Thursday, January 31, 2013

ဂွမ်ဂျူး လူ့အခွင့်အရေးဆု ဒေါ်စုလက်ခံယူမည်

မသိင်္ဂီထိုက်, ဦးရော်နီညိမ်း
30.01.2013

တောင်ကိုးရီးယားနိုင်ငံကို ရောက်ရှိနေတဲ့ ဒေါ်အောင်ဆန်းစုကြည်ဟာ ဒီကနေ့ ကြာသာပတေးနေ့မှာတော့ ၂၀၀၄ ခုနှစ်ကတည်းက ရရှိထားတဲ့ ဂွမ်ဂျူး (ဒေါ်(Gyeongju) လူ့အခွင့်အရေးဆုကို လက်ခံရယူမှာ ဖြစ်ပါတယ်။ ဒေါ်အောင်ဆန်းစုကြည်ရဲ့ တောင်ကိုရီးယား ခရီးစဉ်အတွင်း လိုက်ပါသတင်းယူနေပြီး အခု ဂွမ်ဂျူး မြို့မှာ ရောက်နေတဲ့ ဗွီအိုအေ ၀ိုင်းတော်သား ဦးရော်နီညိမ်းကို မသိင်္ဂီထိုက်က ဆက်သွယ်မေးမြန်းတာမှာ ဒေါ်အောင်ဆန်းစုကြည်ရဲ့ ခရီးစဉ်နဲ့ ပတ်သက်ပြီး ဦးရော်နီညိမ်း အခုလို စပြောပါတယ်။

ဒေါ်အောင်ဆန်းစုကြည်ဟာဆိုလို့ရှိရင် မနေ့တုန်းက ဖျောင်းချန်းမြို့မှာကျင်းပတဲ့ ၁၁ ကြိမ်မြောက် မသန်မစွမ်းသူများရဲ့ အထူး အိုလံပစ်ပွဲတော်နဲ့ တတွဲတည်း ပြုလုပ်တဲ့ ကမ္ဘာလုံး ဆိုင်ရာ ဖွံ့ဖြိုးတိုးတက်ရေး ထိပ်သီး ဆွေးနွေးပွဲကနေတဆင့် ဂွမ်ဂျူးမြို့ကို မနေ့ညနေ ကတည်းက ရောက်ရှိသွားတာပေါ့ခင်ဗျာ။ ဒီကနေ့ မနက်မှာတော့ ဒေါ်အောင်ဆန်းစုကြည်ဟာ ဂွမ်ဂျူးမြို့မှာရှိတဲ့ ဒီမိုကရေစီ တော်လှန်ရေးအထိမ်းအမှတ် သုဿန်ကိုသွားပြီး လွမ်းသူ့ပန်းခွေ ချမှာပါ။ အဲဒါကတော့ သမ္မတ ချန်ဒူးဝှမ်လက်ထက်တုန်းက ဂွမ်ဂျူးမြို့မှာ ဒီမိုကရေစီရေး ဆန္ဒပြကြသူတွေကို အင်အားသုံး နှိမ်နင်းခဲ့တာမှာ သေဆုံးသွားခဲ့ရသူတွေအတွက် အထိမ်းအမှတ်ပြုလုပ်ထားတဲ့ သုဿန်ဖြစ်ပါတယ်။

အဲဒီနောက် ဒေါ်အောင်ဆန်းစုကြည်ဟာ ဂွမ်ဂျူးမြို့တော်က ချီးမြှင့်တဲ့ ဂုဏ်ထူးဆောင် ဂွမ်ဂျူးမြို့တော်သူဆုကိုလည်း တက်ရောက်ပြီးတော့ ရယူမှာပါ။ နောက်ပြီးတော့ အခုနတုန်းက ဒီမိုကရေစီရရှိရေး ဂွမ်ဂျူးမြို့ကနေ အပြင်းအထန်ကြိုးပမ်းခဲ့လို့ ဂွမ်ဂျူးအရေးတော်ပုံ လို့ လည်း ခေါ်ကြတဲ့ အထူးသဖြင့် ကျောင်းသားတွေ ကျဆုံးသွားခဲ့တာပေါ့- အဲဒီတော့ အဲဒီ အထိမ်းအမှတ်နဲ့ နောက်ပိုင်းမှာ ဒီမိုကရေစီရေးနဲ့ပတ်သက်ပြီးတော့ နှစ်စဉ်နှစ်တိုင်း ထူးချွန်သူတွေကို ဆုချီးမြှင့်တယ်။ ၂၀၀၄ ခုနှစ်တုန်းက ဂွမ်ဂျူးမြို့ကနေပြီးတော့ ဒေါ်အောင် ဆန်းစုကြည်ကို ဂွမ်ဂျူးလူ့အခွင့်အရေးဆု ဆိုပြီးတော့ ချီးမြှင့်ခဲ့တာ ရှိပါတယ်။ အဲဒီ ဂွမ်ဂျူး လူ့အခွင့်အရေးဆု ချီးမြှင့်တဲ့ အခမ်းအနားကိုလည်း ဒေါ်အောင်ဆန်းစုကြည်ကိုယ်တိုင် တက်ရောက်ပြီး ဒီဆုကို လက်ခံရယူမှာ ဖြစ်ပါတယ်။

အဲဒီနောက်မှာတော့ ဒေါ်အောင်ဆန်းစုကြည်ဟာ ညနေ ၂ နာရီခွဲလောက်မှာ ဂွမ်ဂျူးမြို့ကနေ ဆိုးလ်မြို့တော်ကို ဆက်ပြီးထွက်ခွာသွားမှာပါ။ ဆိုးလ်မြို့တော်ကို ရောက်တဲ့အခါမှာ ညနေပိုင်း မှာ ကိုရီးယား လွှတ်တော်အမတ်တွေက တည်ခင်းဧည့်ခံတဲ့ ညစာစားပွဲကို ဒေါ်အောင်ဆန်း စုကြည် တက်ရောက်မှာ ဖြစ်ပါတယ်ခင်ဗျား။

မေး။ ။ ဟုတ်ကဲ့၊ ဦးရော်နီ- ဒေါ်အောင်ဆန်းစုကြည်ကို မေးမြန်းခွင့်ရတယ်လို့ လည်း ပြောပါတယ်။ အဲဒါ ဘယ်မှာလဲရှင့်။

ဖြေ။ ။ ကျနော်က မနေ့တုန်းကပေါ့နော်- ကမ္ဘာလုံးဆိုင်ရာ ဖွံ့ဖြိုးတိုးတက်ရေး ညီလာခံမှာ မသန်မစွမ်းသူတွေ ဖွံ့ဖြိုးတိုးတက်ရေးလုပ်တဲ့ ဆွေးနွေးပွဲမှာ သတင်းထောက်တွေ မေးခွန်း မေးခွင့်ရတဲ့အခါမှ ကျနော်က ဒေါ်အောင်ဆန်းစုကြည်ကို ဗမာနိုင်ငံ မှာ စစ်ပွဲတွေနဲ့ပတ်သက်လို့ ဆက်စပ်ပြီး ဖြစ်ပေါ်လာရတဲ့ မသန်မစွမ်းသူတွေရဲ့ ကိစ္စကို မေးတာပါ။ ဒေါ်အောင် ဆန်းစုကြည်ကလည်း ပြန်ဖြေခဲ့ပါတယ်။

ဒေါ်အောင်ဆန်းစုကြည် ။ ။ မသန်မစွမ်းသူတွေရဲ့ ပြဿနာဟာ လူမျိုးရေးကြောင့်လုိ့ ကျမကတော့ မထင်ပါဘူး။ ဒါက လူမှုရေး၊ နိုင်ငံ ရေးတွေနဲ့ ဆက်စပ်နေတာပါ။ မသန် မစွမ်းသူ တွေရဲ့ ပြဿနာကို ဖြေရှင်းနိုင်ရုံနဲ့ ကျမတို့ရဲ့ တိုင်းရင်းသား ပဋိပက္ခတွေ ကို ဖြေရှင်းနိုင်မယ်လို့လည်း ကျမအတွက်တော့ မသေချာပါဘူး။ အားလုံးအနေနဲ့ ခြုံပြီးပြောရရင်တော့ ငြိမ်းချမ်းရေးဆိုတာအတွက် ကျမတို့တွေဟာ ရိုးသားရမယ်၊ လိုက်လိုက် လျောလျောရှိရမယ်၊ မေတ္တာရှေ့ထားတာနဲ့ မဆုတ်မနစ်စိတ်ထားတွေ ရှိရမယ်၊ မတူကွဲပြားခြားနားမှုတွေ ရှိကြတာဟာ တစုံတရာချွတ်ယွင်းမှု ရှိနေ လို့ မဟုတ်ဘူးဆိုတာကို နားလည်ကြရမယ်။ လူတွေဟာ ဘာကြောင့် တယောက်ကိုတယောက်၊ ဘာကြောင့် ရုပ်ပိုင်းခန္ဓာကိုယ် အနေ အထားကို ကြည့်ပြီး ခွဲခြားဆက်ဆံနေကြရတာလဲ။ လူတွေဟာ အခြေခံအားဖြင့် မတူကွဲပြားခြားနားမှုတွေအပေါ်မှာ ကြောက်တတ်ကြတယ်။ ဒါကြောင့် လူလူချင်းကြားမှာ အသားအရောင်အရ၊ ဘာသာရေးအရ၊ လူမျိုးရေးအရ ခွဲခြားဆက်ဆံတာတွေ လုပ်လာကြတာပဲ။

ဒီနေရာမှာ အဓိကကျတာကို ကျမပြောချင်ပါတယ်။ လူတွေက တယောက်နဲ့တယောက်ကြားက မတူကွဲပြားခြားနားကြတာကို ကြောက်နေကြတယ်။ ဒါကြောင့် မတူကွဲပြားခြားနားမှုကို ကိုယ့်ကိုခြိမ်းခြောက်နေမှု တစ်ရပ်လို့ မြင်လာကြတယ်။ တကယ်တော့ ဒါဟာ ခြိမ်းခြောက်မှု မဟုတ်ပါဘူး။ လူလူချင်းကြားမှာ မတူကွဲပြားခြားနားကြတာဟာ လူသားရဲ့ ဖြစ်တည်မှုပါပဲ။ ဒါက မတူကွဲပြားမှုတွေကို ဘ၀အတွေ့အကြုံပါ ထပ်ပေါင်းထည့် ပေးလိုက်ရပါမယ်။ ဒါကို ကျမတို့ နိုင်ငံအပါအ၀င်မှာ လေ့လာသင်ယူကြရလိမ့်မယ်။ မတူကွဲပြားခြားနားကြတဲ့ လူမျိုးစုတွေ ရှိနေကြလို့ ပြဿနာတွေ ရှိလာရတာမဟုတ်ပါဘူး၊ အဲလိုသာပြောရရင် လူမျိုးစုတွေ များပြားတဲ့ ကျမတို့နိုင်ငံမှာ အထူး ပြဿနာတစ်ရပ် ဖြစ်နေမှာပေါ့။ ကျမတို့ဟာ မတူကွဲပြားခြား နားမှုကနေ ဘ၀မှာ သင်ယူနိုင်တဲ့ အထူးအခွင့် အရေးကို ရကြတာပါပဲ။ သိပ်မကြာတော့တဲ့ အချိန်မှာ ငြိမ်းချမ်းရေးနဲ့ တန်းတူညီမျှမှုကို ကျမတို့ ရရှိကြမယ်ဆိုတာ ကျမကတော့ သေချာပါတယ်။

မေး။ ။ ဟုတ်ကဲ့၊ ဦးရော်နီ- အဲဒီတော့ ဒေါ်အောင်ဆန်းစုကြည်ရဲ့ ခရီးစဉ်နဲ့ ပတ်သက်ပြီး ဦးရော်နီ ဘာများ ထပ်ဖြည့်ပြောချင်ပါသေးလဲ။

ဖြေ။ ။ ဒေါ်အောင်ဆန်းစုကြည်ရဲ့ခရီးစဉ်ကတော့ အလွန်အောင်မြင်တဲ့ခရီးစဉ်ပါပဲ။


Ref: ဗွီအိုအေ

Read More...

တောင်ကိုရီးယား ဂြိုဟ်တုတစင်း အာကာသထဲလွှတ်တင်

30.01.2013

တောင်ကိုးရီးယားနိုင်ငံက ဒီကနေ့ ဗုဒ္ဓဟူးနေ့မှာ အာကာသအတွင်းကို ဂြိုဟ်တု တစင်း အောင်မြင်စွာ လွှတ်တင်ခဲ့ပါတယ်။

နိုင်ငံ့တောင်ပိုင်း Naro အာကာသ စူးစမ်းလေ့လာရေးဌာနက လွှတ်တင်ခဲ့တာဖြစ်ပြီး ဒါဟာ တောင် ကိုးရီးယား ပြည်သူလူထုရဲ့ အောင်မြင်မှုပဲလို့ သိပ္ပံဆိုင်ရာ ၀န်ကြီး အီဂျူးဟိုက ပြောပါတယ်။

၂၀၀၉ ခုနှစ်အတွင်း တောင်ကိုးရီးယားက လွှတ်တင်တဲ့ဒုံးပျံဟာ အာကာသထဲရောက်ခဲ့ပေမဲ့ ဂြိုဟ်တု ကို ဖြုတ်ချလို့ မရခဲ့ပါဘူး။ ၂၁၀၁ မှာ လွှတ်တင်တဲ့ဒုံးပျံကတော့ စတက်ပြီး နှစ်မိနစ် အကြာမှာ မီးလောင်ပျက်စီးခဲ့ပါတယ်။

အခု တောင်ကိုးရီးယားက အောင်မြင်ခဲ့တဲ့ ဒုံးပျံလွှတ်တင်မှုကတော့ မြောက်ကိုးရီးယားက ဒုံးပျံ လွှတ် တင်မှုနဲ့ အချိန်တလပဲ ကွာပါတယ်။

မြောက်ကိုးရီးယားနိုင်ငံက တာဝေးပစ် ဒုံးပျံစမ်းသပ်မှုတွေ မလုပ်ဖို့ ကုလသမဂ္ဂရဲ့ တားမြစ်ချက်ကို ချိုးဖောက်ခဲ့တဲ့အပေါ် နိုင်ငံတကာက အသိုင်းအ၀ိုင်းက ရှုတ်ချကြပါ တယ်။ မြောက်ကိုးရီးယားကတော့ သူတို့လွှတ်တင်တဲ့ ဂြိုဟ်တုဟာ ရာသီဥတုလေ့လာရေး အတွက် ဖြစ်တယ်လို့ ပြောဆိုထားပါတယ်။


Ref: ဗွီအိုအေ

Read More...

မြန်မာနိုင်ငံ မီဒီယာလွတ်လပ်ခွင့် တိုးတက်မှုရှိ

ကိုကျော်ကျော်သိန်း
30.01.2013

မြန်မာနိုင်ငံရဲ့ စာနယ်ဇင်းလွတ်လပ်ခွင့် အခြေအနေဟာ ၂၀၁၂ ခုနှစ်အတွင်းမှာ သိသိ သာသာ တိုးတက်ခဲ့တယ်လို့ စာနယ်ဇင်း လွတ်လပ်ခွင့်ဆိုင်ရာ စောင့်ကြည့်တဲ့ ပြင်သစ် အခြေစိုက် နယ်စည်းမခြား သတင်းထောက်များအဖွဲ့ RSF က ပြော လိုက်ပါတယ်။ ထူးခြားတဲ့အပြောင်းအလဲတွေနဲ့ အလားအလာကောင်းတွေ ရှိနေပေမဲ့လည်း စာနယ်ဇင်း သမားတွေကို အချိန်မရွေး တရားစွဲနိုင်၊ ဖမ်းဆီးနိုင်တဲ့ ဥပဒေတွေကို ဖျက်သိမ်းဖို့ လိုနေသေးတယ်လို့တော့ ထောက်ပြပါတယ်။ အပြည့်အစုံကို ဆက်သွယ် မေးမြန်းထားတဲ့ ကိုကျော်ကျော်သိန်းက ပြောပြပါမယ်။

မြန်မာနိုင်ငံဟာ လွန်ခဲ့တဲ့ နှစ်နှစ်ကျော်ကအထိ စာနယ်ဇင်းလွတ်လပ်ခွင့်နဲ့ပတ်သက်ရင် ကမ္ဘာပေါ်က ဖိနှိပ်အုပ်ချုပ်တဲ့ တခြားနိုင်ငံတွေနဲ့ တန်းတူလိုက်နေခဲ့တဲ့နိုင်ငံပါ။ အခုတော့ဖြင့် ဗီယက်နမ်၊ လာအို၊ မြောက်ကိုရီးယားနဲ့ တရုတ်နိုင်ငံတွေကို ကျော်တက်ပြီး စာနယ်ဇင်းလွတ်လပ်ခွင့်မှာ ထူးခြား ကောင်းမွန်တဲ့ တိုးတက်မှုတွေရှိခဲ့တယ်ဆိုတာကို RSF လို အဖွဲ့မျိုး ကိုယ်တိုင်က အသိအမှတ်ပြုလာရပြီဖြစ်ပါတယ်။

မြန်မာနိုင်ငံရဲ့ စာနယ်ဇင်းလွတ်လပ်ခွင့်အဆင့်ကို ၂၀၁၂ ခုနှစ်ကနဲ့နှိုင်းယှဉ်ရင် ၁၈ ဆင့်မြှင့် တင်ပြီး ၁၅၁ မှာ သတ်မှတ်လိုက်တဲ့ အဓိက အကြောင်းရင်းတချို့ကို RSF ရဲ့ ၂၀၁၃ ခုနှစ် ကမ္ဘာ့ စာနယ်ဇင်းလွတ်လပ်ခွင့်ဆိုင်ရာ အညွှန်းကိန်းကို ပြုစုတာမှာ အဓိက ပါဝင်ခဲ့သူ တဦးဖြစ်တဲ့ RSF အာရှ-ပစိဖိတ်ဒေသဆိုင်ရာဌာနရဲ့ အကြီးအကဲ ဘန်ဂျမင် အစ္စမေးလ် (Benjamin Ismail) က ဗွီအိုအေကို အခုလိုရှင်းပြပါတယ်။

“ပထမဆုံးတခုကတော့ အကျဉ်းချထားတဲ့ စာနယ်ဇင်းသမားတွေ၊ ဘလော်ဂါတွေ အားလုံး ကို ပြန် လွှတ်ပေးခဲ့တာပါ။ စာနယ်ဇင်းတွေ မထုတ်ဝေခင်မှာ ဆင်ဆာခွင့်ပြုချက် အရင် ယူရတာကို ဖျက်သိမ်းခဲ့တာ၊ ပြည်ပအခြေစိုက် သတင်း မီဒီယာတွေကို ပြည်တွင်းမှာ ပြန် လုပ်ခွင့်ပြုခဲ့တာ စတာတွေက အဓိက အကြောင်း ရင်းတွေ ဖြစ်ပါတယ်။ ဒါ့အပြင် စာနယ်ဇင်း သမားတွေ လုပ်ကိုင်ရတဲ့ ပကတိ အခြေအနေတွေကလည်း ပြောင်းလဲသွားပါပြီ။ အခုဆိုရင် သူတို့ဟာ အကဲဆတ်တဲ့အကြောင်းအရာမျိုးစုံကို စိစစ်ရေးအဖွဲ့ ကနေ ဖြတ်စရာ မလိုတော့ ဘဲ ရေးသား တင်ပြနေနိုင်ကြပါပြီ။”

အဲဒီလို မယုံနိုင်ဖွယ် ဖြစ်ထွန်းတိုးတက်မှုတွေရှိနေတဲ့ အခြေအနေကောင်းဟာ ၂၀၁၃ ခုနှစ်မှာ ဆက်ဖြစ်သွားဖို့လိုပြီး အထူး သဖြင့်ကတော့ မရှိသင့်တော့တဲ့ ဥပဒေတွေကို ဖျက် သိမ်းပြီးတော့ ရှိသင့်တဲ့ဥပဒေတွေကို ပြဌာန်းဖို့ လိုတယ်လို့ ဘန်ဂျမင်န် အစ္စမေးလ်က ထောက်ပြပါတယ်။

မြန်မာနိုင်ငံရဲ့ စာနယ်ဇင်းလွတ်လပ်ခွင့်အဆင့် အခုလို တိုးမြှင့်လိုက်တာကို သဘောတူ သူတွေထဲမှာ တစ်ဦးကတော့ မြန်မာနိုင်ငံ သတင်းစာဆရာများအသင်းဥက္ကဋ္ဌ ဦးဝံသပါ။ အလားတူပဲ စာနယ်ဇင်းသမားတွေကို အချိန်မရွေး ဒုက္ခပေးနိုင်တဲ့၊ ခေတ်မမီတော့တဲ့ ဥပဒေတွေကို ဖျက်သိမ်းဖို့လိုတယ်ဆိုတာကို ဦးဝံသကလည်း ထောက်ပြပါတယ်။

"သတင်း မီးဒီယာသမားတွေကို လိုရင်လိုသလို ထုတ်ပြီးသုံးလို့ရတဲ့ အရေးယူချင်တယ် ဆိုလို့ရှိရင်လည်း ယူလို့ရတဲ့၊ အန္တရာယ်ပြုချင်လို့ရှိရင် ထုတ်သုံးလို့ရတဲ့၊ မလိုအပ်တဲ့ ဥပဒေတွေ-ကန့်သတ်ထားတဲ့ ဥပဒေတွေက ရှိနေတုန်းပဲ။ အဲဒီ ဥပဒေတွေကို ပယ်ဖျက်ဖို့က ကြိုးစားရအုံးမယ်။ အဲဒါတွေ ရှိနေရင် ဥပမာဗျာ- ၂၀၀၄ ခုနှစ် အီလက်ထရောနစ် ဥပဒေတို့၊ နောက်ပီးတော့ အရေးပေါ် စီမံချက် ဥပဒေတို့- ဒါတွေက အချိန်မရွေး သုံးလို့ ရတဲ့ ကိစ္စတွေပဲ။ အဲဒီတော့ ဒီလို ဥပဒေတွေကို ပယ်ဖျက်ပီးတော့မှသာလျှင် ပိုပြီးတော့ လွတ်လပ်တဲ့၊ ပွင့်လင်းတဲ့ မီဒီယာ အခြေအနေကို ကျနော်တို့ ရရှိမှာပါ။"

၂၀၁၂ ခုနှစ်အတွင်း စာနယ်ဇင်းလွတ်လပ်ခွင့် အခြေအနေ သိသိသာသာ တိုးတက်တာ ကို မြင်ခဲ့ကြရသလို ပုဂ္ဂလိကစာနယ် ဇင်းတွေအပေါ် အစိုးရဌာနတွေက တရားစွဲဆိုတာတွေ ကိုလည်း တွေ့ခဲ့ကြရတာပါ။ ဒါကြောင့်လည်း စာနယ်ဇင်းသမားတွေကို ထိထိရောက်ရောက် အကာအကွယ်ပေးမယ့် ဥပဒေတွေ ပြဌာန်းဖို့လိုတယ်လို့ ထောက်ပြနေကြတာဖြစ်ပါတယ်။
လက်ရှိအချိန်မှာ မြန်မာနိုင်ငံ စာနယ်ဇင်းကောင်စီ (ယာယီ) က ကမကထပြုပြီး စာနယ်ဇင်း ဥပဒေမူကြမ်းတရပ်ကို ရေးဆွဲပြုစု နေပြီးတော့ လာမယ့် သီတင်းနှစ်ပတ်လောက်အတွင်း လက်ရှိကျင်းပဆဲ လွှတ်တော်အစည်းအဝေးတွေမှာ တင်ပြဖို့ မျှော်လင့် ထားကြပါတယ်။

ဒီဥပဒေမူကြမ်းမှာ ပုံနှိပ်မီဒီယာတွေအတွက်သာမက အွန်လိုင်းမီဒီယာတွေကိုပါ အကာအကွယ်ပေးနိုင်မယ့် ပြဌာန်းချက်မျိုးတွေ ကိုပါထည့်သွင်းပြီး အားနည်းချက်မရှိအောင်၊ ပျော့ကွက်ကိုထောက်ပြီး အာဏာပိုင်တွေက အသုံးမချနိုင်အောင် လုပ်ဖို့လိုတယ် လို့ ဘန်ဂျမင်န် အစ္စမေးလ်က အကြံပေးပါတယ်။

သမ္မတဦးသိန်းစိန်အစိုးရကတော့ စာနယ်ဇင်းလွတ်လပ်ခွင့်ကို အာမခံချက်ပေးဖို့ လုပ်ဆောင်နေတယ်ဆိုတာကို သက်သေပြတဲ့ အနေနဲ့ လာမယ့် ဧပြီလ ၁ ရက်နေ့ကစပြီး ပုဂ္ဂလိက နေ့စဉ် သတင်းစာတွေကို ထုတ်ဝေခွင့်ပြုမယ်လို့ ကြေညာထားပါတယ် ခင်ဗျား။


Ref: ဗွီအိုအေ

Read More...

မတူကွဲပြားမှုတွေနဲ့ ရင်ဆိုင်ဖို့ ဒေါ်စု တိုက်တွန်း

30.01.2013

တောင်ကိုရီးယားနိုင်ငံဆီ ငါးရက်ကြာခရီး သွားရောက်နေတဲ့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ ဗုဒ္ဓဟူးနေ့က ဖျောင်းချမ်း အထူး ဆောင်းရာသီ အား က စားပြိုင်ပွဲ ဖွင့်ပွဲကို တက်ရောက်ခဲ့သလို ဒီအားကစားပြိုင်ပွဲမှာ ကျင်းပတဲ့ ဖွံ့ဖြိုးရေးဆိုင်ရာ ညီလာခံမှာလည်း မိန့်ခွန်းပြောကြားခဲ့ပါတယ်။ အားကစား စိတ်ဓာတ် မြှင့်တင်ရေးအတွက် အထူး လုပ်ဆောင်မယ်လို့ ကတိပေးခဲ့သလို သူများ နည်းတူ မဟုတ်ဘဲ ကွဲပြားမှုရှိနေတာအတွက် ကျန်တဲ့ လူမှုအသိုင်းအ၀ိုင်းက ၀ိုင်းပယ်ထားတာမျိုး ဟာ မဖြစ်သင့်ဘူးလို့ ပြောကြား ခဲ့ပါတယ်။

ဒီအကြောင်းအပြည့်အစုံကို အေပီသတင်းပေါ်အခြေခံပြီး ဒေါ်ခင်မျိုးသက်က တင်ပြထားပါတယ်။

တောင်ကိုရီးယားနိုင်ငံ အရှေ့မြောက်ခြမ်းမှာရှိတဲ့ ဖျောင်းချန်း တောင်ပေါ်မြို့ကလေးမှာ ကျင်းပတဲ့ ၂၀၁၃ ခုနှစ် ဆောင်းရာသီ အထူးအိုလံပစ်ပွဲတော် ဖွင့်ပွဲကို တက်ရောက်ခဲ့ တဲ့ ဒေါ်အောင်ဆန်းစုကြည်ဟာ ပြိုင်ပွဲ ပထမနေ့မှာ ယှဉ်ပြိုင်ကြသူတွေကို အားပေးခဲ့ ပါတယ်။ နှင်းတွေ ထူထူထပ်ထပ်ကျနေတဲ့ ကွင်းထဲမှာ ယှဉ်ပြိုင်ကြတဲ့ ပြိုင်ပွဲကို အားပေးခဲ့သလို မသန်မစွမ်းဖြစ်နေပေမယ့် ကွဲပြားတဲ့စွမ်းရည် အသီးသီးရှိနေတဲ့ အားကစားသမားတွေနဲ့ လည်း တွေ့ဆုံစကားပြောခဲ့တာပါ။

ဒီ ဆောင်းရာသီ အိုလံပစ်ပြိုင်ပွဲမှာ Alpine နဲ့ cross-country စကိတ် စီးပြိုင်ပွဲတွေ၊ နှင်းလျှောစီးပြိုင်ပွဲ၊ အမြန်စကိတ်စီးပြိုင်ပွဲနဲ့ အလှစကိတ်စီးပြိုင်ပွဲတွေ အပြင် ဟော်ကီပြိုင်ပွဲနဲ့ Snowshoeing လို့ခေါ်တဲ့ နှင်းစီးဖိနပ်စီးပြီး ပြိုင်ရတာလို အားကစားနည်း ၇ မျိုးကို အားကစား သမား ၃,၀၀၀ လောက် ပါဝင်ယှဉ်ပြိုင်ကြတာဖြစ်ပါတယ်။

အဲဒီပွဲမှာကျင်းပတဲ့ “ဆင်းရဲတွင်း သံသရာလည်နေမှုနဲ့ စွမ်းရည်ရှိတဲ့ မသန်မစွမ်းသူတွေကို ဖယ်ကျဉ်ထားတာ အဆုံးသတ်ရေး” ဆိုတဲ့ခေါင်းစဉ်နဲ့ ကျင်းပတဲ့ ဖွံ့ဖြိုးရေးဆိုင်ရာ ညီလာခံ ကိုလည်း DASSK တက်ရောက်ခဲ့ပါတယ်။

သူများနည်းတူမဟုတ်ဘဲ ကွဲပြားမှု ရှိနေတာအတွက် ကျန်တဲ့ လူမှု အသိုင်းအ၀ိုင်းက ၀ိုင်းပယ် ထားတာမျိုး ဟာ မဖြစ်သင့်ဘူးလို့ ညီလာခံမှာ ပြောကြားခဲ့ပါတယ်။ မြန်မာနိုင်ငံ ရခိုင်ပြည်နယ် ထဲမှာ သိပ်မကြာခင်က ဗုဒ္ဓ ဘာသာနဲ့ မူဆလင်တွေကြားဖြစ်ပွားတဲ့ အကြမ်းဘက်မှုတွေကို ဥပမာပေးပြီးပြောခဲ့ တာပါ။

“ဒီလိုဖြစ်ခဲ့တာအတွက် မြန်မာနိုင်ငံမှာမှ ပြဿနာ ထူးထူးခြားခြား ရှိနေတယ်လို့ ပြောလို့မရ ပါဘူး။ ဒါက ဘာကိုပြသလဲဆိုတော့ ကျမတို့မှာ အထူးအခွင့်အလန်းတွေရှိတယ် ဆိုတာပါ။ ကျမကတော့ ကျိန်းသေပြောရဲပါတယ်။ သိပ်မကြာခင် အချိန်တွေအတွင်းမှာပဲ ကျမတို့ သဟဇာတဖြစ်ပြီး ငြိမ်းချမ်းရေးကို ရနိုင်မယ်ဆိုတာပါ။”

ဒီလို ငြိမ်းချမ်းရေးရဖို့အတွက် စာနာစိတ်ကိုယ်စီရှိဖို့လိုတယ်လို့လည်း ပြောပါတယ်။

“ပြဿနာတွေဖြစ်လာတာမို့ ရှက်နေစရာမလိုသလို ဒီပြဿနာတွေ အတွက်လည်း ကြောက်နေစရာမလိုပါဘူး။ ကျမတို့အားလုံးလုပ်ရမှာက မှန်ကန်တဲ့အဖြေကို ရအောင်ရှာဖို့ပါ။ လူမှုအသိုင်းအ၀ိုင်းထဲမှာ ဖြစ်နေတဲ့ ဘယ်ပြဿနာမျိုးအတွက်မဆို မှန်ကန်တဲ့အဖြေ ရအောင် ရှာဖို့ဆိုရင် စာနာစိတ်ရှိဖို့ လိုပါတယ်။”

အခုလို လူမှုအသိုင်းအ၀ိုင်း မတူကွဲပြားမှုကြောင့် ဖြစ်ပွားနေတဲ့ ပြဿနာတွေအတွက် စာနာ စိတ်ထားဖြေရှင်းဖို့ စိတ်ထားတတ်ဖို့ ပြောဆိုခဲ့သလို မြန်မာနိုင်ငံရဲ့ လက်ရှိ အားကစား အခြေနေကိုလည်း သုံးသပ်ပြခဲ့ပါတယ်။

မြန်မာနိုင်ငံမှာ အားကစားနဲ့ အားကစားဆိုင်ရာပညာရေးကို နှစ်ရှည်လများ လျစ်လျူရှုတာ ခံနေရတယ်လို့ ဒေါ်အောင်ဆန်းစုကြည်က ၀န်ခံခဲ့ပြီး ဒါကိုအထူးအားပေးဖို့ လုပ်ဆောင်မယ် လို့ ကတိပြုခဲ့ပါတယ်။

“ကျမတို့နိုင်ငံမှာ ပညာရေးအတွက် လျစ်လျူရှုတာကို ခံခဲ့ရပါတယ်။ ကျောင်းတွေမှာဆိုရင် အားကစားပညာရေးကို သိပ်မအလေးမထားသလို အားကစား အထောက်အကူပစ္စည်းတွေ လည်း မရှိလှပါဘူး။ ကုန်ကုန်ပြောမယ် ရိုးရိုးအားကစားနည်းအတွက်တောင် မရှိပါဘူး။ ဒါ့ကြောင့် ဒါကို အားပေးချင်ပါတယ်။ ကျမတို့ရဲ့လူငယ်တွေ ကိုယ်ခန္ဓာ ကြံ့ခိုင်သန်စွမ်းဖို့သာ မကပဲ အားကစားစိတ်ဓာတ်တွေရှိလာဖို့ လုပ်ရမှာပါ။ အတူတကွ လက်တွဲ လုပ်ကိုင်နိုင်စွမ်း တို့၊ အဖွဲ့အစည်းနဲ့ လုပ်ဆောင်တဲ့စိတ်ဓာတ် ရှိဖို့ဆိုတဲ့ အားကစားစိတ်ဓာတ်မျိုး ရှိကြဖို့ လိုနေပါတယ်။”

ဆောင်းရာသီ အိုလံပစ်ပွဲတော်အတွင်း ကျင်းပတဲ့ ကမ္ဘာလုံးဆိုင်ရာ ဖွံ့ဖြိုးရေးညီလာခံကို တက်ရောက်လာသူတွေဟာ စွမ်းရည်ရှိတဲ့ မသန်မစွမ်းသူတွေရဲ့ ရပိုင်ခွင့်တွေ တိုးတက်လာ စေဖို့အတွက် ပူးတွဲကြေညာချက် ထုတ်ပြန်ဖို့လည်း ရှိပါတယ်။

ဒီ ဆောင်းရာသီ အိုလံပစ်ပြိုင်ပွဲတွေဟာ အရင်တုန်းက တက်ရောက်သူသိပ်မရှိဘဲ စိတ်ဝင်စားမှု နည်းပါးခဲ့တာပါ။ အခုတော့ ကမ္ဘာတ၀န်းမှာ ကျင်းပနိုင်ဖို့အတွက် ပွဲစီစဉ်သူတွေ က စုစုစည်းစည်း ကြိုးပမ်းနေတာပါ။ လာမယ့် ၂၀၁၈ ခုနှစ် ဆောင်းရာသီ အိုလံပစ်ပွဲတော် ကိုလည်း ဒီ ဖျောင်းချန်းမှာပဲ ကျင်းပမှာဖြစ်ပါတယ်။

Ref: ဗွီအိုအေ

Read More...

၂၀၁၃ SEA GAMES မှာ တင်းနစ် နဲ့ ကျွမ်းဘား ပယ်ထုတ်

ကိုရန်နိုင်
30.01.2013

မြန်မာနိုင်ငံမှာ အခုနှစ်ကျင်းပမယ့် အရှေ့တောင်အာရှ အားကစားပြိုင်ပွဲမှာ အိုလံပစ် အားကစား နည်း တချို့ကို ဖယ်ထုတ်ဖို့ဆုံးဖြတ်လိုက်တာနဲ့ ပတ်သက်ပြီး အိမ်နီးချင်း အရှေ့တောင် အာရှ နိုင်ငံတွေက မကျေမနပ်ဖြစ်ခဲ့ကြပါတယ်။ တင်းနစ်နဲ့ ကျွမ်းဘားလို ကမ္ဘာ့ထိပ်တန်း အားကစားနည်းတွေကို ဖယ်ထုတ်လိုက်တာဟာ အိမ်ရှင်မြန်မာနိုင်ငံအတွက် အသာစီးရအောင် လုပ်လိုက်တာဖြစ်တယ်လို့ ကျန်အဖွဲ့ဝင် နိုင်ငံတွေက စွပ်စွဲပါတယ်။ အခုလို ထိပ်တန်း ကစားနည်းတွေကို ဖယ်ထုတ်လိုက်တာ ဘယ်လိုကြောင့်ပါလဲ။ ဒီလို ဖယ်ထုတ်လိုက်တဲ့အတွက် ဘယ်လို အကျိုးဆက်တွေရှိလာနိုင်မလဲဆိုတာနဲ့ ပတ်သက်ပြီး အပြည့်အစုံကို ကိုရန်နိုင်က ပြောပြပေးမှာဖြစ်ပါတယ်။

မြန်မာနိုင်ငံမှာ အခုနှစ်နှောင်းပိုင်းကျရင် ကျင်းပမယ့် ၂၇ ကြိမ်မြောက် အရှေ့တောင်အာရှ အားကစားပြိုင်ပွဲမှာ ကမ္ဘာ့ထိပ်တန်း အိုလံပစ်အားကစားနည်း ၂ ခုဖြစ်တဲ့ တင်းနစ်၊ ကျွမ်းဘားနဲ့ အင်ဒိုနီးရှားသိုင်း အားကစားနည်းကို ထည့်သွင်းမှာ မဟုတ်ဘူးလို့ မြန်မာနိုင်ငံက ပြောလိုက်ပါ တယ်။ ပြီးခဲ့တဲ့ ဇန်န၀ါရီ ၂၉ ရက် အင်္ဂါနေ့က နေပြည်တော်မှာ ကျင်းပတဲ့ အရှေ့တောင်အာရှ အားကစားပြိုင်ပွဲ ဖယ်ဒရေးရှင်း ကောင်စီရဲ့ ဒုတိယအကြိမ် အစည်းအဝေးအတွင်း အခုလို သဘောတူ ဆုံးဖြတ်လိုက်တာဖြစ်ပါတယ်။ တင်းနစ်နဲ့ကျွမ်းဘားလို ကမ္ဘာ့ထိပ်တန်း ကစားနည်း ၂ ခုကို ဖယ်ထုတ်လိုက်တဲ့အပေါ်မှာ မြန်မာ့လက်ရွေးစင်တင်းနစ် ကစားသမားဟောင်း ဦးထွန်းအောင်က အခုလို ပြောပါတယ်။

“ဖယ်ထုတ်လိုက်တာတော့ ကျနော်တော့ မကောင်းဘူးထင်ပါတယ်။ ဘာလို့တုန်းဆိုတော့ ပြည့်စုံတာက ကောင်းပါတယ်။ တင်းနစ်စ်က အိုလံပစ်မှာ အခု ထည့်ထားပီးသား တော် တော်အရေးကြီးပါတယ်။ လူစိတ်ဝင်စားမှုကလည်း တော်တော်ကြီးမားပါတယ်။ နောက်ပြီး ကျွမ်းဘားကတော့လေ ကမ္ဘာမှာတော်တော့်ကို စိတ်ဝင်စားတယ်။ မွန်ထရီရယ်လ် (Montreal) အိုလံပစ်ကို ကျနော် သွားဖူးပါတယ်။ အဲဒီတုန်းကဆိုရင် ကျွမ်းဘားနော်၊ နာဒီယာတို့၊ ဘာတို့ဆိုရင် လက်မှတ်တောင် ၀ယ်လို့ မရဘူး။ အဲဒီလောက်အထိကို ကြည့်ကြပါတယ်။ အာရှမှာ လည်း ကျွမ်းဘားကို တော်တော်လေး ၀ါသနာကြီးကြပါတယ်။


အစောပိုင်းမှာတုန်းကတော့ မြန်မာနိုင်ငံမှာ ကျင်းပမယ့် ဆီးဂိမ်းအားကစားပြိုင်ပွဲမှာ တင်းနစ်နဲ့ ကျွမ်းဘားအပြင်၊ ကြက်တောင်၊ စားပွဲတင်တင်းနစ်နဲ့ ဟော်ကီပြိုင်ပွဲ စတာတွေကို ပြိုင်ပွဲကနေ ဖယ်ထုတ်ဖို့ မြန်မာနိုင်ငံဘက်က စီစဉ်ခဲ့တာဖြစ်ပါတယ်။ ဒီအပေါ်မှာ ထိုင်း၊ စင်ကာပူ၊ ဖိလစ်ပိုင် အပါအ၀၀် တခြားအဖွဲ့ဝင် နိုင်ငံတွေက ကန့်ကွက်ခဲ့ကြပါတယ်။ အဲဒီနောက် နေပြည်တော်မှာ အင်္ဂါနေ့က အပြီးသတ် ဆွေးနွေးမှုတွေလုပ်ခဲ့ပြီးတဲ့နောက်မှာတော့ ကြက်တောင်၊ စားပွဲတင် တင်းနစ်နဲ့ ဟော်ကီကစားနည်းတွေကို ပြန်လည်ထည့်သွင်းခဲ့တာပါ။ မြန်မာဘက်ကတော့ တချို့ အားကစားနည်းတွေဟာ မြန်မာ့ယဉ်ကျေးမှုနဲ့ ကိုက်ညီမှုမရှိသလို အကျိုးမရှိစေတဲ့ ကစားနည်းတွေဖြစ်တယ်လို့ အကြောင်းပြပါတယ်။ ဒါပေမဲ့လည်း ကျန်အဖွဲ့ဝင်နိုင်ငံတွေကတော့ အခုလို ဆုံးဖြတ်ခဲ့တာဟာ အိမ်ရှင် မြန်မာနိုင်ငံကို အသာစီးရစေဖို့အတွက် လုပ်တာဖြစ်တယ်လို့ မကျေမနပ်ပြောဆိုပါတယ်။

တင်းနစ်ပြိုင်ပွဲကို ဖယ်ထုတ်လိုက်တာဟာ မြန်မာနိုင်ငံမှာ တင်းနစ်ကွင်း ကောင်းကောင်း မရှိတာကြောင့်ဖြစ်တယ်လို့ မြန်မာနိုင်ငံက ပြောပါတယ်။ ဒါပေမဲ့ ထိုင်းအိုလံပစ်ကော်မတီရဲ့ ဒု-ဥက္ကဋ္ဌကတော့ တင်းနစ်ဟာ အိုလံပစ်အားကစားပွဲဖြစ်တဲ့အတွက် ထည့်သင့်ကြောင်း၊ မြန်မာနိုင်ငံက မထည့်တာဟာ ကွင်းကြောင့်မဟုတ်ဘဲ ကစားသမားမရှိတာကြောင့်ဖြစ်တယ်လို့ AFP သတင်းဌာနကို ပြောခဲ့ပါတယ်။ မြန်မာနိုင်ငံက တင်းနစ်ကွင်းအခြေအနေနဲ့ ပတ်သက်ပြီး ဦးထွန်းအောင် ပြောတာကတော့-

“တင်းနစ်ကွင်း ကြည့်ပြီးရုံတင် မကပါဘူး။ ကျနော် သိမ်ဖြူကွင်းမှာရိုက်ခဲ့ပါတယ်။ နောက်ပြီး တက္ကသိုလ်ကွင်းမှာလည်း ရိုက်ခဲ့ပါတယ်။ ကွင်းတွေ အခြေအနေကတော့ ကမ္ဘာ့ အဆင့်တော့ မမီသေးဘူးပေါ့။ ပစ်ထားတာပေါ့လေ။ အသေအချာတော့ လုပ်ထားတာ မတွေ့ဘူး။ ကွင်းပြင်ပေ့ါလေ အဲဒါက အဆင့်အတန်းမမီသေးပါဘူး။ ဒါပေမဲ့ အဲဒါက လုပ်လို့ရပါတယ်။ အခုက နှစ်စပဲ ရှိသေးတာပဲ။”

တင်းနစ်ကစားနည်းကို ဖြုတ်ချဖို့ စီစဉ်တာဟာ တင်းနစ်ကွင်းမရှိတာထက် နိုင်နိုင်ခြေမရှိ တာကြောင့်ဖြစ်တယ်လို့ ဦးထွန်းအောင်က ပြောပါတယ်။ အခုလို ကစားနည်းတွေ ဖြုတ်ချ လိုက်တာကြောင့် တခြားနိုင်ငံတွေကလည်း အလားတူလုပ်လာပြီး အားကစားပွဲကို ထိခိုက်လာနိုင်တယ်လို့ ဦးထွန်းအောင်က သုံးသပ်ပါတယ်။

“အထူးသဖြင့်က နောက်လုပ်မယ့်နိုင်ငံက ဟား- ဗမာနိုင်ငံကတောင်မှ တင်းနစ်နဲ့ ကျွမ်းဘားကို ဖယ်ထားတာပဲ။ တို့လည်း နိုင်ခြေမရှိတဲ့ဟာကို ဖယ်မယ့်ဥစ္စာကို အကြောင်းတွေ ပြလာမှာ၊ အစဉ်အလာဖြစ်လာမယ့်အကျိုးဆက်က ရှိပါတယ်။”

၁၉၅၉ ခုနှစ်က ကျင်းပတဲ့ ပထမဆုံးအကြိမ် အရှေ့တောင်အာရှ ကျွန်းဆွယ်ပြိုင်ပွဲကို ထိုင်းနိုင်ငံ၊ ဘန်ကောက်မှာ ကျင်းပခဲ့တာဖြစ်ပြီး နောက် ၂ နှစ်ကြာ မြန်မာနိုင်ငံ၊ ရန်ကုန်မြို့မှာ ကျင်းပတဲ့ အခါမှာ ထိုင်းနိုင်ငံက အတွေ့အကြုံတွေကို ယူပြီး မပြည့်စုံတဲ့ကြား ကပဲ အောင်အောင်မြင်မြင် ကျင်းပနိုင်ခဲ့တယ်လို့ အဲဒီတုန်းက အတွေ့အကြုံကို ဦးထွန်းအောင်က ပြောပါတယ်။

“ဗမာပြည်မှာလုပ်တုန်းကတော့ သိမ်ဖြူကွင်းမှာလုပ်ပါတယ်နော်။ အဲဒါလည်း ကျနော်တို့ ထိုင်းနိုင်ငံက အတွေ့အကြုံကို ရလာပြီးတော့ စည်းရုံးပြီးလုပ်လိုက်တော့ အောင်မြင် သွားပါ တယ်။ အဆင်ပြေပါတယ်။ court number one မှာ ယာယီစင်ကြီးထိုးပေးပါတယ်။ အကြီးကြီး ပါပဲ။ ဘေးမှာတော့ အရံကုတ်တွေ ရှိပါတယ်။ အဲဒီမှာလည်း ယှဉ်ပြိုင်ပြီးကစားကြပါ တယ်။ နောက်ပြီး ဗော်လန်တီယာတွေပေါ့လေ။ ဝိုင်းဝန်းကူညီ လုပ်ကြတဲ့အတွက် အောင် လည်း အောင်မြင်ပါတယ်။”

ပထမဆုံး အရှေ့တောင်အာရှ အားကစားပြိုင်ပွဲမှာ ၀င်ပြိုင်ခဲ့တဲ့ မြန်မာ့လက်ရွေးစင် တင်းနစ် ကစားသမားဟောင်း ဦးထွန်းအောင် ပြောပြသွားတာ ဖြစ်ပါတယ်။ ၂၇ ကြိမ်မြောက် ဆီးဂိမ်းပြိုင်ပွဲ ကို ဒီဇင်ဘာ ၁၁ ရက်နေ့ကနေ ၂၂ ရက်နေ့အထိ နေပြည်တော်၊ ရန်ကုန်၊ မန္တလေးနဲ့ ငွေဆောင် စတဲ့မြို့တွေမှာ ကျင်းပမှာဖြစ်ပြီး ဒါဟာ မြန်မာနိုင်ငံအနေနဲ့ တတိယ အကြိမ် ကျင်းပတာဖြစ်ပါတယ်။ မြန်မာနိုင်ငံဟာ ၁၉၆၁ ခုနှစ်မှာတော့ ရွှေ ၃၅ ခုအပါအ၀င် ဆုတံဆိပ်စုစုပေါင်း ၁၀၄ ခုရပြီး ၁၉၆၉ ခုနှစ်မှာတော့ ရွှေ ၅၇ ခု နဲ့ စုစုပေါင်း ၁၄၉ ခု ရရှိခဲ့ပါတယ် ခင်ဗျာ။


Ref: ဗွီအိုအေ

Read More...

ကားအက်စီးဒင့်ဖြစ်၍ တောင်ကလေး ဆရာတော် မျက်လုံးထိခိုက်

30 January 2013

ကရင်ပြည်နယ်၊ ဘားအံမြို့မှ တောင်ကလေးဆရာတော် ဦးပညာသာမိသည် ဘားအံမှ ရန်ကုန်သို့အသွား ယနေ့မနက် ၈နာရီ ၄၅မိနစ်ခန့်တွင် ဘီးလင်းမြို့အရောက်၌ ကားအက်စီးဒင့် ဖြစ်ပွားကာ မျက်လုံးတစ်ဖက် ထိခိုက်ဒဏ်ရာရရှိသွားခဲ့သည်။

ဆရာတော်ဦးပညာသာမိ စီးနင်းလာသော ကားသည် ဘီးလင်းတံတားမရောက်ခင် ရဲစခန်းအနီး သီဟိုဠ်ကုန်းနေရာ ကုန်းမြင့် အတက်တွင် ဘိလပ်မြေတင်ဆောင်လာသည့်ကားဖြင့် ခေါင်းချင်းဆိုင် တိုက်မိသွားခြင်းဖြစ်သည်ဟု ဆရာတော်နှင့် နီးစပ်သူ တစ်ဦးက ပြောသည်။

“မုဒုံဘက်က မောင်းလာတဲ့ ဘိလပ်မြေတင်ကားက ထော်လာဂျီကားကို ကျော်တက်ရင်း ဆရာတော်စီးတဲ့ ကားသွားတဲ့လမ်းကို ရောက်သွားတယ်။ အဲဒီမှာ တိုက်မိကြတာ။ ဆရာတော်က ဘယ်ဖက်မျက်လုံး ထိသွားတယ်။ အခုသိပ်မမြင်ရဘူး။ ရောင်နေ တယ်”ဟု ပြောသည်။

ထို့အပြင် ကားပေါ်အတူပါလာသည့် ဆရာတော်၏ ရန်ကုန်မှ ဒကာနှစ်ဦးဖြစ်သူ ဦးတင့်လွင်၊ ကိုလှိုင်ဝင်းနှင့် ယာဉ်မောင်းစော အေးမြိုင်တို့လည်း ဒဏ်ရာရရှိသွားကြပြီး ယာဉ်မောင်းမှာ ခေါင်းကွဲကာ နံရိုးတစ်ချောင်းအက်သွားသဖြင့် ဒဏ်ရာပြင်းထန်သည့် အတွက် ယခုအချိန်တွင် ဘားအံမြို့၊ တောင်ကလေးစစ်ဆေးရုံ၌ အတွင်းလူနာအဖြစ် ကုသထားရသည်ဟု သိရသည်။

“ကားအက်စီးဒင့် ဖြစ်တာကို ခရီးသွားသူတွေကလည်း လူနာတွေကို ဆေးရုံပို့ပေးဖို့တောင် မကူညီဘူး။ ဒီထက်ဆိုးတာက ရဲတွေ။ ဘယ်မှာနေလဲ။ အမည်၊ ဘွဲ့နာမည် ဘယ်လိုခေါ် လဲမေးမြန်းပြီး ကားသော့ယူ၊ ကားလိုင်စင်ခွာယူပြီး ဘာမှလည်း မလုပ်ပေးဘူးလို့တော့ ကားသမားက ပြန်ပြောပြတယ်လေ”ဟု အဆိုပါနီးစပ်သူက ပြောသည်။

ဒဏ်ရာရသူများအား အရေးပေါ် ဆေးကုသရန် ဘီးလင်းဆေးရုံသွားခဲ့သော်လည်း တာဝန်ကျ သူနာပြုဆရာမများက ငွေပေးမှ သာ ဆေးထိုးပေးနိုင်မည်ဟု ပြောဆိုကြောင်း ထိုဆေးရုံတွင် တက်ရောက်နေသူ လူနာများက ပြောသည်။

နိုင်ငံတော်၏ အဂ္ဂမဟာသဒ္ဓမ္မဇောတိကဘွဲ့ရ တောင်ကလေးဆရာတော်သည် ကရင်ပြည်နယ်ရှိ ကရင်ငြိမ်းချမ်းရေးကော်မတီ-KPC ၏ နာယကဆရာတော်ဖြစ်သည်။

ထို့အပြင် ရန်ကုန်မြို့၊ မရမ်းကုန်းမြို့နယ် ကမ္ဘာအေးဘုရားလမ်းရှိ နိုင်ငံတော် သာသနာရေးရုံးတွင် ပြီးခဲ့သည့် နှစ်ကုန်ပိုင်းကတည်းကစ၍ လေးလကြာ သာသနာ့တာဝန်ယူထားသူ ဆရာတော်တစ်ပါးဖြစ်ပြီး လက်ရှိအချိန်တွင် တောင်ကလေး ပရိယတ္တိစာသင်တိုက်တွင် ပြန်လည် ကြွရောက်လာကာ ဆေးကုသမှု ခံယူလျှက်ရှိသည်။

Ref: ကေအိုင်စီ

Read More...

ကချင်ရွာထဲသို့ လက်နက်ကြီးကျ၊ ၂ ဦးသေ

ခင်ဦးသာ
January 30, 2013

ကချင်ပြည်နယ်၊ မိုးကောင်းမြို့နယ်မှ အရပ်သားများနေထိုင်သည့် မရမ်းရွာသို့ အစိုးရတပ်မှ ပစ်ခတ်သည့် လက်နက်ကြီး ကျရောက်ပြီး သားအမိနှစ်ဦး ပွဲချင်းပြီး သေဆုံးကာ ၃ ဦး ဒဏ်ရာရသွားကြောင်း သတင်းရရှိသည်။

“မနေ့က ညနေ ၇ နာရီလောက်မှာ အမြောက်ကြီးနဲ့ တနာရီလောက် ပစ်ခတ်ခဲ့တယ်။ ဗုံးခိုကျင်းထဲမှာ ပုန်းဖို့လုပ်နေတဲ့ မိသားစုကို ထိသွားတော့ အမေဖြစ်သူနဲ့ ၈ နှစ်အရွယ် ကျောင်းသားလေး သေသွားတယ်။ နို့စို့ကလေးရယ်၊ သူ့ယောက်ျားကလည်း ဒဏ်ရာ ရသွားကြတယ်” ဟု အမျိုးသားဒီမိုကရေစီ အင်အားစု (NDF) ပါတီမှ ဒေါ်ဘောက်ဂျာက ဧရာဝတီသို့ ပြောသည်။

သေဆုံးသွားသည့် ကလေးမိခင် မလဘမ်လုသည် အသက် ၂၇ နှစ်ဝန်းကျင်ရှိကြောင်း၊ ဒဏ်ရာရသူ ၃ ဦးတွင် မလဘမ်လု၏ လသားအရွယ် ကလေးငယ်နှင့် ခင်ပွန်း အပြင် ၎င်း၏ ယောက္ခမ အသက် ၉၅ နှစ်အရွယ် အဘိုးအိုလည်း ပါဝင်ကြောင်း၊ ၎င်းတို့ကို ယခုအခါ မြစ်ကြီးနားဆေးရုံသို့ ပို့ဆောင်ထားကြောင်း သိရသည်။

“မလုဘမ်ရဲ့အမျိုးသားကလည်း လက်နှစ်ဖက်စလုံး ဖြတ်ပစ်ရမယ့် အနေအထားအထိ ဒဏ်ရာရသွားတာပါ။ လက်ချောင်းတချို့ ပြတ်သွားတယ်” ဟု ဒေါ်ဘောက်ဂျာက ပြောသည်။

အစိုးရစစ်တပ်၏ အမြောက်တပ်ရင်း (၃၇၂) မှ ပစ်ခတ်ခြင်း ဖြစ်ကြောင်း၊ မရမ်းရွာသည် ကချင်လူမျိုး အများစုနေ ထိုင်သည့် အိမ်ခြေ ၅၅၀ ကျော်ရှိသည့် ကျေးရွာတခုဖြစ်ကြောင်း၊ အစိုးရ စစ်တပ်သည် အကြောင်းအရာမဲ့ ပစ်ခတ်မှုကို ယခင်ကလည်း မကြာခဏ လုပ်ဆောင်လေ့ ရှိကြောင်း သိရသည်။

“မနေ့ညက ၁၂၀ မမ၊ ၆၀ မမ တွေနဲ့ ၁၁ ချက် ပစ်ခတ်တယ်။ ဗုံးကျလာတော့ သားအမိတွေက ဗုံးခိုကျင်းထဲ ဆင်ပြေးတာမှာ ထိပြီးသေတာ။ နုိ့စို့ကလေးကတော့ လွင့်စင်သွားပြီး ခြေထောက်တွေမှာပဲ ဒဏ်ရာရသွားတယ်” ဟု မရမ်းရွာခံ အမျိုးသားတဦးက ပြောသည်။

သေဆုံးသွားသည့် သားအမိ နှစ်ဦးအား ယနေ့၊ နေ့လည်ပိုင်းတွင် အသုဘ အခမ်းအနားပြုလုပ်၍ သင်္ဂြိုလ်လိုက်ပြီ ဖြစ်ကြောင်း၊ စစ်တပ်မှ နောက်ထပ် ပတ်ခတ်လာမည်ကို ရွာသားအများစုက စိုးရိမ်နေကြကြောင်း သိရသည်။

ပစ်ခတ်သည့်တပ်ရင်းမှ တပ်ရင်းမှူးသည် အသုဘသို့ လာရောက်၍ ငွေ ၃ သိန်းကျပ် ထောက်ပံ့ ပေးသွားကြောင်း မရမ်းရွာခံက ဆက်ပြောသည်။

“မရမ်းရွာက KIA/KIO တို့နဲ့ ဘာမှ ဆက်စပ်မှု မရှိပါဘူး။ ဒါပေမယ့် ကချင်လူမျိုးအများစု နေထိုင်တဲ့ရွာပါ။ မကြာခဏ ပစ်ခတ်နေတော့ လူမသေရင်လည်းဘဲ ကျွဲတွေ၊ နွားတွေ ခဏခဏ သေကြရတယ်” ဟု ၎င်းက ဆိုသည်။

ဇန်နဝါရီလ ၂၇ ရက်နေ့က ဖားကန့်မြို့နယ် မန်နားအောက် ကျေးရွာအနီးတွင် ကချင်လွတ်လပ်ရေးတပ်မတော် (KIA) က ထောင်ထားသည့် မိုင်တလုံး နင်းမိပေါက်ကွဲခါ အမျိုးသား ၂ ဦး ဒဏ်ရာရရှိပြီး ဖားကန့်ပြည်သူ့ဆေးရုံသို့ ပို့ဆောင်ထားကြောင်း၊ ထို့အပြင် ဇန်နဝါရီလ ၂၈ ရက်နေ့ နံနက်က ဖားကန့်မြို့နယ် ဖားပြင်ကျေးရွာအနီး ရတနာတောင်တန်း ကုမ္ပဏီကို KIA က မီးရှို့သဖြင့် ဝန်ထမ်း နှစ်ထပ် အိပ်ဆောင် မီးလောင်သွားကြောင်း စစ်တပ်ပိုင် မြဝတီ သတင်းဌာနက သတင်းထုတ်ပြန်ထားသည်။

မိုးကောင်းမြို့နယ်၊ မရမ်းရွာသို့ လက်နက်ကြီး ကျရောက်သည့် သတင်းနှင့် စပ်လျဉ်း၍ မြဝတီ၏ ထုတ်ပြန်မှုကိုမူ မတွေ့ရှိရသေးပေ။

KIA နှင့် အစိုးရတပ်တို့အကြား တိုက်ပွဲများ ပြင်းပြင်းထန်ထန် ဖြစ်ပွားနေသည်မှာ ၂၀၁၂ ခုနှစ်၊ ဒီဇင်လဆန်းမှ ယနေ့အထိ ဖြစ်သည်။ ထိုတိုက်ပွဲများကြောင့် နှစ်ဖက် စလုံးတွင် ထိခိုက်ကျဆုံးမှု များပြားပြီး၊ အရပ်သား အများအပြားလည်း သေဆုံးခဲ့သည်။

လက်ရှိတွင် KIA ထိန်းချုပ်သည့် နယ်မြေများနှင့် အရေးပါသည့် စခန်းများ၊ တောင်ကုန်းများကို အစိုးရ စစ်တပ်က သိမ်းပိုက်ထားနိုင်ပြီ ဖြစ်ကြောင်းလည်း အစိုးရက သတင်းထုတ်ပြန် ထားသည်။

ကချင်လွတ်လပ်ရေးအဖွဲ့ (KIO) နှင့်အစိုးရ၏ ပြည်တွင်းငြိမ်းချမ်းရေး ဖော်ဆောင်ရေးအဖွဲ့တို့သည် ငြိမ်းချမ်းရေး ဆွေးနွေးပွဲတခုကို မကြာမီ ပြုလုပ်ရန် ပြင်ဆင်နေကြပြီး “၀” ပြည် သွေးစည်းညီညွတ်ရေး တပ်မတော် (UWSA) ထိန်းချုပ်ရာ နယ်မြေ၌ ဆွေးနွေးရန် နှစ်ဘက်စလုံးက သဘောတူညီထားကြောင်း UWSA က ပြောဆိုထားသည်။

Ref: ဧရာဝတီ

Read More...

လေလှိုင်းထဲက ကချင်တိုက်ပွဲ

လဖိုင်
January 31, 2013

မီဒီယာကို မီဒီယာနဲ့တိုက်မယ် ဆိုတဲ့ ပြန်ကြားရေးဝန်ကြီးဟောင်း ဦးကျော်ဆန်း ရဲ့ အဲဒီကြွေးကြော်သံဟာ ပဲ့တင်ကျန်နေဆဲ ဖြစ်ပါတယ်။

လက်ရှိ မီဒီယာ တိုက်ပွဲကတော့ မြန်မာနိုင်ငံ မြောက်ပိုင်း ကချင်ဒေသမှာ ဖြစ်ပြီး မြောက်ပိုင်းတိုင်း စစ်ဌာနချုပ် (မပခ) အခြေစိုက် သဇင် FM နဲ့ လိုင်ဇာ အခြေစိုက် လိုင်ဇာ FM တို့ ကြားက တိုက်ပွဲပဲဖြစ်ပါတယ်။ မြေပြင်မှာ လက်နက်တွေနဲ့ တိုက်သလို ဝေဟင်မှာ အသံလှိုင်းတွေနဲ့ မြိုင်မြိုင်ဆိုင်ဆိုင် ရှိလိမ့်မယ်လို့ မထင်ပါနဲ့။ ဒီ FM တိုက်ပွဲမှာ လိုင်ဇာ FM က ခံနေရတာပါ။

ဇန်န၀ါရီ ၁၈ ရက်နေ့ကတည်းက ပြင်ဦးလွင် အခြေစိုက် မြ၀တီ လက်အောက်ခံ သဇင် FM က မပခ မှာ စက်ထိုင်ပြီး လိုင်ဇာ FM ထုတ်လွှင့်တဲ့ လှိုင်း အတိုင်း အားကောင်းကောင်းနဲ့ အသံလွှင့်ပါတယ်။ လွှင့်ကတည်းက စမ်းသပ် ထုတ်လွှင့်ဆိုတဲ့ ခေါင်းစဉ် နဲ့ လိုင်ဇာ FM ရဲ့ 89.5 MHz မှာ လွှင့်တာ ဖြစ်ပါတယ်။ လိုင်ဇာ FM လိုင်းပြောင်းရင် သဇင် လိုင်းကလည်း လိုက်ပြောင်းဖို့ ဖြစ်ပါတယ်။

ဒီတော့ ကြည်လင်ပြတ်သားနေတဲ့ သဇင် FM လိုင်းမှာပဲ လိုင်ဇာ FM ဟာ ဂျစ်ဂျစ် ဂျစ်ဂျစ်နဲ့ မပီမသ ဖြစ်ခဲ့ရပါတယ်။ မြစ်ကြီးနားမှာ စက်ထိုင်လွှင့်တာမို့ အဝေးက လွှင့်တဲ့ လိုင်ဇာ FM ဟာ သဇင်ကို မယှဉ်နိုင်ပါဘူး။ သဇင် FM က လိုင်ဇာ FM လွှင့်တဲ့ အချိန်တွေမှာပဲ တထပ်တည်း မြန်မာ နဲ့ ကချင် ဘာသာနှစ်မျိုး လွှင့်ပါတယ်။ မနက် ၆ နာရီကနေ ည ၁၀ နာရီအထိ အရပ်အနား မရှိ တောက် လျှောက် လွှင့်ပါတယ်။

“ဒီမှာ ဘယ်လိုဖမ်းဖမ်း ကြည်နေတာပဲ”လို့ သဇင် FM ကိုဖမ်းယူ နားဆင်သူ မြစ်ကြီးနားမြို့ခံတဦးက ပြောပါတယ်။ လိုင်ဇာ FM ကို မြစ်ကြီးနားမှာ နားဆင်ချင်တယ် ဆိုရင်တော့ ဟိုစမ်းဒီစမ်း လိုင်းကြည်တဲ့နေရာမှာ ရေဒီယိုကို အသေချပြီး အားစိုက် နားထောင်ရပါတယ်။

လိုင်ဇာ FM ဆိုတာ စစ်ဖြစ်လာတဲ့အချိန်မှာ ကမ္ဘာအရပ်ရပ်က ကချင်တိုင်းရင်းသားတွေရဲ့ ထောက်ပံ့မှုနဲ့ စုစည်း တည်ထောင်ခဲ့တာ ဖြစ်ပါတယ်။ လက်ရှိမှာတော့ ကချင် လွတ်လပ်ရေး အဖွဲ့(KIO)ရဲ့ ရုပ်သံဌာနခွဲ စီမံမူအောက်မှာ ရှိပါတယ်။ ကျွမ်းကျင်ဝန်ထမ်းတွေမရှိဘဲ လိုင်ဇာ ဒေသခံနဲ့ အနယ်နယ်အရပ်ရပ်က ကချင် လူငယ်တွေ ၀င်ရောက်လုပ်ကိုင်နေတာ ဖြစ်လို့ အစီအစဉ်တွေ ခဏခဏ ကသိကအောက် ဖြစ်ရပါတယ်။

“သီချင်းကောင်းလို့ နားထောင်တာ မဆုံးသေးဘူး၊ တခြား အစီအစဉ် ပြန်ရောက်သွားပြီ”လို့ လိုင်ဇာ FM ပရိသတ်တဦးက ပြောပါတယ်။

လိုင်ဇာ FM ရဲ့ ဧရိယာဟာ လိုင်ဇာ၊ ၀ိုင်းမော်၊ ဗန်းမော်၊ မြစ်ကြီးနား၊ ဖားကန့် အထိ ရောက်ပြီး စစ်သတင်းကို အဓိကထား လွှင့်ပါတယ်။ စစ်သတင်းပြီးနောက်မှာတော့ နိုင်ငံ တကာ သတင်း၊ နိုင်ငံတကာ အဖွဲ့အစည်းတွေ၊ ပြည်တွင်းအဖွဲ့အစည်းတွေရဲ့ သဘော ထား ကြေညာချက်တွေကို အသံလွှင့်ဖတ်ပြပါတယ်။ တနေ့ကို အပိုင်း ၂ ပိုင်းနဲ့ လေလှိုင်းလွှင့်ချိန် စုစုပေါင်း ၁၁ နာရီ ရှိပါတယ်။

စိတ်ညစ်စရာ စစ်သတင်းတွေ၊ ပျင်းဖို့ ကောင်းတဲ့ အဖွဲ့အစည်းတွေရဲ့ ကြေညာချက်တွေ၊ ဆွဲဆောင်မူမရှိတဲ့ အစီအစဉ်တွေချည်း လွှင့်ပေမယ့်လည်း လိုင်ဇာ FM ဟာ ကချင်လူထုရဲ့ အသည်းကျော် ဖြစ်နေတုန်းပါပဲ။ ရှမ်းသီချင်းနဲ့ ကချင် မျိုးနွယ် ၆ မျိုးရဲ့သီချင်း တွေ၊ တော်လှန်ရေး သီချင်းတွေ၊ မကြားဘူးတဲ့ ရှေးဟောင်းသီချင်းတွေ လွှင့်ပါတယ်။

မြန်မာလို ထုတ်ပြန်တဲ့ ကြေညာချက်တွေ ဖတ်ဖို့ မြန်မာစကား ပီတာကလည်း ရှားတာမို့ ကျောင်းသား တပ်မတော်(ABSDF)က အသံသြဇာကောင်းတဲ့လူ တဦးက ဖတ်ပြပါတယ်။ လိုင်ဇာ FM ရဲ့စစ်သတင်းဆိုတာက ဘယ်နေရာမှာ ဘာဖြစ်၊ ဘယ်တပ်မ ဘယ်နေရာလာ ဆိုတာလောက်သာ ပါပြီး တခါလွှင့်မှ သတင်း ၅ ပုဒ်လောက်သာ ပါပါတယ်။

ပုံနှိပ်နဲ့ အွန်လိုင်း မီဒီယာတွေ မရှိတဲ့အရပ်မှာ စစ်သတင်းတွေကိုကြားရတာက လိုင်ဇာ FM တခုတည်းပဲ ရှိပါတယ်။ သီချင်း တောင်း တဲ့ အစီအစဉ်ကလည်း နားထောင်ရင်း ပြုံးရသလို ခံစားရတာတွေလည်း ရှိပါတယ်။

အစိုးရ ထိန်းချုပ်တဲ့ နေရာမှာနေတဲ့ သူတွေက KIO ဒေသက ဒုက္ခသည်တွေအတွက် သီချင်းတောင်းပေးတာ၊ ရှေ့တန်းရောက် KIA(ကချင် လွတ်လပ်ရေး တပ်မတော်) စစ်သားတွေကို ရေဒီယိုကတဆင့် အားပေးတာတွေကတော့ တော်လှန်ရေး ဓာတ်ခံရှိသူ တွေ သဘောကျစရာပါ။

လိုင်ဇာ FM က လွှင့်နေပေမယ့် ကချင်ပြည်နယ်က မတရားမူတွေပါလာရင် သက်ဆိုင်ရာက အလေးထား ဖြေရှင်းပေးလာတာတွေ လည်း ရှိလာ ပါတယ်။ ဒါဟာ မီဒီယာ စွမ်းအားကို သိသာစေတဲ့အချက်လို့ ထင်ပါတယ်။

သဇင် FM ရဲ့နည်းကတော့ဖြင့် ဒီလိုပါလို့ နားထောင်ဖူးသူ တယောက်က ပြောပါတယ်။ KIA စစ်သားတွေ ရှေ့တန်းမှာ ထိခိုက် ဒဏ်ရာရရင် ဆေးဝါးမရှိလို့ အိပ်ဆေးထိုးပြီး ထားခဲ့ ပါတယ်၊ မြန်မာ့ တပ်မတော် ကပဲ ဆေးဝါးကုသ ပေးပါတယ်။ ဆေးမရှိလို့ သေ မယ့်အစား အလင်းဝင်ကြ၊ မြန်မာ့တပ်မတော်ရဲ့ ကုသပေးတာကို ခံယူကြပါ ဆိုပြီး ကြေညာပါတယ်။ KIO ကိုလည်း ဆူပူသောင်း ကျန်းသူလို့ ကချင်လို အဓိပ္ပာယ်ရတဲ့ Kasu Kabrawng KIO hpung လို့ သုံးပြီး တိုက်ခိုက်တာတွေ လုပ်တယ်လို့ သူကဆိုပါတယ်။

သတင်းစာထဲမှာပါတဲ့ သတင်းတွေ၊ ဆောင်းပါးတွေကိုလည်း ကချင်လို ဘာသာပြန်ပြီး ထုတ်လွှင့်ပါတယ်။ အဲဒီမှာ KIO မကောင်း ကြောင်းတွေလည်း ပါတယ်လို့ ပြောပါတယ်။

သဇင် FM ကို နားထောင်ရင်း စိတ်ဆိုး ဒေါသဖြစ်တဲ့ ဒေသခံတွေလည်း ရှိကြောင်း၊ လိုင်ဇာ FM ကတော့ မြန်မာ စစ် တပ်ကို ရန်သူ လို့ မခေါ်ကြောင်း၊ အစိုးရစစ်တပ်လို့ပဲ သုံးစွဲကြောင်းလည်း ပြောပါသေးတယ်။

ကချင်ဒေသခံတွေက ကိုယ့်မိခင်ဘာသာစကားနဲ့ လေလှိုင်းပေါ်က လွှင့်တာကို ကြားရတာလောက်နားစိမ့်တာ ဘယ်မှာရှိမှာလဲလို့ ဆိုကြပါတယ်။ ဒါကြောင့် လိုင်ဇာ FM ပရိသတ်တွေက FM ရပ်တည်ဖို့ အလှူငွေပို့ကြ၊ ဖုန်းဆက် အားပေးကြ၊ ဆုတောင်းမေတ္တာပို့တာတွေလုပ်ကြပါတယ်။

လိုင်ဇာမြို့ဟာ ကချင်တွေရဲ့ အသည်းနှလုံးလို့ တင်စားပြောဆိုတာ ရှိသလို လိုင်ဇာ FM ဟာလည်း နား၊ မျက်စိ၊ ပါးစပ်လို့ တင်စားကြတာတွေလည်း ရှိပါတယ်။

လောလောဆယ်တော့ လိုင်ဇာ FM က ကချင်လိုပဲ လွှင့်ပါသေးတယ်။ နောင်တော့ မြန်မာလို တိုးချဲ့လွှင့်ဖို့ အစီအစဉ် ရှိတယ်လို့ သိရပါတယ်။

မြန်မာလိုလွှင့်ရင်တော့ သဇင် FM နဲ့ ပြိုင်ဆိုင်မူတွေ ပိုပြင်းထန်လာဦးမယ်လို့ ထင်ပါတယ်။

လက်ရှိအချိန်မှာ မနက် ၆ နာရီ ထိုးရင် “ပူပန်တာတွေကို အနုပညာနဲ့ ချွေးသိပ်ပေးမယ်၊ အသိပညာတိုးလို့ အချိန်နဲ့ တပြေးညီ သတင်းတွေကို မပြတ်သိရမယ့် အမှန်အကန်ဆုံး သတင်းတွေရဲ့ ပင်မဌာန လိုင်ဇာ FM”လို့ အဓိပ္ပာယ်ရတဲ့ လိုင်ဇာ FM ရဲ့ အဖွင့် သီချင်းကို ကြားနေရဦးမှာ ဖြစ်ပါတယ်။

Ref: ဧရာဝတီ

Read More...

ကာကွယ်ရေးဝန်ကြီးဌာနက ထုတ်ပြန်ချက်ကို သတင်းသမားများ တုံ့ပြန်ငြင်းဆို

စနေလင်း
January 30, 2013

ကာကွယ်ရေး ၀န်ကြီးဌာနက ဇန်န၀ါရီ ၂၉ ရက်နေ့ ရက်စွဲဖြင့် ထုတ်ပြန်ချက်တွင် ပါရှိသော ပြည်တွင်းပြည်ပ မီဒီယာတချို့သည် ကချင်အရေးနှင့် ပတ်သက်၍ ဖော်ပြရာတွင် တဘက်စောင်းနင်း ဖြစ်နေသည်ဆိုသည့် အချက်ကို ပြည်တွင်းပြည်ပ သတင်းသမားများက ထိုသို့မဟုတ်ကြောင်း ပြန်လည် တုံ့ပြန်ကြသည်။

လက်ရှိအချိန်အထိ တပ်မတော်ဘက်မှ ပွင့်လင်းမြင်သာမှုမရှိဘဲ သတင်းထုတ်ပြန်မှု တချို့တွင်လည်း နှောင့်နှေး ကြန့်ကြာ မှုများ ရှိသည့်အတွက် သတင်းသမားများအနေဖြင့် ရသည့်ဘက်မှ ရေးသားရခြင်းမျိုးသာဖြစ်သည်ဟု 7Day News ဂျာနယ် တာဝန်ခံအယ်ဒီတာ ကိုအားမာန်က ပြောသည်။

၂၀၁၂ ခုနှစ် သြဂုတ်လ မတိုင်ခင်အထိ စာပေစိစစ်ရေး ရှိနေသောကြောင့် ထိုသတင်းမျိုးကို ရေးသား၍ မရခဲ့ကြောင်း၊ အခုနောက်ပိုင်းမှ ပိုမိုရေးသားခဲ့ကြောင်း၊ သို့ရာတွင် ကချင် လွတ်မြောက်ရေး တပ်မတော် (KIA) ဘက်သို့မေးမြန်းရာတွင် လွယ်ကူသော်လည်း အစိုးရ တပ်မတော်ဘက်သို့ မေးမြန်းရာတွင် မည်သည့် အချိန်ကမှ မရခဲ့ကြောင်း ၎င်းက ဆက် ပြောသည်။

“KIA ဘက်မှာ အွန်လိုင်းကပဲဖြစ်ဖြစ်၊ ဖုန်းနဲ့ပဲဖြစ်ဖြစ်၊ လူကိုယ်တိုင်ကွင်းဆင်းပြီး သတင်းယူရင်ပဲ ဖြစ်ဖြစ် အားလုံး အဆင်ပြေတယ်။ မေးချင်တာ အကုန်လုံးဖြေတယ်။ ပွင့်လင်းမြင် သာတယ်။ တပ်မတော်ဘက်က စစ်ပွဲနဲ့ပက်သက်တဲ့ မှတ်ချက်တွေ၊ အချက်အလက်တွေ တောင်းရင် ဘယ်တုန်းကမှ မရခဲ့ဘူး” ဟု သူက ဆိုသည်။

ထို့အပြင် KIA စစ်ကြောင်းနှင့် လိုက်ပါသတင်းယူလျှင် လွယ်ကူသော်လည်း အစိုးရ တပ်မတော် စစ်ကြောင်းနှင့် သတင်း လိုက်ယူရာတွင် လက်မခံကြောင်း၊ သတင်းသမားများ အနေဖြင့် နှစ်ဘက်စလုံးမှ သတင်းများကို ရေးသားချင်သော်လည်း သတင်းဌာနများ အနေဖြင့် အချိန်နှင့်အမျှ ထုတ်ပြန် ရေးသားရသောကြောင့် အချိန်နှင့် တပြေးညီ မှန်ကန်သော ဖြေရှင်းချက် များ၊ ထုတ်ပြန်မှုများပြုလုပ်ရန် လိုအပ်ကြောင်း AP သတင်းဌာနမှ ဒေါ်အေးအေးဝင်းက ပြောသည်။

အစိုးရ တပ်မတော်ဘက်မှ သတင်းအချက်အလက်နှင့် ပက်သက်ပြီး ပြောရေးဆိုခွင့်ရှိသူ တဦးကို ခန့်အပ်ထားရန် လိုအပ်ကြောင်း၊ ယခုကဲ့သို့ တဘက်တည်းက ပွင့်လင်းမြင်သာစွာ ပြောဆိုသောကြောင့် ထိုတဘက်မှ ထုတ်ပြန်ချက် များကိုသာ ဖော်ပြနေရခြင်းအပေါ် စိတ်မဆိုးသင့်ဘဲ ပြုပြင်ရန်လိုအပ်ကြောင်း ၎င်းက ရှင်းပြသည်။

“KIA နဲ့ ဆက်သွယ်ပြီး အဲဒီနယ်မြေအထိ သတင်းလိုက်ယူလို့ရတယ်။ အစိုးရ စစ်တပ်နဲ့က အဲဒီလိုလုပ်ဖို့ ကြိုးစားလို့မရဘူး။ အဲဒါတွေကို ချေဖျက်ချင်ရင် ဒီလိုဖြစ်တာကို စိတ်ဆိုးမနေဘဲနဲ့ ဒါကိုပြုပြင်ပေးလိုက်ရင် ပြီးတာပဲ။ များများ သတင်းထွက်အောင် လုပ်ပေးလိုက်ပေါ့။ သူတို့ဘက်က ဟာလည်းရေးချင်တာပဲ” ဟု သူက ဆက်ပြောသည်။

တိုက်ပွဲစတင်ဖြစ်ပွားချိန်က အစိုးရ၏ သတင်းထုတ်ပြန်မှုများသည် အလွန်နှေးကွေးခဲ့သော်လည်း ယခုနောက်ပိုင်းတွင် ကချင်စစ်ပွဲနှင့် ပက်သက်ပြီး အစိုးရဘက်မှ အနည်းငယ် ဖော်ပြခဲ့ကြောင်း၊ သတင်းဌာနများ အနေဖြင့် ရသလောက် မျှတစွာ ထည့်သွင်း ရေးသားခဲ့ကြကြောင်း Open News ဂျာနယ်မှ အယ်ဒီတာချုပ် ဦးသီဟစောက ဆိုသည်။

စာနယ်ဇင်း ကျင့်ဝတ်အရ ဘက်မျှစွာ ဖော်ပြရမည်သာ ဖြစ်ကြောင်း၊ စာနယ်ဇင်း သမားများအနေဖြင့် ကြိုးစား ဆောင်ရွက်သော်လည်း အများအားဖြင့် ရသလောက်သာ ထည့်သွင်းရေးသား ခဲ့ရကြောင်း ၎င်းကဆက်ပြောသည်။

“အရေးကြီးတာက အစိုးရနဲ့ တပ်မတော်ဘက်က သတင်းထုတ်ပြန်တာ မြန်မယ်၊ အချိန်မရွေး မေးလို့ရမယ် ဆိုရင်တော့ ပိုပြီးကောင်းတာပေါ့” ဟု ဦးသီဟစောက ဆိုသည်။

မီဒီယာများအနေဖြင့် ရည်ရွယ်ချက်ရှိရှိဖြင့် တဘက်စောင်းနင်း ရေးသားနေခြင်း မဟုတ်ကြောင်း၊ ပြည်ပသတင်းဌာနများတွင် ဖော်ပြချက်များသည်လည်း ပညာရှင်ပီသစွာ ရေးသား ထားချက်များသာ ဖြစ်ကြောင်း၊ လက်ရှိအစိုးရ သတင်းဌာန များတွင်သာ ၎င်းတို့၏ တဘက်သက် အကြောင်းအရာများကို ရေးသားထားသည်များ တွေ့ရကြောင်း 7Day News ဂျာနယ်မှ တာဝန်ခံ အယ်ဒီတာ ကိုအားမာန်က ပြောသည်။

ပြည်တွင်း ပြည်ပ သတင်းဌာနများ အနေဖြင့် တိုက်ပွဲ ဖြစ်ပွားရာ ဒေသများအထိ သွားရောက် သတင်းယူခြင်းများ ရှိသော်လည်း တိုက်ပွဲဖြစ်နေသည့် နှစ်ဦးနှစ်ဘက်က သတင်း ထောက်များ အတွက် လုံခြုံရေး အာမခံပေးမှု မရှိခြင်းကြောင့် သတင်းအချက်အလက်၊ ဓာတ်ပုံနှင့် ရုပ်သံ သတင်းများ တိုက်ပွဲအတွင်း ရယူနိုင်ရန် ခက်ခဲသည်ဟု ကချင်ပြည်နယ် တိုက်ပွဲဖြစ်ပွားရာ ဒေသများအထိ သွားရောက်သတင်းယူခဲ့သူ သတင်းထောက်များက ဆိုသည်။

နိုင်ငံတကာတွင် စစ်ပွဲများ အတွင်း သတင်းလိုက်ယူသည့် သတင်းထောက် များအတွက် အာမခံသည့် စံနှုန်းများ ရှိပြီး ဖြစ်၍ိယင်းစံနှုန်းများကို တိုက်ပွဲဖြစ်နေသည့် နှစ်ဘက် အဖွဲ့ အစည်းက လိုက်နာကူညီမှသာ အမှန်တကယ် ဖြစ်ပျက်နေသည့် သတင်းအချက် အလက်များ၊ ဓာတ်ပုံများနှင့် ရုပ်သံ မှတ်တမ်းများကို လူထုအား မှန်ကန်စွာ အသိပေး တင်ပြနိုင်မည် ဖြစ်ကြောင်း ပြည်တွင်း ပြည်ပ သတင်းသမားများက သုံးသပ်သည်။

Ref: ဧရာဝတီ

Read More...

မြန်မာ သတင်းလွတ်လပ်ခွင့် မြင့်တက်လာဟု RSF ထုတ်ပြန်

ရန်ပိုင်
January 30, 2013

အစိုးရသစ်၏ ပြုပြင်ပြောင်းလဲရေးကြောင့် မြန်မာ့မီဒီယာ လွတ်လပ်ခွင့် ပိုမိုလာကြောင်း ကမ္ဘာ့နိုင်ငံများ၏ မီဒီယာ လွတ်လပ်ခွင့်ကို စောင့်ကြည့် လေ့လာ နေသည့် ပြင်သစ် အခြေစိုက် နယ်စည်းမခြား သတင်းထောက်များ အဖွဲ့ (RSF) ၏ ယနေ့ထုတ်ပြန်သည့် ၂၀၁၃ ခုနှစ် ကမ္ဘာ့ မီဒီယာ လွတ်လပ်မှု အညွှန်း အစီရင်ခံစာက ဖော်ပြလိုက်သည်။

မြန်မာ့စာနယ်ဇင်း လွတ်လပ်ခွင့်မှာ ကမ္ဘာ့အဆင့် ညွန်းကိန်းများအရ စစ်အစိုးရလက်ထက် ၂၀၀၂ ခုနှစ်တွင် အောက်ဆုံးအဆင့် သာရှိပြီး ၂၀၁၂ ခုနှစ်တွင် အဆင့် ၁၆၉ ရှိရာမှ ယခုနှစ်တွင် အဆင့် ၁၅၁ သို့ ရောက်ရှိလာကြောင်း အဆိုပါ အစီရင်ခံစာတွင် ဖော်ပြထားသည်။

မီဒီယာလွတ်လပ်ခွင့် သတ်မှတ်ချက် မြင့်တက်လာခြင်းမှာ စစ်အစိုးရလက်ထက် ဖမ်းဆီးထောင်ချခံထားရသည့် သတင်းသမားများနှင့် ဘလော်ဂါများ အကျဉ်း ထောင်များအတွင်း မရှိတော့ခြင်း၊ မီဒီယာဥပဒေကို ရေးဆွဲနေဆဲဖြစ်သော်လည်း စာပေစိစစ်ရေးအဖွဲ့ ဖျက်သိမ်းလိုက်ခြင်း၊ ပြည်ပမီဒီယာများကို ပြည်ဝင်ခွင့် ပေးခြင်း စသည့် ဆောင်ရွက်ချက်များသည် စစ်မှန်သည့် သတင်းလွတ်လပ်ခွင့်ကို ဦးတည်နေသည့် သိသာသော ခြေလှမ်းများ ဖြစ်ကြောင်း RSF က ရေးသား ထားသည်။

ပြည်သူ့ခေတ် ဂျာနယ် အယ်ဒီတာချုပ် ဦးဖေမြင့်က “လက်ရှိ အခြေအနေကတော့ စာပေစိစစ်ရေးကို တင်ပြစရာမလိုဘဲ ရေးသားခွင့် ရနေပြီ။ ဒါပေမယ့် ဒီထက်ပိုပြီး ပုံနိုပ်သူများ၊ ထုတ်ဝေသူများ မှတ်ပုံတင် ဥပဒေကိုတော့ အပြီးတိုင် ဖျက်လိုက်ရင် အတိုင်း ထက်လွန်ပေါ့” ဟု ဆိုသည်။

အဆိုပါ ဥပဒေသည် ၁၉၆၂ခုနှစ် တော်လှန်ရေးကောင်စီ လက်ထက် ပြဋ္ဌာန်းသည့် ထုတ်ဝေခွင့်နှင့် ပုံနိုပ်သူမှတ်ပုံတင် ဥပဒေ ဖြစ်ပြီး၊ ထုတ်ဝေခွင့် လျှောက် ထားသည့်အခါ ကြိုတင်စိစစ်ခြင်းနှင့် ထုတ်ဝေသည့်အခါ သတ်မှတ်ထားသည့် စည်းမျဉ်းများနှင့် မညီပါက သက်တမ်းတိုးမပေးခြင်း၊ ဖျက်သိမ်းပစ်ခြင်း ပြုလုပ်နိုင်သည့် ဥပဒေဖြစ်သည်။

ထို့အပြင် စာနယ်ဇင်းများ၏ အရေးသားများနှင့် ပတ်သက်ပြီး အရေးယူမှုများရှိလာခဲ့လျှင် ဖွဲ့စည်းပုံအခြေခံ ဥပဒေပါ နိုင်ငံသားများ ရပိုင်ခွင့် အခွင့်အရေး များနှင့်အညီ ဆောင်ရွက်ရန်လိုသည်ဟု ဦးဖေမြင့်က ဆက်ပြောသည်။

မြန်မာနိုင်ငံတွင် လွတ်လပ်ရေးရပြီးကာစ ပါလီမန် ဒီမိုကရေစီ အစိုးရ ဖဆပလခေတ်တွင် လွတ်လပ်စွာ ပြောဆိုရေးသားခွင့် အပြည့်အ၀ ရှိခဲ့သည်။

RSF ၏ ညွှန်းကိန်းများအရ သတင်း လွတ်လပ်ခွင့်ရှိသည့် နိုင်ငံများ စာရင်းတွင် ဥရောပနိုင်ငံများဖြစ် ဖင်လန်၊ နယ်သာလန်၊ နော်ဝေ တို့က ထိပ်ဆုံး၌ ရှိနေပြီး၊ အာရှနိုင်ငံများဖြစ်သည့် တာ့ခ်မန်နစ္စတန်၊ မြောက်ကိုရီးယားနှင့် အာဖရိကတိုက်ရှိ အီရီထရီးယားတို့က အောက်ဆုံးအဆင့်၌ ဆက်လက်ရှိနေဆဲဖြစ်သည်။

မြန်မာ့အိမ်နီးချင်း တရုတ်နိုင်ငံမှာ အဆင့်သတ်မှတ်ချက် ၁၇၃၊ ဗီယက်နမ်မှာ ၁၇၂၊ ကမ္ဘောဒီးယားမှာ အဆင့် ၁၄၃ တွင် အသီးသီး ရပ်တည်လျက်ရှိသည်။

RSF ၏ ကမ္ဘာ့ မီဒီယာလွတ်လပ်ခွင့် ညွှန်းကိန်းများသည် ဒီမိုကရေစီအရေး၊ လူအခွင့်ရေးနှင့် လွတ်လပ်စွာပြောဆိုခွင့်၊ သတင်းထုတ်ပြန်ခွင့် အပေါ်တွင်သာ မူတည် ကောက်ယူထားခြင်း ဖြစ်ပြီး နိုင်ငံရေးစနစ် အပေါ်တွင် တိုက်ရိုက် မူတည်မထားကြောင်း အဆိုပါအဖွဲ့၏ အထွေထွေအတွင်းရေးမှူး Christophe Deloire က ဆိုသည်။

ထိုအစီရင်ခံစာ ထွက်ပေါ်လာသည့် တချိန်တည်းမှာပင် လတ်တလော ဖြစ်ပွားနေသည့် ကချင်ပဋိပက္ခနှင့် ပတ်သက်ပြီး ငြိမ်းချမ်းရေး လမ်းလျှောက်သူများအား သတင်းမှတ်တမ်း ယူနေသည့် ပြင်သစ်နိုင်ငံသား Mr. Christofa ဆိုသူကို ယနေ့ နေ့လယ်ပိုင်းတွင် အာဏာပိုင်များက သူတည်းခိုနေရာ တောင်ငူမြို့ အမေ့အိမ် တည်းခိုခန်းမှ လာရောက် ခေါ်ဆောင်သွားပြီး ရန်ကုန် အပြည်ပြည်ဆိုင်ရာ လေဆိပ်မှတဆင့် ယနေ့ညနေပိုင်းတွင် ပြည်နှင်ဒဏ် ပေးမည်ဖြစ် ကြောင်း သိရသည်။

Ref: ဧရာဝတီ

Read More...

မြန်မာ အစိုးရနှင့် KIO တို့ ကချင်ပြည်နယ်အတွင်း စစ်ရေးတိုက်ခိုက်မှု ရပ်တန့်ပေးရန် KBC ထုတ်ပြန်

ဖနိဒါ
ဇန်နဝါရီလ ၃၀ ရက် ၂၀၁၃ ခုနှစ်

အစိုးရ စစ်တပ်ဘက်မှ ကချင်ပြည်နယ်အတွင်း ထိုးစစ်ဆင်တိုက်ခိုက်မှု ရပ်ဆိုင်း၍ နိုင်ငံရေး ဆွေးနွေးမှု အမြန်ဆုံးပြုလုပ်ရန် ကချင်နှစ်ခြင်းခရစ်ယာန် အဖွဲ့ချုပ် KBC က ယနေ့ ထုတ်ပြန်လိုက်သည်။

တနှစ်တကြိမ် ကျင်းပပြုလုပ်သော KBC အသင်းတော်၏ သုံးရက်ကြာ အုပ်ချုပ်စီမံ အစည်းအဝေး အပြီးတွင် ယနေ့ ဗုဒ္ဓဟူးနေ့မှာ ယင်းတို့၏ သဘောထားကို နောင်နန်းကျေးရွာရှိ “ရာပြည့်တောင်” (Jaw Bum) တွင် ဆုတောင်း၍ ထို ထုတ်ပြန်အား ဖတ်ကြားခဲ့ခြင်း ဖြစ်သည်။

ထိုအစည်းအဝေးတွင် KBC အသင်းတော်မှ ဘာသာဝင် လေးသိန်း၏ ကိုယ်စားလှယ် ၁၆၀ ဦး တက်ရောက်ခဲ့သည်ဟု KBC ၏ အထွေထွေအတွင်းရေးမှူး သိက္ခာတော်ရဆရာတော် ဒေါက်တာခလမ်ဆမ်ဇွန်က ပြောသည်။

“ဒီကချင်ဒေသမှာ ဖြစ်နေတဲ့ တပ်မတော်ရဲ့ စစ်ဆင်ရေးက ကချင်လူမျိုးတွေကို ချေမှုန်းတဲ့ စစ်ဆင်ရေးလို ဖြစ်နေတာကို ကျနော်တို့ ဆုတောင်းတဲ့ အုပ်ချုပ် စီမံ အစည်းအဝေးမှာ ကျနော်တို့ရဲ့သဘောထားကို ထုတ်ပြန်လိုက်ပါတယ်”ဟု သူက မဇ္စျိမကို ပြောသည်။

တရုတ်-မြန်မာနယ်စပ် လိုင်ဇာ၊ လဂျားယန်းအနီးတဝိုက် အစိုးရ စစ်တပ်နှင့် ကချင်လွတ်လပ်ရေးအဖွဲ့ KIO တပ်ဖွဲ့ များအကြား တိုက်ပွဲများ ဖြစ်ပွားနေသဖြင့် စိုးရိမ်ခြင်းကြောင့် ထုတ်ပြန်ရခြင်း ဖြစ်သည်ဟု သူက ဆက် ပြောသည်။

“နိုင်ငံတော် သမ္မတ ၏ ထာဝရ ငြိမ်းချမ်ရေး လမ်းပြမြေပုံ ဖော်ဆောင်နေသည့် ကာလအတွင်း တိုင်းရင်းသား ညီအစ်ကိုများအကြား ယုံကြည်မှုနှင့် စည်းလုံး ညီညွတ်ရေးကို ထိခိုက်ပျက်ပြားစေသည့် ကချင်ဒေသအတွင်း စစ်ရေး တိုက်ခိုက်မှုများကို ချက်ချင်းရပ်တန့်ပေးရန်” ဟူ၍ ၄င်းတို့၏ ထုတ်ပြန်ချက်တွင် ဖော်ပြ ထားသည်။

အဓမ္မနည်းအားဖြင့် ငြိမ်းချမ်းရေး ရယူရန် ကြိုးပမ်းခြင်းသည် ရေရှည်တည်တံ့မည်ဟု မယုံကြောင်း စစ်မှန်ပြီး တရားမျှတသော ငြိမ်းချမ်းရေးရရှိနိုင်ရန် တိကျသော မူဝါဒများ၊ လုပ်ငန်းစဉ်များ ချမှတ်ကာ နိုင်ငံရေးတွေ့ဆုံ ဆွေးနွေးခြင်း အမြန်ဆုံးပြုလုပ်ရန်တို့ အပါအဝင် စစ်ပြေးဒုက္ခသည်များအား ကုလ သမဂ္ဂနှင့် နိုင်ငံတကာ အကူအညီများကို အတားအဆီးမရှိ ကူညီခွင့်ပြုရန် အဆိုပါ ထုတ်ပြန်ချက်တွင် တောင်းဆိုထားသည်။

ထို့ပြင် ပြည်သူများအား မတရားဖမ်းဆီးခြင်း၊ စစ်ပြေးဒုက္ခသည်စခန်းသို့ လက်နက်နှင့် ပစ်ခတ်ခြင်း၊ မီးရှို့ခြင်းနှင့် အမျိုးသမီးများအား အဓမ္မပြုကျင့်ခြင်းများ မပြုလုပ်ရန်နှင့် အပြည်ပြည်ဆိုင်ရာ လူ့အခွင့်အရေးဆိုင်ရာ သဘော တူညီချက်များကို လေးစားလိုက်နာရန်တို့ကိုလည်း တိုက်တွန်းလိုက်သည်။

လတ်တလော ကချင်ကျေးရွာများအတွင်း အစိုးရစစ်တပ်၏ ပစ်ခတ်မှုများကြောင်း စိုးရိမ်မှုများဖြင့် ခိုလှုံနေရကြောင်း ဒေါက်တာခလမ်ဆမ်ဇွန်က ပြောသည်။

ယမန်နေ့က မြစ်ကြီးနားမှ မိုင် ၃၀ ကျော်အကွာ မရန်းကျေးရွာအနီး အခြေစိုက်ထားသော အစိုးရ၏ အမြောက်တပ်မှ ပစ်ခတ်လိုက်သည့် လက်နက်ကြီး တလုံး ထိုကျေးရွာထဲ ကျရောက်ခဲ့သဖြင့် ဒေသခံ လူ နှစ်ဦး သေဆုံးပြီး သုံးဦး ဒဏ်ရာ ရရှိခဲ့သည်ဟု သူက မဇ္စျိမကို ပြောသည်။

Ref: မဇ္ဈိမ

Read More...

ရှမ်းနှင့် ကယားအဖွဲ့အစည်းများ ညီလာခံ မကြာမီ ကျင်းပမည်

ကွန်ချမ်း
ဇန်နဝါရီလ ၃၀ ရက် ၂၀၁၃ ခုနှစ်

ရှမ်းနှင့် ကယား ပြည်နယ်အတွင်းရှိ နိုင်ငံရေးပါတီနှင့် လက်နက်ကိုင် အဖွဲ့အစည်းအားလုံး ပါဝင်သည့် ညီလာခံတခုကို လားရှိုးမြို့၌ မတ်လ ပထမပတ်အတွင်း အစောဆုံး ကျင်းပသွားနိုင်ရန် စီစဉ်ထားကြောင်း ရှမ်း တိုင်းရင်းသားများ ဒီမိုကရေစီ အဖွဲ့ချုပ် (SNLD) က ပြောသည်။

နိုင်ငံရေး ဘုံသဘောတူညီချက်တခု ရရှိရန် ကြိုးပမ်းသည့်အနေနှင့် ရှမ်းနှင့် ကယား ပူးပေါင်းသည့် ယခုညီလာခံကို ကျင်းပခြင်း ဖြစ်သည်ဟု SNLD ပြောခွင့်ရ စိုင်းလိတ် က ပြောသည်။

“စော်ဘွားတွေ အုပ်ချုပ်တဲ့ ပဒေသရာဇ်ခေတ်ကတည်းက ရှမ်းနဲ့ ကယားဟာ တသားတည်း ကျခဲ့တယ်လေ။ အခု လက်ရှိအခြေအနေမှာ ရှမ်းနဲ့ ကယားရဲ့ လိုအပ်ချက်ကလည်း အတူတူပဲပေါ့နော်။ လိုအပ်ချက်ခြင်း တူတဲ့အတွက် ကြောင့်မို့လို့ တကယ်တမ်း ပြည်ထောင်စု အစိုးရဆီမှာ တောင်းဆိုတဲ့အခါကျရင် နိုင်ငံရေး လိုအပ်ချက်က တသားတည်း ဖြစ်နေဖို့ အတူတူ တွဲလုပ်တာပါ” ဟု စိုင်းလိတ် က ပြောသည်။

အနည်းဆုံး သုံးရက်ကြာ ကျင်းပမည့် ညီလာခံတွင် ပြည်နယ်နှစ်ခု အတွင်းရှိ တိုင်းရင်းသား ပြည်သူတရပ်လုံး၊ အဖွဲ့အစည်း အားလုံး၏ နိုင်ငံရေး လိုအပ်ချက်များကို ဆွေးနွေးကြမည်ဟု ဆိုသည်။

တန်းတူရေးနဲ့ ကိုယ်ပိုင်ပြဌာန်းခွင့်သည် ရှမ်းနှင့် ကယား ပြည်နယ်အတွင်းရှိ တိုင်းရင်းသားအားလုံး၏ တူညီသည့် ဘုံလိုအပ်ချက် ဖြစ်သည်ဟု သူက ဆိုသည်။

ညီလာခံ ဖြစ်မြောက်ရေးအတွက် အင်္ဂါနေ့တွင် ရှမ်းပြည်နယ် လားရှိုးမြို့၌ အစည်းအဝေး ကျင်းပကာ ရှမ်းနှင့် ကယား ပြည်နယ်အတွင်းမှ နိုင်ငံရေးပါတီ ၇ ခုနှင့် လက်နက်ကိုင်အဖွဲ့ ၂ ဖွဲ့မှ ကိုယ်စားလှယ် ၁၁ ဦးဖြင့် ကျင်းပရေး ကော်မတီကို ဖွဲ့စည်းခဲ့သည်။

နိုင်ငံရေးပါတီ ၇ ခုမှာ SNLD၊ ရှမ်းပြည် ကိုးကန့် ဒီမိုကရက်တစ်ပါတီ၊ ကိုးကန့် ဒီမိုကရေစီနှင့် ညီညွတ်ရေးပါတီ၊ ‘ဝ’ အမျိုးသား စည်းလုံးညီညွတ်ရေးပါတီ၊ ဓနု တိုင်းရင်းသား လူမျိုးများ ဒီမိုကရေစီပါတီ၊ အင်းအမျိုးသား ဖွံ့ဖြိုးတိုးတက်ရေးပါတီ၊ ကယန်း အမျိုးသားပါတီတို့ ဖြစ်ပြီး၊ လက်နက်ကိုင် အဖွဲ့အစည်း ၂ ခုမှာ ကယန်းပြည်သစ်ပါတီနှင့် ရှမ်းပြည် တိုးတက်ရေးပါတီတို့ ဖြစ်ကြသည်။

ကရင်နီ အမျိုးသား တိုးတက်ရေးပါတီ (KNPP) ဒု-စစ်ဦးချုပ် ဗိုလ်မှူးချုပ် အောင်မြတ် က ယခုကဲ့သို့ ကယားနှင့် ရှမ်း ပူးပေါင်းသည့် ညီလာခံ ကျင်းပခြင်းဖြင့် နိုင်ငံရေး အလားအလာကောင်းများ ပေါ်ပေါက်လာဖွယ် ရှိကြောင်း၊ ၎င်းပြင် ယခုထက် ပိုမိုကျယ်ပြန့်သည့် ညီလာခံ ဆက်လက် ဖြစ်ပေါ်လာစေလိုကြောင်း ပြောသည်။

“တိုင်းရင်းသား အရေးကိစ္စနဲ့ စပ်နေတဲ့အခါကျတော့ လုပ်နိုင်လို့ ရှိရင် ကောင်းပါတယ်။ အားလုံး တတိုင်းပြည်လုံး ပြည်တွင်းမှာ ရှိတဲ့ NLD အပါအဝင် တိုင်းရင်းသားပါတီတွေကော၊ တိုင်းရင်းသား လက်နက်ကိုင် အဖွဲ့အစည်းတွေကော စုစည်းနိုင်မယ် ဆိုရင်တော့ ပိုကောင်းတာပေါ့” ဟု သူက ပြောသည်။

ယခုကျင်းပမည့် ညီလာခံသည် ကယားပြည်နယ် ပါဝင်သည့် ဒုတိယအဆင့် ရှမ်း ညီလာခံ ဖြစ်ပြီး၊ ပထမအဆင့် ညီလာခံကို ၂၀၁၂ ခုနှစ်၊ နိုဝင်ဘာလတွင် ရန်ကုန်မြို့၌ ‘ငြိမ်းချမ်းရေးအတွက် ယုံကြည်မှု တည်ဆောက်ခြင်း ဆွေးနွေးပွဲ’ ခေါင်းစဉ်ဖြင့် ကျင်းပခဲ့ကာ ရှမ်းနိုင်ငံရေးပါတီ ၃ ခု၊ ရှမ်းလက်နက်ကိုင် အဖွဲ့ ၄ ဖွဲ့နှင့် ပြည်တွင်း ပြည်ပ အခြေစိုက် ရှမ်း လူမှုအခြေပြု အဖွဲ့အစည်း ၁၁ ဖွဲ့မှ ကိုယ်စားလှယ်များ စသည်တို့ တက်ရောက်ခဲ့ကြသည်။

ပထမအဆင့် ညီလာခံတွင် ရှမ်းနိုင်ငံရေးပါတီ အချင်းချင်း ပူးပေါင်းရေး၊ ရှမ်းလက်နက်ကိုင် အဖွဲ့အစည်း တခုတည်း ဖြစ်ပေါ်ရေး၊ နိုင်ငံရေး ရည်မှန်းချက်အရ ဖက်ဒရယ် ပြည်ထောင်စုစနစ် တည်ဆောက်နိုင်ရေး စသည်တို့နှင့် ပတ်သက်သည်များကို ဆွေးနွေးခဲ့ကြပြီး ညီလာခံအပြီးတွင် နောက်ပြန်မဆုတ်သော ငြိမ်းချမ်းရေးဖြစ်စဉ်ကိုဆောင်ရွက်သွားမည် ဖြစ်ကြောင်း ထုတ်ပြန်ခဲ့သည်။

ရှမ်းညီလာခံ နည်းတူ ရခိုင်နှင့် ကရင် တိုင်းရင်းသားများကလည်း မိမိတို့နှင့် သက်ဆိုင်သည့် အမျိုးသား ညီလာခံများ ဖြစ်မြောက်ရေး အတွက် ကြိုးပမ်းလျက် ရှိသည်။

Ref: မဇ္ဈိမ

Read More...

Tuesday, January 29, 2013

ရခိုင်ပြည်လုံးဆိုင်ရာ ဘုန်းတော်ကြီးသင်ပညာရေး ကျောင်းအုပ် ဆရာတော်များ တွေ့ဆုံဆွေးနွေးပွဲ ကျင်းပ

ခိုင်ခိုင်
28 January 2013

ရခိုင်ပြည်လုံးဆိုင်ရာ ဘုန်းတော်ကြီးသင် ပညာရေးဆရာတော်များ ပထမအကြိမ် ပညာရေးဆိုင်ရာ တွေ့ဆုံဆွေးနွေးပွဲကို ရခိုင်ပြည်နယ်၊ ဂွမြို့နယ်၊ ကျိန္တလီမြို့နယ်ခွဲ၊ ဘိုကလေးကျေးရွာ၊ ဓမ္မသုခပရိယတ္တိစာင်သင်တိုက်၌ ဇန်န၀ါရီလ ၂၆ ရက်နေ့က ကျင်းပခဲ့ကြောင်း သတင်းရရှိသည်။

ရခိုင်ပြည်နယ်တွင် ဘုန်းတော်ကြီးသင် ပညာရေးစနစ်ကို ၁၉၉၃ ခုနှစ်က စတင်ခဲ့သော်လည်း ပြည်နယ်ကြီးကြပ်ရေးအဖွဲ့၏ ပူးပေါင်းပါဝင်မှုနှင့် လမ်းညွှန်ချက်များ အားနည်းခြင်းကြောင့် ရခိုင်ပြည်လုံးဆိုင်ရာ ဘုန်းတော်ကြီးသင် ပညာရေးကျောင်း အုပ်ဆရာတော်များ တွေ့ဆုံဆွေးနွေးပွဲကို ယခုနှစ်မှသာ ပထမအကြိမ်အဖြစ် ကျင်းပနိုင်ခြင်းဖြစ်သည်ဟု စစ်တွေမြို့ ရွှေစေတီ ဘုန်းတော်ကြီးသင် ပညာရေးကျောင်းမှ ဆရာတော် အရှင်အရိယ၀ံသ (မေတ္တာစမ်းရိပ်)မှမိန့်ကြားခဲ့သည်။

တွေ့ဆုံဆွေးနွေးပွဲသို့ ရခိုင်ပြည်နယ် ၁၅ မြို့နယ်မှ ဘ-က ကျောင်းအုပ်ဆရာတော် ၂၈ ပါးတက်ရောက်ခဲ့ပြီး သြဂုတ်လနှင့် ဒီဇင်ဘာလကဗြိတိန်သံရုံး၏ ထောက်ပံ့မှုဖြင့် ပျိုးပင် projet မှ စစ်တွေမြို့ ရွှေစေတီကျောင်းတိုက်၌ ဆရာတော်ကြီးများ ဆွေးနွေးပွဲ နှစ်ကြိမ်ပြုလုပ်ခြင်းကို အခြေခံကာ ရခိုင်ပြည်လုံး ဆိုင်ရာ ဘ-ကဆရာတော်များ ပထမအကြိမ်တွေ့ဆုံဆွေးနွေးပွဲကို ကျင်းပခဲ့ခြင်းဖြစ်ကြောင်း သိရသည်။

ပထမအကြိမ် ရခိုင်ပြည်လုံးဆိုင်ရာ ကျောင်းအုပ်ဆရာတော်များ တွေ့ဆုံဆွေးနွေးပွဲမှ ရခိုင်ပြည်နယ် ဘ-က ပညာရေးကျောင်းဖွံ့ဖြိုးတိုးတက်ရေးအသင်းကြီးကို ဖွဲ့စည်းခဲ့ကြပြီး အနာဂတ်ရခိုင်ပြည်၏ ဘ-ကပညာရေး လမ်းကြောင်းသစ်ကို ဖော်ဆောင်မည့် ပညာရေး နည်းဗျူဟာသစ်များ ချမှတ်ခဲ့ကြောင်း သိရသည်။

အစည်းအဝေးမှ တစ်နှစ် တစ်ကြိမ် ပြာသိုလပြည့်နေ့တိုင်း ပြည်နယ် ဘ-က ဖွံ့ဖြိုးတိုးတက်ရေးအသင်း အစည်းအဝေးကို နှစ်စဉ်ကျင်းပရန်၊ မြို့နယ် ဘ-က ကျောင်းများသို့ လမ်းညွှန်ပေးရန်၊ ၂၀၁၄ ခုနှစ် မောင်တော (၃)မိုင်၊ ဘ-က ကျောင်း၌ ဒုတိယအကြိမ် အစည်းအဝေးတွင် အသင်းရန်ပုံငွေ အတွက် ငွေပဒေ သာပင် စိုက်ထူရန်၊ ပြည်နယ် ဘ-က ဖွံ့ဖြိုးတိုးတက်ရေးအသင်း၏ ရန်ပုံငွေ ရရှိနိုင်ရန် ပြည်တွင်း၊ ပြည်ပ အလှူရှင်များထံမှ ရန်ပုံငွေရှာဖွေရန်၊ ရန်ပုံငွေ အခြေ အနေအပေါ်မှာ မူတည်ပြီး အသင်းဝင်ကျောင်းအားလုံးကို မဲစနစ်ဖြင့် ခွဲဝေလှူဒါန်းရန်၊ ရခိုင်ပြည်နယ် ဘ-က ဖွံ့ဖြိုးတိုးတက်ရေး အသင်း၏ စည်းကမ်း၊ စဉ်းမျဉ်း အခြေခံမူဝါဒများကို ရေးဆွဲရန် စသည့် ဆုံးဖြတ်ချက်များကို အစည်းအဝေးက ချမှတ်ခဲ့ကြသည်။

ဆွေးနွေးပွဲမှ သြ၀ါဒစရိယ ဆရာတော်ကြီးများ၊ အလုပ်အမှုဆောင်ဆရာတော်ကြီးများ ကို ရွေးချယ်တင်မြှောက်ခဲ့ကြပြီး ကျောက်ဖြူမြို့၊ ပရဟိတ၊ ဘ-က ကျောင်းမှ ဘဒ္ဒန္တ ကောဏ္ဍည၊ မြောက်ဦးမြို့၊ မော်ရွာသစ်၊ ဘ-က ကျောင်းမှ ဘဒ္ဒန္တ သကျဝံသ၊ ပေါက်တောမြို့နယ်၊ သ၀င်ေ ချာင်း၊ ဘ-က ကျောင်းမှ ဘဒ္ဒန္တ ဥတ္တမ တို့မှာ အသင်းကြီး၏ သြ၀ါဒစရိယ ဆရာတော်ကြီးများဖြစ်သည်။

အလုပ်အမှုဆောင် ဆရာတော်ကြီးများမှာ

၁။ ဘဒ္ဒန္တ ဣန္ဒက၊ မီးဝ၊ ဘ-က ကျောင်း၊ ကျောက်တော်မြို့နယ်။ ဥက္ကဋ္ဌ

၂။ ဘဒ္ဒန္တ မ္မာနန္ဒ၊ ရွှေနတ်တောင်၊ ဘ-က ကျောင်း၊ ရမ်းဗြဲမြို့။ ဒု- ဥက္ကဋ္ဌ

၃။ ဘဒ္ဒန္တ န္ဒာသီရိ၊ သုံးမိုင်၊ ဘ-က ကျောင်း၊ မောင်တောမြို့။ ဒု- ဥက္ကဋ္ဌ

၎။ ဘဒ္ဒန္တ အရိယ၀ံသ၊ ရွှေစေတီ၊ ဘ-က ကျောင်း၊ စစ်တွေမြို့။ အတွင်းရေးမှူး

၅။ ဘဒ္ဒန္တ ဣန္ဒက၊ ဘိုကလေး၊ ဘ-က ကျောင်း၊ ဂွမြို့နယ်။ တွဲ- အတွင်းရေးမှူး

၆။ ဘဒ္ဒန္တ ၀ရဓဇ၊ ဂုံကျွန်း၊ ဘ-က ကျောင်း၊ မြောက်ဦးမြို့။ တွဲ- အတွင်းရေးမှူး

၇။ ဘဒ္ဒန္တ ဣန္ဒာစာရ၊ ပုလဲရတနာ၊ ဘ-က ကျောင်း၊ ဂျိတ္တော၊ သံတွဲမြို့နယ်။ ဘဏ္ဍာရေးမှူး

၈။ ဘဒ္ဒန္တ ၀ရသာမိ၊ ပြိန်းချောင်း၊ မှန်ကျောင်း၊ ဘ-က ကျောင်း၊ ကျောက်တော်။ တွဲ-ဘဏ္ဍာရေးမှူး

၉။ ဘဒ္ဒန္တ ခေမာဝံသ၊ ဝေဠုန်ဝန်၊ ဘ-က ကျောင်း၊ စစ်တွေမြို့။ တွဲ- ဘဏ္ဍာရေးမှူး

၁၀။ ဘဒ္ဒန္တ ၀ဏ္ဏ၊ အုန်းတောချောင်း၊ ဘ-က ကျောင်း၊ ပေါက်တောမြို့နယ်။ စာရင်းစစ်

၁၁။ ဘဒ္ဒန္တ တေဇဉာဏ၊ ငပြီကျွန်း၊ ဘ-က ကျောင်း၊ ပေါက်တောမြို့နယ်။ တွဲ- စာရင်းစစ်

၁၂။ ဘဒ္ဒန္တ နိဝါတ၊ ကံပိုင် မဟာဝိဟာရ၊ ဘ-က ကျောင်း၊ တောင်ကုတ်မြို့။ တွဲ- စာရင်းစစ်

မြန်မာနိုင်ငံ၌ ဘုန်းတော်ကြီးသင် ပညာရေးကျောင်းများကို ၁၉၉၃ ခုနှစ်က ဖွင့်လှစ်ရန် နိုင်ငံတော် သံဃာ့မဟာနာယက ဆရာတော်ကြီးများမှ မိန့်ကြားခဲ့ရာ ရခိုင်ပြည်နယ်တွင် တစ်မြို့နယ်လျှက် ကျောင်း (၅) ကျောင်းကျစီဖွင့်ခွင့်ရခဲ့ရာ အဆိုပါနှစ်က (ဘ-က) ကျောင်း ၁၈၀ ကျော်ရှိခဲ့သည်။

ကူညီထောက်ပံ့ပေးမှုအားနည်းချက်ကြောင့် ကျောင်းများလျှော့ကျခဲ့ရာ လက်ရှိတွင် ရခိုင်ပြည်နယ်တွင် (ဘ-က)ကျောင်းပေါင်း ၈၀ ကျော်သာရှိပြီး ဆရာ၊ ဆရမ ၄၀၀ကျော်နှင့် ကျောင်းသားဦးရေ (၁၀၅၀၀) ကျော်ရှိကြောင်း သိရသည်။

Ref: အာရ်ကန်တိုင်းမ်

Read More...

ဗိုလ်မှူးကြီး ထွန်းမြတ်နိုင်အား အဆက်အသွယ်ပြန်လည်ရရှိ

28 January 2013

ယနေ့နံနက်ပိုင်းတွင် ရက္ခိုင့်တပ်မတော် ဗဟိုစစ်ဦးစီးချုပ်ရုံးမှ ဗိုလ်မှူးကြီးထွန်းမြတ်နိုင်အား အဆက်အသွယ်ပြန်လည်ပြုလုပ်နိုင်ခဲ့ပြီဖြစ်ကြောင်း သတင်းရရှိသည်။

ရက္ခိုင့်တပ်မတော် AA မှ တာဝန်ရှိသူတစ်ဦးဖြစ်သူ ဗိုလ်မှူးကျော်ဟန်က “ ဗိုလ်မှူးကြီးထွန်းမြတ်နိုင်ဟာ အခုလုံခြုံတဲ့နေရာတစ်ခုသို့ ရောက်ရှိနေပြီဖြစ်ကြောင်း၊ တရုတ်စစ်ပုလိပ်များဖမ်းဆီးခြင်းကို ခံခဲ့ရပြီး ခရီးသွားစာရွက်စာတမ်းများနှင့် အထောက်အထားစာရွက်စာတမ်းများ ဖျက်ဆီးခံခဲ့ရကြောင်း ” အာရ်ကန်တိုင်းမ်စ် သတင်းဌာသို့ အတည်ပြု သတင်းပေးပို့သွားခဲ့သည်။

ဇွန္န၀ါရီလ ၂၅ ရက်နေ့ ထိုင်းနိုင်ငံ ချင်းမိုင်မြို့မှ China Esatern Airlines MU - 2594 လေယဉ်ဖြင့် တရုတ်နိုင်ငံ ကူမင်းမြို့သို့ စီးနှင်းလိုက်ပါစဉ် အဆက် အသွယ်ပြတ်တောက်သွားသဖြင့် မဟာမိတ်အသိုင်းအဝိုင်းနှင့် ရက္ခိုင်တပ်မတော်မှ တာဝန်ရှိသူများ အပူတပြင်းလိုက်လံစုံစမ်းခဲ့သဖြင့် ယနေ့နံပိုင်းတွင် ဗိုလ်မှူးကြီးထွန်းမြတ်နိုင်နှင့် အဆက်အသွယ်ပြန်လည်ရရှိခဲ့ပြီဖြစ်ကြောင်း သိရှိရသည်။

Ref: အာရ်ကန်တိုင်းမ်

Read More...

တိုင်းရင်းသားပေါင်းစုံပါဝင်သီဆိုမည့် ဂီတဖျော်ဖြေပွဲကြီးနှင့် ပတ်သက်သောသတင်းစာရှင်းလင်းပွဲ ပြုလုပ်

ခိုင်ခိုင်
28 January 2013

ယနေ့ ဇန်နဝါရီ ၂၈ ရက်၊ နေ့လည် ၁ နာရီ ၁၅ မိနစ်တွင် တိုင်းရင်းသားပေါင်းစုံပါဝင်မည့် ဂီတဖျော်ဖြေပွဲကြီးနှင့်ပတ်သက်၍ သတင်းစာရှင်းလင်းပွဲတစ်ခုကို ရန်ကုန်တိုင်း၊ စမ်းချောင်းမြို့နယ်၊ မင်းလမ်းရှိ ရခိုင်အမျိုးသား ကွန်ယက်ရုံး၌ ပြုလုပ်ခဲ့ကြောင်း သိရသည်။

ထိုသတင်းစာ ရှင်းလင်းပွဲသည် ဖေဖော်ဝါရီလ ၂၂ ရက်တွင် ကျင်းပပြုလုပ်မည့် " ငြိမ်းချမ်းရေး တေးသံ ပြည့်အားမာန် " ဂီတဖျော်ဖြေပွဲအတွက် ပြုလုပ်ခြင်း ဖြစ်ပြီး ရခိုင်အမျိုးသားကွန်ယက်မှ ဦးဆောင်ကျင်းပကာ အဆိုတော်များ၊ မီဒီယာများ၊ ရခိုင်အမျိုးသား ကွန်ယက်မှ အဖွဲ့ဝင်များ လူဦးရေ ၅၀ ခန့် တက် ရောက်ခဲ့ကြောင်း အာရ်ကန်တိုင်းမ်သို့ ပြောကြား သည်။

သတင်းစာ ရှင်းလင်းပွဲလုပ်ရသည့် ရည်ရွယ်ချက်အား ရခိုင်အမျိုးသားကွန်ယက် ဥက္ကဌ ကိုတင်ထူးအောင်အား မေးမြန်းရာ " ငြိမ်းချမ်းရေးတေးသံ ပြည့်အား မာန်ဆိုတဲ့ ခေါင်းစဉ်နဲ့အညီ ပြည်ထောင်စုတစ်ခုလုံး ငြိမ်းချမ်းဖို့၊ ဒီတေးသံတွေကို ပြည်ထောင်စုတစ်ခုလုံးကို လွှမ်းခြုံနိုင်ဖို့အတွက် ရည်ရွယ်ပြီးတော့ လုပ်ရ တဲ့ပွဲဖြစ်ပါတယ်။ ဒီပွဲကနေ ရလာတဲ့ အကျိုးအမြတ်တွေကို ပြည်ထောင်စု မြန်မာနိုင်ငံတစ်ခုလုံးမှာ ရှိနေကြတဲ့ တိုင်းရင်းသားတွေအားလုံးရဲ့ နိုင်ငံရေး၊ စီးပွားရေး၊ လူမှုရေး၊ ပညာရေးနှင့်အထွေထွေ လိုအပ်ချက်တွေကို အဓိကဖြည့်ဆည်း ထောက်ပံ့ပေးသွားမှာ ဖြစ်ပါတယ်။ နောက်ပြီးတော့ ဒီပွဲကရလာတဲ့ အကျိုးအမြတ်တွေကို ကချင်ဒေသနှင့်ရခိုင်ဒေသ ၊ ဖွံ့ဖြိုးမှုနောက်ကျနေတဲ့ တိုင်းရင်းသားဒေသတွေကို အဓိကပံ့ပိုးသွားမှာ ဖြစ်ပါတယ်။ နောက်ပြီးတော့ ရခိုင်အမျိုးသား ကွန်ယက်ရဲ့ ရှေ့ဆက်လုပ်ဆောင်မည့် လုပ်ငန်းစဉ်များမှာလည်း အသုံးပြုသွားမှာဖြစ်ပါတယ်။ " ဟုပြောသည်။

ဂီတဖျော်ဖြေပွဲတွင် ဇော်ပိုင်၊ နေတိုး၊ ထူးအယ်လင်း၊ ဝင်းကိုခိုင်၊ ဟက်ကက်၊ ရိန်မိုး အစရှိသည့် အဆိုတော်၂၀ ကျော်ခန့် ပါဝင်ဖျော်ဖြေမည်ဖြစ်ကြောင်း သိရှိရသည်။

ဂီတ ဖြေဖျော်ပွဲ ဖြစ်မြောက်ရေး စီစဉ်နေသူတစ်ဦးဖြစ်သူ အဆိုတော်ညီသူဟန် က " ဒီနေရာမှာ ကျွန်တော် ကူညီပေးခွင့်ရတာ အတိုင်းမသိဝမ်းသာANN copy မိပါတယ်။ ကျွန်တော်တို့ လူမျိုးတစ်မျိုး မဟုတ်ပဲနဲ့ တိုင်းရင်းသားတွေရဲ့ ခံစားချက်တွေကိုလည်း မျှဝေခွင့်ရပါတယ်။ တိုင်းရင်းသားတွေရဲ့ ရိုးရာအက၊ ရိုးရာ ဝတ်စုံတွေလည်းပါတယ်။ တိုင်းရင်းသားတွေအားလုံး အပြန်အလှန်နားလည်မှု၊ စည်းလုံးမှုတွေရရှိပြီး အားလုံးငြိမ်းငြိမ်းချမ်းချမ်းနဲ့ သာသာယာယာ မြင်ချင်ပါတယ်။ " ဟု ပြောသည်။

ဖေဖော်ဝါရီလ ၂၂ ရက် ပြုလုပ်မည့် " ငြိမ်းချမ်းရေး တေးသံပြည့်အားမာန် " ဂီတဖျော်ဖြေပွဲကြီးသည် တိုင်းရင်းသားပေါင်းစုံ ပါဝင်သီဆိုမှာဖြစ်ပြီး ဆင်းရဲချို့ တဲ့၍ ဖွံ့ဖြိုးတိုးတက်မှု နောက်ကျနေသော တိုင်းရင်းသားဒေသတွေရဲ့ လိုအပ်ချက်များကို ဖြည့်ဆည်းနိုင်ရန်အတွက် ပြုလုပ်သောပွဲဖြစ်သည်။ ထိုဂီတပွဲတွင် တိုင်းရင်းသားများအချင်းချင်း အပြန်အလှန် နားလည်မှုကိုရရှိစေပြီး စည်းလုံးညီညွှတ်မှုကို ဖြစ်စေမည့် ပွဲတစ်ခုလည်းဖြစ်သည်။

Ref: အာရ်ကန်တိုင်းမ်

Read More...

ပုဒ်မ ၁၄၈/၅၀၆(ဒု)ဖြင့် အရေးယူခံထားရသော ဘင်္ဂလီ(၇)ဦး တရားသေပြန်လွတ်

မင်းသွီး
28 January 2013

ဇွန်လ (၈)ရက်နေ့က ရခိုင်ပြည်နယ် မောင်တောမြို့တွင် ဒေသခံများအား အကြမ်းဖက်ရာတွင်ပါဝင်သည့် အဓိကဦးဆောင်သူ ဘင်္ဂလီ (၇)ဦးကို ဖမ်းဆီး တရားစွဲဆိုထားရာမှ ဇန္န၀ါရီလ၊ (၂၃)ရက်၊ (၂၀၁၃)ခုနှစ်တွင် မောင်တောခရိုင် တရားရုံးမှတရားသေ ပြန်လွှတ်ပေးခဲ့ကြောင်း သတင်းရရှိသည်။

မောင်တောခရိုင် တရားသူကြီး ဦးခင်ဇော်သည် ယင်းတရားခံ ဘင်္ဂလီ(၇)ဦးထံမှ တစ်ဦးကိုလာဘ်ငွေ ကျပ်သိန်း(၄၀)စီယူ၍ တရားသေပြန်လွှတ်ပေး ခဲ့ခြင်းဖြစ်ကြောင်း တရားရုံးအသိုင်းအ၀န်းနှင့် နီးစပ်သူများပြောပြချက်အရ သိရှိရသည်။

ယင်းတရားခံ ဘင်္ဂလီ(၇)ဦးမှာ ၁။ မာမက်အလောင်(ဘ)မာမက်ကာလူ(ဘောင်းဇာကျေးရွာ) ၂။ ဆော်လီမူလာ(ဘ)ဖော်စွာခေါ်ရီ(ရွှေဇား ကျေးရွာ) ၃။ ရောင်ဒူလာ(ဘ)ဖေါ်စွာခေါ်ရီ(ရွှေဇားကျေးရွာ) ၄။ နူရ်ဟာဆောင်(ဘ)နူရ်ဘော်ရှော(ရွှေဇားကျေးရွာ) ၅။ အဘူတာဟက်(ဘ)မူစတာ အာမက်(ရွှေဇား ကျေးရွာ) ၆။ အီဆွတ်အာလီ(ဘ)ဂူဒါညာ(ဇင်ဘညာကျေးရွာ) ၇။ ခေါ်လီမူလာ(ဘ)အဘူကာဆင်း(နဘော်ဇားကျေရွာ)တို့ဖြစ်ပြီး ၄င်းတို့အား ဥပဒေနှင့် ဆန့်ကျင်သော ဆူပူမှုတွင် သေစေနိုင်လောက်သည့် လက်နက်ကိုင်ဆောင်ခြင်း ပုဒ်မ ၁၄၈ နှင့် အသက်အန္တရယ်ကိုခြိမ်းခြောက်ခြင်း ပုဒ်မ (၅၀၆) ဒုတိယ ပိုင်းဖြင့် တရားစွဲဆိုထားခဲ့ခြင်းဖြစ်ကြောင်း သိရှိရသည်။

ရခိုင်အရေးဥပဒေလေ့လာသူများက ယင်းကိစ္စနှင့်ပတ်သက်ပြီး မြန်မာနိုင်ငံတွင် ငွေများတရားနိုင်သည့် ခေတ်သည် ယနေ့အချိန်ထိ ရှိနေသေးကြောင်း၊ တရားဥပဒေစိုးမိုးရေးကို အကောင်အထည်ဖော်ဆောင်ရွက်နေရာတွင် ထိုသို့သော အကျင့်ပျက်ဝန်ထမ်းများရှိနေသရွေ့ လက်တွေ့အောင်မြင်စွာ အကောင် အထည်ဖော် ဆောင်ရွက်နိုင်မည်မဟုတ်ကြောင်း၊ ဒေါ်အောင်ဆန်းစုကြည်ဦးဆောင်သော တရားဥပဒေစိုးမိုးရေးကော်မတီအနေဖြင့် ရန်ကုန်တွင်သာမက ခြစား၊ လာဘ်စားမှုများအမှန်တကယ်ဖြစ်ပွားနေသော နယ်စပ်ဒေသများတွင် ကွင်းဆင်းလေ့လာသင့်ကြောင်း၊ နိုင်ငံတော်သမ္မတအနေဖြင့်လည်း လာဘ်စား မှုပပျောက်အောင်စီမံဆောင်ရွက်ရာတွင် ယခုကဲ့သို့ လာဘ်စားပြီး အမှုမှကွင်းလုံးကျွတ် လွတ်ပေးသောတရားသူကြီးများကို ထိထိရောက်ရောက် အရေးယူ ဆောင်ရွက်သင့်ကြောင်း၊ သို့မှသာလူထုအနေဖြင့် တရားစီရင်ရေးကို အားကိုးယုံကြည်လေးစားမှုကို ရရှိစေလာနိုင်ပြီး တရားဥပဒေစိုးမိုးရေးအောက်တွင် ငြိမ်းချမ်းစွာ နေထိုင်နိုင်မည်ဖြစ်ကြောင်း သုံးသပ်ပြောဆိုကြသည်။

Ref: အာရ်ကန်တိုင်းမ်

Read More...

ဟင်းသီးဟင်းရွက် သားငါးများ ရောင်းချရာတွင် အဆိပ်များ ပါဝင်နေသည်ဆိုသော သတင်း အစိုးရမှ တရားဝင် ရှင်းလင်းရန်လို

January 29, 2013
မောင်အေး

ရခိုင်ပြည်နယ် စစ်တွေမြို့တွင် ယခုရက်ပိုင်းအတွင်း နယ်ဘက်မှ ၀င်လာသည့် ဟင်းသီးဟင်းရွက်များ အပါအ၀င် အမဲသား နှင့်ကြက်ဥများတွင် အဆိပ်များ ပါဝင်နေသည် ဆိုသည့် သတင်းများ ပျံ့နှံ့နေသဖြင့် အစိုးရမှ ထင်သာ မြင်သာရှိသော တရားဝင် ရှင်းလင်းမူမျိုး ပြုလုပ်ရန် လိုအပ်နေကြောင်း ပြည်နယ် လွှတ်တော် ကိုယ်စားလှယ် ဦးအောင်မြကျော်က ပြောသည်။

“ ဟိုတစ်နေ့ကလည်း အမဲသားစားလို့ဆေးရုံးကို အဆိပ်မိပြီး လူနှစ်ယောက်ရောက်တယ်လို့ သတင်း ထွက်နေတယ်။ အဲဒါ အမဲသားစားလို့လား။ ဘာဖြစ်လို့လည်းဆိုတာတော့ အဖြေထုတ်လို့ မရသေးဘူးလို့ သိရတယ်။ ကြက်ဥ တွေ မှာလည်း အဆိပ် ဆေးထိုးထားတယ်ဆိုတဲ့ သတင်း တွေလည်း ထွက်နေတယ်။ အဓိကတော့ အစိုးရပိုင်းက တိကျတဲ့သတင်းတွေ မထုတ် ပြန်နိုင်တဲ့ အတွက် သတင်းတွေက အမျိုးမျိုးဖြစ်နေတယ်။ အခြေအနေတွေက ပိုပြီး ဆိုးရွားလာနေ တယ်” ဟု ဦးအောင်မြကျော်က ပြောသည်။

လွန်ခဲ့သည့်ရက် အနည်းငယ်က ဘူးသီးတွင် အဆိပ်တွေ့ရသည်အတွက် သက်ဆိုင်ရာကို တင်ပြ ထားပြီး သက် ဆိုင်ရာမှ ရန်ကုန်သို့ ဓါတ်ခွဲ စစ်ဆေးရန် ပို့ဆောင်ထားသော်လည်း ယနေ့တိုင် တစ်စုံတရာထုတ်ပြန် မှုမရှိ သည့်အတွက် တာဝန်ရှိသူများကို မေးမြန်းရန် စီစဉ်နေကြောင်း သူက ဆက်ပြောသည်။

အလားတူ အမဲသားစားရာမှ အဆိပ်မိသည်ဟုဆိုကာ ဆေးရုံတွင် ရူပမြောက် ရပ်ကွက်မှ ဦးထွီးမောင်သား ဦးထွန်းဝင်း ၄၂ နှစ်၊ မောင်တင်ထွန်းသား ခင်ဝင်းလှိုင် ၂၈ နှစ်နှင့် ဘောက်သီးစုရပ်ကွက်မှ ဦးမောင်စိန်ညွန့်သား အောင်ဆန်းအေး ၂၇ နှစ်တို့ ဆေးကုသမှုခံယူ နေကြောင်း သိရသည်။

သူတို့စားသည့် အမဲသားကို ရူပမြောက်ရပ်ကွက်တွင်နေထိုင်သည့် ကုလားပျက်ဆိုသူမှ ၀ယ်ပေးခဲ့ခြင်းဖြစ် ကြောင်းသိရသည်။ သို့သော်လည်း သူတို့ စားသော အမဲသားတွင် အဆိပ်ပါ မပါကို တရားဝင် ထုတ်ပြန် ပြုလုပ်မူ မရှိသေးကြောင်း သိရသည်။

အဆိုပါ ကိစ္စနှင့်ပတ်သတ်ပြီး အသေးစိတ်သိရှိနိုင်ရန် ရခိုင်ပြည်နယ်အစိုးရအဖွဲ့ သတင်းနှင့် ပြန်ကြားရေး အတွင်းရေးမှူး ဦးဝင်းမြိုင်လက်ကိုင်ဖုန်းကို နိရဉ္စရာမှ အကြိမ်ကြိမ် ဆက်သွယ် ခဲ့သော်လည်း ဖုန်းကိုင် ဖြေဆိုခြင်း မရှိခဲ့ပေ။

ယခုကဲ့သို့ ဟင်းသီးဟင်းရွက်နှင့် အသားများတွင် အဆိပ်များပါဝင်နေသည်ဟု သတင်းများ စစ်တွေ မြို့တွင် ပျံ့နှံ့နေသည့်အတွက် မြို့ခံများမှာ ၀ယ်ယူ စားသောက်ရန် စိုးရိမ်နေကြပြီး စစ်တွေမြို့ စည်းကမ်း ထိန်းသိမ်းရေး ရဟန်းတော်များအဖွဲ့မှလည်း မြို့တွင်းသို့ဝင်လာသည့် အသီးအရွက်များကို စစ်ဆေး မှုများ ပြုလုပ်နေကြောင်း သိရသည်။

Ref: နိရဉ္စရာ

Read More...

မောင်တော ဗောဓိကုန်းတွင် စစ်တပ်က ပစ်၍ အရပ်သား တစ်ဦးဒဏ်ရာရ

January 28, 2013
မောင်အေး

ရခိုင်ပြည်နယ် မောင်တောမြို့နယ် တောင်ပိုင်း ဗောဓိကုန်းကျေးရွာ အနီးတွင် စစ်တပ်က ပစ်ခတ်၍ အရပ်သား တစ်ဦး ဒဏ်ရာ ရရှိသွားကာ ဆေးရုံ တင်ပို့ လိုက်ရသည်ဟု သိရသည်။

ဒဏ်ရာရသူမှာ ဗောဓိကုန်း ရခိုင် ကျေးရွာ အနီး မွတ်ဆလင်ရွာမှ ဖြစ်ကြောင်း ရွာသား တစ်ဦးက ပြောသည်။

“ နာမည်တော့ မရဘူး။ ဘင်္ဂလီ အမျိုးသားဘဲ။ ဒီနေ့ နံနက် ၁၁ နာရီက ဖြစ်တာပါ။ အခု ဒဏ်ရာနဲ့ မောင်တော ဆေးရုံကို ပို့လိုက်ရတယ်။ ဒဏ်ရာပြင်း တယ်လို့ သိရပါတယ်” ဟု ဆိုသည်။

စစ်တပ်က ပစ်ခတ်ခြင်းမှာ သေနတ်လု၍ ဖြစ်သည်ဟု သတင်းပျံ့နှံ့နေကြောင်း ကျေးရွာသားက ပြောသည်။

“ ဖြစ်တာက သစ်တောဌာနက အဲဒီမှာ လမ်းဖေါက်နေတယ်။ အဲဒီ သစ်တောဌာနက လူတွေကို မွတ်ဆလင် အမျိုးသား တစ်စုက ဓါးနဲ့ ခုတ်မလို့ လိုက် လာတာမှာ စစ်တပ်က သွားတားတော့ စစ်သား တစ်ဦးဆီက သေနတ်လုတယ်လို့ ပြောတယ်။ ဒါကြောင့် စစ်တပ်က ပစ်တယ်လို့ သိရပါတယ်” ဟု ပြောသည်။

သို့သော်လည်း ဖြစ်ပျက်ပုံနှင့် ပတ်သက်ပြီး နိရဉ္စရာက သီးခြား အတည်ပြုနိုင်ခြင်း မရှိသေးပါ။

Ref: နိရဉ္စရာ

Read More...

မောင်တောတွင် အစိုးရ အဆောင်တစ်ခု မီးရှို့ခံရ

January 28, 2013
ထွန်းထွန်း

မြန်မာနိုင်ငံ အနောက်ဘက် နယ်စပ် မောင်တောမြို့တွင် အစိုးရ အဆောင်တစ်ခု ယနေ့ ညနေ ၉ နာရီခန့်က မီးရှို့ခံရသည်ဟု သတင်း ရရှိသည်။

မီးရှို့ခံရသည့် အဆောင်မှာ မောင်တောသုံးမိုင် ဂေါက်ကွင်းအနီးရှိ ဂျီအီး ပစ္စည်းများ သိုလှောင်ရုံ ဖြစ်ကြောင်း သိရသည်။

“ အဲဒီမှာ ဘိလပ်မြေတွေ၊ သံတွေ၊ တိုလီမူတ်စတွေ ထားတယ်လို့ ကြားသိရပါတယ်။ အသေးစိတ်ကတော့ မနက်ဖြန်မှဘဲ သိရမှာ ဖြစ်ပါတယ်” ဟု သေခံ တစ်ဦးက ဆိုသည်။

မီးရှို့သူများမှာ အနီးအနားက မွတ်ဆလင်ကျေးရွာသားများ ဖြစ်ကြသည်ဟု ဒေသခံများက ပြောဆိုပြီး စစ်တပ်နှင့် နစက တပ်ဖွဲ့ဝင်များမှ မိုးပေါ် သေနတ်ပစ်ခတ်ကာ မီးရှို့သူများကို လူစုခွဲ ခဲ့ရသည်ဟုလည်း ဒေသခံက ပြောကြားသည်။

မီးရှို့သူများနှင့် ပတ်သက်ပြီး သက်ဆိုင်ရာက လိုက်လံ စုံစမ်းနေကြောင်း သတင်း ရရှိသည်။

Ref: နိရဉ္စရာ

Read More...

အစိုးရ ငြိမ်းချမ်းရေးဖော်ဆောင်ရေး အဖွဲ့နှင့် ပြည်တွင်းလူမှုအဖွဲ့အစည်း တို့တွေ့ဆုံဆွေးနွေး

28 January 2013
စဖန်းရှောင်း

ပြည်ထောင်စုငြိမ်းချမ်းရေးဖော်ဆောင်ရေး ဒုဥက္ကဌ ၀န်ကြီးဦးအောင်မင်းဦးဆောင်သောအဖွဲ့ဝင်များနှင့်လူမှု အဖွဲ့အစည်းများမှ ကိုယ်စားလှယ်များသည် ယမန်နေ့က ရန်ုကုန်မြို့ ဦးဝိစာရလမ်းရှိ ငြိမ်းချမ်းရေးစင်တာတွင် တွေ့ ဆုံဆွေးနွေးခဲ့ကြသည်။

၎င်းတွေ့ဆုံပွဲတွင် အစိုးရ သမ္မတရုံးမှ ဦးအောင်မင်း အပါအ၀င် ဦးစိုးသိန်း၊ ဦးခင်ရီတို့နှင့်အတူ လူမှုအဖွဲ့အစည်း ၄၆ဖွဲ့မှ ကိုယ်စား လှယ်ပေါင်း ၉၀ကျော်တို့ ကိုတွေ့ဆုံကာ ငြိမ်းချမ်းရေးဖော်ဆောင်ရေးလုပ်ငန်းများအပြင် ဒုက္ခသည်များ နေရာပြန်လည်ချထားရေး ကိစ္စများနှင့် ပတ်သက်၍ အပြန်အလှန် မေးမြန်း ဆွေးနွေးခဲ့ကြသည်။

တွေ့ဆုံဆွေးနွေးပွဲသို့ ကိုယ်စားလှယ်အဖြစ် တက်ရောက်ခဲ့သူ ကရင်အမျိုးသမီးများဖွံ့ဖြိုးတိုးတက်ရေးအဖွဲ့-KWAG မှ နမ့်သန္တာ အောင်က “ကျမတို့ သူတို့နဲ့တွေ့ဆုံတာ အထူးသဖြင့် ကချင်စစ်ပွဲကိစ္စနဲ့ ကရင်ဒုက္ခသည်တွေကို နေရာပြန်လည်ချထားရေးကိစ္စ မေးကြတယ်။ ကျမတို့ မေးတဲ့မေးခွန်းတွေ အစိုးရဘက်က သေချာတဲ့ အဖြေမပေးနိုင်ခဲ့ဘူး”ဟု ကေအိုင်စီသို့ ပြောသည်။

ဦးအောင်မင်းနှင့်အဖွဲ့သည် အရပ်ဖက် လူမှုအဖွဲ့အစည်းများကို တစ်အုပ်စုလျှင် ၃မိနစ်စီသာ ဆွေးနွေးချိန် သတ်မှတ်ထားခဲ့ပြီး တွေ့ဆုံခွင့်ရချိန် နှစ်နာရီအတွင်း KWAG၊ ကရင်လူငယ်ကွန်ယက် စသည့်ကရင်အဖွဲ့ အပါအ၀င် အဖွဲ့ပေါင်း ၂၀သာ မေးမြန်း ခွင့်ရခဲ့သည်။

ထို့အပြင် ကရင်ဒုက္ခ္ခသည်များအတွက် ပြန်လည်နေရာချထားရေးနှင့်ပတ်သက်ပြီး မြန်မာအစိုးရသည် ကမ္ဘာ့ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး-UNHCR၊ ထိုင်း-မြန်မာနယ်စပ်တလျှောက် ကူညီစောင့်ရှောက်ရေး ညွှန့်ပေါင်းအသင်း-TBBC တို့နှင့် တွေ့ဆုံဆွေးနွေးခဲ့ပြီးဖြစ်သော်လည်း ယင်းကိစ္စအပေါ် ဒုက္ခ္ခသည်များကိုယ်တိုင်သာမက လူမှုအဖွဲ့အစည်းများကိုလည်း အသိပေးထားခြင်း မရှိသေးကြောင်း သိရသည်။

နမ့်သန္တာအောင်က “အစိုးရရဲ့ လုပ်ဆောင်မှုတွေဟာ ပွင့်လင်းမြင်သာမှု မရှိတဲ့အတွက် ကျမတို့က စိုးရိမ်တယ်။ ဦးအောင်မင်းက တော့ ဒီ IDP ဒုက္ခသည် တွေအနေနဲ့ နေရပ်ကို ပြန်လာချင်တယ်ဆိုရင် ကြိုဆိုပါတယ်။ နောက်ပြီး နေရပ်ပြန်မယ့်သူတွေအတွက် လည်း မိုင်းရှင်းလင်းရေးတွေလည်း စတင်လုပ်ဆောင် နေပါတယ်လို့ပဲ ပြောသွားတယ်။ လုပ်ဆောင်မယ့် လုပ်ငန်းစဉ်အသေးစိတ် ကိုတော့ ဆွေးနွေးတာမရှိဘူး”ဟု ဆိုသည်။

တဆက်တည်းမှာပင် ကချင်စစ်ပွဲနှင့် ပတ်သက်၍ ဦးအောင်မင်းက ၎င်းအနေဖြင့် ကချင်လွတ်မြောက်ရေးအဖွဲ့-KIO နှင့် ငြိမ်းချမ်း ရေးဆွေးနွေးပွဲ သုံးကြိမ် ပြုလုပ်ခဲ့ပြီဖြစ်သော်လည်း ပြေလည်မှု မရရှိဘဲ လက်လျှော့လိုက်ရသည်ဟု ရှင်းလင်းပြောဆိုခဲ့ကြောင်း လည်း သူမက ပြန်လည် ပြောပြသည်။

ယခုပြုလုပ်သော တွေ့ဆုံဆွေးနွေးပွဲသည် ပြည်ထောင်စုငြိမ်းချမ်းရေး ဖော်ဆောင်ရေးအဖွဲနှင့် ပြည်တွင်း လူထုအခြေပြု အဖွဲ့အ စည်းများ ပထမဆုံးအကြိမ် တွေ့ဆုံခြင်းဖြစ်ပြီး နောက်နောင် ထပ်မံ တွေ့ဆုံရန် ရှိသေးကြောင်း သိရသည်။ ယခုလ ဇန်န၀ါရီ ၂၀ရက်နေ့ကလည်း ရန်ကုန်မြို့ရှိ လွှတ်တော်အဆောက် အဦးတွင် နိုင်ငံတော်သမ္မတ ဦးသိန်းစိန်က အရပ်ဘက် လူမှုအဖွဲ့အ စည်းများနှင့် တွေ့ဆုံကာ ငြိမ်းချမ်းရေးဖော်ဆောင်ရေး လုပ်ငန်းစဉ်များနှင့်ပတ်သက်၍ ပူးပေါင်းပါဝင်ရန် ပြောဆိုခဲ့သေးသည်။

Ref: ကေအိုင်စီ

Read More...

BGF ပစ်ခတ်၍ KNLA တပ်ကြပ်တစ်ဦးနှင့် အရပ်သားတစ်ဦး ဒဏ်ရာရရှိ

28 January 2013
နန်းသူးလေ

ကရင်ပြည်နယ်၊ ဖာပွန်မြို့နယ်ရှိ မယ်လာထာ့ကျေးရွာ အနီးတ၀ိုက်ရှိ ကရင်အမျိုးသားလွတ်မြောက်ရေး တပ်မတော်-KNLA တပ်ဖွဲ့တစ်ဖွဲ့ကို မဲဆိပ်အခြေစိုက် နယ်ခြားစောင့်တပ်-BGF (၁၀၁၄)တပ်ရင်းမှ တပ်ဖွဲ့ဝင်အချို့က သွားရောက်ပစ်ခတ်၍ KNLA တပ်ကြပ်တစ်ဦးနှင့် အရပ်သားတစ်ဦး ဒဏ်ရာရရှိခဲ့ကြောင်း သိရသည်။

ယခုလ ဇန်န၀ါရီ ၂၂ရက်နေ့၊ နံနက် ၁၀နာရီက အင်အား ၂၀ ၀န်းကျင်ရှိ BGF တပ်ဖွဲ့ဝင်အချို့သည် မဲဆိပ်မှနေ၍ မယ်လာထာ့ သို့ သွားရောက်၍၎င်းတို့ KNLA တပ်ဖွဲ့ဝင်ကို ချုံခိုတိုက်ခိုက်ခဲ့ခြင်းဖြစ်သည်ဟု ကရင်အမျိုးသားအစည်းအရုံး-KNU ဖာပွန်ခရိုင်မှ တပ်မဟာ(၅) ရုံးထိုင်မှူး ဗိုလ်မှူးစောကလယ်ဒို့က ယခုလို ပြောသည်။

၎င်းက “မဲဆိပ်နဲ့ မယ်လာထာ့ဆိုတာက ခြေလျင်နဲ့ဆို ၂နာရီ ခရီးလောက် ရှိတယ်။ ဒါကိုကြည့်ရင် တမင်တက်လာပြီး KNLA တပ်ဖွဲ့တွေကို ချုံခိုက်တိုက် ခိုက်တာ။ တိုက်ပွဲက မိနစ် ၃၀လောက်တော့ ကြာတယ်။ တိုက်ပွဲအပြီး ကျနော်တို့ဘက်က တစ် ယောက်နဲ့ အရပ်သားတစ်ယောက် ဒဏ်ရာရသွားတယ်။ သူတို့ဘက်က အခြေအနေတော့ မသိရဘူး”ဟု ပြောသည်။

ထိုသို့ KNLA တပ်ဖွဲ့ဝင်များ ပစ်ခတ်ခံရပြီးနောက် ဇန်န၀ါရီလ ၂၄ရက်နေ့တွင် KNU တပ်မဟာ(၅)၊ ဖာပွန်ခရိုင်ရုံးဘက်မှ ဖာပွန် အခြေစိုက် အစိုးရစစ်တပ် ဗျူဟာဌာနသို့ အကြောင်းကြားစာတစ်စောင် ပို့ခဲ့သော်လည်း ယခုထိ အကြောင်းပြန်ကြားမှု တစုံတရာ မရှိသေးကြောင်း သူက ဆက်ပြောသည်။

BGF (၁၀၁၄)တပ်ရင်းသည် ဗိုလ်မှူးစောမောင်ချစ်က ဦးဆောင်သည့်အဖွဲ့ဖြစ်ပြီး ယခုလို အပစ်အခတ်ရပ်စဲရေးကာလတွင် KNLA အား အကြောင်းမဲ့ တိုက်ခိုက်ခြင်းသည် လက်ခံနိုင်စရာ မရှိကြောင်း၊ ရှေ့ဆက် မဖြစ်အောင် အစိုးရဘက်တွင် တာဝန်ရှိ ကြောင်းနှင့် အစိုးရစစ်တပ်များကို ၎င်းတို့ဘက်မှ အကြောင်းမဲ့ စတင် တိုက်ခိုက်မှု ပြုလုပ်မည် မဟုတ်ကြောင်းလည်း KNUဘက် က ပြောဆိုသည်။

ဗိုလ်မှူးစောကလယ်ဒို့က “ကိုယ့်နယ်မြေမှာကိုယ်မနေပဲ ကျူးကျော်လာပြီး တဖက်နဲ့တဖက် ပစ်ခတ်တာမျိုး မဖြစ်သင့်ဘူး။ နောက်ပြီး ကျနော်တို့ဘက် ကတော့စသွားတိုက်မှာ မဟုတ်ဘူး။ သူတို့ဘက်က လာတိုက်ရင်တော့ ပြန်လည်ခုခံကာကွယ်ရမှာပဲ” ဟု ပြောသည်။

ထို့အပြင် မဲဆိပ်အခြေစိုက် BGF တပ်ဖွဲ့ဝင်များသည် KNLA တည်ရှိရာ မယ်လာထာ့သို့ မကြာခဏဆိုသလို ၆၀-မမ လက်နက် ကြီးများဖြင့် လှမ်း၍ ပစ်ခတ်မှုများ ရှိနေကြောင်း ဒေသခံများ၏ ပြောပြချက်အရ သိရသည်။

မယ်လာထာ့တွင် BGF နှင့် KNLA တပ်ဖွဲ့တို့ တိုက်ခိုက်မှုဖြစ်ပွားသည့် ဇန်န၀ါရီလ ၂၂ရက်နေ့တွင် ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့ ဒုတိယ ဥက္ကဋ္ဌ ပြည်ထောင်စုဝန်ကြီး ဦးအောင်မင်း၊ ပြည်သူ့စစ်နှင့် နယ်စပ်ရေးရာ ညွှန်ကြားရေးမှူး ဗိုလ်ချုပ် မောင်မောင်အုန်း၊ လူဝင်မှုကြီးကြပ်ရေးဌာန၀န်ကြီး ဦးခင်ရီတို့အဖွဲ့သည် BGF နှင့် ဒီမိုကရေစီကရင်အကျိုးပြုတပ်မတော်-DKBA ခေါင်းဆောင် ဗိုလ်မှူးချုပ်စောလားပွယ်အဖွဲ့အား မြ၀တီမြို့တွင် လာရောက် တွေ့ဆုံပြီး ဘီဂျီအက်ဖ်နှင့် ဒီကေဘီအေအကြား ဖြစ် ပွားသည့် တင်းမာမှုကိစ္စအပေါ် ညှိနှိုင်းမှုများ ပြုလုပ်ခဲ့သေးသည်။

Ref: ကေအိုင်စီ

Read More...

မြန်မာ့ခရီးသွားလုပ်ငန်း တိုးတက်ရေး စိန်ခေါ်မှုများစွာ ရှိနေသေး

နန်းဆိုင်နွမ်
January 28, 2013

မြန်မာနိုင်ငံသို့ နိုင်ငံခြားသားဧည့်သည် ၀င်ရောက်မှု တိုးတက်လာသော်လည်း ခရီးသွား လုပ်ငန်း ရေရှည် တိုးတက် ရေးအတွက် စိန်ခေါ်မှုများစွာ ရှိနေ သေးကြောင်း ခရီးသွား လုပ်ငန်း လုပ်ဆောင်သူတို့ထံမှ သိရသည်။

စိန်ခေါ်မှုများမှာ အခြေခံအားဖြင့် အဆောက်အအုံ၊ လမ်းပန်းဆက်သွယ်ရေး၊ ငွေကြေး လဲလှယ်မှုများနှင့် လူသား အရင်းအမြစ် ဖြစ်သည့် ၀န်ဆောင်မှု လုပ်ငန်းများသည် အဓိက ကျနေကြောင်း မြန်မာနိုင်ငံ ခရီးသွား လုပ်ငန်းရှင်များအသင်း တွဲဖက် အထွေထွေ အတွင်းရေးမှူး (၁) ဦးတင်ထွန်းအောင်က ဧရာဝတီသို့ ပြောသည်။

“လတ်တလော အဆောက်အအုံတွေ တည်ဆောက်တဲ့အခါ ဘယ်လောက် လုပ်ဆောင်နိုင်မလဲ၊ ငွေကြေးလှဲလှယ်မှု ကောင်တာတွေရော၊ ဘဏ်လုပ်ငန်းတွေ ဖွံ့ဖြိုးဖို့ လိုအပ်နေသေးတယ်။ Home Stay နေထိုင်ဖို့ကိုလည်း ခွင့်ပြုပေးသင့်ပါတယ်” ဟု ဦးတင်ထွန်းအောင်က ဆိုသည်။

ဟိုတယ် လုံလောက်မှု မရှိသည့်အတွက် ဟိုတယ်ဈေးနှုန်းများ မြင့်တက်လာကြောင်း၊ ငွေလဲလှယ်သည့် ကောင်တာများ၏ အားနည်းချက်များကြောင့် မသမာသည့် ငွေလဲလှယ်မှုများလည်း ရှိလာကြောင်း၊ ဘဏ်များ ယခင်ထက် ပိုမို တိုးတက်မှသာ ခရီးသွားလုပ်ငန်းများ အနေဖြင့် အိမ်နီးချင်း နိုင်ငံများနှင့် အမီလိုက်နိုင်မည် ဖြစ်ကြောင်း ၎င်းက ဆက်ပြောသည်။

“ဟိုတယ်ဈေးနှုန်းတွေကို တောင်းချင်သလောက် တောင်းပြီးတော့ ၀န်ဆောင်မှုတွေ ကောင်းကောင်း မပေးနိုင်သရွေ့ ခရီးသွားက တိုးတက်မှာ မဟုတ်ဘူး။ ဟိုတယ်တွေ မလုံလောက်မှုပေါ့။ အခုဆိုရင် မြန်မာပြည်က ၀င်ငွေများတဲ့သူတွေမှ လာလို့ရတဲ့ တိုင်းပြည် ဖြစ်နေပြီ” ဟု ဂျပန်ဘာသာ ဧည့်လမ်းညွန် တဦးဖြစ်သည့် ဒေါ်တင်နွယ်အေးက ဆိုသည်။

ခရီးသွားဧည့်သည်များသည် နယ်ဒေသများကို သွားရောက် လည်ပတ်သည့်အခါ ဒေသထွက်ကုန်များ၊ ရှေးဟောင်း ပစ္စည်းများကို အတုလုပ်ကာ ဈေးတင် ရောင်းချခံနေရကြောင်း၊ အရည်အသွေး ညံ့သည့် ပစ္စည်းများကို ရောင်းချမှုကြောင့် နောင်တချိန်တွင် ကမ္ဘာ့နိုင်ငံများအကြား မျက်နှာပျက်ဖွယ်ရာ ဖြစ်လာ နိုင်ကြောင်း ၎င်းက ဧရာဝတီသို့ ပြောသည်။

“အခုဆိုရင် အဲပုဂံ လေယာဉ်ပျက်ကျပြီး ကတည်းက ဧည့်သည်တွေ လေယာဉ်စီးတာ နည်းလာတယ်။ အုပ်စုလိုက် ဖွဲ့ပြီး ကားနဲ့ပဲ သွားကြတယ်။ ဒါပေမယ့် ကားလမ်းပေါ်မှာ အိမ်သာမရှိတာ ခက်တယ်” ဟု ဒေါ်တင်နွယ်အေးက ဆိုသည်။

မြန်မာနိုင်ငံတွင် ကမ္ဘာလှည့် ခရီးသွားလုပ်ငန်း ကုမ္ပဏီ ၁၀၃၆ ခု ရှိပြီး နိုင်ငံခြားမှ လာရောက် ရင်းနှီးမြှုပ်နှံထားသည့် ဟိုတယ် ၁၀ ခု ရှိကြောင်း သိရသည်။

ယခု ၂၀၁၂ ခုနစ်မှ စတင်ကာ ခရီးသွားများ ပိုမို များပြားလာပြီး အခန်း မလုံလောက်မှုများနှင့် အခန်းခ ဈေးနှုန်း မြင့်တက်မှုများ ရှိလာရာ ယင်းအချက်များ သည် ကမ္ဘာလှည့် ခရီးသွားလုပ်ငန်းအတွက် အဟန့်အတား တခု ဖြစ်ကြောင်း Joyful Jupiter Tourism Co. ltd. ပိုင်ရှင် ဦးတင်စိုးက ပြောသည်။

“ဟိုတယ် အခန်းခတွေက အရင်ကဆိုရင် ဒေါ်လာ ၆၀ လောက်ပဲရှိတယ်။ အခုဆိုရင် ဒေါ်လာ ၂၃၀ လောက်အထိ တောင်းလာကြတော့ ကျနော်တို့ ကုမ္ပဏီတွေ အခက်အခဲ အများကြီး တွေ့ရတယ်။ ဟိုတယ်တွေ ၀န်ဆောင်မှု ညံ့နေသရွေ့တော့ ခရီးသွားတိုးတက်မှု နှောင့်နှေးနေဦးမှာပါ” ဟု သူက ဆိုသည်။

ဟိုတယ် ဈေးနှုန်းများကို အစိုးရ သက်ဆိုင်ရာမှ သတ်မှတ်ထားသော်လည်း ထိရောက်မှုမရှိသေးကြောင်း၊ တခြား နိုင်ငံများ၏ ၀န်ဆောင်မှုများကို ယှဉ်မည် ဆိုပါက နောက်ကျနေသေးကြောင်း၊ မြန်မာအစိုးရ အနေဖြင့် ကမ္ဘာလှည့် ခရီးသွားလုပ်ငန်းကို စနစ်တကျ စီမံ လုပ်ကိုင်သင့်ကြောင်း၊ နိုင်ငံသားပိုင် ခရီးသွား ကုမ္ပဏီများနှင့် နိုင်ငံခြားသားပိုင် ကုမ္ပဏီများ အကြား ဟန်ချက်ညီသည့် အခွင့်အလမ်း ပေးသင့်ကြောင်း ခရီးသွားလုပ်ငန်း လုပ်ကိုင်သူများက ပြောဆိုကြ သည်။

၂၀၁၂ ခုနှစ်တွင် ရန်ကုန်လေဆိပ်မှ ၀င်ရောက်လာသည့် နိုင်ငံခြား ခရီးသွားဧည့်သည် ၆ သိန်း၊ နယ်စပ်မှ ၀င်ရောက်သူပေါင်း ၄ သိန်းဖြင့် စုစုပေါင်း ၁ သန်းကျော်ရှိကြောင်း သိရသည်။

“မြန်မာပြည် ခရီးသွားတွေက တနှစ်ထက် တနှစ် များလာဖို့ပဲရှိတယ်။ ခရီးသွား ဧည့်လမ်းညွန်တွေ၊ ဟိုတယ် ၀န်ဆောင်မှု လုပ်ငန်းတွေ လုပ်ကိုင်နေသူတွေကို နိုင်ငံတကာနဲ့ ယှဉ်ပြိုင်လို့ရတဲ့ သင်တန်းတွေ ပေးသင့်တယ်” ဟု ဦးတင်ထွန်းအောင်က ပြောသည်။

မြန်မာနိုင်ငံ ဟိုတယ်နှင့် ခရီးသွား ၀န်ကြီးဌာန၏ စာရင်းအရ လိုင်စင်ရ ဧည့်လမ်းညွှန်ပေါင်း ၃၃၅၃ ဦး ရှိကြောင်း၊ ဖော်ပြထားပြီး လိုင်စင်သက်တမ်း ကုန်သွား သူများ ပြန်လည် လုပ်ကိုင်နိုင်ရန် မွမ်းမံ သင်တန်းများ ပေးနေကြောင်းလည်း သိရသည်။

လက်ရှိ မြန်မာနိုင်ငံ အနှံ့တွင် တိုင်းရင်းသားပိုင်နှင့် နိုင်ငံခြားသားပိုင် ဟိုတယ် စုစုပေါင်း ၇၄၆ လုံးရှိနေပြီး အခန်းပေါင်း ၂၇၀၀၀ ကျော်ရှိကာ ကြယ်ပွင့်အဆင့် သတ်မှတ်ထားသော ဟိုတယ် ၁၄၁ လုံးရှိကြောင်း၊ ထပ်မံဆောက်လုပ်ရန် လျှောက်လွှာ တင်ထားသည့် တိုင်းရင်းသားပိုင် ဟိုတယ် ၂ လုံး ရှိကြောင်း ဟိုတယ်နှင့် ခရီးသွားလာရေး ဝန်ကြီးဌာန စာရင်းများက ဖော်ပြသည်။

နိုင်ငံခြားသားဧည့်သည် ဝင်ရောက်မှုမှာ ၂၀၁၁ ခုနှစ်တွင် ၄၁၀၀၀၀ ကျော်ရှိခဲ့ပြီး ၂၀၁၂ ခုနှစ်ကုန်ပိုင်းတွင် ၆၀၀၀၀၀ ကျော်ဝင်ရောက်မည်ဟု ခန့်မှန်းထား ကြောင်း၊ လက်ရှိတွင် ရန်ကုန်အပြည်ပြည်ဆိုင်ရာ လေဆိပ် ဝင်ပေါက်တခုတည်းမှ ပြည်ပဧည့် ဝင်ရောက်နှုန်းမှာ တနေ့လျှင် ဦးရေ ၁၀၀၀ နှင့် ၁၅၀၀ ကြားရှိ ကြောင်း ဟိုတယ်နှင့် ခရီးသွားလာရေး ဝန်ကြီးဌာနမှသိရသည်။

ဧရာဝတီသတင်းထောက် လင်းသန့် ပူးပေါင်း ရေးသားသည်။

Ref: ဧရာဝတီ

Read More...

နိုင်ငံခြားအကြွေး ၆ ဘီလီယံ လျှော်ပြီးပြီ

January 28, 2013

ကမ္ဘာဘဏ်နှင့် အာရှဖွံ့ဖြိုးရေးဘဏ်တို့သို့ ပေးဆပ်ရန် ရှိသည့် နိုင်ငံခြားကြွေးမြီများ၏ အများစုကို ဂျပန်နိုင်ငံက ပေါင်းကူးချေးငွေဖြင့် ပေးဆပ်ခဲ့သည့်အတွက် ယခုအခါ မြန်မာနိုင်ငံသည် အဆိုပါ ဘဏ်တို့မှ ကြွေးမြီသစ် များ ပြန်လည် ချေးယူ၍ ရတော့မည် ဖြစ်သည်။

ကမ္ဘာ့ဘဏ်၏ ၀ါရှင်တန် ရုံးချုပ်က တနင်္ဂနွေနေ့က ထုတ်ပြန်လိုက်သည့် ကြေညာချက်အရ မြန်မာနိုင်ငံသည် ကမ္ဘာ့ဘဏ်နှင့် အာရှ ဖွံ့ဖြိုးရေး ဘဏ်များသို့ ပေးဆောင်ရန် ရှိသည့် နိုင်ငံခြားကြွေးမြီများ အနက် ပမာဏကြီးမားသည့် ကြွေးမြီဟောင်းများကို ဂျပန်နိုင်ငံ အပြည်ပြည်ဆိုင်ရာ ပူးပေါင်း ဆောင်ရွက်ရေး ဘဏ်(JBIC) ပေါင်းကူး ချေးငွေအဖြစ် ကူညီပေးဆပ်ခဲ့သည်။

JBIC ဘဏ်က အမေရိကန် ဒေါ်လာ သန်းပေါင်း ၉၅၂ သန်းကို ပေါင်းကူးချေးငွေအဖြစ် ကူညီပေးဆပ်လိုက်သည့် အတွက် ယခုကဲ့သို့ ကမ္ဘာ့ဘဏ်၏ ကြေညာချက် ထွက်ပေါ်လာခြင်းဖြစ်သည်။ မြန်မာနိုင်ငံအနေဖြင့် ကမ္ဘာ့ဘဏ်သို့ ပေးရန်ရှိ ကြွေးမြီမှာ ဒေါ်လာ သန်း ၄၄၀ ရှိပြီး အာရှဖွံ့ဖြိုးရေးဘဏ်သို့ ပေးရန်ရှိ ကြွေးမြီမှာ ဒေါ်လာ ၅၁၂ သန်း ဖြစ်သည်။

ကမ္ဘာ့ဘဏ်နှင့် အာရှ ဖွံ့ဖြိုးရေး ဘဏ်များအနေဖြင့် မြန်မာနိုင်ငံက ကြွေးမြီဟောင်းများ မပေးဆပ်နိုင်သည့်အတွက် နှစ်ပေါင်း ၃၀ ခန့်ကြာ ကြွေးမြီသစ်များ ချေးယူမှု အစီအစဉ် ရပ်ဆိုင်းထားရာမှ ယခုကဲ့သို့ ပြန်လည်ချေးယူခွင့် ရရှိခြင်းဖြစ်သည်။

ဂျပန်နိုင်ငံအနေဖြင့် မြန်မာပြည်အပေါ် တင်ရှိနေသည့် အကြွေး အမေရိကန်ဒေါ်လာ ၃ ဘီလီယံကျော်ကို လျှော်ပေးခဲ့ပြီးဖြစ်သည်။

ယခုအခါ နော်ဝေနိုင်ငံကလည်း တင်ရှိနေသည့် ကြွေး ဒေါ်လာ ၅၃၄ သန်းကို လျှော်ပေးခဲ့သည့် တချိန်တည်းတွင်ပင် အခြား ဥရောပ ငွေချေးနိုင်ငံများ ကလည်း မြန်မာနိုင်ငံအပေါ် တင်ရှိနေသော အကြွေး ဒေါ်လာ ၄.၄ ဘီလီယံ၏ တဝက် ဒေါ်လာ ၂.၂ ဘီလီယံကို လျှော်ပေးမည်ဖြစ်သောကြောင့် ကြွေးလျှော်ပေးမှု စုစုပေါင်းမှာ ဒေါ်လာ ၆ ဘီလီယံနီးပါးရှိပြီ ဖြစ်သည်။

မြန်မာနိုင်ငံက တင်ရှိနေသော နိုင်ငံခြားကြွေးမြီ စုစုပေါင်းမှာ ၁၀.၃၃ ဘီလီယံရှိသည်။

“ကြွေးဟောင်းကျေမှ ကြွေးသစ်ထပ်ရမှာဆိုတော့ အင်မတန်ကို အကြိတ်အနယ် ဆွေးနွေးရတဲ့ အစည်းအဝေးပါ။ နာရီ ၂၀ ကြာပါတယ်” ဟု မြီရှင်နိုင်ငံများနှင့် ဆွေးနွေးရာတွင် ဦးဆောင် ဆွေးနွေးသော စီးပွားရေးပညာရှင် ဦးဇော်ဦးက ဧရာဝတီသို့ ပြောဆိုသည်။

“ဂျပန်နဲ့ နော်ဝေရဲ့ ကူညီမှုက ကျန်နိုင်ငံတွေနဲ့ သဘောတူညီချက်ရလာအောင် ပံ့ပိုးမှု ဖြစ်ခဲ့ပါတယ်။ တခြားနိုင်ငံတွေဆို အိုင်အမ်အက်ဖ်ရဲ့ အစီအစဉ် တွေအောက်မှာ သုံးနှစ်လောက် လုပ်ပြရတယ်။ မြန်မာနိုင်ငံက ထူးခြားတယ်” ဟုလည်း ဦးဇော်ဦးက ပြောဆိုသည်။

ဘဏ္ဍာရေးနှင့် အခွန် ၀န်ကြီးဌာန ဦးဝင်းရှိန်ခေါင်းဆောင်သော မြန်မာကိုယ်စားလှယ်အဖွဲ့သည် မြန်မာနိုင်ငံ၏ ကြွေးမြီ အားလုံး၏ ၆၀ ရာခိုင်နှုန်း သက် သာရန် ဆွေးနွေးညှိနှိုင်းမှုကို ဇန်န၀ါရီလ ၂၅ ရက်နေ့က လုပ်ဆောင်ခဲ့ကြောင်းလည်း ယနေ့ကြေးမုံသတင်းစာတွင် ဖော်ပြထားသည်။

တနင်္ဂနွေနေ့က ထုတ်ပြန်သော ကမ္ဘာ့ဘဏ်၏ ထုတ်ပြန်ကြေညာချက်တွင် မြန်မာပြည်ဆိုင်ရာ ညွှန်ကြားရေးမှူး အန်းနက်ဒစ်ဆန်က “လုပ်စရာတွေ အများကြီး ကျန်နေပါသေးတယ်။ မြန်မာနိုင်ငံအစိုးရက လုပ်ဆောင်နေတဲ့ ဆင်းရဲနွမ်းပါးမှု လျှော့ချရေးနဲ့ လူတိုင်းအတွက် စီးပွားရေးလုပ်ငန်းတွေ ကောင်း မွန်ဖြစ်ထွန်းလာရေး ဆောင်ရွက်ချက်တွေကို ပိုမို အားကောင်းလာစေဖို့ ကမ္ဘာ့ဘဏ်အနေနဲ့ ကူညီလုပ်ဆောင်သွားဖို့ ကတိပြုထားပြီး ဖြစ်ပါတယ်” ဟု ရေးသားပြောဆိုထားသည်။

Ref: ဧရာဝတီ

Read More...

KIA ၏ အမြင့်ဆုံးတောင်ကို အစိုးရတပ် သိမ်းပိုက်

ကျော်ခ
January 28, 2013

ကချင်လွတ်လပ်ရေး တပ်မတော် (KIA) အတွက် မဟာဗျူဟာကျတဲ့ ခါရာ တောင်ကုန်းကို အစိုးရ စစ်တပ်တွေက လက်နက် လူအင်အားသုံးပြု တိုက်ခိုက်ပြီး ဒီလ ၂၅ ရက်နေ့ သိမ်းပိုက်ထားလိုက်ပြီ ဖြစ်ပါတယ်။

ပွိုင့် ၁၀၁၂ လို့ခေါ်တဲ့ ခါရာတောင်ဟာ လိုင်ဇာဌာနချုပ် အနီး KIA အတွက် ဗျူဟာအရ အရေးပါတဲ့ အမြင့်ဆုံးတောင် ဖြစ်ပြီး ဒီလ ၂၄ ရက်နေ့မှာ အစိုးရ စစ်တပ်က ၁၂၀ မမ၊ ၁၀၅ မမ၊ ၈၁ မမ လက်နက်ကြီး အလုံးပေါင်း ထောင်ချီပစ်ခတ်ခဲ့ကာ မြေပြင်ထိုးစစ်တွေနဲ့ အင်အားသုံး စစ်ဆင်ပြီး သိမ်းပိုက်ခဲ့တာ ဖြစ်ကြောင်း KIA ဘက်က ပြောပါတယ်။

သမ္မတ ဦးသိန်းစိန် အစိုးရက လဂျားယန်ဒေသကို စစ်ဆင်ရေး ရပ်စဲလိုက်ပြီလို့ ဒီလ ၁၉ ရက်နေ့က တရားဝင် ကြေညာပြီးတဲ့ နောက် အခုလို ထိုးစစ်ဆင် ပြီးသိမ်းယူခဲ့တာ ဖြစ်ပါတယ်။ အတည်မပြုနိုင်သေးတဲ့ သတင်းတွေအရ အစိုးရ စစ်တပ်ဘက်က အကျအဆုံးများပြားပြီး KIA တပ်ဘက်မှာလည်း ထိခိုက် သေဆုံးမှုတွေ ရှိတယ်လို့ သိရပါတယ်။

“ဒီ ခါရာ ပွိုင့်ကို ရအောင်ထိုးပါလို့ စစ်တပ်ကို အထက်က ညွှန်ကြားထားတယ် ပြောတယ်။ မဟာဗျူဟာအရကျတော့ ဒီဒေသမှာ ဒီတောင်က အမြင့်ဆုံးပဲလေ။ အဲဒီတော့ သူတို့က စိုးမိုးထားတဲ့ပုံ ပေါက်တာပေါ့” လို့ KIA ရဲ့ မဟာမိတ် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) မြောက်ပိုင်းရဲ့ ပြန်ကြားရေး တာဝန်ခံ ဗိုလ်မှူး မင်းဌေးက ဧရာဝတီကို ပြောပါတယ်။

အခုလ အစောပိုင်းက KIA အတွက် အရေးပါတဲ့ ပွိုင့် ၇၇၁ တောင်ကုန်းနဲ့ ဖွန်ပြင်ဘွန် တောင်ကုန်းတွေ အပါအဝင် တောင်ကုန်းတချို့ကို အစိုးရတပ်က လေယာဉ်တွေနဲ့ ပစ်ကူတိုက်ခိုက် သိမ်းပိုက်ခဲ့ပြီး လက်နက်တွေ တပ်ဆင်ထားတယ်လို့ စစ်မြေပြင် သတင်းတွေအရ သိရပါတယ်။

အစိုးရတပ်တွေနဲ့ KIA တပ်တွေ မြေပြင်တိုက်ပွဲတွေ ဆက်လက် ဖြစ်ပွားနေပြီး ဒီနေ့ မွန်းလွဲပိုင်းမှာ လဂျားယန် ဘက်က တက်လာတဲ့ အစိုးရ စစ်ကြောင်းနဲ့ KIA တပ်ဖွဲ့တွေ လဝါးယန် ဒေသမှာ တိုက်ပွဲဖြစ်ပွားနေကြောင်း ဗိုလ်မှူး မင်းဌေးက ပြောပါတယ်။

KIA ဌာနချုပ် လိုင်ဇာမြို့အနီး အစိုးရ စစ်တပ်တွေ ရောက်ရှိလာချိန်မှာပဲ ဒေသခံတချို့ဟာ ကချင်လွတ်လပ်ရေး အဖွဲ့ (KIO) ထိန်းချုပ်မှုအောက်ရှိ ဒုက္ခသည်စခန်းတွေကို ထွက်ပြေးလာကြပြီး လိုင်ဇာ မြို့တွင်းနဲ့ မြို့ပြင်မှာ ရှိနေတဲ့ စခန်း ၄ ခုက ဒုက္ခသည်တွေကလည်း အစိုးရတပ်က ပစ်ခတ်တိုက် ခိုက်မှုတွေ လုပ်လာမှာကို စိုးရိမ်နေကြတယ်လို့ ကချင်ဒုက္ခသည်စခန်းများ ကော်မတီ ဥက္ကဋ္ဌ ဆလန်ကဘာ ဒွဲပီဆာက ပြောပါတယ်။

ပြည်ထောင်စု ငြိမ်းချမ်းရေး ဖော်ဆောင်ရေး ကော်မတီက ယခုလ ၁၉ ရက်နေ့ နေ့စွဲနဲ့ KIO ကို လက်ရှိ ကချင်ပြည်နယ် အတွင်းမှာ ဖြစ်ပွားနေတဲ့ ပဋိပက္ခ များအရေး ကိစ္စဖြေရှင်းရန်နဲ့ ငြိမ်းချမ်းရေး တည်ဆောက်ရေး ကိစ္စများ ဆွေးနွေးရန် စာပို့အကြောင်း ကြားခဲ့ပြီး KIO က အစိုးရအနေနဲ့ ထိုးစစ်တွေ ဆက်တိုက် ပြုလုပ်နေတဲ့အတွက် စစ်ရေးအရ ဖိအားပေးမှု အခြေအနေအောက်မှာ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) အနေနဲ့သာ ဆွေးနွေးဖို့ အကြောင်းပြန်ခဲ့ပါတယ်။

UNFC အနေနဲ့လည်း ဆွေးနွေးမယ်လို့ အစိုးရတာဝန်ရှိသူတွေက ပြည်တွင်း၊ ပြည်ပ သတင်းမီဒီယာတွေမှာ ဖြေကြားနေပေမယ့် နှစ်ဘက် တွေ့ဆုံနိုင်ရေး ဆက်သွယ်ရာမှာ အကြောင်းပြန်ကြားမှုတွေ မရှိဘူးလို့ KIO နဲ့ အစိုးရ ငြိမ်းချမ်းရေးဖော်ဆောင်ရေး အဖွဲ့ကြားမှာ ဆောင်ရွက်ပေးနေတဲ့ ကချင်ငြိမ်းချမ်းရေး အကျိုးတော်ဆောင်အဖွဲ့ (PCG) က ပြောပါတယ်။

“KIO က UNFC အနေနဲ့ တွေ့ဖို့ အကြောင်းပြန်ပြီး ကတည်းက အစိုးရဘက်ကတော့ တွေ့ဆုံနိုင်ရေး လှမ်းဆက်သွယ်တာကို ဟိုရက်ရွှေ့၊ အချိန်ရွှေ့နဲ့ ဘာမှလည်း အကြောင်းမပြန်သေးဘူး။ ဖုန်းဆက်လည်း PSO (ကိုယ်ရေးအရာရှိ) တွေနဲ့ပဲ တွေ့တယ်။ ဘာမှမထူးသေးဘူး” လို့ PCG ရဲ့ အကျိုးတော်ဆောင် တဦးဖြစ်တဲ့ ဦးဆန်းအောင်က ဧရာဝတီကို ပြောပါတယ်။

ဒါ့အပြင် “အခုဟာက တိုက်ပွဲတွေကလည်း ဆက်တိုက်ဖြစ်နေတယ်။ KIA စခန်းတွေနဲ့ ခဲတပစ်စာအကွာမှာပဲ အစိုးရတပ်တွေက ရှိနေတယ်လေ။ အဲဒါတွေကြောင့်လည်း KIO က ယုံကြည်မှုပိုပျက်ပြီးမှ UNFC အနေနဲ့ ဆွေးနွေးဖို့လုပ်တာ အဲဒါတွေပါတယ်။ ထိုးစစ်မလုပ်ဘဲနဲ့ စစ်ရှိန်လျှော့ပြီးမှ ဆွေးနွေးလိုက်ရင် အစောကြီးကတည်းက ဖြစ်သွားမယ့်ကိစ္စပါ” လို့ သူက ဆက်ပြောပါတယ်။

ကချင်ပြည်နယ်ထဲမှာ ဖြစ်ပွားတဲ့ တိုက်ပွဲတွေနဲ့ ပတ်သက်ပြီး အရပ်သားတွေ ထိခိုက်သေကျေကာ အမျိုးသားပြန်လည် သင့်မြတ်ရေးကို အားယုတ်စေတဲ့ တိုက်ခိုက်မှုတွေ ဆက်ဖြစ်နေတာကို အမေရိကန် ပြည်ထောင်စုက အလွန်စိုးရိမ်နေပြီး ဒီတိုက်ခိုက်မှုတွေကို ပြင်းပြင်းထန်ထန် ဆန့်ကျင်ကန့်ကွက်တဲ့ အကြောင်း အမေရိကန် နိုင်ငံခြားရေးဌာန ရန်ကုန်သံရုံးက ခါရာတောင်ကုန်းကို မသိမ်းမီ ၂၄ ရက်နေ့က ထုတ်ပြန်ခဲ့ပါတယ်။

အမေရိကန် သံရုံးရဲ့ ထုတ်ပြန်ချက်ကို မြန်မာ နိုင်ငံခြားရေးဝန်ကြီးဌာနက တုံ့ပြန်ရာမှာတော့ ကချင်ပြည်နယ်မှာ စစ်ရေးဆောင်ရွက်မှုများကို ရပ်ဆိုင်းရန် သမ္မတ ဦးသိန်းစိန်က ဇန်နဝါရီက ၁၉ ရက်က ညွှန်ကြားချက်အား အစိုးရတပ်က လိုက်နာကြောင်း၊ KIA/KIO ကလည်း အလားတူ ရပ်ဆိုင်းရန် လိုအပ် ကြောင်း၊ သို့သော် KIA က တိုက်ခိုက်ပစ်ခတ်မှုများ ဆက်လက်ပြုလုပ်လာ၍ အစိုးရတပ်က ပြန်လည်တုံ့ပြန် တိုက်ခိုက်ရကြောင်း ဖော်ပြထားသည်။

ထို့အပြင် အမေရိကန် သံရုံးကြေညာချက်က KIA ၏ ပြည်သူများကို တိုက်ခိုက်မှုနှင့် ဖမ်းဆီးခေါ်ဆောင်မှုများကို မဖော်ပြဘဲ အစိုးရတပ်ကသာ တိုက်ခိုက် မှုများ ပြုလုပ်နေသည့် သဖွယ် ဖော်ပြထားသဖြင့် ပြင်းထန်စွာ ကန့်ကွက်ပယ်ချကြောင်းလည်း ရေးသားထားသည်။

ဗြိတိသျှ အစိုးရကလည်း အရပ်သားတွေ ထိခိုက်သေဆုံးပြီး အစိုးရတပ်က ရဟတ်ယာဉ်တွေ အသုံးပြု တိုက်ခိုက်နေမှုကို အမြန်ဆုံး ရပ်တန့်ဖို့ ဒီလလယ်ပိုင်းက တောင်းဆိုခဲ့ပြီး မြန်မာနိုင်ငံအပေါ် ပိတ်ဆို့မှု ဖယ်ရှားခြင်းသည် ယာယီသာ ဖြစ်ပြီး ရုတ်သိမ်းခြင်း မဟုတ်သေးကြောင်း၊ ပြန်သုံးသပ်ရာ၌ သက်ရောက်မှု ရှိနေကြောင်း သတိပေး ပြောကြားထားသည်။

Ref: ဧရာဝတီ

Read More...

သတင်းလွတ်လပ်ခွင့်ကို အာမခံသည့် ဥပဒေ ဖြစ်ရေး မီဒီယာသမားများ တောင်းဆို

သာလွန်ဇောင်းထက်
January 28, 2013

မြန်မာနိုင်ငံ စာနယ်ဇင်းကောင်စီ (ယာယီ) က ရေးဆွဲထားသော ပုံနှိပ်နှင့် သတင်းမီဒီယာ ဥပဒေမူကြမ်းကို ပထမဆုံးအကြိမ် အဖြစ် သတင်းမီဒီယာ သမား များထံ ချပြဆွေးနွေးခဲ့ရာ သတင်းလွတ်လပ်ခွင့်ကို ကာကွယ်အာမခံသော ဥပဒေအဖြစ်ရေး အတွက် စာနယ်ဇင်းသမားများက တောင်းဆိုကြသည်။

သမ္မတ ဦးသိန်းစိန်က ဖွဲ့စည်းပေးထားသော မြန်မာနိုင်ငံ စာနယ်ဇင်းကောင်စီ (ယာယီ) က ယမန်နေ့တွင် ရန်ကုန်မြို့ရှိ မြန်မာနိုင်ငံ ဘဏ်များအသင်း အဆောက်အအုံ၌ ပုံနှိပ်နှင့် သတင်း မီဒီယာဥပဒေမူကြမ်းကို သတင်းမီဒီယာသမားများနှင့် စာနယ်ဇင်းသမားများထံ ဖြန့်ဝေပြီး အကြံဉာဏ်များ တောင်းခံခဲ့ရာ သတင်းသမားများက သတင်းလွတ်လပ်ခွင့်ကို အာမခံရေး၊ လွတ်လပ်စွာ သတင်းရယူခွင့်ရှိရေးနှင့် သတင်းသမားများ အပါအ၀င် နိုင်ငံသားများ၏ အခွင့် အရေးကို ပိတ်ပင်ထားသော ဥပဒေများ ဖျက်သိမ်းပေးရေး စသည်တို့ အပါအ၀င် ဒီမိုကရေစီနှင့် ထိုက်တန်သော သတင်းလွတ်လပ်ခွင့် ရရှိရေး၊ သတင်းသမား များနှင့် စာနယ်ဇင်းသမားများ လိုက်နာရမည့် ကျင့်ဝတ်များ တိကျစွာထားရှိ လိုက်နာရေးတို့ကို ဆွေးနွေးတင်ပြကြကြောင်း သိရှိရသည်။

ပုံနှိပ်နှင့် သတင်းမီဒီယာ ဥပဒေမူကြမ်းအပေါ် စာနယ်ဇင်းသမားများ၏ ဆွေးနွေးချက်များနှင့် တင်ပြချက်များကို မှတ်တမ်း တင်ထားပြီး ဥပဒေမူကြမ်းကို ပြန်လည် ပြင်ဆင်သွားမည်ဖြစ်ကြောင်း မြန်မာနိုင်ငံ စာနယ်ဇင်းကောင်စီ (ယာယီ) ၏ ပြန်ကြားရေး တာဝန်ခံ ဦးသီဟစောက ပြောသည်။

“မြန်မာနိုင်ငံ စာနယ်ဇင်းကောင်စီ (ယာယီ) ကနေ ပုံနှိပ်နဲ့ သတင်းမီဒီယာဥပဒေမူကြမ်းကို ချပြတာ ထူးခြားချက်ပေါ့။ တက်လာတဲ့ သတင်းသမားတွေနဲ့ စာနယ်ဇင်းသမားတွေ၊ ထုတ်ဝေသူတွေ အားလုံးက စိတ်ဝင်တစားနဲ့ ဒီဥပဒေကြမ်း အပေါ်မှာ ဆွေးနွေးကြတယ်။ ပြည့်စုံတဲ့ ဥပဒေမဟုတ်သေးပေမယ့် အားလုံးရဲ့ ပါဝင်မှုနဲ့ ဆွေးနွေးကြတာက ထူးခြားတယ်။ ဒီဆွေးနွေးပွဲက ရတဲ့ အချက်အလက်တွေအပေါ် မူတည်ပြီးတော့ ဒုတိယ ဥပဒေမူကြမ်းကို အချော သတ် ပြင်ဆင်ရေးဆွဲဖို့ ရှိပါတယ်” ဟု ဦးသီဟစောက ဆိုသည်။

ပုံနှိပ်နှင့် သတင်းမီဒီယာဥပဒေကြမ်းတွင် ပုဒ်မ ၃၆ ခုပါရှိပြီး သတင်းမီဒီယာသမားများ၏ ရပိုင်ခွင့်များ၊ ကျင့်ဝတ်နှင့်တာဝန်များ၊ သတင်း မီဒီယာတည်ထောင်မှု၊ သတင်းမီဒီယာကောင်စီ ဖွဲ့စည်းခြင်းအပါအ၀င် အခန်း ၈ ခန်းပါဝင်သည်။

AP သတင်းဌာန၏ မြန်မာနိုင်ငံဆိုင်ရာ သတင်းထောက် ဒေါ်အေးအေးဝင်းကမူ မီဒီယာဥပဒေတွင် သတင်း လွတ်လပ်စွာ ရယူခွင့်ကို ပိတ်ပင်သူများအား ထောင်ဒဏ်နှင့် ငွေဒဏ်ချမှတ်နိုင်သည့် ပြဋ္ဌာန်းချက်များ ပါဝင်သင့်ကြောင်း သုံးသပ်သည်။

“Press Law ဆိုတာက တကယ်တော့ Freedom of Press ကို ဆွဲတဲ့ ဥပဒေလို့ပဲ လုံးလုံးယူဆတယ်။ သတင်းကို လွတ်လပ်စွာ ရေးသားခွင့်တို့၊ သတင်းကို လွတ်လပ်စွာမေးခွင့်၊ သတင်းကို လွတ်လပ်စွာရယူခွင့်က အရေးကြီးတယ်။ သတင်းလွတ်လပ်စွာ ရယူတဲ့နေရာမှာ သတင်းရယူခွင့်ကို ပိတ်ပင်တဲ့သူပါ အရေး ယူနိုင်ခွင့်ကို ထည့်ပေးထားသင့်တယ်။ သတင်း လွတ်လပ်စွာ ရယူခွင့်ပိတ်ပင်သူကို အပြစ်ပေးပိုင်ခွင့်ဆိုတာက ကိုယ့်တိုင်းပြည်တင်မဟုတ်ဘူး၊ အင်ဒိုနီးရှားတို့ တချို့တိုင်းပြည်တွေမှာလည်း ကိုယ်ယူမယ့်သတင်းကို နှောင့်ယှက် ဟန့်တားတဲ့သူတွေကို ငွေဒဏ်တို့ ထောင်ဒဏ်တို့ ရှိကြတယ်။ Press Law ထဲမှာလည်း သတင်းရယူခွင့်ကို ပိတ်ပင်တဲ့သူကို အပြစ်ပေးပိုင်ခွင့် ဆိုတဲ့ ဝေါဟာရလေးတခု ထည့်ထား စေချင်တယ်။ နောက်တခုက သတင်းလွတ်လပ်ခွင့်ကို အနှောင့် အယှက် ဖြစ်နေတဲ့ ဥပဒေတွေ၊ ၀တ္တရား နှောင့်ယှက်မှုတို့၊ လျှို့ဝှက် အက်ဥပဒေတို့ အများကြီးရှိတယ်။ မီဒီယာလွတ်လပ်ခွင့်ကို အနှောင့်အယှက် ဖြစ်နေတဲ့ ဟာတွေကို ထည့်သွင်း စဉ်းစားသင့်တယ်” ဟု ဒေါ်အေးအေးဝင်းက ဆိုသည်။

ပုံနှိပ်နှင့် မီဒီယာဥပဒေမူကြမ်းကို ပြင်ဆင်ရေးဆွဲပြီးပါက မည်သို့မည်ပုံ ဆက်လက်ဆောင်ရွက်မည်ကို မဆုံးဖြတ် နိုင်သေးကြောင်း၊ စာနယ်ဇင်းသမားများ အနေဖြင့် လွှတ်တော်သို့ နောက်ဆုံးရောက်ရှိမည့် မီဒီယာဥပဒေကြမ်း အခြေအနေကို သိရှိရန် ကြိုးစားရမည်ဖြစ်ကြောင်း ပြည်သူ့ခေတ်ဂျာနယ်၏ အတိုင်ပင်ခံ အယ်ဒီတာ ဦးဖေမြင့်က ဆိုသည်။
“နှစ်ပတ်လောက် အတွင်းမှာ အကြံပြုချက်တွေကို ပြည့်ပြည့်စုံစုံပေးဖို့ တောင်းထားတယ်။ အဲဒါတွေကို ယူပြီးတော့ မူကြမ်းကို ပြင်မယ်။ ပြန်ပြင်ရေးပြီးရင်တော့ ဒီစာနယ်ဇင်းသမားတွေကို ဖိတ်ပြမယ်လို့ထင်တယ်။ ပြန်ပြီးတော့ အချောသတ်ပြီးတော့မှ ဘယ်ကိုပို့မလဲလို့ စဉ်းစားကြမယ်။ ဒီဥပဒေကို ပြန်ကြားရေးက တင်သည်ဖြစ်စေ၊ တစုံတယောက် တင်သည်ဖြစ်စေ၊ အဖွဲ့အစည်း တခုခုက တင်သည်ဖြစ်စေ လွှတ်တော်က ဆွေးနွေးဦးမှာပေါ့။

လွှတ်တော်က ဆွေးနွေးပြီးတော့ ဖြည့်စွက်တယ်၊ ပြင်ဆင်တယ်ဆိုတာကို လုပ်မှာပေါ့။ တကယ်ဆုံးဖြတ်တာက လွှတ်တော် ကိုယ်စားလှယ်တွေရဲ့ အဆုံး အဖြတ်ပဲ။ မီဒီယာသမားတွေ အနေနဲ့ လွှတ်တော်ကော်မတီတွေနဲ့ အဆက်အစပ်ရှိတာပဲ။ နောက်ဆုံး လွှတ်တော်ကို ရောက်သွားတဲ့ ဥပဒေကြမ်းက ဘယ် လိုရှိမလဲဆိုတာ သိအောင်လုပ်ရမယ်။ အဲဒီမှာမှ အများသဘောတူတဲ့ ကြိုက်နှစ်သက်တဲ့ဟာ မဟုတ်လို့ရှိရင်တော့၊ အများမနှစ်သက်တာတွေ ပါရင်တော့ ကြိုတင်ပြီးတော့ ပြောရမှာပေါ့” ဟု ဦးဖေမြင့်က ဆိုသည်။

ပြန်ကြားရေးဝန်ကြီး ဌာနကမူ ပုံနှိပ်နှင့်မီဒီယာဥပဒေကြမ်းကို မြန်မာနိုင်ငံ စာနယ်ဇင်းကောင်စီ (ယာယီ) က ရေးဆွဲလျက်ရှိပြီး ဥပဒေပေါ်ပေါက်ရေးအတွက် ပြန်ကြားရေးဝန်ကြီးဌာနနှင့် မြန်မာနိုင်ငံ စာနယ်ဇင်းကောင်စီ (ယာယီ) တို့ ပူးပေါင်း ဆောင်ရွက်သွားမည်ဖြစ်ကာ ယခု ၂၀၁၃ ခုနှစ်အတွင်း လွှတ်တော်သို့ တင်ပြနိုင်မည်ဟု မျှော်လင့်ကြောင်း ပြန်ကြားရေး ၀န်ကြီးဌာန ပြည်ထောင်စုဝန်ကြီး ဦးအောင်ကြည်က ဧရာဝတီသတင်းဌာနနှင့် မကြာသေးမီက တွေ့ဆုံစဉ် ပြောဆိုခဲ့သည်။

မြန်မာနိုင်ငံတွင် ၂၀၁၂ ခုနှစ်တွင် သတင်းဂျာနယ်များအားလုံး စာပေစိစစ်ရေးတင်ပြရန် မလိုအပ်ဘဲ ထုတ်ဝေခွင့်ပြုခဲ့ပြီး ၂၀၁၃ ခုနှစ်တွင် ဧပြီလ ၁ ရက် နေ့မှစတင်ပြီး ပုဂ္ဂလိကနေ့စဉ်ထုတ်သတင်းစာများ ထုတ်ဝေခွင့်ပြုမည်ဟု ပြန်ကြားရေးဝန်ကြီးဌာနက တရားဝင်သတင်းထုတ်ပြန်ထားသည်။

Ref: ဧရာဝတီ

Read More...

အပေါင်းလား၊ အနုတ်လား ၊ အပြောင်းအလဲလား

ထက်အောင်ကျော်
January 28, 2013

နော်ဝေးနိုင်ငံ ပါလီမန်ရှေ့ရင်ပြင်ဆီ ဇန်န၀ါရီလ ၂၆ ရက်နေ့ မနက် ၁၁ နာရီလောက်မှာ ကျနော် ရောက်သွားခဲ့ပါတယ်။ အနုတ် ၁၀ ဒီဂရီ စင်တီဂရိတ် ရှိတဲ့အပြင် ဆီးနှင်းတွေလည်း ထူထပ်စွာ ကျနေတဲ့ကြားထဲမှာ လူ ၅၀ လောက်က ပိုစတာတွေထောင်ပြီး ကြွေးကြော်သံတွေ အော်နေတာ မြင်လိုက်ရပါတယ်။ အနီးကပ်ကြည့်လိုက်တော့ ဒါးနှစ်လက် ကြက်ခြေခတ်ပုံပါတဲ့ အနီ အစိမ်း KIA(ကချင် လွတ်လပ်ရေး တပ်မတော်) အလံတွေ၊ ကချင်စစ်ပွဲရပ်ဖို့ တောင်း ဆိုထားတဲ့ ပိုစတာတွေ။

“သိန်းစိန်…လူလိမ်၊ သိန်းစိန်…လူလိမ်။ လူသတ်အစိုးရ…အလိုမရှိ၊ လူသတ်အစိုးရ…အလိုမရှိ။ ကချင် စစ်ကို ချက်ချင်းရပ်…ပြည် တွင်းစစ်ကို ချက်ချင်းရပ်…”

တကယ်ဆိုရင် အော်စလို ပါလီမန်ရှေ့မှာ ဒီလို အသံမျိုး မကြားရတာ အတော်ကြာခဲ့ပါပြီ။ ၂၀၁၂ အစောပိုင်း ကြားဖြတ်ရွေးကောက်ပွဲ ပြီးကတည်းကလို့ ထင်ပါတယ်။ အခုတော့ လွန်ခဲ့တဲ့ နှစ် ၂၀ ကလို ကြွေးကြော်သံတွေ ပြန်ကြားလာရတဲ့အတွက် ကျနော်အဖို့ စဉ်းစားစရာ ဖြစ်လာခဲ့ပါတယ်။

“မင်းကိုနိုင်ကို ချက်ချင်းလွှတ်…နိုင်ငံရေး အကျဉ်းသားတွေ ချက်ချင်းလွှတ်။ ဒေါ်အောင်ဆန်းစုကြည်ကို ချက်ချင်းလွှတ်…လွှတ် တော် အမတ်တွေကို ချက်ချင်းလွှတ်…”

ဒါက လွန်ခဲ့တဲ့နှစ်၂၀ အတွင်း ဒီပါလီမန်ရှေ့မှာ ကြားနေကြ ကြွေးကြော်သံတွေပါ။ အခုတော့ ကြွေးကြော်သံက နည်းည်းပြောင်းသွားပြီ။ နိုင်ငံရေး အကျဉ်း သားတွေ လွတ်လာပြီး ဒီမိုကရေစီအခွင့်ရေး အနည်းအကျဉ်း ရလာပြီဆိုပေမယ့် လူမျိုးစုပြဿနာက မပြေ လည်သေး၊ စစ်ပွဲတွေ ရှိနေသေးတယ်ဆိုတာကို ပြောင်းလဲလာတဲ့ ကြွေးကြော်သံအသစ်က သတိပေးနေပါတယ်။

ပါလီမန်ရင်ပြင်ကနေ လက်ဝဲဘက်ကိုလှမ်းကြည့်လိုက်တော့ Grand Hotel ။ ဒါဟာ မနှစ်က ဇွန်လ နိုဗဲလ်ငြိမ်းချမ်းရေး ဆုရှင် ဒေါ်အောင်ဆန်းစုကြည် လာတည်းသွားတဲ့နေရာ။ နော်ဝေးရောက် မြန်မာနိုင်ငံသား ထောင်နဲ့ချီ စောင့်ကြိုခဲ့တဲ့ နေရာပေါ့။

“ဒေါ်အောင်ဆန်းစုကြည် ကျန်းမာပါစေ၊ အမေစု ကျန်းမာပါစေ…”ဆိုတဲ့ ကြွေးကြော်သံတွေကို ကျနော်ပြန်ကြားယောင်နေမိပါတယ်။

“ဟေ့လူ။ မင်းကိုနိုင်တို့ ဖေဖော်ဝါရီ ၁၇ မှာ ဒီကိုရောက်မယ်ဗျ။ ဒီပါလီမန်ကိုလည်း လေ့လာမယ်လို့ သိရ တယ်”လို့ ဆန္ဒပြပွဲထဲ ကနေ ထွက်လာတဲ့ မိတ်ဆွေတဦးက လက်ပုတ်ပြီးပြောလိုက်တဲ့အတွက် ပါလီမန် နဲ့ Grand Hotel ကိုငေးမောပြီးတွေးတောနေတဲ့ ကျနော့်ရဲ့ အတွေးစ ပြတ်သွားပါတယ်။

ကြားဖြတ်ရွေးကောက်ပွဲ အလွန် ပါလီမန်အသစ် လက်ထက်မှာ ဘာတွေပြောင်းလဲခဲ့သလဲ

ဆန္ဒပြပွဲပြီးသွားတဲ့အခါမှာတော့ ရေခဲပြင်ဒေသရောက် တောထွက်၊ ထောင်ထွက်(တောခိုကျောင်းသား ဟောင်းနဲ့ နိုင်ငံရေးအကျဉ်း သားဟောင်းများ) ရဲဘော်ဟောင်းတွေရဲ့ ထုံးစံအတိုင်း ကော်ဖီဆိုင်တခုမှာစုထိုင်ပြီး လက်ရှိအခြေအနေတွေအပေါ် အမြင်အမျိုးမျိုး ပြောဖြစ်ကြပါတယ်။
“ဒီလူတွေ ဆန္ဒပြတဲ့အချိန်က သိပ်စောလွန်းတယ်ဗျာ။ ပြီးတော့ စနေ ရုံးပိတ်ရက်ဆိုတော့ ဘယ်သတင်းထောက်မှ မလာဘူး။ မီဒီယာတွေ ကာဗာ မလုပ်ရင် သိပ်မမိုက်ဘူးဗျ။ ဒါနဲ့ ဒီဗီဘီ-ကလည်း တယောက်မှ သတင်း လာယူတာ မတွေ့ပါလား”

“ဒီဗီဘီ က ဒီမှာ မရှိတော့ဘူးလေဗျာ။ အားလုံး ထိုင်းနဲ့ မြန်မာနိုင်ငံဆီ ပြောင်းသွားပြီ”

“ဒီဗီဘီ ကိုမပြောနဲ့လေ၊ ABSDF(ဗမာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး) နဲ့ DPNS (လူ့ဘောင်သစ် ဒီမိုကရက်တစ် ပါတီ)တောင် ရန်ကုန်ရောက်နေပြီပဲ။ ခေတ်ပြောင်းသွားပြီလေ ဗျာ။ အပြင်က လူတွေက အထဲကိုဝင်လည်၊ အထဲကလူတွေက အပြင်ကို ထွက်လည်တဲ့ ခေတ်ဖြစ်သွားပြီ”

တယောက်တပေါက် ပြောနေကြတဲ့ အသံတွေကို နားထောင်ရင်း သူတို့ပြောနေတဲ့“ပြောင်းလဲမှု” နဲ့ “တိုးတက်မှု”ဟာ သီးခြား စီ လား၊ “ပြောင်းလဲတိုးတက်မှု” အဖြစ် တတွဲတည်း ဖြစ်သင့်သလား ဆိုပြီး ကျနော် စဉ်းစားနေမိပါတယ်။

ဒီလိုငြင်းခုံလို့ ကောင်းတုန်း ပြည်တော်ပြန်တဦး ကျနော်တို့ဝိုင်းထဲ ရောက်လာပါတယ်။“ခင်ဗျားတို့က ကိုယ်တိုင် မရောက်ဘူး သေး ပဲ နဲ့ ထင်ကြေးတွေပဲ ပြောနေတယ်။ မြန်မာနိုင်ငံမှာ တကယ်ပြောင်းလဲနေပြီ၊ မယုံမရှိနဲ့ ကိုယ်တွေ့ မျက်စိနဲ့ မြင်လာတာ”ဆိုပြီး အဲဒီ ပုဂ္ဂိုလ် က အခိုင်အမာ ပြောထည့်လိုက်ပါတယ်။

“မြ၀တီကနေ ရန်ကုန်အထိ ဘာ စစ်ဆေးရေးဂိတ်မှ မရှိတော့ဘူး။ ၀ါးတားဂိတ်တွေလည်း မရှိဘူး။ မှတ်ပုံတင် စစ်တဲ့လူလည်း မရှိဘူး။ လုံးဝလွတ်လပ် နေပြီ”လို့ သူက ဆိုပါတယ်။ ပြီးတော့ လွန်ခဲ့တဲ့ ၁၀ နှစ်ကျော် ဒီ လမ်းကို သူသွားခဲ့ရစဉ်က ဆိုရင် ၀ါးတားဂိတ် အဆင့်ဆင့်ကိုဖြတ်၊ လမ်းမှာ၂ ည လောက် အိပ်ရတဲ့အပြင် ဘယ်နေရာမှာ ဘယ်အဖွဲက လာပစ်မလဲနဲ့ တထိတ်ထိတ် စိုးရိမ် နေရ တယ်။ အခု အပစ်ခတ်ရပ်စဲရေး ကာလမှာ ဒါမျိုး လုံးဝမရှိတော့လို့ ခရီးသွားရတာ အတော် စိတ်ချမ်းသာတယ်”လို့ ပြောပါတယ်။

“အရင်ကဆိုရင် တပ်ရင်းမှူးကား လာရင်တောင် ရှိသမျှကားတွေ၊ လူတွေအားလုံး လမ်းရှင်းခံရတယ်မို့လား။ အခု သမ္မတ ဦးသိန်းစိန် လာရင်တောင် လမ်း ဖယ်ပေးဖို့ မလိုတော့ဘူး။ သူ့လမ်း သူသွား၊ ကိုယ့်လမ်း ကိုယ်လျှောက်ပဲ။ လုပ်အားပေး ခေါ်ခိုင်း တာလည်း မရှိတော့ဘူးလေ။ လူတွေက စစ်သားတွေကို အရင်လို မကြောက်တော့ဘူး”လို့ အဲဒီပြည်တော်ပြန်က သူမြင်ခဲ့ရတဲ့ ရုပ် ပိုင်း စိတ်ပိုင်း တိုးတက်မှုတွေကို အသေအချာ ရှင်းပြနေပါတယ်။

“ပြည်တွင်းမှာတင် မကဘူးနော်။ ဘန်ကောက်မှာတောင် မြန်မာတွေက အရင်လို အနှိမ်ခံ မဟုတ်တော့ဘူး။ လုံချည်ဝတ်ပြီး၊ ထဘီဝတ်ပြီး ရဲရဲတင်းတင်း သွားနေကြပြီ။ Western Union နဲ့ တရားဝင် ပိုက်ဆံ လွှဲလို့ရနေပြီ”လို့လည်း သူက ဆိုပါသေးတယ်။

ကိုယ်တွေ့မြင်လာတဲ့ ပြည်တော်ပြန် တဦးရဲ့ ပြောဆိုချက်တွေဟာ သူ့လိုပြည်တော် မပြန်ရဲသေး ဘဲ တောပြောတောင်ပြော လျှောက် ပြောနေ ဆဲဖြစ်တဲ့ ကျနော်တို့ တော ထွက်၊ ထောင်ထွက် လူတစုကို အတော် စိတ်ဝင်စား စရာဖြစ်စေခဲ့ပါတယ်။

“အဲဒါ မြေပြင်သတင်းနော်။ ခင်ဗျားတို့ရထားတဲ့ ကြားဖြတ်သတင်း၊ အင်တာနက်သတင်း။ မျက်နှာစာအုပ် သတင်းတွေထက် ပိုမှန် တယ်”လို့ ဆိုပြီး တောထွက် တယောက်က အရွှန်း ထဖောက်ပါတယ်။

တိုးတက်လာတာလား၊ ရေညီအမှတ်ကို ရောက်လာတာလား

တဖြည်းဖြည်းနဲ့ ကျနော်တို့ရဲ့ ငြင်းခုံပွဲက ပိုမိုအရှိန်ကောင်းလာပါတယ်။ ဒါပေမယ့် သူတို့ နားမလည်တဲ့ ဘာသာစကားနဲ့ အသံကျယ်ကျယ်ငြင်းနေကြတဲ့ ကျနော်တို့အုပ်စုကို ရန်ဖြစ်နေကြတာလားဆိုပြီး ဘေးလူတွေက ၀ိုင်းကြည့်လာတဲ့အတွက် နေရာပြောင်းဖို့စီစဉ်ရပါတယ်။

ဒီမှာက ရန်ကုန်က လက်ဖက်ရည်ဆိုင်တွေလို ရေနွေးတအိုးမှာ၊ ဆေးလိပ်ဖွာပြီး တနေကုန် ထိုင်ငြင်းနေလို့မရ။ ၁၅ မိနစ် ၀န်းကျင် လောက်ပဲ ဆိုင်ထိုင် လေ့ရှိကြပြီး ဆေးလိပ်သောက်ခွင့် လုံးဝမရှိပါ။ နီးစပ်ရာ ရဲဘော်တယောက်ရဲ့ အိမ်ခန်းဆီ ချီတက်ပြီး ဆွေးနွေးပွဲကို ဆက်ကြပြန်ပါတယ်။ အခု ကျနော်တို့ ဆွေးနွေးပွဲမှာပါဝင်နေတဲ့ ပုဂ္ဂိုလ်တွေဟာ“လူနေက ချုံကြား စိတ်နေက ဘုံဖျား”လို့ ပြောရမလားပါပဲ။ ဘာကြောင့်လဲ ဆိုရင် လက်ရှိအခြေနေအရ သူတို့ဟာ သန့်ရှင်းရေး လုပ်သား၊ လူအိုရုံ လုပ်သား။ မူကြိုကျောင်း လုပ်သား။ ဈေးဆိုင်လုပ်သားတွေ ဖြစ်ကြပေမယ့် ဆွေးနွေးနေတဲ့ အကြောင်းရာတွေက သူတို့နေ့စဉ် အလုပ်နဲ့ ဘာမှ မဆိုင်ပါဘူး။

သူတို့ကိုယ်သူတို့ နေပြည်တော် လွှတ်တော်ထဲက အမတ်တွေထက် ပိုအရည်ချင်းရှိသူတွေလို့ ထင်နေသူတွေတောင် ပါနေပါသေး ပါတယ်။

“ကျနော်တို့ ဆွေးနွေးပွဲက ဒေါက်တာ ဆိတ်ဖွား ဖော်ထုတ်ရေး ကော်မရှင်ထက်တော့ ပိုအကျိုးရှိပါတယ်ဗျ”လို့ တယောက်က ဟာသ နှောပြီး ပြောပါတယ်။

“ဟုတ်တယ်ဗျ။ ကချင်မှာ စစ်ဖြစ်နေတာကလွဲရင် တနိုင်ငံလုံး တိုက်ပွဲမရှိတော့သလောက်ပဲ။ နိုင်ငံရေး အကျဉ်းသားတွေလည်း မကျန်တော့ သလောက်ပဲ။ နိုင်ငံခြားရင်းနှီးမြှုပ်နှံမှုတွေလည်း ၀င်စပြုနေပြီ ဆိုတော့ လူတွေက ဒီအစိုးရအပေါ် အတော်အကောင်းမြင်နေတာ”ဆိုပြီး တောထွက်တဦးကလည်း အလေး အနက် ဆွေးနွေးလာပါတယ်။

နောက်တဦးကလည်း သူပြောတာကို ထောက်ခံတယ်လို့ဆိုပြီး အရာရာကို နိုင်ငံရေးပေတံနဲ့ချည်း တိုင်းနေလို့မဖြစ်ဘူး။ အများပြည် သူ တွေက ဘယ်လိုမြင် သလဲ ဆိုတာကိုပါ ထည့်စဉ်းစားဖို့ လိုတယ်။ ဘာပဲ ပြောပြော၊ လက်လုပ်လက်စား သာမန်နိုင်ငံသား တဦး ဘက်ကနေကြည့်ရင် ဒီအစိုးရခေတ်မှာ အရင် အစိုးရ ခေတ်ထက် သူတို့ဘ၀ နည်းနည်းပိုအဆင်ပြေလာတာအမှန်ပဲလို့ ထောက်ပြပါတယ်။

“အဲဒါကြောင့် သမ္မတထောက်ခံပွဲ ဆိုတာတွေ မြန်မာနိုင်ငံမှာ ပေါ်လာတာပေါ့ဗျ။ သမ္မတနဲ့ ဒေါ်စု လက်တွဲ အလုပ်လုပ်ရင် အားလုံး အဆင်ပြေသွားလိမ့်မယ်လို့ လူတွေက မျှော်လင့်နေတာ”လို့ နောက်တဦးကလည်း ဆက်ဆွေးနွေးပါတယ်။ ဒါကြောင့် အစိုးရနဲ့ ဒေါ်စုကို ဝေဖန်တဲ့ ကျနော်တို့ အပြင်ကလူတွေကို ဘေးထိုင် ဘုပြောနေသူတွေ အဖြစ်၊ ဒီနေ့ ခေတ်စားနေတဲ့ စကားလုံးအတိုင်းဆိုရင် “ကီးဘုတ် တော်လှန်ရေးသမားတွေ”အဖြစ် လူအများစုက အဆိုးမြင် မြင်လာနေ တယ်လို့ အဲဒီပုဂ္ဂိုလ်က ဆိုပါတယ်။

“ဒီမိုကရေစီ ခေတ်ပဲ ဗျာ။ ကိုယ့်အမြင်ကိုယ် လွတ်လပ်စွာ ပြောခွင့်ရှိရမှာပေါ့”လို့ နောက်တယောက် က ၀င်ပြောပါတယ်။

အဲဒီအချိန်မှာ ဘာမှမပြောဘဲ ငြိမ်နားထောင်နေတဲ့ အသက်ခပ်ကြီးကြီး ရဲဘော်တဦးက ထလာပြီး“ခင်ဗျားတို့ ပုံပြင်တခု ကြားဖူး လား”လို့ မေးရင်းနဲ့ ကျောက်တုံး ထမ်းလာတဲ့ လူတဦးရဲ့ ပုံပြင်ကို ပြောပါတော့တယ်။

ဒီပုံပြင်ကို စာဖတ်ပရိသတ် အတော်များများ ကြားဖူးပြီးသားလို့ ထင်ပါတယ်။ ရဲဘက် စခန်းတခုမှာ ကျောက်တုံးကြီး သုံး-လေး တုံး ကို ထမ်းပြီး တောင် ကုန်းပေါ် မောမောပန်းပန်း တက်လာနေတဲ့ နိုင်ငံရေးအကျဉ်းသားတဦးကို ထောင်ဝါဒါ တဦးကနေ သိပ်မောနေ သလားလို့မေးပြီး အပေါ်က ခပ်သေးသေး ကျောက်တုံးငယ်ကို ဖယ်ပေးလိုက်တယ်လို့ဆိုပါတယ်။ ဒီတော့ အကျဉ်းသားက အဲဒီ ထောင်ဝါဒကို ကျေးဇူးတင်စကား ပြောပါတယ်။

နောက်တနေရာရောက်တော့ နောက်ထောင်ဝါဒါ တယောက်က အလားတူ နောက်တတုံးကို ထပ်ဖယ် ပေးပြန်ပါတယ်။ အကျဉ်း သား ကလည်း ကျေးဇူး တင်ပြန်တယ်ပေါ့။ ဒီလိုနဲ့ ထောင်ဝါဒဟာ နိုင်ငံရေးအကျဉ်းသားရဲ့ ကျေးဇူးတင်ထိုက်သူလိုလို ဖြစ်သွားတဲ့ ပုံပြင်ပါ။

အခု ကျနော်တို့ပြောနေတဲ့ ကြားဖြတ်ရွေးကောက်ပွဲ နောက်ပိုင်း မြန်မာနိုင်ငံက တိုးတက်ဖြစ်ထွန်းမှုဆိုတာတွေဟာ ဒီပုံပြင်လိုများဖြစ်နေ လေမလား။ နှစ် ၆၀ နီးပါး ကျောက်တုံးကြီးတွေ ထမ်းထားရတဲ့ သန်း ၆၀ သော အများပြည်သူတွေဟာ ကျောက်တုံး ဖယ် ပေး သူကို ကျေးဇူးရှင် အဖြစ် မြင်နေပြီး ဒါကို တိုးတက် မှုအဖြစ် မြင်နေမိတာမျိုးလား။ အရင် အစိုးရခေတ်က တင်ပေးထားတဲ့ ကျောက်တုံးတွေကို ဖယ်ပေးနေတဲ့ ဒီနေ့ အစိုးရနဲ့ လွှတ်တော်အမတ်တွေက ကျေးဇူး ရှင်တွေလား။

တကယ်လို့ အခု နော်ဝေး ပါလီမန်ရှေ့မှာ လေကန်နေသူတွေ ကိုယ်တိုင်ကရော ကျောက်တုံးထမ်းနေရတဲ့ အများပြည်သူနေရာမှာပဲ ဖြစ်ဖြစ်၊ ကျောက်တုံးကို ဖယ်ရှားပေးနေတဲ့ အစိုးရ၀န်ကြီးတွေ၊ လွတ်တော် အမတ်တွေနေရာမှာပဲ ဖြစ်ဖြစ် ရောက်နေမယ်ဆိုရင် ကျေးဇူးတင်သူနဲ့ ကျေးဇူးတင် ခံရသူဖြစ်နေကြမှာပဲ မဟုတ်လား။

ဒါပေမယ့် ကံကဆိုးချင်တော့ အခုအချိန်အထိ အိမ်မပြန်နိုင်သေးတဲ့ ဒီတောထွက်၊ ထောင်ထွက် ပြည်ပရောက် ၈၈ မျိုးဆက်တွေဟာ အဲဒီ ၂ နေရာမှာ မဟုတ်ဘဲ တတိယနိုင်ငံတွေကို ရောက်နေဆဲဖြစ်ပါတယ်။ ဒါကြောင့် မြန်မာနိုင်ငံရဲ့ ပြောင်းလဲမှုကို မြန်မာ မျက်စိနဲ့ မကြည့်ဘဲ သူတို့ရောက်နေတဲ့ ဖွံ့ဖြိုးပြီး နိုင်ငံတွေ၊ နိုင်ငံတကာ စံချိန်စံညွှန်းတွေနဲ့ တိုင်းတာနေတဲ့အတွက် လက်ရှိအခြေနေ ကို တိုးတက်မှုလို့မမြင်ဘဲ နဂိုကတည်းက ရှိရမယ့် နေရာ၊ အခုမှ အနုတ်လက္ခဏာ ကနေ ရေညီအမှတ် သုံညအဆင့်ဆီ ရောက် လာတယ်လို့ မြင်နေမိတာမျိုးလားဆိုပြီး ကျနော် စဉ်းစား နေမိပါတယ်။ ။

Ref: ဧရာဝတီ

Read More...

ရန်ကုန် – နေပြည်တော် လမ်းမပေါ်တွင် ဆိုင်ကယ်လမ်းနှင့် လူသွားလမ်း ဖောက်ရန်စီစဉ်

မေစစ်ပိုင်
January 28, 2013

ရန်ကုန် – နေပြည်တော် အမြန်လမ်းမကြီးတွင် ဆိုင်ကယ်သွားလမ်းနှင့် လူသွားလမ်းများကို ဖောက်လုပ်သွားရန် စီစဉ် နေကြောင်း ဆောက်လုပ်ရေး ဒုတိယ ဝန်ကြီး ဦးစိုးတင့်က ဧရာဝတီသို့ပြောသည်။

အမြန်လမ်းမကြီး စတင်ဖွင့်လှစ်ခဲ့ချိန်မှစ၍ အနီးအနား ကျေးရွာများမှ ကျွဲ၊ နွား တိရစ္ဆာန်များနှင့် နွားလှည်းများ၊ ဆိုင်ကယ် များသည် လမ်းပေါ်သို့ တက် ရောက်မောင်းနှင် သွားလာနေကြသဖြင့် ယာဉ်မတော်တဆ ထိခိုက်မှုများ ဖြစ်ပွားနေသောကြောင့် ဆိုင်ကယ်လမ်းနှင့် လူသွားလမ်းများကို ဖောက်လုပ်ရန် စီစဉ်နေခြင်းဖြစ်ကြောင်း ဝန်ကြီးက ရှင်းပြသည်။

“အမြန်လမ်းပေါ်မှာ ဆိုင်ကယ်တွေ လူတွေမသွားဖို့ တားမြစ်ထားပေမယ့် သွားလာနေကြတော့ သူတို့အတွက် လမ်းတွေ စီစဉ်ပေးရမယ်၊ ကားတွေက အရှိန်ပြင်း မောင်းနေတာနဲ့ကြုံရင် အန္တရာယ် အများကြီး ရှိနိုင်တယ်” ဟု ဝန်ကြီးက ဆိုသည်။

ယင်း လမ်းမကြီးပေါ်တွင် ဖြတ်သန်းသည့် ကားများကို ကီလို ၁၀၀ အတွင်းသာ မောင်းနှင်ရန် သက်ဆိုင်ရာက ညွှန်ကြားထား သော်လည်း ကီလို ၁၄၀ မှ ၁၆၀ အကြားအထိ အရှိန်လွန် မောင်းနှင်မှုများရှိနေ၍ အနီးအနား ကျေးရွာများမှ ဆိုင်ကယ်နှင့် လူများ၊ တိရစ္ဆာန်များ လမ်းပေါ် တက်လာသည်နှင့်ကြုံကာ ယာဉ် မတော်တဆမှုများ မကြာခဏ ဖြစ်နေကြောင်း သိရသည်။

ယခုအခါ ဆိုင်ကယ်နှင့် လူသွားလမ်းများ ဖောက်လုပ်ရန် ကုန်ကျစရိတ်ကို တွက်ချက်နေပြီး ၂၀၁၃ ခု နှစ်လည်ပိုင်းတွင် အကောင်အထည် ဖော်နိုင်ရန် စီစဉ်နေပြီ ဖြစ်သည်။

အမြန်လမ်းမကြီး တလျှောက်ပါဝင်သည့် ရန်ကုန်၊ ပဲခူး၊ နေပြည်တော်နှင့် မန္တလေးမြို့များ အတွင်းရှိ ကျေးရွာများမှ ဆိုင်ကယ်များ လမ်းပေါ်တက်၍ စီးနင်း သည်ကို တွေ့ရှိပါက ဒဏ်ငွေ ၁၀၀၀၀ မှ ၄၀၀၀၀ အထိလည်းကောင်း၊ ထောင်ဒဏ် တလအထိ လည်းကောင်း အရေးယူလျှက် ရှိကြောင်း အမြန်လမ်း ရဲတပ်ဖွဲ့မှ ရဲမှူးကြီးနေဝင်းက ဧရာဝတီသို့ ပြောသည်။

“ဆိုင်ကယ်ကြောင့် အမြန်လမ်းပေါ်မှာ ဖြစ်တဲ့ ထိခိုက်မှုတွေက အရမ်းကိုများနေတယ်။ လမ်း စဖွင့်ကတည်းက မစီးခိုင်းပေမယ့် မလိုက်နာတာကြောင့် အရေးယူနေရတယ်” ဟု ၎င်းက ဆိုသည်။

လက်ရှိတွင် တိုင်းဒေသကြီး လေးတိုင်းလုံးရှိ အမြန်လမ်းပေါ် စီးနင်းသော ဆိုင်ကယ်များ အရေးယူခြင်းကို တပြေးညီဖြစ်စေရန် သက်ဆိုင်ရာ တရားရေး ဌာနများနှင့် အမြန်လမ်း ရဲတပ်ဖွဲ့တို့ တိုင်ပင် ဆောင်ရွက်ရန် ရှိကြောင်း သိရသည်။

တချို့ ဆိုင်ကယ်များသည် အမြန်လမ်းပေါ်တွင် လမ်းပြောင်းပြန် စီးနင်းခြင်း၊ အရှိန်လွန် မောင်းနှင်ခြင်းနှင့် ကျွမ်းကျင်မှု မရှိဘဲ စီးခြင်းတို့ကြောင့် မောင်းနှင် လာသောကားနှင့် တိုက်မိကာ ယာဉ်တိုက်မှုများ၊ လူသေမှုများဖြစ်နေရ သည်ဟု ရဲမှူးကြီးက ရှင်းပြသည်။

လက်ရှိတွင် စည်းကမ်းမလိုက်နာဘဲ မောင်းနှင်သော ဆိုင်ကယ်များကြောင့် ယာဉ်တိုက်မှုဖြစ်စဉ် တလလျှင် ၁၀ မှု ခန့် ဖြစ်နေကြောင်း သိရသည်။

အမြန်လမ်းမကြီးပေါ်တွင် ကွပ်ကဲမှုရုံး ၁ရုံး၊ ရဲစခန်း ၁၄ ခုနှင့် ရဲကင်း ၄၀ တို့ဖြင့် လုံခြုံရေး ထားရှိသည်။

Ref: ဧရာဝတီ

Read More...

အပေါ်သို့