Friday, July 20, 2012

မန္တလေးတိုင်း NLDရုံးချုပ်တွင် အာဇာနည်နေ့အောက်မေ့ဖွယ်အခမ်းအနားကျင်းပ

မောင်ယဉ်ကျော် မန္တလေး-(မြစ်မခ)
20 Jul, 2012

(၆၅)နစ်မြောက်အာဇာနည်နေ့ အထိမ်းအမှက်အောက်မေ့ဖွယ်အခမ်းအနားအားမန္တလေးတိုင်းဒေသကြီး အမျိုးသားဒီမိုကရေစီအဖွဲ့ ချုပ် ရုံးတွင်ဇူလိုင်လ(၁၉)ရက်နေ့ နံနက်(၁၀)နာရီမှနေ့လည်(၁၂)နာရီ အထိ ကျင်းပခဲ့သည်။

ပြည်သူအပေါ်ကောင်းမွန်လာ သည့်သမ္မတဦးသိန်းစိန်ကိုကျေးဇူးတင်ကြောင်းသမ္မတဦးသိန်းစိန်အာဇာနည် ခေါင်းဆောင် ကြီးများ အပေါ်တွင် မြင်သည့်သဘောထားအတိုင်း ကျန်ရှိသော အစိုးရဘက်က ခေါင်းဆောင် များလည်းမြင်စေလိုကြောင်းကို ညီလာခံ ကျင်းပရေးကော်မ ရှင် ဥက္ကဋ္ဌဒေါ်ဝင်းမြမြ ကအဖွင့်အမှာစကား ပြောခဲ့သည်။

အာဇာနည်နေ့ ပထမသ၀ဏ်လွှာအား ဒေါက်တာစိုင်းလှသိန်းက ဖတ်ကြားခဲ့သည်။ဒုတိယသ၀ဏ်လွှာအား ညီလာခံခရိုင် ဥက္ကဋ္ဌ ဦးထင်ကျော်က ဖတ်ကြားကာနှစ်ပေါင်း(၅၀)ကြာ လူ့အခွင့်ရေးဆုံးရှုံးခဲ့ရမှုနှင့် ပတ်သက်၍ဟောပြောခဲ့ပါသည်။

ဇူလိုင်(၁၉)ရက် နံနက်(၁၀)နာရီခွဲအချိန်တွင် ကျဆုံးသွားသောအာဇာနည်ကြီးခေါင်းဆောင်ကြီးများအား အလေးပြု၍၀မ်းနည်း ခြင်းအထိမ်း အမှတ်အနေဖြင့် (၈)စက္ကန့်ဥသြဆွဲကာငြိမ်သက်ဂါရ၀ပြုခဲ့ကြသည်။

'ကျွန်တော်အာဇာနည်ခေါင်းဆောင်းကြီးတွေကို အရမ်းသတိရပါတယ်ဥသြဆွဲသံပြီးတော့ ကျွန်တော် သတိ ရလွန်းလို့ မျက်ရည်တောင် ကျခဲ့ရပါတယ်။စိတ်မထိမ်းနိုင်တဲ့ အမျိုးသမီးတွေက ငိုကြတာပေါ့။ အရမ်းကို အမှတ်ရစရာအောက်မေ့ဖွယ်ပါပဲ'ဟု အမျိုးသားဒီမို က ရေစီအဖွဲ့ဝင် ကိုစိုးနိုင်လင်းကပြောကြားခဲ့သည်။

၎င်းအခမ်းအနားတွင် ဆရာဦဘုန်း(ဓာတု)မှ အလွမ်းဂျူလိုင်ခေါင်းစဉ်ဖြင့်ဟောပြောကာ ကျောင်းသားလူငယ် လေးများက အာဇာနည် နေ့ ဂုဏ်ပြုကဗျာများရွတ်ဆိုခဲ့ကြသည်။

မြို့တော်အခန်းမတွင်လည်း မန္တလေးမြို့တော်ဝန်ကအာဇာနည်နေ့အထိမ်းအမှတ်ပွဲကျင်းပခဲ့သလို မန္တလေးတိုင်းဒေသကြီးအစိုးရ အဖွဲ့မှကျင်းပသော အာဇာနည်နေ့အခမ်းအနားသို့ အမျိုးသားဒီမိုကရေစီအဖွဲ့ချုပ်ကဖိတ်စာအရနောက်ကျ၍ တက်ရောက်နိုင်ခြင်း မရှိခဲ့ပေ။

Ref: မြစ်မခ

Read More...

အာဇာနည်နေ့ဆိုသည်မှာ နိုင်ငံတော်နှင့်ဆိုင်သည့်နေ့ဖြစ်ကြောင်း ၀န်ကြီးချုပ်ဦးရဲမြင့် ပြောကြား

မင်းမင်းလတ်-မန္တလေး(မြစ်မခ)
19 Jul, 2012

အာဇာနည်နေ့ဆိုသည်မှာ တစ်ဦးတစ်ယောက်တည်းပိုင်ဆိုင်သည့်ပွဲ မဟုတ်ကြောင်း အစိုးရ၀န်ကြီးအဖွဲ့က ကျင်းပပြုလုပ်သော အာဇာ နည်နေ့အခမ်းအနားတွင် မန္တလေးတိုင်းဒေသကြီးဝန်ကြီးချုပ်ဦးရဲမြင့်က မြစ်မခသို့ သီးသန့် ပြောကြားလိုက်သည်။

“ ဒီအာဇာနည်နေ့ပွဲဆိုတာ သီးခြားတစ်ဦးတစ်ယောက်အဖွဲ့အစည်းတစ်ခုထဲ အတွက်မဟုတ်ဘူးလေ ၊ နိုင်ငံတော်ရဲ့ ပွဲဖြစ်ပါတယ် ၊ ဒါကြောင့်မို့လို့ လက်ရှိ နိုင်ငံတော်မှာ ပါတီတွေ အားလုံးရှိနေတယ် ၊ အခုခင်ဗျားတို့ တွေ့မယ် စုံစုံညီညီပဲ ၊ ပါတီအဖွဲ့တွေ အကုန်လုံး ကျနော်ဖိတ်တယ် ၊ လူမှုရေးအဖွဲ့ အကုန်လုံးပါတယ် လူတန်းစားအားလုံး ပါတယ် ၊ အားလုံးစုစုစည်းစည်းနဲ့ ညီညီညွတ်ညွတ် လုပ်တဲ့ ပွဲဖြစ် ပါတယ် “ဟု ၀န်ကြီးချုပ်က ပြောကြား ခဲ့သည်။

ဆက်လက်ပြီးဝန်ကြီးချုပ်မှ အာဇာနည်နေ့ဆိုသည်မှာ နိုင်ငံတော်အတွက် အသက်စွန့်ပြီးကြိုးစား သွားသည့် ခေါင်းဆောင်ကြီး များ ၏အထိမ်းအမှတ်ဖြစ်ကြောင်း ၊ ထိုခေါင်းဆောင်ကြီးများမှနိုင်ငံလွတ်လပ်ရေးအတွက် ကျိုးပန်းခဲ့သည့် ကိစ္စရပ်များအား နောက်လာ နောက်သားများအား တန်ဖိုးသိရှိနားလည်ရန် တိုင်းတစ်တိုင်းလုံးတွင် အခမ်းအနားများ ကျင်းပပြုလုပ်ပေးခြင်းဖြစ်ကြောင်းကိုလည်း ထည့်သွင်းပြောကြားခဲ့သည်။

ဆက်လက်၍ မန္တလေးမြို့တော်ဝန်ဖြစ်သည့် မြို့တော်ဝန်ဦးအောင်မောင်းအား အာဇာနည်နေ့နှင့် ပတ်သတ်၍ မြစ်မခမှတွေ့ ဆုံမေး မြန်းခဲ့ရာ မြို့တော်ဝန် ဦးအောင်မောင်းမှ လူငယ်မျိုးဆက်များ အနေဖြင့် တိုင်းပြည်အတွက် မှန်ကန်သော ဒီမိုကရေစီ လမ်းကြောင်း များဖြင့် တိုင်းပြည်ဖွံ့ဖြိုးတိုးတက် ရေးနှင့် အခွင့်အလမ်းများအတွက် အာဇာနည်များ၏ စိတ်ဓါတ်များကို အတုယူကြိုးစားကြရန် ပြော ကြား ခဲ့သည်။

မန္တလေးမြို့တော်ခန်းမတွင်ကျင်းပသော အာဇာနည်နေ့ဆွမ်းသွပ်အမျှတန်းဝေသည့်အခမ်းအနားသို့ တိုင်းဒေသ ကြီးမှ အစိုးရအဖွဲ့ဝင် များ နိုင်ငံရေးပါတီများ လူမှုရေးအဖွဲ့အစည်းများ တက်ရောက်ခဲ့ကြ သည်ကို တွေ့ရှိရပြီး အမျိးသားဒီမိုကရေစီအဖွဲ့ချုပ်မှ တက် ရောက် လာခြင်းမရှိသည်ကိုလည်းတွေ့ရှိ ရသည်။

အဆိုပါကိစ္စနှင့်ပတ်သတ်၍ မန္တလေးတိုင်းဒေသကြီးအမျိုးသားဒီမိုကရေစီအဖွဲ့ချုပ်၏ ပြောရေးဆိုခွင့်ရှိသူ ဦးမျိုးနိုင်အားမြစ်မခမှ ဆက် သွယ်မေးမြန်းခဲ့ရာ ၎င်းတို့အနေဖြင့် ဖိတ်စာလက်ခံရရှိချိန်မှာအချိန်နည်းပါးနေ၍ တက်ရောက်ရန် မစီစဉ်နိုင်ခဲ့ခြင်းဖြစ် ကြောင်းကိုယခု လိုပြောကြားခဲ့သည်။

“ကျွန်နော်တို့ဆီကို (၁၈)ရက်နေ့ မနက်(၁၀)နာရီက ဖိတ်စာရောက်တယ် ၊ အဲဒီမှာမတ္တရာမှာ ဆိုင်းဘုတ်တင်ပွဲကို ကျနော်တို့ ဥက္ကဌ ကသွားနေတယ် ၊ဥက္ကဌအပါဝင်ကိုးဦးလို့ ဖိတ်ပါတယ် ၊ ညနေမှ ပြန်ရောက်တယ် ၊ ဖိတ်စာလဲညနေမှရတယ် ၊ ပြီးတော့ ကျနော် တို့ကလဲ မနက်အစောကြီးကတည်းက အာရုံဆွမ်းကပ်တယ်၊ အခမ်းအနားလဲ ခုမှပြီးတယ် ၊ အမှန်က ကျနော်တို့ သက်သက် ခွဲပြီး သွားဖို့ဟာဘယ်လိုမှ မစီစဉ်လိုက်နိုင်တာပါ ၊ အခြားဘာမှမရှိပါဘူး “ဟုမန္တလေးတိုင်းဒေသကြီး အမျိုးသားဒီမိုကရေစီ အဖွဲ့ချုပ် ပြောရေး ဆိုခွင့်ရှိသူဦးမျိုးနိုင်က ပြန်လည်ဖြေကြားခဲ့သည်။

ထိုကဲ့သို့ အမျိုးသားဒီမိုကရေစီအဖွဲ့ချုပ်မှ နိုင်ငံတော်အခမ်းအနားသို့ တက်ရောက်လာနိုင်ခြင်း မရှိသည့်အပေါ် မန္တလေးအခြေစိုက် သတင်းသမားတစ်ဦးက ယခုလိုသုံးသပ်ပြောဆိုခဲ့သည်။

“အံသြဖို့တော့ ကောင်းတယ် ၊ ပါတီတွေအားလုံးစည်းစည်းလုံးလုံးတွေ့နေရတဲ့အချိန်မှာ ၊ အဖွဲ့ချုပ်အနေနဲ့ ခုလိုမျိုးပွဲမှာ မတွေ့ရ ဘူး ဆိုတော့ တသီးတခြားကြီး သီးသန့်နေနေ သလိုမျိုးကြီးဖြစ်နေတာပေါ့ ၊ အမှန်က ပျော့ပြောင်းမှုရှိပြီး အားလုံးနဲ့ တစ်သားတည်းရှိ သင့်တယ်” ဟု ၎င်း၏အမြင်ကို ပြောဆိုခဲ့သည်။

မန္တလေးမြို့တော်စည်ပင်တွင်ကျင်းပသော အာဇာနည်နေ့အခမ်းအနားတွင် မြို့တော်ခန်းမမှ ၀မ်းနည်းခြင်း အထိမ်းအမှတ်ဖြင့် ဥသြ ဆွဲခြင်းအစီအစဉ်တစ်ခုလည်း ပါဝင်ခဲ့ပြီး မန္တလေးတစ်မြို့လုံး တွင် အဖွဲ့အစည်းအသီးသီးမှပုံသဏ္ဍာန်အမျိုးမျိုးဖြင့် အာဇာနည်နေ့ အောက်မေ့ဖွယ်အခမ်းအနားများကိုစည်ကားသိုက်မြိုက်စွာကျင်းပခဲ့ကြောင်း သိရှိရသည်။

Ref: မြစ်မခ

Read More...

အာဇာနည်စိတ်ဓါတ်အား ဒေါ်အောင်ဆန်းစုကြည် အဓိပ္ပါယ်ဖွင့်ဆို

ဝင့်သင်ဇာကျော်(မြစ်မခ)
19 Jul, 2012

စိတ်ထားမြင့်မြတ်၍ အများအကျိုးအတွက် အနစ်နာခံကာ ပညာဖြင့်စဉ်းစားတွေးခေါ်နိုင်ခြင်းကို အာဇာနည်စိတ်ဓာတ်ဟု ဒေါ်အောင် ဆန်း စုကြည်က (၆၅)နှစ်မြောက် အာဇာနည်နေ့ အထိမ်းအမှတ် ပွဲတွင် အဓိပ္ပါယ်ဖွင့်ဆိုခဲ့သည်။

အာဇာနည်ခေါင်းဆောင်ကြီးများကဲ့သို့ အာဇာနည်စိတ်ဓာတ်ဆိုသည်မှာ တိုက်ခိုက် သတ်ဖြတ် အသေခံခြင်းကို အာဇာနည်ဟု ခေါ် ဆိုခြင်းမဟုတ်ဘဲ စိတ်ထားမြင့်မြတ်ခြင်း ၊ ကိုယ်ကျိုးစွန့်၍ အများအကျိုးအတွက် အနစ်အနာခံကာ ပညာဖြင့် စဉ်းစားတွေးခေါ်နိုင် ခြင်းကို ဆိုလိုခြင်းဖြစ်သည်။

မျိုးဆက်သစ်လူငယ်များကို မှန်ကန်သော အတွေးအခေါ်များ တွေးခေါ်တတ်ရန် သင်ကြားပေးမည် ဆိုပါက တိုင်းပြည်တွင် အာဇာနည် စိတ်ဓါတ်ရှိသော ပြည်သူများ များပြားလာနိုင်ကြောင်းဒေါ်အောင်ဆန်းစုကြည်က ဇူလိုင်လ(၁၉)ရက်နေ့ နေ့လည်ပိုင်းတွင် ဗဟန်းမြို့ နယ်ရှိ အမျိုးသား ဒီမိုကရေစီအဖွဲ့ချုပ်ရုံး၌ ပြုလုပ်သည့် (၆၅)နှစ်မြောက် အာဇာနည်နေ့ အထိမ်းအမှတ်ပွဲတွင် ပြောကြားခဲ့သည်။

“အာဇာနည်စိတ်ဓာတ်နဲ့ စိတ်ထားမြင့်တဲ့ နိုင်ငံသူနိုင်ငံသားတွေကို ပျိုးထောင်ချင် ပါတယ်။ ပြုစုပျိုးထောင်ဖို့၊ ပညာရေးစနစ်၊ ဗီဇလည်း ပါပါတယ်။ ဗီဇဆိုတာ ဘယ်လိုမှ ငြင်းလို့မရပါဘူး။ မိဘတွေမှာလည်း တာဝန်ရှိတယ်၊ မိဘတွေကိုယ်တိုင်က သားသမီးတွေကို မှန် ကန်တဲ့ အတွေး အခေါ်တွေ မှန်ကန်တဲ့ တန်ဖိုးထားမှုတွေ ရှိအောင် လုပ်ပေးမှ အာဇာနည်များတဲ့ တိုင်းပြည် ဖြစ်လာမှာပါ” ဟု ဒီချုပ် ပါတီ ဥက္ကဌ ဒေါ်အောင်ဆန်းစုကြည်က ပြောသည်။

မြန်မာနိုင်ငံပညာရေးမြင့်မားလာစေရန်အတွက် တက္ကသိုလ် ပညာရေး မူကြမ်းဥပဒေကို ပြည်သူ့လွှတ်တော်တွင် ဒေါ်အောင်ဆန်းစု ကြည်က ဆွေးနွေးရန် အစီအစဉ်ရှိကြောင်း ဒီချုပ်ပါတီပြည်သူ့လွှတ်တော်ကိုယ်စား လှယ်လောင်းအချို့ထံက သိရှိရသည်။

“တက္ကသိုလ်ပညာရေးဥပဒေမူကြမ်းနဲ့တိုင်းရင်းသားအရေးကိုတော့ အရင်ဆုံး ဆွေးနွေးဖို့ရှိတယ် လို့ပြောတယ် ဒါပေမဲ့ ဒါကတရားဝင် ပြောထားတာတော့ မဟုတ်ဘူးပေါ့နော်။ ကျွန်တော်တို့ကို တွေ့တဲ့အခါ ပြောပြချက်အရ ကောက်နုတ်ချက်အရတော့ ကျောင်းပညာ ရေးနဲ့ပတ်သက်ပြီးဆွေးနွေးမယ် ဘာလို့လဲဆိုတော့တက္ကသိုလ်ကျောင်းတွေမှာ ညစ်ညမ်းမှုတွေနဲ့ ပတ်သက်တာရယ် တက္ကသိုလ် ကောင်စီမှာ သမဂ္ဂဖွဲ့စည်းတာတွေပေါ့ အဲ့ဒီလိုမျိုးလေးတွေ ဆွေးနွေးဖို့များပါတယ်” ဟု ပြည်သူ့လွှတ်တော်ကိုယ်စားလှယ် ဦးမင်းသူက ပြောသည်။

မြန်မာနိုင်ငံတွင် မြင့်မြတ်သည့်အာဇာနည်စိတ်ဓါတ်များပွားများစေရန် ခေါင်းဆောင်ကြီးများ၏ ကျေးဇူးကိုအမြဲအမှတ်ရကာလေး စားနေသင့်ကြောင်းကိုလည်း ဒေါ်အောင်ဆန်းစုကြည်က ဆိုသည်။

“အာဇာနည်ဆိုတာ မြင့်မြတ်တဲ့စိတ်ထားလဲပါရမယ်လို့ မြင်ပါတယ် ရိုးရိုးသူရဲကောင်းစိတ်ဓာတ်နဲ့ မလုံလောက်ပါဘူး။ မြင့်မြတ်တဲ့စိတ် ဓာတ်တွေ ကျွန်မတို့နိုင်ငံမှာ ပွားများအောင်လို့ ကျွန်မတို့ဟာ အာဇာနည်ခေါင်းဆောင်ကြီးတွေကို လေးစားသင့်တယ်။ အာဇာနည် ခေါင်းဆောင်ကြီးတွေရဲ့ ကျေးဇူး ကို မမေ့သင့်ဘူးလို့ကျွန်မကတော့ ဒီလိုဘဲယူဆပါတယ် “ ဟု ၄င်းက ဆက်လက် ပြောကြားခဲ့သည်။

အမျိုးသားဒီမိုကရေစီအဖွဲ့ချုပ်ရုံး၌ ကျင်းပသော (၆၅)နှစ်မြောက် အာဇာနည်နေ့အခမ်းအနားကို မြန်မာနိုင်ငံဆိုင်ရာ အမေရိကန်သံ အမတ်ဒဲရစ်မစ်ရှယ် နှင့် ၈၈မျိုးဆက်ကျောင်းသားခေါင်းဆောင်ကိုကိုကြီးတို့ အပါအ၀င် ပြည်နယ်နှင့်တိုင်းမှ ပြည်သူလူထု (၂၀၀၀)
ဝန်းကျင်ဖြင့် အခမ်းအနား ကျင်းပ ခဲ့ခြင်းဖြစ်ပြီး နေ့လည်(၁၂)နာရီ(၄၅)မိနစ်ခန့်အချိန်တွင် ပြီးဆုံးခဲ့သည်။

Ref: မြစ်မခ

Read More...

ပျဉ်းမကန်ရွာသူကြီးဂုဏ်ပြုအာဇာနည်ဟောပြောပွဲသို့ (၈၈)မျိုးဆက် တက်ရောက်

ထွန်းနေအောင်(မြစ်မခ)
19 Jul, 2012

ကိုမင်းကိုနိုင်ဦးဆောင်သော (၈၈) မျိုးဆက်ကျောင်းသား ခေါင်းဆောင်များက အာဇာနည်နေ့တွင် သုံးခွမြို့နယ်ရှိ ပျဉ်းမကန်ကျေးရွာသို့ ပွင့်လင်းလူ့အဖွဲ့အစည်းအနေဖြင့် သွားရောက်ကာ အာဇာနည် နေ့အခမ်းအနားနှင့် ပတ်သတ်သည့် ဟောပြောပွဲတစ်ရပ်ပြုလုပ်ခဲ့ကြောင်း သိရှိရသည်။

ပျဉ်းမကန်ကျေးရွာက ရွာခံများက (၈၈)မျိုးဆက်ကျောင်းသားများကို ဖိတ်ကြား၍ အာဇာနည်နေ့ အခမ်းအနား ကျင်းပရခြင်းမှာ လွန်ခဲ့ သည့် (၅)နှစ်ခန့်မှ ဆုံးပါးသွားသည့် ၎င်းတို့ရွာမှ ရွာသူကြီး ဦးရွှေအား ဂုဏ်ပြုသည့် အနေဖြင့် ကျင်းပခြင်းဖြစ်ကြောင်း သိရှိရသည်။

“ကျွန်တော် ဆရာဝန်တစ်ယောက်နဲ့ စကားပြောကြည့်တော့ သူ့ကလေးတွေက အာဇာနည်ဘာလဲ ဆိုတာကို မသိတော့ဘူး။ လွတ်လပ် ရေးကို ဘယ်လိုယူခဲ့လဲဆိုတာမသိတော့ဘူးတဲ့ အဲဒါကလေး တွေကို အစဆုံး ပြန်သင် နေရတယ်တဲ့ ကျွန်တော်တို့ စိတ်ထဲမှာ နောက် မျိုးဆက်တွေကို ဒီပုဂ္ဂိုလ်တွေ အကြောင်းသိအောင် လုပ်မှ ဖြစ်မယ်လို့ တွေးမိပါတယ်။ ခါတိုင်းထက်ပေါ့။ ဗိုလ်ချုပ်အောင်ဆန်း ဘယ် သူလဲဆိုတာ သိအောင်ရယ်။ လွတ်လပ်ရေးကို ဘယ်လိုအရယူခဲ့လဲဆိုတာ ခုခေတ် ကလေးတွေ သိအောင် လုပ်ရပါမယ်”ဟု (၈၈) မျိုး ဆက်ကျောင်းသားခေါင်းဆောင် ကိုမင်းကိုနိုင်က ဟောပြောပွဲ တွင် ပြောကြားခဲ့ခြင်းဖြစ်သည်။

၎င်းဆက်လက်၍ ဗိုလ်ချုပ်အောင်ဆန်း၏ စိတ်နေစိတ်ထားများနှင့် လွတ်လပ်ရေးအရ ယူခဲ့သည့် အကြောင်းအရာများနှင့် အာဇာနည် ခေါင်းဆောင် (၉)ဦးအကြောင်းအား ဆက်လက်ပြောကြားခဲ့သည်။

၎င်းတို့ရွာ၏ ရွာသူကြီးမှာ သူတို့၏ အာဇာနည်ပုဂ္ဂိုလ်တစ်ဦးဖြစ်ပြီး ဒီမိုကရေစီရလျှင် အမျှဝေ ပေးပါဟုမှာ သွားသည့် အတွက် ယခုကဲ့သို့ အမျှဝေ၍ အာဇာနည်နေ့အခမ်းအနားအား (၈၈) မျိုးဆက်ကျောင်းသားများကို ဖိတ်ကြား၍ ပြုလုပ်ခဲ့ရခြင်း ဖြစ်ကြောင်းသိရှိရသည်။

“ကျွန်တော်တို့ သူကြီးရှိစဉ်က သူ့ရဲ့ရွာသားတွေကို သူဟာ ကာကွယ်ပေးခဲ့တယ်။ ခုလည်း ကျွန်တော်တို့က သူ့အိမ်မက်တွေကိုလုပ်ပေး နေတာပါ။ သူကတော်တော်စိတ်ဓါတ်ပြင်းထန်တယ်။ အသက်ထွက်ခါနီးမှာ ဘာပြောသွားလဲဆိုတော့ ဒီမိုကရေစီရရင်တော့ ငါ့ကို အမျှ ဝေပေးပါလို့ပြောသွားတယ်။” ဟု ပျဉ်းမကန်ကျေးရွာမှ လယ်သမားတစ်ဦး ကပြောသည်။

အာဇာနည်နေ့နှင့် ပတ်သတ်၍ “အာဇာနည်နေ့နဲ့ပတ်သတ်လို့ မလုပ်ရတာက ဆယ်စုနှစ်မကတော့ဘူးလေ ဆယ်စုနှစ် နှစ်စုလောက် ကြုံခဲ့ရပြီးပြီး။ ကျွန်တော်တို့ရဲ့မျိုးဆက်တွေကအာဇာနည်ဘာလဲဆိုတာကိုမသိကျဘူး။ တချို့ဆိုအာဇာနည်ဘယ်နှစ်ယောက်ရှိလဲ ဆိုတာတောင်မသိကျဘူး။ ခုလိုလုပ်လို့ရတဲ့အချိန်လေးမှာ ကျွန်တော်တို့မျိုးဆက်တွေသိအောင်လုပ်တာပါ။”ဟု ပျဉ်းမကန်ကျေးရွာမှ ရွားသား ဦးရဲမြင့်ကဆိုသည်။

အဇာနည်နေ့အခမ်းအနားပြုလုပ်ရာတွင် သာမန် မဟုတ်ပဲ သေသေချာချာဖြစ်စေချင်၍ (၈၈) မျိုးဆက် ကျောင်းသားများနှင့် ချိတ်ဆက် ပြုလုပ်ရခြင်းဖြစ်ကြောင်း ၎င်းတို့ကျေးရွာတွင်ရှိသည့် နောက်တတ်လာမည့် မျိုးဆက်သစ်လူငယ်များအား ယင်းအခမ်းအနားမှ အာဇာ နည်ဆိုသည်မှာ ဘာလဲဆိုတာကို သိအောင် ရည်ရွယ်လိုခြင်းဖြစ်ကြောင်း ၎င်းမှ ဆက်လက်ပြောဆိုသည်။

အဆိုပါ အခမ်းအနားသို့ တတ်ရောက်လာသည့် ရွာသူရွာများ သိရှိလိုသည်များကို (၈၈) မျိုးဆက် ကျောင်းသားမှ ဖြေကြားပေးခဲ့ပြီး နေ့လည် (၁၂း၀၀)နာရီခန့်တွင် အခမ်းအနားအား ရုပ်သိမ်းလိုက်သည်။

ပျဉ်းမကန်ကျေးရွာတွင် အိမ်ခြေပေါင်း (၆၀၀) ကျော်ခန့်ရှိကြောင်းနှင့် လူဦးရေ (၁၀၀၀)ကျော်ခန့် နေထိုင်လျက်ရှိကြောင်း စုံစမ်းသိ ရှိရသည်။


Ref: မြစ်မခ

Read More...

ယခုနှစ်တွင် အာဇာနည်ဗိမ္မာန်သို့ ပြည်သူအများအပြားလာရောက် ဂါရ၀ပြုခွင့်ရ

ရှုမ၀အောင်(မြစ်မခ)
19 Jul, 2012

ယနေ့ဇူလိုင်လ (၁၉) ရက်နေ့ (၆၅) နှစ်မြောက်အာဇာနည်နေ့အခမ်းနားတွင် အာဇာနည်ခေါင်းဆောင် ကြီးများအား လာရောက် ဂါရ၀ ပြုသူများမှာ ယခင်နှစ်များကထက် ပိုမိုများပြား၍ နိုင်ငံရေးပါတီများနှင့် လူမှုရေးအသိုင်းအ၀ိုင်းက တာဝန်ရှိသူများ ပြည်သူအများ အပြားလာရောက် ဂါရ၀ပြုခဲ့ကြောင်း တွေ့ရှိ ရသည်။

အာဇာနည်နေ့အခမ်းနားသို့ တက်ရောက် ဂါရ၀ပြုခဲ့သောနိုင်ငံရေးပါတီများမှာ တိုင်းရင်းသားစည်းလုံး ညီညွတ်ရေးပါတီ၊ အမျိုးသား ဒီမိုကရေစီအဖွဲ့ချုပ်၊ မြန်မာနိုင်ငံလူငယ်အစည်းအရုံး၊ ၈၈မျိုးဆက် ကျောင်းသားများအဖွဲ့၊Generation Wave၊ ကျောင်းသား သမဂ္ဂ မှကျောင်းသားများနှင့် အနုပညာရှင် များအပါအ၀င် ပြည်သူအမြောက်အများ တက်ရောက်ခဲ့ကြသည်။

နိုင်ငံရေးပါတီများမှာ ယခင်နှစ်များက တက်ရောက်ခွင့် မရပဲ ယခုနှစ်တွင် နိုင်ငံရေးပါတီများအား ဖိတ်ကြားခံရ၍ တက်ရောက် ခွင့်ရ ရှိခဲ့ကြောင်း တိုင်းရင်းသားစည်းလုံးညီညွတ်ရေးပါတီက သိရသည်။

“လွတ်လပ်ရေးကို အသက်ပေး ကြိုးပမ်းသွားတဲ့ ဗိုလ်ချုပ်အပါဝင် အာဇာနည်ခေါင်းဆောင်ကြီးတွေ အသက်ပေးသွားတဲ့သူတွေကို ကျွန်တော်တို့ တ.စ.ည ပါတီက လာရောက်ဂါရ၀ပြုရုံတင် မဟုတ်ဘူး သူတို့ရဲ့ဂူဗိမာန်တွေရှေ့မှာလည်း အလေးပြုမှာပါ”ဟု တိုင်း ရင်းသားစည်းလုံးညီညွတ်ရေးပါတီမှ ဦးခင်အောင်လှိုင်ကပြောသည်။

ဗဟန်းမြို့နယ် ရွှေတိဂုံဘုရားလမ်းမပေါ်တွင် အာဇာနည်ခေါင်းဆောင်ကြီးများအား အလေးပြုရန်စောင့် ဆိုင်းနေကြသူများ ယခင် နှစ်ထက် ပိုမိုများပြားပြီး ပြည်သူနှင့်နိုင်ငံရေးပါတီများက အလေးပြုရန် နေ့လည် (၁၁း၃၀)အချိန်တွင် ဂိတ်ပေါက်တံခါး ဖွင့်ပေးရာ၌ လာရောက်သူများမှာ များပြားလွန်းသဖြင့် ပြည်သူများထဲတွင် မူးလဲသူများလည်း ရှိကြောင်း လာရောက်သူများထံက သိရှိရသည်။

နံနက် (၇) နာရီတွင် အာဇာနည်ဗိမာန် စတင်ဖွင့်လှစ်၍ ဒုတိယသမ္မတ ဒေါက်တာစိုင်းမောက်ခမ်း၊ နံနက် (၈) နာရီအချိန်တွင် ဗိုလ်ချုပ် အောင်ဆန်း၏ သမီး ဒေါ်အောင်ဆန်းစုကြည်နှင့် အာဇာနည် ခေါင်းဆောင်ကြီးများ၏ မိသားစုဝင်များ၊ ဌာနဆိုင်ရာဝန်ကြီးများ သံရုံးမှ တာဝန်ရှိသူများလည်း လာရောက် ဂါရ၀ပြုကာ အလေးပြုခဲ့ကြောင်း သိရှိရသည်။

“နိုင်ငံရဲ့ခေါင်းဆောင်ဆိုတာ ကမ္ဘာမှာလဲ အများကြီးကျော်ကြားတဲ့သူ ဒို့နိုင်ငံမှာလည်း ဒီလိုမျိုးချစ် စိတ်ရှိတဲ့သူတယောက်ကို ဒီနေ့ ဒီရက်မှာ လာရောက် အလေးပြုရမယ် ဒါလုပ်ရမယ် နောင်လာ နောက်သားတွေလည်း လုပ်ရမယ်၊ နောက်မျိုးဆက်သစ် လူငယ် တွေကလဲ ဒါတွေကို လက်ဆင့်ကမ်း သယ်ဆောင်သွားရမယ်”ဟု တောင်ဥက္ကလာပမြို့နယ်က လာရောက်အလေးပြုသူ ဦးတင်ထွန်းက ပြောသည်။

အာဇာနည်ခေါင်းဆောင်များ မရှိပဲ လွတ်လပ်ရေးမရှိနိုင်ကြောင်း မြန်မာနိုင်ငံမရှိနိုင်ကြောင်း လွတ်လပ်ရေးအတွက် ကြိုးပမ်းခဲ့သည့် အာဇာနည်ခေါင်းဆောင်များအား ရင်ထဲအသည်းထဲတွင် အမြဲအမှတ်နေရန်လိုကြောင်း (၈၈) မျိုးဆက်ကျောင်းသားခေါင်းဆောင် တစ်ဦးကပြောသည်။

“ဒီလိုအလေးပြုခွင့်မရခဲ့တာ နှစ်နှစ်ဆယ်ကျော်ပြီလေ ၂၀၀၅ ၊ ၂၀၀၆ မှာ တခါကြိုးစားကြည့်ဖူးတယ် ဒါပေမယ့် အောက်ကနေပဲ လှည့်ပြန်သွားခဲ့ရတယ်၊ အခုတော့ လူအင်အားနဲ့ စနစ်တကျ ခေါင်းဆောင် ကြီးတွေ ဂါရ၀ပြုခွင့်ရမယ်ဆိုရင် အင်မတန်ဝမ်းသာပါတယ် အာဇာနည်စိတ်ဓာတ်ဟာလဲ တစ်နိုင်ငံ လုံးကို ပျံ့နှံ့နေဖို့ အရေးကြီပါတယ်”ဟု ၈၈ မျိုးဆက်ကျောင်းသားခေါင်းဆောင် ကိုဂျင်မီက ပြော သည်။

၈၈ မျိုးဆက်ကျောင်းသားခေါင်းဆောင်များ၊ကျောင်းသားသမဂ္ဂကျောင်းသားများနှင့် အနုပညာရှင်များ ကလည်း ညနေ ၃ နာရီအချိန် တွင် အာဇာနည်ခေါင်းဆောင်များအား လာရောက်ဂါရ၀ပြုခဲ့ခြင်း ဖြစ်သည်။

“အာဇာနည်ခေါင်းဆောင်ကြီးကို လာရောက်လေးပြုရတဲ့အတွက် အရမ်းလည်း ၀မ်းသာပါတယ် ဒီလို မျိုးနေရာကို လာခဲ့ချင်တာ ကြာ ပါပြီ၊ ပထမဆုံးဖြစ်တဲ့အတွက် အရမ်းလည်း ဂုဏ်ယူမိပါတယ် ” ဟု အဆိုတော် ကဗျာဘွဲ့မှူးက ပြောသည်။

Ref: မြစ်မခ

Read More...

မန္တလေးစက်မှုဇုန်(၂)ဆောက်လုပ်စဉ်က လယ်သိမ်းဆည်းခံတောင်သူများ နစ်နာကြေးမရသေးဟုဆို

မောင်ယဉ်ကျော်-မန္တလေး(မြစ်မခ)
20 Jul, 2012

မန္တလေးစက်မှုဇုန်(၂)အတွက် ရွာသစ်ကလေးကျေးရွာတောင်သူများထံက သိမ်းယူခဲ့သောကွင်းအမှက် (၅၁၈) လယ်မြေဧကပေါင်း (၃၅၅.၃၅)ဧကအတွက် နစ်နာကြေးမရသေးကြောင်းဒေသခံတောင်သူများထံက သိရှိရသည်။

၁၉၉၆-၉၇ခုနှစ်က မန္တလေးစက်မှုဇုန်ု(၂)တည်ဆောက်ရန် လယ်ယာများသိမ်းပိုက်ခဲ့စဉ်ကအစားပြန်ပေးမည်ဟု ပြောကြားခဲ့ သော် လည်း တောင်သူများမှာ ယခုအချိန်အထိမည်သည့်အရာမှ မရသေးပေ။

'ကျုပ်တို့ဘိုးစဉ်ဘောင်ဆက် ကတည်းကလုပ်စားလာတဲ့လယ်တွေကိုဘာမှအကြောင်းမကြားပဲ သိမ်းသွားတယ် အားလုံးပေါင်း (၃၅၅. ၃၅)ဧကတောင်သူဦးရေ (၁၀၀)ကျော် ဘာလျော်ကြေးမှမရလိုက်ပါဘူး၊ အသိမ်းခံရတုန်းကဆိုရင် ရိပ်သိမ်းခါနီးစပါးကိုတောင် ရိတ်ချိန် မရလိုက်ဘူးဘူဒိုဇာတွေနဲ့အကုန်ထိုးဖြတ်တယ်၊ ကျုပ်တို့ မှာ လျော်ကြေးမရတဲ့အပြင်စိုက်ထားတဲ့ စပါးတောင်ဆုံးရှုံးရတယ်”ဟု ရွာသစ် ကလေးကျေးရွာမှတောင်သူဦးကျောက်ခဲက ပြောသည်။

အဆိုပါ ကွင်းအမှက်(၅၁၈)တွင် ရွာသစ်ကလေးကျေးရွာ မယ်တော်စုနှင့်စည်ပင်ရွာမှလယ်မြေများသိမ်းဆည်းခံ ရကြောင်း၊ ထိုအထဲတွင် ရွာသစ်ကလေးကျေးရွာမှ အများဆုံးဖြစ်ကြောင်း သိမ်းဆည်းခံ တောင်သူများတွင် အခွန်ဆောင်ထားသည့်ပြေစာများလည်း ရှိကြောင်း ကိုလည်း ၄င်းကဆက်ပြောသည်။

“ကျွန်တော်တို့လယ်လုပ်စားခဲ့စဉ်က အခွန်ဆောင်ထားတဲ့ပြေစာတွေရှိပါသေးတယ်၊နောက်ပြီးဒုတိယဗိုလ်မှုးကြီး တင်ထွန်းဆီကို စပါး သွင်းရတယ်၊ တာဝန်မကျေလို့ဆိုပြီးအချုပ်ခန်းတောင် ရောက်ခဲ့ရသေးတယ်၊ အဲဒီတုန်းကတော့အာဏာရှင်စနစ်ကြီးစိုးနေတော့ မပြော ရဲဘူးပေါ့ အခုလိုလွတ်လပ်လာတော့ကျွန်တော် တို့အတွက် မျှော်မှန်းချက်လေးတော့ ရှိသေးတာပေါ့ဗျာ' ဟုရွာသစ်ကလေးကျေးရွာမှ တောင်သူတစ်ဦးက ပြောသည်။

စက်မှုဇုံ(၂)တည်ဆောက်စဉ်က လယ်ယာမြေသိမ်းခံရသော ရွာသစ်ကလေးကျေးရွာမှတောင်သူလယ်သမားများမှာ ယခင် လယ်ပိုင် ယာပိုင်တောင်သူများဘ၀မှယခုတွင်လယ်မရှိသောကြောင့်စက်မှု(၂)အတွင်းတွင်စက်ရုံများ၊ကားသံဂျီးချွတ်လုပ်ငန်းများတွင်အလုပ် ၀င်ရောက်လုပ်နေရကြောင်းကိုလည်း သိရှိရသည်။

တချိန်ကလယ်ယာပိုင်ရှင်များမှာ လက်ရှိအချိန်တွင်စားဝတ်နေရေးအဆင်မပြေလည်သောကြောင့် ကျောင်းနေ အရွယ် ကလေးများ အားမူလတန်းအောင်ရုံသာထား၍ စက်ရုံများတွင် အလုပ်လုပ်ခိုင်းနေရကြောင်းရွာသားများက ဆိုသည်။

“အရင်ကတော့ လယ်ပိုင်ယာပိုင်ပေါ့ကွယ် အခုတော့သူများဆီမှာ ကူလီလုပ်နေရတယ်၊စီးပွားရေးလည်း အဆင်မပြေတော့နေ တဲ့အိမ် ၀ိုင်းလေးကိုဖဲ့ဖဲ့ရောင်းစားနေရတယ်။ ကလေးတွေကိုအတန်းပညာဆုံးအောင် မထားနိုင်ဘူးကျောင်းထားစရာငွေမရှိလို့ လေး တန်း အောင်ရင်ကျောင်းထုတ်ပြီး မိန်းကလေးဆိုရင် မုန့်စက်ရုံမှာအလုပ်လုပ်ခိုင်းတယ် ယောက်ျားလေးဆို ကားဘော်ဒီရုံမှာ သံဂျီးချွတ် အလုပ်လုပ်ခိုင်းရတယ်။ တစ်ရွာလုံးမှာဘွဲ့ရတဲ့လူ(၄)ယောက်လောက်ပဲရှိတယ်ကျမတို့ဆုံးရှုံးခဲ့တဲ့လယ်မြေတွေအတွက် လယ်ယာမြေ အစားထိုးပေးရင်လည်းပြန်လိုချင်ပါတယ်ဒါမှမဟုတ်ထိုက်သင့်တဲ့ နစ်နာကြေးလိုချင်ပါတယ်။”ဟု ရွာသစ်ကလေးကျေးရွာမှ ဒေါ်တာ က ပြောသည်။

တောင်သူများဘိုးစဉ်ဘောင် ဆက်လုပ်ကိုင်စားသောက်ခဲ့သောလယ်ယာမြေ များအားနစ်နာကြေးတစုံတရာမှ မပေးပဲသိမ်းဆည်းခံ ရခြင်းကြောင့်နောက်ဆက်တွဲဆိုးကျိုးများခံစားနေရပြီဖြစ်သည့်အတွက် မသိနားမလည် သည့်တောင်သူများအပေါ်တွင် သက်ဆိုင်ရာ တာဝန်ရှိသူများမှကြည့်ရှုစောင့်ရှောက်သင့်ကြောင်းကိုလည်း လယ်သမားအကျိုးဆောင်ရွက်ပေးနေသူကိုဆွေအောင်က အကြံပြုပြော ဆိုသည်။

Ref: မြစ်မခ

Read More...

မြောင်မြို့ ဓာတ်ပေါင်းမြဉ္ဖူစေတီမှ ရှေးဟောင်းဘုရား(၃၃)ဆူ တွေ့ရှိ

မောင်ယဉ်ကျော်-မန္တလေး(မြစ်မခ)
20 Jul, 2012

စစ်ကိုင်းတိုင်းဒေသကြီး မြောင်မြို့ မြို့လယ်ရပ်ရွှေပေါ်ကျွန်းဘုရားဝင်းအတွင်း အရှေ့မြောက်ရပ်ရှိ ဓာတ်ပေါင်းမြဉ္ဖူစေတီအား ပြုပြင် မွန်းမံရာ၌ ရှေးဟောင်းဘုရား(၃၃)ဆူ တွေ့ရှိကြောင်းဒေသခံများက ဆိုသည်။

'ဦးဇင်းတို့ ဓာတ်ပါင်းမြဉ္ဖူစေတီပြုပြင်နေစဉ်အတောအတွင်းမှာရှေးဟောင်းဆင်းတုတော်တွေကို စေတီ ဌာပနာတိုက်ထဲက တွေ့တယ်။ ပထမ၀ါဆိုလပြည့်နေ့မှာ စတွေ့တယ် လပြည့်ကျော်(၅)ရက်နေ့မှာဌာပနာတိုက်ဖွင့်တယ်၊ အထဲမှာ နံရံဆေးရေးပန်းချီတွေနဲ့ ရှေးဟောင်း ဘုရား(၃၃)ဆူုတွေ့တယ်”ဟု ဒန်းကျောင်း ဆရာတော် ဦးက၀ိဓဇ ကမိန့်ကြားသည်။

အဆိုပါရှေးဟောင်းဆင်းတုတော်များမှာ ကျောက်ဆင်းတုတော်(၆)ဆူ၊နှီးဆင်းတု(၁၁)ဆူတွေ့ရှိခဲ့ကြောင်း ထိုအထဲမှ (၆)ဆူအားမူလ တွေ့ရှိသည့်နေရာတွင် ပြန်လည်ပူဇော်ခဲ့ကြောင်းနှင့် ကျန်ဆင်းတုတော်(၂၇)ဆူအား ရွှေပေါ်ကျွန်းဘုရား အာရုံခံအတွင်းတည် ထား ကိုးကွယ်၍နှစ်စဉ်ဘုရားပွဲပြုလုပ်သွားရန် စီစဉ်ထားကြောင်းကို လည်း ဆရာတော်ကထံကသိရှိရသည်။

ဓာတ်ပေါင်းမြဉ္ဖူစေတီအတွင်းမှ တွေ့ခဲ့ရသော ရှေးဟောင်းဘုရားဆင်းတုများသည်တန်ဖိုးမဖြတ်နိုင်သော သာသနာ့ အမွေအနှစ်များ ဖြစ်သောကြောင့်ဂရုတစိုက်ထိန်းသိမ်းစောင့်ရှောက်သွားမည်ဖြစ်ကြောင်း သံဃာ တော်များထံကသိရသည်။

ဓာတ်ပေါင်းမြဉ္ဖူစေတီမှာ ရွှေပေါ်ကျွန်းဘုရားကြီးထက်စောစီးစွာတည်ရှိခဲ့ကြောင်း ဆရာတော်ဦးက၀ိဓဇမှ ဆက်လက်မိန့်ကြားသည်။

ရွှေပေါ်ကျွန်းဘုရား(ဦးဘုရား)ကြီးသည် ပုဂံခေတ်၌် အလောင်းစည်သူမင်းကြီးတိုင်းခန်းလှည့်လည်ရာတွင် တည်ထားကိုးကွယ်ခဲ့ သော ဘုရားကြီးဖြစ်ကြောင်းကိုလည်း ရွှေပေါ်ကျွန်းဘုရားသမိုင်းက သိရှိရသည်။

Ref: မြစ်မခ

Read More...

မျဉ်းပြိုင်ဖြစ်နေသော UNFC ၏ တပြေးညီ ဖြစ်ရေး ပေါ်လစီ

19 July 2012

သွေးစည်း ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ၏ တပြေးညီ ပေါ်လစီ ဖြစ်လာရေးသည် ဆန့်ကျင်ဖက် သဘောထား နှစ်မျိုးကြောင့် မျဉ်းပြိုင်ဖြစ်နေရပြီး အစိုးရနှင့် ဆွေးနွေးရာမှာ တပြေးညီဖြစ်မှာ မဟုတ်ဟု UNFC အရာရှိ တဦးက ပြော ပါသည်။

“ကေအန်ယူကတော့ အစိုးရနဲ့ ရထားတဲ့ ပဏာမ အပစ်အခတ် ရပ်စဲရေး အခြေအနေကနေ ပိုပြီး ခိုင်မာလာအောင် ကြိုးစား သွားဖို့ လိုအပ်တယ်လို့ သဘောထားပါတယ်။ ကေအိုင်အေ ဖက်ကတော့ အစိုးရဖက်က စစ်ဆင်ရေးရပ်မယ်၊ တပ်တွေကို ဆုတ်ပေးမယ် ဆိုရင်တော့ အပစ်အခတ်ရပ်စဲရေး ကမ်းလှမ်းချက်ဟာ ဖြစ်နိုင်ပါတယ်။ ဒါပေမဲ့ အခုတော့ အပစ်ရပ်ဖို့တောင် မလွယ်တဲ့ အခြေအနေကို ဖြစ်နေတော့ UNFC ရဲ့ တပြေးညီ ပေါ်လစီဟာ မျဉ်းပြိုင်ဖြစ်လာနေပါတယ်” ဟု ဆိုပါသည်။

UNFC အဖွဲ့ထဲ၌ အစိုးရနှင့် အပစ်ရပ်စဲထားသည့် အဖွဲ့ (၅) ဖွဲ့ရှိပြီး အပစ်မရပ် ရသေးသည့် အဖွဲ့သည် (၆) ဖွဲ့ ရှိသည်။ သို့သော် SSPP သည် အစိုးရနှင့်အ ပစ်အခတ်ရပ်စဲထားသော်လည်း မကြာခဏတိုက်ပွဲ ပြန်ဖြစ်ပွားသည်လည်း ရှိပါသည်။ ဤအခြေ အနေကြောင့် အားလုံး အပစ်ရပ်ဖို့ အခက်အခဲရှိနေသလို အားလုံးပြန်တိုက်ရန်လည်း ခက်ခဲနေပါသည်။ ဤသို့ကြောင့် UNFC ၏ တပြေးညီ ပေါ်လစီ သည်၊ အပစ်အခတ် ရပ်စဲရေးမှတဆင့် အစိုးရနှင့် ငြိမ်းချမ်းရေးစကား ဆွေးနွေးရန် မဖြစ်နိုင်တော့ပေ။

ယမာန်နေ့က ပြီးဆုံးသွားသော UNFC (၆) လပတ် ထိပ်သီး အစည်းအဝေးတွင် ကချင်ပြည် လွတ်မြောက်ရေး ပါတီမှ KIO ဒုဥက္ကဌ ဒုဗိုလ်ချုပ်ကြီး အန်ဘန်လအောင်၊ အထွေထွေ အတွင်းရေးမှူး ဒေါက်တာလဂျာနှင့် အဖွဲ့ဝင် (၅) ဦး တက်ရောက်ခဲ့ ပါသည်။ ကေအန်ယူ ဖက်ကတော့ အထွေထွေ အတွင်းရေးမှူး နော်စီဖိုးရာစိန်၊ ပဒိုဒေးဗစ်တာကပေါအပါဝင် ကိုယ်စားလှယ် (၃) ဦး တက်ရောက်ခဲ့ပါသည်။

ထိုအစည်းအဝေးသို့ UNFC အဖွဲ့ဝင် (၁၁) ဖွဲ့မှ ထိပ်ပိုင်း ခေါင်းဆောင်များ တက်ရောက်ကြပြီး တပြေးညီ ပေါ်လစီအပေါ် သဘောထား ကွဲလွဲမှုကြောင့် အစည်းအဝေးသည်၊ တဖွဲ့ချင်း၏ အခြေအနေကို ပြန်လည် စုပေါင်း သုံးသပ်သော အစည်းအ ဝေးဖြစ်သွားခဲ့ပါသည်။

ထို့အပြင် UNFC ထံသို့ သမ္မတ ဦးသိန်းစိန် အကြံပေး အဖွဲ့ဝင်တဦး၏ လက်နက်ကိုင် အဖွဲ့ဝင် အားလုံးပါဝင်သော တွေ့ဆုံဆွေးနွေးပွဲမျိုး တာဝန်ယူပေးရန် သွေးစည်းညီ ညွတ်သော တိုင်းရင်းသား လူမျိုးများ ဖက်ဒရယ်ကောင်စီ(UNFC) ဥက္ကဌထံ ဆက် သွယ်ခဲ့ပါသည်။ ဤကမ်းလှမ်းမှုကိုလည်း UNFC က လက်ခံထားပြီး သမ္မတထံ အကြောင်းပြန်ကြား ခဲ့သည်ဟု UNFC အဖွဲ့ ပြန်ကြားရေး အရာရှိတဦးက ဆိုပါသည်။

“ ဒီလိုပါ သမ္မတ အကြံပေးပြောတာက အစိုးရနဲ့ လက်နက်ကိုင် တိုင်းရင်းသားအဖွဲ့ အားလုံးပေါင်းအဖွဲ့ (၂၀) လောက်နဲ့ တွေ့ ဆုံဆွေး နွေးဖို့ UNFC က တာဝန်ယူပေးနိုင်မလား ဆိုတာကို ကမ်းလှမ်းတာပါ။ UNFC ကလည်း လက်ခံတယ်လို့ ဒီရက်ပိုင်း မှာဘဲ အင်္ဂလန် ပဋ္ဋိပက္ခဖြေရှင်း အဖွဲ့တခုကနေတဆင့် အကြောင်းပြန်ကြားလိုက်တယ်လေ။ ဘယ်လို ဆက်လုပ်ကြမလဲ ဆိုတာကိုတော့ သမ္မတဖက်က အကြောင်းပြန်မှ သိရတော့မယ်လေ” ဟု ဆိုပါသည်။

UNFC သည် လက်နက်ကိုင် တိုင်းရင်းသား အဖွဲ့များနှင့် စုပေါင်း ဖွဲ့စည်းထားပြီး ၄င်းတို့၏ ပထမပေါ်လစီသည် အပစ်အခတ် ရပ်စဲရေးကို အစိုးရနှင့် တဖွဲ့ချင်း မဆွေးနွေးရဟု ချမှတ်ခဲ့ပါသည်။ သို့သော်လက်တွေ့၌ တဖွဲ့ချင်းဆွေးနွေးခွင့် ပေးခဲ့ရပြီး နိုင်ငံရေး ဆွေးနွေးပွဲကျ မှသာ စုပေါင်းဆွေးနွေးရန် ထပ်မံ ချမှတ်ခဲ့ပြန်ပါသည်။ ဤကိစ္စ၌လည်း အဖွဲ့ဝင် အားလုံး ဆွေးနွေးပွဲ၌ ပါဝင် နိုင်ရေးသည် ယခုချိန်ထိ အစိုးရနှင့် အပစ်အခတ် မရပ်စဲနိုင်သဖြင့် မျော်လင့်ချက် နဲလာပေသည်။

ဤအခြေအနေကြောင့် UNFC သည် ဇွန်လ (၁၀) ရက်နေ့ အချိန်အထိ အစိုးရက ကချင် လွတ်မြောက်ရေး အဖွဲ့အပေါ် စစ် ဆင်ရေး မရပ်စဲပါက အဖွဲ့ဝင်များ ရရှိထားသည့် အပစ်အခတ် ရပ်စဲရေးကို ပြန်လည် သုံးသပ်မည်ဟု ခြိမ်းခြောက်ခဲ့ပါသည်။ ဤသည်လည်း တပြေးညီ ဖြစ်ရေး ပေါ်လစီ၏ မျဉ်းပြိုင် အခြေအနေနှင့်သာ အဆုံးသတ်နေရသည့် အခြေအနေဖြစ်သွားခဲ့ ပါသည်။

Ref: ရွှေဟင်္သာ

Read More...

အပစ်အခတ် ရပ်စဲရေး အခြေအနေ ရှင်းလင်ပွဲ ခရီးစဉ် ပြီးဆုံး

19 July 2012

အပစ်အခတ် ရပ်စဲရေး အခြေအနေကို မွန်ပြည်သူ လူထုအား ရှင်းလင်း တင်ပြပြီး၊ အကြံညာဏ် ရရယူရန် ဇွန်လမှ စတင်ခဲ့သော မွန်ပြည်သစ် ပါတီ၏ ရှင်းလင်းရေး ခရီးစဉ်များသည် ယခု ပြီးဆုံး သွားပြီးဟု ပြောရေး ဆိုခွင့်ရှိသူက ဆိုပါသည်။

“မွန်ပြည်သူ များကတော့ စစ်တပ်မှ သိမ်းထားသည့် လယ်ယာ ခြံမြေများ ပြန်လည် ရရှိရေး ကိစ္စ အပါအဝင် နိုင်ငံရေး၊ စီးပွားရေး၊ ပညာရေး၊ ကျန်းမာရေး စတဲ့ ကိစ္စရပ်များကို တင်ပြတောင်းဆိုခဲ့ပါတယ်။ အထူးသဖြင့် ရေးမြို့နယ် မော်လမြိုင်၊ ကျိုက်မရောနဲ့ အခြား နေရာတွေမှာ စစ်တပ်က သိမ်းထားတဲ့ မြေတွေကို ပြန်လည် ရရှိဖို့ ဝိုင်းလုပ် ပေးဖို့ တင်ပြ ထားပါတယ်” ဟု ဆက်ဆံရေးရုံး တာဝန်ခံ နိုင်ဟံသာ (ဗိုန်ခိုင်) မှ ပြောပါသည်။

၁၉၉၅ ခုနှစ် မှ၂၀၁၂ ခုနှစ်အထိ အစိုးရမှ မြေယာ သိမ်းဆည်းမှု ဧကပေါင်း (၂၀၀၀၀) ခန့် ရှိကြောင်း ထိုင်းနိုင်ငံ အခြေစိုက် Human Rights Foundation of Mon Land မှ လှုပ်ရှား ဆောင်ရွက်သူ တစ်ဦးဖြစ်သည့် နိုင်အဲမွန်က ပြောဆိုခဲ့ပါသည်။

မွန်ပြည်သစ် ပါတီသည် ယခု ရရှိထားသည့် ပြည်သူများ၏ အကြံပြုချက်များကို ၄င်းတို့ ပုံမှန်ကျင်းပသည့် အနီးစပ်ဆုံး ပါတီ ဗဟို ကော်မီတီ အစည်း အဝေးသို့ တင်ပြ ဆွေးနွေးပြီး မည်သို့ အကောင်အထည်ဖော် ဆောင်ရွက်မည်ကို ဆုံးဖြတ် ကြမည်ဖြစ်ပါသည်။

“အနီးဆုံး အစည်းအဝေး ပေါ့လေ၊ ဗဟို အလုပ်မှုဆောင် မဟုတ်ရင် ဗဟိုကော်မတီ အစည်း အဝေးကို တင်ပြပြီး ဆုံးဖြတ် ဆွေးနွေး ကြမှာပါ၊ အကောင်အထည် ဖော်လို့ရနိုင်မယ့် အနေအထားရှိတဲ့ ဆုံးဖြတ်ချက်တွေကို ချက်ခြင်း ကျွှန်တော်တို့ အကောင်အထည်ဖော် သွားမှာပါ” ဟု ဆက်ဆံရေးရုံး တာဝန်ခံ နိုင်ဟံသာ (ဗိုန်ခိုင်) မှ ပြောပါသည်။

မွန်ပြည်သစ် ပါတီသည် ၄င်းတို့ ရပ်တည်ရေးအတွက် သစ်တန်ချိန် ၂၀၀၀၀ အား ရေးချောင်းဖျားဒေသ၌ ထုတ်လုပ်ရန် အစိုးရမှ ခွင့်ပြု ထားပါသည်။ ဤကိစ္စ၌လည်း ဤဒေသ၌ သစ်တောများ ပြုန်းတီးသွားနိုင်ဖွယ်ရာ ဖြစ်နိုင်သည်ဟု ဒေသခံ များက စိုးရိမ်နေ ပါသည်။ မွန်ပြည်သစ် ပါတီဖက်ကမူ ၄င်းတို့တွင် သစ်တော စိုက်ပျိုးမှု အစီစဉ်ရှိကြောင်း၊ တချို့နေရာ၌ သစ်များ မျိုးစေ့ သောင်းနှင့်ချီပြီး စိုက်ပျိုး နေပြီးဖြစ်ကြောင်း၊ သစ်တောပြုန်းတီးသွားသော နေရာ၌လည်း ဆက်လက်စိုက်ပျိုး မည့် အစီစဉ်လည်းရှိနေကြောင်း ဆိုပါသည်။

မွန်ပြည်သူများအတွက် ရှင်းလင်းပွဲကို အုပ်စု (၄) ခု ခွဲကာ ဗဟိုဝန်းကျင်နှင့် နယ်စပ်ဒေသ၊ မော်လမြိုင်ခရိုင်၊ သထုံခရိုင်နှင့် ထား ၀ယ်ခရိုင် ဒေသသို့ ဇွန်လလယ်မှ ဇူလိုင်လလယ်အထိ နယ်လှည့်ပြီး ရှင်းလင်းခဲ့ပါသည်။

Ref: ရွှေဟင်္သာ

Read More...

မွန်ပညာရေးအတွက်အစိုးရမှထောက် ပံ့မှုပေးမည်ဟုပြော

20 July 2012
နန်းယဉ်

မွန်စာပေကို ကျောင်းချိန်ပြင်ပ၌သာ သင်ကြားခွင့်ပေးပြီး ၎င်းအတွက် ပညာရေးထောက်ပံ့ကြေး ပေးဆောင် သွားမည်ဟု သမ္မတဦးသိန်း စိန်က တိုင်းရင်းသားညီနောင် ၆ပါတီနှင့် တွေ့ဆုံခဲ့စဉ် ပြောကြားခဲ့သည်။

သမ္မတနှင့် ဒီမိုကရေစီ မဟာမိတ် ၁၀ပါတီတို့ တွေ့ဆုံခဲ့ကြစဉ် တိုင်းရင်းသားစာပေသင်ကြားရေးကိစ္စနှင့် ပတ်သက်ပြီး ညီနောင် ၆ပါတီ ကိုယ်စား မွန်ဒေသလုံးဆိုင်ရာ ဒီမိုကရေစီပါတီ ဒုဥက္ကဌ ဒေါက်တာလှအောင်က တင်ပြခဲ့သည်ကို သမ္မတက ထိုကဲ့သို့ ပြောဆိုခဲ့ခြင်း ဖြစ်သည်။

ဒေါက်တာလှအောင်၏ တင်ပြချက်ကို ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်းက သမ္မတ၏ ခွင့်ပြုချက်ဖြင့် “မွန်တွေ စာပေသင်ကြားရေးနဲ့ပတ်သက်ပြီး တင်ပြမယ်ဆိုတာ ကျနော်တို့ သိပြီးသားပါ။ မွန်စာပေကို ကျောင်းချိန်ပြင်ပမှာ သင်ကြားဖို့ လည်း ကျနော်တို့ သဘောတူထားပြီးသား။ စာပေသင်ကြားဖို့အတွက်ကိုလည်း အစိုးရကနေ တနှစ်ကို ဒေါ်လာတစ်သန်း ထောက်ပံ့ သွား မယ်”ဟု ပြောခဲ့သည်။

အစိုးရ၏ ကျောင်းချိန်ပြင်ပ စာပေသင်ကြားရေးသည် လက်တွေ့တွင် အကောင်အထည်ဖော်ရန် မလွယ်ကူကြောင်း ၎င်းသည် တိုင်းရင်း သားတို့၏ တောင်းဆိုမှုများကို လုံးဝ ဂရုမစိုက်သည့်သဘော သက်ရောက်ကြောင်း အမျိုးသားလွှတ်တော် ကိုယ်စားလှယ် ဒေါက်တာ ဗညားအောင်မိုးက ပြောသည်။

“တကယ်တော့ ကျောင်းချိန်ပြင်ပ စာပေသင်ကြားတဲ့ကိစ္စက နည်းလမ်းသိပ်မကျဘူး။ လွှတ်တော်မှာ ကျနော်တို့တင်တာက တိုင်းရင်း သား အားလုံး ပြည်နယ်အားလုံးသူတို့ရဲ့ ကိုယ်ပိုင်ပညာရေးစနစ်နဲ့ မွန်ဆို မွန်ပညာရေးဌာန၊ ကရင်ဆို ကရင်ပညာရေးဌာန သူ့ပြည် နယ်နဲ့ သူ့စာ ပေနဲ့ဖြစ်ဖို့ တင်တာ။ အဲဒါကို လူမျိုးပေါင်း ၁၃၅ကျော်တယ်။ လုပ်လို့မရဘူးဆိုပြီး ပညာရေးဝန်ကြီးက ပြောတယ်။ တိုင်းရင်းသားစာပေတွေ ဘာသာစကားတွေ မပျောက်သွားအောင် တင်ပြတယ်။ ဘယ်တိုင်းရင်းသားမှာ ဘာသာဘယ်နှစ်ခုရှိတယ် ဆိုပြီးတော့ ငြင်းတယ်”ဟု ဒေါက်တာဗညားအောင်မိုးက ပြောသည်။

အစိုးရစာသင်ကျောင်းတွင် တိုင်းရင်းသားစာပေ သင်ကြားခွင့်ရရှိရန်အတွက် ပထမအကြိမ် အမျိုးသားလွှတ်တော် ပထမ ပုံမှန် အစည်း အဝေးတွင် ဒေါက်တာဗညားအောင်မိုးက တင်ပြခဲ့သော်လည်း လွှတ်တော်က ၎င်းအဆိုကို ငြင်းဆိုခဲ့သည်။

သို့သော် တိုင်းရင်းသားစာပေကို ကျောင်းချိန်အတွင်း သင်ကြားခွင့်ရရှိရန် ဆက်လက် တောင်းဆိုသွားမည်ဟုလည်း ၎င်းက ပြောသည်။

ယခင် မွန်ပြည်သစ်ပါတီနှင့် အစိုးရငြိမ်းချမ်းရေးဖော်ဆောင်မှု ကိုယ်စားလှယ် ဦးအောင်မင်းတို့ တွေ့ဆုံခဲ့ကြစဉ်က မွန်ပညာရေးဖွံ့ဖြိုးတိုး တက်ရေးအတွက် မွန်ပြည်သစ်ပါတီက တောင်းဆိုခဲ့သည့်အပေါ် ယခုကဲ့သို့ မွန်ပညာရေးကို ထောက်ပံ့ပေးခြင်းဖြစ်ကြောင်း ရခိုင်အမျိုး သားတိုးတက်ရေးပါတီ အတွင်းရေးမှူး ဦးဦးလှစောက ပြောသည်။

ထိုနည်းတူ သျှမ်းစာပေကို ကျောင်းချိန်အတွင်း သင်ကြားခွင့်ရနိုင်ရန်နှင့် သျှမ်းစာပေအနေနှင့် သင်ရိုးညွှန်းတမ်းတခုတည်းဖြစ်အောင် သျှမ်းစာပေနှင့် ယဉ်ကျေးမှုကော်မတီတို့က ကြိုးပမ်းလျှက်ရှိသည်။

ပြီးခဲ့သည့် မေလကလည်း တိုင်းရင်းသားစာပေ သင်ကြားရေးနှင့် ပတ်သက်ပြီး အခြေခံပညာမူလတန်းအဆင့်တွင် တိုင်းရင်းသား စာပေ ကို ကျောင်းချိန်ပြင်ပတွင် သင်ကြားခွင့်ပြုမည်ကို ပညာရေးဌာန ပြည်ထောင်စုဝန်ကြီး ဒေါက်တာမြအေးက တိုင်းရင်းသားဘာသာ သင်ကြား ရေး အစည်းအဝေးတရပ်တွင် ပြောဆိုခဲ့သည်။

Ref: ကေအိုင်စီ

Read More...

တောင်ငူရှိ ထုံးဘိုရွာကို စံပြရွာဖြစ်ရေး Asia World ကုမ္ပဏီ ကြိုးစားနေ

20 July 2012
နော်ဆဲကလယ် (ကေအိုင်စီ)

ရေကာတာ တည်ဆောက်သဖြင့် ရွှေ့ပြောင်းရသည့် ပဲခူးတိုင်း၊ တောင်ငူမြို့နင့် ၁၄မိုင်ဝေးသော ထုံးဘိုရွာအား စံပြကျေးရွာ တည် ဆောက်ပေးရန်အတွက် တိုင်းဝန်ကြီးချုပ်ထံ စာတင်ထားပြီး တည်ဆောက်ခွင့်ရပါက အမြန်ဆုံး အကောင်အထည်ဖော် ဆောင်ရွက်သွား မည်ဟု အဆိုပါစီမံကိန်းကို တာဝန်ယူ တည်ဆောက်နေသော Asia World ကုမ္ပဏီမှ တာဝန်ရှိသူတစ်ဦးက ကေအိုင်စီကို ပြောသည်။

၎င်းတာဝန်ခံ ကိုစည်သူက “ကျနော်တို့ မတ်လကတည်းက စာတင်ထားတာပါ။ နဂါးမောက်ရွာရဲ့ မြောက်ဘက်ကပ်လျက်မှာ ဧက ၁၀၀ မြေစာရင်းရုံးကို တောင်းထားပါတယ်။ ကျေးရွာလူထုကိုလည်း နားလည်အောင် ရှင်းပြထားပါတယ်။ အစိုးရဘက်က ခွင့်ပြုချက်ကျ လာ တာ နဲ့ ကျနော်တို့ ချက်ချင်း လုပ်ဆောင်ပေးမှာပါ”ဟု ဆိုသည်။

ပလက်ချောင်းကို အသုံးပြုကာ သောက်ရေခပ်(၁)၊ သောက်ရေခပ်(၂)ဟူ၍ ရေကာတာ နှစ်ခုတည်ဆောက်မည်ဖြစ်ပြီး သောက်ရေခပ် (၂)မှာ တည်ဆောက်ပြီးစီးသော်လည်း လာမည့် နိုဝင်ဘာလကျမှသာ လျှပ်စစ်ဓာတ်အား ၄၀မဂ္ဂါဝပ် ထုတ်လုပ်မည်ဟု သိရသည်။

“Asia World ရဲ့ စီမံကိန်းထဲမှာတော့ လျှပ်စစ်မီးပေးမယ့်အပြင် စာသင်ကျောင်း၊ ဘုရားကျောင်း၊ ရေတွင်းရေကန်၊ ကစားကွင်းနဲ့ အိမ်ယာ ဆောက်လုပ်ဖို့ ပါတာကို တွေ့ရပါတယ်။ မြေစာရင်းရုံးတင်တဲ့ စာရွက်စာတမ်းကအစ ကျနော်တို့ကို သေချာပြပါတယ်။ တကယ်လုပ်ပေး မယ်ဆိုရင်တော့ ကိုယ့်ရပ်ရွာဖွံ့ဖြိုးရေးအတွက် ကျနော်တို့က ကြိုဆိုပါတယ်”ဟု တောင်ငူမြို့ခံတစ်ဦးက ဆိုသည်။

ရေကာတာမှရမည့် လျှပ်စစ်ဓာတ်အားကို တောင်ငူဓာတ်အားခွဲရုံသို့ ပေးပို့မည်ဖြစ်ပြီး အစိုးရမှ သုံးစွဲသည့် ယူနစ် စုစုပေါင်းကို ကုမ္ပဏီသို့ ပေးချေရမည်ဖြစ်ကြောင်း Asia World (အာရှဓန ကုမ္ပဏီ)မှ တာဝန်ရှိသူက ပြောကြားခဲ့သည်။

သို့သော် ရွာရွှေ့ပြောင်းခဲ့ရသူ ထုံးဘိုရွာသား စောထူးက “ကျနော်တို့ဒေသက ထွက်တဲ့လျှပ်စစ်ကို ကျနော်တို့ဒေသအကျိုးအတွက် ပြန် လုပ်ပေးမယ်လို့ သိရပါတယ်။ ရွာကိုလည်း စံပြရွာလုပ်ပေးမယ်လို့ ကတိပေးထားပါတယ်။ ရွာကလူတွေကလည်း ကျေနပ်ပါတယ်။ တကယ် လုပ်ပေးမလားဆိုတာကိုတော့ စောင့်ကြည့်နေပါတယ်”ဟု ဆိုသည်။

ထိုရေကာတာစီမံကိန်းသည် ယခင် စစ်အစိုးရလက်ထက်ကတည်းက စတင်ခဲ့ပြီး ဆက်လက် မလုပ်ဆောင်နိုင်ခြင်းကြောင့် Asia World မှ ၂၀၀၇ခုနှစ်၊ နိုဝင်ဘာလက လွှဲပြောင်းယူခဲ့ခြင်းဖြစ်သည်။

တောင်ငူမြို့နယ်ရှိ ထုံးဘိုရွာမှာ ၂၀၀၆ခုနှစ်တွင် အိမ်ထောင်စု ၇၃စုဖြင့် ရွှေ့ပြောင်းခဲ့ရခြင်းဖြစ်ပြီး လက်ရှိအချိန်၌ အိမ်ထောင်စု ၉၃စုရှိ သည်ဟု သိရသည်။

Ref: ကေအိုင်စီ

Read More...

ဒုသမ္မတ စိုင်းမောက်ခမ်း အာဇာနည်ကုန်းသို့ သွားရောက်အလေးပြု

20 July 2012
စအိုင်သန်

ယနေ့ကျရောက်သည့် ၆၅နှစ်မြောက် အာဇာနည်နေ့ အခမ်းအနားသို့ နှစ်ပေါင်း ၂၀ကျော်အတွင်း နိုင်ငံတော် အကြီးအကဲများထဲမှ ဒုတိယ သမ္မတ ဒေါက်တာစိုင်းမောက်ခမ်းသည် နံနက် ၈နာရီကျော်တွင် အာဇာနည်ကုန်းသို့ သွားရောက်ကာ ပန်းခွေချ အလေးပြုခဲ့သည်။

ထို့အပြင် ဗိုလ်ချုပ်အောင်ဆန်း၏သမီးဖြစ်သူ ဒေါ်အောင်ဆန်းစုကြည်ကလည်း လွှတ်တော်ကျင်းပရာ နေပြည်တော်မှ ပြန်လာ၍လည်း ကောင်း၊ သားကြီး ဦးအောင်ဆန်းဦးကိုယ်စား ဦးလှဖေကလည်းကောင်း လွမ်းသူပန်းခွေချ အလေးပြုခဲ့သည်။

၎င်းအပြင် အခြားအာဇာနည် ခေါင်းဆောင်ကြီးများ၏ မိသားစုဝင်များနှင့် အဖွဲ့အစည်းများက တာဝန်ရှိသူများလည်း အာဇာနည်များ၏ ဂူဗိမာန်အသီးသီး၌ လာရောက် အလေးပြုခဲ့ကြသည်။

ငါးနှစ်ဆက်တိုက် အာဇာနည်ကုန်းသို့ သွားရောက်သတင်းယူခဲ့သူ ပြည်တွင်းသတင်းထောက်တစ်ဦးက “တက်ခဲ့ဖူးတဲ့ အာဇာနည်နေ့ထဲ မှာ ဒီနှစ် လူအများဆုံးပဲ”ဟု ပြောသည်။

ယင်းနောက် ၆၅နှစ်မြောက် အာဇာနည်နေ့ ကျင်းပရေး ဦးစီးကော်မတီ ဥက္ကဌ ရန်ကုန်တိုင်းဒေသကြီး စည်ပင်သာယာရေးဝန်ကြီး ရန်ကုန် မြို့တော်ဝန် ဦးလှမြင့်၊ တိုင်းဒေသကြီး လွှတ်တော်ဥက္ကဌ ဦးစိန်တင်ဝင်းနှင့် ရန်ကုန် အခြေစိုက် နိုင်ငံရေးပါတီများက ဗိုလ်ချုပ်အောင်ဆန်း နှင့်တကွ အာဇာနည်ခေါင်းဆောင်ကြီးများ၏ ဂူဗိမာန်များ၌ လွမ်းသူပန်းခွေချ အလေးပြုခဲ့ကြသည်။

ထို့အပြင် ၈၈မျိုးဆက်ကျောင်းသားများအဖွဲ့မှ ကိုမင်းကိုနိုင် အပါအ၀င် ထင်ရှားသော အနုပညာရှင်များလည်း ယနေ့ မွန်းလွဲ ၂နာရီခွဲအ ချိန်က အာဇာနည်ကုန်းသို့ လာရောက်ကာ ပန်းခွေချ အလေးပြုခဲ့ကြသည်ဟု ကိုယ်တိုင်မြင်တွေ့သူများက ပြောဆိုသည်။

Ref: ကေအိုင်စီ

Read More...

၆၅နှစ်မြောက် အာဇာနည်နေ့ အတွက် သံဃာတော်များအား ကရင်ပြည်နယ်အစိုးရ ဆွမ်းကပ်ခဲ့

19 July 2012

ကရင်ပြည်နယ် ဘားအံမြို့တွင် ပြည်နယ်အစိုးရမှ ဦးဆောင်ပြီး ယနေ့ ကျရောက်သော ၆၅ကြိမ်မြောက် အာဇာနည်နေ့ အထိမ်းအမှတ် အဖြစ် ကျောင်းထိုင် ဘုန်းကြီး သင်တန်းကျောင်းတွင် သံဃာတော် ၁၈ပါးကို ဆွမ်းကပ်လှူဒါန်းခဲ့ကြောင်း သိရသည်။

ပြည်နယ်ရဲမင်းကြီး ဦးသိန်းကြည်က “ဆွမ်းကပ်ပွဲလေး လုပ်ပါတယ်။ ဒါက ပြည်နယ်အစိုးရ အစီအစဉ်နဲ့ပေါ့နော်။ ဌာနဆိုင်ရာတွေ၊ ရပ်မိ ရပ်ဖတွေ၊ ကျောင်းသားပြည်သူတွေလည်း လာကြတယ်လေ။ သံဃာတွေကို ဆွမ်းကပ်တယ်။ လာတဲ့လူတွေကို ကြာဇံချက်ကျွေးတယ်။ အားလုံး အေးအေးဆေးဆေးပါပဲ”ဟု ကေအိုင်စီသို့ ပြောသည်။

ယနေ့နံနက် ၉နာရီအချိန်မှစ၍ ဘားအံမြို့၊ အမှတ်(၉)ရပ်ကွက်ရှိ ကျောင်းထိုင်ဘုန်းကြီးသင်တန်းကျောင်းတွင် ပြုလုပ်ခဲ့သည့် ၎င်းဆွမ်း ကပ်လှူဒါန်းပွဲသို့ အစိုးရအဖွဲ့၊ ဌာနဆိုင်ရာ အရာရှိများ၊ နိုင်ငံရေးပါတီနှင့် ငြိမ်းချမ်းရေးအဖွဲ့မှ ကိုယ်စားလှယ်များ အပါအ၀င် ပရိဿတ် ၂၀၀ကျော် သွားရောက်ခဲ့သည်ဟု မြို့ခံတစ်ဦး ပြောသည်။

ကရင်ပြည်နယ် လွှတ်တော်ကော်မရှင် ဒုဥက္ကဌ၏ ကိုယ်ရေးအရာရှိက “ဒီမနက်တော့ အာဇာနည်နေ့အထိမ်းအမှတ်ဆိုပြီး ဆွမ်းကပ်တာ တစ်ခုပဲ ဖိတ်တဲ့အတွက် ဆွမ်းကပ်ပွဲပဲသွားပြီး ပြန်လာပါတယ်။ တခြားဘာအစီအစဉ်တွေ လုပ်သေးလဲတော့ မသိဘူး”ဟု ကေအိုင်စီသို့ ပြောသည်။

ပြီးခဲ့သည့်နှစ်က ကရင်ပြည်နယ် ဘားအံမြို့တွင် အာဇာနည်နေ့ အထိမ်းအမှတ်ကို တစုံတရာ ဆောင်ရွက်ခြင်း မရှိခဲ့သလို ယခုနှစ်တွင် လည်း ဆွမ်းကပ်လှူဒါန်းပွဲမှလွဲ၍ အခမ်းအနားများ၊ ဟောပြောပွဲများ ပြုလုပ်ခြင်းမရှိဟု သိရသည်။

Ref: ကေအိုင်စီ

Read More...

ထားဝယ်မြို့နယ်တွင် ကုမ္ပဏီများ ထပ်မံ သစ်ခုတ်မည်ကို ဒေသခံများ စိုးရိမ်နေ

19 July 2012
နော်ဆဲကလယ်

တနင်္သာရီတိုင်း၊ ထားဝယ်မြို့နှင့် ၁၃မိုင် ကွာဝေးသော အညာဖျားကျေးရွာအုပ်စုတွင် လာမည့် နွေရာသီ၌ သစ်ထုတ်လုပ်ရေး ကုမ္ပဏီ များက ထပ်မံ၍ သစ်များ လာရောက်ခုတ်ယူမည်ဟု ယခင်လက ပြောဆိုခဲ့သည့်အပေါ် ဒေသခံ ပြည်သူများက စိုးရိမ်လျှက်ရှိသည်။

“ကုမ္ပဏီတွေက နွေကျရင် ကျနော်တို့ဘက်က သစ်တွေကို လာခုတ်ယူအုံးမယ်လို့ အရင်လက လာပြောသွားတယ်လေ။ အဲဒါ ဘယ်ကို တိုင်လို့ တိုင်ရမှန်းလည်း မသိဘူး။ သူတို့က နေပြည်တော်က ပါမစ်ရတယ်ဆိုပြီး လုပ်နေကြတာကိုး”ဟာ ဒေသခံ ညောင်ချောင်းရွာသား တစ်ဦးက ကေအိုင်စီသို့ ပြောသည်။

သစ်ကုမ္ပဏီများဖြစ်ကြသည့် Delco နှင့် May Flower ကုမ္ပဏီများမှာ လွန်ခဲ့သည့် ၂နှစ်ခန့်က အညာဖျားကျေးရွာအုပ်စုအနီးရှိ ကျေးရွာ လူထုပိုင် ဥယျာဉ်ခြံမြေများကို နေပြည်တော်မှ လုပ်ပိုင်ခွင့်ပါမစ်ဖြင့်ဟုဆိုကာ သိမ်းယူသွားခဲ့ပြီး မတန်တဆ လျော်ကြေးများပေးရာ အချို့ ခြံပိုင်ရှင်များမှာ လက်မခံသူများလည်း ရှိသည်။

အမည်မဖော်လိုသူ ဒေသခံတစ်ဦးက “အစိုးရပိုင်သစ်တောအပြင် ရွာသား ၅ဦးပိုင်တဲ့ ဥယျာဉ်ခြံလည်း ပါပါတယ်။ ၂ဦးကို အလျော်ပေးပါ တယ်။ တစ်ဦးကို ၃၅သိန်းနဲ့ပါ။ ကျန် ၃ဦးက မယူဘူး။ ခြံထဲမှာရှိတဲ့ အပင်တွေက ၃၅သိန်းမကဘူးလို့ ပြောပါတယ်။ တိုးတောင်းတာ လည်း မပေးဘူး။ တရားစွဲမယ်ဆိုတော့လည်း ဘယ်လိုလုပ်ရမှန်းမသိလို့ အခုလို ကြာနေတာပါ။ နေပြည်တော်က ပါမစ်ရတယ်လို့ ပြော တော့လည်း မတိုင်ရဲတာ ပါပါတယ်”ဟု ဆိုသည်။

ထိုသို့ သစ်ခုတ်ရာတွင် ရရှိသည့်လုပ်ပိုင်ခွင့်(ပါမစ်)မှာ တန် ၁၀၀ဟု ကုမ္ပဏီ တာဝန်ရှိသူများကဆိုသော်လည်း တစ်ပတ်အတွင်း တန် ၈၀၀ခန့် ခုတ်ယူသွားသည်ကိုတွေ့ရကြောင်း မျက်မြင်သက်သေ ဒေသခံများက ပြောဆိုနေကြသည်။

“ကားတွေနဲ့ တိုက်ချနေတာကို တွေ့တာပေါ့။ ကားတစ်စီးမှာ ဘယ်နှစ်တန်ဆံ့သလဲဆိုတာ ကျနော်တို့လည်း သစ်လုပ်နေတော့ တန်ကို ခန့်မှန်းလို့ရတာပါ။ သစ်တွေကို ထားဝယ်ရေနက်ဆိပ်ကမ်းဘက် သယ်တာတွေ့ပါတယ်”ဟု ဒေသခံတစ်ဦးက ပြောသည်။

သိမ်းဆည်းခံလိုက်ရသည့် ဥယျာဉ်ခြံများထဲတွင် အုန်း၊ သရက်၊ ပိန္နဲ၊ အင်၊ ကညင် စသည့် နှစ်ရှည်ခံ သစ်ပင်ကြီးများရှိရာ ထိုသစ်တော များကို ခုတ်လှဲခြင်း မရှိစေရေးအတွက် ကျေးရွာလူထုအနေဖြင့် မည်သူ့ထံသို့ အကူအညီ တောင်းခံရမှန်းမသိ ဖြစ်နေရသည်။

အညာချောင်းကျေးရွာအုပ်ချုပ်ရေးမှုး ဦးမြင့်အောင်မှ သစ်စတင်ခုတ်မည့်အချိန်တွင် ကုမ္ပဏီကိုသွားရောက်ပြောဆိုရာ လျော်ကြေးလိုချင် ပါက လက်မှတ်ထိုးနိုင်ပြီး လက်မှတ်မထိုးပါက လျော်ကြေးလုံးဝ မပေးနိုင်ကြောင်းနှင့် အလကား သိမ်းမည်ဖြစ်ကြောင်းပြောဆိုသည်ဟု သိရသည်။

“ကျနော်တို့ကို နင်တို့ ဒီသစ်တောတွေ ရှိလို့လည်း ဘာထူးမှာလည်းလို့ ပြောပါတယ်။ ရွာကို ဘာလုပ်ပေးမှာလဲဆိုတော့လည်း ဘာမှ မ လုပ်ပေးဘူးလို့ ပြောတယ်။ လောလောဆယ်တော့ သစ်တောကို ဖြတ်ဆင်းတဲ့ချောင်းဟာ သစ်တောမရှိတော့တဲ့အတွက် နွေမှာခမ်းလို့် ရွာကလူတွေ ရေ ခက်ခဲပါတယ်”ဟု အုပ်ချုပ်ရေးမှုးနှင့်အတူ လိုက်ပါပြောဆိုသူ ရွာသားတစ်ဦးက ပြောသည်။

အညာဖျားကျေးရွာအုပ်စုတွင် ကရင်ရွာများဖြစ်သော ဓားသွေးကျောက်ရွာ၊ ညောင်ချောင်းရွာ၊ ဆိပ်ချောင်းရွာနှင့် အခြားရွာ ၂ရွာ ပါဝင်ပြီး ဒေသခံလူထုမှာ တောင်ယာ၊ ဥယျာဉ်ခြံမြေလုပ်ငန်းများဖြင့် အသက်မွေးနေကြရသည့်အတွက် ယခုကဲ့သို့ သိမ်းယူခြင်းကြောင့် ၎င်းတို့၏ စားဝတ်နေရေးကို ခက်ခဲစေသည်ဟု ထိုဒေသရှိ သဘာဝပတ်ဝန်းကျင် ထိန်းသိမ်းရေးအဖွဲ့နှင့် နီးစပ်သူတစ်ဦးက ပြောသည်။

Ref: ကေအိုင်စီ

Read More...

အာဇာနည်နေ့ အခမ်းအနား ဒု သမ္မတ ဒေါက်တာ စိုင်းမောက်ခမ်းနဲ့ ဒေါ်အောင်ဆန်းစုကြည် တက်ရောက်

2012-07-19

ရန်ကုန်မြို့ အာဇာနည် ဗိမာန်မှာ ဒီကနေ့မနက် ကျင်းပတဲ့ (၆၅) နှစ်မြောက် အာဇာနည်နေ့ အခမ်းအနားကို မြန်မာ အစိုးရ ကိုယ်စား ဒုတိယ သမ္မတ ဒေါက်တာ စိုင်းမောက်ခမ်း တက်ရောက်ခဲ့သလို ဒေါ်အောင်ဆန်းစုကြည်နဲ့ တကွ အာဇာနည် ခေါင်းဆောင်ကြီးတွေရဲ့ ကျန်ရစ်တဲ့ မိသားစုဝင်တွေလည်း တက်ရောက်ကာ ၁၉၄၇ ခုနှစ် ဇူလိုင် ၁၉ ရက်နေ့က နယ်ချဲ့လက်ပါးစေတွေရဲ့ လက်ချက်နဲ့ ကျဆုံးသွားခဲ့ရတဲ့ ဗိုလ်ချုပ်အောင်ဆန်းနဲ့တကွ တခြား အာဇာနည် ခေါင်းဆောင်ကြီးတွေ ဖြစ်ကြတဲ့ ဦးဘဝင်း၊ မန်းဘခိုင်၊ ဒီးဒုတ် ဦးဘချို၊ သခင်မြ၊ မိုင်းပွန် စော်ဘွားကြီး စဝ်စံထွန်း၊ ဦးရာဇတ်၊ အတွင်းဝန် ဦးအုန်းမောင်နဲ့ ရဲဘော် ကိုထွေးတို့ရဲ့ အုတ်ဂူတွေမှာ လွမ်းသူ့ပန်းခွေချ အလေးပြုခဲ့ကြပါတယ်။

အာဇာနည်နေ့ အခမ်းအနားကို အစိုးရ ထိပ်တန်း ခေါင်းဆောင်တွေ တက်ရောက်ခြင်း မပြုတာ ကြာပြီဖြစ်ပြီး အခုနှစ်မှာ ဒုတိယ သမ္မတ တစ်ဦး တက်ရောက်တဲ့အပြင် အစိုးရပိုင် ရုပ်မြင်သံကြားကလည်း တိုက်ရိုက် ထုတ်လွှင့် ပြသခဲ့တဲ့အတွက် မြန်မာ့နိုင်ငံရေး ထူးခြား တိုးတက်မှု တစ်ခုအဖြစ် ရှုမြင်ကြပါတယ်။

မနှစ်က ကျင်းပတဲ့ အခမ်းအနားကို ရန်ကုန် မြို့တော်ဝန်ပဲ တက်ရောက်ခဲ့ပါတယ်။ ဒီကနေ့ ကျင်းပတဲ့ အခမ်းအနားကို တခြား နိုင်ငံရေး ပါတီ အသီးသီးက ကိုယ်စားလှယ်တွေ၊ သံတမန်တွေလည်း တက်ရောက် ဂါရဝပြု ခဲ့ကြပါတယ်။

အဲဒီနောက်ပိုင်း NLD အမျိုးသားဒီမိုကရေစီ အဖွဲ့ချုပ် ရုံးချုပ်မှာ ကျင်းပခဲ့တဲ့ အာဇာနည်နေ့ အခမ်းအနားမှာတော့ ပါတီ ဥက္ကဋ္ဌ ဒေါ်အောင် ဆန်းစုကြည်က မြန်မာနိုင်ငံမှာ အာဇာနည် စိတ်ဓာတ်တွေ ပြန့်ပွားစေဖို့အတွက် လူတိုင်းရင်ထဲမှာ အာဇာနည်တွေကို လေးစားတဲ့ စိတ်ဓာတ် တွေ ရှိဖို့ လိုအပ်ကြောင်း ပြောကြားခဲ့ပါတယ်။

NLD ရုံးချုပ်မှာ ကျင်းပတဲ့ အာဇာနည်နေ့ အခမ်းအနားကို ပါတီခေါင်းဆောင်တွေ၊ အမေရိကန် သံအမတ်ကြီး Derek Mitchell အပါ အ၀င် နိုင်ငံတကာ သံတမန်တွေ၊ (၈၈) မျိုးဆက် ကျောင်းသား ခေါင်းဆောင်တချို့ အပါအ၀င် စုစုပေါင်း အင်အား (၃၀၀၀) လောက် တက်ရောက်ခဲ့ပါတယ်။

အာဇာနည်ခေါင်းဆောင်တွေ လုပ်ကြံခံခဲ့ရတဲ့ နံနက် ၁၀ နာရီ ၃၇ မိနစ် အချိန်မှာ အားလုံးက အာဇာနည်ကုန်းဘက်ကို မျက်နှာမူပြီး တစ်မိနစ်ခန့် ငြိမ်သက်စွာ အလေးပြုခဲ့ကြပါတယ်။

အလားတူ အာဇာနည်နေ့ အခမ်းအနား တစ်ခုကို ရန်ကုန်မြို့ ဒီမိုကရက်တစ်ပါတီ ( မြန်မာ) ရုံးချုပ်မှာ ဒီကနေ့ မနက်ပိုင်းက ကျင်းပခဲ့ ရာမှာ စာရေးဆရာ မောင်ဝံသ၊ ဆရာကျော်ဝင်းနဲ့ ဆရာဟိန်းလတ်တို့က အာဇာနည်နေ့နဲ့ ပတ်သက်တဲ့ အကြောင်းအရာတွေကို ဟော ပြောခဲ့ကြပါတယ်။

Ref: အာရ်အဖ်အေ

Read More...

နယူးဒေလီမြို့တွင် အာဇာနည်နေ့ အခမ်းအနားကျင်းပ

2012-07-19

၆၅ နှစ်မြောက် အာဇာနည်နေ့ အခမ်းအနားကို အိန္ဒိယနိုင်ငံရောက် မြန်မာ့ဒီမိုကရေစီ အင်အားစုတွေက နယူးဒေလီမြို့ BCRC ခန်းမ ဆောင်မှာ မနေ့က ကျင်းပခဲ့ကြပါတယ်။

အခမ်းအနားကို နံနက် ၁၀ နာရီ ၃၇ မိနစ်တိတိမှာ ကျဆုံးသွားကြတဲ့ အာဇာနည် ခေါင်းဆောင်ကြီးတွေကို အလေးပြုပြီး စတင် ကျင်းပ ခဲ့ကြပါတယ်။

ပြည်ပနိုင်ငံတွေကို ရောက်ရှိနေကြပေမယ့် မြန်မာ့နိုင်ငံရေး သမိုင်းမှာ အလွန်အရေးပါတဲ့ ဇူလိုင် ၁၉ ရက် (အာဇာနည်နေ့) ကို မြန်မာ နိုင်ငံသားတွေ အနေနဲ့ မမေ့ကြဖို့၊ သူများနိုင်ငံဆိုတော့ ကလေးတွေလည်း သိလာအောင်လို့ အခုလို အာဇာနည်နေ့ အခမ်းအနားကို ကျင်းပရတာ ဖြစ်တယ်လို့ အခမ်းအနား ကျင်းပရေး တာဝန်ခံ ကိုစလွန်းက RFA ကို ပြောပါတယ်။

ဒီအခမ်းအနားမှာ မြန်မာ့ ဒီမိုကရေစီ အင်အားစု ၅၀ ခန့် တက်ရောက်ခဲ့ကြပြီး အာဇာနည် ခေါင်းဆောင်ကြီးတွေ အကြောင်းတွေကို အဖွဲ့အစည်း အသီးသီးက ခေါင်းဆောင်တွေက ပြန်ပြောင်း ပြောဆိုခဲ့ကြတယ်လို့ ကိုစလွန်းက ပြောပါတယ်။

အခမ်းအနားကို တက်ရောက်ခဲ့တဲ့ ချင်းအမျိုးသား ကိုဆလိုင်းဗန်မှုန်းလျန် ကလည်း အာဇာနည်နေ့ဟာ မြန်မာနိုင်ငံသားတွေအတွက် အလွန်အရေးကြီးတဲ့ သမိုင်းကြောင်း ဖြစ်သလို ဒီလို အာဇာနည်နေ့ ကျင်းပမှုတွေကြောင့် နောင်လာ နောက်သားတွေ အနေနဲ့ အာဇာ နည်စိတ်ဓာတ်တွေ ပေါ်ထွန်းလာနိုင်တယ်။ နိုင်ငံနဲ့ လူမျိုး အများအကျိုးအတွက် လုပ်လာနိုင်တယ်လို့ ပြောပါတယ်။

အလားတူ အာဇာနည်နေ့ အခမ်းအနားကို နယူးဒေလီမြို့ ရွှေဝါရောင် ကျောင်းတိုက်မှာလည်း ကျင်းပခဲ့ကြတယ်လို့ သိရပါတယ်။


Ref: အာရ်အဖ်အေ

Read More...

ကာကွယ်ရေး ဦးစီးချုပ် အိန္ဒိယနိုင်ငံကို သွားမည်

2012-07-19

အိန္ဒိယ မြန်မာနှစ်နိုင်ငံ စစ်ရေးဆိုင်ရာ ဆက်ဆံမှု ခိုင်မာမြဲမြံရေးအတွက် ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင် ဟာ လာမယ့် သြဂုတ်လဆန်းပိုင်းမှာ အိန္ဒိယနိုင်ငံကို လာရောက်မှာ ဖြစ်ကြောင်း အိန္ဒိယ သတင်းမီဒီယာတွေက မနေ့က ဖော်ပြခဲ့ကြပါတယ်။

ကာကွယ်ရေး ဦးစီးချုပ်ဟာ အိန္ဒိယနိုင်ငံမှာ သြဂုတ်လ (၁) ရက်နေ့ကနေ (၈) ရက်နေ့အထိ နေထိုင်မှာဖြစ်ပြီး အိန္ဒိယ ကာကွယ်ရေးဝန်ကြီး မစ္စတာ A K Antony အပါအ၀င် ကြည်း၊ရေ၊လေ အကြီးအကဲတွေနဲ့ တွေ့ဆုံမှာ ဖြစ်ပါတယ်။

ဒါအပြင် အရှေ့ပိုင်း ကြည်းတပ်၊ ရေတပ်စခန်း ဌာနချုပ်တွေနဲ့ တခြား ကာကွယ်ရေးဆိုင်ရာ နေရာဌာနတွေကို သွားရောက် ကြည့်ရှုမယ်လို့ သိရပါတယ်။ ဒုတိယ ဗိုလ်ချုပ်မှူးကြီး မင်းအောင်လှိုင်ဟာ ဗုဒ္ဒဂါယာကိုလည်း သွားရောက်မှာ ဖြစ်ပါတယ်။

ပြီးခဲ့တဲ့ မေလကုန်ပိုင်းက အိန္ဒိယ ၀န်ကြီးချုပ် မန်မိုဟန်ဆင်း မြန်မာနိုင်ငံကို အလည်အပတ် သွားရောက်ခဲ့ပြီးတဲ့နောက် မကြာခင်မှာ ဒုတိယ ဗိုလ်ချုပ်မှူးကြီး မင်းအောင်လှိုင်ရဲ့ အိန္ဒိယခရီးစဉ် ပေါ်ပေါက်လာတာ ဖြစ်ပါတယ်။

မြန်မာ့ ဒီမိုကရေစီရေးအပေါ် ထောက်ခံအားပေးခဲ့တဲ့ အိန္ဒိယ အစိုးရဟာ ၁၉၉၀ ခုနှစ် နောက်ပိုင်းမှာ မူဝါဒ ပြောင်းလဲသွားခဲ့ပြီး အနောက် နိုင်ငံတွေ စိုးရိမ်နေတဲ့ကြားက မြန်မာစစ်အစိုးရကို ပင်လယ်ပြင် ကင်းလှည့် လေယာဉ်တွေ၊ ၁၀၅ မမ အမြောက်တွေ၊ စစ်ရေယာဉ်တွေ၊ စိန်ပြောင်းတွေနဲ့ ရိုင်ဖယ်သေနတ်တွေ ထောက်ပံ့ခဲ့ပါတယ်။

Ref: အာရ်အဖ်အေ

Read More...

ဘင်္ဂါလီ ရိုဟင်ဂျာကိစ္စ နိုင်ငံတကာ စည်းဝေးပွဲ ကျင်းပမည်

2012-07-19

မြန်မာနိုင်ငံ ရခိုင်ပြည်နယ်က ဘင်္ဂါလီ ရိုဟင်ဂျာတွေ ကိစ္စနဲ့ပတ်သက်ပြီး အာဆီယံ အဖွဲ့ဝင် နိုင်ငံတွေ အတွင်း ဖြေရှင်းနိုင်ရေးအတွက် လာမယ့် သြဂုတ်လ (၁၄) ရက်နေ့မှာ နိုင်ငံတကာ စည်းဝေးပွဲတစ်ရပ် ကျင်းပမယ်လို့ မလေးရှား Bernama သတင်းက ဖော်ပြပါတယ်။

မြန်မာနိုင်ငံ ရခိုင်ပြည်နယ်က ဘင်္ဂါလီ ရိုဟင်ဂျာတွေ ကိစ္စနဲ့ ပတ်သက်ပြီး အာဆီယံ အဖွဲ့ဝင် နိုင်ငံတွေ အတွင်း ဖြေရှင်းနိုင်ရေးအတွက် လာမယ့် သြဂုတ်လ (၁၄) ရက်နေ့မှာ နိုင်ငံတကာ စည်းဝေးပွဲတစ်ရပ် ကျင်းပမယ်လို့ မလေးရှား Bernama သတင်းက ဖော်ပြပါတယ်။

ရိုဟင်ဂျာ အစ္စလာမ်တွေအတွက် လူသားချင်း စာနာတဲ့ အခြေခံ လိုအပ်ချက်တွေ ထောက်ပံ့ ကူညီနိုင်အောင် အဖွဲ့ကြီးတစ်ခု ဖွဲ့စည်းဖို့ စည်းဝေးပွဲ ကျင်းပတာ ဖြစ်ကြောင်း မလေးရှား နိုင်ငံတကာ အစ္စလာမ်မစ် ပူးပေါင်း ဆောင်ရွက်ရေးအဖွဲ့ ဥက္ကဋ္ဌက ပြောပါတယ်။

စည်းဝေးပွဲ ကျင်းပမယ့်နေရာကို မကြာခင် ဆုံးဖြတ်မှာဖြစ်ပြီး ဒေသတွင်းက အစိုးရမဟုတ်တဲ့ အစ္စလာမ် အဖွဲ့အစည်းတွေ တက်ရောက် ကြဖွယ် ရှိတယ်လို့လည်း ဆိုပါတယ်။ ဒီအတွင်း နိုင်ငံတကာ လွတ်ငြိမ်းချမ်းသာခွင့်အဖွဲ့ AI ကလည်း ရခိုင်ပြည်နယ်အတွင်း အကြမ်းဖက် မှုတွေ ဆက်လက် ဖြစ်ပွားနေကြောင်း ကြားသိနေရတဲ့အတွက် အစိုးရအနေနဲ့ လူသားချင်း စာနာမှု ကူညီရေးအဖွဲ့တွေကို ၀င်ခွင့် ပေးသင့် ကြောင်း သတင်းဌာန တစ်ခုနဲ့ မေးမြန်းခန်း တစ်ခုမှာ ပြောဆိုပါတယ်။

ထိခိုက် သေဆုံးသူတွေနဲ့ နေရာပြောင်းရွှေ့ခံရသူ အရေအတွက်ကို မေးမြန်းရာမှာတော့ ဒေသတွင်းကို ၀င်ခွင့်မရတဲ့အတွက် အတိမကျ မသိရကြောင်း ပြောဆိုပါတယ်။

Ref: အာရ်အဖ်အေ

Read More...

မြို့နယ်အသီးသီးမှာ အာဇာနည်နေ့အခမ်းအနား ကျင်းပ

2012-07-19

၆၅ နှစ်မြောက် အာဇာနည်နေ့ အခမ်းအနားတွေကို ဒီကနေ့ မန္တလေး၊ မြင်းခြံ၊ ပဲခူး၊ တောင်ငူနဲ့ ပဲနွယ်ကုန်း မြို့နယ်တွေမှာ အသီးသီး ကျင်းပပြုလုပ်ခဲ့ကြပါတယ်။

မန္တလေးမြို့နဲ့ မြို့ နယ်တွေမှာ အခမ်းအနား ကျင်းပခဲ့တဲ့ အခြေအနေတွေနဲ့ အာဏာပိုင်တွေရဲ့ အခြေအနေတွေကို NLD မန္တလေးတိုင်း ညီလာခံ ကျင်းပရေး ကော်မရှင် အတွင်းရေးမှူး ဦးမျိုးနိုင်က အခုလို ပြောပါတယ်။

"ဒီနေ့ မနက်ကတော့ ဦးရာဇဓမ္မ အမှူးပြုတဲ့ သံဃာတော် ၁၀ ပါးပေါ့၊ မစိုးရိမ်တိုက်သစ်က ဆရာတော်ကြီးပေါ့နော်။ ကျွန်တော်တို့ အရုဏ်ဆွမ်းကပ်တယ်။ ပြီးတော့ ကျဆုံးလေပြီးသော ဗိုလ်ချုပ်အောင်ဆန်းနဲ့တကွ အာဇာနည် ခေါင်းဆောင်ကြီးများကို အမျှအတန်း ပေးဝေ ရေစက်ချပွဲ လုပ်ပါတယ်။ အဲဒါပြီးတော့ မနက် ၉ နာရီ ၁၅ မိနစ်မှာ အာဇာနည်နေ့ အောက်မေ့ဘွယ် အထိမ်းအမှတ် အခမ်း အနားလေး လုပ်ပါတယ်။ အဲဒီလို ဆွမ်းလောင်းမဲ့ကိစ္စ ချမ်းမြသာစည် မြို့နယ်ထဲမှာ ဆွမ်းလောင်းမယ် ဆိုတဲ့ဟာကို အာဏာပိုင်ဘက်က အဲဒီလို နှုတ်အားဖြင့်တော့ လာပြီးတော့ ခွင့်ပြုမိန့် လာတောင်းပါဦး ဆိုတာမျိုးလေးတွေတော့ သူတို့ တနည်းအားဖြင့် အနှောင့်အယှက် ပေးတာမျိုးတော့ ကြုံခဲ့ပါတယ်။ ဒါပေမဲ့ မနက်မှာတော့ အရုဏ်ဆွမ်း လောင်းတာတော့ တောက်လျှောက် ဆက်လုပ်တယ်လို့ ကြားပါ တယ်"

ပဲခူးမြို့နယ် NLD က ကျင်းပတဲ့ အာဇာနည်နေ့ အခမ်းအနားကိုတော့ NLD ပဲခူးတိုင်း ညီလာခံ ကျင်းပရေး ကော်မတီ အတွင်းရေးမှူး ဦးမြတ်လှက အခုလို ပြောသွားပါတယ်။

"မနက်က ပဲခူးမြို့ သနပ်ပင်လမ်းက ကျောင်းမှာရှိတဲ့ မြို့နယ်နဲ့ တိုင်း အဖွဲ့ချုပ်ရုံးမှာ ဗိုလ်ချုပ်အောင်ဆန်းနဲ့ ကျဆုံးသွားတဲ့ ခေါင်း ဆောင်ကြီးတွေကို ရည်မှန်းပြီးတော့ ဘုန်းကြီး ၅ ပါးကို ဆွမ်းကပ်တယ်။ ဘုန်းကြီးတွေက ရေစက်ချ အမျှပေးဝေ အဲဒီ အခမ်းအနား ပြုလုပ်တယ်"

အာဏာပိုင်တွေက ဟန့်တား နှောင့်ယှက်ခြင်းမရှိပဲ သူတို့ ကျင်းပပြုလုပ်တဲ့ အာဇာနည်နေ့ အခမ်းအနားကိုလည်း ပါတီဝင်တွေကိုပါ ဖိတ်ကြားခဲ့တယ်လို့ ဦးမြတ်လှက ပြောပါတယ်။

မန္တလေးတိုင်း မြင်းခြံမြို့နယ်မှာ ကျင်းပတဲ့ အာဇာနည်နေ့ အခမ်းအနားကို နိုင်ငံရေး အကျဉ်းသားဟောင်း NLD အဖွဲ့ဝင် ကိုမျိုးဟန်က အခုလိုပြောပါတယ်။

"ကျွန်တော်တို့ မြင်းခြံမြို့ အမျိုးသား ဒီမိုကရေစီအဖွဲ့ပေါ့နော်၊ ဒေါက်တာ ဝင်းသူ ဦးဆောင်ပြီးတော့ ကျွန်တော်တို့ ဆေးရုံမှာလည်း ဆန်ပြုတ်တွေ တိုက်တယ်။ ပစ္စည်းပစ္စယတွေ ဝေတယ်။ ဧရာဝတီ သွေးလှူရှင် အသင်းနဲ့ပေါင်းပြီးတော့ ကျွန်တော်တို့ လုပ်ပါတယ်။ အာဇာနည်နေ့ အခမ်းအနားကို ကျင်းပတယ်။ လူပေါင်း ၁၅၀ လောက် တက်ရောက်ပါတယ် ခင်ဗျ။ ကျောင်းသားသမဂ္ဂ ကနေပြီးတော့ ဗိုလ်ချုပ်ကြေးရုပ်ရှေ့မှာ လွမ်းသူ့ပန်းခွေ ချပါတယ်။ လွမ်းသူ့ပန်းခွေ ချတဲ့အချိန်မှာ မြို့နယ် အာဏာပိုင်တွေကနေပြီးတော့ စတင် ကန့်ကွက်ပါတယ်။ အဆင်မပြေ ဖြစ်တယ်။ နောက်တော့ ကျွန်တော်တို့ ညှိနှိုင်းတဲ့အခါ၊ အဆင်ပြေတဲ့ အခါမှာ ခရိုင် အုပ်ချုပ်ရေးမှူး ကိုယ်တိုင် ခွင့်ပြုလိုက်တဲ့အတွက် ကျွန်တော်တို့ ဗိုလ်ချုပ်ကြေးရုပ်ရှေ့မှာ လွမ်းသူ့ပန်းခွေ ချတယ်။ ကျောင်းသားတွေ အလေးပြုတယ်"

အလားတူ တောင်ငူမြို့က အာဇာနည်နေ့ အခမ်းအနားနဲ့ ပတ်သက်လို့ တောင်ငူမြို့နယ် NLD လွှတ်တော် ကိုယ်စားလှယ် ဦးအောင်စိုး မြင့်က အခုလို ပြောပါတယ်။

"မနက်ပေါ့လေ၊ ၄ နာရီက စပြီးတော့ ကျွန်တော်တို့ သံဃာ ၈၀၀ လောက်ကို အာဇာနည် ခေါင်းဆောင်ကြီးတွေအတွက် ရည်မှန်းပြီး တော့ ဆွမ်းလောင်းပါတယ်။ မနက် ၄ နာရီ စလောင်းပါတယ်။ ၆ နာရီအထိပေါ့။ အဲတာပြီးတော့ ကျွန်တော်တို့ ရုံးကနေ အဖွဲ့ပေါ့ဗျာ၊ တချို့ ရပ်ကွက်ကျေးရွာက အဖွဲ့တွေ ဖွဲ့ပြီးတော့ အာဇာနည် ကျောက်တိုင်ရှေ့မှာ စုရုံးပါတယ်။ စုရုံးပြီးတော့ ပန်းခွေချတယ်ပေါ့ဗျာ။ နောက်တခါ အလေးပြုခြင်း အခမ်းအနားလုပ်ပါတယ်။ အာဏာပိုင် အနှောင့်အယှက် ပေးတာမျိုး မရှိပါဘူး။ ကျွန်တော်တို့ အဲဒီမှာ လူ ၁၀၀၀ ကျော်လောက် တက်ရောက်ပြီး အခမ်းအနား ကျင်းပပါတယ်"

ပဲခူးတိုင်း အရှေ့ဘက်ခြမ်း ပဲနွယ်ကုန်းက အာဇာနည်နေ့ အခမ်းအနားမှာ အာဏာပိုင်တွေ အနှောင့်အယှက် ပေးခဲ့ပုံကို ထန်းတပင် NLD ပြည်သူ့ လွှတ်တော် ကိုယ်စားလှယ် ဦးစိန်ထွန်းက အခုလို ပြောပါတယ်။

"ကျွန်တော်တို့ အမျိုးသား ဒီမိုကရေစီအဖွဲ့ချုပ်က ဦးစီးပြီး သာသနာ့ဗိမာန်မှာ ကျွန်တော်တို့ လွမ်းသူ့ပန်းခွေချ အလေးပြုပွဲ လုပ်တာပါ။ တားဆီးတာတော့ မရှိဘူး။ ဟိုဟာလေး မလုပ်ပါနဲ့၊ ဒီဟာလေး မလုပ်ပါနဲ့လို့ တွေတော့ ရှိတာပေါ့ဗျာ။ ရန်ကုန် အာဇာနည် ဗိမာန်နဲ့ တူ အောင် အောက်မှာ အနီရောင်အပြည့် ဘက်ဂရောင်းနဲ့ ကြယ်ဖြူတစ်ပွင့် အခမ်းအနား ပြင်ဆင်ထားတယ်ပေါ့ဗျာ။ အဲတာကို ဖြုတ်ပေး ပါလို့ သူတို့က တောင်းဆိုတယ်ဗျ။ အဲဒီ အနီရောင်ပိတ်ကားနဲ့ အဖြူရောင် ကြယ်ပွင့်ကို ကျွန်တော်တို့ ဖြုတ်ပေးလိုက်တယ်ခင်ဗျ"

Ref: အာရ်အဖ်အေ

Read More...

ကရင်ပြည်နယ်က လယ်သမားတွေ သမ္မတထံ တင်ပြမယ်

2012-07-19

ကရင်ပြည်နယ် မြ၀တီမြို့နယ်အတွင်း လယ်ယာမြေ ဧက (၃၀၀) ကျော် အဓမ္မ သိမ်းယူခံထားရတဲ့ တောင်သူ (၆၀) ကျော်ရဲ့ အရေး ကိစ္စနဲ့ ပတ်သက်လို့ သတင်းစာ ရှင်းလင်းပွဲတစ်ခုကို ရန်ကုန်မြို့ မဟာဗန္ဓုလပန်းခြံလမ်းမှာရှိတဲ့ Mr. Brown ကဖေးမှာ ဒီကနေ့ ပြု လုပ်ခဲ့ပါတယ်။

မြ၀တီမြို့နယ် ဝှေ့ရှမ်းကျေးရွာနဲ့ မဲ့ပလဲ့ကျေးရွာတွေမှာရှိတဲ့ တောင်သူ ၆၂ ဦးပိုင် လယ်ယာမြေ ၃၀၀.၄ ဧကကို အမှတ် (၁၀၁၇) ဒီကေဘီအေ နယ်ခြားစောင့်တပ်က ၂၀၁၁ ခုနှစ်အတွင်း သိမ်းယူခဲ့တာဖြစ်ပါတယ်။ ဒီကိစ္စကို ကရင်ပြည်နယ် ၀န်ကြီးချုပ် အပါအ၀င် အာဏာပိုင် အဆင့်ဆင့်ကို တင်ပြ အကူအညီ တောင်းခံခဲ့ပေမယ့် တစုံတရာ အရေးယူ ဆောင်ရွက်ပေးမှု မရှိဘူးလို့ သိရပါတယ်။

လယ်သမားတွေ အနေနဲ့ မနက်ဖြန်မှာ နေပြည်တော်ကို သွားရောက်ပြီး သမ္မတ ဦးသိန်းစိန်ထံ စာရေးသား တင်ပြ တောင်းဆိုသွားမှာ ဖြစ်ပြီး မိမိတို့ လယ်မြေတွေ ပြန်လည် ရရှိတဲ့အထိ ကြိုးပမ်း ဆောင်ရွက်သွားမယ်လို့ တောင်သူ တစ်ဦးက RFA ကို အခုလိုပြောပါတယ်။

"ကျွန်မတို့ လယ်သမားတွေက လယ်ပဲလုပ်စားရတဲ့အတွက် ဒီလယ်မြေလေးတွေကိုပဲ အားကိုးနေရတယ်။ ဘိုးစဉ်ဘောင်ဆက်၊ ဓား မဦးချ ချုံပုတ်ကနေစပြီး လယ်ဖြစ်လာအောင် မနည်းကြိုးစားခဲ့ရတယ်။ ချွေးတွေ၊ သွေးတွေ၊ ငွေကြေးတွေအတွက်၊ ဒီလယ်သမား တွေကို သနားငဲ့ညှာသောအားဖြင့် ဒီလယ်တွေ အကုန်လုံး လုပ်ကိုင် စားသောက်ဖို့ ပြန်လည် ပေးစေချင်တယ်။ ပေးလိမ့်မယ်လို့လည်း မျှော်လင့်တယ်။ မျှော်လင့်သလို မဖြစ်လာရင်လည်း ကျွန်မတို့က ဖြစ်လာအောင်တော့ ကြိုးစားရမှာပဲ။ ဘယ်လိုနည်းနဲ့ ဖြစ်ဖြစ် ကြိုး စားယူရမှာပဲ။ ငြိမ်းချမ်းစွာ ဆန္ဒပြခြင်း၊ ဆန္ဒထုတ်ဖော်ခြင်းပေါ့။ အဲဒီလိုမျိုးတွေတော့ ပြဖို့ရှိတယ်"

အဲဒီ နယ်ခြားစောင့်တပ် (၁၀၁၇) တပ်ရင်းဟာ သိမ်းယူထားတဲ့ လယ်မြေတွေပေါ်မှာ အဆောက်အဦးတွေ ဆောက်လုပ်တာ၊ လမ်း ဖောက်လုပ်တာတွေကြောင့် တောင်ယာစိုက်ခင်းတွေ ပျက်စီးဆုံးရှုံးမှု ရှိတဲ့အတွက် နစ်နာကြေး ဒါမှမဟုတ် အစားထိုး မြေနေရာတွေ ရရှိရေးအတွက် ဆောင်ရွက်ပေးဖို့ တင်ပြကြမယ်လို့ သိရပါတယ်။

ကရင်ပြည်နယ်အတွင်းမှာ အစိုးရစစ်တပ်နဲ့ နယ်ခြားစောင့်တပ်တွေရဲ့ လယ်ယာမြေ သိမ်းယူမှုတွေ ကျယ်ကျယ်ပြန့်ပြန့် ပေါ်ပေါက်နေပြီး လယ်သမားတွေက အထက်အာဏာပိုင်တွေထံ တိုင်တန်းထားတဲ့ လယ်သိမ်းမှု ၁၇ မှု ရှိတယ်လို့လည်း သိရပါတယ်။

Ref: အာရ်အဖ်အေ

Read More...

မကွေး၊ ကျောက်ဆည်နဲ့ မုံရွာက အာဇာနည်နေ့ အခမ်းအနားများ

2012-07-19

မကွေးမြို့မှာတော့ ၆၅ နှစ်မြောက် အာဇာနည်နေ့ အခမ်းအနားကို လုံခြုံရေးတွေ တင်းကျပ်ထားတဲ့ ကြားကပဲ ဗိုလ်ချုပ်ကြေးရုပ် ရှိတဲ့ပန်းခြံကို မြို့ခံတွေ သွားရောက် ဂါရဝပြုခဲ့တယ်လို့ မကွေးမြို့ ပွင့်လင်း လူ့အဖွဲ့အစည်းဝင် တစ်ဦးဖြစ်သူ ကိုမောင်မောင်စိုးက ပြောပါတယ်။

မန္တလေးတိုင်း ကျောက်ဆည်မြို့မှာ NLD ပါတီဝင်တွေနဲ့ အနုပညာရှင်တွေ စုပေါင်းပြီး ၆၅ နှစ်မြောက် အာဇာနည်နေ့ အခမ်းအနားကို ရွှေလှံတောင် ဘုန်းကြီးကျောင်းမှာ ကျင်းပခဲ့ပြီး၊ အာဇာနည်ကြီးတွေ ကျဆုံးတဲ့အချိန်မှာ မြို့နယ် အာဏာပိုင်တွေ ဥသြ ဆွဲတာမျိုး မရှိကြောင်း ကျောက်ဆည်မြို့က ကဗျာဆရာ (လင်းခါး) က ပြောပါတယ်။

အလားတူ စစ်ကိုင်းတိုင်း မုံရွာမြို့မှာ ကျင်းပခဲ့တဲ့ အာဇာနည်နေ့ အခမ်းအနားနဲ့ ပတ်သက်ပြီး NLD ပါတီဝင်ဖြစ်သူ ဒေါ်အမာကြည်က အခုလိုပြောပါတယ်။

"အစီအစဉ် ၁၃ ခုနဲ့ ကျင်းပတယ်ပေါ့နော်။ အလံတဝက် စိုက်ထူတယ်ပေါ့နော်။ နိုင်ငံတော်အလံကို အလေးပြုတယ်။ နိုင်ငံတော် သီချင်းဆိုတယ်။ NLD အပိုင်း အသီးသီးကနေပြီးတော့ မိန့်ခွန်းပြောကြတယ်။ လူငယ်တွေကလည်း ကဗျာရွတ်ကြတယ်။ နောက်ရုံး ကနေပြီးတော့ ဆမူစာနဲ့ လက်ဖက်ရည်နဲ့ ဧည့်ခံပါတယ်။ အမေ့ဥယျာဉ် အခမဲ့ ကျူရှင်မှာ ကလေးတွေကို ကဗျာရွတ်၊ စာစီစာကုံး တို့ ပေါ့နော်။ ဆုပေးပွဲ အခမ်းအနား ကျင်းပနေတယ်ရှင့်။ ကျွန်မကြားတာကတော့ သွေးကူညီရေး အဖွဲ့က ကြေးရုပ်မှာ ဆိုင်ကယ်တွေနဲ့ ဝတ်စုံအနက်တွေနဲ့ ပတ်တယ်လို့တော့ ကြားတယ်"

မုံရွာမြို့မှာ ဒေသခံလူငယ် တချို့က မြို့လယ် ဗိုလ်ချုပ်ကြေးရုပ်ရှေ့ လွမ်းသူ့ပန်းခွေချဖို့ သွားတာကို လုံခြုံရေးရဲတွေက တားမြစ်ခဲ့ ကြောင်း သိရပါတယ်။

Ref: အာရ်အဖ်အေ

Read More...

အာဇာနည်ဗိမာန် လွတ်လပ်စွာ ဂါရဝပြုခွင့်ရ

2012-07-19

အာဇာနည်နေ့ နိုင်ငံတော် အခမ်းအနားကို ဒီနှစ်မှာ စတင်ပြီး ခမ်းနားစွာ ပြန်လည်ကျင်းပခဲ့သလို ပြည်သူအများကိုလည်း အရင်လို မဟုတ် ဘဲ အာဇာနည် ဗိမာန်မှာ လွတ်လွတ်လပ်လပ် လာရောက် ဂါရဝ ပြုခွင့် ပေးခဲ့ပါတယ်။

ဒီကနေ့ နေ့လည် (၃) နာရီလောက်မှာ ၈၈ မျိုးဆက် ကျောင်းသားများ အဖွဲ့နဲ့အတူ နာမည်ကျော် အနုပညာရှင် ၂၀ လောက် စုပေါင်းပြီး ကျဆုံးသွားတဲ့ ဗိုလ်ချုပ်အောင်ဆန်းနဲ့တကွ အာဇာနည် ခေါင်းဆောင်တွေကို လွမ်းသူ့ပန်းခွေချ အလေးပြုခဲ့ကြပါတယ်။

ဒီနှစ် အာဇာနည်နေ့ အခမ်းအနားမှာ အာဏာပိုင်တွေဘက်က ပြည်သူတွေ ပါဝင်ခွင့် ပေးခဲ့တဲ့အတွက် ပြုပြင် ပြောင်းလဲရေးအတွက် တိုးတက်လာတဲ့ အခြေအနေတစ်ခု ဖြစ်တယ်လို့ ၈၈ မျိုးဆက် ကျောင်းသားများအဖွဲ့က မမီးမီးက RFA ကို ပြောပါတယ်။

"ဒီနေ့ အာဇာနည်နေ့မှာ အခုလိုမျိုးပေါ့နော်၊ အားလုံးပါဝင် အလေးပြုလို့ ရအောင်ပေါ့နော်၊ ဘာမှ စည်းကမ်းတင်းကျပ်ခြင်း၊ ကန့်သတ် ခြင်း မရှိပဲနဲ့ ပြည်သူလူထုအားလုံးကို လွတ်လပ်စွာ အလေးပြုခွင့်ပေးတဲ့ အတွက် ဒီဟာ ကျွန်မတို့ နိုင်ငံရဲ့ ပြန်လည် တည်ဆောက်ရေး ကာလမှာ ဒီလိုမျိုးလုပ်တဲ့ ဖြစ်ရပ်ကို ကျွန်မတို့ ဂုဏ်ယူပါတယ်။ နောက်ပိုင်းလည်း ကျွန်မတို့ ပြည်သူနဲ့ အတူ ပူးပေါင်းဆောင်ရွက် သွား မှာပါ။ ပြည်သူကို မကြောက်ပါနဲ့။ ပြည်သူနဲ့အတူ လက်တွဲဆောင်ရွက်ပါ။ ဒါမှသာလျင် စစ်မှန်တဲ့ ဒီမိုကရေစီ ဖော်ဆောင်ရေးကို အမြန် ဆုံး ဖော်ဆောင်နိုင်ပြီးတော့ ကျွန်မတို့ တိုင်းပြည်ဟာ အေးချမ်းသာယာပြီးတော့ ဖွံ့ဖြိုးတိုးတက်တဲ့ တကဲ့ ဒီမိုကရေစီနိုင်ငံသစ် ဖြစ်ပါလိမ့် မယ်လို့ ကျွန်မပြောချင်ပါတယ်"

ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်ကလည်း ကျဆုံးသွားတဲ့ အာဇာနည် ခေါင်းဆောင်ကြီးတွေကို ရည်စူး အောက်မေ့ တဲ့အနေနဲ့ သင်္ကန်းကျွန်း မဂ္ဂင်ဘုန်းကြီးကျောင်းမှာ ဆွမ်းကပ်လှူဒါန်း ခဲ့တယ်လို့ ဗကသများ အဖွဲ့ချုပ် ဥက္ကဋ္ဌ ကိုကျော်ကိုကိုက RFA ကို ပြောပါတယ်။

ဒါ့အပြင် ကိုကျော်ကိုကိုနဲ့ အဖွဲ့က ရွှေပြည်သာ မြို့နယ်မှာရှိတဲ့ ပညာ့ပျိုးခင်း ပညာဒါနကျောင်းမှာ အလယ်တန်းနဲ့ အထက်တန်း ကျောင်းသားတွေကို အာဇာနည်နေ့အကြောင်း ဟောပြောခဲ့ပြီး ဗကသများ အဖွဲ့ချုပ် အမှုဆောင်တချို့က သံလျင်မြို့နယ်က ကျောင်းသားတွေရဲ့အာဇာနည်နေ့အခမ်းအနား၊ ဟင်္သာတမြို့နယ်က ကျောင်းသားတွေရဲ့ အခမ်းအနားကို တက်ရောက်ခဲ့ကြပါတယ်။

မန္တလေးမြို့မှာတော့ ထောက်လှမ်းရေးနဲ့ လုံခြုံရေးတွေ ချထားပေမယ့် ရတနာပုံတက္ကသိုလ် ကျောင်းသားတွေ ကျင်းပတဲ့ အာဇာနည်နေ့ အခမ်းအနားကို အထက်ဗမာပြည် ဗကသများ အဖွဲ့ချုပ်ဝင်တွေ တက်ရောက်ကြတယ်လို့ ဗကသများ အဖွဲ့ချုပ် ဗဟိုစည်းရုံးရေး ကော်မတီဝင် ကိုမိုးထက်နေက ပြောပါတယ်။

"ရတနာပုံတက္ကသိုလ် ကျောင်းသားတွေက ဦးဆောင်ပြီးလုပ်တယ်။ ကျွန်တော်တို့ အဲဒီပွဲတက်တယ်။ ကျောင်းထဲကိုတော့ ဝင်လို့မရဘူး။ ကျောင်းဝင်းတံခါး ပိတ်ထားတယ်။ ကျောင်းမှာ ဆရာတွေ အဲဒီအပေါက်ဝမှာ ထိုင်စောင့်နေတယ်။ နောက် CCTV ကင်မရာတို့ တပ် ထားတယ်။ နောက် ကန်တပ်ကုန်း ဆရာတော် လုပ်တဲ့ပွဲ တက်တယ်။ လုံခြုံရေး ချထားတာတော့ အနည်းအကျဉ်း ရှိပါတယ်။ နောက် ထောက်လှမ်းရေး တပ်ဖွဲ့ဝင်တွေလည်း ချထားတာ ရှိတယ်။ ဒါပေမဲ့ ဝင်ပြီး အနှောင့်အယှက် ပေးတာတော့ မရှိဘူး"

ဧရာဝတီတိုင်း ဒေးဒရဲမြို့မှာတော့ ရန်ကုန်မြို့ အာဇာနည်ကုန်း ပုံစံငယ်အတိုင်း ဒေးဒရဲ NLD ရုံးရှေ့မှာ တည်ဆောက်လိုက်ပြီး ဒေသခံ ပြည်သူနဲ့ အဖွဲ့အစည်းတွေ၊ ဌါနဆိုင်ရာ တချို့က ဝန်ထမ်းတွေ စုစုပေါင်း လူ သုံးထောင်လောက် အာဇာနည်နေ့ကို ကျင်းပခဲ့တယ်လို့ NLD လူငယ် ကိုရင်ထွေးက ပြောပါတယ်။

"ရွှေတိဂုံ အနောက်မုခ်မှာရှိတဲ့ အာဇာနည်ကုန်း ပုံစံမျိုး သစ်သားတွေနဲ့ ဆောက်ပြီးတော့ အပေါ်ကနေ ပိတ်စတွေနဲ့ အုပ်ပြီးတော့ ဗြက် ၁၅ ပေ၊ အရှည် ၁၈ ပေရှိတဲ့ အာဇာနည်ကုန်းဗိမာန် ပုံစံတူ ဆောက်ပြီးတော့ အာဇာနည် ခေါင်းဆောင်တွေ ဓာတ်ပုံ ထည့်ပြီးတော့ ၂၅ နှစ်လုံးလုံး ကွယ်ပျောက်နေတဲ့ အာဇာနည် ခေါင်းဆောင်ကြီးတွေကို သတိရတဲ့လူတိုင်းက အလေးလာပြုဖို့ အတွက် ကျွန်တော်တို့ ဖိတ်မန္ကကပြုပြီးတော့ ကျွန်တော်တို့ ဆောက်ပါတယ်ခင်ဗျ။ လူတွေ အားလုံးပေါင်း ခန့်မှန်းခြေက သုံးထောင်ကျော်လောက် ရှိမယ် ခင်ဗျ။ မြို့မှာရှိတဲ့ ကျောင်းသား ကျောင်းသူတွေရော လာပြီးတော့ ပန်းခွေချ အလေးပြုပါတယ်ခင်ဗျ။ ဌာနဆိုင်ရာ တချို့ကရော လာပါတယ်ခင်ဗျ"

တောင်ကြီးနဲ့ အောင်ပန်းမြို့တွေမှာလည်း အာဇာနည်နေ့ ပန်းခွေချ အလေးပြုမယ့် အစီအစဉ်ကို မနေ့ကအထိ ပြည်နယ်အစိုးရက ခွင့်မပြုတဲ့အကြောင်း စာပို့ထားပေမယ့် ဒီနေ့မှာတော့ NLD အဖွဲ့ဝင်တွေ၊ ၈၈ မျိုးဆက် ကျောင်းသားတွေက ပန်းစည်းချ အလေးပြု နိုင်ခဲ့တယ်လို့ သိရပါတယ်။

အလားတူပဲ ပျဉ်းမနား နေပြည်တော်မှာလည်း နေပြည်တော်ကောင်စီက ကြီးမှူးပြီး ပထမဆုံးအကြိမ် အာဇာနည်နေ့ အထိမ်းအမှတ် ဆွမ်းကျွေး တရားနာပွဲကို ကျင်းပခဲ့ပါတယ်။ ဒါအပြင် နေပြည်တော် မဲဆန္ဒနယ်မြေ (၄) ခုမှာ အနိုင်ရသွားတဲ့ အမျိုးသားဒီမိုကရေစီ အဖွဲ့ချုပ် လွှတ်တော် ကိုယ်စားလှယ်တွေလည်း ပထမဆုံးအကြိမ် အာဏာပိုင်တွေဘက်က ဖိတ်ကြားခဲ့တယ်လို့ အမျိုးသားဒီမိုကရေစီ အဖွဲ့ချုပ် ဒက္ခိဏသီရိမြို့နယ် လွှတ်တော် ကိုယ်စားလှယ် ဒေါ်စန္ဒာမင်းက ပြောပါတယ်။

ရန်ကုန်မြို့ ကန်တော်ကြီးပတ်လမ်းက ဗိုလ်ချုပ်ကြေးရုပ်မှာ အများပြည်သူတွေက ပန်းစည်းတွေနဲ့တကွ ဂါရဝ ပြုခဲ့ကြသလို နှစ်ပေါင်း များစွာ ပိတ်ထားတဲ့ ဗိုလ်ချုပ်အောင်ဆန်း ပြတိုက်ကိုလည်း ဒီနေ့ ဖွင့်ပေးတဲ့အတွက် ကျောင်းသား၊ ပြည်သူတွေနဲ့ စည်းကား ပြည့်ကျပ် နေပါတယ်။

Ref: အာရ်အဖ်အေ

Read More...

အာဇာနည်နေ့ မင်းကိုနိုင်ဟောပြော

2012-07-19

ကိုမင်းကိုနိုင် အပါအ၀င် (၈၈) မျိုးဆက် ကျောင်းသား ခေါင်းဆောင်တွေ ဦးဆောင်ဟောပြောတဲ့ အာဇာနည်နေ့ အခမ်းအနားကို ရန်ကုန်တိုင်း သုံးခွမြို့နယ် ပျဉ်းမကန် စံပြကျေးရွာက ကိုးန၀င်း ဓမ္မာရုံမှာ ဒီကနေ့ မနက်ပိုင်းက ကျင်းပခဲ့ပြီး ပရိသတ် ၄၀၀ ကျော် တက်ရောက်ခဲ့ပါတယ်။

ကျေးရွာပေါင်း (၁၀) ရွာ ပူးပေါင်းပြီး ပထမဆုံး ပြုလုပ်တဲ့ အဲဒီအခမ်းအနားမှာ ကျောင်းသားခေါင်းဆောင် ကိုမင်းကိုနိုင်က အာဇာ နည်တွေနဲ့ ပတ်သက်လို့ အခုလို ပြောကြားခဲ့ပါတယ်။

"အသက်ပေးတိုင်းလည်း အာဇာနည် မဖြစ်ပါဘူး။ တိုင်းပြည်အတွက် အသက်ပေးသွားတဲ့ ပုဂ္ဂိုလ်တွေ အများကြီးရှိပါတယ်။ ဘာကြောင့်လဲ ဆိုတော့ သူမသေခင်မှာ လုပ်ဆောင်ခဲ့တဲ့ လုပ်ဆောင်ချက်တွေ အားလုံး အပေါ်ခြုံပြီးတော့ နောက်ဆုံးကျတော့ အဆုံးအဖြတ် ပေးတယ်။ ဒါကြောင့် အသက်ပေးတိုင်းမှာ မဖြစ်တဲ့ အာဇာနည်တွေရဲ့ ကျေးဇူးကို ကျွန်တော်တို့ သတိတရနဲ့ ဒီနေ့လာပြီးတော့ စုဝေးတာပဲ"

(၈၈) မျိုးဆက် ကျောင်းသားများအဖွဲ့ဟာ သန်လျင်မြို့ အာဇာနည် ကျောက်တိုင်မှာ ပြုလုပ်တဲ့ အလေးပြု အခမ်းအနားကိုလည်း တက် ရောက်အလေးပြုခဲ့ကြပါတယ်။ အဲဒီ အလေးပြုပွဲကို လူ ၂၀၀၀ လောက်တက် ရောက်ခဲ့ပြီး၊ အစိုးရ ဌာနဆိုင်ရာ အဖွဲ့အစည်းတွေလည်း အဲဒိကျောက်တိုင်မှာ အာဇာနည်နေ့ အခမ်းအနား ပြုလုပ်ခဲ့တယ်လို့ သိရပါတယ်။

၈၈ မျိုးဆက် ကျောင်းသားများအဖွဲ့ဟာ ညနေပိုင်းမှာတော့ ရွှေတိဂုံဘုရား မြောက်ဘက်မုခ်က အာဇာနည်ကုန်းကို သွားရောက် ပန်းခွေချ အလေးပြုခဲ့ကြတယ်လို့လည်း သိရပါတယ်။

Ref: အာရ်အဖ်အေ

Read More...

ဆီးရီးယားအရေး လုံခြုံရေးကောင်စီဆုံးဖြတ်ချက်မူကြမ်း ရုရှားနဲ့တရုတ်ပယ်ချ

19.07.2012

ဆီးရီယားမှာ အကြမ်းဖက်မှုတွေကို မရပ်တန့်ရင် ပိတ်ဆို့အရေးယူမယ်လို့ ခြိမ်းခြောက်ထားတဲ့ ကုလသမဂ္ဂ လုံခြုံရေးကောင်စီ ဆုံးဖြတ်ချက်ဟာ ရုရှားနဲ့ တရုတ်က ဗီတိုသုံးပယ်ချတာကြောင့် ဆုံးဖြတ်ချက်မကျခဲ့ဘူးလို့ အမေရိကန်ပြည်ထောင်စုက ပြောလိုက် ပါတယ်။

ဒီ ဗီတိုသုံးပယ်ချလိုက်မှုဟာ အန္တရာယ်ကြီးပြီးတော့ အတော်လေး ဆိုးဝါးတဲ့ကိစ္စဖြစ်တယ်လို့ ကုလသမဂ္ဂဆိုင်ရာ အမေရိကန်သံ အမတ်ကြီး ဆူဇန် ရိုက်စ်က ပြောပါတယ်။ လုံခြုံရေးကောင်စီကနေ အခုလို အရေးယူမှု မလုပ်နိုင်တာကြောင့် အဲဒီဒေသတခုလုံးကိုပါ ရိုက်ခတ်သွားနိုင်တဲ့စစ်ပွဲတွေ၊ အကြမ်းဖက်မှုတွေ ပိုဖြစ်လာနိုင်တယ်လို့လည်း ဆူဇန် ရိုက်စ်က သတိပေးလိုက်ပါတယ်။

အဆိုပြုထားတဲ့ ဆုံးဖြတ်ချက်မူကြမ်းမှာ ဆီးရီယားနိုင်ငံတွင်း ကုလသမဂ္ဂ စောင့်ကြည့်ရေးအဖွဲ့တွေ ဆက်ထားနိုင်ရေး သက်တမ်း တိုးဖို့ ပါဝင်ပါတယ်။ ဒါ့အပြင် ဆီးရီးယားသမ္မတ အာဆဒ်အစိုးရအနေနဲ့ သူပုန်တွေနဲ့ အရပ်သားတွေကို လက်နက်ကြီးသုံးပြီး ပစ်ခတ် တိုက်ခိုက်နေတာတွေကို ၁၀ ရက် အတွင်း မရပ်တန့်ဘူးဆိုရင် ဒဏ်ခတ် အရေးယူတာခံရမယ်လို့လည်း ခြိမ်းခြောက် အကြပ်ကိုင်ထား တာ ပါဝင်ပါတယ်။ ဒါ့အပြင် သမ္မတ အာဆဒ်အနေနဲ့ အထူး ကိုယ်စားလှယ် ကိုဖီအာနန်ရဲ့ ငြိမ်းချမ်း စွာ နိုင်ငံရေးအသွင်ကူးပြောင်းမှု အစီအစဉ်ကို အကောင်အထည်ဖော်ဖို့ကိုလည်း တိုက်တွန်းထားပါ တယ်။

ကုလသမဂ္ဂဆိုင်ရာ ရုရှားသံအမတ်ကြီး Vitaly Churkin ကတော့ ပိတ်ဆို့အရေးယူမယ်လို့ ခြိမ်းခြောက်တဲ့၊ နောက်ပြီး စစ်ရေးအရ ကျူးကျော်နိုင်ဖို့ လမ်းဖွင့်ပေးတဲ့ပုံစံမျိုး ဘယ်လို စာ၊ ဘယ် လို ကြေညာချက်မျိုးကိုမှ ရုရှားအနေနဲ့ လက်မခံနိုင်ဘူးလို့ ပြောပါတယ်။

ဆီးရီယားနိုင်ငံတွင်း ကုလသမဂ္ဂစောင့်ကြည့်ရေးအဖွဲ့ရဲ့ သက်တမ်းဟာ အခု သောကြာနေ့မှာ ကုန်ဆုံး မှာဖြစ်ပါတယ်။ အဲဒီအတွက် သက်တမ်းတိုးပြီး ဆက်ထားမထားဆိုတာတော့ မကျိန်းသေတော့ပါဘူး။ အမေရိကန်သံအမတ်ကြီး ဆူဇန်ရိုက်စ်ကတော့ သမ္မတ အာဆဒ်အစိုးရကို ဖိအားပေးဖို့နဲ့ ဆီးရီးယားနိုင်ငံတွင်းက လိုအပ်ချက်တွေကို အကူအညီပေးနိုင်ဖို့ အမေရိကန်ပြည်ထောင်စုအနေနဲ့ လုံခြုံရေးကောင်စီ အပြင်ပန်းက အမျိုးမျိုးသော အမေရိကန်လက်တွဲဘက် မဟာမိတ်တွေနဲ့ အတူတကွ ဆောင်ရွက်သွားမယ်လို့ ပြောလိုက်ပါတယ်။

Ref: ဗွီအိုအေ

Read More...

အမေရိကန် မိုးခေါင်ရေရှားမှုဂယက် ပြောင်းနဲ့ပဲပိစပ် ဈေးတက်

19.07.2012

အမေရိကန်ပြည်ထောင်စုရဲ့ ပေါင်မုန့်ခြင်းကြီးလို့ တင်စားကြတဲ့ အနောက်အလယ်ပိုင်းဒေသမှာ ဒီနှစ် အတွင်း မိုးခေါင်ရေရှားပြီး စိုက် ပျိုး မြေတွေခြောက်သွေ့တာ၊ စိုက်မရ ပျိုးမရ ဖြစ်နေတာတွေကြောင့် နိုင်ငံ တွင်းမှာ ၁၉၅၆ ခုနှစ်နောက်ပိုင်း အဆိုးဝါးဆုံး မိုးခေါင် ရေရှားမှုနဲ့ သီးနှံရှားပါးမှုတွေ ကြုံတွေ့နေရပါတယ်။

ပြောင်းနဲ့ ပဲပိစပ်ဈေးတွေလည်း ခေါင်ခိုက်အောင် တက်သွားခဲ့ပါတယ်။ ဒီဒေသမှာ မိုးအနည်းငယ်ပဲ ရွာသွန်းဖို့ရှိတယ်လို့လည်း မိုးလေ၀သ ကျွမ်းကျင်သူတွေက ဆိုပါတယ်။ ပြောင်းဈေးဟာ (၈) ဂါလံဝင် ပုံးတစ်ပုံး (one bushel) ကို ရှစ်ဒေါ်လာဈေး ရှိပြီးတော့ ပဲပိစပ်ဟာလည်း (၈)ဂါလံဝင် ပုံးတစ်ပုံး (one bushel) ကို (၁၇) ဒေါ်လာနဲ့ ဆင့် (၅၀) ထိ ဈေးတက်သွားခဲ့ပါတယ်။

ကမ္ဘာပေါ်မှာ အမေရိကန်ပြည်ထောင်စုဟာ ပြောင်းနဲ့ ပဲပိစပ် ထုတ်လုပ်တဲ့ ဦးဆောင်နိုင်ငံဖြစ်ပြီးတော့ ဒီသီးနှံ နှစ်မျိုးကို အစားအသောက် ထုတ်လုပ်ရေးနဲ့ ပြောင်းကို ဆိုရင် လောင်စာဆီအဖြစ်ပါ ပြောင်းလဲ ထုတ်လုပ်နေတာ ဖြစ်ပါတယ်။

အမေရိကန် လယ်သမားတွေဟာ ပူပြင်းလှတဲ့နွေရာသီရဲ့ အပူချိန်အောက်မှာ သူတို့ရဲ့ သီးနှံတွေ ပျက်စီး လာနေတာကို လက်ပိုက် ကြည့် နေကြရတယ်လို့ အမေရိကန် မီဒီယာတွေက ဖော်ပြနေကြပါတယ်။


Ref: ဗွီအိုအေ

Read More...

အာဇာနည်နေ့အခမ်းအနား NLD ရုံးချုပ်မှာကျင်းပ

ကိုဇော်ဝင်းလှိုင်

19.07.2012
အာဇာနည်နေ့ ကျင်းပတယ်ဆိုတာဟာ တိုင်းပြည်အတွင်းမှာ အာဇာနည်စိတ်ဓာတ် ပြန့်ပွားစေချင် လို့၊ မြင့်မြတ်တဲ့စိတ်ကိုအခြေခံတဲ့ သတ္တိရှိသူတွေ ပေါ်ထွက်လာစေဖုိ့အတွက် ဖြစ်တယ်လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောပါတယ်။ ဒီကနေ့ ရန်ကုန်မြို့၊ ရွှေဂုံတိုင်မှာ ရှိတဲ့ NLD အဖွဲ့ချုပ် ရုံးချုပ်မှာ ကျင်းပတဲ့ အာဇာနည်နေ့အခမ်းအနားအတွင်းမှာ ဒေါ်အောင်ဆန်း စုကြည်က အဲဒီလို ပြောသွားတာပါ။ ဒီကနေ့ ကျရောက်တဲ့ အာဇာနည်နေ့ အခမ်းအနားအကြောင်း အစုံအလင်ကိုတော့ ဘန်ကောက်ရုံး ကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။ မြင့်မြတ်တဲ့စိတ်ဓာတ်ကို အခြေခံမှ အာဇာနည်စိတ် ဓာတ် လို့ ခေါ်နိုင်မှာပါ။ ... (ဒေါ်အောင်ဆန်းစုကြည်) ...

ဒီကနေ့ ဇူလိုင်လ ၁၉ ရက်နေ့မှာ ကျရောက်တဲ့ အာဇာနည်နေ့အခမ်းအနားတွေကို ရန်ကုန်မြို့နဲ့ နိုင်ငံ အနှံ့ မြို့တိုင်းလိုလိုမှာ တားဆီး ကန့်သတ်မှုတွေ ရှိနေတဲ့ကြားကပဲ စည်စည်ကားကား ကျင်းပခဲ့ကြ တာပါ။ ရန်ကုန်မြို့ NLD ရုံးချုပ်မှာ ကျင်းပတဲ့ အာဇာနည်နေ့ အခမ်း အနားကိုတော့ လွတ်လပ်ရေး ဖခင်ကြီး ဗိုလ်ချုပ်အောင်ဆန်းရဲ့ သမီးလည်းဖြစ်၊ NLD ဥက္ကဋ္ဌလည်းဖြစ်တဲ့ မြန်မာ့ ဒီမို ကရေစီခေါင်း ဆောင် ဒေါ်အောင်ဆန်းစုကြည် တက်ရောက်ပြီး အာဇာနည်နေ့နဲ့ဆိုင်တဲ့ အမှာစကား ပြောကြားခဲ့ပါတယ်။

“ကျမတို့ အာဇာနည်နေ့ကျင်းပတယ်ဆိုတာဟာ အာဇာနည်စိတ်ဓာတ်ကို ကျမတို့နိုင်ငံမှာ ပြန့်ပွားစေ ချင်လို့၊ ဒီလို အာဇာနည်စိတ်ဓာတ် ပြန့်ပွား စေချင်တယ်ဆိုလို့ရှိရင် အာဇာနည်စိတ်ဓာတ်ကို လေးစား တယ်ဆိုတာဟာ ကျမတို့နိုင်ငံမှာ ရှိရမယ်။ အများမလေးစားတဲ့ ကိစ္စကို လုပ်ဖို့ဆိုတာဟာ အင်မတန်မှ ခက်ပါတယ်၊ ဒီတော့ အာဇာနည်စိတ်ဓာတ်ဆိုတာ ဘာလဲဆိုရင်တော့ ပြောနိုင်တာတွေက အမျိုးမျိုးပေ့ါနော်။ ကျမအမြင်မှာတော့ အာဇာနည် စိတ်ဓာတ်ကို - အများက မြင်တာတော့ - ဒါ သတ္တိရှိခြင်းနဲ့ဆိုင်တယ်လို့ပဲ မြင်ကြ တယ်။ သတ္တိရှိတာကို အာဇာနည်စိတ်ဓာတ်ပေါ့။

ရဲရဲရင့်ရင့်နဲ့ လုပ်ရဲကိုင်ရဲတာကို အာဇာနည်စိတ်ဓာတ်လို့ မြင်ကြတယ်။ ကျမကတော့ ဒီလိုပဲ ကြည့်လို့ မဖြစ်ဘူးပေါ့နော်။ မြင့်မြတ်တဲ့ စိတ်ဓာတ်ကို အခြေခံမှ အာဇာနည်စိတ်ဓာတ်လို့ ခေါ်နိုင်မှာပါ။ သတ္တိ ရှိတယ်ဆိုတာလည်း မြင့်မြတ်တဲ့စိတ်ဓာတ်ကို အခြေခံတဲ့ သတ္တိ မျိုးဖြစ်ရမှာ။ သတ်ရဲ ဖြတ်ရဲတိုင်း သတ္တိမဟုတ်ပါဘူး။ မြင့်မြတ်တဲ့စိတ်ဓာတ်တွေ ကျမတို့နိုင်ငံမှာ ပွားများအောင်လို့ ကျမတို့ဟာ အာဇာ နည်ခေါင်းဆောင်ကြီးတွေကို လေးစားသင့်တယ်၊ အာဇာနည်ခေါင်းဆောင်ကြီးတွေရဲ့ကျေးဇူး ကို မမေ့သင့်ဘူးလို့ ကျမကတော့ ယူဆ ပါတယ်။”

သူမရဲ့ ဖခင် အာဇာနည်ခေါင်းဆောင်ကြီး ဗိုလ်ချုပ်အောင်ဆန်းနဲ့ ပတ်သက်လို့လည်း ပြန်ပြောင်း အမှတ်ရစရာအဖြစ်နဲ့ ဒေါ်အောင် ဆန်းစုကြည်က ထည့်သွင်း ပြောကြားသွားခဲ့ပါတယ်။

“ဒီနေ့ ဖေဖေနဲ့တကွ ကျန်တဲ့ ကျဆုံးသွားတဲ့ အာဇာနည်ခေါင်းဆောင်ကြီးတွေအကြောင်း ပြောနေ တဲ့နေရာမှာ ဖေဖေကိုယ်တိုင် ပြော သွား တဲ့စကား- သူ့ကိုယ်သူ ပြုပြင်ဖို့ လိုတယ်ပေါ့နော်။ ကျောင်း သားဘဝတုန်းကလို ပုံစံနဲ့သူနေလို့ မရတော့ဘူး။ သူက ကျောင်းသား မဟုတ်တော့ဘူး။ သို့သော်ငြား လည်း အဲဒီတုန်းက ဖေဖေ အင်မတန်ငယ်ပါသေးတယ်။ ၃၂ နှစ်- ဒီ စကားပြောခဲ့တုန်းက ၃၂ နှစ် တောင် မပြည့်သေးပါဘူး။ ဒါပေမဲ့ ဖေဖေကတော့ လူကြီးစိတ် အပြည့်အဝနဲ့ သူဟာ လူကြီး တယောက်ဖြစ်သွားလို့ လူကြီးပီပီနေရမယ်၊ သူ့ရဲ့အားနည်းချက်တွေကို သူ ပြုပြင်ရမယ်၊ တနေ့ထက် တနေ့ တိုင်းပြည်အတွက် ပိုပြီးတော့ အကျိုးရှိအောင်လို့ သူ နေသွားရမယ် ဆိုတာကို လက်ခံသွား တာကြောင့်မို့လို့ ကျမအနေနဲ့ကတော့ ဖေဖေဟာ တကယ့်အာဇာနည်စိတ်ဓာတ်နဲ့ ပြည့်စုံတယ်လို့ ကျမ ဒီလိုပဲ သတ်မှတ်ပါတယ်။ ကျဆုံးသွားရလို့၊ ဒီလို အနစ်နာခံသွားရလို့ အာဇာနည်ရယ်လို့ ကျမက ဒီလို သတ်မှတ်တာမဟုတ်ပါဘူး။ မှန်ကန် တဲ့၊မြင့်မြတ်တဲ့စိတ်ဓာတ်ရှိလို့ အာဇာနည်လို့ ကျမ ကနေပြီးတော့ သတ်မှတ်တာပါ။ ဒါကြောင့်မို့လို့ ကျမတို့ရဲ့နိုင်ငံမှာ အာဇာနည်တွေ အများကြီးမွေးဖွား ရှင်သန်နိုင်ကြပါစေလို့ ကျမအနေနဲ့ ဆန္ဒပြုရင်းနဲ့ နိဂုံးချုပ်ပါတယ်။ ကျေးဇူးတင်ပါတယ်။”

အာဇာနည်နေ့ အခမ်းအနားတွေ ကျင်းပခွင့်မရှိဘူးလို့ အစောပိုင်းမှာ အာဏာပိုင်တွေက မြို့နယ် တချို့မှာ တာဆီးပိတ်ပင်မှုတွေ ရှိခဲ့ တာကြောင့် စိုးရိမ် ပူပန်မိပေမယ့်လည်း အားလုံး အထစ်အငေါ့ အမရှိ ပြီးစီသွားတဲ့အတွက် ကျေနပ်အားရမှုရှိတယ်လို့ အာဇာနည် ဗိမ္မာန်မှာ ကိုယ်တိုင် လွမ်းသူ့ပန်းခွေ သွားချခွင့်ရခဲ့တဲ့ ၈၈ မျိုးဆက် ကျောင်းသားခေါင်းဆောင် ကိုကိုကြီးက ပြောပြပါတယ်။

“ပထမပိုင်းကြားရတာတွေကတော့ ကျနော် နည်းနည်းစိုးရိမ်တယ်ဗျ။ ဘာဖြစ်လို့လဲဆိုတော့ အများပြည်သူနဲ့ ဆိုင်တဲ့ အခမ်းအနား၊ အများပြည်သူနဲ့ ဆိုင်တဲ့နေရာမျိုးမှာ တင်းကျပ် မှုတွေ တော်တော်များတယ်လို့ ကြားရတော့ ကျနော်လည်း စိုးရိမ်တယ်။ ဒါပေမဲ့လို့- ပထမ ပိုင်းတော့ပေါ့ဗျာ-နာရီတို့ ဘောလ်ပဲန်တို့ကအစ အကုန်လုံးထုတ်ခဲ့ရမယ်၊ ထားခဲ့ရမယ်၊ ဖုန်းတွေ-ကင်မရာတွေ အကုန်ထားခဲ့ရ မယ်၊ နောက် ပန်းခွေတွေလည်းမချရဘူး- အစရှိ သဖြင့်ပေ့ါဗျာ။ အဲသလိုတွေဖြစ်ပြီး စိုးရိမ်တယ်။ အခု ကျနော်တို့သွားပြီး အလေးပြု တဲ့အချိန်မှာတော့ တော်တော်လေး လွတ်လွတ်လပ်လပ် အလေးပြု ခွင့် ရခဲ့တဲ့အတွက်ကြောင့်ပေါ့လေ-ကျနော်လည်း စိတ်သက် သာ ရာရတယ်။

တကယ်ကတော့ ပြီးခဲ့တဲ့ 7 July ပွဲမှာတုန်းကလည်း စိုးရိမ်လွန်ပြီးတော့ ပေါ့ဗျာ- လုံခြုံရေး ရှုဒေါင့် ကနေ ကြည့်လေ့ကြည့်ထရှိတဲ့ သဘာဝအတိုင်း တင်းတင်းကျပ်ကျပ် ကိုင်တွယ်တာတွေက အစိုးရရဲ့ ပုံရိပ်ကို အရမ်းထိခိုက် တယ်။ နိုင်ငံတော်ရဲ့ ပုံရိပ်ကိုလည်း ထိခိုက်တယ်။ အခု တော်တော်လေး သက်တောင့်သက်သာရှိရှိနဲ့ အများပြည်သူပါ ဂါရဝပြုနိုင်တဲ့ အခြေအနေကတော့ ဒါကို ကျေးဇူး လည်းတင်ပါတယ်။”

မနက်အစောပိုင်းတုန်းကတော့ ဒေါ်အောင်ဆန်းစုကြည်ဟာ သူမနေအိမ်မှာပဲ သံဃာတော် ၁၀ ပါးကို ဆွမ်းကပ်လှူခဲ့ပြီး အာဇာနည် ဗိမာန်မှာ မိသားစုအနေနဲ့ လွမ်းသူ့ပန်းခွေ သွားချခဲ့တာပါ။

ဒေါ်အောင်ဆန်းစုကြည်နည်းတူပဲ တခြား အာဇာနည်ကြီးတွေရဲ့ မိသားစုဝင်တွေလည်း အာဇာနည် ဗိမာန်မှာ လွမ်းသူ့ပန်းခွေ လာချ ခဲ့ကြပေမယ့် အကိုဖြစ်သူ ဦးအောင်ဆန်းဦးကတော့ လူကိုယ်တိုင် တက်ရောက်ခြင်းမရှိဘဲ သူ့မိသားစုကိုယ်စား ပန်းခွေကိုသာ ပေးပို့ ခဲ့တယ်လို့ သိရပါတယ်။

နိုင်ငံတော်အခမ်းအနားအဖြစ် ကျင်းပတဲ့ အာဇာနည်နေ့အခမ်းအနားကိုတော့ ဒုသမ္မတ စိုင်းမောက်ခမ်း ဦးဆောင်တက်ရောက်ခဲ့ပြီး ဖိတ်ကြားထားတဲ့ နိုင်ငံရေးပါတီတွေအနက်က NLD ပါတီကိုယ်စား နာယကအဖွဲ့ဝင် ဗိုလ်ချုပ်ကြီးဟောင်း ဦးတင်ဦးနဲ့ တခြား အဖွဲ့ဝင် ၄ ဦးတို့ တက်ရောက်ကြတယ်လို့ သိရပါတယ်။

အာဇာနည်နေ့ မတိုင်ခင်က အခမ်းအနားတွေ မလုပ်ကြဖို့ အာဏာပိုင်တွေဘက်က တားဆီး ပိတ်ပင် မှုတွေ ရှိခဲ့သလို ဗိုလ်ချုပ် ကြေးရုပ်၊ ဗိုလ်ချုပ် ပန်းခြံရှိတဲ့ နေရာတွေကို မ၀င်နိုင်အောင် အစောင့်တွေ ချထားတဲ့အပြင် လွမ်းသူ့ပန်းခွေချတာ၊ ဓာတ်ပုံရိုက်တာတွေ မပြုလုပ်ဖို့ လည်း မုံရွာအပါအ၀င် နယ်မြို့ အတော်များများမှာ အာဏာပိုင်တွေ တားဆီး ပိတ်ပင်မှုတွေ ပြုလုပ်ခဲ့တယ်လို့ ဒေသခံတွေ က ပြောပါ တယ်ခင်ဗျား။

Ref: ဗွီအိုအေ

Read More...

မြန်မာကာကွယ်ရေးဦးစီးချုပ် သြဂုတ်လဆန်း အိန္ဒိယကိုသွားမည်

19.07.2012

မြန်မာ ကာကွယ်ရေး စစ်ဦးစီးချုပ် ဒုတိယ ဗိုလ်ချုပ်မှူးကြီးမင်းအောင်လှိုင်ဟာ အခုလာမယ့် သြဂုတ်လ ၁ ရက်နေ့မှာ အိန္ဒိယနိုင်ငံကို တပတ် ကြာ အလည်အပတ် သွားရောက်ဖို့ရှိတယ်လို့ အိန္ဒိယကလာတဲ့ သတင်းတွေမှာ ဖော်ပြပါတယ်။ မြန်မာ အိန္ဒိယ စစ်ရေးဆက်ဆံမှုတွေ တိုး မြှင့်ဆောင်ရွက်ဖို့ ရည်မှန်းတဲ့ ခရီးစဉ်ဖြစ်တယ်လို့ ဖော်ပြပါတယ်။

သြဂုတ်လ ၁ ရက်နေ့ကနေ ၈ နေ့အထိ မြန်မာကာကွယ်ရေးဦးစီးချုပ်ရဲ့ ခရီးစဉ်အတွင်း အိန္ဒိယ စစ်ဘက်ခေါင်းဆောင်တွေနဲ့ တွေ့ဆုံ ဆွေးနွေးမှာဖြစ်တယ်လို့ ကာကွယ်ရေးဝန်ကြီးဌာန အရာရှိတွေက ပြောဆိုတဲ့အကြောင်း ကိုးကားဖော်ပြပါတယ်။

ဒုတိယ ဗိုလ်ချုပ်မှူးကြီးမင်းအောင်လှိုင်ဟာ အိန္ဒိယ ကာကွယ်ရေးဝန်ကြီး A K Antony အပါအ၀င် ထိပ်တန်း စစ်ဘက်ခေါင်းဆောင် သုံးဦး ဖြစ်တဲ့ ရေတပ်ဗိုလ်ချုပ်ကြီး Nirmal Verma၊ လေတပ် အကြီးအကဲ N A K Browne နဲ့ ဗိုလ်ချုပ်ကြီး Bikram Sign တို့နဲ့ သြဂုတ်လ သုံးရက်နေ့မှာ တွေ့ဆုံဖို့ စီစဉ်ထားတယ်လို့ သိရပါတယ်။

ဒါ့အပြင် ခရီးစဉ်အတွင်းမှာပဲ အိန္ဒိယ ရေတပ် အရှေ့ခြမ်းရေတပ်ဌာနချုပ်ရှိရာ ကလက္ကတားမှာ အိန္ဒိယ အရှေ့ခြမ်း စစ်ဌာနချုပ်ကနေ ဒု ဗိုလ်ချုပ်မှူးကြီး မင်းအောင်လှိုင်ကို လက်ခံကြိုဆိုဖို့ ရှိပါတယ်။ ပြီးခဲ့တဲ့ မေလ အကုန်ပိုင်းကပဲ အိန္ဒိယ၀န်ကြီးချုပ် မန်မိုဟန်ဆင်းဟာ မြန်မာနိုင်ငံကို ၂၅ နှစ်အတွင်း အိန္ဒိယ၀န်ကြီးချုပ်တဦးအနေနဲ့ ပထမဆုံး လာရောက်ခဲ့ပါတယ်။


Ref: ဗွီအိုအေ

Read More...

တရုတ်ဖိအားကြောင့် အာဆီယံစိတ်ဝမ်းကွဲ

19.07.2012

ဒေသတွင်းမှာ တရုတ်အစိုးရရဲ့ သြဇာပိုပြီးကြီးထွားလာနေတာကြောင့် တောင်တရုတ်ပင်လယ်အတွင်း နယ်မြေအငြင်းပွားမှုနဲ့ ပတ်သက်ပြီး အရှေ့တောင်အာရှနိုင်ငံတွေက တစုတစည်းတည်းဖြေရှင်းဖို့ လုပ်ဆောင်နေတာဟာ ပိုပြီးတော့ ရှုပ်ထွေးလာခဲ့တယ်လို့ အကဲခတ်တွေက ပြောလိုက်ပါတယ်။

အရှေ့တောင်အာရှနိုင်ငံ ၁၀ နိုင်ငံပါဝင်တဲ့ အာဆီယံအဖွဲ့ဟာ ပြီးခဲ့တဲ့တပတ်က ကမ္ဘောဒီးယားနိုင်ငံမှာ ကျင်းပခဲ့တဲ့ ဒေသတွင်း အစည်း အဝေးမှာ ပူးတွဲကြေငြာချက်ထုတ်နိုင်ခြင်းမရှိခဲ့ပါဘူး။ ဒါဟာ နှစ်ပေါင်း ၄၅ နှစ်အတွင်း ပထမဆုံးအကြိမ် ပူးတွဲကြေငြာချက် ထုတ်ပြန်နိုင် ခဲ့ခြင်း မရှိခဲ့တာဖြစ်ပြီး နယ်မြေ အငြင်း ပွားမှုပြဿနာနဲ့ ပတ်သက်ပြီးတော့ သဘောထားတွေကွဲပြားနေတယ် ဆိုတာကို ပြသလိုက်ပါတယ်။

အခုလို အဖွဲ့အတွင်းမှာ မညီမညွတ်ဖြစ်နေတာဟာ တရုတ်နိုင်ငံရဲ့ နိုင်ငံရေးဖိအားတွေနဲ့ အများစု သက်ဆိုင်နေပါတယ်။ တရုတ်နိုင်ငံဟာ သူတို့နဲ့ ပင်လယ်ရေပိုင်နက် နယ်နိမိတ်အငြင်းပွားနေတဲ့ နိုင်ငံ ၅ နိုင်ငံနဲ့ သာ သီးခြားဆွေးနွေးလိုပြီး အာဆီယံအဖွဲ့တခုလုံးနဲ့ ဆွေးနွေး လိုခြင်းမရှိပါဘူး။

အင်ဒိုနီးရှားနိုင်ငံခြားရေးဝန်ကြီး မာတီနာတာလီ ဂါဝါဟာ အရှေ့တောင်အာရှနိုင်ငံတွေကို အရေးပေါ် ခရီးထွက်နေပြီး သူ့အဆိုအရတော့ ဒီခရီးစဉ်ဟာ တောင်တရုတ်ပင်လယ်နဲ့ ပတ်သက်ပြီး အာဆီ ယံနိုင်ငံတွေရဲ့ ညီညွတ်မှုကို ပြန်ပြီးတော့ ရရှိဖို့ဖြစ်တယ်လို့ ပြောပါတယ်။ ကမ္ဘောဒီးယားနိုင်ငံမှာတော့ သူက တိုးတက်မှုတချို့ရှိခဲ့တယ်လို့ ပြောခဲ့ပါတယ်။

Ref: ဗွီအိုအေ

Read More...

မန္တလေး အစိမ်းရောင် လုပ်ငန်းငယ်များ ဖယ်ရှားပြောင်းရွှေ့ခံရ

နေမျိုး
ဇူလိုင်လ ၁၉ ရက် ၂၀၁၂ ခုနှစ်

မန္တလေးတိုင်း၊ ချမ်းအေးသာစံမြို့နယ်၊ မြို့တော်ဥယျာဉ် သာယာလှပရေး အကောင်အထည် ဖော်ဆောင်ရွှက်ခဲ့သည့် ပန်းပညာ ရှင်များ၏ ပျိုးပင်လုပ်ငန်း ဆိုင်ခန်းများအား ဇူလိုင် ၁၉ ရက်နေ့က စည်ပင်မှ စတင် ဖယ်ရှားနေကြောင်း သိရသည်။

ကာလပေါက်ဈေး တဆိုင်လျှင် ကျပ်ငွေ သိန်း ၂ဝဝ ခန့်တန်ဖိုးရှိ ပျိုးဥယျာဉ်လုပ်ငန်း လုပ်ကိုင်သည့်ဆိုင် ၄ ဆိုင်အား စည်ပင်အမိန့်ဖြင့် ဖယ်ရှားဖြိုချလိုက်ကြောင်း ပန်းပညာရှင်လည်းဖြစ် ဥယျာဉ်မှူးတဦးလည်းဖြစ်သူ ဦးလှထွန်းအောင်က ပြောသည်။

“ကျနော်တို့ အဆောက်အဦး၊ ဆိုင်ခန်းတွေ ဖျက်ဆီးဖြိုချလိုက်တယ်။ သစ်ပင်၊ ပန်းပင်တွေလည်း သေကြေ၊ ပျက်ဆီး တယ်။ ဒုသမ္မတ ကြီးပြောတဲ့ အစိမ်းရောင် စီးပွားရေး၊ အများပြည်သူ ဝိုင်းဝန်းကူညီပေး ဆိုတဲ့ ဆောင်ပုဒ်၊ လေထဲမှာပဲ ပျောက်သွား တယ်။ ဘယ်သူက ကာကွယ်ပေးမလဲ၊ အစိမ်းရောင် စီးပွားရေးကို ဘယ်သူမှ အကာကွယ် မပေးပါဘူး” ဟု မဇ္ဈိမကို ပြောသည်။

မြို့တော်ဥယျာဉ်အနီးတဝိုက်ရှိ ညဘက် လုပ်ငန်းများဖြစ်သည့် ဘီယာ၊ အရက်၊ ကာရာအိုကေ တေးဂီတ လုပ်ငန်းများ အား ဖယ် ရှားခြင်းမရှိဘဲ ပျိုးဥယျာဉ်လုပ်ငန်းလုပ်ကိုင် ဆိုင်ခန်းများအား ရွှေးချယ်ဖယ်ရှားခဲ့ခြင်း ဖြစ်သည်ဟု ၎င်းဆိုသည်။

မန္တလေးမြို့၏ ဂုဏ်သိက္ခာနဲ့အညီ အများပြည်သူ အပန်းဖြေရန် ဥယျာဉ်တခု လိုအပ်ချက်ကြောင့် အကောင်အထည်ဖော်ရန် ဦးလှထွန်းအောင် အပါအဝင် ပန်းပျိုးပင် လုပ်ငန်း ပညာရှင် ၄ ဦးအား ၁၉၉၄ ခုနှစ်က မန္တလေးမြို့တော်ဝန် ဦးထွန်းကြည်က တာဝန်ပေးခဲ့ခြင်း ဖြစ်သည်။

နှစ်ပေါင်းများစွာ ဆောင်ရွက်ခဲ့ပြီး စိမ်းစိမ်းစိုစိုဖြင့် မြို့တော်ဥယျာဉ် အကောင်အထည် ပေါ်လာပြီးနောက် ဥယျာဉ်နှင့် လိုက်လျော ညီထွေရှိသည့် ပျိုးပင်များ ရောင်းချသည့် ဆိုင်ခန်းများအား ဖွင့်လှစ်စေကာ စည်ပင်အား လစဉ် ဆိုင်ခန်း ငှားရမ်းခများ မပျက်မကွက် ထမ်းဆောင်ခဲ့ရသည်ဟု သူက ဆက်ပြောသည်။

“တကယ်ဆို ပျိုးပင်လုပ်ငန်းဆိုတာ စီးပွားဖြစ်တဲ့ အလုပ်မျိုး မဟုတ်ပါဘူး။ ဝါသနာ တကယ်ပါမှ လုပ်လို့ရတဲ့ လုပ်ငန်းပါ။ အရက်၊ ဘီယာတွေဟာ လူအတွက် အန္တရာယ်တွေပါ။ အင်မတန်ပူတဲ့ မန္တလေးလို မြို့ကြီးမှာ သစ်ပင်ပန်းပင်ရောင်းတဲ့ လုပ်ငန်းတွေ အသက် တိုပြီး ပျောက်ဆုံးသွားမှာ အရမ်းစိုးရိမ်ပါတယ်” ဟု ပြောသည်။

ထိုကိစ္စနှင့်ပါတ်သက်ပြီး မြို့တော်ဝန်ထံ စာတင်ခဲ့ရာ မြို့တော်ဝန်က ပြန်လည် နေရာချထားပေးမည်ဟု ဆိုကာ နှစ်စဉ် ရေမြုပ်သည့် ကန်တော်ကြီးတွင် မြေနေရာချပေးကြောင်း “သစ်ပင်၊ ပန်းပင် သမားတွေဆိုတာက မြေအမျိုးအစား အရေးကြီးပါတယ်။ တခြား လုပ်ငန်းနဲ့ မတူပါဘူး” ဟု ဦးလှထွန်းအောင် က ဆိုသည်။

စည်ပင်မှဆွေးနွေး တိုင်ပင်ညှိနှိုင်းခြင်းမရှိဘဲ ပြောင်းရွေ့ရမည့်ရက် အလွန်နီးကပ်ချိန်တွင် တဘက်သတ် ပြောင်းရွှေ့မိန့် ထုတ်ကာ ဆိုင်ခန်းများအား ဖြိုချခဲ့သည်ဟု ၎င်းက ဆိုသည်။

စည်ပင်သာယာမှ ကစားကွင်းနှင့် မြို့တော်ဥယျာဉ် အဆင့်မြှင့်တင်ရေး စီမံချက်အတွက်ဟု အကြောင်းပြ၍ ထိုသို့ ဆိုင်ခန်းများအား ပြောင်းရွှေ့နေရာချထားစေခြင်းဖြစ်ကြောင်း သိရသည်။ သို့သော် ဥယျာဉ် အနီးတဝိုက် စည်းကား လာမှုကြောင့် ဥယျာဉ်အတွင်းရှိ ကစားကွင်းအား လေလံဆွဲသည့် လုပ်ငန်းရှင်ကြီးများ ဝင်ရောက်လာခြင်းကြောင့်ဟု လူအများက ခန့်မှန်းပြောဆိုကြသည်။

ယခင်က အဆိုပါ ပန်းပညာရှင်နှင့် စည်ပင်သာယာတို့ ပူးပေါင်းကာ အကြိမ်ဖန်များစွာ အစိမ်းရောင် ဗဟုသုတ အတွက်
ပြည်သူ အား ပန်းပြပွဲ၊ ပန်းပြိုင်ပွဲများ ကျင်းပ ပြုလုပ်ခဲ့လေ့ရှိသည်။

Ref: မဇ္ဈိမ

Read More...

လူငယ်များ အာဇာနည်စိတ်မွေးရန် ဒေါ်စုတိုက်တွန်း

မျိုးသန့်
ဇူလိုင်လ ၁၉ ရက် ၂၀၁၂ ခုနှစ်

လူငယ်များ ကိုယ်ကျိုးမရှာသည့် မြင့်မြတ်သော အာဇာနည်စိတ်ဓာတ် မွေးကြရန် အမျိုးသား ဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင် ဆန်းစုကြည်က ကြာသပတေးနေ့တွင် ကျရောက်သည့် ၆၅ နှစ်မြောက် အာဇာနည်နေ့ အခမ်းအနားတွင် တိုက်တွန်းပြောကြား သွား သည်။

လူထုပရိသတ် ၂,ဝဝဝ ကျော်ခန့် တက်ရောက် ဂါရဝပြုခဲ့ကြသည့် NLD ရုံးချုပ်တွင်ပြုလုပ်သည့် အာဇာနည်နေ့ အခမ်းအနားတွင် ဒေါ်အောင်ဆန်းစုကြည်က အာဇာနည်စိတ်ဓါတ် မွေးမြူလေ့ကျင့်ကြရန် မြန်မာလူငယ်များကို တိုက်တွန်းပြောကြားသွားခြင်း ဖြစ်သည်။

“ကျမတို့ လူငယ်တွေဟာ မြင့်မြင့်ကြံကြပါ။ ကိုယ့်ကိုယ်ကို အာဇာနည် စိတ်ဓာတ်နဲ့ နေနိုင်တဲ့ ပုဂ္ဂိုလ်တွေ ဖြစ်အောင် လို့ လေ့ကျင့်ကြပါ။ လေ့ကျင့်ယူလို့ရှိရင် ရပါတယ်။ အာဇာနည် စိတ်ဓါတ်ထဲမှာ ကိုယ်ကျိုးမရှာတဲ့ မြင့်မြတ်တဲ့ စိတ်ထား တခုလည်း ပါပါတယ်။ ကိုယ်ကျိုး ရှာတဲ့စိတ် ပါသွားပြီဆိုရင် ကိုယ့်ရဲ့ တိုးတက်ရေးအတွက်၊ ကိုယ့်ရဲ့ကိုယ်ကျိုး ကြီးပွားရေးအတွက် ဆိုတာကို သိပ်ပြီးတော့ အလေးထား သွားပြီဆိုရင် ဒါဟာ အာဇာနည် မဟုတ်တော့ပါဘူး” ဟု ဒေါ်အောင်ဆန်းစုကြည်က ပြောကြားသွားခဲ့သည်။

ယင်းအပြင် ဒေါ်အောင်ဆန်းစုကြည်က တိုင်းပြည်အတွက် အာဇာနည်ခေါင်းဆောင်များ များများမွေးထုတ်ပေးနိုင်ရန် ပညာရေးစနစ်ကို ပြုပြင်ရန်လိုအပ်သည်ဟု ပြောဆိုသွားသည်။ မိဘများအနေဖြင့်လည်း သားသမီးများကို ပြုစုပျိုး ထောင်ပေးပါရန် တိုက်တွန်းသွား ခဲ့သည်။

“ပညာရေးစနစ် ပြုပြင်ပြီးတော့မှ ပိုပြီးတော့ အမြင်ကျယ်တဲ့ ပိုပြီးတော့ စိတ်ထားမြင့်တဲ့ နိုင်ငံသူ နိုင်ငံသားတွေကို ပြုစုပျိုးထောင်ချင် ပါတယ်။ မိဘများမှာလည်း တာဝန်ရှိပါတယ်။ မိဘတွေ ကိုယ်တိုင်က သားသမီးတွေကို မှန်ကန်တဲ့ အတွေးအခေါ်တွေ မှန်ကန်တဲ့ သဘောထားတွေ ရှိအောင်လို့ လုပ်ပေးရမှာပါ။ အဲဒီလိုလုပ်ပေးမှ ကျမတို့ဟာ အာဇာနည်တွေများတဲ့ တိုင်းပြည် ဖြစ်လာပါလိမ့်မယ်” ဟု ဆက်လက်ပြောသွားသည်။

၆၅ နှစ်မြောက် အာဇာနည်နေ့တွင် NLD မှလည်း ကြေညာချက်တစောင် ထုတ်ပြန်ခဲ့ပြီး တိုင်းရင်းသားလူမျိုးအချင်းချင်း အမှန်တကယ် ချစ်ကြည်ရင်းနှီးမှုရှိပြီး တဦးနှင့်တဦး ယုံကြည်မှုအပြည့်အဝရှိရန် တိုက်တွန်းထားသည်။

အစိုးရ ဝန်ထမ်းများနှင့် ပတ်သက်၍လည်း “အစိုးရ အရာထမ်း အမှုထမ်းများသည်လည်း ကိုယ်ကျိုးမရှာဘဲ ပြည်သူ့ အကျိုးကို လေးစား စွာဆောင်ရွက်ကြလျက် ပြည်သူများ အကြည်ညို မပျက်စေရန် အထူးသတိထားကြရပေမည်” ကြေညာချက်အတွင်း တိုက်တွန်းရေး သား ထားသည်။

ရန်ကုန်မြို့ အာဇာနည်ဗိမာန်တွင် ပြုလုပ်သည့် ၆၅ နှစ်မြောက် အာဇာနည်နေ့ အခမ်းအနားသို့ ဒေါ်အောင်ဆန်းစုကြည် တက်ရောက်၍ ကျဆုံးသွားကြသည့် သူ၏ ဖခင်ကြီး ဗိုလ်ချုပ်အောင်ဆန်း အပါအဝင် အာဇာနည် ခေါင်းဆောင်များကို သွားရောက် ဂါရဝပြုခဲ့သေးသည်။

အစိုးရဘက်မှလည်း ဒုတိယသမ္မတ ဒေါက်တာ စိုင်းမောက်ခမ်း အပါအဝင် လူမှုကယ်ဆယ်ရေးနှင့် ပြန်လည်နေရာချ ထားရေးဝန်ကြီး ဦးအောင်ကြည်၊ ရန်ကုန်မြို့တော်ဝန် ဦးလှမြင့်တို့ အာဇာနည်ဗိမာန်သို့ သွားရောက် ဂါရဝပြုခဲ့ကြသည်။

အာဇာနည် ၉ ဦးဖြစ်သည့် ဗိုလ်ချုပ် အောင်ဆန်း၊ သခင်မြ၊ ဒီးဒုတ် ဦးဘချို၊ ဦးရာဇာတ်၊ မန်းဘခိုင်၊ မိုင်းပွန် စော်ဘွားကြီး စပ်စံထွန်း၊ ဦးဘဝင်း၊ ဦးအုန်းမောင်၊ ရဲဘော် ကိုထွေး တို့သည် ဗြိတိသျှကိုလိုနီ အုပ်စိုးမှုလက်ထက် ၁၉၄၇ ခုနှစ် ဇူလိုင်လ ၁၉ ရက်နေ့ ရန်ကုန်မြို့ အတွင်းဝန်များရုံးတွင် မသမာသူတစု၏ လုပ်ကြံသတ်ဖြတ်ခြင်းကို ခံခဲ့ကြရသည်။

Ref: မဇ္ဈိမ

Read More...

အမေရိကန်၏ မြန်မာ့သွင်းကုန်တားမြစ်မှု ဥပဒေကြမ်း သက်တမ်းတိုးရန် နီးစပ်

ဇူလိုင်လ ၁၉ ရက် ၂၀၁၂ ခုနှစ်

မြန်မာနိုင်ငံအပေါ် ကုန်သွယ်ရေး ပိတ်ဆို့ အရေးယူမှုအား နောက်ထပ် သုံးနှစ် သက်တမ်း ထပ်မံတိုးရန် အမေရိကန် အထက်လွှတ်တော် ဘဏ္ဍာရေး ကော်မတီက ဗုဒ္ဓဟူးနေ့တွင် မဲခွဲဆုံးဖြတ်လိုက်သည်။

သွင်းကုန်များ တားမြစ်မှုကို ဆက်လက် သက်တမ်းတိုးရန် ဆုံးဖြတ်ချက်အား အမေရိကန် အထက် လွှတ်တော် ဘဏ္ဍာရေး ကော်မတီက ဆုံးဖြတ်ခဲ့ခြင်း ဖြစ်ပြီး ထိုဥပဒေအား အထက်လွှတ်တော် တခုလုံးမှ ဆက်လက် ဆုံးဖြတ် ရဦးမည် ဖြစ်သည်။

ထိုဥပဒေအား အတည်ပြုလိုက်လျှင်သော်မှ မြန်မာနိုင်ငံအနေဖြင့် ဒီမိုကရေစီ ပြုပြင်ပြောင်းလဲမှုများ ဆက်လက် ပြုလုပ်နေလျှင် ဆုလာဘ်တခုအဖြစ် ထိုဥပဒေအား အချိန်မရွေး ပယ်ဖျက်ပေးနိုင်သည်။

မြန်မာ့အတိုက်အခံခေါင်းဆောင် ဒေါ်အောင်ဆန်းစုကြည် ကလည်း မြန်မာနိုင်ငံအပေါ် အမေရိကန်မှ ကုန်သွယ်ရေး ပိတ်ဆို့ အရေးယူ မှုအား ဖယ်ရှားပေးရေးအတွက် ကြိုးစားပေးပါရန် အမေရိကန် အထက် လွှတ်တော်အမတ် Mitch McConnell အား ဗုဒ္ဓဟူးနေ့တွင် တယ်လီဖုန်းဖြင့် မေတ္တာရပ်ခံခဲ့သေးသည်။ သို့သော် ကုန်သွယ်ရေး တားမြစ်မှုအား သက်တမ်းတိုးလိုက်ခြင်းအပေါ် အမေရိကန် အစိုးရ အဖွဲ့ဝင် အများအပြားက ထောက်ခံကြဖွယ်ရှိပြီး ထို ကုန်သွယ်ရေးတားမြစ်မှုအား သက်တမ်း တိုးလိမ့်မည်ဟု မျှော်လင့်ရသည်။

ထို ကုန်သွယ်ရေး တားမြစ်မှု ဥပဒေအား ၂ဝဝ၃ ခုနှစ်တွင် စတင်ချမှတ်ခဲ့ခြင်း ဖြစ်ပြီး ဇူလိုင်လအကုန်တွင် သက်တမ်း ကုန်ဆုံးမည် ဖြစ်သဖြင့် သက်တမ်းတိုးရန် လုပ်ဆောင်ခြင်း ဖြစ်သည်။ ထိုဥပဒေထဲတွင် ကုန်သွယ်ရေး တားမြစ်မှုအား အိမ်ဖြူတော်က သက်ညှာ လျှော့ပေါ့ပေးခွင့်နှင့် ရပ်ဆိုင်းပေးခွင့် စသည့် အိမ်ဖြူတော်၏ လုပ်ပိုင်ခွင့်နှင့် ပတ်သတ်သော အချက်လည်း ပါဝင်သည်။

သွင်းကုန် တားမြစ်မှု ဥပဒေ မချမှတ်မီ နောက်ဆုံးနှစ် ဖြစ်သည့် ၂ဝဝ၂ ခုနှစ်က အမေရိကန်သည် မြန်မာနိုင်ငံမှ ဒေါ်လာ ၃၅၆.၄သန်း တန်ဖိုးရှိသည့် အဝတ်အထည်နှင့် အခြားကုန်ပစ္စည်းများကို တင်သွင်းခဲ့သည်။ ၂ဝဝ၃ ခုနှစ်တွင် အမေရိကန်၏ မြန်မာ့သွင်းကုန် တန်ဖိုး မှာ အမေရိကန် ဒေါ်လာ ၂၇၅.၇ သန်းသို့ ကျဆင်းသွားခဲ့ပြီး နောက်ပိုင်းနှစ်များ တွင် အမေရိကန်သည် မြန်မာနိုင်ငံမှ ကုန်ပစ္စည်းများ လုံးဝနီးပါး မတင်သွင်းသလောက် ဖြစ်ခဲ့သည်။

လွန်ခဲ့သော အပတ်က အိုဘားမား အစိုးရအဖွဲ့သည် မြန်မာနိုင်ငံအပေါ် ရင်းနှီးမြှုပ်နှံမှုနှင့် ပတ်သတ်သည့် ပိတ်ပင် ဒဏ်ခတ်မှု အချို့အား ဖြေလျှော့ပေးခဲ့ပြီး အမေရိကန် ကုမ္ပဏီများအား မြန်မာနိုင်ငံတွင် ရင်းနှီးမြှုပ်နှံမှုများ ပြုလုပ်ရန်နှင့် ဝန်ဆောင်မှုများပေးရန် ခွင့်ပြုခဲ့သည်။ ထို့နောက် ရက်အနည်းငယ် အကြာတွင် General Electric ကော်ပိုရေးရှင်း သည် မြန်မာ ပုဂ္ဂလိက ဆေးရုံ နှစ်ခုအား ဆေးရုံသုံး စက် ပစ္စည်းများ ရောင်းချပေးခဲ့ပြီး မြန်မာနိုင်ငံ၏ လျှပ်စစ်စွမ်းအင် ကဏ္ဍနှင့် ကျန်းမာရေး ကဏ္ဍတွင် ဝင်ရောက်လုပ်ကိုင်ရန် ကုမ္ပဏီအနေ ဖြင့် စိတ်ဝင်စားသည်ဟု ပြောခဲ့သည်။

အမေရိကန် အထက်လွှတ်တော် အမတ်နှင့် ဘဏ္ဍာရေး ကော်မတီ၏ အဖွဲ့ဝင်ဖြစ်သူ ရစ်ပတ်ဘလစ်ကန် ပါတီမှ Orin Hatch က ကော်မတီ၏ website တွင် “ဒီဥပဒေကြမ်းဟာ ကျနော်တို့ရဲ့ ပြဋ္ဌာန်းချက်အရ မြန်မာနိုင်ငံအပေါ်မှာ ပိတ်ဆို့ အရေးယူထားမှုတွေကို ပြန်လည် အသက်ဝင်စေမှာပါ။ ဒီဥပဒေကြမ်းကို အမေရိကန်နဲ့ မြန်မာနိုင်ငံအကြား ကုန်သွယ်မှု တွေ၊ ရင်းနှီးမြှုပ်နှံမှု တွေနဲ့ ပတ်သတ်တဲ့ အရေးယူ ဒဏ်ခတ်မှုတွေကို ဖြေလျှော့ပေးဖို့အတွက်လည်း အစိုးရအဖွဲ့ကို လုပ်ပိုင်ခွင့် ပေးထားသလို တပြိုင်တည်းမှာပဲ တကယ်လို့ မြန်မာနိုင်ငံမှာ အခြေအနေတွေ ပိုဆိုးလာခဲ့ရင်လည်း ပိတ်ဆို့အရေးယူမှုတွေကို ပြန်လည်ချမှတ်နိုင်စွမ်း ရှိပါတယ်” ဟု ဆိုခဲ့သည်။

“မြန်မာနိုင်ငံမှာ ပြောင်းလဲမှုတွေ ဖြစ်လာလိမ့်မယ်လို့ ကျနော် အလွန် မျှော်လင့်မိပါတယ်။ မြန်မာနိုင်ငံက ပြည်သူတွေ ဟာ ဆင်းရဲ မွဲတွေမှုနဲ့ ဖိနှိပ်မှုရဲ့ ဝန်ထုပ်ဝန်ပိုးကို ကာလရှည်ကြာစွာ အလွန်အမင်း ခါးစည်းခံနေရတာပါ” ဟု Orin Hatch က ဆိုသည်။

“[မြန်မာနိုင်ငံဟာ] လုပ်စရာတွေ အများကြီး ကျန်နေသေးတယ် ဆိုပေမယ့် အခုလက်ရှိ အုပ်ချုပ်နေတဲ့ ပါတီရဲ့ ခေါင်းဆောင် မှု ပုံစံနဲ့တကွ မကြာခင်က ရွေးကောက်တင်မြှောက် ခံထားရတဲ့ ကိုယ်စားလှယ်တွေ ကြိုးစားလုပ်ကိုင် ဆောင်ရွက်နေတဲ့ တရားဥပဒေ စိုးမိုးမှုနဲ့ စီးပွါးရေး လွတ်လပ်မှုပေါ်ကို အခြေခံမယ်လို့ ကျနော်တို့ မျှော်လင့်နေတဲ့ ပွင့်လင်းတဲ့ မြန်မာ့လူ့အဖွဲ့အစည်းသစ်တခု ထူထောင်ရေး ကြိုးပမ်းချက်တွေကို အသိအမှတ်ပြုကြောင်း လူသိရှင်ကြား ပြောဆိုချင်ပါတယ်” ဟု Orin Hatch က ပြောခဲ့သည်။

အထက် လွှတ်တော် ဘဏ္ဍာရေး ကော်မတီ ဥက္ကဌ Max Baucus ကလည်း “သွင်းကုန် ပိတ်ပင်မှုတွေကို သုံးနှစ် ထပ်ပြီး သက်တမ်း တိုးလိုက်တဲ့အတွက် ကျနော်တို့အနေနဲ့ မြန်မာအစိုးရကို ပြုပြင်ပြောင်းလဲမှုတွေ လုပ်ဖို့ ဆက်ပြီး ဖိအားပေး နိုင်မှာ ဖြစ်ပါ တယ်” ဟု ဆိုခဲ့သည်။

Ref: မဇ္ဈိမ

Read More...

မွန်စာပေ သင်ကြားရေး ဒေါ်လာတသန်း အစိုးရထောက်ပံ့မည်ဆို

ကွန်းချမ်း
ဇူလိုင်လ ၁၉ ရက် ၂၀၁၂ ခုနှစ်

ကျောင်းချိန်ပြင်ပတွင် တိုင်းရင်းသားစာပေကို သင်ကြားခွင့် ပြုမည် ဖြစ်ပြီး မွန်စာပေ သင်ကြားရေးအတွက် တနှစ်လျှင် ဒေါ်လာတသန်း ထောက်ပံ့သွားမည် ဖြစ်ကြောင်း သမ္မတ ဦးသိန်းစိန်နှင့် ဒီမိုကရေစီ မိတ်ဆွေများ ပါတီများမှ ခေါင်းဆောင်များ ဗုဒ္ဓဟူးနေ့က နေပြည်တော် တွင် တွေ့ဆုံစဉ် ရထားပို့ဆောင်ရေးဝန်ကြီး ဦးအောင်မင်းက ပြောကြားခဲ့သည်။

တိုင်းရင်းသားဒေသများတွင် ကျောင်းချိန်အတွင်း သင်ခန်းစာများကို တိုင်းရင်းသား ဘာသာနှင့် တွဲ၍ သင်ကြားပေးရန် မွန်ဒေသလုံး ဆိုင်ရာ ဒီမိုကရေစီပါတီ (AMDP) ဒု-ဥက္ကဌ ဒေါက်တာနိုင်လှအောင်၏ တင်ပြချက်နှင့် ပတ်သက်ပြီး ပြည်ထောင်စုဝန်ကြီးက သမ္မတ၏ ခွင့်ပြုချက် ဖြင့် ပြန်လည်ဖြေကြားလိုက်ခြင်း ဖြစ်သည်ဟု တွေ့ဆုံရာတွင် ပါဝင်သည့် ရခိုင်တိုင်းရင်းသားများ တိုးတက်ရေးပါတီ (RNDP) အထွေထွေ အတွင်းရေးမှူး ဦးဦးလှစောက ပြောသည်။

“မွန်ပြည်သစ်ပါတီက နေပြီးတော့ မွန်ဒေသမှာ တိုင်းရင်းသားဘာသာ စာသင်ကျောင်းတွေ အတွက် တင်ပြထားတာ ရှိတယ်။ အလှူရှင် များ ကလည်း လှူထားတာ ရှိတယ်။ ငြိမ်းချမ်းရေး ဖြစ်မြောက်လို့ရှိရင် အဲဒီလှူထားတာကို ငြိမ်းချမ်းရေးဒေသတွေမှာ ပြန်အသုံးချမှာ ဖြစ် တယ်။ မွန်စာသင်ကျောင်းတွေအတွက် တနှစ်ကို ဒေါ်လာတသန်း ပေးမယ်လို့ သူတို့ စီစဉ်ထားတဲ့အကြောင်းကို ဦးအောင်မင်းက ပြော တာပါ” ဟု မဇ္ဈိမကို ပြောသည်။

AMDP မှ အမျိုးသားလွှတ်တော် ကိုယ်စားလှယ် ဒေါက်တာ ဗညားအောင်မိုးက ဝန်ကြီး၏ ပြောဆိုချက်ကို စဉ်းစား သုံးသပ်ရန် လို ကြောင်းနှင့် နိုင်ငံတော် အစိုးရအနေနှင့် တိုင်းရင်းသားတိုင်း၏ ပညာရေးဌာနကို ဖွင့်လှစ်ပေးပြီး စာပေ ယဉ်ကျေးမှု ရေရှည်တည်တံ့
အောင် တာဝန်ယူရန် လိုကြောင်း ပြောသည်။

“အခုပေးပါတယ် ဆိုတဲ့ ဥစ္စာကလည်း စနစ်တကျ ရေရှည်ပုံစံနဲ့ ပေးတာ မဟုတ်ဘူး။ ဒီနှစ် ရပြီး နောင်နှစ် မရရင် မရဘူး။ ဒါက လတ်တလော တောင်းဆိုမှုကို ဖြေသိမ့်တာများ ဖြစ်နေမလား။ ဒါက ကျနော်တို့ စဉ်းစားစရာ။ နိုင်ငံတော် အစိုးရအနေနဲ့ ရိုးရိုး သားသားနဲ့ ဒီလောက် ပွင့်လင်းလာတယ်၊ ဒီလောက် စေတနာ ထားလာတယ် ဆိုရင်တော့ အများကြီး ဝမ်းသာပါတယ်” ဟု ဒေါက်တာဗညားအောင်မိုးက ပြောသည်။

ကျောင်းချိန် ပြင်ပတွင်သာ အတန်းတင် စာမေးပွဲအတွက် အကြုံးမဝင်သည့် မိခင်စာပေ သင်ကြားခြင်းမှာ တိုင်းရင်းသား ကလေးငယ် များအတွက် ဝန်ထုပ်ဝန်ပိုး ဖြစ်လာစေနိုင်သည်သာမက ရေရှည် အကျိုးဖြစ်ထွန်းမှု နည်းပါးသည့်အတွက် ကျောင်းချိန် တွင်းတွင် သာ စာမေးပွဲစနစ်ဖြင့် သင်ကြားလိုကြောင်း တိုင်းရင်းသား နိုင်ငံရေး ခေါင်းဆောင်များက ပြောသည်။

“ကျောင်းပြင်ပဆိုတာ ကလေး ကစားချိန်၊ မလေးနက်တဲ့အချိန်။ အဲဒီတော့ ကျောင်းပြင်ပချိန်ကို စာသင်ခွင့် ပေးတယ် ဆိုတာ တိုင်းရင်း သားတွေကို လုံးဝ ဂရုမစိုက်တဲ့ သဘောမျိုးလို့ မြင်ပါတယ်။ ဒါက ကောင်းစေချင်တဲ့ သဘောမျိုး မဟုတ်ဘူး။ ဝတ်ကျေ တန်းကျေ လုပ်တဲ့သဘောမျိုး။ ဒါ့ကြောင့် ကျနော်တို့ပါတီက ကျောင်းပြင်ပချိန်ကို လက်မခံတာ” ဟု ဒေါက်တာ ဗညားအောင်မိုးက ပြောသည်။

ရှမ်းတိုင်းရင်းသားများ ဒီမိုကရက်တစ်ပါတီ (SNDP) မှ ပြည်သူ့လွှတ်တော် ကိုယ်စားလှယ် ဒေါ်နန်းဝါနုက “ကျောင်းချိန် အတွင်း ကာယအချိန်မှာပဲ ဖြစ်ဖြစ် ထည့်သွင်းပြီး သင်ကြားစေချင်ပါတယ်။ ဖြစ်နိုင်ရင်တော့ အတန်းတင် စာမေးပွဲမှာ လည်း ဖြေစေချင် တာပေါ့နော်။ အဲဒီတော့မှ ကျမတို့အတွက်လည်း ပိုပြီးတော့ အဓိပ္ပါယ် ရှိလာမယ်။ ကျမတို့ တိုင်းရင်းသား စည်းလုံးညီညွတ်ရေး အတွက်ကော အဓိပ္ပါယ် ရှိလာမယ်” ဟု ဆိုသည်။

တိုင်းရင်းသားစာပေကို လွတ်လပ်ရေး အကြိုခေတ်တွင် စိတ်ကြိုက် ဘာသာရပ်အဖြစ် လည်းကောင်း၊ ပါလီမန် ဒီမိုကရေစီခေတ်တွင် မူလတန်း အောက်အဆင့်၌လည်းကောင်း၊ မဆလ အစိုးရလက်ထက်တွင် ပညာရေး လက်တွေ့ ဖွံ့ဖြိုးရေးအချိန်၌လည်းကောင်း သင်ကြားခွင့် ရခဲ့သော်လည်း အတန်းတင် အစီအစဉ်တွင် ပါဝင်ခြင်း မရှိသည့်အတွက် ထိုက်သင့်သလောက် အကျိုးမရှိခဲ့ကြောင်း တိုင်းရင်းသားခေါင်းဆောင်များက ပြောသည်။

ကျောင်းချိန်ပြင်ပတွင်သာ တိုင်းရင်းဘာသာကို သင်ကြားပေးရန် လျာထားကြောင်းကို ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမြအေးကလည်း ဇွန်လ ၁၅ ရက်နေ့တွင် နေပြည်တော် ပညာရေးဝန်ကြီးဌာန အစည်းအဝေးခန်းမ၌ ကျင်းပသည့် တိုင်းရင်းသားဘာသာ သင်ကြားရေး အစည်းအဝေးတွင် ပြောကြားခဲ့ဖူးသည်။

မိခင်ဘာသာ သင်ခန်းစာများကို တိုင်းရင်းသားဆရာ/ဆရာမများ၊ တိုင်းရင်းဘာသာ ကျွမ်းကျင်သူများ ဝိုင်းဝန်းစုပေါင်း ပြုစုရ မည် ဖြစ်ပြီး သင်ခန်းစာနှင့် ဆရာ့လက်စွဲများကို အခြေခံပညာ သင်ရိုးညွှန်းတမ်း၊ သင်ရိုးမာတိကာနှင့် ကျောင်းသုံး စာအုပ် ကော်မတီက ဦးဆောင်၍ တိုင်းရင်သားစာပေနှင့် ယဉ်ကျေးမှုအသင်း (သို့မဟုတ်) တိုင်းရင်းသား စာပေ ပြန့်ပွားရေးအဖွဲ့တို့မှ ပူးပေါင်းရေးဆွဲမည် ဖြစ်ကြောင်း ဒေါက်တာမြအေးက ပြောဆိုသွားသည်။

Ref: မဇ္ဈိမ

Read More...

မတရားအသင်း အက်ဥပဒေ ပယ်ဖျက်ရေး ဆက်လက် ဆွေးနွေးမည်

ဖနိဒါ၊ ဝေစန္ဒာ
ဇူလိုင်လ ၁၉ ရက် ၂၀၁၂ ခုနှစ်

မတရားအသင်းများ အက်ဥပဒေအား ပယ်ဖျက်ရန် အဆိုကို သင်္ဃန်းကျွန်းမြို့နယ် ပြည်သူ့ လွှတ်တော် ကိုယ်စားလှယ် ဦးသိန်းညွန့်က တင်သွင်းခဲ့ရာ ဆက်လက် ဆွေးနွေးရန် လွှတ်တော် ဥက္ကဋ္ဌ သူရရွှေမန်းက အတည်ပြုခဲ့သည်ဟု လွှတ်တော်အမတ်များက ပြောသည်။

မတရားအသင်း အက်ဥပဒေဖြင့် ပြစ်မဲ့ ပြည်သူများ ထောင်ချခံနေရသဖြင့် အဆိုပါ ဥပဒေအား ရုပ်သိမ်းရန် တင်သွင်း ခဲ့မှုကို ပြည်ထဲ ရေးဝန်ကြီးဌာန ဒုတိယဝန်ကြီး ဗိုလ်မှူးချုပ် ကျော်ဇံမြင့်က ယင်းအဆိုကို ရုပ်သိမ်းရန် ပြောဆိုခဲ့သော် လည်း လွှတ်တော်ဥက္ကဋ္ဌက ဆက်လက် ဆွေးနွေးရန် ဇူလိုင်လ ၁၇ ရက်နေ့ အင်္ဂါနေ့က သဘောတူခဲ့ခြင်း ဖြစ်သည်။

“အပြစ်မဲ့တဲ့ ပြည်သူ တောသူတောင်သားတွေ ထိခိုက်တယ်။ ပြည်တွင်း ငြိမ်းချမ်းရေး ဖော်ဆောင်တဲ့အခါမှာ ဒီဥပဒေက အဟန့်အတား ဖြစ်စေတယ် ဆိုတဲ့အကြောင်း၊ ကချင်ပြည်နယ်က နောက်ဆုံးအခြေအနေတွေကို ဂျာနယ်တွေမှာ ဖော်ပြ ပါရှိတဲ့ ရရှိတဲ့ အချက်အလက် တွေကို အထောက်အထားပြပြီးတော့ ပြောထားတယ်” ဟု ဦးသိန်းညွန့် က ပြောသည်။

ငြိမ်းချမ်းရေးဖော်ဆောင်သည့် နေရာတွင် အထောက်အကူပြုရန်၊ တိုင်းရင်းသား ဒေသများမှ ပြည်သူလူထုများ ဒုက္ခ မရောက်ရန် အဆိုပါ ဥပဒေအား ရုပ်သိမ်းရန် တင်ပြခဲ့ခြင်း ဖြစ်သည်ဟု သူက ပြောသည်။

“ဒီဥပဒေက ကိုလိုနီခေတ်က ပြည်သူ့ဆန္ဒမပါဘဲ လွှတ်တော်က ရေးဆွဲတဲ့ ဥပဒေ မဟုတ်ဘူး။ ကျနော်တို့ တိုင်းပြည်ကို ကျွန်ပြုခဲ့တဲ့ ဗြိတိသျှကိုလိုနီ နယ်ချဲ့သမားတွေက အမျိုးသားရေးအတွက် တိုက်ပွဲဝင်ခဲ့တဲ့ မြန်မာပြည်သူတွေရဲ့ အသင်းအဖွဲ့တွေကို နှိမ်နှင်းဖို့ ပြုခဲ့တဲ့ ဥပဒေဖြစ်တယ်။ ပြည်တွင်းစစ်ကာလမှာတောင် ဒီဥပဒေကို နိုင်ငံရေးအရ သုံးပေမယ့် ချင့်ချင့်ချိန်ချိန် သုံးခဲ့တယ်” ဟု မဇ္စျိမကို ပြော သည်။

၁၉ဝ၈ ခုနှစ် ကိုလိုနီခေတ်က ပြဋ္ဌာန်းခဲ့သော ဥပဒေဖြစ်ပြီး ယခုခေတ်နှင့်  မဆီလျှော်တော့ဘဲ ငြိမ်းချမ်ရေးဆွေးနွေးမှု တွင် အထောက် အကူမပြုနိုင်တော့သဖြင့် ရုပ်သိမ်းသင့်သည်ဟု အဆို တင်သွားခဲ့သည်ဟု ပြောသည်။

၁၉၉၁ ခုနှစ် အစိုးရနှင့် တိုင်းရင်းသားအဖွဲ့တချို့ ငြိမ်းချမ်းရေးသဘောတူ လက်မှတ်ထိုးသည့် အချိန်တွင် အဆိုပါ မတရားအသင်း များအား တရားဝင်အသင်းအဖြစ် ပြောင်းလဲခဲ့သည်ဟု အဆိုတင်သွင်းခဲ့သည်ဟု ဆိုသည်။

၎င်းအဆိုကို အင်းပါတီမှ ညောင်ရွှေမြို့နယ် ပြည်သူ့လွှတ်တော် ကိုယ်စားလှယ် ဦးဝင်းရွှေက ထောက်ခံခဲ့ပြီး ရှမ်းပြည်နယ် ကွန်ဟိန်း မြို့နယ် ပြည်သူ့လွှတ်တော် ကိုယ်စားလှယ် ဒေါ်နန်းဝါနုက အဆိုပါ ဥပဒေသည် ဆက်လက် ဆွေးနွေးသင့်ကြောင်း တင်ပြခဲ့သည်ဟု သိရသည်။

၎င်းဥပဒေအား ဆက်လက် ဆွေးနွေးလိုသူများ စာရင်းပေးရန် ဖိတ်ခေါ်ထားပြီး မည်သည့်နေ့ ဆွေးနွေးမှုကို လွှတ်တော် ဥက္ကဋ္ဌက ပြန်လည် သတ်မှတ်၍ ဆက်လက် ဆွေးနွေးမည် ဖြစ်သည်။

အစိုးရအာဏာပိုင်များက တိုင်းရင်းသား လက်နက်ကိုင်အဖွဲ့အစည်းမှ ဝန်ထမ်းများနှင့် အဖွဲ့အစည်းမှ မဟုတ်သော်လည်း ထိုလက် နက်ကိုင် အဖွဲ့အစည်း ဆက်သွယ်သူများ၊ အစိုးရက မတရားအသင်းအဖြစ် သတ်မှတ်ခံထားရသော အဖွဲ့ အစည်းများနှင့် ဆက်သွယ် သူများအား အဆိုပါ မတရား အသင်းဆက်သွယ်မှု ၁၇(၁)နှင့် ၁၇(၂)တို့ဖြင့် ထောင်ဒဏ် ချမှတ်လေ့ ရှိသည်။

ပြည်သူ့လွှတ်တော် ကိုယ်စားလှယ် ဦးသိန်းညွန့်၏ အဆိုပြုချက် အပေါ် ဝမ်းသာကြောင်းနှင့် အဆိုပါ ဥပဒေအား ရုပ်သိမ်းသင့်သလို၊ အဆိုပါဥပဒေအား မဲခွဲဆုံးဖြတ်မည်ဆိုပါက ကန့်ကွက်မည်ဖြစ်ကြောင်း အင်ဂျန်းယန်မြို့နယ် ပြည်သူ့လွှတ်တော် ကိုယ်စားလှယ် ဒေါ်ဒွဲဘူက ပြောသည်။

“အစိုးရအဖွဲ့က ဘယ်လိုမြင်မြင် မတရားအသင်းနဲ့ဖမ်းတဲ့ ကိစ္စက ပယ်ဖျက်သင့်တယ်။ ဒီဟာက လက်ရှိ ကေအိုင်အေနဲ့ အဆင်ပြေဖို့ အနှောက်အယှက်ဖြစ်တယ်။ ကျမ တင်ထားတဲ့ စာမှာလည်း ပြောထားတယ်။ လုံးဝ ပယ်ဖျက်ပေးဖို့။ ဆွေးနွေးမယ်ဆိုရင် ဒါ ရုတ် သိမ်းပေးလို့ ပြောထားတယ်။ ခုသူများပါတီတွေ တင်လာပြီဆိုတော့ ကျမ ဝမ်းသာတယ်။ ဒီကိစ္စက ကိုယ့်ဆီမှာဘဲ ရှိတာကိုး၊ ကိုယ်က ဆွေးနွေးဖို့ စောင့်နေတာ” ဟု မဇ္စျိမကို ပြောသည်။

ပြီးခဲ့သည့် မေလဆန်းက ကချင်လွတ်လပ်ရေးအဖွဲ့ KIO နှင့် ဆက်သွယ်သည်ဟုဆိုပြီး ပုဒ်မ ၁၇(၁)ဖြင့် ဖမ်းဆီးခံရသူ အမှုပေါင်း ၂၉ မှုရှိပြီး ရမန်ယူထားသည့် အမှုပေါင်း ၂ဝ ကျော်၊ အမှုစုစုပေါင်း ၅ဝ ခန့်၏ စားရင်းနှင့် ယင်းတို့အား လွှတ်ပေးရန် ဒု-သမ္မတ ဒေါက်တာ စိုင်းမောက်ခမ်းအား လိပ်မူ၍ ပြည်ထောင်စု ပြည်ထဲရေး ဝန်ကြီးဌာန၊ နေပြည်တော် တရားလွတ်တော်ရုံး၊ တရားသူကြီးချုပ်၊ ရှေ့နေ ချုပ်၊ ကချင်ပြည်နယ် တရားသူကြီးချုပ်၊ ဥပဒေချုပ်နှင့် ပြည်သူ့ရဲမင်းကြီး စသည့် ဌာနဆိုင်ရာများသို့ မိတ္တူစာ တင်ပြထားသည်ဟု ဆိုသည်။

ပြီးခဲ့သည့် ဇွန်လကုန်ပိုင်းက ကချင်ပြည်နယ် တရားသူကြီးချုပ်၊ ဥပဒေချုပ် အပါအဝင် ဌာနဆိုင်ရာများသို့ လက်ရှိ ဖမ်းဆီးခံရသူများ အား အမှုမပေါ်ပေါက်ပါက လွတ်ပေးရန် စာ လက်ခံရရှိထားသည်ဟု သိရသော်လည်း ယခုချိန်ထိ ပြန်လည် လွတ်ပေးခြင်း မရှိသေးဘဲ ဆက်လက် ဖမ်းဆီးမှုများ ရှိနေသည်ဟု ဒေါ်ဒွဲဘူက ပြောသည်။

မတရားအသင်းဆက်သွယ်မှု အက်ဥပဒေ ပုဒ်မ ၁၇(၁)ဖြင့် ထောင်ဒဏ် ၃ နှစ်မှ ၅ နှစ်ထိ ကျခံနိုင်ပြီး ပုဒ်မ ၁၇(၂)သည် ၂ဝ နှစ်မှ တသက်တကျွန်းထိ ပြစ်ဒဏ် ချမှတ်ခံရနိုင်သည်။

အလားတူ ပြည်သူ့လွှတ်တော် ကိုယ်စားလှယ် ဦးသိန်းညွန့်က အရေးပေါ် စီမံချက်အက်ဥပဒေ ၅(ည)နှင့် ၅(င) ဥပဒေ များ ပယ်ဖျက်ရန် ဆက်လက် တင်သွင်းခဲ့ရာ ပြည်ထဲရေးဝန်ကြီးက အဆိုပါ ဥပဒေအား ဆက်လက် ဆွေးနွေးရန် သဘောတူခဲ့သည်ဟု ဆိုသည်။

၁၉၅ဝ ခုနှစ်ပြည့်နှစ် အရေးပေါ်စီမံမှု ဥပဒေ ပြန်လည် ရုပ်သိမ်းရန်အတွက် တရားဥပဒေ စိုးမိုးရေးနှင့် သက်ဆိုင်နေပြီး တရားမဝင် အသင်းအဖွဲ့ ဥပဒေ ရုပ်သိမ်းရေးသည် ပြည်တွင်း ငြိမ်းချမ်းရေးနှင့် သက်ဆိုင်နေသဖြင့် အဆိုပါ ဥပဒေများ ကို ပယ်ဖျက်သင့်ကြောင်း တင်သွင်းခဲ့သည်ဟု ဦးသိန်းညွန့်က ပြောသည်။

အဆိုပါ အရေးပေါ်စီမံချက်ဥပဒေအား ရုပ်သိမ်းရေး အဆိုကို ဒုတိယအကြိမ် ပုံမှန်လွတ်တော်အစည်းအဝေးတွင် တင်သွင်းခဲ့သော်လည်း သူ အပါအဝင် ၈ မဲသာ ရရှိခဲ့သဖြင့် ပယ်ချခံခဲ့ရဖူးသည်။

ယခု စတုတ္တအကြိမ် ပုံမှန်လွှတ်တော် အစည်းအဝေးတွင် ထပ်မံ တင်သွင်းခဲ့ရာ ပြန်လည် ဆွေးနွေးခွင့်ရသဖြင့် လွှတ်တော်စည်းဝေး သည် ယခင်ထက် ပိုမို ခိုင်မာလာသည်ဟု သူက ပြောသည်။

“လွှတ်တော်အဆောက်အအုံဟာ အရင်ထက်စာရင် ပိုပြီးခိုင်မာလာတယ်။ ပိုပြီးတော့ စကားအခြေအတင် debate သဘော ဆောင် လာပြီ။ အရင်တုန်းကဆိုရင် ပြန်ပြီး ဆွေးနွေးခွင့် မရဘဲနဲ့ အပယ်ခံရတဲ့ဟာတွေပါ” ဟု ဦးသိန်းညွန့်က ပြောသည်။

မြန်မာနိုင်ငံတွင် ဒီမိုကရေစီ အသွင်ကူးပေါင်းရေးနေချိန်တွင် အဆိုပါ မတရားအသင်း ဥပဒေနှင့် အရေးပေါ်စီမံချက် ဥပဒေများသည် မရှိသင့်တော့ကြောင်းနှင့် အမျိုးသား ပြန်လည်သင့်မျက်ရေးတွက် အနှောက်အယှက် ဖြစ်နိုင်သဖြင့် မရှိသင့်တော့ကြောင်း နိုင်ငံရေး အကျဉ်းသားများကူညီစောင့်ရှောက်ရေးအသင်း(မြန်မာနိုင်ငံ)မှ အတွင်းရေးမှူး ကိုတိတ်နိုင်က ပြောသည်။

“ဒီမိုကရေစီ အသွင်ကူးပြောင်းနေတဲ့ နိုင်ငံမှာ ရှိကို မရှိသင့်တော့တဲ့ ကိစ္စပါ။ ကျနော်တို့ မြန်မာနိုင်ငံမှာ ဒီအမျိုးသား ပြန်လည် သင့်မြတ် ရေးလုပ်မယ်ဆိုရင် ဒီဥပေဒတွေက အများကြီး အနှောက်အယှက် ဖြစ်နေတယ်လို့ ယူဆတယ်။ ဒါက သူတို့ အဆင်မပြေရင် မပြေသလို၊ မျက်မုန်းကျိုးရင် ကျိုးသလို၊ လူတယောက်ကို ဖမ်းဆီးထောင်ချနိုင်တဲ့ ပုဒ်မမျိုးတွေ ဖြစ်ပါတယ်။ ဒီနေ့ ဒီအချိန်မှာ မလိုလားအပ်တော့ ဘူး” ဟု မဇ္စျိမကို ပြောသည်။

ကရင်အမျိုးသားအစည်းအရုံး KNU နှင့် ကရင်နီ အမျိုးသားတိုးတက်ရေးပါတီ KNPP တို့နှင့် အပစ်အခတ် ရပ်ဆိုင်း ထားသော်လည်း ထိုအဖွဲ့များအား မတရားအသင်း ကြေညာထားမှုကို ဖျက်သိမ်းပေးခြင်း မရှိသေးပေ။ မြန်မာနိုင်ငံ ရှေ့နေများကောင်စီ BLC ၊ မြန်မာနိုင်ငံ လုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF စသည့် အဖွဲ့အစည်းများကိုလည်း အစိုးရက မတရား အသင်းအဖြစ် ကြေညာ ထားသည်။

ယခင်အစိုးရနှင့် ငြိမ်းချမ်းရေးယူခဲ့သော အဖွဲ့ ၁၇ ဖွဲ့အား တရားဝင်အဖွဲ့အစည်းအဖြစ် သတ်မှတ်ခဲ့သော်လည်း KIO နှင့်မူ တိုက်ပွဲဖြစ် ပွားနေ သော်လည်း ယခုထိ မတရားအသင်း ကြေညာခြင်း မရှိပေ။

Ref: မဇ္ဈိမ

Read More...

ပိတ်ဆို့မှုများ ဖယ်ရှားပေးရန် အမေရိကန်ကို ဒေါ်စုပြော

ဇူလိုင်လ ၁၉ ရက် ၂၀၁၂ ခုနှစ်

အမေရိကန်က ချမှတ်ထားသော ပိတ်ဆို့အရေးယူမှုများကို ဖယ်ရှားပေးပါရန်နှင့် ထိုသို့ ဖယ်ရှား ရုတ်သိမ်းပေး ခြင်းဖြင့် မြန်မာပြည်သူ များအတွက် အကျိုးရှိစေလိမ့်မည်ဖြစ်ကြောင်း ဒေါ်အောင်ဆန်းစုကြည်က အမေရိကန် လွှတ်တော်မှ သြဇာရှိသောအမတ် တဦးဖြစ်သည့် မစ်ခ်ျမက်ကော်နယ် အား တနင်္လာနေ့ ညက တယ်လီဖုန်း ဖြင့် ပြောကြားလိုက်သည်။

ထိုသို့ ပြောဆိုရာ၌ ဒေါ်အောင်ဆန်းစုကြည်က အချက် ၃ ချက်ကို အဓိကထား ပြောဆိုခဲ့ ကြောင်း ယင်းတို့မှာ မြန်မာနိုင်ငံနှင့် သံတမန် ဆက်ဆံရေးကို သံအမတ်ကြီး အဆင့်ဖြင့် အမြင့်ဆုံး ပြန်လည် ဆက်သွယ်နိုင်ခဲ့ပြီဖြစ် ကြောင်း၊ ဒီမိုကရေစီ အပြောင်းအလဲများ အရှိန် အဟုန် ရလာနေပြီး ပြည်သူများ၏ စားဝတ်နေရေး တိုးတက်စေရန် ရင်းနှီးမြှုပ်နှံ မှုများ ပိုမိုပြုလုပ်ရန်တို့ ဖြစ်ကြကြောင်း အမျိုးသား ဒီမိုကရေစီ အဖွဲ့ချုပ် NLD က အင်္ဂါနေ့က ပြောဆိုခဲ့သည်။

သူ ပထမအကြိမ် အကျယ်ချုပ် ကျခံနေရစဉ် ကပင် အထက်လွှတ်တော်အမတ် မက်ကော်နယ်နှင့် ဒေါ်အောင်ဆန်းစုကြည်တို့အကြား အဆက်အသွယ်ရှိခဲ့ပြီး သူတို့ကြား ဆက်ဆံရေးမှာ ရှည်ကြာခဲ့ပြီ ဖြစ်သည်။ ဇန်န၀ါရီလအတွင်း မြန်မာနိုင်ငံသို့ သွားရောက်ခဲ့စဉ် က ဒေါ်အောင်ဆန်းစုကြည်ကို ပထမဆုံး ပြန်လည် တွေ့ဆုံခွင့်ရခဲ့ရာ စိတ်ထိခိုက် ခံစားနေရကြောင်း သိသိသာသာ ပေါ်လွင်နေခဲ့သည်။ အမေရိကန်၏ ပိတ်ဆို့အရေး ယူမှုများကို ရုတ်သိမ်းသင့်/မသင့်မှာ ဒေါ်အောင်ဆန်း စုကြည်၏ အမြင်သည် အခရာကျသည်ဟု သူက ပြောဆိုခဲ့သည်။

အမေရိကန်သည် ရင်းနှီးမြှုပ်နှံမှုများနှင့် ပတ်သက်သည့် ပိတ်ဆို့အရေးယူမှုများကို ဂျူလိုင်လ အတွင်း ပြန်လည် ရုတ်သိမ်းခဲ့သော်လည်း ကုန်သွယ်ရေးဆိုင်ရာ ပိတ်ဆို့ အရေးယူမှုများကို ဆက်လက် ထားရှိဆဲဖြစ်သည်။ မကြာခင် သက်တမ်းကုန်တော့မည့် `မြန်မာနိုင်ငံ လွတ်လပ်ရေးနှင့် ဒီမိုကရေစီ ဥပဒေ-၂၀၀၃ ခုနှစ်´ ကို ထပ်မံ သက်တမ်းတိုးရန် အမေရိကန် ဥပဒေပြု အမတ်များက ပြင်ဆင်နေသည်။ ထိုဥပဒေကို ဆက်လက်ထားရှိခြင်းဖြင့် ပြုပြင်ပြောင်းလဲရေး လုပ်ငန်းများကို ဆက်လက် လုပ်ဆောင်နိုင်ရန် မြန်မာနိုင်ငံကို ဖိအားပေးနိုင်သည်ဟု အချို့ ဥပဒေပြု အမတ်များက
ပြောဆိုကြသည်။

“ပိတ်ဆို့အရေးယူမှုများကို ရုတ်သိမ်းတာဟာ သင့်မြတ်လျော်ကန်ပါကြောင်း ဒေါ်အောင်ဆန်းစုကြည်ရဲ့ ပြောဆိုချက် ဟာ ကျနော် အပါအ၀င် အမေရိကန် အစိုးရအဖွဲ့ဝင်များ အပေါ်မှာ သြဇာသက်ရောက်မှု အများကြီး ရှိပါတယ်။ လက်ရှိ ပြုပြင် ပြောင်းလဲ ရေး လုပ်ငန်းတွေ ဘယ်လောက် အောင်မြင် ထိရောက်တယ် ဆိုတဲ့အပေါ် သူရဲ့အမြင်ဟာ အမေရိကန်နိုင်ငံက ဒီပိတ်ဆို့ အရေးယူမှုတွေ ရုတ်သိမ်းသင့်/မသင့် ဆုံးဖြတ်ရာမှာ အလွန်အမင်း အရေးပါမှာ ဖြစ်ပါတယ်” ဟု သူက ဇန်န၀ါရီလ အတွင်း ရန်ကုန်မြို့တွင် ဒေါ်အောင် ဆန်း စုကြည်နှင့် တွေ့ဆုံအပြီး ပြောကြားခဲ့သည်။

ယခင် ရက်သတ္တပတ်က အမေရိကန် စီးပွါးရေးနှင့် လယ်ယာစိုက်ပျိုးရေး ၀န်ကြီးဌာန လက်ထောက်ဝန်ကြီး ရောဘတ်ဟောမက် နှင့် တွေ့ဆုံခဲ့စဉ်က ပိတ်ဆို့အရေးယူမှုများကို ထပ်မံ သက်တမ်းမတိုးပါရန် အောက်လွှတ်တော် ဥက္ကဋ္ဌ ဦးရွှေမန်းက မေတ္တာရပ်ခံ ပြောကြား ခဲ့သည်။

အမေရိကန်က ယာယီ ရပ်ဆိုင်းထားလိုက်သော ရင်းနှီးမြှုပ်နှံမှုဆိုင်ရာ ပိတ်ဆို့ အရေးယူမှုများမှာ အမေရိကန် စီးပွါးရေး လုပ်ငန်းများ ကိုသာ တဘက်သတ် အကျိုးရှိစေပြီး မြန်မာပြည်သားများနှင့် တိုင်းရင်းသား ပြည်သူများ အတွက်လည်း ထည့်သွင်းစဉ်းစားပါရန် သူက အမေရိကန် လက်ထောက်ဝန်ကြီးကို ပြောဆိုခဲ့သည်။

အတ္တလန္တိတ်ကောင်စီမှ ချီးမြှင့်ပေးအပ်မည့် ကမ္ဘာ့နိုင်ငံသားဆုကို စက်တင်ဘာ ၂၁ ရက်တွင် ဒေါ်အောင်ဆန်းစုကြည် လာရောက် လက်ခံ ရယူမည့် သတင်းကိုလည်း အမေရိကန် အရာရှိများက ထိုအတောအတွင်း တုံ့ပြန်ပြောကြားခဲ့ သည်။ ဒေါ်အောင်ဆန်း စုကြည်ကို အဆိုပါ ခရီးစဉ်အတွင်း အမေရိကန် အစိုးရက ဆွေးနွေးမှုများ ပြုလုပ်ရန် ဖိတ်ကြား သွားမည် ဖြစ်သည်ဟု သူတို့က ပြောကြားခဲ့သည်။ သို့သော် အသေးစိတ် အစီအစဉ်များကိုမူ ထုတ်ဖော်ပြောကြားခဲ့ခြင်း မရှိပါ။

“အမေရိကန် နိုင်ငံခြားရေးဌာနက ဒေါ်အောင်ဆန်းစုကြည် လာရောက်မှာကို ကြိုဆိုနိုင်မယ့် သင့်တော်တဲ့ နေ့ရက် တရက်ကို ကျနော်တို့ မျှော်လင့် စောင့်စားနေပါတယ်။ နှစ်ဘက် အကျိုးတူ ဆွေးနွေးပွဲများ အမေရိကန်နိုင်ငံအတွင်း သူနဲ့ပြုလုပ်နိုင်မယ့် အချိန်ကိုလည်း မျှော်လင့်နေပါတယ်” ဟု နိုင်ငံခြားရေးဌာန ပြောခွင့်ရပုဂ္ဂိုလ် ပက်ထရစ်ဗန်ထရဲလ် က သတင်းထောက်များကို ၀ါရှင်တန်မြို့တွင် ပြော ကြားခဲ့သည်။

မြန်မာနိုင်ငံအပေါ် ၁၅ နှစ်ကြာ ထားရှိခဲ့သော ရင်းနှီးမြှုပ်နှံမှုဆိုင်ရာ ပိတ်ဆို့ထားမှုများကို လွန်ခဲ့သော ရက်သတ္တပတ် အတွင်းက အမေရိကန် က ယာယီရပ်ဆိုင်းပေးခဲ့သည်။

Ref: မဇ္ဈိမ

Read More...

အပေါ်သို့