မောင်စွမ်းရည်
မတ် ၂၄၊ ၂၀၁၀
ကျနော် မကြာခဏ သတိရ လွမ်းဆွတ်မိသူတွေထဲမှာ ဗကသဇော်ဝင်းလို့ ကျောင်းသား လှုပ်ရှားမှု သမိုင်းမှာ နာမည်ကျော်တဲ့ ကိုဇော်ဝင်းလဲ ပါဝင်ပါတယ်။ သူက ရန်ကုန်တက္ကသိုလ်၊ ကျနော်က မန္တလေး တက္ကသိုလ် ဆိုတော့ ကျောင်းနေဖက် မဟုတ်ပါဘူး။ “ငယ်ပေါင်း” မဟုတ် “ကြီးဖေါ်” ပဲဖြစ်ပါတယ်။ ဒါပေမဲ့ ကျနော် တက္ကသိုလ် ရောက်လို့ ကျောင်းသား လှုပ်ရှားမှုတွေနဲ့ ဒွေးရော ယှက်တင် ဖြစ်လာတဲ့အခါ “ဇော်ဝင်း” ဆိုတဲ့ နာမည်က မကြားမဖြစ် ကြားလာရပါတယ်။ ကျနော်က တကသ အမှုဆောင်ထဲသာ ပါဖူးပြီး ဗကသ အမှုဆောင်ထဲမှာ မပါဘူးလို့ သူနဲ့ စောစောစီးစီး မရင်းနှီးခဲ့ရဘူး။
ကိုဇော်ဝင်းက မန္တလေးတို့ မြင်းခြံတို့ကို ဗကသကိစ္စတွေနဲ့ လာဖူးတယ်။ ကျနော့်အပေါင်း အသင်းတွေက ဗကသ၊ တကသ တွေ ဆိုတော့ သူတို့ကတဆင့် ဗကသဇော်ဝင်း ဆိုတဲ့ နာမည်ကို နားယဉ် နေခဲ့ပါတယ်။ ဖြတ်သွား ဖြတ်လာနဲ့ ကြုံဖူးဆုံဖူးကြတယ်။ မိုးတိုးမတ်တတ်ပါပဲ။
တနေ့တော့ သူ မန္တလေးကို လာတယ်လို့ ကြားရတယ်။ ကျနော်တို့ မန္တလေးတက္ကသိုလ် ကျောင်းသား သမဂ္ဂ ဥက္ကဋ္ဌ ကိုစောလွင်အိမ်မှာ တည်းခို နေသတဲ့။
မြင်းခြံသား ဗကသ - တကသ ခေါင်းဆောင် ကိုအောင်သူက ကျနော့်ကို ၀င်ခေါ်တယ်။
“ကိုဇော်ဝင်းဆီ သွားရအောင်” တဲ့။
ကျနော်က “မလိုက်တော့ဘူးဗျာ” လို့ ငြင်းလိုက်တယ်။
“သူက မေးနေတယ် … မြင်းခြံက ကိုဝင်းဖေလေးရော …” လို့။
“တော်ပါဘီဗျာ ရန်ကုန်မှာရော၊ မြင်းခြံမှာရော၊ မန္တလေးမှာရော ဆုံဖူးပါတယ်။ အားလုံးပေါင်း လေးကြိမ်တောင်မှ မိတ်ဆက်ပေးဖူးတယ်၊ သူ့စာအုပ်ကလေးထဲမှာလဲ ရေးတယ်၊ ပြန်တွေ့တိုင်း မမှတ်မိဘူး။ ခုလဲ မလိုက်ချင်တော့ဘူး …” လို့ ပြောပြီး တမင် ငြင်းလိုက်ပါတယ်။
နောက်တော့ သူ ကျနော့်ကို မမေ့တော့ပါဘူး။ တွေ့ရာအရပ်မှာ သူကပဲ ဦးအောင် နှုတ်ဆက်ပါတယ်။ ခု သူ မန္တလေးကို လာတာကလဲ ကျောင်းသားအရေး ဟုတ်ဟန် မတူဘူးလို့ နောက်ကျမှ စဉ်းစားကြည့်မိတယ်။ ကိုယ်တော်ချောက ရွှေမန်းသူတဦးနဲ့ ချိတ်မိနေတာကိုး။ သေချာစုံစမ်းမိတော့ အဲ့ဒီရွှေမန်းသူ ဆိုတာလဲ တခြားမဟုတ် ပန်းချီကိုဝင်းဖေ၊ ကိုပေါ်ဦးသက်နဲ့ ကျနော် တက်ခဲ့တဲ့ မန္တလေး အမှတ် (၁) အစိုးရ အထက်တန်း ကျောင်းသူဟောင်းတဲ့။ ကျနော်တို့ အရင် တက္ကသိုလ် ရောက်သွားသူပါ။ နောက်တော့ အဲ့ဒီရွှေမန်းသူနဲ့ပဲ အိမ်ထောင်ကျပါတယ်။
မခင်ခင်အေး တဲ့။
ပညာရေးတက္ကသိုလ်တက်နေရင်းက ကျောင်းသားသမဂ္ဂထဲ ပါသွားပြီး၊ အိုးဝေမဂ္ဂဇင်းတို့၊ တက္ကသိုလ် နှစ်လည် မဂ္ဂဇင်းတို့မှာ (၁၉၅၉ - ၆၀) တာဝန်ယူ လုပ်ဆောင်ရသူ တဦးဖြစ်လာပါတယ်။ ကျောင်းသား သမဂ္ဂ ခေါင်းဆောင်တွေ အဖြစ် ခုအထိ လူသိများတဲ့ ကိုလှရွှေတို့၊ ကိုဗဆွေတို့နဲ့ ခေတ်ပြိုင်ပေါ့။ ကိုဇော်ဝင်းနဲ့ အိမ်ထောင်ကျတဲ့ အခါ ရန်ကုန်က (ဒဂုန် အထက(၁) မှာပဲ ထင်တယ်) ကျောင်းကြီးတကျောင်းမှာ ဆရာမ အဖြစ်နဲ့ အမှုထမ်းနေပြီး၊ မန္တလေးကို မပြန်တော့ပါဘူး။
နေတဲ့တိုက်ခန်းကတော့ စမ်းချောင်းထဲက ဝေဠုဝန် တိုက်ခန်းမှာပါ။ သူ့သားသမီးတွေ ဆရာဝန်တွေ ဘာတွေဖြစ်ပြီး လူလား မြောက်ကုန်ကြတဲ့ အခါ ကိုဇော်ဝင်း မရှိရှာတော့ပါဘူး။ ရှစ်လေးလုံး အရေးတော်ပုံ မတိုင်ခင်မှာပဲ ကွယ်လွန်ခဲ့ပါပြီ။ အသည်း ကင်ဆာနဲ့ပါ။ ဆေးပြင်းလိပ် သောက်လို့ ထင်ပါတယ်။
ဗကသ ဥက္ကဋ္ဌအဖြစ် သူ့ကို ကျနော်စသိခဲ့ပါတယ်။ ၁၉၅၄ - ၅၅ ဗကသ အတွင်းရေးမှုးတဲ့။ ၁၉၅ ၇ - ၆၀ မှာ ဗကသ ဥက္ကဋ္ဌတဲ့။ ဥက္ကဋ္ဌ အဖြစ် သုံးနှစ်ပါ။ မူလ ဗကသ မဟုတ်တော့ဘဲ နောက်မှပြန်ဖွဲ့တဲ့ “ဗကသများ အဖွဲချုပ်” ရဲ့ ဥက္ကဋ္ဌပါ။ မူလဗကသက ကျောင်းသားတွေ တောခိုလို့ မတရားအသင်း ဖြစ်သွားခဲ့ပါပြီ။ သူ တာဝန်ယူတဲ့ ၁၉၅၄ ခုနှစ်မှာ ကျနော်က မန်းတကသ မှာပါ။ ၀င်လှုပ်ရှားတဲ့ နှစ်တွေပါပဲ။ အဲ့ဒီတုန်းက နှီးနှောဖလှယ်ပေါင်းစုံ … ။ ပညာရေး နှီးနှောဖလှယ်ပွဲ၊ တက္ကသိုလ် ငွေရတုပွဲ၊ မန်းတက္ကသိုလ် အကြိုပွဲ … စသဖြင့် တက္ကသိုလ် သမဂ္ဂချင်း အပြန်အလှန် ဖိတ်ခေါ် တွေ့ဆုံကြတဲ့ပွဲတွေ များပါတယ်။
တကသအမှုဆောင်တွေ အချင်းချင်း တွေ့ဖူး ဆုံဖူးကြပြီး၊ အချင်းချင်း “ရဲဘော်” လို့ ခေါ်ကြပါတယ်။ ကိုဇော်ဝင်းကို ကျနော်တို့က “ရဲဘော်ဇော်ဝင်း” လို့ ခေါ်ရတာပေါ့။
ဗကသအဖွဲ့ချူပ် ဆိုပေမဲ့ တကသမှာပဲ ဆုံကြပါတယ်။ ဒီတကသနဲ့ ဗကသ အမှုဆောင်တွေဟာ တခါတလေ ထပ်နေ တတ်ပါတယ်။ ကိုဇော်ဝင်းတို့ ကျောင်းသားခေါင်းဆောင်ဖြစ်နေတဲ့ အချိန်မှာ အောက်တိုဘာ ကျောင်းတလပိတ်ရေး အရေးတော်ပုံ၊ သုံးခါကျ ကျောင်းထုတ်စနစ် တိုက်ပွဲ၊ သတ္တမတန်း မေးခွန်းပေါက်ကြားလို့ ဆန္ဒပြရာမှာ သတ္တမတန်း ကျောင်းသားလေး ဟယ်ရီတန် ကျဆုံးသည် အထိ ဖြစ်ရတဲ့ ကျောင်းသားလှုပ်ရှားမှု၊ ပြည်တွင်း ငြိမ်းချမ်းရေး လှုပ်ရှာမှု စတဲ့ ကျောင်းသားလှုပ်ရှားမှုတွေ ပြင်းထန်ခဲ့ပါတယ်။
ဖဆပလအစိုးရက နိူင်ငံရေးသမားတွေကို ဖမ်းဆီးတဲ့အခါ ကျောင်းသားတွေကိုပါ ဖမ်းပါတယ်။ ဦးနုက စစ်တပ်လက်ထဲ (ဗိုလ်နေ၀င်းလက်ထဲ) အာဏာ ခေတ္တ အပ်တာကိုလဲ ဆန့်ကျင်ခဲ့ပါတယ်။ ကျောင်းသားကြီး သုံးယောက် ကိုကိုးကျွန်းကို ပို့တဲ့ နိူင်ငံရေး အကျဉ်းသားတွေနဲ့ ပါသွားခဲ့ပါတယ်။ ကိုဇော်ဝင်းလဲ ၀ရမ်းထုတ်ခံရ၊ အဖမ်းခံရတဲ့ အထဲမှာ ပါခဲ့ပါတယ်။ ကိုဇော်ဝင်း၊ ကိုယု၊ ကိုဘကောင်းနဲ့ ကိုခင်အောင်တို့ ထွက်ပြေး တိမ်းရှောင်ခဲ့ပုံ ဓါတ်ပုံတပုံ တွေ့ဖူးပါတယ်။
ကိုဇော်ဝင်းက ဟင်္သာတ ဇလွန်ဘက်က တက္ကသိုလ်ဝင်တန်း အောင်ခဲ့သူ ဖြစ်ပါတယ်။ ဆရာဝန်ကြီး တယောက်ရဲ့သား ထင်ပါရဲ့။ သူ့ဖခင်က နောင်ချိူမှာလဲ အမှုထမ်းဖူးတယ်လို့ ဆိုပါတယ်။ လူပုံကတော့ ခပ်ပုပု ခပ်သေးသေးပါပဲ။ အသား ခပ်လတ်လတ် နှာတံပေါ်ပေါ် မျက်လုံးပြူးပြူးနဲ့ လူချောတဦးပါပဲ။ တိုက်ပုံအင်္ကျီ အမြဲ ၀တ်လေ့ရှိတယ်။ ဆေးပြင်းလိပ်ကို လက်ကြားညှပ် ထားတတ်တယ်။ စကားဝိုင်းထဲမှာ ဆေးပြင်းလိပ် သောက်ရင် ကျနော်က ကန့်ကွက်လေ့ရှိပါတယ်။ သူကဆင်ခြင်ပါတယ် သည်းခံရှာပါတယ်။
ကိုဇော်ဝင်း အဖမ်းခံရပြီးလွတ်လာတော့ မန္တလေးမှာလာနေတယ်။ ၁၉၆၅ လောက်မှာ ထင်ပါတယ်။ မန္တလေး တက္ကသိုလ်မှာတော့ သမိုင်းပါမောက္ခ ဒေါက်တာသန်းထွန်း ရောက်နေပြီ။ ဒေါက်တာသန်းထွန်းက ၁၉၄၇ ခုနှစ် ဗကသ ဥက္ကဋ္ဌပါ။ ဥက္ကဋ္ဌ ကိုသန်းထွန်းနဲ့ တွဲလုပ်ခဲ့တဲ့ ကိုထွန်းညွန့်ဆိုတဲ့ ကျောင်းသားကြီးက ကိုဇော်ဝင်းရဲ့ အကိုလို့ ကြားဖူးပါတယ်။ (မေးမကြည့်ဖူးပါဘူး) ဘာပဲဖြစ်ဖြစ် ကိုဇော်ဝင်းဟာ ကိုသန်းထွန်းတို့ကို ဆက်ခံသူ ဖြစ်လာခဲ့ဖူးတော့ ဒေါက်တာ သန်းထွန်းဖြစ်လာတဲ့ ကိုသန်းထွန်းနဲ့ ကိုဇော်ဝင်းတို့ဟာ ညီအကိုအရင်းလို ရင်းနှီးပါတယ်။
ကျနော်ကလဲ ဒေါက်တာသန်းထွန်းကို ကြည်ညိုရင်းစွဲ ရှိလို့ မြန်မာနိူင်ငံ သမိုင်းဘာသာကို ပြောင်းယူပြီး တက္ကသိုလ်မှာ ညနေသင်တန်းကို ပြန်တက်ပါတယ်။ (ကျနော်အရင်က ယူထားတာက ဘူမိဗေဒ၊ ဓါတုဗေဒ၊ ပထ၀ီဘာသာတွဲပါ) ကျနော် ကျောင်းတက်နေတော့ သူလဲရောက်လာပြီး၊ သူပါ မြန်မာနိုင်ငံ သမိုင်းနဲ့ စာမေးပွဲ ဖြေချင်တယ်လို့ ကျနော်နဲ့ တိုင်ပင်တယ်။ ဒီတော့မှ သူလဲ ဘွဲ့မရသေးတဲ့ သက်တော်ရှည် ကျောင်းသားကြီးမှန်း သိရပါတယ်။
သူက အနည်းဆုံး ကျနော့်အရင် ၃-၄ နှစ်စောပြီး တက္ကသိုလ် ရောက်ခဲ့လို့ပဲ ၁၉၅၄ ခုနှစ် (ကျနော် မန္တလေး အထက(၁) မှာ ကျောင်းတက်နေတဲ့ နှစ်မှာ) ဗကသ အတွင်းရေးမှုးအဖြစ် အရွေးခံခဲ့ရတာ မဟုတ်လား။
ကျနော်တို့ နှစ်ယောက် ၀ိဇ္ဇာ နောက်ဆုံးနှစ်ကို အတူဖြေဖို့အတွက် မန္တလေးကျူံး အနောက်ဖက် ဘုရားနီ ဘုရားအတွင်းမှာ စာအတူ ကျက်ခဲ့ကြပါတယ်။ ၁၉၆၆-၆၇ ခုနှစ်မှာ လူထု သတင်းစာတိုက်ကို အပိတ်ခံရတယ်။ အလွတ်ကျောင်းတွေကို ၁၉၆၅ ခုနှစ်မှာ ပြည်သူသူပိုင် သိမ်းတယ်။ ကျနော်နဲ့ တင်မိုး အလွတ်ကျောင်းဆရာ အတူလုပ်ရင်းက ပြည်သူပိုင်သိမ်း အစိုးရ ကျောင်းဆရာ ဖြစ်ခဲ့ရပါပြီ။ ကျနော်က ရွှေဘိုခရိုင် တန့်ဆည်မြို့ကို အထက်တန်း ဆရာအဖြစ်နဲ့ အပြောင်းခံရတယ်။ တင်မိုးကို ဆရာမင်းသုဝဏ်က ရန်ကုန်တက္ကသိုလ် ဘာသာပြန်နဲ့ စာအုပ် ထုတ်ဝေရေးဌါနမှာ စာပြုအဖြစ် အလုပ်လုပ်ဖို့ ခေါ်သွားပါတယ်။ ကိုဇော်ဝင်းကတော့ ရန်ကုန် အခြေခံ ပညာဦးစီးဌါန ပညာရေး သုတေသနဗျူရိုမှာ သုတေသနအရာရှိ (သမိုင်း) အဖြစ် အမှုထမ်း နေတယ်လို့ ကြားရပါတယ်။ အဲ့ဒီဌါနမှာ တကသ အမှုဆောင်အဖြစ် ထင်ရှားခဲ့တဲ့ ရွှေဘိုဘက်က ရှိန်းမကား ဇာတိ ကိုဘကောင်းလဲ ရှိနေသတဲ့။ ကိုဘကောင်း၊ ကိုဇော်ဝင်း တို့နဲ့ တွဲခဲ့တဲ့ ဆရာဦးသန်းဦး(ကိုစိုးမင်း) က သူတို့ အထက်အရာရှိ ဖြစ်နေပါတယ်။
အဲ့ဒီတုန်းက ပညာရေးဝန်ကြီးဖြစ်သူက ဒေါက်တာညီညီပါ။ ဘူမိဗေဒပါမောက္ခ ဟောင်းပါ။ ဒေါက်တာ ညီညီကလဲ ဒေါက်တာ သန်းထွန်းတို့နဲ့ ပါဝင် ဆက်စပ်ခဲ့သူ ဖြစ်ပါတယ်။ သူ့ခေတ်မှာ ကိုစိုးသိန်း၊ ကိုလှဝင်း၊ ကိုဘကောင်း၊ ကိုဇော်ဝင်း၊ ကိုတင်ထွတ်၊ ကိုခင်မောင်အုန်း အစရှိ ကျောင်းသား ခေါင်းဆောင်တွေ အတော်များများဟာ ပညာရေး ဌါနတွေမှာ အရာရှိတွေ ဖြစ်လာခဲ့ပါတယ်။ ဒေါက်တာညီညီကအစ အားလုံးဟာ လက်ဝဲ၀ါဒစွဲ ရှိတဲ့ ကျောင်းသားကြီးတွေလို့ နာမည် ကြီးခဲ့ပါတယ်။
လွတ်လပ်ရေးမရခင် (၁၉၄၇) မှာ ဒေါက်တာသန်းထွန်း ဗကသ ဥက္ကဋ္ဌဖြစ်တော့ “ငါ ကွန်မြူနစ်” လို့ ဗြောင် ကြေညာ ခဲ့ဖူးသတဲ့။ ကျော်အောင်၊ မြသန်းတင့်၊ အောင်လင်းတို့ တက္ကသိုလ် ရောက်တဲ့နှစ်ကျတော့ ပုခုက္ကူ ကြည်တင်က တကသ ရွေးကောက်ပွဲမှာ “အလံနီကြည်တင်” လို့ အခန်းမှာ စာရေးထားတယ် ဆိုပါတယ်။ ဒေါက်တာ ညီညီကတော့ မတ်က်စ်ဝါဒ လေ့လာရေးအဖွဲ့ ဖွဲ့ခဲ့တယ်လို့ ကြားလိုက်မိဖူးပါတယ် သမိုင်းမှာ ကွန်မြူနစ် ဆိုတာကို “မြေမြှုတ်”နေတဲ့ ခေတ်ဖြစ်နေလို့ ဒါတွေ ဖုံးဖိ ထားခဲ့ရပါတယ်။ တနေ့တော့ ပြန်ပေါ်မှာပါပဲ။
ကိုဇော်ဝင်းတို့ဟာ ၁၉၅၈ အိမ်စောင့် အစိုးရလက်ထက်က စပြီး စစ်အစိုးရကို ဆန့်ကျင်ခဲ့သူ ဖြစ်ပါတယ်။ မဆလခေတ် (စစ်အစိုးရ) မှာ သူတို့ ၀င်လုပ်တော့ ဒီလူတွေ ဖေါက်ကုန်ကြပြီ ပြောတဲ့လူတွေက ပြောကြပါတယ်။ ခုထိပြောဆဲပါ။ ကျနော်ကတော့ အဲဒီလိုမမြင်ရက်ပါ။ လုပ်လို့မရ၊ လုပ်လဲ မလုပ်နိုင်လို့ ရပ်လိုက်တာဖြစ်ပြီး၊ “ပြည်သူ” ကိုတော့ သစ္စဖေါက်မဲ့သူတွေ မဟုတ်ဘူးလို့ပဲ မြင်ပါတယ်။
မဆလစစ်တပ်ပါတီ ၀င်ပြီးဒူးတုတ် အညံ့ခံရင်း အခွင့်ထူး ယူသွားသူများကိုသာ စိတ်ကွက် မိပါတယ်။ တကယ်တော့ ကျနော်တို့လဲ ပြည်သူပိုင်သိမ်းခံ အစိုးရ၀န်ထမ်း ဖြစ်လာတာပဲ မဟုတ်လား။ တခြား ထွက်ပေါက်ကတော့ လက်နက်ကိုင် ပုန်ကန်ဖို့ပဲ ရှိတော့မယ် ထင်ပါတယ်။
ကျနော် “ပြည် ရွှေဘိုမြို့တော်မြောက် ချောင်းပေါက်လို့ မကူးနိူင်” ဆိုတဲ့အရပ်ကို ရောက်နေတော့ “မဆလ အပိုအလုပ်တွေ” မလုပ်ပါဘူး။ ပါတီမ၀င်ဘူး။ သူတို့က ၀န်ထမ်းကို ကျွန်လို့ပဲ အောက်မေ့သူတွေပါ။ စစ်တပ်က ၀ယ်ထားတဲ့ ငွေဝယ်ကျွန်တွေလို ခံယူထားတာပါ။
အထူးသဖြင့် လက်ဝဲပျက် ဆိုရှယ်နီများက ပိုဆိုးပြီး ရှောင်တောင်တောင် လုပ်သူတွေကို သူတို့လိုပဲ အမြီးပြတ်အောင် လိုက်လုပ်တာတွေ တွေ့ရပါတယ်။ “ရဲဘော်တို့ကို စေတနာထားလို့ပါ” တဲ့။
ကျနော်က အားရင် ပေပုရပိုက်ရှာတယ်။ ကောက်စိုက်သီချင်းတွေ စုပါတယ်။ ရန်ကုန်ကို ပညာရေးဌါနရဲ့ သင်တန်း တခုနဲ့ ကြုံတော့ ဆင်းသွားပါတယ်။ ပေပုရပိုက် ကောက်စိုက်သီချင်းတွေ ပိုက်သွားတယ်။
အဲ့ဒီကာလမှာ (၁၉၆ရ-၆၈) မှာ ဆရာမင်းသုဝဏ်ရဲ့ သပြေညိုအိမ်မှာ “ကဗျာဝပ်ရှော့”နဲ့ ကြုံတယ် ကဗျာဆရာ တွေနဲ့ ဆုံရတယ်။ စာရေးဆရာ ကျော်အောင်နဲ့ တင်မိုးတို့က မင်းသုဝဏ်ရဲ့ ဌါနမှာ လူလိုတာဝင်လုပ်ဖို့ခေါ်တော့ ၀မ်းသာတယ်။
ဒါပေမဲ့ ဦးတင်အေး(ရှမ်းပြည်)က
“ခင်ဗျားတို့ နယ်မှာနေတာက ပိုပြီး အကျိူးရှိပါတယ်။ ဘာသာပြန်ဌါနမှာ ၀ါသနာမပါပဲ မလာချင်ပါနဲ့” လို့ ပြောပြီး ငြင်းလိုက်ပါတယ်။ သူက ဆရာ မင်းသုဝဏ်ရဲ့ ဌါနမှာ လက်ထောက်ပါ ဆရာ မင်းသုဝဏ်ကတော့ “ငါက မင်းတို့ကို အဖေါ်ရအောင်လို့ ခေါ်ချင်တာပါကွယ်” လို့ ၀မ်းပန်းတနည်း ပြောရှာပါတယ်။ ဒီတော့ ကိုဇော်ဝင်း ၀င်လာပါတယ်။ သူတို့ဌါနမှာ ကျောင်းသုံး သမိုင်းပြုစုဖို့ အစီအစဉ် လုပ်နေတယ်။ ပညာတန်ဆောင် မဂ္ဂဇင်း အ-သုံးလုံး မဂ္ဂဇင်း ကိစ္စတွေလဲရှိတယ် ခင်ဗျားနဲ့ သိပ်ကိုက်တယ် … တဲ့။ သူက ကိုယ်ဖိရင်ဖိ ကြိုးစားရှာပါတယ်။ ၀န်ကြီး ဒေါက်တာညီညီ အထိ တက်ပြောရပါတယ်။
ကိုဇော်ဝင်းကတော့ သူတို့နေတဲ့ ဝေဠုဝန် တိုက်ခန်းမှာ အခန်းရအောင် အထိ ကြိုးစားပါတယ်။ လူပြောင်းလို့ ရပေမဲ့ အခန်းပြောင်းလို့ မရပါဘူး အမရဆောင်မှာ “သမိုင်းသင်ရိုးအဖွဲ့” အမည်နဲ့ ရုံးခန်း ဖွင့်ထားပေးပါတယ်။ အထက်တန်းပြ ဆရာတဦးရယ် အလယ်တန်းပြ ဆရာတဦးရယ် တွဲထားပါတယ်။ ကိုဇော်ဝင်း အတွင်းရေးမှုးလုပ်ပြီး ကျောင်းသုံး မြန်မာနိူင်ငံ သမိုင်းစာအုပ်ကို ပြုစုရပါတယ်။ မဆလပါတီရဲ့ လက်အောက်ခံ အဖွဲ့အမျိုးမျိုးက ၀င်ပြီး ကြီးကြပ်ပါတယ်။
ဒီအချိန်မှာ ပညာရေး သုတေသနဗျူရိုက ဦးစီးတဲ့ စာမတတ်သူ ပပျောက်ရေး လုပ်ငန်းဟာ အထူး အောင်မြင်လာပြီး ယူနက်စကိုကပေးတဲ့ “မိုဟာမက် ရေဇာပါလဗီ” ဆုကို ရရှိလိုက်ပါတယ်။ ကိုဇော်ဝင်းတို့လို ဗကသ၊ တကသ၊ အတွေ့အကြုံ ရှိသူတွေရဲ့ ဦးဆောင်စည်းရုံးရေး ကောင်းမှုကြောင့် တက္ကသိုလ် ကျောင်းသားတွေ တပြုံလုံး အုံကြွ ပါဝင်လာခဲ့ကြပါတယ်။ ကျောင်းသားတွေဟာ ကျေးလက်က မိဘ ပြည်သူတွေရဲ့ ရင်ခွင်ကို ခိုလှုံခွင့် ရသွားကြပြီး ပြည်သူ့ဘ၀ကို ထိတွေ့ နားလည် လာကြပါတယ်။ လုပ်ငန်းတွေ စခန်းသိမ်းပေမဲ့ ကျောင်းသားတွေရဲ့ စိတ်အား ထက်သန်မှုက စခန်းသိမ်းလို့ မရပါဘူး။ ဒါနဲ့ သုတေသန ဗျူရို (ပြည်လမ်း)ဘေးမှာ တဲထိုးပြီး စခန်းဖွင့်ပေး ထားရပါတယ်။ မဆလက လူထုလှုပ်ရှားမှု တကယ် အောင်မြင်လာတာကို သဘောတွေ့ပုံ မရပါဘူး။
တက္ကသိုလ်ကျောင်းသားတွေရဲ့ အ-သုံးလုံး စခန်းမှာ ကိုဇော်ဝင်း အမြဲရှိပါတယ်။ သူက တယောက်ချင်းကို လေးလေးစားစား ချစ်ချစ်ခင်ခင် ရင်းရင်းနှီးနှီး ဆက်ဆံပြောဆို ကူညီပါတယ်။ ဗိုလ်ရဲထွတ်ရဲ့သား ဗိုလ်ကျောဇောရဲ့သား (ချွေးမလောင်း အဲ့ဒီရုံးမှာ ရှိတယ်)။ ပြည်သူရဲဘော် ဗိုလ်ညိုမှိုင်းရဲ့သား၊ လက်သီးပုန်း သခင်ဗတင် သမီးနှစ်ယောက် စသဖြင့် နိူင်ငံကျော်တွေရဲ့ သားသမီးတွေလဲ ရှိပါတယ်။ သူတို့ မိဘတွေရဲ့ “သွေး” ပါလို့ ပြည့်သူ့ “အကျိုး” ဆိုတဲ့ စေတနာ ထက်ထက်သန်သန် ပါဝင်ဟန်ရှိပါတယ်။ နောက်ပြီး သူတို့အားလုံးဟာ စာပေ အနူပညာတွေမှာ အထူး စိတ်ဝင်စားကြ ၀ါသနာပါ ကြပါတယ်။ တင်မိုး၊ မောင်သာနိူး၊ မောင်စွမ်းရည် တို့နဲ့လဲ လုံးလားထွေးလား ဖြစ်လာပါတယ်။
ကိုဇော်ဝင်းရဲ့ “ရဲဘော်” တွေထဲမှာ ကျူရှင်ဆရာတွေ ကျောင်းဆရာတွေလဲ မနည်းဘူး။ ဒါကြောင့် ကျနော်ရော အဲ့ဒီ ကျောင်းသားတွေပါ ကျူရှင်ဆရာ ဖြစ်ကုန်ကြပါတယ်။ သင်ရိုးအဖွဲ့တွေ အခြေခံပညာ ဦးစီးဌါနမှာ တကယ် ဖွဲ့ကြတော့ ကျနော်ကျန်ခဲ့ပြီး၊ ကြာမှ မြန်မာစာ သင်ရိုးအဖွဲ့က ခေါ်ယူလိုက်ပါတယ်။ “သမိုင်း”မှာ မပါရတာ ကျနော် ကံကောင်းပါတယ်။ ကိုဇော်ဝင်းနဲ့တော့ မကွဲမကွာပါပဲ။
သူနဲ့ အသုံးလုံး အဖွဲ့သားတွေနဲ့ တရုန်းရုန်းပါပဲ။ သူကတိုးတိုး တိုးတိုးအေးအေး အေးအေးနဲ့ စကားပြော ကောင်းတယ်။ ဒါ့ကြောင့် စည်းရုံးရေးသမားကောင်း အဖြစ် နယ်က ကျောင်းတွေကို ဘာသာရပ် ဟောပြောပွဲတွေကို ကိုဇော်ဝင်းက စီစဉ်ပါတယ်။ နာမည်ကျော်ပါတယ်။ မင်းသားကိုမြတ်လေး၊ စန္ဒယားချစ်ဆွေ ကိုလေးညွှန့်၊ ကိုမောင်မောင်ကြီး၊ မာမာအေးစတဲ့ တေးဂီတ သမားတွေနဲ့လဲ အထူးရင်းနှီးတယ်။ အ-သုံးလုံး ပို့စကဒ်ပေါ်က ကျနော့်ရဲ့ မဖြစ်စလောက် ကဗျာလေးကို မာမာအေး ဆိုစေပြီး အသံလွှင့်ဖူးတယ်။ မာမာအေးကလဲ တခြားအဆိုတော်လို ကိန်းကြီးခန်းကြီး မလုပ်တတ်ဘူး။ ငြိမ်းချမ်းရေးသီချင်း ကျောင်းသား သီချင်း အ-သုံးလုံး သီချင်း စတဲ့ လူထုစည်းရုံးရေး သီချင်းတွေကို ကိုမြတ်လေး ကိုဇော်ဝင်းတို့ အသိုင်းအ၀ိုင်းက အကူအညီတောင်းရင် မငြင်းရှာဘူး။ ကိုဇော်ဝင်းကလဲ အနုပညာသမားများ စာပေသမား စတာတွေကို အရေးတယူ ကူညီတတ်တယ်။
သူ ဘာတွေ တီးတတ်မှုတ်တတ်သလဲ ကျနော်မသိလိုက်ဘူး။ ဂီတနက်သန်ကိုစောငြိမ်းရဲ့ သီချင်းတွေကိုတော့ အထူး နှစ်သက်ပြီး “သစ္စာရှင်” “စိန်”စတဲ့ သီချင်းတွေကို ကွမ်းဝါးတဲ့ ပါးစပ်နဲ့ မကြာခဏ ဆိုညည်းလေ့ ရှိတာကို ကြားဖူးပါတယ်။ (သူ့သမီးထွေးလေးရဲ့ အမည်“နီနီဇော်” ဆိုတာ တင်မိုးပေးတဲ့ အမည်ပါ)။
သူနဲ့ကျနော်တို့ (တင်မိုးအပါအ၀င်) တွဲလုပ်ခဲ့တဲ့ နောက်ဆုံး အလုပ်ကတော့ “ပဲ့တင်သံ”ခေါ် စာမတတ်သူ ပပျောက်ရေး လှုပ်ရှားမှု အထိမ်းအမှတ် မဂ္ဂဇင်းပါ။ မဂ္ဂဇင်းပါ မဂ္ဂဇင်းအမည်ကို ဆရာ မင်းသုဝဏ်က ပေးခဲ့ပြီး အ-သုံးလုံး ဖတ်စာကိုလဲ ဆရာပဲ ပြုစုပေးပါတယ်။ “၀ ထ က လ သ” နည်းလို့ ခေါ်ပါတယ်။
ကိုဇော်ဝင်း ကျနော့်ကို မန္တလေးက ရန်ကုန်ကိုခေါ်ခဲ့တာက “ပညာလောက” ဆိုတဲ့ ပညာရေး မဂ္ဂဇင်းထုတ်ရာမှာ အယ်ဒီတာချူပ် သို့မဟုတ် အယ်ဒီတာ အဖွဲ့ဝင်လုပ်ဖို့ ၀န်ကြီး ဒေါက်တာညီညီ တို့ကို အကြောင်း ပြခဲ့ပေမဲ့ ကျနော့်အနေနဲ့ တခါပဲ ရေးလိုက်ရဖူးပါတယ်။
သမိုင်းသင်ရိုးအဖွဲ့မှာ လုပ်ဖို့ ဆိုတာလဲပါတယ် “ဆရာစွမ်း က မြန်မာနိူင်ငံသမိုင်း ဘာသာရပ်နဲ့ ဘွဲ့ရသူ။ အမျိုးသား စာပေဆု(၁၉၆၄) ရဖူးသူ”လို့ အကြောင်းပြ ကောင်းခဲ့ပါတယ်၊ ဒါပေမဲ့ နှစ်နေရာလုံးမှာ ကျနော် မပါခဲ့ပါဘူး၊ ကျနော်ကလဲ ဒါတွေကို ၀ါသနာ မပါဘူး။ ရန်ကုန်ရောက်ရင် ပြီးတာပဲလို့ သဘောထားပါတယ်၊ ဘာဖြစ်လို့လဲ ဆိုတာ ကိုဇော်ဝင်းကို ကျနော် မမေးခဲ့ပါဘူး။
အဲ့ဒီကိစ္စတွေနဲ့ မဆိုင်တဲ့ မြန်မာစာသင်ရိုးအဖွဲ့ကိုပဲ ရောက်သွားခဲ့ပါတယ်။ ဒါလဲ ကျနော် မလုပ်ချင်လို့ စာကြည့်တိုက် ဒီပလိုမာယူပြီး စာကြည့်တိုက်မှာပဲ ခိုလှုံ နေလိုက်ပါတယ်။ “ကျွန်ခေတ်မှာ လူရာမ၀င်ချင်” ဆိုတဲ့ ဘကြီးမှိုင်းရဲ့ စကား အတိုင်းပါပဲ။ မဆလတွေ တိုက်ရိုက် ကြီးကြပ်တဲ့အဖွဲ့က ဝေးသွားတာပဲ ၀မ်းသာလှပါပြီ။
ခုတော့ သူအသည်း ကင်ဆာနဲ့ ကွယ်လွန်ခဲ့တာ ကြာပြီ၊ စာပေ၀ါသနာကြီးခဲ့သူ ဖြစ်ပေမဲ့ သူ့လက်ရာ မှတ်မှတ်ရရ မကျန်ရစ်ရှာဘူး၊ ဒါပေမဲ့ ဗကသ လှုပ်ရှားမှု သမိုင်းမှာတော့ သူ့အမည် မပါလို့ မဖြစ်။ ၁၉၅၄-၅၅မှာ ဗကသ အတွင်းရေးမှုး။ ၁၉၅၆-၆၀မှာ ဗကသဥက္ကဋ္ဌပါ။ ကျနော့်အဖို့တော့ ညီအကိုလို ခင်မင်တဲ့ ရဲဘော်ကြီးပါ။ ဘာပဲဖြစ်ဖြစ် ကျနော့် သူငယ်ချင်း ရင်းချာတဦး အဖြစ်နဲ့ အလွမ်း မှတ်တမ်းကိုတော့ ရေးလိုက်ရပါတယ်။ ဗုဒ္ဒဘာသာ ထုံးစံအရ ပြောရရင် ကိုဇော်ဝင်းဟာ သူတပါးကို ကူညီတတ်တဲ့ စိတ်ကောင်း စိတ်မြတ် ရှိသူတဦး အနေနဲ့ ကောင်းရာသုဂတိကို ရောက်ရှိ နေပါလိမ့်မယ်လို့ ယုံကြည်ပါကြောင်း။
၂၀၁၀ ဖေဖေါ်ဝါရီ ၁၀
(မိုးမခ ဖြည့်စာ - ဆရာရဲ့ စာမူကို မိုးမခက လက်ခံရရှိပြီး၊ စာစီစာရိုက်ချိန် ကြန့်ကြာနေခဲ့လို့ ယခုမှ ဒီစာမူကို တင်ဆက်လိုက်ရပါတယ်။ ထို့အတွက် တောင်းပန်ပါတယ်။ ဒါ့အပြင် ဆရာမောင်စွမ်းရည်က ဗကသ ဦးဇော်ဝင်းရဲ့ ဇနီးသည် နာမကျန်း ဖြစ်နေချိန်မှာ သည်စာမူနဲ့ သူ့ခင်ပွန်းအကြောင်း ပြန်လည်ပြောပြပြီး အားပေးချင်တဲ့ အကြောင်း၊ မြန်မြန် တင်ဆက်စေချင်ကြောင်း မိုးမခကို တိုက်တွန်းခဲ့ပါတယ်။ ယခု စာမူကို မိုးမခမှာ တင်ဆက်တဲ့ အချိန်မှာ ဗကသ ဦးဇော်ဝင်းရဲ့ ဇနီး ဒေါ်ခင်ခင်အေး ကွယ်လွန်သွားပြီ ဖြစ်တယ်လို့ ကြားသိရပါတယ်။ ထို့အတွက် မိုးမခက ထပ်မံ တောင်းပန်ပါတယ်။ ဗကသ ဦးဇော်ဝင်းနဲ့ ဇနီး ဒေါ်ခင်ခင်အေးတို့ရဲ့ ကျန်ရစ်သူ မိသားစုအတွက် မိုးမခက ၀မ်းနည်းမှတ်တမ်း အဖြစ် ဆရာမောင်စွမ်းရည်၏ ဆောင်းပါးကို တင်ဆက်လိုက်ပါတယ်။)
Ref: မိုးမခ
Read More...
Collapse...
■ အပစ်ရပ် မွန်ပြည်သစ်ပါတီ နယ်ခြားစောင့်တပ် ဖွဲ့မည်မဟုတ် သတင်း
■ စစ်အစိုးရ ရွေးကောက်ပွဲ အားလုံးပါဝင်ခွင့်ရှိဖို့၊ ထိုင်းနဲ့ ပြင်သစ် ထပ်မံတိုက်တွန်း သတင်း
■ မြန်မာ့အရေးကို ထိုင်းက ဖိအားပေးမည် သတင်း
■ အန်အယ်လ်ဒီ ရှေ့အလားအလာများ ဥပေဒေကြောင်းအရေ ဆွေးနွေး သတင်း
■ လူမှုရေးလုပ်ငန်းများ ပိုမိုလုပ်ကိုင်ရန် NLD လျာထား သတင်း
■ NLD ဆုံးဖြတ်ချက် မှားယွင်းနိုင် သတင်း
■ ရွေးကောက်ပွဲဥပဒေတချို့ ပြင်ဆင်ပေးဖို့ ၈၈ ကျောင်းသားများ တောင်းဆို သတင်း
■ ၈၈ ကျောင်းသားခေါင်းဆောင်ဟောင်းတချို့ တိုင်းရင်းသားအဖွဲ့တခုနဲ့ မဟာမိတ်ဖွဲ့ သတင်း
■ မြေယာအသိမ်းခံရမှုတွေ စုံစမ်းပေးဖို့ အိုင်အယ်လ်အိုကို မေတ္တာရပ်ခံ သတင်း
■ ဗိုလ်အောင်ကျော် ဆိပ်ကမ်း ဦးပိုင်သို့လွှဲ သတင်း
■ မောင်းသူမဲ့လေယာဉ် စီမံကိန်းအတွက် အင်ဂျင်နီယာ မရှိ သတင်း
■ ဗီယက်နမ်-မြန်မာ နှစ်နိုင်ငံ ဘာကြောင့် ပိုပေါင်းလာသလဲ သတင်း
■ အဖွဲ့ချုပ် မုန်တိုင်းကော်မတီက သောက်ရေရရှိရေး ဆက်လက်ကူညီ သတင်း
■ အမေရိကန်တို့ ကျင့်သုံးလာနိုင်တဲ့ မြန်မာနိုင်ငံဆိုင်ရာ မူဝါဒသစ် သတင်း
■ နယ်ခြားစောင့်တပ် (၂) တပ် ထပ်မံပေါ်ပေါက် သတင်း
■ ရွေးကောက်ပွဲ မှတ်ပုံတင်ရန် ရတခတိုင်းမှူးမှ မွန်ပြည်သစ်ပါတီကို တိုက်တွန်း သတင်း
■ DKBA ခေါင်းဆောင် ခမ်းနားသော အိမ်သစ်တက်ပွဲ ကျင်းပ သတင်း
■ ရန်ကုန်တွင် မီးပြီးတော့ ရေပြဿနာ ပေါ်ပြန် သတင်း
■ ရွေးကောက်ပွဲနိုင်မယ်လို့ ယုံကြည်ပါတယ် (အင်တာဗျူး) သတင်း
■ NLD အတွက် လမ်းဆုံးပြီလား (ဆောင်းပါး)
Read More...
Collapse...
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က မိမိရဲ့ အခြေခံနိုင်ငံရေး ရပ်တည်ချက်နဲ့ ဝါဒ သဘောထားကို ၂၀၀၉ ခုနှစ် အောက်တိုဘာလ အတွင်းမှာ ပြင်ပသို့ အမှာစကား ပါးလိုက်ရာမှာ အောက်ဖော်ပြပါ မိန့်ခွန်းသုံးခု အတိုင်း ဖြစ်တယ်လို့ ပြောလိုက်ပါတယ်။ အဲဒီ မိန့်ခွန်း/ဆောင်းပါးတွေကတော့ --
၁။ "လွတ်လပ်မှုကိုဘဲ ကျမတို့လိုချင်တယ်" (Parade မဂ္ဂဇင်း၊ မတ်လ ၉ ရက် ၂၀၀၃)
၂။ "ကျမတို့လွတ်လပ်မှုကိုမြှင့်တင်ဖို့ သင်တို့ရဲ့လွတ်လပ်မှုကို အသုံးချကြပါ" (New York Times သတင်းစာ၊ ဖေဖော်ဝါရီ ၄ ရက် ၁၉၉၇၊ ဝါရှင်တန်မြို့တော် အမေရိကန် တက္ကသိုလ် ဂုဏ်ထူးဆောင် ပါရဂူဘွဲ့ လက်ခံ မိန့်ခွန်း)
၃။ နေရူးဆု လက်ခံမိန့်ခွန်း၊ (နယူးဒေလီ၊ အိန္ဒိယနိုင်ငံ၊ ၁၉၉၃)
(၁)
လွတ်လပ်မှုကိုဘဲ ကျမတို့လိုချင်တယ်
မြန်မာနိုင်ငံတဝန်း ခရီးသွားလာရင်း ကျမက လူတွေကို ဘာလို့ဒီမိုကရေစီ လိုချင်တာလဲလို့ မေးကြည့်မိပါတယ်။ မကြာခဏ ဆိုသလို အကြားရဆုံး အဖြေကတော့ ကျနော်တို့ ကျမတို့ လွတ်မြောက်ချင်လို့ ဆိုတာပါပဲ။ သူတို့ အကျယ်ချဲ့ပြီး မပြောရဘဲ သူတို့ ဘာပြောတယ်ဆိုတာ ကျမ နားလည်ပါတယ်။ သူတို့ရဲ့ ကံကြမ္မာကို သူတို့ကိုယ်တိုင် ပုံဖော် ဆုံးဖြတ်ခွင့် မရှိဘဲ ဖိနှိပ် ခံနေရတာကနေ လွတ်မြောက်ချင်ကြပါတယ်။ လက်နက် အင်အားပေါ် အခြေပြုတဲ့ အမိန့်တွေနဲ့ ထင်ရာ စိုင်းမှုတွေအောက် ရောက်နေရတဲ့၊ သူတို့ရဲ့ နိစ္စဓူဝ ကြုံတွေ့နေရတဲ့ အဖြစ်တွေကို မလိုချင် ကြတော့ပါဘူး။
လူငယ်တွေကို ကျမက လွတ်လပ်ခြင်း ဆိုတာ ဘာလဲလို့ မေးကြည့်တဲ့အခါ သူတို့က သူတို့ စိတ်ထဲ ရှိတာတွေကို ရှိတဲ့အတိုင်း ရင်ဖွင့် ပြောပြချင်တာလို့ ဆိုပါတယ်။ သူတို့ အသိဉာဏ်ပညာ စိန်ခေါ်မှုကို ဖြည့်ဆည်း မပေးနိုင်တဲ့ ပညာရေး စနစ်အပေါ် မကျေနပ်ချက်တွေကို သူတို့ ထုတ်ဖော် ပြောလိုကြပါတယ်။ ဝေဖန်၊ ဆွေးနွေး၊ ငြင်းခုံနိုင်သူတွေ ဖြစ်ပြီး စုရုံး၊ သီဆို၊ အော်ဟစ်၊ သြဘာပေးနိုင်ဖို့ ထောင်သောင်းသိန်းမက စုဝေးနိုင်သူတွေ ဖြစ်လိုကြပါတယ်။ မြန်မာနိုင်ငံက လူငယ်တွေဟာ ကျယ်ပြန့်လွန်းတဲ့ မျှော်လင့်ချက်တွေနဲ့ အံမခန်းမှုတွေ ပြည့်နေတဲ့ လူငယ်ဘဝရဲ့ နိုးကြား တက်ကြွတဲ့ အရွယ်တွေကို အပြည့်အဝ ပိုင်ဆိုင်ချင်တယ်။ မရေရာမှုတွေ၊ ကြီးကျယ်မှုတွေနဲ့ စိတ်ကူးယဉ်မှုတွေ၊ တောက်ပ ခမ်းနား မှုနဲ့ ဖီလာ ဆန့်ကျင်မှုတွေ ကြမ်းတမ်း ခက်ထန်မှုနဲ့ သိမ်မွေ့မှုတွေ တန်းစီပြည့်နေတဲ့ လူငယ်ဘာဝကို အပြည့်အဝ ရယူလို ကြပါတယ်။
မြန်မာအမျိုးသမီးတွေအနေနဲ့ရော ဘာတွေအလိုရှိပါသလဲ။ ကုန်ဈေးနှုန်းကြီးမြင့်မှုရဲ့ ဖိစီးမှု ဒဏ်ကြောင့် အားဆုတ် ငြီးငွေ့ လောက်အောင် အိမ်မှု ထိန်းသိမ်းနေရတဲ့ ဘဝက လွတ်မြောက် ချင်ကြပါတယ်။ လွတ်လပ်စွာ တွေးတော ကြံဆမိလို့ ခင်ပွန်းဖြစ်သူ အပြစ်ပေး အရေးယူခံရမလား ဒါမှမဟုတ် ကလေးတွေများ ဘဝရဲ့ အခွင့်အလမ်းတွေ ဆုံးပါး သွားမလားဆိုတဲ့ စိုးရိမ် ကြောင့်ကြမှုတွေက ကင်းလွတ် ချင်ကြပါတယ်။ မိသားစုကို ထောက်ပံ့နိုင်အောင် ခန္ဓာကိုယ် ရင်းနေရတဲ့ ဘဝက လွတ်မြောက်ဖို့ တောင့်တ နေကြတဲ့ အမျိုးသမီးတွေလည်း တော်တော်များများ (အများကြီးကို) ရှိပါတယ်။
ကျမ တွေ့ဆုံခဲ့တဲ့ လယ်သမားယာသမားတွေဆိုရင် သူတို့ဆန္ဒအတိုင်း စိုက်ပျိုး ထွန်ယက် ချင်ကြတယ်။ မတော် မတရား ဈေးနှိမ်ခံရပြီး အစိုးရကို မရောင်းမနေရ ခြိမ်းခြောက် ခံရတာမျိုးတွေက ကင်းလွတ်ပြီး သူတို့ ထွက်ကုန်တွေကို ကိုယ့်ဆန္ဒနဲ့ကိုယ် ဈေးကွက် တင်ရောင်းချ လိုကြပါတယ်။ သူတို့ဟာ နိစ္စဓူဝ မြေနဲ့ဖက်ပြီး ဘဝကို ရုန်းကန်ရပ်တည်သူ တွေပါ။ ဒီလို ကြမ်းတမ်းတဲ့ ဘဝတွေ အပေါ်မှာ ကျိုးကြောင်း မဆီလျော်တဲ့ အမိန့်တွေနဲ့ နားလည်ရခက်တဲ့ အာဏာပိုင် တွေကြောင့် နောက်ထပ် ဝန်ထုပ်ဝန်ပိုး မလိုချင်ကြတော့ပါဘူး။
ဒါနဲ့ အမျိုးသားဒီမိုကရေစီ အဖွဲ့ချုပ်အဖွဲ့ဝင် ကျမတို့ရော လို့ မေးစရာရှိပါတယ်။ ဘာလို့ ကျမတို့တတွေ တိုင်းပြည် လွတ်မြောက်ဖို့ ခက်ခက်ခဲခဲ လုပ်ကိုင်နေပါသလဲ။ ဒီလို လုပ်ကိုင်နေတာဟာ ဒီမိုကရေစီ အပေါ် မရေမရာနဲ့ အကောင်းမြင် မျှော်လင့်ပြီး ထင်ရာ လုပ်ကိုင်နေတာ မဟုတ်ပါဘူး။ ဒီမိုကရေစီ ဆိုတာ သူရဲ့တောက်ပမှုကို ကြာရှည်ထိန်းနိုင်အောင် အမြဲတစေ အရောင် တင်ပေးရတဲ့ ရတနာတပါး ဖြစ်တယ်ဆိုတာ ကျမတို့ သိပါတယ်။ ပျက်စီးဆုံးရှုံးတာ၊ အခိုးခံရတာတွေ မဖြစ်အောင် ကာကွယ်ဖို့ ဒီမိုကရေစီကို မျက်ခြည်မပြတ် စောင့်ကြပ် ကြည့်ရှု နေရပါလိမ့်မယ်။
လွတ်လပ်တဲ့မြန်မာပြည်ကသာ လူ့ဂုဏ်သိက္ခာကို တန်ဖိုး ထားလေးစားတဲ့နိုင်ငံ တည်ထောင်နိုင်မှာမို့ လွတ်မြောက်ရေး အတွက်ကို ကျမတို့တတွေ ပင်ပင်ပန်းပန်း ကြိုးစားနေကြတာ ဖြစ်ပါတယ်။
တိုင်းပြည် တဝှန်း လှည့်လည်သွားတဲ့အခါ လူတွေက ကျမ နေအိမ်အကျယ်ချုပ်နဲ့ နေရတဲ့အချိန်တွေ၊ ပထမ အကြိမ် ခြောက်နှစ်နဲ့ ဒုတိယအကြိမ် ဆယ့်ကိုးလ နေရတာမှာ ဘယ်လို ခံစားရသလဲလို့ မေးကြပါတယ်။ မိသားစု မိတ်ဆွေ အပေါင်းအသင်းတွေနဲ့ ခွဲခွာပြီး ကျမ ဘယ်လို နေခဲ့သလဲပေါ့။ ဒီအာဏာရှင် နိုင်ငံမှာ ယုံကြည်ချက် အတွက် အကျဉ်း ချခံရသူကသာ အမှန်တကယ် လွတ်လပ်သူ ဖြစ်နေတာ ဂွကျလှတယ်လို့ ကျမ ပြောချင်ပါတယ်။ မှန်ပါတယ်။ ကျမတို့ဟာ ကျမတို့ရဲ့ သာမန်ဘဝ လွတ်လပ်ခွင့်တွေကို ပေးဆပ် ထားရတယ်။ ဒါပေမဲ့ လူသားဘဝရဲ့ တန်ဖိုးအရှိဆုံး ဖြစ်တဲ့ ယုံ ကြည်ချက် အမှန်တရားအပေါ် ကျမတို့ ကြံ့ကြံ့ခံ ရပ်နေခဲ့ကြပါတယ်။
ဒီမှာ ပြည်သူလူထုအတွက် ကျမ အလိုချင်ဆုံးကတော့ စစ်မှန်တဲ့လွတ်လပ်ခွင့်အောက်မှာ လုံလုံခြုံခြုံ နေရဖို့နဲ့ စစ်မှန်တဲ့ လုံခြုံမှုအောက်မှာ လွတ်လွတ်လပ်လပ် နေနိုင်ဖို့ပါပဲ။ ကြောက်ရွံ့မှုရဲ့ နုံးချည့် သေးသိမ်စေတဲ့ အနှောင် အဖွဲ့တွေ ကိုဖယ်ရှားပြီး မြန်မာ ပြည်သူတွေဟာ လွတ်လပ်တဲ့ လူသားတွေအဖြစ် ခေါင်းမော့ ဂုဏ်ယူနိုင်သူတွေ ဖြစ်လာမှာကို ကျမ တွေ့မြင်လိုပါတယ်။ ကျမတို့ အားလုံးအတွက် ပိုပြီး ပျော်ဖို့ကောင်းတဲ့၊ လုံခြုံမှုလည်း ပိုရှိတဲ့ လူ့ဘောင်ဘဝ တည်ဆောက်ဖို့ စည်းစည်းလုံးလုံး ပျော်ပျော်ရွှင်ရွှင် ကြိုးပမ်းကြတာကို ကျမ တွေ့မြင်လိုပါတယ်။
အထူးသဖြင့် လူငယ်တွေဟာ ကိုယ့်ကိုယ်ကို ယုံကြည်မှု အပြည့်နဲ့ အနာဂတ်ကို တက်လှမ်းပြီး တန်ဖိုးရှိတဲ့ စိတ်ဓာတ်တွေ မြင့်မြင့်မားမားနဲ့ စိန်ခေါ်မှု အားလုံးကို ရင်ဆိုင်တာ ကျမ တွေ့မြင်လိုပါတယ်။ "ဒီတိုင်းပြည်ဟာ ဒီမြေကို ချစ်သူ၊ ဒီမြေမှာနေ၊ ဒီမြေမှာ သေခဲ့သူ အားလုံးအတွက် ထိုက်တန်တဲ့ တိုင်းပြည်အဖြစ် ဘိုးဘွား အမွေအနှစ် အတွက် ဂုဏ်ယူရပြီ" လို့လည်း ကျမပြောပြချင်ပါတယ်။ ဒါတွေဟာ စိတ်ကူးယဉ် အိပ်မက်တွေ မဟုတ်ပါဘူး။ ဒါတွေဟာ ပြည်သူလူထုရဲ့ ဆန္ဒသာ နောက်ဆုံးမှာ အောင်ပွဲ မုချရရမယ် ဆိုတဲ့ ခိုင်မာတဲ့ ယုံကြည်မှုနဲ့ ကျမတို့ အားလုံး နှစ်နဲ့ချီကြိုးပမ်း လုပ်ဆောင်နေ တာတွေရဲ့ ပကတိဦးတည်ရာပဲ ဖြစ်ပါတယ်။
(ဝါရှင်တန်ပို့စ် သတင်းစာနှင့် တွဲထွက်သည့် ၂၀၀၃ ခုနှစ် မတ်လ ၉ ရက်နေ့ထုတ် Parade သတင်းစုံ မဂ္ဂဇင်းတွင် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ရေးသားသည့် All We Want is Our Freedom ဆောင်းပါးကို ထိုက်သူနိုင် ဘာသာပြန်ဆိုတင်ပြထားသည်။)
(၂)
ကျမတို့လွတ်လပ်မှုကို မြှင့်တင်ဖို့ သင်တို့ရဲ့လွတ်လပ်မှုကိုအသုံးချကြပါ
ကျမတိုမြန်မာနိုင်ငံမှာ ဒီမိုကရေစီအရေး ကြိုးပမ်း ဆောင်ရွက်နေသူတွေဟာ ဖိနှိပ် ချုပ်ချယ်မှု များလွန်းတဲ့ လူ့အဖွဲ့ အစည်းမှာ သူ့ကျွန်အဖြစ် အေးအေးဆေးဆေး နေမယ့်အစား အခြေခံ လူ့အခွင့်အရေး အတွက် ရပ်တည် တိုက်ပွဲဝင်ဖို့ ကိုယ့်ဘဝကိုယ် ရွေးချယ်ကြပါတယ်။ ကျမတို့ရဲ့ တော်လှန်ရေးဟာ တရားမျှတမှုနဲ့ စာနာ နားလည်မှု အပေါ် အရင်းခံ တဲ့ ယုံကြည်မှု ရှိမှသာလျှင် ဖြစ်မယ့် အကြမ်းမဖက် လှုပ်ရှားမှု တရပ်သာ ဖြစ်ပါတယ်။
လူဆိုတာ မိမိကောင်းစားရေးကိုသာ အဓိကထားတဲ့ စီးပွားရေး အကျိုးအမြတ်ကိုသာ ရှေးရှုတတ်သူ သတ္တဝါသာ ဖြစ်တယ်လို့ တချို့က ဆိုကောင်း ဆိုပါလိမ့်မယ်။ ဒါပေမယ့် မိမိယုံကြည်ချက်နဲ့ စိတ်ဓာတ် ခွန်အားတွေကို စွဲကိုင်ပြီး ပြင်းထန်လှတဲ့ အပြစ်ပေး အရေးယူမှုတွေကို ရဲရဲဝံ့ဝံ့ ရင်ဆိုင်ဖို့ ပြင်ဆင်ထားတဲ့ အမျိုးသား၊ အမျိုးသမီးတွေလည်း ဒုနဲ့ ဒေး ရှိသေးတယ် ဆိုတာကို ကြည့်ယင် အဲဒီ အဆိုဟာ သေးသိမ် ကျဉ်းမြောင်းလှတယ် ဆိုတာ သိပါလိမ့်မယ်။ ဒီလို အမျိုးကောင်းသမီး၊ အမျိုးကောင်းသားတွေ ကျမတို့ နိုင်ငံမှာ မြောက်များစွာ ရှိနေသေးတာကြောင့် ကျမလွန်စွာ အားတက်မိပါတယ်။
မြန်မာနိုင်ငံမှာ ကျောင်းသား၊ ကျောင်းသူတွေရဲ့ တက်တက်ကြွကြွ ပါဝင်လှုပ်ရှားမှုတွေကြောင့် တော်လှန် ပြောင်းလဲမှုတွေ ပေါ်ပေါက် လာတတ်တဲ့ နိုင်ငံရေး ယဉ်ကျေးမှု တရပ်ရှိတယ်လို့ အများက လက်ခံ ထားကြပါတယ်။ ရန်ကုန် တက္ကသိုလ်ကနေ သူတို့ရဲ့ နိုင်ငံရေးဘဝကို အစပြုခဲ့တဲ့ ကျမအဖေ ဗိုလ်ချုပ်အောင်ဆန်း အပါအဝင် ငယ်ရွယ်နုနယ်တဲ့ ခေါင်းဆောင်များကြောင့် ကျမတို့နိုင်ငံရဲ့ လွတ်လပ်ရေး ကြိုးပမ်း လှုပ်ရှားမှုဟာ အောင်ပွဲခံခဲ့ရပါတယ်။
ဒီလို ထူးထူးခြားခြား ရဲရင့်တက်ကြွတဲ့ ဆန့်ကျင် အာခံလိုစိတ်တွေနဲ့ သြဇာတိက္ကမ ကြီးမားလှတဲ့ အတိုက်အခံ အဖွဲ့အစည်းမျိုးကို ဘယ်လို အာဏာရှင် အစိုးရမဆို ပစ်မှတ်ထား ချေမှုန်းမှာ အသေအချာပါပဲ။ ၁၉၆၂ ခုနှစ် ကတည်း က အာဏာရလာတဲ့ မြန်မာ စစ်အစိုးရကတော့ အာဏာရပြီး သိပ်မကြာခင် ရန်ကုန်တက္ကသိုလ် ကျောင်းသားသမဂ္ဂ အဆောက်အဦးကို ဖျက်ဆီးခဲ့တဲ့အပြင် ကျောင်းသားတွေ အသင်းအပင်း ဖွဲ့စည်းခွင့်ကိုပါ တရားမ၀င်ကြောင်း ဆုံးဖြတ် ခဲ့ပါတယ်။
၁၉၈၈ ခုနှစ်မှာတော့ အရပ်သားအရေခြုံထားတဲ့ စစ်အစိုးရ တပိုင်း မြန်မာ့ဆိုရှယ်လစ် လမ်းစဉ်ပါတီရဲ့ အုပ်ချုပ်မှုကို မြန်မာပြည်သူတွေ ဆန့်ကျင် အာခံခဲ့ပါတော့တယ်။ တတိုင်းတပြည်လုံးမှာ ဖြစ်ပွားနေတဲ့ ဆန္ဒပြပွဲတွေကို ထိပ်ဆုံးကနေ ဦးဆောင်နေတဲ့ သူတွေကတော့ ကျောင်းသား ကျောင်းသူတွေဖြစ်ပြီး သူတို့ရဲ့ အဓိက တောင်းဆိုချက် တွေထဲက တခုကတော့ ကျောင်းသား သမဂ္ဂ ဖွဲ့စည်းခွင့်ပဲ ဖြစ်ပါတယ်။ ဒီအတွက် စစ်အာဏာရှင်တွေ တုံ့ပြန်လိုက်တဲ့ အဖြေကတော့ သူတို့ကို ပစ်သတ် လိုက်ကြတာပါပဲ။ ရှစ်နှစ်ကျော် ကြာလာတဲ့အထိ မြန်မာပြည်က ကျောင်းသား ကျောင်းသူတွေဟာ မိမိတို့ အကျိုး ဖြည့်ဆည်းပေးပြီး မိမိတို့ အမှန်တကယ် လိုချင် တောင့်တလှတဲ့ ကျောင်းသား အဖွဲ့အစည်းမျိုးကို မတည်ထောင်နိုင် သေးပါဘူး။
အခု သိပ်မကြာလှသေးတဲ့ ဒီဇင်ဘာလကတောင်မှ ကျောင်းသားသမဂ္ဂ ဖွဲ့စည်းရေးကို တောင်းဆိုတဲ့ ကျောင်းသား ဆန္ဒပြပွဲတရပ် ပေါ်ပေါက်ခဲ့ပြီး အဲဒီ ဆန္ဒပြပွဲ တောင်းဆိုချက်တွေ လျစ်လျှူရှု ခံခဲ့ရပါတယ်။ အဲဒီ ဆန္ဒပြပွဲမှာ ပါဝင်သူ တွေကို အင်အားသုံး ဖြိုခွဲခဲ့ပြီး ကျမရဲ့ ပါတီဖြစ်တဲ့ အမျိုးသား ဒီမိုကရေစီ အဖွဲ့ချုပ်က လူငယ် ပါတီဝင်တွေကို အဆိုပါဆန္ဒပြပွဲ စီစဉ်ရာမှာ ပါဝင်တယ်ဆိုတဲ့ စွပ်စွဲချက်နဲ့ ဖမ်းခဲ့ပါတယ်။ ကျမကိုလည်း ကျောင်းသားတွေနဲ့ တွေ့ဆုံဆွေးနွေးခဲ့တယ် ဆိုပြီး စွပ်စွဲခဲ့ပါသေးတယ်။
နိုင်ငံရေးသမားတွေနဲ့ ကျောင်းသားတွေ တွေဆုံ ဆွေးနွေးတာဟာ အစိုးရကို ပုန်ကန် ခြားနားတယ်လို့ အမှန် တကယ်သာ ယူဆနေမယ် ဆိုယင် ကျမတို့နိုင်ငံမှာ ဝမ်းနည်း စိတ်မကောင်းစရာတွေ ထပ်ပြီး ပေါ်ပေါက်လာတော့မှာ ဖြစ်ပါတယ်။ ကျမပါတီဟာ ကျောင်းသားတွေရဲ့ မျှော်မှန်းချက်တွေကို စာနာ ထောက်ခံကြောင်း ဘယ်တုံးကမှ လျှို့ဝှက် မထားခဲ့ပါဘူး။ ကျမတို့ဟာ မတူညီတဲ့ မျိုးဆက်တွေအကြား နီးစပ်အောင် ကြိုးပမ်းနေပြီး ဒီလို ကြိုးပမ်းခြင်းအားဖြင့် ကျမတို့ ရဲ့ရည်ရွယ်ချက်တွေနဲ့ အားထုတ်မှုတွေ ဆက်လက် ရှင်သန် တည်တန့်ပြီး ကျမတို့ တိုင်းပြည်ရဲ့ အသွေးအသားထဲ ပေါင်းစည်းယှက်နွယ် သွားအောင် ဖြစ်ပါတယ်။
ကျမတို့ဟာ ကိုယ့်ထက်အဆမတန် သာလွန်တဲ့အင်အားတွေကို အံတုယင်း၊ စစ်အာဏာနဲ့ အစိုးရ ဗျူရိုကရက် ယန္တရား ပေါင်းစည်းထားတဲ့ အားကို ဆန့်ကျင် အာခံရင်း တခါတလေမှာ သံသယတွေ ဝင်လာတတ်ပါတယ်။ ဘယ်လို သံသယမျိုးလဲ ဆိုတော့ လက်ရှိ အမိန့်အာဏာတွေဟာ အမြဲတမ်း မပျက်မသုဉ်း တည်ရှိမယ့် အရာတွေပဲလို့ ယုံကြည် နေသူတွေရဲ့ သံသယတွေပါဘဲ။ လက်ရှိ အခြေအနေကိုဘဲ လက်ခံ လိုက်တာဟာ အသင့်လျှော်ဆုံး ဖြစ်မယ်လို့ နားလည် ယုံကြည်ထားသူတွေ အများကြီး ရှိနေတာ အံ့သြစရာပါပဲ။ ကျမတို့ဟာ ပြောင်းလဲဖို့ လိုတဲ့ ကိစ္စတွေကို ပြောင်းလဲဖို့ စွမ်းအားအပေါ် ယုံကြည်မှု ရှိပေမဲ့ အာဏာရှင် စနစ်ကနေ လစ်ဘရယ် ဒီမိုကရေစီကို ကူးပြောင်းဖို့သွားတဲ့ ခရီးလမ်းဟာ လွယ်လိမ့်မယ်၊ ဒါမှမဟုတ် ဒီမိုကရေစီ အစိုးရလက်ထက် မှာ ကျမတို့ရဲ့ ပြဿနာတွေ အားလုံး ပြေပျောက် သွားလိမ့်မယ်လို့ ဘယ်တုန်းကမှ ထင်ယောင် မှားခဲ့တာမျိုး မရှိပါဘူး။ ရှေ့မှာ ကျမတို့အတွက် ကြီးမားလှတဲ့ စိန်ခေါ်မှုတွေ စောင့်နေတယ်ဆိုတာ ကျမတို့ သိသလို တည်ငြိမ်တဲ့ ဒီမိုကရေစီ လူ့အဖွဲ့အစည်း တရပ် တည်ထောင်ဖို့အတွက် ကျမတို့ရဲ့လှုပ်ရှား ရုန်းကန်မှုဟာ ကျမတို့ရဲ့ ဘဝသက်တမ်းမက ကြာမြင့်ကောင်း ကြာမြင့်လိမ့်မယ် ဆိုတာ ကြိုတင် မှန်းဆ ထားပါတယ်။ ဒါပေမဲ့ ဒီလို လှုပ်ရှားရုန်းကန်ရာမှာ ကျမတို့ဟာ အထီးကျန် မဟုတ်ဘူးဆိုတာ နားလည်ပါတယ်။ လွတ်လပ်မှုနဲ့ တရားမျှတမှု ရှာဖွေရာမှာ ကျမတို့ကို ကရုဏာ သက်သူတွေ ကမ္ဘာနဲ့အဝှန်း ရှိနေပါတယ်။ လူမျိုး၊ ဘာသာ၊ အသား အရောင်မရွေး နေရာတိုင်းက ခံစားတွေးတော တတ်တဲ့ လူသားတွေ အနေနဲ့ အဓိပ္ပာယ်ရှိတဲ့ ဖြစ်တည်မှုကို လိုလား တောင့်တတာဟာ ရုပ်ဝတ္ထုပစ္စည်းတပ်မက်မှုသက်သက်ထက် အဆပေါင်းများစွာသာလွန်ပါတယ်။ နိုင်ငံရေးအခွင့် အရေးတွေ အပြည့်အဝရှိတဲ့ လူ့အဖွဲ့ အစည်းမှာ နေထိုင်ခွင့် ရနေတဲ့ ကံကောင်းလှသူတွေ အနေနဲ့ ဆင်းရဲဒုက္ခတွေ ပြည့်နှက်နေတဲ့ ကျမတို့ ကမ္ဘာကြီးရဲ့ အခြား နေရာတွေက ကံမကောင်း အကြောင်းမလှ သူတွေကို ကူညီဖို့ အင်မတန် လိုအပ်လှပါတယ်။
ကျမတို့လှုပ်ရှားရုန်းကန်မှုရဲ့ တစိတ်တပိုင်းကတော့ နိုင်ငံတကာ အသိုင်းအဝိုင်းအနေနဲ့ ကျမတို့ ဆင်းရဲ မွဲတေ နေရတာဟာ လုံလောက်တဲ့ ရင်းမြစ်နဲ့ ရင်းနှီးမြှုပ်နှံမှုတွေ ရှားပါးလွန်းလို့ မဟုတ်ဘဲ အုပ်ချုပ်မှုကောင်းကောင်း ပေါ်ထွန်းစေတဲ့ အခြေခံ အဆောက်အအုံတွေနဲ့ အလေ့အကျင့်တွေ နည်းပါးလွန်းလို့သာ ဖြစ်တယ် ဆိုတာကို သိမြင် နားလည်စေခြင်းပါဘဲ။
ဖိနှိပ်လွန်းတဲ့အစိုးရတွေနဲ့ ဆက်ဆံဖို့ နောက်တွန့်စိုးရွံ့ခြင်း မရှိတဲ့ နိုင်ငံစုံ စီးပွားရေး လုပ်ငန်းကြီးတွေ အများအပြား ရှိနေပါတယ်။ သူတို့အနေနဲ့ မြန်မာ့စီးပွားရေးမှာ ပါဝင်ပတ်သက်ဖို့ လာရောက်ရတာဟာ ဒီမိုကရေစီ လုပ်ငန်းစဉ်ကို အကူအညီ ဖြစ်စေဖို့သာ ဖြစ်တယ်လို့ အကြောင်းပြလေ့ ရှိပါတယ်။ ဒါပေမဲ့ နိုင်ငံရေးအာဏာနဲ့ စီးပွားရေးကို လက်ဝါးကြီးအုပ်၊ ချမ်းသာပြီးသား လူတစုကိုသာ ပိုမို ချမ်းသာစေတဲ့ ရင်းနှီးမြှုပ်နှံမှုတွေဟာ ဒီမိုကရေစီ စနစ်အတွက် အခြေခံ အုတ်မြစ်တွေဖြစ်တဲ့ လွတ်လပ်မှုနဲ့ တရားမျှတမှုကို ဖော်ဆောင် ပေးနိုင်မှာ မဟုတ်ပါဘူး။
ဒါကြောင့် အတွေးအခေါ်လွတ်လပ်မှုနဲ့ လူသားဆန်တဲ့ စိတ်ကူးစံတွေကို မြှင့်တင်ပေးနိုင်မယ့် စွမ်းအား ဖြန့်ကျက်ဖို့ စိတ်ဝင်စားသူ ဘယ်သူမဆို မြန်မာ စစ်အစိုးရနဲ့ စီးပွားရေး လုပ်ဆောင်နေတဲ့ ကုမ္ပဏီတွေကို ပြတ်ပြတ်သားသား ဆန့်ကျင် ရပ်တည်သွားပါလို့ တိုက်တွန်း ချင်ပါတယ်။ ကျေးဇူးပြု၍ ကျမတို့ရဲ့ လွတ်လပ်မှုကို မြင့်တင်ဖို့ ရှင်တို့ရဲ့ လွတ်လပ်မှု ကို အသုံးချပေးပါလို့ တောင်းပန်ပါရစေ။
(ဝါရှင်တန်မြို့တော် အမေရိကန်တက္ကသိုလ် ဂုဏ်ထူးဆောင်ပါရဂူဘွဲ့လက်ခံမိန့်ခွန်းကို အခြေခံသည့် New York Times နှင့် International Herald Tribune သတင်းစာဆောင်းပါး၊ ဖေဖော်ဝါရီ ၄ ရက် ၁၉၉၇)
(၃)
ဂျာဝါဟာလားလ်နေရူး ဆုချီးမြှင့်ပွဲသို့ ပေးပို့သည့်
ဒေါ်အောင်ဆန်းစုကြည်၏ ဆုလက်ခံမိန့်ခွန်း
နယူးဒေလီ၊ အိန္ဒိယနိုင်ငံ၊ ၁၉၉၃
သမတကြီး၊ ဒုသမတကြီး၊ ဝန်ကြီးချုပ်၊ နေရူးဆုကော်မတီဝင်များ၊ သံတမန်များ၊ ဂုဏ်သရေရှိ ဧည့်သည်တော်များနှင့် မိတ်ဆွေများရှင့်..
ဒီဆုပေးပွဲ အခါသမယဟာ ခံစားချက် အမျိုးမျိုးကို ပေါ်ပေါက်စေပါတယ်။ ကျမကို အိန္ဒိယနိုင်ငံက လူပေါင်းများစွာနဲ့ သံယောဇဉ် တွယ်မိစေတဲ့၊ အားကောင်းတဲ့ ချစ်ကြည် ရင်းနှီးမှု နှောင်ကြိုးတွေ ဘုံနိုင်ငံရေး စိတ်ကူးစံတွေ ရှိပါတယ်။ ကျမဘဝမှာ အိန္ဒိယ နိုင်ငံအကြောင်း၊ "ပန်ဒစ်ကြီး" လို့ ကျမတို့ မိသားစုက အမြဲခေါ်တဲ့ ပန်ဒစ်နေရူးအကြောင်း ရင်းနှီးကျွမ်းဝင် မဖြစ်ခဲ့တဲ့ အချိန်ကာလဆိုတာ မရှိခဲ့ပါဘူး။ သူ့ကို အမှတ်တရနဲ့ ထူထောင်ထားတဲ့ နိုင်ငံတကာနားလည် မှုဆုတံဆိပ် ချီးမြှင့်ခံရတာဟာ ကျမအတွက် ဂုဏ်ယူ ဝမ်းသာစရာ ဖြစ်ပါတယ်။
တဖက်ကကြည့်ရင် ဒီဆုကို ကျမ လူတဦးချင်းအနေနဲ့ ရတာ မဟုတ်ဘဲ မြန်မာနိုင်ငံ ဒီမိုကရေစီ လှုပ်ရှားမှုရဲ့ ကိုယ်စားလှယ် တယောက်အဖြစ် ရတာကို ကောင်းကောင်း သဘောပေါက်ပါတယ်။ အဲဒါကြောင့် ကျမမှာ လူသားပီသတဲ့ မေတ္တာကရုဏာ စိတ်နဲ့ ကျေးဇူးတင် ဝမ်းမြောက်စိတ် ပြည့်လျှမ်း သွားမိပါတယ်။ ကမ္ဘာတလွှားမှာ လူ့ဂုဏ်သိက္ခာ တိုးတက်မြင့်မားရေးအတွက် ထူးထူးချွန်ချွန် အကျိုးဆောင် ခဲ့သူတွေကို ချီးမြှင့်တဲ့ ဘွဲ့ထူး ဂုဏ်ထူးတွေ လက်ခံဖို့ ကျမ အရွေးချယ် ခံရတိုင်း အဲသလိုစိတ်မျိုး ဖြစ်ပေါ်တတ်ပါတယ်။ ကျမရဲ့ တိုင်းပြည်မှာတော့ နိုင်ငံတကာ အသိအမှတ်ပြု စောင့်ရှောက် မခံရဘဲ ကျမတို့ ပြည်သူလူထုကို လုံခြုံပြီး သိက္ခာရှိတဲ့ ဘဝရပ်တည်မှု အာမခံချက်ပေးမယ့် အခြေခံမူတွေ ရပိုင် ခွင့်တွေရဖို့အတွက် မိမိတို့ရဲ့ဘဝနဲ့ မိမိတို့ရဲ့ လွတ်လပ်မှုသာမက မိမိတို့ အသက်တွေတောင် စွန့်လွှတ် စွန့်စားနေသူ အမျိုးသား အမျိုးသမီးတွေ အများကြီး ရှိနေပါတယ်။ ဒီသတ္တိပြောင်တဲ့ အမျိုးသား အမျိုးသမီးတွေရဲ့ တိုက်ပွဲကို မီးမောင်း ထိုးပြဖို့ အခွင့်အလမ်း ရတဲ့အတွက် ကျမ ကျေးဇူးတင်ပါတယ်။ လူသားနွယ်တရပ်လုံး အတွင်းမှာ သူတို့တတွေ ကိုယ်စား နိုင်ငံတကာ နားလည်မှုဆိုင်ရာ နေရူး အမှတ်တရဆု လက်ခံခွင့်ရတဲ့ အတွက်လည်း ကျမ ကျေးဇူးတင်ပါတယ်။
ကျမဟာ လွတ်လပ်တဲ့ ဒီမိုကရေစီ မြန်မာနိုင်ငံ ပေါ်ထွန်းရေး အတွက် အင်မတန့်ကို စွန့်လွှတ် စတေးခဲ့သူတွေကို ဦးညွတ် ဂုဏ်ပြုချင်တဲ့ ဆန္ဒ ပြင်းပြနေသလို အိန္ဒိယနိုင်ငံနဲ့ ကျမရဲ့ နှောင်ကြိုးတွေကို တဖန်ပြန်ထူထောင် အချောကိုင်ဖို့ လည်း ဆန္ဒ ပြင်းပြနေတဲ့ အတွက် ဒီကနေ့ လူကိုယ်တိုင် လာရောက်ပြီး ဆုလက်ခံ ချင်ခဲ့ပါတယ်။ ဒါပေမဲ့ အခြေအနေ မပေးလို့ မဖြစ်နိုင်တဲ့အတွက် ကျမရဲ့ ကိုယ်စားအဖြစ် အင်မတန် ချစ်ခင်တဲ့ မိသားစု မိတ်ဆွေလည်းဖြစ်၊ "ဂုဏ်ထူးဆောင်" ဒေါ်လေးလည်းဖြစ်သူကို ထိုက်ထိုက်တန်တန် ရွေးချယ်ခဲ့ပါတယ်။ သူမဟာ ကုလသမဂ္ဂ အတွင်းရေးမှူးရုံးရဲ့ ပထမဆုံး မြန်မာလူမျိုး ရုံးအဖွဲ့ဝင် ဖြစ်ပြီး နိုင်ငံတကာ နားလည်ရေး အတွက် ထက်ထက်သန်သန် ဆော်သြခဲ့ လက်တွေ့ ကျင့်သုံးခဲ့သူ ဖြစ်ပါတယ်။ သူမဟာ ကျမကိုယ်စား ဆုချီးမြှင့်ပွဲနဲ့ ထိုက်သင့်တဲ့ ဂုဏ်ကြက်သရေ အပြည့်နဲ့ ဆုလက်ခံမယ် ဆိုတာ ကျမ ယုံကြည်ပါတယ်။
နိုင်ငံတကာ နားလည်မှုရှိရေးအတွက် ပန်ဒစ်နေရူးရဲ့ အကျိုးပြုချက်တွေက သူ့ဘဝ တသက်တာ အတွင်း ကမ္ဘာ့ ဇာတ်ခုံပေါ်မှာ သူပါဝင် ကပြခဲ့တဲ့ အခန်းထက် ကျော်လွန်ပြီး ထွေပြားတဲ့ ယဉ်ကျေးမှု ဓလေ့တွေကြား၊ အမျိုးမျိုး အဖုံဖုံသော သဘောတရား ဝါဒရေးရာတွေကြား ကွာဟချက်ကို ကျဉ်းမြောင်း လျော့ကျစေခဲ့ပါတယ်။ ရုပ်ဝတ္ထု စွမ်းပကား ပိုလို့ ပိုလို့ တွင်ကျယ်လာတဲ့ ကမ္ဘာကြီးမှာ တလောကလုံးဆိုင်ရာ လူသား တန်ဖိုးစံတွေ ထူထောင်နိုင်ဖို့ တိုက်ပွဲဝင် ရုန်းကန်နေ ကြတဲ့ ပြည်သူ လူအများကို နေရူးဝိညာဉ်က အားပေး အကျိုးပြု နေပါတယ်။
ကျမအချုပ်အနှောင်ခံနေရတဲ့ နှစ်ကာလတွေအတွင်းမှာ မဟတ္တမဂန်ဒီနဲ့ ပန်ဒစ်နေရူးတို့ရဲ့ စကားတွေ စာတွေဟာ အစဉ်တစိုက် စိတ်ဓာတ်မြှင့်တင် အားပေး နေခဲ့ပါတယ်။ ဒီကြီးကျယ်မြင့်မြတ်လှတဲ့ အိန္ဒိယ အမျိုးသား နှစ်ယောက်ကို ကျမ အလေးစား အကြည်ညိုဆုံး ရှေ့ဆောင် လမ်းပြတွေ၊ ဆရာသမားတွေ၊ မိတ်ဆွေတွေ စာရင်းထဲ ထည့်ထားပါတယ်။ ကျမ ပြင်ပ ကမ္ဘာနဲ့ အဆက်ဖြတ် ခံခဲ့ရတဲ့ ခြောက်နှစ်တာ ကာလ တလျှောက်လုံး ကျမ အိမ်ရှေ့ခန်းမမှာ ပန်ဒစ်ကြီး ကိုယ်တိုင်ရေး အထုပ္ပတ္တိထဲက ထာဝရ ရှင်သန်နေမယ့် စကားတွေကို ကောက်နှုတ်ပြီး ပိတ်ကားချပ်ပေါ် ရေးကူး ချိတ်ဆွဲ ထားပါတယ်။ ဒီစကားတွေဟာ ကျမအပေါ် နက်နက်ရှိုင်းရှိုင်း စွဲထင်နေတဲ့ အတွက် အဲဒီထဲက တပိုဒ်ကို ကိုးကား ပါရစေ။
တရားဥပဒေစိုးမိုးရေး နှင့် ငြိမ်ဝပ်ပိပြားရေးတို့သည် အိန္ဒိယနိုင်ငံကို ဗြိတိသျှအုပ်စိုးမှု၏ ဂုဏ်ယူဖွယ် အောင်မြင်ချက်များထဲ ပါဝင်သည်ဟု ကျနော်တို့ကို သင်ကြားခဲ့သည်။ ကျနော်၏ ကိုယ်ပိုင် အသိစိတ်အရ ယင်းတရားဥပဒေ စိုးမိုးရေးနှင့် ငြိမ်ဝပ်ပိပြားရေးကို လုံးဝ လိုလား ထောက်ခံပါသည်။ ကျနော်သည် စည်းကမ်းရှိရှိ နေထိုင်ခြင်းကို နှစ်သက်ပြီး မင်းမဲ့ဝါဒ၊ စည်းကမ်းမဲ့ ဗရုတ်သုက္ခ ဖြစ်မှုနှင့် စွမ်းဆောင်ရည် မဲ့မှုကို မနှစ်ခြိုက်ပါ။ သို့ရာတွင် ခါးသီးသော အတွေ့အကြုံကြောင့် ပြည်သူလူထုအပေါ် နိုင်ငံတော်အ စိုးရများက ချမှတ်သည့် တရားဥပဒေ စိုးမိုးရေးနှင့် ငြိမ်ဝပ်ပိပြားရေး၏ တန်ဖိုးကို ကျနော် သံသယဖြစ်မိပါသည်။ တခါတရံတွင် ယင်းတန်ဖိုး အတွက် ပေးဆောင်ရသည့် စရိတ်မှာ လွန်ကျူးလှပြီး တရားဥပဒေ စိုးမိုးရေး ဟူသည်မှာ ကြီးစိုး လွှမ်းမိုးနေသည့် ဂိုဏ်းတရပ်၏ ဆန္ဒ သဘောထားသာ ဖြစ်ပြီး ငြိမ်ဝပ်ပိပြားရေး ဟူသည်မှာလည်း အသွေးအသားထဲ အထိ စိမ့်ဝင်နေသည့် ကြောက်ရွံ့မှု၏ လွန့်တုန့်ချက် reflex သာဖြစ်သည်။ တခါတရံတွင် တရားဥပဒေ စိုးမိုးရေးနှင့် ငြိမ်ဝပ်ပိပြားရေးဟု ခေါ်ဆိုကြသည့် အရာမှာ လက်တွေ့တွင် တရား ဥပဒေနှင့် ငြိမ်ဝပ်ပိပြားခြင်း ကင်းမဲ့မှုဟု ပို၍ သင့်တော်စွာ ခေါ်ဝေါ်နိုင်ပေသည်။ အပြန့်အနှံ့ ဖြစ်နေသည့် ကြောက်ရွံ့မှု အပေါ် အခြေခံထားသော မည်သည့် အောင်မြင်မှုမဆို နှစ်လိုဖွယ်ရာ ဖြစ်နိုင်ရန် ခဲယဉ်းလှပြီး နိုင်ငံတော် အစိုးရ၏ အကြပ်ကိုင် ခြိမ်းခြောက်မှု ယန္တရားပေါ် အခြေခံထားကာ ယင်းယန္တရားနှင့် ခွဲခြား မတည်ရှိနိုင်သော 'ငြိမ်ဝပ်ပိပြားရေး' ဆိုသည်မှာလည်း အရပ်ဖက် အုပ်စိုးမှုထက် စစ်ဖက်သိမ်းပိုက် စိုးမိုးမှုနှင့် ပိုတူနေပါသည်။ ကဗျာ ဆရာကြီး ကဠဏ၏ သက်တမ်း ထောင်ချီရှိပြီ ဖြစ်သည့် ရာဇတရံဂဏိ အမည်ရှိ ကက်ရ်ှမီးယား ရာဇဝင် ဇာတ်တော်ကြီးထဲတွင် မင်းနှင့် နိုင်ငံတော် အစိုးရတို့က စောင့်ထိန်းရန် တာဝန်ရှိသော ဓမ္မ (မှန်သောတရား) နှင့် အဘယ (အကြောက်အရွံ့မဲ့မှု) တို့ကို တရားဥပဒေ စိုးမိုးရေးနှင့် ငြိမ်ဝပ်ပိပြားရေး အဓိပ္ပာယ်ဖြင့် ထပ်တလဲလဲ သုံးနှုန်းထားသည်ကို တွေ့ရှိရသည်။ တရားဥပဒေ စိုးမိုးရေး ဆိုသည်မှာ တရားဥပဒေ မည်ကာမတ္တထက် သာလွန်သလို ငြိမ်ဝပ်ပိပြားရေး ဆိုသည်မှာလည်း ပြည်သူပြည်သားများ အနေဖြင့် အကြောက်အရွံ့ မဲ့ခြင်းကို ဆိုလိုခဲ့သည်။ ကြောက်ရွံ့ ထိတ်လန့်နေသော ပြည်သူလူထု အပေါ် 'ငြိမ်ဝပ်ပိပြားမှု' သက်ရောက်စေခြင်းထက် အကြောက်အရွံ့မဲ့မှုကို ပျိုးထောင် စိမ့်ဝင်စေသည့် စိတ်ကူးက အများကြီးပို၍ နှစ်လိုဖွယ်ပါ တကား။
အဲဒီ အပိုဒ်မှာ ပန်ဒစ်နေရူး ဖော်ပြထားတဲ့ ခံစားချက်တွေဟာ ကျမရဲ့ ခံစားချက်တွေနဲ့ လုံးဝ တထပ်တည်း ဖြစ်ပါတယ်။ သူနဲ့ကျမ တူညီတာတွေ အများကြီးရှိတယ်လို့ မကြာခဏဆိုသလို ကျမခံစားမိပြီး အမေနဲ့အတူ အိန္ဒိယမှာ ကျမနေတဲ့ ကာလတွေတုံးက ပန်ဒစ်ကြီးနဲ့ ပိုရင်းနှီးအောင် လုပ်နိုင်တဲ့ အခွင့်အလမ်း မယူမိခဲ့တာကို နောင်တ ရမိပါတယ်။ အဲဒီတုံးကတော့ သူ့ကို ကျမ မိဖတွေရဲ့ မိတ်ဆွေ တယောက်အဖြစ် လောက်ဘဲ သဘောထား မိခဲ့ပြီး တနေ့ကျရင် ကျမကိုယ်တိုင်ရဲ့ မိတ်ဆွေအဖြစ် သဘောထားမိမှာကို တခါမှ မစဉ်းစား မိခဲ့ပါဘူး။
ပန်ဒစ်နေရူးဟာ လူမျိုးရေးနဲ့ အသားအရောင် တံတိုင်းတွေ မျိုးဆက်တံတိုင်းတွေကို သူ့ရဲ့ နွေးထွေးတဲ့ လူသား ဆန်မှု မေတ္တာ ကရုဏာဓာတ်နဲ့ မကြာခဏ ဖြတ်ကျော်ခဲ့ပါတယ်။ ကျမအဖေဟာ မြန်မာပြည် လွတ်လပ်ရေးအတွက် လန်ဒန်ကို သွားဆွေးနွေးတဲ့ အခါ ဒေလီမှာ ခဏနားပြီး ပန်ဒစ်နေရူးနဲ့ တခြားအိန္ဒိယ ခေါင်းဆောင်တွေနဲ့ ဆွေးနွေးခဲ့ပါတယ်။ ပန်ဒစ်ကြီးဟာ သူ့ထက် (၂၆)နှစ်ငယ်တဲ့ ကျမအဖေ အပေါ် ဖခင်စိတ် ချက်ချင်း ပြခဲ့ပါတယ်။ အဖေ့ရဲ့ နွမ်းဖတ်ဖတ် ပါးလှပ်လှပ် ချည်ယူနီဖောင်းကို ကြင်နာတဲ့ မျက်လုံးနဲ့ ဝေဖန် ပိုင်းခြားပြီး အဲဒီအဝတ်အစားနဲ့ အလုပ်ဖြစ်မှာ မဟုတ်ဘူးလို့ ဆုံးဖြတ်ခဲ့ပါတယ်။ ပန်ဒစ်ကြီးက အပ်ချုပ် ဆရာတွေကို ပုံစံကျကျ ထူထူထဲထဲ သိုးမွှေး ယူနီဖောင်း လေး-ငါးထည် အမြန်ချုပ်ပေးဖို့ စီစဉ်ခဲ့ပါတယ်။ အင်္ဂလန်နိုင်ငံဟာ အဲဒီတုံးက တသက်မှာ မကြုံဖူးအောင်အေးတဲ့ ဆောင်းရာသီကို တွေ့နေရတာ ကြားရတဲ့အတွက် ပန်ဒစ်ကြီးက အပေါ်ဝတ်ရုံ အနွေးထည်ကြီး (ဂရိတ်ကုတ်) တထည်ကိုလည်း တနေရာက ဆွဲပေးခဲ့ပါတယ်။ ကျမအဖေရဲ့ လူသိများတဲ့ ဓာတ်ပုံတပုံမှာ သူ့အတွက် အတော်လေးကြီးနေတဲ့ အဲဒီ ဂရိတ်ကုတ် ကြီးထဲ မြုပ်ဝင်နေတာကို ပြထားပါတယ်။
၁၉၆၀ မှာ ကျမအမေ အိန္ဒိယနိုင်ငံဆိုင်ရာ သံအမတ် ခန့်အပ်ခံရတဲ့အခါ ပန်ဒစ်နေရူးက ရင်းရင်းနှီးနှီး နွေးနွေး ထွေးထွေး စောင့်ရှောက်ခဲ့ပါတယ်။ အများပြည်သူ ပွဲလမ်းသဘင်တွေမှာ ဆိုရင်လည်း အမေ့ကို တမင်ရွေးပြီး နေကောင်း ကျန်းမာလား မေးလေ့ ရှိခဲ့ပါတယ်။ ဒီလို လူသားဆန်တဲ့ နွေးထွေးမှု အမူအရာမျိုးတွေနဲ့ ပန်ဒစ်နေရူးဟာ လူမျိုးမရွေး ဘာသာမရွေး ပြည်သူပြည်သားတွေရဲ့ စိတ်နှလုံးကို ရယူနိုင်ခဲ့တာ ဖြစ်ပါတယ်။ ဒါ့အပြင် သူ့ရဲ့ ဒီမိုကရေစီ ယုံကြည်ချက် နိုင်ငံတကာ့ဝါဒ ယုံကြည်ချက်တွေကို လက်မခံသူတွေကတောင် သူ့ဉာဏ်ပညာနဲ့ ရိုးဖြောင့်မှုကြောင့် လေးစား သွားကြပါတယ်။
ဒီမိုကရေစီနိုင်ငံရေးစနစ်ဟာ ကျမတို့ရဲ့ ခြောက်ပစ်မကင်း ကမ္ဘာကြီးကို ဖိစီး နှိပ်စက်နေတဲ့ ပြဿနာ တပုံတခေါင်း အတွက် အကောင်းဆုံး ဖြေရှင်းချက်တွေ ပေးစွမ်း နိုင်တယ်လို့ ယုံကြည်ကြတဲ့ ကျမတို့အဖို့ ပန်ဒစ်နေရူးနဲ့ အိန္ဒိယနိုင်ငံ တို့ရဲ့အောင်မြင်မှုတွေက အင်မတန့်ကို အားဖြစ်စေပါတယ်။ ဒီအိန္ဒိယ တိုက်ငယ်ဟာ လူမျိုးတွေ၊ ဘာသာစကားတွေနဲ့ အယူဝါဒတွေ အများကြီး ရှိနေတဲ့ တိုက်ငယ်ဖြစ်တယ်၊ ဒီနိုင်ငံဟာ တုန်လှုပ် ခြောက်ခြားစရာ ကောင်းလှတဲ့ လူမျိုးရေး-ဘာသာရေး အဓိကရုဏ်း၊ အစွန်းရောက် ဝါဒနဲ့ အကြမ်းဖက်မှု တွေကြောင့် အနေအထားတွေ ဖရိုဖရဲ ဖြစ်သွားပြီး လပိုင်း အတွင်းမှာ ကံကြမ္မာနဲ့ ချိန်းဆိုချက်အတိုင်း ရင်ကော့ခေါင်းမော့ပြီး ရှေ့တက်လှမ်းသွားခဲ့တဲ့ နိုင်ငံဖြစ်တယ်၊ လူသားရဲ့ ဝမ်းတွင်းပါ ဂုဏ်သိက္ခာကို လေးစားပြီး လွတ်လပ်ဖို့နဲ့ ကိုယ့်ဖာသာကိုယ် အုပ်ချုပ်ဖို့ ထိုက်တန်တဲ့ သတ္တဝါအဖြစ် တန်ဖိုး ထားတဲ့စနစ်က မထိန်းချုပ်နိုင်တဲ့ ပြဿနာ မရှိဘူး ဆိုတာကို ဒီ ကမ္ဘာ့ အကြီးဆုံး ဒီမိုကရေစီနိုင်ငံကြီးက အကောင်းဆုံး သက်သေပြနေပါတယ်။ ကျမတို့နိုင်ငံလည်း မဝေးတော့တဲ့ တနေ့မှာ ပြည်သူလူထုရဲ့ဆန္ဒသဘောထားက ရှေ့ဆောင် လမ်းပြပြီး ဓမ္မနဲ့ အဘယ တို့စိုးမိုးတဲ့ ဒီမိုကရေစီနိုင်ငံ ဖြစ်လာလိမ့်မယ်လို့ မြန်မာပြည်သူ အများတကာ့ အများစုကြီးက နှစ်နှစ်ကာကာ မျှော်လင့်နေပါတယ်။
အိန္ဒိယနိုင်ငံနဲ့ မြန်မာနိုင်ငံတို့ဟာ နယ်မြေချင်း စပ်နေရုံ မကပါဘူး။ မြန်မာ့ ယဉ်ကျေးမှုရဲ့ ကျောရိုးဖြစ်တဲ့ ဗုဒ္ဓ ဘာသာဟာ အိန္ဒိယ မြေပေါ်က ထွက်ပေါ်လာတာ ဖြစ်ပါတယ်။ ကျမတို့ ခေတ်ကာလရဲ့ ဧရာမ နည်းပညာ တိုးတက်မှု တွေကြောင့် ကမ္ဘာကြီးဟာ ပိုပြီး သေးငယ်လာပေမဲ့ ပိုရှုပ်ထွေးပြီး အင်မတန် အန္တရာယ်ကြီးနိုင်စရာ ဖြစ်လာပါတယ်။ ဒီလို ကမ္ဘာကြီးမှာ ဗုဒ္ဓဝါဒက သင်ကြားပေးတဲ့ မေတ္တာ၊ ကရုဏာ၊ သည်းခံ ခွင့်လွှတ်မှုနဲ့ မိမိကိုယ်မိမိ ထိန်းချုပ်မှုတို့ဟာ တန်ဖိုး ရှိလှတဲ့ အရည်အသွေးတွေ ဖြစ်ပါတယ်။ လူမျိုးအားလုံး လူအားလုံးကို ဘုံလူသားနွယ် ဖြစ်မှုက စည်းနှောင် ထားတာကို အသိအမှတ် ပြုဖို့၊ တယောက်ကို တယောက် ပိုနားလည်စေတဲ့ အရည်အသွေးတွေကို မြေတောင်မြှောက်ပေးဖို့ တခါမှ မကြုံဖူးအောင်ကို လိုအပ်နေပါပြီ။ သူတို့ရဲ့ အမြော်အမြင် ကျယ်ပြောမှုနဲ့ တစိမ်းတရံစာ နှလုံးသားတွေကို သိမ်းကျုံးယူနိုင် ခဲ့တဲ့ မဟတ္တမဂန္ဒီ နဲ့ ပန်ဒစ်နေရူးတို့လို ကြီးကျယ် မြင့်မားမှု တခါမှ မကြုံဖူးအောင်ကို လိုအပ်နေပါပြီ။
ဒီကနေ့ အိန္ဒိယနိုင်ငံဟာ သူ့ရဲ့ကြီးမြတ်တဲ့ခေါင်းဆောင်ကြီးတွေရဲ့ အစဉ်အလာအတိုင်း ဆက်လက် လျှောက်လှမ်း နေပါတယ်။ ကျမရဲ့ နှလုံးသားနဲ့ အင်မတန့်ကို ရင်းနှီးလှတဲ့ ဒီနိုင်ငံကနေ နိုင်ငံတကာ့ နားလည်မှု ဆိုင်ရာဆု လက်ခံယူဖို့ ရွေးချယ်ခံရတာဟာ တကယ့်ကို ဂုဏ်ယူစရာဖြစ်ပါတယ်။
သမတကြီးနဲ့ နေရူးဆုကော်မတီဝင်များရှင့်၊ ကျမရဲ့တိုင်းပြည်၊ ကျမရဲ့ ပြည်သူတွေနဲ့ ကျမကိုယ်တိုင်ကို ဂုဏ်ပြုတဲ့အတွက် ကျေးဇူးတင်ပါတယ်။
(ဒေါ်သန်းအေးက သမတကြီး ဒေါက်တာရှန်ကာဒါယားရှားမ ထံမှ ဒေါ်စုကိုယ်စား ဆုလက်ခံယူခဲ့သည်။)
Read More...
Collapse...
■ ဒေါ်အောင်ဆန်းစုကြည်ကို ဖယ်မထားရန် အင်ဒိုနီးရှား တောင်းဆို သတင်း
■ မြန်မာ့ရွေးကောက်ပွဲရလဒ် အငြင်းပွားနိုင်ဟု အင်ဒိုနီးရှား ပြော သတင်း
■ လွတ်လပ်မျှတသည့် ရွေးကောက်ပွဲမဖြစ်နိုင်ဟု ဗြိတိန်က ဆို သတင်း
■ အန်အယ်လ်ဒီကို အီးအန်စီက ထောက်ခံ သတင်း
■ ဗီယက်နမ် ဝန်ကြီးချုပ် မြန်မာပြည် သွားမည် သတင်း
■ အာဆီယံခေါင်းဆောင်တွေ မြန်မာ့ရွေးကောက်ပွဲအရေး ဆွေးနွေးဖွယ်ရှိ သတင်း
■ ဗကသခေါင်းဆောင်း ကျော်ကိုကိုအား နောက်ထပ်အမှု ထပ်တိုး သတင်း
■ ၂၀၁၀ ရွေးကောက်ပွဲကြောင့် အမျိုးသားချင်း စိတ်ဝမ်းမကွဲကြစေရန် ENC ဥက္ကဌသစ် ပြောကြား သတင်း
■ မွန် (၁၅) ဦးကော်မတီ ပါတီမဖွဲ့၊ ရွေးကောက်ပွဲမ၀င်ဟု ဆုံးဖြတ် သတင်း
■ ဝ နှင့် ဆွေးနွေးပြန် သတင်း
■ နေရပ်ရင်းပြန် ကရင်ဒုက္ခသည် ကလေးတဦး ဗုံးဒဏ်ကြောင့် သေဆုံး သတင်း
■ ကရင်နိုင်ငံရေးပါတီသစ် မှတ်ပုံတင်လျှောက် သတင်း
■ သရက်ချောင်း ဘုန်းကြီးပျံပွဲတွင် စစ်သားနှင့် ရွာသား အခင်းဖြစ် သတင်း
■ (၁ဝ၅) မိုင် ကုန်သွယ်ရေးဇုန်အနီး နေထိုင်သူများ ပြောင်းရွှေ့ရေး အခက်တွေ့ သတင်း
■ ပဲထဲမှာရောတဲ့ ခဲပြုလုပ်သူများကို အာဏာပိုင်များက ဖမ်းဆီးအရေးယူ သတင်း
■ နိုင်ငံတကာရုပ်သံလိုင်းသစ် မြန်မာပြည်မှ စတင်ထုတ်လွှင့် သတင်း
■ ငွေအကြွေအစား ကူပွန်များကို သုံးလာကြ သတင်း
■ ပြန်ပေးဆွဲခံရသည့် မြန်မာသင်္ဘောသားများ မလွတ်သေး သတင်း
■ ၀န်ကြီးချုပ်အိမ်နားက အဖွဲ့တဖွဲ့ဟာ ရှပ်နီတွေရဲ့ စစ်ပွဲကွပ်ကဲရေးခန်းမလို့ ရဲတွေ သံသယဖြစ် သတင်း
■ NLD၊ လူထုနဲ့ နအဖရဲ့ရွေးကောက်ပွဲ (ဆောင်းပါး)
■ အန်အယ်လ်ဒီ ရှေ့ဆက်ရမည့် နိုင်ငံရေးခရီး (ဆောင်းပါး)
■ ပါတီနဲ့ နိုင်ငံရေး ဘာကိုရွေးကြမှာလဲ (ဆောင်းပါး)
Read More...
Collapse...
လူထုစိန်ဝင်း
အခုတလော ဂျာနယ်၊ မဂ္ဂဇင်းတွေမှာ နိုင်ငံရေး၊ စီးပွားရေး၊ စီမံခန့်ခွဲရေး၊ ဖွံ့ဖြိုးရေးစတဲ့ ပညာရပ်ဆိုင်ရာ စာအမျိုအစားတွေ တော်တော်လေး ထည့်သွင်း ဖော်ပြလာကြတာ တွေ့ရတယ်။ အများစု က နိုင်ငံခြား စာအုပ်တွေကို ဘာသာပြန်တာ၊ တစ်ဆင့် ပြန်ပြောတာတွေ ဖြစ်တယ်။ မြန်မာနိုင်ငံရဲ့ လက်ရှိ အခြေအနေကို သုံးသပ်ဝေဖန်ပြီး ကိုယ်တိုင်ပြုစု ရေးသားထားတာမျိုး မတွေ့ရသလောက် ဖြစ်တယ်။ အဲဒါ ကြောင့် မြန်မာ စာဖတ်ပရိတ်သတ် အတွက် အကျိုး ရှိသင့်သလောက် မရှိဘူးလို့ ယူဆမိတယ်။
ရေးသူ သုံးမျိုးသုံးစား
ပညာရပ်ဆိုင်ရာ စာတွေရေးတဲ့အထဲမှာ သက်ဆိုင်ရာ ပညာရပ်ကို အထူးပြု လေ့လာခဲ့သူတွေ ရှိသလို အထူးပြု လေ့လာခဲ့သူ မဟုတ်ပေမယ့် ၀ါသနာအလျောက် ဖတ်ရှုခဲ့ရတဲ့ အကြောင်းအရာများကို အခြားသူများလည်း သိစေချင်တဲ့ စေတနာနဲ့ ဘာသာပြန်တာ ဒါမှမဟုတ် တစ်ဆင့်ပြန်ဖောက်သည် ချတာမျိုး လုပ်တတ်ကြတယ်။ အထူးပြု လေ့လာခဲ့သူတွေလို စာဖတ်သူရဲ့ ခေါင်းထဲလျှောကနဲ လျှောကနဲ ၀င်သွားအောင် ရှင်းရှင်းလင်းလင်း ချောချောမောမော မရေးနိုင်ပေမယ့် ဝါသနာအလျောက် ဖတ်ရှုလေ့လာမှု အခံ ရှိထားတာကြောင့် နားမလည် နိုင်လောက်အောင်တော့ ရှုပ်ရှုပ်ထွေးထွေး မရှိလှပါဘူး။ ကြိုးစားဖတ်ရင် နားလည်ပါတယ်။ တချို့ကျတော့ လေ့လာမှုအခံ လုံးလုံး ရှိခဲ့တာ မဟုတ်ဘဲ ကိုယ်တိုင်က ခေတ်ရေစီးကြောင်း အတိုင်း လူတွင်ကျယ် လုပ်ချင်တဲ့ မြို့ကြီးသားလူလည် “အီလစ်” ခေါ်တဲ့ ရေပေါ်ဆီ လူတန်းစားများရဲ့ ဗီဇအတိုင်း တတ်ယောင်ကား ဝင်လုပ်တာဖြစ်တယ်။ ဒါမှမဟုတ် ဂျာနယ် မဂ္ဂဇင်းတွေက အင်တာနက်က ဆွဲချ ကူးယူထားတာကို “အဆိုင်းမင့်” ပေးလို့ ရေးကြတာ ဖြစ်တယ်။
ရေပေါ်ဆီလူတန်းစား အီလစ်များ
အဲဒီ တတိယ အမျိုးအစားက ရေးတဲ့ စာတွေကျတော့ ဘယ်နှစ်ခေါက်ဖတ်ဖတ် နားမလည်နိုင်တာ တွေက များပါတယ်။ တကယ်သိ တကယ်တတ်လို့ ရေးတာ မဟုတ်တဲ့ အတွက် ပညာရပ်ဆိုင်ရာ ဝေါဟာရ အသုံး အနှုန်းတွေကို မြန်မာလို ရှိနေတာကိုတောင် ရှိမှန်းသိတာ မဟုတ်ပါဘူး။ ကိုယ်တိုင် ဘာသာပြန်ဖို့လည်း အားထုတ်ကြိုးစား မလုပ်ပါဘူး။ အလွယ်လမ်းလိုက်ပြီး အင်္ဂလိပ် စာလုံးတွေ အတိုင်း အသံထွက်ပြီး ရေးလိုက်ကြတော့တာပါပဲ။ “မီးရထား” လို့ မြန်မာတိုင်း သိနေတာကို သူတို့က “ထရိန်း” လို့ ရေးချင်ကြတာ။ “နိုင်ငံရေး” ဆိုတဲ့ စကားရှိနေတာကို “ပေါ်လစ်တစ်” လို့ ရေးချင်ကြတာ။ လူအထင်ကြီးအောင် လုပ်ချင်တဲ့ သဘောဖြစ်တယ်။ တချို့များ ကွန်ပျူတာကို ကိုင်တောင်ကြည့်ဖူးတာ မဟုတ်ဘဲနဲ့ အင်တာနက်ခေတ် အကြောင်း ရေးလိုရေး ဒစ်ဂျစ်တယ် ခေတ်အကြောင်း ပြောလိုပြောနဲ့ တော်တော်ကို လူအထင်ကြီး ခံချင်ကြတာ။ ဒီ “အီလစ်”တွေရဲ့ အရေးအသားတွေထဲမှာ မျက်စိ အနောက်ဆုံး အရေးအသားတစ်ခု ရှိပါသေးတယ်။ အဲ့ဒါကတော့ စာတစ်ပိုဒ်ရေးတိုင်း “ပညာရှင်အမြင်နဲ့ ပြောရရင်တော့” ဆိုတဲ့ စကားနဲ့စပြီး ရေးတာ မျိုးတွေပါပဲ။ အပေါ်စီးက လေသံနဲ့ စာဖတ် ပရိတ်သတ်တွေကို “နလပိန်းတုံး” လို့ သဘောထားပြီး ပြောနေ တာဖြစ်တယ်။ ကြည့်လိုက်တော့ အဲဒီလို ရေးသူတွေဟာ ပညာရပ်တစ်ခုကို တကယ်တမ်း စူးစူးစိုက်စိုက် လေ့လာ ဆည်းပူးခဲ့သူတွေ မဟုတ်ဘဲ နိုင်ငံခြား သံရုံးတွေက လက်သပ်မွေးပြီး ဟိုသင်တန်း ဒီသင်တန်း ဆိုတာမျိုးတွေ လွှတ်ပေးလို့ ခဏတစ်ဖြုတ် သင်တန်း သွားတက်ဖူးရုံလောက်ပါပဲ။
မကြွားတတ်တဲ့သူ
ဒီပြန်ရောက်တော့ ကိုယ့်ရင်ဘတ်မှာ ကိုယ့်ဟာကိုယ် တံဆိပ်ကပ်ပြီး ပညာရှင်ဆိုတဲ့ စကား ပါးစပ်က မချနိုင်အောင် ဖြစ်နေတာပါ။ စာပေ လောကထဲကပဲ မိတ်ဆွေ ကာတွန်းဆရာ တစ်ယောက် ရှိပါတယ်။ သူက အမေရိကန်နိုင်ငံ ဟားဗတ်တက္ကသိုလ်ကြီး သွားရောက်တက်ပြီး ခုခေတ် ခေတ်စားနေတဲ့ အမ်ပီအေ ဆိုတဲ့ မဟာဘွဲ့ယူပြီး ပြန်လာခဲ့တာပါ။ ဒါပေမဲ့ သူ့ကိုယ်သူ ဟားဗတ်ပြန်လို့ တစ်ခါမှ ရေးတာ မတွေ့ဖူးပါဘူး။ သူ့ကိုယ်သူ ပညာရှင်လို့ ပြောတာလည်း မကြားဖူးပါဘူး။ သူ့ဟာသူ ကာတွန်းဘဲဆွဲတဲ့ အလုပ် ဆက်လုပ်နေတာပါပဲ။ ဘယ်သူ့ကိုမှ ဆရာလုပ် မနေပါဘူး။ နေရာတကာ လူတွင်ကျယ် လုပ်ချင်တဲ့ ရေပေါ်ဆီ လူတန်းစား “အီလစ်” တွေကသာ မျက်စိနောက်စရာ ကောင်းလောက်အောင် ဝင့်ဝါနေကြတာ ဖြစ်ပါတယ်။
“ပညာရှင်”ဆိုတဲ့ စကားနဲ့ပတ်သက်ပြီး အင်္ဂလိပ်လူမျိုး ဘာသာဗေဒနဲ့ ဒဿနိက ပါမောက္ခ A.C Grayling ရေးခဲ့တဲ့ အက်ဆေးတစ်ပုဒါကို သတိရမိပါတယ်။ ၂၀၀၇ ခုနှစ်က ထုတ်ခဲ့တဲ့ The Form of Things ဆိုတဲ့ အက်ဆေးပေါင်းချုပ် စာအုပ်ထဲက The Role of the Intellectual ဆိုတဲ့ အက်ဆေးပါ။ ဖတ်ကြည့်စေချင်ပါတယ်။
အတွေးအခေါ်ဆိုတာ သမိုင်းကိုမောင်းနှင်တဲ့ အရာဖြစ်တယ်။ အတွေးအခေါ်များဟာ ပုံသဏ္ဌာန် အမျိုးမျိုးဆောင်ပြီး ရင်းမြစ်များစွာ ရှိတယ်။ သူတို့ဟာ အကြာခဏ သူတို့ကိုယ်ပိုင် ဘဝနဲ့သူတို့ နေလေ့ရှိပြီး သူတို့သြဇာလွှမ်းမိုးတဲ့ သမိုင်းခေတ်ထက် ပိုပြီး ကြီးကျယ်ကြောင်း သက်သေ ထူနိုင်ခဲ့ကြတယ်။
ဒါကြောင့် အတွေးအခေါ်မျာား အလွန့် အလွန် အရေးပါတဲ့ အရာဖြစ်တယ်။ သူတို့ကို သေသေချာချာ စမ်းသပ် စစ်ဆေးပြီး အခြေအတင် ဆွေးနွေးတာ၊ ရှင်းချက်ထုတ်တာ ဝေဖန် ဆန်းစစ်တာ ကောင်းရင် လက်ခံပြီး မကောင်းရင် သုတ်သင် ဖယ်ရှားပစ်တာ လုပ်ဖို့ လိုအပ်တယ်။
ဒါတွေလုပ်ဖို့ ကိစ္စဟာ ကျွန်တော်တို့အားလုံးနဲ့ သက်ဆိုင်တယ်။ ဒါပေမဲ့ တကယ်တမ်းကျတော့ ဒီ တာဝန်က ဒီအလုပ်ကို အမှန်တကယ် စိတ်ပါဝင်စားပြီး ဒီတာဝန် ထမ်းဆောင်ဖို့ အထုံ ပါရမီရှိသူများ အပေါ်မှာသာ ကျရောက်သွားလေ့ ရှိတယ်။ အဲဒီသူများဟာ “ပညာရှင်များ” (intellectuals) ဖြစ်ကြတယ်။
ပညာရှင်ဆိုသူများဟာ အတွေးအခေါ် (အိုင်ဒီယာ) တွေကို စိတ်ပါဝင်စားရုံ သာမက ကိုယ်ထိ လက်ရောက် လုပ်ကိုင် ဆောင်ရွက်သူများ ဖြစ်တယ်။ သူတို့က သူတို့ဟာ သူတို့ တာဝန်အဖြစ် သတ်မှတ် ကြတယ်။ တချို့က ဝတ္တရားတစ်ခု အဖြစ်လို့ကို သဘောထားကြတယ်။ သူတို့မှာ ရှိတဲ့ စိတ်ဝင်စားမှုနဲ့ ကျွမ်းကျင်မှုများကိုသာ ထိုက်ထိုက် တန်တန် အသုံးချခွင့် ရမယ်ဆိုရင် သူတို့ဟာ ခွဲခြမ်း စိတ်ဖြာဖို့၊ မေးခွန်း တွေထုတ်ဖို့၊ ရှင်းလင်းချက်တွေ လုပ်ဖို့၊ အမြင်သစ် ရှုထောင့်သစ်တွေ ရှာဖို့၊ အကြံပေးတင်ပြဖို့၊ ဝေဖန်ဖို့ စိမ်ခေါ်ဖို့၊ စောဒကတက်ဖို့၊ စစ်ဆေးစမ်းသပ် အဆိုပြုချက် တင်ဖို့၊ အခြေအတင် ငြင်းခံဖို့၊ ပညာပေးဖို့၊ သဘောထား ပြောကြားဖို့၊ အကြံပြုဖို့၊ ဖြစ်နိုင်ရင် အသစ် ရှာဖွေတွေရှိဖို့ မဆုတ်မနစ် ဆောင်ရွက်ကြမှာ ဖြစ်တယ်။
ဒီအလုပ်တွေကို သူတို့က လူ့အဖွဲ့အစည်းကြီး အတွင်း စာရိတ္တရေး၊ နိုင်ငံရေး၊ ပညာရေး၊ ယဉ်ကျေးမှုရေး စတဲ့ အရေး ကိစ္စများကို ပြောဆိုဆွေးနွေး လုပ်နေကြမှာ သူတို့ရဲ့ ပါဝင် အကျိုးပြုမှု အဖြစ် သဘောထားကြတယ်။ ဒါတင်မက လူ့အဖွဲ့အစည်းကို သမိုင်းက သင်ကြားပေးလိုက်တဲ့ သင်ခန်းစာများ အကြောင်း သတိပေး နှိုးဆော်ဖို့ အနာဂတ်အတွက် ပြုခဲ့တဲ့ ကတိကဝတ် ပြဋ္ဌာန်းချက်များကို မမေ့မလျော့ ရှိစေဖို့ နှိုးဆော်မှုအဖြစ်လည်း သဘောထား ခဲ့ကြတယ်။ အဲဒါကြောင့် ပညာရှင် ဆိုသူများဟာ “ဆိုကရေးတီး” က သူ့ကိုယ်သူ ခိုင်းနှိုင်းပြောခဲ့တဲ့ စကားအတိုင်း ပြောရရင် “တိုင်းနိုင်ငံတစ်ခုကို အစဉ်အမြဲ နိုးကြား နေအောင် ထိုးဆွပေးတဲ့ မှက်ကောင်များ ဖြစ်တယ်” လို့ ဆိုရပေလိမ့်မယ်။
ပညာရှင်များ ကြုံတွေ့ရလေ့ရှိတဲ့ အန္တရာယ်များဟာ အရာရာကို အကောင်းဆုံးကိုချည်း လိုချင်ခြင်း၊ မိုက်မဲခြင်း၊ လေကြီးမိုးကြီး ပြောတတ်ခြင်း၊ ကိုယ့်ဂုဏ်ကိုယ် ဖော်လေ့ရှိပြီး၊ အရေးမပါ အရာ မရောက်တဲ့ ဟောင်းနွမ်း ဆွေးမြေ့နေတဲ့ ကိစ္စများကို စကားကြီး စကားကျယ်များ သုံးပြီး ဟောင်ဖွာဟောင်ဖွာ လုပ်ခြင်းများ ဖြစ်တယ်။
တကယ်တမ်းလည်း သူတို့ဟာ ခဏခဏ အဲဒီ အန္တရာယ်ထဲ ကျရောက်ခဲ့တာကြောင့်၊ အင်္ဂလို ဆက်ဇွန်တို့ ကြားမှာ နာမည်ဆိုး ရခဲ့ကြတယ်။ အင်္ဂလို ဆက်ဇွန်တွေက လူသာမန်တွေရဲ့ ပွင့်ပွင့်လင်းလင်း တဲ့တိုး ပြောတာမျိုးကို ဂေါလစ် စကား တန်ဆာတွေနဲ့ မွမ်းမံထားတဲ့ ကျင့်ဝတ် သီလအကြောင်း အတင်းအဖျင်း စကားတွေထက်ပိုပြီး တန်ဖိုးထားပြီး ရှိကြတယ်။
ဒါပေမဲ့လို့ ပညာရှင်များရဲ့ တက်ကြွတဲ့ ဆောင်ရွက်မှုတွေကြောင့် လူ့အဖွဲ့ အစည်းအတွက် အကျိုး ကျေးဇူးတွေလည်း ရှိပါတယ်။ လူ့အဖွဲ့အစည်း ကိုယ့်အကြောင်းကိုယ် သိရှိစေမှု၊ နိုးကြားမှု၊ ရှင်းလင်း ပြတ်သားမှု၊ လှုံဆော်မှု၊ ဆင်ခြင် တွေးခေါ်နိုင်မှု၊ အသိဥာဏ် ပြည့်ဝမှု၊ ဆွေးနွေး ငြင်းခံမှု၊ လှုပ်ရှား ဆောင်ရွက်မှုတို့ ဖြစ်တယ်။
မေးခွန်းထုတ်လေ့ မရှိတဲ့ ပတ်ဝန်းကျင် ကမ္ဘာကြီးကို တောက်ပတဲ့ မျက်လုံးနဲ့ စုံစမ်း စစ်ဆေးကြည့်လေ့ မရှိတဲ့ အကြောင်းတရား အမျိုးမျိုးကို နားလည်သိရှိဖို့ မတူခြားနားတဲ့ နည်းလမ်း အသွယ်သွယ်နဲ့ ကြိုးစား အားထုတ်လေ့ မရှိတဲ့ ခပ်ပျင်းပျင်း ခပ်ဖျင်းဖျင်း လူ့အဖွဲ့အစည်း မျိုးဟာ ပထမတော့ ထုံထုံထိုင်းထိုင်း ဖြစ်ပြီး နောက်တော့ နောက်ပြန် ဆုတ်သွားမှာ အသေအချာ ဖြစ်တယ်။
ဒီလို နည်းနဲ့ပဲ ပညာရှင်များက လူ့ဘောင် လူ့အဖွဲ့အစည်းအတွက် တိုးတက်မှု မျှော်လင့်ချက်တွေ ရှင်သန်စေခြင်း၊ လူ့အဖွဲ့အစည်းရဲ့ သဘာဝတရားနဲ့ ဦးတည်ရာ ပန်းတိုင်နဲ့ ပတ်သက်ပြီး မရပ်မနား စောဒက တက်ခြင်းစတဲ့ တာဝန်များကို ထမ်းဆောင်ရင်း အကျိုးပြု နေကြပေတယ်။
ပါမောက္ခ ဂရေးလင်းက “ပညာရှင်ဆိုသူများက အတွေးအခေါ် (အိုင်ဒီယာ) တွေကို စိတ်ပါဝင် စားရုံမက ကိုယ်ထိလက်ရောက် လုပ်ကိုင်ဆောင်ရွက်သူများ ဖြစ်တယ်” လို့ ဆိုခဲ့သလိုပဲ၊ ကျွန်တော်တို့ ဆီက ကွယ်လွန်သူ သမိုင်းပညာရှင်ကြီး ဒေါက်တာသန်းထွန်း ကလည်း “ပညာရှင်ဆို အသစ် အသစ် တွေကို အမြဲတမ်း ရှာဖွေ ဖော်ထုတ်နေရမယ်။ ကိုယ်ရှာဖွေ ဖော်ထုတ်ဖို့လို့ သိရှိတဲ့ အရာတွေကိုလည်း ကိုယ်သေရာ ယူမသွားဘဲ နောက်လူတွေကို ဖြန့်ဝေ ပေးနေရမယ်” လို့ ပြောခဲ့ပါတယ်။ ဆရာဟာ သူ ပြောတဲ့အတိုင်း သုတေသန အလုပ်တွေကို မရပ်မနား လုပ်နေရုံမက သူရှာဖွေ ဖော်ထုတ်သိရှိ ခဲ့သမျှ တွေကိုလည်း စာအုပ်တွေ၊ စာတမ်းတွေ အဆက်မပြတ် ရေးသားသွားခဲ့တာ ဖြစ်တယ်။ “အသစ် အသစ်တွေ ရှာဖွေဖော်ထုတ် မနေရင် ပညာရှင် မဟုတ်ဘူး” လို့တောင် ဆရာက သူဝသီအတိုင်း ရှင်းရှင်းပြတ်ပြတ် ပြောခဲ့တာပါ။
ကိုယ်ပိုင် အတွေးအခေါ်အသစ်တွေ၊ အမြင်သစ်တွေ၊ ရှာဖွေတွေ့ရှိမှု၊ အသစ်တွေ မပြုလုပ်နိုင်ဘဲ နဲ့ သူများရေးတဲ့ စာအုပ်တွေဖတ်ပြီး ပြန်ပြောတတ်ရုံ ကိုးကားရွတ်ဆို ပြတတ်ရုံနဲ့တော “ပညာရှင်” လို့ ခေါ်နိုင်မယ် မထင်ပါဘူး။ ပညာတတ်သူ၊ စာဖတ်သူလို့ပဲ ခေါ်ရမယ် ထင်ပါတယ် စဉ်းစား ကြပါကုန်။
လူထုစိန်ဝင်း
၈.၁၂.၂၀၀၉
Read More...
Collapse...
ဂါမဏိ
Wednesday, March 31, 2010
၂၀၁၀ ခုနှစ်မှာ ရွေးကောက်ပွဲလုပ်မယ်လို့ နအဖစစ်အစိုးရက တရားဝင် လေလည်ပြလိုက်တဲ့ အခါ မူလဗီဇအရကို မအောင့်အီး နိုင်လောက်အောင် ကြိုက်လွန်းလှသူတွေ ဝမ်းအသာကြီး သာကုန် ကြပါတယ်။ ဆရာကြီး သခင်ကိုယ်တော်မှိုင်းသာ အခုနေ အသက်ရှင်လျက် ရှိနေရင် ဘယ်လို မဟာကဗျာ လေးချိုးကြီးတွေ ထွက်လာအုံးမလဲလို့ ဆရာ ကြီးရဲ့ ၁၃၄ နှစ်မြောက်မွေးနေ့မှာ စဉ်းစား ကြည့်မိပါတယ်။ ဆရာကြီးရဲ့ ရွေးကောက်ပွဲတွေ အပေါ် သဘောထားကို လိုက်လေ့လာ ကြည့်တဲ့အခါ လွန်ခဲ့တဲ့ နှစ်ပေါင်း ၉၀ နီးပါးက ၁၉၂၃ ဒိုင် အာခီ ရွေးကောက်ပွဲနဲ့ ၁၉၃၆ ခု ၉၁ ဌာန ရွေးကောက်ပွဲတွေ အပေါ် ဆရာကြီး သဘောထားတွေကို အခုလို တွေ့မိပါတယ်။
၁၉၂၃ ခုနှစ်ရွေးကောက်ပွဲအပေါ် ဆရာကြီးရဲ့ ရပ်တည်ချက်ကို သိရဖို့ အဲဒီကာလ နိုင်ငံရေး နောက်ခံ အခင်းအကျင်းကို အရင်လေ့လာ ကြည့်ဖို့လိုပါတယ်။
၁၉၁၉ ခုမှာ အိန္ဒိယနိုင်ငံကို အင်္ဂလိပ်က ဒိုင်အာခီ အုပ်ချုပ်ရေးအဆင့် ပေးတဲ့အခါ ဗမာပြည်ကိုတော့ ချန်လှပ်ထားခဲ့လို့ အဲဒီတုံးက နိုင်ငံရေး တက်ကြွလှုပ်ရှားသူတွေ မကျေမနပ်ဖြစ်ကြ ဆူကြပွက်ကြ ဖြစ်ခဲ့ပါတယ်။ အဲဒီကာလက ဗမာပြည်မှာ အဓိက အတိုက်အခံ လို့ ဆိုနိုင်တဲ့ နိုင်ငံရေး အင်အားစုက ဝိုင်အမ်ဘီအေ အဖွဲ့ကြီးဖြစ်ပါတယ်။ ဒီ ဝိုင်အမ်ဘီအေက ဦးဆောင်ပြီး အမျိုးသားရေး ကိုလိုနီဆန့်ကျင်ရေး လုပ်နေတဲ့ အချိန် ဖြစ်ပါတယ်။ ဒါကြောင့် ဝိုင်အမ်ဘီအေဟာ ဟုမ်းရူးခေါ် ကိုယ်ပိုင်အုပ်ချုပ်ရေး ရဖို့အတွက် ဦးဘဖေ၊ ဦးပု နဲ့ ဦးထွန်းရှိန်တို့ သုံးယောက်ပါ ဖေ-ပု-ရှိန် ကိုယ်စားလှယ် အဖွဲ့ကို အင်္ဂလန်နိုင်ငံ လွှတ်ပြီး အရေးဆိုခိုင်းခဲ့ပါတယ်။ ဒါကို ဆရာကြီး သခင်ကိုယ်တော်မှိုင်းက "အင်္ဂလန်သွား ဒယ်လီကိတ် ဘွဲ့" မဟာကဗျာ လေးချိုးကြီးရေးပြီး ထောက်ခံ ဂုဏ်ပြုခဲ့သလို "ကောင်းမျိုးအထွေထွေ ရယ်နဲ့ ချွန်စေမြစေစော ဒေါင်းအိုးဝေရယ်လို့ တွန်စေကစေသော" စာသားပါတဲ့ "ဒေါင်းဋီကာ" ရေးပြီးတော့လည်း ဝိုင်အမ်ဘီအေရဲ့ အမျိုးသားရေး သင်္ကေတ ဒေါင်းတံဆိပ်ကို ဂုဏ်ပြုခဲ့ပါတယ်။
အဲသလို ဖေ-ပု-ရှိန်အဖွဲ့ အင်္ဂလန်နိုင်ငံမှာ မြန်မာပြည် အုပ်ချုပ်ရေး တဆင့်တိုးရေး အတွက် အရေး ဆိုနေချိန်မှာ အင်္ဂလိပ် အလိုတော်ရိ ဝိုင်အမ်ဘီအေ ခေါင်းဆောင်တွေက ဂျူဘလီဟောမှာ လျှို့ဝှက် စည်းဝေးပြီး ဖေ-ပု-ရှိန်ကို မထောက်ခံကြောင်း၊ အင်္ဂလိပ်ဘုရင်ခံ ကရက်ဒေါက် တိုက်ရိုက် အုပ်ချုပ်တဲ့ အစီအစဉ် Cradock scheme ဒီကနေ့ ခေတ်အခေါ်နဲ့ ဆိုရင်တော့ ကရက်ဒေါက် လမ်းပြမြေပုံကိုပဲ ထောက်ခံကြောင်း ကြေညာပြီး အင်္ဂလိပ် ဝန်ကြီးချုပ်ဆီ ကြေးနန်း ပို့ခဲ့ပါတယ်။ ဒါကြောင့် တိုက်ပွဲဝင် ဝိုင်အမ်ဘီအေ ခေါင်းဆောင်တွေ က သြဂုတ် ၁၇ ရက်မှာ ဖေ-ပု-ရှိန် ထောက်ခံကြောင်း အစည်းအဝေးလုပ်ပြီး အင်္ဂလိပ် အစိုးရဆီကို ကြေးနန်း ထပ်ပို့ခဲ့ရပါတယ်။ သခင် ကိုယ်တော်မှိုင်းဟာ မျိုးချစ် ဝိုင်အမ်ဘီအေတွေရဲ့ လုပ်ရပ်ကို ထောက်ခံခဲ့ပါတယ်။
ဝိုင်အမ်ဘီအေ အဖွဲ့ကြီးဟာ လွတ်လပ်ရေး လှုပ်ရှားမှု သို့မဟုတ် ဝံသာနု လှုပ်ရှားမှုကို အဆင့်မြှင့် လုပ်နိုင်ဖို့ဆိုပြီး ၁၉၂၀ မှာ ဂျီစီဘီအေ အဖွဲ့ကြီးကို ဖွဲ့လိုက်ပြီး ကိုယ်ပိုင် အုပ်ချုပ်ရေး (ဝါ) ဟုမ်းရူးကို တောင်းဆို တိုက်ပွဲဝင် ရပ်တည်ခဲ့ပါတယ်။ ၁၉၂၁ ခုဟာ ဝံသာနုလှုပ်ရှားမှု အရှိန်အမြင့်ဆုံး အချိန်ဖြစ်ပြီး အစိုးရ အရာရှိများနဲ့ မဆက်ဆံရေး၊ မကူညီရေးဆိုတဲ့ ဗြူရိုကရေစီ သပိတ်မှောက်ပွဲကို ဂျီစီဘီအေက ခေါင်းဆောင်ဆင်နွှဲခဲ့လို့ လူထုထောက်ခံမှု ကြီးကြီးမားမား ရခဲ့ပါတယ်။ ဒါကို သခင် ကိုယ်တော်မှိုင်းက "ဗြူရိုကရေစီ အစိုးရသနင်းကို ဖြင့်၊ သူခိုးဓားပြကို ညှဉ်းသလိုပ၊ နရင်း နှောက်မယ့် ကြောက်တဲ့စရာ၊ (အိုကွယ်) အမျိုးမျိုး မြန်မာ့အသင်းတွေက ဂိုးဂိုးဂွဂွ ပုလင်းတွေ နှင့် အတင်းမှောက် မဟဲ့လို့ ပေါက်ပကွဲ့တခါ" ဆိုပြီး ဂုဏ်ပြု ကဗျာဖွဲ့ခဲ့ပါတယ်။
ဒါပေမဲ့ အင်္ဂလိပ်က ဟုမ်းရူး မပေးဘဲ ၁၉၂၃ နိုဝင်ဘာမှာ ဒိုင်အာခီ ရွေးကောက်ပွဲ ကျင်းပပေးတဲ့ အခါကျတော့ အဓိက အတိုက်အခံ ပါတီဖြစ်တဲ့ ဂျီစီဘီအေထဲက ဦးဘဖေ၊ ဦးပု နဲ့ ဦးသိမ်းမောင်တို့ ခေါင်းဆောင်တဲ့ အုပ်စုက ရွေးကောက်ပွဲ ဝင်သင့်တယ်၊ "ပူးသတ်" ရ မယ်ဆိုပြီး ၂၁ ဦးပါတီကို ခွဲထွက် ထူထောင်လိုက်ပါတယ်။ ဂျီစီဘီအေထဲက ဦးချစ်လှိုင်၊ ဦးပု၊ ဦးထွန်းအောင်ကျော်တို့ ကတော့ ရွေး ကောက်ပွဲကို သပိတ်မှောက်ခဲ့ပါတယ်။ အဲဒီကာလမှာ သခင် ကိုယ်တော်မှိုင်းဟာ "ဟုမ်းရူး အမတ်လောင်းဘွဲ့" လေးချိုးကြီး၊ "ခွေးဋီကာ"၊ "ခွေးဂဏ္ဍိ" ကဗျာလေးချိုးကြီးတွေ ရေးပြီး ၂၁ ဦးအဖွဲ့ကို တိုက်ခဲ့ပါတယ်။ ခွေးဂဏ္ဍိ မှာ "အစာမြင်လျှင် ဗမာမခင်မူ၍၊ သာသနာပလ္လင်နှင့် ဝေးတဲ့အောင်၊ (အမယ်မင်း) ကျွေးမဟဲ့ အနှူးတွင်ဖြင့်၊ ခွေးအဖွဲ့ထူး…" လို့ ရေးခဲ့သလို ခွေးဋီကာမှာလည်း "ပူးသတ် အကျော်အမော်၊ မှူးမတ်ကတော်အပေါင်းတွင်ဖြင့်၊ (သြော်) ရထား အဆောင်ဆောင် ကားတပြောင်ပြောင်တွေနဲ့၊…" လို့ စပ်ခဲ့ပါတယ်။
မြန်မာဝံသာနုအကြောင်း ဘွဲ့ လေးချိုး စာထောင့်မှာလည်း "သပိတ်မှောက် မြန်မာဝံသာနုတို့မှာတော့၊ မထိတ်မကြောက်စရာ မွန်မြန်မာ တစုတို့ကိုလ၊ ညွှန်ကာ ယခုရယ်တဲ့ အရွာရွာလယ်တယ်၊ (အမယ်မင်း) အာဇာနည်တွေသို့ နှလုံးမြူးကြွဟန် အပိုရဲ၊ (ခေါင်းဆောင်ကြီး တို့မှာကွယ်) အခါ တာမရှည်စေဖို့တဲ့ ဟုမ်းမရူးရရန်ကိုခဲ" လို့ သပိတ်မှောက် ဂျီစီဘီအေကို ဂုဏ်ပြုသလို "တွေးကြည့်ပါ၊ ဘေးထိရန် တကယ် လေ့လာတဲ့နောက်၊ ဘယ်နေရာမှာ သပိတ်ကို ပစ်ခဲ့တယ်လို့၊ စနစ်ကို အသေအချာ မေးချင်လှ၊ ကြောက်သွေးဖိုကာ တုန်လို့၊… ခုများမှာ တဖုံပြင်လို့၊ မဆက် ဆံချင်သူ ဗြူရိုကရက်တို့ကိုလ၊ မနေသာ ခြေမှာဖက်ပြီး၊…" လို့ ကိုလိုနီ အစိုးရနဲ့ပေါင်း သစ္စာဖောက်တဲ့ ဂျီစီဘီအေ တွေကို ရှုတ်ချခဲ့ပါတယ်။
ဒီကာလမှာဘဲ "တောင်ကျရေ နွားနှစ်ကောင် မဝသလိုပ၊ မောင်ဘဖေ ငါးထောင်မရသော်ကြောင့်၊…" ဆိုတဲ့ ပြောင်မြောက်လှတဲ့ စကားလုံးနဲ့ ဆော်ထားတဲ့ ဒိုင်အာခီဘွဲ့ လေးချိုးကြီးကိုလည်း စပ်ခဲ့ပါတယ်။ ဒီကနေ့လိုမျိုးဆိုရင်တော့ 'မောင်ဘဖေ' နဲ့ကာရံတူ နာမည် တွေကို ထည့်မယ်ထင်ပါတယ်။ "နွံနစ်ရှာတောင်၊ ကျွန်ခေတ်မှာ ငါတကောင် ဟဲ့လို့၊ စွာဟောင်ဟောင် သို့ကလောက် ဟိန်းကြရင်ဖြင့်၊ မှောက်ကိန်း အရှည်သွားမည်ကြောင့်၊ ငွေငါးထောင် အရာလုတွေကဖြင့်၊ သာဓုခေါ်စရာပ" လို့လည်း ရွေးကောက်ပွဲဝင်ရေး သမားတွေကို တီးခဲ့ပါတယ်။
အဲဒီ ၁၉၂၃ ရွေးကောက်ပွဲကို ဆရာကြီးမှိုင်း အပြင်းအထန် ရှုတ်ချ တိုက်ခိုက်ခဲ့ပေမဲ့ အဲဒါနဲ့ ဖြောင့်ဖြောင့်ကြီး ဆန့်ကျင်ပြီး လှိုက်လှိုက် လှဲလှဲ ထောက်ခံခဲ့တာကတော့ ၁၉၃၀ ခု ဆရာစံ လယ်သမားသူပုန်ကြီး ဖြစ်ပါတယ်။ အဲဒီအချိန်က လွှတ်တော်ထဲ အမတ်လုပ်နေတဲ့ ဂျီစီဘီအေဟောင်းတွေ၊ လွတ်လပ်ရေးအတွက် ချမယ်နှက်မယ် ဆင်ဖမ်းမယ် ကျားဖမ်းမယ်ဆိုတဲ့ သပိတ်မှောက် ဝံသာနု ဂျီစီဘီအေ တွေဟာ (မတရားသင်း ကြေညာခံရတဲ့ ဦးစိုးသိန်း ဂျီစီဘီအေ အနည်းစုလေးက လွဲရင်) နှာစေးနေကြတဲ့ အချိန်မှာ ဆရာကြီးသခင် ကိုယ်တော်မှိုင်းက "ဥုံအရဟံ သစ္စာဂတိတွေနှင့်၊ ဂဠုံ သရဏံ ဂစ္ဆာမိကြပေတော့" လို့ ဗြောင်အတိအလင်း ဂုဏ်ပြုလေးချိုး စပ်ဆိုခဲ့ပါတယ်။ ဒီဘက်ခေတ် ၂၀၀၇ ရွှေဝါရောင် တော်လှန်ရေးနဲ့ ၂၀၁၀ အလုပ်သမား အရေးတွေမှာ ဒီမိုကရေစီအတွက် ရပ်တည်နေတယ် ဆိုသူတွေ နှာစေးကြတာကို မြင်ရင်လည်း ဆရာကြီးမှိုင်း ဘယ်လို လေးချိုးတွေ စပ်မလဲ စဉ်းစားစရာပါ။
၁၉၂၃ ရွေးကောက်ပွဲကို ဆန့်ကျင်ခဲ့တဲ့ သခင်ကိုယ်တော်မှိုင်းဟာ ၁၉၃၆ ခု ၉၁ ဌာနရွေးကောက်ပွဲမှာတော့ ဒို့ဗမာ အစည်းအရုံးရဲ့ ကိုယ်စားပြု ပါတီဖြစ်တဲ့ ကိုယ့်မင်းကိုယ်ချင်း ပါတီတွက် မဲဆွယ် စည်းရုံးဟောပြော ပေးတာတွေ လုပ်ခဲ့ပါတယ်။ အဲဒီရွေးကောက်ပွဲမှာ အင်္ဂလိပ် ကိုလိုနီသမားတွေဟာ နိုင်ငံရေး ပါတီတွေကို ချိုးနှိမ်ကန့်သတ်တဲ့ ရွေးကောက်ပွဲ ဥပဒေတွေ ပါတီမှတ်ပုံတင် ဥပဒေတွေ ထုတ်မထားတော့ အဓိက အတိုက်အခံ အဖွဲ့ကြီးဖြစ်တဲ့ ဒို့ဗမာ အစည်းအရုံးဟာ တကယ်တော်လှန် မှန်ကန်တဲ့ ရည်ရွယ်ချက်တွေနဲ့ သခင်မြ ကိုယ်တိုင် ခေါင်းဆောင်ပြီး ရွေးကောက်ပွဲ ဝင်ခဲ့တာ ဖြစ်ပါတယ်။
၁၉၃၆ ရွေးကောက်ပွဲဝင်တဲ့ ဒို့ဗမာအစည်းအရုံးရဲ့ ရည်ရွယ်ချက်တွေကတော့ …
၁) အုပ်ချုပ်ရေးစနစ်သစ်ကို လွှတ်တော်တွင်းဝင်ရောက် တိုက်ခိုက်ဖျက်ဆီးရန်
၂) အုပ်ချုပ်ရေးစနစ်သစ် တိုင်းပြည်အတွက် အသုံးမကျ၊ လူထုအတွက် အကျိုးမရှိကြောင်း ဖွင့်ချရန်
၃) ရွေးကောက်ပွဲကိုမှီ၍ ဒို့ဗမာဝါဒ ဖြန့်ရန်
၎) အောက်ခြေ မြို့နယ်ရပ်ကျေး အုပ်ချုပ်ရေးမှာ ဒို့ဗမာဝါဒအတိုင်း ဆောင်ရွက်ရန်တို့ ဖြစ်ပါတယ်။
ဒို့ဗမာအစည်း အရုံးဟာ ပြောတဲ့အတိုင်းလည်း တကယ်လုပ်ပြီး ရွေးကောက်ခံအမတ်တွေဟာ လစာမယူ၊ အစိုးရနဲ့ မပူးပေါင်းရေးကို တောက်လျှောက် ပြတ်ပြတ်သားသား ရပ်တည် ဆောင်ရွက် သွားခဲ့ပါတယ်။ အင်္ဂလိပ် အစိုးရကလည်း အခြေခံ ဥပဒေကို ဆန့်ကျင်ဖွင့်ချ တဲ့အတွက်ဆိုပြီး သခင်မြတို့ကို အရေး မယူခဲ့ပါဘူး။
ဒီကနေ့ ဦးဝင်းတင်ပြောနေ လုပ်နေတဲ့ မကြောက်တရားကို ဆရာကြီး သခင်ကိုယ်တော်မှိုင်းက ကနဦး လက်တွေ့ကျင့်သုံး ခဲ့ဖူးပါတယ်။ ဆရာကြီး အသက် ၆၇ နှစ်အရွယ် ၁၉၃၉ ခုမှာ အင်္ဂလိပ်အစိုးရရဲ့ ကြေးစား လူမိုက်တွေက (အခုခေတ် စွမ်းအားရှင်တွေလို) ပုသိမ် ဘူတာမှာ ဝိုင်းရိုက်လို့ ခေါင်းကွဲခဲ့ပြီးနောက် ချက်ခြင်းလိုလို ဓနုဖြူကိုသွားပြီး မဟာဗန္ဓုလ ချီးကျူးပူဇော်ပွဲနဲ့ အောင်မြေနင်းပွဲကို အကြီးအကျယ် လုပ်ခဲ့ပါတယ်။
ရွေးကောက်ပွဲတွေနဲ့ ဆရာကြီးပတ်သက်ပုံကို အထက်မှာ ဖော်ပြခဲ့တဲ့ အတိုင်းတွေ့ရသလို ကြားဖြတ် အစိုးရ ဖွဲ့စည်းရေးနဲ့ ဆရာကြီး သခင်ကိုယ်တော်မှိုင်း ပတ်သက်ခဲ့တာကိုလည်း လူထု ဒေါ်အမာရဲ့ မှတ်တမ်းမှာ အခုလို တွေ့ရပါသေးတယ်။ ၁၉၄၂ ခု ဖေဖော်ဝါရီလထဲမှာ ဂျပန်စစ်တပ်နဲ့ ဘီအိုင်အေ တပ်တွေ မော်လမြိုင် သိမ်းပြီးချိန် ရန်ကုန်သိမ်းဖို့ မကြာတော့တဲ့ အခါမှာ ဆရာကြီးမှိုင်းဟာ ကြားဖြတ် အစိုးရဖွဲ့ဖို့ သခင်ချစ်၊ ကိုလှမောင် တို့နဲ့အတူ မော်လမြိုင်ကို လာရာမှာ မော်လမြိုင် မရောက်ဘဲ ကျိုက်ထို၊ သထုံ၊ ဖားအံလမ်းကနေ မဲဆောက် ရောက်သွားပြီး ဂျပန် စစ်ဗိုလ်တွေနဲ့ ဆွေးနွေးပွဲ လုပ်ခဲ့ရပါတယ်။ အသက် ၇၀ အရွယ်မှာ ဒေါနတောင်ကျော်ပြီး မဲဆောက် သွားရတဲ့ခရီးဟာ သူ့တသက်မှာ အပင်ပန်းဆုံး ခရီးဖြစ်တယ်လို့ နောင်မှာ ဆရာကြီးက ပြန်ပြောခဲ့ပါတယ်။
ဆရာကြီးဟာ အဲဒီခေတ်ရဲ့ ဒိုနာဖြစ်တဲ့ ဂျပန်တွေရဲ့ကိုယ်စားလှယ် ဗိုလ်ချုပ်ဟီရာအိုကာ ကို အခုခေတ်က လူတွေလိုပဲ မဲဆောက် လာတွေ့ရပြီးတော့ ဆရာကြီးမှိုင်း၊ ဗိုလ်ချုပ်အောင်ဆန်း၊ ဗိုလ်လက်ျာ၊ သခင်မြ၊ သခင်ချစ်တို့ ပါဝင်တဲ့ မြန်မာ အတိုက်အခံ ခေါင်းဆောင်တွေနဲ့ ဂျပန်ဒိုနာ စစ်ဗိုလ်တွေ ဆွေးနွေးကြတဲ့ အခါ ရန်ကုန်သိမ်းပြီးရင် သခင်မြကို ကြားဖြတ် အစိုးရ ဝန်ကြီးချုပ်တင်ဖို့ အားလုံးသဘော တူရွေးခဲ့ပါတယ်။ ဒါပေမဲ့ ဂျပန်ဒိုနာတွေဟာ နောက်ပိုင်းမှာ ကတိဖျက်ပြီး သူတို့ လုပ်ချင်ရာ လုပ်သွားတဲ့အတွက် သခင်မြ ဝန်ကြီးချုပ် မဖြစ်လိုက်ရဘဲ ဒေါက်တာဗမော်ကို အဓိပတိ ဝန်ကြီးချုပ် တင်လိုက်လို့ ဆရာကြီးမှိုင်း မကျေမလည် ဖြစ်ခဲ့ရပါတယ်။ အခုခေတ်မှာသာ ဆရာကြီးရှိသေးရင် ဒိုနာကိုမှီပြီး ကြားဖြတ် အစိုးရတော့ မဖွဲ့နဲ့၊ 'မြ' နဲ့ 'ဒေါက်တာ' ကို သင်ခန်းစာယူလို့ ပြောမှာ သေချာပါတယ်။
သခင်ချစ်ကိုတော့ မဲဆောက်မှာ ဂျပန်တွေက အခုခေတ် ဒိုနာတွေလို စီအိုသင်တန်း ပီဒီသင်တန်းတွေ တက်ခိုင်းခဲ့သလား မှတ်တမ်း တွေမှာ သေချာ ဖော်ပြ မထားပေမဲ့ သခင်ချစ်ဟာ နောက်ပိုင်းမှာ ပြည်သူ့ အရေးတော်ပုံ ပါတီ (ဗမာပြည် ဆိုရှယ်လစ်ပါတီ) နဲ့ ဗမာပြည် ကွန်မြူနစ်ပါတီတို့မှာ အင်မတန်ထူးချွန်တဲ့ ယူဂျီတာဝန်ခံ ဖြစ်သွားခဲ့ပါတယ်။
ဆရာကြီးသခင်ကိုယ်တော်မှိုင်းသာ ဒီကနေ့ရှိနေရင်တော့ စစ်ကျွန်ခေတ်မှာ space ရချင်သူတွေကို "ရွှေပြည်တော် မကိုဋ်မန်းတွင်မှ၊ သိုကန်းတခါ ကြုံခဲ့သမို့၊ ရာဇဂုဏ် တံခွန်မလှစ်နိုင်တဲ့၊ ကျွန်ခေတ် လူရာမဝင်ချင်သနဲ့…" လို့ ထပ်ပြောမှာ သေချာပါတယ်။
နအဖ လက်အောက်မှာ ပါတီရပ်တည်ရေး စဉ်းစားသူတွေကိုလဲ "ရှင်ဘုရင်လုပ်ချင်ရင် စန္ဒဂုတ်လို သတ်ရဲ ဖြတ်ရဲမှ၊ တေမိလို ငရဲ ကြောက်နေသူ ရှင်ဘုရင် မဖြစ်နိုင်" လို့ပြောမှာဖြစ်သလို ကျွဲပါးစောင်းတီး ဖြစ်နေရင်လည်း "ဒို့ ဗမာပြည် ဒါလောက်ကလေး လွတ်လပ် တာဟာ လူငယ်တွေကြောင့်၊ လူကြီးတွေ အလိုသာဆိုရင် အရိမေတ္တယျ ပွင့်တော်မူတောင် မလွတ်လပ်ဘူး" ဆိုတဲ့ စကားမျိုး ထပ်ပြော အုံးမှာဖြစ်ပါတယ်။
ဂါမဏိ
Ref: နေ့သစ်
Read More...
Collapse...
■ အန်အယ်လ်ဒီ၏ မူလနိုင်ငံရေးမပျက် ဆက်လက်လုပ်ဆောင်မည်ဟု ဦးဝင်းတင် ပြောကြား သတင်း
■ ဒေါ်အောင်ဆန်းစုကြည်ရဲ့ သဘောထားနဲ့ အခြားသတင်းများ သတင်း
■ အဖွဲ့ချုပ် ဗဟိုဦးစီးအဖွဲ့၏ အစည်းအဝေးဆုံးဖြတ်ချက်ကို တရားဝင် ကြေညာ သတင်း
■ အဖွဲ့ချုပ်၏ အခြေအနေကို နိုင်ငံခြားသံတမန်များ လာရောက်မေးမြန်း သတင်း
■ အဖွဲ့ချုပ် ဆုံးဖြတ်ချက်အပေါ် တိုင်းရင်းသားအဖွဲ့နှင့် ဒီမိုကရေစီအဖွဲ့က ထောက်ခံ သတင်း
■ NLD ဆုံးဖြတ်ချက်အပေါ် အိန္ဒိယမှ အမျိုးမျိုး တုံ့ပြန် သတင်း
■ မွန်အမျိုးသားဒီမိုကရေစီအဖွဲ့မှ ၂ဝ၁ဝ ရွေးကောက်ပွဲကို ဝင်မည်မဟုတ် သတင်း
■ ဦးသုဝေ ပါတီထောင်ခွင့် လျှောက်ထား သတင်း
■ ရခိုင်ပါတီအသစ် ရွေးကောက်ပွဲ မှတ်ပုံတင်မည် သတင်း
■ နိုင်ငံရေးပါတီများ ရေးသားထုတ်ဝေခွင့်ကို စည်းကမ်းချက်များဖြင့် ကန့်သတ်ထား သတင်း
■ သတင်းစီးဆင်းမှု ထိန်းချုပ်ရေး ကက-ကွန် ပြင်ဆင်နေ သတင်း
■ နိုင်ငံတကာလုပ်ငန်းစဉ် ပြန်သုံးသပ်ရန် အာရှအဖွဲ့ ပြော သတင်း
■ အမေရိကန်၏ မူဝါဒအပေါ် အာရှလူ့ဘောင်ပညာရှင်အဖွဲ့က အစီရင်ခံစာ ထုတ် သတင်း
■ NLD မြို့နယ် လူငယ်ခေါင်းဆောင် ထောင်ဒဏ် (၂) နှစ် တိုး သတင်း
■ အိုင်အယ်လ်အိုနှင့် ဆက်စပ်ဖမ်းဆီးခံများကို လွှတ်ပေးရန် အုပ်ချုပ်ရေးအဖွဲ့က ဆို သတင်း
■ နယ်ခြားစောင့်တပ်အသွင်ပြောင်းရေးကိစ္စ နအဖနှင့် ၀ တပ်ဖွဲ့ မနက်ဖြန် တွေ့ဆုံမည် သတင်း
■ ၀ နယ်သို့ ဆန်နှင့် စားနပ်ရိက္ခာ တင်ဆောင်ခွင့် ပိတ်ပင် သတင်း
■ SSA နှင့် ဝ နယ်မြေအနီးရှိ ဗမာတပ် မိသားစုဝင်များ အရေးပေါ် စစ်သင်တန်းတက် သတင်း
■ လားဟူပြည်သူ့စစ်ကို နယ်ခြားစောင့်တပ်ရင်းအဖြစ် တိုးမြှင့်သည့် အခမ်းအနား ဗိုလ်ရဲမြင့် တက်ရောက် သတင်း
■ ရွာအနီးသို့ စစ်တပ်များ ချဉ်းကပ်မှုကြောင့် ထိုင်းရွာသားများ လုံခြုံရေးစိုးရိမ်ရ သတင်း
■ လုံခြုံရေးကြောင့် သွားလာရေး ပိတ်သည့်အတွက် တောင်ငူဒေသခံများ စီးပွားရေးထိခိုက် သတင်း
■ ကရင်ဒုက္ခသည် (၆၀၀) ကျော် နေရပ်ပြန် သတင်း
■ အမေရိကန်သံတမန်များ မယ်လဒုက္ခသည်စခန်းသို့ လာရောက်လေ့လာ သတင်း
■ နေပြည်တော် လေပြင်းကြောင့် ဝန်ထမ်းများ ထိတ်လန့် သတင်း
■ လေပြင်းကြောင့် ဖလမ်း နေအိမ် (၁၂) လုံး ပျက်စီး သတင်း
■ ရန်ကုန်မြို့လယ်ခေါင် ဘားလမ်း၌ မာဆတ်နှင့် ပြည့်တန်ဆာခန်း များပြား သတင်း
■ ဗကသ ဇော်ဝင်း (ဆောင်းပါး)
Read More...
Collapse...
စိုင်းဇွမ်ဆိုင်း
အင်္ဂါနေ့၊ မတ်လ ၃၀ ရက် ၂၀၁၀
ချင်းမိုင် (မဇ္ဈိမ) ။ ။ ရွေးကောက်ပွဲအတွက် မှတ်ပုံမတင်ရန် ဆုံးဖြတ်လိုက်သည့် အမျိုးသား ဒီမိုကရေစီ အဖွဲ့ချုပ်အပေါ် စစ်အစိုးရက ဖြိုခွင်းမှုအသစ်များ ပြုလုပ်လာနိုင်ကြောင်း ပါတီ ဗဟိုအလုပ်အမှုဆောင် အဖွဲ့ဝင် ဦးဝင်းတင်က သတိပေးလိုက်သည်။
“ကျနော်တို့မှာ ပါတီမရှိဘူးဆိုရင် ကျနော်တို့ရဲ့ လှုပ်ရှားမှုတွေဟာ အများကြီး Limited ကန့်သတ်ထားပြီးသား ဖြစ်သွား ပါလိမ့်မယ်။ ကျနော်တို့က ဒီထက်ပိုပြီးတော့ လှုပ်လှုပ်ရှားရှား ရှိလာမယ်ဆိုရင်၊ ရပ်တည်လာမယ်ဆိုရင် ကျနော်တို့ကို မတရား အသင်းအဖြစ် ကြေညာ လာနိုင်တယ်ဗျ” ဟု ဦးဝင်းတင်က ပြောသည်။
အဓိက အတိုက်အခံပါတီကြီး၏ ဗဟိုအလုပ်မှုဆောင်များနှင့် ပြည်နယ်နှင့်တိုင်း ဗဟိုဦးစီး အဖွဲ့ဝင်များက စစ်အစိုးရ၏ ရွေးကောက်ပွဲ ဥပဒေက တရားမျှတမှု မရှိဟုဆိုကာ ပါတီ မှတ်ပုံပြန်မတင်ရန် ယမန်နေ့က တညီတညွတ်တည်း ဆုံးဖြတ် လိုက်ကြသည်။
ဥပဒေအရ ရွေးကောက်ပွဲဝင်မည့် နိုင်ငံရေးပါတီများသည် ရက်ပေါင်း ၆ဝ အတွင်း ပြန်လည်၍ မှတ်ပုံတင်ရမည်ဖြစ်ရာ မေလ ၆ ရက်နေ့တွင် ပြည့်မည်ဖြစ်သည်။
နိုင်ငံရေးယုံကြည်ချက်ကြောင့် ၁၉ နှစ်ခန့် ထောင်ကျခဲ့ပြီး ညှဉ်းပန်းနှိပ်စက် ခံခဲ့ရသူ ဦးဝင်းတင်သည်လည်း ပါတီ မှတ်ပုံမတင်ရေးကို အစောပိုင်းကပင် အခိုင်အမာ ပြောကြားခဲ့သည်။
”သူများထက် ခြေတလှမ်းစောတဲ့သူ၊ သူများထက် လုပ်နိုင်ကိုင်နိုင်တဲ့ သူတွေဆိုရင် ထောင်ထဲ ဆွဲထည့်မှာပဲဗျ။ ဒါတွေကတော့ ကျနော်တို့ ကြုံရမှာပဲ” ဟု အသက် ၈ဝ နှစ်အရွယ်ရှိ ဦးဝင်းတင်က ပြောသည်။
”ကျနော်တို့က မြန်မာနိုင်ငံမှာ ရွေးကောက်ပွဲနိုင်ရေး၊ အာဏာရရေးလောက်ပဲ လုပ်နေတာ မဟုတ်ဘူး။ ဒီစစ်အာဏာရှင်စနစ် တခုလုံးကို ဖြိုချဖို့ လုပ်နေတာဆိုတော့ သူတို့ဘက်က ပြင်းပြင်းထန်ထန် တုံ့ပြန်မှုတွေ ရှိမှာပဲ” ဟု သူက ပြောသည်။
အလားတူပင် ပါတီဖျက်သိမ်းခြင်း မခံရစေရေးအတွက် ရွေးကောက်ပွဲ ဝင်သင့်သည်ဟု အစောပိုင်းက သဘောထား ဖော်ထုတ်ခဲ့သော ဧရာဝတီတိုင်း ဘိုကလေးမြို့ အမျိုးသား ဒီမိုကရေစီ အဖွဲ့ချုပ် NLD မှ ဦးချစ်ဝမ်းကလည်း “ရက်ပေါင်း ၆ဝ အတွင်းမှာ ပါတီအဖြစ် မှတ်ပုံမတင်ရင် တရားမဝင် အဖွဲ့အစည်းအဖြစ် ကြေညာမယ်၊ ပြီးတော့မှ လူစုတာတို့၊ လှုပ်ရှားတာတို့ လုပ်မယ်ဆိုရင် သူတို့က ကျိန်းသေ ဖြိုခွဲမှာပဲလေ။ ဒါကတော့ သူတို့ပြောပြီးသား” ဟု ဆိုသည်။
ပါတီအနေဖြင့် ရပ်တည်ခွင့် မရနိုင်တော့မည့် NLD အနေဖြင့် မြေအောက် အဖွဲ့အစည်းအဖြစ် ပြောင်းလဲရန် မလိုအပ်ဟု ရွေးကောက်ပွဲကို ဆန့်ကျင်သူ တဦးဖြစ်သော ဇိုမီးအမျိုးသား ကွန်ကရက် ZNC ဥက္ကဋ္ဌ ပူးကျင့်ရှင်းထန်က ပြောသည်။
“နိုင်ငံရေးဆိုတာကတော့ ဆိုင်းဘုတ်မရှိလည်း စိတ်ထဲမှာရှိရင် လုပ်လို့ရပါတယ်။ ကျနော်တို့ရဲ့ ZNC ဆိုတာက ၉၃ ခုနှစ် ကတည်းက ဖျက်သိမ်းတာ။ ကျနော်တို့ ဆိုင်းဘုတ် မထောင်နိုင်ဘူး၊ စာတွေ မဝေနိုင်ဘူး။ ဒါပေမဲ့ ကျနော်တို့ လုပ်တာပဲ” ဟု သူက ပြောသည်။
NLD ၏ ဆုံးဖြတ်ချက်ကို ဝမ်းသာအားရ ကြိုဆိုကြောင်း ကဗျာဆရာ ကိုလေး (အင်းဝဂုဏ်ရည်) က မဇ္ဈိမကို တယ်လီဖုန်းမှတဆင့် ပြောကြားသည်။
“ဒီနေရာမှာတော့ NLD ကို ကျနော် တော်တော်အားရတယ်။ ကျနော်က ဘယ်ပါတီဝင်မှတော့ မဟုတ်ဘူး။ လွတ်လပ်တဲ့ ကလောင် တချောင်းကို ကိုင်ပြီးတော့ တိုက်ပွဲဝင်နေတယ်။ သို့သော် NLD ကို ကျနော်တို့ ထောက်ခံတယ်၊ ဝန်းရံမယ်” ဟု သူက ဆက်ပြောသည်။
ယခု ဆုံးဖြတ်ချက်ကြောင့် နအဖအစိုးရသည် နောက်ထပ် အခက်အခဲ တမျိုးနှင့် ရင်ဆိုင်လိုက်ရသည်ဟု သူက ဆိုသည်။
သူက “Border Guard ကိစ္စတွေ၊ NLD ကိစ္စတွေ၊ နောက်တခါ သူတို့ ခွဲတမ်းချရမယ့် ကိစ္စတွေ၊ ဆိုတော့ ကျနော်တို့ပဲ ခက်တာ မဟုတ်ဘူး၊ သူတို့တွေက ကျနော်တို့ထက်တောင် ပိုခက်သေးတယ်။ ကျနော်ကတော့ ဟောဒီ ရွေးကောက်ပွဲ မဖြစ်ဘူးလို့တောင် ထင်တယ်” ဟု ပြောသည်။
ပြည်ပအခြေစိုက် အတိုက်အခံအဖွဲ့ Forum for Democracy in Burma မှ အထွေထွေအတွင်းရေးမှူး ဒေါက်တာ နိုင်အောင်ကလည်း NLD သည် ပြည်သူများ မျှော်လင့်နေသော တာဝန်အား ကျေပွန်စွာ ဦးဆောင်မှုကို ဆက်လက် ပြသသွားခြင်း ဖြစ်သည်ဟု သူ့အမြင်ကို ပြောသွားသည်။
သို့သော်လည်း ရွေးကောက်ပွဲအတွက် မှတ်ပုံတင်သင့်သည်ဟု ယူဆထားသော ပါတီဝင်များ ကစဥ့်ကလျား ဖြစ်မည်နှင့် ပါတီဝင်များ၏ ရှေ့ရေးကို စိုးရိမ်ကြောင်း NLD ဗဟို အလုပ်အမှုဆောင် ဒေါက်တာ သန်းငြိမ်းက ပြောသည်။
နေအိမ်အကျယ်ချုပ်ကျခံနေရသော ဝန်ကြီးချုပ်ဟောင်း ဗိုလ်ချုပ်ကြီး ခင်ညွန့်၏ ယောက်ဖတော်သူ ဒေါက်တာသန်းငြိမ်း မှာလည်း ပါတီတွင်း လှုပ်ရှားမှုကြောင့် ထောင် ၈ နှစ် ကျခံခဲ့ရသူ ဖြစ်သည်။
NLD ရွေးကောက်ပွဲမဝင်ရန် ဆုံးဖြတ်ချက်ကို လေးစားကြောင်း အမေရိကန် ပြည်ထောင်စုက ကြေညာသည်။
“မြန်မာပြည် နိုင်ငံရေးဖြစ်စဉ်မှာ လိုအပ်တယ်လို့ ကျနော်တို့ ယူဆထားတဲ့ ဒေါ်အောင်ဆန်းစုကြည်လို ပုဂ္ဂိုလ်မျိုးတွေ၊ တခြား အဖွဲ့တွေ၊ တိုင်းရင်းသား အဖွဲ့တွေနဲ့ အလေးအနက်ထားပြီး ဆွေးနွေးဖို့ မြန်မာအစိုးရက ဆန္ဒမရှိတဲ့ အတွက်ကြောင့် NLD က ဒီလို ဆုံးဖြတ်လိုက်တာပဲလို့ ကျနော်တို့ နားလည်မိပါတယ်” ဟု အမေရိကန် နိုင်ငံခြားရေး ဝန်ကြီးဌာန ပြောခွင့်ရပုဂ္ဂိုလ် ပီဂျေခရော်လေက ပြောသည်။
မြန်မာစစ်အစိုးရအပေါ် ပိတ်ဆို့အရေးယူမှုနှင့် ထိတွေ့ဆက်ဆံရေး တပြိုင်တည်း ကျင့်သုံးနေသော အမေရိကန် အစိုးရ၏ မူဝါဒအောက်တွင် တွေ့ဆုံဆွေးနွေးမှုကို ဆက်လက် လုပ်ဆောင်သွားမည်ဟုလည်း ပြောသည်။
ဂျပန်နိုင်ငံခြားရေးဝန်ကြီး ကတ်ဆုယာ အိုကာဒါကမူ ဒေါ်အောင်ဆန်းစုကြည်နှင့် အခြားသော ရွေးကောက်ပွဲတွင် ပါဝင်သင့်သူများ မပါလျှင် မြန်မာနိုင်ငံကို နောက်ထပ် အကူအညီငွေများ ထပ်မပေးတော့ဟု မကြာသေးခင်ကပင် ပြောထားသည်။
ကုလသမဂ္ဂကလည်း ဒေါ်အောင်ဆန်းစုကြည်နှင့် NLD ၏ ဆုံးဖြတ်ချက်ကို နိုင်ငံတကာ အသိုင်းအဝိုင်းက လေးစားရန် လိုအပ်သည်ဟု ပြောသည်။
Ref: မဇ္ဈိမ
Read More...
Collapse...
ဦးဝင်းတင်
၃၀ မတ် ၂၀၁၀
မြန်မာပြည်ကစစ်အစိုးရဟာ ကျနော်တို့ပါတီဖြစ်တဲ့ အမျိုးသားဒီမိုကရေစီ အဖွဲ့ချုပ်ကို တရားဝင် ဆက်လက် ရပ်တည် လှုပ်ရှားမယ် မလှုပ်ရှားဘူး ဆိုတာနဲ့ ပတ်သက်ပြီး ခက်ခဲတဲ့ ဆုံးဖြတ်ချက်တရပ် ချဖို့ အခြေဆိုက် စေခဲ့ပါတယ်။
နိုင်ငံတော်အေးချမ်းသာယာရေးနဲ့ ဖွံ့ဖြိုးရေး ကောင်စီလို့ ခေါ်တဲ့ အာဏာရ ဗိုလ်ချုပ်တွေဟာ ဒီလထဲမှာ မတရားတဲ့ ရွေးကောက်ပွဲ ဥပဒေတစုံကို ထုတ်ပြန်ခဲ့ပြီး ကျနော်တို့ပါတီကို ရွေးကောက်ပွဲ ကော်မရှင်မှာ ရက် ၆၀ အတွင်း အသစ် ပြန်မှတ်ပုံ မတင်ရင် ဖျက်သိမ်းမယ်လို့ ခြိမ်းခြောက်ခဲ့ပါတယ်။
ကျနော်တို့ဟာ စစ်အစိုးရရဲ့ ရက်စက် ယုတ်မာတဲ့ သဘာဝကို သိထားပါတယ်။ သူချမှတ်တဲ့ ရွေးကောက်ပွဲ ဥပဒေတွေဟာ တရားမျှတမှု စိုးစဉ်းလောက် ပြလိမ့်မယ်လို့ ကျနော်တို့ မမျှော်လင့်ခဲ့ပါဘူး။ ဒါပေမဲ့ စစ်အစိုးရဟာ အဲဒီ ဥပဒေတွေသုံးပြီး ကျနော်တို့ ခေါင်းဆောင် ဒေါ်အောင်ဆန်းစုကြည်နဲ့ နိုင်ငံရေး အကျဉ်းသား အားလုံးကို နိုင်ငံရေး လုပ်ငန်းကနေ ဖယ်ထုတ် ပစ်လိမ့်မယ်လို့လည်း မမျှော်လင့် မိခဲ့ပါဘူး။ စစ်အစိုးရဟာ ပါတီအားလုံး ပါဝင်တဲ့ ပွင့်လင်းမြင်သာ လွတ်လပ် တရားမျှတတဲ့ ရွေးကောက်ပွဲ ကျင်းပပေးဖို့ တောင်းဆိုချက်ကို လျစ်လျူရှုလိုက်ခြင်း အားဖြင့် မြန်မာ ပြည်သူတွေနဲ့ နိုင်ငံတကာ အသိုင်းအဝိုင်းရဲ့ ဆန္ဒကို အာခံလိုက်ပြန်ပါပြီ။
နိုင်ငံရေးပါတီမှတ်ပုံတင်ဥပဒေက နိုင်ငံရေး အကျဉ်းသား အားလုံးကို မဲပေးခြင်း၊ ယှဉ်ပြိုင်ခြင်း၊ နိုင်ငံရေးပါတီ ထောင်ခြင်း ဒါမှမဟုတ် ပါတီဝင်ဖြစ်ခြင်း တို့အားဖြင့် ရွေးကောက်ပွဲမှာ ပါဝင် ဆောင်ရွက်မှုကို ပိတ်ပင် ထားပါတယ်။ နိုင်ငံရေး အကျဉ်းသားတွေ ကိုယ့်ပါတီဝင် အဖြစ် ရှိမနေအောင် ပါတီတွေက အာမခံရမှာဖြစ်ပြီး နိုင်ငံ့ဖွဲ့စည်းပုံ အခြေခံဥပဒေကို လိုက်နာ စောင့်ရှောက်ပါ့မယ်၊ ရွေးကောက်ပွဲ ဥပဒေတွေကို လိုက်နာပါ့မယ် ဆိုတဲ့ ခံဝန်ချက်ကိုလည်း လက်မှတ်ထိုးရမှာ ဖြစ်ပါတယ်။ နိုင်ငံရေး ပါတီတွေဟာ ရွေးကောက်ပွဲကိုလည်း မဖြစ်မနေ ဝင်ပြိုင်ဖို့ လိုပါတယ်။ ဒီကန့်သတ် ချုပ်ချယ်ချက်တွေကို လိုက်နာဖို့ ပျက်ကွက်ရင် ပါတီဖျက်သိမ်း ခံရမှာ ဖြစ်ပါတယ်။
ကျနော့်အတွက်တော့ ဆုံးဖြတ်ရတာ လွယ်ကူရိုးစင်းလှပါတယ်။ ဒါကတော့ “ဘူး” ဆိုတာပါဘဲ။ ကျနော်တို့ဟာ ဖောက်ပြန် ခြစားပြီး မတရားတဲ့ ဒီတရားရေး စနစ်အောက်မှာ အကျဉ်းချခံနေရ အကျဉ်းချခံ ခဲ့ရဖူးတဲ့ ဒေါ်အောင်ဆန်းစုကြည်နဲ့ တခြားလူတွေကို မထုတ်ပစ် နိုင်ပါဘူး။ သူတို့မပါရင် ကျနော်တို့ပါတီဟာ အလကား ဖြစ်သွားပါလိမ့်မယ်။ သူတို့ဟာ ဒီမိုကရေစီနဲ့ တရားဥပဒေ အာဏာပိုင်စိုးမှုကို ယုံကြည်လို့ ထောင်ထဲ ရောက်နေတာ ဖြစ်ပါတယ်။ ယုံကြည် လက်ခံလောက်ဖွယ် ဒီမိုကရေစီ လုပ်ငန်း ဖြစ်ဖို့ဆိုရင် သူတို့ကို ချက်ခြင်း လွှတ်ပေးပြီး ဗမာပြည်ရဲ့ နိုင်ငံရေး လုပ်ငန်းထဲ ပါဝင် ဆောင်ရွက်စေဖို့ လိုပါတယ်။
ထာဝရ စစ်အာဏာရှင်စနစ်ကို တရားဝင်အောင်လုပ်ဖို့ ရည်ရွယ်ပြီး စစ်အစိုးရ တဖက်သတ် ရေးဆွဲထားတဲ့ အခြေခံ ဥပဒေကို ကျနော်တို့ လက်မခံပါဘူး။ ဒီအခြေခံဥပဒေ အတည်ပြုဖို့ ဆန္ဒခံယူပွဲကို ၂၀၀၈ ခု နာဂစ်မုန်တိုင်း အပြီးမှာ ကျင်းပခဲ့ပြီး အဓမ္မ ဖိအားနဲ့ မသမာမှုနဲ့ “အတည်ပြုခဲ့”တာ ဖြစ်ပါတယ်။ ကျနော်တို့ ရည်မှန်းချက်ကတော့ ဒီအခြေခံဥပဒေ အတုအယောင်ကို ပယ်ချပစ်ပြီး အားလုံးပါဝင်တဲ့ စစ်မှန်တဲ့ နိုင်ငံရေးအရ တွေ့ဆုံ ဆွေးနွေးမှုက တဆင့် ဒီမိုကရေစီ၊ လူ့အခွင့်အရေး၊ တရားမျှတမှု၊ တရားဥပဒေ အာဏာပိုင်စိုးမှုနဲ့ တိုင်းရင်းသား လူမျိုးအားလုံး တန်းတူညီမျှမှု ကိုအာမခံမယ့် အခြေခံဥပဒေ တရပ် ဖန်တီးဖို့ ဖြစ်ပါတယ်။ အတုအယောင် အခြေခံဥပဒေကို လိုက်နာပါ့မယ်လို့ ကျနော်တို့ ခံဝန်ချက် မထိုးနိုင်ပါဘူး။ ဒီလုပ်ငန်းကနေ စစ်မှန်တဲ့ ဒီမိုကရေစီ ပေါ်ထွက်လာမှာ မဟုတ်ပါဘူး။
အဖွဲ့အစည်းတခုအဖို့ ဒီလိုဆုံးဖြတ်ချက်မျိုးချနိုင်ဖို့ ဆိုတာ မလွယ်လှပါဘူး။ ဒေါ်အောင်ဆန်းစုကြည်က သူမပါတီ ရွေးကောက်ပွဲ အတွက် မှတ်ပုံတင်ဖို့ "စဉ်းတောင်မစဉ်းစားဘူး" လို့ ပြောခဲ့ပါတယ်။ ဒါပေမဲ့လည်း ဒီမိုကရေစီကို သက်ဝင်ယုံကြည်တဲ့ ခေါင်းဆောင်တယောက်ပီပီ ပါတီကဘဲ ကိုယ့်ဖာသာကိုယ် ဆွေးနွေး ဆုံးဖြတ်ဖို့ကို အလေး ပေးခဲ့ပါတယ်။ တနင်္လာနေ့မှာတော့ ကျနော့် ရဲဘော်အားလုံးက ဒီမတရားမှုတွေကို အတူတကွ ရင်ဆိုင်ဖို့ သဘောတူခဲ့ကြပါတယ်။
တချို့ကတော့ ကျနော်တို့ပါတီ ဆက်လက်ပြီး တရားဝင် အနေအထားရှိဖို့ ပိုအရေးကြီးတယ်လို့ ယူဆကြပါတယ်။ သူတို့စဉ်းစားချက် အရ ကျနော်တို့ပါတီ တရားမဝင် ဖြစ်သွားရင် မြန်မာနိုင်ငံ ပြည်သူတွေအတွက် ဘယ်လို အလုပ် လုပ်နိုင်တော့မှာလဲတဲ့။ ကုလ သမဂ္ဂနဲ့ တချို့ နိုင်ငံတွေကလည်း စစ်အစိုးရကို ဒီမတရား ဥပဒေတွေ ပြောင်းလဲပေးဖို့ ပန်ကြားခဲ့ပြီး ဒေါ်အောင်ဆန်းစုကြည်နဲ့ နိုင်ငံရေး အကျဉ်းသား အားလုံးကို ရွေးကောက်ပွဲမှာ ပါဝင်ခွင့်ပေးဖို့ တောင်းဆိုခဲ့ကြပါတယ်။
အတွင်းရေးမှုးချုပ် ဘန်ကီမွန်းဟာ ဗမာပြည် အခြေအနေ ဆွေးနွေးနိုင်အောင် သူ့ရဲ့ "မြန်မာ့မိတ်ဆွေများအုပ်စု" အစည်းအဝေးတခု ခေါ်ယူ ကျင်းပခဲ့ပါတယ်။ အမေရိကန်အစိုးရ ဟာ ကျနော်တို့ တိုင်းပြည်ထဲက စစ်ရာဇဝတ်မှုတွေနဲ့ လူသားမျိုးနွယ် ဆန့်ကျင်ရေး ရာဇဝတ်မှုတွေကို စုံစမ်းစစ်ဆေးဖို့ "စုံစမ်းရေး ကော်မရှင်" တရပ်ကို ကုလသမဂ္ဂကနေ ထူထောင်ဖို့ အကြံပြုချက် အပါအဝင် ကုလ အထူး စုံစမ်းရေးသမား တောမတ်စ် အိုဟေးယား ကွင်တားနား မကြာခင်က ထုတ်ပြန်ခဲ့တဲ့ အစီရင်ခံစာနဲ့ အကြံပြု တိုက်တွန်းချက်တွေကို "အလေးအနက်စဉ်းစား" နေတယ် လို့လည်း ကျနော်တို့ ကြားရပါတယ်။ ဒီလိုနောက်ကွယ်က နိုင်ငံတကာ အသံတွေရဲ့ ထောက်ခံ အားပေးမှုနဲ့တင် မလုံလောက်နိုင်ပါ။ နိုင်ငံတကာ့ အသံတွေ ကြေညာချက်တွေကို ဗမာပြည် နိုင်ငံရေး အကျပ်အတည်း ပြောင်းလဲပစ်ဖို့ ထိရောက်တဲ့ လုပ်ဆောင်ချက်တွေနဲ့ အားမဖြည့်တဲ့ အတွက် ကျနော့် ရဲဘော်တွေ ပူပန်ကြောင့်ကြမိတာ ဖြစ်သင့် ဖြစ်ထိုက်ပါတယ်။
ကျနော်တို့ပါတီဟာ လွတ်လပ်ရေး၊ တရားမျှတရေးနဲ့ ဒီမိုကရေစီ အတွက် အသက်ပေးလှု သွားခဲ့ကြ သူတွေရဲ့ မပြီးဆုံးသေးတဲ့ လုပ်ငန်းကို ဆက်လက် ဆောင်ရွက်ဖို့ဆိုတဲ့ မြင့်မြတ်တဲ့ ရည်ရွယ်ချက်နဲ့ ၁၉၈၈ ခု ဒီမိုကရေစီရေး လူထုအုံကြွမှု ကနေ ပေါက်ဖွားလာ တာဖြစ်ပါတယ်။
ကျနော်တို့ဟာ ၁၉၉၀ ရွေးကောက်ပွဲမှာ တခဲနက် အနိုင်ရခဲ့ပြီး နှစ် နှစ်ဆယ်ကျော်တိုင်အောင် မြန်မာ့ ဒီမိုကရေစီ လှုပ်ရှားမှုကြီးရဲ့ ခေါင်းဆောင် ဖြစ်ခဲ့ပါတယ်။ ဒါပေမဲ့ ဒီမတရားတဲ့ ရွေးကောက်ပွဲ "ဥပဒေတွေ" ကို ဒူးထောက်ဖို့ ငြင်းဆန်တဲ့အတွက် မကြာခင်မှာ စစ်အစိုးရကနေ ဖျက်သိမ်းတာကို ခံရတော့မှာ ဖြစ်ပါတယ်။ ဒါပေမဲ့လည်း အဲင်အယ်လ်ဒီ ဟာ ပျောက်ကွယ်သွားမှာ မဟုတ်ပါ။ ကျနော်တို့ဟာ ပြည်သူတွေ အကြားမှာ ပြည်သူတွေနဲ့ အတူ ရှိနေမှာ ဖြစ်ပါတယ်။ ကျနော်တို့ဟာ ဒီမိုကရေစီရေး၊ လူ့အခွင့်အရေးနဲ့ တိုင်းရင်းသား လူမျိုးစုများ တန်းတူရေး အတွက် ငြိမ်းချမ်းတဲ့ နည်းလမ်းတွေနဲ့ ဆက်လက် တိုက်ပွဲဝင်သွားမှာ ဖြစ်ပါတယ်။
နိုင်ငံတကာ့အသိုင်းအဝိုင်း အနေနဲ့ ကျနော်တို့နဲ့အတူ ရပ်တည်ဖို့ ကျနော် မျှော်လင့်ပါတယ်။ နိုင်ငံတကာက အစိုးရတွေဟာ စစ်အစိုးရရဲ့ ရွေးကောက်ပွဲနဲ့ ကြိုတင် စီစဉ်ထားတဲ့ ရလဒ်ကို လက်မခံကြောင်း ကြေညာဖို့လိုပြီး စစ်အစိုးရအနေနဲ့ ဗမာပြည်အတွက် သိသာထင်ရှားပြီး တိုးတက်တဲ့ အပြောင်းအလဲလုပ်ဖို့ ဖိအား ပေးသင့်ပါတယ်။ အပြောင်းအလဲ ဆိုရာမှာ ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားအားလုံး ချက်ခြင်း လွှတ်ပေးတာနဲ့ တိုင်းရင်းသား လူနည်းစုတွေအပေါ် စစ်ဆင်ရေးတွေ ရပ်စဲတာက အစချီရမှာ ဖြစ်ပါတယ်။ ဒီနောက် စစ်အစိုးရဟာ ဒေါ်အောင်ဆန်းစုကြည် ခေါင်းဆောင်တဲ့ မြန်မာ့ ဒီမိုကရေစီ အင်အားစုတွေနဲ့ တိုင်းရင်းသား ကိုယ်စားလှယ်တွေနဲ့ စေ့စပ်ဆွေးနွေးပြီး အမျိုးသား ပြန်လည် သင့်မြတ်ရေးနဲ့ စစ်မှန်တဲ့ ဒီမိုကရေစီ ပေါ်ထွန်းရေးအတွက် ငြိမ်းချမ်းစွာ အဖြေရှာရမှာ ဖြစ်ပါတယ်။
ဦးဝင်းတင်
ဦးဝင်းတင်ဟာ အမျိုးသား ဒီမိုကရေစီအဖွဲ့ချုပ် ဗဟိုအလုပ်အမှုဆောင်လည်းဖြစ် စတင် တည်ထောင်သူလည်း ဖြစ်ပြီး ၁၉၈၉ ခုကနေ ၂၀၀၈ ခုအထိ နိုင်ငံရေး အကျဉ်းသား ဖြစ်ခဲ့ပါတယ်။မတ်လ ၃၀ ရက် ၂၀၁၀ ထုတ် ဝါရှင်တန်ပို့စ် သတင်းစာမှ
Decision Time in Burma for Democracy's Advocates ဆောင်းပါး
Read More...
Collapse...
■ (၂၉) မတ်လ၊ ၂၀၁၀ ရက်နေ့ ဗဟိုဦးစီးအဖွဲ့ အထူးအစည်းအဝေးသို့ ဒေါ်အောင်ဆန်းစုကြည် မှာကြားသော အချက် (၆) ချက် သတင်း
■ ဒေါ်အောင်ဆန်းစုကြည် ဗဟိုကော်မတီထံ ပေးပို့သည့် အချက် (၆) ချက် NLD သံတမန်တွေကို ရှင်းပြ သတင်း
■ NLD ဆုံးဖြတ်ချက်ကို အမေရိကန်နှင့် ကုလ အလေးထား သတင်း
■ ဦးဝင်းတင်ကို မဖမ်းပါ သတင်း
■ NLD ပါတီ မှတ်ပုံမတင်ရေး ဆုံးဖြတ်ချက်အပေါ် အတိုက်အခံများ ကြိုဆို သတင်း
■ NLD ဆုံးဖြတ်ချက် NDF ထောက်ခံကြိုဆို သတင်း
■ NLD ဆုံးဖြတ်ချက်အပေါ် အမြင်ကွဲပြားနေ သတင်း
■ NLD ရှေ့ရေး ထင်ကြေး အမျိုးမျိုးပေး သတင်း
■ NLD ပါတီ မှတ်ပုံမတင်သည့်အပေါ် ပြည်တွင်းပြည်ပအတိုက်အခံအဖွဲ့အစည်းများ၏ သဘောထားများ သတင်း
■ အမျိုးသားဒီမိုကရေစီအဖွဲ့ချုပ်ရဲ့ ဆုံးဖြတ်ချက်အပေါ် ရဲဘော်ဖိုးသံချောင်းရဲ့ အမြင် သတင်း
■ နအဖ ရွေးကောက်ပွဲအပေါ် ဝါရင့်ရခိုင်နိုင်ငံရေးသမား ခိုင်ကျော်ခိုင်၏ အမြင် သတင်း
■ ၁၉၉၀ ရွေးကောက်ပွဲနိုင် NLD အမတ်များ အိုင်ပီယူတွင် ဆွေးနွေးခွင့်ရ သတင်း
■ ရွေးကောက်ပွဲ ပုန်ကန်မှုများ ကာကွယ်ရန် လုံခြုံရေးများ တိုးမြှင့်တော့မည် သတင်း
■ NLD ဆုံးဖြတ်ချက် ရွေးကောက်ပွဲ အနှောင့်အယှက်ဖြစ်ဟု ဂျာနယ်များတွင် ဖော်ပြခိုင်း သတင်း
■ သူရရွှေမန်း ကချင်ပြည်နယ်သို့ သွားရောက် သတင်း
■ မိုင်းလားတပ်ဖွဲ့အား ဗိုလ်ချုပ်ရဲမြင့်က ပဉ္စမအကြိမ် နောက်ဆုံးဒက်လိုင်း ရာဇသံထပ်ပေး သတင်း
■ ကိုးကန့်ဒေသ၌ ပြောက်ကျား (၇) ဦး လက်နက်နှင့်အတူ ဖမ်းမိဟုဆို သတင်း
■ အစိုးရနှင့် ဒီကေဘီအေ ပူးပေါင်းတပ်က ကေအဲန်ယူကို တိုက်ခိုက် သတင်း
■ လူထုအပေါ် ဒီကေဘီအေ၏ အနိုင်ကျင့်မှု ပိုများလာ သတင်း
■ မဟာပါသဏ လိုဏ်ဂူတော်ဝင်းအတွင်း ၀င်ထွက်သွားလာခွင့် ကန့်သတ် သတင်း
■ ရခိုင်လူငယ် (၁၁) ဦးအမှု စစ်ဆေး၊ မိသားစု နားထောင်ခွင့်ရရေး တရားရုံးထံ တောင်းဆို သတင်း
■ လေပြင်းကြောင့် ဒုက္ခသည် (၁၀၀) ကျော် အိုးအိမ်ပျက်စီး သတင်း
■ ၁ဝ၅ မိုင် ကုန်သွယ်ရေးဇုံရှိ နေအိမ် (၅၉) လုံး ဖယ်ရှားခံရ သတင်း
■ ဘတ်စ်ကား ချောက်ထဲကျ၊ လူ (၆) ဦး သေဆုံး သတင်း
■ စက်ဖြင့် စစ်ဆေးနိုင်သည့် ပတ်စ်ပို့များ စတင်ထုတ်ဝေ သတင်း
■ ရွှေ့ပြောင်းအလုပ်သမားများကို လိမ်လည်သည့် ကုမ္ပဏီ စစ်ဆေးခံရ သတင်း
■ မလေးရှားတွင် အဖမ်းအဆီး ပိုကြမ်းလာ သတင်း
■ အစိုးရနဲ့ UDD ဆွေးနွေးပွဲ မအောင်မြင်ဘဲ အဆုံးသတ် သတင်း
■ အမျိုးသားဒီမိုကရေစီအဖွဲ့ချုပ် ဗဟိုကော်မတီရဲ့ သမိုင်းဝင် ၂၀၁၀ မတ်လ ၂၉ ရက် အစည်းအဝေး (ဓာတ်ပုံ မှတ်တမ်း)
■ စစ်ရာဇ၀တ်မှုဆိုတာ ဘာလဲ (ဘာသာပြန်ဆောင်းပါး)
■ လင်းယုန်ငှက်၏ အချိန်ကိုက် ထိုးသုတ်မှုနှင့်တူသော ဆုံးဖြတ်ချက် (ဆောင်းပါး)
■ တယ်လီဖုန်းဖြင့် ချစ်သူရှာဖွေခြင်း (ဆောင်းပါး)
Read More...
Collapse...
ရဲဘော်ဖိုးသံချောင်း
၂၉/ မတ် ၂၀၁၀
နအဖရဲ့ နောက်ဆုံးခြေလှမ်းဟာ အမျိုးသားဒီမိုကရေစီအဖွဲ့ချုပ်ကို စမ်းသပ်လိုက်တာပဲလို့ အလွယ်တကူပြောရင် ရပါတယ်။ ဒါပေမယ့် နအဖရဲ့ ဒီထိုးစစ်ဟာ မမျှော်လင့်ဘဲ ပေါ်လာတာ မဟုတ်ပါဘူး။ ဒင်းတို့တတွေ ဒီအတွက် ကြိတ်ကြံနေတယ်။
တချိန်ကျရင်၊ အထူးသဖြင့် ရွေးကောက်ပွဲကာလ တ၀ိုက်မှာ အမျိုးသား ဒီမိုကရေစီ အဖွဲ့ချုပ်ကို “ကိုင်” တော့မယ်ဆိုတာ အစောကြီး ကတည်းက အများက တွက်ထားကြတာပါ။ ဘယ်ပုံ ဘယ်နည်း ဆိုတာကိုသာ စောင့်ကြည့်နေကြတာ ဖြစ်ပါ
တယ်။
အခုတော့ အဖြေက ထွက်လာပါပြီ။ တွက်ထားတဲ့အတိုင်းပဲ ကောင်းဘွိုင်ကားထဲက လူဆိုးလို သေနတ် တ၀င့်ဝင့်နဲ့ အဲဒီ သေနတ်ကိုင် လူဆိုးက အခု အမျိုးသား ဒီမိုကရေစီအဖွဲ့ချုပ်ကို အဖြိုခွဲခံမလား၊ သူတို့ခွင့်ပြုတဲ့ ဥပဒေဘောင် ထဲကနေ အပြင်ကို ထွက်သွားမလား၊ သူတို့ဖွင့်ပေးထားတဲ့ ပုံစံ တံခါးပေါက်ကနေ ခေါင်းငုံ့ ၀င်မလားလို့ ရွေးစရာတွေ ပေးနေပါတယ်။ ဒါဟာ နအဖဘက်က သွေးတိုးစမ်းတာ မကတော့ပါဘူး။ စိန်ခေါ်တာ၊ စစ်ကြေညာတာ ဖြစ်ပါတယ်။ ဒီချုပ်အနေနဲ့ ကြိုက်သည်ဖြစ်စေ၊ မကြိုက်သည်ဖြစ်စေ ရင်ဆိုင် ဖြေရှင်းရပါတော့မယ်။ လွန်ခဲ့တဲ့အနှစ် (၂၀) တုန်းက ကြံ့ခိုင်မှုမျိုး ရှိသေးသလားဆိုတာ အမျိုးသား ဒီမိုကရေစီအဖွဲ့ချုပ်က သက်သေ ပြရပါတော့မယ်။
သဘောတူသည်ဖြစ်စေ၊ မတူသည်ဖြစ်စေ၊ အမျိုးသားဒီမိုကရေစီ အဖွဲ့ချုပ်နဲ့ ဒေါ်အောင်ဆန်းစုကြည် တို့ကို နအဖက အခုလို တမင် အညွန့်ချိုးဖို့ လုပ်တာဟာ ဒီနေ့ ပြည်သူလူထုရဲ့ လှုပ်ရှားမှုနဲ့ စိတ်ဓာတ် အရှိန်ကို ချိုးနှိမ်ဖို့လုပ်တာ ဖြစ်ပါတယ်။ အမျိုးသား ဒီမိုကရေစီအဖွဲ့ချုပ်နဲ့ ဒေါ်အောင်ဆန်းစုကြည်တို့ကို ဦးတည်တယ်လို့ ဆိုပေမယ့် ဦးတည်ထားတာ ဖြစ်တယ်ဆိုတာကို သတိပြုရပါမယ်။
ဒီတပွဲမှာ အမျိုးသားဒီမိုကရေစီအဖွဲ့ချုပ်နဲ့ ဒေါ်အောင်ဆန်းစုကြည်တို့ ဦးကျိုးသွားရင် ပြည်သူလူထုရဲ့ လှုပ်ရှားမှုကြီး ကိုလည်း အများကြီး ထိခိုက်မယ်ဆိုတာ သေချာပါတယ်။ ဒါကို အမျိုးသား ဒီမိုကရေစီ အဖွဲ့ချုပ် တဦးတည်း ရင်ဆိုင် နေရတဲ့ ပြဿနာလို့ အသာ လက်ပိုက်ကြည့်နေရင် ဒီတကွေ့ရဲ့ အချောင်သမား ဖြစ်သွားပါမယ်။
ဖိနှိပ်တဲ့ အုပ်စိုးသူတွေနဲ့ အဖိနှိပ်ခံ ပြည်သူတို့အကြားက ပဋိပက္ခမှာ အဖိနှိပ်ခံ ပြည်သူတို့ဘက်က တိုက်ပွဲကို ကိုယ့်စိတ်ကြိုက် ပြင်ဆင်ပြီး ဆင်နွှဲနိုင်တာ အင်မတန်မှ နည်းပါတယ်။ တိုက်ပွဲအချိန်၊ တိုက်ပွဲနေရာဌာန၊ တိုက်ပွဲသဏ္ဌာန် စတာတွေကိုလည်း ကိုယ်သဘောကျတာ ရွေးချယ်ခွင့် မရတတ်ပါဘူး။ ဒါကြောင့်လည်း ပြည်သူလူထုဘက်က ခုခံစစ် ဆင်နွှဲရတာ ဖြစ်တယ်လို့ ပြောလေ့ ရှိကြတာပါ။ အခုလည်းပဲ နအဖရွေးချယ်တဲ့အချိန်၊ နအဖရွေးချယ်တဲ့နေရာမှာ သူတွန်းပို့လာတဲ့ နည်းနာနဲ့ ပြန်လည် တုံ့ပြန်ရတော့မှာ ဖြစ်ပါတယ်။ အလှည့်မို့ နွဲ့လို့ မရတော့ပါဘူး။ မြင့်တဲ့အပင်ဟာ လေတိုက်တဲ့ဒဏ်ကို ဒီနေ့ အတိုက်အခံ အင်အားစုတွေထဲမှာ ထိပ်ဆုံးကရောက်နေတဲ့ အမျိုးသား ဒီမိုကရေစီအဖွဲ့ဟာ နအဖရဲ့အပြင်းထန်ဆုံး တိုက်ခိုက်တာကို ခံရတာပဲ ဖြစ်ပါတယ်။
တပါတည်းမှာ ထောက်ပြဖို့လိုတာက ၁၉၆၂ ခုနှစ် ဗိုလ်နေ၀င်း အာဏာသိမ်းတာဟာ ၁၉၅၈-၆၀ အတွင်း (၂) နှစ်လောက် နန်းထိုင် လိုက်ရလို့ အာဏာရဲ့အရသာကို မောင်ကျန်တတို့ ဖြစ်သွားပြီး တသက်လုံး နန်းစံဖို့ ကြိုးပမ်းတာဖြစ်ပါတယ်။ စစ် အုပ်စုတွေဆိုတာ အဲဒီလိုအာဏာကလေး (၂) နှစ်လောက် ရလိုက်တာနဲ့ပဲ သံသရာဆုံးတိုင် အာဏာကိုင်ထားဖို့ စိတ်ကူးကြတယ် ဆိုရင် အနှစ် (၂၀) ကျော် အာဏာအရသာကို မြိန်မြိန်ကြီးစားသုံးခဲ့တဲ့ ဗိုလ်သန်းရွှေတို့ တတွေ ဘယ်လိုစိတ်ကူး ကြမယ်ဆိုတာ အလွယ်နဲ့ မှန်းကြည့်နိုင်ပါတယ်။ ဒီတော့ လာမယ့် သူတို့ရဲ့လွှတ်တော်ထဲမှာ သူတို့က ၂၀၀၈ ခုနှစ် ဖွဲ့စည်းပုံ ဥပဒေဆိုတာနဲ့ လုယူထားတဲ့ (၂၅) ရာခိုင်နှုန်းသော ကိုယ်စားလှယ် အရေအတွက်လောက်နဲ့ တင်းတိမ် ရောင့်ရဲမယ်လို့ ထင်ရင် ညံ့လွန်းရာ ကျပါလိမ့်မယ်။ ဆန္ဒခံယူပွဲတုန်းက (၉၂.၂) ရာခိုင်နှုန်းထက်မနည်း ရအောင်ယူမယ် ဆိုတာကို မယုံမရှိပါနဲ့။ အဲဒီလို လွှတ်တော် မျိုးထဲကနေ ဖွဲ့စည်းပုံ အခြေခံဥပဒေကို ပြင်ဖို့ (၇၅) ရာခိုင်နှုန်းအထက် ကိုယ်စားလှယ်ဦးရေ ရအောင် စည်းရုံးမယ် ဆိုတဲ့ ပုဂ္ဂိုလ်တွေကိုတော့ စောင့်သာ ကြည့်ချင်ပါသေးတော့တယ်လို့ ဆိုရမှာပါပဲ။
နအဖရဲ့ ဒီရွေးကောက်ပွဲဟာ ဗြုန်းစားပေါ်လာတာမဟုတ်ပါဘူး။ သူတို့ရဲ့ လမ်းပြမြေပုံ (၇) ချက်ဆွဲကတည်းက ပေါ်လာတာ ဖြစ်ပါတယ်။ လမ်းပြမြေပုံ (၇) ချက်အရဆိုရင် ဒါဟာနောက်ဆုံးအဆင့်၊ ဒါကိုဖြတ်သန်းပြီးရင် ဗိုလ်ချုပ်တွေ ရေသင်ဖြူးမှာ လှေယာဉ်နဲ့မြူးဖို့သာ ရှိတော့တယ်လို့ တွက်ထားတာဖြစ်ပါတယ်။ သူတို့စိတ်ထဲမှာ ဒါဆိုရင် မြန်မာပြည်ကြီးကို စစ်အုပ်စု အဆက်ဆက် ရာစုနှစ်နဲ့ချီပြီး အုပ်စိုးလို့ရသွားပြီလို့ စိတ်ချရတော့မှာပါ။ အနှစ် (၂၀) နီးပါး ပြင်ဆင်လာပြီးနောက် အခုအခါမှာ ပိုင်ပြီထင်လို့ ဖော်ထုတ်လာတာ ဖြစ်ပါတယ်။ နှယ်နှယ့်အကြံအစည် မဟုတ်ပါဘူး။ ဒီတော့ သဘောဝကျစွာပဲ တိုက်ပွဲဟာ အခက်အခဲတွေ ရှိမှာပါ။ ကတုတ်ကျင်းတွေ စနစ်တကျ တူးပြီးသား အသင့်ဖြစ်နေတဲ့ ရန်သူနဲ့ လမ်းပေါ်မှာ ချီတက်နေတဲ့လူတို့ တိုက်ရတယ်ဆိုရင် ကတုတ်ကျင်းထဲကလူက တပန်းသာတာကတော့ အမှန်ပါပဲ။
ရွေးကောက်ပွဲမတိုင်မီ ဒီကာလပိုင်းဟာ နအဖအနေနဲ့ ရေနှောက်ငါးဖမ်းသလို အတိုက်အခံတွေကို ဆန်ခါတင် စစ်နေတယ်လို့ ဆိုရင် မမှားပါဘူး။ သူတို့ရဲ့ပေါ်ပေါက်လာမယ့် စည်းကမ်းရှိတဲ့ ဒီမိုကရေစီ ကာလကြီးမှာ ဘယ်သူတွေကို ဘယ်လို နှိပ်ထားရမယ်ဆိုတာ ဒီတချီမှာ တပါတည်း စာရင်းပြုနေတာ ဖြစ်ပါတယ်။ သူတို့ဘက်ကနေ ဘီလူးစည်း လူ့စည်းခွဲနေတာလို့ ဆိုနိုင်ပါတယ်။
ဒီလိုဆိုတဲ့အတွက် နအဖစစ်အစိုးရကို ပိုတွက်ဖို့မလိုပါဘူး။ သူတို့တတွေ အာဏာရလေလေ၊ ဥစ္စာဓနတွေ တိုးပွားလေလေ သူတို့ချင်းပြဿနာတွေ ပိုတက်လေလေ ဖြစ်ပါလိမ့်မယ်။ ဒါတရားပါ။ အရင်ကလည်း ဒီလိုပဲဖြစ်ခဲ့တယ်။ နောင်လည်း ဒီလိုပဲ ဖြစ်ပါလိမ့်မယ်။ တဖက်မှာလည်း ဒီလိုဆိုတဲ့အတွက် ဒင်းတို့တတွေ သူတို့ချင်းချကုန်ပြီး အလိုလို ပျက်စီးသွားမယ်လို့ မမျှော်လင့်သင့်ပါဘူး။ ကိုယ်က (ပြည်သူလူထုက) တွန်းမချရင် ပြိုမကျပါဘူး။
အဲဒီအတွက် အင်အားစုစည်းပါ။ ကျစ်လစ်အောင်၊ ကျယ်ပြန့်အောင်လုပ်ပါ။ နည်းနာရှာပါ။ ကိုယ့်ဘက်မှာ ပြည်သူလူထု ရှိနေရင် မရှိရာကနေ ရှိလာ၊ အားနည်းရာကနေ အားကြီးလာရမှာပါ။
Ref: ခေတ်ပြိုင်
Read More...
Collapse...
ဒေါ်အောင်ဆန်းစုကြည် မှာကြားသော စကား(၆) ခွန်းမှာ ......
၁။ ၂၀၀၈ ဖွဲ့စည်းပုံအခြေခံဥပဒေကို လုံးဝ လက်မခံနိုင်၊ အဖွဲ့ချုပ်၏ ရွှေဂုံတိုင်ကြေညာချက်ကို ကိုင်စွဲထားရမည်။
၂။ တရားမျှတမှုမရှိ၊ တဖက်သတ်ရေးဆွဲထားသည့် ဥပဒေအရ မှတ်ပုံတင်ခြင်းကို လုံးဝ လက်မခံနိုင်ပါ။ ဥပဒေပါ စည်းကမ်းချက်များမှာ ဒီမိုကရေစီနည်းမကျ။
၃။ အဖွဲ့ချုပ်သည် ကျမ၏ ကိုယ်ပိုင်ပစ္စည်းမဟုတ်၊ မည်သူတဦးတယောက်၏ ကိုယ်ပိုင် ပစ္စည်းလည်း မဟုတ်။
၎။ အဖွဲ့ချုပ်အတွင်း လူမွေးသည့်အလုပ်၊ လူမွေးသည်ဟု ယူဆနိုင်သည့်အလုပ်များ လုံးဝ မကြိုက် လက်မခံ။
၅။ ပြည်သူလူထုကို ပြောကြားလိုတာက မိမိတတ်နိုင်သလောက် ဒီမိုကရေစီရရှိရေး ကြိုးပမ်း မှုကို ဆက်လက်ဆောင်ရွက်သွားမည်။
၆။ အဖွဲ့ချုပ် ဖျက်သိမ်းခံရလျှင် အဖွဲ့ချုပ် ပျက်စီးသည်ဟု မယူဆ၊ ပျက်စီးခြင်းမဟုတ်။
(၂၉ မတ်လ ၂၀၁၀)
(၂၉-၃-၂၀၁၀ ရက် ဦးဉာဏ်ဝင်း ပြောကြားသည့် အင်တာဗျူးမှ…)
Read More...
Collapse...
“ဒေါ်အောင်ဆန်းစုကြည်က ပါတီမှတ်ပုံတင်ဖို့ နည်းဥပဒေတွေနဲ့ တရားမျှတမှု မရှိတဲ့ အတွက်ကြောင့်မို့ ပါတီ မှတ်ပုံတင်တော့မှာ မဟုတ်ဘူးလို့ သူသဘောထားကြောင်း ဦးဉာဏ်ဝင်းကတဆင့် သိရပါတယ်။ ဒေါ်အောင်ဆန်းစုကြည်က အဖွဲ့ချုပ်ရဲ့ ခေါင်းဆောင်ဖြစ်တယ်၊ ဒါကြောင့်မို့ ဒေါ်အောင်ဆန်းစုကြည် သဘောထား အတိုင်းပဲ သူလည်း ရပ်တည်တယ်” (၂၉ မတ်လ ၂၀၁၀)
Read More...
Collapse...
ကျော်ခ
တနင်္လာနေ့၊ မတ်လ ၂၉ ရက် ၂၀၁၀
ချင်းမိုင် (မဇ္ဈိမ) ။ ။ စစ်အစိုးရ ဖွဲ့စည်းထားသော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း (ကြံ့ဖွံ့) က နာမည်တူ ဖြင့်ပင် ပါတီအဖြစ် အသွင်ပြောင်းကာ ရွေးကောက်ပွဲဝင်ရန် ပြင်ဆင်နေပြီ ဖြစ်ကြောင်း အသင်းမှ ထိပ်တန်းခေါင်းဆောင် တဦးက ပြောသည်။
ကြံ့ဖွံ့အသင်းကို ကြံ့ဖွံ့ပါတီဟု အမည်ပြောင်းလိုက်ပြီး အသက် ၂၅ နှစ်အောက် လူငယ်၊ ကျောင်းသားများနှင့် အစိုးရ ဝန်ထမ်းများကို ထုတ်ပယ်လိုက်ကာ ပါတီဝင်ကဒ်များ လွန်ခဲ့သည့် သီတင်းပတ်မှ စတင်ကာ ထုတ်ပေးလျက် ရှိသည်ဟု အဆိုပါ ထိပ်တန်း ခေါင်းဆောင်က ဆိုသည်။
“ရွေးကောက်ပွဲဝင်ဖို့အတွက် ကျနော်တို့ကတော့ ကြိုတင်လုပ်နေပြီ။ အသင်းနေရာမှာ ပါတီ ဖြစ်သွားမယ်။ လက်ရှိမှာ တိုင်း၊ ခရိုင် အလိုက် ဖွဲ့စည်းပြီးသွားပြီ ပေါ့နော်။ ပိုင်ဆိုင်မှုတွေလည်း အားလုံး ပြောင်းလဲ ပြီးသွားပါပြီ။ နိုင်ငံတော်ပိုင် မဖြစ်တော့ပါဘူး” ဟု သူက မဇ္ဈိမကို ပြောသည်။
ကြံ့ဖွံ့ပါတီကို မှတ်ပုံမတင်ရသေးသော်လည်း ယခုနှစ် ရွေးကောက်ပွဲတွင် တနိုင်ငံလုံးတွင် ဝင်ရောက် ယှဉ်ပြိုင်ရန် အတွက် ပြင်ဆင် ထားသည်ဟု သိရသည်။
စစ်အစိုးရက ၎င်း၏ ခြေလှမ်းနှင့်ပတ်သက်၍ သတင်း မထွက်အောင် ကြိုးစားနေစဉ်တွင် မဇ္ဈိမက မေးမြန်းထားသော ကြံ့ဖွံ့အဖွဲ့ဝင် အားလုံးက တညီတညွတ်တည်းပင် ကြံ့ဖွံ့ပါတီအဖြစ် ပြောင်းလဲခြင်းကို အတည်ပြုကြသည်။
ကြံ့ဖွံ့အနေဖြင့် ရွေးကောက်ပွဲ စည်းရုံးရေး အပိုင်းတွင် လမ်း-တံတား တည်ဆောက်ခြင်း တို့ကို ပုံမှန် လုပ်ကိုင် နေသဖြင့် ထူးခြားစွာ လှုံ့ဆော် စည်းရုံးမှုမျိုး ပြုလုပ်မည် မဟုတ်ကြောင်း ပါတီ သတင်းရပ်ကွက်က ပြောသည်။
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်းကို ၁၉၈၈ ခုနှစ်တွင် အာဏာသိမ်း နဝတ စစ်ကောင်စီက ၁၉၉၃ စက်တင်ဘာလ ၁၅ ရက်နေ့တွင် ဖွဲ့စည်းခဲ့သည်။ ဗိုလ်ချုပ်မှူးကြီးသန်းရွှေ အပါအဝင် ဒုဗိုလ်ချုပ်မှူးကြီး မောင်အေး၊ ဗိုလ်ချုပ်ကြီး သူရရွှေမန်း၊ ဗိုလ်ချုပ်ကြီး သိန်းစိန်နှင့် ဗိုလ်ချုပ်ကြီး သီဟသူရ တင်အောင်မြင့်ဦး စသည့် နအဖ ထိပ်ဆုံး စစ်ခေါင်းဆောင် ၅ ဦးက အသင်း၏ နာယကများ ဖြစ်ကြသည်။
လယ်ယာနှင့် စိုက်ပျိုးရေးဝန်ကြီး ဗိုလ်ချုပ်ဋ္ဌေးဦးက အထွေထွေ အတွင်းရေးမှူးအဖြစ် တာဝန်ယူထားသော ကြံ့ဖွံ့အဖွဲ့တွင် ပြည်နယ်/တိုင်း ၁၇ ဖွဲ့၊ ခရိုင်အဖွဲ့ ၆၆ ဖွဲ့၊ မြို့နယ်အဖွဲ့ ၃၂ဝ ဖွဲ့တို့နှင့် ဖွဲ့စည်းထားပြီး အဖွဲ့ဝင်ပေါင်း ၂၄ သန်းကျော် ရှိသည်ဟု ၂ဝဝ၇ ခုနှစ်က ထုတ်ပြန်ထားသည်။
နိုင်ငံရေးပါတီများ မှတ်ပုံတင်ခြင်း ဥပဒေအရ အသက် ၂၅ နှစ်အောက်နှင့် အစိုးရ ဝန်ထမ်းများကို နိုင်ငံရေးပါတီဝင် မဖြစ်ရဟု ကန့်သတ်ထားရာ နုတ်ပယ် လိုက်ပြီးသည့် ကြံ့ဖွံ့ပါတီတွင် ပါတီဝင် မည်မျှရှိသည်ကို မသိရသေးပါ။
စစ်ဗိုလ်ချုပ်များနှင့် လက်ရှိ စစ်အစိုးရဝန်ကြီးများအနေဖြင့် ထိုအသင်းကို ကိုယ်စားပြုကာ ရွေးကောက်ပွဲ ဝင်ကြမည်ဟု ပြည်ပ အတိုက်အခံ တပ်ပေါင်းစု တခုဖြစ်သော မြန်မာနိုင်ငံ ဒီမိုကရက်တစ် အင်အားစု FDB မှ အတွင်းရေးမှူးချုပ် ဒေါက်တာနိုင်အောင်က ပြောသည်။
“နအဖ တပ်ထဲကလူတွေ ရွေးကောက်ပွဲဝင်မယ်လေ။ သူတို့က ဒီကြံ့ခိုင်ရေးနဲ့ ဖွံ့ဖြိုးရေးပါတီကိုပဲ အခြေခံမှာပေါ့။ လူကြီး တော်တော်များများက စစ်တပ်က ထွက်ပြီး အဲဒီထဲမှာ ဝင်မယ်လို့ ကျနော်တုိ့ နားလည်ထားပါတယ်” ဟု သူက မဇ္ဈိမကို ပြောသည်။
စစ်အစိုးရ၏ ဒေါက်တိုင် ကြံ့ဖွံ့ပါတီ၏ လှုပ်ရှားမှုနှင့်ပတ်သက်၍ သတင်းမထွက်စေရန် နေပြည်တော်က ညွှန်ကြားထားသည်။ ယခင်က ကြံ့ဖွံ့ကို နာမည် သီးသန့်ပြောင်းကာ ရွေးကောက်ပွဲ ဝင်မည်ဟု မြန်မာ့အရေး လေ့လာသူများ အကြား တွက်ဆ ထားမှုရှိသလို တပါတီထက်ပိုပြီး ဖွဲ့စည်းဖွယ် ရှိသည်ဟုလည်း ခန့်မှန်းထားကြသည်။
လမ်းပြင်၊ သောက်သုံးရေပေးဝေမှု စသော လုပ်ငန်းများ လုပ်ကိုင်နေသလို ရွေးကောက်ပွဲဝင်မည့် ရာထူးလက်ရှိ စစ်ဘက် အရပ်ဘက်များက စည်းရုံး နေခဲ့သော်လည်း ၂ဝဝ၃ ခုနှစ် ဒီပဲယင်း အရေးအခင်းအတွင်း အမျိုးသား ဒီမိုကရေစီ အဖွဲ့ချုပ်ဝင်များကို လုပ်ကြံ သတ်ဖြတ်ရာတွင် ပါဝင်မှုနှင့် ၂ဝဝ၇ ခုနှစ် ဆန္ဒပြသူများကို ဖြိုခွင်းရာတွင် ပါဝင်ခဲ့မှုများကြောင့် ကြံ့ဖွံ့မှာ နာမည်ပျက် ထွက်သည်။
နေပြည်တော်ရှိ သတင်းရပ်ကွက်တခုက မဇ္ဈိမကို ပြောကြားရာတွင် မကြာမီ ရက်အနည်းငယ် အတွင်း ရွေးကောက်ပွဲ ဝင်မည့် လက်ရှိ ဝန်ကြီးများနှင့် စစ်ဘက် အရာရှိများကို ရာထူးမှ နုတ်ထွက်ကြောင်း ကြေညာလိမ့်မည်ဟု ဆိုသည်။
ဒီပဲယင်းတိုက်ခိုက်မှုမှ လွတ်မြောက်လာခဲ့သူ ဒေါ်အောင်ဆန်းစုကြည်၏ ပါတီ NLD ကတော့ ရွေးကောက်ပွဲအတွက် မှတ်ပုံတင်ခြင်း မပြုလုပ်ရန် ယနေ့ ဆုံးဖြတ်လိုက်ကြသည်။
ကြံ့ဖွံ့ခေါင်းဆောင်များကလည်း NLD ၏ အစည်းအဝေးကို လေ့လာ စောင့်ကြည့်ခဲ့ကြောင်း မဇ္ဈိမက စုံစမ်း သိရှိရသည်။
Ref: မဇ္ဈိမ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88