Friday, April 5, 2013

ထန်းတပင် လုယက်မှုတွင် ရဲ ၂ ဦးပါဝင်ပတ်သက်နေဟုဆို

April 5, 2013

ရန်ကုန်တိုင်း ထန်းတပင်မြို့နယ်တွင် လူငယ် ၃ ယောက်အား ဆိုင်ကယ်သူခိုးဟု စွပ်စွဲ၍ ထိုးကြိတ်ရိုက်နှက်ပြီး ရွှေဆွဲကြိုး ၂ ကုံး လုယူသွားမှုတွင် ရဲတပ်ဖွဲ့ဝင် ၂ ဦး ပါဝင်နေသည်ဟု သိရသည်။

ထိုလုယက်မှုသည် မတ်လ ၁၇ ရက်နေ့တွင် ရန်ကုန်တိုင်းဒေသကြီး ထန်းတပင်မြို့နယ်တွင် ဖြစ်ပွားခဲ့ခြင်း ဖြစ်ပြီး လုယက် ရိုက်နှက်သူ ၄ ဦးတွင် ၂ ဦးမှာ ရဲတပ်ဖွဲ့ဝင်များ ဖြစ်၍ ၂ ဦးမှာ အရပ်သားများဖြစ်ကြောင်း၊ ရဲတပ်ဖွဲ့ဝင် ၂ ဦးကို ထောက်ကြံ့ ရဲစခန်းရှိ အချုပ်တွင် ထိန်းသိမ်းထားသော်လည်း အရပ်သား ၂ ဦးမှာ ယခုအထိ ထွက်ပြေးလွတ်မြောက် နေဆဲဖြစ်ကြောင်း၊ လုယက်သူများကပင် စတင် တရားစွဲဆိုထားကြောင်း၊ အပြန်အလှန် တရားစွဲမှုများ ဖြစ်နေကြောင်း အရိုက်ခံခဲ့သည့် ကိုရန်ကျော်၏ ဖခင် ဦးလှဦးက ပြောသည်။

ဆိုင်ကယ်သူခိုးဟု အစွပ်စွဲခံရ၍ အရိုက်နှက်ခံရသူများမှာ ထန်းတပင်မြို့နယ် ထိန်နှစ်ပင်ရွာတွင်နေသည့် ကိုနေထက်လင်း၊ ကိုရန်ကျော်နှင့် ကိုသန်းမင်းထွန်းတို့ ဖြစ်ကြောင်း၊ ၎င်းတို့ သည် သူငယ်ချင်း မင်္ဂလာပွဲမှ ပြန်လာပြီး တခြား သူငယ်ချင်းများကို လှိုင်သာယာသို့ သွားပို့ကာ ထန်းတပင်သို့ ပြန်အလာတွင် အဆိုပါ ဖြစ်ရပ် ဖြစ်ပွားခဲ့ကြောင်း ကိုနေထက်လင်း၏ ဦးလေးဖြစ်သူ ဦးလှမြင့်ဌေးက ရှင်းပြသည်။

ကိုနေထက်လင်း၊ ကိုရန်ကျော်နှင့် ကိုသန်းမင်းထွန်းတို့ ၃ ဦး အိမ်ပြန်လာစဉ် အဝိုင်းနား အရောက် အနောက်မှ သူခိုးဟု အော်သံ ကြားမိသော်လည်း ၎င်းတို့ကို ပြောခြင်း မဟုတ်ဟု ထင်ခဲ့ကြောင်း၊ ၎င်းတို့နှင့် မဆိုင်သောကြောင့် ဆိုင်ကယ်ကို မရပ်ဘဲ ဆက်လက် မောင်းနှင်ခဲ့သည်ဟု သိရကြောင်း ဦးလှမြင့်ဌေးက ဆိုသည်။

“ကျနော်တို့ အနောက်ကနေ ဆိုင်ကယ်တစီး ပါလာတယ်။ သူ့ကို ကျနော်တို့က မျက်မှန်းတန်း မိနေတယ်။ သူက ရဲဝန်ထမ်းလေ။ ပြုံးပြပြီး နှုတ်တောင် ဆက်လိုက်သေးတယ်။ နောက် တော့ စည်ပင် တံတားနားလည်း ရောက်ရော သူက မောင်းတံကိုချပြီး ကျနော်တို့ကို တားတယ်။ ပြီးတော့ လက်ထိပ်ခတ်လိုက်တယ်” ဟု ဆိုင်ကယ်မောင်းသူ ကိုရန်ကျော်က ဧရာဝတီ သို့ ပြောသည်။

ထိုသို့ ဆိုင်ကယ်တားပြီး လက်ထိပ်ခတ်သည်ကို ကိုသန်းမင်းထွန်းက မည်သည့်အတွက်ကြောင့် လက်ထိပ်ခတ်ကြောင်း မေးမြန်းရာ တာဝန်အရ ဖြစ်သည်ဟု ပြောနေစဉ် အနောက်မှ ပါလာသော လူ ၃ ဦး စီးလာသည့် ဆိုင်ကယ်က ၎င်းတို့ ဆိုင်ကယ်အား ဝင်တိုက်ရာ ကိုရန်ကျော်တို့ ၃ ဦး လဲပြိုကြပြီး ဒဏ်ရာများ ရသွားကြောင်း သိရသည်။

“လဲကျသွားတဲ့အချိန်မှာ ရဲ အပါအဝင် ၄ ယောက်က ဆိုင်ကယ်ဦးထုတ်နဲ့ ကလေး ၃ ယောက်ကို ရိုက်တယ်။ လက်သီးနဲ့ ထိုးတယ်။ ကျနော်က လဲကျသွားရာက ထပြီးပြန်ထိုးတော့ အဲဒီလိုလုပ်ရမလားဆိုပြီး တက်တူးတွေထိုးထားတဲ့ လူက ၁ တောင်လောက်ရှည်တဲ့ တုတ်နဲ့ ကျနော့်ကို ရိုက်လို့ သတိလစ်သွားတယ်” ဟု ကိုရန်ကျော်က ဆိုသည်။

ကျန် ၂ ယောက်ကိုလည်း သတိလစ်လုနီးပါး ထိုးကြိတ် ရိုက်နှက်ကြကြောင်း၊ ရိုက်နှက်နေစဉ် အနီးအနားသို့ တရပ်ကွက်တည်း နေကြသော လူများ ရောက်ရှိလာကြောင်း၊ ရဲ ၂ ဦး ကျန်ခဲ့ကာ အရပ်သား ၂ ဦးမှာ ထွက်ပြေးသွားပြီး ကိုရန်ကျော်တို့ ဝတ်ဆင်ထားသော ရွှေဆွဲကြိုး ၂ ကုံးကိုပါ ယူသွားကြောင်း သိရသည်။

“ထိုးကြိတ်ပြီး ရိုက်နှက်နေရင်းနဲ့ ကျနော့်လည်ပင်းကို ဆွဲတယ်။ လည်ပင်းက တစ်လာတော့ ကျနော်က ဆွဲကြိုးပြတ်မယ်လို့ ပြောလိုက်တော့ ပြတ်ပြတ်ကွာ တာဝန်အရ လုပ်တာပဲဆိုပြီး ဆွဲဖြတ်ပြီး ယူသွားတယ်။ ပြီးတော့ အားလုံးကို လက်ထိပ် ခတ်တယ်၊ ထိုးကြိတ်ခံရတယ်၊ အကန်ခံရတယ်၊ အရိုက်ခံရတယ်” ဟု ကိုနေထက်လင်းက ဆိုသည်။

ထို့နောက် သတိလစ်နေကြသူများကို ဆေးရုံသို့ ခေါ်သွားရာ ဆေးရုံရောက်သည်အထိ သတိရတချက်၊ မရတချက် ဖြစ်နေကာ၊ သူနာပြုဆရာမများက “သူခိုးတွေကို ဖမ်းလာကြ တယ်ဟေ့”ဟု အော်ဟစ်ပြောဆိုကြသကဲ့သို့ လက်ထိပ်ကိုလည်း မည်သူမျှ ဖြုတ်မပေးကြဘဲ ရပ်ကွက်လူကြီးများ ရောက်လာကြပြီး ဖြုတ်ခိုင်းမှသာလျှင် ဖြုတ်ပေးသည်ဟု ကိုရန်ကျော်၏ ဖခင်က ပြောသည်။

ထိုအမှုနှင့် ပတ်သက်၍ ပြစ်မှုကျူးလွန်သူများဖြစ်သော ရဲဝန်ထမ်းများက ဝတ္တရား နှောင့်ယှက်မှု၊ ညစ်ညမ်းစွာ ဆဲဆိုမှုနှင့် တရားစွဲဆို ထားသကဲ့သို့ ရိုက်နှက်ခံရသည့် လူငယ်များ၏ မိဘများကလည်း တိုင်ချက်ဖွင့်ထားသည်ဟု သိရကာ ၎င်း ပြဿနာရပ်သည် လုယက်မှုမြောက်သည့် ကျူးလွန်မှုဖြစ်သည်ဟု အမှန်တရား ပြန်လည်ဖော်ဆောင်ရေး လူငယ်များအဖွဲ့မှ ဥက္ကဋ္ဌ ဦးကိုကိုနိုင်က ပြောသည်။

ပြစ်မှုကျူးလွန်သည်ဟု ယူဆရသည့် ရဲ ဝန်ထမ်းနှစ်ဦးအား အချုပ်ချထားကြောင်း ထန်းတပင်မြို့နယ် တပ်သစ် ရဲစခန်းမှ သိရသည်။

ထိုပြဿနာရပ်နှင့် ပတ်သက်သည်များကို ထန်းတပင်မြို့နယ် တပ်သစ်ရဲစခန်းမှ စခန်းမှူး ဦးတင်မြင့်အား ဧရာဝတီက မေးမြန်းရာ ၎င်းက ထိုပြဿနာရပ်အား ယခုအချိန်တွင် မည်သည်ကိုမျှ ဖြေကြားပေးနိုင်မည်မဟုတ်ကြောင်း ပြန်လည် ပြောဆိုခဲ့သည်။

“ဒီအမှုတွဲနဲ့ ပတ်သက်လို့ ကျနော့်ကို ဘာမှ လာမမေးနဲ့။ အားလုံးကို စစ်ဆေးတာတွေ မလုပ်ရသေးဘဲ ကျနော် ဘာကိုမှ မပြောချင်ဘူး။ အဖြေမှန် ထွက်လာပြီဆိုရင်တော့ ဘာကိုမှ မထိန်ချန်ထားဘဲ အားလုံးကို တရားဝင် ပြောပြသွားမှာပါ။ အခုအချိန်မှာ မပြောသေးတာက စစ်ဆေးဆဲ ဖြစ်တဲ့အတွက် တခုခုမှားသွားရင် မကောင်းတဲ့အတွက် မပြောတာပါ” ဟု ၎င်းက ဆိုသည်။

ဧရာဝတီ သတင်းထောက် ညိမ်းပြည့်စုံနှင့် မိုင်အဲမလီတို့ ပူးပေါင်းရေးသားသည်။

Ref: ဧရာဝတီ

Read More...

တရားဝင် ကိုယ်ဝန်ဖျက်ချခွင့် လွှတ်တော်သို့ တင်ပြ

ထက်နိုင်ဇော်
April 4, 2013

မြန်မာနိုင်ငံတွင် တရားဝင် ကိုယ်ဝန်ဖျက်ချခွင့် မရှိသည့်အတွက် အမျိုးသမီးများ အသက် ဆုံးရှုံးမှုများ ရှိနေသောကြောင့် အစိုးရ ဆေးရုံ၊ ဆေးခန်းများတွင် တရားဝင် ကိုယ်ဝန်ဖျက် ချခွင့် ရရှိရန် ရန်ကုန်တိုင်း ဒေသကြီး လွှတ်တော်သို့ တင်ပြ ခဲ့ကြောင်း ဗဟန်းမဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဒေါ်ညိုညိုသင်းက ပြောသည်။

“မလိုချင်တဲ့ ကိုယ်ဝန်ကို လုံခြုံစိတ်ချစွာ ဖျက်ချခွင့် အစိုးရက စီစဉ်ပေးရမယ်။ တရားဝင် ခွင့်ပြုချက်မရရင် ကလေး ဖျက်ချခွင့် မရှိတဲ့ အတွက် မဖြစ်သင့်တဲ့ အသက်ဆုံးရှုံးမှုတွေ ရှိနေတယ်။ တခြားနိုင်ငံတွေမှာဆိုရင် မလိုချင်တဲ့ အချိန်မှာ ကလေးမဖြစ်ခင် ကတည်းက ခွဲစိတ်မှုတွေ လုပ်လို့ရတယ်” ဟု အမျိုးသမီး လွှတ်တော်အမတ် ဒေါက်တာ ညိုညိုသင်းက ဧရာဝတီသို့သည်။

ဒေါက်တာ ညိုညိုသင်းက ရန်ကုန်တိုင်းဒေသကြီး အစိုးရအဖွဲ့သို့ ကလေးမွေးဖွားမည့် မိခင်များ အခမဲ့ ဆေးကုသခွင့် ရရှိရန် တိုက်တွန်းကြောင်း အဆိုတင်သွင်းစဉ် ကလေးဖျက်ချခွင့်နှင့် ပတ်သက်၍ တရားဝင်ဖြစ်စေရန် တင်ပြခဲ့ရာ ၀န်ကြီးချုပ်က တနိုင်ငံလုံး အနေအထားနှင့် လုပ်နိုင်ပါက ပိုမိုကောင်းမွန်မည် ဖြစ်သောကြောင့် ရန်ကုန်းတိုင်း အစိုးရ အဖွဲ့မှတဆင့် ပြည်ထောင်စု အစိုးရ အဖွဲ့သို့ တင်ပြပေးမည်ဆိုသည့် ကတိက၀တ် ပြန်လည်ပြုခဲ့ကြောင်း သိရသည်။

သက်တမ်းနုစဉ် ကာလတွင် ကိုယ်ဝန်ဖျက်ချခြင်းကို အစိုးရအနေဖြင့် တရားဝင်ခွင့်ပြုသင့်ပြီး ကလေးထိခိုက်မှု မရှိစေရန် အတွက်လည်း ဥပဒေအရ အကာအကွယ် လိုအပ်ကြောင်း အမျိုးသမီး အခွင့်အရေး လှုပ်ရှားသူများက ဧရာဝတီသို့ ပြောသည်။

ကလေးဖျက်ချမှုနှင့် ပတ်သက်၍ လူ့အခွင့်အရေး ရှုထောင့်အရ လစေ့နေ့စေ့မှ ဖျက်ချခြင်းကို လက်မခံနိုင်သော်လည်း သက်တမ်း နုစဉ်ကာလတွင် အကြောင်းအမျိုးမျိုးကြောင့် ကလေးမယူလို၍ ဖျက်ချခြင်းကို လက်ခံကြောင်း၊ ကလေးဖျက်ချမှုနှင့် ပတ်သက်၍ အမျိုးသမီးများနှင့် ကလေးများကို ဥပဒေအရ ကာကွယ်ပေးရန် လိုအပ်ကြောင်း အမျိုးသမီး အခွင့်အရေး လှုပ်ရှားသော အဖွဲ့အစည်းတခု ဖြစ်သည့် Women’s Galaxy မှ မယဉ်မျိုးလှိုင်က ပြောသည်။

“ဖျက်ချခွင့်တော့ လိုချင်တယ်။ ဒါပေမယ့် ကိုယ်ဝန်ဟာ သုံးလမပြည့်ခင် ဖြစ်ရမယ်။ လစေ့မှ ဖျက်ချရင် ကိုယ်ဝန်သည် မှာလည်း အန္တရာယ်ရှိနိုင်တယ်။ တရားဝင် ဥပဒေရှိလာရင်လည်း ဖြစ်နိုင်ရင် ဆရာဝန်နဲ့ သွားတွေ့ စေချင်တယ်။ဆရာဝန်တွေကတော့ ကောင်းတဲ့ အကြံ ပေးနိုင်မှာပဲလေ” ဟု သူက ဆိုသည်။

မလိုချင်သော ကိုယ်ဝန်ကို ဖျက်ချရာတွင် လူသတ်သည်ဆိုသော အမြင်မျိုး မဖြစ်စေရန် လောကအကြောင်း၊ ဓမ္မအကြောင်းနှင့် အညီ ဥပဒေအရ သေသေချာချာ ကန့်သတ်ထားရန် လိုအပ်ကြောင်း၊ မွေးဖွားရန် နေ့လမစေ့မီ စောစောပိုင်းတွင် ကိုယ်ဝန် ဖျက်ချသင့်ပြီး နောက်ပိုင်းတွင် မိခင်ကိုပါ အန္တရာယ် ဖြစ်စေနိုင်ကြောင်း ဆရာဝန် စာရေးဆရာမ မသီတာ (စမ်းချောင်း) ကပြောသည်။

“တချို့ နိုင်ငံတွေမှာတော့ မွေးရာပါ ဉာဏ်ရည်မမီတာမျိုး၊ ကိုယ်လက်အင်္ဂါ မစုံတာမျိုးကို စောစောစီးစီး တရားဝင် ဖျက်ချခွင့် ပြုထားတယ်။ ကိုယ်ဝန် မလိုချင်တာက အကြောင်း အမျိုးမျိုး ရှိတော့ ခိုးဖျက်တဲ့ အခါမှာ ကလေးတင်မကဘူး။ လူကြီးတွေ မှာပါ အဖိတ်အစင် ရှိနေတယ်” ဟု သူက ဆိုသည်။

ကိုယ်ဝန်ဖျက်ချမှုသည် မြန်မာနိုင်ငံတွင် တရားဝင်မဟုတ်သောကြောင့် တိတ်တဆိတ်ဖျက်ချမှုများကို စာရင်းအတိအကျ ကောက်ယူ၍ မရကြောင်း၊ တစုံတရာ အန္တရာယ်ရှိမှာသာ ဆေးရုံသို့ ရောက်လာကြကြောင်း မြန်မာနိုင်ငံ ဆရာဝန်အသင်းမှ မျိုးဆက်ပွားစီမံချက်ဆရာဝန် ဒေါက်တာမြင့်ဇော်က ပြောသည်။

မြန်မာနိုင်ငံတွင် ကလေးကို တရားမ၀င် ဖျက်ချပါက ဖျက်ချပေးသောသူကို ဥပဒေအရ ထောင်ဒဏ် ၃ နှစ်မှ ၁၀ နှစ်အထိ ကျခံရနိုင်ကြောင်း သိရသည်။

“ခွဲစိတ်ကုသ ပေးရင်တောင်မှ ခွဲစိတ်တဲ့သူက ထောင်ဒဏ် ၃ နှစ် ကျနိုင်တယ်။ ခွဲစိတ်ကုသတဲ့ နေရာမှာ မိခင်က သေဆုံး သွားတယ်ဆိုရင် ထောင်ဒဏ် ၁၀ နှစ်အထိ ကျနိုင်တယ်။ အပြည်ပြည်ဆိုင်ရာ စံနှုန်းနဲ့ ကြည့်မယ်ဆိုရင် လွဲမှားတဲ့ အယူအဆကို ကျင့်သုံးသလို ဖြစ်နေတယ်” ဟု ရန်ကုန်မြို့မှ ရှေ့နေတဦးက ပြောသည်။

Ref: ဧရာဝတီ

Read More...

ပုဂံဒေသ မြေယာ ဈေးနှုန်းများ မြင့်တက်

ရန်ပိုင်
April 4, 2013

ပုဂံဒေသရှိ မြေယာဈေးနှုန်းများသည် ပြီးခဲ့သည့် ၆ လအတွင်းမှ စတင်၍ များစွာမြင့်တက် လာကြောင်း သိရသည်။

ကမ္ဘာလှည့်ခရီးသွား လုပ်ငန်းများ ဖွံ့ဖြိုးလာပြီး ရင်းနှီးမြှုပ်နှံလိုသူ များလာခြင်းကြောင့် ထိုသို့မြေယာဈေးများ မြင့်တက်လာခြင်း ဖြစ် သည်ဟု ဒေသခံများက ပြောသည်။

အစိုးရသစ်လက်ထက် နိုင်ငံခြားသား ခရီးသွားဧည့်သည် လာရောက်လည်ပတ်မှု များပြားလာခြင်းကြောင့် ဟိုတယ်လုပ်ငန်း လုပ် ကိုင်လိုသူ များပြားလာရာ ဘိုးဘွားပိုင်နှင့် အမည် ပေါက် ဂရန်မြေများသာမက တောင်သူများစိုက်ပျိုးနေသည့် ယာမြေများကို ၀ယ်ယူ မှုများရှိလာကြောင်းလည်း ဒေသခံများက ဆိုသည်။

ပုဂံဒေသ အိမ်ခြံမြေပွဲစားတဦးဖြစ်သူ ကိုမျိုးက“နိုင်ငံခြားသားတွေ အခု အရမ်းလာကြတော့ လုပ်ငန်းရှင်တွေက ဟိုတယ်တို့ စား သောက် ဆိုင်လုပ်ဖို့ ၀ယ်ကြတယ်၊ တချို့လည်း ရန်ကုန်က ခြံမြေတွေကို ရောင်းပြီးတော့ ဒီမှာလာ ရင်းနှီးမြှုပ်နှံတာမျိုးတွေ ရှိတယ်” ဟု ပြောသည်။

လက်ရှိ ပုဂံဒေသ မြေပေါက်ဈေးမှာ မြို့ဟောင်း လမ်းမတော်တ၀ိုက် ဘိုးဘွားပိုင်မြေမှာ တဧက ကျပ် သိန်း ၁သောင်း ခန့်၊ ဂရန်မြေ မှာ ပေ ၈၀၊ ပေ ၁၀၀ ပတ်လည် တကွက်လျှင် ကျပ် သိန်း၂ထောင် ခန့်၊ ယာမြေများမှာ တဧကလျှင် ကျပ် သိန်း ၃၅၀ ခန့် ဖြင့် အရောင်းအ၀ယ် ပြုလုပ်နေပြီး ဟိုတယ်လုပ်ကိုင်ခွင့် လုပ်ငန်းလိုင်စင်နှင့် အဆောက်အအုံ ပါဝင်သည့် ၅ ဧကခန့် မြေကွက်မှာ ကျပ် သိန်း ၅သောင်း ခန့် ပေါက်ဈေး ရှိသည်ဟု ကိုမျိုးက ဆိုသည်။

စစ်အစိုးရ လက်ထက်က ပုဂံမြို့နှင့် ၇ မိုင်ခန့် အကွာတွင် ဟိုတယ်ဇုန် သတ်မှတ်ခဲ့သော်လည်း လာရောက် ရင်းနှီးမြှုပ်နှံသူများ စိတ် ၀င်စားမှုနည်းပါးပြီး လုပ်ငန်းရှင်များမှာ ပုဂံမြို့အတွင်းရှိ ယဉ်ကျေးမှုဇုန်အတွင်းတွင်သာ တည်ဆောက်လိုကြသည်ဟု ၎င်းက ပြော သည်။

ယခုအခါ လူနေအဆောက်အအုံ ဆောက်လုပ်ခွင့်ရှိသည့် ဘိုးဘွားပိုင်နှင့်ဂရန်မြေများမှာ ရောင်းချသူ ရှားပါးလာသည့်အတွက် စီးပွား ရေး လုပ်ငန်းရှင်များမှာ တောင်သူများ၏ စိုက်ပျိုးမြေများကို စိတ်ဝင်စားလာကြောင်း၊ ယာမြေဈေးနှုန်းမှာလည်း လွန်ခဲ့သည့် ၆ လ ခန့် တဧက ကျပ် သိန်း ၂၀ ခန့်သာ ပေါက်ဈေးရှိသော်လည်း ယခုအခါ တဧက သိန်း ၃၅၀ ခန့် ဈေးပေါက်ကြောင်း သိရသည်။

“ရေမိုးမကောင်းတော့ သီးနှံအထွက်က တဖြည်းဖြည်းလျော့လာတယ်၊ နောက်ပိုင်းလည်း ယာကွက်တွေ ဈေးကောင်းတော့ နှစ်ဧက လောက်ရောင်း၊ ကားလေးဘာလေးဝယ်၊ ဒီအနားတ၀ိုက် ကမ္ဘာ့လှည်ခရီးသည် လိုက်စားတာက ပိုကိုက်တယ်”ဟု ကိုမျိုးက ဆက် လက် ရှင်းပြသည်။

ပုဂံဒေသအတွင်းရှိ ယာမြေကို တခြားသောလုပ်ငန်း ပြောင်းလဲအသုံးချမည်ဆိုလျှင် မြို့နယ်၊ ခရိုင်အထွေထွေ အုပ်ချုပ်ရေးဦးစီး ဌာန၊ ယဉ်ကျေးမှု ၀န်ကြီးဌာန ရှေးဟောင်း သုတေသန၊ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ ဆောက်လုပ်ရေး ၀န်ကြီး ဌာန စသည့် ဌာနဆိုင်ရာ ၁၁ ခု၏ ခွင့်ပြုချက် ယူရကြောင်း၊ သို့သော် လုပ်ငန်းရှင်များအနေဖြင့် နည်းမျိုးစုံအသုံးပြုပြီး လွတ် ကင်း စေရန် ဆောင်ရွက်ကြရကြောင်းလည်း ဆိုသည်။

ထိုသို့ ယာမြေကို အခြားနည်း ပြောင်းလဲအသုံးပြုခွင့် ဆောင်ရွက်ခြင်းသည် စစ်အစိုးရနှင့် အရပ်သားအစိုးရ အပြောင်းအလဲ ကာလ တွင် ပိုမိုဖြစ်ပွားခဲ့ကြောင်း သိရသည်။

မြေစာရင်းဦးဌာနမှ တာဝန်ရှိသူတဦးက“တချို့လည်း ယာမြေ၀ယ်ယူပြီး လုပ်ငန်းသစ်လုပ်ခွင့် ရနေကြတာ ရှိသလို၊ တချို့လည်း ၀ယ်ပြီးမှ ဟိုတယ်တို့ စားသောက်ဆိုင်တို့ ဖွင့်မရတော့ ယာအဖြစ်နဲ့ပဲ ဆက်လုပ်နေကြတာရှိသလို ယာအဖြစ် ဆက်မလုပ်ဘဲ ပစ် ထားတာတွေလည်း ရှိတယ်”ဟု ဆိုသည်။

အစိုးရသစ်လက်ထက်တွင် ယဉ်ကျေးမှုဝန်ကြီးဌာနက ပုဂံခေတ်လက်ရာ ရှေးဟောင်းပုထိုးစေတီများရှိသည့် အရပ်ကို အထိမ်း အမှတ်ဇုန်(Monument Zone)၊ ရှေးဟောင်း သုတေ သနဇုန်(Archaeological Zone)၊ ကာကွယ်ဇုန်(Protect Zone) ဟု သတ်မှတ် ကာ အဆိုပါ ဇုန်များနှင့် လွတ်ကင်းသည့် နေရာများတွင်သာ အဆောက်အအုံ ဆောက်လုပ်ရန် ကန့် သတ်ထားသည်ဟု သိရသည်။

ပုဂံမြို့ခံတဦးဖြစ်သည့် ဦးမြင့်ဇော်က“ယာတွေ ဈေးကောင်းပေးဝယ်ပြီး ဒီတိုင်း ပစ်ထားတာမျိုးတွေ ကြတော့၊ ယာမြေဆုံးရှုံးသလို တောင် သူတွေရဲ့ဘ၀တွေ ပျက်စီးသွားတယ်၊ ဒါမျိုးတွေ အရမ်းများလာပြီ”ဟု ပြောဆိုသည်။

ရှေးဟောင်း သမိုင်းဝင် ပုဂံဒေသ၌ စေတီပုထိုးများအကြားတွင် ထွန်ယက်စိုက်ပျိုးလုပ်ကိုင်မှုများသည် အလှအပတခု သဖွယ်ဖြစ် နေ ပြီး၊ ကမ္ဘာလှည့်ခရီးသွားများ ကြိုက်နှစ်သက်သည့် စွဲမက်ဖွယ် ရှုမျှော်ခင်းများဖြစ်သည်ဟုလည်း ဆိုသည်။

ယမန်နှစ်က ခရီးသွားရာသီတွင် ကမ္ဘာလှည့်ခရီးသွားနှင့် ပြည်တွင်းခရီးသွားများ ပုဂံဒေသသို့ အများအပြားလာရောက်သည့် အတွက် တည်းခိုရန် ဟိုတယ်အခန်းများ ပြတ်လပ်မှုပင် ဖြစ်ပွားခဲ့သည်ဟု သိရသည်။

ပုဂံဒေသသို့ လာရောက်သည့် ကမ္ဘာလှည့်ခရီးသွား အရေအတွက်မှာ ပြီးခဲ့သည့် ဖေဖော်ဝါရီလအတွင်း ၃ သောင်းခန့် ရှိသည်ဟု သိရသည်။

Ref: ဧရာဝတီ

Read More...

SSA-N တပ်များ ထပ်ဆုတ်ပေးနိုင်မည်မဟုတ်ဟု ဆို

ဖနိဒါ
ဧပြီလ ၀၄ ရက် ၂၀၁၃ ခုနှစ်

ပြည်ထောင်စုအဆင့် နှစ်ဖက်သဘောတူညီချက်အရ အခြေစိုက်နေထိုင်နေခြင်း ဖြစ်၍ အစိုးရ စစ်တပ်က ရှမ်းပြည်မြောက်ပိုင်းတပ်မတော် SSA-N တပ်စခန်းများကို ဆုတ်ခွာပေးရန် ပြောဆိုမှု လက်ခံမည် မဟုတ်ကြောင်း ပြောရေးဆိုခွင့်ရှိသူ ဗိုလ်မှူးစိုင်းလှက ပြောသည်။

ဧပြီလ ၃ ရက်နေ့က အရှေ့မြောက်ပိုင်းတိုင်း စစ်ဌာနချုပ် (ရမခ)ရှိ ရွှေလီရိပ်သာတွင် အစိုးရ ဝန်ကြီးနှစ်ဦးနှင့် တွေ့ဆုံစဉ် ပြောဆိုခဲ့ကြောင်း မဇ္ဈိမကို ပြောသည်။

“စာချုပ်အတိုင်း ကျနော်တို့ ရောက်ရှိတဲ့နေရာမှာ အခြေချ နေထိုင်ထားတယ်။ ကျနော်တို့က ကားလမ်း တလျှောက်မှာ ဝင်ပြီး တိုက်တာလည်း မရှိဘူး။ ကျနော်တို့ စပြီးတိုက်တာ မဟုတ်ဘူး။ သူတို့က ကျနော်တို့ ရှိတဲ့နေရာကို ဝင်ရှင်းတယ်။

ဖယ်ခိုင်းတာမျိုးတွေ လုပ်တော့ ပစ်ခတ်မှုတွေ ဖြစ်တယ်။ အခု တိုက်ပွဲဖြစ်တိုင်း တပ်မတော်က စပြီး ဝင်တိုက်တာမျိုး ဖြစ်နေတယ်။ အဲဒါ စဉ်းစားပေးဖို့ တင်ပြတယ်” ဟု ဗိုလ်မှူးစိုင်းလှ က ပြောသည်။

SSA-N အတွင်းရေးမှူး ဦးခွန်စိုင်း အပါအဝင် လေးဦး နှင့် အစိုးရ လျှပ်စစ်ဝန်ကြီး ဦးခင်မောင်စိုးနှင့် စီးပွားရေးနှင့် ကူးသန်းရောင်းဝယ်ရေး ဝန်ကြီး ဦးဝင်းမြင့်တို့ တွေ့ဆုံခဲ့ ကြခြင်း ဖြစ်သည်။

မတ်လ ၂၅ ရက်နေ့က ရမခ တိုင်းမှူး ဗိုလ်မှူးချုပ် အောင်တိုး က ရမခနှင့် ရလခ တိုင်းဌာနချုပ် ဆက်သွယ်သည့် လားရှိုး-တန့်ယန်း-မိုင်းရှုး ကားလမ်းလုံခြုံရေးအတွက် နယ်မြေ ရှင်းလင်းမည် ဖြစ်၍ ရှမ်းပြည်နယ်မြောက်ပိုင်း တန့်ယန်းနှင့် လားရှိုးမြို့နယ်အတွင်းရှိ SSA-N ယာယီ တပ်စခန်းမှ ဆုတ်ခွာပေးရန် ပြောဆိုခဲ့ခြင်း ဖြစ်သည်။

“ဖယ်ပေးမယ်ဆိုရင်လည်း နေရာ မရှိတော့ဘူး။ ဆုတ်ပေးလို့လည်း မရဘူး။ ကျနော်တို့က ဘယ်နေရာမှ မရွှေ့နိုင်ဘူး။ ဒီနေရာမှာပဲ နေထိုင်ခဲ့တာ။ နောက် လက်နက်ကြီးနဲ့ ပစ်တော့ ရွာသားတွေ မနေရဲဘူး။ သူတို့ ရွာပြန်နေထိုင်ပေးဖို့၊ အဓိက စီစဉ်ပေးဖို့ သူတို့ အစိုးရတပ်တွေကို ထိန်းပေးဖို့၊ ထာဝရငြိမ်းချမ်းရေးကို လိုလားရင်တော့ သူတို့ အဲဒီနေရာကို ကွက်ပြီး စစ်ဆင်ရေး လုပ်စရာ မလိုဘူး” ဟု SSA-N ပြောခွင့်ရသူက
ပြောသည်။

ဆုတ်ခွာခိုင်းသော နေရာသည် SSA-N နှင့် ဝပြည် သွေးစည်းညီညွတ်ရေး တပ်မတော် UWSA တို့၏ နှစ်ဖက် မဟာမိတ် ဆက်ဆံရေးလမ်းကြောင်း ဖြစ်နေပြီး ထိုလမ်းကြောင်းမှ ဒေသထွက်ကုန်ပစ္စည်းများကို တရုတ်နိုင်ငံသို့ အဓိကတင်ပို့သော အရေးကြီး ကုန်သွယ်ရေးလမ်းကြောင်း ဖြစ်သည်ဟု ဆိုသည်။

“အရင်ဖြစ်ခဲ့တဲ့ တိုက်ပွဲတွေလည်း သူတို့ နယ်မြေရှင်းတာတို့၊ ဟိုလုံခြုံရေး၊ ဒီလုံခြုံရေး အကြောင်းပြပြီးတော့ ကျနော်တို့ကို ဆုတ်ခိုင်းခဲ့တာလည်း များပြီ။ ခုလည်း အဲဒီနယ်မြေကို စိုးမိုးချင်တဲ့ သဘောမျိုး။ အဲဒီနေရာက ကျနော်တို့ တလျှောက်လုံးနေခဲ့တဲ့ နယ်မြေတွေပဲ။ ကျနော်တို့လည်း မရွှေ့ပါဘူး” ဟု ဗိုလ်မှူး စိုင်းလ က ဆိုသည်။

၂၀၁၂ ခုနှစ်၊ ဇူလှိုင်လဆန်းပိုင်းက SSPP က တန့်ယန်းမြို့နယ် ၇ မိုင်စခန်းနှင့် မိုင်းရှူးမြို့နယ် လွိုင်ဖာဖိန့်ရှိ တပ်စခန်း နှစ်ခုကို ပြောင်းရွှေ့ပေးလိုက်ပြီး ၎င်းနေရာများတွင် အစိုးရ စစ်တပ်က အခိုင်အမာ တပ်စွဲထားလိုက်သည် ဟု ဆိုသည်။

ယမန်နေ့ တွေ့ဆုံပွဲသို့ ငြိမ်းချမ်းရေးလုပ်ငန်းဖော်ဆောင်ရေးလုပ်ငန်းကော်မတီ ဒု-ဥက္ကဋ္ဌ ဝန်ကြီး ဦးအောင်မင်း တက်ရောက်မည်ဟု ဆိုထားသော်လည်း လာရောက်လာခြင်း မရှိခဲ့ကြောင်း ဗိုလ်မှူးစိုင်းလ က ပြောသည်။

တိုက်ပွဲများကြောင့် တိမ်းရှောင်နေရသူ ဒေသခံ ရွာသားများနှင့် ပတ်သက်၍လည်း ယမန်နေ့ တွေ့ဆုံရာတွင် ဆွေးနွေးတင်ပြခဲ့သည်။

တန့်ယန်းမြို့နယ်အရှေ့ဘက် ၁၀ မိုင်အကွာရှိ လွယ်စေးဒေသတွင် မတ်လအတွင်း နေ့စဉ် တိုက်ပွဲများ ဖြစ်ပွားခဲ့၍ ထိုဒေသအတွင်း ရွာပေါင်း ၁၄ ရွာမှ လူဦးရေ ၁,၀၀၀ ကျော်မှာ တန့်ယန်းမြို့ရှိ ဘုန်းကြီးကျောင်းများသို့ ထွက်ပြေး ခိုလှုံနေရသဖြင့် လုံခြုံရေး စီစဉ်ပေးရန် တင်ပြခဲ့သည်ဟု သူက ဆက်ပြောသည်။

လွယ်စေးဒေသ အခြေစိုက် ခလရ တပ်ရင်း ၂၉၁ နှင့် ၃၃ တပ်ဖွဲ့က လက်နက်ကြီးဖြင့် ပစ်ခတ်ခဲ့၍ ရွာသားများ ထွက်ပြေး တိမ်းရှောင်နေရသည်ဟု ဆိုသည်။

ဆွေးနွေးပွဲတွင် SSA-N ကိုယ်စားလှယ်များ၏ တင်ပြချက်များကို သက်ဆိုင်ရာ တိုင်းဌာနချုပ်များနှင့် သမ္မတ ဦးသိန်းစိန်တို့ထံ တင်ပြပေးမည်ဟု ဝန်ကြီး ဦးခင်မောင်စိုးတို့က ပြောဆိုခဲ့ကြောင်း ဗိုလ်မှူးစိုင်းလှက ပြောသည်။

Ref: မဇ္ဈိမ

Read More...

လှုံ့ဆော်သူများကို ထိရောက်စွာ နှိမ်နင်းရန် HRW တိုက်တွန်း

Rosie Gogan-Keogh
ဧပြီလ ၀၄ ရက် ၂၀၁၃ ခုနှစ်

ဧပြီလ (၁) ရက်နေ့က ထုတ်ပြန်သော သတင်းတပုဒ်တွင် လူ့အခွင့်အရေး စောင့်ကြည့်ရေးအဖွဲ့က မြန်မာနိုင်ငံ အစိုးရအား မိတ္ထီလာနှင့် မြန်မာနိုင်ငံ အလယ်ပိုင်းတွင် မကြာသေးမီက ဖြစ်ပွားခဲ့သော အကြမ်းဖက်မှုများအား သက်ဆိုင်သူများမှ စေ့စေ့စပ်စပ် စုံစမ်းရန်နှင့် အပြစ်ပေးရန် ပြောဆိုလိုက်သည်။

“ မိတ္ထီလာတွင် ဖြစ်ပွားခဲ့သော အကြမ်းဖက်မှုများနှင့် ပတ်သက်ပြီး တာဝန်များကို မြန်မာအစိုးရ အနေဖြင့် အသေးစိတ် လေ့လာ စုံစမ်းသင့် ပါကြောင်း၊ ၀န်းကျင်ဒေသ တစ်ခုလုံး လောင်ကျွမ်းခြင်း နှင့် ရက်စက်စွာ သတ်ဖြတ်မှုတို့ မှ ရပ်တန့်ရန် ရဲတပ်ဖွဲ့ကလုပ်ဆောင်ရန်အားနည်းခဲ့သည်” ဟု နယူးယောက် အခြေစိုက် လူ့အခွင့်အရေးဆိုင်ရာ NGOမှ အာရှဆိုင်ရာ ညွှန်ကြားရေးမှုး Brad Adams က ပြောကြားသည်။

၎င်းက “ရခိုင်ပြည်နယ် အတွင်း မကြာသေးမီက ဖြစ်ပွားခဲ့သောဘာသာရေးဆိုင်ရာ တိုက်ပွဲများရဲ့ ရလဒ်များ ကိုကြည့်ပြီး မြန်မာအစိုးရအနေဖြင့် သင်ခန်းစာယူသင့်ပါကြောင်း၊ အကြမ်းဖက်မှုများကို နှိမ်နင်းရန် ရဲအင်အား အလျှင်အမြန် ဖြည့်ဆည်းပြီး ပြည်သူများ၏ အသက်အိုးအိမ်ကို ကာကွယ်ပေးသင့်ကြောင်း ” ပြောသည်။

တိုင်းပြည်အတွင်း အုပ်စုဖွဲ့ အကြမ်းဖက်မှု ဖြစ်စေခဲ့သော ဗုဒ္ဓဘာသာ ခေါင်းဆောင်များရဲ့ အမုန်းတရား ဟောပြောခြင်း အဆုံးသတ်ရေးကို ကူညီရန် အတွက် ကဏ္ဍာပေါင်းစုံရှိ မြန်မာနိူင်ငံ လူမှုရေးအဖွဲ့များမှ ခေါင်းဆောင်များအား Adamsက ပြောကြားလိုက်သည်။

ထိတ်လန့်ဖွယ် ဖြစ်သည့် ကြေမွပျက်ဆီးနေသော မြို့တွင်း မြင်ကွင်းများ ပါဝင်သည့် ရုပ်ပုံများကို ဂြိုလ်တု စလောင်းများမှ ပြသပြီးနောက်မှသာ လျှောက်လဲချက်များ ထွက်ပေါ်လာသည်။

မတ်လ (၂၀) ရက်က ဖြစ်ပွားခဲ့သော ရွှေဆိုင် အငြင်းပွားမှု နှင့် အကြမ်းဖက်မှုတိုက်ပွဲများတွင် လူဦးရေ (၁၂၀၀၀) တို့သည် ၄င်းတို၏ နေအိမ်များမှ ထွက်ပြေးလျှက်ရှိရာ အများစုမှာ အစ္စလာမ် များဖြစ်ပြီး၊ (၆၁) ဦး ဒဏ်ရာရကာ၊ ခန့်မှန်းခြေ အားဖြင့် လူ(၄၀)ဦး ခန့်အသတ်ခံခဲ့ရသည်။

ဆူပူမှု ဖြစ်ပွားပြီးနောက် Vijay Nambiar, UNသံတမန်ကပြောကြားရာတွင် “အကြမ်းဖက်မှုက အခြေအနေတစ်ခုတွင် ရက်စက်သော အနေအထား တစ်ခုတွင် လုပ်သွားသည်ဟု ထင်မြင်ကြောင်း” ပြောကြားလိုက်သည်။

ဒီအရေးကို ဖြေရှင်းရာတွင် အစိုးအနေဖြင့် တုံပြန်မှု ကြန့်ကြာနေခြင်း နှင့် အကြမ်းဖက်မှု ပိုမို မြင့်တက် မလာစေရန် ကာကွယ်ခြင်း တို့အတွက် ဝေဖန်ခံနေရသည်။

မတ်လ(၂၇)ရက် နေ့တွင် နိုင်ငံတော် သမ္မတဦးသိန်းစိန် အနေဖြင့် ရုပ်မြင်သံကြား မှတဆင့် မိန့်ခွန်း ပြောရာတွင် မြန်မာနိူင်ငံ အလယ်ပိုင်းတွင် ဖြစ်ပွားလျှက်ရှိသော ဘာသာရေး အကြမ်းဖက်မှု နှင့်ပတ်သက်ပြီး ၀မ်းနည်းကြောင်း၊ နိုင်ငံသားများကို ကာကွယ်ရန်အတွက် လုံခြုံရေးတပ်များ ချထားပြီး အမိန့်ပေး ထားကြောင်း သွေးထိုး လှုံဆော်ပေးသူများ အား သတိပေး လိုက်သည်။

“အခြေခံအားဖြင့် ဒီပြဿနာများ ဖြေရှင်းရာတွင် အင်အားကိုသုံးခြင်းကို အားမပေးလိုပါ။ ဘယ်လိုပင် ဖြစ်နေနေ ပြည်သူများရဲ့အခြေခံ လူတန်းစားများ၏ အသက်အိုးအိမ်ကို ကာကွယ် ရာတွင် လိုအပ်လျှင် အင်အားကိုသုံးရန် ၀န်လေးမည်မဟုတ်ကြောင်း” သမ္မတကြီးမှ ပြောကြားသည်။

ဦးခင်မောင်ဆွေ (အမျိုးသား ဒီမိုကရေစီအင်အားစု ဥက္ကဌ)မှ သမ္မတ၏ မိန့်ခွန်းစကားကို ကြားပြီးနောက် ၄င်းမှ ”နိုင်ငံရေးကိုအမြတ်ထုတ် နေသူများ နှင့် ဘာသာရေး အစွန်းရောက် သမားများကို အရေးယူလို အပ်သည် ”ဟု မဇ္ဈိမသို့ ပြောသည်။

Ref: မဇ္ဈိမ

Read More...

မြောက်ဦးယဉ်ကျေးမှု ထိန်းသိမ်းရေး စိုးရိမ်ဘွယ် အနေအထား၌ ရှိနေဆဲ

သိန်းလှိုင်
ဧပြီလ ၀၄ ရက် ၂၀၁၃ ခုနှစ်

ယမန်နှစ်က ကမ္ဘာ့အမွေအနှစ်များ ရန်ပုံငွေအဖွဲ့(Global Heritage Fund) မှ ထုတ်ပြန်သော အစီရင်ခံစာတွင် မြောက်ဦးမြို့ကို အာရှတိုက်၏ စိုးရိမ်ဖွယ်ရာ အခြေအနေနှင့် ရင်ဆိုင် နေရသော ယဉ်ကျေးမူ အမွေအနှစ် ၁၀ခု စာရင်းသွင်းခဲ့ပြီး တနှစ်တာကြာသည့် ယနေ့အချိန်ထိ “မြောက်ဦးမြို့တော်၏ ရှေးဟောင်း ယဉ်ကျေးမှု အမွေအနှစ် ထိန်းသိမ်းရေးမှာ လွန်စွာစိုးရိမ်ဘွယ် အနေအထား၌ပင် ရှိနေဆဲဖြစ်ကြောင်း” ရခိုင် သမိုင်းပညာရှင်များက သုံးသပ်ကြသည်။

၂၀၁၂ခုနှစ်၊ မေလ ၃ ရက်နေ့က ထုတ်ပြန်ခဲ့သည့် အဆိုပါ အစီရင်ခံစာတွင် အာရှတိုက်၏ ရှေးခေတ် ဗိသုကာ လက်ရာများမှာ စီးပွားရေးလုပ်ငန်းများ ထွန်းကားလာခြင်း၊ လုံလောက် သော ပြုပြင် ထိန်းသိမ်းမှု မရှိခြင်း၊ ခိုးယူလုယက်ခြင်း၊ စစ်မက်ဖြစ်ပွားခြင်းနှင့် ခရီးသွားလုပ်ငန်းများ ကျယ်ပြန့်လာခြင်း တို့ကြောင့် ပျက်စီးပျောက်ကွယ်မည့် ဘေးအန္တရာယ်နှင့် ရင်ဆိုင် နေရသည့် နေရာ၁၀ခုတွင် ထိုင်းနိုင်ငံမှ အယုဒ္ဓယ၊ အာဖဂန်နစ္စတန်နိုင်ငံမှ ဗုဒ္ဓသာသနိက အဆောက်အအုံ တခု၊ တရုတ်နိုင်ငံမှ ရှေးဟောင်းမြို့တော် တခုနှင့် အတူ မြန်မာနိုင်ငံမှ ရှေးဟောင်းမြို့တော် မြောက်ဦးကိုလည်း ဖော်ပြထားသည်။

မြောက်ဦးမြို့တွင် နေထိုင်ပြီး မြောက်ဦးပြတိုက်မှူးအဖြစ် ဆောင်ရွက်ခဲ့သူ ရှေးဟောင်း သုတေသန ဦးစီးဌာန လက်ထောက် ညွှန်ကြားရေးမှူးဟောင်း (ငြိမ်း) ဦးကျော်ထွန်းအောင်က မြောက်ဦး ယဉ်ကျေးမှု အမွေအနှစ် ဇုံထိန်းသိမ်းမှုသည် ယခင်နှစ်ကထက် ပိုမိုဆိုးလာပြီး ရှေးဟောင်းယဉ်ကျေးမှု နယ်မြေကို ဖြတ်ကာ ရထားလမ်း၊ ကားလမ်း ဖောက်လုပ်မှုများ၊ ဟိုတယ်နှင့် အခြားအဆောက်အဦးများ နေရာယူမှုတို့သည် ယဉ်ကျေးမှု အမွေအနှစ်ကို ပျက်စီးစေသည်ဟု ဆိုသည်။

၎င်းက “ နန်းတော်ရာကုန်းမှာ မြေတူးတဲ့လုပ်ငန်းလို မိမိတို့ဌာနနဲ့ မဆိုင်တဲ့လုပ်ငန်းတွေကို လုပ်ကိုင်တာတွေ ရှိနေတယ်။ အထူးသဖြင့် မြောက်ဦး ရှေးဟောင်း သုတေသန ဦးစီး ဌာနအနေနဲ့ သတ်မှတ်ထားတဲ့ စည်းမျဉ်းဥပဒေတွေနဲ့ အညီကိုင်တွယ် ထိန်းသိမ်းမှုပိုင်းမှာ အားနည်းနေတာ တွေ့ရတယ်”ဟု ဆိုသည်။

အာရှတိုက် တခုလုံး၏ ယဉ်ကျေးမှုအမွေအနှစ် ထိန်းသိမ်းမှု အညံ့ဖျင်းဆုံး ၁၀နေရာ စာရင်းတွင် ပါဝင်လာ ရခြင်းမှာ မြောက်ဦးယဉ်ကျေးမှု အမွေအနှစ် ဒေသတွင် ရှေးဟောင်းဘုရား စေတီပုထိုးများ ပြုပြင်ရာတွင်
ရှေးဟောင်း သုတေသန နည်းစနစ်နှင့်အညီ မဟုတ်ဘဲ ပြုပြင်မွမ်းမံခြင်း၊ သက်ဆိုင်ရာက ကားဂိတ်များ အား နန်းတော်အထဲမှာ နေရာချထားခြင်း စသည့် ရှေးဟောင်း ယဉ်ကျေးမှု အမွေအနှစ်များ အတားအဆီး အတိုင်းအဆမရှိ ပျက်စီးချင်တိုင်း ပျက်စီးနေသည့် အခြေအနေ များကြောင့်Global HeritageFund က စိုးရိမ်ဘွယ်ရာ စာရင်းထဲမှာ ထည့်သွင်း ထား ခြင်းဖြစ်သည်ဟု ရခိုင်သမိုင်းပညာရှင်တို့က ဆိုသည်။

အဆိုပါ စာရင်းမှ ပယ်ဖျက်နိုင်ရန်အတွက် မြောက်ဦးမြို့နယ်နှင့် ကျောက်တော် မြို့နယ်များသို့ သွားရောက်ကာ နေရာငါးခု၌ ရှေးဟောင်း ယဉ်ကျေးမှု အမွေအနှစ်များ ထိန်းသိမ်းရေး ဆိုင်ရာ အလုပ်ရုံ ဆွေးနွေးပွဲများ ပြုလုပ်ခဲ့ကြောင်း သိရသည်။

ရှေးဟောင်းသုတေသနဌာနမှ စားသောက်ဆိုင် လုပ်ဆောင်ခွင့်သာ ပေးထားသည်ကို ယဉ်ကျေးမှုဇုံအတွင်း ၀င်ရောက်ကာ ဟိုတယ်ဆောက်လုပ်သဖြင့် ဌာနမှ တရားစွဲဆိုခဲ့သည်ဟု ဦးကျော်ထွန်းအောင် က
ပြောပြခဲ့သည်။

နိုင်ငံတကာ သမိုင်းပညာရှင်များက ရခိုင်သမိုင်းကို ဓည၀တီခေတ် (ဘီစီ ၃၃၂၅-အေဒီ ၃၂၇) ၊ ဝေသာလီခေတ်( အေဒီ ၃၂၇-အေဒီ၈၁၈)၊ လေးမြို့ခေတ် (အေဒီ ၈၁၈-အေဒီ ၁၄၃၀) မြောက်ဦးခေတ် (အေဒီ၁၄၃၀- အေဒီ၁၇၈၄) ဟူ၍ ခေတ် လေးခေတ် သတ်မှတ်ထားခဲ့ပြီး မြောက်ဦးမြို့မှာ ရခိုင်တို့၏ နောက်ဆုံး နန်းမြို့တော် ဖြစ်သည်။

မြောက်ဦးခေတ်သည် ခေတ်အဆက်ဆက်မှ ရခိုင်ယဉ်ကျေးမှု အနုပညာ ဗသုကာ လက်ရာများ ပေါင်းဆုံခဲ့ သဖြင့် ရခိုင်သမိုင်းတွင် အရေးပါကြောင်း ဦးကျော်ထွန်းအောင်က ရှင်းပြ ခဲ့သည်။ ထို့ကြောင့် ယူနက်စကို အသိအမှတ်ပြု ယဉ်ကျေးမှု အမွေအနှစ် နယ်မြေဖြစ်လာရေး တန်းစီဇယားတွင် တတိယနေရာ ရရှိထားသည်ဟု သိရသည်။

ယင်းကိစ္စနှင့်စပ်လျဉ်း၍ ဦးကျော်ထွန်းအောင်က “အစိုးရက ဗိဿနိုး၊ဟန်လင်းနဲ့ပုဂံကိုတင်ပြတယ်။ ဒါပေမယ့် World Heritage ကပုဂံကို လုံးဝလက်မခံခဲ့ဘူး။ ဘာလို့လဲဆိုတော့ ပုဂံမှာ အဆောက်အဦး အသစ်တွေ၊ ဟိုတယ်တွေဟာ ရှေးဟောင်း ယဉ်ကျေးမှု အမွေအနှစ်များကို လွှမ်းမိုးပြီး၊ ရှေးဟောင်း ယဉ်ကျေးမှု နဂို ပင်မ စရိုက် လက္ခဏာတွေအားလုံး ပျက်စီးသွား လို့ပါပဲ။ ဒါကြောင့် ဗိဿနိုးနဲ့ ဟန်လင်းကို သက်တမ်းအရ တန်းစီဇယားထိပ်မှာ ထားပြီးတော့ မြောက်ဦးကို တတိယနေရာမှာ ထားလိုက်တယ် ” ဟုထောက်ပြခဲ့သည်။

“မြောက်ဦးဟာ ရခိုင်လူမျိုးရပ်တည်ရှင်သန်မှုရဲ့ အမှတ်သင်္ကေတဖြစ်တယ်။ ရခိုင်တို့ရဲ့အသည်းနှလုံး ဆိုရင်လည်း မမှားဘူးပေါ့။ ဒါတွေကိုအဓိက တာဝန်ယူထားရတဲ့ ရှေးဟောင်း သုတေသနဦးစီးဌာနက သူတို့နဲ့မဆိုင်သလို လုပ်နေတာ တွေ့ရတော့ အကြီးအကျယ်စိတ်ပျက်မိတယ်” ဟုမြောက်ဦးဒေသခံ စာရေးဆရာ နောင်အေး က မှတ်ချက်ပြုသည်။

မြောက်ဦးမြို့မှာ ရခိုင်ဘုရင် မင်းစောမွန်က အေဒီ ၁၄၃၀ ခုနှစ်တွင်တည်ထောင်ခဲ့ပြီး နှစ်ပေါင်း ၃၅၅ နှစ် တည်တံ့ခဲ့ပြီး၊ ရခိုင်မင်းဆက်ပေါင်း ၄၈ ဆက်စိုးစံခဲ့သည့် ရခိုင်သမိုင်းဆိုင်ရာ ယဉ်ကျေးမူအမွေအနှစ်များ အထူး ပေါကြွယ်ဝသော ရှေးဟောင်း မြို့တော် တခု ဖြစ်သည်။

Ref: မဇ္ဈိမ

Read More...

အင်ဒိုနီးရှား-မြန်မာ ကုန်သွယ်မှု ၂၀၁၆ တွင် ဒေါ်လာသန်း တထောင်ဖြစ်ရန် မှန်း

ခင်မျိုးသွယ်
ဧပြီလ ၀၄ ရက် ၂၀၁၃ ခုနှစ်

အင်ဒိုနီးရှားနှင့် မြန်မာ ကုန်သွယ်မှု ပမာဏကို လာမည့် ၂၀၁၆ ခုနှစ်တွင် ဒေါ်လာ ၁ ဘီလီယံထိ ရောက်ရှိလာရန် နှစ်နိုင်ငံ ခေါင်းဆောင်များ ဆွေးနွေးခဲ့ကြသည်။

နေပြည်တော်တွင် ကုန်သွယ်ရေးဝန်ကြီး ဦးဝင်းမြင့်နှင့် အင်ဒိုနီးရှား စီးပွားရေးဝန်ကြီး ဟတ္တာ ရာဂျာဆာ (Hatta Rajasa)တို့ ဧပြီလ ၂ ရက်နေ့က တွေ့ဆုံဆွေးနွေးအပြီး အင်ဒို နိုင်ငံပိုင် လုပ်ငန်းများ ဝန်ကြီး ဒါလန် အစ္စကန် (Dahlan Iskan)က ပြောကြားရာတွင် ၎င်းတို့၏ ကုမ္ပဏီကြီး သုံးခု မြန်မာနိုင်ငံတွင် လုပ်ကိုင်ရန် လိုင်စင်ရပြီးကြောင်း ထုတ်ဖော်ပြောကြား သွား သည်။

၎င်းတို့မှာ ဆောက်လုပ်ရေး ကုမ္ပဏီတခုဖြစ်သည့် PT Wijaya Karya (Wika)၊ PT Timah သတ္တုတွင်း ကုမ္ပဏီနှင့် PT Semen Indonesia ဘိလပ်မြေ ကုမ္ပဏီတို့ ဖြစ်ကြသည်။

ဒေါ်လာသန်း ၂၀၀ တန် ဘိလပ်မြေ စက်ရုံတရုံကို အင်ဒိုနီးရှား၏ အကြီးမားဆုံး ဘိလပ်မြေ ထုတ်လုပ်သူ PT Semen Indonesia က ၂၀၁၄ နှစ်ဆန်းပိုင်းတွင် မြန်မာနိုင်ငံ၌ စတင် ဆောက်လုပ်မည်ဟု ဂျာကာတာ ပို့စ် သတင်းတရပ်တွင် ပါရှိသည်။

ဘိလပ်မြေ စက်ရုံနှင့် ကျောက်မီးသွေး လောင်စာသုံး လျှပ်စစ် ဓာတ်အားပေးရုံများ လာရောက် တည်ဆောက်လုပ်ကိုင်ရန် မြန်မာ အာဏာပိုင်များက အင်ဒိုနီးရှားကို ဖိတ်ခေါ် ထားကြောင်း အင်ဒိုနီးရှား စီးပွားရေး ဝန်ကြီး ဟတ္တာ ရာဂျာဆာ က ဆိုသည်။

မြန်မာနိုင်ငံအနေဖြင့် အင်ဒိုနီးရှား စီးပွားလုပ်ငန်းများ လာရောက်လုပ်ကိုင်ရန် လိုလားလျက် ရှိကြောင်း ၎င်း၏ ကိုယ်ပိုင် အင်တာနက် စာမျက်နှာတွင် မစ္စတာ ဟတ္တာ က အင်ဒိုနီးရှား ဘာသာဖြင့် ရေးသားထားကြောင်း ဂျာကာတာ ဂလုပ် သတင်းတရပ်က ဆိုသည်။

အင်ဒိုနီးရှား နိုင်ငံပိုင် Bank Negara Indonesia ဘဏ်ခွဲတခု ဖွင့်လှစ်ရန် လေ့လာလျက်ရှိကြောင်းလည်း ဝန်ကြီး ဟတ္တာက ဆိုသည်။

“မြန်မာနိုင်ငံမှာ BNI ရဲ့ ဘဏ်ခွဲ တခုဖွင့်ဖို့အတွက် ကျနော်တို့ လေ့လာစူးစမ်းမှုတွေ လုပ်နေပါတယ်” ဟု ၎င်း၏ ကိုယ်ပိုင် ဝဘ်ဆိုက်တွင် ရေးသားထားသည်။

မစ္စတာ ဟတ္တာမှာ အင်ဒိုးနီးရှား အစိုးရပိုင် စီးပွားရေးလုပ်ငန်း ခေါင်းဆောင်များနှင့်အတူ ရန်ကုန်မြို့သို့ ရောက်ရှိလာပြီး စီးပွားရေး လုပ်ဖော်ကိုင်ဖက်များနှင့် ဆွေးနွေးမှုများ ပြုလုပ်ခဲ့ကြသည်။

“အင်ဒိုးနီးရှားတွေ ဒီကို ဝင်လာဖို့ သူတို့ (မြန်မာတွေ) တကယ်မျှော်လင့်ကြတာပါ။ ဘာကြောင့်လဲဆိုတော့ ကျနော်တို့နဲ့ နီးစပ်မှုတခု ရှိတယ်လို့ ခံစားကြပြီး ကျနော်တို့ ယဉ်ကျေးမှုတွေ ဆင်တူပြီး ရှည်လျားတဲ့ သမိုင်းကြောင်း ရှိကြလို့ပါ” ဟု အင်ဒို စီးပွားရေးဝန်ကြီးက မြန်မာနိုင်ငံကို ရောက်ရှိနေစဉ်အတွင်း
ရေးသားထားသည်။

အင်ဒိုနီးရှားအစိုးရပိုင် Bukit Asam ကျောက်မီးသွေး တူးဖေါ်ရေး ကုမ္ပဏီက မြန်မာနိုင်ငံတွင် အကြီးဆုံး ကျောက်မီးသွေးသုံး လျှပ်စစ် ဓာတ်အား ထုတ်လုပ်ရေး စက်ရုံ တရုံ တည် ဆောက်ရန် အမေရိကန် ဒေါ်လာ သန်း ၈၀ ရင်းနှီးမြှုပ်နှံရန် ရှိသည်ဟုလည်း ဂျာကာတာ ဂလုပ်တွင် ရေးသားသည်။

ဧပြီ ၃ ရက်နေ့က ရန်ကုန်မြို့ရှိ ကုန်သည်များနှင့် စက်မှုလုပ်ငန်းရှင်များ အသင်းချုပ်တွင် မြန်မာစီးပွားရေး လုပ်ငန်းရှင်များနှင့် အင်ဒိုနီးရှား စီးပွားရေးလုပ်ငန်းရှင်တို့ တွေ့ဆုံ ဆွေးနွေး ခဲ့ကြသည်။

“လေကြောင်းလိုင်းနှင့် လေယာဉ်ဆိုင်ရာ ဝန်ဆောင်မှု၊ ရေနံနဲ့ သဘာဝဓါတ်ငွေ့၊ စက်ဆီချောဆီ၊ ဆောက်လုပ်ရေး၊ ဘဏ်၊ ဆက်သွယ်ရေးနဲ့ နည်းပညာ၊ သတ္တုတူးဖေါ်ရေး၊ ဘိလပ်မြေ၊ လမ်း၊ တံတားနဲ့ အကြီးစား ဆောက်လုပ်ရေး၊ စိုက်ပျိုးရေး ထွက်ကုန်ပစ္စည်း၊ ဓါတ်မြေသြဇာ လုပ်ငန်းတွေကို မြန်မာနိုင်ငံမှာ ရင်းနှီးမြှုပ်နှံဖို့နဲ့ အကျိုးတူ ပူးပေါင်းဆောင်ရွက်လုပ်ကိုင်ဖို့ ဆွေးနွေးခဲ့ကြပါတယ်” ဟု ဆွေးနွေးပွဲသို့ တက်ရောက်ခဲ့သူ စီးပွားရေး လုပ်ငန်းရှင် ဦိးသောင်းထွန်း က ပြောသည်။

ဆွေးနွေးပွဲသို့ အင်ဒိုနီးရှား စီးပွားရေးဝန်ကြီး ဦးဆောင်၍ ကုမ္ပဏီ ၁၁ ခုမှ လာရောက် ဆွေးနွေးခဲ့ပြီး မြန်မာနိုင်ငံမှ သက်ဆိုင်ရာ လုပ်ငန်းများအလိုက် စီးပွားရေး လုပ်ငန်းရှင်များ တက်ရောက်ခဲ့သည်။

မြန်မာနိုင်ငံတွင် လိုအပ်သည့် လျှပ်စစ် ပမာဏ၏ ၃၀ ရာခိုင်နှုန်းခန့်သာ သုံးစွဲနိုင်သေးကြောင်းလည်း အင်ဒိုဝန်ကြီး၏ အင်တာနက် စာမျက်နှာတွင် မှတ်ချက်ပြုထားသည်။

Ref: မဇ္ဈိမ

Read More...

လူပျောက်တိုင်ထားသော ကိုရဲမင်းဦးအား အနောက်ပိုင်းခရိုင်တွင် ရုံးထုတ်

ခိုင်ခိုင်၊ သိန်းလှိုင်
ဧပြီလ ၀၄ ရက် ၂၀၁၃ ခုနှစ်

လွန်ခဲ့သည့် မတ်လ ၂၅ ရက်နေ့မှစ၍ ဖမ်းဆီးသွားခဲ့သော ကျောင်းသားသမဂ္ဂများ အဖွဲ့ချူပ် (ဖြစ်မြောက်ရေး ကော်မတီ) မှ ကိုရဲမင်းဦးအား အနောက်ပိုင်းခရိုင် တရားရုံးတွင် ယနေ့ ရုံးထုတ်ခဲ့ခြင်းအပေါ် လျင်မြန်လွန်းသဖြင့် အမှုကို တာဝန်ယူထားသူ ရှေ့နေပင် မသိလိုက်ကြောင်း ပြောသည်။

ကိုရဲမင်းအောင်က “ဒီနေ့ရုံးထုတ်တာလား။ လူခေါ်ထုတ်ပြတာလား ဆိုတာတော့ မသိဘူး။ မတရားဘူးလို့ ကျွန်တော် မြင်ပါတယ်” ဟုမဇ္ဈိမကို ပြောသည်။


ကိုရဲမင်းဦးကို ဖမ်းမည်ဆိုပါက ဖမ်းဝရမ်းနှင့် ဖမ်းစေချင်ကြောင်း မပွင့်မလင်း ဖမ်းဆီးခြင်းက သဘာဝ မကျကြောင်း ကိုရဲမင်းအောင်က ဆိုသည်။

ရခိုင်လူငယ်များ ကွန်ယက် (AYO) မှ ကိုမောင်လေးက “လက်ထိပ်ကြီးတန်းလန်းနဲ့ ကိုရဲမင်းဦးကို နေ့လည် ၁၂ နာရီလောက်မှာတရားရုံးကို ကားနဲ့ခေါ်လာတယ်။ ပုံမှန်အချုပ်ကား နဲ့တော့မဟုတ်၊ သီးသန့်ကားနဲ့ ခေါ်လာတာ။ ကားပေါ်က ဆင်းတာနဲ့ ရုံးခန်းကိုတန်းဝင်တယ်။ သူ့ရှေ့နေတွေနဲ့တောင် တွေ့ခွင့်မရ။ ပြန်အထွက်မှာ မီဒီယာတွေနဲ့ မတွေ့ရအောင် ကားပေါ်သို့ အတင်း ဒရောသောပါး တင်ဖို့လုပ်တယ်။ နောက်ဆုံး မီဒီယာသမားတွေနဲ့ မိနစ် ၂၀ လောက်တွေ့ခွင့်ရခဲ့တယ်” ဟု ရှင်းပြသည်။

ယနေ့ နံနက် က အနောက်ပိုင်းခရိုင်တရားရုံးတွင် ရုံးထုတ်သော ကိုရဲမင်းဦးအား လာရောက်တွေ့ဆုံသူများ၊ မီဒီယာများနှင့် စကားပြောဆိုခွင့် မပေးသောကြောင့် ရဲတပ်ဖွဲ့ဝင်အချို့ နှင့်လာရောက်သူများ အနည်းငယ် ရုန်းရင်းဆန်ခတ် ဖြစ်ပွားခဲ့သည်။

မီဒီယာသမားများနှင့်တွေ့စဉ် ကိုရဲမင်းဦးက ၎င်းမှာမတရားဖမ်းဆီးချုပ်နှောင်ခံနေရကြောင်း၊ စတင်ဖမ်းဆီးခဲ့ စဉ်ကလည်းဥပဒေနှင့်မညီ ၂၄နာရီကျော်လွန်၍ ရမန်မယူဘဲ ဖမ်းဆီး ထိန်းသိမ်း ထားခဲ့ကြောင်း၊ လက်ရှိ အစိုးရသည် မိတ္ထီလာကိစ္စတွင် တရားခံရှာမရ၍ ၎င်းအား အဓမ္မအမှုဆင် ဖမ်းဆီးထားခြင်းဖြစ်ကြောင်း ပြောဆိုခဲ့သည်။

ကျောင်းသားသမဂ္ဂများ အဖွဲ့ချူပ် (ဖြစ်မြောက်ရေး ကော်မတီ) မှ ဒုဥက္ကဌ ကိုရဲမြတ်ဟိန်းက ယခုအချိန်တွင် ကိုရဲမင်းဦးမှာ စွပ်စွဲခံရသူသာ ဖြစ်ပြီး တရားခံ မဟုတ်သည့် အတွက် ဧည့်တွေ့ခွင့်ပေးရန်လိုကြောင်း ပြောသည်။

ကိုရဲမြတ်ဟိန်း “ ဘယ်သူနဲ့မှ တွေ့ခွင့်မပေးပဲနဲ့ တိတ်တိတ် ဆိတ်ဆိတ် ပဲလာတယ်။ တိတ်တိတ်ပဲ ပြန်ခေါ်သွားချင်တဲ့ ဆန္ဒက အရင်အစိုးရ လက်ထက်ကလိုပဲ လုပ်တယ်။ ဒါကို အလိုမရှိလို့ ကျွန်တော်တို့ တားပြီး စကားပြောတယ်။ ဒါကြောင့် ရုန်းရင်းဆန်ခတ် ဖြစ်တာပါ” ဟုဆိုသည်။

တရားလွှတ်တော် ရှေ့နေ ဦးအောင်သိန်းက ယနေ့ရုံးထုတ်ခြင်းသည် ရမန်ယူခြင်းသာ ဖြစ်သည့်အတွက် ရှေ့နေမပါသော်လည်း ရသည်ဟု မဇ္ဈိမကို ပြောသည်။

ကိုရဲမင်းဦးအား ပြစ်မှုဆိုင်ရာ နိုင်ငံတော်တည်ငြိမ်ရေးကို ထိပါးနှောင့်ယှက်မှု ပုဒ်မ ၅၀၅ (ခ) ဖြင့် အရေးယူထားပြီး၊ လာမည့် ဧပြီ ၂၃ ရက်နေ့တွင် ဒုတိယ အကြိမ်ရုံးထုတ်မည်ဟု ၎င်း၏ရှေ့နေ ဦးအောင်သိန်း၏ ပြောဆိုချက်အရ သိရသည်။

Ref: မဇ္ဈိမ

Read More...

မြန်မာ့ ဓာတ်အား လိုင်းများ ကောင်းမွန်ရေး ကူညီရန် ထိုင်း လေ့လာနေ

Bangkok Post
ဧပြီလ ၀၄ ရက် ၂၀၁၃ ခုနှစ်

မြန်မာနိုင်ငံ၏ မြင့်တက်လာသော လျှပ်စစ်မီး လိုအပ်ချက်များအရ ဓာတ်အားလိုင်းများကို အဆင့်မြှင့်တင် ပြင်ဆင်တိုးချဲ့ရေး အတွက် ထိုင်းနိုင်ငံ တိုးတက်ရေး အေဂျင်စီမှ ချေးငွေ ဘတ် ၁ ဘီလျံအား ရရှိရန် ရန်ကုန်မြို့ လျှပ်စစ်မီး ဖြန့်ဝေပေးရေး ဘုတ်အဖွဲ့က မျှော်မှန်းလျက်ရှိသည်။

ယာယီ လျှပ်စစ် အာဏာပိုင်ပဖွဲ့ PEA အား စီမံကိန်း ကို စီမန်ခံခွဲ၍ ဦးစီးဦးရွက် ပြုလုပ်နိုင်ရန် ခန့်အပ်ထားပြီး ဖြစ်သည်ဟု အိမ်နီးချင်းနိုင်ငံများ စီးပွားရေးဆိုင်ရာ တိုးတက်ရေးအေဂျင်စီ (NEDA)မှ ဥက္ကဌ နှင့် အမှုဆောင်အရာရှိချုပ် ဖြစ်သူ Acksiri Buranasiri မှ ပြောကြားသည်။

ဘန်ကောက် အခြေစိုက်Neda (Neighbouring Countries Economic Development Agency) အဖွဲ့အစည်းမှ အိမ်နီးချင်းနိုင်ငံများ၏ အခြေခံအဆောက်အအုံများ တည်ဆောက်ခြင်း နှင့် ထိုစီမံကိန်းတွင် မိမိတို့ ထိုင်းကုမ္မဏီများမှ ပူးပေါင်းပါဝင်နိုင်ရန် လမ်းကြောင်းပေးနိုင်ရေးကို ဦးတည်လျက် ရှိနေသည်။

Neda ကုမ္မဏီ မှ ဧပြီ လ ၃ ရက်နေ့ တွင် PEA နှင့် ရန်ကုန်မြို့ တောင်ဥက္ကလာနှင့် မြောက်ဥက္ကလာ မြို့နယ်များရှိ ဓာတ်အားလိုင်းများ အဆင့်မြှင့်တင် ပြုပြင်ရေးများအတွက် အနာဂတ်တွင် အသေးစိတ် လေ့လာမှုများ ပြုလုပ်နိုင်ရန် စာချုပ်တရပ်ချုပ်ဆို ခဲ့သည်။

၎င်း နေရာများမှာ ဧရိယာ အားဖြင့် ၇၀ စတုရန်းမီတာ ကျယ်ဝန်းပြီး လူဦးရေ သိပ်သည်းသော စက်မှုဇုန် ဖြစ်သည်။

သက်တမ်း ၃၀ ကြာမြင့်နေပြီဖြစ်သော မြန်မာနိုင်ငံ၏ ဓာတ်အား ဖြန့်ဝေမှုစနစ်ကြောင့် ဓာတ်အား ၃၀ ရာခိုင်နှုန်းမှာ အကျိုးမဲ့ ဆုံးရှုံးနေရပြီး နိုင်ငံတစ်ဝန်း ၌ လျှပ်စစ်ဓာတ်အား ပြတ်တောက်မှုများ မကြာခဏ တွေ့ကြုံ နေရကြောင်း Mr. Acksiri မှ ဆက်လက် ပြောကြား ခဲ့သည်။

ထိုသို့ လေ့လာ နိုင်ရန် အတွက် ထိုင်းနိုင်ငံ ဓာတ်အားဖြန့်ဖြူးခြင်း တိုးတက်ရေး လုပ်ငန်းများ ၌ နှစ် ၅၀ အတွေ့အကြုံရှိသော PEA ကို ဘတ် ၁၂.၃ မီလျံ ပေးအပ်သွားရန် Neda မှ စီစဉ်လျက်ရှိသည်။

အဆိုပါ လေ့လာမှုအား ၆လ အတွင်း ပြီးစီးနိုင်ရန် မျှော်မှန်းထားပြီး ထွက်ရှိလာသော ရလဒ်များ အရ Neda မှ မြန်မာနိုင်ငံအား သက်သာသော နှုန်းထားဖြင့် ဘတ် ၁ဘီလျံအား ချေးငွေအဖြစ် ပေးရန် ခန့်မှန်းလျက် ရှိသည်ဟု Mr. Acksiri ထံမှ ဆက်လက် သိရှိ ရသည်။

Mr.Acksiri က အဆင့်မြှင့်တင် ပြုပြင်ပြီးသော စနစ်ကို လာမည့် နှစ်တွင် စတင် လည်ပတ် အသုံးပြု နိုင်ရန် လုပ်ဆောင်သင့်သည်ဟု ပြောကြား ခဲ့သည်။

Neda သည် ထိုင်းနိုင်ငံ နှင့် အိန္ဒိယ နိုင်ငံအား မြန်မာနိုင်ငံမှတဆင့် ဖြတ်သန်း ဆက်သွယ်သွားပြီး လာအို မှတဆင့် ဗီယက်နမ် နိုင်ငံ အထိပါ ဆက်လက် ဖြတ်သန်းသွား နိုင် သည့် ကီလိုမီတာ ၂၀၀၀ ရှိသော လမ်းအား ဖောက်လုပ်နိုင်ရန် အဆင်ပြေမှု ရှိမရှိ ကို လည်း ထပ်မံလေ့လာနေသည်ဟု Mr. Acksiri မှအသိပေးပြောကြားခဲ့သည်။

၎င်းမှ မြန်မာနိုင်ငံသည် နိုင်ငံတွင်းရှိ သက်တမ်းကြာမြင့် နေပြီ ဖြစ်သော လမ်းများ ၊ ရေ နှင့် လျှပ်စစ် ဓာတ်အား ဖြန့်ဝေရေး စနစ်များကို အဆင့်မြှင့်တင် ပြုပြင် နိုင်ရန် လိုလားလျက် ရှိကြောင်း ပြောဆိုခဲ့သည်။

PEA မှ အုပ်ချုပ်ရေးအရာရှိ ဖြစ်သူ Numchai Lowattanatakul မှ မြန်မာနိုင်ငံတွင် လူဦးရေ၏ ၃၀ ရာခိုင်နှုန်းသာလျှင် လျှပ်စစ်မီး အသုံးပြုနိုင်ကြ ကြောင်း ပြောခဲ့သည်။

Mr. Lowattanatakul က ၎င်းတို့ PEA သည် မြန်မာနိုင်ငံ သာမက လာအို၊ ကမ္ဘောဒီးယားနှင့် ဗီယက်နမ် နိုင်ငံတို့၏ လျှပ်စစ် ဓာတ်အား ဖြန့်ဝေပေးရေး နှင့် ဖြန့်ဖြူးရေး နည်းပညာ များ တိုးတက်ရေး တို့အတွက် အကူအညီပေးရန် အသင့်ရှိနေသည် ဟု ဆိုသည်။

Neda သည် ၂၀၀၅ ခုနှစ်မှ စ၍ အခြေခံအဆောက်အဦး များ ပြုပြင် ဆောက်လုပ်ရေး လုပ်ငန်းများ တွင် ချေးငွေ ထုတ်ချေးပေးခြင်းနှင့် ထောက်ပံ့ကြေးများ ထုတ်ပေးခြင်းတို့ဖြင့် အထောက်အပံ့ ပေးလျက်ရှိသော အဖွဲ့အစည်း တစ်ခု ဖြစ်သည်။

၎င်း အဖွဲ့အစည်းသည် အရှေ့တောင်အာရှ တစ်ဝန်းရှိ နိုင်ငံများ၌ အစိုးရ နှင့် ပုဂ္ဂလိက အခန်းကဏ္ဍများ အကြား ပေါင်ကူးတံတားသဖွယ် ဆောင်ရွက်ပေးနေသော အဖွဲ့အစည်း ဖြစ်သည်။

Ref: မဇ္ဈိမ

Read More...

မတည်ငြိမ်မှု ဖြစ်စဉ်များနှင့်ဆက်စပ်၍ ရခိုင် ၁၄ ဦး အရေးယူခံထားရ

သိန်းလှိုင်
ဧပြီလ ၀၃ ရက် ၂၀၁၃ ခုနှစ်

မတ်လမှ စ၍ ရခိုင်ပြည်နယ်အတွင်း ဆန္ဒပြမှုများ အပါအဝင် လတ်တလောမတည်ငြိမ်မှု ဖြစ်စဉ်များနှင့် ဆက်စပ်၍ ရခိုင်အမျိုးသား အနည်းဆုံး ၁၄ ဦး အရေးယူခံထားရကြောင်း ရခိုင်လူမှုကွန်ယက် တာဝန်ရှိသူများက ဆိုသည်။

ဂွမှ ကိုရဲမင်းဦးနှင့် သံတွဲမြို့နယ်မှ ဦးထွန်းဝင်းနှင့် ဦးသန်းမောင်တို့မှာ အထိန်းသိမ်းခံအဖြစ် ရှိနေပြီး တောင်ကုတ်မှ ဦးမင်းထွန်း၊ ဦးစိုးဝင်း၊ ဦးသန်းလွင်စိုး နှင့် ရသေ့တောင်မှ ဦးတိုးတိုး၊ ဦးသန်းဌေးတို့မှာ ရုံးတင် တရားစွဲဆိုခြင်း ခံနေရသည်။ စစ်တွေမှ ဦးကျော်ဇောဦး၊ ဒေါ်ညိုအေးနှင့် ကျောက်တော်မှ ဦးမောင်သိန်းလှိုင်၊ ဦးမောင်ဝင်း၊ ဒေါ်လှမေ၊ ဒေါ်တင်တင်အေး တို့မှာ ရဲစခန်းမှ အမှုဖွင့်ပြီး အာမခံဖြင့် လွှတ်ပေးထားကြောင်း သိရသည်။

မတ်လ ၂၅ ရက်နေ့က ဖမ်းဆီးခြင်းခံခဲ့ရသော ကျောင်းသားသမဂ္ဂ ဖြစ်မြောက်ရေး ကော်မတီ အတွင်းရေးမှူး ကိုရဲမင်းဦးမှာ ရဲမှ ထိန်းသိမ်းထားခြင်းဖြစ်ပြီး ဧပြီလ ၄ ရက်နေ့တွင် ရန်ကုန် အနောက်ပိုင်း ခရိုင် တရားရုံး၌ ရုံးထုတ်တော့မည်ဟု ရခိုင်လူယ်များအဖွဲ့ (AYO)မှ ကိုမောင်လေး က ဆိုသည်။

“ကျနော်တို့ကို မတ်လ ၃၁ နေ့ညမှာ ရဲက အသိပေးတယ်။ ကိုရဲမင်းဦးကို သူတို့ ထိန်းသိမ်းထားတယ်ပေါ့။ အခု အင်းစိန်ထောင် အဆောင် (၆)၊ အခန်း(ခ)မှာ ကျန်းကျန်းမာမာ ရှိတယ်။ ဘယ်ပုဒ်မနဲ့ အရေးယူထားတယ် ဆိုတာ ပြောမသွားဘူး” ဟု မဇ္ဈိမကို ပြောသည်။

သံတွဲမြို့နယ်၊ ဂျိတ္တောကျေးရွာမှ အထိန်းသိမ်းခံနှစ်ဦးနှင့် ပတ်သက်၍ ကမ်းခြေ လူမှုကွန်ယက်မှ ကိုစိန်ချစ်က “ကိုထွန်းဝင်းကို ဧပြီလ ၁ ရက်နေ့က ဖမ်းသွားတယ်။ ကိုသန်းမောင်ကို ကျတော့ ဧပြီ ၂ ရက်နေ့ မနက် ၂ နာရီလောက်မှာ ခေါ်သွားတယ်။ အခု သံတွဲထောင်ချုပ်မှာ ထားတယ်။ သူတို့ကိုအမှုဖွင့်တာက ပုဒ်မ (၁၈)နဲ့ မဟုတ်ဘဲ ပိုင်နက်ကျူး လွန်မှုနဲ့ အမှုဖွင့် ထားတယ်။ ဆန္ဒပြမှုနဲ့ မဟုတ်ဘူး ဆိုတယ်။ နောက်ထပ် ဖမ်းဘို့ နှစ်ယောက် ကျန်သေးတယ် လို့လည်း ရဲက ကျနော့်ကို ပြောတယ်” ဟု မဇ္ဈိမကို ပြောသည်။

ထိုနှစ်ဦးအား တရားလိုဘက်မှ စွပ်စွဲတိုင်းတန်းရုံနှင့် ဖမ်းဆီးထားခြင်းဖြစ်ကြောင်း ၎င်းက ဆိုသည်။

မတ်လ ၃၀ နေ့က ဂျိတ္တောရွာ၊ အမှတ်(၁၂) ရပ်ကွက်ရှိ ဒေါ်အမာနေအိမ်တွင် အမည်မသိ လူမျိုးခြားတချို့ ရောက်ရှိနေသည်ဟု ကြားသိရ၍ ရွာသားများက သွားရောက်စုံစမ်းရာ အိမ်ရှင်နှင့် အခြေအတင်ဖြစ်ခဲ့သည့် ရွာသားများအနက် ဦးထွန်းဝင်းနှင့် အမျိုးသမီးနှစ်ဦးကို ကျေးရွာရဲစခန်းမှ စစ်ဆေးခဲ့ရာတွင် သက်သေ ခိုင်လုံမှုမရှိသဖြင့်ပြန်လွှတ်ပေး ခဲ့ပြီး သည့်နောက် မတ်လ ၃၁ တွင် ပြုလုပ်သည့် ကျေးရွာအုပ်ချုပ်ရေးမှူး နှုတ်ထွက်ရေး ဆန္ဒပြပွဲအပြီးတွင် ယခုကဲ့သို့ ထပ်မံ ဖမ်းဆီးနေခြင်းဖြစ်ကြောင်း ကိုချစ်စိန် က ပြောသည်။

မတ်လအတွင်းက ခွင့်ပြုချက်မဲ့ ဆန္ဒပြမှုဖြင့် စစ်တွေမှ နှစ်ဦး၊ ကျောက်တော်မှ လေးဦး၊ တောင်ကုတ်မှ သုံးဦး၊ ရသေ့တောင်မှ နှစ်ဦးတို့အား သက်ဆိုင်ရာမှ အရေးယူထားခဲ့ရာမှ ယခုအခါ တရားစီရင်မှု စတင်နေပြီဟု ရခိုင်လူမှုကွန်ယက်က ဆိုသည်။

၎င်းဆန္ဒပြမှုများမှာ နိုင်ငံသားစီစစ်မှု မရှိဘဲ ဒုက္ခသည်များ ပြန်လည်နေရာချထားမည် ဟူသည့်ကိစ္စ အပါအဝင် အငြင်းပွားဖွယ် လုပ်ရပ်များကို ကန့်ကွက်ထားပြီး စစ်တွေ၊ မြောက်ဦး၊ ကျောက်တော်၊ မင်းပြား၊ ရသေ့တောင်၊
တောင်ကုတ်၊ သံတွဲမြို့နယ်များတွင် ပြုလုပ်ခဲ့ခြင်း ဖြစ်သည်။

“အစက ရဲက အမှုဖွင့်ပြီး အာမခံနဲ့ လွှတ်ပေးထားခဲ့တယ်။ အခု တောင်ကုတ် သုံးဦးနဲ့ ရသေ့တောင် နှစ်ဦးကို မြို့နယ်တရားရုံးတွေမှာ စတင် စွဲချက်တင်လိုက်ပြီးတော့ အာမခံနဲ့ ပြန်လွှတ်ပေးထားတယ်။ လာမယ့် ရက်တွေမှာ တရားရင်ဆိုင်ရတော့မယ်” ဟု စစ်တွေ ရခိုင်လူမှုကွန်ယက် ခေါင်းဆောင် ဒေါ်ညိုအေး က ပြောသည်။

ခွင့်ပြုချက်မဲ့ ဆန္ဒပြမှုဖြင့် ရသေ့တောင်မှ ဦးတိုးတိုးနှင့် ဦးသန်းဌေးတို့အား ဧပြီ ၁ ရက်နေ့တွင် လည်းကောင်း၊ တောင်ကုတ်မှ ဦးမင်းထွန်း၊ ဦးစိုးဝင်းနှင့် ဦးသန်းလွင်စိုးတို့အား ဧပြီ ၂ ရက်နေ့တွင် လည်းကောင်း သက်ဆိုင်ရာ မြို့နယ်တရား ရုံးများတွင် ပုဒ်မ(၁၈)အရ တရားစွဲဆိုခဲ့ပြီး အာမခံဖြင့် ပြန်လွှတ်ပေးကာ ဧပြီလ ၈ ရက်နှင့် ၉ ရက်နေ့များတွင် ရုံးတင် စစ်ဆေးတော့မည်ဟု သိရသည်။

Ref: မဇ္ဈိမ

Read More...

နယူးယောက် အမျိုးသမီးပွဲ မြန်မာ Me N Ma အဖွဲ့ ဖျော်ဖြေမည်

မခင်ဖြူထွေး
04.04.2013

မြန်မာနိုင်ငံက လူငယ်အမျိုးသမီးတေးသံရှင် ၅ ဦးရဲ့ Me N Ma အဖွဲ့ဟာ နယူးယောက်မြို့မှာ ကျင်းပနေတဲ့ လေးကြိမ်မြောက် ကမ္ဘာပေါ်က အမျိုးသမီးများရဲ့ ဆွေးနွေးပွဲမှာ ပါဝင် ဖျော်ဖြေဖို့ ရှိနေပါတယ်။ ဧပြီလ ၄ ရက်နဲ့ ၅ ရက်နေ့တွေမှာပြုလုပ်တဲ့ ဒီအမျိုးသမီးများရဲ့ အခမ်းအနားကို နံမည်ကြီး အနုပညာရှင်တွေ အပါအ၀င် ကမ္ဘာကျော် လူပုဂ္ဂိုလ်တွေ အများ အပြား တက်ရောက်နေတာ ဖြစ်သလို ဒီလိုပွဲမျိုးမှာ ပါဝင်ဖျော်ဖြေခွင့်ရတဲ့အတွက် Me N Ma အဖွဲ့က အထူးဂုဏ်ယူတယ်လို့ ဗွီအိုအေကို ပြောပါတယ်။ တကမ္ဘာလုံးက အမျိုးသမီးတွေနဲ့ ဆိုင်တဲ့ အခုလိုပွဲမျိုးမှာ သူတို့အဖွဲ့ ဖျော်ဖြေဖို့ ဖြစ်လာခဲ့ပုံကို Me N Maအဖွဲ့က အမွန်းက အခုလို ပြောပြပါတယ်။

“မနှစ်က Women in the World Summit အစီအစဉ်မှာ ကျမတို့ရဲ့ မင်္ဂလာပါ ဆိုတဲ့ သီချင်းကို ဖွင့်ပွဲအပြီးမှာ ဖွင့်ပြလိုက်တယ်။ ဖွင့်ပြလိုက်တော့ အရမ်း သဘောကျကြတယ်ပေါ့။ Melanne Verveer ကလည်း မြန်မာနိုင်ငံကို သူလာလည်တဲ့ အချိန်မှာလည်း ကျမတို့ကို ဖိတ်ပြီးမှ အတူစားကြတယ်။ ကျမတို့သီချင်းဆိုပြတယ်။ အဲ့ဒီ့မှာ သူက အရမ်းကို သဘောကျပြီးမှ State ကို လာခဲ့ပါလို့ ဖိတ်သွားတယ်။ လွန်ခဲ့တဲ့ နှစ်တွေက ဖိတ်ထားတာပေါ့နော်။ ”

အခမ်းအနား ဒုတိယနေ့ဖြစ်တဲ့ ဒီနေ့ ဧပြီလ ၅ ရက်နေ့မှာ Me N Ma အဖွဲ့က အဆိုအကတွေနဲ့ ဖျော်ဖြေမှာဖြစ်ပါတယ်။ သူတို့အဖွဲ့ရဲ့ နံမည်ကြီး သီချင်းတပုဒ်ဖြစ်တဲ့ “မင်္ဂလာပါ” ဆိုတဲ့ သီချင်းနဲ့အတူ အခု အမေရိကန်နိုင်ငံမှာ လာရောက် အသံသွင်းနေတဲ့ “Girl Strong” ဆိုတဲ့ သီချင်းသစ်တပုဒ်နဲ့ စုစုပေါင်း သီချင်းနှစ်ပုဒ် ဖျော်ဖြေမယ်လို့ အမွန်းက ပြောပြပါတယ်။ ခုလို ကမ္ဘာတ၀ှမ်းက အမျိုးသမီးများတွေ ပါဝင်လှုပ်ရှားတဲ့ ပွဲမှာ ဖျော်ဖြေခွင့်ရတဲ့အတွက် ဂုဏ်ယူစရာကောင်းတယ် လို့လည်း အမွန်းက ပြောသွားပါတယ်။

“အရမ်းပျော်ပါတယ်အမ။ အရမ်းကိုပျော်ပြီးတော့ ဂုဏ်လည်းဂုဏ်ယူပါတယ်။ ဘာဖြစ်လို့လည်းဆိုတော့ ဒီလိုမျိုးပွဲမျိုးမှာ ဖျော်ဖြေဖို့ဆိုတာ မလွယ်ဘူးပေါ့နော်။ အိမ်မက်လည်း မမက်ဘူးပါဘူး။ ဒါအိမ်မက်လိုဖြစ်နေတယ် ညီမတို့အားလုံးအတွက်။ မနေ့က ညီမတို့ ရီဟာဇယ်သွားကြတယ် လင်ကွန်းစင်တာမှာ အရမ်းကြီးကို ကြီးကျယ်တဲ့ပွဲကြီးတစ်ခုပေါ့။”

အခုပွဲမှာ Me N Ma အဖွဲ့က သီချင်းတွေ ဆိုတာအပြင် အမေးအဖြေ ကဏ္ဍမှာ လည်း ပါဝင်မှာဖြစ်ပါတယ်။ Me N Ma အဖွဲ့ ဖွဲ့စည်းဖြစ်ခဲ့တဲ့အကြောင်းကစလို အရင် မြန်မာနိုင်ငံမှာ ဆင်ဆာ တင်းကျပ်မှု များခဲ့ချိန်က သူတို့ အဖွဲ့ ဘယ်လို ဖြတ်သန်း လှုပ်ရှားခဲ့လဲ၊ မြန်မာအမျိုးသမီးတွေအတွက် စံပြဖြစ်ချင်တဲ့ သူတို့အဖွဲ့ရဲ့ ရည်ရွယ်ချက်လေးတွေနဲ့ မြန်မာနိုင်ငံမှာ လတ်တလော ပြောင်းလဲ လာတဲ့ အခြေအနေ အဆုံး မေးမြန်းလာနိုင်ဖွယ် ရှိတာတွေကို ဖြေသွားဖို့ သူတို့အဖွဲ့က ပြင်ဆင်ထားတယ်လို့ လည်း အမွန်း က ပြောပြပါတယ်။

Me N Ma အဖွဲ့ဟာ သူတို့နဲ့ တေးသံသွင်းစာချုပ်ချုပ်ထားတဲ့ ကယ်လီဖိုးနီးယားပြည်နယ် လော့စ်အိန်ဂျဲလိစ်မြို့က Power Music အဖွဲ့နဲ့အတူ သီချင်းတွေ အသံသွင်းဖို့ အတွက်လည်း မတ်လ ၂၉ ရက်နေ့ကတည်းက အမေရိကန်ပြည်ထောင်စုကို ရောက်ရှိလာခဲ့တာဖြစ်ပါတယ်။ သူတို့အဖွဲ့ရဲ့ သီချင်းတွေနဲ့ ဖျော်ဖြေဟန်တွေကို သဘောကျတဲ့ Power Music အဖွဲ့က ဟောလိဝုဒ်မှာ သူတို့သီချင်းတွေကို ထုတ်လုပ်ဖြန့်ချိဖို့ ကမ်းလှမ်းခဲ့တာဖြစ်တဲ့ အကြောင်းလည်း Me N Ma အဖွဲ့က ရှင်းပြပါတယ်။

သူတို့ အဖွဲ့ဟာ အနုပညာအပြင် လူမှုရေးလုပ်ငန်းတွေနဲ့ အမျိုးသမီး ဘ၀မြှင့်တင်ရေး လှုပ်ရှားမှုတွေမှာလည်း တက်တက်ကြွကြွ ပါဝင်ဆောင်ရွက်နေတဲ့ အဖွဲ့တခုဖြစ်ပါတယ်။

" မြန်မာနိုင်ငံက အမျိုးသမီးတွေပေါ့ အလုပ်မရှိတဲ့ အမျိုးသမီးတွေ၊ ပညာ လည်း ကောင်းကောင်း မသင်ရဘဲ နဲ့ အလုပ်လက်မဲ့ဖြစ်နေတာ၊ တချို့ ထောင် ကျပြီးတော့ အလုပ် လက်မဲ့ဖြစ်နေတာတွေကို မုန့်ဖုတ်တဲ့ သင်တန်းပေးတယ်။ သင်ပေးပြီးရင် ပြန်ပြီးတော့ အလုပ်သွင်းပေးတယ်။ အဲ့လိုမျိုး NGO သဘောမျိုးပေါ့၊ အဲ့လိုမျိုး ညီမတို့ Documentary သဘောမျိုး ရိုက်ပြီး ကူညီပေးခဲ့ဖူးတယ်။ အဖိနှိပ်ခံရတဲ့ မိန်းကလေးတွေကို အကာအကွယ်ပေးဖို့ ဖွဲ့ထားတဲ့ အဖွဲ့အစည်းပေါ့။ အဲ့တာမှာလည်း အကူအညီပေးနေပါတယ်။ ကမ်ပိန်းတို့ ဘာတို့ပေါ့။ ဘစ်ကားပေါ်မှာ ယောက်ျားလေးတွေ ဟိုကြည့်ဒီကြည့် ကအစပေါ့။ ဝီဆယ်လ်လေးတွေ လိုက်ဝေတယ်။ တခုခုဖြစ်လာရင် မှုတ်ပြီး အကြောင်းကြားဖို့၊ အဲ့လိုဟာမျိုးလေး တွေမှာ ညီမတို့ကူညီကြတာရှိပါတယ်။"

ကမ္ဘာအ၀ှမ်းက အမျိုးသမီးရေး လှုပ်ရှားသူတွေ ထောင်နဲ့ချီ တက်ရောက်တဲ့ Women in the World Summit လို့ခေါ်တဲ့ နယူးယောက်မြို့က အမျိုးသမီးဆွေးနွေးပွဲကို အမေရိကန် နိုင်ငံခြားရေးဝန်ကြီးဟောင်း ဟီလာရီကလင်တန်၊ အမေရိကန်ရဲ့ နိုင်ငံတကာအမျိုးသမီးရေးရာ သံအမတ်ကြီးဟောင်း Melanne Verveer စတဲ့ အမျိုးသမီးခေါင်းဆောင်တွေအပြင် နံမည်ကျော် တီဗွီဆွေးနွေးခန်း အစီအစဉ်တွေ ထုတ်လုပ်တဲ့ Oprah Winfrey၊ နံမည်ကြီး ဟောလိဝုဒ် အနုပညာရှင်တွေ ဖြစ်ကြတဲ့ Meryl Streep, Angelina Jolie စတဲ့ နံမည်ကျော် အနုပညာရှင်တွေ အများအပြားလည်း တက်ရောက်နေတာဖြစ်ပါတယ်။


Ref: ဗွီအိုအေ

Read More...

မြေမြုပ်မိုင်း အသုံးပြုဆဲနိုင်ငံ မြန်မာ ပါဝင်

ကိုသားညွန့်ဦး
04.04.2013

ကမ္ဘာအရပ်ရပ်က သန်းနဲ့ချီ လူသားတွေရဲ့ အသက်အန္တရာယ်ကို ခြိမ်းခြောက်နေ တဲ့ စစ်ပွဲ လက်ကျန် မြေမြုပ်မိုင်းနဲ့ ပေါက်ကွဲရေးပစ္စည်းတွေကို လုံးဝ အဆုံးသတ် ဖယ်ရှားဖို့ ဆိုပြီး မနေ့က ကျရောက်တဲ့ မြေမြုပ်မိုင်းတွေနဲ့ ပတ်သက်လို့ အပြည်ပြည်ဆိုင်ရာ အသိမြှင့်တင်ရေးနေ့ International Day of Mine Awareness နေ့မှာ ကမ္ဘာ့ကုလသမဂ္ဂက တိုက်တွန်း တောင်းဆို လိုက်ပါတယ်။ ဒါနဲ့ပတ်သက်လို့တော့ ဂျနီဗာမြို့ကနေ Lisa Schlein သတင်းရေးသားပေးပို့ချက်ကို ကိုသားညွန့်ဦးက တင်ဆက်ပေးထားပါတယ်။

မြေမြုပ်မိုင်းတွေဟာ ကမ္ဘာ့နိုင်ငံပေါင်း ၅၉ နိုင်ငံနဲ့ အခြားနေရာ ၆ ခုတို့မှာ ရှိနေတုန်းပဲ လို့ ကုလသမဂ္ဂ အစီရင်ခံစာမှာ ဖော်ပြပါတယ်။ ဒီ စစ်လက်နက်တွေ အပြင် အခြား စစ်ကျန် ပေါက်ကွဲစေတဲ့ လက်နက် ပစ္စည်းတွေဟာ နိုင်ငံ အတော် များများမှာ ပြည်သူတွေရဲ့ အသက်အန္တရာယ်ကို ခြိမ်းခြောက်နေသလို၊ ဖွံဖြိုးမှု အလားအလာတွေကိုလည်း ထိခိုက်စေတယ်လို့ ဆိုထားပါတယ်။

နိုင်ငံပေါင်း ၁၈ နိုင်ငံမှာ ဒေသခံပြည်သူတွေ လုံခြုံဘေးကင်းစေဖို့နဲ့ အဲဒီက စီးပွားရေး ဘ၀တွေကို ပြန်လည်တည်ထောင်ပေးနိုင်ဖို့ အဲဒီလိုစစ်ကျန် လက်နက် ပစ္စည်းတွေ ဖယ်ရှားရေးကို UNMAS ခေါ်တဲ့ ကုလသမဂ္ဂ မိုင်းရှင်းလင်းရေး အဖွဲ့က ဆောင်ရွက်ပေးနေပါတယ်။ ဒီအဖွဲ့ဟာ မြေမြုပ်မိုင်း ရှင်းလင်းရေး တင်မဟုတ်ပဲနဲ့၊ စစ်ပွဲကျန် ပေါက်ကွဲရေးလက်နပစ္စည်းတွေကိုပါ ဖယ်ရှား ရှင်းလင်းပေးနေတယ်လို့ ဆိုပါတယ်။

ငြိမ်းချမ်းရေးထိန်း တပ်ဖွဲ့တွေ ကင်းလှည့်သွားလာနိုင်အောင်၊ လူသားချင်းစာနာ အကူအညီပေးရေး အဖွဲ့တွေ အနေနဲ့ အထောက်အပံ့တွေ သွားရောက်ပေးနိုင်အောင်၊ ဒေသခံ သာမန် အရပ်သားပြည်သူတွေ အနေနဲ့ ကြောက်ရွံ့ ထိတ်လန့်ခြင်း မရှိပဲ သူတို့ အလုပ်ခွင်တွေ ကို ပြန်သွားနိုင်အောင် UNMAS ကုလ မိုင်းရှင်းရှာဖွေရေး အဖွဲ့ က ဆောင်ရွက်ပေး ပါတယ်။

UNMAS ဟာ မာလီ၊ ဆိုမားလီးယား၊ ဆီးရီယား။ လစ်ဗျား၊ အာဖဂနစ္စတန်နဲ့ အခြားနိုင်ငံ အတော်များများမှာ မိုင်းရှာဖွေ ရှင်းလင်းရေးကို ဆောင်ရွက်ပေးနေ တယ်လို့ UNMAS ညွန်ကြားရေးမှုး Agnes Marcailliou က ပြောပါတယ်။ အိုင်ဗရီကိုစ် ကော့တီဘွားနိုင်ငံတွေမှာရှိတဲ့ ငြိမ်းချမ်းရေးထိမ်းတပ်ဖွဲ့တွေကိုလည်း အကူအညီပေးနေပါတယ်လို့ ပြောပါတယ်။

“ Cote d’lvoire (ကော့ဒီဘွား)မှာ ပုံမှန်လိုပဲ မိုင်းရှင်း လင်းရေးတွေ ဆောင်ရွက် ခဲ့စဉ် တုန်းက၊ အဲဒီမှာရှိတဲ့ ပေါက်ကွဲစေနိုင်တဲ့ လက်နက် ပစ္စည်း အစုံအပုံတွေကို လည်း အကူ အညီ တောင်းလို့ ရှင်းလင်းပေးခဲ့ ရပါတယ်။ လက်နက်ဂိုထောင်ပေါင်း ၅၀ လောက်ကို ရှာတွေ့ခဲ့ပါတယ်။ အဲဒါတွေဟာ အချိန်မရွေးပေါက်ကွဲနိုင်သလို၊ မသမာသူတွေ လုယူမယ့် အန္တရာယ် လည်းရှိပါတယ်။ အဲဒါတွေကို ၄၅ ရက်ကျော်ကြာအောင် ဒီနေ့အထိ ရှင်းလင်းပေးနေပါတယ်။ သူတို့ဆီမှာရှိပြီး သူတို့တွေသိမထားတဲ့ မြေမြုပ်မိုင်းဟောင်းတွေ၊ လက်နက်အစုအပုံတွေကို ရှင်းလင်းပေးခဲ့ပါတယ်။ ကော့ဒီဘွားမှာ အခုလို လုပ်ပေးနေသလိုပဲ၊ လစ်ဘေးရီယားနိုင်ငံကလည်း သူတို့ကို အဲလို အကူအညီပေးဖို့ တောင်းခံ ထားပါတယ်။ ကျမတို့ ဇူလိုင်ကျရင် စပြီး လုပ်မှာပါ။”

UNMAS ဟာ အခုလဆိုရင် ဗဟိုအာဖရိကသမ္မတနိုင်ငံတွင်း ဒေသခံပြည်သူတွေ အန္တရာယ်ကင်းရှင်းစေဖို့ ပေါက်ကွဲစေတဲ့ လက်နက်ပစ္စည်းတွေကို ရှာဖွေဖော် ထုတ်နေတယ်လို့ Marcailiou က ပြောပါတယ်။ မြေမြုပ်မိုင်းနဲ့ ကလပ်စတာ ဆင့်ကွဲဗုံးအသုံးပြုမှု တားမြစ်ရေး နိုင်ငံတကာလှုံ့ဆော်ရေးအဖွဲ့ကလည်း၊ အဲဒီ့လက်နက်ပစ္စည်းတွေ အသုံးပြုမှု တားမြစ်တဲ့ နိုင်ငံတကာ သဘောတူညီချက် မှုတွေ ရခဲ့တဲ့ ၁၉၉၇ နဲ့ ၂၀၀၈ ခုနှစ်ကတည်းကဆိုရင် လူသားတွေနဲ့ ဒေသခံ လူမှု အသိုင်းအ၀ိုင်းတွေကို ခြိမ်းခြောက် အန္တရာယ်ပြုနေတဲ့ ဒီလက်နက် ပစ္စည်း လျှော့ချရေးမှာ အတော်လေး အောင်မြင်မှုရလာတယ်လို့ အစီရင်ခံချက် ထုတ်ပြန်ပါတယ်။

အဲဒီ့ကတည်းကဆိုရင် အရင်တုန်းက မြေမြုပ်မိုင်းတွေရှိခဲ့တဲ့ မြေ စတုရမ်း ကီလိုမီတာ ရာပေါင်းများစွာကို ရှင်းလင်းပေးခဲ့ပြီး၊ မိုင်းတွေနဲ့ ကလက်စတာ ဗုံးပေါင်း သန်းနဲ့ချီကို ရှင်းလင်းဖျက်ဆီးခဲ့တယ်လို့ ပြောပါတယ်။ အရေးအကြီးဆုံး ကတော့ မိုင်းနဲ့ကလပ်စတာဗုံးတွေကြောင့် ထိခိုက်သေကြေမှုဟာ ငါးထောင်အောက်ထိကို အတော်လေး ကျဆင်း သွားတယ်လို့ ရေးထားပါတယ်။

ဆီးရီးယားနဲ့ မြန်မာနိုင်ငံ နှစ်နိုင်ငံဟာ မြေမြုပ်မိုင်းသုံးတဲ့ နိုင်ငံတွေထဲမှာ ရှိနေတုန်းပဲလို့ UNMAS ညွန်ကြားရေးမှုး Marcailiou က ပြောပါတယ်။

“ မြန်မာနိုင်ငံဟာ မြေမြုပ်မိုင်းကြောင့် ထိခိုက်သေကြေမှု အမြင့်ဆုံး နိုင်ငံတွေ ထဲက တနိုင်ငံဖြစ်ပါတယ်။ ဘယ်လောက်တောင် အထိဖြစ်နေသလဲ၊ အစိုးရအပါအ၀င်ပေါ့ - ပြဿနာတွေဟာ ဘယ်လိုလဲဆိုတာကိုတော့ မသိရသေး ပါဘူး။ မြေမြုပ်မိုင်း အားလုံးဟာ မြန်မာနိုင်ငံမှာ ထုတ်လုပ်ပြီး၊ နေတိုင်းလိုလိုပဲ အတော်လေးကို အသုံးများနေပါတယ်။”

UNMAS ဟာ နိုင်ငံပေါင်း ၁၈ နိုင်ငံမှာ ဒေသခံလုပ်သားပေါင်း တသောင်း ရှစ်ထောင်လောက်နဲ့ လုပ်ကိုင်နေပါတယ်။ မိုင်းရှာဖွေရေးအစီအစဉ်တွေ လုပ်ဖို့ တနှစ်တနှစ်ကို ဒေါ်လာသန်း ၂၅၀လောက် ကုန်ကျပါတယ်။ အခုလို ကမ္ဘာနေရာ အနှံ့ မိုင်းရှင်းလင်းဖော်ထုတ်ရေးဆောင်ရွက်ချက်ဟာ လူတွေရဲ့ အသက်ကို ကယ်တင်နိုင်သလို၊ လူသားချင်းစာနာကူညီမှု လုပ်ငန်း တွေနဲ့ ငြိမ်းချမ်းရေး လုပ်ငန်းတွေကိုလည်း အထောက်အကူဖြစ်စေတယ်၊ ဖွံဖြိုးတိုးတက်မှု ကိုလည်း ဆောင်ကျဉ်းပေးပါတယ်လို့ ကုလသမဂ္ဂက ထုတ်ပြန်ပါတယ်။ ကမ္ဘာကြီးမှာ စစ်ကျန် လက်နက်ပစ္စည်းတွေ မိုင်းတွေရဲ့ အန္တရာယ်ကနေ အကာအကွယ်ပေးနိုင်ဖို့ ဆက်ပြိး လုပ်သွားရမှာဖြစ်တယ်လို့ ဆိုပါတယ်။


Ref: ဗွီအိုအေ

Read More...

မိတ္ထီလာ အကြမ်းဖက်မှုနဲ့ ပတ်သက်သူ တချို့ကို မကြာခင် ရုံးတင်မည်

ကိုအောင်လွင်ဦး

04.04.2013
မကြာသေးခင်တုန်းက မန္တလေးတိုင်း မိတ္ထီလာမြို့မှာ ဖြစ်ပွားခဲ့တဲ့ အကြမ်းဖက် ဆူပူမှုတွေနဲ့ ပတ်သက်ပြီး အာဏာပိုင်တွေက လူအများအပြားကို ဖမ်းဆီးထားပြီး မကြာခင်မှာ ရုံး ထုတ်စစ်ဆေးဖို့ စီစဉ်နေပါတယ်။ လူသေဆုံးမှုတွေ အိုးအိမ် အဆောက်အဦးတွေ ပျက်စီးဆုံးရှုံးမှုတွေ အကြီးအကျယ် ကြုံခဲ့ရပြီးတော့နောက် ဒုက္ခရောက်ခဲ့ရသူတွေကတော့ ယာယီ ခိုလှုံရာ စခန်းတွေမှာ နေထိုင်နေကြ ရဆဲပါ။ မိတ္ထီလာမြို့ရဲ့ နောက်ဆုံးအခြေအနေနဲ့ ပတ်သက်လို့တော့ ကိုအောင်လွင်ဦး က အပြည့်အစုံ တင်ပြပေးထားပါတယ်။

မကြာသေးခင်တုန်းက သွေးထွက်သံယို တိုက်ခိုက်မှုတွေနဲ့ ဆက်နွယ်ပြီး တာဝန်ရှိသူတွေအဖြစ် သံသယရှိသူတွေကို အာဏာပိုင်တွေက ဖမ်းဆီးထားပြီး အစောဆုံး ဒီသီတင်းပတ်ထဲမှာ ရုံးတင်စစ်ဆေးတော့မှာ ဖြစ်တဲ့အကြောင်း မိတ္ထီလာ တရားရုံးက ပြောပါတယ်။ ဖမ်းဆီးထားတဲ့ လူတွေထဲက ၄၀ ကျော်ကိုတော့ အခုအခါ အာဏာပိုင်တွေက ဆူပူမှုတွေနဲ့ ဆက်နွယ်တဲ့ အမှုတွေနဲ့ ရုံးတင် စစ်ဆေးဖို့ စီစဉ်ထားတာလို့လည်း မိတ္ထီလာမြို့က တရားရေးဝန်ထမ်း တဦးကပြောပါတယ်။

“အမှုအရေအတွက်ကတော့ ၁၁ဦးလောက် ရမန်ယူထားတယ်လေ။ ၁၁မှုယူထားတယ်။ လူပေါင်း ၄၁ယောက်၊ ကျမတို့က တရားစွဲအဖွဲ့အစည်းမဟုတ်ဘူးလေ။ ရုံးတင်တဲ့ဟာလောက် ပဲပေါ့နော့်။ ရမန်ယူထားတာလေ။ သူတို့က ၂၂ရက်နေ့ကစပြီး ရမန်ယူတာပေါ့နော်။ ၁၁ရက်နေ့အထိ။”

မိတ္ထီလာမြို့မှာ ဈေးရောင်းသူနဲ့ ဈေးဝယ်သူကြား စကားများရာက ပဋိပက္ခတွေ ကြီးထွားလာရာမှာတော့ အနီးအနားမြို့တွေ သာမက ပဲခူးတိုင်း အနောက် ဖက်ခြမ်းက မြို့အတော်များ များအထိ ပျံ့ နံှ့ခဲ့တာပါ။ ဒီအတွက် လည်း ပြဿနာတွေ အစပြုခဲ့တဲ့ ရွှေဆိုင်က ၀န်ထမ်း ၃ ဦးကိုပါ ဖမ်းဆီး ထားပြီး မနက်ဖြန် ရုံးထုတ်ဖို့ စီစဉ်ထားတယ်လို့လည်း မိတ္ထီလာမြို့က တရား ရုံးဝန်ထမ်းကပြောပါတယ်။

“ ရွှေဆိုင်က လူသုံးယောက်ပါ ပါတယ်။ သူတို့ကို မနက်ဖြန်အထိ ရမန်ယူထားတယ်။ ငါးရက်နေ့အထိ။”

သွေးထွက်သံယို ဆူပူမှုတွေ မိတ္ထီလာမြို့နယ် အနီးအနား ဒေသတွေကိုပါ ပျံ့နှံ့ကြီးထွားလာရာက အစိုးရက အရေးပေါ် အခြေအနေ ကြေညာပြီး အခြေအနေကို ထိန်းသိမ်းခဲ့တာပါ။ ဒီနောက်မှာတော့ စစ်တပ်အပါအ၀င် လုံခြုံရေး တပ်ဖွဲ့ဝင်တွေ စောင့်ကြပ်မှုအောက် မိတ္ထီလာမြို့ရဲ့ အခြေအနေဟာ တည်ငြိမ်မှု ရှိနေပြီလို့ အစိုးရပိုင် သတင်းစာတွေက ဖော်ပြပါတယ်။

မိတ္ထီလာမြို့ခံတယောက်ကတော့ အခြေအနေတွေဟာ ပုံမှန်ပြန်ဖြစ်စပြု လာနေပေမဲ့ ဒေသခံတွေကြား စိုးရိမ်မှုတွေကတော့ လွှမ်းမိုးနေဆဲပဲ လို့ ပြောပါတယ်။

“မိထ္ထီလာဘက်က အခြေအနေကတော့ သူတို့ တပ်မတော်ဘက်က ကားတွေ ကတော့ ညပိုင်းတွေဆိုရင် လုံခြုံရေးအခြေအနေအရ ပတ်တော့ပတ်တယ်။ ကျနော်တို့ရပ်ကွက်မှာရှိတဲ့ လူထုတွေကတော့ ကိုယ့်ရပ်ကွက်မှာ ကိုယ့် လမ်းထိပ် မှာ စောင့်နေကြတယ်။ ဒါပေမဲ့ သူတို့က အရင် လိုတော့ စောင့်ခွင့် မပေးတော့ဘူး။ ရပ်ကွက်တရပ်ကွက်၊ လမ်းထိပ်တထိပ်ကို သုံးယောက်လောက် ပဲ စောင့်ခွင့်ပေး တယ်။ လောလောဆယ် အခြေအနေကတော့ စိတ်ချရတဲ့ အခြေအနေလို့ ပြောလို့ရတယ်။ တပ်မတော်သားတွေ စောင့်ကြပ်လို့ ဈေးတွေ ဘာတွေတော့ ဖွင့်ထားပြီ။ ဒါပေမဲ့ လူထုတွေမှာတော့ စိုးရိမ်စိတ်လေးတွေ နည်းနည်း ကျန်နေသေးတယ်ခင်ဗျ။”

ဖြစ်ပွားခဲ့တဲ့ သွေးထွက်သံယို ပဋိပက္ခအတွင်းမှာတော့ အစ္စလာမ် ဘာသာဝင် အများစု အပါအ၀င် လူပေါင်း ၄၃ ယောက် သေဆုံးပြီး၊ ၁ သောင်းကျော် ထိခိုက်ဒဏ်ရာတွေ ရခဲ့ကြတာပါ။ အစ္စလာမ်ဘာသာဝင်တွေရဲ့ ဗလီကျောင်းတွေ အပါအ၀င် အဆောက်အဦးတွေ အိုးအိမ်အများအပြားလည်း ပျက်စီးဆုံးရှုံးခဲ့ရတဲ့ အကြောင်း အစိုးရက သတင်းထုတ်ပြန်ထားပါတယ်။

တိုက်ခိုက်မှုတွေအတွင်း အိုးအိမ်စွန့်ခွာ ထွက်ပြေးကြရတဲ့ မူဆလင် အများအပြား ကတော့ မိတ္ထီလာမြို့က ယာယီခိုလှုံရာ စခန်းတွေမှာ နေထိုင်နေ ကြရဆဲဖြစ်ပြီး ပြည်တွင်း၊ ပြည်ပက ကူညီထောက်ပံ့မှုတွေ နဲ့ နေထိုင်နေကြရ တာပါ။ ဒုက္ခသည်တွေနဲ့ မြို့ခံတွေကြား စိုးရိမ်မှုတွေ ရှိနေဆဲ ဖြစ်တဲ့ အတွက်လည်း လုံခြုံရေး အာဏာပိုင်တွေက ဒုက္ခသည်တွေကို အနီးကပ် စောင့်ကြည့်နေ ရတယ်လို့ စေတနာ့ဝန်ထမ်း အကူအညီပေးနေတဲ့ မိတ္ထီလာမြို့ခံက ပြောပါတယ်။

“ဒုက္ခသည်စခန်း ခြောက်ခုဖွင့်ထားတယ်ခင်ဗျ။ ဒုက္ခသည်စခန်းခြောက်ခုမှာ အစ္စလာမ်ဘာသာဝင်တွေအကုန်လုံး၊ အရင်တုန်းက လူတွေရှိတယ်။ နောက်ပြီးတော့ တချို့ မြို့ထဲက ရပ်ကွက်အနည်းစုမှာ ကျန်နေတဲ့သူတွေကိုလည်း ကျိုကြား ကျိုကြား ကျန်နေသေးတဲ့ အစ္စလာမ်ဘာသာဝင်တွေကိုလည်း တပ်မတော်နဲ့ ရဲတပ်ဖွဲ့ဝင်တွေ၊ ရပ်ကွက်က အုပ်ချုပ်ရေး အဖွဲ့တွေပေါင်းပြီး တော့ မင်းတို့ အိမ်တွေမှာ နေခွင့်မပေးဘူး။ မင်းတို့ မနေရဘူးဆိုပြီး လိုက်လံခေါ်ထုတ်ပြီး ဒုက္ခသည်စခန်းတွေထဲ ပြန်ပို့နေရ တာတွေလည်း ရှိနေသေးတယ်။”

မိတ္ထီလာမြို့က ပဋိပက္ခတွေရဲ့ ရိုက်ခတ်မှုတွေ ကြုံခဲ့ရတဲ့ ရန်ကုန်မြို့မှာလည်း တိုက်တိုက်ဆိုင်ဆိုင် အစ္စလာမ်ဘာသာရေးကျောင်း မီးလောင်ပြီး ကလေး ၁၃ ယောက်အထိ သေဆုံးခဲ့တဲ့ အတွက်လည်း လုံခြုံရေးတွေ တိုးမြှင့်ခဲ့တာပါ။ ဒီမတိုင်မီမှာလည်း ဘာသာရေး အခြေခံတဲ့ ဆူပူမှုတွေဖြစ်ပွားအောင် လှုံ့ဆော်မှုတချို့ရှိခဲ့တဲ့အတွက် အခုအခါ အာဏာပိုင်တွေက မြို့ခံတွေကို လုံခြုံရေးအတွက် သတိရှိကြဖို့ နှိုးဆော်ထားတဲ့အကြောင်း ရန်ကုန်မြို့က စာရေးဆရာ မောင်သွေးသစ် ကပြောပါတယ်။

“ ကိုယ်ရပ်ကွက် ကိုယ်တာဝန်ယူ ဆိုတာက အရင်တုန်းက ၈၈တုန်းကလိုပဲ ပေါ့ဗျာ။ ကိုယ့်လမ်းမှာ ကိုယ်လုပ်တဲ့အခါကျတော့ လူစိမ်းသူစိမ်း ဝင်လာရင်လည်း သိတယ်ပေါ့ဗျာ။ တာဝန် ယူပါ ဆိုတာကတော့ ဖိအားပေးတဲ့ သဘောမျိုးတော့မဟုတ်ဘူး။ များသောအားဖြင့် ကိုယ့်ရပ်ကွက်တွေ ကိုယ် ညဘက်ကိုပေါ့ဗျာ။ ယူဖို့ပေါ့ဗျာ။ ယူတဲ့အတွက် မလိုလားအပ် တဲ့ပြဿနာတွေမဖြစ်ဘူးပေါ့။ နောက် ညကြီးသန်းခေါင် လူစိမ်းဝင်လာရင်လည်း သိတယ်ပေါ့ဗျာ။ ဒါ ကြိုတင်ကာကွယ်တဲ့ သဘောပဲဗျ။”

ရန်ကုန် ၄၈ လမ်း မီးလောင်မှုနဲ့ ပတ်သက်လို့ တာဝန်ရှိသူတချို့ကိုတော့ ရဲတပ်ဖွဲ့က စစ်ဆေးမေးမြန်းနေပြီး ရန်ကုန်တိုင်း အစိုးရကတော့ အဖွဲ့ဝင် ၇ ဦး ပါဝင်တဲ့ စုံစမ်းစစ်ဆေးရေး အဖွဲ့တဖွဲ့ ဖွဲ့စည်းခဲ့တာပါ။ အလားတူ မိတ္ထီလာမြို့က ဆူပူမှုတွေနဲ့ ပတ်သက်လို့လည်း လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးအောင်ကျော်မျိုး ဦးဆောင်တဲ့ စုံစမ်းစစ်ဆေးရေး ကော်မရှင် တရပ်ကို ဖွဲ့စည်းထားတာ ဖြစ်ပါတယ်။


Ref: ဗွီအိုအေ

Read More...

လက်ကိုင်ဖုံးတွေအတွက် Facebook ရဲ့ ဆော့ဖ်ဝဲလ်သစ်

04.04.2013

Android Operating System သုံးလက်ကိုင်ဖုန်းတွေအတွက် Home ဆိုတဲ့ Software အသစ်ကို Facebook ကုမ္ပဏီက မိတ်ဆက်လိုက်ပါတယ်၊ Facebook လူမှုကွန်ယက် Website ကို သုံးစွဲနေကြသူတွေထဲက လူသန်းပေါင်း ၁ ထောင်ကျော်ဟာ သူတို့ရဲ့ နောက်ဆုံးပေါ် လက်ကိုင်ဖုန်းတွေ၊ Tablet Computer တွေသုံးပြီး Facebook site ကိုသုံးနေကြတာပါ။

Home software ဟာ လက်ကိုင်ဖုန်းသုံးကြသူတွေကို Application တွေထက် လူတွေကို ပိုပြီး အာရုံစိုက်နိုင်မှာဖြစ်တယ်လို့ Facebook အမှုဆောင်အရာရှိချုပ် Mark Zuckerberg က ကြာသပတေးနေ့က ပြောကြားခဲ့ပါတယ်၊ ဒီ Software ကို Phone ထဲမှာ ထည့်ထားရင် Facebook အကောင့်ထဲက ကိုယ့်ရဲ့ သူငယ်ချင်းတွေ ဘာပုံတွေ တင်နေကြတယ်။ ဘာစာတွေ ရေးနေကြတယ် ဆိုတာကို Phone ကို ဖွင့်လိုက်တာနဲ့ တန်းပြီးမြင်နိုင်မှာ ဖြစ်ပါတယ်၊ နောက်ပြီး ဖုန်းထဲက တခြား Application တွေကို သုံးနေချိန်မှာလဲ ကိုယ့်ရဲ့ သူငယ်ချင်းတွေနဲ့ အပြန်အလှန် Chatting လုပ်နိုင်မှာဖြစ်ပါတယ်။

Samsung နဲ့ HTC လက်ကိုင် Phone တွေအပါအဝင် Android Operating System သုံးတဲ့ ဖုန်းတွေအတွက် Home software ကို လာမဲ့ April လ ၁၂ ရက်နေ့ကစပြီး Download ရယူ နိုင်မယ်လို့ Zuckerberg ကပြောပါတယ်၊ Facebook ရဲ့ Home Software က Apple နဲ့ Google လို ထိပ်တန်း နည်းပညာ ကုမ္ပဏီတွေကို စိန်ခေါ်မှုတခုဖြစ်တယ်လို့ နည်းပညာဆိုင်ရာ အကဲခတ်တွေကပြောနေပါတယ်၊

Ref: ဗွီအိုအေ

Read More...

ကြက်ငှက်တုပ်ကွေး ပိုးသစ်ကြောင့် တရုတ်မှာ ငါးဦးသေဆုံး

04.04.2013

တရုတ်နိုင်ငံတဝှမ်းမှာ ကြက်ငှက်တုပ်ကွေး ပိုးအသစ်ကြောင့် သေဆုံးသူဟာ ၅ ယောက် ရှိသွားပါပြီ၊ သူ့အလုပ်ကြောင့် ကြက်ငှက်တွေနဲ့ တိုက်ရိုက် ထိတွေ့ရသူ အသက် ၄၈ နှစ်အရွယ် ရှန်ဟိုင်းက အမျိုးသားတယောက်သေဆုံး သွားတယ်ဆိုတာကို တရုတ်တာဝန်ရှိသူတွေနဲ့ အစိုးရ သတင်းမီဒီယာတွေက ကြာသပတေးနေ့က အတည်ပြုခဲ့ပါတယ်။

နောက်တယောက် ဘယ်သူ ဘယ်ဝါဖြစ်တယ်ဆိုတာကိုတော့ ထုတ်ဖော်ပြောခြင်း မရှိသေးပေမဲ့ သူဟာလဲ ရှန်ဟိုင်းမြို့က ဖြစ်ပါတယ်။ H7N9 အမျိုးအစား ကြက်ငှက်တုပ်ကွေး ကူးစက် နေသူ စုစုပေါင်း ၁၄ ယောက် ရှိသွားပြီလို့ တရုတ်တာဝန်ရှိသူတွေက အတည်ပြုပါတယ်။ ဒီအမျိုးအစားကြက် ငှက်တုပ်ကွေးဟာ အခုအချိန်မတိုင်ခင်အထိက လူတွေကို ကူးစက်နိုင် တယ်လို့ မသိခဲ့ကြပါဘူး၊ ဒီ အမျိုးအစား Virus ဟာ လူတယောက် ကနေ နောက်တယောက်ကို ကူးစက်နိုင်စွမ်း မရှိတဲ့အတွက် ဘယ်လိုကြောင့် လူတွေမှာ ရောဂါကူးစက်ဖြစ်ပွားတယ် ဆိုတာကို အတိအကျ မသိရသေးဘူးလို့ တရုတ်ဆေးဘက်ဆိုင်ရာ ကျွမ်းကျင်သူတွေ က ပြောပါတယ်။ ဈေးတခု မှာတွေ့ ရတဲ့ ခို တကောင်ကို နမူနာယူ စစ်ဆေးရာမှာ H7N9 Virus ကိုတွေ့ရ တယ် လို့ ရှန်ဟိုင်းမြို့တာဝန်ရှိသူတွေက ကြာသပတေးနေ့က ပြောပါတယ်၊

ဒီအမျိုးအစား Virus ပိုး လူတွေမှာ ကူးစက်နေတာဟာ အင်မတန် စိုးရိမ်စရာဖြစ်တယ် လို့ ကမ္ဘာ့ကျန်းမာရေးအဖွဲ့ကြီးရဲ့ တာဝန်ရှိသူ တယောက်က ပြောပါတယ်၊ တရုတ်နိုင်ငံက ကြက်ငှက် တုပ်ကွေးကြောင့် ဒေသတွင်း မှာလည်း စိုးရိမ်စိတ်တွေ ထွက်ပေါ်နေပါတယ်။ ဟောင်ကောင်မှာ ကြက်ဘဲခြံတွေကို တာဝန်ရှိသူတွေ စတင်စောင့်ကြည့် စစ်ဆေးနေပြီး တရုတ်ပြည်မကြီးက ကြက် ဘဲ အရှင်တွေ တင်ပို့တာကို ယာယီ တားဆီးထားပါတယ်၊ ဂျပန်မှာဆိုရင်လည်း တရုတ်နိုင်ငံဖက်က လာတဲ့ လေယာဉ်ခရီးသည်တွေထဲမှာ တုပ်ကွေးရောဂါ လက္ခဏာတွေ့ရသူတွေကို သတင်းပို့ဖို့ ဂျပန်အစိုးရအဖွဲ့ဝန်ကြီးက ညွှန်ကြားထားပါတယ်။


Ref: ဗွီအိုအေ

Read More...

သမ္မတဟောင်း ကာတာ တိုင်းရင်းသား ခေါင်းဆောင်တွေ နဲ့ တွေ့ဆုံ

2013-04-04

မြန်မာနိုင်ငံကို ရောက်ရှိနေတဲ့ အမေရိကန် သမ္မတဟောင်း ဂျင်မီကာတာဟာ ရှမ်းတိုင်းရင်းသားများ ဒီမိုကရေစီအဖွဲ့ချုပ် အပါအ၀င် တိုင်းရင်းသားပါတီ အချို့နဲ့ လူမှု့အဖွဲ့အစည်းအချို့က တာဝန်ရှိသူတွေကို ဒီကနေ့ ညနေပိုင်းက ချက်ထရီယမ် ဟိုတယ်မှာ တွေ့ဆုံခဲ့ပါတယ်။

အခုလိုတွေ့ဆုံခဲ့ရာမှာ မြန်မာနိုင်ငံက တိုင်းရင်းသား ပြဿနာတွေနဲ့ ပြည်တွင်းငြိမ်းချမ်းရေး ပြဿနာတွေကို ဘယ်လိုဖြေရှင်းမလဲဆိုတာ အပြန်အလှန်ဆွေးနွေးခဲ့ကြတယ်လို့ ရှမ်းတိုင်း ရင်းသားများ ဒီမိုကရေစီအဖွဲ့ချုပ်မှ ဥက္ကဌ ဦးခွန်ထွန်းဦးက RFA ကိုပြောပါတယ်။

မြေမြှုပ်မိုင်းပြဿနာ၊ ငြိမ်းချမ်းရေးပြဿနာနဲ့ လူ့အခွင့်အရေးပြဿနာတွေ အပါအ၀င် မြန်မာနိုင်ငံမှာ လတ်တလော ကြုံတွေ့နေရတဲ့ပြဿနာတွေကို ဖြေရှင်းနိုင်ဖို့ ဘယ်လိုဆောင်ရွက် သင့်တယ်ဆိုတာကို အပြန်အလှန်ဆွေးနွေးခဲ့ကြတယ်လို့ သိရပါတယ်။

မြန်မာနိုင်ငံရဲ့ ဖွံ့ဖြိုးတိုးတက်ရေး လုပ်ငန်းစဉ်တွေမှာ အထောက်အပံ့တွေ ပေးနိုင်ဖို့အတွက် ကာတာစင်တာအနေနဲ့ တရားဝင်ရုံး ဖွင့်လှစ်သွားမယ်လို့လည်း ဆိုပါတယ်။

အမေရိကန် သမ္မတဟောင်း ဂျင်မီကာတာဟာ ပြီးခဲ့တဲ့ရက်ပိုင်းက သမ္မတ ဦးသိန်းစိန်၊ ဒေါ်အောင်ဆန်းစုကြည်တို့နဲ့ တွေ့ဆုံခဲ့ပါတယ်။ မနက်ဖြန်မှာလည်း ၈၈မျိုးဆက်ကျောင်းသားခေါင်း ဆောင်တွေနဲ့ တွေ့ဆုံဖို့ရှိတယ်လို့ သိရပါတယ်။

Ref: အာရ်အဖ်အေ

Read More...

၁၅၀၀ တန် ဆင်းမ်ကဒ် ဖြန့်ချိရေး ပြည်နယ် တိုင်းဒေသအဆင့် ဆွေးနွေးဆဲ

2013-04-04

လာမယ့် ဧပြီလ ၂၄ ရက်နေ့မှာ ကျပ် ၁၅၀၀ နဲ့ စတင်ရောင်းချပေးမယ့် မိုဘိုင်းဖုန်း ဆင်းမ်ကဒ်တွေကို ပြည်သူတွေလက်ဝယ်အရောက် ရောင်းချနိင်ဖို့ သက်ဆိုင်ရာတိုင်းဒေသကြီး အစိုးရအဖွဲ့နဲ့ မြန်မာ့ဆက်သွယ်ရေး ဝန်ကြီးဌာနတို့ ညှိနှိုင်းနေကြပြီဖြစ်တယ်လို့ သိရပါတယ်။

ပြည်သူတွေလက်ထဲ ဆင်းကဒ် ၃ သိန်းခွဲကို လစဉ်လတိုင်း ဒေသကြီးအစိုးရအဖွဲ့တွေကနေ ရောင်းချပေးဖို့အတွက် တာဝန်ပေးလိုက်ခြင်းဖြစ်တယ်လို့ သမ္မတရဲ့ ပြောရေးဆိုခွင့်ရှိသူ ဦးရဲထွဋ်က RFA ကို ပြောပါတယ်။

"တိုင်းဒေသကြီး အစီအစဉ်နဲ့ ဘယ်လိုလုပ်မယ်ဆိုတာလဲ ဆက်သွယ်ရေးနဲ့ ညှိအုံးမှာပါ၊ တိုင်းဒေသကြီး အစီအစဉ်နဲ့လို့တော့ ပြောထားတယ်၊ ကျွန်တော်တို့တွေ လိုအပ်တာကတော့ တကယ်သုံးတဲ့သူတွေလက်ထဲကိုရောက်ဖို့ပဲ ပြောထားတာရှိပါတယ်၊ အဲ့ဒီမှာလုပ်မယ့် အစီအစဉ်တွေကို ပြန်တင်မှာပါ၊ လောလောဆယ်တော့ သူတို့လုပ်မယ့် အစီအစဉ်တွေကို မသိရသေးပါဘူးဗျာ၊ ဆက်သွယ်ရေးလုပ်ငန်းကတော့ လိုင်းအရေအတွက်နဲ့ လူဦးရေအရေအတွက်အပေါ် မူတည်ပြီးတော့ လစဉ်တိုင်းဒေသကြီး အစိုးရဆီကို ခွဲတမ်းနဲ့ပေးသွားမယ်၊ တိုင်းဒေသကြီး အစိုးရတွေက အမှန်တကယ်လိုချင်တဲ့သူတွေလက်ထဲကို ပြန်ပြီးရောင်းချပေးသွားမယ်"

ရန်ကုန်တိုင်းဒေသကြီး အစိုးရအဖွဲ့ ဆက်သွယ်ရေးဝန်ကြီးကို RFA က ဒီကနေ့ ဆက်သွယ်မေးမြန်းခဲ့ရာမှာ ခုလိုဆင်းကဒ်တွေကို ပြည်သူတွေလက်ဝယ်အရောက် ဘယ်လိုအစီအစဉ်နဲ့ ဖြန့်ဖြူးမလဲဆိုတာနဲ့ ပတ်သက်ပြီး အစည်းအဝေးလုပ်နေဆဲဖြစ်တဲ့အတွက် အသေးစိတ်မပြောနိုင်သေးကြောင်း တာဝန်ကျအရာရှိတစ်ဦးက ပြန်လည်ဖြေကြားခဲ့ပါတယ်။

ဒီဖုန်းဆင်းမ်ကဒ်တွေကိုတော့ ကနဦးဖုန်းခေါ်ဆိုခ ကျပ် ၃၀၀ ဖြည့်သွင်းပေးထားမှာဖြစ်ပြီး ၁၅ ရက်အတွင်းမှာ ဖုန်းပြောဆိုခ ကျပ် ၅၀၀၀ တန် ငွေဖြည့်ကဒ်ကို ထပ်မံဖြည့်သွင်း အသုံးပြုရမှာဖြစ်ပါတယ်။

တစ်ကယ်လို့ ၁၅ ရက်အတွင်းမှာ ထပ်မံအဖြည့်သွင်းဘူးဆိုရင်တော့ အလိုအလျှောက် ပြန်လည်ပိတ်သိမ်းသွားမှာ ဖြစ်တယ်လို့လည်း နိုင်ငံပိုင် သတင်းမီဒီယာတွေက ဖော်ပြထားတာပါ။

ဖုန်းပြောဆိုခ တစ်မိနစ်ကို ကျပ် ၅၀ သတ်မှတ်ထားပြီး အဝင်ဖုန်းလက်ခံ ပြောဆိုခကိုတော့ ကောက်ခံမှာမဟုတ်ဘူးလို့ သိရပါတယ်။

Ref: အာရ်အဖ်အေ

Read More...

လယ်မြေပြန်ရရေး ပန်းတနော် လယ်သမား ၄၀၀ ခန့် ဆန္ဒပြ

2013-04-04

ဧရာဝတီတိုင်း ပန်းတနော်မြို့နယ် အိုးဘိုကျေးရွာအုပ်စု၊ ဘုရားစုကျေးရွာက လယ်သမား ၄၀၀ ကျော်တို့ဟာ မတရားသိမ်းဆည်းခံထားရတဲ့ လယ်မြေတွေပြန်ရဖို့ ဒီကနေ့ တောင်း ဆိုဆန္ဒပြခဲ့ကြပါတယ်။

ကြံ့ခိုင်ဖွံ့ဖြိုးရေးပါတီ လွှတ်တော်ကိုယ်စားလှယ် ဦးငြိမ်းမြိုင် သိမ်းယူထားတဲ့ လယ်ဧက ၁၇၅၀ ကျော် ပြန်လည်ရရှိရေးအတွက် ဘုရားစုကျေးရွာအနီးက ကြုံလမတ်ကန်အနီးမှာ ဆန္ဒပြတောင်းဆိုခဲ့ကြတာဖြစ်ပါတယ်။

အဲဒီဆန္ဒပြပွဲကို ရောက်ရှိနေတဲ့ ဗိုလ်ကြီးဟောင်း ဦးနေမျိုးဇင်က RFA ကို အခုလို ပြောပြပါတယ်။

"ဧကပေါင်း ၁၇၀၀ ကျော်ကို တစ်ဧကကို ၅၀၀၀ နှုန်းနဲ့ ယူချင်ယူမယူချင်နေ အတင်းအဓမ္မ သိမ်းသွားတာဗျ၊ ပြည်သူလူထုက ကြည်ကြည်ဖြူဖြူနဲ့ ပေးလိုက်တာလည်းမဟုတ်ဘူး၊ လျော်ကြေးလည်း တချို့တွေ ဘာမှယူမထားတာတွေရှိတယ်၊ အခုအချိန်မှာ ပြည်သူလူထုက ပွင့်လင်းလာပြီ၊ လုပ်ကိုင်မဲ့၊ အကိုင်မဲ့ စားသောက်စရာမရှိတဲ့ လယ်မဲ့ယာမဲ့ဘဝနဲ့ သူတို့သားသမီးတွေ အနာဂတ်ဘဝ ဘယ်လိုမှရပ်တည်လို့ မရတော့တဲ့အတွက်ကြောင့် သူတို့ပိုင်တဲ့လယ်မြေတွေ ပြန်ပေးပါဆိုပြီးတော့ စုပေါင်းပြီး တောင်းဆိုကြခြင်းဖြစ်ပါတယ်၊ အဓိကကတော့ သိမ်းဆည်းထားတဲ့ ၁၇၅၀ မှာပါတဲ့ မြေတွေပြန်ပေးပါဆိုပြီး တောင်းဆိုတာ"

အခုလိုလယ်မြေတွေကို လျော်ကြးငွေအနည်းငယ်ပဲပေးပြီး သိမ်းယူခဲ့တဲ့အတွက် ဧရာဝတီတိုင်း လွှတ်တော်ဥက္ကဋ္ဌကို လယ်သမားတွေက တိုင်တန်းမူတွေ ရှိခဲ့ပါတယ်။

ဒီနောက်ပိုင်းမှာ လွှတ်တော်ကိုယ်စားလှယ်တစ်ဦးဖြစ်သူ ဦးလှမြင့်က အောက်ခြေကိုကွင်းဆင်းပြီး စုံစမ်းခဲ့ရာမှာ ဦးငြိမ်းမြိုင် သိမ်းယူထားတဲ့ လယ်ဧက ၇၀၀၀ ကျော်ထဲက ဧက ၂၅၀၀ ကျော်သာ တရားဝင် လနစာရင်းပေါက်တာဖြစ်တဲ့အတွက် ကျန်တဲ့လယ်ယာမြေတွေကို ပြန်လည်ညှိနှိုင်းဖို့ အစီရင်ခံစာ ပို့ခဲ့ပါတယ်။

ဒါပေမယ့် ကြံ့ခိုင်ဖွံ့ဖြိုးရေး အမတ်ဦးငြိမ်းမြိုင်က လယ်သမားတွေနဲ့ ပြန်လည်ညှိနှိုင်းမူ မရှိတာကြောင့် ဒီကနေ့မှာ ပထမဆုံးအကြိမ် တောင်းဆိုဆန္ဒပြကြတာ ဖြစ်ပါတယ်။

Ref: အာရ်အဖ်အေ

Read More...

ဘာသာရေးကိစ္စ စွဲချက်တွေနဲ့ ကိုရဲမင်းဦးကို ရုံးထုတ်စစ်ဆေး

2013-04-04

ပျောက်ဆုံးနေတယ်လို့ မိသားစုက ကြေညာချက်ထုတ်ပြန် ပြောကြားထားတဲ့ ကျောင်းသားများ သမဂ္ဂ ဖြစ်မြောက်ရေးအဖွဲ့ အတွင်းရေးမှူး ကိုရဲမင်းဦးကို ပုဒ်မ၅၀၅(ခ) နဲ့ ကျောက်တံ တားမြို့နယ် အနောက်ပိုင်းခရိုင်တရားရုံးမှာ ဒီကနေ ရုံးထုတ်စစ်ဆေးခဲ့တယ်လို့ သိရပါတယ်။

သူ့အမှုကို ဆက်လက်ပြီး ချေပဖို့အတွက် တရားလွှတ်တော် ရှေ့နေဦးအောင်သိန်းနဲ့ ဦးကျော်ဟိုး တို့က လိုက်ပါဆောင်ရွက်ပေးကြမယ်လို့ ကိုရဲမင်းဦးရဲ့ ညီဖြစ်သူ ကိုရဲမင်းအောင်က RFA ကို ပြောပါတယ်။

ဒီကနေ့ တရားရုံးထဲမှာ နှစ်မိနစ်ကြာ ရုံးထုတ်ကြားနာခဲ့ပြီး အင်းစိန်ထောင်ကို ပြန်လည်ခေါ်ဆောင်သွားတယ်လို့ ကိုရဲမင်းအောင်က ပြောပါတယ်။

ဘာသာရေးဆိုင်ရာကိစ္စတွေနဲ့ ပတ်သတ်လို့ သူ့ကိုစစ်ဆေးမေးမြန်းနေတယ်ဆိုတဲ့အကြောင်း၊ ဒီအရေးအခင်းတွေနဲ့ ပတ်သတ်ပြီး သူနဲ့ဘာမှမသက်ဆိုင်တဲ့အကြောင်းတွေကို ကိုရဲမင်းဦးက ပြောခဲ့ပါတယ်လို့ ကိုရဲမင်းအောင်က ပြောပါတယ်။

လာမယ့် ၉ ရက်နေ့ကို ရုံးချိန်းပြန်ခေါ် ယူထားပြီး ကိုရဲမင်းဦးကို မတ်လ၂၅ ရက်နေ့ကတည်းက ဗဟန်းမြို့နယ်ထဲမှာ ဖမ်းဆီးခံခဲ့ရတာဖြစ်တယ်လို့ သိရပါတယ်။

Ref: အာရ်အဖ်အေ

Read More...

ပြည်ပက လေ့လာတဲ့အဖွဲ့တွေ မပါတဲ့အတွက် ဆွေးနွေးပွဲကို KIO ရက်ရွေ့ဆိုင်း

2013-04-04

ပြည်ထောင်စု ငြိမ်းချမ်းရေး ဖေါ်ဆောင်ရေး လုပ်ငန်းကော်မတီနဲ့ တွေ့ဆုံဆွေးနွေးဖို့အတွက် ဧပြီလ ၆ ရက်နေ့ မြစ်ကြီးနားမြို့မှာ ချိန်းဆိုထားတာ ကို ပြည်ပစောင့်ကြည့်လေ့လာတဲ့ အဖွဲ့အစည်းတွေ မပါဝင်တဲ့အတွက် ကချင်လွတ်မြောက်ရေးအဖွဲ့ KIO က ရက်ရွှေ့ဆိုင်းလိုက်ပါတယ်။

အမေရိကန်ပြည်ထောင်စု၊ ဗြိတိန်၊ တရုတ်နဲ့ ကုလသမဂ္ဂတို့က ကိုယ်စားလှယ်တွေပါဝင်ဖို့ ပန်ကြားထားပေမယ့် အဆင့်သင့်မဖြစ်သေးတာကြောင့် ၆ ရက်နေ့မှာ မတက်ရောက်နိုင်တဲ့ အတွက် သင်္ကြန်ပွဲတော်ပြီးမှ ပြန်လည်တွေ့ဆုံဖို့ အစိုးရဘက်ကို မနေ့က အကြောင်းကြားစာ ပေးပို့ထားတယ်လို့ KIO ပြောရေးဆိုခွင့်ရှိသူ ဦးလာနန်းက RFAကို ပြောပါတယ်။

အစိုးရနဲ့ ကေအိုင်အိုတို့ နောက်ဆုံးအကြိမ် တွေ့ဆုံဆွေးနွေးခဲ့တာက တရုတ်နိုင်ငံ၊ ရွှေလီမြို့မှာ ပြီးခဲ့တဲ့မတ်လ ၁၁ ရက်နေ့ကဖြစ်ပြီး အဲဒီအချိန်က သဘောတူညီချက်တချို့ကို ပူးတွဲ ထုတ်ပြန်နိုင်ခဲ့ပြီး နှစ်ဖက်ငြိမ်းချမ်းရေး ဆွေးနွေးပွဲတွေဟာ စုစုပေါင်း ၁၂ ကြိမ်ထက်မနည်းရှိပြီလို့ သိရပါတယ်။

Ref: အာရ်အဖ်အေ

Read More...

Thursday, April 4, 2013

အပျော်ဖက်မယ့် သင်္ကြန်၊ အတော်ခက်တဲ့ သင်္ကြန်

မစပ်စု
April 3, 2013

မဝေးတော့တဲ့ အချိန်ကာလမှာ တနှစ်ကုန်လို့ တနှစ်ကူးတော့မယ့် ဗုဒ္ဓဘာသာ မြန်မာလူမျိုးတွေရဲ့ နှစ်သစ်ကူး သင်္ကြန်အချိန်အခါ သမယကို ရောက်ရှိလာတော့မှာပါ။ ဒီလို အချိန် အခါမှာ ဗုဒ္ဓဘာသာ မြန်မာ လူမျိုးတွေအနေနဲ့ နှစ်ဟောင်းက အညစ်အကြေး တွေကို နှစ်သစ်ကို ပါမသွားရလေအောင် သင်္ကြန်ရေ ဆိုတဲ့ အတာရေနဲ့ ဆေးကြောပက်ဖျန်းလို့ ကောင်းမှုကုသိုလ်တွေ ပြုကြ၊ ဥပုသ်သီလတွေ ဆောက်တည်ကြနဲ့ နှစ်သစ်ကို ဖြတ်သန်းတတ်ကြတဲ့ ချစ်စရာဓလေ့ ထုံတမ်းအစဉ်အလာတွေဟာ ဟိုးယခင် အုပ်ချုပ်သူ မင်းများ လက်ထက် ခေတ်အဆက်ဆက် ကတည်းက တည်ရှိလာခဲ့တယ်ဆိုရင် မမှားပါဘူး။

သင်္ကြန်အချိန်အခါဆို ရပ်ကွက်အလိုက်၊ မြို့နယ်အလိုက် စတုဒိသာတွေ ကျွေးလို့ သပြေခက်နဲ့ ရေပက်၊ ငွေဖလားနဲ့ ရေလောင်း မောင်နဲ့နှမ သားနဲ့အမိ ချစ်စဖွယ် ကြည်စယ်ကြတဲ့ လူငယ်တွေဘာသာဘာဝ ချစ်စရာ့သင်္ကြန် အငွေ့အသက် တွေဟာ ဒီဘက်ခေတ်မှာ တဖြည်းဖြည်း နည်းသထက်နည်း၊ ပျောက်သထက် ပျောက်၊ နောက်ဆုံး စာအုပ်ထဲမှာပဲ ရှာဖတ်ရ တော့မယ့် အနေအထားကို ရောက်ရှိလာခဲ့ ရတာပါ။


ဒီလို ခေတ်အဆက်ဆက် ဖြတ်သန်းလာခဲ့တဲ့ မြန်မာတို့ရဲ့ ရိုးရာသင်္ကြန်ဟာ တနှစ်ထက်တနှစ် မတူလို့ တိုးတက် ထွန်းကားလာခဲ့တဲ့ ခေတ်ရေးစီးကြောင်းနဲ့ အတူ မျောပါလာခဲ့တယ်လို့ ဆိုရလေမလားပါပဲ။

အင်းပေါ့လေ။ မြန်ဆန်လှတဲ့ အခုလို အင်တာနက် ခေတ်ကြီးမှာ သပြေခက်နဲ့ ရေပက်၊ ငွေဖလားနဲ့ ရေလောင်း၊ ချိတ်ထမီ ရင်ဖုံးနဲ့ ရွှေခြေချင်းဝတ် သင်္ကြန်ယိမ်းသမ လုံမေတွေနဲ့ သင်္ကြန်ပွဲတော်ကြီးကို ရိုးရာမပျက်ဆင်နွှဲနေမယ်ဆိုရင်တော့ တော်တော်လေး ရယ်စရာ ကောင်းနေမယ်ထင်ပါတယ်။ တော်ကြာ သမ္မတကြီး ပြောခဲ့သလို နောက်ကြောင်း ပြန်ဆွဲနေ တဲ့သူတွေကို အကုန် ထားခဲ့မယ် ဆိုတဲ့ထဲ မစပ်စုလည်း ပါနေမှဖြင့်။ ခေတ်ရေစီးကြောင်း အလိုက် ပြောင်းလဲ တိုးတက်မှုကတော့ ရှိမြဲ ရှိဆဲ လက်ခံမြဲ လက်ခံရပေလိမ့်မယ်။ ဒီပြောင်း လဲမှုမှာ ကောင်းသော ပြောင်းလဲမှုဘက်ကို အားသားရလေအောင် လူတိုင်း ၀ိုင်းဝန်း ထိန်းသိမ်း ကြရမယ်လို့ မစပ်စု ခံယူထားပါတယ်။

သင်္ကြန်ပွဲတော်ရဲ့ အနှစ်သာရ တခုဖြစ်တဲ့ တဦးကိုတဦး အေးစေ ချမ်းစေ လိုတဲ့ စိတ်ဆန္ဒတွေနဲ့ ရေပက်ဖျန်း ကစားကြတဲ့ ရိုးရာ ဓလေ့ တခုမှာ မစပ်စုပြောခဲ့သလို သပြေခက်နဲ့ ရေပက်၊ ငွေဖလားနဲ့ ရေလောင်း တာကနေ ပြောင်းလဲ တိုးတက်လာတော့ ရေခပ်နေစရာ မလိုအောင် အဆင်သင့် ရေပိုက်တွေနဲ့ ပက်ဖျန်းလာကြတဲ့ အနေအထား ရောက်လာခဲ့တယ်။ ဒီမှာ မစပ်စု မှတ်မိတာလေးတခုက ၁၉၉၀ နားကို နီးကပ်လာတဲ့ ကာလတွေက သင်္ကြန်လည်တဲ့ ကားတွေ၊ လူတွေ၊ ဆိုင်ကယ်တွေ အကြောက်ကြီး ကြောက်ရတဲ့ ပလပ်စတစ်ထဲမှာ ရေထည့်ထားတဲ့ ရေပူဖောင်း၊ နို့ဆီခွက်ထဲမှာ ရေထည့်ထားတဲ့ လူတွေအခေါ် “ခွက်စုတ်” ဆိုတဲ့အရာတွေ မင်းမူစိုးမိုးလာခဲ့ချိန်မှာတော့ သင်္ကြန်ရေဟာ တဦးနဲ့ တဦး အေးစေချမ်းစေ ဆိုတဲ့အရာ မသက် ရောက်ဘဲ အင်မတန် ကြောက်စရာကောင်းတဲ့၊ တဦးကိုတဦး နာစေကျင်စေဆိုတဲ့ အရာ သက်ရောက်သွားခဲ့တာပါ။

ဒီထက် ပြောင်းလဲ တိုးတက်လာတော့ မီးသတ်ပိုက်၊ ကားရေဆေးတဲ့ ဂန်းတွေနဲ့ကအစ ဖျန်းပက်တာမဟုတ်ဘဲ ထိုးပက်ကြတဲ့ တိုးတက်လွန်းသော သင်္ကြန်ကာလတခုကို ရောက်လာ ပြန်ပါလေရော။ ရေပက်ခံတဲ့ လူတွေရဲ့ အသားတွေ စုတ်ပြတ်သတ်၊
ကျောတွေ အောင့်နေအောင်၊ ရေပက်ခံကားပေါ် ပါလာတဲ့ ကြီးငယ်မရွေး ကားပေါ်ကနေ ၀ရုန်းသုန်းကား ဆင်းပြေးရတဲ့ အနေအထား ရောက်အောင်၊ ဒီအထဲ ရေပက်ရင်း အချောင်သမား၊ လက်သရမ်းတဲ့ ယောက်ျားသားတွေရဲ့ ရန်က ကြောက်ရ သေးတဲ့ မိန်းကလေးတွေရဲ့ ဘ၀ကလည်း သင်္ကြန်ကို အရုပ်ဆိုး အကျည်းတန်စေတဲ့ အရာထဲမှာ တခုအပါအ၀င်ပါပဲ။ ဒါ့အပြင် ရိုက်ပွဲ၊ နှက်ပွဲတွေကတော့ နေရာအနှံ့ပေါ့။ ပေါချင်းသောချင်း အရက်သေစာတွေ အကြား မထိန်းနိုင်မသိမ်းနိုင် မူးကြ၊ ရူးကြ၊ ကွဲကြ၊ ပြဲကြတဲ့ အဖြစ်တွေကို နှစ်တိုင်း အခုအချိန်အထိ မကြားချင်မှ အဆုံး ဖြစ်ခဲ့ပါတော့တယ်။

“အရင်က သင်္ကြန်ဆိုတာ ရိုးရာယဉ်ကျေးမှုနဲ့ တဦးနဲ့တဦးကို ချစ်ကြည်နူးစေတဲ့ ပရဟိတ စိတ်ဓာတ်နဲ့ စခဲ့တဲ့ သင်္ကြန်လေ။သူများကို ကျွေးမယ်၊ သူများကို အေးစေမယ် ချမ်းစေမယ်၊ ကြည်နူးစေမယ်။ စပြီးတော့ သင်္ကြန်ကို ဆင်နွှဲကတည်းက ပရဟိတ စိတ်နဲ့သွားတာ။ အခုဟာက အဲဒီလိုမဟုတ်ဘူး။ ဒီသင်္ကြန်ကို ခုတုံး လုပ်ပြီးတော့ ရှိတဲ့ အတ္တတွေ အကုန်လုံးကို မီးပြိုင်းပြိုင်းနဲ့ ဟုန်းဟုန်းတောက်မျှကို သင်္ကြန်တွင်းမှာ လောင်ကျွမ်းကုန်ကြတယ်။ မူးပစ်လိုက်မယ်၊ သောက်ပစ်လိုက်မယ်၊ ရမ်းကားလိုက်မယ်၊ ကပစ်လိုက်မယ်၊ အော် ဟစ်ပစ်လိုက်မယ်၊ နောက်ဆုံး ဘာဖြစ်လာလဲဆိုတော့ ရိုက်ပစ်လိုက်မယ်၊ သတ်ပစ်လိုက်မယ် အထိပေ့ါ။ မိန်းကလေးတွေ အပေါ်မှာလည်း စော်ကားပစ်လိုက်မယ် … ဒီလိုတွေ အကုန်ဖြစ်ကုန်တာ ဒါတွေဟာ ပြောရရင် နိုင်ငံရေး ပင်စည် ပင်မတွေပဲ။ နိုင်ငံရေးသဘောအရ ဘယ်လိုဖြစ်ကုန်ကြလဲ ဆိုတော့ လူတွေမှာက ဖိနှိပ်မှုတွေ များလာတော့ ထွက်ပေါက်တွေ ရှိချင်လာတယ်၊ အစော်ကား ခံလာရတာတွေ များတော့ ရိုင်းရိုင်းပြောရရင် ကိုယ်ကနေ ပြန်စော်ကား လာချင်ကြတယ်” လို့ အမျိုးသားစာပေဆုရ မန္တလေးသား စာရေးဆရာ ဆူးငှက်က သူ့ရဲ့ အမြင်ကိုပြောပါတယ်။

ဒီလို ပေါက်ကွဲသံစဉ်တွေနဲ့ ပြည့်နှက်နေတဲ့ မြန်မာ့ရိုးရာသင်္ကြန်ကို လူငယ်တွေအနေနဲ့ အရင် သင်္ကြန်ရဲ့ အနှစ်သာရတွေဖြစ်တဲ့ လှုပ်ရှားမှုတွေကို လုပ်ခွင့် မရလာတာတွေကြောင့် မဟုတ်တဲ့ဘက်၊ မကောင်းတဲ့ဘက်ကို ယိုစိမ့်သွားတယ်လို့ မြင်မိကြောင်း ဘလော့ဂါ ကိုနေဘုန်းလတ်ကလည်း သုံးသပ်ပါတယ်။

“လူငယ် တော်တော်များများ ဘာကြောင့် ဒီလိုမြင်လာလဲဆိုတာ ပြောဖို့ တော်တော် ခက်ပါတယ်။ ဘာကြောင့်လဲဆိုရင် ကျနော်တို့ ငယ်ငယ်က အုန်းလက် မဏ္ဍပ်ထိုးပြီး လူငယ်တွေ စုပြီး မုန့်လုံးရေပေါ်လုံးတယ်။ ပြီးတော့ ကျနော်တို့ စတုဒီသာကျွေးတယ်။ ဒီလို အလေ့အထတွေ ရှိတယ်။ ဒီလို မဏ္ဍပ်တွေထိုးပြီး လူစုလူဝေးနဲ့ လုပ်တဲ့ အရာတွေကို နောက်ပိုင်းမှာ အစိုးရက တားမြစ် လာတာတွေ ရှိတယ်။ အဲဒီတော့ မဏ္ဍပ်ဆိုရင် မဏ္ဍပ်အကြီးကြီးတွေ ချည်းပဲ ရှိလာတယ်။ အစိုးရအနေနဲ့ လုံခြုံရေး အကြောင်း ပြပြီးတော့ တားမြစ်ပိတ်ပင် ခဲ့တာတွေ လုပ်ခဲ့လို့ လူငယ်တွေက တခြားဘက်တွေကို လမ်းလွဲသွားတယ်လို့ ထင်ပါတယ်။ ဒီလိုမျိုးတွေ ပြန်ပြီးဖော်ဆောင်ဖို့ လိုမယ် ထင်ပါတယ်” လို့ သူက ဆိုပါတယ်။

ဒီလိုနဲ့ ဒီဂျေ သင်္ကြန်ခေတ် ရောက်လာပြန်တော့ ပြောင်းလဲ တိုးတက်မှုတခုဖြစ်တဲ့ သင်္ကြန်မဏ္ဍပ် စင်မြင့်က ညကလပ် စင်မြင့် တခုလို ခေတ်သမီးပျိုများရဲ့ အတို၊ အပြတ်၊ အကွဲ၊ အဟိုက်တွေနဲ့၊ အကအလှများနဲ့ အပြိုင်အဆိုင် ဖျော်ဖြေ ဧည့်ခံကြတဲ့ သင်္ကြန်ခေတ် ကာလကို ရောက်လာခဲ့ ပါတော့တယ်။ စစ်အစိုးရလက်ထက် အင်လျားလမ်း၊ တက္ကသိုလ် ရိပ်သာလမ်းဆိုတဲ့ လူကုန်ထံ အသိုင်းအ၀ိုင်းနဲ့ ဆိုင်ရာ ပိုင်ရာတွေရဲ့ သားတွေသမီးတွေ ပိုင်ဆိုင်တဲ့ သင်္ကြန်မဏ္ဍပ်တွေက တစတစ အစပြုလို့လာတာ စနစ်ပြောင်းလို့ ဒီမိုကရေစီ ခေတ်သစ်ကို ရောက်လာလေတော့ အကုန် ပွင့်လင်းမြင်သာ ထင်သာတွေ ဖြစ်ကုန်ကြတာ နောက်ဆုံးမှာ သင်္ကြန်မဏ္ဍပ်ရဲ့ အနောက်ဘက်မှာ အေးအေးဆေးဆေး အနားယူလို့ရတဲ့ အခန်းတွေတောင် ထည့်သွင်း တည်ဆောက် လာကြတယ်ဆိုပဲ။ မူးယစ်ဆေးဝါးတွေကို လိုအပ်သလို ရောင်းဝယ် ဖောက်ကား သုံးစွဲနိုင်တဲ့ အချိန်အခါလို့
လည်း အများက ဆိုလာကြပါတယ်။

“မိန်းကလေးတွေ ကိုယ်နှိုက်ကလည်း ဒီအချိန်မှာ ငါတို့ တလျှောက်လုံး ခြေတလှမ်း ကုဋေတသန်းနဲ့ နေလာခဲ့တာတွေ ဖွင့်ချလိုက်မယ်။ ဒီအပေါ် ရောက်သွားတာနဲ့ ငါတို့အိမ်ရဲ့ အုပ်ထိန်းမှုနဲ့ လွတ်သွားပြီ၊ ဒီအပေါ်မှာ လိုင်စင်ရ ထင်သလို နေလို့ရတယ်။ ဆိုတော့ အရက်ကလည်း လိုင်စင်ရ၊ မူးယစ်ဆေးဝါးလည်း လိုင်စင်ရ၊ သမီးရည်းစားအတွဲ ကလည်း လိုင်စင်ရ၊ အကုန်လုံးက လိုင်စင်ရ ဖြစ်ကုန်တာ” လို့ စာရေးဆရာ ဆူးငှက်က ပြောပါတယ်။

လက်ဘက်ရည်ဆိုင် ယဉ်ကျေးမှုကနေ ဘီယာဆိုင် ယဉ်ကျေးမှုကို ပြောင်းလာတဲ့ခေတ်၊ အရက်ဘီယာက ရေသန့်ဗူးထက် ဈေးပေါနေတဲ့ ခေတ်၊ နေရာတိုင်း ၀ယ်လို့ရနေတဲ့ ခေတ်မှာ ဒါတွေကို ထိန်းထိန်းသိမ်းသိမ်းနဲ့ လုပ်မယ်ဆိုရင်လည်း မြန်မာ့ရိုးရာ သင်္ကြန်ရဲ့ အခုလိုအရုပ်ဆိုး အကျည်းတန်မှုကို လျော့ပါးစေလာနိုင်တယ်လို့ ကိုနေဘုန်းလတ်က ဆိုပါတယ်။

“လူငယ်တွေ သောက်ပြီးတော့ မူးနေရင် နိုင်ငံရေး စိတ်မ၀င်စားရင် ကောင်းတာပဲဆိုတဲ့ အတွေးမျိုးနဲ့ အစိုးရက ဒါမျိုးတွေကို ဖောဖောသီသီ ရအောင် ခွင့်ပြုထားတဲ့ အနေအထားမျိုးတွေ ရှိတယ်။ အဲဒီတော့ သင်္ကြန်တွင်းမှာ ဖြစ်ပျက်နေတဲ့ ရန်ဖြစ်တာတွေ၊ မိန်းကလေးတွေ အရှက်သိက္ခာ မဲ့တာမျိုးတွေဟာ မြန်မာ မိန်းကလေးတွေဟာ အဲဒီလို အရက်တွေဘာတွေ ၀င်သွားတဲ့အခါမှာ အသိစိတ် အကုန်လုံး ပျောက်ပြီး ပိုဆိုးသွားတယ်လို့ မြင်တယ်။ နောက်ဆုံး မဏ္ဍပ်တွေမှာ စပွန်ဆာ ပေးတာတွေကလည်း ဒါတွေပဲ များတယ်လေ။ ကျနော်တို့ ဂျာနယ်တွေမှာ အရက်ကို မကြော်ငြာရဘူးဆိုတဲ့ အခါကျတော့ PH 7 လိုလို ဘာလိုလိုနဲ့ စီးပွားရေး သမားတွေက လှည့်စားပြီးတော့ ကြော်ငြာတယ်။ အစိုးရ ဘက်ကလည်း မသိချင် ယောင်ဆောင်ပြီး ခွင့်ပြုနေတာတွေ ရှိနေတာကိုး။ သင်္ကြန်မှာ အဲဒီ အရက်သေစာနဲ့ ပတ်သက်တာကို ပြန်ပြီး ထိန်းနိုင်ကွပ်နိုင်မယ် ဆိုရင်တော့ ဒါတွေဟာ အရမ်းကြီး ပျောက်သွားမှာတော့ မဟုတ်ဘူး။ ဒါပေမယ့် သင်္ကြန်ဟာ ဒီထက်ပို ဆိုးမလာဘဲနဲ့ အခုလို အရုပ်ဆိုး အကျည်းတန်မယ့် အရာတွေ နည်းနည်း လျော့သွားမယ်လို့ မြင်ပါတယ်” လို့ သူက ဆက်ပြောတယ်။

သင်္ကြန်နားနီးလာပြီ ဆိုရင်တော့ သင်္ကြန်မဏ္ဍပ်တွေ အနေနဲ့ ရိုးရာယဉ်ကျေးမှုကို ထိန်းသိမ်းဖို့၊ သရုပ်ပျက်ယဉ်ကျေးမှု သင်္ကြန် မဖြစ်စေဖို့ တိုက်တွန်း နှိုးဆော်စာတွေက ခါတော်မီ ထွက်လာခဲ့ပေမယ့်လည်း သင်္ကြန်တွင်းမှာတော့ ဒီစည်းကမ်းချက် တွေလည်း သင်္ကြန်ရေထဲ မျောပါကုန်ကြတာ ထုံးစံပါပဲ။

ဒီလို အနေအထားတွေ ရောက်လာရတာဟာလည်း သက်ဆိုင်ရာ ဒေသ အာဏာပိုင်တွေအပေါ် အများကြီး မူတည်ပါတယ်လို့ ဆရာ ဆူးငှက်က သုံးသပ်ပါတယ်။

“မြို့တော်ဝန်ဆိုတဲ့ တကယ့် တာဝန်အရှိဆုံး မဏ္ဍပ်ကတောင်မှ သိန်းပေါင်း ၁၆၅၀ အကုန်ခံပြီးတော့ အဆိုတော်တွေ တီးဝိုင်းတွေ ငှားမယ်၊ ဒီပိုက်ဆံတွေသည် ကျနော်တို့ရဲ့ပိုက်ဆံတွေ၊ စစ်မှန်သော မြို့လူထု အများစုက ယဉ်ကျေးသော သင်္ကြန်ကို အလို ရှိတယ်။ သို့သော် သူတို့က အလိုမရှိဘူး။ သူတို့ပြောနေတဲ့ ပြည်သူ့အသံတို့ ပြည်သူ့ ဆန္ဒတို့ဆိုတာက ဘယ်ရောက်သွားတာတုန်း။ ဒီတော့ ခေါင်က မိုးမလုံတဲ့ ကိစ္စကိုး။ တကယ့်ရိုးရာ ယဉ်ကျေးမှုကို ဖော်ထုတ်မယ့် မဏ္ဍပ်တွေ ဆယ်လုံးမကဘူး။ အလုံးတရာ သူတို့လုပ်နိုင်တယ်။ အဆိုတော် တယောက်ကို သိန်းရာနဲ့ချီပဲ ပေးမယ်၊ အရင်က သင်္ကြန်မဏ္ဍပ်၊ သံချပ်တွေ ပြန်လုပ်မယ့် သူတွေကို သိန်း ၄၀၊ ၅၀ ထုတ်ပေးဖို့ ၀န်လေးတယ်။ သူတို့ကလည်း ဒီအချိန်မှာ အာဏာဆိုတဲ့ အတ္တပေါ့။ ဒီအချိန်မှာ ငါတို့ လူတွင်ကျယ် လုပ်မယ်။ ငါတို့ အပေါ်စီးက နေမယ်။ ငါတို့ ကြည့်ချင်တဲ့ အဆိုတော်၊ မင်းသား၊ မင်းသမီးကို ကြည့်မယ်။ သံဆူးကြိုးတွေခတ်၊ ကော်ဇောနီတွေ ခင်းထားပြီး မိသားစုလိုက် ရှေ့က အပူ အအေးတွေနဲ့ ခံစားကြတော့မှာလေ။ သူတို့ ကြည့်ချင်တဲ့ မင်းသမီး ပေါင်တိုနဲ့ ကြည့်ရတယ်ဆိုတာမျိုး ဖြစ်ကုန်ကြတာကိုး” လို့ မန္တလေး သင်္ကြန်နဲ့ပတ်သက်လို့ သူက ဆက်ပြောပါတယ်။

ရန်ကုန်သင်္ကြန်ကတော့ ဒီဂျေသင်္ကြန် ဖြစ်သွားပြီဆိုတော့ အဆိုတော်၊ သရုပ်ဆောင် အများစုဟာ သင်္ကြန် ကာလ ရောက်ပြီဆိုရင် သိန်းရာနဲ့ချီ ပေးနိုင်တဲ့ နယ်မြို့ သင်္ကြန်မဏ္ဍပ်တွေဆီ အပြေးအလွှား သွားရောက် ဖျော်ဖြေကြရတာပါ။

ဒီမှာ အဆိုတော်ဆိုလို့ နှစ်စဉ်နှစ်တိုင်း ဆိုသလို အမျိုးသား အဆိုတော်၊ သရုပ်ဆောင်တွေထက် အမျိုးသမီး အဆိုတော်၊ သရုပ်ဆောင်တွေကို သင်္ကြန်မဏ္ဍပ်တွေက ခေါ်ယူဖို့ ပိုစိတ် ၀င်စားကြတယ်လို့ အနုပညာ အသိုင်းအ၀ိုင်းက ပြောတာ မစပ်စု အမှတ်ရမိပါတယ်။

တည်ငြိမ်အေးချမ်းနေတဲ့ အချိန်အခါမှာတောင် သင်္ကြန်ကာလ ဆိုရင် ရိုက်ပွဲ နှက်ပွဲတွေက ရိုးရာမပျက်ဆိုတော့ အခုလို လှုပ်လှုပ်လှုပ်လှုပ် ဖြစ်နေချိန်မှာ ရောက်ရှိလာတော့မယ် သင်္ကြန်အခါသမယကို ဆူပူအကြမ်းဖက်ချင်သူတွေက ပစ်မှတ် တခုအဖြစ် ထားလာမှာ စိုးရတဲ့အတွက် ရိုးရိုးရန်ပွဲကနေ အဓိကရုဏ်းဘက်ကို ရောက်သွား စေနိုင်တာကြောင့် အတတ်နိုင်ဆုံး ရန်ပွဲတွေ မဖြစ်ကြဖို့နဲ့ တကယ်လို့ ဖြစ်လာခဲ့တယ်ဆိုရင်တော့ ဘေးက လူတွေက ဒီရန်ပွဲမှာ မပါဝင်ဘဲ ၀ိုင်ဝန်း ထိန်းသိမ်းကြဖို့ လိုတယ်လို့ ကိုနေဘုန်းလတ်က တိုက်တွန်းလိုက်ပါတယ်။

ဘကြီးမိုးလို့ အများခေါ်ကြတဲ့ စာရေးဆရာ မောင်မိုးသူကလည်း သင်္ကြန်မှာ အပျော်အပါး ဆိုတာထက် ကုသိုလ်ကောင်းမှုလုပ်တာ ဘုရားသွားကျောင်းတက် စတဲ့ ယဉ်ကျေးမှုဘက်ကို နွှယ်တဲ့ အလုပ်တွေကို ပိုလုပ်ကြမယ်ဆိုရင် ထိန်းသိမ်းရာလည်း ကျမယ် အန္တရယ်လည်း ကင်းမယ်လို့ သူ့အမြင်ကို ပြောပါတယ်။

ကဲ … ၂၀၁၃ ခုနှစ် ဧပြီလမှာ ရောက်ရှိလာတော့မယ် မြန်မာတို့ရဲ့ နှစ်သစ်ကူးသင်္ကြန်ပွဲတော်ကြီးကို လူသား အားလုံး အေးအေးချမ်းချမ်း ပျော်ပျော်ရွှင်ရွှင်နဲ့ ဖြတ်သန်းနိုင်ကြပါစေလို့ ဆန္ဒပြုလိုက်ပါတယ်။

Ref: ဧရာဝတီ

Read More...

Wednesday, April 3, 2013

ဒဿမနေ့မြောက် ရခိုင်ပြည်နယ် လွှတ်တော် အစည်းအဝေး ဆက်လက်ကျင်းပ

April 3, 2013

ရခိုင်ပြည်နယ် လွှတ်တော် အစည်းအဝေးအား ယနေ့ (ဧပြီ ၃ ရက်နေ့) တွင် ဒဿမနေ့မြောက် ဆက်လက် ကျင်းပနေသည်ဟု သတင်း ရရှိသည်။

လွှတ်တော် အစည်းအဝေးတွင် အဓိကအားဖြင့် စီမံကိန်းများနှင့် ၂၀၁၃-၂၀၁၄ ရခိုင်ပြည်နယ် ဘတ်ဂျက်ကို အဓိကထား ဆွေးနွေးနေသည်ဟု သိရသည်။

စီမံကိန်းများထဲတွင် ဆောက်လုပ်ရေးဌာန၏ ဘတ်ဂျက် သုံးစွဲမည့် ငွေပမာဏမှာ အများဆုံး ဖြစ်ပြီး ရခိုင်ပြည်နယ် ဘတ်ဂျက်၏ ၆၀ ရာခိုင်နုန်းကို ဆောက်လုပ်ရေး ကဏ္ဍတွင် အသုံးပြုသွားမည်ဟု လွှတ်တော်သို့ တက်ရောက်နေသူ စစ်တွေ မြို့နယ် လွှတ်တော်ကိုယ်စားလှယ် ဦးအောင်မြကျော်က ပြောသည်။

“ အခု စီမံကိန်းတွေက အများကြီးဘဲ။ အဲဒီအထဲမှာ အကြီးဆုံး စီမံကိန်းက သုံးခု ရှိပါတယ်။ အဲဒီ စီမံကိန်း အတွက် ဘတ်ဂျက်ငွေတွေကို အဓိက သုံးစွဲသွားမှာ ဖြစ်ပါတယ်” ဟု သူက ဆိုသည်။

၎င်းစီမံကိန်းကြီး (၃) ခုမှာ မာန်အောင်မြို့နယ် ကျွန်းပတ်လမ် ဖေါက်လုပ်ရေး၊ ရသေ့တောင်နှင် စစ်တွေ- ရန်ကုန်ကားလမ်း အား ဆက်သွယ်ပေးမည့် ရသေ့တောင်- ပုဏ္ဍားကျွန်း ကားလမ်း ဖေါက်လုပ်ရေးနှင့် မောင်တော- အငုံမော် ကားလမ်းဖေါက်လုပ်ရေး စီမံကိန်းတို့ ဖြစ်ကြသည်ဟု ဆိုသည်။

ရခိုင်ပြည်နယ် ၂၀၁၃-၁၄ ခုနှစ် ဘတ်ဂျက်ထဲမှ ဆည်မြောင်း တာတမံ တည်ဆောက်ရေးတွင်လည်း ငွေကြေး အမြောက်အမြား အသုံးပြုသွားမည်ဟု ဦးအောင်မြကျော်က ပြောသည်။

ယခုနှစ်မှ စပြီး ဧက ၅၀၀၀ အောက် တာတမံများကို ယခင်ကလို ဗဟို အစိုးရ မကိုင်တော့ဘဲ ပြည်နယ် အစိုးရလက်အောက်သို့ လွဲပြောင်း ပေးလိုက်ပြီ ဖြစ်သဖြင့် ဆည်မြောင်း တာတမံများကို ရခိုင်ပြည်နယ် အစိုးရမှ တိုက်ရိုက်ကွပ်ကဲ စီမံ လုပ်ဆောင်သွားတော့မည်ဟု ဆိုသည်။

ပညာရေးနှင့် ကျန်းမာရေးကို ဗဟို အစိုးရမှ တိုက်ရိုက်ကိုင်တွယ်ထားပြီး ၂၀၁၃-၂၀၁၄ ဘဏ္ဍာရေးနှစ်တွင် ရခိုင်ပြည်နယ်တွင် ကျောင်းဟောင်း၊ ကျောင်းသစ် ၁၀၀၀ ကျော် ပြုပြင် တည်ဆောက်သွားမည်ဟု ဆိုသည်။

လွှတ်တော် အစည်းအဝေးအား နောက်ထပ် လေးငါးရက်ခန့် ကျင်းပ ပြုလုပ်ရန် ရှိနေသေးရာ တချို့ စီမံကိန်းများကို အစည်းအဝေးပြီမှ သိရှိရမည်ဟု ဦးအောင်မြကျော်က ပြောသည်။

Ref: နိရဉ္စရာ

Read More...

စစ်တွေ တက္ကသိုလ်ဝင်း အတွင်း လောင်ကျွမ်းခဲ့သောမီးမှာ ပေါ့ဆမီးဟု ဆို

April 3, 2013

ရခိုင်ပြည်နယ် စစ်တွေ တက္ကသိုလ်ဝင်း အတွင်း မတ်လ ၃၀ ရက်နေ့က လောင်ကျွမ်းခဲ့သောမီးမှာ ပေါ့ဆမီး ဖြစ်ကြောင်း ဧပြီလ ၂ရက်နေ့ထုတ် မြန်မာ အစိုးရ သတင်းစာ ကြေးမုံတွင် ဖေါ်ပြသည်။

လောင်ကျွမ်းခဲ့သော မီးကြောင့် တက္ကသိုလ်ဝင်း အထဲမှ အပင်ငယ်များ တဧကခန့် လောင်ကျွမ်းခဲ့ပြီး အဆောက်အဦးများ လောင်ကျွမ်းခဲ့ခြင်း မရှိဟု ဆိုသည်။

၎င်းမီးအား စစ်တွေမြို့နယ် မီးသတ် စခန်းမှ မီးသတ်ယာဉ် နှစ်စီး၊ အကူယာဉ် တစ်စီး၊ မီးသတ်တပ်ဖွဲ့ဝင် ၂၃ ဦး၊ လုံထိန်း တပ်ဖွဲ့ဝင် ၅၀ ဦးနှင့် တပ်မတော်သားများက ၀ိုင်းဝန်း ငြိမ်း သတ်ခဲ့ရသည်ဟု ဆိုသည်။ မီးမှာ ၁၁ နာရီခွဲတွင် ငြိ်မ်းသွားသည်ဟု သတင်းတွင် ဖေါ်ပြသည်။

မတ်လ ၃၀ ရက်နေ့ နံနက် ၁၀ နာရီ ၅၀ မိနစ်တွင် တက္ကသိုလ်ဝင်း အတွင်းရှိ အမိူက်များမှ စတင် လောင်ကျွမ်းခဲ့သည်ဟု သတင်းစာက ဆိုသည်။

Rakhine News Group မှ မီးလောင်မူကြောင့် ဘုမေရွာမှ သံသယရှိသူ ဒီမာမောက်(၃၃)နှစ် ၄င်း၏ဇနီး မာခါဆူ (၃၂)နှစ်တို့ အားဖမ်းဆီးရမိကြောင်း ဖေါ်ပြသည်။

Ref: နိရဉ္စရာ

Read More...

ဧက ၅၀ အကျယ်အ၀န်းရှိမည့် Solar System ဖြင့် စစ်တွေကို လျှပ်စစ်မီး ပေးဝေမည့် စီမံကိန်း များမကြာမီ စတင်မည်

April 3, 2013

ရခိုင်ပြည်နယ် စစ်တွေမြို့ကို ဆိုလာ စနစ် ( Solar System) ဖြင့် လျှပ်စစ်မီး ပေးဝေနိုင်ရေး အတွက် မြေနေရာ ဧက ၅၀ ခန့် လိုအပ်နေရာ ရခိုင်ပြည်နယ် အစိုးရအဖွဲ့မှ မြေနေရာ ရရှိရေးကို စီစဉ် ဆောင်ရွက်လျှက်ရှိကြောင်း သတင်း ရရှိသည်။

“ နေရာ သတ်မှတ်နိုင်ရေး အတွက် မြေနေရာကို လိုက်ရှာနေတဲ့ နေရာမှာ မနေ့ကတော့ ယခင် သချိုင်္င်းဟောင်း အာကျိတ်တောင်ကုန်းကို သွားကြည့်ပါတယ်။ အဲဒီနေရာက အကောင်း ဆုံး ဖြစ်မယ်လို့တော့ အားလုံးက ယူဆနေကြပါတယ်” ဟု စစ်တွေမြို့နယ် ပြည်နယ် လွှတ်တော် ကိုယ်စားလှယ် ဦးအောင်မြကျော်က ပြောသည်။

အဆိုပါ စီမံကိန်းကို အမေရိကန် အကူအညီဖြင့် ပြည်တွင်း ကုမ္ပဏီ တစ်ခုက တည်ဆောက်သွားမည်ဟု ဆိုသည်။

“ မြေနေရာကို လိုက်ရှာနေတာ ကြာနေပါပြီ။ အခုတော့ အာကျိတ်တောင်ကုန်းမှာ တည်ဆောက် ဖြစ်ဖို့များတယ်။ အဲဒီ နေရာကို နောက်တစ်ရက် နှစ်ရက်ကြာရင် သတ်မှတ်မယ်။ ပီးရင် စီမံကိန်းကို စတင် အကောင်အထည်ဖေါ်မှာ ဖြစ်ပါတယ်”ဟု သူက ဆက်ပြောသည်။

စီမံကိန်း အတွက် အမေရိကန် ဒေါ်လာ သန်း ၂၀ ထိ အသုံးပြုမည် ဖြစ်ကြောင်း ဦးအောင်မြကျော်က ပြောကြားသည်။

သို့သော်လည်း အဆိုပါ ငွေပမဏ အပေါ် နိရဉ္စရာက အတည်ပြုနိုင်ခြင်း မရှိသေးပါ။

Ref: နိရဉ္စရာ

Read More...

ကရင်နီ မီးဘေးဒုက္ခသည်များ အတွက် ပြန်လည်ထောင်ထူရေး စတင်

စောခါးစူးညား
2 April 2013

ထိုင်း-မြန်မာနယ်စပ် မဲဟောင်ဆောင်ခရိုင်ရှိ ကရင်နီ အမှတ်(၂)ဒုက္ခသည်စခန်းမှ မီးဘေး ဒုက္ခသည် နှစ်ထောင် ကျော်အတွက် ပြန်လည် ထူထောင်ရေးလုပ်ငန်းများ စတင်နေပြီဖြစ် သည်ဟု ကရင်နီဒုက္ခသည်ကော်မတီ-KnRC က ပြောသည်။

လက်ရှိ ကရင်နီအမှတ်(၂)စခန်းရှိ မီးလောင်ထားသည့် ရပ်ကွက်(၄)နှင့် (၁)နေရာများကို ဘူဒိုဇာကား နှစ်စီးဖြင့် ထိုင်းအစိုးရဘက်မှ တာဝန်ယူ ရှင်းလင်းပေးနေပြီး မတ်လ ၃၀ရက်နေ့မှ စတင်ကာ ယနေ့ ဧပြီလ ၂ရက်နေ့ထိ ဆက်လက်လုပ်ဆောင်လျှက်ရှိကြောင်း KnRC မှ အတွင်းရေးမှူး(၁) နော်ထူးလွဲက ကေအိုင်စီသို့ ပြောသည်။

နော်ထူးလွဲက “လောလောဆယ်တော့ ပြန်လည်ထူထောင်ရေးလုပ်နေတုန်းပဲ။ နေ့တိုင်း ဒီကားနှစ်စီးနဲ့ မီးလောင် ထားတဲ့ နေရာတွေကို မြေတွေညီညာအောင် လုပ်နေပါတယ်။ ရပ်ကွက် (၄)ကနေ ရပ်ကွက်(၁)အထိ လုပ်ဆောင်သွားဖို့ ရှိပါတယ်”ဟု ပြောသည်။

မြေနေရာများလုပ်ဆောင်ပြီးသည်နှင့်တပြိုင်နက် မီးဘေးဒုက္ခသည်များအတွက် လိုအပ်သော အဆောက်အဦး ပစ္စည်းအားလုံးကို ထိုင်း-မြန်မာနယ်စပ်အခြေစိုက် ဒုက္ခသည်များကို အကူအညီပေးနေသည့် Thai-Burma Border Consortium(TBBC)မှ တာဝန်ယူ ကူညီထောက်ပံ့ပေးမည်ဟု နော်ထူးလွဲက ဆက်ပြောသည်။

လက်ရှိ ကရင်နီ မီးဘေးဒုက္ခသည်များသည် မဲစရင်းချောင်းနံဘေးတွင် တာလပတ်(မိုးကာ)များဖြင့် မိုးထားသည့် ယာယီတဲများအောက်တွင် နေထိုင်နေကြရပြီး ရာသီဥတု အလွန်ပူပြင်း သောကြောင့် ကလေးသူငယ် များ၏ ကျန်းမာရေးအတွက် စိုးရိမ်နေရသည်ဟု KnRC က ဆိုသည်။

မီးဘေးဒုက္ခသည်များလိုအပ်သော အကူအညီများအတွက် လက်ရှိအချိန်တွင် ဒုက္ခသည်များကို အကူအညီ ပေးနေသည့် အစိုးရမဟုတ်သောအဖွဲ့အစည်း-NGOs များအပါအ၀င် ကရင်နီအမျိုးသားတိုးတက်ရေးပါတီ-KNPPနှင့် ထိုင်းအစိုးရတို့မှ ကူညီပေးနေသလို ပြီးခဲ့သည့် မတ်လ ၂၅ရက်နေ့ကလည်း ကရင်နီ(ကယား) ပြည်နယ် အစိုးရမှ အလှူငွေ ကျပ် သိန်းတစ်ရာ ကူညီပေးခဲ့သည်။

ကရင်နီ အမှတ်(၂)ဒုက္ခသည်စခန်းတွင် ပြီးခဲ့သည့် မတ်လ ၂၂ရက်နေ့က မီးလောင်မှုဖြစ်ပွားကာ နောက်ဆုံး အတည်ပြုချက်အရ လူ ၃၆ဦး သေဆုံးပြီး ၂၀၀ကျော်ဒဏ်ရာရရှိခဲ့သည်ဟု သိရသည်။

ကရင်နီအမှတ်(၂) ဒုက္ခသည်စခန်းကို ၁၉၉၂ခုနှစ်က စတင်တည်တောင်ခဲ့ပြီး လက်ရှိ လူဦးရေ ၃,၄၀၀ (သုံး ထောင်လေးရာ)ကျော် အခြေချနေထိုင်လျှက်ရှိသည်။

Ref: ကေအိုင်စီ

Read More...

မြောက်ကိုရီးယား ခြိမ်းခြောက်မှု အမေရိကန်လုံးဝ လက်မခံနိုင်

02.04.2013

မြောက်ကိုရီးယားရဲ့ စစ်ရေး ခြိမ်းခြောက်မှုတွေကနေ အမေရိကန်ပြည်ထောင်စုနဲ့ သူ့ရဲ့ မဟာမိတ် တောင်ကိုရီးယားနိုင်ငံကို အကာအကွယ်ပေးသွားမယ်။ မြောက်ကိုရီးယားနိုင် ငံ ကို နျူကလီးယား လက်နက် ပိုင်ဆိုင်တဲ့နိုင်ငံ အဖြစ်မခံနိုင်ဘူးလို့ အမေရိကန် နိုင်ငံခြားရေးဝန်ကြီး ဂျွန် ကယ်ရီ (John Kerry) က ပြောပါတယ်။

တောင်ကိုရီးယားနဲ့ အမေရိကန် ပြည်ထောင်စုအပေါ် စစ်ရေးအရ အရေးယူမယ် ဆိုပြီး မြောက်ကိုရီးယားရဲ့ လတ်တလော ခြိမ်းခြောက်မှုတွေဟာ ရန်စတဲ့ သဘောမှာ ရှိပြီး၊ အန္တရာယ် လည်း များသလို အဆင်ခြင်မဲ့ လုပ်ဆောင်မှု ဖြစ်တယ်လို့ တောင်ကိုရီး ယား နိုင်ငံခြားရေးဝန်ကြီး ယွန် ဗြောင်စီ (Yun Byung-se) နဲ့ ၀ါရှင်တန်မှာ ပူးတွဲကျင်းပတဲ့ သတင်းစာ ရှင်လင်း ပွဲမှာ မစ္စတာ ကယ်ရီ က ပြောသွားပါတယ်။

အမေရိကန် ပြည်ထောင်စုအနေနဲ့ မိမိအကျိုးစီးပွားကို အကာအကွယ်ပေးဖို့ အပြည့်အ၀ ပြင်ဆင်ပြီးသား ဖြစ်သလို၊ အကာအကွယ် ပေးနိုင်တဲ့ အခြေအနေမှာ ရှိတယ်၊ မြောက်ကိုရီးယား ကလည်း ဒါကို သိပြီးဖြစ်တယ်လို့ မစ္စတာ ကယ်ရီ က ပြောပါတယ်။ မြောက်ကိုရီးယားနိုင်ငံကနေ လက်နက်တွေ ထပ်ပြီး ထုတ်လုပ်ဖို့နဲ့ နိုင်ငံရဲ့ လျှပ်စစ်မီး လိုအပ်ချက်ကို ဖြေရှင်း ဖို့အတွက် ရပ်ထားတဲ့ နျူကလီးယား ဓာတ်ပေါင်းဖိုကို အမြန်ဆုံး ပြန်လည်ပတ်မယ်လို့ ပြောသွားပြီး နာရီပိုင်းအကြာမှာပဲ အခုလို အမေရိကန် နိုင်ငံခြားရေးဝန်ကြီးက ပြောကြားလိုက် တာပါ။

မြောက်ကိုရီးယား အစိုးရက ယူရေနီယံ သတ္တုသန့်စင်တဲ့ စက်ရုံနဲ့ လက်နက် ထုတ်လုပ် ရာမှာ အသုံးပြုလို့ရမယ့် ပလူတိုနီယံ ထုတ်လုပ်နိုင်တဲ့ ၅ မီဂါဝပ်အား ရှိတဲ့ ဓာတ်ပေါင်းဖို ကို အရင်စ လည်ပတ်မယ်လို့ ပြောပါတယ်။


Ref: ဗွီအိုအေ

Read More...

ပထမဆုံး လက်နက်ကုန်သွယ်မှု ထိန်းချုပ်ရေးစာချုပ် ကုလအတည်ပြု

02.04.2013

ကမ္ဘာ့နေရာအနှံ့မှာရှိတဲ့ အကြမ်းဖက်သမားတွေ၊ စစ်ရာဇ၀တ်ကောင်တွေဆီကို လက်နက်ပစ္စည်းတွေ မရောက်ရှိအောင် တားမြစ်ဖို့ ရည်မှန်းတဲ့ အပြည်ပြည်ဆိုင်ရာ လက်နက်ကုန် သွယ်မှု ထိန်းချုပ်ရေး ပထမဆုံး သဘောတူ စာချုပ်စာတမ်းကို ကုလသမဂ္ဂ အထွေထွေ ညီလာခံကနေ တခဲနက်တည်း အတည်ပြုလိုက်ပါတယ်။

ကုလသမဂ္ဂအဖွဲ့ဝင် နိုင်ငံပေါင်း ၁၅၄ နိုင်ငံက ဒီသဘာတူညီချက်ကို မဲပေးခဲ့ပါတယ်။ အီရန်၊ မြောက်ကိုရီးယားနဲ့ ဆီးရီးယား နိုင်ငံတွေကတော့ ကန့်ကွက်မဲပေးပြီး၊ နိုင်ငံပေါင်း ၂၃ နိုင်ငံကတော့ ကြားနေခဲ့ပါတယ်။

ဒီသဘောတူညီချက်ကို လိုက်နာမယ်ဆိုပြီး နိုင်ငံပေါင်း ၅၀ က လက်မှတ်ထိုးလိုက်ပြီ ဆိုတာနဲ့ ဒီသဘောတူညီချက်ဟာ တရားဝင် ဖြစ်လာမှာပါ။ စာချုပ်ပါအတိုင်းဆိုရင်တော့ လူသား မျိုးနွယ်အပေါ် ကျူးလွန်တဲ့ ရာဇ၀တ်မှု၊ လူမျိုးတုံး သတ်ဖြတ်မှု၊ စစ်ရာဇ၀တ် မှုတွေမှာ ပါဝင်ပတ်သက်သူလို့ သင်္ကာမကင်း ဖြစ်ခံရသူတွေကို စစ်မြေပြင်သုံး လက်နက်ထုတ်လုပ်သူ တွေအနေနဲ့ ဒီလက်နက်တွေ တိုက်ရိုက် ရောင်းချတာမျိုး တားမြစ်ထားပါတယ်။

ဒီသဘောတူညီချက်ဟာ ပြင်းထန် ထိရောက်ပြီး အကောင်အထည်ဖော်နိုင်တဲ့ အခြေအနေရှိတယ်လို့ အမေရိကန် နိုင်ငံခြားရေးဝန်ကြီး ဂျွန် ကယ်ရီ (John Kerry) က ပြောပါတယ်။

လက်နက်ပစ္စည်း တရားဝင် ကုန်သွယ်ရောင်းချနိုင်ဖို့ တိုင်းပြည်အတွက် အခွင့်အရေးကို လည်း အကာအကွယ် ပေးထားတယ်လို့ ဆိုပါတယ်။


Ref: ဗွီအိုအေ

Read More...

အမေရိကန်အလုပ်ရှင်တွေ H1B ဗီဇာ စလျှောက်ကြပြီ

02.04.2013

အမေရိကန်ပြည်ထောင်စုမှာ အလုပ်လုပ်ဖို့ အထူးကျွမ်းကျင်တဲ့ နိုင်ငံခြားသား လုပ်သားတွေအတွက် (နိုင်ငံခြားသားအများစု မျှော်လင့်တောင့်တကြတဲ့) ပြည်ဝင်ခွင့် ဗီဇာတွေကို အမေရိကန် အလုပ်ရှင်တွေ လျှောက်ထားနေကြပါတယ်။

ဒါဟာဆိုရင် အမေရိကန် ပြည်ထောင်စုမှာ လုပ်သားဈေးကွက် လျှင်လျှင်မြန်မြန်ကို တိုးတက်ကောင်းမွန်လာတဲ့ လက္ခဏာလို့ ယူဆကြပါတယ်။

အမေရိကန် ကုမ္ပဏီတွေအနေနဲ့ တနှစ် တနှစ်ကို နိုင်ငံခြားသားအလုပ်သမား ၆ သောင်း ၅ ထောင်ကျော်အထိ ခေါ်ယူနိုင်ပါတယ်။ လုပ်ငန်းတွေအတွက် အနည်းဆုံး ဘွဲ့တခု ရဖို့လိုပြီး၊ အများစုကတော့ နည်းပညာဆိုင်ရာ လုပ်ငန်းတွေအတွက် ဖြစ်ပါတယ်။

အမေရိကန် တက္ကသိုလ်တွေကနေ အဆင့်မြင့်ဘွဲ့ ရထားတဲ့ နောက်ထပ် ၂ သောင်းကိုလည်း အလုပ်ဗီဇာ လျှောက်ထား ခေါ်ယူခွင့်ရမှာ ဖြစ်ပါတယ်။

အမေရိကန်အစိုးရရဲ့ နိုင်ငံသားနဲ့ လူဝင်မှု ကြီးကြပ်ရေးဆိုင်ရာ ဌာနကနေ အခုနှစ် အောက်တိုဘာလကစပြီးတော့ H1B ဗီဇာတွေ ထုတ်ပေးနိုင်ဖို့ အခု တနင်္လာနေ့မှာ လျှောက် ထားချက်တွေ စတင် လက်ခံနေပါပြီ။ ဒါပေမဲ့လည်း လျာထားတဲ့ နိုင်ငံခြားသား အလုပ်သမား ၆ သောင်း ၅ ထောင်အတွက်ကို အခုသီတင်းပတ်အကုန်မှာ နောက်ဆုံးထား တင်သွင်း လျှောက်ထားရမှာ ဖြစ်ပါတယ်။

နိုင်ငံခြားသား အလုပ်သမားတွေ အနေနဲ့ကတော့ အမေရိကန် ပြည်ထောင်စုမှာ ကနဦးအားဖြင့် ၃ နှစ်အထိ နေထိုင် အလုပ်လုပ်ခွင့်ရမှာ ဖြစ်ပါတယ်။ ပြည့်သွား ရင် နောက်ထပ် ၃ နှစ် သက်တမ်းတိုးဖို့ လျှောက်ထားနိုင်ပါတယ်။

လိုအပ်နေတဲ့ အလုပ်နေရာတွေကို အပြည့်အ၀ ဖြည့်ဆည်းနိုင်ဖို့ အမေရိကန် ပညာရေးစနစ်ကနေ ကျွမ်းကျင်သူတွေ မမွေးထုတ်ပေးနိုင်တာကြောင့်၊ အခုလို နိုင်ငံခြားသား အလုပ်သမား တွေကို ခေါ်ယူရတာ ဖြစ်တယ်လို့ JP Morgan Chase ဘဏ်ရဲ့ အကြီးတန်း စီးပွားရေး ပညာရှင်တဦး က ဗွီအိုအေ ကို ပြောပါတယ်။

လိုအပ်နေတဲ့ ဒီအလုပ်တွေဟာ အထူး ကျွမ်းကျင်မှုရှိဖို့တော့ လိုတယ်လို့တော့ ထပ်လောင်း ပြောဆိုသွားပါတယ်။


Ref: ဗွီအိုအေ

Read More...

ဗလီကျောင်းမီးလောင်မှု အဖြစ်မှန်စုံစမ်းဖို့ နိုင်ငံတကာတိုက်တွန်း

ကိုသားညွန့်ဦး
02.04.2013

မနေ့မနက်ပိုင်းက ရန်ကုန်မြို့ ဗိုလ်တထောင်မြို့နယ် ၄၈ လမ်း အစ္စလာမ် ဗလီ စာသင်ကျောင်း မီးလောင်မှုမှာ သေဆုံးခဲ့သူတွေကို၊ မနေ့ကပဲ ရန်ကုန် ရေဝေး သုသာန်မှာ ဈာပန ပြုလုပ်ပါတယ်။ ဒီဖြစ်စဉ်နဲ့ပတ်သက်လို့ ဖြစ်ရပ် အသေးစိတ်ကို အစိုးရအနေနဲ့ စုံစမ်း စစ်ဆေးမှုတွေ လုပ်ဖို့ တောင်းဆိုမှုတွေလည်း ရှိနေပါတယ်။ တဘက်မှာလည်း ဘာသာရေး တင်းမာမှုတွေ ရှိနေချိန် အခုလို ဖြစ်ရပ်ကြောင့်၊ သံသယ ဖြစ်မှုတွေ မရှိအောင် တာဝန်ရှိသူတွေကလည်း ရှင်းလင်း တင်ပြနေပါတယ်။ အပြည့်အစုံကို ကိုသားညွန့်ဦး တင်ပြထားပါတယ်။

ဗိုလ်တထောင်မြို့နယ် ၄၈ လမ်း ဗလီ ကျမ်းစာသင်ကျောင်းမှာ မီးလောင်လို့ မီးခိုးမွှန်ပြီး သေဆုံးခဲ့တဲ့ ကျောင်းသား ၁၃ ဦးရဲ့ ဈာပနကို မနေ့ကပဲ ရန်ကုန် ရေဝေးသုသာန်မှာ အစ္စလာမ်ဘာသာ ထုံးတမ်းနဲ့ သဂြိုလ်ခဲ့ပါတယ်။

ထောင်နဲ့ချီတဲ့ အစ္စလာမ် ဘာသာဝင်တွေ တတ်ရောက်ခဲ့ကြသလို၊ ၈၈ မျိုးဆက်အဖွဲ့က ခေါင်းဆောင်နှစ်ဦးဖြစ်တဲ့ ကိုဂျင်မီနဲ့ ကိုမြအေးတို့လည်း တတ်ရောက်ပါတယ်။ ဘာသာရေး တင်းမာမှုတွေ ဖြစ်နေတဲ့အချိန်မှာ အခုလို ဖြစ်ရပ်ကြောင့် သံသယနဲ့ အမုန်းတရားတွေ ပျံ့နှံ့လာမှာကို စိုးရိမ်တယ်လို့ ကိုမြအေး က အဲ့ဒီ ဈာပနမှာပဲ ဈာပနလာကြသူတွေကို ပြော ခဲ့ပါတယ်။

“ကျနော် မနေ့ကလည်း မိတ္ထီလာ ရောက်ခဲ့တယ်။ ဒုက္ခသည်စခန်း အတွင်းမှာ တွေ့ခဲ့တယ်။ အဲ့ဒီ ဒုက္ခသည်စခန်းတွင်းမှာသည်ပင်လျှင် ကျနော် စောစောက ပြောသွားသလို ကောလ ဟာလတွေက အရမ်းကို ပြန့်နေတယ်။ လူလူချင်း အမုန်းတရားတွေ ပွားစေတဲ့ ကောလဟာလတွေ အရမ်းကို ပြန့်နေတယ်။ အဲ့ဒါကြောင့် ကျနော်က အရမ်းပဲ စိတ်ပူပါတယ်။ အတိ အလင်းပဲ ပြောပါမယ်။ အတိအလင်းဆိုတာက ဒီသင်္ကြန်၊ ဒီသင်္ကြန်ကို ကျနော် အလွန်ပဲ စိတ်ပူနေပါတယ်။ အဲ့ဒါကို ကျနော်တို့ အားလုံး ၀ိုင်းကာပြီးတော့ ၀ိုင်းပြီးတော့ တားဆီးမှ ရမယ်လို့ ကျနော် မြင်ပါတယ်။”

တချိန်တည်းမှာပဲ ဒီဖြစ်ရပ်ကြောင့် ဘာသာရေး တင်းမာမှုတွေ ရန်ကုန်မှာ ဖြစ်လာမှာကို စိုးရိမ်တဲ့အတွက် မီးလောင်တဲ့ ဗလီနားမှာ လုံခြုံရေးတွေ အတော်လေး တင်းကြပ်ထား ပါတယ်။

ရန်ကုန်တိုင်း အစိုးရအဖွဲ့ကလည်း ချက်ခြင်းဆိုသလို သတင်းစာ ရှင်းလင်းပွဲခေါ်ယူခဲ့ပြီး၊ မီးလောင်မှုဖြစ်စဉ်ကို ရှင်းလင်းပါတယ်။ မီးအားမြှင့်စက်ကနေ ၀ါယာရှော့ဖြစ်လို့ စတင် လောင်ကျွမ်းရာကနေ ပိတ်မိနေတဲ့ အထဲက ကျောင်းသားတွေ မီးခိုးမွှန်ပြီး သေဆုံးခဲ့တာလို့ မီးသတ်အရာရှိတဦးက အခုလို ကောက်ချက်ချပါတယ်။

“အောက်ဆီဂျင် မရဖြစ်သွားတာ ကလေးတွေ သနားဘို့ အရမ်းကို ကောင်းပါတယ်။ မီးလောင်တဲ့အခါ ကလေးတွေက ငယ်တော့ မဆင်းနိုင်တဲ့အခါ မီးခိုးငွေ့တွေ ရှုမိတာပေါ့နော်။ မီးခိုးတွေ ထွက်နေလို့ ကျနော်တို့ ရောက်လာတယ်။ မီးစလေးတွေ နည်းနည်းပါးပါး တွေ့တယ်။ တွေ့တော့ တံခါးဖျက်ပြီး ၀င်တော့ မီးအားမြှင့်စက် မီးလောင်နေတာကို တွေ့တာပေါ့နော်။ ကျနော်တို့က မီးစက်မှာပဲ တွေ့တာပဲလေ။ ဒါပေမဲ့ ဘာကြောင့်ဖြစ်တယ်ဆိုတာ မသိဘူးပေါ့နော်။”

ဒါပေမဲ့လည်း အသေးစိတ်ကိုတော့ ဗလီကျောင်း တာဝန်ရှိသူတွေကို စုံစမ်း မေးမြန်းနေ တယ်လို့ ရဲဘက်က ပြောပါတယ်။

ရန်ကုန် အမေရိကန်သံအမတ်ကြီး ဒဲရက်ခ် မစ်ချဲ (Derek Mitchell) ကလည်း ဒီအဖြစ်အပျက်နဲ့ ပတ်သက်လို့ ကြေညာချက် ထုတ်ပြန်ရာမှာ သေဆုံးခဲ့ရတဲ့ ကလေးငယ်တွေအတွက် အလွန်အမင်း ၀မ်းနည်းကြေကွဲမိတယ်လို့ ဖော်ပြပါတယ်။

တချိန်တည်းမှာလည်းပဲ ဒီမီးလောင်မှု ဘာကြောင့်ဖြစ်ရသလဲဆိုတာကို ပွင့်ပွင့်လင်းလင်း နဲ့ အပြည့်အစုံ စုံစမ်းစစ်ဆေးဖို့အတွက် မြန်မာအစိုးရအနေနဲ့ တာဝန်ရှိတဲ့ လူမှုအသိုင်း အ၀ိုင်းက ပုဂ္ဂိုလ်တွေနဲ့အတူ နီးနီးကပ်ကပ် ဆောင်ရွက်ဖို့ကိုလည်း တိုက်တွန်းထား ပါတယ်။

EU ဥရောပသမဂ္ဂ နိုင်ငံခြားရေး မူဝါဒဆိုင်ရာ အကြီးအကဲ ကက်သရင်း အက်ရ်ှတွန် (Catherine Ashton) အနေနဲ့ ဒီဖြစ်ရပ်အပေါ်မှာ အလွန်အမင်း တုန်လှုပ်မိပြီး၊ မိသားစုဝင်တွေနဲ့ အတူ ထပ်တူ ကြေကွဲတဲ့အကြောင်း သူ့ ပြောခွင့်ရသူက ကြေညာချက် ထုတ်ပြန်ပါတယ်။

ဒီဖြစ်ရပ်အပေါ်မှာ သံသယ မရှိကြစေဖို့အတွက်လည်း စုံစမ်းစစ်ဆေးမှုတွေ အမြန်ဆုံး လုပ်ဆောင်ဖို့ အာဏာပိုင်တွေကို EU နိုင်ငံခြားရေး အကြီးအကဲ ကက်သရင်း အက်ရ်ှတွန် (Catherine Ashton) က တိုက်တွန်းထားပါတယ်။

ဗိုလ်တထောင်မြို့နယ် အုပ်ချုပ်ရေးမှူးရုံး တာဝန်ရှိသူ ဦးသန့်ဇော်ဦး ကတော့ ဒါဟာ သာမန် မီးလောင်မှုလို့ ပြောပါတယ်။

“ဒီဗလီမှာရှိတဲ့ လှေကားအောက်က မီးအားမြှင့်စက် ကနေပြီးတော့ အပူလွန်ကဲပြီးတော့ အဲ့ဒီကနေမှ ၀ါယာရှော့ ဖြစ်တာပေါ့။ ၀ါယာရှော့ဖြစ်ပြီးတော့ လှေကားအောက် ဆိုတော့ လှေကားကို မီးလောင်သွားတာပေါ့နော်။ လှေကားမီးလောင်သွားတဲ့ အခါကျတော့ အပေါ်ထပ် ထပ်ခိုးလေးမှာ အိပ်ကြတဲ့ ကလေးတွေက ထွက်ပေါက် ပိတ်ပြီးတော့ မီးခိုးမွှန်ပြီးတော့ ၁၃ ယောက်လောက်က ဆုံးသွားတယ်။”

ဖြစ်တဲ့အချိန်မှာ ကျမ်းစာသင်ကျောင်းမှာ ကျောင်းသား ၇၀ ကျော်ရှိနေပြီး၊ အတော်များများကတော့ လွတ်မြောက်သွားခဲ့ပါတယ်။ ဗိုလ်တထောင်မြို့နယ်က ကြက်ခြေနီ အဖွဲ့ဝင်တဦး ဖြစ်တဲ့ မခင်သန်းစိုး ကတော့ မီးထဲကနေ ကလေးငယ် ၃၀ လောက်ကို ကူညီ ကယ်ထုတ်ပေးနိုင်ခဲ့ပါတယ်။

“ဒီအထဲထဲမှာပဲ လောင်နေတာလေ။ ဘာဖြစ်တယ်ဆိုတာတော့ ကျမလည်း မသိဘူးပေါ့။ ကျမတို့ကတော့ ဒါ မီးလောင်တယ်ဆိုတဲ့အတွက် ကြက်ခြေနီ လူမှု ကရုဏာလုပ်ငန်း လုပ်နေ သူတွေ ဖြစ်တဲ့အတွက် ကျမတို့က လူမျိုး၊ ဘာသာမရွေး အကုန်လုံးကို ကူညီဖို့ရာ ကျမတို့မှာ ဒီမေတ္တာ၊ စေတနာလေးတွေ နှလုံးထဲမှာ အမြဲတမ်း ထားထားပါတယ်။ ဘယ်လိုမျိုးပဲ ဖြစ်နေဖြစ်နေ ကျမတို့က သဘာဝဘေးအန္တရာယ်ပဲ ကျရောက်ကျရောက်၊ ဘယ်လိုပုံစံမျိုးပဲ ဖြစ်နေဖြစ်နေ ကျမတို့က ကူညီဖို့ရာ အဆင်သင့်ပါပဲ။”

ပြီးခဲ့တဲ့ ရက်ပိုင်းအတွင်းက မြန်မာနိုင်ငံ အလယ်ပိုင်း မြို့အတော်များများမှာ အစ္စလာမ် ဘာသာ ဗလီကျောင်းတချို့ မီးရှို့ဖျက်စီးခံရတာကြောင့်၊ အခြေအနေတွေ ကူးစက်မ လာအောင် အာဏာပိုင်တွေရော လူမှုအဖွဲ့အစည်းတွေကပါ ၀ိုင်းဝန်း ဆောင်ရွက်ခဲ့ကြရ ပါတယ်။

အထူးသဖြင့် ရန်ကုန်မှာဆိုရင် ညပိုင်းတွေမှာ ဗလီတွေကို အလှည့်ကျ စောင့်ကြပ်ရတဲ့ အထိ ဖြစ်နေပါတယ်။ ဒါပေမဲ့ အခြေအနေတွေကို ဘာသာရေးအရ ဖြစ်တယ်လို့ မမြင်ဘဲ တခြား ပယောဂကြောင့်လို့ ယူဆတဲ့အကြောင်း မူဆလင်တဦးက မနေ့က ကျောင်းသား ၁၃ ဦးရဲ့ ဈာပနမှာ ပြောခဲ့ပါတယ်။

“ဒီကိစ္စဟာ ကျနော်တို့နဲ့ ဗုဒ္ဓဘာသာတွေရဲ့ ကြားထဲမှာ တက်နေတဲ့ ပြဿနာ မဟုတ်ဘူး။ ကျနော်တို့နဲ့ ဗုဒ္ဓဘာသာတွေရဲ့ ကြားထဲမှာရှိတဲ့ အချစ်တရားကို ဖျက်စီးဖို့အတွက် ဒါ Politics လို့ပဲ မြင်ပါတယ်။ မှန်ပါတယ် မှန်ပါတယ်..”

မြန်မာနိုင်ငံ အနောက်ခြမ်း ရခိုင်ပြည်နယ်အတွင်းမှာ မနှစ်က စတင်ခဲ့တဲ့ လူမျိုးရေး တင်းမာမှုတွေကနေ၊ အခုနှစ် ပြီးခဲ့တဲ့ မေလမှာတော့ မြန်မာနိုင်ငံ အလယ်ပိုင်းဒေသ ဘာသာရေး တင်းမာမှုတွေအထိ ကျယ်ပြန့်လာတာကြောင့် အခြေအနေတွေကို ပြန်လည် တည်ငြိမ်အောင်လို့ အာဏာပိုင်တွေရော၊ လူမှု အဖွဲ့အစည်း တာဝန်ရှိသူတွေရော ဘာသာရေးခေါင်း ဆောင်တွေပါ ကြိုးပမ်းနေကြချိန် ဖြစ်ပါတယ်။


Ref: ဗွီအိုအေ

Read More...

သမ္မတဟောင်းကာတာ မြန်မာပြည်ရောက်

ဒေါ်လှလှသန်း
02.04.2013

အမေရိကန် သမ္မတဟောင်း ဂျင်မီ ကာတာ (Jimmy Carter) ဟာ ဧပြီလ ၂ ရက်နေ့က မြန်မာနိုင်ငံကို ရောက်ရှိနေပြီး အခု နေပြည်တော်မှာ ရောက်ရှိနေပြီဖြစ် ပါတယ်။ ဒါဟာ မတ်လ ၂၉ ရက်နေ့ကနေ ဧပြီ ၆ ရက်နေ့အထိ နီပေါနဲ့ မြန်မာ နှစ်နိုင်ငံကို သွားရောက်တဲ့ ခရီးစဉ်ရဲ့ တစိတ်တပိုင်းလည်း ဖြစ်ပါတယ်။ နီပေါမှာ ရောက်ရှိနေတဲ့ သူ့ရဲ့ ကာတာစင်တာ အဖွဲ့ အစည်းကနေ ဒီနှစ်နှောင်းပိုင်းမှာ ကျင်းပမယ့် ရွေးကောက်ပွဲ ကို လေ့လာစောင့်ကြည့်မယ်လို့ သမ္မတဟောင်းက ပြောဆိုခဲ့ပါတယ်။ အပြည့်အစုံ ကိုတော့ ဒေါ်လှလှသန်း က တင်ပြ ထားပါတယ်။

သမ္မတဟောင်း ဂျင်မီ ကာတာ (Jimmy Carter) နဲ့ ဇနီးသည် ရိုစလင်း ကာတာ (Rosalynn Carter) တို့ ဦးဆောင်တဲ့ ကိုယ်စားလှယ်အဖွဲ့ဟာ နီပေါနိုင်ငံကို ပြီးခဲ့တဲ့ သီတင်းပတ်က ဆိုက်ရောက်ခဲ့တာ ဖြစ်ပါတယ်။ သူတို့ရဲ့ ခရီးစဉ်အတွင်း ပြုပြင်ပြောင်း လဲရေး ဖော်ဆောင်နေတဲ့ နီပေါနိုင်ငံမှာ ထိပ်တန်း အစိုးရအရာရှိတွေနဲ့ တွေ့ဆုံခဲ့ သလို၊ နိုင်ငံရေးပါတီ ခေါင်း ဆောင်တွေအပြင် သာမန်လူ့အဖွဲ့အစည်းက ခေါင်းဆောင်တွေ နဲ့လည်း တွေ့ဆုံခဲ့ပါတယ်။

ဒါ့အပြင် ဒီနှစ်နှောင်းပိုင်းမှာ ကျင်းပဖြစ်မယ်လို့ ယူဆရတဲ့ ကာလကြာရှည် ဆိုင်းငံ့ခဲ့တဲ့ ရွေးကောက်ပွဲကိုလည်း သူ့ရဲ့ ကာတာစင်တာအနေနဲ့ စောင့်ကြည့်လေ့လာသွားမှာ ဖြစ် တယ်လို့ သမ္မတဟောင်း ကာတာက ပြောပါတယ်။ တနင်္လာနေ့က ခတ်မန်ဒူ မှာ ကျင်းပခဲ့တဲ့ သတင်းစာရှင်းလင်းပွဲမှာ မစ္စတာ ကာတာက နီပေါနိုင်ငံမှာ မကြာသေးခင်က တိုးတက်မှုတွေ တွေ့ ရှိခဲ့ရလို့ သူ့အနေနဲ့ အားတက်မိတဲ့အကြောင်းနဲ့ ဒီမိုကရေစီကို ဖော်ဆောင်ဖို့ နီပေါနိုင်ငံရဲ့ သံဓိဌာန်ခိုင်မာမှုကိုလည်း ချီးကျူးတဲ့အကြောင်း သတင်းထောက် တွေကို ပြောခဲ့ပါတယ်။

ဒါပေမဲ့လို့လည်း ဖွဲ့စည်းပုံ အခြေခံဥပဒေမူကြမ်း ရေးဆွဲရေးနဲ့ပတ်သက်လို့ လုပ်ဆောင်ချက်တွေ အများကြီး ကျန်နေသေးတယ်လို့ သူက ပြောပါတယ်။

“လွှတ်တော်အနေနဲ့ ဖွဲ့စည်းပုံ အခြေခံဥပဒေကို ရေးဆွဲနိုင်ခဲ့ခြင်း မရှိခဲ့တဲ့အတွက် ကျနော့်အနေနဲ့ သိပ်ကို စိတ်ပျက်မိပါတယ်။ လက်ရှိ အစီအစဉ်ကိုတော့ ယာယီအဖြစ် ကျနော် ရှုမြင်ပါတယ်။ ဒါဟာ ရွေးကောက်ပွဲ ကျင်းပနိုင်ဖို့ တကြိမ်သုံး အရေးပေါ် အစီအစဉ်ပါပဲ။ နီပေါမှာ အများရှုမြင်ကြတယ်လို့ ကျနော်ထင်တဲ့အချက်ဖြစ်တဲ့ ကျနော်လည်း ထောက်ခံ တဲ့အချက်က ရွေးကောက်ပွဲကို ဇွန်လမှာ ကျင်းပနိုင်မှာ မဟုတ်ပါဘူး။ မုတ်သုံရာသီအပြီးလောက်မှ ကျင်းပနိုင်မှာမို့ နိုဝင်ဘာလလောက် မှ ဖြစ်မယ်လို့ ကျနော် ထင်ပါတယ်။”

နီပေါနိုင်ငံဟာ အရင် ဘုရင် ဂျနန်ဒြာ (Gyanendra) ကို သူ့ရဲ့ အာဏာရှင် အုပ်ချုပ်မှုစနစ် စွန့်လွှတ်စေဖို့ လမ်းခင်းပေးရာ ရောက်စေခဲ့တဲ့ ဆန္ဒပြမှုတွေ ဖြစ်ခဲ့တဲ့ ၂၀၀၆ ခုနှစ်က စလို့ နိုင်ငံရေး မတည်ငြိမ်မှုနဲ့ ရင်ဆိုင်ခဲ့ရတာ ဖြစ်ပါတယ်။

၂၀၀၈ ခုနှစ်မှာတော့ ရွေးကောက်ခံ လွှတ်တော်အနေနဲ့ ရာစုနှစ်နဲ့ချီ ရှိခဲ့တဲ့ ဘုရင်စနစ်ကို ဖျက်သိမ်းပြီး နိုင်ငံကို နီပေါသမ္မတနိုင်ငံအဖြစ် ထူထောင်ခဲ့တာလည်း ဖြစ်ပါတယ်။

လွှတ်တော်မှာ ဘယ်နိုင်ငံရေး ပါတီကမှ အများစုနေရာ မရခဲ့ကြတဲ့အတွက်ကြောင့်လည်း ညွန့်ပေါင်းအစိုးရ အဆက်ဆက်ဟာ လအနည်းငယ်ပဲ သက်တမ်းခံခဲ့ရပါတယ်။

သမ္မတဟောင်း ဂျင်မီ ကာတာနဲ့ ကိုယ်စားလှယ်အဖွဲ့ဟာ နီပေါခရီးစဉ်အပြီး မြန်မာနိုင်ငံ ကို ဆိုက်ရောက်ရာမှာ ဒီကနေ့ နေပြည်တော်ကို ရောက်ရှိနေပြီလို့ သိရပါတယ်။

သမ္မတဟောင်း ကာတာအနေနဲ့ မြန်မာနိုင်ငံမှာ ရောက်ရှိစဉ် သမ္မတ ဦးသိန်းစိန်နဲ့ မြန်မာ အစိုးရ ထိပ်တန်းအရာရှိတွေ အပြင် ဒေါ်အောင်ဆန်းစုကြည်အပါအ၀င် နိုင်ငံရေး ပါတီခေါင်းဆောင်တွေ၊ လွှတ်တော်အမတ်တွေအပြင် သာမန် လူ့အဖွဲ့အစည်းက ကိုယ်စားလှယ်တွေနဲ့လည်း တွေ့ဆုံဖို့ ရှိတယ်လို့ သိရပါတယ်။

သမ္မတဟောင်းကာတာ မြန်မာနိုင်ငံကို ရောက်ရှိနေတဲ့အချိန်ဟာ မတ်လ ၂၀ ရက်နေ့က မိတ္ထီလာကနေ စတင်ခဲ့တဲ့ မူဆလင်တွေအပေါ် အကြမ်းဖက်မှု ဖြစ်ပွားပြီးခဲ့တဲ့ ကာလနဲ့ လည်း တိုက်ဆိုင်နေတာဖြစ်ပါတယ်။

သမ္မတဟောင်းဟာ သူ့ရဲ့ မြန်မာနိုင်ငံ ခရီးစဉ်အတွင်း သတင်းမီဒီယာ ပွင့်လင်းမှုနဲ့ နိုင်ငံရေး အကျဉ်းသားတွေ လွတ်မြောက်မှု အပါအ၀င် စီးပွားရေးနဲ့ နိုင်ငံရေး ပြုပြင်ပြောင်း လဲမှုတွေ ဖော်ဆောင်နေတဲ့ မြန်မာနိုင်ငံရဲ့ ဒီမိုကရေစီ အကူးအပြောင်းကာလကို ဘယ်လို အကူအညီပေးနိုင်မလဲဆိုတဲ့ နည်းလမ်းတွေ ရှာဖွေဖို့ ဖြစ်တယ်လို့လည်း သိရပါတယ်။

သမ္မတဟောင်း ကာတာအနေနဲ့ လာမယ့် သောကြာနေ့ ဧပြီလ ၅ ရက်နေ့မှာတော့ ပတ်ခ် ရွိုင်ရယ်ဟိုတယ်မှာ ညနေပိုင်း ၇ နာရီ ၁၅ မိနစ်မှာ မိန့်ခွန်းပြောကြားဖို့ အစီအစဉ် ရှိတယ်လို့ သိရပါတယ်။

ဒီ့နောက် သမ္မတဟောင်းနဲ့ ကိုယ်စားလှယ်အဖွဲ့ဟာ ဧပြီလ ၆ ရက်နေ့မှာ မြန်မာနိုင်ငံ ကနေ ထွက်ခွာမှာဖြစ်ပါတယ်။ သမ္မတဟောင်း ဂျင်မီ ကာတာ ထူထောင်ခဲ့တဲ့ ကာတာစင်တာဟာ နိုင်ငံတကာ လူ့အခွင့်အရေး အခြေအနေတွေကို စောင့်ကြည့် အကဲခတ်နေတာဖြစ်ပြီး ကမ္ဘာတ၀ှမ်း ရွေးကောက်ပွဲတွေကို စောင့်ကြည့်လေ့လာ ခြင်းအားဖြင့် ဒီမိုကရေစီကို ထောက်ခံ အားပေးနေတာလည်း ဖြစ်ပါတယ်။

အသက် ၈၈ နှစ်ရှိပြီဖြစ်တဲ့ သမ္မတဟောင်းဟာ ၁၉၈၁ ခုနှစ်မှာ အိမ်ဖြူတော်ကနေ ထွက်ခွာအပြီး ကမ္ဘာတ၀ှမ်း ငြိမ်းချမ်းရေးနဲ့ ဆင်းရဲမွဲတေမှု ပပျောက်ရေးတို့အတွက် အားကြိုးမာန် တက် ဆောင်ရွက်မှုကြောင့် သူဟာ ၂၀၀၁ ခုမှာ နိုဘဲလ်ငြိမ်းချမ်းရေးဆု ချီးမြှင့်ခံခဲ့ရတာလည်း ဖြစ်ပါတယ်ရှင်။


Ref: ဗွီအိုအေ

Read More...

ထားဝယ်ခရိုင်အတွင်း မြေယာ သိမ်းဆည်းမှု စတင်စစ်ဆေးနေ

2013-04-02

တနင်္သာရီတိုင်းအတွင်း အကြောင်းအမျိုးမျိုးနဲ့ သိမ်းဆည်းခံထားရတဲ့ လယ်ယာမြေတွေအရေးနဲ့ ပတ်သက်ပြီး ထားဝယ်ခရိုင် အုပ်ချုပ်ရေးမှူးရုံးမှာ ဧပြီလ ၁ ရက် မနေ့က စတင် စစ်ဆေးခဲ့ပါတယ်။

လယ်ယာမြေနဲ့ အခြားမြေများ သိမ်းဆည်းမှု စုံစမ်းရေးကော်မရှင်က ဦးမောင်လှ ဦးဆောင်တဲ့အဖွဲ့ခွဲ (၁ဝ) က တာဝန်ရှိသူတွေဟာ ထားဝယ်ခရိုင်အတွင်း မြေသိမ်းခံထားရတဲ့ လယ်သမားတွေကို တွေ့ဆုံမေးမြန်းခဲ့တာပါ။

မနေ့က စစ်ဆေးခဲ့တဲ့အမှု ၁ဝ ခုရှိပြီး အဲဒီထဲမှာ စစ်တပ်က သိမ်းထားတဲ့မြေ၊ မြို့သစ်နဲ့ စက်မှုဇုန် တည်ဆောက်ဖို့ သိမ်းထားတဲ့မြေ၊ နိုင်ငံတော် ဆောက်လုပ်ရေး စီမံကိန်းတွေအတွက် သိမ်းထားတဲ့မြေ၊ စိုက်ပျိုးရေးနဲ့ မွေးမြူရေးလုပ်ငန်းတွေလုပ်ကိုင်ဖို့ စီးပွားရေးလုပ်ငန်းရှင်တွေ သိမ်းယူထားတဲ့မြေတွေ ပါဝင်ပါတယ်။

စစ်ဆေးမှုတွေကနေ တွေ့ရှိတဲ့အချက်တွေကို ပြည်ထောင်စုလွှတ်တော်မှာ တင်ပြဆွေးနွေးသွားမယ်လို့ အဖွဲ့ခေါင်းဆောင်ဖြစ်တဲ့၊ ကြံ့ခိုင်ဖွံ့ဖြိုးရေးပါတီ လွှတ်တော်ကိုယ်စားလှယ် ဦးမောင်လှက ပြောပါတယ်။ ဆက်လက်ပြီး လယ်ယာမြေ စုံစမ်းရေးကော်မရှင်အဖွဲ့ဟာ ထားဝယ်ခရိုင်အတွင်းက မြေယာသိမ်းဆည်းမှု ၂၁ မှု၊ မြိတ်ခရိုင်က ၁ဝ မှုနဲ့ ကော့သောင်း ခရိုင်က ၇ မှုကို စစ်ဆေးသွားမယ်လို့ သိရပါတယ်။

အဲဒီလယ်ယာမြေ စုံစမ်းရေးကော်မရှင်အဖွဲ့မှာပါတဲ့ ကြံ့ခိုင်ဖွံ့ဖြိုးရေးပါတီ လွှတ်တော်ကိုယ်စားလှယ် ဦးကင်းစိန်ဟာ လယ်ယာမြေ သိမ်းယူထားတဲ့ စီးပွားရေးလုပ်ငန်းရှင်တစ်ဦး ဖြစ်တယ်လို့လည်း သိရပါတယ်။

Ref: အာရ်အဖ်အေ

Read More...

ကိုရဲမင်းဦး ပျောက်ဆုံးမှု ဥပဒေမဲ့ လုပ်ရပ်ဖြစ်တယ်လို့ AAPP ပြော

2013-04-02

၂၀၀၇ မျိုးဆက်ကျောင်းသားတစ်ဦးဖြစ်သူ ကိုရဲမင်းဦး ပျောက်ဆုံးမှုဟာ သာမန်ပျောက်ဆုံးမှုမဟုတ်ပဲ ဥပဒေမဲ့ မတရားဖမ်းဆီးခံထားရခြင်းဖြစ်ကြောင်း ထိုင်း-မြန်မာနယ်စပ်အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) က ဒီနေ့ကြေညာချက် ထုတ်ပြန်ပြောဆိုလိုက်ပါတယ်။

ကိုရဲမင်းဦးဟာ ကျောင်းသားသမဂ္ဂများအဖွဲ့ချုပ်(ဖြစ်မြောက်ရေး ကော်မတီ)မှာ အတွင်းရေးမှူးအဖြစ် တာဝန်ယူထားသူဖြစ်သလို ၂၀၀၇ ရွှေဝါရောင် သံဃာ့လှုပ်ရှားမှုမှာ ဖမ်းဆီးခံရပြီး ၂၀၁၁ ခုနှစ်မှာ ပြန်လည်လွတ်မြောက်လာသူဖြစ်တယ်လို့ အေအေပီပီရဲ့ ကြေညာချက်မှာ ဖေါ်ပြပါတယ်။

အေအေပီပီအဖွဲ့ရဲ့ တွဲဘက်အတွင်းရေးမှူး ကိုဘိုကြည်က ကိုရဲမင်းဖြစ်စဉ်ကို အခုလို ပြောပါတယ်။

“အဓိကကတော့ ကိုရဲမင်းဦးကို ဖမ်းတဲ့အခါမှာ ဥပဒေနဲ့အညီ ဖမ်းဆီးတာမျိုး မဟုတ်ပဲနဲ့ ဟိုးအရင် အာဏာရှင် အစိုးရအဆက်ဆက်က ဖမ်းဆီးတဲ့ပုံစံမျိုးဖြစ်တယ်၊ ထောက်လှမ်းရေး တွေက လမ်းထိပ်ကနေ စောင့်နေတယ်၊ ပြီးတော့ မိသားစုကိုလည်း ဘာကြောင့်ခေါ်သွားရတယ်၊ ဘာကြောင့်ဖမ်းရတယ် အကြောင်းပြချက်မပေးဘူး၊ နောက်တစ်ခုက ဝရမ်းလည်း မပါဘူး၊ အဲလို ဝရမ်းမပါပဲ ဖမ်းတဲ့အခါကျတော့ တရားဥပဒေအရ ဖမ်းဆီးတာမျိုးမဟုတ်ပဲနဲ့ ပြန်ပေးဆွဲသလို ဖြစ်နေတယ်ခင်ဗျ၊ ဒါဟာ ဥပဒေမဲ့ ဖမ်းဆီးတာဖြစ်တယ်လို့ ကျနော်တို့ သုံးသပ်တယ်”

ပြီးခဲ့တဲ့ မတ်လ ၂၅ ရက်နေ့ည ၉ နာရီမှာ ကိုရဲမင်းဦးတည်းခိုနေတဲ့ ရန်ကုန်တိုင်း ဗဟန်းမြို့နယ် ဦးသာသနာ ကျောင်းတိုက်မှာ အမည်မသိလူတစ်စုက ခေါ်ဆောင်သွားခဲ့ပြီး ပျောက်ဆုံးနေတာ ဖြစ်ပါတယ်။ မတ်လ ၂၆ ရက်နေ့မှာ ဗဟန်းရဲစခန်းမှာ လူပျောက်မှုနဲ့ အမှုဖွင့်ထားကြောင်းလည်း သိရပါတယ်။

Ref: အာရ်အဖ်အေ

Read More...

အမေရိကန် သမ္မတဟောင်း ဂျင်မီကာတာ မြန်မာပြည် ကို ရောက်ရှိ

2013-04-02

မြန်မာနိုင်ငံရဲ့ ဒီမိုကရေစီကူးပြောင်းမှု လုပ်ငန်းစဉ်တွေမှာ အကူအညီပေးနိုင်မယ့် အခြေအနေတွေကို လေ့လာဖို့အတွက် အမေရိကန် သမ္မတဟောင်း Jimmy Carter ဟာ ဒီကနေ့ နေပြည်တော်ကို ရောက်ရှိလာခဲ့ပါတယ်။

သူ့ရဲ့ မြန်မာနိုင်ငံခရီးစဉ်အတွင်း သမ္မတ ဦးသိန်းစိန် အပါအ၀င် မြန်မာအစိုးရထိပ်တန်း ခေါင်းဆောင်တွေ၊ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် အပါအ၀င် နိုင်ငံရေးခေါင်းဆောင်တွေ၊ အရပ်ဖက်လူမှု အဖွဲ့အစည်းအသီးသီးက ကိုယ်စားလှယ်တွေနဲ့ တွေ့ဆုံဖို့ရှိတယ်လို့ သိရပါတယ်။

သမ္မတဟောင်း ဂျင်မီကာတာဟာ ကာတာဖေါင်ဒေးရှင်းကို တည်ထောင်ခဲ့ပြီး ဆင်းရဲတဲ့နိုင်ငံတွေမှာ ပြည်သူ့ကျန်းမာရေး အထောက်အကူပြု စီမံကိန်းတွေ ဆင်းရဲမွဲတေမှု ပပျောက် ရေးလုပ်ငန်းတွေနဲ့ လူ့အခွင့်အရေးနဲ့ ဒီမိုကရေစီ အသွင်ကူးပြောင်းရေး စီမံကိန်းတွေကို ဦးဆောင်နေသူဖြစ်ပါတယ်။

သမ္မတကာတာ မြန်မာနိုင်ငံမလာခင် သူ့ရဲ့ကိုယ်စားလှယ် အဖွဲ့တစ်ဖွဲ့ဟာ မြန်မာနိုင်ငံကိုရောက်ရှိခဲ့ပြီး ၈၈မျိုးဆက်ကျောင်းသားခေါင်းဆောင်တွေနဲ့ တွေ့ဆုံဆွေးနွေးခဲ့သလို မြန်မာ ငြိမ်းချမ်းရေးစင်တာ တာဝန်ရှိသူတွေနဲ့ တွေ့ဆုံညှိုနှိုင်းခဲ့တယ်လို့လည်း သိရပါတယ်။

သမ္မတဟောင်း ဂျင်မီကာတာဟာ အမေရိကန်ပြည်ထောင်စုရဲ့ ၃၉ ယောက်မြောက် သမ္မတဖြစ်ပြီး ၁၉၇၇ ခုနှစ်ကနေ ၁၉၈၁ ခုနှစ်ထိ တာဝန်ထမ်းဆောင်ခဲ့ပြီး၊ ၂၀၀၂ ခုနှစ်က ငြိမ်းချမ်းရေးနိုဘယ်ဆုရရှိသူ ဖြစ်ပါတယ်။

Ref: အာရ်အဖ်အေ

Read More...

လူမျိုးရေး အကြမ်းဖက်မှု ကာကွယ် တားဆီးရေး အပြည့်အဝ မဆောင် ရွက်ခဲ့ကြောင်း ကင်တာနားပြော

2013-04-02

မြန်မာနိုင်ငံမှာ ဘာသာရေး လူမျိုးရေးဆိုင်ရာ အကြမ်းဖက် ပဋိပက္ခတွေ ပေါ်ပေါက်လာနိုင်တဲ့ နိမိတ်လက္ခဏာတွေရှိနေပေမဲ့၊ အစိုးရဟာ ကာကွယ်တားဆီးရေးဆောင်ရွက်မှုတွေကို အပြည့်အဝ မဆောင်ရွက်ခဲ့ဘူးလို့ မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် မစ္စတာ တောမတ်စ် ကင်တားနားက ပြောလိုက်ပါတယ်။

အဲဒီ နိမိတ်လက္ခဏာတွေဟာ ပြီးခဲ့တဲ့နှစ် ဇွန်လ ရခိုင်ပြည်နယ်မှာဖြစ်ပွားခဲ့တဲ့ ပဋိပက္ခတွေကတည်းက ရှိနေခဲ့တာဖြစ်ပေမဲ့၊ ဘာသာ လူမျိုး မတူကွဲပြားသူချင်း ခွဲခြားဆက်ဆံတာတွေ၊ အကြမ်းဖက်လုပ်ရပ်တွေ တနိုင်ငံလုံး ပြန့်ပွားမသွားအောင် လုံလောက်တဲ့ ကာကွယ်တားဆီးရေးလုပ်ငန်းတွေဆောင်ရွက်ဖို့ အစိုးရဟာ ပျက်ကွက်ခဲ့တယ်လို့ မစ္စတာ ကင်တားနားက ကြေညာချက်ထုတ်ပြန်ပြောဆိုခဲ့ပါတယ်။

မြန်မာအစိုးရအနေနဲ့ ဒီအကြမ်းဖက်လုပ်ရပ်တွေ ယခုထက်ပိုပြီး ပြန့်ပွားမသွားအောင် လိုအပ်တဲ့အစီအစဉ်တွေ ချက်ချင်းလက်ငင်း ဆောင်ရွက်သင့်ပြီဖြစ်ကြောင်းလည်း ပြောဆို လိုက်ပါတယ်။

Ref: အာရ်အဖ်အေ

Read More...

မီးလောင်၍ ကလေး ၁၃ ဦးသေဆုံးမှု ပွင့်လင်းမြင်သာစွာ ဖော်ထုတ်ပေးစေချင်ဟုဆို

April 2, 2013

ရန်ကုန် ဗိုလ်တထောင်မြို့နယ် ၄၈ လမ်းရှိ အစ္စလမ်ဘာသာရေး စာသင်ကျောင်း မီးလောင်ခဲ့၍ ကလေး ၁၃ ဦးသေဆုံးခဲ့မှုနှင့် ပတ်သက်၍ တိုင်းဒေသကြီးအစိုးရ အနေဖြင့် အဖြစ်မှန် အတိုင်း ပွင့်လင်းမြင်သာစွာ ဖော်ထုတ်ပေးစေချင်ကြောင်း အစ္စလမ်ဘာသာရေး ခေါင်းဆောင်များက ပြောကြသည်။

မြန်မာနိုင်ငံလုံးဆိုင်ရာ မော်လ၀ီအဖွဲ့ချုပ်မှ တွဲဘက် အတွင်းရေးမှူး ဦးရဲနောင်သိန်းက ကောလာဟလများ ချုပ်ငြိမ်းဖို့ လိုကြောင်း၊ ပွင့်လင်းမြင်သာစွာဖြင့် အမှုကို အမှန်အတိုင်း ဖြစ်စေချင်ကြောင်း ဧရာဝတီသို့ ပြောသည်။

“ကျနော်တို့က တရားခံ မိရေး မမိရေးထက် အမှန်တရား ပေါ်ပေါက်စေချင်တယ်။ ဘယ်လိုပဲဖြစ်ဖြစ် ဒါဟာ လုပ်ကြံမှု ဖြစ်ခဲ့တယ် ဆိုရင်လည်း ဒါဟာ ရန်ကုန်တိုင်း အစိုးရအဖွဲ့က လုပ်တာမဟုတ်ဘူး၊ နိုင်ငံတော် အစိုးရက လုပ်တာမဟုတ်ဘူး၊ ကျနော်တို့နဲ့ ဘာသာမတူသူတွေ လုပ်တာမဟုတ်ဘူး၊ လူရမ်းကား တစုက လုပ်တယ်ဆိုရင် ဒီလူစုကို ဖော်ထုတ် ပေးစေ ချင်တယ်။ ဖြစ်စဉ် အမှန်ကို ဖော်ထုတ်ပေးစေချင်တယ်” ဟု သူက ဆိုသည်။

ဆက်လက်၍ မြန်မာနိုင်ငံလုံး ဆိုင်ရာ မော်လ၀ီ အဖွဲ့ချုပ်မှ အထွေထွေအတွင်းရေးမှူးချုပ် အယ်လ်ဟာဂ်ျ ဦးကျော်စိုးကလည်း ယနေ့တွင် ရန်ကုန်တိုင်းဒေသကြီး အစိုးရအဖွဲ့နှင့် အစည်း အဝေးလုပ်ခဲ့ပြီး စုံစမ်းစစ်ဆေးရေး ကော်မရှင် ဖွဲ့မည်ဟု ပြောခဲ့ကြောင်း ကော်မရှင်ဖွဲ့မည်ဆိုပါက ယခုကိစ္စကို စနစ်တကျ ဖော်ထုတ်နိုင်မည်ဟု ယုံကြည်ကြောင်း၊ စုံစမ်းစစ်ဆေးရေး ကော်မရှင်က စစ်ဆေးပြီးမှသာ အဖြေမှန် ပေါ်လာမည် ဖြစ်သောကြောင့် အစိုးရက သတင်းထုတ်ပြန်သည့် မီးအားမြင့်စက်မှတဆင့် ၀ါယာရှော့ခ် ဖြစ်သည်ဟု သုံးသပ်ခြင်းမှာ ဆန္ဒ စောသည်ဟု ယူဆကြောင်း၊ တိုင်းဒေသကြီး အစိုးရအဖွဲ့က ဖွဲ့ထားသည့် စုံစမ်းစစ်ဆေးရေး ကော်မရှင်က ဖော်ထုတ်မည့် အဖြေသည် အဖြေမှန် ဖြစ်မည်ဟု ယုံကြည်ကြောင်း ဧရာဝတီ သို့ ပြောသည်။

“ကျနော်တို့ အားလုံး အစိုးရအဖွဲ့နဲ့ပဲ ပူးပေါင်းဆောင်ရွက် သွားမယ်လို့ ခံယူထားတယ်” ဟု ၎င်းက ဆိုသည်။

ယနေ့ နံနက် ၃ နာရီခန့်က ရန်ကုန်မြို့ ၄၈ လမ်းရှိ အစ္စလမ် ဘာသာရေး စာသင်ကျောင်း မီးလောင်မှု ဖြစ်ပွားရာ ကလေးငယ် ၁၃ ဦး မီးလောင်ကျွမ်း သေဆုံးသွားခဲ့ကြောင်း အခင်းဖြစ်ပွားရာ နေရာမှ စုံစမ်းသိရသည်။

အစ္စလမ် ဘာသာရေး စာသင်ကျောင်းမှာ နှစ်ထပ်အဆောက်အဦး ဖြစ်ပြီး မီးမှာ နံနက် ၃ နာရီ ခန့်တွင် လှေကား အတက်အဆင်း နေရာမှ စတင် လောင်ကျွမ်းခဲ့ကာ ၃ နာရီ မိနစ် ၂၀ ခန့်တွင် မီးငြိမ်းသွားခဲ့ကြောင်း အခင်းဖြစ်ပွားရာ
နေရာတွင် ရောက်ရှိနေသော မီးသတ်အရာရှိက မီဒီယာများကို ပြောသည်။

မီးမှာ လှေကားအနီး မီးအားမြင့်စက်မှ စတင်လောင်ကျွမ်းခဲ့ခြင်းဖြစ်သည်ဟု ယေဘုယျ သုံးသပ်ထားပြီး အသေးစိတ်ကို ဆက်လက် စုံစမ်းဖော်ထုတ်သွားမည် ဖြစ်ကြောင်း ရန်ကုန် အရှေ့ပိုင်းခရိုင် ရဲတပ်ဖွဲ့မှူး ဦးမြင့်အေးက ရှင်းပြသည်။

“လှေကားလောင်တော့ အပေါ်ထပ်က ကလေးတွေ ပိတ်မိပြီး အောက်ဆင်းလို့ မရဘူး။ အောက်မှ အိပ်တဲ့လူတွေ အားလုံးက လွတ်သွားတယ်” ဟု စာသင်ကျောင်း အနီးတွင် နေထိုင်သူ အစ္စလမ်ဘာသာဝင် တဦးက ပြောသည်။

၄၈ လမ်းတွင် ကားပါကင် လုံခြုံရေးစောင့်သူ ကိုမြင့်အောင်က နံနက် ၂ နာရီ ၄၅ မိနစ်ခန့်တွင် ရေဆာသောကြောင့် အစ္စလမ် ဘာသာရေး စာသင်ကျောင်းအနီးသို့ ရေသွားသောက်စဉ် မီးခိုးများထွက်နေသည်ကို တွေ့ရာ ဘေးအိမ်သို့ နှိုး၍ ပတ်ဝန်းကျင် သို့ အကူအညီတောင်းခံခဲ့ကြောင်း၊ အော်ဟစ်နှိုးသော်လည်း စာသင်ကျောင်းအတွင်းမှ ပြန်လည် အသံမပြုသော ကြောင့် တခြားအိမ်များကို ဆက်တိုက် လိုက်နှိုးခဲ့ကြောင်း ရှင်းပြသည်။

“မီးမလောင်ခင် လမ်းထဲမှာထူးခြားတာ ဘာမှ မတွေ့ဘူး။ ဘယ်သူမှလည်း ဖြတ်မလျှောက်ဘူး။ ဒီတလမ်းလုံးမှာ လုံခြုံရေး အစောင့်က ၃ ယောက်ရှိတယ်။ ကျနော်တို့က ညဘက်လည်း မအိပ်ဘူး။ မိုးလင်းပေါက် ထိုင်စောင့်နေတာ” ဟု သူက ဆိုသည်။

၄၈ လမ်း အစ္စလမ် စာသင်ကျောင်း မီးလောင်မှုသည် လျှပ်စစ်ကျွမ်းကျင်သူ၊ မီးသတ်ကျွမ်းကျင်သူများ၏ စစ်ဆေးချက်များ အရ မီးအားမြှင့်စက် အပူလွန်ကဲရာမှ စတင် လောင်ကျွမ်းချင်းဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေက အတည်ပြုပြောကြားသည်။

အဆိုပါ မီးလောင်မှုဖြစ်စဉ်သည် အပေါ်ထပ်နှင့် အောက်ထပ် ဆက်သွယ်ထားသည့် တခုတည်းသော လှေကားဘေးခန်းမှ စတင်လောင်ကျွမ်းခြင်းဖြစ်ပြီး အဆိုပါလှေကားကိုလည်း သော့နှစ်ထပ်ခတ်ထား၍ မီးလောင်ကျွမ်းနေချိန်တွင်လည်း အဆိုပါသော့ကို ဖွင့်မပေးနိုင်ခဲ့သဖြင့် အပေါ်ထပ်ရှိ ကလေး ၁၃ ဦး မီးခိုးမွှန် သေဆုံးရခြင်းဖြစ်ကြောင်း ဆေးရုံမှတ်တမ်း အတည်ပြုချက်အရ ပြောရခြင်းဖြစ်သည်ဟု ယနေ့မနက် ၁၀ နာရီက ရန်ကုန်တိုင်းဒေသကြီးရုံးတွင် အရေးပေါ် ကျင်းပသော သတင်းစာရှင်းလင်းပွဲတွင် အထက်ပါအတိုင်း တိုင်းဝန်ကြီးချုပ်က ပြောဆိုခဲ့သည်။

“ဒီဖြစ်စဉ်မှာ တကယ်တာဝန်ရှိတဲ့ မီးလောင်ခဲ့တဲ့ ဗလီရဲ့တာဝန်ခံနဲ့ တာဝန်ရှိသူကို မီးလောင်မှု၊ လူသေဆုံးမှုတို့နဲ့ အရေးယူဖို့ စီစဉ်နေပါတယ်။ တာဝန်ပေါ့လျော့မှု၊ နှောင့်နှေးကျန့်ကြာမှု၊ အပြစ်ကို ဖုံးချင်တဲ့သဘောနဲ့ မသမာသူတွေက လာရှို့တဲ့ပုံစံမျိုး ကောလာဟလတွေ ပြန့်နေတာပါ” ဟု ၎င်းက ဆက်ပြောသည်။

ထို့အပြင် ဗလီအတွင်း ပြတင်းပေါက်များအားလုံးကို သံတိုင်၊ သံဆန်ကာများ ကာရံထားပြီး အပေါ်ထပ်နှင့် အောက်ထပ် လှေကား၏ သော့ကိုလည်း မီးသတ်ဝန်ထမ်းများ ရောက်မှ ဖျက်ဖွင့်ခဲ့ရကြောင်း၊ သေဆုံးသည့် ကလေးငယ်များမှာ အပြင်မထွက်နိုင်သောကြောင့် သေဆုံးရခြင်း ဖြစ်ကြောင်း၊ လုံခြုံရေးများ၏ အတည်ပြုချက်အရ အဆိုပါမီးလောင်သည့် ညအချိန်များတွင် လူစိမ်းများ ၀င်ရောက်ခြင်း မတွေ့ရသဖြင့် အပြင်ပရောဂ မပါကြောင်း ရန်ကုန်တိုင်းဒေသကြီးမှ ရဲမှူးကြီး ၀င်းနိုင်က ရှင်းပြသည်။

မီးလောင်မှုကြောင့် ပျောက်ဆုံးနေသော ကလေး ၄ ဦးကိုလည်း ပြန်တွေ့၍ ၎င်းတို့မိဘများထံသို့ ပြန်လည် ရောက်ရှိနေပြီဖြစ် ကြောင်း၊ ယခု ပြန့်နေသော ကောလာဟလများကြောင့် မလိုလားအပ်သော ကိစ္စရပ်များ ဖြစ်လာနိုင်သဖြင့် သတင်းသမား များနှင့် ပြည်သူများ သတိပြုစေချင်ကြောင်း ၎င်းက ဆက်ပြောသည်။

“အခု တချို့မြို့နယ်တွေမှာ ဗလီတွေရဲ့ လုံခြုံရေးကြောင့်ဆိုပြီး လိုအပ်တာထက်ပိုတဲ့ အကာရံတွေလုပ်ထားတာ တကယ် တော့ အခုလို သဘာဝ ဘေးအန္တရာယ် တခုခုဖြစ်ရင် မဖြစ် သင့်တာတွေ ဖြစ်လာနိုင်တယ်လို့ ပြောရလိမ့်မယ်။ အခုတော့ ဒီ ဗလီက တာဝန်ရှိတဲ့ သူတွေဖြစ်တဲ့ ဦးဇေယျာဖြိုးနဲ့ ဦးခင်အောင်အေးကို အမှုဖွင့် အရေးယူဖို့လုပ်နေတယ်” ဟု ၎င်းကဆို သည်။

မီးလောင်ကျွမ်းခဲ့သော အစ္စလမ်ဘာသာရေး စာသင်ကျောင်းတွင် အသက် ၇ နှစ်ခန့်မှ ၁၆ နှစ် အထိ ကလေးငယ် ၇၀ ခန့် ရန်ကုန်မြို့ အပါအ၀င် နယ်ပေါင်းစုံမှ လာရောက် ပညာသင်လျှက်ရှိသည်။

ဧရာဝတီသတင်းထောက် ထက်နိုင်ဇော်၊ စနေလင်းနှင့် နန်းသီရိလွင် ပူးပေါင်းရေးသားသည်။

Ref: ဧရာဝတီ

Read More...

အပေါ်သို့