ဒုတိယပင်လုံညီလာခံက အားလုံးကို ကြိုဆိုပါသည်

ဦးဝင်းတင်နဲ့ မေးခွန်းများ

မိုးမခ
နိုဝင်ဘာ ၄၊ ၂၀၁၀

ဒုတိယပင်လုံညီလာခံမှာ ဘာတွေလုပ်ကြမှာလဲ

စစ်မှန်တဲ့ ဖက်ဒရယ်ပြည်ထောင်စုကြီးတခုကို ထူထောင်နိုင်ဖို့အတွက် ဒို့က ပြောချင်တာကတော့ အခုဖြစ်နေတဲ့ ရွေးကောက်ပွဲနဲ့ မဆိုင်ဘူး၊ အချိန်ယူပြီး ပြင်ဆင်ကြရမယ့် ကိစ္စဖြစ်တယ်ဆိုတာကို သိရှိစေချင်တယ်။

တိုင်းရင်းသားတွေအားလုံးနဲ့ ဆိုင်တဲ့ တန်းတူညီမျှခွင့်ဆိုတာ ဘာလဲ … ဒါကို စာတမ်းတွေ တင်ကြ ရမှာပေါ့။ ဥပမာ ဗိုလ်ချုပ်အောင်ဆန်းတို့ လုပ်ခဲ့တဲ့ နေသူရိန် အစည်းအဝေးတို့၊ အလယ်ပစ္စယံ ညီလာခံတို့ စသည်တို့မှာ လွတ်လပ်ရေးနဲ့ ပတ်သက်ပြီး အဆိုတင်တယ်။ သဘောထားတွေ တင်ပြတယ်။ အဲသည်လိုမျိူးပေါ့။ တိုင်းရင်းသားတွေနဲ့ ပတ်သက်တာတွေ၊ တပ်မတော်နဲ့ ပတ်သက်တာတွေနဲ့ ပတ်သက်ပြီးတော့ တက်ရောက်ကြသူတွေက ပြောကြ၊ အဆိုတင်ကြ၊ ဆွေးနွေးကြတဲ့ နေရာမှာ မှားသည်၊ မှန်သည်၊ ပြည့်စုံသည်၊ လိုအပ်သည် မည်သို့ဖြစ်စေ သဘောထားတွေအနေနဲ့ တင်ကြရမှာပဲ။ အဲဒါကို ဆွေးနွေးပြီးတော့ အဆိုအနေနဲ့ တင်သွင်းကြရမှာ ဖြစ်တယ်။ အဲသည် အဆိုတွေကို ထောက်ခံမှုတွေရအောင် ပြင်ဆင်ကြရမှာပဲ။ ဒါတွေကို ပေါင်းစည်းယူပြီးတော့ နိုင်ငံရေးလုပ်ငန်းတွေ၊ နိုင်ငံရေးရုပ်လုံးပေါ်မှုတွေ ဖြစ်လာရမှာ ဖြစ်တယ်။ အဲဒါကို ဆက်လက်ပြီး နိုင်ငံရေး လုပ်ငန်းစဉ်တွေ အနေနဲ့ ၀ိုင်းဝန်းပြီး လုပ်ဆောင်သွားဖို့၊ အကောင် အထည်ဖော်သွားဖို့ ဖြစ်လာရတာ ဖြစ်တယ်။

ဆွေးနွေးရမယ့် အရေးကိစ္စတွေက ဘာတွေ ဖြစ်နိုင်မလဲ

တိုင်းရင်းသားတွေရဲ့ တန်းတူညီမျှခွင့်ကို ဘယ်လို သဘောထားတာလဲ၊ ဘယ်လိုနေရာ၊ ဘယ်ကိစ္စ တွေမှာ တန်းတူ ညီမျှချင်တာလဲ၊ ဆိုတဲ့ အကြောင်းအရာတွေကို အောက်ခြေမှာ ဆွေးနွေးမယ်၊ စာတမ်းလိုမျိူး ပေါ်လာမယ်၊ အဲဒါမျိုး စာတမ်းကိုမှ ညီလာခံမှာ တင်သွင်းမယ်၊ ဆွေးနွေး ညှိနှိုင်းမယ်၊ ဆုံးဖြတ်ချက်တွေ ချနိုင်မယ်၊ ဒါမျိုးတွေ ဖြစ်လာနိုင်မယ်။

သည်လိုမျိူးပဲ ကိုယ်ပိုင်ပြဋ္ဌာန်းခွင့် ဆိုတာ ဘာလဲ။ စစ်အစိုးရပြောနေတဲ့ ကိုယ်ပိုင် အုပ်ချူပ်ရေး ဆိုတာနဲ့ ဘယ်လို ကွာခြားတာလဲ။ ကိုယ်ပိုင်ပြဋ္ဌာန်းခွင့်ဆိုတာ လူမျိူးစုတွေ၊ လူဦးရေတွေ အပေါ်မှာ မူတည်ပြီးတော့ ဘယ်လိုမျိူး ကျယ်ပြန့်အောင် လုပ်မှာလဲ။ ဒါတွေကို အောက်ခြေမှာ ဆွေးနွေးရမယ်၊ စာတမ်းတွေ တင်လာရမယ်။ ညီလာခံမှာ တင်ပြပြီး ဆွေးနွေး အဆိုပြုနိုင်အောင် ကြိုးစားရမယ်။

အလားတူပဲ - ပြည်ထောင်စုဆိုတာက တပြည်ထောင်စနစ်လား၊ ခွဲထွက်ခြင်းမရှိတဲ့ ဖက်ဒရယ် ပြည်ထောင်စု စနစ်လား၊ ဒါဆိုရင် အဲဒါနဲ့ ပတ်သက်တွေ အဆိုတွေ၊ သဘောထားတွေကို တင်ရမှာပဲ။ ဒါကို အခြေခံပြီးတော့ နောင်ကို ဆက်ပြီး ဘယ်လို လုပ်မလဲ ဆိုတာတွေ လုပ်သွားရမှာ ဖြစ်တယ်။

ဒါဖြင့်ရင် အတိုက်အခံ ဒီမိုကရေစီအင်အားစုတွေ သပိတ်မှောက်ထားတဲ့ ၂၀၁၀ ရွေးကောက်ပွဲ ကနေပြီးတော့ ဘယ်လို အစုတွေ ပေါ်ထွက် လာဦးမယ်လို့ ထင်သလဲ။

အခုရှိတာက ရွေးကောက်ပွဲ ၀င်တဲ့ အင်အားစုတွေရှိတယ်။ ကျနော်တို့ အားလုံးက အလုံးစုံ သပိတ်မှောက်ထားတဲ့ ရွေးကောက်ပွဲက နေပြီးတော့ ရွေးကောက်ပွဲ ၀င်တဲ့ အင်အားစု တွေကိုပြောတာ ဖြစ်တယ်။ အဲသည် ရွေးကောက်ပွဲ ဆိုတာရဲ့ နောက်ပိုင်းမှာ ပေါ်ပေါက်လာမယ့် နိုင်ငံတော် အာဏာပဲ ခေါ်ခေါ်၊ စစ်တပ် အာဏာပဲခေါ်ခေါ် အရပ်သားတပုိုင်း လွှတ်တော်တို့၊ အစုိုးရတို့ ဆိုတာလည်း ပေါ်ပေါက်လာမယ်။ အဲသည် အင်အားစု ၂ မျိူးနဲ့ ယခု စစ်မှန်တဲ့ ဖယ်ဒရယ် ပြည်ထောင်စု စနစ်ကို ဖော်ဆောင်မယ့် ဒုတိယပင်လုံ အင်အားစုတွေ အဖြစ် ရှိလာမယ်လို့ ပြောချင်တယ်။

၂၀၁၀ ရွေးကောက်ပွဲ သပိတ်မှောက်မှု အပြီးမှာ ဆက်လုပ်ရမယ့် အဓိကအလုပ်က ဘာလဲ။

၂၀၁၀ ရွေးကောက်ပွဲကို သပိတ်မှောက်ရတာဟာ ၂၀၀၈ အခြေခံဥပဒေကြောင့် ဖြစ်တယ်။ ဒီအရေးဟာ ရွေးကောက်ပွဲ နောက်ပိုင်းမှာ ရပ်သွား ပြီးသွားမယ့် အရာမဟုတ်ဘူး။ ၂၀၀၈ အခြေခံ ဥပဒေ တခုလုံးကို ပြုပြင် ပြောင်းလဲဖို့၊ ပြင်ဆင်ဖို့၊ ဖျက်သိမ်း သွားနိုင်ဖို့ ဆက်လုပ် သွားရမှာဖြစ်တယ်။ ရွေးကောက်ပွဲ ပြီးတာနဲ့ ပြီးသွားမှာ မဟုတ်ဘူး။ ဒါက တချက်ဖြစ်တယ်။

နောက်ပြီးတော့ ဒုတိယပင်လုံညီလာခံဆိုတဲ့ ခြေလှမ်းဟာ နိုင်ငံရေးအယူအဆတခု၊ တိုင်းပြည်ရဲ့ အနာဂတ်နဲ့ ပတ်သက်ပြီးတော့ တိုင်းရင်းသားတွေ၊ အတိုက်အခံ ဒီမိုကရေစီ အင်င်အားစု တွေနဲ့ အတူတကွ ပေါ်ပေါက်လာတဲ့ နိုင်ငံရေး မျှော်မှန်းချက်တွေ၊ နိုင်ငံရေး ကွန့်မြူးချက်တွေ ဖြစ်တယ်။ တိုင်းရင်းသားတွေ အားလုံး အတူတကွ စုစည်း နေထိုင်ကြမယ့် ဖယ်ဒရယ် ပြည်ထောင်စု နိုင်ငံတော်ကြီး ထူထောင်နိုင်ရေးပဲ။ ဒီအရေး ဟာလည်းပဲ အမည်အားဖြင့် ဒုတိယပင်လုံ လို့ ခေါ်ချင်တယ်။

ပင်လုံဆိုတာဟာ ပေါင်းစည်းညီညွတ်မှုရဲ့ လက္ခဏာ ဆောင်တယ်။

ဖယ်ဒရယ် ဆိုတာဟာလည်း စစ်အစုိုးရက နံမယ်ဖျက်ထားတယ်။ ၁၉၆၁ မှာ တောင်ကြီး ညီလာခံမှာ တိုင်းရင်းသား တွေနဲ့ ဆွေးနွေးကြတော့ ဖယ်ဒရယ်ဆိုတာ ခွဲထွက်ရေး၊ ပြည်ထောင်စု ပြိုကွဲရေး စသည်ဖြင့် ပုတ်ခတ်ထားတယ်။

ပင်လုံဆိုတာနဲ့ ဖယ်ဒရယ်ပြည်ထောင်စုကို တွဲပြီး ကောင်းတဲ့ မှန်ကန်တဲ့ အသုံးအနှုံး၊ သဘောထားကို ပြန်ပြီး ဖော်ဆောင် လိုက်တာဖြစ်တယ်။ ကောင်းတဲ့ လက္ခဏာဖြစ်တယ် လို့ ပြောချင်တယ်။

ဒို့ရဲ့ ပြည်ထောင်စုကြီးကို ဘယ်လိုမျိူး ပြန်လည်တည်ဆောက်မလဲ ဆိုတာကို အခုလို ဒုတိယ ပင်လုံ ညီလာခံကြီးနဲ့ တိုင်းရင်းသား တွေနဲ့ အားလုံးသော အင်အားစုတွေ ပေါင်းစည်း ညီညွတ်ကြမယ့် ညီလာခံဖြစ်တယ် လို့ ပြောချင်တယ်။

ဒုတိယပင်လုံ လှုပ်ရှားမှုကို ၂၀၁၀ ရွေးကောက်ပွဲက ပေါ်ထွက်လာတဲ့ အင်အားတွေက ဘယ်လိုမျိူး ပတ်သက် ကြမှာလဲ။

ခုနက ပေါ်ပေါက်လာမယ့် ရွေးကောက်ပွဲဝင်တဲ့ အင်အားစုတွေကော၊ စစ်အာဏာရှင် တွေရဲ့ အရပ်သား တပိုင်း လွှတ်တော်တို့၊ အစိုးရတို့ ဆိုတာတွေကောဟာ တိုင်းရင်းသားတွေ ပြည်သူတွေ အတူတကွ စုပေါင်း နေထိုင်ကြမယ့် စစ်မှန်တဲ့ ပြည်ထောင်စုကြီး ပေါ်ပေါက်ဖို့ ဦးတည်တဲ့ ဒုတိယပင်လုံ လှုပ်ရှားမှုကို သူတို့ကိုယ်တိုင် မလွှဲမရှောင်သာ ရင်ဆိုင်ကြရမှာပဲ။ လက်မခံလို့ မရဘူး။ ဘယ်လို တုံ့ပြန်ရမလဲ ဆိုတာကိုလည်း သူတို့ဖက်က အခုကတည်းက စဉ်းစား ထားရမယ်လို့ ပြောချင်တယ်။

ဖယ်ဒရယ်ဆိုတဲ့ အသုံးအနှုံးဆိုတာဟာ လွန်ခဲ့တဲ့ အနှစ် ၅၀ လောက်က နာမည်ဖျက် ခံထားရတဲ့ ပြည်ထောင်စုက ခွဲထွက်တယ် ဆိုတဲ့ အသုံးအနှုံး မဟုတ်ဘူး၊ အနှစ်သာရ မဟုတ်ဘူး။ ဖယ်ဒရယ် ဆိုတာဟာ အမှန်တကယ် အနှစ်သာရက နိုင်ငံရေး အသုံးအနှုံးတခုဖြစ်တယ်။ အများစု ပေါင်းနေထိုင်တဲ့ ပြည်ထောင်စု စနစ်ဖြစ်တယ်။ တပြည်ထောင် စနစ် မဟုတ်ဘူး ဆိုတာ၊ ခွဲထွက်ရေး မဟုတ်ဘူးဆိုတာ သိသွားကြပြီ ဖြစ်တယ်။ ဒါကို လူတွေ၊ တိုင်းရင်းသားတွေ၊ ပညာသည်တွေ၊ သတင်းသမားတွေ နားလည်အောင် လုပ်သွားရမယ်။

နောက်ပြီးတော့ အားလုံး ပါဝင်ပတ်သက်နိုင်အောင်လည်း ကြိုဆိုသွားမှာ ဖြစ်တယ်။

ဒါဆိုရင် အခုလိုမျိူး ဒုတိယပင်လုံညီလာခံ လှုပ်ရှားမှု ဆိုတာကို အရင်ကတည်းက လုပ်ခဲ့ဖို့ ဘာလို့ မစီစဉ် ခဲ့တာလဲ။ လုပ်ဖို့ ကြိုးစားဖူးသလား။

ဒီဟာကို ပြောမယ်ဆိုရင် ကျနော်တို့ အနေနဲ့ သမိုင်းကြောင်းလို လှန်ပြီးတော့ ပြန်ပြောနိုင်ပါတယ်။ ၁၉၈၈ ဒီဇင်ဘာလ ၂၇ ရက်နေ့မှာ ဒေါ်အောင်ဆန်းစုကြည်က သံလျင်ကို စည်းရုံးရေး ခရီးစဉ် သွားဖို့ ရှိတယ်။ အဲသည်မှာ ပြောဆိုကြမယ့် အကြောင်းအရာတွေကို ဒေါ်အောင်ဆန်းစုကြည်နဲ့ ဆွေးနွေးကြရတာ ရှိတယ်။ အဲသည်တုန်းက နိုင်ငံရေး ပါတီတွေ၊ နိုင်ငံရေး အင်အားစုတွေ၊ အားလုံးနဲ့ အမျိုးသား ညီလာခံလိုမျိုး ခေါ်ကြဖို့၊ တွေ့ဆုံဆွေးနွေးကြဖို့ စဉ်းစားကြတယ်။ တချက်ကတော့ အဲသည်တုန်းက စစ်တပ်က အာဏာသိမ်းတဲ့ နောက်ကွယ်က မဆလပါတီ ခေါင်းဆောင် ဦးနေ၀င်းက အမျိူးသား ညီလာခံလိုမျိူး ဦးအောင်ခေါ်ပြီး ပြည်သူတွေကို လှည့်စားတာမျိူး လုပ်မလာအောင် စဉ်းစားကြတဲ့ သဘောပဲ။

သို့သော်လည်း အဲသည်အကြောင်းကို တင်ပြဖို့က ဒေါ်အောင်ဆန်းစုကြည် ကိုယ်တိုင်က မပြောဖြစ်ခဲ့ဘူး။ ဒေါ်ခင်ကြည် ဈာပန ဖြစ်ပေါ်လာခဲ့လို့ သူကိုယ်တိုင် မပြောဖြစ်ခဲ့ဘူး။ အကျဉ်းချုပ် အားဖြင့်တော့ အမျိုးသား ညီလာခံလိုမျိူး ခေါ်ပြီးတော့ တိုင်းပြည်ရဲ့ အရေး၊ ပြည်ထောင်စုရဲ့ အရေး လက်ရှိ မြန်မာပြည်ရဲ့ အရေးအခင်းတွေကို ဖြေရှင်းဖို့ ကျနော်တို့မှာ ရည်ရွယ်ချက် ရှိတယ် ဆိုတာလောက်ကို ကျနော်နဲ့ မောင်မိုးသူ သံလျှင်မြို့နယ် တွေ့ဆုံဆွေးနွေးပွဲမှာ ကိုယ်စားသွားပြီး အကျဉ်းချူပ်ပဲ ပြောဖြစ်ခဲ့တယ်။

အဲသည်ကနေဆက်ပြီးတော့ ၁၉၈၉ ဖေဖော်ဝါရီလ ၁၂ ရက် ရောက်တဲ့ အခါကျတော့မှ ဒေါ်အောင်ဆန်း စုကြည် ကိုယ်တိုင် စည်းရုံးရေး ခရီးစဉ်ထွက်တဲ့ အခါ ပင်လုံမှာ မိန့်ခွန်းပြောတယ်။ ဘာကြောင့်လဲ ဆိုတော့ မဆလ တပါတီ အာဏာရှင် ဦးနေ၀င်းက ၁၉၆၄ ခုနှစ် တိုင်းရင်းသား ညီလာခံမှာ မိန့်ခွန်း ပြောခဲ့တယ်။ ပြောတဲ့နေရာမှာ အမြဲတမ်း လက်တန်းပြောတဲ့ သူက လက်တန်း မပြောဘဲနဲ့ စာရွက်ကို ကြည့်ပြီးတော့ ဖတ်ပြီးတော့ ပြောတယ်။ အဲသည်မှာ ပြည်ထောင်စု တိုင်းရင်းသားများ သဘောထားဆိုပြီး ပြောခဲ့တယ်။ ဒါကြောင့် ၁၉၈၉ ဖေဖော်ဝါရီ ၁၂ ပြည်ထောင်စု နေ့မှာလည်း ဒေါ်အောင်ဆန်းစုကြည်နဲ့ အင်န်အယ်ဒီ ပါတီက ပြည်ထောင်စု တိုင်းရင်းသားတွေနဲ့ ပတ်သက်ပြီး ပြောရမယ် ဆိုပြီးတော့ ကျနော်တို့ ဆောင်ရွက်ကြရတာ ဖြစ်တယ်။

အဲသည်မှာ ကျနော်တို့ စီအီးစီတွေက စာတန်းတခု ထုတ်ပြန်ခဲ့တယ်။ အမှတ် ၉ ၊ ၁၀၊ ၁၁ လား တခုခုပဲပေါ့ကွာ။ အကြမ်းကတော့ တိုင်းရင်းသားတွေရဲ့ နိုင်ငံရေး ရည်မှန်းချက်တွေ၊ မျှော်မှန်းချက်တွေ၊ တောင်းဆိုချက်တွေကို မူအားဖြင့် လက်ခံတဲ့ သဘောထားကို ထုတ်ပြန်ခဲ့တယ်။ အဲသည် အပေါ်မှာ အင်န်အယ်ဒီရဲ့ ပါတီရဲ့ အစီအစဉ်တွေ၊ စဉ်းစားချက်တွေကို ထုတ်ဖော် ပြောခဲ့တယ်။

အဲသည်ပင်လုံ သဘောထားကို ဒေါ်အောင်ဆန်းစုကြည် ကိုယ်တိုင်က အဲသည် ပင်လုံမှာ ဖတ်ကြားပြီးတော့ ရှမ်းပြည်က အပြန်မှာ သောင်းနဲ့ချီ ရိုက်ပြီးတော့ ဖြန့်ချိခဲ့တယ်။ ဝေခဲ့တယ်။ အဲဒါ ကုန်သွားလို့ … နောက်ပြီးတော့ တပ်ကုန်းကို ရောက်တော့ ပုံနှိပ်တိုက်တခုမှာ ထပ်ရိုက်ပြီး ထပ်ပြီး ဖြန့်ဝေခဲ့တယ်။

အဲဒီတုန်းကကော စစ်အစိုးရလုပ်ပေးမယ်ပြောတဲ့ ရွေးကောက်ပွဲနဲ့ ပတ်သက်ပြီး အင်န်အယ်ဒီရဲ့ သဘောထား ကကော သီးသန့် မရှိဘူးလား

ရွေးကောက်ပွဲ ကျင်းပမယ်ဆိုတာ ၁၉၈၉ နှစ်ဆန်းမှာကတည်းက ကြေညာလိုက်ပြီ။ အဲသည် အချိန်မှာ အင်န်အယ်ဒီက ရွေးကောက်ပွဲ ၀င်မယ်၊ မ၀င်မယ် ဘာမှ မပြောသေးဘူး။ သို့သော်လည်း ရွေးကောက်ပွဲနဲ့ ပတ်သက်ပြီး သဘောထား ထုတ်ပြန်ခဲ့တာ ကတော့ - အဲသည် ရွေးကောက်ပွဲ ဆိုတာမှာ ဘယ်သူပဲ နိုင်နိုင်၊ အနိုင်ရ ပါတီဟာ လွှတ်တော်ရဲ့ ကမကထ ပြုချက်နဲ့ ညီလာခံတခု ခေါ်ရမယ်။ အဲသည် အမျိုးသား ညီလာခံ ခေါ်ခေါ် ဘာခေါ်ခေါ်ပေါ့ကွာ၊ အဲသည်မှာ လွှတ်တော်ပြင်ပက တုိုင်းရင်းသားတွေ၊ ခေါင်းဆောင်တွေ အားလုံးကို ဖိတ်ခေါ်မယ်။ ကျယ်ပြန့်အောင် ဖိတ်ခေါ်ပြီးတော့ အဲသည်က နေပြီးတော့ ဒီမိုကရေစီကို ဖော်ဆောင်တဲ့ ကွန်စတီ ကျူးရှင်းကို ရေးဆွဲရမယ်။ အဲသည် ဖွဲ့စည်းပုံ ဒီမိုကရေစီ အခြေခံ ဥပဒေနဲ့ အညီ ပြည်သူဆီကို ပြန်သွားမယ် လို့ ပြောခဲ့တယ်။ အဲသည်အချိန်မှာ အနိုင်ရတဲ့ လွှတ်တော်ဆိုတာက ၄ နှစ် သက်တမ်းတွေ ဘာတွေ စောင့်နေမှာ မဟုတ်ဘူး။ အဲသည်တုန်းက ကျင်းပတဲ့ ရွေးကောက်ပွဲက ပေါ်ပေါက်လာတဲ့ လွှတ်တော်ရဲ့ ကမကထပြုမှုနဲ့ အမျိုးသား ညီလာခံတခုကို လွှတ်တော် အမတ်တွေကော၊ ပြင်ပက တိုင်းရင်းသားတွေ၊ ပုဂ္ဂိုလ်တွေ၊ ပညာရှင်တွေကော အားလုံးကို ဖိတ်ခေါ်ပြီးတော့ ဒီမိုကရေစီ အနှစ်သာရရှိတဲ့ အခြေခံ ဥပဒေတခုကို ဆွဲမယ်။ အဲဒါရတာနဲ့ အဲသည် ဒီမိုကရေစီကို ဖော်ဆောင်တဲ့ အာမခံတဲ့ အခြေခံဥပဒေနဲ့ တိုင်းရင်းသားတွေ၊ ပြည်သူတွေဆီကို ပြန်သွားမယ်လို့ သဘောထား၊ စာတမ်း ထုတ်ပြန်ခဲ့တာ ရှိတယ်။

ဆိုတော့ ဟိုကတည်းက ရှိနေတဲ့ ပင်လုံသဘောထားတွေ၊ ဖယ်ဒရယ်ပြည်ထောင်စု သဘောထား တွေဟာ အခုအချိန်မှာ တိုင်းရင်းသားတွေ တိုင်းရင်းသား ခေါင်းဆောင်တွေ ကိုယ်တိုင် ထုတ်ဖော် ပြောဆိုလာပြီ ဖြစ်လို့ ကျယ်ပြန့်တဲ့ လက်ခံမှုတွေ၊ ထောက်ခံမှုတွေ ရှိလာပြီဆိုတဲ့ ပြယုဒ်လို့ ဆိုနိုင်သလား။

ပြည်ထောင်စုဖွဲ့စည်းမယ်၊ တိုင်းရင်းသားတွေ နိုင်ငံရေး တန်းတူညီမျှခွင့်၊ နိုင်ငံရေးကိုယ်ပိုင် ပြဋ္ဌာန်းခွင့် တွေကို အာမခံတဲ့ စစ်မှန်တဲ့ ပြည်ထောင်စု ဖွဲ့စည်းကြမယ် ဆိုတဲ့ မဲသဝေါထ စာတမ်းဆိုတာ ၁၉၉၇ နောက်ပိုင်းမှာ ပေါ်ထွက်ခဲ့တယ်။ အဲသည်စာတမ်းကို အကျယ်ချုပ်က လွတ်မြောက်လာတဲ့ ဒေါ်အောင်ဆန်းစုကြည် ကိုယ်တိုင် လက်မှတ် ထိုးခဲ့တယ်။ သည်လိုမျိူး အစဉ်အလာ ရှိခဲ့တဲ့ ဖယ်ဒရယ် ပြည်ထောင်စုကြီး တည်ဆောက်ဖို့ ဦးတည်တဲ့ လှုပ်ရှားမှုတွေဟာ အမြဲတန်း ရှင်သန်နေတယ်၊ ရှိနေတယ်လို့ ပြောချင်ပါတယ်။ ဒါကြောင့် ဒုတိယ ပင်လုံညီလာခံ လှုပ်ရှားမှုဆိုတာဟာ ပေါ်ပင် မဟုတ်ဘူး၊ ရွေးကောက်ပွဲတွေ၊ လွှတ်တော်တွေ ဆိုတာတွေထက် အရေးပါတဲ့ တိုင်းပြည်နဲ့ လူမျိုးတွေ အားလုံးအတွက် သက်ဆိုင်တဲ့၊ အားလုံးပါဝင် ပတ်သက်နိုင်တဲ့ အရေး ဖြစ်တယ်လို့ ပြောချင်ပါတယ်။

ကျေးဇူးတင်ပါတယ် ဆရာ။ ။

(အောက်တိုဘာ ၃၀၊ နံနက်ခင်းမှာ ဆရာဦးဝင်းတင်နဲ့ ပြောဆိုခဲ့သမျှ ဒုတိယပိုင်း ဖြစ်ပါတယ်)

Read More...

Collapse...

နေ့စဉ်သတင်းများ ( ၅ - ၁၁ - ၂၀၁၀ )

■ မိခင် ဒေါ်အောင်ဆန်းစုကြည်နှင့် တွေ့ရန် သားငယ် ဗီဇာလျှောက် သတင်း
■ ကျောင်းသားနဲ့သံဃာတွေ သပိတ်မှောက် သတင်း
■ မုန်တိုင်းငယ်ကြောင့် ကမ်းရိုးတန်းဒေသတွင် မိုးသက်လေပြင်းကြီးနိုင် သတင်း
■ ဗျူဟာမှူး ဆင့်ခေါ်သည့် ဆီမီးတထောင်ပူဇော်ပွဲမှ လုံခြုံရေးကင်းစောင့် နအဖတပ်သား ထွက်ပြေး သတင်း
■ ရွေးကောက်ပွဲ စောင့်ကြည့်သူတဦး ဖမ်းဆီး ပြန်ပို့ခံရ သတင်း
■ အတုအယောင်ရွေးကောက်ပွဲမှ အပြောင်းအလဲထွက်ပေါ်မည် မဟုတ် ဗိုလ်ချုပ်မှုးကြီးအကြောင်း ရေးသူကို တွေ့ဆုံ မေးမြန်းခြင်း (အင်တာဗျူး)
■ ဒုတိယပင်လုံညီလာခံက အားလုံးကို ကြိုဆိုပါသည် (ဦးဝင်းတင်နဲ့ မေးခွန်းများ)
■ လွှတ်တော်သစ်မှာ စစ်တပ် ကြီးစိုးမှုကို ဗိုလ်ချုပ်ကြီးဟောင်း သူရဦးတင်ဦး ဝေဖန် သတင်း
■ ကလေးမြို့ဆုံးဖြတ်ချက် တိုင်းရင်းသားခေါင်းဆောင်များဖြင့် NLD ဆွေးနွေး သတင်း
■ မဲမထည့်ရေး မလေးရှားရောက် မြန်မာ့အရေးလှုပ်ရှားသူများ တိုက်တွန်း သတင်း
■ ဒေလီမှာ ရွေးကောက်ပွဲ သပိတ်မှောက် သတင်း
■ မန္တလေး လုံခြုံရေး တိုးလာပြီ သတင်း
■ ကယား (၆) မြို့နယ် မဲဆန္ဒနယ် ပယ်ဖျက် သတင်း
■ ရွေးကောက်ပွဲ စကားဝိုင်းအစီအစဉ် - မဲဆန္ဒရှင်တွေကို မဲပေးနည်း ပညာပေးမှုလုပ်ဖို့ လိုအပ်နေဆဲ သတင်း
■ ပန်းတနော်မဲဆန္ဒရှင်များ ကြံ့ဖွံ့ထက် တစညကို ပိုလိုလား သတင်း
■ ကရင်နီပြည်တွင် မဲဆန္ဒရှင်များအား ရွေးချယ်ပြီးသားဟုဆို သတင်း
■ အမြီးကျက်အမြီးစား ခေါင်းကျက်ခေါင်းစား ကြံ့ဖွံ့ပါတီဝင်များ သတင်း
■ ကြံ့ဖွံ့နှင့် မပေါင်း၊ အတိုက်အခံ လုပ်မည်ဟု NDF ပြော သတင်း
■ ကားမိုင်းမြို့နယ် NDF ပါတီမှ ဆိုင်းဘုတ် အဖြုတ်ခံရ သတင်း
■ အဝေးရောက် ကြိုတင်မဲ အရပ်သားကိုယ်စားလှယ်လောင်းများ မျှော်လင့်ချက်မရှိ သတင်း
■ မူးယစ်ရာဇာ USDP ပြည်နယ်လွှတ်တော်အမတ်လောင်း ပိုက်ဆံသန်းချီ စွန့်ကြဲ မဲဆွယ် သတင်း
■ ဗန်းမော် ကြံ့ဖွံ့ပါတီကိုယ်စားလှယ်က ပြိုင်ဘက် သျှမ်းပါတီကို ပုတ်ခတ်ပြောဆို သတင်း
■ ရခိုင်ပြည်နယ် ရသေ့တောင်မြို့မှာ ‘မယက’ ဦးဆောင်ပြီး ကြိုတင်မဲကောက် သတင်း
■ ပြည်သူတွေခံစားနေရတာကို ကမ္ဘာကသိစေချင် သတင်း
■ ရွေးကောက်ပွဲမှာ လွတ်လပ်မှာမဟုတ်လို့ သံအမတ်ပြော သတင်း
■ ရွေးကောက်ပွဲ ရလဒ်ကို သပိတ်မှောက်ဖို့ ရခိုင်ပါတီ စဉ်းစား သတင်း
■ မြန်မာနိုင်ငံ တိုးတက်မှု နိုဘယ်စီးပွားရေးဆုရှင် သံသယရှိ သတင်း
■ နမ့်ခမ်းမြို့ခံ ၀န်ထမ်းများအား ကြိုတင်မဲပေးခိုင်းပြီ သတင်း
■ ကချင်ပြည်နယ် မဲစာရင်း မဲပေးမယ့်သူနဲ့ မကိုက်ညီ သတင်း
■ မြ၀တီရုပ်သံပိုင် ပစ္စည်းများ ရွှေသံလွင်သို့ ရောင်း သတင်း
■ ကမ္ဘာလှည့်ခရီးသွား အကန့်အသတ်နဲ့လာဖို့ NLD လိုလား သတင်း
■ လက်နက်ကိုင် တိုင်းရင်းသားအဖွဲ့ ၆ ခု စစ်ရေး၊ နိုင်ငံရေး မဟာမိတ်ဖွဲ့ သတင်း
■ လေဘေးကယ်ဆယ်ရေးပစ္စည်းများကို ရယကများ ရောင်းစား သတင်း
■ ရွေးကောက်ပွဲအကြို တံဆိပ်ခေါင်းသစ်ထုတ်မည် သတင်း
■ ဗျူဟာမှူးဆင့်ခေါ်သည့်ဆီမီးတထောင်ပူဇော်ပွဲမှ လုံခြုံရေးကင်းစောင့် နအဖ တပ်သား ထွက်ပြေး သတင်း
■ KNU ခေါင်းဆောင်များကို ထိုင်းက ဖိအားပေး သတင်း
■ SSA-S နှင့် တိုက်ပွဲတွင် နအဖဘက်မှ အကျအဆုံးများ သတင်း
■ ၂၀၁၀ ရွေးကောက်ပွဲကို ချောချောမွေ့မွေ့ ဖြစ်စေချင်သည်ဟု တရုတ်အစိုးရကပြော သတင်း
■ တရုတ်သမ္မတ ကမ္ဘာပေါ်မှာ သြဇာအရှိဆုံး သတင်း

Read More...

Collapse...

ကယား ၆ မြို့နယ် မဲဆန္ဒနယ် ပယ်ဖျက်

ဆလိုင်းထွန်း
ဗုဒ္ဓဟူးနေ့၊ နိုဝင်ဘာလ ၀၃ ရက် ၂၀၁၀

နယူးဒေလီ (မဇ္ဈိမ) ။ ။ ကယားပြည်နယ် ၆ မြို့နယ်ရှိ မဲဆန္ဒနယ်အချို့ကို ပြည်ထောင်စု ရွေးကောက်ပွဲ ကော်မရှင်က ပြီးခဲ့သည့်လ ၁၃ ရက်နေ့ ကတည်းက ပယ်ဖျက်ခဲ့ကြောင်း မြို့တော်လွိုင်ကော်ရှိ ကော်မရှင်ရုံး အဆိုအရ သိရသည်။

လွိုင်ကော်၊ ဒီမောဆို၊ ရှားတော၊ ဖါးဆောင်း၊ ဖရူဆိုနှင့် ဘောလခဲ မြို့နယ်များမှ မဲန္ဒနယ်အချို့ဖြစ်ကြောင်း လွိုင်ကော် ရွေးကောက်ပွဲ ကော်မရှင် ဝန်ထမ်းတဦး ပြောဆိုချက်အရ သိရခြင်း ဖြစ်သည်။

“လွိုင်ကော်က အကုန်တော့ မပါဘူး။ မဲဆန္ဒနယ် ၁ နဲ့ ၂ က လွိုင်ကော်မြို့နယ်မှာ အဲဒီနှစ်ခုပဲ။ ကျန်တဲ့ဟာတွေက ပြည်နယ်မှာ မေးမှ ရမယ်။ ဗဟိုကော်မရှင်က အောက်တိုဘာ ၁၃ ရက်နေ့က စာနဲ့ ရောက်လာတာ။ ဘာကြောင့် ပယ်ဖျက်လည်း မသိရဘူး” ဟု မြို့နယ်ကော်မရှင် ဝန်ထမ်းက မဇ္ဈိမကို ပြောသည်။

ကယား မဲဆန္ဒနယ်မြေအချို့ ပယ်ဖျက်သည့်အကြောင်း အသေးစိတ်သိရန် နေပြည်တော်ရှိ ဗဟိုကော်မရှင်ထံ မေးမြန်းသော်လည်း တာဝန်ကျက ပြောဆိုရန် ငြင်းဆိုခဲ့သည်။

ပြည်ထောင်စု ရွေးကောက်ပွဲ ကော်မရှင် ဥပဒေ အခန်း ၃ တွင် သဘာဝ ဘေးအန္တရာယ်ကြောင့် သော်လည်းကောင်း၊ နယ်မြေ လုံခြုံရေး အခြေအနေအရ သော်လည်းကောင်း လွတ်လပ်ပြီး တရားမျှတသည့် ရွေးကောက်ပွဲ ကျင်းပနိုင်ခြင်း မရှိသည့် မဲဆန္ဒနယ်များ၏ ရွေးကောက်ပွဲများကို ရွှေ့ဆိုင်းခြင်းနှင့် ပယ်ဖျက်ခြင်းကို ကော်မရှင်၏ လုပ်ပိုင်ခွင့်နှင့် တာဝန်များအဖြစ် ဖြော်ပထားသည်။

လွတ်လပ်မျှတသည့် ရွေးကောက်ပွဲ ကျင်းပနိုင်သည့် အခြေအနေ မရှိသဖြင့် ကယားပြည်နယ် မဲဆန္ဒနယ် ၆ နယ်မှ နယ်မြေ ၁၂ ခုမှာ ရွေးကောက်ပွဲ မကျင်းပတော့ဘဲ ပယ်ဖျက်လိုက်ကြောင်း ရွေးကောက်ပွဲ ကော်မရှင်က အင်္ဂါနေ့တွင် ကြေညာခဲ့ကြောင်း RFA မြန်မာပိုင်း အစီအစဉ်က ယနေ့ သတင်းထုတ်ပြန်သည်။

ကယားပြည်နယ်တွင် မဲဆန္ဒနယ် ၁၄ ခုကို ရွေးကောက်ပွဲကော်မရှင်က သတ်မှတ်ပေး ထားရာ ကြံ့ဖွံ့နှင့် တိုင်းရင်းသား စည်းလုံး ညီညွှတ်ရေးတို့ အဓိက ယှဉ်ပြိုင်မည်။ ဒီမောဆိုတွင် ကယန်းအမျိုးသား ပါတီလည်း ဝင်ရောက် ယှဉ်ပြိုင်မည်။

ပြီးခဲ့သည့်လ ၂၆ ရက်နေ့တွင် လွိုင်ကော်အရှေ့ ၈ ခန့်ရှိ နမ့်ပွန်ချောင်း အနောက်ဘက် ခြေမြန်တပ်ရင်း ခမရ ၇၂ ကို ကရင်နီ တပ်မတော် KNPP က စီးနင်းရာ စစ်တပ်ဘက်မှ ၄ ဦးနှင့် ကရင်နီမှ ၁ ဦး ကျဆုံးကာ ၃ ဦး ဒဏ်ရာရခဲ့သည်။ ၁၆ ရက်နေ့တွင် ခလရ ၂၄၇ ကို KNPP က တိုက်ခဲ့သေးသည်။ ၃၁ ရက်နေ့တွင်မူ စစ်အစိုးရက လွိုင်ကော်တွင် ညမထွက်ရ အမိန့်ကို ထုတ်ပြန်ခဲ့သည်။

ပြီးခဲ့သည့် စက်တင်ဘာလထဲတွင် ကချင်၊ ကယား၊ ကရင်၊ ဝ၊ မွန်နှင့် ရှမ်းပြည်နယ်မှ မြို့နယ် ၃၃ မြို့နယ်တွင် ရွေးကောက်ပွဲ ဖျက်သိမ်းခဲ့သည်။

Ref: မဇ္ဈိမ

Read More...

Collapse...

နေ့စဉ်သတင်းများ ( ၄ - ၁၁ - ၂၀၁၀ )

■ မြန်မာ့အရေး တရုတ်ကူညီဖို့ ကုလ အတွင်းရေးမှူးချုပ် တိုက်တွန်း သတင်း
■ တိုင်းရင်းသားလက်နက်ကိုင်အဖွဲ့များ စစ်ရေးသဘောတူညီချက် ရရှိပြီ သတင်း
■ လွိုင်ကော်တွင် ညမထွက်ရန် အာဏာပိုင်များ ညွှန်ကြား သတင်း
■ ထိုင်း-မြန်မာနယ်စပ် လုံခြုံရေး တိုးမြှင့် သတင်း
■ မြစ်ကြီးနားတွင် မီးလောင်၊ အိမ် (၃) လုံး ပြာကျ သတင်း
■ မြေပုံမြို့နယ်တွင် စစ်တပ်ခွင့်ပြုချက်မရဘဲ ပစ္စည်းများ လှူဒါန်းခွင့်မရ သတင်း
■ KNU ခေါင်းဆောင်တွေရဲ့အိမ်တွေ ထိုင်းစစ်တပ်က ဝင်ရှာ သတင်း
■ ဗိုလ်မှုးချုပ်နှုတ်ခမ်းမွေးကို ကရင်အမျိုးသားဒီမိုကရေစီ သူရဲကောင်းဆုပေးမည် သတင်း
■ ကချင်တမျိုးသားလုံးဆိုင်ရာ ကျောင်းသားလူငယ်များသမဂ္ဂ၏ သဘောထားထုတ်ပြန်ချက် သတင်း
■ တနိုင်ငံလုံးရှိ ခယက ဥက္ကဋ္ဌများ ပြောင်းရွှေ့၊ ရွေးကောက်ပွဲအပြီး အစိုးရသစ်၌ ပါမည် သတင်း
■ ရွေးကောက်ပွဲရက် နီးလာသည်နဲ့ လုံခြုံရေး တင်းကျပ်လာ သတင်း
■ ကချင် NDF ကိုယ်စားလှယ် ဦးမာခါး အာဏာပိုင်များ၏ စောင့်ကြည့်ခံနေရ သတင်း
■ ပုသိမ်နှင့် ငပုတောတွင် မဲမပေးလိုသူ များပြား သတင်း
■ လမ်းပြရွာသားအား နအဖစစ်သား ပစ်သတ်မီးရှို့ သတင်း
■ တောင်တွင်းကြီး ၀န်ထမ်းများကို ကြိုတင်မဲ ထည့်ခိုင်း သတင်း
■ သျှမ်း/ အလယ်မြို့နယ်တချို့ လုံခြုံရေးအကြောင်းပြ ကြိုတင်မဲ ကောက်ယူ သတင်း
■ ရသေ့တောင် မယက ဥက္ကဌမှ မိမိသဘောဖြင့် ၀န်ထမ်း ကြိုတင်မဲ ကောက်ယူ သတင်း
■ စည်းရုံးရေးနောက်ဆုံးရက် လူထုအား ချော့တခါ ခြောက်တလှည့် ကြံ့ဖွံ့ပါတီ စည်းရုံး သတင်း
■ ရွေးကောက်ပွဲစကားဝိုင်းအစီအစဉ် - ဖြစ်ချင်တဲ့ဆန္ဒအပြင် လုပ်နိုင်တဲ့ အရည်အချင်း ရှိဖို့လည်းလိုနေ သတင်း
■ ရန်ကုန်တိုင်းအတွင်း ရွေးကောက်ပွဲ ဆန့်ကျင် စာရွက်တွေဖြန့် သတင်း
■ နိုင်ငံတလွှား မဲရုံတွေ စောင့်ကြည့်ဖို့ အခက်အခဲ ကြီးမား သတင်း
■ ရွေးကောက်ပွဲ ကော်မရှင် အဖွဲ့ဝင်တွေ ကြံ့ဖွံ့အတွက် မဲဆွယ်စည်းရုံး သတင်း
■ NLD ခေါင်းဆောင်များ ကိုမင်းကိုနိုင်ထံ ထောင်ဝင်စာပို့ခွင့်မရ သတင်း
■ မဲရုံများ စောင့်ကြည့်ရန် နိုင်ငံရေးပါတီများ ကိုယ်စားလှယ် ရှားပါး သတင်း
■ ရွေးကောက်ပွဲလှုပ်ရှားမှု စွပ်စွဲချက်များ NDF ငြင်းဆို သတင်း
■ ကိုယ်စားလှယ်လောင်းများအသီးသီး ဟောပြောပွဲများပြုလုပ် မဲဆွယ်စည်းရုံး သတင်း
■ မလှိုင် တသီးပုဂ္ဂလ ကိုယ်စားလှယ်ကို ကြံ့ဖွံ့နှောင့်ယှက် သတင်း
■ မီးရထား ဒု-၀န်ကြီး ဦးဖေသန်း ရွေးကောက်ပွဲဝင်ခွင့် အပယ်ခံရ သတင်း
■ တောင်ဒဂုံမြို့နယ်အဖွဲ့ချုပ်ဝင် ဦးအေးသွင် ဖမ်းဆီးခံခဲ့ရ သတင်း
■ မောင်းမကန်ကမ်းခြေရှိ သင်္ဘောဆိပ်ရွာ မီးလောင် သတင်း
■ ကပ္ပလီပင်လယ်ထဲက မုန်တိုင်းကို မပေါ့ဆရန် မိုးဇလပညာရှင် နှိုးဆော် သတင်း
■ ကယား ၆ မြို့နယ် မဲဆန္ဒနယ် ပယ်ဖျက် သတင်း
■ မဲစာရင်း ဖျောက်ထားခြင်း၊ လိုသလို ထပ်တိုးခြင်းများရှိနေဟု နိုင်ငံရေး ပါတီများကပြော။ ကော်မရှင်၏ သတ်မှတ်ရက်ထက် ကျော်လွန်ပြီး မဲဆွယ်မှုများ ပြုလုပ်နေဆဲ သတင်း
■ အမေရိကန် ရွေးကောက်ပွဲ ရီပတ်ဘလစ်ကန်တွေ အောင်ပွဲခံ သတင်း
■ သမ္မတ အိုဘားမား နားတော့မှာလား သတင်း

Read More...

Collapse...

နိုင်ငံတော်အလံကို မီးရှို့ ဖျက်ဆီးသူ ရုတ်တရက် ကွယ်လွန်ခြင်း

နိုဝင်ဘာ ၃ ရက် ၂၀၁၀

နိုင်ငံတော်အလံအား မီးရှို့ဖျက်ဆီးခဲ့သော ဦးဖရန်စစ်မုန်လျန်းပေါင်

ဦးဖရန်စစ်မုန်လျန်းပေါင် (၄၇)နှစ် အကြီးတန်းစာရေး ချင်းပြည်နယ် (တွန်းဇံမြို့နယ် အေးချမ်းသာယာရေးနှင့် ဖွံ့ဖြိုးရေး ကောင်စီ) သည် ၂၁ အောက်တိုဘာ ၂၀၁၀ ခုနှစ် ညနေ ၃ နာရီ ခန့်တွင် ပြုလုပ်သော နိုင်ငံတော် အလံအသစ်တင် အခမ်းအနားတွင် ပါဝင်၍ အထက် အမိန့်အရ နိုင်ငံတော် အလံဟောင်းအား တိုင်ပေါ်မှ ချခြင်းနှင့် မီးရှို့ဖျတ်ဆီးခြင်းကို လုပ်ဆောင်ခဲ့ပါသည်။ ၂၁ နေ့ည သန်းခေါင်တွင် ၄င်း၏ နေအိမ်တွင် ရုတ်တရက် ကွယ်လွန်သွားပါသည်။

ဦးဖရန်စစ် မုန်လျန်းပေါင်သည် ဇနီးသည်နှင့်အတူ ရန်ကုန်သို့ ဆေးဝါး ကုသရာမှ ကျန်းမာစွာဖြင့် အောက်တိုဘာ လဆန်းတွင် တွန်းဇံမြို့သို့ ပြန်ရောက် လာပါသည်။ ဦးဖရန်စစ် မုန်လျန်းပေါင်သည် ဘာသာရေး ကိုင်းရှိုင်း၍ အကျင့်စာရိတ္တ ကောင်းသူ၊ အလုပ်တာဝန် ဝတ္တရာများ ကြေပွန်သူ ဖြစ်သောကြောင့် ၄င်း၏ ရုတ်တရက် ကွယ်လွန်မှုနှင့် ပတ်သတ်၍ ကြားသိသူ အားလုံး အထိတ်တလန့် ဖြစ်နေကြပါသည်။ ဇနီးနှင့် သား ၃ ယောက် သမီး ၂ ယောက် ကျန်ရစ်ခဲ့သည်ဟု သိရှိရပါသည်။

Read More...

Collapse...

ဦးဝင်းတင်နဲ့ မေးခွန်းများ

ဒုတိယပင်လုံညီလာခံမှသည် စစ်မှန်သော ဖယ်ဒရယ်ပြည်ထောင်စု နိုင်ငံသို့ အပိုင်း ၁

နိုဝင်ဘာ ၂၊ ၂၀၁၀

ယခုလိုဒုတိယပင်လုံညီလာခံ ပေါ်ထွန်းရေး လှုပ်ရှားမှု ပေါ်ပေါက်လာသည့် အတွက် စစ်အစိုးရ၏ ၂၀၁၀ ရွေးကောက်ပွဲ အပေါ် ဆန့်ကျင် သပိတ်မှောက်သည့် လှုပ်ရှားမှုများ အပေါ် ဘယ်လို သက်ရောက်မှု ရှိမှာလဲ စသည်တို့ ဖြစ်သည်။

လွန်ခဲ့သည့် စနေနေ့ မနက်ခင်းက မြန်မာပြည်၏ အတုိုက်အခံ ခေါင်းဆောင် တဦး ဖြစ်သူ အင်န်အယ်ဒီ ပါတီ၏ ဦးဆောင်သူ၊ ဟံသာဝတီ ဦးဝင်းတင်နှင့် တွေ့ဆုံ စကားပြောဖြစ်ခဲ့သည်။ အဓိက မေးခွန်းများမှာ -

တိုင်းပြည်၏ ဒီမိုကရေစီစနစ်ကို ဖော်ဆော်ရန်အတွက် နိုင်ငံရေး ပေါင်းစည်းမှု အင်အားတရပ် အဖြစ် အင်န်အယ်ဒီက ရပ်တည်မည်ဟု ပြောခဲ့ပြီးနောက်၊ တိုင်းရင်းသား ခေါင်းဆောင်များ၊ အစုအဖွဲ့များနှင့် အတူ စစ်မှန်သော ဖယ်ဒရယ် ပြည်ထောင်စု နိုင်ငံတော်ကြီး ထူထောင်နိုင်ရန် အတွက် ဒုတိယပင်လုံညီလာခံ ခေါ်ယူရန် ထောက်ခံကြောင်း၊ သဘောတူ လက်ခံကြောင်း ပြောဆိုခဲ့သည်။

ထိုသို့သော ပြောဆိုချက်များကို ဦးတည်သော လှုပ်ရှားမှုများသည် ၂၀၁၀ နိုဝင်ဘာ ၇ ရက် စစ်အစိုးရ၏ ရွေးကောက်ပွဲ မတိုင်ခင် စတင်မည်လား၊ ဘယ်တော့ စတင်မှာလဲ။ စစ်အစုိုးရ ရွေးကောက်ပွဲ၏ ရလဒ်ဖြစ်သော ၂၀၀၈ အခြေခံ ဥပဒေအ တည်ပြုသည့် လွှတ်တော်တရပ် ပေါ်ထွန်းလာပြီးသည် နောက်မှာ စတင်မည်လား။ ယခုလို ဒုတိယပင်လုံညီလာခံ ပေါ်ထွန်းရေး လှုပ်ရှားမှု ပေါ်ပေါက်လာသည့် အတွက် စစ်အစိုးရ၏ ၂၀၁၀ ရွေးကောက်ပွဲ အပေါ် ဆန့်ကျင် သပိတ်မှောက်သည့် လှုပ်ရှားမှုများ အပေါ် ဘယ်လို သက်ရောက်မှု ရှိမှာလဲ စသည်တို့ ဖြစ်သည်။

ဆရာက ပြောကြားရာတွင် -
“ကျနော်တို့ အတိုက်အခံအင်အားတွေ၊ တိုင်းရင်းသား အင်အားစုတွေ ထုတ်ဖော် ပြောဆိုတဲ့ ဒုတိယ ပင်လုံညီလာခံ ခေါ်ဖို့ ကိစ္စ ဆိုတာက ရေရှည် ကိစ္စတခု ဖြစ်ပါတယ်။ ပေါ်ပင် လျောက်လုပ်တဲ့ ကိစ္စ မဟုတ်ပါဘူး။ ရွေးကောက်ပွဲ မတိုင်ခင် အပြီးလုပ်နိုင်တဲ့ အရာလည်း မဟုတ်ဘူး။ သမိုင်းရဲ့ အစဉ်အလာအရ လုပ်ကြမယ် ဆိုရင်လည်း ပြည်ထောင်စုနေ့ ပေါ်ပေါက်ခဲ့ရာ ဖေဖော်ဝါရီလ လောက်မှာ လုပ်နိုင်ရင်လည်း လုပ်ကြရမယ် ဆိုတဲ့ သဘော။ နောက်ပြီးတော့ အခုရွေးကောက်ပွဲက အဖြေမဟုတ်ဘူး။ တကယ် အစစ်အမှန် အဖြေက အခုလိုမျိူး ဖယ်ဒရယ် ပြည်ထောင်စု အစစ်အမှန် ပေါ်ထွန်းလာနိုင်ဖို့ ဆောင်ရွက်ကြရမယ့် ဒုတိယ ပင်လုံ ညီလာခံမျိူးက ၀ိုင်းလုပ်ကြရမယ့် ကိစ္စ ဖြစ်တယ် ဆိုတာမျိုး ဖြစ်တယ်ဆိုတာ ပြောချင်တယ်။

ရွေးကောက်ပွဲကိစ္စက ရွေးကောက်ပွဲကိစ္စဖြစ်တယ်။ ကျနော်တို့တတွေက မတရားတဲ့ ကိစ္စတခု၊ မှားယွင်းတဲ့ လုပ်ရပ်တခု အဖြစ် ကျနော်တို့ အတိုက်အခံ ဒီမိုကရေစီ အင်အားစုတွေက လက်မခံနိုင်ဘူး။ သပိတ် မှောက်ကြဖို့ ကျနော်တို့က ဆက်လုပ် နေကြမှာပဲ။ ရွေးကောက်ပွဲက ပေါ်ထွန်းလာတဲ့ အကျိုးရလဒ်တွေ ဆိုတာဟာလည်း အများပြည်သူတွေ လက်ခံတဲ့ ကိစ္စ မဟုတ်ဘူး ဆိုတာကိုလည်း ကျနော်တို့နဲ့ အတူ အားလုံးက ပြောဆို နေကြပြီဖြစ်တယ်။ အဲသည်လိုမျိူး ကျနော်တို့က ရပ်တည်ပြီး ဆောင်ရွက်နေတာ ဖြစ်ပါတယ်။ သီးခြား ဆောင်ရွက် နေတာဖြစ်တယ်။ သို့သော်လည်း ရွေးကောက်ပွဲ နဲ့ရလဒ်တွေဟာ တိုင်းပြည်နဲ့ ပြည်သူတွေ အတွက် အကျိူးစီးပွား မရှိဘူး ဆိုတာကို ပါဝင် ပတ်သက်နေသူတွေ ကိုယ်တိုင် သဘောပေါက် လာရင်လည်း အခုလိုမျိုး ဒုတိယ ပင်လုံညီလာခံ ခေါ်ယူတဲ့ဆီမှာ သူတို့တတွေလည်း ပါဝင်လာနိုင်တဲ့ အခြေအနေ တရပ်လည်း ဖြစ်လာနိုင်တယ်။

ရွေးကောက်ပွဲ မတိုင်ခင်မှာကော၊ ရွေးကောက်ပွဲ အလွန်မှာ၊ စစ်အစိုးရ အလိုကျ ဖြစ်ပေါ်လာမယ့် လွှတ်တော် ဆိုတာရဲ့ အတွင်း၊ အပြင်မှာ ပါဝင်ခဲ့ကြသူတွေ အချင်းချင်းမှာ ပဋိပက္ခတွေ မြင်တွေ့ရနေပြီ၊ ဒီထက်ပိုပြီး မြင်တွေ့ လာရတော့မှာ ဖြစ်တယ်။ အဲဒါကို မျက်မြင် သက်သေ ဖြစ်နေရတဲ့ ကာယကံရှင် မဲဆန္ဒရှင် ပြည်သူလူထု တွေကလည်း ရွေးကောက်ပွဲနဲ့ ရွေးကောက်ပွဲလွန် ကာလတွေမှာ သူတို့အတွက် ကောင်းကျိုးချမ်းသာ မဖြစ်စေဘူး ဆိုတာ ပိုပြီး ထင်ထင်ရှားရှား သိလာမှာ ဖြစ်တယ်။ အဲသည်မှာ နိုင်ငံတကာ အပေါ်မှာလည်း ရွေးကောက်ပွဲရဲ့ သက်ရောက်မှုကလည်း စစ်အစိုးရက လိုချင်တဲ့ အကောင်း သက်ရောက်မှုတွေ ဖြစ်တော့မှာ မဟုတ်ဘူး။

အဓိကကတော့ အခုချိန်ကတည်းက ပြည်သူလူထုတွေ၊ နိုင်ငံရေး အင်အားစုတွေနဲ့ ပါဝင် ပတ်သက် နေသူတွေ အားလုံးဟာ စစ်အစိုးရ အလိုကျ လုပ်ဆောင်နေတဲ့ ရွေးကောက်ပွဲ ဆိုတာနောက် တကောက်ကောက် လိုက်ပြီး အချိန်ကုန် လူပမ်း ဖြစ်နေကြမယ့် အစား၊ နောက်ပြီးတော့ ရွေးကောက်ပွဲအလွန် ကာလ လွှတ်တော် ပေါ်ပေါက်ရေး၊ မပေါ်ပေါက်ရေး၊ လွှတ်တော် အတွင်းအပြင် ဖြစ်ကြ ပျက်ကြတာတွေနောက် လိုက်ပြီးတော့ အချိန်ကုန်ပြီး အလဟသ ဖြစ်ကြမယ့်အစား၊ အခုကတည်းက ရွေးကောက်ပွဲနဲ့ တကွ ရလဒ်တွေကို လက်မခံဖို့ကို ကျနော်တို့က လုပ်ကိုင် ဆောင်ရွက်နေတာ ဖြစ်တယ်။ ပြီးတော့လည်း တပါတည်းပဲ တကယ်ကို နိုင်ငံနဲ့ နိုင်ငံသားတွေရဲ့ ရေရှည် အကျိုးစီးပွားတွေ၊ အခွင့်အရေးတွေကို အာမခံပေးမယ့်၊ စစ်မှန်တဲ့ ပြည်ထောင်စုကြီး ပေါ်ပေါက်ဖို့ ၀ိုင်းပြီး လုပ်ကိုင်ကြဖို့ကိုလည်း အခုအချိန် ကတည်းက သိမြင် နားလည်ကြဖို့ လိုပြီ ဆိုပြီး အခုလို ဒုတိယ ပင်လုံညီလာခံ လှုပ်ရှားမှု ဖြစ်ပေါ်လာတယ် လုိ့ ပြောချင်တယ်။”

အဲသည်မှာ ရွေးကောက်ပွဲကို သပ်ိတ်မှောက်တဲ့ နေရာမှာ မေးတဲ့မေးခွန်းက လက်ရှိ ပါဝင်နေကြသူတွေ တဦးချင်း၊ တပါတီချင်း၊ နေရာဒေသ တခုချင်း အလိုက် သပိတ်မှောက်တာတွေ ရှိနေသလား၊ စစ်အစိုးရရဲ့ ရွေးကောက်ပွဲကြီး တခုလုံးအနေနဲ့ သပိတ်မှောက်တာလား။ ပြီးတော့ ရွေးကောက်ပွဲ အပေါ် ဝေဖန် ထောက်ပြရာမှ၊ ကန့်ကွက် ပြောဆိုရာမှာ မည်သည့် အချက်တွေကို မူတည်ပြီး ဝေဖန် ထောက်ပြ ကန့်ကွက်မှာလဲ ဆိုတာ ဖြစ်ပါတယ်။

“ကျနော်တို့က လူတဦးချင်း၊ တပါတီချင်းကို လိုက်ပြီးတော့ ဝေဖန်ထောက်ပြ ကန့်ကွက်တာ မျိုးတွေ လုပ်မှာ မဟုတ်ဘူး။ စစ်အစိုးရရဲ့ ရွေးကောက်ပွဲဟာ ဒီမိုကရေစီ နည်းစနစ် မကျတဲ့ ၂၀၀၈ အခြေခံ ဥပဒေကို အခြေခံတဲ့ အာဏာရှင် စနစ်ကို တရားဝင်ပြုမယ့် လွှတ်တော်ကို ဖြစ်ပေါ်စေမှာ မို့လို့ ကျနော်တို့က သပိတ်မှောက်တယ်၊ ကန့်ကွက်တယ်။ ဒီလိုပဲ ပြောမှာဖြစ်တယ်။ သို့သော်လည်း ပါတီတွေက၊ လူပုဂ္ဂိုလ်တွေ ကိုယ်တိုင်က မှားယွင်းတဲ့ အချက်အလက်တွေ၊ လုပ်ကြံ ဖန်တီးတဲ့ အပြောအဆိုတွေ၊ လုပ်ရပ်တွေ ဆောင်ရွက်လာရင်တော့ ဒါတွေကိုလည်း ကျနော်တို့က သီးခံမနေဘဲနဲ့ ဝေဖန်ထောက်ပြ ကန့်ကွက်တာမျိုးတွေ လုပ်ရမှာ ဖြစ်တယ်။ ဥပမာအားဖြင့် ဒေါ်အောင်ဆန်းစုကြည်နဲ့ ပတ်သက်ပြီး သတင်းမှားတွေ၊ အချက်အလက်မှားတွေ ပြောဆို ထုတ်ပြန်တာမျိုး၊ အင်န်အယ်ဒီနဲ့ ပတ်သက်ပြီး ပြည်သူတွေ ကြားထဲမှာ အထင်အမြင် လွဲမှားအောင် ပြောဆို ၀ါဒဖြန့်ချိတာမျိုး ကိုတော့ ကျနော်တို့က အမှားကို လက်ခံနေမှာ မဟုတ်ဘူး၊ အမှန်အတိုင်း အရှိအတိုင်း ပြန်လည် ပြောဆို ထောက်ပြတာတွေ၊ အသိပေး ကြေငြာတာတွေ လုပ်မှာ ဖြစ်တယ်။ အဲသည်လို ပြောချင်တယ်။”

အဲသည်မှာ ဆက်ပြီးမေးတဲ့ မေးခွန်းကတော့ လက်ရှိ စစ်အစုိုးရဖော်ဆောင် နေတဲ့ ပြည်ထောင်စု မြန်မာ နိုင်ငံတော်နဲ့ နိုင်ငံသားများ အတွက် အာမခံထားတဲ့ ပြည်ထောင်စုစနစ်၊ ပြည်ထောင်စုသားများ အခွင့်အရေး ဆိုတာတွေနဲ့ ဒုတိယ ပင်လုံညီလာခံမှာ ဆွေးနွေး ဖော်ဆောင်မှာနဲ့ ဘာကွာခြားမှာလဲ ဆိုတာ ဖြစ်ပါတယ်။

ပထမဦးဆုံးပြောချင်တာ ဒုတိယ ပင်လုံ ညီလာခံခေါ်ဖို့ ထတ်ပြန်ချက်ထဲက အချက်တွေ ဖြစ်ပါတယ်။ တိုင်းရင်းသားတွေ အားလုံး အတူတူ သာတူညီမျှ ရရှိရမယ့် အခွင့်အရေးတွေ ဖြစ်တယ်။ တိုင်းရင်းသားတွေ တောင်းဆိုတာက တန်းတူ ညီမျှခွင့်တို့ ကိုယ်ပိုင် ပြဋ္ဌာန်းခွင့်တို့ ဖြစ်တယ်။ စစ်အစိုးရက ဘာပေးတာလဲ ဆိုတော့ - ကိုယ်ပိုင် အုပ်ချုပ်ခွင့် ဆိုတာမျိုးပဲ ပေးတယ်၊ ကိုယ်ပိုင် ပြဋ္ဌာန်းခွင့်ကို မပေးဘူး။ နောက်ပြီးတော့ တိုင်းရင်းသားတွေ အားလုံး လိုချင်တာက နိုင်ငံရေးအရ တန်းတူ ညီမျှတဲ့ အခွင့်အရေးတွေ ဖြစ်တယ်။ အဲဒါအစား စစ်အစိုးရက အုပ်ချုပ်ရေး ယန္တားထဲမှာ ပါဝင်ပတ်သက်ခွင့်တို့၊ စီးပွားရေးပိုင်း ဆိုင်ရာ လုပ်ပိုင်ခွင့်တို့ တွေကိုပဲ ပေးထားတာ ဖြစ်တယ်။ ဒါတွေကို ကျနော်တို့က ခွဲခြားပြီး သိရမယ်။

သည်တော့ ပြည်ထောင်စုကြီးဆိုတာက ဖယ်ဒရယပြည်ထောင်စု ဖြစ်တယ်။ တပြည်ထောင် စနစ် မဟုတ်ဘူး။ အထက်ပါ ကန့်သတ်တဲ့ အခွင့်အရေးတွေနဲ့ တိုင်းရင်းသားတွေကို ပေးထားတာဟာ တပြည်ထောင် စနစ်လိုမျိုး ဖြစ်တယ်။ တိုင်းရင်းသားတွေ မျိုးစုံရှိတဲ့ နိုင်ငံမှာ၊ လူဦးရေ အလိုက် ကွဲပြား ခြားနားမှုတွေ ရှိတဲ့ နိုင်ငံမှာ ကျနော်တို့ တတွေက ရေရှည် ရပ်တည်သွားမယ် ဆိုရင် အားလုံးတန်းတူ ညီမျှမှုတွေ၊ နားလည်မှုတွေနဲ့ ပေါင်းစည်းပြီး နေကြမှသာ ဖယ်ဒရယ် ပြည်ထောင်စု အဖြစ် ရပ်တည် သွားနိုင်မှာဖြစ်တယ်။ အတင်း ချုပ်ကိုင် ထားရင်တော့ အခုလိုမျိူးနဲ့ ရေရှည် ပြည်ထောင်စုကြီး အဖြစ် သွားနိုင်မှာ မဟုတ်ဘူး ဆိုတာကို သိကြရမယ်။

ဒါတွေဟာ ခုမှ တိုင်းရင်းသားတွေက ပြောခဲ့တာ မဟုတ်ဘူး။ လွန်ခဲ့တဲ့ ၁၉ ၆၁ တို့၊ ၁၉ ၆၄ တို့မှာ ဖဆပလတို့၊ တော်လှန်ရေး ကောင်စီတို့၊ မဆလတပါတီတို့ လက်အောက်မှာ ကတည်းက တိုင်းရင်းသားတွေက ပြောဆို ခဲ့ကြတယ်။ တောင်းဆို တင်ပြခဲ့ကြပြီး ဖြစ်တယ်။ ခေတ်အဆက်ဆက် သမိုင်း အဆက်ဆက်မှာ တိုင်းရင်းသားတွေ၊ တိုင်းရင်းသား လက်နက်ကိုင် အဖွဲ့တွေ ကိုယ်တိုင်က တောက်လျောက် တောင်းဆိုခဲ့ကြတာ ဖြစ်တယ်။ ခေတ်အဆက်ဆက်မှာ အစိုးရတွေက လက်မခံခဲ့ကြဘူး။ အစိုးရတွေက တိုင်းရင်းသားတွေက ပြည်ထောင်စု ထဲကနေ ခွဲထွက်ဖို့ လုပ်ကြံနေကြတယ်၊ ဖယ်ဒရယ် ပြည်ထောင်စု ဆိုပြီး ခွဲထွက်ဖို့ ကြံစည်တယ်လို့ သူတို့က ပြန်ပြီ စွပ်စွဲခဲ့ကြတယ်။ ပြည်ထောင်စု ဖြိုခွဲသူတွေအဖြစ် သမုတ်တာမျိုးတွေ လုပ်ခဲ့ကြတယ်။ အခုကျတော့ တိုင်းရင်းသားတွေ ပြောဆို နေကြတာတွေက စစ်အစိုးရတွေ၊ အာဏာရှင်တွေ စွပ်စွဲသလိုမျိူး ပြည်ထောင်စုကနေ ခွဲထွက်ရေး မဟုတ်ဘူး၊ ပြည်ထောင်စုကြီးတခု ပြည်ထောင်စုသားတွေ တန်းတူညီမျှ အတူတကွ ပေါင်းစည်း နေထိုင်ရေး ဆိုတဲ့ ဖယ်ဒရယ် ပြည်ထောင်စုကြီး ဖြစ်တယ် ဆိုတာကို အခုအချိန်မှာ ထပ်မံပြီးတော့ အတည်ပြု ပြောဆိုလိုက်တာ ဖြစ်တယ်လို့ သိကြရမယ်။

ဥပမာအနေနဲ့ကြည့်မယ်ဆိုရင်တော့ အမေရိကန်လိုမျိုးပေါ့ကွာ။ ပြည်ထောင်စု စစ်စစ် အဖြစ် ပေါင်းစည်းမယ် ဆိုရင် ပြည်နယ်တွေက လူဦးရေအလိုက် အမတ်တွေနဲ့ အောက်လွှတ်တော် ဆိုတာ ရှိတယ်။ ပြည်နယ်အလိုက် ပြည်ထောင်စု အလိုက၊် တပြည်နယ်ကို အထက်လွှတ်တော် အမတ် ၂ ဦးစီ နဲ့ တိုင်းပြည်ကို ၀ိုင်းပြီး အုပ်ချုပ်ကြတယ် ပေါ့ကွာ။ ဒါမျိုး ဖြစ်နိုင်မလား၊ မဖြစ်နိုင်ဘူးလား … အားလုံးက စဉ်းစားကြရမယ်။ ပြည်ထောင်စု အနေနဲ့ ဖွဲ့စည်းရမယ့် အစား လူမျူိုးစုတို့၊ အမျိုးအစားတို့၊ လူတန်းစား တစုတဖွဲ့ကိုပဲ ဦးစားပေးပြီး စိတ်တိုင်းကျ ဖွဲ့စည်းမယ်ဆိုရင် ပြည်ထောင်စု အစစ်အမှန် မဖြစ်ဘဲ တပြည်ထောင်စနစ် ဖြစ်သွားလို့ အရှေ့ဥရောပ နိုင်ငံတွေ ပြိုကွဲသလိုမျိူး ပြိုကွဲတယ် ဆိုတာကိုလည်း သင်ခန်းစာ ယူကြရမယ်။ ပြည်ထောင်စု ပုံသဏ္ဍန်နဲ့ တိုင်းပြည်ကို မထူထောင်ချင်ဘူး ဆိုရင်တော့ စစ်အာဏာရှင် စနစ်တို့ ၊ နိုင်ငံရေး အာဏာရှင် စနစ်တို့နဲ့ တိုင်းပြည်ကို ချုပ်ကိုင် ကြရတော့မှာ ဖြစ်တယ်။ အများသဘောတူတဲ့ စနစ်နဲ့ မထူထောင်ကြရင်တော့ ရေရှည်မခံဘဲ ပြိုကွဲကြမှာ ဖြစ်တယ် ဆိုတာကို သိကြရမယ်။

အခုအချိန်မှာ တိုင်းရင်းသားတွေ၊ ဒီမိုကရေစီအင်အားစုတွေ အားလုံးက အတူတကွ ဘယ်လိုမျိုး သဘော တူညီချက် ရသွားပြီလည်း ဆိုတော့ အခုလိုမျိုး စစ်အစိုးရရဲ့ အာဏာသုံးပြီး အုပ်ချုပ်တဲ့ တပြည်ထောင် စနစ်အစား နိုင်ငံရေး သဘောတူညီချက်တွေ ပေါင်းစည်းပြီးတော့ ထူထောင်ကြမယ့် ဖယ်ဒရယ် ပြည်ထောင်စု စနစ်နဲ့ သွားကြမယ်လို့ ဖြစ်သွားကြပြီ။ ဒီလိုမျိုး သဘောတူညီချက် မျိူးကို ဒေါ်အောင်ဆန်းစုကြည် ကိုယ်တိုင်ကလည်း ယခင် တိုင်းရင်းသား အဖွဲ့အစည်းတွေနဲ့ ဆွေးနွေးခဲ့တာတွေ၊ သဘောတူညီ တာတွေ ရှိခဲ့ပြီး ဖြစ်ပါတယ်။

ဒါကြောင့်လည်း သည်လို အခြေခံသဘောတူညီချက်တွေကို မူတည်ပြီးတော့ တိုင်းရင်းသား တွေနဲ့ ဒီမုိုကရေစီ အင်အားစုတွေ ကျနော်တို့ အာလုံးက သဘောတူ ညီညွတ်ကြပြီးတော့ ဒုတိယ ပင်လုံညီလာခံ တရပ်ကို ခေါ်ယူကြဖို့၊ ဆွေးနွေး တိုင်ပင်ကြဖို့၊ ပိုမို ကျယ်ပြန့်တဲ့ သဘောတူညီချက်တွေ၊ ဆွေးနွေးချက်တွေ၊ ဆုံးဖြတ်ချက်တွေ၊ အတည်ပြုချက်တွေ ရရှိနိုင်ဖို့အတွက် အခုလိုမျိူး ဒုတိယပင်လို ညီလာခံမျိုး ပေါ်ပေါက်ဖို့ လိုတယ် လို့ ပြောတာ ဖြစ်တယ်။

(ဆက်လက်ဖော်ပြပါမည် … ဒုတိယပင်လုံညီလာခံ လှုပ်ရှားမှုကို ၁၉ ၈၈ ခုနှစ်ကတည်းက ချမှတ် ဆောင်ရွက်ခဲ့ဘူးသလား၊ မည်သို့သော အခက်အခဲများနဲ့ ကြုံတွေ့ခဲ့ရသလဲ။ စသည့် မေးခွန်းများနဲ့ ဆက်လက်ဖော်ပြပါမည်။)

Ref: မိုးမခ

Read More...

Collapse...

နေ့စဉ်သတင်းများ ( ၂ - ၁၁ - ၂၀၁၀ )

■ အစ္စလာမ်ဘာသာဝင်တဦး၏ အိမ်ကို ဗလီအဖြစ် မြို့တော်ဝန် သတ်မှတ် သတင်း
■ လဲချားမြို့ သမိုင်းဝင်စေတီတော်ကြီး မိုးကြိုးပစ်ခံရ သတင်း
■ မိုးလေ၀သနှင့် ဇလဗေဒ ညွှန်ကြားမှုဦးစီးဌာနက မုန်တိုင်းသတင်း ထုတ်ပြန် သတင်း
■ ဂီရိမုန်တိုင်း ဒုက္ခသည် ကယ်ဆယ်ရေးလုပ်ငန်းများ နှေးကွေး သတင်း
■ ဂီရိကြောင့် ရခိုင်တွင် အိမ်ခြေပေါင်း (၇၀,၉၇၅) ပျက်စီးပြီး လူပေါင်း (၂) သိန်းကျော် ဒုက္ခရောက်နေကြောင်း ယူအန်အစီရင်ခံစာတွင် ဖော်ပြ သတင်း
■ လေဘေးသင့်ဒေသတွင် ရွေးကောက်ပွဲ ရက်ရွှေ့ဆိုင်းရေး ကော်မရှင် အကြောင်းမပြန် သတင်း
■ FEC ၂၀ တန် ဖုန်းကတ်များကို လုံခြုံရေးအရ ဖျက်သိမ်း သတင်း
■ ရခိုင်လူ့အခွင့်ရေးလှုပ်ရှားသူ ဦးမြတ်ထွန်းကို မိသားစုများ ထောင်ဝင်စာ မတွေ့နိုင် သတင်း
■ လွိုင်ကော်မှာ နေဝင်မီးငြိမ်းထုတ် သတင်း
■ ကြာအင်းဆိပ်ကြီး လုံခြုံရေး တင်းကျပ် သတင်း
■ ငါ ရဲဘော်ပဲ လုပ်တတ်တယ် သတင်း
■ လက်နက်ကိုင်တော်လှန်ရေး ဆက်ရှိနေဦးမည်ဟု အေဘီအက်စ်ဒီအက်ဖ် ပြော သတင်း
■ ချောက်မြို့ မြန်မာ့စီးပွားရေးဘဏ် ၀န်ထမ်းတချို့ ငွေလွဲသူများထံမှ ငွေတောင်း သတင်း
■ ရွေးကောက်ပွဲ ရလဒ်ကောင်းမထွက်နိုင်ဟု အမျိုးသမီးအဖွဲ့ပြော သတင်း
■ တန့်ယန်းမြို့နယ်အုပ်စုအချို့ မဲရုံစောင့်သူများအား ချက်ကျွေးရန် ကျေးလက်ရွာသားများ ဆင့်ဆိုခံရ သတင်း
■ သိန္နီမြို့၌ ကြိုတင်မဲပေးခိုင်း မဲပေးသူများ ကိုယ်တိုင်မဲမခြစ်ရ သတင်း
■ သျှမ်းပြည် (မြောက်ပိုင်း) ၌ မဲပေးခွင့်ရှိသူစာရင်း မမှန်ကန် သတင်း
■ ကြံ့ဖွံ့နှင့် သတင်းထောက်များ ကတောက်ကဆဖြစ် သတင်း
■ ဒဂုံမြို့သစ် ရယက၏ ထိုးကြိတ်မှု ကျေအေးရန် ကြိုးပမ်း သတင်း
■ ပြိုင်ဘက်ကိုယ်စားလှယ်လောင်းများကို ဖမ်းဆီးဟု ကြံ့ခိုင်ရေးပါတီ သတင်းလွှင့် သတင်း
■ ဒုတိယပင်လုံညီလာခံမှသည် စစ်မှန်သော ဖယ်ဒရယ်ပြည်ထောင်စုနိုင်ငံသို့ ... အပိုင်း (၁) - ဦးဝင်းတင်နဲ့ မေး ခွန်းများ (အင်တာဗျူး)
■ အာဆီယံ မြန်မာစစ်အစိုးရနဲ့ လုံခြုံရေးပြဿနာ (ဆောင်းပါး)
■ ရင်မခုန်ရတဲ့ ရွေးကောက်ပွဲ (ဆောင်းပါး)
■ လူဆိုး သူခိုး ကြီးစိုးတော့မယ့် ဒို့နိုင်ငံ - အပိုင်း (၁) (ဆောင်းပါး)
■ တောဘောလုံးပွဲကြီး လာတော့မည် (ဆောင်းပါး)

Read More...

Collapse...

ရွေးကောက်ပွဲနှစ်ခုကို နှိုင်းယှဉ်မိခြင်း

ရဲဘော်ဖိုးသံချောင်း

တနင်္ဂနွေနေ့၊ အောက်တိုဘာလ ၃၁ ရက် ၂၀၁၀

နအဖက ရွေးကောက်ပွဲ ကျင်းပမယ်လို့ ကြေညာလိုက်ကတည်းက အဲဒီရွေးကောက်ပွဲကို ၁၉၉ဝပြည့်နှစ် ရွေးကောက်ပွဲနဲ့ နှိုင်းယှဉ် ပြောဆိုသံတွေ ထောင့် အသီးသီးမှာ မကြာခဏ ကြားရပါတယ်။ ငယ်ငယ်တုန်းက ကျောင်းသင်ခန်းစာ ထဲက တူတာနဲ့ မတူတာတွေ ရှာဖွေရသလိုပဲ စိတ်ဝင်စားစရာ ကောင်းလှပါတယ်။ အခုတော့ သူတို့ရဲ့ရွေးကောက်ပွဲ ဆိုတာဟာ ခဲတပစ်သာ ဝေးတော့တာမို့ နှိုင်းယှဉ် စဉ်းစားစရာ အချက်တွေ ထပ်ဖြည့် လိုက်ပါတယ်။

ဦးစွာအားဖြင့် ထောက်ပြရမှာက ၁၉၉ဝ ရွေးကောက်ပွဲဟာ လူထုတိုက်ပွဲကြီးရဲ့ အောင်သီးအောင်နှံ ဖြစ်တယ်၊ သူ့ အလိုအလျောက် ပေါ်လာတာ မဟုတ်ဘူး ဆိုတာကိုပါ။ စစ်အာဏာရှင်တွေ စိတ်ပြောင်းလာလို့၊ စိတ်ကောင်း ဝင်လာလို့ ကျင်းပပေးတဲ့ ရွေးကောက်ပွဲ မဟုတ်ပါဘူး။ စစ်အာဏာရှင်တွေက မတတ်သာ လွန်းလို့ လိုက်လျောရတာ ဖြစ်တယ်ဆိုတဲ့ အချက်ကို ပြောရပါမယ်။ အခု ၂ဝ၁ဝ ရွေးကောက်ပွဲ ကျတော့ နအဖ စစ်အုပ်စုက ကမ္ဘာ့ အသိုင်းအဝိုင်းကို ပစ်မှတ်ထားပြီး ဖန်တီးလိုက်တဲ့ လုပ်ဇာတ်တခု ဖြစ်ပါတယ်။

၁၉၉ဝတုန်းက ဗိုလ်ချုပ်နေဝင်းနဲ့ သူတို့ရဲ့တစညပါတီဟာ ကိုယ့်ကိုယ်ကို နိုင်မယ်လို့ တွက်ထားလို့ ကျင်းပခဲ့တာ ဖြစ်သလို ဒီတကြိမ်မှာလည်း ဗိုလ်ချုပ်သန်းရွှေ တို့ဟာ မနိုင်လည်းအနိုင်၊ နိုင်လည်းအနိုင် ဖြစ်ရမယ်လို့ တွက်ပြီး ကျင်းပတာ ဖြစ်ပါတယ်။ ဒီနေရာမှာတော့ နည်းနည်း တူတယ်လို့ ဆိုရမလားပါပဲ။ ဒါပေမဲ့ ၁၉၉ဝပြည့်နှစ်ဆီတုန်းက ရှစ်လေးလုံး အရေးတော်ပုံကြီးရဲ့အရှိန်က မကုန်သေးတော့ စစ်အုပ်စုနဲ့ တစညဟာ အခုကြံ့ဖွတ် လုပ်သလို ပြောင် ညစ်တာ၊ ရမ်းတာတွေ မလုပ်ဝံ့ပါဘူး။

ဒါကြောင့်မို့ ၁၉၉ဝ ရွေးကောက်ပွဲမှာ ပြည်သူလူထု တခဲနက်ပါဝင် မဲဆန္ဒပေးခဲ့ကြပြီး ၂ဝ၁ဝ ရွေးကောက်ပွဲ မှာတော့ ပြည်သူ လူထုပါဝင်မှု ဘယ်လို ဖြစ်မယ်ဆိုတာ အခုကတည်းက မှန်းလို့ ရနေပါပြီ။ ၁၉၉ဝ ရွေးကောက်ပွဲကို ဘယ်သူကမှ သပိတ်မှောက်တယ် ဆိုတာ မရှိတာကို အားလုံး မှတ်မိကြမယ် ထင်ပါတယ်။ အရွေးခံတဲ့သူတွေ၊ အရွေးခံသူကို ကူညီကြသူတွေ၊ မဲထည့်သူတွေ အားလုံးဟာ တက်တက်ကြွကြွ။ ထက်ထက်သန်သန်ချည်း ဖြစ်ပါတယ်။ ဒီတကြိမ်မှာတော့ ဒီနေ့အခါ မြန်မာပြည်မှာ နိုင်ငံရေး သြဇာ အကြီးဆုံးလို့ ဆိုရမယ့် နိုင်ငံရေး အင်အားစုကြီးက ရွေးကောက်ပွဲကို သပိတ်မှောက်တယ်လို့ ကြေညာ ထားပါတယ်။ ဒါ့အပြင် ရွေးကောက်ပွဲကို သပိတ်မှောက်ရေး၊ မဲမပေးရေး လှုပ်ရှားမှု ဆိုတာတွေလည်း နေရာတကာမှာ တွေ့နေရပါတယ်။ ဒါမျိုးတွေဟာ ၁၉၉ဝတုန်းက ဆိုရင် အိပ်မက်တောင် မမက်နိုင်တဲ့ အရာတွေပါ။

၁၉၉ဝ ပြည့်နှစ်တုန်းက ရွေးကောက်ပွဲကြောင့်မို့ နိုင်ငံခြားသံရုံးတွေ အမျိုးသား ဒီမိုကရေစီ အဖွဲ့ချုပ်ဆီကို ရောက်လာ ကြတာကို သတိရကြ ပါလိမ့်မယ်။ ဒါပေမဲ့ အခု တွေ့နေရတာကတော့ ဒီ ၂ဝ၁ဝ ရွေးကောက်ပွဲကြောင့်ပဲ တချို့သော သံရုံးနဲ့ နိုင်ငံခြား အစိုးရတွေဟာ အမျိုးသား ဒီမိုကရေစီ အဖွဲ့ချုပ်ကို စွန့်ခွာဖို့ စဉ်းစားလာတာ ပါပဲ။ ဟိုတုန်းက စစ်အေးစစ်ပွဲ ပြီးကာစ အချိန်ဖြစ်ပြီး အခုအခါက စစ်အေးစစ်ပွဲပြီးလို့ နှစ်ပေါင်း နှစ်ဆယ်ကျော်လာတဲ့ အချိန် ဖြစ်ပါတယ်။ ဟိုတုန်းက ကမ္ဘာမှာ တရုတ်ပြည်ရဲ့ စီးပွားရေး၊ နိုင်ငံရေး အခန်းဟာ သိပ်အရေးမပါသေးပဲ အခုတော့ဗမာပြည်ရဲ့ နိုင်ငံရေးကို စဉ်းစားကြရင် တရုတ်ပြည်နဲ့ ဆက်စဉ်းစား၊ တရုတ်ပြည်အကြောင်း စဉ်းစားကြရင် မြန်မာပြည်ကို မျက်စိရောက်လာကြ၊ အခြေအနေ အသစ်ကို ရောက်လာခဲ့တယ် မဟုတ်ပါလား။

၁၉၉ဝ ရွေးကောက်ပွဲပြီးသွားတော့ ဗိုလ်ချုပ်နေဝင်းဟာ အာဏာကိုနောက်ကနေ ဆက်လက် ချုပ်ကိုင်နေခဲ့တယ် ဆိုတာကို ဘယ်သူမှ မငြင်းပါဘူး။ ဒါဖြင့် ဒီတခါရွေးကောက်ပွဲ ပြီးရင် ဗိုလ်ချုပ်သန်းရွှေက နောက်ကနေ ချုပ်ကိုင်တာ လုပ်မလား၊ ပြောင်ပဲ ရာထူးယူပြီး ချုပ်ကိုင်မလား ဆိုတာ စောင့်တော့ ကြည့်ရမှာပါ။ နောက်တက်တဲ့ အစိုးရကို စစ်အုပ်စုက တနည်းမဟုတ် တနည်းနဲ့ ချုပ်ကိုင် လိမ့်မယ်ဆိုတဲ့ အယူအဆကို ငြင်းပယ်တဲ့လူတော့ အင်မတန်မှ နည်းပါလိမ့်မယ်။ ဒီထဲမှာ တချို့ကတော့ စစ်အာဏာရှင်တွေဟာ တဖြည်းဖြည်းချင်း လက်ဆုပ် ဖြေသွားလိမ့်မယ်လို့ ပြောတာ ကြားရပါတယ်။ စစ်အာဏာရှင် ဆိုတာ အာဏာကို ဆုပ်ကိုင်တဲ့ လက်ကို ဘယ်တော့မှ သူ့အလိုလို ဖြေပေး မပေး ဆိုတာကို ငြင်းချင်သူ ရှိကောင်းရှိပေမယ့် ဗိုလ်ချုပ်နေဝင်း လက်ဆုပ် ဖြေလိုက်တော့ ဗိုလ်ချုပ်သန်းရွှေ အာဏာတက်လာပြီး တိုင်းပြည်ဟာ ပိုသာ ဆိုးလာတယ် ဆိုတာကိုတော့ ငြင်းမယ့်လူ မရှိဘူးထင်ပါတယ်။ မမေ့ကြဖို့ပါ။

၁၉၉ဝ ရွေးကောက်ပွဲပြီးတော့ နဝတ-နအဖ စစ်အုပ်စုဟာ ဖွဲ့စည်းပုံ အခြေခံဥပဒေ မရှိ၊ ဘာမရှိနဲ့ တိုင်းပြည်ကို အနှစ် ၂ဝ ကျော် အုပ်စိုး နေပါတယ်။ ဒီတခါ ရွေးကောက်ပွဲအပြီး အာဏာယူမယ့် မြွေရေလဲ စစ်အစိုးရဟာ ဖွဲ့စည်းပုံ အခြေခံ ဥပဒေ ရှိရှိနဲ့ ဘယ်လောက်ကြာကြာ အုပ်စိုးမှာလဲ စဉ်းစားကြည့်ပါ။ ၁၉၉ဝတုန်းက ဗိုလ်ချုပ်စောမောင်က ရွေးကောက်ပွဲပြီးရင် ကျုပ်တို့ဟာ စစ်တန်းလျားကို ပြန်သွားမှာလို့ ပြောခဲ့ပါတယ်။ ဒါပေမဲ့ ဒီတခါမှာတော့ စစ်တန်းလျားကို ပြန်မယ် မပြောတဲ့အပြင် အိမ်ဦးမှာ အရူးချေးပါတယ် ဆိုသလို လွှတ်တော်မှာ စစ်သားက ၂၅% တောင် တက်ယူ ထားပါတယ်။ နောက်ပြီး စစ်တပ်ရဲ့ ဦးဆောင်မှု အခန်းဆိုတာနဲ့ အချိန်မရွေး အာဏာ သိမ်းခွင့်ကိုလည်း ဖွဲ့စည်းပုံမှာ အတိအလင်း ဆိုထားပါတယ်။ ဒါကြောင့် နအဖကို ပြာပြာသလဲ ဖားရသူတွေတောင်မှ “စပေ့စ်”လေး နည်းနည်းရမယ်လို့ပဲ ပြောရဲပါတယ်။ ဘယ်သူမှ လှုပ်ရှားခွင့် များများစားစားရမယ်လို့ မရေး-မပြောကြပါဘူး။

၁၉၉ဝ ရွေးကောက်ပွဲ ကာလကို ပြန်ကြည့်လိုက်ရင် အဲဒီတုန်းက တစညက လွဲပြီး ကျန်တဲ့ ရွေးကောက်ပွဲ ဝင်သူတွေဟာ ရှစ်လေးလုံး အလံကို မားမားလွှင့်ပြီး ရွေးကောက်ပွဲ ဝင်ခဲ့ကြပါတယ်။ ဒါနဲ့ပြောင်းပြန် ဒီတခါ ရွေးကောက်ပွဲကို ဝင်တဲ့ လူတွေကတော့ ရှစ်လေးလုံး ကိစ္စကို လေသံမှ မဟကြပါဘူး။ မပြီးဆုံးသေးတဲ့ ရှစ်လေးလုံး အုံကြွမှုကြီးရဲ့ ဒီမိုကရေစီ အရေးတော် ဆိုတာမျိုးလည်း မပြောကြပါဘူး။ ကိုယ့်ကိုယ်ကို အသား ယူချင်တော့မှာသာ “ရှစ်လေးလုံးတုန်းက” ဆိုတာမျိုးပြောတာ တွေ့ရပါတယ်။ အထက်မှာ ပြောခဲ့သလို ဒီရှစ်လေးလုံး အရေးတော်ပုံကြီးရဲ့ အသီးအပွင့် ရွေးကောက်ပွဲမှာ ဝင်ပြိုင်ကြတယ် ဆိုတော့ အရေးတော်ပုံ တခုလုံးနဲ့ ဆိုင်တဲ့၊ သမိုင်းနဲ့ဆိုင်တဲ့ အရာတွေကို ကိုယ့်အကျိုးအတွက် ဆွဲသုံးတာတွေ မလုပ်ခဲ့ကြ ပါဘူး။ ဒါပေမဲ့ နအဖရဲ့၂ဝ၁ဝ ရွေးကောက်ပွဲ မှာတော့ သမိုင်းနဲ့ ဆိုင်တဲ့၊ ကျောင်းသားထု တရပ်လုံး ပိုင်ဆိုင်တဲ့ ခွပ်ဒေါင်းအလံကို ခိုးသုံးချင်တာ၊ အမျိုးသား ဒီမိုကရေစီ အဖွဲ့ချုပ်နဲ့ ခွဲမရတဲ့ ခမောက်တံဆိပ်ကို ခိုးယူတာတွေ တွေ့ရပါတယ်။

နောက်ပြောသင့်တဲ့ တချက်က ၁၉၉ဝ ရွေးကောက်ပွဲတုန်းက တစညပါတီနဲ့ ဒီနေ့ ကြံ့ဖွတ် မတူဘူး ဆိုတဲ့ အချက် ဖြစ်ပါတယ်။ ဟိုတုန်းက တစညဟာ ရွေးကောက်ပွဲမှာ သူတို့ မုချနိုင်မယ် တွက်ထားတာပါ။ ဒါကြောင့် ရွေးကောက်ပွဲမှာ ဟန်ကိုယ့်ဖို့ လုပ်နေခဲ့ပါတယ်။ ဒါဟာ ရှစ်လေးလုံး အရှိန်နဲ့ လူထုကြီးက စောင့်ကြည့်နေလို့ ထင်ရာ မစိုင်းဝံ့တာလဲ ဖြစ်ပါတယ်။ ဒါပေမဲ့ အခုကြံ့ဖွတ်ကတော့ တစညလို အဖြစ်မခံချင်လို့ အနိုင်ရဖို့အတွက် မဟားဒယားတွေ အကုန်လုပ်နေပါတယ်။ ၁၉၉ဝတုန်းက တစညပါတီထဲကို အာဏာလက်ရှိ ဗိုလ်ချုပ်တွေ ယူနီဖောင်းချွတ်ပြီး ဝင်တာ၊ အရွေးခံတာ မရှိပါဘူး။ အငြိမ်းစားဆိုတဲ့ လူတွေချည်းလို့ ဆိုနိုင်ပါတယ်။့ ဒီတခါကျတော့ ဗိုလ်ချုပ်သန်းရွှေတို့ တတွေ အစီအစဉ်တွေနဲ့ လုပ်နေတယ် ဆိုတာ ထင်ရှားစေတဲ့ အဝတ်အစား အပြောင်းအလဲတွေ မျက်စိ နောက်လောက်အောင် တွေ့နေရပါတယ်။

၁၉၉ဝ ရွေးကောက်ပွဲတုန်းက အမျိုးသား ဒီမိုကရေစီ အဖွဲ့ချုပ်နဲ့ တစညတို့ရဲ့ စီးချင်းထိုးပွဲ ဖြစ်ရေးကို ဦးတည်ပြီး တချို့ နိုင်ငံရေး အင်အားစုတွေက တချို့ မဲဆန္ဒနယ်တွေမှာ အရွေးမခံပဲ ရှောင်ပေးတာတွေ ရှိခဲ့ပါတယ်။ ဒီတခါမှာတော့ ဒါမျိုး မတွေ့ရပါဘူး။ ဒါ့အပြင် အတိုက်အခံ မဟာမိတ် ဆိုတာလေးတွေ ဖြုန်းကနဲဖွဲ့-ဖြုန်းကနဲ ကွဲတာတွေ တွေ့နေရပါတယ်။ အတိုက်အခံ ဆိုတာတွေ အချင်းချင်း အတိုက်အခံ ဖြစ်နေတာတွေလဲ တွေ့ရပါတယ်။

၁၉၉ဝ ရွေးကောက်ပွဲတုန်းက နိုင်ငံရေး အဖွဲ့အစည်းတွေထဲက ဘဏ္ဍာရေး အရှုပ်အရှင်းတွေ မကြားသလောက် ရှိခဲ့ပြီး ဒီတခါမှာတော့ တချို့ အဖွဲ့အစည်းတွေဟာ ဖွဲ့စည်းပြီးတာမှ လပိုင်းရှိသေးတယ်၊ ငွေကြေး ပြဿနာတွေ စီစီညံနေအောင် ကြားရပါတယ်။ နွားကွဲရင် ခွေးဆွဲတဲ့ သင်ခန်းစာကို မယူနိုင်ကြရင် ၁၉၉ဝ ရွေးကောက်ပွဲ လွန်တဲ့အခါမှာ စစ်တပ်က အဖမ်းအဆီးတွေ အကြီးအကျယ် လုပ်ခဲ့တယ်ဆိုတဲ့ အချက်ကိုပဲ ထောက်ပြလိုပါတယ်။

နောက်ဆုံး ပြောသင့်တာကတော့ ၁၉၉ဝ ရွေးကောက်ပွဲ ပြီးသွားတော့ ရွေးကောက်ပွဲ အနိုင်ရသူကို အာဏာ လွှဲမပေးတဲ့ အပြင် ဗမာပြည် နိုင်ငံရေးဟာ ပိုမှောင်မိုက် ခဲ့ပါတယ်။ ဒီတခါ ရွေးကောက်ပွဲ ပြီးရင် အလင်းရောင် ထွန်းပြောင်လာမယ်လို့ ဘယ်သူ ပြောနိုင်ပါသလဲ။ ဒါတောင် ဟိုတုန်းက ရွေးကောက်ပွဲ ဝင်သူတွေဟာ လူတိုင်း အောင်ဆုပန် ထီလက်မှတ် ကိုယ်စီနဲ့လို့ ပြောနိုင်တဲ့ အခြေအနေပါ။ ဒီတခါမှာတော့ ဟိုတုန်းက အမျိုးသား ဒီမိုကရေစီ အဖွဲ့ချုပ်လို အပြတ်အသတ်နိုင်ဖို့ ဆိုတာဟာ ကြံ့ဖွတ်က အစ ဘယ်သူမှ ဘိန်းပြောင်း အိပ်မက်တောင် မမက်နိုင်တဲ့ အခြေအနေ ဖြစ်ပါတယ်။ ဒီတခါ ရွေးကောက်ပွဲမှာ အပြတ်အသတ် အနိုင်ရမှာက ရွေးကောက်ပွဲ မဝင်ပဲ အမတ်နေရာ ရကြမယ့် တမတ်သား စစ်တပ် ကိုယ်စားလှယ်တွေနဲ့ သမ္မတ စသူတွေပဲ ဖြစ်ပါတယ်။

Ref: မဇ္ဈိမ

Read More...

Collapse...

နေ့စဉ်သတင်းများ ( ၁ - ၁၁ - ၂၀၁၀ )

■ ၂၀၁၀ ရွေးကောက်ပွဲအား ဆန့်ကျင်သည့် ဆန္ဒပြပွဲ နှစ်ရက်ဆက်တိုက် ဖြစ်ပွား သတင်း
■ မွန်ပြည်နယ် ရွေးကောက်ပွဲ ဆန္ဒပြမှု လူ (၅၀၀) ကျော်တက် သတင်း
■ NLD ရှမ်းပြည် စည်းရုံးရေးခရီးမှာ ဒုတိယပင်လုံညီလာခံ ခေါ်ရေး သဘောတူညီမှုရခဲ့ သတင်း
■ ဒုတိယပင်လုံညီလာခံ ကျင်းပရေး ရခိုင်ပြည်အမျိုးသားကောင်စီ ထောက်ခံ သတင်း
■ ရခိုင်အမျိုးသားကောင်စီက ကလေးမြို့ကြေညာစာတမ်းကို ထောက်ခံ သတင်း
■ နအဖတပ်စခန်းကို ဒုတိယအကြိမ် ကရင်နီတပ် ဝင်တိုက် သတင်း
■ ကယန်းပြည်သစ်၊ ကလလတ၊ ကရင်နီနှင့် စစ်တပ်တို့ အခွန် ၀ိုင်းကောက်၍ ပြည်သူများ မခံနိုင် သတင်း
■ ညမထွက်ရ မာရှယ်လောအမိန့် လွိုင်ကော်တွင် ချမှတ် သတင်း
■ စစ်တပ်မှ လမ်းသွား ရွာသူရွာသားများကို ခေါ်ယူခိုင်းစေ သတင်း
■ ဒုက္ခိတအဆောင်အတွက် ပြည်သူများ စစ်တပ်ထံ အချိန်မီ ငွေပို့ခဲ့ရ သတင်း
■ ဗြိတိန်ဝန်ကြီးချုပ်ထံ မြန်မာတိုင်းရင်းသား စာပို့ သတင်း
■ ရွေးကောက်ပွဲအတွက် လုံခြုံရေးပိုတင်းကျပ် သတင်း
■ ရွေးကောက်ပွဲ တရားမျှတမှုမရှိသည်မှာ ထင်ရှားကြောင်း နိုဘယ်ဆုရှင် ပြောကြား သတင်း
■ ပြည်တွင်း အ၀င်အထွက် ပိတ်ဖို့ နအဖ ကြိုးစားနေ သတင်း
■ ဓာတ်ပုံသတင်းထောက် (၂) ဦး ကြံ့ဖွံ့ပါတီဝင်တွေ ၀ိုင်းရန်ပြု သတင်း
■ ရွေးကောက်ပွဲကာလ အင်တာနက် ခက်ခဲ သတင်း
■ နိုင်ငံရေး လှုပ်ရှားမှုကြောင့် မဟာမိတ်အဖွဲ့မှ NGO တချို့ ထုတ်ပယ်ခံရ သတင်း
■ သေပြီးသူကို မဲပေးခိုင်းဦးမလား သတင်း
■ NDF မဲဆွယ်ပွဲမှာ ဒေါ်အောင်ဆန်းစုကြည်အမည်နှင့် NLD တံဆိပ်များ ဆက်လက်အသုံးပြုနေ သတင်း
■ ဖားကန့် မဲရုံစနစ် ကျားဖြူ ကန့်ကွက် သတင်း
■ ရှမ်းပြည်နယ်တွင် ကျားဖြူပါတီက ကိုယ်စားလှယ် (၁၁၄) ဦး ၀င်ပြိုင်မည် သတင်း
■ ပြည်နယ်မဲဆွယ်စည်းရေး နိုဝင်ဘာ (၃၀) ရက်အထိသာ ခွင့်ပြု သတင်း
■ ကြံ့ခိုင်ဖွံ့ဖြိုးရေးကို မဲပေးဖို့ ဝန်ထမ်းများ ဖိအားပေးခံနေရ သတင်း
■ ကြံ့ဖွံ့က ကြိုတင်မဲ ကောက်နေ သတင်း
■ ရွေးကောက်ပွဲပျက်ရင် စစ်အစိုးရ ဆက်အုပ်ချုပ်မယ် သတင်း
■ ဖာပွန်မြို့နယ်တွင် ကြံ့ဖွံ့နှင့် တစညပါတီနှစ်ခုသာ ဝင်ပြိုင်မည် သတင်း
■ တိုင်းရင်းဒေသနဲ့ ရွေးကောက်ပွဲဆိုင်ရာ သတင်းများ သတင်း
■ မွန်ပြည်နယ်တွင် မဲရုံနဲ့ မဲပေးသူအချိုးအစား မမျှတမှု ကြုံနေရ သတင်း
■ TG လေယာဉ်ကြီး ရန်ကုန်အဆင်းတွင် ပြေးလမ်းပေါ်မှ ခုန်ထွက် သတင်း
■ ရွှေတိဂုံ ပုံတူစေတီ အင်ဒိုနီးရှားမှာ ဖွင့်လှစ် သတင်း

Read More...

Collapse...