ရန်ပိုင်
February 9, 2012
မြန်မာနိုင်ငံ ဒီမိုကရက်တစ် တပ်ပေါင်းစု(FDB) အတွင်းရေးမှူးချုပ် ဒေါက်တာနိုင်အောင် မြန်မာနိုင်ငံ သို့ ပြန်လာ ကြောင်း ပြည်တွင်း သတင်း ဂျာနယ်တခုဖြစ်သည့် Envoy news ဂျာနယ်တွင် ဖော်ပြနေမှုမှာ မဟုတ်မှန်ကြောင်း ဒေါက်တာနိုင်အောင်က ငြင်းဆို လိုက် သည်။
ယနေ့ထုတ် အဆိုပါဂျာနယ်တွင် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး(ABSDF) ဥက္ကဋ္ဌဟောင်းလည်း ဖြစ် သည့် ဒေါက်တာနိုင်အောင်သည် ပြီးခဲ့သည့် ဇန်န၀ါရီလ ၄ရက်နေ့က ချင်းမိုင်မြို့မှ မြန်မာနိုင်ငံသို့ ခေတ္တ ပြန်လာကြောင်း၊ အစိုး ရ အဖွဲ့ဝင်များနှင့် တွေ့ဆုံကာ ညှိနှိုင်းဆွေးနွေးမှုများ ပြုလုပ်နိုင်ကြောင်း ဒေါက်တာ နိုင်အောင်နှင့် နီးစပ်သူ အသိုင်းအ၀န်းကို ကိုး ကား ရေးသားထားသည်။
ထိုသတင်းနှင့် ပတ်သက်၍ ဧရာဝတီက ဒေါက်တာနိုင်အောင်ကို ဆက်သွယ်မေးမြန်းရာ သတင်း မှားယွင်းနေကြောင်း၊ မိမိအနေဖြင့် ထိုင်းနိုင်ငံ မဲဆောက်မြို့တွင် ရှိနေကြောင်း ပြန်လည် ဖြေကြားသည်။
“အစိုးရနဲ့ အလွတ်သဘောတော့ တွေ့ပြီးပြီ၊ တတိယအဆင့် နိုင်ငံရေးဆွေးနွေးပွဲတွေ ဖြစ်လာရင်တော့ ပြည်တွင်းကို ၀င်လိုက်ထွက် လိုက် လုပ်ကောင်းလုပ်နိုင်ပါတယ်၊ အခုလောလောဆယ်တော့ မရှိသေးပါဘူး”ဟု ဒေါက်တာ နိုင်အောင် ကပြောသည်။
ပြီးခဲ့သည့် ရက်ပိုင်းက ထိုင်းနိုင်ငံ ချင်းမိုင်မြို့တွင် မီးရထားဝန်ကြီး ဦးအောင်မင်းခေါင်းဆောင်သည့် အစိုးရငြိမ်းချမ်းရေးကိုယ်စား လှယ်အဖွဲ့နှင့် FDBတို့ အလွတ်သဘော တွေ့ဆုံခဲ့သေးသည်။
ပြည်ပရောက်အတိုက်အခံများကို ပြန်လည်ခေါ်ယူရာတွင် ရှင်းလင်း၍ ထင်သာမြင်သာရှိသည့် တရားဝင်အစီအစဉ်များ လိုအပ် ကြောင်း၊ လုံခြုံမှု အာမခံချက်များလည်း ရရှိရန် လိုအပ်ကြောင်း ဒေါက်တာ နိုင်အောင်က ပြောဆိုခဲ့သည်ဟုလည်း ဆိုသည်။
ဦးအောင်မင်းကမူ မြန်မာနိုင်ငံသို့ ပြန်လိုသူများအနေဖြင့် တဦးချင်း သမ္မတထံ စာရေးသားတင်ပြရန်၊ အဖွဲ့အစည်းအလိုက် ကိစ္စရပ်များ ကိုမူ အစိုးရ အနေဖြင့် အချိန်ယူရမည်ဖြစ်ပြီး လတ်တလောလုပ်ဆောင်ရန် အစီအစဉ်မရှိသေးကြောင်း တုံ့ပြန် ပြောဆို သည်ဟု ဒေါက် တာနိုင်အောင် က ဆက်လက် ရှင်းပြသည်။
ထို့အပြင် တတိယအဆင့်ငြိမ်းချမ်းရေး ဆွေးနွေးပွဲများကို ရေရှည်ငြိမ်းချမ်းရေးအတွက် နိုင်ငံရေးအုတ်မြစ်ကောင်းများ တည် ဆောက် ရန်ရည်မှန်းချက်ဖြင့် အားလုံးပါဝင်စေရေးပြုလုပ်ပေးရန် ဦးအောင်မင်းအား တိုက်တွန်းခဲ့ကြောင်းလည်း ၎င်းကပြောသည်။
FDB အတွင်းရေးမှူးချုပ် ဒေါက်တာနိုင်အောင်နှင့် အစိုးရငြိမ်းချမ်းရေးကိုယ်စားလှယ် မီးရထားဝန်ကြီး ဦးအောင်မင်းသည် နှစ်ကြိမ် အလွတ်သဘော တွေ့ဆုံခဲ့ပြီးဖြစ်သည်။
FDB ကို ဒီမိုကရေစီနှင့် ဖွံဖြိုးတိုးတက်ရေးအဖွဲ့ (NDD)၊ လူ့ဘောင်သစ် ဒီမိုကရက်တစ် ပါတီ(DPNS)၊ ဗမာနိုင်ငံလုံးဆိုင်ရာကျောင်း သားများ သမဂ္ဂ(နိုင်ငံခြားရေးရာ ကော်မတီ) စသည့် ပြည်ပအခြေစိုက်အဖွဲ့ ၇ဖွဲ့ဖြင့် ဖွဲ့စည်းထားခြင်းဖြစ်သည်။
Envoy news ဂျာနယ် ထုတ်ဝေသူမှာ ရုပ်ရှင်ဒါရိုက်တာ စင်ရော်မောင်မောင် ဖြစ်သည်။
Ref: Irrawaddy
Read More...
Collapse...
မျိုးသန့်
ဖေဖေါ်ဝါရီလ ၀၉ ရက် ၂၀၁၂ ခုနှစ်
မကွေးတိုင်းအတွင်း စာပေဟောပြောပွဲများကို သက်ဆိုင်ရာ ဒေသအာဏာပိုင်များမှ ပိတ်ပင်တားဆီးနေကြောင်း ဟောပြောကြမည့် စာရေးဆရာများက မဇ္ဈိမကို ပြောသည်။
ဇန်နဝါရီလ ၉ ရက်နေ့မှ ဖေဖေါ်ဝါရီလ ၉ ရက်နေ့ အထိ တလအတွင်း မကွေးတိုင်းရှိ မြို့နယ် အသီးသီးတွင် ကျင်းပရန်ရှိသည့် စာပေ ဟောပြောပွဲ ၇ ပွဲလုံးကို ဒေသခံ မြို့နယ် အုပ်ချုပ်ရေးမှူးများမှ အထက်အမိန့် အကြောင်းပြချက်ဖြင့် ပြုလုပ်ခွင့် မပေးခြင်းဟုလည်း စာရေးဆရာများက ပြောသည်။
"ထင်ရတာတော့ တိုင်းဝန်ကြီးချုပ်လို ပုဂ္ဂိုလ်မျိုးက သူ့အာဏာ သက်ရောက်တဲ့ ဒေသအတွင်းမှာ ပြည်သူလူထုကို စည်းရုံးသလို၊ လှုံ့ဆော်သလို ဖြစ်မှာစိုးတယ်လို့ ကျနော်ထင်တာပဲ။ သူ အုပ်ချုပ်တဲ့ ဒေသအတွင်းမှာ ဒီပွဲမျိုးတွေ မဖြစ်စေချင်တဲ့ပုံပါ။ အဲဒီလို ခန့်မှန်းပါတယ်" ဟု စာရေးဆရာ မောင်သာချိုက မဇ္ဈိမကို ပြောသည်။
သို့သော် စာရေးဆရာများအနေဖြင့် နိုင်ငံပြန်လည် တည်ဆောက်ရေး၊ လူများ၏ ကိုယ်ကျင့်တရားနှင့် စိတ်ဓာတ်များ ပြုပြင် ရန်နှင့် သယံဇာတတွေများ မြတ်နိုးတန်ဖိုးထားရန် နိုင်ငံ၏ ကောင်းကျိုးအတွက် ကိုယ်ကျိုးမဖက်ဘဲ လုပ်ဆောင်ခဲ့သည့် ဗိုလ်ချုပ် အောင် ဆန်းကဲ့သို့သော ပုဂ္ဂိုလ်များ၏ အကြောင်းများသာ စာပေဟောပြောပွဲများအတွင်း ထည့်သွင်းဟောပြောခြင်းဖြစ်ပြီး ဆူပူအုံကြွရန် သွေးထိုးလှုံ့ဆော်ခြင်းမဟုတ်ဟု မဇ္ဈိမကို ပြောကြသည်။
ဇန်နဝါရီလနှင့် ဖေဖေါ်ဝါရီ လများအတွင်း မကွေးတိုင်းအတွင်းရှိ အောင်လံမြို့နှင့် မြစ်ခြေမြို့များသို့ စာပေဟောပြောပွဲ ပြုလုပ်ရန် သွားရောက်ခဲ့သော်လည်း ဟောပြောခွင့် မရခဲ့ဟုလည်း စာရေးဆရာ မောင်သာချိုက ပြောသည်။
"လူထုဆိုလည်း ငိုကြ ယိုကြ ဖြစ်တယ်ဗျာ။ ကျနော်တို့ သွားတဲ့အချိန်မှာ ပွဲကို ဦးဆောင်လုပ်တဲ့လူတွေက စင်တွေ ထိုးထားပြီးသား။ ကုလားဖျင်းတွေ ချထားပြီးသား။ အဲဒီဟာကို အနားကပ်တဲ့အခါကျမှ။ သူတို့တွေ မျက်ရည်ကျကြရတယ်။ အဲဒီအခါကျတော့ ကျနော် တို့လည်း စိတ်မကောင်း ဖြစ်ရတာပေါ့ဗျာ" ဟု ဆရာမောင်သာချို က မဇ္ဈိမကိုပြောသည်။
သရက်မြို့တွင် ဇန်နဝါရီလ ၉ ရက်နေ့က ကျင်းပရန် စီစဉ်ထားသည့် စာပေဟောပြောပွဲကိုလည်း ဒေသခံ အာဏာပိုင်များမှ ပွဲမိန့်မပေးခြင်းကြောင့် ဟောပြောခွင့် မရခဲ့ဟု မိုးလေဝသ ပညာရှင် ဦးထွန်းလွင်က မဇ္ဈိမကို ပြောသည်။
ဆရာ ဦးထွန်းလွင်က မြန်မာတနိုင်ငံလုံး မိမိ လိုက်လံဟောပြောနေသည်မှာ မိုးလေဝသနှင့် ပတ်သက်သည့် ပညာပေး ဟောပြော ချက်များ၊ ရာသီဥတု ပြောင်းလဲမှုအခြေအနေ၊ သဘာဝ ပတ်ဝန်းကျင် ထိန်းသိမ်းရေး ကိစ္စရပ်များသာ ဟောပြော ခြင်း ဖြစ်သည်ဟု ဆိုသည်။
ဟောပြောရန် ခွင့်ပြုချက်မရခြင်းကြောင့် လူထုအတွက် အသိပညာရရှိမှု နှောင့်နှေးစေပြီး အကျိုးယုတ်သည်ဟုလည်း မဇ္ဈိမကို ပြောသည်။
"ကျနော်တော့ တော်တော်ကြီးကို မကျေနပ်တာဗျ။ ဒီကိစ္စကိုတော့။ အမှန်ပါဗျာ ကျနော့်အမြင် ပြောရရင်တော့ ဘယ်လိုမှ အကျိုးမရှိတဲ့ ကိစ္စပါ။ တခုခုတော့ မှားနေပြီ ထင်တယ်ဗျာ။ သေချာတာကတော့ မဖြစ်သင့်တဲ့ ကိစ္စပဲဗျ၊ ရွာသူရွာသားတွေ သိပ်သနားဖို့ ကောင်းပါ တယ်။ ကျနော် စိတ်ကို မကောင်းဘူး" ဟု ဦးထွန်းလွင် က ပြောသည်။
မကွေးတိုင်းအတွင်း စာပေဟောပြောခွင့် အများဆုံး အပိတ်ခံရသူမှာ ကာတွန်းဆရာ အော်ပီကျယ်ဖြစ်ပြီး သရက်၊ ချောက်၊ ဆိပ်ဖြူ၊ ပခုက္ကူ၊ ရေစကြို၊ မြစ်ခြေ မြို့များတွင် ဇန်နဝါရီလ ၉ ရက်နေ့မှ ယခုလ ၈ ရက်နေ့အထိ ကျင်းပရန် ရှိသည့် စာပေဟောပြောပွဲ ၆ ပွဲလုံး ဟောပြောခွင့် မရသူလည်း ဖြစ်သည်။
ဆရာအော်ပီကျယ်က ပြည်သူ့လွှတ်တော် ဥက္ကဋ္ဌ သူရဦးရွှေမန်း ပြည်ထောင်စုလွှတ်တော်အတွင်း အင်္ဂါနေ့တွင် ပြောကြားခဲ့သည့် ‘စစ်မှန်သည့် ပြုပြင်ပြောင်းလဲရေး လုပ်ဆောင်ကြရန်’ ပြောကြားသွားသည်ကို ရည်ညွှန်းကာ "ရှေ့ဆက်သွားရင်တော့ ကျနော်တို့ လက်ခံမယ်။ ရှေ့ဆက်မသွားဘူး ဆိုရင်တော့ ကျနော်တို့ လက်မခံနိုင်ဘူး" ဟု မဇ္ဈိမကို ပြောသည်။
စာရေးဆရာများ၏ အဆိုအရ မြန်မာတနိုင်ငံလုံး ဟောပြောခွင့်များ လွတ်လွတ်လပ်လပ်ရရှိကြသည်ဟု ဆိုကြပြီး မကွေးတိုင်း တခု တည်းသာ ခွင့်ပြုမိန့် မရခြင်းကို "တခြား ဘယ်နေရာမှ မဖြစ်ဘူး၊ အဲဒီတိုင်း တခုပဲ ဖြစ်နေတာ။ အဲဒီ တိုင်းတခုမှာ လုပ်လိုက်ရင် ပွဲက ပျက်တာချည်းပဲ။ တခြားဆရာတွေလုပ်ရင်လည်း ပျက်တာပဲဗျ။ တော်တော်တော့ စိတ်ညစ်စရာကောင်းတဲ့ ကိစ္စပဲ" ဟု ဆရာဦးထွန်းလွင် က မဇ္ဈိမကို ပြောသည်။
သူရဦးရွှေမန်း၏ အင်္ဂါနေ့ ပြည်ထောင်စုလွှတ်တော်တွင် "အတိတ်အပေါ် သင်ခန်းစာများယူပြီး ရဲဝံ့စွာ ပြုပြင်ဆောင်ရွက်သွား ဖို့ပဲ လိုပါတယ်။ အမှန်တကယ် ပြုပြင်ပြောင်းလဲရေး လုပ်ကြရပါမယ်" ဟု ထည့်သွင်း ပြောကြား သွားသေးသည်။
ဦးရွှေမန်း၏ အဆိုပါ ပြောကြားချက်ကို ကိုးကား၍ စာရေးဆရာမ သန်းမြင့်အောင်က "သမ္မတတွေ၊ အစိုးရအဖွဲ့တွေက ကောင်း ကောင်းမွန်မွန် ပြောနေတာ၊ အဲဒါတွေကို အောက်က လုပ်နေတာကတော့ အပေါ်က လူကြီးတွေ လက်နဲ့ရေး တာကို ခြေနဲ့ဖျက်တဲ့ ပုံသဏ္ဍာန်မျိုး ဖြစ်နေတာပေါ့။" ဟု အောက်ခြေအဆင့် အစိုးရဖွဲ့စည်းမှုအပေါ် ဝေဖန် ထောက်ပြသည်။
ဆရာမ သန်းမြင့်အောင်သည် မကွေးမြို့တွင် ၂ဝ၁၁ ဒီဇင်ဘာလအတွင်း ကျင်းပရန်ရှိခဲ့သည့် စာပေဟောပြောပွဲကိုလည်း ဟောပြောခွင့် မရခဲ့သူ ဖြစ်ပြီး ရန်ကုန်တိုင်း ကွမ်းခြံကုန်းမြို့နယ် မန်းကလိပ်ရွာတွင် သောကြာနေ့၌ ဟောပြောရန် စီစဉ်ထားသော်လည်း ပွဲမိန့်မရဟု စာပေဟောပြောပွဲ စီစဉ်ထားသူများမှ ကြာသာပတေးနေ့တွင် အကြောင်းကြားလာကြောင်း ဆရာမ သန်းမြင့်အောင်က မဇ္ဈိမကို ပြော သည်။
မကွေးတိုင်း၏ ဝန်ကြီးချုပ်မှာ ဦးဘုန်းမော်ရွှေဖြစ်ပြီး ၂၀၁၀ ရွေးကောက်ပွဲကာလတွင် မကွေးတိုင်းဒေသကြီး မင်းဘူး မဲဆန္ဒနယ် အမှတ် ၁ မှ အနိုင်ရ အမတ်တဦးဖြစ်သည်။ ဗိုလ်ချုပ်ကြီးဟောင်းလည်းဖြစ်သည့် ဦးဘုန်းမော်ရွှေသည် စစ်အစိုးရလက်ထက်တွင် မကွေးတိုင်း ဒေသကြီး အေးချမ်းသာယာရေးနှင့် ဖွံ့ဖြိုးရေးကောင်စီဥက္ကဋ္ဌ အဖြစ်လည်း တာဝန်ယူခဲ့သူဖြစ်သည်။
Ref: Mizzima
Read More...
Collapse...
မင်းသက်
ဖေဖေါ်ဝါရီလ ၀၉ ရက် ၂၀၁၂ ခုနှစ်
ရန်ကုန်မြို့တော် စည်ပင်သာယာရေး ကော်မတီက ရေဖိုး ရေခ ဈေးနှုန်းများ တိုးမြှင့် ကောက်ခံတော့မည် ဖြစ်ကြောင်း ကြာသပတေး နေ့က တရားဝင် သတင်းထုတ်ပြန်လိုက်သည်။
၂ဝ၁၂-၂ဝ၁၃ ဘဏ္ဍာရေးနှစ် စတင်မည့် ဧပြီလ ၁ ရက်နေ့မှ စတင် ကောက်ခံမည် ဖြစ်ကြောင်း ရန်ကုန်စည်ပင် အင်ဂျင်နီယာဌာန (ရေနဲ့သန့်ရှင်းမှု) ဌာနမှူး ဦးစိုးမြိုင်က ပြည်တွင်း သတင်းမီဒီယာများကို ညနေ ၃နာ၇ီခွဲတွင် ရုံးခန်းသို့ ဖိတ်ကြားကာ ပြောကြားလိုက် ခြင်းဖြစ်သည်။
“အခု ရေပေးဝေမှုအတွက် ကုန်ကျစရိတ်က တဂါလံကို အရင်းတင်ပဲ ၄၇ ပြား ကျတယ်။ ကောက်နေတာက အိမ်သုံးကို ၂၅ ကျပ်၊ လုပ်ငန်းသုံးဆိုရင် ၃၅ ကျပ် ဆိုတော့ အရှုံးပေါ်နေတယ်”ဟု ရှင်းပြသည်။
၂ဝဝ၅ ခုနှစ် ဇူလိုင်လထိ ရေတဂါလံလျှင် ၃ ပြားနှုန်း ကောက်ခံခဲ့သော်လည်း ထိုနှစ် သြဂုတ်လက စတင်ကာ တဂါလံလျှင် အိမ်သုံး ၂၅ ပြား။ စီးပွါးရေး လုပ်ငန်းသုံး ၃၅ ပြားနှုန်း၊ ဌာနဆိုင်ရာကို ၂၅ ပြားနှုန်း ကောက်ခံခဲ့သည်။ ယခု ဧပြီ ၁ ရက်နေ့မှ စတင်ကာ အိမ်သုံး တဂါလံလျှင် ပြား ၄၀၊ စီးပွါးရေး လုပ်ငန်းသုံး တဂါလံလျှင် ပြား ၅၀ ဖြစ်ကာ ဌာနဆိုင်ရာများကိုမူ ယခင်ဈေးအတိုင်း တဂါလံလျှင်၂၅ ပြားနှုန်း ကောက်ခံသွားမည် ဖြစ်ကြောင်း ဌါနမှူးက ပြောသည်။
“ရန်ကုန် ရေဖိုးရေခ ကောက်ခံမှုကို ယူနစ်နဲ့တွက်ရင် တယူနစ်မှာ အိမ်သုံး ၅၅ ကျပ်။ စီးပွါးရေးသုံး ဆိုရင် ၇၇ ကျပ်နှုန်း ဖြစ်တယ်။ အမေရိကန်ဒေါ်လာ ကျပ် ၈၀၀ ဈေးနဲ့ တွက်ထားတာ ဖြစ်တယ်”ဟု ဦးစိုးမြိုင် က ရှင်းပြသည်။ (တယူနစ်လျှင် ဂါလံ ၂၂၀ ရှိသည်။)
အိမ်နီးချင်းနိုင်ငံများတွင် ကောက်ခံနေသော ရေဖိုးရေခ နှုန်းထားများမှာ တယူနစ်လျှင် ကျသင့်သည့် ရေဖိုးရေခများမှာ ထိုင်း ၀.၂၆ ဒေါ်လာ(၂၀၈ ကျပ်)၊ စင်္ကာပူ ၀.၉၆ ဒေါ်လာ (၇၆၈ ကျပ်)၊ ဖိလစ်ပိုင် ၀.၃၆ ဒေါ်လာ (၂၈၈ ကျပ်)၊ မလေးရှား ၀.၄၅ ဒေါ်လာ(၃၆ဝ ကျပ်)၊ ကမ္ဘောဒီးယား ၀.၁၄ ဒေါ်လာ(၁၁၂ ကျပ်)၊ လာအို ၀.၀၉ ဒေါ်လာ(၇၂ကျပ်)၊ အင်ဒိုနီးရှား ၀.၇ ဒေါ်လာ(၅၆၀ ကျပ်)၊ တရုတ် ၀.၁ ဒေါ်လာ(၈၀ ကျပ်)၊ အိန္ဒိယ ၀.၁ ဒေါ်လာ (၈၀ ကျပ်)၊ ဘင်္ဂလားဒေ့ခ်ျ ၀.၈ ဒေါ်လာ (၆၄၀ ကျပ်)နှင့် မြန်မာ ၀.၀၆၉ ဒေါ်လာ(၅၅ ကျပ်) ဖြစ်ကြောင်း စည်ပင်သာယာက
နှိုင်းယှဉ်ဖော်ပြ ထုတ်ပြန်ထားသည်။
ထို့ပြင် ရန်ကုန်စည်ပင်ရေ ယူသူများအားလုံး မီတာ တပ်ဆင်ရတော့မည် ဖြစ်ကြောင်းလည်း ဌာနမှူးက ပြောသည်။
“အခု ရန်ကုန်မှာ ရေမီတာသုံးသူတွေ ရှိသလို ပုံသေ ကောက်ခံရတဲ့သူတွေလည်း ရှိတယ်။ ပုံသေ ကောက်ခံရတဲ့ သူတွေကိုတော့ လူ တဦးကို တနေ့မှာ ရေဂါလံ ၃၀ နှုန်းနဲ့ တွက်ပြီးတော့ အိမ်ထောင်စု တစုကို ၅ ဦးနှုန်းနဲ့ ကောက်တာပေါ့။ အဲဒီအခါ ရေအလေအလွင့် ရှိတယ်။ ရေသုံးသလောက် ပိုက်ဆံမရဘူး ဖြစ်နေတယ်”ဟု ပြောသည်။
လက်ရှိတွင် စည်ပင်နယ်နိမိတ်အတွင်း ရေဆက်သွယ် ယူထားသည့် အရေအတွက် ၂ သိန်း ၃ သောင်းခန့် ရှိသည့်အနက် မီတာ မတပ်ဆင်သော အရေအတွက်မှာ ၇ သောင်းကျော် ရှိကြောင်း စည်ပင်စာရင်းများအရ သိရသည်။
ရန်ကုန်တွင် လက်ရှိရေပေးဝေနေသော စနစ်မှာ ဂျိုးဖြူ၊ ဖူးကြီး၊ လှော်ကား၊ ငမိုးရိပ်နှင့် အဝီစိတွင်းတို့မှဖြစ်ပြီး တနေ့လျှင် စုစုပေါင်း ရေဂါလံ ၁၆၀ သန်း ခန့် ဖြန့်ဝေပေးနေကြောင်း စည်ပင်စာရင်းများအရ သိရသည်။
၂ဝ၁၁ ခုနှစ် နိုဝင်္ဘာ ၂ ရက်နေ့က ကျင်းပသော ရန်ကုန်တိုင်းဒေသကြီး လွှတ်တော် အစည်းအဝေးများတွင် သင်္ဃန်းကျွန်းမြို့နယ်မှ လွှတ်တော်ကိုယ်စားလှယ် ဦးကျော်က တင်သွင်းသည့် မြို့တော်အတွင်း သောက်သုံးရေ ဖူလုံအောင် ဖြန့်ဖြူးပေးရေး အဆိုကို တက်ရောက်သူ အမတ် ၁၂၂ ဦးအနက် ၉၈ ဦးက ကန့်ကွက်၍ ပျက်ပြား သွားသည်။
ဦးကျော်က ဆွေးနွေးပြောဆိုခဲ့ရာတွင် သင်္ဃန်းကျွန်းမြို့နယ် အပါအဝင် ရန်ကုန်မြို့ရှိ ဆင်ခြေဖုံးမြို့နယ်များတွင် စည်ပင်သာယာရေး ကော်မတီမှ ပေးဝေသော သောက်သုံးရေ မလုံလောက်မှုများ ရှိနေသောကြောင့် သောက်သုံးရေ ဖူလုံအောင် ဖြန့်ဖြူးပေးပါရန် ပြောဆိုခဲ့ခြင်း ဖြစ်သည်။
“ကျနော်တို့ မြို့နယ်ဆိုတာက ဆင်းရဲသား အများစုနေကြတာပါ။ အခုဆို ရေရဖို့အတွက် ညမအိပ်ပဲလည်း စောင့်ပြီး ရေယူရ တယ်။ မဗေဒါ ရေခပ်ဆင်းသလိုပဲ။ အခုဆိုဒီလို ရေလုံလုံလောက်လောက်မရလို့ ကျန်းမာရေး အတွက်လည်း ထိခိုက်ရပါတယ်” ဟုလည်း ဦးကျော်က သူ့အဆိုနှင့် ပတ်သက်ပြီး လွှတ်တော်တွင်ပြောကြားခဲ့သည်။
ယင်းတင်သွင်းခဲ့သည့် အဆိုကို ရန်ကုန်မြို့တော်ဝန်က ရန်ကုန်တွင် လက်ရှိ ဖြန့်ဖြူးပေးနေသော ရေပမာဏသည် နေ့စဉ် ဂါလံ သန်း ၁၆၀ ခန့်ရှိကြောင်း၊ ဆက်လက်ပြီး ရေပေးဝေနိုင်ရန် စီမံကိန်းများ ဆောင်ရွက်နေကြောင်း၊ စည်ပင်က လက်ရှိဆောင်ရွက်နေသည့် ရေပေးဝေနေမှုများ အကြောင်းကို ရှင်းလင်းပြောကြားခဲ့သည်။
“ရေကိစ္စဆိုတော့ အားလုံးက စိတ်ဝင်တစား နားထောင်ကြတာပေါ့။ ဒီအဆိုကို ဆောင်ရွက်ဖို့ မဲလည်းခွဲဆုံးဖြတ်ရော ထောက်ခံသူက ၂၄ဦးပဲ ရှိတယ်။ ကန့်ကွက်သူက ၉၈ဦး၊ တပ်မတော်သားတွေနဲ့ ပြည်ခိုင်ဖြိုးကိုယ်စားလှယ်တွေ အကုန်ထတာပဲ။ ” ဟု လွှတ်တော် သတင်း ရယူခဲ့သည့် သတင်းသမားတဦးက ပြောသည်။
Ref: Mizzima
Read More...
Collapse...
ကျော်ခ
ကြာသပတေးနေ့၊ ဖေဖေါ်ဝါရီလ ၀၉ ရက် ၂၀၁၂
ချင်းမိုင် (မဇ္ဈိမ) ။ ။ ရန်ကုန်တိုင်း၊ လှိုင်သာယာ စက်မှုဇုန်ရှိ တိုင်ရီ ဖိနပ်စက်ရုံတွင် လေးရက်ဆက်တိုက် ဆန္ဒပြမှု ဖြစ်ပွားနေစဉ် ယင်းစက်ရုံ အနီးရှိ New Way ဖိနပ်စက်ရုံတွင်လည်း အလုပ်သမား တထောင်ကျော်က လုပ်အားခ တိုးမြှင့်ပေးရေး အတွက် ကြာသာပတေး နေ့က ထိုင်သပိတ် ဆန္ဒပြ တောင်းဆိုလျက် ရှိသည်။
လုပ်ခလစာ တိုးမြှင့်ရန်နှင့် တင်းကြပ်ထားသည့် စည်းကမ်းချက်တချို့ ပြုပြင်ပေးရန်အတွက် တိုင်ရီစက်ရုံမှ အလုပ်သမား ၁,၈ဝဝ ကျော်က တနင်္လာနေ့ကစပြီး ဆန္ဒထုတ်ဖေါ်နေမှု လေးရက်မြောက် နေ့တွင် ယင်းစက်ရုံနှင့် မီတာ ၅ဝဝ ခန့်အကွာတွင် ရှိသော New Way ဖိနပ်ချုပ်စက်ရုံမှ အလုပ်သမား ၁,၆ဝဝ ကျော်က တိုင်ရီ အလုပ်သမားများ တောင်းဆိုသည့် အချက်များ နည်းတူ တောင်းဆိုကာ ထိုင်သပိတ် ဆန္ဒထုတ်ဖေါ် တောင်းဆိုကြသည်။
“New Way က ဒီမနက်မှ ပြကြတာ။ တာဝန်ရှိတဲ့လူတွေ လာညှိတာ ဘာမှ ထူးခြားမှု မရှိသေးဘူး။ မနက်ဖြန် သူတို့ ဆက်ပြီး တောင်းဆိုကြဦးမယ် ပြောတယ်။ တိုင်ရီကလည်း မပြီးသေးဘူး။ မနက်ဖြန် ဆက်လုပ်ကြဦးမယ်တဲ့။ လူတွေကတော့ တော်တော် များတယ်” ဟု အလုပ်သမားများအရေး ကူညီဆောင်ရွက်ပေးနေသူ ရှေ့နေ ကိုဖိုးဖြူ က မဇ္ဈိမကို ပြောသည်။
New Way စက်ရုံအလုပ်သမားများက အခြေခံလစာ နှင့် အချိန်ပိုကြေး၊ ရက်မှန်ကြေးများ တိုးမြှင့်ပေးရန်၊ အလုပ်ပျက် ရက် တရက်ကို ၄,ဝဝဝ ကျပ် ဖြတ်တောက်ခြင်းအား ရုပ်သိမ်းပေးရန်နှင့် ကျန်းမာရေးအရ ရှောင်တခင် ဆေးခွင့်ပေးဖို့ အပါအဝင် စုစုပေါင်း အချက် ၁ဝ ချက် တင်ပြတောင်းဆိုခဲ့ကြသည်။
မနက် ၇ နာရီမှ မွန်းလွဲပိုင်း ၂ နာရီခွဲထိ ဆန္ဒထုတ်ဖေါ်နေကြသည့် စက်ရုံအလုပ်သမားများကို စက်ရုံ တာဝန် ရှိသူများနှင့် ရန်ကုန်တိုင်းနှင့် လှိုင်သာယာမြို့နယ် အလုပ်သမား ညွှန်ကြားရေးမှူး ဦးစီးဌာန တာဝန်ရှိသူများ လာရောက် ဖြေရှင်း ပေးသော်လည်း ကြေလည်မှု မရရှိသေးဘဲ ဆန္ဒပြပွဲ ရက်ဆက်ဦးမည့် အနေအထားသို့ ရောက်ရှိ သွားသည်။
တနင်္လာနေ့က စတင်ဆန္ဒပြခဲ့သည့် တိုင်ရီစက်ရုံအလုပ်သမားများကို စက်ရုံတာဝန်ရှိသူများက တနာရီကို ကျပ်တဆယ် တိုးမြှင့် ပေးထားသလို အချိန်ပိုကြေးကိုလည်း ၂၁ ကျပ် တိုးမြှင့် ပေးကြောင်း၊ ထိုနှုန်းဖြင့် လုပ်ကိုင် နိုင်သူများ ၁၁၊ ၂၊ ၂ဝ၁၂ ရက်နေ့တွင် အလုပ် ပြန်ဆင်းနိုင်ပြီး မလုပ်နိုင်သူများကို ယင်းနေ့မှစ၍ မိမိသဘောဖြင့် အလုပ် ထွက်သည်ဟု စက်ရုံက သတ်မှတ်သွားမည် ဖြစ်ကြောင်း စာထုတ်ပြန်ခဲ့သည်။
တိုင်ရီစက်ရုံ အလုပ်သမားများကို မူလက ၁ နာရီလျင် ၇၅ ကျပ်၊ အချိန်ပိုကြေးကို တနာရီလျင် ၁၆၂ ကျပ်နှုန်းဖြင့် ပေးချေပြီး အလုပ် တရက်ပျက်လျှင် ကျပ် ၄,ဝဝဝ နှုန်း ဖြတ်ကြောင်း သိရသည်။
တိုင်ရီစက်ရုံ တာဝန်ရှိသူ တဦးက “ဒီဘက်က တိုးပေးနိုင်သလောက်ထိ လုပ်ပေးပြီးပါပြီ။ မလုပ်နိုင်တဲ့ လူတွေ အတွက်တော့ သူတို့လစာ လာထုတ် သွားရုံပဲ ရှိတော့တယ်။ သူတို့ တောင်းဆိုပုံ အတိုင်းဆို ကျနော်တို့က တယောက် ကို အသားတင် ၄ သောင်းလောက်ထိ တိုးပေးရမှာ။ လူက နှစ်ထောင်ကျော်တောင်။ မတက်နိုင်ဘူး” ဟု သူက မဇ္ဈိမကို ပြောသည်။
စက်ရုံအလုပ်သမားများက အခြေခံ လစာ ၅ သောင်းမှ စပေးရန်၊ ရက်ပျက်ကြေး မဖြတ်တောက်ရန်၊ လုပ်ငန်းခွင် အတွင်း ဖိနပ်များ မတော်တဆ ပျက်စီးပါက လစာငွေ ဖြတ်တောက်ခြင်း မပြုရန်၊ သောက်ရေ လုံလောက်စွာ ပေးရန်၊ အိမ်သာ လွတ်လပ်စွာ တက်ခွင့်ရရန်၊ အလုပ်သမား အယောက် ၅ဝ ကို အိမ်သာတလုံး ထားပေးရန်၊ သဘာဝ ဘေးအန္တရာယ် ကျရောက်ခြင်းနှင့် မိသားစု အရေး ကိစ္စများတွင် ခွင့်ပေးရန်များကို တောင်းဆို ထားကြသည်။
တိုင်ရီစက်ရုံမှ အလုပ်သမတဦးဖြစ်သူ မဝင်းမာ က “ကျမတို့ ရတဲ့ လစာနဲ့က ကျမတို့က ဒီမှာ အဒေါ်အိမ်မှာ အလကား ကပ်နေ တာတောင် မလောက်ဘူး။ ခရီးစရိတ်လည်း ရှိသေးတယ်။ တချို့ဆိုရင် နယ်က တက်လာပြီး အိမ်ငှားနေတဲ့ လူတွေက များတယ်။ သူတို့ဆို ဘာမှမကျန်ဘူး အကြွေးတောင် တင်သေးတယ်” ဟု သူက မဇ္ဈိမကို ပြောသည်။
တိုင်ရီစက်ရုံသည် တရုတ်နိုင်ငံသားပိုင် စက်ရုံဖြစ်ပြီး အခြေခံလစာနှင့် အချိန်ပိုကြေးများနှင့် အခြား တင်ကြပ်သည့် စည်းမျဉ်း များကြောင့် ၂ဝ၁ဝ ခုနှစ်မှ စတင်ကာ ၃ နှစ်ဆက်တိုက် အလုပ်သမားများ၏ ဆန္ဒပြ တောင်းဆိုမှုများဖြင့် ကြုံတွေ့ခဲ့ရကြောင်း လှိုင်သာယာ စက်မှုဇုန် ဥက္ကဋ္ဌ ဦးမြတ်သင်းအောင်က မဇ္ဈိမကို ပြောသည်။
ဆန္ဒပြအလုပ်သမားများအပေါ် တင်းကြပ်ထားသည့် မလိုအပ်သည့် စည်းကမ်းများ၊ အလုပ်သမားများ၏ ထိုက်တန် သည့် ရပိုင်ခွင့်များကို ရရှိစေရန် အတွက် အမျိုးသား ဒီမိုကရေစီ အဖွဲ့ချုပ် NLD မှ တောင်သူလယ်သမားအရေး၊ အလုပ်သမား အရေးနှင့် ကလေး အခွင့်အရေး ဆောင်ရွက်နေသူ မစုစုနွေးနှင့် ဥပဒေရေးရာ ရှေ့နေ ကိုဖိုးဖြူတို့က သောကြာနေ့တွင် အလုပ်သမား ရေးရာဌာန၊ စက်ရုံ တာဝန်ရှိသူများနှင့် ဆွေးနွေး သွားမည်ဖြစ်သည်။
ပြေလည်မှု မရရှိပါက ဥပဒေလမ်းကြောင်း အတိုင်း ဖြေရှင်း ဆောင်ရွက်သွားမည် ဖြစ်ကြောင်း ကာယကံရှင် များက ပြောသည်။ တရားဥပဒေ အရ ရှေ့နေများနှင့်လည်း စီစဉ်ထားပြီး ဖြစ်ကြောင်း သိရသည်။
Ref: မဇ္ဈိမ
Read More...
Collapse...
ကိုအောင်လွင်ဦး
ကြာသပတေး, 09 ဖေဖော်ဝါရီ 2012
မြန်မာအစိုးရက မကြာသေးခင်ကစလို့ တိုင်းရင်းသား လက်နက်ကိုင် အဖွဲ့တွေနဲ့ အပစ်အခတ် ရပ်စဲရေး သဘော တူညီချက်တွေ ဆက်တိုက် ဆိုသလို လက်မှတ် ရေးထိုးနေပေမဲ့ အဓိက အဖွဲ့တခုဖြစ်တဲ့ ကချင် လွတ်မြောက်ရေး အဖွဲ့ (KIO) နဲ့ ပြေလည်မှု မရနိုင်သေးဘဲ ဖြစ်နေရတဲ့ အတွက် အိမ်နီးချင်း တရုတ်နိုင်ငံ၊ နယ်စပ်ဒေသ ငြိမ်းချမ်းရေးအပေါ် ခြိမ်းခြောက်မှုတရပ် ဖြစ်နေရပါတယ်။ တရုတ် နိုင်ငံကတော့ သူ့ရဲ့နယ်စပ်ဒေသ တည်ငြိမ်မှုရစေရေး မြန်မာ အာဏာပိုင်တွေနဲ့ လက်နက်ကိုင် အဖွဲ့တွေကြား တိုးတိုး တိတ်တိတ် ငြိမ်းချမ်းရေး ဆွေးနွေးပွဲတွေ ဖြစ်စေဖို့ ကြားဝင် စေ့စပ် ပေးနေတာပါ။ ဒီအကြောင်း ဗွီအိုအေ သတင်းထောက် Daniel Schearf သတင်းပေးပို့ ထားတာကိုတော့ ကိုအောင်လွင်ဦး က ပြောပြပေးမှာ ဖြစ်ပါတယ်။
အရင်းအမြစ် ပေါကြွယ်ဝတဲ့ မြန်မာနိုင်ငံမြောက်ပိုင်း ကချင်ပြည်နယ်ထဲမှာ ကချင်လွတ်မြောက်ရေးအဖွဲ့ (KIO) နဲ့ ၁၇ နှစ်ကြာ အပစ်အခတ် ရပ်စဲရေး သဘောတူညီချက် ပျက်ပြားခဲ့တဲ့ ပြီးခဲ့တဲ့နှစ် ဇွန်လကစလို့ ပဋိပက္ခတွေ ပေါ်ပေါက်နေတာ ဖြစ်ပါတယ်။ တိုက်ပွဲတွေကြောင့် အိုးပစ် အိမ်ပစ် စွန့်ခွာထွက်ပြေးကြရတဲ့ ဒေသခံပေါင်း ၆၀,၀၀၀ ကျော်လောက်အထိ ရှိမယ်လို့လည်း အကူအညီ ပေးရေး အဖွဲ့အစည်းတွေက ခန့်မှန်း ထားကြတာပါ။
ဒါပေမဲ့လည်း မြန်မာနဲ့ တရုတ် အာဏာပိုင်တွေဘက်က ဒုက္ခသည် ပြဿနာနဲ့ ပတ်သက်လို့ ပွင့်ပွင့်လင်းလင်း ပြောဆိုတာမျိုး မရှိသလို နိုင်ငံတကာ အဖွဲ့အစည်းတွေနဲ့ သတင်းဌာနတွေ သွားရောက်ဖို့ အကန့်အသတ် ရှိနေတာမို့ အခြေအနေ အတိအကျ ကိုတော့ မသိနိုင်ပါဘူး။ ထိုင်ဝမ်မှာရှိတဲ့ အမျိုးသား Chengchi တက္ကသိုလ် က သုတေသီ Raviprasad Narayanan ကတော့ အခြေအနေ တွေဟာ တရုတ်နိုင်ငံ အတွက် ဝင်မပါလို့ မဖြစ်တဲ့ အခြေအနေမျိုး ဖြစ်လာနေတာလို့ သုံးသပ်ပါတယ်။
“အခုကတော့ တရုတ်နယ်စပ်မှာ ဒုက္ခသည်ပြဿနာ ကြုံနေရတာပါ။ ဒီအကျပ်အတည်းကြောင့် ပြည်နယ် အဆင့်က ခေါင်းဆောင် တွေလောက် သာမကပါဘူး၊ ဘေဂျင်းက လူတွေအတွက်ပါ ကသိကအောက် ဖြစ်စရာ အများအပြား ဖန်တီး ပေးခဲ့တာလည်း ဖြစ်ပါတယ်။ ဒါကြောင့်လည်း အငိုက်မိတဲ့ ဒီလိုအခြေအနေမျိုးမှာ ဘေးထွက်နေလို့ မဖြစ်ဘူးလို့ သူတို့ အနေနဲ့ ခံစား လာကြတာပါ။”
တကယ်တော့ လက်နက်ကိုင် တိုက်ပွဲတွေဟာ ငြိမ်းချမ်းရေးကိုသာ ခြိမ်းခြောက်နေတာ မဟုတ်ဘဲ ဒ်ါလာသန်းပေါင်း ထောင်ချီ တန်ဘိုးရှိတဲ့ တရုတ်နိုင်ငံရဲ့ ကုန်သွယ်မှုနဲ့ ရင်းနှီး မြုပ်နှံမှုတွေကိုပါ ထိခိုက် နေရတာပါ။ တရုတ်နိုင်ငံကို အများစု တင်ပို့မယ့် ရေအား ကချင်ပြည်နယ် တွင်းက လျှပ်စစ် ထုတ်လုပ်ရေး စီမံကိန်းတွေမှာ တရုတ်နိုင်ငံက ပါဝင် ပတ်သက်နေတာလည်း ဖြစ်ပါတယ်။ ဒါကြောင့်လည်း ငြိမ်းချမ်းရေး အတွက် ဆွေးနွေးဖို့ တရုတ်နိုင်ငံက ကမကထ လုပ်နေတာဟာ စီးပွားရေး အမြင်နဲ့ ဖြစ်တယ်လို့ တရုတ်-မြန်မာ နယ်စပ် အခြေစိုက် မြန်မာ့အရေး အကဲခတ်တဦးဖြစ်တဲ့ ဦးအောင်ကျော်ဇော ကတော့ မြင်ပါတယ်။
“မြောက်ပိုင်း ကချင်ပြည်နယ်ထဲမှာ အထူးသဖြင့် KIA ထိန်းချုပ်ထားတဲ့ ဒေသထဲမှာ တရုတ်အစိုးရရဲ့ ရင်းနှီး မြုပ်နှံမှုတွေ၊ ငွေကုန် ကြေးကျ ရင်းနှီးထားတဲ့ စီမံချက်တွေ အများကြီး ရှိပါတယ်။ ဒါကြောင့် ငြိမ်းချမ်းရေးရဖို့ လိုပါတယ်။”
စီးပွားရေးအရ အချက်အခြာကျတဲ့ ကိစ္စအဖြစ်နဲ့ တရုတ်-မြန်မာ ၂ နိုင်ငံကြား ရေနံနဲ့ သဘာဝဓာတ်ငွေ့ ပိုက်လိုင်း စီမံကိန်း ဟာလည်း ဒီဒေသတွင်း မှာပဲ ရှိနေတာလို့ ဆန်းစစ်သူတွေက ထောက်ပြကြပါတယ်။ ဒီပိုက်လိုင်း ၂ ခုကနေ မြန်မာနိုင်ငံ အနောက်ဘက်ခြမ်း ကနေ ပဋိပက္ခ ဖြစ်ပွားရာနေရာနဲ့ မနီးမဝေး ကချင်ပြည်နယ် တောင်ပိုင်းမှာရှိတဲ့ တရုတ်နိုင်ငံ ရွှေလီမြို့အထိ ရေနံနဲ့ ဓာတ်ငွေ့တွေကို တင်ပို့သွားမှာပါ။
ဒီလိုပဲ တရုတ်နိုင်ငံဟာ မြန်မာနိုင်ငံကနေ တွင်းထွက်တွေ၊ အဖိုးတန်ကျောက်မျက်တွေ၊ သစ်တွေကို နယ်စပ်က တဆင့် တရားဝင်ရော၊ တရားမဝင်ရော ဝယ်ယူတာတွေ ရှိပါတယ်။ အပြန်အလှန် အနေနဲ့ကတော့ ဈေးပေါတဲ့ တရုတ်ကုန်တွေကို တင်သွင်းနေတာ ဖြစ်ပါတယ်။ စစ်လက်နက်တွေကိုလည်း အစိုးရသာမက လက်နက်ကိုင် အဖွဲ့တွေကိုပါ ရောင်းချနေတာပါ။ ဒါပေမဲ့လည်း အခုအခါ မြန်မာနိုင်ငံ စီးပွားရေး လွတ်လပ် ပွင့်လင်းလာတာနဲ့ အမျှ တရုတ်နိုင်ငံဟာ အစိုးရနဲ့ ဆက်ဆံရေးကို ပိုပြီး အာရုံ စိုက်လာတယ်လို့ ဗြိတိန်နိုင်ငံ လန်ဒန် စီးပွားရေး တက္ကသိုလ်က သုတေသီ ဒေါက်တာဇာနည်က ပြောပါတယ်။
“သူ့အကျိုးစီးပွားနဲ့ ကိုက်တဲ့အခါ တရုတ်နိုင်ငံက ဒေသခံတိုင်းရင်းသား လက်နက်ကိုင် အုပ်စုတွေအပေါ် ဖိအား ပေးလာ ပါလိမ့်မယ်၊ အထူး သဖြင့်ကတော့ ဝ တပ်ဖွဲ့နဲ့ ကချင်လည်း ပါပါလိမ့်မယ်။ ဒါပေမဲ့လည်း သူတို့ရဲ့ လုပ်ရပ်တွေဟာ ဘယ်လောက် အထိ အပြုသဘော ဆောင်သလဲ၊ မြန်မာလူမျိုးတွေ အကျိုးစီးပွား အတွက် ဘယ်လောက်ပါမလဲ ဆိုတာတော့ ကျနော် မပြောနိုင်ပါဘူး။ ဘာကြောင့်လဲ ဆိုတော့ အခုအခြေအနေမှာ တရုတ်နိုင်ငံဟာ နယ်စပ်မှာရှိတဲ့ ဒေသခံ တိုင်းရင်းသား အုပ်စုတွေထက် စာရင် နေပြည်တော်မှာ အကောင်ကြီးကြီး မိအောင် ဖမ်းနေလို့ပါ။”
လက်နက်ကိုင် တိုက်ပွဲတွေ အဆုံးသတ်ဖို့ ကိစ္စဟာ မြန်မာအစိုးရအပေါ် စီးပွားရေး ပိတ်ဆို့ ဒဏ်ခတ်မှုတွေ နှစ်ပေါင်းများစွာ ကျင့်သုံး ခဲ့ရာက မကြာသေးခင်က စလို့ ဆက်ဆံရေးတွေ တိုးမြှင့်ဖို့ ကြိုးပမ်းလာတဲ့ အနောက် အင်အားကြီး နိုင်ငံတွေရဲ့ အဓိက တောင်းဆိုချက် တခုလည်း ဖြစ်ပါတယ်။ အခုအထိ အစိုးရက အပစ်အခတ် ရပ်စဲရေး ရယူနိုင်ခဲ့တဲ့ အထဲမှာတော့ ဝ၊ ကရင်နီ၊ ရှမ်း၊ ချင်း စတဲ့ အဖွဲ့အစည်းတွေ ပါဝင်ကြသလို၊ အဓိက တိုင်းရင်းသား လက်နက်ကိုင် အဖွဲ့တခုဖြစ်တဲ့ ကရင်အမျိုးအသား အစည်းအရုံး KNU နဲ့လည်း ငြိမ်းချမ်းရေး အတွက် ဆွေးနွေးသွားဖို့ မကြာသေးခင်ကပဲ သဘောတူညီချက် ရယူနိုင်ခဲ့တာ ဖြစ်ပါတယ်။
Ref: VOA News
Read More...
Collapse...
ရန်ပိုင်
February 7, 2012
မန္တလေးမြို့၌ အမျိုးသားဒီမိုကရေစီအဖွဲ့ချုပ် (NLD) ပါတီ ရန်ပုံငွေအတွက် ပြုလုပ်သည့် ပွင့်သစ်လွင်ပန်းချီပြပွဲနှင့် ပတ်သက်၍ ချမ်းအေး သာဇံမြို့နယ် အမှတ် (၆) ရဲစခန်းမှ စုံစမ်းမှုများ ပြုလုပ်ကြောင်း သတင်းရသည်။
ယနေ့နံနက် ၉ နာရီခွဲခန့်က ချမ်းအေးသာဇံမြို့နယ် ရဲစခန်းမှ နယ်မြေတာဝန်ခံ ရဲတပ်ကြပ် အေးကျော်နှင့် ရဲတပ်ကြပ် ဌေးလွင်တို့က ၎င်း၏ အိမ်သို့ လာရောက် မေးမြန်းခြင်းဖြစ်ပြီး ပန်းချီကားရောင်းချရသည့် တန်ဖိုးငွေနှင့် ၀ယ်ယူသူများ၏ စာရင်းကို ရဲစခန်းသို့ တင်ပြရန် လာ ရောက် ပြောဆိုခြင်းဖြစ်ကြောင်း ပြပွဲတာဝန်ခံ ပန်းချီ ဦးကျော်မိုးသာက ဧရာဝတီသို့ ပြောသည်။
“ပြပွဲမှာ တင်တဲ့ကားနဲ့ ရောင်းရငွေကို ပြောပါလို့ ဆိုတယ်။ စာရင်းကတော့ အခုမပေးနိုင်ဘူး၊ သိချင်ရင် ပြပွဲမှာ လာဖတ်ပါ၊ ဘာမှ ထိန်ချန်စရာမရှိဘူး” ဟု ၎င်းက ဆိုသည်။
ယခုကဲ့သို့ လာရောက်မေးမြန်းခြင်းမှာ အထက် အာဏာပိုင်များက စေခိုင်း၍ဖြစ်ကြောင်း ရဲတပ်ကြပ် အေးကျော်က ရှင်းပြသည်ဟု ဦးကျော်မိုးသာက ဆက်လက်ပြောသည်။
အောင်မြေသာဇံမြို့နယ် အမှတ် (၆) ရဲစခန်း၏ စုံစမ်းမှုနှင့်ပတ်သက်ပြီး ရဲတပ်ကြပ် အေးကျော်ကို ဧရာဝတီက ဆက်သွယ် မေးမြန်းရာ မိမိအနေဖြင့် စခန်းမှူး၏အမိန့်အရ ပန်းချီးကားအရောင်းအ၀ယ်ကို မေးမြန်းရခြင်းဖြစ်ကြောင်း၊ စာရင်းအတိအကျ မရသေးသည့်အတွက် စခန်းမှူးအား တင်ပြရခြင်းမရှိသေးကြောင်း ဖြေဆိုသည်။
အလားတူ ပြည်ထောင်စု ကြံခိုင်ရေးနှင့် ဖွံဖြိုးရေးပါတီမှ ပါတီဝင်ဖြစ်သူ လက်ဖက်ခြောက်လုပ်ငန်းပိုင်ရှင် ဦးမြမောင်ဆိုသူကလည်း လာ ရောက် မေးမြန်းစုံစမ်းသေးကြောင်း ဦးကျော်မိုးသာက ပြောသည်။
အဆိုပါ ပန်းချီပြပွဲကို ဖေဖော်ဝါရီလ ၄ ရက်နေ့မှ ၆ ရက်နေ့အထိ မန္တလေးမြို့ ၈၄ လမ်းနှင့် ၃၁ လမ်းထောင့်ရှိ ဓမ္မသာလ ဗိမာန်၌ ကျင်းပ ခဲ့ခြင်းဖြစ်ပြီး ပန်းချီဆရာ ၂၄၀ ကျော်၏ ကားပေါင်း ၃၀၀ ခန့် ပြသရောင်းချခဲ့ပြီး ကျပ်သိန်း ၈၀ ခန့် ရောင်းချရကြောင်း သိရသည်။
ပန်းချီကားများ၏ ရောင်းရငွေမှ ၃၀ ရာခိုင်နှုန်းကို NLD ပါတီသို့ လှူဒါန်းမည်ဖြစ်ပြီး ပန်းချီဆရာများအနေဖြင့်လည်း မိမိတို့စေတနာ အလျောက် ထပ်မံလှူဒါန်းမည်ဟုလည်း သိရသည်။
ဦးကျော်မိုးသာက “ဒေါ်အောင်ဆန်းစုကြည်က သမ္မတကြီး ဦးသိန်းစိန်နဲ့ လက်တွဲပြီး တိုင်းပြည်တိုးတက်ရာ တိုးတက်ကြောင်း လုပ် မယ်ဆို တဲ့အတွက် ပန်းချီဆရာများအနေဖြင့် သိုင်းဝိုင်းတဲ့သဘောပါ ” ဟု ဆိုသည်။
အဆိုပါ ပန်းချီးပြပွဲကို NLD ဥက္ကဋ္ဌ ဒေါ်အောင်ဆန်းစုကြည် ကိုယ်တိုင် တက်ရောက်ဖွင့်လှစ်ရန် စီစဉ်ထားသော်လည်း လာရောက်နိုင်ခြင်း မရှိသည့်အတွက် NLD နာယက ဦးဝင်းတင်မှ ဖွင့်လှစ်ပေးခဲ့သည်။
Ref: ဧရာဝတီ
Read More...
Collapse...
အောင်သက်ဝိုင်း
February 8, 2012
ထောင်ချီရှိနေတဲ့ လူအုပ်ကြီးထဲမှာ အသက် ၈၀ နီးပါးအရွယ်ရှိ ဒေါ်သန်းရီတယောက် တုန်တုန်ချိချိ တိုးဝှေ့ရင်း ရှေ့ဆုံးကိုရောက်ဖို့ ကြိုးစားနေတယ်။ မနက် ၁၁ နာရီ ကျော်နေပြီဖြစ်လို့ နေရောင်ရဲ့အပူရှိန်၊ ထောင်နဲ့ချီ စုရုံးနေတဲ့ လူအုပ်တွင်းက အပူရှိန်တွေကြောင့် ဒေါ်သန်းရီ မျက်နှာတခုလုံးမှာ ချွေးတွေ စီးကျနေတယ်။
အသက်အရွယ် ကြီးရင့်နေပြီဖြစ်ပေမယ့် လူအုပ်ရဲ့ရှေ့ဆုံးကို ရောက်ဖို့ လူငယ်တဦးအလား တိုးဝှေ့နေတယ်။
“သားလေးသမီးလေးတို့ရယ်၊ နည်းနည်းလောက်။ အမေရှေ့ကို သွားပါရစေ။ သမီးကို မြင်ချင်လို့ပါ” ဆိုတဲ့ အသံကလည်း သူ့ရဲ့နှုတ်ခမ်းဖျားက ထွက်ပေါ်နေတယ်။
မွဲခြောက်ခြောက် အသားအရေ၊ ပိန်လှီတဲ့ ကိုယ်ခန္ဓာ၊ ၀ါကျင်ဖျော့တော့နေတဲ့ မျက်လုံးတွေနဲ့ ဒေါ်သန်းရီတယောက် ဘာကြောင့် လူအုပ်ထဲမှာ ဒီလို တိုးဝှေ့နေပါသလဲ။
အကြောင်းကတော့ ဒေါ်သန်းရီဟာ ဖေဖော်ဝါရီလ ၇ ရက်နေ့မှာ ဒေါ်အောင်ဆန်းစုကြည် မိန့်ခွန်းပြောနေတဲ့ ပုသိမ်မြို့က ကိုသိန်း ဘောလုံးကွင်းထဲက လူအုပ်ကြီးထဲမှာ ရောက်ရှိနေတာဖြစ်ပြီး ဒေါ်အောင်ဆန်းစုကြည်ကို တွေ့မြင်ရဖို့ သူရုန်းကန်လှုပ်ရှား တိုးဝှေ့နေတာ ဖြစ်ပါတယ်။
ပူပြင်းလှတဲ့ နေရောင်အောက်မှာ လူတိုင်းလူတိုင်း ခွပ်ဒေါင်းနဲ့ ကြယ်ဖြူတံဆိပ်ပါ အလံငယ်လေးတွေကို ကိုယ်စီကိုင်လို့
ဒေါ်အောင်ဆန်းစုကြည်ရဲ့ မိန့်ခွန်းကို နားထောင်နေကြပါတယ်။
မိန့်ခွန်းနားထောင်ရင် မူးလဲသွားတဲ့သူတွေ အတော်တော်များများ ရှိနေပြီး ဒီလူတွေကို နီးစပ်ရာလူငယ်တွေက ပွေ့ချီထမ်းထုတ် သွား ရပါတယ်။ ပြီးတော့ အရိပ်ရှိရာနေရာမှာ ပြုစုကုသပေးမှုတွေလည်း လုပ်ပေးနေကြတယ်။
လူတိုင်းမျက်နှာက ချွေးသံတရွှဲရွှဲဖြစ်နေပေမယ့် သူတို့အားလုံး ဒေါ်အောင်ဆန်းစုကြည် မိန့်ခွန်းပြောရာ စင်မြင့်ထက်ဆီကိုပဲ
လှမ်း မျှော်ကြည့်နေကြတယ်။
ဧရာဝတီတိုင်း မြောင်းမြမြို့နယ်မှာ မွေးဖွားခဲ့တဲ့ ဒေါ်ခင်ကြည်ရဲ့ သမီးငယ်ဖြစ်သူ ဒေါ်အောင်ဆန်းစုကြည်က ဧရာဝတီတိုင်း ပြည်သူ တွေဟာ သူရဲ့ဆွေမျိုးတွေပါပဲလို့ ပြောဆိုလိုက်ချိန်မှာတော့ လူထုကြီးရဲ့အော်ဟစ်အားပေးသံက ဆူညံသွားတော့တယ်။
“ကျမက ဧရာဝတီတိုင်းသူရဲ့သမီးဆိုတော့ ကျမလည်း ဧရာဝတီတိုင်းသူလို့ ကိုယ့်ကိုယ် ယူဆပါတယ်။ အခု ကျမတို့ ကိုယ့်မြို့ကိုယ့်ရွာကို ပြန်ရောက်လာသလိုပဲ လှိုက်လှိုက်လှဲလှဲကြိုဆိုတဲ့ ပုသိမ် ပြည်သူပြည်သားတွေကိုလည်း အင်မတန်မှ ကျေးဇူးတင်ပါတယ်။ ကျမကို ပုသိမ်ထီးတွေကို ပေးလိုက်လို့ နေအင်မတန်ပူတဲ့အခါမှာ အဲဒီပုသိမ်ထီးရဲ့အောက်မှာ သွားရတယ်။ ဒီလိုပဲ တဦးအပေါ် တဦးထားရှိတဲ့ မေတ္တာအောက်မှာ အမြဲနေနိုင်ကြပါစေလို့ ကျမ အမြဲဆုတောင်းပါတယ်။ အခုဆိုလို့ရှိရင် ကျမ ပုသိမ်မြို့ကို မရောက်တာ နှစ် ၂၀ ကျော် နေပါပြီ။ ပထမဦးဆုံး ပုသိမ်ရောက်တုန်းကလည်း ပုသိမ်မြို့သူ မြို့သားတွေကို အင်မတန်မှ လှိုက်လှိုက်လှဲလှဲ ကျမတို့ကို ထောက်ခံခဲ့ တယ်။ ပုသိမ်တမြို့လုံးက စက်ဘီးတွေနဲ့ လိုက်ပြီး အားပေးနေတာကို သတိရနေပါတယ်” လို့ ဒေါ်အောင်ဆန်းစုကြည်က လူထုကို ကြည်ရွှင်တဲ့ အပြုံးမျက်နှာနဲ့ နှုတ်ခွန်းဆက်တယ်။
ဒေါ်အောင်ဆန်းစုကြည်ဟာ ၂၃ နှစ် အတွင်းမှာ ဒုတိယအကြိမ်ဖြစ် ဧရာဝတီတိုင်းကို လာရောက်တာဖြစ်ပါတယ်။ ပထမ အကြိမ်က ၁၉၈၉ ခုနှစ်တုန်းက စည်ရုံးရေးခရီးစဉ်ပါ။ အဲဒီတုန်းက ဒေါ်အောင်ဆန်းစုကြည် ကားနဲ့လှည့်လည်လို့မရအောင် စစ်အစိုးရက ခြိမ်း ခြောက် ဟန့်တားခဲ့လို့ ဒေါ်အောင်ဆန်းစုကြည်ကို စက်ဘီးနဲ့တင်ပြီး စည်းရုံးရေးခရီး ထွက်ခဲ့ကြရဖူးပါတယ်။
အမျိုးသားဒီမိုကရေစီအဖွဲ့ချုပ် (NLD) ပါတီက ၀င်ရောက်ယှဉ်ပြိုင်မယ့် ဧပြီလ ၁ ရက်နေ့ ကြားဖြတ်ရွေးကောက်ပွဲမှာ ပြည်သူတွေရဲ့ ဆန္ဒတွေ အမှန်တကယ်ဖြစ်ပေါ်ဖို့ ရွေးကောက်ပွဲ တရားမျှတဖို့အတွက် ပြည်သူတွေအားလုံးက ၀ိုင်းဝန်းကူညီစောင့်ရှောက် ပေးဖို့ ဒေါ်အောင်ဆန်းစုကြည်က ပုသိမ်လူထုကို တိုက်တွန်းပါတယ်။
“အခုလာမယ့် ကြားဖြတ်ရွေးကောက်ပွဲမှာ မှန်မှန်ကန်ကန်မျှမျှတတ ဖြစ်နိုင်ဖို့ ပြည်သူအားလုံး ၀ိုင်းကူညီပါလို့ မေတ္တာရပ်ခံ ချင်ပါတယ်။ ရွေးကောက်ပွဲ စည်းမျဉ်းစည်းကမ်းဥပဒေတွေ ဘယ်လိုရှိသလဲဆိုတာ ပြည်သူတွေ သိနိုင်အောင် ကျမတို့အဖွဲ့ချုပ်က ကြိုးစားဆောင် ရွက်ပေးပါ့မယ်။ ပြည်သူတွေကလည်း ဒီစည်းမျဉ်းစည်းကမ်းတွေအရ တနိုင်ငံလုံး မဟုတ်ရင်တောင်မှ မဲဆန္ဒပေးရမယ့် နယ်တွေမှာ ၀ိုင်းဝန်းကြည့်ရှုပြီးတော့ ရွေးကောက်ပွဲကို ကာကွယ်စောင့်ရှောက်ပေးစေချင်ပါတယ်” လို့ သူက ဆိုတယ်။
ဒေါ်အောင်ဆန်းစုကြည် မိန့်ခွန်းပြောနေဆဲမှာပဲ ဘောလုံးကွင်းထဲကို လူတွေ ၀င်လာမစဲ တသဲသဲဖြစ်နေပြီး ဘောလုံးကွင်းပြည့် လူထု ပရိသတ်တွေ ပိုလို့များပြားလာပါတယ်။ ကလေးတွေချီထားတဲ့ မိခင်တွေအစ သက်ကြီးရွယ်အို အဘိုးအဘွားတွေ၊ လူငယ် လူရွယ် ကလေး တွေ သံဃာတော်တွေအဆုံး လူထုပရိသတ်က တခဲနက် အားပေးနေကြတယ်။ ဒေါ်အောင်ဆန်းစုကြည် မိန့်ခွန်းမှာပါတဲ့ ပရိ သတ်သဘောကျစေမယ့် ပြောဆိုချက်တွေကြောင့် လက်ခုပ်သံတွေ ဆက်တိုက်ထွက်ပေါ်နေသလို အများစုက အလံငယ်တွေ ကိုင်ပြီး ဝှေ့ယမ်းအားပေးကြတယ်။
ဒေါ်အောင်ဆန်းစုကြည်က ဧရာဝတီတိုင်းကို လာရောက်တဲ့ ခရီးစဉ်မှာ ပြည်သူအများစု ဆင်းရဲတာ တွေ့ရတဲ့အကြောင်း၊ နိုင်ငံအနာဂတ်အတွက် ပညာရေးနဲ့ကျန်းမာရေးကို အဓိက မြှင့်တင်ဖို့လိုကြောင်း ပြောပါတယ်။
“ဒီနိုင်ငံမှာ ဆင်းရဲမွဲတေမှု ပပျောက်ရေးဆိုတာနဲ့ မပြီးပါဘူး။ အဲဒီအဆင့်ကနေပြီးတော့ ဖူလုံတဲ့အဆင့်၊ ချမ်းသာတဲ့အဆင့်အထိ ရောက်ဖို့ အားလုံးကြိုးစားရပါမယ်။ ပညာရေးမှာ ကျမတို့ လူငယ်တွေ ကိုယ်တတ်ထားတဲ့ ပညာတွေကို သင့်သင့်တော်တော် သုံးနိုင်ဖို့ ဆိုတာ လည်း အရေးကြီးပါတယ်။ ပညာတွေတတ်ထားပြီးတော့ အလုပ်မရှိဘူးဆိုလို့ရှိင် ဒီပညာတွေက အလဟဿဖြစ်သွားမှာပါ။ လူငယ် တွေက အဓိက အားကိုးရမှာကြောင့်မို့လို့ ပညာရေးကို ကျမတို့ မြှင့်တင်ချင်တာဖြစ်ပါတယ်။ ပညာတတ်ပြီးတော့ မကျန်းမာလို့ရှိရင်လည်း လုပ်သင့်လုပ်ထိုက်တဲ့ ကိစ္စတွေကို အားနည်းသွားမှာပါ” လို့ ဒေါ်အောင်ဆန်းစုကြည်က ရှင်းပြပါတယ်။
လွှတ်တော်မှာ NLD ပါတီကိုယ်စားလှယ်တွေ ရောက်ရှိမယ်ဆိုရင် ဥပဒေစိုးမိုးရေး၊ ပြည်တွင်းငြိမ်းချမ်းရေးနဲ့ ဖွဲ့စည်းပုံအခြေခံဥပဒေ ပြင်ဆင်ရေး လုပ်ဆောင်မှာဖြစ်တဲ့အတွက် အဲဒီအချိန်မှာလည်း လူထုထောက်ခံမှု အရေးတကြီး လိုတယ်လို့ သူကဆိုတယ်။
“ဖွဲ့စည်းပုံအခြေခံဥပဒေနဲ့ ပတ်သက်လို့ တခြားဥပဒေတွေနဲ့ပတ်သက်လို့ ပြင်သင့်တာတွေကို ပြင်ဖို့ကြိုးစားပါ့မယ်၊ အဲဒီလို ကြိုးစားတဲ့ နေရာမှာ ပြည်သူရဲ့ ထောက်ခံမှုကို အမြဲလိုနေမယ်ဆိုတာ ကျမတို့ အခုကတည်းက ပြောထားပါရစေ။ ပြည်သူထောက်ခံမှု မရှိလို့ရှိရင် တော့ ဘယ်တော့မှ ရေရှည်မှာ အောင်မြင်မှုမရနိုင်ပါဘူး” လို့ ဒေါ်အောင်ဆန်းစုကြည်က ပရိသတ်ကို ပြောဆိုပါတယ်။
ဒေါ်အောင်ဆန်းစုကြည် မိန့်ခွန်းပြောနေဆဲမှာပဲ ပုဆိုးအပြာ၊ အင်္ကျီအဖြူတွေ ၀တ်ဆင်ထားတဲ့ ပုသိမ်နည်းပညာ တက္ကသိုလ်က ကျောင်းသားကျောင်းသူ ခြောက်ရာနီးပါး ကွင်းအတွင်းကို တန်းစီပြီး ၀င်လာကြတယ်။
ဒေါ်အောင်ဆန်းစုကြည် လာမယ့်ရက်နဲ့ တိုက်ဆိုင်ပြီး စာမေးပွဲစစ်မယ်လို့ တရားဝင်သတင်းတွေ ထွက်ပေါ်နေပေမယ့် ကျောင်းသား တွေက ဒေါ်အောင်ဆန်းစုကြည်ရဲ့ ဟောပြောမှုကို မဖြစ်၊ ဖြစ်အောင် လာကြတာပါ။
“ဒီနေ့ ကျောင်းမသွားဖြစ်ဘူး။ ပုသိမ်တက္ကသိုလ် ကျောင်းသားကျောင်းသူတွေလည်း စာမေးပွဲမဖြေဘဲ အမေ့ဆီကို လာကြတယ်” လို့ ပုသိမ် နည်းပညာတက္ကသိုလ်ကျောင်းသားတဦးက ဆိုတယ်။
အဲဒီအချိန်မှာပဲ ဒေါ်အောင်ဆန်းစုကြည်က ကျောင်းသားကျောင်းသူတွေအတွက် သူရဲ့ စိုးရိမ်ပူပန်မှုကို ထုတ်ဖော်ပြောဆိုပါတယ်။
“ကျမ တခုတော့ နည်းနည်းစိတ်ပူသွားတယ်။ ဒီမှာ လူငယ်တွေအများကြီး လာကြိုဆိုတဲ့အခါမှာ တော်ကြာ စာမေးပွဲတွေ ဘာတွေ မဖြေဖြစ်လို့ရှိရင် စာမေးပွဲကျမှာလည်း စိုးရိမ်လို့ပါ။ ကျမတို့ရဲ့ လူငယ်တွေကို ပညာတတ်စေချင်တယ်။ ကျမတို့ရဲ့ လူငယ်တွေကို အဆင့်မြင်တဲ့ ပညာတတ်စေချင်တယ်။ ဒါဟာ ကျမတို့နိုင်ငံရဲ့ အနာဂတ်အတွက်ဖြစ်ပါတယ်” လို့ ဒေါ်အောင်ဆန်းစုကြည်က ပြော လိုက်တာနဲ့ ကျောင်းသားကျောင်းသူတွေနဲ့အတူ လူထုပရိသတ်က တခဲနက် လက်ခုပ်တီးကြပါတယ်။
ထောင်နဲ့ချီတဲ့ လူအုပ်ကြီးထဲမှာ NLD အမှတ်တံဆိပ် အ၀ါရောင်ခွပ်ဒေါင်းနဲ့ အဖြူရောင် ကြယ်တံဆိပ် စက္ကူရုပ်ကြီးကို ကိုင်ဆောင်ပြေး လွှားနေတဲ့ လူငယ်နှစ်ဦးကိုလည်းတွေ့ရပြီး သူတို့နှစ်ဦးကလည်း စာမေးပွဲမဖြေဘဲ ဒေါ်အောင်ဆန်းစုကြည်ကို ကြိုဆိုတဲ့ ကျောင်းသား လူငယ်တွေလို့ ပုသိမ်မြို့ခံတွေက ဆိုပါတယ်။
နိုင်ငံဖွံ့ဖြိုးတိုးတက်ရေးအတွက် ပြည်သူတွေ နိုင်ငံရေးမှာပါဝင်ဖို့ အမျိုးသားဒီမိုကရေစီ အဖွဲ့ချုပ်အနေနဲ့ ပြည်သူတွေရဲ့ အကျိုးကို အဓိက ဆောင်ရွက်မှာဖြစ်ပြီး ပြည်သူတွေကလည်း နောက်ကနေ မားမားမတ်မတ် ရပ်တည်ပေးကြဖို့ လိုတဲ့အကြောင်း ဒေါ်အောင်ဆန်း စုကြည် က ပြောတယ်။
“နိုင်ငံတနိုင်ငံ တကယ် တိုးတက်ဖို့ဆိုတာက ပြည်သူတွေပါမှ ဖြစ်နိုင်ပါတယ်။ ပြည်သူတွေမပါဘဲ မဖြစ်နိုင်ဘူး။ ကျမတို့ ဘယ်လောက် ပဲကြိုးစားကြိုးစား ပြည်သူတွေက ကျမတို့နောက်ကနေ မားမားမတ်မတ် မရှိလို့ရှိရင် ကျမတို့ရဲ့ကြိုးစားချက်တွေက ထိရောက်နိုင်မှာ မဟုတ်ပါဘူး” လို့ ဒေါ်အောင်ဆန်းစုကြည်က ဆိုတယ်။
လူထုခေါင်းဆောင်ပေမယ့် လူထုအကြိုက်တခုတည်းကို မပြောဘဲ လူထုအနေနဲ့ ပြင်သင့်တာ တွေပြင်ရမယ်လို့ ဒေါ်အောင်ဆန်းစုကြည်က ရဲဝံ့ပြတ်သားစွာ ပြောပါတယ်။
“ကျမတို့ ပြည်သူတွေက စိတ်တက်ကြွသလောက် စည်းကမ်းနေရာမှာတော့ နည်းနည်းလေး အင်အားနည်းတယ်လို့ ဆိုချင်ပါတယ်။ စိတ်တက်ကြွတဲ့နေရာမှာတော့ အင်အားများတယ်၊ စည်းကမ်းရှိမှုမှာတော့ နည်းနည်း အင်အားနည်းတယ်။ အင်အားနည်း တဲ့ ကိစ္စ တွေကို ဖြည့်ပေးရမယ်။ အင်အားများတဲ့နေရာမှာလည်း ဒီအင်အားတွေကို မှန်မှန်ကန်ကန် အသုံးချရမယ်။ အင်အားဆိုတာ မှန်မှန် ကန်ကန်သုံးမှ အများကို အကျိုးပြုတယ်။ အင်အားကို အလွဲသုံးစား လုပ်ပြီဆိုလို့ရှိရင် အများအတွက် အန္တရာယ်ဖြစ်ပါတယ်။ ဒါကြောင့် ကျမတို့ ပြည်သူတွေက ကိုယ့်ရဲ့အင်အားတွေကို မှန်မှန်ကန်ကန်နဲ့ အများအကျိုးအတွက်၊ နိုင်ငံအကျိုးအတွက် သုံးစေချင်ပါတယ်။ ရှိနေတဲ့ အားနည်းမှုတွေကိုလည်း ပြုပြင်စေချင်ပါတယ်” လို့ သူက ရှင်းပြတယ်။
ဒေါ်အောင်ဆန်းစုကြည်ရဲ့ မိနစ် ၂၀ အကြာ မိန့်ခွန်းအဆုံးသတ်ချိန်မှာတော့ လက်ခုပ်သံတွေနဲ့အတူ ပြည်သူတွေက ဦးထုပ်တွေ၊ ထီးတွေ၊ အင်္ကျီတွေ၊ အလံငယ်တွေ ဝှေ့ယမ်းပြီး ပုသိမ်ကနေ မြောင်းမြကို ဆက်လက်ထွက်ခွာတော့မယ် ဒေါ်အောင်ဆန်းစုကြည်ကို နှုတ်ဆက်ကြတယ်။
“အမေစု ကျန်းမာပါစေ”၊ “အမေစုကို ချစ်တယ်” ဆိုတဲ့ ပြိုင်တူ အော်ဟစ်သံတွေက ပုသိမ်မြို့တခုလုံး ကျယ်လောင်မြည်ဟိန်းနေတယ်။
ယာဉ်ထိန်းရဲတွေလည်း ဒေါ်အောင်ဆန်းစုကြည် ကားတန်း ပြန်လည်ထွက်ခွာဖို့ လမ်းရှင်းပေးကြပြီး သူတို့ မျက်နှာတွေကလည်း ပြုံး ပျော်နေကြတယ်။
ဘောလုံးကွင်းထဲကနေ လူအုပ်ကြီး တဖြည်းဖြည်း ပြန်လည်ထွက်ခွာနေပါပြီ။ ဒေါ်သန်းရီလည်း အများနည်းတူ ကွင်းထဲက ပြန်လည် ထွက်ခွာနေပေမယ့် သူ့ခြေလှမ်းတွေက သွက်လက်နေတယ်။
ချွေးတွေရွှဲနေတဲ့ အမယ်အိုရဲ့ မျက်နှာမှာ ကျေနပ်ပျော်ရွှင် ကြည်နူးတဲ့အရိပ်အယောင်တွေ အထင်သားတွေ့မြင်နေရတယ်။
Ref: ဧရာဝတီ
Read More...
Collapse...
ခင်ဦးသာ
February 7, 2012
ရန်ကုန်တိုင်း လှိုင်သာယာ စက်မှုဇုန်ရှိ တိုင်ရီ ဖိနပ်စက်ရုံမှ အလုပ်သမားများသည် ၎င်းတို့၏ တောင်းဆိုချက်များ မရရှိသေး၍ ယနေ့ တွင် လည်း ဒုတိယနေ့ အဖြစ် ဆက်လက် ဆန္ဒပြသည်။
ထောင်ချီသည့် အလုပ်သမားများသည် ၎င်းတို့၏ရပိုင်ခွင့်များအတွက် စက်ရုံဝင်းတွင် ငြိမ်းချမ်းစွာထိုင်၍ ဆန္ဒပြကြကြောင်း၊ နေ့ လယ် ၁၂ နာရီ ၀န်းကျင်တွင် အာဏာပိုင်များလာရောက်၍ လူစုခွဲ အိမ်ပြန် ခိုင်းသော်လည်း အလုပ်သမားများ၏ တောင်းဆိုမှု တစုံတရာ မရရှိ သေး ကြောင်း အလုပ်သမားအရေး ဆောင်ရွက်နေသူ ရှေ့နေ ကိုဖိုးဖြူက ဧရာဝတီ ကိုပြောသည်။
အလုပ်သမားများသည် အလုပ်ရှင်က ဖြတ်တောက်ထားသော လုပ်ခလစာများ ပြန်မရသည့်အပြင် ၎င်းတို့နေထိုင်ရာ အဆောင် များ သန့်ရှင်းမှုမရှိခြင်းကိုလည်း ဆောင်ရွက်မပေး၍ ယမန်နေ့ နံနက် ၇ နာရီ မှ စတင် ဆန္ဒပြနေခြင်း ဖြစ်ပြီး မနက်ဖြန်တွင် လည်း ဆက် လက် ဆန္ဒထုတ်ဖော်ကြဦးမည်ဟု သိရသည်။
“မြို့နယ်မှူးနဲ့ အလုပ်သမားဌာနက လူတွေလာပြီးတော့ လူစုခွဲခိုင်းပါတယ်၊ တနေကုန် ဆန္ဒပြခွင့်မရှိဘူးလို့ ပြောတယ်၊ တကယ် လို့ ပြမယ်ဆိုရင် မနက်ဖြန်မှ လာကြပါ ဆိုတဲ့အတွက် မနက်ဖြန် မနက် ၇ နာရီမှာ ဆန္ဒပြကြမယ်လို့ ပြောတယ်”ဟု ကိုဖိုးဖြူ က
ဆိုသည်။
ပြီးခဲ့သည့် ဇန်န၀ါရီလတွင် တရားဝင် ရုံးပိတ်ရက် ၅ ရက်နှင့် တရုတ် နှစ်သစ်ကူး ပိတ်ရက် ၅ ရက် စုစုပေါင်း ၁၀ ရက် လုပ်အား ခကို အလုပ်ရှင်က ဖြတ်တောက်လိုက်ကြောင်း၊ အလုပ်သမား တဦးလျှင် ကျပ် ၇၀၀၀ မှ ၁၀၀၀၀ ကျော်အထိ ဖြတ်တောက် ခံခဲ့ ရ ၍ စားဝတ် နေရေး အခက်အခဲဖြစ်သောကြောင့် ဆန္ဒပြကြခြင်း ဖြစ်ကြောင်း ကိုဖိုးဖြူက ဆက်လက် ပြောဆိုသည်။
အလုပ်သမားများ၏ လိုအပ်ချက်များကို ဦးဆောင်၍ တာဝန်ယူပြောဆိုမည့်သူ မရှိသောကြောင့် အာဏာပိုင်များ က ဖြေရှင်း မပေးခြင်း ဖြစ်သည်ဟုလည်း ဆိုသည်။
“အရင်တုန်းက ဆန္ဒပြရင် သူတို့လိုအပ်ချက်တွေကို ဦးဆောင်ပြီး တောင်းဆိုမယ့်သူတွေ ရှိခဲ့တယ်၊ အဲဒီလူကို အာဏာပိုင်တွေက ဖမ်း ဆီးတာ၊ အရေးယူတာ၊ ခြိမ်းခြောက်တာတွေ လုပ်ပြထားတော့ အခု ခေါင်းဆောင်ထွက်မလာဘူး”ဟု ကိုဖိုးဖြူ က ပြော ဆိုသည်။ ၎င်းတို့ အနေဖြင့် ဥပဒေအရသာ အကူအညီပေးနိုင်ကြောင်းလည်း ကိုဖိုးဖြူက ဆိုသည်။
လှိုင်သာယာ စက်မှုဇုန် ကော်မတီ ဥက္ကဋ္ဌ ဦးမြတ်သင်းအောင် က သက်ဆိုင်ရာ ဒေသအာဏာပိုင်များနှင့် အလုပ်သမားဝန်ကြီး ဌာနမှ တာဝန်ရှိသူများ လာရောက် ညှိနှိုင်း ဖြေရှင်းလျက်ရှိကြောင်း၊ နှစ်ဦးနှစ်ဘက် အဆင်ပြေမည့် နည်းလမ်းကို ဆောင်ရွက် ပေးသွားမည်ဟု သိရကြောင်း ပြောသည်။
“အခုပဲ စက်ရုံက အကြောင်းကြားထားပါတယ်၊ သူတို့ဖြေရှင်းနေတယ်၊ မကြာခင် အဆင်ပြေသွားမယ်လို့ ကျနော့်ဆီကို ဖုန်းဆက် ပါတယ်”ဟု ဦးမြတ်သင်းအောင် က ဧရာဝတီကို ပြောသည်။
အလုပ်သမားများ ဆန္ဒပြနေသည့် ကိစ္စနှင့်ပတ်သက်၍ ဆောင်ရွက်မှု အခြေအနေများကို တိုင်ရီ ဖိနပ် စက်ရုံသို့ ဧရာဝတီက ဆက်သွယ် မေးမြန်းရာ အစည်းအဝေးလုပ်နေဆဲ ဖြစ်၍ အတိအကျ မသိရသေးဟု တာဝန်ရှိသူ အမျိုးသမီးတဦးက ဖြေဆို သည်။
တိုင်ရီ စက်ရုံ၏ လုပ်ခ လစာပေးမှု၊ လုပ်အားခ ဖြတ်တောက်မှုများကို မကျေနပ်သည့်အတွက် ပြီးခဲ့သည့် ၂၀၁၀ ၊ ၂၀၁၁ ခုနှစ် တို့ တွင်လည်း အလုပ်သမား ထောင်ချီ၍ ဆန္ဒပြမှု ဖြစ်ပေါ်ခဲ့သေးသည်။
၎င်းစက်ရုံသည် တရုတ်လူမျိုးပိုင် စက်ရုံတခု ဖြစ်ပြီး အလုပ်သမား တထောင်ကျော် ရှိကြောင်း သိရသည်။ လှိုင်သာယာ စက်မှုဇုန် (၆) ခု တွင် အထည်ချုပ် စက်ရုံ၊ ပလတ်စတစ် စက်ရုံ၊ ဖိနပ် စက်ရုံ၊ လျှပ်စစ် ပစ္စည်း စက်ရုံ စသည့် စက်ရုံ၊ အလုပ်ရုံ များရှိပြီး အလုပ်သမားဦး ရေ ၄ သောင်းကျော် ရှိသည်ဟု ဦးမြတ်သင်းအောင် က ပြောပြသည်။
Ref: ဧရာဝတီ
Read More...
Collapse...
မအေးအေးမာ
အင်္ဂါ, 07 ဖေဖော်ဝါရီ 2012
ပြီးခဲ့တဲ့ ၂၀၀၇ ခုနှစ်က မြန်မာအစိုးရနဲ့ နှုတ်အားဖြင့် ငြိမ်းချမ်းရေး ယူခဲ့တဲ့ KNU-KNLA ငြိမ်းချမ်းရေး ကောင်စီဟာ မနေ့တုန်းက ဖေဖော်ဝါရီလ ၇ ရက်နေ့မှာ မြန်မာ အစိုးရနဲ့ ငြိမ်းချမ်းရေး ဆိုင်ရာ ပဏာမ အဆင့် သဘော တူညီချက်ကို နေပြည်တော်မှာ လက်မှတ် ရေးထိုးခဲ့ကြပါတယ်။ ဒီအကြောင်း အပြည့်အစုံကို ဆက်သွယ် မေးမြန်းထားတဲ့ ထိုင်းအခြေစိုက်၊ ဗွီအိုအေ သတင်းထောက် မအေးအေးမာက သတင်း ပေးပို့ထားပါတယ်။
ကရင်ပြည်နယ်လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးအောင်လွင်နဲ့ ငြိမ်းချမ်းရေး ကောင်စီ ဘက်က ဗိုလ်မှူးချုပ်ရင်နု ဦးဆောင်ပြီး လက်မှတ် ရေးထိုး ခဲ့ကြတာပါ။
ငြိမ်းချမ်းမှုနဲ့အတူ ဖွံ့ဖြိုးတိုးတက်မှုတွေ လုပ်ဆောင်ခွင့်ပေးဖို့အတွက် သဘောတူ လက်မှတ်ရေးထိုး ခဲ့တာ ဖြစ်ကြောင်း KNU-KNLA ငြိမ်းချမ်းရေးကောင်စီက ပြောရေးဆိုခွင့်ရှိသူ ဒေါက်တာတီမသေက ပြောပါတယ်။
“ဖြစ်နေတဲ့ ပြဿနာတွေပေါ့လေ၊ တပ်မတော်ကနေ ဝင်ပြီးတော့ စစ်ထိုးတာတွေ - အဲဒါမျိုးတွေကို ကျနော်တို့က တင်ပြတယ်။ ပြီးတော့ စစ်မဲ့ဇုန်လုပ်ဖို့ရယ်၊ ကျနော်တို့ပြောတာ ၃ ချက်ရှိတယ်။ ငြိမ်းချမ်းရေးက ဖွံ့ဖြိုးရေး ရှိရမယ်။ ငြိမ်းချမ်းရေးနဲ့ ဖွံ့ဖြိုးရေး မရှိဘဲနဲ့ လူထုအတွက် ဘာမှ အကျိုးမရှိဘူး ဆိုရင်တော့ ကျနော်တို့လုပ်တဲ့ ငြိမ်းချမ်းရေးကလည်း အလကားပဲ။ ပထမတော့ ကျနော်တို့ လက်မှတ် မထိုးခဲ့ဘူး။ မထိုးခဲ့တာက ကျနော်တို့က ပြည်သူကို ကိုယ်စားပြုတယ်။ ဒါပေမယ့် ကျနော်တို့က ပြောရင်း ပြောရင်းနဲ့ ပြည်သူ့အကျိုး မရှိလို့ရှိရင် လုံးဝ လက်မှတ် မထိုးဘူးလို့ ကျနော်တို့ ပြောတယ်။ ဆိုင်းထိုးပြီးတဲ့ နေ့မှာက လက်တွေ့ ကျနော်တို့က အစိုးရ အနေနဲ့ ပံ့ပိုးမှုတွေ၊ အကောင်အထည် ဖော်မှုတွေကို လုပ်ပိုင်ခွင့်တွေ ကျနော်တို့ ကရင် အဖွဲ့အစည်းကို ပေးရမှာ ဖြစ်တယ်”
ငြိမ်းချမ်းရေး သဘာတူညီချက်တွေနဲ့ ပတ်သက်ပြီး ပြောပြခဲ့တာကတော့ -
“နိုင်ငံတော် စည်းတံဆိပ်နဲ့ သေသေချာချာ လူကြီးတွေနဲ့ လုပ်တဲ့ဟာတွေကို နိုင်ငံတော် စည်းတံဆိပ် ပါရမယ်။ နောက်ပြီးတော့ တပ်မတော်နဲ့ ကရင်ပြည်နယ် ငြိမ်းချမ်းရေးတို့ အကြား လက်ရှိ တည်ရှိနေသော ငြိမ်းချမ်းရေးကို ဆက်လက် ထိန်းသိမ်းပြီး ကျနော်တို့ ငြိမ်းချမ်းရေးကို ထိန်းသိမ်း သွားမှာပေါ့။ ကျနော်တို့က အပစ်အခတ် ရပ်စဲရေး မဟုတ်ဘူး။ ငြိမ်းချမ်းရေး။
နံပါတ် ၂ က - KNU-KNLA ငြိမ်းချမ်းရေးအဖွဲ့ဝင်များကို ထော့ကိုပိုးနေရာတွင် အခြေပြုနေထိုင်ရန် သဘောတူရမည်။
နံပါတ် ၃ က နှစ်ဘက် အပြန်အလှန် ပြောဆိုဆွေးနွေး ဆက်ဆံမှုများ ပြုလုပ်နိုင်ရန်အတွက် နှစ်ဘက် သဘောတူညီသော နေရာများတွင် နှစ်ဘက် သဘောတူညီသော ပုဂ္ဂိုလ်များဖြင့် ဆက်ဆံရေးဌာန စခန်းများကို ထူထောင်မည်။
ကုမ္ပဏီ၏ စီးပွားရေး၊ ဆက်ဆံရေးရုံးများကို ဖားအံ၊ မြဝတီ၊ ဘုရားသုံးဆူ၊ ကော့ကရိတ်၊ မောထောင်၊ ကော့သောင်းတို့တွင် ထားရှိမည်။ နံပါတ် ၄ အချက်က နှစ်ဘက် သဘောတူညီထားသော နယ်မြေများမှ အပ နယ်မြေကျော်လွန် လက်နက်ကိုင်ဆောင်သွားလာမှုကို နှစ်ဘက် ကြိုတင်ညှိနှိုင်းပြီး ဆောင်ရွက်ရမည်”
တဘက်ကို ကိုယ်စားလှယ် ၄ ဦးစီ လက်မှတ်ရေးထိုးပြီး သဘောတူခဲ့ပြီး သဘောတူညီမှု လုပ်တဲ့ အထဲမှာ တဖက်နိုင်ငံမှာ အခြေချ နေထိုင်နေရတဲ့ ဒုက္ခသည်တွေ ပြန်လည်နေရာချထားရေး၊ ကရင်လူထုရဲ့ ပညာရေး၊ ကျန်းမာရေး၊ လုပ်ငန်းတွေကို လုပ်ဆောင်ခွင့်တွေ ရဖို့ ကိစ္စတွေကိုလည်း သဘော တူညီချက်ထဲမှာ ထည့်သွင်း ဖော်ပြထားပါတယ်။
မြန်မာအစိုးရက ၂၀၁၀ ရွေးကောက်ပွဲမတိုင်ခင်က KNU-KNLA ငြိမ်းချမ်းရေး ကောင်စီကို နယ်ခြားစောင့် တပ် အတင်းအကျပ် လုပ်ခိုင်းခဲ့ဖူးပေမဲ့ ငြိမ်းချမ်းရေးကောင်စီက ငြင်းပယ် ခဲ့ပါတယ်။ ငြိမ်းချမ်းရေး ကောင်စီဟာ ၂၀၀၇ ခုနှစ်မှာ ကရင်အမျိုးသား အစည်းအရုံး၊ KNU ကနေ ခွဲထွက်ပြီး မြန်မာအစိုးနဲ့ နှုတ်အားဖြင့် ငြိမ်းချမ်းရေး ရယူခဲ့ပါတယ်။ အခုအခါမှာတော့ သဘောတူညီချက်ကို လက်မှတ်ရေထိုးတာ ပထမဦးဆုံး အကြိ်မ်လည်း ဖြစ်ပါတယ်ရှင်။
Ref: VOA News
Read More...
Collapse...
စုမြတ်မွန်
အင်္ဂါ, 07 ဖေဖော်ဝါရီ 2012
ပုသိမ်နဲ့ မြောင်းမြမြို့တွေဘက် ပါတီစည်းရုံးရေးခရီးထွက်နေတဲ့ အမျိုးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်ကို ဒေသခံ ပြည်သူတွေက ဝမ်းသာအားရ ကြိုဆို နှုတ်ဆက် ခဲ့ကြပါတယ်၊
ဧရာဝတီတိုင်း ပုသိမ်နဲ့ မြောင်းမြမြို့တွေဘက်ကို ပါတီ စည်းရုံးရေး ခရီး ထွက်နေတဲ့ အမျိုးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်ကို ဒေသခံ ပြည်သူတွေက ဝမ်းသာ အားရ ကြိုဆို နှုတ်ဆက် ခဲ့ကြပါတယ်၊ နှစ်ပေါင်း ၂၀ ကျော်အတွင်းမှာ ဒုတိယတကြိမ် ပြန်လာတဲ့ ဒေါ်အောင်ဆန်းစုကြည်ကို မြင်တွေ့ရဖို့ အနီးအနား ရွာတွေက လူတွေကပါ ရောက်လာကြပြီး ရာသီဥတု ဒဏ်ကို ကြံ့ကြံ့ခံ ကြိုဆို ခဲ့ကြတယ်လို့ ဒေသခံတွေက ပြောပြကြပါတယ်၊ ဒေါ်အောင်ဆန်းစုကြည် ပြောတဲ့ စကားတွေ ကြောင့်လည်း အားတက် ရပါတယ်လို့လည်း ပြောကြတဲ့ အကြောင်း ဘန်ကောက်ရုံးက မစုမြတ်မွန်က ပြောပြပါမယ်၊
ဒီကနေ့ မနက် ပုသိမ်မြို့မှာ ထောင်ပေါင်းများစွာသော ပြည်သူတွေရဲ့ ကြိုဆို နှုတ်ဆက်တာ ခံခဲ့ရတဲ့ ဒေါ်အောင်ဆန်းစုကြည့်ဟာ ပုသိမ်ကနေ မြောင်းမြမြို့ဆီကို နေ့ချင်း ခရီးဆက် ပါတယ်၊ ဒေါ်အောင်ဆန်းစုကြည် ယဉ်တန်းသွားရာ လမ်းတလျှောက်မှာ ပြည်သူလူထု တွေက ဝိုင်းပြီး နှုတ်ဆက် နေကြတဲ့အခြေအနေကို မြောင်းမြမြို့က ကိုမျိုးလွင်က ခုလို ပြောပြပါတယ်၊
“လူတွေက လမ်းမှာ ကြိုနေကြတာ အများကြီးပဲ။ အဲဒီလူတွေက တားထားပြီးတော့ ဒေါ်စုကို ပန်းစည်းတွေ ပေးတယ် နှုတ်ဆက်တယ် ဆိုတော့ ဒေါ်စုက အဲဒီ လူအုပ်စုတိုင်း အုပ်စုတိုင်းကို စကားပြောပါတယ် ခင်ဗျ။”
ခုလို လမ်းတလျှောက်မှာ ပြည်သူတွေကို နှုတ်ဆက်စကားပြောနေတာကြောင့် မြောင်းမြမြို့ဆီကို ရောက်ရမယ့် အချိန်ထက် နောက်ကျ နေတာတောင်မှ စောင့်နေကြတဲ့ မြောင်းမြမြို့နယ်က ပြည်သူတွေဟာ ပူပြင်းတဲ့ နေရောင်ဒဏ်အောက်မှာ စောင့်နေခဲ့ကြတာပါ၊
“တမြို့လုံး ခုကြားရတဲ့အတိုင်းပါပဲ၊ သီချင်းတွေဖွင့်ပြီး လူတွေလည်း လှုပ်လှုပ်ရှားရှားနဲ့ မကရုံ တမယ်ပါပဲ၊ အလံလေးတွေ သောင်းဂဏန်းလောက် ချီတယ်၊ လူတိုင်းကိုင်ထားပြီးတော့ ဝှေ့ရမ်းပြီးတော့ အဲလို ပျော်နေကြပါတယ်။ လူတိုင်း ရင်ထဲမှာ ပျော်နေကြတယ်။”
မြောင်းမြမြို့နဲ့ အနီးတဝိုက်မှာရှိတဲ့ ရပ်ကွက် ကျေးရွာတွေက ပြည်သူတွေကပါ ဒေါ်အောင်ဆန်းစုကြည် ကို တွေ့ချင်လို့ မြောင်းမြမြို့ ပေါ်ကို တက်လာကြတာ ထောင်ချီရှိတယ်လို့ မြို့ခံ ကိုမျိုးလွင်က ပြောပါတယ်၊
“မြောင်းမြမြို့ပေါ်မှာ ရပ်ကွက် ၁၂ခုရှိတယ်၊ မြောင်းမြမြို့နယ်မှာ ကျေးရွာအုပ်စုပေါင်း ၉၄ အုပ်စု လောက် ရှိတယ်၊ အဲဒီရွာ တော်တော်များများက တက်လာတာ၊ ကားတွေ လှည်းတွေ သင်္ဘောတွေနဲ့ လာကြတယ်။ အိမ်မဲတို့ မအူပင်တို့ ပုသိမ်တို့က ကားနဲ့လာကြတယ်။”
ခုလို ဒေါ်အောင်ဆန်းစုကြည် မြောင်းမြမြို့ဆီကို မလာခင် ပုသိမ်မြို့ကို အရင်သွားပြီး ပြည်သူလူထုနဲ့ တွေ့ဆုံ ဟောပြော ခဲ့တာဖြစ်ပါတယ်၊ အဲဒီပွဲမှာလည်း လူတွေ ကျိတ်ကျိတ်တိုး လာအားပေးကြတယ်လို့ ပုသိမ်မြို့ အမျိုးသား ဒီမိုကရေစီ အဖွဲ့ချုပ် ပြောခွင့်ရသူ ဦးအောင်တင်ဦးက ပြောပြပါတယ်၊ အာဏာပိုင် တွေဘက်က တားဆီး နှောင့်ယှက်တာမျိုး မရှိတဲ့အတွက် အားလုံး အဆင်ပြေတယ်လို့ ဆိုပါတယ်၊
“ကျနော်တို့တားမရလောက်အောင်ပဲ တိုးကြတဲ့အထိ။ ကျနော်တို့ ကာရတာပေါ့။ နောက်တော့လည်း စည်းနဲ့ ကမ်းနဲ့ သွားဖို့ ပြောတော့လည်း ကွင်းထဲ သွားကြပါတယ်။ ကွင်းထဲမှာက လူ ငါးသောင်း လောက် ရှိမယ်။ အပြင်မှာလည်း မနည်းဘူး။ လမ်းတွေ အတော်များများ အကုန် ပြည့်သွားတာ။ ကွင်းပတ်ပတ်လည်မှာရော ၊ အနောက်ဘက်က ဘုန်းကြီးကျောင်း ၀င်းထဲမှာရော။ အားလုံး အဆင်ပြေပါတယ်။ အနှောက် အယှက်လည်း မရှိတော့လေ။ အဆင် တော်တော်ပြေပါတယ်။ ဒီတိုင်း အေးအေးဆေးဆေး ဖြစ်သွားပါတယ်။”
၁၉၈၉ ခုနှစ်က နောက်ဆုံး ပုသိမ်မြို့ဆီကို ဒေါ်အောင်ဆန်းစုကြည်လာခဲ့တာဖြစ်လို့ အခုတခေါက် ထပ်လာတဲ့ အပေါ်မှာ ဒေသခံတွေက အတိုင်းမသိ ဝမ်းသာ ကြတာ ဖြစ်တယ်လို့ မြို့ခံတယောက်က ပြောပါတယ်၊ ဒေါ်အောင်ဆန်းစုကြည် ကလဲ လူထုနဲ့ တွေ့ဆုံ ဟောပြောမယ့် ကိုးသိန်း အားကစားကွင်း ဆီ အသွား အမိုးဖွင့်ကားပေါ်ကနေ ပုသိမ်ထီးဆောင်းပြီးတော့ လမ်းတဘက် တချက်က ပြည်သူတွေ ကို နှုတ်ဆက်ပါတယ်၊
“တော်တော်တော့ ၀မ်းသာဖို့ ကောင်းပါတယ်။ ကျနော်တို့ အမေကို တွေ့ရတာပဲ၊ ကျနော်တို့ မနက် ၆နာရီကတည်းက ရုံးဝင်းထဲမှာ၊ ကလေးတွေ ဆိုလည်း တက်တက်ကြွကြွနဲ့၊ တချို့ အသက်ကြီးပိုင်း တွေ၊ အသက် တရာကျော်ရှိတဲ့ ပုဂ္ဂိုလ်ကြီးတွေတောင် လာပါတယ်။ ကျနော်တို့ ချစ်လည်း ချစ်တယ်၊ ကျနော်တို့က အမေ့ကို နဂိုကတည်းက လေးစားတာကိုး၊ အတိုင်းအဆမရှိ ၀မ်းသာ သွားတာပေါ့။ မတွေ့စဖူး တွေ့ရတာလေ၊ ကျနော်တို့မှာ။ တချို့ဆိုရင် စက်လှေတွေနဲ့ လာတယ်၊ ပင်လယ်ပိုင်းက ဆိုလည်း သင်္ဘောတွေနဲ့ လာတယ်။ ကားလမ်းတွေကလည်း လူထုနဲ့ ပြည့်ကျပ်ညပ် နေတော့လေ တယောက်နဲ့တယောက် ညီအကို မောင်နှမတွေလို စိတ်ထားတွေ ပြလိုက်တာပေါ့လေ။ ဧရာဝတီတိုင်းက အမေစုကို ဘယ်လို ကြိုဆိုတယ် ဆိုတာကို အမေစုလည်း မျက်မြင် တွေ့သွားတာပေါ့ နော်။”
ပုသိမ်မြို့မှာ ဒေါ်အောင်ဆန်းစုကြည်ပြောကြားခဲ့တဲ့ မိန့်ခွန်းကတော့ အလုပ်အကိုင်တွေ ဖန်တီးပေး နိုင်ဖို့၊ ပြည်သူ့ တွေအတွက် ကျန်းမာရေး စောင့်ရှောက်မှုတွေ ပေးနိုင်ဖို့ နောက် ဥပဒေစိုးမိုးရေး၊ ပြည်တွင်း ငြိမ်းချမ်းရေးတွေ အတွက်ကို အမျိုးသား ဒီမိုကရေစီ အဖွဲ့ချုပ် ရွေးကောက်ပွဲ ဝင်ရတာဖြစ်တယ် ဆိုတာကို အဓိက ပြောကြားသွားပါတယ်၊ ပြည်သူတွေ စည်းကမ်းရှိဖို့ ကိုယ့်ရဲ့ အစွမ်းအစကို သင့်တော်တဲ့ နေရာမှာ အသုံးချကြဖို့ ကိုလည်း ဒေါ်အောင်ဆန်းစုကြည်က တိုက်တွန်းပါတယ်၊ နောက် မြန်မာနိုင်ငံမှာ ရှားရှားပါးပါး လုပ်တဲ့ရွေးကောက်ပွဲမှာ ကိုယ့်ရဲ့တန်ဖိုးရှိတဲ့ မဲပြားကို ပယ်မဲ မဖြစ်အောင် သတိထားကြဖို့ကိုလဲ ဒေါ်အောင်ဆန်းစုကြည်က မိန့်ခွန်းထဲမှာ ပြောသွားပါတယ်၊
“မဲနိုင်ရင် မရှိဆင်းရဲသားတွေနဲ့ ပြည်သူလူထုအတွက် လုပ်ပေးဖို့ကို တော်တော်ပြောသွားပါတယ်၊ ပြည်သူလူထု ကောင်းစားဖို့ ပြောပါတယ်။ ကျနော်တို့က ၀မ်းသာတယ်၊ ကျနော်တို့ နိုင်ငံကောင်းအောင် လုပ်မှာဖြစ်တဲ့ အတွက် ကျနော်တို့ တော်တော်ဝမ်းသာတယ်၊ အားလည်း ရှိတာပေါ့ဗျာ။”
ဒေါ်အောင်ဆန်းစုကြည်ရဲ့ မိန့်ခွန်းကြောင့် အားတက်တယ်ဆိုတဲ့ ပုသိမ်မြို့သားက မိန်းခွန်းစကား ထဲက သူနှစ်သက်တဲ့ အပိုင်းကိုလည်း ခုလို ပြောပြပါတယ်၊
“အမေကတော့ ပညာတတ်တွေပေါပြီး အဲဒီပညာကို အသုံးမချတတ်ရင် အလကားဖြစ်မယ်လို့ ပြောတာကို ကျနော် တော်တော် ကြိုက်တယ်ဗျ”
ဆင်းရဲနေကြတဲ့ တောင်သူလယ်သမားတွေရဲ့ ဘဝတွေအတွက်လည်း အမျိုးသားဒီမိုကရေစီအဖွဲ့ချုပ် မှာ တာဝန်တွေ ကြီးလာပြီလို့ မြောင်းမြမြို့နယ် အားကစားကွင်းမှာ ပြောတဲ့ မိန့်ခွန်းမှာ ဒေါ်အောင်ဆန်းစုကြည် က ပြောသွားခဲ့ပါတယ်၊ အခုတော့ ဒေါ်အောင်ဆန်းစုကြည်နဲ့ အဖွဲ့ဟာ ရန်ကုန်မြို့ကို ပြန်သွားကြပြီ ဖြစ်ပါတယ်ရှင်၊
Ref: VOA News
Read More...
Collapse...
2012-02-07
ရွှေည၀ါ ဆရာတော် ဦးပညာသီဟကို နိုင်ငံတော် သံဃာ့ မဟာနာယက အဖွဲ့က မနှစ် ဖေဖော်ဝါရီလက စပြီး တစ်နှစ်တိတိ တရားဟောခွင့် ပိတ်ပင်ခဲ့တဲ့ အချိန်ကာလ ပြည့်မြောက်သွားပြီ ဖြစ်တဲ့အတွက် ပြန်လည် ဟောပြောခွင့် ပြုလိုက်ကြောင်း နိုင်ငံတော် သံဃာ့ မဟာနာယက ဥက္ကဋ္ဌ ဗန်းမော်ဆရာတော်က မနေ့က ထုတ်ပြန် ကြေညာခဲ့ပါတယ်။
ရှမ်းပြည်နယ် တာချီလိတ်မြို့မှာ ရွှေည၀ါ ဆရာတော်က လာမယ့်ဖေဖော်ဝါရီ ၁၁ နဲ့ ၁၂ ရက်တွေမှာ တရား ဟောပြောဖို့ စီစဉ် ထားတာပါ။ ဒါပေမယ့် သက်ဆိုင်ရာ သာသနာရေးဌာန အရာရှိတွေက သံဃာ့ မဟာနာယကရဲ့ခွင့်ပြုချက် လိုတယ်လို့ ဆရာတော်ကို လျှောက်ထား လာတဲ့အတွက် အခုလို သံဃာ့ မဟာနာယက ဥက္ကဋ္ဌရဲ့ခွင့်ပြုချက်ကို တောင်းခံ ခဲ့ရတာလို့ ရွှေည၀ါ ဆရာတော်က မိန့်ကြားပါတယ်။
ရွှေည၀ါ ဆရာတော်ကို မန္တလေးမြို့ အမျိူးသား ဒီမိုကရေစီအဖွဲ့ချုပ်ရုံးမှာ တရားဟောခဲ့လို့ သီတင်း သုံးနေထိုင်တဲ့ သာဓု ကျောင်းတိုက်ကနေ ထွက်ခွာပေးဖို့ ပြီးခဲ့တဲ့နှစ် နိုဝင်ဘာ ၂၈ ရက်က သံဃာ့ မဟာနာယက အဖွဲ့က အမိန့် ထုတ်ပြန် ထားပါတယ်။
ရွှေည၀ါဆရာတော် တစ်ပါးတည်းအနေနဲ့ ရွှေ့ပြောင်းမယ့်ကိစ္စ လွယ်ကူပေမယ့် လက်ရှိ ပို့ချနေတဲ့ သင်တန်း အားလုံး ဖျက်သိမ်း ရမှာကြောင့် စာသင် သံဃာတော်တွေနဲ့ သီလရှင်တွေအတွက် ဆုံးရှုံးနစ်နာမှုတွေ ရှိမယ်လို့ ဆရာတော်က မိန့်ကြား သွားပါတယ်။
Ref: RFA News
Read More...
Collapse...
ဥပဒေဘက်တော်သားတဦး
February 3, 2012
၁။ အမျိုးသားဒီမိုကရေစီအ ဖွဲ့ချုပ်၏ ဥက္ကဋ္ဌအဖြစ် ဆောင်ရွက်လျက် ၁-၄-၂၀၁၂ ခုမှာ ကျင်းပမည့် ကြားဖြတ် ရွေးကောက်ပွဲမှာ NLD အောင်နိုင်ရေး၊ မိမိကိုယ်တိုင် ကော့မှူး မဲဆန္ဒနယ်မှာ အောင်ပွဲခံ၊ အနိုင်ရရှိရေး အတွက် ကိုယ်စွမ်း ဉာဏ်စွမ်း ရှိသလောက် မအိပ်မနေ ကြိုးပမ်းနေသည့် ဒေါ်အောင်ဆန်းစုကြည်သို့ မြန်မာ နိုင်ငံရေးခရီးမှာ ရင်ဆိုင်ရဖွယ်ရှိ သည့် ပြဿနာများကို ကျနော် လေ့လာ မိသလောက် သန့်စင်သော စေတနာဖြင့် တင်ပြလိုပါသည်။
၂။ ဒေါ်အောင်ဆန်းစုကြည် အနေဖြင့် ယခုလို လှုပ်ရှားဆောင်ရွက် လာနိုင်သည့် အခြေခံ အကြောင်းရင်းဟာ နေပြည်တော် မှာ သမ္မတ ဦးသိန်းစိန်နှင့် တွေ့ဆုံ ဆွေးနွေးခဲ့ရာက စတင် ဖြစ်ပေါ်လာခဲ့သည် ဆိုလျှင် ငြင်းစရာ မရှိဟု ထင်ပါသည်။
၃။ အဲဒီလို တွေ့ဆုံကြပြီးအပြန်မှာ NLD အမှုဆောင် စည်းဝေးပွဲခေါ်ပြီး “ကျမအနေနဲ့ ဦးသိန်းစိန်ကို ယုံကြည်တယ်။ NLD ပါတီကို မှတ်ပုံပြန်တင်ပြီး ကြားဖြတ် ရွေးကောက်ပွဲဝင်မယ်။ ကျမကို ထောက်ခံကြပါ။ တာဝန်ယူပါတယ်” ဆိုပြီး အခုလို ပါတီမှတ်ပုံတင်၊ ကြားဖြတ်ရွေး/ပွဲဝင်ဖို့ ဆောင်ရွက်ခဲ့သည်ဟု ယူဆပါသည်။ ဒီလို ဆောင်ရွက်နိုင်အောင် ဦးသိန်းစိန်က ၂၀၁၀ ရွေးကောက်ပွဲ ဥပဒေနဲ့ နည်းဥပဒေ ထဲက ပုဒ်မအချို့ကို ပြင်ပေးခဲ့ပါသည်။ ထောင်ကျခံ နေရသူ ရွေး/ပွဲဝင်ခွင့်၊ ၂၀၀၈ အခြေခံ ဥပဒေကို ထိန်းသိမ်းစောင့်ရှောက်ပါမည်ဆိုသည့် စကားအစား လေးစား “လိုက်နာပါမည်” ဟု ပြင်ဆင် ချက်၊ အနည်းဆုံး မဲဆန္ဒနယ်သုံးနယ် ၀င်ရောက်ယှဉ်ပြိုင် ရမည်ဟူသော ဥပဒေသုံးခုတို့ကို ပြင်ပေးသည်ဟု ဆိုကာ ဒေါ်စု တို့ NLD ပါတီ မှတ်ပုံတင်ပြီး ရွေးကောက်ပွဲဝင်နိုင်ရန် ကြေညာချက် ထုတ်ခဲ့သည်ဟု မှတ်သားမိပါသည်။ ရွေးကောက်ပွဲ ဥပဒေနှင့် အခြေခံဥပဒေပါ အရေးကြီးသော ပုဒ်မတို့ကို ပြင်ပေးထားကြောင်း မတွေ့ရပါ။
၎။ အထက်ပါ လိုက်လျောချက်များမှာလည်း ထောင်ကျခံနေရသူ ရွေးး/ပွဲဝင်ခွင့်ဆိုသည်မှာ ယခုအချိန်၌ ဒေါ်စုသည် ထောင်ကျနေသူ မဟုတ်တော့ပါ။ အခြေခံဥပဒေကို ထိန်းသိမ်း စောင့်ရှောက်ပါမည် ဆိုသည့် စကားရပ်အစား လေးစား လိုက်နာ ပါမည်ဟု ပြင်ဆင် ပေးခြင်းကလည်း “အရာကြီးနှင့် ကုလားကြီး” ပါပဲ။ ကျနော် အဓိကထား တင်ပြဆွေးနွေးချင် သည်မှာ အောက်ပါ အချက်အလက်၊ ဥပဒေများနှင့် သုံးသပ်ချက်များ ဖြစ်ပါသည်။
၅။ ပြည်သူ့လွှတ်တော်ကိုယ်စားလှယ်အဖြစ် ရွေးကောက်တင်မြှောက်ခံပိုင်ခွင့် မရှိခြင်း ခေါင်းစဉ်အောက်တွင် ၂၀၀၈ ခု နှစ်၊ အခြေခံဥပဒေပုဒ်မ ၁၂၁၊ ပုဒ်မခွဲ (စ) ၌ “နိုင်ငံခြား အစိုးရ၏ လက်အောက်ခံ ဖြစ်သူသော်လည်းကောင်း၊ တိုင်းတပါး၏ နိုင်ငံသား သော်လည်းကောင်း ခံစားရသော အခွင့်အရေးများ၊ သို့မဟုတ် ကျေးဇူး ခံစားခွင့်များကို ခံစားနိုင်ခွင့်ရှိသူ” ဟု ပါရှိပါသည်။
ထိုပုဒ်မ ၁၂၁၊ ပုဒ်ခခွဲ(စ)ပါ ပြဋ္ဌာန်းချက်အတိုင်းပင် ရွေးကောက်ပွဲ ဥပဒေပုဒ်မ ၁၀ တွင် “အောက်ပါ ပုဂ်္ဂိုလ်များသည် ရွေးကောက်ပွဲတွင် ရွေးကောက် တင်မြှောက်ခံပိုင်ခွင့် မရှိစေရ” ဟူသော ခေါင်းစဉ် အောက်တွင်လည်း ပြဋ္ဌာန်းထားပါသည်။
၆။ အထက်ပါ ပုဒ်မများမှာ ပြဋ္ဌာန်းချက်အရ နိုင်ငံခြားသားထံမှ အခွင့်အရေးများ၊ ကျေးဇူးခံစားခွင့် များကို ခံစားနိုင် ခွင့်ရှိ သူ၊ ခံစားပိုင်ခွင့် ရှိသူသည် ခံစားသည်ဖြစ်စေ၊ မခံစားသည်ဖြစ်စေ ခံစားခွင့်ရှိပါက ရွေးကောက်ပွဲဝင်ခွင့် မရရှိနိုင်ဟု အဓိပ္ပာယ် ကောက်ယူနိုင်ပါသည်။
၇။ အထက်ပါ ရွေးကောက်ပွဲဥပဒေနှင့် အခြေခံဥပဒေပါ ပုဒ်မကို လုံးဝ ပြင်ဆင်မထားဘဲ ပြဋ္ဌာန်းထားဆဲ ရှိပါသည်။ မယုံ မရှိပါနှင့်။ ယင်းဥပဒေများကို လေ့လာကြပါဦးဟု တိုက်တွန်းပါရစေ။
၈။ ထိုသို့ ပြဋ္ဌာန်းထားသည်ဆိုလျှင် ဒေါ်အောင်ဆန်းစုကြည်၏ ပကတိ အခြေအနေနှင့် မည်သို့သက်ဆိုင်နေသည်ကို တင်ပြ လိုပါသည်။
(က) ၁၉၅၄ ခုနှစ် ဗုဒ္ဓဘာသာဝင်မိန်းမများ အထူးထိမ်းမြားမှုနှင့် အမွေဆက်ခံမှုအက်ဥပဒေကို အောက်ပါအတိုင်း ပါလီ မန်တွင် ပြဋ္ဌာန်း ခဲ့ပါသည်။ ထိုအမွေ ဆက်ခံမှု အက်ဥပဒေပုဒ်မ ၂၂ တွင် ဗုဒ္ဓဘာသာဝင် မဟုတ်သည့် ယောက်ျားက၊ ဗုဒ္ဓ ဘာသာဝင် မိန်းမကို ထိမ်းမြားရန် ကတိပြုလျှင် ထိုယောက်ျားသည် ထိုမိန်းမကို ဤအက်ဥပဒေအရ ထိမ်းမြားရန် ကတိ ပြုသည်ဟု မှတ်ယူရပါမည်။
(ခ) ပုဒ်မ ၂၃ တွင် …
ဟိန္ဒူဘာသာ၊ ဆိ(ခ)ဘာသာ၊ ဂျိန္နဘာသာ တရပ်ရပ်ကို ကိုးကွယ်သော ပစ္စည်းမခွဲရသေးသည့် အိမ်ထောင်စုဝင် တဦး တယောက်သည် ဗုဒ္ဓဘာသာဝင် မိန်းမနှင့် ဤအက်ဥပဒေအရ ထိမ်းမြားလျှင်၊ သို့တည်းမဟုတ် ထိမ်းမြားခဲ့သည်ဟု မှတ်ယူခြင်း ခံရလျှင် ထိုသူသည် ထိုအိမ်ထောင် မိသားစုမှ ခွဲခွာပြီဟု မှတ်ယူရမည်။ ထို့ပြင် ပစ္စည်းခွဲဝေခြင်းမပြုမီ ထိုသူသေ ဆုံးလျှင် ထိုသူပိုင်သည့် ဆိုင်ရာ ဆိုင်ခွင့်သည် ထိုသူ၏ မယားနှင့် သားသမီးများသို့ သက်ရောက်ရမည်။
(ဂ) ပုဒ်မ ၂၄ (၁) ဤအက်ဥပဒေပုဒ်မအရ ထိမ်းမြားသူတို့၏ သို့တည်းမဟုတ် ထိမ်းမြားခဲ့သည်ဟု မှတ်ယူ ခံရသူတို့၏ ပစ္စည်းပိုင်ခွင့်နှင့် စပ်လျဉ်းသောကိစ္စ အားလုံးကို ထိုသူတို့နှင့် ထိုသူတို့၏ မိသားစုအားလုံးသည် ဗုဒ္ဓဘာသာဝင် မြန်မာလူ မျိုးချည်း ဖြစ်ဘိသကဲ့သို့ ဗုဒ္ဓဘာသာ ဓမ္မသတ်အတိုင်း ဆုံးဖြတ်ရမည်။
၉။ အထက်ပါ ပြဋ္ဌာန်းချက်များကို သုံးသပ်လျှင် ဒေါ်အောင်ဆန်းစုကြည်အနေဖြင့် ရွေးကောက်ပွဲဝင်ရန် ဖြစ်နိုင်အံ့ မထင်ပါ။ ၀င်ခွင့်ရလုိ့ ရွေးကောက်ပွဲနိုင်၍ လွှတ်တော်ထဲ ရောက်လျှင်လည်း ပြိုင်ဘက် အမတ်လောင်းက ကန့်ကွက်လျှင် လွှတ်တော် ကိုယ်စားလှယ် ဘ၀မှ ပြုတ်၍ “ဖွတ်မရ ဓားမဆုံးသည့်ဘ၀” ရောက်သွားနိုင်ပါသည်။
၁၀။ ဒေါ်အောင်ဆန်းစုကြည်သည် နိုင်ငံခြားသား မိုက်ကယ်အဲရစ်၏ ဇနီးဖြစ်ပါသည်။ မိုက်ကယ်အဲရစ်သည် နိုင်ငံခြား အစိုးရ၏ လက်အောက်ခံဖြစ်ပြီး တိုင်းတပါးသားလည်း ဖြစ်ပါသည်။ ဗုဒ္ဓဘာသာဝင် ဖြစ်သည်ဟုလည်း သိရပါသည်။ အမွေ မခွဲမီ သေဆုံးခဲ့သဖြင့် သူခံစားခွင့်ရှိသော အမွေပစ္စည်းများကို ဒေါ်အောင်ဆန်းစုကြည် ခံစားခွင့် ရှိပါသည်။ ခံစားမှု မပြုဟု ပြောနိုင်သော်လည်း ဥပဒေအရ ခံစားခွင့်ရှိကြောင်း ထင်ရှားပါသည်။ ထိုသို့ဆိုလျှင် ရွေးကောက်ပွဲ ဥပဒေပုဒ်မ ၁၀ နှင့် အခြေခံ ဥပဒေ ၁၂၁-ပုဒ်မခွဲ(စ)တို့တွင် ပြဋ္ဌာန်းထားချက်များနှင့် အရေးယူလျှင် ခံရနိုင်ဘွယ် ရှိပါသည်။
၁၁။ ရွေးကောက်ပွဲဥပဒေကို ပြင်လိုက ပြင်နိုင်သော်လည်း အခြေခံဥပဒေ ၁၂၁(စ)ကို ပြင်ရန်မှာ အလွန်ခဲ ယဉ်းပါသည်။ ပြည်သူ့ လွှတ်တော်တွင် လွှတ်တော်ကိုယ်စားလှယ် ၇၅% ကျော် ထောက်ခံမဲဖြင့် ပြင်ဆင်ရပါမည်။ လက်ရှိ ပြည်သူ့လွှတ် တော်တွင် ကြံ့/ဖွံ့အမတ် ၆၀% နှင့် တပ်မတော်ကိုယ်စားလှယ် ၂၅% ရှိသည်ဟု မှတ်သား မိပါသည်။ အခြား အမတ်များသည် ၂၀% ပင် မရှိပါ။ ဤသို့ဆိုလျှင် ဒေါ်အောင်ဆန်းစုကြည်သည် အမတ် မဖြစ်နိုင်ပါ။ အမတ်ဖြစ်ဖို့ အင်္ဂါရပ်တွင် ပါဝင် သော ပုဒ်မ ၁၂၀၊ ၁၂၁ တို့နှင့် မညီလျှင် မည်သူ့ကိုမျှ ၀န်ကြီး မခန့်နိုင်ပါ။ ဒု-သမတ ဖြစ်ဖို့ဆိုလျှင်လည်း အခြေခံဥပဒေ ပုဒ်မ ၅၉၊ ပုဒ်မခွဲ (စ) အရ သားသမီးများ နိုင်ငံခြားသား ဖြစ်နေလျှင် ဒု-သမ္မတ မဖြစ်နိုင်ပါ။
၁၂။ ကျနော့် တင်ပြချက်များသည် ဥပဒေပါအတိုင်းဖြစ်၍ ဒေါ်အောင်ဆန်းစုကြည်အနေဖြင့် ကြိုတင်စဉ်း စားနိုင်ရန်သာ ဖြစ်ပါသည်။ ဦးသိန်းစိန် အစိုးရက လိုက်လျောလျှင် ရနိုင်မည်ဆိုပါက ၀မ်းမြောက်ဘွယ်၊ ဂုဏ်ယူဘွယ် ဖြစ်ပါသည်။ လိုက်လျောနိုင်အံ့ မထင်ပါ။ ၁၉၉၀ ခု ရွေးကောက်ပွဲ တုန်းက ဗဟန်းမြို့နယ်အတွက် ကိုယ်စားလှယ်လောင်းကို ဒေါ်အောင်ဆန်းစုကြည်အား တင်သွင်းရာတွင် တစည ကိုယ်စားလှယ် အမတ်လောင်း ဦးလဗန်ဂရောင်က ကန့်ကွက်၍ ဒေါ်စု ရွေးကောက်ပွဲ မ၀င်ခဲ့ရသည်ကို ပြန်လည်သတိရ၍ လိုအပ်သည်တို့ကို ကာကွယ်နိုင်ရန် ရိုးသားစွာ တင်ပြအပ်ပါ သည်။ NLD ဥပဒေ ပညာရှင်များနှင့်လည်း တိုင်ပင်သင့်သည်ဟု အကြံပြုလိုပါသည်။
Ref: နေ့သစ်
Read More...
Collapse...
04 ဖေဖော်ဝါရီ 2012
မသင်းသီရိ
မန္တလေးကိုလာဖို့ ခရီးစဉ်ကို အခုရွေ့ဆိုင်းထားရပေမဲ့ နောက်ပိုင်းလာဖို့ အတွက် စီစဉ်ရာမှာ ဒီမိုကရေစီ နိုင်ငံတစ်ခုအဖြစ် တည်ဆောက် လိုတဲ့ အဖွဲ့အစည်းတွေကြား ပိုမိုခိုင်မာတဲ့ နားလည်မှုတွေ ရရှိလာမယ်လို့ မျှော်လင့်တဲ့အကြောင်း မြန်မာ့ဒီမိုကရေစီ ခေါင်းဆောင် ဒေါ် အောင်ဆန်းစုကြည်က ပြောလိုက်ပါတယ်။ မန္တလေးကို ပါတီစည်းရုံးရေးအဖြစ် သွားဖို့ခရီးစဉ် ပျက်သွားခဲ့တာနဲ့ ပတ်သက်လို့ ဒေါ်အောင် ဆန်းစုကြည်က မန္တလေးလူထုကို အခုလို အသိပေးချက် ထုတ်ပြန်ခဲ့တာ ဖြစ်သလို NLD ရုံးချုပ်က တာဝန်ရှိသူတွေ ဟာလည်း မန္တလေး က သတင်းထောက်တွေနဲ့ သတင်းစာ ရှင်းလင်းပွဲတစ်ခု ပြုလုပ်ခဲ့ပါတယ်။ ဒီအခြေအနေ တွေကိုတော့ မသင်းသီရိက တင်ပြထားပါတယ်။
မူလက ဖေဖော်ဝါရီ ၄ ရက် နဲ့ ၅ ရက်နေ့တွေမှာ မန္တလေးမြို့ကို ပါတီစည်းရုံးရေး အဖြစ်သွားဖို့ ဒေါ်အောင်ဆန်းစုကြည် စီစဉ်ထားပေမဲ့ လူထုနဲ့ စကားပြောဖို့ နေရာအခက်အခဲတွေကြောင့် အစီအစဉ် ဖျက်ထားရတာနဲ့ ပတ်သက်လို့ မန္တလေးလူထုကို အသိပေးချက်တစ်စောင် ဒေါ်အောင်ဆန်းစုကြည်က ထုတ်ပြန်ခဲ့တာပါ။ မန္တလေးပြည်သူလူထုရဲ့ NLD ပါတီအပေါ် ထောက်ခံမှုကို လေးစား တန်ဖိုးထားသလို နိုင်ငံရေး ရင့်ကျက်မှုနဲ့ တည်ငြိမ်တဲ့ စိတ်ဓါတ်ကို သိထားပါတယ်လို့ ဒေါ်အောင်ဆန်းစုကြည်က ဆိုပါတယ်။
ဒီခရီးစဉ်ဟာ လတ်တလောမှာ ဖျက်ထားရပေမဲ့ နောက်ပိုင်း မန္တလေးလူထုနဲ့ တွေ့ဖို့ စီစဉ်မှာဖြစ်သလို ဒီခရီးစဉ်အတွက် ပြန်စီစဉ်ရာမှာ ဆက်သွယ် ဆောင်ရွက်ရတဲ့ အဖွဲ့အစည်းတွေကြား ပိုမိုနားလည်မှုတွေ ရဖို့ မျှော်လင့်တယ်လို့လည်း ဆိုပါတယ်။
ဒေါ်အောင်ဆန်းစုကြည်ဟာ ဒီကနေ့ မနက်က မန္တလေးကို ရောက်နေတဲ့ NLD သဘာပတိ အဖွဲ့ဝင် ဦးဝင်းတင် ဆီကို ဖုန်းနဲ့ ဆက် သွယ် ပြီး မန္တလေးလူထုကို အသိပေးချက် ပြောဆိုခဲ့တာဖြစ်ပြီး ဦးဝင်းတင် အပါအ၀င် NLD ရုံးချုပ်က တာဝန်ရှိသူတချို့ဟာ မန္တလေး မြို့က သတင်းထောက်တွေနဲ့လည်း သတင်းစာရှင်းလင်းပွဲ လုပ်ခဲ့တယ်လို့ NLD သဘာပတိအဖွဲ့ဝင် ဦးဝင်းတင်က ပြောပါတယ်။
“မန္တလေး ပြည်သူလူထုတွေ ကြားထဲမှာ အခုလို ဒေါ်အောင်ဆန်းစုကြည် ခရီးစဉ် ပျက်သွားတဲ့အခါကျတော့ စိတ်ပျက်စရာ၊ ၀မ်းနည်း စရာ၊ မကျေမချမ်း ဖြစ်စရာတွေ အများကြီး ရှိနိုင်ပါတယ်။ ဒါကိုလည်း သိပါတယ်။ အဲဒီလို သိတဲ့အတွက် ဒေါ်အောင်ဆန်းစုကြည်က ဒီနေ့မနက် ကျနော်ဆီကို ဖုန်းဆက်ပြီးတော့ သူ့ရဲ့ လူထုထံသို့အသိပေး ပြောကြားချက် ဆိုတာကို ပြောပြပါတယ်။ ပြည်ထောင်စု မြန်မာနိုင်ငံ ခိုင်ခိုင်မာမာ တည်ဆောက်လိုတဲ့ ပုဂ္ဂိုလ် အဖွဲ့အစည်းတွေအကြား ပိုမို နားလည်မှုတွေ ရရှိမယ်လို့ ယုံကြည်ပါတယ်လို့ ပြောတယ်။ အဲဒီ အဖွဲ့အစည်း ဆိုတဲ့နေရာမှာ အစိုးရအဖွဲ့များ အပါအ၀င်ပေါ့ အဖွဲ့အစည်းတွေကြားမှာ နားလည်မှုတွေ ပိုရလိမ့်မယ်လို့ ယုံကြည်ပါတယ်လို့ သူ့ရဲ့ ယုံကြည်ချက်ကို ပြောပါတယ်။”
အထူးသဖြင့် နောက်ပိုင်း မန္တလေးကို လာဖို့ ထပ်စီစဉ်ရာမှာ ဒီတခေါက်လိုမျိုး အစီအစဉ်တွေ လုပ်ရတာမှာ အားနည်းတာမျိုး မဖြစ်ရအောင် ပိုပြီးတော့ နားလည်မှုတွေ ရဖို့ မျှော်လင့်ထားပါတယ်။
“ဒီအဖွဲ့အစည်းတွေကြားမှာ နားလည်မှုတွေ ပိုပြီးရရှိလိမ့်မယ်လို့ သူ ယုံကြည်တဲ့အချက်က ပိုပြီးတော့ အရေးကြီးမယ်လို့ ထင်ပါတယ်။ ပြီးခဲ့တာတွေ ပြီးပြီ။ ဖြစ်သင့်တာတွေနဲ့ ပတ်သက်ပြီးတော့ ပျက်ကွက်မှုတွေ ဟိုဘက်ဒီဘက် ရှိကြမယ်။ အားနည်းမှုတွေ ရှိမယ်၊ ဒါပေမဲ့ ဒီ အဖွဲ့အစည်းတွေကြားမှာ အစိုးရ အပါအ၀င်ပေါ့လေ ပိုပြီးတော့ နားလည်မှုတွေ ရရှိမယ်လို့ သူ ယုံကြည်ပါတယ်လို့ ပြောတာဟာ အရေး ကြီးတဲ့စကားလို့ ကျနော် ထင်ပါတယ်။”
ဒါကတော့ ဒေါ်အောင်ဆန်းစုကြည် မန္တလေး အစီအစဉ် ဖျက်လိုက်ရတာနဲ့ ပတ်သက်လို့ ဒေါ်အောင်ဆန်းစုကြည်က မန္တလေးလူထုကို အသိပေးတာနဲ့ ပတ်သက်ပြီး NLD သဘာပတိအဖွဲ့ဝင် ဦးဝင်းတင် ပြောပြခဲ့တာပါ။ ဒေါ်အောင်ဆန်းစုကြည် မန္တလေးကို ဘယ်ရက်မှာ သွားမယ်ဆိုတာ လတ်တလော မဆုံးဖြတ်ရသေးဘူးလို့ NLD ပါတီက ပြောသလို လာမယ့် အင်္ဂါနေ့ ဖေဖော်ဝါရီလ ၇ ရက်နေ့မှာတော့ ပုသိမ်နဲ့ မြောင်းမြ မြို့တွေကို ပါတီစည်းရုံးရေးသွားမှာ ဖြစ်ပါတယ်။
တဆက်တည်းပဲ ဦးဝင်းတင်ဟာ ညနေပိုင်းမှာ မန္တလေးမှာရှိတဲ့ အိန္ဒိယ ကောင်စစ်ဝန်ရုံးက တာဝန်ခံ အိန္ဒိယ သံမှူးနဲ့ တွေဆုံတဲ့ အခါမှာ လည်း အိန္ဒိယအစိုးရရဲ့ မြန်မာနိုင်ငံပေါ် ရပ်တည်ချက်တွေနဲ့ ပတ်သက်လို့ ပြောပြခဲပါတယ်။
“အိန္ဒိယဟာ ကျနော်တို့ရဲ့ နိုင်ငံရေးစံပြုတဲ့ နိုင်ငံဖြစ်တယ်။ လွတ်လပ်ရေး မတိုင်ခင်ကတည်းက ကိုလိုနီခေတ်ကတည်းက ကျနော်တို့ရဲ့ စံထားစံပြုတဲ့ နိုင်ငံဖြစ်တယ်။ အဲဒီနိုင်ငံဟာ နောက်ပိုင်းမှာလည်း ဒီမိုကရေစီဖြစ်စဉ်မှာလည်း အိန္ဒိယဟာ မြန်မာနိုင်ငံရဲ့ ဒီမိုကရေစီ ရေး တွေမှာ အများကြီး ကူညီ အားပေးခဲ့တယ် ဆိုတာကို သူတို့သိတယ်။ ဒါပေမဲ့လို့ အစိုးရဟာ အရှေ့မျှော်ဝါဒ ဆိုတဲ့ဟာကို ကျင့်သုံးတဲ့ အချိန်ကစပြီး နောက်ပိုင်းမှာ မြန်မာပြည်နဲ့ ပတ်သက်လို့၊ ဒီမိုကရေစီရေးနဲ့ ပတ်သက်လို့ ဘာမှ မပြောတော့ဘဲနဲ့ ခပ်ခွာခွာ နေခဲ့တာ ဟာ ဒီနှစ်ကာလအချိန် အထိပေါ့။ ကျနော်တို့ကတော့ ဒါကို အားငယ်စိတ်ပျက်ခြင်း ဖြစ်ရပါတယ်။ ဒါပေမဲ့ နောက်ကျရင်တော့ တိုးတက်ပြီး တော့ မြန်မာနိုင်ငံ ဒီမိုကရေစီရေး နဲ့ပတ်သက်ပြီးတော့ အိန္ဒိယရဲ့ ထောက်ခံအားပေးမှုတွေ ကူညီရိုင်းပင်းမှုတွေ ရလိမ့်မယ်လို့ ကျနော်တို့ မျှော်လင့်ပါတယ်။ အဲဒါတော့ ကျနော်တို့ ပြောလိုက်ပါတယ်။ သူတို့ဘက်ကတော့ နားထောင်ရုံပါပဲ။”
NLD ပါတီ သဘာပတိအဖွဲ့ဝင် ဦးဝင်းတင် ဖြစ်ပါတယ်။ ဒါ့အပြင် မန္တလေး NLD ရွေးကောက်ပွဲ အောင်နိုင်ရေး အဖွဲ့က စီစဉ်ထားတဲ့ ပွင့်သစ်လွင်ပြင် ပန်းချီပြပွဲ ကို ဒီကနေ့ ဖွင့်လှစ်ခဲ့သလို အဲဒီပြပွဲမှာ ပန်းချီဆရာပေါင်း ၁၃၀ ကျော်က ရေးဆွဲထားတဲ့ ပန်းချီကားပေါင်း ၂၀၀ ကျော်ကို ပြသထားပါတယ်။
Ref: ဗွီအိုအေ
Read More...
Collapse...
04 ဖေဖော်ဝါရီ 2012
ဆီးရီးယား နိုင်ငံသားတွေအပေါ် တနှစ်နီးပါးလောက် အကြမ်းဖက် နှိပ်ကွပ်နေတဲ့ သမ္မတ ဘက်ရှာအယ်လ်အာဆဒ် (Bashar al-Assad) ကို ပြစ်တင် ရှုတ်ချထားတဲ့ လုံခြုံရေးကောင်စီရဲ့ အဆိုပြုချက်ကို ရုရှားနဲ့ တရုတ်နိုင်ငံတို့က ဗီတိုအာဏာသုံးပြီး ပယ်ချလိုက်ကြပြန်ပါပြီ။
ဆီးရီးယားနိုင်ငံအတွင်းက အကြမ်းဖက်မှုတွေကို ပြစ်တင် ရှုတ်ချထားပြီး သမ္မတ အာဆဒ် ရာထူးက ဆင်းပေးဖို့ တောင်းဆိုထားတဲ့ အနောက်အုပ်စုနဲ့ အာရပ်နိုင်ငံတွေရဲ့ အဲဒီ အဆိုပြုချက်ကို လုံခြုံရေးကောင်စီ အဖွဲ့ဝင် ၁၅ နိုင်ငံက စနေနေ့က မဲခွဲ ဆုံးဖြတ်ခဲ့ကြတာမှာ အမေရိကန်ပြည်ထောင်စု၊ ဂျာမဏီနဲ့ ပြင်သစ် အပါအ၀င် ၁၃ နိုင်ငံက ထောက်ခံခဲ့ကြပါတယ်။
သမ္မတ အာဆဒ် အစိုးရက သွေးထွက်သံယိုမှု အများဆုံး အကြမ်းဖက် တိုက်ခိုက်မှု ထပ်မံ ပြုလုပ်ပြီးနောက်မှာ လုံခြုံရေးကောင်စီမှာ မဲခွဲ ဆုံးဖြတ်ကြတာပါ။ ဆီးရီးယား လုံခြုံရေးတပ်ဖွဲ့တွေက စနေနေ့ အစောပိုင်းမှာ ဟုမ်းစ် မြို့ကို အမြောက်တွေ၊ မော်တာတွေနဲ့ အပြင်း အထန် တိုက်ခိုက်ခဲ့တာကြောင့် အနည်းဆုံး ၂၀၀ လောက် သေဆုံးခဲ့ပါတယ်။
လုံခြုံရေးကောင်စီက ဆုံးဖြတ်ချက် မချနိုင်တဲ့အပေါ် အတွင်းရေးမှူးချုပ် ဘန်ကီမွန်းက ပြစ်တင် ရှုတ်ချလိုက်ပြီး ဆီးရီးယား ပဋိပက္ခ အဆုံးသတ်နိုင်အောင် တညီတညွတ်တည်း ၀ိုင်းဝန်း လုပ်ဆောင်နိုင်မယ့် အခွင့်အရေး လုံခြုံရေးကောင်စီ အနေနဲ့ ဆုံးရှုံးသွားပြီလို့ သူက ပြောပါတယ်။ ဆီးရီးယားနိုင်ငံနဲ့ ဆိုင်တဲ့ ပြတ်သားတဲ့ ဆုံးဖြတ်ချက် မချနိုင်တာဟာ ကုလသမဂ္ဂရဲ့ အခန်းကဏ္ဍကို သေးသိမ်သွားစေတဲ့ အကြောင်းနဲ့ သမ္မတ အာဆဒ် အစိုးရအနေနဲ့ ပြည်သူတွေအပေါ် အကြမ်းဖက် နှိပ်ကွပ်နေတာတွေ ရပ်တန့်ဖို့ ကုလသမဂ္ဂ အတွင်းရေးမှူးချုပ် ဘန်ကီမွန်းက တောင်းဆိုလိုက်ပါတယ်။
သမ္မတ အာဆဒ်အစိုးရရဲ့ လူမဆန်စွာ အကြမ်းဖက် နှိပ်ကွပ်မှုတွေကို ဆန့်ကျင်ပြီး လုံခြုံရေးကောင်စီအနေနဲ့ ရပ်တည်ဖို့ အမေရိကန် သမ္မတ ဘရက်အိုဘားမားက တောင်းဆိုပြီး နာရီပိုင်းအကြာမှာပဲ ရုရှားနဲ့ တရုတ်နိုင်ငံတို့က လုံခြုံရေးကောင်စီမှာ အခုလို ဗီတိုအာဏာ သုံး ပယ်ချလိုက်ကြတာပါ။
ဆီးရီးယား အစိုးရဟာ ပြည်သူတွေကို အကြင်နာကင်းမဲ့စွာ ရက်ရက်စက်စက် သတ်ဖြတ်နေတာတွေအပေါ် သမ္မတ အိုဘားမားက အပြင်းထန်ဆုံး စကားလုံးတွေသုံးပြီး ဝေဖန် ရှုတ်ချထားတာပါ။
Ref: ဗွီအိုအေ
Read More...
Collapse...
04 ဖေဖော်ဝါရီ 2012
အာရပ်နွေဦး လို ဒီမိုကရေစီအရေး လှုပ်ရှားမှုမျိုး တရုတ်နိုင်ငံမှာလည်း ဖြစ်လာလိမ့်မယ်လို့ တချိန်က အမေရိကန် သမ္မတလောင်း အဖြစ် ၀င်အရွေးခံဖူးတဲ့ အမေရိကန် အထက်လွှတ်တော်အမတ်က သတိပေး ပြောကြားလိုက်ပါတယ်။
ဂျာမဏီနိုင်ငံ မြူးနစ်မြို့မှာ ကျင်းပနေတဲ့ အဆင့်မြင့် လုံခြုံရေးဆိုင်ရာ ညီလာခံအတွင်း တရုတ် ဒုတိယ နိုင်ငံခြားရေးဝန်ကြီး Zhang Zhijun ကို အာရီဇိုးနား ပြည်နယ်က ရီပါဘလီကန်ပါတီ အထက်လွှတ်တော်အမတ် ဂျွန်မက်ကိန်း က စနေနေ့မှာ အဲဒီလို ပြောကြား လိုက်တာပါ။
တရုတ်နိုင်ငံ တိဘက်ဒေသမှာ ကိုယ့်ကိုယ်ကို မီးရှို့ သတ်သေသွားကြတဲ့ သံဃာတွေရဲ့ အသံတွေကို တရုတ်နိုင်ငံအနေနဲ့ ဘယ်လိုမှ ထိန်းချုပ်ထားလို့ ရနိုင်မှာမဟုတ်ဘူးလို့ လက်ကိုင် မိုဘိုင်းဖုန်းကို လက်ညိုးထိုးပြီး ဂျွန်မက်ကိန်း က ပြောကြားလိုက်တာပါ။
တင်းမာမှုတွေ ဖြစ်ပေါ်နေတဲ့ တောင်တရုတ် ပင်လယ်ပြင်အတွင်း တရုတ်အစိုးရရဲ့ လှုပ်ရှားမှုတွေအပေါ် စိုးရိမ် ပူပန်ကြောင်းလည်း မက်ကိန်းက ပြောပါတယ်။ လောင်စာဆီနဲ့ သဘာဝ အရင်းအမြစ်တွေ ပေါကြွယ်ဝတဲ့ အဲဒီ တောင်တရုတ် ပင်လယ်ပြင်အတွင်းက ကျွန်းစုတွေ ပိုင်ဆိုင်မှုနဲ့ ပတ်သက်ပြီး ဒေသတွင်း နိုင်ငံတချို့နဲ့ အငြင်းပွားမှုတွေ ဖြစ်ပေါ်နေတာမှာ တရုတ်တို့က အဲဒီကျွန်းစုတွေကို သူတို့ပိုင်ဆိုင်ကြောင်း ပြောဆိုနေတာပါ။
တရုတ်နိုင်ငံ ဖွံ့ဖြိုး တိုးတက်လာတာနဲ့အမျှ ငြိမ်းချမ်းရေးနဲ့ တည်ငြိမ်ရေးတို့အတွက် ပိုပြီး တာဝန်ရှိလာတဲ့အကြောင်း တရုတ် ဒုတိယ နိုင်ငံခြားရေးဝန်ကြီး Zhang Zhijun က ညီလာခံအတွင်း ပြောကြားလိုက်ပါတယ်။ အခြေအနေတွေ လက်ရှိထက် ပိုဆိုးလာအောင် တရုတ်တို့ဘက်က လုပ်စရာ အကြောင်းမရှိပါဘူးလို့ သူက ပြောပါတယ်။
Ref: ဗွီအိုအေ
Read More...
Collapse...
2012-02-05
အနာဂတ် နိုင်ငံတည်ဆောက်ရေးနဲ့ နိုင်ငံရေးဖြစ်စဉ်တွေမှာ အကြောက်တရားကင်းဝေးပြီး ယုံကြည်ရာ ပြောဝံ့ဆိုဝံ့ လုပ်ကိုင်ဝံ့ရှိလာဖို့၊ ဒီမို ကရေစီ တည်ဆောက်ရာမှာ တက်တက် ကြွကြွ ပါဝင်လိုတဲ့ လူငယ်လူရွယ်တွေ ဖြစ်လာစေဖို့ ရည်ရွယ်ချက်နဲ့ မျိုးဆက်သစ် ကျောင်းသား လူငယ်များ အကြောက်တရားကင်းဝေးရေး စာတမ်းဖတ်ပွဲနဲ့ နှီးနှောဖလှယ်ပွဲ ဒီနေ့ ကျင်းပပါတယ်။
အထက်ပုစွန်တောင်လမ်းမှာရှိတဲ့ မြန်မာနိုင်ငံလူငယ်များ အစည်းအရုံးအဖွဲ့မှာ ကျင်းပတာ ဖြစ်ပြီး အကြောက်တရားကင်းဝေးရေး စာတမ်းတွေဖတ်ကြားနှီးနှောဖလှယ်တာလို့ ဒီအစည်းအရုံး ဗဟိုအလုပ်အမှုဆောင်ကော်မတီဝင်နဲ့ ကျောင်းသားရေး ရာကော်မတီ တာဝန်ခံ ကိုဝေဖြိုးအောင်က ပြောပါတယ်။
ဖတ်ကြားတဲ့ စာတမ်းတခုနှင့် တခုကြား performance အနုပညာသရုပ်ပြပွဲလည်း တင်ဆက်ခဲ့ပါတယ်။
အခမ်းအနားမှာ ၈၈-မျိုးဆက်ကျောင်းသားခေါင်းဆောင်တွေလည်း တက်ရောက်ကြပြီး ကိုမင်းကိုနိုင်နဲ့ ကိုကိုကြီး အစရှိသူတို့က လူငယ်တွေကို အကြောက်တရားကင်းဝေးရေး လက်ဆင့်ကမ်း အမှာစကား ပြောကြားပါတယ်။
Ref: http://www.rfa.org/burmese/news/nofear-talks-02052012112919.html
Read More...
Collapse...
2012-02-05
မြန်မာနိုင်ငံမှာ အပြောင်းအလဲတွေ မြန်မြန်ဆန်ဆန်ဖြစ်ပေါ်လာတာကို ကြိုဆိုပေမယ့် လူ့အခွင့်အရေး အခြေအနေတွေ တိုးတက်လာဖို့ အတွက် အရေးတကြီး ဖြေရှင်းဆောင်ရွက်ပေးဖို့ လိုနေသေးတယ်လို့ မြန်မာနိုင်ငံဆိုင်ရာ ဒီကနေ့ ညနေပိုင်း ရန်ကုန်လေဆိပ် သတင်း စာရှင်းလင်းပွဲမှာ ကုလသမဂ္ဂ လူ့အခွင့်အရေး အထူးကိုယ်စားလှယ်က ပြောကြားလိုက်ပါတယ်။
မြန်မာနိုင်ငံကို ၆ ရက်ကြာ ခရီးရောက်ရှိနေတဲ့ လူ့အခွင့်အရေးအထူးကိုယ်စားလှယ် မစ္စတာသောမတ်ကင်တားနားဟာ ဒီကနေ့မနက်ပိုင်း က မွန်ပြည်နယ်ဝန်ကြီးချုပ်နဲ့ မော်လမြိုင်မြို့မှာ တွေ့ဆုံခဲ့သလို မွန်ပြည်နယ်က တိုင်းရင်းသား ကိုယ်စားလှယ်တွေနဲ့လည်း တွေ့ဆုံခဲ့ ပါတယ်။ အလားတူ မနေ့ကလည်း ကရင်ပြည်နယ်မှာ တွေ့ဆုံဆွေးနွေးတာတွေရှိခဲ့တယ်လို့ ရန်ကုန် ကုလသမဂ္ဂပြန်ကြားရေး တာဝန်ခံ ဦးအေးဝင်းက ပြောပါတယ်။
မစ္စတာကင်တားနားဟာ ဒီကနေ့ မင်္ဂလာဒုံလေယဉ်ကွင်းကမထွက်ခွာခင် သံတမန်တွေနဲ့ တွေ့ဆုံခဲ့ပြီး လေဆိပ်မှာပဲ သတင်းစာရှင်းပွဲကို ပြုလုပ်ခဲ့ပါတယ်။ ခရီးစဉ် တွေ့ရှိချက်တွေကို ရန်ကုန် UNDP ရုံးက ဒီကနေ့ညနေပိုင်းမှာ ထုတ်ပြန်ခဲ့ပါတယ်။ အဲဒီကြေညာချက်ထဲမှာ ကြားဖြတ်ရွေးကောက်ပွဲအတွက် နိုင်ငံရေးပါတီတွေကို စည်းရုံးလှုပ်ရှားခွင့် အပြည့်အ၀ပေးဖို့ ရွေးကောက်ပွဲကော်မရှင်ကို တိုက်တွန်း ထားပါတယ်။
လွှတ်တော်က ပြောင်းလဲပြဌာန်းတဲ့ ဥပဒေ အသစ်တွေကို ထိထိ ရောက်ရောက်နဲ့ မြန်မြန်ဆန်ဆန် အကောင်အထည် ဖေါ်ဖို့ကိုလည်း တိုက်တွန်းထားသလို၊ တိုင်းရင်းသား ဒေသတွေနဲ့ပတ်သက်လို့ အစိုးရက အပစ်အခတ် ရပ်စဲရေး ညှိနှိုင်းဆောင်ရွက်နေတာကို ကြိုဆိုထားပါတယ်။ ဒါပေမယ့် စစ်ပွဲတွေနဲ့ ဆက်နွယ်ပြီး ကချင်ပြည်နယ်မှာဖြစ်ပေါ်နေတဲ့ လူ့အခွင့်အရေး ချိူးဖောက်မှုတွေကို ဖြေရှင်းဆောင်ရွက်ဖို့လည်း တိုက်တွန်းထားပါတယ်။
Ref: အာရ်အဖ်အေ
Read More...
Collapse...
2012-02-05
ပင်လုံစာချုပ်ပါအတိုင်း အမျိုးသား တန်းတူရေးနဲ့ ပြည်ထောင်စု တည်ဆောက်ပြီး ငြိ်မ်းချမ်းရေး ဖြစ်မြောက်ရေး ဆောင်ရွက်ဖို့ မြန်မာ အစိုးရ ငြိမ်းချမ်းရေးဖော်ဆောင်မှုကော်မတီကို ပအို့ဝ်အမျိုးသား လွတ်မြောက်ရေး အဖွဲ့ PNLO က တောင်းဆိုခဲ့တယ်လို့ PNLO က RFA ကို ဒီကနေ့ ပြောကြားပါတယ်။
ပြည်ထောင်စုဝန်ကြီး ဦးအောင်မင်းခေါင်းဆောင်တဲ့အဖွဲ့ကို ပအို့ဝ်အမျိုးသားလွတ်မြောက်ရေး ငြိမ်းချမ်းရေး ကော်မတီ အဖွဲ့ဝင် ၃ ဦး ဒီကနေ့ ညနေပိုင်းက ထိုင်းမြန်မာနယ်စပ်မှာ တွေ့ဆုံခဲ့ပါတယ်။ PNLO အနေနဲ့ နိုင်ငံရေး ရပ်တည်ချက် ၃ ရပ်ကို တင်ပြပြီး အချက် ၁၁ ချက် တောင်းဆိုခဲ့တယ်လို့ သွားရောက်ဆွေးနွေးတဲ့ PNLO ငြိမ်းချမ်းရေး ကော်မတီက အဖွဲ့ခေါင်းဆောင် ခွန်မြင့်ထွန်းက ပြောပါတယ်။
PNLO ကတင်ပြချက်တွေထဲမှာ ပြည်ထောင်စုမှခွဲထွက်ခြင်းမပြုကြောင်း အာမခံထားပြီး အစိုးရအနေနဲ့ တပြည်လုံး အတိုင်းအတာနဲ့ အပစ်အခတ်ရပ်စဲရေးကို ပထမဦးဆုံး ကြေညာပေးဖို့ တောင်းဆိုထားပါတယ်။ တပြည်လုံး အတိုင်းအတာနဲ့ အပစ်အခတ်ရပ်စဲရေး လုပ်ပြီး ၆ လ အတွင်း တိုင်းရင်းသားအဖွဲ့တွေ၊ နိုင်ငံရေး အင်အားစုတွေ တွေ့ဆုံဆွေးနွေးရေး လုပ် ဆောင်ဖို့ကိုလည်း တောင်းဆိုထားပါတယ်။
အလားတူ ၀န်ကြီး ဦးအောင်မင်း နဲ့ အဖွဲ့ဟာ ဒီကနေ့ မွန်းလွဲပိုင်းက လူဘောင်သစ်ဒီမိုကရက်တစ်ပါတီနဲ့လည်း တွေ့ဆုံခဲ့ပါတယ်။
Ref: အာရ်အဖ်အေ
Read More...
Collapse...
2012-02-05
မန္တလေးမြို့ကို သွားရောက်မယ့် ခရီးစဉ်ရက်ရွှေ့ဆိုင်းပြီး အဆင်ပြေအောင် ပြုလုပ်ခဲ့တဲ့အတွက် အာဏာပိုင်တွေဘက်က နားလည်မှု ပိုမိုရရှိလာမယ်လို့ မျှော်လင့်ကြောင်း အန်အယ်လ်ဒီဥက္ကဌ ဒေါ်အောင်ဆန်းစုကြည်က မနေ့က ပြောဆိုလိုက်ပါတယ်။
ဒေါ်အောင်ဆန်းစုကြည်ရဲ့ခရီးစဉ် ရွှေ့ဆိုင်းရတဲ့အတွက် ဒေသခံတွေကလည်း စိတ်မကောင်းဖြစ်ကြတယ်လို့ မန္တလေးကိုရောက်နေတဲ့ ပါတီပြန်ကြားရေးတာဝန်ခံ အတွင်းရေးမှူးအဖွဲ့ဝင် ဦးအုန်းကြိုင်ကပြောပါတယ်။ မန္တလေးနဲ့ စစ်ကိုင်းတိုင်း ပါတီစည်းရုံးရေးအတွက် ဒေါ်အောင်ဆန်းစုကြည်ရဲ့တာဝန်ပေးချက်အရ အန်အယ်လ်ဒီသဘာပတိအဖွဲ့ဝင် ဦးဝင်းတင်နဲ့ အတွင်းရေးမှူးအဖွဲ့ဝင် ဦးအုန်းကြိုင်ဟာ ၄ ရက်ကြာခရီးစဉ်အဖြစ်မန္တလေးမြို့ကို ရောက်ရှိနေပါတယ်။
ဦးဝင်းတင်နဲ့ ဦးအုန်းကြိုင်ဟာ ဒီကနေ့မနက်ပိုင်းမှာ မန္တလေးမြို့နယ် အန်အယ်လ်ဒီပါတီနဲ့ ရွေးကောက်ပွဲအောင်နိုင်ရေးရုံးတွေကို တက်ရောက်ဖွင့်လှစ်ပေးခဲ့ပါတယ်။ အဲဒီနောက် စစ်ကိုင်းမြို့ကိုသွားရောက်ပြီး ပါတီစည်းရုံးရေးနဲ့ ရွေးကောက်ပွဲ အောင်နိုင်ရေးကိစ္စတွေ ဆွေးနွေးခဲ့တယ်လို့ ဦးအုန်းကြိုင်ကပြောပါတယ်။
Ref: အာရ်အဖ်အေ
Read More...
Collapse...
ကွန်းချမ်း
ဖေဖေါ်ဝါရီလ ၀၃ ရက် ၂၀၁၂ ခုနှစ်
၁၅ နှစ်တာ အခမ်းအနားဖြင့် ကျင်းပခွင့် တားမြစ်ခံရသည့် ရန်ကုန် မွန်အမျိုးသားနေ့ကို ပြန်လည် ကျင်းပခွင့် ရပြီဖြစ်ကြောင်း မွန် အမျိုးသားနေ့ ကျင်းပရေးကော်မတီ (ရန်ကုန်) က ပြောသည်။
၁၉၄၈ ခုနှစ်မှ စတင်ကျင်းပလာခဲ့ကြသည့် မွန်အမျိုးသားနေ့ အခမ်းအနား ရွှေရတုသဘင်ကို ၁၉၉၇ ခုနှစ်က ပဒုမ္မာ ကဇာတ်ရုံတွင် နောက်ဆုံးအကြိမ် ကျင်းပခွင့်ရပြီးနောက် ပိတ်ပင်ခံထားရရာမှ ယခုနှစ် ၆၅ ကြိမ်မြောက် အခမ်းအနား ကို ရန်ကုန်တိုင်းဒေသကြီး ဝန်ကြီးချုပ်ရုံးက ပြန်လည် ကျင်းပခွင့်ပေးခြင်း ဖြစ်သည်။
အစိုးရသစ်အနေနှင့် တိုင်းရင်းသား စည်းလုံးညီညွတ်ရေးကို အလေးထားသည့်အတွက် ယခုကဲ့သို့ ကျင်းပခွင့်ပေးခြင်း ဖြစ်သည် ဟု ယုံကြည်ကြောင်း ကျင်းပရေး ကော်မတီ (ရန်ကုန်) အတွင်းရေးမှူး နိုင်စိုးကြည်က ပြောသည်။
“အရမ်းဝမ်းသာပါတယ်။ မွန်တိုင်းရင်းသား အားလုံးကလည်း အရမ်းကို ပီတိဖြစ်ပါတယ်။ အစိုးရသစ်ကိုလည်း အများကြီး ကျေးဇူး တင်ပါတယ်။ သိမ်ဖြူကွင်း မွန်အမျိုးသားနေ့ သမိုင်းကြောင်းကို သတိရတယ်ပေါ့ဗျာ” ဟု သူက ပြောသည်။
၁၉၈၈ ခုနှစ်ထိ ရန်ကုန် မွန်အမျိုးသားနေ့ အခမ်းအနားကို သိမ်ဖြူကွင်းတွင် နှစ်စဉ် ကျင်းပလာခဲ့ပြီး နောက်ပိုင်းတွင် ပဒုမ္မာကဇာတ်ရုံသို့ ပြောင်းရွှေ့ကျင်းပခဲ့သည်။ သိမ်ဖြူကွင်းတွင် ကျင်းပလာခဲ့စဉ်က မွန်ရိုးရာ လက်ဝှေ့ပွဲ အပါအဝင် ရိုးရာပျော်ပွဲရွှင်ပွဲများဖြင့် ထူးခြား စည်ကားခဲ့သည်။
နအဖ စစ်ကောင်စီလက်ထက် ၁၉၉၈ မှစ၍ မွန်အမျိုးသားနေ့ကို မွန်ပြည်နယ်အတွင်းမှာသာ ကျင်းပရမည်ဟု ကန့်သတ်ထားခဲ့သည်။ ထိုကာလတလျှောက်တွင် အထိမ်းအမှတ်အနေဖြင့် သံဃာတော်များအား ဆွမ်းဆပ်ကပ်ခြင်း
ဖြင့်သာ ကျင်းပလာခဲ့ရသည်။
ယခုနှစ် ရန်ကုန် အခမ်းအနားကို ဖေဖော်ဝါရီလ ၈ ရက်နေ့ ညနေ ၅ နာရီမှ ၁၀နာရီထိ ပြည်သူ့ရင်ပြင်နှင့် ပြည်သူ့ ဥယျာဉ်တွင် လည်း ကောင်း၊ နံနက်ပိုင်းတွင် ဆွမ်းဆပ်ကပ်လှူဒါန်းခြင်း အပါအဝင် တိုင်းရင်းသား ကျေးရွာတွင် သင်္ကြန် ထမင်းဖြင့် ဧည့်ခံကျွေးမွေးပြီး ဖျော်ဖြေပွဲ အစီအစဉ်များကိုလည်းကောင်း အသီးသီး ကျင်းပမည် ဖြစ်ကြောင်း နိုင်စိုးကြည်က ပြောသည်။
မွန်အမျိုးသားနေ့ကို မိမိဒေသအလိုက် ကျင်းပလာခဲ့ရာမှာ ရွှေရတုသဘင် ဖြစ်သည့် ၁၉၉၇ ခုနှစ်မှ စပြီး မွန်ပြည်နယ်၊ ကရင်ပြည်နယ်၊ ရန်ကုန်တိုင်း၊ ပဲခူးတိုင်းရှိ မြို့နယ်များ စုပေါင်းကာ ကျင်းပရေး ဗဟိုကို ဖွဲ့စည်းခဲ့သည်။
ဗဟိုအဆင့်ကို ဖွဲ့စည်းပြီးနောက်ပိုင်းတွင် ဗဟိုအခမ်းအနားကို နှစ်စဉ် နေရာဒေသ ပြောင်းရွှေ့ကာ ကျင်းပလာခဲ့သည်။ ၂ဝ၁၁ ခုနှစ်က ဗဟိုအခမ်းအနားကို မွန်ပြည်နယ် သံဖြူဇရပ်မြို့တွင်လည်းကောင်း၊ ၂ဝ၁ဝ ခုနှစ်က ချောင်းဆုံတွင် လည်းကောင်း၊ ၂ဝဝ၉ ခုနှစ်က မုဒုံတွင်လည်းကောင်း ရွှေ့ပြောင်း ကျင်းပခဲ့သည်။
၆၅ ကြိမ်မြောက် ဗဟိုအခမ်းအနားကို ကရင်ပြည်နယ် ကော့ကရိတ်မြို့နယ် ကော့ဘိန်းရွာတွင် ကရင်ပြည်နယ် အစိုးရ ခွင့်ပြုမိန့်ဖြင့် ကျင်းပမည် ဖြစ်ပြီး ကရင်ပြည်နယ် ဝန်ကြီးချုပ်လည်း တက်ရောက်မည် ဖြစ်သည်။
အလားတူ မွန်ပြည်နယ် မြို့တော် ဖြစ်သည့် မော်လမြိုင်မြို့ အခမ်းအနားကို ပြည်နယ်ခန်းမတွင် ကျင်းပမည် ဖြစ်ပြီး မွန်ပြည်နယ် ဝန်ကြီးချုပ် တက်ရောက်မည်ဖြစ်ကြောင်း မွန်အမျိုးသားနေ့ ကျင်းပရေး ကော်မတီ (ဗဟိုနှင့် မော်လမြိုင်) မှ ဖျော်ဖြေရေး တာဝန်ခံ မိမိုးမိုးက ပြောသည်။
ယခုနှစ် မွန်အမျိုးသားနေ့ အထိမ်းအမှတ် မြေစိုက်ပိုစတာကို ပတ်ဝန်းကျင်ရှိ ကျောက်မိုင်းကြောင့် ကွာကျပျက်စီးခံနေရ သည့် အေဒီ ၈ ရာစု မွန်လက်ရာဖြစ်သည့် ကရင်ပြည်နယ် ဘားအံမြို့အနီး ကော့ဂွန်းဂူကြီးရှိ ကျောက်နံရံမှ အုတ်ခွက် ဘုရား ဆင်းတုတော်ပုံများနှင့် မွန်ကျောက်စာများဖြင့် သရုပ်ဖော်ထားသည်။
သမလ၊ ဝိမလ မင်းညီနောင်နှစ်ပါး ဟံသာဝတီ မင်းနေပြည်တော်ကို စတင်တည်ထောင်ခဲ့သည့် သာသနာ သက္ကရာဇ် ၁၁၁၆၊ (အေဒီ ၅၇၃) တပို့တွဲ လပြည့်ကျော် ၁ ရက်နေ့ကို မွန်အမျိုးသားနေ့အဖြစ် သတ်မှတ်ကာ ကျင်းပခဲ့သည်။
Ref: မဇ္ဈိမ
Read More...
Collapse...
ကျော်ခ
ဖေဖေါ်ဝါရီလ ၀၃ ရက် ၂၀၁၂ ခုနှစ်
၆၅ နှစ်မြောက် ပြည်ထောင်စုနေ့တွင် ရှမ်းပြည်တောင်ပိုင်း၊ ပင်လုံမြို့ရှိ ‘ပြည်မတောင်တန်း ပူးပေါင်းရေးစာချုပ် ကျောက်တိုင်’ အား ဒေသခံ အမျိုးသားဒီမိုကရေစီအဖွဲ့ချုပ် NLD အဖွဲ့ဝင်များက ဦးဆောင်ကာ သွားရောက် အလေးပြုကြမည် ဖြစ်ကြောင်း သိရသည်။
နှစ်ပေါင်း ၂၃ နှစ်တိုင် အလေးပြုခွင့်မရခဲ့သော အဆိုပါ ကျောက်တိုင်ကို ပင်လုံ၊ လဲချား၊ လွိုင်လင်၊ နမ့်စန်မြို့များရှိ NLD အဖွဲ့ဝင်များက ဦးဆောင်ကာ ဒေသခံများနှင့်အတူ ဖေဖေါ်ဝါရီ ၁၂ ရက်နေ့တွင် သွားရောက် အလေးပြုခြင်း ပြုလုပ်ကြ မှာ ဖြစ်သည်။
၈၈ ဒီမိုကရေစီ အရေးအခင်းနောက် ၁၉၈၉ နှစ်တွင်သာ နောက်ဆုံး အလေးပြုခွင့်ရခဲ့ကြောင်း ဒေသခံ NLD အဖွဲ့များ ပြောဆိုချက် အရ သိရသည်။ ဗိုလ်ချုပ်အောင်ဆန်းနှင့် တိုင်းရင်းသားခေါင်းဆောင်များ ပြည်ထောင်စုအခြေခံ ပင်လုံ စာချုပ်ချုပ်ဆိုခဲ့ပြီး ပင်လုံ ကျောက် တိုင် စိုက်ထူခဲ့ပုံကို မျိုးဆက်သစ်တို့ သိရှိရန် ရည်ရွယ်ကြောင်း တောင်ကြီးမြို့နယ် NLD အထွေထွေ အတွင်းရေးမှူး ဒေါ်ခင်မိုးမိုး က ပြောသည်။
“ဒေါ်အောင်ဆန်းစုကြည်ကလည်း ပြန်ထွက်လာပြီးကတည်းက ၂၁ ရာစု ပင်လုံကို ဦးတည်ထားတယ်လေး။ အရင်က ဗိုလ်ချုပ် အောင်ဆန်း ဦးဆောင်ပြီးတော့ တိုင်းရင်းသား စည်းလုံးညီညွှတ်ရေး လုပ်ခဲ့တာတွေ။ ပင်လုံစာချုပ် ချုပ်ဆိုခဲ့ တာ၊ ပင်လုံကျောက်တိုင် စိုက်ထူခဲ့တာတွေကို မျိုးဆက်သစ် လူငယ်တွေ သမိုင်းကိုမမေ့စေဖို့အတွက် ရည်ရွယ်ပြီး လုပ်ကြမှာပါပဲ” ဟု ဒေါ်ခင်မိုးမိုး က မဇ္ဈိမ ကိုပြောသည်။
ထိုသို့ သွားရောက်အလေးပြုရန်အတွက် ဖေဖေါ်ဝါရီ ၇ ရက် ရှမ်းပြည်နယ်နေ့တွင် NLD အဖွဲ့ဝင်များ စုပေါင်း တွေ့ဆုံ ဆွေးနွေးပြီး ဒေသခံ အစိုးရအာဏာပိုင်များထံ ခွင့်ပြုချက် တောင်းခံသွားမည် ဖြစ်သည်။
ထို့အတူ ဒေသတွင်းပါတီများဖြစ်ကြသည့် တိုင်းရင်းသားစည်းလုံးညီညွှတ်ရေးပါတီနှင့် ရှမ်းတိုင်းရင်းသား ဒီမိုကရက်တစ်ပါတီ ခေါ် ကျားဖြူပါတီ တို့လည်း သွားရောက် အလေးပြုရန်ရှိပြီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကမူ ဆုံးဖြတ်ထားခြင်း မပြုရသေး ကြောင်း စုံစမ်းသိရှိရသည်။
“ပြည်မတောင်တန်း ပူးပေါင်းရေးစာချုပ် ကျောက်တိုင်” ကို ဇန်နဝါရီလ ၄ ရက် လွတ်လပ်ရေးနေ့က လွိုင်လင်နှင့် နမ့်စန် NLD အဖွဲ့ဝင် များက ဦးဆောင်ကာ လူဦးရေ ၅ဝ ကျော်ဖြင့် သွားရောက် အလေးပြုခဲ့ကြပြီး အာဏာပိုင်များက တားဆီးနှောက်ယှက်ခြင်းများ မရှိခဲ့ဟု လွိုင်လင် NLD အဖွဲ့ဝင် ဒေါ်မီးမီး က ပြောသည်။
“၈၉ နောက်ပိုင်းမှာ ကျောက်တိုင်ကို သွားအလေးပြုရင် အာဏာပိုင်တွေက လိုက်စောင့်ကြည့်တာ၊ နှောင့်ယှက် တာတွေ၊ တားမြစ် မှုတွေ ရှိတော့ နောက်ပိုင်း ဘယ်သူမှ မသွားရဲတဲ့အနေအထား ဖြစ်သွားတာပေါ့။ လွတ်လပ်ရေးနေ့က သွားတော့ ဘာအနှောက်ယှက် အတား ဆီးမှ မရှိတော့ဘူး” ဟု ဒေါ်မီးမီး က မဇ္ဈိမကိုပြောသည်။
ပင်လုံစာချုပ်သည် ဖဆပလ ခေါင်းဆောင် ဗိုလ်ချုပ်အောင်ဆန်းနှင့် ရှမ်း၊ ကချင်၊ ချင်း ခေါင်းဆောင်များ လွတ်လပ်ရေး ကို တောင်တန်း/ ပြည်မ မခွဲခြားဘဲ အတူရယူရန် ၁၉၄၇ ခုနှစ်တွင် ရှမ်းပြည်နယ် ပင်လုံမြို့၌ ချုပ်ဆိုခဲ့ကြပြီး အထိမ်းအမှတ် အဖြစ် “ပြည်မတောင်တန်း ပူးပေါင်းရေးစာချုပ် ကျောက်တိုင်” ကို စိုက်ထူခဲ့ခြင်းဖြစ်သည်။
“ပြည်ထောင်စု ပေါ်ပေါက်လာတာ ပင်လုံစာချုပ်က အဓိကပဲ ပင်လုံ စာချုပ်ချုပ်ဆိုလို့ပဲ ပြည်ထောင်စုကြီး ဖြစ်လာတာ ဖြစ်တယ်။ ကချင်ပြည်ထောင်၊ ရှမ်းပြည်ထောင် စသဖြင့် အဲလိုပြည်ထောင်တွေကို စုထားတော့ ပြည်ထောင်စုလို့ ခေါ်တာပေါ့။ ဒါကြောင့် ပြည် ထောင်စုနေ့က မြန်မာတနိုင်ငံလုံးအတွက် အရေးပါတယ်” KIO ကချင်လွတ်မြောက်ရေး တပ်မတော်မှ အမြဲတမ်း ဗဟို ကော်မတီဝင် လမာဂွမ်ဖန်း က ပြောသည်။
ပင်လုံစာချုပ်တွင် "တောင်တန်းဒေသများအတွက် နယ်တွင်း အုပ်ချုပ်ရေးတွင် ကိုယ်ပိုင် ပြဋ္ဌာန်းခွင့် အပြည့်အဝ ရှိကြောင်း မူအားဖြင့် လက်ခံသည်" "တောင်တန်းဒေသရှိ ပြည်သူတို့သည် ဒီမိုကရေစီ တိုင်းပြည်များတွင် အခြေခံများ အခွင့်အရေးများနှင့် ရပိုင်ခွင့်များကို ရရှိခံစားစေရမည်" ဟု စာချုပ်၌ ပါရှိသည်။
“ပြည်ထောင်စုတည်တံ့ခိုင်မြဲရေး၊ တိုင်းရင်းသား စည်းလုံးညီညွှတ်ရေးဆိုတဲ့ အဓိက စကားရပ်ကို လက်တွေ့ အကောင်အထည် ဖေါ် နိုင်အောင်ဆိုလို့ရှိရင် ကျနော်တို့ အချင်းချင်းကြားမှာ စေ့စပ်ဆွေးနွေးရေးတွေ အများကြီး ကြိုးပမ်းသွားရမှာ ဖြစ်တယ်။ အဲလိုလုပ်နိုင်မှ သာယာဝပြောတဲ့ တကယ်စစ်မှန်တဲ့ ပြည်ထောင်စုကြီး ပေါ်ထွန်းလာမယ် လို့မျှော်လင့်ပါတယ်” ဟု လမာဂွမ်ဖန်း က ပြောသည်။
၂၀၁၀ ခုနှစ် အောက်တိုဘာ ၂၄ ရက်နေ့က စစ်ကိုင်းတိုင်း၊ ကလေးမြို့တွင် ဇိုမီးအမျိုးသားကွန်ကရက် က အမျိုးသား ပြန်လည် သင့် မြတ် ရေးအတွက် 'ဒုတိယပင်လုံညီလာခံ' ခေါ်ယူရေး အဆိုပြုခဲ့ပြီး နိုဝင်ဘာလ ၂ဝ ရက်နေ့တွင် ၎င်းအဆိုကို အကောင် အထည်ဖော်ရန် နေအိမ်အကျယ်ချုပ်မှ လွတ်မြောက်လာသည့် ဒေါ်အောင်ဆန်းစုကြည်ထံ လွှဲပြောင်းတာဝန်ပေးခဲ့သည်။
Ref: မဇ္ဈိမ
Read More...
Collapse...
မင်းသက်
ဖေဖေါ်ဝါရီလ ၀၄ ရက် ၂၀၁၂ ခုနှစ်
ကြားဖြတ်ရွေးကောက်ပွဲတွင် ဒေါ်အောင်ဆန်းစုကြည်သည် ရန်ကုန်တိုင်းဒေသကြီး ကော့မှူးမြို့နယ်မှ ၀င်ရောက်အရွေးခံမည် ဖြစ်သည့် အတွက် ကော့မှူးမြို့နယ်မှ ကရင်ရွာတရွာဖြစ်သည့် ၀ါးသင်္ခ ရွာတွင် သန်းခေါင်စားရင်းဝင်လိုက်ပြီဖြစ်ကြောင်း ကော့မှူးမြို့နယ် အမျိုး သားဒီမိုကရေစီအဖွဲ့ချုပ် NLD ရွေးကောက်ပွဲ အောင်နိုင်ရေး ခေါင်းဆောင် ဦးဌေးက မဇ္ဈိမကို ပြောသည်။
“ဒေါ်အောင်ဆန်းစုကြည်က သူရွေးကောက်ပွဲဝင်ဖို့အတွက်ကို ကော့မှူးမြို့နယ်ထဲက ၀ါးသင်္ခ ဆိုတဲ့ ရွာကို ရွေးတယ်။ ကျနော်တို့ အခု အဲဒီရွာကို သွားပြီး ဒေါ်အောင်ဆန်းစုကြည် လာတဲ့အခါ နေထိုင်ဖို့ ပြင်ဆင်နေကြတယ်။ ကျနော်တို့က ဒေါ်အောင်ဆန်းစုကြည် သန်း ခေါင်စာရင်း ၀င်တဲ့ မိသားစုဆီက သန်းခေါင်စာရင်းထဲမှာ ဒေါ်အောင်ဆန်းစုကြည်ကို မိသားစုဝင်အဖြစ် သွင်းပြီးတော့ သက် ဆိုင်ရာကို ပို့ထားတယ်။ သက်ဆိုင်ရာကတော့ ပြန်မကျလာသေးဘူး။ ဒါပေမယ့် ဒါက ကျကိုကျလာမှာပါ” ဟု သူက ပြောသည်။
ဒေါ်အောင်ဆန်းစုကြည် သန်းခေါင်စာရင်းဝင်လိုက်သော ဒေါ်သန်းသန်းလေး မိသားစုမှာ မိသားစု ဦးရေ ၁၀ ဦး ရှိကြောင်း သိရသည်။
“ဒေါ်သန်းသန်းလေးတို့က လယ်ထဲမှာနေတာ။ သူတို့က အိမ်မှာနေတဲ့သူ နည်းတယ်။ ရန်ဖန်ရန်ခါပဲ နေတတ်တယ်။ ဒါပေမယ့် အခုတော့ အဲဒီအိမ်ကို ပြန်ပြင်နေတာ တွေ့တယ်။ ကျနော်တို့ရွာက လူတွေ အရမ်းပျော်နေကြတာပေါ့။ ဒေါ်အောင်ဆန်းစုကြည်က ကျနော်တို့ရွာကို လာမယ်။ ပြီးတော့ ညလည်း အိပ်မယ်တဲ့။ အခု ကလေးလူကြီး အားလုံးက မျှော်နေကြတယ်” ဟု ၀ါးသင်္ခ ရွာသား လယ်လုပ်သူ ကိုဖိုးခွါး က ပြောသည်။
ဖေဖေါ်ဝါရီလ ၃ ရက်နေ့က ကုလသမဂ္ဂ လူ့အခွင့်အရေးကိုယ်စားလှယ် မစ္စတာ ကင်တားနား Tomas Quitana နှင့် ဆွေးနွေးမှုအပြီး မီဒီယာများနှင့်တွေ့ဆုံရာတွင်လည်း ဒေါ်အောင်ဆန်းစုကြည်က “အဲဒီမှာ ပြိုင်မယ်ဆိုတော့ ကော့မှူးကနေပြီးတော့ မဲထည့်ရမယ်လေ။ အန်တီက အဓိကကတော့ အဲဒီရွာကို ရွေးတာကတော့ ကရင်တိုင်းရင်းသားတွေရွာမို့လို့ပါ။ အဲတော့လည်း ကရင်တိုင်းရင်းသားတွေနဲ့ ပိုပြီးတော့ နီးနီးကပ်ကပ်နေနိုင်အောင်လို့ အဲဒီရွာမှာ မဲထည့်ဖို့ ရွေးလိုက်တာပဲ”ဟု ပြောဆိုခဲ့သည်။
ကော့မှူးမြို့နယ်တွင် လူဦးရေ စုစုပေါင်း ၁၃၅,၀၀၀ ခန့် ရှိသည့်အနက် ၂၀၁၀ စာရင်းများအရ မဲထည့်နိုင်သူ စုစုပေါင်းအရေအတွက်မှာ ၈၃,၀၀၀ ခန့် ရှိကြောင်း သိရှိရသည်။
Ref: မဇ္ဈိမ
Read More...
Collapse...
စောရန်နိုင်
February 4, 2012
မြန်မာပြည်မှာ “အပြောင်းအလဲတွေ” တသီတတန်းဖြစ်ထွန်းနေပါပြီလို့ အစိုးရက နိုင်ငံတကာမိသားစုကို ထုတ် ဖော်ပြသနေပေ မယ့် အိမ်နီးချင်း ထိုင်းနိုင်ငံကမြန်မာဒုက္ခသည် ထောင်ပေါင်းများစွာအတွက်တော့ ပြည်တော် ပြန်ဖို့အရေးဟာ အလှမ်းဝေး နေ တဲ့ အိပ်မက် ပမာ ရှိနေဆဲပါ။
“တိုးတက်မှုက မြို့ကြီးတွေမှာလောက်ပဲ မြင်ရတာ၊ ငါတို့ မွေးရပ်မြို့လေးမှာဆို ဘာမှမတိုးတက်ဘူး”လို့ သူ့အိမ်ရှေ့က ဝရန် တာလေး မှာထိုင်ရင်း အသက် ၆၁ နှစ်အရွယ် ကရင်အမျိုးသား စောရော်က ဧရာဝတီကို ပြောပြပါတယ်။ သူဟာ ထိုင်းနိုင်ငံ မြောက်ပိုင်း မယ် ဟောင် ဆောင်ခရိုင် မယ့်စရီးယမ်း မြို့နယ်မှာရှိတဲ့ မယ့်လာဦး ဒုက္ခသည်စခန်းက ဒုက္ခသည် တဦးဖြစ်ပါတယ်။
အေးလှတဲ့ ဆောင်းရာသီမနက်ခင်းမှာ ကရင်ပြည်နယ်ဖွား စောရော်တယောက် အိမ်ရှေ့မှာထိုင်ရင်း သူ့ရဲ့တရုတ် နိုင်ငံထုတ် ရေ ဒီယိုလေးနဲ့ အာရ်အက်ဖ်အေ မြန်မာပိုင်း အစီအစဉ်ကို နားထောင်နေပါတယ်။ သူ့အတွက်တော့ အာရ်အက်ဖ်အေဟာ သူ့နိုင်ငံက သတင်းတွေသိခွင့်ရတဲ့ တခုတည်းသော သတင်းဌာနပါပဲ။
“ငါတို့ အိမ်ပြန်ရမယ့်ရက်က အဝေးကြီးလိုသေးတယ် ထင်တာပဲ” လို့လည်း စောရော်က မျှော်လင့်ချက်မဲ့တဲ့အသံနဲ့ ခေါင်းခါပြီး ဆက်ပြောပါတယ်။ ဒီလိုမျှော်လင့်ချက်မဲ့နေမှုဟာ နှစ်ပေါင်း ၃၀ ကျော်ကြာ သူတို့အိမ်လို့ သူတို့ခေါ်ဝေါ် သတ်မှတ်ခဲ့ကြတဲ့ ဒီ အထီးကျန် ဒုက္ခသည်စခန်းက ဒုက္ခသည် ၄၀၀၀၀ ကျော်ကြားမှာတွေ့နေရတဲ့ စိတ်ခံစားမှု လက္ခဏာဖြစ်ပါတယ်။
အစိုးရစစ်တပ်က စစ်ဆင်ရေးဆင်နွှဲပြီး သူ့ရွာဖျက်ဆီးခံလိုက်ရတဲ့နောက် ၁၉၈၀ အစောပိုင်းမှာ စောရော်ဟာ သူ့မွေးရပ်မြို့ကနေ ထွက် လာခဲ့တာပါ။ အဲ့ဒီအချိန်မှာ “ယာယီ” နားခိုစရာလို့ သူထင်ထားခဲ့တဲ့ ဒုက္ခသည် စခန်းဟာ နှစ်ပေါင်း ၃၀ နီးပါးကြာပြီးတဲ့နောက်မှာ လည်း သူ့ရဲ့ “အိမ်” အဖြစ် ဆက်လက်တည်ရှိနေပါတော့တယ်။
စောရော်လိုပဲ ခန့်မှန်းခြေ ၁၄၀၀၀၀ လောက်ရှိတဲ့ မြန်မာဒုက္ခသည်တွေဟာ ထိုင်း-မြန်မာနယ်စပ်က ဒုက္ခသည်စခန်း ၉ ခုမှာ နေ ထိုင်လျက်ရှိကြပါတယ်။
ကရင်အမျိုးသား အစည်းအရုံး (KNU) လို တိုင်းရင်းသား လက်နက်ကိုင်အင်အားစုတွေဟာ သူတို့ကိုယ်ပိုင် အုပ်ချုပ်ခွင့်ရဖို့အတွက် အစိုးရကို ၁၉၄၈ ခုနှစ်ကတည်းက စတင်တော်လှန်တိုက်ခိုက်ခဲ့ကြပေမယ့် အစိုးရကတော့ အာဏာခွဲဝေမယ့်ကိစ္စကို သူတို့နဲ့ဆွေးနွေးဖို့ အခုထိ ဆန္ဒမရှိသေးပါဘူး။
မကြာသေးခင်က မြန်မာနိုင်ငံအတွင်းမှာ ဖြစ်ပွားခဲ့တဲ့ အပြောင်းအလဲ လက္ခဏာတွေဟာ မြို့ပြဒေသတွေ အတွက် လောက်ပဲဖြစ် တယ်ဆိုတာကို သူသဘောတူတယ်လို့ မယ်လဒုက္ခသည်စခန်း ဥက္ကဌဖြစ်သူ ကိုထွန်းထွန်းက ဧရာဝတီကို ပြောပါတယ်။
သူဆိုလိုတဲ့ မြို့ပြဒေသတွေဟာ ဗြိတိသျှကိုလိုနီကာလမှာ မြန်မာပြည်မလို့ လူသိများပြီး တိုင်းရင်းသား ပြည်နယ်တွေ မပါဘဲ သီးခြား အုပ်ချုပ်ခဲ့တဲ့ နယ်ပယ်တွေဖြစ်ပါတယ်။
“ဒုက္ခသည်တွေ နေရပ်ပြန်ရေးကတော့ အဝေးကြီးလိုသေးတယ်လို့ ကျနော်ထင်တယ်။ တိုင်းရင်းသား တွေရဲ့မွေးရပ်မြေတွေမှာ ငြိမ်း ချမ်းရေးနဲ့ တည်ငြိမ်မှု ဖော်ဆောင်နိုင်မှပဲ ဒီကိစ္စက ဖြစ်နိုင်ပါလိမ့်မယ်”လို့ ကိုထွန်းထွန်း က ဆိုပါတယ်။
မြန်မာပြည်ရဲ့ တိုင်းရင်းသားပြည်နယ်တွေမှာ တင်းမာမှုတွေ၊ လက်နက်ကိုင် ပဋိပက္ခတွေ ဆက်လက်ရှိနေပေမယ့် ထိုင်း အစိုးရ ကတော့ မြန်မာဒုက္ခသည်တွေ နေရပ်ပြန်ပို့လိုတဲ့ သူ့ရဲ့ရည်ရွယ်ချက်ကို ထပ်တလဲလဲ ထုတ်ဖော်နေပါတယ်။
ထိုင်းအစိုးရရဲ့ ဒုက္ခသည်ပြန်ပို့ရေး တောင်းဆိုချက်တွေဟာ ပြီးခဲ့တဲ့နှစ် သမ္မတ ဦးသိန်းစိန် ဦးဆောင်တဲ့ အစိုးရအသစ် တက် လာတဲ့အချိန်မှာ ပိုလို့ကျယ်လောင် လာခဲ့ပါတယ်။
ဒုက္ခသည်တွေအနေနဲ့ အိမ်ပြန်ဖို့ စိတ်အားထက်သန်နေကြတယ်၊ ဒါပေမယ့် ပြည်တွင်းမှာ မကြာသေးခင်က အပြောင်းအလဲ
တွေ ဖြစ်ခဲ့သလို လက်နက်ကိုင် ပဋိပက္ခတွေလည်း ရှိနေသေးတယ်၊ အထူးသဖြင့် ကချင်ပြည်နယ်မှာ ပိုပြီးကြီးထွားလာနေ တယ် လို့ ထိုင်း-မြန်မာ နယ်စပ် တလျှောက် ကူညီ စောင့်ရှောက်ရေး ညွန့်ပေါင်းအဖွဲ့(TBBC)ရဲ့ လက်ထောက်ညွှန်ကြားရေးမှူး ဆယ်လီ သွမ်ဆင် (Sally Thompson) က ဧရာဝတီကို ပြောပါတယ်။
လက်နက်ကိုင် ပဋိပက္ခတွေကြောင့် ပြည်တွင်းမှာပဲ ရွှေ့ပြောင်းနေရတဲ့ တိုင်းရင်းသား ဒုက္ခသည် ၅၀၀၀၀၀ လောက် မြန်မာပြည်ရဲ့ အရှေ့ဘက်၊ မြောက်ဘက်နဲ့ တောင်ဘက်တွေမှာ ရှိနေကြတယ်လို့လည်း သူက ဆိုပါ သေးတယ်။
“ဒုက္ခသည်တွေ တချိန်မှာသူတို့အိမ်ပြန်နိုင်ကြလိမ့်မယ်လို့ ကျမတို့ အမြဲတမ်းမျှော်လင့်ပါတယ်”လို့ ဆယ်လီကဆိုပါတယ်။ ဒါ
ပေမယ့် ဘယ်တော့ဖြစ်မလဲဆိုတာကိုတော့ သူမခန့်မှန်းနိုင်ပါဘူးလို့ ထပ်ပြောပါတယ်။
တတိယနိုင်ငံတွေမှာ သွားရောက်အခြေချတဲ့ ဒုက္ခသည်အရေအတွက်ဟာ ၇၀၀၀၀ လောက်ရှိသွားပြီဖြစ်ပေမယ့် ဒုက္ခသည် စခန်းမှာ ကျန်ရှိနေတဲ့ အတော်များများကတော့ မြန်မာပြည်ကိုပြန်ရဖို့ မျှော်လင့်နေကြတာမို့ အဲ့ဒီနိုင်ငံတွေမှာ သွားအခြေချမယ့်နည်းလမ်းကို မရွေးချယ်ကြဘူးလို့လည်း ဆယ်လီက ဆိုပါသေးတယ်။
“ငြိမ်းချမ်းရေးရရင် အိမ်ပြန်မှာပေါ့”လို့ အသက် ၅၄ နှစ်အရွယ် ဖောမူနန်းက ဧရာဝတီကို ပြောပြပါတယ်။ သူဟာ လွန်ခဲ့တဲ့ ၂၅ နှစ် ကတည်းက မြန်မာပြည်ကနေ ထွက်လာခဲ့သူဖြစ်ပြီး လောလောဆယ်မှာ မယ့်လာဦး ဒုက္ခသည်စခန်းရဲ့ အတွင်းရေးမှူးအဖြစ် တာဝန်ယူနေသူပါ။
“သူတို့မြို့တွေမှာ အစိုးရစစ်သားတွေမရှိဘူးဆိုရင် ဒုက္ခသည်တော်တော်များများ အိမ်ပြန်သွားကြပြီပေါ့”လို့လည်း ဖောမူနန်းက ဆိုပါသေးတယ်။
၁၉၈၄ နဲ့ ၁၉၉၇ အကြားမှာ အစိုးရတပ်က ကရင်ပြည်နယ် ဖာပွန်ခရိုင်မှာရှိတဲ့ KNU စခန်းတွေအပြင် သူ့ရဲ့ ပန်းဟက်ရွာ အပါအဝင် အရပ်သားတွေနေထိုင်တဲ့ ရွာတွေကိုလည်းသိမ်းယူခဲ့ပါတယ်။ အဲ့ဒီနောက်ပိုင်းမှာတော့ သူလည်း ကရင်ပြည်နယ်ကနေ ထိုင်း-မြန်မာနယ်စပ်ကို ထွက်လာခဲ့ပါတယ်။
ဘာသာတရားအပေါ်ယုံကြည်ကိုင်းရှိုင်းမှုဟာ ကရင်တိုင်းရင်းသားတွေ အတော်များများအကြားမှာ အားကောင်းတဲ့ အလေ့ အထ တခု ဖြစ်ပါတယ်။ သူတို့ရဲ့ ပြည်တော်ပြန်အိပ်မက်တွေ အကောင်အထည်ပေါ်စေဖို့ တနင်္ဂနွေနေ့တိုင်း ဘုရားကျောင်းမှာ ဆုတောင်းကြပါတယ်။
ဇန်နဝါရီလ ၁၂ ရက်နေ့ KNU ခေါင်းဆောင်တွေနဲ့ အစိုးရကိုယ်စားလှယ်တွေ ငြိမ်းချမ်းရေးစကားပြောနေချိန်မှာ ဂျပန်၊ ထိုင်း၊ အမေရိကန်ပြည်ထောင်စု၊ အင်္ဂလန် နဲ့ အခြား ဥရောပသမဂ္ဂ အဖွဲ့ဝင်နိုင်ငံတွေအပါအဝင် ကမ္ဘာအနှံ့မှာရောက်ရှိနေကြတဲ့ ကရင်ပြည်သူတွေကလည်း ကရင်ပြည်နယ်ငြိမ်းချမ်းရေး အတွက် ဆုတောင်းပွဲတွေ ကျင်းပခဲ့ကြပါတယ်။
အစိုးရနဲ့ KNU ငြိမ်းချမ်းရေးဆွေးနွေးပွဲရဲ့ ရလဒ်ကတော့ အချက် ၁၁ ချက်ပါတဲ့ အပစ်အခတ်ရပ်စဲရေး သဘောတူချက် ကို ပဏာမအဆင့်အနေနဲ့ အဲဒီနေ့မှာပဲ လက်မှတ်ရေးထိုးနိုင်ခဲ့တာဖြစ်ပါတယ်။ သဘောတူချက်အရ KNU အနေနဲ့ ဆက်သွယ်ရေး ရုံးတွေဖွင့်ခွင့်ရမှာဖြစ်ပြီး အစိုးရအနေနဲ့လည်း အရပ်သားတွေအပေါ် အဓမ္မ လုပ်အားပေးခိုင်းစေနေတာ တွေ၊ ဥပဒေမဲ့ ထင် သလို အခွန်ကောက်ခံနေတာတွေနဲ့ ခြိမ်းခြောက်ငွေညှစ်တာတွေကို အဆုံးသတ်သွားအောင် တာဝန်ယူဆောင်ရွက်ရမှာဖြစ်ပါတယ်။
ဒီလို သဘောတူညီချက်တွေ ရှိပေမယ့်လည်း စစ်ပြေးဒုက္ခသည်တွေကတော့ သူတို့ ဘယ်အချိန် လုံလုံခြုံခြုံနဲ့ အိမ်ပြန်ခွင့်ရ မလဲဆိုတဲ့အပေါ် မရေမရာရှိနေဆဲဖြစ်ပါတယ်။ လက်ရှိအခြေအနေတွေကို အကောင်းဘက်ကမြင်တယ်လို့ ဒုက္ခသည်တချို့က ဆိုပါတယ်၊ ဒါပေမယ့် သိပ်မဝေးတော့တဲ့ကာလမှာ အိမ်ပြန်နိုင်လိမ့်မယ်ဆိုတာကိုတော့ လူအနည်းငယ်ကပဲ ယုံကြည်ကြပါတယ်။
အခုအချိန်မှာ အတော်လေးငြိမ်သက်နေတယ်လို့ဆိုနိုင်တဲ့ ကရင်ပြည်နယ်ရဲ့အခြေအနေဟာ စစ်ပွဲတွေပြင်းပြင်းထန်ထန်ဖြစ် နေ တဲ့ ကချင်ပြည်နယ်နဲ့တော့ လုံးဝဖီလာဆန့်ကျင်ဖြစ်နေပါတယ်။
အစိုးရက ကချင်ပြည် လွတ်လပ်ရေးတပ်မတော်(KIA)ကို ပြီးခဲ့တဲ့နှစ် ဇွန်လကစပြီး စစ်ဆင်ရေးဆင်နွှဲခဲ့တာမို့ ၁၇ နှစ်ကြာ နှစ် ဘက် အပစ်အခတ်ရပ်စဲရေး သဘောတူချက်ဟာလည်း ပျက်ပြားသွားခဲ့ရပါတယ်။ ကချင်ပြည် လွတ်လပ်ရေးအဖွဲ့(KIO)ပြော ရေးဆို ခွင့် ရှိသူ ဦးလနန်ကတော့ အစိုးရဘက်က ဟယ်လီကော်ပတာတွေ သုံးနေတာဟာ ဒဏ်ရာရ ရဲဘော်တွေကို စစ်မြေပြင် ကနေ သယ်ထုတ် သွားဖို့အတွက်သာ မဟုတ်ဘဲ နိုဝင်ဘာ၂၅ ၇က်နေ့ကစပြီး လက်နက် ခဲယမ်းတွေနဲ့ စစ်သားတွေကို စစ်မြေပြင်ဆီ ပို့ဖို့အတွက် ဖြစ် တယ်လို့ ဧရာဝတီကို ပြောပြပါတယ်။
ကချင်ပြည်နယ်မှာဖြစ်ပွားနေတဲ့ စစ်ပွဲတွေကြောင့် ကချင်ပြည်သူ ၄၅၀၀၀ ကျော်ဟာ မိမိတို့နေရပ်ရင်းကို စွန့်ခွာထွက်ပြေးခဲ့ကြ ရပြီး သူတို့ ဘယ်အချိန်အိမ်ပြန်လို့ရမယ်ဆိုတာကို ပြောဖို့ခက်တယ် လို့လည်း ဒေသခံတွေက ဆိုကြပါတယ်။
“အစိုးရအနေနဲ့ တိုင်းရင်းသား အင်အားစုတွေနဲ့ တကယ်စစ်မှန်တဲ့ ငြိမ်းချမ်းရေး မတည်ဆောက်ဘူးဆိုရင် စစ်ပွဲတွေ ရေရှည် လိမ့် မယ်”လို့ ဦးလနန်က သတိပေးပါတယ်။
ပြီးခဲ့တဲ့ နိုဝင်ဘာလမှာ အမေရိကန်နိုင်ငံ မက်ဆာချူးဆက် ပြည်နယ် ကိန်းဘရစ်ခ်ျမြို့အခြေစိုက် လူ့အခွင့်အရေး အတွက် သမား တော်များ(Physicians for Human Rights)အဖွဲ့က ကချင်ပြည်နယ်မှာ အစိုးရတပ်ဖွဲ့တွေက လူ့ အခွင့်အရေးချိုးဖောက် မှုတွေ၊ ရက်စက်ယုတ်မာမှုတွေရှိနေတယ်လို့ စွပ်စွဲပြောဆိုတာတွေနဲ့ပတ်သက်ပြီး စုံစမ်းစစ်ဆေးမှုတခု ပြုလုပ်ခဲ့ပါတယ်။
အဲ့ဒီစုံစမ်းစစ်ဆေးမှုအရ ၂၀၁၁ ဇွန်လနဲ့ စက်တင်ဘာလအတွင်းမှာ အစိုးရတပ်က အရပ်သားတွေ ဆီကနေ စားနပ်ရိက္ခာတွေ လုယူ ခဲ့တယ်၊ ရွာတွေထဲကို လက်လွတ်စပယ်ပစ်ခတ်ခဲ့တယ်၊ ရွာသားတွေကို တိုက်ခိုက်မယ်လို့ ခြိမ်းခြောက်ခဲ့တယ်၊ ပြီးတော့ သူတို့ကို ပေါ်တာအဖြစ်၊ မိုင်းရှင်းကိရိယာအဖြစ် အသုံးပြုခဲ့တယ်ဆိုတာတွေကို တွေ့ရှိခဲ့ပါတယ်။
ထိုင်းနိုင်ငံအခြေစိုက် ကချင်သတင်းဌာန(KNG)ရဲ့အဆိုအရ အမေရိကန်နိုင်ငံခြားရေးဝန်ကြီး ဟီလာရီ ကလင်တန် (Hillary Cliton) မြန်မာနိုင်ငံမှာ သမိုင်းဝင်အလည်အပတ်ခရီးအဖြစ် ရောက်ရှိနေတဲ့ နိုဝင်ဘာ ၃၀ ရက်နေ့မှာလည်း အစိုးရတပ်ဖွဲ့တွေက သာမန် ကချင်ပြည်သူတွေကို သတ်ဖြတ်ပြီး သူတို့အိမ်တွေကို မီးရှို့ဖျက်ဆီးခဲ့ကြတယ်လို့ သိရပါတယ်။
နိုင်ငံတကာမိသားစုအနေနဲ့ သမ္မတ ဦးသိန်းစိန် အစိုးရရဲ့ ပြုပြင်ပြောင်းလဲမှုတွေကို အားပေးအားမြှောက်ပြုသင့်တယ်၊ ဒါပေ မယ့် ဆိုး ဆိုးဝါးဝါး ကျယ်ကျယ်ပြန့်ပြန့်ဖြစ်ပွားနေတဲ့ အထူးသဖြင့် လက်ရှိဖြစ်ပွားနေတဲ့ လက်နက်ကိုင် ပဋိပက္ခဒဏ် ခံနေရ တဲ့ ဒေသတွေက ချိုးဖောက်မှုတွေကိုတော့ လျစ်လျူ မရှုသင့်ဘူးလို့ မြန်မာ့အရေး စောင့်ကြည့်လေ့လာနေသူ အက်ရ်ှလေ ဆောက်သ်(Ashley South) က ပြောပါတယ်။
တိုင်းရင်းသားအင်အားစုတွေရဲ့ ပြင်းပြတဲ့ဆန္ဒနဲ့ နစ်နာချက်တွေကို အရေးတယူ ကိုင်တွယ်ဆောင်ရွက်ခြင်းမရှိဘဲနဲ့ တိုင်းပြည် ရဲ့ လူမှုရေးနဲ့ နိုင်ငံရေးပြဿနာတွေကို ဖြေရှင်းနိုင်မှာ မဟုတ်ဘူးလို့လည်း သူက ဆိုပါတယ်။
လက်ရှိအချိန်မှာတော့ ထိုင်းနဲ့ အခြားနိုင်ငံတွေမှာရောက်နေကြတဲ့ ဒုက္ခသည်တွေဟာ ဘယ်နေ့ ပြန်ရမယ်ဆိုတာ မသေချာပေ မယ့် သူတို့နိုင်ငံ ပြန်ရမယ့်နေ့ အတွက် ဆက်လက် ဆုတောင်းနေကြဆဲပါ။ ဒုက္ခသည်စခန်းမှာပဲ သူ့ဘဝရဲ့အချိန်အများစုကို ကုန်ဆုံးခဲ့တဲ့ အသက် ၂၈ နှစ်အရွယ် မောလူးကတော့ သူ့အနေနဲ့ မိုက်ရူးရဲ ဆန်ပြီး အိမ်ကိုအလောတကြီးပြန်ဖို့ မကြိုးစားချင်ဘူးလို့ ပြောပါတယ်။
တတိယနိုင်ငံတခုခုကိုသွားတာဟာ သူ့အတွက်ရော သူ့ရဲ့ “နောက်မျိုးဆက်တွေ” အတွက်ပါ ပိုကောင်းတဲ့ ရွေးချယ်စရာလမ်း တခုဖြစ် တယ်လို့ သူက ဆိုပါတယ်။ ဒါပေမယ့် သူလည်း ငြိမ်းချမ်းရေးရတဲ့အချိန် တနေ့နေ့မှာ သူ့ ဘိုးဘေးဘီဘင်တွေ အခြေ ချခဲ့တဲ့မြေကို ပြန်မြင်တွေ့ရဖို့ မျှော်လင့်နေဆဲပါပဲ။
သူက ရယ်လျက်“အဲ့ဒီအချိန်ဆို ငါလည်း အဘိုးကြီး ဖြစ်ကောင်း ဖြစ်နေလောက်ပြီ” တဲ့။
Ref: ဧရာဝတီ
Read More...
Collapse...
February 3, 2012
ဧပြီလ ၁ ရက်နေ့ ကျင်းပမည့် ကြားဖြတ် ရွေးကောက်ပွဲ၏ အခြေခံ ချမှတ်ထားသော နိုင်ငံတကာ လူ့အခွင့်အရေး စံချိန်စံညွှန်း သတ် မှတ် ချက်များကို လေးစားလိုက်နာရမည် ဖြစ်ကြောင်း မြန်မာနိုင်ငံဆိုင်ရာ လူ့အခွင့်အရေး အထူး စုံစမ်းစစ်ဆေးရေးမှူး မစ္စတာ သောမတ်စ် အိုဟေး ကင်တားနားက ပြောကြားလိုက်သည်။
ဒေါ်အောင်ဆန်းစုကြည်နှင့် တက္ကသိုလ်ရိပ်သာလမ်း နေအိမ်တွင် ယနေ့ညနေ တွေ့ဆုံအပြီး ကျင်းပသော သတင်းစာ ရှင်းလင်းပွဲတွင် ၎င်းက ယင်းသို့ပြောကြားခြင်း ဖြစ်သည်။
“ကြားဖြတ်ရွေးကောက်ပွဲနဲ့ ပတ်သက်လို့တော့ နိုင်ငံတကာ အခြေခံလူ့အခွင့်အရေး အချက်အလက် တွေကို လေးစား လိုက်နာဖို့ လိုပါ တယ်။ လွတ်လပ်စွာ ထုတ်ဖော်ခွင့်၊ လွတ်လပ်စွာ စည်းရုံးခွင့်ရှိရမယ်။ အဲဒါကို မနေ့က ရွေးကောက်ပွဲ ကော်မရှင်က တာဝန်ရှိသူတွေ နဲ့တွေ့တော့ ဆွေးနွေးခဲ့ပါတယ်။ ဒီအချက်တွေကို ဘယ်လောက်လိုက်နာ လေးစားပြီး ရွေးကောက်ပွဲ ကျင်းပသလဲဆိုတာ ကျနော် နီးနီးကပ်ကပ် စောင့်ကြည့်ရပါလိမ့်မယ်” ဟု မစ္စတာ ကင်တားနာက ဆိုသည်။
မစ္စတာကင်တာနားက မြန်မာအစိုးရအနေနှင့် ၎င်းကို လက်ခံခြင်းအတွက် ကျေးဇူးတင်ကြောင်း၊ ယနေ့တွင် အင်းစိန် အကျဉ်းထောင်မှ ယုံကြည်ချက်ကြောင့် အကျဉ်းကျခံနေရသော အကျဉ်းသား ၃ ဦးနှင့် တွေ့ဆုံခဲ့ကြောင်း၊ ယခုခရီးစဉ်သည် မတ်လတွင် ကုလသမဂ္ဂသို့ တင်သွင်းမည့် မြန်မာနိုင်ငံလူ့အခွင့် အရေးအစီရင်ခံစာအတွက် ဖြစ်ကြောင်း ၎င်းက ဆက်ပြောသည်။
သတင်းစာရှင်းလင်းပွဲတွင် အမျိုးသားဒီမိုကရေစီ (NLD) ဥက္ကဋ္ဌ ဒေါ်အောင်ဆန်းစုကြည်ကလည်း မန္တလေးခရီးစဉ် ရွှေ့ဆိုင်းရခြင်းမှာ NLD က မူလ ထုတ်ပြန်ထားသည့် အတိုင်းပင်ဖြစ်ပြီး သေသေချာချာ ပြန်လည် စီစဉ်မည်ဖြစ်ကြောင်း သတင်းထောက်များကို ပြောသည်။
ထို့အပြင် လွှတ်တော်တွင် အရွေးချယ်ခံရပါက ဖွဲ့စည်းပုံအခြေခံဥပဒေ ပြင်ဆင်ရေးအတွက် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့) မှ အမတ်များ၊ တပ်မတော်သား ကိုယ်စားလှယ်များနှင့် သဘောတူညီမှု ရရှိစေရန် ညှိနှိုင်းမည် ဖြစ်ကြောင်း၊ ပြည်သူလူထု အတွက် အကျိုးမပြုသော ဖွဲ့စည်းပုံအခြေခံဥပဒေပါ အချက်တချို့ကို ပြင်ဆင်ရေးသည် NLD ၏ ယုံကြည်ချက် မူဝါဒဖြစ် ကြောင်း ပြောဆိုသည်။
ဖွဲ့စည်းပုံအခြေခံဥပဒေအား ပြင်ဆင်ရန်မလိုအပ်သေးဟု ကြံ့ဖွံ့ပါတီ အထွေထွေအတွင်းရေးမှူး ဦးဌေးဦး၏ ပြောဆိုချက်အပေါ်
ဒေါ် အောင်ဆန်းစုကြည်က “သဘောထားဆိုတာက အားလုံး တသဘောတည်း မဟုတ်ဘူး။ ဖွဲ့စည်းပုံ အခြေခံဥပဒေကို ရေးဆွဲတဲ့ သူတွေက ပြင်ချင်တဲ့ စိတ်နဲ့ ရေးဆွဲတာ မဟုတ်ဘူးလို့ဘဲ ထင်ရမှာပေါ့။ အစကတည်းက ပြင်ချင်ရင် ပြင်ထားမှာပေါ့။ပြည်သူတွေအတွက် အကျိုးမရှိတဲ့အပိုင်းတွေကို ပြင်သင့်တယ်ဆိုတာက ကျမတို့ ယုံကြည်ချက်အရ ပြောတာပါ” ဟု ဆိုသည်။
ဒေါ်အောင်ဆန်းစုကြည်သည် ဖေဖော်ဝါရီ ၇ ရက်နေ့တွင် ပုသိမ်ခရီးစဉ်နှင့် ၁၁ ရက်နေ့တွင် ကော့မှူး ခရီးစဉ်သို့ သွားရောက် မည် ဖြစ်ပြီး ပြည်နယ်နှင့်တိုင်း အားလုံးသို့ အနည်းဆုံး တခေါက်စီ ခရီးသွားမည်ဖြစ်ကြောင်း ဒေါ်အောင်ဆန်းစုကြည်က သတင်းထောက် များအား ရှင်းပြသည်။
Ref: ဧရာဝတီ
Read More...
Collapse...
မျိုးသန့်
ဖေဖေါ်ဝါရီလ ၀၃ ရက် ၂၀၁၂ ခုနှစ်
တရားဟောခွင့် ပိတ်ပင်ထားခြင်းကာလ ကုန်ဆုံးတော့မည်ဖြစ်၍ မိမိပါးစပ် လွတ်လပ်တော့ မည် ဖြစ်ကြောင်း ရန်ကုန်မြို့ ကြည့်မြင်တိုင် မြို့နယ်ရှိ သာဓုကျောင်းတိုက်မှ ရွှေညဝါဆရာတော်က မိန့်ကြားလိုက်သည်။
ရွှေညဝါဆရာတော်သည် ၂ဝ၁၁ ခုနှစ် ဖေဖေါ်ဝါရီလမှစ၍ တနှစ်တိတိ တရားဟောခွင့် ပိတ်ပင်ခံထားရာမှ ဖေဖေါ်ဝါရီ လ ၁၁ ရက် နေ့တွင် ကန့်သတ်ပိတ်ပင်မှု ကုန်ဆုံးတော့မည် ဖြစ်၍ တရားဟောပုလ္လင်ပေါ်တွင် ပထမဆုံး မိန့်ကြားချင်သည့် စကားနှင့် ပတ်သက်၍ "ကျုပ် ပထ မဆုံး ပြောချင်တဲ့စကားကတော့ ကျုပ်ပါးစပ် လွတ်လပ်ရေးရပြီ လို့ပဲ ပြောရမှာပေါ့" ဟု မဇ္ဈိမကို ဆရာတော်က အမိန့်ရှိသည်။
ရွှေညဝါဆရာတော်သည် ၂ဝ၁၂ ခုနှစ်အတွက် တရားဦးကို တာချီလိတ်မြို့တွင် ဖေဖေါ်ဝါရီလ ၁၁၊ ၁၂ ရက်နေ့များတွင် ဟောကြား မည်ဖြစ်ပြီး ၁၃၊ ၁၄၊ ၁၅ ရက်နေ့များတွင် စစ်ကိုင်းတိုင်း ခင်ဦးမြို့တို့တွင် ဟောကြားမည်ဖြစ်သည်။ ယင်းနောက် ရန်ကုန်အပါအဝင် နယ်မြို့များတွင်လည်း လှည့်လှည်ဟောကြားမည်ဟု သိရသည်။
ဆရာတော်သည် တရားပွဲများအတွင်း ဗုဒ္ဓဘာသာနှင့် မသက်ဆိုင်သော အသုံးအနှုန်းများကို ထည့်သွင်း ဟောပြော သည်ဟူသည့် အကြောင်းပြချက်ဖြင့် သံဃာ့နာယက မဟာနာယက (မဟန) မှ တရားဟောခွင့် ပိတ်ပင်ခဲ့ခြင်းဖြစ်သည်။
ဆရာတော်က "ကျုပ်တို့ ဘုရားရှင် ဟောထားတဲ့ ပါဋ္ဌိတော်တွေ အဲဒီပါဋ္ဌိတော်တွေကို ဖွင့်ဆိုထားတဲ့ အဋ္ဌကထာတွေ အဲဒီထဲကအတိုင်းပဲ ဟောမှာပဲ။ ပါတဲ့အတိုင်းပဲ ဟောမှာပဲ" ဟုလည်း မဇ္ဈိမကို အမိန့်ရှိသည်။
မဟန ၏ ညွှန်ကြားချက် ထုတ်ပြန်ထားသည့် ကာလ ၂ဝ၁၁ စက်တင်ဘာလအတွင်း မန္တလေး အမျိုးသား ဒီမိုကရေစီ အဖွဲ့ချုပ်ရုံးတွင် ပြုလုပ်သည့် ကမ္ဘာ့ဒီမိုကရေစီနေ့တွင် တရားဟောသည်ဟူသည့် စွပ်စွဲချက်ဖြင့် ဆရာတော် ကျောင်းထိုင် သီတင်းသုံးရာ သာဓု ပရိယတ္တိ ကျောင်းတိုက်မှ ဖယ်ရှားရန်နှင့် ကျောင်းတိုက်တွင်း မည်သည့် သင်တန်းမှ မပြုလုပ်ရန် မဟန မှ ဒီဇင်ဘာလ ၁၂ ရက်နေ့က စာပေးပို့ ညွှန်ကြားခဲ့ခြင်း ဖြစ်ပေါ်ခဲ့သည်။
ဆရာတော်သည် သာဓု ပရိယတ္တိ ကျောင်းတိုက်မှ ဖေဖေါ်ဝါရီလလ ၁၉ ရက်နေ့ နောက်ဆုံးထား ထွက်ခွာပေးရန်လည်း မဟန ထံ ကတိပြုလက်မှတ် ရေးထိုးထားရသည်။
ရွှေညဝါဆရာတော်၏ အဆိုပါ ဖြစ်ရပ်နှင့် အလားတူပင် ရန်ကုန်တိုင်း မှော်ဘီ မင်္ဂလာကျောင်းတိုက်မှ ဓမ္မကထိက ဆရာတော် ဦးသုမင်္ဂလ (ဒယ်အိုးဆရာတော်) ကိုလည်း မဟန မှ ၂ဝ၁၁ ခုနှစ် ဒီဇင်ဘာလအတွင်းက တရားဟောခွင့် ပိတ်ပင်ခဲ့သေးသည်။
ထို့အပြင် ၂ဝဝ၇ ခုနှစ် ရွှေဝါရောင်သံဃာ့အရေးအခင်းကြောင့် ထောင်ကျခံခဲ့ရပြီး ဇန်နဝါရီလအတွင်း ပြန်လည် လွတ်မြောက်လာသည့် ဆရာတော်များကို မရမ်းကုန်းမြို့နယ် အတွင်းရှိ ပေါက်စေတီကျောင်းတိုက်တွင် သိက္ခာ ထပ်ရန်နှင့် လွတ်မြောက်လာသည့် နိုင်ငံရေး အကျဉ်းသားများ တွေ့ဆုံပွဲလုပ်ရန် ကြိုးပမ်းမှုကိုလည်း မဟန မှ ကြာသာပတေးနေ့တွင် တားမြစ်လိုက်သည်။
သံဃာတော် ၃၈ ပါးကို ပင့်ဖိတ်ကာ သိက္ခာထပ်ရန်နှင့် လှူဖွယ်ဝတ္ထုများကို လှူဒါန်းရန် စနေနေ့တွင် ပြုလုပ်ရန် ဖိတ်စာ ၁၅ဝဝ ခန့် ဖိတ်ကြားထားပြီးမှ မဟန မှ ပိတ်ပင်မှုကြောင့် အစီအစဉ် ပျက်သွားသည်ဟု ကမကထလုပ် စီစဉ်သူ နိုင်ငံရေး အကျဉ်းသားဟောင်း ဦးကိုကိုလေးက မဇ္ဈိမကို ပြောသည်။
"တိုင်းသံဃာ့ နာယက က လှမ်းပြီးပိတ်တယ်။ ကျောင်းမှာ နိုင်ငံရေးနဲ့ ပတ်သက်တဲ့ပွဲ လုပ်လို့ မရတော့ဘူးပေါ့။ ကျနော်တို့ လုပ်ခွင့် မရတော့ဘူး" ဟု မဇ္ဈိမကို ပြောသည်။
ထောင်ကျခံရာမှ ပြန်လွတ်လာသည့် ဆရာတော်များမှာ မဂ္ဂင်ဆရာတော်ကြီးနှင့် ရွှေဝါရောင် သံဃာ့လှုပ်ရှားမှု ခေါင်းဆောင် ဦးဂမ္ဘီရတို့ အပါအဝင် ရန်ကုန်မြို့ရှိ ငွေကြာယံကျောင်းတိုက်၊ မင်္ဂလာဒုံကျောင်းတိုက်တို့မှ ဆရာတော်များ ပါဝင်သည်။ ထို့အပြင် ပခုက္ကူ၊ ဖျာပုံ၊ မြင်းခြံ၊ မုဒုံမြို့များမှ ဆရာတော်များကိုလည်း ပင့်ဖိတ်ထားသည်ဟု ဦးကိုကိုလေးက ပြောသည်။
နယ်မြို့များမှ ဆရာတော်အချို့လည်း အဆိုပါ ပွဲသို့ကြွရောက်ရန် ရန်ကုန်မြို့ ကျောင်းတိုက်များတွင် ယာယီသီတင်းသုံး
နေပြီဖြစ်ပြီး စနေနေ့နံနက်တွင် ဆရာတော် တပါးချင်းဆီသို့ သွားရောက်ကာ လှူဖွယ်ဝတ္ထုများ လှူဒါန်းရန်ရှိသည်ဟု အဆိုပါ အစီအစဉ် ဖြစ်မြောက်ရေးတွင် ပါဝင်သည့် ကိုညီညီထွန်းက မဇ္ဈိမကိုပြောသည်။
အထက်ပါ ဖြစ်စဉ်များကြောင့် မြန်မာနိုင်ငံသည် ဒီမိုကရေစီ စနစ်ကို အကောင်အထည်ဖေါ်ဆောင် နေသည်ဟု ဆိုသော်လည်း နှေး ကွေးလွန်းသည်ကို "ကျနော်တို့ကို လျှောက်ခွင့်ပြုတဲ့ လမ်းလေးက ဝါးလုံးတံတားလေး လောက်ပဲ ပေါ့ဗျာ၊ ခနော် ခနဲ့ နဲ့ ဝါးလုံးတလုံးထဲနဲ့ လုပ်ထားတဲ့ တံတားလေးကို ကျနော်တို့ ဖြည်းဖြည်းလျှောက်နေရတဲ့ သဘော ဖြစ်နေတယ်။ ကျနော်တို့ကို လမ်းမပေးသေးဘူး" ဟု နိုင်ငံရေးအကျဉ်းသားဟောင်း ဦးကိုကိုလေးက ညွှန်းဆို ပြောပြ သည်။
မြန်မာနိုင်ငံသည် ဒီမိုကရေစီဖော်ဆောင်ရေး၊ လူ့အခွင့်အရေး တိုးတက်ရန်တို့အတွက် ကြိုးပမ်းဖေါ်ဆောင်နေပြီး နောက်ကြောင်း ပြန်လှည့်ရန် မရှိဟု ဦးသိန်းစိန် အစိုးရ၏ ပြန်ကြားရေးဝန်ကြီး ဦးကျော်ဆန်းက အယ်လ်ဂျာဇီးယား သတင်းဌာနကို ဒီဇင်ဘာလ အတွင်းက ပြောကြားခဲ့သေးသည်။
Ref: Mizzima
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88