သမ္မတအိုဘားမား၊ ဘန်ကီမွန်းနဲ့ အထင်ကရပုဂ္ဂိုလ်များ ဒေါ်စု ချက်ချင်း လွှတ်ပေးရေး တောင်းဆို

ဒေါ်ခင်စိုးဝင်း
သောကြာ, 18 ဇွန် 2010

ဒီကနေ့ ဇွန်လ ၁၉ ရက်နေ့မှာကျရောက်တဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ ၆၅ နှစ်မြောက်မွေးနေ့မှာ အမေရိကန် သမ္မတ အိုဘားမား၊ ကုလသမဂ္ဂ အတွင်းရေးမှူးချုပ် ဘန်ကီမွန်း၊ အမေရိကန် အမျိုးသမီး အထက်လွှတ်တော် အမတ်များ အဖွဲ့နဲ့ အမေရိကန် နိုင်ငံခြားရေး ၀န်ကြီးဌာနတို့က ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား အားလုံးကို ချွင်းချက်မရှိ ချက်ချင်း လွှတ်ပေးဖို့ ထပ်လောင်း တောင်းဆို လိုက်ပါတယ်။ အပြည့်စုံကို ဒေါ်ခင်စိုးဝင်းက တင်ပြထားပါတယ်။

နေအိမ်အကျယ်ချုပ်နဲ့ ထိန်းသိမ်းခံနေရတဲ့ တဦးတည်းသော ငြိမ်းချမ်းရေး နိုဘဲလ်ငြိမ်းချမ်းရေး ဆုရှင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ အသက် ၆၅ နှစ်မြောက် မွေးနေ့မှာ အမေရိကန် သမ္မတ ဘားရက် အိုဘားမား က ဆုမွန်ကောင်းတောင်း မေတ္တာ ပို့သ လိုက်ပါတယ်။ မြန်မာနိုင်ငံမှာ လူ့အခွင့်အရေးနဲ့ ဒီမိုကရေစီရေး ပြုပြင် ပြောင်းလဲမှုတွေ အတွက် ဒေါ်အောင်ဆန်းစုကြည်တွေရဲ့ စိတ်ဓါတ်ခိုင်မာ ပြတ်သားမှုတွေနဲ့ သတ္တိရှိမှု၊ ကိုယ်ကျိုးစွန့် အနစ်နာခံမှုတွေကို လွတ်မြောက်မှုနဲ့ တရား မျှတရေးအတွက် ရပ်တည်နေကြသူတွေ အားလုံးကနေ အတုယူ အားကျဖွယ်ရာ ဖြစ်ပါတယ်လို့ သမ္မတ အိုဘားမားရဲ့ ကြေညာချက်မှာ ဖော်ပြထားပါတယ်။

မြန်မာစစ်အစိုးရ အနေနဲ့ မြန်မာပြည်သူလူထုအားလုံးရဲ့ အခွင့်အရေးတွေကို လေးစားပြီးတော့ သာယာ ၀ပြောတဲ့ ပိုပြီးတည်ငြိမ်မှု ရှိတဲ့ နိုင်ငံအဖြစ် အားလုံး ၀ိုင်းဝန်း ထူထောင်နိုင်ကြဖို့ အတွက် ဒေါ်အောင်ဆန်းစုကြည်နဲ့ အတူ နိုင်ငံရေး အကျဉ်းသားတွေ အားလုံးကို ချက်ချင်းနဲ့ ချွင်းချက်မရှိ လွှတ်ပေးဖို့အတွက် ထပ်လောင်းတောင်းဆို လိုက်ပါတယ်။

မြန်မာနိုင်ငံရဲ့ အနာဂတ်မှာ အပြုသဘောဆောင်တဲ့ တိုးတက်ဖို့ အရေးကြီးတဲ့ ခြေလှမ်းတရပ် အနေနဲ့ အမျိုးသား ပြန်လည် သင့်မြတ်ရေးကို ရှေ့ရှုပြီးတော့ သက်ဆိုင်သူတွေ အားလုံး ပါဝင်ပြီး အနစ်သာရပြည့်ဝတဲ့ တွေ့ဆုံဆွေးနွေးမှုတွေ ပြုလုပ်ပါလို့လဲ သမ္မတ အိုဘားမားက တိုက်တွန်းထားတဲ့ အကြောင်း ဒေါ်အောင်ဆန်းစုကြည်ရဲ့ မွေးနေ့အကြို ထုတ်ပြန်တဲ့ အိမ်ဖြူတော်ရဲ့ ကြေညာချက်မှာ ဖော်ပြထားပါတယ်။

တချိန်တည်းမှာပဲ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ အသက် ၆၅ နှစ်မြောက် မွေးနေ့မှာ ကုလသမဂ္ဂ အတွင်းရေးမှူးချုပ် ဘန်ကီမွန်း ကလဲ မွေးနေ့အတွက် ဆုမွန်ကောင်း တောင်းရင်းနဲ့ ဒေါ်အောင်ဆန်းစုကြည် အပါအ၀င် မြန်မာနိုင်ငံမှာ ယုံကြည်ချက်ကြောင့် အကျဉ်းကျနေတဲ့ နိုင်ငံရေး အကျဉ်းသားတွေ အားလုံး ချွင်းချက်မရှိ ချက်ချင်းလွှတ်ပေးဖို့ သူ စဉ်ဆက်မပြတ် တောင်းဆိုနေတယ်လို့ မနေ့က သောကြာနေ့က အခုလို ပြောဆိုလိုက်ပါတယ်။

“ဒေါ်အောင်ဆန်းစုကြည်ကို လွှတ်မပေးဘဲ နေအိမ်အကျယ်ချုပ်နဲ့ ထိန်းသိမ်းထားဆဲဖြစ်လို့ ကျနော် သိပ်ကို စိုးရိမ်မကင်း ဖြစ်ရပါတယ်။ ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသားတွေ အားလုံး ချွင်းချက်မရှိ လွှတ်ပေးသင့်တယ်လို့ ကျနော် တစိုက်မတ်မတ် တောင်းဆိုခဲ့တာပါ။ သူတို့ကို လွှတ်ပေးမှသာ နိုင်ငံရေး လုပ်ငန်းစဉ်တွေမှာ သူတို့ ပါဝင်နိုင်ကြမှာ ဖြစ်ပါတယ်။ မြန်မာနိုင်ငံမှာ ဒီနှစ်ထဲ ကျင်းပမယ့် ရွေးကောက်ပွဲတွေမှာ သက်ဆိုင်သူတွေ အားလုံး ပါဝင်ကြဖို့ လိုပါတယ်။ နိုင်ငံရေးပါတီတွေ အားလုံး ပြည်သူလူထု တရပ်လုံး ပူးပေါင်း ပါဝင်မှသာ ယုံကြည် အားထားလောက်ပြီး အနစ်သာရ ပြည့်ဝတဲ့ ရွေးကောက်ပွဲအဖြစ် အားလုံးက အသိအမှတ် ပြုနိုင်ကြမှာ ဖြစ်ပါတယ်။”

ဆက်လက်ပြီးတော့ US Senate Women's Caucus on Burma မြန်မာ့အရေး အမေရိကန် အမျိုးသမီး အထက် လွှတ်တော်များ အဖွဲ့ကနေလဲ ဒေါ်အောင်ဆန်းစုကြည်ရဲ့ ၆၅ နှစ်မြောက်မွေးနေ့မှာ ဒေါ်အောင်ဆန်းစုကြည်နဲ့အတူ နိုင်ငံရေး အကျဉ်းသားတွေ အားလုံးကို ချက်ချင်းနဲ့ ချွင်းချက်မရှိ စစ်အစိုးရကို တောင်းဆို လိုက်ပါတယ်။

ဒေါ်အောင်ဆန်းစုကြည်တယောက် လွန်ခဲ့တဲ့ ၁၉ နှစ်အတွင်း မွေးနေ့အတော်များများကို နေအိမ် အကျယ်ချုပ်ဘ၀နဲ့ ကုန်လွန် ခဲ့ရပေမဲ့လဲ ဒေါ်အောင်ဆန်းစုကြည် တယောက် လွတ်မြောက်တဲ့ ဒီမိုကရေစီ ထွန်းကားတဲ့ မြန်မာနိုင်ငံမှာ မွေးနေ့ ကိုယ်တိုင် ဆင်နွှဲနိုင်မယ့်နေ့ကို သူတို့တတွေ မျှော်လင့်နေတယ် ဆိုတဲ့ အကြောင်းကိုလဲ ရေးသားထားပါတယ်။

မြန်မာ့အရေး အမေရိကန်အမျိုးသမီး အထက်လွှတ်တော်များအဖွဲ့မှာ အမျိုးသမီးအမတ်ဦးရေ ၁၇ ဦး ပါဝင် ဖွဲ့စည်းထားတာ ဖြစ်ပါတယ်။ တချိန်တည်းမှာပဲ အမေရိကန် နိုင်ငံခြားရေး ၀န်ကြီး ဌာနကလဲ ဒေါ်အောင်ဆန်းစုကြည်ရဲ့ ၆၅ နှစ်မြောက် မွေးနေ့အတွက် ဆုမွန်ကောင်း တောင်းလိုက် ပါတယ်လို့ အမေရိကန် နိုင်ငံခြားရေး ၀န်ကြီးဌာနရဲ့ ယာယီလက်ထောက် ပြောခွင့်ရပုဂ္ဂိုလ် မက် တိုနာက အခုလို ပြောပါတယ်။

“ပျော်ရွှင်ချမ်းမြေ့စရာကောင်းတဲ့မွေးနေ့ ဖြစ်ပါစေလို့ ကျနော်တို့ ပထမ ဆုတောင်းပေးပါတယ်။ ဒေါ်အောင်ဆန်းစုကြည်ကို ချက်ချင်း လွှတ်ပေးဖို့လဲ ထပ်ပြီး တောင်းဆိုထားပါတယ်။ အမေရိကန် သံတမန်တွေနဲ့ စစ်အစိုးရ ခေါင်းဆောင်ပိုင်း နောက်ထပ် ဆွေးနွေး ပြောဆိုမယ့် ကိစ္စနဲ့ပတ်သက်လို့ ဘာမှပြောစရာ မရှိပါဘူး။”

တချိန်တည်းမှာလဲ အမျိုးသမီး နိုဘဲလ် ငြိမ်းချမ်းရေးဆုရှင် ၆ ယောက်ဖြစ်တဲ့ ဘက်တီ ၀ီလီယံ၊ မက်ဒိ မက်ကွိုင်းယား၊ ရီဂိုဘက်တာ မက်ချုးတန်၊ ဂျူဒီ ၀ီလီယံ(စ်)၊ ရှီရင် အက်ဘာတီ နဲ့ ၀မ်ဂါတီ မက်ခိုင်း တို့ကလဲ နိုဘဲလ်ငြိမ်းချမ်းရေးဆုရှင် ဒေါ်အောင်ဆန်းစုကြည် အတွက်ကို ဆုတောင်းမေတ္တာ ပို့သလိုက်တယ်လို့ ကြေညာချက် ထုတ်ပြန်ထားပါတယ်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ မွေးနေ့ကို ကမ္ဘာတ၀ှမ်း မြန်မာ့အရေး လှုပ်ရှားသူတွေက ပုံစံ အမျိုးမျိုးနဲ့ ဆင်နွှဲ နေကြပြီးတော့ မြန်မာနိုင်ငံမှာ အမျိုးသား ပြန်လည် သင့်မြတ်ရေး အတွက် အနစ်သာရရှိတဲ့ တွေ့ဆုံ ဆွေးနွေးမှုတွေ ပြုလုပ်ပါလို့လဲ ထပ်လောင်း ပြောဆိုထားကြပါတယ်။

Ref: VOA News

Read More...

Collapse...

နေ့စဉ်သတင်းများ ( ၁၈ - ၀၆ - ၁၀ )

■ အရေးကြီးချိန်ရောက်နေပြီလို့ ဒေါ်အောင်ဆန်းစုကြည် ပြော သတင်း
■ သမ္မတ အိုဘားမား၊ ဘန်ကီမွန်းနဲ့ အထင်ကရပုဂ္ဂိုလ်များ ဒေါ်အောင်ဆန်းစုကြည် ချက်ချင်းလွှတ်ပေးရေး တောင်းဆို သတင်း
■ ဒေါ်အောင်ဆန်းစုကြည်ကို လွှတ်ပေးရန် နိုင်ငံတကာက တောင်းဆို သတင်း
■ အိုင်းရစ်အဆိုတော်ရဲ့ နှလုံးသားထဲက စု သတင်း
■ ဒေါ်အောင်ဆန်းစုကြည် မွေးနေ့အကြို အနယ်နယ်မှာ သွေးလှူ၊ သစ်ပင်စိုက် သတင်း
■ ဒေါ်အောင်ဆန်းစုကြည် ခေါင်းဆောင်ပီသပုံ အနီးကပ်နေခဲ့ရသူများ ပြောကြား သတင်း
■ ကနေဒါသံတမန်နှင့် အဖွဲ့ချုပ် တွေ့ဆုံ သတင်း
■ ရွေးကောက်ပွဲကို အားလုံးဝင်နိုင်ရေး ကနေဒါ တောင်းဆို သတင်း
■ တွေ့ဆုံဆွေးနွေးရေးအတွက် EU ကို NLD တိုက်တွန်း သတင်း
■ အန်အယ်လ်ဒီ ဗဟိုကော်မတီဝင် ဦးအုန်းကြိုင်နှင့် မန္တလေးတိုင်းပါတီဝင်များ တွေ့ဆုံဆွေးနွေး သတင်း
■ လူမှုရေးလုပ်ဆောင်သူနှစ်ဦးကို ဆန်ဖရန်စစ္စကိုဒေသက ဆုများချီးမြှင့် သတင်း
■ တရုတ်မှ လက်နက်ဝယ်ယူရေး ဦးတေဇ ပွဲစားလုပ် သတင်း
■ ဓာတ်ငွေ့ပိုက်လိုင်းကိစ္စသည် သူမသာကိုယ်မနာဟု ဘန်ကီမွန်းက ပြောဆို သတင်း
■ ဒုက္ခသည် လျှောက်ထားမှု မြန်မာ ဒုတိယ အများဆုံး သတင်း
■ ထိုင်း-မြန်မာနယ်စပ်ရှိ ဒုက္ခသည်စခန်းများ၌ ကမ္ဘာ့ဒုက္ခသည်များနေ့ တပြိုင်နက် ကျင်းပပြုလုပ် သတင်း
■ ကုလအေဂျင်စီ ရခိုင်ရေဘေးဒုက္ခသည်တွေ ကူညီ သတင်း
■ မလေးရှားဥပဒေ ကုလ ဝေဖန် သတင်း
■ ရွှေ့ပြောင်းအလုပ်သမားများကို ဥပဒေအရ အကာအကွယ်ပေးရန် ထိုင်းအစိုးရအား တောင်းဆို သတင်း
■ (၁၄) နှစ်အရွယ်ကလေးကို စစ်တပ်ထဲ သွတ်သွင်း သတင်း
■ တရားမဝင် အလုပ်သမားများ နှိမ်နင်းရေး ထိုင်းအစိုးရ စီစဉ် သတင်း
■ နိုင်ငံရေးပါတီများ မဟာမိတ် ပြုလုပ်ဖွယ်ရှိ သတင်း
■ ရွက်လှပန်း ကိုစည်သူနှင့် ယုံကြည်ချက်မော်ကွန်း (ဆောင်းပါး)
■ အရိုင်းကဗျာ (၆၅ နှစ်မြောက် ဒေါ်အောင်ဆန်းစုကြည်မွေးနေ့သို့ ...) (ဆောင်းပါး)

Read More...

Collapse...

တကယ်လို့

ဒေါ်အောင်ဆန်းစုကြည်၏ ၆၅ နှစ်မြောက်မွေးနေ့ အတွက် အကယ်၍ ဆိုသောကဗျာအား တေးသီချင်းအဖြစ် ပြန်လည် သီဆိုထားသော ဂျိုးဇက် နှင့် ဂျွန်စီစီ တို့၏ တကယ်လို့ ဆိုသော သီချင်းအား တင်ဆက်လိုက်ပါသည်။


တကယ်လို့

Read More...

Collapse...

အကယ်၍

အကယ်၍
မင်းအသိုင်းအ၀ိုင်း တုန်လှုပ်ခြောက်ခြားပြီး
ဒါတွေဟာ မင်းကြောင့်လို့ ၀ိုင်းဝန်းအပြစ်တင်ကြတဲ့အခါ
မင်းဟာ တည်ငြိမ်စွာနဲ့ ရင်ဆိုင်နိုင်မယ်ဆိုရင် . . .

အကယ်၍
အားလုံးက မင်းကို မယုံသင်္ကာဖြစ်လာတဲ့အခါ
သူတို့ကို နားလည်စွာ ခွင့်လွှတ်ရင်းနဲ့
မင်းကိုယ်မင်း ယုံကြည်မှု အပြည့်ရှိမယ်ဆိုရင် . . .

အကယ်၍
စောင့်သင့်တဲ့အချိန်ကို စောင့်နိုင်ပြီး
အဲဒီအတွက်လည်း မမောမပန်း နေနိုင်မယ်ဆိုရင် . . .

ဒါမှမဟုတ်
မင်းရဲ့အကြောင်း မဟုတ်မတရား မုသားစကားကြားရတဲ့အခါ
မင်းကလည်း အလိမ်အညာတွေနဲ့ မတုန့်ပြန်ဘူးဆိုရင် . . .

ဒါမှမဟုတ်
မင်းကို လူတကာက ၀ိုင်းဝန်းမုန်းတီးတဲ့အခါ
မင်းကလည်း အမုန်းတွေ ပြန်မပွားဘူးဆိုရင် . . .

အကယ်၍
စိတ်ကူးယဉ်အိပ်မက်တွေဟာ
မင်းအပေါ် မလွှမ်းမိုးစေဘဲ
စိတ်ကူးနိုင်မယ်ဆိုရင် . . .

ပြီးတော့
အတွေးအခေါ် စိတ်ကူးတွေဟာ
မျှော်မှန်းချက်သက်သက်သာ မဖြစ်စေဘဲ
တွေးခေါ်နိုင်မယ်ဆိုရင် . . .

အကယ်၍
အောင်မြင်မှုသုခနဲ့ ဆုံးရှုံးမှုဒုက္ခတွေကို ကြုံတွေ့ရတဲ့အခါ
တူညီသော လောကဓံတရားတွေပါလားရယ်လို့
ခံယူထားနိုင်မယ်ဆိုရင် . . .

အကယ်၍
မင်းရဲ့ အမှန်စကားတွေကို
လူလိမ်လူညာတွေက လှည့်စားပြောင်းလဲပြီး
မုသားအဖြစ် ထောင်ချောက်ဆင် ညစ်တဲ့အခါ
မင်းဟာ တည်ငြိမ်စွာနဲ့ နာကြားနိုင်မယ်ဆိုရင် . . .

အကယ်၍
မင်းဘ၀တစ်ခုလုံးပေးပြီး
အရိပ်တကြည့်ကြည့်နဲ့ ဖြည့်ဆည်းခဲ့ရတဲ့ အရာရာကို
ဖျက်ဆီးခံလိုက်ရပြီးတဲ့နောက်
အင်မတန်မှသေးငယ်တဲ့ တန်ဆာပလာ အရာရာနဲ့
ပြန်လည်တည်ဆောက်နိုင်မယ်ဆိုရင် . . .

အကယ်၍
မင်းနိုင်ခဲ့သမျှတွေအားလုံး
ကြွေတလှည့်ကြက်တခုန်ပမာ
တလှည့်တခါတည်းနဲ့ ဆုံးရှုံးသွားခဲ့ရင် . . .

ပြီးတော့
အစကနေ ပြန်စနိုင်မယ်ဆိုရင် . . .

ပြီးတော့တခါ
ဆိုးလှတဲ့ကံကြမ္မာရယ်လို့
ဘယ်သောအခါမှ ညည်းညူမနေဘူးဆိုရင် . . .

အကယ်၍
သူများတကာတွေ လုပ်ပြီးသွားကြလို့
အချိန်အတော်ကြာမှ မင်းအလှည့်ရောက်လာတဲ့အခါ
မင်းတယောက်တည်းနဲ့ပဲ
အားနဲ့မာန်နဲ့ ဇွဲသတ္တိရှိရှိ ဆက်ကြိုးစားနိုင်မယ်ဆိုရင် . . .

အဲဒီလိုပဲ
မင်းမှာ စိတ်အင်အားကလွဲလို့ ဘာဆိုဘာမှ မရှိတော့တဲ့အခါ
အဲဒီစိတ်အင်အားကို ခိုင်မာစွာနဲ့ပဲ
လက်ဆုပ်လက်ကိုင် ထားနိုင်မယ်ဆိုရင် . . .

အကယ်၍
လူတွေနဲ့ ထိတွေ့ဆက်ဆံ ပြောဆိုတဲ့အခါ
ကိုယ်ကျင့်သိက္ခာကို စောင့်ထိန်းနိုင်မယ်ဆိုရင် . . .

ဒါမှမဟုတ်
မင်းဧကရာဇ်တွေနဲ့အတူ လမ်းလျှောက်နေရပေမယ့်
မာန်၊ မာန သွေး မကြွဘူးဆိုရင် . . .

အကယ်၍
ရန်သူကဖြစ်စေ၊ မိတ်ဆွေကဖြစ်စေ
မင်းကို နာကျည်းအောင် မလုပ်နိုင်စေရင် . . .

အကယ်၍
လူတိုင်းကို တန်ဖိုးထားလေးစားပေမယ့်
စွဲလမ်းမှု သံယောဇဉ်တွေ ထားမနေဘူးဆိုရင် . . .

အကယ်၍
တိုတောင်းလှတဲ့ မပစ်ပယ်နိုင်တဲ့ တမိနစ်အတွင်းမှာ
အဓိပ္ပာယ်ရှိတဲ့ စက္ကန့်ခြောက်ဆယ်အဖြစ် အသုံးချနိုင်မယ်ဆိုရင် . . .

ငါ့သားရေ
မင်းဟာ အရာရာရှိတဲ့ အရာရာဖြစ်တဲ့ ကမ္ဘာကြီးကို ဆုပ်ကိုင်လို့
အရာရာ ဘာမဆို မင်းစွမ်းနိုင်ပြီပေါ့
အဲဒီတော့ မင်းဟာလည်း ယောက်ျားကောင်းတယောက်ပဲပေါ့။ ။

ဒေါ်အောင်ဆန်းစုကြည်မှ NLD လူငယ်များအား ၁၉၈၉ ခုနှစ်တွင် အမှာစကားပြောကြားရင်း ဒီ IF ကဗျာကို ပြန်ဆိုပြခဲ့ခြင်း ဖြစ်ပါသည်။

Read More...

Collapse...

အရေးတော်ပုံမီးလျှံကြားက သူရဲကောင်း

မောင်သြ
၁၆ ဇွန် ၂၀၁၀

အမျိုးသားဒီမိုကရေစီအဖွဲ့ချုပ်ခေါင်းဆောင် အထွေထွေအတွင်းရေးမှူး ဒေါ်အောင်ဆန်းစုကြည်၏ (၆၅) နှစ်ပြည့် မွေးနေ့ ဂုဏ်ပြုဆောင်းပါး။

ဒီကနေ့ ကမ္ဘာပေါ်က ထင်ရှားကျော်ဇောတဲ့ အမျိုးသမီးခေါင်းဆောင်တွေ ထဲမှာ မြန်မာနိုင်ငံက လူထု ခေါင်းဆောင်လည်းဖြစ်၊ ဒီမိုကရေစီ တိုက်ပွဲခေါင်းဆောင်လည်းဖြစ်တဲ့ ဒေါ်အောင်ဆန်းစုကြည်ကို ချန်လှပ် ထားလို့ မရနိုင်သလို ကမ္ဘာ့ နိုင်ငံအသီးသီးက ခေါင်းဆောင်တွေကလည်း သူမကို လေးစားယုံကြည် ထောက်ခံလျက်ရှိတာ တွေ့နေရပါတယ်။

ဒေါ်အောင်ဆန်းစုကြည်ဟာ ဗိုလ်နေ၀င်းရဲ့ (၂၆) နှစ်ကျော်ကြာ စစ်အာဏာရှင် အုပ်ချုပ်မှု အောက်ကနေ မြန်မာနိုင်ငံ လွတ်မြောက်စေဖို့ ၁၉၈၈ ခုနှစ် ဒီမိုကရေစီ လူထုတိုက်ပွဲ အရေးတော်ပုံကြီး အတွင်းမှာ မမျှော်လင့်ဘဲ ပါဝင် ပတ်သက်လာခဲ့သူ တဦး ဖြစ်ပါတယ်။ အရေးတော်ပုံကြီးနဲ့ အတူ မွေးဖွားလာခဲ့တဲ့ ဒေါ်အောင်ဆန်းစုကြည်ဟာ ပြည်သူလူထုနဲ့ တိုင်းရင်းသား အားလုံး စစ်ကျွန်ဘ၀က လွတ်မြောက်ပြီး အခြေခံ လူ့အခွင့်အရေးများ အပြည့်အ၀ ခံစားနိုင်ဖို့နဲ့ ဒီမိုကရေစီ ပြည်ထောင်စု နိုင်ငံတော်သစ်ကို ထူထောင်ဖို့ ကြိုးစား ခဲ့ပါတယ်။

အဲဒီလိုကြိုးစားခဲ့ရာမှာ ဒေါ်အောင်ဆန်းစုကြည်ရဲ့ ကိုယ်ကျိုးစွန့်အနစ်နာခံမှု၊ သတ္တိရှိမှု၊ ဉာဏ်ရည် ဉာဏ်သွေး ကောင်းမွန်မှု၊ မေတ္တာတရား ကြီးမားမှု၊ အကြမ်းမဖက်ဘဲ နိုင်ငံရေးကို နိုင်ငံရေး နည်းဖြင့် ငြိမ်းချမ်းစွာ တွေ့ဆုံ ဆွေးနွေး အဖြေရှာလိုမှု … စတဲ့ အမြော်အမြင် ကြီးမားမှုတွေကြောင့် ၁၉၉၁ ခုနှစ်မှာ ကမ္ဘာပေါ်မှာ အမြင့်မားဆုံးဆု ဖြစ်တဲ့ ကမ္ဘာ့ငြိမ်းချမ်းရေး နိုဘယ်လ်ဆုကြီးကို ချီးမြှင့်ခြင်း ခံခဲ့ရပါတယ်။ ဒီနောက်မှာလည်း ဆက်တိုက် ဆက်တိုက်ဆိုသလို ကမ္ဘာ့နိုင်ငံအသီးသီးမှ ဆုတံဆိပ်/ဒေါက်တာဘွဲ့များ အပါအ၀င် ဆုပေါင်း (၉၀) ကျော် ချီးမြှင့်ဂုဏ်ပြုခြင်းခံခဲ့ရပါတယ်။

ဒါဟာ ဒေါ်အောင်ဆန်းစုကြည်ကို မြန်မာနိုင်ငံရဲ့ ထူးချွန်ထက်မြက်တဲ့ အမျိုးသမီး သူရဲကောင်း အဖြစ် ကမ္ဘာ့ အလယ်မှာ ဂုဏ်ပြု မှတ်တမ်းတင် သမိုင်းမော်ကွန်း ကမ္ပည်းရေးထိုး ပေးလိုက်တာပဲဖြစ်ပါတယ်။ အဲဒီလို တိုင်းရင်းသား လူမျိုးပေါင်းစုံ အပါအ၀င် မြန်မာပြည်သူ တရပ်လုံး၊ ကမ္ဘာ့ ပြည်သူအားလုံးနဲ့ နိုင်ငံတကာ ခေါင်းဆောင်တွေကပါ ဒေါ်အောင်ဆန်းစုကြည်ကို လေးလေးစားစား ထောက်ခံ အားပေး လာတဲ့အခါ စစ်အာဏာရှင် ကြီးများဟာ အလိုလို ကမ္ဘာ့အလယ်မှာကော မြန်မာ့ အလယ်မှာပါ မျက်နှာငယ်သေးသိမ်၊ ဂုဏ်ရောင်မှိန်ပြီး နာမည်ဆိုးနဲ့ ကျော်ကြား လာခဲ့ပါတော့တယ်။ စစ်ခေါင်းဆောင်တွေဟာ ဆင်ဖြူ့မျက်နှာ ဆင်မဲ မကြည့်သာ ဆိုသလို ဒေါ်အောင်ဆန်းစုကြည်ကို ရှိန်လာတယ်၊ ရွံ့လာတယ်၊ မနာလို ၀န်တို ဣဿာမစ္ဆရိယစိတ် ကြီးလာတယ်၊ နောက်ဆုံး အာဃာတပါ ကြီးလာတယ်။ ဒါပေမယ့် ဒေါ်အောင်ဆန်းစုကြည်က မေတ္တာ သမားဆိုတော့ အာဃာတ ကြီးသူတွေရဲ့ အကျဉ်းစံဘ၀မှာ နေရတာတောင်မှ သူ့ဂုဏ်ရောင်ဟာ ကမ္ဘာအနှံ့ လင်းပ တောက်ပြောင် နေပါတယ်။

လာမယ့် ၂၀၁၀ ခုနှစ် ဇွန်လ (၁၉) ရက်နေ့ဟာ ဒေါ်အောင်ဆန်းစုကြည်ရဲ့ (၆၅) နှစ်မြောက် မွေးနေ့ဖြစ်ပါတယ်။ တိုင်းပြည်နဲ့ လူမျိုး အကျိုးအတွက် ကိုယ်ကျိုး၊ ကိုယ့်ဆွေမျိုး သားချင်း အကျိုးကို မကြည့်ဘဲ ဘ၀ တလျှောက်လုံး စွန့်လွှတ် အနစ်နာခံကာ နေအိမ် အကျယ်ချုပ်ဘ၀နဲ့ အထီးကျန်စွာ ကြံ့ကြံ့ခံ ရပ်တည် ရင်ဆိုင် လာခဲ့တာလည်း နှစ်ပေါင်း (၁၄) နှစ်ကျော်ရှိခဲ့ပါပြီ။ သို့ပေမယ့် ဒေါ်အောင်ဆန်းစုကြည်က ဒူးမထောက် လက်မမြှောက်ခဲ့။ သူ့ ယုံကြည်ချက်ကို ခွပ်ဒေါင်း အလံတော်အောက်မှာ လှေခွက်ချည်းကျန် အလံမလှဲ၊ အနိုင်မခံ အရှုံးမပေးတဲ့ စိတ်ဓာတ် အခိုင်အမာနဲ့ သစ္စာရှိစွာ ရပ်တည်ပြနိုင်ခဲ့တယ်။

အမျိုးသားဒီမိုကရေစီအဖွဲ့ချုပ်က ဒေါ်အောင်ဆန်းစုကြည်နဲ့တကွ နိုင်ငံရေးအကျဉ်းသား အားလုံး ခြွင်းချက်မရှိ အမြန်ဆုံး လွှတ်ပေးဖို့ အကြိမ်ကြိမ် ကြေညာချက်ထုတ်ပြီး တောင်းဆိုခဲ့သလို ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း၊ အီးယူ-ဥရောပအဖွဲ့ချုပ်၊ အာဆီယံ-အရှေ့တောင်အာရှနိုင်ငံများ၊ အပြည်ပြည်ဆိုင်ရာ လွတ်ငြိမ်း ချမ်းသာခွင့်အဖွဲ့၊ ကုလသမဂ္ဂ လူ့အခွင့်အရေး အဖွဲ့နဲ့ အမေရိကန်၊ ဗြိတိန်၊ ဂျပန်၊ ဖိလစ်ပိုင်၊ အင်ဒိုနီးရှားနိုင်ငံတွေက ခေါင်းဆောင်တွေကလည်း ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ အားလုံးကို လွှတ်ပေးဖို့ အကြိမ်ကြိမ် တောင်းဆိုနေကြတာဟာ ဒီကနေ့ မြန်မာနိုင်ငံရဲ့ ပြည်တွင်းရေး အကျပ်တည်း အခက်အခဲတွေကို ဒေါ်အောင်ဆန်းစုကြည်နဲ့ နအဖ စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေတို့ ငြိမ်းချမ်းစွာ တွေ့ဆုံ ဆွေးနွေး အဖြေရှာနိုင်ဖို့နဲ့ အမျိုးသား ပြန်လည် သင့်မြတ်ရေးကို တည်ဆောက်နိုင်ဖို့ ရည်ရွယ်ခြင်းသာ ဖြစ်ကြောင်း ထင်ရှားပါတယ်။

ကမ္ဘာ့နိုင်ငံကြီးတွေက ခေါင်းဆောင်တွေနဲ့ နိုင်ငံတကာအဖွဲ့အစည်း ခေါင်းဆောင်တွေက ဒေါ်အောင်ဆန်း စုကြည်အပေါ် အဲဒီလို ထဲထဲဝင်ဝင် အလေးထား ပြောဆိုနေကြခြင်းဟာ ဒေါ်အောင်ဆန်းစုကြည်ရဲ့ ပညာဂုဏ်၊ နိုင်ငံရေး သိက္ခာဂုဏ်၊ တိုင်းပြည်နဲ့ လူထုအကျိုးအတွက် ကိုယ်ကျိုးစွန့် အနစ်နာခံမှု သတ္တိဂုဏ်တို့ကို ယုံကြည်လေးစားတဲ့ အတွက်ကြောင့် ဖြစ်ပါတယ်။

ဒေါ်အောင်ဆန်းစုကြည်ဟာ မြန်မာနိုင်ငံရဲ့ လွတ်လပ်ရေးဗိသုကာလည်းဖြစ်၊ တပ်မတော် ဖခင်ကြီးလည်း ဖြစ်တဲ့ အမျိုးသား ခေါင်းဆောင်ကြီး ဗိုလ်ချုပ်အောင်ဆန်းရဲ့ သမီးဖြစ်တဲ့ အားလျော်စွာ ဗိုလ်ချုပ်ရဲ့ သွေး၊ ဗိုလ်ချုပ်ရဲ့ စိတ်ဓာတ် အပြည့်ရှိသူ ဖြစ်ပါတယ်။

တပ်မတော်သားတဦးရဲ့ သွေးရင်းသားရင်း သမီးပီပီ မြန်မာ့တပ်မတော် အပေါ်မှာ အဆိုးမြင် တိုက်ခိုက်မှုတွေ မပြုလုပ်ဘဲ လူတစုရဲ့ အုပ်ချုပ်မှု စစ်ယန္တရား စနစ်ကိုသာ ဝေဖန် ထောက်ပြတာမျိုး ပြုလုပ်ခဲ့ပါတယ်။ ဒါ့အပြင် ဒေါ်အောင်ဆန်းစုကြည်ဟာ နအဖ စစ်အစိုးရအပေါ်မှာ အာဃာတ မထားဘဲ သဘောထားကြီးစွာ ပြုမူ ပြောဆိုခဲ့တာကို တွေ့ရပါတယ်။ ဥပမာ ၂၀၀၃ ခုနှစ် မေလ ဒီပဲယင်း အကြမ်းဖက် လုပ်ကြံခံရမှုမှာ အသက်ဘေးကနေ သီသီကလေး လွတ်မြောက် လာပြီးနောက် အင်းစိန် အကျဉ်းထောင်ကို အပို့ ခံထားခဲ့ရပါတယ်။ အဲဒီတုန်းက အရိုက်ခံရတဲ့ အန်အယ်လ်ဒီ ခေါင်းဆောင်တွေနဲ့ အဖွဲ့ဝင်တွေက အဖမ်းခံ၊ ထောင်ကျ ခံခဲ့ရပြီး ရိုက်တဲ့ ကြံ့ဖွံ့၊ စွမ်းအားရှင်တွေကိုတော့ အရေးယူမှု မရှိတာကို တွေ့ရပါတယ်။ ဒါဟာ အင်မတန်မှ ကြီးလေးတဲ့ ရာဇ၀တ်မှုကြီး တခုကို နအဖ စစ်အစိုးရက မျက်ကွယ်ပြုပြီး မတရား လုပ်လိုက်တာပါပဲ။

ဒါကို ဒေါ်အောင်ဆန်းစုကြည်က ကုလသမဂ္ဂအထူး ကိုယ်စားလှယ် မစ္စတာ ရာဇာလီအစ္စမေးလ်နဲ့ တွေ့ဆုံစဉ်မှာ “ဖြစ်ပြီးခဲ့တာတွေ ပြီးခဲ့ပါပြီ။ ပြည်သူလူထု အကျိုးနဲ့ အမျိုးသားပြန်လည် သင့်မြတ်ရေး အကျိုးအတွက် အစိုးရနဲ့ တွေ့ဆုံ ဆွေးနွေးဖို့ ကျမဘက်က အဆင်သင့်ရှိပါတယ်” လို့ ပြောကြားခဲ့တဲ့ အပြင် ၂၀၀၆ ခုနှစ်က ကုလသမဂ္ဂ လက်ထောက် အတွင်းရေးမှူး မစ္စတာဂမ်ဘာရီနဲ့ တွေ့ဆုံစဉ်မှာလည်း “တိုင်းပြည်နှင့် လူမျိုး အကျိုးအတွက် အားလုံးနှင့် လက်တွဲ ဆောင်ရွက်သွားရန် အသင့်ရှိကြောင်း” ပြောကြား ခဲ့တာကိုကြည့်ရင် စစ်အာဏာရှင်များ အပေါ် အာဃာတ မထားဘဲ နိုင်ငံနဲ့လူမျိုးအတွက် ဒေါ်အောင်ဆန်းစုကြည်ရဲ့ ရိုးသားဖြူစင်မှုကို တွေ့မြင် နိုင်ပါတယ်။

ဒါ့အပြင် ၂၀၀၇ ခုနှစ် နိုဝင်ဘာလက မစ္စတာ ဂမ်ဘာရီနဲ့ ပေးလိုက်တဲ့ ဒေါ်အောင်ဆန်းစုကြည်ရဲ့ သဘောထား စာတမ်းမှာ “ဒီမိုကရေစီနည်းကျ သွေးစည်းခိုင်မာရေးနှင့် အမျိုးသား စည်းလုံးညီညွတ်ရေး မရှိမဖြစ် လိုအပ်နေသည့် ယခုကဲ့သို့ အချိန်အခါမျိုးတွင် အကျယ်ပြန့်နိုင်သမျှ အကျယ်ပြန့်ဆုံးသော နိုင်ငံရေး အဖွဲ့အစည်းများ၊ အင်အားစုများ၊ အထူးသဖြင့် တိုင်းရင်းသား လူမျိုးစု အဖွဲ့အစည်းများ၏ အကျိုးစီးပွားနှင့် သဘောထား အမြင်များကို အခိုင်အမာ အလေးအနက် ထည့်သွင်းစဉ်းစား ဆောင်ရွက်သွားရန် အတွက်လည်း ကျမတွင် တာဝန်ရှိပါသည်” ဟု ပြောကြား သွားခဲ့တာကို ကြည့်ရင် ပြည်ထောင်စုဖွား တိုင်းရင်းသား အားလုံး အပေါ်မှာ ထားရှိတဲ့ ဒေါ်အောင်ဆန်းစုကြည်ရဲ့ သဘောထား ရပ်တည်ချက်အမှန်ဟာ တိုင်းရင်းသား အားလုံးနဲ့ အေးအတူ ပူအမျှ တသွေးတည်း တသားတည်း နေထိုင်လိုခြင်းသာ ဖြစ်တယ်ဆိုတာကို အထင်းသား တွေ့မြင်နိုင်ပါတယ်။ အဲဒါကြောင့်လည်း ဒေါ်အောင်ဆန်းစုကြည်အပေါ် ကချင်၊ ကရင်၊ ကယား၊ ချင်း၊ မွန်၊ ဗမာ၊ ရခိုင်၊ ရှမ်း တိုင်းရင်းသား သွေးချင်းအားလုံးက ချစ်ခင်လေးစား ယုံကြည်မြတ်နိုး တန်ဖိုး ထားခဲ့ကြတာကို တွေ့ရပါတယ်။

၁၉၉၈ ခုနှစ်က ကမ္ဘာ့ကုလသမဂ္ဂ လူ့အခွင့်အရေးကော်မရှင်ထံ ဒေါ်အောင်ဆန်းစုကြည် ပေးပို့တင်ပြခဲ့တဲ့ အကြောင်း အရာတခုမှာ “ဒီမိုကရေစီရွေးကောက်ပွဲကို ၁၉၉၀ ခုနှစ်က ကျင်းပခဲ့ပါတယ်။ မြန်မာပြည်သူများက မိမိတို့ နှစ်သက်တဲ့ အစိုးရကို ရဲဝံ့စွာ ရွေးချယ်ခဲ့ကြပါတယ်။ ရွေးကောက်ပွဲဟာ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ပေမယ့် ရွေးကောက်ပွဲကို သွားခဲ့ရတဲ့ လမ်းကြောင်းကတော့ ဒီမိုကရေစီ ထွန်းကားတဲ့ နိုင်ငံတွေမှာ မျှော်လင့်နိုင်တဲ့ အခြေအနေ မဟုတ်ဘူး။ အမျိုးသား ဒီမိုကရေစီ အဖွဲ့ချုပ်ကို အမျိုးမျိုး ချုပ်ချယ်ခြင်း ခံရပါတယ်။ အဖွဲ့ချုပ်ဥက္ကဋ္ဌ ဦးတင်ဦးနဲ့ အထွေထွေ အတွင်းရေးမှူးဖြစ်တဲ့ ကျမတို့ကို ရွေးကောက်ပွဲ မပြုလုပ်မီ တနှစ်ခန့်က ဖမ်းဆီးခဲ့ပါတယ်။ နှောင့်ယှက်မှု အများအပြားလည်း ရှိခဲ့ပါတယ်။ ဘယ်လိုပဲဖြစ်ဖြစ် မြန်မာပြည်သူ ပြည်သားတွေက ကျမတို့ကို တခဲနက် မဲပေးခဲ့ကြတယ်။ ကမ္ဘာ့ကုလသမဂ္ဂ အထွေထွေညီလာခံ ဆုံးဖြတ်ချက်အရ ပြည်သူတို့ရဲ့ ၉၀ ခုနှစ်က ရွေးကောက်ပွဲမှာ ပေးခဲ့တဲ့ဆန္ဒကို လေးစားလက်ခံဖို့ လက်ရှိ မြန်မာနိုင်ငံ အစိုးရကို တောင်းဆို ထားပါတယ်။ နိုင်ငံတကာ မိသားစုများကလည်း ကုလသမဂ္ဂ အထွေထွေ ညီလာခံရဲ့ ဆုံးဖြတ်ချက်တွေကို အကောင်အထည် ဖော်နိုင်ဖို့၊ မြန်မာပြည်မှာ ဒီမိုကရေစီ စနစ်ကို အမြန်ထူထောင်နိုင်ဖို့၊ မြန်မာပြည်သူ ပြည်သားတွေကို ကူညီဖို့ လိုပါတယ်” လို့ တင်ပြသွားတာဟာ ယနေ့လက်ရှိ တွေ့ကြုံ ခံစားနေရတဲ့ စားဝတ်နေရေး၊ လူမှုရေး၊ ကျန်းမာရေး၊ ပညာရေး … စတဲ့ အကျပ်အတည်း ဒုက္ခအပေါင်းနဲ့ အကြောက်တရားနဲ့ အုပ်ချုပ်ခံနေရလို့ စိတ်ဓာတ် ချွတ်ခြုံကျနေရတဲ့ ပြည်သူတွေ စစ်ကျွန်ဘ၀မှ လွတ်မြောက်ရေး အတွက် တိုက်ပွဲဝင် မီးမောင်း ထိုးပြလိုက်တာပဲ ဖြစ်ပါတယ်။

ကမ္ဘာ့နိုင်ငံအများစုကရော ကုလသမဂ္ဂလုံခြုံရေးကောင်စီအဖွဲ့ဝင် နိုင်ငံတွေ အပါအ၀င် ကမ္ဘာ့ အဖွဲ့အစည်း အားလုံးကပါ ဒေါ်အောင်ဆန်းစုကြည်ကို လွှတ်ပေးဖို့ တောင်းဆိုနေတဲ့ကြားက အမေရိကန်နိုင်ငံသား မစ္စတာ ယက်တောကို အကြောင်းပြုပြီး ၁၈-၅-၂၀၀၉ နေ့မှာ စစ်အစိုးရက ဒေါ်အောင်ဆန်းစုကြည်ကို နိုင်ငံတော်အား နှောင့်ယှက် ဖျက်ဆီးလိုသူများရဲ့ ဘေးအန္တရာယ်မှ ကာကွယ် စောင့်ရှောက်တဲ့ ဥပဒေပုဒ်မ (၂၂) အရ အင်းစိန်ထောင် အတွင်းရှိ အထူး သီးသန့်တရားရုံးမှာ ထပ်မံတရားစွဲဆိုကာ ပြစ်ဒဏ်(၃)နှစ် ထပ်ချခဲ့ပါတယ်။ ဒါဟာ ကုလသမဂ္ဂ လုံခြုံရေးကောင်စီနဲ့ ကမ္ဘာ့နိုင်ငံတွေက အဖွဲ့အစည်းတွေကို မျက်ကွယ်ပြု အထင်အရှား ဆန့်ကျင် လိုက်ခြင်းနဲ့ ကုလသမဂ္ဂနဲ့ ပူးပေါင်း ဆောင်ရွက်လိုစိတ် မရှိကြောင်း ပြသ လိုက်တဲ့ သဘော သက်ရောက် စေပါတယ်။

နအဖစစ်အစိုးရဟာ လူထုခေါင်းဆောင် ဒေါ်အောင်ဆန်းစုကြည်အပေါ် ဘယ်လိုပဲ မလိုမုန်းထား၊ အကြောက် တရားများနဲ့ အာဃာတ ကြီးနေစေကာမူ မန်လည် ဆရာတော်ကြီး ရေးသားခဲ့တဲ့ …

ပြစ်မရှိ ပြစ်ရှာ

လမင်းကို ခွေးဟောင်လို့
ရွှေလရောင် ပြောင်မပျက်တယ်
ထွန်းလျက်ပင်သာ။

မြရွှေဂူ ပတ္တမြားကိုလ
ဝက်များက ငြူစူစွာ
ညွန်လူးကာ တိုက်နဲ။

ပွတ်လေလေ
ဂူရွှေမှာ အရောင်ထွက်တယ်
ရှေးကထက်ကဲ။

ဆိုတဲ့ “ပတ္တမြားရွှေဂူ” ကဗျာလို ဒေါ်အောင်ဆန်းစုကြည်ရဲ့ ဂုဏ်ရောင်ကတော့ ထာဝရ ထွန်းလင်း တောက်ပ နေတာပါပဲ။

ဒေါ်အောင်ဆန်းစုကြည်ရဲ့ နိုင်ငံရေး သမိုင်းလမ်းကြောင်းဟာ ဖဲမွေ့ရာ ရွှေကော်ဇောနဲ့ ပန်းခင်းလမ်းလို ချောမွေ့ သာယာ ဖြောင့်ဖြူးခြင်း မရှိခဲ့ပါဘူး။ ဆူးခင်းလမ်းမှာ မုန်တိုင်းကြမ်းကို အဖော်ပြုပြီး သွားနေရတာက များပါတယ်။ ဒါပေမယ့် ဒေါ်အောင်ဆန်းစုကြည်ဟာ တိုင်းပြည်နဲ့ လူထု အကျိုးအတွက် ဆူးခင်းလမ်းကိုလည်း မတွန့်၊ မုန်တိုင်းကြမ်း ကိုလည်း မရွံ့၊ မိမိအသက်ကိုပင် စွန့်စားဝံ့သူ ဖြစ်တယ်ဆိုတာ သူရဲ့ တိုင်းနဲ့ပြည်နယ် စည်းရုံးရေး ခရီးစဉ်တွေမှာ တွေ့ခဲ့ရပါတယ်။

ဧရာဝတီတိုင်းခရီးစဉ်၊ ဓနုဖြူမြို့မှာ စစ်ဗိုလ်တဦးရဲ့ သေနတ်ပြောင်းဝက ကျည်ဆန်ကို မကြောက်မရွံ့ အာခံ နိုင်ခဲ့သလို ၂၀၀၃ ခုနှစ် ဒီပဲယင်း ခရီးစဉ်မှာ တုတ်ဓားကိုင်ဆောင် လုပ်ကြံ တိုက်ခိုက်ကြတဲ့ ကြံ့ဖွံ့၊ စွမ်းအားရှင် လက်မရွံ့ လူသတ်သမားတွေရဲ့ ဘေးရန်ကိုလည်း ရဲရဲရင့်ရင့် ရင်ဆိုင်ခဲ့တယ်။ တရုတ် ပညာရှင်ကြီး တိန်တီးရဲ့ “မိမိကိုယ်ကို အနစ်နာခံလျက် ပြည်သူပြည်သားတို့၏ ကောင်းကျိုးကို ဆောင်နိုင်သူသည် ကောင်းမြတ်သော ခေါင်းဆောင်ဖြစ်၏” လို့ ဆိုထားတဲ့ နီတိအရ ဒေါ်အောင်ဆန်းစုကြည်ဟာ တကယ့် ခေါင်းဆောင်ကောင်း ပီသတဲ့၊ လူကြီး လူကောင်း ပီသတဲ့ အမျိုးသမီးတဦး ဖြစ်ကြောင်း တွေ့မြင်နိုင်ပါတယ်။

မိမိအသက်ကိုပင် လုပ်ကြံရန်ရှာခဲ့တဲ့ ကြံ့ဖွံ့၊ စွမ်းအားရှင် လူမိုက်တွေကိုရော၊ အသွားစေခိုင်းသူ အာဏာရှင်တွေ အပေါ်မှာပါ သည်းခံခွင့်လွှတ် သဘောထား ကြီးပုံတွေဟာ သူမရဲ့ မေတ္တာစိတ် ဖြူစင်မြင့်မြတ်ခြင်းကို ဖော်ပြတာပါပဲ။ ဒေါ်အောင်ဆန်းစုကြည်ဟာ စိတ်သဘောထား ဖြူစင်သလောက် တရားမျှတမှု၊ လွတ်လပ်မှု၊ ညီမျှမှုဆိုတဲ့ လောကပါလ တရားကိုလည်း အစဉ် လေးစားမြတ်နိုးသူ ဖြစ်ပါတယ်။ ဒါကြောင့်လည်း အန်အယ်လ်ဒီ အဖွဲ့ချုပ်က ထုတ်ပြန်ခဲ့တဲ့ ရွှေဂုံတိုင် ကြေညာစာတမ်းကို သဘောတူ လက်ခံခဲ့တယ်။ မဆန့်ကျင်ခဲ့ဘူး။ ပြီးတော့ ၂၉-၃-၂၀၁၀ နေ့က တပြည်လုံးရှိ အန်အယ်လ်ဒီ ဗဟို ဦးစီး ကော်မတီ အားလုံးရဲ့ တခဲနက် အများသဘောတူ ဆုံးဖြတ်ချက်ကိုလည်း သဘောတူ လက်ခံခဲ့ပါတယ်။ ပြည်တွင်းက ဒီမိုကရေစီ အင်အားစုများ၊ ၀ါရင့် နိုင်ငံရေးသမားကြီးများ၊ တိုင်းရင်းသား အဖွဲ့အစည်းများ၊ ပြည်ပရောက် ဒီမိုကရေစီ အင်အားစုများကလည်း ရွှေဂုံတိုင် ကြေညာစာတမ်း အပေါ် သစ္စာမဖောက်ဘဲ ၀ိုင်းရံ ထောက်ခံခဲ့ကြပါတယ်။ နောက်ဆုံးမှာ ဒေါ်အောင်ဆန်း စုကြည်ရဲ့ ပြတ်သားရဲရင့်တဲ့ ဆုံးဖြတ်ချက်တွေဟာ မြန်မာပြည်တွင်းမှာ သာမက ကမ္ဘာအနှံ့ တိုင်အောင် ပဲ့တင်ရိုက်ခတ် မြည်ဟိန်း သွားပါတော့တယ်။

ဒီမိုကရေစီကျင့်စဉ် စံနှုန်းများနဲ့ မညီညွတ်တဲ့ ၂၀၀၈ ခုနှစ် ဖွဲ့စည်းပုံဥပဒေမူကြမ်းကို လက်မခံ နိုင်ကြောင်းနဲ့ တရားမျှတမှု မရှိဘဲ တဖက်သတ် ရေးဆွဲထားတဲ့ ရွေးကောက်ပွဲဆိုင်ရာ ဥပဒေအရ ပါတီ မှတ်ပုံတင်ရမယ် ဆိုတာကို သူမ လုံးဝ လက်မခံဘူး။ ဘယ်တော့မှ မှတ်ပုံတင်မှာ မဟုတ်ဘူး။ ဒီဆုံးဖြတ်ချက် အပေါ်မှာ သစ္စာရှိတဲ့ အမာခံ အဖွဲ့ချုပ် အဖွဲ့ဝင်တွေဟာ ဒေါ်အောင်ဆန်းစုကြည်နဲ့ တသားတည်း တစိတ်တည်း ၀န်းရံ လက်တွဲလျက် ရှိနေကြပါတယ်။ ဒေါ်အောင်ဆန်းစုကြည်ရဲ့ သတ္တိ၊ စိတ်ဓာတ်၊ ဇွဲ၊ ဉာဏ်ပညာရှိပုံကို ဟံသာဝတီ သတင်းစာဆရာကြီးလည်းဖြစ်၊ အန်အယ်လ်ဒီ အဖွဲ့ချုပ် ဗဟိုကော်မတီဝင်လည်း ဖြစ်တဲ့ ဆရာကြီး ဦးဝင်းတင်က ကဗျာလေးနဲ့ ဂုဏ်ပြုထားတာ တွေ့ရပါတယ်။

၁၉၈၉ အာဏာဖီဆန်ရေးမှာ
“တာဝန်အရ” လုပ်ဟန်
ဒေါ်စု ညွှန်းခဲ့တယ်။

ခုလည်း “တာဝန်အရ စိတ်ဓာတ်” နဲ့ လုပ်ကြ။
စံနှုန်းကောင်းနဲ့ စည်းကမ်း၊ တာဝန်၊ စိတ်ဓာတ်၊
ဒေါ်စု ကိုင်စွဲတယ်။

“ရဲ … ဇွဲ … ဉာဏ် … စည်း …တာ၊
မကြောက်တရား တေးကဗျာ …
မီးလျှံထဲက ကြာ”

နောက်ပြီး ဒေါ်အောင်ဆန်းစုကြည်ရဲ့ မိန့်ခွန်းတချို့ထဲက “၁၉၉၀ ခုနှစ် ရွေးကောက်ပွဲ ရလဒ်ကို လျစ်လျူရှုထား သရွေ့ မြန်မာ့နိုင်ငံရေးမှာ တိုးတက်မှု ရှိလာနိုင်မှာ မဟုတ်ဘူး။ နိုင်ငံရေးတိုးတက်မှု မရှိရင် နိုင်ငံလည်း တိုးတက်မှာ မဟုတ်ဘူး။ ၉၀ ခုနှစ် ရွေးကောက်ပွဲရလဒ်ကို အကောင်အထည် မဖော်ဘဲ နောက်ထပ် ရွေးကောက်ပွဲ အသစ် ထပ်လုပ်မှာကို လက်ခံနိုင်ဖွယ် မရှိဘူး” ဆိုတဲ့ အမှန်တရားတွေဟာလည်း ဒီကနေ့ ၂၀၁၀ ရွေးကောက်ပွဲနဲ့ ပတ်သက်ပြီး ဒီမိုကရေစီ အင်အားစုတွေ အလေးအနက်ထား စဉ်းစားဖို့အတွက် တပ်လှန့် နှိုးဆော် နေသလိုပါပဲ။

ကျနော်တို့အားလုံးရဲ့ခေါင်းဆောင် ဒေါ်အောင်ဆန်းစုကြည် (၆၅) နှစ်မွေးနေ့မှသည် နှစ် (၁၂၀) တိုင် ကျန်းကျန်းမာမာနဲ့ တိုင်းပြည်နဲ့ လူထုအကျိုးကို စွမ်းစွမ်းတမံ သယ်ပိုး နိုင်ပါစေသတည်း။ ။

Ref: ခေတ်ပြိုင်

Read More...

Collapse...

နေ့စဉ်သတင်းများ (၁၇ - ၀၆ - ၁၀)

■ ဒေါ်အောင်ဆန်းစုကြည်သာ အမျိုးသားပြဿနာကို ဖြေရှင်းနိုင်သူဖြစ် သတင်း
■ စစ်ရဟတ်ယာဉ် ပျက်ကျ၊ (၄) ဦး သေ သတင်း
■ အီရန် ဒု-နိုင်ငံခြားရေးဝန်ကြီး မြန်မာနိုင်ငံသို့ အလည်ရောက်ရှိ သတင်း
■ ဒေါ်အောင်ဆန်းစုကြည် မွေးနေ့ပွဲ ဘန်ကောက်တွင် ကျင်းပ သတင်း
■ ဒေါ်အောင်ဆန်းစုကြည်၏ မွေးနေ့တွင် သောက်ရေလှူဒါန်းရန် ပြည်သူလူထံ ပြည်ပရောက် အမျိုးသမီးများ ပန်ကြား သတင်း
■ နအဖဝန်ကြီး (၂) ဦး ကေအိုင်အိုနှင့် တွေ့ဆုံ သတင်း
■ အစိုးရနှင့် ကြံ့ဖွံ့ပါတီ ကင်းရှင်းရန် တရားဝင် တောင်းဆို သတင်း
■ မွန်ဒေသလုံးဆိုင်ရာ ဒီမိုကရေစီပါတီ မဲဆွယ်စည်းရုံးရေးခရီး ဆင်းပြီ သတင်း
■ နိုင်ငံရေးဆိုင်ရာ ထုတ်ဝေခွင့်ကို အာမခံကြေးဖြင့် ထိန်းချုပ်မည် သတင်း
■ ရွေးကောက်ပွဲ အောင်နိုင်ရေးဘက် နအဖ ဦးတည်လာ သတင်း
■ စစ်တွေတွင်လည်း မိုးအဆက်မပြတ်ရွာသွန်းပြီး လမ်းများကို ရေဖုံးလွှမ်း သတင်း
■ ဆိပ်ကမ်းပတ်လမ်း တည်ဆောက်ခွင့် အေးရှားဝေါလ် ရရှိ သတင်း
■ (၅) သိန်းတန် ကတ်ဖုန်း အလုံးရေ (၁) သိန်း နေ့ချင်းပြီး လျှောက်ထားရယူနိုင် သတင်း
■ ထက်ထက်မိုးဦး ဘာကြောင့် ရုံးချိန်းမလာတာလဲ သတင်း
■ ၂၀၀၉-၂၀၁၀ ပညာသင်နှစ်တွင် ရခိုင်မှ (၆) ဘာသာဂုဏ်ထူးရှင် (၁၈) ဦး ထွက်ပေါ် သတင်း
■ မြန်မာ့ရုပ်သံမှ ကမ္ဘာ့ဖလားဘော့လုံးပွဲ ပြသမှု ခေတ္တရပ်ဆိုင်း သတင်း
■ မြန်မာပြည်ရောက် ကမ္ဘာ့ဖလားဗိုင်းရပ်စ် သတင်း
■ ကမ္ဘာ့ဖလားရောဂါ (ဆောင်းပါး)

Read More...

Collapse...

NDF စည်းရုံးတာ NLD နှောင့်ယှက်သလား

ဦးကျော်အောင်လွင်
ဗုဒ္ဓဟူး, 16 ဇွန် 2010

အရင် အမျိုးသား ဒီမိုကရေစီ အဖွဲ့ချုပ် (NLD) ပါတီက ခေါင်းဆောင်ဟောင်းတချို့ ထူထောင်ထားတဲ့ NDF ခေါ် အမျိုးသား ဒီမိုကရေစီ အင်အားစု ပါတီဟာ ဇွန်လ ၁၅ ရက်နေ့ကပဲ နိုင်ငံရေးပါတီအဖြစ် မှတ်ပုံတင်ခွင့် ရသွားခဲ့ပါပြီ။ ဒါပေမဲ့လည်း တဘက်မှာတော့ သူတို့ ရင်ဆိုင်နေရတဲ့ အခက်အခဲတွေ တော်တော်များများ ရှိနေတယ်လို့ ဆိုပါတယ်။ ဒီအထဲမှာ အရင် NLD အဖွဲ့ဝင်ဟောင်း တွေနဲ့ နိုင်ငံရေး အယူအဆ မတူညီတဲ့ ပြဿနာတွေလည်း ပါဝင်ပါတယ်။ အကြောင်းစုံကို သိနိုင်အောင် NDF ပါတီ ခေါင်းဆောင်တဦး ဖြစ်တဲ့ ဦးခင်မောင်ဆွေနဲ့ အရင် NLD ပါတီက ခေါင်းဆောင်တဦး ဖြစ်တဲ့ ဦးအုန်းကြိုင်တို့ကို ကိုကျော်အောင်လွင်က ဆက်သွယ် မေးမြန်းပြီး တင်ပြ ပေးထားပါတယ်။

ဦးခင်မောင်ဆွေတို့ရဲ့ အမျိုးသား ဒီမိုကရေစီ အင်အားစုပါတီ (NDF) က နိုင်ငံရေးပါတီအဖြစ် မှတ်ပုံတင်ခွင့် ရသွားပြီလို့ ကြားရပါတယ်။

“မှတ်ပုံတင်ခွင့်ပေးဖို့ ကျနော်တို့ တင်တာကတော့ မေလ ၂၇ ရက်နေ့က စတင်ထားတာပါ။ ကျတာက ဇွန်လ ၁၅ ရက်နေ့မှ ကျတယ်ဆိုတော့ နှစ်ပတ်ကျော်သွားပြီဗျ။ အဲဒီတော့ ကျနော်လည်း အစကတော့ သံသယတော့ ရှိတာပေါ့ဗျာ။ မှတ်ပုံတင်ခွင့် မပေးဘူးတောင် ထင်နေတာ။”

NLD ပါတီဝင်ဟောင်းတွေနဲ့ ဆရာတို့ကြားမှာ ပြဿနာတွေ ရှိနေတယ်ဆိုတဲ့ ကိစ္စကရော ဟုတ်ပါသလားခင်ဗျ။

“အခုဟာတော့ ဘာဖြစ်နေလဲဆိုတော့ နယ်တွေမှာ တချို့ကလည်း လာပြိုင်မယ့် ပါတီတွေကို ကြောက်နေရတာ ရှိသလို NLD အဟောင်းတွေက လိုက်ပြီးတော့ ကျနော်တို့ကို ဖျက်နေတဲ့ ဟာတွေလည်း ရှိတယ်။ မိုးကုတ်ဆို အင်မတန် အားကောင်းတဲ့ နေရာပေါ့။ NDF ကို အပြည့်အ၀ ထောက်ခံတဲ့ NLD အဟောင်းတွေကို NLD အဖွဲ့ချုပ် ခေါင်းဆောင်အချို့က လိုက်ပြီးတော့ တားဆီးနေတယ်လို့ သတင်းတွေ ၀င်လာပါတယ်။ ရှမ်းပြည်တောင်ပိုင်း၊ ကချင်ပြည်နယ်ကိုလည်း NLD လူငယ်အဖွဲ့ဝင် တချို့က သွားပြီးတော့ ကျနော်တို့နဲ့ မပတ်သက်ဖို့ ပြောတယ်လို့ သတင်းတွေ ၀င်လာပါတယ်။

“အဲတော့ ကျနော်တို့က ဒီမိုကရေစီ အင်အားစု အချင်းချင်းမှာ ဒီလို လိုက်ကန့်တဲ့ အတွက်ကြောင့် အလုပ်လုပ်ရတာ တော်တော်တော့ ခက်တယ်ဗျ။ ပါတီမှတ်ပုံတင် ကျပြီးရင်တော့ ရဲရဲတင်းတင်း ကျနော်တို့ ဆင်းသွားမှာပါ။”

ဆရာတို့ကို ကန့်ကွက်နေတဲ့ NLD အင်အားစုတွေကို ဆရာတို့ရဲ့ သဘောထားက ဘယ်လိုရှိပါသလဲ။

“ကျနော်တို့ကတော့ ကိုယ့်လမ်း ကိုယ်လျှောက်စေချင်တာပေါ့။ သူတို့ ပါတီ Registration မလုပ်ဘူး၊ ရွေးကောက်ပွဲ မ၀င်ဘူး။ ဒါ သူတို့ ဆုံးဖြတ်ချက်၊ ကျနော်လည်း ပါခဲ့တာပဲလေ။ ပါတီ Registration ထပ်မလုပ်ဘူးဆိုတာ NLD ရဲ့ ဂုဏ်သိက္ခာ၊ ၉၀ ခုနှစ် ရွေးကောက်ပွဲ ရလဒ်ကို အကောင်အထည် ဖော်မပေးတဲ့ အတွက် ဒါအတွက် မှတ်ပုံမတင်ဘူး၊ ရွေးကောက်ပွဲ မ၀င်ဘူး ဆိုရင်လည်း ကျနော်တို့ ကန့်ကွက်ခြင်း လုံးဝ မရှိခဲ့ပါဘူး၊ အဲဒီအချိန်တုန်းက။

“အဲဒီ ဆုံးဖြတ်ချက် ချတဲ့နေ့တုန်းက ပါတီအသစ် မထောင်ရဘူးလို့ ဆုံးဖြတ်ချက်ထဲမှာ မပါပါဘူး။ ပါတီသစ်ထောင်ပြီး လုပ်ခွင့် မရှိဘူးလို့လည်း ဆုံးဖြတ်ထားခြင်း မရှိဘဲနဲ့ အခု လိုက်ပြီး ကန့်ကွက်တာဟာ ကျနော့် အနေနဲ့တော့ အချင်းချင်းမှာ ရန်သူ မဖြစ်သင့်ဘူး၊ ဒီမိုကရေစီကို သွားတဲ့အခါမှာ သွားသာသွားကြ၊ လမ်းကြောင်း ကွာချင်တာ ကွာမယ်၊ ပန်းတိုင်ကတော့ အတူတူပဲ၊ ရွေးချယ်တဲ့ လမ်းကြောင်း ကွာတဲ့ အပေါ်မှာတော့ လိုက်ပြီးတော့ အနှောင့်အယှက် ပေးတာမျိုးဟာ နအဖကို ၀မ်းသာ စေတာပေါ့ဗျာ။ ကြံ့ခိုင်ဖွံ့ဖြိုးရေးကို ၀မ်းသာစေတာပေါ့။ မလုပ်အပ်ဘူးလို့ ကျနော်တို့က ယူဆပါတယ်။ သို့သော်လည်းပဲ ကျနော်တို့က ပြန်ပြီးတော့ တားနေတဲ့ ပုဂ္ဂိုလ်များ၊ ရဲဘော်များ၊ မိတ်ဆွေဟောင်းများကို ဆန့်ကျင်သွားမှာလည်း မဟုတ်ပါဘူး၊ အပြစ်တင်မှာလည်း မဟုတ်ပါဘူး။ NLD ကိုလည်း တိုက်ခိုက်မှာ မဟုတ်ပါဘူး။”

ဒီပြဿနာက ဆရာတို့ လူကြီးချင်း NLD ရဲ့ ခေါင်းဆောင်ပိုင်းကို ညှိနှိုင်းလိုက်ရင်ရော မပြေလည် နိုင်ဘူးလားခင်ဗျ။

“ကျနော်တို့ကို သူတို့က အဖက်မလုပ်ပါဘူး။ အဲတော့ ညှိနှိုင်းဖို့ဆိုတော တော်တော်ကြီးကို ခက်ပါတယ်။ ကျနော်တို့ကို စကားပြောချင်တဲ့ အနေအထားတောင်မှ မရှိဘူးလို့ သိရှိထားရပါတယ်။”

အမျိုးသား ဒီမိုကရေစီ အင်အားစု ပါတီ (NDF) ခေါင်းဆောင်ဖြစ်တဲ့ ဦးခင်မောင်ဆွေ ပြောပြသွားတာ ဖြစ်ပါတယ်။

သူ့ရဲ့ ပြောဆိုချက်အရ NLD ပါတီဝင်ဟောင်းတွေက NDF အဖွဲ့ဝင်တွေကို အနှောင့်အယှက် ပေးတဲ့ကိစ္စ ဟုတ်မဟုတ်ဆိုတာ သိရအောင် NLD ခေါင်းဆောင်တဦးဖြစ်တဲ့ ဦးအုန်းကြိုင်ကို ဆက်သွယ် မေးမြန်းထားပါတယ်။

“မန္တလေးတိုင်းထဲက မြို့နယ်တချို့က လုပ်ဖော်ကိုင်ဘက်တွေနဲ့ ကျနော် တွေ့ပြီးပါပြီ။ ကျနော်တို့ ဒီမှာ သိထားတာ ကတော့ NDF ပါတီက စည်းရုံးတဲ့ ပုဂ္ဂိုလ်တွေက ကျနော်တို့ မြို့နယ်တွေက တချို့ပုဂ္ဂိုလ်တွေကို NLD ပါတီဆိုတာ မရှိတော့ဘူး၊ ပျက်ပြယ်သွားပြီ၊ ဒါကြောင့်မို့ သူတို့က နိုင်ငံရေးကို ဆက်ပြီး မှတ်ပုံတင်ရတာ ဖြစ်တယ်။ အဲဒီလိုဟာတွေ လျှောက်ပြောပြီးတော့ပဲ NLD ရဲ့ အဖွဲ့ခွဲ ဖြစ်သလိုလို၊ သူတို့နဲ့ NLD နဲ့ အတူတူပဲ ဖြစ်သလိုလို အဲဒါမျိုးတွေ လျှောက်ပြောနေတယ် ဆိုတာ အဖွဲ့ဝင်တွေက ကျနော့်ကို မေးတာ မြန်းတာတွေ ရှိပါတယ်။ ခြိမ်းခြောက်တယ် ဘာညာဆိုတာ ကျနော်တို့ ရဲဘော်တွေ မရှိပါဘူး။ ကျနော်တို့မှာ အဲဒီ စိတ်ဓာတ်လည်း မရှိပါဘူး။ ကျနော်တို့မှာ ဘယ်သူ့ကိုမှ အနှောင့်အယှက်ပေးဖို့ မရည်ရွယ်ပါဘူး။ လုပ်လည်း လုပ်ခြင်း မရှိပါဘူး။”

အရင် NLD ပါတီက ခေါင်းဆောင်တဦးဖြစ်တဲ့ ဦးအုန်းကြိုင် ပြောသွားတာ ဖြစ်ပါတယ်။

NLD က ခွဲထွက်သွားတဲ့ ဦးခင်မောင်ဆွေတို့ရဲ့ NDF ပါတီဟာ လောလောဆယ် အခြေအနေမှာ ပါတီရန်ပုံငွေနဲ့ ပတ်သက်တဲ့ အခက်အခဲ တွေလည်း ကြုံနေရပါတယ်။ ဒါပေမဲ့လည်း တရားဝင်ပါတီ ထူထောင်ခွင့် ရပြီးရင်တော့ ငွေအား၊ လူအား ထောက်ခံမှုတွေ ပိုရလာဖို့ ရှိတယ်လို့လည်း ဦးခင်မောင်ဆွေက ပြောပါတယ်။ အဲဒီ ထပ်ရလာမယ် ဆိုတဲ့ အင်အားတွေထဲမှာ အရင် NLD ပါတီဝင်ဟောင်းတွေလည်း အများအပြား ပါလာ လိမ့်မယ်လို့ ဆိုပါတယ်။

Ref: VOA News

Read More...

Collapse...

လေဆင်နှာမောင်း တိုက်ခတ်မူကြောင့် ရွာလုံးကျွတ် ပြိုပျက်

6/17/2010

စစ်တွေမြို့နယ်မှ ကျေးရွာ တရွာကို လေဆင်နှာမောင်း တိုက်ခတ်သွားသဖြင့် အိမ်ခြေ အများအပြား ပျက်စီးသွားပြီး ကျေးရွာသား တဦး ပျောက်ဆုံးနေကာ နောက်တဦးမှာ ဒဏ်ရာ ရရှိသွားကြောင်း သတင်း ရရှိသည်။

ဇွန်လ ၁၄ ရက်နေ့ ညဥ့် ၁၁ နာရီခန့်တွင် စစ်တွေနှင့် မန်စီ ကားလမ်း အကြားတွင် တည်ရှိသော သဲချောင်းကျေးရွာကို လျှပ်တပြက် လေဆင်နှာမောင်း ၀င်ရောက် မွှေနှောက် သွားခဲ့သည်။

ကျေးရွာသား တဦးက " လေဆင်နှာမောင်းတိုက်တာက ၃ မိနစ်ဘဲ ကြာပါတယ်။ လေလာတာက တော်တော်ပြင်းပါတယ်။ တခါမှ မတွေ့ မမြင်ဖူးပါဘူး။ အိမ်ခြေ ၃၆ လုံး ပျက်စီးသွားပြီး မူလတန်း ကျောင်းနဲ့ ဘုန်းကြီးကျောင်းလည်း ပျက်စီးတဲ့ အထဲမှာ ပါဝင်သွားပါတယ်။ ခုချိန်ထိတော့ ကိုကျော်နိုင်က ပျောက်ဆုံးနေပါတယ်။" ဟု ပြောသည်။

လေဆင်နှာမောင်း တိုက်ခတ်မူကြောင့် မိသားစု ၁၇ စု အိုးမဲ့ အိမ်မဲ့ ဖြစ်သွားပြီး ယခုအခါ မောင်လူပျိုကြီး ဆိုသူကို အတွင်းလူနာ အဖြစ် ဆေးရုံ တင်ထားရသည်။

" သက်ဆိုင်ရာ လာကြည့်ရုံကလွဲပီး အကူအညီတွေတော့ မပေးသေးပါဘူး။ ရွာသားတွေက ကိုယ့်အား ကိုယ်ကိုးပီး အိမ်တွေ၊ ကျောင်းတွေကို ပြန်ပြင်နေရပါတယ်။ မိသားစု အတော်များများကတော့ ဆင်းရဲတဲ့အတွက် အိမ်တွေကို ပြန်မပြင်နိုင်သေးပါဘူး။" ဟု သူက ပြောသည်။

သိ့သော်လည်း ယခုအချိန်ထိ သက်ဆိုင်ရာမှ အကူအညီပေးခြင်း မရှိသေးသဖြင့် ကျေးရွာသားများက အကူအညီ ရရေးကို မျှော်လင့် နေကြသည်ဟု သိရသည်။

Ref: နိရဉ္စရာ

Read More...

Collapse...

နေ့စဉ်သတင်းများ (၁၆ - ၀၆ - ၁၀)

■ တရားမဝင် ရွှေ့ပြောင်းအလုပ်သမားများအား ဖမ်းဆီးရန် ထိုင်းအစိုးရ အမိန့်ထုတ်ပြန် သတင်း
■ မြစ်ဆုံစီမံကိန်းကြောင့် ပြောင်းရွှေ့ရသူများ ဒုက္ခမျိုးစုံ ကြုံတွေ့နေရ သတင်း
■ တပ်မဟာ (၆) ဒေသဘက်တွင် တိုက်ပွဲထပ်မံဖြစ်ပွား သတင်း
■ စစ်တပ်မှ အခွန်ငွေများ အဓမ္မကောက်ခံသဖြင့် ဗိုလ်ချုပ်မှူးကြီးထံ တိုင်စာပို့ သတင်း
■ လှည်းကူးမြို့နယ် ကျေးရွာအာဏာပိုင်ရဲ့ အလွဲသုံးစားမှု သတင်း
■ အခွန်မှူးများ လာဘ်စားမှု ပိုမိုဆိုးဝါး သတင်း
■ တရားမ၀င် ပို့ကုန်များ မြ၀တီတွင် ရှောင်တခင်စစ်ဆေး သတင်း
■ အပြောင်းအလဲလိုလား၍ ကရင်နီလူငယ်များ နိုင်ငံရေးစိတ်ဝင်စားမှု အားကောင်းလာ သတင်း
■ ပြည်သူ့အလိုကျ ကိုယ်စားလှယ်မရှိဟု ကွမ်းခြံကုန်းမြို့ခံတို့ ပြောကြား သတင်း
■ စစ်တွေဆိပ်ကမ်းစီမံကိန်းကြောင့် မြို့သူမြို့သားများ ပြောင်းရွေ့ရမည်ကို စိုးရိမ် သတင်း
■ မျက်နှာဖုံးနှင့် အမျိုးသမီးများအား ကိုယ်ထိလက်ရောက် စော်ကားသူ ဖမ်းမိ သတင်း
■ အနာဂတ်ဘ၀ အထောက်အကူများ မြန်မာဒုက္ခသည်များ လိုအပ် သတင်း
■ မိုးတွင်းပိုင်း ရောက်သော်လည်း ရွာသားများ သောက်သုံးရေ ပို့ပေးနေရဆဲ သတင်း
■ သက်တမ်းတိုစပါး စိုက်ပျိုးရန် စိုက်ပျိုးရေးနည်းပညာရှင်များ တိုက်တွန်း သတင်း
■ အရေးတော်ပုံမီးလျှံကြားက သူရဲကောင်း (ဆောင်းပါး)
■ ရာဇဝင်တွင်သော စကားများ (ဆောင်းပါး)

Read More...

Collapse...

နျူကလီးယားလက်နက်ပိုင်ရှင်များနဲ့ ယှဉ်ပြိုင်အရွေးခံဝံ့ကြသလား

ရဲဘော်ဖိုးသံချောင်း

၁၅ ဇွန် ၂၀၁၀

နအဖစစ်အစိုးရဟာ ရွေးကောက်ပွဲကို အီးလေးဆွဲနေပါတယ်။ ကြိုက်တဲ့အချိန်မှာ သူတို့ထင်သလို လုပ်နိုင်တယ် ဆိုတဲ့ အချိုးမျိုးနဲ့ ထီမထင်ဂိုက် ဖမ်းနေတာဖြစ်ပါတယ်။ ဒီလိုနဲ့ သူတို့ ဒီလိုကြိတ်ကြံ၊ လိပ်ဉာဏ်တွေ ထုတ်နေ ကြတုန်းမှာပဲ နျူကလီးယားဗုံးက သူတို့အနားမှာ ထပေါက်ပါတယ်။ နိုင်ငံတကာ အဝန်းအဝိုင်းမှာ နအဖ ဗိုလ်ချုပ်တွေ ခံစစ် အနေအထားကနေ မပြောင်းနိုင်တဲ့ အပြင် ပိုလို့တောင် နစ်လာနေတဲ့ သဘောပါ။ မြွေပူရာ ကင်းမှောင့် တာလေလား။ ကောက်ကောက် ကျစ်ကျစ် လုပ်တယ် ဆိုတာမှာ အမြဲ အဆင် မချောတာဟာ ဆန်းတော့ မဆန်းဘူးလို့သာ ဆိုရတော့မှာပါ။

နိုင်ငံတကာအလယ်မှာ ပျိုတိုင်းကြိုက်တဲ့ နှင်းဆီခိုင်မဖြစ်နိုင်လို့ ငပွကြီး လုပ်မယ် စဉ်းစားတဲ့ ဗိုလ်ချုပ်တွေဟာ မာဖီးယား သာသာ အတွေးအခေါ်နဲ့ နျူကလီးယားဗုံးကို ပိုင်ဖို့ လုပ်တယ် ဆိုရင်တော့ နွေလယ်မှာ အရူးအိပ်မက် မက်သလို ဖြစ်ရုံမက တန်ပြန် ဆိုးကျိုးတွေ ထွေးရော ဥပဒ်ပါ ဖြစ်ပေါ် လာပါလိမ့်မယ်။ ယိုးဒယားကို ရန်လို၊ တရုတ်နဲ့ ကုလားကို ပုဆိုးခြုံထဲက လက်သီးပြ၊ အမေရိကန်နဲ့ ဥရောပကို မေးငေါ့ လုပ်နေတဲ့ နိုင်ငံခြားရေး ဝါဒ အောက်က ပေါ်ထွက်လာတဲ့ လုပ်ရပ်တွေကြောင့် မြန်မာပြည် ပြည်သူတွေပါ နျူကလီးယား လက်နက်ရဲ့ ခြိမ်းခြောက်မှု ရောက်မှန်းမသိ ရောက်လာ ရပါတော့မယ်။

ဒီလိုအခါမှာ နအဖအတွက် ရှေ့နေလိုက်၊ ကြားကနေ ဗိုက်ထိုးပေးပြီး ဓားထိုး ခံနေတဲ့ ဗောင်းတော်ညိတ် ဂျာနယ် တခုမှာ ကိုယ့်ကိုယ်ကိုယ် လက်နက်ချပါလို့ ဂုဏ်ယူစွာ ကိုယ်တိုင် ကြေညာထားတဲ့ လက်နက်ချ တယောက်က ရွေးကောက်ပွဲပြီးရင် အာဏာလွှဲပြောင်း ပေးရေးဟာ ချောချောမွေ့မွေ့မှ ဖြစ်ပါ့မလားလို့ ဆင်ဝန်ကတော်လို ကြောင့်ကြပြနေတာ တွေ့လိုက် ရပါတယ်။ သူဟာ ဒီရွေးကောက်ပွဲမှာ နအဖပဲ နိုင်မယ် ဆိုတာကို သိလို့ ပူပန်တာလား၊ မသိချင်ဟန် ဆောင်ပြီး ပူရုပ် ဆင်ပြတာလား ဆိုတာကိုတော့ ကာယကံရှင် ကိုယ်တိုင်မှ သိမှာပါ။ နိုင်ငံ့ အာဏာကို အကြိမ်ကြိမ် သိမ်းဖူးတဲ့ စစ်အုပ်စုနဲ့ စစ်တပ်ဟာ အာဏာ လွှဲပြောင်းရေးမှာ အဖုအထစ် ဖြစ်နေရင် လုယူမှာသာ ဖြစ်တယ်၊ သူတို့အတွက် ဘာမှ မချောမွေ့စရာ မရှိဘူး။ ၂ဝဝ၈ ဖွဲ့စည်းပုံကလည်း သူတို့ကို ရှောရှောရှူရှူ အာဏာသိမ်းခွင့် ပေးထားတယ် ဆိုတာကို အဲဒီကပ်ပါး ကလောင်ရှင် မေ့နေဟန် တူပါတယ်။ အခုမြန်မာပြည်ရဲ့ နိုင်ငံရေး အခြေအနေက ဒီရွေးကောက်ပွဲမှာ ဘယ်သူနိုင်မလဲ ဆိုတဲ့ မေးခွန်းမျိုးကို မေးလာရင် အညံ့စား ဟာသတခုကို ထုတ်လာတယ်လို့ ပြောရမယ့် အခြေအနေဖြစ်ပါတယ်။ ဗေဒင်မေးနေရင် ဆန်တပြည် ငွေတမတ် အလဟဿ ဆုံးသွားတာသာ ရှိမှာပါ။

သူ့လိုပဲ နအဖရဲ့ ရွေးကောက်ပွဲနဲ့ ပတ်သက်လို့ ပူပင်နေကြတာတွေ အထဲမှာ ရွေးကောက်ပွဲဟာ လုပ်မှ လုပ်ဖြစ်ပါ့မလားလို့ ပူပင်တာမျိုးလည်း ပါဝင်ပါတယ်။ အဲဒီအထဲက အထင်ရှားဆုံးကတော့ နအဖကို ကမ္ဘာ့အလယ်မှာ လူရာသွင်းပေးပြီး ချူစားချင်တဲ့ အမေရိကန်က ဆီနိတ္တာ ဂျင်မ်ဝက်ဘ်လို လူတွေပါ။ ဂျင်မ်ဝက်ဘ်ဟာ နအဖရဲ့ ရွေးကောက်ပွဲကို ဘယ်လိုကြံဖန် ချီးကျူးရပါ့မလဲလို့ စဉ်းစားပြီး ပြင်ဆင်လာခဲ့ပါမှ နအဖက ဆေးဖော် ကြောဖက် မလုပ်တာနဲ့ ကြုံတွေ့ရပါတယ်။ ဒီအခါမှာ ဒါကို အရှက်ပြေ ဖုံးကွယ်ဖို့ အတွက် နအဖ ဗိုလ်ချုပ်တွေ နျူကလီးယားနဲ့ ကစားနေတာကို အခုမှသိလေဟန်နဲ့ တောပြောတောင်ပြော ပြောပြီး မြန်မာပြည် တံခါးဝ ရောက်ကာမှ ပြန်လှည့် ထွက်သွားတာ ဖြစ်ပါတယ်။ သူတို့လို လူတွေ အတွက်တော့ နအဖက တရားမဝင်တဲ့ နည်းနဲ့ (၁ဝ) လ (၁ဝ) ရက်မှာ ရွေးကောက်ပွဲ ကျင်းပမယ်လို့ လေလည် ပေးလိုက်ပါတယ်။

အာဏာလက်ကိုင်ထားသူနဲ့ အာဏာမဲ့သူတို့ ပြိုင်ကြတယ်ဆိုရင် အာဏာရထား သူတွေက အချိန်ဆွဲတာ၊ အချိန် ကစားတာတွေ ပိုပြီး လုပ်နိုင်ပါတယ်။ နအဖ သက်တမ်းမှာ ဒီလိုလုပ်ခဲ့တာတွေ တွေ့ခဲ့ဖူးလှပါပြီ။ ဒီတခါ ရွေးကောက်ပွဲမှာ ကျတော့ နအဖအဖို့ ဒီနည်းပရိယာယ်ဟာ ပိုလို့တောင် အသုံးတည့်နေတာ တွေ့ရပါတယ်။ အခုဆိုရင် တစည အဖွဲ့တောင် အတော်လေသံ ပျော့သွားတာကို သတိထား မိကြလိမ့်မယ် ထင်ပါတယ်။ ဒီရွေးကောက်ပွဲမှာ နအဖဟာ သူတို့ ထင်ထားတာထက် ပိုကောက်လိမ့်မယ် ဆိုတာ ထင်ရှားသထက် ထင်ရှား လာတာနဲ့အမျှ ပါတီဝင် သန်းနဲ့ချီ ရှိပါတယ်လို့ ကြွားနေတဲ့ တစညဟာ အပျောက်ပေးရမယ့် ငွေအတွက် အတော်လေး စဉ်းစားနေတဲ့ သဘောကို တွေ့နေရပါတယ်။ ဖဆပလအဆက် နု-ဆွေ-ငြိမ်း သမီးတွေ ဆိုရင်လည်း အသံ သိပ်မထွက် နိုင်တော့ပါဘူး။ သူတို့အနေနဲ့ စည်းစိမ်အပြုတ် ခံပြီး ကြံ့ဖွံ့ကို ရင်ဆိုင်ဖို့ ဆိုတာကို နှစ်ခါမက ပြန်စဉ်းစား နေရပါပြီ။ ဒီနေ့အခါမှာ သူတို့နည်းတူပဲ “ပြည်ပက အထောက်အပံ့မှ တပါး အခြား အားကိုးစရာ မရှိပြီ” ဖြစ်နေတဲ့ ရွေးကောက်ပွဲ ရူးနေသူတွေ မနည်းဘူးလို့ ထင်ပါတယ်။ ဒီပုဂ္ဂိုလ်တွေဟာ ထမ်းပိုးနဲ့ လှည်းတုတ် အကြားမှာ ဒုက္ခ တွေ့နေကြတယ်လို့ ဆိုရင် မမှားပါဘူး။

ဒီလိုအချိန်မှာ နအဖဟာ လက်နက်ကိုင်တပ်နောက်ခံမရှိတဲ့ တိုင်းရင်းသားပါတီတွေ ကိုတော့ မှတ်ပုံတင်ခွင့်တွေ ဖောခြင်း သောခြင်း ထုတ်ပေးနေတာ တွေ့ရပါတယ်။ သူတို့ဘာလို့ ဒီလိုပေးတယ် ဆိုတာကတော့ ရှင်းပါတယ်။ နံပါတ်တစ်က နအဖစစ် အစိုးရဟာ တိုင်းရင်းသားတွေကို အခွင့်အရေးပေးကြောင်း၊ နေရာပေးလိုကြောင်း အသားယူချင်လို့ ဖြစ်ပါတယ်။ တိုင်းရင်းသား ပြဿနာနဲ့ ပတ်သက်လို့ နာမည်ပျက်လှတဲ့ အနေအထားကို တစုံတရာ ဖာထေးလို့ ရလိုရငြား စဉ်းစားပြီးလုပ်တာ ဖြစ်ပါတယ်။ နံပါတ်နှစ်က တချို့တိုင်းရင်းသား ပါတီတွေကို မှတ်ပုံတင်ခွင့် မပြုဘဲ ထားတာကို ဖုံးကွယ်နေအောင် လုပ်တဲ့ ရည်ရွယ်ချက်ဖြစ်ပါတယ်။ နောက်ဆုံး တချက်ကတော့ အခုခွင့်ပြုလိုက်တဲ့ အဖွဲ့စည်းတွေဟာ ဘယ်လိုနည်းနဲ့မှ ဗဟိုအာဏာကို မမှန်းနိုင်တာ၊ သူတို့ စစ်အုပ်စုရဲ့ အာဏာ ချုပ်ကိုင်မှုကို အန္တရာယ်မပေးနိုင်တာ သေချာနေလို့ပဲ ဖြစ်ပါတယ်။ မှန်တာပြောရရင် ဒီအဖွဲ့အစည်းတွေဟာ ပြည်နယ် အာဏာကိုတောင်မှ မှန်းနိုင်လှတာ မဟုတ်ပါဘူး။ သူတို့ဒေသတွေမှာ ကြံ့ဖွံ့တွေ ဝင်ပြိုင်မှာကလည်း သေချာ နေသလောက်ပါ။ အဲဒီကြံ့ဖွံ့တွေရဲ့ နောက်မှာက ပြည်နယ်တွေမှာ ရမ်းချင်တိုင်း ရမ်းနေတဲ့ စစ်တပ်က ကျောထောက်နောက်ခံ ပြုပေးမှာပါ။ ဒီတော့ ဒီတိုင်းရင်းသား အဖွဲ့အစည်းတွေ ကံကောင်းမှ ဖားလောင်းက ဖားဖြစ်မယ့်ကိစ္စ၊ နအဖအတွက် ဝါဒဖြန့်လို့ ကောင်းမယ့် ကိစ္စကို နအဖ စစ်ဗိုလ်တွေက လိုလိုလားလား ခွင့်ပြုနေတာဟာ ဘာမှ မဆန်းပါဘူး။

တကယ်က ဒီရွေးကောက်ပွဲက တင်မြှောက်မှာက တိုင်းပြည်ကိုအုပ်ချုပ်စီမံတဲ့ လွှတ်တော်တခု မဟုတ်ပါဘူး။ တိုင်းပြည်ကို တကယ်တမ်း အုပ်ချုပ်မှာက “စစ်ရေးအမြင်ရှိတဲ့” သမ္မတနဲ့ လွှတ်တော် အတွင်းရှိ စစ်တပ် ကိုယ်စားလှယ် အစုက ရွေးတင်လိုက်တဲ့ ဒုသမ္မတတို့သာ ဖြစ်ပြီး ဒီလွှတ်တော် ဆိုတာက အဲဒီသမ္မတ နှစ်ယောက် ပြောတာတွေကို အတည်ပြုပေးတဲ့ အလုပ်ပဲ လုပ်ရမှာ ဖြစ်ပါတယ်။ ပိုတိကျအောင် ပြောရရင် သမ္မတကပဲ အုပ်ချုပ်မှာ ဖြစ်ပါတယ်။ ၂ဝဝ၈ ဖွဲ့စည်းပုံဥပဒေရဲ့ အခန်း (၅) မှာ ဒီသမ္မတ ဆိုသူကို လွှတ်တော် မဖြတ်သန်းဘဲ လုပ်ပိုင်ခွင့်တွေ အများကြီး ပေးထားပါသေးတယ်။ စဉ်းစားကြည့်ပါ။ ဗိုလ်သန်းရွှေလို သမ္မတက လွှတ်တော်ကို အတည် ပြုခိုင်းတယ်ဆိုရင် ဘယ်သူက ဆန့်ကျင်ရဲ၊ ငြင်းရဲမှာတဲ့လဲ။ တကယ်ကျတော့ ဒီလို လွှတ်တော်မျိုးမှာ ကိုယ်စားလှယ် လုပ်ရတယ် ဆိုတာဟာ တိုက်ကြက်အတွက် အနာခံ လေ့ကျင့်ပေးရတဲ့ ခွပ်လက်ခံကြက် ဘဝလောက်တောင် မဟုတ်ဘဲ ကျွန်ဝယ်ရာ အဆစ်ပါသလိုသာ ဖြစ်ပါလိမ့်မယ်။ တနည်းအားဖြင့် ကျွန်တွေ ရလေ့ရှိတဲ့ လှုပ်ရှားခွင့် စပေ့စ်တွေမျိုးသာ ရပါလိမ့်မယ်။ တကယ်တော့ လူတချို့ဟာ အမေရိကန် သံရုံးရှေ့မှာ ဆန္ဒပြခွင့်ရတဲ့ စပေ့စ်မျိုးနဲ့သာ ထိုက်တန်တာပါ။

Ref: ခေတ်ပြိုင်

Read More...

Collapse...

မြန်မာကလေးများ အခွင့်အရေး ချိုးဖောက်ခံနေရ

ဒေါ်လှလှသန်း အင်္ဂါ, 15 ဇွန် 2010

အမေရိကန် နိုင်ငံခြားရေးဌာနရဲ့ တနင်္လာနေ့က ထုတ်ပြန်ခဲ့တဲ့ လူကုန်ကူးမှု အစီရင်ခံစာမှာ မြန်မာနိုင်ငံကို အဆိုးဆုံး အဆင့် ၃ အဖြစ် လူကုန်ကူးမှု တိုက်ဖျက်ရေးမှာ အရေးယူ ဆောင်ရွက်မှု နည်းပါးတဲ့ နိုင်ငံစာရင်းထဲမှာ ထည့်သွင်းထားပါတယ်။ လူကုန်ကူးမှုနဲ့ ပတ်သက်လို့ မြန်မာနိုင်ငံမှာ ကလေးလုပ်အား အသုံးပြုမှုနဲ့ ကလေးစစ်သား အသုံးပြုမှုတွေဟာလည်း စိုးရိမ်စရာ ဖြစ်တယ်လို့ အဲဒီ အစီရင်ခံစာထဲမှာ ဖော်ပြထားပါတယ်။ မြန်မာနိုင်ငံမှာ ကလေးစစ်သား အသုံးပြုမှုနဲ့ ပတ်သက်လို့ ဒေါ်လှလှသန်းက တင်ပြ ပေးထားပါတယ်။

ဒီနှစ်ဟာ ကုလသမဂ္ဂရဲ့ ကလေးများ အခွင့်အရေး CRC စာချုပ်ရဲ့ နှစ် ၂၀ ပြည့် ဖြစ်တဲ့အတိုင်း ကလေးလုပ်အား အသုံးပြုမှုကို သက်ဆိုင်ရာ နိုင်ငံ အစိုးရတွေ အနေနဲ့ ထိထိရောက်ရောက် အရေးယူ ဟန့်တားကြဖို့ ကုလသမဂ္ဂက အထူး နှိုးဆော်ထားတာလည်း ဖြစ်ပါတယ်။ ကလေးများ အခွင့်အရေး စာချုပ်ကို လက်မှတ်ရေးထိုးခဲ့တဲ့ နိုင်ငံတွေအနက် မြန်မာနိုင်ငံလည်း ပါဝင်ပါတယ်။

ဒီအကြောင်းနဲ့ ပတ်သက်လို့ ၉၉ ကြိမ်မြောက် ILO ညီလာခံကြီးမှာ ပြီးခဲ့တဲ့ သီတင်းပတ်က မြန်မာစစ်အစိုးရရဲ့ အလုပ်သမား ၀န်ကြီးဌာန ကိုယ်စားလှယ်က တင်ပြသွားခဲ့တာကတော့…

“မြန်မာနိုင်ငံ အနေနဲ့ ကလေးများ အခွင့်အရေးဆိုင်ရာ စာချုပ်ကို ၁၉၉၁ ခုနှစ်မှာ သဘောတူ လက်မှတ် ရေးထိုးခဲ့ပါတယ်။ အဲဒီနောက် ကလေးများဆိုင်ရာ ဥပဒေတွေကို ၁၉၉၃ ခုနှစ်မှာ အတည်ပြုခဲ့ပါတယ်။ ဒါ့အပြင် ဥပဒေနဲ့ ပတ်သက်တဲ့ စည်းမျဉ်းတွေကို ၂၀၀၁ ခုနှစ်မှာ ပြဋ္ဌာန်းခဲ့ပါတယ်။ ကလေးများ အခွင့်အရေးဆိုင်ရာ အမျိုးသား ကော်မတီနဲ့ လုပ်ငန်းအဖွဲ့ကို ဖွဲ့စည်းခဲ့ပြီး ဥပဒေတွေကို ထိထိရောက်ရောက် အကောင်အထည်ဖော်ဖို့ ဖြစ်ပါတယ်။”

အသက် ၁၈ နှစ်အောက် လူငယ်တွေရဲ့ အခွင့်အရေးတွေကို ကာကွယ် စောင့်ရှောက်ပေးဖို့ ဥပဒေတွေ ပြဋ္ဌာန်းထားတာ ရှိပေမဲ့လည်း မြန်မာနိုင်ငံမှာ အရေးယူ ဆောင်ရွက်မှု အားနည်းတဲ့အတွက် အမေရိကန် နိုင်ငံခြားရေးဌာနရဲ့ ၁၀ ကြိမ်မြောက် ထုတ်ပြန်တဲ့ လူကုန်ကူးမှု တိုက်ဖျက်ရေး အစီရင်ခံစာမှာ မြန်မာကလေးငယ်တွေ ထိုင်းနိုင်ငံ အပါအ၀င် အိမ်နီးချင်း နိုင်ငံတွေမှာ ရောင်းစားခံကြရတာ၊ လိင်လုပ်ငန်းနဲ့ တောင်းစားတဲ့ လုပ်ငန်းတွေမှာ အခိုင်းခံကြရတာ အပြင် ပြည်တွင်းမှာလည်း ကလေးစစ်သားများ အပြင် အတင်းအဓမ္မ လုပ်အားပေး ခိုင်းစေရာမှာ အိမ်တွင်း စက်မှုလုပ်ငန်းတွေမှာ၊ စက်ရုံလုပ်ငန်းတွေမှာနဲ့ စိုက်ပျိုးရေး လုပ်ငန်းတွေမှာ ခိုင်းစေခံရတာ တွေ့ရတယ်လို့ ထောက်ပြထားတာ တွေ့ရပါတယ်။

ရာဒီကာ ကုမာရာ ဆွာမိ (Radhika Kumaraswamy) ကတော့ ကလေးများနဲ့ လက်နက်စွဲကိုင်မှု ပဋိပက္ခဆိုင်ရာ ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် ဖြစ်ပါတယ်။ မကြာသေးမီက သူက အစီရင်ခံစာတရပ် တင်သွင်းခဲ့ရာမှာ မြန်မာနိုင်ငံဟာ ကလေးစစ်သားများ အသုံးပြုမှုနဲ့ ပတ်သက်လို့ စိုးရိမ်မကင်း ဖြစ်ရတဲ့ နိုင်ငံအဖြစ် ဖော်ပြသွားပါတယ်။

“ကျမတို့ရရှိထားတဲ့ သတင်းတွေအရ ကလေးစစ်သားတွေကို ဆက်လက် အသုံးပြုနေတယ်ဆိုတာ သိရတယ်။ အထူးသဖြင့် စိတ်ပူစရာ ကောင်းတာကတော့ ရှမ်းပြည်နယ်နဲ့ ဧရာဝတီတိုင်းမှာ ဖြစ်ပါတယ်။ အဲဒီက ပြည်သူ့စစ် တပ်ဖွဲ့တွေမှာ ကလေးတွေကို အသုံးပြုနေတယ်လို့ ကြားသိရပါတယ်။ ဒါကြောင့် ဒီအချက်ကို မြန်မာစစ်အစိုးရကို နောက်တကြိမ် တွေ့ဆုံတဲ့အခါမှာ ကျမတို့ မေးမြန်းဖို့ လိုပါတယ်။”

မြန်မာနိုင်ငံတွင်း ကလေးစစ်သားများ အသုံးပြုမှုမှာ တပ်မတော်(ကြည်း) အပြင် ပြည်သူ့စစ်တပ်ဖွဲ့တွေလည်း ပါဝင်တယ်လို့ သူက ဆိုပါတယ်။

“တပ်မတော်(ကြည်း) တင် မကပါဘူး၊ မဟာမိတ် ပြည်သူ့စစ် တပ်ဖွဲ့တွေက တပ်မှူးတွေဟာ ကိုတာခွဲတမ်း ချပေးခံရပြီး ကလေးစစ်သားတွေကို စုဆောင်းပြီး စစ်ထဲ ၀င်ခိုင်းပါတယ်။ ဒီကလေးစစ်သားတွေကို လက်နက်စွဲကိုင် တိုက်ခိုက်မှုတွေမှာ မခိုင်းပေမဲ့ တံတားတွေမှာ ဘီးခွန်၊ လမ်းခွန် ကောက်ခိုင်းတာတွေကို စစ်တပ်နဲ့ အပစ်အခတ် ရပ်စဲထားတဲ့ ဒေသတွေမှာ တွေ့နေရပါတယ်။”

ဒါ့အပြင် မနှစ်တုန်းက ကိုးကန့်ဒေသမှာ ဖြစ်ပွားခဲ့တဲ့ ပဋိပက္ခ အတွင်းလည်း ကလေးများ ဒုက္ခရောက်ကြတာ တွေ့ရတယ်လို့ မစ်စ် ကုမာရာ ဆွာမိက ပြောပါတယ်။

“ကိုးကန့်တပ်ဖွဲ့တွေက ပြီးခဲ့တဲ့ ၂၀၀၉ ခုနှစ် ပဋိပက္ခ ဖြစ်တုန်းက မိသားစုတစုမှာ ကလေးတယောက်ကျစီကို ကိုးကန့်စစ်တပ်ထဲကို ၀င်ခိုင်းခဲ့တယ်။ ဒါ့အပြင် အဲဒီထဲမှာ မိန်းကလေးတွေလည်း ပါဝင်တယ်လို့ သိရပါတယ်။ ကိုးကန့်တပ် ကျခဲ့တော့ အဲဒီကလေးတွေ ဘယ်ရောက်သွားကြလဲ ဆိုတာကို ကျမတို့ စိတ်ပူမိပါတယ်။”

မြန်မာနိုင်ငံမှာ ကလေးစစ်သား အသုံးပြုမှုကို စုံစမ်း စစ်ဆေးရာမှာ အဓိက ပြဿနာနဲ့ ပတ်သက်လို့လည်း သူက…

“မြန်မာနိုင်ငံနဲ့ ပတ်သက်လို့ အဓိက ပြဿနာကတော့ ပဋိပက္ခ အငြင်းပွားနေတဲ့ တိုင်းရင်း ဒေသတွေကို ကျမတို့ မသွားရောက်နိုင်တဲ့ အချက်ပါပဲ။ ကလေးစစ်သား အသုံးပြုတာတွေကို တိတိကျကျ စုံစမ်းစစ်ဆေးနိုင်ဖို့ အဲဒီဒေသတွေကို သွားခွင့်မရတဲ့ အချက်ကိုလည်း ကျမတိုရဲ့ အစီရင်ခံစာထဲမှာ ဖော်ပြထားပါတယ်။”

အတင်းအဓမ္မ လုပ်အားပေး ခိုင်းစေမှုမှာ ပါဝင်တဲ့ ကလေးစစ်သားများ အသုံးပြုမှုနဲ့ ပတ်သက်လို့ ILO နိုင်ငံတကာ အလုပ်သမား အဖွဲ့ကြီး အနေနဲ့ မြန်မာနိုင်ငံမှာ အရေးယူ ဆောင်ရွက်မှု စနစ်တရပ် ချမှတ်ရာမှာ အောင်မြင်မှုရှိတာ တွေ့ရတယ်လို့လည်း သူက ပြောပါတယ်။

“ILO မှာ ကလေးစစ်သား အသုံးပြုမှုနဲ့ ပတ်သက်ပြီးတော့ တိုင်တန်းနိုင်တဲ့ စနစ်တရပ် ရှိပါတယ်။ ဒီတိုင်တန်းချက်တွေအရ အရေးယူတာတွေ ရှိတဲ့အတွက် တချုိ့ကလေးတွေ ပြန်လွတ်လာတာတွေရှိတယ်။ ဒါ့အပြင် စစ်တပ်က အရာရှိ ၂ ဦးကိုလည်း အရေးယူခံရတယ်လို့ ကျမတို့ သတင်းကြားရတော့ အရေးယူမှုတွေ စတင်တာတွေကို တွေ့နေရပြီလို့ ဆိုရမှာပါ။”

မြန်မာနိုင်ငံမှာ ကလေးစစ်သားများ ပပျောက်ရေးအတွက် ကုလသမဂ္ဂ အနေနဲ့ မြန်မာစစ်အစိုးရအပြင် လုံခြုံရေးကောင်စီနဲ့ ပူးပေါင်းဆောင်ရွက်သွားမှာ ဖြစ်တယ်လို့လည်း မစ်စ် ကုမာရာ ဆွာမိက ပြောပါတယ်။

Ref: VOA News

Read More...

Collapse...

နေ့စဉ်သတင်းများ (၁၅ - ၀၆ - ၁၀)

■ ဒေါ်အောင်ဆန်းစုကြည် မွေးနေ့တွင် ဗြိတိန်မှ ကလေးများ အကျယ်ချုပ် ကျခံမည် သတင်း
■ မိုးကြီးပြီး မြေပြိုမူကြောင့် မြန်မာနိုင်ငံ အနောက်ဘက်နယ်စပ်တွင် လူဒါဇင်နှင့်ချီပြီး သေဆုံး သတင်း
■ မြန်မာအင်ဖိုတက် မီးလောင် သတင်း
■ ထိုးစစ်မလာစေရန် စစ်ဦးချိုးခြင်းဖြစ်ဟု KNLA ပြော သတင်း
■ အလုပ်သမားအခွင့်အရေး ချိုးဖောက်မှု အရေးယူပေးရန် (၆၅) ဖွဲ့က တောင်းဆို သတင်း
■ အသင်းအဖွဲ့ ဖွဲ့ခွင့်မပေးသည့် နအဖကို မြန်မာအလုပ်သမားအဖွဲ့များ ဝေဖန် သတင်း
■ အမျိုးသားဒီမိုကရေစီအဖွဲ့ချုပ်ဝင်များရဲ့ လှုပ်ရှားမှုသတင်းများ သတင်း
■ နိုင်ငံရေးထက် ကမ္ဘာ့ဖလားဘောလုံးပွဲကို ရန်ကုန်လူထု စိတ်ဝင်စား သတင်း
■ သျှမ်းပါတီ မြို့နယ်ရုံးများ ဆက်တိုက်ဖွင့်လှစ် သတင်း
■ အန်ဒီအက်ဖ်ပါတီ မှတ်ပုံတင်ကျပြီ သတင်း
■ - ကြံ့ဖွံ့ကို မထောက်ခံလျှင် ဖမ်းဆီးမည်ဟု ဒေသအာဏာပိုင်များ ပြော သတင်း
■ ပြည်ထောင်စုဒီမိုကရေစီပါတီ ဥက္ကဌ ဦးဖြိုးမင်းသိန်းနဲ့ စကားပြောခြင်း သတင်း
■ ပြည်သူ့ခေတ်ဂျာနယ် ထုတ်ဝေမည် သတင်း
■ မဏီပူရ်ပြည်နယ် လမ်းမကြီးများကို ခေတ္တဖွင့်ပေးမည်ဟု နာဂခေါင်းဆောင်များ ပြော သတင်း
■ မလေးရှားတွင် ယာဉ်တိုက်မှု မြန်မာ (၂) ဦး သေဆုံး သတင်း
■ ရှေ့လဆန်းတွင် တရားမဝင်ဆိုင်ကယ်များကို သိမ်းတော့မည် သတင်း
■ ဗန်းမော်မြို့မှာ ကမ္ဘာ့ဖလားဘောလုံးလောင်းကစားပွဲ သောင်းကျန်း သတင်း
■ လျှပ်စစ်မီး မကြာခဏ ပျက်ခြင်းကြောင့် စီးပွားရေးကုန်သည်များ အခက်တွေ့ သတင်း
■ ရခိုင်လယ်သမားများ မြေဆီအိတ်များကို ဈေးကြီးပေး၍ ၀ယ်နေရ သတင်း
■ ရွေးကောက်ပွဲ နှိုင်းယှဉ်လေ့လာချက်များ (၁၉၉၀ – ၂၀၁၀) သတင်း
■ ထိုင်းကွန်းအတွက် အစိုးရ တိုက်ပွဲဆင်နေ သတင်း
■ နျူကလီးယားလက်နက်ပိုင်ရှင်များနဲ့ ယှဉ်ပြိုင်အရွေးခံဝံ့ကြသလား (ဆောင်းပါး)
■ ဖားကပ်တိုက်ပွဲ (ဆောင်းပါး)
■ ဖက်ဒရယ်ပြည်ထောင်စု တည်ဆောက်ဖို့ ဘာကြောင့်လိုအပ်သလဲ - အပိုင်း (၂) (ဆောင်းပါး)
■ ဖက်ဒရယ်ပြည်ထောင်စု တည်ဆောက်ဖို့ ဘာကြောင့်လိုအပ်သလဲ - အပိုင်း (၁) (ဆောင်းပါး)
■ ကော်လာပေါ်က အနီစက် … တရားခံ ဘယ်သူလဲဟေ့ (ဆောင်းပါး)

Read More...

Collapse...

အန်ဒီအက်ဖ်ပါတီ မှတ်ပုံတင်ကျပြီ

စိုးမိုး / ၁၅ ဇွန် ၂၀၁၀

အမျိုးသားဒီမိုကရေစီအင်အားစုပါတီ (အန်ဒီအက်ဖ်) ကို ယမန်နေ့ညက မှတ်ပုံတင်ခွင့် ပြုလိုက်ကြောင်း သိရသည်။

အမျိုးသားဒီမိုကရေစီအဖွဲ့ချုပ် အဖွဲ့ဝင်ဟောင်းများ ခေါင်းဆောင်ဖွဲ့စည်းလိုက်သည့် အန်ဒီအက်ဖ် ပါတီက တနိုင်ငံလုံး အတိုင်းအတာဖြင့် ၀င်ရောက် ယှဉ်ပြိုင်မည်ဖြစ်သည်။

“ပါတီလိုင်းနဲ့ နိုင်ငံရေးလိုင်းလို့ ခွဲထားပါတယ်။ နိုင်ငံရေး ဦးဆောင်ကော်မတီမှာ အန်ကယ်က ခေါင်းဆောင် ယူထားပါတယ်။ ပါတီလိုင်းမှာ ဒေါက်တာသန်းငြိမ်းက ဥက္ကဋ္ဌ တာဝန်ယူသွားမှာ ဖြစ်ပါတယ်” ဟု ပါတီခေါင်းဆောင် တဦးဖြစ်သူ ဦးခင်မောင်ဆွေက ပြောကြားသည်။

လူမှုအခြေပြု လွတ်လပ်ခွင့်ဝါဒကို ပါတီ၏ နိုင်ငံရေးမူဝါဒအဖြစ် ထားရှိပြီး စီးပွားရေးမူဝါဒအဖြစ် အစိုးရပါဝင်သည့် ဈေးကွက် စီးပွားရေးစနစ်ကို အကောင်အထည်ဖော်ရန် ရည်ရွယ်ထားကြောင်း သိရသည်။

“ပြည်သူတွေဟာ နာကျင်မှုတွေ၊ လူမှုရေး နာကျင်မှုတွေ အများကြီးရှိပါတယ်။ လယ်ယာကဏ္ဍကနေ စပြီးတော့ စက်ရုံကဏ္ဍ အထိ ကျနော်တို့ လူမှုရေး နာကျင်မှုတွေ၊ ရွှေ့ပြောင်းလုပ်သားတွေ၊ လက်ငုတ်လက်ရင်း ပျောက်သွားတဲ့ ပုဂ္ဂိုလ်တွေ နောက်ပြီးမှ အန္တရာယ် အလွန်များမယ့် သင်ထားတဲ့ တတ်ထားတဲ့ပညာနဲ့ မကိုက်ညီဘဲ လုပ်နေရတဲ့ အလုပ်ခွင်ပျောက်နေတဲ့ ပုဂ္ဂိုလ်တွေကို ဒီလို မားကက် အီကိုနော်မီကသာလျှင် ထိန်းသိမ်းဆောင်ရွက်သွားနိုင်မယ်လို့ ယုံကြည်တဲ့အတွက်ကြောင့်မို့လို့ ဒီလမ်းစဉ်ကို ကျနော်တို့ ချမှတ်ထားပါတယ်” ဟု ဦးခင်မောင်ဆွေက ပြောသည်။

ပါတီရန်ပုံငွေအဖြစ် ထူထောင်သူ (၂၀) ဦးထံမှ ကျပ်သိန်း (၂၀) ဖြင့် စတင်ထူထောင်ထားပြီး ယခု ပါတီမှတ်ပုံတင် ကျလာပြီးနောက် အလှူငွေများ ပိုမိုရရှိလာမည်ဟု မျှော်လင့်ထားကြသည်။

တနိုင်ငံလုံး မဲဆန္ဒနယ်များတွင် ၀င်ရောက်ယှဉ်ပြိုင်ရန် ရည်ရွယ်ထားသော်လည်း တိုင်းဒေသများကို ဦးစားပေး ယှဉ်ပြိုင်သွားမည်ဟု သိရသည်။

ပါတီမှတ်ပုံတင် ကျလာသော်လည်း စည်းရုံးရေးကာလအဖြစ် ရွေးကောက်ပွဲကော်မရှင်က တိတိကျကျ သတ်မှတ်ထားခြင်း မရှိသေးသည့်အပြင် နိုင်ငံရေးပါတီများ သဘောထားကို လွတ်လပ်စွာ ထုတ်ဖော်ခွင့်ပါ မရှိသေးသည့်အတွက် စည်းရုံးရေးလုပ်ငန်းများ ကျယ်ကျယ်ပြန့်ပြန့် မလုပ်ဆောင်နိုင်သေးကြောင်း သိရသည်။

“ပြည်နယ်တွေမှာတော့ ပြည်နယ်မှာရှိနေတဲ့ တိုင်းရင်းသားတွေက ကျနော်တို့ အန်ဒီအက်ဖ်ကို ပူပေါင်းပြီး ပါဝင်လာမယ့် ပုဂ္ဂိုလ်တွေ ရှိနေပါတယ်။ ရှိနေတဲ့လူတွေကိုတော့ အန်ဒီအက်ဖ်အနေနဲ့ ပူးပေါင်းပြီး ဆောင်ရွက်သွားဖို့ အစီအစဉ် ရှိပါတယ်။ ပြည်နယ်တွေကိုတော့ ကျယ်ကျယ်ပြန့်ပြန့် ယှဉ်ပြိုင်ဖို့ အခြေအနေ မပေးသေးပါဘူး” ဟု ဦးခင်မောင်ဆွေက ပြောသည်။

အန်ဒီအက်ဖ်ပါတီ ဥက္ကဋ္ဌအဖြစ် ဒေါက်တာသန်းငြိမ်းက ပါတီရေးရာကိစ္စများဖြစ်သော စည်းရုံးရေး၊ ဖော်ဆောင်ရေး၊ ရွေးကောက်ပွဲကိစ္စ စသည်တို့ကို ဆောင်ရွက်သွားမည်ဖြစ်ပြီး နိုင်ငံရေး ဦးဆောင်ကော်မတီမှ ဦးခင်မောင်ဆွေက နိုင်ငံရေး မူဝါဒများ ချမှတ်ခြင်းကို ဦးဆောင်ဦးရွက်ပြုသွားမည်ဖြစ်ကြောင်း သိရသည်။

Ref: ခေတ်ပြိုင်

Read More...

Collapse...

နိုင်ငံရေးနဲ့ ပတ်သက်ဖို့ လူထု စိုးရိမ်

တနင်္လာ, 14 ဇွန် 2010

မြန်မာစစ်အစိုးရက ကျင်းပပေးဖို့ ရှိနေတဲ့ ဒီနှစ် ရွေးကောက်ပွဲတွေမှာ ပါဝင်ယှဉ်ပြိုင်ဖို့ မှတ်ပုံတင်ထားတဲ့ နိုင်ငံရေးပါတီတွေ စည်းရုံးရေး လုပ်ငန်းတွေကို စတင်နေပြီ ဖြစ်ပေမဲ့ ထင်သလောက်တော့ ခရီးမပေါက်တဲ့ အခြေအနေတွေနဲ့ ကြုံနေရပါတယ်။

ဒီလဆန်းပိုင်းကစလို့ နိုင်ငံရေးပါတီတွေရဲ့ မဲဆွယ်စည်းရုံးရေး လုပ်ငန်းတွေ စတင်နေပြီ ဖြစ်ပေမဲ့ ဆယ်စုနှစ် ၂ ခုကြာ နိုင်ငံရေး လှုပ်ရှားမှုတွေနဲ့ ကင်းကွာနေတဲ့ လူထုအနေနဲ့ ပါဝင်ပတ်သက်ဖို့ စိုးရိမ်မှုတွေ ရှိနေတယ်လို့ နိုင်ငံရေးပါတီတွေက ပြောကြတာပါ။

အထူးသဖြင့်ကတော့ နိုင်ငံရေးပါတီအဖြစ် မှတ်ပုံတင်ပြီး နိုင်ငံရေး လှုပ်ရှားမှုတွေ တရားဝင် လုပ်ဆောင်ခွင့် ရလာကြပေမဲ့ အာဏာပိုင်တွေက စောင့်ကြည့်မှုတွေ ရှိနေဆဲ ဖြစ်တာမို့ အနှောင့်အယှက် ပေးတာတွေ ခံရလေမလား အရပ်သားတွေက စိုးရိမ် နေကြတာလို့ ဆိုပါတယ်။

စစ်အစိုးရက ဒီနှစ်ဆန်းပိုင်းမှာ ရွေးကောက်ပွဲ ဥပဒေတွေ ထုတ်ပြန်လာပြီးတဲ့ နောက်မှာမှ တရားဝင် မှတ်ပုံတင်ပြီး နိုင်ငံရေးပါတီတွေ အဖြစ် ထူထောင် လာကြသူတွေဟာ ငွေကြေး မပြည့်စုံမှုတွေဟာလည်း စည်းရုံးရေး လုပ်ငန်းတွေအတွက် အဟန့်အတားတွေ ဖြစ်နေရကြောင်း ပြောပါတယ်။

မြန်မာစစ်အစိုးရ ရွေးကောက်ပွဲ ဥပဒေမှာတော့ တိုင်းနဲ့ပြည်နယ်တွေ အတိုင်းအတာနဲ့ ရွေးကောက်ပွဲဝင်မယ့် ပါတီတွေ အနေနဲ့ အနည်းဆုံး ပါတီဝင် ၁,၀၀၀ ရှိရမှာ ဖြစ်သလို တိုင်း ဒါမှမဟုတ် ပြည်နယ်တခုမှာ ၀င်ရောက်ယှဉ်ပြိုင်မယ့် ပါတီအနေနဲ့ အဖွဲ့ဝင် အနည်းဆုံး ၅၀၀ ရှိရမယ်လို့ ပြဋ္ဌာန်း ထားတာလည်း ဖြစ်ပါတယ်။

ရွေးကောက်ပွဲ ကော်မရှင်ရဲ့ ထုတ်ပြန်ချက်အရ အရင်တပတ်ထဲအထိ နိုင်ငံရေးပါတီဟောင်း ၅ ခုနဲ့ အသစ် ၃၇ ခုတို့ ပါတီမှတ်ပုံ တင်ခွင့်နဲ့ နိုင်ငံရေးပါတီ ထူထောင်ခွင့် လျှောက်ထားရာမှာ ၄ ပါတီသာ ထူထောင်ခွင့် ချပေးဖို့ ကျန်တော့တယ်လို့ ဆိုပါတယ်။

Ref: VOA News

Read More...

Collapse...

နေ့စဉ်သတင်းများ (၁၄ - ၀၆ - ၁၀)

■ နျူကလီယားသတင်းကိစ္စ နအဖစွပ်စွဲချက် မမှန်ဟု ဗိုလ်မှူးစိုင်းသိန်းဝင်းနှင့် ဗိုလ်မှူးအောင်လင်းထွဋ်တို့က ပြန်လည်ငြင်းဆို သတင်း
■ အခြေခံဥပဒေကို အလွယ်တကူ ပြင်၍မရဟု ဗိုလ်မှူးချုပ်ဟောင်း အောင်ကြီး ပြော သတင်း
■ ကရင်သူပုန်နဲ့ မြန်မာစစ်တပ် တိုက်ပွဲဖြစ် သတင်း
■ လူမှုကူညီရေးလုပ်ငန်းများ တိုးချဲ့လုပ်ဆောင်ဖို့ NLD ဆုံးဖြတ် သတင်း
■ ဒေါ်အောင်ဆန်းစုကြည်၏ မွေးနေ့ဂုဏ်ပြု၊ အန်အယ်လ်ဒီပါတီဝင်များ သစ်ပင်စိုက် သတင်း
■ အဖွဲ့ချုပ်လူငယ်များ၏ သစ်ပင်နှစ်သောင်း စိုက်ပျိုးရေးစီမံကိန်း သတင်း
■ နိုင်ငံရေးနဲ့ ပတ်သက်ဖို့ လူထုအကြား စိုးရိမ်မှုရှိဆဲ သတင်း
■ ၀ါရင့်နိုင်ငံရေးသမားကြီး ဦးအောင်မြင့် ကွယ်လွန် သတင်း
■ နအဖ ပစ်ခတ်မှုကြောင့် အမျိုးသမီးတဦး ဒဏ်ရာပြင်းထန်စွာရရှိ သတင်း
■ ကလေးစစ်သား မောင်ဝေယံကျော် မိဘထံပြန်ရောက် သတင်း
■ ကြံ့ဖွံ့အမတ်လောင်းများ ၀တ်ရန် သျှမ်းဝတ်စုံချုပ်တတ်သူများ နေပြည်တော် ဆင့်ခေါ် သတင်း
■ မလေးရှားရောက် မြန်မာများ အစာငတ်ခံဆန္ဒပြ သတင်း
■ တာချီလိတ်မြို့ လိုင်စင်မဲ့ကားများ ထပ်မံဖမ်းဆီးခံရ သတင်း
■ (၁၀) တန်း အောင်စာရင်းများ ထုတ်ပြန်ကြေညာ သတင်း
■ ဈေးသက်သာ Air Asia လေကြောင်း မလေးရှား-ရန်ကုန် ပျံမည် သတင်း
■ မြန်မာ့စီးပွားရေးနဲ့ ပုဂ္ဂလိကဘဏ်လုပ်ငန်း သတင်း
■ ဗိုလ်ချုပ်မှူးကြီး သန်းရွှေသား စက်သုံးဆီအရောင်းဆိုင် ဖွင့် သတင်း
■ ပုဂ္ဂလိကဘဏ်များ စက်တင်ဘာ နောက်ဆုံးဖွင့်မည် သတင်း
■ မယ်လ နယ်စပ်ဒုက္ခသည်စခန်းမှာ ကာလ၀မ်းရောဂါ ဖြစ်ပွား သတင်း
■ မူဆယ်-မန္တလေးလမ်း ရဲဂိတ်များ သိန်းချီပြီး ငွေတောင်းခံ သတင်း
■ ပန်းတနော်မှာ လယ်ယာမြေတွေ အဓမ္မအသိမ်းခံနေရ သတင်း
■ ပြည်သူကို ယူနီဆက်ဖ်က ပေးမယ့် ဒေါ်လာသန်း (၂၀၀) ခန့် စစ်အစိုးရရဲ့ ဒုံးကျည်စီမံကိန်းကြောင့် ရပ်ဆိုင်း ထား သတင်း
■ နယ်ခြားစောင့်တပ်ပြောင်းရေး ဖိအားလျော့သွား သတင်း
■ ရဲဘက်စခန်းမှ အကျဉ်းသားထွက်ပြေးမှု များပြား သတင်း
■ ဆယ်ကျော်သက် ကျောင်းသားများ မူးယစ်ဆေးသုံး သတင်း
■ နိုင်ငံရေးပါတီရုံးများ ဆိုင်းဘုတ်တင်ခြင်းနှင့် စည်းရုံးခြင်းလုပ်ငန်းများ စတင် သတင်း
■ ကာဂစ္စတန် လူမျိုးရေးအဓိကရုဏ်း လူ (၁၀၀,၀၀၀) ကျော် ထွက်ပြေးရ သတင်း
■ စိတ်ဝင်စားဖွယ် ထိုင်းနိုင်ငံရေး သတင်း
■ ကြိုးဝိုင်းပေါ်ကဆန္ဒ (သို့မဟုတ်) အသားလေးတတုံးကို တပ်မက်မိသူ (ဆောင်းပါး)

Read More...

Collapse...

အရှင်ဂမ္ဘီရကို ရွေးကောက်ပွဲ သဘောထား မေးမြန်း

ဇာနည်မာန်
Saturday, June 12, 2010

စစ်ကိုင်းတိုင်း ကလေးမြို့ ထောင်တွင် အကျဉ်းကျနေသော အရှင် ဂမ္ဘီရကို ရဲ အထူးသတင်း တပ်ဖွဲ့က ရွေးကောက်ပွဲ အပေါ်ထားရှိသည့် သဘောထားများ မေးမြန်း ခဲ့သည်ဟု သိရသည်။

“ပြီးခဲ့တဲ့လ ၆ ရက်နေ့တုန်းက တခါ၊ ၂၆ ရက်တုန်းက တခါ လာမေးတယ်တဲ့။ ဦးဇင်းကတော့ ရွေးကောက်ပွဲလုပ်တာ လုပ်သင့်တယ်။ ကောင်းတယ်။ ဒါပေမယ့် ပါဝင်သင့် ပါဝင်ထိုက်တဲ့သူတွေ ပါဖို့ လိုတယ်လို့ ပြန်ပြော လိုက်တယ်လို့ ပြောတယ်” ဟု ယနေ့ ထောင်ဝင်စာ သွားတွေ့သည့် မိခင်ဖြစ်သူ ဒေါ်ရေးက ပြောသည်။

ထို့အပြင် ထောင်မှထွက်သည့် အချိန်တွင် ဘာအလုပ်ပြန်လုပ်မည်နည်းဟုလည်း မေးမြန်းသည်ဟု ဆိုသည်။

“ထောင်ကထွက်ရင်တော့ ဦးပဉ္ဇင်းက ဘုန်းကြီးပြန်ဝတ်ရုံပေါ့လို့ ပြောလိုက်တယ်တဲ့။ သူတို့က အဲ့ဒီလိုမေးတော့ လွှတ်ပေးဖို့များ စိတ်ကူးရှိလား မသိဘူး။ ဦးပဉ္ဇင်းကတော့ မသိဘူးလို့ ပြောတယ်”ဟု သူက ပြောသည်။

လာမည့် ဇွန်လ ၁၉ ရက်နေ့တွင် ကျရောက်မည့် အရှင် ဂမ္ဘီရ၏ ၃၁ နှစ်ပြည့် မွေးနေ့ကို ကလေးထောင်တွင်း တွင်ပင် အလှူပေး ကျင်းပရမည်ဖြစ်ကြောင်း မိခင်ဖြစ်သူက ဆိုသည်။

အရှင်ဂမ္ဘီရ ဖမ်းဆီးခံရချိန်မှ စ၍ ယနေ့အချိန်ထိ မိဘများနေထိုင်သည့် မိထ္ထီလာ စက်မှုဇုန်ရှိ နေအိမ်သို့ အာဏာပိုင်များက မကြာခဏ လာရောက် စုံစမ်းစစ်ဆေးခြင်းများ ပြုလုပ်ဆဲဖြစ်သည်ဟု ဆိုသည်။

အရှင်ဂမ္ဘီရ၏ အကိုဖြစ်သူ ကိုအောင်ကျော်ကျော်၊ ညီဖြစ်သူ ကိုအောင်ကိုကိုလွင်နှင့် ယောက်ဖဖြစ်သူ ကိုမိုးထက်လျှမ်း တို့ မှာလည်း ၂၀၀၇ သံဃာ အရေးအခင်းတွင် ပါဝင် ပတ်သက်မှုများကြောင့် ဖမ်းဆီးခံကြရပြီး ရှမ်းပြည် တောင်ကြီးထောင်၊ ရခိုင်ပြည်နယ် ကျောက်ဖြူ ထောင် စသည့် နယ်ဝေးထောင်များတွင် နှစ်ရှည်ထောင်ဒဏ်များ ကျခံနေကြရသည်။

နာဂစ်ကယ်ဆယ်ရေး လုပ်ဆောင်ခဲ့သည့် အရှင်ဂမ္ဘီရ၏ အစ်မဖြစ်သူ မလွင်လွင်မြင့် တိမ်းရှောင်နေမှုကိုလည်း လာရောက် မေးမြန်း နေသည်ဟု ဆိုသည်။

ဒေါ်ရေးက “နာဂစ်တုန်းက အလှူလုပ်တဲ့သူတွေဖမ်းတော့ သမီးက ဒုက္ခသည်စခန်းမှာ ရောက်နေတာပါ။ သားအမိချင်း ကတော့ အဆက်အသွယ် လုပ်မှာပဲ။ စကားပြောမှာပဲ။ ဒါတော့ အပြစ် မရှိပါဘူးနော်လို့ ပြောတော့ ကျနော်တို့ မေ့သွားလို့ မေးမိတာပါ ဘာညာနဲ့ တောင်းပန် သွားတယ်။ အဖေကြီးကတော့ ညကျတော့ သွေးတွေတိုးရော”ဟု ပြောသည်။

အရှင်ဂမ္ဘီရသည် ၂၀၀၇ ရွှေဝါရောင် သံဃာလှုပ်ရှားမှုတွင် ခေါင်းဆောင်တဦးအဖြစ် ပါဝင်ခဲ့ပြီး ၂၀၀၇ နိုဝင်ဘာ လဆန်းတွင် ဖမ်းဆီး ခံခဲ့ရသည်။ အမှုပေါင်း ၁၇ မှုနှင့် ထောင်ဒဏ် ၆၈ နှစ် ကျခံခဲ့ရသည်။

၂၀၀၈ ဇွန်လအတွင်းက အယူခံဝင်ခဲ့ရာ ထောင်ဒဏ် ၅ နှစ် လျှော့ချပေးခဲ့၍ ထောင်ဒဏ် ၆၃ နှစ်ဖြင့် ကလေး ထောင်တွင် အကျဉ်းကျ နေရခြင်းဖြစ်သည်။

ကလေးအကျဉ်းထောင်တွင် အရှင် ဂမ္ဘီရ၊ ရှမ်းတိုင်းရင်းသား ခေါင်းဆောင် ဦးစိုင်းညွန့်လွင်၊ ၈၈ ကျောင်းသားခေါင်းဆောင် ကိုအောင်နိုင်၊ တောင်ကုတ် NLD စည်းရုံးရေးမှူး ကိုမင်းအောင် အပါအ၀င် နိုင်ငံရေး အကျဉ်းသား ၂၀ နီးပါးရှိကြောင်း သိရသည်။

Ref: ဧရာဝတီ်

Read More...

Collapse...

သင်တန်းတွေ

Read More...

Collapse...

နေ့စဉ်သတင်းများ ( ၁၃ - ၀၆ - ၁၀ )

■ အထောက်အထားများနှင့် နျူကလီယားအကြောင်း နအဖက ငြင်းဆို သတင်း
■ နျူကလီယားကိစ္စ နိုင်ငံတကာ၏ စုံစမ်းစစ်ဆေးမှုများ နအဖ ခံရဖွယ်ရှိ သတင်း
■ အမေရိကန် လက်ထောက်နိုင်ငံခြားရေးဝန်ကြီးနှင့် မြန်မာ့ဒီမိုကရေစီအင်အားစု တွေ့ဆုံ သတင်း
■ AIDS ဝေဒနာရှင်များ NLD ခေါင်းဆောင်နှစ်ဦးကို ဂါရ၀ပြု သတင်း
■ အသက်မပြည့်သူ ကလေးငယ်နှစ်ဦး စစ်တပ်ထဲ ဆွဲသွင်းခံရ သတင်း
■ လက်ရှိ မြန်မာ-အမေရိကန် ဆက်ဆံရေးအပေါ် Mr. Lorne Craner သုံးသပ်ဝေဖန် သတင်း
■ ဂျပန်နိုင်ငံရောက် မြန်မာများ ၂၀၁၀ ရွေးကောက်ပွဲ ဆန့်ကျင်မဲပေး သတင်း
■ သဘာဝဓာတ်ငွေ့ပိုက်လိုင်း အသစ်စက်စက် ဖျာပုံမြို့အနီး ပေါက်ကွဲ သတင်း
■ ဆန်ဖရန်ဘေးဧရိယာ အမျိုးသမီးအဖွဲ့ (BAWA)က ဒေါ်အောင်ဆန်းစုကြည် (၆၅) မွေးနေ့ - အန်အယ်လ်ဒီလူ ငယ်ခေါင်းဆောင် ဖြူဖြူသင်းကို ဂုဏ်ပြုမည် သတင်း
■ မြန်မာနိုင်ငံ ရှေ့နေများကောင်စီက တောင်ကိုရီးယားမှာ ဥပဒေဆွေးနွေးပွဲ ပြုလုပ် သတင်း
■ ပဲခူးတိုင်း ဘုရားကြီးရဲစခန်းရဲ့ အမှုဆင် ပြဿနာရှာမှုတခု သတင်း
■ ရွေးကောက်ပွဲအပေါ် မီဒီယာများ၏ အရေးပါမှု သတင်း
■ ပါတီအာဘော်စာစောင်များ ထုတ်ခွင့်ရသော်လည်း အင်တာဗျူး ဆင်ဆာရှိနေဆဲ သတင်း
■ စင်ကာပူနိုင်ငံ Lotus Foundation အဖွဲ့ရဲ့ (၁၄) တွင်းမြောက် စက်ရေတွင်းအလှူ (ပဲခူးမြို့နယ် အိုးဖိုကျေး ရွာတောင်ဘက်ပိုင်း - ကုလားရွာ) သတင်း
■ ဗုဒ္ဓ နားထင်တော်ရိုး တရုတ်နိုင်ငံမှာ တွေ့ရှိ သတင်း
■ လွမ်းတော်မူလို့ စာကိုစီတယ် (ဆောင်းပါး)

Read More...

Collapse...

မြန်မာ နျူကလီးယား ဖြေရှင်းချက် ခိုင်လုံမှုမရှိ

မအေးသန္တာကျော်
စနေ, 12 ဇွန် 2010

မြန်မာစစ်အစိုးရဟာ သူတို့မှာ နျူကလီးယား အရေး ကြိုးပမ်းချက်တွေ မရှိကြောင်း ငြင်းဆိုတာဟာ သူတို့ရဲ့ လုပ်ရပ်ကို ဖုံးကွယ်မှု သက်သက်ပဲ ဖြစ်တယ်လို့ နိုင်ငံရေး အကဲခတ်တွေက ဝေဖန်သုံးသပ်ပါတယ်။ မြန်မာစစ်အစိုးရရဲ့ နျူကလီးယား ဆိုင်ရာ လျှို့ဝှက် ကြိုးပမ်းမှုတွေ အကြောင်း စုံကိုတော့ နိုင်ငံတကာ ရုပ်မြင်သံကြား တခုကနေ ထုတ်လွှင့် ပြသချက်တွေ၊ မြန်မာစစ်တပ် အရာရှိဟောင်းတွေနဲ့ တွေ့ဆုံ မေးမြန်းချက်တွေဟာ သက်သက် ၀ါဒဖြန့် လုပ်ကြံ စွပ်စွဲမှုတွေသာ ဖြစ်တယ်လို့ မြန်မာ စစ်အစိုးရဘက်က ကြေညာထုတ်ပြန် ခဲ့ပါတယ်။ အပြည့်စုံကို မအေးသန္တာကျော်က တင်ပြထားပါတယ်။

စနေနေ့ထုတ် မြန်မာ့အလင်း သတင်းစာမှာ - မြန်မာနိုင်ငံသည် နျူကလီးယား လက်နက်ပိုင်ဆိုင်၍ စစ်အင်အားနိုင်ငံ ဖြစ်လာရန် ရည်ရွယ်ချက် မရှိ - ဆိုတဲ့ မြန်မာအစိုးရရဲ့ ကြေညာချက်ဟာ သူ့ဘက်ကနေ ခိုင်မာတဲ့ သက်သေ အထောက်အထားနဲ့ ငြင်းဆိုခြင်း မဟုတ်ဘဲနဲ့ လူထုကို အာရုံပြောင်းဖို့ ရည်ရွယ်ပြီး ပြောဆိုမှု သက်သက်သာ ဖြစ်တယ်လို့ ဒီမိုကရေစီနဲ့ ဖွံ့ဖြိုးတိုးတက်မှု ကွန်ယက်အဖွဲ့ရဲ့ သုတေသနမှူး ဦးဌေးအောင် က သုံးသပ်ပါတယ်။

“စစ်အစိုးရက ထုံးစံအတိုင်းပေါ့ဗျာ။ သူတို့ ဒါ မုံလာဥ လုပ်တဲ့ သဘောပါပဲ။ ဒီနေ့ DVB ကနေပြီးတော့ ထုတ်လွှင့်ပြသတဲ့ အချက် အလက်တွေက DVB က မပြခင်ကတည်းက ကျနော်တို့ လေ့လာ တွေ့ရှိရတဲ့အချက် တွေနဲ့ တော်တော်ကြီးကို အနီးစပ်ဆုံး တူနေတာ တွေ့ရတယ်။ DVB က ရတဲ့ အချက်တွေကတော့ တိကျတဲ့ အထောက်အထားတွေ ဖြစ်တာပေါ့။ နေပြည်တော်မှာ တည်ဆောက်နေတဲ့ မြေအောက်လှိုင်ခေါင်းတွေ အပါအ၀င်ပေါ့နော်။ သူတို့ရဲ့ FOC လို့ခေါ်တဲ့ ဆက်သွယ်ရေး လမ်းကြောင်းတွေ တည်ဆောက်တာတွေကို မပည လို့ခေါ်တဲ့ မြေပုံညွှန်းနဲ့ တကွ အတိအကျ မြေပုံပေါ်မှာ ပင်အပ်နဲ့ ထောက်ပြီးတော့ ပြနိုင်တဲ့ အဆင့်ထိကို အချက်အလက်တွေ ရထားတာကို ကျနော်တို့ တွေရတာရှိပါတယ်။ အဲဒီတော့ ဒီအချက်တွေကို ကြည့်ခြင်းအားဖြင့် စစ်အစိုးရရဲ့ လျှို့ဝှက် ဖုံးကွယ်လုပ်နေတဲ့ အချက်အလက်တွေ အကုန်လုံးဟာ လုံးဝ ပေါ်ပေါက် သွားတယ်ဆိုတာ ထင်ရှားပါတယ်။ ဒါကို ပိုပြီးတော့ သက်သေပြတာကတော့ ဗိုလ်မှူး စိုင်းသိန်းဝင်း တို့၊ ဗိုလ်မှူး အောင်လင်းထွဋ်တို့ရဲ့ ပြောကြားချက်တွေက ပိုပြီးတော့ ဒါတွေကို အတည်ပြု ပေးလိုက်တဲ့ သဘောမျိုး သက်ရောက်တာ တွေ့ရတာရှိတယ်လေ။ ဒါကြောင့်မို့လို့ စစ်တပ်ထဲမှာ ဒီကိစ္စနဲ့ ပတ်သက်ပြီးတော့ တော်တော် ကြီးကြီးမားမား ကယက် ရိုက်သွားတဲ့ အတွက်ကြောင့် ကြေညာချက်တွေ ထုတ်ပြီးတော့ သူတို့က သူတို့ တပ်ထဲကို ပြန်ပြီးတော့ လိမ်ညာဖို့၊ ပြည်သူလူထုကို လိမ်ညာဖို့ အဲဒီလို လုပ်တယ်လို့ပဲ ကျနော် ထင်ပါတယ်။”

မြန်မာနိုင်ငံကို အကာအကွယ်ပေးလေ့ရှိတဲ့ တရုတ်နိုင်ငံနဲ့ မြန်မာစစ်တပ်ကို နျူကလီးယား ဆိုင်ရာ နည်းပညာ သင်တန်းတွေ ပေးနေတဲ့ ရုရှားတို့ဟာလဲ မြန်မာစစ်အစိုးရက နျူကလီးယား လက်နက် ပိုင်ဆိုင်ဖို့ ကြိုးစားတာကိုတော့ ထောက်ခံမှာ မဟုတ်ဘူးလို့လည်း သူက ဆိုပါတယ်။

“ရုရှားတို့လို တရုတ်နိုင်ငံတို့လို နိုင်ငံကြီးတွေ အနေနဲ့ကတော့ မြန်မာစစ်အစိုးရကို သမာရိုးကျ လက်နက်တွေ ရောင်းတာမျိုးတော့ သူတို့ ရှိပါတယ်။ ဒါပေမဲ့လို့ အနုမြူလက်နက်လို အားလုံးကို အန္တရာယ် ဖြစ်စေနိုင်တဲ့ လက်နက် မျိုးကိုတော့ ဒီနိုင်ငံကြီးတွေကလည်း ရောင်းချဖို့ သူတို့မှာ လက်တွန့် နေတာမျိုး၊ ရောင်းချချင်တဲ့ ဆန္ဒ မရှိဘူးလို့ ကျနော် ထင်ပါတယ်။ နောက်တခုကလဲပဲ တရုတ်နိုင်ငံ အနေနဲ့က မြောက်ကိုရီးယားလို နိုင်ငံမျိုး၊ မြန်မာနိုင်ငံလိုပေါ့လေ စစ်အာဏာရှင်တွေ ကြီးစိုးတဲ့ နိုင်ငံမျိုးတွေကို သူတို့က ကိုင်တွယ် ထားခြင်းအားဖြင့် နိုင်ငံတကာနဲ့၊ အထူးသဖြင့် အမေရိကန်နိုင်ငံနဲ့ အလျော့အတင်း လုပ်တဲ့နေရာမှာ သူတို့က ကစားကွက်လုပ်တဲ့ နေရာမှာ ဒါတွေကို အသုံးချနေတယ်လို့ ကျနော် ထင်ပါတယ်။”

မြန်မာစစ်အစိုးရဟာ တကယ်လို့သာ သူတို့ ကြေညာချက်အတိုင်း နျူကလီးယား လက်နက် ပိုင်ဆိုင်တဲ့ စစ်အင်အားနိုင်ငံ ဖြစ်လာဖို့ ရည်ရွယ်ချက် မရှိပါဘူးဆိုရင် နိုင်ငံတကာ အသိုင်းအ၀ိုင်းကို သက်သေ ပြသင့်တယ်လို့လည်း ဦးဌေးအောင်က သုံးသပ်ပါတယ်။

“စစ်အစိုးရ အနေနဲ့ အခုလို နိုင်ငံတကာကနေ ဖော်ထုတ်တွေ့ရှိတဲ့ အချက်အလက်တွေ မမှန်ကန်ဘူးဆိုတာကို လက်တွေ့ သက်သေပြချင်တယ် ဆိုရင် စုံစမ်းစစ်ဆေးရေး အဖွဲ့တွေကို စုံစမ်းစစ်ဆေးခွင့် ပေးသင့်ပါတယ်။ အထူးသဖြင့် အခု နေပြည်တော်နဲ့ အနီး တ၀ိုက်မှာ အခု စစ်အစိုးရ တည်ဆောက်နေတယ် ဆိုတဲ့ မြေအောက် အမိန့်ပေး ဌာနချုပ်တွေ အပါအ၀င်ပေါ့လေ။ သူတို့ မြေအောက်မှာ ဆောက်နေတဲ့ လျှို့ဝှက်လက်နက် စက်ရုံတွေကို သွားရောက်ပြီးတော့ စစ်ဆေးခွင့် ပြုမယ်ဆိုရင် စစ်အစိုးရက အခုလိုတောင်မှပဲ ကြေညာချက်တွေ ထုတ်စရာ မလိုပါဘူး။ အားလုံးက နိုင်ငံတကာကလဲ သံသယရှင်းသွား နိုင်ပါတယ်လို့ ကျနော် ပြောချင်ပါတယ်။”

ဒီမိုကရေစီနဲ့ ဖွံ့ဖြိုးတိုးတက်မှုကွန်ယက် (NDD) ရဲ့ သုတေသနမှူး ဦးဌေးအောင် ပြောသွားတာ ဖြစ်ပါတယ်။ နော်ဝေနိုင်ငံ အခြေစိုက် DVB ဒီမိုကရက်တစ် မြန်မာ့အသံနဲ့ ကာတာ နိုင်ငံ အခြေစိုက် AlJazeera ရုပ်မြင်သံကြား ဌာနတို့က Myanmar’s Military Ambitions ဆိုတဲ့ မြန်မာ စစ်အစိုးရရဲ့ နျူကလီးယား ဆိုင်ရာ ကြိုးပမ်းမှုတွေ အကြောင်း သတင်းမှတ်တမ်းကို ဇွန်လအစောပိုင်းမှာ နိုင်ငံတကာကို ထုတ်လွှင့်ပြသ သွားခဲ့ပြီးနောက် အခုလို မြန်မာစစ်အစိုးရရဲ့ တုံ့ပြန်ချက် ထွက်လာ ခဲ့တာဖြစ်ပါတယ်။

Ref: VOA News

Read More...

Collapse...

နေ့စဉ်သတင်းများ ( ၁၂ - ၀၆ - ၁၀ )

■ ကေအဲန်ယူ ခြုံခိုတိုက်ခိုက်မှုကြောင့် နအဖဘက်မှ (၁၂) ဦး ကျဆုံး သတင်း
■ စစ်တွေတက္ကသိုလ် ကျောင်းသားတဦးအား စစ်သားများ သတ်ဖြတ်မှု သတင်း
■ နျူးကလီးယားလက်နက် ပိုင်ဆိုင်ရေး စွပ်စွဲချက် စစ်အစိုးရ ငြင်းဆို သတင်း
■ မြန်မာ နျူကလီးယားဖြေရှင်းချက် ခိုင်လုံမှုမရှိ သတင်း
■ အမေရိကန် လက်ထောက်နိုင်ငံခြားရေးဝန်ကြီး မြန်မာ့အရေး မေးမြန်းဆွေးနွေး သတင်း
■ သံဃာလှုပ်ရှားမှုဆရာတော် ဦးဂမ္ဘီရကို မယ်တော်ဖြစ်သူ တွေ့ခွင့်ရရှိ သတင်း
■ အရှင်ဂမ္ဘီရကို ရွေးကောက်ပွဲသဘောထား မေးမြန်း သတင်း
■ ပါတီအာဘော်စာစောင်များ ထုတ်ဝေခွင့်ရရှိ သတင်း
■ ပညာသင်ကြားစရိတ် မြင့်မားမှု ရန်ကုန်မှာ စာရွက်ဖြန့်ဝေ သတင်း
■ လူသေသည်အထိ ဓားထိုးမှု ကျူးလွန်သူကို ဖမ်းဆီးရမိ သတင်း
■ တရားမ၀င် ဆိုင်ကယ်များကို လိုင်စင်ထပ်မံ လုပ်ပေးနေ သတင်း
■ ရခိုင်ပြည်နယ်၏ သစ်မှောင်ခိုလုပ်ငန်း (ဆောင်းပါး)
■ မိုးခပန်းချီပြပွဲ၊ အနုပညာရှင်များ ၀ိုင်းဝန်းကြ၊ ကျော်သူပန်းချီကားများ တင်ဆက် သတင်း
■ ကာဂစ်စတန်မှာ ပစ်မိန့်ပေးလိုက်ပြီ သတင်း
■ နီကိုဘာကျွန်းငလျင်ကြောင့် အိန္ဒိယနိုင်ငံမှာ ဆူနာမီသတိပေးချက် ထုတ် သတင်း
■ စစ်တပ်သာမက ရေတပ်ကလည်း ပိုစတာကပ် ဆိုင်းဘုတ်ထောင်ပြီး ရခိုင်တွင် လူသစ်များ စုဆောင်း သတင်း
■ မြန်မာနျူကလီးယားနဲ့ အိုဘားမားအတွက် အခွင့်အလမ်း (ဆောင်းပါး)
■ ထိုင်းရှပ်နီဆန္ဒပြပွဲ၌ အဖမ်းခံရသူစာရင်း မြန်မာ (၁၃) ဦး ပါဝင် သတင်း
■ ရဲစခန်းတွင် တပ်ဆင်မည့် (၅) သိန်းတန် ဖုန်းအတွက် ရွာသားများထံမှ ငွေကောက် သတင်း
■ ဧရာဝတီ လင်းပိုင် (၅) ကောင် တလအတွင်း သေဆုံး သတင်း
■ ရန်ကုန် ကမ်းနားလမ်း (၆) လမ်းသွားစီမံကိန်း စတင် သတင်း
■ မန္တလေးတွင် သဘာဝပတ်ဝန်းကျင်ထိန်းသိမ်းရေး လှုပ်ရှားမှုများ လစဉ်ပြုလုပ် သတင်း

Read More...

Collapse...