ကောင်းမြတ်ဖြိုး ( မြစ်မခ )
17 Jul, 2012
ပြင်ဦးလွင်မြို့နယ် ထုံးဘိုအုပ်စုရှိ ထုံးကွင်းကျေးရွာတွင် လူတစ်ဦး၏ အနိုင်ကျင့်ခံရမှုကြောင့် လွန်ခဲ့သော(၅)လခန့်က သမ္မတထံစာတင် ထားသော်လည်း ယခုတိုင် ထူးခြားမှုမရှိသေးကြောင်း သိရှိရသည်။
ထုံးကွင်းကျေးရွာတွင် ရေရှားပါးမှုကြောင့် အများပိုင်အ၀ီစိရေတွင်းအား စုပေါင်းတူးထားရာတွင်ဦးဌေးလှိုင်ဆိုသူကထိုရေတွင်းအား ၎င်းပိုင်ရေတွင်းအဖြစ်သိမ်းယူ ထားခြင်းဖြစ်ကြောင်း ရွာခံများက ဆိုသည်။
“ကျွန်မတို့ ဒီကိစ္စကို သမ္မတဆီ ထိုင်ထားတာ (၅)လလောက်တော့ရှိပါပြီ၊ ဒါပေမဲ့ အခုထိထူးခြားမှုမရှိသေး ပါဘူး။ ပထမတော့ ကျွန်မ တို့(၁၇)ဦးထဲနဲ့ တိုင်ထားတာပါ။ အခုဆိုရင် အယောက်(၇၀)ကျော်သွားပါပြီ။ ကျွန်မတို့အဲ့လို တိုင်ထားလို့ ပထမ(၁၇)ဦးကို ဦးဌေးလှိုင် က ရေမရောင်းပေးတော့ဘူး။” ဟု ထုံးကွင်း ကျေးရွာရှိ ဒေသခံ ဒေါ်ဘုတ်ဆုံက ပြောသည်။
ထိုကဲ့သို့ သမ္မတထံတိုင်ထားသူများအား ရေရောင်းချခြင်းမပြုသောကြောင့် ကနဦးတွင် (၃)မိုင်ခန့်ဝေးသော ရွာတွင် ရေသွားသယ်ရပြီး ယခုအချိန်တွင်မူ ထို(၁၇)ဦးထဲမှ ဒေါ်စိုးဝင်းစိုသူက အကုန်ကျခံကာ ၎င်းအိမ်တွင်ရေတွင်းတူး၍ထို(၁၇)ဦး၏ ရေအခက်အခဲကို ဖြေရှင်း ပေးထားကြောင်းသိရသည်။
“လွန်ခဲ့တဲ့ (၁၅)ရက်လောက်တော့ မြို့နယ်အုပ်ချုပ်ရေးမှူးလာသွားတယ်။ ခင်ဗျားတို့ဖြစ်နေတာတွေကိုပြေလည် သွားအောင် လုပ်ပေး ပါမယ်။ နှစ်ဘက်လုံးကို ညှိနှိုင်းပေးမယ်လို့ပြောသွားပြီ၊ အခုထိမလာသေးဘူး။” ဟု ထုံးကွင်းကျေးရွာ ဒေသခံ ဦးသန်းလွင်က ပြော သည်။
ရွာသားများအနေဖြင့် အများပိုင်ရေတွင်းတူးရာတွင် နေ့စားအလုပ်လုပ်ကိုင်သူများအား တစ်အိမ်လျှင် (၁၀၀၀) ကျပ် ကောက်ခံခဲ့၍ အလယ်အလတ်အိမ်များအား (၃၀၀၀၀)ကျပ် နှင့် လုပ်ငန်းရှင်များအား (၅၀၀၀၀)ကျပ် ကောက်ခံကာ ရေကန်နှင့် အခြားစက် ပစ္စည်း တန်ဖိုးများမှာ အပြီးအစီး သိန်း(၂၀)ခန့်ကုန်ကျခဲ့ကြောင်း ရွာသားများ၏ ပြောပြချက်အရ သိရသည်။
ထိုကိစ္စများနှင့် ပတ်သက်၍ ဦးဌေးလှိုင်၏ သမက်ဖြစ်သူက ရွာသားများအနေဖြင့် မိမိ၏ ယောက္ခအပေါ်တဖက်သတ် စွပ်စွဲချက်များသာ ဖြစ်ကြောင်း မြစ်မခမီဒီယာသို့ ပြောကြားခဲ့သည်။
“ရေတွင်းကို တူးပြီး ခြံဝင်းခတ်ထားတယ် ဆိုတာက ရွာသားတွေ မညီညွတ်လို့ ရေတွင်းကိုပိတ်ထားတာပါ။ ကျွန်တော်တို့ ဘောလုံး ကွင်း ကို သိမ်းတယ်ဆိုတာကလည်း မဟုတ်ပါဘူး။ လျှပ်စစ်က မြေအောက် ကေဘယ်ကြိုး ရှိတဲ့နေရာကို အိမ်တွေ မဆောက်ရအောင် သံဆူးကြိုးလာခတ်သွားတာပါ” ဟု ဦးဌေးလှိုင်၏ သမက်ဖြစ်သူ ကိုကျော်ဆွေမြင့်က ပြောသည်။
ထုံကွင်းကျေးရွာတွင် အိမ်ခြေ (၂၅၅) အိမ်ရှိကာ ယခုတိုင် ၎င်းဒေသခံများသည် သောက်သုံးရေ အခက်အခဲရှိနေဆဲဖြစ်သည်။
Ref: မြစ်မခ
ဒီပဲယင်းနဲ့ ရေဦးမြို့နယ်ထဲက စစ်ဘေးဒုက္ခသည် တစ်သောင်းခန့်ဟာ ဆောင်းရာသီ
ဝင်ရောက်လာတာကြောင့် အအေးဒဏ် ခံစားနေရပြီး အနွေးထည်နဲ့ စောင်တွေ အရေးပေါ်
အကူအညီ လိုအပျန...
1 hour ago
Posts
0 comments:
Post a Comment