မြောက်ကိုရီးယား နျူကလီးယား နည်းပညာ တင်ပို့မှု အမေရိကန် စိုးရိမ်

သောကြာ, 28 မေ 2010

ကုလသမဂ္ဂ လုံခြုံရေးကောင်စီရဲ့ ဆုံးဖြတ်ချက်တွေကို မြောက်ကိုရီးယား အစိုးရက လိုက်နာမှုရှိမရှိ စောင့်ကြည့်တဲ့ အဖွဲ့က - မြောက်ကိုရီးယား နိုင်ငံဟာ နျူကလီးယားနဲ့ ဒုံးလက်နက်ဆိုင်ရာ နည်းပညာနဲ့ ပစ္စည်းတွေကို မြန်မာနိုင်ငံ အပါအ၀င် မူမမှန်တဲ့ နိုင်ငံတွေကို ဖြန့်ဖြူးနေတယ်လို့ အစီရင်ခံစာ ထုတ်ပြန်လိုက်ချိန်မှာပဲ အခု ကိစ္စအတွက် စိုးရိမ်တဲ့အကြောင်း အမေရိကန် နိုင်ငံခြားရေး ၀န်ကြီးဌာနကလည်း သောင်္ကြာနေ့မှာ ပြောဆို လိုက်ပါတယ်။ အမေရိကန် ပြည်ထောင်စု အနေနဲ့ မြန်မာနိုင်ငံ အပါအ၀င် ဒေသတွင်းမှာ အန္တရာယ် ဖြစ်စေမယ့် လုပ်ရပ်တွေကို စောင့်ကြည့်သွားမှာ ဖြစ်ပြီး သင့်လျော်တဲ့ ခြေလှမ်းနဲ့ အရေးယူမှုတွေ လုပ်သွားမှာ ဖြစ်ကြောင်းလည်း ပြောပါတယ်။ အပြည့်စုံကို ဒေါ်ခင်မျိုးသက်က တင်ပြထားပါတယ်။

မြောက်ကိုရီးယား နိုင်ငံဟာ တရားဝင်ဖြစ်အောင် ဟန်ပြလုပ်ထားတဲ့ ကုမ္ပဏီတွေနဲ့ နိုင်ငံခြားက ရာဇ၀တ်မှု ကွန်ယက်တွေကို အသုံးချပြီး မြန်မာနိုင်ငံ အပါအ၀င် နိုင်ငံတချို့ကို နျူကလီးယားနဲ့ ဒုံးလက်နက်ဆိုင်ရာ နည်းပညာနဲ့ ပစ္စည်းအကူအညီတွေ ပေးနေတယ်လို့ အစီရင်ခံစာ ထွက်ပေါ် လာခဲ့တာနဲ့ ပတ်သက်ပြီး ဒီလို ကုလသမဂ္ဂ လုံခြုံရေးကောင်စီရဲ့ ဆုံးဖြတ်ချက် (၁၈၇၄) ကို ချိုးဖောက်နေတဲ့ မြန်မာနိုင်ငံလို နိုင်ငံတွေ ရှိနေတဲ့အတွက် အမေရိကန်နိုင်ငံက စိုးရိမ်မကင်း ဖြစ်မိကြောင်း အမေရိကန် နိုင်ငံခြားရေး ၀န်ကြီးဌာန ပြောခွင့်ရ ပီဂျေ ခရောလေး (P.J. Crowley) က အခုလို ပြောပါတယ်။

“အစီရင်ခံစာမှာ ဖော်ပြခံထားရတဲ့ မြန်မာနိုင်ငံ အပါအ၀င် တချို့နိုင်ငံတွေ အနေနဲ့ မြောက်ကိုရီးယားနဲ့ ဆက်ဆံရေးထားရှိတဲ့ အပြင် ပိတ်ပင်ထားတဲ့ ပစ္စည်း တင်ပို့မှုတွေ ပြုလုပ်နေတာကို အမေရိကန် ပြည်ထောင်စု အနေနဲ့ စိုးရိမ်မကင်း ဖြစ်ပါတယ်။ ဒါကြောင့်လည်း ကျနော်တို့ ဘက်ကရော၊ တခြား နိုင်ငံတွေကပါ ကုလသမဂ္ဂ ဆုံးဖြတ်ချက် (၁၈၇၄) အရ ဒေသတွင်းရော၊ ကမ္ဘာ့ တခြားနေရာတွေ အတွက်ပါ မတည်မငြိမ် ဖြစ်စေတဲ့ ကန့်သတ်ပစ္စည်းတွေ တင်ပို့ ရောင်းဝယ်မှုတွေကို ဟန့်တားဖို့ ကြိုးစားခဲ့တာ ဖြစ်ပါတယ်။ ဆက်ပြီးတော့လဲ လုပ်ဆောင်သွားမှာပါ။”

ပြီးခဲ့တဲ့နှစ် ဇွန်လထဲမှာ မြောက်ကိုရီးယား ကမ်နန် သင်္ဘော မြန်မာနိုင်ငံကို ဦးတည်ပြီး သွားနေတာမို့ အမေရိကန် တိုက်ရေယာဉ် USS John McCain က နောက်က ထပ်ချပ်မခွာ လိုက်ပြီး စောင့်ကြည့်ခဲ့တာမို့ သင်္ဘောဟာ မြန်မာနိုင်ငံဘက်ကို ဆက်မသွားဘဲ မြောက်ကိုရီးယားကို ပြန်လှည့် သွားခဲ့ပါတယ်။ အမေရိကန် အနေနဲ့ အခုလို ကုလသမဂ္ဂရဲ့ ဆုံးဖြတ်ချက်အတိုင်း သေသေချာချာ အရေးယူ ဆောင်ရွက်နေပြီး မြန်မာနိုင်ငံ အပါအ၀င် ဒေသတွင်း အန္တရာယ်ဖြစ်စေမယ့် လုပ်ရပ်တွေကို စောင့်ကြည့်ခဲ့သလို သင့်လျော်တဲ့ အရေးယူမှုတွေ လုပ်ဆောင် သွားဖို့ ရှိတယ်လို့လည်း ပြောပါတယ်။

“မြောက်ကိုရီးယားရဲ့ ဆက်လက် လုပ်ဆောင်မှုတွေဟာ အိမ်နီးချင်း နိုင်ငံတွေရော။ အခြား ဒေသတွေ အတွက်ပါ အန္တရာယ် ရှိစေပါတယ်။ ပစ္စည်း အတုတွေကို တင်ပို့တာ၊ တရားမ၀င် ပစ္စည်းတွေ ရောင်းချတာ၊ အန္တရာယ် ကြီးမားတဲ့ ကုန်ပစ္စည်းတွေကို တင်ပို့မှုတွေ၊ ဒုံးလက်နက်တွေ နျူကလီးယား နည်းပညာတွေနဲ့ တခြား ငွေဝင်မယ့် ပစ္စည်းတွေကို ရောင်းချတာတွေ ပါဝင်ပါတယ်။ ဒါကြောင့် ဒီ အန္တရာယ်တွေကို လျှော့ချဖို့ သင့်လျော်တဲ့ ခြေလှမ်းတွေ အမေရိကန် ပြည်ထောင်စုကရော၊ အိမ်နီးချင်း နိုင်ငံတွေကရော ဆက်လက် လုပ်သွားမှာ ဖြစ်ပါတယ်။”

မြန်မာနိုင်ငံဟာ ကုလသမဂ္ဂရဲ့ တားမြစ်ချက်ကို လိုက်နာဖို့ လိုအပ်ကြောင်း မြန်မာနိုင်ငံကို မကြာခင်ကမှ လာရောက်ခဲ့တဲ့ အမေရိကန် လက်ထောက် နိုင်ငံခြားရေးဝန်ကြီး ကာ့တ်ကန့်မ်ဘဲလ် (Kurt Campbell) ကလည်း သတိပေး ပြောကြားခဲ့ပါတယ်။

ကျွမ်းကျင်သူ ၇ ဦးပါအဖွဲ့ရဲ့ အစီရင်ခံစာထဲမှာ မြောက်ကိုရီးယားက မြန်မာ၊ အီရန်နဲ့ ဆီးရီးယား နိုင်ငံတွေကို နျူကလီးယားနဲ့ ဒုံးကျည် ထုတ်လုပ်မှု နည်းပညာ အကူအညီတွေ ပေးနေတယ်လို့ ဖော်ပြခဲ့တာဟာ မြန်မာစစ်အစိုးရရဲ့ နျူကလီးယား လက်နက်ပိုင်ဆိုင်အောင် ကြိုးစားနေမှုကို အတည်ပြု ပေးခဲ့တာလို့ NCGUB အဝေးရောက် ညွှန့်ပေါင်း အစိုးရအဖွဲ့ရဲ့ ကုလသမဂ္ဂ တာဝန်ခံ ဒေါက်တာသောင်းထွန်းက ပြောပါတယ်။

“နအဖက နျူကလီယာစီမံကိန်းတခုကို အကောင်အထည်ဖေါ်နေတယ်။ ရုရှားကနေ ရီအက်တာ (Reactor) ဓါတ်ပေါင်းဖို မရောက်သေး ပေမဲ့လို့ မန္တလေးရဲ့မြောက်ဖက် သပိတ်ကျဉ်းနားမှာ ရီအက်တာထားဖို့ စက်ရုံရော နောက် ယူရေနီယံကို ထပ်ပြီးတော့ ပလူတိုနီယံအဆင့် ရောက်အောင်လုပ်တ စမ်းသပ်မှုတွေကို လုပ်နေတယ်ဆိုတဲ့ သတင်းတွေ၊ တချို့စမ်းသပ်မှုတွေမှာလည်း အရပ်ဘက်ဆိုင်ရာမှာ ရေဒီယို ဓါတ်ကြွမှုတွေနဲ့ ဆေးရုံတင် ကုသရတယ်ဆိုတဲ့ သတင်းတွေလည်း ရနေတယ်ပေါ့နော်။

"နောက်ပိုင်းမှာလည်းပဲ ဂျပန်မှာ ဒုံးပျံနဲ့ဆိုင်တဲ့ မက်ဂနိုမီတာပေါ့လေ။ သံလိုက်ဓါတ် တိုင်းတာမှုဆိုင်ရာ ပစ္စည်းတွေကို တင်ပို့လို့ ဂျပန်အစိုးရက ဖမ်းလိုက်တယ်ဆိုတဲ့ သတင်းတွေလည်း သိကြပြီးသားပါ။ အထဲမှာလည်းပဲ နအဖအနေနဲ့ ဒုံးပျံတပ်ရင်းတို့ နျူကလီယား တပ်ရင်းတို့ စတဲ့ ဖွဲ့စည်းပုံဆိုင်ရာ အပြောင်းအလဲတွေ လုပ်တာတွေကို ကျွန်တော်တို့ တွေ့ရတယ်။ ဆိုတော့ ဒီလုံခြုံရေး ကောင်စီက မြောက်ကိုရီးယား စီးပွားရေးပိတ်ဆို့မှုနဲ့ ပတ်သက်တဲ့ Sanction ကောင်မီတီကနေပြီးတော့ မြောက်ကိုရီးယားကနေ ဒီလို ပစ္စည်းတွေကို တင်ပို့နေတဲ့ အထဲ မြန်မာနိုင်ငံ ပါတယ်ဆိုတာကို သူတို့ အတည်ပြု လိုက်တာပါပဲ။”

မြန်မာနိုင်ငံရဲ့အခုလို လုပ်ဆောင်မှုတွေကြောင့် အရေးယူမှုတွေအပြင် နိုင်ငံတကာက စစ်ဆေးမှုတွေကို ပိုပြီး ခံလာရနိုင်တယ် လို့လဲ ပြောပါတယ်။

“အရေးယူမှုဆိုတာကတော့ အမျိုးမျိုးရှိတာပေါ့နော် သတိပေးတာတွေ၊ ရှုံ့ချတာတွေ၊ ကျန်တာကတော့ သက်ဆိုင်ရာနိုင်ငံရဲ့ လိုက်နာမှု ပေါ်မှာ တည်တာပေါ့နော်။ မြန်မာနိုင်ငံဟာ IAEA နိုင်ငံတကာ နျူကလီယား အေဂျင်စီကနေ နျူကလီယား မပြန့်ပွားရေး ဆိုင်ရာ စာချုပ်ကို လက်မှတ် ထိုးထားတဲ့ နိုင်ငံပါ။ ဆိုတော့ လက်မှတ် ထိုးထားတဲ့ နိုင်ငံတခု အနေနဲ့ဆိုရင် မြန်မာနိုင်ငံရဲ့ နျူကလီယားနဲ့ ဒုံးကျည် နည်းပညာပိုင်း စမ်းသပ်မှုတွေ ပိုပြီးတော့ စစ်ဆေးခံရမယ့် သဘောတွေ ရှိပါတယ်။”

အဝေးရောက် ညွန့်ပေါင်း အစိုးရ ရဲ့ ကုလသမဂ္ဂ တာဝန်ခံ ဒေါက်တာသောင်းထွန်း က ပြောသွားတာပါ။

Ref: VOA News

Read More...

Collapse...

နေ့စဉ်သတင်းများ (၂၈ - ၅ - ၁၀)

■ နအဖက တိုက်ခိုက်လာရင် တုန့်ပြန်ဖို့ အသင့်ရှိကြောင်း ရှမ်းပြည်ပြန်လည်ထူထောင်ရေးကောင်စီ (RCSS) ပြောကြား သတင်း
■ စစ်မှန်သည့် ပြည်ထောင်စု ထူထောင်ရန် လက်နက်ကိုင်အဖွဲ့ (၅) ဖွဲ့ သဘောတူ သတင်း
■ လုပ်ကြံမှုဖြင့် စွဲချက်တင်ခံရသူ ကိုးကန့် (၆) ဦး ထောင် ၅ နှစ်စီကျ သတင်း
■ ဖိလစ်ပိုင်သမ္မတအဖြစ် ရွေးချယ်ခံရသူထံ အန်အယ်လ်ဒီ သ၀ဏ်လွှာပေးပို့ သတင်း
■ ဦးတင်ဦးနေအိမ်မှာ ကျင်းပတဲ့ ၁၉၉၀ ရွေးကောက်ပွဲ အနှစ် (၂၀) ပြည့် အခမ်းအနား သတင်း
■ ဝါရင့်ခေါင်းဆောင် (၃) ဦး မွန်ပြည်သစ်မှထွက် သတင်း
■ မြန်မာနိုင်ငံဖိနှိပ်မှု အမေရိကန်အထက်လွှတ်တော်အမတ်များ ဝေဖန်ရှုတ်ချ သတင်း
■ မြောက်ကိုရီးယား နျူကလီးယား နည်းပညာ မြန်မာတင်ပို့မှု အမေရိကန် စိုးရိမ် သတင်း
■ ၀ နယ်မြေ အခြေအနေမှန် ဒေသခံတွေကို လိုက်လံရှင်းလင်း သတင်း
■ တရုတ်-မြန်မာ ဆက်ဆံရေး သတင်း
■ တရုတ်က မြန်မာစစ်အစိုးရကို ဖိအားပေးရန် ဒီမိုကရေစီအင်အားစုများ တောင်းဆို သတင်း
■ NDF ပါတီ မှတ်ပုံတင် လျှောက်ထား သတင်း
■ ထိုင်းနယ်စပ်ရောက် မွန်ဒုက္ခသည်အချို့ လာရင်းနေရပ်ကို ပြန် သတင်း
■ မိုးရာသီအ၀င် ရန်ကုန်လမ်းမများ ရေကြီးနေပြန်ပြီ သတင်း
■ ထက်ထက်မိုးဦးကို တရားစွဲထားသည့်အမှုကို တရားရုံးက တရားလိုဘက် ကြားနာ သတင်း
■ ဘိန်းဘုရင်နှင့် ဆက်စပ်သော Transocean ကုမ္ပဏီ မြန်မာ့ရေပြင်တွင် ရေနံတူးနေ သတင်း
■ အမေရိကန်လွှတ်တော်အမတ်များ စစ်အစိုးရကို ဝေဖန်ပြစ်တင် သတင်း
■ စစ်အာဏာပိုင် အသိုင်းအဝန်းတို့ ဂိုဏ်းဖွဲ့၍ လိုင်စင်မဲ့ကားများ တင်သွင်းနေ သတင်း
■ ၉၀ ရွေးကောက်ပွဲ အနှစ် (၂၀) မြောက်နေ့တွင် “အန်အယ်လ်ဒီ၏ မိတ်ဆွေများ” (Friends of the NLD) ကွန်ယက် စတင်ကြောင်း ထုတ်ပြန် သတင်း
■ ထိုင်းနှင့် မြန်မာ နှစ်နိုင်ငံပေါင်း လမ်းလျှောက်ဆုတောင်းပွဲ လုပ်မည် သတင်း
■ မြစ်ဆုံရေကာတာစီမံကိန်းအတွက် ကျေးရွာသားများ စတင်ပြောင်းရွှေ့ သတင်း
■ ဆန်ကုန်သည်အသင်း ဥက္ကဋ္ဌဟောင်း စစ်ဆေးခံရ သတင်း
■ မင်္ဂလာဈေး မီးလောင်မှု ဆိုင်ခန်းရှင်များကို ငွေချေးမည် သတင်း
■ သက်တမ်းတိုးရန် ဆေးမစစ်ရသေးသည့် မြန်မာအလုပ်သမားများ စိုးရိမ် သတင်း
■ ဖြတ်သန်းမှု - ၂၊ အဖွားမေ (ဆောင်းပါး)
■ ရေ (ဆောင်းပါး)
■ ဆိပ်ဖလူး ဗေဒ (ဆောင်းပါး)

Read More...

Collapse...

၁၉၄၇ ရွေးကောက် ပွဲနှင့် မြန်မာ့ နိုင်ငံရေး

ကျော်ဆန်းမင်း

May 28, 2010

မြန်မာ့ လွတ်လပ်ရေး အတွက် အရေးပါသော အောင်ဆန်း - အက်တလီ စာချုပ်ကို ၁၉၄၇ ခုနှစ် ဇန်နဝါရီလ ၂၇ ရက် နေ့တွင် လက်မှတ် ရေးထိုးနိုင် သကဲ့သို့ တောင်တန်း ပြည်မ တစ်ပေါင်းတည်း လွတ်လပ်ရေး ရစေမည့် ပင်လုံ စာချုပ်ကို ရှမ်းပြည် တောင်ပိုင်း ပင်လုံတွင် ကျင်းပသော ပင်လုံ ညီလာခံကြီး ၌ ဖေဖော်ဝါရီလ ၁၂ ရက်နေ့တွင် လက်မှတ် ရေးထိုး နိုင်ခဲ့သည်။ ယင်း အောင်မြင်မှုများကို အဓိက ဆောင်ရွက် သည်မှာ ဗိုလ်ချုပ်အောင်ဆန်း ခေါင်းဆောင်သော ဖ.ဆ.ပ.(ဖက်ဆစ် ဆန့်ကျင်ရေး နှင့် ပြည်သူ့လွတ်လပ်ရေး အဖွဲ့ချုပ်) ဖြစ်ပေရာ ထိုအချိန်တွင်အခြား တည်ရှိနေသော နိုင်ငံရေး ပါတီများထက် ဖ.ဆ.ပ.လ မှာ များစွာ ပေါ်လွင် ထင်ရှားသည်။

ထို့ကြောင့်ပင် လွတ်လပ်ရေး ရပြီး နောက်ပိုင်း ၁၉၄၇ ခုနှစ် ဧပြီလ ၉ ရက် နေ့တွင် အောင်ဆန်း အက်တလီ စာချုပ် အရ တိုင်းပြု ပြည်ပြု လွှတ်တော် အတွက် ရွေးကောက်ပွဲကို ကျင်းပခဲ့ရာ ယင်း ရွေးကောက်ပွဲ တွင် ဖ.ဆ.ပ.လ က စည်းရုံးရေး သြဇာကြီးကြောင်း တွေ့ရသည်။ ရွေးကောက်ပွဲကို ဖ.ဆ.ပ.လ က တစ်နှစ် အတွင်း လွတ်လပ်ရေး ရရမည် ဆိုသော ကြွေးကြော် သံဖြင့် ရွေးကောက်ပွဲ ဝင်သကဲ့သို့ အဓိက အတိုက် အခံ ပါတီ ဖြစ်သော ဗမာပြည် ကွန်မြူနစ် ပါတီက အောင်ဆန်း အက်တလီ စာချုပ်ကို ရှုတ်ချသည့် အဆုံးသတ် အာဏာ သိမ်းပွဲ အတွက် ဖ.ဆ.ပ.လ - ကွန်မြူနစ် ညီညွတ်ကြ ဟူသော ကြွေးကြော် သံဖြင့် ရွေးကောက်ပွဲ ဝင်ခဲ့ကြသည်။

သခင်စိုး၏ အလံနီ ပါတီ ကမူ ရွေးကောက် ပွဲကို သပိတ်မှောက်ရုံ မက အကြမ်းဖက် တားဆီးရန် မဲရုံများကို မီးရှို့ရန် ဆုံးဖြတ်ကြသည်။ တိုင်းပြု ပြည်ပြု လွှတ်တော်ရွေး ကောက်ပွဲတွင် ဖ.ဆ.ပ.လ က ၉၅ ဒသမ ၃ ရာခိုင် နှုန်းရခဲ့ပြီး ဗမာပြည် ကွန်မြူနစ် ပါတီက စုစုပေါင်း အမတ် နေရာ ၂၅၅ နေရာတွင် အမတ်နေရာ ၇ ဦးသာ ရရှိ ခဲ့သည်။ ပြည်မ အမတ် နေရာ ၁၈၂ နေရာ အနက် ဖ.ဆ.ပ.လ က ၁၇၁ နေရာ ရရှိခဲ့ပြီး ကွန်မြူနစ် များက ၇ နေရာ နှင့် ကျန်နေရာ များကို တစ်သီး ပုဂ္ဂလများက ရရှိ ခဲ့သည်။

ယင်းကြောင့် တိုင်းပြု ပြည်ပြု လွှတ်တော် တွင် အမတ် နေရာ အားလုံး လိုလိုကို ဖ.ဆ.ပ.လ က သာ ရရှိ ခဲ့သည်။ တိုင်းပြု ပြည်ပြု လွှတ်တော် ဟူသည်မှာ တိုင်းပြည်၏ အနာဂတ် အုပ်ချုပ်ရေး အတွက် ဖွဲ့စည်းပုံ အခြေခံ ဥပဒေ ရေးဆွဲ ရန်သာ ဖြစ်ပြီး ပါလီမန် လွတ်တော်မျိုး မဟုတ်ပေ။

ထို့ကြောင့် ၁၉၄၇ ခုနှစ် မေလ ၁၉ ရက် နေ့တွင် ဖ.ဆ.ပ.လ အဖွဲ့ချုပ် အမတ်များ ပဏာမ ညီလာခံကို ကျင်းပ ခဲ့ပြီး ဖ.ဆ.ပ.လ အဖွဲ့ချုပ် ဥက္ကဋ္ဌ ဗိုလ်ချုပ်အောင်ဆန်း ဦးဆောင်၍ ဖွဲ့စည်းပုံ အခြေခံ ဥပဒေ မူကျမ်းကို ရေးဆွဲခဲ့သည်။ ဇွန်လ ၁ဝ ရက် နေ့တွင် တိုင်းပြု ပြည်ပြု လွှတ်တော် ပထမအကြိမ် ညီလာခံကို ကျင်းပခဲ့ပြီး ထို ညီလာခံတွင် အဖွဲ့ဝင် ၇၅ ဦးပါ အခြေခံ ဥပဒေ ရေးဆွဲရေး ကော်မတီကို ဖွဲ့စည်း ပေးခဲ့သည်။

အခြေခံ ဥပဒေ မူကြမ်းကို ၁၉၄၇ ဇူလိုင်လ ၂၉ ရက် နေ့တွင် ကျင်းပသော တိုင်းပြု ပြည်ပြု လွှတ်တော် ဒုတိယ ညီလာခံတွင် ပြင်ဆင် ဖြည့်စွက် မှုများ ပြုလုပ်ခဲ့ပြီး စက်တင်ဘာလ ၂၄ တွင် အတည်ပြု ခဲ့သည်။

၁၉၄၇ ပြည်ထောင်စု မြန်မာနိုင်ငံ ဖွဲ့စည်းပုံ အခြေခံ ဥပဒေတွင် ဥပဒေ နိဒါန်း၊ အခန်း ၁၄ ခန်း၊ ပုဒ်မ ပေါင်း၂၃၄ နှင့် ဇယား လေးခု ပါရှိသည်။ ၁၉၄၈ ဇန်နဝါရီလ ၄ ရက်နေ့၌ လွတ်လပ်ရေး ရသော အခါတွင် အဆိုပါ အခြေခံ ဥပဒေ မှာ အာဏာ တည်လာ ခဲ့သည်။

ဖွဲ့စည်းပုံ အခြေခံ ဥပဒေပုဒ်မ ၂၃၃ အရ ဖွဲ့စည်းပုံ အခြေခံ ဥပဒေကို အတည် ပြုပြီး ၁၈ လ အကြာတွင် ပါလီမန် အထွေထွေ ရွေးကောက်ပွဲကို ကျင်းပကာ ပါလီမန် လွှတ်တော်များ (ပြည်သူ့လွှတ်တော် ၊ လူမျိုးစု လွှတ်တော်) ဖွဲ့စည်းရန် ပြဋ္ဌာန်း ထားသည်။

ယင်းကြောင့် ပထမ အကြိမ် ပြည်သူ့ လွှတ်တော် ရွေးကောက် ပွဲများ ကျင်းပရန် ဆာဘဦး ခေါင်းဆောင်သော ရွေးကောက်ပွဲ စီမံ ကြီးကြပ်ရေး အဖွဲ့ကို ၁၉၄၉ ခုနှစ် ဖေဖော်ဝါရီလ ၁၉ ရက်နေ့တွင် ဖွဲ့စည်း ခဲ့သည်။

ယင်းအဖွဲ့၏ ပထမ အကြိမ် အစီရင် ခံစာကို ၁၉၄၉ ခုနှစ် ဇွန်လ ၉ ရက်နေ့တွင် ကျင်းပသော တိုင်းပြု ပြည်ပြု လွှတ်တော် အစည်း အဝေးတွင် တင်ပြ ရာ၌ လက်နက်ကိုင် ဆူပူမှုများကြောင့် ရွေးကောက်ပွဲ ကျင်းပ နိုင်ခြင်း မရှိသေး၍ အခြေခံ ဥပဒေ ပုဒ်မ ၂၃၃ ပါ အကူးပြောင်း ကာလ သတ်မှတ်ချက်တွင် ၁၈ လ ကို ၂၈လဟု ပြင်ဆင် သတ်မှတ် ခဲ့သည်။

ဒုတိယ အကြိမ် အစီရင် ခံစာကို ၁၉၅ဝ ပြည့်နှစ် ဖေဖော်ဝါရီလ ၁၆ ရက်နေ့တွင် တင်ပြ ရာ၌ တရား မျှတသော ရွေးကောက် ကျင်းပ နိုင်သည် အထိ ကောင်းမွန်မှု မရှိ သေးကြောင်း တင်ပြသဖြင့် အကူး အပြောင်း ကာလ သတ်မှတ် ချက်ကို လပေါင်း ၄ဝ ဟု ထပ်မံ ပြင်ဆင် သတ်မှတ် ခဲ့သည်။ ယင်းသို့ဖြင့် ၁၈ လ မှ ၂၈ လ၊ လ ၄ဝ၊ ၄၈ လ အထိ သုံးကြိမ် တိုင်တိုင် ပြင်ဆင် ခဲ့ရသည်။

နောက်ဆုံးတွင် ပထမ အကြိမ် ပါလီမန် လွှတ်တော် ရွေးကောက် ပွဲကို ၁၉၅၂ ဇန်နဝါရီလ ၄ ရက်နေ့တွင် ကျင်းပရန် ဆုံးဖြတ် ခဲ့ကြသည်။

တိုင်းပြည်တွင်း လက်နက်ကိုင် ဆူပူ မှုများကြောင့် ရွေးကောက် ပွဲကို ကျင်းပ နိုင်ခြင်း မရှိသေး၍ တိုင်းပြု ပြည်ပြု လွှတ်တော်မှာ ပါလီမန် လွှတ်တော်၏ တာဝန် ဝတ္တရားများကို လွတ်လပ်ရေး ကြေညာသည့် ၁၉၄၈ ဇန်နဝါရီမှ ၁၉၅၂ မတ်လ ၃ ရက်နေ့ ပါလီမန် အစည်း အဝေး စထိုင်သည့် ကာလ တိုင်အောင် တာဝန်ယူ လုပ်ဆောင် ခဲ့သည်။

ယင်း ကာလတွင် တိုင်းပြု ပြည်ပြု လွှတ်တော်ကို ယာယီ ပါလီမန်ဟု ခေါ်ဆိုခဲ့ပြီး ယင်း ပါလီမန် မှ သမ္မတ တင်မြှောက်သော သမ္မတ စပ်ရွှေသိုက်ကို ယာယီ သမ္မတဟု လည်းကောင်း၊ အစိုးရ အဖွဲ့ကို ယာယီ အစိုးရ အဖွဲ့အဖြစ် လည်းကောင်း ခေါ်ဆိုခဲ့ ကြသည်။

ကျော်ဆန်းမင်း

မှီငြမ်း
- တရားမျှတသောပါတီစုံ ဒီမိုကရေစီ အထွေထွေ ရွေးကောက် ပွဲကြီးသို့ - ( ဆရာချယ် )
- ပြောင်းလဲ လာသော မြန်မာ နိုင်ငံ အုပ်ချုပ်ရေး စနစ်များ ( မြင့်သိန်း - ရန်ကုန်တက္ကသိုလ် )
- ၅၈ - ၆၂ မြန်မာ နိုင်ငံရေး (ပ)
- အခြား စာရွက် စာတမ်းများ

Ref: ဟံသာဝတီ

Read More...

Collapse...

နေ့စဉ်သတင်းများ (၂၇ - ၅ - ၁၀)

■ NLD တရားဝင် ရပ်တည်မှုကို စစ်အစိုးရဖျက်လို့ မပျက်နိုင် သတင်း
■ ရွေးကောက်ပွဲ ရေရှည် အပြောင်းအလဲအတွက် လမ်းပွင့်နိုင်ဟု ICG သုံးသပ် သတင်း
■ အာဏာမလွှဲခြင်းကြောင့် တပ်မတော်သမိုင်း အကျည်းတန် သတင်း
■ ထက်ထက်မိုးဦးအမှု တရားရုံး ကြားနာ သတင်း
■ ၂၀၁၀ ရွေးကောက်ပွဲ ကမ္ဘာလုံးဆိုင်ရာ ကန့်ကွက်မှု ပြုလုပ် သတင်း
■ ၁၉၉၀ ရွေးကောက်ပွဲ နှစ်ပတ်လည် ကျင်းပ သတင်း
■ ဓနုတ် စေတီ ပြန်လည် ပြုပြင်၊ ဗိုလ်ချုပ်မှူးကြီးမိသားစု မလှူဒါန်းဟု ဆို သတင်း
■ ပူးတွဲ စစ်ဆင်နွဲရန် လက်နက်ကိုင်အဖွဲ့ ၅ ဖွဲ့ သဘောတူ သတင်း
■ ပြည်သူ့ရွေးကောက်ပွဲ ရွှေ့ပြောင်းလုပ်သားများ မဲပေး သတင်း
■ ၂၀၁၀ ရွေးကောက်ပွဲကို မြန်မာနိုင်ငံသားများ ကန့်ကွက်မဲ စတင်ပေး သတင်း
■ ပထမပြန် စာမေးပွဲမေးခွန်း ပေါက်ကြားမှု ဒု-ဦးစီးမှူးတဦးအား စစ်ဆေး သတင်း
■ စံပြ အိမ်ရာစီမံကိန်းကြောင့် အိမ်ပူးမိသားစုများ ဒုက္ခရောက် သတင်း
■ ၁၉၉၀ ရွေးကောက်ပွဲရလဒ်ကို RCSS အသိအမှတ်ပြုထောက်ခံ သတင်း
■ တရုတ်ဝန်ကြီးချုပ် မြန်မာ့နိုင်ငံရေးကိစ္စ ဇောင်းပေး ပြောကြားဖွယ်ရှိ သတင်း
■ အမေရိကန်ရဲ့ အစိမ်းရောင်ကတ် အမှန်တကယ် စိမ်းပြီ သတင်း
■ NLDက ရွေးကောက်ပွဲ နှစ်ပတ်လည်နေ့ အခမ်းအနားကို ရုံး ပြင်ပတွင် ကျင်းပ (ဓါတ်ပုံသတင်း)
■ ကိုယ်ကျိုးရှာ တိုင်းရင်းသားနိုင်ငံရေးသမားများ စာရင်း ပြည်တွင်းတိုင်းရင်းသားကွန်ယက်တခုက ထုတ်ပြန် သတင်း
■ မြန်မာစစ်အစိုးရ၏ နူကလီးယားစက်ရုံများအတွက် သီးခြားလျှပ်စစ်လိုင်း တည်ဆောက် သတင်း
■ ထိုင်းဝန်ကြီးချုပ်ဟောင်းကို ဖမ်းဆီးဖို့ Interpol အဖွဲ့ဝင်နိုင်ငံတွေကို တောင်းဆို သတင်း
■ ကျောက်ရုပ်မျက်နှာ (ဆောင်းပါး)
■ ၃ ကြိမ်လွတ်ခဲ့ပြီးမှ ၂ ခါ စီရင်ချက် ချခံရသူ (ဆောင်းပါး)

Read More...

Collapse...

၁၉၉၀ ရွေးကောက်ပွဲ နှစ်၂၀ ကြာ ဒီမိုကရေစီ ကင်းမဲ့ဆဲ HRW ဝေဖန်

ကျော်အောင်လွင် ဗုဒ္ဓဟူး, 26 မေ 2010

ဒီကနေ့ဟာ အမျိုးသားဒီမိုကရေစီအဖွဲ့ချုပ် NLD ပါတီ ၁၉၉၀ခုနှစ် ရွေးကောက်ပွဲမှာ မဲ အပြတ်အသတ်နဲ့ အနိုင်ရခဲ့တာ အနှစ် (၂၀) ပြည့်တဲ့နှစ် ဖြစ်ပါတယ်။ မြန်မာ စစ်အစိုးရကတော့ တိုင်းပြည်ရဲ့  အာဏာကို ဆုပ်ကိုင်ထားတာ နည်းနည်းပါးပါးမှ လျှော့မယ့်ပုံ မပြသေးဘူးလို့ Human Rights Watch လို့ခေါ်တဲ့ လူ့အခွင့်အရေး စောင့်ကြည့်မှုအဖွဲ့ က မနေ့က ပြောလိုက်ပါတယ်။

ဒီနှစ်အတွင်း ရွေးကောက်ပွဲတွေ ကျင်းပမယ်ဆိုတာဟာ နှစ်ပေါင်း(၂၀) အတွင်း ပထမဆုံးအကြိမ် အဖြစ် မြန်မာပြည်မှာ ရွေးကောက်ပွဲတွေ လုပ်မှာဖြစ်ပြီး အရပ်ဝတ် အရပ်စားတွေ ပြောင်းပြီး စစ်တပ်ကပဲ အုပ်ချုပ်မယ့် ပုံပဲလို့လည်း Human Rights Watch အဖွဲ့က ပြောပါတယ်။

၁၉၉၀ ရွေးကောက်ပွဲမှာတုန်းက တိုင်းပြည်ရဲ့  အာဏာကို စစ်တပ်လက်ထဲမှာ မရှိစေချင်ဘူးဆိုတဲ့ မြန်မာပြည်သူတွေရဲ့  သဘောထားကို ရှင်းရှင်းလင်းလင်း ပြသခဲ့ကြပြီးပြီလို့ Human Rights Watch အဖွဲ့ရဲ့  အာရှရေးရာ လက်ထောက် ညွန်ကြားရေးမှုး (Elaine Pearson) က ပြောဆိုပါတယ်။

NLD ပါတီကတော့ စစ်အစိုးရက ကျင်းပပေးမယ့် ၂၀၁၀ ခုနှစ် ရွေးကောက်ပွဲဆိုင်ရာ ဥပဒေတွေဟာ တရားမျှတမှု မရှိဘူးဆိုပြီး ရွေးကောက်ပွဲကို ၀င်ပြိုင်ဖို့ ငြင်းပယ်ခဲ့ပါတယ်။ လက်ရှိ ဥပဒေတွေအရ NLD ဟာ နိုင်ငံရေးပါတီအဖြစ်က ပျက်ပြယ်သွားခဲ့ပါပြီ။

Ref: VOA News

Read More...

Collapse...

နေ့စဉ်သတင်းများ (၂၆ - ၅ - ၁၀)

■ အာဏာရူးကြီးသန်းရွှေ ကဗျာရေးသားသူ ကဗျာဆရာ စောဝေ ထောင်က လွတ်ပြီ သတင်း
■ တိုင်းရင်းသားအဖွဲ့ (၅) ဖွဲ့ စစ်ရေးအရ ပူးပေါင်းရန် သဘောတူ သတင်း
■ ၉၀ ရွေးကောက်ပွဲ နှစ် (၂၀) ပြည့် အထိမ်းအမှတ်ပွဲ အဖွဲ့ချုပ်ဝင်များ ကျင်းပမည် သတင်း
■ ဂျင်မ်ဝက်ဘ်ခရီးစဉ်အပေါ် အတိုက်အခံတွေ မျှော်လင့်ချက်မထား သတင်း
■ မြန်မာနိုင်ငံကို အထူးကိုယ်စားလှယ် စေလွှတ်ရန် အီးယူက မျှော်လင့် သတင်း
■ ၀ါရှင်တန်မှာလုပ်သည့် မြန်မာ့အရေးဆွေးနွေးပွဲ သတင်း
■ တိုင်းရင်းသားပေါင်းစုံ အစည်းအဝေး သတင်း
■ မန္တလေး-မြစ်ကြီးနား ရထားလမ်းမှာ မိုင်းများ တွေ့ သတင်း
■ နိုင်ငံရေးအကျဉ်းသားမိသားစု ထောက်ပံ့ရေးအစီအစဉ် ပုံမှန်ပြန်လုပ် သတင်း
■ ဗုံးခွဲမယ်ဆိုပြီး ခြိမ်းခြောက်ငွေတောင်းသူ ဖမ်းမိ သတင်း
■ စစ်ဘေးတိမ်းရှောင် ရွာသားများ ဌာနေသို့ ပြန်လေပြီ သတင်း
■ မြန်မာနိုင်ငံမှ လျှပ်စစ် မီဂါဝပ် (၇၀၀) ဘင်္ဂလာဒေခ်ျ့ ၀ယ်ယူမည် သတင်း
■ နာဂစ်မုန်တိုင်းသင့်ကျောင်းများ အချိန်မီ မပြီး၍ အလှူရှင်များ စိတ်ပျက် သတင်း
■ ရွှေတူးလုပ်ငန်းကြောင့် လယ်ကွင်း (၈၅) ကွင်း ပျက်စီး သတင်း
■ ဆန်စပါး ဈေးတက်၊ နှစ်လုံးထီ လောင်းကစား ပြန်စနေ သတင်း
■ မီးလောင်မှုကြောင့် ဆုံးရှုံးမှုကြီးမားပြီး အလုပ်သမားများ အလုပ်လက်မဲ့ဖြစ် သတင်း
■ ထက်ထက်မိုးဦးကို တရားစွဲဆိုသည့်အမှု လက်ခံသင့် လက်မခံသင့် တရားရုံးတွင် ကြားနာ သတင်း
■ ထက်ထက်မိုးဦးရဲ့ ရုပ်ပုံ၊ စာသားများကို ဂျာနယ်၊ မဂ္ဂဇင်းများတွင် ထည့်သွင်းခြင်းမပြုရန် ဆုံးဖြတ်ကြ သတင်း
■ အပစ်ရပ် SSA တပ်မဟာ (၁) အား ပြည်သူ့စစ်မလုပ်ရန် ပလောင်အမျိုးသားများ တောင်းဆို သတင်း
■ တရုတ်နယ်စပ်တွင် သံဃာတုများ တွေ့ရ သတင်း
■ USDP မက်လုံးပေး စည်းရုံး သတင်း
■ မင်္ဂလာဈေး မီးလောင်ရာတွင် ဆိုင်ခန်းပေါင်း (၈၀၀) ကျော် မီးထဲပါသွား သတင်း
■ မိုးစပါးအထွက်တိုးစေရန် ချေးငွေနှစ်ဆ ထုတ်ပေး သတင်း
■ ကိုရီးယားသင်္ဘောနှစ်မြှုပ်မှု ကမ္ဘာက တုန့်ပြန်သင့် သတင်း
■ ရှပ်နီဆန္ဒပြပွဲတွင် ပါဝင်သည့် နိုင်ငံခြားသားနှစ်ဦး အဖမ်းခံရ သတင်း
■ ခွပ်ဒေါင်းအလံ (ဆောင်းပါး)
■ အရေးကြီးပြီး သွေးနီးပေါင်းစည်းရမယ့် အချိန် (ဆောင်းပါး)
■ ကျွန်ုပ်တို့အတွက် မနက်ဖြန် (ဆောင်းပါး)

Read More...

Collapse...

အထက်လွှတ်တော် အမတ် Jim Webb မြန်မာနိုင်ငံ ထပ်သွားမည်

ဒေါ်လှလှသန်း အင်္ဂါ, 25 မေ 2010

အမေရိကန် အထက်လွှတ်တော်အမတ် ဂျင်မ် ၀က်ဘ်ဟာ လာမယ့် မေလ၂၉ ရက်နေ့က စပြီး ဇွန်လ ၆ ရက်နေ့အထိ ကိုရီးယားနဲ့ ထိုင်းနိုင်ငံတွေ အပြင် မြန်မာနိုင်ငံကို သွားရောက်ဖို့ ရှိတယ်လို့ အင်္ဂါနေ့က ကြေညာချက် ထုတ်ပြန် လိုက်ပါတယ်။ သူ့ရဲ့ ခရီးစဉ် အတွင်းမှာ အမေရိကန် သံအရာရှိတွေ၊ မြန်မာအစိုးရ အရာရှိတွေ၊ စစ်ဖက်ဆိုင်ရာ အရာရှိတွေအပြင် စီးပွားရေး ခေါင်းဆောင်တွေ နဲ့လည်း တွေ့ဆုံဖို့ ရှိတယ်လို့လည်း သိရပါတယ်။ အထက်လွှတ်တော် အရှေ့အာရှနဲ့ ပစိဖိတ်ရေးရာ ဥက္ကဌအနေနဲ့ မြန်မာနိုင်ငံကို အခု သွားရောက် တာဟာ ဒုတိယအကြိမ် ဖြစ်ပါတယ်။ အကြောင်းစုံကို ဒေါ်လှလှသန်းက တင်ပြထားပါတယ်။

အထက်လွှတ်တော် အရှေ့အာရှနဲ့ ပစိဖိတ်ရေးရာ နိုင်ငံခြား ဆပ်ကော်မတီ ဥက္ကဌလည်းဖြစ်၊ ဗာဂျီးနီးယား ပြည်နယ်က အထက် လွှတ်တော် အမတ်လည်း ဖြစ်တဲ့ ဂျင်မ် ၀က်ဘ်ဟာ ကိုရီးယား၊ ထိုင်းနဲ့ မြန်မာနိုင်ငံတို့ကို သွားရောက်မယ့် သူ့ရဲ့ ခရီးစဉ်အတွင်း မြန်မာနိုင်ငံကိုတော့ ဇွန်လ ၅ ရက်နဲ့ ၆ ရက်နေ့တွေမှာ သွားရောက်ဖို့ရှိပြီး နေပြည်တော်ကို သွားရောက်ဖို့ ရှိတယ်လို့ ခိုင်လုံတဲ့ သတင်းရပ်ကွက် အရ သိရပါတယ်။

အထက်လွှတ်တော် အမတ် ၀က်ဘ် အနေနဲ့ မြန်မာနိုင်ငံကို ပြီးခဲ့တဲ့ နှစ်သြဂုတ်လ ၁၅ ရက်နေ့က ပထမတခေါက် သွားရောက်ခဲ့ပါတယ်။ ထိုစဉ်က နေပြည်တော်ကို သွားရောက်ခဲ့ရာမှာ မြန်မာစစ်ခေါင်းဆောင် ဗိုလ်ချုပ်မှုးကြီးသန်းရွှေနဲ့ တွေ့ဆုံခွင့် ရခဲ့ပါတယ်။ ဒါ့ကြောင့်လည်း သူဟာ ဗိုလ်ချုပ်မှုးကြီးသန်းရွှေနဲ့ တွေ့ဆုံခွင့်ရခဲ့တဲ့ ပထမဆုံးသော ထိပ်တန်းအမေရိကန် နိုင်ငံရေး ပုဂ္ဂိုလ်တဦး ဖြစ်တယ်လို့လည်း ဆိုနိုင်ပါတယ်။

သူ့ရဲ့ အဲဒီခရီးစဉ်အတွင်းမှာ နေအိမ်အကျယ်ချုပ် ကျခံနေရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့လည်း တွေ့ဆုံခွင့် ရခဲ့ပါတယ်။ ဒါ့အပြင် ဒေါ်အောင်ဆန်းစုကြည်ရဲ့ အင်းလျားကန်နံဘေးရှိ နေအိမ်ကို ကျုးကျော် ၀င်ရောက်လာတဲ့ အတွက်ကြောင့် ထောင်ဒဏ် ၇ နှစ် စီရင်ခြင်း ခံနေရတဲ့ အမေရိကန်နိုင်ငံသား John Yettaw လွတ်မြောက်ရေး အတွက်လည်း အထက် လွှတ်တော်အမတ် ၀က်ဘ်ဟာ သူ့ရဲ့ခရီးစဉ်အတွင်း ဆောင်ရွက် ပေးနိုင်ခဲ့ပါတယ်။

အထက်လွှတ်တော်အမတ် ၀က်ဘ်အနေနဲ့ မြန်မာနိုင်ငံအပေါ် ချမှတ်ထားတဲ့ အမေရိကန်ရဲ့ ဒဏ်ခတ် ပိတ်ဆို့မှုတွေကို ရုတ်သိမ်းပေးပြီး ဆက်ဆံရေး မူဝါဒကို ကျင့်သုံးဖို့ ထောက်ခံအားပေး ခဲ့တာလည်း ဖြစ်ပါတယ်။ USCB ခေါ် အမေရိကန် အခြေစိုက် မြန်မာ့အရေး လှုပ်ရှားမှု အဖွဲ့ရဲ့ ပေါ်လစီရေးရာ ဒါရိုက်တာ ကိုအောင်ဒင်ကတော့ မစ္စတာဝက်ဘ်ရဲ့ မြန်မာနိုင်ငံကို သွားရောက်မယ့် ဒုတိယ ခရီးစဉ်နဲ့ ပတ်သက်ပြီး အခုလို သုံးသပ်ပါတယ်။

"ကျနော်တို့ မြင်တာကတော့ ကောင်းတဲ့ခရီးစဉ် မဟုတ်ဘူးပေါ့ဗျာ။ ဒီ ဆီနိတ်တာ ၀က်ဘ်ရဲ့ သဘောထားကလည်း အားလုံး သိပြီးသား ဖြစ်တဲ့ အတိုင်းပဲလေ၊ သူက နအဖ စစ်အစိုးရကို အမေရိကန် အစိုးရက အသိအမှတ် ပြုစေချင်တယ်။ အဲဒီလိုမဟုတ်ဘဲနဲ့ စစ်အစိုးရကို ဖိအားပေးလို့ရှိရင် စစ်အစိုးရက တဖြည်းဖြည်းနဲ့ တရုတ် လက်အောက်ကို ရောက်သွားလိမ့်မယ်။ အဲတော့ တရုတ် လက်အောက်က ဆွဲထုတ်ဖို့အတွက် နအဖ စစ်အုပ်စုကို ပျော့ပျော့ပြောင်းပြောင်း ညင်ညင်သာသာ ချဉ်းကပ်ရမယ်။ sanction အပါအ၀င် ပိတ်ဆို့ တာတွေကို ရုပ်သိမ်းပြီးတော့ ရင်းနှီးစွာ ဆက်ဆံရမယ်။ နအဖ လုပ်တဲ့ ရွေးကောက်ပွဲကိုလည်း အသိအမှတ်ပြု ထောက်ခံသင့်တယ် စသဖြင့် ဒါ သူ့ရဲ့ မူဝါဒ သူ့ရဲ့ ပေါ်လစီကိုး။ ဆိုတော့ အဲဒီဟာကို ခု တစ်ခေါက်ထပ်သွားလည်း ဒါကိုပဲ ဦးစားပေးမှာပဲလေ။ မြန်မာ့ ဒီမိုကရေစီ အင်အားစု အတွက်တော့ ၀က်ဘ်ရဲ့ ခရီးစဉ်က ကောင်းတဲ့ ခရီးစဉ် မဟုတ်ပါဘူး။ နအဖ အတွက် ကျတော့လည်း ပျော်စရာ ဖြစ်ချင်ဖြစ်မှာပေါ့။ ဒီလောက် နိုင်ငံတကာ ဖိအားပေးမှုတွေ ကြီးမားနေတဲ့ကြားက အမေရိကန် ဆီနိတ်တာ တစ်ယောက်က သူ့ကို လာ အသိအမှတ် ပြုပြီးတော့ ရွေးကောက်ပွဲကို တအံ့တသြ အားပေး ထောက်ခံမယ် ဆိုတော့ သူ့အတွက်တော့ ပျော်စရာကြီး ဖြစ်မှာပေါ့နော်။"

ဒါ့အပြင် နေအိမ်မှာ အကျယ်ချုပ်ကျခံနေရတဲ့ ဒေါ်အောင်ဆန်းစုကြည် နဲ့လည်း တွေ့ဆုံခွင့် ရနိုင်ဖွယ် ရှိတယ်လို့ ဦးအောင်ဒင် က ခန့်မှန်း ပါတယ်။

အမေရိကန် ကွန်ဂရက်လွှတ်တော်မှာရော၊ အစိုးရမှာရော၊ ချမှတ်ထားတဲ့ စည်းကမ်းချက်တစ်ခု က အဲဒီ ကွန်ဂရက် ခေါင်းဆောင် တစ်ယောက်ဖြစ်စေ၊ အစိုးရ ခေါင်းဆောင် တစ်ယောက်ဖြစ်စေ၊ မြန်မာနိုင်ငံကို သွားကြမယ် ဆိုရင်၊ အဓိက က ဒေါ်အောင်ဆန်းစုကြည် နဲ့ တွေ့ဆုံခွင့် ရရမယ်။ တွေ့ခွင့် မရရင် မသွားရဘူး ဆိုတဲ့ မူဝါဒ သဘောထား ရှိပါတယ်။ Kurt Campbell ရဲ့ ခရီးစဉ် မှာ လည်း အဲဒီလို ဒေါ်အောင်ဆန်းစုကြည် နဲ့ တွေ့ဆုံခွင့်ရမှသာ မြန်မာနိုင်ငံ ကို သွားတာပါ။

ဒေါ်အောင်ဆန်းစုကြည် နဲ့ တွေ့ဆုံဖို့နေရာမှာ ဆုံးဖြတ်မှာ က ၂ ပိုင်းပေါ့လေ။ တစ်ခုကတော့ န၊အ၊ဖ ကိုယ်နှိုက် က ဒေါ်အောင်ဆန်း စုကြည် နဲ့ ဒီပုဂ္ဂိုလ်တွေကို တွေ့ဆုံခွင့် ပေးမပေး ဆိုတဲ့ အပိုင်း၊ ဒုတိယ အပိုင်းကတော့ ဒေါ်အောင်ဆန်းစုကြည် ကကော လက်ခံတွေ့ မတွေ့ ဆိုတဲ့ အပိုင်း ၂ ပိုင်း ရှိတာပေါ့။ ကတ်ကမ်းဘဲလ် ကျတော့ တော်တော် ကို တောင်းဆိုရတယ်။ ဒေါ်အောင်ဆန်းစုကြည် နဲ့ လွတ်လွတ်လပ်လပ် တွေ့ဆုံခွင့် မပေးရင် မလာဘူး ဆိုတဲ့အခါကျမှ န၊အ၊ဖ က လိုက်လျောပြီးမှ ဒေါ်အောင်ဆန်းစုကြည် နဲ့ တွေ့ဆုံခွင့် ပေးရတာ။ အခု ဆီနိတ်တာ ၀က်ဘ် ကျတော့ အရင် တစ်ခေါက် တုံးကလည်းဘာမှ တောင်းဆိုစရာ မလိုဘူး။ ဗိုလ်ချုပ်မှူးကြီး သန်းရွှေ ကိုယ်နှိုက် က ပျူပျူငှါငှါ လက်ခံတွေ့ဆုံတယ်။ ပြီးတော့ ဒေါ်အောင်ဆန်းစုကြည် နဲ့ တွေ့ခွင့်ပေးတယ်။ ဆိုတော့ အခုတစ်ခေါက်လာတဲ့ အချိန်မှာတော့ စီနေတာ ၀က်ဘ် ဟာ မြန်မာ့ ဒီမိုကရေစီ အင်အားစုတွေပေါ်မှာ ကောင်းကျိုးပြုတဲ့ ပုဂ္ဂိုလ်တစ်ယောက် မဟုတ်တာမို့ ဒေါ်အောင်ဆန်းစုကြည် က လက်ခံတွေ့ဆုံခြင်း မပြုဖို့ ကျွန်တော်တို့ မျှော်လင့်ပါတယ်။

မြန်မာ စစ်အစိုးရ အနေနဲ့ ဒီနှစ်အတွင်း ကျင်းပပေးမယ်လို့ ကြေညာထားတဲ့ ရွေးကောက်ပွဲများမှာ နိုင်ငံတကာ စောင့်ကြည့် လေ့လာရေး ပုဂ္ဂိုလ်တွေ လက်ခံဖို့ မလိုဘူး အစရှိတဲ့ နိုင်ငံတကာ က သဘောမတွေ့တဲ့ လုပ်ရပ်တွေ ကို ထူတ်ဖော်ပြောဆိုခဲ့ပြီး၊ ရွေးကောက်ပွဲ နဲ့ နိုင်ငံတကာ ရဲ့ ဝေဖန်မှု ကို ခံနေရချိန်မှာ အခုလို ၀က်ဘ် က မြန်မာ နိုင်ငံ ကို သွားရောက်မှာ ဖြစ်ပါတယ်။ ဒါ့အပြင် သူ့ရဲ့ ခရီးစဉ်ဟာ တရုပ် ၀န်ကြီးချုပ် ၀မ်ကျားပေါင် မြန်မာနိုင်ငံကို သွားရောက်မယ့် ခရီးစဉ် နဲ့ အ၀င်အထွက် ဖြစ်မယ်လို့လည်း သိရပါတယ်။

Ref: VOA News

Read More...

Collapse...

နေ့စဉ်သတင်းများ (၂၅ - ၅ - ၁၀)

■ မင်္ဂလာဈေးကို ယာယီဈေး ပြုလုပ်ရန် အစည်းအဝေးပြုလုပ် သတင်း
■ ရွေးကောက်ပွဲကို သပိတ်မှောက်ရန် အဖွဲ့ (၃) ဖွဲ့ ပူးပေါင်းတိုက်တွန်း သတင်း
■ မြန်မာသို့ EU ကိုယ်စားလှယ်တဖွဲ့ စေလွှတ်မည် သတင်း
■ တရုတ်ဝန်ကြီးချုပ် မြန်မာနိုင်ငံကို အလည်အပတ် သွားရောက်နိုင် သတင်း
■ ဗုံးပေါက်ကွဲမှု၊ နယ်ခြားစောင့်တပ်ကိစ္စ KIO နှင့် စစ်အစိုးရ ဆွေးနွေး သတင်း
■ မြစ်ဆုံဗုံးကွဲမှုဖြင့် ကချင်များ ဖမ်းဆီးခံနေရ သတင်း
■ သာသနာရေးဝန်ကြီးဌာန အရာထမ်းများ (၅၃) ချက်ပါ ကိုယ်ရေးမှတ်တမ်းဖြည့်ရ သတင်း
■ မြို့အ၀င်ဂိတ်ကို ဆိုင်ကယ်စီး လူတစုဗုံးပစ်၊ ရဲတစ်ဦးသေ နှစ်ဦးထိ သတင်း
■ မိုးကြီး တောင်ပြို၊ သစ်ပင်များလဲ၍ နယ်စပ်ကားလမ်းမ ပိတ်ဆို့ သတင်း
■ ဟတ်ကြီးရေကာတာ တည်ဆောက်မှု ပြန်လည်သုံးသပ်သင့် သတင်း
■ (၂၁) နှစ်မြောက် ကေ၀ိုင်အိုနေ့ အခမ်းအနား ကျင်းပပြီးစီး သတင်း
■ မွန်ဒေသလုံးဆိုင်ရာ ဒီမိုကရေစီပါတီအား နိုင်ငံရေးပါတီအဖြစ် မှတ်ပုံတင်ခွင့်ပြုလိုက်ပြီ သတင်း
■ စက်ရုံကြီးတချို့ လာဘ်ထိုးပြီး လျှပ်စစ်မီး သုံးစွဲခွင့်ရ သတင်း
■ ပုဂ္ဂလိက ကျောင်းဖွင့်ခွင့်များ ပြန်လည်ပိတ်ပင် သတင်း
■ လယ်သမားများအတွက် ချေးငွေ ယခင်နှစ်ထက် တိုးချေးပေး သတင်း
■ ထိုင်းဝန်ကြီးချုပ်ဟောင်း သက်ဆင် အကြမ်းဖက်သမား သတ်မှတ်ခံရ သတင်း
■ ဒေါက်တာ ပန်မီလာဂွတ်မင် (Dr. Pamela Gutman)၊ ဒေါက်တာ ဘော့ဟဒ်ဆင်(Dr. Bcb Hudson) တို့နှင့် အင်တာဗျူး
■ မင်္ဂလာဈေးသူ ဈေးသားများ၏ မငြိမ်းသောမီး (ဆောင်းပါး)
■ သွေးဆူတတ်သော ကလေးများ (ဆောင်းပါး)
■ ပင်စင်လစာ (ဆောင်းပါး)
■ ဟိုက်ဂိတ်သုဿန် (ဆောင်းပါး)

Read More...

Collapse...

အဖေသခင်စိုးမြင့်သို့

မေလ ၅ ရက် ၂၀၁၀

အဖေရေ....
အခုတော့
ရိက္ခာကိုပယ်
သိက္ခာကိုသယ်လို့
အနစ္စနယ်ကိုသွားခဲ့ပြီပေါ့
အဖေ........ မသေခင်ညနေ ရုံးတက်သေးတဲ့အဖေ
ကားမှတ်တိုင်မှာ
ကိုယ့်ကိုယ်ကို မခိုင့်တခိုင်ရပ်
လူကြပ်ကြပ်ဘတ်(စ်)ကားကိုတား
ဥက္ကလာပကိုလားဟေ့...ဟုတ်ကဲ့
လိုက်ခဲ့မယ်---လိုက်ခဲ့တယ်
အိမ်ရှေ့ရောက်ပြီး
သမီးရေ၊ ဇနီးရေ ပြန်ခဲ့ပြီဟေ့ တစ်နေ့တဲ့
(၈၇)နှစ်အဖေ့အတွက်
ထမင်းပျော့ပျော့ ဟင်းပေါ့ပေါ့
ရှိတာနဲ့တော့ ၀အောင်စားသွားခဲ့
ဒီလိုနဲ့ပဲမိုးချုပ်ခဲ့
ဒီလိုနဲ့ပဲ မိုးတွေချုပ်ခဲ့တယ်
ညီအကိုမသိတသိ အချိန်မှာ
ညီအကိုမသိတသိ အသံတွေနဲ့
တရုတ်ပြည်လုပ် ရေဒီယိုနဲ့ အလုပ်တွေရှုပ်
ညဥ့်ဦးယံကုန်လို့ မိုးစုန်းစုန်းချုပ်ပြီ ဆိုတော့
ဗုဒ္ဒရဲ့တရား (၂) နာရီလောက် အားထုတ်နေကျ
အ၀ိဇ္ဖာပစ္စယာ သင်္ခါရ - က ကမ္မဘ၀ဆိုတဲ့
သံသရာချဲ့တဲ့ တရားတွေ ရှုပွားပြီး
တစ်ညတာ တည်းခိုရှာလေရဲ့
နောက်တစ်နေ့ မိုးလင်းတဲ့အခါ
ငယ်ကချစ် အနှစ်တစ်ရာ မမေ့သာတဲ့
ဇနီးရဲ့ ကျန်းမာရေး - ဆေးခန်းပို့ ပေးရအုံးမှာမို့
သမီးချက်တာစား-ကောင်းတာမကောင်းတာထား
ရေချိုး ထမင်းစား နားအုံးမှဆိုပြီး
နိုင်ငံရေးခရီး အဆက်ဆက်
ဗိုလ်ချုပ်အောင်ဆန်း လက်ထက်ကစ
ဒေါ်အောင်ဆန်းစုကြည်လက်ထက် အထိ
စုမိဆောင်းမိခဲ့သမျှ
နားခိုစရာ အပေါစား သစ်သား ကုလားထိုင်ပေါ်မှာ
ထိုင်ရင်းနဲ့ အိပ်
အိပ်ရင်းနဲ့ သေ
အဲဒီလို..........အခြေအနေမျိုးကို
ကမ္ဘာနေလူသားအားလုံးသို့
သတင်းပေးပို့လိုက်ပါသည် ...........ခင်ဗျား............

သခင့်သား ကမာရွတ်

Read More...

Collapse...

PDC News Commentary - May 2010

ဒေါင်းရန်

PDC News Commentary - May 2010

Read More...

Collapse...

နေ့စဉ်သတင်းများ (၂၄ - ၅ - ၁၀)

■ မင်္ဂလာဈေးမီး ညနေအထိ လောင်ကျွမ်း သတင်း
■ မြန်မာနိုင်ငံ အကြီးဆုံး လက္ကားဈေး မီးလောင်၊ နေ့တ၀က်ကျော် ငြှိမ်းသတ်သော်လည်း မီးမငြိမ်းသေး သတင်း
■ မေ (၂၄) ရက် နံနက်တွင် မင်္ဂလာတောင်ညွန့်ရှိ မင်္ဂလာဈေးကြီး မီးလောင်သည့် မြင်ကွင်း (ဓာတ်ပုံ) သတင်း
■ ကရင်အမျိုးသားများ သွေးစည်းကြရန် ဗိုလ်မှူးကြီး နယ်ဒါးမြ ပြောကြား သတင်း
■ ဝတပ်ဖွဲ့ ဥက္ကဋ္ဌအား ထပ်မံဆွေးနွေးရန် နအဖ ကမ်းလှမ်း သတင်း
■ နယ်ခြားစောင့်တပ်ကိစ္စ ထပ်မံဆွေးနွေးရန် UWSA ကို စစ်အစိုးရ ကမ်းလှမ်း သတင်း
■ နယ်ခြားစောင့်တပ် ဆွေးနွေးရေး ၀ တပ် ငြင်းပြန် သတင်း
■ အပစ်ရပ်မှ တောပြန်ခိုသည့် ဗိုလ်ချုပ်စိုင်းယီ မြောက်ပိုင်း SSA အား သတိပေး သတင်း
■ ‘ဝ မြောက်ဒေသအတွင်း မြို့နယ်၊ တိုက်နယ်အရာရှိများအား ဝ ဗဟိုမူဝါဒများကို ရှင်းပြ သတင်း
■ လူမှောင်ခို တင်ဆောင်လာသည့်ကား တိမ်းမှောက် (၁၃) ဦးသေ၊ (၁၅) ဦး ဒဏ်ရာရ သတင်း
■ ကော့သောင်းတွင် သံဃာအတုဟု ယူဆရသူများ ဖမ်းမိ သတင်း
■ နေထိုင်ခွင့်လွန် အလုပ်သမားများအား မလေးရှားက သက်ညှာခွင့်ပေးမည် သတင်း
■ အီတူးထာ ဒုက္ခသည်စခန်းအတွက် အကူအညီများ လိုအပ် သတင်း
■ ထက်ထက်မိုးဦး သတင်းကြောင့် ဂျာနယ် (၂) စောင် အပိတ်ခံရ သတင်း
■ ပဲဈေး စံချိန်တင်တက် သတင်း
■ အထူးစုံစမ်းဆေးရေးဌာန တောင်းဆိုချက်ကို တရားရုံးက စစ်ဆေး သတင်း
■ ဘာသာရေးမှာ အစိုးရ စွက်ဖက်ခွင့်မရှိ (သုံးသပ်ချက်ဆောင်းပါး)

Read More...

Collapse...

လူထုနဲ့ တသားတည်းဆိုတဲ့ လမ်းပြကြယ်အဖွဲ့က ဦးအေးမြင့်

မေ ၂၃၊ ၂၀၁၀

ဧပြီလလည် မြန်မာနှစ်ဆန်းအပြီးကတည်းက ပဲခူးနယ်တ၀ှမ်းက ရေရှားပါးမှုပြဿနာများကို ပြည်ပက မြန်မာ သတင်းစာမျက်နှာ များနဲ့ ပြည်ပ ရေဒီယိုဌာန အစီအစဉ်များက တဆင့် မြန်မာတို့ ကြားသိ လာကြရပါတယ်။ အဲသည်နောက် ဧပြီလကုန်မှ စတင်ပြီး ပဲခူးမြို့နယ်၊ လမ်းပြကြယ် အဖွဲ့က ဦးအေးမြင့် က ဒေသခံများ၊ စေတနာရှင်များနဲ့ လက်တွဲပြီး ရေပေးလှူခြင်းများကိ်ု ၀ိုင်းဝန်း ကူညီ ဆောင်ရွက် လာတာကို တွေ့ရပါတယ်။

မေလမှာတော့ဖြင့် နာရေးကူညီမှုအသင်း (ရန်ကုန်) ကလည်း တတပ်တအား ရေအလှူဒါနလုပ်ငန်းများမှာ ပါဝင် ဆောင်ရွက် လာပါတယ်။ ထို့အတူ အင်န်အယ်ဒီပါတီရဲ့ လူမှု အထောက်အကူ လုပ်ငန်းအဖွဲ့များ၊ လူငယ်များနဲ့ အမျိုးသမီးများကလည်း ရေပေးဝေရေး အလုပ်များကို ၀ိုင်းဝန်းလျက် ရှိတာကို တွေ့ရပါတယ်။

ဒေသခံများနဲ့ အလှူရှင်တွေ၊ စေတနာရှင်တွေ၊ လုပ်အားပေးတွေနဲ့အတူ အမြဲတမ်း တက်တက်ကြွကြွ တွေ့နေရတဲ့ အဖွဲ့ကတော့ ဦးအေးမြင့်နဲ့ လမ်းပြကြယ် အဖွဲ့ ဖြစ်ပါတယ်။ သတင်းမီဒီယာ အဖွဲ့များက ဆက်သွယ် မေးမြန်းတိုင်းမှာလည်း ဦးအေးမြင့်တို့က အချိန်ပေးပြီး ဒေသရဲ့ အခြေအနေတွေ၊ ဆောင်ရွက်ချက်တွေကို အချိန်ယူပြီး အသေးစိတ် ရှင်းပြတဲ့အတွက် နေ့စဉ် သတင်းမီဒီယာနဲ့ ဘလောဂ့် စာမျက်နှာတွေမှာ လှုပ်ရှားမှုတွေကို တွေ့နေ၊ သိနေကြတာကို တွေ့ရပါတယ်။

ယနေ့ ဦးအေးမြင့်နဲ့ တွေ့ဆုံခိုက် ပထမဦးဆုံးမေးမိတာက ကလေးစစ်သားတွေ မိဘတွေနဲ့ ပြန်ဆုံတွေ့ကြပြီလား ဆိုတာ ဖြစ်ပါတယ်။ ဦးအေးမြင့်က ကလေးစစ်သားတွေကို မိဘတွေအိမ် ပြန်ရောက်သွားကြပြီလို့ ဖြေကြားပါတယ်။ လက်ရှိ အခြေအနေနဲ့ ပတ်သက်ပြီး လက်လှမ်း မီသမျှတွေကို မေးမြန်းမိပါတယ်။

“အဓိကကတော့ အင်န်အယ်ဒီရဲ့ အခမ်းကဏ္ဍပျောက်ကွယ် သွားမှာကို စိုးရိမ်မိတယ်။ ဒါကို ပထမဦးဆုံး ပြောချင်ပါတယ်။ ကျနော့် ရင်ထဲမှာ ရှိတဲ့ စေတနာကို အရင်းခံအတိုင်း ပြောရရင်တော့ အင်န်အယ်ဒီပါတီဟာ မိမိပါတီ မဟုတ်ပေမဲ့ ကျနော်တို့ တတွေဟာ အင်န်အယ်ဒီနဲ့လည်း တသားတည်း ရှိနေတယ်ဆိုတာကို သိစေချင်ပါတယ်။”

အဲသည်မှာ မေးဖြစ်တာက အခုအချိန်မှာ ဒေသခံတွေနဲ့ လက်တွဲပြီး ရေရှားပါးမှုနဲ့ ရေတွင်း ရေကန်များ တူးဖော်မှုတွေ ဆောင်ရွက်နေချိန်မှာ အင်န်အယ်ဒီကလည်း အတူတကွ ဆောင်ရွက်နေကြတယ် မဟုတ်ဘူးလား ဆိုတာဖြစ်ပါတယ်။

“ဟုတ်ပါတယ်။ အနီးမှာရှိနေတဲ့ အင်န်အယ်ဒီတွေကို အမြဲရှိနေစေချင်တယ်။ ပြီးတော့လည်း ဦးဝင်းတင်တို့ ဦးတင်ဦးတို့လည်း လူထုထဲ ကိုယ်တိုင်ဆင်းပြီး ၀ိုင်းဝန်းပေးနေတာတွေကို အမြဲ မြင်တွေ့နေစေချင်ပါတယ်။”

အဲသည်မှာ ပါတီရဲ့ အခမ်းကဏ္ဍနဲ့ ပတ်သက်ပြီး ဦးအေးမြင့်ရဲ့ သဘောထားကို မေးပါတယ်။

“အခုအချိန်မှာ ပါတီဟာ အာဏာမလိုပါဘူး။ သြဇာပဲ လိုတယ်လို့ ပြောချင်ပါတယ်။ အာဏာဆိုတာ မမြဲပါဘူး။ သြဇာဆိုတာ တည်မြဲပါတယ်။ ဗိုလ်သန်းရွှေမှာ လက်နက်နဲ့ အာဏာရှိတယ်။ သို့သော် ဒေါ်အောင်ဆန်းစုကြည်ကို ကြောက်နေရတာကတော့ ဒေါ်စုရဲ့ သြဇာ ကြီးမားမှုကြောင့် ဖြစ်ပါတယ်။

အခုအချိန်မှာ နာမည်ကြီးဖို့၊ ကြွားဝါဖို့၊ နေရာရဖို့တွေက အရေးမကြီးဘူး။ ဒေါ်အောင်ဆန်းစုကြည်ကိုယ်တိုင်က နာမည်ကြီးဟီးရိုး လုပ်ခဲ့တာ မဟုတ်ဘူး၊ အခုအချိန်မှာ လူထုနဲ့ တသားတည်းဖြစ်အောင် လူထုထဲကို ဆင်းပြီးတော့ လူထုရဲ့ ဘ၀အခြေအနေကို အမြဲကြည့်နေလို့ရှိရင် လူထုထံက ပေးအပ်ယုံကြည်တဲ့ သြဇာကို လက်ကိုင်ရရှိမှာ ဖြစ်တယ်လို့ ပြောချင်ပါတယ်။”

အဲသည်မှာ ပြောဖြစ်တဲ့ကိစ္စကတော့ လူထုထဲကို ဆင်းတဲ့နေရာမယ် အင်န်အယ်ဒီပါတီရဲ့ လိုအပ်တဲ့ အရင်းအနှီးတွေ၊ သယံဇာတတွေက ဘာတွေ ဖြစ်မလဲ။ ဘယ်လိုမျိုး အင်အားတွေကို အထောက်အကူပြုပြီး ဆောင်ရွက်ကြရမှာလဲ ဖြစ်ပါတယ်။

“ ပထမဦးဆုံးကတော့ စိတ်ဓာတ်ပါ။ ဒေါ်အောင်ဆန်းစုကြည်ဟာ အကျယ်ချုပ်ကျနေရတာတောင် လူတွေအတွက် အမြဲ နားစွင့် နေပါတယ်။ ဒါကို အတုခိုးကြရမယ်။ နောက်ပြီးတော့ ဒီအချိန်ဟာ အခွင့်အရေးအတွက် တံခါးခေါက်တဲ့ အချိန်ဖြစ်ပါတယ်။ ပါတီဝင်တိုင်း လူထုထဲ ဆင်းကြပြီး၊ လူထုလိုအပ်ချက်တွေကို လိုက်လံဖြည့်ဆည်းကြတဲ့နေရာမှာ ငွေကြေး ဥစ္စာနဲ့ ဖြည့်မှ မဟုတ်ပါဘူး။ စေတနာတွေ လုပ်အားတွေနဲ့ လူတွေကြားထဲက လူမှုရေးဆောင်ရွက်ချက်တွေ များများလုပ်စေချင်ပါတယ်။ ပြီးတော့လည်း မီဒီယာတွေ သတင်းပြန်ကြားရေးတွေက ၀ိုင်းပြီး ထုတ်ပြန် အသိပေးနေကြရင် ရှေ့ကို တိုးလာဖို့ပဲ ရှိပါတယ်။”

လက်ရှိ အခြေအနေမှာလည်း အင်န်အယ်ဒီက လူထုကြားထဲက လိုအပ်ချက် အခက်အခဲတွေကို ၀င်ရောက်ဆောင်ရွက် နေတာကို တွေ့နေရတာပဲ ဖြစ်ပါတယ်။ သို့သော် အဲသည်မှာ ဘယ်လိုမျိုး လိုအပ်ချက်တွေ ရှိနေသေးသလဲ။ ဝေဖန်ချင်သလဲ ဆိုတာက နောက်မေးခွန်းတခု ဖြစ်ပါတယ်။

“အခု လုပ်နေတာကို ဒီထက်ပိုပြီး ပြည့်စုံစေချင်တာပါ။ တယောက်တပေါက် ကိုယ်သန်ရာ သန်ရာ လုပ်နေတာကနေ သေသေချာချာ စီမံကိန်းချပြီး လုပ်လာတာမျိုး မြင်လာချင်ပါတယ်။ ဥပမာ ဦးဝင်းတင်က တမျိုးပြော၊ ဆင်းလုပ်တဲ့ ဦးအုန်းကြိုင်က တမျိုး လုပ် ဖြစ်နေတယ် ဆိုတာမျိုး မမြင်သွားစေချင်ပါဘူး။ နောက်ပြီးတော့လည်း တပြည်လုံးအနှံ့ လျောက်လုပ်နေဖို့လည်း မဟုတ်သေးပါဘူးး
အခု လက်ရှိ အရေးပေါ်နေတဲ့ နယ်မြေတခုဆိုရင် အဲသည်နယ်မြေကို အာရုံစိုက်ပြီး အားလုံးက ပူးပေါင်းလုပ်တာ၊ စုပေါင်းတိုင်ပင်ပြီး စီမံကိန်းဆွဲပြီး လုပ်တာမျိုးတွေကို အကြံပေးလိုပါတယ်။ လူအများကြီးနဲ့လည်း လုပ်စရာမလိုပါဘူး။

အဖွဲ့အစည်းတခုအနေနဲ့ လုပ်ပြီဆိုရင်တော့ စည်းစနစ်နဲ့၊ တိုင်ပင်ပြီး လုပ်ကြရင် မိမိသဘောနဲ့ မိမိ လုပ်ကြ၊ လှူကြတာမျိုး၊ သီးခြားစီ လုပ်ကြတာမျိုး အများက မမြင်တော့ဘူးပေါ့။ သတင်းပြန့်နှံ့မှုမှာလည်း နေ့စဉ် ရက်ဆက် လုပ်ကိုင်နေတာတွေကို ကြားသိနေကြရမှာ ဖြစ်ပါတယ်။ ဥပမာဆိုရင် နာရေးကူညီမှုအသင်းကို ရေအလှူလုပ်ငန်းတွေကို ကြည့်ပါ။”

အခုလက်ရှိအခြေအနေမှာ ဒေသခံတွေနဲ့အတူ နီးနီးကပ်ကပ် ရှိနေတဲ့ ဦးအေးမြင့်တို့ လမ်းပြကြယ် အဖွဲ့သားများက အလှူရှင်များ၊ စေတနာရှင်များ၊ လုပ်အားပေးများအတွက် ကျေးရွာတွေ အရောက် လုပ်ငန်းများ အဆင်ပြေချောမွေ့အောင် ဆောင်ရွက်ပေးနေတဲ့ အကြောင်းတွေကို ဆက်လက်ပြီး မေးဖြစ်ပါသေးတယ်။

“ အခုဟာက ရေပေးဝေတဲ့ အလှူတင်မဟုတ်တော့ဘဲ၊ ရေတွင်း ရေကန်တွေ တူးဖော်ပေးရတဲ့ ရေရရှိရေး အလုပ်တွေ ဖြစ်လာပါတယ်။ အခု ခင်ဗျားတို့ဆီမှာ တင်ထားတဲ့ ဓာတ်ပုံသတင်းတွေအတိုင်း ကျေးရွာ ၈ ရွာခန့်ကို ရေရရှိရေးအတွက် ဆောင်ရွက်ပေးနိုင်ခဲ့ပါတယ်။ ကျေးရွာတရွာကို ပျမ်းမျှ လူဦးရေ ၈၀၀ ခန့် ရှိပါတယ်။

ဒါတွေက ရေရှည်အလုပ်တွေ ဖြစ်သွားပြီ။ အခု လမ်းပြကြယ်ဟာ အားလုံးအတွက် လိုက်လံဆောင်ရွက်လျက် ရှိပါတယ်။ ၀ိုင်းဝန်း လုပ်ကိုင်ကြတဲ့ နေရာမှာလည်း အင်န်အယ်ဒီပါတီဝင်တွေနဲ့ အတူ လက်တွဲပြီး လုပ်ကြတယ် ဆိုတဲ့အကြောင်းကို ပြောပြပါတယ်။ လမ်းပြကြယ်ရဲ့ ဆောင်ရွက်ချက်ဆိုတာ အင်န်အယ်ဒီရဲ့ ကိုယ်ပွားသဖွယ် ဆောင်ရွက်နေတာ ဖြစ်တယ် ဆိုတာကို သဘောပေါက်အောင်လည်း ကျေးရွာတွေမှာ ရှင်းပြသင့်တဲ့အခါ ရှင်းပြပါတယ်။

ရေသည် အသက်၊ အသက်သည် ရေ ဆိုတာကို သိကြသလိုပဲ လူထုရဲ့ အသက်ဝိဉာဏ်ဟာ အင်န်အယ်ဒီအဖြစ် တည်ရှိနေစေချင် သလို၊ အင်န်အယ်ဒီရဲ့ အသက်ဟာလည်း လူထုလက်ထဲမှာ ဖြစ်တယ် ဆိုတာကို အားလုံးကို သိသွားစေချင်ပါတယ်။”

ဦးအေးမြင့်က လက်ရှိ အခြေအနေများကို ရှင်းပြနေရင်းနဲ့ပဲ မြန်မာပြည်ရဲ့ တခုတည်းသော အတိုက်အခံပါတီ အင်န်အယ်ဒီဖက်ကို အာရုံက ရောက်ရောက်သွားပါတယ်။ အဲဒါနဲ့ပဲ လက်ရှိ အင်န်အယ်ဒီရဲ့ ၂၀၁၀ ရွေးကောက်ပွဲမှာ မှတ်ပုံမတင်ခြင်းနောက်ပိ်ုင်း အလားအလာတွေကို ထင်မြင်ချက်တောင်းမိပြန်ပါတယ်။

“အန်အယ်ဒီပါတီဟာ မတ်လ ၂၉ ဆုံးဖြတ်ချက်နဲ့ စိတ်ဓာတ်ကျနေတဲ့ လူထုကို မြှင့်တင်လိုက်တာ ဖြစ်ပါတယ်။ အန်အယ်ဒီဟာ ပယောဂစကားနဲ့ပြောရရင်တော့ အတွင်းရန် နိုင်ငံရေးပယောဂကို ကုလိုက်တာ ဖြစ်ပါတယ်။ အတွင်း ပယောဂကြီးဖြစ်တဲ့ ဒေါက်တာသန်းငြိမ်းတို့၊ ဦးခင်မောင်ဆွေတို့ကို ကွာထွက်သွားအောင် ကုသလိုက်တာ ဖြစ်ပါတယ်။ နောက်ဆက်လက်ပြီးတော့ ပါတီတွင်း ပယောဂ အသေးလေးတွေဖြစ်တဲ့ ကြွားဝါချင်တာတွေ၊ အလုပ်ထက် နေရာကို လုနေတာတွေ၊ အထက်နဲ့ အောက်ခြေ ပြတ်တောက် နေတာတွေကိုလည်း ကုစားရမှာ ဖြစ်ပါတယ်။

ပယောဂကုတယ်ဆိုတာက ၀ိဉာဉ်နဲ့ ခန္တာကိုယ်က ခွာပြီးတော့ ကုကြရတယ်မဟုတ်လား။ ၀ိဉာဉ်တွေက ခန္တာကိုယ်ကြီးဆီက ခွာလိုက်တာ ကြာသွားရင် ပြန့်ထွက်သွားပြီးတော့ စုစည်းလို့ မရတော့ဘဲ နေသွားလိမ့်မယ်။ အခုချိန်မှာ ဦးတင်ဦးတို့၊ ဦးဝင်းတင်တို့ စတဲ့ ပါတီဌာနချုပ်က ခေါင်းဆောင်တွေက အနယ်နယ်က အင်အားတွေကို ပြန်လည် စုစည်းကြရမယ်။ ဥပမာ ခေါင်းကြီးပဲ ရှိနေပြီးတော့ ခြေတွေ လက်တွေ မရှိဘဲနဲ့ ဘယ်လိုမျိုး အလုပ်တွေ ဆက်လုပ်ကြမှာလဲ။

အခုအချိန်မှာ ကျနော် အကြိုက်ဆုံး အလေးစားဆုံးသူတဦးကို ပြပါဆိုရင်တော့ - မကွေးတိုင်း၊ ရေနံချောင်းမြို့က ဒေါ်ခင်စောဋ္ဌေးဆိုတဲ့ အမျိုးသမီးကြီးပဲ ဖြစ်ပါတယ်။ သူလုပ်တဲ့လုပ်ရပ်နဲ့ အသံလွှင့်ဌာနတွေမှာ ပြောဆိုနေတဲ့ စကားတွေ၊ လေသံတွေကို သိပ်လေးစားမိပါတယ်။ အဲသည်လိုမျိုး အများကြီး ဖော်ထုတ်သင့်ပါတယ်။

ကဲ … ဒီလောက်ပြောလိုက်ရရင် အားလုံး သဘောပေါက်ကြလိမ့်မယ် ထင်ပါတယ်။ အခုတော့ ရေတွင်း ရေကန်တူးတာတွေ၊ လွန်ဆွဲ တာတွေ၊ ပရိတ်ရွတ် တရားနာကြတာတွေ၊ ရေလှူတာတွေ ဆက်လုပ်လိုက်ဦးမယ်”

ပဲခူးမြို့က လမ်းပြကြယ်အဖွဲ့က ရှေ့နေကြီး ဦးအေးမြင့်နဲ့ တွေ့ဆုံမေးမြန်းသမျှ ဖြစ်ပါတယ်။

Ref: မိုးမခ

Read More...

Collapse...

နေ့စဉ်သတင်းများ (၂၃ - ၅ - ၁၀)

■ တရားမ၀င် မြန်မာအလုပ်သမား (၉) ဦး ကားမှောက်သေဆုံး သတင်း
■ တရုတ်ဝန်ကြီးချုပ် ၀မ်ကျားပေါင် မြန်မာပြည်သို့ လာရောက်မည် သတင်း
■ တရုတ်ဝန်ကြီးချုပ် စေ့စပ်မှုကို ကေအိုင်အေ မျှော်လင့် သတင်း
■ စစ်အစိုးရ ထိုးစစ်ဆင်မှုများ စုံစမ်းအရေးယူပေးဖို့ KNU တိုက်တွန်း သတင်း
■ ဒေါ်အောင်ဆန်းစုကြည် အမှာစကားနှင့် ပါတီရပ်တည်ရေးအတွက် ဗဟိုတရားသူကြီးချုပ်အထိ ဆက်တင်မည် သတင်း
■ ကျောင်းသားခေါင်းဆောင် ကိုဇော်ဇော်မင်း တောင်ငူဆေးရုံ တက်ရောက်ကုသ သတင်း
■ ကိုဖြိးဝေအောင်အမှု တလကြာအထိ ရှေ့နေပါဝါမရသေး သတင်း
■ ကုလသမဂ္ဂက မြန်မာပြည်၌ ကလေးစစ်သား သုံးနေဆဲဟု ကြေညာ သတင်း
■ (၇) ကြိမ်မြောက် ကရင်အမျိုးသားညီညွတ်ရေး နှီးနှောဖလှယ်ပွဲ ကျင်းပပြီးစီး သတင်း
■ မြင့်မားတဲ့ အပူချိန်နဲ့ ကျန်းမာရေး သတိထားဖွယ်ရာ သတင်း
■ လူထုနဲ့ တသားတည်းဆိုတဲ့ လမ်းပြကြယ်အဖွဲ့က ဦးအေးမြင့် သတင်း
■ သြဂုတ်လအထိ ပူပြင်းမည်ဟုဆိုခြင်းသည် အယူအဆ မှားနေခြင်းသာဖြစ် သတင်း
■ မိုးခေါင်ရေရှား ရာသီဥတုပြဿနာများကို ဘယ်လိုအဖြေရှာနိုင်မလဲ သတင်း
■ ရာသီဥတု ဆိုးရွားမူကြောင့် ရန်ကုန်-စစ်တွေ လေကြောင်းလိုင်းများ ယာယီရပ်ဆိုင်း သတင်း
■ ရန်ကုန်-တောင်ကြီး အဝေးပြေးလမ်းမ ယာဉ်ပိတ်ဆို့မှု ဖြစ်ပွားခဲ့ သတင်း
■ ထိုင်းနိုင်ငံရေးနဲ့ ပတ်သက်ပြီး မြန်မာနိုင်ငံရေးသမားတဦးရဲ့ အမြင် သတင်း
■ ထိုင်းအစိုးရ အပြည်ပြည်ဆိုင်ရာ အထောက်အပံ့တွေရ သတင်း
■ အိန္ဒိယအစိုးရက မြန်မာစစ်အစိုးရကို ဘူဒိုဇာ လက်ဆောင်ပေး သတင်း
■ ကြံ့ဖွံ့အသင်းက ငွေနဲ့မက်လုံးပေး မဲဆွယ် သတင်း
■ ကျောက်ထုတ်လုပ်ငန်းမှ လုံထိန်းတပ်သား (၃၀၀) ကျော်၏ အပိုဆောင်း ထောက်ပံ့ငွေကို အထက်အရာရှိ များ ဖြတ်စား သတင်း
■ စိတ်ဝင်စားဖွယ် ဖန်တီးထားတဲ့ ကြေးမုံသတင်းစာ ရှေ့မျက်နှာစာပေါ်က ဗိုလ်ချုပ်သန်းရွှေသတင်း သတင်း
■ အိန္ဒိယနိုင်ငံ လေယာဉ်ပျက်ကျမှု (၁၅၆) ဦး သေဆုံး သတင်း

Read More...

Collapse...

ကျောက်ထုတ် လုပ်ငန်းမှ လုံထိန်း တပ်သား ၃၀၀ ကျော်၏ အပိုဆောင် ထောက်ပံ့ငွေကို အထက် အရာရှိများ ဖြတ်စား

5/23/2010

မြန်မာ နိုင်ငံ အနောက်ဘက် နယ်စပ် ကျောက်ထုတ် လုပ်ငန်းများတွင် လုပ်ကိုင်နေရသော လုံထိန်းတပ်သား ၃၀၀ ကျော်အား ပေးသော အပိုဆောင်း ထောက်ပံ့ငွေများကို ရဲတပ်ရင်း အရာရှိများက ဖြတ်စား နေကြောင်း လုံထိန်း တပ်သားများက ပေးပို့စာတွင် ဖေါ်ပြထားသည်။

အဆိုပါ စာထဲတွင် ကျောက်ထုတ် လုပ်ငန်းများတွင် အလုပ် လုပ်ကိုင် နေသော ဘူးသီးတောင်နှင့် မောင်တော အခြေစိုက် ရဲတပ်ရင်း (၂) နှင့် (၃)မှ လုံထိန်း တပ်သားများအား ရှေ့တန်း ရိက္ခာ အစုံငွေ ခေါင်းစဉ်ဖြင့် တရက်ကို ကျပ်ငွေ ၅၀၀ စီ ထောက်ပံ့ ပေးသော်လည်း အဆိုပါ ငွေများကို တပ်ရင်း ရဲအရာရှိများက ဖြတ်စားနေကြောင်း ဖေါ်ပြသည်။

ဖြတ်စားနေပုံကို ဖေါ်ပြရာတွင် လုံထိန်း တပ်သား တဦး အနေဖြင့် တလကို ကျပ်ငွေ ၁၅၀၀၀ ထိ ရရှိရမည် ဖြစ်သော်လည်း တပ်ရင်း အရာရှိများက တလကို ကျပ်ငွေ ၉၀၀၀ သာပေးပြီး ကျန် ၆၀၀၀ ကို သူတို့၏ ကိုယ်ကျိုး အတွက် ဖြတ်စားနေခြင်း ဖြစ်ကြောင်း ဖေါ်ပြသည်။

လုံထိန်းတပ်သားများမှာ နံနက် ၈ နာရီ မှ စတင်ပြီး ညနေ ၅ နာရီထိ ပူပြင်းသော နေရောင်အောက်တွင် အလုပ် လုပ်ကိုင် နေကြရသော်လည်း သူတို့ လုပ်ခကို အပြည့်မရသဖြင့် အထူး ထိခိုက် ခံစားနေကြရကြောင်း ဖေါ်ပြသည်။

ယခုကဲ့သို့ ငွေကိုဖြတ်စားနေသူမှာ အမှတ် ၂ လုံထိန်းတပ်ရင်းမှ ရဲမှူးကြီး ငြိမ်းဆွေ၊ တပ်ရေး ဗိုလ်ကြီးနှင့် တပ်ရင်း ငွေစာရင်းဌာနမှ ဖြစ်ကြောင်း သူ၏ စာတွင် ဖေါ်ပြသည်။

ယခုကဲ့သို့ ငွေများကို ဖြတ်စားမူများရှိနေသဖြင့် အထက်မှ လာရောက် စစ်ဆေးသော်လည်း သူတို့အား စစ်ဆေးလာသူ များနှင့် တွေ့ခွင့်မပေးဘဲ တနေ့ ၅၀၀ ကျပ်နုန်းဖြင့် ငွေလက်ခံ ရရှိကြောင်း အတင်း လက်မှတ် ရေးထိုးခိုင်းကာ အထက်သို့ တင်ပြခဲ့သည်ဟု ဖေါ်ပြသည်။

အောက်ခြေ လုံထိန်း တပ်သားများ အနေဖြင့် အထက် လူကြီးများကို ပြန်မပြောရဲသဖြင့် နည်းမျိုးစုံဖြင့် အထက် အရာရှိများ၏ နှိပ်စက် ညှဉ်းပမ်း မူခံနေကြရကြောင်း စာထဲတွင် ရေးသားထားသည်။

တပ်မှ ထွက်ပြေးလျှင်လည်း ထောင် ၁၀ နှစ် ကျခံရမည် ဖြစ်ပြီး မထွက်ပြေးဘဲနေလျှင်လည်း လုံထိန်း တပ်သားများမှာ နည်းမျိုးဖြင့် ညှဉ်းပမ်း နှိပ်စက် ခံနေကြရသဖြင့် အကျဉ်းအကျပ် ထဲတွင် ရောက်ရှိနေကြရကြောင်း ဖေါ်ပြသည်။

လုံထိန်းတပ်သားများမှာ လမ်းခင်းရန်နှင့် နယ်စပ်ခြံစည်းရိုးကာရံရန်အတွက် ကျောက်ထုတ် လုပ်ငန်းများတွင် အလုပ်ကြမ်း သမားများ အဖြစ် အလုပ် လုပ်ကိုင်နေကြရပြီး ယခုနှစ်တွင် မတ်လ ၂၂ ရက်နေ့မှ စတင်ပြီး အလုပ် လုပ်ကိုင် နေကြရကြောင်း သိရသည်။

၂၀၀၉ ခုနှစ် အတွင်းကလည်း နယ်စပ်ခြံစည်းရိုးကာရံရန်အတွက် လုံထိန်း တပ်သားများက ကျောက်များကို ထု၊ ထမ်း၊ တောင်များကို ဖြိုချပြီး ရရှိလာသော ကျောက်များကို ရောင်းချရာ ကျပ်ငွေ သိန်း (၅၀) ရရှိခဲ့ပြီး အဆိုပါ ငွေများအားလည်း တပ်သားများအား ယူနီဖေါင်းနှင့် အာမီရမ် ၀ယ်ပေးမည်ဟု ဆိုပြီး ယခုထက်ထိ ဘာမှ ၀ယ်မပေးဘဲ အဆိုပါငွေကိုလည်း အထက် အရာရှိများက ကိုယ်ကျိုးအတွက် သုံးလိုက်ကြောင်း ဖေါ်ပြရေးသားသည်။

စာရေးသားသူများ၏ အမည်နှင့် ကသ နံပတ်များကို ရေးသား ဖေါ်ပြထားသော်လည်း သူတို့အတွက် အန္တရာယ်ရှိသဖြင့် သူတို့ သတင်းအား ပုံနှိပ် ဖေါ်ပြသောအခါ သူတို့အမည်နှင့် ကသ နံပတ်များကို မဖေါ်ပြရန် မေတ္တာရပ်ခံထားသည်။

Ref: နိရဉ္စရာ

Read More...

Collapse...

နေ့စဉ်သတင်းများ (၂၂ - ၅ - ၁၀)

■ မြန်မာအပါအ၀င် ကလေးစစ်သားသုံးတဲ့ နိုင်ငံတွေကို အရေးယူဖို့ ကုလတောင်းဆို သတင်း
■ ရန်ကုန်တောင်ပိုင်းခရိုင် သုံးခွမြို့နယ်၌ ရယကလူကြီး အများအပြား နှုတ်ထွက် သတင်း
■ သုံးခွမြို့နယ် ရယကတွေ ထွက်စာတင်ပေမယ့် ထွက်ခွင့်မရ သတင်း
■ အဖွဲ့ချုပ် ဗဟိုအလုပ်အမှုဆောင်အဖွဲ့ဝင် ဦးစိုးမြင့် ဈာပနပြုလုပ် သတင်း
■ အန်အယ်လ်ဒီ ဗဟိုအလုပ်အမှုဆောင်၊ ရန်ကုန်တိုင်းစည်း - ဥက္ကဋ္ဌ၊ ဦးစိုးမြင့် ဈာပနမြင်ကွင်း သတင်း
■ ဒေါ်အောင်ဆန်းစုကြည် အယူခံကိစ္စ ရှေ့နေကိုယ်တိုင် နေပြည်တော်သွားမည် သတင်း
■ NLD လူမှုလုပ်ငန်းများ ဒေါ်အောင်ဆန်းစုကြည် ကျေနပ်အားရ သတင်း
■ ဝေါမြို့နယ်မှာ ကိုယ်ထူကိုယ်ထ ရေတွင်း၊ အ၀ီစိတွင်းတွေ တူးဖော် သတင်း
■ ခရမ်းမြို့နယ်မှာ ရေကန်တူးဖော်ဖို့ အာဏာပိုင်တွေ မတရား ငွေကောက်ခံ သတင်း
■ ဂရုဏာလက် လူမှုအကျိုးပြုလူငယ်များ ရေအလှူ သတင်း
■ မိုးရွာ လမ်းပျက်၊ ရေလှူသူများ အခက်အခဲဖြစ် သတင်း
■ ပဲခူး - ကမာခနိမ်ကျေးရွာတွင် တူးဖော်နေသည့် ရေတွင်းအုတ်စီမှု ပြီးစီးသလောက်ရှိ သတင်း
■ ရခိုင်နိုင်ငံရေးပါတီတခုမှ စည်းရုံးရေးကော်မတီဝင် ကရင်တိုင်းရင်းသူ မရွှေယမင်းနှင့် တွေ့ဆုံခန်း သတင်း
■ မေလ ပဉ္စမပတ် နာရေးကူညီမှုအသင်း (ရန်ကုန်) ၏ လှုပ်ရှားမှုများ၊ ရေကုသိုလ်ခရီးတွင် အကုသိုလ်သမား များကို ရင်ဆိုင်ကျော်လွှား၊ ဆံသဒါနနဲ့ ပညာဒါနလုပ်ငန်းများ သတင်း
■ ၀ါရင့်နိုင်ငံရေးလုပ်ဖော်ကိုင်ဖက်များ ဦးစီးသူ သခင်သိန်းဖေ မွေးနေ့ကျင်းပ သတင်း
■ ငွေကြေးတတ်နိုင်သူများ ပုဂ္ဂလိကကျောင်း တက်မည် သတင်း
■ မြန်မာအမျိုးသမီးများ နိုင်ငံခြားသားနှင့် လက်မထပ်ရ သတင်း
■ "မဖြစ်မနေမို့လို့ တုံ့ပြန်လိုက်ရတယ်" (ထက်ထက်မိုးဦး အင်တာဗျူး)
■ သပြေညို ရွှေဘိုပန်းရယ်နဲ့ လှမ်းကြစို့လေး (ဆောင်းပါး)
■ ရက်ကန်းသံတွေ ညံစီနေတဲ့ မြို့ကလေး သို့မဟုတ် အိုက်ဇော (ဆောင်းပါး)
■ အိတ်ခ်ျအိုင်ဗီနဲ့ အခွင့်အရေးယူရောဂါ (ဆောင်းပါး)
■ မေမေသို့ (ဆောင်းပါး)

Read More...

Collapse...