Friday, April 6, 2012

NLD နဲ့လက်တွဲ ဆောင်ရွက်မယ်လို့ ဦးသိန်းစိန်ပြော

2012-04-05

ကြားဖြတ်ရွေးကောက်ပွဲမှာ အမတ်နေရာအများစု အနိုင်ရခဲ့တဲ့ အမျိုးသားဒီမိုကရေစီ အဖွဲ့ချုပ်နဲ့ လက်တွဲ လုပ်ဆောင်သွားမယ်လို့ သမ္မတ ဦးသိန်းစိန်က မနေ့က ပြောလိုက်ပါတယ်။

မြန်မာနိုင်ငံ အေးချမ်းသာယာရေးနဲ့ တိုင်းပြည် စီးပွားရေး တိုးတက်အောင် ဆောင်ရွက်နိုင်ဖို့အတွက် အန်အယ်လ်ဒီနဲ့ လက်တွဲ ဆောင် ရွက် သွားမယ်လို့ ကမ္ဘောဒီးယားနိုင်ငံ ဖနွမ်ပင်မြို့မှာ အာဆီယံ ထိပ်သီးအစည်းအဝေး တက်ရောက်နေစဉ် ဂျပန်သတင်းဌာန NHK နဲ့ တွေ့ဆုံ မေးမြန်းစဉ်မှာ သမ္မတ ဦးသိန်းစိန်က ပြောခဲ့တာပါ။

မြန်မာနိုင်ငံ စီးပွားရေး တိုးတက်ဖို့ဆိုရင် အနောက်နိုင်ငံတွေက ချမှတ်ထားတဲ့ ပိတ်ဆို့ အရေးယူမှုတွေကို တဖြည်းဖြည်းချင်း လျော့ချ သွား မယ်လို့ ယုံကြည်ကြောင်းလည်း သမ္မတ ဦးသိန်းစိန်က ပြောပါတယ်။

အဲဒီလို ပိတ်ဆို့ အရေးယူမှုတွေ လျော့ချဖို့အတွက် အာဆီယံအဖွဲ့ကလည်း မြန်မာအစိုးရဘက်က ရပ်တည်ပြီး အနောက်နိုင်ငံတွေကို တောင်းဆိုသွားမယ်လို့ ပြောပါတယ်။

ဒီလကုန်ပိုင်းလောက်မှာ သမ္မတ ဦးသိန်းစိန်ဟာ ဂျပန်နိုင်ငံကို သွားရောက်မှာဖြစ်ပြီး ဂျပန်နိုင်ငံက နိုင်ငံရပ်ခြား အကူအညီ ODA ပြန်ပေးနိုင်ရေးအတွက် ဆွေးနွေးသွားမယ်လို့ ဆိုပါတယ်။

Ref: အာရ်အဖ်အေ

Read More...

တိုက်ပွဲ ဖြစ်နေတဲ့ တိုင်းရင်းသားဒေသတွေကို ILO သွားခွင့်ရပြီ

2012-04-05

အစိုးရတပ်တွေနဲ့ တိုက်ပွဲတွေဖြစ်နေတဲ့ တိုင်းရင်းသားဒေသတွေမှာ အပြည်ပြည်ဆိုင်ရာ အလုပ်သမားသမဂ္ဂများ အဖွဲ့ချုပ် (ILO) သွား ရောက် လေ့လာကြည့်ရှုဖို့ မြန်မာအစိုးရဘက်က သဘောတူ လက်မှတ် ရေးထိုးလိုက်ပါတယ်။

ဒါဟာ နယ်စပ်ဒေသတွေက လူ့အခွင့်အရေး အခြေအနေတွေကို နိုင်ငံတကာ အဖွဲ့တစ်ခုအနေနဲ့ ပထမဆုံးအကြိမ် တရားဝင် သွား ရောက် ကြည့်ရှုခွင့်ရတာ ဖြစ်ပါတယ်။

အရင်က ပဋိပက္ခဖြစ်နေတဲ့ ဒေသတွေဆီ ကုလသမဂ္ဂ အပါအ၀င် နိုင်ငံတကာ အဖွဲ့အစည်းတွေ သွားရောက်ခွင့်ကို အစိုးရက နှစ်ပေါင်း အတော်ကြာ ပိတ်ပင်တားမြစ်ခဲ့တာပါ။

အခုလို ILO အနေနဲ့ တိုင်းရင်းသားဒေသတွေက အခြေအနေတွေကို ကိုယ်တိုင်လာရောက် ကြည့်ရှုခွင့် ရတာဟာ ကောင်းတဲ့လက္ခဏာ တစ်ခုအဖြစ် ကချင်လွတ်မြောက်ရေးအဖွဲ့ KIO ရဲ့ပြောခွင့်ရပုဂ္ဂိုလ် ဦးလနန်က ပြောပါတယ်။

မတ်လတုန်းက ကာကွယ်ရေး ၀န်ကြီးဌာနနဲ့ နှစ်ဘက်သဘောတူ ချုပ်ဆိုခဲ့တဲ့ နားလည်မှု စာချွန်လွှာမှာ စစ်တပ်ရဲ့ လူ့အခွင့်အရေး ဆိုင်ရာ ချိုးဖောက်မှုတွေကို ILO အနေနဲ့ စုံစမ်းစစ်ဆေးဖို့ ခွင့်ပြုချက်ဟာ တကယ့်ကို အပြုသဘောဆောင်တဲ့ လုပ်ရပ်ဖြစ်တယ်လို့ ရန်ကုန် ILO ရုံးခွဲတာဝန်ခံ Steve Marshall က ပြောပါတယ်။

ဒါ့အပြင် ကာကွယ်ရေး ၀န်ကြီးဌာနကနေ နယ်စပ်ဒေသက ILO ရဲ့လုပ်ငန်းတွေမှာလည်း ပူးပေါင်းဆောင်ရွက်မှာ ဖြစ်တယ်လို့ Steve Marshall က ပြောပါတယ်။

ကုလသမဂ္ဂ လက်အောက်ခံ ILO အဖွဲ့အနေနဲ့ မြန်မာနိုင်ငံမှာ အလုပ်သမား အခွင့်အရေးရဖို့ အဓမ္မ လုပ်အားပေး ခိုင်းစေမှု ပပျောက်ဖို့နဲ့ ကလေးစစ်သား ပပျောက်ရေးတွေမှာ ဆောင်ရွက်ပေးနေပြီး ပြည်တွင်းက လူ့အခွင့်အရေး ချိုးဖောက်မှုတွေကိုလည်း နှစ်စဉ် အစီရင် ခံစာ ထုတ်ပြန်နေပါတယ်။

Ref: အာရ်အဖ်အေ

Read More...

ဒေါ်အောင်ဆန်းစုကြည်ကို အမေရိကန်လွှတ်တော် ရွှေတံဆိပ်ဆု ဇွန်လမှာ ပေးအပ်မည်

2012-04-05

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို အမေရိကန် လွှတ်တော်တရပ်လုံးက ဂုဏ်ပြုချီးမြှင့်ထားတဲ့ ၂၀၀၈ ခုနှစ် (Congressional Gold Medal) လွှတ်တော်ရဲ့ရွှေတံဆိပ်ဆုကို လာမယ့် ဇွန်လ ၂၀ ရက်နေ့မှာ အခမ်းအနားနဲ့ ပေးအပ်မှာ ဖြစ်တယ်လို့ အောက်လွှတ်တော် အမတ် Nancy Pelosi ရုံးက ဒီကနေ့ ပြောပါတယ်။

ဒီအခမ်းအနားအတွက် အောက်လွှတ်တော် ဥက္ကဋ္ဌ John Boehner ရုံးက စီစဉ်ဆောင်ရွက်မှာ ဖြစ်ပါတယ်။ ဒေါ်အောင်ဆန်းစုကြည် ကိုယ်တိုင် အခမ်းအနား တက်ရောက်ဖို့ ရှိမရှိ ဆိုတာကိုတော့ တရားဝင် မထုတ်ပြန်သေးပါဘူး။


ဧပြီလ ၁ ရက်နေ့က ကျင်းပပြီးစီးခဲ့တဲ့ ကြားဖြတ် ရွေးကောက်ပွဲမှာ ဒေါ်အောင်ဆန်းစုကြည်နဲ့ NLD ပါတီ ကိုယ်စားလှယ်တွေကို ပြည်သူတွေက ရွေးချယ် တင်မြှောက်ခဲ့တာဟာ မြန်မာပြည်ရဲ့အနာဂတ် ပိုပြီးကောင်းမွန်လာဖို့ အဆင့်တစ်ဆင့် တက်လှမ်းနိုင်ခဲ့တာ ဖြစ်တယ်လို့ အောက်လွှတ်တော်အမတ် Ms. Nancy Pelosi ရဲ့ မြန်မာ့ ရွေးကောက်ပွဲနဲ့ပတ်သက်တဲ့ ကြေညာချက်မှာ ဖော်ပြထားပါ တယ်။

ဒါ့အပြင် မြန်မာပြည်က ပြုပြင်ပြောင်းလဲရေးမှာ သမ္မတ အိုဘားမား အစိုးရရဲ့ ၀ိုင်းဝန်း ကြိုးပမ်းအားထုတ်မှုတွေကိုလည်း လွှတ်တော် အနေနဲ့ အသိအမှတ်ပြုကြောင်း ရေးသားထားပါတယ်။

မြန်မာအစိုးရအနေနဲ့ အပြောင်းအလဲ တကယ်လိုလားတယ် ဆိုတာကို ပြသတဲ့အနေနဲ့ ကျန်နေသေးတဲ့ နိုင်ငံရေး အကျဉ်းသားအားလုံး လွှတ်ပေးဖို့၊ သတင်းမီဒီယာနဲ့ အင်တာနက်သုံးစွဲမှုမှာ အကန့်အသတ်တွေကို အဆုံးသတ်ဖို့နဲ့ တိုင်းရင်းသား ဒေသတွေက လက်နက်ကိုင် တိုက်ပွဲတွေ ရပ်ဆိုင်းဖို့၊ စစ်မှန်တဲ့ ပြန်လည် သင့်မြတ်ရေးကို အကောင်အထည်ဖော် ဆောင်ရွက်ဖို့ စတဲ့အချက်တွေကို အောက်လွှတ် တော် အမတ် Nancy Pelosi က ကြေညာချက်မှာ တိုက်တွန်းသွားပါတယ်။

Ref: အာရ်အဖ်အေ

Read More...

မီးဘေးသင့်ရွာအတွက် ဒေါ်အောင်ဆန်းစုကြည် ငွေလှူ

2012-04-05

တစ်ရွာလုံးနီးပါး မီးလောင်သွားတဲ့ စစ်ကိုင်းတိုင်း၊ ယင်းမာပင်မြို့နယ်၊ ဝင်းကုန်းရွာသားတွေအတွက် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ကျပ်ငွေ သိန်း ၁၀၀ လှူဒါန်းလိုက်ပါတယ်။

ဒီကိစ္စနဲ့ ပတ်သက်လို့ NLD အတွင်းရေးမှူးအဖွဲ့ဝင် ဦးအုန်းကြိုင်က RFA ကို အခုလိုပြောပါတယ်။


ဝင်းကုန်းရွာ မီးဘေးသင့် ပြည်သူတွေအတွက် အလှူငွေကို ဒေါ်အောင်ဆန်းစုကြည်က ဧပြီလ ၂ ရက်နေ့မှာ ရန်ကုန်မြို့ကနေ မန္တလေး ကို ပို့လိုက်ပြီး၊ အဲဒီအလှူငွေကို ဦးအုန်းကြိုင်နဲ့ ဦးဝင်းတင်တို့က ပုလဲမြို့နယ် NLD လွှတ်တော်အမတ် ဒေါ်ခင်စန်းလှိုင်နဲ့ စာရေးဆရာ မုံရွာအောင်ရှင်တို့ကို မန္တလေးမြို့မှာ လွှဲပြောင်း ပေးအပ်လိုက်တယ်လို့ ဆိုပါတယ်။

အရင်က အဲဒီရွာထဲမှာ ရေတွင်းတစ်တွင်း၊ ဘုန်းကြီးကျောင်းမှာ ရေတွင်းတစ်တွင်း စုစုပေါင်း အဝီစိတွင်း ၂ တွင်းပဲရှိပြီး၊ ရွာထဲကရေ တွင်းက မီးလောင်ရာမှာ ပျက်စီးသွားပါတယ်။ ဒါကြောင့် ဘုန်းကြီးကျောင်းမှာရှိတဲ့ ရေတွင်းတစ်တွင်းကိုပဲ လူပေါင်း ၁ ထောင်ကျော် အတွက် အားကိုးနေရတာလို့ သိရပါတယ်။

ဒီအတွက် ရွာသားတွေ ရေအဆင်ပြေဖို့ အဝီစိတွင်းတစ်တွင်း တည်ဆောက်ပေးဖို့ ကြိုးစားနေပြီး ဒီအတွက် သိန်း ၅၀ လောက်လိုလိမ့် မယ် လို့ ဦးအုန်းကြိုင်က ပြောပါတယ်။

Ref: အာရ်အဖ်အေ

Read More...

မြန်မာအပေါ် ပိတ်ဆို့မှုများ ရုပ်သိမ်းဖို့ တရုတ်တောင်းဆို

2012-04-05

အနောက်နိုင်ငံတွေရဲ့ မြန်မာနိုင်ငံအပေါ် ချမှတ်ထားတဲ့ ပိတ်ဆို့ အရေးယူမှုတွေ အားလုံးကို အမြန်ဆုံး ရုပ်သိမ်းပေးဖို့ တရုတ်အစိုးရက ဒီကနေ့ တောင်းဆိုလိုက်ပါတယ်။

ကြားဖြတ်ရွေးကောက်ပွဲဟာ လွတ်လပ်ပြီး တရားမျှတမှုရှိတဲ့ ရွေးကောက်ပွဲ ဖြစ်တယ်လို့ နိုင်ငံတကာက အသိအမှတ်ပြုထားတာ ဖြစ်တဲ့ အတွက် ဒီရွေးကောက်ပွဲကနေ မြန်မာနိုင်ငံရဲ့ နိုင်ငံရေးအရ ရင်ကြားစေ့ရေး၊ တည်ငြိမ်ရေးနဲ့ ဖွံ့ဖြိုးတိုးတက်ရေးအတွက် တွန်းအားဖြစ် စေမယ်လို့ မိမိတို့ ယုံကြည်ကြောင်း တရုတ်အစိုးရ နိုင်ငံခြားရေးဌာန ပြောရေးဆိုခွင့်ရှိသူ Hong Lei က ဒီကနေ့ သတင်းစာရှင်းလင်းပွဲမှာ ပြောခဲ့ပါတယ်။

အနောက်နိုင်ငံတွေက မြန်မာနိုင်ငံအပေါ်သူတို့ချမှတ်ထားတဲ့ ပိတ်ဆို့ အရေးယူမှုတွေကို ရုပ်သိမ်းတော့မယ်လို့ ပြောဆိုနေတာ ရှိတဲ့ အတွက် အမြန်ဆုံး ရုပ်သိမ်းစေလိုကြောင်း တရုတ်အစိုးရ ပြောရေးဆိုခွင့် ရှိသူက ဆိုပါတယ်။

ဥရောပသမဂ္ဂ၊ အမေရိကန် ပြည်ထောင်စုတို့က ပိတ်ဆို့အရေးယူမှုတွေကို လျော့ချတော့မယ်လို့ ကြေညာခဲ့ပါတယ်။ ဒါပေမယ့် ကျန်ရှိနေ သေးတဲ့ နိုင်ငံရေး အကျဉ်းသားတွေ လွတ်ပေးရေးကိစ္စအပြင် ပြည်တွင်းစစ် ရပ်စဲရေးကိစ္စတွေကို ဆက်လက် အကောင်အထည်ဖော်ဖို့ စောင့်ကြည့်သွားမှာဖြစ်ပြီး ပိတ်ဆို့ အရေးယူမှုတွေထဲက တချို့ကို ဆက်လက် ထားရှိမယ်လို့ ပြောထားပါတယ်။

အလားတူ သြစတေးလျနိုင်ငံကလည်း သူတို့ ချမှတ်ထားတဲ့ ပိတ်ဆို့မှုတွေကို ရုပ်သိမ်းတော့မယ်လို့ ပြောထားပါတယ်။

Ref: အာရ်အဖ်အေ

Read More...

KNU ကိုယ်စားလှယ်များအား မိတ်ဆက်ဧည့်ခံပွဲလုပ်

ကိုပေါက်
ဧပြီလ ၀၅ ရက် ၂၀၁၂ ခုနှစ်

ဒုတိယအကြိမ် ငြိမ်းချမ်းရေး ဆွေးနွေးရန်အတွက် ရန်ကုန်မြို့သို့ ရောက်ရှိလာသော ကရင်အမျိုးသား အစည်းအရုံး KNU နှင့် အစိုးရ အာဏာပိုင်များ မိတ်ဆက်ဧည့်ခံပွဲတခုကို ကြာသပတေးနေ့ ညနေ ခြောက်နာရီခွဲက ဆီဒိုးနားဟိုတယ်တွင် ပြုလုပ်ခဲ့ကြသည်။

သောကြာနေ့ မနက်တွင် ငြိမ်းချမ်းရေး ဆွေးနွေးကြမည့် နှစ်ဖက်ကိုယ်စားလှယ်များအပြင် အနောက်နိုင်ငံ သံအရာရှိများနှင့် နိုင်ငံရေး ပါတီများမှ ကိုယ်စားလှယ်များလည်း တက်ရောက်ခဲ့ကြကြောင်း KNU ကိုယ်စားလှယ် အဖွဲ့မှ ပြောခွင့်ရ နော်မေဦးမုတြော် က မဇ္ဈိမကို ပြောသည်။

“ထွေထွေထူးထူးတော့ မရှိပါဘူး။ မိတ်ဆက် တွေ့ဆုံပွဲလေးပဲ ဖြစ်ပါတယ်။ အစိုးရဝန်ကြီးတချို့ရယ်၊ စင်္ကာပူ၊ အမေရိကန်နဲ့ အီးယူ နိုင်ငံတချို့က သံတမန် ဧည့်သည်တွေရယ်၊ ရန်ကုန်တဝိုက်က ကရင်အမျိုးသား ခေါင်းဆောင် တွေရယ် တက်ရောက်ကြပါ တယ်” ဟု ပြောသည်။


အစိုးရဘက်မှ ပြည်ထောင်စုဝန်ကြီးများဖြစ်ကြသည့် ဦးအောင်မင်း၊ ဦးခင်ရီ၊ ရန်ကုန်တိုင်း ဝန်ကြီးချုပ် ဦးမြင့်ဆွေ၊ မြို့တော်ဝန်နှင့် တိုင်းအစိုးရအဖွဲ့ဝင်များ တက်ရောက်ပြီး KNU ကိုယ်စားလှယ်အဖွဲ့အား အထွေထွေ အတွင်းရေးမှူး နော်စီဖိုးရာစိန်၊ စစ်ဦးစီးချုပ် မူတူး ဆေးဖိုးတို့ ဦးဆောင်ပါဝင်ကြသည်။ ထို့ပြင် ရှမ်းတိုင်းရင်းသားခေါင်းဆောင် ဦးခွန်ထွန်းဦး၊ ကရင်တိုင်းရင်းသား ခေါင်းဆောင်များ၊ နိုင်ငံတကာ အဲန်ဂျီအိုများနှင့် ဖိတ်ကြားထားသူ စုစုပေါင်း ၂၅ဝ ခန့် တက်ရောက်ကြောင်း ငြိမ်းချမ်းရေး အကျိုးဆောင်တဦးက ပြောသည်။

သောကြာနေ့ ဆွေးနွေးပွဲတွင် အစိုးရဘက်မှ ဝန်ကြီး ဦးအောင်မင်းနှင့် ဦးခင်ရီတို့အပြင် အခြားဝန်ကြီးများလည်း တက်ရောက်ဖွယ်ရှိပြီး ညနေပိုင်းတွင် သတင်းစာ ရှင်းလင်းပွဲတခု ပြုလုပ်မည် ဖြစ်ကြောင်း သိရသည်။

KNU ကိုယ်စားလှယ်အဖွဲ့အနေဖြင့် တနင်္ဂနွေနေ့ နံနက် ၁၀ နာရီတွင် ဒေါ်အောင်ဆန်းစုကြည်နှင့် တွေ့ဆုံပြီး သဘောထားဖလှယ်ရန် စီစဉ်ထားကြောင်းလည်း နော်မေဦးမုတြော် က ပြောသည်။

“အခု ကျမတို့ KNU က လုပ်နေတဲ့ ကိစ္စတွေပါပဲ။ စစ်မှန်တဲ့ ငြိမ်းချမ်းရေး ဖော်ဆောင်ဖို့ အတွက်က NLD ကလည်း ရပ်တည်မှုတခု ဖြစ်တယ်။ ကျမတို့ KNU က ငြိမ်းချမ်းရေးနဲ့ ပတ်သက်ပြီး စကားပြောနေတယ်ဆိုတော့ သဘောထား တွေ ဖလှယ်ဖို့၊ ပိုသိအောင်လို့ မိတ်ဆက်ပဲ ဖြစ်ပါတယ်” ဟုပြောသည်။

ယခင်က NLD နှင့် စာရေးဆက်သွယ်မှုများ ရှိခဲ့သော်လည်း ယခု ပထမဆုံးအကြိမ် တွေ့ဆုံကြခြင်း ဖြစ်ကြောင်းလည်း ဆိုသည်။

ငြိမ်းချမ်းရေး တည်ဆောက်မှု ဖြစ်စဉ်ထဲတွင် NLD အပေါ် မျှော်လင့်ထားမှုနှင့် ပတ်သက်၍ “ဘယ်လောက်ထိ ပါဝင် ပေးနိုင်မလဲ ဆိုတာ ကတော့ NLD ကို ကျမတို့ မေးရမှာပဲ။ ဒါပေမယ့် NLD ကို ပါဝင်သင့်တယ်လို့ ကျမတို့ မြင်တယ်။ ဒီငြိမ်းချမ်းရေး လုပ်ငန်းစဉ်ဟာ လူ တဦးတယောက် အဖွဲ့အစည်းတခုရဲ့ တာဝန်လည်း မဟုတ်ဘူး။ သူတို့ပါ ပါမှဖြစ်မယ်။ လက်လှမ်းမီသလောက် လိုက်ပြီးဆွေးနွေးတာပါပဲ” ဟု နော်မေဦးမုတြော် က မဇ္ဈိမကို ပြောသည်။

NLD အနေဖြင့်လည်း ကြားဖြတ်ရွေးကောက်ပွဲ ကြွေးကြော်သံတရပ်အဖြစ် ပြည်တွင်းငြိမ်းချမ်းရေးကို ဆောင်ရွက်သွား မည်ဟု တင်ပြထားပြီး တတ်နိုင်သည့်ဘက်မှ လုပ်ဆောင်ပေးမည်ဖြစ်ကြောင်းလည်း ဒေါ်အောင်ဆန်းစုကြည်က ကမ်းလှမ်းထားသည်။

ဇန်နါရီလ ၁၂ ရက်နေ့က ဘားအံမြို့တွင် အပစ်အခတ်ရပ်စဲရေးအတွက် ဝန်ကြီး ဦးအောင်မင်း ခေါင်းဆောင်သော အစိုးရကိုယ် စားလှယ်အဖွဲ့နှင့် ဗိုလ်ချုပ် မူတူးဆေးဖိုး ဦးဆောင်သော KNU ကိုယ်စားလှယ်အဖွဲ့တို့ လက်မှတ် ရေးထိုးခဲ့ပြီး အသေးစိတ် အချက် အလက်များကို ထပ်မံဆွေးနွေးရန်အတွက် ယခုတကြိမ် ထပ်မံတွေ့ဆုံကြခြင်း ဖြစ်သည်။

KNU ကိုယ်စားလှယ်အဖွဲ့သည် တနင်္လာနေ့တွင် ပဲခူးတိုင်းအတွင်းသို့ သွားရောက်ကာ အင်္ဂါနေ့တွင်မှ ဘားအံသို့ ပြန်လည် ထွက်ခွါကြ မည် ဖြစ်ကြောင်း သိရသည်။

Ref: မဇ္ဈိမ

Read More...

KNU နှင့် ဒေါ်အောင်ဆန်းစုကြည် ဆွေးနွေးမည်

ကိုပေါက်
ဧပြီလ ၀၅ ရက် ၂၀၁၂ ခုနှစ်

ငြိမ်းချမ်းရေး ဆွေးနွေးပွဲများ ပြုလုပ်ရန် ရန်ကုန်မြို့သို့ ရောက်ရှိနေသည့် ကရင်အမျိုးသား အစည်းအရုံး KNU ကိုယ်စားလှယ်များနှင့် အမျိုးသား ဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်တို့ တနင်္ဂနွေနေ့တွင် တွေ့ဆုံရန်ရှိကြောင်း သိရသည်။

“၈ ရက်နေ့ တွေ့မယ်လို့ သိရပါတယ်။ တခြားတော့ ဘာမှမသိရသေးပါဘူး။ အစောကြီးကတည်းက ကျနော်တို့ တတ်နိုင်တဲ့ဘက်ကနေ လုပ်ပေးမယ်ဆိုပြီး ပြောနေတာ ကြာလှပါပြီ” ဟု ပါတီပြောခွင့်ရ ဦးဟံသာမြင့် က မဇ္ဈိမကို ပြောသည်။

အထွေထွေအတွင်းရေးမှူး နော်ဇီဖိုးရာစိန် ခေါင်းဆောင်သည့် KNU ကိုယ်စားလှယ်အဖွဲ့သည် အစိုးရ၏ ပြည်ထောင်စု ငြိမ်းချမ်းရေး ဆွေးနွေးရေး အဖွဲ့နှင့် ဒုတိယအကြိမ် ဆွေးနွေးရန် ရောက်ရှိနေကြခြင်းဖြစ်သည်။

အစိုးရအား ၆၃ နှစ်ကြာ လက်နက်ကိုင် တိုက်ခဲ့သည့် KNU မှာ ဇန်နဝါရီလ ၁၂ ရက်နေ့က အစိုးရနှင့် အပစ်အခတ် ရပ်စဲရေး ပဏာမ သဘောတူ လက်မှတ်ရေးထိုးနိုင်ခဲ့ပြီး သောကြာနေ့ ဆီဒိုးနားဟိုတယ်တွင် အစိုးရနှင့် အသေးစိတ် အချက်အလက်များအား ဆက်လက် ဆွေးနွေးကြမည် ဖြစ်သည်။

တိုင်းရင်းသားလက်နက်ကိုင်များနှင့်ပတ်သက်၍ သမ္မတ ဦးသိန်းစိန်အစိုးရအနေဖြင့် အဆင့်သုံးဆင့် ချမှတ်ပြီး ပြည်တွင်းငြိမ်းချမ်းရေး ရရှိရန် ဆောင်ရွက်နေရာ ပြည်နယ်အဆင့် အပစ်အခတ်ရပ်စဲပြီးနောက် ပါတီများထူထောင်ပြီး လွှတ်တော်ထဲ ဝင်ရောက်ကာ ဆွေးနွေးရန် ဖြစ်သည်။

NLD အနေဖြင့်လည်း ကြားဖြတ်ရွေးကောက်ပွဲ ကြွေးကြော်သံတခုအဖြစ် ပြည်တွင်းငြိမ်းချမ်းရေးအတွက် ဆောင်ရွက်မည်ဟု ဆိုထားပြီး တတ်နိုင်သရွေ့ ပါဝင်ကူညီဆောင်ရွက်ပေးမည်ဟု ဒေါ်အောင်ဆန်းစုကြည်က ကမ်းလှမ်းထားသည်။

KNU မှ ခွဲထွက်အဖွဲ့တခုဖြစ်သည့် ဗိုလ်ချုပ်ထိန်မောင် ၏ ကရင်ငြိမ်းချမ်းရေးကောင်စီ နှင့်လည်း တကြိမ်တွေ့ဆုံခဲ့ဖူးပြီး ဖြစ်ကြောင်း NLD ပြောခွင့်ရ ဦးအုန်းကြိုင်က ပြောသည်။

Ref: မဇ္ဈိမ

Read More...

ရာနှင့်ချီသော နိုင်ငံခြားကုမ္ပဏီများ ရင်းနှီးမြှုပ်နှံရန် စောင့်နေကြ

အောင်ကြည်
ဧပြီလ ၀၅ ရက် ၂၀၁၂ ခုနှစ်

မြန်မာနိုင်ငံတွင် ရင်းနှီးမြှုပ်နှံရန်အတွက် ရာနှင့်ချီသော နိုင်ငံခြား ကုမ္ပဏီများ စောင့်ကြည့် လျက် ရှိနေကြသည်ဟု ဟောင်ကောင် အခြေစိုက် Bagan Capital မြန်မာနိုင်ငံဆိုင်ရာ ရင်းနှီးမြှုပ်နှံမှုနှင့် အကြံပေးအဖွဲ့မှ ဦးဆောင် အရာရှိတဦးက ဆိုသည်။

“ရင်းနှီးမြှုပ်နှံမှု လုပ်ဖို့ ကုမ္ပဏီတွေအနေနဲ့ အထူးသဖြင့် ဟိုတယ်နဲ့ ခရီးသွားလုပ်ငန်း၊ ရေနံနဲ့သဘာဝ ဓါတ်ငွေ့လုပ်ငန်း၊ စိုက်ပျိုးရေး လုပ်ငန်း၊ အသေးစား ကုန်ထုတ်လုပ်ငန်းတွေ၊ စားသောက်ကုန် လုပ်ငန်းတွေမှာ ပိုစိတ်ဝင်စားကြပါတယ်” ဟု အဆိုပါ ကုမ္ပဏီမှ အမှု ဆောင် အရာရှိချုပ် မစ္စတာ ဂျရီမီ ခရောစာ ဂျုန်း က ဆိုသည်။

စိတ်ဝင်တစား စောင့်ကြည့်နေသော ကုမ္ပဏီများထဲတွင် ဥရောပနိုင်ငံများနှင့် ဂျပန်နိုင်ငံတို့အပြင် အမေရိကန်လည်း ပါဝင်ပြီး လာမည့် ငါးနှစ်အတွင်း မြန်မာနိုင်ငံအတွင်း ရင်းနှီးမြှုပ်နှံမှု များစွာ တိုးတက်လာလိမ့်မည်ဟုလည်း ပြောသည်။

လက်ရှိ မြန်မာနိုင်ငံအတွင်း ရင်းနှီးမြှုပ်နှံလျက်ရှိသော ကုမ္ပဏီများ ရှိသော်လည်း စီးပွားရေး ပိတ်ဆို့မှုကြောင့် အရေအတွက်မှာ နည်းပါး လျက် ရှိနေသေးသည် ဟု မစ္စတာ ခရောစာ ဂျုန်း က ဆိုသည်။

“ချမှတ်ထားတဲ့ စီးပွားရေး ပိတ်ဆို့မှုတွေ ရုတ်သိမ်းသွားရင် ရင်းနှီးမြှုပ်နှံမှုတွေ အများကြီး ဝင်လာဖို့ ရှိပါတယ်” ဟု ၎င်းက ဆိုသည်။

ကုမ္ပဏီ အနေဖြင့် Bagan Capital ဆိုသည့် အမည်ကို မှည့်ခေါ်ရခြင်းမှာ မြန်မာနိုင်ငံ၏ ပထမဆုံး မြို့တော်ဖြစ်သည့် ပုဂံမြို့သို့ အလည်အပတ် သွားရောက်စဉ်က နေရာအနှံအပြားတွင် စေတီပုထိုးများ မရေတွက်နိုင်လောက်အောင် တွေ့မြင်ရသည့် အချိန်တွင် လက်ရှိ မြန်မာနိုင်ငံ၏ စီးပွားရေး ပြုပြင် ပြောင်းလဲမှုများ စတင် ပြုလုပ်နေချိန် စီးပွားရေး ရင်းနှီးမြုပ်နှံမှုဆိုင်ရာ အခွင့်အလမ်းများစွာကို မြင်တွေ့နေရခြင်းကြောင့် ကုမ္ပဏီအား ပုဂံ ကယ်ပီတယ်ဟု မှည့်ခေါ်ရခြင်း ဖြစ်သည်ဟု ၎င်းက ရှင်းပြသည်။

“စီးပွားရေး ပိတ်ဆို့မှုတွေ အခုထိ ဆက်ရှိနေပါတယ်။ ဒါကြောင့် အရေးကြီးတဲ့ ငွေလုံးငွေရင်းတွေ ငွေကြေး ရင်းနှီးမြှုပ်နှံ မှု ဈေးကွက် တွေ မရှိသေးတာပါ။ ဒါပေမယ့် မြန်မာနိုင်ငံအနေနဲ့ အလားအလာ ကောင်းတွေ အလွန်များပါတယ်။ ဒါကြောင့်လည်း ကျနော်တို့ ကုမ္ပဏီအနေနဲ့ ရင်းနှီးမြှုပ်နှံမှု လုပ်နေသလို တခြားကုမ္ပဏီတွေကိုလည်း ရင်းနှီးမြုပ်နှံဖို့ အားပေးနေပါတယ်” ဟု ၎င်းက ဆိုသည်။

စီးပွားရေးပိတ်ဆို့မှု ရုတ်သိမ်းရန်အတွက် ဥရောပနိုင်ငံများနှင့် အမေရိကန်ပြည်ထောင်စုတို့က ဧပြီလ ၁ ရက်နေ့တွင် ပြုလုပ်သော ရွေးကောက်ပွဲကို စောင့်ကြည့်လျက်ရှိနေကြပြီး ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်ကနေရာ ၄၅ နေရာ အနက် ၄၄ နေရာတွင် ဝင်ရောက်ယှဉ်ပြိုင်ရာ ၄၃ နေရာတွင် အနိုင်ရရှိခဲ့သည်။

ရွေးကောက်ပွဲ ကျင်းပပြီးနောက် တရက်တွင် မြန်မာနိုင်ငံအပေါ် စီးပွားရေး ပိတ်ဆို့ အရေးယူမှုများကို ရုတ်သိမ်းပေးရန်အတွက် အာဆီယံ နိုင်ငံများက ခေါင်းဆောင်များက ကမ္ဘောဒီးယားနိုင်ငံတွင် ပြုလုပ်သာ ထိပ်သီးအစည်းအဝေးမှ ကြေညာချက် ထုတ်ပြန်ခဲ့သည်။

အမေရိကန် အစိုးရကလည်း မြန်မာနိုင်ငံအပေါ် ချမှတ်ထားသည့် ပိတ်ဆို့ အရေးယူမှု အချို့ကို လျှော့ပေးမမည်ဟု ဧပြီလ ၄ ရက်နေ့က ကြေညာချက် ထုတ်ပြန်လိုက်ပြီး၊ နိုင်ငံခြားရေး ဝန်ကြီး ဟီလာရီ ကလင်တန်ကလည်း ကျန်ရှိနေသေးတဲ့ ပိတ်ဆို့မှုများအား မြန်မာအစိုး ရ၏ လုပ်ဆောင်ပုံကို ကြည့်၍ တဆင့်ချင်း ရုပ်သိမ်းပေးသွားဖို့ ရှိကြောင်း ပြောသည်။

မြန်မာနိုင်ငံဆိုင်ရာ အမေရိကန် သံအမတ်ကို ပြန်လည်ခန့်ထားမည် ဖြစ်ပြီး အမေရိကန်က ပြည်ပ ဖွံ့ဖြိုးရေး အထောက် အပံ့ ပေးနေ သည့် USAID ရုံးဖွင့်ရန်၊ မြန်မာနိုင်ငံက ကုန်ပစ္စည်းတင်ပို့မှု ပိတ်ပင်ထားမှုကို တဖြည်းဖြည်းချင်း ပြန်ဖွင့် ပေးရန်၊ အမေရိကန်မှ ဘဏ္ဍာ ရေးနှင့် ရင်းနှီးမြှုပ်နှံမှု လုပ်ငန်းများ ပိတ်ပင်ထားမှုများကို ရုတ်သိမ်းပေးရန်တို့ ပါဝင်သည်။

သို့ရာတွင် ဒဏ်ခတ် ပိတ်ဆို့မှု အချို့ကို ဆက်လက်ထားရှိဦးမည် ဖြစ်ပြီး မြန်မာနိုင်ငံမှ ကျောက်မျက် တင်ပို့မှုကို ဆက်လက်ပိတ်ပင် ထားမည်ဟု ဆိုသည်။

ဥရောပ သမဂ္ဂ ခေါင်းဆောင်များကလည်း ၎င်းတို့အနေဖြင့်လည်း အလားတူ ဖြေလျှော့မှုများကို ပြုလုပ်မည် ဖြစ်ကြောင်း ဧပြီလ ၄ ရက်နေ့က ပြေကြားခဲ့ပြီး၊ ဗြိတိန် နိုင်ငံခြားရေးဝန်ကြီး ဝီလျံ ဟိတ်က ဥရောပသမဂ္ဂ အဖွဲ့ဝင်နိုင်ငံများသည် မြန်မာနိုင်ငံ အပေါ် ပိတ် ဆို့မှုအချို့ကို ဖြေလျှော့ပေးဖွယ် ရှိသည်ဟု ဆိုသည်။

သို့ရာတွင် မြန်မာနိုင်ငံအပေါ် ကုန်သွယ်ရေး အရေးယူမှု အားလုံးကို ရုတ်ချည်း အလုံးစုံ ရုတ်သိမ်းပေးမည့်သဘော သက်ရောက်မှု မရှိဟု ဆိုသည်။

ဧပြီလ ၂၃ ရက်နေ့တွင် လတ်ဇင်ဘတ်နိုင်ငံတွင် ကျင်းပမည် ဥရောပသမဂ္ဂ နိုင်ငံခြားရေး ဝန်ကြီးများ အစည်းအဝေး တွင် မြန်မာဆိုင်ရာ မူဝါဒကို ပြန်လည်သုံးသပ်မည် ဖြစ်ပြီး ဧပြီလ ၂၇ ရက်နေ့နှင့် ၂၈ ရက်နေ့များတွင် ကျင်းပမည့် အာဆီယံ-အီးယူ ထိပ်သီး ဆွေးနွေးပွဲတွင် မြန်မာနိုင်ငံအပေါ်တွင် စီးပွားရေးပိတ်ဆို့မှု ရုတ်သိမ်းရေး အဆိုကို ကမ္ဘောဒီးယားအစိုးရ ဝန်ကြီးက တင်သွင်းမည် ဖြစ်သည်။

မြန်မာ့ အရေးကို ဆွေးနွေးရာတွင် ရွေးကောက်ပွဲ ကျင်းပပုံနှင့် တခြား ပြုပြင်ပြောင်းလဲရေးများ ဖြစ်သော နိုင်ငံရေး အကျဉ်းသား လွတ်မြောက်ရေး၊ အတိုက်အခံ အင်အားစုများနှင့် တွေ့ဆုံဆွေးနွေးမှု၊ လူမျိုးစု လက်နက်ကိုင်များနှင့် ငြိမ်းချမ်းရေး အဖြေရှာမှု၊ စီးပွားရေး ပြုပြင်ပြောင်းလဲမှုများကို ထည့်သွင်း ဆွေးနွေးမည် ဖြစ်သည်။

ပိတ်ဆို့မှုများကို ဖွင့်ပေးလိုက်ပါက လက်နက်တင်သွင်းခွင့်၊ သစ်ခုတ်လှဲခွင့်နှင့် သတ္တု တူးဖော်ခွင့် ပိတ်ပင်ထားမှုများ၊ လူပုဂ္ဂိုလ် တယောက်ချင်းအလိုက် စီးပွားရေး ပိတ်ဆို့ထားမှုများကို ပြန်ရုပ်သိမ်းပြီး ဖွံ့ဖြိုးမှု အထောက်အပံ့များကိုလည်း ပိုမို ပေးအပ်သွားဖွယ် ရှိသည်။

“ကျနော်တို့ မြင်တွေ့နေရတာကတော့ ရင်းနှီးမြုပ်နှံမှုတွေက အမျိုးမျိုးရှိပါတယ်။ ရင်းနှီးမြုပ်နှံမှု ဒေါ်လာ ဘီလီယံချီ ဝင်လာမယ့် ရေနံ နဲ့သဘာဝဓါတ်ငွေ့လုပ်ငန်းတွေကနေ စားသောက်ကုန် ထုတ်လုပ်တဲ့ ကုမ္ပဏီတွေကလည်း သူတို့ရဲ့ တန်ဖိုးနည်း စားသောက်ကုန်တွေ
ကို လာရောင်းချင်နေကြတယ်။ နိုင်ငံခြား ခရီးသွား ဧည်သည့်တွေ အလုံးအရင်း ဝင်လာနေတဲ့ အတွက်လည်း ဟိုတယ်နှင့် ခရီးသွား လုပ်ငန်းများတွေမှာ ရင်းနှီးမြှုပ်နှံချင်နေကြတယ်” ဟု မစ္စတာ ခရောစာ ဂျုန်း က ဆိုသည်။

အမေရိကန် ပြည်ထောင်စုမှ GE ကုမ္ပဏီသည် ၎င်းတို့၏ ကုန်ပစ္စည်းများကို မြန်မာနိုင်ငံအတွင်း လာရောက် ရောင်းချရန် အတွက် ပြည်တွင်း ကုမ္ပဏီတခုနှင့် သဘောတူညီချက် လက်မှတ်ရေးထိုးပြီး ဖြစ်သည်ဟု ၎င်းက ဆိုသည်။

“ဒါက ဘာကို ပြနေသလဲဆိုတော့ အမေရိကန် ပြည်ထောင်စုရဲ့ စီးပွားရေး ပိတ်ဆို့မှုတွေ ရုတ်သိမ်းတော့မယ်ဆိုတာ ဒါမှမဟုတ် ဖြေ လျှော့ပေးတော့မည် ဆိုတာကို ပြနေပါတယ်” ဟု ၎င်းက ဆိုသည်။ သို့ရာတွင် မြန်မာနိုင်ငံ၏ လက်ရှိ ရင်းနှီးမြှုပ်နှံမှုဆိုင်ရာ စည်းမျဉ်း စည်းကမ်းများသည် လုပ်ထုံးလုပ်နည်းများကို မကြာခဏ ပြောင်းနေ၍ မည့်သည့် စည်းမျည်းစည်းများ အမှန်ဖြစ်သည်၊ မည်သည့် လုပ်ထုံးလုပ်နည်းများကို လက်တွေ့ကျင့်သုံးနေသည်တို့ကို နားလည် သဘောပေါက်ရန်မှာ စိန်ခေါ်မှုတရပ် ဖြစ်နေသေးသည်ဟု ဆို
သည်။

“အခု လွှတ်တော်ထဲမှာ စီးပွားရေးနဲ့ သက်ဆိုင်တဲ့ လုပ်ထုံးလုပ်နည်းတွေ ဥပဒေကို ပြင်ဆင်ဖို့ ဆွေးနွေးနေတာကို တွေ့ရပါတယ်။ ဒါက ကောင်းမွန်တဲ့ လက္ခဏာပါ။ လာမယ့်လတွေမှာ စီးပွားရေး ရင်းနှီးမြှုပ်နှံမှုတွေအတွက် သတင်းကောင်းတွေ ကြားရမယ်လို့ မျှော်လင့် ထားပါတယ်” ဟု ၎င်းက ဆိုသည်။

နိုင်ငံခြား ကုမ္ပဏီများသည် စီးပွားရေးဆိုင်ရာ အခြေခံဥပေဒေများ တည်ငြိမ်မှုကို လိုလားကြပြီး အငြင်းပွားမှုများ ဖြစ်လာပါက လည်း ဖြေရှင်းနိုင်မည့် နည်းစနစ်ကောင်းများကိုလည်း လိုလားလေ့ရှိသည်ဟု ၎င်းက ဆိုသည်။

ထိုကဲ့သို့ အရာများ ပြည့်စုံနေပါက မြန်မာနိုင်ငံတွင် သဘာဝ အရင်းအမြစ် ကြွယ်ဝမှုနှင့် လူသား အရင်းအမြစ်များ ကြောင့် နိုင်ငံခြား ရင်းနှီးမြှုပ်နှံသူတွေ ငွေကြေးရှင်တွေ အနေနဲ့ အလွန်ပဲ စိတ်လှုပ်ရှားစရာ ကောင်းလိမ့်မည် ဖြစ်ပြီး၊ မြန်မာနိုင်ငံသည် မှန်ကန်သော လမ်းကြောင်းပေါ် ရောက်နေသည်ဟု ယူဆကြောင်း ၎င်းက ဆိုသည်။

“ကျနော်တို့ အနေနဲ့ မြန်မာနိုင်ငံမှာ နိုင်ငံခြား ရင်းနှီးမြုပ်နှံမှု ပြုလုပ်မယ့် ကော်ပိုရေးရှင်းကြီးတွေကို အကြံပေးချင် တာကတော့ မြန်မာနိုင်ငံမှာ ရင်းနှီးမြှုပ်နှံပြီး လုပ်ငန်းလုပ်ကိုင်ဖို့အတွက် စိတ်ရှည်ဖို့ လိုအပ်ပါတယ်။ အချိန်တိုအတွင်းမှာ အကျိုးအမြတ် ရရှိနိုင်တဲ့ ဈေးကွက်မျိုး မဟုတ်တာကိုတော့ သိစေချင်ပါတယ်” ဟု ၎င်းက ဆိုသည်။

ပုဂံ ကယ်ပီတယ် သည် နိုင်ငံခြား ကုမ္ပဏီများနှင့် သာမက မြန်မာကုမ္ပဏီများနှင့်ပါ လက်တွဲလုပ်ကိုင်နေ ပြီး၊ ကုမ္ပဏီထံ တိုက်ရိုက်နှင့် ကုမ္ပဏီ၏ တွဲဖက် ဖြစ်သော မြန်မာ စီးပွားရေး ကွန်ယက် (Myanmar Business Network) ထံသို့ မြန်မာနိုင်ငံအတွင်း ရင်းနှီးမြုပ်နှံရန် စိတ်ဝင်စားသည့် ကုမ္ပဏီပေါင်း တစ်ရက်လျှင် တစ်ဒါဇင် ကျော်ခန့် စုံစမ်း မေးမြန်းမှုများ ပြုလုပ်နေသည်ဟု ၎င်းက ဆိုသည်။

ပုဂံ ကယ်ပီတယ်၏ ဒါရိုက်တာ တဦးဖြစ်သူ မြန်မာစီးပွားရေးကွန်ယက် (MBN) ဝဘ်ဆိုဒ်ကို တည်ထောင်သူ အီဗီလင် ပက်ကော့ က လည်း “ကျနော်တို့ဆီကို စုံးစမ်းမေးမြန်းမှုတွေ တနေ့ထက် တနေ့ တိုးလာနေပါတယ်။ နိုင်ငံပေါင်းစုံကပါ။ အရှေ့ဥရောပ၊ လက်တင် အမေရိကနဲ့ အာဖရိကတိုက် က ကုမ္ပဏီတွေပါ ပါပါတယ်” ဟု ဆိုသည်။

ပုဂံ ကယ်ပီတယ် ကုမ္ပဏီ၏ ဝန်ထမ်းအဖွဲ့ဝင်များသည် မြန်မာနိုင်ငံနှင့် ဟောင်ကောင်တို့တွင် အသီးသီး တာဝန် ထမ်းဆောင်လျက် ရှိနေကြပြီး၊ ရန်ကုန်တွင် ဝန်ထမ်း အင်အား တိုးချဲ့ရန်အတွက် အရည်အချင်းရှိသော ဝန်ထမ်းများကို ရှာဖွေလျက် ရှိသည်ဟုလည်း ဆိုသည်။

Ref: မဇ္ဈိမ

Read More...

ကေအဲန်ယူ ငြိမ်းချမ်းရေး ကိုယ်စားလှယ်အဖွဲ့ကို ကရင်လူထု ၁၀၀၀ကျော် ကြိုဆိုနှုတ်ဆက်

6 April 2012
နန်းဖောဂေ

ကရင်အမျိုးသားအစည်းအရုံး (ကေအဲန်ယူ)၏ အထွေထွေအတွင်းရေးမှူးချုပ် နော်စီဖိုးရာစိန်ဦးဆောင်သည့် ငြိမ်းချမ်းရေး ကိုယ်စား လှယ်အဖွဲ့သည် ကရင်ပြည်နယ်၊ ဘားအံမြို့ရှိ ကရင်လူမှုအဖွဲ့အစည်းများနှင့် ယနေ့ ဧပြီလ ၅ရက်နေ့ မနက် ၈နာရီတွင် တွေ့ဆုံခဲ့ရာ လူထု ၁၀၀၀ကျော် ကြိုဆိုနှုတ်ဆက်ခဲ့ကြသည်။

ဘားအံမြို့ သုမေဓာရာမ တောရဘုန်းတော်ကြီးကျောင်း၌ မနက် ၈နာရီမှ ၁၀း၃၀နာရီအထိ ပြုလုပ်သည့် ထိုတွေ့ဆုံပွဲတွင် ကရင်ငြိမ်း ချမ်းရေး ကော်မတီ၊ ကရင်စာပေနှင့် ယဉ်ကျေးမှု ကော်မတီ၊ ကရင်ပါတီမှ ခေါင်းဆောင်များ၊ ကရင်ဝန်ကြီးများ၊ ဘာသာရေးခေါင်း
ဆောင် များနှင့် တွေ့ဆုံခဲ့ခြင်းဖြစ်ပြီး တစ်ချိန်တည်းတွင် ကရင်ပြည်နယ်ရှိ မြို့နယ် ၇ခုမှ လူထုကိုယ်စားလှယ်များ၊ မွန်ပြည်နယ်၊ ရန်ကုန်တိုင်း၊ ဧရာဝတီတိုင်းနှင့် တနင်္သာရီတိုင်းအတွင်းမှ ကရင်လူထု ကိုယ်စားလှယ်များက လာရောက်ကြိုဆိုနှုတ်ဆက်ခဲ့ကြသည်။


ထိုတွေ့ဆုံမှုတွင် ကေအဲန်ယူအတွင်းရေးမှူးချုပ် နော်စီဖိုးရာစိန်က ကေအဲန်ယူနှင့် မြန်မာအစိုးရတို့၏ ငြိမ်းချမ်းရေး လုပ်ငန်းစဉ် အဆင့် ဆင့်ကို လူထုအား ရှင်းလင်းပြောကြားခဲ့သည်။

သူမက “အခုတွေ့ဆုံခြင်းဟာ ဒုတိယအကြိမ်မြောက် တွေ့ဆုံမှုဖြစ်တယ်။ ဒီတွေ့ဆုံမှုဟာ ဇန်န၀ါရီ ၁၂ရက်နေ့က လုပ်ဆောင်ခဲ့တဲ့ ပဏာမ အပစ်အခတ်ရပ်ဆိုင်းရေး လက်မှတ်ရေးထိုးမှု ငြိမ်းချမ်းရေးဖြစ်စဉ်ကို ဆက်လက်လုပ်ဆောင် တဲ့ လုပ်ဆောင်မှုတွေဖြစ်တယ်။ ကျမတို့ ကေအဲန်ယူအနေနဲ့ ဒီပြည်တွင်းငြိမ်းချမ်းရေး လုပ်ငန်းစဉ်ကို အချိန်ယူပြီး တဆင့်ချင်း တဆင့်ချင်း လုပ်ဆောင်သွားမယ်။ အဲဒီအပေါ်မှာ ကေအဲန်ယူတဖွဲ့တည်းနဲ့ လုပ်လို့မရပါဘူး။ ကရင်အမျိုးသား တစ်ဦးတစ်ယောက်တည်းနဲ့ လုပ်လို့မရပါဘူး။ ကေအဲန်ယူအနေနဲ့ လူထုရဲ့ ပူးပေါင်းပါဝင်မှုကို လိုအပ်တယ်၊ လိုလားတယ်ဆိုတာကို ပြောချင်တယ်။” ဟု ပြောသည်။

ထို့အပြင် နော်စီဖိုးရာစိန်က ပြည်တွင်းငြိမ်းချမ်းရေးကိစ္စကို တစ်မျိုးသားလုံး၏ အရေးဖြစ်တာမို့ လူတိုင်းနှင့် သက်ဆိုင်သည့်အတွက် ကြောင့် ဒီငြိမ်းချမ်းရေးဖြစ်စဉ်ကို အကောင်အတည်ဖော်တဲ့နေရာမှာ လူထုတွေအားလုံး ပါဝင်ကြဖို့ တွေ့ဆုံပွဲသို့ တက်ရောက်လာ သည့် လူထုများအား တိုက်တွန်းနိုးဆော်ခဲ့သည်။

ထိုတွေ့ဆုံပွဲကို တက်ရောက်လာသည့် ကေပီစီ နာယာက တောင်ကလေးဆရာတော် ဦးပညာသာမိက “ကရင့် တော်လှန်ရေးဟာ ကရင် အမျိုးသားတွေပဲ လုပ်ရမယ်။ အခြားလူမျိုးတွေ ၀င်လုပ်ပေးစရာမလိုဘူး။ နိုင်ငံရေးကို နိုင်ငံရေးနည်းနဲ့ ဖြေရှင်းတဲ့နေရာမှာ ဘယ်သူမဆို သတိရှိရမယ်။ အရာရာကို လုပ်ဆောင်ရဲမှပဲ ပန်းတိုင်ကို ရောက်မယ်။”ဟု လူထုအား မိန့်ကြားအမှာစကားပြောသွားသည်။

ယနေ့ တွေ့ဆုံပွဲတွင် မြန်မာအစိုးရတာဝန်ရှိသူများ တက်ရောက်ခဲ့ကြသော်လည်း လူထုတွေအနေဖြင့် ကရင်အလံများ ကို ဝှေ့ရမ်းပြီး ကေအဲန်ယူ ကိုယ်စားလှယ်များနှင့် လွတ်လွတ်လပ်လပ် ဆွေးနွေး ပြောဆိုခွင့် အပြန်အလှန် နှုတ်ဆက်ခွင့် ရရှိခဲ့သည့်အတွက် ဝမ်း သာအားရကြကြောင်း မြို့ခံကရင်အမျိုးသမီးတစ်ဦးက ပြောသည်။

ဘားအံမြို့ခံ ကရင်အမျိုးသမီး နန်းမြင့်အေးက “ဒီလို ပြုလုပ်ခွင့်ရတာ ကျေနပ်အားရတယ်။ ခေါင်းဆောင်တွေအနေနဲ့ ဒီလို ငြိမ်းချမ်းရေး လုပ်ငန်းစဉ်တွေ လုပ်တာ ၀မ်းသာတယ်။ ငြိန်းချမ်းမှုကို ကျမတို့ လိုလားတယ်။”ဟု ကေအိုင်စီကို ပြောသည်။

ထိုလူထုတွေ့ဆုံပွဲအပြီးတွင် ကေအဲန်ယူ ငြိမ်းချမ်းရေးကိုယ်စားလှယ်အဖွဲ့သည် ဘားအံမြို့ရှိ နှစ်ချင်းခရစ်ယာန် အသင်းတော် ဘုရား ကျောင်းသို့ သွားပြီး ၀တ်ပြုဆုတောင်းပွဲ ပြုလုပ်ခဲ့ပြီးနောက် နေ့လည် ၁၁နာရီကျော်အချိန်တွင် ဘားအံမြို့မှ ထွက်ခွာခဲ့ပြီး လက်ရှိ ရန်ကုန်မြို့ရှိ ဆီဒိုးနားဟိုတယ်တွင် တည်းခိုနေကြသည်။

ယနေ့ညနေ ညစာစားပွဲ မစားခင် ၇း၀၀နာရီခန့်တွင် ရန်ကုန်မြို့သို့ ရောက်ရှိနေသည့် ကေအဲန်ယူ ကိုယ်စားလှယ်အဖွဲ့ သည် အစိုးရဘက်မှ ရထားပို့ဆောင်ရေးဝန်ကြီး ဦးအောင်မင်းဦးဆောင်ပြီး ပြည်တွင်းရှိ သတင်းထောက်များ၊ နိုင်ငံတကာ သတင်းထောက်များ၊ ရန်ကုန်မြို့ရှိ ဌာနဆိုင်ရာဝန်ကြီးများ၊ နိုင်ငံတကာ ဧည့်သည်တော်များနှင့် တွေ့ဆုံကာ ဦးအောင်မင်းက ကေအဲန်ယူနှင့် အစိုးရတို့၏ ငြိမ်းချမ်းရေးဖြစ်စဉ် တဆင့်များကို သတင်းထောက်များအား ပြောကြားခဲ့သည်။

ဦးအောင်မင်း “တချို့လူတွေက ကျနော်တို့ ငြိမ်းချမ်းရေးလုပ်တာ စောတယ်။ တချို့ နောက်ကျတယ်လို့ ပြောကြတယ်။ ဒီနှစ်ပေါင်း ၆၀ကျော် ကြာမြင့်တဲ့ကိစကြီးကို တထိုင်တည်းနဲ့ တနိုင်တပိုင်ဖြေရှင်းလို့ မရပါဘူး။ တဆင့်ချင်း တဆင့်ချင်း လုပ်ဆောင်သွား ရမှာဖြစ် ပါတယ်။ ဒီမှာ ရှိတဲ့ ကရင်တိုင်းရင်းသားတွေအားလုံးက ထာဝရငြိမ်းချမ်းရေး ရရှိအောင် မဖြစ်မနေ ဆောင်ရွက်သွားကြမယ်ဆိုတာ က တိပြုပြီးသားဖြစ်တယ်။ နိုင်ငံတော်အစိုးရအနေနဲ့လည်း ထာဝရငြိမ်းချမ်း ရေး မရောက်ရောက်အောင် ဆောင်ရွက်သွားမယ်။”ဟု သတင်း ထောက်များအား ပြောဆိုသွားသည်။

ထိုတွေ့ဆုံပွဲတွင် ကေအဲန်ယူ အထွေထွေအတွင်းရေးမှူးချုပ် နော်စီဖိုးရာစိတ်က “ကျမတို့ အခု လာဆွေးနွေးတယ် ဆိုတာက ပြီးခဲ့တဲ့ ပဏာမဆွေးနွေးပွဲကို ဆက်လက်အကောင်အထည်ဖော်ဖို့ကို ကျမတို့ အတူတကွ လက်တွဲ လုပ်ဆောင်သွားဖို့ လာရောက်ဆွေးနွေး တာဖြစ်တယ်။ အခု ငြိမ်းချမ်းရေးကလည်း ကရင်အမျိုးသား တခုတည်းမဟုတ် ဘူး။ တိုင်းရင်းသားပြည်သူတွေ အားလုံးအတွက်ဖြစ် တယ်။”ဟု ဆိုသည်။

ကေအဲန်ယူ ကိုယ်စားလှယ်အဖွဲ့သည် အစိုးရနှင့် ငြိမ်းချမ်းရေးလုပ်ငန်းစဉ်နှင့် ပတ်သက်ပြီး ဆုံးဖြတ်ချက် ချနိုင်ဖို့အတွက် မနက်ဖြန်တွင် ဆက်လက်ဆွေးနွေးသွားမည်ဖြစ်သည်ဟု သိရသည်။

Ref: ကေအိုင်စီ

Read More...

ထိုင်းကားများ နယ်စပ်မှ တဆင့်မြန်မာဘက်တရားဝင် တင်သွင်း

5 April 2012
ရွှေသိုက်တော

တရားမ၀င်ဂျပန်နိုင်ငံထုတ်ကားများနေ့စဉ်တင်သွင်းနေသည့် ထိုင်း-မြန်မာနယ်စပ် မဲဆောက်မြ၀တီလမ်း ကြောမှတဆင့် ထိုင်းနိုင်ငံထုတ် ၁၂ ဘီးတပ် VOLVO အမျိုးအစားမြေသယ်ယာဉ်အစီး ၂၀ ကို မြန်မာအစိုးရ က မြန်မာဘက်သို့တရားဝင်တင်သွင်းခွင့်ပြုလိုက်သည်။

မြန်မာနိုင်ငံမုံရွာကြေးနီသတ္တုတူးဖော်ရေးစီမံကိန်းတွင်အသုံးပြုရန်အတွက် Central Marketing Co.Ltd မှတင်သွင်းသည့် ဆွီဒင် နည်း ပညာဖြင့်ထိုင်းနိုင်ငံတွင်ပြုလုပ်သည့်ကားများကို ၁၀ နှစ်နီးပါးကာလအတွင်း မြန်မာဘက်ကတရားဝင်တင်သွင်းခွင့်ပြုခြင်းဖြစ်သည်။


ဗုဒ္ဓဟူးနေ့ကတင်သွင်းသည့်အဆိုပါကားများနှင့် ပုံစံတူသည့်ဂျပန်မြေသယ်ယာဉ်များကို မြန်မာကားကုန် သည်များက မဲဆောက်-မြ၀တီလမ်းကြောမှတဆင့် မြန်မာဘက်သို့တရားမ၀င်တင်သွင်းမှုများရှိသည်ဟု ထိုင်းလုပ်ငန်းရှင်တဦးကပြောသည်။

မဲဆောက်-မြ၀တီလမ်းကြောသည် ယခင်စစ်အစိုးရလက်ထက်ကစတင်၍ ဂျပန်နိုင်ငံမှတင်သွင်းလာသည့် တပတ်ရစ်ကားများ ကိုနေ့စဉ် အစီးရေ ၁၀၀ ကျော်တင်သွင်းနေသည့်လမ်းကြောဖြစ်ပြီး လွန်ခဲ့သည့် ၂ နှစ် ကျော်ကစ၍တရားမ၀င်ကားတင်သွင်းမှုကို မြန်မာဘက်က ထိန်းချုပ်မှုပြုလုပ်ခဲ့သော်လည်း တရားမ၀င်ကား တင်သွင်းသည့်လုပ်ငန်းမှာရပ်တံ့သွားခြင်းမရှိဟု မြန်မာကားကုန်သည်များကပြောသည်။

ကားကုန်သည်ကိုနိုင်က”မြန်မာဘက်ကကားတွေကိုတရားဝင်သွင်းတယ်ဆိုတာကဟန်ပြဘဲ မြန်မာနိုင်ငံက စစ်ဗိုလ်ချုပ်အသစ် အ ဟောင်း တွေပိုင်တဲ့ ဦးပိုင်ကုပ္မဏီအပါအ၀င်အခြားကုပ္မဏီတွေနဲ့ဌာနဆိုင်ရာတွေက လုပ်ငန်းသုံးနဲ့လူစီးကားအမျိုးမျိုးကို မဲဆောက် ကနေ ဘဲတင်သွင်းနေကြတာဖြစ်တယ် အခုအစိုးရသစ်လက် မှာလည်းအရင်လိုဘဲသွင်းနေကြတာဘဲ အရေအတွက်နည်း သွားတာဘဲရှိ တယ်” ဟုကေအိုင်စီသို့ပြောသည်။

မဲဆောက်မြ၀တီမှတဆင့်မြန်မာဘက်တင်သွင်းနေကြသည့် ဂျပန်ကားများမှာထိုင်းဘက်ခြမ်းတွင်အစီးရေ ထောင်ဂဏန်းအထက်တွင် ပုံမှန်ရှိပြီး ကားကုန်သည်များက မြန်မာအာဏာပိုင်အဆင့်ဆင့်နှင့် နားလည်မှုယူကာ မြ၀တီလမ်းကြောမှတဆင့် မြန်မာနိုင်ငံအတွင်းပိုင်း သို့သယ်ဆောင်ကြခြင်းဖြစ်သည်။

ထိုင်းဘက်မှမြန်မာဘက်တင်သွင်းသည့်ဂျပန်ကားများမှာ မြေသယ်ယာဉ်၊မြေတူးယာဉ်၊ကုန်တင်ကားမျိုးစုံ၊ခ ရီးသည်တင်ဘတ်စ် ကား မျိုးစုံ၊ ဇိမ်ခံကားမျိုးစုံ၊လမ်းကြိတ်စက်၊ မီးသတ်ကား၊ဆီတင်ယာဉ်၊နိဗ္ဗာန်ယာဉ်အပါအ၀င် လယ်ယာသုံးယာဉ်အမျိုးမျိုးကို ချစ်ကြည်ရေး တံတားဘေးဝဲယာရှိ လှေဆိပ်များမှတဆင့်ညဘက်တွင် တင်ပို့ကြခြင်းဖြစ်သည်။

ဂျပန်ကားမြန်မာဘက်တင်ပို့သည့်မြန်မာလုပ်ငန်းရှင်တဦးက”မြန်မာနိုင်ငံမှာဘယ်အစိုးရဘဲတက်တက် ဒီနယ်စပ်က တရားမ၀င်ကား လုပ်ငန်းကဆက်ရှိနေမှာဘဲ ဒီအလုပ်ကအောက်ခြေလူတန်းစားတွေလုပ်ကြတဲ့ အလုပ်မဟုတ်ဘူး”ဟုဆိုသည်။

လွန်ခဲသည့် ၁၀ နှစ်ခန့်က ထိုင်းဝန်ကြီးချုပ်ဟောင်ထပ်ဆင်ရှင်န၀ပ်လက်ထက်က ထိုင်းအစိုးရမှမြန်မာစစ်အစိုးရသို့ချေးသည့် ထိုင်း ဘတ်ငွေသန်း ၄၀၀၀ တန်ဘိုးရှိလုပ်ငန်းစဉ်တွင်ပါရှိသည့် ကုန်တင်ကားများကိုလည်း မဲဆောက်မြ၀တီလမ်းကြောရှိ ချစ်ကြည်ရေး တံတားမှတဆင့်တင်သွင်းခဲ့သည်။

Ref: ကေအိုင်စီ

Read More...

ကေအဲန်ယူနှင့်အစိုးရတို့ ပြည်နယ် အဆင့် တွေ့ဆုံဆွေးနွေးပွဲပြီး

5 April 2012
နန်းထူးစံ

ကရင်အမျိုးသားအစည်းအရုံး(ကေအဲန်ယူ)နှင့် မြန်မာအစိုးရတို့ အပစ်အခတ်ရပ်ဆိုင်းရေးအတွက် ယနေ့ ဖားအံမြို့တွင် ပြည်နယ်အဆင့် တွေ့ဆုံဆွေးနွေးခဲ့ပြီး နှစ်ဦးနှစ်ဖက် လိုက်နာဆောင်ရွက်ရမည့် ကျင့်ဝက် အချက်အလက်များကို ဆွေးနွေးခဲ့ကြသည်ဟု ကေအဲန်ယူ ဘက်က ပြောသည်။

ထိုဆွေးနွေးပွဲတွင် နှစ်ဖက် ကိုယ်စားလှယ်များက အပစ်အခတ်ရပ်ဆိုင်းရေးအတွက် နှစ်ဦးနှစ်ဖက် လိုက်နာဆောင်ရွက်ရမည့် ကျင့်ဝတ် (Code of Conduct)များ စနစ်တကျချမှတ်ရေး၊ အပစ်အခတ် ရပ် ဆိုင်းရေး စောင့်ကြည့်သည့်အဖွဲ့ထားရှိရေးနှင့် ဆက်ဆံရေးရုံးများကို လိုအပ်သည့်ဒေသများတွင် ဖွင့် လှစ်ရေး အပါအ၀င်အပစ်အခတ်ရပ်ဆိုင်းရေးဆိုင်ရာ အသေးစိပ်အချက်အလက်များကို ဆွေးနွေးခဲ့
ကြသည်ဟု ယနေ့ ကေအဲန်ယူက သတင်းထုတ်ပြန်သည်။

ယနေ့ပြုလုပ်သည့် ဆွေးနွေးပွဲတွင် နှစ်ဦးနှစ်ဘက် အပြန်အလှန် ရင်းနှီးပွင့်လင်းစွာ ဆွေးနွေးနိုင် တဲ့အ တွက် အားရကျေနပ်မှုရှိသည်ဟု ကေအဲန်ယူကိုယ်စားလှယ်အဖွဲ့မှ ပြောရေးဆိုခွင့်ရှိသူ နော်မေ ဦးက ကေ အိုင်စီသို့ ပြောသည်။

သူမက “ကျမတို့ အားလုံးလိုချင်တဲ့ ငြိမ်းချမ်းရေးကို ရဖို့အတွက် ကျမတို့ ဆွေးနွေးတဲ့အခါမှာ အပြန်အ လှန် ပွင့်ပွင့်လင်းလင်း ရင်း ရင်းနီးနီး ဆွေးနွေးကြတာကို ကျမအားရကျေနပ်တယ်။ တစ်ဦးနှင့်တစ်ဦး အ ပြန်အလှန် နားလည်မှု၊ လေးစားမှုကို အခြေခံပြီး ဆွေး နွေးကြတာကို ကျေနပ်တယ်။”ဟု ပြောသည်။

ဘားအံမြို့၊ ဇွဲကပင်ဟော်တယ်တွင် ယနေ့ ပြုလုပ်ခဲ့သည့် ဆွေးနွေးပွဲတွင် ကေအဲန်ယူဘက်မှ အထွေ ထွေ အတွင်းရေးမှူးချုပ် နော်စီဖိုး ရာစိန်၊ စစ်ရေးရာကော်မတီ အတွင်းရေးမှူး စောထူးထူးလေး နှင့် KNLAစစ်ဦးစီးချုပ် ဗိုလ်ချုပ်ကြီးမူတူးစေးဖိုးတို့က ဦးဆောင်ဆွေး နွေးခဲ့ပြီး မြန်မာအစိုးရဘက်မှ ရထားဝန်ကြီး ဦးအောင်မင်း၊ လူဝင်မှုကြီးကြပ်ရေးဝန်ကြီး ဦးခင်ရီ၊ အရှေ့တောင်တိုင်း စစ်ဌာနချုပ်တိုင်း မှူး ဗိုလ်ချုပ်တင်မောင်ဝင်းတို့က ဦးဆောင်ဆွေးနွေးခဲ့သည်။

ကေအဲန်ယူ ကိုယ်စားလှယ်အဖွဲ့သည် ဧပြီလ ၅ရက်နေ့တွင် ကရင်လူမှုအဖွဲ့အစည်းများ၊ ဘာသာရေး၊ လူမှုရေး၊ နိုင်ငံရေးခေါင်းဆောင် များနှင့် တွေ့ဆုံမည်ဖြစ်ပြီး ဧပြီလ (၆)ရက်နေ့တွင် အစိုးရနှင့် ပြည် ထောင်စုအဆင့် ဆွေးနွေးပွဲကို ရန်ကုန်တွင် ကျင်းပသွားမည်ဟု သိရသည်။

ယခုသွားသည့် ဆွေးနွေးပွဲတွင် ကေအဲန်ယူဘက်၅မှ မြန်မာအစိုးရနှင့် ကေအဲန်ယူအကြား အပစ်အခတ် ရပ်ဆိုင်းရေး သဘောတူညီ ချက်ဆိုင်ရာ အသေးစိတ်များကို လုပ်ဆောင်သွားရန်၊ တပြည်လုံး အတိုင်းအ တာ ဆောင်သည့် အပစ်အခတ်ရပ်ဆိုင်းရေး တဆင့် စီဖြစ်မြောက်အောင် ပြုလုပ်သွားရန်၊ ပြည်သူလူထုအ တွက် အာမခံချက်ရှိသော လုံခြုံမှုရရှိရန်၊ ယုံကြည်မှု တည်ဆောက်ရန်နှင့် လူ့ အခွင့်အရေးများကို ကာ ကွယ်စောင့် ရှောက်ရန် စသည့်အချက်များကို အဓိကထား ဆွေးနွေးသွားမည်ဟု ယနေ့ထုတ်ပြန်လိုက် သည့် ကြေညာ ချက်တွင် ဖော်ပြထားသည်။

Ref: ကေအိုင်စီ

Read More...

တာဝန်သိ ခရီးသွားလုပ်ငန်းဆီသို့

April 6, 2012

ဒေါက်တာ အန်ဒရီရာ ဗယ်လန်တင် သည် Tourism Transparency ဟုခေါ်သော လွတ်လပ်ပွင့်လင်း၍ တာဝန်သိ ခရီးသွားလုပ် ငန်း များဖြစ်ရေးအတွက် စည်းရုံးလှုံ့ဆော်သည့်အဖွဲ့အစည်းကို စတင်တည်ထောင်သူဖြစ်သည်။ အန်ဒရီရာသည် မကြာသေးမီက နေပြည် တော်တွင် ကျင်းပခဲ့သော တာဝန်သိ ခရီးသွားလုပ်ငန်းညီလာခံ Responsible Tourism Conference ကို တက်ရောက်ပြီး စာတမ်း ဖတ်ခဲ့သည်။ တာဝန်သိခရီးသွားလုပ်ငန်းနှင့် မြန်မာပြည်၏ အလားအလာအကြောင်း ဧရာဝတီ အယ်ဒီတာ ရဲနည်က ဆက် သွယ်မေး မြန်းထားသည်။

မေး။ ။ ဖေဖော်ဝါရီလတုန်းက ခင်ဗျား နေပြည်တော်မှာ ကျင်းပခဲ့တဲ့ “တာဝန်သိ ခရီးသွားလုပ်ငန်း ညီလာခံ” ကို စာတမ်းဖတ်ကြား ဖို့ သွားခဲ့တယ်။ တာဝန်သိ ခရီးသွားလုပ်ငန်း ဆိုတာ ဘာလဲဗျ။ ပုံမှန် ခရီးသွားလုပ်ငန်းနဲ့ တာဝန်သိ ခရီးသွားလုပ်ငန်းအကြား ဘာ ကွာ သလဲ။ တာဝန်သိ ခရီးသွားလုပ်ငန်းက မြန်မာနိုင်ငံကို ဘယ်လိုအကျိုးကျေးဇူးတွေ သယ်ဆောင်လာမှာလဲ။


ဖြေ။ ။ အစုလိုက်အပြုံလိုက် ရောက်လာကြတဲ့ ခရီးသွားလုပ်ငန်းကြောင့်ဖြစ်လာတဲ့ ပြဿနာတွေအတွက် တာဝန်သိ ခရီးသွားလုပ်ငန်းက ကူညီဖြေရှင်းပေးနိုင်ပါတယ်။ ဆိုလိုတာက နယ်ခံလူထုရဲ့ လူမှုရေး၊ စီးပွားရေးအပေါ် ခရီးသွားတွေရဲ့ လုပ်ရပ်က တာဝန်ရှိရှိနဲ့ အကျိုး သက်ရောက်စေတာ။ နယ်ခံလူထုရဲ့ လူမှုရေး၊ ယဉ်ကျေးမှု၊ သဘာဝပတ်ဝန်းကျင်အပေါ် ဘယ်လိုအကျိုးရှိစေ မလဲဆိုပြီး တာဝန်ယူပေး တာကို တာဝန်သိ ခရီးသွားလုပ်ငန်းလုို့ ခေါ်တာပါ။

ဒီလုပ်ငန်းက ဆိုးကျိုးတွေကို နည်းနိုင်သမျှ နည်းအောင် လုပ်ပေးတယ်။ ဒီလုပ်ငန်းက လုပ်ငန်းခွင်အခြေအနေတွေ တိုးတက် လာအောင်၊ သဘာဝနှင့် ယဉ်ကျေးမှုအမွေအနှစ်တွေ ထိန်းသိမ်းဖို့ ပံ့ပိုးပေးရာမှာ ဒေသခံပြည်သူလူထုရဲ့ အဆုံးအဖြတ်ကို ရယူ တယ်။ တာဝန်သိ ခရီးသွားလုပ်ငန်းဆိုတာ ယဉ်ကျေးမှု ဓလေ့ထုံးတမ်းတွေကို အသိအမှတ်ပြုတယ်။ အိမ်ရှင်နဲ့ ဧည့်သည်အကြား လေးစားမှုကို ဖေါ်ထုတ်ပေးတယ်။ ဒေသခံပြည်သူတွေနဲ့ အဓိပ္ဗာယ်ပြည့်ဝတဲ့ ဆက်ဆံရေးကတဆင့် ခရီးသွားတွေအတွက် ပိုမိုပျော်ရွှင်ဖွယ် အတွေ့အကြုံတွေ ရရှိစေမှာဖြစ်ပါတယ်။ ဒီလုပ်ငန်းကနေ သဘာဝပတ်ဝန်းကျင်နဲ့ လူမှုရေးအပေါ် လက်မခံနိုင်လောက်တဲ့ ထိခိုက်မှုတွေ မဖြစ်စေဘဲ ခရီးသွားတွေအတွက်၊ အိမ်ရှင်ဒေသခံလူထုအတွက် နှင့် ခရီးသွားလုပ်ငန်းအတွက်ပါ အကျိုးကျေးဇူးများစွာ ဆောင်ကျဉ်းပေးနုိုင်ပါတယ်။

တာဝန်သိ ခရီးသွားလုပ်ငန်းက ကမ္ဘာ့တ၀န်း မြင့်တက်လာနေပါပြီ။ ဒီလုပ်ငန်း စံသတ်မှတ်ချက်တွေကို လိုက်နာတဲ့ စီးပွားရေး လုပ်ငန်း တွေကိုကြည့်ရင်လည်း အကျိုးအမြတ် ပိုရလာတာတွေ့ရပါတယ်။ ကျမတဦးတည်းရဲ့အမြင်အရ ဒီဟာ Trend ခေတ် စားလာရုံ သက် သက်ထက် ပိုတယ်။ တာဝန်သိ ခရီးသွားလုပ်ငန်းဆိုတာ စည်းမဲ့ကမ်းမဲ့ ဝရုန်းသုန်းကား ခရီးသွားလုပ်ငန်းကို ကာကွယ်ဟန့်တား နုိုင်တဲ့ စားသုံးသူအခြေပြု Consumer-based စီးပွားရေးလုပ်ငန်းတခုပါ။

တာဝန်သိ ခရီးသွားလုပ်ငန်းဆိုပေမယ့် ပြဿနာတွေ ရှိပါတယ်။ သိပ်မကြာသေးတဲ့အချိန်အထိ ခရီးသွားလုပ်ငန်းဟာ Ethic ကျင့် ၀တ်သိက္ခာပိုင်းအရ အလွန်အားနည်းတဲ့ လုပ်ငန်းတခုပါ။ ဒီကနေ့မှာတော့ ကာဗွန်ဒိုင်အောက်ဆိုဒ် လျှော့ချရေး၊ ရေရှည်တည် တန့် ခုိုင်မြဲရေး၊ သဘာဝထွက်၊ ဂေဟစနစ်တည်မြဲရေး၊ သဘာဝပတ်ဝန်းကျင်ထိန်းသိမ်းရေး ဒါမှမဟုတ် တာဝန်ရှိရေး စသဖြင့် ကိစ္စတွေကို ပိုပိုပြောလာတာ တွေ့ရပါတယ်။ ဒါပေမယ့် သဘာဝပတ်ဝန်းကျင်နဲ့ ပတ်သက်ပြီး အယောင်ပြ လုပ်ပေးတာတွေ ရှိနေပါတယ်။ ကုမ္ဗဏီ တခု သို့မဟုတ် အဖွဲ့အစည်းတခုက သဘာဝပတ်ဝန်းကျင်အပေါ် သက်ရောက်မှုကို လျှော့ချနုိုင်ဖို့အတွက် တကယ် မလုပ်ဘဲ အချိန်အား၊ ငွေအား ပိုသုံးပြနေတဲ့ ပုံစံမျိုးကို Green-washing ဟန်ပြ သဘာဝပတ်ဝန်းကျင် ထိန်းသိမ်းရေး လုို့ ခေါ်ပါတယ်။ ဒီကိစ္စက ရေရှည် တည်မြဲရေးအတွက် သိပ်ကြီးမားတဲ့ ပြဿနာဖြစ်ပါတယ်။

နေပြည်တော်မှာ ကျင်းပခဲ့တဲ့ တာဝန်သိ ခရီးသွားလုပ်ငန်းညီလာခံမှာ ကျမ တင်သွင်းခဲ့တဲ့ ဆင်းရဲသားအရေး ရှေးရှုသော ခရီးသွား လုပ်ငန်း Pro-poor tourism စာတမ်းမှာ မြန်မာနုိုင်ငံရဲ့ ခရီးသွားလုပ်ငန်း ရေရှည်ခံ အောင်မြင်ရေးဟာ လူထုအခြေပြုအဖွဲ့အစည်း အထူးသဖြင့် ဆင်းရဲသူတွေနဲ့ အဆင်းရဲဆုံးလူတန်းစားတွေ အကျိုး ရှေးရှုလုပ်ဆောင်နေတဲ့ အဖွဲ့တွေရဲ့ တိုးတက်ဖွံ့ဖြိုးနိုင်စွမ်း ဘယ်လောက်ရှိသလဲ ဆိုတဲ့ အချက်ပေါ် မူတည်နေတယ်လို့ အလေးအနက်ထား ပြောခဲ့ပါတယ်။ အစိုးရအနေနဲ့လည်း ဆင်းရဲသား အကျိုးရှေးရှုတဲ့ ခရီးသွားလုပ်ငန်းကို အားကောင်းစေဖို့ လုပ်ဆောင်သင့်တဲ့အချက်တွေကို ကျမအကြံပြုခဲ့ပါတယ်။ စီးပွားရေး လုပ် ငန်းတွေအနေနဲ့လည်း သူတို့ရဲ့ စီးပွားရေးလုပ်ငန်းတွေကို ဆင်းရဲသားအကျိုး ရှေးရှုလာရအောင်ပြင်ဆင်ဖို့၊ ဆင်းရဲသားတွေနဲ့ စီးပွားရေးလုပ်ငန်းတွေ လက်တွဲဆောင်ရွက်ဖို့ ကျမ ပြောဆိုခဲ့ပါတယ်။

ခရီးသွားလုပ်ငန်းကနေ အကျိုးအမြတ်ရဖို့ ဒေသခံတွေနဲ့ ပူးပေါင်းဆောင်ရွက်မှု ပုံစံများစွာရှိပါတယ်။ မျှတတဲ့ မြေယာနဲ့အရင်းအမြစ် ပိုင်ဆိုင်ခွင့် ရှိဖို့ ကျမတို့ လုိုအပ်ပါတယ်။ စီးပွားရေးလုပ်ငန်းတွေကနေ အသေးစားလုပ်ငန်းတွေကို အားကောင်းစေဖို့ အသေးစား ငွေကြေးထောက်ပံ့မှုတွေ လုပ်ပေးနိုင်သလို ကျေးလက်သမ၀ါယမ အဖွဲ့အစည်းတွေ ရှိလာအောင်လည်း ကူညီပေးနိုင်ပါတယ်။ အဲဒီလို မျိုး အားထုတ်မှုတွေကနေ ကျေးလက်ဒေသ ထုတ်ကုန်လုပ်ငန်း နဲ့ စက်ရုံတွေ အကြား ပေါင်းကူးပေးနုိုင်ပါတယ်။ အစိုးရအနေနဲ့ လည်း စီးပွားရေးကုမ္ဗဏီတွေကို ဆင်းရဲသားအကျိုးရှေးရှုတဲ့နည်းလမ်းတွေမှာ ရင်းနှီးမြုပ်နှံဖို့ မက်လုံးတွေလည်း ဖန်တီးပေးနုိုင်ပါတယ်။

မေး။ ။ မကြာသေးခင်က DVB (ဒီမိုကရက်တစ် မြန်မာ့အသံ) မှာ ခင်ဗျားရေးခဲ့တာက ၁၉၉၀ ခရီးသွားလုပ်ငန်း ဥပဒေအောက်မှာ မြန်မာ့ ခရီးသွားလုပ်ငန်းကနေ အကျိုးဖြစ်ထွန်းနေသူ အများစုဟာ အစိုးရနဲ့ နီးစပ်သူတွေ၊ ချမ်းသာတဲ့ စီးပွားရေးလုပ်ငန်းရှင်တွေသာ ဖြစ်တယ်။ ဒေသခံပြည်သူတွေမဟုတ်ဘူးလို့ ဆိုတော့ မြန်မာနို်င်ငံရဲ့ ခရီးသွားလုပ်ငန်းမူဝါဒဟာ မဝေးတော့တဲ့ကာလမှာ ဆင်းရဲမှုပ ပျောက်ရေး ရည်မှန်းချက်ကို ထည့်သွင်းချိတ်ဆက်လာမယ်လို့ ခင်ဗျားထင်ပါသလား။

ဖြေ။ ။ ကျမ သတိထားမိတဲ့အချက်ကတော့ မြန်မာနိုင်ငံ ဟုိုတယ်နှင့် ခရီးသွားလာရေးဝန်ကြီးဌာန (MoHT) နဲ့ မြန်မာနုိုင်ငံ ခရီးသွား လုပ်ငန်းအဖွဲ့(MTB) နှစ်ခုစလုံးက မထင်မှတ်လောက်အောင် ကြိုးစား ဆောင်ရွက်နေတာ တွေ့ရတယ်။ ကွန်ဖရင့် ပထမရက်မှာ ၀န်ကြီးဌာန ၂၂ ခုမက အလုပ်ရုံဆွေးနွေးပွဲတွေ တက်ရောက်ခဲ့ကြတယ်။ ပထမဦးဆုံးအကြိမ်အဖြစ် ခရီးသွားလုပ်ငန်းနဲ့ ပတ်သက်ပြီး ၀န်ကြီးဌာန တခုနဲ့ တခုအကြား အပြန်အလှန် ပြောဆိုခဲ့ကြတယ်။ ဒုတိယနေ့မှာတော့ ခရီးသွားလုပ်ငန်း စီးပွားရေးအစုအဖွဲ့တွေက တာဝန်သိ ခရီးသွားလုပ်ငန်းကို ဘယ်လိုမျိုးထည့်သွင်းမလဲဆိုတာ ဆွေးနွေးခဲ့ကြတယ်။ တတိယနေ့ကြတော့ နိုင်ငံတကာက လာရောက်ဟောပြောသူတွေက ခရီးသွားလုပ်ငန်းမှာ တာဝန်ရှိမှုကို ဘယ်လို ဖော်ဆောင်ရမလဲဆိုတာနဲ့ပတ်သက်ပြီး ပြောဆိုခဲ့ကြ တယ်။

ဒီကွန်ဖရင့်မှာ တာဝန်သိ ခရီးသွားလုပ်ငန်းကို ခရီးသွားလုပ်ငန်း ဖွံ့ဖြိုးတိုးတက်မှုမှာ ဘယ်လို အဓိကကျကျ ထည့်သွင်းမလဲဆိုတာ ဆွေး နွေးကြတာ ဖြစ်ပါတယ်။ ခရီးသွားလုပ်ငန်းကို တာဝန်ရှိရှိ အကောင်အထည်ဖော်ရာမှာ အစိုးရတခုလုံး ညှိညှိနှိုင်းနှိုင်းလုပ်ဖို့ လို အပ် တယ်လို့ ခရီးသွားလာရေးလုပ်ငန်း ၀န်ကြီးဌာနက အသိအမှတ်ပြုပါတယ်။ အများပြည်သူနဲ့ ပုဂ္ဂလိက ကဏ္ဍတွေက ထိရောက် တဲ့ ပူးပေါင်းဆောင်ရွက်မှုတွေရလာဖို့ မူဝါဒအပြောင်းအလဲတွေလုပ်ရမယ်ဆိုတာကိုလည်း သူတို့ သဘောပေါက်ပါတယ်။ ဒု ၀န်ကြီး ဦးဌေးအောင်ရဲ့ ကွန်ဖရင့်နိဂုံးချုပ်မိန့်ခွန်းမှာ ကောင်းမွန်သော အုပ်ချုပ်မှုရဲ့အရေးပါပုံကို ထည့်သွင်းပြောခဲ့ပါတယ်။ “ခင်ဗျားတို့ မပြောင်းလဲနိုင်ဘူးဆိုရင် မအောင်မြင်နိုင်ဘူး”လုို့ ၀န်ကြီးကပြောခဲ့ပြီး အစိုးရနဲ့ ပုဂ္ဂလိက ကဏ္ဍတွေကိုလည်း တာဝန်သိ ခရီးသွားလုပ် ငန်း ရဲ့ အခြေခံအယူအဆတွေကို လက်ခံဆောင်ရွက်ဖို့ပါ တိုက်တွန်းခဲ့ပါတယ်။

ဒါကြောင့် မြန်မာနိုင်ငံရဲ့ ခရီးသွားလုပ်ငန်းမူဝါဒအသစ်မှာ ဆင်းရဲမွဲတေမှု ပပျောက်ရေး ရည်မှန်းချက်တွေကို ထည့်သွင်းမယ်လုို့ ကျမ အများကြီး မျှော်လင့်ထားပါတယ်။ သမ္မတဦးသိန်းစိန်ကလည်း သူရဲ့ သမ္မတရာထူးလက်ခံတဲ့ မိန့်ခွန်းမှာ ဆင်းရဲမွဲတေမှုပပျောက် ရေး ကိစ္စဟာ သူ့အစိုးရရဲ့ အဓိကဦးစားပေးပါလို့ တရားဝင်ပြောဆိုထားပါတယ်။

မေး။ ။ (Community-based Ecotourism) ရပ်ရွာအခြေပြု သဘာဝပတ်ဝန်းကျင် ခရီးသွားလုပ်ငန်းတို့၊ ဒေသခံလူထုနဲ့ မိသားစု လို အတူနေတဲ့ Homestay ခရီးသွားလုပ်ငန်းမျိုးတွေက ထိုင်းနိုင်ငံ၊ ဗီယက်နိုမ် နုိုင်ငံ၊ ကမ္ဘောဒီးယားနဲ့ လာအိုနိုင်ငံ စတဲ့ မြန်မာနုိုင်ငံ ရဲ့အိမ်နီးချင်းနိုင်ငံတွေမှာ အခုဆို တော်တော်ကို ရေပန်းစားနေကြပါတယ်။ မြန်မာနိုင်ငံကရော သူ့ အိမ်နီးချင်း တိုင်းပြည်တွေလိုမျိုး အောင်မြင်မှုတွေရနေတဲ့ ဆွဲဆောင်ပုံနည်းလမ်းတွေအတိုင်း လိုက်လုပ်သင့်တယ်လို့ ခင်ဗျားထင်ပါသလား။

ဖြေ။ ။ မြန်မာနုိုင်ငံကတော့ တခြားနိုင်ငံတွေနောက် မလိုက်ဘဲ သူ့လမ်းသူရွေးချယ်နိုင်မယ်လို့ ကျမ မျှော်လင့်ပါတယ်။ ထိုင်းနိုင်ငံ၊ ဗီယက်နမ်၊ ကမ္ဘောဒီးယား အပြင် တခြားနိုင်ငံတွေက ခရီးသွားလုပ်ငန်းလုပ်ဆောင်ရင်း ကြုံတွေ့ခဲ့တဲ့ အမှားတွေကို လေ့လာသင့် ပါတယ်။ မြန်မာနုိုင်ငံလည်း မလွဲမသွေ အမှားတွေ ကြုံလာဦးမှာပါ။ အဲဒီအမှားတွေကနေ သင်ခန်းစာယူကြရဦးမယ်လို့ ထင်ပါတယ်။ ဆိုတော့ သဘောတရားတွေကို လက်တွေ့အလုပ်ထဲ ဘယ်လိုမျိုး ပြောင်းလဲယူမလဲ။

အစိုးရအနေနဲ့ ရပ်ရွာအခြေပြု ခရီးသွားလုပ်ငန်းပုံစံတွေထဲကနေ မြန်မာနုိုင်ငံနဲ့ အကိုက်ညီဆုံး ပုံစံရှိမရှိ လေ့လာနိုင်ပါတယ်။ ဒေသ တွင်းမှာလည်း ဥပမာကောင်းတွေ ရှိပါတယ်။ အထူးသဖြင့် ထုိုင်းနိုင်ငံနဲ့ လာအိုနိုင်ငံမှာပါ။ ချင်းမုိုင်အခြေစိုက် ထိုင်းနိုင်ငံ ရပ်ရွာအခြေပြု ခရီးသွားလုပ်ငန်း အင်စတီကျု Thailand Community Based Tourism Institute (CBT-I) ဆို လုပ်ငန်းလုပ်သက် နှစ်ပေါင်း ၂၀ကျော်ရှိနေပြီ။ မနှစ်တုန်းကပဲ မြန်မာနိုင်ငံ ဟုိုတယ်နှင့် ခရီးသွားလုပ်ငန်း ၀န်ကြီးဌာနအပြင် မြန်မာနုိုင်ငံ ခရီးသွားလုပ်ငန်း လုပ်ကို်င်နေသူတွေပါတဲ့ အလုပ်ရုံဆွေးနွေးပွဲများစွာကို အဲဒီအင်စတီကျုက ကမကထ လုပ်ပေးခဲ့တယ်။ အဓိကဆွေးနွေးခဲ့တဲ့အကြောင်းကတော့ ရပ်ရွာအခြေပြု ခရီးသွားလုပ်ငန်းကနေ လူမှုအသိုင်းအ၀န်းတွေအတွက် ဘယ်လိုမျိုး အကျိုးကျေးဇူးတွေရမလဲ ဆိုတာပါ။ ဆိုတော့ ခရီးသွားလာရေး ၀န်ကြီးဌာနအနေနဲ့ လုပ်ငန်း အကောင်အထည်ဖော်မယ့် နည်းလမ်းတွေနဲ့ ပတ်သက်ပြီး ထဲထဲဝင်ဝင် သိနေပြီဆိုတာကတော့ ရှင့်အမြင်ပါပဲ။

မေး။ ။ ခင်ဗျားဆောင်းပါးမှာ ရေးထားသလိုမျိုး မြန်မာနုိုင်ငံမှာ လိင်ခရီးသွားလုပ်ငန်း Sex Tourism ဟာ အခုဆိုရင် ကျယ်ပြန့်နေပြီဆိုတော့ ဘယ်လောက်စိုးရိမ်နေရပြီလဲ။ မြန်မာနုိုင်ငံအနေနဲ့ ထုိုင်းနိုင်ငံ၊ ကမ္ဘောဒီးယားနိုင်ငံတွေဆီကနေ ဘယ်လိုသင်ခန်းစာတွေ လေ့လာနိုင်သလဲ။

ဖြေ။ ။ ရှင် ဒီမေးခွန်းမေးတဲ့တွက် ကျမ ၀မ်းသာတယ်။ လိင်ခရီးသွားလုပ်ငန်း ပျံ့နှံ့နေတာဟာာ အနာဂတ်အတွက် ကျမရဲ့အကြီး မားဆုံး စိုးရိမ်ချက်တခုပါ။ လိင်ခရီးသွားလုပ်ငန်းဆိုတာ ဒေါ်လာ ဘီလီယံ ထောင်ပေါင်း များစွာ အကျိုးအမြတ်ရှိနေတဲ့ လုပ်ငန်း တခုပါ။ ဒီလုပ်ငန်းမှာ အရွယ်ရောက်သူတွေချည်း ပါတာမဟုတ်ပါဘူး။ ကျမစိုးရိမ်တာက ကလေးသူငယ် လိင်ခရီးသွားလုပ်ငန်းနဲ့ နာဂစ်မုန်တုိုင်းကြောင့် မိဘမဲ့ဖြစ်ခဲ့သူတွေ အတွက်ပါ။ ဆင်းရဲမွဲတေလွန်းတဲ့ မိန်းကလေးငယ်တွေနဲ့ ယောက်ျားလေးတွေဟာ ငွေကြေးနဲ့ ဖြားယောင်းတဲ့ ဒဏ်ကို မခံနုိုင်ကြမှာကို ကျမစိုးရိမ်တယ်။

ဆိုတော့ ယူရမယ့် သင်ခန်းစာက အရှင်းကြီးပဲ။ တိုင်းပြည်ထဲမှာ ဘုန်းကြီးဦးရေထက် လိင်လုပ်ငန်းလုပ်ကိုင်သူ ပိုလိုချင်တယ်ဆိုရင် ထိုင်း ခရီးသွားလုပ်ငန်း ပုံစံကိုလုိုက်။ ကမ္ဘောဒီးယားကလေးငယ် သုံးသောင်းလောက် အမြတ်ထုတ်ခံခဲ့ရတဲ့ ကလေးသူငယ် လိင် ခရီးသွား လုပ်ငန်းပုံစံမျိုးတော့ မြန်မာနုိုင်ငံက လုိုချင်မှာမဟုတ်ပါဘူး။ ကမ္ဘောဒီးယားက တချို့ကလေးတွေဆို အသက် ၅ နှစ် အရွယ် ပဲ ရှိသေးတယ်။ အာရှတလွှားမှာ ကလေး ၇ သောင်း ကျော်ထက်မနည်း လိင်ခရီးသွားလုပ်ငန်းမှာ ပါဝင်နေကြောင်း၊ အထူးသဖြင့် ကမ္ဘောဒီးယား၊ အင်ဒိုနီးရှား၊ ဖိလစ်ပိုင်၊ ထိုင်းနုိုင်ငံတို့မှာ ရှိနေတယ်လို့ Terre des Hommes က ၂၀၀၉ ခုနှစ်မှာ ခန့်မှန်းပြော ဆိုတယ်။ ကမ္ဘောဒီးယားမှာဆိုရင် လိင်ခရီးသွားတယောက်က အသက် ၈ နှစ်အရွယ် ကလေးနှစ်ယောက်ကို သုံးရက်ခေါ်မယ် ဆို ရင် ဒေါ်လာ ၃၀ တောင် မပေးရဘူး။

Orchid ဟိုတယ်ဝန်ထမ်းတဦးကို ဂျပန်အမျိုးသားတယောက်က ပါးရိုက်ခဲ့တဲ့ ဖြစ်ရပ်က မြန်မာနိုင်ငံမှာ အရေးပါတဲ့ ဖြစ်ရပ်တခုပါ။ ပါးရိုက်တာက ဗီဒီယိုမှတ်တမ်းထဲ ပါသွားတော့ အကြီးအကျယ်ဝေဖန်ခဲ့ကြ၊ ဒေါသထွက်ခဲ့ကြပါတယ်။ ဒါပေမယ့် အံ့အားသင့်စရာ က လူအနည်းအကျဉ်းလောက်ကပဲ အဲဒီဂျပန်အမျိုးသားဟာ လိင်ခရီးသွားဧည့်သည်ဆိုတဲ့အချက်ကို ထည့်သွင်းစဉ်းစားခဲ့ကြတယ်။ အများစုက အဲဒီပါးရိုက်ခံခဲ့ရတယ်ဆိုတဲ့အချက်အပ်ါမှာပဲ ဒေါသ ထွက်ခဲ့ကြတယ်။ အဲဒီထက်မက ပိုကျယ်ပြန့်တဲ့ လိင်ခရီးသွားလုပ်ငန်းရှိနေတယ်ဆိုတဲ့ အချက်ကိုတော့ ပြောဖို့ မေ့နေကြဟန်တူတယ်။

လိင်နဲ့ပတ်သက်တဲ့ ကိစ္စတွေကို အလွန် သိုသို သိပ်သိပ် ထားလေ့ရှိတဲ့ ရှေးရိုးဆန်တဲ့ မြန်မာနုိုင်ငံလို နိုင်ငံမျိုးမှာလည်း အားကောင်း တဲ့ လိင်ခရီးသွားလုပ်ငန်းမျိုး ဖြစ်ထွန်းဖို့ မခက်ခဲဘူးဆိုတဲ့ အချက်က စိတ်မကောင်းဖွယ်ရာ အမှန်တရားပဲ။ လိင်ခရီးသွားလုပ်ငန်း ကနေ နိုင်ငံခြားငွေရနုိုင်တယ်၊ ၀င်ငွေရနိုင်တယ်။ အဲဒီအလေ့အထကိုလည်း ဒေသခံလူထုက ၀င်ရောက်ဟန့်တားဖို့ ဒါမှမဟုတ် အရေးတယူ ပြောဆိုဆောင်ရွက်ဖို့ လက်တွန့်နေမယ်ဆိုရင် အမျိုးသမီးနဲ ကလေးတွေဟာ လိင်အမြတ်ထုတ်ခံရခြင်းကနေ ပိုပြီး အကာအကွယ်မဲ့ ဖြစ်သွားတတ်ကြတယ်။

မေး။ ။ အမျိုးသားဒီမိုကရေစီအဖွဲ့ချုပ်ရဲ့တောင်းဆိုမှုတွေဖြစ်တဲ့ တာဝန်သိ ခရီးသွားလုပ်ငန်းကို ကျင့်သုံးဖို့၊ ခရီးသွားကုမ္ပဏီတွေက စီစဉ်တဲ့ Package Tours နဲ့ ဇိမ်ခံသဘောင်္နဲ့ ခရီးသွားလုပ်ငန်းတွေကို သပိတ်မှောက်ဖို့ စတဲ့ တောင်းဆိုမှုတွေအပေါ်မှာ Tourism Transparency အနေနဲ့ အဖွဲ့ချုပ်ရဲ့တောင်းဆိုမှုကို ဘယ်လောက်အထိ ထောက်ခံပေးနိုင်မလဲ၊ သူတို့နဲ့ရော ဘယ်လောက် အထိ ပူးပေါင်းဆောင်ရွက်နုိုင်မှာလဲ။

ဖြေ။ ။ အမျိုးသားဒီမိုကရေစီအဖွဲ့ချုပ်က ဘယ်တော့အခါမှ Package Tours တို့၊ ဇိမ်ခံသင်္ဘော သပိတ်မှောက်ဖို့တောင်းဆိုခဲ့တာ မရှိ ပါဘူး။ ကျမအထင် ရှင်ပြောချင်တာက အဖွဲ့ချုပ်ရဲ့ ခရီးသွားလုပ်ငန်းဆိုင်ရာ ထုတ်ပြန်ကြေညာချက်မထွက်ခင် အင်တာဗျူးတခုမှာ ဦးဝင်းတင်ပြောခဲ့တဲ့ မှတ်ချက်တခုကလို့ ထင်တယ်။ အဲဒီမှတ်ချက်ကိုလည်း မီဒီယာတွေမှာ အခုအထိကို တလွဲဖော်ပြ နေ တုန်းပဲ။ ရှင်သိတဲ့အတုိုင်းပဲ မြန်မာနုိုင်ငံမှာက စာနဲ့ရေးတာ ပိုတရားဝင်တယ်လို့ မှတ်ယူကြတယ်။ ဆိုတော့ ကျမအထင်တော့ အဖွဲ့ချုပ်က ရေး ထားတဲ့ ခရီးသွားလုပ်ငန်းစာတမ်းကို ရည်ညွှန်းတာ ပိုအံဝင်မယ်လို့ မြင်တယ်။ အဲဒီစာတမ်းမှာ သပိတ်မှောက်ဖို့အတွက် တောင်းဆို ထားတာ မပါ ပါဘူး။ ခရီးသွားလုပ်ငန်းရဲ့ သက်ရောက်မှုတွေကို လူထုက ပိုသိလာအောင် အဖွဲ့ချုပ်က လုပ်နေတဲ့အပြင် ခရီးသွားဧည့် သည်တွေ အနေနဲ့ လူထုနဲ့ ထိစပ်တဲ့ အစီအစဉ်တွေရှိတဲ့ စီးပွားရေးလုပ်ငန်းကို အားပေးကြဖို့ပါ အကြံပြုထားပါတယ်။

Tourism Transparency က မည်သည့် အဖွဲ့အစည်းရဲ့ အကျိုးအတွက်ကိုမှ ရှေးရှုလုပ်ဆောင်တဲ့ အဖွဲ့အစည်းမဟုတ်တော့ တခါ တလေ ကျမတို့ သိပ်တော့ မလွယ်လှပါဘူး။ သို့သော် ကျမတို့လုပ်ငန်းတွေ ထိထိရောက်ရောက်ဖြစ်ဖို့ ကျမတို့အနေနဲ့က လုံးဝဥဿုံ ဘက်မလိုက်ဘဲ နေရပါမယ်။ အမြင်ပေါင်းစုံကို တင်ပြနုိုင်ဖို့အတွက် ခရီးသွားလုပ်ငန်းမှာ ပါဝင်ပတ်သက်သူများစွာနဲ့ ကျမတို့ ချိတ် ဆက်ပါတယ်။ မနှစ်က အဖွဲ့ချုပ် ဌာနချုပ်ရုံးမှာ တာဝန်သိ ခရီးသွားလုပ်ငန်း အလုပ်ရုံဆွေးနွေးပွဲတခု ကျမတို့ ကျင်းပခဲ့တယ်။ အဲဒီ နောက်ပိုင်းကစပြီး ကျမတို့ အဖွဲ့ချုပ်နဲ့ ပုံမှန် အဆက်အသွယ်ရှိတယ်။ အခြေခံအားဖြင့် ဘာတွေဖြစ်နေတယ်ဆိုတဲ့အပေါ် ကျမ တို့ အမြင်တွေ သူတို့ကို ပြောပြတယ်။ သူတို့အမြင်တွေလဲ မေးတယ်။ ပြီးတော့ နောက်တဆင့်အတွက် ကျမတို့ သဘောတူကြ တယ်။ တခြားသူတွေနဲ့လည်း ကျမတို့ ဒီလုိုပုံစံနဲ့ပဲ ဆက်ဆံတယ်။

မေး။ ။ မြန်မာနိုင်ငံအနေနဲ့ ကမ်းခြေတွေ ကမ်းရိုးတန်းဒေသတွေကို မပျက်စီးစေရဖို့၊ သမုိုင်းဝင်နေရာတွေ ထိန်းသိမ်းဖို့၊ ကိုလိုနီ ခေတ် ဗိသုကာလက်ရာတွေ ထိန်းသိမ်းဖုို့တွေအတွက် ဘယ်လိုလုပ်ဆောင်သင့်တယ်ဆိုတာနဲ့ ပတ်သက်ပြီး အကြံပြုချင်တဲ့ အသေး စိတ်၊ လက်တွေ့လုပ်ဆောင်သင့်တဲ့ အချက်တွေရှိရင် ပြောပြပေးပါလား။

ဖြေ။ ။ ကမ်းရိုးတန်းဒေသတွေဆိုတာ ကမ္ဘာမြေပေါ်မှာ ပျက်စီးလွယ်တဲ့ ဂေဟစနစ်ရှိတဲ့နေရာ ဖြစ်တဲ့အပြင် တချို့နေရာတွေဆို ဂေဟ စနစ် အလွန်ပေါကြွယ်ဝတဲ့ သန္တာကျောက်တန်းတွေ၊ လမုတောတွေ စသဖြင့် ပေါက်ရောက်တဲ့ ဒေသတွေပါ။ မတို့မထိရ သေး တဲ့ ကမ်းခြေတွေဆို ခရီးသွားတွေက အရမ်းစိတ်ဝင်စားပါတယ်။ ဒေသခံပြည်သူတွေအနေနဲ့လည်း စီးပွားရေးတိုးတက်လာမှုနဲ့ အလုပ် အကိုင်တွေ ရလာနိုင်တာကြောင့် ခရီးသွားလုပ်ငန်းကနေ အကျိုးအမြတ်ရပါတယ်။ မြန်မာနုိုင်ငံ ကမ်းခြေတွေရဲ့သဘာဝ ပတ်ဝန်းကျင်နဲ့ ဂေဟစနစ်တွေ မပျက်မစီး ရှိနေမှသာ ခရီးသွားလုပ်ငန်းဟာ အောင်မြင်မှာ ဖြစ်ပါတယ်။ ကျွန်းငယ်လေးတွေမှာ ရှိတဲ့ ဂေဟစနစ်တွေက အထူးသဖြင့် ပိုပျက်စီးလွယ်ပါတယ်။ မျက်တောင်တဆုံးသာကြည့်တဲ့ ခရီးသွားလုပ်ငန်းတွေကြောင့် ပျက်စီး စေနိုင် ပါတယ်။ ခရီးသွား တွေ လာရောက်လည်ပတ်မှု လျော့ကျသွားနုိုင်ပါတယ်။ တံငါသည်ကနေ ခရီးသွားလမ်းညွှန်အထိ ခရီးသွား လုပ်ငန်းအပေါ် မှီခိုနေရတဲ့ လူထုအတွက် ဘဝရပ်တည်ရာ ပျောက်ဆုံးသွားနိုင်ပါတယ်။

Tourism Transparency အနေနဲ့ ခရီးသွားလုပ်ငန်းကို ဖော်ဆောင်မယ့် ရေရှည်ခံမူဝါဒတွေ၊ ဥပဒေလုပ်ငန်းဘောင်တွေ ရှိဖို့ အကြံ ပြု ပါတယ်။ အောင်မြင်ပြီးသား ရေရှည်တည်တံ့စေတဲ့ အသိပညာတွေကို လက်ခံဆောင်ရွက်ဖို့နဲ့ ခရီးသွားလုပ်ငန်း လုပ်ကိုင် နေသူများ အတွက် အရည်အသွေး ပိုမြှင့်တင်ပေးဖုို့ကိုပါ ကျမတို့ ထောက်ခံအကြံပြုထားပါတယ်။ ဒါမှသာ ဂေဟစနစ်ကို ထိန်းသိမ်းဖို့ ခရီး သွား လုပ်ငန်း ဖွံ့ဖြိုးမှု မူဝါဒတွေထဲ ထည့်သွင်းနုိုင်မှာဖြစ်ပါတယ်။ အဲဒီလို မူဝါဒတွေကပဲ လူမှုရေး၊ စီးပွားရေး နဲ့ သဘာ ၀ပတ်ဝန်း ကျင်ဆိုင်ရာ အကျိုးဖြစ်ထွန်းမှုတွေကို ဆောင်ကျဉ်းပေးနိုင်မှာ ဖြစ်ပါတယ်။

သမုိုင်းဝင်နေရာ ထိန်းသိမ်းစောင့်ရှောက်ရေးဆိုတာနဲ့ ပတ်သက်ပြီး ကမ္ဘောဒီးယားနို်င်ငံ ဆီယမ်ရိဒ်မြို့ရဲ့ လုပ်ဟန်ကို လေ့လာနိုင် ပါ တယ်။ နုိုင်ငံတကာ အန်ကော ပူးပေါင်းဆောင်ရွက်ရေးကော်မတီက ခရီးသွားတွေအပေါ် စီမံခန့်ခွဲမှုပုံစံတခုကို ရေးဆွဲခဲ့ပါတယ်။ အဲဒီ ကော်မတီကို UNESCO က ဥက္ကဌအဖြစ် ဦးစီးပြီး ဘယ်လိုပြင်ဆင်မှုမျိုးတွေကို ခွင့်ပြုသင့်တယ်၊ အလည်အပတ်ခရီးတွေကို ဘယ်လိုမျိုး စီစဉ်ပေးသင့်တယ် စသဖြင့် ဆုံးဖြတ်ပေးပါတယ်။ ဆီယမ်ရိဒ်မြို့ဟာ အရင်တုန်းက အလွန်တိတ်ဆိတ်တဲ့ တံငါရွာလေးတွေ၊ လယ်လုပ် စားတဲ့ ရွာကလေးတွေ ပေါင်းထားတဲ့ မြို့လေးတမြို့ပါ။ အခုဆို ၁၀ နှစ်အတွင်းမှာ အောင်မြင်တဲ့ နုိုင်ငံခြား ခရီးသွား မြို့တမြို့ အဖြစ် ပြောင်းလဲသွားပါပြီ။

Ref: ဧရာဝတီ

Read More...

အမေရိကန် ဒဏ်ခတ်မှု စတင်ဖြေလျှော့

လင်းသန့်
April 5, 2012

အမေရိကန်က မြန်မာနိုင်ငံ အပေါ် စီးပွားရေး ဒဏ်ခတ် အရေးယူထား သည်များထဲမှ ရင်းနှီးမြုပ်နှံမှုနှင့် ဘဏ္ဍာရေး ဆိုင်ရာ ကန့်သတ် ချက် များ အပါအ၀င် တချို့ပိတ်ဆို့မှုများကိုတဆင့်ချင်းအလိုက် စတင်ဖြေလျှော့မည် ဖြစ်ကြောင်း အမေရိကန် နိုင်ငံခြားရေးဝန်ကြီး မစ္စ ဟီလာရီ ကလင်တန်က ယမန်နေ့က ကြေညာလိုက်သည်။

မစ္စ ကလင်တန်၏ အထူး ကြေညာချက်တွင် မြန်မာနိုင်ငံ၏ နိုင်ငံရေးပြုပြင်ပြောင်းလဲမှုနှင့် စီးပွားရေး ခေတ်မီတိုးတက်မှုတို့ကို အရှိန်ရလာ စေရေးအတွက် အမေရိကန်က တားမြစ်ပိတ်ပင်ထားသည်တို့ကို တခုချင်းစီအပေါ်မူတည်ပြီး ဖြေလျှော့ရုပ်သိမ်းခြင်းဖြစ်ကြောင်း ဆိုထား သည်။


မြန်မာအစိုးရသစ် ကျင်းပပေးခဲ့သည့် ကြားဖြတ်ရွေးကောက်ပွဲ ဖြစ်စဉ်နှင့် ရလဒ်ကို အသိအမှတ်ပြုသည့်အနေဖြင့် အမေရိကန် ပြည် ထောင်စုက မြန်မာနိုင်ငံတွင် သံအမတ်အဆင့် ပြန်လည်ထားရှိရေး အပါအ၀င် မြန်မာအစိုးရ ထိပ်တန်း အရာရှိများ၊ လွှတ် တော် ကိုယ်စားလှယ်များကို အမေရိကန်သို့ လာရောက်ခွင့်ပြုသည့် အချက်များလည်း ပါဝင်ကြောင်း မစ္စ ဟီလာရီက ကြေညာသည်။

ထို့အပြင် အမေရိကန် အစိုးရက ငွေကြေး ထောက်ပံ့ကူညီပေးထားသည့် USAID ကိုယ်စားလှယ်အဖွဲ့ မြန်မာနိုင်ငံတွင် ထားရှိကူညီ ရေးနှင့် မြန်မာကို အကူအညီပေးရေးအတွက် ကုလသမဂ္ဂ ဖွံ့ဖြိုးရေး အစီအစဉ်(UNDP)ကို အမေရိကန်က ထောက်ပံ့ ကူညီပေးရေး၊ မြန်မာနိုင်ငံတွင်း ဒီမိုကရေစီဖော်ဆောင်ရေး အခြေခံများနှင့် ပညာရေး၊ ကျန်းမာရေးဆိုင်ရာ ကူညီပေးသည့် အမေရိကန်နိုင်ငံတွင်းရှိ အစိုးရ မဟုတ်သော NGO များကိုလည်း အမေရိကန် အစိုးရက ထောက်ပံ့ကူညီရေးများလည်း ပါဝင်ကြောင်း မစ္စ ကလင်တန်က ဆိုသည်။

မြန်မာအစိုးရသစ်၏ ဒီမိုကရေစီ ဖော်ဆောင်မှု ခြေတလှမ်းစီအပေါ်မူတည်ပြီး အမေရိကန် အနေဖြင့် တူညီသည့် တုံ့ပြန်မှုများကို လုပ် ဆောင်ခြင်းဖြစ်ကြောင်း မစ္စ ကလင်တန်၏ ကြေညာချက်တွင် ဖော်ပြထားသည်။

“ပြုပြင်ပြောင်းလဲရေးနဲ့ ဖွံ့ဖြိုးတိုးတက်မှုလမ်းပေါ် လျှောက်လှမ်းနေကြတဲ့ မြန်မာအစိုးရနဲ့ နိုင်ငံသားတွေဘက်က ဆက်လက် ရပ်တည်ဖို့ အမေရိကန်ပြည်ထောင်စုက အခိုင်အမာ ဆုံးဖြတ်ထားပါတယ်”ဟု မစ္စ ကလင်တန်က ဆိုသည်။

မြန်မာအပေါ် တားဆီးပိတ်ဆို့မှုတချို့ ယခုကဲ့သို့ ဖြေလျှော့ပေးလိုက်သော်လည်း လူတဦးချင်းစီအပေါ် ပစ်မှတ်ထား ပိတ်ဆို့ထားမှုနှင့် အဖွဲ့အစည်းဆိုင်ရာအပေါ် ဒဏ်ခတ်ပိတ်ဆို့အရေးယူမှုတို့သည် ဆက်လက်ရှိနေဆဲဖြစ်ကြောင်း၊ ပြုပြင်ပြောင်းလဲရေး တိုးတက်မှုကို အနီးကပ် စောင့်ကြည့်နေမည်ဖြစ်ကြောင်းလည်း မစ္စ ကလင်တန် က ပြောဆိုသည်။

အမေရိကန်က မြန်မာနိုင်ငံကို လူ့အခွင့်အရေးချိုးဖောက်မှုများ၊ ဒီမိုကရေစီဖော်ဆောင်ရေး ပျက်ကွက်မှုများကြောင့် သမ္မတ ကလင်တန် လက်ထက် ၁၉၉၇ ခုနှစ် စီးပွားရေးဒဏ်ခတ် ပိတ်ဆို့မှု ဥပဒေ၊ ဒီပဲယင်း လုပ်ကြံမှုအပြီး သမ္မတ ဘုရှ် လက်ထက် ပြ ဌာန်းခဲ့သည့် မြန်မာ ပြည် လွတ်လပ်ရေးနှင့် ဒီမိုကရေစီ ဥပဒေ (Burma Freedom and Democracy Act 2003)၊ ၂၀၀၇ ရွှေဝါရောင်သံဃာ့လှုပ်ရှားမှုကို အကြမ်းဖက် ဖြိုခွဲပြီးနောက် ပြဌာန်းခဲ့သော ကျောက်မျက်ရာတနာ ရောင်းဝယ်မှု ကန့်သက်ချက် ဥပဒေ (JADE Act of 2008) စသည် တို့သည် ကွန်ဂရက်လွှတ်တော်က ဥပဒေဖြင့် တားမြစ် အရေးယူထားသည်များဖြစ်ပြီး ယခု ဖြေလျှော့မှုတွင် မပါဝင်ပေ။

သမ္မတဦးသိန်းစိန် အစိုးရလက်ထက် ပြုပြင်ပြောင်းလဲရေးလုပ်ဆောင်နေမှုနှင့် ဒေါ်အောင်ဆန်းစုကြည် ဦးဆောင်သည့် အမျိုးသား ဒီမိုကရေစီအဖွဲ့ချုပ် (NLD) ပါတီ ၀င်ရောက်ယှဉ်ပြိုင်ခွင့်ရသည့် ကြားဖြတ်ရွေးကောက်ပွဲ ကျင်းပခြင်း၊ အဆိုပါ ကြားဖြတ် ရွေးကောက် ပွဲတွင်လည်း NLD က အနိုင်ရရှိခြင်းတို့ကြောင့် မြန်မာနိုင်ငံအပေါ် ပိတ်ဆို့ဒဏ်ခတ်အရေးယူ ထားသည့် နိုင်ငံများက အရေးယူမှု တချို့ကို ဖြေလျှော့ ရုပ်သိမ်းရန် ပြောဆိုလာခြင်းဖြစ်သည်။

မြန်မာနိုင်ငံအကျဉ်းထောင်များထဲရှိ ကျန်ရှိနေသေးသော နိုင်ငံရေးအကျဉ်းသားများကို အမြန်ဆုံး ခြွင်းချက်မရှိ ပြန်လွှတ်ပေး ရေး နှင့် တနိုင်ငံလုံးအတိုင်းအတာနှင့် အပစ်အခတ်ရပ်စဲပြီး ပြည်တွင်းငြိမ်းချမ်းရေးကို ဆက်လက်ဖော်ဆောင်ရန်လည်း မစ္စ ကလင်တန် က ကြေညာချက်၌ တိုက်တွန်းထားသည်။

အလားတူ ဥရောပ သမဂ္ဂအနေဖြင့် စီးပွားရေး ဒဏ်ခတ်ပိတ်ဆို့မှုတချို့ကို ဖြေလျှော့ ရုပ်သိမ်းမည်ဖြစ်သော်လည်း ကျန်ရှိ နိုင်ငံ ရေး အကျဉ်းသားများ ပြန်လွှတ်ရေး ဆက်လက် ဖိအားပေး ပြောဆိုသွားမည်ဖြစ်ကြောင်း ဗြိတိန် နိုင်ငံခြားရေး ၀န်ကြီး ၀ီလျံ ဟိတ်ဂ် ကလည်း ယမန်နေ့က ပြောဆိုသည်။

ဗြိတိန်နှင့်တချို့သော စကင်ဒီနေးဗီးယားနိုင်ငံများက ပြုပြင်ပြောင်းလဲမှုကို အသိအမှတ်ပြုပြီး ဒဏ်ခတ်မှုတချို့ကို ရုပ်သိမ်းပေး လိုသော်လည်း လူ့အခွင့်အရေး ချိုးဖောက်မှုများရှိနေဆဲ မြန်မာနိုင်ငံအပေါ် စစ်လက်နက်ပစ္စည်းရောင်းချမှု ပိတ်ပင်ရေးနှင့် တဦး ချင်းအပေါ် ပစ်မှတ်ထား စီးပွားရေးဒဏ်ခတ်အရေးယူမှုမျိုးကို ဆက်လက်ထားရှိရန် လိုလားကြောင်း သတင်းများက ဆိုသည်။

သို့သော် ဥရောပ သမဂ္ဂအဖွဲ့ဝင် ဂျာမနီ၊ ပြင်သစ် စသည့် နိုင်ငံတချို့ကမှု ပိတ်ဆို့မှုများကို အမြန်ဆုံး ရုပ်သိမ်းပေးလို ကြောင်းလည်း သတင်းများတွင် ပါရှိသည်။

လာမည့် ဧပြီလ၂၃ ရက်နေ့တွင် ဘယ်ဂျီယံ နိုင်ငံ ဘရပ်ဆဲမြို့တွင် ဥရောပ သမဂ္ဂ ကော်မရှင်က မြန်မာအပေါ် စီးပွားရေး ဒဏ်ခတ်ပိတ် ဆို့မှု ရုပ်သိမ်းရေးအတွက် ဆွေးနွေးကြမည်ဖြစ်ကြောင်း ဆိုသည်။

ကမ္ဘောဒီးယားနိုင်ငံ ဖနွမ်းပင် မြို့တော်တွင် လတ်တလော ကျင်းပနေသည့် အကြိမ်၂၀ မြောက် အာဆီယံ ထိပ်သီးညီလာခံတွင် လည်း မြန်မာနိုင်ငံအပေါ် စီးပွားရေး ဒဏ်ခတ်ပိတ်ဆို့မှုများကို သက်ဆိုင်ရာ နိုင်ငံများက ရုပ်သိမ်းပေးရန် အာဆီယံ နိုင်ငံ ခေါင်း ဆောင်များက တညီတညွတ်တည်း တောင်းဆိုကြသည်။

နော်ဝေနိုင်ငံက ပိတ်ဆို့ အရေးယူမှုကို ပထမဆုံး ရုပ်သိမ်းလိုက်ပြီးနောက် သြစတြေးလျ၊ ကနေဒါ အစရှိသည့် နိုင်ငံများ က လည်း မြန်မာအပေါ် ချမှတ်အရေးယူထားသည်များကို ဖြေလျှော့ ရုပ်သိမ်းကြမည်ဖြစ်ကြောင်း ပြောဆိုထားသည်။

Ref: ဧရာဝတီ

Read More...

ကြံ့ခိုင်ရေးပါတီ ပြုပြင်ပြောင်းလဲရေး လုပ်မည်

ကျော်ခ
April 5, 2012

ကြားဖြတ် ရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ် (NLD) က မဲအပြတ်သတ် အနိုင်ရရှိပြီးနောက် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ခိုင်ရေးပါတီ)အတွက် ၂၀၁၅ အထွေထွေ ရွေးကောက်ပွဲတွင် ကြီးမားသည့် စိန်ခေါ်မှုဖြစ်လာနိုင်ဖွယ် ရှိသဖြင့် ကြံ့ခိုင် ရေး ပါတီ ပြုပြင်ပြောင်းလဲရေးများကို ညှိနှိုင်းဆွေးနွေးမှုများ ပြုလုပ်ခဲ့ကြောင်း ပါတီ အထွေထွေအတွင်းရေးမှူး ဦးဌေးဦးက ဧရာဝတီသို့ ပြော သည်။

နေပြည်တော်တွင် ယမန်နေ့က ပြုလုပ်ခဲ့သော ကြံ့ခိုင်ရေးပါတီ အစည်းအဝေးတွင် ပါတီ ဗဟိုအလုပ်မှုဆောင် အများစု တက်ရောက်ခဲ့ ကြကြောင်း၊ ကြားဖြတ်ရွေးကောက်ပွဲ ရှုံးနိမ့်မှုနှင့်ပတ်သက်၍ ဆွေးနွေးမှုများ ပြုလုပ်သကဲ့သို့ ပါတီ ရှေ့ဆက်မည့် အခြေအနေများကို ညှိနှိုင်းဆွေးနွေးခဲ့ကြကြောင်း သိရသည်။


“လက်ရှိ ရွေးကောက်ပွဲရလဒ်နဲ့ ပတ်သက်လို့ ကျနော်တို့ အားလုံးပဲ သဘောတူပါတယ်။ နောက်တခုကတော့ ရွေးကောက်ပွဲနဲ့ ပက် သတ်ပြီး ကျနော်တို့ ပါတီရဲ့ အားနည်းချက် အားသာချက်များကိုလည်း ဖော်ထုတ်ပြီးတော့ ဆောင်ရွက်ကြမယ်ဆိုတာကိုလည်း ဆွေးနွေးကြပါတယ်” ဟု ဦးဌေးဦး က ဧရာဝတီသို့ ပြောသည်။

ကြံ့ခိုင်ရေးပါတီအနေဖြင့် ကြားဖြတ်ရွေးကောက်ပွဲတွင် နေရာအများစု အနိုင်ရရှိမည်ဟု မူလက မျှော်လင့်ခဲ့သော်လည်း ဝင်ရောက် ရွေးချယ်ခံခဲ့သည့် မဲဆန္ဒနယ်မြေ ၄၅ နေရာအနက် NLD ယှဉ်ပြိုင်ခွင့် မရသည့် တနေရာ၌သာ အနိုင်ရရှိခဲ့ပြီး ဒေါ်အောင်ဆန်းစုကြည် ဦးဆောင်သော NLD ပါတီက ၄၃ နေရာ အနိုင်ရရှိခဲ့သည်။

ကြံ့ခိုင်ရေးပါတီသည် ၁၉၉၃ ခုနှစ်မှစ၍ ၁၇ နှစ်ကြာ လူမှုရေးအသင်းအမည်ခံကာ စစ်အစိုးရက ထူထောင်ပေးခဲ့ပြီး ၂၀၁၀ ရွေးကောက်ပွဲ မတိုင်မီတွင် ပါတီအဖြစ်သို့ ပြောင်းလဲခဲ့ခြင်းဖြစ်သည်။ စစ်တပ်မှ ကျောထောက်နောက်ခံ ပြုထားသော ပါတီဖြစ်သောကြောင့် စစ်တပ်နှင့် နီးစပ်သည့် စီးပွားရေးသမားများ၏ မျက်နှာသာပေး ထောက်ပံ့မှုကိုလည်း ရရှိခဲ့ကြောင်း ပါတီနှင့် နီးစပ်သူများကဆိုသည်။

ယခု ကြားဖြတ်ရွေးကောက်ပွဲတွင် အကြီးအကျယ် ရှုံးနိမ့်ခဲ့ရမှုကြောင့် ပါတီကို ထောက်ခံအားပေးခဲ့ကြသူများ စိတ်ပျက်လက်ပျက် ဖြစ်ကြ ကြောင်း သိရှိရသည်။

“ကျနော်တို့ တော်တော်စိတ်ဓာတ် ကျသွားပါတယ်” ဟု လွှတ်တော်အတွင်းမှ စစ်တပ်ကိုယ်စားလှယ်တဦးက Reuters သတင်းဌာနကို ပြောကြားခဲ့သည်။

NLD က အပြတ်အသတ် အနိုင်ရခြင်းအပေါ် ဦးဌေးဦး၏ အမြင်ကို ဧရာဝတီက မေးမြန်းခဲ့ရာ ၎င်းက ဒေါ်အောင်ဆန်းစုကြည်နှင့် NLD ပါတီတို့မှာ လူထုအကျိုး လုပ်ဆောင်မှု မတွေ့ရှိရသေးသဖြင့် လတ်တလော အခြေအနေကို သုံးသပ်ရန် ခက်ခဲနေသေးကြောင်း ဖြေ ကြားသည်။

သို့သော် လွတ်လပ်ရေးဖခင် ဗိုလ်ချုပ်အောင်ဆန်းနှင့် ဆက်နွယ်၍ လူသိများခြင်း၊ ဒေါ်အောင်ဆန်းစုကြည်၏ ကျော်ကြားမှု၊ နိုင်ငံတကာ အသိုင်းဝိုင်း၏ ထောက်ခံမှု၊ တပြည်လုံး စည်းရုံးလှုံ့ဆော်မှု အားကောင်းခြင်းတို့ကြောင့် ကြားဖြတ်ရွေးကောက်ပွဲတွင် NLD က တဖက် သတ် အနိုင်ရရှိသွားခြင်းဖြစ်သည်ဟု ကြံ့ခိုင်ရေးပါတီ ခေါင်းဆောင်များက သုံးသပ်ကြကြောင်း သိရှိရသည်။

NLD ပါတီ အနိုင်ရရှိမှုကို ကြံ့ခိုင်ရေးပါတီက ကြိုဆိုသွားမည်ဖြစ်ပြီး လွှတ်တော်တွင်းသာမက လွှတ်တော်ပြင်ပတွင်လည်း ပူးတွဲလုပ် ဆောင်ရန် လိုအပ်သည့်ကိစ္စရပ်များ ပေါ်ပေါက်လာပါက တွေ့ဆုံဆွေးနွေးမှုများ ပြုလုပ်သွားမည်ဟု ဦးဌေးဦးက ပြောသည်။

၂ဝဝ၃ ခုနှစ် မေလ ၂၇ ရက်နေ့တွင် NLD ခေါင်းဆောင် ဒေါ်အောင်ဆန်းစုကြည်နှင့် အဖွဲ့ဝင်များ စစ်ကိုင်းတိုင်း ဒီပဲယင်းအရပ်၌ တိုက် ခိုက်ခံရပြီး လူ ၇၀ ကျော်သေဆုံးခဲ့သည့် လုပ်ကြံမှုကြီးတွင် အဓိက လက်သည်အဖြစ် ကြံ့ခိုင်ရေးအသင်းက နာမည်ထွက်ခဲ့ သော်လည်း ထိုကိစ္စနှင့်ပတ်သက်၍ ပတ်သက်မှုမရှိဟု ဦးဌေးဦးက ငြင်းဆိုသွားသည်။

ထို့အတူ လူထုဆန္ဒပြမှုများကို နှိမ်နင်းရာတွင် ပါဝင်ခဲ့သည့် စွမ်းအားရှင်အဖွဲ့နှင့်လည်း ပတ်သက်မှုမရှိကြောင်း မကြာသေးမီက ဧရာဝတီ နှင့်ဆက်သွယ်မေးမြန်းခန်းတွင် ဖြေဆိုခဲ့သည်။

ပါတီ၏ အားနည်းချက်၊ အားသာချက်များကို ပြင်ဆင်ဆောင်ရွက်မှုများ ပြုလုပ်ရာတွင် အလွယ်တကူ ဆောင်ရွက်ခြင်းများ ရှိသကဲ့သို့ ခက်ခဲမှုများလည်း ရှိကြောင်း၊ ထို့ကြောင့် ပါတီတာဝန်ရှိသူများအနေဖြင့် ပါတီမူဝါဒလမ်းစဉ်ကို လူထုသိရှိစေရန် ထဲထဲဝင်ဝင် ပူးပေါင်း ဆောင်ရွက်မှုများ ပိုမိုလုပ်ဆောင်သွားရန် လိုအပ်ကြောင်းလည်း ဦးဌေးဦးက ပြောသည်။

Ref: ဧရာဝတီ

Read More...

မြန်မာ့ ရွေးကောက်ပွဲ တရုတ် လှိုက်လှဲမှုမရှိ

April 5, 2012

ကြားဖြတ် ရွေးကောက်ပွဲတွင် ဒေါ်အောင်ဆန်းစုကြည် ဦးဆောင်သော အမျိုးသား ဒီမိုကရေစီ အဖွဲ့ချုပ် (NLD) အနိုင်ရပြီးနောက် မြန်မာ နိုင်ငံအပေါ် ပိတ်ဆို့အရေးယူမှုများရုပ်သိမ်းရန် တရုတ်နိုင်ငံက ယနေ့ တောင်းဆိုလိုက်သော်လည်း NLD အောင်ပွဲဆင်ခဲ့သည့် အပေါ် လှိုက်လှိုက်လှဲလှဲ မရှိကြောင်း တွေ့ရသည်။

တရုတ်အစိုးရ မီဒီယာအနေနှင့် မြန်မာပြည်၏ သမိုင်းဝင်ရွေးကောက်ပွဲအပေါ် တုံ့ပြန်မှု နှေးကွေးနေချိန်၌ တိုးတက်ပြောင်းလဲမှုလိုလား သော မီဒီယာများနှင့် မိုက်ခရိုဘလော့ (Micro-blog)များအတွက်မူ မြန်မာပြည်မှ မဲဆွယ်မှုများနှင့် ရွေးကောက်ပွဲ သတင်းများသည် ရေပန်းစားလှ သည့် အကြောင်းအရာများ ဖြစ်နေခဲ့သည်။


ကြားဖြတ်ရွေးကောက်ပွဲရလဒ်ကို ကြေညာချိန်တွင် နိုင်ငံတ၀န်း လွှင့်သည့် တရုတ် ဗဟိုရုပ်သံလွှင့်ဌာန (China Central Television – CCTV) သည် မြန်မာအစိုးရ မီဒီယာ MRTV က ကြေညာသည့်အတိုင်း ထုတ်လွှင့်သွားခဲ့သည်။

ထို သတင်းကြေညာချက်နောက်ပိုင်း၌ တရုတ်အစိုးရ သတင်းဌာနဖြစ်သည့် ဆင်ဟွာ(Xinhua) သတင်းဌာနက ရွေးကောက်ပွဲသတင်းကို ထုတ်လွှင့်သော်လည်း သတင်းအပြည့်အစုံ ထုတ်လွှင့်ခြင်း မရှိသည်ကို တွေ့ရသည်။

သို့သော် CCTV သတင်းထောက် ဝမ်ယွီးဇောင် (Wang Yuezhou) ပေးပို့သည့် ကြားဖြတ် ရွေးကောက်ပွဲကာလ အတွင်း မြန်မာ မီဒီယာ များ၏ သတင်းတင်ပြမှုနှင့်ပတ်သက်သော သတင်းရှည်တပုဒ်အား CCTV က မတ်လ ၃၁ ရက်နေ့၌ ထုတ်လွှင့် သွား ခဲ့သည်။

Caixin၊ Dongfang Daily၊ Southern People၊ Southern Metropolis Daily နှင့် Asia Weekly ကဲ့သို့သော အပြောင်းအလဲ လိုလား သည့် တရုတ်သတင်းဌာနတချို့က သတင်းထောက်များသည် ဒေါ်အောင်ဆန်းစုကြည်၏ မဲဆွယ်ရေး လှုပ်ရှားမှုများကို သတင်းယူ နိုင်ရန်အတွက် မြန်မာနိုင်ငံသို့ အလုံးအရင်းနှင့် ဝင်ရောက်ခဲ့ကြသော နိုင်ငံခြားသတင်းထောက်များနှင့်အတူ ရွေးကောက်ပွဲ နေ့ မတိုင်ခင်ကတည်းက ကြိုရောက်နေကြသည်။

“ဒီလိုအပြောင်းအလဲတွေ မြန်မာနိုင်ငံထဲ ဖြစ်နေတဲ့အချိန်မှာ တရုတ်နိုင်ငံရဲ့ အကြီးမားဆုံး ကြိုးပမ်းမှုကတော့ ဝင်ရောက်မစွက် ဖက် ရေးမူကို ဆုပ်ကိုင်ထားတာပါပဲ”ဟု ရှန်ဟိုင်း နိုင်ငံတကာလေ့လာရေး အင်စတီကျု (Shanghai Institute of International Studies)၏ တောင်အာရှဌာန ညွှန်ကြားရေးမှူး ဇောင်ဂန်ချန်း (Zhao Gancheng) က တနင်္ဂနွေနေ့၌ ပြုလုပ်သည့် ရှန်ဇင်း ရုပ်သံလွှင့်ဌာန (Shenzhen Television)နှင့် တွေ့ဆုံမေးမြန်းခန်းတခုတွင် ပြောခဲ့သည်။

၎င်းကဆက်လက်ပြီး“တချိန်တည်းမှာလည်း မြန်မာပြည်အနေနဲ့ ပြည်တွင်း တည်ငြိမ်မှုကို ထိန်းထားနိုင်မယ်လို့ ကျနော်တို့ မျှော်လင့်ပါ တယ်။ မြန်မာနိုင်ငံရဲ့ အမျိုးသားပြန်လည်သင့်မြတ်ရေးဟာ တရုတ်အကျိုးစီးပွားကို မထိခိုက်ဘူးလို့ ကျနော်ယူဆပါတယ်။ နိုင်ငံတကာရဲ့ မြန်မာ အပေါ်ထားရှိတဲ့ ဒဏ်ခတ်အရေးယူမှုတွေကို မြန်မာအစိုးရက လျှော့ချနိုင်တဲ့အပေါ် တရုတ်နိုင်ငံက ကြိုဆိုပါတယ်”ဟု ပြောဆို သည်။

သို့သော် အခြေအနေကို သေချာစွာစောင့်ကြည့်ရဦးမည်ဖြစ်ကြောင်း၊ အမေရိကန်နိုင်ငံနှင့် အနောက်နိုင်ငံများက လက်ရှိအခြေ အနေကို အသုံးချပြီး မြန်မာကို ပထ၀ီ နိုင်ငံရေး မဟာဗျူဟာ အကျိုးစီးပွားအတွက် အဖြည့်ခံ နိုင်ငံအဖြစ် ပြောင်းလဲရန် ဆောင် ရွက်လာပါက တရုတ်နှင့် မြန်မာ နှစ်နိုင်ငံ ဆက်ဆံရေး အပေါ် အပျက်သဘော ဆောင်သော အကျိုးသက်ရောက်မှု ရှိလာမည် ဖြစ်ကြောင်းလည်း ဇောင်ဂန်ချန်း က ပြောသည်။

အမျိုးသားရေးရှေ့တန်းတင်သော Global Times နေ့စဉ်သတင်းစာ အယ်ဒီတာချုပ် ဟူဇီဂျင်း (Hu Xijin) ကမူ“မြန်မာပြည်ဟာ အတိတ်မှာရှိခဲ့တဲ့ ဆင်းရဲမွဲတေမှုနဲ့ စစ်အုပ်ချုပ်ရေးတွေကို တဖြည်းဖြည်းထားရစ်ခဲ့ပြီး ဒီမိုကရေစီ လမ်းကြောင်းပေါ်ရောက်နေပြီ”ဟု ချီးကျူးပြောဆိုသည်။

ဟူဇီဂျင်း သည် သြဇာကြီးသော အယ်ဒီတာတဦးဖြစ်ပြီး တနင်္ဂနွေနေ့က ၎င်း၏ Sina Weibo မိုက်ခရို ဘလော့တွင် ထိုသို့ ရေး သား ခဲ့ခြင်း ဖြစ်သည်။ ဟူဇီဂျင်း ၏ ဘလော့သည် အမြဲတမ်းကြည့်သူ ၁.၉ သန်းကျော်ရှိကြောင်း သိရသည်။

“တချို့လူတွေကတော့ မြန်မာနိုင်ငံကိုချီးမွမ်းပြီး တရုတ်ကိုသရော်ကြတယ်၊ ရယ်စရာကောင်းပါ့ဗျာ။ ဒီမိုကရေစီနဲ့ ရွေးကောက် ပွဲတွေကို ညီမျှခြင်းချတာဟာ ဖြစ်ရိုးဖြစ်စဉ် တရားသေဆန်တဲ့ ကောက်ချက်ပဲဗျ။ နိုင်ငံတခုရဲ့ ဒီမိုကရေစီ အရည်အသွေးကို နားလည်ဖို့ဆိုရင် အဲ့ဒီနိုင်ငံမှာ ပြည်သူလူထုရဲ့ဆန္ဒနဲ့ အစိုးရ မူဝါဒတွေ ဘယ်လောက်အထိ ကင်းကွာနေသလဲ၊ ပြီးတော့ ဒီမူဝါဒ တွေကို ဘယ်လို ချော ချောမွေ့မွေ့နဲ့ အကောင်အထည်ဖော်သလဲ ဆိုတာတွေကို သေသေချာချာ အကဲဖြတ်ကြည့်ရမှာဖြစ်တယ်”ဟုလည်း ဟူဇီဂျင်း က ရေး ထားသေးသည်။

ဟူဇီဂျင်းက“မြန်မာပြည်ကို တရုတ်နိုင်ငံအတွက် စံပြုသင့်တဲ့ ဥပမာလို့ပြောဖို့ သိပ်စောလွန်းပါသေးတယ်”ဟုဆိုပြီး ၎င်း၏ သူ့ရဲ့ စာကို အဆုံးသတ်ခဲ့သည်။ ထိုစာကို အခြားသူများက အကြိမ် ၉၅၀ ကျော် ဆက်၍ ဖြန့်ခဲ့ကြကြောင်း သိရသည်။

အင်တာနက်အကြောင်း ဟောပြောရေးသားသူ ဝမ် ဂူဝမ်ဇီယွန် (Wang Guangxiong) ကမူ“မြန်မာပြည်ရွေးကောက်ပွဲမှာ ဒေါ်အောင် ဆန်း စုကြည် အနိုင်ရတယ်။ မဲဆန္ဒရှင် ၉၉ ရာခိုင်နှုန်းက သူ့ကို မဲပေးခဲ့ကြတယ်။ ဆက်ဒန်ဟူစိန် (Saddam Hussein)လည်း ဟိုအရင်က သူ့လိုပဲ ၉၉ ရာခိုင်နှုန်း ရဖူးတယ်”ဟု ကိုယ်ပိုင် ဘလော့တွင် တနင်္လာနေ့က ရေးသားထားသည်။

ဝမ် ဂူဝမ်ဇီယွန် သည် Sohu Online Portal တွင် အလုပ်လုပ်နေသူဖြစ်ပြီး ၎င်း၏ မိုက်ခရိုဘလော့ကို အမြဲတမ်းကြည့်သူ ၁.၁ သန်းရှိ ကြောင်း သိရသည်။

ဝမ် ဂူဝမ်ဇီယွန် က ဆက်လက်ပြီး“ကျနော့်အမြင်ကိုပြောရရင် ပထမအောင်မြင်မှုက စံတန်ဖိုးတွေရဲ့အင်အားကြောင့်ဖြစ်ပြီး ဒုတိယက တော့ သေနတ်ရဲ့အစွမ်းကြောင့်ပါ။ နောက်ဆုံးမှာတော့ ယုံကြည်ချက်က လက်နက်ကို အောင်နိုင်သွားတာပါပဲ”ဟုလည်း ရေးသားသည်။

တရုတ် ဒီမိုကရေစီရေး လှုပ်ရှားသူ ရန်ယန်ဖေး (Ran Yunfei) ကလည်း ဒေါ်အောင်ဆန်းစုကြည်၏ အောင်ပွဲသတင်းကို ၎င်း၏ အိမ်တွင် ပြောပြရာ၌ မိသားစုက မည်သို့ကောင်းချီးသြဘာပေးကြသည်ကို တွီတာတွင် ရေးသည်။

“တကယ်လား၊ ဝမ်းသာစရာကောင်းလိုက်တာဆိုပြီး ကျနော့်သမီးက ထအော်တယ်။ သူတို့အောင်မြင်မှုအတွက် ဂုဏ်ယူပါတယ် ဆိုပြီး ကျနော့်မိန်းမက အိမ်အောက်ထပ်ကနေ လှမ်းပြောတယ်။ ကျနော်ကတော့ အဲ့ဒီမှာ မဖြစ်နိုင်စရာဘာရှိလဲဆိုပြီး တကြောင်းပဲပြောလိုက် တယ်”ဟု ရန်ယန်ဖေးက ဆိုသည်။

ရန်ယန်ဖေးသည် နိုဘယ်လ်ငြိမ်းချမ်းရေးဆုရှင် လျိုရှောင်ပေါ (Liu Xiaobo) ၏ တရုတ်နိုင်ငံ ဒီမိုကရေစီရေးအတွက် တောင်း ဆိုထား သော Charter 08 ကို လက်မှတ်ထိုးခဲ့သူတဦး ဖြစ်သည်။

၎င်းသည် တရုတ်နိုင်ငံအလယ်ပိုင်း ဆီချွမ် (Sichuan) ပြည်နယ် ချန်ဒူ (Chengdu) အရပ်ရှိ အစိုးရပိုင် ထုတ်ဝေရေး လုပ်ငန်းတခု၌ လက်ရှိအလုပ်လုပ်နေသူဖြစ်သည်။

မြန်မာနိုင်ငံကြားဖြတ်ရွေးကောက်ပွဲကို စောင့်ကြည့်လေ့လာရန်အတွက် မြန်မာ နိုင်ငံဆိုင်ရာ တရုတ်သံအမတ် လီကျန်ဟွာ (Li Junhua) နှင့် အခြားဌာနေ သံတမန် ၂ ဦးတို့ ဖြစ်ကြောင်း ရန်ကုန် အခြေစိုက် တရုတ် သံရုံး သတင်းရပ်ကွက်က ဆိုသည်။

တိုင်းမ် မဂ္ဂဇင်း(Time Magazine) သတင်းထောက်တဦးက ဇီယွန် (Xiong)ဟု ခေါ်သော တရုတ်သံတမန်တဦးကို ဒေါ်အောင် ဆန်းစု ကြည် အနိုင်ရသည့် ကော့မှူးမြို့က မဲရုံတခု၌ တွေ့ခဲ့သည်ဟု ပြောသည်။

“အခုလိုလာကြည့်တယ်ဆိုတော့ တရုတ်နိုင်ငံက ဒီမိုကရေစီကို စိတ်ဝင်စားတယ်ပေါ့လေ”ဟု ၎င်းက ပြောဆိုရာတွင် တရုတ် သံတမန်က မည်သို့မျှ ပြောဆိုခြင်းမရှိဘဲ ပြန်လည်ပြုံးပြ၍ ထွက်ခွာသွားသည်ဟုလည်း တိုင်းမ် မဂ္ဂဇင်း သတင်းထောက်က ပြောပြသည်။

Muted Coverage of Burmese Vote Shows Chinese Unease by Patrick Boehler ကို ဆီလျော်အောင် ပြန်ဆို ဖော်ပြသည်။

Ref: ဧရာဝတီ

Read More...

Thursday, April 5, 2012

အစိုးရနှင့် ကေအဲန်ယူ ပြည်နယ်အဆင့် အပစ်အခတ်ရပ်စဲရေးဒုတိယ အကြိမ် ဆွေးနွေး

5 April 2012
နန်းဖော့ဂေ

အပစ်အခတ် ရပ်စဲရေး ပိုမိုခိုင်မာရန်အတွက် ကရင် အမျိုးသားအစည်းအရုံး(KNU)နှင့် မြန်မာအစိုးရ တြို့ပည်နယ်အဆင့် ဒုတိယအကြိမ် ယနေ့မွန်းလွဲမြန်မာစံတော်ချိန်၂နာရီတွင် တွေ့ဆုံဆွေးနွေးခဲ့ကြသည်။

ဆွေးနွေးပွဲတွင် ပါဝင်သူ KNU မှ နော်မေဦးက “အပစ်အခတ်ရပ်စဲရေး ပဏာမသဘောတူညီချက်ကို အကောင်အထည်ဖော်နိုင်ဖို့ ကျမတို့ အနေနဲ့ အကျေအလည်ဆွေးနွေးသွားတာပဲ ဖြစ်ပါတယ်။ ဒီနေ့ ဆွေးနွေးချက်တွေကိုဆုံးဖြတ်ချက်ချနိုင်ဖို့အတွက် ကျမတို့ ရန်ကုန်မှာ ပြည်ထောင်စုအဆင့် ဆက်လက် ဆွေးနွေးသွားမှာဖြစ်ပါတယ်။”ဟု ကေအိုင်စီကို ပြောသည်။


ပြည်နယ်အဆင့် ဒုတိယအကြိမ် ဆွေးနွေးပွဲတွင် အပစ်အခတ်ရပ်စဲရေးအတွက်နှစ်ဦးနှစ်ဖက် လိုက်နာကျင့်သုံးရမည့် ကျင့်ဝတ်များ၊ အပစ်အခတ်ရပ်စဲရေးကို
စောင့်ကြပ်ကြည့်ရှုမှုများ ထားရှိရေး၊ ဆက်ဆံရေးရုံးများကို ဒေသအလိုက်သတ်မှတ်ထားရှိရန်တို့ ပါဝင်သည်။

ယနေ့ မွန်းလွဲ ၂နာရီကျော်တွင် ပြုလုပ်ခဲ့သည့် အဆိုပါ တွေ့ဆုံမှုတွင်ကေအဲန်ယူဘက်မှ အထွေထွေ အတွင်းရေးမှူးချုပ် နော်စီဖိုးရာစိန်၊
ကရင်အမျိုးသားလွတ်မြောက်ရေးတပ်မတော်-KNLA မှ ဗိုလ်ချုပ်ကြီးမူတူးစေးဖိုး၊ပဒိုစောအားတိုး၊ ပဒိုစောရွှေမောင်း၊ ပဒိုစောကွယ်ထူး ၀င်း၊ဗိုလ်မှူးရောဂျာခင်၊ ဗိုလ်မှူးထူးထူးလေး၊ ဗိုလ်မှူးကြီးမိုးဖြူ၊ဗိုလ်မှူးချုပ်အဲကလူသိန်း၊ နော်မေဦး၊ နော်ဘလူးမင်းနိုက်ဇန်၊ ပဒိုစောသော သီဘွဲ၊ စောတာဒို့မူးနှင့် စောအောင်ဝင်းရွှေတို့ ပါဝင်ခဲ့ကြသည်။

ထို့အပြင် မြန်မာအစိုးရဘက်မှလည်း ရထားပို့ဆောင်ရေးဝန်ကြီး ဦးအောင်မင်း၊လူဝင်မှုကြီးကြပ်ရေးဝန်ကြီး ဦးခင်ရီ၊ အရှေ့တောင်တိုင်း စစ်ဌာနချုပ်
တိုင်းမှူး ဗိုလ်ချုပ်တင်မောင်ဝင်း၊ ပြည်နယ်ဝန်ကြီးချုပ် ဦးဇော်မင်း၊ပြည်နယ် နယ်စပ်ရေးရာလုံခြုံရေးဝန်ကြီး ဗိုလ်မှူးကြီးအောင် လွင်၊ G-1 ဒုဗိုလ်မှူးကြီးကျော်မြင့်၊ ပြည်နယ်ဥပဒေချုပ် ဦးသိန်းလွင်၊ ပြည်နယ်အထွေထွေအုပ်ချုပ်ရေးမှူး ဦးဇော်လွင်ဦး၊ နယ်စပ်ဒေသနှင့် တိုင်း ရင်း သားလူမျိုးများ ဖွံ့ဖြိုးရေးဝန်ကြီးဌာန ပြည်နယ်မှူးဦးသက်နောင်၊ထားဝယ်မင်းသမီးကုမ္ပဏီမှ ဦးငွေစိုး၊ ဦးကိုကိုမောင်၊ မစု၊ ဦးချစ် ကိုကို (မြန်မာ့မီးရတထားလုပ်ငန်း အထွေထွေမန်နေဂျာ)၊ Egress မှဦးတင်မောင်သန်း၊ ဒေါက်တာကျော်ရင်လှိုင်နှင့် ဦးလှမောင်ရွှေတို့
ပါ ၀င် ခဲ့သည်။

KNU အထွေထွေ အတွင်းရေးမှူးချုပ် နော်စီဖိုးရာစိန်နှင့်ကရင်အမျိုးသားလွတ်မြောက်ရေး တပ်မတော်(KNLA) စစ်ဦးစီးချုပ် ဗိုလ်ချုပ် ကြီးမူ တူးစေးဖိုး ဦးဆောင်သည့် ငြိမ်းချမ်းရေးကိုယ်စားလှယ်အဖွဲ့သည် မြန်မာအစိုးရနှင့် ဆက်လက် ဆွေးနွေးရန် ၎င်းတို့၏ ဒုတိယ အကြိမ် ငြိမ်းချမ်းရေးခရီးစဉ်ကို ဧပြီလ ၄ရက်နေ့ (ယနေ့)မနက်၇နာရီခွဲ(မြန်မာစံတော်ချိန်)တွင် မြ၀တီမြို့မှ စတင် ထွက်ခွာခဲ့သည်။

ထို့နောက် နေ့လည် ၁၀နာရီခွဲကျော်တွင် KNUငြိမ်းချမ်းရေးကိုယ်စားလှယ်အဖွဲ့အား ရထားဝန်ကြီး ဦးအောင်မင်း၊ လူဝင်မှုကြီး ကြပ်ရေး ၀န်ကြီး ဦးခင်ရီ၊ မြန်မာစစ်တပ် တပ်မ(၂၂)တပ်မမှူးနှင့် ဗျူဟာမှူးတို့က ကော့ကရိတ်မြို့ရှိ တပ်မ(၂၂) ဌာနချုပ်တွင် ကြိုဆို၍ နေ့လည်စာ ဖြင့် တည်ခင်းဧည့်ခံခဲ့ကြသည်။

ငြိမ်းချမ်းရေးဆွေးနွေးမည့် နှစ်ဖက် ကိုယ်စားလှယ်အဖွဲ့သည်ကော့ကရိတ်မြို့မှ ထွက်ခွာလာခဲ့ပြီး မွန်းလွဲ ၁နာရီတွင် ကရင်ပြည်နယ်၊
မြို့တော် ဘားအံမြို့သို့ ရောက်ရှိကာ ပြည်နယ်အဆင့် ဆွေးနွေးပွဲကို ဆက်လက် ပြုလုပ်ခဲ့ကြခြင်း ဖြစ်သည်။

KNU ငြိမ်းချမ်းရေး ကိုယ်စားလှယ်အဖွဲ့သည် ဧပြီလ ၅ရက်နေ့မနက်တွင်ဘားအံမြို့ရှိ ကရင်လူမှုအဖွဲ့အစည်းများ၊ ကရင်ဘာသာရေး ခေါင်းဆောင်များ၊ ကရင်လူထုများနှင့် တွေ့ဆုံကာ ရန်ကုန်မြို့သို့ ဆက်လက် ထွက်ခွာမည်ဟုသိရသည်။

Ref: ကေအိုင်စီ

Read More...

ကေအဲန်ယူနှင့်အစိုးရတို့ ပြည်နယ် အဆင့် တွေ့ဆုံဆွေးနွေးပွဲပြီး

5 April 2012
နန်းထူးစံ

ကရင်အမျိုးသားအစည်းအရုံး(ကေအဲန်ယူ)နှင့် မြန်မာအစိုးရတို့ အပစ်အခတ်ရပ်ဆိုင်းရေးအတွက် ယနေ့ ဖားအံမြို့တွင် ပြည်နယ်အဆင့် တွေ့ဆုံဆွေးနွေးခဲ့ပြီး နှစ်ဦးနှစ်ဖက် လိုက်နာဆောင်ရွက်ရမည့် ကျင့်ဝက် အချက်အလက်များကို ဆွေးနွေးခဲ့ကြသည်ဟု ကေအဲန်ယူ ဘက်က ပြောသည်။

ထိုဆွေးနွေးပွဲတွင် နှစ်ဖက် ကိုယ်စားလှယ်များက အပစ်အခတ်ရပ်ဆိုင်းရေးအတွက် နှစ်ဦးနှစ်ဖက် လိုက်နာဆောင်ရွက်ရမည့် ကျင့်ဝတ် (Code of Conduct)များ စနစ်တကျချမှတ်ရေး၊ အပစ်အခတ် ရပ် ဆိုင်းရေး စောင့်ကြည့်သည့်အဖွဲ့ထားရှိရေးနှင့် ဆက်ဆံရေးရုံးများကို လိုအပ်သည့်ဒေသများတွင် ဖွင့် လှစ်ရေး အပါအ၀င်အပစ်အခတ်ရပ်ဆိုင်းရေးဆိုင်ရာ အသေးစိပ်အချက်အလက်များကို ဆွေးနွေးခဲ့
ကြသည်ဟု ယနေ့ ကေအဲန်ယူက သတင်းထုတ်ပြန်သည်။

ယနေ့ပြုလုပ်သည့် ဆွေးနွေးပွဲတွင် နှစ်ဦးနှစ်ဘက် အပြန်အလှန် ရင်းနှီးပွင့်လင်းစွာ ဆွေးနွေးနိုင် တဲ့အ တွက် အားရကျေနပ်မှုရှိသည်ဟု ကေအဲန်ယူကိုယ်စားလှယ်အဖွဲ့မှ ပြောရေးဆိုခွင့်ရှိသူ နော်မေ ဦးက ကေ အိုင်စီသို့ ပြောသည်။

သူမက “ကျမတို့ အားလုံးလိုချင်တဲ့ ငြိမ်းချမ်းရေးကို ရဖို့အတွက် ကျမတို့ ဆွေးနွေးတဲ့အခါမှာ အပြန်အ လှန် ပွင့်ပွင့်လင်းလင်း ရင်းရင်းနီးနီး ဆွေးနွေးကြတာကို ကျမအားရကျေနပ်တယ်။ တစ်ဦးနှင့်တစ်ဦး အ ပြန်အလှန် နားလည်မှု၊ လေးစားမှုကို အခြေခံပြီး ဆွေးနွေးကြတာကို ကျေနပ်တယ်။”ဟု ပြောသည်။

ဘားအံမြို့၊ ဇွဲကပင်ဟော်တယ်တွင် ယနေ့ ပြုလုပ်ခဲ့သည့် ဆွေးနွေးပွဲတွင် ကေအဲန်ယူဘက်မှ အထွေ ထွေ အတွင်းရေးမှူးချုပ် နော်စီဖိုး ရာစိန်၊ စစ်ရေးရာကော်မတီ အတွင်းရေးမှူး စောထူးထူးလေး နှင့် KNLAစစ်ဦးစီးချုပ် ဗိုလ်ချုပ်ကြီးမူတူးစေးဖိုးတို့က ဦးဆောင်ဆွေး နွေးခဲ့ပြီး မြန်မာအစိုးရဘက်မှ ရထားဝန်ကြီး ဦးအောင်မင်း၊ လူဝင်မှုကြီးကြပ်ရေးဝန်ကြီး ဦးခင်ရီ၊ အရှေ့တောင်တိုင်း စစ်ဌာနချုပ်တိုင်း မှူး ဗိုလ်ချုပ်တင်မောင်ဝင်းတို့က ဦးဆောင်ဆွေးနွေးခဲ့သည်။

ကေအဲန်ယူ ကိုယ်စားလှယ်အဖွဲ့သည် ဧပြီလ ၅ရက်နေ့တွင် ကရင်လူမှုအဖွဲ့အစည်းများ၊ ဘာသာရေး၊ လူမှုရေး၊ နိုင်ငံရေးခေါင်း ဆောင် များနှင့် တွေ့ဆုံမည်ဖြစ်ပြီး ဧပြီလ (၆)ရက်နေ့တွင် အစိုးရနှင့် ပြည် ထောင်စုအဆင့် ဆွေးနွေးပွဲကို ရန်ကုန်တွင် ကျင်းပသွားမည်ဟု သိရသည်။

ယခုသွားသည့် ဆွေးနွေးပွဲတွင် ကေအဲန်ယူဘက်၅မှ မြန်မာအစိုးရနှင့် ကေအဲန်ယူအကြား အပစ်အခတ် ရပ်ဆိုင်းရေး သဘောတူညီ ချက်ဆိုင်ရာ အသေးစိတ်များကို လုပ်ဆောင်သွားရန်၊ တပြည်လုံး အတိုင်းအ တာ ဆောင်သည့် အပစ်အခတ်ရပ်ဆိုင်းရေး တဆင့် စီဖြစ်မြောက်အောင် ပြုလုပ်သွားရန်၊ ပြည်သူလူထုအ တွက် အာမခံချက်ရှိသော လုံခြုံမှုရရှိရန်၊ ယုံကြည်မှု တည်ဆောက်ရန်နှင့် လူ့ အခွင့်အရေးများကို ကာ ကွယ်စောင့် ရှောက်ရန် စသည့်အချက်များကို အဓိကထား ဆွေးနွေးသွားမည်ဟု ယနေ့ထုတ်ပြန်လိုက် သည့် ကြေညာ ချက်တွင် ဖော်ပြထားသည်။

Ref: ကေအိုင်စီ

Read More...

ဘဏ္ဍာရေးနဲ့ ရင်းနှီးမြှုပ်နှံရေးပိတ်ဆို့မှုတချို့အမေရိကန်လျှော့မည်

04 ဧပြီ 2012
မစုမြတ်မွန်

မြန်မာနိုင်ငံရဲ့ စီးပွားရေးခေတ်မီတိုးတက်ဖို့နဲ့ နိုင်ငံရေးပြုပြင်ပြောင်းလဲမှုတွေ အရှိန်ရစေဖို့ရည်ရွယ်ပြီး အမေရိကန်က ဘဏ္ဍာရေးဆိုင်ရာ ပိတ်ဆို့မှုနဲ့ ရင်းနှီးမြှုပ်နှံမှုဆိုင်ရာ ဒဏ်ခတ်ပိတ်ဆို့မှုတွေကို လျှော့ပေါ့ ပေးမယ်လို့ ပြောလိုက်ပါတယ်။ ကြားဖြတ်ရွေးကောက်ပွဲ အပါအဝင် လတ်တလော လတွေထဲမှာဖြစ်ခဲ့တဲ့ တိုးတက်မှုတွေကို အမေရိကန်က တုံ့ပြန်တဲ့အနေနဲ့ အခုလို အရေးယူမှုတချို့ကို လျှော့ပေါ့ပေးတာ အပါအဝင် မြန်မာနိုင်ငံအတွက် ဆောင်ရွက်ပေးမယ့်အချက်တွေကို နိုင်ငံခြားရေးဝန်ကြီး Hillary Clinton က ဗုဒ္ဒဟူးနေ့မှာ အထူး ကြေ ညာချက် ထုတ်ပြန်ပြီး အသိပေးလိုက်တာဖြစ်ပါတယ်။ အပြည့်အစုံကို မစုမြတ်မွန်က တင်ပြပေးထားပါတယ်။

မြန်မာနိုင်ငံမှာ တိုးတက်မှုတွေရှိလာတိုင်း အမေရိကန်က တစ်ဆင့်ခြင်း တုံ့ပြန်အသိအမှတ်ပြုသွားမယ်လို့ ပြောထားတဲ့အတိုင်း၊ အမေရိ ကန် က တုံ့ပြန်လိုက်တာဖြစ်ပါတယ်။ အပြောင်းအလဲကိုလိုလားနေတဲ့ မြန်မာ ပြည်သူ ပြည်သားတွေရဲ့ စိတ်ဆန္ဒအတိုင်း လက်တွေ့ဖြစ် လာအောင် မြန်မာအစိုးရကရော ပြည်သူတွေကပါ ဒီသတင်းပါတ်ထဲမှာ တဆင့်တိုးဆောင်ရွက်ခဲ့ကြတယ်လို့ အမေရိကန်နိုင်ငံခြား ရေး ဝန်ကြီး Hillary Clinton က မြန်မာနိုင်ငံဆိုင်ရာ အထူးထုတ်ပြန် ကြေညာချက်မှာ ပြောကြားသွားခဲ့ပါတယ်။

“အစိုးရထဲမှာ ပြုပြင်ပြောင်းလဲရေးလိုလားတဲ့ မျိုးဆက်သစ်တွေရောက်ရှိလာဖို့ ပြည်သူတွေတဲ့ ပြင်းပြတဲ့ ဆန္ဒတွေက April လ ၁ ရက်နေ့ လွှတ်တော် ကြားဖြတ် ရွေးကောက်ပွဲရလဒ်တွေအပေါ်မှာ ထင်ဟပ်နေပါ တယ်။ ဒါဟာ အသွင်ကူးပြောင်းနေတဲ့ နိုင်ငံတခုအတွက် အင် မတန် အရေးကြီးတဲ့ ခြေလှမ်းတခု ဖြစ်ပါတယ်။”

နိုင်ငံရေးအကျဉ်းသားတွေကို ဘယ်တုန်းကနဲ့မှမတူအောင် အရေအတွက်အမြောက်အများ ပြန်လွှတ်ပေးခဲ့ တာ၊ နိုင်ငံရေးပါတီတွေ၊ အရပ်ဘက်အဖွဲ့အစည်းတွေ ဖွဲ့စည်းခွင့်ဥပဒေသစ်တွေထုတ်ပြန်ခဲ့တာ၊ တိုင်းရင်းသား လက်နက်ကိုင်အဖွဲ့တွေနဲ့ ဆွေးနွေးမှုတွေ လုပ် လာတာ တွေဟာ တိုးတက်မှုတွေဖြစ်တယ်လို့လည်း အမေရိကန်က ယူဆပါတယ်။

ပြုပြင်ပြောင်းလဲရေးနဲ့ တိုးတက်ရေးလမ်းကိုလျှောက်နေတဲ့ မြန်မာ အစိုးရနဲ့ ပြည်သူတွေကို အမြဲအားပေး တုံ့ပြန်မယ်လို့ ကတိပြုထားတဲ့ အတိုင်း မြန်မာနိုင်ငံက လက်တလောတိုးတက်မှုတွေအပေါ် ဘယ်လို တုံ့ပြန်မှု တွေ လုပ်သင့်တယ်ဆိုတာကို အမေရိကန်အစိုးရအနေနဲ့ Congress လွှတ်တော်အပါအဝင် ဥရောပနဲ့ အာရှက မဟာမိတ်နိုင်ငံတွေနဲ့ တိုင်ပင်ဆွေးနွေးမှုတွေ လုပ်ခဲ့တဲ့အကြောင်းလည်း နိုင်ငံခြား ရေး ဝန်ကြီး Hillary Clinton က သူရဲ့ အထူးကြေညာချက်မှာ ပြောကြားသွားပါတယ်။ ခုလို တိုင်ပင်ဆွေးနွေးမှုတွေကနေ ငွေကြေးနဲ့ ရင်းနှီးမြှုပ်နှံမှု ဆိုင်ရာ ပိတ်ဆို့မှုတွေ လျှော့ပေါ့ပေးတာပါဝင်တဲ့ အမေရိကန်ရဲ့တုံ့ပြန်ချက်တွေကို ခုလို အသိပေးကြေညာပါတယ်။

“ပထမတစ်ချက်က ရန်ကုန်မှာ အပြည့်အဝ သံအမတ်အဆင့်တာဝန်ထမ်းဆောင်နိုင်မယ့် သံအမတ်ကြီးအဖြစ် ဘယ်သူ့ကို တာဝန်ပေး မယ် ဆိုတာ တရားဝင်ကြေညာပြီးတာနဲ့ ရက်ပိုင်းအတွင်းမှာပဲ ခန့်အပ်နိုင်အောင် ကြိုးစားသွားပါမယ်။ ဒုတိယအချက်အနေနဲ့ကတော့ အမေရိကန် ပြည်ထောင်စု နိုင်ငံတကာအထောက်အကူ ပေးရေးအဖွဲ့ USAID ကိုယ်စားလှယ်အဖွဲ့ မြန်မာနိုင်ငံမှာ ပြန်ထားရှိဖို့နဲ့ ကုလ သမဂ္ဂ ဖွံ့ဖြိုးရေး အစီအစဉ်ရဲ့ ပုံမှန်လုပ်ငန်းတွေကို ထောက်ပံ့ပေးသွားပါမယ်။ တတိယအချက်ကတော့ ဒီမိုကရေစီအခြေခံ တည် ဆောက်မှု လုပ်ငန်းတွေကနေ ကျန်းမာရေး၊ ပညာရေး စတဲ့ စေတနာ့ဝန်ထမ်းလုပ်ငန်းတွေ ဆောင်ရွက်နိုင်ဖို့ အမေရိကန်ပြည်ထောင် စုထဲက ပုဂ္ဂလိကအဖွဲ့အစည်းတွေကို အားပေးကူညီသွားပါမယ်။ စတုတ္ထအချက် အနေနဲ့ကတော့ အစိုးရတာဝန်ရှိသူတချို့နဲ့ လွှတ်တော် တွင်းက ပုဂ္ဂိုလ်အချို့ အမေရိကန် ပြည်ထောင်စုကို လာရောက်နိုင်ရေး စီစဉ်ပေးမှာရှင်။

နံပါတ်ငါးအချက်အနေနဲ့ကတော့ မြန်မာနိုင်ငံနဲ့ပတ်သက်လို့ ဘဏ္ဍာရေးဆိုင်ရာ ဝန်ဆောင်မှုနဲ့ ရင်းနှီးမြုပ်နှံမှု ဆိုင်ရာ ကန့်သတ်အရေး
ယူ မှုတွေ လျှော့ချဖို့ကိစ္စကို စတင်ဆောင်ရွက်သွားပါမယ်။ ဒါဟာ ခေတ်မီစီးပွားရေးနဲ့ နိုင်ငံရေးပြုပြင်ပြောင်းလဲမှုတွေအရှိန်ရစေဖို့ ကျယ်ပြန့်တဲ့ အားထုတ်မှုရဲ့ အစိတ်အပိုင်းတရပ်ဖြစ်ပါတယ်။ သမိုင်းဝင် ပြုပြင်ပြောင်းလဲရေး အားထုတ်မှုတွေအတွက် အဟန့် အတား ဖြစ်စေတဲ့ လူပုဂ္ဂိုလ်တွေ၊ အဖွဲ့အစည်းတွေအပေါ် အရေးယူပိတ်ဆို့မှုတွေ၊ တားမြစ်ချက်တွေကိုတော့ ဆက်ထားသွားပါမယ်”

အမေရိကန်နိုင်ငံခြားရေးဝန်ကြီးရဲ့ အထူးကြေညာချက်မှာ သမ္မတဦးသိန်းစိန်ရဲ့ ဆောင်ရွက်မှုတွေကိုလည်း အပြည့်အဝလက်ခံ အသိ အမှတ် ပြုတယ် ဆိုတာကို တစ်ကြိမ်မက ပြောခဲ့ပါတယ်။ သမ္မတဦးသိန်းစိန်နဲ့ သူ့ရဲ့အစိုးရအဖွဲ့ဝင် တော်တော်များများဟာ မြန်မာ နိုင်ငံကို သမိုင်းဝင် လမ်းကြောင်းပေါ်ရောက်အောင် လုပ်ဆောင်ပေးခဲ့တယ်လို့လည်း နိုင်ငံခြားရေးဝန်ကြီး Clinton က ချီးကျူးပါတယ်။

“လုပ်စရာတွေ အများကြီးရှိနေသေးသလို သိသာတဲ့ စိန်ခေါ်မှုတွေရှိနေသေးပေမယ့် သမ္မတနဲ့ သူ့ရဲ့အစိုးရ အဖွဲ့ဝင်တွေကို သူတို့ရဲ့ ရဲရင့်မှု အတွက် ကျွန်မတို့က ချီးကျူးပါတယ်။ လွှတ်တော်ရွေးကောက်ပွဲမှာ ဒေါ်အောင်ဆန်းစုကြည် အနိုင်ရတဲ့အတွက်ရော၊ သူ့ရဲ့ ပါတီဝင်တွေ အနိုင်ရခဲ့တဲ့အတွက်ပါ ဒေါ်အောင်ဆန်းစုကြည်ကို ဂုဏ်ပြုပါတယ်။”

လုပ်စရာတွေ အများကြီးရှိနေသေးတဲ့ ပြုပြင်ပြောင်းလဲရေးလုပ်ငန်းစဉ်မှာ အနာဂါတ်ဟာ သဲသဲကွဲကွဲ မရှိသေးသလို မရေမရာဖြစ် နေ သေး တယ် ဆိုတာကိုလည်း အမေရိကန်နိုင်ငံခြားရေးဝန်ကြီးက အထူး ကြေညာချက်မှာ ထောက်ပြသွားပါတယ်။ ဒါပေမယ့် အမေရိကန် ပြည်ထောင်စုအနေနဲ့ အခြေအနေတွေကို အနီးကပ်စောင့်ကြည့်သွားမှာဖြစ်ပြီး သူ မြန်မာနိုင်ငံမှာ ပြောခဲ့သလိုပဲ ဆောင်ရွက်မှုတိုင်း အ တွက် တုံ့ပြန်မှုလုပ်သွားမှာဖြစ်တယ်ဆိုတာကိုလည်း ထပ်ပြောသွားပါတယ်။

နိုင်ငံရေးအကျဉ်းသားတွေအားလုံး ပြန်လွတ်မြောက်ရေး၊ လွတ်မြောက်လာတဲ့ နိုင်ငံရေးအကျဉ်းသား ဟောင်းတွေအပေါ် ကန့်သတ် ချက်တွေ ဖယ်ရှားပေးရေးအတွက်ကိုလည်း အမေရိကန်က ဆက်တောင်းဆို သွားမယ်လို့ ဆိုပါတယ်။ စီးပွားရေး ဆိုင်ရာ ပြုပြင်ပြောင်း လဲမှုနဲ့ လူမှု အသိုင်းအဝိုင်းအတွက်ကို အများကြီး အထောက်အကူပြုနိုင်တဲ့ လူမှုအခြေပြုအဖွဲ့အစည်းတွေ အားကောင်းခိုင်မာလာဖို့ကို အမေရိကန်က ဆက်ပြီး ကူညီအားပေးသွားမဲ့အကြောင်းလဲ ပြောပါတယ်။ ဒါ့အပြင် -

“အမျိုးသားပြန်လည်သင်ြ့မတ်ရေးလုပ်ငန်းစဉ်တွေ တိုးတက်လာစေဖို့ အထူးသဖြင့် လူနည်းစုတိုင်းရင်းသား တွေနဲ့ သင့်မြတ်မှုရရေး ဆောင်ရွက်မှုတွေတိုးတက်ဖို့ ဆက်ပြီး တိုက်တွန်းသွားပါမယ်။ ဒါ့အပြင် မြောက် ကိုရီးယားနဲ့ စစ်ဖက်ဆိုင်ရာဆက်ဆံရေး အဆုံးသပ်ဖို့ အတွက်ကိုလည်း ဆက်ပြီး ဖိအားပေးသွားပါမယ်။”

ခုလို နောက်ထပ်လုပ်စရာကိစ္စတွေအတွက် အမေရိကန်က တိုက်တွန်းနေပေမဲ့လည်း လက်ရှိ မြန်မာနိုင်ငံက တိုးတက်မှုတွေကို အပြည့် အဝ အသိအမှတ်ပြု လက်ခံတယ်။ ထိစပ် ဆက်ဆံရေးမူကိုလည်း ဆက်ပြီး ကျင့်သုံးသွားဆိုတာကိုလဲ ထပ်ပြီး ပြောသွားပါတယ်။

အစိုးရ ခေါင်းဆောင်ပိုင်းက တိုင်းပြည်အနာဂတ်အတွက် ဘာတွေလုပ်ရမယ်ဆိုတာကို နားလည်သလို စိတ်ပိုင်းဖြတ် လုပ်ဆောင်နေတာ တွေဟာ ရေရှည်ဖြစ်ဖို့ အမေရိကန်ပြည်ထောင်စုက မျှော်လင့်သလို နောက်ထပ် လက်ဆုပ်လက်ကိုင်ပြနိုင်တဲ့ ရလဒ်တွေထွက်ပေါ်လာဖို့ မျှော်လင့်တဲ့ အကြောင်း အမေရိကန်နိုင်ငံခြားရေးဝန်ကြီး Hillary Clinton က မြန်မာနိုင်ငံဆိုင်ရာ အထူးကြေညာချက်ထုတ်ပြန်ရာမှာ ပြောကြားသွားပါတယ်ရှင်။

Ref: ဗွီအိုအေ

Read More...

ပိတ်ဆို့မှုလျှော့ပေါ့ရေး Congress လွှတ်တော် သုံးသပ်မည်

04 ဧပြီ 2012
ဒေါ်ခင်မျိုးသက်

မြန်မာနိုင်ငံမှာ ဧပြီလ ၁ ရက်နေ့က ကျင်းပခဲ့တဲ့ ကြားဖြတ်ရွေးကောက်ပွဲ ကျင်းပနိုင်ခဲ့တာဟာ ဒီမိုကရေစီလမ်း လျှောက်လှမ်းရာမှာ ထင်ရှားတဲ့ခြေလှမ်းတရပ်ဖြစ်တယ်လို့ အမေရိကန်ရဲ့ သြဇာတိက္ကမကြီးမားတဲ့ အမေရိကန်အထက်လွှတ်တော်အမတ် ဂျွန်မက်ကိန်းက ပြောကြားလိုက်ပါတယ်။ မြန်မာ့လွှတ်တော်ထဲကို ဒေါ်အောင်ဆန်းစုကြည်ရောက်လာပြီးရင် မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်း တွေ အခုထက်ပိုပြီး တိုးတက်ကောင်းမွန်လာဖို့ မျှော်လင့်ထားတယ်လို့ ဗွီအိုအေ မြန်မာပိုင်းနဲ့ သီးသန့်မေးမြန်းခန်းမှာ မစ္စတာ မက်ကိန်း က ပြောကြားသွားတာဖြစ်ပါတယ်။ အပြည့်အစုံကို ဆက်သွယ်မေးမြန်းခဲ့တဲ့ ဒေါ်ခင်မျိုးသက်က တင်ပြထားပါတယ်။

မြန်မာနိုင်ငံမှာ မကြာခင်က ကျင်းပခဲ့တဲ့ ရွေးကောက်ပွဲကိုကြည့်ရင် ဒီမိုကရေစီရေး တိုးတက်မှု ခြေလှမ်းတရပ် အဖြစ် ထင်ထင်ရှားရှား မြင်နေရပေမယ့် ရွေးကောက်ပွဲမှာ ပြဿနာတွေ ရှိနေတာတွေ့ရတယ်လို့ အထက်လွှတ်တော် အမတ် John McCain က VOA ကို ပြောပါတယ်။

“ဒီရွေးကောက်ပွဲနဲ့ ပတ်သက်ပြီး ဖြေရှင်းဖို့ လိုနေသေးတဲ့ ပြဿနာတွေ ရှိနေသေးတယ်လို့ ထင်ပါတယ်။ ဒါပေမယ့် အချိန်တိုတို အတွင်း မှာပဲ သိသိသာသာ ပြောင်းလဲလာတာတွေ့ရပြီး ယေဘုယျခြုံပြောရရင် ရွေးကောက်ပွဲဟာ တရားမျှတတဲ့ ရွေးကောက်ပွဲလို့ ပြောလို့ ရပါတယ်။ ဒေါ် အောင်ဆန်းစုကြည်ပါဝင်တဲ့ ရွေးကောက်ပွဲဟာ သိပ်အရေးပါတဲ့ ခြေလှမ်းတရပ်ဖြစ်သလို လွှတ်တော်မှာ သူပါဝင်ခွင့်ရတဲ့ အနေထားက ရာခိုင်နှုန်းအားဖြင့် သိပ်နည်းနေပေမယ့် အနာဂတ်လွှတ်တော်ကို ပြောင်းလဲတိုးတက်အောင်လုပ်နိုင်မယ်လို့ ထင်ပါတယ်။ ဒါ့ကြောင့် အမေရိကန်အစိုးရအနေနဲ့ ဒဏ်ခတ်အရေးယူမှုတွေ လျှော့ချဖို့ စဉ်းစားတာမျိုးလို သင့်တော်တဲ့ တုံ့ပြန်မှုတွေ လုပ်ဖို့စဉ်းစား နေတာပါ”

အခုရွေးကောက်ပွဲဟာ ၂၀၁၀ ရွေးကောက်ပွဲနဲ့စာရင် သိသိသာသာ တိုးတက်လာတာတွေ့ခဲ့ရတယ်လို့လည်း ပြောပါတယ်။ ဒီရွေး ကောက်ပွဲ အတွက် လုံးဝကျေနပ်မှု ရှိတယ်လို့ ပြောလို့မရပေမယ့် သိသာတဲ့တိုးတက်မှုမျိုးမို့ တုံ့ပြန်ဆုတွေပေးသင့်တယ်လို့ ထင်မြင် ကြောင်းလည်း ပြောပါတယ်။

“ကျနော်တို့ ဒီကနေ့ချမှတ်ထားတဲ့ တားမြစ်ပိတ်ပင်မှုအားလုံးကို ပြန်ကြည့်ရင် တချို့ဟာ လွှတ်တော်ကနေချထားတာဖြစ်သလို ကျန် တားမြစ်မှုတွေက သမ္မတက ချမှတ်ထားတာပါ။ ဒါကြောင့် ကျနော်တို့လွှတ်တော်ဘက်က ချမှတ်ထားတဲ့တားမြစ်မှုတွေအတွက် ပြန်လှန် သုံးသပ်ပြီး တချို့တားမြစ်ချက်တွေကိုလျှော့ပေးဖို့ လုပ်ရမှာပါ။ အခုလို ဒီမိုကရေစီရေးတိုးတက်မှုတွေ တွေ့နေရချိန်မှာ ရှေ့ဆက်ပြီး တိုးတက်မှုတွေ ပိုရှိလာစေဖို့ ကျနော်တို့က သေသေချာချာအားပေးရမှာပါ”

အခုအချိန်ဟာ အမေရိကန်လွှတ်တော် ၂ ပတ် နားချိန်မို့ နားရက်ကုန်ရင် ရီပတ်ဘလစ်ကင်နဲ့ ဒီမိုကရက်တစ်ပါတီတွေက လွှတ်တော် ကိုယ်စားလှယ်တွေဟာ နိုင်ငံခြားရေးဌာနနဲ့ရော သမ္မတနဲ့ပါ တွေ့ဆုံဆွေးနွေးမှာဖြစ်ပြီး တချို့ မြန်မာနိုင်ငံအတွက်ချမှတ်ထားတဲ့ တား မြစ်ချက် တွေကို လျှော့ချပေးဖို့ တိုင်ပင်မှာဖြစ်တယ်လို့လည်း ပြောပါတယ်။ ဒါပေမယ့် မြန်မာနိုင်ငံရဲ့ပြောင်းလဲမှုတွေထဲမှာ အခုလုပ်ရပ် ဟာ အရေးပါတဲ့ ခြေလှမ်းဖြစ်ပေမယ့် အမေရိကန်နိုင်ငံက ဒါကို ပထမခြေလှမ်းအဖြစ်လက်ခံထားပြီး လူ့အခွင့်အရေးဆိုင်ရာတွေကို စောင့်ကြည့်အုံးမှာ ဖြစ်တယ်လို့လည်း ဆိုပါတယ်။ မြန်မာနိုင်ငံအကျဉ်းထောင်တွေထဲမှာ ရှိနေသေးတဲ့ နိုင်ငံရေးအကျဉ်းသားအားလုံးကို ပြန်လွှတ်ပေးဖို့ လိုနေသေးတယ်လို့လည်း ပြောပါတယ်။

အခုရွေးကောက်ပွဲဟာ လွှတ်တော်အမတ်နေရာ ၆၀၀ ကျော်မှာ ၄၀ ကျော်အတွက်သာ လစ်လပ်တဲ့အတွက် ဖြည့်ဆည်းပေးဖို့ ဖြစ်ပြီး အများစုဟာ ၂၀၁၀ ရွေးကောက်ပွဲနဲ့ တက်လာတဲ့ စစ်ဘက်နဲ့စစ်တပ်က ကျောထောက်နောက်ခံပေးထားတဲ့ ကိုယ်စားလှယ်တွေ ဖြစ်နေကြ ပါတယ်။ ဒါ့ကြောင့် မြန်မာနိုင်ငံရဲ့ လာမယ့် အနာဂတ်လွှတ်တော်အတွက် ဒီမိုကရေစီရေး အပြောင်းအလဲတွေ အခုထက် ပိုဖေါ်ဆောင်နိုင်ဖို့ အခု ဒေါ်အောင်ဆန်းစုကြည်နဲ့ NLD အဖွဲ့က ကိုယ်စားလှယ်တွေအနေနဲ့ ဘယ်လောက်စွမ်းဆောင်နိုင်မယ် ထင်ပါ သလဲလို့ မေးတဲ့အခါမှာ တော့-

“မြန်မာလူထုရဲ့ သူရဲကောင်းဖြစ်တဲ့ ဒေါ်အောင်ဆန်းစုကြည်နဲ့ ပတ်သက်ပြီး ဒါကို သံသယဖြစ်နေစရာတောင် မလိုပါဘူး။ သူဟာ ဒေါ်အောင်ဆန်းစုကြည် ဖြစ်နေတာမို့ သူ့ရဲ့ လုပ်ရပ်ဟာ လွှမ်းမိုးနိုင်မှာ သေချာပါတယ်။ ဒါ့အပြင် သူနဲ့ မြန်မာသမ္မတတို့ရဲ့ ဆက်ဆံရေး တိုးတက်မှု ရှိနေတာကလည်း အားတက်စရာပါ။ သူ့ရဲ့ကျွမ်းကျင်လိမ္မာမှုတွေကြောင့် မြန်မာနိုင်ငံအတွက် အလွန်အားတက်မိပေမယ့် ကျနော်တို့အနေနဲ့ သတိနဲ့ တဆင့်ပြီးတဆင့် စောင့်ကြည့်ဖို့လိုအပ်ပါတယ်။ မြန်မာနိုင်ငံက ပြောင်းလဲမှုတခုချင်းစီအတွက် စောင့်ကြည့် နေရာမှာ ဒါဟာ တဆင့်တက်လာတာပါ။ ဒီမိုကရေစီပန်းတိုင်ရောက်ဖို့ကတော့ တက်လှမ်းရမယ့်အဆင့်တွေ အများကြီး လိုနေပါ သေး တယ်”

ဒီမိုကရေစီကို လက်တွေ့ကျင့်သုံးနေတဲ့ အမေရိကန်နိုင်ငံကို မကြာခင်မှာပဲ မြန်မာနိုင်ငံက လွှတ်တော်ကိုယ်စားလှယ်တွေလည်း လာရောက် နိုင်မယ်လို့ မျှော်လင့်ထားကြောင်းလည်း အထက်လွှတ်တော်အမတ် John McCain ကပြောကြားခဲ့ပါတယ်။

Ref: ဗွီအိုအေ

Read More...

အာရှ ပစိဖိတ်ဒေသ အမေရိကန်စစ်အင်အားဖြန့်ကျက်

04 ဧပြီ 2012

အာရှ-ပစိဖိတ်ဒေသမှာ အမေရိကန်စစ်အင်အား သြဇာအရှိန်အ၀ါ တိုးမြှင့်တဲ့ အစပျိုး အစီအစဉ်တရပ်အဖြစ် ပထမအသုတ် အမေရိကန် ကမ်းတပ်တပ်ဖွဲ့ဝင်တွေ သြစတြေးလျနိုင်ငံ မြောက်ပိုင်းကို ရောက်ရှိလာကြပါတယ်။

ဗုဒ္ဓဟူးနေ့က ဒါဝင်မြို့ကို စင်းလုံးငှားလေယာဉ်နဲ့ ရောက်လာကြတဲ့ အမေရိကန် ကမ်းတက်တပ်ဖွဲ့ဝင် ၂၀၀ လောက်ကိုတော့ သြစတြေး လျ ကာကွယ်ရေးဝန်ကြီး Stephen Smith က ကြိုဆိုခဲ့တာပါ။ သြစတြေးလျ စစ်တပ်နဲ့ ပူးတွဲစစ်ရေးလေ့ကျင့်သွားမယ့် မြေပြင်နဲ့ဝေဟင် တပ်ဖွဲ့ဝင် ၂,၅၀၀ ထဲက ပထမဆုံး အသုတ်အဖြစ် အမေရိကန် ကမ်းတက်တပ်သားတွေ ရောက်လာတာလည်း ဖြစ်ပါတယ်။

သဘောတူညီချက်အရ ဂျက်တိုက်လေယာဉ်တွေနဲ့ ဗုံးကြဲလေယာဉ်တွေ အပါအ၀င် အမေရိကန် စစ်လေယာဉ်တွေ ဒါဝင်စစ်အခြေစိုက် စခန်းကို ပိုပြီး အသုံးပြုခွင့်ပေးသွားမှာလည်း ဖြစ်ပါတယ်။ အမေရိကန် ပြည်ထောင်စုရဲ့ သြစတြေးလျနိုင်ငံဆိုင်ရာ သံအမတ်ကြီး Jeffery Bleich ကတော့ လတ်တလော ကမ္ဘာပေါ်မှာ အရှိန်အဟုန် အကောင်းဆုံးနဲ့ ဖွံ့ဖြိုးတိုးတက်နေတဲ့ ဒေသအဖြစ် ရည်ညွှန်းသုံးနှုန်းပြီး အမေရိကန် တပ်တွေ အခြေချခွင့်ရတာဟာ အခွင့်အလမ်းကောင်း တရပ်လို့ ပြောခဲ့တာပါ။

အမေရိကန် ကမ်းတက်တပ်ဖွဲ့ဝင်တွေ အနေနဲ့ ဒါဝင်မြို့မှာ အမြဲတမ်း အခြေစိုက်ကျမှာ မဟုတ်ဘဲ မြို့စွန်မှာရှိတဲ့ စစ်တန်းလျားတွေမှာ ၆ လ တကြိမ် အလှည့်ကျစနစ်နဲ့ ထားရှိသွားမှာ ဖြစ်ပါတယ်။ အမေရိကန်တပ်တွေ သြစတြေးလျမှာ ချထားမယ့် အစီအစဉ်ကိုတော့ ၂ နိုင်ငံကြား စစ်ဘက်ဆိုင်ရာနဲ့ မဟာဗျူဟာမြောက်ဆက်ဆံရေးတွေ အနှစ် ၆၀ ပြည့် အထိမ်းအမှတ်အဖြစ် ပြီးခဲ့တဲ့နှစ် နိုဝင်ဘာလက အမေရိကန်သမ္မတ ဘရက်ခ် အိုဘားမားနဲ့ သြစတြေးလျ ၀န်ကြီးချုပ် Julia Gillard တို့ကြား သဘောတူခဲ့ကြတာ ဖြစ်ပါတယ်။

Ref: ဗွီအိုအေ

Read More...

မြန်မာအပေါ် အနောက်အုပ်စုဒဏ်ခတ်မှု ရုပ်သိမ်းပေးဖို့ ASEAN တောင်းဆို

04 ဧပြီ 2012
ကိုဇော်ဝင်းလှိုင်

မြန်မာနိုင်ငံအပေါ် အနောက်နိုင်ငံတွေက ပိတ်ဆို့အရေးယူထားတာတွေ ချက်ခြင်းရုပ်သိမ်းပေးဖို့ အာဆီယံခေါင်းဆောင်တွေက တောင်းဆို လိုက်ပါတယ်။ ဒါပေမဲ့ ဒီလို ပြောဆိုမှုဟာ စောလွန်းသေးတယ် လို့ မြန်မာ့အရေးဆောင်ရွက်နေတဲ့ တခြား အာဆီယံ လွှတ်တော်အမတ်တွေ က ပြောပါတယ်။ အပြည့်အစုံကိုတော့ ကိုဇော်ဝင်းလှိုင်က စုစည်း တင်ပြထားပါတယ်။

ကမ္ဘောဒီးယားနိုင်ငံမှာ နှစ်ရက်ကြာကျင်းပခဲ့တဲ့အာဆီယံထိပ်သီးစည်းဝေးပွဲရဲ့အပိတ်မိန့်ခွန်းထဲမှာ မြန်မာနိုင်ငံ အပေါ် အနောက်နိုင်ငံ တွေက ချမှတ်ထားတဲ့ ပိတ်ဆို့အရေးယူမှုတွေရုပ်သိမ်းပေးဖို့ ဒီထိပ်သီးစည်းဝေးပွဲကို အိမ်ရှင်အဖြစ်လက်ခံကျင်းပတဲ့ ကမ္ဘောဒီးယားနိုင်ငံ ၀န်ကြီး ချုပ် ဟွန်ဆန်က တောင်းဆိုလိုက်တာဖြစ်ပါတယ်။


“သူပြောသွားတာကတော့ - မြန်မာနိုင်ငံမှာ လွတ်လပ်ပြီးတရားမျှတတဲ့ ကြားဖြတ်ရွေးကောက်ပွဲ ကျင်းပ ပြီးစီးပြီးခဲ့တဲ့နောက် သက်ဆိုင် ရာနိုင်ငံတွေအနေနဲ့ မြန်မာနိုင်ငံအပေါ်ချမှတ်ထားတဲ့ ပိတ်ဆို့ အရေးယူမှုတွေ ရုပ်သိမ်းပေးဖို့ အာဆီယံ အရှေ့တောင်အာရှ နိုင်ငံများ အသင်းက တောင်းဆိုပါတယ်-တဲ့။ ပထမအဆင့် အနေနဲ့ မလေးရှားနိုင်ငံကို မကြာခင်လာလည်မယ့် ဗြိတိသျှဝန်ကြီးချုပ်ကို ဒီကိစ္စနဲ့ ပတ်သက်ပြီး မလေးရှား ၀န်ကြီးချုပ်က ပြောဆိုဆွေးနွေးသွားမှာပါ- တဲ့။ အခြေခံအားဖြင့် မြန်မာနိုင်ငံမှာ ဒီမိုကရေစီအရေး ပြုပြင် ပြောင်း လဲမှုတွေကို အာဆီယံအနေနဲ့ ထောက်ခံအားပေးသွားမှာဖြစ်ပြီး မြန်မာနိုင်ငံ အတွင်းက ဖွံ့ဖြိုးမှု လုပ်ငန်းတွေကို ထောက်ပံ့ ပေး နိုင် အောင် မြန်မာနိုင်ငံအပေါ်ပိတ်ဆို့ အရေးယူထားကြတဲ့ နိုင်ငံတွေအနေနဲ့ အဲဒီ ပိတ်ဆို့မှုတွေကို ရုပ်သိမ်းပေးကြဖို့ တောင်းဆို ပါတယ်” လို့ ကမ္ဘောဒီးယားဝန်ကြီးချုပ် ဟွန်ဆန်က ခမာလိုပြောသွားတာပါ။

မြန်မာနိုင်ငံမှာ ဧပြီလ တစ်ရက်နေ့က ကျင်းပခဲ့တဲ့ ကြားဖြတ်ရွေးကောက်ပွမှာ NLD အမျိုးသားဒီမိုကရေစီ အဖွဲ့ချုပ်က အမတ်နေရာ ၄၄ နေရာ ၀င်ပြိုင်တဲ့အထဲက ၄၃ နေရာကိုအနိုင်ရလိုက်ပြီးတဲ့ နောက်မှာ ဒီလို တောင်းဆိုမှုတွေထွက်လာလိမ့်မယ်လို့ အများက မျှော်လင့် ထားကြတာပါ။ မြန်မာနိုင်ငံအပေါ် ချမှတ်ပိတ်ဆို့ထားတဲ့ အရေးယူမှုတွေ ရုပ်သိမ်းပေးဖို့ အချိန်တန်ပြီဆိုတဲ့အကြောင်း အာဆီယံ အတွင်းရေးမှူးချုပ် ဆူရင်း ပစ်ဆူဝမ်ကလည်း အာဆီယံစည်းဝေးပွဲနောက်ဆုံးနေ့မှာ ပြုလုပ်တဲ့ ဗွီအိုအေနဲ့ တွေ့ဆုံမေးမြန်းခန်းအတွင်း ပြောဆိုခဲ့ပါတယ်။

"ပိတ်ဆို့အရေးယူမှုတွေသာ ရုပ်သိမ်းပေးလိုက်ရင် မြန်မာနိုင်ငံဟာ အာဆီယံအဖွဲ့ထဲမှာ ပိုပြီးထိရောက်တဲ့ အဖွဲ့ဝင်ဖြစ်လာရုံတင်မကဘဲ နိုင်ငံတကာအသိုင်းအဝိုင်းကြားမှာပါ ပိုပြီး ဝင်ဆန့်လာမှာဖြစ်သလို မြန်မာပြည်သူပြည်သားတွေရဲ့ နေထိုင်မှုဘဝတွေလည်း ပိုပြီးတိုး တက်ကောင်းမွန်လာစေမယ့် ဖွံ့ဖြိုးတိုးတက်မှုတွေ ဆင့်ကဲဖြစ်ပေါ်လာမယ်လို့ အာဆီယံခေါင်းဆောင်တွေက ယုံကြည်နေကြတာပါ။ ဒါကြောင့် အရှိန်ရလာနေပြီဖြစ်တဲ့ ဒီ ပြုပြင်ပြောင်းလဲမှုတွေကို ပိုပြီး ဖြစ်ပေါ်လာအောင် ကျနော်တို့ ဝိုင်းဝန်း ပံ့ပိုးပေးကြရအောင်ပါ။ မြန်မာနိုင်ငံဘက်ကလည်း ဒီကိစ္စမှာ တက်တက်ကြွကြွ ပါဝင်ဆောင်ရွက်နေတာကို ကျနော်တို့ တွေ့နေကြရပြီဖြစ်ပါတယ်။"

မြန်မာနိုင်ငံမှာ အခုလို ပြုပြင်ပြောင်းလဲမှုတွေဖြစ်ပေါ်လာဖို့ အာဆီယံအနေနဲ့ ထောက်ပံ့အားပေးခဲ့သလို တခါတရံမှာလည်း ဝေဖန်ပြော ဆိုတဲ့ နည်းဗျူဟာကို အသုံးပြုခဲ့တယ်လို့လည်း ဆူရင်းပစ်ဆူဝမ်က ပြောပါတယ်။

အာဆီယံအပါအ၀င် မြန်မာနိုင်ငံက ကြားဖြတ်ရွေးကောက်ပွဲကို သွားရောက်လေ့လာခဲ့ကြတဲ့သူတွေအားလုံးက ဒီရွေးကောက်ပွဲအပေါ် အတော်လေး အကောင်မြင်ခဲ့ကြပါတယ်။ ဒါကြောင့် နောက်တဆင့် ထပ်တိုး လုပ်ဆောင်နိုင်အောင် နိုင်ငံတကာက ၀ိုင်းဝန်း ပံ့ပိုး ပေးကြဖို့ကိုလည်း ဆူရင်း ပစ်ဆူဝမ်က တိုက်တွန်း ပြောကြားခဲ့ပါတယ်။

ဖိလစ်ပိုင်သမ္မတ BenignoAquino ကလည်း မြန်မာနိုင်ငံအတွင်း ပြုပြင်ပြောင်းလဲမှုနဲ့ မြန်မာနိုင်ငံသားတွေရဲ့လူနေမှု အဆင့်အတန်း မြင့်မားလာစေရေးအတွက်ရော ဒေသတွင်းတည်ငြိမ်အေးချမ်းရေးကိုအားပေးတဲ့အနေနဲ့ရော အာဆီယံခေါင်းဆောင်တွေနည်း တူ မြန်မာနိုင်ငံအပေါ်ချမှတ်ထားတဲ့ပိတ်ဆို့ အရေးယူမှုတွေ ပြန်လည် ရုပ်သိမ်းပေးဖို့ တောင်းဆိုပါတယ်။

ဒါ့အပြင် မြန်မာနိုင်ငံအပေါ် ချမှတ်ထားတဲ့ ပိတ်ဆို့အရေးယူမှုတွေကို ဒီအတိုင်းဆက်လက်ထားရှိမယ်ဆိုရင် ဒီမိုကရေစီလမ်းကြောင်း ပေါ်ကို ပြောင်းလဲလာမယ့်အစား အရင်တုန်းကအခြေအနေဘက်ကို ပြန်လှည့် သွားမှာစိုးရိမ်ရတယ်လို့ ဖိလစ်ပိုင်သမ္မတ အကွီနိုက ထည့်သွင်း ပြောဆိုခဲ့ပါတယ်။

ဒါပေမယ့်ဒီလိုတောင်းဆိုမှုတွေအခုချိန်မှာ ပြုလုပ်တာဟာ စောလွန်းသေးတယ်လို့ မြန်မာ့အရေး ဆောင်ရွက်နေကြတဲ့ အာဆီယံ လွှတ်တော် အမတ်များအဖွဲ့ AIPMC က အကြီးအကဲ အင်ဒိုနီးရှားလွှတ်တော်အမတ် Eva Sundari က ပြောပါတယ်။

“အခုလိုပိတ်ဆို့မှုရုပ်သိမ်းပေးဖို့ တောင်းဆိုလိုက်တဲ့အပေါ်ကျမအနေနဲ့မနှစ်သက်ပါဘူး။ ဒေါ်အောင်ဆန်းစုကြည်နဲ့ NLDပါတီအနိုင်ရ လိုက်ပေမယ့် ရွေးကောက်ပွဲမသမာမှုတွေကို ပြန်ပြီးသုံးသပ်သင့်ပါတယ်။ ရွေးကောက်တင်မြောက်ခြင်း မပြုဘဲ လွှတ်တော်အတွင်း စစ်တပ်က ၂၅ ရာခိုင်နှုန်း ခန့်ထားတဲ့ကိစ္စကလည်း လက်တွေ့မကျပါဘူး။ ဒါကြောင့် အမတ်နေရာ ၄၅ နေရာအတွက် ရွေးကောက်ပွဲ ကျင်းပပေးလိုက်တာဟာ ကျမအတွက်တော့ ဘာမှမထူးခြားပါဘူး။ အဲဒီလိုမရိုးသားတဲ့လုပ်ရပ်တွေ ရှိနေသေးတဲ့အချိန်မှာ ပိတ်ဆို့မှုရုပ် သိမ်းပေးဖို့ တောင်းဆိုတာဟာ သဘာဝ မကျပါဘူး။ ပိတ်ဆို့မှုကို အတိုင်းအတာတခုလျှော့ချပေးဖို့ တောင်းဆိုတယ် ရင်တော့ ကျမတို့ လက်ခံနိုင်ပါတယ်။ လုံးဝ ရုပ်သိမ်းပေးဖို့တောင်းဆိုတမျိုးတော့ မဖြစ်သင့်ပါဘူး။”

နိုင်ငံတကာ အသိုင်းဝိုင်းအနေနဲ့ မြန်မာနိုင်ငံအတွင်း ပြုပြင်ပြောင်းလဲမှုတွေ ဆက်လုပ်ဖို့ ဆက်လက် ဖိအားပေးသင့်တယ်လို့လည်း Eva Sundari က ပြောပါတယ်။ ဒါ့အပြင် ပြီးခဲ့တဲ့ ၂၀၁၀ ရွေးကောက်ပွဲနဲ့ အခုကျင်းပခဲ့တဲ့ ကြားဖြတ်ရွေးကောက်ပွဲတွေမှာ တိုင်းရင်းသား တချို့ ပါဝင်ခွင့်မရခဲ့တာကိုလည်း Eva Sundari က ထောက်ပြပြောဆိုခဲ့ပါတယ်။

မြန်မာနိုင်ငံမှာ ကျင်းပခဲ့တဲ့ ကြားဖြတ်ရွေးကောက်ပွဲဟာ ယေဘုယျအားဖြင့်တော့ လွှတ်လပ်ပြီး တရားမျှမှု ရှိတယ်လို့ အီးယူနဲ့ အာဆီယံ အဖွဲ့က လေ့လာသူတွေက ပြောထားပါတယ်။

ဒါပေမယ့် ရွေးကောက်ပွဲမတိုင်ခင် မဲစာရင်းပြုစုတဲ့နေရာမှာ မသမာမှုတွေရှိခဲ့တယ်ဆိုတဲ့ ပြောဆိုမှုတွေ မဲဆန္ဒရှင်တွေအကြား ရှိခဲ့တယ်ဆိုတာကိုလည်း အနောက်နိုင်ငံတွေက မဲရုံတွေကို သွားရောက်လေ့လာသူ သံတမန်တချို့က ဗွီအိုအေ မြန်မာပိုင်းကို ပြောခဲ့ပါတယ်ခင်ဗျား။

Ref: ဗွီအိုအေ

Read More...

မြန်မာအစိုးရနဲ့ KNU ဖားအံမှာဆွေးနွေး

04 ဧပြီ 2012
မသင်းသီရိ

ကရင်အမျိုးသားအစည်းအရုံး (KNU) နဲ့ မြန်မာအစိုးရတိုရဲ့ငြိမ်းချမ်းရေးအဖွဲတို့ကြား သဘောတူညီထားတဲ့ အပစ်ရပ်ရေး ပိုမိုခိုင်မာ မှု ရှိအောင် နှစ်ဘက်အဖွဲ့က တာဝန်ရှိသူတွေ ဒီကနေ့ ဖားအံမြို့မှာတွေ့ဆုံပြီး ဆွေးနွေးခဲ့ကြပါတယ်။ တပ်ခစန်းချထားရေးနဲ့ နှစ်ဘက် တပ်ဖွဲ့တွေ လိုက်နာရမယ့်စည်းကမ်းချက်တွေအပေါ် အဓိကဆွေးနွေးခဲ့ကြပြီး ပြည်ထောင်စုအဆင့် သဘောတူညီချက်တွေရဖို့ထိ ညှိနှိုင်းဆွေးနွေးသွားမယ် လို့လည်း တာဝန်ရှိသူတွေကပြောပါတယ်။ ဒီသတင်း အပြည့်အစုံကို မသင်းသီရိက ဆက်သွယ်မေးမြန်းထားပါတယ်။

ကရင် KNU အဖွဲ့နဲ့ မြန်မာအစိုးရရဲ့ ငြိမ်းချမ်းရေးအဖွဲ့တို့ကြား ဒီကနေ့ ဖားအံမြို့မှာ အဓိက ဆွေးနွေးကြတာကတော့ ပြည်နယ်ပဏာမ သဘောတူညီချက်ထဲမှာ အဓိကအချက်ဖြစ်တဲ့ အပစ်ရပ်ရေးထဲက နှစ်ဘက်လိုက်နာရမယ့် အချက်တွေ ကို အသေးစိတ် ထပ်ဆွေးနွေး ကြတာဖြစ်ပါတယ်။ ဒါဟာ KNU အဖွဲနဲ့ အစိုးရအဖွဲတို့ ဒုတိယအကြိမ်မြောက် တွေ့ဆုံမှု လည်း ဖြစ်ပါတယ်။ အထုးသဖြင့်ကတော့ တပ် စခန်းတွေနေရာချထားရေး တွေ တခါ တပ်တွေရော ဒေသခံလူထုတွေ ကပါ ဒီအပစ်ရပ်သဘောတူညီချက်ထဲကအတိုင်း လိုက်နာဆောင် ရွက်ရမယ့် ကိစ္စတွေ ဆွေနွေးကြတယ်လို့ အစိုးရ ငြိမ်းချမ်းရေးအဖွဲ့ကို ဦးဆောင်လာသူထဲကတဦးဖြစ်တဲ့ လူမှုကြိကြပ်ရေးနဲ့ ပြည်သူ့အင် အားဦးစီးဌာန၀န်ကြီး ဦးခင်ရီက VOA မြန်မာပိုင်းကို ပြောပါတယ်။

“ပထမပြည်နယ်အဆင့်မှာ အပစ်အခတ်ရပ်စဲရေးအတွက် အရင်ဆွေးနွေးခဲ့တာ ရှိတယ်ခင်ဗျ။ အဲဒါကို ထပ်ပြီးတော့ ပိုမိုခိုင်မာ အောင်ဆို ပြီးတော့ cease fire ကာလအတွင်း နှစ်ဘက်လိုက်နာရမယ့် ကျင့်ဝတ်တွေ၊ စည်းကမ်းတွေ- အဲဒါတွေကို ကျနော်တို့ ဆွေးနွေးခဲ့ကြ ပါတယ်။ နှစ်ဘက် ဒီဘက်က ဘာလိုက်နာရမယ်၊ ဟိုဘက်က ဘာလိုက်နာရမယ်ဆိုတာ အပြန်ပြန်အလှန်လှန် ဆွေးနွေး ခဲ့ကြပြီးတော့ ဒါကို ဆက်ဆွေးနွေးဖို့ သဘောတူခဲ့ကြပါတယ်ခင်ဗျ”

အခု KNU နဲ့ ဆွေးနွေးညှိနှိုင်းတဲ့အထဲမှာ အစိုးရဘက်ကလိုက်လျောဖို့ ခက်ခဲနေတဲ့ အချက်အလက်တွေများ ရှိနေလားလို့လည်း မေးကြည့်ပါတယ်။

"ကျနော်ထင်တယ်။ မရှိနိုင်ဘူးထင်တယ်။ ဘာကြောင့်လဲဆိုတော့ နှစ်ဘက်လုံးကတအားဖြစ်ချင်တယ်လေ။ နှစ်ဘက်လုံးက ငြိမ်းချမ်း ရေးလိုလားတဲ့သူတွေပဲဖြစ်နေတော့ ဖြစ်ချင်တဲ့ဆန္ဒရှိနေတဲ့အခါကျတော့ သိပ်အခက်အခဲ မရှိနိုင်ပါဘူး။ လိုတိုး ပိုလျှော့ နှစ်ဘက်ညှိ တဲ့အချိန်လေးပဲ ကြာချင်ကြာနိုင်မှာပါ။ ကျနော်ထင်ပါတယ်။ အခက်အခဲ မရှိနိုင်ပါဘူးခင်ဗျ။"

ဧပြီလ ၄ ရက်နေ့ ဖားအံမှာ အခုတွေ့ပြီး KNU အဖွဲ့တွေ ရန်ကုန်ကိုသွားကာ ဧပြီလ ၁၁ ရက်နေ့ အထိ ပြည်ထောင်စုအဆင့် သဘော တူညီချက်တွေရဖို့ ဆက်ဆွေးနွေးကြမှာလည်းဖြစ်ပါတယ်။

“အဲဒါက ဒီမှာမပြတ်တဲ့ကိစ္စတွေနဲ့ ဟိုမှာက သူတို့ဘက်က တင်ပြချက်တွေအပေါ်မှာ မူတည်ပြီးတော့မှ ကျနော်တို့က ဆွေးနွေးမှာပါ။ သူတို့က တင်ပြလာမှာပါ။ ဟိုကျမှပဲ ကျနော်တို့က အသေးစိတ်သိရမယ်ခင်ဗျ။ အားလုံးက ငြိမ်းချမ်းရေးလိုချင်တယ်၊ ပြည်သူတွေ က လည်း ငြိမ်းချမ်းရေးလိုချင်တယ်၊ နှစ်ဘက်ညှိတဲ့ပုဂ္ဂိုလ်တွေကလည်း ငြိမ်းချမ်းရေးလိုချင်တယ်၊ အကြီးအကဲတွေကလည်း ဒါတွေ ဖြစ် မြောက်အောင်ဆောင်ရွက်ခိုင်းတယ်ဆိုတော့ အခက်အခဲတော့မရှိဘူးခင်ဗျ။ တချို့နေရာတွေမှာ နှစ်ဘက်ညှိရတဲ့ အချိန်ယူရတဲ့ အပိုင်း တွေတော့ ရှိမှာပါ။ နောက်ဆုံးတော့ ထာဝရငြိမ်းချမ်းရေး ကျုပ်တို့တိုင်းပြည်မှာ ကျိန်းသေရသွားမယ့်သဘောဖြစ်ပါတယ်။”

ဒါကတော့ ပြည်ထောင်စုအဆင့် ငြိမ်းချမ်းရေးအဖွဲ့ထဲက လူမှုကြီးကြပ်ရေးနဲ့ ပြည်သူ့အင်အားဦးစီးဌာန ၀န်ကြီး ဦးခင်ရီက က KNU နဲ့ဆွေးနွေးနေတဲ့ အခြေအနေတွေကိုပြောပြခဲ့တာပါရှင်။ ကရင်ပြည်နယ် အတွင်း ဆယ်စုနှစ်ပေါင်းများစွာ ဖြစ်နေခဲ့တဲ့ ပဋိပက္ခတွေကို ငြိမ်းချမ်းရေးရအောင်ဆောင်ရွက်ရာမှာ အရင်က ရှိခဲ့ဖူးတဲ့ အပစ်ရပ်သဘောတူညီချက် ပျက်ခဲ့တာမျိုး တွေ ထပ်မဖြစ်ရအောင် အထူး သဖြင့်ကတော့ အာမခံချက်ရှိတဲ့ သဘောတူညီချက်တွေဖြစ်ဖို့ လိုတယ်လို့ KNU အဖွဲ့က တာဝန်ရှိသူတဦး လည်းဖြစ်၊ သတင်းနဲ့ပြည် သူ့ဆက်ဆံရေး တာဝန်ခံ နော်မေဦးကလည်း ပြောပါတယ်။ ပြည်နယ်အဆင့် ပမာဏတွေထဲ အခုလို ခိုင်မာတဲ့ အပစ်ရပ်သဘောတူ ညီချက်တွေပြီးပြီဆိုရင် ပြည်ထောင်စုအဆင့်ဆွေးနွေးချက်တွေထဲ နိုင်ငံရေးအချက်တွေ ဆက်ဆွေးနွေးမယ်လို့လည်း ဆိုပါတယ်။

“စစ်မှန်တဲ့ငြိမ်းချမ်းရေးတည်ဆောက်တဲ့ဘက်ကို ဦးတည်သွားနိုင်ဖို့ဆိုတာကို လိုအပ်တဲ့အပေါ်မှာ ကျမတို့ စောင့်ကြပ်ကြည့်ရှုသွားမယ့် monitoring မော်နီတာရင်းအဖွဲ့ဆိုတာကို ဆွေးနွေးခြင်းဖြစ်ပါတယ်။ ပထမသဘောတူညီချက်ရေးထိုးခဲ့တုန်းက အဲဒီ အချက်တွေ-အချက်တစ်ချက်ပေ့ါနော်၊ သဘောတူညီချက် ရေးထိုးခဲ့တဲ့အထဲမှာ တတိုင်းပြည်လုံးအတိုင်းအတာနဲ့ အပစ်အခတ်ရပ်စဲရေးပေါ့။ အဲဒီ ဟာတွေက ပြည်ထောင်စုအဆင့်မှာ ဆွေးနွေးခဲ့ပြီးဖြစ်ပါတယ်။ တကယ့် စစ်မှန်တဲ့၊ အနှဝ်သာရရှိတဲ့အပစ်အခတ်ရပ်စဲရေး တစ်ခု ဖြစ်ဖို့ အတွက်ကို ကျမတို့ အခု လောလောဆယ်မှာ ဆွေးနွေးနေတုန်းပဲဖြစ်ပါတယ်။ ”

ရန်ကုန်မှာ KNU အဖွဲ့ဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ နိုင်ငံရေးပါတီတချို့ကို လည်း တွေ့ဆုံဖို့စီစဉ်ထား သလို ပဲခူးတိုင်းက ကျောက်ကြီးမြို့နဲ့ တနင်္သာရီတိုင်း၊ ထားဝယ်ကို သွားမယ် လို့လည်း ပြောပါတယ်။

"NLD နဲ့တော့ ဒေါ်အောင်ဆန်းစုကြည်အပါအဝင် တခြားလူမှုရေးအဖွဲ့အစည်းတွေ၊ တခြားနိုင်ငံရေးပါတီတွေနဲ့ တတ်နိုင်သမျှပေါ့ တွေ့ဖို့ ရှိပါတယ်။ မငြိမ်းချမ်းတဲ့အတွက်ကြောင့် တကယ်တန်း မြေစာပင်ဖြစ်နေတဲ့ ပြည်သူတွေရဲ့ အခန်းကဏ္ဍ တကယ်ပဲ အရေးကြီး တာကို ကျမတို့က လက်ခံထားတဲ့အတွက်ကြောင့် စစ်မက်ဖြစ်ပွားခဲ့တဲ့ ဒေသတွေမှာ ကျမတို့ လူထုတွေရဲ့ အခြေအနေတွေကို သွားပြီး လေ့ လာဖို့ပဲ ဖြစ်ပါတယ်။"

KNU အဖွဲ့က တာဝန်ရှိသူ နော်မေဦးပြောပြခဲ့တာပါရှင်။ ဧပြီလ ၄ရက် ဗုဒ္ဓဟူးနေ့က ဖားအံမှာလုပ်ခဲ့တဲ့ ဒီဆွေးနွေးပွဲကို အရပ်ဘက် လေ့လာ စောင့်ကြည်ရေးသုံးဦးလည်း တက်ရောက်နားထောင်ခဲ့ပါတယ်။ မြန်မာအစိုးရဘက်ကတော့ ရထားဝန်ကြီးဦးအောင်မင်းနဲ့ လူမှုကြိကြပ်ရေးနဲ့ ပြည်သူ့အင်အား ဦးစီးဌာန ၀န်ကြီး ဦးခင်ရီတို့ မွန်ပြည်နယ်ဝန်ကြီးချုပ်၊ အရှေ့တောင်တိုင်း စစ်ဌာနချုပ်တိုင်းမှူးနဲ့ ငြိမ်းချမ်းရေး အကျိုးတော်ဆောင်တွေပါသလို ကရင် KNU ဘက်ကတော့ အထွေထွေအတွင်းရေးမှူး နော်စီဖိုးရာစိန် ဦးဆောင်က ကိုယ်စားလှယ် အဖွဲ့ဝင် ၂၀ တက်ရောက်လာခဲ့ကြပါတယ်။

Ref: ဗွီအိုအေ

Read More...

မြန်မာအပေါ် ဒဏ်ခတ်မှု လျှော့ချရေးညှိနှိုင်းဖို့ McCain တိုက်တွန်း

04 ဧပြီ 2012

အမေရိကန်အထက်လွှတ်တော်အမတ် John McCain က မြန်မာနိုင်ငံရဲ့ ကြားဖြတ် ရွေးကောက်ပွဲဟာ ဒီမိုကရေစီရေး ဖြစ်ထွန်းမှုတွေကို ရှေ့ရှုတဲ့ ခရီးလမ်းအတွက် ထူးကဲတဲ့ ခြေလှမ်းတရပ် ဖြစ်ပါတယ် လို့ ပြောဆိုလိုက်ပါတယ်။

မြန်မာလူထုက သူတို့စိတ်ကြိုက် အောင်အောင်မြင်မြင် ရွေးချယ်ခဲ့ကြတဲ့အတွက် ချီးကျူးဂုဏ်ပြု ပါကြောင်း၊ နေပြည်တော်က အစိုးရ အနေနဲ့လည်း ရွေးကောက်ပွဲကို ကျင်းပပေးခဲ့တဲ့ အတွက်ရော၊ အများအားဖြင့် လွှတ်လပ်ပြီး မျှတပုံရတဲ့ ရွေးကောက်ပွဲကို အမေရိကန် အပါအ၀င် နိုင်ငံတကာ အဖွဲ့အစည်းတွေ ကို လေ့လာခွင့်ပြုခဲ့တဲ့ အတွက်ပါ အသိအမှတ်ပြုပါကြောင်း ဂျွန်မက်ကိန်းရဲ့ ကြေညာချက် မှာ ဖော်ပြထားပါတယ်။

ဒီရွေးကောက်ပွဲမှာ အနိုင်ရခဲ့တဲ့ ဒေါ်အောင်ဆန်းစုကြည်ကို အထူးတလည် ချီးကျူး ပါကြောင်း၊ နောက်ဆုံး မှာ မြန်မာပြည်သူတွေ အတွက် ရွေးကောက်ခံ ခေါင်းဆောင် တယောက်အနေနဲ့ လူမှန် နေရာမှန် ဆောင် ကျဉ်းပေးခဲ့တဲ့ မြန်မာနိုင်ငံအတွက် သမိုင်းတွင်မယ့် အခိုက်အတန့် ဖြစ်ပါတယ်လို့လည်း ပြောဆိုလိုက်ပါတယ်။

ဒီရွေးကောက်ပွဲဟာ မြန်မာနဲ့ အမေရိကန် ပြည်ထောင်စု အပါအ၀င် နိုင်ငံတကာနဲ့ ဆက်ဆံရေးအတွက် အရေးကြီးတဲ့ မှတ်တိုင်တခု ဖြစ်သင့်တယ်၊ ဒါ့ကြောင့် မြန်မာနိုင်ငံအပေါ် ပိတ်ဆို့မှုတွေ လျှော့ပေါ့ပေးရေး အတွက် နိုင်ငံတကာ မိတ်ဖက်တွေနဲ့အတူ စတင် ဆောင် ရွက်သင့်တဲ့အကြောင်း၊ အမေရိကန် ကွန်ဂရက် လွှတ်တော် အနေနဲ့လည်း ဒီလုပ်ငန်းစဉ်မှာ အရေးပါတဲ့ အခန်းကဏ္ဍကနေ ပါဝင်ပြီး တဖြည်းဖြည်းနဲ့ တဆင့် ချင်း တိုးပြီး ဆောင်ရွက်ရမှာ ဖြစ်တယ်လို့ ဆိုပါတယ်။

မြန်မာပြည်သူတွေရဲ့ဘ၀ တိုးတက်ရေးနဲ့ မြန်မာအစိုးရနဲ့ လွှတ်တော်အနေနဲ့ ဒီမိုကရေစီနဲ့ စီးပွားရေး ပြုပြင်ပြောင်းလဲမှုတွေ ခိုင်မာရေး အတွက် သူ့အနေနဲ့ လွှတ်တော်အတွင်း လုပ်ဖော် ကိုင်ဖက် တွေနဲ့ အတူ အစိုးရပိုင်းတာဝန်ရှိသူတွေနဲ့ပါ ဆက်သွယ် ညှိနှိုင်းသွားဖို့ ရှေ့ရှု နေတဲ့အကြောင်း စသဖြင့် ဖော်ပြထား ပါတယ်။

မြန်မာနိုင်ငံက လွှတ်တော် ကိုယ်စားလှယ် အဖွဲ့တွေကိုလည်း အမေရိကန် ပြည်ထောင်စုကို မဝေးတော့တဲ့ အနာဂတ် ကာလမှာ အလည် လာရောက်နိုင်လိမ့်မယ်လို့ မျှော်လင့်တဲ့အကြောင်း အထက်လွှတ်တော်အမတ် ဂျွန်မက်ကိန်းရဲ့ ကြေညာချက်မှာ ဖော်ပြထားပါတယ်။

Ref: ဗွီအိုအေ

Read More...

မစ်ရော်မနီ Republican သမ္မတလောင်းဖြစ်ဖို့ နီးစပ်လာပြီ

04 ဧပြီ 2012

မက်ဆာချူးဆက်ပြည်နယ် အုပ်ချုပ်ရေးမှူးဟောင်း Mitt Romney ဟာ Republican သမ္မတလောင်း အဖြစ်အရွေးခံရဖို့ သေချာသလောက် ရှိနေပြီး သမ္မတအိုဘားမားကို စိန်ခေါ်နိုင်ဖို့ စိုင်းပြင်းနေပါပြီ။

ဝါရှင်တန်မြို့တော်၊ အရှေ့ပိုင်းက မေရီလင်းပြည်နယ်နဲ့ အနောက်အလယ်ပိုင်းက Wisconsin ပြည်နယ်မှာ မနေ့က အင်္ဂါနေ့မှာကျင်းပခဲ့တဲ့ Republican သမ္မတလောင်း ပဏာမရွေးကောက်ပွဲမှာ Mitt Romney က အပြတ်အသတ် အနိုင်ရရှိခဲ့ပါတယ်။

Wisconsin ပြည်နယ်က ထောက်ခံသူတွေကို Mitt Romney က အောင်ပွဲခံမိန့်ခွန်းပြောကြားခဲ့ရာမှာ သူ့ရဲ့ မဲဆွယ် စည်းရုံးရေး မဟာအောင်မြင်မှုကနေ အမေရိကန်ပြည်သူတွေအတွက် ပေးထားတဲ့ ကတိတွေကို ပြန်လည်ထိန်းသိမ်းနိုင်တော့မယ်လို့ ဆိုပါတယ်။

ဝါရှင်တန်မြို့တော်နဲ့ မေရီလင်းက ပဏာမရွေးကောက်ပွဲမှာ Mitt Romney က သူ့ရဲ့ ပြိုင်ဘက် Rick Santorum ကို အပြတ်အသတ် နိုင်ခဲ့တာဖြစ်ပါတယ်။ Wiscosin ပြည်နယ်မှာတော့ Rick Santorum က အကြီးအကျယ် မဲဆွယ်ထား တာကြောင့် မဲအရေအတွက် သိပ်မကွာပေမဲ့ Mitt Romney အနိုင်ရခဲ့ပါတယ်။

သမ္မတအိုဘာမားကို ထောက်ခံသူတွေကလည်း မဲဆွယ်စည်းရေး စတင်နေပြီး Republican တွေရဲ့ ဘတ်ဂျက် အစီအစဉ်ဟာ တယူသန် အစွန်းရောက်လွန်းတယ်လို့ သမ္မတအိုဘားမားက ဝေဖန်လိုက်ပါတယ်။

Ref: ဗွီအိုအေ

Read More...

မြန်မာ့ သယံဇာတ ရောင်းဝယ်ရေး ဆက်ပိတ်ဖို့ လိုကြောင်း HRW ပြော

2012-04-04

ဥရောပသမဂ္ဂ အီးယူအနေနဲ့ မြန်မာစစ်ဗိုလ်ချုပ်တွေ ထိန်းချုပ်ထားတဲ့ သယံဇာတဆိုင်ရာ ကူးသန်းရောင်းဝယ်ခွင့်ကို ဆက်ပြီး ပိတ်ဆို့ ထားဖို့ လိုအပ်နေကြောင်း နိုင်ငံတကာ လူ့အခွင့်အရေး စောင့်ကြည့်ရေးအဖွဲ့ HRW က မနေ့က ပြောလိုက်ပါတယ်။

လာမယ့် ဧပြီလ ၂၃ ရက်နေ့မှာ ကျင်းပမယ့် မြန်မာ့အရေး မူဝါဒဆိုင်ရာ ဆွေးနွေးပွဲအတွက် အီးယူကို ပေးပို့တဲ့ အိတ်ဖွင့်ပေးစာမှာ ကျောက် မျက်ရတနာ၊ သစ် စတဲ့ ကူးသန်းရောင်းဝယ်ရေးနဲ့ သတ္တုမိုင်း တူးဖော်ရေးတွေအပေါ် ပိတ်ဆို့ အရေးယူထားတာကို ရုပ်သိမ်းဖို့ အချိန်မ တန်သေးကြောင်း ဖော်ပြထားပါတယ်။

ဒါ့အပြင် စီးပွားရေးပိတ်ဆို့ အရေးယူမှုတွေကို ရုပ်သိမ်းရေး အစီအစဉ်မှာ အီးယူနဲ့ အမေရိကန် ဆောင်ရွက်ပုံချင်း မတူကြတာကြောင့် HRW အနေနဲ့ အီးယူကို တိုက်တွန်းစာ ပေးပို့ရတာ ဖြစ်ပါတယ်။

မြန်မာနိုင်ငံက တိုးတက်လာတဲ့ အခြေအနေကို အီးယူအနေနဲ့ တုန့်ပြန်မယ်ဆိုရင် မိမိတို့ အကြံပေးလိုတာက မြန်မာ အာဏာပိုင်တွေ အပေါ် ကန့်သတ်ထားတဲ့ ဥရောပ ၀င်ခွင့်ဗီဇာကို အမည်နဲ့ ပုဂ္ဂိုလ်အလိုက် ရုပ်သိမ်းပေးတာ၊ လူသားချင်း စာနာကူညီမှု ဆိုင်ရာတွေမှာ ထောက်ပံ့ကူညီတာတွေကို ဆောင်ရွက်ပေးစေချင်ပါတယ်လို့ HRW နယူးယောက်မြို့ဌာနခွဲရဲ့ ပြောခွင့်ရ အမျိုးသမီး Elaine Pearson ကပြောပါတယ်။

ကြားဖြတ် ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ် အနိုင်ရခဲ့တာဟာ မြန်မာအစိုးရအနေနဲ့ နောက်ကြောင်းပြန် လှည့်သွား နိုင်တယ်ဆိုတဲ့ သံသယကို အားနည်းသွားစေတယ် ဆိုပေမဲ့၊ လူ့အခွင့်အရေးနဲ့ ဒီမိုကရေစီရေးအတွက် ရှေ့ဆက် တိုးတက်သွား ပါတော့မယ်ဆိုတဲ့ အာမခံချက် ပေးလိုက်တာလည်း မဟုတ်ပါဘူးလို့ HRW ရဲ့အိတ်ဖွင့်ပေးစာမှာ ဖော်ပြထားပါတယ်။

အထူးသဖြင့် ကချင်နဲ့ ရှမ်းပြည် မြောက်ပိုင်းဒေသတွေမှာ စစ်ဘေးကြောင့် ထွက်ပြေးရတဲ့ ဒုက္ခသည်တွေ၊ အကျဉ်းထောင်တွေထဲမှာ နိုင်ငံရေး အကျဉ်းသားတွေ ဆက်လက် ထိန်းသိမ်းခံနေရတာတွေ စတဲ့ လူ့အခွင့်အရေး ချိုးဖောက်မှုတွေ ရှိနေဆဲ ဖြစ်တယ်လို့ HRW ပြောခွင့်ရ အမျိုးသမီး Elaine Pearson က ပြောပါတယ်။

ဒီအတောအတွင်း ဥရောပသမဂ္ဂ အီးယူကလည်း မြန်မာအပေါ် ပိတ်ဆို့မှုတွေ ပြန်ရုပ်ဖို့ ဟန်ပြင်နေပြီ ဆိုပေမဲ့ ဘယ်လောက်မြန်မြန် ပြန်ရုပ်မလဲဆိုတဲ့အပါ် အဖွဲ့ဝင်နိုင်ငံတွေ အချင်းချင်း သဘောထား ကွဲပြားနေတယ်ဆိုတဲ့ သတင်းတွေ ထွက်ပေါ်နေပါတယ်။

Ref: အာရ်အဖ်အေ

Read More...

အပေါ်သို့