Saturday, May 7, 2011

အာဆီယံ ဥက္ကဋ္ဌနေရာ မြန်မာကို မပေးဖို့ လူ့အခွင့်အရေးအဖွဲ့ တိုက်တွန်း

2011-05-07

မြန်မာနိုင်ငံမှာ လူ့အခွင့်အရေး တိုးတက်လာဖို့နဲ့ ဒီမိုကရေစီ ကူးပြောင်း ရေး ခိုင်မာတဲ့ လုပ်ဆောင်ချက်တွေ မရှိရင် မြန်မာအစိုးရ တောင်းဆိုထားတဲ့ ၂ဝ၁၄ ခုနှစ် အာဆီယံ အလှည့်ကျဥက္ကဋ္ဌ ရာထူးကို မပေးဖို့ အမေရိကန်ပြည်ထောင်စု အခြေစိုက် လူ့အခွင့်အရေး စောင့်ကြည့်ရေးအဖွဲ့ Human Rights Watch က အာဆီယံအဖွဲ့ကို တိုက်တွန်း လိုက်ပါတယ်။


HRW ရဲ့ အာရှရေးရာ ဒုတိယ ညွန်ကြားရေးမှူး Elain Pearson က- မြန်မာကို အလှည့်ကျဥက္ကဋ္ဌနေရာ ပေးရင် အာဆီယံအဖွဲ့ဟာ နိုင်ငံတကာအလယ်မှာ ဟာသပြက်လုံး တခုလို ဖြစ်သွားဖို့ ရှိတယ်လို့ ပြောပါတယ်။

“မြန်မာနိုင်ငံကို အာဆီယံဥက္ကဋ္ဌ ရာထူးနဲ့ ဂုဏ်ပြုမယ်ဆိုရင် ဒေသ တခုလုံးအတွက် စိတ်ပျက်စရာ လုပ်ရပ်ကြီးတခု ဖြစ်သွားပါမယ်။ မြန်မာအစိုးရကို ဥက္ကဋ္ဌ ထားမယ်ဆိုရင် အာဆီယံအဖွဲ့ကို နိုင်ငံတကာ ရယ်ပွဲ ဖွဲ့စရာ ဟာသအဖွဲ့ကြီးအဖြစ် ဂုဏ်သိက္ခာကျ၊ အဆင့် နိမ့်သွားအောင် ခွင့်ပြုရာကျမယ် ဆိုတဲ့အချက်ကို အာဆီယံခေါင်းဆောင်တွေ အနေနဲ့ စဉ်းစား ဆုံးဖြတ်ဖို့ လိုပါတယ်”

မြန်မာနိုင်ငံအနေနဲ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လွှတ်ပေးခဲ့တာ မှန်ပေမယ့် ဒီမိုကရေစီရေးနဲ့ လူ့အခွင့်အရေးမှာ ဒီထက် ပိုလုပ်စရာတွေ အများကြီး ရှိသေးတယ်လို့လည်း မနေ့က နေ့စွဲနဲ့ ထုတ်ပြန်တဲ့ ကြေညာချက်မှာ တိုက်တွန်းထား ပါတယ်။

မြန်မာနိုင်ငံအနေနဲ့ အာဆီယံ အလှည့်ကျဥက္ကဋ္ဌ ရာထူးအတွက် အဆင့်သင့် ဖြစ်နေပြီဆိုတာ ပြသဖို့ အစိုးရသစ် အနေနဲ့ နိုင်ငံရေးအကျဉ်းသား အားလုံးကို ချက်ခြင်း ခြွင်းချက်မရှိ လွှတ်ပေးဖို့၊ တာဝန်ယူမှုရှိတဲ့ အစိုးရတရပ် ဖြစ်တယ်ဆိုတာ နိုင်ငံတကာနဲ့ ပူးပေါင်းပြသဖို့၊ စစ်မှန်ပြီး အားလုံးပါဝင်တဲ့ နိုင်ငံရေးဖြစ်စဉ်တခု လုပ်ဆောင်ဖို့ လိုပါတယ်လို့လည်း Ms. Pearson က ပြောပါတယ်။

Ref;RFA

Read More...

ကော့သောင်းတွင် အစိုးရ ရေတပ်က မွတ်စလင် (၃၀)ဦး ဖမ်းဆီးရမိ

မေလ ၇ရက်

တနင်္သာရီတိုင်း၊ ကော့သောင်းခရိုင်တွင် မွတ်ဆလင်လူမျိုး ၃၀ဦး စီးနင်းလိုက်ပါလာသော စက်လှေတစ်စင်းကို အစိုးရ စစ်ရေ ယာဉ်အမှတ်(၅၀၃)မှ ဗိုလ်ကြီးဝင်းသိန်းဇော် ဦးစီးသည့် ရေတပ်ဖွဲ့က မေလ (၂)ရက်နေ့တွင် ဖမ်းဆီးခဲ့သည်ဟု စစ်တပ်နှင့် နီးစပ်သည့် သတင်း ရပ်ကွက်အရ သိရသည်။

အစိုးရ ရေတပ်အခြေစိုက်ရာ သံကျွန်းစခန်းနှင့် ၁၀ကီလိုမီတာ အကွာအဝေးတွင် အဆိုပါ မွတ်ဆလင်(၃၀)ဦးအား မသင်္ကာသ ဖြင့် ၀င်ရောက်စစ်ဆေးရာမှ ဖမ်းဆီးလိုက်ခြင်းဖြစ်ပြီး ၎င်းတို့သည် စစ်တွေမြို့မှ ထိုင်းနိုင်ငံတောင်ပိုင်း ဖာ့တိုက်ဘက်သို့ တရား မ၀င် သွားရောက် မည့်သူများဖြစ်သောကြောင့် မြိတ်မြို့ရှိ ကမ်းရိုးတန်းစစ်ဌာနချုပ်သို့ ယခု ပို့ဆောင်လိုက် ပြီဟု စစ်တပ်သတင်း ရပ်ကွက်က ဆိုသည်။

တနင်္သာရီတိုင်းရှိ စစ်တပ်နှင့် နီးစပ်သူတစ်ဦးက “ရခိုင်ပြည်နယ် စစ်တွေ-မော်လမြိုင် လမ်းကြောင်းကနေ လာတယ်။ ည ၂နာရီ အချိန်မှာ ဖမ်းဆီးရမိတာဖြစ်တယ်။ သူတို့တွေ ဟာ မြန်မာနိုင်ငံသားကဒ် ကိုင်ဆောင်ပေမယ့် ထိုင်းနိုင်ငံကို အလုပ်ထွက်လုပ် မယ့် စာရွက် စာတမ်းမပါတဲ့အတွက် ဖမ်းဆီးလိုက်တာဖြစ်တယ်။ အကုန်လုံးက အမျိုးသားချည်း ပဲ။ အခု ကရခကို ပို့လိုက်ပြီ။” ဟု ပြောသည်။

ကော့သောင်းခရိုင်တွင် ယခင်ကလည်း ထိုင်းနိုင်ငံသို့ အလုပ်ထွက်လုပ်ရန်အတွက် တရား မ၀င်သည့် ရေကြောင်းခရီးဖြင့် လာ ခဲ့ကြသည့် ရခိုင်ပြည်နယ်မှ မွတ်ဆလင်များမှာ မြန်မာ အာဏာပိုင်များ၏ ဖမ်းဆီးမှုကို မကြာခဏ ခံရကာ ပြန်ပို့ခြင်းခံခဲ့ကြရ သည်ဟု အဆိုပါ စစ်တပ်နှင့် နီးစပ်သူက ပြောသည်။

Ref;KIC

Read More...

အိန္ဒိယ ကမ်းခြေစောင့်တပ်ဖွဲ့မှ ဘုတ်တစင်းနှင့် မြန်မာ ၁၄ ဦးကို ဖမ်းဆီး

5/7/2011
ထွန်းထွန်း

အိန္ဒိယနိုင်ငံ ပို့ဘလေးယား ကမ်းခြေစောင့် တပ်ဖွဲ့မှ မြန်မာ ၁၄ ဦးကို ၎င်း တို့ စီးနှင်းလာသည့် ဘုတ်တစီးနှင့် အတူ မေလ ၆ ရက်နေ့က ဖမ်းဆီးလိုက်ကြောင်း အိန္ဒိယ သတင်းစာ PTI က ဖေါ်ပြသည်။

သူတို့ကို အန်တမန်ကျွန်း တောင်ဘက်တွင် တည်ရှိသော ချောင်းတစ်ခုအတွင်းသို့ နယ်ကျော်ပြီး ကျူးကျော် ၀င်ရောက်လာစဉ် ပို့ဘ လေးယာ ကမ်းခြေစောင့်တပ်နှင့် လေကြောင်းတပ်များ က ပူးပေါင်းကာ ၆ နာရီကြာ လိုက်လံရှာဖွေပြီး နောက် ဖမ်းဆီး လိုက်ခြင်း ဖြစ်သည်ဟု သိရသည်။

အဆိုပါ မြန်မာ ၁၄ ဦးကို ငါးခိုးဖမ်းရန် ၀င်ရောက်လာသူများ အဖြစ် သင်္ကာ မကင်း ဖြစ်နေပြီး ယခုအခါ ရဲအဖွဲ့သို့ လွဲပြောင်း ပေးအပ်လိုက်ပြီ ဖြစ်ကြောင်း သိရသည်။

သူတို့မှ ထံ ရေငုတ်ဝတ်စုံနှင့် ကရိယာများ၊ ရေအောက်ထိ ဒိုင်ဗင်ထိုးသည့် ကရိယာများနှင့် တခြား ပစ္စည်း ကရိယာများကို ဖမ်းဆီးရမိကြောင်း သိရသည်။

ယခုနှစ် ဇန္န၀ါရီလက စပြီး မေလ ၆ ရက်နေ့ထိ အိန္ဒိယ ကမ်းခြေစောင့်တပ်ဖွဲ့က ဖမ်းဆီး ထားသူ မြန်မာ အရေအတွက်မှာ ၁၃၉ ဦး ရှိသွားပြီ ဖြစ်ကြောင်း သိရသည်။

Ref;Narinjara

Read More...

ရာသီဥတု ဆိုးရွားနေမူကြောင့် ဒေသခံရေလုပ်သားများ ပင်လယ်ထဲ မထွက်နိုင်

5/7/2011
မောင်အေး

ရခိုင်ပြည်နယ် ကမ်းရိုးတန်း တလျှောက်တွင် မကြာခဏ လေဖိအားနည်း ရပ်ဝန်းနှင့် အတူ မုန်တိုင်းငယ်များ ဖြစ်ပေါ်နေသဖြင့် ဒေသခံ ရခိုင် ရေလုပ်သားများ ပင်လယ်ပြင်သို့ပုံမှန် ငါးရှာဖွေ မထွက်နိုင်ဘဲ ဖြစ်နေကြကြောင်း သတင်း ရရှိသည်။

ယခုကဲ့သို့ရေလုပ်သားများ ပင်လယ်ပြင် သို့ငါးဖမ်း မထွက်နိုင်ဘဲ ဖြစ်နေရသည့် အခြေအနေကို ကျောက်ဖြူမြို့နယ်မှ ရေလုပ်သားတဦး က ယခုကဲ့သို့ပြော သည်။

“အခု ဒီမှာက လေဖိအားနည်း ရပ်ဝန်းတွေ ခဏခဏဖြစ်ပေါ်နေပြီ မုန်တိုင်း ဆင်နေတဲ့ အတွက် ငါးဖမ်းသမားတွေ ငါးရှာ မထွက်နိုင်ကြဘူး။ မိုးဦးရာသီဆိုတော့ မုန်တိုင်းနဲ့ တိုးမှာကို လူတွေက အရမ်း စိုးရိမ်နေကြတဲ့ အတွက် ဖြစ်ပါတယ်။ အခုတလော ငါး ဖမ်းလှေတွေ အ၀င်အထွက် သိပ်မရှိဘူး။ ပင်လယ်လုပ်သားတွေလည်း အခုတလောမှာ အလုပ်သိပ်မဖြစ်ဘူး” ဟုသူက ပြောသည်။

မိုးလေ၀ါသနှင့် ဇလဗေဒပညာရှင် ဦးထွန်းလွှင် ၀က်ဆိုက်တွင် မေလ ၁၁ ရက်မှ ၁၇ ရက်အတွင်း ဘင်္ဂလားပင်လယ်အော်တွင် မုန်တိုင်းဖြစ်ပေါ်ရန် ၆၀ ရာခိုင်နှုန်း သေချာကြောင်း ဖော်ပြထားပြီး ဘင်္ဂလာဒေခ်ျ့နိုင်ငံတွင်လည်း မုန်တိုင်းရှိသည်ဟု ဆိုကာ ပင်လယ်ပြင်တွင် ငါးဖမ်းနေသော ငါးဖမ်းလှေများကို ကမ်းကပ်ခိုင်းထားသည်။

“အခုအခါ သုံးနံပတ်အဆင့် အလံတင်ထားတဲ့ အတွက် ငါးရှာနေတဲ့ ဘင်္ဂလာဒေခ်ျ့ လှေ တွေ မော်တော် ဘုတ်တွေ အကုန်လုံး ကမ်းပြန်ကပ်နေကြတယ်။ သောကြာနေ့ကတည်း က သက်ဆိုင်ရာက သတိပေးမူတွေ ပြုလုပ်နေတာ ဖြစ်ပါတယ်” ဟု ကော့ဘဇား ဒေသခံ တစ်ဦးက ပြောသည်။

မြန်မာနိုင်ငံတွင်မူ သက်ဆိုင်ရာမှ တစုံတရာ သတိပေးခြင်းမျိုး မရှိသေးဟု သိရသည်။

သို့သော်လည်း ယခုအခါ ကျောက်ဖြူမြို့နယ်မှ ရေလုပ်သားများ အနေဖြင့် ပင်လယ်ပြင်တွင် လေးပြင်းနှင့် အတူ လိုင်းကြမ်းများ တိုက်ခတ်နေသဖြင့် ငါးရှာ မထွက်ကြဘဲ ရှိနေကြ သည်ဟု သိရသည်။

“အခုတလော ငါးဈေး တက်သွားပါတယ်။ အကောင်လိုက်ဝယ်ရတဲ့ ငါးတွေက အရင် ၁၀၀၀ ကျပ် ပေးရတဲ့ ငါးတစ်ကောင်ကို အခု ကျပ် ၂၅၀၀နဲ့ ၃၀၀၀ အထိ ဖြစ်သွားတယ်။ ဈေးမှာ ငါးတွေ မတက်တော့ ငါးဈေးကတက်သွားတာ ဖြစ်ပါတယ်” ဟု ရေလုပ်သားများ ငါးရှာ မထွက်သဖြင့် ငါးရှားပါးနေကြောင်းကို ကျောက်ဖြူ မြို့ခံ တဦးက ပြောသည်။

ကျောက်ဖြူမြို့နယ် ဒေသခံ အများစုမှာ ရေလုပ်ငန်းကို အဓိက လုပ်ကိုင်ကြပြီး ယခုကဲ့သို့မုန်တိုင်းငယ်များနှင့် အတူ ပင်လယ်ပြင်တွင် လိုင်းကြီးများ ဖြစ်ပေါ် နေသဖြင့် ပင်လယ်ပြင်ကို မထွက်နိုင်၍ စားဝတ် နေရေး အခက်အခဲ ဖြစ်နေကြသည်ဟု သိရသည်။

Ref;Narinjara

Read More...

ပြည်တော်ပြန်မယ်ဆိုလို့ မြန်မာလုပ်သား နှစ်ဦးကို မလေးရဲ ဖမ်းဆီး

အောင်မြတ်စိုး
မေလ ၀၆ ရက် ၂၀၁၁ ခုနှစ်

အိမ်ခန်းသစ် ငှားမပေးပါက မြန်မာပြည်ပြန်မည်ဟုဆိုသော မလေးရှားနိုင်ငံ ဂျိုဟိုးပြည်နယ် Senai Jaya ရှိ Robeh လျှပ်စစ်ပစ္စည်း စက်ရုံမှ မြန်မာလုပ်သား နှစ်ဦးကို ရဲက ကြာသပတေးနေ့ ညနေတွင် ဖမ်းဆီးသွားသည်။

အလျား ပေ ၅ဝ၊ အနံ ပေ ၃ဝ ခန့်ရှိ ဟောခန်း၌ မြန်မာ ၂၄ ဦး နေခိုင်းကာ မီးဖိုချောင်ပါ သီးသန့်မရှိသဖြင့် အခန်းသစ် ငှားမပေးလျှင် မြန်မာပြည်ပြန်မည့်အကြောင်း အလုပ်သမားများ က စက်ရုံမန်နေဂျာထံ မနက်ပိုင်းတွင် တောင်းဆိုပြီးနောက် ဖမ်းဆီးမှု ဖြစ်ပွားခဲ့သည်။

“မင်းတို့ မြန်မာပြည်ပြန်မှာလား၊ အလုပ်မလုပ်တော့ဘူးလားဆိုတော့ ဟုတ်တယ်၊ ပြန်မယ်၊ မလုပ်တော့ဘူးလို့ ကျနော်တို့ ပြောတယ်။ ၆ နာရီခွဲလောက်ကျတော့ စကားပြောတတ်တဲ့ လူနှစ်ယောက်ကို နာမည်မေးတယ်၊ ပြီးတော့ လက်ထိပ်ခတ်ပြီးတော့ ခေါ်သွားတယ်။ ဘာမှကို မပြောတော့ဘူး” ဟု လာရောက်ဖမ်းဆီးပုံကို Robeh စက်ရုံ အလုပ်သမား ကိုမျိုးမြင့်လှိုင်က မဇ္ဈိမကို ပြောသည်။

အခန်းတွင်း ချက်ပြုတ်စားသောက်ကြရာ အနံ့အသက်များ ဆိုးရွားသဖြင့် ကျန်းမာရေး အတွက် လူခွဲနေနိုင်ရန် အခန်းငှားပေးရန် ယခင်ကတည်းက တောင်းဆိုခဲ့သော်လည်း မအောင်မြင်ခဲ့ပေ။

“ကျနော်တို့ပြောတော့ ဟိုနေ့လုပ်ပေးမယ် ဒီနေ့လုပ်ပေးမယ် ပြောတယ်။ ဒါပေမဲ့ မလုပ်ပေးဘူး။ စိတ်ညစ်လွန်းတော့ အလုပ် မလုပ်ချင်တော့ဘူး၊ ကျန်းမာရေးကလည်း သိပ်မကောင်းကြတော့ဘူး။ ညှော်စော်တွေက တောက်လျှောက် နံလို့လေ” ဟု နောက်ထပ် မြန်မာလုပ်သားတဦးက မဇ္ဈိမကို ပြောပြသည်။

ကိုမျိုးမြင့်လှိုင်ကလည်း “နောက်ထပ် အိမ်ခန်းတခန်း ငှားပေးဖို့။ တခန်းထဲနဲ့ လူအများကြီး ထားတယ်ဗျာ။ ၂၄ ယောက် ထားတယ်။ အရင်က ၂၂ ယောက် ရှိတယ်။ တောင်းဆို မှုပြုတာက လူသစ်နှစ်ယောက်ကို မထည့်ဘူးပေါ့။ ဟင်းထမင်းချက်ဖို့ အဆောင်သပ်သပ် မရှိဘူး။ အလုပ်က ပြန်လာတယ်၊ တယောက်က ဟင်းချက်ရင် တယောက်က စောင့်နေရတာ ပေါ့ဗျာ။ အချိန်ပိုရှိတဲ့ နေ့ဆိုရင် အမြဲတမ်း ၁ နာရီမှ အိပ်ရတယ်” ဟု ပြောပြသည်။

အလုပ်သမားများသည် မနက် ၈ နာရီမှ ညနေ ၅ နာရီ ၁၅ မိနစ်အထိ ပုံမှန် အလုပ်ဆင်းရပြီး အချိန်ပိုဆင်းသည့်အခါ ည ၁ဝ နာရီအထိ လုပ်ကိုင်ရသည်။ အချိန်ပို ရက်များတွင် ကားဖြင့် ပြန်ပို့ကာ၊ အခြားနေ့များတွင် နားနေဆောင်သို့ တနာရီခန့် လမ်းလျှောက်ပြန်ကြသည်။ ကားကြိုပို့ခကိုမူ တလလျှင် ၃၅ ရင်းဂစ် ဖြတ်ယူသည်။

Robeh စက်ရုံရှိ မြန်မာများသည် ၂ဝ၁ဝ ဒီဇင်ဘာ ၁၅ ရက်တွင် ရန်ကုန်မြို့ပန်းဆိုးတန်းလမ်းမှ Diamond Pagan ကုမ္ပဏီ အစီအစဉ်ဖြင့် မလေးရှားသို့ လာရောက်ခဲ့သည်။ စက်ရုံတွင် လူမျိုးပေါင်းစုံ အလုပ်သမား ၂၆ဝ ကျော်ရှိပြီး၊ ထိုအထဲတွင် မြန်မာပြည်သား ၄၇ ဦး ရှိသည်။

မြန်မာရွှေ့ပြောင်းအလုပ်သမားအရေး ဆောင်ရွက်သော ဘားမားကမ်ပိန်း (မလေးရှား) မှ ကိုထွန်းထွန်းက “အလုပ်သမားနှစ်ဦး ပြန်လွတ်ဖို့အတွက် သက်ဆိုင်ရာ ဒေသမှာရှိတဲ့ လူ့အခွင့်အရေး အဖွဲ့တွေကို အကြောင်းကြား အကူအညီ တောင်းထားတယ်။ ကျနော်တို့ နေရာနဲ့က ဝေးလို့ ချက်ချင်း မသွားနိုင်ပါဘူး။ တကယ်လို့ လိုအပ်မယ်ဆိုရင် မနက်ဖြန်မနက် ကျနော်တို့ သွားမှာပါ” ဟု မဇ္ဈိမကို ပြောသည်။

Ref;Mizzima

Read More...

အာဆီယံ လူကုန်ကူးမှု တိုက်ဖျက်မည်

အောင်မြတ်စိုး
မေလ ၀၆ ရက် ၂၀၁၁ ခုနှစ်

အရှေ့တောင်အာရှ နိုင်ငံများအသင်းကြီးမှ လူကုန်ကူးမှုတိုက်ဖျက်ရေး အစီအစဉ်ကို တိုးမြှင့် သွားမည် ဖြစ်ကြောင်း အင်ဒိုနီးရှားနိုင်ငံ ဂျကာတာတွင် ကျင်းပနေသည့် ညီလာခံအပြီး ထုတ်ပြန်မည့် ကြေညာချက်မူကြမ်းတွင် ပါရှိသည်ဟု ထိုင်း MCOT သတင်းတရပ်မှ ဖော်ပြပါရှိသည်။

အဆိုပါသတင်းနှင့်ပတ်သက်၍ လူကုန်ကူးမှုတားဆီးရေး လုပ်ဆောင်နေသည့် မဟာချိုင် အခြေစိုက် Labour protection Network(LPN) အလုပ်သမားအကာအကွယ် ပေးရေး ကွန်ယက် ဒါရိုက်တာ ခွန်စုန်ဖုန်းဆာကဲယော့မှ “ဒါကောင်းတဲ့ လက္ခဏာပါ အစိုးရပိုင်း က ပူးပေါင်းဆောင်ရွက်မှုတွေ ပါလာမယ်ဆိုရင်ပေါ့၊ ကျနော်တို့ ကြိုဆိုပါတယ်၊ ဒီကိစ္စ္စကို အစိုးရတာဝန်ရှိသူတွေက အလေးအနက်ထားလုပ်ဆောင်ဖို့လည်း တိုက်တွန်းလိုပါတယ်” ဟုမဇ္စ္ဈိမကို ပြောဆိုသည်။

UNODC ကမ္ဘာ့ကုလသမဂ္ဂ ရာဇဝတ်မှုနှင့် မူးယစ်ဆေးဝါးတိုက်ဖျက်ရေးဌာန အစီရင်ခံစာ အရ ကမ္ဘာပေါ်တွင် လူ ၂.၅သန်း လူကုန်ကူးခံနေရသည့် အခြေအနေတွင်ရှိပြီး ထိုအထဲ မှ ၅၆ ရာခိုင်နှုန်းရှိသည့် လူဦးရေ ၁.၄သန်းသည် အာရှနှင့် ပစိဖိတ်ဒေသတွင်ဖြစ်သည် ဟု ဆိုသည်။ လူကုန်ကူးမှု ၇၉ရာခိုင်နှုန်းသည် လိင်အမြတ်ထုတ်မှု အတွက်ရည်ရွယ် ပြီး ၃ဝရာခိုင်နှုန်းသည် အတင်းအဓမ္မ အလုပ်စေခိုင်းမှုဖြစ်သည်ဟု ဖော်ပြပါရှိသည်။

၁၈ ကြိမ်မြောက် အာဆီယံထိပ်သီး အစည်းအဝေး (The 18th Asean Summit)ကို အင်ဒိုနီးရှားနိုင်ငံ၊ ဂျကာတာမြို့တော်၌ မေလ ၇ နှင့် ၈ ရက်နေ့တို့တွင် ပြုလုပ်မည်ဖြစ်ပြီး မြန်မာနိုင်ငံမှ သမ္မတဦးသိန်းစိန် တက်ရောက်သည်။ အာဆီယံ အဖွဲ့ဝင်နိုင်ငံများမှာ မလေးရှား၊ အင်ဒိုနီးရှား၊ ထိုင်း၊ ဖိလစ်ပိုင်၊ စင်ကာပူ၊ ဗီယက်နမ်၊ ကမ္ဘောဒီးယား၊ လာအို၊ မြန်မာနှင့် အရှေ့တီမောနိုင်ငံတို့ဖြစ်ကြသည်။

မြန်မာနိုင်ငံတွင် လူကုန်ကူးမှုတိုက်ဖျက်ရေးဌာနကို ၂ဝဝ၄ ဇွန်လတွင်စတင်ဖွဲ့စည်းခဲ့သည်။ ၂ဝဝ၃မှ ၂ဝဝ၇ အတွင်း လူဦးရေ ၃၅ဝမှ ၄၂၅ဦးအထိ လူကုန်ကူးမှု ကျူးလွန်သူများကို ဖမ်းဆီးခဲ့ကြောင်း သိရှိရသည်။ ပျမ်းမျှလူဦးရေ ၁ဝဝဝခန့် နှစ်စဉ်လူကုန်ကူးမှု၏ သားကောင်ဖြစ်ခဲ့ကြရသည်။ ထိုအထဲမှ ၄၁၈ဦးကို နိုင်ငံခြားတိုင်းပြည်များမှ ပြန်လည်ကယ်တင် နိုင်ခဲ့သည်ဟု အစီရင်ခံစာ တခုကဆိုကြောင်း first 11 သတင်းကဆိုသည်။ ထို့နောက် ၂ဝဝ၇မှ ၂ဝ၁၁အထိ ၅နှစ်တာစီမံချက်ဖြင့် လူကုန်ကူးမှု တိုက်ဖျက်ရေးကို မြန်မာအစိုးရမှ စီမံကိန်းချ ဆောင်ရွက်နေခဲ့သည်။

အဆိုပါလူကုန်ကူးခံရသူများအထဲတွင် ကလေးသူငယ်များပါဝင်ပြီး ၂ဝဝ၆မှ ၂ဝ၁ဝ အထိ နှစ်စဉ် ကလေးသူငယ် ၁ဝဝခန့်မှာ လူကုန်ကူးခံနေရကြောင်း အစီရင်ခံစာကို ကိုးကား၍ ဆက်လက်ပါရှိသည်။ သို့ရာတွင် ထိုင်းနိုင်ငံအတွင်း အမှန်တကယ် လူကုန်ကူးခံနေရသည့် မြန်မာပြည်သား အရေအတွက်မှာ လွန်စွာများပြားကြောင်း လူကုန်ကူးမှု တိုက်ဖျက်ရေး လုပ်ဆောင်နေသော အဖွဲ့အစည်းများကဆိုသည်။

“ကျနော်တို့ဝင်ခဲ့တဲ့ စက်ရုံတရုံမှာဆိုရင် လူပေါင်း ၈ဝဝကျော်ရှိတယ်၊ နောက်စက်ရုံ တရုံဆိုရင် ၃ဝဝ၊ ကလေးတွေလည်းမနည်းဘူး အသက်၁၃နှစ်အရွယ်တွေများတယ် အားလုံးပေါင်း ၈ဝ လောက်ရှိတယ်” ဟု လူကုန်ကူးခံရကာ အကူအညီမဲ့နေသည့် မြန်မာရွှေ့ပြောင်း အလုပ်သမားများကို LPNနှင့်ပူးတွဲ လုပ်ဆောင်ကာ ကယ်ဆယ်နိုင်ခဲ့သည့် SUB ပင်လယ်ပျော်များသမဂ္ဂ္ဂမှ ဦးကိုကိုအောင်ကလည်း မဇ္စ္ဈိမကို ပြောဆိုသည်။

အဆိုပါ မဟာချိုင်၊ ဘန့်တောင်ဒေသရှိ စက်ရုံသည် မြန်မာနိုင်ငံမှ လူကုန်ကူးသူများနှင့် တိုက်ရိုက်ဆက်သွယ်ကာ မြန်မာအလုပ်သမားများနှင့် ကလေးသူငယ်များအား လုပ်အားခ မပေးဘဲ မြေအောက်ခန်းနှင့် ထပ်ခိုးများတွင် ထားရှိကာ အတင်းအဓမ္မ ပိတ်လှောင်ကာ အလုပ်စေခိုင်း ခဲ့သည့် စက်ရုံဖြစ်သည်။

ချွန်ဘူရီခရိုင်ကဲ့သို့ ငါးဖမ်းလုပ်ငန်းများရှိရာ လှေဆိပ်များသို့ သွားရောက်ကာ ရှောင်တခင် ဖမ်းဆီး ကယ်တင်ပါကလည်း တညလျှင် လူပေါင်း၊ ၅ဝ-၆ဝ ခန့်ကို လှေများအပေါ်မှ ကယ်တင် နိုင်ကြောင်းလည်း သူကဆက်ပြောသည်။

LPN နှင့် SUB အဖွဲ့တို့သည် လူကုန်ကူးခံရသည့် ရွှေ့ပြောင်း အလုပ်သမားများနှင့် ကလေးသူငယ်များကို လွန်ခဲ့သည့် ၅နှစ်ကတည်းက အခြားအဖွဲ့များနှင့် ပူးပေါင်းကာ ကယ်ဆယ်ရေး လုပ်ဆောင်လာခဲ့သည်မှာ ယခု မြန်မာပြည်သား အနည်းဆုံး ၂ဝဝဝ ကျော်ကို လူကုန်ကူးသူများလက်မှ ကယ်တင်နိုင်ခဲ့ပြီး ဖြစ်ကြောင်းလည်း သူက ဆိုသည်။

ထိုင်းနိုင်ငံအတွင်း လူကုန်ကူးခံရသည့်သူများကို ပြန်လည်ကယ်ဆယ်ရရှိပါက ပြန်လည် ပြုစုပျိုးထောင်ရေး စခန်းများတွင် ယာယီထားရှိကာ အမှုရင်ဆိုင်စဉ်ကာလအတွင်း နိုင်ငံတွင်းနေထိုင်၍ အလုပ်လုပ်ကိုင်ခွင့် ပေးထားမည်ဖြစ်ကြောင်း မေလ၁ရက်နေ့က ကျရောက်သည့် နိုင်ငံတကာ အလုပ်သမားများနေ့တွင် ထိုင်းအလုပ်သမား ဝန်ကြီးက တရားဝင်ထုတ်ဖော်ပြောကြားခဲ့သည်။

“အစိုးရဝန်ထမ်းတွေအထဲက လာဘ်စားပြီး ဒီလူကုန်ကူးမှုမှာ ပါဝင်ပတ်သက် နေသူတွေ ကိုလည်း ထိထိရောက်ရောက် အရေးယူ သွားဖို့လည်း လုပ်ဆောင်စေချင်ပါ တယ်၊ ပြီးတော့ လူကုန်ကူးခံရတဲ့ သားကောင်တွေကို ပြန်လည်ပြုစုပျိုးထောင်မူ လုပ်ဆောင်ရာ မှာလည်း ဒီထက်ပိုပြီး ဖိဖိစီးစီးနဲ့ ထိရောက်တဲ့ အကူအညီတွေပေးဖို့ လိုပါတယ်” ဟုလည်း ခွန်စုန်ဖုန်း ဆာကဲယော့မှ မဇ္စ္ဈိမကို ပြောကြားသည်။

ထိုင်းနိုင်ငံအတွင်း တရားမဝင် ဝင်ရောက်လာသည့် မြန်မာရွှေ့ပြောင်း အလုပ်သမား များသည် လူကုန်ကူးသူများ လက်ချက်ဖြင့် ငါးဖမ်းစက်လှေများ၊ စက်ရုံ အလုပ်ရုံများတွင် ပိတ်လှောင်စေခိုင်းခြင်းခံရကာ တခါတရံ အသက်ဆုံးပါးမှုများ ရှိကြောင်းလည်း ရွှေ့ပြောင်း အလုပ်သမားအရေး လုပ်ဆောင်နေသူများက ဆိုသည်။

Ref;RFA

Read More...

ဆန္ဒပြ မြန်မာအလုပ်သမား ၂ ဦးကို မလေးရှားရဲ ဖမ်းဆီး

2011-05-06

မလေးရှားနိင်ငံမှာရှိတဲ့ Electronics ပစ္စည်းထုတ်စက်ရုံ တရုံက မြန်မာ အလုပ်သမား၂၄ ဦး အလုပ်မဆင်းပဲ ဆန္ဒပြခဲ့ရာ ၂ ဦးကို မေလ ၅ ရက် မနေ့ညက ရဲက ဖမ်းဆီး ခေါ်ဆောင် သွားတယ်လို့ မြန်မာ့အရေး ဆောင်ရွက်နေတဲ့ BCM အဖွဲ့က RFA ကို ပြောပြပါ တယ်။


အဲဒီစက်ရုံကတော့ Johore ပြည်နယ် Sanai Jayar မြို့နယ်မှာရှိတဲ့ Rohe Birt Electronics ပစ္စည်းထုတ်စက်ရုံလို့ သိရပြီး မြန်မာ၊ နီပေါလ်၊ Bangladesh နဲ့ ဗီယက်နမ် အလုပ်သမားတွေ ငှားရမ်း လုပ်ကိုင် လည်ပတ်နေတဲ့ စက်ရုံ ဖြစ်ပါတယ်။

ဆန္ဒြပရတဲ့ ကိစ္စနဲ့ပတ်သက်လို့ ဆန္ဒပြအလုပ်သမား ၂၄ ယောက်အနက် တဦးဖြစ်တဲ့ ကိုသန်းစိုးအောင်က RFA ကို အခုလို ပြောပါတယ်။

“နေရတာက ၂၄ ယောက်။ ကျွန်တော်တို့ နေရတဲ့ ဟောခန်းကြီးထဲမှာ ကျွန်တော်တို့ ၂၄ ယောက်က မနက်ခင်းမှာ ထချိုးတယ်၊ ရေချိုးခန်း၊ အိမ်သာ ၂ လုံး၊ ရေချိုးခန်း ၂ ခန်းနဲ့ အပြင်ဖက် ဟောခန်းမှာ တခါ ရေချိုးခန်း တခန်း ဆင်ပေးထားတယ်။ ရေချိုးကြတယ်၊ သူငယ်ချင်းတွေ အကုန်လုံး၊ စောစောထတဲ့လူတွေက။”

“ချိုးတော့ကျ ကျွန်တော်တို့ ရေသံတွေနဲ့ အိပ်မရဘူး။ အိပ်မရတော့ ကျွန်တော်တို့လည်း အဲဒီ အဆောင်ကို တဝက်ခွဲပေးပါ၊ လူတွေကလည်း များတယ်၊ ထမင်းဟင်းချက်တာလည်း အောခန်းထဲဆိုတော့ လှောင်ပိတ်နေတော့ ညှော်တွေနံတော့ကျ ကျွန်တော်တို့ ခြေထောက် တွေ ဘာတွေ ညောင်းကိုက်တယ်။”

အခုလို အလုပ်မဆင်းပဲ ဆန္ဒပြ နေကြတဲ့အချိန်မှာ မြန်မာ အလုပ်သမားထဲက ၂ ဦးကို အဆောင်ကနေ ရဲက ဖမ်းဆီး ခေါ်ဆောင်သွားတယ်လို့ သိရပါတယ်။ ဒါ့ကြောင့် မြန်မာ့ အရေး ကူညီဆောင်ရွက်ပေးနေ တဲ့ Burma Campaign Malaysia အဖွဲ့ကို မြန်မာ အလုပ်သမားတွေက အကူအညီ တောင်းခဲ့ပါတယ်။

ဒါနဲ့ပတ်သက်လို့ BCM အဖွဲ့တာဝန်ခံ ကိုထွန်းထွန်းက အခုလို ပြောပြပါတယ်။

“ဒီကိစ္စနဲ့ ပတ်သက်ပြီးတော့ သက်ဆိုင်ရာ ရဲတပ်ဖွဲ့ကို စုံစမ်းပြီးတော့ ဒါကို ပြန်လွှတ်ပေးဖို့ ကျွန်တော်တို့ ကြိုးစားနေတယ်။ နောက်တခါ ကျွန်တော်တို့ အခု ဖြစ်တဲ့ ပြဿနာသည် ဝါဏိဇ္ဇ ပဋိပက္ခဖြစ်တဲ့အတွက် ဒါက ရဲ ဝင်ရောက် စွက်ဖက်ခွင့် မရှိဘူးဆိုတာကို ကျွန်တော် တို့ အနေနဲ့ မလေးရှား လူ့အခွင့်အရေး ကော်မရှင်မှာ ကျွန်တော်တို့ သွားရောက် တိုင်တန်းမယ်။ ဒီဟာတွေ မလုပ်ခင်မှာ ကျွန်တော့အနေနဲ့ အလုပ်သမား ဝန်ကြီးဌာန မှာ သွားပြီးတော့ ဝါဏိဇ္ဇ ပဋိပက္ခကို တိုင်တန်းမယ်။”

Ref;RFA

Read More...

လက်မှတ်ထိုး တောင်းဆိုရေး ဒေါ်အောင်ဆန်းစုကြည် နှိုးဆော်

2011-05-06

လက်ရှိ ဒီမိုကရေစီ ကွန်ရက်ထဲက အဖွဲ့အစည်းတွေ ၊ လူပုဂ္ဂိုလ်တွေ လုပ်ဆောင်နေတဲ့ သမ္မတ ဦးသိန်းစိန်ထံ လက်မှတ်ထိုး တောင်းဆိုရေး လှုပ်ရှားမှုမှာ မြန်မာ့ ဒီမိုကရေစီရေးကို လိုလားသူအားလုံး တက်တက်ကြွကြွ ပါဝင်ကြဖို့ လူထုခေါင်းဆောင် ဒေါ်အောင်ဆန်းစု ကြည်က နှိုးဆော်လိုက်ပါတယ်။



နိုင်ငံရေးအကျဉ်းသားတွေ လွှတ်ပေးရေး တိုင်းရင်းသားလက်နက်ကိုင်အဖွဲ့တွေနဲ့ တပ်မတော် ကြား အပစ်ခတ် ရပ်စဲရေး ပြည်ပကို ရှောင်ခွာသွားရတဲ့ ဒုက္ခသည်တွေနဲ့ အခြား နိုင်ငံသူ နိုင်ငံ သားတွေ မြန်မာနိုင်ငံကို လုံခြုံအေးချမ်းစွာ ပြန်လာနိုင်ရေး စသည်တို့ကို တောင်းဆိုထား တဲ့ လက်မှတ်ထိုး လှုပ်ရှားမှု အောင်မြင်ရေးအတွက် ဝိုင်းပြီး ကူညီပေးစေချင်ပါတယ်။

RFA က အပတ်စဉ် တင်ဆက်နေတဲ့ လူထုနဲ့ ဒေါ်အောင်ဆန်းစုကြည် အမေးအဖြေ ကဏ္ဍအတွက် နိုင်ငံရေး အကျဥ်းသား ကိုမြအေးရဲ့သမီး မဝေနှင်းပွင့်သုန်ရဲ့ မေးခွန်းကို ဖြေကြားရာမှာ ဒေါ်အောင်ဆန်းစုကြည်က အခုလို နှိုးဆော်လိုက်တာ ဖြစ်ပါတယ်။ ဒါ့အပြင် သမ္မတ ဦးသိန်းစိန်ထံ တောင်းဆိုတဲ့ အဲဒီစာတွေကို နိုင်ငံခြားသားများလည်း ပါဝင် လက်မှတ် ရေးထိုးနိုင်ကြောင်းနဲ့ ကျယ်ကျယ်ပြန့်ပြန့် ဖြစ်ပေါ်ရေးအတွက် အားလုံး ဝိုင်းဝန်း အကောင် အထည် ဖော်ကြစေလိုကြောင်းလည်း ဒေါ်အောင်ဆန်းစုကြည်က ထပ်မံ တိုက်တွန်း ထား ပါတယ်။

မြန်မာနိုင်ငံသူ နိုင်ငံသားတွေ မဟုတ်တဲ့သူတွေလည်း သွေးစည်းညီညွတ်မှုကို ပြသော အားဖြင့် လက်မှတ်ထိုးနိုင် ပါတယ်။ အမေထပ်ပြီးတော့ ပြောချင်ပါတယ်။ အမေတို့ လုပ်နေတဲ့ လက်မှတ်ထိုး လှုပ်ရှားမှုကြီးကို သမီးတို့ပြင်ပက ဒီမိုကရေစီ လိုလားသူတွေ အားလုံး ဝိုင်းပြီးတော့ ကူညီပံ့ပိုးပေးကြပါ၊ အင်တာနက်ကတဆင့် လက်မှတ်တွေကို ပို့ပေးကြပါလို့ မေတ္တာရပ်ခံချင်ပါတယ်။

နောက်ထပ် သောတရှင်တဦးရဲ့ မေးခွန်းကို ဖြေကြားရာမှာတော့ လက်ရှိသမ္မတ ဦးသိန်းစိန် ဖွဲ့စည်းလိုက်တဲ့ အကြံပေးအဖွဲ့ကို ဒေါ်အောင်ဆန်းစုကြည်က သတိကြီးစွာထားပြီး ကြိုဆိုလိုက်ပါတယ်။

သမ္မတ ဦးသိန်းစိန်ရဲ့ နိုင်ငံရေး၊ စီးပွားရေး၊ ဥပဒေရေးရာ အကြံပေးအဖွဲ့ဝင် ၉ ဦး ဖွဲ့စည်းလိုက်တာနဲ့ ပတ်သက်လို့ တကယ်တမ်းကို တိုင်းပြည်ကို အကျိုးပြုနိုင်မဲ့ အကြံ တွေပေးနိုင်ပြီး ဒီအကြံတွေကို သက်ဆိုင်ရာ အဖွဲ့အစည်းတွေက မှန်မှန်ကန်ကန် အကောင်အထည် ဖော်နိုင်မယ် ဆိုရင်တော့ ကောင်းမယ်လို့ ထင်ပါတယ်။

ဒါပေမဲ့ အဲဒီအကြံပေး ကော်မတီကို လက်တွေ့ကျကျ အကောင်အထည် ဖော်နိုင်မလား ဆိုတာကိုတော့ စောင့်ကြည့်ရမှာ ဖြစ်ကြောင်း မိမိအနေနဲ့ လက်တွေ့လုပ်ဆောင်ချက်တွေကို မမြင်ရသေးပဲ မျှော်လင့်ချက်ထားတာမျိုးကို ယုံကြည်ခြင်း မရှိကြောင်း စသဖြင့်လည်း ဒေါ်အောင်ဆန်းစုကြည်က ပြောပါတယ်။

Ref;RFA

Read More...

အိုင်ဗရီကို့စ်သမ္မတသစ်ဝါတာရာကျမ်းသစ္စာကျိန်

06 မေ 2011

ရွေးကောက်ပွဲ အနိုင်ရ အလ်ဆင်း ၀ါတာရာ အိုင်ဗရီကို့စ် သမ္မတအဖြစ် ကျမ်းသစ္စာ ကျိန်ဆိုနေစဉ်။

လတွေနဲ့ချီပြီး အပြင်းအထန် တိုက်ပွဲတွေ ဖြစ်ခဲ့တဲ့အထိ နိုင်ငံရေး အကျပ်ဆိုက်ခဲ့ရတဲ့ အိုင်ဗရီကို့စ် နိုင်ငံမှာ ရွေးကောက်ပွဲ အနိုင်ရ အလ်ဆင်း ၀ါတာရာ (Alassane Ouattara) က သမ္မတအဖြစ် တရားဝင် မနေ့တုန်းက ကျမ်းကျိန် သစ္စာဆိုခဲ့ပါပြီ။

နိုင်ငံရဲ့ အဓိကမြို့ဖြစ်တဲ့ အဘစ်ဂျန် (Abidjan) မြို့က သမ္မတအိမ်တော်မှာ မနေ့က ကျမ်းကျိန်ပွဲ လုပ်ခဲ့တာပါ။ အဲဒီမှာ မစ္စတာ ၀ါတာရာက နိုင်ငံတော်ရဲ့အခြေခံဥပဒေကို အကာအကွယ် ပေးသွားမယ်၊ အခုချိန်ဟာ နိုင်ငံအတွင်း ပြန်လည်ညီညွတ်ရေးဆိုတဲ့ ခေတ်သစ် တခု ပေါ်ပေါက်လာတော့မယ့် အချိန်ပဲလို့ သမ္မတသစ်က ပြောပါတယ်။

ပြီးခဲ့တဲ့နှစ် နိုဝင်ဘာလ ရွေးကောက်ပွဲမှာတုန်းက အာဏာက ဆင်းပေးခဲ့ရတဲ့ အရင် သမ္မတဟောင်း လောရင့် ဘက်ဂ်ဘို (Laurent Gbagbo) ရဲ့ မှားယွင်းတဲ့ လုပ်ရပ် တွေကို ပထမပိုင်းမှာ လက်ခံခဲ့ပြီး နောက်ပိုင်းမှာတော့ အမှန်အတိုင်းဖြစ်အောင် ဆောင်ရွက် ခဲ့ကြတဲ့ နိုင်ငံတော် တရားရုံးက ပုဂ္ဂိုလ်တွေကို ချီးမွမ်း ဂုဏ်ယူတယ်လို့ သမ္မတသစ်က ပြောလိုက်ပါတယ်။

သမ္မတဟောင်း လောရင့် ဘက်ဂ်ဘိုကို ပြီးခဲ့တဲ့လက ဖမ်းဆီးခဲ့ပြီး အခု နေအိမ်အကျယ်ချုပ် ချထားပါတယ်။ အစိုးရ တပ်ဖွဲ့တွေကတော့ သမ္မတဟောင်း ဘက်ဂ်ဘိုကို ထောက်ခံ အားပေးနေတဲ့ ပြည်သူ့စစ်တွေနဲ့ ဆက်ပြီး တိုက်ခိုက်နေကြတုန်းပါ။

အဘစ်ဂျန်မြို့က ဘောလုံးကွင်းတခုမှာ မြေကြီးထဲ မြှုပ်ထားတဲ့ လူသေအလောင်းတွေ အများအပြား ရှာတွေ့ထားတယ်လို့ ကုလသမဂ္ဂက မနေ့က ပြောပါတယ်။ လူ့အခွင့် အရေးဆိုင်ရာ စုံစမ်းစစ်ဆေးမယ့်သူတွေ အဲဒီနေရာကို လွှတ်ထားတယ်လို့လည်း ဆိုပါ တယ်။ အဲဒီနေရာတ၀ိုက်ဟာ သမ္မတဟောင်း ဘက်ဂ်ဘိုကို ထောက်ခံသူတွေ လှုပ်ရှားကြတဲ့နေရာပါ။

ကုလသမဂ္ဂ လူ့အခွင့်အရေး ကော်မရှင်မင်းကြီး ပြောတာကတော့ သမ္မတဟောင်း ဘက်ဂ်ဘိုဘက်ကရော သမ္မတသစ် ၀ါတာရာဘက်ကရော အရပ်သူ အရပ်သားတွေကို သတ်ဖြတ်ခဲ့ကြတယ်လို့ ဆိုပါတယ်။ နှစ်ဘက် တိုက်ခိုက်မှုတွေအတွင်း အိုင်ဗရီကို့စ် နိုင်ငံမှာ လူတွေ ရာနဲ့ချီ သေဆုံးခဲ့ပြီး လူ ၁,၀၀၀,၀၀၀ လောက် အိုးအိမ်စွန့်ခွာ ထွက်ပြေး ခဲ့ကြ ရပါတယ်။

Ref;VOA

Read More...

အယ်လ်ခိုင်းဒါး အကြမ်းဖက်အဖွဲ့ကျဆုံးတော့မည်

06 မေ 2011

သမ္မတ အိုဘားမား ဖို့တ် ကမ်းပ်ဘဲလ် တပ်စခန်းတွင် အာဖဂန်နစ္စတန်မှ ပြန်လည်ရောက်ရှိလာသည့် တပ်ဖွဲ့ဝင်များကို နှုတ်ဆက်နေစဉ်။

အမေရိကန် ပြည်ထောင်စုက အိုစမာ ဘင်လာဒင် (Osama Bin Laden) ကို အသေ ဖမ်းမိနိုင်ခဲ့တာဟာ အယ်လ်ခိုင်းဒါးအဖွဲ့ရဲ့ခေါင်းကို ဖြတ်ပစ်လိုက်တာ ဖြစ်တဲ့အတွက် နောက်ဆုံးမှာ အကြမ်းဖက်အဖွဲ့ကျဆုံးရမယ်လို့ သမ္မတ အိုဘားမား (Barack Obama) က ပြောဆိုလိုက်ပါတယ်။

ထူးချွန်ထက်မြက်မှုနဲ့ သတ္တိရှိတဲ့ အမေရိကန်တွေရဲ့ စွမ်းဆောင်ချက်ကြောင့် စက်တင်ဘာ ၁၁ ရက်နေ့က အမေရိကန် ပြည်ထောင်စုကို အကြမ်းဖက် တိုက်ခိုက်ရေးမှာ ဦးဆောင် ခဲ့သူဟာ နောက်ထပ် အမေရိကန် ပြည်ထောင်စုကို အန္တရာယ် မပေးနိုင်တော့ဘူးလို့ သမ္မတ အိုဘားမားက ဆိုပါတယ်။

အမေရိကန် ပြည်ထောင်စု၊ ကင်န်တပ်ကီပြည်နယ်၊ ဖို့တ် ကမ်းပ်ဘဲလ် (Fort Campbell) တပ်စခန်းကို သမ္မတ အိုဘားမား သောကြာနေ့က သွားရောက်ခဲ့ပြီး အမေရိကန်ရေတပ် Navy SEAL အထူးတပ်ဖွဲ့ကို သီးသန့် တွေ့ဆုံခဲ့စဉ်မှာ သမ္မတ အိုဘားမားက အခုလို ပြောဆိုလိုက်တာပါ။ ဒု-သမ္မတ ဂျိုးဘိုင်ဒင် (Joe Biden) ကလည်း အဲဒီ ကွန်မန်ဒို အထူးတပ်ဖွဲ့ကို တွေ့ဆုံခဲ့ပါတယ်။

ဖို့တ် ကမ်းပ်ဘဲလ် တပ်စခန်းမှာ အာဖဂန်နစ္စတန်က မကြာခင်က ပြန်ရောက်လာတဲ့ ရာနဲ့ ချီတဲ့ စစ်သည်တွေကို သမ္မတ အိုဘားမားက မိန့်ခွန်းပြောဆိုခဲ့ပါတယ်။ သူတို့တတွေ ရဲ့တာဝန်ဝတ္တရား ကျေပွန်မှုကို ချီးကျူးလိုက်ပြီး အယ်လ်ခိုင်းဒါးအဖွဲ့ကို နှိမ်နင်းတဲ့ စစ်ဆင်ရေး တိုးတက်မှု ရှိလာတယ် ဆိုတာကို လက်တွေ့ ပြနိုင်ခဲ့ကြတယ်လို့လည်း ပြော ပါ တယ်။

Navy SEAL တွေဟာ အမေရိကန်ရေတပ်က ပင်လယ်တွင်းမှာရော လေကြောင်းနဲ့ မြေပြင်မှာပါ တဘက်ကမ်းခတ် ကျွမ်းကျင်အောင် လေ့ကျင့်ပေးထားတဲ့ အထူးတပ်ဖွဲ့ဖြစ် ပါတယ်။

Ref;VOA

Read More...

Friday, May 6, 2011

ဒီမိုကရေစီဖော်ဆောင်ရေး အကျဉ်းကျနိုင်ငံရေး ခေါင်းဆောင်များ မျှော်လင့် ချက်နည်း

လင်းသန့်
06 May 2011

နှစ်ရှည် ထောင်ဒဏ် ကျခံနေရသော ၈၈ မျိုးဆက် ကျောင်းသား ခေါင်းဆောင်များက သမ္မတ ဦးသိန်းစိန်၏ သမ္မတ ကျမ်းသစ္စာပြု မိန့်ခွန်းအပေါ် ကောင်းမွန်ကြောင်း ပြောဆို သော်လည်း အစိုးရသစ်နှင့် ပတ်သက်ပြီး ဒီမိုကရေစီ ဖော်ဆောင်ရေး မျှော်လင့်ချက် လွန်စွာ နည်းပါး သေးသည်ဟု မှတ်ချက်ပြုကြောင်း မိသားစုဝင်များက ပြောပြသည်။

8888_Generation_Students

မတ်လ ၃၀ ရက်နေ့ သမ္မတသစ် ဦးသိန်းစိန်၏ မိန့်ခွန်းတွင် တရားဥပဒေ စိုးမိုးရေးကို အလေးထား ပြောဆိုခဲ့ပြီး ကောင်းမွန်သော အုပ်ချုပ်မှုစနစ်နှင့် သန့်ရှင်းသောအစိုးရ ပေါ်ပေါက်လာ စေရေးတို့ကို ထည့်သွင်းပြောကြား ခဲ့သည်။

အကျဉ်းကျခံနေရသော ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင် က“သတင်းစာမှာပါတဲ့ သမ္မတမိန့်ခွန်းက ကောင်းပေမယ့် လက်တွေ့လုပ်ဆောင်နိုင်မယ်လို့ သိပ်မမျှော် လင့်ဘူး”ဟု ပြောကြောင်း အစ်မဖြစ်သူ ဒေါ်ကြည်ကြည်ညွန့်က ဧရာဝတီသို့ ပြောသည်။

၈၈ မျိုးဆက် ကျောင်းသားခေါင်းဆောင် နောက်တဦးဖြစ်သူ ကိုကိုကြီး ကလည်း သမ္မတ မိန့်ခွန်းသည် အလွန်ကောင်းကြောင်း မှတ်ချက်ပေးသော်လည်း တရားဥပဒေ စိုးမိုးမှုနှင့် ပတ်သက်ပြီး ၄င်းတို့ကို မတရားသည့် ဥပဒေနှင့် ထောင်ဒဏ်ချမှတ် ခံရခြင်းဖြစ်၍ အဆိုပါ မတရား ဥပဒေ အတိုင်းထားလျှင် သက္ကရာဇ် ၂၀၇၄ ခုနှစ် ဧပြီလအထိ ထောင်ထဲ၌ ထားမည့် သဘောဖြစ်နေကြောင်း ပြောဆိုသည်ဟု အမည်မဖော်လိုသူ မိသားစုဝင်တဦးက ပြောသည်။

ပါလီမန် နှင့် သမ္မတ လုပ်ပိုင်ခွင့်ဆိုင်ရာ အလေ့အကျင့် လွန်စွာဝေးနေခဲ့ခြင်းကြောင့် အစိုးရသစ်အနေနှင့် အပြည့်အ၀ ဖော်ဆောင်နိုင်မည်ဟု မထင်ကြောင်း၊ လွန်ခဲ့သည့်လက အမေရိကန်၏ မြန်မာနိုင်ငံဆိုင်ရာ အထူးကိုယ်စားလှယ် ခန့်အပ် မှုနှင့် ပတ်သက်၍လည်း အမေရိကန်အနေနှင့် မြန်မာ့အရေး ပိုစိတ်ဝင်စားမှုကိုပြသခြင်းဖြစ်၍ကြိုဆိုကြောင်း၊ အစိုးရနှင့် အတိုက်အခံအကြား ရင်ကြားစေ့ရေး၊ နိုင်ငံရေးပြဿနာအဖြေရှာရေးတို့အတွက် အထူးကု်ိယ်စားလှယ်အနေဖြင့် အချိန် ယူရန် လိုအပ်မည်ဖြစ်ကြောင်းလည်း ကိုကိုကြီး ၏ မိသားစုဝင်က ဆက်လက်ပြောဆိုသည်။

ကိုမင်းကိုနိုင်သည် ရှမ်းပြည်နယ်အရှေ့ပိုင်း ကျိုင်းတုံအကျဉ်းထောင် နှင့် ကိုကိုကြီးသည် မိုင်းဆတ် အကျဉ်းထောင် တို့တွင် ထောင်ဒဏ် ၆၅ နှစ် နှင့် ၆ လ စီ အသီးသီး ကျခံနေကြရသည်။ ၄င်းတို့သည် ကျန်းမာရေးကောင်းမွန်ခြင်း မရှိဟု လည်း သိရသည်။

“လူ့အခွင့်အရေး အခြေအနေ၊ ဒီမိုကရေစီ ပြုပြင်ပြောင်းလဲမှုမှတ်တမ်းကောင်းဖြစ်စေရေးနှင့် နိုင်ငံရေးဆိုင်ရာတွေ့ဆုံဆွေး နွေး အဖြေရှာလမ်းစဉ်တခု ခိုင်ခိုင်မာမာ ချမှတ်ခြင်းများကို မြန်မာအစိုးရသစ်က သိသာသည့်လုပ်ဆောင်ချက်များနှင့် ပြ သပြီးလုပ်ဆောင်နိုင်မှသာ နိုင်ငံတကာနှင့် သက်ဆိုင်ရာ စီးပွားရေးဒဏ်ခတ်ပိတ်ဆို့ထားသော နိုင်ငံများအနေနှင့် ၄င်းတို့ ၏ ပိတ်ဆို့ မှု ရုပ်သိမ်းသွားနိုင်သည်”ဟုလည်း ကိုကိုကြီးက မှတ်ချက်ပေးကြောင်း သိရသည်။

ကိုမင်းကိုနိုင်နှင့် ကိုကိုကြီးတို့အနေဖြင့် မတရားသောဥပဒေများနှင့် ထောင်ဒဏ်ချမှတ် ခံထားရခြင်းဖြစ်၍ အဆိုပါမတရား သော ဥပဒေများကို ဖျက်သိမ်းပေးရန် လိုကြောင်း၊ ပုဒ်မ ၄၀၁ အပိုဒ် ၁ အရလက်မှတ်ထိုးလွှတ်ပေးမည် ဆိုလျှင်လည်း မတရားသည့် ဥပဒေကို အသိအမှတ်မပြုလို၍ လက်မှတ်ထိုးမည်မဟုတ်ကြောင်း၊ ယခုကိစ္စသည် သင်ပုန်းချေခြင်းနှင့် အာဃာတမထားခြင်းများနှင့် မသက်ဆိုင်ကြောင်း ပြောကြားကြသည်ဟု ဆိုသည်။

ရခိုင်ပြည်နယ် ဘူးသီးတောင် အကျဉ်းထောင်ရှိ ၈၈ မျိုးဆက်ကျောင်းသားခေါင်းဆောင် နောက်တဦးဖြစ်သူ ကိုဌေးကြွယ် အား မကြာခင် ထောင်ဝင်စာသွားတွေ့မည့် ယောက်ဖတော်စပ် သည့် ကိုဖြိုးမင်းသိန်းကမူ“ကျနော်ပြန်လာရင်တော့ သူ့ရဲ့ အစိုးရသစ်အပေါ် သဘေားထား ကိုအသေးစိပ်ထုတ်ပြန်မှာပါ။ အခု သိရသလောက်ကတော့ သမ္မတ မိန့်ခွန်းက ကောင်း တာတော့ပြောတယ် သိရတယ်။ လက်တွေ့ ဖြစ်ထွန်းလာဖို့အတွက်တော့ သိပ်မျှော်လင့်ထား ပုံမရသေးဘူး”ဟု ဧရာဝတီ ကို ပြောသည်။

ကိုဇာဂနာ၊ ကိုမင်းဇေယျာ၊ ကိုလှမျိုးနောင် အစရှိသည့် အခြားသောထင်ရှားသည့် နိုင်ငံရေးအကျဉ်းသားများကလည်း အစိုးရသစ်အနေနှင့် အမျိုးသားပြန်လည် သင့်မြတ် ရေးအတွက် နိုင်ငံရေးတွေ့ဆုံဆွေးနွေး အဖြေရှာလုပ်ဆောင်ရန် တာဝန် ရှိကြောင်းနှင့် တိုင်ပြည်အတွက် နိုင်ငံရေးတွင် သက်ဆိုင်သူအားလုံး ပူးပေါင်းဆောင်ရွက် သွားရန်အတွက် ၀န်းကျင်သစ် ကိုဖန်တီးလုပ်ဆောင်ရန် လိုကြောင်း ၎င်းတို့နှင့် နီးစပ်သည့် အသိုင်းအ၀ိုင်းက ဆိုသည်။

မြန်မာနှစ်ဆန်း ၁ ရက်နေ့မှစတင်ကာ လွှတ်တော်ပြင်ပ ဒီမိုကရေစီအင်အားစုများက ဦးဆောင် လှုပ်ရှားခဲ့သော စုပေါင်း လက်မှတ် ရေးထိုးတောင်းဆိုမှုသည်လည်း ယခုအခါ လက်မှတ် ပေါင်း၂ သောင်းကျော်ရရှိနေပြီး အဆိုပါ လက်မှတ် ရေး ထိုးမှုတွင် ဒေါ်အောင်ဆန်းစု ကြည်၊ ဦးတင်ဦး အပါအ၀င် ထိပ်တန်းနိုင်ငံရေးခေါင်းဆောင်များ အပါအ၀င် နယ်ပယ် အသီး သီး မှ ထင်ရှားသူများလည်း ပါဝင် လက်မှတ် ထိုးကြသည်။

အဆိုပါ လက်မှတ်ရေးထိုးထားသည့် နိုင်ငံရေးအကျဉ်းသား လွတ်မြောက်ရေး အပါအ၀င် တောင်းဆိုမှုများကို ဧပြီလ၂၅ ရက်နေ့ က သမ္မတ ဦးသိန်းစိန်ထံ ပထမအသုတ်အနေဖြင့် စာတိုက်မှတဆင့်ပေးပို့ခဲ့ပြီးဖြစ်သည်။

“ပြည်သူ့အသံ”ဟု ကင်ပွန်းတပ်ထားသော စုပေါင်းလက်မှတ်ရေးထိုးတောင်းဆိုမှုများကို အပတ်စဉ် သောကြာနေ့တိုင်း သမ္မတထံ ဆက်တိုက်တင်ပြသွားမည်ဖြစ်ကြောင်းလည်း ဦးဆောင်လှုပ်ရှားသူ တဦးဖြစ်သည့် ကိုဖြိုးမင်းသိန်းက ပြောသည်။

Ref;Irrawaddy

Read More...

ဗိုလ်ချုပ်မှူးကြီးနှင့် စစ်ဗိုလ်ချုပ်ဟောင်းများ တွေ့ဆုံ

ဆက်လင်း
06 May 2011

နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ (နအဖ)ဥက္ကဌရာထူးနှင့် ကာကွယ် ရေး ဦးစီးချုပ် ရာထူးများမှ အနားယူသွားပြီ ဖြစ်သည့် ဗိုလ်ချုပ်မှူးကြီး သန်းရွှေ သည် ပြီးခဲ့သည့် ရက်ပိုင်းအတွင်းက အငြိမ်းစား စစ်ဗိုလ်ချုပ်ဟောင်း ၅ ဦးကို နေပြည်တော်ရှိ နေအိမ်သို့ ခေါ်ယူတွေ့ဆုံခဲ့သည်ဟု သိရသည်။

Senior-Gen-Than-Shwe-Jan-04-2011

တပါတီ အာဏာရှင် ဗိုလ်ချုပ်ကြီး နေ၀င်းလက်ထက် ၀န်ကြီးနှင့် တိုင်းမှူးများ ဖြစ်ခဲ့ကြသည့် စက်မှုဝန်ကြီး ဗိုလ်မှူးချုပ် တင့်ဆွေ၊ အရှေ့ပိုင်းတိုင်း စစ်ဆင်ရေးမှူး ဗိုလ်ချုပ် လှဦး၊ သတ္တုတွင်းဝန်ကြီး ဗိုလ်မှူးချုပ် သန်းတင်၊ ဗိုလ်ချုပ် ခင်မောင်ကျော်နှင့် ဒု ဗိုလ်ချုပ် ကြီးဟောင်း ချစ်ဆွေတို့ကို ဗိုလ်ချုပ်မှူးကြီး သန်းရွှေ က ခေါ်ယူတွေ့ဆုံသည်ဟု တွေ့ဆုံခဲ့ သော ဗိုလ်ချုပ်ဟောင်း တဦး၏ မိသားစုဝင် တဦးက ပြောသည်။

ယင်း ဗိုလ်ချုပ်ဟောင်း ၅ ဦးထဲမှ အများစုသည် ဗိုလ်ချုပ်မှူးကြီး သန်းရွှေ တပ်မတော် အရာရှိငယ် အဖြစ် တာဝန်ထမ်းဆောင်စဉ်တွင် အထက်အရာရှိများ ဖြစ်ခဲ့ကြကြောင်း သိရ သည်။

ထိုသို့ တွေ့ဆုံချိန်၌ နိုင်ငံတော်အာဏာကို ဆက်ပြီးချုပ်ကိုင်ထားမည် မဟုတ်ကြောင်းနှင့် တချိန်တွင် မိသားစုအား အန္တရာယ်ပြုလာမည်ကို စိုးရိမ်ကြောင်း ဗိုလ်ချုပ်မှူးကြီး သန်းရွှေက ပြောကြားခဲ့သည်ဟု ဗိုလ်ချုပ် သန်းတင်၏ မိသားစုဝင် တဦးက ပြောပြသည်။

“သူက နိုင်ငံအုပ်ချုပ်ရေးကို ဘာမှဝင်ပြီး မစွက်တော့ပါဘူးပေါ့။ ပြီးတော့ လက်ရှိဝန်ကြီးတွေ ရွေးတုန်းကလည်း ဦးသိန်းစိန် စိတ်ကြိုက် ရွေးခိုင်းတယ်။ နည်းနည်းပဲဝင်ပြီး အကြံပေး တယ်ပေါ့။ နောက်တချက်က သူမရှိတော့ချိန်မှာ သူ့မိသားစုကို ပြန်ပြီး တရားစွဲ၊ ထောင်ချ၊ ကြိုးစင်တင်မှာ တွေကို သူတော်တော် ကြောက်နေပုံရတယ်”ဟု ၎င်းက ဆိုသည်။

ဗိုလ်ချုပ်မှူးကြီး သန်းရွှေက အာဏာကို ဆက်လက်ချုပ်ကိုင်ထားခြင်းမရှိဟုဆိုသော်လည်း ယနေ့အချိန်အထိ အစိုးရရုံးများနှင့် ရပ်ကွက် အုပ်ချုပ်ရေးရုံးများတွင် ၎င်း၏ ဓာတ်ပုံများကို ဆက်လက် ချိတ်ဆွဲထားဆဲဖြစ်သည်ကိုတွေ့ရသည်။

ဗိုလ်ချုပ်မှူးကြီးကတော် ဒေါ်ကြိုင်ကြိုင်မှာ ယခင် အာဏာတရားဝင် ရယူထားစဉ်က ကဲ့သို့ ပင် ဗေဒင် ဆရာများ၊ နတ်ဆရာများကို အားကိုးအားထား ပြုလုပ်နေဆဲဖြစ်သည်ဟု ၎င်းတို့နှင့် နီးစပ်သူတဦးက ပြောပြသည်။

“မင်္ဂလာဒုံ ပုလဲမြို့သစ်မှာ သန္တာရွှေ ၀ယ်ထားတဲ့ခြံနဲ့တိုက်ရှိတယ်။ အဲဒီမှာ အရင်က ကတုံးမရိတ်ဘဲ သင်္ကန်းတွေဝတ်ထားတဲ့ ဘုန်းကြီးလိုလို၊ ရသေ့လိုလိုလူတွေရှိတယ်။ တိရစ္ဆာ န်ခေါင်းတွေပုံ ခံထားတဲ့ဘုရားတွေလည်း ရှိတယ်။ နတ်ပွဲတွေလည်း ခဏခဏ ပေး တယ်။ အခုထက်ထိလည်း အဲဒီလူတွေရှိတုန်းပဲ။ ပြီးခဲ့တဲ့ရက်ပိုင်းကလည်း နတ်ပွဲပေးတာ တွေ့ရတယ်”ဟု ရန်ကုန်တိုင်း မင်္ဂလာဒုံမြို့နယ် ပုလဲမြို့သစ် တွင်နေထိုင်သူ တဦးက ပြောသည်။

နအဖ ကောင်စီ၏ ဒုတိယ ဥက္ကဌ ဒုတိယ ကာကွယ်ရေးဦးစီးချုပ် ဒုတိယ ဗိုလ်ချုပ် မှူးကြီးမောင်အေးမှာ သင်္ကြန်အပြီး နှစ်ဆန်း တရက် နေ့မှစပြီး ၎င်း၏ ဇာတိမြို့ဖြစ် သည့် စစ်ကိုင်းတိုင်း ကန့်ဘလူမြို့နယ်တွင် ဘုန်းကြီးဝတ်နေပြီး ယနေ့အထိပြန်မထွက်သေး ကြောင်း သိရသည်။

“အဲဒီရွာမှာသူက ဘုန်းကြီးကျောင်းနဲ့ တရားရိပ်သာတွေ သူ့မိဘရဲ့အိမ်နေရာတွေကို သူလှူ ထားတာ။ လောလောဆယ်တော့ အဲဒီ မှာပဲ တရားအားထုတ်နေတယ်လို့ပြောတယ်။ လက်နက်ကိုင် လုံခြုံရေးတွေတော့ မရှိဘူး။ ဒါပေမယ့် အရပ်ဝတ်နဲ့လုံခြုံရေး လေးငါး ယောက်ကတော့ ဘုန်းကြီးကျောင်းနားမှာ အမြဲစောင့်နေတယ်။ တခါတလေ လာနေကြ မဟုတ်တဲ့သူဆို မေးတယ်”ဟု ပုလဲမြို့သစ် တွင်နေထိုင်သူ က ပြောသည်။

Ref;Irrawaddy

Read More...

မြန်မာကို အာဆီယံ ဥက္ကဋ္ဌ ပေးရေးဆုံးဖြတ်ရန် ရွှေ့ဆိုင်း

ခင်ဦးသာ
06 May 2011

အာဆီယံ အလှည့်ကျ ဥက္ကဋ္ဌ တာဝန်အား လာမည့် ၂၀၁၄ ခုနှစ်တွင် မြန်မာနိုင်ငံကို လွှဲပြောင်းပေရေးအတွက် ဆုံးဖြတ်ချက်ကို ယခုနှစ်နှောင်းပိုင်းအထိ ရွှေ့ဆိုင်း ထားမည်ဟု လက်ရှိ ဥက္ကဋ္ဌ အင်ဒိုနီးရှား နိုင်ငံခြားရေး ၀န်ကြီး မစ္စတာ နာတာလ်ဂဲဝါး (Mr Natalegawa) က ပြောဆိုသည်။

Thein-Sein-and-Susilo-Bambang-Yudhoyono

မြန်မာနိုင်ငံ၏ နိုင်ငံရေး ဖြစ်စဉ်များနှင့် ပတ်သက်၍ အချက်အလက် ရှာဖွေရေးအဖွဲ့တခု မကြာမီရက်သတ္တပတ်အတွင်း စေလွှတ် မည်ဖြစ်ပြီး မြန်မာပြည် အာဆီယံ ဥက္ကဋ္ဌ တာဝန် ပေးရေးကို အလောသုံးဆယ် လုပ်ဆောင်သွားမည် မဟုတ်ဟု မစ္စတာ နာတာလ်ဂဲဝါး က ဧရာဝတီသို့ ယနေ့ ပြောသည်။

“ဒီခရီးစဉ်ကနေ နိုင်ငံရေးအခြေအနေတွေ၊ အစိုးရသစ်ဟာ ဘာအပြောင်းအလဲတွေ လုပ်ထား ပြီလဲဆိုတာတွေ လေ့လာသွားမယ်၊ လေ့လာပြီးမှ ဥက္ကဋ္ဌ တာဝန်ပေးသင့် မပေးသင့် စဉ်းစားသုံးသပ် သွားမယ်”ဟု အင်ဒိုနီးရှားနိုင်ငံခြားရေး ၀န်ကြီးက ဆက်ပြော သည်။

မြန်မာနိုင်ငံသည် အာဆီယံ ဥက္ကဋ္ဌ တာဝန်ယူမည်ဆိုပါက အာဆီယံထိပ်သီးအစည်းအဝေး ကျင်းပနိုင်ခြေရှိမရှိဆိုသည် ကိုလည်း အကဲဖြတ်ရမည်ဟု မစ္စတာ နာတာလ်ဂဲဝါး က ဆို သည်။

မြန်မာနိုင်ငံအား အာဆီယံဥက္ကဋ္ဌ တာဝန်ပေးရေးနှင့်ပတ်သက်၍ မြန်မာနိုင်ငံသို့ လာရောက် မည့် ကိုယ်စားလှယ်အဖွဲ့သည် ခရီးစဉ်အတွင်း မြန်မာ့ဒီမိုကရေစီ ခေါင်းဆောင် ဒေါ်အောင် ဆန်းစုကြည်နှင့်လည်း တွေ့ဆုံလိုကြောင်း မစ္စတာ နာတာလ်ဂဲဝါးက ပြောဆို သည်။

ထိုင်းနိုင်ငံ ဘန်ကောက်မြို့၌ ပြီးခဲ့သည့်လတွင် ကျင်းပခဲ့သော အာဆီယံနိုင်ငံခြား ရေးဝန်ကြီးများအစည်းအဝေး၌ မြန်မာ အစိုးရ သစ်၏ နိုင်ငံခြားရေးဝန်ကြီး ဦးဝဏ္ဏ မောင်လွင်သည် ၂၀၁၄ ခုနှစ်တွင် မြန်မာနိုင်ငံ အာဆီယံ ဥက္ကဋ္ဌ တာဝန်ယူရေး အတွက်လျှောက်ထားခဲ့ သည်။

“မြန်မာနိုင်ငံတွင်းက နိုင်ငံရေးအခြေအနေတွေကို မသုံးသပ်နိုင်ဘဲနဲ့ အစိုးရသစ်ကို လူအများ ရဲ့ယုံကြည်မှုတွေပေးဖို့ ဖိအား ပေး တာမျိုးကို လက်မခံနိုင်ဘူး”ဟု အင်ဒိုနီး ရှားနိုင်ငံ ခြားရေးဝန်ကြီးက ဆိုသည်။

အင်ဒိုနီးရှားနိုင်ငံ၊ ဂျကာတာ၌ မေလ ၇ ရက်နှင့် ၈ ရက်နေ့တွင် ပြုလုပ်မည့် ၁၈ ကြိမ်မြောက် အာဆီယံထိပ်သီး အစည်းအဝေး (The 18th Asean Summit) မတိုင်မီ နိုင်ငံခြားရေးဝန်ကြီးများ အစည်းအဝေး၌ အာဆီယံ ဥက္ကဋ္ဌ တာဝန်အား မြန်မာကို ပေး သင့်မပေးသင့် ကိစ္စများကို အကြိုဆွေးနွေးခဲ့ကြသော်လည်း အဖြေမရကြသေးပေ။

မြန်မာနိုင်ငံ သမ္မတသစ် ဦးသိန်းစိန်သည် နံနက်ဖြန်ပြုလုပ်မည့် ၁၈ ကြိမ်မြောက် အာဆီယံ ထိပ်သီးဆွေးနွေးပွဲသို့ တက်ရောက် မည် ဖြစ်ပြီး ၎င်း၏ အစိုးရသစ်အား အာဆီယံနှင့် နိုင်ငံတကာ၏ ထောက်ခံမှုရရှိရေးတို့ကို လိုလားသည့် လက္ခဏာများကို လည်း တွေ့ နေရ သည်။

မြန်မာနိုင်ငံ၌ စစ်တပ်မှအရပ်သားပုံစံပြောင်းလာသော အစိုးရကို အပြုသဘောဆောင်သော အပြောင်းအလဲဟု ရှုမြင်ကြပြီး သမ္မတသစ် ဦးသိန်းစိန်သည် ဆွေးနွေးရ လွယ်ကူသော သဘောထား ပျော့ပျောင်းသည့် ခေါင်းဆောင်တဦးဖြစ်မည်လိမ့်ဟု အာရှသံတမန်များက မျှော်လင့် နေကြကြောင်း သိရ သည်။

ထိုင်းဝန်ကြီးချုပ် အဖီဆစ်ဝေ့ချာချီဝ က“မြန်မာအစိုးရသစ်နဲ့ ထိတွေ့ဆက်ဆံဖို့ နည်းလမ်း ကလွဲရင် တခြားရွေးချယ်စရာ ဘာမှမရှိဘူး၊ ထိတွေ့ဆက်ဆံမှုမလုပ်ဘူး ဆိုရင်မြန်မာပြည်သူ တွေရဲ့အခြေအနေဟာ လက်ရှိထက် အများကြီးဆိုးသွားလိမ့်မယ်”ဟု မကြာသေးခင်က ဧရာဝတီကို ပြောဆိုခဲ့သည်။

မြန်မာနိုင်ငံအား အာဆီယံ ဥက္ကဋ္ဌတာဝန်ပေးရေးမပေးရေး ကိစ္စသည် အာဆီယံအဖွဲ့ကြီး အပြင် အနောက်နိုင်ငံများထောက်ခံမှုလည်း လိုအပ်ပြီး အမေရိကန်အစိုးရသည် မြန်မာနိုင်ငံ ရေးအခြေအနေတိုးတက် ပြောင်းလဲလာမှု မတွေ့ရသေးဟုဆိုကာ မြန်မာနိုင်ငံက အာဆီယံဥက္ကဋ္ဌ တာဝန်ယူရေးကို ကန့်ကွက်ထားသည်။

မစ္စတာနာတာလ်ဂဲဝါး သည် မြန်မာနိုင်ငံသို့ လာရောက်လည်ပတ်ရန် မြန်မာအစိုးရကို တောင်းခံခဲ့သော်လည်း ဦးသိန်းစိန်ခေါင်း ဆောင်သော အစိုးရသစ်သည် အလုပ်များလွန်း နေသေးသည်ဟု ဆိုကာ လာရောက်ခွင့်မရခဲ့ပေ။

သို့သော် အာဆီယံ ထိပ်သီးအစည်းအဝေးပြုလုပ်ရန် ရက်ပိုင်း အလို မေလ ၃ ရက်နေ့၌ ၎င်းအား လာရောက် လည်ပတ်ခွင့် ပြုကြောင်း မစ္စတာနာတာလ်ဂဲဝါး က ဆက်ပြောသည်။

“အာဆီယံ ထိပ်သီးအစည်းအဝေး ကိစ္စနဲ့အလုပ်များနေတဲ့အချိန်မှာ ချက်ချင်း လာခွင့် ပြုတော့ ကျနော်လည်း မသွားနိုင်တော့ ဘူး ပေါ့”ဟု ၎င်းက ဆိုသည်။

“မြန်မာစိုးရက သူ့အကျိုးစီးပွားအတွက် ကျနော့်ကို အသုံးချလိုက်မှာလည်း ကျနော်စိုးရိမ် တယ်ဗျာ”ဟုလည်း မစ္စတာ နာတာလ်ဂဲဝါး က ဆက်ပြောသည်။

ဂျကာတာ၌ ယမန်နေ့ကပြုလုပ်သော အာဆီယံ အဆင့်မြင့်အရာရှိများ အစည်းအဝေး(The ASEAN Senior Officials Meeting)၌၂၀၁၄ အတွက်အာဆီယံ ဥက္ကဋ္ဌ တာဝန်အား မလေးရှားနိုင်ငံကသာ ယူသင့်ပြီး မြန်မာနိုင်ငံအနေဖြင့် ၂၀၁၆ ခုနှစ်မှသာ ယူသင့်သည်ဟု စင်္ကကာပူကိုယ်စားလှယ်က ပြောဆိုပြီး ထိုင်းကိုယ်စားလှယ်ကမူ ၂၀၁၄ တွင်မြန်မာနိုင်ငံက ယူလျှင် လည်း ပြဿနာမရှိဟု ပြောဆိုခဲ့သည်။

၂၀၀၆ ခုနှစ် အာဆီယံ၏ ဥက္ကဋ္ဌတာဝန်ယူရန် အလှည့်ကျခဲ့သေည်လည်း ယခင် နအဖ စစ်အစိုးရသည် အနောက်နိုင်ငံများ၏ ဖိအားများ၊ အမေရိကန်အစိုးရ၏ ဖိအားများ စသည်တို့ကြောင့် ဥက္ကဋ္ဌ တာဝန်ယူရန် မြန်မာအစိုးရအနေဖြင့် အဆင်သင့်မဖြစ် သေး ဟု ဆိုကာ ၂၀၀၅ ခုနှစ်က ငြင်းပယ်ထားခဲ့သည်။
Ref;Irrawaddy

Read More...

ထိုင်းနယ်စပ် အုန်းဖန်မြို့နယ်ရှိ စစ်ပြေးရွာသားတချို့နေရပ်ပြန်

မေလ ၆ရက်။ စောသိန်းမြင့်

ကရင်ပြည်နယ်၊ ကြာအင်းဆိပ်ကြီးမြို့နယ်၊ ကျိုက်ဒုံမြို့နယ်ခွဲအတွင်း ဖြစ်ပွားနေသည့် အစိုးရ စစ်တပ်နှင့် ကရင်တပ်ဖွဲ့ကြား တိုက်ပွဲများကြောင့် ထိုင်းနိုင်ငံ၊ အုန်းဖန်မြို့နယ်အတွင်း သို့ ထွက်ပြေးရောက်ရှိလာခဲ့သည့် ရွာသားတချို့သည် ယမန်နေ့က နေရပ်ပြန်သွားကြပြီဖြစ် ကြောင်း နယ်စပ်သတင်းများအရ သိရသည်။

ထိုင်းနိုင်ငံ၊ အုန်းဖန်မြို့နယ်ရှိ နို့ဖိုးဒုက္ခသည်စခန်းတွင် ခိုလှုံနေကြသည့် စစ်ပြေးဒုက္ခသည် ၃၀ဦးကျော်မှာ ယမန်နေ့မွန်းလွဲပိုင်း ၁နာရီအချိန်တွင် ဒေသခံထိုင်းအာဏာပိုင်များ၏စီစဉ် မှုဖြင့် နေရပ်ပြန်ခဲ့ခြင်းဖြစ်သည်ဟု နို့ဖိုးဒုက္ခသည်စခန်းမှ တာဝန်ရှိသူ တစ်ဦးက ပြောသည်။

၎င်းက “မနေ့က မွန်းလွဲ (၁)နာရီအချိန်မှာ လူသစ် ၃၉ယောက်ကို ထာ့ဟမ်ဖန်း၊ တောချော ဒေါနဲ့ အောဆော်တို့က ကားနဲ့ လာ ကြိုပြီးတော့ ပိုင်ခလန်ကျေးရွာအထိ ပြန်ပို့တယ်။” ဟု အတည်ပြု ပြောဆိုခဲ့သည်။

အဆိုပါ နေရပ်ပြန် စစ်ပြေးဒုက္ခသည်များမှာ ကျိုက်ဒုံမြို့နယ်မှဖြစ်ကြပြီး တိုက်ပွဲများ ပြီးဆုံး ပြီဖြစ်၍ ၎င်းတို့ ဆန္ဒအလျှောက် ပြန် သွားခဲ့ခြင်းဖြစ်ကြောင်း ထိုင်းနယ်ခြားစောင့် တပ်မှူး တစ်ဦးက ဒေသခံ သတင်းထောက်များကို ယနေ့ ပြောကြားလိုက်သည်။

ယင်းသို့ ပြန်သွားသည့် စစ်ပြေးဒုက္ခသည်များမှာ ထွက်ပြေးရောက်ရှိလာသည့် လူဦးရေ၏ ထက်ဝက်ခန့်ရှိသလို ၎င်းတို့မှာ နေ ရပ်ရင်းသို့ အပြီးပြန်လည်ရောက်ရှိသွားခြင်းမဟုတ်ဘဲ နယ်စပ်တောတွင်းနေရာများ၌သာ ပုန်းအောင်းခိုလှုံနေကြခြင်းဖြစ်သည် ဟု နယ်စပ် သတင်းရပ်ကွက်က ပြောဆိုသည်။

သို့သော် ကျိုက်ဒုံမြို့နယ်ခွဲအတွင်း အစိုးရစစ်တပ်နှင့် ကရင်တပ်ဖွဲ့တုိ့အကြား ပစ်ခတ်မှုမှာ ယနေ့အထိ နေ့စဉ်လိုလို ဖြစ်နေဆဲ ဖြစ်ကြောင်း အဆိုပါပစ်ခတ်မှုတွင် ကိုယ်တိုင် ပါဝင် ခဲ့သည့် ဒီကေဘီအေ တပ်မဟာ (၅)မှ တပ်မှူးတစ်ဦးက ကေအိုင်စီကို ပြော သည်။

၎င်းက “ပစ်ခတ်မှုကတော့ နေ့တိုင်းပဲ ဖြစ်တယ်။ အဖိုးနှုတ်ခမ်းမွှေး ကိုယ်တိုင်ပါတယ်။ ဒီအတွက် ထိုင်းဘက်ကို ထွက်ပြေး တိမ်းရှောင်သွားတဲ့ ရွာသားတွေ ပြန်လာတာတော့ ကျနော် မသိဘူး။”ဟု ကေအိုင်စီကို ပြောသည်။

ကျိုက်ဒုံမြို့နယ်ခွဲတွင် ဧပြီလ ၂၃ရက်နေ့က အစိုးရစစ်တပ်နှင့် ကရင်တပ်ဖွဲ့များအကြား ပစ်ခတ်မှုဖြစ်ပွားရာ မိနန်းအပ်၊ အဇင်း စသည့်ကျေးရွာများမှ ဒေသခံရွာသား ၇,၀၀ကျော် ထိုင်းနိုင်ငံ၊ အုန်းဖန်မြို့နယ်အတွင်းသို့ ထွက်ပြေးခိုလှုံခဲ့သည်ဟု ထိုင်း သတင်းဌာနများတွင် ကြေညာထားသည်။

Ref;KIC

Read More...

ခိုးကားများ ထိုင်းဘက် ပြန်ပို့

06 May 2011

ထိုင်း-မြန်မာနယ်စပ် မဲဆောက်မြို့တွင် တလကျော် ကာလအတွင်း အခိုးခံရပြီး မြန်မာနိုင်ငံ မြ၀တီမြို့သို့ ရောက်ရှိ သွားသည့် ထိုင်းကား ၁၅ စီးကို မြန်မာဘက်မှ ထိုင်း အာဏာပိုင်များ ထံသို့ ပြန်လည် ပေးပို့ခဲ့သည်ဟု ထိုင်းတပ်မှူး တဦးကပြောသည်။

thai-myanmar-cars

မြ၀တီတွင် နယ်စပ် ကုန်သွယ်ရေးဂိတ် ဖွင့်ထားသည့် ကရင်ငြိမ်းချမ်းရေးကောင်စီ (KNU/KNLA)အဖွဲ့က ကား အရောင်း အ၀ယ် လုပ်သူများ မြ၀တီသို့ တင်သွင်းလာသည့် ထိုင်း ခိုးကား တစီးကို ဗုဒ္ဓဟူးနေ့မွန်းလွဲပိုင်းက ထိုင်းအာဏာပိုင်များထံ သို့ပြန်လည် လွှဲပြောင်း ပေးအပ်သည့်ပွဲတွင် အမှတ် ၃၅ ထိုင်း နယ်ခြားစောင့်တပ်မှ ဗိုလ်မှူးကြီး နို့ဖဒွန်းဝပ်ချလကျစ် ဘော် ၀မ် က ပြောကြားခြင်းဖြစ်သည်။

၎င်းက“ဒီသင်္ကြန်မတိုင်မီမှာ မြန်မာဘက်က ထိုင်းကား ၁၁ စီးနဲ့ သင်္ကြန်အပြီးမှာ ၄ စီးကို ထိုင်းဘက်ပြန်လွှဲပေးခဲ့ပါတယ်၊ ဒီ နယ်စပ်မှာ အခုနောက်ပိုင်း မြန်မာဘက်က ထိုင်းနဲ့ပူးပေါင်း ပါဝင်မှုတွေ ပိုများလာတယ်”ဟုလည်း ပြောသည်။

ထိုင်းကားများ ပြန်လည်လွှဲပြောင်းမှုကို မြ၀တီခရိုင် အာဏာပိုင်များက ပြုလုပ်ခြင်းမဟုတ်ဘဲ KNU/KNLA မှ ဗိုလ်မှူးကြီး နေစိုးမြက ဦးဆောင်၍ ပြုလုပ်ခြင်း ဖြစ်သည်ဟု မြ၀တီမြို့ခံ တဦး ကလည်း ပြောပြသည်။

ဗိုလ်မှူးကြီး နေစိုးမြ ၏ KNU/KNLA အဖွဲ့ နယ်စပ်ကုန်သွယ်ရေး ဂိတ်သည် ထိုင်းဘက်ခြမ်း ချစ်ကြည်ရေးတံတား မြောက် ဘက် ရှိ အမှတ် ၁၃ ထိုင်းလှေဆိပ် တဘက်ကမ်း မြ၀တီဘက် ကမ်းနဖူးတွင် တည်ရှိသည်။

ထိုင်း အာဏာပိုင်များ၏ အကူအညီတောင်းဆိုချက်အရ အဆိုပါဂိတ်မှတဆင့် မြ၀တီ ဘက်သို့ရောက်ရှိသွားသည့် ထိုင်း ခိုး ကားများကို ပြန်လည်ပေးပို့ခဲ့ခြင်းဖြစ်သည်ဟု KNU/KNLA တပ်မှူးတဦးက ထိုင်းဘက်ရှိသတင်းထောက်များကိုပြောသည်။

ခိုးကားများပြန်လည်ပေးပို့မှုကို ဦးဆောင်ပြုလုပ်ပေးသည့် ဗိုလ်မှူးကြီး နေစိုးမြသည် အခမ်းအနားသို့ တက်ရောက်ခြင်းမရှိဘဲ အောက်ခြေတပ်မှုးတဦးကို ကိုယ်စားလှယ်အဖြစ်စေလွှတ်ခဲ့ပြီး ၎င်းဂိတ်မှ တဆင့် ထိုင်းခိုးကားများကို ကျော်ဖြတ်ခွင့်ပေး မည်မဟုတ်ဟု သတင်းထောက်များကို ဖုန်းဖြင့်ပြောဆို သည်။

မြန်မာ ကားပွဲစားတဦး၏ အဆိုအရ မဲဆောက်မှတဆင့် မြ၀တီဘက်သို့ ထိုင်းကားခိုးထုတ်သည့် အရေအတွက်မှာ တလ လျှင် ပျမ်းမျှ အစီးရေ ဆယ်ဂဏန်းအထက်တွင် ရှိသည်ဟုပြောပြီး ယခု ကဲ့သို့ မြန်မာဘက်မှ တရားဝင် လူသိရှင်ကြား ကား များပြန်ပို့မှုသည် ယခင်ကမရှိခဲ့ကြောင်း သိရသည်။
Ref;Irrawaddy

Read More...

မြန်မာ ဂတ်စ် ဘင်္ဂလာဒေခ်ျ့သို့ တင်ပို့ရေး စတင် ဆွေးနွေး

5/6/2011
ထွန်းထွန်း

မြန်မာနိုင်ငံမှ ဂတ်စ်ကို ဘင်္ဂလာဒေခ်ျ့ တင်ပို့ ရေး အတွက် ယခုအခါ နှစ်ဘက် နိုင်ငံ တာဝန်ရှိသူများ အကြား စတင် ဆွေးနွေးနေပြီ ဖြစ်ကြောင်း ဘင်္ဂလာဒေခ်ျ့ နိုင်ငံထုတ် သတင်းစာများ က ဖေါ်ပြသည်။

သတင်းစာများက အစိုးရ အကြံပေး အရာ ရှိ Dr Tawfiq-e-Elahi Chowdhury ပြောစကားကို ကိုးကားပြီး ထိုသို့ ရေးသား ဖေါ်ပြ ကြခြင်း ဖြစ်သည်။

Dr Tawfiq-e-Elahi Chowdhury က မြန်မာမှ ဂတ်စ်ကို ဘင်္ဂလာဒေခ်ျ့သို့ တင်ပို့ နိုင်ရန်အတွက် တွန်းအားပေး လုပ်ဆောင် လျှက်ရှိပြီး ဆွေးနွေးမူများကို စတင် နေပြီ ဖြစ်ကြောင်း ပြောသည်။

၎င်းပြင်သူက Tri-nation ဘင်္ဂလာ၊ မြန်မာနှင့် အိန္ဒိယ သုံးနိုင်ငံ ဂတ်စ် ပိုက်လိုင်းစီမံကိန်းကို လွန်ခဲ့သည့်နှစ်များက သဘောတူညီမှု ပျက်ပြားခဲ့သော်လည်း ယခုအခါတွင် ဘင်္ဂလာဒေခ်ျ့ဘက်မှ ပြန်လည် လုပ်ဆောင်ရန် သဘောတူလိုက်ပြီ ဖြစ်ကြောင်း ပြောဆိုသည်။

ကီလိုမီတာ ၁၀၀၀ ရှည်လျှားသည့် မြန်မာနိုင်ငံက အိန္ဒိယသို့ တင်ပို့မည့် ဂတ်စ်ပိုက်လိုင်း စီမံကိန်း ကို ဘင်္ဂလားဒေ့ခ်ျနိုင်ငံကို ဖြတ်ပြီး အိန္ဒိယ နိုင်ငံသို့တင်ပို့နိုင်ရန် ၂၀၀၄ခုနှစ်က အဆိုပြု တင်သွင်း ခဲ့ သော်လည်း မြန်မာနိုင်ငံအပေါ် အမေရိကန်ဘက် ကစီးပွားရေး ပိတ်ဆို့မှုနှင့် ဘင်္ဂလားဒေ့ခ်ျ နိုင်ငံတွင် နိုင်ငံရေး အခြေအနေ မတည်ငြိမ်မှုကြောင့် ရပ်ဆိုင်းခဲ့ရသည်ဟု သိရသည်။

ဘင်္ဂလာဒေခ်ျ့နိုင်ငံတွင် ဂတ်စ်ကို လျှပ်စစ်မီး အတွက်သာမက ပြည်သူများ အခြေခံ လိုအပ်ချက် ဖြစ်သော ထမင်း ချက်ပြုတ်ရာ တွင်လည်း လောင်စာ အဖြစ် အသုံးပြုနေပြီ ဖြစ်သဖြင့် ဂတ်စ်ကို သူ့နိုင်ငံ အတွက် အထူး လိုအပ်နေရာ ယခုအခါ မြန်မာနိုင်ငံမှ တင်သွင်း လိုနေခြင်း ဖြစ်သည်။

မြန်မာနိုင်ငံ ရခိုင်ကမ်းလွန်ပြင်တွင် ဂတ်စ်သိုက်များ အများအပြား တွေ့ရှိထားရာ အဆိုပါ ဂတ်စ်သိုက်များမှ ဂတ်စ်များကို မြန်မာ အစိုးရမှ ဒေသဖွံ့ဖြိုးရေး အတွက် တစုံတရာ အသုံးမပြုခြင်း မရှိဘဲ တရုတ် အပါအ၀င် အိမ်နီးချင်း နိုင်ငံများ ဖြစ်သော အိန္ဒိယ၊ ဘင်္ဂလာဒေခ်ျ့နိုင်ငံများသို့သာ တင်ပို့ ရောင်းချရန် လိုလားနေသည်ဟု သိရသည်။

Ref;Narinjara

Read More...

အိုစမာဘင်လာဒင် အလောင်း ဓါတ်ပုံကို ပြမှာ မဟုတ်လို့ အိုဘားမား ပြော

May 5, 2011



ဝါရှင်တန်။ ။ အမေရိကန် ကွန်မန်ဒိုတွေရဲ့ပစ်သတ်ခြင်းခံလိုက်ရတဲ့ အိုစမာဘင်လာဒင်ရဲ့ အလောင်း ဓါတ်ပုံကို မထုတ်ပြန်ဖို့ အမေရိကန်သမတ အိုဘားမားက ဆုံးဖြတ်လိုက်တယ်။ လို့ အမေရိကန် ရုပ်သံကွန်ယက်တွေက ဗုဒ္ဓ ဟူးနေ့က ပြောပါတယ်။ “သူ့အနေနဲ့ အိုစမာဘင်လာဒင် သေတာကို သက်သေပြဖို့ ရိုက်ထားတဲ့ ခွဲစိတ်စစ်ဆေးထားတဲ့ အလောင်းပုံကို ထုတ်ပြန်မှာမဟုတ် ဘူး ” လို့ CBS ရုပ်သံနဲ့တွေ့ဆုံမေးမြန်းခန်းမှာ အိုဘားမားက ပြောပါတယ်။ CBS ရုပ်သံရဲ့ မီးနစ် ၆၀ကြာ တွေ့ဆုံမေးမြန်းခန်း အစီအစဉ် ကို တနင်္ဂနွေနေ့မှာ ထုတ်လွှင်ပြသမယ်လို့ မျှော်လင့် ရပါတယ်။

ဓါတ်ပုံတွေ ထုတ်ပြမယ်ဆိုရင် သူတို့ ဒေါသဆွပေးသလိုဖြစ်ပြီး မူဆလင်ကမ္ဘာမှာရှိတဲ့ အမေရိကန် ၀န်ထမ်းတွေအပေါ် တုန့်ပြန်ချက်တွေ ဖြစ်လာမှာကို စိုးရိမ်နေကြပါတယ်။ ဓါတ်ပုံထုတ်ပြန်ရေးနဲ့ ပတ်သက်ပြီး ပင်တဂွန်နဲ့နိုင်ငံခြားရေး ၀န်ကြီးဌာနက ကာကွယ်ရေးဝန်ကြီး ရောဘတ်ဂိတ်နဲ့ နိုင်ငံခြားရေးဝန်ကြီး ဟီလာရီကလင်တန် တို့က သူတို့ရဲ့စိုးရိမ် ပူပန်မှုကို အိုဘားမားကို အကြံပေး ပါတယ် လို့ ABC ရုပ်သံဌာနက ပြောပါတယ်။ ဒီဓါတ်ပုံတွေကိုတော့ သူတို့ကို ပြပါတယ်။ လို့ အထက်လွှတ်တော်အမတ် တွေနဲ့ ကွန်ဂရက် လူကြီးမင်းတွေက ပြောပါတယ်။ ဓါတ်ပုံကို သူကြည့် ပီးပါပြီ၊ သူ့အနေနဲ့တော့ အများသိဖို့ ထုတ်မပြချင်ဘူး။ ပြည်ပမှာရောက်နေတဲ့ အမေရိကန် စစ်သည်တွေရဲ့ လုံခြုံရေးကို စိုးရိမ်မိတယ် လို့ အောက်လွှတ်တော် ထောက်လှမ်းရေးကော်မတီ၊ ဥက္ကဋ္ဌ မိုက် ရော်ဂျာ ကပြောပါတယ်။ “ထုတ်ပြ တာက အကျိုးထက် အန္တရာယ်က ပိုများတယ်” လို့ ရော်ဂျာက ပြောပါတယ်။ “အယ်လ်ခေးဒါ တွေက ကျနော်တို့ စစ် သား တယောက်၊ ခေါင်းဆောင် တယောက်ကို သတ်ပြီး အလောင်းပုံကို အင်တာနက်ပေါ်မှာတင်ထား မယ်ဆိုရင် အမေရိကန်ပြည်သူတွေက ဘယ်လိုတုန့်ပြန်ကြမလဲဆိုတာ တွေးကြည့်ပါ။

“အိုစမာဘင်လာဒင်က အောင်ပွဲခံအထိမ်းအမှတ်ပစ္စည်းတခု မဟုတ်ပါဘူး။ သူသေပါပြီ။ အယ်လ်ခေဒါ တွေ လုံးဝမရှိ တော့တဲ့အထိ တိုက်ပွဲဆက်တိုက်ရေးကိုသာ အာရုံစိုက်ကြပါ” လို့ ရှေ့နေတဦးက ပြောပါတယ်။

Ref;Naytthit

Read More...

မုန်တိုင်းမိ ရေလုပ်သားတွေ အတော်များများ သတင်းအစအန မရ

2011-05-05

ပြီးခဲ့တဲ့ မတ်လလယ်မှာ လေပြင်း မုန်တိုင်းကြောင့် ပင်လယ်ထဲ မျောပါသွားတဲ့ ဧရာဝတီတိုင်း ဖျာပုံခရိုင် က ရေလုပ်သားတွေထဲမှာ ခုချိန်ထိ ပျောက်ဆုံးနေတဲ့သူတွေ အတော်များများ ရှိနေသေး သလို၊ ကုလားထိပ်၊ ဒေါ်ညိမ်းနဲ့ ကဗျက်ဆိုတဲ့ ရွာ ၃ ရွာတွေက ပျောက်ဆုံးနေသူ အယောက် ၂၀ လောက် ရှိနေတယ်လို့ RFA က စုံစမ်းသိရှိရပါတယ်။


ကုလားထိပ်ရွာက ပျောက်နေတဲ့ ရေလုပ်သားက စုစုပေါင်း ၈ ယောက်ဖြစ်ပြီး ခုချိန်ထိ သတင်း အစအန မရသေးသလို၊ အာဏာပိုင်တွေ တာဝန်ရှိသူတွေကလည်း ထိထိရောက်ရောက် ရှာဖွေ ကယ်ဆယ်ပေးတာ မရှိဘူးလို့ သိရပါတယ်။ ဒီကိစ္စနဲ့ပတ်သက်ပြီး ခုချိန်ထိ ပျောက်နေသေး တဲ့ ရေလုပ်သားတွေထဲက မိသားစုဝင်တဦးက အခုလို ပြောပါတယ်။

“သူတို့ လေတိုက်ပြီး ည ၂ ချက်လောက်ကို အဲဒီ ဖောင်ပျက်ပြီး မျောသွားတယ်တဲ့။ အဲဒီ မျောသွား တာပဲ သိလိုက်တော့တာတဲ့၊ နောက်ပိုင်းကို ရှာလို့ကို မတွေ့တော့တာလို့ လိုက်ပြီးတော့ တိုင်ကြား ထားတာ အဲဒီလောက်ပဲ ရှိသေးတာပေါ့။ အဲဒီမှာ ပျောက်နေတာတော့ အကုန်လုံး ၈ ယောက်ပဲ ကုလားထိပ်က လူချည်းပဲ။”

အဲဒီလေပြင်းမုန်တိုင်းကြောင့် ပင်လယ်ထဲ မျောသွားတဲ့ ရေလုပ်သား ၁ သောင်းကျော် ၂ သောင်း နီးပါးထိ ရှိခဲ့ပါတယ်။ ဒီဖြစ်ရပ်မှာ ရေလုပ်သားတွေ ပျောက်ဆုံးနေသလို လုပ်ငန်းသုံး ဖောင်တွေ၊ ငါးဖမ်းပိုက်တွေလည်း အကြီးအကျယ် ဆုံးရှုံးကြတယ်လို့ သိရပါတယ်။

ပင်လယ်ထဲ မျောသွားသူတွေထဲမှာ တချို့ကို ထိုင်းငါးဖမ်းသင်္ဘောတွေက ကယ်ဆယ်လို့ ပြန်ရောက် ကြသူတွေ ရှိသလို တချို့လည်း အိမ်နီးချင်းနိုင်ငံတွေအထိ ရောက်သွားသူတွေ ရှိပါတယ်။ ဒါပေမဲ့ ခုချိန်ထိ သတင်းအစအန မရကြသူတွေအတွက် အသက်ဆုံးရှုံးကြပြီလို့ ကျန်ခဲ့တဲ့ မိသားစုတွေက ခန့်မှန်းနေ ကြပါတယ်။

Ref;RFA

Read More...

အိန္ဒိယသို့ သစ်တင်သွင်းမှုဖြင့် သစ်စက်ရှင်နှင့် လုပ်သားများ ထောင်ဒဏ်စီရင်ခံရ

2011-05-05

အိန္ဒိယ-မြန်မာနယ်စပ် တမူးမြို့မှာ ရှိတဲ့ သစ်စက် တော်တော်များများက သစ်စက်ပိုင်ရှင်တွေနဲ့ သစ်စက် အလုပ်သမား ၅၀ ကျော်ကို သစ်တောဆိုင်ရာ ဥပဒေနဲ့ ထောင်ဒဏ် နှစ်နှစ်စီ ကျခံစေဖို့ စစ်ကိုင်းတိုင်း၊ တမူးမြို့နယ် တရားရုံးက မေလ ၄ ရက် မနေ့က စီရင်ချက် ချမှတ်ခဲ့ပါတယ်။

အိန္ဒိယကို တရားမဝင် သစ်များတင်သွင်းမှုနဲ့ ပြီးခဲ့တဲ့ ဧပြီလ ၁၉ ရက်နေ့ကနေပြည်တော် အထူးညွှန်ကြားချက်ဖြင့် ဖမ်းဆီးခံခဲ့ရတဲ့ သစ်စက်တချို့က စက်ပိုင်တွေနဲ့အလုပ်သမား ၇၀ ခန့် ဖြစ်ပါတယ် ။

အဖမ်းဆီးခံရတဲ့ ၇၀ ခန့်ထဲက အသက်မပြည့်သေးတဲ့ ကလေးငယ်၁၁ ယောက်ကို ရက်သတ္တ ပတ်အကြာ ထိန်းသိမ်းထားပြီး တမူးမြို့အချုပ်ထဲက ပြန်လွှတ်ပေးခဲ့ပါတယ်။ ကျန်တဲ့အယောက် ၅၀ ကျော်ကိုတော့ မနေ့က တမူးမြို့နယ်တရားရုံးမှာ ပုဒ်မ-၄/ခ ဂ သစ်တော ဆိုင်ရာ ဥပဒေ ဖြစ်တဲ့ တရားမဝင် နိုင်ငံခြားကို သစ်ခိုးထုတ်မှုနဲ့ တဦးကို ထောင်ဒဏ် ၂ နှစ်စီ ချမှတ်ခဲ့တာ ဖြစ်ပြီး တရားရုံးထဲ ကိုဘယ်သူမှ ဝင်ခွင့်မရကြောင်း အဖမ်းခံရတဲ့ထဲက သစ်စက်ပိုင်ရှင်တဦးရဲ့ မိသားစုဝင်တဦးက ပြောပါတယ်။စွဲဆိုထားတဲ့ ဆိုင်ရာ ဥပဒေပုဒ်မမှာ သစ်မှောင်ခိုမှု ဖြစ်နေပေမဲ့ တိုင်း၊ မြို့နယ်၊ ခရိုင်၊ ရဲနဲ့ သက်ဆိုင်ရာ စစ်တပ် အာဏာပိုင်တွေဆီက ခွင့်ပြုချက်တွေနဲ့ လစဉ်ကြေးပေးပြီးလုပ်ကိုင်နေရတာ ဖြစ်တယ်လို့ စက်ပိုင်တဦးရဲ့ မိသားစုဝင်က ပြောပါတယ်။

“ဒီတမူးနယ်ကပေါ့နော် လုပ်ခွင့်ပေးတာပေါ့နော်၊ လုပ်ခွင့်ပေးတယ်ဆိုတာက ညှိနှိုင်းပြီးတော့ တလမှာ ဆိုရင် သူတို့က မယရကိုနှစ်သိန်းခွဲပေါ့နော်၊ စစ်တပ်ကို နှစ်သိန်း၊ ရဲမင်းကြီးကို နှစ်သိန်း၊ တမူးခရိုင်ဆိုရင်လည်း နှစ်သိန်းပေါ့နော်၊ ပြီးတော့ဒေသအလိုက်၊ ဒီနယ်အလိုက် စစ်တပ်ကိုပေါ့နော် နှစ်သိန်း၊ အဲဒီလိုမျိုးပေးတယ်၊ ငွေကြေး အခွန်ဆောင်တာပေါ့ ဆောင်ပြီးမှ အဲလိုမျိုး လုပ်ခွင့် ပေးတယ်။ လုပ်ခွင့်ပေးပြီးမှ တခါတည်း သူတို့က ဖမ်းတာပေါ့နော်။ တလတလကို ငွေတွေ ဆယ့်ငါးသိန်း၊ သိန်းနှစ်ဆယ် ဝန်းကျင် ငွေတွေ လာဘ်စားပြီးမှ ယူတယ်”ထောင်ဒဏ် ၂ နှစ်စီ ချခံရတဲ့အထဲက တချို့မှာ ကျောင်းအားရက် သစ်စက် အလုပ်သမားအဖြစ် လုပ်ကိုင်ရင်း ကျောင်းစရိတ်ရှာနေတဲ့ ကျောင်းသားတွေ ပါဝင်ပြီး ကျန်လူတွေမှာ အဓိက အိမ်ထောင်ဦးစီးတွေ ဖြစ်တဲ့အတွက် မိသားစုတွေအတွက် တော်တော်လေး ဒုက္ခရောက်ကုန်ကြတယ်လို့ သူက ဆက်ပြော ပါတယ်။

“ထောင်ကျတဲ့လူတွေကလည်း ငါးဆယ့်ငါးယောက်ထဲမှာ ၁၇၊ ၁၈လောက်က အဝေးသင်တက္ကသိုလ် ကျောင်းသားတွေ၊ ကျမ်းစာ ကျောင်းသားကလေးတွေပေါ့နော် သူတို့ ကျောင်းပိတ်တဲ့အချိန် ကျောင်းစရိတ်အတွက် ငွေရှာနေကြတာပေါ့နော်၊ ကျောင်းဆက်တက်ဖို့ ကလေးတွေလည်း ပါတယ်။ ကျန်ခဲ့တဲ့ မအေတွေက ပိုပြီးတော့ ရင်နာရတာပေါ့၊ အခု ဖမ်းခံရတဲ့ လူတွေ ကြည့်ရတာလည်း မိသားစုထဲမှာ ငွေရှာတဲ့ လူတွေချည်းပဲ အဖမ်းခံရတာဆိုတော့ ကျန်ခဲ့တဲ့ မိသားစုတွေက မအေတို့၊ အမျိုးသမီးတွေ၊ အဖွားကြီးတွေ၊ ကလေးတွေပဲ ဆိုတော့လေ မိသားစုအတွက် ပိုပြီး အရမ်း ခက်ခဲတာပေါ့” ပြစ်ဒဏ်ပေးခံရတဲ့ အယောက် ၅၀ ကျော်စလုံးဟာ ကူကီးအမျိုးသားတွေပဲ ဖြစ်ပါ တယ်။ အခုအကြိမ်ဟာ မြန်မာပြည်က အိန္ဒိယကို တရားမဝင် သစ်ခိုးထုတ်မှုအပေါ် ဖမ်းဆီးစစ်ဆေး တာ ပထမဆုံး အကြိမ်ဖြစ်ပြီး နေပြည်တော်က တိုက်ရိုက် အမိန့်ပေး ဖမ်းခိုင်းတာ ဖြစ်တယ်လို့ သိရပါတယ်။

Ref;RFA

Read More...

အီးယူဒဏ်ခတ်ထားသည့်ကြားမှ ဦးတေဇ၏ ဇနီး အီတလီသွားခွင့်ရ

2011-05-05

စီးပွားရေးလုပ်ငန်းရှင်ကြီး ဦးတေဇရဲ့ဇနီး ဒေါ်သီတာဇော်ဟာ ၂၀၁၁ ခုနှစ်အတွက် အီးယူ အဖွဲ့ရဲ့ ပိတ်ဆို့ ဒဏ်ခတ်စာရင်းမှာ ပါနေတဲ့ကြားက အီတလီနိုင်ငံကို မကြာသေးမ်ီက သွားရောက်ခွင့် ရခဲ့ တယ်လို့ သိရှိရပါတယ်။

အီးယူ နိုင်ငံတွေ သွားရောက်ခွင့် ဗီဇာအပိတ်ခံထားရတဲ့ ဒေါ်သီတာဇော်အနေနဲ့ အီတလီကို ဘယ်လို သွားရောက်ခွင့် ရသလဲဆိုတာနဲ့ ပတ်သက်ပြီး ရန်ကုန်သံတမန် အသိုင်းအဝိုင်းကို RFA က စုံစမ်းခဲ့ပါတယ်။

ကျန်းမာရေး မကောင်းတဲ့ ဦးတေဇရဲ့ သမီးအငယ်ဆုံးကို အီတလီနိုင်ငံ ရောမမြို့မှာ ဆေးကုသ ဖို့အတွက် ဒေါ်သီတာဇော်က ဗီဇာလျှောက်ထားခဲ့တာ ဖြစ်ကြောင်း၊ လူလူချင်းစာနာမှု အခြေခံနဲ့ ခုလို ဗီဇာထုတ်ပေးခဲ့တာ ဖြစ်ကြောင်း အီးယူသံတမန်တွေနဲ့ နီးစပ်တဲ့ အရာရှိ်တဦးက RFA ကို ပြောပါတယ်။

ဒေါ်သီတာဇော်နဲ့ မိသားစုကို ထုတ်ပေးတဲ့ ဗီဇာအမျိုးအစားက ရှဲန်းငဲန် ဗီဇာ (Schengen Visa) အမျိုးအစား ဖြစ်ပါတယ်။ သာမန်အားဖြင့် ဒီဗီဇာမျိုးရသူတွေဟာ ရှဲန်းငဲန် သဘောတူညီချက်မှာ ပါတဲ့ ဥရောပ ၂၅ နိုင်ငံကို သွားရောက် လည်ပတ်ခွင့် ရှိပါတယ်။ ဒါပေမဲ့ဒေါ်သီတာဇော်နဲ့ ခင်ပွန်း ဦးတေဇတုို့ မိသားစုဟာ ၂၀၁၁ ခုနှစ် အီးယူဒဏ်ခတ်စာရင်းမှာ ပါနေတဲ့အတွက် အီတလီက လွဲတခြား ၂၄ နိုင်ငံကို သွားခွင့်မပေးဘူးလို့ အဆိုပါ အရာရှိက ပြောပါတယ်။

ဒီအတောအတွင်းမှာပဲ ဒေါ်သီတာဇော်ဟာ ဂျာမနီနိုင်ငံ ခေတ္တရောက်နေတုန်း အမေရိကန်နိုင်ငံက မိတ်ဆွေတချို့ကို ဖုန်းဆက်ခဲ့တယ်လို့ RFA က စုံစမ်းသိရတဲ့အတွက် ဘယ်လိုနည်းနဲ့ ဂျာမနီ နိုင်ငံကိုပါ သွားခွင့်ရခဲ့သလဲ ဆိုတာတော့ အတိအကျ မသိရပါဘူး။ ဒီကိစ္စ မေးမြန်းဘို့ ဒေါ်သီတာဇော်ကို ဆက်သွယ်ဖို့ ကြိုးစားခဲ့ပေမဲ့ ဆက်သွယ်မရခဲ့ပါဘူး။

၂၀၁၁ ခု အီးယူ ဒဏ်ခတ်စာရင်းမှာ ခေါင်းစဉ်အမျိုးမျိုးနဲ့ အုပ်စုခွဲပြီး ဒဏ်ခတ်စာရင်းကို ဖော်ပြ ရာမှာ ဦးတေဇနဲ့ မိသားစုကို အစိုးရ စီးပွားရေးပေါ်လစီများ၊ အစိုးရနဲ့ ဆက်နွယ်နေသူများ ထံမှ အကျိုးစီးပွား ရနေသူများဆိုတဲ့ ခေါင်းစဉ်နဲ့ ဒဏ်ခတ်စာရင်းအောက်မှာ ထည့်သွင်းထားတာ တွေ့ရပါတယ်။

ဦးတေဇပိုင် လုပ်ငန်းအားလုံးကို လုပ်ငန်းအမည်စာရင်း အသေးစိတ်နဲ့ စာရင်းပြုစုပြီ အီးယူက ဒဏ်ခတ်ထားတဲ့ပြင် ဦးတေဇရဲ့ ဇနီး ဒေါ်သီတာဇော်၊ သား ပြည့်ဖြိုးတေဇ၊ ဦတေဇရဲ့ မိခင် ဒေါ်အုန်းဦတေဇရဲ့ အစ်ကို ဦးသီဟနဲ့ ဦးသီဟရဲ့ ဇနီး ဒေါ်ရွှေရွှေလင်းတို့ကိုပါ ဒဏ်ခတ်စာရင်းမှာ ဖော်ပြထားပါတယ်။

Ref;RFA

Read More...

မြန်မာကို အာဆီယံ ဥက္ကဋ္ဌမပေးရန် ပြည်သူ့ဖိုရမ်တောင်းဆို

ဖနိဒါ
မေလ ၀၅ ရက် ၂၀၁၁ ခုနှစ်

မြန်မာစစ်အစိုးရသည် အကျဉ်းသားအရေး၊ နယ်စပ်ဒုက္ခသည်များအရေး မဖြေရှင်းဘဲ လူ့အခွင့် အရေး ချိုးဖောက်နေသေးသဖြင့် ဥက္ကဋ္ဌ တာဝန်မပေးရန် အာဆီယံအသင်းကြီးထံ အရပ်ဖက် လူမှုအဖွဲ့အစည်းများနှင့် အာဆီယံ ပြည်သူ့ဖိုရမ်အဖွဲ့က ကြာသပတေးနေ့က တောင်းဆိုလိုက် သည်။

“ဒုက္ခသည်တွေ၊ နိုင်ငံရေးအကျဉ်းသားတွေ ဆက်ရှိနေတယ်။ နောက်တခါ လူ့အခွင့်အရေး ချိုးဖောက်နေတဲ့အတွက် မြန်မာအစိုးရကို အာဆီယံရဲ့ ပေါ်လစီက ဒီထက်ပိုပြီး ပြင်းထန်ဖို့၊ စုံစမ်းစစ်ဆေးရေး ကော်မရှင်ကို အာဆီယံနိုင်ငံတွေ ထောက်ခံဖို့၊ ၂ဝ၁၄မှာ အာဆီယံ ဥက္ကဋ္ဌ လျှောက်တဲ့ဟာ လက်မခံဖို့ လှုံ့ဆော်မှုတွေရှိတယ်”ဟု လူ့အခွင့်အရေး ပညာပေးဌာန (မြန်မာနိုင်ငံ) HREIB မှ တာဝန်ခံ ဦးအောင်မျိုးမင်းက ပြောသည်။

အာဆီယံ ၁၀ နိုင်ငံမှ ဒေသတွင်း အရပ်ဖက် လူမှုအဖွဲ့အစည်း ACSC နှင့် အာဆီယံ ပြည်သူ့ဖိုရမ် APF ကိုယ်စားလှယ်ပေါင်း ၁၃၀၀ဝ ကျော် ဂျကာတာမြို့တွင် ယခုလ ၃ ရက်မှစ၍ ၃ ရက်ကြာ ဆွေးနွေးဖလှယ်ခဲ့သည်။

မြန်မာအစိုးရဘက်က တက်ရောက်သူများမှာ သမ္မတ ဦးသိန်းစိန် မကြာသေးမီက နိုင်ငံရေး အကြံပေးအဖြစ် ခန့်အပ်လိုက်သော ဦးကိုကိုလှိုင်၊ ဒေါက်တာနေဇင်လတ်နှင့် ဦးရဲတင့်တို့ အပါအဝင် ၅ ဦးပါ ကိုယ်စားလှယ်အဖွဲ့ ဖြစ်သည်။

ထိုင်းအခြေစိုက် ဒီမိုကရေစီအင်အားစုအဖွဲ့များမှ အမျိုးသမီးသမဂ္ဂ၊ အမျိုးသမီးများအဖွဲ့ချုပ် (မြန်မာနိုင်ငံ)၊ အေအေပီပီ၊ လူ့အခွင့်အရေး ပညာပေးဌာန(မြန်မာနိုင်ငံ) စသည့် အဖွဲ့အစည်းများမှ ကိုယ်စားလှယ် ၁၈ ဦးခန့် တက်ရောက် ဆွေးနွေးနေသည်။

အာဆီယံ ခေါင်းဆောင်များနှင့် တွေ့ဆုံမည့် ပြည်သူ့ကိုယ်စားလှယ် ၁၀ ဦးကို ရွေးချယ် လိုက်သော်လည်း အမည်စာရင်း မသိရသေးပေ။ ကိုယ်စားလှယ်များ ၇ ရက်နေ့တွင် အာဆီယံ ခေါင်းဆောင်များနှင့် သီးသန့် တွေ့ဆုံမည် ဖြစ်ကြောင်း သိရသည်။

နေပြည်တော် ကိုယ်စားလှယ်များက ဒီမိုကရက်တစ် အင်အားစု ကိုယ်စားလှယ်များကို ရွေးချယ်ရန် လက်မခံသဖြင့် အရပ်ဖက် လူ့အဖွဲ့အစည်းကို ကိုယ်စားမပြုသူများကို မထောက်ခံခဲ့ကြောင်း ဦးအောင်မျိုးမင်းက ပြောသည်။

“ဒေသတွင်း ဦးဆောင်မှု မပြောနဲ့ ပြည်တွင်းမှာ ရှိနေတဲ့ လူ့အခွင့်အရေး အခြေအနေတွေ၊ အုပ်ချုပ်မှု စနစ်တွေကို ပိုကောင်းအောင် မလုပ်နိုင်တဲ့ အခြေအနေ ဖြစ်နေတယ်။ နိုင်ငံရေး အကျဉ်းသားတွေ ရှိနေတုန်းဘဲ၊ ဒုက္ခသည်တွေ နယ်စပ်တလျှောက်မှာ ရှိနေတုန်း၊ အမှန်တကယ် တွေ့ဆုံဆွေးနွေးမှုတွေ မလုပ်ဘဲ လွှတ်တော်ကနေဘဲ ဥပဒေတွေ ထုတ်ပြန်နေတဲ့အတွက် နအဖကို အာဆီယံ ဥက္ကဋ္ဌ တာဝန်ပေးရေးလုံးဝ လက်မခံဘူး”ဟု ဦးအောင်မျိုးမင်းက ပြောသည်။

ထိုတောင်းဆိုချက်ကို လာမည့် ၇ ရက်နေ့ အာဆီယံခေါင်းဆောင်ထံ ပေးပို့သွားမည် ဖြစ်ကြောင်း သိရသည်။

အင်ဒိုနီးရှား သမ္မတ ဒေါက်တာဆူဆီလို ယူဒိုယိုနို၏ ဖိတ်ခေါ်ချက်အရ ဦးသိန်းစိန်၏ ပထမဆုံး သမ္မတခရီးစဉ် ယနေ့ ထွက်ခွာသွားပြီ ဖြစ်ကြောင်း တရုတ် ဆင်ဟွာသတင်းတွင် ဖော်ပြထားသည်။

ဦးသိန်းစိန်၏ ခရီးစဉ်အတွင်း လာမည့် ၇ ရက် ၈ ရက်နေ့များ၌ ဂျကာတာမြို့တွင် ကျင်းပသည့် ၁၈ ကြိမ်မြောက် အာဆီယံ ထိပ်သီး အစည်းအဝေးသို့ တက်ရောက်ရန် ရှိသည်။

အာဆီယံ ပါလီမန် အမတ်များအသင်း (Asean Inter-Parliamentary Myanmar Caucus- AIPMC) ၏ ထုတ်ပြန်ချက်တွင် ၂ဝ၁၄ အတွက် မြန်မာက အာဆီယံ ဥက္ကဋ္ဌနေရာ တောင်းဆို ထားမှုအပေါ် နိုင်ငံအတွင်း အမှန်တကယ် ဒီမိုကရေစီနှင့် လူ့အခွင့်အရေးဆိုင်ရာ တိုးတက်မှု များ ဖြစ်ပေါ်လာသည့်တိုင် ဆက်ငြင်းပယ်ကြရန် တိုက်တွန်းထားသည်။ ၂ဝ၁၅ အာဆီယံလူမှု အဖွဲ့ အစည်း ထူထောင်ရာတွင် အဟန့်အတားဖြစ်စေမည်ဟုလည်း ဖော်ပြထားသည်။

Ref;Mizzima

Read More...

ဗိုလ်ကြီးဟောင်းအမှု NLD ရှေ့နေက လိုက်ပေး

မျိုးသန့်
မေလ ၀၅ ရက် ၂၀၁၁ ခုနှစ်

အီလက်ထရောနစ်ပုဒ်မ ၃၃ ဖြင့် တရားစွဲဆိုခံထားရသည့် ဗိုလ်ကြီးဟောင်း နေမျိုးဇင်ကို ဒေါ်အောင်ဆန်းစုကြည် အမှုတွင် လိုက်ပါဆောင်ရွက်ခဲ့သည့် NLD ဗဟို ဥပဒေပြု အထောက် အကူအဖွဲ့မှ ရှေ့နေ ဦးလှမျိုးမြင့်နှင့် ဒေါ်ခင်ဌေးကြွယ်တို့ အခမဲ့ အကျိုးဆောင်ပေးနေ သည်။

အမှုအကျိုးဆောင်များအဖြစ် ရှေ့နေ ဦးလှမြင့်နှင့် ဒေါ်ခင်ဌေးကြွယ်တို့ လိုက်ပါဆောင်ရွက်ရန် ရှေ့နေ ပါဝါကို ယနေ့ ရန်ကုန်အရှေ့ပိုင်းခရိုင်တရားသူကြီး ဦးခင်မောင်က ချပေးပြီး အမှုကို လာမည့် ၁၂ ရက်နေ့တွင် ကြားနာမှာဖြစ်သည်။

“ကျမတို့ ပါဝါ တင်ပြီးရုံပဲရှိပါသေးတယ်၊ ရှေ့နေငှားပြီးတော့ ကိုယ်စားလှယ်ရှေ့နေက ဒီအမှုကို လိုက်ပါဆောင်ရွက်မယ် ဆိုတဲ့သဘောပေါ့ ”ဟု ဒေါ်ခင်ဌေးကြွယ်က မဇ္ဈိမသို့ ပြောသည်။

ကိုနေမျိုးဇင်သည် NLD လူငယ်များနှင့် ပူးတွဲ၍ သွေးလှူဒါန်းရေး ပါဝင်လှုပ်ရှားနေသူ တဦးဖြစ်ပြီး ဧပြီ ၂ ရက်နေ့ ညနေက အထူးသတင်းရဲတပ်ဖွဲ့နှင့် တောင်ဒဂုံ ရပ်ကွက်အာဏာပိုင်များက ဖမ်းဆီး ခဲ့သည်။

ဖမ်းဆီးခံရစဉ်အတွင်း အထူးသတင်းရဲတပ်ဖွဲ့ သိမ်းဆည်းသွားသည့် ကွန်ပျူတာတွင်းမှ ပြည်ပရောက် အသိမိတ်ဆွေများထံပေးပို့မည့် အမျိုးသားပြန်လည်သင့်မြတ်ရေး တိုက်တွန်းစာကို ရဲကတွေ့ရှိပြီး အီလက်ထရောနစ် ပုဒ်မဖြင့် တရားစွဲကြောင်း ကိုနေမျိုးဇင်၏ မိသားစုဝင်တဦးက ပြောသည်။

တရားစွဲခံရသည့် အီလက်ထရောနစ် ပုဒ်မ ၃၃ သည် နိုင်ငံတော်လုံခြုံရေး၊ တိုင်းရင်းသား စည်းလုံး ညီညွှတ်ရေးနှင့် ငြိမ်းချမ်းရေးကို ထိခိုက်ပျက်ပြားစေမှု၊ နိုင်ငံတော်လျှို့ဝှက်ချက် ပြင်ပ ပေါက်ကြား စေမှု စသည့် ကိစ္စများနှင့် အကျုံးဝင်သည်။

ကိုနေမျိုးဇင် ယခုပုဒ်မဖြင့် တရားစွဲခံရခြင်းသည် တပ်မတော်အငြိမ်းစားများ လူထုဘက် ရောက်သွား မည်ကို အာဏာပိုင်များက စိုးရိမ်ခြင်း၊ အစိုးရက ရန်သူစာရင်းသွင်းထားသည့် NLD နှင့် ပူးပေါင်းခြင်းတို့ကြောင့် ဖြစ်နိုင်ကြောင်း စစ်တပ်နှင့် နီးစပ်ခဲ့ဖူးသူ ကိုမင်းဒင်က သုံးသပ်သည်။

“အစိုးရက စစ်မှုထမ်းဟောင်းတွေကိုလဲ သူတို့နဲ့ အယူအဆ တမျိုးထဲရှိသူတွေလို့ မျှော်လင့်ထားပုံ ရပါတယ်။ အဲဒီအထဲမှာမှ ကိုနေမျိုးဇင်လို ငယ်ရွယ်တဲ့တပ်မတော်အငြိမ်းစားတယောက် က သူတို့ ရန်သူစာရင်းသွင်းထားတဲ့ ပါတီဘက်မှာ ရပ်တည်အားပေးနေတယ်ဆိုတော့ အာရုံစိုက် မှာတော့ အမှန်ပဲ၊ ကြောက်တယ်ဆိုတာထက် တပ်မတော် အငြိမ်းစားတွေ လူထုဘက်ရောက်သွား မှာကို အစိုးရိမ်လွန်နေတယ်လို့ ကျနော်ထင်ပါတယ်”

၃၅ နှစ်အရွယ် ဗိုလ်ကြီးဟောင်း နေမျိုးဇင်မှာ တပ်မတော်တွင် ၁ဝ နီးပါး တာဝန်ထမ်းဆောင်ခဲ့ပြီး ၂ဝဝ၅ တွင် တပ်မှ ထွက်ခဲ့သည်။ ယင်းနောက် NLD လူငယ်များ ပါဝင်သည့် သွေးကူညီရေးနှင့် လူမှုရေးလုပ်ငန်းများ၌ တက်ကြွစွာ ပါဝင်ခဲ့သည်။

ယနေ့ အင်းစိန်ထောင်တွင်း တရားရုံးတွင် တရားသူကြီးက ရှေ့နေပါဝါချပေးရာတွင် မိသားစု ဝင်ခွင့်မရဘဲ ရှေ့နေ ဦးလှမျိုးမြင့်နှင့် ဒေါ်ခင်ဌေးကြွယ်တို့သာ ဝင်ခွင့်ရသည်။

Ref;Mizzima

Read More...

အာရှစီးပွားရေးဦးမော့လာလို့ကုလသမဂ္ဂပြော

05 မေ 2011

အာရှ၊ ပစိဖိတ် ဒေသဟာ ကမ္ဘာ့ဘဏ္ဍာရေး အကျပ်အတည်းတွေက ပြန်လည်ဦးမော့လာပြီး ကမ္ဘာပေါ်မှာ စီးပွားရေး ဖွံ့ဖြိုးမှုနဲ့ တည်ငြိမ်မှုတွေအတွက် အဓိက အချက်အခြာဒေသ ဖြစ်လာနေ ပေမဲ့ တချိန်တည်းမှာ စိန်ခေါ်မှုတွေလည်း ရှိနေတယ်လို့ ကုလသမဂ္ဂက ပြောဆိုလိုက်ပါတယ်။

စားသောက်ကုန် ဈေးနှုန်းတွေ တက်လာနေတာတွေကြောင့် ဆင်းရဲမွဲတေမှု လျော့ပါးရေး လုပ်ငန်း တွေကို ထိခိုက်စေနိုင်တဲ့ ခြိမ်းခြောက်မှု အပါအ၀င် စိန်ခေါ်မှု အသစ်တွေ ရှိနေတယ်လို့ အာရှ၊ ပစိဖိတ်ဒေသ စီးပွားရေးနဲ့ လူမှုရေးရာ ကော်မရှင် (ESCAP) ရဲ့ ဒီကနေ့ ထုတ်ပြန်တဲ့ နှစ်စဉ် အစီရင်ခံစာက သတိပေးလိုက်တာပါ။

စိန်ခေါ်မှုတွေထဲမှာ လောင်စာဆီဈေးနှုန်း ကြီးမြင့်မှုတွေနဲ့ ချမ်းသာတဲ့ နိုင်ငံတွေက စီးပွားရေး နာလန်ထူမှုတွေ နှေးကွေးနေတာတွေ၊ ငွေပင်ငွေရင်း စီးဆင်းမှုတွေဟာလည်း အတိမ်းအစောင်း မခံနိုင်တဲ့ အခြေအနေမှာ ရှိနေတာတွေ ပါဝင်တယ်လို့ အစီရင်ခံစာက ဖော်ပြပါတယ်။

တချိန်တည်းမှာပဲ အာရှဖွံ့ဖြိုးရေးဘဏ် (ADB) ဥက္ကဋ္ဌကလည်း အာရှဒေသ အနေနဲ့ စီးပွားရေး အလားအလာတွေ လမ်းပွင့်စေဖို့နဲ့ ကမ္ဘာ့စီးပွားရေး ဖွံ့ဖြိုးမှုမှာ ဘက်ညီမျှတဲ့ အခြေအနေတွေ ပေါ်ပေါက်လာစေဖို့ ခိုင်မာတဲ့ ခေါင်းဆောင်မှုတွေနဲ့ ကောင်းမွန်တဲ့ အုပ်ချုပ်မှုတွေ မရှိမဖြစ် လိုအပ် တယ်လို့ ပြောလိုက်ပါတယ်။

အာရှတိုက်က ဖွံ့ဖြိုးဆဲ နိုင်ငံတွေဟာ ကောင်းမွန်တဲ့ အုပ်ချုပ်ရေး အဆင့်အတန်းမှာ နိမ့်ကျနေဆဲ ဖြစ်တာကို တွေ့နေရတာမို့ ဒါတွေကို ပြောင်းလဲဖို့ လိုမယ်လို့ ADB ရဲ့ ၄၄ ကြိမ်မြောက် နှစ်စဉ် ညီလာခံ ဗီယက်နမ်နိုင်ငံမှာ ကျင်းပရာမှာ ဥက္ကဋ္ဌ ဟာရူဟီကို ကူရိုဒါ (Haruhiko Kuroda) က ပြောဆိုလိုက်တာပါ။

အာရှ၊ ပစိဖိတ်ဒေသ စီးပွားရေးနဲ့ လူမှုရေးရာ ကော်မရှင်ရဲ့ အစီရင်ခံစာထဲမှာတော့ ဒေသတွင်းမှာ မကြာသေးခင်က ကြုံခဲ့ရတဲ့ သဘာဝကပ်ဘေး အန္တရာယ်တွေရဲ့ အကျိုးဆက်တွေနဲ့ ပတ်သက်ပြီး အလေးထား ဖော်ပြခဲ့ပါတယ်။ ဒါပေမဲ့လည်း မတ်လ ၁၁ ရက်နေ့ ဂျပန်ငလျင်နဲ့ ဆူနာမီ ရေလှိုင်း ဒဏ်ရဲ့ စီးပွားရေးအပေါ် ရိုက်ခတ်မှုတွေက အစောပိုင်း ယူဆထားတာထက် ထိခိုက်မှု နည်းပါး မယ်လို့ ခန့်မှန်းခဲ့တာ ဖြစ်ပါတယ်။

Ref;VOA

Read More...

မြန်မာနိုင်ငံတိုးတက်မှုအင်ဒိုနီးရှားကိုသမ္မတဦးသိန်းစိန်ရှင်းပြ

05 မေ 2011

မြန်မာသမ္မတ ဦးသိန်းစိန် (၀ဲ) အင်ဒိုနီးရှား သမ္မတနှင့် တွေ့ဆုံစဉ်။

မြန်မာသမ္မတ ဦးသိန်းစိန်ဟာ အင်ဒိုနီးရှားနိုင်ငံ ဂျကာတာမြို့တော်မှာ ရောက်ရှိနေပြီး အင်ဒိုနီးရှား သမ္မတ ဆူဆီလို ဘမ်ဘန်း ယူဒိုယိုနို (Susilo Bambang Yudhoyono) နဲ့ တွေ့ဆုံခဲ့ပါတယ်။ မတ်လ ၃၀ ရက်နေ့မှာ မြန်မာနိုင်ငံရဲ့ သမ္မတရာထူး စတင် ရယူခဲ့ကတည်းက သမ္မတ ဦးသိန်းစိန် ဒါဟာ ပထမဆုံး နိုင်ငံခြားခရီးစဉ် ဖြစ်ပါတယ်။

မြန်မာနဲ့ အင်ဒိုနီးရှား နှစ်နိုင်ငံ ပူးပေါင်းဆောင်ရွက်မှုတွေ တိုးမြှင့်လုပ်ဆောင်ဖို့၊ အင်ဒိုနီးရှား စီးပွားရေး လုပ်ငန်းတွေ မြန်မာနိုင်ငံမှာ လာရောက် ရင်းနှီးမြှုပ်နှံဖို့ အပါအ၀င် အခြေအနေတွေနဲ့ ပတ်သက်ပြီး ဆွေးနွေးကြဖို့ ရှိပါတယ်။

အင်ဒိုနီးရှား သမ္မတ အိမ်တော်မှာ တွေ့ဆုံကြတဲ့ပွဲမှာ ဘာတွေ ဆွေးနွေး ပြောကြားခဲ့သလဲ ဆိုတာကို အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါ (Marty Natalegawa) က အင်ဒိုနီးရှား ဘာသာစကားနဲ့ အခုလို ပြောပြခဲ့ပါတယ်။

“ခေါင်းဆောင် ၂ ယောက် တွေ့ဆုံပွဲမှာ မြန်မာသမ္မတ ဦးသိန်းစိန်က မြန်မာနိုင်ငံထဲက တိုးတက်မှု အခြေအနေ တချို့ကို ပြောပြခဲ့ပါတယ်။ ပြီးခဲ့တဲ့ နှစ်တွေအတွင်းမှာ ဒီမိုကရေစီ ဖော်ဆောင်ရေး လမ်းပြမြေပုံအတိုင်း တိုးတက်မှု ဘာတွေရှိခဲ့တယ် ဆိုတာကိုလည်း ပြောပြခဲ့ပါတယ်။”

အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါ ပြောပြခဲ့တာ ဖြစ်ပါတယ်။

ဆွေးနွေးမှုတွေထဲမှာ လုံခြုံရေး၊ စီးပွားရေးနဲ့ ယဉ်ကျေးမှု ကဏ္ဍတွေမှာလည်း ပိုပြီးတော့ ပူးပေါင်း ဆောင်ရွက်ကြဖို့တွေလည်း ပါဝင်တယ်လို့ အင်ဒိုနီးရှား သမ္မတရဲ့ ပြောရေးဆိုခွင့်ရှိသူက ဂျကာတာ ပို့စ် သတင်းစာကို ပြောကြားခဲ့ပါတယ်။

အာဆီယံ အရှေ့တောင်အာရှ နိုင်ငံတွေထဲမှာ အင်ဒိုနီးရှားဟာ မြန်မာနိုင်ငံနဲ့ စတုတ္ထအများဆုံး ကုန်သွယ်မှုလုပ်တဲ့ နိုင်ငံ ဖြစ်ပါတယ်။ အင်ဒိုနီးရှား ကုန်ပစ္စည်း ဒေါ်လာ သန်း ၁၃၀ ကျော်ဖိုးကို မြန်မာနိုင်ငံကို တင်ပို့နေသလို မြန်မာဘက်ကလည်း အင်ဒိုနီးရှားကို ဒေါ်လာ ၃၆ သန်းဖိုး တင်ပို့ နေတာ ဖြစ်ပါတယ်။

သမ္မတ ဦးသိန်းစိန်ဟာ စနေ၊ တနင်္ဂနွေမှာ ကျင်းပမယ့် ၁၈ ကြိမ်မြောက် အာဆီယံ ထိပ်သီး ဆွေးနွေးပွဲကိုလည်း တက်ရောက်ဖို့ရှိပြီး မြန်မာနိုင်ငံကို အာဆီယံရဲ့ အလှည့်ကျ ဥက္ကဋ္ဌတာဝန် ပေးအပ်ဖို့ ဖြစ်နိုင်ခြေတွေကိုတော့ အာဆီယံ ၀န်ကြီးများ ဆွေးနွေးပွဲမှာ ထည့်သွင်း ဆွေးနွေးကြမှာ ဖြစ်ပါတယ်။

Ref;VOA

Read More...

9-11၁၀နှစ်ပြည့်အကြမ်းဖက်တိုက်ခိုက်ရေးဘင်လာဒင်ကြံစည်ခဲ့

05 မေ 2011

လာမယ့် စက်တင်ဘာ ၁၁ ရက် အမေရိကန် ပြည်ထောင်စုအတွင်း အယ်လ်ခိုင်းဒါး (al-Qaida) အဖွဲ့ရဲ့ တိုက်ခိုက်ခဲ့မှု ၁၀ နှစ်မြောက်နေ့မှာ အမေရိကန် ပြည်ထောင်စုကို ထပ်ပြီး တိုက်ခိုက်ဖို့ အယ်လ်ခိုင်းဒါး အဖွဲ့က စဉ်းစား သုံးသပ်နေတဲ့ အထောက်အထားတွေကို ဘင်လာဒင် နေထိုင်ခဲ့တဲ့ အိမ်ခြံဝင်းထဲက ယူဆောင်လာခဲ့တဲ့ စာရွက်စာတမ်းတွေ ပဏာမ စစ်ဆေးရာမှာ တွေ့ရှိခဲ့ရတယ်လို့ အမေရိကန် အရာရှိတွေက ဆိုပါတယ်။

ပြည်တွင်းလုံခြုံရေး ၀န်ကြီးဌာနက မေလ ၅ ရက်နေ့မှာ ကွန်မန်ဒိုတွေ သိမ်းပိုက် ရယူခဲ့တဲ့ စာရွက် စာတမ်းတွေကို စတင် စစ်ဆေးခဲ့ရာမှာ အဲဒီလို အထောက်အထားတွေကို တွေ့ရှိရတာ ဖြစ်တယ်လို့ ဆိုပါတယ်။

အာဖဂန်နစ္စတန်က တိုက်ပွဲဝင် အမေရိကန် တပ်ဖွဲ့တွေ ရုပ်သိမ်းရေးနဲ့ အရှိန်မြှင့် ဆောင်ရွက်မယ့် အစီအစဉ်တွေ ရေးဆွဲဖို့ကိုလည်း သမ္မတ အိုဘားမားနဲ့ ပင်တဂွန် စစ်ဌာနချုပ်တို့ကို အမေရိကန် ကွန်ဂရက်စ်ရဲ့ နှစ်ပါတီ ပူးတွဲ ဥပဒေပြု အောက်လွှတ်တော် အမတ်တွေက မေလ ၅ ရက်နေ့က တောင်းဆိုလိုက်ပါတယ်။

အခုအခါမှာ ဘင်လာဒင်ကို သုတ်သင်နိုင်ခဲ့ပြီ ဖြစ်တဲ့အတွက် ၂၀၀၁ ခုနှစ် ဒီဇင်ဘာလ အမေရိကန်တပ်တွေ အာဖဂန်နစ္စတန်ကို ၀င်ရောက် တိုက်ခိုက်ခဲ့ရတဲ့ အဓိက ရည်ရွယ်ချက်က ပြီးပြည့်စုံသွားပြီ ဖြစ်တယ်လို့ ဆိုပါတယ်။


Ref;VOA

Read More...

အယ်လ်ခိုင်းဒါးနဲ့ဆက်နွယ်မှုမရှိလို့ပါကစ္စတန်ငြင်းဆို

05 မေ 2011

ပါကစ္စတန် နိုင်ငံခြားရေးဝန်ကြီး ဆယ်လ်မန် ဘာရှား။

ပါကစ္စတန် အစိုးရရဲ့ ထောက်လှမ်းရေး အဖွဲ့ဝင်တွေ၊ အစိုးရ အဖွဲ့ဝင်တွေဟာ အယ်လ်ခိုင်းဒါး (al-Qaida) ကွန်ရက်နဲ့ ပူးတွဲ အလုပ်လုပ်ခဲ့တယ်ဆိုတဲ့ စွပ်စွဲချက် မမှန်ပါဘူး၊ အကြမ်းဖက် တိုက်ဖျက်ရေး မှတ်တမ်းတွေ အရလည်း ဒီလိုလုပ်တယ်ဆိုတာ မတွေ့ရပါဘူးလို့ ပါကစ္စတန် အစိုးရ က ပြောပါတယ်။

ပါကစ္စတန် နိုင်ငံခြားရေးဝန်ကြီး ဆယ်လ်မန် ဘာရှား (Salman Bashir) က အခုလို ကာကွယ် ပြောဆိုသွားရာမှာ အမေရိကန် တပ်ဖွဲ့တွေရဲ့ တိုက်ခိုက်မှုတွေနဲ့ တနင်္လာနေ့မှာ အိုစမာ ဘင်လာဒင် (Osama bin Laden) သေဆုံးပြီး နောက်မှာပဲ ပြောကြားသွားခဲ့တာ ဖြစ်ပါတယ်။

ဘင်လာဒင်က ပါကစ္စတန်နိုင်ငံ အဘော့တာဘက် (Abbottabad) မြို့မှာ ပုန်းအောင်းနေတာကို RSI ထောက်လှမ်းရေးက မသိလို့ဆိုပြီး အခုလိုပြောတာ မတရားပါဘူးလို့လည်း မစ္စတာ ဘာရှားက ဆိုပါတယ်။

အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ကတော့ အယ်လ်ခိုင်း ဒါးခေါင်းဆောင် အိုစမာ ဘင်လာဒင် အခုလို သေဆုံးသွားရုံနဲ့ အယ်လ်ခိုင်းဒါး ကွန်ရက်နဲ့ ဆက်စပ်တဲ့ အဖွဲ့တွေ တိုက်ခိုက်နေတဲ့ စစ်ပွဲ ပြီးဆုံးမှာ မဟုတ်ကြောင်း၊ အကြမ်းဖက်မှု တိုက်ဖျက်ရေး ကြိုးပမ်းမှုတွေမှာ ပါကစ္စတန်နိုင်ငံက အရေးကြီးလှတဲ့ မိတ်ဘက်နိုင်ငံ ဖြစ်ပါတယ်လို့ ပြောကြားသွားခဲ့ပါတယ်။

၂၀၀၁ ခုနှစ် စက်တင်ဘာ ၁၁ ရက်နေ့ တိုက်ခိုက်မှုတွေအတွက် ဘယ်သူတွေမှာ တာဝန်ရှိလဲဆိုတဲ့ သတင်း အချက်အလက်တွေ အမေရိကန်ဆီမှာပဲ ရှိတာပါ။ ဒါပေမဲ့ ဒါ အမေရိကန် ထောက်လှမ်းရေးက အသုံးမကျလို့ ဆိုပြီးတော့ သူပြောပိုင်ခွင့် မရှိပါဘူးလို့ ပါကစ္စတန် နိုင်ငံခြားရေး ၀န်ကြီးက ဆိုပါတယ်။

တနင်္လာနေ့က အသတ်ခံရသူဟာ ဘင်လာဒင်ဖြစ်တယ် ဆိုတာ သေချာကြောင်း အမေရိကန်နဲ့ ပါကစ္စတန် သတင်းရပ်ကွက်တွေက အတည်ပြုပေးတယ်လို့လည်း မစ္စတာ ဘာရှားက ဆိုပါတယ်။

အမေရိကန် ပြည်ထောင်စုမှာ စက်တင်ဘာလ ၁၁ ရက်နေ့၊ ၂၀၀၁ ခုနှစ်မှာ အကြမ်းဖက် တိုက်ခိုက်ခံရလို့ သေဆုံးသွားရသူတွေကို အရိုအသေပြုဖို့၊ အဲဒီလို အတိုက်အခိုက်ခံရလို့ ပျက်စီး သွားတဲ့ ကမ္ဘာ့ကုန်သွယ်ရေး အဆောက်အဦး နေရာဆီကို သွားရောက်ဖို့အတွက် အမေရိကန် သမ္မတ အိုဘားမား (Barack Obama) နယူးယောက်ခ်မြို့ကို ဒီနေ့ သွားရောက်မှာ ဖြစ်ပါတယ်။

အကြမ်းဖက် တိုက်ခိုက်မှုတွေကို ဦးဆောင်လုပ်ခဲ့သူ ဆိုတဲ့ အယ်လ်ခိုင်းဒါးကွန်ရက် ခေါင်းဆောင် အိုစမာ ဘင်လာဒင်ကို အမေရိကန် တပ်ဖွဲ့တွေ ပါကစ္စတန်နိုင်ငံမှာ တိုက်ခိုက် သတ်ပစ်လိုက်ပြီး ရက်ပိုင်းအတွင်းမှာပဲ မစ္စတာ အိုဘားမား ဒီခရီးစဉ်ကို သွားရောက်တာ ဖြစ်ပါတယ်။

၂၀၀၁ ခုနှစ် အယ်လ်ခိုင်းဒါး တိုက်ခိုက်မှုမှာ သေဆုံးသွားသူတွေအတွက် ပန်းခွေချမယ်၊ သေဆုံး သူတွေရဲ့ အမျိုးအဆွေတွေနဲ့လည်း သမ္မတက သီးသန့် တွေ့ဆုံဖို့ ရှိပါတယ်။

Ref;VOA

Read More...

မြန်မာအာဆီယံဥက္ကဋ္ဌတာဝန်မယူရေးကန့်ကွက်ဖို့HRWတိုက်တွန်း

05 မေ 2011

မြန်မာနိုင်ငံမှာ နိုင်ငံရေးအကျဉ်းသား ၂,၀၀၀ ကျော်ကို ပြန်ပြီးလွှတ်ပေးတာ အပါအ၀င် မြန်မာ နိုင်ငံရဲ့ လူ့အခွင့်အရေး အခြေအနေတွေ တိုးတက်လာရေးအတွက် စစ်မှန်တဲ့ ခြေလှမ်းတွေကို မြန်မာအစိုးရက မလှမ်းမချင်း ၂၀၁၄ ခုနှစ်မှာ အာဆီယံရဲ့ အလှည့်ကျ ဥက္ကဋ္ဌအဖြစ် မြန်မာနိုင်ငံက ဆောင်ရွက်လိုတဲ့ ကိစ္စကို အာဆီယံနိုင်ငံတွေက လက်မခံဘဲ ကန့်ကွက်သင့်တယ်လို့ နယူးယောက်ခ် အခြေစိုက် လူ့အခွင့်အရေး စောင့်ကြည့်လေ့လာရေးအဖွဲ့ (HRW) က မေလ ၅ ရက်နေ့က ပြောလိုက်ပါတယ်။

မြန်မာနိုင်ငံကို အာဆီယံ အလှည့်ကျ ဥက္ကဋ္ဌတာဝန် ပေးခဲ့မယ်ဆိုရင် အာဆီယံအသင်းကြီး အနေနဲ့ နိုင်ငံတကာအလယ်မှာ ရှက်စရာကောင်းတဲ့ အဖြစ်နဲ့ ရင်ဆိုင်ရနိုင်ကြောင်း အရင်တုန်းက အာဆီယံ ထိပ်သီးညီလာခံတွေမှာ အာဆီယံ ခေါင်းဆောင်တွေက မြန်မာ့အရေးနဲ့ ပတ်သက်ပြီး စိုးရိမ်မကင်း ဖြစ်ရတာတွေအပေါ် မြန်မာအစိုးရက လိုက်နာဆောင်ရွက်ဖို့ အကြိမ်ကြိမ် ပျက်ကွက်ခဲ့တယ်လို့ HRW လူ့အခွင့်အရေး စောင့်ကြည့်တဲ့ အဖွဲ့က ထောက်ပြလိုက်ပါတယ်။

မြန်မာနိုင်ငံက သမ္မတသစ် ဦးသိန်းစိန်ဟာ အင်ဒိုနီးရှားနိုင်ငံကို အလည်အပတ်ခရီး ရောက်ရှိ နေပါတယ်။ လာမယ့် စနေ၊ တနင်္ဂနွေနေ့မှာတော့ ဒီနှစ်ရဲ့ အာဆီယံ ထိပ်သီးအစည်းအဝေး ပွဲကို သူဟာ တက်ရောက်မှာ ဖြစ်ပါတယ်။

သမ္မတ ဆူဆီလို ဘမ်ဘန်း ယူဒိုယိုနို (Susilo Bambang Yudhoyono) နဲ့ သမ္မတ ဦးသိန်းစိန် တို့ ဒီကနေ့ တွေ့ခဲ့ပြီးတဲ့နောက် ဦးသိန်းစိန်က မြန်မာနိုင်ငံမှာ လမ်းပြမြေပုံ အဆင့်အတိုင်း ဆောင်ရွက်ခဲ့တာ အောင်မြင်မှုတွေ ရရှိခဲ့ပြီလို့ သမ္မတ ယူဒိုယိုနိုကို ပြောခဲ့တဲ့အကြောင်း အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါ (Marty Natalegawa)က သတင်းထောက် တွေကို ပြောဆိုခဲ့ပါတယ်။

Ref;VOA

Read More...

အိုဘားမားနယူးယောက်ခ်GroundZeroမှာလွမ်းသူ့ပန်းခွေချ

Kent Klein's
05 မေ 2011

သမ္မတ အိုဘားမား Ground Zero တွင် လွမ်းသူ့ပန်းခွေချနေစဉ်။

အမေရိကန် အထူးတပ်ဖွဲ့တွေက အယ်လ်ခိုင်းဒါး (al-Qaida) ခေါင်းဆောင် အိုစမာ ဘင်လာဒင် (Osama bin Laden) ကို အသေဖမ်းမိခဲ့ပြီး ၄ ရက်အကြာမှာ သမ္မတ အိုဘားမား (Barack Obama) ဟာ ၂၀၀၁ ခုနှစ် စက်တင်ဘာလ ၁၁ ရက်နေ့က အကြမ်းဖက် တိုက်ခိုက်မှုကြောင့် သေဆုံးခဲ့သူတွေကို အမှတ်တရ ဂုဏ်ပြုတဲ့ အနေနဲ့ နယူးယောက်ခ်မြို့ကို သွားရောက်ခဲ့ပါတယ်။ အရင်တုန်းက World Trade Center မိုးမျှော် တိုက်ညီနောင်ကြီး တည်ရှိခဲ့ရာ အခု Ground Zero လို့ ခေါ်ကြတဲ့ မြေပြင်သက်သက်သာ ကျန်ရစ်တဲ့ နေရာကို မစ္စတာ အိုဘားမားဟာ သမ္မတ တဦး အနေနဲ့ ပထမဆုံး သွားရောက်ခဲ့တာပါ။ ဒီအကြောင်းနဲ့ ပတ်သက်လို့ ဗွီအိုအေ သတင်းထောက် ကန့်တ် ကလိုင်း (Kent Klein) အိမ်ဖြူတော်ကနေ သတင်းပေးပို့ထားတာကို ဒေါ်ခင်စိုးဝင်းက တင်ပြပေးထားပါတယ်။

World Trade Center မိုးမျှော် ညီနောင် အဆောက်အဦးကြီး ပြိုကျပျက်စီးပြီး ၁၀ နှစ်နီးပါး အကြာမှာ သမ္မတ အိုဘားမား အဲဒီနေရာကို သွားရောက်ခဲ့တာ ဖြစ်ပါတယ်။ ၂၀၀၁ ခုနှစ် စက်တင်ဘာ ၁၁ ရက်မှာ သေဆုံးခဲ့ရတဲ့ အရေးပေါ် ကယ်ဆယ်ရေး ၀န်ထမ်းတွေရဲ့ မိသားစုတွေ၊ World Trade Center မှာ ရှိနေခဲ့ကြလို့ သေဆုံးခဲ့ကြရသူတွေရဲ့ မိသားစုတွေကို သမ္မတ အိုဘားမား အားပေး နှုတ်ဆက်ခဲ့ပါတယ်။

အိုစမာ ဘင်လာဒင်ရဲ့ အယ်လ်ခိုင်းဒါး အကြမ်းဖက် အဖွဲ့က အမေရိကန် ခရီးသည်တင် လေယာဉ်တွေကို အပိုင်စီးပြီး အထပ်ပေါင်း ၁၁၀ ရှိတဲ့ World Trade Center မိုးမျှော် ညီနောင် အဆောက်အဦးကြီး ၂ ခုကို ၀င်တိုက်ခဲ့လို့ ပြားပြားဝပ် ပြိုကျ ပျက်စီးခဲ့ရပါတယ်။ အဲဒီ မိုးမျှော် တိုက်ညီနောင်ရှိတဲ့ နေရာမှာ အခု မြေပြင်သာ ကျန်တော့တဲ့အတွက် Ground Zero သုံညမြေပြင်ရယ်လို့ ခေါ်ဝေါ်နေကြတာ ဖြစ်ပါတယ်။

သမ္မတက အဲဒီ Ground Zero နေရာကို မသွားမီ နယူးယောက်ခ်မြို့ မင်ဟက်တန်မြို့က မီးသတ်သမား ၁၅ ယောက်စလုံး စက်တင်ဘာ ၁၁ ရက်နေ့က အရေးပေါ် ကယ်ဆယ်ရင်း သေဆုံးခဲ့ရတဲ့ မီးသတ်ဌာနကို အရင်ဆုံး သွားခဲ့ပါတယ်။ အဲဒီ မီးသတ်စခန်း နံရံတခုလုံးမှာ သေဆုံးခဲ့ရသူ အာဇာနည် မီးသတ်သမားတွေရဲ့ ဓာတ်ပုံတွေ၊ သူတို့မိသားစုတွေရဲ့ မှတ်တမ်း အမှာစကားတွေ အပြည့် ကပ်ထားတာကို သမ္မတ အိုဘားမားက သေသေချာချာ ကြည့်ရှုခဲ့ပါတယ်။ အဲဒီ မီးသတ်စခန်းမှာပဲ မီးသတ်သမားတွေနဲ့အတူ သမ္မတ အိုဘားမား နေ့လယ်စာ စားသုံးရင်း သူတို့ဟာ နေ့စဉ်နဲ့အမျှ သူရဲကောင်းတွေပါပဲလို့ ချီးမွမ်းလိုက်ပါတယ်။

အိုစမာ ဘင်လာဒင် သေဆုံးမှုဟာ ၂၀၀၁ ခုနှစ်က သေဆုံးခဲ့ရတဲ့ သူတို့ရဲ့ လုပ်ဖော်ကိုင်ဘက် ရဲဘော်ရဲဘက်တွေအတွက် စိတ်ပြေရာပြေကြောင်း ဖြစ်စေလိမ့်မယ်လို့ မျှော်လင့်တဲ့အကြောင်း သမ္မတ အိုဘားမားက အခုလို ပြောပါတယ်။

“တနင်္ဂနွေနေ့က ရခဲ့တဲ့ အောင်မြင်မှုဟာ သတ္တိရှိတဲ့ ကျနော်တို့ စစ်တပ်နဲ့ ထူးချွန်ပြောင်မြောက်တဲ့ ကျနော်တို့ ထောက်လှမ်းရေး အဖွဲ့တွေရဲ့ စွမ်းဆောင်မှုတွေကြောင့်ပါပဲ။ ကျနော်တို့က ဘယ်တော့မှ မေ့မပစ်ပါဘူးလို့ ပြောခဲ့သလို တကယ်လက်တွေ့ အကောင်အထည် ဖော်ပြနိုင်တယ် ဆိုတာကို အမေရိကန် ပြည်တွင်းမှာသာမက တကမ္ဘာလုံးကိုပါ အမှာစကား ပါးလိုက်တာလည်း ဖြစ်ပါတယ်။”

သမ္မတ အိုဘားမားက နယူးယောက်ခ် မီးသတ်စခန်းကို အခုလို သွားရောက် အားပေးခဲ့တာဟာ ၂၀၀၁ ခုနှစ်၊ စက်တင်ဘာ ၁၁ ရက်က အသက်စွန့်လွှတ်ခဲ့ကြတဲ့ အရေးပေါ် မီးသတ်သမားတွေကို စာနာမှုနဲ့ ဂုဏ်ယူတယ် ဆိုတာကို သရုပ်ဖော် ပြလိုက်တာပဲလို့ နယူးယောက်ခ် မီးသတ်ဌာန အကြီးအကဲ အက်ဒ်ဝါ့ဒ် ခေးလ်ဒပ်ဖ် (Edward Kilduff) က အခုလို ပြောပါတယ်။

“သူ ဒီကိုလာပြီး စက်တင်ဘာ ၁၁ ရက်မှာ သေဆုံးခဲ့ကြတဲ့ မီးသတ်သမားတွေရဲ့ ရုပ်ပုံတွေကိုကြည့်ရင်း သူတို့ကို ဂုဏ်ပြုထားတဲ့ အထိမ်းအမှတ် သင်္ကေတတွေကိုပါ တွေ့ရတော့ သူလည်း အတော်လေး စိတ်မကောင်း ဖြစ်သွားပုံ ရပါတယ်။ သူတို့တတွေရဲ့ စွန့်လွှတ် အနစ်နာခံမှုတွေနဲ့ မီးသတ်သမားတွေ ပြောပြတဲ့ အဲဒီနေ့က စွန့်စားခန်းတွေ နားထောင်ရတော့ သမ္မတလည်း ရှင်းရှင်းလင်းလင်း နားလည် ခံစားသွားတာကို ကျနော် တွေ့လိုက်ရပါတယ်။”

အဲဒီမီးသတ်စခန်းကနေ မင်ဟက်တန်အောက်ပိုင်း ရဲစခန်းကိုလည်း သမ္မတ အိုဘားမား သွားရောက်ခဲ့ပါတယ်။ စက်တင်ဘာ ၁၁ ရက်နေ့က နယူးယောက်ခ် ရဲတပ်ဖွဲ့ရဲ့ စွမ်းစွမ်းတမံ ဆောင်ရွက်ချက်တွေကိုလည်း ကျေးဇူးတင် ဂုဏ်ယူတဲ့အကြောင်း ပြောပါတယ်။

အိုစမာ ဘင်လာဒင်ကို အသေဖမ်းမိတာဟာ သူတို့တတွေ နေ့စဉ် ဆောင်ရွက်နေတာတွေနဲ့ တိုက်ရိုက် ဆက်စပ်နေပါတယ်လို့ သမ္မတ အိုဘားမားက ပြောပါတယ်။

World Trade Center မှာ စက်တင်ဘာ ၁၁ ရက်နေ့က သေဆုံးခဲ့သူတွေအတွက် လွမ်းသူ့ပန်းခွေချ တမိနစ်တာ ငြိမ်သက်ခြင်း အခမ်းအနားမှာ သမ္မတ အိုဘားမား ပါဝင် အလေးပြုခဲ့ပါတယ်။ တချိန်တည်းမှာပဲ ဒု-သမ္မတ ဂျိုး ဘိုင်ဒန် (Joe Biden) လည်း စက်တင်ဘာ ၁၁ ရက်နေ့က ၁၈၄ ဦး သေဆုံးခဲ့ရတဲ့ ပင်တဂွန် စစ်ဌာနချုပ်မှာ အမှတ်တရ ဂုဏ်ပြုပွဲ အခမ်းအနားကို တက်ရောက်ခဲ့ပါတယ်။ အယ်လ်ခိုင်းဒါး အကြမ်းဖက်အဖွဲ့က အမေရိကန် ခရီးသည်တင် လေယာဉ်ကို အပိုင်စီးပြီး ပင်တဂွန် စစ်ဌာနချုပ်ရဲ့ ဘေးဘက်ကို ၀င်တိုက်ခဲ့ပါတယ်။

သမ္မတ အိုဘားမားက နယူးယောက်ခ်မှာ အဲဒီ စက်တင်ဘာ ၁၁ ရက်က သေဆုံးခဲ့ရသူတွေရဲ့ မိသားစုတွေအနက် မိသားစု ၆၀ ခန့်ကို တွေ့ဆုံ နှုတ်ဆက်ခဲ့ပါတယ်။ အခု အဲဒီ Ground Zero နေရာမှာ အမျိုးသား စက်တင်ဘာ ၁၁ ရက် အမှတ်တရ ပန်းခြံကြီးနဲ့ Freedom Tower လို့ခေါ်တဲ့ လွတ်လပ်ရေး မျှော်စင်ကြီးကို ဆောက်လုပ်နေပါပြီ။ အဲဒီ Freedom Tower လွတ်လပ်ရေး မျှော်စင်ကြီးကို အမေရိကန် ပြည်ထောင်စု လွတ်လပ်ရေး ရခဲ့တဲ့ ၁၇၇၆ ခုနှစ်ကို ဂုဏ်ပြုပြီး အမြင့် ၁၇၇၆ ပေရှိအောင် ဆောက်လုပ်ဖို့ စီစဉ်နေပါတယ်။

Ref;VOA

Read More...

Thursday, May 5, 2011

ဇာဂနာကို အရင်ဆုံး တွေ့ချင်ဟု ကျော်သူ ပြော

သဲသဲ မေလ
၀၅ ရက် ၂၀၁၁ ခုနှစ်

သမ္မတဦးသိန်းစိန် အစိုးရက လွတ်ငြိမ်းချမ်းသာခွင့်ဖြင့် နိုင်ငံရေးအကျဉ်းသားများ ပြန်လွှတ်ပေးပါက မိတ်ဆွေဖြစ်သူ ဇာဂနာကို ဦးစွာတွေ့လိုကြောင်း နာရေးကူညီမှုအသင်း ဥက္ကဋ္ဌ ရုပ်ရှင်သရုပ်ဆောင် ကျော်သူက ပြောဆိုသည်။

နိုင်ငံရေးအကျဉ်းသားများ လွှတ်ပေးရေးနှင့် ပြည်တွင်းစစ် ချုပ်ငြိမ်းရေးအတွက် သမ္မတ ဦးသိန်းစိန်ထံ လက်မှတ်ထိုး တောင်းဆိုသည့် လှုပ်ရှားမှုတွင် ဦးကျော်သူကိုယ်တိုင် လက်မှတ်ထိုးပြီး သူ၏ အသင်းသားနှင့် ဝန်ထမ်း စုစုပေါင်း ၁ဝ၈ ဦးထံမှပါ လက်မှတ်များ ကောက်ခံထားပြီး ဖြစ်သည်။

“မျှော်လင့်ချက်ကတော့ အားလုံးလွတ်စေချင်တဲ့ ဆန္ဒရှိတာပေါ့လေ။ တပြိုင်နက် အားလုံး လွှတ်ပေးလိုက်ရင် အကောင်းဆုံးပေါ့။ ကျနော်ကတော့ ကျနော့်မိတ်ဆွေကြီး ဇာဂနာပေါ့ဗျာ” ဟု ဦးကျော်သူက မဇ္ဈိမကို ပြောသည်။

၂ဝဝ၇ စက်တင်ဘာ ရွှေဝါရောင် သံဃာ့ လှုပ်ရှားမှုအတွင်းတပတ်ခန့် အဖမ်းခံခဲ့ ရသည့် သူက ယုံကြည်ချက် ကြောင့် အကျဉ်းကျသူများအပေါ် စာနာစိတ်ဖြင့် လက်မှတ်ထိုးမှုတွင် ပါဝင်လာသည်ဟု ဆိုသည်။

“ကိုယ်ချင်းစာမိတယ်။ ကျနော်လဲ စက်တင် ဘာတုန်းက ဘုမသိ၊ ဘမသိ အဖမ်းခံ လိုက်ရတယ်။ ၇ ရက်၊ ၈ ရက်လောက် အဆွဲခံ ရတဲ့ အချိန်မှာ တော်တော်လေး ခံစားလိုက်ရတယ်။ အကျဉ်းသားတွေဆိုရင် နှစ်ရှည်လများ ထောင်ထဲမှာ နေရတော့ အပြင်က သူတို့မိသားစုတွေ ဘယ်လောက် ဒုက္ခရောက်သလဲ။ ဒီဟာကို လူသားချင်း စာနာတဲ့အနေနဲ့ ပါတာပါ” ဟု သူက ဆိုသည်။

နိုင်ငံရေးအကျဉ်းသားများကို လွတ်ငြိမ်းချမ်းသာခွင့်ဖြင့် လွှတ်ပေးရေး လက်မှတ်ရေးထိုးမှုကို ဧပြီနောက်ဆုံးပတ်က စခဲ့ကာ နာရေးကူညီမှု အသင်းဝင်များနှင့် ဝန်ထမ်းများ၏ လက်မှတ်များကို အစိုးရထံ အမျိုးသားဒီမိုကရေစီအဖွဲ့ချုပ် NLD မှတဆင့် ပေးပို့သွားမည် ဖြစ်သည်။

နိုင်ငံရေးအကျဉ်းသားများ လွှတ်ပေးပါက အစိုးရသစ်အတွက် လူထုယုံကြည်မှု ရလာနိုင်ပြီး နိုင်ငံတကာတွင်ပါ မျက်နှာပန်းလှမည်ဖြစ်သဖြင့် ပြန်လွှတ်စေလိုကြောင်းနှင့် စွယ်စုံရအနုပညာရှင် ကိုဇာဂနာအတွက် အနုပညာရှင်များ ပါဝင်လက်မှတ်ထိုးသင့်ကြောင်း ဦးကျော်သူက တိုက်တွန်း သည်။

“အနုပညာလောက တခုလုံးက လုပ်ပေးသင့်တယ်။ ဒီကမ်ပိန်းကိစ္စမှာ ပါဝင်တက်ကြွသင့်တယ်။ မပါဝင်တဲ့သူကတော့ အတ္တသမားပဲ။ ကိုယ်ထိမှာကြောက်ပြီး မလုပ်ကြဘူး၊ အငြိုငြင်ခံရမှာ ကြောက်လို့ မလုပ်ကြဘူး။ လူသားစစ်စစ် ဖြစ်တယ်ဆိုရင် ဒါမျိုးက လုပ်သင့်တယ်” ဟု သူက ဆို သည်။

NLD နှင့် ကွန်ယက်ဝင်များ ဦးဆောင်သည့် လက်မှတ်ထိုး လှုပ်ရှားမှုတွင် စာရေးဆရာကြီး ဒဂုန်တာရာ၊ သတင်းစာဆရာကြီး လူထုစိန်ဝင်း၊ ကာတွန်းအော်ပီကျယ် စသည့် စာပေနှင့် အနုပညာရှင်များ ပါဝင်ရေးထိုးခဲ့သည်။

ပြီးခဲ့သည့် ဧပြီလလယ်မှ လှုပ်ရှားမှု စတင်ခဲ့ရာ ထိုလ ၂၅ ရက်က လက်မှတ် ၄ဝဝ ကျော်ကို သမ္မတ ဦးသိန်းစိန်ထံ လိပ်မူကာ နေပြည်တော် သမ္မတရုံးသို့ စာတိုက်မှ ပို့ခဲ့ပြီး ဖြစ်သည်။

လက်မှတ်ရေးထိုး လှုပ်ရှားမှုအဖွဲ့ ခေါင်း ဆောင်တဦးဖြစ်သူ ကိုတိုးကျော်လှိုင် က နာရေးအသင်းနှင့် ဦးကျော်သူ၏ လက်မှတ် ထိုး ဆန္ဒပြုမှုကို ကြိုဆိုလိုက်ပြီး ထပ်ရသည့် လက်မှတ် ၂ သောင်းကျော်ကို မကြာခင် ပေးပို့မည်ဟု ဆိုသည်။

“လက်မှတ်တွေ ၂ ခါထပ်တာမျိုး မဖြစ် အောင် စိစစ်နေတော့ အပတ်စဉ်ပို့မယ့် အစီ အစဉ် မလုပ်တော့ဘဲ စုထားတဲ့ လက်မှတ် ၂ သောင်းကျော်ကို စစ်ပြီးမှ နောက်တပတ်ထဲမှာ သမ္မတရုံးကို လိပ်မူပို့မှာပါ။ ဒီ ၂ သောင်းကျော်ထဲမှာ အလွှာစုံ ပြည်သူတွေပါတာ တွေ့ရတယ်။ ဆရာဝန်၊ တေးရေးဆရာ၊ ကုန်သည်၊ အိမ်ရှင်မ၊ အစုံပဲ” ဟု သူက မဇ္ဈိမကို ပြောသည်။

သမ္မတ ဦးသိန်းစိန်၏ အာဆီယံ အစည်းအဝေး ခရီးစဉ်မတိုင်မီ လွတ်ငြိမ်းချမ်းသာခွင့် ပေးမည် ဆိုသည့် သတင်းများ ရန်ကုန်တွင် ယခုရက်ပိုင်း ပေါ်ထွက်လာကာ ဗုဒ္ဓဟူးနေ့က အင်းစိန်ထောင် ရှေ့တွင် အကျဉ်းသား မိသားစုဝင်များနှင့် သတင်းထောက်များ သွားရောက်စောင့်ဆိုင်း သည်ထိ ရှိခဲ့သည်။

နိုင်ငံရေးအကျဉ်းသားများ ပြန်လွှတ်မှသာ ဆက်ဆံရေးလမ်း ပွင့်နိုင်မည်ဟု အမျိုးသားဒီမို ကရေစီအဖွဲ့ချုပ် NLD ဒုဥက္ကဋ္ဌ ဦးတင်ဦးက ပြောဆိုထားပြီး မြန်မာနိုင်ငံလုံးဆိုင်ရာ သံဃာ့တပ်ပေါင်းစုနှင့် ပြည်တွင်း၌ မြေအောက်လှုပ်ရှားသည့် ကျောင်းသားအဖွဲ့များ အပါအဝင် ၁၁ ဖွဲ့ကလည်း ကြေညာချက်ထုတ်ကာ ပြန်လွှတ်ပေးရေး တောင်းဆိုခဲ့ကြသည်။

ထို့ပြင် ရွေးကောက်ပွဲဝင် တိုင်းရင်းသား ၅ ပါတီကလည်း နိုင်ငံရေး အကျဉ်းကျခံများ အပါအဝင် အထွေထွေ လွတ်ငြိမ်းချမ်းသာခွင့် ကြေညာရန် အစိုးရသစ်ကို ဧပြီ ၂၇ ရက်က တောင်းဆိုခဲ့ သေးသည်။

ထိုင်းအခြေစိုက် နိုင်ငံရေးအကျဉ်းသား ကူညီစောင့်ရှောက်ရေးအသင်း (မြန်မာနိုင်ငံ) ထုတ် စာရင်း များအရ မြန်မာအကျဉ်းထောင်များတွင် သံဃာတော် ၂၂၅ ပါး အပါအဝင် နိုင်ငံရေးအကျဉ်း သားပေါင်း ၂ဝ၇၆ ဦး ရှိကြောင်း သိရသည်။

Ref;Mizzima

Read More...

နိုင်ငံရေးအကျဉ်းသားလွှတ်ရေးနာရေးကူညီမှုအသင်းတောင်းဆို

မသင်းသီရိ 05 မေ 2011

နာရေးကူညီမှုအသင်း ဥက္ကဋ္ဌ ဦးကျော်သူ။
မြန်မာနိုင်ငံ အကျဉ်းထောင်တွေထဲမှာ ရှိနေတဲ့ နိုင်ငံရေး အကျဉ်းသားတွေကို ချွင်းချက်မရှိ အမြန်ဆုံး ပြန်လွှတ်ပေးဖို့ တောင်းဆိုမှုတွေ အရှိန်အဟုန် မြင့်တက်လာနေချိန်မှာပဲ နာရေး ကူညီမှု အသင်းကလည်း နိုင်ငံရေး အကျဉ်းသားတွေ လွှတ်ပေးဖို့ကိစ္စ အစိုးရထံ လက်မှတ် ရေးထိုး တောင်းဆိုခဲ့ကြပါတယ်။ အခုလို လှုပ်ရှား တောင်းဆိုမှုတွေ အရှိန်မြင့်လာ နေပေမဲ့ အစိုးရဘက်က တစုံတရာ တုံ့ပြန်ခြင်း မရှိတာဟာ လွတ်ငြိမ်းချမ်းသာ ခွင့် ကိစ္စနဲ့ ပတ်သက်ပြီး ထိပ်ပိုင်း ခေါင်းဆောင်တွေကြား ညှိနှိုင်းလို့ မရနိုင်သေးတဲ့ အခြေ အနေတွေကြောင့် ဖြစ်နိုင်တယ်လို့ သုံးသပ်တာတွေလည်း ရှိနေပါတယ်။ အပြည့်အစုံကို မသင်းသီရိက တင်ပြပေးထားပါတယ်။

အသစ်တက်လာတဲ့ မြန်မာ အရပ်သား အစိုးရ အနေနဲ့ နိုင်ငံရေး အကျဉ်းသားတွေ လွှတ်ပေးဖို့ တောင်းဆိုမှုတွေကို မြန်မာနှစ်ဆန်း ၁ ရက်နေ့က စတင်လိုက်ချိန်ကစပြီး ဒီနေ့အထိ ကျယ်ကျယ်ပြန့်ပြန့် လှုပ်ရှားမှုတွေက ပြည်တွင်းမှာ ရှိနေပါတယ်။ လူထုအခြေပြု လူငယ်ကွန်ရက်တွေကနေ စတင်ခဲ့တဲ့ ဒီလှုပ်ရှားမှုတွေကို NLD ပါတီကလည်း အပြည့်အ၀ ပူးပေါင်း ပါဝင်ခဲ့သလို စာပေအနုပညာရှင်တွေကအစ ၀ိုင်းဝန်းပြီး တောင်းဆိုမှုတွေထဲ ပါဝင်ခဲ့ကြပြီး အခု နာရေးကူညီမှု အသင်းကြီးကလည်း နိုင်ငံရေး အကျဉ်းသားတွေ လွှတ်ပေး ဖို့အတွက် အစိုးရကို လက်မှတ်ရေးထိုး တောင်းဆိုခဲ့ပါတယ်။

ပြည်တွင်းစစ် ရပ်စဲဖို့နဲ့ နိုင်ငံရေး ပြဿနာတွေ ကင်းပြီး ငြိမ်းချမ်းတဲ့ နိုင်ငံတခု ဖြစ်လာဖို့ လိုလားတဲ့ ဒီအဖွဲ့ကြီး အနေနဲ့ တရားမျှတပြီး မှန်ကန်စွာ တောင်းဆိုတဲ့ ဒီလှုပ်ရှားမှုတွေ အတွင်းမှာ အဖွဲ့သားတွေ အားလုံး ပူးပေါင်းပါဝင်ဖို့ ဆုံးဖြတ် သဘောတူညီခဲ့ကြတယ်လို့ နာရေးကူညီမှု အသင်းရဲ့ ဥက္ကဋ္ဌ ရုပ်ရှင်သရုပ်ဆောင် ကျော်သူက ပြောပါတယ်။

“ကျနော်တို့ အသင်းက အသင်းသားတွေ၊ အသင်းသူတွေ အားလုံးကနေပြီးတော့ သူတို့ဆန္ဒအလျောက် လက်မှတ်ဝိုင်းထိုးတာကို ကျနော် တင်လိုက်တာပါ။ အားလုံး ၁၀၈ ယောက် ရပါတယ်။ ဆက်ပြီးတော့လည်း ထိုးနေကြတုန်းပါပဲ။ ဒါက နောက်တသုတ် ထပ်တင်ရမှာပါ။ နေပြည်တော်တော့ တိုက်ရိုက် အဆက်အသွယ် မရှိဘူး။ အဲဒါကြောင့် NLD အဖွဲ့ကိုပဲ ကျနော်တို့ သွားပြီး ပေးထားပါတယ်။ နိုင်ငံရေး အကျဉ်းသားတင် မကဘူး၊ အားလုံး ငြိမ်းငြိမ်းချမ်းချမ်းနဲ့ ဖြစ်စေချင်တဲ့အတွက် ကျနော်တို့ အဲဒီလက်မှတ်ကို ထိုးတာ။”

နာရေးကူညီမှုအသင်း ဥက္ကဋ္ဌ ကိုကျော်သူ ပြောသွားတာ ဖြစ်ပါတယ်။

စစ်အစိုးရကနေ အရပ်သား အစိုးရအဖြစ် စတင် တာဝန်ပြောင်းယူချိန် မတ်လကစလို့ လွတ်ငြိမ်းချမ်းသာခွင့်တွေ လာနိုင်တယ်ဆိုပြီး အားလုံးက တွက်ထားပါတယ်။ တယောက် နဲ့တယောက် အပြန်အလှန် အခြေအနေတွေ မေးမြန်းကြ၊ စုံစမ်းကြတာမျိုးတွေနဲ့ အတူ အစိုးရဘက်ကလည်း လိုက်လျောမှုတွေ ရှိလာနိုင်ပါတယ်ဆိုတဲ့ မျှော်လင့်ချက်တွေက အားလုံးမှာ ရှိနေပါတယ်လို့ တောင်ကြီးထောင်မှာ နှစ်ရှည်ထောင်ဒဏ် အချခံထားရတဲ့ ၈၈ မျိုးဆက် ကျောင်းသားခေါင်းဆောင် ကိုဂျင်မီရဲ့ ညီမ မသန္တာယုက ဆိုပါတယ်။

“ဖြစ်နိုင်မလားပေါ့၊ တယောက်နဲ့တယောက် ဒီလိုပဲ မျှော်လင့်ပြီး နေနေကြတာပဲ။ မျှော်တာတော့ မျှော်နေကြတာပဲပေါ့၊ အကုန်လုံးက။ တခြားတွေ ဘာတွေ ညာတွေတော့ မသိပါဘူး၊ ကိုယ့်လူလွတ်တာပဲ လိုချင်တာပေါ့နော်။ အခု ဒီမှာ ပြောနေကြတာ လွတ်နိုင်တယ် ဘာညာ ဆိုကတည်းက ကိုယ်က အဲဒါကို မျှော်လင့်နေတာပေါ့။ အစိုးရသစ် ဆိုတော့လည်း ပိုမျှော်လင့်တာပေါ့။”

ဒီမျှော်လင့်ချက်တွေကို ဖြစ်လာစေတဲ့ နောက်ထပ် အကြောင်းရင်းတွေကတော့ အင်ဒိုနီးရှားနိုင်ငံမှာ စတင် ကျင်းပနေပြီဖြစ်တဲ့ အာဆီယံ ထိပ်သီး ဆွေးနွေးပွဲ တွေကြောင့်လည်း ပါပါတယ်။ ဒီဆွေးနွေးပွဲကို သမ္မတ ဦးသိန်းစိန် တက်မှာမို့ အာဆီယံ နိုင်ငံ တွေကြားမှာ မြန်မာ့အရေး ပြောဆိုမှုတွေ၊ ဖိအားပေးမှုတွေ ရှိလာနိုင်တဲ့အပေါ် နိုင်ငံရေး အကျဉ်းသားတွေ လွှတ်ပေးပါတယ်ဆိုတဲ့ အကြောင်းနဲ့ တုံ့ပြန်နိုင်ဖို့တွေ ရှိတယ်ဆိုတဲ့ တွက်ချက်မှုတွေကြောင့်လည်း ပါဝင်ပါတယ်။

ဒါကြောင့် မနေ့ကနဲ့ ဒီနေ့တွေမှာတော့ နိုင်ငံရေး အကျဉ်းသားတွေ လွတ်လာနိုင်တယ်ဆိုတဲ့ ထင်မြင်ချက်တွေနဲ့ အင်းစိန်ထောင်ရှေ့မှာ သတင်းသမားတွေ စောင့်ဆိုင်းခဲ့ပေမဲ့ ဒီနေ့အချိန်ထိတော့ ဘာသတင်းမှ မထူးလာသေးပါဘူး။

“မနက်မိုးလင်းကတော့ ရဲရယ်၊ ပေါ်ပေါ်ထင်ထင် သွားနေတဲ့ SB တယောက် လာမေးတယ်။ အခုညနေပိုင်းမှာ ဘာမှမရှိဘူး။ နောက် မီဒီယာတွေ ရှိတယ်။ မီဒီယာတွေက ဟိုနားတစု၊ ဒီနားတစုနဲ့ ရှိတယ်။ နိုင်ငံရေး အကျဉ်းသား မိသားစုတွေကတော့ တယောက်တလေတော့ သတင်းကြားလို့ လာမေးတာတို့၊ မေးပြီး ပြန်သွားတာပေါ့။ ဒီ့ပြင် မရှိပါဘူး။”

ဒီနေ့ အင်းစိန်ထောင်ရှေ့က အခြေအနေ ဖြစ်ပါတယ်။

ဒီလို အနေအထားတွေ အားလုံးကို ကြည့်ခြင်းအားဖြင့် အစိုးရသစ်ထဲက ထိပ်တန်း ခေါင်းဆောင်ပိုင်းတွေထဲမှာရော၊ အာဏာကနေ အနားယူသွားပြီလို့ ပြောနေတဲ့ စစ်ထိပ်တန်း ခေါင်းဆောင်ပိုင်းကြီးတွေ ကြားမှာပါ သဘောတူညီချက်တွေ မရနိုင်သေးတဲ့ အချက်တွေကြောင့် ဖြစ်နိုင်တယ်လို့ နှစ်ရှည် နိုင်ငံရေး အကျဉ်းသားဟောင်း တဦးဖြစ်တဲ့ ဦးဝင်းထိန်က သုံးသပ်ပါတယ်။

“General Amnesty ခေါ်တဲ့ အထွေထွေ လွတ်ငြိမ်းချမ်းသာခွင့် လာလိမ့်မယ်လို့ ထင်ခဲ့တာ။ အခု အချိန်က လနဲ့ချီ ကြာသွားပြီ။ အခုထက်ထိ မလာဘူးဆိုတော့ ကျနော်ကိုယ်တိုင်လည်း အံ့အားသင့်တယ်။ တဘက်ကလည်း စဉ်းစားကြည့်တော့ သူတို့ဘက်က ဗိုလ်ချုပ်ကြီး ခင်ညွန့်တို့ အဖွဲ့ကို လွှတ်ပေးသင့်သလား၊ လွှတ်မပေး သင့်ဘူးလား သူတို့ စဉ်းစားပြီး အတွေးခေါင်နေသလား၊ ဒါတချက်။

“နောက်တချက်က မင်းကိုနိုင်တို့ ကိုကိုကြီးတို့ဆိုတဲ့ ပုဂ္ဂိုလ်တွေကိုလည်း ၆၅ နှစ် ချထားတော့ သူတို့ကလည်း ထွက်လာရင် နိုင်ငံရေးအရ လှုပ်ရှားမှု ဆက်လုပ်မယ်ဆိုတော့၊ သူတို့ အစိုးရကလည်း နိုင်ငံတကာက လှိုက်လှိုက်လှဲလှဲ မကြိုဆိုသေးတဲ့ အခါကြတော့ စိုးရိမ်ပြီး ထိန်းထားသလားတော့ မသိဘူး။ တွေးမိတာပဲ။ အခု မလာဘူး ဆိုတဲ့အခါကြတော့ ဒီကိစ္စနဲ့ ပတ်သက်ပြီး သူတို့အထဲမှာရော အရင်က အာဏာကိုင်ထားတဲ့သူတွေ ကြားထဲ မှာရော ညှိနှိုင်းလို့ ရဟန်မတူဘူး ဆိုပြီးတော့ ဖြစ်နေတယ်လို့ ကျနော် ထင်ပါတယ်။”

နှစ်ရှည် နိုင်ငံရေး အကျဉ်းသားဟောင်းတဦး ဖြစ်ခဲ့တဲ့ ဦးဝင်းထိန် ပြောပြခဲ့တာ ဖြစ်ပါတယ်။

မြန်မာနိုင်ငံထဲမှာ နိုင်ငံရေးမှုတွေနဲ့ အကျဉ်းချခံထားရသူပေါင်း ၂,၀၀၀ ကျော် ရှိနေပြီး နှစ်ရှည်ထောင်ဒဏ်တွေနဲ့ မြို့ပြနဲ့ ဝေးလံလှတဲ့ နယ်ထောင်တွေမှာ ဖမ်းဆီးချုပ်နှောင် ခံထားရတာ ရှိသလို ကျန်းမာရေး အခြေအနေ ဆိုးရွားသူတွေ၊ ထောင်ဝင်စာ ပုံမှန်မရကြတဲ့ ပြဿနာတွေအပြင် လွတ်ရက်ပြည့်ပေမဲ့လည်း အခုချိန်ထိ ဆက်လက် ချုပ်နှောင်ခံထားရတဲ့ နိုင်ငံရေး အကျဉ်းသားတွေလည်း ရှိနေပါတယ်။

Ref;VOA

Read More...

ပြည်မြို့ မျိုးသုခ ဆေးခန်း တာဝန်မဲ့မှု အရေးယူရန် ဝန်ကြီးအမိန့် စောင့်နေရ

သင်းအောင်
05 May 2011

ပြည်မြို့ရှိ ပုဂ္ဂလိက ဆေးခန်းကြီးဖြစ်သည့် မျိုးသုခ အထူးကု ဆေးခန်း၏ တာဝန်မဲ့မှုကြောင့် သေဆုံးခဲ့သူ ကိုနေဇာမင်း (၃၄ နှစ်) နှင့် ပတ်သက်၍ မြန်မာနိုင်ငံ ဆေးကောင်စီမှ စုံစမ်းစစ်ဆေးမှုများ ပြုလုပ်သော်လည်း ၂ လကျော်သည်အထိ ရဲအရေးပိုင်အမှုအဖြစ် လွှဲပြောင်းပေးခြင်း မရှိသေးကြောင်း သေဆုံးသူ၏ဖခင် ဦးမောင်မောင် က ပြောသည်။

ဦးမောင်မောင်က “ဒီအမှုကို စွဲချက် မတင်သေးလို့ ပြည်မြို့ အမှတ် (၂) ရဲစခန်းကို လှမ်းမေးတယ်။ မြန်မာနိုင်ငံ ဆေးကောင်စီရဲ့ ညွှန်ကြားချက် တစုံတရာ မရရှိသေးလို့ အခက်အခဲ ရှိနေကြောင်း ပြန်ကြားပါတယ်။ ဒါနဲ့ ပြည်မြို့ ကျန်းမာရေးတာဝန်ခံကိုမေးတော့ ဖေဖော်ဝါရီ ၉ ရက်နေ့ကတည်းက စစ်ဆေးချက်တွေ ပေးပို့ပြီးဖြစ်ကြောင်း၊ ကျန်းမာရေးဝန်ကြီး ခွင့်ပြုမှ ဆေးကောင်စီရဲ့ စစ်ဆေးချက် မှတ်တမ်းမိတ္တူတွေကို ရဲလက်ထဲ ပေးပို့မှာ ဖြစ်ပါတယ်လို့ သိရတယ်” ဟု ဆိုသည်။

ယခု သမ္မတ ဦးသိန်းစိန် အစိုးရတွင် ပြည်ထောင်စု ကျန်းမာရေး ဝန်ကြီးမှာ ဒေါက်တာ ဖေသက်ခင်ဖြစ်သည်။

ကိုနေဇာမင်းသည် အသည်းရောင် အသားဝါဖြစ်သဖြင့် ပြည်မြို့မှ သမားတော်ကြီး ဒေါက်တာ ခင်မောင်ညွန့်၏ ကိုယ်ပိုင် ဆေးခန်းတွင် ပြသခဲ့သည်။ ဆရာဝန်ကြီးက အခြေအနေ ကောင်းသည်ဟု ပြောဆိုပြီးနောက် ဆရာဝန်ကြီးပင် ထိုင်သည့် တခြားအထူးကုဆေးခန်းဖြစ်သော မျိုးသုခ ဆေးခန်းတွင် ဇန်န၀ါရီ ၉ ရက် မနက်ပိုင်းတွင် တင်ခဲ့သည်။

သူနာပြုများနှင့် တာဝန်ကျဆရာဝန်က မကြပ်မတ်ခြင်း၊ မသင့်လျော်သည့် ဆေးဝါးများ ပေးခြင်းကြောင့် နောက်တနေ့ နံနက်တွင်
လူနာသည် တာဝန်ကျ တဦးတယောက်မှ အနီးနား မရှိဘဲ ကွယ်လွန်ခဲ့သည်။ ထို့နောက် ဆေးရုံအုပ် ဆရာဝန်ကြီး၊ မန်နေဂျာ၊ ဓာတ်ခွဲခန်းမှူး၊ တာဝန်ကျသူနာပြုများနှင့် ဆေးခန်းပိုင်ရှင်တို့က လာရောက်ကန်တော့ တောင်းပန်သော်လည်း မိဘများက လက်မခံဘဲ တရားစွဲဆိုရန်ပြင်ဆင်ခဲ့ပြီး မြန်မာနိုင်ငံ ဆေးကောင်စီသို့လည်း တိုင်းကြားခဲ့ခြင်း ဖြစ်သည်။

ဦးမောင်မောင်က “ဖေဖော်ဝါရီ ၅ ရက်မှာ မြန်မာနိုင်ငံ ဆေးကောင်စီအဖွဲ့ ပြည်မြို့ ရောက်လာတယ်။ တိုင်းကျန်းမာရေးရုံးမှာ ပြည်မြို့ တိုင်းကျန်းမာရေးမှူး ဒေါက်တာ ထွန်းအောင်ကြည် အပါအ၀င် တာဝန်ရှိသူတွေ ကျနော်တို့ကို ခေါ်ယူ စစ်ဆေးခဲ့ပါတယ်” ဟု ပြောသည်။

မျိုးသုခ အထူးကု ဆေးခန်းမှ သေမှုသေခင်း ကိစ္စသည် ယခုနှစ် ဇန်နဝါရီလ ၂၇ နေ့တွင် ပြည်ပအခြေစိုက် ဧရာဝတီ သတင်း ဌာန၌ ဖော်ပြပါရှိလာခြင်းကြောင့် ကျန်းမာရေးဝန်ကြီးဌာန၏ ညွှန်ကြားမှုဖြင့် ယခုကဲ့သို့ ရှေးဦးစစ်ဆေးမှု လာရောက်ပြုလုပ်ရခြင်း ဖြစ်ကြောင်း မြန်မာနိုင်ငံ ဆေးကောင်စီမှ ထိုစဉ်က ပြောကြားခဲ့သည်ဟု သိရသည်။

ယင်းသို့ စစ်ဆေးစဉ် မျိုးသုခ ဆေးခန်း တာဝန်ရှိသူ သမားတော်ကြီး ဒေါက်တာ ခင်မောင်ညွန့်က လူနာအား Ceftriaxone ဆေး သုံးစွဲရန် ညွှန်ကြားခြင်းမရှိဟု ထွက်ဆိုခဲ့သည်။ သို့သော် အခင်းဖြစ်ပွားရာနေ့တွင် တာဝန်ကျသော ဆရာဝန်၊ သူနာပြုများကမူ ဒေါက်တာ ခင်မောင်ညွန့် ညွှန်ကြား၍ အဆိုပါဆေး သုံးခဲ့ရသည်ဟု ခြားနားစွာ ထွက်ဆိုခဲ့ကြသည်။

လူနာအတွက် အဆိုပါဆေး သုံးစွဲခဲ့မှုနှင့် ပတ်သက်၍ ပြည်မြို့မှ အထူးကုသမားတော်ကြီးတဦးကမူ “သေဆုံးသူရဲ့ ဆေးမှတ်တမ်း၊ ငွေသွင်းပြေစာတွေမှာ Ceftriaxone IV ဆေးကို အကြိမ်ကြိမ် သုံးစွဲထားတယ်လို့ ဖော်ပြထားတယ်။ ဒီဆေးဟာ အသည်း၊ ကျောက်ကပ် မကောင်းသူတွေ မသုံးသင့်ကြောင်း Myanmar Phamacetical Index 2010 - Pg.22 မှာ သတိပေးဖော်ပြထားတယ်” ဟု ထောက်ပြသည်။

သေဆုံးသူ၏ ဖခင် ဦးမောင်မောင်က “ဆေးရုံ ဆေးခန်းရောက်ပြီး နာရီ ၂၀ အတွင်း တာဝန်ကျဝန်ထမ်းတွေရဲ့ တာဝန်မဲ့မှု၊ မတည့်တဲ့ဆေးဝါးတွေ သုံးစွဲခဲ့မှုကြောင့် လူနာဟာ မသေသင့်ဘဲ သေဆုံးခဲ့ရတယ်။ အဲလို သေဆုံးခဲ့ရင် ဆေးရုံ လုပ်ထုံးလုပ်နည်း အရ ၂၄ နာရီအတွင်းမှာ ရင်ခွဲ စစ်ဆေး (Post-Mortem) ရမယ်။ ဒါပေမယ့် ကျနော့်သား သေဆုံးပြီးချိန်မှာ Post-Mortem မလုပ်ဘဲ အလောင်းကို ပြန်သယ်ခွင့်ပေးခဲ့တာဟာ မရိုးသားမှုပဲ” ဟု ထင်မြင်ချက်ပေးသည်။

ပြီးခဲ့သည့် ဖေဖော်ဝါရီ ၇ ရက်တွင် အမှတ် (၂) ရဲစခန်းမှ တာဝန်ရှိသူများနှင့် မှုခင်းဆရာဝန်ကြီးတို့က သရက်မြို့သင်္ချိုင်းရှိ ကွယ်လွန်သူ၏ အုတ်ဂူကို ဖွင့်ဖောက်ကာ Post-Mortem ပြုလုပ် စစ်ဆေးပြီး အသည်းခြောက်ကြွေ၍ သေဆုံးခြင်း မဟုတ်ဟု မှုခင်းဆရာဝန်ကြီးက မှတ်ချက်ပေးခဲ့ကြောင်း သိရသည်။

ထို့အပြင် မျိုးသုခ ဆေးခန်း ကျသင့်ငွေပြေစာတွင် လူနာအား အသက်ကယ်ဆေး သုံးစွဲခဲ့ကြောင်း ဖော်ပြခြင်း ရှိ မရှိ တခြား သမားတော်တဦးအား ပြသအကူအညီတောင်းခံရာ တန်ဖိုးကြီးမြင့်၍ အာနိသင်ထက်မြက်သော အသက်ကယ်ဆေးများ သုံးစွဲခဲ့ခြင်း မရှိဟု အဖြေပေးခဲ့ကြောင်း ဦးမောင်မောင်က ပြောသည်။

လူနာအား သေစေရန် ပူးပေါင်းကြံစည်ခဲ့သည်ဟူသော ယူဆချက်ဖြင့် မျိုးသုခ ပုဂ္ဂလိက ဆေးခန်း တာဝန်ရှိသူတို့အား သေဆုံးသူ၏ မိဘများက (ပ) ၃၉/၂၀၁၁ ပြစ်မှု ၃၀၄ (က) ဖြင့် အမှတ် (၂) ရဲစခန်း၌ အမှုဖွင့် တရားစွဲဆိုထားသည်။

ထို့အပြင် နိုင်ငံတော် သမ္မတ၊ ပဲခူးတိုင်းဒေသကြီး ၀န်ကြီးချုပ်၊ ကျန်းမာရေးဝန်ကြီးနှင့် ရဲချုပ်တို့ထံသို့လည်း ဧပြီ ၂၉ နေ့စွဲဖြင့် တိုင်ကြားစာများ ပေးပို့ထားသေးကြောင်း သိရသည်။

၂၀၀၉ ခုနှစ် အောက်တိုဘာလ အတွင်းကလည်း ရန်ကုန်မြို့ ရွှေဂုံတိုင် အထူးကုဆေးခန်း (SSC) တွင် သေဆုံးခဲ့သော အသက် ၁၅ နှစ်အရွယ် မခိုင်ရွှန်းလဲ့ရည်ကို ခွဲစိတ်ကုသခဲ့သည့် ဆရာဝန်ကြီး ဒေါက်တာ ကြည်စိုးအား တာဝန်မယူမှု၊ မှားယွင်းကုသမှု နှင့် ဆုံးဖြတ်ချက် မှားယွင်းမှု ဟူသော ပြစ်ချက် ၃ ရပ်ဖြင့် မြန်မာနိုင်ငံ ဆေးကောင်စီက ဆေးကုသခွင့် ၅ နှစ် ပိတ်ပင်ခဲ့ဖူးသည်။

Ref;Irrawaddy

Read More...

ဗိ်ုလ်ချုပ်ကြီး မင်းအောင်လှိုင် တရုတ်နိုင်ငံ သွားမည်

05 May 2011

တပ်မတော် ကာကွယ်ရေး ဦးစီးချုပ်အသစ် ဗိုလ်ချုပ်ကြီး မင်းအောင်လှိုင် ယခုလအတွင်း တရုတ်နိုင်ငံသို့ သွားရောက် လည်ပတ်မည်ဟု စစ်ဘက်အသိုင်းအ၀န်းမှ သိရသည်။

ယခုခရီးစဉ်သည် ဗိုလ်ချုပ်ကြီး မင်းအောင်လှိုင် ကာကွယ်ရေးဦးစီးချုပ်အဖြစ် ပြောင်းလဲတာဝန်ယူပြီး နောက် ပထမဆုံး ခရီးစဉ်ဖြစ်ပြီး နယ်စပ်ဒေသတွင် ဖြစ်ပွားနေသည့် တိုင်းရင်းသား အရေးကိစ္စများကို ဆွေး နွေးလိမ့်မည်ဟု စစ်ဘက်အသိုင်းအ၀န်းနှင့် နီးစပ် သူတဦးက ပြောသည်။

၎င်းက ဆက်လက်၍ “ဦးစီးချုပ်အသစ် တယောက် အနေနဲ့ အစဉ်အလာအရ သွားတာအပြင် နှစ်နိုင်ငံ စစ်ဘက်ဆိုင်ရာ ကိစ္စတွေလည်း ဆွေးနွေး လိမ့်မယ်” ဟု ဆိုသည်။

ပြီးခဲ့သည့် မတ်လကုန်တွင် ဗိုလ်ချုပ်မှူးကြီး သန်းရွှေက ကာကွယ်ရေး ဦးစီးချုပ်ရာထူးကို ဗိုလ်ချုပ်ကြီး မင်းအောင်လှိုင်သို့ လွှဲပြောင်း ပေးခဲ့သည်။

ဗိုလ်ချုပ်ကြီး မင်းအောင်လှိုင်သည် ပြီးခဲ့သည့်နှစ် စက်တင်ဘာလ အတွင်းကလည်း ဗိုလ်ချုပ်မှူးကြီး သန်းရွှေနှင့်အတူ တရုတ်နိုင်ငံသို့ သွားရောက်ခဲ့သေးသည်။

ကာကွယ်ရေး ဦးစီးချုပ်အသစ်၏ တရုတ်နိုင်ငံသို့ သွားရောက်မည့်ခရီးစဉ် ထွက်ပေါ်လာချိန်သည် နယ်စပ်ဒေသရှိ ‘၀’ ပြည်သွေးစည်း ညီညွတ်ရေး အဖွဲ့ (UWSA)၊ ကချင်လွတ်လပ်ရေး တပ်မတော် (KIA )၊ အမျိုးသား ဒီမိုကရေစီ မဟာမိတ် တပ်မတော် (NDAA) မိုင်းလား အဖွဲ့များနှင့် နယ်ခြားစောင့်တပ် ပြောင်းလဲဖွဲ့စည်းရေးနှင့် ပတ်သက်ပြီး တင်းမာမှုများရှိနေပြီး ရှမ်းပြည် တပ်မတော် မြောက်ပိုင်း (SSA – N) နှင့် တိုက်ပွားများ ဖြစ်ပွားနေချိန်နှင့် တိုက်ဆိုင်နေ သည်။

ဗိုလ်ချုပ်ကြီး မင်းအောင်လှိုင်သည် နယ်စပ်ဒေသရှိ တိုင်းရင်းသားများ အရေးနှင့် ပတ်သက်လျှင် သဘောထားတင်းမာသူ တဦးအဖြစ် တပ်အတွင်းသတင်းများအရ သိရပြီး ကစထမှူးအဖြစ် တရုတ်နယ်စပ်တွင် တာဝန်ယူစဉ် ၂၀၀၉ ခုနှစ် စက်တင်ဘာလ အတွင်းက ကိုးကန့်အပစ်ရပ်အဖွဲ့ (MNDAA) ကို တိုက်ခိုက်ပြီး ခေါင်းဆောင် ဖုန်ကျားရှင်ကို ဖြုတ်ချခဲ့သည်။

မကြာသေးမီက အာဏာလွှဲပြောင်းရယူခဲ့သည့် သမ္မတ ဦးသိန်းစိန် ခေါင်းဆောင်သော အစိုးရ သစ်ကလည်း ပြည်ထောင်စု အစိုးရ၏ အာဏာစက်သည် နယ်စပ် အစွန်အဖျားထိ ရောက်ရှိရန် အရေးကြီးကြောင်း၊ သို့မှသာ အုပ်ချုပ်ရေးနှင့် တရားစီရင်ရေးတို့ ပီပြင်အောင် ဆောင်ရွက်နိုင်မည်ဖြစ်ကြောင်း ပြီးခဲ့သည့်လ ၂၃ ရက်နေ့က ပြုလုပ်သည် အစိုးရအစည်းအဝေးတွင် ပြောဆိုခဲ့သည်။

သို့သော် လေ့လာသူများ အဆိုအရ သမ္မတသစ် ဦးသိန်းစိန်အစိုးရသည် မြန်မာနိုင်ငံရေးတွင် အဓိကျသည့် ပြဿနာတခုဖြစ်သည့် တိုင်းရင်းသားများအရေးနှင့် ပတ်သက်၍ ဆွေးနွေး အဖြေရှာရန် လိုလားခြင်း မရှိဘဲ လက်နက်ဖြင့် ဖြေရှင်းမည်ဟု ထင်မြင်ကြောင်း ပြောဆိုသည်။

အပြန်အလှန်အားဖြင့် တရုတ်စစ်ကော်မရှင် ဒုတိယ ဥက္ကဋ္ဌ ဗိုလ်ချုပ်ကြီး ရှီချိုင်ဟုန်သည်လည်း မြန်မာနိုင်ငံသို့ လာရောက် လည်ပတ်မည်ဟု သိရသည်။

Ref;Irrawaddy

Read More...

ခဲမိုင်း အလုပ်သမား ၂ဝ ကျော် ခဲဆိပ်သင့်

ကွန်းချမ်း
မေလ ၀၄ ရက် ၂၀၁၁ ခုနှစ်

ထိုင်း-မြန်မာနယ်စပ် ကရင်ပြည်နယ် ဘုရားသုံးဆူ ဒေသဝန်းကျင်၌ ခဲသတ္တု တူးဖော်နေသည့် သုဇနပွင့် သတ္တုတွင်း ကုမ္ပဏီ လီမိတက်မှ သတ္တုမိုင်း အလုပ်သမား ၂ဝ ကျော် ခဲဆိပ်သင့် ဝေဒနာ ခံစားနေရကြောင်း အလုပ်သမားများ အဆိုအရ သိရသည်။

လုပ်ငန်းခွင် အတွင်းရှိ ချောင်းရေကို အသုံးပြုရာမှ ဝေဒနာ စတင်ခံစားရပြီး ကုမ္ပဏီက တာဝန်ယူ ကုသ ပေးခြင်း မရှိသေးကြောင်း သိရှိရခြင်း ဖြစ်သည်။

“အရေပြားမှာ အဖုတွေ တကိုယ်လုံး ပေါက်တယ်။ နောက်တော့ အော့အန်တာတို့၊ မူးတာတို့ ဖြစ်တယ်။ ကုမ္ပဏီက ဘာမှ မလုပ်ပေးတော့ လောလောဆယ် ဆေးမြီးတိုနဲ့ပဲ ဟိုပွတ်ဒီပွတ်၊ ဟိုလူးဒီလူး လုပ်နေ တယ်” ဟု ခဲမိုင်း အလုပ်သမား တဦးက မဇ္ဈိမ ကို ပြောသည်။

အခြား အလုပ်သမား တဦးကလည်း “အလုပ်သမား တန်းလျားမှာ မနေ့က ကျနော် တွေ့လိုက်တယ်။ တကိုယ်လုံး နီနေတာပဲ။ အဖျားလည်း တက်နေကြ တယ်။ ဒါပေမဲ့ အသက် အန္တရာယ်တော့ စိုးရိမ်စရာ မရှိဘူး” ဟု ပြောသည်။

သတ္တုတွင်း ဝန်ကြီးဌာန၏ ခွင့်ပြုချက်ဖြင့် အောင်မြေ၊ သပြု၊ မြသန်း၊ အောင်ရွှေ၊ နဝရတ်၊ သုဇနပွင့် စသည့် ကုမ္ပဏီများက ကရင် အမျိုးသား အစည်းအရုံး KNU နှင့် နားလည်မှု ယူကာ ခဲသတ္တုများကို တူးဖော်နေသည်။

သုဇနပွင့် ကုမ္ပဏီက လွန်ခဲ့သည့် ၂ လခန့်တွင် ဘုရားသုံးဆူမြို့၏ အရှေ့မြောက်ဘက် ကီလိုမီတာ ၃ဝ ခန့်အကွာ ထုတ်လုပ်ခွင့်ရ ဧက ၆ဝဝ ခန့်ရှိ သင်္ဘောပင် ခဲမိုင်းကွင်းမှ ခဲသတ္တုများကို စတင် ထုတ်လုပ်ခဲ့ပြီး တန်ချိန် ၅ဝဝ ထုတ်လုပ် ရရှိပြီးဖြစ်ကြောင်း နီးစပ်သူများထံမှ သိရသည်။

မန်နေဂျင်း ဒါရိုက်တာ ဦးဝင်းလှိုင် ပိုင်ဆိုင်သည့် သုဇနပွင့် ကုမ္ပဏီက KNU နယ်မြေအတွင်း ခဲသတ္တု တူးဖော်ခွင့် ရရန် ၂ဝဝ၇ ခုနှစ်မှ သတ္တုတွင်း ဝန်ကြီးဌာနတွင် လျှောက်ထားခဲ့ပြီး ၂ဝ၁၁ ခုနှစ်တွင် တရားဝင် တူးဖော်ခွင့်ရခဲ့သည်။

ကုမ္ပဏီများက တူးဖော်ရရှိသည့် ခဲရိုင်းတုံးများကို ထိုင်းနိုင်ငံသို့ တင်ပို့ရန်အတွက် ဘုရားသုံးဆူမြို့ ၈ နေရာ၌ လာရောက်စုပုံ ချထားပြီး တပုံလျှင် အိတ် ၆ဝဝ ခန့် ရှိကြောင်း မြို့ခံများကလည်း ပြောဆိုကြသည်။

KNU နယ်မြေအတွင်း ခဲသတ္တု တူးဖော်ရေး လုပ်ငန်းကို လွန်ခဲ့သည့် ၂ဝဝ၃ -၂ဝဝ၄ ခုနှစ်တွင် သပြုသတ္တုတွင်း ကုမ္မဏီ လီမိတက်မှ စတင်လုပ်ကိုင်ခဲ့ပြီး၊ ဘုရားသုံးဆူမြို့ တောင်ဝိုင်း ရပ်ကွက် တွင် ခဲသန့်စင် စက်ရုံကို ဆောက်လုပ်ခဲ့သည်။

“ကျနော်တို့ နယ်မြေက သစ်တွေ၊ ကျောက်တွေ ဝယ်ဖို့ အများကြီး ဝင်လာတယ်။ သစ်ကတော့ ကျနော်တို့ ပိတ်ထားတယ်။ ကျောက်ကတော့ ကျနော်တို့ ဒေသခံရဲ့ သဘောထားကို စုံစမ်းပြီးမှ တူးခွင့်ပေးခဲ့တယ်” ဟု KNU တပ်မဟာ ၆ မှ အရာရှိတဦးက မဇ္ဈိမကို ပြောသည်။

မြို့တွင်းရှိ ရေတွင်းများနှင့် တောင်ဝိုင်းရပ်ကွက်ရှိ ဥဒေါင်းကန်ထဲသို့ ခဲဓာတ်များ စိမ့်ဝင်ပြီး၊ ငါးနှင့် တိရစ္ဆာန်များ သေဆုံးခြင်း၊ လူများ ရောဂါဝေဒနာ ခံစားရခြင်းတို့ကြောင့် ၂ဝဝ၅ ခုနှစ်တွင် အာဏာပိုင်များက ခဲသန့်စင် စက်ရုံကို ပိတ်ပစ်ခဲ့သည်။

ယခု စုပုံထားသည့် ခဲရိုင်းတုံးများမှာ ဘုရားသုံးဆူမြို့တွင် သန့်စင်မည် မဟုတ်ဘဲ ထိုင်းနိုင်ငံသို့ တင်ပို့ရန်အတွက် ခေတ္တ ချထားခြင်းသာ ဖြစ်သော်လည်း မိုးရွာသွန်းပြီး ခဲဓာတ်များ ရေထဲ ပျော်ဝင်ခြင်းကြောင့် ငါးများနှင့် စိုက်ခင်းများ ပျက်စီးနေကြောင်း ဒေသခံများက ပြောသည်။

“ခဲကို လုပ်လို့ရှိရင် ကန့်ထွက်လာတယ်။ အဲဒီကန့်ဟာ လေထုထဲကို လွင့်သွားရင် ကန့်မိုး ရွာတယ်။ ရှူမိရင် တကိုယ်လုံး နီရဲပြီး ယားယံတာတို့၊ ကိုယ်လက် ကိုက်ခဲတာတို့ ဖြစ်တတ်တယ်။ ရိုးတွင်းချဉ်ဆီ ခန်းပြီး သေနိုင်တယ်။ ရေထဲဝင်လို့ ရှိရင် ငါးတွေ သေတယ်။ အဆိုးဆုံးကတော့ လူရဲ့ အသည်းနဲ့ အဆုတ်ကို ထိခိုက်တယ်။ သွေးကို ထိခိုက်တယ်။ တဖြည်းဖြည်း သွေးအားနည်း လာရင် လူဟာ သေနိုင်တယ်” ဟု ဘုရားသုံးဆူမြို့ခံ ဆရာဝန် ဒေါက်တာစိုးဝင်းက ပြော သည်။

ခဲ ၄ဝ ရာခိုင်နှုန်း ပါဝင်သည့် ခဲရိုင်းတုံးများကို ထိုင်းကုမ္ပဏီများက တတန်လျှင် ထိုင်းဘတ်ငွေ ၂ သောင်းမှ ၃ သောင်းကြား ဝယ်ယူလျက် ရှိပြီး နေ့စဉ် ထိုင်းနိုင်ငံသို့ တင်ပို့နေသည်ဟု ခန့်မှန်း ရသည်။

Ref;Mizzima

Read More...

မြန်မာပါ ပြန်ပေးဆွဲ သင်္ဘော အဆက်အသွယ် မရ

ကျော်ခ
မေလ ၀၄ ရက် ၂၀၁၁ ခုနှစ်

ဆိုမာလီ ပင်လယ်ဓားပြများ ပြန်ပေး ဆွဲသွားသည့် မြန်မာ သင်္ဘောသား ၃ ဦးပါ စင်္ကာပူ အခြေစိုက် Glory Ship Management ပိုင် MV GEMINI ကုန်တင်သင်္ဘောသည် ၄ ရက်ကြာ ပြီဖြစ်သော်လည်း ကုမ္ပဏီနှင့် အဆက်အသွယ် ပြတ်နေသေးကြောင်း မြန်မာနိုင်ငံ ရန်ကုန် အခြေစိုက် ရုံးခွဲက ပြောသည်။

ဓားပြများက ဓားစားခံအဖြစ် ဖမ်းဆီးခေါ် ဆောင် သွားမှုတွင် သင်္ဘော အပါအဝင် မြန်မာနိုင်ငံသား သင်္ဘောဝန်ထမ်း ၃ ဦး နှင့် အင်ဒိုနီးရှား ၁၃ ဦး၊ တရုတ် ၅ ဦး၊ တောင်ကိုရီးယား ၄ ဦး ပါရှိသွားသည်။

တန်ချိန် ၂၁ဝဝဝ ကျော် စားသုံးဆီနှင့် ကုန်များ တင်ဆောင်ကာ မလေးရှားမှ ကင်ညာသို့ ထွက်ခွါလာသည့် MV GEMINI သင်္ဘောသည် ဧပြီ ၃ဝ ရက်နေ့က ကင်ညာနှင့် ရေမိုင် ၁၈ဝ ခန့်အကွာတွင် ဓားပြများက သင်္ဘောကို ဝင်ရောက် စီးနင်းကာ ခေါ်ဆောင်သွားခြင်း ဖြစ်သည်။

သင်္ဘောသားများ အမြန်ဆုံး လွတ်မြောက်နိုင်ရန် စင်္ကာပူ ရုံးချုပ်က ဆောင်ရွက်မည်ဖြစ်ပြီး၊ မြန်မာ သင်္ဘောသားများ၏ မိသားစုများကိုမူ ဗဟန်းမြို့နယ် ရှိ Glory Ship Management ရုံးခွဲက အကြောင်းကြားထားပေးကြောင်း ယင်းရုံးက ပြောဆိုသည်။ စင်္ကာပူအခြေစိုက် ရုံးချုပ်ကိုတော့ ဆက်သွယ်၍ မရပေ။

“လောလောဆယ်ကတော့ ဘာမှ အဆက်အသွယ် မရသေးဘူးပေါ့ဗျာ။ ပြန်ပေးသမားတွေကတော့ ခဏထားဦးမှာပေါ့။ ပြီးတော့မှ ဆက်သွယ် ခိုင်းပါလိမ့်မယ်။ အခုချိန်ထိတော့ အဆက်အသွယ် ပြတ်နေတယ်။ သူတို့ မိသားစုတွေကိုတော့ ကုမ္ပဏီကနေပြီးတာ့ အားလုံး အကြောင်းကြား ထားပြီးပါပြီ” ဟု ရန်ကုန်အခြေစိုက် ရုံးခွဲတာဝန်ရှိသူ တဦးက မဇ္ဈိမကို ပြောသည်။

ဓားပြများသည် ငွေကိုသာ လိုချင်၍ ဓားပြတိုက်၊ ပြန်ပေးဆွဲခြင်းများ ပြုလုပ်သောကြောင့် သင်္ဘောသားများ၏ အသက်အန္တရာယ် စိုးရိမ်စရာ မရှိသေးကြောင်းနှင့် ဓားပြများဘက်က မကြာမီ ဆက်သွယ် လာလိမ့်မည်ဖြစ်ကြောင်း ရန်ကုန်မြို့ အခြေစိုက် မြန်မာနိုင်ငံ ပင်လယ်ကူး သင်္ဘောသားများအသင်း ဗဟိုဦးစီးအဖွဲ့ဝင် ဦးဋ္ဌေးအောင်က မဇ္ဈိမကို ပြောသည်။

အလားတူ ၂ဝ၁ဝ ခုနှစ် ဒီဇင်ဘာ ၁ဝ ရက်နေ့တွင် မြန်မာသင်္ဘောသား ၂၃ ဦး ပါရှိသော လိုက်ဘေးရီးယား MV. Panama ကုန်တင်သင်္ဘောကို တန်ဇန်နီးယားနိုင်ငံ ဒါရက်စ်လမ်းမှ မိုဇမ်ဘစ်နိုင်ငံ ဘိုင်ယာသို့ အသွားလမ်း၌ ဆိုမာလီ ဓားပြများ ဖမ်းဆီးသွားခဲ့သည်မှာ ၅ လကျော်သော်လည်း ကုမ္ပဏီနှင့် ဓားပြများအကြား ယနေ့ထိ ညှိနှိုင်းပြေလည်မှု မရသေးကြောင်း အဆိုပါ ST.JOHNS SHIP MANAGEMENT ကုမ္ပဏီ၏ ရန်ကုန်ရုံးခွဲက ပြောသည်။

အဆိုပါ သင်္ဘောသားများ၏ ပုံမှန် လစာငွေများကိုလည်း ST.JOHNS SHIP MANAGEMENT ရန်ကုန်ရုံးခွဲမှပင် လစဉ် ထုတ်ပေးနေပြီး၊ ဓားပြများထံမှတဆင့် သင်္ဘောသားများသည် ရံဖန်ရံခါ ဆက်သွယ်လာကြောင်း အဆိုပါရုံး တာဝန်ရှိသူက ပြောသည်။

“ညှိနေတုန်းပဲ။ ဘာမှ မထူးခြားသေးဘူး။ ကျနော်တို့ အနေနဲ့တော့ အမြန်ဆုံး ပြီးမြောက်မယ်လို့ မျှော်လင့်ပါတယ်။ သူတို့ရဲ့ မိသားစုတွေကတော့ စိတ်ပူနေတာပေါ့ဗျာ” ဟု သူက မဇ္ဈိမကို ပြောသည်။

ယခုနှစ် ဇန်နဝါရီလ ၁၅ ရက်နေ့တွင်လည်း မြန်မာသင်္ဘောသား ၁၁ ဦး၊ ကိုရီးယား ၈ ဦးနှင့် အင်ဒိုနီးရှား ၂ ဦးတို့ လိုက်ပါသည့် ကိုရီးယားနိုင်ငံ Samho Jewelry ကုန်တင်သင်္ဘောကို အာရပ်ပင်လယ်ထဲ၌ ဆိုမာလီ ဓားပြများ ပြန်ပေးဆွဲအပြီး ၇ ရက်အတွင်း တောင်ကိုရီးယားရေတပ် ကွန်မန်ဒိုများက ဝင်ရောက် တိုက်ခိုက်ကာ ဓားစာခံ သင်္ဘောသားများကို ကယ်တင်ခဲ့သလို ဓားပြအချို့ကိုပါ ဖမ်းဆီးနိုင်ခဲ့သည်။

ကမ္ဘာ့ အရှေ့နှင့် အနောက် ရေကြောင်းဖြင့် ကူးသန်းရောင်းဝယ်ရာတွင် စရိတ်အကုန်အကျ သက်သာသလို အမြန်ဆုံး ရောက်ရှိနိုင်သည့် အရှေ့အာဖရိကတိုက် ဆိုမာလီနှင့် ယီမင်အကြားရှိ Aden ပင်လယ်ကွေ့မှတဆင့် အီဂျစ် စူးအက်တူးမြောင်းကို ဖြတ်သန်း၍ သယ်ယူပို့ဆောင်ကြသည်။ ဆိုမာလီ ဓားပြများသည်လည်း ထိုလမ်းကြောင်းတွင် လုယက်စီးနင်းမှုများ မကြာခဏ ပြုလုပ်လေ့ရှိသည်။

မြန်မာ သင်္ဘောသားများသည်လည်း ယင်းလမ်းကြောင်းမှ ပြေးဆွဲမည့် သင်္ဘောများကို ရှောင်ရှား လာသည်ကို တွေ့မြင်လာရသည်ဟု ဦးဋ္ဌေးအောင်က ပြောဆိုသည်။

“အချို့သင်္ဘောတွေက အဲဒီ စူးအက် တူးမြောင်းဘက်က ဖြတ်မယ်ဆိုလို့ မလိုက်ချင်ကြလို့ ပြန်ဆင်းလာကြတဲ့ သင်္ဘောသားတွေလည်း လေယာဉ်ပျံ စရိတ်တွေ ရှင်းကြ၊ ကုမ္ပဏီမှာ လျော်ကြေး ပြန်တောင်းကြနဲ့ ဒုက္ခမျိုးစုံ ပါပဲဗျာ” ဟု သူက ရှင်းပြသည်။

ရာသီဥတု ပုံမှန်မရှိဘဲ ဆင်းရဲမှုထူပြောသည့် ဆိုမာလီအနေဖြင့် အလုပ်ကိုင်ရှားပါးမှု၊ ငတ်မွတ်ခေါင်းပါးမှုကြောင့် ဓားပြတိုက်မှုများ ဖြစ်နေသဖြင့် ထိုကိစ္စများ ချုပ်ငြိမ်းလိုပါက ဆိုမာလီကို အမေရိကန်ကဲ့သို့ အင်အားကြီး နိုင်ငံများနှင့် ဥရောပနိုင်ငံများ၏ ထောက်ပံ့မှုများ ပေးနိုင်မှသာ ဓားပြရန်မှ လွတ်ကင်းမည်ဟု ဦးဋ္ဌေးအောင်က သုံးသပ်သည်။

Ref;Mizzima

Read More...

အပေါ်သို့