ကုလသမဂ္ဂလုံခြုံရေးကောင်စီအနေနဲ့ အာရပ်အဖွဲ့ချုပ်ရဲ့ ဆီးရီးယားငြိမ်းချမ်းရေးအစီစဉ်ကို ထောက်ခံ ပါရန် အမေရိကန်နိုင်ငံခြားရေး ၀န်ကြီးက တိုက်တွန်းဖို့ ပြင်ဆင်နေပါပြီ။ သမ္မတ Bashar al-Assad အစိုးရရဲ့ အကြမ်းဖက်မှုတွေကို အမေရိကန်အစိုးရက ပြင်းပြင်း ထန် ထန် ရှုတ်ချလိုက်ပြီးတဲ့နောက် ၀န်ကြီးကလင်တန်က ခုလို စီစဉ်နေတာဖြစ်ပါတယ်။ ဒီကနေ့ အင်္ဂါနေ့မှာကျင်းပမယ့် ဆီးရီးယားအရေး ကုလသမဂ္ဂလုံခြုံရေးကောင်စီ အစည်းအဝေးကို ပြင်သစ်နဲ့ ဗြိတိန်နိုင်ငံက နိုင်ငံခြားရေးဝန်ကြီးတွေနဲ့ အတူ ၀န်ကြီးကလင်တန် တက်ရောက် မှာ ဖြစ်ပါတယ်။
ဆီးရီးယားအကျပ်အတည်းပြေလည်ရေး သမ္မတ al-Assad ရာထူးကနှုတ်ထွက်ပေးဖို့ တောင်းဆိုနေတဲ့ အာရပ်အဖွဲ့ ချုပ်ရဲ့ အဆိုပြု ချက်ကို ကုလသမဂ္ဂ လုံခြုံရေးကောင်စီက ထပ်ဆင့် ထောက်ခံရေးအတွက် အနောက်နိုင်ငံကြီးတွေက စိုင်းပြင်းနေကြတာပါ။ အီရတ် အဖွဲ့ချုပ်ရဲ့ အဆိုပြုချက်ဟာ ဆီးရီးယားနိုင်ငံရဲ့ အချုပ်အခြာအာဏာကို ထိပါးတဲ့အတွက် လက်မခံနိုင်ဘူးဆိုပြီး ဆီးရီးယားနိုင်ငံကတော့ ပယ်ချနေပါတယ်။
လုံခြုံရေးကောင်စီအနေနဲ့ နိုင်ငံတကာအသိုင်းအ၀ိုင်းရဲ့ သဘောထားအမြင်တွေကို လေးစားတဲ့အနေနဲ့ ဆီးရီးယားအပေါ် အရေးယူ မှဖြစ်မယ်လို့ ၀န်ကြီးကလင်တန်က မနေ့က တိုက်တွန်းထားပါတယ်။ လွန်ခဲ့တဲ့ ရက်ပိုင်းအတွင်းမှာပဲ ဆီးရီးယားအစိုးရရဲ့ အကြမ်းဖက် ရက်ရက်စက်စက် နှိပ်ကွပ်မှုကြောင့် ရာနဲ့ ချီတဲ့ အရပ်သားတွေ သေဆုံးခဲ့ရလို့ အမေရိကန်ပြည်ထောင်စုက ပြစ်တင်ရှုတ်ချနေတာ ဖြစ် ပါတယ်။
Ref: ဗွီအိုအေ
Read More...
Collapse...
ခင်ဦးသာ
January 31, 2012
ယနေ့ကျင်းပခဲ့သည့် ပြည်ထောင်စုလွှတ်တော် အစည်းအဝေး၌ ၂၀၁၂-၁၃ ဘဏ္ဍာရေးနှစ်အတွက် ဘတ်ဂျက်ခွဲဝေ သုံးစွဲမှု တွင် စစ် တပ်၏ အသုံးစရိတ်အား ယခင်နှစ်များ ထက်လျှော့ချလိုက်ကြောင်း သိရသည်။
လာမည့် ဘဏ္ဍာရေးနှစ်တွင် နိုင်ငံတော် ဘတ်ဂျက်၏ ၁၄ ဒသမ ၃၉ ရာခိုင်နှုန်းကို စစ်တပ်အတွက် သုံးမည်ဖြစ်ပြီး ကျန်းမာရေး အတွက် ၂ ဒသမ ၈၂၂ ရာခိုင်နှုန်းနှင့် ပညာရေးအတွက် ၄ ဒသမ ၇၃၃ ရာခိုင်နှုန်း အသုံးပြုသွားမည် ဖြစ်သည်။
“စစ်တပ်အသုံး စရိတ်က အရင်နှစ်ထက် လျော့သွားပါတယ်။ ဒါပေမယ့် တခြားခေါင်းစဉ်တွေနဲ့ အသုံးပြုမယ်ဆိုရင်တော့ မသိဘူးပေါ့။ ကျန်းမာရေးနဲ့ ပညာရေး နည်းနည်း တိုးလာတယ်” ဟု အမျိုးသားလွှတ်တော် ကိုယ်စားလှယ် ဒေါက်တာ အေးမောင်က ဧရာဝတီကို ပြောသည်။
ယနေ့ လွှတ်တော် အစည်းအဝေးတွင် ၀န်ကြီးဌာန တခုချင်းစီ၏ ၀င်ငွေနှင့်အသုံး စရိတ်များကို တင်ပြခဲ့ပြီး ကာကွယ်ရေး ဝန်ကြီးဌာနက ကျပ် ၁ သန်း ၁ သိန်းကျော်၊ စွမ်းအင် ဝန်ကြီးဌာနက ကျပ် ၁ သန်း ၁ သောင်းကျော်နှင့် ဘဏ္ဍာရေး ဝန်ကြီးဌာနက ကျပ် ၁ သန်းကျော် ဟူ၍ ဘဏ္ဍာငွေ အများဆုံးသုံးစွဲသည့် ဝန်ကြီးဌာန ၃ ခုကို ကြေညာသွားသည်။
ကာကွယ်ရေး အသုံးစရိတ်သည် ယခင်နှစ်များက ၂၀ ရာခိုင်နှုန်းကျော် ရှိခဲ့ပြီး ကျန်းမာရေးနှင့်ပညာရေး အသုံးစရိတ်သည် ၅ ရာခိုင် နှုန်းကျော်သာ ရှိခဲ့သည်။ ယခင် န၀တ၊ နအဖ စစ်အစိုးရတို့၏ အသုံးစရိတ် တချို့ကိုလည်း ယနေ့အစည်း အဝေး၌ ဘဏ္ဍာရေး ၀န်ကြီး က ရှင်းပြခဲ့သည်။
ဝန်ကြီးဌာန ၃၄ ခု၏ ၂၀၁၂-၁၃ ဘဏ္ဍာရေးနှစ် ဘတ်ဂျက် လျာထားချက်များအား အစိုးရအဖွဲ့ကိုယ်စား ဘဏ္ဍာရေးဝန်ကြီး ဦးလှထွန်းက အဆို တင်သွင်းခဲ့ခြင်း ဖြစ်ပြီး လာမည့်သီတင်းပတ်တွင် အသေးစိတ် ဆွေးနွေးကြမည်ဟု ဒေါက်တာအေးမောင် က ပြောသည်။
Ref: ဧရာဝတီ
Read More...
Collapse...
ရန်ပိုင်
January 31, 2012
အမျိုးသား ဒီမိုကရေစီ အဖွဲ့ချုပ်(NLD) ဥက္ကဋ္ဌ ဒေါ်အောင်ဆန်းစုကြည် ၏ မကွေးတိုင်း ပခုက္ကူခရိုင်အတွင်း ဒေသဖွံ့ဖြိုးရေး ဆိုင်ရာ လုပ်ငန်း များကို ယနေ့နံနက်က သွားရောက်လေ့လာသည့် ခရီးစဉ်တွင် ဒေသခံလူထုက တခဲနက်ကြိုဆိုကြောင်း သတင်းရသည်။
ပခုက္ကူခရိုင် မြိုင်မြို့နယ်အတွင်းရှိ ပေပင်တိုက်နှင့် ကျစ်တီးရွာများတွင် ဗြိတိန်နိုင်ငံ နိုင်ငံတကာ ဖွံ့ဖြိုးမှု အကူအညီပေးရေး ဆိုင်ရာ ဌာန(DFID)၏ အကူအညီဖြင့် ပြုလုပ်နေသည့် လူမှုရေးလုပ်ငန်းများကို ဒေါ်အောင်ဆန်းစုကြည်နှင့်အတူ ဗြိတိသျှ သံအမတ်ကြီးနှင့် သြစတေးလျ သံအမတ်ကြီးတို့ အပါအ၀င် လူပေါင်း ၄၀ခန့် စင်းလုံးငှားလေယာဉ်ဖြင့် ယနေ့ နံနက် ၇နာရီခန့်က ရန်ကုန်မြို့မှ လာ ရောက်ကြည့်ရှုခြင်း ဖြစ်သည်။
ယခုခရီးစဉ်သည် မြန်မာနိုင်ငံဆိုင်ရာ ဗြိတိသျှ သံအမတ်ကြီး၏ ဖိတ်ကြားမှုကြောင့် ဒေသဖွံဖြိုးရေးလုပ်ငန်းများကို သွားရောက်လေ့ လာခြင်းဖြစ်ပြီး ကြားဖြတ်ရွေးကောက်ပွဲဝင်မည့် NLD ၏ စည်းရုံးရေး ခရီးစဉ်နှင့် မသက်ဆိုင်ကြောင်း သိရသည်။
ဒေါ်အောင်ဆန်းစုကြည်အား ပခုက္ကူနှင့် မြိုင်မြို့ခံ လူထုက သောင်းသောင်းဖြဖြ ကြိုဆိုကြောင်း ပခုက္ကူမြို့နယ် NLD ဥက္ကဋ္ဌ ဦးလှိုင် အေး က ဧရာဝတီသို့ ပြောသည်။
“လူထုကို မသိအောင်လို့ ပါတီဝင်တွေကို ယူနီဖောင်းမ၀တ်ဘဲ ကြိုဖို့မှာထားတာ၊ ဒါပေမယ့် လူထုကသိပြီးတော့ ကြိုလိုက်တာ လမ်းတွေ ပိတ်ကုန်လို့ ကားကို ဖြည်းဖြည်း မောင်းပေးနေရတယ်”ဟု ၎င်းက ဆိုသည်။
ထိုသို့ မြို့ခံ လူထုက သောင်းသောင်းဖြဖြ ကြိုဆိုသော်လည်း ဒေါ်အောင်ဆန်းစုကြည်သည် တရားဟောခြင်း၊ ပါတီဝင်များနှင့် တွေ့ဆုံ ခြင်းများကို မပြုလုပ်ကြောင်း၊ သို့သော်လည်း ကြိုဆိုသည့် ပရိသတ်များပြားသည့်အတွက် သတ်မှတ်ထားသည့် အချိန် ထက် နောက် ကျမှ မြိုင်မြို့သို့ ထွက်ခွာနိုင်ကြောင်း သိရသည်။
ဒေါ်အောင်ဆန်းစုကြည် သွားရောက်လေ့လာသည့် ပေပင်တိုက်နှင့် ကျစ်တီးရွာများတွင် ကလေးသူငယ်များနှင့် ပတ်သက်ပြီး အသိ ဉာဏ် ဖွံ့ဖြိုးရေးနှင့် အသက်မွေးဝမ်းကျောင်းအတွက် ရက်ကန်း လုပ်ငန်း၊ ရိုးရာ မုန့်လုပ်ငန်း၊ အပ်ချုပ် ပညာ၊ လယ်ယာ လုပ်ငန်း စိုက်ပျိုးမှုနည်းစနစ်များကို သင်ကြားပြသခြင်းနှင့် သောက်သုံးရေသန့် ရရှိရေးလုပ်ငန်းများကို အန်ဂျီအို တခုဖြစ်သော The Adventist Development and Relief Agency (ADRA) အဖွဲ့က လုပ်ကိုင် နေခြင်းဖြစ်ကြောင်း မြိုင်မြို့နယ်မှ ၀င်ရောက်အရွေးခံမည့် NLD ပြည်သူ့ လွှတ်တော်ကိုယ်စားလှယ် ဦးမြင့်အောင်က ပြောသည်။
“အညာဒေသ ထွက်ကုန်လေးတွေ နဲ့ မုန်မျိုးစုံလုပ်နည်းလေးတွေ သင်ပေးတာ၊ နောက် တိုင်းပြည်ဖွံ့ဖြိုးလို့ နည်းစနစ် ကောင်း ကောင်း လုပ်နိုင်ရင် နိုင်ငံခြားပို့ဖို့အထိ ရည်ရွယ်တယ်”ဟု ၎င်းက ဆက်ပြောသည်။
ပခုက္ကူခရိုင်သည် မိုးနည်း ရေရှား ရပ်ဝန်းတခုဖြစ်ပြီး ဒေသခံများမှာ စားဝတ်နေရေးအတွက် ပဲနှမ်းစိုက်ပျိုးခြင်းနှင့် သနပ်ခါးလုပ်ငန်း ကိုသာ မှီခိုနေရကြောင်း၊ ထိုကြောင့် ဒေသဖွံ့ဖြိုးရေးအတွက် ဒေါ်အောင်ဆန်းစုကြည်နှင့် နိုင်ငံတကာ သံတမန်များ လာရောက် သည့် အတွက် ဒေသခံများမှာ ၀မ်းမြောက်ကြောင်း ဦးမြင့်အောင်က ဆက်ပြောသည်။
ဒေါ်အောင်ဆန်းစုကြည်နှင့် အဖွဲ့သည် ယနေ့ညနေ ၄နာရီခန့်တွင် မြိုင်မြို့မှ ပြန်လည် ထွက်ခွာသွားကြောင်း သိရသည်။
ပြီခဲ့သည့် ၂၀၁၁ ခု နိုဝင်ဘာလအတွင်းက ဗြိတိန်နိုင်ငံ နိုင်ငံတကာ ဖွံ့ဖြိုးမှု အကူအညီပေးရေး ဆိုင်ရာ ဌာန(DFID) ၀န်ကြီး အင်ဒရူး မစ်ချယ် သည်လည်း မြန်မာနိုင်ငံသို့ လာရောက်ခဲ့သေးသည်။
Ref: ဧရာဝတီ
Read More...
Collapse...
ဇာနည်မာန်
January 31, 2012
“ကျနော်တို့အတွက်ကဘိန်းဆိုတာ အန္တရာယ်၊ လူသားမျိုးနွယ် အညွန့်တုံးစေမယ့် မူးယစ်ဆေး။ ဒါပေမယ့် တောင်သူတွေ အတွက် ကတော့ ဒါဟာ ရွှေ။ သူတို့သိတာ သူတို့စားဝတ်နေရေးအတွက် ရွှေ၊ စားစရာပေးမယ့်ငွေ”
ဒါကတော့ မြန်မာနိုင်ငံမူးယစ်အထူးတိုက်ဖျက်ရေးအဖွဲ့က အငြိမ်းစား ရဲအရာရှိတယောက် ပေးတဲ့မှတ်ချက်ပါ။
ရှမ်းပြည်နယ်နမ့်ဆမ်မြို့နယ်က ဘိန်းစိုက်တောင်သူ ဦးစိုင်းလုံ (အမည်ရင်းမဟုတ်)က “ဘိန်းစိုက်ရင် အချိန် ၄ လပဲ ပေးရတယ်။ ၄ လနဲ့တင် အစေးယူလို့ရပြီ။ ဘိန်းစိမ်းတပိဿာကို အနည်းဆုံးကောက်ဈေး ၆ သိန်းကနေ ပြန်ရောင်းဈေးက ၁၅ သိန်း၊ ၁၆ သိန်းအထိ အရည်အသွေးအလိုက်ဈေးပေါက်တယ်။ အဲဒီတော့ ဒီတပိဿာတည်းနဲ့ တနှစ်လုံး ထိုင်စားလို့ရတာကိုး။ အချိန်အကြာကြီး စောင့်ပြီး အဝေးကြီး၊ အများကြီးသယ်သွားပြီး ရောင်းမှရမယ့် သနပ်ဖက်တို့၊ အာလူးတို့၊ သီးနှံတို့ ဘယ်စိုက်တော့မတုန်း” ပြောပြပါတယ်။
ဘိန်းပင်တွေစိုက်တဲ့အခါထွေထွေထူးထူး ထိန်းသိမ်းပြုပြင်ဖို့ မလိုသလို ဘိန်းသီးကိုခြစ်လို့ ထွက်လာတဲ့ အစေးတွေကိုနောက်တနေ့မှာ ပြန်သိမ်းယူရတာဟာ လက်ဝင်တဲ့အလုပ်ဆိုပေမယ့် ဘိန်းတဧကကို ဘိန်းစိမ်း တပိဿာခွဲကနေ ၃ ပိဿာအထိရတာကြောင့် အခြား သီးနှံတွေ စိုက်တာထက်စာရင် အကျိုးအမြတ်ပိုရနေတယ်လို့ သိရပါတယ်။
အစေးခြစ်ယူတဲ့နည်း အပြင်ဘိန်းပင်စိုက်တဲ့အခါ အဖူးလေးတွေ ထွက်လာတာနဲ့ အပင်ကိုနှုတ်၊ ရေနည်းနည်းနဲ့ ပြုတ်ပြီးတော့ အဆီထုတ် ယူတာကနေ ရတဲ့ဘိန်းဆီ ဟာလည်း ဈေးကောင်းရတယ်လို့ ဆိုပါတယ်။
ရာသီဥတု အပြောင်းအလဲ၊မြေဆီအခြေအနေ စတာတွေကြောင့် တခြားစိုက်ပျိုးသီးနှံတွေ မအောင်မြင်လို့ တခြားတောင်သူတွေ စားဝတ် နေရေးပြဿနာ ရင်ဆိုင်ရပေမယ့် ဘိန်းစိုက်တောင်သူတွေ အဖို့ကတော့ ဘိန်းစိုက်တာ တနှစ်အောင်မြင်သွားရင်ပဲနောက် ၂ နှစ် ၃ နှစ် အထိ စားဝတ်နေရေး ပြေလည်ကြပါတယ်။
ဒါကြောင့်လည်းရှမ်းတောင်တန်းတွေမှာ အရင်က ဝေစည်နေခဲ့ဖူးတဲ့ သနပ်ဖက်စိုက်ခင်းတွေ၊ သီးနှံစိုက်ခင်းတွေနေရာမှာငွေဖြစ်လွယ်တဲ့ ဘိန်းခင်းတွေက အစားထိုးဝင်လာနေတာပါ။
ဘိန်းစိုက်တာအပြင်မူးယစ်ဆေးဝါး ထုတ်လုပ်တာတွေပါ ရှိနေတယ်။ နယ်မြေခံအာဏာပိုင်တွေ၊ အစိုးရနဲ့ ငြိမ်းချမ်းရေးယူထားတဲ့ တိုင်းရင်းသားလက်နက်ကိုင် အဖွဲ့အစည်းတချို့တို့ ပါဝင်ပတ်သက်တာတွေလည်း ရှိနေတယ်လို့သိရပါတယ်။
“သူတို့ကို ဘိန်းခွန်ပေးရတယ်။ ဘိန်းဆယ်ပိဿာထွက်ရင် အရည်အသွေးအလိုက် ဘိန်းခွန် တပိဿာ၊ နှစ်ပိဿာ၊ နောက်ပြီး ဘယ် အဖွဲ့ကိုငွေဘယ်လောက် ဆိုတာမျိုး ဘိန်းခွန်ပေးရတာ။ တချို့ကျတော့လည်း သူတို့ကိုယ်တိုင် တောင်သူတွေကိုစည်းရုံးပြီးစိုက်ခိုင်း၊ ပြီးရင် သူတို့ကပဲ ပြန်ဝယ်တယ်။ ပြီးရင် တရုတ်ပြည်ကို ရောင်းတာရောင်း၊ဘိန်းဖြူပြန်ချက်တာတွေ လုပ်ကြတယ်” လို့ ဦးစိုင်းလုံက ပြောပါတယ်။
ပလောင်အမျိုးသမီးများအဖွဲ့(PWO) ကထုတ်တဲ့ အစီရင်ခံစာတရပ်မှာတော့ ရှမ်းပြည်နယ် ပလောင်ဒေသမှာ ဘိန်းစိုက်ပျိုး ထုတ်လုပ် နေတာတွေဟာ၂၀၁၀ နိုဝင်ဘာ နောက်ပိုင်းကနေ ၂၀၁၁ နှစ်ကုန်ပိုင်းအထိ ၇၈ ရာနှုန်း တိုးတက်လာတယ်လို့ ဖော်ပြထားပါတယ်။ ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံးကလည်း မြန်မာနိုင်ငံရဲ့ ဘိန်းစိုက်ပျိုးမှုဟာတနှစ်အတွင်းမှာ ၂၀ ရာနှုန်း မြင့် တက်လာတယ်လို့ ထုတ်ပြန်ထားပါတယ်။
ရှမ်းပြည်နယ်ဘက်တင်မကအိန္ဒိယ-မြန်မာ နယ်စပ်ဒေသဖြစ်တဲ့ ချင်းပြည်နယ်နဲ့ စစ်ကိုင်းတိုင်းအနောက်မြောက်ပိုင်းမှာဆိုရင် လည်း ၂၀၀၈ ခုနှစ်နောက်ပိုင်းမှာ ဘိန်းကို တိုးပြီး စိုက်လာကြတာဟာ ၂၀၁၁ နှစ်ကုန်ပိုင်းမှာဆိုရင်ဧက ၅၀၀ ထက်မနည်း ရှိနေပြီလို့ ဒေသ ခံတွေဆီက သိရပါတယ်။
“အများစုက ဒီဖက်မှာလာနေတဲ့ကသည်းလူမျိုးတွေ စိုက်ကြတယ်။ သူတို့ကို ဒီက အာဏာပိုင်တွေက နေထိုင်ခွင့် ပေးထားပြီး အဲဒီ ဘိန်းစိုက်တာကိုလည်းငွေယူပြီးတော့ ခွင့်ပြုထားတာ။ ထွက်လာတဲ့ ဘိန်းစိမ်းတွေကို တရုတ်ကိုပို့တယ်။ အိန္ဒိယဘက်ကိုပြန် ပို့တာလည်း ရှိတယ်” လို့ အိန္ဒိယ-မြန်မာနယ်စပ်မှာ နေထိုင်သူတဦးက ပြောပြပါတယ်။
ကချင်ပြည်နယ်မှာလည်းဘိန်းစိုက်ပျိုးမှု တိုးတက်လာတာရဲ့ နောက်ဆက်တွဲအဖြစ် မူးယစ်ဆေးဝါး သုံးစွဲမှုတွေ တစတစ များလာလို့ ဖားကန့်၊ လုံးခင် စတဲ့ ကျောက်တူးရာ မှော်ထဲတွေမှာ မူးယစ်ဆေးဝါးပြဿနာတွေ၊ အမှုအခင်းတွေမကြာခဏ ဖြစ်နေတယ်လို့ ဒေသ ခံတွေက ပြောပါတယ်။
“နယ်မြေခံရဲတွေကလည်းလိုင်းကြေးတွေယူပြီး လွှတ်ထားတော့ မှော်ထဲမှာဆိုရင် ဒီဆေးပြားတွေ၊ ဘိန်းတွေက လွတ်လွတ်လပ်လပ် ကိုရောင်းဝယ်ဖောက်ကားနေသလို ဖြစ်နေတယ်။ မြို့ပေါ်မှာတောင် တက္ကစီသမားတွေ၊ ကျောင်းသားတွေဘိန်းစွဲနေတာ၊ ဆေးပြားသုံး နေတာတွေ အများကြီး တွေ့လာရတယ်” လို့ ဖားကန့်ဒေသခံတွေက ပြောပါတယ်။
မူးယစ်ဆေးဝါး ပပျောက်ရေးအတွက်ဘိန်းအစားထိုးသီးနှံ စိုက်ပျိုးမှုတွေ လုပ်နေတယ်ဆိုပေမယ့် မထိရောက်တာတွေအပြင် အာ ဏာပိုင်တွေ ပါဝင်ပတ်သက်နေတာကြောင့်အခုလို ဘိန်းစိုက်ပျိုးမှုတွေ ပြန်တိုးလာရတယ်လို့ အငြိမ်းစား မူးယစ်တိုက်ဖျက်ရေး အရာ ရှိဟောင်းက သုံးသပ်ပါတယ်။
၁၉၉၅-၉၆ ခုနှစ်လောက်မှာမူးယစ်ဆေးဝါး တိုက်ဖျက်ရေး စီမံကိန်းတရပ်အနေနဲ့ ဘိန်းအစားထိုးသီးနှံအဖြစ် ပန်းဂျုံစိုက်ပျိုးဖို့အတွက် ဂျပန်နိုင်ငံက မျိုးစေ့နဲ့ နည်းပညာ အထောက်အကူတွေ ပေးခဲ့ပါတယ်။ ရှမ်းပြည်နယ်ကတောင်တန်းဒေသတွေရဲ့ မြေဆီမြေလွှာ အနေ အထားအရ ပန်းဂျုံ စိုက်ပျိုးအောင်မြင်ရမှာ ဖြစ်ပေမယ့်တကယ်တမ်း လက်တွေ့မှာတော့ အောင်မြင်မှုမရခဲ့ဘူးလို့ သူက ဆိုပါတယ်။
“မျိုးစေ့တွေပေးတယ်၊ရောင်းစားတယ်။ မြေသြဇာတွေ၊ စိုက်ပျိုးရေးသုံးပစ္စည်းတွေ အထက်က ချပေးတယ်။ ရွာသားတွေဆီမရောက်ဘူး။ ပေါက်တူးကအစ၊ တူရွင်းကအစ ၀န်ထမ်းတွေက ရောင်းစားတယ်။ ရွာသားဆီကိုကျတော့ မကောင်းတဲ့မျိုးစေ့၊မကောင်းတဲ့ပစ္စည်းပေး၊ မြေသြဇာက မလုံမလောက်နဲ့ဆိုတော့ အထွက်မကောင်းတာနဲ့ မစိုက်ချင်ကြတော့ဘူး။ပန်းဂျုံဆိုတာ မူးယစ်ပြတိုက်မှာပဲ ရှိတော့တယ်” လို့ သူက ဆက်လက်ပြောပြပါတယ်။
ဘိန်းအစားထိုးသီးနှံ စိုက်ပျိုးဖို့တောင်သူတွေကို ပညာပေး၊ စိုက်ပျိုးရေးသင်တန်းတွေ ပေးပြီး မျိုးစေ့တွေ၊ အပင်တွေ ပေးလိုက်ပေမယ့် လည်းတောင်သူတွေက မျိုးစေ့တွေ၊ အပင်တွေကို လမ်းမှာတင် ပစ်ခဲ့တာမျိုးလည်း ကြုံတွေ့ရဖူးတယ်လို့ဆိုပါတယ်။
“ဘာလို့တုန်းမေးတော့ ဒါတွေစိုက်ရင် အနည်းဆုံး ၂ နှစ် ၃ နှစ်နေမှ အကျိုးခံစားရမယ်၊ ဒီကြားထဲမှာ ကျနော်တို့ဘာသွားစားရမလဲ၊ ငတ် သေမှာပေါ့တဲ့။ ပြီးတော့ ဒါတွေ ပြန်ရောင်းမယ်ဆိုရင် အများကြီးလည်းထမ်းရတယ်။ အမြတ်ရရင်လည်း အလွန်ဆုံးမှ အချိန် တဆယ် လောက်ကိုမှ လေးငါးထောင်။ ဘိန်းတပိဿာဆိုအသာလေးသယ်သွား၊ တနှစ်မက ထိုင်စားလို့ရတယ်လို့ ပြန်ပြောတာဗျာ” လို့ သူက ပြောပါတယ်။
ဘိန်းခင်းတွေဖျက်ဆီးရှင်းလင်းရေး လုပ်တဲ့အခါ နယ်မြေခံ အာဏာပိုင်အဖွဲ့တွေနဲ့ တိုင်းရင်းသား လက်နက်ကိုင်အဖွဲ့တွေ ညှိနှိုင်း မှုတွေလုပ်ထားတာကြောင့်ဓာတ်ပုံရိုက်ရုံ၊ ဗီဒီယိုသတင်းရိုက်ရုံသာ ဖျက်ဆီးကြလို့ ရှိနေတဲ့ဘိန်းခင်းဧရိယာရဲ့၅ ပုံတပုံကိုသာ ဖျက် နိုင်တာလို့ဆိုပါတယ်။
မူးယစ်ဆေးဝါးရောင်းဝယ်ဖောက်ကားမှုကို တိုက်ဖျက်ရေးမှာလည်း အဓိက ကုန်သည်ကြီးတွေ၊ ထုတ်လုပ်သူတွေဟာ အာဏာပိုင် တွေကိုလာဘ်ထိုးထားတာကြောင့် အမြဲတစေ လွတ်မြောက်လေ့ရှိတယ်။ လာဘ်ထိုးတဲ့အခါ ငွေကြေးအပြင်၊ မူးယစ်ဆေး၊နေအိမ်၊ ကားစတာတွေ လာဘ်ထိုးလေ့ရှိတယ်လို့ သူကဆိုပါတယ်။
သူက “တရားခွင်ပေါ် ရောက်သွားတဲ့လူတွေဟာလက်လီပြန်ရောင်းသူတွေ၊ ဆေးသုံးသူတွေပဲ များတယ်။ အဓိက ကုန်သည်တွေ၊ ထုတ်လုပ်သူတွေရဲ့ အမှုတွေဟာတရားခွင်ပေါ်ရောက်လာတာ သိပ်ရှားတယ်။ အချုပ်မှာတင် လာဘ်ထိုးပြီး အာမခံနဲ့ လွှတ်တယ် ဆိုတာမျိုးကြောင့်တခါ လိုက်ပြန်ဖမ်းရတာမျိုး ခဏခဏကြုံဖူးတယ်။ ဖမ်းတဲ့ နေရာတင် ဆရာတို့ ဒီဟာတွေ ယူသွားပါ ကျနော် တို့ ကိုတော့လွှတ်ပေးပါဆိုတော့ ဖမ်းတဲ့သူတွေက ပစ္စည်းတွေကို သိမ်း၊ လူကိုတော့ ပြေးခိုင်း၊ ပြီးတော့သူတို့ဘာသာ ပြန်ရောင်းတယ်။ ဒီလို အကျင့်ပျက်ဝန်ထမ်းတွေကို အဖွဲ့လိုက် ဖမ်းခဲ့ရဖူးတယ်” လို့ ပြောပြပါတယ်။
မြန်မာအစိုးရကကတော့ ပြီးခဲ့တဲ့ ၂၀၁၁ နှစ်ကုန်ပိုင်း ဘိန်းစိုက်ပျိုးရာသီဖြစ်တဲ့ စက်တင်ဘာကနေ နိုဝင်ဘာအထိမှာရှမ်းပြည်နယ် ပင်လောင်း၊ ဖယ်ခုံ၊ ဆီဆိုင်၊ တောင်ကြီး၊ ဟိုပုံး၊ မိုင်းကိုင်၊ မောက်မယ်၊လွိုင်လင်မြို့နယ်တွေနဲ့ ကယားပြည်နယ်ဖရူးဆိုး၊ ဒီမောဆိုး မြို့နယ်၊ ချင်းပြည်နယ်၊ ကချင်ပြည်နယ်နဲ့ မကွေးတိုင်းတွေက ဘိန်းခင်း၂၄၁၆၉ဒဿမ ၃၃ ဧကကို ဖျက်ဆီးနိုင်ခဲ့တယ်၊မူးယစ်ဆေးဝါး ရောင်းဝယ်ဖောက်ကားသူ ၂၂၉ ယောက်ကိုလည်း ဖမ်းဆီးအရေးယူနိုင်ခဲ့တယ်၊ စိတ်ကြွဆေးပြား၇ သိန်းကျော်ကိုလည်း ဖမ်းမိခဲ့တယ်လို့ သူတို့ သတင်းစာတွေမှာ ဖော်ပြခဲ့ပါတယ်။
ဘိန်းအဓိက စိုက်ပျိုးနေတဲ့ဒေသတွေဟာတခြားနေရာဒေသတွေထက်စာရင် အစစ၊ အရာရာ ဖွံ့ဖြိုးတိုးတက်မှု နောက်ကျတဲ့ နေရာတွေ ဖြစ်နေတာကြောင့်ငွေရလွယ်မှုတခုအတွက် ဒေသခံတွေ လမ်းမှားမလိုက်အောင် ပညာပေးနေရုံသက်သက်မဟုတ်ဘဲ ဒီဒေသတွေ ဘက်စုံဖွံ့ဖြိုးတိုးတက်မှုကို အဓိကထား လုပ်ရမှာဖြစ်သလို တဘက်ကလည်း အာဏာပိုင်တွေ ပါဝင်ပတ်သက်နေတာကိုထိထိ ရောက် ရောက် ထိန်းချုပ်ဖို့ အရေးကြီးတယ်လို့ ရဲအရာရှိဟောင်းက ဆိုပါတယ်။
“ဘိန်းစိုက်တာဟာဟိုးအရင်ကတည်းက ဒီဒေသတွေမှာ အရိုးစွဲ အမြစ်တွယ်နေသလို ဒီကရတဲ့ အကျိုးအမြတ်ကို အလွဲသုံးစား လုပ်နေ တာတွေဟာလည်းအာဏာပိုင်တွေဆီမှာ အရိုးစွဲနေတယ်။ ဒါတွေ မပျောက်ပျက်သရွေ့ မြန်မာနိုင်ငံမှာ ဘိန်းနဲ့ မူးယစ်ဆေးဝါး ပပျောက် ရေးဆိုတာဟာပြတိုက်ထဲထည့်ထားရတဲ့ ပုံပြင်ပြကွက်တခုလိုပဲ ဖြစ်နေဦးမှာပဲ။ ဒီဘိန်းသံသရာကြီး ရှည်ကြာနေဦးမှာပဲ” လို့ သူက ပြော ပါတယ်။
Ref: ဧရာဝတီ
Read More...
Collapse...
လင်းသန့်
January 31, 2012
မြန်မာနိုင်ငံဆိုင်ရာ ကုလသမဂ္ဂ၏ လူ့အခွင့်အရေးဆိုင်ရာ အထူးစုံစမ်းစစ်ဆေးရေးမှူး မစ္စတာ သောမတ်စ် အိုဟေး ကင်တားနားသည် ယနေ့ညနေပိုင်းတွင် မြန်မာနိုင်ငံသို့ ၅ ကြိမ်မြောက် ခရီးစဉ်အဖြစ် ရောက်မည်ဟု သတင်းရရှိသည်။
မစ္စတာ ကင်တာနားသည် မြန်မာနိုင်ငံတွင် ဇန်န၀ါရီ ၃၁ ရက်မှ ဖေဖော်ဝါရီ ၅ ရက်အထိ ၆ ရက်ကြာမည်ဖြစ်ပြီး လွန်ခဲ့သည့် သြဂုတ်လ ခရီးစဉ်အတွင်း ဆောင်ရွက်သည့် ကိစ္စများကို ဆက်လက် ဆောင်ရွက်မည်ဖြစ်ကြောင်း သူ၏ ကြေညာချက်တွင် ဖော်ပြထားသည်။
၎င်းသည် နေပြည်တော်ရှိ မြန်မာအစိုးရ တာဝန်ရှိသူများ၊ လွှတ်တော် ၂ ရပ်မှ အမတ်များ၊ မကြာခင်က ဖွဲ့စည်း ထားသည့် မြန်မာနိုင်ငံ အမျိုးသား လူ့အခွင့်အရေး ကော်မရှင် အဖွဲ့မှ တာဝန်ရှိသူများ၊ အခြား နယ်ပယ်အသီးသီးမှ ပုဂ္ဂိုလ်များနှင့်လည်း တွေ့ဆုံသွားရန်ရှိကြောင်း သိရသည်။
“မြန်မာနိုင်ငံမှာ ထူးထူးခြားခြား ပြောင်းလဲနေတာတွေကို ကျနော်တို့အားလုံး မျက်ဝါးထင်ထင် မြင်နေရပြီ၊ ဒီတခေါက် ခရီးစဉ်ဟာ မြန်မာ့ သမိုင်းမှာ အရေးကြီးတဲ့ အချိန်အခါမှာ သွားရတာမို့ အရေးပါပါတယ်” ဟု မစ္စတာ ကင်တာနား၏ တနင်္လာနေ့ ကြေညာချက်တွင် တွေ့ ရသည်။
အမျိုးသား ဒီမိုကရေစီအဖွဲ့ချုပ် (NLD) ပါတီအနေဖြင့် လာမည့်ကြားဖြတ် ရွေးကောက်ပွဲကို ၀င်ရသည့် ရည်ရွယ်ချက်၊ ပြည်တွင်း ငြိမ်း ချမ်းရေး၊ နိုင်ငံရေး အကျဉ်းသား ကျန်ရှိသေးသောကိစ္စ စသည်တို့ကို မစ္စတာ ကင်တားနားနှင့် တွေ့ဆုံ သည့်အခါ တင်ပြ ဆွေးနွေး သွားရန် ရှိသည်ဟု ပါတီပြောခွင့်ရသူ တဦးဖြစ်သည့် ဦးဉာဏ်ဝင်းက ဧရာဝတီကို ပြောသည်။
မစ္စတာ ကင်တာနားသည် ယခုခရီးစဉ်အတွင်း လူ့အခွင့်အရေးဆိုင်ရာ စုံစမ်းလေ့လာတွေ့ရှိချက်များအပေါ် အခြေခံ၍ အစီရင်ခံစာကို ၁၉ ကြိမ်မြောက် ကုလသမဂ္ဂ လူ့အခွင့်အရေးကောင်စီ အစည်းအဝေးသို့ တင်သွင်းမည်ဖြစ်ကြောင်း သိရသည်။
မစ္စတာ ကင်တာနားသည် ၎င်း၏ ယခင် ခရီးစဉ်အတွင်း ပြည်ထဲရေး ၀န်ကြီးဌာနမှ ထုတ်ဖော်ပြောဆိုခဲ့သော ယုံကြည် ချက်ကြောင့် အကျဉ်းကျခံနေရသူ အရေအတွက်သည် နိုင်ငံတကာ အဖွဲ့အစည်းများ၊ တခြားသော သက်ဆိုင်ရာ အဖွဲ့များ၏ စာရင်းတို့နှင့် ကွာဟ နေမှုကိုလည်း ကုလသမဂ္ဂက စုံစမ်းရေး ကော်မရှင်ဖွဲ့၍ ပြန်လည်စစ်ဆေးရန်နှင့် နိုင်ငံတကာ ကြက်ခြေနီအဖွဲ့ကို အကျဉ်းထောင်များသို့ ပြန်လည်ဝင်ရောက်ခွင့်ပေးရန် မြန်မာအစိုးရကို အကြံပြု ခဲ့သည်။
ထင်ရှားသည့် နိုင်ငံရေးအကျဉ်းသားများ အပါအ၀င် နိုင်ငံရေး အကျဉ်းသား အမြောက်အမြား မကြာသေးခင်က လွတ်လာခြင်းကို မစ္စတာ ကင်တားနားက ကြိုဆိုကြောင်း ပြောဆိုခဲ့သည်။
သို့သော် ကျန်ရှိနေသေးသော နိုင်ငံရေးအကျဉ်းသား အားလုံးလွှတ်ပေးရန် တိုက်တွန်းပြောကြားလိုက်ပြီး တိုင်းရင်း သား ပြဿနာများကို ဖြေရှင်းရန် လိုအပ်နေသေးကြောင်း ပြောခဲ့ပြီး လာမည့် ဧပြီ ၁ ရက်နေ့တွင် ကျင်းပမည့် ကြားဖြတ် ရွေးကောက်ပွဲသည် လွတ်လပ်၍ တရားမျှတသော ရွေးကောက်ပွဲ ဖြစ်စေချင်ကြောင်း သတိပေးထားသည်။
Ref: ဧရာဝတီ
Read More...
Collapse...
ခင်ဦးသာ
January 31, 2012
မြေလွတ်၊ မြေလပ်နှင့်မြေရိုင်းများ စီမံခန့်ခွဲရေး ဥပဒေကြမ်းအား ပြည်ထောင်စုလွှတ်တော်သို့ တင်သွင်း၍ မကြာမီ အတည်ပြု တော့ မည်ဟု သိရသည်။
ထိုဥပဒေကြမ်းအား လယ်ယာစိုက်ပျိုးရေးနှင့် ဆည်မြောင်း ၀န်ကြီးဌာနက တင်သွင်းခဲ့ခြင်း ဖြစ်ပြီး ပြည်သူ့လွှတ်တော်နှင့် အမျိုး သား လွှတ်တော် နှစ်ရပ်က သဘောတူညီမှု ရရှိထားပြီးဖြစ်သည်။
အဆိုပါ ဥပဒေကြမ်း၌ ဗဟိုအစိုးရ၏ လုပ်ပိုင်ခွင့်အတွက် ဧက ၅၀၀၀ မှ ၅ သောင်း အထိ ပေးထားပြီး ဒေသဆိုင်ရာ အာဏာ ပိုင်များ၏ လုပ်ပိုင်ခွင့်အတွက် ဧက ၅၀ သတ်မှတ်ပေးထားကြောင်း သိရသည်။
ဒေသခံပြည်သူများအနေဖြင့် မြေလွတ်၊ မြေရိုင်း လျှောက်ထားမည်ဆိုပါက ဧက ၅၀ အထိ လျှောက်ထားနိုင်ကာ ဒေသဆိုင်ရာ အာဏာ ပိုင်များကိုယ်တိုင် စိစစ် ဆောင်ရွက်ပေးပိုင်ခွင့် ရရှိမည် ဖြစ်သည်။
ပြည်တွင်းပြည်ပ ကုမ္ပဏီများ၊ စီးပွားရေးလုပ်ငန်းရှင်များကမူ ဧက ၅၀၀၀ အထိ ကနဦး လျှောက်ပိုင်ခွင့်ရှိမည်ဖြစ်ပြီး ထိုမြေ များကို သတ်မှတ်ချိန်အတွင်း အကောင်အထည်ဖော် စိုက်ပျိုးနိုင်ပါက ထပ်မံလျှောက်ထားခွင့်ရှိကြောင်း သိရသည်။
“အောက်ခြေလယ်သမားတွေထက် ကုမ္ပဏီကြီးတွေ၊ စီးပွားရေး လုပ်ငန်းရှင်တွေက ပိုမို အကျိုးရှိစေနိုင်ပါတယ်” ဟု ပြည်သူ့ လွှတ်တော် ကိုယ်စားလှယ် တဦးက ပြောသည်။
ယင်း မြေလွတ်၊ မြေရိုင်းကိစ္စမှာ အပြန်အလှန်ဆွေးနွေး ငြင်းခုံမှုများသည့် ဥပဒေကြမ်းတခု ဖြစ်ကြောင်းလည်း ၎င်းက ဆိုသည်။
မြေလွတ်၊ မြေရိုင်း ဥပဒေကြမ်း ပြဌာန်းအတည်ပြု ပြီးပါက မူလပိုင်ရှင်များဖြစ်သည့် ဒေသခံများ အတွက် အကာအကွယ် ပေးနိုင်မည်ဟု အာဏာပိုင်များက ဆိုသော်လည်း၊ လယ်သမား အရေးလှုပ်ရှားသူများ၊ လယ်သမားများ ကမူ လယ်သမား အခွင့်အရေး မရှိဟုဆိုကာ ပြီးခဲ့သည့်လ အနည်းငယ်က ကန့်ကွက်ခဲ့ကြသေးသည်။
“ဒေသခံတွေရဲ့လယ်မြေတွေ၊ နွားစားကျက်တွေကို စစ်တပ်နဲ့ အာဏာပိုင်တွေ၊ စီးပွားရေး သမားတွေက သိမ်းယူထားတာတွေ နိုင်ငံ လုံးမှာ ရှိတယ်။ ဒီဥပဒေ ပြဌာန်းပြီးရင်တော့ အဲဒီလို စည်းကမ်းမဲ့ သိမ်းယူမှုတော့ နည်းသွားမယ်” ဟု အထက်ပါ ကိုယ်စားလှယ်က ရှင်းပြသည်။
မြန်မာတနိုင်ငံလုံး၌ မြေလွတ်၊ မြေရိုင်း ဧကပေါင်း သိန်း ၃၈ ဒသမ ၉၈ သိန်းကို ကုမ္ပဏီများနှင့်စီးပွားရေး လုပ်ငန်းရှင်များက ရယူထား ကြောင်း၊ ၎င်းအနက် ဧက ၉ သိန်းကျော်ကိုသာ အသုံးပြုသေးကြောင်း၊ အသုံးမပြုဘဲ အပိုင်ယူထားသည့် ကိစ္စများ နှင့်ပတ်သက်၍ ကိုယ်စားလှယ် တဦးက မေးမြန်းရာ ဥပဒေ အတည်ပြုပြုပြီးပါက ထိုကိစ္စကို စိစစ်ဆောင်ရွက်သွားမည် ဖြစ်ကြောင်း လယ်ဆည် ဒု – ၀န်ကြီး ဦးအုန်းသန်းက ဖြေဆိုခဲ့သည်။
မြန်မာနိုင်ငံ၏ လယ်ယာလုပ်ငန်း ကဏ္ဍ၌ အာဆီယံ ၉ နိုင်ငံအပြင် တရုတ်၊ အိန္ဒိယ၊ ဘယ်လာရုစ် နိုင်ငံတို့လည်း ပူးပေါင်း လုပ်ကိုင်ရန် နားလည်မှု စာချုပ်များ ချုပ်ဆိုထားသည် ဟု ဒု-၀န်ကြီးက ပြောဆိုကြောင်း ယနေ့ထုတ် အစိုးရ သတင်းစာများ တွင် ရေးသားထားသည်။
၂၀၁၂ ခုနှစ်အတွက် ပထမအကြိမ် လွှတ်တော် အစည်းအဝေးများကို ဇန်န၀ါရီလ ၂၆ ရက်နေ့တွင် စတင်ကျင်းပခဲ့ပြီး ပြည်တွင်းငြိမ်း ရေးအတွက် ရန်ပုံငွေတရပ်ထားရှိရေး အဆို၊ တရားမ၀င်ရရှိသည့် ၀င်ငွေနှင့် ပစ္စည်းများ ထိန်းချုပ်သည့် ဥပဒေ ပြင်ဆင်ရေး၊ ကိုယ် ၀န်ဆောင် ၀န်ထမ်း အမျိုးသမီးများ ခွင့်ရက်ပိုမိုရရှိရေး စသည့်အဆိုများ၊ ဥပဒေများကို ဆွေးနွေးခဲ့ပြီး ဖြစ်သည်။
နိုင်ငံတော်သုံး ငွေစက္ကူများ၌ ဗိုလ်ချုပ်အောင်ဆန်း၏ ရုပ်ပုံထည့်သွင်း ရိုက်နှိပ်ရန် ရှိမရှိ အဆိုတခုကို ယမန်နေ့က မေးမြန်းခဲ့ရာ အချိန် အခါနှင့်လျှော်ညီသည့် အကြောင်းအရာများကို ထည့်သွင်းရိုက်နှိပ်လေ့ရှိကြောင်း ဖြေဆိုခဲ့ပြီး နိုင်ငံတော်၏ ၂၀၁၂-၁၃ ဘဏ္ဍာရေးနှစ် ဘတ်ဂျက် သုံးစွဲမှု ကိစ္စကို ယနေ့ကျင်းပမည့် ပြည်ထောင်စု လွှတ်တော်၌ ဆွေးနွေးကြမည် ဟုသိရသည်။
Ref: ဧရာဝတီ
Read More...
Collapse...
ဘစောတင်
January 31, 2012
ဒေါ်အောင်ဆန်းစုကြည် ၏ ဘ၀ကို ရိုက်ကူးထားသော The Lady ရုပ်ရှင်ကားကို ထိုင်းနိုင်ငံ ဘန်ကောက်မြို့နှင့် စမွတ်စခွန်ခရိုင် မဟာ ချိုင်မြို့များတွင် ဖေဖော်ဝါရီ၂ ရက်မှ ၁၆ ရက်အထိ ရုံတင်ပြသမည်ဖြစ်ကြောင်း သိရသည်။
The Lady ကို Major Cineplex Group Public Co. Ltd. က ၎င်းတို့၏ IT Computer အဖွဲ့သို့ ဈေးကွက်မြှင့်တင်ရေးအနေဖြင့်ပြသ ခွင့် ပေးခြင်းဖြစ်ကြောင်း တာဝန်ရှိသူတဦးဖြစ်သည့် ကိုမျိုးက ပြောသည်။ လတ်တလောတွင် လက်မှတ် ၇၀၀၀ ခန့် ဈေးကွက် တွင်း ဖြန့်ချိ ထားပြီး ဖြစ်သည်ဟုလည်း ဆိုသည်။
The Lady ရုပ်ရှင် လက်မှတ်တစောင်လျှင် ထိုင်းဘတ် ၁၄၀ ဖြင့် ဖြန့်ချိလျက်ရှိကြောင်း၊ မူလတန်ဖိုးမှာ ဘတ် ၁၆၀ ဖြစ်ကြောင်း၊ ရုပ် ရှင် ကြည့်သူများကို ဘိုးလိန်း ကစားခြင်း နှင့် ကာရာအိုကေ သီဆိုခွင့်အတွက် အခမဲ့ ၀န်ဆောင်မှု ပေးထားကြောင်း လက်မှတ်ဖြန့်ချိသူ တဦးဖြစ်သည့် မငယ်ကလည်း ပြောပြသည်။
လက်မှတ် ၀ယ်ယူထားသူ တဦးဖြစ်သော ကိုထွန်းဇော်က The Lady ရုပ်ရှင်ကို အမျိုးသားရေးအမြင်ဖြင့် အားပေးခြင်းဖြစ်ပြီး မြန်မာ နိုင်ငံသားများ မဖြစ်မနေ အားပေးကြည့်ရှုသင့်ကြောင်း ပြောသည်။
“ကျနော်တို့လို အသက်၂၀ ကျော် ၃၀ အရွယ် လူငယ်တွေအနေနဲ့ အမေစုအကြောင်း အသေအချာသိတဲ့သူ အရမ်းနည်းတယ်။ ဒါကြောင့် ဒီဇာတ်ကားကို ရုံတင်ပြတာ အင်မတန် ၀မ်းသာတယ်။ ဒီကားကို မြန်မာတွေ အားလုံးကြည့်သင့်တယ်”ဟု ၎င်းက ဆိုသည်။
ယင်းဇာတ်ကားကို မူလက ရုပ်ရှင်ရုံ တရုံတွင် တပွဲနှုန်းဖြင့် ပြသရန် စိတ်ကူးခဲ့သော်လည်း ပျံ့နှံ့နေသော မြန်မာနိုင်ငံသားများ နီးစပ် ရာ နေရာများတွင် ကြည့်ရှုနိုင်ရန် Major Cineplex Group Public Co. Ltd.မှ ရုပ်ရှင်ရုံကြီးများကို သတင်း၂ ပတ်တိတိ ငှားရမ်း ပြ သရ ခြင်းဖြစ်ကြောင်း ကိုမျိုးက ဆက်လက် ရှင်းပြသည်။
“ဒါကြောင့် ဒီဇာတ်ကားကို ရုံတင်ပြသနိုင်အောင် ကျနော်ရယ် ကျနော့်မိတ်ဆွေ ထိုင်း စီးပွားရေးသမား တချို့နဲ့ တိုင်ပင်ပြီး ပြသဖို့ စီစဉ်လိုက်တာပါ။ လူတွေကတော့ အရမ်းစိတ်ဝင်စားကြတယ်လေ။ ဖုန်းထိုးပြီး ခဏခဏမေးနေကြတယ်”ဟု ၎င်းက ဆိုသည်။
The Lady ရုပ်ရှင်ကားကို ပြင်သစ် ဒါရိုက်တာ Luc Besson က ထိုင်းနိုင်ငံ ဘန်ကောက်မြို့တွင် ရိုက်ကူးခြင်း ဖြစ်ပြီး ကမ္ဘာကျော် ဟောလိဝုဒ် မင်းသမီး မီရှဲလ်ယိုးက ဒေါ်အောင်ဆန်းစုကြည် အဖြစ် သရုပ်ဆောင်ထားသည်။
မီရှဲလ်ယိုးသည် Tomorrow Never Dies ၊ Crouching Tiger, Hidden Dragon ၊ Memoirs of Geisha စသည့် ရုပ်ရှင်ကားများဖြင့် အောင်မြင် ကျော်ကြားခဲ့သည့် ရုပ်ရှင်သရုပ်ဆောင် တဦးဖြစ်သည်။
The Lady ရုပ်ရှင်၌ ၁၉၈၈ ခုနှစ်က မိခင် ဒေါ်ခင်ကြည် ကျန်းမာရေးချို့ယွင်းလာသည့်အတွက် ဒေါ်အောင်ဆန်းစုကြည် မြန်မာပြည် သို့ ပြန် လာခဲ့ချိန်မှ ၁၉၉၉ ခုနှစ်ခန့် အထိ သရုပ်ဖော်ထားကြောင်း၊ ဒေါ်အောင်ဆန်းစုကြည်၏ ကချင်ပြည်နယ်၊ ချင်း ပြည်နယ်နှင့် ဧရာဝတီ တိုင်း ဓနုဖြူမြို့သို့ သွားရောက်သည့် ပါတီ ခရီးစဉ်များလည်း ပါဝင်ကြောင်း သိရသည်။
မြန်မာ့နိုင်ငံရေး လောက၏ နာမည်ကြီးပုဂ္ဂိုလ်များ ဖြစ်သည့် ဗိုလ်ချုပ် အောင်ဆန်း၊ အာဏာရှင် ဗိုလ်ချုပ်ကြီး နေ၀င်း၊ NLD ဒု ဥက္ကဌ ဦးတင်ဦး၊ ဦးဝင်းတင်၊ စစ်ထောက်လှမ်းရေး အကြီးအကဲဟောင်း ဦးခင်ညွန့်၊ ဗိုလ်ချုပ်မှူးကြီး သန်းရွှေ စသည့် ဇာတ်ရုပ်များလည်း The Lady ၌ ပါဝင်၍ မြန်မာနိုင်ငံသားများစွာ သရုပ်ဆောင်ထားကြောင်း ကိုယ်တိုင် ပါဝင်သရုပ်ဆောင်သူတဦးက ပြောဆိုဖူးသည်။
Ref: ဧရာဝတီ
Read More...
Collapse...
ရန်ပိုင်
January 31, 2012
အမေရိကန်ဒေါ်လာနှင့် နိုင်ငံခြားငွေကြေးများကို အမေရိကန်ဒေါ်လာ ၁ သောင်းဖိုးအထိ စာရွက်စာတမ်း ပြသရန်မလိုဘဲ ပုဂ္ဂလိက ဘဏ်များ ၏ ငွေလဲလှယ်ရေးစင်တာများတွင် မနက်ဖြန်မှ စတင်ကာ လွတ်လပ်စွာလဲလှယ်နိုင်ပြီ ဖြစ်သည်။
အဆိုပါ လဲလှယ်မှု အစီအစဉ်ကို မြန်မာနိုင်ငံတော် ဗဟိုဘဏ်က ဇန်န၀ါရီလ ၂၆ ရက်နေ့တွင် ထုတ်ပြန်ခဲ့ပြီး မြန်မာနိုင်ငံသားများရော နိုင်ငံ ခြားသားများပါ လွတ်လပ်စွာ လဲလှယ်နိုင်မည်ဖြစ်ကြောင်း မြန်မာရှေ့ဆောင်ဘဏ် ဥက္ကဋ္ဌ ဦးချစ်ခိုင်က ဧရာဝတီသို့ ပြောသည်။
ယင်းခွင့်ပြုချက်အရ အမေရိကန်ဒေါ်လာ၊ စင်ကာပူဒေါ်လာ၊ ယူရိုငွေကြေးများကို အမေရိကန်ဒေါ်လာ ၁ သောင်းဖိုးအထိ လဲလှယ်နိုင် မည်ဖြစ်သည်။
“အခုဆို မြန်မာပြည်ကို ပြည်ပခရီးသွားတွေ အရမ်းလာနေပြီလေ။ သူတို့အတွက် အဆင်ပြေတာပေါ့။ မြန်မာပြည်မှာ ခရက်ဒစ်ကတ် စနစ်က မတွင်ကျယ်သေးတော့ ခရီးသွားတွေ လိုသလောက်လဲပြီး သုံးနိုင်တာပေါ့” ဟု ၎င်းက ဆိုသည်။
ယခုကဲ့သို့ လဲလှယ်ခွင့် ပြုလိုက်ခြင်းကြောင့် ကျဆင်းနေသည့် ငွေလဲလှယ်မှုနှုန်းထားလည်း ပြန်လည် မြင့်တက်လာနိုင်ကြောင်း ဦးချစ်ခိုင်က သုံးသပ်သည်။
ယမန်နေ့က ထုတ်ပြန်သည့် အာရှစိမ်းလန်းမှု ဖွံဖြိုးရေး (AGD) ဘဏ်၏ ကြေညာချက်တွင်လည်း ငွေလဲလှယ်ရန် နိုင်ငံခြားသား ခရီး သွားများအနေဖြင့် နိုင်ငံကူးလက်မှတ်၊ အကောက်ခွန်ကြေညာလွှာ ပြရခြင်း၊ အလားတူ မြန်မာနိုင်ငံသားဖြစ်ပါက နိုင်ငံခြားငွေရရှိရာ ငွေဝင်ရင်းမြစ်ကို တင်ပြရခြင်း၊ ၀ယ်ယူခြင်းဖြစ်ပါက မည်သည့်ကိစ္စများတွင် အသုံးပြုမည်ဟု သက်သေတင်ပြရခြင်းများ မလိုအပ် တော့ကြောင်း ဖော်ပြထားသည်။
ပုဂ္ဂလိကဘဏ်များ၏ ငွေလဲလှယ်ရေး ကောင်တာများတွင် အမေရိကန် တဒေါ်လာလျှင် မြန်မာငွေ ၈၂၃ ကျပ်ဈေးဖြင့် လဲလှယ်ပေးနေ သည်။
မကြာသေးမီကလည်း ပြည်တွင်းပုဂ္ဂလိကဘဏ် ၁၁ ဘဏ်ကို မြန်မာအစိုးရက စင်ကာပူ၊ မလေးရှားနှင့် ထိုင်းစသည့် အရှေ့တောင်အာရှ နိုင်ငံများတွင် ဘဏ်လုပ်ငန်း လုပ်ကိုင်ခွင့် ပြုခဲ့သေးသည်။
အမည်မဖော်လိုသည့် ဘဏ်လုပ်ငန်းရှင်တဦးကမူ သမ္မတ ဦးသိန်းစိန် အစိုးရအနေဖြင့် မြန်မာပုဂ္ဂလိကဘဏ်များအား တရုတ်နိုင်ငံ အပါအ၀င် အရှေ့အာရှနိုင်ငံများ၌ ဘဏ်လုပ်ငန်း လုပ်ကိုင်ခွင့် ပြုသည်ဆိုသည်မှာ မှန်ကန်ကြောင်း၊ သို့သော် အနောက်နိုင်ငံများမှ ချမှတ်ထားသည့် စီးပွားရေးပိတ်ဆို့မှု ရှိနေသေးသည့်အတွက် သက်ဆိုင်ရာနိုင်ငံများမှ လုပ်ကိုင်ခွင့် မပြုသေးကြောင်း ပြောသည်။
“ဆန်ရှင်ရှိနေသေးတော့ ဘယ်နိုင်ငံကမှ ခွင့်မပြုသေးဘူး။ အစိုးရနဲ့ အရင်းအနှီးဆုံး တရုတ်နိုင်ငံကတောင် အခုဘဏ်တွေကို စာရင်း ဖွင့်ခွင့် မပေးသေးဘူး။ တရုတ်ကိုယ်တိုင်က အမေရိကန်ကို ငွေကြေးသြဇာ လွန်ဆန်လို့မရသေးဘူး” ဟု ၎င်းက ဆိုသည်။
တရုတ်နိုင်ငံအနေဖြင့် ၎င်း၏ အကြီးဆုံးဘဏ်တခုဖြစ်သည့် ICBC ဘဏ်ကို မြန်မာနိုင်ငံတွင် ဖွင့်လှစ်ခွင့်ပြုထားသော်လည်း မြန်မာနိုင်ငံမှ ပုဂ္ဂလိကဘဏ်များကို ၎င်းတို့နိုင်ငံတွင် ဖွင့်လှစ်ခွင့် ပိတ်ပင်ထားကြောင်း၊ အလားတူ စင်ကာပူ၊ မလေးရှား၊ ထိုင်းစသည့်နိုင်ငံ များတွင် လည်း ဘဏ်ဖွင့်လှစ်နိုင်ရန်ထက် သာမန်ငွေလွှဲလုပ်ငန်းကိုသာ လုပ်ကိုင်ရမည်ဖြစ်ကြောင်း အဆိုပါ ဘဏ်လုပ်ငန်းရှင်က ဆက်လက်ပြောသည်။
မြန်မာအစိုးရက နိုင်ငံခြားတိုင်းပြည်များတွင် ဘဏ်လုပ်ငန်းလုပ်ကိုင်ခွင့် ပေးအပ်ခဲ့ရာ AGD ဘဏ်က မလေးရှားနှင့် စင်ကာပူ၊ ဧရာဝတီဘဏ်က မလေးရှား၊ ကမ္ဘောဇဘဏ်က ထိုင်း၊ သမ၀ါယမဘဏ် (CB) က စင်ကာပူ၊ မြန်မာရှေ့ဆောင်ဘဏ်က ထိုင်း နိုင်ငံတို့တွင် ငွေလွှဲဌာနများ ဖွင့်လှစ်ခွင့် ရရှိထားသည်။
သမ္မတ ဦးသိန်းစိန် အစိုးရလက်ထက် စီးပွားရေးပြုပြင်ပြောင်းလဲမှုများ ပြုလုပ်ရာတွင် ရှုပ်ထွေးနေသည့် နိုင်ငံခြား ငွေကြေးလဲလှယ်မှု စနစ်ကို ပြုပြင်ရန် လုပ်ထုံးလုပ်နည်းဆိုင်ရာ အကူအညီရရှိရေးအတွက် နိုင်ငံတကာ ငွေကြေးရန်ပုံငွေအဖွဲ့ (IMF) ထံမှ ပြီးခဲ့သည့် စက်တင်ဘာလကတည်းက အကူအညီတောင်းခံခဲ့သည်။
မကြာသေးမီက ထုတ်ပြန်သည့် IMF အဖွဲ့ကြီး၏ မြန်မာနိုင်ငံဆိုင်ရာ စီးပွားရေးသုံးသပ်ချက် စစ်တမ်းတွင် နိုင်ငံ့စီးပွားရေး တည်ငြိမ် စေရန် ရှုပ်ထွေးနေသည့် နိုင်ငံခြား ငွေကြေးလဲလှယ်မှုစနစ်ကို ဦးစားပေး ပြုပြင်ပြောင်းလဲရန် လိုအပ်ကြောင်း၊ စီမံခန့်ခွဲမှု အပိုင်းတွင် လည်း မက်ခရိုစီးပွားရေး တည်ငြိမ်မှုကို ထိမ်းထားရန်အတွက် ပြုပြင်ပြောင်းလဲရမည်ဖြစ်ကြောင်း ထောက်ပြထားသည်။
ထိုသို့ ငွေကြေးဆိုင်ရာ ပြုပြင်မှုများ ပြုလုပ်ရာတွင် လာမည့် ဧပြီလ ဘဏ္ဍာရေးနှစ်သစ်မှ စတင်ကာ မြန်မာကျပ်ငွေနှင့် အမေရိကန် ဒေါ်လာလဲလှယ်မှုနှုန်းကို ယခင် သတ်မှတ်ထားသည့် ၆ ကျပ်အစား ယခု အမှန်တကယ် ပြင်ပပေါက်ဈေးနှင့် နီးစပ်သည့် တဒေါ်လာလျှင် ၈၀၀ ကျပ်နှုန်းသို့ ပြင်ဆင်သတ်မှတ်တော့မည်ဖြစ်ကြောင်း ပြောဆိုမှုများ ထွက်ပေါ်နေသည်။
သို့သော် မြန်မာရှေ့ဆောင်ဘဏ် ဥက္ကဋ္ဌ ဦးချစ်ခိုင်ကမူ ငွေလဲလှယ်နှုန်းကို တဒေါ်လာလျှင် မြန်မာငွေ ၁၀၀၀ ကျပ်ခန့် သတ်မှတ်စေချင် ကြောင်း၊ သို့မှသာ ပြည်ပပို့ကုန်လုပ်ငန်းများ လုပ်ကိုင်နေသည့် မြန်မာ့စီးပွားရေးလုပ်ငန်းရှင်များ အနေဖြင့် ပြည်ပလုပ်ငန်းရှင်များနှင့် ယှဉ်ပြိုင်လုပ်ကိုင်နိုင်မည်ဖြစ်ကြောင်း အကြံပြုသည်။
Ref: ဧရာဝတီ
Read More...
Collapse...
ဒီရေ
January 31, 2012
မစ္စတာ ဒေးဗစ်မက်ခရီရီဟာ ၁၉၈၀ ဝန်းကျင်က နယူးကာဆယ်အသင်းရဲ့ နာမည်ကျော် ကစားသမားတွေထဲက တယောက်ဖြစ်ပါတယ်။ အခုလက်ရှိမှာတော့ သူဟာ မြန်မာနေရှင်နယ်လိဂ်က မကွေးအက်ဖ်စီအသင်းရဲ့ နည်းပြတာဝန် ယူထားသူလည်း ဖြစ်ပါတယ်။
အိုင်းရစ်လူမျိုး မက်ခရီရီရဲ့ ဘဝဖြတ်သန်းမှုထဲမှာကြည့်ရင် အင်္ဂလန် ဒုတိယတန်းက ကာလ်ဆီးနဲ့ ဟတ်တယ်ပူးလ် အသင်းတွေမှာ နည်းပြ ခဲ့ဖူးပြီး အင်္ဂလန်အသင်းရဲ့ နာမည်ကျော် ကွင်းလယ်လူဟောင်း ဂတ်စ်စကွိုင်နီရဲ့ အကြံပေးတဦးလည်း ဖြစ်ခဲ့ပါတယ်။
အိုင်းရစ်လူမျိုး မက်ခရီရီဟာ သူဟာ ၁၉၈၂ ကမ္ဘာ့ဖလားမှာ မြောက်အိုင်ယာလန် အသင်းအတွက် ကစားခဲ့စဉ်တုန်းက Nike ကုမ္ပဏီ ကထုတ်တဲ့ ဖိနပ်ကိုဝတ်ဆင်ကစားခဲ့ပြီး နိုင်ငံတကာပြိုင်ပွဲတွေမှာ Nike ဖိနပ်ဝတ်ဆင်တဲ့ ပထမဆုံး ကစားသမားအဖြစ် မှတ်တမ်း ဝင်ထားသူလည်း ဖြစ်ပါတယ်။
သူကစားခဲ့စဉ် အချိန်တွေက ပြင်သစ်က ပလာတီနီ၊ ဟော်လန်က ဂျိုဟန်ခရိုက်၊ ရိုမေးနီးယားမှ ဟာဂျီတို့ဟာ ကစားရခက်တဲ့ ပြိုင်ဘက် ကစားသမားတွေဖြစ်ကြောင်း သူရဲ့ တွစ်တာ လူမှုကွန်ရက်စာမျက်နှာမှာ ပြောထားပါတယ်။ မက်ခရီရီက နယူးကာဆယ်အသင်းမှာ ကစား ခဲ့စဉ်က လူကြိုက်များတဲ့ ကွင်းလယ်ကစားသမားတဦး ဖြစ်ခဲ့ပါတယ်။
လွန်ခဲ့တဲ့ ဆယ်စုနှစ်သုံးခုကျော်အချိန်က အောင်မြင်တဲ့ ဘောလုံးသမား၊ အခု အသက် ၅၄ နှစ်ရှိပြီဖြစ်တဲ့သူဟာ အရှေ့တောင်အာရှက မြန်မာနိုင်ငံရဲ့ မကွေးအက်ဖ်စီဆိုတဲ့ ကလပ်အသင်းတခုမှာ နည်းစနစ်ဒါရိုက်တာလုပ်ဖို့ ကမ်းလှမ်းမှုကို လက်ခံခဲ့ပါတယ်။
ဆင်းရဲတဲ့ နိုင်ငံငယ်လေးတခုထဲက ဘောလုံးအားကစားကို မြှင့်တင်ချင်တဲ့၊ အတွေ့အကြုံရှိတဲ့ ပရော်ဖက်ရှင်နယ် တယောက်ဖြစ်တဲ့သူက မကွေးအက်ဖ်စီအသင်းရဲ့ ပထမအသင်း၊ အရန်အသင်းနဲ့ လူငယ်အသင်းတွေကို ကြီးကြပ်ပေးမယ်ဆိုတော့ မကွေးအက်ဖ်စီအသင်း အတွက်လည်း ဝမ်းသာစရာဖြစ်ခဲ့ပါတယ်။ မက်ခရီရီဟာ စာရေးတာကိုလည်း ဝါသနာပါပြီး ကိုယ်တိုင်ရေးအတ္တုပ္ပတ္တိတခု ထုတ်ဖို့လည်း စီစဉ်နေပါတယ်။
“စာအုပ်ထုတ်ရခြင်း ရည်ရွယ်ချက်က လွန်ခဲ့တဲ့အနှစ် ၃၀ အတွင်းက စိတ်ဝင်စားစရာကောင်းတဲ့ ကျနော့်ဘဝ မှတ်တမ်းတွေကို ပြန်ပြောပြချင်တာပါ။ ကျနော်ကြီးပြင်းခဲ့တဲ့ ပဋိပက္ခတွေကြားက ဘဲလ်ဖတ်စ်မြို့အကြောင်းရယ်၊ ကျနော် ၁၅ နှစ်အရွယ်မှာ မန်ယူအသင်းနဲ့ စာချုပ်ချုပ်ခဲ့တဲ့ အကြောင်းရယ်၊ အခုလက်ရှိ မြန်မာနိုင်ငံမှာ ကျနော့်ရဲ့ လုပ်ဆောင်ချက်တွေကို ဖော်ပြသွားမှာပါ” လို့ သူ့ရဲ့ အတ္တုပ္ပတ္တိအကြောင်း ပြောသွားခဲ့ပါတယ်။
“ကျနော့်ရဲ့ အေးဂျင့်က ကျနော် ဘောလုံးလောကကို ပြန်အခြေချချင်တာကို သိနေပြီး ဒီလိုအခွင့်အလမ်းကို ရှာဖွေပေးခဲ့တာပါ၊ ဒါပေ မယ့် ကျနော်ဟာ ကြီးမားတဲ့ဆုံးဖြတ်ချက်ကို ချခဲ့ရပြီး လိဂ်ပြိုင်ပွဲအသစ်တခုက ကလပ်အသင်းတခုမှာ အလုပ်လုပ်ရမယ်ဆိုတာက ကျနော့်အတွက် ငြင်းဆန်လို့မရနိုင်အောင် ဖြစ်ခဲ့ပါတယ်” ဟု သူ မြန်မာနိုင်ငံကို ရောက်ခဲ့ပုံကို ပြောပြပါတယ်။
ကွင်းတွင်းရော ပြင်ပမှာပါ မတူညီတဲ့ ယဉ်ကျေးမှုဓလေ့တွေက သူ့အတွက် စိန်ခေါ်မှုတခု ဖြစ်ခဲ့တယ်လို့ ဆိုပါတယ်။ ဒါပေမယ့် သူနဲ့ သူ့ဇနီး မြန်မာနိုင်ငံမှာ အမြန်အခြေကျအောင် ကူညီပေးခဲ့တဲ့ မကွေးအက်ဖ်စီအသင်းကို ကျေးဇူးတင်ကြောင်းလည်း မက်ခရီရီက ပြောပါတယ်။
ဒါ့အပြင် မြန်မာဘောလုံးနှင့် ပတ်သက်ပြီး “မြန်မာနိုင်ငံမှာ ဘောလုံးအားကစားတိုးတက်ဖို့က အချိန်လိုအပ်နေပါသေးတယ်။ အခုဆိုရင် ကလပ်အသင်းတွေရဲ့ အခြေခံအဆောက်အဦတွေ တိုးတက်လာနေပြီး ဒါတွေဟာ အသက် ၂၃ နှစ်အောက် မြန်မာ့လက်ရွေးစင် အသင်းအတွက် အထောက်အပံ့ကောင်းတွေ ဖြစ်စေပါတယ်။ အခုဆိုရင် ကျနော်ဟာ ဘောလုံးအားကစား ယဉ်ကျေးမှုအသစ်ကို ရရှိနေပြီး တကယ်လို့ ကျနော် ဥရောပမှာ ပြန်အခြေချရင် ဒါတွေဟာ ကျနော့်အတွက် အထောက်အကူကောင်းတွေ ဖြစ်မှာပါ” ဟု မက်ခရီရီက ပြောပါတယ်။
လက်ရှိ မြန်မာနေရှင်နယ်လိဂ် အမှတ်ပေးဇယားမှာတော့ မက်ခရီရီ ကိုင်တွယ်နေတဲ့ မကွေးအက်ဖ်စီအသင်းဟာ ၁ ပွဲနိုင် ၃ ပွဲသရေ ရလဒ်နဲ့ ရှုံးပွဲ မရှိဘဲ အသင်း ၁၄ သင်းအနက် အဆင့် ၇ နေရာမှာ ရပ်တည်နေပါတယ်။
Ref: ဧရာဝတီ
Read More...
Collapse...
သန့်စင်ငြိမ်းချမ်း
January 31, 2012
သမ္မတ ဦးသိန်းစိန် အစိုးရ၏ ငြိမ်းချမ်းရေးကမ်းလှမ်းချက်ကို ရခိုင်ပြည် လွတ်မြောက်ရေး ပါတီ (ALP) က လက်ခံပြီး နှစ်ဘက် တွေ့ဆုံ ဆွေးနွေးရန် ပြင်ဆင်နေကြောင်း အဆိုပါ ပါတီ ခေါင်းဆောင်က ပြောသည်။
ပြည်ထောင်စုအဆင့် ငြိမ်းချမ်းရေးဖော်ဆောင်ရေး အဖွဲ့ ဒုတိယခေါင်းဆောင် ဦးသိန်းဇော်က ALP နှင့် ငြိမ်းချမ်းရေး ဆွေးနွေး လိုကြောင်း ဇန်န၀ါရီလ ၂၃ ရက်နေ့က စာရေးသား ကမ်းလှမ်းခဲ့သည့် အပေါ် တွင် ALP က လက်ခံခဲ့ခြင်း ဖြစ်သည်။
“ငြိမ်းချမ်းရေး ကမ်းလှမ်းတယ်ဆိုတော့ ကောင်းတဲ့အရာပေါ့ဗျာ။ ကျနော်တို့က တွေ့ဆုံဆွေးနွေးဖို့ သဘောထားရှိတယ်” ဟု ALP ပါတီ ဒု ဥက္ကဋ္ဌ ဦးခိုင်စိုးနိုင်အောင်က ဧရာဝတီကို ပြောသည်။
အစိုးရ၏ ငြိမ်းချမ်းရေးကမ်းလှမ်းချက်အား ကြိုဆိုကြောင်းနှင့် တွေ့ဆုံဆွေးနွေးရေးအတွက် ပါတီ ဗဟို ကော်မတီ အစည်းအဝေး ခေါ်ယူ ပြီး အကြောင်းပြန်မည်ဟု ALP က အစိုးရအား တုန့်ပြန်ခဲ့သည်။
“ပါတီ ဗဟိုကော်မတီအတွင်းမှာ ဆွေးနွေးရဦးမယ်။ ပြီးမှ ဘယ်အချိန်မှာတွေ့မယ်၊ ဘယ်နေရာမှာ တွေ့မယ်၊ ဘယ်နှယောက် တွေ့မယ်ဆို တာ အကြောင်းပြန်မယ်လို့ စာပြန်ရေးထားတယ်” ဟု ပါတီ ဒု ဥက္ကဋ္ဌက ပြောသည်။
ပါတီဗဟိုကော်မတီ အစည်းအဝေးအား လာမည့် ဖေဖော်ဝါရီလအတွင်း ခေါ်ယူသွားမည်ဖြစ်ကြောင်းလည်း သိရသည်။
မြန်မာ-အိန္ဒိယ-ဘင်္ဂလားဒေ့ခ်ျ ၃ နိုင်ငံ နယ်စပ်တွင် အခြေစိုက် လှုပ်ရှားလျက်ရှိသော ALP သည် တန်းတူရေးနှင့် ကိုယ်ပိုင်ပြဌာန်းခွင့် ရရှိရေးအတွက် ၁၉၆၇ ခုနှစ်မှ စတင်ကာ လက်နက်စွဲကိုင် တော်လှန်နေသည့် အဖွဲ့ဖြစ်သည်။
အစိုးရ အဆက်ဆက်အား နှစ်ပေါင်း ၄၀ ကျော် လက်နက်ကိုင် တော်လှန်ခဲ့သည့် ALP တွင် ပါတီဝင်နှင့် လက်နက်ကိုင် အင်အား ၃၀၀၀ ခန့် ရှိကြောင်း ဥက္ကဋ္ဌ ဦးခိုင်ရဲခိုင်က ဆိုသည်။
ပြည်တွင်းတွင် ငြိမ်းချမ်းရေးတည်ဆောက်ရန်အတွက် ALP အား ကမ်းလှမ်းမှုအပေါ် ကြိုဆိုကြောင်း ရခိုင်အမျိုးသား ဒီမို ကရေစီ ပါတီခေါင်းဆောင် ဦးအေးသာအောင်က ပြောသည်။
“ပြည်တွင်းစစ် ရပ်စဲဖို့၊ ပြည်တွင်းငြိမ်းချမ်းရေး တည်ဆောက်ဖို့ အခုလို အပစ်အခတ် ရပ်စဲတယ်။ ဒီကနေတဆင့် နိုင်ငံရေးအရ ဆွေးနွေးမယ် ဆိုရင်တော့ ကြိုဆိုပါတယ်” ဟု သူက ဆိုသည်။
၁၉၇၆ ခုနှစ် မေလ ၁ဝ ရက်နေ့တွင် ဖွဲ့စည်းခဲ့သည့် အမျိုးသား ဒီမိုကရေစီ တပ်ပေါင်းစု (မဒတ) အဖွဲ့ဝင် ဖြစ်သည် ALP ကို ကရင် အမျိုး သားအစည်းအရုံး (KNU) ၏ အကူအညီဖြင့် ကရင်ပြည်နယ် တနေရာတွင် ပထမဆုံး ဥက္ကဋ္ဌအဖြစ် တာဝန်ယူခဲ့သူ ဦးခိုင်မိုးလင်းက စတင် တည်ထောင်ခဲ့သည်။
သမ္မတ ဦးသိန်းစိန် အစိုးရသည် ဇန်န၀ါရီလအတွင်း ရှမ်းပြည်တပ်မတော် – တောင်ပိုင်း (SSA – S) နှင့် ငြိမ်းချမ်းရေး စာချုပ် ချုပ်ဆို ခဲ့ပြီး KNU၊ မွန်ပြည်သစ်ပါတီတို့နှင့် ငြိမ်းချမ်းရေးအတွက် ဆွေးနွေးမှုများ ပြုလုပ်နေသည်။
ထို့အပြင် ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO)၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) တို့ကိုလည်း ငြိမ်းချမ်းရေး ဆွေနွေးရန် ကမ်းလှမ်းထားသည်။
သို့သော် ၇ လ ကျော်ကြာ တိုက်ပွဲများ ဖြစ်ပွားနေသည့် ကချင်လွတ်မြောက်ရေးအဖွဲ့ (KIO) နှင့် အစိုးရတို့၏ ငြိမ်းချမ်းရေး ဆွေးနွေးမှုမှာ မအောင်မြင်သေးဘဲ ဆက်လက်ညှိနှိုင်း ဆွေးနွေးရန်နှင့် တိုက်ပွဲများ လျှော့ချရန်သာ သဘောတူညီမှု ရရှိထားသည်။
Ref: ဧရာဝတီ
Read More...
Collapse...
အောင်သက်ဝိုင်း
anuary 30, 2012
ထားဝယ်လေဆိပ်အ၀င်ဝ မြေကွက်လပ်ရှေ့မှာ တနင်္ဂနွေနေ့ မနက်ပိုင်း ၇ နာရီအချိန်သာ ရှိသေးပေမယ့် ထောင်ချီရှိတဲ့ လူတွေ စုဝေးနေကြတယ်။ ဒီ လူအုပ်ကြီးထဲမှာ အသက် ၅ နှစ် အရွယ်ကစလို့ အသက် ၇၀ ကျော် အမယ်အို၊ အဘိုးအိုတွေလည်း ပါဝင်နေ ပါတယ်။
ပင်နီရင်ဖုံးအင်္ကျီနဲ့ ယောထဘီ ၀တ်ဆင်ထားတဲ့ ချောမောလှပတဲ့ မိန်းမပျိုလေးတွေကလည်း စံပယ်ပန်းတွေ၊ သပြေပန်းတွေ၊ ဂန္ဓမာ ပန်းတွေ အပါအ၀င် ပန်းအမျိုးအစား ပေါင်းစုံ ကိုင်ဆောင်ထားကြပြီး သူတို့မျက်နှာတွေအားလုံး တက်ကြွရွှင်လန်းနေကြတယ်။
အမယ်အိုတချို့ကလည်း သူတို့လက်မှာ ခွပ်ဒေါင်းနဲ့ ကြယ်ဖြူတလုံးပါ အမျိုးသားဒီမိုကရေစီအဖွဲ့ချုပ်(NLD)အလံငယ်လေးတွေကို ကိုင်ရင်း ထားဝယ်လေဆိပ် အဆောက်အအုံဘက်ကို လှမ်းမျှော်ကြည့်နေကြတယ်။
လုံခြုံရေးလက်ပတ်နဲ့ လူငယ်တွေက လူဝင်လူထွက်လုပ်နိုင်မယ့် လမ်းကြောင်းကို ရှင်းလင်းပုံဖော်နေကြချိန် NLD တံဆိပ်ပါ တီရှပ် တွေ၊ ဦးထုပ်တွေ ၀တ်ဆင်ထားတဲ့ လူငယ်တွေကတော့ အသင့်အနေအထား လမ်းဘေး ၀ဲယာတလျှောက် ညီညီ ညာညာ မတ် တတ် ရပ်နေကြတယ်။ သူတို့အားလုံးရဲ့လက်တွေက တဦးကိုတဦး ခိုင်မြဲစွာ ချိတ်ဆက် ထားကြတယ်။
မနက် ၇ နာရီ ခွဲ လောက်မှာ ကင်မရာတွေကိုင်ထားတဲ့ ပြည်တွင်းပြည်ပ သတင်းထောက်တွေ တဖွဲဖွဲ ရောက်လာကြတယ်။ ထားဝယ်လေဆိပ်ရှေ့မြေကွက်လပ်မှာ ခြေချစရာမရှိလောက်အောင် လူတွေ ကြိတ်ကြိတ်တိုး စည်ကားလှတယ်။ အများစု က ဆိုင်ကယ်တွေနဲ့ လာရောက်ကြတာဖြစ်ပြီး ဆိုင်ကယ်တွေအားလုံးမှာလည်း NLD အလံငယ်တွေကို စိုက်ထူထားကြတယ်။ အနီရင့်ရောင် NLD အလံကြီးတွေကလည်း လေဆိပ်ဝန်းကျင် တခုလုံးကို ဖုံးလွှမ်း သွားတယ်။
မနက် ၇ နာရီ ၅၅ မိနစ်လောက်မှာ လူစုလူဝေးကြီး လှုပ်လှုပ်ရှားရှားဖြစ်သွားပြီး အားလုံးမျက်ဝန်းတွေက တောက်ပသွားကြတယ်။
မြန်မာ ဆန်ဆန် အစိမ်းရင့်ရောင် ရင်ဖုံးအင်္ကျီနဲ့ထဘီ ၀တ်ဆင်ထားတဲ့ အမျိုးသမီးတဦး ထားဝယ် လေဆိပ်ဆိုက်ရောက်ဆောင်က ထွက်လာတယ်ဆိုရင်ပဲ ပတ်ဝန်းကျင်တခုလုံး လက်ခုပ်သံတွေ ဆူညံသွားတယ်။
လူတွေက အမျိုးသမီးကို မြင်တယ်ဆိုရင်ပဲ ပြုံးတဲ့သူတွေက အားရပါးရပြုံးကြတယ်။ အော်တဲ့သူတွေက အားရပါးရ အော်ကြတယ်။ တချို့ကလည်း ရှိုက်ကြီးတငင် ငိုကြတယ်။ တချို့ကလည်း ခုန်ပေါက်နေကြတယ်။ တချို့ကလည်း အလံတွေကို ဝှေ့ယမ်းကြတယ်။
အဲဒီအမျိုးသမီးကတော့ တနင်္သာရီတိုင်း ထားဝယ်ဒေသကို ပထမဆုံးသော နိုင်ငံရေးစည်းရုံးမှုခရီးစဉ်အဖြစ် လာရောက်တဲ့ လူထု ခေါင်းဆောင်၊ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ပါပဲ။
ပန်းကုံးစွပ်တဲ့သူတွေ များလွန်းလှတာကြောင့် ဒေါ်အောင်ဆန်းစုကြည်ရဲ့လည်ပင်းမှာ စံပယ်ပန်းကုံးတွေ ဖွေးဖွေးလှုပ်နေတယ်။ လက်ထဲမှာလည်း သပြေပန်းတွေ၊ နှင်းဆီပန်းတွေ၊ ဂန္ဓမာပန်းတွေ မနိုင်မနင်းဖြစ်နေပုံပါပဲ။
၁ ဂ / ၉၈၁၈ နံပါတ်တပ်ထားတဲ့ ပါဂျဲရိုး ကားပေါ်ကနေ လူထုကို လက်ပြ နှုတ်ဆက်လိုက်တယ်ဆိုရင်ပဲ“အမေစု ကျန်းမာပါစေ” “NLD အောင်ရမည်” “ရွေးကောက်ပွဲ နိုင်ရမည်” ဆိုတဲ့ ကြွေးကြော်သံတွေက ထားဝယ် လေဆိပ် တခုလုံးကို ဖုံးလွှမ်းသွားတယ်။
ဒေါ်အောင်ဆန်းစုကြည် လိုက်ပါတဲ့ယာဉ်တန်းက လူစုလူဝေးကြားထဲကနေ ခက်ခက်ခဲခဲထွက်ခွာလျက်ရှိနေချိန်မှာ ရာပေါင်းများစွာသော ဆိုင်ကယ်တွေကလည်း ထားဝယ်မြို့ကားလမ်းမတွေကို ဖုံးလွှမ်းသွားတယ်။
ဒေါ်အောင်ဆန်းစုကြည်ရဲ့ယာဉ်တန်းနောက်မှာ သတင်းထောက်တွေ၊ ပြည်သူတွေ လိုက်ပါ စီးနင်းလာတဲ့ ယာဉ်စီးရေ တရာနီးပါး
လောက် ရှိတာကြောင့် ယာဉ်တန်းကြီးက တမျှော်တခေါ်နဲ့ ရှည်လျား လွန်းလှ ပါတယ်။
ထားဝယ် ပြည်သူတွေကလည်း သင်္ကြန်ရေပက်ခံ ကားတွေလိုပဲ ကားအမိုးဖွင့် မတ်တတ်ရပ် အနေအထားနဲ့ ပူပြင်းတဲ့ နေရောင်ကို ဂရုမစိုက်ဘဲ ဒေါ်အောင်ဆန်းစုကြည်ရဲ့ ယာဉ်တန်းနဲ့အတူ လိုက်ပါကြတယ်။
ထားဝယ်မြို့အ၀င် လမ်းဘေး ၀ဲယာတလျှောက် မြောက်မြားစွာသောပြည်သူတွေက ဒေါ်အောင်ဆန်းစုကြည် ကို နှုတ်ဆက်နေကြ တယ်။
“အမေစုကို ရှစ်ဟယ် (အမေစုကို ချစ်တယ်)” ဆိုတဲ့ ထားဝယ်သံ ၀ဲဝဲနဲ့ စုပေါင်း အော်ဟစ်သံတွေကလည်း လမ်းတလျှောက် ထွက် ပေါ်နေတယ်။
ထားဝယ်လူထုရဲ့ မျက်ဝန်းတွေက မျှော်လင့်ချက်တွေ၊ ရဲရင့်မှုတွေနဲ့ တောက်ပလွန်းလှတယ်။ ထားဝယ်မြို့သူမြို့သားတွေ အားလုံး ပျော်နေကြတယ်။
မနက် ၈ နာရီ မိနစ် ၄၀ ကျော်လောက် ဆေးရုံလမ်းရှိ တနင်္သာရီတိုင်း NLD ရုံးကို ဒေါ်အောင်ဆန်းစုကြည် ရောက်ရှိလာတဲ့အခါ မှာလည်း ရုံးရှေ့မှာ ကားလမ်းမအပြည့် ထောင်ချီတဲ့ လူတွေ ဒေါ်အောင်ဆန်းစုကြည်ကို ကြိုဆိုနှုတ်ဆက်နေကြတယ်။
“ဒီနေ့ ထားဝယ်တမြို့လုံးနီးပါး အလုပ်တွေ နားထားကြတယ်။ ဆိုင်ရှိတဲ့သူတွေကလည်း ဆိုင်ပိတ်ထားတယ်။ အမေစုကို ကြိုဖို့၊ အမေစုကို ဘယ်လောက် ထောက်ခံတယ် ဆိုတာ ပြဖို့”လို့ ထားဝယ်မြို့ခံတဦးက ပြောဆိုပါတယ်။
မနက် ၈ နာရီ ၄၅ မိနစ်မှာ NLD ရုံးထဲကနေပြီး ဒေါ်အောင်ဆန်းစုကြည် လူထုကို မိန့်ခွန်း စပြောတယ်။
တရား ဥပဒေ စိုးမိုးဖို့၊ ပြည်တွင်းငြိမ်းချမ်းရေး ရဖို့၊ ဖွဲ့စည်းပုံ အခြေခံဥပဒေ ပြင်ဖို့ နဲ့ ပြည်သူအတွက် တကယ်အလုပ်လုပ်ဖို့ ကြားဖြတ် ရွေးကောက်ပွဲဝင်တဲ့အကြောင်း မိနစ်၂၀ နီးပါးကြာ စကားပြောပါတယ်။
ဒေါ်အောင်ဆန်းစုကြည်ရဲ့ ပြတ်သားခိုင်မာတဲ့ ပြောဆိုချက်တွေကြောင့် သဘောကျတဲ့ ပြည်သူတွေရဲ့ လက်ခုပ်သံတွေက မပြတ် ထွက်ပေါ်နေတယ်။
မနက် ၉ နာရီ ၁၅ မိနစ်မှာ ဒေါ်အောင်ဆန်းစုကြည် ယာဉ်တန်း လောင်းလုံမြို့နယ် NLD ရုံးကို စတင်ထွက်ခွာ ပါတော့တယ်။
ယာဉ်တန်းနောက် ခြေလျင် လမ်းလျှောက်လိုက်တဲ့သူတွေ မနည်းလှသလို ဆိုင်ကယ်တွေကလည်း မရေမတွက်နိုင်အောင် များလွန်း လှတယ်။
ထားဝယ်မြို့ကနေ ကမျောကင်း လမ်းအတိုင်း လောင်းလုံမြို့ကို ထွက်ခွာရာ လမ်းတလျှောက် ဖြတ်သန်းကျေးရွာ တွေက ဗိုလ်ချုပ် အောင်ဆန်း သီချင်းတွေ၊ လွတ်လပ်ရေး သီချင်းတွေ၊ အာဇာနည် သီချင်းတွေဖွင့်၊ ဒေါ်အောင်ဆန်းစုကြည်နဲ့ ဗိုလ်ချုပ် အောင်ဆန်း ဓာတ်ပုံပါ ဗီနိုင်းကြီးတွေထောင်ပြီး သောင်းသောင်းဖြဖြ ကြိုဆိုကြတယ်။
အခြေခံပညာကျောင်းက ပညာရေးဝန်ထမ်း ကျောင်းဆရာ၊ ဆရာမတွေကလည်း ရွာသူရွာသားတွေနဲ့အတူ ဒေါ်အောင်ဆန်းစုကြည် ကို ကြိုဆိုနှုတ်ဆက်ကြတယ်။
တချို့ကျေးရွာတွေက “ဒေါ်အောင်ဆန်းစုကြည်ကို ကြိုဆိုပါ၏” ၊ “လွှတ်တော်တွင် ရာနှုန်းပြည့် NLD နိုင်ရမည်” ဆိုတဲ့ စာသားတွေပါတဲ့ ဗီနိုင်းကြီးတွေကို ကားလမ်းမပေါ်ကို ကန့်လန့်ဖြတ် ချိတ်ဆွဲထားကြတယ်။
မနက် ၁၁ နာရီကျော်မှာ လောင်းလုံ NLD ရုံးကို ဒေါ်အောင်ဆန်းစုကြည် ရောက်ရှိလာပြီး လူထုကို ၁၅ မိနစ် မိန့်ခွန်းပြောပါတယ်။
နေ့လယ်အချိန် များပြားလှတဲ့ ပြည်သူတွေက ထီးမပါ၊ ဦးထုပ်မဆောင်း၊ အရိပ်မခိုဘဲ ခြစ်ခြစ်တောက် ပူနေတဲ့ နေရောင်အောက်မှာ
ဒေါ်အောင်ဆန်းစုကြည်ရဲ့ မိန့်ခွန်းကို နေပူခံနားထောင်ကြတယ်။
အဲဒီနောက် ဒေါ်အောင်ဆန်းစုကြည်က အောက် ရေဖြူရွာ၊ သောကြာပြင်ရွာ တို့ကို ဆက်လက်ခရီးထွက်ခွာခဲ့ပြီး မွန်းလွဲ ၃ နာရီ ၀န်းကျင်မှာ မောင်းမကန် ကမ်းခြေကို ရောက်ရှိလာပါတယ်။
ဒေါ်အောင်ဆန်းစုကြည်ကို ကြိုဆိုနှုတ်ခွန်းဆက်ဖို့ လာကြတဲ့ လူတွေ များလွန်းလှတာကြောင့် သဲဖွေးဖွေးကို မမြင်ရတဲ့အထိ မောင်း မကန်ကမ်းခြေမှာ လူတွေ စုပြုံတိုးနေကြတယ်။ ရေး ၊ ကော့သောင်း အစရှိတဲ့ တနင်္သာရီတိုင်း နေရာဒေသ နယ်ပယ်စုံ က ပြည်သူ တွေက ဒေါ်အောင်ဆန်းစုကြည်ကို လာရောက် နှုတ်ဆက်ကြတယ်။
တချို့ပြည်သူတွေက ထမင်းချိုင့်တွေကို ခြင်းထဲ ထည့်လို့ မိသားစု၊ ဆွေမျိုးတွေနဲ့အတူ ဒေါ်အောင်ဆန်းစုကြည်ကို လာနှုတ်ဆက်ကြ တယ်။ တချို့လူငယ်တွေက ပါးပြင်တွေပေါ်မှာ NLD အလံပုံ စတစ်ကာတွေကိုကပ်ထားပြီး တချို့မိန်းမပျိုလေးတွေကနဖူးပြင်မှာ ကပ်ထားကြတယ်။
ကမ်းခြေဖြစ်လို့ အေးမြတဲ့ ပင်လယ်လေတိုက်ခိုက်ရမှာဖြစ်ပေမယ့် လူတွေများလွန်းလှတာကြောင့်အတော်ကို မွန်းကျပ် လွန်းနေ တယ်။
လူထုထဲမှာ NLD အလံတွေကို ဝှေ့ယမ်းပြီး “အမေစု” ဆိုတဲ့အသံက လူတိုင်းနှုတ်ခမ်းကလို ထွက်ပေါ်နေတယ်။ မောင်းမကန် ကမ်းခြေမှာ လူထုကို နာရီဝက် နီးပါးကြာ မိန့်ခွန်းပြောပြီးတဲ့နောက် ဒေါ်အောင်ဆန်းစုကြည် ပြန်လည် ထွက်ခွာပါတယ်။
ညနေ ၃ နာရီ ၄၅ မိနစ်ကျော်မှာ ထားဝယ်မြို့ဗိုလ်ချုပ်လမ်းမပေါ်မှာရှိတဲ့ တော်ဝင်ဦး ဘေဘီ စတိုးကနေပြီး ဒေါ်အောင်ဆန်းစုကြည် က လူထု ကို မိန့်ခွန်းပြောပြန်ပါတယ်။
မိန့်ခွန်းလာနားထောင်တဲ့ လူတွေက များပြားလွန်းလှပြီး ဗိုလ်ချုပ်လမ်းတလျှောက် မျက်စိတဆုံး လူတွေ အုံးအုံးကျွက်ကျွက်
တိုးဝှေ့ နေကြတယ်။
အန္တရာယ်ကို ဂရု မမူဘဲ တိုက်ခေါင်မိုးတွေ၊ ၀ရန်တွေပေါ်မှာလည်း လူတွေ မနည်းမနောရှိနေပြီး ဒေါ်အောင်ဆန်းစုကြည်ရဲ့မိန့်ခွန်း ကို နားထောင်နေကြတယ်။ ဒေါ်အောင်ဆန်းစုကြည် မိန့်ခွန်းပြောနေစဉ်မှာ လက်ခုပ်သံတွေက ထားဝယ်မြို့တခုလုံး မြည်ဟီး နေ တယ်။
အဲဒီနောက် ညနေ ၄ နာရီကျော်ကျော်မှာ ဒေါ်အောင်ဆန်းစုကြည်က တော်ဝင်ဦး ဘေဘီစတိုးကနေ ထားဝယ်လေဆိပ်ကို ပြန် လည် ထွက်ခွာပါတော့တယ်။
ရန်ကုန်ပြန်လည်ထွက်ခွာတော့မယ့် ဒေါ်အောင်ဆန်းစုကြည်ကို မြို့လုံးကျွတ်ပြည်သူတွေက အုတ်အော်သောင်းတင်း နှုတ်ဆက်ကြ တယ်။ မနက်ပိုင်းက ထက်တောင် လမ်းမတွေပေါ်မှာ လူတွေပြည့်နှက်နေတယ်။
ယာဉ်ထိန်းရဲတွေကလည်း ဒေါ်အောင်ဆန်းစုကြည် ပြန်လည်ထွက်ခွာနိုင်အောင် လမ်းတွေရှင်းပေးနေကြပါတယ်။ အနီရောင် ထဘီ ၀တ် သူနာပြုတွေကလည်း ဆေးရုံ အ၀င်ပေါက်ကနေ ဒေါ်အောင်ဆန်းစုကြည်ကို လက်ပြနှုတ်ဆက်ကြတယ်။
ဒေါ်အောင်ဆန်းစုကြည်ကားဘေးမှာ ၀ိုင်းနေတဲ့လူတွေက များလွန်းတာကြောင့် လုံခြုံရေး လူငယ်တွေလည်း ကားထွက်နိုင်အောင် မနည်း ဖယ်ရှားနေရပါတယ်။
“ဓယ်ဝယ်သား ဂူလောင်း အမေစုကို ရှစ်ဟယ်”(ထားဝယ်သား အားလုံး အမေစုကို ချစ်တယ်)ဆိုတဲ့ ထားဝယ်ဘာသာ စကားနဲ့ စာသားပါ ဆိုင်းဘုတ်တွေ ကိုင်ထားတဲ့ လူငယ်တွေကလည်း လေဆိပ် အ၀င် လမ်းမဘေးမှာ ဒေါ်အောင်ဆန်းစုကြည်ကို နှုတ်ဆက် နေကြတယ်။
တချို့လူတွေက ထားဝယ်က ပြန်လည်ထွက်ခွာတော့မယ့် ဒေါ်အောင်ဆန်းစုကြည်ကို လက်ပြနှုတ်ဆက်ရင်း မျက်ရည်တွေကျနေ
ကြတယ်။
ညနေ ၄ နာရီ ၁၅ မိနစ်လောက်မှာ ဒေါ်အောင်ဆန်းစုကြည် လေဆိပ်ရောက်ရှိပြီး မြန်မာ့လေ ကြောင်း လေယာဉ်ပေါ်ကို တက်သွား ပါတယ်။
လေယာဉ်က ကောင်းကင်ပေါ်ကို ပျံသန်းဖို့ အရှိန်ယူနေပါပြီ။ လေဆိပ်ဝန်းကျင်တခုလုံးမှာတော့ ထားဝယ်ဒေသခံတွေ ဖွေးဖွေးလှုပ် ရှိနေပြီး လေယာဉ်ကို လက်ပြနှုတ်ဆက်နေကြတယ်။ လေယာဉ် ပေါ်မှာ ရှိနေတဲ့ ဒေါ်အောင်ဆန်းစုကြည်ကို သူတို့မမြင်နိုင်ပေမယ့်
လက်ပြ နှုတ်ဆက် နေကြတယ်။
“သွားတော့ အမေရေ”လို့ အသက် ၃၀ ကျော်အရွယ် လူငယ်တဦးက ထားဝယ်သံ ၀ဲဝဲနဲ့ အော်ဟစ်နှုတ်ဆက်တယ်။ သူ့ပါးပြင်မှာ
မျက်ရည်စတချို့ ရှိနေတယ်။
လေယာဉ် ကောင်းကင်ပေါ် တက်သွားပြီဖြစ်ပေမယ့် လေဆိပ်ဝန်းကျင်မှာ လူတွေရှိနေဆဲ…။ မြောက်မြားစွာသော ထားဝယ်ဒေသခံ တွေ က ကောင်းကင်မှာ ပျံသန်းနေပြီဖြစ်တဲ့ လေယာဉ်ကို မျက်စိတဆုံးကြည့်နေကြဆဲ…၊ လက်ပြနေကြဆဲ…..။ ။
Ref: ဧရာဝတီ
Read More...
Collapse...
30 Jan, 2012
ဒီမိုကရေစီ ပြုပြင်ပြောင်းလဲရေးတွင် တပ်မတော်ပါဝင်ရန်လိုအပ်ကြောင်းနှင့် တပ်မတော်ပါဝင် ရန် လိုလားကြောင်းကို အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ ဥက္ကဋ္ဌ ဒေါ်အောင်ဆန်းစု ကြည်က ပြောကြားခဲ့သည်။
ထိုသို့ပြောဆိုမှုကို အမျိုးသားဒီမိုကရေစီအဖွဲ့ချုပ်မှ ထုတ်ဝေသော ဒီလှိုင်းစာစောင် အတွဲ(၁)၊ အမှတ်(၂) ဇန်န၀ါရီလ ၂၃ ရက်နေ့ထုတ် စာစောင်တွင် ဖော်ပြခဲ့သည့် အင်တာဗျူး၌ ဒေါ်အောင်ဆန်းစုကြည်က ထည့်သွင်းပြောကြားခဲ့ခြင်းဖြစ်သည်။
" မြန်မာနိုင်ငံမှာဖြစ်ပေါ်နေတဲ့ ပြုပြင်ပြောင်းလဲမှုတွေဟာ ပြန်လှည့်လို့မရတော့တဲ့အဆင့်တော့ မဟုတ်သေးဘူး။ တကယ်ကိုပြုပြင်ပြောင်းလဲမှုတွေဟာ ပြန်လှည့်လို့မရတော့တဲ့အထိ စိတ်ချရဖို့ဆိုရင်တော့ တပ်မတော်က ပါဝင် ပူးပေါင်းဖို့လိုလိမ့်မယ်" ဟု ဒေါ်အောင်ဆန်းစုကြည် က အင်တာဗျူး၌ ပြောကြားခဲ့ပါသည်။
" တပ်မတော် မပါဘဲနဲ့တော့ ကျွန်မတို့ဟာ အောင်မြင်ပြီလို့ ပြောလို့မရသေးပါဘူး။ ကျွန်မအနေနဲ့ တပ်မတော်ရဲ့ ပါဝင်ပတ်သက်မှုရှိမှ ဒီမိုကရေစီရေးရာ အောင်မြင်နိုင်မယ်လို့ ပြောတာဟာ လိုအပ်ချက်အရ ရော၊ လိုလားချက်အရ ပြောတာပါ။ လိုအပ်ချက်ဆိုတာက မြန်မာနိုင်ငံ ဒီမိုကရေစီ ပြုပြင်ပြောင်းလဲရေးမှာ တပ်မတော်က ပါဝင်ပူးပေါင်းဖို့ လိုအပ်တယ်။ ကျွန်မ အနေနဲ့လည်း စစ်တပ်က ပူးပေါင်းပါဝင်လာတာကို လိုလားပါတယ်" ဟု အမျိုးသား ဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ ဥက္ကဋ္ဌ ဒေါ်အောင်ဆန်းစုကြည်က အင်တာဗျူးထဲ၌ ဆက်လက် ပြောကြားခဲ့ပါသည်။
Ref: သစ်ထူးလွင်
Read More...
Collapse...
လူထုစိန်ဝင်း
25 Jan, 2012.
မင်းကိုနိုင်တို့လွတ်လာပြီး နောက်တရက်မှာ မိတ်ဆွေတဦးရောက်လာပြီး စကားပြောပါတယ်။ ဒီအချိန်ဟာ မင်းကိုနိုင်တို့ အားလုံး အတွက် တဘ၀စာအရေးကြီးတဲ့ ဆုံးဖြတ်ချက်တခု မဖြစ်မနေ ချရတော့မယ့် အချိန် ဖြစ်တယ်လို့ ယူဆကြောင်း စပြောပါတယ်။
ပြောချင်တာ မရပ်မနား ပြောသူတို့အားလုံးဟာ ကျောင်းသားလူငယ်လေးများအရွယ်ကို ကျော်လွန်ခဲ့ပြီး၊ လူလတ်ပိုင်း အရွယ် တွေ ဖြစ်နေကြပြီ။ အနာဂတ်မြန်မာ့နိုင်ငံရေးမှာ ဆက်လက်ပါဝင်မယ် မပါဝင်ဘူး ဆိုတာကို ပြတ်ပြတ်သားသား ရွေးချယ် ဆုံးဖြတ်ရတော့မယ်။ မပါတော့ဘဲ အေးအေးပဲနေတော့မယ် ဆိုရင် ပြောစရာ မရှိပေမယ့်၊ နိုင်ငံရေး ဆက်လုပ်မယ် ဆိုရင်တော့ ဒေါ်အောင်ဆန်းစုကြည်တို့ပါတီမှာ ပါဝင် ပူးပေါင်းမလား၊ ဒါမှမဟုတ် ကိုယ်တိုင်ပါတီထောင်မလား စဉ်းစားရတော့မယ်။ ဒီအတိုင်း ၈၈ မျိုးဆက်ဆိုပြီး လုပ်နေလို့ မရတော့ဘူး။ အခင်းအကျင်းက ပြောင်းသွားပြီ။ လွှတ်တော်နိုင်ငံရေး ခေတ်ဖြစ်နေပြီ။ လမ်းပေါ်နို်င်ငံရေးခေတ် ကုန်သွားပြီ။ ဒါကိုနားမလည်ရင် မြောင်းထဲရောက်သွား လိမ့်မယ်။ သူပြောချင်တာတွေ အကြာကြီးမရပ်မနားပြောပြီးမှ စကား ရပ်သွားတယ်။
ပုတ်သင်ညိုနိုင်ငံရေးသမား
သူက နိုင်ငံရေးသမားတယောက်လို့ ပြောရင်ရတယ်။ ဆိုရှယ်နီ လုပ်ဖူးတယ်။ နောက်တော့ မဆလ ဖြစ်သွားတယ်။ လမ်းစဉ်လူငယ်တို့ ဘာတို့မှာ ပါခဲ့တယ်။ ၈၈ နောက်ပိုင်းရောက်တော့ အစပိုင်းမှာ ဒီချုပ်ထဲ ၀င်လုပ်တယ်။ ဒီချုပ်ခေါင်းဆောင်တွေ အတော်များများ အဖမ်းခံရတော့၊ ဆက် မလုပ်တော့ဘဲ ဘေးထွက်ထိုင်နေခဲ့တယ်။ အခုနောက်ပိုင်း အစိုးရကိုယ်တိုင်က ဒီမိုကရေစီ စကားတွေ ဖောဖောသီသီကြီး ပြောလာချိန်မှာ၊ သူက နိုင်ငံရေးဂုရုကြီး လုပ်ပြီး ဒီမိုကရေစီ ဖတ်စာတွေ ဂျာနယ်တွေမှာ ရေးတယ်။ အမှန်အတိုင်းပြောရရင်တော့ ပုတ်သင်ညို နိုင်ငံရေးသမား လို့ ပြောရမှာပဲ။ သူ့ဟာသူ ပုတ်သင်ညိုပဲ လုပ်လုပ်၊ အိမ်မြှောင်ပဲ လုပ်လုပ် သူ့သဘော သူဆောင်တာမို့ ဘာမှ ပြောစရာ မရှိပါဘူး။ ဒါပေမယ့် သူက ငြိမ်ငြိမ်မနေဘဲ လူတိုင်းကို သူ့လို ပုတ်သင်ညိုဖြစ်အောင် လှုံ့ဆော်နေတာတော့ မျက်စေ့နောက်တယ်။
ဘာမှန်း ညာမှန်း သိပုံမရ
ဒီမိုကရေစီဂုရုကြီးလုပ်ပြီး ဒီမိုကရေစီဖတ်စာတွေသာ လူတတ်ကြီးလုပ်ပြီး ရေးနေတာ၊ ဒီမိုကရေစီ ဆိုတာ ဘာမှန်း ညာမှန်း သိပုံမရဘူး။ ရွေးကောက်ပွဲလုပ်ရင် ဒီမိုကရေစီ ပဲလို့ သူက တထစ်ချ မှတ်ထားတယ်နဲ့တူတယ်။ ရွေးကောက်ပွဲနဲ့တက်လာတဲ့ အာဏာရှင်တွေလည်း ကမ္ဘာမှာ အများကြီးရှိတယ်ဆိုတာ သူ သိဟန် မတူဘူး။ ဒါကြောင့်သာ လွှတ်တော်နိုင်ငံရေးခေတ် ဖြစ်နေပြီ၊ လမ်းပေါ်နိုင်ငံရေးခေတ် ကုန်သွားပြီလို့ ပြောတာဖြစ်တယ်။ ရွေးကောက်ပွဲတို့ လွှတ်တော်တို့ဆိုတာ ဒီမိုကရေစီရဲ့ အစိပ်အပိုင်းလေးတွေသာ ဖြစ်တယ်။ မပြည့်စုံသေးဘူး။ ယုံကြည်အားကိုးလောက် တဲ့ တရားစီရင်ရေးစနစ်၊ လုံးဝလွတ်လပ်တဲ့ ပုဂ္ဂလိကသတင်းစာ၊ လွတ်လပ်တဲ့ အရပ်ဘက် အသင်းအဖွဲ့များ၊ သမဂ္ဂများ၊ စတဲ့ စတဲ့ အင်္ဂါရပ်တွေ အားလုံးနဲ့ ညီညွတ်မှ စစ်မှန်တဲ့ဒီမိုကရေစီလို့ သတ်မှတ်နိုင်တယ်။
နှိမ့်ချ စော်ကားတာ
လမ်းပေါ်နိုင်ငံရေးခေတ်ကုန်သွားပြီ လို့ သူပြောလိုက်တာကလည်း သူများယောင်လို့ လိုက်ယောင်၊ အမောင်တောင်မှန်း မြောက်မှန်းမသိ ဆိုသလို ကိုယ်ပြောတဲ့စကား ဘယ်အဓိပ္ပာယ်ရောက်သွား တယ်ဆိုတာ မသိဘဲ၊ သူများပြောတဲ့ အတိုင်း လိုက်ပြောနေတာ ဖြစ်တယ်။ ဒီစကားဟာ ပြည်သူတွေကို နှိမ်တဲ့စကား ဖြစ်တယ်။ မြို့နေ ပညာတတ် ရေပေါ်ဆီလူတန်းစား(အီလစ်) တွေက ဆင်စွယ် ရဲတိုက်ကြီးတွေပေါ်က နေပြီး လမ်းပေါ်ကပြည်သူတွေကို ငုံ့ကြည့်ရင်းပြောခဲ့တာ ဖြစ်တယ်။ ဒါကို သူက သံယောင် လိုက်ပြောနေတာ။ တကယ်တော့ လမ်းပေါ်က ပြည်သူတွေဟာ ဒီမိုကရေစီရဲ့ အသက် သွေးကြောဖြစ်တယ်။ ပြည်သူတွေရဲ့လမ်းပေါ်နိုင်ငံရေးကြောင့် နယ်ချဲ့လက် အောက်က လွတ်လပ်ရေးရခဲ့တာ ဖြစ်တယ်။
ဂူဂဲမှာ ရှာကြည့်မယ်
ဒီမိုကရေစီခေတ်မှာ အရာရာကို ပြည်သူက ဆုံးဖြတ်တယ်။ အမြင့်ဆုံး နိုင်ငံတော် အာဏာဟာ ပြည်သူတွေရဲ့ လက်ထဲမှာ ရှိတယ်။ အဲဒီပြည်သူတွေဟာ ဆင်စွယ်ရဲတိုက်ကြီးတွေမှာ နေကြတာ မဟုတ်ဘူး။ လယ်တောတွေမှာ နေကြတယ်။ စက်ရုံ အလုပ်ရုံတွေ ထဲမှာ နေကြတယ်။ လမ်းတွေ ပေါ်မှာ နေကြတယ်။ လမ်းပေါ်နိုင်ငံရေး ဆိုပြီး ရှုပ်ချတာဟာ ပြည်သူတွေကို စော်ကားတာ ဖြစ်တယ်။ ဒါကို မိတ်ဆွေ ပုတ်သင်ညိုနိုင်ငံရေး ဂုရုကြီးက သိတာ မဟုတ်ဘူး။ ပြန်ပြောလည်း လေကုန်ရုံပဲ၊ ပြုံးနေလိုက်တယ်။ ပုတ်သင်ညိုတကောင်ဟာ အရောင် ဘယ်နှစ်ရောင်ထိ ပြောင်းသလဲဆိုတာ သိရအောင် “ဂူဂဲ” မှာ ရှာကြည့်ဦးမှပဲလို့ စိတ်ထဲမှတ်ထားလိုက်တယ်။
ကိုယ်စားပြု ဒီမိုကရေစီ
တကယ်တော့ သူ လုံးလုံးမသိတာ မဟုတ်ပါဘူး။ ဆိုရှယ်နီတောင် လုပ်ခဲ့ဖူးသေးတာပဲ။ လွှတ်တော်နိုင်ငံရေးဆိုတာ ရာနှုန်းပြည့် ဒီမိုကရေစီစစ်စစ် မဟုတ်သေးဘူး၊ “ ကိုယ်စားပြု ဒီမိုကရေစီ” ဘာသာပြန်တယ်။ တိုင်းရေးပြည်သူ့ကိစ္စအ၀၀ကို ပြည်သူတွေကိုယ်တိုင် တိုက်ရိုက် ပါဝင်ဆုံးဖြတ်တဲ့ “ပြည်သူ့ဒီမိုကရေစီ”စနစ် မလုပ်နိုင်ခင် ကာလမှာ၊ အကောင်းဆုံးအဖြစ် အသုံးပြု နေရတာဖြစ်တယ်။ အဲဒီလိုအချိန်မှာ လွှတ်တော်ပြင်ပ အဖွဲ့အစည်းများနဲ့ လုပ်ငန်းသဘာဝ အလျောက် ဖွဲ့စည်းထားတဲ့ သမဂ္ဂများရဲ့အခန်းကဏ္ဍက အင်မတန်အရေးကြီးတယ်။
ဝမ်းသာကြိုဆို
လွှတ်တော်ပြင်ပ အဖွဲ့အစည်းတွေ အားကောင်းမှ လွှတ်တော်ထဲက ကိုယ်စားလှယ်တွေနဲ့ သူတို့ ကိုယ်စားပြုတဲ့အဖွဲ့အစည်းတွေကို၊ လမ်းကြောင်းမှန်ပေါ် ဖြောင့်ဖြောင့်တန်းတန်းသွားအောင် တည့်မတ်ပေးနိုင်မှာ ဖြစ်တယ်။ ထောင်က လွတ်လာတဲ့ မင်းကိုနိုင် တို့လူငယ်တွေက ပါတီလည်း မထောင်ဘူး၊ ရွေးကောက်ပွဲလည်း မ၀င်ဘူး၊ ပြည်သူတွေရဲ့အရေးကိစ္စ မှန်သမျှကိုတော့ ရှေး ယခင်ကအတိုင်း ဆက်လက်လုပ်ဆောင်သွားမယ်လို့ ပြောကြတာဟာ မှန်ကန်တဲ့ရပ်တည်ချက်လို့ ယူဆတယ်။ အားရ၀မ်းသာ ကြိုဆိုပါတယ်။
Ref: Hot News
Read More...
Collapse...
Sunday, 29 January 2012
Written by ဖထီး (ကျောင်းဆရာ- ကော်သူလဲ)
ဖထီးက ကျောင်းဆရာ။ ကျောင်းဆရာ ဆိုတော့ တခုခုကို လေ့လာရင် သသေးစိတ် လေ့လာတတ်တဲ့ အကျင့် ရနေတယ်။ ကျောင်းသားတွေ တွက်ချက်တဲ့ သင်္ချာတို့၊ အင်္ဂလိပ်စာတို့ အမြဲစစ်နေရတော့ အမှားဆို ချက်ချင်း သိတဲ့အကျင့် ရလာတယ်။ ပုဒ်ထီးကို ဘယ်နေရာ ချရမယ်၊ ပုဒ်မကို ဘယ်နေရာ သုံးရမယ် စတာတွေက မူလတန်း ကျောင်းအုပ်ကြီး ဖထီး ကျွမ်းကျင်တဲ့ အတတ်ပါဘဲ။ ဖထီး လုပ်သက် ၃၀ ကျောင်ရင်းပြီး ရလာတဲ့ မဟာ အတတ်ပညာဘဲ။
ခုတလော ကလေးတွေကို စာသင်ရင် ကိုယ်နဲ့ စိတ်နဲ့ မကပ်တော့ တခါတလေ တယောက်ထဲ ပြုံးမိတယ်။ ဖထီး ကျောင်းမှာ စာသင်နေတဲ့ ဆရာမ ခပ်ချောချောကတောင် “အခုတလော ဖထီး တယောက် ပြုံးစိစိဖြစ်နေတယ်၊ နောက်ထပ် ကလေးတယောက် မွေးတော့မလား” လို့ နောက်နေသေးတယ်။ ဖထီးက ပြန်မဖြေလိုက်မိဘူး။ ကိုယ့်အတွေးနဲ့ ကိုယ်ပြုံးနေတာ အလကားတော့ ဘယ်ဟုတ်ပါ့ မလဲ။ ဖထီးတို့ ဇွဲကပင်မြေမှာ စစ်ပွဲဖြစ်နေတာ နှစ်ခြောက်ဆယ်ကျော်ပြီ။
KNU နဲ့ မြန်မာအစိုးရ ငြိမ်းချမ်းရေး ပဏာမ သဘောတူညီချက် ရသွားတော့ ပိုပျော်တာပေါ့။ နှစ်ပေါင်း ၂၀ လောက် စစ်ပြေး ဒုက္ခသည် အနေနဲ့ နေထိုင်နေတဲ့ ညီမတွေနဲ့ ပြန်တွေ့ရတော့မယ်လို့ တွေးမိတယ်။ မနက်ဆို လူမနိုးခင် ရေဒီယိုကို တရှဲရှဲ ဖွင့်ထားတော့ ဖထီးကို တခါမှ ပြန်မပြောတဲ့ မိန်းမက အခုတလော ဘာတွေ ဖြစ်နေမှန်း မသိဘူးတဲ့။ ဖထီးရဲ့ အနေအထား ကလည်း ပြောချင်စရာကို ဖြစ်နေတယ်။
မဲဆောက်မှာ အင်္ဂလိပ်စာသင်တန်း တက်နေတဲ့ တူတော်မောင်ကို ဖုန်းဆက်ပြီး KNU နှင့် မြန်မာ စစ်အစိုးရ ဘာတွေပြောကြလဲ၊ ဘယ်လို စာချုပ်တွေ ချုပ်ကြလဲ သိချင်တယ်။ ဒီအပတ် ကျောင်းပိတ်ရင် ရွာကိုပြန်လာတဲ့ အခါ ငြိမ်းချမ်းရေး စာချုပ် ( ပဏာမ) တွေကို ရအောင် ရှာလာဖို့ မှာထားလိုက်တယ်။
ပြည်ပ အသံလွင့်ဌာန ဆိုတာကလည်း မြန်မာသတင်းက နည်းနည်း နိုင်ငံတကာ သတင်းကများများ။ မြန်မာသတင်း ရပြန်ရင်လည်း တိတိပပ တင်ပြသွားတဲ့ သတင်းမျိုးမရှိဘူး။ ဟိုစပ်စပ် ဒီစပ်စပ်ဘဲ လွှင့်နေကြတာ အားမရလို့ မဲဆောက်မှာ အောက်စဖို့ဒ် တက္ကသိုလ် တက်နေတဲ့ တူတော်မောင်ကို အပူကပ်ရ ရှာတယ်။ တူတော်မောင်ကလည်း သိတယ်၊ ဒီလောက် အရေးတကြီးမှာရင် သူ့အတွက် မုန်းဖိုးတွက်ခြေ ကိုက်မယ်ဆိုတာလေ။
သောကြာနေ့ ညနေ တူတော်မောင် ရောက်လာတော့ အင်တာနက်ဆိုလား၊ သစ်ထူးလွင် ဆိုလား ဒေါင်းတယ်လို့ ပြောတယ်။ ဖထီးက အဲဒါတွေကို နားမလည်တော့ သူပြောချင်တာ ပြောပစေ၊ ဖတ်ရရင် ပြီးရော။ အဲဒါကြောင်း တူတော်မောင် ဘာပြောပြော ပြုံးပြုံးလေး နားထောင် ပေးလိုက်တယ်။
တူတော်မောင် ယူလာတဲ့ ပဏာမ သဘောတူညီချက်တွေက သရေကျစရာ ဖြစ်နေတယ်။ ကရင်၊ ချင်း၊ ရှမ်း တွေရဲ့ သဘော တူညီချက် သုံးခုတောင်။ ထမင်း စာပြီးတာနဲ့ တူတော်မောင် ယူလာတဲ့ စာရွက်ကို ယူပြီး အိပ်ခန်းထဲ ၀င်လိုက်ပြီး လေ့လာဖြစ်တယ်။ ဖထီးက ကရင် ဆိုတော့ ကရင်နဲ့ မြန်မာအစိုးရ သဘောတူညီချက်ကို အရင် ကောက်ကိုင် လိုက်တယ်။
အားပါး ပါး။ နှစ်ပေါင်း ၃၀ ကျော် ကျောင်းဆရာလုပ်လာတဲ့ ဖထီး မြန်မာလို ရေးထားတာ နားမလည်လို့ သတ်ပုံ ကျမ်းကိုတောင် လိုက်ရှာနေရသေးတယ်။ ပထမ အပိုဒ်ကို စာကြောင်း (၅) ကြောင်းတ၀က် ပုဒ်ထီး ပုဒ်မ မပါဘဲ ရေးသွားလိုက်တာ အံ့သြရော။ အဲဒီ တပိုဒ်ကို နားလည် အောင် ဖတ်တာ သုံးနာရီလောက် ကြာတယ်။
ဒီလိုပါ “ ပြည်ထောင်စုသမ္မတမြန်မာနိုင်ငံတော် အစိုးရ၏ ငြိမ်းချမ်းရေး ဖိတ်ခေါ်ချက်အရ နိုင်ငံတော် အစိုးရသို့ ကမ်းလှမ်း လာသော ကရင် အမျိုးသား အစည်းအရုံးနှင့် ငြိမ်းချမ်းရေး တည်ဆောက်ရန်အတွက်” လို့ရေးထားတော့ ဖထီး နားမလည်တော့တာ အမှန်ဘဲ။ ဘယ်လို အထူးပြုပြီး ရေးထားတာလဲ မသိလို့ ချန်ထားပြီး ဆက်ဖတ် ပြန်တယ်။
ဘီဘီစီက လွှင့်တဲ့ အဆိုကျော် မာမာအေးရဲ့ ပြောစရာတွေလဲ တပုံကြီး ဆိုသလို ဖြစ်နေတယ်။ ဘယ်နေ့မှာ လက်မှတ် ထိုးသလဲလို့ လိုက်ရှာတာ မတွေ့ဘူးဖြစ်နေတယ်။ ဖထီးတို့ ငယ်ငယ် အလယ်တန်းကျောင်းသား ဘ၀တုန်းက ကျောင်းပျက်ရင် ခွင့်တိုင်ဖို့ ခွင့်ရေးနည်းကို အတန်းပိုင်ဆရာက သင်ပေးတယ်။ ခွင့်တိုင်စာရေးရင် ရက်စွဲကို အပေါ်ဆုံးမှာ တပ်ရတယ်။ အဲဒီတော့မှ အကြောင်းအရာကို အောက်က ရေးချတယ်။ ဒါကခွင့်တိုင်စာကို ပြောတာ။
အခုစာချုပ်က ကော်သူလဲ ကိုယ်စားပြုတဲ့ အဖွဲ့ကြီးနှင့် ပခုံးပေါ်အပွင့်တွေကို ခြွေပြီး အရပ်သား လုပ်လာတဲ့ အဖွဲ့ကြီးနှစ်ခု လုပ်ထည့်လိုက်တာ ဖထီးတောင် ရွာလည်သွားတယ်။ နေ့စွဲကို ရှာမတွေ့လို့။ တွေ့ပြန်တော့ ကရင်ခေါင်းဆောင် ဗိုလ်ချုပ်ကြီး မူတူးစေးဖိုး ရဲ့ လက်မှတ်အောက်မှာ သွားတွေ့တယ်။ မြန်မာအစိုးရဘက် ကရင်ပြည်နယ် ၀န်ကြီးချုပ် ဦးဇော်မင်းရဲ့ လက်မှတ်အောက်မှာတွေ့တယ်။ ဖထီး ကတော့ တော်တော်လေး ထူးဆန်းတယ်လို့ တွေးမိတယ်။
ပြည်တွင်းစစ်ဖြစ်လာတာနှစ်ပေါင်း ခြောက်ဆယ်လောက်ကို ငြိမ်းသတ်ဖို့ ကြိုးစားနေတာ လောကြီးလို့ကျန်ခဲ့တာ ဖြစ်မယ်လို့ ဖြည့်စွက် တွေးလိုက်တယ်။ (က) ကနေ (ဋ) အထိ တစ်ခုချင်း လေ့လာလိုက်တာ တော်တော်လေး အချိန် ယူရတယ်။
အထူးသဖြင့် (ဈ) ကတော့ ဖတ်ရတာ၊ နားလည်ရတာ အခက်ဆုံးဘဲ။ “စေ့စပ်ညှိနှိုင်းမှု စားပွဲဝိုင်းတွင် ပါဝင်သည့် ကိုယ်စားလှယ်များ တရားဝင်မှု ရှိစေရန်၊ သက်ဆိုင်သည့် နယ်မြေများရှိ ပြည်သူများနှင့် လုံလောက်သည့် ညှိနှိုင်း တိုင်ပင်မှု ပြုချိန်ရရှိရန်နှင့် ဖြစ်စဉ်အား ပြင်ပမှ ကူညီပံ့ပိုးသူများအကြား ရှင်းလင်းသည့် အခန်းကဏ္ဍများထားရှိရန်” တဲ့ဗျာ။ ဘယ်လို ဘယ် အကြောင်းအရာကို ရည်ညွန်းတာလဲ တော့မသိ။
မြန်မာအစိုးရမှာ ဥပဒေပညာရှင်တွေ အများအပြားရှိတယ်လို့ကြားတယ်။ အင်မတန်မှ တော်တဲ့ ဒေါက်တာ တင်အောင်အေး တို့လို ကျွမ်းကျင်တဲ့ ပညာရှင်တွေ ရှိတယ်လို့ ဖထီး ကြားဖူးတယ်။ ဥပဒေကျွမ်းကျင်တဲ့၊ စာချုပ် စာတမ်းဆိုင်ရာ ကျွမ်းကျင်တဲ့ ပုဂ္ဂိုလ်တွေ အများပြားရှိမှာပါ။ ဒီလိုသဘော တူညီချက်တွေကို ဘာကြောင့် ဖြစ်ကတတ်ဆန်း လုပ်သလဲလို့ ဖထီးတွေးတယ်။
ကော်သူလေးနဲ့ မြန်မာအစိုးရကြားက သဘောတူညီချက်တွေကို ဖတ်ပြီးတာနဲ့ ချင်းအမျိုးသားတပ်ဦးနဲ့ ချင်းပြည်နယ် အစိုးရတို့ ချုပ်ဆိုတဲ့ ပဏာမ သဘောတူညီချက်ကို လေ့လာဖြစ်တယ်။ အားပါးပါး လန့်သွားတာဘဲ။ ဒီလောက် ရှည်တဲ့ စာချုပ်မျိုး ဖထီး မတွေ့ဖူးဘူး။
၁၉၄၇ မှာချုပ်ဆိုတဲ့ ပင်လုံစာချုပ်ဆိုတာ မြန်မာနိုင်ငံမှာ အရေးကြီးဆုံးပဲ။ ဘယ်လောက်ရှည်သလဲ လေ့လာသင့်တယ်။ အချက် ကိုးချက်ကို တမျက်နှာထဲနဲ့ ရေးသွားတာ ခေတ်စကားနဲ့ ပြောရရင် ခပ်ပါးပါးလေးပဲ။ နိဒါန်း စာကြောင်းက လေးကြောင်းထဲပဲ။ လေးကြောင်းကို ကော်မာ လေးခု၊ ဟိုက်ဖင် ခံထားတာ တခု၊ ရှေ့စကားနောက်စကား ညွန်းသွားတာ အပိုအလိုမရှိ။
ချင်းအမျိုးသားတပ်ဦးနဲ့ ချုပ်ဆိုတဲ့ စာချုပ်နိဒါန်းက တမျက်နှာနီးနီးရှိတယ်။ လက်မှတ်ထိုးတဲ့ သူတွေပါဆို အဲဒီ သဘော တူညီချက်က ခြောက်မျက်နှာမှာ ရှိတယ်။ ဖထီး ဖတ်ရင်းနဲ့ အကုန်လုံးမေ့ကုန်တယ်။ နောက်တော့ ခဲတံကိုယူ၊ စာရွက်တစ်ချပ် ကိုဖြဲပြီး ဆိုလိုချက်ကို အတိုချုပ်ချရေး အဲဒါမှာ သဘောပေါက်လာတယ်။ အားပါးပါး။ ချင်းအမျိုးသားတပ်ဦးရဲ့ စာချုပ်မှာလည်း လက်မှတ်ထိုးတဲ့ ရက်ကိုရှာတာ နောက်ဆုံး အပိုဒ်မှာ တွေ့တယ်။ လက်မှတ်ထိုးတဲ့ သူတွေရဲ့ နာမည်တွေကို လေ့လာလိုက်တာ ဟာ ချ ပါ။ ဒေါက်တာတွေက မနည်းကိုး။ ပင်လုံစာချုပ်ကို ချုပ်စဉ်က ဒေါက်တာတွေ တယောက်မှ မပါဘူး။ ဒါကြောင့် စာချုပ်တိုသွားတာ ဖြစ်မယ်။
ရှမ်းပြည်တပ်မတော် တောင်ပိုင်းနဲ့ ချုပ်ဆိုတဲ့ စာချုပ်ကလည်း သိပ်မထူးဘူး။ အတူတူဘဲ။ ပြည်ပက လွှင့်တဲ့ သတင်းတွေမှာ ငြိမ်းချမ်းရေးဆွေးနွေးပွဲမှာ ဒေါက်တာဘွဲ့ရတွေ ၊ ပညာရှင်တွေ ပါတယ်လို့ ကြေငြာတာကို ကြားနေရတယ်။ အင်္ဂလိပ်လို ရေးဖန်များတော့ မြန်မာစာကို သဒ္ဒါအနေအထား မှန်မှန် မရေးတတ်တော့ဘူးလား မသိ။ ဖထီးသာ ကူညီခွင့်ရရင် ဒီလိုသမိုင်းတွင်မယ့် စာချုပ်မျိုးမှာ စာပြင်သမား တယောက်အဖြစ် ပါလိုက်ချင်သေးတယ်။ ဖထီးက ပညာရှင်တော့မဟုတ်။ ဒါပေမယ့် လူတွေ နားလည်အောင်တော့ ရေးတတ်ပါတယ် လို့အာမခံတယ်။
(အဓွန့်ရှည်သော ငြိမ်းချမ်းရေးကို မျှော်ကိုးလျက်)
ဖထီး (ကျောင်းဆရာ-ကော်သူလဲ)
ရည်ညွန်း
၁။ ပြည်နယ်အဆင့် ငြိမ်းချမ်းရေး တည်ဆောက်ရန်အတွက် ပဏာမ သဘောတူညီချက် (ကရင်)
၂။ ပြည်ထောင်စုအဆင့် ငြိမ်းချမ်းရေး တည်ဆောက်ရန်အတွက် ပဏာမ သဘောတူညီချက်(ကရင်)
၃။ ချင်းပြည်နယ်အစိုးရနှင့် ချင်းအမျိုးသားတပ်ဦးအကြား ပြည်ထောင်စု မြန်မာနိုင်ငံအတွင်း ထာဝရ ငြိမ်းချမ်းမှု ဖေါ်ဆောင်နိုင်ရေး ပဏာမ သဘောညီချက်
၎။ချင်း CNF ပဏမ သဘောတူညီချက် သျှမ်းထက် ၅ ချက်ပို
၅။ တောင်ကြီး သဘောတူညီချက်အပေါ် RCSS ထိပ်သီး အစည်းအဝေးထိုင်
Ref: မောက္ခ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88