28 February 2012
နန်းသူးလေ
အပစ်အခတ်ရပ်စဲနိုင်ခြင်းမရှိသော တိုင်းရင်းသားအဖွဲ့အစည်းများ မပါဝင်ဘဲ အစိုးရဘက်က နိုင်ငံရေးတွေ့ဆုံမှု ပြုလုပ်မည့်အစီအစဉ်မှာ တိုင်းရင်းသား အချင်းချင်းဖဲ့ထုတ် စည်းရုံးခြင်းသာဖြစ်ကြောင်း ကရင့်အမျိုးသားအစည်း အရုံး( KNU)က ပြောသည်။
KNU ဒုဥက္ကဌ ပဒိုဒေးဗစ်သာကဘောက “ကေအဲန်ယူရဲ့ သဘောထားကတော့ ပစ်ခတ်ရပ်စဲရေးကို ခိုင်မာ အောင်လုပ်ပါ။ တစ်ပြည်လုံး အတိုင်းအတာနဲ့ လုပ်ပါလို့ အမြဲတမ်းပြောတယ်။ ရတဲ့အဖွဲ့လေးနဲ့ပဲ တွေ့ဆုံဆွေးနွေး သွားမယ်ဆိုတာ ဖဲ့ထုတ်စည်းရုံးတဲ့ လုပ်ငန်းပဲ။ အဲ့ဒါ ကတော့ လက်မခံနိုင်ဘူး” ဟု ပြောသည်။
ယခုလ ၂၄ရက်နေ့တွင် မွန်ပြည်သစ်ပါတီနှင့် အစိုးရငြိမ်းချမ်းရေးဖော်ဆောင်ရေးအဖွဲ့တို့ မော်လမြိုင်မြို့ ကမ်းနားလမ်းရှိ Strand Hotel တွင် တွေ့ဆုံရာတွင် ၂၀၁၂ ခုနှစ် ဒီဇင်ဘာလအထိ တိုင်းရင်းသား အဖွဲ့အစည်း အားလုံးနှင့် အပစ်အခတ်ရပ်စဲနိုင်ခြင်းမရှိသေးပါက နောက်တစ်ဆင့်တက်ပြီး စုစည်းနိုင်သော အပစ်ရပ်အဖွဲ့ ကိုယ်စားလှယ်များနှင့်သာ အစိုးရက နိုင်ငံရေးဆွေးနွေးပွဲများပြုလုပ်သွားရန် သဘောတူညီခဲ့သည်။
အစိုးရအနေဖြင့် တစ်ပြည်လုံးအတိုင်းအတာအထိ အပစ်အခတ်ရပ်စဲရေးပြုလုပ်သွားပြီးမှသာ နိုင်ငံရေးတွေ့ဆုံ ဆွေးနွေးမှုများ လုပ်ဆောင် သင့်ကြောင်း ပဒိုဒေးဗစ်သာကဘောက အကြုံပြုပြောဆိုသည်။
အပစ်အခတ်ရပ်စဲရေးနှင့် ပက်သက်ပြီး KNU ဘက်မှ အစိုးရအား တောင်းဆိုထားမှုများရှိနေသည့်အပြင် ကချင် နှင့်ရှမ်းပြည်နယ် ဘက် တွင်လည်း တိုက်ပွဲများဆက်တိုက်ဖြစ်ပွားလျှက်ရှိနေသေးကြောင်း ပဒိုဒေးဗစ်သာက ဘောက ထောက်ပြပြောဆိုသည်။
“ကချင်ပြည်နယ်ဘက်မှာ အပစ်ခတ်ရပ်စဲရေးလုပ်ပါဆို မလုပ်ဘူး။ သူတို့က ဆက်ပြီးတိုက်ချင်နေတဲ့ အနေ အထားမှာ လုပ်နေတယ်။ ကရင်ပြည်နယ်မှာလည်း အစိုးရက ရိက္ခာပို့ပြီးရင် ပြန်တိုက်မှာပဲ။” ဟု ၎င်းက ပြော သည်။
အခြားတိုင်းရင်းသားအဖွဲ့များ မပါဝင်သည့် ဆွေးနွေးမှုသည် အထမြောက်မည်မဟုတ်ဟုလည်း ရှမ်းပြည်တပ်မ တော် (တောင်ပိုင်း)က ပြောရေးဆိုခွင့်ရှိသူ ဗိုလ်မှူးကြီး စိုင်းလောဝ်ဆိုင်က ပြောသည်။
သူက “သူတို့မပါပဲ ကျနော်တို့က ဘယ်လိုပုံသဏ္ဍာန်နဲ့ သွားဆွေးနွေးမလဲ၊ ပြဿနာတစ်ခုလို့ထင်တယ်။ ဒီအ ရေးဟာ တိုင်းရင်းသား အားလုံးနဲ့ သက်ဆိုင်တဲ့ အရေးဖြစ်တယ်” ဟုပြောသည်။
ပြီးခဲ့သည့် ဖေဖော်ဝါရီလ ၂၂ ရက်နေ့တွင် စစ်မှန်၍ ရေရှည်တည်တံ့ခိုင်မြဲသော ငြိမ်းချမ်းရေးရရှိနိုင်ရန် အဆင့် ၄ဆင့်ပါ လမ်းပြမြေပုံ ကိုလည်း KNU ဘက်က ထုတ်ပြန်ခဲ့သည်။
Ref: ကေအိုင်စီ
Read More...
Collapse...
28 February 2012
စောခါးစူးညား
လာမည့်မတ်လပထမအပတ်၌ ကရင်နီ(ကယား)ပြည်နယ်မြို့တော် လွိုင်ကော်တွင် မြန်မာအစိုးရနှင့် အပစ်ရပ် ရေးအဆင့် တွေ့ဆုံဆွေး နွေးမည့် ကရင်နီအမျိုးသား တိုးတက်ရေးပါတီ-KNPP ကို ကရင်နီလူထုများက ကြိုဆို ကြောင်း သိရသည်။
လွိုင်ကော်မှ လူငယ်တဦးက “သူတို့(KNPP)ပြန်လာမယ့်နေ့ကို သွားကြိုမှာပဲ။ ငြိမ်းချမ်းရေးအတွက် တွေ့ဆုံမယ်ဆိုတော့ အစိုးရနဲ့ လက် မှတ်ထိုးသည် ဖြစ်စေ၊ မထိုးသည်ဖြစ်စေ ပြန်လာမယ့်သူတွေကိုတော့ ကြိုဆိုတယ်။ လူထုတော်တော်များများလည်း ကြိုဆိုမယ်လို့ ယုံကြည်တယ်။”ဟု ကေအိုင်စီသို့ ပြောသည်။
ဆက်လက်၍ ကချင်ပြည်နယ်နှင့် သျှမ်းပြည်နယ်အတွင်းရှိ လက်တလော တိုက်ပွဲများ ဆက်လက်ဖြစ်ပွားနေ သည့်အပေါ် ကရင်နီလူထု အတော်များများသည် အစိုးရကို သံသယရှိနေသေးသော်လည်း KNPP နှင့် အစိုးရ တွေ့ဆုံမည့်ဆွေးနွေးပွဲတွင် အောင်မြင်မည်ဟု မျှော် လင့်ကြကြောင်း ၎င်းက ဆက်ပြောသည်။
ယခုလ ဖေဖော်ဝါရီ ၆ရက်နေ့က KNPP အတွင်းရေးမှူး(၁) ခူဦးရယ် ဦးဆောင်သည့် ငြိမ်းချမ်းရေး ကိုယ်စား လှယ်အဖွဲ့နှင့် မြန်မာအစိုးရမှ ရထားပို့ဆောင်ရေးဝန်ကြီး ဦးအောင်မင်း ဦးဆောင်သည့် ငြိမ်းချမ်းရေး ကိုယ် စားလှယ်အဖွဲ့တို့သည် တွေ့ဆုံခဲ့ပြီး ငြိမ်းချမ်းရေးအတွက် ထပ်မံတွေ့ဆုံဆွေးနွေးကြရန် သဘောတူခဲ့ခြင်း ဖြစ်သည်။
“ကျနော်တို့ တော်လှန်ရေးလုပ်လာတာ နှစ်ပေါင်း(၆၀)ကျော်မှာ ကျနော်တို့ကပဲ အနစ်နာခံ ဒုက္ခဆင်းရဲခံတာ မဟုတ်ဘူး။ ပြည်သူ တွေ လည်း ကျနော်တို့လိုပဲ အပင်ပန်းခံခဲ့တာဖြစ်တယ်။ ဒါကြောင့် အခုလို ကျနော်တို့ ကြိုဆို တယ်လို့ သိရတော့ ကျနော်တို့ဆန္ဒလည်း သူတို့နဲ့ တထပ်တည်းပါလို့ ပြောချင်တယ်။”ဟု KNPP အတွင်းရေးမှူး (၁) ခူဦးရယ်က ပြောသည်။
သို့သော် မြန်မာအစိုးရနှင့် တွေ့ဆွေးနွေးပွဲတွင် နှစ်ဦးနှစ်ဖက် ပဏာမ ပစ်ခတ်ရပ်စဲရေး သဘောတူညီမှု ရ၊ မရခြင်းမှာ ၎င်းတို့ တင်ပြ သည့် အချက်အလက်များကို အစိုးရဘက်မှ လက်ခံနိုင်လောက်သည့်အပေါ်၌သာ မူတည်သည်ဟု သူက ဖြည့်စွက်ပြောဆိုသည်။
KNPP သည် မြန်မာအစိုးရ ငြိမ်းချမ်းရေးကိုယ်စားလှယ်များနှင့် ၂၀၁၁ခုနှစ်၊ နိုဝင်ဘာ ၂၉ ရက်နေ့က ထိုင်းနိုင်ငံ၊ မယ်ဆိုင်မြို့တွင် တကြိမ်၊ ယခုလ ဖေဖော်ဝါရီ ၆ရက်နေ့က ထိုင်းနိုင်ငံ ဒုတိယမြို့တော် ချင်းမိုင်တွင် တကြိမ် စုစုပေါင်းနှစ်ကြိမ် တွေ့ဆုံခဲ့ပြီဖြစ်သည်။
တဆက်တည်း၌ပင် KNPP သည် တိုင်းရင်းသားလက်နက်ကိုင်အဖွဲ့(၁၂)ဖွဲ့နှင့် စုပေါင်းဖွဲ့စည်းထားသည့် ညီညွှတ်သော တိုင်းရင်း သားများဖက်ဒရယ်ကောင်စီ-UNFC ၏ အဖွဲ့ဝင်ဖြစ်သည်။
လက်ရှိ UNFC အဖွဲ့ဝင်များထဲတွင် ကရင်အမျိုးသားအစည်းအရုံး-KNU အပါအ၀င် ချင်းအမျိုးသားတပ်ဦး (CNF)၊ မွန်ပြည်သစ်ပါတီ (NMSP)နှင့် သျှမ်းပြည်တပ်မတော်မြောက်ပိုင်း(SSA-N)တို့သည် မြန်မာ သမ္မတဦးသိန်းစိန် အစိုးရသစ်နှင့် ပြည်နယ်အဆင့် ပဏာမ အပစ်အခတ်ရပ်စဲရေး သဘောတူညီချက်စာချုပ် ချုပ်ဆိုခဲ့ပြီဖြစ်သည်။
Ref: ကေအိုင်စီ
Read More...
Collapse...
28 February 2012
စောသိန်းမြင့်
တနင်္သာရီတိုင်း၊ ထားဝယ်မြို့နယ် နယ်စပ်ဒေသတွင် လှုပ်ရှားနေသည့် အစိုးရစစ်တပ်များသည် ယခုရက် ပိုင်းအတွင်းခရီးသည်နှင့် လူ ကယ်ရီများထံ ငွေကြေး ရယူပြီး ထိုင်းမှ တရားမ၀င်ဆိုင်ကယ်များ ကိုလည်း နေ့စဉ်ပေးဝင်လျှက်ရှိသည်ဟု သိရသည်။
ထိုင်းနိုင်ငံ ကန်ချနဘူရီခရိုင်မှ မြန်မာနိုင်ငံဘက်ခြမ်း ထားဝယ်မြို့အထိ ဖောက်လုပ်ထားသော အာစီယံလမ်းကြောင်းတလျှောက် အခြေ စိုက်သည့် အစိုးရစစ်တပ် စစ်ဆင်ကွပ်ကဲရေး ဌာနချုပ်-စကခ (၈နှင့်၂၀)မှ စစ်ဗျူဟာ ၂ ကွပ်ကဲမှုအောက်ရှိ တပ်ဖွဲ့ဝင်များသည် နယ်စပ် စခန်းအပါအ၀င် ခရီးသည်နှင့် လူမှောင်ခို ပို့သူများထံမှ ငွေကြေးရယူသည့်အပြင် တရားမ၀င် ဆိုင်ကယ်များကိုလည်း နေ့စဉ် ပေးဝင်ခြင်း ဖြစ်သည်။
ဒေသခံတစ်ဦးက“လမ်းတစ်လျှောက်မှာ ဂိတ်တွေ အများကြီးထောင်တာကိုး။ စစ်တပ်ကို နည်းနည်းပါးပါးကြွေးလိုက်ရင် အားလုံး အဆင်ပြေတယ်။ ဆိုင်ကယ်တွေကျတော့ စစ်တပ်ထဲက လူတွေလည်း ၀ယ်ပြီး သွင်းတာလည်းရှိတယ်။”ဟု ကေအိုင်စီသို့ ပြောသည်။
အဆိုပါ ကိစ္စနှင့် စပ်လျဉ်း၍ ကမ်းရိုးတန်းတိုင်း စစ်ဌာချုပ်-ကရခ၏ ညွှန်ကြားချက်အရ စဗဟ(၂)မှူး ဗိုလ်မှူးကြီး တင်ထွဋ်သည် ကား လမ်းတစ်လျှောက်ရှိ အိုင်ဝိုင်း၊ ဆင်ဖြူဒိုင်၊ ၀ါးတော၊ အမိုဒေသအခြေစိုက် တပ်များအား စစ်ဆေးရန် ယမန်နေ့တွင် မေတ္တာစခန်းမှ ထွက် ခွာသွားပြီဖြစ်သည်ဟု သိရသည်။
ကီလိုမီတာ ၁၀၀ကျော် ရှည်လျား ၎င်းအာစီယံလမ်းကြောင်းကို ထားဝယ်ပင်လယ်ရေနက်ဆိပ်ကမ်း စီမံကိန်းအတွက် အသုံးပြုရန် အီတာလျံ-ထိုင်းကုမ္ပဏီမှ တာဝန်ယူဖောက်လုပ်သော လမ်းမကြီးဖြစ်သည်။
Ref: ကေအိုင်စီ
Read More...
Collapse...
ဇော်ရှန်
ဖေဖေါ်ဝါရီလ ၂၈ ရက် ၂၀၁၂ ခုနှစ်
ကချင်ပြည်နယ် မြစ်ဆုံရေအားလျှပ်စစ်စီမံကိန်းကြောင့် ရွှေ့ပြောင်းပေးခဲ့ရသည့် မြစ်ဆုံ အနီး တန်ဖရဲ ရွာသားများအား စီမံကိန်း ရပ် ဆိုင်းလိုက်သော်လည်း နေရပ်ရွာသို့ ပြန်လည်နေထိုင်ခွင့် မပြုကြောင်း သိရသည်။
ဖေဖေါ်ဝါရီလ ၂၅ ရက်နေ့တွင် မြစ်ကြီးနားခရိုင် အုပ်ချုပ်ရေးမှူးက တန်ဖရဲရွာသားများအား မိမိရွာသို့ ပြန်လည် နေထိုင်ခြင်း မပြုတော့ရန် အောင်မြင်သာ စံပြရွာသို့ လာရောက် ပြောဆိုခဲ့ပြီး နောက်တနေ့တွင် ဝန်ခံလက်မှတ် ထိုးခိုင်းကြောင်း ဒေသခံတဦး က ပြောသည်။
“၂၅ ရက်နေ့မှာ ခရိုင်အုပ်ချုပ်ရေးမှူးလာပြီးတော့၊ ရွာမှာ အစည်းအဝေးလုပ်ပြီးတော့ တန်ဖရဲမှာ တောင်ယာ လုပ်ချင် လုပ်ရမယ်။ ဒါပေမယ့် ပြောင်းပြီးမနေရဘူး ဆိုပြီး ပြောသွားတယ်။ ၂၆ ရက်နေ့မှာတော့ တအိမ်တက်ဆင်း ခံဝန် လိုက်ထိုးခိုင်းတယ်”ဟု ဒေသခံ တဦးက ပြောပြသည်။
ဖေဖေါ်ဝါရီလ ၂၄ ရက်နေ့က တန်ဖရဲရွာတွင် မြစ်ဆုံ ဆုတောင်းပွဲကျင်းပခဲ့ပြီး ဒေသခံများအပြင် စာရေးဆရာများ၊ ပညာရှင်များနှင့် ၈၈ မျိုးဆက် ကျောင်းသား ခေါင်းဆောင်များလည်း လာရောက်ခဲ့ကြသည်။ ထိုဆုတောင်းပွဲမှ စီမံကိန်း ရပ်တန့်သည့်အပေါ် ကျေးဇူးတင်ကြောင်းနှင့် စီမံကိန်း လုံးဝရပ်ဆိုင်းသွားရန် ဆက်လက်ကြိုးပမ်းကြမည်ဟု တက်ရောက်သူများက ပြောဆိုခဲ့ကြသည်။
ထို့နောက်တရက်တွင် ဤကဲ့သို့ ဝန်ခံကတိတောင်းသည့် လုပ်ရပ်များကို အာဏာပိုင်ဘက်မှ ပြုလုပ်လာခြင်းဖြစ်သည်။
၂ဝ၁၁ ခုနှစ် စက်တင်္ဘာလအတွင်းက သမ္မတ ဦးသိန်းစိန် ညွှန်ကြားချက်ဖြင့် စီမံကိန်းအား ရပ်တန့်စေလိုက်ပြီးနောက် တန်ဖရဲရွာသား များက မိမိတို့နေရပ်ရင်းသို့ ပြန်လည်နေထိုင်နိုင်ရန် ကြိုးစားလာခဲ့ကြသည်။
“မလိခမြစ်ဘေးက ရွာ ၃ ရွာကတော့ စီမံကိန်းမြေညှိတာတွေ လုပ်လိုက်ပါပြီ။ တန်ဖရဲရွာ ကတော့ မြစ်ဘေး တလျှောက်ပဲ မြေထိုးရသေးတာဆိုတော့ တောင်ယာလုပ်စားလို့ ရသေးတယ်။ ကျန်တဲ့ ရွာသားတွေလည်း ပြန်လို့ရရင် သူတို့နေရာဟောင်းကိုပဲ ပြန်ချင်ကြတာပါ”ဟု တန်ဖရဲရွာသားတဦးက ပြောပြသည်။
မူလ တန်ဖရဲရွာတွင် အိမ်ခြေပေါင်း ၁၈၇ အိမ်ရှိပြီး လူဦးရေ ၁၁ဝဝ နီးပါး ရှိကာ မြစ်ကြီးနား အထက် ၂၆ မိုင်အကွာ တွင် တည်ရှိသည်။ ကျေးရွာသားများသည် တောင်ယာနှင့် ဥယျာဉ်ခြံစိုက်ပျိုးသည့် လုပ်ငန်းများ၊ အပန်းဖြေ လာရောက် သူ ခရီးသွားများကို ဝန်ဆောင်မှု ပေးသည့်လုပ်ငန်းများ လုပ်ကိုင်ကြသည်။ မြစ်ဆုံ ရေအားလျှပ်စစ် စီမံကိန်းသည် တန်ဖရဲရွာအစွန်တွင် တည်ဆောက်နေခြင်း ဖြစ်သည်။
၂ဝ၁ဝ ခုနစ်မှစ၍ မြစ်ဆုံစီမံကိန်းကြောင့် ပြောင်းရွေ့လိုက်ရသည့် ရွာများကို စုပေါင်းပြီး အောင်မြင်သာ ကျေးရွာသစ် ကို မူလနေထိုင် သည့် ရွာများမှ ၁ဝ မိုင်ကျော်ဝေးသည့် နေရာတွင် တည်ပေးခဲ့သည်။
အောင်မြင်သာကျေးရွာသစ်သို့ မပြောင်းရွှေ့ဘဲ တန်ဖရဲ၌ ချန်ရစ်နေထိုင်ခဲ့သည့် အိမ်ထောင်စု ၄ စုရှိသည်။ အိမ်အများစုမှာ သော့ခတ် ထားကာ လူမနေကြောင်း တန်ဖရဲရွာသားတဦးက ပြောပြသည်။
မြစ်ဆုံစီမံကိန်း တည်ဆောက်မည့် ကုမ္ပဏီများ က တည်ပေးသည့် ၎င်းရွာသစ်မှာ တောင်ယာလယ်လုပ် စိုက်ပျိုး စားသောက် မရသည့် မြေရိုင်းဖြစ်ပြီး အောက်ခံမြေမှာ ကျောက်ဖြုန်းလွှာ ဖြစ်သည်ဟု ဒေသခံများက ဆိုသည်။
နေအိမ်အသစ်များကိုလည်း တောသစ်အစိမ်းများကို ဖြတ်တောက် ဆောက်လုပ်ပေးထားအတွက် လက်ရှိတွင် ပျဉ်ချောင်းများမှာ ကောက်ကွေးနေကြောင်း သိရသည်။
အောင်မြင်သာကျေးရွာ၏ အောက်ဘက်တွင် မြစ်ဆုံစီမံကိန်းမှ တရုတ်လုပ်သားများ ယခုချိန်ထိ ဆက်လက် နေထိုင်ဆဲ ဖြစ်ပြီး အေးရှားဝေါ ကုမ္မဏီမှ ဝန်ထမ်းများလည်း ယခင်အတိုင်း ဆက်လက်နေထိုင်ဆဲ ဖြစ်သည်ဟု သိရသည်။
တရုတ်နိုင်ငံသို့ ၅ ရက်ကြာ သွားရောက်ခဲ့သည့် ပြည်သူ့လွှတ်တော် ဥက္ကဋ္ဌ သူရဦးရွှေမန်းက မြစ်ဆုံဆည် စီမံကိန်း ပတ်သက်၍ “မြန်မာ နိုင်ငံတွင် မြစ်ဆုံ ရေအား လျှပ်စစ် စီမံကိန်းအား ရပ်ဆိုင်းခဲ့ခြင်းသည် ပြည်တွင်း/ပြည်ပ အခြေအနေများကြောင့် ဖြစ်သည်”ဟု တရုတ် ပြည် အမျိုးသားကွန်ဂရက် ဥက္ကဋ္ဌ မစ္စတာ ဝူဘန်ကို အား ဖေဖေါ်ဝါရီလ ၂၄ ရက်နေ့က ပီကင်းမြို့၎င်း တွေ့ဆုံစဉ် ပြောဆိုခဲ့သည်။
မစ္စတာဝူဘန်ကို ကလည်း အနောက်နိုင်ငံများသည် ပတ်ဝန်းကျင် ထိန်းသိမ်းရေး ကိစ္စများ၊ ရာသီဥတု ပြောင်းလဲမှုများ ကို အကြောင်း ပြကာ စီးပွားရေးလုပ်ငန်းအချို့ကို အနှောက်အယှက် ပြုနေသည်ဟု ဦးရွှေမန်းအား ပြန်လည် သတိပေးပြောဆိုခဲ့သည်။
Ref: မဇ္ဈိမ
Read More...
Collapse...
ကျော်ခ
ဖေဖေါ်ဝါရီလ ၂၈ ရက် ၂၀၁၂ ခုနှစ်
ရုပ်မြင်သံကြားမှတဆင့် ပါတီ မဲဆွယ်စည်းရုံးရေး ဟောပြောရန်အတွက် နေပြည်တော် မြန်မာ့အသံနှင့် ရုပ်မြင်သံကြားဌာနသို့ လာ ရောက် မည့် အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်ကို ဝန်ထမ်းများအနေဖြင့် ကြိုဆိုနှုတ်ဆက်ခြင်း မပြု လုပ်ရန် ဌာန ညွှန်ကြားရေးမှူးချုပ် ဦးသိန်းအောင် က သတိပေး ပြောဆိုထားကြောင်း သိရသည်။
နေပြည်တော် မြန်မာ့အသံနှင့် ရုပ်မြင်သံကြား ဌာန ဝန်ထမ်းများအား သောကြာနေ့ မနက်ပိုင်းက သီးသန့် အစည်းအဝေး တရပ် ခေါ်ယူကာ ယင်းကဲ့သို့ သတိပေး ပြောဆိုခဲ့ခြင်း ဖြစ်ကြောင်း အစည်းအဝေး တက်ရောက်ခဲ့သူ ဝန်ထမ်းများက ပြောသည်။
“ကျနော်တို့ဆီကို ဒေါ်အောင်ဆန်းစုကြည် လာမယ်လေ။ လာတဲ့အခါကျရင် ဘယ်ဝန်ထမ်းမှ ထွက်မတွေ့ရဘူး။ နှုတ်ဆက်ဖို့ လည်း မလိုဘူး။ ကိုယ့်အလုပ်ကိုပဲ လုပ်ရမယ်လို့ ညွှန်မှူးက ပြောတယ်။ အားလုံးကလည်း သူ့ကြောက် တော့ မတွေ့ပါဘူးလို့ ပြန်ဖြေခဲ့ရတယ်” ဟု အစည်းအဝေးတက်ရောက်ခဲ့သူ ရုပ်/သံ ဝန်ထမ်းတဦးက မဇ္ဈိမကို ပြော သည်။
NLD အပါအဝင် ဧပြီ ၁ ရက်နေ့ ကြားဖြတ်ရွေးကောက်ပွဲတွင် ဝင်ရောက်ယှဉ်ပြိုင်ကြမည့် နိုင်ငံရေးပါတီ ၁၇ ခုကို ၎င်းတို့ ပါတီများ၏ မူဝါဒ၊ သဘောထားနှင့် လုပ်ငန်းစဉ်တို့ကို ရေဒီယိုနှင့် ရုပ်မြင်သံကြားတို့မှ စည်းရုံးဟောပြော တင်ပြနိုင်ရန် ပြည်ထောင်စု ရွေး ကောက်ပွဲကော်မရှင်က ဖေဖေါ်ဝါရီ ၁၇ ရက်နေ့က ထုတ်ပြန်ခဲ့သည်။
ဝန်ထမ်းအချို့မှာ ဒေါ်အောင်ဆန်းစုကြည် ရောက်လာမည်ကို တွေ့မြင်လိုကြသော်လည်း ဦးသိန်းအောင် ၏ သတိပေး တားမြစ်မှုကို လွန်ဆန်နိုင်ခြင်းမရှိသဖြင့် ကြည့်ခွင့်မရတော့ဟု ကာယကံရှင်များက ပြောသည်။
“ဒေါ်အောင်ဆန်းစုကြည်ကို အပြင်မှာ တခါမှ မတွေ့ဖူးဘူး။ အင်တာနက်နဲ့ ဂျာနယ်တွေမှာပဲ တွေ့ဖူးတာ။ အရင်တော့ သူလာရင် သွား နှုတ်ဆက်မယ်။ သူ့ကို ကြည့်မယ်လို့ တွက်ထားတာပေါ့လေ။ ဒါပေမယ့် ကျမတို့ မကြည့်ပါဘူးဆိုပြီး ညွှန်မှူးကို ပြောခဲ့ပြီးပြီ” ဟု မြန်မာ့ အသံ ဝန်ထမ်း တဦးက မဇ္ဈိမကို ပြောသည်။
“ရိုတ်ကူးရေး တာဝန်ကျတဲ့လူတွေကတော့ ကံကောင်းတာပေါ့ဗျာ။ ဒေါ်အောင်ဆန်းစုကြည်ကို အနီးကပ် တွေ့ခွင့်ရ တာပေါ့။ ကျနော်တို့ ကတော့ ထွက်တောင် ကြည့်ခွင့် မရတော့လေ။ ဒီလိုပဲ ဝန်ထမ်းဆိုတော့လလည်း အထက်ကို မလွန်ဆန်နိုင်ဘူးပေါ့” ဟုလည်း အခြား ဝန်ထမ်းတဦး က ပြောသည်။
ပြည်ထောင်စု ရွေးကောက်ပွဲကော်မရှင်၏ ထုတ်ပြန်ချက်အရ NLD ပါတီ၏ စည်းရုံးရေး ရုပ်သံအစီအစဉ်ကို မြန်မာ့ အသံနှင့် ရုပ်မြင် သံကြားမှ တဆင့် မက်လ ၁၄ ရက်နေ့တွင် ထုတ်လွှင့်ပေးမှာဖြစ်ပြီး ယင်းသို့ ထုတ်လွှင့်နိုင်ရန် အတွက် ဟောပြောမည့် ဒေါ်အောင်ဆန်း စုကြည်အနေဖြင့် နေပြည်တော် မြန်မာ့အသံသို့ ထုတ်လွှင့်ရက်မတိုင်မီ ၂ ရက် ကြိုတင်ကာ လာရောက်ရိုတ်ကူးရမည် ဖြစ်သည်။
ဒေါ်အောင်ဆန်းစုကြည်၏ ပါတီ မဲဆွယ်စည်းရုံးရေး ခရီးစဉ်အချို့တွင် အစိုးရ အာဏာပိုင်အချို့၏ နှောက်ယှက်မှု ရှိနေကြာင်း NLD က သတင်းစာရှင်းလင်းပွဲပြုလုပ်၍ သတင်းမီဒီယာများသို့ ဖေဖေါ်ဝါရီ ၁၄ ရက်နေ့က ထုတ်ပြန်ခဲ့ သေးသည်။
ဖေဖေါ်ဝါရီလ ၄ ရက်နေ့နှင့် ၅ ရက်နေ့များတွင် မန္တလေးမြို့သို့ သွားရောက်ပြီး ဗထူး အားကစားကွင်းအတွင်း လူထုကို ဟောပြောရန် စီစဉ်ခဲ့သော်လည်း မြန်မာနိုင်ငံ ဘောလုံးအဖွဲ့ချုပ်မှ ထိုအားကစားကွင်းကို မငှားခြင်းကြောင့် ခရီးစဉ်ကို ရပ်ဆိုင်းထားခဲ့ပြီး မတ်လ ဆန်းတွင်မှ ပြန်လည် သွားရောက်ဟောပြောရမည် ဖြစ်သည်။
အလားတူ ဖေဖေါ်ဝါရီလ ၁၇ ရက်နေ့ ဧရာဝတီတိုင်း ဖျာပုံခရီးစဉ်တွင် ဟောပြောရန်အတွက် ဖျာပုံမြို့ အားကစားကွင်း အတွင်း ပြု လုပ်ရန် လျှောက်ထားသော်လည်း အားကစားဝန်ကြီးဌာနမှ အသုံးပြုခွင့်မပေး၍ လူထုပရိသတ် လေးသောင်းခန့်အား ဖျာပုံမြို့ပြင် သဲကွင်းတွင်ပင် ဟောပြောခဲ့ရသည်။
ထို့အတူ ရန်ကုန်တိုင်း လှည်းကူးမြို့ရှိ ဘောလုံးကွင်း၌ ဖေဖေါ်ဝါရီ ၁၅ ရက်နေ့တွင် ပြုလုပ်ရန်ရှိသည့် ဟောပြောပွဲကို အားကစားဝန်ကြီး ဦးတင့်ဆန်း က တားမြစ်ခဲ့သော်လည်း ပြည်ထောင်စု ရွေးကောက်ပွဲ ကော်မရှင်မှ ခွင့်ပြုပေးလိုက် သည်။
Ref: မဇ္ဈိမ
Read More...
Collapse...
မျိုးသန့်
ဖေဖေါ်ဝါရီလ ၂၈ ရက် ၂၀၁၂ ခုနှစ်
ဒေါ်အောင်ဆန်းစုကြည်အား လွှတ်တော် ကိုယ်စားလှယ်လောင်းအဖြစ် အမည်စာရင်း တင်သွင်းမှု ကန့်ကွက်လွှာကို ရန်ကုန်တိုင်း ရွေး ကောက်ပွဲ ကော်မရှင်မှ ပယ်ချလိုက်ပြီး တချိန်တည်းတွင် လွှတ်တော် ကိုယ်စားလှယ်လောင်းအဖြစ် အသိအမှတ်ပြုလိုက်ပြီဟု ရန်ကုန်တိုင်း ရွေးကောက်ပွဲ ကော်မရှင်ဥက္ကဋ္ဌ ဦးကိုကိုက မဇ္ဈိမကို ပြောသည်။
"အယူခံလွှာကို တိုင်းဒေသကြီး ကော်မရှင်အဖွဲ့ခွဲက ပလပ်လိုက်ပါတယ်။ ကိုယ်စားလှယ် လောင်းတွေကိုလည်း ဒီနေ့ ထုတ်ပြန်ခိုင်း လိုက်ပါပြီ။ ၃:၃ဝ လောက်က အန်ကယ်တို့ ထုတ်ပြန်ခိုင်းလိုက်ပြီ" ဟု ဦးကိုကို က ပြောသည်။
ရန်ကုန်တိုင်း ကော့မှူးမြို့နယ် မဲဆန္ဒနယ်အတွက် ဒေါ်အောင်ဆန်းစုကြည်နှင့် ယှဉ်ပြိုင်မည့် ညီညွတ်ရေးနှင့် ငြိမ်းချမ်းရေး ပါတီ၏ ကိုယ်စားလှယ်လောင်း ဦးတင်ရီ၏ ဒေါ်အောင်ဆန်းစုကြည်အား ကန့်ကွက်လွှာကို တိုင်းရွေးကောက်ပွဲ ကော်မရှင်မှ အင်္ဂါနေ့တွင် ပလပ်လိုက်ခြင်း ဖြစ်သည်။
ယင်းအပြင် ရန်ကုန်တိုင်း ကော့မှူးမြို့နယ်တွင် ဝင်ရောက်အရွေးခံကြမည့် လွှတ်တော် ကိုယ်စားလှယ်လောင်းများ အဖြစ် အမျိုးသားဒီမို ကရေစီအဖွဲ့ချုပ် NLD မှ ဒေါ်အောင်ဆန်းစုကြည်၊ ကြံ့ခိုင်ရေးပါတီမှ ဒေါက်တာစိုးမင်း၊ ညီညွတ်ရေးနှင့် ငြိမ်းချမ်းရေးပါတီမှ ဦးတင်ရီ တို့ကိုလည်း ကိုယ်စားလှယ်လောင်းအဖြစ် ရန်ကုန်တိုင်း ရွေးကောက်ပွဲ ကော်မရှင် က အင်္ဂါနေ့တွင် အသိအမှတ်ပြုလိုက်ခြင်းဖြစ်သည်။
ဦးတင်ရီ၏ ကန့်ကွက်လွှာတွင် ဒေါ်အောင်ဆန်းစုကြည်သည် အင်္ဂလန်နိုင်ငံတွင် အမြဲတမ်း နေထိုင်ခွင့်ကဒ် ရရှိထားသူဖြစ်ခြင်း၊ ရရှိသည့် ဆုငွေများကို နိုင်ငံခြားဘဏ်များတွင် အပ်နှံထားခြင်း၊ အိန္ဒိယနိုင်ငံ နယူးဒေလီတွင် နေထိုင်စဉ် အခွန်ငွေများကို မြန်မာသံရုံးသို့ ပေး ဆောင်ခြင်းမရှိဘဲ ဗြိတိန်အစိုးရသို့သာ ပေးဆောင်ခြင်းတို့ကြောင့် နိုင်ငံခြားသား အကျိုးကျေးဇူးများကို ခံစားနေသူဖြစ်သည်ဟု စွပ်စွဲ ထားပြီး ၂ဝဝ၈ ဖွဲ့စည်းပုံ အခြေခံဥပဒေပုဒ်မ ၁၂၁ နှင့် ငြိစွန်း နေခြင်းကြောင့် ကန့်ကွက်ခြင်းဖြစ်သည်ဟု ဖေါ်ပြထားသည်။
၂ဝဝ၈ ဖွဲ့စည်းပုံအခြေခံဥပဒေ ပုဒ်မ ၁၂၁ ပုဒ်မခွဲ (စ) တွင် နိုင်ငံခြားအစိုးရ၏ လက်အောက်ခံ ဖြစ်သူသော်လည်း ကောင်း၊ တိုင်းတပါး၏ နိုင်ငံသားသော်လည်းကောင်း ခံစားရသော အခွင့်အရေးများ သို့မဟုတ် ကျေးဇူးခံစားခွင့်များကို ခံစားနိုင်ခွင့် ရှိသူသည် ရွေးကောက်ပွဲ တွင် ရွေးကောက်တင်မြှောက်ခံပိုင်ခွင့် မရှိရဟု ဖေါ်ပြထားသည်။
ဦးတင်ရီ၏ အထက်ပါ စွပ်စွဲချက်များများနှင့် ပတ်သက်၍ ခိုင်လုံသည့် သက်သေ အထောက်အထား မရှိခြင်းကြောင့် ကန့်ကွက်မှုကို ပယ်ချလိုက်ခြင်းဖြစ်သည်ဟုလည်း ဦးကိုကိုက မဇ္ဈိမကို ပြောသည်။
"ဒေါ်အောင်ဆန်းစုကြည်ဟာ အိန္ဒိယမှာနေခဲ့တုန်းက အခွန်ငွေ မဆောင်ခဲ့ဘူးပေါ့။ အဲဒီလိုမျိုး သူပြောရုံနဲ့တော့ အန်ကယ်တို့က လက် မခံဘူး။ အထောက်အထား အခိုင်အမာ တင်ပြရမယ်။ အဲဒီလိုမျိုး မဆောင်ခဲ့တာကို ဘယ်မှတ်တမ်း မှတ်ရာတွေရှိသလဲ။ သက်ဆိုင်ရာ သံရုံးက စာရွက်စာတမ်း ပြလေ။ သူ ရအောင်ယူပြီး အန်ကယ်တို့ကို တင်လေ။ ဟိုစာစောင်ထဲမှာ ပါတာကိုကူး၊ ဒီက ကြားတာကို ထည့် ရေး၊ ဒါမျိုးဆိုရင်တော့ ခိုင်မာတဲ့ အထောက်အထား မဟုတ်ဘူးလေ။ ခိုင်မာတဲ့ သက်သေအထောက်အထားတွေ တင်သွင်းဖို့ သူ့မှာ တာဝန်ရှိပါတယ်" ဟု ဦးကိုကိုက
ပြော သည်။
ဦးတင်ရီသည် သူ၏ ကန့်ကွက်လွှာကို ရန်ကုန်တောင်ပိုင်းခရိုင် ရွေးကောက်ပွဲကော်မရှင်ကို တင်သွင်းခဲ့သေးပြီး ဇန်နဝါရီလ ၁၁ ရက် နေ့တွင် ပယ်ချပြီးနောက် အယူခံကို တိုင်း ရွေးကောက်ပွဲကော်မရှင်သို့ ထပ်မံတင်ပြခဲ့ရာ တိုင်းရွေးကောက်ပွဲကော်မရှင်က ယခုကဲ့သို့ ပယ်ချလိုက်ခြင်းဖြစ်သည်။
ဦးတင်ရီ၏ ကန့်ကွက်မှုနှင့် ပတ်သက်၍ တိုင်းရွေးကောက်ပွဲကော်မရှင်၏ ဆုံးဖြတ်ချက်သည် အပြီးအပြတ် ဖြစ်သည် ဟု ပြည်သူ့ လွှတ်တော် ရွေးကောက်ပွဲ နည်းဥပဒေ ပုဒ်မ ၂၇၊ ပုဒ်မခွဲ (ခ) တွင် ပြဋ္ဌာန်းထားသည်ကို တိုင်းရွေးကောက်ပွဲ ကော်မရှင်ဥက္ကဋ္ဌ ဦးကိုကိုက ကိုးကားကာ "ဒါ့ကြောင့် အန်ကယ်တို့က နောက်ထပ်တကြိမ်ကိုတော့ အန်ကယ်တို့က လက်မခံတော့ဘူး။ ရှေ့လုပ်ရမယ့် အလုပ်ကိုပဲ ဆက်လုပ်တော့မယ်။ ဒါနဲ့ အချိန်ကုန်မခံနိုင်တော့ဘူး" ဟု မဇ္ဈိမကို ပြောသည်။
ထို့ပြင် အမျိုးသားဒီမိုကရေစီအင်အားစု NDF ပါတီကလည်း ဦးတင်ရီ၏ ကန့်ကွက်မှုကို လက်မခံနိုင်ကြောင်း တနင်္ဂနွေနေ့က ကြေညာ ချက်ထုတ်ပြန်ခဲ့သေးသည်။
"ဒီမိုကရေစီနိုင်ငံကို သွားတဲ့အခါမှာ မြန်မာ့ ဒီမိုကရေစီ ခေါင်းဆောင်လို့ သတ်မှတ်ထားတဲ့ ပုဂ္ဂိုလ်တယောက်ကို ဒီလိုကန့်ကွက်ခြင်းဟာ ပြည်သူလူထု မျှော်လင့်ချက်တွေကိုလည်း ရိုက်ချိုးရာရောက်တယ်။ ဒီမိုကရေစီ အစဉ်အလာ တွေကိုလည်း ပစ်ပယ်ရာရောက်တယ်။ နိုင်ငံရေး ဖြစ်စဉ်ကြီးကိုလည်း အားနည်းအောင် လုပ်ရာကျတယ်။ ဒါ့ကြောင့် ဒါကို ကျနော်တို့ လက်မခံဘူးလို့ ပြောတာပါ။" ဟု NDF မူဝါဒရေးရာကော်မတီခေါင်းဆောင် ဦးခင်မောင်ဆွေက မဇ္ဈိကို ပြောသည်။
ဒေါ်အောင်ဆန်းစုကြည်သည် ကော့မှူးမြို့နယ်မှ ဝင်ရောက်ယှဉ်ပြိုင် အရွေးခံရန်အတွက် ကရင်တိုင်းရင်းသား အများစုနေထိုင်သည့် ဝါးသင်္ခရွာတွင် သန်းခေါင်စာရင်း ဝင်ထားပြီးဖြစ်သည်။
“အဲဒီမှာ ပြိုင်မယ်ဆိုတော့ ကော့မှူးကနေပြီးတော့ မဲထည့်ရမယ်လေ။ အန်တီက အဓိကကတော့ အဲဒီရွာကို ရွေးတာ ကတော့ ကရင် တိုင်းရင်းသားတွေရွာမို့လို့ပါ။ အဲတော့လည်း ကရင်တိုင်းရင်းသားတွေနဲ့ ပိုပြီးတော့ နီးနီးကပ်ကပ် နေနိုင်အောင် လို့ အဲဒီရွာမှာ မဲထည့်ဖို့ ရွေးလိုက်တာပဲ”ဟု သတင်းမီဒီယာများကို ဒေါ်အောင်ဆန်းစုကြည်က ပြောဆို ခဲ့သည်။
ကော့မှူးမြို့နယ်တွင် လူဦးရေ စုစုပေါင်း ၁၃၅,ဝဝဝ ခန့် ရှိသည့်အနက် ၂ဝ၁ဝ စာရင်းများအရ မဲထည့်နိုင်သူ စုစုပေါင်း အရေအတွက်မှာ ၈၃,ဝဝဝ ခန့် ရှိကြောင်း သိရှိရသည်။
Ref: မဇ္ဈိမ
Read More...
Collapse...
2012-02-27
ပြင်ဦးလွင်၊ စစ်ကိုင်း၊ ပုလဲ၊ ပခုက္ကူမြို့နယ်တွေကို အန်အယ်လ်ဒီပါတီ ဥက္ကဋ္ဌ ဒေါ်အောင်ဆန်းစုကြည် သွားရောက် မဲဆွယ်တဲ့အခါ နိုင်ငံကျော် ရုပ်ရှင်သရုပ်ဆောင်တွေ အဆိုတော်တွေနဲ့ ဟာသပညာရှင်တွေ ရုပ်ရှင်ဒါရိုက်တာတွေ ကိုယ်တိုင် လိုက်ပါကူညီဖို့ ရှိကြောင်း သိရပါတယ်။
အနုပညာရှင်တွေနဲ့ ဒေါ်အောင်ဆန်းစုကြည်တို့ဟာ ဒီကနေ့ညနေ ဒေါ်အောင်ဆန်းစုကြည်ရဲ့နေအိမ်မှာ တွေ့ဆုံဆွေးနွေးခဲ့ကြပြီး အခုလို ဆုံးဖြတ်ခဲ့ကြတာလို့ ရုပ်ရှင်ဒါရိုက်တာ ဝိုင်းက အာအက်ဖ်အေကို ပြောပါတယ်။
“ကျွန်တော်တို့ အကြမ်းဖျင်းလျာထားချက်အရတော့ ကျွန်တော်ရယ်၊ ကိုလူမင်းရယ်၊ ဝေဠုကျော်ရယ်၊ ထွန်းအိန္ဒြာဗိုရယ်၊ ရုပ်ရှင်ထဲက။ နောက် ကျွန်တော်တို့ လူရွှင်တော် တစ်ယောက် နှစ်ယောက်နဲ့ သရုပ်ဆောင်ထဲက ရဲတိုက်ပါတယ်။ ဂီတဘက်မှာတော့ ကိုဆောင်း ဦးပါမယ်။ သျှီ ပါမယ်။ ချစ်သုဝေပါမယ်။ နောက်ထပ်လည်း အနဂ္ဂပါမယ်။ သံသာဝင်း ပါမယ်။ နောက်ထပ် နှစ်ယောက် သုံးယောက်တော့ ခေါ်ဖို့ ရှိပါသေးတယ်ဗျ။ ကျွန်တော်တို့ အကြမ်းဖျင်း သတ်မှတ်တာကတော့ ရှစ်ရက်နေ့နောက်ပိုင်း ဆယ့်တစ်ရက်နေ့လောက် သတ်မှတ် ထားပါတယ်”
အနုပညာရှင်တွေ အနေနဲ့ ဒေါ်အောင်ဆန်းစုကြည်ရဲ့မဲဆွယ်ခရီးစဉ်မှာ မဲပေးပုံပေးနည်း မမှားယွင်းရအောင် ပြည်သူတွေကို ပညာပေး ရေး သရုပ်ဆောင်ပြသဖို့ ဖြစ်တယ်လို့ ဆိုပါတယ်။ ဒါ့အပြင် အခြားသော အဆိုတော်တွေကလည်း အန်အယ်လ်ဒီပါတီ ရွေးကောက်ပွဲ အောင်နိုင်ရေးအတွက် ဗွီစီဒီအခွေ ရိုက်ကူးတဲ့အခါ ကူညီသရုပ်ဆောင်ပေးဖို့ ရှိတယ်လို့လည်း သိရပါတယ်။
အန်အယ်လ်ဒီပါတီ ဥက္ကဋ္ဌ ဒေါ်အောင်ဆန်းစုကြည်ရဲ့ မဲဆွယ်စည်းရုံး ဟောပြောချက်တွေကို အစိုးရပိုင် ရုပ်မြင်သံကြားနဲ့ ရေဒီယို တွေကနေ လာမယ့် မတ်လ ၂၂ ရက်နဲ့ ၂၄ ရက်တွေမှာ ထုတ်လွှင့်မယ်လို့ ပါတီ တာဝန်ရှိသူတွေက ပြောပါတယ်။
Ref: အာရ်အဖ်အေ
Read More...
Collapse...
2012-02-27
ရှမ်းအမျိုးသား ဒီမိုကရေစီအဖွဲ့ချုပ် SNLD ကို လာမယ့် မတ်လ ပထမပတ်ထဲမှာ ပြန်လည် မှတ်ပုံတင်ဖို့ ပါတီတည်ထောင်လိုသူ ပုဂ္ဂိုလ် ၁၅ ဦးကို ရွေးချယ်ထားပြီး လိုအပ်တဲ့ စာရွက်စာတမ်းကိစ္စ ဆောင်ရွက်နေတယ်လို့ သိရပါတယ်။
ခုလို ရှမ်းအမျိုးသား ဒီမိုကရေစီအဖွဲ့ချုပ် SNLD ဟာ ပါတီ မှတ်ပုံပြန်တင်ပေမယ့် လာမယ့် ကြားဖြတ် ရွေးကောက်ပွဲမှာ ပါဝင်နိုင်မှာ မဟုတ် ဘူးလို့ ဦးစိုင်းလိတ်က ပြောပါတယ်။ ကြားဖြတ် ရွေးကောက်ပွဲမှာ ပါဝင်ယှဉ်ပြိုင်ဖို့ ကိုယ်စားလှယ်လောင်းစာရင်းကို ဇန်နဝါရီ ၃၁ ရက် နောက်ဆုံးထားပြီး ကော်မရှင်ကို ပေးပို့ရမယ်ဆိုတဲ့ သတ်မှတ်ချက် ရှိထားတာကြောင့် ဖြစ်တယ်လို့ ဆိုပါတယ်။
SNLD ဟာ ၁၉၉၀ ရွေးကောက်ပွဲတုန်းက ဒုတိယအများဆုံး အနိုင်ရခဲ့ပါတယ်။ အဲဒီနောက်ပိုင်း အမျိုးသားညီလာခံကို ဆက်မတက်ခဲ့ဘဲ SNLD ပါတီ ဥက္ကဋ္ဌ ဦးခွန်ထွန်းဦးနဲ့ အထွေထွေ အတွင်းရေးမှူး ဦးစိုင်းညွှန့်လွင် အပါအ၀င် ရှမ်းခေါင်းဆောင် ၈ ဦးကို ရှမ်းပြည်နယ် အတိုင်ပင်ခံကောင်စီ ဖွဲ့စည်းဖို့ ကြိုးစားခဲ့တာနဲ့ ပတ်သက်လို့ စစ်အစိုးရက ၂၀၀၅ ခုနှစ်မှာ ဖမ်းဆီးခဲ့ပြီး နိုင်ငံတော်ပုန်ကန်မှုအပါအ၀င် အခြားစွဲဆိုချက်တွေနဲ့ နှစ်ရှည်ထောင်ဒဏ်တွေ ချမှတ်ခဲ့ပါတယ်။
ရှမ်းအမျိုးသား ဒီမိုကရေစီအဖွဲ့ချုပ် SNLD ဟာ ၂၀၀၈ ဖွဲ့စည်းပုံ အခြေခံဥပဒေကို လက်မခံတာက တစ်ကြောင်း၊ ပါတီခေါင်း ဆောင် တွေကို ဖမ်းဆီးထားတာက တစ်ကြောင်းကြောင့် ၂၀၁၀ တုန်းက ပါတီကို ပြန်ပြီး မှတ်ပုံမတင်ခဲ့ပါဘူး။ ဒါပေမယ့် ပြီးခဲ့တဲ့ ဇန်န၀ါရီလ ၁၃ ရက်က လွတ်ငြိမ်းချမ်းသာခွင့်မှာ ဦးခွန်ထွန်းဦးအပါအဝင် တခြားခေါင်းဆောင်တွေ ပြန်လည် လွတ်မြောက်လာခဲ့တဲ့နောက်မှာ အခုလို ပါတီ မှတ်ပုံပြန်တင်ဖို့ ဆုံးဖြတ်ခဲ့ပါတယ်။
Ref: အာရ်အဖ်အေ
Read More...
Collapse...
2012-02-27
ထားဝယ် ရေနက်ဆိပ်ကမ်းနဲ့ အထူးစီးပွားရေးဇုံ ဖော်ဆောင်တဲ့ ထိုင်းအခြေစိုက် အီတာလျံ-ထိုင်း ကုမ္ပဏီဟာ ရေဖြူမြို့နယ် ဘ၀ါ ကျေးရွာမှာ ဘူဒိုဇာတွေနဲ့ မြေနေရာတွေ ရှင်းလင်းနေပြီး စက်မှုဇုံလုပ်မယ့် နဘူးလည်ရွာမှာ လျော်ကြေး မပေးတော့ဘဲ ဥယျာဉ်ခြံ မြေတွေကို ဈေးနှိမ်ပြီး လိုက်ဝယ်နေတယ်လို့ ဒေသခံတွေက ပြောပါတယ်။
ရော်ဘာခြံတွေကို မတန်တဆဈေးနဲ့ ၀ယ်နေတာလို့ နဘူးလည် ရွာခံတစ်ဦးကပြောပါတယ်။
“ပေါက်ဈေးက တစ်ဧကကို သိန်း နှစ်ဆယ်ကျော် သုံးဆယ်လောက်အထိ ရှိတယ်ခင်ဗျ။ ကောင်းတဲ့နေရာတွေဆိုရင် တစ်ဧက သိန်းလေး ရာအထိ ရှိနေတယ်ခင်ဗျ။ ဒါကို သူတို့က တစ်ရာလောက်၊ ခုနစ်ဆယ် ရှစ်ဆယ်လောက် ပေးတယ်ခင်ဗျ။ တချို့ကိုကျတော့ လျော်ကြေး မပေးတဲ့အပြင် မြေနေရာနေရာတောင် ဖျောက်ဖျက်တဲ့သဘောမျိုး ကြောက်အောင် လုပ်နေတယ်ခင်ဗျ။ မင်းတို့နေရာ တိုင်းပေးလို့ မဖြစ် တော့ဘူး၊ မင်းတို့နေရာ ပျောက်သွားပြီ၊ အဲဒီလို ပြောတယ်ခင်ဗျ။ ဖျောက်ဖျက်လို့ ရတဲ့ဟာလည်း မဟုတ်ဘဲ အဲဒီလို ပြောတယ်ဆိုတော့ ကျွန်တော်တို့ ရွာသူရွာသားတွေက ထုံထုံအအဆိုတော့ မပြောရဲမဆိုရဲ ခံနေကြရတယ်ခင်ဗျ”
ဒေသအာဏာပိုင်တွေဟာ သူတို့နဲ့နီးစပ်သူတွေကို ထိုက်သင့်တဲ့ လျော်ကြေးရအောင် ကြိုးစား ဆောင်ရွက်ပေးပေမယ့် ကျန်သူတွေ ကိုတော့ မြေစာရင်းဖျောက်ချင်တဲ့ သဘောရှိတယ်လို့ ဆိုပါတယ်။
လတ်တလောအနေနဲ့ ရေဖြူမြို့နယ်အတွင်း ဇောတိက ဓာတ်ငွေ ပိုက်လိုင်း ဖောက်လုပ်ရေးအတွက် ဆောင်ရွက်နေတဲ့ AGS ကုမ္ပဏီနဲ့ အလုပ်သမားတွေ ကြားမှာလည်း ပြဿနာတွေ ဖြစ်နေတယ်လို့ သိရပါတယ်။
Ref: အာရ်အဖ်အေ
Read More...
Collapse...
ဖနိဒါ
ဖေဖေါ်ဝါရီလ ၂၇ ရက် ၂၀၁၂ ခုနှစ်
တဖက်မှ စွပ်စွဲထားသည့်အတိုင်း ကချင်အမျိုးသမီး ဒေါ်ဆွမ်းလွတ် ရွယ်ဂျာကို ဖမ်းဆီးထားခြင်း မရှိကြောင်း မြောက်ပိုင်းတိုင်း စစ်ဌာန ချုပ် (မပခ)မှ နေပြည်တော် ပြည်ထောင်စု လွှတ်တော်တရားရုံးသို့ ဖေဖေါ်ဝါရီလ ၂၃ ရက်နေ့က လျှောက်လဲခဲ့သည်ဟု သိရသည်။
မိုးမောက်မြို့နယ် လွယ်ဂျယ်မြို့နယ်ခွဲ ခိုင်ဗန်ကျေးရွာမှ ကလေးတဦး မိခင် ဒေါ်ရွယ်ဂျာ၏ အဖြစ်မျိုး မရှိကြောင်း မပခ လက်အောက်ခံ ခမရ ၃၂၁ နှင့် ခလရ ၃၇ တို့မှ ဗိုလ်ကြီးတဦးနှင့် ဗိုလ်မှူးတဦးတို့က ထိုသို့ လျှောက်လဲချက်ပေးခဲ့ခြင်း ဖြစ်ကြောင်း ဒေါ်ရွယ်ရဂျာ၏ ရှေ့နေ ဦးမားခါး က မဇ္ဈိမကို ပြောသည်။
“ဒေါ်ရွယ်ဂျာကိစ္စနဲ့ ပတ်သက်လို့ သတင်းတွေ ထွက်ပေါ်လာမှ သူတို့သိတယ်။ အရင်တုန်းက သူတို့ကို လာပြီး တိုင်ကြားတာ မရှိ သေးဘူး။ မြောက်ပိုင်းတိုင်း စစ်ဌာနချုပ်ကနေ ခုံအဖွဲ့ဖွဲ့ပြီးတော့ စုံစမ်းစစ်ဆေးတယ်။ ဒါပေမယ့် မပခ ကနေ အဲဒီလိုအဖြစ်အပျက်မျိုး မရှိဖူးဘူး၊ မရှိဘူးဆိုပြီး စစ်တပ်ဘက်က လျှောက်လဲချက်ပေးတယ်”ဟု ပြောသည်။
ထိုနေ့ရုံးချိန်းသို့ ခမရ ၃၂၁ မှ ဗိုလ်ကြီးကျော်ကျော်ဌေးနှင့် ခလရ ၃၇ မှ ဗိုလ်မှူးဇေယျာအောင်တို့ ကိုယ်စားလှယ်အဖြစ် တက်ရောက် ခဲ့ကြောင်း သိရသည်။
ရွယ်ဂျာ အား မပခ လက်အောက်ခံ ခမရ ၃၂၁ လွယ်ဂျယ်တပ်စခန်းမှ ဥပဒေမဲ့ လေးလကြာ ဖမ်းဆီးထားသည့်အပေါ် ခင်ပွန်းဖြစ်သူ ဇောင်းခေါင် က သက်ဆိုင်ရာ တပ်ရင်းများအား တရားစွဲဆိုထားခြင်း ဖြစ်သည်။
“ကျနော်တို့ဘက်က ပြန်လျှောက်လဲတာက အဲဒီလို မဖမ်းဆီးဘူးဆိုပြီး ဆုံးဖြတ်ချက် ချမယ်ဆိုရင် ကျနော်တို့ဘက်က အရမ်းနစ်နာ တယ်။ တကယ် ဖမ်းဆီးတယ်။ မဖမ်းဆီးဘူးဆိုတာ ခုံဖွဲ့ပြီးတော့ စစ်ဆေးပေးဖို့၊ ဖမ်းဆီးခံရတဲ့လူကို လွှတ်ပေးဖို့ တရားရုံးကနေ အမိန့် ထုတ်ပေးဖို့ လျှောက်လဲခဲ့ပါတယ်”ဟု ဦးမားခါး က မဇ္စျိမကို ပြောသည်။
လာမည့် ရက်သတ္တပတ်အတွင်း တရားရုံးက အမိန့်ချဖွယ်ရှိပြီး ဒေါ်ရွယ်ဂျားအား အဖမ်းခံရခြင်း ရှိ၊ မရှိကို စစ်ဆေးရာ တွင် စစ်တပ် ဘက်မှ ဖမ်းဆီးခဲ့ခြင်းမရှိကြောင်း အမိန့်ချမှတ်ပါက အမှုပိတ်သွားနိုင်သော်လည်း တရားဥပဒေအရ ဆက်လက် လုပ်ဆောင်သွားမည်ဟု ရှေ့နေ ဦးမားခါး က ပြောသည်။
ဒေါ်ရွယ်ဂျားအား ၂ဝ၁၁ ခုနှစ် အောက်တိုဘာလ ၂၈ ရက်နေ့က သူ၏ ခင်ပွန်းနှင့် ဖခင်တို့နှင့်အတူ တောင်ယာသို့ အသွားတွင် အစိုးရ၏ ခမရ ၃၂၁ မှ တပ်ဖွဲ့များက ဖမ်းဆီးခဲ့သည်။ ခင်ပွန်းနှင့်ဖခင် နှစ်ဦးမှာ ထွက်ပြေး လွတ်မြောက် သွားခဲ့သည်။
၂ဝ၁၁ ခုနှစ် ဇန်နဝါရီလ နေပြည်တော် တရားလွှတ်တော်ရုံးသို့ လျှောက်ထားရာမှ ဖေဖေါ်ဝါရီလ ၉ ရက်နေ့တွင် စတင်ကြားနာစစ်ဆေး ခဲ့ခြင်းဖြစ်သည်။
ထို့ပြင် ဒေါ်ရွယ်ဂျားနှင့်အတူ အမှုတွဲ ခလရ ၃၇ မှ ဖမ်းဆီးထားသော တာလောကြီးကျေးရွာမှ ကချင်အမျိုးသား ကိုဇော်ဆိုင်းနှင့် ကိုဘရန်ဆိုင်းတို့ကိုလည်း လုံခြုံရေးအရ ဖမ်းဆီးထားခြင်း ဖြစ်သည်ဟု အစိုးရဘက်မှ ကိုယ်စားလှယ် များက လျှောက်ထားခဲ့သည်ဟု ရှေ့နေ ဦးမာခါးက ပြောသည်။
၎င်းတို့နှစ်ဦးကို ဖေဖော်ဝါရီလ ၁ ရက်နေ့ကစ၍ ခြောက်ရက်ကြာ စစ်ဘက်ရေးရာ လုံခြုံရေးတပ်ဖွဲ့ - စရဖ မှ စစ်ဆေး ပြီးနောက် ဖေဖော်ဝါရီလ ၇ ရက်နေ့တွင် မြစ်ကြီးနားမြို့ ရဲတပ်ဖွဲ့သို့ လွှဲပြောင်းပေးလိုက်ပြီး မတရားအသင်း ပုဒ်မ ၁၇(၁) ဖြင့် တရားစွဲဆိုခြင်း ခံထားရကြောင်း ရှေ့နေ ဦးမာခါးက ပြောသည်။
Ref: မဇ္ဈိမ
Read More...
Collapse...
ကျော်ခ
ဖေဖေါ်ဝါရီလ ၂၇ ရက် ၂၀၁၂ ခုနှစ်
မန္တလေးတိုင်း၊ ပြင်ဦးလွင်မြို့နယ် အခြေစိုက် သတင်းနှင့် ဆက်သွယ်ရေး ဝန်ဆောင်မှုများ ပြုလုပ်ပေးနေသော ရတနာပုံ Web Portal ၏ ဌာနကြီးမှူး ဗိုလ်မှူးကြီးဟောင်း ဦးမျိုးညွှန့်အောင် ကို အောက်ခြေ ဝန်ထမ်းများအား အတင်းအားဓမ္မ အလုပ်ပြောင်းရွှေ့မှု၊ အာဏာသုံး ခြိမ်းခြောက်မှုတို့ဖြင့် သမ္မတ ဦးသိန်းစိန်ထံ တိုင်တန်းရန် ဝန်ထမ်း ၈၀ ကျော်က ပြင်ဆင်နေကြသည်။
ရတနာပုံ Web Portal နှင့် လုပ်ငန်းခွဲ ဆိုလာစက်ရုံတို့တွင် ဌာနကြီးမှူး တာဝန် ယူထားသူ ဦးမျိုးညွှန့်အောင် က Web Portal တွင် လုပ်ကိုင်နေသော ဝန်ထမ်းအချို့၏ ဆန္ဒကို မေးမြန်းခြင်းမရှိဘဲ ဆိုလာစက်ရုံသို့ အတင်းအားဓမ္မ ပြောင်းရွှေ့ လုပ်ခိုင်းစေခြင်း နှင့် ဝန်ထမ်းများအား အာဏာသုံး၍ ကြိမ်းမောင်းဆဲဆိုခြင်းများ ပြုလုပ်ခဲ့သည်ဟု ကာယကံရှင် ဝန်ထမ်းများက ပြောသည်။
ထိုအကြောင်းအရာနှင့် ပတ်သက်၍ ရတနာပုံ Web Portal ဝန်ထမ်းများက စုပေါင်းဆန္ဒထုတ်ဖေါ် လက်မှတ်ထိုးထားပြီး တနင်္လာနေ့က ဆက်သွယ်ရေး ဝန်ကြီးဌာနနှင့် ရန်ကုန်တယ်လီပို့ရုံးများသို့ တင်ပို့ထားပြီးဖြစ်သလို သမ္မတ ဦးသိန်းစိန် ထံသို့လည်း ပို့သွားရန် ပြင်ဆင် နေကြကြောင်း ကာယကံရှင်များက ပြောသည်။ ရတနာပုံ Web Portal တွင် ဝန်ထမ်း စုစုပေါင်း ၈၇ ဦး ရှိကြောင်း သိရသည်။
“ကျနော်တို့က သမ္မတကြီးဆီကို တင်ဖို့အတွက် ဝန်ထမ်း ၈ဝ ကျော်ကို လက်မှတ်ထိုး စားရင်းကောက်ပြီးသွားပြီ။ အဓိက ကတော့ ကျနော်တို့ကို အာဏာရှင်လိုမျိုး မခိုင်းဖို့ပဲ။ ဝန်ထမ်းတွေကို ဘယ်ကိုပြောင်းရမယ်၊ ဘာလုပ်ရမယ် ဆိုတာ တရားဝင် အကြောင်းကြားခြင်း မရှိဘဲနဲ့ သူ့ဆီမှာ အလုပ်လုပ်နေတဲ့ လူတွေကို လုပ်ဆိုလုပ်၊ မလုပ်လို့ မရဘူးဆိုတဲ့ ပုံစံနဲ့ လုပ်သွားတာ” ဟု ရတနာပုံ Web Portal ဝန်ထမ်းတဦးက မဇ္ဈိမကို ပြောသည်။
ဖေဖေါ်ဝါရီ ၂၄ ရက်နေ့က ဦးမျိုးညွှန့်အောင် က ရတနာပုံ Web Portal သို့ ရောက်ရှိလာပြီး ၎င်း၏ အာဏာဖြင့် ဌာန နှစ်ခုလုံး ကို မည်ကဲ့သို့ အုပ်ချုပ်နိုင်ကြောင်း ဝန်ထမ်းအားလုံး ကြိမ်းမောင်းမှုများ ပြုလုပ်ကာ ဝန်ထမ်း ၈ဝ ကျော်အနက်မှ ၁၇ ဦး ကို ဆိုလာ စက်ရုံသို့ ပြောင်းရွှေ့လုပ်ကိုင်ရန် ညွှန်ကြားခဲ့ကြောင်း ကာယကံရှင်များက ပြောသည်။
“ဒီမှာကတော့ စ စာချုပ်ကတည်းက Web Portal မှာ နည်းပညာနဲ့ ပတ်သက်တဲ့ အလုပ်တွေလုပ်ဖို့ ချုပ်ထားကြတာ။ ဆိုလာ စက်ရုံမှာ အလုပ်ကြမ်းလုပ်ဖို့ မပါဘူး။ အခုဟာက ကျနော်တို့ကို ခန့်ထားတဲ့အလုပ်နဲ့ ဟိုအလုပ်ကြမ်းနဲ့က အရမ်းကွာတော့ ဘယ်သူမှ မသွားချင် ကြဘူး” ဟု ကာယကံရှင် ဝန်ထမ်းတဦးက မဇ္ဈိမကို ပြောသည်။
ထိုအကြောင်းအရာများနှင့် ပတ်သက်၍ ဦးမျိုးညွှန့်အောင် အား မဇ္ဈိမက တိုက်ရိုတ် ဆက်သွယ်မေးမြန်နိုင်ရန် ကြိုးစားခဲ့ သော်လည်း ဆက်သွယ် မရခဲ့ပေ။ သို့သော် ဝန်ထမ်းများ အလုပ်ရွှေ့ပြောင်းခြင်း မပြုလုပ်ရန် ကိစ္စအား ရတနာပုံ တယ်လီပို့ ဌာနဆိုင်ရာ အကြီး အကဲများအကြား ဆွေးနွေးမှုများ ပြုလုပ်လျက်ရှိကြောင်း ဦးမျိုးညွှန့်အောင် နှင့် နီးစပ်သည့် တာဝန်ရှိသူ တဦးက မဇ္ဈိမကို ပြောသည်။
စနေနေ့က ဆိုလာစက်ရုံသို့ ပြောင်းရွှေ့အလုပ်လုပ်ရန် ရွေးထားသူများကို ဦးမျိုးညွှန့်အောင်က သူ၏ ရုံးခန်းသို့ ထပ်မံ ခေါ်ယူ ကာ တနင်္လာနေ့တွင် ဆိုလာစက်ရုံ၌ အလုပ်ဆင်းကြရမည် ဖြစ်ကြောင်း ပြောဆိုပြီး အလုပ်မဆင်းနိုင်သူများ အနေဖြင့် အလုပ်ထွက် လက်မှတ် ထိုးဖို့ ဖိအားပေး ခြိမ်းခြောက်သည်ဟု သွားရောက်တွေ့ဆုံခဲ့သည့် ဝန်ထမ်းများ အပြောအရ သိရသည်။
သွားရောက် တွေ့ဆုံခဲ့သည့် ဝန်ထမ်းများက Web Portal တွင် လုပ်ကိုင်ရသည့် လုပ်ငန်းနှင့် ဆိုလာစက်ရုံတွင် လုပ်ကိုင် ရမည့် လုပ်ငန်းမှာ ကွဲလွဲနေကြာင်း ဝန်ထမ်းများက ထောက်ပြပြောဆိုရာတွင် ဦးမျိုးညွှန့်အောင် က “လူပါးမဝနဲ့ ငါ့လက်ညိုး ကွေးလိုက်ရင် ဘာဖြစ်မလဲ သိလား။ နင်တို့မျက်နှာနဲ့ ငါ့လက်ဖဝါး ဘယ်ဟာကကြီးလဲ။ ဘယ်သူ စမ်းချင်လဲ။ ငါခိုင်းတာလုပ်။ ဘာမှ ပြန်မမေးနဲ့” ဟု ခြိမ်းခြောက် ပြောဆိုခဲ့ကြောင်း တွေ့ဆုံခဲ့သည့် ဝန်ထမ်းတဦးက မဇ္စိ်ျမကို ပြော သည်။
ရတနာပုံ Web Portal တွင် ပြည်တွင်း သတင်းများကို အဓိက ရေးသားဖေါ်ပြလျက်ရှိပြီး နိုင်ငံတကာရေးရာ သတင်းများ အပြင် အားက စားကဏ္ဍ၊ ဖျော်ဖြေရေး၊ နည်းပညာ၊ စီးပွားရေးနှင့် နေထိုင်မှုဘဝ ကဏ္ဍများကို ဖေါ်ပြပေးလျက် ရှိသည်။
ယင်း Web Portal ကို ၂၀၁၀ နှစ်ကုန်ပိုင်းက ဖွင့်လှစ်ခဲ့ပြီး စစ်တပ်အရာရှိဟောင်းများက ဦးစီး လုပ်ကိုင်နေလျက်ရှ ကြောင်း သိရသည်။
Ref: မဇ္ဈိမ
Read More...
Collapse...
မျိုးသန့်
ဖေဖေါ်ဝါရီလ ၂၇ ရက် ၂၀၁၂ ခုနှစ်
အနောက်နိုင်ငံများမှ မြန်မာနိုင်ငံကို ချဉ်းကပ်မှုများ ရှိလာသော်လည်း တရုတ်နိုင်ငံနှင့် ဆက်ဆံရေးကို အထိခိုက်ခံမည်မဟုတ်ဟု အောက်လွှတ်တော် ဥက္ကဋ္ဌ သူရဦးရွှေမန်းက တရုတ်နိုင်ငံ အမျိုးသား ကွန်ဂရက် ဥက္ကဋ္ဌ မစ္စတာ ဝူဘန်ကိုနှင့် တွေ့ဆုံစဉ် ပြောကြား ခဲ့သည်ဟု တနင်္လာနေ့ထုတ် မြန်မာ့အလင်း သတင်းစာ တွင် ဖေါ်ပြပါရှိသည်။
တရုတ်နိုင်ငံသို့ ၅ ရက်ကြာ သွားရောက်ခဲ့သည့် ဦးရွှေမန်း၏ ခရီးစဉ်အတွင်း "အနောက်နိုင်ငံများမှ မြန်မာနိုင်ငံအပေါ် မည်ကဲ့သို့ပင် ပြန်လည်ချဉ်းကပ်မှုလာသော်လည်း မြန်မာနိုင်ငံအနေဖြင့် မိတ်ဆွေဖြစ်သည့် တရုတ်နိုင်ငံနှင့် ပူးပေါင်းဆောင်ရွက်မှုများ ကို မည်သို့မှ ထိခိုက်ခံမည်ဟုတ်ပါကြောင်း၊ နှစ်နိုင်ငံကြား ဘက်စုံမဟာဗျူဟာမြောက် ပူးပေါင်း ဆောင်ရွက်မှု ဆက်ဆံရေးကို ဆက်လက် အလေး ထား ဆောင်ရွက်သွားရမည်" ဟု မစ္စတာ ဝူဘန်ကို အား ပြောကြား ခဲ့သည်။
၂ဝ၁၁ ခုနှစ် နိုဝင်ဘာလအတွင်းက မြန်မာနိုင်ငံသို့ လာရောက်ခဲ့သည့် အမေရိကန် နိုင်ငံခြားရေးဝန်ကြီး မစ္စစ် ဟီလာရီကလင်တန်၏ ခရီးစဉ်ကို ဦးရွှေမန်းက ရည်ညွှန်းကာ ပြောဆိုခဲ့ခြင်းဖြစ်သည်။
ထို့အပြင် မစ္စစ် ဟီလာရီ ကလင်တန်နှင့် တွေ့ဆုံစဉ်အတွင်း သူရ ဦးရွှေမန်း က "မည်သည့်နိုင်ငံ အဖွဲ့အစည်းဖြစ်စေ မြန်မာပြည်သူပြည် သားများ ဒုက္ခရောက်စေမည့် မူဝါဒများ၊ အစီအမံများ၊ လုပ်ဆောင်ချက်များကို လက်မခံကြောင်း" ပြောကြားခဲ့သည်ကိုလည်း မစ္စတာ ဝူဘန်ကို အား ပြန်လည်ပြောပြသည်ကို သတင်းစာတွင် ဖေါ်ပြထားသည်။
မစ္စတာ ဝူဘန်ကို ကလည်း အနောက်နိုင်ငံများမှ မြန်မာနိုင်ငံကို စိတ်ဝင်စားမှု များပြားနေသည်ကို သတိပြုမိပြီး နှစ်နိုင်ငံ ဆက်ဆံရာတွင် အချုပ်အခြာအာဏာ ပိုင်ဆိုင်မှုကို အပြန်အလှန် လေးစားသွားရမည်ဟု ပြန်လည်ပြောဆိုခဲ့ပြီး တရုတ် နိုင်ငံ အနေဖြင့်လည်း အနောက် နိုင်ငံများနှင့် ဆက်ဆံရာတွင် မိမိနိုင်ငံ၏ အကျိုးစီးပွားကို အထိခိုက်ခံမည် မဟုတ်ဟု ဦးရွှေမန်းကို ပြန်လည်ပြောဆိုခဲ့သည်။
အနောက်နိုင်ငံများသည် ပတ်ဝန်းကျင် ထိန်းသိမ်းရေး ကိစ္စများ၊ ရာသီဥတု ပြောင်းလဲမှုများကို အကြောင်းပြကာ စီးပွားရေးလုပ်ငန်း အချို့ကို အနှောက်အယှက် ပြုနေသည်ဟု မစ္စတာဝူဘန်ကို က ပြောသည်။
ထို့အပြင် တရုတ်၊ မြန်မာ အကျိုးတူပူးပေါင်းဆောင်ရွက်ရန်ရှိသည့် ၂ဝ၁၁ စက်တင်ဘာလအတွင်း သမ္မတ ညွှန်ကြား ချက်ဖြင့် ရပ် ဆိုင်းခဲ့သော ကချင်ပြည်နယ် မြစ်ဆုံဆည် စီမံကိန်း ပတ်သက်၍လည်း "မြန်မာနိုင်ငံတွင် မြစ်ဆုံ ရေအား လျှပ်စစ် စီမံကိန်းအား ရပ်ဆိုင်းခဲ့ခြင်းသည် ပြည်တွင်း/ပြည်ပ အခြေအနေများကြောင့်ဖြစ်သည်”ဟု မစ္စတာ ဝူဘန်ကို က ပြောဆိုသည်။
သူရ ဦးရွှေမန်းကလည်း မြစ်ဆုံဆည် စီမံကိန်းကို သင်ခန်းစာယူကာ တရုတ်၊ မြန်မာ နှစ်နိုင်ငံပူးပေါင်း ဆောင်ရွက်နေ သည့် စီမံကိန်း များဖြစ်သော ကျောက်ဖြူ ရေနက်ဆိပ်ကမ်း၊ ရေနံနှင့် သဘာဝဓာတ်ငွေ့ ပိုက်လိုင်း လုပ်ငန်းများ၊ ကားလမ်းနှင့် မီးရထားလမ်း စီမံကိန်း ကြီးများကို အောင်မြင်စွာ အကောင်အထည်ဖေါ်နိုင်ရေးအတွက် ဆက်လက် တာဝန်ယူ ဆောင်ရွက်သွားမည်ဟု ကတိပေးခဲ့သည်။
မစ္စတာ ဝူဘန်ကို က နှစ်နိုင်ငံအကြား လွှတ်တော်အဆင့် ပူးပေါင်းဆောက်ရွက်မှု မြှင့်တင်သွားရန်လိုအပ်ပြီး ကြံ့ခိုင်ရေး ပါတီနှင့် တရုတ် ကွန်မြူနစ်ပါတီတို့ လက်တွဲဆောင်ရွက်နိုင်ရန် နားလည်မှု စာချွန်လွှာများရေးထိုးကာ ပါတီနှစ်ခုကြား အမြင်ဖလှယ်နိုင်ရန် လိုအပ်သည် ကိုလည်း ကြံ့ဖွံ့ပါတီ၏ ဒုတိယဥက္ကဋ္ဌဖြစ်သူ သူရ ဦးရွှေမန်းကို ပြောကြားခဲ့သေးသည်။ ထိုပြောကြားချက်ကို ဦးရွှေမန်း က လက်ခံ သဘော တူခဲ့ပြီး လွှတ်တော်အမတ်များ အချင်းချင်း အပြန်အလှန် ဖလှယ်ရေး အစီအစဉ်ကိုလည်း လက်ခံခဲ့သည်။
ဦးရွှေမန်းက တရုတ်နှင့် နည်းပညာဆိုင်ရာ ပူးပေါင်းဆောင်ရွက်မှုများ ပြုလုပ်ရန်လိုအပ်ပြီး မြန်မာနိုင်ငံကို သိပ္ပံနှင့် နည်းပညာ တိုးမြှင့် သွားနိုင်ရေးအတွက် တရုတ်နိုင်ငံက ကူညီပေးရန် မစ္စတာ ဝူဘန်ကို အား ပြောကြားခဲ့သည်။
အောက်လွှတ်တော် ဥက္ကဋ္ဌဖြစ်သူ ဦးရွှေမန်းက မြန်မာနိုင်ငံတွင် ပြည်ထောင်စုလွှတ်တော် ကျင်းပနေပြီး မြန်မာနိုင်ငံ၏ အနာဂတ်အတွက် အရေးကြီးသော ကိစ္စရပ်များ ဆွေးနွေးနေသော်လည်း တရုတ်အမျိုးသား ကွန်ဂရက် ဥက္ကဋ္ဌ၏ ဖိတ်ကြားမှုကြောင့် နှစ်နိုင်ငံ ဆက်ဆံရေး ကို အလေးထားသဖြင့် လာရောက်ရခြင်းဖြစ်သည်ဟုလည်း မစ္စတာ ဝူဘန်ကို အား ပြောကြားခဲ့သည်။
ဦးရွှေမန်းနှင့်အတူ အောက်လွှတ်တော် ရေးရာကော်မတီ ဥက္ကဋ္ဌများဖြစ်သည့် ဦးသိန်းဇော်၊ ဦးလှမြင့်ဦး၊ သူရဦးအောင်ကို၊ ဦးမောင် မောင်ဆွေနှင့် ဦးကြည်မင်း၊ တိုင်းဒေသကြီး လွှတ်တော်ဥက္ကဋ္ဌများ ဖြစ်ကြသည့် ဦးစိန်တင်ဝင်းနှင့် ဦးဆန်းဆင့် တို့လည်း လိုက်ပါ သွားကြပြီး မစ္စတာဝူဘန်ကို အပြင် အခြား တရုတ်ခေါင်းဆောင်များနှင့်လည်း ဆွေးနွေးခဲ့သေးသည်။
Ref: မဇ္ဈိမ
Read More...
Collapse...
ဖနိဒါ
ဖေဖေါ်ဝါရီလ ၂၇ ရက် ၂၀၁၂ ခုနှစ်
တရားဝင် နိုင်ငံရေးပါတီ ဖြစ်လာသော်လည်း ပါတီဝင်စုဆောင်းရေး လုပ်ငန်းစဉ်တွင် နှောင့်နှေးမှုများ ရှိနေသည်ဟု အမျိုးသားဒီမို ကရေစီ အဖွဲ့ချုပ် NLD က ပြောကြားလိုက်သည်။
ယခုနှစ်ဆန်းပိုင်းမှ စ၍ ပါတီဝင်လျှောက်လွှာပေါင်း ၅ သိန်းကျော် ရောင်းချထားရသော်လည်း တကယ်တမ်း ပါတီဝင် လျှောက်လွှာ ၅ သောင်းခန့်သာ လက်ခံရရှိထားကြောင်း၊ ထို့ကြောင့် နိုင်ငံတဝှမ်းရှိ အဖွဲ့ချုပ်ရုံးများ အနေဖြင့် ပါတီဝင် လျှောက်လွှာများ မြန်မြန် ပြန်ပို့ ကြရန် ညွှန်ကြားချက် ထုတ်ပြန်လိုက်ကြောင်း ပါတီပြောခွင့်ရ ပုဂ္ဂိုလ် ဦးအုန်းကြိုင် က မဇ္ဈိမကို ပြောသည်။
“အောင်နိုင်ရေးကိစ္စပဲ ဇောင်းပေးပြီးလုပ်နေတယ်။ ‘အောင်နိုင်ရေး’ မရှိတဲ့ မြို့နယ်တွေကလည်း လျှောက်လွာဖြန့်တဲ့ အလုပ်ကို အေးတိ အေးစက် လုပ်နေတော့ ပြန်ရောက်လာမယ့် အချိန် နှောင့်နှေးနေတာပေါ့။ ဒါကြောင့် ဒီနေ့ အဖွဲ့ချုပ်က လျှောက်လွာတွေကို မြန်မြန် ပို့ကြ ပါလို့ ညွန်ကြားချက် ထပ်ပြီးထုတ်ထားပါတယ်”ဟု ဦးအုန်းကြိုင်က ပြောသည်။
ဇန်နဝါရီလ ၉ ရက်နေ့မှ စတင်၍ ပါတီဝင်လျှောက်လွှာ ၁ သန်းကို ပြည်နယ်နှင့် တိုင်း အသီးသီးသို့ စတင်ဖြန့်ဝေ ရောင်းချ ခဲ့ ရာ ယခုအထိ လျှောက်လွာ ၅ သိန်းကျော် ရောင်းပြီးဖြစ်သော်လည်း ပါတီဌာနချုပ်မှ ပါတီဝင်အဖြစ် လက်ခံရရှိသော လျှောက်လွှာပေါင်း ၅ သောင်းကျော်သာ ရရှိသေးသဖြင့် ၁ဝ ပုံ ၁ ပုံသာ ရရှိထားခြင်း ဖြစ်သည်။
၂၀၁၀ ရွေးကောက်ပွဲဝင် အမျိုးသားဒီမိုကရေစီ အင်အားစု ပါတီမှ အမျိုးသားလွှတ်တော် ကိုယ်စားလှယ် ဒေါက်တာမြတ်ဉာဏစိုး ကို NLD ပါတီက ပါတီဝင်အဖြစ် မကြာမီက လက်ခံခဲ့သည်။ သို့သော် ၎င်းကဲ့သို့ လူသိရှင်ကြား ပါတီ ဝင်ရန် လျှောက်ထားသည့် လသာ မြို့နယ်မှ ပြည်သူ့လွှတ်တော် ကိုယ်စားလှယ် ဦးကြည်မြင့် ကိုမူ တရားဝင် အကြောင်းပြန်ခြင်း မရှိသေးပေ။
ဒီမိုကရက်တစ်ပါတီ (မြန်မာ)မှ အထွေထွေ အတွင်းရေးမှူး ဒေါ်နေရီဘဆွေသည်လည်း ဇန်နဝါရီလက မိမိ၏ ပါတီမှ နုတ်ထွက်၍ NLD ပါတီဝင်အဖြစ် ပြီးခဲ့သည့် သီတင်းပတ်က လျှောက်ထားခဲ့ရာ လက်ခံရေး၊ လက်မခံရေးကို စဉ်းစားနေဆဲ ဖြစ်သည်ဟု ဦးအုန်းကြိုင်က ပြောသည်။
ထို့အပြင် လာမည့် မတ်လ ၈ ရက်နေ့တွင် ကြားဖြတ်ရွေးကောက်ပွဲ ဝင်ပြိုင်မည့် ကိုယ်စားလှယ်လောင်း ၄၈ ဦးနှင့် အောင်နိုင်ရေး တာဝန်ခံများ ဗဟိုဌာနချုပ်တွင် အစည်းအဝေး ကျင်းပရန် ရှိကြောင်း ဦးအုန်းကြိုင်က ပြောသည်။
ယင်းအစည်းအဝေးတွင် ကိုယ်စားလှယ်လောင်းများ သုံးစွဲမည့် မဲဆွယ်စည်းရုံးရေး အသုံးစာရိတ်များ၊ ရွေးကောက်ပွဲ အောင်နိုင်ရေး ကိစ္စများနှင့် ပတ်သက်၍ ဆွေးနွေးကြမည် ဖြစ်ကြောင်း သိရသည်။
ပါတီစည်းရုံးရေးနှင့် ပတ်သက်၍မူ ဒေါ်အောင်ဆန်းစုကြည် ၏ ကချင်ပြည်နယ် စည်းရုံးရေး ခရီးစဉ်မှာ အအောင်မြင်ဆုံး ဖြစ်သည်ဟု တနလာင်္နေ့က ကျင်းပသည့် ဗဟိုကော်မတီ ပုံမှန် စည်းဝေးတွင် သုံးသပ်ခဲ့ကြသည်ဟု ဦးအုန်းကြိုင်က ပြောသည်။
“အရမ်းအောင်မြင်ပါတယ်။ မျှော်လင့်ထားတာထက်ကို အောင်မြင်ပါတယ်။ တိုင်းရင်းသားတွေနဲ့ ပတ်သက်လို့ တွေ့ဆုံခွင့်ရလို့ စိတ်ကြည် နူးရတယ်။ အရမ်းအားရပါတယ်။ ထားဝယ်၊ မြောင်းမြ၊ ပုသိမ်ခရီးတွေလည်း ကောင်းပါ တယ်။ ဒါပေမယ့် ကချင်ခရီးစဉ်ကတော့ ထိပ် ဆုံးပဲလို့ ကျနော်တို့ သုံးသပ်ကြပါတယ်”ဟု သူက မဇ္စျိမကို ပြောသည်။
Ref: မဇ္ဈိမ
Read More...
Collapse...
မြတ်မိုး
February 27, 2012
မြန်မာနိုင်ငံ ပညာရေးစနစ် အဆင့် မြှင့်တင်ရေးအတွက် လွှတ်တော်အတွင်းသို့ ပညာရေးဆိုင်ရာ ကျွမ်းကျင်သူ အများအပြား ရောက် ရှိရန် လိုအပ်ကြောင်း အမျိုးသား ဒီမိုကရေစီအဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်က တနင်္ဂနွေနေ့တွင် ပြောသည်။
ကြားဖြတ်ရွေးကောက်ပွဲတွင် NLD ကို ကိုယ်စားပြုပြီး ၀င်ရောက် ယှဉ်ပြိုင်မည့် ဒေါ်စုစုလွင်၏ ရန်ကုန်တိုင်း သုံးခွမြို့နယ် ပြည်သူ့ လွှတ်တော် မဲဆန္ဒနယ်တွင် မဲဆွယ်စည်းရုံးစဉ် ထိုသို့ ပြောလိုက်ခြင်းဖြစ်သည်။
“လမ်းမှာ ဆိုလို့ရှိရင်လည်း ကျမ ကလေးလေးတွေ အများကြီး တွေ့ခဲ့ပါတယ်။ ဒီကလေးလေးတွေ အများကြီးကို ကျမတို့ ပြုစု ပျိုး ထောင်ရမယ်။ ပညာတတ်အောင် လုပ်ရမယ်” ဟု ဒေါ်အောင်ဆန်းစုကြည်က ဆိုသည်။
ဒေါ်စုစုလွင်သည် ပညာရေးနှင့် ပတ်သက်၍ ကျွမ်းကျင်ပြီး လူငယ်တို့၏ အနာဂတ်အတွက် သင့်လျော်ကောင်းမွန်မည့် လုပ်ငန်းများကို ဖော်ဆောင်ပေးနိုင်သူ ဖြစ်ခြင်းကြောင့် NLD ၏ ကိုယ်စားလှယ်လောင်းအဖြစ် ရွေးချယ်ခဲ့ခြင်းဖြစ်သည်ဟု ဒေါ်အောင်ဆန်းစုကြည်က သုံးခွမြို့ ဘုရင့်နောင် အားကစားကွင်းအနီးရှိ လယ်ကွင်းပြင် ဟောပြောပွဲသို့ တက်ရောက်လာသည့် ထောင်နှင့်ချီသော ဒေသခံများကို ပြောပြသည်။
ဒေါ်စုစုလွင်သည် ကွယ်လွန်သူ NLD ၀ါရင့်ခေါင်းဆောင် ဦးလွင်၏ သမီး ဖြစ်သည်။ သုံးခွ မဲဆန္ဒနယ်သည် ၁၉၉၀ ပြည့်နှစ် ရွေးကောက်ပွဲ တွင် ဦးလွင် အနိုင်ရခဲ့သည့် နယ်မြေလည်း ဖြစ်သည်။
NLD က ၄၈ နေရာသာ လစ်လပ်သည့် ကြားဖြတ် ရွေးကောက်ပွဲ ၀င်ရောက်ရခြင်းအကြောင်းကိုလည်း ဒေါ်အောင်ဆန်းစုကြည်က ထပ်မံ ရှင်းလင်းခဲ့သည်။
“ကေသရာဇာခြင်္သေ့မင်း ဆိုတာ သားကောင်ကို အကြီးကြီးပဲ ဖြစ်စေ၊ အငယ်လေးပဲဖြစ်စေ တူသော လုံ့လ ၀ိရိယနဲ့ လိုက်တယ်၊ ဒီအတိုင်းပဲ ကျမတို့ဟာ ရွေးကောက်ပွဲဝင်မယ်လို့ ဆုံးဖြတ်ချက်ချပြီးမှ ရွေးကောက်ပွဲ အကြီးကြီးပဲဖြစ်ဖြစ် သေးသေးလေးပဲဖြစ်ဖြစ် ကျမတို့ နိုင်အောင်လို့ ၀င်တာ ဖြစ်ပါတယ်” ဟု ဒေါ်အောင်ဆန်းစုကြည်က ပြောသည်။
မသမာသော၊ တရားနည်းလမ်းမကျသော မဲဆွယ်မှုများ ရှိတတ်သည်ဟုလည်း ဒေါ်အောင်ဆန်းစုကြည်က သတိပေးလိုက်သည်။
“ခြောက်ပြီးတော့ မဲတောင်းလို့ ရှိရင်လည်း လုံးဝ မကြောက်ပါနဲ့။ မဲပေးတဲ့အခါ ဘယ်ပုံးထဲကို ကိုယ်ထည့်တယ် ဆိုတာ ဘယ်သူမှ တကယ်တော့ မသိနိုင်ပါဘူး။ အဲဒီတော့ ခြောက်လို့ရှိရင်လည်း ကြောက်ချင်ယောင်ဆောင်ရင်လည်း ဆောင်လိုက်။ မဲပေးတာ ဒေါ်စု စုလွင်ကိုပဲ ပေးပါ” ဟု ဒေါ်အောင်ဆန်းစုကြည်က ပြောသည်။
ဒေါ်အောင်ဆန်းစုကြည်၏ သုံးခွမြို့ ဟောပြောပွဲသို့ အနီးဝန်းကျင်မဲဆန္ဒနယ်များမှ ဒေသခံ အများအပြား လာရောက်ကြသည်ကို တွေ့ ရသည်။
Ref: ဧရာဝတီ
Read More...
Collapse...
February 27, 2012
အေးနိုင်
တနင်္သာရီတိုင်း ထားဝယ်မြို့နယ်မှာ စီမံကိန်း အကောင်အထည်ဖော်နေရာမှာ ဒေသခံတွေရဲ့ လယ်မြေတွေကို ကြိုတင်ခွင့်ပြုချက်မယူဘဲ မြေတူးစက်နဲ့ ထိုးချေနေပါတယ်။
ထားဝယ်ရေနက်ဆိပ်ကမ်း စီမံကိန်းအနီး တနင်္သာရီတိုင်းက နာဘုလယ် ကျေးရွာအုပ်စုအပိုင် ပုဝါကျေးရွာမှာ အိုင်တီဒီအမည်ရှိတဲ့ ကုမ္ပဏီက ရွာသူရွာသားတွေ ပိုင်တဲ့ လယ်မြေကို ဘူဒိုဇာနဲ့ ထိုးပြီး လမ်းဖောက်ခဲ့တယ်လို့ ဒေသခံတွေက ပြောပါတယ်။
ဒီလိုလုပ်ဆောင်တာကို ကြိုတင်အသိပေးတာ မရှိသလို လယ်ပိုင်ရှင်တွေကိုလည်း အကြောင်းမကြားဘဲ လုပ်ဆောင်ခဲ့တာလို့ ဆိုပါတယ်။
လွန်ခဲ့တဲ့ ၂၁ ရက်က မငွေသီးနဲ့ မသီနွယ်ဦး သားအဖ လုပ်ကိုင် စားသောက်နေတဲ့ လယ်ကွက်ကို ကြိုတင် အကြောင်းမကြားဘဲ လမ်း ဖောက်လုပ်ခဲ့တယ်လို့ ဆိုပါတယ်။
လယ်သမား ဦးဥာဏ်သိန်းက “တန်ရာတန်ကြေးမပေးဘဲနဲ့ အတင်းအဓမ္မ ခြိမ်းခြောက်ပြီး ယူသွားတယ်။ ဒီတော့ လယ်သမားတွေက မကျေနပ်ဘူး။ ကျနော်တို့ လယ်ဧကတွေက စပါး အထွက်ကောင်းရင် တဧကကို သိန်း ၅၀ လောက် ရှိတာပေါ့လေ၊ နစ်နာကြေးတော့ တဧကကို ၉ သိန်း ပေးတယ်လို့ ပြောတယ်။ အတင်းအဓမ္မလုပ်တာ။ တဦးတော့ ပါသွားတယ်။ ကျနော်နဲ့ ကျနော့်အကို မပါသေးဘူး။ ကျနော် တားမြစ်ထားတယ်လေ။”
သူတို့ညီအစ်မမှာ အသက် ၈၀ အရွယ် ဖခင်အိုကြီး ဦးစံသွန်းက ဘုန်းကြီးဝတ်နေသလို မငွေသီးလည်း အိမ်မှာ မရှိခိုက် မသီနွယ်ဦး တဦးတည်းရှိနေတုန်း မြေတူးစက်နဲ့ လာတူးတာဖြစ်ပြီး၊ မြေတူးသူတွေကို မဟန့်တားဖြစ်ဘူးလို့ မသီနွယ်ဦးရဲ့ အိမ်နီးချင်း အမျိုးသမီးက ပြောပါတယ်။
“ကျမနဲ့ ရွယ်တူ တယောက် ရှိတယ်။ သူက မပြောရဲဘူး။ ကျမကို လာခေါ်တယ်။ သူတို့လယ်ဆိုတော့ မလိုက်ဖြစ်ဘူးပေါ့။ သူတို့လည်း သွားမပြောရဲဘူး။ အဲ့မှာ ယိုးဒယားတွေလည်းရှိသလို မြန်မာတွေလည်းရှိတယ်။”
ဒီမြေတူးစက်ဟာ သူလယ်ကွက်နဲ့ သူ့အစ်ကို လယ်ကွက်ကိုပါ ထိုးဖို့ ပြင်နေတာကြောင့် ကိုယ့်မြေကို ဓာတ်ပုံရိုက်ယူပြီး သွားရောက် တားမြစ်ခဲ့တယ်လို့ ဦးဥာဏ်သိန်းက ပြောပါတယ်။
“ကျနော့်လယ်မှာ သူတို့ ထိုးဖို့လုပ်တာနဲ့ ကျနော် ဓာတ်ပုံရိုက်ပြီးတော့ တားတယ်။ အဲဒီမြေကို ၉ သိန်း ပဲပေးတယ်။ ၉ သိန်းဆိုတော့ တန်ရာတန်ကြေးပေးရင် လူကြီးကို ကျနော်ရောင်းပေးမယ်လို့ ပြောတာပဲ။ သူတို့က တန်ရာတန်ကြေး မပေးဘူးဆိုတော့ နစ်နာလွန် အားကြီးတာပေါ့။”
လယ်ဖျက်ခံရတဲ့ ဦးစံသွန်းတို့ သားအဖကတော့ ဘယ်ကို တိုင်ရမှန်း မသိဖြစ်နေတယ်လို့ သူကပြောပြပါတယ်။ လတ်တလောမှာတော့ အိုင်တီဒီကုမ္ပဏီက မြေတူးတာကို ခဏရပ်ထားတယ်လို့ ဆိုပါတယ်။
Ref: ဒီဗွီဘီ
Read More...
Collapse...
February 27, 2012
မင်းလွင်
ရတနာပုံ တယ်လီပို့ Web Portal ဌာန ၀န်ထမ်းတွေ စုပေါင်းလက်မှတ်ထိုးပြီး ဌာနကြီးမှူးရဲ့ ရိုင်းပျဆက်ဆံမှုကို စာပို့ကန့်ကွက်ကြတယ်လို့ ၀န်ထမ်းတဦးက ပြောပါတယ်။
မန္တလေးတိုင်းဒေသကြီး ပြင်ဦးလွင်မြို့အနီးမှာရှိတဲ့ ရတနာပုံ တယ်လီပို့ Web Portal ဌာန ၀န်ထမ်းတွေဟာ သူတို့ရဲ့ ဌာနကြီးမှူးဖြစ်တဲ့ ဗိုလ်မှူးမျိုးညွန့်အောင်ရဲ့ ရိုင်းပျဆက်ဆံတာကို မကျေနပ်ကြတဲ့အတွက် စာပို့ ကန့်ကွက်လိုက်တာလို့ ရတနာပုံတယ်လီပို့ ၀န်ထမ်းတဦးက ပြောပါတယ်။
“အဲဒါကတော့ ဌာနကို သူရိုင်းရိုင်းစိုင်းစိုင်း ဆက်ဆံသွားတယ်။ ဒီကလူတွေကို ရိုင်းရိုင်းစိုင်းစိုင်း ဆက်ဆံသွားတဲ့အတွက် အဲဒါတွေကို မကျေနပ်ကြပါဘူး။ အဲဒီ့ လူကြီးကို မကျေနပ်ပါဘူး။ အဲဒီအတွက် အထက်ကနေ ထိထိရောက်ရောက် အရေးယူပေးရန်၊ နောက်တ ချက်က အခုသူခေါ်သွားတဲ့ လူ ၁၇ ယောက်စာအတွက် ကုမ္ပဏီဘက်က ပြန်စဉ်းစားပေးပါရန်၊ အခု စာချုပ်မှာ အကုန်ပါ ပါတယ်။ ကုမ္ပဏီက လိုအပ်ရင် လိုအပ်တဲ့နေရာမှာကို အားလုံးလွှတ်ရမယ်ဆိုတာ ပါပါတယ်။
အခုဒီကနေ သွားတဲ့လူတွေအားလုံးက Web Programmer ၊ Web Designer နဲ့ Web Moderator တွေပါ။ အဲဒါတွေကို ဟိုဘက်မှာ ခဲအရည်ဖျော်ခိုင်းတယ်၊ နောက်တခုက ဘာမှပြန်မပြောနဲ့ ခိုင်းတာလုပ်ရမယ် ဆိုတဲ့ဟာတွေ အဲဒါတွေအားလုံးကို မကျေနပ်ပါဘူး။ အဲဒီ ၁၇ ယောက်စာအတွက်လည်း ပြန်စဉ်းစားပေးပါ။ ပြီးတော့ ဒီလူကြီးကို ဌာနကြီးမှူးအဖြစ် လုံးဝလက်မခံနိုင်ပါဘူး။ အဲဒါကို တင်ပြထား တာ ပါ။”
အဲဒီ ကန့်ကွက်စာကို ရတနာပုံတယ်လီပို့ Web Portal ဌာနက ပြည်ထောင်စု အစိုးရအဖွဲ့၊ သမ္မတရုံးအထိ ကန့်ကွက်မယ်လို့ ကုမ္ပဏီက ၀န်ထမ်းက ပြောပါတယ်။
ရတနာပုံတယ်လီပို့ဟာ အစိုးရနဲ့ ပုဂ္ဂလိက အစုစပ် လုပ်ငန်းလုပ်တဲ့ ကုမ္ပဏီဖြစ်ပြီးတော့ ရတနာပုံ တယ်လီပို့ ဥက္ကဋ္ဌဟာ ပြည်ထောင်စု အစိုးရ ဆက်သွယ်ရေး စာတိုက်နဲ့ကြေးနန်းဝန်ကြီး ဦးသိန်းထွန်း ဖြစ်ပါတယ်။
ကန့်ကွက်တောင်းဆိုတာ မရရင်အားလုံးထွက်ဖို့ ပြင်ဆင်ထားတယ်လို့ ကိုယ်တိုင် လက်မှတ်ရေးထိုး ကန့်ကွက်စာပို့တဲ့ အထဲမှာ ပါဝင်သူက ပြောပါတယ်။
ရတနာပုံတယ်လီပို့ဟာ အငြိမ်းစားဗိုလ်ချုပ်တွေရဲ့ ရှယ်ယာတွေ ပါဝင်တဲ့ ကုမ္ပဏီလည်း ဖြစ်ပါတယ်။ ရတနာပုံတယ်လီပို့ဟာ www.yatanarpon.com.mm ဆိုက်တခု အပါအဝင် အင်တာနက်ဆားဗစ်ပေးသောလုပ်ငန်း၊ ဆိုလာ စက်ရုံ လုပ်ငန်း နဲ့ အခြား
လုပ်ငန်းများစွာ လုပ်ကိုင်နေတဲ့ ကုမ္ပဏီလည်း ဖြစ်ပါတယ်။
Ref: ဒီဗွီဘီ
Read More...
Collapse...
February 27, 2012
နန်းမြနဒီ
နယ်ခြား စောင့်တပ်က တိုးတက်သောဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) ရဲ့ လက်နက်တွေကို ဝင်ရောက် သိမ်းယူတဲ့အတွက် တိုက်ပွဲတွေဖြစ်ပွားပြီး အစိုးရနဲ့ ငြိမ်းချမ်းရေး ပျက်ပြားမလိုဖြစ်ခဲ့ရာက အခု ဆွေးနွေးညှိနှိုင်းမှုတွေနဲ့ ပြေလည်သွားပြီလို့ သိရပါတယ်။
အစိုးရငြိမ်းချမ်းရေးဖော်ဆောင်ရေးကိုယ်စားလှယ်အဖွဲ့ရဲ့ ကြားဝင် ဖျန်ဖြေမှု အပြီးမှာ ဒီကေဘီအေ နဲ့ နယ်ခြားစောင့်တပ်တို့ဟာ ပဋိ ပက္ခမဖြစ်ရေး သဘောတူညီမှုတွေ ရရှိခဲ့တာလို့ ဒီကေဘီအေ ပြောရေးဆိုခွင့်ရှိသူ ဗိုလ်မှူး ဆန်းအောင်က ပြောပါတယ်။
“ငြိမ်းချမ်း ရေးယူထားတဲ့ ဒီအချိန်မှာ နိုင်ငံတော်က လစာစားနေတဲ့ စစ်တပ်တခုက ကျနော်တို့ သေနတ်ကို အတင်းအဓမ္မ သိမ်းတယ်ဆိုတော့ ဘယ်ကျေနပ်မလဲ၊ ကျနော်တို့ ပြန်တောင်းတယ်၊ ပထမ တောင်းတာ မရဘူး။ တကယ်ပြန်မပေးရင် ဒီငြိမ်းချမ်းရေးကို တကယ်ပဲ ပြန် ဖျက်သိမ်းမှာပဲ။ ပြန်ပေးတယ်။ ၂၇ လက်ပဲ ပြန်ရတယ်။ ၅ လက်က မြို့ပြသေနတ်တဲ့။ ဒီမြိုင်ကြီးငူထဲမှာပဲ ကိ်ုင်တဲ့သေနတ်ဆိုတော့ ကျေနပ်တာပေါ့။ နောက်နောင်လည်း လက်နက်ကိ်ုင်တဲ့ နည်းလမ်းနဲ့ မဖြေရှင်းဖို့ လက်မှတ်တွေ ထိုးသွားကြတယ်။”
ကရင်ပြည်နယ် ဘားအံမြို့မှာ ဒီလ ၂၅ ရက်နဲ့ ၂၆ ရက်တွေက တွေ့ဆုံဆွေးနွေးပွဲမှာတော့ နောက်နောင် ပဋိပက္ခ ရှောင်ရှားဖို့အတွက် ဒီကေဘီအေနဲ့ နယ်ခြားစောင့်တပ်တွေ သူ့နေရာ ကိုယ့်နေရာ နယ်မြေချထားရေး၊ မြိုင်ကြီးငူဒေသမှာ ဒီကေဘီအေရော နယ်ခြားစောင့်တပ်ကပါ လက်နက်ကိုင်ဆောင်ခွင့်၊ စစ်ဝတ်စုံနဲ့ သွားလာခွင့်မရှိ၊ ဒီကေဘီအေ ဆက်ဆံရေးရုံးကို ကော့ကရိတ်၊ ဘားအံနဲ့ ကြာအင်းဆိပ်ကြီးမှာ ဖွင့်လှစ်ရေး၊ ဒီကေဘီအေ ကလိုထူးဘော တပ်ဖွဲ့ဝင်တွေရဲ့ စားဝတ်နေရေးကို အစိုးရက ထောက်ပံ့ကူညီရေး စတဲ့အချက်တွေ သဘောတူညီမှုရခဲ့တယ်လို့ ဗိုလ်မှူးဆန်းအောင်က ပြောပါတယ်။
ဒီတခေါက် တွေ့ဆုံဆွေးနွေးပွဲမှာ ဒီကေဘီအေဘက်က ဗိုလ်မှူးချုပ် စောမိုရှေး ဦးဆောင်တဲ့ အဖွဲ့ဝင်စုစုပေါင်း ၇ ဦး၊ အစိုးရဘက်က ပြည်ထောင်စုငြိမ်းချမ်းရေး ဖော်ဆောင်ရေးအဖွဲ့ဝင် ဦးအောင်သောင်းနဲ့ နယ်စပ်ရေးရာဝန်ကြီး ဗိုလ်ချုပ်ဇော်ဝင်း၊ ကရင်ပြည်နယ်ဝန်ကြီးချုပ် ဦးဇော်မင်းနဲ့ စစ်ဘက်ခေါင်းဆောင်တွေ၊ နယ်ခြားစောင့်တပ်ဘက်က အကြံပေး ပုဂ္ဂိုလ် ဗိုလ်ချုပ်ဖားနွီး အပါအဝင် စုစုပေါင်း ကိုယ်စားလှယ် ၁၁ ဦး ပါဝင် ဆွေးနွေးခဲ့တယ်လို့ ဒီကေဘီအေက ပြောပါတယ်။
ဗိုလ်ချုပ် စောလားဘွယ် ဦးဆောင်တဲ့ တိုးတက်သောဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)ဟာ အစိုးရငြိမ်းချမ်းရေး ကိုယ်စားလှယ်တွေနဲ့ ပြီးခဲ့တဲ့နှစ် နိုဝင်ဘာလဆန်းပိုင်းက နှစ်ဘက် အပစ်အခတ်ရပ်ရေး သဘောတူလက်မှတ် ရေးထိုးခဲ့ပါတယ်။
ဒါပေမယ့် ဒီနှစ် ဖေဖော်ဝါရီလလယ်လောက်မှာ အစိုးရလက်အောက်ခံ နယ်ခြားစောင့်တပ်ရင်း ၁၀၁၁ နဲ့ ၁၀၁၉ တို့က ဒီကေဘီအေ ထိန်းချုပ်နယ်မြေထဲ ဝင်ပြီး လက်နက်တွေ သိမ်းယူခဲ့ရာက ပစ်ခတ်မှုတွေ ဖြစ်ပွားခဲ့တဲ့အပြင် စစ်သည်တွေ ထိခိုက်သေဆုံးမှု ရှိခဲ့ပါတယ်။
ဒါကြောင့် ဒီပြဿနာကို အစိုးရငြိမ်းချမ်းရေးကိုယ်စားလှယ်တွေက ကြားဝင်ဖြေရှင်းပေးဖို့ ဖေဖော်ဝါရီလ ၂၀ ရက်နေ့မှာ ဒီကေဘီအေ ဘက်က တောင်းဆိုခဲ့တယ်။ ၂၁ ရက်နေ့မှာ တခါဆွေးနွေးခဲ့ပြီး ပြေလည်မှုမရခဲ့ပါဘူး။ ညှိနှိုင်းမှု မအောင်မြင်ရင် ငြိမ်းချမ်းရေး ပျက်ပြယ် မယ်လို့ ဒီကေဘီအေဘက်က ပြောခဲ့ပါတယ်။
ဒုတိယအကြိမ် ပြန်တွေ့ဆုံတဲ့ ဒီအရေးပေါ် ဆွေးနွေးပွဲမှာတော့ အခုလို သဘောတူညီမှုတွေ ရခဲ့တာ ဖြစ်ပါတယ်။
Ref: ဒီဗွီဘီ
Read More...
Collapse...
February 27, 2012
နော်နိုရင်း
အသက် ၁၇ နှစ် အရွယ်အမျိုးသမီးငယ်ကို ညှဉ်းပန်းနှိပ်စက်ပြီး အတင်းအဓမ္မ ပြည့်တန်ဆာ လုပ်ခိုင်းသူကို အရေးယူ ဆောင်ရွက်ပေးဖို့ အိုင်အယ်လ်အို ဆက်ဆံရေးရုံးမှာ ကာယကံရှင်ကိုယ်တိုင် သွားရောက် တိုင်တန်းပါတယ်။
အခင်း ဖြစ်ပွားပုံကတော့ ဧရာဝတီတိုင်း ကျောင်းကုန်းမြို့မှာနေတဲ့ အသက် ၁၇ နှစ်အရွယ် ၁၀ တန်းကျောင်းသူကို အဒေါ်တော်စပ်သူက ကျောင်းထားပြီး ကျွေးမွေးပြုစုမယ်ဆိုပြီး ခေါ်ဆောင်သွားတာပါ။
မနှစ်ဇွန်လမှာ လိုက်ပါသွားခဲ့ပြီးနောက် အဒေါ်ကိုယ်တိုင်က ကျောင်းထားမပေးဘဲ အတင်းအဓမ္မ ပြည့်တန်ဆာ လုပ်ခိုင်းတာလို့ ကာယကံ ရှင်ကိုယ်တိုင်က ပြောပါတယ်။
“ရောင်းစား တယ်ဆိုတဲ့သဘောပေါ့။ ပြည့်တန်ဆာလုပ်ခိုင်းတယ်။ ယောကျာ်းတွေနဲ့ ထည့်ပေးလိုက်တယ်။ လူတယောက်က ခေါ်မယ်ဆိုရင် အဲဒီလူဆီက ပိ်ုက်ဆံကိုယူပြီး သမီးကိုအတင်း ထိုးထည့်ပေးလိုက်တာ။ လုပ်ခလည်း တပြားမှမရဘူး။ အကုန်လုံး သူတို့ ယူတာချည်းပဲ။ မနားရဘူး။ ညတိုင်းဆက်တိုက် ခေါ်ထုတ်သွားတယ်။ ၂ ကြိမ်တိတိ ထွက်ပြေးဖူးတယ်။ နောက်ကနေ လိ်ုက်ဖမ်းသလို ရိုက်လည်း ရိ်ုက်တယ်။ အိမ်ကနေ ထွက်ပြေးလို့ရှိရင် ဓားနဲ့ ထိုးသတ်မယ်လို့ ပြောတယ်။ လည်ပင်းညှစ်တယ်။ ကန်တယ်။ နောက်ဆုံးထွက်ပြေးတော့ သမီးကိုသူတို့ အနှောင့်အယှက်လုပ်တယ်၊ အဲဒီတော့ သူတို့ကို အရေးယူ ဆောင်ရွက်စေချင်တယ်။”
ဒီလို နှိပ်စက်ပြီး အတင်းအဓမ္မ ခိုင်းစေနေရာက လွတ်အောင် ထွက်ပြေးခဲ့ပြီး အမျိုးသားဒီမိုကရေစီအဖွဲ့ချုပ်ထံကို အကူအညီ တောင်းခံခဲ့ပါတယ်။ ဒီနေ့ပဲ အိုင်အယ်လ်အိုရုံးကို တိုင်ကြားပေးတာလို့ အိုင်အယ်လ်အို ဆက်ဆံရေးကွန်ရက်ရဲ့ ဦးသက်ဝေက ပြောပါတယ်။
“၅ လလောက်ကြာအောင် နေခဲ့ရတယ်။ ဒီလို အလုပ်လုပ်ပေးခဲ့ရတယ်။ ပိုက်ဆံလည်း တပြားမှမပေးဘူး။ ရတဲ့ ပိုက်ဆံကို သူတို့ပဲ အကုန်လုံး ခေါင်းပုံဖြတ်တာ။ အမှန်ကတော့ ခေါင်းလုပ်တာပေါ့။ ၅ လလောက်ကြာပြီးတော့ ၂ လပိ်ုင်း ၂၄ရက်နေ့မှာ ထွက်ပြေးလာတာ။ ထွက်ပြေး လွတ်မြောက်လာပြီးတော့ အပြည်ပြည်ဆိုင်ရာ အလုပ်သမားအဖွဲ့ချုပ်ရုံးကို တိုင်တန်းဖို့အတွက်ကို အမျိုးသားဒီမိုကရေစီအဖွဲ့ချုပ်ကို အကူအညီတောင်းတယ်၊ ဒီနေ့ပဲ တိုင်လိုက်ပြီ။ အိုင်အယ်လ်အိုရုံးကလည်း လက်ခံထားလိုက်တယ်။ အဲဒီမှာ ပြည့်တန်ဆာအဖြစ်နဲ့ လုပ်ကိ်ုင်ခိ်ုင်းနေတဲ့ အချိန်မှာပဲ ကောင်မလေးက ၂ ကြိမ်လောက် ထွက်ပြေးဖူးတယ်။ ပြန်ဖမ်းတယ်၊ ပြန်ဖမ်းပြီးတော့ ရိ်ုက်တယ်၊ ညှဉ်းပန်းနှိပ်စက်တယ်၊ နောက်ပြီးတော့ ပြည့်တန်ဆာလုပ်ငန်း ခွင့်ပြုရန်အတွက် ကျောင်းကုန်းမြို့နယ် ရဲတပ်ဖွဲ့ကနေ သူတို့မှာ လိုင်းကြေးလာကောက်တဲ့အခါတိ်ုင်းမှာ ပိုက်ဆံမပေးပဲနဲ့ ကောင်မလေးကို ရဲတပ်ဖွဲ့ဝင်တွေနဲ့ ပျော်ပါးဖို့အတွက် ထည့်ပေးလိုက်တယ်။ ပြောင်းသွားပြီဖြစ်တဲ့ စခန်းမှူးအစ အောက်ခြေရဲဝန်ထမ်းတွေ အားလုံး ကောင်မလေးကို အတင်းအဓမ္မ ပျော်ပါးမှုတွေ လုပ်ကြတယ်။ ကလေးက အဖြစ်အပျက်တွေကို အစကနေအဆုံးထိ အကုန်လုံးသိထားတယ်။ ခိုင်လုံတဲ့ အထောက်အထားတွေလည်းရှိတယ်။ ဒါကြောင့် ကျနော်တို့က အိ်ုင်အယ်လ်အိုရုံးကို တိုင်တန်းပေးခဲ့တယ်။”
အိုင်အယ်လ်အိုကို မတိုင်ကြားခင် ရပ်ကွက်အုပ်ချုပ်ရေးမှူးဆီ တိုင်ကြားပေမယ့် ကူညီဆောင်ရွက်တာမရှိတဲ့အပြင် ကာယကံရှင် အမျိုးသမီးငယ်နဲ့ သူ့အဖေကိုပါ ခြိမ်းခြောက်တာကြောင့် လုံခြုံရေး စိုးရိမ်ရတယ်လို့ ဦးသက်ဝေက ပြောပါတယ်။
ဒီကိစ္စကို မြန်မာနိုင်ငံ လူ့အခွင့်အရေးကော်မရှင်ထံ ဘာကြောင့် မတိုင်ကြားပါသလဲလို့ ဦးသက်ဝေကို မေးမြန်းရာမှာ ခုလို ဆိုပါတယ်။
“အားကိုး လို့ မရဘူး။ ဘာဖြစ်လို့ အားကိုးလို့ မရသလဲဆိုရင် ကျနော်တို့က ခံခဲ့ရပြီးပြီ။ ကျနော်တို့ ကိုယ်တိုင် သွားတိုင်တာကို ရောက်က တည်းက လူ့အခွင့်အရေး ချိုးဖောက်ခံရတာပဲ။ ဝင်ခွင့်တောင် မပေးဘူး။ ဘယ်လိုလုပ် တိုင်မလဲ။ နိုင်ငံရေးအရ အမြတ်ထုတ်ချင်လို့ လူ့အခွင့်အရေး ကော်မရှင်ဆိုပြီး ဖွင့်ထားတာ။ အားကိုးလို့လည်း မရသလို့၊ ယုံကြည်စရာလည်း အကြောင်း မရှိဘူး။ တင်ထားတဲ့ တချို့ကိစ္စတွေ၊ လယ်သမား ကိစ္စတွေ၊ သူတို့က ပြန်ပြီးတော့ ဒါတွေက အမှု မမြောက်ပါဘူး။ ဒါတွေက ဘယ်လို တရားစွဲလိုက်ပါ။ ဒါလောက်ပဲ အကြံပြုတာ။ သူတို့ ဘာမှ လုပ်လို့ရတာ မဟုတ်ဘူး။ ဘာမှလည်း လုပ်ပိုင်ခွင့်လည်း မရှိဘူး။ လုပ်ပေးချင်တဲ့ စိတ်ဆန္ဒလည်း မရှိဘူးလေ။”
Ref: ဒီဗွီဘီ
Read More...
Collapse...
February 27, 2012
နန်းမြနဒီ
စစ်အစိုးရလက်ထက်က တရားဝင်ပါတီအဖြစ်ကနေ ဖျက်သိမ်းခြင်းခံခဲ့ရတဲ့ ရခိုင်ဒီမိုကရေစီအဖွဲ့ချုပ် (အေအယ်လ်ဒီ) ဟာ ဦးသိန်းစိန်အစိုးရ တက်လာပြီးတဲ့နောက် ပါတီကို မှတ်ပုံပြန်တင်လိုက်ပါတယ်။
ဦးသိန်းစိန် အစိုးရလက်ထက်မှာ နိုင်ငံရေးအကျဉ်းသားတွေကို လွတ်ငြိမ်းချမ်းသာခွင့် ပေးလိုက်တဲ့အတွက် ခုလို နိုင်ငံရေးပါတီ မှတ်ပုံ ပြန်တင်တာလို့ အေအယ်လ်ဒီ ရခိုင်ဒီမိုကရေစီအဖွဲ့ချုပ်ရဲ့ ယာယီဥက္ကဋ္ဌ ဦးသာဗန်းက ပြောပါတယ်။
“မနေ့က ကျနော်တို့အဖွဲ့က ဦးကျော်မြင့်နဲ့ ဦးမျိုးကျော်တို့ နေပြည်တော်ကို သွားပြီးတော့ ဒီနေ့ ၁၁ နာရီမှာ ရွေးကောက်ပွဲကော်မရှင်မှာ မှတ်ပုံတင်လိ်ုက်ပါတယ်။ မှတ်ပုံတင်တာက အသိအမှတ်ပြုဖို့ဆိုတာ တလနည်းပါးလောက်ကြာမယ်။ ပါတီနဲ့ပတ်သက်တဲ့ ဥက္ကဋ္ဌ၊ အတွင်းရေးမှူးတို့၊ ဘဏ္ဍာရေးမှူးတို့၊ ရွေးပြီးတော့ အလံ၊ တံဆိပ်တွေ ဘာတွေ မှတ်ပုံတင်ကျတာနဲ့ တပါတည်းတင်ရမယ်။ ”
ပါတီမှတ်ပုံတင်ဖို့ အတွက် အနည်းဆုံး ပါတီဝင် ၂၃ ဦးရဲ့ ထောက်ခံချက် လက်မှတ်ထိုးမှုနဲ့ တင်ခဲ့တာ ဖြစ်တယ်။ ပါတီတံဆိပ်နဲ့ အလံကို မပြောင်းလဲဘဲ အရင်အတိုင်း ပြန်သုံးမှဖြစ်ပြီး မှတ်ပုံတင်ကျလာပါက ရခိုင်ပြည်နယ်ရဲ့ နိုင်ငံရေး၊ စီးပွားရေး၊ လူမှုရေးနဲ့ ဘာသာရေး အခွင့်အရေးတွေအတွက် ဆောင်ရွက်သွားမယ်လို့ ဆိုပါတယ်။
၁၉၉၀ ရွေးကောက်ပွဲ အနိုင်ရ တိုင်းရင်းသားပါတီတွေအားလုံး မှတ်ပုံပြန်တင်ပြီးတဲ့အခါ အရင်က ဖွဲ့စည်းခဲ့ဖူးတဲ့ ပြည်ထောင်စု တိုင်းရင်းသားများ ဒီမိုကရေစီအဖွဲ့ချုပ် (ယူအန်အယ်လ်ဒီ)လို တိုင်းရင်းသားပါတီအဖွဲ့တခု ဖွဲ့စည်းပြီး တိုင်းရင်းသားအရေးတွေ ဆောင်ရွက်သွားမယ်လို့ ဦးသာဗန်းက ဆက်ပြောပါတယ်။
ရခိုင်ဒီမိုက ရေစီအဖွဲ့ချုပ်(အေအယ်လ်ဒီ)ကို ၁၉၈၈ ခုနှစ် အောက်တိုဘာလ ၁၂ ရက်နေ့က စတင်တည်ထောင်ခဲ့ပြီး၊ ၁၉၉၀ ရွေးကောက် ပွဲတုန်းက ရခိုင်ပြည်နယ်မှာ လွှတ်တော်အမတ် ၁၁ နေရာနဲ့ အနိုင်ရခဲ့တာပါ။
Ref: ဒီဗွီဘီ
Read More...
Collapse...
February 27, 2012
ဖွဲ့စည်းပုံ အခြေခံဥပဒေကို မပြင်ဆင်လျှင် ဒီမိုကရေစီနိုင်ငံ ဖြစ်ပေါ်ရေး အလှမ်းဝေးနေဦးမည်ဟု ရခိုင်တိုင်းရင်းသားများ တိုးတက် ရေးပါတီ (RNDP) က ပြောဆိုလိုက်သည်။
ရန်ကုန်မြို့ ရွှေဂုံတိုင်ရှိ ဒို့ရိုးရာ စားသောက်ဆိုင်တွင် ယမန်နေ့က ကျင်းပသော “ရခိုင်သယံဇာတ ရွှေသဘာဝ ဓာတ်ငွေ့ကို အသုံးပြု၍ ရခိုင်ပြည်နယ် တခုလုံး လျှပ်စစ်ဓာတ်အား အပြည့်အဝ ရရှိရေးအဖွဲ့၏ စာတမ်းဖတ်ပွဲ” တွင် RNDP အထွေထွေ အတွင်းရေးမှူး ဦးလှ စောက အထက်ပါအတိုင်း ပြောဆိုလိုက်ခြင်း ဖြစ်သည်။
၂၀၀၈ ဖွဲ့စည်းပုံအခြေခံဥပဒေသည် လိုအပ်ချက်အရ ပြုပြင်ရမည်ဖြစ်ကြောင်း၊ ဥပဒေပြင်ဆင်ခြင်းသည် ဒီမိုကရေစီ ပြုပြင်ပြောင်း လဲမှု တခုအဖြစ် RNDP က ခံယူကြောင်း၊ တိုင်းရင်းသားများအားလုံး ကိုယ်ပိုင်ပြဋ္ဌာန်းခွင့်ရှိရေးနှင့် ဒေသထွက် သယံဇာတများကို ဒေသ ဖွံ့ဖြိုးတိုးတက်ရေးတွင် အသုံးပြုခွင့်ရှိရေး အပါအ၀င် တန်းတူအခွင့်အရေးများ ရရှိစေရေးအတွက် အခြေခံဥပဒေကို ပြင်ဆင်သွားရ မည်ဖြစ်ကြောင်း ဦးလှစောက ပြောသည်။
ဦးလှစောက “ကျနော်တို့ ၂၀၀၈ ဖွဲ့စည်းပုံအခြေခံဥပဒေကို မကြိုက်ဘူး။ ဒါပေမယ့် စစ်အာဏာရှင်စနစ် ကျဆုံးဖို့ ရခိုင်ပြည်သူတွေက ကျနော်တို့ကို မဲပေးခဲ့တယ်။ တိုင်းရင်းသားတွေရဲ့ ကိုယ်ပိုင်ပြဋ္ဌာန်းခွင့်ကို အသိအမှတ်ပြုရမယ်၊ ပြဋ္ဌာန်းပေးရမယ်။ ဒီနေရာမှာ ကိုယ် ပိုင်ပြဋ္ဌာန်းခွင့်ဆိုတာ ပြည်ထောင်စုထဲက သီးခြားခွဲထွက်ပြီးတော့ ရခိုင်သမ္မတနိုင်ငံ၊ ရှမ်းသမ္မတနိုင်ငံ ထူထောင်ဖို့ ပြောတာ မဟုတ်ဘူး။ တိုင်းရင်းသားအချင်းချင်း ချစ်ကြည်တဲ့၊ စည်းလုံးတဲ့၊ ငြိမ်းချမ်းတဲ့ ပြည်ထောင်စုသစ်ကြီးကို မျှော်မှန်းပါတယ်” ဟု ဆိုသည်။
အမျိုးသားဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်ကလည်း ဖွဲ့စည်းပုံအခြေခံဥပဒေ ပြင်ဆင်ရေးသည် NLD ၏ မူဝါဒတခုဖြစ်ကြောင်း ထုတ်ဖော်ပြောဆိုထားသည်။
အခမ်းအနားသို့ တက်ရောက်လာသည့် ရန်ကုန်တိုင်းအစိုးရ ရခိုင်တိုင်းရင်းသားရေးရာဝန်ကြီး ဦးဇော်အေးမောင်က တိုင်းရင်းသားများ ဘဝသည် နိမ့်ကျလျက်ရှိကြောင်း လွတ်လပ်ရေး အရစောသော်လည်း အုပ်ချုပ်ရေးညံ့ဖျင်းမှုကြောင့် ယခုကဲ့သို့ နိုင်ငံ ဆင်းရဲနေရ ခြင်း ဖြစ် ကြောင်း ထုတ်ဖော်ဝေဖန်လိုက်သည်။
“လွတ်လပ်ရေးရရင် ပိုပြီးချမ်းသာလာရမယ်၊ ပိုပြီး တိုးတက်လာရမယ်၊ ပိုပြီးအောင်မြင်လာရမယ်၊ ဒါလေးတွေက အင်မတန် သုံးသပ် စရာလေးတွေ ဖြစ်ပါတယ်။ လွတ်လပ်ရေးအပြစ် မဟုတ်ပါဘူး။ အုပ်ချုပ်တဲ့သူ စီမံခန့်ခွဲမှု ညံ့ဖျင်းခဲ့လို့ပဲ ကျနော်ခံယူပါတယ်။ အခုဟာက ကောင်းမွန်တဲ့ စနစ်တခုကို Democratization သွားနေပါပြီ။ ဒီ Democratization ကို ကျနော်တို့တွေက မှန်ကန်တဲ့ လမ်းကြောင်းကို ရောက်ရှိအောင် အားလုံးက ၀ိုင်းဝန်းပြီးတော့ တွန်းအားပေးဆောင်ရွက်ဖို့လိုနေ ပါပြီ” ဟု ဦးဇော်အေးမောင်က ပြောသည်။
RNDP မှ ဒု ဥက္ကဋ္ဌ ဦးတင်ဝင်းက ရခိုင်ပြည်နယ်သည် သဘာဝသယံဇာတများစွာ ပိုင်ဆိုင်ထားသော်လည်း မြန်မာနိုင်ငံတွင် ချင်းပြည် နယ်ပြီးလျှင် ဒုတိယ အဆင်းရဲဆုံး ပြည်နယ်တခုဖြစ်နေကြောင်း၊ ရခိုင်ကမ်းလွန်မှ ထွက်ရှိသော ရေနံနှင့် သဘာဝဓာတ်ငွေ့မှ နှစ်စဉ် အမေရိကန်ဒေါ်လာ ဘီလီယံချီ ၀င်ငွေရရှိသော်လည်း ပြည်နယ်ဖွံ့ဖြိုးရေး မဆောင်ရွက်ပေးကြောင်း၊ အထူးသဖြင့် လျှပ်စစ်မီးရရှိရေး အတွက် လွှတ်တော်တွင် အဆိုများတင်သွင်း ခဲ့သော်လည်း အစိုးရ၀န်ကြီးများက ပြည်နယ်အတွင်း ရေအားလျှပ်စစ် စီမံကိန်းများပြီးမှ သာ မီးရရှိရေး ဖြစ်နိုင်မည်ဟု ပြောဆိုကြောင်း၊ ရေအားလျှပ်စစ် စီမံကိန်းများသည် သဘာဝပတ်ဝန်းကျင်ဆိုင်ရာ စစ်တမ်းများ ပြုလုပ်ရ သည့်အပြင် ဆယ်စုနှစ်ပေါင်းများစွာ ကြာမြင့်နိုင်သည့်အတွက် ယင်းစီမံကိန်းများကို အယုံအကြည် မရှိကြောင်း ပြောဆိုသည်။
ထို့အပြင် ရခိုင်ပြည်နယ်တခုလုံး မီးလင်းနိုင်ရေးအတွက် ရွှေသဘာဝဓာတ်ငွေ့သုံး ၁၅၃.၃ မီဂါဝပ် လျှပ်စစ်ဓာတ်အား ထုတ်လုပ်နိုင်သော ကျောက်ဖြူ ဓာတ်အားပေးစက်ရုံ တည်ဆောက်ပေးရန် တောင်းဆိုကြောင်း၊ ယင်းစက်ရုံအတွက် ကုန်ကျစရိတ်၊ ဓာတ်အားလိုင်းများ သွယ်တန်းခစရိတ် အပါအ၀င် စုစုပေါင်းခန့်မှန်းခြေ အမေရိကန်ဒေါ်လာ သန်း ၂၁၀ ကုန်ကျမည်ဖြစ်ကြောင်း၊ ရခိုင်တပြည်နယ်လုံး မီးလင်းအောင် ပြည်ထောင်စုအသီးသီးရှိ အဖွဲ့အစည်းများအားလုံး စုစည်းညီညွတ်စွာ ပူးပေါင်းတောင်းဆိုပေးကြလိုကြောင်း ဦးတင်ဝင်းက ဆက်လက်ပြောသည်။
ရွှေသဘာဝဓာတ်ငွေ့ စီမံကိန်းသည် ရခိုင်ပြည်နယ် ကမ်းလွန်လုပ်ကွက် A1 နှင့် A3 မှထွက်ရှိသော ဓာတ်ငွေ့ဖြစ်ပြီး လေ့လာချက်များ အရ သဘာဝဓာတ်ငွေ့ ခိုအောင်းမှုပမာဏ စုစုပေါင်း ၅ ထရီလီယံကုဗပေမှ ၉ ထရီလီယံကုဗပေ ရှိကြောင်း၊ ယင်းစီမံကိန်းတွင် တရုတ် နိုင်ငံ CNPC ကုမ္ပဏီ၊ တောင်ကိုရီးယား Daewoo International, အိန္ဒိယ Oil & Natural Gas Corp ကုမ္ပဏီ၊ မြန်မာရေနံနှင့် သဘာဝ ဓာတ်ငွေ့လုပ်ငန်း၊ တောင်ကိုရီးယား Korean Gas Corporation, အိန္ဒိယ Gas Authority of India Limited တို့က ရင်းနှီးမြုပ်နှံထား ကြောင်း၊ ၂၀၁၃ ခုနှစ် မေလမှ စတင်ကာ ကျောက်ဖြူမြို့မှ တရုတ်နိုင်ငံ ကွေ့ကျိုးနှင့် ကွမ်းရှီး ပြည်နယ်များအထိ သွယ်တန်းထားသော ပိုက်လိုင်းများမှတဆင့် ရေနံနှင့် သဘာဝဓာတ်ငွေ့များ ပုံမှန်ရောင်းချသွားမည်ဖြစ်ကြောင်း စွမ်းအင်ဝန်ကြီးဌာန၏ တရားဝင်ထုတ်ပြန် ချက်များအရ သိရသည်။
ရခိုင်သယံဇာတ ရွှေသဘာဝဓာတ်ငွေ့ကို အသုံးပြု၍ ရခိုင်ပြည်နယ်တခုလုံး လျှပ်စစ်ဓာတ်အား အပြည့်အဝ ရရှိရေး စာတမ်းကို RNDP ဒု ဥက္ကဋ္ဌ ဦးတင်ဝင်းက ဖတ်ကြားပြီး ပရိသတ် ၃၀၀ ခန့် တက်ရောက်ကြောင်း သိရသည်။
Ref: ဧရာဝတီ
Read More...
Collapse...
Sunday, 26 February 2012
အမျိုးသား ညီညွတ်ရေးကို ပြဆိုခဲ့သည့် မြစ်ဆုံအရေးနှင့် ပတ်သက်သော ကျေးဇူးပဲ့တင်သံ အခမ်းအနားကို ဧရာဝတီမြစ်ဆုံ အနီးရှိ တန်ဖဲရွာ၌ ဖေဖော်ဝါရီလ ၂၄ရက်နေ့တွင် ပြုလုပ် ခဲ့ပါသည်။
ဧရာဝတီမြစ်ဆုံအနီးတွင် ကျင်းပခဲ့သော "မြစ်ဆုံ၏ကျေးဇူးပဲ့တင်သံ" မိတ်ဆုံစားပွဲတွင် ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က အမှတ်တရ စကား ပြောကြားနေစဉ်
အဆိုပါ ကျေးဇူးပဲ့တင်သံ အခမ်းအနားသို့ ကချင်ဒေသခံများ၊ ၈၈ မျိုးဆက် ကျောင်းသားများအဖွဲ့မှ ကိုမင်းကိုနိုင် အပါအ၀င် အဖွဲ့ဝင်(၁၆)ဦး၊ သဘာဝပတ်ဝန်းကျင် ထိန်းသိမ်းစောင့် ရှောက်သူများ၊ ကဗျာဆရာ၊ ဓာတ်ပုံ ဆရာ၊ ဒီဇိုင်းဆရာများနှင့် သတင်းသမားများ တက်ရောက်ခဲ့ကြသည်။
အခမ်းအနား အစီအစဉ်များတွင် သိက္ခာတော်ရ ဆရာတော် ဘရန်နူးက နှုတ်ခွန်းဆက် အမှာစကားပြောကြားပြီး ဘုန်းတော်ကြီး ဆွမ်ရွိုမ်အောင်က ဆုတောင်းဆပ်ကပ်ခြင်းများ ပြုလုပ်ခဲ့ ကာ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က ဧရာဝတီမြစ်ဆုံနှင့်ပတ်သက်ပြီး ၎င်းတို့၏ သဘောထား အမြင်များကို ပြောဆိုသွားခဲ့သည်။
“အခု ကျွန်တော်တို့လာခဲ့တာ ဟိုးမြန်မာပြည်အောက်ပိုင်း၊ အလယ်ပိုင်းကဆိုပေမယ့် ကျွန်တော်တို့ကို ၈၈ ကျောင်းသားတွေလို့ ခေါ်ပါတယ်။ ၁၉၈၈ တုန်းက ကျောင်းသားလှုပ်ရှားမှုကိုစခဲ့လို့ အဲဒီလိုခေါ်တာပါ။ အဲဒီတုန်းက ကျွန်တော်တို့တွေ အားလုံး ဆင်တူဝတ်စုံ ကချင်ပုဆိုးလေးတွေ ၀တ်ပြီးစခဲ့တာပါ။ အခုလည်း ကျွန်တော်တို့တွေက ကချင်ဝတ်စုံလေးတွေ ၀တ်ပြီး လာပါတယ်။ ကျွန်တော်တို့အားလုံး က မိန်းကလေးတွေကအစ ကချင်လို ၀တ်ရတာမှ ပိုလှတယ် ထင်ပါတယ်။ ဒီမြစ်ဆုံစီမံကိန်းနဲ့ ပတ်သက်ပြီး တိုင်းရင်းသားတွေ အပါအ၀င်အားလုံး ရုန်းကန်နေရတဲ့ အချိန်မှာ ကျွန်တော်တို့ အားလုံးက ထောင်ထဲမှာပါ။ ဒါ ကချင် ပြည်နယ်မှာ ဖြစ်နေတဲ့ကိစ္စ၊ ငါတို့နဲ့မဆိုင်ဘူးလို့ မထင်ပါဘူး။ ဘာလို့လဲဆိုတော့ ကချင်ပြည်နယ်ဟာ မြန်မာပြည် ရဲ့ခေါင်းပိုင်းလို့ ခေါ်ပါတယ်။ ခေါင်းကို ထိရင် ရင်ဘတ်ထဲမှာ နာပါတယ်။ အဲဒီတုန်းက ထောင်ထဲက လူတစ်ယောက်က အပြင်က လူတွေလို မလုပ်နိုင်ပါဘူး။ ဘာလုပ်နိုင်လဲဆိုတော့ ထောင်ထဲမှာ မြစ်ဆုံနဲ့ ဧရာဝတီ ရှင်သန်ဖို့အတွက် သီချင်း ရေးနိုင်ပါတယ်။ ကျွန်တော်တို့ လုပ်နိုင်တာ လုပ်ခဲ့ပါတယ်။ ကျွန်တော်တို့ တတ်နိုင်သမျှ လုပ်ခဲ့ပါတယ်။ ဧရာဝတီဆက်ပြီး စီးဆင်းရေး မြစ်ဆုံဒေသ အလှတွေမပျက်ရေး ဒီက တိုင်းရင်းသားတွေရဲ့ဘ၀တွေ မပျောက်ရေး သီချင်းစပ်ခဲ့ပါတယ်။ ကျွန်တော်တို့သီချင်းတွေ စပ်ပြီးဆိုနေတဲ့ အချိန်မှာ ကချင်မှာ ဟောဒီပြည်သူတွေ အောင်ပွဲခံနေတာကို ကြားရတဲ့ အချိန်မှာ ၀မ်းသာရပါတယ်”ဟု ကိုမင်းကိုနိုင်က ပြောပါသည်။
“လူဆိုတာ ကိုယ်မွေးတဲ့ နေရာ ကိုယ်နေတဲ့နေရာကို ချစ်ကြတာပါပဲ။ ချစ်ကြတဲ့နေရာမှာ ဟောဒီမြစ်ဆုံ ဒေသက တိုင်းရင်းသားတွေက နောက်ဆုံးနှာခေါင်းကို ရေမြုပ်တဲ့အထိ ကြံ့ကြံ့ခိုင်ပြီး နေသွားမယ်လို့ ကြားတဲ့အခါမှာ ကျွန်တော်တို့ အင်မတန်အားရှိပါတယ်။ ကိုယ့်မြေကိုယ့်ရေကို ချစ်တဲ့ စိတ်တွေလည်း ပိုပြီးတော့ရှိပါတယ်။ သိပ်ပြီး ကျေးဇူးတင်ပါတယ်။ အဲဒီစကားမျိုး ကြားရတာ၊ အဲဒီတော့အခုလို စီမံကိန်း ခေတ္တရပ်ဆိုင်းပြီးတော့ ကိုယ့်ရပ်ကိုယ့်ရွာ ပြန်လာနိုင်ကြပြီး မိတ်ဆုံစားပွဲတွေ ကျေးဇူးတင်စကားတွေ ပြောနိုင်တယ် ဆိုတာ အောင်ပွဲပါ။ အခုလို အောင်ဖို့ အတွက် အလကားမရခဲ့ပါဘူး။ ကိုယ့်ခံစားချက် ကိုယ်လိုရာကို သတ္တိရှိရှိ ဖော် ထုတ်ရဲတဲ့ သတ္တိက နံပါတ်တစ်ပါ။ ဒုတိယအချက်က တစ်ပြည်လုံးက ပြည်ထောင်စုသားတွေဟာ ကချင် ပြည်နယ်မှာ ဖြစ်တာကို ၀ိုင်းပြီး စိတ်ပူတယ်။ စိတ်ပူပြီး ကချင်တိုင်းရင်းသား တွေဘက်က ၀င်ပြီးရပ်ပေးတယ်။ ဥပမာ-သဘာဝ ပတ်ဝန်းကျင် ထိန်းသိမ်းရေးအဖွဲ့တွေ၊ စာပေသမားတွေ၊ အနုပညာသမားတွေ အားလုံးဝိုင်းပြီးတော့ လက်တွဲပြီး လက်ချင်းချိတ်ပြီးတော့ ကချင်ပြည်သူတွေနဲ့အတူ ရပ်လိုက်လို့ အောင်မြင်တာပါ။ အဲဒီတော့ အားလုံးကို ကချင်ပြည်သူတွေ ကိုယ်စား ကျွန်တော်က ကျေးဇူးတင်ပါတယ်လို့ ပြောချင်ပါတယ်။ စီးပွားရေးအရ ဆုပ်ကိုင်ရမယ့် ကိစ္စတစ်ခုလောက်ကို မကြည့်ဘဲ ဟိုးနောက်မမြင်ရတဲ့ မမွေးသေးတဲ့ ကလေးတွေ အနာဂတ်ကမ္ဘာကို ကြည့်ပြီးတော့ အမြော်အမြင်ကြီးခဲ့တဲ့ ပညာရှင်တွေ၊ တိုင်းရင်းသားတွေရဲ့ အမြော်အမြင်ကြီးမှုကို ကျေးဇူးတင်ပါတယ်။ ကျွန်တော်တို့ ပြည်သူတွေဟာ အာဏာမရှိဘူးဆိုပြီး စိတ်မပျက်ပါနဲ့။ အာဏာမရှိပေမယ့် တကယ် ညီညွတ်တယ်ဆိုရင် သြဇာရှိပါတယ်။ အဓိက က အားလုံးညီညွတ်ပါ။ ကချင်မှာပဲ ဖြစ်ဖြစ်၊ ရှမ်းမှာပဲ ဖြစ်ဖြစ်၊ မွန်မှာပဲ ဖြစ်ဖြစ်၊ တစ်ခုခုဖြစ်တယ်ဆိုရင် အားလုံးက အတူတူပဲလို့ ခံစားမယ်ဆိုရင် အရာရာကို အောင်မြင်ပါတယ်။ နောက်ဆုံး ဒီဧရာဝတီမြစ်ကြီးကို ပိတ်ဆို့မယ် ဆိုတဲ့ စီမံကိန်းကို တားလိုက်နိုင်တာ ဟာ အစိုးရရော၊ သမ္မတကြီးရော၊ ဟောဒီ ပြည်သူပြည်သားတွေ ရော ပူးပေါင်းပြီးတော့ ဆောင်ရွက်လိုက်တာပါ။ ပိတ်ဆို့မှုကို ဖွင့်လိုက်ခြင်း အားဖြင့် ပူးပေါင်း ဆောင်ရွက်မှုဆိုတဲ့ မြစ်ကြီးဟာစီးသွားပါပြီ။ သိပ်မင်္ဂလာ ရှိပါတယ်။ အဲဒါကြောင့် ဗမာလို ပြောတော့ အမျိုးသားညီညွတ်ရေးလို့ ပြောပါတယ်။ ကချင်လို ဘယ်လို ပြောတယ် ကျွန်တော်မသိပါဘူး။ ဒါက အရေးကြီးပါတယ်။ အမျိုးသားအားလုံး ညီညွတ်ရေးဟာ ဟောဒီက မြစ်ဆုံကစပြီး ရသွားလို့ အမျိုးသားညီညွတ်ရေးဆိုတဲ့ မြစ်ကြီး စစီးသွားပါပြီ။ ကျွန်တော်တို့ ကမ္ဘာတည်သရွေ့ ကာကွယ်ကြပါစို့၊ ထိမ်းသိန်းကြပါစို့။ ကမ္ဘာပေါ်မှာ မြန်မာပြည်ကို နိုင်ငံတကာက အားလုံး ကြည့်နေပါတယ်။ ကျွန်တော်တို့ ပြည်ထောင်စုကြီးမှာ ဘယ်လောက် ညီညွတ်သလဲ။ ဘယ်လောက် အားရှိသလဲဆိုတာ ကြည့်နေပါတယ်။ တစ်ကမ္ဘာလုံး က စောင့်ကြည့်နေတဲ့ အချိန်မှာ အားလုံးက ညီညွတ်တယ်ဆိုတာကို ပြလိုက် နိုင်တဲ့အတွက် ဂုဏ်ယူတယ်လို့ ပြောရင်း အားလုံးကို ကျေးဇူးတင်ပါတယ်”ဟု ကိုမင်းကိုနိုင်က ဆက်လက် ပြောကြား ပါသည်။
ထို့နောက် ဦးအုန်း(FREDA) ၊ ဆရာအော်ပီကျယ်နှင့် ကဗျာဆရာကို တင်သစ်တို့က နှုတ်ခွန်းဆက်စကားများ အသီးသီး ပြောကြားခဲ့ပါသည်။ ထို့နောက် ရွာသားကိုယ်စားရွာသား တစ်ဦးက ကျေးဇူးတင်စကား ပြောကြားခဲ့ပြီး ကဗျာဆရာ ကိုစစ်ကောင်းက အားပေးစကားနှင့် ကဗျာတစ်ပုဒ် ဖတ်ကြားခဲ့သည်။ ရပ်မိရပ်ဖများ ကိုယ်စား ဘုန်းတော်ကြီး လဇွမ်နော်ဒင်းက ကျေးဇူးတင်စကား ပြောကြားခဲ့သည်။
ဘုန်းတော်ကြီး လဇွမ်နော်ဒင်းက “မနောကွင်းကနေ လာခဲ့ရလို့ နည်းနည်းမောပါတယ်။ အစ်မကြီး ဒေါ်အောင်ဆန်းစုကြည် တော်တော်အားရ ကျေနပ် သွားပါတယ်။ ပရိသတ်ကလည်း အများကြီး။ ပြောတဲ့ အကြောင်းအရာတွေ ကလည်း သိပ်ပြီး အကျိုးရှိပါတယ်။ ကျွန်တော်တို့ ကချင်ပြည်နယ် မြစ်ကြီးနားမြို့ဟာ ပင်လုံစာချုပ်ရဲ့အစ ဖြစ်တယ်လို့၊ ငြိမ်းချမ်းပါစေ၊ လွတ်လပ်ပါစေ၊ အားလုံးညီညွတ်ပါစေလို့ ပြောသွားတာကို ကျွန်တော်ကြားသိရပါတယ်။ ၀မ်းသာအားရနဲ့ ဒီနေရာကို ရောက်လာတဲ့အခါ ဆုတောင်းပွဲရှိတယ် လို့ကြားရတော့ အခုလို တွေ့မြင်ရတဲ့ အခါမှာ သိပ်ပြီးအားရပါတယ်။ ဒီမြစ်ဆုံအကြောင်း ကျွန်တော်ကြားသိရတာ တော်တော်ကြာပါပြီ။ ဘာမှမတတ်နိုင်ပါဘူး။ အားကိုးရာမဲ့ပါဘဲ။ ဆုပဲတောင်းနိုင်တယ်။ သမ္မတကြီး ကြေညာတဲ့ သတင်းကို ကြားရတဲ့အခါ စိတ်မှာကျေနပ်မိတယ်။ အားရမိတယ်။ မြစ်ဆုံနဲ့ ဧရာဝတီမြစ်ကြီးဟာ အသက်ရှင်ခွင့်ရပြီ။ ဒါကြောင့်မို့ အဖဘုရားသခင်အား ရှေးဦးစွာ ကျေးဇူးတင်ပါတယ်။ ဒီနေရာလေးဟာ သဘာဝတွေကို ဘယ်လောက် လေးနက်စေသလဲ၊ ဒီနေရာ လေးမြစ်ဆုံအဖြစ်နဲ့ ဖြစ်ရတယ် ဆိုတာ အံ့သြလို့မဆုံးနိုင်ဘူး။ ကချင် ပြည်နယ် မြေပုံကြည့်တဲ့အခါ တောတောင်အထပ်ထပ် မိုင်ပေါင်းများစွာက စီးဆင်းလာတဲ့ ချောင်းရေမြစ်ရေတွေ စမ်းရေးတွေ မိုးရေတွေ အကုန်စီးဆင်း လာတာ ဒီနေရာမှာ လာဆုံတာ ထူးဆန်းတယ်။ ဒါတောင် တစ်နေ့နဲ့တစ်နေ့ မတူဘူး။ အခုဆို ရေနည်းနည်းလေး တွေ့ရတယ်။ မိုးတွင်းဆိုရင်တောင် တစ်နှစ်နဲ့တစ်နှစ် မတူဘူး။ မြစ်ကြီးနားအောက်ပိုင်းမှာ ဘယ်လောက် ဒီမြစ်ရဲ့စွမ်းအားကို တွေ့ရသလဲ။ ဒီမြစ် ဟာ မြန်မာနိုင်ငံရဲ့ အသက်သွေးကြောပဲ ဖြစ်တယ်။ ဒီမြစ် ဆက်အသက်ရှင် ခွင့်ရတာ ဘုရားသခင်ကို ကျေးဇူးတင်တယ်။ စောစောက စာရေးဆရာတွေ၊ ကဗျာဆရာတွေ၊ ပညာရှင်တွေ၊ မိဘညီအစ်ကို မောင်နှမတွေ ဒေသမျိုး စုံကနေ ဖော်ပြပြီးဖြစ်ပါတယ်။ ပညာရှင်တွေပြောစကားအရ မြစ်ဆုံက နှစ်သက်တမ်း သန်းပေါင်း၇၀၀ ကျော် ရှိပြီလို့ သိရတယ်။ စဉ်းစားမိတာက မြစ်ဆုံဟာ နှစ်သက်တမ်း သန်းပေါင်း ၇၀၀ ကျော်ရှိခဲ့ပြီလား။ နှစ်သန်းပေါင်း ၇၀၀ ကျော် အသက်ရှင်ခဲ့ပြီးမှ ဆက်လက်အသက်ရှင်ဖို့ဆိုရင် ကျွန်တော် တို့ပြည်သူပြည်သားများ အားလုံးကာ ကွယ်ဖို့လိုတယ်။ စောစောက ကျောင်းသားတွေ ပြောတဲ့အထဲမှာ ပြည်သူလူထုရဲ့အသံက အရေးကြီးတယ်လို့ ပြောတယ်။ ကျွန်တော်တို့အသံက ဘယ်မှ မရောက်တာ။ ဒီမှာ စာရေးဆရာ၊ ကဗျာဆရာ၊ အနုပညာရှင်ကြီးတွေ ပါတယ်။ ကျွန်တော်တို့ အားကိုးရမယ်။ ဆက်လက်ပြီးတော့ ဖော်ပြပေးပါ။ ကြေညာပေးပါ။ ဒါတွေကို တစ်ကမ္ဘာလုံး သိအောင်၊ အားလုံး သဘောပေါက် နားလည်အောင် ဖော်ပြပေးပါ။ ကြေညာ ပေးပါ။ တွေ့ချင်တာကြာလှပြီ။ ဒီနေ့ ဒီအချိန်မှာ ဆုံရတော့ သိပ်အားရတယ်။ မသိနားမလည်သူတွေ များတယ်။ အားလုံးသိရှိ နားလည်အောင် ဆောင်ရွက် ပေးကြပါ။ ပတ်ဝန်းကျင်အကြောင်း မသိကြဘူး။ ဒီရဲ့ အကျိုးကျေးဇူးကိုလည်း မသိဘူး။ လာမယ့် ဘေးဒုက္ခ အန္တရာယ်တွေကိုလည်း မသိဘူး။ ပညာရှင်တွေက အားလုံးစမ်းသပ်ပြီး သွားကြပြီ။ ဒါတွေကို ဖော်ပြပေးပါ။ ဒီမှာ အားလုံး ဒုက္ခရောက်ကြရတယ်။ မိမိတို့ကျေးရွာတွေ၊ နေအိမ်တွေမှာ ဆက်လက် နေထိုင်လို ကြပါတယ်။ အားလုံး စည်းစည်းလုံးလုံး အေးအေးချမ်းချမ်းနဲ့ ဘုရားသခင် ဖန်ဆင်းပေးထားတဲ့ နေရာမှာ ကျွန်တော်တို့ကို ဆက်လက် နေထိုင်ခွင်ရအောင် ကူညီပေးကြပါ။ ကျွန်တော်တို့ အထူးပဲ မေတ္တာရပ်ခံပါတယ်။ ဧရာဝတီမြစ်ကြီးကို သနားပါလို့၊ ပြည်သူပြည်သားတွေကို အကျိုး ပြုတဲ့မြစ်ကို၊ ကျေးဇူးရှင်ကို ကာကွယ်ရအောင်၊ စောင့်ရှောက်ရအောင်လို့ ကျွန်တော်တို့လည်းပဲ ပြည်သူလူထုရဲ့ အသံတွေများများ ပေါ်ထွက်လာပါ စေ။ ၃ နှစ်မက၊ ၄ နှစ်မက၊ ၁၀ နှစ်မ က ကမ္ဘာကုန်ထိတိုင်အောင် နောင်နှစ်ပေါင်းများစွာ ဧရာဝတီမြစ်ကြီး အသက်ရှင်ပြီး စီးဆင်းနိုင်ပါစေလို့ မေတ္တာပို့ ပါတယ်” ဟု ပြောကြားခဲ့သည်။ အဆိုပါ အခမ်းအနားသို့ ဒေသခံ ၂၀၀ ၀န်း ကျင်ခန့် တက်ရောက်ခဲ့ကြသည်။
မြစ်ဆုံစီမံကိန်းနှင့် ပတ်သက်သော ရက်စွဲများ
၂၀၀၆ ခုနှစ် - မြစ်ဆုံစီမံကိန်းများ လုပ်ဆောင်ရန်အတွက် တရုတ်အစိုးရက မြန်မာအစိုးရ နှင့် စတင်ဆွေးနွေးမှု ပြုလုပ်။
၂၀၀၆ ခုနှစ် ဒီဇင်ဘာ - မြစ်ဆုံ ရေအားလျှပ်စစ် စီမံကိန်းအပါအ၀င် မေခ၊ မလိခ မြစ်ညာမြစ်ဝှမ်း ရေအား လျှပ်စစ်စီမံကိန်းများ ဆိုင်ရာ နားလည်မှု စာချွန်လွှာ(MoU) ကို ၂၀၀၆ ခုနှစ် ဒီဇင်ဘာလအတွင်းက အမှတ်(၁)လျှပ်စစ် စွမ်းအားဝန်ကြီးဌာနနှင့် တရုတ်နိုင်ငံ China Power Investment Corporation(CPI) တို့ ချုပ်ဆို။ တည်ဆောက်မည့် စီမံကိန်းများမှာ မြစ်ဆုံ၊ ချီဖွေ၊ ချီဖွေငယ်၊ ၀ူဆောက်၊ ခေါင်လန်ဖူး၊ ယီနန်၊ ပီဇော၊ လိုင်ဇာတို့ ဖြစ်ကြပြီး စုစုပေါင်း စက်တပ်ဆင်အား မဂ္ဂါဝပ် ၁၈၄၉၉ မဂ္ဂါဝပ်ဖြစ်ကြောင်းနှင့် ၁၅ နှစ်အတွင်း အပြီးတည်ဆောက်ရန် လျာထားခဲ့။
၂၀၀၉ ခုနှစ် ဒီဇင်ဘာ- မြစ်ဆုံ စီမံကိန်းများကို စတင်လိုက်ပြီ ဖြစ်ကြောင်း နိုင်ငံပိုင် သတင်းစာများမှ တစ်ဆင့်ထုတ်ပြန်။ စီမံကိန်းများကို အမှတ်(၁) လျှပ်စစ်စွမ်းအား ၀န်ကြီးဌာနနှင့် တရုတ်စွမ်းအင် ကုမ္ပဏီ (CPI))တို့ ပူးပေါင်း လုပ်ဆောင်ခြင်းဖြစ်ပြီး အေးရှားဝေါလ် ကုမ္ပဏီက စီမံကိန်း လည်ပတ်မှုလုပ်ငန်းများတွင် ပူးပေါင်းဆောင်ရွက်။
၂၀၀၉ ဒီဇင်ဘာ ၂၁ - စီမံကိန်း စတင်ခြင်း အခမ်းအနားကို ကချင်ပြည်နယ် မြစ်ကြီးနားမြို့ တန်ဖဲရွာ အနီး မေခ-မလိခမြစ်ဆုံ အောက်ဘက်တွင် ပြုလုပ်ခဲ့။
၂၀၁၀ နိုဝင်ဘာ - မြစ်ဆုံဒေသ၌ ဧရာဝတီမြစ်အား ရေကြောင်းလွှဲရန် မြေသားပြုပြင် ဖောက်လုပ်ခြင်း ပြုလုပ်။
၂၀၁၁ မေ - တရုတ်နိုင်ငံတွင် ဒေါ်လာဘီလျံ ၄၀ ကျော် အကုန်အကျခံပြီး တည်ဆောက်ခဲ့သော ကမ္ဘာ့ အကြီးဆုံး ဆည်ဖြစ်သည့် မြစ်ကျဉ်းသုံးသွယ် (Three Gorges) ဆည်သည် လူဦးရေ ၁ ဒသမ ၃ သန်းကျော်ကို နေရာရွှေ့ပြောင်း ပေးခဲ့ရပြီး သဘာဝ ပတ်ဝန်းကျင် ပြဿနာများကို ဖြစ်ပေါ်စေခဲ့ကြောင်း တရုတ်အစိုးရက ပထမဆုံး ၀န်ခံပြောကြား။
၂၀၁၁ ခုနှစ် ဇွန်လ ၁၈ - အရေးကြီးသည့် ရေအားလျှပ်စစ် စီမံကိန်းကို ကာကွယ်စောင့်ရှောက် လိုသော ရည်မှန်းချက် တစ်ခုတည်းဖြင့် မိမိတပ်မတော်သားများနှင့် KIA အဖွဲ့အကြား တိုက်ပွဲများဖြစ်ပွား နေရခြင်းဖြစ်ကြောင်း နိုင်ငံပိုင် သတင်းစာများတွင် ဖော်ပြ။
၂၀၁၁ ခုနှစ် သြဂုတ် ၉ - နိုင်ငံပိုင် သတင်းစာများ၌ လျှပ်စစ်ဝန်ထမ်း တစ်ဦးရေးသားသော ထာဝရ အမွေအနှစ်၊ မွန်မြတ်သည့် စေတနာဆောင်းပါးကို ဖော်ပြခဲ့။ မြစ်ဆုံနှင့် ပတ်သက်ပြီးရေးသားခဲ့ခြင်း ဖြစ်ကာ ဆောင်းပါးတွင် အချို့ပုဂ္ဂိုလ်/အဖွဲ့အစည်းများ အနေဖြင့် ကချင်ပြည်နယ်အတွင်း အကောင်အထည်ဖော် ဆောင်ရွက်လျက် ရှိသည့် ဧရာဝတီမြစ်ဆုံ မေခ၊ မလိခ၊ မြစ်ညာမြစ်ဝှမ်း ရေအားလျှပ်စစ် စီမံကိန်းများနှင့် ပတ်သက်၍ နိုင်ငံတကာနှင့်ပြည်တွင်းရှိ ပြည်သူလူထု အထင်မှားအမြင်မှားဖြစ်စေရန် မဟုတ်မမှန် ဖန်တီးလုပ်ကြံ၍ ရေးသားလုပ်ဆောင်လျက် ရှိကြသည်ဟု တုံ့ပြန်။ ထိုတုံ့ပြန်ချက်ကို ၀ါရင့်သတင်းစာ ဆရာကြီး လူထုဦးစိန်ဝင်းနှင့် Eleven Media Group တို့မှ တရားဝင် အတိအလင်းဝေဖန် ပြောဆိုခဲ့။ ထိုသို့ အတိအလင်း ဝေဖန် ပြောဆိုခဲ့ခြင်းသည် နှစ်ပေါင်း ၂၀ ကျော် ကာလအတွင်း အစိုးရ သတင်းစာ၏ ပေါ်လစီဆောင်းပါးကို ပုဂ္ဂလိကပိုင် ဂျာနယ်ပုံနှိပ် စာမျက်နှာမှတစ်ဆင့် ပထမဆုံး ဝေဖန်ပြောဆိုသည့် အကြောင်းအရာ အဖြစ် မှတ်တမ်းဝင်ခဲ့။
၂၀၁၁ ခုနှစ် သြဂုတ် ၁၂ - အစိုးရသစ် လက်ထက်တွင် ပထမဆုံးပြုလုပ်ခဲ့သော သတင်းစာရှင်းလင်းပွဲ၌ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးကျော်ဆန်းက မြစ်ဆုံစီမံကိန်းများ ဆက်လုပ်၊ မလုပ် ကိစ္စကိုအမျိုးသား အကျိုးစီးပွားအတွက် အစစအရာရာ ချိန်ထိုးပြီး ဆောင်ရွက်မည်ဟု ပြောကြားခဲ့။
၂၀၁၁ ခုနှစ် စက်တင်ဘာ ၁၁ - နေပြည်တော်ရှိ မီးရထားဝန်ကြီးဌာန၀န်ကြီးရုံးတွင် ပြုလုပ်ခဲ့သော မီဒီယာ တွေ့ဆုံပွဲတွင် အမှတ်(၁)လျှပ်စစ်စွမ်းအား ၀န်ကြီးဌာန ပြည်ထောင်စုဝန်ကြီး ဦးဇော်မင်းက မည်သည့် ကန့်ကွက်မှုများ ရှိသည်ဖြစ်စေ၊ ဧရာဝတီမြစ်ဆုံ စီမံကိန်းကို ဆက်လုပ်မည်ဖြစ်ကြောင်းနှင့် ဘယ်တော့မှ နောက်ဆုတ်မည် မဟုတ်ကြောင်း မီဒီယာများကို ပြန်လည်ဖြေကြားခဲ့။
ဦးဇော်မင်း၏ ပြောကြားချက်များကိုလည်း Eleven Media Group အပါအ၀င် အခြားသော နယ်ပယ်အသီးသီးမှ ထင်ရှားသူများ၊ ပညာရှင်များက ပုံနှိပ်စာမျက်နှာများ၊ အင်တာနက် စာမျက်နှာများမှ တစ်ဆင့်တရားဝင်အဖြစ် ပြန်လည်ဝေဖန် ပြောဆိုခဲ့ကြသည့် ပြည်သူလူထု အကြား၌ ဝေဖန်ပြောဆိုမှုများ ကျယ်လောင်စွာ ထွက်ပေါ်လာခဲ့။
ထိုသို့ ဝေဖန်ရာ၌ မြစ်ဆုံ အရေးကိစ္စသည်- (၁) သဘာဝပတ်ဝန်းကျင် ဆိုင်ရာ ကိစ္စရပ် တစ်ခုတည်းကြောင့် မဟုတ်၊ (၂) နိုင်ငံရေးပြဿနာ တစ်ခုတည်းကြောင့် မဟုတ်၊ (၃)အမျိုးသားရေး ပြဿနာ ဖြစ်ခြင်းကြောင့် နိုင်ငံတော်သမ္မတကြီး ဦးသိန်းစိန်အနေဖြင့် နိုင်ငံအကျိုး၊ ပြည်သူ အကျိုးအတွက် မြစ်ဆုံကိစ္စရပ်ကို တိုက်ရိုက်ကိုင်တွယ် ဖြေရှင်းပေးရန် စသော အချက်များကို အဓိကထားပြီး ပြောဆိုလာခဲ့။
၂၀၁၁ ခုနှစ် စက်တင်ဘာ ၁၀ - Save the Irrawaddy ဟောပြောပွဲကို ရန်ကုန်မြို့၌ ပြုလုပ်ခဲ့၊ မောင်စိန်ဝင်း(ပုတီးကုန်း)၊ ကိုတာ၊ ဒေါက်တာထွန်းလွင်နှင့် ကိုမြင့်ဇော်တို့မှ ဟောပြောဆွေးနွေးခဲ့ပြီး ထင်ရှားသော လှုပ်ရှားမှုတစ်ရပ် ဖြစ်ခဲ့။
၂၀၁၁ ခုနှစ် စက်တင်ဘာ ၁၅ - မြစ်ဆုံ စီမံကိန်းအပေါ် ဂျာနယ်များ၏ ရေးသားမှုသည် နိုင်ငံရေးအရ သွေးရိုးသားရိုး မဟုတ်ကြောင်းနှင့် လာရောက်လေ့လာသင့်ပြီး ပညာရှင်ကို ပညာရှင်ချင်း၊ ဓားကို ဓားချင်း၊ တုတ်ကို တုတ်ချင်း ဖြေရှင်းသင့်ကြောင်း ရေအားလျှပ်စစ် အကောင်အထည်ဖော်ရေး ဦးစီးဌာန ညွှန်ကြားရေးမှူး ဦးတင်ဝင်းက မဇ္ဈိမသတင်းဌာနသို့ ပြောကြားခဲ့။
၂၀၁၁ ခုနှစ် စက်တင်ဘာ ၁၇ - ဧရာဝတီမြစ်ဝှမ်း ရေအားလျှပ်စစ် စီမံကိန်းများကြောင့် ဧရာဝတီမြစ်နှင့် သဘာဝပတ်ဝန်းကျင် အပေါ်သက်ရောက်မှု အလုပ်ရုံ ဆွေးနွေးပွဲကို နေပြည်တော်ရှိ အမှတ်(၁) လျှပ်စစ်စွမ်းအား ၀န်ကြီးဌာန၌ ပြုလုပ်။ ဆွေးနွေးပွဲသို့ ဒေါက်တာထင်လှ(ဥက္ကဋ္ဌ၊ BANCA)၊ Mr. Li Guan Ghua(President, CPIYN) ၊ ဦးထွန်းနိုင်အောင်(ဥက္ကဋ္ဌ၊ KKS Group of Companies)၊ ဦးလှမောင်သိန်း (ညွှန်ကြားရေးမှူး၊ ပတ်ဝန်းကျင် ထိန်းသိန်းရေးနှင့် သစ်တောရေးရာ ၀န်ကြီးဌာန)နှင့် ဦးကိုကို (ညွှန်ကြားရေးမှူး၊ ပို့ဆောင်ရေး ၀န်ကြီးဌာန)တို့ စာတမ်းဖတ်ကြားခဲ့။ အဆိုပါ အလုပ်ရုံဆွေးနွေးပွဲသို့ နိုင်ငံရေးပါတီ အသီးသီးမှ လွှတ်တော်ကိုယ်စားလှယ်များ တက်ရောက်ခဲ့။
၂၀၁၁ ခုနှစ် စက်တင်ဘာ ၁၉ - ဧရာဝတီမြစ်ဆုံနှင့် အထက်ဘက် မေခ-မလိခမြစ်ဝှမ်းတွင် ရေအားလျှပ်စစ်စီမံကိန်း ရှစ်ခုအား အကောင်အထည်ဖော် ဆောင်ရွက်လျက်ရှိရာ မြစ်ဆုံ ရေအားလျှပ်စစ် စီမံကိန်း အကောင်အထည်ဖော်မှု ၁၀ ရာခိုင်နှုန်း ပြီးစီးနေပြီး ချီဖွေငယ် ရေအားလျှပ်စစ်စီမံကိန်းမှာ ၉၇ ရာခိုင်နှုန်းကျော် ပြီးစီးနေပြီဟု အမျိုးသားလွှတ်တော် အစိုးရ၏ အာမခံချက်များ၊ ကတိက၀တ်များနှင့် တာဝန် ခံချက်များ ကော်မတီ အတွင်းရေးမှူး အမျိုးသားလွှတ်တော် ကိုယ်စားလှယ် ဦးဝင်းနောင်က လွှတ်တော်၌ ဖတ်ကြားခဲ့။
၂၀၁၁ ခုနှစ် စက်တင်ဘာ ၂၄ - သဘာဝပတ်ဝန်းကျင်နှင့် ပြည်ထောင်စုသမ္မတ မြန်မာနိုင်ငံ ဟောပြောပွဲကို ရန်ကုန်မြို့၌ပြုလုပ်။ ဒေါက်တာထွန်းလွင်၊ ဒူဝါဇောင်ဂမ်၊ ဦးအုန်း၊ Eleven Media Group ၏ CEO ဒေါက်တာ သန်းထွဋ်အောင်၊ ဦးဝင်းမျိုးသူ (မန်နေးဂျင်း ဒါရိုက်တာ Eco Dev) တို့က မြစ်ဆုံအရေးနှင့် ပတ်သက်ပြီး အချက်အလက်များဖြင့် ထောက်ပြပြောဆိုခဲ့။
၂၀၁၁ ခုနှစ် စက်တင်ဘာ ၂၈- မြစ်ဆုံစီမံကိန်း တည်ဆောက်မှုနှင့် ပတ်သက်ပြီး လုပ်ဆောင်နေသော စီမံကိန်းဓာတ်ပုံများကို Eleven Media Group ၀က်ဘ်ဆိုက်စာမျက်နှာ၌ ဖော်ပြ။
၂၀၁၁ ခုနှစ် စက်တင်ဘာ ၃၀ - နိုင်ငံတော်သမ္မတ ဦးသိန်းစိန်၏ မြစ်ဆုံစီမံကိန်းကို မိမိတို့ အစိုးရ လက်ထက်တွင် ယာယီရပ်ဆိုင်းထားရန် လွှတ်တော်သို့ သ၀ဏ်လွှာပေးပို့။ ဒေါ်အောင်ဆန်းစုကြည် အပါအ၀င် အမျိုးသား ဒီမိုကရေစီအဖွဲ့ချုပ် ထိပ်တန်း ခေါင်းဆောင်များ၊ နိုင်ငံရေးသမားများ၊ အစိုးရ၏ အတိုက်အခံများ၊ သတင်းမီဒီယာများနှင့် ပြည်သူလူထုများက သမ္မတ၏ ဆုံးဖြတ်ချက်ကို ကြိုဆိုခဲ့။ ထို့အပြင် အဆိုပါ ဆုံးဖြတ်ချက်ကို နိုင်ငံတကာ အသိုင်းအ၀ိုင်းကလည်း ကြိုဆိုခဲ့ပြီး အမေရိကန်နိုင်ငံ အပါအ၀င် ဥရောပသမဂ္ဂမှလည်း သမ္မတ၏ ဆုံးဖြတ်ချက်ကို ကြိုဆိုကြောင်း တရားဝင် ထုတ်ဖော်ပြောဆိုခဲ့။ မြစ်ဆုံစီမံကိန်း ရပ်ဆိုင်းခဲ့မှုမှာ အစိုးရနှင့် ပြည်သူအကြား နှစ်ပေါင်း ၅၀ ကြာ အတားအဆီးဖြစ်ခဲ့သော နံရံများကို ဖြိုချနိုင်ခဲ့ခြင်းအဖြစ် သတ်မှတ်ခဲ့ပြီး အမျိုးသားညီညွတ်ရေး၏ သင်္ကေတတစ်ခုအဖြစ် မှတ်တမ်းဝင်ခဲ့။
၂၀၁၁ ခုနှစ် အောက်တိုဘာ ၁ - အမေရိကန်ဒေါ်လာ ၃ ဒသမ ၆ ဘီလျံတန်ဖိုးရှိ မြစ်ဆုံစီမံကိန်း ရပ်ဆိုင်းလိုက်ခြင်းနှင့် ပတ်သက်ပြီး ဆွေးနွေးရန် တရုတ်နိုင်ငံခြားရေး ၀န်ကြီးတောင်းဆို။
၂၀၁၁ ခုနှစ် အောက်တိုဘာ ၃ - မြစ်ဆုံစီမံကိန်း ရပ်ဆိုင်းထားပါက ဥပဒေကြောင်းအရ ရင်ဆိုင်ရမည့် အခြေအနေများသို့ ဦးတည်သွားနိုင်ကြောင်း တရုတ်စွမ်းအင်ကုမ္ပဏီ(CPI)ဥက္ကဋ္ဌ လူကျိရှိုက ဆင်ဟွာ သတင်းဋ္ဌာနသို့ ဖြေကြားရင်း ခြိမ်းခြောက်မှုပြုလုပ်ခဲ့။
၂၀၁၁ ခုနှစ် အောက်တိုဘာ ၁၀ - မြစ်ဆုံစီမံကိန်း ရပ်ဆိုင်းထားမှုနှင့်ပတ်သက်ပြီး မြန်မာနှင့်တရုတ် ညှိနှိုင်းဆောင်ရွက် သွားရန် နှစ်ဖက်နိုင်ငံခြားရေးဝန်ကြီးများ သဘောတူညီခဲ့။
၂၀၁၁ ခုနှစ် အောက်တိုဘာ ၂၀- ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ သီဟသူရ ဦးတင်အောင်မြင့်ဦးနှင့် တရုတ်နိုင်ငံ ၀န်ကြီးချုပ်ဝမ်ကျားပေါင်တို့ နန်နင်းမြို့၌ တွေ့ဆုံခဲ့ပြီး မြစ်ဆုံစီမံကိန်းနှင့် ပတ်သက်သော ကွဲလွဲချက်များက နှစ်နိုင်ငံဆက်ဆံရေးကို မထိခိုက်စေနိုင်ကြောင်း တရုတ်မီဒီယာများက ဖော်ပြခဲ့။
၂၀၁၂ ခုနှစ် ဇန်န၀ါရီ ၃၀ - မြစ်ရေတင်စီမံကိန်းများ၊ ရေလှောင်တမံ၊ ရေလွှဲကန်စီမံကိန်းများကို ကျပ်သန်းပေါင်းများစွာ အကုန်ကျခံ တည်ဆောက်ထားသော်လည်း လျာထားချက်အတိုင်း အမှန်တကယ် ရေပေးဝေနိုင်မှု မရှိသောကြောင့် စီမံကိန်းအသစ်များ ထပ်မံတည်ဆောက်ခြင်းကို ရန်တန့်ထားရန် ပြည်သူ့ လွှတ်တော်မှ သဘောတူ။
ကျေးဇူးပဲ့တင်သံ အခမ်းအနားသို့ တက်ရောက်ခဲ့သူ တချို့၏ ပြောစကားများ
ကျွန်တော့် စိတ်ခံစားချက်ကတော့ ဒီပွဲလေးကိုတက်ရတာ သိပ်ကောင်းတာပဲဗျာ။ ပထမဆုံး အခမ်းအနား စဖွင့်တော့ပြောတဲ့ အရောင်စုံတဲ့ တိုင်းရင်းသားတွေ ဆိုတာကိုပါ။ အဲဒါကို သဘောကျတယ်။ အခု ရောင်စုံ တိုင်းရင်းသားရောင်စုံ အဖွဲ့အစည်းအမျိုးမျိုးပေါ့ဗျာ။ ၈၈ လည်းပါတယ်။ ပညာရှင်လည်း ပါတယ်။ ကျွန်တော်တို့ အနုပညာသမားလည်း ပါတယ်။ ရွာသူရွာသားလည်း ပါတယ်။ NGO တွေလည်းပါတယ်။ အဲဒီလိုအရောင်လည်း စုံတယ်။ အသွေးလည်းစုံတယ်။ ပညာရောင်စုံ အတွေးအခေါ်ရောင်စုံ ရှိတယ်။ အဲဒါတွေ အကုန်လုံးက ဒီမှာစုစုစည်းစည်းသန္ဓိဌာန်ချတဲ့ စကားလေးတွေကြားရတော့ တအားဝမ်းသာတယ်။ မနေ့က တစ်နေကုန်ဟာ တကယ်ကိုတန်ဖိုးရှိတဲ့ နေ့တစ်နေ့ပါ။ လာတဲ့သူတွေ အားလုံးက မြစ်ဆုံကြီးရပ်လိုက်ပြီဆိုပြီး စိတ်ချလက်ချဝမ်းသာပြီး ကြွေးကြော်နေတဲ့ သူတွေမဟုတ်ဘဲနဲ့ အားလုံးက မြစ်ဆုံကြီး လောလောဆယ် ခေတ္တရပ်လိုက်တာ ကျေးဇူးတင်တယ်။ လုပ်ရမယ်ဆိုရင် နောက်ထပ် ထပ်ပြီးကိုယ့်ဘက်က ဆက်လုပ်ရမှာတွေ ကတိတွေ သန္ဓိဌာန်တွေ မျှော်မှန်းတာတွေ အဲဒီမျှော်မှန်းချက်တွေနဲ့ လုပ်စရာတွေကို ကတိပေးတဲ့ ပွဲလေးတစ်ပွဲလို့ ခံစားရပါတယ်။
ဆရာအော်ပီကျယ်
ကချင်တိုင်းရင်းသား တစ်ယောက်အနေနဲ့ ကျွန်တော်တို့ဆီမှာ ဒီလိုတွေ ကြောက်နေရတာ မဖြစ်ချင်တော့ဘူး။ ဘာကိုကြောက်မှန်းမသိ ကြောက်နေရတာ။ ကျွန်တော်မှာ သမီးနှစ်ယောက်နဲ့ မိန်းမရှိတယ်။ ကိုယ့်အတွက် စိတ်ပူတာထက် မိသားစုအန္တရာယ်ရှိမှာ ကြောက်တယ်။ အခုဘာ အလုပ်မှမရှိဘူး။ နေစရာရှိပေမယ့် စားစရာမရှိလို့ ကိုယ့်နေရာကိုပဲ ပြန်ချင်တယ်။
မလိဇွပ်ရွာသားတစ်ဦး
ဒီကိုလာခွင့်မပေးဘူး။ ပြောင်းနေရတဲ့ နေရာကလည်း ကျဉ်းကျဉ်းလေးရယ်။ ငါပေးလိုက်ရတာ လိမ္မော်ခြံတွေ။ အခုသားသမီးတွေကို ပေးစရာ ဘာမှမကျန်တော့ဘူး။ ငါတို့ ဘာမှအပြစ်လုပ်တာလည်း မရှိဘဲနဲ့ လုပ်ကိုင် စားလို့ မရတော့တဲ့ အခြေအနေထိ ရောက်သွားရတာ။ ဒီနေရာမှာပြန်နေလို့ ရရင်ပြန်ချင်တယ်။ ဒီနှစ်ဆို တောင်ယာလည်း မစိုက်လိုက်ရဘူး။
တန်ဖဲကျေးရွာမှ အသက်(၆၀)၀န်းကျင်အမျိုးသမီးကြီးတစ်ဦး
ငါးနှစ်အတွက် ဆိုတာထက် တစ်သက်လုံးအတွက် သေချာစေချင်တယ်။ ကိုမင်းကိုနိုင် ပြောသလိုပဲ နှာခေါင်းမြုပ်တဲ့အထိ ဒီနေရာကိုကာကွယ်သွားရပါမယ်။ ဒီပွဲမှာလာပြီးပြောသွားတဲ့ ဆရာတွေရဲ့ စကားကြောင့် ကိုယ်လုပ်ရမယ့် အလုပ်ကိုပိုပြီး သိလာတယ်။
တန်ဖဲကျေးရွာသား လူငယ်တစ်ဦး
Ref: EMG News
Read More...
Collapse...
2012-02-26
၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်နဲ့အဖွဲ့ဟာ ဒီကနေ့ ရမည်းသင်းနဲ့ မြင်းခြံဘက်ကို ခရီး လှည့်လည် နေပြီး ပွင့်လင်း လွတ်လပ်တဲ့ လူ့အဖွဲ့အစည်းရဲ့ အခြေခံ သဘောတရားတွေကို လိုက်လံ ဆွေးနွေး နေကြောင်း သတင်းရရှိပါတယ်။
ကိုမင်းကိုနိုင်နဲ့ ၈၈ မျိုးဆက်ကျောင်းသားများအဖွဲ့ဟာ ဒီကနေ့ မနက်ပိုင်းက မန္တလေးကနေ ထွက်ခွါလာပြီး၊ ရမည်သင်းမြို့နယ် ရွှေဒါးရွာမှာ ရွှေည၀ါ ဆရာတော်ရဲ့ ဘုရားထီးတင်ပွဲကို သွားရောက် အားပေးခဲ့ပါတယ်။ အဲဒီနောက် မြင်းခြံဘက်ကို ဆက်လက် ထွက်ခွါခဲ့ပါတယ်။
ဒါ့အပြင် တောင်သာ၊ ပျော်ဘွယ် စတဲ့မြို့တွေကိုလည်း ၀င်ရောက်ပြီး မြို့ခံပြည်သူတွေ၊ ဒီမိုကရေစီ လိုလား သူတွေနဲ့ တွေ့ဆုံ စကားပြောခဲ့ပါတယ်။
မနက်ဖြန် ၂၇ ရက်နေ့နဲ့ ၂၈ ရက်နေ့တွေမှာ မန္တလေးက နိုင်ငံရေး၊ လူမူရေးအဖွဲ့အစည်းတွေနဲ့တွေ့ဆုံပြီး၊ လက်ရှိ ဖြစ်ပေါ် ပြောင်းလဲလာတဲ့ အခြေအနေ အောက်မှာ ပွင့်လင်းတဲ့ လူ့အဖွဲ့အစည်း တစ်ရပ်ကို ဘယ်လိုဝိုင်းဝန်း တည်ဆောက် သွားကြမလဲ ဆိုတဲ့ အခြေခံ အယူအဆတွေကို ဆွေးနွေးသွားမယ်လို့ ကျောင်းသားခေါင်းဆောင် ကိုဂျင်မီက ရှင်းပြခဲ့ပါတယ်။
ဒီကနေ့ ခရီးစဉ်အတွင်း ၈၈ မျိုးဆက်ကျောင်းသားအဖွဲ့ဝင် စုစုပေါင်း ၃၁ ဦးလိုက်ပါသွားတယ်လို့ သိရပါတယ်။
Ref: RFA News
Read More...
Collapse...
ရန်ပိုင်
February 24, 2012
ကချင်ပြည်နယ်တွင် ငြိမ်းချမ်းရေး ရေရှည်ခိုင်မြဲမှု မရှိခြင်းမှာ အစိုးရနှင့် တိုင်းရင်းသား လက်နက်ကိုင် အဖွဲ့တို့ နိုင်ငံရေး အရ သဘော တူညီခြင်း မရှိခဲ့သောကြောင့် ဖြစ်သည်ဟု မြစ်ကြီးနားမြို့တွင် ရောက်ရှိနေသော အမျိုးသား ဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်က ယနေ့ ပြောလိုက်သည်။
ယနေ့နံနက် ၉နာရီခန့်က ပြုလုပ်သည့် လူထုဟောပြောပွဲတွင် KIA ခေါ် ကချင်လွတ်လပ်ရေး တပ်မတော် နှင့် မြန်မာ့ တပ်မတော်တို့ နှစ်ပေါင်းများစွာ အပစ်အခတ် ရပ်စဲနိုင်ခဲ့ပြီးမှ ယခု ပြန်လည် တိုက်ခိုက် နေကြခြင်းကို ရည်ရွယ် ပြောဆို လိုက်ခြင်းဖြစ်သည်။
“၁၇ နှစ်ကြာ ရထားတဲ့ အပစ်အခတ် ရပ်စဲရေး ပျက်သွားပြီ၊ ဒါ ဘာကြောင့်လဲ ဆိုတော့ နိုင်ငံရေးအရ သဘော တူညီချက် တခု မရနိုင်ခဲ့လို့၊ နိုင်ငံရေးအရ သဘော တူညီချက်ဆိုတာ ရေရှည် လုပ်ယူရမယ့်ကိစ္စ” ဟု ဒေါ်အောင်ဆန်းစုကြည်က ပြောလိုက်သည်။
မြန်မာ့တပ်မတော်သည် နိုင်ငံအေးချမ်းရေး အတွက် ဒီမိုကရေစီ စိတ်ဓာတ် အပြည့်ရှိရန် လိုအပ်ကြောင်း၊ တိုင်းရင်းသား လက်နက်ကိုင် အဖွဲ့အစည်း များကလည်း ပြည်ထောင်စု အတွင်းမှ ပေါက်ဖွားလာသူများ ဖြစ်သည့်အတွက် နိုင်ငံ ထူထောင်မှုတွင် ပါဝင်ရမည်၊ ညီညွတ်မှု အင်အားဖြင့် နိုင်ငံကာကွယ်ရေး၊ တိုးတက်ရေးကို လုပ်ဆောင်ရမည်ဖြစ်ကြောင်း ပြောလိုက်သည်။
ဒီမိုကရေစီလမ်းကြောင်းကို မှန်ကန်စွာ လျှောက်လှမ်းမည် ဆိုလျှင် အကူအညီပေးမည့် နိုင်ငံ များစွာ ရှိပြီး အစိုးရ၊ တပ်မတော်၊ နိုင်ငံရေး ပါတီများ၊ တိုင်းရင်းသားများ အားလုံး လက်တွဲ လုပ်ဆောင်ရန် လိုအပ်သည်ဟု ဆိုသည်။
ယခု ရက်ပိုင်းအတွင်း ကချင်ပြည်နယ် ဒေသအများအပြားကို လှည့်လည် သွားလာနေသည့် ဒေါ်အောင်ဆန်းစုကြည်က ထိုဒေသရှိ တိုင်းရင်းသားများသည် ငြိမ်းချမ်ရေး၊ ဖွံဖြိုး တိုးတက်ရေး အတွက် ဆန္ဒရှိသည်ကို တွေ့မြင်ရသည်ဟု ပြောဆိုသွားသည်။
ယနေ့နံနက်ပိုင်း ဟောပြောပွဲသို့ ပရိသတ် ၄သောင်းနီးပါးခန့် တက်ရောက်ကြောင်း၊ ဒေါ်အောင်ဆန်းစုကြည်သည် ယမန်နေ့ ညက ပြုလုပ်သည့် ညစာစားပွဲတွင် ကချင်ပြည်နယ် အတွင်းရှိ ခေါင်းဆောင်များနှင့်လည်း တွေ့ဆုံကြောင်း မြစ်ကြီးနားမြို့ NLD အဖွဲ့ခွဲ တာဝန်ခံ တဦးဖြစ်သူ ဦးနေ၀င်းက ဧရာဝတီကို ပြောသည်။
ဒေါ်အောင်ဆန်းစုကြည်သည် ကြားဖြတ်ရွေးကောက်ပွဲအကြိုကာလ ၎င်း၏ ပထမဆုံး တိုင်းရင်းသား လူမျိုးစုဒေသ ခရီးစဉ်ဖြစ်သည့် မြစ်ကြီးနားမြို့ ဟောပြောပွဲတွင် တက်ရောက်နား ထောင်သည့် ပြည်သူများနှင့်လည်း အပြန်အလှန် ဆွေးနွေး ပြောဆိုခဲ့သည်။
“ပြည်သူအကြိုက် ဟုတ်သည်ဖြစ်စေ မဟုတ်သည်ဖြစ်စေ၊ မှန်သည်ဖြစ်စေ၊ မမှန်သည်ဖြစ်စေ၊ ငါတို့ မဲရရင်ပြီးရော လုပ်တဲ့ သူတွေကို အားမကိုးပါနဲ့” ဟု ဒေါ်အောင်ဆန်းစုကြည်က ပြောသည်။
၁၉၄၇ ခုနှစ်က ဗိုလ်ချုပ်အောင်ဆန်း ပြောဆိုခဲ့သည့် “ပေးတာယူ၊ ကျွေးတာစား၊ ခြောက်တိုင်း မကြောက်နဲ့၊ ဒါပေမယ့် မဲပေး မှန်ဖို့တော့ လိုတယ် ”ဆိုသည့် စကားရပ်ကို သုံးကာ ဥပမာ ပေးလိုက်သည်။
မကြာသေးမီက ရန်ကုန်တိုင်း ကော့မှူးမြို့နယ်သို့ သွားရောက်စဉ် ပါတီကြီးတခုက ဒေသခံများ NLD အား မဲပေးလျှင် ၎င်းတို့ ပေးအပ်ထားသည့် ချေးငွေများ ပြန်တောင်း မည်ဟူသော ခြိမ်းခြောက် ပြောဆိုမှုများကို ကြားသိ ခဲ့ရကြောင်း ဒေါ်အောင်ဆန်းစုကြည်က ပြောသည်။
ခြိမ်းခြောက်ပြောဆိုမှုများနှင့် ကြုံရလျှင် NLD ပါတီကို အသိပေးတိုင်ကြားနိုင်ကြောင်း၊ မဲရရှိရန် လာဘ်ထိုးခြင်း၊ ခြိမ်းခြောက် ပြောဆိုခြင်း တို့သည် ရွေးကောက်ပွဲ စည်းကမ်းနှင့် မညီကြောင်း၊ ပြည်သူများ မှန်ကန်စွာ မဲထည့်ရန် လိုအပ်ကြောင်း ဒေါ်အောင်ဆန်းစုကြည်က ဒေသခံများကို ပြောသည်။
NLD ပါတီရွေးကောက်ပွဲ ၀င်ရောက်ရခြင်းမှာ စစ်မှန်သည့် ဒီမိုကရေစီ ပြည်ထောင်စု ထူထောင်ရန် ဖြစ်ပြီး၊ ပြည်သူများ အနေဖြင့်လည်း တန်းတူညီမျှပြီး တဦး အပေါ်တဦး လေးစားသည့် ပင်လုံစိတ်ဓာတ်ကို အခြေခံရန် လိုအပ်ကြောင်း ကချင် ရိုးရာဝတ်စုံကို ၀တ်ဆင်ထားသည့် ဒေါ်အောင်ဆန်းစုကြည်က ပြောသည်။
ယခုကဲ့သို့ ပြည်သူများအား စုရုံး ဟောပြောနိုင်ခြင်းသည် သမ္မတကြီး ဦးသိန်းစိန်၏ ပြုပြင် ပြောင်းလဲရေး ခြေလှမ်းကြောင့် ဖြစ်ပြီး ဒီမိုကရေစီ အတွက် အဖွဲ့အစည်း ပေါင်းစုံ ပါဝင်ရန် ဖွင့်ပေးလိုက်ခြင်း ဖြစ်သည်ဟု ဆိုသည်။
ဒေါ်အောင်ဆန်းစုကြည်၏ ပြောဆိုချက်များတွင် စီးပွားရေးအကြောင်းအရာများလည်းပါဝင်သည်။
နိုင်ငံစီးပွားရေး ပြုပြင်ရာတွင် မိမိတို့ ဖြစ်စေချင်သည့် ဆန္ဒတခုကိုသာ ဦးစားပေးခြင်း မဖြစ်သင့်ကြောင်း၊ ဘက်ပေါင်းစုံက ကြည့်ရှု စဉ်းစားရမည် ဖြစ်ကြောင်း ထည့်သွင်း ပြောဆိုသည်။
“အလုပ် မရှိလို့ ကွမ်းယာရောင်း၊ အရက်ရောင်းနေတဲ့လူတွေကို မရောင်းစေချင်ဘူး ဆိုရင် သူတို့အတွက် ဘယ်လို အလုပ်မျိုးတွေ ဖန်တီး ပေးမလဲ ဆိုတာကို စဉ်းစားရမယ်” ဟု ပြောသည်။
နံနက် ၁၁နာရီခန့်တွင် ဟောပြောပွဲ ပြီးဆုံးသွားပြီး ဒေါ်အောင်ဆန်းစုကြည်နှင့် အဖွဲ့သည့် ဗန်းမော်မြို့ ဆက်လက် ထွက်ခွာ သွားသည်။
လာမည့် ၃၅ ရက်ခန့်တွင် ကြားဖြတ်ရွေးကောက်ပွဲ ကျင်းပမည်ဖြစ်ပြီး ဒေါ်အောင်ဆန်းစုကြည်က ရွေးကောက်ပွဲ ပြုလုပ်မည့် ဒေသ အများအပြားသို့ သွားရောက် မဲဆွယ်ရန် စီစဉ်ထားသည်။
Ref: ဧရာဝတီ
Read More...
Collapse...
2012-02-26
NLDပါတီဥက္ကဌ ဒေါ်အောင်ဆန်းစုကြည်ဟာ ရန်ကုန်တိုင်း သုံးခွမြို့နယ်ကို ဒီကနေ့ညနေ (၆)နာရီလောက် ရောက်ရှိသွားပြီး သုံးခွမြို့နယ်မှာ NLDပါတီ လွှတ်တော်ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်မယ့် ဒေါ်စုစုလွင်အတွက် မဲဆွယ်စည်းရုံး ဟောပြောခဲ့ပါတယ်။
အဲဒီလိုပြောဆိုရာမှာ ပြည်သူတွေအနေနဲ့ မိမိတို့ရဲ့ လွတ်လပ်စွာ မဲပေးပိုင်ခွင့်ကို အပြည့်အဝအလေးထားဖို့လိုကြောင်း ဒီအခွင့်အရေးဟာ ရှားပါးတဲ့အခွင့်အရေးဖြစ်တာကြောင်း ၊ မိမိတို့ရဲ့ မဲတပြားကို အလဟဿ မဖြစ်စေလိုကြောင်း ဟောပြောပါတယ်။
လာမယ့်ဧပြီလ ကြားဖြတ်ရွေးကောက်ပွဲဟာ(၄၈)နေရာသာ ရှိတယ်ဆိုပေမယ့်အရေးကြီးကြောင်း၊ NLDပါတီအနေနဲ့လဲ ပြည်သူတွေ အကျုိးကို ထမ်းဆောင်ခွင့်ရဖို့ နေရာအားလုံးမှာ အနိုင်ရရေးကြိုးပမ်းသွားမှာဖြစ်ကြောင်း ဒေါ်အောင်ဆန်း စုကြည်က ပြောဆိုပါတယ်။
ဒါ့အပြင် သုံးခွမြို့နယ်မှာ ဝင်ရောက်ယှဉ်ပြိုင်မယ့် အခြားပါတီ(၃)ခုရှိပြီး ပါတီတခုခုက ခြိမ်းခြောက်တာဖြစ်ဖြစ် မဲဆွယ်တာပဲ ဖြစ်ဖြစ် ရှိလာရင် အကြောက်တရား မထားကြဖို့လည်း မှာကြားပါတယ်။
သုံးခွမြို့နယ်မှာ NLDပါတီ လွှတ်တော်ကိုယ်စားလှယ်လောင်းအဖြစ် ယှဉ်ပြိုင်မယ့် ဒေါ်စုစုလွင်ဟာ ကွယ်လွန်သွားပြီ ဖြစ်တဲ့ NLD ပါတီ အတွင်းရေးမှူးတဦးဖြစ်သူ ဦးလွင်ရဲ့သမီးဖြစ်ပြီး ပညာရေးဆိုင်ရာ ကျွမ်းကျင်သူတဦးဖြစ်ပါတယ်။
Ref: RFA News
Read More...
Collapse...
February 24, 2012
အံ့ဘုန်းမြတ်
အကျဉ်း ထောင်အသီးသီးမှာ ကျန်ရစ်ခဲ့ကြတဲ့ ယုံကြည်ချက် အကျဉ်းသားတွေ လွတ်မြောက်ရေး အတွက် စာရေး၊ စာတင် တောင်းဆိုရုံမျှဖြင့် မရနိုင်တော့ဘဲ တောင်းဆိုမှု အဆင့်ဆင့် ပြုလုပ်ရတော့မယ်လို့ အရှင်ဝီရသူက မိန့်ကြား လိုက်ပါတယ်။
ပြီးခဲ့တဲ့ လွတ်ငြိမ်းချမ်းသာခွင့်နဲ့ ပြန်လည်လွတ်မြောက်တဲ့ အရှင်ဝီရသူလို့ လူသိများတဲ့ ဆရာတော် ဘဒ္ဒန္တဝိစိတ္တာ ဘိဝံသ (မစိုးရိမ် တိုက်သစ်) က ဒီလ ၂၂ ရက်နေ့က ကြေညာချက် တစောင် ထုတ်ပြန် မိန့်ကြား လိုက်တာပါ။
ပြည် ထောင်စုအစိုးရ ပြည်ထဲရေး ဝန်ကြီးဌာန ဝန်ကြီးအပါအဝင် အမျိုးသားလူ့အခွင့်ရေး ကော်မရှင်တွေကိုပါ ကျန်ရှိတဲ့ ယုံကြည်ချက် အကျဉ်းသား စာရင်းကို တင်ပြခဲ့ပေမယ့် ဒီနေ့ အချိန်အထိ ပြန်လွှတ်ပေးတာမျိုး မရှိသေးတဲ့အပေါ် ဆရာတော်က မိန့်ကြား လိုက်တာပါ။
“ဦးဇင်း လွတ်လာပြီး ရက်ပိုင်းအတွင်းမှာပဲ သတင်းစာရှင်းလင်းပွဲ လုပ်တယ်လေ။ အဲ့ဒီပွဲမှာ ယုံကြည်ချက် အကျဉ်းသားတွေ ကျန်တာ ရှိရင် စာရင်းပေးပါ။ လွှတ်ပေးပါမယ် ဆိုပြီး အစိုးရကိုယ်တိုင် တရားဝင် ကမ်းလှမ်းခဲ့တယ်လေ။ ဦးဇင်းက မန္တလေးထောင်နဲ့ မြစ်ကြီးနားထောင်မှာ နေခဲ့တာဆိုတော့ မန္တလေးထောင်မှာ ကျန်ခဲ့တဲ့ အကျဉ်းသားတွေ စာရင်း ကောက်လိုက်တယ်။ မြစ်ကြီးနားထောင်မှာ ကျန်ရှိ တဲ့ အကျဉ်းသားစာရင်းနဲ့ ပေါင်းလိုက်တဲ့အခါမှာ မန္တလေးထောင်မှာ ၇၆ယောက်ကျန်တယ်။ ၇၆ယောက်ထဲမှာ ဦးဇင်း ၁၈ ပါး၊ ကိုရင် ၂ ပါး။ မြစ်ကြီးနားမှာ နိုင်ငံရေး ယုံကြည်ချက်နဲ့ ကျတဲ့ ဦးဇင်း ၂ ပါးကျန်တယ်။ အားလုံးပေါင်းတော့ ၇၈ ယောက်ပေါ့။ ဦးဇင်း စာရင်းပြုစုပြီးတော့ မြန်မာနိုင်ငံ လူ့အခွင့်အရေး ကော်မရှင်ကိုလည်း တင်တယ်။ ဒုတိယ ဗိုလ်ချုပ်ကြီး ကိုကို ပြည်ထဲရေး ပြည်ထောင်စု ဝန်ကြီးဌာန ကိုလည်း တင်တယ်။ နောက် အိတ်ခ်ျအာဒဗလျူတို့ ဆိုင်ရာအဖွဲ့အစည်းတွေကိုလည်း တင်တယ်။ အဲ့လို စာတင်ပြီးတော့ နေခဲ့တယ်။ ပြည်ထောင်စုနေ့ အခါကြီးရက်ကြီးမှာ လွှတ်မလားနဲ့ပေါ့။ ဒါပေမယ့် ပြည်ထောင်စုနေ့မှာလည်း မထူးခြားလာဘူးလေ။ ဒါကြောင့် ဒီကြေညာ ချက်ကို ထုတ်လိုက်တာ။”
ဒီလို တောင်းဆိုမှု အဆင့်ဆင့်ကို ပြုလုပ်တဲ့နေရာမှာလည်း သမ္မတကြီး ဦးသိန်းစိန်နဲ့ ဒေါ်အောင်ဆန်းစုကြည်တို့ ဖော်ဆောင်နေတဲ့ ဒီမိုကရေစီလမ်းစဉ်ကို မထိခိုက်စေဘဲ ငြိမ်းချမ်းစွာနဲ့ အေးချမ်းစွာ ဝတ်ပြုဆုတောင်းတာ၊ ဆန္ဒပြုတာတွေကို အရင်ဆုံး ဆောင်ရွက်သွားမှာဖြစ် ပြီး လာမယ့် တပေါင်းလပြည့်နေ့ နောက်ပိုင်းမှာ စတင်ပြုလုပ်တော့မှာ ဖြစ်ပါတယ်။
“တပေါင်း လပြည့်နေ့ကို တချက် မှန်းထားပါတယ်။ တပေါင်းလပြည့်နေ့က ရွှေတိဂုံစေတီတော် နှစ် ၂၆၀၀ ပြည့်နဲ့လည်း ကြုံတော့ ဒီလို ရက်မျိုးမှာ သာသနာ့ ဒါယိကာကြီးတွေက ဒီလို လွတ်ငြိမ်းချမ်းသာခွင့် ကုသိ်ုလ်ထူးတွေများ လုပ်ကြဦးမလားဆိုတဲ့ မျှော်လင့်ချက်လေးနဲ့ ဦးဇင်း တပေါင်းလပြည့်နေ့ကို စောင့်ပါဦးမယ်။ တပေါင်းလပြည့်ကျော်လို့မှ လွတ်ငြိမ်းချမ်းသာဖို့ အစီအစဉ် မရှိဘူးဆိုရင် ပြန်မလွတ်သေးတဲ့ ယုံကြည်ချက် အကျဉ်းသားတွေရဲ့ မိသားစုတွေနဲ့ လွတ်မြောက်လာတဲ့ ယုံကြည်ချက် အကျဉ်းသားဟောင်းတွေ ပေါင်းပြီးတော့ ငြိမ်းငြိမ်းချမ်းချမ်း၊ သိမ်သိမ်မွေ့မွေ့၊ ညင်ညင်သာသာနဲ့ အေးအေးဆေးဆေး ဖြစ်သွားအောင် ဝတ်ပြု၊ ပရိတ်ရွတ်၊ ဆန္ဒပြု၊ ဆုတောင်းပွဲလေးက စမှာပါပဲ။”
အရှင်ဝီရသူ မစိုးရိမ် ဆရာတော်ဟာ မြစ်ကြီးနားထောင်ကနေ ပြန်လည် လွတ်မြောက်လာစကလည်း အကျဉ်းကျခံနေရတဲ့ ရဟန်းသံယာတော်တွေနဲ့ နိုင်ငံရေးအကျဉ်းသားတွေ တယောက်မကျန်ပြန်လွှတ်ဖို့နဲ့ ရဟန်းသံယာတော်တွေ အကျဉ်းကျနေစဉ် သင်္ကန်းဝတ်ဆင်ခွင့်ရရှိဖို့ အဖြူရောင် သင်္ကန်းကို ဝတ်ဆင်တောင်းဆိုခဲ့ဖူးပါတယ်။
ဆရာတော်ဟာ ထေရဝါဒတိုက်ပွဲ (သို့) ထေရဝါဒဒို့တိုင်းပြည်နဲ့ ပရိယတ္တိရွှေချိန်ခွင် စာအုပ်တွေကို ပြုစုရေးသားခဲ့တဲ့ပြီး။ အမျိုးဂုဏ်၊ ဇာတိဂုဏ်မြှင့်တင်ရေး တရားတွေကို ဟောကြားထုတ်ဝေခဲ့ပါတယ်။
ဒါ့အပြင် ဆရာတော်ဟာ ဖမ်းဆီးမခံရခင်မှာ ဓမစရိယသင်တန်းတွေ၊ ဗုဒ္ဓဘာသာယဉ်ကျေးမှု သင်တန်းတွေ ဖွင့်လှစ်ခဲ့သလို သွေးလှူ ဘဏ်နဲ့ စာကြည့်တိုက်စတဲ့ လူမှုရေးလုပ်ငန်းတွေကိုလည်း လုပ်ကိုင်ခဲ့ပါတယ်။
၂၀၀၃ ခုနှစ်မှာတော့ ဆရာတော်ကို စစ်အစိုးရက ဖမ်းဆီးခဲ့ပြီး ထောင်ဒဏ် ၂၅ နှစ် ပြစ်ဒဏ်ချမှတ်ခံခဲ့တာပါ။ အကျဉ်းကျခံနေရစဉ် ၂၀၁၁ ခုနှစ်မှာတော့ ဂျပန်နိုင်ငံရောက် မြန်မာနိုင်ငံသားတွေ စုပေါင်းပြီး အညတရသူရဲကောင်းဆု ဆရာတော်ကို ချီးမြှင့်ခဲ့ပါတယ်။
Ref: ဒီဗွီဘီ
Read More...
Collapse...
February 25, 2012
ကိုထွေး
တိုင်းရင်းသား လက်နက်ကိုင် မွန်ပြည်သစ်ပါတီနဲ့ အစိုးရအကြား အပစ်အခတ် ရပ်စဲရေး သဘောတူ လက်မှတ်ရေးထိုးလိုက်ပါပြီ။
မွန်ပြည်သစ်ပါတီနဲ့ အစိုးရ ငြိမ်းချမ်းရေး အဖွဲ့တွေ မွန်ပြည်နယ် မော်လမြိုင်က ကမ်းနားဟိုတယ်မှာ ဒီနေ့မနက်က တွေ့ဆုံခဲ့အပြီးမှာ အပစ်အခတ်ရပ်စဲရေး အပါအဝင် ငြိမ်းချမ်းရေး သဘောတူညီချက်တွေ လက်မှတ်ထိုးနိုင်ခဲ့တာပါ။
မြန်မာအစိုး ရဘက်က ဦးအောင်မင်းခေါင်းဆောင်တဲ့ ပြည်ထောင်စုအဆင့် ငြိမ်းချမ်းရေး ကိုယ်စားလှယ်အဖွဲ့နဲ့ မွန်ပြည်သစ်ပါတီက နိုင်ရောစခေါင်းဆောင်တဲ့ ကိုယ်စားလှယ်တွေ ဆွေးနွေး လက်မှတ်ရေးထိုးရာမှာ ပြည်ထောင်စုအဆင့် သဘောတူညီချက် ၄ ချက်နဲ့ ပြည် နယ်အဆင့် သဘောတူညီချက် ၅ ချက် နှစ်ဆင့်ခွဲပြီး သဘောတူ လက်မှတ်ရေးထိုးခဲ့တယ်လို့သိရပါတယ်။
ပြည် ထောင်စုအဆင့် သဘောတူညီချက်တွေမှာ တပြည်လုံးအတိုင်းအတာနဲ့ အပစ်အခတ်ရပ်စဲဖို့ အထူးသဖြင့် တိုင်းရင်းသားနယ်မြေတွေမှာ ဖြစ်ပွားနေတဲ့ လက်နက်ကိုင် ပဋိပက္ခ အမြန်ဆုံးရပ်စဲဖို့၊ အပစ်အခတ်ရပ်စဲချိန်ကစပြီး အများဆုံး ၄၅ ရက် အတွင်း နိုင်ငံရေး ဆွေးနွေးပွဲစတင်ဖို့ စတဲ့ အဓိက သဘောတူညီချက် ၄ ချက် ရယူနိုင်ခဲ့ပါတယ်။
သဘောတူညီချက် တွေထဲမှာ နှစ်ဖက် အပစ်အခတ် ရပ်စဲပြီးတဲ့နောက်မှာ ဒေသတည်ငြိမ်ရေးနဲ့ ဖွံ့ဖြိုးတိုးတက်ရေး ပူးပေါင်းဆောင်ရွက် သွားဖို့၊ အပစ်အခတ် ရပ်စဲထားစဉ်အတွင်း မွန်ပြည်နယ်နှင့် ဆက်စပ်နယ်မြေများတွင် စစ်အင်အား ထပ်မံတိုးချဲ့တာတွေ မလုပ်ဆောင်ဖို့၊ အကျဉ်းထောင်တွင် ကျန်ရှိနေသည့် နိုင်ငံရေးသမားများ အားလုံးနဲ့ မွန်ပြည်သစ်ပါတီ ရဲဘော်များကို လွှတ်ပေးဖို့နဲ့ အဓမ္မလုပ်အားပေး ခိုင်းစေမှုတွေကို ရှောင်ကြဉ်ဖို့တွေလည်း သဘောတူညီချက်မှာ ပါရှိပါတယ်။
ပြည်နယ်အဆင့် ပဏာမ သဘောတူညီချက်တွေထဲမှာတော့ နှစ်ဦးနှစ်ဖက် ပစ်ခတ်တိုက်ခိုက်မှု ရပ်ဆိုင်းရန်၊ ပြည်ထောင်စုအဆင့် ငြိမ်းချမ်းရေးဆွေးနွေးရေး အဖွဲ့နှင့် ဆွေးနွေးရန်အတွက် ကိုယ်စားလှယ်အဖွဲ့ တရားဝင် ဖွဲ့စည်းပေးရန်၊ ဆက်ဆံရေးစခန်းကို နှစ်ဖက်သဘော တူသည့် သင့်တော်ရာ နေရာ၌ ထားရှိရန်၊ နှစ်ဖက် သဘောတူညီထားသော နယ်မြေများမှအပ နယ်မြေကျော်လွန် လက်နက်ကိုင်ဆောင် သွားလာမှုများကို နှစ်ဖက် ကြိုတင် ညှိနှိုင်းရန်နဲ့ နှစ်ဖက် သဘောတူညီမှု ညှိနှိုင်းရရှိထားသည့် သတ်မှတ်နေရာများတွင် နေထိုင်ရန် ကိစ္စတွေ ပါဝင်ပါတယ်။
နှစ်ဖက် ဆွေးနွေးပွဲအပြီး သတင်းစာရှင်းလင်းပွဲလည်း ပြုလုပ်ခဲ့ပါတယ်။
Ref: ဒီဗွီဘီ
Read More...
Collapse...
February 25, 2012
ပီတာအောင်
မြန်မာအစိုးရအနေနဲ့ ပထမဦးစားပေး တာဝန်အဖြစ် လာမယ့် ဧပြီလ ကြားဖြတ် ရွေးကောက်ပွဲကို လွတ်လပ်တရားမျှတမှုရှိစွာ ကျင်းပ ပေးဖို့ ကုလသမဂ္ဂက တောင်းဆိုလိုက်ပါတယ်။
ပြီးခဲ့တဲ့ သီတင်းပတ်အတွင်းက မြန်မာနိုင်ငံကို သွားရောက်ခဲ့တဲ့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေး ပုဂ္ဂိုလ် ဗီဂျေးနမ်ဘီးယာက နယူးယောက်မြို့က ကုလသမဂ္ဂဌာနချုပ်မှာ မြန်မာခရီးစဉ်နဲ့ ပတ်သက်ပြီး ပြုလုပ်တဲ့ သတင်းစာရှင်းလင်းပွဲမှာ ပြောကြား လိုက်တာပါ။
မစ္စတာ ဗီဂျေးနမ်ဘီးယာက မြန်မာအစိုးရ ဦးစားပေးလုပ်ရမယ့် အချက် ၃ ချက်ကို တိုက်တွန်း ပြောကြားခဲ့ရာမှာ ကြားဖြတ်ရွေး ကောက် ပွဲကို လွတ်လပ်တရားမျှတမှုရှိဖို့နဲ့ပွင့်လင်းမြင်သာမှုရှိဖို့ ပထမ ဦးစားပေးလုပ်ဆောင်ဖို့ လိုတဲ့ အကြောင်းနဲ့ ဒီရွေးကောက်ပွဲဟာ အစိုးရရဲ့ ဒီမိုကရေစီ ဖော်ဆောင်နေမှုကို အများက ယုံကြည်လက်ခံမှုရဖို့  အရေးပါတဲ့ စမ်းသပ်မှုဖြစ်တယ်လို့ ပြောပါတယ်။
မြန်မာအစိုးရ နောက်ထပ် ဦးစားပေးလုပ်ရမယ့် အလုပ်တွေကတော့ အစိုးရနဲ့  တိုင်းရင်းသား လက်နက်ကိုင်တွေအကြား အမျုိးသား ပြန်လည်သင့်မြတ်ရေး လုပ်ဆောင်ဖို့ကိစ္စနဲ့  မြန်မာပြည်သူတွေအတွက် ကျန်းမာရေး၊ ပညာရေးနဲ့ အလုပ်အကိုင်တွေ အမြန်ဆုံး ဖန်တီး ပေးပြီး လူမှုစီးပွားဖွံ့ဖြိုးတိုးတက်အောင် လုပ်ဖို့တွေ ဖြစ်တယ်လို့ ဆိုပါတယ်။
မြန်မာနိုင်ငံရဲ့ လက်ရှိအခြေအနေဟာ အသွင်ကူးပြောင်းရေးရဲ့ အစပဲရှိသေးပြီး ငြိမ်းချမ်းရေးနဲ့ တည်ငြိမ်မှုရဖို့နဲ့ ကာလရှည်ကြာ ကြုံတွေ့နေရတဲ့ အခက်အခဲ စိန်ခေါ်မှုတွေကို ကိုင်တွယ် ဖြေရှင်းနိုင်အောင် ဆက်လုပ်ရဦးမယ်လို့လည်း ကုလသမဂ္ဂအရာရှိက သတင်းစာရှင်းလင်းပွဲမှာ ပြောကြားခဲ့ပါတယ်။
Ref: ဒီဗွီဘီ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88