက် လာမယ့်အချိန်ကို စောင့်ပြီး ကြိုဆိုခဲ့ကြတယ်လို့ နမ္မတီး အန်အယ်လ်ဒီ တာဝန်ရှိသူတွေက ပြောပါတယ်။ မနက်ဖြန် ဗန်းမော်မြို့ ကို ဒေါ်အောင်ဆန်းစုကြည် ဆက်လက် ထွက်ခွာပါလိမ့်မယ်။

ဒီအတောအတွင်း ဒေါ်အောင်ဆန်းစုကြည်ရဲ့ မန္တလေးမြို့လူထု စည်းဝေးပွဲအတွက် နေရာအခက်အခဲ ကြုံတွေ့နေရတဲ့ ပြဿနာနဲ့ပတ် သက်ပြီး မန္တလေးတိုင်း အမျိုးသားဒီမိုကရေစီ အဖွဲ့ချုပ် တာဝန်ခံကို မန္တလေးမြို့တော်ဝန်က ဒီကနေ့ ခေါ်ယူတွေ့ဆုံပြီး ကူညီ ဖြေရှင်း ပေးမယ်လို့ ပြောဆိုခဲ့ကြောင်း သိရပါတယ်။

အဲဒီနောက် ဟောပြောပွဲ ကျင်းပနိုင်ရေးအတွက် မန္တလေးမြို့တော်ဝန်ရဲ့ ညွှန်ကြားချက်နဲ့ သင့်တော်တဲ့ နေရာတွေကို မန္တလေး စည်ပင် သာယာ အရာရှိတစ်ဦးက အန်အယ်လ်ဒီ အဖွဲ့ဝင်တွေနဲ့အတူ ဒီကနေ့ လိုက်ပါ ရှာဖွေခဲ့ကြောင်းနဲ့ နေရာအခက်အခဲ ပြေလည်တော့မယ်လို့ ယူဆကြောင်း အမျိုးသားဒီမိုကရေစီ အဖွဲ့ချုပ် ပြန်ကြားရေး တာဝန်ခံ ဦးအုံးကြိုင်က ပြောပါတယ်။

Ref: အာရ်အဖ်အေ

Read More...

မြစ်ကြီးနားမြို့မှာ သတင်းထောက်တွေ အင်တာနက်သုံးဖို့ အခက်တွေ့

2012-02-23

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ရောက်နေစဉ်အတွင်း မြစ်ကြီးနားမြို့မှာ အင်တာနက်ဆိုင်တွေ ပိတ်ထားပြီး အင်တာနက်လိုင်းတွေ ပြတ်တောက်နေတာကြောင့် လိုက်ပါ သတင်းယူနေကြတဲ့ ပြည်တွင်း ပြည်ပသတင်းထောက်တွေ မိခင်သတင်း ဌာနကို သတင်းပြန်ပို့ဖို့ အခက်ကြုံနေကြရပါတယ်။

မြစ်ကြီးနားမြို့ထဲမှာ လိုက်လံ မေးမြန်းကြည့်တဲ့အခါ အင်တာနက်ဆိုင် လေးဆိုင်က ပိတ်ထားကြောင်း၊ ဖွင့်ထားတဲ့ ဆိုင်တစ်ဆိုင်ကို တွေ့တဲ့အချိန်မှာတော့ မိမိတို့ သတင်းထောက်မှန်းသိတဲ့အခါ အသုံးပြုခွင့် မပေးကြောင်း သတင်းထောက်တစ်ဦးက အာအက်ဖ်အေကို ပြောပါတယ်။

ဒေါ်အောင်ဆန်းစုကြည်ရဲ့ ကချင်ပြည်နယ်ခရီးစဉ်မှာ နိုင်ငံခြားသား သတင်းထောက်တွေအပါအ၀င် ပြည်တွင်း ပြည်ပသတင်းဌာနက သတင်းထောက် ၄၀ နီးပါးလောက် လိုက်ပါ သတင်းယူနေကြတယ်လို့ ဆိုပါတယ်။ မနေ့ညက ဒေါ်အောင်ဆန်းစုကြည်ဟာ မြစ်ကြီးနား ကို ရောက်လာကြတဲ့ ၈၈ ကျောင်းသားခေါင်းဆောင်တွေနဲ့အတူ မြစ်ကြီးနားမြို့ မနောကွင်းမှာကျင်းပတဲ့ ညစာစားပွဲကို တက်ရောက်ခဲ့ ပါတယ်။

ဒီကနေ့မှာတော့ ဒေါ်အောင်ဆန်းစုကြည်ဟာ ဗန်းမော်မြို့မှာ လူထုနဲ့တွေ့ဆုံ ဟောပြောမှာဖြစ်ပြီး ၈၈ ကျောင်းသား ခေါင်းဆောင်တွေက တော့ ဧရာဝတီမြစ်ဆုံဘက်ကို သွားရောက်ကြမယ်လို့ သိရပါတယ်။

Ref: အာရ်အဖ်အေ

Read More...

မြန်မာနိုင်ငံမှာ လူ့အခွင့်အရေး ချိုးဖောက်မှုတွေ ရှိနေသေး

2012-02-23

မြန်မာနိုင်ငံမှာ အပြောင်းအလဲ တွေ့နေရပေမယ့် စစ်တပ်ထိန်းချုပ်မှုများတဲ့ နေရာတွေမှာ အခြေခံကျတဲ့ အပြောင်းအလဲမတွေ့ရဘဲ လူ့ အ ခွင့်အရေး ချိုးဖောက်မှုတွေ အရင်အတိုင်း ဆက်ပေါ်ပေါက်နေသေးတယ်လို့ အမေရိကန်ပြည်ထောင်စု အခြေစိုက် HRW လူ့အခွင့်အရေး စောင့်ကြည့်အဖွဲ့ရဲ့ အကြီးတန်းသုတေသီ မစ္စတာ ဒေးဗစ်မက်သီဆင် (David Matheson) က ပြောလိုက်ပါတယ်။

ဒေးဗစ် မက်သီဆင်ဟာ မြန်မာနိုင်ငံကို မကြာသေးခင်က သွားရောက် လေ့လာခဲ့ပါတယ်။ မနေ့က ဝါရှင်တန် ဒီစီမြို့မှာ ကျင်းပခဲ့တဲ့ သူ့ ခရီး စဉ် အတွေ့အကြုံ ရှင်းလင်းပွဲမှာ မြန်မာအစိုးရကို လက်နက်ကိုင် ဆန့်ကျင်နေတဲ့ အဖွဲ့တွေဘက်ကလည်း လူ့အခွင့်အရေးနဲ့ ပတ် သက်ပြီး ထိန်းသိမ်းဖို့ လိုအပ်နေသေးတယ်လို့ ပြောဆိုခဲ့ပါတယ်။


ဒါ့အပြင် အကျဉ်းထောင်တွေထဲမှာ ကျန်ရှိနေသေးတဲ့ နိုင်ငံရေး အကျဉ်းသားတွေ လွတ်မြောက်ရေးကို နိုင်ငံတကာ အသိုင်းအဝိုင်းက ဆက်လက် တွန်းအားပေးရမှာ ဖြစ်ကြောင်း၊ ဒီအတွက် အပြည်ပြည်ဆိုင်ရာ ကြက်ခြေနီအဖွဲ့ ICRC ကို အကျဉ်းထောင်တွေထဲ ဝင်ရောက် စစ်ဆေးခွင့်ပြုပြီး နိုင်ငံရေး အကျဉ်းသားစာရင်း အတိအကျ ရရှိအောင် ကြိုးပမ်းဖို့ လိုအပ်ကြောင်း ဒေးဗစ်မက်သီဆင်က ပြောဆိုပါတယ်။

မြန်မာနိုင်ငံ ခရီးစဉ်အတွင်း ရန်ကုန်မြို့အခြေစိုက် သံတမန်တွေ၊ ကုလသမဂ္ဂအဖွဲ့တွေ၊ ကချင်ပြည်နယ်အတွင်း လှုပ်ရှားဆောင်ရွက် နေကြတဲ့ လူမှုရေးအဖွဲ့တွေ၊ ၈၈ မျိုးဆက် ကျောင်းသားခေါင်းဆောင်တွေ၊ ပြည်တွင်း သတင်းထောက်တွေနဲ့လည်း တွေ့ဆုံခဲ့ပါတယ်။

ခရီးစဉ် အတွေ့အကြုံအရ အရင်က ထုတ်ဖော် မပြောဆိုရဲခဲ့တဲ့ မြန်မာနိုင်ငံက လူ့အခွင့်အရေး ချိုးဖောက်မှုတွေကို အခုဆိုရင် လူတော် တော်များများက ပြောရဲဆိုရဲလာကြတာ တွေ့ရသလို၊ စစ်တပ်မှာ လူ့အခွင့်အရေး ချိုးဖောက်မှုတွေ ရှိနေတာကို အစိုးရ ထိပ်ပိုင်းခေါင်း ဆောင်တွေ ကိုယ်တိုင်က ပြောဆိုလာတာ တွေ့ရတယ်လို့ ပြောပါတယ်။ အရင်က မဖော်ပြနိုင်တဲ့ သတင်းမျိုးတွေကို အခုဆိုရင် ထုတ် ဖော်ရေးသား ပြောဆိုခွင့် ရလာတာ တွေ့ရတဲ့အတွက် သတင်းမီဒီယာရဲ့အပြောင်းအလဲကိုလည်း တွေ့ခဲ့ရတယ်လို့ ဆိုပါတယ်။

ဘယ်လိုပဲဖြစ်ဖြစ် မြန်မာနိုင်ငံက ဖြစ်ပေါ်ပြောင်းလဲမှုတွေ ရပ်တန့် မသွားအောင် စစ်တပ်နဲ့ လက်နက်ကိုင်အဖွဲ့တွေကို ပြောင်းလဲဖို့ မဖြစ် မနေ လိုအပ်တယ်လို့ ဒေးဗစ် မက်သီဆင်က ပြောဆိုခဲ့ပါတယ်။

Ref: အာရ်အဖ်အေ

Read More...

မန်းငြိမ်းမောင်အမှု ပြည်ထောင်စုဝန်ကြီးကို သက်သေတင်တာ ပယ်ချခံရ

2012-02-23

KNU ဗဟိုကော်မတီဝင် ဖဒိုမန်းငြိမ်းမောင် အမှုနဲ့ပတ်သက်ပြီး သက်သေများအဖြစ် ရထားပို့ဆောင်ရေး ၀န်ကြီး ဦးအောင်မင်းနဲ့ နေပြည် တော် အရာရှိကြီး လေးဦးကို ခေါ်ယူဖို့ တရားခံဘက်က တင်သွင်းခဲ့တာကို အင်းစိန် အထူးတရားရုံးက ဒီကနေ့ ပယ်ချလိုက်ပါတယ်။

ပြီးခဲ့တဲ့ ကြာသာပတေးနေ့ အမှုချိန်းမှာ ဖဒိုမန်းငြိမ်းမောင်ရဲ့ရှေ့နေက ၀န်ကြီး ဦးအောင်မင်း၊ နေပြည်တော်က အရာရှိကြီးလေးဦး၊ အင်းစိန် ထောင်ပိုင် နှစ်ဦးနဲ့ တောင်ကလေးဆရာတော် ဘဒ္ဒ န္တ ပညာသာမိတို့ကို သက်သေအဖြစ် တင်ခဲ့ပါတယ်။ တရားရုံးက အင်းစိန် ထောင်ပိုင် နှစ်ဦးကိုသာ ခွင့်ပြုပြီး ကျန်တရားခံပြသက်သေ ခြောက်ဦးကို လက်မခံဘဲ ငြင်းပယ်လိုက်ပါတယ်။ အခုပယ်ချလိုက်တဲ့ သက် သေတွေဟာ KNU အဖွဲ့နဲ့ ငြိမ်းချမ်းရေး ဆွေးနွေးဖို့ ဖဒိုမန်းငြိမ်းမောင်ဆီက အကြံဉာဏ်များ ရယူ ညှိနှိုင်းခဲ့တဲ့ အရာရှိတွေလို့ မန်းငြိမ်း မောင်ရဲ့ ရှေ့နေ ဦးကြီးမြင့်က ပြောပါတယ်။


သက်သေတွေကို ပယ်ချတာနဲ့ပတ်သက်ပြီး အမူကြန့်ကြာမှာ စိုးရိမ်တာရယ်၊ တရားခံဘက်က ခေါ်ယူတဲ့ သက်သေတွေအနက် နေပြည် တော်က လာရောက်ပြီး အင်းစိ်န်ထောင်တွင်းမှာ မန်းငြိမ်းမောင်ကို တွေ့ဆုံခဲ့တယ် ဆိုတဲ့ အရာရှိကြီးများရဲ့အမည်ကို မန်းငြိမ်းမောင် ကိုယ်တိုင်မသိလို့ သက်သေအမည် ဖော်ပြပြီး လျှောက်ထားနိုင်ခြင်း မရှိတာရယ်ကြောင့် ဖြစ်တယ်လို့ ဦးကြီးမြင့်က ပြောပါတယ်။

ပယ်ချလိုက်တဲ့ သက်သေတစ်ဦးဖြစ်တဲ့ တောင်လေးလုံး ဆရာတော်ကိုတော့ မိမိအစီအစဉ်နဲ့ ခေါ်ယူနိုင်ရင် ခေါ်ယူဖို့ ခြွင်းချက်နဲ့ ခွင့်ပြု တယ်လို့ ဦးကြီးမြင့်က ပြောပါတယ်။ ဒါ့အပြင် အင်းစိန်ထောင်ပိုင်ကြီးနှစ်ဦးကို သက်သေခေါ်ခွင့်ပေးတာကြောင့် မတ်လ ၁ ရက် အမှု ချိန်းမှာ စစ်ဆေးမှာဖြစ်ပြီး နေပြည်တော်က အရာရှိများ ဖဒိုမန်းငြိမ်းမောင်ကို လာတွေ့ကြောင်း ထောင်မှတ်တမ်း စာအုပ်များကို ယူလာ ဖို့လည်း မိမိတို့ဘက်က မှာကြားလိုက်ကြောင်း ပြောပြပါတယ်။

ဖဒိုမန်းငြိမ်းမောင်ကို နိုင်ငံတော်ပုန်ကန်မှုနဲ့ မတရားသင်းနဲ့ ဆက်သွယ်မှုပုဒ်မများနဲ့ စွဲချက်တင်ပြီး အင်းစိန်ထောင် အထူးတရားမရုံးမှာ စစ်ဆေးနေတာပါ။

Ref: အာရ်အဖ်အေ

Read More...

ထိုင်းနယ်စပ် ဒုက္ခသည်စခန်းမှာ အိမ်ခြေ ၁၀၀၀ ခန့် မီးလောင်

2012-02-23

အိမ်ခြေ ၃၀၀၀ ကျော်ရှိတဲ့ ထိုင်းမြန်မာနယ်စပ် အုန်းဖြန် ဒုက္ခသည်စခန်းမှာ ဒီကနေ့ မီးလောင်မှုကြောင့် အိမ်ခြေ တစ်ထောင်နီးပါး ပျက်စီး ဆုံးရှုံးခဲ့မယ်လို့ ခန့်မှန်းကြပါတယ်။

ဒုက္ခသည် ကယ်ဆယ်ရေးအဖွဲ့ TBBC အဆိုအရ ကလေးငယ်တွေ မီးလောင်ဒဏ်ရာရတာ အတော်များပြီး တချို့သတင်းတွေက သေဆုံး မှုရှိတယ်လို့ ဆိုပါတယ်။


ဒုက္ခသည် စခန်းထဲက အိမ်တစ်အိမ်မှာ ထမင်းဟင်းချက်ရာက မီးစတင် လောင်ကျွမ်းခဲ့တာဖြစ်ပြီး အခု မီးဘေးဒုက္ခသည်ဖြစ်ရတဲ့ စစ်ပြေးဒုက္ခသည်တွေဟာ စခန်းအပြင်ကို ထွက်ခွင့်မရှိတဲ့အတွက် စခန်းထဲမှာပဲ ကျန်တဲ့ ဆွေမျိုး နီးစပ်ရာတွေနဲ့ နေထိုင်ကြရမယ်လို့ ဆိုပါတယ်။

အုန်းဖြန် ဒုက္ခသည်စခန်းမှာ စုစုပေါင်း ဒုက္ခသည် တစ်သောင်း ခုနစ်ထောင်လောက် နေထိုင်ကြတယ်လို့လည်း သိရပါတယ်။ ထိုင်း မြန်မာနယ်စပ်မှာ ဒုက္ခသည် စခန်းပေါင်း ၁၀ ခုလောက်ရှိပြီး ဒုက္ခသည် အရေအတွက် တစ်သိန်း လေးသောင်းနီးပါး ရှိတယ်လို့ ကူညီ ရေးအဖွဲ့တွေက ပြောပါတယ်။

Ref: အာရ်အဖ်အေ

Read More...

အုန်းဖျန်ဒုက္ခသည်စခန်း မီးလောင်မှုကြောင့် အိမ်ခြေ ၁,၀၀၀ကျော် ပျက်စီးဆုံးရှုံး

23 February 2012
စောခါးစူးညား

ထိုင်း-မြန်မာနယ်စပ် တာ့ခ်ခရိုင်၊ ဖုတ်ဖရမြို့နယ်အတွင်းရှိ အုန်းဖျန်ဒုက္ခသည်စခန်း၌ ယနေ့ နေ့လည် ၁၂နာရီကျော်မှ မွန်းလွဲ ၁နာရီခွဲ အချိန်ထိ မီးလောင်မှုဖြစ်ပွား၍ ဒုက္ခသည်များ၏ အိမ်ခြေ ၁၀၀၀ကျော် ပျက်စီးဆုံးရှုံးသွားသည်ဟု စခန်းတာဝန်ရှိသူများက ပြောသည်။

မီးကြောင့် လောင်ကျွမ်းသွားသည့် အိမ်ခြေမှာ ၅၆၆လုံးဖြစ်ပြီး မီးကူးစက်မည်စိုး၍ ဖျက်ဆီးပစ်လိုက်သည့် အိမ်ခြေမှာ ၅၁၅လုံးဖြစ် ကြောင်း အုန်းဖျန်စခန်းဥက္ကဌ စောဝါးထီးက ကေအိုင်စီသို့ ပြောဆိုသည်။


စောဝါးထီးက “မီးကတော့ ဇုံဘီ ရပ်ကွက်(၇)က အကြော်ကြော်တဲ့အိမ်ကနေ စလောင်တာလို့ ခန့်မှန်းကြပေမဲ့ အခုထိ အိမ်ရှင်တွေကို လိုက်ရှာလို့ မတွေ့သေးဘူး။ မီးလောင်တဲ့အချိန် လေက အတန်အသင့်ပဲ တိုက်လို့။ ရံဖန်ရံခါ တဟူးဟူးမြည်အောင် တိုက်သလိုမျိုးဆို စခန်းတစ်ခုလုံးတော့ ကုန်ပြီ။”ဟု ပြောသည်။

UNHCR စာရင်းဟောင်းအရ စခန်း၏ ဇုံအေ ရပ်ကွက် (၆)၊ (၇)နှင့် ဇုံဘီ ရပ်ကွက်(၆)၊ (၇)နှင့် (၈)တို့တွင် မီးလောင်ကျွမ်း ကူးစက်သွား ခြင်းဖြစ်သော်လည်း အသစ် ပြန်လည်ဖွဲ့စည်းမှုအရ ရပ်ကွက် (၆)၊ (၇)၊ (၈)၊ (၉)နှင့် (၁၀)တို့တွင် ဖြစ်ပြီး မီးစတင်လောင်ကျွမ်းခြင်းမှာ ရပ်ကွက်(၉)မှ ဖြစ်သည်။

အချိန်တစ်နာရီခွဲနီးပါး ကြာမြင့်ခဲ့သည့် မီးလောင်ကျွမ်းမှုမှာ မီးညွှန့်ကျိုးပြီးနောက် မွန်းလွဲ ၂နာရီခွဲခန့်တွင် ဖုတ်ဖရမြို့နယ်မှ ထိုင်းမီးသတ် ကား ၅စီး ရောက်ရှိလာကာ ဆက်လက် လောင်ကျွမ်းဆဲဖြစ်သည့် မီးစများကို ငြိမ်းသတ်ခဲ့သည်ဟု စခန်းတာဝန်ရှိသူများက ဆိုသည်။

စခန်း တာဝန်ရှိသူများ၏ စာရင်းကောက်ခံချက်အရ မီးဘေးဒုက္ခသည် ၄၄၁၀ဦးရှိပြီး ကရင်မိသားစု ၅အိမ်မှလွဲ၍ ကျန်မီးဘေးဒုက္ခသည် များမှာ မွတ်ဆလင်မ်လူမျိုး ဒုက္ခသည်များသာဖြစ်သည်ဟု သိရသည်။

မီးလောင်ကျွမ်းမှုကြောင့် ထိခိုက်မှု အနည်းငယ်ရှိသည့် ဒုက္ခသည်ဦးရေ ၂၀ကျော်ရှိပြီး လူသေဆုံးမှုမရှိဘဲ အိမ်မွေးတိရိစ္ဆာန် ကြက်၊ ၀က် နှင့် ဘဲများ မီးထဲပါသွားသည်ဟု အုန်းဖျန်ဒုက္ခသည်စခန်းမှ စောထူးပလီက ပြောသည်။

သူက “မီးလောင်တာ ရပ်ကွက်(၉)ကနေ စလောင်တာပါ။ မီးအားတအားပြင်းလို့ မိုးပေါ် မီးလုံးတွေ တလိမ့်လိမ့် တက်သွားတာပဲ။ အုန်း ဖျန်မှာ ဒီလို မီးလောင်တာ အရင်က အိမ်တလုံး၊ နှစ်လုံးပဲ လောင်ဖူးတယ်။ ခု ဒီတခါက အဆိုးဆုံးဖြစ်တယ်။”ဟု ကေအိုင်စီသို့ ပြောသည်။

ယနေ့ ညနေ ၄နာရီကျော်တွင် ထိုင်း-မြန်မာနယ်စပ်အခြေစိုက် ဒုက္ခသည်များကို စားနပ်ရိက္ခာများ ကူညီပေးနေသည့် Thai-Burma Border Consortium-TBBC အဖွဲ့၊ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး UNHCR နှင့် တသီးပုဂ္ဂလကူညီသူများမှ အုန်းဖျန် မီးဘေးဒုက္ခသည်များ၏ လူဦးရေစာရင်းများကို လာရောက်စစ်ဆေးလျှက်ရှိပြီး လိုအပ်သည့် စားနပ်ရိက္ခာနှင့် အ၀တ်အစားများ ကူညီပေး ရန် စီစဉ်နေသည်ဟု စခန်းတာဝန်ရှိသူများက ပြောသည်။

နောက်ဆုံးသတင်းအရ ညနေ ၆နာရီတွင် မီးဘေးဒုက္ခသည်များကို စခန်းရှိ ကျန်ဒုက္ခသည်များက အ၀တ်အထည်နှင့် အစားအစာများ၊ မဲဆောက်အခြေစိုက် ဒေါက်တာစင်သီယာမောင်၏ မယ်တော်ဆေးမှလည်း ရေသန့်ဗူးနှင့် စားစရာ မာမားထုတ်များ သွားရောက်လှူဒါန်းခဲ့ သလို မယ်လစခန်းရှိ ကရင်လူငယ်အစည်းအရုံးမှလည်း အ၀တ်အထည်များ ကူညီရန် စီစဉ်လျှက်ရှိသည်ဟု သိရသည်။

အုန်းဖျန်ဒုက္ခသည်စခန်းတွင် ရပ်ကွက် ၁၆ခုရှိပြီး လက်ရှိ လူဦးရေမှာ ၁၇,၀၀၀ကျော်နှင့် အိမ်ခြေ ၃,၅၀၀လုံးကျော်ရှိသည်ဟု စခန်း တာဝန် ရှိသူများက ပြောသည်။

Ref: ကေအိုင်စီ

Read More...

ပဒိုမန်းငြိမ်မောင်အမှု အင်းစိန်ထောင်ပိုင်နှစ်ဦးကို တရားရုံးမှ ဆင့်ခေါ်ပေးမည်

24 February 2012
နန်းသူးလေ

ပဒိုမန်းငြိမ်းမောင်အမှုအတွက် တရားခံပြ သက်သေအဖြစ် အင်းစိန်ထောင်ပိုင်နှစ်ဦးကို ဆင့်ခေါ်ပေး မည်ဖြစ်ကြောင်း ယနေ့ တရားရုံး တွင် အမိန့်ချမှတ်လိုက်သည်။

ယနေ့ နေ့လည် ၁၂ နာရီမှ ၁နာရီခွဲအထိ ပဒိုမန်းငြိမ်းမောင်အမှုကို ရုံးထုတ်စစ်ဆေးခဲ့ပြီး ယခင် အင်းစိန်ထောင်ပိုင် ဦးဇော်မိုးနှင့် လက်ရှိ အင်းစိန်ထောင်ပိုင် ဦးသက်ရှည်တို့ကို တရားခံပြသက်သေ အဖြစ် ခေါ်ဆောင်ပေးမည် ဖြစ်သည်။


ပဒိုမန်းငြိမ်းမောင်ဘက်က တရားခံပြသက်သေများ၏အမည်အတိအကျ မတင်ပြနိုင်ခြင်းနှင့် အမှုကြန့် ကြာနိုင်ခြင်းတို့ကြောင့် ၈ဦးအနက် ၂ ဦးကိုသာ ခေါ်ဆောင်ပေးသွားမည်ဟု တရားရုံးမှ ဆုံးဖြတ်ချက်ချ ခဲ့သည်ဟု ရှေ့နေဦးကြီးမြင့်က ပြောသည်။

“ကျနော်တို့က နေပြည်တော်က အရာရှိဆိုတာပဲပြောတော့ နာမည်အတိအကျ မဖော်ပြထားလို့ဆိုပြီး အကြောင်းပြတယ်။ ကျနော်တို့ ကလဲ မပြောနိုင်ဘူးဆိုတာက သူတို့ကလည်း မပြောဘူး။ ပဒိုကလည်း မေးပိုင်ခွင့်မရှိဘူးဆိုတော့ သူတို့ပြောတဲ့ဟာကိုပဲ အတည်ပြုပြီး သက်သေစာရင်းတင်ရတာပါ။”ဟု ပြောသည်။

တရားခံပြသက်သေပြ ထောင်ပိုင်နှစ်ဦးသည် ငြိမ်းချမ်းရေးကိစ္စနှင့် ပက်သက်၍ နေပြည်တော်မှ အရာရှိ ကြီးများ ပဒိုမန်းငြိမ်းမောင်အား လာရောက်အကြံဥာဏ် တောင်းဆိုခဲ့သည်များကို ၎င်းတို့၏ မှတ်တမ်း များဖြင့် သက်သေပေးနိုင်လိမ့်မည်ဟု ရှေ့နေဦးကြီးမြင့်က ဆက်ပြောသည်။

၎င်းက “နေပြည်တော်က အရာရှိကြီးတွေ လာခဲ့တယ်ဆိုတာမှန်ရင် ကျနော်တို့ဘက်က သက်သေပြ ထားတဲ့ ငြိမ်းချမ်းရေးလမ်းကြောင်းက ပိုအားကောင်းတာပေါ့ဗျာ။”ဟု ပြောသည်။

ယခင်အပတ် ရုံးထုတ်စစ်ဆေးမှုတွင် ပြည်ထောင်စုငြိမ်းချမ်းရေးကိုယ်စားလှယ် ဦးအောင်မင်း အပါ အ၀င် နေပြည်တော် အရာရှိ ၈ ဦးကို တရားခံပြသက်သေအဖြစ် ဆင့်ခေါ်ပေးရန် ပဒိုမန်းငြိမ်းမောင် ဘက်မှ လျှောက်ထားခဲ့သည်။

ပဒိုမန်းငြိမ်းမောင် အမှုကို နောက်တစ်ပတ် ကြာသပတေးနေ့တွင် ရန်ကုန်တိုင်း မြောက်ပိုင်းခရိုင် အင်းစိန်ထောင်တွင်း အထူးတရားရုံးတွင် ထပ်မံ စစ်ဆေးသွားမည်ဖြစ်သည်။

လက်ရှိ KNU ဘက်မှ ပြုစုထားသည့် စာရင်းများအရ ကရင်နိုင်ငံရေးအကျဉ်းသား (၅၀)၀န်းကျင် ရှိ သေးကြောင်းနှင့် ကျန်ရှိအကျဉ်း သားများကို ပြန်လွှတ်ပေးရန် ကရင့်အမျိုးသားအစည်းအရုံးက ဖေဖော် ၀ါရီလ ၂၂ ရက်နေ့တွင် ကြေညာချက်ထုတ်ပြန်ခဲ့သည်။

၂၀၁၁ ခုနှစ်၊ ဇူလိုင်လ ၂၄ရက်နေ့က ပဒိုမန်းငြိမ်းမောင်သည် တရုတ်လေကြောင်းလိုင်းဖြင့် ကူမင်မှ ရန်ကုန်သို့ ရောက်ရှိစဉ် ၎င်း၏ နိုင်ငံကူးလက်မှတ်တွင် တံဆိပ်တုံးအတု ရိုက်နှိပ်ထားဟု ဆိုပြီး မြန်မာအစိုးရ အာဏာပိုင်များက ဖမ်းဆီးခဲ့ခြင်းဖြစ်သည်။

စက်တင်ဘာလ ၂ ရက်နေ့တွင် ပြစ်မှုဆိုင်ရာ ဥပဒေပုဒ်မ ၄၆၈ နှင့် လူဝင်မှုကြီးကြပ်ရေး အက်ဥပဒေ ပုဒ်မ ၁၃/၁ တို့ဖြင့် ထောင်ဒဏ် ၆လစီ ကျခံစေရန် ရန်ကုန်တိုင်း မင်္ဂလာဒုံ တရားရုံးမှ ချမှတ်ခဲ့သည်။

ထို့အပြင် မတရားသင်းဟု ကြေညာထားသည့် KNU ဗဟိုကော်မတီဝင် ဖြစ်သည်ဟုဆိုကာ နိုင်ငံတော် ပုန်ကုန်မှု ဥပဒေ ပုဒ်မ ၁၂၂(၁) သေဒဏ်(သို့) တစ်သက်တစ်ကျွန်းနှင့် မတရားအသင်း ပုဒ်မ ၁၇ ထောင်ဒဏ် ၂ နှစ်မှ ၃ နှစ်တို့ဖြင့် ထပ်မံစွဲချက်တင် ခံခဲ့ရသည်။

Ref: ကေအိုင်စီ

Read More...

တရုတ်ရှိ မြန်မာအမျိုးသမီးအလုပ် သမားများဥပဒေအကာအကွယ်လိုအပ်နေ

23 February 2012
နန်းသူးလေ

တရုတ်နိုင်ငံတွင်း အလုပ်လုပ်ကိုင်နေကြသည့် မြန်မာရွှေ့ပြောင်းအမျိုးသမီး အလုပ်သမားများ၏ အခွင့်အရေးများကို ဥပဒေဖြင့် အကာ အကွယ်ပေးစေလိုကြောင်း မြန်မာအမျိုးသမီးများ သမဂ္ဂ (BWU) က တရုတ်အစိုးရကို ယနေ့ တောင်းဆိုလိုက်သည်။

ယနေ့ ထုတ်ပြန်လိုက်သည့် တရုတ်နယ်စပ်မြို့နောက်ကွယ်မှ အသံမဲ့ (သို့) ပုန်းကွယ်နေသောအရိပ်များ အမည်ရှိ BWU ၏ အစီရင်ခံစာ တွင် ယင်းသို့ တောင်းဆိုလိုက်ခြင်း ဖြစ်သည်။


BWU အနေဖြင့် လွန်ခဲ့သော ၁၀နှစ်ကျော်ကပင် တရုတ်နိုင်ငံရှိ မြန်မာအမျိုးသမီးများ၏ အလုပ်အကိုင် အခွင့်အလမ်းများကို လေ့လာ စောင့်ကြည့်ကာ အချက်အလက်များ စုဆောင်းခဲ့ပြီး ၂၀၁၀ခုနှစ်၊ ဧပြီမှ နိုဝင်ဘာလအထိ တရုတ်နိုင်ငံတွင် အလုပ်လုပ်ကိုင်နေသည့် မြန်မာအမျိုးသမီး ၃၂ဦးကို တွေ့ဆုံ မေးမြန်း စစ်တမ်းပြုလုပ်၍ အစီရင်ခံစာကို ထုတ်ပြန်ခဲ့ခြင်းဖြစ်သည်။

တရုတ်နိုင်ငံ နယ်စပ်မြို့ဖြစ်သည့် ရွှေလီမြို့တွင် မြန်မာရွှေ့ပြောင်းအလုပ်သမား ၁သိန်းကျော်ရှိနေပြီး အများစုမှာ အမျိုးသမီးအလုပ် သမား ဖြစ်သည်။ ၎င်းအမျိုးသမီးများသည် လိင်ဖျော်ဖြေရေးအလုပ်၊ အိမ်ဖော်၊ ဈေးရောင်းအလုပ်၊ ဆောက်လုပ်ရေးလုပ်ငန်းများနှင့် စက်ရုံအလုပ် ရုံများတွင် လုပ်ကိုင်နေကြသည်ဟု BWU အစီရင်ခံစာတွင် ဖော်ပြထားသည်။

BWU ကော်မတီဝင် ဒေါ်တင်တင်ညိုက “အမျိုးသမီးတွေ ခေါင်းပုံဖြတ်ခံနေရတာတွေ၊ နာရီအကြာကြီး အလုပ်လုပ်ရပြီးမှ အချိန်ပို လုပ် အားခ မရတာတွေ၊ လိင်လုပ်ငန်းက တရားဝင်မဟုတ်တဲ့အတွက် လမ်းပေါ်မှာ ဖောက်သည်လိုက်ရှာတဲ့ အနေအထားတွေမှာ အချိန်မရွေး အန္တရာယ်တွေနဲ့ ကြုံတွေ့နေရတယ်။”ဟု ပြောသည်။

တရုတ်နိုင်ငံ ရွှေလီ၊ ကြယ်ဂေါင်မြို့များတွင် ယခင်နှစ်များထက် မြန်မာအလုပ်သမားဦးရေ ၁၀ဆပိုလာကာ ၎င်းတို့အနက် အများစုမှာ စစ် ကိုင်းတိုင်း၊ ပဲခူးတိုင်း၊ မန္တလေးတိုင်းများမှ ဖြစ်သည်ဟု BWU က ပြောသည်။

မြန်မာပြည်တွင်း အလုပ်အကိုင် ရှာဖွေရခက်ခဲခြင်း၊ လစာရရှိမှု အလွန်နည်းပါးခြင်း၊ စီးပွားရေး၊ နိုင်ငံရေး အခက်အခဲများ ရှိနေခြင်း အလယ်ပိုင်းဒေသများတွင် ပူပြင်းခြောက်သွေ့သဖြင့် လယ်ယာလုပ်ငန်းများ မလုပ်ကိုင်နိုင်ကြတော့သဖြင့် တရုတ်နိုင်ငံဘက်သို့ အလုပ် သွားရောက် လုပ်ကိုင်ကြခြင်းဖြစ်သည်ဟုလည်း BWU ကော်မတီဝင်တစ်ဦးဖြစ်သည့် ဒေါ်နိုးနိုးထက်စံက ပြောသည်။

“ဒီမှာ အလုပ်သမားတယောက်က တလစာဝင်ငွေ ၃၈ဒေါ်လာကနေ ၂၀၈ဒေါ်လာအထိ ရကြတယ်။ အမျိုးသားတွေထက် အမျိုးသမီးရ တာ နည်းတယ်။ နောက်ပြီး ကိုယ်ဝန်ဆောင်သည်တွေဆိုရင် အလုပ်က ထုတ်ပစ်လိုက်တယ်။ အလုပ်ထဲမှာ ထိခိုက်မှုဖြစ်ရင်လည်း လျော် ကြေးမရဘူး။”ဟု သူက ဆက်ပြောသည်။

BWU က ၎င်းတို့၏ ထုတ်ပြန်ချက်ကို ယခုအပတ်အတွင်း တရုတ်သံရုံးသို့ ပို့ဆောင်သွားမည်ဟု ဆိုသည်။

၁၉၉၅ခုနှစ်တွင် စတင် ဖွဲ့စည်းခဲ့သည့် မြန်မာအမျိုးသမီးသမဂ္ဂ (BWU) သည် ၂၀၀၀ပြည့်နှစ်နှင့် ၂၀၀၈ခုနှစ်တို့တွင် ထိုင်း-မြန်မာနယ် စပ်ရှိ ရွှေ့ပြောင်းမြန်မာအမျိုးသမီးများအရေး အစီရင်ခံစာ ထုတ်ပြန်ခဲ့သည်။

Ref: ကေအိုင်စီ

Read More...

မြိုင်ကြီးငူတွင် ဒီကေဘီအေ တပ်ဖွဲ့ဝင် ၇၀ကျော် ၀ိုင်းထားခံရ

23 February 2012
စောသိန်းမြင့်

ကရင်ပြည်နယ်၊ လှိုင်းဘွဲမြို့နယ် မြိုင်ကြီးငူဒေသတွင် အခြေစိုက်သည့် တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA) တပ်ဖွဲ့ဝင် ၇၀ဦးကျော်သည် နယ်ခြားစောင့်တပ် (ဘီဂျီအက်ဖ်) တပ်ဖွဲ့ဝင်များ၏ ၀ိုင်းရံပိတ်ဆို့ထားခြင်းခံနေရသည်ဟု သိရသည်။

ယခုလ ၁၉ရက်နေ့က ဒီကေဘီအေနှင့် ဘီဂျီအက်ဖ်တပ်ဖွဲ့များအကြား ပစ်ခတ်မှု ဖြစ်ပွားခဲ့အပြီး ယခုအချိန်ထိ ဘုန်းကြီးကျောင်းရှိ ဗိုလ် မှူးမောင်လေး(ဖူးကစယ်)နှင့် ဗိုလ်မှူးရဲချစ်ဦးတို့ဦးစီးသည့် ဒီကေဘီအေ ၉၀၅နှင့် ၉၀၆တပ်ရင်းမှ တပ်ဖွဲ့ဝင် ၇၀ကျော်အား နယ်ခြားစောင့် တပ် ၁၀၁၁၊ ၁၀၁၂၊ ၁၀၁၉ တပ်ရင်း သုံးရင်းမှ အင်အား (၇၀၀)ခန့်က ၀ိုင်းထားခြင်းဖြစ်သည်ဟု ဆိုသည်။


ဒီကေဘီအေ တပ်မှူးတစ်ဦးက “လောလောဆယ် အင်ကြင်းမြိုင်ရပ်ကွက် ဘုန်းကြီးကျောင်းမှာ ကျနော်တို့တပ်ဖွဲ့ဝင် ၇၀ကျော်ကို BGF တပ်ဖွဲ့တွေ ၀ိုင်းထားတယ်။ အခြေအနေက အခုထိ တိုးတက်မှု ဘာမှ မရှိသေးဘူး။ သူ့အခြေအနေ ကိုယ့်အခြေအနေ ကြည့်နေကြတာ ပေါ့။”ဟု ပြောသည်။

မြိုင်ကြီးငူ အခြေစိုက် နယ်ခြားစောင့်တပ် ၁၀၁၁တပ်ရင်းမှ ရင်းပိုင်းချောင်းနှင့် မဲ့သဝေါဘက်ရှိ ဒီကေဘီအေစခန်း ၅ခုကို ၀င်ရောက်ပြီး လက်နက်ပေါင်း ၂၀ကျော်ကို သိမ်းယူသွားခဲ့ခြင်းကြောင့် ပစ်ခတ်မှု စတင် ဖြစ်ပွားခဲ့ရာမှ ၎င်းတို့နှစ်ဖွဲ့အကြား အခြေအနေ ပိုမို တင်းမာ လာခြင်းဖြစ်သည်။

အဆိုပါ တင်းမာမှု အခြေအနေများကို ဖြေရှင်းရန် ယမန်နေ့က (ပြည်သူ့စစ်နှင့် နယ်ခြားစောင့်တပ်များ ညွှန်ကြားရေးမှူး ဗိုလ်ချုပ်မောင် မောင်အုန်း၊ အရှေ့တောင်တိုင်း စစ်ဌာနချုပ်တိုင်းမှူး ဗိုလ်မှူးချုပ်ခင်မောင်ဝင်း၊ နယ်ခြားစောင့်တပ် အကြံပေးပုဂ္ဂိုလ် ဗိုလ်ချုပ်ဖားနွီးနှင့် ဒီကေဘီအေဘက်မှ ဗိုလ်မှူးဆန်းအောင်၊ ဗိုလ်မှူးမောင်လေးတို့ မြိုင်ကြီးငူဒေသတွင် တွေ့ဆုံဆွေးနွေးခဲ့သော်လည်း ပြေလည်မှု မရရှိ ကြောင်း ဒီကေဘီအေဘက်က ပြောသည်။

“သိမ်းထားတဲ့ လက်နက်တွေကို ဖားနွီးကတော့ ပြန်ပေးချင်တယ်။ ဗိုလ်ချုပ်မောင်မောင်အုန်းက ပြန်မပေးချင်ဘူးပြောတယ်။ ဒါပေမယ့် ၂ရက်အတွင်းမှာ ပြန်ပေးမယ်လို့ ပြောပြန်တယ်။ အခြေအနေက သိပ်မဟန်ဘူး။”ဟု ဆိုသည်။

၎င်းတင်းမာမှုအခြေအနေကို တာဝန်ရှိသူများ ကြားဝင်ဖြေရှင်း၍ ပြေလည်မှု မရရှိသောကြောင့် ဒီကေဘီအေဘက်က ယမန်နှစ် ဒီဇင်ဘာ လ ၁၁ရက်နေ့တွင် သဘောတူညီခဲ့သည့် အစိုးရနှင့် အပစ်အခတ်ရပ်စဲရေးကို ဖျက်သိမ်းလိုက်သည်ဟု သတင်းများ ထွက်ပေါ်နေသည်။

ထိုကိစ္စနှင့် ပတ်သက်ပြီး ဒီကေဘီအေ G1 ဗိုလ်မှူးကြီးဟီဒိုက “လောလောဆယ် ကျနော်တို့လူတွေ ခရီးသွားတဲ့အခါကျတော့ လက်ရှိ အခြေအနေတွေအားလုံးကို ကျနော်တို့ ပြောလို့မရသေးပါဘူး။ သူတို့တွေ ပြန်ရောက်လာတဲ့အခါကျမှ အကုန်လုံးကို ပြောပြလို့ရမယ်။”ဟု ကေအိုင်စီသို့ ပြောသည်။

ဗိုလ်မှူးစောဘိ ဦးစီးသည့်တပ်ဖွဲ့သည် ယမန်နှစ် အစိုးရ၏ နယ်ခြားတပ်စောင့်ဖွဲ့စည်းရေး လက်ခံခဲ့ပြီးမှ တပ်အင်အား ၁,၀၀၀နီးပါးခန့် ဒီကေဘီအေအဖြစ်သို့ ပြန်လည်ရပ်တည်ခဲ့ပြီး မြိုင်ကြီးငူ အထူးဒေသနှင့် မဲ့သဝေါဒေသတို့တွင် လှုပ်ရှားလျှက်ရှိသည်။ ထို့နောက် ဗိုလ် ချုပ်စောလားပွယ် ဦးစီးသည့် ဒီကေဘီအေ ကလို့ထူးဘောတပ်ဖွဲ့နှင့် ပူးပေါင်းကာ ကလို့ထူးလားအဖွဲ့ဟူ၍ ပြန်လည် ဖွဲ့စည်းခဲ့သည်။

ဒီကေဘီအေတပ်ဖွဲ့သည် ၁၉၉၄ခုနှစ်တွင် ကရင်အမျိုးသားအစည်းအရုံး(ကေအဲန်ယူ)မှ ခွဲထွက်ကာ ၁၅နှစ်ကျော်ကြာ အစိုးရနှင့် ပူးပေါင်း ခဲ့ပြီး ၂၀၁၀ခုနှစ်၊ သြဂုတ်လတွင် တပ်ရင်းအများစုက အစိုးရတပ် လက်အောက်ခံ နယ်ခြားစောင့်တပ်အသွင်သို့ ကူးပြောင်း သွားခဲ့သည်။

သို့သော် ဗိုလ်ချုပ်စောလားပွယ်ဦးစီးသည့် ဒီကေဘီအေတပ်ဖွဲ့က နယ်ခြားစောင့်တပ် ကူးပြောင်းရေး အစီအစဉ်ကို လက်မခံဘဲ ၂၀၁၀ခု နှစ်၊ နိုဝင်ဘာလ ၈ရက်နေ့မှစ၍ တနှစ်နီးပါးကြာ အစိုးရကို ပြန်လည်ခုခံတော်လှန်ခဲ့ရာ ယမန်နှစ် ဒီဇင်ဘာလ ၁၁ရက်နေ့တွင် အစိုးရနှင့် အပစ်အခတ်ရပ်စဲရေး သဘောတူ လက်မှတ်ရေးထိုးခဲ့ကြသည်။

Ref: ကေအိုင်စီ

Read More...

DKBA နှင့် BGF တို့ ပစ်ခတ်မှုတွင် အရပ်သားများ သေဆုံးဒဏ်ရာရရှိခဲ့

23 February 2012

တိုးတက်သော ဗုဒ္ဓဘာသာ ကရင်အမျိုးသား တပ်မတော်(ဒီကေဘီအေ)နှင့် နယ်ခြားစောင့်တပ် (ဘီဂျီအက်ဖ်)တပ်ဖွဲ့တို့ ပြီးခဲ့သည့် ရက် ပိုင်းက ကရင်ပြည်နယ်၊ လှိုင်းဘွဲမြို့နယ် မြိုင်ကြီးငူဒေသတွင် ဖြစ်ပွားခဲ့သည့် ပစ်ခတ်မှုတွင် အရပ်သား ၂ဦးသေဆုံးပြီး ၁ဦး ဒဏ်ရာရရှိခဲ့ သည်။

သေဆုံးသူများမှာ မြိုင်ကြီးငူအထူးဒေသရှိ အင်ကြင်းမြိုင်ရပ်ကွက်တွင် နေထိုင်သူများဖြစ်ကြသည့် အသက် ၂၀ကျော်အရွယ် သားသည် မိခင်တစ်ဦးနှင့် အသက် ၁၈နှစ်အရွယ် မိန်းကလေးတစ်ဦးတို့ ဖြစ်ကြပြီး ဒဏ်ရာရရှိသူမှာ အမျိုးသားတစ်ဦးဖြစ်သည်။


အသက်(၂၀)ကျော်အရွယ် သေဆုံးသူ အမျိုးသမီး၏ ဦးလေးတော်သူက “သူ(သူမ) ဈေးဆိုင်မှာ ဈေးဝယ်တဲ့အချိန်နဲ့ ပစ်ခတ်မှု ဖြစ်ပွားတဲ့ အချိန်က တိုက်ဆိုင်သွားတယ်။ ဖြစ်တဲ့နေရာမှာပဲ ပွဲချင်းပြီး သေသွားတယ်။ သူ့ယောက်ျားက ဘန်ကောက်(ထိုင်းနိုင်ငံ)မှာ အလုပ်သွား လုပ်တယ်။ အခု သူ့ကလေးတွေကတော့ အမျိုးတွေနဲ့ ကျန်ရစ်ခဲ့တယ်။”ဟု ကေအိုင်စီသို့ ပြောသည်။

ယခုလ ၁၉ရက်နေ့ နယ်ခြားစောင့်တပ် ၁၀၁၁မှ ဗိုလ်ဘိ ဦးဆောင်သည့် ဒီကေဘီအေ ကလို့ထူးလားအဖွဲ့၏ လက်နက် ၂၀ကျော် သိမ်း ဆည်းခဲ့အပြီး ဒီကေဘီအေဘက်က ပြန်လည်တောင်းယူ၍ မရသောကြောင့် မြိုင်ကြီးငူလမ်းခွဲတွင် ပစ်ခတ်မှု ဖြစ်ပွားခဲ့ရာ နယ်ခြားစောင့် တပ်ဘက်မှ ကားတစ်စီး ပျက်စီးကာ တပ်ဖွဲ့ဝင် ၅ဦး ထိခိုက်သေဆုံးခဲ့သည်ဟု ဒီကေဘီအေဘက်က ပြောသည်။

ထို့အပြင် နောက်တနေ့မနက် ၁၁နာရီကျော်တွင်လည်း နယ်ခြားစောင့်တပ် (၁၀၁၁)တပ်ရင်းမှ DKBA စစ်ကွပ်ကဲရေးစခန်းက စစ်ဦးစီးမှူး ဖြစ်သူ ဗိုလ်မှူးဝင်းမောင်အား အဝေးမှ စနိုက်ပါ ရိုင်ဖယ်ဖြင့် ပစ်ခတ်ခဲ့သဖြင့် နှစ်ဘက် စစ်ရေးအခြေအနေ ပိုမိုတင်းမာလာခဲ့သည်။

ယင်းသို့ ၎င်းတို့နှစ်ဖွဲ့အကြား စစ်ရေး တင်းမာမှုကြောင့် ထိုင်း-မြန်မာနယ်စပ် လှိုင်းဘွဲမြို့နယ်ရှိ မဲ့သဝေါကျေးရွာသူ ရွာသား ၅၀ဦးခန့်မှာ ထိုင်းနိုင်ငံဘက်ခြမ်းသို့ ခေတ္တ ထွက်ပြေးခိုလှုံခဲ့ရသည်။

Ref: ကေအိုင်စီ

Read More...

အုန်းဖျန်ဒုက္ခသည်စခန်း မီးလောင်မှု ကြီးကျယ်

23 February 2012

ထိုင်း-မြန်မာနယ်စပ် တာ့ခ်ခရိုင်၊ ဖုတ်ဖရမြို့နယ်အတွင်းရှိ အုန်းဖျန်ဒုက္ခသည်စခန်းတွင် ယနေ့ နေ့လည် ၁၂နာရီကျော်အချိန်မှစ၍ ယခု အချိန်ထိ မီးလောင်မှု ဖြစ်ပွားလျှက်ရှိသည်။

အုန်းဖျန်စခန်း၏ ရပ်ကွက်(၆)၊ (၇)နှင့် (၈)တို့တွင် မီးလောင်ကျွမ်းနေခြင်းဖြစ်ပြီး လောင်ကျွမ်းရသည့် အကြောင်းရင်းကို လက်ရှိအချိန် တွင် ကေအိုင်စီမှ ဆက်လက်စုံစမ်းနေဆဲ ဖြစ်သည်။


“မီးလောင်တာ ၁၀မိနစ်လောက်ပဲ ရှိသေးတယ်။ မီးလုံးကြီးတွေက တအားတက်နေတယ်။ အခုထိလည်း တော်တော်လောင်နေတုန်းပဲ။ လေက ကျနော်တို့ရပ်ကွက်ဘက်ကိုတောင် တိုက်နေတော့ နည်းနည်း စိတ်ပူပြီး အခု လှမ်းကြည့်နေရတာ။”ဟု ရပ်ကွက်(၁)နေ ဦး အောင်ကျော်မြင့်က ပြောသည်။

ယနေ့သည် စခန်းဂိုဒေါင်များတွင် ဒုက္ခသည်များက ရိက္ခာအတွက် လူစစ်နေချိန်ဖြစ်သော်လည်း ယင်းမီးလောင်မှုကြောင့် ကစဥ့်ကလျား ပြေးလွှားနေကြသည်ဟု သူက ဆိုသည်။

လက်ရှိအခြေအနေတွင် အိမ်အလုံး (၁၀၀)ကျော်မီးထဲ ပါသွားပြီဖြစ်ကြောင်း အုန်းဖျန်ဒုက္ခသည်စခန်းမှ စောထူးပလီက ကေအိုင်စီကို ပြောသည်။

Ref: ကေအိုင်စီ

Read More...

အုန်းဖျံ ဒုက္ခသည် စခန်းမီး လူလေးထောင်ကျော် အိုးအိမ်မဲ့ဖြစ်ကုန်

ကျော်ခ
ဖေဖေါ်ဝါရီလ ၂၃ ရက် ၂၀၁၂ ခုနှစ်

ထိုင်းနိုင်ငံ တာ့ခ်ခရိုင်၊ ဖုတ်ဖရာ့မြို့နယ်အတွင်း မြန်မာဒုက္ခသည်များ ခိုလှုံနေထိုင်သော အုန်းဖျံ ဒုက္ခသည်စခန်းတွင် ရပ်ကွက် ၆ ခုကို ကြာသပတေးနေ့က နှစ်နာရီကျော်ကြာ မီးလောင်ကျွမ်းမှု ဖြစ်ပွားခဲ့ ပြီးနောက် လူဦးရေ လေးထောင်ကျော် အိုးအိမ်မဲ့ ဖြစ်သွားရသည်။

ရပ်ကွက်ပေါင်း ၁၆ ရပ်ကွက်ရှိသော အဆိုပါ ဒုက္ခသည်စခန်းထဲရှိ အမှတ် ၉ ရပ်ကွက်မှ မုန့်ကြော်နေသည့် မီးဖိုမှ တဆင့် မွန်းတည့်ချိန်မှ မွန်းလွဲ နှစ်နာရီခွဲချိန်ထိ အပြင်းအထန် လောင်ကျွမ်းခဲ့ပြီး စခန်းတွင်းရှိ ဇုန် A ရပ်ကွက် ၆၊ ၇ နှင့် ဇုန် B ရပ်ကွက် ၆၊ ၇၊ ၈ တို့မှ အိမ်ခြေ ၅၆၆ လုံး မီးထဲပါသွားပြီး လူဦးရေ ၄၄၁၀ ဦး အိုးအိမ်မဲ့ဖြစ်ခဲ့ရသည်ဟု စခန်း ဥက္ကဋ္ဌ စောဝါးထီး က မဇ္ဈိမကို ပြောသည်။

“ဒီမှာ ဒီလောက်ကြီးကြီးကျယ်ကျယ် လောင်တာမျိုး တခါမှ မလောင်ဖူးဘူးဗျာ” ဟု ပြောသည်။

ဖုတ်ဖရာ့မြို့မှ မီးသတ်ကားများသည် မွန်းလွဲ နှစ်နာရီခွဲမှ ရောက်ရှိလာကြရာ မီးညွှန့်ကျိုးခဲ့ကြောင်း သိရသည်။ အုန်းဖျံ ဒုက္ခသည် စခန်းသည် ထိုင်း-မြန်မာ နယ်စပ်မြို့ဖြစ်သော မဲဆောက်မြို့နှင့် ကီလိုမီတာ ၈၀ ကျော် ကွာဝေးသည်။

မီးလောင်နေမှုကို မူလက စခန်းသူ၊ စခန်းသားများဖြင့် ငြှိမ်းသတ်နေကြပြီး မီး မကူးစက်မီ ကြိုတင်တားဆီးရန်အတွက် အိမ်အလုံး ရေ ၅၁၅ လုံးကိုလည်း ဖြိုဖျက်ပစ်ခဲ့ရကြောင်း သိရသည်။ မီးလောင်နေစဉ် အမျိုးသမီးများ၊ ကလေးငယ် များနှင့် သက်ကြီးရွယ်အိုများက အိုးအိမ်များ စွန့်ကာ အသက်လု ပြေးခဲ့ကြရသည်။

“မြင်နေရတာ တကယ့် ငရဲပါပဲဗျာ။ အမှိုက်ပုံကို မီးရှို့တော့ အောက်က ပုရွက်ဆိတ်တွေ ထွက်ပြေးကြသလိုပဲဗျာ။ မီးနဲ့လွတ်တဲ့ ကွင်းတွေ၊ ဘေးလွတ်ရာတွေကို ပြေးကြတာ။ လေကလည်းတိုက် နေကလည်းပူဆိုတော့။ မီးက အရမ်းမြန်တယ်။ ကျုပ်တို့လည်း ဘာမှ ယူမ လာ ခဲ့နိုင်ဘူး။ အဝတ်တထည် ကိုယ်တခုနဲ့ပဲ ပြေးရတာ” ဟု အမှတ် ၉ ရပ်ကွက်တွင်နေထိုင် သူ ဒုက္ခသည် တဦးက မဇ္ဈိမကို ပြောသည်။

ဒုက္ခသည် စခန်းတွင်းရှိ အိမ်များသည် သစ်၊ ဝါးနှင့် မြက်သက်ကယ် အမိုးများဖြင့် ဆောက်လုပ်ထားသည့် အိမ်များ ဖြစ်သဖြင့် မီးလောင်အား ပိုမိုအားကောင်းစေခဲ့သည်ဟု ဒုက္ခသည်တွေက ပြောသည်။

“မီးလောင်တာ တွေ့တာနဲ့ အိမ်ခန်းထဲမှာ အဝတ်အထည်တွေနဲ့ အစားအသောက်တွေ သယ်ဖို့ လုပ်တယ်။ ခဏပဲ မီးခိုးလုံးတွေ အိမ်ထဲ ကိုဝင်လာတာနဲ့ မိန်းမနဲ့ ကလေးတွေကို ဆွဲပြီး ဘေးလွတ်ရာ ပြေးရတာပဲ။ ဘာမှကို ယူချိန် မရလိုက်ဘူး” ဟု ရပ်ကွက် ၇ တွင်နေထိုင်သူ တဦးက မဇ္ဈိမကို ပြောသည်။

မီးလောင်မှု ဖြစ်ပွားခဲ့သည် ရပ်ကွက် ၅ ခုတွင် မွတ်စလင် ဘာသာဝင်များ အများဆုံး နေထိုင်ပြီး မီးစွဲလောင်ခဲ့သည့် အိမ် ၅၆၆ လုံး အနက် ၈ လုံးမှာ ကရင်နှင့် အခြား တိုင်းရင်းသား အိမ်များဖြစ်ကြောင်း စခန်းဥက္ကဋ္ဌက ပြောသည်။ မီးလောင်စဉ်၌ အိမ်များအပြင် ဗလီ နှစ်ခု၊ မူကြိုကျောင်း နှစ်ကျောင်းနှင့် မွတ်ဆလင် အမျိုးသမီးများအသင်းရုံးတို့ ဆုံးရှုံးခဲ့ရသည်။

မီးဘေးသင့် ဒုက္ခသည်များကို စခန်းတွင်းရှိ ရပ်ကွက်များမှ အခြားဒုက္ခသည်များ၏ အိမ်များ၊ ဗလီနှင့် နေရာလွတ်များ တွင် ခေတ္တ ခိုလှုံထားစေပြီး အစားအသောက်၊ အဝတ်အထည်၊ စောင်နှင့် ဖျာအချို့ကို Thailand Burma Border Consortium (TBBC)နှင့် မဲဆောက်အခြေစိုက် မြန်မာ NGO အဖွဲ့စည်းအချို့က လာရောက် ပို့ဆောင်ပေးကြသည်ဟု သိရသည်။

အုန်းဖျံစခန်းတွင် မြန်မာဒုက္ခသည် ၁၆,၀၀၀ ကျော် ရှိသည်ဟု ထိုင်း-မြန်မာနယ်စပ် ဒုက္ခသည်များ အကူအညီပေးရေး အဖွဲ့ TBBC ၏ ၂၀၁၁ ခုနှစ် မေလ စာရင်းအရ သိရသည်။

Ref: မဇ္ဈိမ

Read More...

စစ်မှန်သည့် ပြည်ထောင်စုအတွက် NLD ရွေးကောက်ပွဲဝင်ဟုဆို

ဖနိဒါ
ဖေဖေါ်ဝါရီလ ၂၃ ရက် ၂၀၁၂ ခုနှစ်

အမျိုးသား ဒီမိုကရေစီ အဖွဲ့ချုပ် NLD အနေဖြင့် တိုင်းရင်းသားများ ညီညီညွတ်ညွတ်နှင့် စစ်မှန်သော ပြည်ထောင်စု ထူထောင်လိုခြင်း ကြောင့် ရွေးကောက်ပွဲ ဝင်ခြင်း ဖြစ်သည်ဟု ဒေါ်အောင်ဆန်းစုကြည်က ကြာသပတေးနေ့ ကချင်ပြည်နယ် နမ္မတီးမြို့ ဟောပြောပွဲတွင် ပြောကြားလိုက်သည်။

“အမျိုးသားဒီမိုကရေစီ အဖွဲ့ချုပ်က ရွေးကောက်ပွဲဝင်ရတဲ့ အကြောင်းအရင်း တခုကတော့ ပြည်ထောင်စုကို ထူထောင်ချင်လို့ စစ်မှန်တဲ့ ပြည်ထောင်စု စိတ်ဓါတ်ကို ပြန့်ပွားစေချင်လို့ ဖြစ်ပါတယ်။ အဖွဲ့ချုပ် စဖွဲ့ထားစဉ် ကတည်းက တိုင်းရင်းသားများ အားလုံး သွေးစည်း ညီညွတ်ရေးကို ဦးတည်ရန် ဖြစ်တယ်”ဟု လူထုပရိသတ် ငါးသောင်းခန့်အား ဒေါ်အောင်ဆန်းစုကြည်က ပြောကြားခဲ့သည်။

မိုးကောင်းမြို့နယ်အတွင်းရှိ လူငယ်များ အလုပ်လက်မဲ့ပြဿနာမှာ ကြီးမားပြီး လူငယ်များနှင့် ထိုက်တန်သည့် အလုပ်အကိုင်များ နည်းပါး နေကြောင်း ထိုပြဿနာကို ဖြေရှင်းနိုင်ရန်အတွက် မိုးကောင်းတွင် ဝင်ရောက် ယှဉ်ပြိုင်မည့် NLD ကိုယ်စားလှယ်လောင်း ဒေါ်ခင်ကြည်ကို မဲထည့်ရန်လည်း မဲဆွယ်စည်းရုံးခဲ့သည်။


ဒီမိုကရေစီ ဖွံ့ဖြိုးတိုးတက်ရန်အတွက် NLD ပါတီအနေဖြင့် အမျိုးသမီး ကိုယ်စားလှယ် လောင်းများကို အဓိကထား ဝင်ရောက်ယှဉ်ပြိုင် စေခြင်း ဖြစ်ကြောင်းလည်း ပြောကြားသည်။

“အမျိုးသမီးတွေရဲ့ အင်အား မသုံးဘူးဆိုလို့ ရှိရင် ကျမတို့နိုင်ငံမှာ တိုးတက်သင့်သလောက် တိုးတက်မှာ မဟုတ်ပါ ဘူး။ မြန်မာနိုင်ငံမှာ အမျိုးသမီးလူဦးရေက (အမျိုးသားဦးရေထက်) နည်းနည်းလေး သာပါသေးတယ်။ ထိရောက်အောင် အမျိုးသမီးတွေကို တဝက်မက အသုံးပြုဖို့လိုတယ်။ ဒါကြောင့် အမျိုးသမီးတွေကို တတ်နိုင်သလောက်
ရွေးချယ်တာ ဖြစ်တယ်”ဟု ပြောသည်။

ကြားဖြတ်ရွေးကောက်ပွဲတွင် NLD ပါတီက ဒေါ်အောင်ဆန်းစုကြည်အပါအဝင် အမျိုးသမီးကိုယ်စားလှယ်လောင်း ၁၂ ဦး ဝင်ရောက် ယှဉ်မည် ဖြစ်သည်။

နမ္မတီးမြို့တွင် ဟောပြောပြီးနောက် မိုးကောင်းမြို့ အိုးတန်းဘောလုံးကွင်းတွင်လည်း ဆက်လက် ဟောပြောခဲ့သေး သည်။

မိမိဒေသတွင် လာရောက် စည်းရုံးသည့် မည်သည့် ပါတီ ကိုယ်စားလှယ်လောင်းကိုမဆို မေးခွန်းမေးရန် လိုအပ်သလို၊ ကိုယ်စား လှယ်လောင်း ဘက်ကလည်း မဲဆန္ဒရှင်များအား ထောက်ခံခိုင်းသည့် အကြောင်းအရင်းကို ရှင်းပြနိုင်ရမည် ဟု ဒေါ်အောင် ဆန်းစု ကြည်က မိုးကောင်းမြို့တွင် ထည့်သွင်း ဟောပြောခဲ့သေးသည်။

ဒေါ်အောင်ဆန်းစုကြည်သည် မိုးကောင်းမြို့မှ ကြာသာပတေးနေ့ ညနေ ၇ နာရီခွဲတွင် မြစ်ကြီးနားမြို့သို့ ပြန်လည် ရောက်ရှိလာပြီး ကချင်တိုင်းရင်းသား ခေါင်းဆောင်များနှင့် အတူ ညစာစားပွဲ ကျင်းပခဲ့သည်။

မြစ်ကြီးနားမြို့ရှိ Unity ဟိုတယ်တွင် တည်းခိုမည်ကာ သောကြာနေ့ မနက် ၈ နာရီ အချိန်တွင် မြစ်ကြီးနား စီတာပူ ရပ်ကွက်ရှိ မနောကွင်း တွင် ဟောပြောဦးမည် ဖြစ်သည်။

ဒေါ်အောင်ဆန်းစုကြည်သည် ကချင်ပြည်နယ်သို့ ၁၉၈၉ ခုနှစ် နှင့် ၂ဝဝ၃ ခုနှစ်များတွင် သွားရောက်ခဲ့ပြီး ယခု ခရီးစဉ် မှာ တတိယ အကြိမ်မြောက် ဖြစ်သည်။

၁၉၈၉ ခုနှစ်က သွားရောက်စဉ် ပင်လုံပြည်ထောင်စု လမ်းပြမြေပုံကို ဗိုလ်ချုပ်အောင်ဆန်းနှင့်အတူ ရေးဆွဲခဲ့သည့် ဒူဝါဇော်ရစ်ပ်နှင့် တွေ့ဆုံဆွေးနွေးခဲ့သည်။

၈၈ မျိုးဆက်ကျောင်းသားများလည်း သောကြာနေ့တွင် ကျင်းပမည့် “မြစ်ဆုံ၏ ကျေးဇူး ပဲ့တင်သံ” အမည်ပေးထားသော ဘာသာပေါင်းစုံ ဆုတောင်းပွဲ တက်ရောက်ရန် ရောက်ရှိနေပြီ ဖြစ်ကြောင်း သိရသည်။

Ref: မဇ္ဈိမ

Read More...

ဥက္ကဋ္ဌ တာဝန်ယူရေး မြန်မာပြင်ဆင်မှု အာဆီယံ အကောင်းမြင်

ညီသစ်
ဖေဖေါ်ဝါရီလ ၂၃ ရက် ၂၀၁၂ ခုနှစ်

၂၀၁၄ ခုနှစ် အာဆီယံ အလှည့်ကျ ဥက္ကဋ္ဌအဖြစ် တာဝန်ယူရန် မြန်မာနိုင်ငံ၏ ပြင်ဆင်မှုကို အာဆီယံအဖွဲ့ အနေဖြင့် အကောင်းဘက်မှ ရှုမြင်ကြောင်း အာဆီယံ အထွေထွေ အတွင်းရေးမှူးချုပ် ဒေါက်တာ Surin Pitsuwan က ဖေဖော်ဝါရီလ ၂၃ ရက်နေ့က ပြောကြားခဲ့သည်။

သို့သော် စိန်ခေါ်မှုများ ရှိနေသေးသလို ကြိုးပမ်းလုပ်ဆောင်ရန်များလည်း ကျန်ရှိနေသေးကြောင်း Surin Pitsuwan က သတင်းထောက် များအား ရန်ကုန်မြို့ နိုင်ငံခြား သတင်းထောက်များ ကလပ် (FCC) တွင် ပြောဆိုသွားသည်။

“အခုအချိန်ဟာ မြန်မာနိုင်ငံ အနေနဲ့ အာဆီယံ ထိပ်သီးညီလာခံ ကျင်းပရေးအတွက် ပြင်ဆင်ဖို့ ပြင်းထန်တဲ့ စိန်ခေါ်မှုတွေနဲ့ ရှိနေတဲ့ ကာလဖြစ်ပါတယ်။ အဲဒါကို လုပ်နိုင်စွမ်းရှိတယ်လို့ မြန်မာ အစိုးရက ယုံကြည်နေပေမယ့် လုပ်စရာတွေတော့ ရှိနေပါသေးတယ်” ဟု ဒေါက်တာ Surin Pitsuwan က ပြောခဲ့သည်။

မြန်မာခေါင်းဆောင်များ၏ လက်ရှိ ပြင်ဆင်နေမှုကို ကျေနပ်မိကြောင်းလည်း ဒေါက်တာ Surin က ပြောခဲ့သည်။

၂၀၁၄ ခုနှစ် အာဆီယံ အလှည့်ကျ ဥက္ကဋ္ဌ ရာထူးကို လာအိုနိုင်ငံအစား မြန်မာနိုင်ငံအား ပေးအပ်ရန် အာဆီယံ ခေါင်းဆောင်များ က အင်ဒိုနီးရှားနိုင်ငံ ဘာလီမြို့တွင် ၂၀၁၁ ခုနှစ် နိုဝင်ဘာလက အတည်ပြုပေးခဲ့ကြသည်။

ဒေါက်တာ Surin Pitsuwan သည် လေးရက်ကြာ ခရီးစဉ်အတွင်း မြန်မာ အစိုးရ အကြီးတန်း အရာရှိများနှင့်လည်း တွေ့ဆုံခဲ့ပြီး မြန်မာနိုင်ငံနှင့် အာဆီယံ အတွင်းရေးမှူးရုံးအကြား ပူးပေါင်းဆောင်ရွက်မှုများ မြှင့်တင်ရန်နှင့် မြန်မာနိုင်ငံ အနေဖြင့် အဓိကကျသည့် ဆောင်ရွက်မှုများ လုပ်ဆောင်နိုင်ရေးအတွက် အကူအညီ ပေးနိုင်ရေးအတွက် သင်တန်း များ အလုပ်ရုံဆွေးနွေးပွဲများ ကျင်းပပေးရန် နည်းလမ်းများ ရှာဖွေသွားမည်ဟု ဆိုသည်။

“၂ဝ၁၄ မှာ မြန်မာနိုင်ငံ အာဆီယံ ဥက္ကဋ္ဌ ရာထူး ရယူခြင်းဟာ အာဆီယံ သမိုင်းမှာ အရေးပါတဲ့ မှတ်တိုင် တခုလို ဖြစ်လာပါလိမ့် မယ်။ မြန်မာအစိုးရအနေနဲ့ အခွင့်အလမ်းတွေကို တကယ်အစစ်အမှန် နားလည် သဘောပေါက်ပြီးတော့ ဝန်ကြီးဌာနတိုင်းဟာ အများကြီး အလုပ် လုပ်ရဦးမယ်ဆိုတာကို သိတယ်လို့ ကျနော်ထင်ပါတယ်” ဟု ဒေါက်တာ Surin က ဆိုသည်။

ထို့ပြင် အာဆီယံ၏ မိတ်ဆွေများဖြစ်သည့် အမေရိကန်၊ ဥရောပ သမဂ္ဂ၊ ရုရှား၊ တရုတ်၊ ကိုရီးယား၊ ဂျပန်၊ နယူးဇီလန် နှင့် သြစတြေးလျ နိုင်ငံများကလည်း မြန်မာနိုင်ငံ အာဆီယံဥက္ကဋ္ဌ ရာထူး ရယူရာတွင် အကူအညီပေးလိုကြသည် ဟု ဆိုသည်။

ကျွမ်းကျင်သူများက မြန်မာနိုင်ငံအနေဖြင့် အခြေခံ အဆောက်အအုံများ၊ ထောက်ပံ့ပို့ဆောင်ရေးအတွက် စီမံမှုနှင့် ဆက်သွယ်ရေး ကဏ္ဍများတွင် များစွာ အကောင်အထည်ဖော် လုပ်ဆောင်ရဦးမည်ဟု ထောက်ပြကြသည်။

“ကမ္ဘာအနှံ့က သတင်းထောက် ၂၀၀၀ ကျော်ဟာ အာဆီယံ ထိပ်သီး ဆွေးနွေးပွဲကို တက်ရောက်လေ့ ရှိပါတယ်။ သူတို့အတွက် မြန်မာ နိုင်ငံမှာ နေရာထိုင်ခင်း၊ အခန်း အလုံအလောက် ရှိရဲ့လားဆိုတာ မေးစရာ ရှိလာပါပြီ။ မြန်မာ နိုင်ငံမှာ သတင်းနည်းပညာ ဆက်သွယ် ရေးစနစ် ချို့တဲ့နေတာကို ပြဖို့ အဆင်သင့် ဖြစ်နေပြီလား ဆိုတာကလည်း မေးခွန်းထုတ်စရာပါ။ အများကြီး လုပ်ဖို့ လိုပါသေးတယ်” ဟု ပြည်တွင်း သတင်းထောက် တဦးက ဆိုခဲ့သည်။

ဒေါက်တာ Surin Pitsuwan သည် ဒေါ်အောင်ဆန်းစုကြည်နှင့်လည်း နေအိမ်တွင် ဖေဖော်ဝါရီလ ၂၂ ရက်နေ့က နာရီအနည်းငယ်ကြာ တွေ့ဆုံခဲ့ပြီး အာဆီယံ လိုဂိုပါသည့် တီရှပ်အင်္ကျီကို လက်ဆောင်ပေးအပ်ခဲ့သည်။

အာဆီယံ အတွင်းရေးမှူးရုံး၏ ကြေညာချက်ထဲတွင် ဖော်ပြထားသည်မှာ ဒေါ်အောင်ဆန်းစုကြည်က အာဆီယံအား မြန်မာနိုင်ငံ နှင့် ကမ္ဘာအကြား ပေါင်းကူး ကူညီပေးရန် တိုက်တွန်းခဲ့သည်ဟု ဆိုသည်။

ပြုပြင်ပြောင်းလဲရေး အားထုတ်မှု၏ အရှိန်၊ အတိမ်အနက်နှင့် ဦးတည်ချက်များကို သတိထားနေသော်လည်း မြန်မာနိုင်ငံ အနေဖြင့် အာဆီယံအဖွဲ့အတွင်း တိုးတက်မှု အရှိဆုံးနှင့် အကြွယ်ဝဆုံး အဖွဲ့ဝင်နိုင်ငံ အလွယ်တကူနှင့် ဖြစ်လာနိုင်မှာ သေချာသည်ဟု လည်း ဒေါ်အောင်ဆန်းစုကြည်က ပြောခဲ့သည်။

“မလေးရှားနိုင်ငံကို အာဆီယံ ဥက္ကဋ္ဌ ရာထူး မလွှဲအပ်ခင် ၂၀၁၄ ခုနှစ် ဒီဇင်ဘာလ ၃၁ ရက်နေ့ အထိ မြန်မာနိုင်ငံဟာ တာဝန်ရှိတဲ့ နိုင်ငံဖြစ်လာမှာပါ။ ပုခုံးပေါ်မှာ တာဝန်ယူရမယ့် ကိစ္စတွေ အများအပြား ရှိလာမှာ ဖြစ်ပါတယ်” လို့လည်း ဒေါက်တာ Surin က ၂၀၁၅ ခုနှစ် အာဆီယံ အနေအထားကို သွယ်ဝိုက်ကာ ရည်ညွှန်းပြောဆိုခဲ့ကြောင်း အာဆီယံ အတွင်းရေးမှူးရုံး ကြေညာချက်ထဲမှာ ဖော်ပြ ထားပါတယ်။

Ref: မဇ္ဈိမ

Read More...

မန်းငြိမ်းမောင် သက်သေ နှစ်ဦးသာ ခွင့်ပြု

ကိုဝိုင်း
ဖေဖေါ်ဝါရီလ ၂၃ ရက် ၂၀၁၂ ခုနှစ်

နိုင်ငံတော်ပုန်ကန်မှုဖြင့် တရားစွဲခံနေရသည့် ကရင်အမျိုးသား အစည်းအရုံး KNU ဗဟိုကော်မတီဝင် ပဒိုမန်းငြိမ်းမောင် တောင်းဆို ထားသည့် သက်သေ ရှစ်ဦးအနက် နှစ်ဦးကိုသာ ခေါ်ယူပေးမည် ဖြစ်ပြီး မတ်လ ၁ ရက်နေ့တွင် စစ်ဆေးခွင့်ရမည် ဖြစ်သည်။

ရထားဝန်ကြီး ဦးအောင်မင်း အပါအဝင် နေပြည်တော်မှ စစ်ဘက်ရေးရာ လုံခြုံရေး (စရဖ) အရာရှိကြီးများ၊ လက်ရှိ အင်းစိန်ထောင်ပိုင်နှင့် ထောင်ပိုင်ဟောင်း အပါအဝင် စုစုပေါင်း ၈ ဦးကို အင်းစိန် အထူးတရားရုံးသို့ ဆင့်ခေါ်ပေး ရန် ဖေဖော်ဝါရီ ၁၆ ရက်နေ့ ရုံးချိန်းအတွင်း မန်းငြိမ်းမောင် ဘက်မှ လျှောက်ထားခဲ့ခြင်း ဖြစ်သည်။

အဆိုပါ လျှောက်ထားချက်အား ရန်ကုန်မြောက်ပိုင်းခရိုင် ဒုတိယခရိုင်တရားသူကြီး ဦးလှဝင်းက ကြာသပတေးနေ့တွင် အကြောင်း ပြန်ခဲ့ရာ အင်းစိန်ထောင်ပိုင်နှင့် ထောင်ပိုင်ဟောင်းတို့ကိုသာ ခွင့်ပြုကြောင်း မန်းငြိမ်းမောင်၏ ရှေ့နေ ဦးကြီးမြင့်က မဇ္ဈိမကို ပြောသည်။

“ထောက်လှမ်းရေးမှူးတွေကို ခေါ်မပေးဘူး။ အမှု ကြန့်ကြာမယ်ပေါ့ဗျာ။ ကျနော်တို့က နေပြည်တော်မှ အရာရှိကြီး နှစ်ဦးဆိုတာ အမည် ဖော်ပြမထားလို့ ပေါ့ဗျာ။ အမည်ဘာလို့ ဖော်ပြမထားနိုင်လဲ ဆိုတော့ သူတို့ကလည်း မပြောဘူးဗျ။ ပဒိုက မေးပိုင်ခွင့်လည်း မရှိဘူး ဆိုတော့ ကျနော်တို့က နေပြည်တော်မှ အရာရှိကြီးနှစ်ဦးလို့ သူတို့ ပြောတဲ့ဟာကိုပဲ အတည်ယူပြီးတော့ သက်သေစာရင်း တင်ရတာပါ” ဟု ပြောသည်။

ပဒိုမန်းငြိမ်းမောင်အား အင်းစိန်ထောင်တွင်း၌ စစ်ကြောနေစဉ် သမ္မတ ငြိမ်းချမ်းရေးအထူး ကိုယ်စားလှယ် ရထား ဝန်ကြီး ဦးအောင်မင်း စေလွှတ်လိုက်သည့် နေပြည်တော်မှ အရာရှိများ လာရောက်တွေ့ ဆုံ၍ KNU နှင့် အစိုးရတို့ ကြား ငြိမ်းချမ်းရေး အတွက် အကြံဉာဏ်များ တောင်းခံခဲ့ပြီး ဖမ်းဆီးထားရာမှ လွှတ်ပေးမည်ဟု ပြောဆိုသွားသည်။

“အဲဒီတုန်းက ပထမထောင်ပိုင်ပေါ့ဗျာ။ ဒုတိယထောင်ပိုင်က ဒီအဖြစ်အပျက်တွေ သိတဲ့အတွက်ကြောင့် မို့လို့၊ ငြိမ်းချမ်းရေးနဲ့ပတ်သက်လို့ နေပြည်တော်က အရာရှိတွေ လာကြတယ်ဆိုတဲ့ မှတ်တမ်းကို သက်သေပေးနိုင်တယ်။ ကျနော်တို့ဘက်က သက်သေပြထားတဲ့ ငြိမ်းချမ်းရေး လမ်းကြောင်းက အားကောင်းတာပေါ့” ဟု ရှေ့နေ ဦးကြီးမြင့်က ပြောသည်။

လက်ရှိ အင်းစိန်ထောင်ပိုင်မှာ ဦးဇော်မိုးဖြစ်ပြီး အငြိမ်းစားယူသွားသည့် ထောင်ပိုင်ဟောင်းမှာ ဦးသက်ရှည် ဖြစ်သည်ဟု ရန်ကုန် အခြေစိုက် နိုင်ငံရေးအကျဉ်းသားမိသားစုများ အကျိုးဆောင် ကွန်ယက်တာဝန်ခံတဦးက မဇ္ဈိမကို ပြောသည်။ အင်းစိန်ထောင်၌ နိုင်ငံရေးအကျဉ်းသား ၄၆ ဦးကျန်သေးသည်ဟု ဆိုသည်။

ပဒိုမန်းငြိမ်းမောင်က ဖေဖော်ဝါရီ ၁၆ ရက် အမှုချိန်းတွင် သူသည် KNU ဗဟိုကော်မတီဝင် ဖြစ်ကြောင်း ထွက်ဆိုခဲ့ပြီး ဖြစ်သည်။

“ကျနော်က ဒါ ဘယ်ငြင်းလို့ရမလဲဗျ…တဲ့။ ငြင်းလိုက်ရင် ကရင်တော်လှန်ရေးရဲ့ နှစ် ၆ဝ သမိုင်းက အလကား ဖြစ်သွားမှာပေါ့ … တဲ့။ ကျနော်တို့က ခုခံတော်လှန်ရေး လုပ်ခဲ့ရတာပဲတဲ့။ ဒီနေ့ သူ ထူးထူးခြားခြား ပြောတာကတော့ အဲဒါပဲ” ဟု ဦးကြီးမြင့်က ပြောသည်။

အင်းစိန်၊ တောင်ငူ၊ မြောင်းမြ ထောင်အပါအဝင် ထောင်တချို့တွင် ဖမ်းဆီးထားသည့် KNU အဖွဲ့ဝင်၊ KNU အား ကူညီသဖြင့် ဖမ်းဆီး ထားသူ ကရင်အရပ်သား စုစုပေါင်း ၅ဝ ခန့် ရှိသည်ဟု KNU တွဲဖက် အတွင်းရေးမှူး ၁ ဗိုလ်မှူးစောလှငွေက မဇ္ဈိမကို ပြောသည်။

ဇန်နဝါရီ ၁၂ ရက်နေ့က အစိုးရကိုယ်စားလှယ်များနှင့် ဘားအံမြို့တွင် တွေ့ဆုံပြီး ငြိမ်းချမ်းရေးဖော်ဆောင်မှု ပဏာမ သဘောတူမှု ၅ ချက် လက်မှတ်ထိုးထားသည့် KNU က ခိုင်မာသည့် အပစ်ရပ်ရေး ရရှိရန်အတွက်မှု အစိုးရက ဖမ်းဆီးထားသည့် KNU အဖွဲ့ဝင်များနှင့် ကရင်ပြည်သူ အားလုံးကို လွှတ်ပေးရန်လည်း လိုအပ်ကြောင်း ဗုဒ္ဓဟူးနေ့ က ကြေညာချက် ထုတ်ပြန်ထားသည်။

“မန်းငြိမ်းမောင် မလွဲမသွေ လွတ်ရမယ်ဆိုပြီးတော့ သူတို့က စပြောလာပြီးတော့ ကျနော်တို့နဲ့ ချိတ်တဲ့ အပေါ်မှာ၊ မလုပ်နိုင်တဲ့အပေါ်မှာ ကျနော်ထင်တယ် အလားအလာတော့ သိပ်မကောင်းလှဘူး” ဟု ဗိုလ်မှူးစောလှငွေက မဇ္ဈိမကို ပြောသည်။

၂ဝ၁၁ ခုနှစ် ဇူလိုင်လ ၂၄ ရက်နေ့ လေကြောင်းလိုင်းဖြင့် တရုတ်နိုင်ငံ ကူမင်းမြို့မှ ရန်ကုန်မြို့သို့ ရောက်ရှိလာသူ ပဒိုမန်းငြိမ်းမောင်ကို နိုင်ငံကူးလက်မှတ် တံဆိပ်တုံးအတု ရိုက်နှိပ်ထားသည်ဟုဆိုကာ ဖမ်းဆီးထားသည်မှာ ၇ လပြည့်သွားပြီဖြစ်သည်။

ပြစ်မှုဆိုင်ရာ ဥပဒေပုဒ်မ ၄၆၈ နှင့် လူဝင်မှု ကြီးကြပ်ရေး အက်ဥပဒေ ပုဒ်မ ၁၃/၁ တို့အရ ထောင်ဒဏ် ၆ လစီ တပေါင်းတည်း ကျခံ စေရန် ရန်ကုန်တိုင်း မင်္ဂလာဒုံ တရားရုံးမှ ပြစ်ဒဏ် ချမှတ်ခဲ့ပြီးနောက် မတရားအသင်း ပုဒ်မ ၁၇(၁)၊ နိုင်ငံတော် ပုန်ကန်မှု ပုဒ်မ ၁၂၂ (၁) တို့ဖြင့် ထပ်မံ တရားစွဲထားပြီး ရန်ကုန်တိုင်း အနောက်ပိုင်းခရိုင် အင်းစိန်ထောင်တွင်းရှိ အထူးတရားရုံးတွင် ရုံးထုတ် စစ်ဆေးနေသည်။

ပဒိုမန်းငြိမ်းမောင်ကို ယခင်က လက်ထိပ်ခတ် ရုံးထုတ်ခဲ့သော်လည်း ကြာသာပတေးနေ့ နေ့လည် ၁၂ နာရီခွဲမှ တနာရီကြာသည့် ကြားနာမှုတွင်မှု လက်ထိပ်ခတ်ခြင်း မရှိကြောင်း၊ သူသည် ရုပ်ပိုင်းဆိုင်ရာ ကျန်းမာသော်လည်း စိတ်ပိုင်းဆိုင်ရာ ထိခိုက်မှု ရှိနေကြောင်း ရှေ့နေ ဦးကြီးမြင့် က ပြောသည်။

နိုင်ငံအနှံ့ အကျဉ်းထောင်များတွင် နိုင်ငံရေးအကျဉ်းသား စုစုပေါင်း ၈ဝဝ ဦး ဝန်းကျင်ရှိကြောင်း စာရင်းရထားပြီး ထိုထဲမှ ၄ဝဝ ဦးကိုမူ အ တိအကျ ပြောဆိုနိုင်သည်ဟု ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီ စောင့်ရှောက်ရေးအသင်း က မဇ္ဈိမကို ပြောသည်။

Ref: မဇ္ဈိမ

Read More...

DKBA ၏ လက်နက်များ ပြန်အပ်ဖို့ သမ္မတ ညွှန်ကြားဟုဆို

မျိုးသန့်
ဖေဖေါ်ဝါရီလ ၂၃ ရက် ၂၀၁၂ ခုနှစ်

တိုးတက်သော ဗုဒ္ဓဘာသာ ကရင်အမျိုးသား တပ်မတော် DKBA ထံမှ နယ်ခြားစောင့်တပ်ဖွဲ့ BGF တို့ ရယူထားသည့် လက်နက်များ ပြန် အပ်ရန် သမ္မတဦးသိန်းစိန်မှ ညွှန်ကြားချက် ပေးလိုက်ပြီဟု DKBA ပြန်ကြားရေး တာဝန်ခံ စောလုံးလုံက မဇ္ဈိမကို ပြောသည်။

ဖေဖေါ်ဝါရီလ ၁၉ ရက်နေ့က DKBA စခန်းတခုမှ လက်နက်များကို BGF အဖွဲ့မှ သိမ်းယူသွားသဖြင့် ထိုလက်နက်များ ပြန်မအပ်ပါက ငြိမ်းချမ်းရေး ပျက်ပြယ်မည် ဖြစ်ကြောင်း DKBA က အစိုးရငြိမ်းချမ်းရေး ကိုယ်စားလှယ်များအား တင်ပြပြီးနောက် ယခုကဲ့သို့ သမ္မတ ညွှန်ကြားချက် ထွက်ပေါ်လာခြင်း ဖြစ်သည်။

"ဒီနေ့ ၁၁ နာရီလောက်မှာ ကျနော်တို့ ဗဟိုကို သတင်းရောက်ပါတယ်။ သမ္မတ သိန်းစိန်အမိန့်နဲ့ လက်နက်တွေကို ပြန်အပ်ပေးပါ လို့ သတင်းရပါတယ်။ ကျနော်တို့က ဒီအမိန့်စာ ရတဲ့အတွက် ကျနော်တို့ လက်နက်ပြန်ရမယ် ဆိုရင် တော့ ငြိမ်းချမ်းရေးက ပိုနေမြဲ ကျား နေမြဲရှိမယ့် အနေအထားပါခင်ဗျာ့" ဟု မဇ္ဈိမကို ပြောသည်။

အဆိုပါ သတင်းစကားကို DKBA နှင့် အစိုးရကြား ငြိမ်းချမ်းရေးကိုယ်စားလှယ် ဒုဗိုလ်မှူးကြီးဟောင်း စောခင်စိုးမှ တဆင့် ပေးပို့ရရှိခြင်း ဟုလည်း စောလုံလုံက ပြောသည်။

အစိုးရ၏ နယ်ခြားစောင့်တပ်ရင်း ၁ဝ၁၁ နှင့် ၁ဝ၁၉ တပ်ရင်း နှစ်ခု ပေါင်းတို့မှ DKBA ကလို့ထူးလား စစ်ကွပ်ကဲရေး စခန်းရှိ လက်နက် အလက် ၃ဝ ကျော် ဝင်သိမ်းမှုခဲ့ရမှ တင်းမာမှုဖြစ်ပွားခဲ့ခြင်းဖြစ်သည်။

အဆိုပါ ဖြစ်ရပ်နှစ်ပတ်သက်၍ DKBA ဗိုလ်ချုပ်စောလားဘွယ် က ဗိုလ်မောင်လေး ဦးဆောင်သည့် ကိုယ်စားလှယ် အဖွဲ့တဖွဲ့ကို ဖေဖေါ် ဝါရီလ ၂၁ ရက်နေ့တွင် ဘားအံသို့ စေလွှတ်ကာ နယ်ခြားစောင့်တပ်မှ ဗိုလ်ဖားနွီးနှင့် နယ်ခြားစောင့်တပ်များကို ကွပ်ကဲသူ ဗိုလ်ချုပ် မောင်မောင်အုန်းတို့နှင့် တွေ့ဆုံစေခဲ့သည်။

တွေ့ဆုံမှုအတွင်း DKBA ကိုယ်စားလှယ်အဖွဲ့မှ "ခင်ဗျားတို့ သေနတ်ကို လိုချင်သလား ငြိမ်းချမ်းရေးကို လိုချင်သလား လို့ ပြောလိုက်ပါ ပေါ့။ ငြိမ်းချမ်းရေး လိုချင်ရင်တော့ သေနတ် ပြန်ပေးပေါ့။ သေနတ် လိုချင်ရင်တော့ ငြိမ်းချမ်းရေးတော့ မရဘူး" ဟု ဗိုလ်ချုပ် စောလား ဘွယ်၏ ဆန္ဒကိုလည်း တင်ပြခဲ့သည်ဟုလည်း စောလုံလုံက မဇ္ဈိမကို ပြောသည်။

ထိုအခြေအနေတွင် ဗိုလ်မှူးမောင်မောင်အုန်း က လက်နက်များကို ပြန်မအပ်လိုသည့် သဘောထားပေးမှုကြောင့် “ဒါက သေနတ်ကို ယူတဲ့သဘောပေါ့။ အဲဒါကြောင့် ငြိမ်းချမ်းရေး ပျက်မယ့်အနေအထား” ဟု စောလုံလုံက ပြော သည်။

၂၁ ရက်နေ့ ဆွေးနွေးပွဲအတွင်း DKBA ဘက်မှ တောင်းဆိုသည်မှာ လက်နက် ပြန်အပ်ရေးအပြင်၊ ကရင်ပြည်နယ် မြိုင်ကြီးငူ ဒေသကို လက်နက် ကင်းမဲ့ဇုန်အဖြစ် သတ်မှတ်ရေး၊ မြိုင်ကြီးငူဆရာတော်ကို စောင့်ရှောက် ဝေယျာဝိစ္စ လုပ်ပေးရန် DKBA နှင့် နယ်ခြားစောင့် တပ်ဖွဲ့ဝင် ၅၄ ဦး ရွေးချယ်ပေးနိုင်ရေးတို့ကို တောင်းဆိုထားသည်ဟုလည်း သိရသည်။

အဆိုပါ တောင်းဆိုချက်များကိုပါ ပြေလည်အောင် ဖြေရှင်းပေးရန် ရှိနေသည့်အတွက် ကြန့်ကြာမှုများ ရှိနေသည်ဟု လည်း ငြိမ်းချမ်းရေး ကိုယ်စားလှယ် စောခင်စိုးထံမှ သတင်းစကားပါးသည်ဟု စောလုံလုံက ပြောသည်။ “သူတို့ အတတ်နိုင်ဆုံး အပြေလည်ဆုံးလုပ် ပေးနေ တယ်လို့ ကျနော်တို့ကို အကြောင်းပြန်တယ်ခင်ဗျာ့။ အမြန်ဆုံး ပြေလည် သွားမယ်လို့ ကျနော်တို့ ယုံကြည်တယ်ခင်ဗျာ့" ဟု မဇ္ဈိမကို ပြောသည်။

DKBA နှင့် အစိုးရကိုယ်စားလှယ်တို့အကြား အပစ်ရပ်စဲရန် ၂ဝ၁၁ ခုနှစ် နိုဝင်ဘာ ၃ ရက်နေ့က ဘားအံမြို့ ကရင်ပြည်နယ် ဝန်ကြီးချုပ် ရုံးတွင် လက်မှတ်ရေးထိုးထားပြီး ဖြစ်သည်။

၁၉၉၄ ခုတွင် ကရင် အမျိုးသား အစည်းအရုံး KNU ခွဲထွက်ခဲ့သော DKBA အနက် တပ်အများစုက ၂ဝ၁ဝ ပြည့်နှစ် သြဂုတ်လ ၁၈ ရက်တွင် နယ်ခြားစောင့်တပ်များ အဖြစ် ကာကွယ်ရေး ဝန်ကြီးဌာနအောက်တွင် ပြောင်းခဲ့ကြသည်။

Ref: မဇ္ဈိမ

Read More...

HIV ပိုးရှိ ၈၅,၀၀၀ ART ဆေးလိုအပ်နေ

ဖေဖေါ်ဝါရီလ ၂၃ ရက် ၂၀၁၂ ခုနှစ်

မြန်မာနိုင်ငံတွင် HIV ပိုး ကူးစံခံထားရသူ ရှစ်သောင်းခွဲခန့်မှာ ART ဆေးဝါးများ လုံလောက်စွာ မရရှိကြကြောင်း ဗုဒ္ဓဟူးနေ့ထုတ် အစီရင်ခံစာ တရပ်က ဆိုသည်။

မြန်မာနိုင်ငံတွင် ART ဆေးဝါး အများဆုံး ထောက်ပံ့ပေးနေသည့် ပြင်သစ်အခြေစိုက် နယ်စည်းမခြား ဆရာဝန်များ အဖွဲ့ MSF ၏ အဆိုပါ အစီရင်ခံစာအရ မြန်မာနိုင်ငံတွင် HIV ပိုး ကူးစံခံထားရသူ၏ သုံးပုံနှစ်ပုံမှာ ကုသရန် ဆေးဝါး မရရှိကြသေးကြောင်း ဆိုသည်။


ကုလသမဂ္ဂ၏ ၂၀၀၉ ခုနှစ် ခန့်မှန်းချက်အရ ကမ္ဘာတွင် ကျန်းမာရေး စောင့်ရှောက်မှုစနစ် အညံ့ဖျင်းဆုံး နိုင်ငံများထဲ တွင် ပါဝင်သော
မြန်မာနိုင်ငံတွင် လူဦးရေ ၂၄၀,၀၀၀ မှာ HIV ပိုး ကူးစက်ခံထားရပြီး နှစ်စဉ် ၁၈,၀၀၀ ခန့် သေဆုံးနေကြရသည်ဟု ဆိုသည်။

ရောဂါကြီး သုံးမျိုးဖြစ်သည့် AIDS၊ တီဘီနှင့် ငှက်ဖျားရောဂါများ တိုက်ဖျက်ရေးအတွက် Global Fund အဖွဲ့ကြီး၏ ထောက်ပံ့မှု များ ဖြတ်တောက်ခံရပြီးနောက် အခြေအနေမှာ ပိုမိုဆိုးရွားလာနိုင် ကြောင်းလည်း MSF ၏ ‘မရေမရာ ဘဝများ’ အစီရင်ခံစာက ဆိုသည်။

အစိုးရအနေဖြင့် ကျန်းမာရေးကဏ္ဍအတွက် ဘတ်ဂျက်ခွဲတမ်းကို တိုးမြှင့်ပေးလိုက်သော်လည်း စုစုပေါင်း အမျိုးသား ဝင်ငွေ GDP ၏ ၂ ရာခိုင်နှုန်းသာ သုံးစွဲရန် ခွင့်ပြုထားသည်။

“တိုင်းပြည်မှာ ဘာတွေပဲ ဖြစ်နေဖြစ်နေ၊ ဆေးကုသမှု ခံယူဖို့ လိုအပ်နေသူတွေကတော့ ကုသမှုခံယူဖို့ လိုအပ်နေမှာပဲ” ဟု MSF အဖွဲ့ ခေါင်းဆောင် Peter Paul de Groote က အေပီသတင်းဌာနသို့ ပြောသည်။

အစီရင်ခံစာမှာ မြန်မာနိုင်ငံအတွင်း HIV နှင့် တီဘီပိုး ကူးစက်ခံရသူများ (အထူးသဖြင့် တီဘီပိုး ဆေးမတိုးသူများ) အကြောင်း ထုတ်ပြန် ခြင်းဖြစ်ပြီး နိုင်ငံတကာ အရေးပေါ် ကူညီထောက်ပံ့မှုများ တောင်းဆိုထားသည်။

အစီရင်ခံစာအရ ဆေးမတိုးသည့် တီဘီရောဂါပိုး ကူးစက်ခံရသူ ၉,၀၀၀ ကျော် အနက် ၃၀၀ သာ ကုသမှု ခံယူရရှိ နေသေးကြောင်း လည်း ဖော်ပြပါရှိသည်။

MSF အနေဖြင့် မြန်မာနိုင်ငံတွင် HIV ပိုးရှိသူ ၂၃,၀၀၀ ကျော်အား ဆေးဝါးထောက်ပံ့ပေးနေပြီး ၂၀၁၂ ခုနှစ်တွင် ၆,၀၀၀ ထပ်မံ တိုးမြှင့် ပေးသွားမည် ဖြစ်ကြောင်း သိရသည်။

Ref: မဇ္ဈိမ

Read More...

Thursday, February 23, 2012

အာဆီယံ အတွင်းရေးမှူးချုပ်နဲ့ ဒေါ်အောင်ဆန်းစုကြည် တွေ့ဆုံ

2012-02-22

မြန်မာနိုင်ငံကို အလည်အပတ် ရောက်ရှိနေတဲ့ အာဆီယံ အတွင်းရေးမှူးချုပ် မစ္စတာ ဆူရင် ပစ်ဆူဝမ်ဟာ ဒီကနေ့ မနက်ပိုင်းက အန်အယ်လ်ဒီပါတီ ဥက္ကဋ္ဌ ဒေါ်အောင်ဆန်းစုကြည်ကို နေအိမ်မှာ လာရောက် တွေ့ဆုံခဲ့ပါတယ်။

အဲဒီလိုတွေ့ဆုံရာမှာ မြန်မာ့နိုင်ငံရေး အပြောင်းအလဲ ဖြစ်စဉ်အတွင်း အာဆီယံက ဘယ်လိုအခန်းကဏ္ဍကနေ ဝင်ရောက် ကူညီနိုင်မလဲ ဆိုတာ ဆွေးနွေးခဲ့ပါတယ်။ အာဆီယံအနေနဲ့ ကြားဖြတ်ရွေးကောက်ပွဲ လေ့လာစောင့်ကြည့်ရေးအဖွဲ့ လာရောက်မယ့်ကိစ္စကို ဒေါ်အောင် ဆန်းစုကြည်က ကြိုဆိုကြောင်း အန်အယ်လ်ဒီပါတီ ဗဟိုကော်မတီဝင် ဦးဟန်သာမြင့်က ပြောပါတယ်။


မစ္စတာ ဆူရင် ပစ်ဆူဝမ်ဟာ မနေ့ကလည်း သမ္မတ ဦးသိန်းစိန်နဲ့ တွေ့ဆုံခဲ့ပြီး လာမယ့်ကြားဖြတ်ရွေးကောက်ပွဲမှာ အာဆီယံအနေနဲ့ ရွေးကောက်ပွဲ လေ့လာစောင့်ကြည့်ရေးအဖွဲ့ စေလွှတ်လိုကြောင်း ဆွေးနွေးခဲ့ပါတယ်။ သမ္မတ ဦးသိန်းစိန်ကလည်း ဒီအချက်ကို အလေး ထား စဉ်းစားသွားမယ်လို့ အာဆီယံ အတွင်းရေးမှူးချုပ်ကို ပြန်လည် ပြောဆိုခဲ့ပါတယ်။

အာဆီယံ အတွင်းရေးမှူးချုပ် မစ္စတာ ဆူရင် ပစ်ဆူဝမ်နဲ့ ဒေါ်အောင်ဆန်းစုကြည်တို့ဟာ ဒီကနေ့မနက်ပိုင်း ၁ နာရီကျော်ကြာ တွေ့ဆုံ ခဲ့ကြပါတယ်။ တွေ့ဆုံမှုအပြီး သတင်းစာရှင်းလင်းပွဲ လုပ်ခဲ့ပါတယ်။ အဲဒီအချိန်မှာ မစ္စတာ ပစ်ဆူဝမ်က Myanmar-ASEAN Chair 2014 တံဆိပ်ပါတဲ့ တီရှပ်တစ်ထည်ကို အမှတ်တရ လက်ဆောင်အဖြစ် ဒေါ်အောင်ဆန်းစုကြည်ကို ပေးအပ်ခဲ့ပါတယ်။

Ref: အာရ်အဖ်အေ

Read More...

ကျပ်ငွေ ၅ ထောင်တန် SIM ကဒ် MDC က တောင်းဆို

2012-02-22

လက်ကိုင်တယ်လီဖုန်း SIM ကဒ်တစ်ခုကို ကျပ်ငွေ ၅ ထောင်နှုန်းနဲ့သာ ပြည်သူတွေ သုံးစွဲခွင့်ရမယ်ဆိုရင် ကုန်ဈေးနှုန်း ကျဆင်းရေးနဲ့ ဆင်းရဲမွဲတေမှု လျော့ကျရေးကို အထောက်အကူ ပြုနိုင်မှာဖြစ်လို့ ဒီကိစ္စကို ခွင့်ပြုပေးဖို့ ရန်ကုန်မြို့အခြေစိုက် MDC ခေါ် ကုန်ဈေးနှုန်း ကျဆင်းရေးအဖွဲ့က မနေ့က တောင်းဆိုလိုက်ပါတယ်။

ဒီတောင်းဆိုမှုနဲ့ ပတ်သက်လို့ ကုန်ဈေးနှုန်း ကျဆင်းရေးအဖွဲ့ ခေါင်းဆောင် ကိုထင်ကျော်က အာအက်ဖ်အေကို အခုလိုပြောပါတယ်။

“ငါးထောင်ကျပ်တန် SIM ကဒ်က ပြည်သူလူထု ဆင်းရဲ မွဲတေမှု ပပျောက်ရေးမှာ အထိုက်အလျောက် အထောက်အပံ့ ဖြစ်နိုင်တဲ့အတွက် နိုင်ငံတော်သမ္မတကြီး ဦးသိန်းစိန်ကို ကျွန်တော်တို့က မေတ္တာရပ်ခံချင်တာက ချက်ချင်း လုပ်နိုင်တဲ့ကိစ္စတွေကို ချက်ချင်းလုပ်ပေးပါ၊ ပြည်သူလူထု ဆင်းရဲမွဲတေမှုကို လက်ပိုက် ကြည့်မနေကြပါနဲ့။ ဘယ်လို အစိုးရမျိုး တက်တက်ပေါ့ဗျာ၊ ကျွန်တော်တို့က ပြည်သူလူထု ဆင်းရဲမွဲတေမှု ပပျောက်ဖို့ အစဉ်တစိုက် တောင်းဆိုသွားမှာဖြစ်ပါတယ်”

လူတစ်ယောက် မှတ်ပုံတင်ပြရင် SIM ကဒ် တစ်ခု ၅၀၀၀ နှုန်းနဲ့ မကြာခင်ကာလမှာ ရောင်းချပေးနိုင်ဖို့ ကြိုးပမ်း ဆောင်ရွက်မယ်လို့ ရွှေပြည်တံခွန် ကုမ္ပဏီက ပြီးခဲ့တဲ့ ဇန်နဝါရီလကုန်မှာ ထုတ်ပြန် ကြေညာခဲ့ပါတယ်။ ဆက်သွယ်ရေး၊ စာတိုက်နှင့် ကြေးနန်း ၀န်ကြီးဌာန ကလည်း မြန်မာနိုင်ငံမှာ ဆက်သွယ်မှု ကွန်ရက်ကို စနစ်တကျ တည်ဆောက်ဖို့ အချိန်တော်တော်ကြာကြာ လိုအပ်နေသေးသလို တည် ဆဲဥပဒေတွေနဲ့လည်း မကိုက်ညီတဲ့အတွက် ကျပ် ၅၀၀၀ တန် ဖုန်းကိစ္စက လောလောဆယ်မှာ မဖြစ်နိုင်သေးဘူးလို့ တုံ့ပြန် ကြေညာခဲ့ ပါတယ်။

Ref: အာရ်အဖ်အေ

Read More...

မြန်မာနိုင်ငံရဲ့ လက်ရှိ ပြုပြင်ပြောင်းလဲမှုတွေ သူရ ဦးရွှေမန်း အားမရသေး

2012-02-22

မြန်မာနိုင်ငံရဲ့ လက်ရှိ ပြုပြင် ပြောင်းလဲမှုတွေဟာ နှေးကွေးလေးလံနေပြီး အားရကျေနပ်စရာ မကောင်းလှသေးဘူးလို့ ပြည်သူ့လွှတ် တော် ဥက္ကဋ္ဌ သူရ ဦးရွှေမန်းက မနေ့က ပြောလိုက်ပါတယ်။

ဗုဒ္ဒဟူးနေ့ မနက် ၉ နာရီက ရန်ကုန်တိုင်း ဒေသကြီးလွှတ်တော် အစည်းအဝေးခန်းမမှာ ကျင်းပခဲ့တဲ့ ပြည်သူ့လွှတ်တော် ဥပဒေရေးရာနဲ့ အထူးကိစ္စရပ်များ လေ့လာ ဆန်းစစ် သုံးသပ်ရေး ကော်မရှင် တွေ့ဆုံပွဲမှာ အဲဒီလို ပြောဆိုခဲ့တာပါ။


အစိုးရရဲ့ လက်ရှိဆောင်ရွက်နေတဲ့ ပုံစံအတိုင်း ဥပဒေတွေ ပြင်ဆင် ပြဋ္ဌာန်းရေးမှာ နှေးနှေးကွေးကွေး သွားနေမယ်ဆိုရင် မိမိတို့ရဲ့ လွှတ်တော် ၅ နှစ်သက်တမ်းအတွင်း လုပ်ငန်းတွေ ပြီးစီးမှာမဟုတ်ဘူးလို့ ပြောဆိုခဲ့ပါတယ်။ ရွေ့ရမယ့်သူတွေက မရွေ့ရင် တွန်းရမယ့် သူတွေက ရွေ့အောင် တွန်းရမှာဖြစ်ကြောင်း၊ နေပြည်တော်က ဆောက်လုပ်ရေး အလုပ်သမားတွေ လစာ တစ်သိန်းကျော် ရနေချိန်မှာ မိမိအနေနဲ့ ပြည်သူ့ဝန်ထမ်း လစာတိုးပေးဖို့ အဆိုကို နောက်ဆုတ်မှာ မဟုတ်ကြောင်း၊ ၀န်ထမ်းလစာတိုးလို့ ကုန်ဈေးနှုန်း တွေ မမြင့် ရအောင် နည်းလမ်း ရှာရမှာဖြစ်ကြောင်း၊ လွှတ်တော် ကိုယ်စားလှယ်တွေ အဂတိတရား ရှောင်ရှားပြီး ရဲရဲဝံ့ဝံ့ သတ္တိရှိရှိနဲ့ ပြည်သူ့အကျိုး အရေးဆို ဆောင်ရွက်ကြစေလိုကြောင်း ပြောဆိုခဲ့ပါတယ်။

ဒါပေမယ့် မိမိရဲ့ မိန့်ခွန်းတွေကို ပြန်ကြားရေးဌာန သတင်းတွေမှာ အဖြတ်တောက် ခံခဲ့ရတယ်လို့လည်း သူရဦးရွှေမန်းက ထည့်သွင်း ပြောဆိုခဲ့ပါတယ်။ အခုလို ၀န်ထမ်းလစာတိုးရေး ပြောဆိုနေတာဟာ ကြံ့ခိုင်ဖွံ့ဖြိုးရေးပါတီအတွက် မဲဆွယ်နေတဲ့ သဘောများလားလို့ သတင်းထောက် တစ်ယောက်က မေးမြန်းရာမှာတော့ အဲဒီသဘော မဟုတ်ကြောင်း၊ ပြည်သူ့အကျိုး အတွက်သာ ဖြစ်ကြောင်း ကြံ့ခိုင် ဖွံ့ဖြိုးရေးပါတီ ဒုတိယဥက္ကဋ္ဌလည်းဖြစ်တဲ့ ဦးရွှေမန်းက ငြင်းဆိုခဲ့ပါတယ်။

ဒီကနေ့မှာတော့ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းဟာ တရုတ်ပြည်ကို ငါးရက်ကြာ အလည်အပတ် ရောက်နေပြီဖြစ်ပါတယ်။

Ref: အာရ်အဖ်အေ

Read More...

ဆောင်းဦးလှိုင်ရဲ့ အလှူပွဲ

2012-02-22

တေးသံရှင် ဆောင်းဦးလှိုင်ရဲ့ “နှလုံးသားတွေ လှူမယ့်ည” တစ်ကိုယ်တော် ဖျော်ဖြေပွဲကရရှိတဲ့ အလှူငွေတွေကို ၈၈ မျိုးဆက် ကျောင်းသား များ လူမှုရေးလုပ်ငန်း ရန်ပုံငွေအဖွဲ့နဲ့ နာရေးကူညီမှုအသင်းကို လှူဒါန်းပွဲ ဒီကနေ့ နာရေး ကူညီမှုအသင်း (ရန်ကုန်)ရုံး ခန်းမမှာ ကျင်းပပါ တယ်။

ဒီအခမ်းအနားကို ကိုမင်းကိုနိုင်၊ ကိုကိုကြီး၊ ကိုပြုံးချို၊ ကိုမြအေး၊ ကိုဂျင်မီ၊ မနီလာသိန်း အပါအ၀င် ၈၈ မျိုးဆက် ကျောင်းသားခေါင်း ဆောင် တွေ တက်ရောက်ခဲ့ကြပါတယ်။ အခမ်းအနားမှာ တေးသံရှင် ဆောင်းဦးလှိုင်က “နှလုံးသားတွေ လှူမယ့်ည” တစ်ကိုယ်တော် ဖျော်ဖြေပွဲ နေ့က ကြုံတွေ့ရတဲ့ အခက်အခဲတွေနဲ့ ပတ်သက်ပြီး တက်ရောက်လာသူတွေကို ရှင်းလင်း ပြောကြားခဲ့ပါတယ်။


အခမ်းအနား တက်ရောက်လာသူ ကိုမင်းကိုနိုင်၊ နာရေးကူညီမှုအသင်း (ရန်ကုန်) ဥက္ကဋ္ဌ ကိုကျော်သူ ၊ ဒေါ်ရွှေဇီးကွက်၊ ဒေါ်သန်းမြင့် အောင်၊ စာရေးဆရာမ မသီတာ (စမ်းချောင်း) တို့ကလည်း အမှာစကား ပြောကြားကြတယ်လို့ သိရပါတယ်။

“နှလုံးသားတွေ လှူမယ့်ည” တစ်ကိုယ်တော်ဖျော်ဖြေပွဲမှာ အလှူငွေ ၁၂၆ သိန်း ရခဲ့ပြီး နာရေးကူညီမှုအသင်း (ရန်ကုန်) နဲ့ ၈၈ မျိုးဆက် ကျောင်းသားများ လူမှုရေး လုပ်ငန်းရန်ပုံငွေအဖွဲ့ကို ၄၂ သိန်းစီ လှူဒါန်းခဲ့ပါတယ်။ ကျန်တဲ့ ၄၂ သိန်းကို နောင်လူမှုရေးပွဲတွေအတွက် မ,တည်ငွေအဖြစ် သုံးစွဲသွားမယ်လို့ တေးသံရှင် ဆောင်းဦးလှိုင်က ပြောပါတယ်။

Ref: အာရ်အဖ်အေ

Read More...

ဝန်ထမ်းလစာတိုးရေး ဖြစ်မြောက်အောင် ဆောင်ရွက်မယ်လို့ သူရဦးရွှေမန်းပြော

2012-02-22

ပြည်သူ့လွှတ်တော် ဥက္ကဋ္ဌ သူရ ဦးရွှေမန်းက ၀န်ထမ်းလစာ တိုးပေးရန် တင်သွင်းထားတဲ့အဆိုကို မိမိ နောက်ဆုတ်မှာမဟုတ်ကြောင်း၊ ပြည်ထောင်စုလွှတ်တော်ရဲ့ ထောက်ခံချက်နဲ့ အတည်ပြုရတာကြောင့် မဖြစ်မနေ ဆက်ပြီး ဆောင်ရွက်သွားမယ့်အကြောင်း ဒီကနေ့ ပြောဆိုပါတယ်။

ဒါ့အပြင် သူရဦးရွှေမန်းက အခုလို ဆောင်ရွက်နေတဲ့ပုံစံအတိုင်း လက်ရှိဥပဒေတွေ ပြင်ဆင်/ပြဋ္ဌာန်းရေးအတွက် နှေးနှေးကွေးကွေး ဆောင်ရွက်နေမယ်ဆိုရင် မိမိတို့ရဲ့ ၅ နှစ်ကြာ လွှတ်တော်သက်တမ်းအတွင်း ဆောင်ရွက်ရမယ့် လုပ်ငန်းတွေကို ပြည့်ဝအောင် ဖြည့် ဆည်းပေးနိုင်မှာ မဟုတ်ကြောင်းလည်း ပြောဆိုပါတယ်။


ဒီကနေ့ မနက် ၉ နာရီက ရန်ကုန်တိုင်း ဒေသကြီးလွှတ်တော် အစည်းအဝေးခန်းမှာ ကျင်းပတဲ့ ပြည်သူ့လွှတ်တော် ဥပဒေရေးရာနှင့် အထူး ကိစ္စရပ်များ လေ့လာဆန်းစစ် သုံးသပ်ရေးကော်မရှင် တွေ့ဆုံပွဲမှာ ဦးရွှေမန်းက ပြောဆိုသွားတာပါ။ ဒီကော်မရှင်အဖွဲ့ဟာ တည် ဆဲဥပဒေများကို လေ့လာသုံးသပ်ပြီး ပြင်ဆင်ရေး၊ အသစ်ပြဋ္ဌာန်းနိုင်ရေး စသည်တို့ကို ပြည်သူ့လွှတ်တော် ဥက္ကဋ္ဌကတစ်ဆင့် လွှတ် တော်ကို တင်ပြနေပါတယ်။ ဒီကော်မရှင်မှာ နယ်ပယ် အလိုက်ကျွမ်းကျင်တဲ့ ပညာရှင်များ၊ စီပွားရေး လုပ်ငန်းရှင်များ ပါဝင်သလို သတင်း မီဒီယာတွေလည်း ပါဝင်ပါတယ်။

ကော်မရှင်တွေ့ဆုံပွဲမှာ သူရဦးရွှေမန်းက ၀န်ထမ်းလစာတိုးရင် ကုန်ဈေးနှုန်းမမြင့်အောင် ဆောင်ရွက်ဖို့ နည်းလမ်းရှာသင့်တယ်လို့ ပြော ဆိုပါတယ်။ ဒီကိစ္စနဲ့ပတ်သက်ပြီး ပညာရှင်များက ထောက်ခံဆွေးနွေးပါတယ်။ သူရဦးရွှေမန်းက ၀န်ထမ်းလစာ တိုးပေးသင့်ကြောင်း ပြောဆိုသလို ဖောင်းပွဝန်ထမ်း၊ ပိုလျှံဝန်ထမ်းဆိုတာနဲ့ ပတ်သက်တဲ့ကိစ္စကို သက်ဆိုင်ရာ ဌာနများကသာ ဆောင်ရွက်ဖို့ ပြောပါတယ်။ တစ်ဆက်တည်း လာမယ့် ဧပြီ ၁ ရက် ပြုလုပ်မယ့် ကြားဖြတ် ရွေးကောက်ပွဲမှာ နိုင်ငံတကာ လေ့လာသူများကို ခွင့်ပြုသင့်ကြောင်းလည်း ကော်မရှင်ကို ချပြပါတယ်။

ဆွေးနွေးပွဲမှာ ကော်မရှင်အဖွဲ့ဝင် ပညာရှင်များ၊ စီးပွားရေး လုပ်ငန်းရှင်များ သတင်းမီးဒီယာများ စုစုပေါင်း ၂၀၀ ခန့် တက်ရောက်ပါတယ်။

Ref: အာရ်အဖ်အေ

Read More...

မန်းတောင်ခြေ စုဝေးခွင့်မပြု

2012-02-22

အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ရဲ့ မန္တလေးမြို့လူထုစည်းဝေးပွဲအတွက် မန်းတောင်ခြေ အားကစား ကွင်း မှာ ကျင်းပခွင့်ပေးဖို့ မန္တလေး အမျိုးသား ဒီမိုကရေစီအဖွဲ့ချုပ်က လျှောက်ထားခဲ့တာကို ပြည်ထောင်စုကော်မရှင် ဥက္ကဋ္ဌက တားမြစ် ပိတ်ပင်လိုက်ကြောင်း သိရပါတယ်။

အခုလို ပိတ်ပင်လိုက်တဲ့အကြောင်း မန္တလေးမြို့ကို ရောက်ရှိနေတဲ့ အန်အယ်လ်ဒီ ပြန်ကြားရေးအဖွဲ့ဝင် ဦးအုံးကြိုင်ကို မန္တလေးတိုင်း အားကစားနဲ့ ကာယပညာ ဒုညွှန်ကြားရေးမှူးက ဒီကနေ့ ပြောကြားတယ်လို့ သိရပါတယ်။

ပြီးခဲ့တဲ့ ဖေဖော်ဝါရီ ၄ ရက်ကလည်း မန္တလေးမြို့မှာ ဒေါ်အောင်ဆန်းစုကြည်​ စည်းရုံးဟောပြောဖို့ ဗထူး အားကစားကွင်းနှင့် မန္တလေး တောင်ခြေ အားကစားကွင်းကို ငှားရမ်းခဲ့ပေမယ့် တိုင်းဒေသကြီး အာဏာပိုင်များက ခွင့်မပြုခဲ့ပါဘူး။

အလားတူ ပြီးခဲ့တဲ့ သီတင်းပတ်ကလည်း ဖျာပုံမြို့က လူထုဟောပြောပွဲအတွက် မြို့နယ် ပြည်သူ့အားကစားကွင်းကို အသုံးပြုခွင့်ပေးဖို့ လျှောက်ထားခဲ့ပေမယ့် ခွင့်ပြုချက် မရတဲ့အတွက် မြို့ပြင်သဲကွင်းမှာ ဟောပြောခဲ့ရပါတယ်။ ရန်ကုန်တိုင်း လှည်းကူးမြို့ ခရီးစဉ်မှာလည်း အားကစားကွင်းကို ငှားရမ်းခွင့်မပြုဖို့ အားကစားဝန်ကြီး ဦးတင့်ဆန်းက တားမြစ်ခဲ့ပေမယ့် မြို့နယ် ရွေးကောက်ပွဲကော်မရှင်က သုံးစွဲခွင့် ပေးခဲ့ပါတယ်။

Ref: အာရ်အဖ်အေ

Read More...

အပစ်အခတ်ရပ်စဲရေး ပိုခိုင်မာအောင် KNU က အစိုးရနှင့် ထပ်မံ ဆွေးနွေးသွားမည်

23 February 2012
စောခါးစူးညား

ကရင်အမျိုးသားအစည်းအရုံး(KNU) သည် ပဏာမ အပစ်အခတ်ရပ်ဆိုင်းရေးကို သဘောတူလက်မှတ် ထိုးထားသော်လည်း အပစ်အခတ် ရပ်စဲရေးကိစ္စ လက်ရှိအခြေအနေထက် ပိုခိုင်မာစေရေးအတွက် လာမည့်မတ်လ မြန်မာအစိုးရနှင့် ထပ်မံ တွေ့ဆုံရာတွင် ဆွေးနွေးသွား မည်ဟု ယနေ့ ပြောကြားလိုက်သည်။

အပစ်အခတ်ရပ်စဲရေးနှင့်ပတ်သက်၍ အစိုးရနှင့် ထပ်မံတွေ့ဆုံရန်အတွက် KNU သည် ၎င်းတို့ထိန်းချုပ်ရာဒေသ ကရင်ပြည်နယ် လှိုင်းဘွဲ မြို့နယ်၊ တပ်မဟာ(၇) နယ်မြေတနေရာ၌ ယနေ့ နေ့လည် ၁၂နာရီမှ မွန်းလွဲ ၂နာရီအထိ ကျင်းပခဲ့သည့် သတင်းစာရှင်းလင်းပွဲတွင် KNU ၏ တွဲဖက်အတွင်းရေးမှူး(၁) ဗိုလ်မှူးစောလှငွေက ထိုသို့ ပြောဆိုသွားခဲ့ခြင်းဖြစ်သည်။

သူက “(အစိုးရနဲ့တွေ့ဖို့) ကျနော်တို့ မတ်လထဲမှာ သွားဖို့ စဉ်းစားထားပါတယ်။ ပထမအပတ်မှာ ဖြစ်ကောင်းဖြစ်မယ်။ အဓိကကတော့ အပစ်ရပ်ရေးကို ပိုသေချာအောင်နဲ့ အပြန်အလှန် ယုံကြည်မှုတွေ ပိုသေချာအောင်ပါ။ နောက် စစ်မြေပြင်မှာ ပဋိပက္ခတွေ လျော့ပါးသွားပြီး ယုံကြည်မှု ပိုများလာအောင် နှစ်ဖက် ဘယ်လိုပူးပေါင်းလုပ်မလဲဆိုတာကို တိုင်ပင်ညှိနှိုင်းပြီးတော့ အလုပ်လုပ်သွားဖို့ ဖြစ်ပါတယ်။”ဟု ကေအိုင်စီသို့ ပြောသည်။

ပဏာမ သဘောတူညီမှု အချိန်ကာလအတွင်း ကေအဲန်ယူ ထိန်းချုပ်နယ်မြေများဖြစ်သည့် တပ်မဟာ(၁)၊ (၂)၊ (၃)၊ (၄)၊ (၅) နှင့် (၆)တို့ တွင် မြန်မာအစိုးရစစ်တပ်ဘက်မှ ပြန်လည်ဆုတ်ခွာမှု မရှိခဲ့သည့်အပြင် တပ်အင်အားနှင့် တပ်ရိက္ခာများ တိုးချဲ့လာမှုများ ရှိသည်ဟု KNU စစ်ဘက်ဆိုင်ရာများထံမှ သတင်းထွက်ပေါ်ပြီးနောက် KNU ဘက်က ယခုလို သတင်းစာရှင်းလင်းပွဲ ပြုလုပ်လာခြင်းလည်းဖြစ်သည်။

၎င်းတို့နှင့် တူညီသော နိုင်ငံတော်တည်ဆောက်ရေးပန်တိုင် ရှိပါက KNU အုပ်ချုပ်မှုနယ် မြေအတွင်း အစိုးရစစ် တပ်ရုပ်သိမ်းပေးရေး၊ တိုင်းရင်းသားဒေသများသို့ တပ်အင်အားလျှော့ပေးပြီး တပ်သားနှင့် ထောက်ပံ့ပစ္စည်းများ ထပ်မံမပို့ဆောင်ရေး၊ နိုင်ငံရေးအကျဉ်းသား များအဖြစ် ထိန်းသိမ်းထားသော KNU အဖွဲ့ဝင်နှင့် ကရင်ပြည်သူအားလုံးကို လွှတ်ပေးရေးနှင့် ကချင်ပြည်နယ် အပါအ၀င် တိုင်းရင်းသား ဒေသအားလုံးတွင် စစ်ဆင်မှုများ ရပ်တန့်ပေးရေး စသည့် အချက်(၄)ချက်ဖြင့် KNU က မြန်မာအစိုးရအား ထပ်မံတောင်းဆိုထားသည်။

တပြိုင်နက်တည်း၌ပင် အစိုးရနှင့် ထပ်မံတွေ့ဆုံပါက သမ္မတဦးသိန်းစိန်၏ ထာဝရငြိမ်းချမ်းရေးအပေါ်အခြေခံ၍ ပဏာမ အပစ်အခတ် ရပ်စဲရေးအဆင့်၊ ခိုင်မာသည့် အပစ်အခတ်ရပ်စဲရေးအဆင့်၊ ကနဦး နိုင်ငံရေးတွေ့ဆုံဆွေးနွေးမှု အခြေခံ နိုင်ငံရေးပြဿနာများကို အဖြေ ရှာရေးနှင့် အမျိုးသားပြန်လည်သင့်မြတ်ရေး၊ နိုင်ငံရေးအရ ပူးပေါင်းခြင်း စသည့် အဆင့်(၄)ဆင့်ပါ လမ်းပြမြေပုံအတိုင်း ဆွေးနွေးသွား မည် ဟု KNU က ယနေ့ ထုတ်ပြန်ထားသည်။

ထို့အပြင် KNU တစ်ဖွဲ့တည်းဖြင့် အစိုးရနှင့် ငြိမ်းချမ်းရေးယူနိုင်ပါက မြန်မာနိုင်ငံတနိုင်ငံလုံး ငြိမ်းချမ်းရေးရရှိနိုင်မည် မဟုတ်သည့် အတွက် တိုင်းရင်းသားလက်နက်ကိုင်အဖွဲ့(၁၂)ဖြင့် ဖွဲ့စည်းထားသည့် တိုင်းရင်းသားလူမျိုးများ ဖက်ဒရယ်ကောင်စီ-UNFC မူလမ်း စဉ်အတိုင်း ဆက်လက် ဆွေးနွေးသွားမည်ဟုလည်း KNU က ပြောသည်။

ယခင်လ ဇန်န၀ါရီ ၁၂ရက်နေ့၌ KNU ငြိမ်းချမ်းရေးဖော်ဆောင်ရေးအဖွဲ့သည် ပြည်နယ်အဆင့်ရှိ မြန်မာအစိုးရ ကိုယ်စားလှယ်အဖွဲ့နှင့် ကရင်ပြည်နယ် ဘားအံမြို့တွင် တွေ့ဆုံကာ ပဏာမ အပစ်အခတ်ရပ်ဆိုင်းရေးအတွက် အချက်(၅)ချက်ပါ သဘောတူညီချက် စာချုပ် တစ်ခု ချုပ်ဆိုနိုင်ခဲ့သည်။ ထို့နောက် ပြည်ထောင်စုအဆင့် ငြိမ်းချမ်းရေး ဆက်ဆွေးနွေးရန်အတွက် အချက်(၁၁)ချက်ပါ အဆိုပြုချက်ကို KNU က တင်သွင်းခဲ့ရာ အစိုးရဘက်က သဘောတူထားပြီးလည်း ဖြစ်သည်။

KNU ၏ အထွေထွေ အတွင်းရေးမှူးချုပ် နော်စီဖိုးရာစိန်က “အပစ်အခတ်ရပ်စဲရေး တခုတည်းနဲ့ သမ္မတ ဦးသိန်းစိန်ပြောတဲ့ ထာဝရငြိမ်း ချမ်းရေးအတွက် မလုံလောက်ဘူး။ ဒါကြောင့် အစိုးရနဲ့ ကျမတို့ နိုင်ငံရေး ဆက်ဆွေးနွေးသွားမယ်။”ဟု ပြောသည်။

ယနေ့ သတင်းစာရှင်းလင်းပွဲတွင် KNU ၏ အတွင်းရေးမှူးချုပ်နှင့် တွဲဖက်အတွင်းရေးမှူး(၁)တို့မှ လက်ရှိ ပဏာမ အပစ်အခတ်ရပ်ဆိုင်းရေး အခြေအနေ အပါအ၀င် အစိုးရနှင့် ထပ်မံတွေ့ဆုံမည့် အကြောင်းကိစ္စများကို အဓိက ပြောဆိုဆွေးနွေးခဲ့ပြီး KNU အလုပ်မှုဆောင် ခေါင်း ဆောင်တစ်ဦးဖြစ်သူ စောသမိန်ထွန်းက မြန်မာအစိုးရနှင့် KNU တွေ့ဆုံခဲ့သည့် အကြိမ်အရေအတွက်နှင့် မအောင်မြင်ခဲ့ခြင်း အကြောင်း တို့ကို ရှင်းပြခဲ့သည်။

၎င်းအပြင် သတင်းစာရှင်းလင်းပွဲတွင် KNU ခေါင်းဆောင်နှင့် အဖွဲ့ဝင်အချို့အပါအ၀င် ထိုင်း-မြန်မာနယ်စပ် အခြေစိုက် မြန်မာ၊ ထိုင်းနှင့် နိုင်ငံခြားသားသတင်းထောက်များ စုစုပေါင်း ၄၀ဦးခန့် တက်ရောက်ခဲ့ကြသည်။

မြန်မာနိုင်ငံ လွတ်လပ်ရေးရပြီးနောက်ပိုင်း KNU သည် အမျိုးသားတန်းတူရေးနှင့် ကိုယ်ပိုင်ပြဌာန်းခွင့် ရရှိရေး အတွက် ၁၉၄၉ခုနှစ်မှစ၍ မြန်မာအစိုးရ ခေတ်အဆက်ဆက်ကို ဆန့်ကျင်တော်လှန်လာခဲ့ရာ ၂၀၁၂ခုနှစ်၊ ဇန်န၀ါရီလ ၁၂ရက်နေ့တွင် သမ္မတ ဦးသိန်းစိန် အစိုးရနှင့် ပထမဆုံးအကြိမ် ပြည်နယ် အဆင့် ပဏာမ အပစ်အခတ်ရပ်ဆိုင်းရေး သဘောတူညီမှုစာချုပ် ချုပ်ဆိုခဲ့သည်။

Ref: ကေအိုင်စီ

Read More...

အစိုးရနှင့် ငြိမ်းချမ်းရေး ဆက်လက် ဆွေးနွေးရေးကိစ္စ KNU ရှင်းလင်းပွဲ ပြုလုပ်

22 February 2012

မြန်မာအစိုးရနှင့် ပဏာမ အပစ်အခတ်ရပ်ဆိုင်းရေး သဘောတူလက်မှတ်ထိုးထားသော်လည်း ပစ်ခတ်ရပ်စဲရေးကိစ္စ လက်ရှိအခြေအနေ ထက် ပိုမို ခိုင်မာအောင် တည်ဆောက်သွားရန် ရည်ရွယ်၍ ကရင်အမျိုးသားအစည်းအရုံး-KNU က ယနေ့ နေ့လည်က သတင်းစာရှင်း လင်း ပွဲတစ်ခု ပြုလုပ်ခဲ့သည်။

အဆိုပါ သတင်းစာရှင်းလင်းပွဲကို KNU က ၎င်းတို့ထိန်းချုပ်နယ်မြေဖြစ်သည့် KNLA တပ်မဟာ(၇) တနေရာတွင် ကျင်းပခဲ့ခြင်းဖြစ်ပြီး အစိုးရ နှင့် စစ်မှန်၍ ရေရှည်တည်တံ့ခိုင်မြဲသော ငြိမ်းချမ်းရေးရရှိနိုင်ရန် အဆင့်(၄)ဆင့်ပါ လမ်းပြမြေပုံကိုလည်း KNU ဘက်က ထုတ် ပြန်ခဲ့ သည်။


၎င်းအဆင့်(၄)ဆင့်မှာ ပဏာမ အပစ်အခတ်ရပ်စဲရေး၊ ခိုင်မာသည့် အပစ်အခတ်ရပ်စဲရေး၊ ကနဦး နိုင်ငံရေးတွေ့ဆုံဆွေးနွေးမှု၊ အခြေခံ နိုင်ငံရေးပြဿနာများကို အဖြေရှာရေးနှင့် အမျိုးသားပြန်လည်သင့်မြတ်ရေး၊ နိုင်ငံရေးအရ ပူးပေါင်းပါဝင်ခြင်းတို့ ဖြစ်သည်။

KNU သတင်းစာရှင်းလင်းပွဲတွင် အထွေထွေ အတွင်းရေးမှူးချုပ် နော်စီဖိုးရာစိန်နှင့် တွဲဖက်အတွင်းရေးမှူး(၁) ဗိုလ်မှူးစောလှငွေတို့မှ လက်ရှိ ပဏာမ ပစ်ခတ်ရပ်ဆိုင်းရေး အခြေအနေ၊ KNU ၏ ရပ်တည်ချက်နှင့် ပြည်တွင်းငြိမ်းချမ်းရေးအတွက် KNU ၏ အနာဂတ် လိုလား ချက်များကို တက်ရောက်လာသည့် သတင်းထောက်များအား ရှင်းလင်းပြောဆိုခဲ့သည်။

ထို့အပြင် KNU သည် လာမည့်မတ်လ ပထမပတ်တွင် မြန်မာအစိုးရနှင့် ထပ်မံ တွေ့ဆုံသွားမည်ဖြစ်သလို အမျိုးသား ပြန်လည် စည်းလုံး ညီညွှတ်မှုကိုလည်း တပြိုင်နက်တည်း လုပ်ဆောင်သွားမည်ဟု ထုတ်ဖော်ပြောဆိုခဲ့သေးသည်။

ယနေ့ ထုတ်ပြန်သည့် KNU ၏ သတင်းထုတ်ပြန်ချက်တွင် KNU နယ်မြေအတွင်းရှိ ကျေးရွာများအနီးမှ အစိုးရတပ်များကို ချက်ချင်း ရုပ် သိမ်းပေးရန်၊ တပ်အင်အား လျှော့ချပေးရန်နှင့် တိုင်းရင်းသားဒေသများသို့ တပ်သားများနှင့် ထောက်ပံ့ပစ္စည်းများ ထပ်မံ ပို့ဆောင်ခြင်း ကို ချက်ချင်း ရပ်တန့်ရန်၊ နိုင်ငံရေးအကျဉ်းသားများအဖြစ် ဆက်လက် ဖမ်းဆီးထိန်းသိမ်းထားသော KNU အဖွဲ့ဝင်များနှင့် ကရင်ပြည်သူ များ အားလုံးကို ချက်ချင်း လွှတ်ပေးရန်နှင့် ကချင်ပြည်နယ် အပါအ၀င် တိုင်းရင်းသားဒေသများအားလုံးတွင် စစ်ဆင်မှုများကို ချက်ချင်း ရပ်တန့် ရန် တောင်းဆိုထားသည်။

အပစ်အခတ် ရပ်စဲခြင်းသည် ငြိမ်းချမ်းရေးမဟုတ်။ ခိုင်မြဲသော ငြိမ်းချမ်းရေးရရှိနိုင်ရန် အခြေခံ အကျဆုံးသော အဆင့်များကို ထုတ်ဖော် ကြေညာသည့် KNU ၏ ယနေ့ သတင်းစာရှင်းလင်းပွဲတွင် အတွင်းရေးမှူးချုပ် နော်စီဖိုးရာစိန်၊ တွဲဖက်အတွင်းရေးမှူး-၁ လည်းဖြစ်၊ KNU စည်းရုံးရေးဌာနတာဝန်ခံလည်းဖြစ်သူ ဗိုလ်မှူးစောလှငွေနှင့် ၎င်းဌာန ဒုတာဝန်ခံ ပဒိုစောသမိန်ထွန်းတို့က အဓိက တာဝန်ယူ ရှင်းလင်းခဲ့ ကြသည်။

Ref: ကေအိုင်စီ

Read More...

ဘိန်းပြဿနာများ ဖြေရှင်းနိုင် မည့်ကော်မရှင်တစ်ရပ် ဖွဲ့စည်းပေးရန် CNP တောင်းဆို

22 February 2012
နန်းသူးလေ

ချင်းပြည်နယ်အတွင်းရှိ ဘိန်းစိုက်ပျိုး၊ ထုတ်လုပ်၊ ရောင်းချမှု ပြဿနာများကို ဖြေရှင်းပေးနိုင်မည့် အထူး ကော်မရှင်တစ်ရပ် ပြည်နယ် လွှတ်တော်တွင် ဖွဲ့စည်းပေးရန် ချင်းအမျိုးသားပါတီ(CNP) က တောင်းဆိုလိုက်သည်။

CNP မှ အထွေထွေ အတွင်းရေးမှူး ဆလိုင်းကြွမ်ဘိထောင်းက “ဘိန်းစိုက်ခင်းမှာ အလုပ်လုပ်ရင်း ဘိန်းစေ့တွေကို ငုံလိုက်၊ စားလိုက်နဲ့ လူငယ်တချို့ ပျက်စီးနေတာကိုလည်း ကျနော်တို့ တွေ့နေရပါပြီ။ ဒါတွေက အန္တရာယ်ကြီးမားပြီး ခြိမ်းခြောက်နေတာ ဖြစ်တဲ့အတွက် နှိမ် နင်းပေးဖို့ တောင်းဆိုရခြင်း ဖြစ်ပါတယ်။”ဟု ပြောသည်။

ထိုသို့ ဘိန်းပြဿနာကို ဖြေရှင်းပေးနိုင်မည့် အထူးကော်မရှင်ဖွဲ့စည်းရန်ု CNP က ယခုလ ၂၀ရက်နေ့တွင် ကျရောက်ခဲ့သည့် ၆၃နှစ် မြောက် ချင်းအမျိုးသားနေ့တွင် ထုတ်ပြန်သည့် ပါတီ၏ သဘောထားကြေညာချက်၌ ထည့်သွင်း တောင်းဆိုထားခြင်း ဖြစ်သည်။

CNP သည် ပြီးခဲ့သည့် ပြည်နယ်လွှတ်တော်တွင် တင်ပြခဲ့သော်လည်း သတ်မှတ်ထားသည့်ရက်အတွင်း မတင်ပြနိုင်ခဲ့သည့်အတွက် လာ မည့် တတိယအကြိမ် ပြည်နယ်လွှတ်တော်တွင် ၎င်းအဆိုကို ထပ်မံ တင်သွင်းသွားမည် ဖြစ်သည်။

တောင်းဆိုထားသည့် အထူးကော်မရှင်တွင် ပြည်နယ်အစိုးရအဖွဲ့၊ လွှတ်တော်ကိုယ်စားလှယ်များ၊ ကုလသမဂအဖွဲ့ကိုယ်စားလှယ်များ၊ ဘာသာရေးအဖွဲ့ ကိုယ်စားလှယ်များ ပါဝင်ဖွဲ့စည်းရန် ချင်းပြည်နယ်အစိုးရနှင့် လွှတ်တော်သို့ တိုက်တွန်းထားသည်။

ပြည်နယ်လွှတ်တော်တွင် အထူးကော်မရှင် ဖွဲ့စည်းခွင့်ရရှိပါက ပညာရှင်များ၏ အကူအညီရယူပြီး ရေတို၊ ရေရှည် စီမံကိန်းများ ရေးဆွဲ ကာ အစားထိုး မွေးမြူရေးလုပ်ငန်းများဖြင့် ဖြေရှင်းနိုင်မည့် နည်းလမ်း များရှာဖွေသွားမည်ဟု ဆလိုင်းကြွမ်ဘိခ်ထောင်းက ပြောသည်။

ချင်းပြည်နယ်မြောက်ပိုင်း တွန်းဇံ၊ ကျီခါးဒေသများတွင် ဘိန်းစိုက်ခင်းဧက သောင်းချီရှိနေပြီး ပြီးခဲ့သည့် သုံးနှစ်အတွင်း ပိုမိုတိုးပွား လာကာ ထွက်ရှိသည့် ဘိန်းများကို အိန္ဒိယ၊ ကဘော်နယ်စပ်တစ်လျှောက်နှင့် တရုတ်နိုင်ငံသို့ ရောင်းဝယ်နေကြကြောင်း ၎င်းက ပြော သည်။

ချင်းအမျိုးသားပါတီ (CNP)သည် ၂၀၁၀ခုနှစ်၊ မတ်လ ၂၇ရက်နေ့တွင် စတင် ဖွဲ့စည်းခဲ့ပြီး လက်ရှိ ပြည်နယ်လွှတ်တော်တွင် အမတ် ၅ နေရာရရှိထားသော ပါတီဖြစ်သည်။

Ref: ကေအိုင်စီ

Read More...

စီးပွားရေး ပိတ်ဆို့မှုသည် အဓိက ပြဿနာဟု အာဆီယံကို လုပ်ငန်းရှင်များပြော

ညီသစ်
ဖေဖေါ်ဝါရီလ ၂၂ ရက် ၂၀၁၂ ခုနှစ်

စီးပွားရေး ဖွံ့ဖြိုးမှုများအတွက် နိုင်ငံတကာမှ ပိတ်ဆို့မှုမှာ အဓိကပြဿနာရပ် ဖြစ်နေ ကြောင်း မြန်မာ စီးပွားရေး လုပ်ငန်းရှင်များက ထောက်ပြ ပြောကြားလိုက်သည်။

အင်္ဂါနေ့က အာဆီယံ အတွင်းရေးမှူးချုပ်နှင့် မြန်မာနိုင်ငံ ကုန်သည်ကြီးများနှင့် စက်မှုလက်မှု လုပ်ငန်းရှင်များ အသင်းစုချုပ် UMFCCI မှ စီးပွားရေး လုပ်ငန်းရှင်များ တွေ့ဆုံစဉ် ပြောကြားလိုက်ခြင်း ဖြစ်သည်။

“မြန်မာနိုင်ငံက ပြေးလမ်းကနေ ပျံတက်တော့မယ့် လေယာဉ်တစီးနဲ့ တူပါတယ်။ အပေါ်ကို ပျံတက်ဖို့ အားယူနေချိန် မှာ ရှေ့မှာ ပြင်း ထန်တဲ့ လေတွေက ဆန့်ကျင် တိုက်ခတ်နေတယ်။ ဒါပေမယ့် မြန်မာက ရှေ့ကို ဆက်ပျံသန်းဖို့ပဲ ဆုံးဖြတ်ထားတယ်” ဟု UMFCCI ဒုဥက္ကဋ္ဌ ဒေါက်တာမောင်မောင်လေး က ပြောသည်။

၂ဝ၁၄ ခုနှစ်တွင် မြန်မာနိုင်ငံက လက်ခံကျင်းပမည့် အာဆီယံ ထိပ်သီးညီလာခံသည် မြန်မာနိုင်ငံ၏ စီးပွားရေး ဖွံ့ဖြိုးမှုများ အတွက်လည်း အရေးပါသည့် ကိစ္စတခုဖြစ်ပြီး ယခုအချိန်သည် ပိတ်ဆို့မှုများ ဖယ်ရှားကာ ပြည်သူများ အနေနှင့် ကောင်းမွန်သည့် လူနေမှုဘဝများ ရရှိသင့်သည့် အချိန်ကာလဟု UMFCCI က ပြောသည်။

UMFCCI ဥက္ကဋ္ဌ ဦးဝင်းအောင်က ပြောကြားခဲ့သည်မှာ မြန်မာနိုင်ငံသို့ ဝင်ရောက် ရင်းနှီးမြှပ်နှံပြီး အလုပ်အကိုင် အခွင့်အလမ်းများစွာ ဖန်တီးပေးနိုင်မည့် အလားအလာ အကောင်းဆုံး နိုင်ငံတကာမှ စီးပွားရေး လုပ်ငန်းရှင်များသည် ယခုပိတ်ဆို့မှုများကြောင့် အခက် အခဲများစွာ ဖြစ်ပေါ်ရကြောင်း၊ မြန်မာနိုင်ငံမှ ၉၅ ရာခိုင်နှုန်းသော စီးပွားရေး လုပ်ငန်းများမှာ အလတ်စားနှင့် အသေးစား လုပ်ငန်းများ ဖြစ်ကာ နိုင်ငံတကာမှ ဘဏ္ဍာရေး၊ နည်းပညာ အကူအညီ များစွာ လိုအပ်နေကြောင်း ပြောဆိုခဲ့သည်။

Ref: မဇ္ဈိမ

Read More...

“နှုတ်နဲ့ပြောဖို့ သတ္တိမရှိသေးရင် စာနဲ့ပြောပေးပါ”ဟု ဦးရွှေမန်း ပြော

ကိုပေါက်၊ မင်းသက်
ဖေဖေါ်ဝါရီလ ၂၂ ရက် ၂၀၁၂ ခုနှစ်

ပြည်သူ့လွှတ်တော်ဥက္ကဋ္ဌ သူရဦးရွှေမန်း က လွှတ်တော် ကိုယ်စားလှယ်များ အနေနှင့် အဂတိ ရှောင်ရှားကာ သတ္တိရှိစွာဖြင့် ပြည်သူ့ အကျိုး အရေးဆို ဆောင်ရွက်ကြစေလိုကြောင်း ပြောကြားလိုက်သည်။

ဗုဒ္ဓဟူးနေ့ နံနက်ပိုင်းက ရန်ကုန်တိုင်း လွှတ်တော်အဆောက်အဦးတွင် ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာ ဆန်းစစ်သုံးသပ်ရေး ကော်မရှင်နှင့် ပြည်သူ့လွှတ်တော်ဥက္ကဋ္ဌတို့ တွေ့ဆုံပွဲ၌ ဦးရွှေမန်းက ထည့်သွင်း ပြောဆိုသွားခြင်းဖြစ်သည်။

“သူတို့တွေ ကြောက်နေကြသေးတယ်။ ပြောလိုက်ရင် ဘာဖြစ်မလဲဆိုပြီး ကြောက်နေကြသေးတယ်။ ကိုယ်ပြောလိုက် လို့ ဒုက္ခရောက်မှာ ကြောက်တယ်ဆိုတာ အဂတိတရား လိုက်စားတာ။ ဒါကြောင့်မို့လို့ လွှတ်တော် ကိုယ်စားလှယ်များ ကိုလည်း ခင်ဗျားတို့ အဂတိရှေးရှု စေသော အပြုအမူများ မဖြစ်စေနဲ့။ နှုတ်နဲ့ပြောဖို့ သတ္တိမရှိသေးရင် စာနဲ့ပြောပေးပါ” ဟု လွှတ်တော် ကိုယ်စားလှယ်များကို ရည်ညွှန်း၍ ဦးရွှေမန်းက ပြောသည်။


၎င်းကိုယ်တိုင်လည်း လိုက်နာကျင့်ကြံသည့် အနေဖြင့် ဖေဖေါ်ဝါရီ ၇ ရက်နေ့က ဝန်ထမ်း လစာတိုးရေးနှင့် ပြည်သူ့ငွေ များဖြင့် စံမံကိန်း အကောင်အထည်ဖော်မှုများကို စိစစ်လျှော့ချရန် ပြည်ထောင်စု လွှတ်တော်၌ မိန့်ခွန်းပြောဆိုခဲ့သည် ဟု ဆိုသည်။

ဖေဖေါ်ဝါရီလ ၇ ရက်နေ့ ပြည်ထောင်စု လွှတ်တော်သို့ တင်သွင်းသည့် ဦးရွှေမန်း၏ ဝန်ထမ်းများ လစာတိုးရေး အဆို အား ဘဏ္ဍာရေး နှင့် အခွန်ဝန်ကြီး ဦးလှထွန်းက ဖေဖေါ်ဝါရီလ ၁၆ ရက်နေ့ ပြည်ထောင်စု လွှတ်တော်တွင် ပြန်လည် ဖြေကြား ငြင်းပယ်ခဲ့သည်။

အင်္ဂါနေ့ ပြည်ထောင်စု လွှတ်တော်သို့ ပေးပို့ထားသည့် ဦးရွှေမန်း၏ သဝဏ်လွှာတွင်လည်း “ပြည်သူကို အကျိုးပြုသည့် စီမံကိန်း များ ကိုသာ ဆက်လက် အကောင်အထည်ဖေါ်ကာ ကုန်ကျစရိတ်များလျှော့၍ ဝန်ထမ်းများကို လစာ တိုးပေးရန်” ဦးရွှေမန်း က ထပ်မံ တောင်းဆိုထားသည်။

ထို့ကြောင့် အဆိုရှင်မှ ယင်းအဆိုကို ပြန်လည် မရုပ်သိမ်းပါက ပြည်ထောင်စု လွှတ်တော်တွင် မဲခွဲဆုံးဖြတ်ရန်သာ ရှိသည်ဟုလည်း လွှတ်တော်အမတ် ဦးကြည်မြင့်က မဇ္ဈိမကို ပြောသည်။

ဦးရွှေမန်းကမူ ၎င်းအနေဖြင့် ဝန်ထမ်းလစာတိုးပေးရန် အဆိုကို နောက်ဆုတ်မည် မဟုတ်ကြောင်းလည်း ဗုဒ္ဓဟူးနေ့ တွေ့ဆုံပွဲ တွင် ထည့်သွင်းပြောဆိုသွားသည်။

ဗုဒ္ဓဟူးနေ့ တွေ့ဆုံပွဲသို့ စီးပွားရေးလုပ်ငန်းရှင်များ၊ ပညာရှင်များနှင့် တိုင်းဒေသကြီးလွှတ်တော်မှ ကိုယ်စားလယ်များ စုစုပေါင်း ၁၅ဝ ခန့် တက်ရောက်ခဲ့ကြပြီး ပြည်တွင်းပြည်ပ မီဒီယာသမား ၃ဝ ကျော် တက်ရောက်ခဲ့ကြသည်။

အဆိုပါတွေ့ဆုံပွဲတွင် ဦးရွှေမန်းက ဈေးကွက်စီးပွားရေးစနစ်ကို စတင်ကျင့်သုံးရန် ထိရောက် လက်တွေ့ကျသော ဥပဒေ ပြဋ္ဌာန်းရန် လိုကြောင်းလည်း ထည့်သွင်းပြောဆိုသည်။

“လာရောက်ရင်းနှီးလိုသူတွေ ရှိနေတယ်လို့ သိရတယ်။ တည်ဆဲ ဥပဒေမှာ ရင်းနှီး မြှပ်နှံလိုသူတွေအတွက် ခက်ခဲနေ တယ်။ ယုံကြည်မှု တွေ လျော့နည်းနေတယ်။ မလုပ်နိုင်ဘူး ဆိုတာတွေ ရှိတယ်လို့ သိရပါတယ်။ ဒါကြောင့် လက်တွေ့ ကျတဲ့ ဥပဒေတခု အမြန်လိုပါ တယ်”ဟု သူရဦးရွှေမန်း က ပြောသည်။

နိုင်ငံတော်နဲ့ နိုင်ငံသားများ အကျိုးအတွက် ပြင်ဆင်ရမည့် ဥပဒေများကို ယခု အစိုးရ သက်တမ်း ၅ နှစ်တွင်ပင် ပြင်ဆင်၍ ပြီးမြောက်မည် မဟုတ်ဘဲ အမြန်ပြင်ဆင်ရန် လိုကြောင်းလည်း ထည့်သွင်းပြောဆိုသွားသည်။

ဥပမာအဖြစ် ၁၉၄၇ ခုနှစ်က ပြဋ္ဌာန်းထားသော ယာယီသွင်းကုန် ထုတ်ကုန် ဥပဒေသည် လက်ရှိ ခေတ်အခြေအနေနှင့် မကိုက်ညီဘဲ နိုင်ငံတကာမှ လာရောက် ရင်းနှီးမြှုပ်နှံလိုသူများအတွက် အခက်အခဲဖြစ်နေ၍ ၎င်းဥပဒေများကို ပြင်ဆင် ရန် ကြိုးပမ်းရမည်ဖြစ်ကြောင်း သူရဦးရွှေမန်းက ပြောကြားခဲ့သည်။

ထို့ပြင် သူရဦးရွှေမန်း က “ကျနော်တို့နိုင်ငံဟာ ပါတီစုံဒီမိုကရေစီနဲ့ ဈေးကွက်စီးပွါးရေးကို မှန်မှန်ကန်ကန် ထိထိရောက်ရောက် မကျင့်သုံး ဘူးဆိုရင် ကျနော်တို့နိုင်ငံ၊ ကျနော်တို့လူမျိုးများ နိုင်ငံတကာ ရင်ဘောင်တန်းလိုသော်လည်း နိမ့်ကျ တဲ့ အခြေအနေ ဆက်ပြီးတော့ ဖြစ် နေဦးမှာပဲ”ဟု ထည့်သွင်းပြောဆိုသွားသည်။

Ref: မဇ္ဈိမ

Read More...

ဒေါ်အောင်ဆန်းစုကြည် ကချင်ခေါင်းဆောင်များနှင့် တွေ့ဆုံမည်

ဖနိဒါ
ဖေဖေါ်ဝါရီလ ၂၂ ရက် ၂၀၁၂ ခုနှစ်

ကြာသပတေးနေ့တွင် စတင်မည့် ဒေါ်အောင်ဆန်းစုကြည်၏ ကချင်ပြည်နယ်ခရီးစဉ်တွင် ကချင်အမျိုးသား အတိုင်ပင်ခံအဖွဲ့ WMR ခေါင်းဆောင်များနှင့် တွေ့ဆုံသွားမည် ဖြစ်ကြောင်း ကချင်ခေါင်းဆောင်များ ထံမှ သိရသည်။

“ကျနော်တို့ကတော့ ဘာဆွေးနွေးဖို့ ကြိုတိုင်ပင်ထားတာတော့ မရှိသေးဘူး။ ဒါပေမယ့် သူနဲ့ တွေ့ဆုံတဲ့အခါမှာပဲ အချင်းချင်း မိတ်ဆက် ရင်းနဲ့ ပြောကြဆိုကြမှာပါ။ အိမ်ရှင်ဆိုတော့ ဧည့်သည်က လာတွေ့တယ်ဆိုရင် လက်ခံ ကြိုဆိုပါ တယ်”ဟု အမည်မဖော်လိုသည့် WMR အဖွဲ့ဝင် ကချင်ခေါင်းဆောင်တဦးက မဇ္စျိမကို ပြောသည်။

WMR ကချင်အတိုင်ပင်ခံအဖွဲ့တွင် ကချင်လွတ်မြောက်ရေးအဖွဲ့ KIO၊ ကချင် ပြည်နယ်တွင်းရှိ စီးပွားရေး လုပ်ငန်းရှင် များ၊ ဘာသာရေး ခေါင်းဆောင်များ အပါအဝင် အဖွဲ့ဝင် ၅ဝ ကျော် ပါဝင်ပြီး ထိုအဖွဲ့မှ ခေါင်းဆောင်အချို့သည် ကချင်လွတ်မြောက်ရေးအဖွဲ့ KIO နှင့် အစိုးရ အကြား ငြိမ်းချမ်းရေးရရှိရန် ညှိုနိုင်းပေးနေသည်။


ဒေါ်အောင်ဆန်းစုကြည်နှင့် မည်သည့် အကြောင်းအရာများ ဆွေးနွေးဖြစ်မည် ဆိုသည်ကိုမူ WMR က ထုတ်ဖော်ပြောဆိုခြင်း မရှိသေး ပေ။

အမျိုးသားဒီမိုကရေစီ အဖွဲ့ချုပ် NLD ခေါင်းဆောင် ဒေါ်အောင်ဆန်းစုကြည်သည် ကြာသပတေးနေ့တွင် ရန်ကုန်မြို့မှ မြစ်ကြီးနား မြို့သို့ လေကြောင်းမှ သွားရောက်မည် ဖြစ်ပြီး မိုးကောင်းမြို့နယ် နမ္မတီးကျေးရွာအုပ်စုရှိ အားကစားကွင်း တွင် လူထုဟောပြောပွဲ နေ့ချင်း ပြု လုပ်မည်ဖြစ်သည်။ ဟောပြောမည့် စင်မြင့်ကို နမ္မတီး NLD လူငယ်များက အဆင်သင့် ဆောက်လုပ်ကာ လုံခြုံရေး စီစဉ်ထားကြောင်း နမ္မတီး စည်းရုံးရေးအဖွဲ့ဝင် ဦးဝင်းဗိုလ်က ပြောသည်။

သောကြာနေ့၌ မြစ်ကြီးနားမြို့ စီတာပူရပ်ကွက်ရှိ ကချင်ရိုးရာမနောကွင်းတွင် စည်းရုံး ဟောပြောဦးမည် ဖြစ်သည်။

ဒေါ်အောင်ဆန်းစုကြည်သည် မြစ်ကြီးနားမြို့ရှိ ဝန်းသိုကျောင်းတိုက် ဆရာတော်နှင့်လည်း တွေ့ဆုံမည်ဖြစ်ကြောင်း ဆရာတော်နှင့် နီးစပ်သည့် မြစ်ကြီးနားမြို့ခံတဦးက ပြောသည်။

ထို့နောက် ဗန်းမော်မြို့ဘက်သို့ သွားရောက်၍ ကချင်ရိုးရာ မနောကွင်းတွင် ဟောပြောဦးမည်ဟု NLD မဲဆွယ် စည်းရုံးရေး မန်နေဂျာ ဦးဉာဏ်ဝင်းက ပြောသည်။

ဒေါ်အောင်ဆန်းစုကြည်သည် ကချင်ပြည်နယ်သို့ ၁၉၈၉ ခုနှစ် နှင့် ၂ဝဝ၃ ခုနှစ်များတွင် သွားရောက်ခဲ့ပြီး ယခု ခရီးစဉ် မှာ တတိယ အကြိမ်မြောက် ဖြစ်သည်။

၁၉၈၉ ခုနှစ်က သွားရောက်စဉ် ပင်လုံပြည်ထောင်စု လမ်းပြမြေပုံကို ဗိုလ်ချုပ်အောင်ဆန်းနှင့်အတူ ရေးဆွဲခဲ့သည့် ဒူဝါဇော်ရစ်ပ်နှင့် တွေ့ဆုံဆွေးနွေးခဲ့သည်။

NLD ဥက္ကဋ္ဌ ဒေါ်အောင်ဆန်းစုကြည်သည် ပြီးခဲ့သည့် သီတင်းပတ်များအတွင်း မြန်မာပြည် တောင်ပိုင်းနှင့် အလယ်ပိုင်းဒေသများ ဖြစ်သည့် ထားဝယ်၊ ပခုက္ကူ၊ ပုသိမ်၊ ကော့မှူး၊ လှည်းကူးနှင့် ဖျာပုံမြို့များသို့ မဲဆွယ် စည်းရုံးရေး ခရီးစဉ် အဖြစ် သွားရောက်ခဲ့သည်။

မန္တလးတိုင်း NLD မှ ဒေါ်ဝင်းမြမြ အပါအဝင် အဖွဲ့ဝင် ၇ ဦးသည်လည်း ကချင်စစ်ပြေး ဒုက္ခသည်များအား ကူညီရန် အတွက် အဝတ် အထည်များနှင့် ကျပ်သိန်း ၁ဝဝ ယူဆောင်ပြီး မြစ်ကြီးနားမြို့သို့ မီးရထားဖြင့် ဗုဒ္ဓဟူးနေ့က ထွက်ခွာ သွားပြီဖြစ်ကြောင်း သိရသည်။

Ref: မဇ္ဈိမ

Read More...

KNU ထိန်းချုပ်နယ်မြေအတွင်း အစိုးရတပ်များ ရုပ်သိမ်းရန် တောင်းဆို

မျိုးသန့်
ဖေဖေါ်ဝါရီလ ၂၂ ရက် ၂၀၁၂ ခုနှစ်

ကရင်အမျိုးသား အစည်းအရုံး KNU ၏ ထိန်းချုပ်နယ်မြေများအတွင်း အစိုးရတပ်များ ပြန်လည် ရုပ်သိမ်းပေးရန် အပါအဝင် တောင်းဆို ချက် လေးချက်ကို KNU မှ ဗုဒ္ဓဟူးနေ့တွင် ထုတ်ပြန် ကြေညာ လိုက်သည်။

KNU ထိန်းချုပ်ရာဒေသများရှိ စခန်းအသီးသီး၏ ကိုက် ၂,၀၀၀ ကျော် အကွာအဝေး အတွင်း အစိုးရတပ်မှ စိုးမိုး နယ်မြေ ရယူထားခြင်း၊ အစိုးရတပ် ရိက္ခာပို့လမ်း ဝဲယာ ကိုက် ၂၀၀ အတွင်း KNU တပ်များ ချဉ်းကပ်ခွင့် မရခြင်း တို့ကြောင့် အစိုးရတပ်နှင့် KNU တို့အကြား ထိပ် တိုက်တွေ့နိုင်ကာ ပဋိပက္ခများ ဖြစ်လာနိုင်ခြင်းကြောင့် တပ်များ ဆုတ်ပေးရန် တောင်းဆိုခြင်းဟု KNU အထွေထွေ အတွင်းရေးမှူး ဗိုလ်မှူး စောလှငွေက မဇ္ဈိမကို ပြောသည်။

"တပ်တွေ အသီးသီးက ထိပ်တိုက်တွေ့ပြီးတော့ ပဋိပက္ခ ဖြစ်နိုင်တယ်။ ပဋိပက္ခ မဖြစ်တောင်မှ တပ်တွေက လက်နက် တကားကားနဲ့ ဒီနယ်မြေထဲမှာ ရန်သူ့တပ်ကလည်း အပြည့်၊ ကျနော်တို့ တပ်တွေကလည်း ပြောက်ကျား အနေအထား နဲ့ သွားနေမယ်ဆိုရင် ဒီကိစ္စက ကောင်းတဲ့ကိစ္စ မဟုတ်ဘူး" ဟု ပြောသည်။

KNU ၏ စခန်း ၂၀၀ ကျော်သည် ပဲခူးတိုင်း တောင်ငူခရိုင်၊ ညောင်လေးပင်ခရိုင်၊ ကရင်ပြည်နယ် ဘားအံခရိုင်၊ ဒူးပလယာခရိုင်၊ တနင်္သာ ရီတိုင်း မြိတ်ခရိုင်၊ ထားဝယ်ခရိုင်၊ မွန်ပြည်နယ် သထုံခရိုင် ဒေသများအတွင်း တည်ရှိနေ သည်။ ထိုဒေသများမှာ KNU တပ်မဟာ ၃၊ ၄၊ ၅၊ ၆၊ ၇ ထိန်းချုပ်ရာ ဒေသများ ဖြစ်သည်။

ထိုဒေသများအတွင်း အစိုးရ၏ စစ်တိုင်းများဖြစ်သည့် ကမ်းရိုးတန်းတိုင်း၊ အရှေ့တောင်တိုင်း၊ တောင်ပိုင်းတိုင်းတို့နှင့် လည်း ဆက်စပ် မှုရှိနေသည်။ ယင်းအပြင် ပွင့်လင်းရာသီ ရောက်ရှိလာပြီ ဖြစ်ခြင်းကြောင့် အစိုးရမှ ရှေ့တန်းတပ်များ သို့ ရိက္ခာပို့ပါက KNU တပ်ဖွဲ့ဝင် များနှင့် ထိပ်တိုက် တွေ့နိုင်သည်ဟုလည်း ဗိုလ်မှူး စောလှငွေက ပြောသည်။

ဖေဖေါ်ဝါရီ လဆန်းပိုင်းအတွင်း ဖာပွန်ခရိုင်နှင့် ညောင်လေးပင်ကြားအတွင်း အစိုးရတပ်နှင့် KNU တို့ကြား တိုက်ပွဲ ဖြစ်ပွားခဲ့ သေးသည်။ အဆိုပါ တိုက်ပွဲတွင် အစိုးရတပ်မှ လေးဦး ကျဆုံးသည်ဟုလည်း ဗိုလ်မှူး စောလှငွေက ပြော သည်။ မဇ္ဈိမက သီးခြားအတည်ပြုချက် မရ ရှိသေးပေ။

ထုတ်ပြန်ကြေညာချက်တွင် KNU ထိန်းချုပ်ရာ နယ်မြေများသို့ တပ်သားများ၊ ထောက်ပံ့ရေး ပစ္စည်းများ ထပ်မံ ပို့ဆောင်ခြင်း မပြုရန်နှင့် ကချင်ပြည်နယ် အပါအဝင် တိုင်းရင်းသား ဒေသများတွင် စစ်ဆင်ရေးများ ရပ်တန့်ရန်နှင့် မန်းငြိမ်းမောင် အပါအဝင် KNU အဖွဲ့ဝင် နိုင်ငံ ရေးအကျဉ်းသားများ အားလုံး ပြန်လွှတ်ပေးရန်လည်း တောင်းဆို ထားသည်။

ဤအချက်များ ဖြည့်ဆည်းလုပ်ဆောင်ပေးပါက နှစ်ဖက် ကနဦး နိုင်ငံရေး တွေ့ဆုံဆွေးနွေးမှုများ စတင် လုပ်ဆောင်နိုင် မည်ဖြစ်ကြောင်း KNU က ဆိုသည်။

ဗုဒ္ဓဟူးနေ့တွင် ထုတ်ပြန်သည့် KNU ၏ ထုတ်ပြန်ချက်တွင် စစ်မှန်သော ငြိမ်းချမ်းရေးရရှိရန် အဆင့်လေးဆင့်အဖြစ် ပဏာမ အပစ်အခတ် ရပ်စဲရေး အဆင့်၊ ခိုင်မာသည့် အပစ်အခတ် ရပ်စဲရေး အဆင့်၊ ကနဦး နိုင်ငံရေး တွေ့ဆုံ ဆွေးနွေးမှု နှင့် နိုင်ငံရေးအရ ပူးပေါင်းပါဝင်ခြင်း တို့ပါဝင်သော လမ်းပြမြေပုံကို တင်ပြထားသည်။

အဆိုပါ အဆင့်လေးဆင့်ကို အကောင်အထည်ဖေါ်ရန် အချိန်ကာလအားဖြင့် ၂ နှစ်မှ ၃ နှစ်ခန့် ကြာမြင့်နိုင်ကြောင်း ဗိုလ်မှူး စောလှငွေက မဇ္ဈိမကို ပြောသည်။

ဝန်ကြီး ဦးအောင်မင်း ဦးဆောင်သော အစိုးရ ကိုယ်စားလှယ်များနှင့် ဗိုလ်ချုပ်မူတူးဆေးဖိုး ဦးဆောင်သည့် KNU ကိုယ်စားလှယ် အဖွဲ့ဝင် များ ဇန်နဝါရီ ၁၃ ရက်နေ့က အပစ်အခတ်ရပ်စဲရေး ပဏာမ သဘောတူညီချက် ၁၁ ချက်ကို နှစ်ဖက် လက်မှတ်ရေးထိုးခဲ့ကြသည်။

Ref: မဇ္ဈိမ

Read More...

ကျိုင်းတုံထောင် အကျဉ်းသားနှစ်ဦး စိတ်ကြွဆေးပြားများနှင့်ဖမ်းမိ

ကျော်ခ
ဖေဖေါ်ဝါရီလ ၂၂ ရက် ၂၀၁၂ ခုနှစ်

ရှမ်းပြည်နယ်အရှေ့ပိုင်း ကျိုင်းတုံထောင်မှ အကျဉ်းသားနှစ်ဦးကို ထောင်ပြင်ပ ကျိုင်းတုံမြို့ အထွက်တွင် စိတ်ကြွဆေးပြားများနှင့်အတူ ဖမ်းဆီးရမိမှု တနင်္လာနေ့က ဖြစ်ပွားခဲ့ကြောင်း ထောင်အာဏာပိုင် သတင်းရပ်ကွက်ထံမှ သိရသည်။

မြင်းဆေး ခေါ် စိတ်ကြွဆေး အပြား ၂၀ သယ်ဆောင်လာသူ လူနှစ်ဦးကို Dream အမျိုးအစား ဆိုင်ကယ် အပြာရောင် တစီးနှင့်အတူ ကျိုင်းတုံမြို့အထွက် နောင်ဖာ ဂိတ်တွင် တနင်္လာနေ့ မွန်းလွဲပိုင်းတွင် မြို့နယ်ရဲတပ်ဖွဲ့က ဖမ်းဆီးခဲ့မိပြီး စစ်ဆေးကြည့်ရာမှ အကျဉ်းသား များဟု သိရှိရပြီး ကျိုင်းတုံထောင်သို့ လွှဲပြောင်းပေးခဲ့သည်။

“သူတို့ကို ကျိုင်းတုံကနေ အထွက် မိုင်းယန်းကို သွားတဲ့ နောင်ဖာ စုပေါင်းဂိတ်မှာ မြင်းဆေးတွေနဲ့ မိတာပါ။ အဲဒီအချိန်မှာ သူတို့က အရပ်ဝတ်တွေနဲ့ပဲ” ဟု အာဏာပိုင် အသိုင်းအဝိုင်းက မဇ္ဈိမကို ပြောသည်။

ဖမ်းဆီးရမိသူ အကျဉ်းသား အိုက်ကျော် (ခ) သန်းလွင်ကျော်နှင့် စိုးနိုင် (ခ) ကုလားလေး တို့မှာ ကျိုင်းတုံ ယာယီ ထောင်ပိုင် ဦးဌေး မောင်အိမ်တွင် နေထိုင်သူများဖြစ်ကြပြီး မကြာမီ လပိုင်းတွင် လွတ်ရက်စေ့တော့မည့် သူများလည်း ဖြစ်ကြောင်း သိရသည်။

၎င်းတို့နှစ်ဦးသည် လူကုန်ကူးမှု၊ မူးယစ်ဆေးဝါးမှုတို့ဖြင့် ပြစ်ဒဏ်ကျခံနေသူများ ဖြစ်သော်လည်း ထောင်မှူး ဦးကျော်သိန်းကို ငွေကြေး ထောက်ပံ့ကာ ထောင်ပိုင် ဦးဌေးမောင်အိမ်တွင် အိမ်အကူ အလုပ်များ လုပ်ကာ အပြင်လူများကဲ့သို့ သွားလာခွင့် ရှိသူများဖြစ်သည်ဟု ထောင်အသိုင်းဝိုင်းမှပင် သိရသည်။

တနင်္လာနေ့က ထောင်တွင်အသုံးပြုနေသည့် မီးစက်အတွက် လိုအပ်သည့် ပစ္စည်းများကို ကျိုင်းတုံ ဈေးထဲသို့ သွားရောက် ဝယ်ခိုင်းရာမှ အပြန် နောင်ဖာဂိတ်တွင် ဖမ်းဆီးခံခဲ့ရခြင်း ဖြစ်ကြောင်းသိရသည်။ ၎င်းတို့နှစ်ဦးအား ကျိုင်းတုံထောင် အချုပ်ဆောင်တွင် ထားရှိပြီး ရဲ ဘက်ပြေးမှု ပုဒ်မ ၂၂၄ နှင့် မူးယစ်ဆေးဝါး လက်ဝယ်တွေ့ရှိမှု တို့ဖြင့် ထောင်တရားရုံးတင်ကာ စစ်ဆေးခဲ့ကြောင်းသိရသည်။

“ဒီနေ့ သူတို့ကို စစ်တော့ သက်လွင်ကျော်ရဲ့ ထွက်ချက်ထဲမှာ မူးယစ်ဆေးဝါးကို ထောင်ထဲမှာရှိတဲ့ သာအေးဆိုတဲ့ လူက အဝယ်ခိုင်းတာ။ သာအေးကလည်း မူးယစ်နဲ့ ကျထားတာ။ အခု သူ့ကိုလည်း စစ်မှာ” ဟု ထောင်နှင့် နီးစပ်သူက ပြောသည်။

“ကုလားလေး စိုးနိုင်ကလည်း မကျေနပ်ဘူး။ ခိုင်းတာက ထောင်မှူးက ခိုင်းတာ။ ပြီးတော့ သူတို့က ပိုက်ဆံ ၃ သိန်းပေးပြီး အပြင်ဘုတ် အဖြစ်နဲ့နေတာ။ မိတော့မှ ရဲဘက်ပြေးနဲ့ ဖမ်းတယ် ဆိုပြီးတော့” ဟု သူက ဆက်ပြောသည်။

ထောင်မှူး ဦးကျော်သိန်း၏ ခိုင်းစေမှုဖြင့် စက်ပစ္စည်း သွားဝယ်သူ နှစ်ဦးကို ရဲဘက်ပြေးမှု ပုဒ်မ ၂၂၄ ဖြင့်တရားစွဲဆိုမှုကို တရားမျှတမှု မရှိဟု ဆိုကာ ထောင်ဝန်ထမ်းအချို့က မကျေနပ်သဖြင့် အကျဉ်းဦးစီးဌာန ညွှန်ကြားရေးမှူးချုပ် ဦးဇော်ဝင်းထံသို့ လိပ်မူကာ တိုင်တန်းစာ ပေးပို့ခဲ့သည်။

ကျိုင်းတုံထောင်တွင် ရာဇဝတ်မှုဖြင့် အကျဉ်းကျနေသူအချို့မှာ ငွေကြေးတတ်နိုင်သူများ ဖြစ်ပြီး ထောင်အာဏာပိုင်များ ကို ငွေကြေး ပေးကာ အပြင်ဘုတ်ခေါ် သီးသန့် လွတ်လပ်စွာ နေထိုင်ခွင့်၊ အပြင်ထွက်ခွင့်များ ရရှိသလို အစားအသောက်များကိုလည်း လွတ်လပ်စွာ စားသုံးခွင့်ရှိကြောင်း ယင်းထောင်မှ လွတ်မြောက်လာသူ့ အကျဉ်းသား အချို့ထံမှ သိရသည်။

ထို့အတူ အာဏာပိုင်များနှင့် ပူးပေါင်းကာ ထောင်တွင်း မူးယစ်ဆေးဝါး သယ်ယူ သုံးစွဲခွင့် ရနေသူများလည်း ရှိကြောင်း သိရသည်။

Ref: မဇ္ဈိမ

Read More...

Tuesday, February 21, 2012

Monthly News Commentary - February 2012

PDC Monthly News Commentary - February 2012

Read More...

DKBA နှင့် BGF စစ်ရေးတင်းမာ မှုကြောင့် ဒေသခံ ၅၀ကျော် ထိုင်းဘက်ခြမ်းသို့ တိမ်းရှောင်နေ

20 February 2012
စောသိန်းမြင့်

တိုးတက်သောဗုဒ္ဓဘာသာ ကရင်အမျိုးသားတပ်မတော် (DKBA)နှင့် နယ်ခြားစောင့်တပ် (BGF) တို့ ယမန်နေ့က ပစ်ခတ်မှု ဖြစ်ပွားခဲ့ပြီး နှစ်ဖက် စစ်ရေးပြင်ဆင်မှု များကြောင့် ထိုင်း-မြန်မာနယ်စပ် ကရင်ပြည်နယ်၊ လှိုင်းဘွဲမြို့နယ်၊ မဲ့သဝေါရွာ သူရွာသား ၅၀ဦးကျော်မှာ ယခု အချိန်တွင် ထိုင်းဘက်ခြမ်းသို့ ထွက်ပြေး တိမ်းရှောင်နေရသည်။

မဲ့သဝေါရွာသားတစ်ဦးက “သူများပြောတာ အခြေအနေမကောင်းဘူးဆိုပြီး ထိုင်းဘက်ခြမ်းကို ခဏရှောင်ထားလို့ ပြောတဲ့အတွက် ကျနော် တို့ ဟိုး-မနေ့ညကတည်းက ထွက်ပြေးလာတာပါ။ ဒီမနက်လည်း အများကြီး ထပ်ကူးသေးတယ်။ စာသင်ကျောင်းလည်း အကုန် ပိတ်လိုက် ရပြီ။”ဟု ကေအိုင်စီသို့ ပြောသည်။


ယနေ့ နေ့လယ် ၁၁နာရီကျော်အချိန်တွင်လည်း မြိုင်ကြီးငူဒေသရှိ BGF မှ DKBA စခန်းကို စနိုက်ပါသေနတ်ဖြင့် လာရောက် ချောင်း မြောင်း ပစ်ခတ်မှုကြောင့် DKBAဘက်က ဗိုလ်တစ်ဦးမှာ လက်တွင် ဒဏ်ရာ အနည်းငယ် ရရှိခဲ့သည်ဟု DKBA ဘက်က ပြောသည်။

မဲ့သဝေါကျေးရွာရှိ DKBA တပ်မှူးတစ်ဦးက “ကျနော်တို့ သတ်မှတ်ထားတဲ့ နယ်မြေအတွင်းမှာ BGF တပ်ဖွဲ့တွေ ၀င်လာလို့ရှိရင် ပစ်ဖို့ အ မိန့်ရပြီးသားဖြစ်တယ်။ မဲ့သဝေါအောက်က ရေတံခွန်ဆိုတဲ့နေရာကို ကျော်လာရင်တော့ ပစ်ရမှာပဲ။”ဟု ပြောသည်။

ထို့အပြင် ကေအဲန်ယူတပ်မဟာ(၁)နယ်မြေရှိ DKBAတပ်ဖွဲ့ဝင်အင်အား ၆၀၀န်းကျင်ခန့်သည် ယနေ့မွန်းလွဲပိုင်းတွင် မြိုင်ကြီးငူသို့ ပြန် လည်ခြေကုပ်နေရာသကဲ့သို့ မဲ့သဝေါဒေသရှိ DKBA တပ်ဖွဲ့များသည်လည်း စစ်ရေးအရံသင့်ပြင်ဆင်ထားသည်ဟု DKBA ဘက်က ပြောသည်။

DKBA တပ်မှူးက“ ကျနော်တို့တွေ စစ်ရေး အဆင်သင့်ပြင်ထားသလို BGFလည်း အဆင်သင့်ပြင်ထားတယ်ဆိုတော့ အချိန်မရွေး ပစ်ခတ် ဖြစ်ပွားနိုင်တယ်။ သူတို့ သိမ်းထားတဲ့ လက်နက်တွေ ကျနော်တို့ ပြန်တောင်းယူလို့ မရလို့ကတော့ BGF တွေ အလုပ်များပြီးသာ မှတ် တော့။”ဟု ပြောသည်။

အဆိုပါ ထိုင်းဘက်ခြမ်းသို့ တိမ်းရှောင်လာသည့် ရွာသားများသည် နီးစပ်ရာ အသိမိတ်ဆွေအိမ်များတွင် ခေတ္တခိုလှုံလျှက်ရှိပြီး လက်ရှိအ ချိန်ထိ မည်သည့်လူမှုအဖွဲ့အစည်းမှ လာရောက်ကူညီထောက်ပံ့ပေးခြင်း မရှိသေးပေ။

ယမန်နေ့ မွန်းလွဲပိုင်းက နယ်ခြားစောင့်တပ်- BGF (၁၀၁၁)သည် DKBA တပ်ဖွဲ့ဝင်များ၏ လက်နက် ၂၃လက်ကို သိမ်းဆည်းပြီး ပြန်လာ ရာ မြိုင် ကြီးငူလမ်းခွဲတွင် ၎င်းတို့စီးနင်းလာသည့်ကားကို DKBA တပ်ဖွဲ့မှ လက်နက်ကြီးဖြင့် ပစ်ခတ်သည့်အတွက် BGF တပ်ဖွဲ့ဝင် ၅ဦး ထိခိုက်သေဆုံးခဲ့သည်။

DKBA နှင့် BGF တို့၏ စစ်ရေးတင်းမာမှုနှင့် ပတ်သက်၍ KNU တပ်မဟာ(၇)မှူး ဗိုလ်မှူးချုပ်ဂျော်နီက “ဒီကိစ္စဟာ ကျနော်တို့နဲ့ မဆိုင်ပါ ဘူး။ ဘုန်းကြီး(မြိုင်ကြီးငူဆရာတော်)ရဲ့လူတွေ အချင်းချင်းဖြစ်တဲ့ ပြဿနာဆိုတော့ ကျနော်တို့လည်း ဘာမှ မတတ်နိုင်ဘူး။”ဟု ပြော သည်။

ဗိုလ်ဘိဦးဆောင်သည့် DKBA အဖွဲ့သည် ယခင်နှစ် ၂၀၁၀ခုနှစ် သြဂုတ်လက အစိုးရ၏ နယ်ခြားစောင့်တပ် အသွင်ကူးပြောင်းရေးကို လက်ခံခဲ့ပြီး ၈လအကြာတွင် အစိုးရတပ်နှင့် ပစ်ခတ်မှု ဖြစ်ပွားကာ DKBA အဖွဲ့အဖြစ် ပြန်လည်ရပ်တည်ခဲ့သည်။ ထို့နောက် ဗိုလ်ချုပ်စော လားပွယ်(နှုတ်ခမ်းမွှေး) ဦးဆောင်သည့် ကလို့ထူးဘောအဖွဲ့နှင့် ပြန်လည်ပူးပေါင်းကာ ကလို့ထူးဝါး၊ ကလို့ထူးလားဗျူဟာဟူ၍ ပြန်လည် ဖွဲ့စည်းခဲ့ပြီး ဗိုလ်ဘိတို့အဖွဲ့ကို ကလို့ထူးလားဗျူဟာအဖြစ် သတ်မှတ်ခဲ့သည်။

ဗိုလ်ချုပ်စောလားပွယ် ဦးဆောင်သည့် DKBA ကလို့ထူးဘောတပ်ဖွဲ့သည် ၂၀၁၀ခုနှစ်၊ နိုဝင်ဘာလ ၈ရက်နေ့မှစ၍ နယ်ခြားစောင့်တပ်အ သွင်ပြောင်းရန် ငြင်းဆန်ကာ အစိုးရတပ်ကို တနှစ်နီးပါး တိုက်ခိုက်ခဲ့ပြီး ၂၀၁၁ခုနှစ်၊ နိုဝင်ဘာလ ၃ရက်တွင် ကရင်ပြည်နယ်၊ ဘားအံမြို့ နယ်၌ အစိုးရငြိမ်းချမ်းရေး ကိုယ်စားလှယ်များနှင့် အပစ်အခတ်ရပ်စဲရေး သဘောတူလက်မှတ်ရေးထိုးခဲ့သည်။

Ref: မဇ္ဈိမ

Read More...

DKBA ပစ်ခတ်မှုကြောင့် BGF တပ်ဖွဲ့ဝင်၅ဦး ထိခိုက်သေဆုံး မှုများရှိ

20 February 2012
စောသိန်းမြင့်

ကရင်ပြည်နယ်၊ လှိုင်းဘွဲမြို့နယ် မြိုင်ကြီးငူဒေသတွင် တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA)မှ နယ်ခြား စောင့် တပ် (BGF)တပ်ဖွဲ့ဝင်များ စီးနင်းလာသည့် ကားတစ်စီးအား ယမန်နေ့က ပစ်ခတ်ခဲ့ရာ ၅ဦး ထိခိုက်သေဆုံး ခဲ့သည်ဟု ဒီကေ ဘီအေ ဘက် က ပြောသည်။

ယမန်နေ့ မွန်းလွဲ ၂နာရီခွဲအချိန်၌ မြိုင်ကြီးငူလမ်းခွဲတွင် နယ်ခြားစောင့်တပ် (၁၀၁၁)တပ်ရင်း စီးနင်းလာသည့် ကားကို ဗိုလ်ဘိ ဦးဆောင် သည့် ဒီကေဘီအေတပ်ဖွဲ့မှ လက်နက်ကြီးဖြင့် ပစ်ခတ်မှုကြောင့် ကားထဲရှိ နယ်ခြားစောင့်တပ် ဗိုလ်ကြီးအေးဝင်းမင်းနှင့် တပ်သားတစ်ဦး ထိခိုက်ဒဏ်ရာရပြီး တပ်သား ၃ဦးမှာ ကျဆုံးသွားခဲ့ခြင်းဖြစ်သည်။


အမည်မဖော်လိုသည့် ဒီကေဘီအေ တပ်မှူးတစ်ဦးက “မြိုင်ကြီးငူလမ်းခွဲ မြို့လယ်မှာပဲ ဖြစ်တယ်။ ကျနော်တို့လူတွေပစ်တာ။ ကားစီးလာ တဲ့ ဗိုလ်အေးဝင်းမင်းနဲ့အတူ ပါလာတဲ့ သူ့လူ ၁ယောက်။ ကားထဲမှာရှိတဲ့ လူတွေလည်း အကုန်လုံး ဒဏ်ရာရရှိခဲ့တယ်။”ဟု ကရင်သတင်း ဌာနသို့ ပြောသည်။

အဆိုပါ နယ်ခြားစောင့်တပ်ဖွဲ့သည် ရင်းပိုင်းချောင်းမှ မြိုင်ကြီးငူတစ်လျှောက် အနီးအနားရှိ ဒီကေဘီအေ တပ်ဖွဲ့ဝင်များ၏ စခန်းများတွင် လက်နက် ၂၃လက်ကို ၀င်ရောက်သိမ်းဆည်းမှုကြောင့် ဒီကေဘီအေဘက်မှ ယခုလို ပစ်ခတ်ရခြင်းဖြစ်သည်ဟု ၎င်းတပ်မှူးက ပြော သည်။

ဗိုလ်မှူးစိုးနိုင် ဦးစီးသည့် နယ်ခြားစောင့်တပ်ရင်း(၁၀၁၁)သည် မြိုင်ကြီးငူဒေသ ရင်းပိုင်းနေရာရှိ ဗိုလ်ကြီးရဲချစ် ဦးစီးသော DKBA တပ် ဖွဲ့ကို မိနစ် ၂၀ကြာ ၀င်ရောက်ပစ်ခတ်ခဲ့ပြီး လက်နက်များကို သိမ်းယူသွားခြင်းဖြစ်ကြောင်းလည်း KNLA တပ်မဟာ(၇)မှူး ဗိုလ်မှူးချုပ် ဂျော်နီက အတည်ပြုပြောဆိုခဲ့သည်။

မြိုင်ကြီးငူအနီးတ၀ိုက်တွင် လှုပ်ရှားနေသည့် KNLA တပ်ဖွဲ့ဝင်တစ်ဦးက “ဒီကိစ္စဟာ အပြန်အလှန် လက်နက်သိမ်းတဲ့ ပြဿနာကနေ စပြီး ဖြစ်တာပါ။ သူတို့တွေ အချင်းချင်း မပြေလည်မှုတွေ စတင်ဖြစ်ပွားတဲ့ ပြဿနာရဲ့ နောက်ဆက်တွဲတွေပါပဲ။”ဟု ပြောသည်။

ယခုလို နှစ်ဖက် စစ်ရေးအခြေအနေ တင်းမာမှုကြောင့် ဒီကေဘီအေ အခြေစိုက်ရာ မြိုင်ကြီးငူဒေသနှင့် မဲ့သဝေါဒေသဘက်တွင် စစ်ရေး ပြင်ဆင်မှုများ လုပ်ဆောင်ထားသကဲ့သို့ နယ်ခြာစောင့်တပ်ဘက်တွင်လည်း စစ်ရေးပြင်ဆင်မှုများ လုပ်ဆောင်လျှက်ရှိသည်ဟု သိရသည်။

ကရင်လက်နက်ကိုင်အဖွဲ့များဖြစ်သည့် BGF နှင့် DKBA တို့ နှစ်ဖက်အခြေအနေ တင်းမာနေချိန်တွင် အင်အားရာနှင့်ချီသည့် မြန်မာအစိုးရ ၏ တပ်များလည်း ထိုဒေသသို့ ရောက်ရှိလာနေသည်ဟု နယ်စပ်သတင်းများအရ သိရသည်။

ယခင်လ ၁၈ရက်နေ့က ကရင်ပြည်နယ် လှိုင်းဘွဲမြို့နယ် မဲ့သဝေါကျေးရွာ အခြေစိုက် နယ်ခြားစောင့်တပ် BGF တပ်ရင်း(၁၀၁၁) တပ်ဖွဲ့ ၀င်များ၏ လက်နက်များကို ဗိုလ်မှူးစောဘိ ဦးဆောင်သည့် DKBA တပ်ဖွဲ့မှသိမ်းဆည်းမှု ဖြစ်ပွားခဲ့သော်လည်း ထိုသိမ်းဆည်းရမိသည့် လက်နက်များကို ပြန်လည်အပ်နှံခဲ့သည်။

Ref: ကေအိုင်စီ

Read More...

တိုင်ရီပဋိပက္ခ ဝါဏိဇ္ဇကို တင်မည်

ကိုပေါက်
ဖေဖေါ်ဝါရီလ ၂၀ ရက် ၂၀၁၂ ခုနှစ်

ရန်ကုန်တိုင်း၊ လှိုင်သာယာ စက်မှုဇုန်ရှိ တိုင်ရီဖိနပ်စက်ရုံမှ အလုပ်သမားများ၏ အခြေခံရပိုင်ခွင့် တောင်းဆိုချက်များအား ဝါဏိဇ္ဇပဋိ ပက္ခကော်မတီ ခုံရုံးသို့ ဗုဒ္ဓဟူးနေ့တွင် တင်သွင်း လျှောက်ထား တော့မည်ဟု သိရသည်။

အလုပ်သမား ၁၈၄၅ ဦး၏ တနင်္လာနေ့က သဘောတူဆုံးဖြတ်ချက်အရ မရမ်းကုန်းမြို့နယ် ဝါဏိဇ္ဇခုံရုံးသို့ တင်သွင်းမည် ဖြစ်ကြောင်း အလုပ်သမားများအား ကူညီဆောင်ရွက်ပေးနေသူ ရှေ့နေ ဦးဖိုးဖြူ က ပြောသည်။

“တင်သွင်းခွင့် ရမယ်ဆိုတဲ့အမိန့်စာ ကျနော်တို့လက်ထဲကို ရောက်လာတယ်ခင်ဗျ။ စာရွက်စာတန်းတွေနဲ့ အထောက် အထားတွေ ပြင်ဆင်နေတုန်း ရရှိလာတဲ့အတွက် အလုပ်သမား တော်တော်များများကလည်း ဝမ်းသာကြတယ်။ သဘက်ခါ ၁၀ နာရီလောက် တင်မယ်ခင်ဗျ” ဟု မဇ္ဈိမကို ပြောသည်။

၁၄ ရက်တာ သပိတ်မှောက် အလုပ်သမားများ၏ တောင်းဆိုချက်များဖြစ်သည့် လုပ်ခ တနာရီလျှင် ၁၅၀ ကျပ်၊ ရက်မှန်ကြေး ၈၀၀၀ ကျပ် ပေးရေး အပါအဝင် အခြား လူမှုဖူလုံရေးနှင့် လုပ်ငန်းခွင် သာယာရေး တောင်းဆိုချက် များ အား အလုပ်ရှင်ဘက်မှ လိုက်လျောခြင်း မရှိ သေးပေ။

ဖေဖေါ်ဝါရီ ၆ ရက်နေ့က စတင်ခဲ့သော ထိုင်သပိတ် ဆန္ဒပြပွဲအား အာဏာပိုင်များဘက်မှ နှောက်ယှက်မှု တစုံတရာ မရှိခဲ့သော်လည်း တနင်္လာနေ့တွင်မူ လုံခြုံရေး ရဲ၏ ထူးခြားချက်များ တွေ့လာရကြောင်း ဦးဖိုးဖြူကပြောသည်။

“ရဲအင်အားက အများကြီးတော့ မဟုတ်ပေမယ့် ဆိုင်ကယ် ဟိုဘက်ထိပ် ၇ စီး၊ ဒီဘက်ထိပ် ၇ စီးနဲ့ ဝတ်စုံပြည့် စစ်ရဲ တွေ ၁၄ ယောက် လောက် ရှိတယ်ခင်ဗျ။ အရင်ရက်တွေက တုတ်တွေ မပါပေမယ့် ဒီနေ့တော့ တုတ်တွေ ပါလာတာကို တွေ့ရတယ်ခင်ဗျ” ဟု ပြောသည်။

ယခုကဲ့သို့ တရားဥပဒေကြောင်းအရ အရေးဆိုမည်ဆိုပါက ဆက်လက်သပိတ်မှောက်ခွင့် မရှိတော့ကြောင်းနှင့် ဥပဒေအရ အကန့် အသတ် များလည်း ရှိနေကြောင်း “လူလည်း အဖြိုခွဲခံရမယ်။ ဝါဏိဇ္ဇကို သွားဖို့လမ်းလည်း အပိတ်ပင်ခံရမယ့်လမ်းကို အများစုက မရွေးချယ်ကြဘူးခင်ဗျ။ ဒါကို မကောင်းဘူးလို့ ဝေဖန်နေကြသူတွေကို ဒါကို မလုပ်ရင် ဘာကိုရွေးချယ်မလဲ။ အဲဒီရွေးချယ်မှုက ရလာတဲ့ ဆိုးကျိုးကောင်းပြစ် ရလဒ်တွေကို ဘယ်သူက တာဝန်ခံမလဲဆိုတဲ့ ကိစ္စကို ကျနော်က မေးခွန်းထုတ်ချင်ပါတယ်ဗျာ” ဟု ဦးဖိုးဖြူက ပြောသည်။

“အငြင်းပွားတဲ့ ကိစ္စရပ်တွေကို ဥပဒေကြောင်းအရ ဖြေရှင်းဖို့အတွက် ဆိုလွှာ၊ ချေလွှာတွေကို ခုံရုံးကနေ ကြားနာတာပဲ ဖြစ်ပါ တယ်။ ခုံရုံးမှာ နှစ်ဖက် အပြန်အလှန် ခုခံချေပကြတဲ့ တင်သွင်းမှုတွေ ပြုလုပ်ကြတာ။ အရင်တုန်းက အလုပ်ရှင်/ အလုပ်သမား မှုခင်းတွေ ပြေလည်တာတွေလည်း ရှိတယ်။ မကျေနပ်ကြဘဲနဲ့ တိုင်းကို တက်ပြီး အယူခံဝင်ရတဲ့ အမှုခင်းတွေလည်း ရှိပါတယ်” ဟု ဦးဖိုးဖြူက ပြောသည်။

အလုပ်သမားများအား ဥပဒေရေးရာနှင့် ပတ်သက်၍ ဦးဖိုးဖြူအပြင် ဒူးဝါးခွန်မားမိုင်နှင့် ဥပဒေ လုပ်ဖော်ကိုင်ဖက်များ၊ ရှေ့နေရှေ့ရပ် အသိုင်းအဝိုင်းက ကူညီဆောင်ရွက်ပေးနေကြကြောင်း သိရသည်။

တိုင်ရီစက်ရုံသည် တရုတ်နိုင်ငံသားပိုင် စက်ရုံဖြစ်ပြီး အခြေခံလစာ၊ အချိန်ပိုကြေးနှင့် အခြား တင်းကြပ်သည့် စည်းမျဉ်းများကြောင့် ၂၀၁၀ ခုနှစ်မှ စတင်ကာ ၃ နှစ်ဆက်တိုက် အလုပ်သမားများ၏ ဆန္ဒပြ တောင်းဆိုမှုများဖြင့် ကြုံတွေ့ ခဲ့ရပြီး ယခုအကြိမ် ဆန္ဒပြမှုသည် ရက်အရှည်ကြာဆုံး ဖြစ်သည်။

အလုပ်သမများက အခြေခံ လစာ တိုးပေးရန်အပါအဝင် ရက်ပျက်ကြေး မဖြတ်တောက်ရန်၊ လုပ်ငန်းခွင်အတွင်း ဖိနပ်များ မတော်တဆ ပျက်စီးပါက လစာငွေ ဖြတ်တောက်ခြင်း မပြုရန်၊ သောက်ရေ လုံလောက်စွာ ပေးရန်၊ အလုပ်သမား အယောက် ၅၀ ကို အိမ်သာတလုံး ကျ ထားပေးရန်၊ သဘာဝ ဘေးအန္တရာယ် ကျရောက်ခြင်းနှင့် မိသားစု အရေးကိစ္စများတွင် ခွင့်ပေးရန်များကို တောင်းဆိုထားကြသည်။

ဖေဖေါ်ဝါရီ ၁၃ ရက်နေ့က အလုပ်သမားဝန်ကြီးဌာနမှ ညွှန်ကြားရေးမှူးချုပ် ဦးချစ်ရှိန် အပါအဝင် တိုင်းနှင့် မြို့နယ် အလုပ်သမား ညွှန်ကြားမှု ဦးစီးဌာနများမှ တာဝန်ရှိသူများ၊ စက်ရုံပိုင်ရှင်နှင့် အလုပ်သမားများဖက်မှ ကိုယ်စားလှယ် ၃၈ ဦးတို့ တွေ့ဆုံဆွေးနွေး ခဲ့ကြသော်လည်း ထိုက်သင့်သည့် လစာနှုန်းထားထိ မရရှိ၍ ညှိနှိုင်းမှု မအောင်မြင်ခဲ့ပေ။

Ref: မဇ္ဈိမ

Read More...

အပေါ်သို့