Wednesday, December 19, 2012

ထိုင်းနိုင်ငံ လူကုန်ကူးခံရသူ ၈ ဦး ပြန်လည် လွတ်မြောက်

2012-12-18

လူကုန်ကူးခံရပြီး ထိုင်းနိုင်ငံ၊ နခွန်ပသွန်ခရိုင်၊ နခွန်ပသွန်မြို့ ပန်းခြံမှာ အလုပ်စေခိုင်းခြင်း ခံနေရတဲ့ မြဝတီမြို့နယ် ကျောက်လုံး ကြီးရပ်ကွက်က မြန်မာပြည်သား(၈)ဦးကို ထိုင်းနိုင်ငံရောက် မြန်မာပြည်သားများ အသင်း (MAT) အဖွဲ့က မနေ့ညက ကယ်တင် နိုင်ခဲ့တယ်လို့ သိရပါတယ်။

ထိုင်းအထူးထောက်လှမ်းရေးအဖွဲ့ (DSI)၊ မြန်မာသံရုံး၊ နခွန်ပသွန်ခရိုင် လူဝင်မှုကြီးကြပ်ရေး အရာရှိများနဲ့ MAT ပူးပေါင်းအဖွဲ့တို့က မနေ့ည(၂)နာရီက ဝင်ရောက်ဖမ်းဆီးရာမှာ လူကုန်ကူးဂိုဏ်းခေါင်းဆောင်လို့ စွပ်စွဲခံရတဲ့ အသက်(၃၉)နှစ်အရွယ် မသူဇာနဲ့ သူမ ရဲ့လက်ထောက် အမျိုးသားတဦးကို ဖမ်းဆီးရမိတာပါလို့ MAT အဖွဲ့ခေါင်းဆောင် ဦးကျော်သောင်းက ပြောပါတယ်။

"နခွန်ပသွန် နယ်မြေက သစ်ခွပန်းခြံထဲမှာ မြန်မာအလုပ်သမားတွေကို ရောင်းစားတဲ့ ပွဲစားဂိုဏ်းခေါင်းဆောင် အမျိုးသမီးနဲ့ သူရဲ့ လက်ထောက်ပွဲစား အမျိုးသားတယောက်ကို ကျနော်တို့ ပူးပေါင်းအဖွဲ့တွေကနေပြီးတော့ မနေ့ညက လက်ရဖမ်းဆီးနိုင်ခဲ့တယ်ပေါ့ သူတို့နဲ့အတူ ရောင်းစားခံရတဲ့ အလုပ်သမား(၈)ယောက်ကိုလည်းပဲ ကျနော်တို့ ကယ်တင်နိုင်ခဲ့တယ်၊ အဲဒီအမျိုးသမီးရောင်းစားထားတဲ့ လူတွေက အများဆုံးတနှစ်ကျော်ကျော်၊ အနည်းဆုံး (၂)လကျော်ကျော် ကြာတဲ့သူတွေဖြစ်တယ်"

အရောင်းစားခံရသူတွေဟာ မြဝတီကနေ ကိုလင်းဆိုသူပွဲစားကနေ အကြွေးနဲ့ပေးပို့လို့ (၅)လပိုင်းကတည်းက ထိုင်းနိုင်ငံ အတွင်းက လူပွဲစားမသူဇာဆီ ရောက်ရှိလာတာဖြစ်ပါတယ်၊ ဒီလူတွေဟာ ယခင်က ကန်ချန ဘူရီခရိုင်၊ ဝိုင်တနာနတ်သီးဖျော်ရည်ထုတ် စက်ရုံမှာ အလုပ်စေခိုင်း ခံထားရပြီး အဲဒီကမှတင်ရှိနေတဲ့ အကြွေးကျေဖို့ တလအကုန်(၁၀)လပိုင်းမှာ ဒီပန်းခြံကိုထပ်မံ ရောင်းချစေခိုင်း တာပါလို့ လွတ်မြောက် လာသူတဦးဖြစ်တဲ့ အသက်(၁၉)နှစ်အရွယ် ကိုသူရိန်(ခေါ်) ကိုမိုးဇက်ကပြောပါတယ်၊ သူတို့တွေ အလုပ်လုပ်စဉ်ကာလ အနှိပ်စက် ခံရပုံကိုလည်းသူက အခုလို ရှင်းပြပါတယ်။

"ကျနော်တို့ကို မြန်မာပြည်မှာ ကျနော်တို့ ခေါ်တက်တာပေါ့ (၉၅၀၀)ဆိုပြီးတော့ ဒီရောက်တော့သူ (၁၃၀၀၀)ယူတယ်၊ ဒီအလုပ်လုပ် တာပေါ့နော် လုပ်ပေးတယ် မလုပ်နိုင်ဘူးဖျားတယ်နာတဲ့အခါကြတော့ သူတို့ကဆဲလည်းဆဲတာပေါ့နော် ပြောတယ်၊ သူတို့စကားနား မထောင်လို့ရှိရင်ပေါ့ ထိုးတယ် ၇ိုက်ရင်လည်း ရိုက်တယ်ပေါ့ အဲဒီမသူဇာရဲ့ ယောင်္ကျားက၊ ထစ်ကနဲဆိုလို့ရှိရင် သူများကို သံဒုတ်နဲ့ ရိုက် တာတို့၊ ကျနော့်သူငယ်ချင်းနဲ့ စကားများတော့ စကားများရကောင်းလားလို့ ကျနော့်ကိုလည်းရိုက်တယ် ကျနော့်ပါးစပ်ထဲကသွေး ထွက်တယ်၊ ကျနော့်မိန်းမကြတော့ အဲဒီနေ့က နေမကောင်းလို့ အလုပ်မဆင်းထားဘူး မသူဇာက မျက်နှာကိုနင်းပြီးတော့ ခြေထောက်နဲ့ ဆောင့်ကန်ထည့်တယ် အဲဒါနှာခေါင်းထဲက သွေးထွက်တယ် နှစ်ခါ"

ပန်းခြံသန့်ရှင်းရေးအဖြစ် ထပ်မံရောင်းစားခံရပြီးတဲ့အခါမှာလည်း ပန်းအိုးကျကွဲလို့ အလုပ်ရှင် ထိုင်းသူဌေးက လိုက်ရိုက်ရာမှာ ထွက် ပြေးရင်း ဘန်ကောက်မြို့နေ မိခင်ဖြစ်သူဆီရောက်ခဲ့ပေမယ့်၊ မိန်းမဖြစ်သူမအေးအေးမာ ကျန်နေလို့ မိခင်ဖြစ်သူ ဒေါ်မိမိခိုင်ဆီက ဗီဒီယိုကင်မရာကို ယူသွားပြီးပြန်ရွေးဖို့ သွားတာမှာ သူ့ကိုတော့ လှေကိုရောင်း စားပြီး၊ မိန်းမဖြစ်သူကို ပြည့်တန်ဆာရုံကို ပို့မယ်လို့ ပြောဆိုကြောင်းလဲ သူက ပြောပါတယ်။


Ref: အာရ်အဖ်အေ

Read More...

ကချင်ပြည်နယ်က ဒုက္ခသည်စခန်းတွေကို အမေရိကန်သံအမတ်ကြီး သွားရောက် ကြည့်ရှု

2012-12-18

ကချင်ပြည်နယ်ကိုရောက်ရှိနေတဲ့ မြန်မာနိုင်ငံ ဆိုင်ရာ အမေရိကန်သံအမတ်ကြီး ဒဲရစ်မစ်ချယ်လ် ဦးဆောင်တဲ့ အဖွဲ့ဟာ မနေ့က မနက်ပိုင်းမှာ ဝိုင်းမော်မြို့နယ်က စစ်ဘေးဒုက္ခသည် စခန်းတွေနဲ့ မြစ်ကြီးနားမြို့က HIV/AIDS ဝေဒနာရှင်တွေကို စောင့်ရှောက် ကုသပေးနေတဲ့ ဌာန တစ်ခုကို သွားရောက် ကြည့်ရှုခဲ့ပါတယ်။

ဒုက္ခသည်စခန်းအားလုံးကို ကျနော်တို့ရောက်အောင် မသွားနိုင်ပါဖူး။ ဒါပေမယ့် သူတို့ရဲ့ ဒုက္ခတွေကို မြင်ရကြားခဲ့ရပါပြီ။ အခြေခံအားဖြင့် ပြောရရင်တော့ လူတိုင်းက အိမ်ပြန်ချင်နေကြပါတယ်။ ဒါကြောင့် ဒီဒေသမှာ ငြိမ်းချမ်းရေးရဖို့ လိုပါတယ်။ အမေရိကန်ပြည်ထောင်စု အနေနဲ့ကတော့ ကုလနဲ့ နိုင်ငံတကာ အဖွဲ့တွေက တဆင့် ဆက်လက်ကူညီပံ့ပိုးမှာပါ။ ကချင်ပြည်နယ်မှာဖြစ်ပေါ်နေတဲ့ ပြသနာတွေကို ကျနော်တို့မေ့သွားမှာ မဟုတ်ပါဖူး။ ဒီအတွက် ကျနော် ဝါရှင်တန်ဒီစီမြို့တော်ကနေ ဒီဒေသကို တကူးတက ရောက်အောင်လာ ခဲ့တာဖြစ် ပါတယ်လို့ ပြောဆိုခဲ့ပါတယ်။

နှစ်ရက်ကြာမြင့်တဲ့ အမေရိကန်သံတမန်အဖွဲ့ရဲ့ ခရီးစဉ်အတွင်း ဝိုင်းမော်မြို့နယ် မိုင်းနားကျေးရွာက စိန့်ဂျိုးဇက် ရိုမန်ကက်သလစ်နဲ့ ကချင်နှစ်ချင်းအသင်းတော် ဘုရားကျောင်းတွေမှာရှိတဲ့ ကယ်ဆယ်ရေးစခန်း၊ ဝိုင်းမော် သာဂရ သရက်တော ဘုန်းတော်ကြီးကျောင်း ကယ်ဆယ်ရေးစခန်းနဲ့ မြစ်ကြီးနားမြို့က Hope Center အိပ်ခ်ျအိုင်ဗွီ/အေအိုင်ဒီအက်စ် စောင့်ရှောက် ကုသရေးဋ္ဌာတို့ကို သွားရောက်ခဲ့ပြီး မြစ်ကြီးနားအခြေစိုက် လူမှုအဖွဲ့အစည်းတွေနဲ့လည်း တွေ့ဆုံခဲ့ပါတယ်။

အမေရိကန် သံအမတ်ကြီးက ကချင်ပြည်နယ်ထဲမှာ သွေးထွက်သံယိုပြဿနာတွေ ဆက်လက်ဖြစ်ပွားနေတဲ့ အတွက် ကျနော်တို့ စိုးရိမ်ပါတယ်။

ဒါ့အပြင် အထူးသဖြင့် စစ်ဘေးကြောင့်နေရပ်ကို စွန့်ခွာထွက်ပြေးနေရတဲ့ ဒုက္ခသည်တွေအတွက် ပူပန်မိပါတယ်။ အစိုးရထိန်းချုပ်ထားတဲ့ ဒေသတွေမှာရော အစိုးရထိန်းချုပ်နိုင်စွမ်းမရှိတဲ့ ဒေသတွေမှာပါ ရောက်ရှိနေကြတဲ့ ဒုက္ခသည်တွေကို လူသားချင်းစာနာတဲ့ အကူအညီ တွေပေးနိုင်ဖုိ့ ကျနော်တို့ စိတ်ဝင်စားပါတယ်။

တနည်းအားဖြင့် အမျိုးသားပြန်လည် သင့်မြတ်ရေးအတွက် အပြုသဘောအားဖြင့် ကျနော်တို့ပါဝင် ကူညီနိုင်မယ့်နည်းလမ်းကိုရှာ မှာဖြစ် ပါတယ်။

ဒါဟာ မြန်မာပြည်ရဲ့ အကျိုးစီးပွါးဖြစ်ယုံမျှမက ဒေသတခုလုံးရဲ့ တည်ငြိမ်ရေးကိုပါ အကျိုးဖြစ်ထွန်းစေမယ်လို့ ကျနော်တို့ ယူဆပါတယ်။

ဒီလိုပါဝင်ကူညီခြင်းဟာ ကျနော်တို့ အတွက် ဒီတိုင်းပြည်နဲ့ ဆက်ဆံရေးမှာ ယုံကြည်မှု တည်ဆောက်တာလည်း ဖြစ်ပါတယ်လို့ အမေရိကန် သံအမတ်ကြီး ဒဲရက်မစ်ချယ်က RFA ကို ပြောကြားခဲ့ပါတယ်။

Ref: အာရ်အဖ်အေ

Read More...

တရုတ် ကွန်ဖူး ရုပ်ရှင်မင်းသား Jet Li ငလျင်ဒါဏ်ခံစားခဲ့ရသူများကို ကူညီမည်

2012-12-18

တရုတ် ကွန်ဖူး ရုပ်ရှင်မင်းသား Jet Li ဟာ ပြီးခဲ့တဲ့လက မြန်မာနိုင်ငံမှာ မြေငလျင်ဒါဏ်ကြောင့် ပျက်စီးခဲ့တာတွေ ပြန်လည်ပြုပြင် ဆောက်လုပ်ရေးမှာ တစ်တပ်တစ်အား ပါဝင်ကူညီသွားမယ်လို့ တရုတ်အထူးသတင်းဌာနတစ်ခုက ဖေါ်ပြလိုက်ပါတယ်။

မင်းသား လီရဲ့ One Foundation ကုသိုလ်ဖြစ်အသင်းဟာ ငလျင်ကြောင့် ပျက်စီးသွားတဲ့ စာသင်ကျောင်းသုံးကျောင်းပြန်လည် တည်ဆောက်ရာမှာ ကူညီသွားမယ့်အကြောင်း မြန်မာနိုင်ငံအခြေစိုက် တရုတ်ဘာသာနဲ့ထုတ်ဝေတဲ့ MMGP Media သတင်းမှာ ဖေါ်ပြထားပါတယ်။

ဒီသတင်းကို MMGP က ထုတ်ပြန်ခဲ့တဲ့အချိန်က One Foundation ကုသိုလ်ဖြစ်အသင်းရဲ့ Website မှာ သတင်းထုတ်ပြန်ထားတာတော့ မတွေ့ရပါဘူး။

မြေငလျင်ဒါဏ်ကြောင့် လူပေါင်း ၇၀ လောက် ထိခိုက် ဒါဏ်ရာရရှိခဲ့ပြီး လူအမြောက်အများ အိုးမဲ့အိမ်မဲ့ ဖြစ်ခဲ့ကြရပါပြီး ဘုန်းကြီး ကျောင်းတွေ၊ ဘုရားစေတီပုထိုးတွေ၊ စာသင်ကျောင်းတွေနဲ့ ဆေးရုံတစ်လုံး ပြိုကျပျက်စီးခဲ့ပါတယ်။


Ref: အာရ်အဖ်အေ

Read More...

ရွှေ့ပြောင်းအလုပ်သမားနေ့အခမ်းအနား ပထမဆုံးအကြိမ်ကျင်းပ

2012-12-18

မြန်မာနိုင်ငံမှာ ပထမဦးဆုံးကျင်းပတဲ့ အပြည်ပြည်ဆိုင်ရာ ရွေ့ပြောင်းသွားလာသူများနေ့ အထိမ်းအမှတ် အခမ်းအနားနဲ့ မြန်မာနိုင်ငံ ရွေ့ပြောင်း အလုပ်သမားများ အလုပ်အကိုင်အခွင့်အလမ်း ဆိုင်ရာ အလုပ်ရုံဆွေးနွေးပွဲကို ဒီကနေ့ နံနက်ပိုင်းက နေပြည်တော်၊ MICC ခန်းမမှာ ကျင်းပပြုလုပ်ပါတယ်။

မြန်မာနိုင်ငံက ရွေ့ပြောင်းအလုပ်သမားတွေဟာ ထိုင်း ၊မလေးရှား ၊ စင်္ကာပူ ၊ ကိုးရီးယား ၊ ဂျပန် စတဲ့ နိုင်ငံတွေ အပါအဝင် အရှေ့ အလယ်ပိုင်းနိုင်ငံ ၁၅ နိုင်ငံမှာ သွားရောက်လုပ်ကိုင်နေကြပြီး အများဆုံး လုပ်ကိုင်နေတဲ့ ထိုင်းနဲ့ မလေးရှားမှာ ကျန်ရှိနေသေးတဲ့ မြန်မာရွေ့ပြောင်း အလုပ်သမားလူဦးရေနဲ့ ပတ်သက်ပြီး အလုပ်သမားဝန်ကြီးဌာနမှ ပြည်ထောင်စုဝန်ကြီး ဦးမောင်မြင့်က အခုလို ပြောကြားခဲ့ပါတယ်။

"မြန်မာနိုင်ငံက အလုပ်သမားအများအပြား ထောက်အထားမဲ့ သွားရောက်လုပ်ကိုင်နေတဲ့အတွက် နှစ်နိုင်ငံပူးပေါင်းပြီး တရားဝင် အ လုပ်သမားအဖြစ် ဆက်လက်ဆောင်ရွက်သွားမှာဖြစ်ပါတယ်၊ ထိုနည်းတူ မလေးရှားနိုင်ငံမှာလဲ အထောက်အထားမဲ့ အလုပ်သမားတွေ တစ်သိန်းနီးပါးရှိနေတာကြောင့် တရာဝင်အလုပ်သမားဖြစ်လာအောင် ဆက်လက် ဆောင်ရွက်သွားမှာဖြစ်ပါတယ် "

မြန်မာနိုင်ငံရဲ့ ရွေ့ပြောင်းအလုပ်သမားတွေရဲ့ အလုပ်အကိုင် အခွင့်အရေးတွေနဲ့ ပတ်သက်ပြီး သက်ဆိုင်ရာနိုင်ငံတွေရဲ့ အစိုးရတွေနဲ့ ပူးပေါင်းဆောင်ရွက်ကူညီပေးနေတာတွေလုပ်နေတဲ့ မြန်မာနိုင်ငံမှာရှိတဲ့ IOM အဖွဲ့ မန်နေဂျာ ဦးအောင်ကျော်သန်းက RFA ကို အခုလိုပြောပါတယ်။

" ရွှေ့ပြောင်းအလုပ်သမားတွေကို တိုက်ရိုက်အကူအညီပေးတာနဲ့ သက်ဆိုင်ရာ အာဏာပိုင်တွေကို အကူအညီပေးတယ်ဆိုတဲ့ အပိုင်းနှစ်ခုကို ကူညီဆောင်ရွက်ပေးနေပါတယ် "

ထိုင်းနိုင်ငံမှာရှိတဲ့ ရွေ့ပြောင်းမြန်မာအလုပ်သမား ဦးရေ ၁.၂ သန်းကျော်ကို ၂၀၀၉ ခုနှစ်က စတင်ပြီး ဒီကနေ့ အချိန်ထိ ယာယီ အ ထောက်အထားတွေ ထုတ်ပေးခဲ့ပြီး မလေးရှားနိုင်ငံက မြန်မာအလုပ်သမား ဦးရေ တစ်သိန်းကျော်ကိုလည်း အထောက်အထားတွေ ထုတ်ပေးပြီး ဖြစ်တယ်လို့ အဲဒီအခမ်းအနားမှာ ဝန်ကြီး ဦးမောင်မြင့်က ထည့်သွင်းပြောကြားသွားခဲ့ပါတယ်။


Ref: အာရ်အဖ်အေ

Read More...

မြန်မာနိုင်ငံခရီးစဉ်အကြောင်း WLB အဖွဲ့ သတင်းစာရှင်းလင်းပွဲ ပြုလုပ်

2012-12-18

နယ်စပ်ဒေသအခြေစိုက် အမျိုးသမီးများ အဖွဲ့ချုပ်(မြန်မာနိုင်ငံ) WLB ရဲ့ ပြည်တွင်း ခရီးစဉ် လေ့လာတွေ့ရှိချက်တွေနဲ့ ပတ်သက်ပြီး ရန်ကုန်မြို့ ရွှေဂုံတိုင် လမ်းမပေါ်က ရွှေရသာ စားသောက်ဆိုင်မှာ ဒီကနေ့မနက်ပိုင်းက ကျင်းပခဲ့ပါတယ်။

အမျိုးသမီးများအဖွဲ့ချုပ်(မြန်မာနိုင်ငံ)က (၆) ဦးပါ ကိုယ်စားလှယ်အဖွဲ့ဟာ ပထမဆုံးအကြိမ်အဖြစ် ပြည်တွင်းခရီးစဉ်အနေနဲ့ တစ်ပတ်ကြာ ရန်ကုန်မြို့ကို လာရောက်ခဲ့တာဖြစ်ပြီး အဲဒီအဖွဲ့ဟာ ပြည်တွင်းမှာ လိုအပ်နေတဲ့ ငြိမ်းချမ်းရေးရရှိနိုင်ဖို့ အခြေအနေတွေနဲ့ နယ်စပ် ဒေသ အနီးအနားက တခြားအိမ်နီးချင်းနိုင်ငံတွေမှာ ရပ်တည်နေကြတဲ့ ရွှေ့ပြောင်းလုပ်သားတွေနဲ့ ဒုက္ခသည်တွေကို ကူညီထောက်ပံ့ပေးဖို့ အခြေအနေတွေကိုလည်း ဒီကနေ့ ရှင်းလင်းပွဲမှာ ပြောကြားခဲ့ပါတယ်။

အခုလို မြန်မာနိုင်ငံကို လာရောက်လေ့လာတာဟာ ယာယီသာဖြစ်ပြီး အမျိုးသမီးများအဖွဲ့ချုပ်(မြန်မာနိုင်ငံ)ဟာ ပြည်တွင်းမှာ တရားဝင် ရပ်တည်ဖို့ အစီအစဉ်မရှိဘူးလို့ အဲဒီအဖွဲ့ရဲ့ အထွေထွေအတွင်းရေးမှူး မတင်တင်ညိုက RFA ကို ပြောပါတယ်။

အမျိုးသမီးများအဖွဲ့ချုပ်(မြန်မာနိုင်ငံ)ရဲ့ ပြည်တွင်းခရီးစဉ်မှာ ပြည်ထောင်စုဝန်ကြီး ဦးအောင်မင်းတို့အဖွဲ့နဲ့ တွေ့ဆုံခဲ့ပြီး၊ ရခိုင် တိုင်းရင်း သားရေးရာဝန်ကြီး၊ နိုင်ငံရေးပါတီတွေ၊ လူထုအခြေပြုအဖွဲ့အစည်းတွေ၊ အမျိုးသမီးလွှတ်တော်အမတ်တွေ၊ အမျိုးသမီးခေါင်းဆောင်တွေနဲ့ တွေ့ဆုံခဲ့တယ်လို့ သိရပါတယ်။

အဖွဲ့အစည်းအသီးသီး၊ ပါတီအသီးသီးနဲ့ တွေ့ဆုံစဉ်မှာ မြန်မာနိုင်ငံမှာ ဖြစ်ပေါ်လာနေတဲ့ ဒီမိုကရေစီလမ်းစအခြေအနေတွေကို သုံးသပ် ဆွေးနွေးခဲ့တဲ့အပြင်၊ တိုင်းရင်းသားဒေသတွေမှာ ဖြစ်ပေါ်နေတဲ့ စစ်ပွဲတွေနဲ့ လူ့အခွင့်အရေးချိုးဖောက်ခံနေရတာတွေကို အပြန်အလှန် ဆွေးနွေးခဲ့ကြတာ ဖြစ်ပါတယ်။

နယ်စပ်အခြေစိုက် အမျိုးသမီးများအဖွဲ့ချုပ်(မြန်မာနိုင်ငံ)ကို ၁၉၉၉ ခုနှစ်မှာ စတင်ဖွဲ့စည်းခဲ့တာဖြစ်ပြီး အမျိုးသမီးအရေးကို အခြေခံ လုပ်ကိုင်ဆောင်ရွက်နေတဲ့ အဖွဲ့အစည်း ၁၂ခုက ပူးပေါင်းဖွဲ့စည်းထားတာ ဖြစ်ပါတယ်။

Ref: အာရ်အဖ်အေ

Read More...

ဗုဒ္ဓသာဝက ရဟန်းပျိုများအဖွဲ့ လက်ပန်းတောင်းတောင်အရေး သဘောထားထုတ်ပြန်

2012-12-18

လက်ပန်းတောင်းတောင်သပိတ်စခန်း အကြမ်းဖက်ဖြိုခွဲမှုနဲ့ ပတ်သက်ပြီး ဗုဒ္ဓသာဝက ရဟန်းပျိုများအဖွဲ့က သံဃာတော်အပါး ၂၀ ကျော်ဟာ ကျောက်တံတားမြို့နယ် ၃၆ လမ်းမှာရှိတဲ့ မြန်မာဂျာနယ်လစ်ကွန်ရက် ရုံးခန်းမှာ ဒီကနေ့ နေ့လည်ပိုင်းက သတင်းစာ ရှင်းလင်းပွဲတစ်ရပ် ကျင်းပခဲ့ပြီး အချက် ၃ ချက်ပါ သဘောထား ထုတ်ပြန်ချက်ကိုလည်း ထုတ်ပြန်ခဲ့ပါတယ်။

သမ္မတ ဦးသိန်းစိန် အနေနဲ့ လက်ပန်းတောင်းတောင်အရေးကိစ္စ အပါအဝင် ဘယ်ကိစ္စမျိုးကိုမဆို မြန်မြန်ဆန်ဆန်နဲ့ ပွင့်ပွင့်လင်းလင်း ဆောင်ရွက်ပေးစေချင်တယ်လို့ ဦးဆောင်ဆရာတော် ဦးအိန္ဒြာဘ က သတင်းစာရှင်းလင်းပွဲမှာ အခုလို မိန့်ကြားခဲ့ပါတယ်။

" ဒီနေရာကနေ နိုင်ငံတော် သမ္မတဆီ အထူးအားဖြင့်ပြောကြားလိုတာ လက်ပန်းတောင်းတောင် ကိစ္စတွေနဲ့တကွ မည်သည့်ကိစ္စမဆို နိုင်ငံတော် အစိုးရအနေနဲ့ လျင်လျင်မြန်မြန်ဆောင်ရွက် ပေးပါလို့ ပြောကြားလိုပါတယ်"

သဘောထားထုတ်ပြန်ချက်ထဲမှာ လက်ပန်းတောင်းတောင် အကြမ်းဖက်မှုနဲ့ သက်ဆိုင်တဲ့ ပုဂ္ဂိုလ်တွေကို ဖော်ထုတ်ပေးဖို့၊ အကြမ်း ဖက်ဖြိုခွင်းမှုနဲ့ ပတ်သက်ပြီး သံဃာတော်တွေ ဆန္ဒဖော်ထုတ်ရာမှာ ပါဝင်အားဖြည့်ပေးခဲ့သူတွေကို ဖမ်းဆီးထားတာ ပြန်လည်လွှတ်ပေးဖို့နဲ့ လက်ပန်းတောင်းတောင်အရေးနဲ့ ပတ်သက်ပြီး စုံစမ်းစစ်ဆေးရေးကော်မတီကို သံဃာတော်တွေက စောင့်ကြည့်သွားမယ့် အချက်တွေ ဖြစ်ပါတယ်။

စုံစမ်းစစ်ဆေးရေးကော်မတီရဲ့ ဆုံးဖြတ်ချက်ပေါ်မူတည်ပြီး မိမိတို့ရှေ့ဆက်ဆောင်ရွက်သွားမယ်လို့ သံဃာတော်တွေက ဒီကနေ့ သတင်းစာရှင်းလင်းပွဲမှာ မိန့်ကြားခဲ့ပါတယ်။

ပြီးခဲ့တဲ့ စနေနေ့က မန္တလေးမြို့မှာ လက်ပန်းတောင်းတောင် သပိတ်ဖြိုခွင်းခဲ့လို့ ဒဏ်ရာရရှိခဲ့တဲ့ သံဃာတော်တွေ အပါအဝင် သံဃာတော် အပါး ၁ ရာနီးပါးကို အစိုးရက ဝန်ချတောင်းပန်ခဲ့ပါတယ်။

Ref: အာရ်အဖ်အေ

Read More...

ကေအိုင်အေတပ်ရင်းတစ်ခု ကာမိုင်းမြို့နယ် ရဲစခန်းကို ဝင်ရောက်တိုက်ခိုက်

2012-12-18

ကချင်ပြည်နယ်၊ မိုးညှင်းခရိုင် ဖားကန့်မြို့နယ် မိုးကောင်း-ဖားကန့် ကားလမ်းပေါ်မှာ ရှိတဲ့ ကာမိုင်းမြို့နယ်ခွဲ ရဲစခန်းကို ဒီကနေ့မနက် ၄ နာရီ အချိန်လောက်က ခန့်မှန်း အင်အား လူဦးရေ ၅၀ လောက်ရှိတဲ့ ကေအိုင်အေ တပ်ရင်း ၆ လက်အောက်ခံတပ်က ဝင်ရောက်ပစ်ခတ် စီးနင်း ခဲ့တဲ့အတွက် အဲ့ဒီစခန်းက ရဲဝန်ထမ်းနဲ့ မိသားစုဝင်တွေ အပါအဝင် ၂ ဦး သေဆုံးပြီး ၃ ဦး ဒဏ်ရာပြင်းထန်စွာ ရရှိခဲ့တယ်လို့ စုံစမ်းသိရှိ ရပါတယ်။

ကေအိုင်အေဘက်က ဒီမနက်အစောပိုင်းမှာ ကာမိုင်းရဲစခန်းလက်နက်တိုက်ကို ဝင်စီးခဲ့တာနဲ့ ပတ်သက်ပြီး အဲ့ဒီစခန်းက သေဆုံးသူနဲ့ ဒဏ်ရာရသူတွေကို ကားမိုင်းမြို့နယ်ခွဲဆေးရုံကို ကူညီပို့ဆောင်ပေးခဲ့တယ်လို့ ဒေသခံတစ်ဦးက RFA ကိုပြောပါတယ်။

ဒဏ်ရာပြင်းထန်စွာ ရရှိသူ ၃ ဦးကိုလည်း အရေးပေါ်ခွဲစိတ်ကုသနေရပြီး ဝေဒနာပြင်းထန်လာရင် မိုးကောင်းနဲ့ မြစ်ကြီးနားဆေးရုံကို ပို့ဆောင်ကုသဖို့ စီစဉ်နေတယ်လို့ သိရပါတယ်။

ဒီဖြစ်ရပ်နဲ့ပတ်သက်လို့ ဖားကန့်မြို့က အင်န်ဒီအက်ဖ် ကိုယ်စားလှယ် ဒေါ်ဘောက်ဂျာကို မေးကြည့်တော့

" ဟုတ်တယ် မနက်က ကျမ ယုဇန ကိစ္စနဲ့ပတ်သက်လို့ ရွာတွေကို ခေါ်ဖို့ လမ်းကြောင်း အခြေအနေမေးကြည့်တဲ့အခါ မနက်ပိုင်း ၅ နာရီလောက်မှာ ကေအိုင်အေ တွေက ရဲစခန်းကို ၀င်သိမ်းတယ် တချို့တွေက ထွက်ပြေးတယ်လို့ပြောတယ်။ ၀င်သိမ်းတဲ့အပေါ်မှာ ချုပ်ထားတဲ့ အချုပ်သားတွေကို အကုန်လွှတ်ပေးလိုက်တယ်တဲ့ ပြီးတော့ လက်နက်ကြီးတွေရော လက်နက်အသေးတွေရော အတော်
လေးသိမ်းလိုက်တယ်လို့ကြားတယ်။ အခုအချိန်မှာတော့ လမ်းမှာ စစ်တပ်တွေက အကုန်ပိတ်ထားတယ် ဘယ်မှ မသွားခိုင်းဘူး "

ဒီအကြောင်းနဲ့ပတ်သက်လို့ ကားမိုင်းရဲစခန်းကို RFA က ဆက်သွယ်ပေမဲ့ အဆက်အသွယ်မရခဲ့ပါဘူး။

ကားမိုင်းနဲ့ ၂၆ မိုင်ဝေးတဲ့ မိုးကောင်းရဲစခန်းကို ဆက်သွယ်မေးမြန်းတဲ့အခါ တာဝန်ကျရဲဝန်ထမ်းတစ်ဦးက ခုလိုပြောပါတယ်။

" အတိအကျ မသိရသေးပဲ လောလောဆယ်တော့ စုံစမ်းနေတုံးပါပဲ"

မိုးညှင်းခရိုင်ရဲစခန်းကို ဆက်သွယ်ပေမယ့် ဖုန်းကိုင်ဖြေဆိုခြင်းမရှိပါဘူး။ ဒီကိစ္စနဲ့ပတ်သက်လို့ ကေအိုင်အိုကို ဆက်သွယ်မေးမြန်း ကြည့်တော့ အစိုးရတပ်က ဗဟိုနဲ့ ကေအိုင်အေ စခန်းတွေကို ထိုးစစ်ဆင်တိုက်ခိုက်နေတာကြောင့် အောက်ခြေတပ်တွေက အခုလို ရဲစခန်းကို ဝင်တိုက်ခိုက်တာဖြစ်နိုင်တယ်လို့ အတည်ပြုပြောဆိုပေမဲ့ အသေးစိတ်ကိုတော့ အစီအရင်ခံစာ တက်မလာသေးတာကြောင့် မသိရသေးဘူးလို့ အမည်မဖေါ်လိုတဲ့ ကေအိုင်အို အရာရှိတစ်ယောက်က ပြောပါတယ်။

ဒီဇင်ဘာလ ၁၄ ရက်နေ့က ကေအိုင်အို ဌာနချုပ်အနီးရှိ လက်ျားယန်တပ်စခန်းကို အစိုးရတပ်က ထိုးစစ်ဆင်တိုက်ခိုက်သလို ပန်ဝါ ဒေသမှာလဲ နှစ်ဖက်တပ်တွေ ဒီနေ့ ၁၂ နာရီအထိ တိုက်ပွဲ ဖြစ်ပွားနေတယ်လို့ သိရပါတယ်။

Ref: အာရ်အဖ်အေ

Read More...

လက်ပံတောင်းတောင်အရေး နှင့် မြေ ယာပြသနာအပေါ် ဥပဒေ စိုးမိုးရေး ရှုဒေါင့်မှ သုံးသပ်ခြင်း

18 December 2012

အပိုင်း (၂)

လက်ပံတောင်းတောင် ကြေးနီ စီမံကိန်းတွင် မူလက လုပ်ကိုင်လျှက်ရှိသော သတ္တုတွင်းဝန်ကြီးဌာန နှင့် အိုင်ဗင် ဟိုး ကုမ္ပဏီတို့က ဦးပိုင် နှင့် ၀မ်ပေါင် ကုမ္ပဏီတို့ကို ရောင်းချခဲ့ပြီးဖြစ်သဖြင့် ယခုဖြစ်နေသော ပြသနာမှာ နိုင်ငံတော်နှင့် လက်ပံတောင်းတောင် လူထုအကြားရှိ ပဋိပက္ခ မဟုတ်၊ ဦးပိုင်နှင့် ၀မ်ပေါင် ကုမ္ပဏီတို့က တဘက် လက်ပံတောင်းတောင် လူထုက တဘက် ဖြစ်ပွားနေသော ပဋိပက္ခသာ ဖြစ် သည်ဟူ၍ လမ်းကြောင်းလွှဲသည့် ထောက်ပြချက် တရပ်ပေါ်ထွက်လာသည်ကို သတိပြုမိသည်။ ဤသည်မှာ မှန်ပါသလား။

အထက်ပါ လမ်းကြောင်းလွှဲသည့် ထောက်ပြချက်မှာ အတော်ပင် ပညာသားပါပါသည်။ သာမန်လူထုများ အနေဖြင့် မျက်စိလည်သွားနိုင်ပြီး မြေယာနှင့်စပ်လျှဉ်းသည့် လူထုတိုက်ပွဲ၏ ဦးတည်ချက် လွဲချော်သွားနိုင်သည်။ ပြသနာ၏ အဓိက တရားခံအဖြစ် ဦးပိုင်နှင့် ၀မ်ပေါင် ကုမ္ပဏီ ကို ပထမအဆင့် လက်ညှိုးထိုးပြမည်။ ဒုတိယ အဆင့်အနေဖြင့် ဦးပိုင်က ၀မ်ပေါင်ကုမ္ပဏီ ကို လက်တွေ့လုပ်ငန်း၌ တဆင့်လက်ပြောင်း ပေးပြီး ဖြစ်သော ကြောင့် ပြသနာမှာ ၀မ်ပေါင် ကုမ္ပဏီ နှင့် လက်ပံတောင်းတောင်လူထုအကြားရှိ ပဋိပက္ခသာဖြစ်ကြောင်းဖြင့် တင်သွင်း လာဘွယ်ရှိသည်။

စာရေးသူအနေဖြင့်မူ အဆိုပါ ထောက်ပြချက်ကို လုံးဝပင် လက်မခံပါ။ အဘယ်ကြောင့်ပါနည်း။ ဤမျှ အရေးကြီးလှ ပြီး တပြည်လုံးကို ရိုက်ခတ်လျှက်ရှိသော မြေယာပြသနာကြီး နှင့် စပ်လျှဉ်း၍ ပထမ အချက်အနေဖြင့် နိုင်ငံတော်၏ တာဝန်ရှိမှုကို ဖုံးကွယ်ထားသောကြောင့် ဖြစ်သည်။ ဒုတိယအချက်အနေဖြင့် အဓိက တရားခံမှာ ၀မ်ပေါင် ကုမ္ပဏီ ဟူ၍ စွပ်စွဲခံရပါက တရုတ်ဆန့်ကျင်ရေး ဖြစ်သွားပြီး ၁၉၆၇ ခုနှစ်တွင် ဗိုလ်ချုပ်နေ၀င်း ဦးဆောင်သည့် စစ်အစိုးရက ဖေါ်ခဲ့သကဲ့သို့ တရုတ် ဗမာလူမျိုးရေး ပဋိပက္ခ လမ်းကြောင်းကို ပြန်ရောက်သွား နိုင်သည်။ အကျိုးဆက်အနေဖြင့် စစ်အာဏာရှင်စနစ် ဆက်လက် သက်ဆိုးရှည်နေပါမည်။ ဤတကြိမ်တွင်မူ လူထုအနေနှင့် လူမျိုးရေး ပဋိပက္ခများကို သတိကြီးကြီးဖြင့် ရှောင်ရှားသင့်သည်။

စစ်အာဏာရှင်စနစ်ဖြင့် ဆယ်စုနှစ်ပေါင်းများစွာ အုပ်ချုပ်ခဲ့သည့် အင်ဒိုနီးရှားနိုင်ငံ၏ အတွေ့အကြုံကို လေ့လာသင့် သည်။ စစ်အာဏာရှင် သမတ ဆူဟာတို အုပ်ချုပ်ခဲ့သည့် ကာလများအတွင်း နိုင်ငံတော်ပိုင် ကုမ္ပဏီများ State-owned companies တို့ကို တည်ထောင်၍ စစ် ခေါင်းဆောင်များ၊ ၄င်းတို့ဆွေမျိုးသားချင်းများနှင့် ခရိုနီဟု ခေါ်သည့် ၄င်းတို့၏ ရောင်းရင်းစီးပွားရေးသမားကြီးများ အကျိုးအမြတ်များ စွာရယူခဲ့ကြသည်။ စီးပွားဖြစ်ခဲ့ကြသည်။ နိုင်ငံပိုင်ကုမ္ပဏီများ ဟူ၍ အမည်တပ်ထားသဖြင့် ပြသနာ ပေါ်ပေါက်လာလျှင် နိုင်ငံအနေဖြင့် တာဝန်ယူရှင်းရသည်။

ယခုမူ အစိုးရ၏ သတ္တုတွင်းဝန်ကြီးဌာနက ဦးပိုင်သို့ လွှဲပြောင်းပြီးဖြစ်သဖြင့် နိုင်ငံတော် နှင့် မဆိုင်ဟူ၍ ရှောင်လွှဲသည့် လမ်းကြောင်းကို တင်လာပါပြီ။ သို့ဖြစ်လျှင် ဦးပိုင်သည် မည်သည့်ကုမ္ပဏီ ဖြစ်သနည်း။ ကာကွယ်ရေးဦးစီးချုပ်ဦး ဆောင်သည့် စစ်ခေါင်းဆောင်များ ပိုင်ကုမ္ပဏီ ဖြစ်မှန်း တနိုင်ငံလုံးသိ ဖြစ်သည်။ သို့ဖြစ်လျှင် ကာကွယ်ရေးဦးစီးချုပ် နှင့် စစ်ခေါင်းဆောင်များသည် တိုင်းပြည်ကို လည်ပတ် လျှက်ရှိသော၂၀၀၈ ဖွဲ့စည်းပုံအခြေခံဥပဒေ၌ မည်သည့်အခန်း ကဏ္ဍတွင်မျှ မပါဘူးလား။ ထိုသို့ဖြစ်ပါက ဦးပိုင် လုပ်သမျှသည် နိုင်ငံတော် နှင့် မဆိုင်ဟူသော အဆိုကို လက်ခံရ ပါမည်။

သို့ရာတွင် ၂၀၀၈ ခုနှစ် ဖွဲ့စည်းပုံကို ပြန်ကြည့်ပါ။ ပြောင်းပြန်ဖြစ်နေကြောင်းတွေ့ရပါမည်။ နိုင်ငံတော်ဟူသည် ကို အသွင်သဏ္ဍာန်အရ ဦးသိန်းစိန်ခေါင်းဆောင်သည့် အစိုးရက ကိုယ်စားပြုအုပ်ချုပ်နေသည်။ အနှစ်သာရအားဖြင့်မူ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင် ခေါင်းဆောင်သည့် စစ်ခေါင်းဆောင်သစ်များက လည် ပတ်နေခြင်း ဖြစ်သည်။ ဤသည်ကို ၂၀၀၈ ဖွဲ့စည်းပုံ အခြေခံ ဥပဒေ၏ အုပ်ချုပ်ရေးကဏ္ဍတွင် ပြဌာန်းထားသော အမျိုး သားကာကွယ်ရေး နှင့် လုံခြုံရေးကောင်စီ (ကာလုံ) ၏ တည်ရှိမှုကို အဓိက ကြည့်ခြင်းဖြင့် ထင်ရှားသည်။ ကာလုံ တွင် ဦးသိန်းစိန် ကဲ့သို့ စစ်ခေါင်းဆောင်ဟောင်း မဆိုထားနှင့် အရပ်သားစစ်စစ် ပုဂ္ဂိုလ်တဦး သမတအဖြစ် ပါဝင်စေဦး၊ ကာကွယ်ရေး ဦးစီးချုပ်နှင့် အခြား လက်ရှိစစ်ခေါင်းဆောင်များ၏ ဆန္ဒနှင့် ဆန့်ကျင်၍မရပါ။ အဘယ်ကြောင့် ဆိုသော် ကာလုံအဖွဲ့ဝင် ၁၁ဦး ရှိသည့်အနက် အများစုဖြစ်သော ၆ဦးမှာ လက်ရှိစစ်ခေါင်းဆောင်များ ဖြစ်နေသောကြောင့်ပင်။ လက် တွေ့အရ နိုင်ငံတော်ဟူသည်မှာ စစ်ခေါင်းဆောင်များ အုပ်စီးထားသည့် ကာလုံဖြစ်နေသည်။ သို့ဖြစ်၍ စစ်တပ် စီးပွားရေးအတွက် တည်ထောင်ထားသည့် ဦးပိုင်သည် နိုင်ငံတော်နှင့် ရာနှုန်းပြည့်သက်ဆိုင်သည်။ လက်ပံတောင်း တောင်အရေးမှာ အတိအကျအားဖြင့် ဆိုလျှင် နိုင်ငံတော် (ကာလုံ) နှင့် ဒေသခံလူထုအကြားတွင် ဖြစ်ပွား သော အဓိကပဋိပက္ခ ဖြစ်သည်။ သာဓက တခုကိုကြည့်ပါ။

သံဃာတော်များကို မီးလောင်တိုက်သွင်း၍ ဖြိုခွင်းရာ၌ လက်တွေ့မြေပြင်တွင် ဦးဆောင်ခဲ့သူမှာ စစ်ကိုင်းတိုင်း ရဲမင်းကြီး ဦးစန်းယု ဖြစ်သည်။ ၄င်းကိုယ်တိုင် သံဃာတော်များအား ၀န်ချတောင်းပန်ပွဲကျင်းပခဲ့စဉ်က သတင်း ထောက်များ၏ မေးခွန်းများကို တလုံးမျှဖြေကြား မသွားခဲ့ကြောင်းနှင့် ၄င်းမှာ စစ်တပ်မှ ဒုတိယ ဗိုလ်မှုးကြီးဟောင်း တဦးဖြစ်ကြောင်း သိရသည်။ သို့ဖြစ်၍ နိုင်ငံတော် (ကာလုံ) က ထိုပုဂ္ဂိုလ်အား တိုက်ရိုက်အမိန့်ပေး၍ ဖြိုခွဲခိုင်းသည် ဟူသော စွပ်စွဲချက်များကို ငြင်းရန် မလွယ်ပါ။ စုံစမ်းရေး ကော်မရှင်သည် ယင်း နှင့်စပ်လျှဉ်း၍ အမှန်တရားကို ဖေါ်ထုတ်ရန် တာဝန် ရှိပေသည်။

လက်ပံတောင်းတောင် အရေးတွင် သံဃာတော်များအား မီးလောင်တိုက် သွင်း၍ ဖြိုခွဲခဲ့သည့် နေ့ရက်အထိ တည်ရှိ နေခဲ့သည့် နိုင်ငံတော် နှင့် လူထုအနေအထားကို ကြည့်ကြပါစို့။ နိုင်ငံတော် ဟူသည်တွင် အခွင့်အာဏာသာမက စစ်တပ်၊ ရဲ၊ လုံထိန်း၊ ထောက်လှန်းရေး တပ်ဖွဲ့များ၊ တရားစီရင်ရေး ယန္တယားကြီးတခုလုံး နှင့် ငွေကြေးပါ အပြည့်အစုံ ရှိနေသည်။ နိုင်ငံတော် ဟူသည်မှာ အလွန်အမင်း အင်အားတောင့်တင်းနေသည်။ လူထုတွင် လက်နက်မရှိ၊ ငွေကြေး မရှိ၊ အားကိုးရမည့် အဖွဲ့အစည်းတောင့်တောင့်တင်းတင်း မရှိရုံသာမက ကိုင်စွဲတိုက်ပွဲဝင်နိုင်သည့် အခွင့်အ ရေး (Rights) ပါ မရှိဖြစ်နေသည်။ သို့ဖြစ်၍ လူထုမှာ မြင်မကောင်းလောက်အောင်ပင် အားအင် ချည့်နဲ့ လျှက်ရှိနေသည်။

ပုံနိုင်းရမည် ဆိုလျှင် နိုင်ငံတော်က ကျားကြီး၊ လူထုက ယုံကလေးဖြစ်ပြီး ကျားကြီးက ၄င်း၏ သန်မာသော လက်ကြီး နှင့် ယုံကလေးကို ဖိထားသည်။ ဒေါ်အောင်ဆန်းစုကြည်က ပြသနာများကို ညှိနိုင်းဖြေရှင်းရန် တိုက်တွန်းသည်။ ဤ သည်ကို ယေဘုယျအားဖြင့် လက်ခံရ ပါမည်။ သို့ရာတွင် ကျားကြီးက ယုံကလေးကို လက်နှင့်ဖိထားသော အခြေ အနေ၌ ညှိနိုင်းဖြေရှင်းမှုတိုင်းတွင် မည်သည့် ဘက်က အလေး သာပါမည်နည်း။ ကျားကြီးဖြစ်ကြောင်း အငြင်းပွားမည် မဟုတ်ပါ။ ယင်းမှာ ကျားကြီး နှင့် ယုံကလေး အကြား၌ ညီမျှခြေ ကင်းမဲ့နေသော ကြောင့် ဖြစ်သည်။

ညီမျှခြေရှိလာစေရန် လူထုကို ဆင်ကြီးဖြစ်လာအောင် ဖန်တည်းဘို့လိုပါမည်။ လူထုကို အင်အားတောင့်တင်း စေခြင်းဖြင့် အစိုးရ၏ အာဏာကို ထိမ်းညှိနိုင်သည့် အနေအထား ဖန်တည်းခြင်းမှာ ဒီမိုကရေစီနိုင်ငံများတွင် လုပ်ရိုးလုပ်စဉ်ပင်။ ဤသည်ကို ဥပဒေစိုးမိုးရေး အခြေခံမှလည်း တင်ပြပါမည်။

ပြစ်မှု တခုဖြစ်ပွားသည့်အခါတိုင်း တရားလိုနှင့် တရားခံ ဘက်နှစ်ဘက် ရှိသည်။ ပြစ်မှုကျူးလွန်ခံရသူမှာ တရားလိုဖြစ်၍ ပြစ်မှုကျူး လွန်ကြောင်း စွပ်စွဲခံရသူမှာ တရားခံဖြစ်သည်။ ဤနှစ်ဘက်လုံးကို ညီမျှခြေရှိလာအောင် ဖန်တည်းပေးမှသာ ဥပဒေစိုးမိုးရေးသည် လက်တွေ့ အသက်ဝင်လာပါမည်။ အစိုးရစစ်တပ်မှ စစ်ဗိုလ်ကြီးတဦးက တိုင်းရင်းသူမလေး တဦးအား မုဒိန်းကျင့်ကြောင်း စွပ်စွဲခံ ရသည့်အမှု ဆိုကြပါစို့။ ဥပဒေစိုးမိုးရေးဟူသည်မှာ လူတိုင်းဥပဒေရှေ့မှောက်တွင် တန်းတူဖြစ်သောကြောင့် မကြေနပ်သည့် တိုင်းရင်း သူမလေးသည် ရဲစခန်းတွင် သွားရောက်တိုင်တန်းပြီး စစ်ဗိုလ်ကြီးအား တရားရုံးတွင် အမှုစွဲဆိုနိုင်သည်။ လက်ရှိ မြန်မာနိုင်ငံတွင် ဤအတိုင်းပင် ကျင့်သုံးလျှက်ရှိသည်။ ဤသည်ကို ဥပဒေစိုးမိုးရေးဟု ခေါ်နေကြသည်။ ဤသည်မှာ ပြည့်စုံပါပြီလား။ ဆန်းစစ်ကြည့်ကြပါစို့။

ဥပဒေစိုးမိုးရေး၏ အဓိပ္ပါယ်၊ အနှစ်သာရ နှင့် လက်တွေ့ကျင့်သုံးပုံကို တစုံတရာ နက်နဲစွာ လေ့လာမည်ဆိုပါက အခွင့် အရေးအရ တန်းတူရေးသာမက အခွင့်အလန်းအရတန်းတူရေးကို ဖန်တည်းထားဘို့ လိုကြောင်းတွေ့ရပါမည်။ အခွင့် အရေးအရ တန်းတူရေး ရှိသော်လည်း အခွင့်အလန်းအရ တန်းတူရေး မရှိပါက ဥပဒေစိုးမိုးရေး ရှိသည်ဟု ပြော၍ မရပါ။ အထက်တွင် ဥပမာပေးခဲ့သော မှုခင်း၌ အခွင့်အရေးအရ တန်းတူရေးကို တွေ့ရပါမည်။ မကြေနပ်သည့် တိုင်းရင်းသူမလေးအနေဖြင့် အများသူငါကဲ့သို့ ရဲစခန်းတွင် သွား ရောက်တိုင်တန်းပြီး အမှုဖွင့် တရားစွဲနိုင်သော ကြောင့်ဖြစ်သည်။ သူမတွင် အခွင့်အရေး (Rights) ရှိပါသည်။ သို့ရာတွင် အခွင့်အလန်း (Opportunity) ရှိပါရဲ့လား။

တရားခံနှင့် တရားလို နှစ်ဦး၏ ညီမျှခြေကို စစ်ဆေးကြည့်ဘို့လိုပါမည်။ စွပ်စွဲခံရသူ တရားခံမှာ စစ်ဗိုလ်ကြီး တဦးဖြစ် သဖြင့် ရာထူးအာဏာ အရှိန်အ၀ါ ရှိသည်။ ငွေကြေး ရှိသည်။ အသိုင်းအ၀န်း ရှိသည်။ ရဲတွေက စစ်တပ်ကို ကြောက်ရ သည့် အခြေအနေကို အသုံးချနိုင်သည်။ ရုံးသုံးဖြစ်သော မြန်မာစကားကို ကောင်းမွန်စွာ တတ်ကျွမ်းသည်။ အမှုကို ခုခံထုခြေရန် ငွေကြေးလုံလောက်စွာ ပေး၍ ရှေ့နေကောင်း ကောင်း ငှားနိုင်ခြေရှိသည်။ ယင်းအခြေအနေနောက် ခံ၌ စွပ်စွဲခံရသူ စစ်ဗိုလ်ကြီးအနေဖြင့် တရားရုံးတွင် အမှုရင်ဆိုင်မည်ဆိုပါက အခွင့် အလန်းအရ တဘန်းမက သာလျှက် ရှိသည်။

မုဒိန်းကျင့် ခံလိုက်ရသည့် တိုင်းရင်းသူမလေးမှာ တောတောင်အတွင်းရှိ ကျေးရွာကလေးတွင် နေရသောကြောင့် ရာထူးအာဏာ အရှိန်အ၀ါ မရှိ။ ငွေကြေး မရှိ။ အသိုင်းအ၀န်း မရှိ။ မြန်မာစကားကို ဖြစ်ဖြစ်မြောက်မြောက် မတတ်။ ရဲစခန်းကိုပင် ဘယ်လိုသွားရမည်ကို မသိ။ ရှက်ကြောက်လွန်းသောကြောင့် ရဲစခန်းကို သွားရောက် အမှု ဖွင့်တိုင်တန်း ရန်ပင် မဖြစ်နိုင်လောက်အောင် ၀န်လေးလျှက်ရှိသည်။ ငွေကြေး လုံလောက်စွာပေး၍ ရှေ့နေကောင်း ကောင်း ငှားရန်မှာ အိပ်မက်ပင် မမက်နိုင်။ မုဒိန်းကျင့်ခံရသည့် တရားလို တိုင်းရင်းသူမ လေးအနေဖြင့် တရားရုံးတွင် အမှုရင်ဆိုင်မည်ဆိုပါက အခွင့်အလန်းအရ တဘန်းမက ဆုံးရှုံးလျှက် ရှိနေသည်။

ဤကဲ့သို့ အခွင့်အလန်းအရ တန်းတူမှု ဆုံးရှုံးနေသော ဖြစ်ရပ်မျိုးများ၊ မှုခင်းများ မြန်မာနိုင်ငံ၌ မြောက်များစွာ ဖြစ်ပွား လျှက်ရှိ သည်။ ယင်းကို ကုစားရန် ဥပဒေရေးရာအရ အထောက်အကူပြုလုပ်ငန်း (Legal Aid) များဖေါ်ဆောင်၍ ဥပဒေ စိုးမိုးရေး အခြေခံကို ဖြည့် ဆည်းပေးရသည်။ အားနည်းသည့်ဘက်က အားကောင်းလာစေရန် အခွင့်အလန်းများ တိုးချဲ့ ဖန်တည်းပေးရင်း ညီမျှခြေကို ညှိပေးရသည်။ (Legal Aid နှင့် စပ်လျှဉ်း၍ အသေးစိပ်ကို နောက်ပိုင်းဆောင်းပါးများ တွင် ဆက်လက်ဖေါ်ပြရန် ကြိုးပမ်းပါမည်။ မြန်မာနိုင်ငံကဲ့သို့ တတိယ ကမ္ဘာနိုင်ငံများတွင် ဥပဒေရေးရာအရ အထောက်အကူပြု လုပ်ငန်းများ အားကောင်းကောင်းမရှိဘဲ ဥပဒေစိုးမိုးရေးရှိပြီဟု ပြော၍ မရနိုင် ပါ။) ညီမျှခြေ ရှိလာစေရန် တိုင်းပြည်၏ အဆောက်အအုံ (State Institutions) များအား ပြန်လည်ပြုပြင် တည်ဆောက်ဘို့ လူထုအင်အား တောင့်တင်းလာစေမည့် အနေအထားများအား ဖန်တည်းဘို့ မကြိုးစားဘဲ ညှိနှိုင်းဖြေရှင်းရေး သက်သက်ကိုသာ ဇောင်းပေးနေမည်ဆိုပါက လူထုသည် အစဉ်အမြဲနစ်နာနေဘွယ် ရှိပါသည်။

လူ့အဖွဲ့အစည်းအတွင်း ဖြစ်ပွားနေသည်များကို ရှင်းရှင်းလင်းလင်း၊ ပွင့်ပွင့်လင်းလင်း သိခွင့်မရသဖြင့် လက်ပံတောင်း တောင်ကဲ့သို့ ပြသနာမျိုး ပေါ်ပေါက်နေသည်ဟု အချို့က ဆိုကြသည်။ ဤသည်မှာ မှန်သင့်သလောက် မှန်ပါသည်။ သို့ရာတွင် ကျားကြီးက ယုံကလေးကို လက်နှင့် ဖိထားသည့် အခြေအနေအား လှည့်ပြောင်းရန် အရင်ဦးဆုံး ကြိုးစား ဘို့ လိုပါမည်။ သို့မဟုတ်ပါက ကျားကြီးက ပွင့်ပွင့်လင်းလင်း သိခွင့်ပေးမည်မဟုတ်သလို၊ တနည်းနည်းဖြင့် သိလာ စေဦးတော့ ယုံကလေးဘက်က ပြန်လည်အရေးယူနိုင်သည့် အနေအထားမရှိသဖြင့် မတရားမှုများ ဆက်လက်ဖုံးလွှမ်း နေပါမည်။

လူထုအား ယုံကလေးဘ၀ မှ ဆင်ကြီးဘ၀ သို့လှည့်ပြောင်းနိုင်စေရန် ဥပဒေစိုးမိုးရေးအခြေခံမှ မည်သို့ တည်ဆောက် မည်နည်း။ လူထုရသင့်ရထိုက်သော အခွင့်အရေးကို အသိအမှတ်ပြုရုံသာမက ယင်းတို့အား ဥပဒေပါအခွင့်အ ရေး (Legal Rights) များအဖြစ် ကျင့်သုံးနိုင်စေရန် တိုင်းပြည်၏ ဖွဲ့စည်းပုံအခြေခံဥပဒေနှင့် အခြားသက်ဆိုင်ရာ ဥပဒေများတွင် ပြဌာန်းပေးရပါမည်။ လက်ပံတောင်း အရေးတွင် အစပြုလျှက် လယ်သမားများ ရသင့်ရထိုက်သော လယ်လုပ်သူ လယ်ပိုင်ခွင့် အခွင့်အရေးကို ပထမဆုံး အနေဖြင့် ဒေါ်အောင်ဆန်းစုကြည် ဦးဆောင်သည့် ကော်မရှင်က အသိအမှတ်ပြုရုံသာမက ဥပဒေပါ အခွင့်အရေးဖြစ်လာအောင် ဦးဆောင်တိုက်ပွဲဝင်ပေးလိမ့်မည်ဟု မျှော်လင့်သည်။

စင်စစ်အားဖြင့် “လယ်ပိုင်ခွင့်” အခွင့်အရေးသည် အသစ်အဆန်းမဟုတ်ပါ။ မြန်မာနိုင်ငံလွတ်လပ်ရေး ရပြီးချိန် ကတည်းက ကျင့်သုံး ခဲ့သော အခွင့်အရေးဖြစ်သည်။ သို့ရာတွင် “လယ်ပိုင်ခွင့်” အခွင့်အရေးကို အကန့်အသတ်မဲ့ ကျင့်သုံးလာသောအခါ မြေရှင်စနစ် ထွန်း ကား လာခဲ့သည်။ မိမိတို့ ပိုင်သော လယ်မြေပဏာမမှာ ရွာပြင် ထွက် လိုက်လျှင် လက်ညှိုးထိုး မလွဲဟူ၍ မြေရှင်များက တင်စားသုံးနှုန်း ခဲ့ သည်အထိပင်။ အကျိုးဆက်အနေဖြင့် လယ်သ မား အမြောက်အများမှာ လယ်မဲ့ယာမဲ့များ၊ လယ်သူရင်းငှားများ ဘ၀သို့ ကျဆင်း သွားခဲ့ရသည်။

ဤသည်ကို ပြန်လည်ပြုပြင်ရန် ၁၉၅၃ ခုနှစ် လယ်ယာမြေ နိုင်ငံပိုင်ပြုလုပ်ရေး အက်ဥပဒေကို ပြဌာန်းပြီး အစိုးရက မြေရှင်များထံမှ လယ်မြေများကို ပြန်သိမ်း၍ လယ်သမားများအား ဝေခြမ်းရေးလုပ်ပေးခဲ့သည်။ ထိုအချိန်မှစ၍ လယ် မြေများအား မည်သည့် ပုဂ္ဂိုလ်တဦး တယောက်မျှ အကန့်အသတ်မဲ့ တရားဝင်ပိုင်ဆိုင်ခွင့် မရှိတော့ပါ။ သို့ရာတွင် လယ်လုပ်သည့် လယ်သမားများက လယ်မြေကို ပုဂ္ဂလိက ပိုင်ဆိုင်ခွင့်အား ဖျက်သိမ်းလိုက်ခြင်းမဟုတ်။ ၁၉၅၃ ခုနှစ် လယ်ယာမြေ နိုင်ငံပိုင်ပြုလုပ်ရေး အက်ဥပဒေ အောက်မှာပင် လယ်သမား များသည် အနည်းဆုံး တတုံးထွန်အထိ ပိုင် ဆိုင်ခွင့်ရခဲ့သည်။

ယခုမူ ဦးသိန်းစိန် ဦးဆောင်သည့် အစိုးရက ၂၀၁၂ ခုနှစ် မတ်လ (၃၀) ရက်နေ့တွင် ၁၉၅၃ ခုနှစ် လယ်ယာမြေနိုင်ငံ ပိုင်ပြုလုပ်ရေး အက်ဥပဒေ ကို ဖျက်သိမ်းပြီး လယ်ယာမြေ ဥပဒေသစ်ကို ပြဌာန်းလိုက်ပြီ ဖြစ်သည်။ ယင်း ဥပဒေအရ တဘက်တွင် လယ်လုပ်သည့် လယ်သမားများသည် လယ်ယာမြေအပေါ် ပုဂ္ဂလိက ပိုင်ဆိုင်ခွင့် လုံးဝဆုံးရှုံးသွားခဲ့ပြီ ဖြစ်သည်။ အခြားတဘက်တွင် ယင်း ဥပဒေ ပုဒ်မ ၃ (င)(၃) အရ လယ်ကို ကိုယ်တိုင်မလုပ်ဘဲ အရင်းအနှီးစိုက်ထုတ် စီမံသည့် ငွေရှင်များသည် လယ်သမားစာရင်းဝင် ဖြစ်သွားသည်။ ထို့အပြင် ကုမ္ပဏီများသည် လယ်ယာမြေစီမံခန့် ခွဲမှု အဖွဲ့အဆင့်ဆင့်ကို ချည်းကပ်လျှက် ပုဒ်မ (၃၀) အရ မြေယာများအား အခြားနည်း အသုံးချ သည်ဟု ဆိုကာ လယ်သမားများ၏ မြေယာများကို သိမ်းယူ လုပ်ကိုင်ခြင်းဖြင့် မြေရှင်ကြီးစနစ် ပြန်လည်ထွန်းကားတော့မည်ဖြစ်သည်။

လယ်လုပ်သူ “လယ်လုပ်ပိုင်ခွင့်ရခြင်း” နှင့် “လယ်ပိုင်ခွင့်ရခြင်း” နှစ်ခုသည် လုံးဝပင်မတူညီပါ။ ၂၀၁၂ ခုနှစ် လယ်ယာမြေ ဥပဒေအရ လယ်လုပ်ပိုင်ခွင့်ကို ရောင်း၊ ပေါင်၊ဖလှယ်၊ ပေး၊ ငှားလုပ်ခွင့်ပြုထားသော်လည်း ယင်းသို့ လုပ်ရာ၌အစိုးရ ကခန့်အပ် တာဝန်ပေးထားသော လယ်ယာမြေစီမံခန့်ခွဲမှုအဖွဲ့ အဆင့်ဆင့်၏ ကြီးကြပ်မှုမှာ အဓိက ဖြစ်သည်။

မြန်မာနိုင်ငံ၌ တည်ဆဲဥပဒေဖြစ်သော ပစ္စည်းလွှဲပြောင်းရေး ဥပဒေအရ “ရောင်းချခြင်း” (Sale) ဟူသည် မှာ “ပိုင်ဆိုင်ခွင့်ကို လွှဲပြောင်းပေးခြင်း” ဖြစ်သည်။ လယ်သမားတွင် “လယ်လုပ်သူ လယ်ပိုင်ခွင့်” ရှိပါက မိမိကိုယ် တိုင် လယ်မလုပ်နိုင်တော့သော်လည်း မိမိသဘောအလျှောက် သူရင်းငှား ခေါ်ယူခိုင်းစေပြီး လယ်ဆက်လုပ်နိုင်သည်။ မည်သည့် စီမံခန့်ခွဲရေးအဖွဲ့၏ ခွင့်ပြုချက်၊ အသိအမှတ်ပြုမှု ရယူစရာမလိုဘဲ အမွေဆက်ခံခွင့် ပေးနိုင်သည်။ လယ်မှာ မိမိ ပိုင်ဆိုင်သည့် ပစ္စည်းဖြစ်သဖြင့် မိမိရောင်းချင်မှ ရောင်းမည်။ မရောင်း ဘဲလည်း နေချင်နေမည်။ ကြိုက်ဈေးရလျှင် ရောင်းမည်။ ကြိုက်ဈေး မရလျှင် မရောင်းဘဲနေမည်။ မည်သူမျှ ဖိအားပေး၍မရ။ ရောင်း ရာတွင်လည်း မိမိပစ္စည်းကို မိမိရောင်းခြင်းသာ ဖြစ်သဖြင့် မည်သည့် စီမံခန့်ခွဲရေးအဖွဲ့၏ ကြီးကြပ်မှုမှ မလို။

နိုင်ငံတော်သည် မြေယာအားလုံး၏ ပိုင်ရှင်ဖြစ်သဖြင့် အစိုးရက နိုင်ငံတော်ကို ကိုယ်စားပြုကာ တပြည်လုံးရှိ မြေယာ များအပေါ် စိတ်ကြိုက် စီမံခန့်ခွဲနေခြင်းမှာ တရားဝင်သည်ဟု လက်ခံလျှင် ညှိနှိုင်းဖြေရှင်းရာ၌ အစိုးရအာဏာပိုင်များ ဖြစ်စေ၊ ၄င်းတို့က လုပ်ငန်းလိုင်စင် ချပေးထားသော ကုမ္ပဏီများဖြစ်စေ အထက်စီးတွင် ရောက်နေပါမည်။ လယ်သမား များက ဒူးတုတ်နေကြရမည့် ဘ၀ဖြစ်သည်။ လက်ပံတောင်းတောင် လယ်သမားများမှာ သုံးနှစ်စာ သီးနှံအတွက် တဧကလျှင် ကျပ်ငါးသိန်းကျော်ခန့်မျှသာ ရရှိကြောင်း သိရသည်။ လယ်သမားများမှာ ၄င်းတို့ ပေးသမျှမဖြစ်လောက် သော လျော်ကြေးကလေးကို ခေါင်းငုံ့ကာ လက်ခံရယူ၍ မြေမှ ထွက်ခွာပေးကြရရုံသာ ရှိမည်။ ကော်မရှင်၏ အလုပ်မှာ လည်း လယ်သမားများအတွက် လျော်ကြေးငွေ နည်းနေပါသည်။ တစုံတရာတိုးပေးပါဟု ၀ိုင်းဝန်း မေတ္တာရပ်ခံပေး ခြင်းမှ တပါး အခြား တတ်နိုင်မည် မဟုတ်ပါ။

သို့ဖြစ်၍ “ လယ်လုပ်သူ လယ်ပိုင်ခွင့်” ဟူသည်မှာ လယ်သမားတိုင်းအတွက် အရေးကြီးလာသည်။ ယင်းကို အသိ အမှတ်ပြုလျှင်ပင် လက်ပံတောင်းတောင် လယ်သမားများ၌ ညှိနှိုင်းနိုင်စွမ်းရည်များစွာ တက်လာပါမည်။ လယ်သမား ထုအနေဖြင့် ယုံကလေးဘ၀မှ ဆင်ကြီးဘ၀သို့ ပြောင်းလဲနိုင်စေရန် လမ်းကြောင်းပွင့်သွားပါမည်။

ဤသည်ကို ဒေါ်အောင်ဆန်းစုကြည် ခေါင်းဆောင်သည့် ကော်မရှင်ကိုယ်တိုင်က စနစ်တကျ ပြန်လည်လေ့လာ ပြီး “လယ်လုပ်သူ လယ်ပိုင်ခွင့်” ဟူသည့် လယ်သမားအခွင့်အရေး အခြေခံပေါ်တွင် ရပ်တည်၍ လက်ပံတောင်း တောင် အရေးကို ချည်းကပ်လိမ့်မည်ဟု မျှော်လင့်သည်။ သို့ဖြစ်ပါက လက်ပံတောင်းတောင် လယ်သမားများသာမက
တပြည်လုံးရှိ လယ်သမားများပါ အကျိုးခံစားခွင့် ရသွားနိုင်ပါသည်။

အစိုးရက သံဃာတော်များအား အင်အားသုံးဖြိုခွဲခဲ့ရာတွင် တပြည်လုံး၌ လူထု၏မကြေနပ်မှုမှာ တောမီးပမာ ချက် ခြင်း ပျံ့နှံ့သွားခဲ့သည်။ မြေယာစီမံခန့််ခွဲမှုအပေါ် အခြေပြု၍ ဖြစ်ပွားခဲ့သည့် လက်ပံတောင်းတောင် ပြသနာမှာ တဖြည်းဖြည်း ကြီးထွားလာခဲ့သည်။ သံဃာတော်နှင့် လူထုအဖွဲ့အစည်းများ ပါဝင်ပတ်သက်လာသည်အထိ ကျယ်ပြန့် လာသောအခါ လက်ပံတောင်းတောင် လယ်သမားထုအနေဖြင့် တိုက်ပွဲ ၏အကျိုးကို မခံစားရသေးသော်လည်း အလား တူ အခြားဒေသတခုတွင်မူ မြေယာနှင့် စပ်လျှဉ်း၍ ဒေသခံလယ်သမားများ စတင် အကျိုး ခံစားခွင့်ရလာပြီ ဖြစ်ကြောင်း တွေ့ရသည်။

Max Myanmar ကုမ္ပဏီက ယခင်က ငွေဆောင်မြို့နယ်ခွဲ အမှတ်(၁) ရပ်ကွက်ရှိ လယ်နှင့် တောင်မြေဧက တရာ ကျော်အတွက် ကျပ် သိန်းပေါင်း ၇၂၈၅ ကို ဒီဇင်္ဘာလ (၇) ရက်နေ့က ဒေသခံပိုင်ရှင် ၁၃ ဦးအား ဂရုဏာကြေးအဖြစ် ပေးအပ် ခဲ့ခြင်းပင်။ ယင်းမှာ တောင်သူ ၁၃ဦးပိုင်ဆိုင်သည့် လယ်မြေ နှင့် တောင်မြေ (ဥယျာဉ်မြေ) ၁၀၆ ဧကအတွက် လယ် တဧကလျှင် ကျပ်သိန်း ၂၅ နှုန်း၊ တောင်မြေ တဧ ကလျှင် ကျပ်သိန်း ၁၀၀ နှုန်းနှင့် ပေးအပ် ခဲ့ခြင်းဖြစ်ကြောင်း ဖြင့် Eleven Media Group က ဒီဇင်္ဘာလ ၁၂ရက်နေ့တွင် ဖေါ်ပြခဲ့သည်။

အပိုင်း (၃) ကို ဆက်လက်ဖတ်ရှုပါရန်

အောင်ထူး (ရှေ့နေ)
ဒီဇင်္ဘာလ (၁၄) ရက် ၂၀၁၂ ခုနှစ်

Ref: ကေအိုင်စီ

Read More...

ကရင်ပြည်သူလူထု အခြေအနေကို ဦးနေမျိုးဇင်နှင့်အဖွဲ့  လာရောက်လေ့လာ

18 December 2012
နန်းသူးလေ

ကရင်ပြည်နယ်အတွင်းရှိ ဒေသခံပြည်သူလူထု၏ အခြေအနေများကို သိရှိနိုင်ရန်အတွက် မြန်မာလူမှု့ ဘ၀ဖွံ့ဖြိုး တိုးတက်ရေးကွန်ယက်အဖွဲ့ မှ ဦးနေမျိုးဇင်က ကရင်ပြည်နယ်သို့လာရောက် လေ့လာလျက် ရှိကြောင်း သိရသည်။

ကိုနေမျိုးဇင်နှင့် အဖွဲ့ဝင်များသည် ဒီဇင်ဘာလ ၁၇ ရက်နေ့ က ကရင်ပြည်နယ် မြ၀တီမြို့ သို့  ရောက် ရှိလာပြီး ကရင်ပြည်နယ်အတွင်းရှိ လမ်းပမ်းဆက်သွယ်ရေး ခက်ခဲသောဒေသများတွင် လူမှု ရေးပရဟိ တလုပ်ငန်း လုပ်များ လုပ်ဆောင်နေသည့် အဖွဲ့အစည်းများမှ ပုဂ္ဂိုလ်များနှင့် သွားရောက် တွေ့ဆုံမည် ဖြစ်ကြောင်း ဦးနေမျိုးဇင်က ကေအိုင်စီ သို့ပြောသည်။

၎င်းက “ကျနော်လုံးဝမရောက်ဖူးသေးတဲ့ ဒီနယ်စပ်ဒေသက တိုင်းရင်းသားတွေရဲ့ဘ၀တွေ၊ လက်နက် ကိုင်အဖွဲ့အစည်းတွေ၊ ဒီဒေသဘက်မှာ ရှင်သန်လှုပ်ရှားပြီးတော့ ဒေသအကျိုးကို ဘယ်လိုဆောင်ရွက် နေကြ သလဲ ဆိုတာတွေ၊ ငြိမ်းချမ်းရေးရဲ့ အသီးအပွင့်တွေ ရရှိခံစား လာရပြီးတဲ့နောက်ပိုင်း အခြေခံလူ တန်းစားတို့ရဲ့ ဘ ၀တွေကို ကျနော်တို့ ရသလောက် လေ့လာမှတ်တမ်းတင်သွားဖို့ပါ” ဟုပြောသည်။

ဒေသခံပြည်သူလူထုရဲ့  ဘ၀အမှန်ကို သိရှိခြင်းအားဖြင့် ရှေ့ဆက်မည့် မြန်မာနိုင်ငံ ငြိမ်းချမ်းရေးနှင့် ဖွံ့ဖြိုးတိုးတက်ရေးလုပ်ငန်းများတွင် နယ်စပ်ဒေသရှိ လူငယ်များနှင့်လည်း ပူးပေါင်းပြီး ဒေသခံလူထု ဘက်မှ လိုအပ်ချက်များကို ဦးစားပေးလုပ်ဆောင်ပေးသွားရန်လည်း ရည်ရွယ်ကြောင်း ကိုနေမျိုးဇင်က ဆက်လက်ပြောဆိုသည်။

အလားတူ တေးဂီတပညာရှင် ကိုရဲလွင် ဦးဆောင်သည့် “ပန်းရဲ့ လမ်း” လူမှုကူညီရေးအဖွဲ့က လည်း ကရင်ပြည်နယ်သို့ရောက်ရှိနေကြပြီး ကချင်ပြည်နယ်ရှိ စစ်ပြေးဒုက္ခသည်များကို ကူညီနိုင်ရန် ရန်ပုံငွေဖျော်ဖြေပွဲများ ပြုလုပ်ကြမည် ဖြစ်ကြောင်းလည်း သိရသည်။

ကချင်ဒုက္ခသည်ကူညီရေးအတွက် ပြုလုပ်သည် ရန်ပုံငွေဖျော်ဖြေရေးနှင့် ပတ်သက်၍ “ဖျော်ဖြေရေး ပွဲလေးတွေလုပ်သွားပြီး ဒေသခံတွေကလှူဒါန်း ချင်သလောက် လှူဒါန်းလာတဲ့ အလှူငွေတွေကိုကျနော် က လက်ခံပေးပြီး ကချင်စစ်ပြေးဒုက္ခသည်တွေကို သွားရောက်လှူဒါန်းမှာဖြစ်ပါတယ်” ဟု ကိုရဲလွင်က ပြောသည်။

ထို့အပြင် လာမည့် ဒီဇင်ဘာလ ၂၁ ရက်နေ့တွင် ကျရောက်မည့် တိုးတက်သောဗုဒ္ဓဘာသာ ကရင် အမျိုးသားတပ်မတော် (DKBA) ၏ ၁၈ နှစ်ပြည့် နှစ်ပတ်လည်နေ့ အခမ်းအနားတွင် ပန်းရဲ့လမ်း တေးဂီတအဖွဲ့ မှ ဖျော်ဖြေပေးသွားမည် ဖြစ်ကြောင်းလည်း သိရသည်။

ဒေသခံလူထုအကျိုးကို ဒေသခံလူမှုအဖွဲ့အစည်းများနှင့် ပူးပေါင်းလုပ်ဆောင်နိုင်ရန် လာရောက် ချိတ်ဆက်ခြင်း ဖြစ်သည့်အပြင် မြန်မာနိုင်ငံအတွင်းပိုင်း (ပြည်မ)တွင် တိုင်းရင်းသားလူမျိုးများ အကြောင်း သိရှိမှု အားနည်းနေသေးသည့်အတွက် တိုင်းရင်းသား လူမျိုးများအပေါ် ရှုမြင်သုံးသပ် ချက်များကို ပြည်တွင်းဟောပြော ပွဲများတွင် ထည့်သွင်းပြောကြားသွားမည်ဖြစ်ကြောင်း ဦးနေမျိုးဇင် က ကရင်ပြည်နယ်လေ့လာရေး ခရီးစဉ်၏ ရည်ရွယ်ချက်ကို ရှင်းပြသည်။

မြန်မာလူမှု့ဘ၀ဖွံ့ဖြိုး တိုးတက်ရေး ကွန်ယက်သည် အနာဂတ် မြန်မာပြည်တွင် ပြည်တွင်း စစ်ပွဲများ မရှိရန်၊ တိုင်းရင်းသားအချင်းချင်း သွေးခွဲမှုမျိုး မရှိရန်၊ အိမ်နီးချင်းနိုင်ငံများကပါ အတုယူရလောက် သည့် ဖွံ့ဖြိုးတိုးတက်ပြီး လူတန်းစားညီမျှသည့် နိုင်ငံဖြစ်အောင် ရှေ့ဆက်လုပ် ဆောင်သွားမည် ဖြစ် ကြောင်း ဦးနေမျိုးဇင်က ဆက်လက်ပြောဆိုသည်။

မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ယက်အဖွဲ့၏ ကရင်ပြည်နယ် လေ့လာရေးခရီးစဉ်သည် ဒီဇင်ဘာလ ၂၂ ရက်နေ့တွင် ပြီးဆုံးမည် ဖြစ်ကြောင်း သိရသည်။

Ref: ကေအိုင်စီ

Read More...

ပြည်တွင်းလေ့လာရေးခရီးစဉ်နှင့် ပတ်သက် ၍ လေ့လာတွေ့ရှိ ချက်များ WLB သတင်း ထုတ်ပြန်

18 December 2012
ဖိုးခွါးလေး (ကေအိုင်စီ)

ထိုင်းနယ်စပ်ဒေသအခြေစိုက် အမျိုးသမီးများ အဖွဲ့ချုပ်-မြန်မာနိုင်ငံ (WLB) မှ တာဝန်ရှိသူ များ သည် ဒီဇင်ဘာလ ၁၁ ရက်နေ့မှ ၁၈ ရက် နေ့အထိ သွားရောက်ခဲ့သော ပြင်တွင်းလေ့လာရေးခရီး စဉ်အတွင်း ပြုပြင်ပြောင်း လဲမှုများနှင့် ပတ်သက်၍ လေ့ လာတွေ့ရှိချက်များကို ယနေ့  သတင်းထုတ်ပြန် လိုက်ကြောင်း သိရသည်။

၎င်းခရီးစဉ်တွင် ထိုင်းနယ်စပ်ဒေသအခြေစိုက် အမျိုးသမီးအဖွဲ့ချုပ် (မြန်မာနိုင်ငံ)မှ အထွေထွေအတွင်းရေးမှူးဦးဆောင်ကာ ကိုယ်စားလှယ် ၆ ဦး သွားရောက်လေ့ လာခဲ့ကြကြောင်းသိရသည်။ ခရီးစဉ်အတွင်း မြန်မာငြိမ်းချမ်းရေးစင်တာ သို့  သွားရောက်လေ့လာခဲ့ပြီး ရခိုင် တိုင်းရင်းသား ဝန်ကြီးများ၊ နိုင်ငံရေးပါတီ အဖွဲ့အစည်းများ၊ လူထုအခြေပြုအဖွဲ့အစည်းများ၊ အမျိုးသမီးလွတ်တော်အမတ်များ၊ အမျိုးသမီး ခေါင်းဆောင်များနှင့် အခြားသော အမျိုးသမီးအဖွဲ့အစည်းအသီးသီးမှ ခေါင်းဆောင် များနှင့်လည်း တွေ့ဆုံဆွေးနွေးခဲ့ကြကြောင်းသိရသည်။

ပြည်တွင်းလေ့လာရေးခရီးစဉ်တွင် လိုက်ပါခဲ့သူ မမေထက်အောင်က “ကျမတို့ လက်ရှိမြန်မာနိုင်ငံရဲ့ အသွင်ကူးပြောင်းရေးကာလမှာ ဘယ်အဆင့်ထိ ရှိနေပြီးလဲဆို တာ လေ့လာရေးအနေနဲ့ ပြည်တွင်းထဲက အဖွဲ့အစည်းအသီးသီးနဲ့ သွားတွေ့တယ်။ နောက်ပြီး ပြည်တွင်းထဲမှာ လှုပ်ရှားနေတဲ့ အဖွဲ့အစည်းတွေထဲမှာ ဘယ်လိုမျိုး အခက်အခဲတွေ ရှိလဲဆိုတာ ဆွေးနွေးဖြစ်ကြတယ်” ဟု ကေအိုင်စီသို့ပြောသည်။

မြန်မာနိုင်ငံ၏ ဒီမိုကရေစီပြုပြင်ပြောင်းလဲရေးဟာ ပထမခြေလှမ်းအဆင့် အခြေအနေမှာသာ ရှိနေသေးပြီး၊ ယနေ့ချိန်ထိ အချို့ သော တိုင်းရင်းသားနယ်မြေများတွင် စစ်ပွဲများကြောင့် လူ့အခွင့်အရေးချိုးဖေါက်ခံနေရမှုများ ဆက်လက် ဖြစ်ပွားနေသေးကြောင်းနှင့် အကြီး စားဖွံ့ဖြိုးရေးစီမံကိန်းများကြောင့် ပြည်သူများအပေါ် ထိခိုက်နစ်နာမှုများ ရှိနေဆဲပင်ဖြစ်ကြောင်း သတင်းထုတ်ပြန်ချက်ထဲ တွင်ဖော်ပြ ထားသည်။

ထိုအခြေအနေများ ဆက်လက်ဖြစ်ပေါ်နေမည်ဆိုပါက အပစ်အခတ်ရပ်စဲရေးမှတဆင့် စစ်မှန်သော ဒီမိုကရေစီရရှိရေးနှင့် ငြိမ်းချမ်း ရေးကိုဖော်ဆောင်းရေးအတွက် အဟန့်အတားဖြစ်နေအုံးမည်ကို မိမိတို့နှင့်ထပ်တူ အားလုံးမှ စိုးရိမ်ပူပန်မှုများရှိနေသည်ဟု သတင်း ထုတ်ပြန်ချက်ထဲတွင် ဆက်လက်ရေးသားဖော် ပြထားသည်။

ထိုနောက် တိုင်းရင်းသားအဖွဲ့အစည်း အသီးသီးအနေဖြင့် လက်ရှိမြန်မာနိုင်ငံ၏ ပြုပြင်ပြောင်းလဲမှု အခြေအနေများကို ယုံကြည်မှုမရှိ သေးသည့်အပြင် အစိုးရကိုလည်း မယုံကြည်ကြသေးသည့် အနေအထားတွင် ရှိနေသေးသည်ဟု မမေထက်အောင်က ထောက်ပြပြော ဆိုသည်။

“ပြုပြင်ပြောင်းလဲမှုကို လိုလားတဲ့ အစိုးရတရပ်အနေနဲ့ လူ့အဖွဲ့အစည်း ဖွံ့ဖြိုးတိုးတက်ရေးကို ရှေ့ရှုပြီး ဘက်ပေါင်းစုံမှ ပြုပြင်ပြောင်းလဲမှုကို လုပ်ဆောင်နေတဲ့ လူထုအခြေပြု လူ့မှုအဖွဲ့အစည်းတွေ၊ နိုင်ငံရေး ပါတီတွေနဲ့ နိုင်ငံရေးအဖွဲ့ အစည်းတွေရဲ့ ပံ့ပိုးကူညီမှုနဲ့အတူ တန်းတူ ညီမျှရေး၊ ကိုယ်ပိုင်ပြဌာန်းခွင့်နဲ့ တရားမျှတမှုကို အာမခံတဲ့ ပြည်သူတရပ်လုံးရဲ့ ဆန္ဒနဲ့ အင်အားတွေပါဝင်တဲ့ ပြည်တွင်း ငြိမ်းချမ်းရေး ကို ဖော်ဆောင်သွားနိုင်ဘို့အတွက် ကျွန်မတို့ အမျိုးသမီးများအဖွဲ့ချုပ် (မြန်မာနိုင်ငံ)က အထူးအလေး ထား တောင်းဆိုပါတယ်” ဟု အထွေ ထွေအတွင်းရေးမှူး ဒေါ်တင်တင်ညိုက ပြောဆိုသည်။

အမျိုးသမီးအဖွဲ့ချုပ်-မြန်မာနိုင်ငံ (WLB) သည် ဘင်္ဂလားဒေ့ခ်ျ၊ အိန္ဒိယနှင့် ထိုင်းနယ်စပ် အခြေစိုက် နေထိုင်သော မြန်မာနိုင်ငံမှ အမျိုး သမီးအဖွဲ့အစည်းပေါင်း ၁၂ ဖွဲ့ဖြင့် ၁၉၉၉ ခုနှစ်က စတင် တည်ထောင်ခဲ့သည်။ ၂၀၁၁ ခုနှစ်တွင် ကယန်းအမျိုးသမီးများ အစည်းအရုံးက အမျိုးသမီးများအဖွဲ့ ချုပ် – မြန်မာနိုင်ငံ ၏ အဖွဲ့ ဝင်ဖြစ်လာခဲ့သည်။

Ref: ကေအိုင်စီ

Read More...

Tuesday, December 18, 2012

အမေရိကန်ပြည်တွင်း လက်နက်ထိန်းချုပ်ရေး

ဒေါ်ခင်မျိုးသက်
17.12.2012

ဒီဇင်ဘာ ၁၄ရက် သောကြာနေ့က Connecticut ပြည်နယ် Newtown မြို့ကလေးက Sandy Hook မူလတန်းကျောင်းမှာ မူလတန်း ကျောင်းသားကျောင်းသူလေး ၂၀နဲ့ ကျောင်းအုပ်ဆရာမကြီး အပါအ၀င် ဆရာမ ၆ဦးကိုသေဆုံးစေခဲ့တဲ့ သေနတ်ပစ်ခတ်မှုဟာ အမေ ရိကန်သမိုင်းမှာ အဆိုးဝါးဆုံး ကြေကွဲဖွယ်ဖြစ်ရပ် တခုဖြစ်ပြီး ဒီဖြစ်ရပ်ကြောင့် အမေရိကန်နိုင်ငံ မှာ သေနတ်ကိုင်ဆောင်ခွင့် ထိန်း ချုပ်ရေးဆိုင်ရာ အခြေအတင် ဆွေးနွေးမှုတွေ တကျော့ပြန် တွေ့လာခဲ့ရပါတယ်။ ဒီလို အခြေအတင် ဆွေးနွေးမှု လုပ်သူ တွေရှိ နေသလို တချိန်မှာပဲ မေရီလန်းပြည်နယ် Baltimore မြို့မှာတော့ သေနတ်အစား တခြားပစ္စည်းတွေ ၀ယ်ယူဖို့ အလဲအလှယ်လုပ်တဲ့ အစီအစဉ် အတွက် တက်တက်ကြွကြွ ပါဝင်သူတွေက သူတို့ရဲ့ သေနတ်တွေကို လာအပ်နေကြတာပါ။ အပြည့်အစုံကိုတော့ ဒေါ်ခင်မျိုးသက် က ပြောပြပေးထားပါတယ်။

အမေရိကန်နိုင်ငံမှာ အခုလို ၀မ်းနဲကြေကွဲဖွယ် လူအများအပြား တပြိုင်ထဲ သေဆုံးမှု တခုကြုံလာတိုင်း နိုင်ငံသားတွေအတွက် ခွင့်ပြု ထားတဲ့ သေနတ်ကိုင်ဆောင်ခွင်ဆိုင်ရာ ပိုပြီးတင်းကြပ်တဲ့ ဥပဒေတွေ ထုတ်ပြန်ပြီး ထိန်းချုပ်လိုက်ရင် ဒီလိုသေနတ်နဲ့ ပစ်ခတ်မှုတွေ ပိုလျော့ပါးသွားလေမလားလို့ မေးခွန်းတွေ ထုတ်တတ်ကြပါတယ်။ ဒါပေမယ့် အဖြေကတော့ မရှိသေးပါဘူး။

အခုဖြစ်ပွါးခဲ့သလိုမျိုး သေနတ်နဲ့ ပစ်ခတ်သေဆုံးရမှု ဖြစ်ရပ်ဆိုးတွေ ဖြစ်ပွါးနေပေ မယ့် သေနတ်ကိုင်ဆောင်ခွင့် ဥပဒေကိုတိုးပြီး တင်းကြပ်ဖို့ လက်မခံသူ တွေဘက်က အနိုင်ရသွားတာ များပါတယ်။ အမေရိကန်နိုင်ငံမှာ အိမ်ထောင်စုအားလုံးပေါင်းရဲ့ သုံးပုံတပုံမှာ သေနတ်ပိုင်ဆိုင်သလို အစိုးရပိုင်းမှာဆိုရင်လည်း ထပ်တင်းကြပ်ဖို့ အဆိုပြုလိုက်တိုင်း သံသယတွေနဲ့ပဲ သံသရာလည်နေတာပါ။

သေနတ်ကိုင်ဆောင်ခွင့်ပြုထားတာဟာ ကိုယ့်ကိုယ်ကို ခုခံကာကွယ်ဖို့ ဖြစ်ပြီး ဒါဟာ အခြေခံ ရပိုင်ခွင့်ဖြစ်နေတယ်လို့ သေနတ်ကိုင် ဆောင်ခွင့် လိုလားသူတွေက ဥပဒေ ကိုထောက်ပြ ငြင်းဆိုကြပါတယ်။

Neil Kravitz ဟာ မေရီလန်ပြည်နယ်က လိုင်စင်ရ သေနတ်နဲ့ ကျည်ဆံ အရောင်းအ၀ယ်လုပ်သူတဦးပါ။

" အခုလိုပစ်ခတ်မှုဖြစ်ခဲ့ရတာဟာ အတော့်ကို ကြေကွဲဖို့ ကောင်းပါတယ်။ ဒီအမှုမှာ ဆိုရင် စိတ်မနှံ့သူတယောက်ရဲ့ လက်ထဲ သူ့အမေရဲ့ သေနတ်တွေ ရောက်သွားပြီး အခုလို သူများတွေကို လျှောက်ပစ်သတ်တဲ့ ဆိုးဝါးတဲ့ ရာဇ၀တ်မှုဖြစ်ခဲ့သလို ဒါက ကိုယ့်ကိုယ်ပိုင် သေနတ် အတွက် ကိုယ်တာဝန်ယူတဲ့ ကျွန်တော့်လိုလူနဲ့ သက်ဆိုင်တယ်လို့ ပြောလို့ မရပါဘူး။"

ဒီကိစ္စမှာ ပြဿနာ အရင်းခံက လူတဦးတယောက်ရဲ့ တာဝန်ခံနိုင်မှု က အဓိကလို့ သူက ယုံကြည်ပါတယ်။ သေနတ်ဆိုတဲ့ အရာကို မော်တော်ကားလို အသုံးတည့်တဲ့ အရာတခုအဖြစ် သူကသတ်မှတ်ပြီး တာဝန်ခံနိုင်မှု မရှိတဲ့ လူရဲ့ လက်ထဲရောက်သွားရင် သေစေနိုင်တဲ့ လက်နက်တခု ဖြစ်သွားနိုင်တယ်လို့ သူက ခံယူပါတယ်။

ဒါပေမယ့် Connecticut ပြည်နယ် အထက်လွှတ်တော် အမတ် Chris Dodd ကတော့ အခုလို လူတဦးတယောက်ရဲ့ တာဝန်ခံနိုင်မှု ပေါ်မူတည်ပြီး ကာလကြာရှည်စွာ ချမှတ်ခဲ့တဲ့ ဥပဒေတွေကနေ အမေရိကန် ကလေးငယ်တွေရဲ့ အသက်ကို ကာကွယ်နိုင်လောက်တဲ့ အနေအထား ရှိမရှိ မေးခွန်းထုတ်ခဲ့ပါတယ်။ ဒီနေရာမှာ တာဝန်ကို အားလုံးက စုပေါင်းပြီး ယူကြဖို့ပါ။

“ဒီကနေ့ အမေရိကန်နိုင်ငံမှာ နိုင်ငံသားတွေဟာ နေ့တိုင်း အန္တရာယ်ကြားမှာ သွားလာနေကြရတာပါ။ ဘာဖြစ်လို့လဲဆိုတော့ ကျည်ဆံအပြည့်နဲ့ သေနတ်တွေသယ်ပြီး လွတ်လွတ်လပ်လပ် သွားလာခွင့်တွေရနေလို့ဆိုတာကို တွေးမိတော့ ကျွန်တော်အတော့်ကို လန့်သွားပါတယ်။"

တချိန်ထဲမှာပဲ စနေနေ့က Maryland ပြည်နယ် Baltimore မြို့က ကုန်တိုက်ကြီးထဲမှာ မြို့နယ်အာဏာပိုင်တွေပါ ပါဝင်ဆောင်ရွက်တဲ့ သေနတ်နဲ့ တခြားပစ္စည်းလဲလှယ်ရေး အစီအစဉ် ကျင်းပခဲ့ပါတယ်။ ဒီအစီအစဉ်မှာ ပါဝင်လှုပ်ရှား လာသူ အများအပြားရှိပါတယ်။ ကိုယ်ပိုင်အဖြစ် မှတ်ပုံတင်ထားတဲ့သေနတ် ဒါမှမဟုတ် မှတ်ပုံတင်မရှိတဲ့ သေနတ်တွေကို ဒေသခံ တွေက ရဲတွေကိုအပ်ကြသလို သေနတ်လာအပ် သူတွေကို ရဲတွေက ဒေါ်လာတရာတန် ပစ္စည်းဝယ်ခွင့် လက်မှတ်တွေ ထုတ်ပေးပါတယ်။

"အခုလာပြီးအပ်တဲ့သေနတ်တွေ အားလုံးကို ကျွန်တော်တို့က မီးရှို့ဖျက်ဆီးဖို့ အစီအစဉ်ရှိပါတယ်။ Connecticut မှာ ဖြစ်သွားခဲ့တဲ့ ပစ်ခတ်မှုက သိပ်ကိုကြောက်စရာကောင်းပါတယ်။ ဒါမျိုး ထပ်ပြီး ဖြစ်တာမမြင်ချင်တော့ ပါဘူး။ အထူးသဖြင့် ကျွန်တော်တို့ရဲ့ ဒီ Baltimore မြို့မှာမဖြစ်စေချင်တာပါ။"

ရာသီဥတုက သိပ်ကို အေးနေပေမယ့် ဘယ်လ်တီမိုး မြို့ခံတွေဟာ စိတ်ရှည်လက်ရှည် တန်းစီပြီး သေနတ်တွေ အပ်နေကြပါတယ်။

"အခုလို လုပ်တာဟာ ကလေးတွေရှိတဲ့ အိမ်တွေမှာ ရှိနေတဲ့ သေနတ်တွေကို ဖယ်ပစ်ဖို့ အကောင်းဆုံး လုပ်ရပ်လို့ ကျမထင်ပါတယ်။ ကလေးရှိတဲ့ နေရာမှာ သေနတ် အနီးအနားမှာ ရှိနေတာမျိုးဟာ ဘယ်တော့မှ မကောင်းဘူး ဆိုတာ ကျမတို့ အားလုံး သိနေတာပဲလေ"

စနေနေ့ တနေ့ထဲမှာတင် သေနတ် အလက်ပေါင်း ၅၀၀ လောက် လာပြီး အပ်နှံခဲ့ကြတာပါ။ ဒီအစီအစဉ်ကို လုပ်ဖို့ ကမကထလုပ်တဲ့ သူကတော့ တခြား မြို့တွေမှာလည်း အလားတူ လုပ်ဖို့ ဆုံးဖြတ်ထားတယ်လို့ ဆိုပါတယ်။ Connecticut က ဖြစ်ရပ်ကို လက်တွေ့ မြင်ခဲ့ရတဲ့ ဒေသခံတွေ ကတော့ အမေရိကန်နိုင်ငံမှာ သေနတ်ကိုင်ဆောင်မှုကို ထိမ်းချုပ်ဖို့ လိုနေပြီ လို့ပြောဆိုကြသလို ဒီလိုဖြစ်ရပ်ဆိုး မဖြစ်သင့်ပဲ ဖြစ်ပွါးခဲ့ရတာအတွက် ဒေါ်သထွက်နေကြပါတယ်။


Ref: ဗွီအိုအေ

Read More...

သမ္မတဦးသိန်းစိန် နဲ့ ထိုင်းဝန်ကြီးချုပ် ထားဝယ် ရေနက် စီမံကိန်း လေ့လာ

နိုင်ကွန်းအိမ်
17.12.2012

တနင်္သာရီတိုင်းဒေသကြီးမှာ တည်ဆောက်နေတဲ့ ထားဝယ်ရေနက်ဆိပ်ကမ်းစီမံကိန်းနဲ့ အထူးစီးပွားရေးဇုံ စီမံကိန်းကို သမ္မတဦးသိန်းစိန်နဲ့ ထိုင်းနိုင်ငံဝန်ကြီးချုပ် ယင်းလတ် ရှင်နာဝပ်တို့ ဒီကနေ့ သွားရောက် လေ့လာခဲ့ ပါတယ်။ ဒီ အထူးစီးပွါးရေးစီမံကိန်းအောင်မြင်အောင် ထိုင်းမြန်မာ နှစ်နိုင်ငံ ပူးပေါင်းဆောင်ရွက် သွားဖို့ ဆွေးနွေးခဲ့တယ်လို့ စီးပွါးရေးဇုံ တာဝန်ရှိသူတွေကပြောပါတယ်။ ဒါပေမဲ့လည်း ဒီစီမံကိန်းကြောင့် ထိခိုက်မှုဖြစ်ရတဲ့ ဒေသခံတွေ အတွက် ထိရောက်တဲ့ ကူညီ လုပ်ဆောင်ပေးမှုတွေ မရှိဘူးလို့ စီမံကိန်း ကို လေ့လာ စောင့်ကြည့်နေသူတွေက ဝေဖန်ကြပါတယ်။ ဒီအခြေအနေ အပြည့်အစုံကိုတော့ ထိုင်းအခြေစိုက်သတင်းထောက် နိုင်ကွန်းအိန်က သတင်းပေးပို့ ထားပါတယ်။

နိုင်ငံတော်သမ္မတဦးသိန်းစိန်ခေါင်းဆောင်တဲ့အစိုးရအဖွဲ့ဝင်တွေနဲ့ ထိုင်းနိုင်ငံဝန်ကြီးချုပ် ယင်လတ်ရှင်နာဝပ် ဦး ဆောင်တဲ့အဖွဲ့ဟာ ဒီဇင်ဘာ(၁၇)ရက်နေ့မှာ တနင်္သာရီတိုင်းဒေသကြီး ထားဝယ်အထူးစီးပွါးရေးဇုံကို သွား ရောက်လေ့လာခဲ့ပါတယ်။ ဒီထားဝယ် ရေနက် ဆိပ်ကမ်းစီမံကိန်းနဲ့ အထူးစီးပွါးရေးဇုံ စီမံကိန်းအောင်မြင်ဖို့ နှစ်နိုင်ငံ အစိုးရတို့ပူးပေါင်း လုပ်ဆောင် သွားဖို့ပြောဆိုခဲ့တယ်လို့ ထားဝယ်အထူးစီးပွားရေးဇုန် အထောက်အကူပြုလုပ်ငန်း အဖွဲ့(ယာယီ) ဥက္ကဌ ဦးတင်မောင်ဆွေကအခုလိုပြောပါတယ်။

“တွေ့ဆုံတဲ့အချိန်မှာတော့ ဒီစီမံကိန်းအောင်မြင်ဖို့အတွက် နှစ်နိုင်ငံအစိုးရ ပူးပေါင်းပြီးတော့ အောင်မြင်အောင် ဆောင်ရွက်သွားမယ် ဆိုတာ ဒီဥစ္စာဘဲအဓိကပြောသွားပါတယ်။ ဒီကနေ့(၁၇)ရက်နေ့ ထားဝယ်အထူးစီးပွါးရေးဇုံမှာ နိုင်ငံတော်သမ္မတကြီးနဲ့အတူ ထိုင်းနိုင်ငံဝန်ကြီးချုပ် ထိုင်းနိုင်ငံဘက်က ၀န်ကြီးတွေ ဌာနဆိုင်ရာတွေပေါ့နော် သူတို့ဆီက ရင်းနှီးမြုပ်နှံမဲ့ လုပ်ငန်းရှင်တွေပါတယ်။ ကျွန်တော်တို့ဘက်ကလဲ ပြည်ထောင်စုဝန်ကြီးတွေပါတယ်။”

၂ဝဝ၈ခုနှစ်ကတည်းက မြန်မာနဲ့ထိုင်းနှစ်နိုင်ငံပူးတွဲပြီး ထားဝယ်ရေနက်ဆိပ်ကမ်း တည်ဆောက်ရေးစီမံကိန်း နားလည်မှုစာချွန်လွှာ လက်မှတ်ရေးထိုး ခဲ့ကြပြီးတဲ့နောက်မှာ နိုင်ငံတော်သမ္မတဦးသိန်းစိန်နဲ့ ထိုင်းဝန်ကြီးချုပ်ယင်လတ်ရှင်နာဝပ်တို့ ပထမဆုံးအကြိမ် ထားဝယ်ရေနက်စီမံကိန်းနေရာကို လာရောက်ကြည့်ရှုတာဖြစ်ပါတယ်။

မြန်မာအစိုးရအနေနဲ့ ထားဝယ်ရေနက်ဆိပ်ကမ်းစီမံကိန်းနဲ့ အထူးစီးပွါးရေးဇုံစီမံကိန်းကို Italian-Thai နဲ့အကျိုးတူ ပူးပေါင်းလုပ် ဆောင်သွားမှာဖြစ်ပြီး ၂၀၁၃ခုနှစ်မှာစတင်အကောင်အထည်ဖေါ် လုပ်ဆောင်သွားမှာ ဖြစ်တယ်လို့ ထားဝယ်အထူးစီးပွားရေးဇုန် အထောက်အကူပြုလုပ်ငန်းအဖွဲ့ (ယာယီ) ဥက္ကဌဦးတင်မောင်ဆွေက အခုလိုပြောပါတယ်။

“(၂၀၁၃)မှာစပါမယ်ခင်ဗျ။ နှစ်နိုင်ငံဆက်သွယ်မဲ့ မြန်မာနဲ့ဆက်သွယ်မဲ့ကားလမ်းပေါ့။ နောက်တခုက ရေနက်ဆိပ်ကမ်းပထမအဆင့် နောက်တော့ဒီဓါတ်အားပေးစက်ရုံ နောက်တခုကဆက်သွယ်ရေးကွန်ယက် နောက်ပြီးတော့ရေရရှိရေးပေါ့နော်။ အသေးစားစက်မှုလုပ်ငန်း ဒီဥစ္စာတွေစပြီး ဆောင်ရွက်သွားမယ်။”

ဒီစီမံကိန်းအတွက် ရေဖြူမြို့နယ်နဲ့လောင်းလုံမြို့နယ်ထဲက ကျေးရွာအများအပြားပြောင်းရွှေ့ပေးရမှာဖြစ်သလို အပြောင်းရွှေ့ခံရွာသား တွေအတွက် အဆင်ပြေမဲ့နေရာသစ်တွေကိုလဲဆောက်လုပ်နေဆဲလို့လဲ ဦးတင်မောင်ဆွေ က ဆက်ပြောပါတယ်။

“စီမံကိန်းနဲ့မလွတ်ကင်းတဲ့ကျေးရွာတွေကျတော့ ကျွန်တော်တို့ရွှေ့ပေးရမှာဖြစ်ပါတယ်။ ရွာသူရွာသား တွေကိုမနစ်နာအောင် ကျွန်တော် တို့အကုန်လုံး လက်ရှိလူနေမှုနဲ့အဆင့်မြင့်အောင် အကုန်ဆောက်ပေးပြီးတော့ အကုန်လုံးအဆင်ပြေတဲ့နေရာမှာ ကျွန်တော်တို့လုပ် ပေးပါမယ်။ ဇုံနယ်မြေနယ်နမိတ်ထဲမှာပါတဲ့ကျေးရွာ(၁၆)ရွာပါ။ တပြိုင်ထဲမရွှေ့ပါဘူးခင်ဗျား။

သူတို့အတွက်ရေတွေမီးတွေအကုန်လုံးအဆင်သင့်ဖြစ်တဲ့အချိန်ကျမှ ကျွန်တော် တို့ကအဲဒီမှာရွှေ့မှာပါ။ နဘုလယ်ဒေသ ကျေးရွာ(၅)ရွာ ကတော့ ဇုံဒေသမှာ ဘ၀ါနေရာမှာ ရွှေ့ပါမယ်။ နောက်တော့ ရေဖြူမြို့နယ်ထဲက ကျေးရွာတွေကတော့ ပဂေါဇွန်းဆိုတဲ့နေရာမှာ ကျွန် တော်တို့ရွှေ့ပါ့မယ်။ ဒေသခံတွေအတွက် ဒီဒေသမှာအရင်ဆုံး အကျိုးကျေးဇူးခံစားရမှာပါ။ ဒီစီမံကိန်းကြောင့်အလုပ်အကိုင်ရရှိတယ်။ လမ်းမီးရေ တွေနဲ့မြန်မာနိုင်ငံတနိုင်ငံလုံးကို အကုန်လုံးအတွက်ကို အကျိုးရှိမှာဖြစ်ပါတယ်။”

ဒီစီမံကိန်းကြောင့် ဒေသခံကျေးရွာသားဦးရေ(၂)သောင်းကျော် ပြောင်းရွှေ့ခံရမှာဖြစ်ပါတယ်။ ဒေသခံကျေးရွာသား တွေကတော့ မိမိတို့ဓါးဦးချလုပ်ကိုင်ခဲ့တဲ့ မြေနေရာကိုပြောင်းရွှေ့လိုခြင်းမရှိဘူးလို့ဒေသခံနမူးဒူး ရွာသားတဦးက ပြောပါတယ်။ အခုလိုကျေးရွာ ပြောင်းရွှေ့တဲ့ အစီအစဉ်ဟာ ပွင့်လင်းမြင်သာမှုမရှိသေးသလို နစ်နာကြေးတွေမရရှိ တဲ့ဒေသခံတွေရှိနေသေးတယ်လို့ ထားဝယ် ဖွံ့ဖြိုးရေးအဖွဲ့ဝင် ကိုလေးလွင်ကအခုလိုပြောပါတယ်။

“အခုအချိန်ထိရွာကို မသိသေးတဲ့အတွက် လျော်ကြေးမရသေးပါဘူးခင်ဗျ။ ဘယ်လောက်ပေးမလဲဆိုတော့ ကျွန်တော်တို့ မသိ သေးပါ ဘူးခင်ဗျ။ အဲတာက သူတို့ အကြိမ်ကြိမ် ညှိနှိုင်းပြီးမှ ပြောဆိုနေကြတာ။ အခုဟာက ကျောက်တန်းဆိုတဲ့ တောင်တတောင်ရှိတယ်။ အဲဒီတောင်ကြားကိုစဖြတ်ပြီးတော့မှ ၀င်လာကတည်းကိုက အဲဒီခြံရှင်တွေကလျော်ကြေး မရဘဲနဲ့အထိုးခံထားရတဲ့ခြံတွေရှိတယ်ခင်ဗျ။ အခုချိန်ထိပိုက်ဆံမရသေးတဲ့ သူရှိနေပါတယ်။”

ဒါ့အပြင် စီမံကိန်းမြေနေရာအတွက် ယခင်စိုက်ပျိုးထားတဲ့သစ်ပင်စိုက်ခင်းတွေကို ခုတ်လှဲရမှာဖြစ်သလို ရေနံနဲ့ ဓါတုထုတ်လုပ်တဲ့ စက်ရုံတွေကြောင့် သဘာဝပါတ်ဝန်းကျင်ထိခိုက်နိုင်တယ်လို့ သဘာဝပါတ်ဝန်း ကျင်ထိန်းသိမ်းရေးအဖွဲ့က ဆရာဦးထွန်းရီကပြောပါတယ်။

“ကျွန်တော်တို့ ထားဝယ်မြို့အနေအထားအရ ဆိုလို့ရှိရင် ရေနက်ဆိပ်ကမ်း အနီးအနားပါတ်ဝန်းကျင်မှာရှိတဲ့ ရွာတွေဟာ တကယ်တော့ စိုက်ရေးပျိုးရေးဖြစ်တဲ့ ဆီအုန်းတို့ ရာဘာတို့ အစုံသော အခြေအနေရှိတဲ့နေရာတွေပါ။ ကျွန်တော်တို့ သဘာဝပါတ်ဝန်းကျင် ပျက်စီး မှုမရှိခဲ့ပါဘူး။ အဲဒီမှာလုပ်တဲ့စက်ရုံဧကပေါင်းမြောက်များစွာလုပ်တဲ့ အချိန်မှာ မြေနေရာ ပျက်သုဉ်းသွားတာကြောင့် စက်ရုံတွေတည် မယ်ဆိုလို့ရှိရင် အဲဒီကထွက်ရှိလာတဲ့ ကာဗွန်ဒိုင်အောက်ဆိုဒ်တွေရော မက်သနောတွေအားလုံးပေါ့ဗျာ ထွက်လာတဲ့အငွေ့တွေ ကျွန်တော်တို့ ဆိုးကျိုးတွေမြောက်များစွာရှိလာမှာပါ။”

ဒီထားဝယ်ရေနက်ဆိပ်ကမ်းက မြန်မာပြည်မှာ ပထမဆုံးစလုပ်တဲ့ အကြီးစား စီမံကိန်းဖြစ်ပြီး ရေနက်ဆိပ်ကမ်း၊ လျှပ်စစ်ဓာတ်အားပေး စက်ရုံ၊ စက်မှုနယ်မြေများအပါအ၀င် အထူးစီးပွားရေးဇုန်တည်ဆောက်ရေးလုပ်ငန်းတွေ ထိုင်းနိုင်ငံနဲ့ဆက်သွယ်မဲ့မော်တော်ကားလမ်း၊ ရထားလမ်းတို့ အတွက် အမေရိကန်ဒေါ်လာသန်း ၈၆၀၀ခန့် ရင်းနှီးမြှပ်နှံပြီးတော့ ၁၀ နှစ်အတွင်း အပြီး တည်ဆောက်သွားမှာဖြစ်ပါတယ်။


Ref: ဗွီအိုအေ

Read More...

ဂျပန်အစိုးရသစ်ပြောင်းပေမဲ့ မြန်မာ့ ODA အစီအစဉ် မပြောင်းနိုင်

စုမြတ်မွန်
17.12.2012

ဂျပန်နိုင်ငံမှာ တနင်္ဂနွေနေ့က ကျင်းပခဲ့တဲ့ ရွေးကောက်ပွဲမှာ အနိုင်ရသွားတဲ့ Liberal Democratic Party အစိုးရသစ်အနေနဲ့ မြန်မာ နိုင်ငံအပေါ်ထားတဲ့ မူဝါဒကို သိသိသာသာ ပြောင်းလဲမှာ မဟုတ်ဘူးလို့ ဂျပန် အကြီးတန်း သုတေသီတယောက်က ပြောလိုက်ပါတယ်။ ဂျပန်အစိုးရသစ်အနေနဲ့ ဖွံ့ဖြိုးဆဲနိုင်ငံတွေကိုပေးတဲ့ ODA ထောက်ပံ့ကူညီမှုတချို့ကိုလျှော့ချဖို့ ရှိနေပေမဲ့ မြန်မာနိုင်ငံအပေါ်ကိုတော့ လျှော့မှာ မဟုတ်ဘူးလို့ ဖွံ့ဖြိုးဆဲနိုင်ငံများလေ့လာရေး သိပ္ပံက အကြီးတန်းသုတေသီ Toshihiro Kudo က VOA မြန်မာပိုင်းကို ပြောပါတယ်။ Shinzo Abe အစိုးရသစ်နဲ့ မြန်မာနိုင်ငံကြား ဆက်ဆံရေးအလားအလာနဲ့ ပါတ်သက်လို့ စုံစမ်းထားတဲ့ ဘန်ကောက်ရုံးက မစုမြတ်မွန်က တင်ပြပါမယ်။

တနင်္ဂနွေနေ့က ဂျပန်နိုင်ငံ ရွေးကောက်ပွဲမှာ Yoshihiko Noda ရဲ့ Democratic Party ကို Liberal Democratic Party က အနိုင်ရခဲ့ပြီး နောက်မှာ ပါတီခေါင်းဆောင် ရှင်ဇိုအာဘေးရဲ့ အစိုးရသစ် တက်လာတော့မှာဖြစ်ပါတယ်။ ဝန်ကြီးချုပ်သစ်၊ အစိုးရသစ် ဖြစ်လာတော့ မှာဖြစ်ပေမဲ့ မြန်မာနိုင်ငံအပေါ်ထားတဲ့ မူဝါဒကတော့ သိသိသာသာကြီး ပြောင်းလဲသွားမှာ မဟုတ်ဘူးလို့ ဂျပန် စီးပွားရေး ကုန်သွယ်ရေးနဲ့ စက်မှုလုပ်ငန်းဆိုင်ရာ ဝန်ကြီးဌာနအောက်မှာ ရှိတဲ့ ဖွံ့ဖြိုးဆဲနိုင်ငံများလေ့လာရေးသိပ္ပံ IDE-JETRO က အကြီးတန်းသုတေသီ Toshihiro Kudo က VOA မြန်မာပိုင်းကိုပြောပါတယ်။ Mr. Kudo ဟာ မြန်မာနိုင်ငံစီးပွားရေး ဖွံ့ဖြိုးတိုးတက်မှုကို အဓိက လေ့လာနေသူလဲဖြစ်ပါတယ်။

“လက်ရှိ ဂျပန်နဲ့ မြန်မာနိုင်ငံကြားရှိနေတဲ့ ကောင်းမွန်တဲ့ ဆက်ဆံရေးဟာ ဂျပန်အစိုးရသစ် တက်လာတဲ့အခါ ပြောင်းလဲသွားမယ်လို့ ကျွန်တော် မထင်ပါဘူး၊ ဂျပန် ဒိုင်ယတ်လွှတ်တော်ထဲက ပါတီစုံ ညွှန့်ပေါင်းအဖွဲ့ကလဲ ရာထူးကနေ ထွက်ပေးရတော့မဲ့ လက်ရှိဂျပန်အစိုးရနဲ့ မြန်မာနိုင်ငံကြား ဆက်ဆံရေးအခြေအနေကို အားပေးနေတာပါ၊ မြန်မာနိုင်ငံဖွံ့ဖြိုးတိုးတက်ရေးအတွက် ဂျပန်အစိုးရက ODA ထောက် ပံ့ကြေးပြန်ပေးတဲ့ ကိစ္စ၊ သီလဝါ အထူးစီးပွားရေးဇုံစီမံကိန်းကိစ္စတွေကြောင့် မြန်မာနဲ့ ဂျပန် ဆက်ဆံရေးဆက်ကောင်းအောင် အားပေး နေကြသူတွေ အများကြီးရှိပါတယ်၊ ဒါကြောင့် အစိုးသစ်အနေနဲ့လဲ လက်ရှိ ရှိနေတဲ့ အခြေအနေအတိုင်း ဆက်ပြီး ထိန်းသိမ်း ထားပါ လိမ့်မယ်၊ နောက်တချက်က အသစ်တက်လာမဲ့ ဝန်ကြီးချုပ် အာဘေးဟာလဲ မြန်မာနိုင်ငံကို အင်မတန် အားပေး ထောက်ခံသူ တ ယောက်ဖြစ်ပါတယ်၊ နောက်ပြီးတော့ ဂျပန်နဲ့ တရုတ်ဆက်ဆံရေးအပါအဝင် ဂျပန်နဲ့ နိုင်ငံတကာဆက်ဆံရေးပိုင်း၊ စီးပွားရေးပိုင်းမှာ မြန်မာနိုင်ငံ ဟာ ဗြူဟာမြောက်အရေးပါတယ် ဆိုတာကို ကောင်းကောင်းနားလည်သူ တယောက်ဖြစ်ပါတယ်” လို့ Mr. Kudo ပြော သွားတာဖြစ်ပါတယ်။

လက်ရှိ ဂျပန်နိုင်ငံရဲ့ အခြေအနေမှာ မြန်မာနိုင်ငံဟာ ဂျပန်နိုင်ငံအတွက် စီးပွားရေးအရ အခွင့်အလမ်းသစ်တွေပေါ်ပေါက်လာတာမို့ မြန်မာနိုင်ငံကို အရေးပါလာပြီလို့ သတ်မှတ်လာကြပြီဆိုတာကိုလဲ အကြီးတန်းသုတေသီ Mr. Kudo က သုံးသပ်ပြပါတယ်။

“အရှေ့တောင်အာရှနိုင်ငံတွေအားလုံး၊ အာဆီယံနိုင်ငံတွေအားလုံးက ဂျပန်နိုင်ငံအတွက် အရေးကြီးပါတယ်၊ ဒါပေမဲ့ မြန်မာနိင်ငံကတော့ တချို့အချက်တွေကြောင့် ပိုပြီး အရေးကြီးတာပါ၊ အဓိကတချက်ကတော့ စီးပွားရေးအတွက်ပါ၊ အရင်တုန်းက သီးခြားဖြစ်နေတဲ့ မြန်မာ နိုင်ငံဟာ အခုတော့ လမ်းတွေ အများကြီးဖွင့်နေပြီဖြစ်လို့ စီးပွားရေးအတွက် အခွင့်အလမ်းကောင်းတွေ နောက်ဆုံးပေါ်ထွက်လာတဲ့ နယ်ပယ်အသစ် Last Frontier လို့ ဂျပန်မှာ ပြောနေကြပါပြီ၊ နောက်တချက်ကတော့ သံတမန်ရေးအရ အရေးပါပါတယ်၊ မြန်မာနိုင်ငံဟာ အရှေ့တောင်အာရှမှာ အင်မတန် ဗျူဟာမြောက်တဲ့ ပထဝီအနေအထားမှာ ရှိပါတယ်၊ အရင် စစ်အစိုးရလက်ထက်တုန်းကတော့ မြန်မာဟာ တရုတ်အပေါ်မှာ မှီတည် အားကိုးခဲ့ပါတယ်၊ အခုတော့ မြန်မာက သူ့ရဲ့ သံတမန် ဆက်ဆံရေးကို မျှတအောင် ကြိုးစားလာတာ တွေ့ရပါ တယ်။ ဒီလိုအခြေအနေမှာ ဂျပန်လဲ သူ့ရဲ့ အကျိုးအတွက် မြန်မာနဲ့ ကောင်းမွန်တဲ့ ဆက်ဆံရေး ရှိထားဖို့ အရေးကြီးပါတယ်"လို့ သုံးသပ် သွားတာဖြစ်ပါတယ်။

အသစ်တက်လာမဲ့ အစိုးရသစ်အနေနဲ့ စီးပွားရေးအရ ခက်ခဲတဲ့ ဆုံးဖြတ်ချက်တွေ ချရမဲ့ အနေအထား ရှိနေချိန်မှာ မြန်မာနိုင်ငံအပါအဝင် ဖွံ့ဖြိုးဆဲ နိုင်ငံတွေအတွက် ပေးတဲ့ ဖွံ့ဖြိုးရေးဆိုင်ရာ ODA အကူအညီပိုင်းမှာ အပြောင်းအလဲ ရှိနိုင်သလားဆိုတာကိုလဲ Mr. Toshihiro Kudo ကို မေးကြည့်ပါတယ်။

“ကျွန်တော့်အထင်တော့ ပြောင်းမယ် မထင်ပါဘူး၊ ODA ဘတ်ဂျက်တခုလုံး လျော့ကောင်းလျော့ သွားနိုင်ပါတယ်၊ ဒါပေမဲ့ မြန်မာကို ပေးမဲ့ ODA ပမာဏကတော့ ပြောင်းလဲသွားမှာ မဟုတ်ပါဘူး၊ ဂျပန် ပြည်တွင်းစီးပွားရေးအခြေအနေ တိုးတက်ရေးအာရုံစိုက်ဖို့ ထောက်ပံကြေး အသုံးစရိတ်တွေကို လျှော့ချတဲ့ အခြေအနေရောက်ကောင်း ရောက်နိုင်ပါတယ်၊ ဒါပေမဲ့ ရာထူးကနေ ဖယ်ပေးရမဲ့ Mr. Noda အစိုးရက မြန်မာနိုင်ငံအတွက် ODA ထောက်ပံ့ကြေး ယန်း သန်း ၅၀၀ ပေးပါမယ်လို့ ကတိပေးထားတဲ့အတိုင်း အသစ်တက်လာမယ့် အစိုးရသစ်ကလဲ ပေးမယ်လို့ ကျွန်တော်ထင်ပါတယ်၊ ဒီပမာဏကိုတော့ အစိုးရသစ်က လျှော့လိုက်မှာ မဟုတ်ဘူးထင်ပါတယ်" လို့ ဖွံ့ဖြိုးဆဲနိုင်ငံ များ လေ့လာရေးသိပ္ပံ IDE-JETRO က အကြီးတန်းသုတေသီ Toshihiro Kudo က VOA မြန်မာပိုင်းကို ပြောပါတယ်။


Ref: ဗွီအိုအေ

Read More...

ဆီးရီးယားအစိုးရတပ် ဒုက္ခသည်စခန်းကို ဗုံးကျဲ တိုက်ခိုက်

17.12.2012

ဆီးရီယားနိုင်ငံမှာ အကြမ်းဖက်မှုအခြေအနေတွေ ပိုဆိုးလာတဲ့အပေါ် ကုလသမဂ္ဂအတွင်းရေးမှုးချုပ် ဘန်ကီမွန်းက ဝေဖန်ရှုတ်ချလိုက် ပါတယ်။ ဆီးရီယားထဲမှာရှိတဲ့ ပါလက်စတိုင်းဒုက္ခသည်စခန်းတခုကို ဆီးရီယားအစိုးရတပ်က လေယာဉ်နဲ့ ဗုံးကြဲတိုက်ခိုက်တယ်ဆိုတဲ့ သတင်းဟာ အင်မတန်ကို စိုးရိမ်ပူပင်စရာအခြေအနေဖြစ်တယ်လို့ ကုလသမဂ္ဂအတွင်းရေးမှုးချုပ် ဘန်ကီမွန်းက ပြောဆိုသွားပါတယ်။ Yarmouk ဒုက္ခသည်စခန်းကို ဆီးရီယားအစိုးရက ဗုံးကြဲတိုက်ခိုက်တာကြောင့် အနဲဆုံး လူ ၈ ဦး သေဆုံးခဲ့တယ်လို့ ဆီးရီယားအတိုက် အခံလှုပ်ရှားသူတွေက ပြောပါတယ်။

သမ္မတအာဆပ်အစိုးရအနေနဲ့ ၂၀၁၁ခုနှစ် မတ်လက စလို့ အတိုက်အခံတွေကိုနှိမ်နင်းနေရာမှာ၊ ဒုက္ခသည်စခန်းတခုကို အခုလို လေ ကြောင်း ကနေ တိုက်ခိုက်တာမျိုးဟာ ပထမဆုံးအကြိမ်ဖြစ်ပါတယ်။ လူဦးရည်ထူထပ်တဲ့ အရပ်သားနယ်မြေတခုကို ဗုံးကြဲတိုက်ခိုက်မှုမှာ ခိုင်လုံတဲ့ အထောက်အထားတွေရှိထားပြီး၊ ဒီလို အရပ်သားလူထုအပေါ် အကြမ်းဖက် တိုက်ခိုက်မှုကို ဝေဖန်ရှုတ်ချတယ်လို့ ကုလသမဂ္ဂ အတွင်းရေးမှုးချုပ် ဘန်ကီမွန်းက ကြေညာချက် ထုတ်ခဲ့ပါတယ်။

မနေ့ တနင်းနွေနေ့တုန်းက ဆီးရီယားအစိုးရက လေကြောင်းတိုက်ခိုက်မှု ၆ ခု ပြုလုပ်ခဲ့ရာမှာ၊ အဲဒီ ဒုက္ခသည်စခန်းကို တိုက်ခိုက်တာဟာ တခုအပါအ၀င် ဖြစ်တယ်လို့ ဗြိတိန်အခြေစိုက် လူ့အခွင့်အရေးစောင့်ကြပ်မှုအဖွဲ့က ကြေညာပါတယ်။ သူပုန်တွေဟာ သူတို့ ခြေကုတ် ယူထားတဲ့ နေရာတွေကနေ မြို့တော်အနီးအထိ ချည်းကပ်လာပြီလို့လည်း ဆိုပါတယ်။


Ref: ဗွီအိုအေ

Read More...

ကင်မ်ဂျူံအီလ် ကွယ်လွန်ခြင်း တနှစ်ပြည့် ကျင်းပ

17.12.2012

မြောက်ကိုရီးယားနိုင်ငံမှာ ခေါင်းဆောင် Kim Jong Il ကွယ်လွန်တဲ့ တနှစ်ပြည့် အထူးအောင့်မေ့ဖွယ်အခမ်းအနားကို သားဖြစ်သူ လက်ရှိ မြောက်ကိုရီယားခေါင်းဆောင် Kin Jong Un က ဦးောဆင်ပြီး ပြုလုပ်သွား ပါတယ်။ မြောက်ကိုရီးယား အစိုးရပိုင်းသတင်းရဲ့ထုတ်လွင့်ပြသမှု မှာတော့ သောင်းနဲ့ချီတဲ့ လူထုဟာ မြို့တော်ရဲ့ Sun ဂူဗိမာန်ရှိရာ Kumsusan နန်းတော်အပြင်ဖက်မှာ တိတ်တိတ်ဆိတ်ဆိတ် ရပ်နေတာကို မြင်ရပါတယ်။

လက်ရှိ မြောက်ကိုရီယားခေါင်းဆောင်ရဲ့ ဖခင်ဖြစ်သူ Kim Joing Il ရုပ်အလောင်းကို အဲဒီဂူဗိမာန်မှာ မြှုပ်နှံထားတာပါ။ နောက် ခရာမှုတ်ပြီး သုံးမိနစ်ကြာ တိတ်ဆိတ်ငြိမ်သက် ဂုဏ်ပြုကြပါတယ်။ အဲဒါကို မြောက်ကိုရီယားတနိုင်ငံလုံးနဲ့ ပင်လယ်ပြင်က သင်္ဘောတွေမှာပါ တိတ် ဆိတ်ငြိမ်သက်မှုလုပ်ခဲ့ကြတာပါ။ မြောက်ကိုရီယားခေါင်းဆောင် Kim Joing Il ဟာ လွန်ခဲ့တဲ့တနှစ်က နှလုံးရောဂါနဲ့ ကွယ်လွန်ခဲ့တာပါ။ သူဟာ မြောက်ကိုရီယားနိုင်ငံတည်ထောင်သူ ဖခင်ဖြစ်တဲ့ Kim Il Sung အရိုက်အရာကို ခံယူပြီး နိုင်ငံကို နှစ်ပေါင်း ၂၀ အုပ်ချုပ်ခဲ့ပါတယ်။

ပြီးခဲ့တဲ့ရက်ပိုင်းတုန်းက အောင်အောင်မြင်မြင်လွတ်တင်နိုင်ခဲ့တဲ့ တာဝေးပစ်ဒုံးကျည် စမ်းသပ်မှုမှာလုပ်ခဲ့ကြတဲ့ သိပ္ပံပညာရှင် အတော် များများလည်း ဒီ ဂုဏ်ပြုပွဲမှာ တွေ့ရပါတယ်။ KIM မိသားစုဟာ မျိုးဆက်သုံးခုမြောက် အထိ အခု မြောက်ကိုရီယားနိုင်ငံကို အုပ်ချုပ်နေတာ နှစ်ပေါင်း ၆၀ကျော်သွားပါပြီ။


Ref: ဗွီအိုအေ

Read More...

ဒေါ်အောင်ဆန်းစုကြည်အတွက် ဂုဏ်ထူးဆောင်ဒီမိုကရေစီဆု

မမိုးဖြူ
17.12.2012

မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်ကို ၂၀၁၂ ခုနှစ်အတွက် Ion Ratiu ဂုဏ်ထူးဆောင် ဒီမိုကရေစီ ဆုချီးမြှင့် လိုက် တယ်လို့ အမေရိကန်အခြေစိုက် Wilson သုတေသနအဖွဲ့က ကြေညာလိုက်ပါတယ် ။ လာမယ့်လထဲမှာ ချီးမြှင့်မယ့် ဒီဆုပေးပွဲ အကြောင်း ပြည့်ပြည့်စုံစုံ သိရအောင် ဆက်သွယ်မေးမြန်းထားတဲ့ မမိုးဖြူက တင်ပြပေးထားပါတယ်။

“The Ion Ratiu Democracy Award” ဆိုတဲ့ ဒီမိုကရေစီဂုဏ်ပြုဆုကို ကမ္ဘာတလွှား ဒီမိုကရေစီရေး ကြိုးပမ်းဆောင်ရွက်မှု သမိုင်းမှာ ထူးခြားပြောင်မြောက်တဲ့ စိတ်ကူးဥာဏ်ရည်၊ ကြံ့ကြံ့ခိုင်တဲ့ ရဲစွမ်းသတ္တိနဲ့ ပြည့်စုံတဲ့သူတွေရဲ့ လက်ရုံးရည်၊ နှလုံးရည်တွေကို အသိအမှတ်ပြု ချီးမြှင့်လေ့ ရှိပါတယ်။ Romania နိုင်ငံရေးသမား Ratiu ရဲ့ အမည်ကို ရည်ညွှန်းထားတဲ့ ဒီဆုကိုလာမယ့် လထဲမှာ ဒေါ်အောင်ဆန်း စုကြည် ကို ပေးအပ်ချီးမြှင့်ဖို့ အမေရိကန်အခြေစိုက် Wilson မူဝါဒရေးရာ သုတေသန အဖွဲ့ရဲ့ နိုင်ငံတကာအမျိုးသမီး ခေါင်းဆောင်များအဖွဲ့ GWLI က စီစဉ်ဆောင်ရွက်နေပါတယ်။ ခါတိုင်းနဲ့ မတူပဲ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ကို အခုချီးမြှင့်မယ့်ဆုက သမိုင်း ဝင် ဂုဏ်ပြုဆုဖြစ်တယ်လို့ GWLI ညွှန်ကြားရေးမှူး Rangita de Silva de Alwis က VOA ကို ပြောပါတယ်။

“ဒီဆုဟာ နိုင်ငံနဲ့လူမျိုးအတွက် ဒီမိုကရေစီရေး ကြိုးပမ်းမှုကို နှစ်ပေါင်းများစွာ ခက်ခက်ခဲခဲ၊ ပင်ပမ်းစွာ လုပ်ဆောင်ခဲ့တဲ့ ခေါင်းဆောင် တစ်ဦးကို ပထမဆုံးအကြိမ် သူ့နိုင်ငံ၊ သူ့လူထုရှေ့မှာ ချီးမြှင့်ပေးအပ်မှာမို့ Ratiu Democracy ဆုသမိုင်းမှာ အင်မတန်ကို ထူးခြားပါတယ်။ နောက်တချက်က သူအင်မတန် လေးစားမြတ်နိုးတဲ့ အမျိုးသမီးလွတ်လပ်မှု အခွင့်အရေးအတွက်လည်း သူ့နိုင်ငံက အမျိုးသမီးထုရှေ့မှာ ဒီဆုကို ပေးအပ်မှာပါ။”

ဒီမိုကရေစီရေးကြိုးပမ်းမှုခရီးလမ်းမှာ ဒေါ်အောင်ဆန်းစုကြည်နဲ့ ပူးပေါင်းဆောင်ရွက်တဲ့ အာဏာပိုင်တွေကိုရော ဆုချီးမြှင့်ထိုက်တယ် လို့ မထင်ဘူးလား၊ ဥပမာ အသားရောင် ခွဲခြားရေးပြဿနာ အဆုံးသတ်နိုင်ဖို့အတွက် အရေးပါသူ တဦးဖြစ်တဲ့ တောင်အာဖရိက သမ္မတ ဟောင်း De Klerk ဟာလဲ နယ်လ်ဆင်မန်ဒဲလားရဲ့ဒီမိုကရေစီတိုက်ပွဲမှာ အရေးပါသူတဦးအဖြစ် ကမ္ဘာ့သမိုင်းလေ့လာသူတချို့က ယူဆ ကြတယ်မဟုတ်လားလို့ မေးတဲ့အခါ သူ့အမြင်ကို ပြန်ရှင်းပြပါတယ်။

“ကျမအထင်တော့ ဒေါ်အောင်ဆန်းစုကြည်ဟာ ဘယ်သူနဲ့မှ နိူင်းယှဉ်လို့မရအောင် ဒီမိုကရေစီရေးကြိုးပမ်းမှုမှာ ရှေ့တန်းကနေ တိုက်ပွဲဝင်ခဲ့သူပါ။”

ဟုတ်ပါပြီ။ ဒါဆိုရင် မြန်မာနိုင်ငံမှာ ပြုပြင်ပြောင်းလဲရေး ခြေလှမ်းတွေစတင်နေတဲ့ လက်ရှိမြန်မာသမ္မတရဲ့ ဆောင်ရွက်ချက်တွေနဲ့ ဘယ်လိုနှိုင်းယှဉ် သုံးသပ်ပါလဲဆိုတဲ့မေးခွန်းကိုတော့ သူကခုလိုပြောပြပါတယ်။

“ဟုတ်ကဲ့။ ဒီနေရာမှာ အရေးကြီးတာက သမ္မတက ဒီမိုကရေစီပြုပြင်ပြောင်းလဲရေးအတွက် စိန်ခေါ်တိုက်ပွဲဝင်ရတဲ့ လုပ်ငန်းမျိုး၊ ဖြည့် စည်းပြီးဆောင်ရွက်ပေးရတဲ့ လုပ်ငန်းမျိုးကို၊ ပိုပြီးဆောင်ရွက်ရတာလို့ ထင်ပါတယ်။ မြန်မာဒီမိုကရေစီရေးအတွက် ဆယ်စုနှစ် ၂ခုကြာ နေအိမ်အကျယ်ချုပ်ချထားတဲ့ ကြားက ဒေါ်အောင်ဆန်းစုကြည်က ရုန်းကန်ကြိုးစားခဲ့တာပါ။”

လတ်တလော မြန်မာနိုင်ငံရဲ့ ပြုပြင်ပြောင်းလဲရေး ခြေလှမ်းတွေအပေါ်သူ့အမြင်ကို မေးတဲ့ အခါမှာတော့ ဒီမိုကရေစီအတွက်ပထမလှမ်းရမဲ့ ခြေလှမ်းကို မြန်မာနိုင်ငံက လှမ်းလိုက်ပါပြီ။ လမ်းကြောင်းမှန်ပေါ်ကိုလဲရောက်နေပါပြီ။ ဒါပေမဲ့ ရှေ့ဆက်လုပ်စရာတွေ အများကြီး ရှိနေသေးတယ်လို့ မှတ်ချက်ပေးပါတယ်။ ဒါဖြင့် အဲဒီအများကြီးထဲက ဘယ်အချက်ကို အရေးအကြီးဆုံးအနေနဲ့ စလုပ်သင့်တယ်ထင် ပါလဲလို့ဆိုတော့ သူကအခုလိုဖြေပါတယ်။

“ ကျမအမြင်တော့ ဒီမိုကရေစီနိုင်ငံသစ်ကို တည်ဆောက်တဲ့အခါမှာ တရားဥပဒေစိုးမိုးရေးက အရေးကြီးသလို အဲ့ဒီ့အရေးပါတဲ့ ပြုပြင်ပြောင်းလဲရေး အလုပ်တွေက အမျိုးသမီးတွေက အဓိက အခန်းကဏ္ဍပါဝင်ဖို့ လိုပါတယ်။”

နိုင်ငံတကာအမျိုးသမီးခေါင်းဆောင်များအဖွဲ့ GWLI ကွန်ယက်ဟာ ၂၀၁၁ ခုနှစ်ကစလို့ Wilson မူဝါဒသုတေသနလုပ်ငန်းနဲ့ အတူ အမေရိကန်နိုင်ငံခြားရေးဝန်ကြီး ဟီလာရီကလင်တန် ဦးဆောင်တဲ့ အမျိုးသမီးပြည်သူ့ဝန်ထမ်းလုပ်ငန်းတို့ ပူးပေါင်းဆောင်ရွက်ကြတဲ့ အခြေခံ လုပ်ငန်းအဖွဲ့ လည်းဖြစ်ပါတယ်။ အခုဒေါ်အောင်ဆန်းစုကြည်ကို ဂုဏ်ပြုမယ့် The Ion Ratiu Democracy Award ဆုကို ၂၀၁၃ ခုနှစ် ဇန်န၀ါရီလ ၁၅ ရက်နေ့မှာ Wilson မူဝါဒရေးရာ သုတေသနအဖွဲ့ ရဲ့ညွှန်ကြားရေးမှူး Jane Harman က ပေးအပ်မှာ ဖြစ်ပါတယ်။


Ref: ဗွိအိုအေ

Read More...

ဒေါ်အောင်ဆန်းစုကြည် ကော့သောင်းမြို့ သွားမည်

2012-12-17

အမျိုးသားဒီမိုကရေစီအဖွဲ့ချုပ်ပါတီ ဥက္ကဌနဲ့ ကော့မှူး မြို့နယ် ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ဟာ လာမယ့် ဒီဇင်ဘာလ ၂၂ ရက်နေ့မှာ တနင်္သာရီတိုင်းဒေသကြီး၊ ကော့သောင်းမြို့ကို သွားရောက်မယ်လို့ စုံစမ်းသိရပါတယ်။

ပြီးခဲ့တဲ့ ကြားဖြတ် ရွေးကောက်ပွဲကာလအတွင်းက တနင်္သာရီ တိုင်းဒေသကြီး မဲဆွယ်စည်းရုံးရေးခရီးစဉ်မှာ ဒေါ်အောင်ဆန်းစုကြည်ဟာ ကျန်းမာရေး အခြေအနေကြောင့် ကော့သောင်းမြို့ခရီးစဉ်ကို ဖျက်သိမ်းခဲ့ရတဲ့အတွက် အခုလို ပြန်လည် သွားရောက်တာဖြစ်ပါတယ်။

ဒေါ်အောင်ဆန်းစုကြည်ရဲ့ ကော့သောင်းခရီးစဉ်အတွင်းမှာ ကော့သောင်းဒေသခံ ပြည်သူတွေ၊ အမျိုးသားဒီမိုကရေစီအဖွဲ့ချုပ် ပါတီဝင် တွေနဲ့ အဓိက တွေ့ဆုံသွားမှာဖြစ်တဲ့ အပြင် တစ်ခြားသော အဖွဲ့အစည်းတွေ၊ ပုဂ္ဂိုလ်တွေကိုလည်း တတ်နိုင်သလောက် ကျယ်ကျယ် ပြန့်ပြန့် တွေ့ဆုံသွားဖို့ အစီအစဉ်ရှိတယ်လို့ သိရပါတယ်။

ပြည်သူ့လွှတ်တော် အစည်းအဝေးတွေ လတ်တလော ရပ်နားထားချိန်အတွင်းမှာ ဒေါ်အောင်ဆန်းစုကြည်ဟာ ကြားဖြတ် ရွေးကောက် ပွဲကာလက ဖျက်သိမ်းခဲ့ရတဲ့ မကွေးတိုင်းဒေသကြီး ခရီးစဉ်ကိုလည်း ပြီးခဲ့တဲ့ နိုဝင်ဘာလ ၂၉ ရက်နေ့က သွားရောက်ခဲ့ပါသေးတယ်။

Ref: အာရ်အဖ်အေ

Read More...

တကိုယ်တော် ဆန္ဒပြသူကို ပုဒ်မ ၁၈ နဲ့ တရားစွဲ

2012-12-17

လက်ပန်းတောင်းတောင် သပိတ်စခန်းတွေက အကြမ်းဖက် ဖြိုခွဲခံခဲ့ရတဲ့ ရဟန်းသံဃာတွေနဲ့ ပတ်သက်ပြီး အစိုးရတာဝန်ရှိသူတွေ က ဖြေရှင်းပေးဖို့ တစ်ကိုယ်တော် ဆန္ဒပြတောင်းဆို ခဲ့တဲ့ ကုန်ဈေးနှုန်းကျဆင်းရေးအဖွဲ့က ကိုထင်ကျော် ကို ဒီကနေ့မှာ ပုဒ်မ ၁၈ နဲ့ တရားစွဲဆိုထားတယ်လို့ သိရပါတယ်။

ကိုထင်ကျော်ဟာ ဒီဇင်ဘာလ ၁၅ ရက်နေ့က သိမ်ကြီးဈေးရှေ့ကနေ ဆူးလေဘုရားလမ်းအတိုင်း လမ်းလျှောက်ကာ မြို့တော်ခန်းမ ရှေ့အထိ တစ်ကိုယ်တော် ဆန္ဒပြခဲ့တာဖြစ်ပါတယ်။

ကျောက်တံတားမြို့နယ်ရဲစခန်းနဲ့ ပန်းဘဲတန်းမြို့နယ် ရဲစခန်းတို့က ပုဒ်မ ၁၈ နဲ့ တရားစွဲဆိုထားတာကို အာမခံမယူဘူးလို့ ကိုထင်ကျော် က RFA ကို ပြောပါတယ်။ တရားမဝင် စီတန်းလှည့်လည်မှု ပုဒ်မ ၁၈ နဲ့ တရားစွဲဆိုထားပြီး ဖမ်းဆီးခဲ့မယ်ဆိုရင်တောင် ဒီအမှုကို မရှောင်ဘဲ တရားဥပဒေအတိုင်း ရင်ဆိုင်သွားမှာဖြစ်တယ်လို့ ဆိုပါတယ်။

ကိုထင်ကျော်ဟာ ကုန်ဈေးနှုန်းကျဆင်းရေး တောင်းဆိုဆန္ဒပြခေါင်းဆောင်တစ်ဦးဖြစ်ပြီး ၂ဝဝ၇ ရွှေဝါရောင်အရေးအခင်းမှာ ကုန်ဈေး နှုန်းကျဆင်းရေးအတွက် ဆန္ဒပြတောင်းဆိုခဲ့တာတွေကြောင့် ခန္တီးထောင်မှာ ထောင်ဒဏ် ၅ နှစ်ခွဲ အကျဉ်းကျခံခဲ့ရပြီး ၂ဝ၁၂ ခုနှစ် ဇန်နဝါရီလပိုင်းက ပြန်လည်လွတ်မြောက်လာတာဖြစ်ပါတယ်။

Ref: အာရ်အဖ်အေ

Read More...

အမေရိကန်သံအမတ်ကြီး ကချင်ပြည်နယ်ရောက်ရှိ

2012-12-17

မြန်မာနိုင်ငံဆိုင်ရာ အမေရိကန် သံအမတ် မစ္စတာ ဒဲရစ်မစ်ချယ်လ် ဟာ ကချင်ပြည်နယ်၊ မြစ်ကြီးနားမြို့ကို ဒီဇင်ဘာလ ၁၇ ရက် ဒီကနေ့ ရောက် ရှိလာမယ်လို့ သိရပါတယ်။

ရန်ကုန်အခြေစိုက် အမေရိကန်သံရုံးက ဖိတ်ကြားချက်အရ မြစ်ကြီးနားမြို့မှာ ဒီကနေ့ ည ၇ နာရီ အမေရိကန် သံအမတ်နဲ့ တွေ့ဆုံဖို့ စီစဉ်ထားတယ်လို့ အစိုးရနဲ့ ကေအိုင်အိုအကြား ငြိမ်းချမ်းရေးအကျိုးတော်ဆောင်အဖြစ် ဆောင်ရွက်ပေးနေတဲ့ ငြိမ်းချမ်းရေး ဆွေး နွေးရေး အကျိုးဆောင်အဖွဲ့ PCG မှ ဦးဂွမ်ဂျာမိုင်က RFA ကို အခုလိုပြောပါတယ်။

"အမေရိကန်သံအမတ်ကြီးက ကျနော်တို့ ကချင်ပြည်နယ်ကို ဒီကနေ့ပဲ ရောက်လာမယ်လို့ ပြောပါတယ်၊ သူရောက်လာတဲ့အချိန်မှာ ကျနော်တို့ PCG အဖွဲ့တွေကိုလည်း တွေ့ဆုံချင်တယ်လို့ ကျနော်တို့ကို ဖိတ်ထားတာရှိပါတယ်၊ အမေရိကန်သံရုံးကနေ ကျနော်တို့ဆီကို လှမ်းပြီးအကြောင်းကြားတာပါ၊ အကြမ်းဖျင်းတော့ ဘာတွေဆွေးနွေးမယ်ဆိုတာ မသိထားသေးဘူးခင်ဗျ၊ သူတို့ရောက်လာရင် ကျနော် တို့နဲ့တွေ့ဆုံမယ်လို့ပဲ သိထားပါတယ်၊ ကျနော်တို့ ကချင်ပြည်နယ် ငြိမ်းချမ်းရေးနဲ့ ပတ်သက်ပြီးမေးလာရင် ကျနော်တို့သိသလောက် အားလုံးပြောဆိုဖို့ အစီအစဉ်ရှိပါတယ်၊ အေးချမ်းဖို့တည်ငြိမ်ဖို့အတွက်လေ၊ ဒါတော့ အဓိကဖြစ်မယ်လို့ ကျနော်တို့ထင်ပါတယ်"

အမေရိကန်သံအမတ်ဟာ သူ့ရဲ့ခရီးစဉ်အတွင်း ကချင်ပြည်နယ်အစိုးရအဖွဲ့နဲ့ တွေဆုံမှာဖြစ်သလို ဒီဇင်ဘာလ ၁၈ ရက်နေ့မှာတော့ ကချင်ပြည်နယ်ထဲက ပြည်တွင်း ပြည်ပလူမှုအဖွဲ့အစည်းတွေနဲ့လည်း တွေ့ဆုံဖို့ရှိတယ်လို့ သိရပါတယ်။

အမေရိကန်သံအမတ်နဲ့ အဖွဲ့ဟာ ပြီးခဲ့တဲ့ နိုဝင်ဘာလကတည်းက ကချင်ပြည်နယ်ကို လာရောက်ဖို့ စီစဉ်ထားပေမဲ့ အကြောင်း အမျိုးမျိုးကြောင့် မလာရောက်နိုင်ခဲ့ဘူးလို့လည်း မြစ်ကြီးနားမြို့အခြေစိုက် လူမှုအဖွဲ့အစည်းတွေက ဆိုပါတယ်။

Ref: အာရ်အဖ်အေ

Read More...

ရန်ကုန် ဆေးရုံကြီးကို ဒေါ်အောင်ဆန်းစုကြည် ရောက်ရှိစစ်ဆေး

2012-12-17

ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ဥက္ကဋ္ဌ ဒေါ်အောင်ဆန်းစုကြည်ဟာ ဒီကနေ့ မနက်က လက်ပန်းတောင်းတောင် သပိတ်စခန်းတွေ ဖြိုခွင်း ခံရချိန်မှာ ပြင်းထန်စွာ ဒဏ်ရာရရှိခဲ့တဲ့ အတွက် ရန်ကုန်ပြည်သူ့ဆေးရုံကြီး၊ အရေပြားနဲ့မေးရိုးအထူးကုဌာနမှာ တက်ရောက်ကုသနေတဲ့ သံဃာတော်တွေ သွားရောက်တွေ့ဆုံခဲ့ပြီး၊ သံဃာတော်တွေရဲ့ ကျန်းမာ ရေးတိုးတက်မူ အခြေအနေတွေကို ကြည့်ရှုအားပေးခဲ့ပါတယ်။

ဒေါ်အောင်ဆန်းစုကြည် ဟာ ရန်ကုန်ပြည်သူ့ ဆေးရုံအုပ်ကြီး ဒေါက်တာ ကျော်ကျော်နဲ့ လည်းတွေ့ဆုံပြီး ရန်ကုန်ဆေးရုံကြီး အဆင့်မြှင့်တင်နိုင်ရေးအတွက် လိုအပ်ချက်တွေကိုလည်း မေးမြန်းဆွေးနွေးခဲ့ပါတယ်။

ရန်ကုန်ပြည်သူ့ဆေးရုံကြီးကို ပြုပြင်မွန်းမံပြီး အဆင့်မြင့် ဆေးရုံကြီး ဖြစ်မြောက်ရေးအတွက် ကြီးကြပ်ရေးအဖွဲ့ဖွဲ့ပေးရန် ပြည်ထောင်စု အစိုးရအား တိုက်တွန်းကြောင်းအဆိုကို နိုဝင်ဘာလ ၉ ရက်နေ့က ဒေါ်အောင်ဆန်းစုကြည်က ပြည်ထောင်စုလွှတ်တော်မှာ တင်သွင်း ခဲ့ပါတယ်။


Ref: အာရ်အဖ်အေ

Read More...

ဆန္ဒထုတ်ဖော်မှုများကို ရပ်ထားရန် သံဃာအများစု သဘောတူ

မန်းသားလေး
December 17, 2012

လက်ပံတောင်း ကြေးနီစီမံကိန်း ရပ်တန့်ရေးနှင့် ဆန္ဒပြ သပိတ်စခန်းများ အင်အားသုံးဖြိုခွင်းမှုကို ကန့်ကွက်သည့် ဆန္ဒဖော်ထုတ် လမ်းလျှောက်ခြင်းကို သံဃာတော်များက ရပ်ဆိုင်းထားမည် ဖြစ်ကြောင်း သတင်းရရှိသည်။

လက်ပံတောင်းတောင် သပိတ်စခန်းများအား အင်အားသုံး ဖြေရှင်းမှုတွင် သံဃာတော်များ ပြင်းထန်စွာ ထိခိုက် ဒဏ်ရာရရှိမှုအတွက် ပြည်ထောင်စု အစိုးရအဖွဲ့ကိုယ်စား သမ္မတရုံးမှ တာဝန်ရှိသူများက တောင်းပန်ပြီးသည့် အတွက် ဖြစ်ကြောင်း၊ လက်ပံတောင်း စုံစမ်းရေး ကော်မရှင်၏ လုပ်ဆောင်ချက်များကိုလည်း စောင့်ကြည့်သွားမည် ဖြစ်ကြောင်း သံဃာတော်များက မိန့်သည်။

“ပြည်ထောင်စုဝန်ကြီး နှစ်ဦးနဲ့ အစိုးရအဖွဲ့တွေက ၈၈ ကျောင်းသားတွေနဲ့ ကြားကနေ စေ့စပ်ညှိနှိုင်းပေးတဲ့အနေနဲ့ ဦးဇင်းတို့ကို ဒီလိုပွဲလေး စီစဉ်ပေးလို့ရမလား မေးမြန်းတဲ့အတွက် ဒီလို စီစဉ်ဖြစ်တာပါ။ ဦးပဇ္ဈင်းတို့ အဓိက တောင်းဆိုတဲ့ အချက် ၃ ချက်က တောင်းပန်ဖို့၊ အရေးယူပေးဖို့နဲ့ ပြန်လွှတ်ဖို့ပါ။ အရေးယူပေးဖို့က စုံစမ်း စစ်ဆေးရေးကော်မရှင် အပိုင်းပေါ့။ ပြန်လွှတ်ပေး ဖို့ကြ တော့လည်း အာမခံနဲ့ လွှတ်ထားတာကို လုံးဝ ပြန်လွှတ်ဖို့ ပြောတဲ့အခါမှာ ရုံးလုပ်ထုံး လုပ်နည်းအတိုင်း သွားရမှာဆိုတဲ့အတွက် ဦးဇင်းတို့စောင့်ကြည့်ရမှာပါ။ အခုဟာက တောင်းပန်တဲ့အပိုင်းပေါ့လေ။ ဒီလို တောင်းပန်လိုက်တဲ့အတွက် ဆန္ဒထုတ်ဖော်မှုတွေ ရပ်သွားတယ်” ဟု မန္တလေး ဘ၀အလင်းကျောင်းတိုက်မှ ဆရာတော် ဦးဥတ္တမသာရ ဧရာဝတီသို့ မိန့်သည်။

လက်ပံတောင်းတောင် ဖြိုခွင်းမှုတွင် ဒဏ်ရာရရှိကြသော ရဟန်း၊ သာမဏေများအား ပြည်ထောင်စု အစိုးရအဖွဲ့ ကိုယ်စား သမ္မတ ရုံးမှ ပြည်ထောင်စုဝန်ကြီး ဦးလှထွန်းက တောင်းပန်လျှောက်ထားခြင်း အခမ်းနားကို ဒီဇင်ဘာလ ၁၅ ရက်နေ့ နေ့လည် ၂ နာရီ ကျော်အချိန်တွင် မန္တလေးမြို့ အတုမရှိ ကျောင်းတော်တွင် ကျင်းပခဲ့ခြင်း ဖြစ်သည်။

အဆိုပါတောင်းပန်ပွဲသို့ လက်ပံတောင်းတောင် ဖြိုခွင်းမှုတွင် ဒဏ်ရာရရှိခဲ့သော ဆရာတော်များ၊ အကြမ်းဖက်မှု အပေါ်တွင် ပြန်လည် တောင်းပန်ရန်အတွက် ဆန္ဒထုတ်ဖော်ရာတွင် ဦးဆောင်ခဲ့သည့် ဆရာတော်များ တက်ရောက်ကြသည်။

အစိုးရအဖွဲ့တွင် ပြည်ထောင်စု ၀န်ကြီး ဦးလှထွန်း၊ ကျန်းမာရေး ပြည်ထောင်စုဝန်ကြီး ဒေါက်တာ ဖေသက်ခင်၊ မန္တလေးတိုင်း ၀န်ကြီးချုပ် ဦးရဲမြင့်၊ စစ်ကိုင်းတိုင်းဝန်ကြီးချုပ် ဦးသာအေးနှင့် ပြည်ထဲရေးဝန်ကြီးဌာန ဒုတိယ၀န်ကြီး ရဲချုပ် ကျော်ကျော်ထွန်းတို့ ပါဝင်သည်။

အခမ်းနားတွင် ပြည်ထောင်စုဝန်ကြီး ဦးလှထွန်းက ဘုရားတပည့်တော်သည် ဗုဒ္ဓဘာသာဝင်တဦးဖြစ်ပြီး ဗုဒ္ဓဘာသာကိုလည်း သက်ဝင်ယုံကြည်သူ ဖြစ်ကြောင်း၊ သံဃာတော်များ ယခုကဲ့သို့ မမျှော်လင့်ဘဲ ထိခိုက်အနာတရ ဖြစ်ခဲ့ရခြင်း အတွက် များစွာ စိတ်မကောင်း ဖြစ်ရပါကြောင်း၊ ကြွရောက်လာသော အရှင်သူမြတ်တို့အား ပြည်ထောင်စု အစိုးရအဖွဲ့ကိုယ်စား တောင်းပန်လျှောက် ထားပါကြောင်း၊ သံဃာတော်များအနေဖြင့် မိမိတို့၏ ဆွမ်း ဒကာ၊ ဒကာမများ၏ ဆန္ဒကို စာနာလိုက်လျောပြီး ယခုကဲ့သို့ သပိတ် စခန်းများတွင် ရောက်ရှိပါဝင်ခဲ့ခြင်းဖြစ်မည်ဟု ယူဆမိပါကြောင်း၊ မမျှော်လင့်ဘဲ ထိခိုက်နာကျင်မှုများ ဖြစ်ပေါ်ခဲ့ရသည့် အပေါ်တွင် နှစ်ဦးနှစ်ဖက် အကျေအလည် ညှိညှိနှိုင်းနှိုင်း အဖြေရှာပြီး ဆောင်ရွက်လျှင် အကျိုးရှိမည်ဟု ထင်မြင်ယူဆမိပါကြောင်း လျှောက် ထားခဲ့သည်။

ထို့နောက် နိုင်ငံတော် သြ၀ါဒစရိယ စစ်ကိုင်းတိုင်းဒေသကြီး မုံရွာမြို့ ဇောတိကာရာမဆရာတော် အဘိဓဇမဟာရဋ္ဌဂုရု ဘဒ္ဒန္တက၀ိန္ဒနှင့် ဆရာတော်များက သြ၀ါဒ ချီးမြှင့်ကြသည်။

လက်ပံတောင်းအရေးတွင် ဒဏ်ရာရရှိကြသည့် ရဟန်း၊ သာမဏေများမှ နိုင်ငံတော် အစိုးရ၏ တောင်းပန်ခြင်းအပေါ် သည်းခံခွင့် လွှတ်ပါကြောင်းကို ဆရာတော် သံဃာတော်များက ပါဠိဘာသာဖြင့် ရွတ်ဆို ပြန်လည်မိန့်ကြားခဲ့သည်။

တချို့သော သံဃာတော်များကလည်း လက်ပံတောင်း ကြေးနီစီမံကိန်း ရပ်တန့်သည်အထိ ဆန္ဒဆက်ပြရေးအတွက် စီစဉ်မှုများ ရှိသကဲ့သို့ တချို့သံဃာတော်များကလည်း ကော်မရှင်အနေဖြင့် မည်ကဲ့သို့ လုပ်ဆောင်မည်ကို စောင့်ကြည့် မည်ဟုလည်း သိရသည်။

“လက်ပံတောင်းတောင် စီမံကိန်း လုံးဝရပ်ဆိုင်းဖို့ ကိစ္စကတော့ ကော်မရှင်ရဲ့ ဆုံးဖြတ်ချက်ကိုပဲ ဦးပဇ္ဈင်းတို့ စောင့်ကြည့် ရမယ်။ တကယ်လို့ သင့်တင့်မျှတတဲ့ ဖြေရှင်းချက်တွေ ဖြစ်မယ်ဆိုရင် လက်ခံပေးရမှာပေါ့” ဟု မုံရွာမြို့ ဇောတိကာရာမ ကျောင်းတိုက်မှ ဆရာတော်တပါးက မိန့်ကြားသည်။

ထို့တောင်းပန်ပွဲပြီးနောက်ပိုင်း စစ်ကိုင်းတိုင်း အာဏာပိုင်များက နိုဝင်ဘာလ ၂၉ ရက်နေ့နံနက် သပိတ်စခန်းဖြိုခွဲစဉ် သပိတ်စခန်း များမှ သိမ်းဆည်းသွားခဲ့သော ရေသန့်ဗူးများ၊ ဆိုင်ကယ်များ၊ မီးစက်များကို ဒေသခံများထံသို့ လာရောက် ပြန်လည်ပေးအပ်ခဲ့ ကြောင်း သိရသည်။

တဆက်တည်းတွင် ယနေ့နံနက်၌ မုံရွာခရိုင် ဆားလင်းကြီးမြို့နယ် တုံရွာတွင် ဒေသခံရွာသူရွာသား ၃၀ ခန့်က သပိတ်စခန်းဖြင့် လက်ပံတောင်း ကြေးနီစီမံကိန်း ရပ်ဆိုင်းရေး ငြိမ်းချမ်းစွာ ဆက်လက်ဆန္ဒပြနေကြောင်း သိရသည်။

“လောလောဆယ်တော့ တောင်းပန်ပွဲ နောက်ဆက်တွဲ ဘာတွေ ဆက်လက် အကောင်အထည်ဖော်မလဲ ဆိုတာနဲ့ ကော်မရှင်က ဘယ်လို ဆက်လုပ်မလဲဆိုတာ ဆန္ဒပြသူတွေက စောင့်ကြည့်နေဆဲဖြစ်တယ်လို့ သိရတယ်” ဟု မုံရွာ အခြေစိုက် ပွင့်လင်းလူ့ အဖွဲ့အစည်းက ပြောသည်။

ဒီဇင်ဘာလ ၇ ရက်နေ့တွင် ပြည်ထောင်စု အစိုးရကိုယ်စား သာသနာရေးဝန်ကြီး သူရ ဦးမြင့်မောင်က ထိခိုက်ဒဏ်ရာ ရခဲ့ကြသည့် သံဃာများနှင့် ပတ်သက်၍ ရန်ကုန်ရှိ သံဃမဟာ နာယကဆရာတော်များကိုသာ လျှောက်ထား တောင်းပန်ခဲ့ရာတွင် ဝေဖန်မှုများ ထွက်ပေါ်ခဲ့သေးသည်။

မန္တလေး ကန်တော်နဒီတွင် တက်ရောက် ဆေးကုသနေသော ဒဏ်ရာရ သံဃာတော် ၄ ပါးကိုလည်း ရန်ကုန် ပြည်သူ့ ဆေးရုံကြီးသို့ ပို့ဆောင်ခဲ့ရာ ဒီဇင်ဘာလ ၁၆ ရက်နေ့ နံနက်က ရောက်ရှိခဲ့သည်။

ဒေါ်နော်အုန်းလှ အပါအ၀င် လက်ပံတောင်းအရေး ဆန္ဒပြ၍ ဖမ်းဆီးခံခဲ့ရသူများကိုလည်း သက်ဆိုင်ရာ တရားရုံးများက ကြားဖြတ် အာမခံများဖြင့် ပြန်လည်လွှတ်ပေးခဲ့သည်။ ထို့အပြင် ဒီဇင်ဘာလ ၁၂ ရက်နေ့ လမ်းလျှောက် ချီတက်ဆန္ဒပြမှုတွင် ပါဝင်၍ ဖမ်းဆီးထားသော ဗကသ အဖွဲ့ဝင် ၄ ဦးကိုလည်း နိုင်ငံတော်သမ္မတရုံး၏ လွတ်ငြိမ်းချမ်းသာခွင့်ဖြင့် လွှတ်ပေးမည်ဖြစ်ကြောင်း သိရသည်။

လက်ပံတောင်းတောင် စီမံကိန်းနှင့် ပတ်သက်ပြီး ဒီဇင်ဘာလ ၁ ရက်နေ့တွင် သမ္မတ ဦးသိန်းစိန်က ဒေါ်အောင်ဆန်းစုကြည် ဥက္ကဋ္ဌအဖြစ်နှင့် အဖွဲ့ဝင် ၃၀ ပါဝင်သော စုံစမ်းရေး ကော်မရှင်တရပ်ကို ထုတ်ပြန်ခဲ့ပြီး ဒီဇင်ဘာလ ၃ ရက်နေ့တွင် ဒေါ်အောင် ဆန်းစုကြည် ဥက္ကဋ္ဌအဖြစ်ပါဝင်သော အဖွဲ့ဝင် ၁၆ ဦးနှင့် ပြင်ဆင်ဖွဲ့စည်းခဲ့သည်။ သို့သော် အဆိုပါ ကော်မရှင်သစ်၏ လုပ်ငန်း များတွင် အဓိက တခုဖြစ်သော ဆန္ဒပြသပိတ် ဖြစ်ရခြင်း အကြောင်း၊ သပိတ်စခန်းများအား ဖြိုခွင်းမှုနှင့် ပတ်သက်၍ စုံစမ်းစစ် ဆေးခြင်း တာဝန်များ ပါဝင်လာမှု မရှိသည့်အပေါ် ဝေဖန်မှုများ ရှိခဲ့သည်။

သို့သော် လက်ပံတောင်း ကော်မရှင်၏ အစည်းအဝေးမှတဆင့် ကော်မရှင် ဥက္ကဋ္ဌ ဒေါ်အောင်ဆန်းစုကြည်က ၄င်းကိစ္စများကို ကိုယ်တိုင် ကိုင်တွယ်ဖြေရှင်းသွားမည် ဖြစ်ကြောင်း ပြောဆိုခဲ့သည်။

လက်ပံတောင်း ကော်မရှင်က သတင်းထုတ်ပြန်ချက် ၂/၂၀၁၂ ကို ဒီဇင်ဘာလ ၁၅ ရက်နေ့တွင် ထုတ်ပြန်ခဲ့ရာ မြန်မာနိုင်ငံ ရဲတပ်ဖွဲ့မှ မီးခိုးဗုံးများ အသုံးပြုပြီး လူစုခွဲ ဆောင်ရွက်ခဲ့ရာ သံဃာအချို့နှင့် လူတချို့ မီးလောင်ဒဏ်ရာများ ရခဲ့ကြောင်း၊ ကော်မရှင်က ကန်တော်နဒီဆေးရုံသို့ သွားရောက်လေ့လာကြည့်ရှု့ခဲ့ကြောင်း၊ မီးလောင်ဒဏ်ရာရခဲ့ကြသူ လူနာများကို နိုင်ငံတော်က တာဝန်ယူ နေကြောင်း၊ ထို့ကြောင့် အကူအညီ လိုအပ်သူများအနေဖြင့် ကော်မရှင်သို့ ဆက်သွယ် အကူအညီတောင်းခံနိုင်ကြောင်းတို့ ပါဝင်သည်။

လက်ပံတောင်း သပိတ်စခန်းများအား လုံခြုံရေးတပ်ဖွဲ့ဝင်များက အကြမ်းဖက်ဖြိုခွဲခဲ့မှုကြောင့် မီးလောင် ဒဏ်ရာရခဲ့သော သံဃာ တော်များအနက် ဦးတိက္ခဉာဏသည်လည်း ဒေါ်အောင်ဆန်းစုကြည်၏ ကူညီပေးမှုကြောင့် ထိုင်းနိုင်ငံ ဘန်ကောက်မြို့သို့ ဒီဇင်ဘာလ ၁၃ ရက်နေ့က သွားရောက် ဆေးကုသခွင့် ရခဲ့သည်ဟု ဦးတိက္ခဉာဏ၏ သားဖြစ်သူ ဒေါက်တာ နေသူရိန်၏ အဆိုအရ သိရသည်။

ဆေးကုသစရိတ်အဖြစ် ဘန်ကောက်ဆေးရုံကြီးတွင် ကျန်းမာရေး ၀န်ကြီးဌာနမှ ငွေကြေးစိုက်ထုတ်ကာ နိုင်ငံတော်မှ ထိုင်းဘတ်ငွေ ၁ သန်းကို ကူညီပေးခဲ့သည်။ ထို့အပြင် လက်ပံတောင်းကော်မရှင်မှ အမေရိကန် ဒေါ်လာ ၃၅၀၀ ကိုလည်း အကူအညီပေးခဲ့ကြောင်း ထိုင်းနိုင်ငံရောက် ရွှေည၀ါ ဆရာတော် ဦးပညာသီဟက ဧရာဝတီသို့ မိန့်သည်။

ထို့အပြင် တခြားသော အလှူရှင်များ စုစည်းကာ ဦးတိက္ခဉာဏ ဆေးကုသစာရိတ်အတွက် ကျပ်သိန်း ၁၀၀ ခန့်လည်း မိသားစု ၀င်များအား ပေးအပ်လှူဒါန်းခဲ့ကြောင်း ရွှေည၀ါဆရာတော်က ဆက်လက်မိန့်ကြားသည်။

အဆိုပါ ဆရာတော်နှင့် ဒဏ်ရာရ သံဃာတော်များအတွက် ဆေးဝါး ကုသစရိတ်များ ရရှိရန် ရွှေည၀ါ ဆရာတော် ဦးပညာသီဟ သည်လည်း ထိုင်းနိုင်ငံ မဲဆောက်မြို့နှင့် ချင်းမိုင်မြို့များတွင် တရားပွဲများ ကျင်းပကာ ရန်ပုံငွေ ရှာဖွေလျှက်ရှိသည်။

တခြားမီးလောင် ဒဏ်ရာရရှိသော သံဃာတော် ၄ ပါသည် နိုင်ငံကူးလက်မှတ်လုပ်ရန် အခက်အခဲများရှိနေသေး၍ ဆေးကုသွားရန် အတွက် စောင့်ဆိုင်းနေဆဲဖြစ်ကြောင်း သိရသည်။

ချင်းမိုင် အခြေစိုက် ဧရာဝတီသတင်းထောက် လင်းသန့် ပူးပေါင်းရေးသားသည်။

Ref: ဧရာဝတီ

Read More...

ကျောက်ဖြူ အထူးစီပွားရေးဇုန် စီမံကိန်းတွင် တရုတ် အခန်းကဏ္ဍ လျှော့ချမည်ဟု ဆို

ခင်ဦးသာ
December 17, 2012

ရခိုင်ပြည်နယ် ကျောက်ဖြူမြို့နယ်အတွင်း တည်ဆောက်မည့် ကျောက်ဖြူ အထူးစီးပွားရေးဇုန် စီမံကိန်းနှင့် ပတ်သက်သည့် လုပ်ငန်းများတွင် တရုတ်နိုင်ငံပါဝင်မှု အခန်းကဏ္ဍ လျှော့ချသွားမည်ဟု ပြီးခဲ့သည့် သီတင်းပတ်တွင် အစိုးရအဖွဲ့က ပြောဆို သွားကြောင်း သိရသည်။

ကျောက်ဖြူ အထူးစီးပွားရေးဇုန် စီမံကိန်းအား ဒေသခံ ပြည်သူများ၏ ဆန္ဒသဘောထားအတိုင်း ဆောင်ရွက်မည်ဟုဆိုကာ ထိုဇုန် ဖြစ်မြောက်ရေး လုပ်ငန်းကော်မတီ ဥက္ကဋ္ဌ အလုပ်သမား ၀န်ကြီးဌာန ဒု ၀န်ကြီး ဦးမြင့်သိန်း ဦးဆောင်၍ ၀န်ကြီးဌာန ၁၁ ခုမှ တာဝန်ရှိသူများသည် ကျောက်ဖြူဒေသသို့ တပတ်ကြာ ကွင်းဆင်းခဲ့ကြောင်း၊ ဒေသခံပြည်သူများ၊ လူမှုအဖွဲ့အစည်းများ၊ သဘာဝ ပတ်ဝန်းကျင် ထိန်းသိမ်းရေး အဖွဲ့များနှင့် တွေ့ဆုံဆွေးနွေးပွဲ၌ ထိုသို့ ပြောဆိုသွားကြောင်း ဒေသခံ ကိုယ်စားလှယ်အဖြစ် တက် ရောက် ဆွေးနွေးခဲ့သူ ဦးလှမျိုးကျော်က ဧရာဝတီသို့ ပြောသည်။

“ဒီစီမံကိန်းမှာ တရုတ်နိုင်ငံပါဝင်မှု လျော့ချသွားမယ်လို့ ဦးမြင့်သိန်းက ပြောပါတယ်။ အဓိက ဦးဆောင်ပါဝင် တည်ဆောက်မှာက ဂျပန်နိုင်ငံနဲ့ ကိုးရီးယားရယ်၊ ဥရောပနိုင်ငံတွေနဲ့ လုပ်ဆောင်သွားဖို့ ပြောပါတယ်။ စီမံကိန်းကြီးကိုလည်း ဒေသခံတို့ရဲ့ ဆန္ဒပါမှ လုပ်မယ်လို့ ပြောသွားပါတယ်” ဟု ၎င်းက ဆိုသည်။

ကျောက်ဖြူမြို့နယ်၊ မဒေးကျွန်းပေါ်ရှိ ရွှေသဘာဝ ဓာတ်ငွေ့စီမံကိန်းကို တရုတ်နိုင်ငံက ဦးဆောင် တည်ဆောက်နေပြီး ထိုစီမံကိန်း ကြောင့် ဒေသခံပြည်သူများ၏ လယ်မြေများကို အဓမ္မသိမ်းယူခြင်း၊ အုန်းခြံများ သိမ်းယူခံရပြီး ဖျက်ဆီးခံရခြင်း၊ သဘာဝ ပတ်ဝန်း ကျင် ထိခိုက်ပျက်စီးဆုံးရှုံးမှု များပြားခြင်း၊ ဒေသခံများအပေါ် လူ့အခွင့်အရေး ချိုးဖောက်ခြင်း စသည်တို့ကြောင့် တရုတ်နိုင်ငံ ဦး တည်ဆောက်မည့် စီမံကိန်းများကို ပြည်သူများက မလိုလားသည့်အတွက် တရုတ်ပါဝင်မှု လျှော့ချခြင်း ဖြစ်နိုင်ကြောင်း ဦးလှမျိုး ကျော်က ပြောသည်။

ရွှေသဘာဝ ဓာတ်ငွေ့စီမံကိန်းကြောင့် မဒေးကျွန်းဒေသ ပင်လယ်ပြင်ရှိ သဘာဝ သန္တာကျောက်တန်းများကို မိုင်းခွဲဖျက်ဆီးသည့်အပြင် ထိုဒေသတ၀ိုက်၌ တနိုင်တပိုင် ငါးဖမ်းလုပ်ကိုင် စားသောက်နေသည့် ဒေသခံများမှာလည်း ယခုအခါ ငါးဖမ်းပိုင်ခွင့် မရှိတော့ကြောင်း၊ ထိုသို့ဆုံရှုံးနစ်နာမှုများကို ဆန္ဒထုတ်ဖော် တောင်းဆိုသွားရန် ပြင်ဆင်နေကြောင်းလည်း မဒေးကျွန်းဒေသခံ ကိုထွန်းကြည်က ပြောသည်။

ကျောက်ဖြူအထူး စီးပွားရေးဇုန် စီမံကိန်းနှင့် ပတ်သက်၍ ရွှေဂက်စ်ပိုက်လိုင်း စီမံကိန်းကဲ့သို့ နစ်နာဆုံးရှုံးမှုမျိုး ထပ်မံ မဖြစ်ပွားရေး ကြိုတင်ဆောင်ရွက်ရန်နှင့် စီမံကိန်းတခုချင်းစီ၏ လုပ်ငန်းများကို ဒေသခံပြည်သူများထံ ကနဦး ချပြ၍ ပြည်သူများ၏ ဆန္ဒအတိုင်း ဆောင်ရွက်ပေးရန် အစိုးရထံ တင်ပြတောင်းဆိုထားကြောင်း၊ အစိုးရအဖွဲ့ကလည်း သဘောတူကြောင်း၊ ယခု စီမံကိန်းသည် ယခင် စီမံကိန်းများထက် ပွင့်လင်းမြင်သာမှု တချို့ရှိ လာသည်ဟု ပြောဆိုနိုင်ကြောင်း ကိုလှမျိုးကျော်က ပြောသည်။

၎င်းက “စီမံကိန်း တခုချင်းစီရဲ့ MOU စာချုပ်နဲ့ ပတ်သက်ပြီးတော့ မလုပ်ဆောင်မီ ဒေသခံပြည်သူတွေကို ကြိုတင် အသိပေးဖို့ တင်ပြတာကို အာဏာပိုင်တို့က သဘောတူတယ်။ အခုလည်း စီးမံကိန်းနဲ့ ပတ်သက်တာတွေကို နယ်ပယ်အစုံက တတ်သိပညာ ရှင်တွေ ပါဝင်ဆွေးခွင့်ရပါတယ်” ဟု ၎င်းက ဆိုသည်။

သို့သော် လက်တွေ့ အကောင်အထည်ဖော် လုပ်ဆောင်မှု မရှိသေးသည့်အတွက် ကောင်းကျိုး၊ ဆိုးကျိုး ကိစ္စများကို ဒေသခံများ အနေဖြင့် စောင့်ကြည့်သွားရဦးမည် ဖြစ်ကြောင်း၊ လက်ရှိကွင်းဆင်းမှုအရ စီမံကိန်းနယ်မြေ၌ ကျေးရွာများ ပြောင်းရွှေ့ပေးရမည့် အခြေအနေ မရှိသေးကြောင်း လည်းဆိုသည်။

ကျောက်ဖြူ အထူးစီးပွားရေးဇုန်နှင့် ပတ်သက်၍ ထိုင်းနိုင်ငံ၊ ချင်းမိုင်အခြေစိုက် ရခိုင့်ရေနံစောင့်ကြည့်ရေးအဖွဲ့က ယနေ့ ရက်စွဲဖြင့် ထုတ်ပြန်သည့်“အန္တရာယ်ဇုန်” ဟူသော အစီရင်ခံစာတွင် ထိုဇုန်ကြောင့် ကျေးရွာပေါင်း အနည်းဆုံး ၄၀ ခန့် ပြောင်းရွှေ့ခံရမည်ဟု ဆိုထားသည်။

စတုရန်းကီလိုမီတာ ၁၂၀ ကျယ်ဝန်းမည့် ကျောက်ဖြူ အထူးစီးပွားရေးဇုန်ကို တရုတ်နိုင်ငံပိုင် CITIC Group ကုမ္ပဏီက အဓိက တာဝန်ယူတည်ဆောက်ရန် လျာထားကြောင်း၊ ထိုဇုန်တွင် ဂျပန် အင်ဂျင်နီယာကုမ္ပဏီ Nippon Koei Co.,Ltd က ပါဝင်မည်ဟု ဦးမြင့်သိန်းက ပြောဆိုခဲ့ဖူးသော်လည်း အသေးစိတ် ရှင်းလင်းပြောဆိုမှု မရှိကြောင်းလည်း အစီရင်ခံစာက ဖော်ပြထားသည်။ ကျောက်ဖြူ အထူးစီးပွားရေးဇုန်သည် တရုတ်နိုင်ငံအတွက် အရေးပါကြောင်းလည်း ဆိုထားသည်။

CITIC တရုတ်ကုမ္ပဏီ၏ ကြိုတင်လေ့လာချက်အရ ထိုအထူးစီးပွားရေးဇုန်၌ ကနဦးရင်းနှီးမြှုပ်နှံမှုငွေ ပမာဏမှာ အမေရိကန်ဒေါ်လာ ၈ ဒသမ ၃ ဘီလီယံ လိုမည်ဖြစ်ပြီး၊ နှစ်ပေါင်း ၃၅ နှစ်အတွက် စုစုပေါင်း ရင်းနှီးမြှုပ်နှံမှု ပမာဏမှာ ဒေါ်လာ ၈၉ ဒသမ ၂ ဘီလီယံ ရှိကြောင်း ရခိုင့်ရေနံစောင့်ကြည့်ရေး အဖွဲ့အစီရင်ခံစာက ဆိုသည်။

ကျောက်ဖြူအထူး စီးပွားရေးဇုန်တွင် ဒေသထွက်ကုန်ပစ္စည်းများ ကုန်ချောထုတ်လုပ်မည့် စက်မှုဇုန်များ၊ စက်ရုံ အလုပ်ရုံများ၊ အထူး ဇုန်များ၊ ဆိပ်ကမ်းများ၊ ဟိုတယ်ဇုန်များ စသည်ဖြင့် ပါဝင်မည်ဟု အကြမ်းအားဖြင့် သိရပြီး ဒေသခံပြည်သူများအတွက် ကောင်းကျိုး၊ ဆိုကျိူးနှင့် ရေရှည်လူနေမှု ဘ၀များအတွက် အသေးစိတ်လေ့လာ ဆောင်ရွက်ရဦးမည် ဖြစ်ကြောင်း တွေ့ဆုံဆွေနွေးပွဲ တက်ရောက် ခဲ့သည့် ရခိုင်သဟာရ အသင်းဝင်တဦး ဖြစ်သူ ဦးထက်အောင်ခိုင်က ပြောသည်။

အထူးစီးပွားရေး ဇုန်သည် ကြီးမားကျယ်ပြန့်သည့် စီမံကိန်းဖြစ်၍ သဘာဝပတ်ဝန်းကျင်နှင့် ပတ်သက်ပြီး ယခု ထက်ပိုမိုလေ့လာရန် လိုမည်ဖြစ်ကာ ဒေသခံများ၊ လူမှုအဖွဲ့များ၊ တတ်သိပညာရှင်များနှင့် အစိုးရအာဏာပိုင်တို့က ပူးပေါင်း ပါဝင်ဆောင်ရွက်ရန် လို မည်ဟုလည်း ၎င်းက ဆိုသည်။

မြန်မာနိုင်ငံတွင် အထူးစီးပွားရေးဇုန်အဖြစ် ထားဝယ်နှင့် သီလ၀ါတို့ကို တည်ဆောက်နေပြီး ကျောက်ဖြူ အထူး စီးပွားရေးဇုန် တည်ဆောက် မည်ဆိုပါက အထူးစီးပွားရေးဇုန် ၃ ခု ရှိလာမည်ဖြစ်သည်။ ထိုဇုန်များ၏ လုပ်ငန်းကိစ္စများကို အကောင်အထည်ဖော် တည်ဆောက်မှုနှင့် နိုင်ငံတကာ ရင်းနှီးမြှုပ်နှံမှုဆိုင်ရာ ကိစ္စများအတွက် ဒု သမ္မတ ဦးဉာဏ်ထွန်းက ဗဟိုကော်မတီဥက္ကဋ္ဌ အဖြစ် တာဝန်ယူဆောင်ရွက်နေကြောင်း သိရသည်။

ကျောက်ဖြူအထူး စီးပွားရေးဇုန် တည်ဆောက်၍ နိုင်ငံတကာ ရင်းနှီးမြှုပ်နှံမှု ဖိတ်ခေါ်မည်ဆိုပါက ဒေသတွင်း လမ်းပန်းဆက်သွယ် ရေး ကောင်းမွန်မှု၊ လျှပ်စစ်မီး ၂၄ နာရီသုံးစွဲနိုင်မှု၊ ကုတ်ထုတ်ပစ္စည်းများ အတင်အချပြုလုပ်မည့် ဆိပ်ကမ်းများ စသည့် အခြေခံ အဆောက်အအုံများကို ကနဦးတည်ဆောက်မှသာ နိုင်ငံတကာ စီးပွားရေးကုမ္ပဏီများ စိတ်ဝင်စားမည်ဖြစ်ကြောင်း ဂျပန်ပညာရှင်က မြန်မာအစိုးရကို တိုက်တွန်းသွားကြောင်းလည်း သိရသည်။

Ref: ဧရာဝတီ

Read More...

ရခိုင် လူမှုကွန်ရက်များ ဖွဲ့စည်း

ငြိမ်းချမ်း
December 17, 2012

ရခိုင်ပြည်နယ် တောင်ကုတ်မြို့နယ်တွင် ပြီးခဲ့သည့် ရက်ပိုင်းက ကျင်းပသော ၁၈ မြို့နယ် ရခိုင် လူမှုကွန်ရက် ညီလာခံမှ ၄ ခရိုင် ရခိုင် လူမှုကွန်ရက်အဖွဲ့ကို ဖွဲ့စည်းလိုက်ကြောင်း သိရသည်။

အစိုးရ၏ လုပ်ရပ်သည် ပြည်သူ့ ကောင်းကျိုးအတွက် ဆိုပါက ထောက်ခံမည်ဖြစ်ပြီး ထိုသို့မဟုတ်ပါက ပြည်သူနှင့် တသားတည်း ၁၈ မြို့နယ်လုံး တညီတညွတ်တည်း ဆန့်ကျင် ကန့်ကွက်နိုင်ရန် ရခိုင် လူမှုကွန်ရက်အဖွဲ့ကို ဖွဲ့စည်းရခြင်းဖြစ်ကြောင်း ညီလာခံဖြစ် မြောက်ရေး အဖွဲ့မှ ကိုသန်းလွင် က ပြောသည်။

“အစိုးရ လုပ်ဆောင်ချက်က ပြည်သူတွေအတွက် နစ်နာတယ်။ ပြည်သူတွေ လက်မခံနိုင်ဘူးဆိုရင် ကန့်ကွက်မယ်”ဟုလည်း ၎င်းက ဆိုသည်။

ရခိုင် လူမှုကွန်ရက်အဖွဲ့ ခရိုင် ခေါင်းဆောင်များ အဖြစ် သံတွဲ ခရိုင်မှ ဦးစိုးဝင်း၊ ကျောက်ဖြူ ခရိုင်မှ ကိုသိန်းထွန်းအေး၊ စစ်တွေ ခရိုင်မှ ဦးကျော်စောဦး နှင့် မောင်တော ခရိုင်မှ ကိုအောင်မျိုးထွန်း တို့ကို ရွေးချယ်လိုက်ကြောင်း သိရသည်။

ယင်းညီလာခံကို တောင်ကုတ်မြို့ ကိုင်းရှည်ကျေးရွာ စေတျာရာမ ကျောင်းတိုက် ဓမ္မဗိမာန်တွင် ဒီဇင်ဘာလ ၁၅ ရက်နှင့် ၁၆ ရက် တွင် ကျင်းပခဲ့ပြီး ရခိုင်ပြည်နယ် ၁၇ မြို့နယ်နှင့် ချင်းပြည်နယ် ပလက်ဝမြို့နယ်မှ ကိုယ်စားလှယ်များ အပါအ၀င် မြို့နယ် ၁၈ မြို့နယ်မှ ကိုယ်စာလှယ်များ၊ ရန်ကုန်မြို့မှ ဖိတ်ကြားထားသည့် လူမှုကွန်ရက်အဖွဲ့ ကိုယ်စားလှယ်များနှင့် တောင်ကုတ် အမျိုးသား ဒီမိုကရေစီ အဖွဲ့ချုပ်(NLD) မှ ကိုယ်စားလှယ် စုစုပေါင်း အင်အား ၈၀ ကျော်တက်ရောက်ခဲ့သည်။

ထို ကွန်ရက်အဖွဲ့မှ ၁၆ ရက်နေ့ ထုတ်ပြန်သည့် ကြေညာချက်တွင် ရခိုင်ပြည်နယ်အတွင်း နယ်မြေလု ခိုးဝင်ကျူးကျော်လာသူများ နှင့် ဒေသခံများအကြား ဖြစ်ပွားခဲ့သော အရေးအခင်းအပြီး ခိုးဝင်လာသူများ ရှိကြောင်း၊ ယင်း ခိုးဝင်လာသူများကို ဒေသခံ တိုင်းရင်း သားများ၏ ဆန္ဒသဘောထားနှင့် ဆန့်ကျင်ပြီး ပြန်လည် နေရာချထားခြင်းသည် ပဋိပက္ခများ ထပ်မံ ဖြစ်ပေါ်စေနိုင်သော အခြေ အနေ ရှိနေသဖြင့် ပြန်လည် စဉ်းစားပေးရန် လိုအပ်ကြောင်း ဖော်ပြထားသည်။

ထို့အပြင် ရခိုင်ပြည်နယ်အတွင်း ရောက်ရှိနေသည့် INGO, NGO အဖွဲ့များက ဒေသခံ တိုင်းရင်းသားများအတွက် ကောင်းမွန်စွာ လုပ်ကိုင်နိုင်ခြင်း ရှိမရှိ စောင့်ကြည့်လေ့လာရာတွင် ဤကွန်ရက်မှ ပူးပေါင်းဆောင်ရွက်သွားရန်၊ ရခိုင် ဒေသထွက် သယံဇာတ များ ကို ထုတ်ယူသုံးစွဲရာတွင် ပြည်သူလူထုအား ပွင့်လင်းမြင်သာစွာ ထုတ်ပြန်ပေးရန်၊ ဒေသခံပြည်သူလူထု အတွက် မျှဝေသုံးစွဲရာ တွင် မျှတမှုရှိမရှိ ကွန်ရက်မှ ပြည်သူလူထုနှင့် ပူးပေါင်းဆောင်ရွက်သွားရန်တို့ ပါဝင်ပြီး လက်ပံတောင်းတောင် အကြမ်းဖက် နှိမ်နင်းမှုကို အမြန်ဆုံး ဖြေရှင်းပေးရန် မြန်မာနိုင်ငံ မြောက်ပိုင်းတွင် ဖြစ်ပွားနေသော ပြည်တွင်းစစ်ကို အမြန်ဆုံး ရပ်တန့်ပေးရန် တို့လည်း ကြေ ညာချက်၌ ပါဝင်သည်။

ညီလာခံသို့ ၈၈ မျိုးဆက် ကျောင်းသားများအဖွဲ့၊ အမျိုးသား ဒီမိုကရေးစီအဖွဲ့ချုပ်(NLD)၊ ရခိုင်ပြည် လွတ်မြောက်ရေး ပါတီ(ALP) နှင့် စစ်တွေ လူမှုကွန်ရက်မှလည်း သ၀ဏ်လွှာများပေးပို့ကြောင်း ညီလာခံ တက်ရောက်ခဲ့သော ခိုင်အောင်စိုးသန်းက ပြောသည်။

“ဒီလိုညီလာခံလုပ်တာ ကောင်းမွန်တဲ့ လက္ခဏာတရပ်ပါ။ ညီလာခံထဲမှာတော့ ကျနော်တို့ ပြည်နယ်ထဲမှာ ဘယ်လိုပြဿနာမျိုးတွေပဲ ပေါ်လာ ပေါ်လာ ရခိုင်တပြည်နယ်လုံးမှာ ရှိတဲ့ မြို့နယ်တိုင်းက ဝိုင်းဝန်းစဉ်းစားပြီးတော့ လုပ်သင့်တာတွေကို လုပ်သွားနိုင် အောင် ဆွေးနွေးကြပါတယ်”ဟုလည်း ၎င်းက ပြောဆိုသည်။

Ref: ဧရာဝတီ

Read More...

ကချင်ဒေသတွင်း တိုက်ပွဲများကြောင့် ပိတ်ထားသည့်လမ်း ပြန်ဖွင့်ပြီ

လဖိုင်
December 17, 2012

ကချင်ပြည်နယ်အတွင်း တိုက်ပွဲများ ပြင်းထန်နေခြင်းကြောင့် ဗန်းမော် – လိုင်ဇာသွားသည့်လမ်းကို တပတ်ကျော်ကြာ လုံးဝပိတ် ထားရာမှ ယမန်နေ့မှ စတင်၍ ပြန်လည်ကာ အသွားအလာ ပြုလုပ်နိုင်လာပြီဖြစ်ကြောင်း သတင်းရရှိသည်။

ဒီဇင်ဘာလ ၆ ရက်မှစတင်ကာ ကချင်ပြည်နယ် ဒေါ့ဖုန်းယန်မြို့နယ်နှင့် လဂျားယန်ရွာ အနီးတ၀ိုက်တွင် အစိုးရတပ် လှုပ်ရှားမူများ တိုးလာခဲ့ပြီး လက်နက်ကြီးများ အပြန်အလှန် ပစ်ခတ်မူများ ရှိခဲ့သည်။ ဒီဇင်ဘာလ ၁၀ ရက်ကျော်ချိန်တွင် တိုက်ပွဲအရှိန် မြင့် တက်လာခဲ့ပြီး ဒီဇင်ဘာ ၁၃၊ ၁၄ ရက်နေ့များတွင် တိုက်ပွဲအပြင်းအထန် ဖြစ်ပွားခဲ့ရာ အစိုးရက လေကြောင်းမှ ကူညီပေးမှုများ ပြုလုပ်ခဲ့သည်။

“အစိုးရတပ်တွေ ပြန်ဆုတ်သွားလို့ လမ်းတွေပြန်ဖွင့်တယ် လို့တော့ ကြားတယ်။ အခု လမ်းပိတ်ထားတာက အစိုးရဘက်က ပိတ်ထားတာပါ” ဟု ဗန်းမော်မြို့တွင် နေထိုင်ကာ ဒုက္ခသည်များကို ကူညီစောင့်ရှောက် ပေးနေသည့် ခရစ်ယာန် ဘုန်းတော်ကြီး ဦးအောင်ဒန်က ပြောသည်။

ပြည်မမှနေ၍ လိုင်ဇာသို့ သွားနိုင်သည့် တခုတည်းသောလမ်း ဗန်းမော် – ဒေါ့ဖုန်းယန် – လိုင်ဇာလမ်းကို လိုင်ဇာအနီး တိုက်ပွဲ ပြင်းထန်ချိန် ဒီဇင်ဘာ ၁၀ ရက် ၀န်းကျင်ကတည်းက ဗန်းမော်မြို့မှ အသွားအလာအားလုံးကို ပိတ်ထားခဲ့ခြင်းဖြစ်သည်။

ဗန်းမော် – လိုင်ဇာ လမ်းသည် တိုက်ပွဲအလွန်ဆိုးသည့် အခါမျိုးမှလွဲ၍ လမ်းခေတ္တ ပိတ်ခြင်းသာရှိပြီး ဆိုင်ကယ် ကယ်ရီများ အမြဲဖြတ်သန်းနေသော လမ်းဖြစ်သည်။

“ဒီလမ်းက ထူးဆန်းတယ် တိုက်ပွဲနည်းနည်းစဲတာနဲ့ ဆိုင်ကယ်သမားတွေ ပြန်တက်ကြတဲ့လမ်း၊ ဟိုတလောက တိုက်ပွဲတွေ သိပ်ဆိုး တုန်းက အစိုးရက ပိတ်ထားတာ အခုတော့ ကျနော်တို့ရဲ့ ခရစ်ယာန် ဘုန်းတော်ကြီး တပါးတောင် ဗန်းမော်ကနေ ဒေါ့ဖုန်းယန် သွားပြီး ပိတ်မိနေတာ အခုမှ ပြန်ရောက်လာတယ်” ဟု ဦးအောင်ဒန်က ဆိုသည်။

တိုက်ပွဲများ ပြင်းထန်သည့်အချိန်တွင် ဗန်းမော်ဘက်မှ မြန်မာအစိုးရဘက်ကလည်း လမ်းပိတ်ထားပြီး ကချင်လွတ်မြောက်ရေး အဖွဲ့ (KIO) ကလည်း လိုင်ဇာဘက် လမ်းကိုပိတ်ထားကြောင်း သူက ဆက်ပြောသည်။

ဗန်းမော် – လိုင်ဇာ လမ်းသည် ၂၀၁၁ ခုနှစ် နိုဝင်ဘာလ အတွင်းက ကုလသမဂ္ဂ အကူအညီများ ကချင်ပြည်နယ်သို့ ပို့ဆောင် ရာတွင် အသုံးပြုခဲ့သည့် လမ်းဖြစ်သည်။

“အခုလည်း လက်နက်ကြီးသံတွေ ကြားနေရတယ်လို့ လိုင်ဇာက လူတွေ ဖုန်းဆက်ပါတယ်” ဟု ကချင် နှစ်ခြင်း ခရစ်ယာန် အသင်းချုပ်မှ ဗန်းမော်ခရိုင် တာဝန်ခံ ဦးနန်ဇင်း တူးဂျာက ပြောသည်။

၂၀၁၁ ခုနှစ် ဇွန်လ ၉ ရက်နေမှ စတင်ကာ ကချင် လွတ်မြောက်ရေး တပ်မတော် (KIA) နှင့် အစိုးရတပ်ကြား တိုက်ပွဲများ ပြန်လည်ဖြစ်ပွားခဲ့ပြီး သမ္မတ ဦးသိန်းစိန်က တပ်မတော်ကို ထိုးစစ်ဆင်ခြင်းမပြုရန် ဒီဇင်ဘာလ ၁၀ ရက်နေ့တွင် ညွှန်ကြားခဲ့ သော်လည်း တိုက်ပွဲများ ဆက်လက် ဖြစ်ပွားနေဆဲ ဖြစ်သည်။

Ref: ဧရာဝတီ

Read More...

ထားဝယ် အထူးစီမံကိန်း လာမည့်နှစ်ဆန်းပိုင်း စမည်

ဇာနည်မာန်
December 18, 2012

တနင်္သာရီတိုင်း ထားဝယ်ဒေသ ရေနက်ဆိပ်ကမ်းနှင့် အထူးစီးပွားရေးဇုန်တွင် ၂၀၁၃ နှစ်ဆန်းပိုင်းမှ စ၍ အသေးစား စက်မှုလုပ်ငန်း စက်ရုံများကို စတင် တည်ဆောက်တော့မည်ဟု သိရသည်။

ထိုင်းဝန်ကြီးချုပ် ယင့်လတ် ရှင်နာဝပ်၏ ယမန်နေ့က ထားဝယ်ဒေသ ခရီးစဉ်အတွင်း သမ္မတ ဦးသိန်းသိန်းစိန်နှင့် တွေ့ဆုံ၍ စီမံကိန်း ဆိုင်ရာ ကိစ္စရပ်များ ဆွေးနွေးဆုံးဖြတ်ခဲ့ခြင်း ဖြစ်သည်။

“သဘာဝ ပတ်ဝန်းကျင် မထိခိုက်တဲ့၊ အလုပ်ကိုင်အခွင့်လမ်း အများအပြား ဖန်တီးပေးနိုင်မယ့် အထည်ချုပ်စက်ရုံ၊ အီလက်ထရွန် နစ် ပစ္စည်းစက်ရုံ၊ ကွန်ပျူတာ စက်ရုံ စတဲ့ အငယ်စား စက်ရုံတွေကို အရင်စပြီးလုပ်ဖို့ ဆွေးနွေးခဲ့ပါတယ်”ဟု ထားဝယ်အထူး စီးပွားရေး ဇုန် အထောက်အကူပြု ယာယီလုပ်ငန်းအဖွဲ့ ဥက္ကဌ ဦးတင်မောင်ဆွေက ပြောသည်။

ထားဝယ် အထူးစီးပွားရေးဇုန်မှ တဆင့် ထိုင်း-မြန်မာ နှစ်နိုင်ငံကို ဆက်သွယ်မည့် ၄ လမ်းသွား အဝေးပြေးကားလမ်း တည်ဆောက် ရေး၊ ရေနက်ဆိပ်ကမ်း တည်ဆောက်ရေး၊ လျှပ်စစ် ဓာတ်အားပေးလိုင်းများ၊ ရေပိုက်လိုင်း၊ ဆက်သွယ်ရေးအတွက် ဖိုင်ဘာ ဆက် ကြောင်း (fiber optic) လိုင်း ဆက်သွယ်ခြင်းများ ကို ၂၀၁၃ တွင် စတင်လုပ်ဆောင်မည်ဟု ဆိုသည်။

ထို့အတူ စီမံကိန်း မြေနေရာမှ ပြောင်းရွှေ့ပေးရမည့် ရွာများ ပြန်လည် နေရာချထားရေး အတွက် လူနေအိမ်ရာ ၅၀၀ ဆောက် လုပ်ပြီးစီးပြီ ဖြစ်ကြောင်း၊ ယင်း နေအိမ်များအတွက် လျှပ်စစ်မီး၊ ရေရရှိရေးနှင့် လမ်းများ ဖောက်လုပ်ပြီးစီးပါက ရွာများ ရွှေ့ ပြောင်းမည်ဖြစ်ကြောင်း ဦးတင်မောင်ဆွေ က ပြောသည်။

ထိုင်းဝန်ကြီးချုပ်က ထားဝယ် အထူးစီးပွားရေးဇုန် စီမံကိန်း အောင်မြင်စွာ ပြီးမြောက်ရေးအတွက် ကူညီမည်ဟု ကတိပေးပြောဆို သကဲ့သို့ သမ္မတ ဦးသိန်းစိန်ကလည်း ယခုစီမံကိန်းသည် မြန်မာနိုင်ငံ အတွက်သာမက မဟာမဲခေါင်ဒေသ တခုလုံးအတွက် အရေး ကြီးသည့် စီမံကိန်း ဖြစ်သောကြောင့် ထိုင်း-မြန်မာ အစိုးရ ၂ ရပ်လုံးက အောင်မြင်ရန် ပူးပေါင်းလုပ်ဆောင်မည်ဟု ပြောဆိုခဲ့ ကြောင်း သိရသည်။

ထိုင်းဝန်ကြီးချုပ်သည် သမ္မတဦးသိန်းစိန်နှင့် တွေ့ဆုံဆွေးနွေးပြီး ရေနက်ဆိပ်ကမ်း ဆောက်လုပ်မည့် နေရာနှင့် စက်မှုဇုန် နေရာ များသို့ သွားရောက် လေ့လာခဲ့ကြောင်း၊ ၎င်းနှင့်အတူ ထိုင်း စီးပွားရေးလုပ်ငန်းရှင်များလည်း လိုက်ပါလာကြောင်း သိရသည်။

အီတာလျံ-ထိုင်း ကုမ္ပဏီမှ တာဝန်ယူတည်ဆောက်နေသော ထားဝယ်မြို့မှ ၃၆ မိုင်အကွာ၊ နဘူးလယ်ဒေသရှိ အထူးစီးပွားရေး ဇုန်သည် အကျယ်အ၀န်းအားဖြင့် ၂၅၀ စတုရန်းမီတာ (၉၇ စတုရန်းမိုင်) ရှိပြီး ရေနက်ဆိပ်ကမ်း၊ စက်မှုဇုန်များ၊ လျှပ်စစ်ဓာတ်အား ပေးစက်ရုံများ၊ ရေနံနှင့် သဘာဝဓာတ်ငွေ့ စက်ရုံများ၊ ကျောက်မီးသွေး ဓာတ်အားပေး စက်ရုံနှင့် စီးပွားရေးဆိုင်ရာ အဆောက် အအုံများ ပါဝင်မည်ဖြစ်သည်။

ထိုင်းနိုင်ငံ ရနောင်းခရိုင်ရှိ မက်ပ်တဖွတ် စက်မှုဇုန်အထိ ဆက်သွယ်နိုင်မည့် လျှပ်စစ်ရထားလမ်း ဖောက်လုပ်ရေးကိုလည်း နှစ်နိုင်ငံ စီမံကိန်း ပူးပေါင်း ဆောင်ရွက်ရေး ကော်မတီက လေ့လာမှုများ ပြုလုပ်လျက်ရှိသည်။

စီမံကိန်းကြောင့် ရွှေ့ပြောင်းပေးရသည့် ဒေသခံများအတွက် လူမှုဖူလုံရေး ထောက်ပံ့စရိတ်များ ပေးအပ်ရန်၊ စိုက်ပျိုးရေးဆိုင်ရာ ပညာပေးခြင်းနှင့် အသက်မွေးဝမ်းကျောင်းဆိုင်ရာ ပညာရပ်များကို သင်ကြားပေးရန် စီစဉ်နေကြောင်း၊ ထားဝယ်ဆေးရုံကိုလည်း မွမ်းမံမှုများ ပြုလုပ်ပေးရန် ရှိကြောင်း ထိုင်းနိုင်ငံခြားရေးဝန်ကြီး ဆူရပေါင် တိုဝိချခ်ချိုင်ကူလ် ၏ ပြောကြားချက်ကို ဘန်ကောက်ပို့စ် သတင်းစာတွင် ဖော်ပြထားသည်။

ထားဝယ် အထူးစီးပွားရေးဇုန် စီမံကိန်းကြောင့် ဒေသခံများ၏ လယ်ယာခြံမြေများ ဆုံးရှုံးရကြောင်း၊ စီမံကိန်းကြောင့် ဒေသခံများ၏ လူနေမှုဘ၀များအပြင် ပတ်ဝန်းကျင်ထိခိုက်မှု၊ ဂေဟစနစ်ပျက်စီးမှုများ ရှိလာမည်ဟု ပတ်ဝန်းကျင်ထိန်းသိမ်းရေး လှုပ်ရှားသူများနှင့် ဒေသခံများ၏ ဝေဖန်ရှုတ်ချမှုများလည်း ရှိနေသည်။

Ref: ဧရာဝတီ

Read More...

မြန်မာကို ဆွီဒင်လက်နက်များ မပေးကြောင်း အိန္ဒိယငြင်းဆို

ဇာနည်မာန်
December 17, 2012

ကချင်စစ်ပွဲများတွင် အစိုးရတပ်မှ အသုံးပြုသည်ဆိုသော ဆွီဒင်ထုတ် လက်နက်များကို မြန်မာအစိုးရသို့ ပေးအပ်ခဲ့ခြင်းမရှိကြောင်း မြန်မာနိုင်ငံရောက် အိန္ဒိယနိုင်ငံခြားရေးဝန်ကြီး ဆာလ်မန် ကူရ်ရှိဒ်က ပြောဆိုလိုက်သည်။

“ဒါကရှင်းပါတယ်။ ကျနော်တို့ဟာ လက်နက် ထောက်ပံ့တာမျိုးတွေ မလုပ်ပါဘူး”ဟု ကူရ်ရှိဒ်က သတင်းထောက်များကိုဖြေကြား ခဲ့ကြောင်း AFP သတင်းတွင် ဖော်ပြထားသည်။

အိန္ဒိယအစိုးရအနေဖြင့် ဆွီဒင်နိုင်ငံလုပ် လက်နက်များ မြန်မာနိုင်ငံသို့ မည်သို့မည်ပုံရောက်သွားသည်ကို စုံစမ်းမှုများပြုမည်ဖြစ် ကြောင်းနှင့် အိန္ဒိယ စစ်တပ်က အဆိုပါလက်နက်များကိစ္စ စစ်ဆေးမှုများ ပြုလုပ်မည်ဟုလည်း သူက ဆိုသည်။

အိန္ဒိယသို့ ရောင်းချထားသော ဆွီဒင်နိုင်ငံထုတ် လက်နက်များအရေးနှင့် ပတ်သက်ပြီး အိန္ဒိယအစိုးရအနေနှင့်ဖြေရှင်း ပေးရန် ဥရောပ သမဂ္ဂ အဖွဲ့ဝင်နိုင်ငံ ဖြစ်သည့် ဆွီဒင်နိုင်ငံကလည်း တောင်းဆိုထားသည်။

ဆွီဒင်ကုန်သွယ်ရေး ၀န်ကြီး အီဝါဘီရောလင်းက“ဒီလက်နက်တွေ ကိစ္စနဲ့ပတ်သက်ပြီး ဖြေရှင်းပေးဖို့ အိန္ဒိယ သံအမတ်ကို ဆက်သွယ် ပြောဆိုထားပါတယ်။ ဒီလက်နက်တွေဟာ ဆွီဒင်ကနေ အိန္ဒိယကိုရောင်းလိုက်တဲ့ လက်နက်တွေဖြစ်တယ်လို့ ဆွီဒင်အခြေစိုက် ပြည်ပသို့ တရားမ၀င် လက်နက်တင်ပို့မှု ထိန်းချုပ်ရေးအဖွဲ့က အကြောင်းကြားထားပါတယ်”ဟု ဆွီဒင် လွှတ်တော်တွင် ကြာသ ပတေး နေ့က ပြောဆိုထားသည်။

သမ္မတ ဦးသိန်းစိန် လက်ထက်တွင် အမေရိကန်နှင့် ဥရောပ သမဂ္ဂတို့က မြန်မာနိုင်ငံအပေါ် စီးပွားရေးပိတ်ဆို့ ဒဏ်ခတ်မှုများမှ တချို့ကို ဖယ်ရှားပေးခဲ့သော်လည်း နိုင်ငံတွင်းလက်နက်ကိုင် ပဋိပက္ခများရှိနေဆဲဖြစ်သည့်အတွက် မြန်မာအစိုးရထံသို့ လက်နက် ရောင်းချခြင်းမပြုရန် ပိတ်ပင်တားမြစ်မှုများ ထားရှိဆဲ ဖြစ်သည်။

လက်ရှိဖြစ်ပွားနေသော ကချင်စစ်ပွဲများတွင် အစိုးရတပ်များ အသုံးပြုသည့် ဆွီဒင်နိုင်ငံလုပ် အဆင့်မြင့် M-3 Carl Gustaf လက်နက်များကို ကချင်ပြည် လွတ်လပ်ရေး တပ်မတော်(KIA) က သိမ်းဆည်းရရှိခဲ့ကြောင်း သတင်းများ ပြီးခဲ့သည့် အပတ် အတွင်း တွင် ထွက်ပေါ်လာခဲ့သည်။

ထိုင်းနိုင်ငံအခြေစိုက် မြန်မာ့အရေး ကျွမ်းကျင်သူ ဆွီဒင် သတင်းစာဆရာ ဘာတေးလ် လစ်တနာက အဆိုပါ ဆွီဒင်နိုင်ငံလုပ် စစ်လက်နက် ပစ္စည်းများသည် အိမ်နီးချင်း အိန္ဒိယနိုင်ငံမှ ရရှိခြင်းဖြစ်နိုင်ကြောင်း၊ အိန္ဒိယသည် ဆွီဒင်နိုင်ငံမှ လက်နက်အများဆုံး ၀ယ်ယူသည့် နိုင်ငံဖြစ်ကြောင်း ဧရာဝတီသို့ ပြောဆိုခဲ့ဖူးသည်။

Ref: ဧရာဝတီ

Read More...

ဒေါ်အောင်ဆန်းစုကြည် ရန်ကုန်ဆေးရုံကြီး သွားရောက်

December 17, 2012

ပြည်သူ့လွှတ်တော် တရားဥပဒေစိုးမိုးရေး နှင့် တည်ငြိမ်အေးချမ်းရေး ကော်မတီ ဥက္ကဌ ဒေါ်အောင်ဆန်းစုကြည်သည် ယနေ့ နံနက်ပိုင်း ၉ နာရီကျော် က ရန်ကုန်ပြည်သူ့ ဆေးရုံကြီးသို့ ရောက်ရှိလာပြီး ကြည့်ရှုစစ်ဆေးမှုများ ပြုလုပ်သည်။

လူနာဆောင်များ၊ သန့်စင်ခန်းများ၊ ဆေးသိုလှောင်ခန်းများ အစရှိသည်များကို ကြည့်ရှုစစ်ဆေးခြင်း ဖြစ်ကြောင်း သိရသည်။ ဒီဇင်ဘာ ၁၃ ရက်က လည်း ဒေါ်အောင်ဆန်းစုကြည်သည် ရန်ကုန်ဆေးရုံကြီးသို့ သွားရောက်၍ လက်ပံတောင်းတောင် ဒေသမှ လာရောက် ဆေးကုသမှု ခံယူနေသော ကလေး ၄ ဦးကို ကြည့်ရှုအားပေးမှုပြုလုပ်သေးသည်။

Ref: ဧရာဝတီ

Read More...

စစ်တွေတွင် အိန္ဒိယ၏ ကောင်စစ်ဝန်ရုံး ဖွင့်မည်

ဒီဇင်ဘာလ ၁၇ ရက် ၂၀၁၂ ခုနှစ်

ရခိုင်ပြည်နယ်၊ စစ်တွေမြို့တွင် ကောင်စစ်ဝန်ရုံးသစ်တခု ဖွင့်လှစ်ခြင်းဖြင့် အိန္ဒိယနိုင်ငံသည် မြန်မာနိုင်ငံတွင် အစိုးရကိုယ်စားလှယ် မစ်ရှင် သုံးခု ထားရှိမည့် ပထမဆုံးသော နိုင်ငံ ဖြစ်လာမည် ဖြစ်သည်။

အိန္ဒိယ နိုင်ငံခြားရေးဝန်ကြီး ဆာလ်မန်း ခူးရှီးဒ် Salman Khurshid ၏ သုံးရက်ကြာ မြန်မာနိုင်ငံ ခရီးစဉ်အတွင်း သမ္မတ ဦးသိန်းစိန်၊ နိုင်ငံခြားရေးဝန်ကြီး ဦးဝဏ္ဏမောင်လွင်တို့နှင့် တွေ့ဆုံခဲ့ပြီးနောက် အိန္ဒိယနှင့် ဘင်္ဂလားဒေ့ရှ် သတင်းစာများတွင် ထိုသို့ ရေးသား ဖော်ပြလာကြခြင်း ဖြစ်သည်။

ရန်ကုန်တွင် မြန်မာနိုင်ငံဆိုင်ရာ အိန္ဒိယသံရုံးနှင့် မန္တလေးတွင် ကောင်စစ်ဝန်ရုံးတခုကို ဖွင့်လှစ်ထားပြီး ဖြစ်သည်။

“(အိန္ဒိယနိုင်ငံ)ကိုလ်ကာတာမြို့မှ ကီလိုမီတာ ၅၅ဝ (မိုင် ၃၅ဝ ခန့်) အကွာအဝေးတွင်ရှိသော စစ်တွေမြို့တွင် မကြာမီ အိန္ဒိယ နိုင်ငံ၏ လှုပ်ရှားမှုများကို အတော်အတန် မြင်တွေ့ရတော့မည်ဖြစ်ပြီး ယင်းသည် အိန္ဒိယနိုင်ငံ အရှေ့မြောက် ဒေသကို ရေလမ်း၊ ကားလမ်းတို့ဖြင့် ဆက်သွယ်ပေးမည့် လမ်းကြောင်း၏ အဝတွင် ရှိသည်” ဟု အိန္ဒိယနိုင်ငံမှ The Hindu သတင်းစာကြီးက ရေးသားထားသည်။

သင်္ဘောများအနေဖြင့် ဘင်္ဂလားပင်လယ်အော်မှ ပြန်လည်သောင်တူးပြုပြင်ထားသော စစ်တွေ ဆိပ်ကမ်းသို့ ဝင်ရောက်လာနိုင်ပြီး ကုန်များကို ကုလားတန် မြစ်ကြောင်းအတိုင်း သယ်ဆောင်ကာ ပလက်ဝ တွင် ချနိုင်မည် ဖြစ်သည်။ ထိုမှတဆင့် ကုန်းလမ်းဖြင့် ကီလို မီတာ ၆ဝ အကွာ နိုင်ငံတကာ နယ်စပ်မျဉ်းအထိ ဆက်လက် သယ်ဆောင်နိုင်မည်ဖြစ်သည် ဟုလည်း ရေးသားထားသည်။

“ပြန်လည်ပြုပြင်ထားသော အဆိုပြုချက်အရ ဆိပ်ကမ်းကို အိန္ဒိယနိုင်ငံက လုပ်ငန်းများ လုပ်ကိုင်မည်မဟုတ်ဘဲ အဆိုပါ ခေတ်မီ ပစ္စည်းကိရိယာများကို မြန်မာအစိုးရသို့ တည်ဆောက်မှု လုပ်ငန်းများပြီးလျှင် လွှဲပြောင်းပေးမည် ဖြစ်ကာ အဆိုပါ ရေလမ်းတွင် မြန်မာနိုင်ငံ၌ မှတ်ပုံတင်ထားသော သင်္ဘောများသာ သွားရောက်ခွင့်ရှိမည် ဖြစ်သည်” ဟုလည်း ဆိုသည်။

ဝန်ကြီး မစ္စတာခူရှီးဒ်၏ ခရီးစဉ်အတွင်း ရခိုင်ပြည်နယ် ပြည်လည်တည်ဆောက်ရေး လုပ်ငန်းများအတွက် အမေရိကန် ဒေါ်လာ တသန်းပေးအပ်မည်ဟု အဆိုပြုခဲ့ပြီး ဗုဒ္ဓဘာသာနှင့် ရိုဟင်ဂျာ မူဆလင် အသိုင်းအဝိုင်း နှစ်ခုလုံးအတွက် ရည်ရွယ်ပေးအပ်ခြင်း ဖြစ်သည်။

သူ၏ ခရီးစဉ်အတွင်း အခြား အဓိကစီးပွါးရေးပြဿနာများကိုလည်း မစ္စတာခူရှီးဒ် ဆွေးနွေး ခဲ့သည်ဟု သိရသည်။ ယင်းတို့မှာ ၂ဝ၁၆ ခုနှစ်တွင် မြန်မာ-အိန္ဒိယ-ထိုင်း တို့ကို ဆက်သွယ်ပေးမည့် သုံးနိုင်ငံ အဝေးပြေး လမ်းမကြီး ဖောက်လုပ်ရေး၊ နှစ်နိုင်ငံ ဆက်သွယ်ပေးမည့် ရိဒ်-တီးတိန်လမ်း ဖောက်လုပ်ရေး၊ အိန္ဒိယနိုင်ငံသို့ ဓါတ်ငွေ့တင်ပို့ရေး၊ ချင်းတွင်း မြစ်ဝှမ်းတွင် အိန္ဒိယ အထောက် အပံ့ဖြင့် တည်ဆောက်မည့် ထမံသီနှင့်ရွှေစာရေး စီမံကိန်းများမှ လျှပ်စစ်ဓါတ်အား ပို့လွှတ်နိုင်ရေး ဖြစ်နိုင်ခြေများကို ဆွေးနွေးခဲ့သည်။

Ref: မဇ္ဈိမ

Read More...

သင်္ဘောသားများအသင်း MOSA ကို အဖွဲ့ချုပ် MSF အဖြစ် ပြောင်းလဲဖွဲ့စည်း

တင်ဇာအောင်
ဒီဇင်ဘာလ ၁၇ ရက် ၂၀၁၂ ခုနှစ်

၂ဝဝ၂ ခုနှစ်ကတည်းက မှတ်ပုံတင်ထားပြီးဖြစ်သည့် မြန်မာနိုင်ငံ ပင်လယ်ကူး သင်္ဘောသား များအသင်း (MOSA)အား မြန်မာ
နိုင်ငံ ပင်လယ်ကူး သင်္ဘောသား အလုပ်သမားများ အဖွဲ့ချုပ် (MSF) အဖြစ် ဖွဲ့စည်းလိုက်ကြောင်း သိရသည်။

MOSA ရုံးခန်းတွင် ဒီဇင်ဘာလ ၁၂ ရက်နေ့က ကျင်းပပြုလုပ်သည့် အသင်း လွှဲပြောင်းပေးအပ်ခြင်း အခမ်းအနားတွင် အသင်း နှစ်သင်း၏ တာဝန်ရှိသူ များက ပြောကြားလိုက်ခြင်း ဖြစ်သည်။

MSF အနေဖြင့် ပင်လယ်ကူး သင်္ဘောသားများကို တရားဝင် ကိုယ်စားပြုကာ နိုင်ငံတကာ အဖွဲ့အစည်းများနှင့် လွတ်လပ်စွာ ဆက်သွယ်၍ သင်္ဘောသားများ အကျိုးအတွက် ပိုမို ဆောင်ရွက် ပေးနိုင်မည် ဖြစ်သည်ဟု MSF ၏ အထွေထွေ အတွင်းရေးမှူး ကပ္ပတိန်စိုးမင်းအောင် က ပြောသည်။

“MOSA က လူမှုရေး အခြေခံတဲ့ အဖွဲ့အစည်း။ MSF က အလုပ်သမား အခြေခံပြီး ဖွဲ့လာတဲ့ အဖွဲ့အစည်းပါ။ လုပ်နိုင် ကိုင်နိုင်တဲ့ အနေအထားကိုကြည့်ရင် MSF က MOSA ထက် အများကြီး လုပ်နိုင်ကိုင်နိုင်တဲ့ အနေအထားရှိတယ်။ ပိုပြီး လွတ်လပ်တဲ့ အဖွဲ့အစည်း ဖြစ်သွားတယ်။ သင်္ဘောသားတွေနဲ့ အလုပ်ရှင်တွေ ပဋိပက္ခ ဖြစ်တယ်ဆိုရင်တော့ အဖွဲ့ချုပ်အနေနဲ့ သင်္ဘောသားကို ကိုယ်စားပြုပြီး ဖြေရှင်းပေးရမှာပေါ့။ သင်္ဘောသားတွေအတွက် ပိုအားရှိလာတယ်” ဟု ပြောသည်။

လက်ရှိအချိန်တွင် MOSA ကို လုံးဝ ဖျက်သိမ်းခြင်း မရှိဘဲ အချိန်ကာလ တခုအတွင်း စောင့်ကြည့်သွားမည်ဖြစ်ပြီး ယခင် MOSA အသင်းဝင် အားလုံး သုံးသောင်းခန့်ကိုလည်း စာရင်းအရ MSF သို့ လွှဲပြောင်းပေးမည်ဖြစ်သည်။ အဆိုပါ အသင်းသားများ MSF သို့ဝင်ရောက်ရန် ဝင်ကြေး နှင့် တနှစ်စာ အသင်းဝင်ကြေး ကင်းလွတ်ခွင့် ရမည်ဟု လည်း ကပ္ပတိန်စိုးမင်းအောင်က ပြောသည်။

ထိုသို့ ပြောင်းလဲ ဖွဲ့စည်းရန် ဧပြီလ ၄ ရက်နေ့တွင် ကျင်းပခဲ့သော MOSA ၏ အထူးအစည်းအဝေးမှ် သဘောတူညီခဲ့သည်။ ယခင် MOSA ၏ အလုပ်အမှုဆောင်များ ပါဝင်သော ဖြစ်မြောက်ရေး ကော်မတီကို ဖွဲ့စည်းရန်လည်း သဘောတူညီခဲ့သည်ဟု ယခင် MOSA ဥက္ကဋ္ဌ ကပ္ပတိန် ဌေးမြင့် က ပြောဆိုသည်။

သင်္ဘောသား ကိုယ်စားလှယ်များနှင့် အလုပ်အမှုဆောင် အဖွဲ့ဝင်သစ်များကို ဖွဲ့စည်းပုံနှင့်အညီ သုံးလအတွင်း ရွေးကောက်တင်မြှောက် သွားမည် သိရသည်။

MSF အနေဖြင့် သင်္ဘောသားများ အရေးနှင့် ပတ်သက်သည်များ စတင် ဆောင်ရွက်နေရာ လက်ရှိအချိန်ထိ MSF သို့ တိုင်ထားသော အမှုပေါင်း ၇ ခုခန့် ရှိသည်ဟု သိရှိရသည်။

Ref: မဇ္ဈိမ

Read More...

အသေးစား ပေါက်ကွဲမှုကြောင့် ဒေါ်စု ခရီးစဉ် မဖျက်

ကွန်းချမ်း
ဒီဇင်ဘာလ ၁၇ ရက် ၂၀၁၂ ခုနှစ်

ဥက္ကဋ္ဌ ဒေါ်အောင်ဆန်းစုကြည် ၏ တနင်္သာရီတိုင်း၊ ကော့သောင်း- မြိတ်- ကျွန်းစု- ကံမော် ခရီးစဉ် မတိုင်မီ ကံမော်ကျေးရွာတွင် ဟောပြောမည့် စင်မြင့်အနီး၌ အသေးစား ပေါက်ကွဲမှုတခု ဖြစ်ပွားခဲ့သော်လည်း ခရီးစဉ်ကို ဖျက်သိမ်းမည် မဟုတ်ကြောင်း အမျိုးသား ဒီမိုကရေစီ အဖွဲ့ချုပ် (NLD) က ပြောသည်။

“မဖျက်ပါဘူးခင်ဗျာ၊ နဂိုအစီအစဉ်အတိုင်းပါပဲ” ဟု NLD ဗဟိုသတင်းနှင့် ပြန်ကြားရေးဌာန ဒု-တာဝန်ခံ ဦးကြည်တိုး က ပြောသည်။

ဒေါ်အောင်ဆန်းစုကြည်သည် ဒီဇင်ဘာလ ၂၂ ရက်နေ့တွင် ရန်ကုန်မှ ကော့သောင်းသို့ လေကြောင်းခရီးဖြင့် ရောက်ရှိမည် ဖြစ်ပြီး ၎င်းမှတဆင့် မြိတ်သို့လည်းကောင်း၊ ဒီဇင်ဘာလ ၂၃ ရက်နေ့တွင် မြိတ်ခရိုင် ကျွန်းစုမြို့သို့ လည်းကောင်း၊ ဒီဇင်ဘာလ ၂၄ ရက်နေ့ တွင် ကံမော် ကျေးရွာသို့လည်းကောင်း သွားရောက်ကာ လူထုဟောပြောပွဲ များ ပြုလုပ်မည် ဖြစ်သည်။

ခရီးစဉ်အတွင်း ကော့သောင်းမြို့၌ ပြည်သူလူထုနှင့် တွေ့ဆုံကာ တရားဥပဒေ စိုးမိုးရေး အပါအဝင် အများပြည်သူ သိသင့်သိထိုက် သည့် ကိစ္စရပ်များအား ဆွေးနွေးဟောပြောရန်အတွက် ကော့သောင်းမြို့၊ ရန်ကြီးအောင် ဘောလုံး ကွင်းကို အသုံးပြုခွင့် ပေးရန် ကော့သောင်း NLD က ဒီဇင်ဘာလ ၁ဝ ရက်နေ့က တင်ပြခဲ့သည်။

“ဟောပြောပွဲတွင် ပါတီစည်းရုံးရေးကိစ္စရပ်များ ထည့်သွင်း ဟောပြောခြင်း မပြုပါက ဘောလုံး ကွင်းအား အသုံးပြုခွင့် ပြုကြောင်း” ဟု မြို့နယ် အုပ်ချုပ်ရေးမှူးက ဒီဇင်ဘာလ ၁၆ ရက် နေ့စွဲဖြင့် အကြောင်းပြန်လာ၍ ဘောလုံးကွင်းအတွင်း သန့်ရှင်းရေးလုပ်ငန်းများ စတင် လုပ်ကိုင်နေသည်ဟု ကော့သောင်း NLD မြို့နယ် ညီလာခံ ကျင်းပရေး ကော်မရှင်မှ ဦးသက်နိုင် က ပြောသည်။

ဒေါ်အောင်ဆန်းစုကြည်၏ ကျွန်းစုမြို့နယ်၊ ကံမော်ကျေးရွာ ဟောပြောပွဲအတွက် နေရာပြင်ဆင်မှု ပြုလုပ်စဉ် ဒီဇင်ဘာလ ၁၄ ရက်နေ့ မွန်းလွဲ ၃ နာရီခွဲ ဝန်းကျင်တွင် အသေးစား ပေါက်ကွဲမှု တခု ဖြစ်ပွားခဲ့ပြီး ကွင်းသန့်ရှင်းရေး လုပ်နေသည့် အမျိုးသမီး လေးဦး ထိခိုက်ဒဏ်ရာ ရရှိခဲ့သည်။

ပေါက်ကွဲမှုအမျိုးအစား ဒေသရဲတပ်ဖွဲ့က အတည်ပြု ပြောကြားခြင်း မရှိသေးသော်လည်း အမှိုက်ပုံ အတွင်း၌ ပါလာသော (spray) ဘူး ပေါက်ကွဲမှု ဖြစ်သည်ဟု ဒေသအာဏာပိုင်များနှင့် ဒေသခံ NLD ပါတီဝင်များက ယူဆကြသည်။

မြိတ် NLD လူငယ်တဦးကမူ ပေါက်ကွဲသော နေရာတွင် တထွာခန့် ရှိသည့် မြေပြင်ချိုင့်ခွက် ဖြစ်သွားခြင်း၊ ပေါက်ကွဲရာ မှ သတ္တုခဲ စများကို တွေ့ရှိရခြင်း၊ ဒဏ်ရာ ရသူများသည် ပေါက်ကွဲရာနှင့် ၁၂ ပေ အကွာတွင် ရှိနေခြင်း စသည်တို့ ကြောင့် အပျော့စားဗုံး ဖြစ်နိုင်သည်ဟု ဆိုသည်။

“ကျနော် စုံစမ်းထားသလောက်ဆိုရင် ဒေါ်စု မလာမှာ စိုးရိမ်လို့၊ နောက်တခုက အာဏာပိုင်တွေ သတင်းထိန်ချန်ခိုင်း လို့ spray ဗူး ပေါက်တယ်လို့ ပြောလိုက်ကြတာ။ အခုပေါက်တာက အပျော့စား လက်လုပ်ဗုံး ဖြစ်မယ်။ ဒီလို ဗုံးမျိုး ကျနော်တို့ ဒေသမှာ ငါးဖမ်း တဲ့အခါ သုံးလေ့ ရှိတယ်” ဟု မြိတ် NLD လူငယ်က ပြောသည်။

ဒေါ်အောင်ဆန်းစုကြည်သည် ကြားဖြတ် ရွေးကောက်ပွဲ စည်းရုံးရေးကာလတွင် ကျွန်းစုမြို့နယ် အတွင်းရှိ စခန်းသစ်၊ ကံမော်၊ ကျွန်းစု စသည့် ကျွန်းပေါ်ရှိ ကျေးရွာများသို့ သွားရောက်ရန် စီစဉ်ထားသော်လည်း ရှပ်ပြေး ရေယာဉ် ငှားရမ်း ၍ မရခြင်းနှင့် ကျန်းမာရေး အခြေအနေကြောင့် စခန်းသစ် ကျွန်းသို့သာ သွားရောက်နိုင်ခဲ့သည်။

ယခု ခရီးစဉ်တွင် ကျွန်းရွာများသို့ သွားရောက်နိုင်ရန်အတွက် ရှပ်ပြေး ရေယာဉ်များကို စီစဉ်ထားပြီ ဖြစ်ကြောင်း မြိတ် NLD ပါတီဝင်များထံမှ သိရသည်။

Ref: မဇ္ဈိမ

Read More...

ကျောက်ဖြူ အထူးစက်မှုဇုန် ရခိုင်ကမ်းရိုးတန်းကို ခြိမ်းခြောက်နေဟု အစီရင်ခံစာဆို

ဖနိဒါ
ဒီဇင်ဘာလ ၁၇ ရက် ၂၀၁၂ ခုနှစ်

ရခိုင်ပြည်နယ်၊ ကျောက်ဖြူမြို့နယ်အတွင်း စက်မှုဇုန် စီမံကိန်း တည်ဆောက်ခြင်းသည် ရခိုင် ကမ်းရိုးတန်းဒေသအား ခြိမ်းခြောက်
နေခြင်း ဖြစ်သည်ဟု ထိုင်း-မြန်မာနယ်စပ် အခြေစိုက် ရခိုင့် ရေနံ စောင့်ကြည့်ရေး အဖွဲ့ AOW က ပြောဆိုလိုက်သည်။

အမေရိကန်ဒေါ်လာ ၁ဝ၉ ဘီလီလျံ ကုန်ကျမည့် ၎င်းစီမံကိန်းအား တရုတ်နိုင်ငံမှ CITIC Group၊ ဂျပန်နိုင်ငံမှ Nippon Koei ကုမ္ပဏီများနှင့် မြန်မာနိုင်ငံမှ ထူးထရေးဒင်း ကုမ္ပဏီတို့ ပါဝင်မည် ဖြစ်ပြီး ၂ဝ၁၅ ခုနှစ်တွင် အပြီး တည်ဆောက် ရန် စီစဉ်ထားခြင်း ဖြစ်သည်။

ယင်းစီမံကိန်း အကောင်အထည် ပေါ်လာပါက ဒေသခံများ၏ နယ်မြေ သိမ်းဆည်းခံရခြင်း၊ သဘောဝ ပတ်ဝန်းကျင် အဆိပ်အ တောက်ဖြစ်မှုနှင့် လေထုညစ်ညမ်းမှုများ ဖြစ်ပေါ်လာနိုင်ကြောင်း နှစ်နှစ်ကြာ သုတေသန ပြုလုပ်၍ ‘အန္တရာယ်ဇုံ’အမည်ရှိ အစီ ရင်ခံစာကို ဒီဇင်ဘာလတွင် ထုတ်ပြန်လိုက်ခြင်း ဖြစ်သည်ဟု AOW ၏ ဒါရိုက်တာ
ကျော်ခိုင် က ပြောသည်။

“ကျောက်ဖြူမှာ တရုတ်က စီမံကိန်းဆွဲထားတဲ့ ပုံစံအတိုင်းဆိုရင် ဓါတုစက်ရုံတွေ တော်တော်များများ ဆောက်ဖို့ အစီအစဉ် ရှိတယ်။ ဒီဓါတုစက်ရုံတွေက လေထုညစ်ညမ်းမှုတွေ၊ သဘောဝ ပတ်ဝန်းကျင် ပျက်ဆီးမှုတွေကို အများကြီး ဖြစ်နေတဲ့အတွက် ကျနော်တို့က ဒေသခံတွေအတွက် ကြီးမားတဲ့ အန္တရာယ်တွေ ရှိတယ်ဆိုတာကို ထောက်ပြတာ ဖြစ်ပါတယ်” ဟု မဇ္ဈိမကို ပြောသည်။

တရုတ်-မြန်မာသွယ်တန်းထားသော ရေနံနှင့် သဘာဝ ဓါတ်ငွေ့ပိုက်လိုင်း စတင်ရာ အနီးတဝိုက်တွင် စင်္ကာပူနိုင်ငံ အရွယ်အစား ၁၂ဝ စတုရန်း ကီလိုမီတာ (ဧက ၃ သောင်း) ကျယ်ဝန်းသော ကျောက်ဖြူ အထူးစီးပွားရေးဇုန် တည်ဆောက်ခြင်းဖြင့် ရွာပေါင်း ၄ဝ ခန့် ပြောင်းရွှေ့ခံရမည် ဖြစ်ကြောင်း ယင်းတို့ အစီရင်ခံစာတွင် ပါရှိသည်။

စီမံကိန်းကြောင့် ကမ်းရိုတမ်းရေးလမ်း အနည်းဆုံး စတုရန်း ကီလိုမီတာ ၇ဝ ခန့် တိုက်ရိုက် ထိခိုက်မှု ရှိပြီး ဒေသခံများ၏ အသက် မွေးဝမ်းကျောင်းမှ လယ်ယာစိုက်ပျိုးရေး၊ ငါးဖမ်းလုပ်ငန်းများ ပျက်သုဉ်းလာနိုင်ခြင်းနှင့် ကျောက်ဖြူနှင့် ရမ်းဗြဲမြို့နယ်အတွင်း ပေါက် နေသော လမုတောကြီးများ ပျောက်ကွယ် သွားနိုင်ခြင်း စသည့် အန္တရာယ်များနှင့် ခြိမ်းခြောက်ခံရနိုင်သည် ဟု အစီရင်ခံ စာတွင် ပါရှိသည်။

၂ဝဝ၉ ခုနှစ် ဒီဇင်ဘာလနှင့် ၂ဝ၁၁ ခုနှစ် ဖေဖော်ဝါရီလတို့တွင် တရုတ်နှင့် မြန်မာ ကျောက်ဖြူ စီးပွားရေးနှင့် နည်းပညာ ဖွံ့ဖြိုး တိုးတက်ရေးဇုံ တည်ဆောက်ရန် သဘောတူညီမှုအရ ရေနက် ဆိပ်ကမ်း တခု၊ ရထားလမ်း၊ လေယာဉ်ကွင်းနှင့် စက်မှုဇုံများပါဝင် မည့် အထူးစီးပွားရေးဇုံတခုကို တည်ဆောက်ရန် လက်မှတ်ရေးထိုးခဲ့သည်ဟု သိရသည်။

စီမံကိန်းတွင် ကျောက်ဖြူမြို့မှ အမ်း၊ မင်းဘူး၊ မကွေး၊ မန္တလေး၊ လားရှိုးနှင့် မူဆယ်မြို့များကို ဖြတ်ပြီး တရုတ်နိုင်ငံ တောင်ဘက် ယူနန်ပြည်နယ် ရွှေလီမြို့အထိ ဆက်သွယ်မည့် မိုင် ၅ဝဝ ခန့် ရှည်လျားသော ရထားလမ်းတခု တည်ဆောက်ရန် ရထားဝန်ကြီး ဌာနနှင့် တရုတ်နိုင်ငံ Railways Engineering Corporation တို့ နားလည်မှု စာချွန်လွာကို ၂ဝ၁၁ ခုနှစ်၊ ဧပြီလက လက် မှတ်ရေးထိုးခဲ့သည်။ ထိုရထားလမ်းအတွက် ဒေါ်လာ ဘီလီလျံ ၂ဝ အကုန်ကျခံ၍ လာမည့် ၂ဝ၁၅ ခုနှစ်တွင် အပြီးတည်ဆောက်မည် ဖြစ်ပြီး နောင်နှစ်ပေါင်း ၅ဝ ကြာ တရုတ်နိုင်ငံက အသုံးပြုသွားမည် ဖြစ်ကြောင်း သဘောတူညီထားသည်။

စီမံကိန်း အစီအစဉ် အကောင်အထည်မဖော်မီ CITIC ကုမ္ပဏီနှင့် မြန်မာ အစိုးရအနေဖြင့် စီမံကိန်းနှင့် ပတ်သက်သည့် အသေး စိတ် အချက်အလက် များအား ပြည်သူလူထုနှင့် သက်ဆိုင်သည့် နိုင်ငံရေးပါတီများနှင့် ထိခိုက်ခံ လူ့အဖွဲ့ အစည်းများထံ သတင်း ထုတ်ပြန်ပေးရန်နှင့် သဘောဝပတ်ဝန်းကျင်၊ လူအခွင့်အရေးနှင့် လူမှုဘဝ ကာကွယ် စောင့်ရှောက်မှုများ ပြုလုပ် ရန်တွင် နိုင်ငံ တကာ စံချိန်စံညွှန်အတိုင်း လိုက်နာဆောင်ရွက်ပေးရန် AOW က တိုက်တွန်း တောင်းဆိုထားသည်။

၂ဝ၁၁ ခုနှစ်မှ စတင်၍ တရုတ် ကုမ္ပဏီများက နယ်မြေတိုင်းတာမှုများ စတင်ပြုလုပ်နေပြီ ဖြစ်ကြောင်း သိရသည်။ သို့သော် မြန်မာအစိုးရ
အနေဖြင့် တရားဝင် သတင်းထုတ်ပြန်ခြင်း မရှိသေးပေ။

၂ဝဝ၆ ခုနှစ် ရခိုင့်ရေနံစောင့်ကြည့်ရေးအဖွဲ့ကို သဘာဝပတ်ဝန်းကျင် ကာကွယ်စောင့်ရှောက်ရေး၊ ရေနံပိုက်လိုင်း အစရှိသည့် စီမံ ကိန်းကြီးများ ရပ်ဆိုင်းရေး၊ လူ့အခွင့်အရေး ချိုးဖောက်မှုများ ကာကွယ်နိုင်ရေး၊ ရခိုင်ပြည်နယ်မှ ထွက်ရှိသည့် ရေနံပိုက်လိုင်းများမှ
မြန်မာတနိုင်ငံလုံး အကျိုးအမြတ်များ ခံစားခွင့် ရရှိစေရေးအတွက် စတင် ဖွဲ့စည်း ခဲ့သည်ဟု ဒါရိုက်တာကျော်ခိုင် က မဇ္ဈိမကို ပြောဆိုသွားသည်။

Ref: မဇ္ဈိမ

Read More...

အပေါ်သို့