မန်းသားလေး
June 14, 2012
မိုးထိမိုးမိ ဆန္ဒပြ ရွှေလုပ်သားများမှာ ရမည်းသင်းမြို့နှင့် ၇ မိုင်ခန့်အကွာရှိ ရွှေမြင်တင် ဘုရားဝန်းအတွင်း ၄ ရက်ကြာ ပိတ်ဆို့ခံခဲ့ရပြီး ယနေ့တွင် တောင်းဆိုမှုများ ပြေလည်သွားခဲ့ပြီ ဖြစ်သော်လည်း ပိတ်ဆို့ခံရစဉ် လုံခြုံရေးများက အကြမ်းနည်းဖြင့် ကိုင်တွယ်ဖြေရှင်း ခဲ့ကြောင်း သတင်းရရှိသည်။
‘‘အလုပ်သမားတွေက ငြိမ်းငြိမ်းချမ်းချမ်း ဆန္ဒပြနေတာကို လုံခြုံရေးရဲတပ်ဖွဲ့တွေ ဖြေရှင်းတာ ကြမ်းတမ်းတယ်။ ခဏ နားနေတဲ့ ဘုရား ၀န်း အပြင်ဘက်ကို ရဲ ၃၀၀ ကျော်လောက်နဲ့ ၀ိုင်းထားပြီး ရိက္ခာနဲ့ ရေဖြတ်တယ်။ အတွင်းနဲ့ အပြင်က လူတွေကို ၀င်ခွင့် ထွက်ခွင့် မပေးဘူး။ ရိက္ခာလာပို့တဲ့ တချို့လူတွေကို ရဲတွေက တုတ်နဲ့ ရိုက်တာမျိုးတွေတောင် ရှိခဲ့ပါတယ်” ဟု မြန်မာနိုင်ငံလုံးဆိုင်ရာ ကျောင်း သားများ သမဂ္ဂ အဖွဲ့ဝင် ကိုဟန်ဝင်းအောင်က ပြောသည်။
ကိုဟန်ဝင်းအောင်သည် ဆန္ဒပြသည့် အလုပ်သမားများကို ရန်ကုန်ဘက်မှ သွားရောက် ကူညီခဲ့ရင်း ရွှေမြင်တင် ဘုရားဝန်းအတွင်း ၎င်းပါ ပိတ်မိနေခဲ့ခြင်းဖြစ်သည်။
‘‘သူတို့နဲ့အတူ အထဲမှာ ကျနော်လည်း ပိတ်မိနေတာ။ မိုးတွေကလည်း တအားရွာ၊ လေတွေကလည်း တိုက်။ စားစရာ မရှိတဲ့ ဒီ အလုပ်သမားတွေရဲ့ ဒုက္ခတွေကို ကျနော်ကိုယ်တိုင် မြင်တွေ့နေရတာ။ ရဲတွေက ဘုရားဝန်း ပတ်လည် နေရာယူထားတော့ အလုပ် သမတွေရဲ့ အပေါ့၊ အလေး ကိစ္စတွေမှာလည်း ဒုက္ခတွေ တွေ့ကြရတယ်” ဟု ကိုဟန်းဝင်းအောင်က ရှင်းပြသည်။
လုံခြုံရေးရဲတပ်ဖွဲ့ဝင်များက ဆန္ဒပြအဖွဲ့များ နားခိုနေသည့် ရွှေမြင်တင်ဘုရားဝင်းပတ်လည်ရှိ ကိုက်ငါးရာအကွာတွင် တပ်ဆွဲနေရာ ယူ ထားခြင်းဖြစ်ပြီး ဘုရားဝင်းအတွင်းရှိ ၀င်ပေါက် ထွက်ပေါက်များကို ပိတ်ဆို့ထားသည့်အတွက် အမျိုးသမီးများနှင့် ကလေးသူငယ်များ နေမှုထိုင်မှု ဒုက္ခ ရောက်ခဲ့ခြင်းဖြစ်ကြောင်း ယင်းနေရာသို့ သွားရောက်ကြည့်ရှုခဲ့သည့် ရမည်းသင်းမြို့ခံတဦးက ပြောသည်။
ဇွန်လ ၁၁ ရက်နေ့ ည ၉ နာရီခန့်ကလည်း မိုးထိမိုးမိဒေသမှ ကိုယ်ဝန်ဆောင် ရွှေတွင်းအလုပ်သမ တဦးမှာ ဗိုက်နာလာသဖြင့် ရမည်း သင်းဆေးရုံသို့ ပို့ဆောင်ရန် ပြုစဉ် လုံခြုံရေးများ၏ ပိတ်ဆို့ တားဆီးမှုကို ခံခဲ့ရကြောင်း၊ ၎င်းဗိုက်တွင်းမှ ကလေးမှာ ပျက်ကျ သေဆုံးခဲ့ ရကြောင်း၊ ဆရာဝန်၏ ဆေးစစ်ချက်တွင် ဆေးရုံသို့ အချိန်မီမရောက်ရှိသည့် အတွက် ကလေးငယ်မှာ ရေမွန်းသေဆုံးရသည်ဟု အဖြေ ထွက်ခဲ့ကြောင်း ဆန္ဒပြ ရွှေတွင်း လုပ်သားများက ပြောသည်။
၎င်းအမျိုးသမီးမှာ မထွေးဖြစ်ပြီး အသက် ၃၀ ၀န်းကျင်ခန့်ရှိ၍ ဇုန် ၆ တွင် ရွှေကျင်ဗန်း လှည့်သည့်အလုပ်ကို လုပ်ကိုင်သူ ဖြစ်ကြောင်း၊ လက်ရှိတွင် ရမည်းသင်း ဆေးရုံသို့ တက်ရောက်ကုသ ခံနေရပြီး သတိလစ် မေ့မျောကာ အသက်အန္တရာယ် စိုးရိမ်ရကြောင်း သိရသည်။
‘‘ကျမတို့မှာ အခက်ခဲတွေ အများကြီးဖြစ်ပါတယ်။ ကလေးတွေနဲ့ လူကြီးတွေလည်း ပါတယ်။ နောက်ပြီး ဒီနေ့မှာ ရဲတပ်ဖွဲ့က ရိက္ခာ အနေနဲ့ ကြက်ဥနဲ့ ဆီပေးချင်တယ်ပြောလို့ ကျမတို့ထဲက ကောင်မလေး တယောက် သွားယူတာ။ သူတို့ ပေးလိုက်တာက ပြုတ်ထား တဲ့ ကြက်ဥ ၅ လုံးနဲ့ အနံ့ အရမ်းပြင်းတဲ့ အရက်ဗူး ထည့်ပေးလိုက်တယ်။ ဆန္ဒပြတဲ့ မိန်းကလေးရဲ့ သိက္ခာကို သက်သက် စော်ကား တာ။ အဲဒါကို သွားယူတဲ့မိန်းကလေးက အခုချိန်အထိ ရှက်နေတယ်” ဟု ဆန္ဒပြပွဲတွင် အမျိုးသမီး များအား ဦးဆောင်သည့် ဒေါ် သန္တာအောင်က ပြောသည်။
ယနေ့ နေ့လယ် ၁၂ နာရီခန့်ကလည်း ဆန္ဒပြသည့်အဖွဲ့များသို့ ပို့ဆောင်မည့် ထမင်းထုပ် ၁ ထုပ်ကို ရဲတပ်ဖွဲ့များက ရှာဖွေရာ ၎င်းထံ တွင် ဆက်သွယ်ရေးစက်၊ လောက်စာလုံး၊ လေးခွ အစရှိသည်တို့ကို ရှာဖွေတွေ့ရှိခဲ့ကြောင်း သိရသည်။
ထိုသူမှာ ဆန္ဒပြသူများနှင့် လုံးဝ သက်ဆိုင်ခြင်း မရှိကြောင်း၊ ဆန္ဒပြသူများအား ဖြိုခွင်းလိုသည့် အဖွဲ့တဖွဲ့ဖွဲ့၏ ပယောဂသာ ဖြစ်နိုင်ကြောင်း ကိုဟန်ဝင်းအောင်က ရှင်းပြသည်။
ထို့အပြင် ယနေ့နံနက် ၈ နာရီ အချိန်ခန့်တွင် အာဏာပိုင်များက စစ်ဆေးရန်ရှိသည်ဟု ဆိုကာ ဆန္ဒပြ အလုပ်သမား ကိုနေပြည်တော် နှင့် ကိုမင်းဇော်ဦးကို ဖမ်းဆီးခေါ်ဆောင်သွားခဲ့သည်။ မည်သည့်အတွက်ကြောင့် ဖမ်းဆီး ခေါ်ဆောင်သွား သည်ကို မသိရပေ။ ဖမ်းဆီး ခေါ်ဆောင်သွားသည့် ၂ ဦးကို ညနေ ၄ နာရီအချိန်အထိ ပြန်လည် လွှတ်ပေးခြင်း မရှိသေးကြောင်း သိရသည်။
ဆန္ဒပြသူများ ပိတ်ဆို့ခံရသည့် ၄ ရက်မြောက်သော ယနေ့ နေ့လယ် ၃ နာရီခွဲက ရွှေလုပ်သားများနှင့် အမျိုးသား ကြီးပွားတိုးတက်ရေး ကုမ္ပဏီတို့ တောင်းဆိုချက် ၆ ချက်အတွက် နှစ်ဦးသဘောတူ လုပ်ငန်း စာချုပ် ချုပ်နိုင်ပြီဖြစ်ကြောင်း သိရသည်။
ယင်းစာချုပ်ကြောင့် ရွှေတူးဖော်သည့်လုပ်ကွက် အင်းနှင့် ရွှေတူးသည့် စက်အက်တာများအား လုပ်ငန်းလုပ်ပိုင်ခွင့် ၁ နှစ် ပြန်လည် လုပ်ခွင့်ရခဲ့ပြီး စာချုပ်အရ လုပ်ငန်းလုပ်ကိုင်သည့် အချိန်မှစတင်ပြီး ၄ လအတွင်း ရွှေတူးစက် အက်တာများနှင့် တွင်းတူးကာ လုပ်ငန်း ပြန်စရမည်ဖြစ်သည်။ လက်ရှိ ဖြစ်ပွားခဲ့သည့် ဆန္ဒပြတောင်းဆိုသည့် အချိန်အတွင်း နစ်နာမှု များကိုလည်း ကုမ္ပဏီဘက်မှ တလအ တွင်း တာဝန်ယူ ဖြေရှင်းပေးသွားမည်ဟု သဘောတူ စာချုပ်တွင် ပါရှိသည်။
ရွှေတူး လုပ်သားများသည် ဇွန်လ ၁၁ ရက်နေ့က တောင်းဆိုမှုများ မပြေလည်သဖြင့် နေပြည်တော်အထိ လမ်းလျှောက် ချီတက်ခဲ့ရာ ၄ ရက်မြောက်သည့် ဇွန်လ ၁၄ ရက်နေ့တွင် မန္တလေးတိုင်း ဒေသကြီးအစိုးရ တာဝန်ရှိသူများက ကြားဝင် စေ့စပ်ပေးခဲ့သောကြောင့် ပြေ လည်သွားရကြောင်း သိရသည်။
ရွှေတွင်း လုပ်သားများနှင့် အမျိုးသားကြီးပွားတိုးတက်ရေး ကုမ္ပဏီတို့ စာချုပ်ချုပ်ဆိုပြီးသည့် အတွက် ဆန္ဒပြ အလုပ်သမားများမှာ မိုးမိမိုးထိဒေသ သက်ဆိုင်ရာ လုပ်ငန်းခွင်သို့ ပြန်လည်ဝင်ရောက်၍ လုပ်ငန်းများ ပုံမှန်အတိုင်း ဆောင်ရွက်တော့မည် ဖြစ်ကြောင်း သိရသည်။
Ref: ဧရာဝတီ
Read More...
Collapse...
လာလစ် ကေဂျာ့
June 14, 2012
ဘင်္ဂလားဒေ့ရှ် အစိုးရအနေဖြင့် ဒုက္ခသည်အရေးနှင့် ပတ်သက်၍ မဖြစ်မနေ လိုက်ပါဆောင်ရွက်ပါမည်ဟု နိုင်ငံတကာတွင် ကတိ
ကဝတ် ပြုထားသည်များကို လေးစားလိုက်နာရန် အမေရိကန် အစိုးရက ဗုဒ္ဓဟူးနေ့တွင် တိုက်တွန်းလိုက်သည်။
ရခိုင်ပြည်နယ်အတွင်းဖြစ်ပွားနေသည့် ပဋိပက္ခများကြောင့် နယ်စပ်ဖြတ်ကျော်ဝင်ရောက်လာသည့် မြန်မာနိုင်ငံဘက်မှ ဒုက္ခသည် များ အား ဘင်္ဂလားဒေ့ရ်ှအစိုးရက ပြန်လည်နှင်ထုတ်သည့်အပေါ် အမေရိကန်အစိုးရအနေနှင့် စိုးရိမ်မိကြောင်း ယမန်နေ့ကကျင်း ပသည့် အမေရိကန် နိုင်ငံခြားရေးဌာန နေ့စဉ် သတင်းစာ ရှင်းလင်းပွဲတွင် ထိုသို့ တိုက်တွန်းလိုက်ခြင်းဖြစ်သည်။
“အကြမ်းဖက်မှုတွေကြောင့် မြန်မာနိုင်ငံဘက်က ထွက်ပြေးလာကြသူတွေကို ဘင်္ဂလားဒေ့ရှ် အာဏာပိုင်တွေက နိုင်ငံထဲ အဝင် မခံဘဲ နှင်ထုတ်ခဲ့တယ်လို့ ကြားရတဲ့အပေါ် ကျမတို့ စိုးရိမ်မိပါတယ်”ဟု အမေရိကန်နိုင်ငံခြားရေးဌာန ပြောခွင့်ရ ဗစ်တိုးရီးယား နူလန်း (Victoria Nuland) က သတင်းစာရှင်းလင်းပွဲသို့ တက်ရောက်လာသည့် သတင်းထောက်များကို ပြောကြားသည်။
၎င်းက ဆက်လက်၍“ဒါကြောင့် ဒုက္ခသည်ဆိုင်ရာ စာချုပ်စာတမ်းတွေအရ တာဝန်ရှိတဲ့အတိုင်း မဖြစ်မနေ လိုက်ပါဆောင်ရွက်ပါ့မယ်လို့ နိုင်ငံတကာမှာ ကတိကဝတ်ပြုထားတာတွေကို လေးစားလိုက်နာဖို့နဲ့ ရေရှည်ထားရှိခဲ့တဲ့ တကယ် ဒုက္ခရောက်သူကို သက်ဆိုင်ရာနိုင်ငံ ဒါမှမဟုတ် အစိုးရဆီ ပြန်မပို့ရေး မူဝါဒ အတိုင်း ဆက်လက် ရပ်တည်ဖို့ ဘင်္ဂလားဒေ့ရှ် အစိုးရကို ကျမတို့ တိုက်တွန်းနေပါတယ်” ဟု လည်း ဆိုသည်။
ထို့အပြင်“ဒါတွေကတော့ ဘင်္ဂလားဒေ့ရ်ှအစိုးရကို ကျမတို့တိုက်တွန်းတဲ့ အဓိက အချက်တွေပါ။ မြန်မာပြည်ဘက်က ပဋိပက္ခ တွေ မှာ ပါဝင်ပတ်သက်နေတဲ့ အင်အားစုအားလုံးကိုလည်း အကြမ်းဖက်တဲ့နည်းနဲ့ မဖြေရှင်းဘဲ ဆွေးနွေးတဲ့နည်းနဲ့ ဖြေရှင်းကြဖို့၊ ပြီး တော့ သူတို့ကိုင်စွဲထားတဲ့ တုတ် ဓား လက်နက်တွေကို ချပြီး အချင်းချင်း စတင် စကားပြောကြဖို့ ကျမတို့ ဆက်လက် တိုက် တွန်း သွားမှာ ဖြစ်ပါတယ်”ဟု ဗစ်တိုးရီးယားက ပြောသည်။
၎င်းက သတင်းထောက်များ မေးမြန်းချက်ကို ပြန်လည်ဖြေကြားရာ၌ အမေရိကန် နိုင်ငံခြားရေးဝန်ကြီး မစ္စ ဟီလာရီ ကလင်တန် က အမေရိကန်နိုင်ငံတွင် အလည်အပတ်ရောက်ရှိနေသော အိန္ဒိယ နိုင်ငံခြားရေးဝန်ကြီး အက်စ် အမ် ခရစ်ရ်ှနာ(S M Krishna) နှင့် မြန်မာပြည်၏ လက်ရှိအခြေအနေများကို ဆွေးနွေးခဲ့သည်ဟုလည်း ထည့်သွင်း ပြောဆိုသည်။
“အမေရိကန်-အိန္ဒိယ မဟာဗျူဟာ ဆွေးနွေးပွဲ မစခင်မှာ ကျမတို့ နိုင်ငံခြားရေးဝန်ကြီးက အိန္ဒိယနိုင်ငံခြားရေးဝန်ကြီးနဲ့ ခဏတွေ့ခဲ့ပါတယ်။ အဲ့ဒီလိုတွေ့ကြတဲ့အချိန်မှာ မြန်မာပြည်အကြောင်းနဲ့ မြန်မာပြည်က လူမျိုးစုရေးရာကိစ္စတွေ၊ ရိုဟင်ဂျာ ကိစ္စတွေကို သူတို့ ပြောဖြစ်ကြတာပါ”ဟု ဗစ်တိုးရီးယား က ဆိုသည်။
တချိန်တည်းမှာပင် နိုင်ငံတကာ လူ့အခွင့်အရေး အဖွဲ့ချုပ်(International Federation for Human Rights)၊ ဖိုရမ် အေးရှား (Asian Forum for Human Rights and Development)၊ စင်ပြိုင် အာဆီယံအဖွဲ့(Alternative ASEAN Network on Burma)၊ အင်ဒိုနီးရှားနိုင်ငံအခြေစိုက် ပျောက်ဆုံးသူများနှင့် အကြမ်းဖက်မှုကြောင့် ဒုက္ခရောက်ရသူများ ဆိုင်ရာ ကော်မရှင် (Commission for Missing Persons and Victims of Violence) နှင့် ဂျကာတာ ဥပဒေဆိုင်ရာ အကူအညီ အင်စတီကျု (Jakarta Legal Aid Institute) တို့က ရခိုင်ပြည်နယ်အတွင်း ဖြစ်ပွားနေသော ပဋိပက္ခများနှင့်ပတ်သက်၍ ပူးတွဲ ကြေညာချက် တစောင် ထုတ်ပြန်ခဲ့သည်။
အဆိုပါ ကြေညာချက်တွင် ပြည်သူလူထုတရပ်လုံးအား ဘာသာရေး သို့မဟုတ် လူမျိုးရေးအခြေခံ အကြမ်းဖက်မှုများနှင့် ခွဲခြား ဆက်ဆံမှု ပုံစံအားလုံးမှ အကာအကွယ်ပေးနိုင်ရေးအတွက် လိုအပ်သည်များကို ချက်ချင်းလက်ငင်းဆောင်ရွက်ရန်၊ အကြမ်း ဖက်မှုများနှင့်ပတ်သက်ပြီး လွတ်လပ်၍ သမာသမတ်ကျသော ထိရောက်သည့် စုံစမ်းစစ်ဆေးမှုတရပ် အမြန်ဆုံး အကောင်အထည် ဖော်ရန် မြန်မာ အာဏာပိုင်များအား တောင်းဆိုထားသည်။
“ယခုကဲ့သို့ ရခိုင်ပြည်နယ်အတွင်း အရေးပေါ်အခြေအနေ ဖြစ်နေချိန်တွင် အစိုးရလုံခြုံရေး အင်အားစုများ အနေနှင့် အာဏာပိုင်
များ အင်အားနှင့် လက်နက်အသုံးပြုမှုဆိုင်ရာ ကုလသမဂ္ဂ အခြေခံ သဘောထားများအတိုင်း တိတိကျကျ လိုက်နာသင့်သည်” ဟုလည်း ယင်း ကြေညာချက်၌ ဖော်ပြထားသည်။
ထို့အပြင် ကြေညာချက်၌ နယ်စပ်ပြန်ဖွင့်ရန်နှင့် လူ့အခွင့်အရေးနှင့် ဒုက္ခသည်ဆိုင်ရာ နိုင်ငံတကာ စံသတ်မှတ်ချက်များအရ တာ ဝန် ရှိသည့်အတိုင်း မဖြစ်မနေ လိုက်ပါဆောင်ရွက်ပါမည်ဟု ကတိကဝတ်ပြုထားသည်များကို ဆက်လက်ထိန်းသိမ်း၍ ရခိုင်ပြည် နယ် မှ ထွက်ပြေးလာသူအားလုံးကို လိုအပ်သည့်အကာအကွယ်များပေးရန် ဘင်္ဂလားဒေ့ရှ် အစိုးရအား တောင်းဆိုထားသေး သည်။
ပဋိပက္ခများကြားမှ ထွက်ပြေးလာသော ပြည်သူများကို နိုင်ငံတွင်းဝင်ရောက်မှု ဟန့်တားခြင်းသည် ၄င်းတို့အား အကြမ်းဖက် ရာဇ ဝတ်မှုနှင့် သေကြေပျက်စီးမှု အန္တရာယ်တွင်းသို့ တွန်းပို့ရာ ရောက်စေသည်ဟုလည်း ကြေညာချက်က ဆိုသည်။
အလားတူ ကနေဒါနိုင်ငံကလည်း ပြီးခဲ့သည့် ရက်သတ္တပါတ်မှစ၍ ယနေ့တိုင်ဆက်လက်ဖြစ်ပွားနေသော ရခိုင်ပြည် နယ်ရှိ ဆူပူ လှုပ်ရှားမှုများနှင့်ပတ်သက်၍ ငြိမ်းချမ်းစွာအဖြေရှာကြရန် ဗုဒ္ဓဟူးနေ့တွင် တောင်းဆိုခဲ့သည်။
“မိမိတို့အနေနှင့် ယင်းတိုက်ခိုက်မှုများအား ရှုတ်ချသည့်အပြင် ပဋိပက္ခအတွက် ငြိမ်းချမ်းသည့်အဖြေတခုရရန် အားလုံးက ဆောင် ရွက်ကြရန်လည်း တောင်းဆိုပါသည်”ဟု ကနေဒါ လွှတ်တော်အမတ် လွိုက်စ် ဘရိုး(Lois Brow)က အစိုးရ ကိုယ်စား ကနေဒါ အောက်လွှတ်တော်တွင် ကြေညာချက် ထုတ်ပြန်ခဲ့သည်။
Ref: ဧရာဝတီ
Read More...
Collapse...
ခင်ဦးသာ
June 14, 2012
ရခိုင်ပြည်နယ်၏ မြို့နယ်၊ ကျေးရွာအများစု၌ အဓိကရုဏ်းများဖြစ်ပွားပြီး သီတင်းတပတ်ခန့် အကြာတွင် တည်ငြိမ်မှု တချို့ စတင် ရရှိနေပြီ ဖြစ်ကြောင်း သိရသည်။
စစ်တွေမြို့၏ ရပ်ကွက်၊ ကျေးရွာများ၏ ယနေ့ အခြေအနေသည် တည်ငြိမ်အေးချမ်းနေပြီး ပြည်သူတချို့ ပုံမှန်သွားလာနေ သည်ကို တွေ့ရ ကြောင်း၊ မြို့ပေါ်ရှိ ဈေးဆိုင်များ၊ ဆိုင်ခန်းများနှင့် ဘဏ်တချို့ကို ဖွင့်ထားပြီ ဖြစ်ကြောင်း ရခိုင်ပြည်နယ် အတွင်း ဖြစ်ပွားနေသည့် ပဋိပက္ခ များ နှင့်ပတ်သက်ပြီး ဖွဲ့စည်းထားသော ပြန်ကြားရေးအဖွဲ့ တာဝန်ခံ ဦးဝင်းမြိုင်က ပြောပြသည်။
“မနေ့က ညနေက စပြီး စစ်တွေ တမြို့လုံး တည်ငြိမ်အေးချမ်းနေပါပြီ၊ ဘာမှ စိုးရိမ်စရာကောင်းတဲ့ အခြေအနေမရှိတော့ပါဘူး” ဟု ၎င်းက ဧရာဝတီသို့ ပြောသည်။
စစ်တွေ၊ မောင်တော အပြင် ကျောက်တော်၊ ရသေ့တောင်၊ ဘူးသီးတောင်၊ မင်းပြား၊ ပုဏ္ဏားကျွန်း စသည့် မြို့နယ်များ နှင့်ကျေးရွာ တချို့၌ ဒေသခံ ရခိုင်တိုင်းရင်းသားများနှင့်ဘင်္ဂါလီလူမျိုး တို့ အကြား ပြဿနာ ဖြစ်ပွားမှုတချို့ ယမန်နေ့တွင် ရှိခဲ့ကြောင်း၊ သို့သော် ဒေသဆိုင်ရာ အာဏာပိုင်များနှင့် ရဲတပ်ဖွဲ့ တို့က ထိန်သိမ်းနိုင်ခဲ့ကြောင်း ရခိုင်ဒေသခံ များက ပြောသည်။
“မင်းပြား၊ မြေပုံ မြို့တွေက ကျေးရွာ တချို့မှာ ရခိုင် နဲ့ ကုလားတွေ အကြား ပြဿနာ ဖြစ်ပေါ်ခဲ့ပေမယ့် လုံထိန်းတွေ၊ ရပ်မိ ရပ်ဘ လူကြီးတွေ က အချိန်မီ ထိန်းသိမ်းနိုင်ခဲ့ပါတယ်၊ ဒီမနက် အထိတော့ အေးအေးဆေးဆေးပါပဲ”ဟု မြေပုံမြို့ခံ ဦးဖေသန်း က ပြောသည်။
စစ်တွေမြို့ပေါ်ရှိ ရပ်ကွက်၊ ကျေးရွာ တချို့၌ ယမန်နေ့ နံက်ပိုင်းတွင် ရခိုင်လူမျိုးအများစု နေထိုင်သည့် ရပ်ကွက် ကျေးရွာတချို့ကို တဖက်နိုင်ငံမှ အခြေချနေထိုင်သည့် ဘင်င်္ဂါလီလူမျိုးများက မီးရှို့ခြင်းများ ရှိသကဲ့သို့ ရခိုင် ကလည်း ဘင်္ဂါလီများ၏ နေ အိမ် တချို့ကို မီးရှို့ခြင်းများ ရှိကြောင်း ဦးဝင်းမြိုင်ကလည်း ပြောသည်။
ရခိုင်ဒေသတွင်း ဖြစ်ပေါ်ခဲ့သော အဓိကရုဏ်းများကြောင့် ဘူးသီးတောင်၊ မောင်တော၊ စစ်တွေ၊ ကျောက်ဖြူ၊ သံတွဲ၊ ရမ်းဗြဲ စသည့် မြို့
များတွင် ဇွန်လ ၈ ရက်မှ စတင်၍ ညမထွက်ရ အမိန့် ပုဒ်မ ၁၄၄ ကို သက်ဆိုင်ရာက ထုတ်ပြန်ခဲ့ပြီးနောက် ဇွန်လ ၁၀ ရက်၌ သမ္မတ ဦးသိန်းစိန်က အရေးပေါ် အခြေအနေ ကြေညာခဲ့သည်။
ယင်း အဓိကရုဏ်းများအတွင်း ရခိုင်ဒုက္ခသည် ဦးရေ စုစုပေါင်း၂၀၀၀၀ ၀န်းကျင် အထိရှိပြီး နောက်ထပ် တိုးလာနိုင်ဖွယ်ရှိသေး ကြောင်း၊ ဒုက္ခသည်များအား စစ်တွေ မြို့ပေါ်ရှိ ဘုန်းကြီးကျောင်း၊ ဓမ္မာရုံ၊ စာသင်ကျောင်း စသည့် ဒုက္ခသည် စခန်း ၃၄ ခုတို့၌ နေရာချ ထားပေး ကြောင်း၊ ဘင်္ဂါလီလူမျိုးများ အတွက်လည်း ၎င်းတို့အများစု နေထိုင်သည့်ရွာ၊ ဗလီများတွင် နေရာချထား ပေး ကြောင်း သိရသည်။
“ဘင်္ဂါလီ မွတ်စလင်တွေ အတွက်လည်းပဲ ဆန်အိတ် ၁၀၀ မနေ့က စပေးနေတယ်၊ နောက်လည်း ပေးသွားမှာပါ၊ အလားတူပဲ ရခိုင် လူမျိုးတွေကိုလည်းပဲ ကူညီထောက်ပံ့ပေးနေပါတယ်”ဟု ဦးဝင်းမြိုင်က ဆိုသည်။
သက်ဆိုင်ရာမြို့နယ် ပြည်သူ့ဆေးရုံများမှ စုံစမ်းသိရှိရသော စာရင်းများအရ မောင်တောမြို့တွင် ရခိုင်လူမျိုး ၇ ဦး သေဆုံးပြီး စစ်တွေမြို့ တွင် ရခိုင်လူမျိုး၂၁ ဦးသေဆုံးကာ ဘင်္ဂါလီ ၆ ဦးသေဆုံးကြောင်း သိရသည်။ ဆေးရုံနှင့် အလှမ်းဝေးသော ရပ်ကွက် ကျေးရွာများ တွင် လည်း သေဆုံးမှုများရှိသည်ကို ကြားသိရသော်လည်း အတည်မပြုနိုင်ကြောင်း စစ်တွေဆေးရုံကြီးက ပြော သည်။
စစ်တွေမြို့သို့ ရောက်ရှိနေသည့် သတင်းထောက်များ က သေဆုံးသူ ဦးရေသည် အစိုးရထုတ်ပြန်မှုထက် များကြောင်း၊ ၎င်းတို့၏ မျက်မြင်တွေ့ရှိချက်အရ သေဆုံးသူ အများစုမှာ ရခိုင်လူမျိုးများ ဖြစ်ကြောင်း ပြောဆိုသည်။
စစ်တွေ တက္ကသိုလ် အနီး ချောင်းထဲတွင် မျောနေသည့် ရခိုင်လူမျိုး အလောင်း တခုကို ယနေ့ နံက်ပိုင်းက ဆယ်ယူရရှိထားကြောင်း စစ်တွေမြို့သို့ ရောက်ရှိနေသည့် သတင်းထောက် တချို့က ပြောသည်။
မောင်တော၊ စစ်တွေဒေသ၌ ဖြစ်ပွားခဲ့သည့် ဖြစ်ရပ်များနှင့်ပတ်သက်၍ ပြည်ပ မီဒီယာများမှ ထုတ်လွှင့်ခဲ့မှုများသည် ပြည်တွင်း မီဒီယာ များနှင့်ဆန့်ကျင်ဘက် ဖြစ်နေပြီး ဘာသာရေး၊ လူမျိုးရေး ကိစ္စကို ပုံကြီးချဲ့ပြောသွားခဲ့ကြောင်း၊ ဖြစ်ရပ်မှန်များကို ကိုယ် တိုင်လာရောက် သတင်းယူနေကြသည့် ပြည်တွင်း မီဒီယာများကို လွတ်လပ်စွာ သတင်းယူခွင့်ပေးထားကြောင်း ဦးဝင်းမြိုင်က ပြောဆိုသည်။
“ပြည်ပက ထုတ်လွှင့်တာတွေက ဆန့်ကျင်ဘက်လို့ ပြောချင်ပါတယ်၊ ဘာကြောင့်လဲဆိုတော့ ဘူးသီးတောင်၊ မောင်တော မှာရခိုင်လူမျိုး သိပ်မရှိသလို စစ်တွေမှာလည်းပဲ ရခိုင်ဦးရေ နည်းတယ်”ဟု ၎င်းက ဆိုသည်။
မောင်တောမြို့တွင် ဒုက္ခသည် ၅၀၀၀ ကျော်ကို မြို့ခံဘုန်းကြီးကျောင်းများနှင့် အစိုးရ အဆောက် အအုံများတွင် ထားရှိသည်။ ထိုဒုက္ခသည်များကို မြို့ခံလူမှု ကူညီရေး အသင်းများနှင့် ပုဂ္ဂလိက လုပ်ငန်းရှင်များက လှူဒါန်းပေးလျက်ရှိသည်။ စစ်တွေမြို့ရှိ ဒုက္ခသည် စခန်းများထံ မြန်မာ ဘောလုံးအဖွဲ့ချုပ် ဥက္ကဌ ဦးဇ်ာဇော်၊ ရုပ်ရှင် သရုပ်ဆောင် ပြေတီဦး နှင့် ဒါရိုက်တာ ဝိုင်း အပါအ၀င် စေတနာရှင်များသည် ယမန်နေ့က လာရောက်လှူဒါန်းမှုများ ပြုလုပ်ခဲ့ကြောင်း သိရသည်။
Ref: ဧရာဝတီ
Read More...
Collapse...
သန်းထိုက်ဦး
June 14, 2012
မြန်မာအစိုးရကို အားပေးသည့်အနေဖြင့် ဒီမိုကရေစီနှင့် သဟဇာတဖြစ်မည့် ဖွံ့ဖြိုးရေးအတွက် ရင်းနှီးမြှုပ်နှံကြရန် နိုင်ငံခြား ကုမ္ပဏီ များကို ဆွစ်ဇာလန်နိုင်ငံ ဂျနီဗာမြို့ရောက် ဒေါ်အောင်ဆန်းစုကြည်က တိုက်တွန်း ပြောဆိုလိုက်သည်။
ဥရောပ ခရီးစဉ်အတွင်း ဂျနီဗာမြို့ရှိ အပြည်ပြည်ဆိုင်ရာ အလုပ်သမားအဖွဲ့ (ILO) တွင် ယနေ့ ပြောကြားသော ဥရောပရောက် ပထမ ဆုံး မိန့်ခွန်း၌ ဒေါ်အောင်ဆန်းစုကြည်က ထိုသို့ တိုက်တွန်းခြင်း ဖြစ်သည်။
သို့သော် ရင်းနှီးမြှုပ်နှံရာ၌ သတိထားရမည့် ကိစ္စနှင့် ပတ်သက်၍ မြန်မာအစိုးရပိုင် မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) သည် ပွင့်လင်းမြင်သာမှု၊ တာဝန်ယူမှု မရှိသည့်အတွက် ထိုအခြေအနေမှ မတိုးတက်လာသရွေ့ နိုင်ငံခြား ကုမ္ပဏီများအနေဖြင့် MOGE နှင့် ပူးတွဲ အလုပ်လုပ်ခြင်း မပြုကြရန် ဒေါ်အောင်ဆန်းစုကြည်က ပြောဆိုသည်။
“စွမ်းအင်ကဏ္ဍမှာ ဖက်စပ်အနေနဲ့ နိုင်ငံခြားက ပူးပေါင်းလုပ်ဆောင်နေတဲ့ စွမ်းအင်ဝန်ကြီးဌာနလက်အောက်ရှိ မြန်မာ့ရေနံနှင့် သဘာဝ ဓတ်ငွေ့လုပ်ငန်းဟာ ပွင့်လင်းမြင်သာမှုရော တာဝန်ယူမှုပါ လောလောဆယ် မရှိပါဘူး” ဟု ဒေါ်အောင်ဆန်းစုကြည်က ပြောသည်။
မြန်မာအစိုးရအနေဖြင့် ဘဏ္ဍာရေး ပွင့်လင်းမြင်သာမှုအတွက် IMF ၏ ကျင်းထုံးနည်းနာကဲ့သို့သော နိုင်ငံတကာ အသိအမှတ်ပြု စံနှုန်း များကို လိုက်နာရန်လိုသည်ဟု ဒေါ်အောင်ဆန်းစုကြည်က ဆိုသည်။
ဒေါ်အောင်ဆန်းစုကြည် ILO ၌ မိန့်ခွန်းမပြောမီ ယမန့်က ILO အနေဖြင့် မြန်မာနိုင်ငံအပေါ် တားမြစ်ကန့်သတ်ချက် အများစုကို ရုပ်သိမ်း ပေး လိုက်ကြောင်း ကြေညာခဲ့သည်။
မြန်မာနိုင်ငံ၏ အဓမ္မစေခိုင်းမှု ပပျောက်ရေး ဆောင်ရွက်ချက်မူကြမ်းကို ဇွန်လ ၆ ရက်နေ့မှ စတင်၍ ၅ ရက် အကြာ ILO မှ အုပ်ချုပ်ရေး အဖွဲ့ဝင်များနှင့် အသေးစိတ် လေ့လာသုံးသပ်ဆွေးနွေးပြီး ညီလာခံအစည်းအဝေးသို့ တင်သွင်းခဲ့ကြောင်း၊ ILO ညီလာခံ အစည်းအဝေး တက်ရောက်သော အစိုးရကိုယ်စားလှယ်များ အပါအ၀င် အလုပ်သမားအဖွဲ့နှင့် အလုပ်ရှင်အဖွဲ့အစည်းတို့က မြန်မာနိုင်ငံအပေါ် တားမြစ် ကန့်သတ်ချက်များအား ရုပ်သိမ်းရန် ထောက်ခံပေးခဲ့ကြောင်း သိရှိရသည်။
ILO အနေနှင့် မြန်မာနိုင်ငံအပေါ် တိုးတက်ပြောင်းလဲမှုများကို အသိအမှတ်ပြု၍ ပူးပေါင်းလုပ်ဆောင်ခွင့်ရရှိရန် အထူးအခွင့်အရေး ပေးခြင်းဖြစ်ကြောင်း ထိုင်းနိုင်ငံအခြေစိုက် လူ့အခွင့်အရေး ပညာပေးဌာန (HREIB) ၏ ညွန်ကြားရေးမှူး ဦးအောင်မျိုးမင်းက သုံးသပ် သည်။
“အရင် အစိုးရလက်ထက်တုန်းက ILO နဲ့ ပူးပေါင်းဆောင်ရွက်မှုတွေ မရှိဘူး။ အခု အစိုးရလက်ထက်မှာ ပူးပေါင်းဆောင်ရွက်မှုတွေ ရှိနေတဲ့အတွက် ဒီအခြေအနေမျိုးမှာ အခွင့်အကောင်း ယူပြီးတော့ ငွေအား၊ အတတ်ပညာပိုင်း ကူညီပေးဖို့ သူတို့က အဆင်သင့် ရှိတယ်လို့ ထုတ်ပြန် တာဖြစ်တယ်” ဟု ဦးအောင်မျိုးမင်းက ဆိုသည်။
ILOအနေဖြင့် ယခင်က မြန်မာပြည်ကို အဓမ္မစေခိုင်းမှု ဆိုးရွားသည့်အနေအထား သတ်မှတ်ထားပြီး လက်ရှိ အစိုးရလက်ထက်တွင် သာမှန်အနေအထားအဖြစ် ပြန်လည်သတ်မှတ်ခြင်းဖြစ်ကြောင်း ဦးအောင်မျိုးမင်းက ဆက်ပြောသည်။
ဦးအောင်မျိုးမင်းက လတ်တလော မြန်မာနိုင်ငံတွင် ဖြစ်ပွားနေသည့် အခြေခံလုပ်ခလစာနှင့် ခံစားခွင့်များအတွက် ဆန္ဒပြမှုများကို ထောက်ပြပြီး “တဖက်မှာ လုပ်အားပေး စေခိုင်းမှုတွေ ပပျောက်အောင် လုပ်နေသလို တဖက်မှာ အလုပ်သမားအခွင့်အရေး တိုး တက်အောင် ကာကွယ်ပေးတဲ့ အနေအထားမျိုးတွေ တိုးတက်မြှင့်တင်အောင် အစိုးရက ဆက်လက် လုပ်ဆောင်ဖို့တော့ အများ ကြီးလိုတယ်။ အခု အချိန်အထိ အဲဒီလောက် အပြည့်အ၀ ကာကွယ်ပေးနိုင်တဲ့ အဆင့်မျိုးတော့ မရောက်သေးဘူး” ဟု ဆိုသည်။
ILO အဖွဲ့ အစည်းအနေနှင့် မြန်မာနိုင်ငံမှ အဓမ္မ စေခိုင်းမှုများနှင့် စပ်လျဉ်း၍ ၁၉၉၉ ခုနှစ်မှ စတင်၍ အရေးယူမှုများ ပြုလုပ်ခဲ့သည်။
Ref: ဧရာဝတီ
Read More...
Collapse...
14 ဇွန် 2012
ဆွစ်ဇာလန်နိုင်ငံကို ရောက်နေတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ မနေ့ညပိုင်းက ဆွစ်ဇာလန် သမ္မတ အယ် ဗလင်း ၀စ်ဒ်မာ ရှူသ်စ် (Eveline Widmier-Schumpf) နဲ့ Berne မြို့မှာ တွေ့ဆုံ ခဲ့ပါတယ်။
မနေ့က ဆွစ်ဇာလန် နိုင်ငံခြားရေးဝန်ကြီး ဒီဒီအေ ဘုဂ်ဟယ်လ် တာ (Didier Burkhalter) နဲ့ တွေ့ဆုံခဲ့ပြီး တဲ့နောက် ပြုလုပ်ခဲ့တဲ့ ပူးတွဲ သတင်းစာရှင်းလင်းပွဲအတွင်း ရုတ်တရက် နာမကျန်းဖြစ်လို့ သတင်းစာ ရှင်းလင်းပွဲ ကို ရပ်ဆိုင်းလိုက်ရပါတယ်။ တနေကုန် ပင်ပန်းမှုနဲ့ လေယာဉ်ခရီးတွေကြောင့် သတင်းစာရှင်းလင်းပွဲအစ မိနစ်ပိုင်းအတွင်းမှာပဲ မူးဝေပြီး နေထိုင်မကောင်း ဖြစ်ခဲ့တာပါ။
ခုလို နေထိုင်မကောင်း ဖြစ်တာကြောင့် ဆွစ်ဇာလန် သမ္မတ အယ်ဖလင်းဝစ်ဒ်မာ ရှူသ်စ် (Eveline Widmier-Schumpf) ဖိတ်ကြားထားတဲ့ နိုင်ငံတော် ညစာစားပွဲ ကိုလည်း ဖျက်လိုက်ရပါတယ်။
ဆွစ်ဇာလန်နိုင်ငံအနေနဲ့ မြန်မာနိုင်ငံ ဒီမိုကရေစီ ပြုပြင် ပြောင်းလဲရေး ဆက်လက် အားပေးကူညီသွားလိုတဲ့ အကြောင်းနဲ့ ဒီအတွက် ဒီနှစ် နိုဝင်ဘာလလောက်အတွင်း မြန်မာနိုင်ငံမှာ ဆွစ်ဇာလန်သံရုံး ဖွင့်လှစ်သွားမယ့် အကြောင်း၊ နောက် မြန်မာနိုင်ငံအပေါ် ချမှတ် ထားတဲ့ အရေးယူမှုတချို့ကို ပြီးခဲ့တဲ့ မေလက ပြန်ပြီး ရုပ်သိမ်းပေးခဲ့တယ်ဆိုတာနဲ့ တကယ်လို့ မြန်မာနိုင်ငံရဲ့ နိုင်ငံရေးအခြေအနေတွေ တိုးတက် မလာဘဲ သိသိသာသာ ဆုတ်ယုတ်မှုတွေ ရှိလာရင်တော့ အရေးယူမှုတွေ ပြန်လည် ချမှတ်သွားမှာဖြစ်ပြီး လက် ရှိ ပြုပြင် ပြောင်းလဲမှုတွေကို ကူညီထောက်ပံ့တဲ့အနေနဲ့ ဖွံ့ဖြိုးရေးဆိုင်ရာ ပူးပေါင်းဆောင်ရွက်မှုတွေနဲ့ အကူအညီတွေ တိုးမြှင့်ပေးသွားမယ့် အကြောင်းတွေကို ဆွစ်ဇာလန် နိုင်ငံခြားရေးဝန်ကြီးက ဒေါ်အောင် ဆန်းစုကြည်နဲ့ တွေ့ဆုံစဉ်မှာ ပြောဆိုခဲ့ပါတယ်။
ဒေါ်အောင်ဆန်းစုကြည်ဟာ မနေ့က မနက်ပိုင်းက ဆွစ်ဇာလန်နိုင်ငံ၊ ဂျနီဗာမြို့မှာ ILO နိုင်ငံတကာ အလုပ်သမားအဖွဲ့ချုပ်ကြီးရဲ့ (၁၀၁) ကြိမ်မြောက် ညီလာခံမှာ မိန့်ခွန်းပြောဆိုခဲ့ပြီးတဲ့နောက် ညနေပိုင်းမှာ Berne မြို့ကို ရောက်ရှိလာခဲ့တာ ဖြစ်ပါတယ်။ ဒီကနေ့မှာတော့ အစီအစဉ်တိုင်းဆိုရင် ဆွစ်ဇာလန် လွှတ်တော်မှာ လွှတ်တော်ခေါင်းဆောင်တွေနဲ့ တွေ့ဖို့ရှိပါတယ်။ ဒေါ်အောင်ဆန်းစုကြည်ဟာ မနက် ဖြန် မှာ နော်ဝေနိုင်ငံ၊ အော်စလိုမြို့ကိုလည်း ခရီးဆက်ဖို့ ရှိနေသလို အဲဒီကနေ ဗြိတိန်၊ အိုင်ယာလန် နဲ့ ပြင်သစ်နိုင်ငံတွေကိုလည်း ခရီးဆက်ဖို့ ရှိပါတယ်။ ဗြိတိန် ပါလီမန်မှာ မိန့်ခွန်းပြောကြားဖို့ရှိသလို လူ့အခွင့်အရေးအဖွဲ့ Amnesty International က ပေးအပ်တဲ့ လူ့အခွင့်အရေးဆု ကိုတော့ Dublin မြို့မှာ ကမ္ဘာကျော်တေးဂီတအဖွဲ့ U2 က အဆိုတော် ဘိုနိုက ပေးအပ်မှာ ဖြစ်ပါတယ်။
သူ့ရဲ့ ခရီးစဉ်အစ ILO ညီလာခံမိန့်ခွန်းမှာတော့ မြန်မာနိုင်ငံအတွင်း ဒီမိုကရေစီ ပြုပြင်ပြောင်းလဲရေး လုပ်ငန်းတွေ ပိုပြီးခိုင်မာအောင် အထောက်အကူပြုနိုင်မယ့် ရင်းနှီးမြှုပ်နှံမှုတွေ လုပ်ကိုင်ကြဖို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က နိုင်ငံတကာ အသိုင်းအ၀ိုင်းကို မေတ္တာရပ်ခံလိုက်ပါ တယ်။ ပြုပြင် ပြောင်းလဲမှုတွေ လုပ်နေတဲ့ မြန်မာအစိုးရအနေနဲ့ နှစ်ပေါင်းများစွာ အထီးကျန် ဖြစ်ခဲ့ရ တဲ့ မြန်မာနိုင်ငံထဲက အလုပ်သမားတွေရဲ့ ရပိုင်ခွင့်တွေကို အကာအကွယ် ပေးနိုင်တဲ့ ပြောင်းလဲမှုတွေကိုပါ ဆက်လုပ်စေချင် တယ်လို့လည်း ပြောသွားခဲ့ပါတယ်။
Ref: ဗွီအိုအေ
Read More...
Collapse...
14 ဇွန် 2012
ဒေါ်ခင်စိုးဝင်း
အခုညနေပိုင်း အသံမလွှင့်ခင် အချိန်ကလေးကပဲ ၁၀၁ ကြိမ်မြောက် ILO အပြည်ပြည်ဆိုင်ရာ အလုပ်သမားအဖွဲ့ချုပ် ညီလာခံမှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် မိန့်ခွန်း ပြောခဲ့ပါတယ်။ ဒီအကြောင်း အပြည့်အစုံ သိနိုင်အောင် ဂျနီဗာမြို့မှာ ကိုယ်တိုင် သတင်း သွားယူနေတဲ့ ဗွီအိုအေ မြန်မာပိုင်းက အယ်ဒီတာ ဒေါ်ခင်စိုးဝင်းကို ဆက်သွယ် မေးမြန်းခဲ့ပါတယ်။
မေး။ ဒီကနေ့ ကျင်းပတဲ့ ILO အစည်းအဝေးကို ပြောပြပေးပါဦးရှင့်။
ဖြေ။ ဒေါ်အောင်ဆန်းစုကြည် ဒီကနေ့ ပြောသွားတဲ့ မိန့်ခွန်းထဲမှာ ILO နဲ့ မြန်မာနိုင်ငံရဲ့ ဆက်ဆံရေး အခြေအနေ၊ လူငယ်တွေနဲ့ အလုပ် လက်မဲ့ ပြဿနာ၊ ရွှေ့ပြောင်း အလုပ်သမားတွေရဲ့ အရေး၊ တရားဥပဒေ စိုးမိုးရေး စတဲ့ နိုင်ငံရေး၊ လူမှုရေး၊ စီးပွားရေးတွေကို အားလုံး ခြုံငုံပြီးတော့ ပြောသွားတာ ကြားရပါတယ်။ အဲဒီအထဲက စိတ်ဝင်စားစရာ အကောင်းဆုံး အချက်တွေကို အတတ်နိုင်ဆုံး ကောက်နုတ် ပြီးတော့ အတိုချုံးပြီး ပြောပြပေးချင်ပါတယ်။
သူက ဒီ ILO ကို မလာခင် မြန်မာပြည်တွင်းက အလုပ်သမား အခွင့်အရေးအတွက် အကျိုးဆောင်ပေးနေတဲ့ ပုဂ္ဂိုလ်တွေက သူ့ကို လက်ရှိ အခြေအနေတွေနဲ့ ပတ်သက်ပြီး ရှင်းပြတဲ့ အကြောင်းကို ဒေါ်အောင်ဆန်းစုကြည်က အခုလို ပြောပြပါတယ်။
"အလုပ်သမားတွေရဲ့ အခွင့်အရေးကို အကာကွယ်ပေးမယ့် ဥပဒေတွေ သေသေ ချာချာ ပြဌာန်းပေးဖို့ အရေးကြီးတယ် ဆိုတာကို သူတို့က မီးမောင်း ထိုးပြခဲ့ကြပါတယ်။ တချို့ တည်ဆဲ ဥပဒေတွေဟာ ဒီခေတ်နဲ့ လုံးဝ ကိုက်ညီမှု မရှိတော့တာတွေ၊ တချို့ဆိုလို့ရှိရင် မြန်မာလိုတောင်မှ ဘာသာပြန်ထားတာ မရှိတဲ့ ဥပဒေတွေ ရှိတယ်။ နောက် အနိမ့်ဆုံးလစာ သတ်မှတ်ချက်တွေကိုလည်း ပြင်ဆင်တာ၊ အစားထိုးတာတွေ မရှိပါဘူး။ ဒီကြောင်းတွေကို အလုပ်သမားအရေး လှုပ်ရှားသူတွေက ရှင်းလင်း ပြောဆိုသွားပါတယ်" လို့ ပြောကြား သွားတာပါ။
နောက် အလုပ်သမား သမဂ္ဂတွေ ဖွဲ့စည်းရေး၊ ဥပဒေတွေ ထဲမှာလည်း ရံပုံငွေနဲ့ ပတ်သက်တဲ့ အကြောင်းအရာ အချက်အလက်တွေ ရှင်းရှင်း လင်းလင်း ပြသထားတာ မတွေ့ရဘူး၊ နောက်ပြီးတော့ အလုပ်သမားတွေ ဆန္ဒပြကြတဲ့ အခါမှာလည်း အလုပ်ရှင်တွေကို ပစား ပေးတဲ့ ဥပဒေ သတ်မှတ်ချက်တွေလည်း ရှိနေတယ် ဆိုတာကိုလည်း သူတို့ ဝေဖန်သွားတာ ကြားရပါတယ်။ အလုပ်သမားနဲ့ အလုပ် မသား အဖွဲ့အစည်းတွေ သမဂ္ဂအဖွဲ့စည်းတဲ့ နေရာမှာ စက်မှုလုပ်ငန်းက အလုပ်သမားတွေတင် မကပဲနဲ့ တခြား နယ်ပယ် အသီး သီးက အလုပ်သမားတွေ အတွက်ကိုလည်း ခံစားခွင့် ပေးဖို့ လိုတယ် ဆိုတာတွေကိုလည်း သူက ပြောပြသွားပါတယ်။
နောက်တချက်ကတော့ ဒေါ်အောင်ဆန်းစုကြည်က သူအမြဲ ပြောလေ့ရှိတဲ့ လူငယ်တွေရဲ့ အလုပ်လက်မဲ့ ပြဿနာဟာ အထူးတလည် ကိုင်တွယ်ဖို့ လိုတဲ့အကြောင်းကိုလည်း ဒေါ်အောင်ဆန်းစုကြည်က အခုလို ထောက်ပြသွားပါတယ်။
"အလုပ်လက်မဲ့ လူငယ်တွေဟာ လူ့ဘောင် အသိုင်းဝိုင်းမှာ သူတို့ လုပ်နိုင် ကိုင်နိုင်တဲ့ အလားအလာတွေ မရှိတော့ဘူးဆိုတဲ့ ယုံကြည် ချက် ပျောက်သွားနိုင်ပါတယ်။ သူတို့ ဘ၀မှာ ဘာမှ အဓိပ္ပါယ် မရှိတော့ဘူး ဆိုပြီးတော့ မူးယစ်ဆေး စွဲတာတွေက အစ၊ အဲဒီလိုမျိုး လူငယ်တွေမှာ အလုပ်လက်မဲ့ ဖြစ်တာကြောင့်မို့ လူငယ်တေ ပျက်ဆီးရတဲ့ အခြေအနေတွေ" ကို ပြောပြသွားပါတယ်။
တဆက်ထဲမှာပဲ ဒီ လူငယ်တွေရဲ့ အလုပ်လက်မဲ့ ပြဿနာနဲ့ ပတ်သက်ပြီးတော့ မြန်မာနိုင်ငံမှာ လာရောက် ရင်းနှီးမြုပ်နှံဖို့ ဆိုင်းပြင်း နေကြတဲ့ နိုင်ငံခြားက ရင်းနှီးမြုပ်နှံမှု လုပ်ချင်တဲ့ သူတွေကိုလည်း ဒေါ်အောင်ဆန်းစုကြည်က အခုလို အကြံပြုပါတယ်။
"လူငယ်တွေအတွက် အသက်မွေးမှုပညာ အရေးကြီးတာကြောင့် ရင်းနှီး မြုပ်နှံဖို့ အလားအလာ ရှိတဲ့သူတွေအနေနဲ့ ကိုယ့်အတွက်ကိုပဲ ကိုယ်မကြည့်ပဲနဲ့ မြန်မာလူငယ်တွေရဲ့ အကျိုးလည်း ရှိအောင်၊ နောက် လုပ်ငန်းက ရရှိလာတဲ့ အကျိုးတွေကိုလည်း ဒီ ရင်းနှီး မြုပ်နှံ သူဖက်ကရော၊ မြန်မာ ပြည်သူတွေဖက်ကရော အကျိုးရှိအောင်၊ တာဝန် သိသိနဲ့ ဆောင်ရွက်ဖို့ လိုတယ်" ဆိုပြီးတော့ သူက ပြောပြ သွားပါတယ်။
နောက်ဆုံး တချက်ကတော့ ဒေါ်အောင်ဆန်းစုကြည်ဟာ သူ့ရဲ့ ထိုင်းနိုင်ငံ ခရီးစဉ်အတွင်းမှာ ဒီ ရွှေ့ပြောင်း အလုပ်သမားတွေရဲ့ အရေးနဲ့ ပတ်သက်ပြီးတော့ ရတက် မအေးရတဲ့ အကြောင်းကိုလည်း အခုလို မှတ်ချက် ချပါတယ်။
"နှစ်နိုင်ငံစလုံးမှာ ရွှေ့ပြောင်း အလုပ်သမားတွေနဲ့ ပတ်သက်တဲ့၊ စီမံကွပ်ကဲတဲ့ အဖွဲ့အစည်းတွေ သတ်သတ် မှတ်မှတ်၊ တိတိ ကျကျ မရှိပါဘူး။ နောက် ရွှေ့ပြောင်း အလုပ်သမားတွေနဲ့ ပတ်သက်ပြီးတော့ အာဆီယံအဖွဲ့ကြီးက မူကြမ်း ရေးဆွဲနေတာဟာလည်း ခုထက် ထိ ပြီးပြတ်သေးတာ မတွေ့ရသေးပါဘူး။ အဲဒီ ချမှတ်ထားတဲ့ ဘောင်တွေကိုလည်း နှစ်နိုင်ငံ စလုံးက လိုက်နာတာ မတွေ့ရဘူး၊ ရွှေ့ ပြောင်း အလုပ်သမားတွေရဲ့ အခွင့်အရေးဟာ ပြည်တွင်းက အလုပ်သမားတွေရဲ့ အခွင့်အရေးနဲ့ တန်းတူ ရသင့်တယ်" ဆိုပြီး ဒေါ် အောင်ဆန်းစုကြည်က အကြံပြုပါတယ်။
နောက် သူထိုင်းနိုင်ငံကို သွားခဲ့တုန်းက တွေ့ခဲ့ရတဲ့ ရွှေ့ပြောင်း အလုပ်သမားတိုင်း လိုလိုက အိမ်ပြန်ချင်ကြတယ်လို့ ပြောပါတယ်တဲ့။ သူတို့တတွေ ပြန်လာပြီး နေချင့်စဖွယ်ကောင်းတဲ့၊ ငြိမ်းချမ်းတဲ့၊ လုံခြုံတဲ့ နိုင်ငံတော်ဖြစ်အောင် ILO အနေနဲ့လည်း ၀ိုင်းဝန်း ကူညီ ပါဆိုပြီးတော့ ဒေါ်အောင်ဆန်းစုကြည်က သူ့မိန့်ခွန်း အပိတ်မှာ မေတ္တာရပ်ခံ သွားပါတယ်။
Ref: ဗွီအိုအေ
Read More...
Collapse...
14 ဇွန် 2012
စုမြတ်မွန်
မြန်မာနိုင်ငံမှာ တရားဥပဒေစိုးမိုးမှု မရှိသရွှေ့ အုပ်စုလိုက်ဖြစ်တဲ့ အထိကရုန်းတွေ ဆက်ဖြစ်နေမှာ ဖြစ်တယ်လို့ မြန်မာ့ဒီမိုကရေစီ ခေါင်း ဆောင် ဒေါ်အောင်ဆန်းစုကြည်က ပြောလိုက်ပါတယ်။ ရခိုင်ပြည်နယ်ဖက်မှာ လာဘ်စားမှုကင်းတဲ့ နယ်စပ်လုံခြုံရေးရှိဖို့ အရေးကြီး တယ် ဆိုတာကိုလဲ ဆွစ်ဇာလန်နိုင်ငံ ဂျနီဗာမြို့မှာ ပြုလုပ်တဲ့ သတင်းစာ ရှင်းလင်းပွဲမှာ ဒေါ်အောင်ဆန်းစုကြည်က ပြောသွားပါတယ်။ ဒါ့အပြင် ရိုဟင်ဂျာတွေ မြန်မာနိုင်ငံသား ဖြစ်သင့် မသင့်၊ အရင် စစ်ခေါင်းဆောင်ဟောင်းတွေ အပေါ် အရေးယူ သင့် မသင့် စတဲ့ သတင်းထောက် တွေရဲ့ အမေးကို ဒေါ်အောင်ဆန်းစုကြည် ပြန်လည် ဖြေကြားတာကို မစုမြတ်မွန်က စုစည်း တင်ပြပေးထားပါတယ်။
ILO အပြည်ပြည်ဆိုင်ရာ အလုပ်သမားအဖွဲ့ချုပ်ရဲ့ အလုပ်သမားညီလာခံမှာ မိန့်ခွန်း ပြောကြားပြီးတဲ့နောက် ပြုလုပ်တဲ့ သတင်းစာ ရှင်း လင်းပွဲမှာ ဒေါ်အောင်ဆန်းစုကြည်က မြန်မာနိုင်ငံမှာ ဖြစ်နေတဲ့ အခြေအနေတွေကြောင့် တရားဥပဒေ စိုးမိုးမှု ရှိဖို့ ဘယ်လောက် အရေး ကြီးသလဲဆိုတာ ပြသနေတယ် ဆိုတာကို အလေးထားပြီး ဖြေဆိုသွားတာကို တွေ့ရပါတယ်။ ရခိုင်ပြည်နယ်မှာ ဖြစ်နေတဲ့ အခြေအနေ တွေနဲ့ ပါတ်သက်လို့ စိုးရိမ်သလားဆိုတဲ့ သတင်းထောက် တယောက်က မေးပါတယ်၊ ဒေါ်အောင်ဆန်းစုကြည် ပြန်ဖြေတာက -
“ရခိုင်ပြည်ဖက်မှာ လက်ရှိဖြစ်နေတဲ့ အခြေအနေ အပေါ်မှာ မြန်မာ တနိုင်ငံလုံးလိုပဲ ကျွန်မစိုးရိမ်တာပေါ့၊ တရားဥပဒေစိုးမိုးမှု ဘယ် လောက် လိုအပ်နေသလဲဆိုတာ ကျွန်မတို့ သင်ခန်းစာယူသင့်တဲ့ ကိစ္စကြီးပါ။ နိုင်ငံထဲမှာဖြစ်နေတဲ့ ပဋိပက္ခတွေ အားလုံး အဆုံး သပ် ရေးအတွက် တရားဥပဒေ စိုးမိုးမှု လိုအပ်တယ်ဆိုတာကို ကျွန်မတို့ အမျိုးသား ဒီမိုကရေစီအဖွဲ့ချုပ်ပါတီက ထပ်ခါ ထပ်ခါ ပြောနေ တာ ပါ။ လူတိုင်း လူတိုင်း ဥပဒေရဲ့ အကာအကွယ် ရရပါမယ်။ သူတို့အနေနဲ့လဲ နိုင်ငံရဲ့ ဥပဒေတွေကို လေးစား လိုက်နာဖို့လိုအပ်ပါတယ်။ တရားဥပဒေစိုးမိုးမှု မရှိရင် အုပ်စုလိုက်ဖြစ်ပွားတဲ့ အထိကရုန်းတွေ ဆက်ပြီးဖြစ်နေမှာပါဘဲ။ အခု ဖြစ်နေတဲ့ ပြဿနာကို ပါးပါးနပ်နပ် သိမ်သိမ်မွေ့မွေ့ ကိုင်တွယ်ဖို့ လိုပါတယ်။ ကျွန်မတို့နိုင်ငံမှာလိုလားနေတဲ့ ငြိမ်းချမ်းမှု ပြန်ရဖို့ သက်ဆိုင်သူတွေ အားလုံးရဲ့ ပူးပေါင်း ဆောင် ရွက်မှုလဲ လိုအပ်ပါတယ်။”
ရိုဟင်ဂျာတွေကို မြန်မာနိုင်ငံသားအဖြစ် လက်ခံသလားဆိုတဲ့ မေးခွန်းမျိုးကိုလဲ သတင်းထောက်တွေ မေးကြပါတယ်။
“နိုင်ငံသားဖြစ်ရေးနဲ့ ပါတ်သက်လို့ အင်မတန် ရှင်းလင်းတိကျတဲ့ ဥပဒေလိုအပ်ပါတယ်။ ရခိုင်ပြည်နယ်မှာ ဖြေရှင်းဖို့လိုတဲ့ လက်တွေ့ ပြဿနာကို ကျွန်မပြောပါရစေ။ နယ်စပ် တဖက်တချက်မှာ ရှိနေတဲ့ မြန်မာနိုင်ငံဖက်ကရော ဘင်္ဂလားဒေ့ရှ် ဖက်ကပါ ၂ ဖက်လုံး မှာ စိုးရိမ်မှုတွေကြောင့် ခုလို ကြီးမားတဲ့ ပြဿနာကြီးတခု ဖြစ်နေရတယ်လို့ ကျွန်မထင်ပါတယ်။ အဆင်းရဲဆုံး နယ်စပ်ဒေသ ဖြစ်တဲ့ အတွက် တရားမဝင် နယ်စပ် ဖြတ်ကျော်မှုတွေ တချိန်လုံး ဖြစ်နေမှာပါ။ ဒီထက် တာဝန်သိပြီး လာဘ်စားမှုကင်းတဲ့ နယ်စပ်လုံခြုံရေး ရှိဖို့ လိုအပ်တယ်လို့ ကျွန်မထင်ပါတယ်။”
ဘယ်လိုလူမျိုးတွေက နိုင်ငံသား ဖြစ်နိုင်သလဲဆိုတာကို ရှင်းရှင်း လင်းလင်းရှိဖို့ လိုအပ်သလို နိုင်ငံသားဖြစ်ခွင့်ရှိသူတွေ အနေနဲ့ နိုင်ငံ သားတယောက် ရသင့်တဲ့ အခွင့်အရေးတွေကို အပြည့်အဝ ရရှိဖို့လိုအပ်တယ် ဆိုတာကိုလဲ နောက်ထပ် ရိုဟင်ဂျာတွေ နိုင်ငံသား ဖြစ်သင့်သလားဆိုတဲ့ အမေးမှာ ဒေါ်အောင်ဆန်းစုကြည်က သတင်းစာရှင်းပွဲမှာ ဖြေသွားခဲ့ပါတယ်။
မေးခွန်းတွေ အတော်စုံစုံမေးကြတဲ့ သတင်းစာရှင်းပွဲမှာ အရင် စစ်ခေါင်းဆောင်တွေ ကျူးလွန်ခဲ့တဲ့ ပြစ်မှုတွေကို ဘယ်လို ကိုင်တွယ် သင့်သလဲ ဆိုတာကိုလဲ သတင်းထောက် တယောက်က မေးပါတယ်။ ငြိမ်းချမ်းရေးနဲ့ ပြန်လည် သင့်မြတ်ရေးကော်မရှင် မြန်မာနိုင်ငံမှာ ဖွဲ့လာမယ် ထင်သလား ဆိုတာကို ဒေါ်အောင်ဆန်းစုကြည် ပြန်ဖြေတာက -
“လောလောဆယ်မှာတော့ အမှန်တရား ဖော်ထုတ်ရေးနဲ့ ပြန်လည်သင့်မြတ်ရေး ကော်မတီဖြစ်ဖို့ အစီအစဉ်ရှိပုံ မရသေးပါဘူး။ အ တိတ်မှာ ဖြစ်ခဲ့တာတွေကို ဘုန်းတော်ကြီး Desmond Tu Tu ပြောသလိုပဲ လက်တုံ့ပြန်မှုကို အခြေခံတဲ့ တရားမျှတမှုမျိုး မဟုတ်ဘဲ အမှားကို ပြန်ပြင်ချင်တဲ့ တရားမျှတမှုမျိုးသာ ဖြစ်သင့်ပါတယ်။ အခုအချိန်မှာတော့ ကျွန်မ အလိုလားဆုံးက ပြန်လည်သင့်မြတ်ရေးပါ။ လက်စားခြေရေး မဟုတ်ပါဘူး။”
ဒေါ်အောင်ဆန်းစုကြည်ရဲ့ ခရီးစဉ်အတွင်းမှာ သူ့ကို လှိုက်လှိုက် လှဲလှဲ ကြိုဆိုကြလို့ အစိုးရ အကြီး အကဲတွေ စိတ်အနှောင်အယှက် ဖြစ်နိုင်သလားဆိုတာနဲ့ မြန်မာနိုင်ငံအပေါ် အရေးယူ ဒဏ်ခတ်မှုတွေ ဖယ်ရှားပေးနေတာတွေဟာ သိပ်စောလွန်းသေးတယ်လို့ ထင်သ လားလို့ ဗွီအိုအေ သတင်းထောက်ရဲ့ အမေးကို ဒေါ်အောင်ဆန်းစုကြည် ပြန်ဖြေတာက -
“ပထမမေးခွန်းကို ဖြေရမယ်ဆိုရင်တော့ ကျွန်မ ဘယ်လောက် စိတ်လှုပ်ရှားသလဲဆိုတာကို ကျွန်မနိုင်ငံက ခေါင်းဆောင်တွေသိရင် ကျွန်မကို စိတ်အညိုအညင် ဖြစ်မှာ မဟုတ်ပါဘူး။ သနားတောင် သနားမှာပါ။ ပိတ်ဆို့ ဒဏ်ခတ်မှုတွေနဲ့ ပါတ်သက်တဲ့ ဒုတိယမေးခွန်း ကို ဖြေရမယ်ဆိုရင် ဒီမိုကရေစီ ဖော်ဆောင်ရေး လုပ်ငန်းစဉ်တွေ အသေအချာ ရှေ့ဆက်ဖို့က မြန်မာနိုင်ငံသားတွေရဲ့ တာဝန်လို့ ကျွန်မ ယူဆပါတယ်။ ပိတ်ဆို့ အရေးယူမှုတွေ ဖယ်ရှား မှုကြောင့် ဒီလုပ်ငန်းစဉ်တွေ အနှောင့်အယှက် မဖြစ်စေသင့်ပါဘူး။ ဒါကြောင့် ကျွန်မက ဒီမိုကရေစီနဲ့ ကိုက်ညီတဲ့ တာဝန်သိ ရင်းနှီး မြှုပ်နှံမှုတွေ လုပ်ကြပါလို့ ကျွန်မပြောနေတာပါ။ ပိတ်ဆို့ ဒဏ်ခတ်မှုတွေ ရုပ်သွားလို့၊ ယာယီ ဖယ်ရှားပေးလို့၊ အသစ်ဝင်လာမဲ့ ရင်းနှီး မြှုပ်နှံမှုတွေက ဒီမိုကရေစီရေးအတွက် အထောက်အကူပဲ ဖြစ်သင့်ပါတယ်။ အနှောင့် အယှက် မဖြစ်သင့်ပါဘူး။”
ဂျနီဗာမှာလုပ်တဲ့ သတင်းစာ ရှင်းလင်းပွဲမှာပဲ ကချင်ပြည်နယ်ဖက်က အခြေအနေနဲ့ ပါတ်သက်ပြီး အပြစ်အခတ် ရပ်ဆဲရုံနဲ့ မလုံ လောက်ဘဲ၊ ရေရှည် အဓိပ္ပါယ်ရှိတဲ့ ငြိမ်းချမ်းရေးအတွက် နိုင်ငံရေးအရ အဖြေရှာဖို့ လိုအပ်တယ်ဆိုတာကို ဒေါ်အောင်ဆန်းစုကြည်က ပြောသွားပါတယ်။
Ref: ဗွီအိုအေ
Read More...
Collapse...
14 ဇွန် 2012
မြန်မာနိုင်ငံမှာ ဒီမိုကရေစီရေး ပြုပြင် ပြောင်းလဲမှုတွေ ပိုမို ဖြစ်ထွန်းလာစေဖို့အတွက် နိုင်ငံတကာက ကူညီ ထောက်ပံ့ကြဖို့နဲ့ ရင်းနှီး မြှပ်နှံ မှုတွေ လုပ်ကြဖို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ၁၀၁ ကြိမ်မြောက် ILO နိုင်ငံတကာ အလုပ်သမား ညီလာ ခံမှာ ပြောကြားလိုက်ပါတယ်။
မနေ့က အစည်းအဝေးမှာ မြန်မာနိုင်ငံအပေါ် နည်းပညာပိုင်းနဲ့ တခြားအကူအညီပေးမှု ကန့်သတ် ထားချက် တွေကို ILO က ပြန်လည် ရုပ်သိမ်းဖို့ ဆုံးဖြတ်ခဲ့တာနဲ့ ပါတ်သက်ပြီး ဒေါ်အောင်ဆန်းစုကြည်က ကြိုဆိုလိုက်တဲ့ အပြင် ဒါဟာ မြန်မာနိုင်ငံအတွက် မကြုံစဖူး အခွင့် အရေး တရပ်ဖြစ်ကြောင်း ဒီကနေ့ မိန့်ခွန်းမှာ ထည့်သွင်း ပြောကြားခဲ့ပါတယ်။
“မြန်မာနိုင်ငံမှာ စီးပွါးရေး ဖွံ့ဖြိုး တိုးတက်မှုတွေ ဖြစ်လာစေဖို့ ဒီမိုကရေစီနဲ့ လူ့အခွင့်အရေး ထွန်းကားတဲ့ ဖွံ့ဖြိုး တိုးတက်မှုတွေနဲ့အတူ ငြိမ်းချမ်းမှုနဲ့ သာယာဝပြောမှုတွေ အတွက် ဒါဟာမကြုံစဖူး အခွင့်ရေ တရပ်ပါ” လို့ ဒေါ်အောင်ဆန်းစုကြည်က ပြောသွားတာပါ။
ဒါ့အပြင် ပြုပြင် ပြောင်းလဲမှုတွေ လုပ်နေတဲ့ မြန်မာအစိုးရအနေနဲ့ နှစ်ပေါင်းများစွာ အထီးကျန် ဖြစ်ခဲ့ရတဲ့ မြန်မာနိုင်ငံထဲက အလုပ် သမားတွေရဲ့ ရပိုင်ခွင့်တွေကို အကာကွယ် ပေးနိုင်တဲ့ ပြောင်းလဲမှုတွေကိုပါ ဆက်လုပ် စေချင်တယ်လို့ ပြောကြားခဲ့ပါတယ်။ နောက် မြန်မာနိုင်ငံမှာ ILO ရုံးဖွင့်ပြီး အလုပ်သမား ရပိုင်ခွင့်တွေအတွက် ကျိုးပမ်းနေတာကို ၀မ်းသာကြောင်းနဲ့ မြန်မာနိုင်ငံမှာ အဓမ္မလုပ်အား ခိုင်းစေမှုတွေနဲ့ ကလေးစစ်သား စုဆောင်းမှုတွေ ဆက်ပြီး ရှိနေသေးတယ်လို့ လည်းပြောကြားခဲ့ပါတယ်။
ထိုင်းနိုင်ငံရောက် မြန်မာရွှေ့ပြောင်း အလုပ်သမားတွေ အရေးနဲ့ ပါတ်သက်ပြီးလည်း သူတို့ဟာ အခွင့်ရေး ချိုးဖေါက်မှု ဆိုးဆိုးဝါးဝါး ခံနေရပြီး ဒါဟာ မြန်မာဘက်ကရော ထိုင်းဘက်ကပါ ဥပဒေကို မလိုက်နာတာကြောင့် ဆိုတာ တွေ့ရတာမို့ ILO အနေနဲ့ ထိုင်းက မြန်မာ ရွှေ့ပြောင်း အလုပ်သမားတွေရဲ့ အရေးကို အရေးယူ ဆောင်ရွက်ပေးဖို့လည်း တိုက်တွန်းခဲ့ပါတယ်။ မြန်မာနိုင်ငံမှာ လူငယ်တွေရဲ့ အခန်းကဏ္ဍကို မြှင့်တင်ပေးဖို့ လိုအပ်နေသလို ပညာရေး၊ လူမှုရေးနဲ့ စီးပွါးရေးကအစ တစစ တိုးတက်လာအောင် ၀ိုင်းဝန်း ကူညီကြဖို့လည်း ပန်ကြားခဲ့ပါတယ်။
ILO ညီလာခံမှာ မိန့်ခွန်းလာရောက်ပြောကြားတဲ့ ဒေါ်အောင်ဆန်းစုကြည်ကို ပန်းတွေနဲ့ ကြိုဆိုခဲ့ကြသလို အစည်းဝေး ခန်းမထဲမှာ လည်း အချိန်အတော်ကြာ မတ်တတ်ရပ် လက်ခုတ်တီး သြဘာပေးပြီး ဂုဏ်ပြုချီးမြှင့် ခဲ့ကြပါတယ်။
Ref: ဗွီအိုအေ
Read More...
Collapse...
14 ဇွန် 2012
တကျော့ပြန်သမ္မတ ရွေးကောက်ပွဲတွေမတိုင်ခင် ရက်ပိုင်းအလို ရှုပ်ထွေးမှုတွေဖြစ်စေတဲ့ ဆုံးဖြတ်ချက်နှစ်ရပ်ကို အီဂျစ်နိုင်ငံ ဖွဲ့စည်း အုပ် ချုပ်ပုံဆိုင်ရာခုံရုံးက ချမှတ်လိုက်ပြီးတဲ့နောက် လူထုအကြား ဒေါသထွက်ခဲ့ကြပြီး လမ်းပေါ်ထွက် ဆန္ဒပြမှုတွေ ဖြစ်ပွားခဲ့ပါတယ်။
မကြာခင်ကျင်းပမယ့် တကျော့ပြန် သမ္မတရွေးကောက်ပွဲတွေမှာ ၀န်ကြီးချုပ်ဟောင်း Ahmed Shafiq ၀င်ရောက်ယှဉ်ပြိုင်ရာမှာ အနိုင်ရ အောင်လို့ ကြိုတင်လမ်းရှင်းတဲ့အနေနဲ့ သမ္မတဟောင်း ဟို့စနီမူဘာရက် အစိုးရထဲကအရာရှိတွေ အစိုးရနေရာတွေမှာ ပြန် တာဝန် မယူ နိုင်အောင်တားမြစ်တဲ့ လွှတ်တော် ကပြဌာန်းထားတဲ့ ဥပဒေကို ဖွဲ့စည်းအုပ်ချုပ်ပုံဆိုင်ရာ ခုံရုံးက ပယ်ချလိုက်တာဖြစ်ပါတယ်။
ပထမအကြိမ် ရွေးကောက်ပွဲတွေ မေလနှောင်းပိုင်း ကျင်းပရာမှာတော့ မူစလင် ညီအကိုတော်များအဖွဲ့ရဲ့ ကိုယ်စားလှယ်တဦးဖြစ်တဲ့ Mohamed Morsi ပြီးရင် ၀န်ကြီးချုပ်ဟောင်းက ဒုတိယနေရာ ရခဲ့တာဖြစ်ပါတယ်။
လက်ရှိ လွှတ်တော်တခုလုံးဟာ ဖွဲ့စည်းပုံနဲ့အညီမဖြစ်ဘူး၊ လွှတ်တော်အမတ် ၃ ပုံ ၁ ပုံ လောက်ဟာ တရား မ၀င် ရွေးကောက် တင် မြှောက်ခံ ထားရသူတွေဖြစ်တယ်လို့ ဆိုပြီးတော့လည်း ဒီလွှတ်တော်အမတ်တွေကို ကိုယ်စားလှယ်အဖြစ်ကနေ ပယ်ဖျက်ဖို့လည်း ခုံရုံးက ဆုံးဖြတ်ခဲ့ပါ တယ်။ တရားရုံးရဲ့ ခုလို ဆုံးဖြတ်ချက်တွေ ကို ဒေါသထွက်ခဲ့ကြသူတွေက တရားရုံးပြင်ပမှာ စုဝေးကန့် ကွက်ခဲ့ ကြပြီး စစ်အစိုးရ ကျဆုံးပါစေ ဆိုတဲ့ ကြွေးကြော်သံတွေနဲ့ ကန့်ကွက်ဆန္ဒပြခဲ့ကြတာပါ။
ဒီဆုံးဖြတ်ချက်တွေက စစ်အာဏာသိမ်းမှုတွေ ပိုဖြစ်အောင် လုပ်ရာကျတယ်လို့ဆိုပြီး တချို့ အစ္စလာမ် နိုင်ငံရေး သမားတွေကလည်း ကန့်ကွက်ကြပါတယ်။ အာဏာရှင်တွေဟာ ပြုပြင်ပြောင်းလဲမှုတွေ ရပ်တန့်စေမယ့် နည်းလမ်းတွေ ရှာဖွေနေကြတယ်ဆိုတာကို ပြသ နေတာပဲလို့ ဆန္ဒပြသူတဦးက ဗွီအိုအေကို ပြောပါတယ်။
Ref: ဗွီအိုအေ
Read More...
Collapse...
14 ဇွန် 2012
ဒေါ်ခင်စိုးဝင်း
အလုပ်သမားအခွင့်အရေး တောင်းဆိုဆန္ဒပြကြတာတွေနဲ့ပတ်သက်ပြီး နိုင်ငံရေးပါတီတွေ၊ အလုပ်သမားရေး ဆောင်ရွက်သူတွေနဲ့ ၈၈ မျိုးဆက် ကျောင်းသားခေါင်းဆောင်တွေ ပါဝင်ဆွေးနွေးအကြံပြုခဲ့တာကို ပြည်ထောင်စုအလုပ်သမားဝန်ကြီး ဦးအောင်ကြည်က အသိ အမှတ် ပြုလိုက်ပြီး အဲဒီဆွေးနွေးမှုနောက်ပိုင်း အလုပ်သမားအရေး ကိုင်တွယ်တဲ့နေရာမှာ ပိုပြီးတော့ အဆင်ပြေလာတာ တွေ့ရတယ် လို့ လည်း ပြောလိုက်ပါတယ်။ (၁၀၁) ကြိမ်မြောက် ILO ကမ္ဘာ့အလုပ်သမားညီလာခံတက်ရောက်နေတဲ့ အလုပ်သမားဝန်ကြီး ဦးအောင် ကြည်ကို ဂျနီဗာမြို့မှာရောက်နေတဲ့ ဗွီအိုအေ ဝိုင်းတော်သူ ဒေါ်ခင်စိုးဝင်းက ဂျနီဗာမြို့မှာရှိတဲ့ ကုလသမဂ္ဂဆိုင်ရာ မြန်မာ အမြဲတမ်း ကိုယ် စားလှယ် အဖွဲ့ရုံးမှာ သီးခြားတွေ့ဆုံမေးမြန်းထားပါတယ်။
ဦးအောင်ကြည်။ ။ ဒီနေရာမှာ ကျနော် အသိအမှတ်ပြု ပြောချင်တာက ဘာလဲဆိုတော့ ဒီကိုလာခါနီး ၃ ရက်နေ့မှာ ရန်ကုန်မှာ Multi Literal Talk သဘောမျိုး Tallks လေးတခု လုပ်လိုက်ပါတယ်။ အဲဒီမှာ အဖွဲ့အစည်းတွေ အကုန်လုံးပါကြတယ်။ အလုပ်သမား ရေး လှုပ်ရှားတဲ့ ပုဂ္ဂိုလ်တွေရော၊ အလုပ်သမားကိုယ်စားလှယ်တွေရော၊ အလုပ်ရှင်ကိုယ်စားလှယ်တွေရော၊ နိုင်ငံရေးပါတီတွေရော၊ လွှတ်တော် ကိုယ်စားလှယ် တွေရော၊ အစိုးရဝန်ကြီးတွေရော- ဒီပြဿနာကို စဉ်းစားတဲ့အထဲမှာ အချက်တချက်ပါတာပေါ့။ တကယ့် တကယ် သူ့ရဲ့ ခေါင်းစဉ်ကတော့ CMP လုပ်ငန်းနဲ့ ပတ်သက်တာပေါ့။ မြန်မာနိုင်ငံမှာတော့ စက်ရုံအလုပ်ရုံတွေအများစုက CMP ပဲ ဖြစ်နေသေးတာကို။ အဲဒီတော့ CMP လုပ်ငန်းနဲ့ပတ်သက်ပြီး ကျနော်တို့ စဉ်းစားရင်းနဲ့ ဒီ အလုပ်ရှင်၊ အလုပ်သမားပြဿနာတွေကို ဘယ်လို ဖြေရှင်းကြမလဲ ဆိုတာ စဉ်းစားရင်းနဲ့ ကျနော်တို့ အဲဒီမှာ connection လေးတစ်ခု ရခဲ့တယ်။
အထူးသဖြင့် ၈၈ မျိုးဆက်ကျောင်းသားတွေနဲ့ရော၊ အလုပ်သမားရေး လှုပ်ရှားနေတဲ့ အဖွဲ့အစည်းတွေနဲ့ရော၊ ကျန်တဲ့နိုင်ငံရေး ပါတီ တွေနဲ့ရော- တယောက်နဲ့တယောက် နားလည်မှုလေး ရခဲ့တယ်။ အလုပ်သမားဝန်ကြီးဌာန ဘာတွေလုပ်နေတယ် ဆိုတာလည်း အဲဒီ အချိန်ကျတော့ သိလာတယ်လေ။ အပြန်အလှန် အမြင်ချင်း ဖလှယ်လာနိုင်တဲ့အတွက်ကြောင့် တယောက်နဲ့တယောက် နားလည် မှုရရှိလာပြီးတော့ အဲဒီနောက်ပိုင်းမှာ ဖြေရှင်းရတာ ပိုပြီးတော့ လွယ်လာတာ တွေ့ရပါတယ်။
ဒေါ်ခင်စိုးဝင်း။ ။ ဒေါ်အောင်ဆန်းစုကြည် မနက်တုန်းက ပြောသွားတာလည်း ကြားလိုက်ပါတယ်။ အလုပ်သမားဥပဒေတွေက ခေတ်နဲ့ မလျော်ညီတော့ဘူး။ အနိမ့်ဆုံးလစာ သတ်မှတ်ချက်က အစပေါ့လေ။ ခေတ်နဲ့ မဆီလျော်တော့ဘူးလို့ ပြောတယ်လေ။ အဲဒီ လူမှုဖူလုံ ရေး အက်ဥပဒေလိုမျိုးပဲ တခြား အလုပ်သမားဥပဒေတွေကို ပြင်ဆင်တာ ရှိပါသေးလား။
ဦးအောင်ကြည်။ ။ ရှိပါတယ်။ ကျနော်တို့ Labour Organization Law က အသစ်ထွက်လာပြီ။ နောက် - Trade Distribute Settlement Law ထွက်လာပြီ။ တနှစ်အတွင်းမှာ ဥပဒေ ၂ ခုပေါ့။ Social Security Law ပါဆို ၃ ခု ပြောရမှာပဲ။ အဲဒီတော့ ဝန်ကြီး ဌာန တခုတည်းက ဥပဒေသုံးခု- ဥပဒေတခု တခု ပြုစုရတာ တော်တော်ခက်ပါတယ်။ တော်တော်လေးလည်း တိုင်ပင်ရတယ်။ ဆွေးနွေး ရတယ်။ ကျနော်ထင်ပါတယ်- အကြိမ်ပေါင်းကို ရာနဲ့ချီပြီးတော့မှ ဆွေးနွေးရတယ်၊ ပြုစုရတယ်။ ပြင်ဆင်ရတယ်။ အထောက် အထား တွေ ရှာရတယ်။ တနှစ်အတွင်းမှာ ဥပဒေ ၃ ခု ရေးဆွဲနိုင်ခဲ့တယ်လို့ ဒီလိုပဲ ပြောရမှာပဲ။ အဲဒီတော့ ကျနော်တို့ ဆက်ပြီး လုပ် သွားပါ မယ်။ အခုဆိုရင် လာမယ့် လွှတ်တော်မှာ ဥပဒေ ၃ ခု တင်ဖို့ ရည်ရွယ်ထားပါတယ်။ အဲဒီထဲမှာ ခုနတုန်းက ဒေါ်အောင် ဆန်းစု ကြည် ပြောကြားသွားတဲ့ Minimum Wages Act လည်း တခု အပါအဝင် ဖြစ်ပါတယ်။
ဟိုတုန်းက ရှိခဲ့တဲ့ Minimum Wages Act က တော်တော်လေး ခေတ်မမီတော့ပါဘူး။ နောက်တခုက တကယ်တန်း လက်တွေ့လုပ် ဖို့ကလည်း တော်တော်လေး ခဲယဉ်းနေပါတယ်။ အဲဒါကြောင့်မို့လို့ ကျနော်တို့က ဒီ Minimum Wages Act နဲ့ ပတ်သက်ပြီးတော့ အသစ်ပြန်ရေးဆွဲရတာ ဖြစ်ပါတယ်။ အသစ်ပြန်ရေးဆွဲတဲ့အခါကျတော့ နိုင်ငံတကာအဆင့်လည်း မီဖို့လိုတယ်။ International Norms တွေနဲ့ ညီမညီပေါ့လေ- ဒါလေးတွေ ပြန်ပြီးတော့-
ဒီမှာဆိုတော့- ရင်းရင်းနှီးနှီးနဲ့ပေါ့လေ- တယောက်နဲ့တယောက် ဒီလိုပဲ တချီတည်းတင် အလုပ်ပြတ်သွားတယ်။ ဒီပုဂ္ဂိုလ်ကြီးတွေကို ဗမာပြည် ပြန်ဖိတ်ပြီးတော့မှ ဆွေးနွေးရမယ်ဆိုရင် အချိန်လည်းကြာမယ်၊ ကုန်ကျစရိတ်တွေလည်းများမယ်။ ဒါနဲ့ ကျနော် ၁၃ ရက်နေ့ အထိကို ILO ကိစ္စတွေ အပြတ်လုပ်တယ်။ ၁၄ ရက်မှာ ဒါကို ဇောက်ချပြီးတော့ ကျနော် လုပ်တာပါ။ အများကြီး အလုပ်ဖြစ်ပါတယ်။
ဒေါ်ခင်စိုးဝင်း။ ။ ဝန်ကြီးအနေနဲ့ ဆက်ဆံရေးဝန်ကြီးအဖြစ်နဲ့ ဒေါ်အောင်ဆန်းစုကြည်နဲ့ မြန်မာအစိုးရကြားမှာ ညှိနှိုင်းဆက်သွယ် ဆောင်ရွက် ပေးခဲ့တာတွေရှိပါတယ်။ အခုလိုမျိုး မြန်မာနိုင်ငံ ပြုပြင်ပြောင်းလဲရေး ဖြစ်လာတာ ဝန်ကြီးအနေနဲ့ ပါဝင်ခဲ့တဲ့ အခန်း ကဏ္ဍကရော အကျိုးသက်ရောက်မှု ရှိပါလားရှင့်။
ဦးအောင်ကြည်။ ။ အကျိုးသက်ရောက်မှု ရှိပါသလားဆိုရင်တော့ အားဖြည့်ပေးရာတော့ ကျလိမ့်မယ်လို့ ကျနော်က ထင်ပါ တယ်။ ဘာဖြစ်လို့လဲဆိုတော့ ဒီ Reformation Strategy ကတော့ နဂိုရ်ကတည်းက ရှိပြီးသားပါ။ ဒါပေမဲ့ ကျနော်တို့က cooperation and cooperation ပေါ့လေ။ ဒီပုံစံမျိုးလေးနဲ့ ကျနော်တို့က နိုင်ငံရေးပါတီတွေအားလုံးနဲ့ ညှိညှိနှိုင်းနှိုင်းနဲ့ သွားကြ တဲ့အခါကျတော့ ဒီ မူလရှိပြီးသားဖြစ်တဲ့ Reformation Strategy ကို ပိုပြီးတော့ အားကောင်းစေတာပေါ့။
Ref: ဗွီအိုအေ
Read More...
Collapse...
2012-06-14
ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာအထူးအကြံပေး မစ္စတာ Vijay Nambia ဟာ မနေ့က မြန်မာနိုင်ငံကနေ ပြန်လည် ထွက်ခွာ သွားပြီ ဖြစ်ပါတယ်။
မစ္စတာ နမ်ဘီယာ ခရီးစဉ်နဲ့ပတ်သက်ပြီး နယူးယောက်မြို့ ကုလ သမဂ္ဂဌာနချုပ်မှာ မနေ့ကကျင်းပတဲ့ ပုံမှန်သတင်းစာရှင်းလင်းပွဲမှာ အတွင်းရေးမှူးချုပ်ရုံးရဲ့ ပြောခွင့်ရ ပုဂ္ဂိုလ် မာတီနာဆာကီ က ပြောဆိုရာမှာ -
ခရီးစဉ်ရဲ့အဓိကရည်ရွယ်ချက်က ရခိုင်ပြည်နယ်က အခြေအနေတွေကို ကုလသမဂ္ဂအနေနဲ့ ဘယ်လိုအကူအညီတွေ ဆက်ပြီးပေး နိုင်သ လဲဆိုတာ သွားရောက်လေ့လာစုံစမ်း တာပါ။ ဒါနဲ့ ပတ်သက်လို့ နောက်ထပ်လည်း သတင်းတွေထုတ်ပြန်သွားမှာ ဖြစ်ပါတယ်။ မစ္စတာ နမ်ဘီယာဟာ ရခိုင်ပြည်နယ် မောင်တောမြို့မှာ ဒုက္ခသည်တွေနဲ့ တွေ့ဆုံခဲ့ပါ တယ်လို့ ဆိုပါတယ်။
အစိုးရရဲ့ထုတ်ပြန်ချက်အရ စစ်တွေ၊ မောင်းတောနဲ့ ဘူးသီးတောင်မြို့တွေမှာ ဒုက္ခသည်ဦးရေ တစ်သောင်း ငါးထောင်လောက်ရှိပြီး၊ ကုလ သမဂ္ဂ လက်အောက်ခံ ကမ္ဘာ့စားနပ်ရိက္ခာအစီစဉ် WFP ကလည်း ဒေသခံ အဖွဲ့အစည်းတွေနဲ့ ပူးပေါင်းပြီး ဒုက္ခသည်တွေကို စားနပ်ရိက္ခာ တွေ ထောက်ပံ့ဖို့ စီစဉ်နေတယ်လို့လည်း မာတီနာဆာကီ က ပြောပါတယ်။
မစ္စတာနမ်ဘီယာရဲ့ အခုခရီးစဉ်မှာ သတင်းစာရှင်းလင်းပွဲ မလုပ်ခဲ့ဘူးလို့ သိရပါတယ်။
Ref: အာ၇်အဖ်အေ
Read More...
Collapse...
2012-06-14
မြန်မာနိင်ငံအပေါ် ပိတ်ဆို့အရေးယူမှု အများစုကို ဆွစ်ဇာလန်နိင်ငံက ရုပ်သိမ်းလိုက်ကြောင်း မနေ့က Swiss နိုင်ငံခြားရေးဌာနက ပြော ကြား လိုက်ပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့အတူ ပူးတွဲကျင်းပတဲ့ သတင်းစာ ရှင်းလင်းပွဲမှာလည်း Swiss နိုင်ငံခြားရေးဝန်ကြီး Didier Burkhalter က မြန်မာအပေါ် ပိတ်ဆို့မှုတွေ ရုပ်သိမ်းကြောင်း သတင်းထောက်တွေကို ပြောကြားခဲ့ပါတယ်။
လူထုကို ဖိနှိပ်နိုင်တဲ့ စစ်လက်နက်ပစ္စည်းတွေ ရောင်းဝယ်မှုကလွဲပြီး ကျန်တဲ့ ပိတ်ဆို့မှု အားလုံးကို ရုပ်သိမ်းလိုက်တာ ဖြစ်တယ်လို့လည်း ပြောကြား လိုက်ပါတယ်။
Ref: အာ၇်အဖ်အေ
Read More...
Collapse...
2012-06-14
မြန်မာဘက်က ခိုလှုံလာသူ ဘင်္ဂလီ ရိုဟင်ဂျာ ဒုက္ခသည်တွေအတွက် နယ်စပ်ကို ဖွင့်ပေးဖို့ ကုလသမဂ္ဂနဲ့ လူ့အခွင့်အရေးအဖွဲ့တွေက ဖိအားပေးတောင်းဆိုနေပေမဲ့ ဘင်္ဂလားဒေ့ရှ် အစိုးရကတော့ မနေ့က လက်မခံဘဲ ငြင်းဆိုလိုက်ပါတယ်။
မနေ့က ဘင်္ဂလီဒုက္ခသည် (၇၀၀) လောက်ပါတဲ့ လှေ (၁၇) စင်းလောက်ကို ဘင်္ဂလားဒေ့ရ်ှနယ်ခြားစောင့်တပ်က အ၀င်မခံဘဲ ပြန် မောင်း ထုတ်ခဲ့ပါတယ်။
ဘင်္ဂလားဒေ့ရှ် နိုင်ငံခြားရေးဝန်ကြီး ဒီပူမိုနီက လွှတ်တော်မှာပြောဆိုရာမှာ ဘင်္ဂလားဒေ့ရ်ှဟာ ဒုက္ခသည်နဲ့ ပတ်သက်တဲ့ နိုင်ငံ တကာ ဆိုင်ရာ ဘာသဘောတူညီချက်ကိုမှ လက်မှတ်မရေးထိုးခဲ့တဲ့အတွက် မြန်မာနိုင်ငံကထွက်လာတဲ့ ဒုက္ခသည်တွေကိုလက်ခံဖို့ တာဝန် မရှိဘူးလို့ ပြောဆိုခဲ့ပါတယ်။
နိုင်ငံတကာအဖွဲ့အစည်းတချို့၊ ရင်းနှီးတဲ့နိုင်ငံတချို့က တောင်းဆိုတဲ့အတွက် ဒုက္ခသည်တချို့ကို ၀င်ခွင့်ပြုခဲ့ကြောင်း၊ တကယ်တော့ မိမိတို့အပေါ် ဒီလိုတောင်းဆိုဖို့ မသင့်ဘူးဆိုတာ ပြောလိုကြောင်း နိုင်ငံခြားရေးဝန်ကြီးက ပြောကြားခဲ့ပါတယ်။
ဘင်္ဂလားဒေ့ရ်ှနိုင်ငံမှာ ဘင်္ဂလီ ရိုဟင်ဂျာ ဒုက္ခသည် (၃) သိန်းလောက် လက်ခံထားပြီးဖြစ်တယ်လို့လည်း ဆိုပါတယ်။
ဒါ့ပြင် ရခိုင်ပြည်နယ်မှာ ဖြစ်ပွားခဲ့တဲ့ အကြမ်းဖက် ပဋိပက္ခတွေကို ဘင်္ဂလားဒေ့ရ်ှနိုင်ငံရဲ့ အင်အားအကြီးဆုံး အတိုက်အခံပါတီဖြစ်တဲ့ ဂျမတ် အီ အစ္စလာမ်ပါတီက လှုံ့ဆော်ခဲ့တယ်လို့ မြန်မာအစိုးရက စွပ်စွဲထားတယ်လို့လည်း နိုင်ငံခြားရေးဝန်ကြီး ဒီပူမိုနီက ပြောဆိုခဲ့ ကြောင်း အေအက်ပီသတင်းမှာ ဖော်ပြထားပါတယ်။
Ref: အာရ်အဖ်အေ
Read More...
Collapse...
2012-06-14
နေပြည်တော်ကို ချီတက်ဆန္ဒပြနေတဲ့ ရမည်းသင်းခရိုင်က ရွှေတွင်းလုပ်သားတွေ လမ်းခုလတ်မှာပဲ သူတို့ တောင်းဆိုတာတွေကို ကုမ္ပဏီ ဘက်က ဒီနေ့ လိုက်လျောလိုက်တယ်လို့ သိရပါတယ်။
နေပြည်တော် သမ္မတအိမ်တော်အထိ ချီတက်လမ်းလျှောက် ဆန္ဒပြနေကြတဲ့ ရမည်းသင်းခရိုင် မိုးထိ မိုးမိ ရွှေတွင်းက ရွှေလုပ်သား တွေဟာ လမ်းခုလတ်ရှိ ရွှေမြင်တင် ဘုရားတောင်ခြေ အရောက်မှာ လုံခြုံရေးတွေရဲ့ ပိတ်ဆို့တားဆီးတာ ခံနေရသလို တဘက် က လည်း အာဏာ ပိုင် တွေနဲ့ ပူးပေါင်း ညှိနှိုင်းမှုတွေ လုပ်နေရင်း သူတို့ တောင်းဆိုထားတဲ့ အခွင့်အရေးတွေရရှိပြီး ပြေလည်သွား တာဖြစ် တယ်လို့ ဆန္ဒပြ ခေါင်းဆောင် ကိုသက်လွင်က ပြောပါတယ်။
“ရာခိုင်နှုန်း ၁၀၀ လုံး အကုန်ပြေလည်တယ်လို့ ပြောလို့ရပါတယ်။ အင်းတွေကို ယခင်မူလအတိုင်း ပြန်လည် လုပ်ကိုင်ခွင့် ရရှိရေးကို ကျွန်တော်တို့ တောင်းဆိုတဲ့ အခါမှာ အများနဲ့နည်းတူ တစ်နှစ်ပေးပါတယ်၊ နံပါတ် ၂ အနေနဲ့ ဇုန်အတွင်းမှာရှိတဲ့ စက်တွေကို ပြန်လည် လည်ပတ်ခွင့်ရရှိရေး တောင်းဆိုပါတယ်။ အဲဒီဟာကိုလည်း ဒီစက်တွေကို နောက်ရေရှည် ဆက်လုပ်ဖို့အတွက် သူတို့က တရားဝင် အဖြစ်နဲ့ တစ်နှစ်ခွင့်ပြုပါတယ်ခင်ဗျ။ နံပါတ်သုံးအချက်ဖြစ်တဲ့ ရွှေလုပ်သားများ ယခင်အတိုင်း အစုခံစားခွင့် ရရှိရေးကိုလည်း သူတို့ ကုမ္ပဏီ စာချုပ် စချုပ်တဲ့အချိန်မှာ ထုံးကြီးနဲ့ ရွှေစင်မှာ သီးခြား တသီးပုဂ္ဂလ ဖြစ်နေတဲ့အတွက်ကြောင့် ဒါကိုလည်း အဆင်ပြေအောင် ဆိုပြီးတော့မှ ၈ လခွဲ ပြန်လည်ပြီးတော့မှ လုပ်ကိုင်ခွင့်ပေးပါတယ်ခင်ဗျ”
ဒါ့အပြင် အင်း မလုပ်တော့ဘဲ လျော်ကြေး ရလိုသူတွေအတွက်လည်း လျော်ကြေးပြန်ပေးမယ်လို့ သဘောတူသလို အမျိုးသား ကြီး ပွားတိုးတက်ရေး ကုမ္ပဏီက အဆောက် အဦးတွေ ဆောက်လုပ်ဖို့ မြေညှိတဲ့အခါ၊ စက်တွေသယ်ဆောင်တဲ့အခါ တွေမှာလည်း အားလုံး ကူညီဆောင်ရွက်ပေးမယ်ဆိုတဲ့ သဘောတူညီချက်တွေလည်း ရခဲ့တယ်လို့ သူကပြောပါတယ်။
အဲဒီသဘောတူညီချက်တွေကို သက်ဆိုင်ရာအာဏာပိုင်တွေ အပါဝင် လက်မှတ်ထိုးပြီးရင် သူတို့ဆန္ဒပြတာတွေကို ရုပ်သိမ်းမယ်လို့ ကိုသက်လွင်က ဆက်ပြောပါတယ်။
“ခုန ပြေလည်တဲ့ ဟာတွေကို စာစီမယ်။ ပြီးရင် ဟိုဘက်က ယုံကြည်လောက်တဲ့ အသိသက်သေ၊ ကျွန်တော် တို့ဘက်ကလည်း ယုံကြည်လောက်တဲ့ အသိသက်သေ ဒီအဖွဲ့တွေနဲ့ အတူပေါင်းပြီးမှ နှစ်ဦး သဘောတူလက်မှတ်ထိုးမှာပါခင်ဗျ။ ကုမ္ပဏီဘက်မှာဆိုရင် တိုင်းဒေသကြီး သတ္ထုဝန်ကြီး ဦးသန်းစိုးမြင့်နဲ့ ပြည်ထောင်စု သတ္ထုတွင်း ၀န်ကြီးဌာန ညွှန်ကြားရေးမှူး ဦးဝင်းထိန်၊ ညွှန်ကြားရေးမှူး ဦးတင်မောင်ဌေးတို့ ပါမှာပါ။ ဆန္ဒပြနေတဲ့ ကျွန်တော်တို့ အဖွဲ့ရယ်၊ သူတို့ရဲတွေ၊ လုံခြုံရေးပိတ်နေတဲ့ နှစ်ခု ကြားထဲမှာ ညှိတာပါ။ ကျွန်တော်တို့ လက်မှတ်ထိုးပြီးလို့ ယုံကြည်စိတ်ချရပြီဆိုရင် ကျွန်တော်တို့ အဖွဲ့တွေက ကျွန်တော်တို့ ဌာနေကို ကျွန်တော်တို့ အရင်အာမခံထားတဲ့အတိုင်းပဲ ရှေ့ကို တဖ၀ါးမှ မတိုးပဲနဲ့ ငြိမ်းငြိမ်းချမ်းချမ်းနဲ့ ပြန်မှာပါ”
ရမည်းသင်းခရိုင်ရှိ မိုးထိ မိုးမိရွှေတွင်းလုပ်ငန်းကို အမျိုးသားကြီးပွားတိုးတက်ရေး ကုမ္ပဏီက ၂၀၁၁ ခုနှစ် စက်တင်ဘာလ ၉ ရက်နေ့မှာ အသေးစား ရွှေတူးဖော်ရေး လုပ်ငန်းရှင်များကို လေလံခေါ်ပြီးတော့ အောက်တိုဘာလမှာ လုပ်ငန်းတွေစခဲ့ပါတယ်။
၂၀၁၂ ခုနှစ် မေလ ၁၁ ရက်နေ့မှာ ကုမ္ပဏီက လုပ်ငန်းတွေ အကုန်ရပ်ဆိုင်းသွားတာပါ။ ဒါကို ရင်းနှီးမြှုပ်နှံ ထားကြတဲ့ သူတွေက နစ်နာဆုံးရှုံးတာကြောင့် လုပ်ငန်းတွေ ပြန်လည်လုပ်ကိုင်ဖို့ ဇွန်လ ၁ ရက်နေ့ ကနေ စတင်ပြီးတော့ ဆန္ဒပြနေကြတာဖြစ်ပါတယ်။
Ref: အာရ်အဖ်အေ
Read More...
Collapse...
2012-06-14
မြန်မာနိုင်ငံ ငြိမ်းချမ်းနိုင်ရေးအတွက် တရားဥပဒေစိုးမိုးမှုရှိဖို့ အရေး ကြီးကြောင်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစု ကြည် က ပြောဆိုပါတယ်။
ဆွစ်ဇာလန်နိုင်ငံ ဂျီနီဗာမြို့မှာ ကျင်းပနေတဲ့ ILO နိုင်ငံတကာအလုပ်သမားအဖွဲ့ချုပ် ညီလာခံမှာ မိန့်ခွန်းပြောကြားအပြီး၊ သတင်းစာ ရှင်း လင်း ပွဲမှာ နိုင်ငံတကာ သတင်းထောက်တွေကို ပြောကြားခဲ့တာပါ။
ရခိုင်ပြည်နယ်မှာ လတ်တလော ဖြစ်ပွားခဲ့တဲ့ မငြိမ်သက်မှုတွေနဲ့ပတ်သက်ပြီး သတင်းထောက်တွေက မေးမြန်းရာမှာ ဒေါ်အောင်ဆန်း စုကြည်က -
"ရခိုင်ပြည်နယ်မှာ ဖြစ်ပျက်ခဲ့တာတွေအတွက် မြန်မာပြည်သူအားလုံး စိုးရိမ်နေကြတာပါ။ ဒီဖြစ်ရပ်တွေကနေ အရေးအကြီးဆုံး သင်ခန်း စာထုတ်ယူဖို့လိုပါတယ်။ အဲဒါကတော့ တရားဥပဒေစိုးမိုးမှု လိုအပ်တယ်ဆိုတာပါပဲ။ တိုင်းပြည်မှာ ပဋိပက္ခတွေအားလုံး ချုပ်ငြိမ်းဖို့ဆိုရင် တရားဥပဒေစိုးမိုးမှု မရှိမဖြစ် လိုအပ်တယ်ဆိုတာ အမျိုးသားဒီမိုကရေစီအဖွဲ့အနေနဲ့ အကြိမ်ကြိမ်ပြောခဲ့ပါတယ်။ တရားဥပဒေ စိုးမိုးမှု
မရှိတဲ့ အခြေအနေမှာ အခုလို ပဋိပက္ခတွေ ဆက်ဖြစ်နေဦးမှာပါ။ ဒါတွေချုပ်ငြိမ်းသွားဖို့အတွက် အားလုံးက ပူးပေါင်းဆောင်ရွက်ကြဖို့ လိုပါတယ်" လို့ ဖြေကြားခဲ့ပါတယ်။
အလားတူ ကချင်ပြည်နယ် အခြေအနေနဲ့ ပတ်သက်ပြီးတော့လည်း -
"ကချင်ပြည်နယ်မှာ အစိုးရနဲ့ KIO ကြား အပစ်အခတ်ရပ်စဲဖို့ ဆွေးနွေးနေတယ်လို့ နားလည်ထားပါတယ်။ ဒီနေရာမှာ အလေး အနက် ပြောချင်တာက အပစ်အခတ်ရပ်စဲရုံနဲ့ မလုံလောက်ပါဘူး။ အဓိပ္ပာယ်ပြည့်ဝပြီး ရေရှည်တည်တံ့တဲ့ ငြိမ်းချမ်းရေး ပေါ်ပေါက်လာဖို့ဆိုရင် နိုင်ငံရေးအရ သဘောတူချမှတ် ထူထောင်မှုတစ်ရပ် ရှိထားမှဖြစ်ပါမယ်" လို့ ဒေါ်အောင်ဆန်းစုကြည်က ပြောဆိုခဲ့ပါတယ်။
ရခိုင်ပြည်နယ်က ဘင်္ဂလီ ရိုဟင်ဂျာတွေ နိုင်ငံသားဖြစ်ခွင့်နဲ့ ပတ်သက်ပြီး သဘောထားမေးမြန်းတဲ့အခါ-
"စောစောက ပြောခဲ့သလိုပဲ တိုင်းပြည်မှာ တရားဥပဒေစိုးမိုးမှုရှိဖို့ လိုပါတယ်။ ရှင်းလင်းပြတ်သားပြီး တိကျတဲ့ နိုင်ငံသားဥပဒေတွေရှိဖို့ လိုပါတယ်။ ဒီနေရာမှာ ရခိုင်ပြည်နယ်မှာ ဖြေရှင်းဖို့လိုနေတဲ့ လက်တွေ့ကြုံနေရတဲ့ ပြဿနာတစ်ခုကို ပြောချင်ပါတယ်။ မြန်မာနဲ့ ဘင်္ဂလားဒေ့ရှ် နှစ်နိုင်ငံနယ်စပ်မှာ တရားမ၀င် ဖြတ်သန်းဝင်ရောက်နေတာတွေ အမြဲရှိနေတဲ့ကိစ္စပါ။ ဒါဟာ နယ်စပ်မလုံခြုံလို့ ဖြစ်ရ တာပါ။ တာဝန်သိတဲ့ နယ်စပ်စောင့်ကြပ်ရေး၊ အကျင့်ပျက်ခြစားမှု ကင်းတဲ့ နယ်စပ်စောင့်ကြပ်ရေး လိုအပ်နေပါတယ်" လို့ ပြောဆိုခဲ့ ပါတယ်။
အဲဒီနောက် ဒေါ်အောင်ဆန်းစုကြည်ဟာ ဆွစ်ဇာလန်နိုင်ငံ မြိုတော် Bern မြို့ကိုခရီးဆက်ခဲ့ပါတယ်။ Bern မြို့မှာ ဆွစ်ဇာလန် နိုင်ငံ ခြားရေးဝန်ကြီးနဲ့အတူ ကျင်းပခဲ့တဲ့ သတင်းစာရှင်းလင်းပွဲမှာတော့ ပွဲစလို့ (၁၅) မိနစ်လောက်အကြာမှာ ဒေါ်အောင်ဆန်းစုကြည် ခရီး ပင်ပန်းလွန်းတဲ့အတွက် အော့အန်ခဲ့တာကြောင့် ပရိသတ်ကို တောင်းပန်ပြီး တည်းခိုရာဟိုတယ်ကို ပြန်သွားခဲ့ရတယ်လို့ သိရပါတယ်။
Ref: အာရ်အဖ်အေ
Read More...
Collapse...
14 June 2012
စောခါးစူးညား
ရခိုင်ပြည်နယ်တွင် ဖြစ်ပေါ်နေသော ရခိုင်နှင့် ဘင်္ဂလီ(ရိုဟင်ဂျာ)တို့၏ အဓိကရုဏ်းကိစ္စသည် သွေးရိုးသားရိုး မဟုတ်ကြောင်း ရခိုင် လွတ် မြောက်ရေးပါတီ(ALP)က ယနေ့ပြောကြားလိုက်သည်။
လက်ရှိဖြစ်ပေါ်နေသည့် အဓိကရုဏ်းသည် မသမာသူတို့၏ အစီအစဉ်ရှိရှိ ရက်စက်မှုကြောင့် ရခိုင်ပြည်နယ် အတွင်း ပြာပုံအတိဖြင့် ရောက် ရှိနေပြီးဖြစ်ကြောင်း ယနေ့ညနေ ၄နာရီကျော်တွင် ထိုင်း-မြန်မာနယ်စပ် တနေရာ၌ ပြုလုပ်သည့် သတင်း စာရှင်းလင်းပွဲတွင် ALP က ထိုသို့ ပြောဆိုခဲ့ခြင်းဖြစ်သည်။
ALP ၏ အထွေထွေအတွင်းရေးမှူး ဒေါ်စောမြဇာရာလင်းက “ဒီကိစ္စဟာ ပြဿနာတခုခုကို အခြေခံပြီးတော့ ပြသမီးလောင်သလိုပေါ့။ ပြဿနာအကြီးတခုခုဖြစ်ဖို့ဆိုလို့ရှိရင် မီးပွားက စဖြစ်တယ်။ မသီတာထွေးကို မီးခိုးအဖြစ်နဲ့ အသုံးချပြီးတော့မှ နောက်က အကြံ အစည် တခုခုနဲ့ လုပ်တာလားဆိုပြီးတော့ စိတ်ထဲမှာ တကယ်စဉ်းစားမိတယ်။”ဟု ကေအိုင်စီသို့ ပြောသည်။
မေလ ၂၈ရက်နေ့က ရခိုင်ပြည်နယ်၊ ရမ်းဗြဲမြို့နယ်၌ ရခိုင်အမျိုးသမီး မသီတာထွေးကို ဘင်္ဂလီလူမျိုးသုံးဦး၏ အဓမ္မပြုကျင့်ပြီး သတ် လိုက်ကြောင်း သတင်းထွက်ပေါ်ပြီးနောက် ယခု ဇွန်လ (၃)ရက်နေ့တွင် အစ္စလာမ်ဘာ သာဝင် ခရီးသည် ၁၀ ဦး အသတ်ခံခဲ့ရာမှ ရခိုင်နှင့် ဘင်္ဂလီလူမျိုးအကြား အဓိကရုဏ်းဖြစ်ပွားကာ ဒေသခံ လူထုများ အိုးအိမ်များ ပြာပုံဖြစ်ရသည်အထိ ရောက်လာရခြင်း ဖြစ်ကြောင်း သူမက ထောက်ပြထားသည်။
အစိုးရအနေဖြင့် ရခိုင်ပြည်နယ်ဖြစ်ပွားနေသည့် ပဋိပက္ခတွင် သေဆုံးသူ ရခိုင်တိုင်းရင်းသားဦးရေ ၁၀ဦးကျော် သာ ထုတ်ပြန်ထား သော်လည်း ၎င်းတို့၏ သိထားချက်အရ ၃၀၀နှင့် ၅၀၀ ဦးအကြားတွင် ရှိသည်ဟု ALP က ဆိုသည်။
ထို့အပြင် ဇွန်လ ၉ရက်နေ့မှစ၍ ရခိုင်ပြည်နယ်ကို နိုင်ငံတော်အစိုးရမှ အရေးပေါ်အခြေအနေ ပုဒ်မ-၁၄၄ (ညမထွက် ရအမိန့်) ထုတ်ပြန် ခဲ့သော်လည်း အဓိကရုဏ်အရှိန် လျှော့မသွားသည်ကို ကြည့်ခြင်းအားဖြင့် ထိုထုတ်ပြန်ချက် သည် ရုပ်ပြ မျှသာဖြစ်သည်ဟုလည်း ယနေ့(ဇွန်လ ၁၄ရက်) ထုတ်ပြန်သည့် ALP ၏ သဘောထားထုတ်ပြန်ချက်တွင် ပါရှိသည်။
ရခိုင်အမျိုးသမီးအစည်းအရုံး(RWU)မှလည်း ရခိုင်ပြည်နယ်တွင် ဖြစ်ပေါ်လာသည့် အဓိကရုဏ်းကြောင့် သေကြေပျက်စီမှုနှင့် အတိ ဒုက္ခဖြစ်နေမှုများအတွက် ၀မ်းနည်းမိကြောင်း၊ ယခုကိစ္စကို အစိုးရအနေဖြင့် အမြန်ဆုံးဖြေရှင်းစေလိုကြောင်း ယနေ့ ကြေညာချက် ထုတ်ပြန်ခဲ့သည်။
ALP ၏ ဒု-ဥက္ကဌ ဦးခိုင်စိုးနိုင်အောင်က “အစိုးရအနေနဲ့ ပြဿနာရှင်းသွားအောင် ပြည်သူတွေကျေနပ်ဖို့ စုံစမ်းစစ်ဆေးရေး ကော်မတီဖွဲ့ ပြီးတော့ ပြည်သူ့ရှေ့မှာ မြင်သာထင်သာအောင်၊ နိုင်ငံတကာကလည်း လက်ခံ လာအောင် ဖြေရှင်းဖို့လိုတယ်။ ”ဟု ပြောသည်။
ALP သတင်းစာရှင်းလင်းပွဲတွင် ထိုင်း-မြန်မာနယ်စပ်အခြေစိုက် အတိုက်အခံတိုင်းရင်းသားအင်အားစုအဖွဲ့များ နှင့် ဒီမိုကရေစီ အင်အား စုအဖွဲ့များဖြစ်သည့် ညီညွတ်သောတိုင်းရင်းသားလူမျိုးများ ဖက် ဒရယ်ကောင်စီ-UNFC၊ ကရင်အမျိုးသားအစည်းအရုံး-KNU နှင့် NDF၊ DAB၊ NLD-LA၊ FDB စသည့် မဟာမိတ်အဖွဲ့များအပါအ၀င် ပရိဿတ် ၂၀ ကျော် တက်ရောက်ခဲ့သည်။
သတင်းစာရှင်းလင်းပွဲတက်ရောက်လာသည့် အဆိုပါအဖွဲ့တို့၏ ခေါင်းဆောင်များက အလားတူ ALP ၏သဘော ထားကဲ့သို့ပင် ရှုမြင်သုံးသပ်ခဲ့ကြသည်။
KNU တွဲဖက်အတွင်းရေးမှူး(၁) ဗိုလ်မှူးစောလှငွေက “ရခိုင်ပြည်နယ်မှာ ဖြစ်နေတဲ့ အရေးအခင်းဟာ ၂၀၀၈ ဖွဲ့စည်းပုံအခြေခံဥပဒေ သော်လည်းကောင်း၊ အဲဒီဥပဒေက ပေါ်ပေါက်လာတဲ့ အစိုးရသော်လည်းကောင်း၊ အုပ် ချုပ်ရေးအာဏာ၊ ဥပဒေအာဏာနဲ့ တရား စီရင်ရေးအာဏာ အရပ်ရပ်ရဲ့ ကျင့်သုံးဆောင်ရွက်မှုတွေဟာ မီးမောင်းထိုးပြလိုက်တာပဲ။”ဟု ဝေဖန်သုံးသည်။
ကချင်၊ ကရင်၊ ချင်း၊ ရခိုင်၊ သျှမ်း စသည့် လက်နက်ကိုင်တော်လှန်ရေးအဖွဲ့ (၁၂)ဖြင့် ဖွဲ့စည်းထားသည့် UNFC တွဲဖက် အတွင်း ရေး မှူး(၁)ကလည်း ရခိုင်ပြည်နယ် အဓိကရုဏ်းသည် အစိုးရ၏ အတွင်းအာဏာနှင့် သက်ဆိုင်ပြီး လုပ်ကြံဖန်တီးမှု သာဖြစ်ကြောင်း ပြော ဆိုသည်။
ရခိုင်ပြည်နယ်တွင် ဇွန်လ ၈ ရက်နေ့မှ ၁၃ ရက်နေ့အထိ ရခိုင်အိမ် ၁,၁၉၂ လုံးနှင့် ဘင်္ဂလီမွတ်စလင်အိမ် ၁,၃၃၆လုံး မီးလောင်ခဲ့ပြီး စာသင်ကျောင်းတစ်ကျောင်း အပါအ၀င် ဘုန်းတော်ကြီးကျောင်း ၉ ကျောင်း၊ ဗလီ ကျောင်း ၇ ကျောင်းမီးလောင်သွားကာ ရခိုင်ဘက်မှ သေဆုံးသူ ၁၃ ဦးနှင့် မွတ်စလင်ဘက်မှ ၁၆ ဦးရှိသည်ဟု ရခိုင်ပြည်နယ် နယ်စပ်ဒေသနှင့် လုံခြုံရေးဝန်ကြီး ဗိုလ်မှုးကြီး ထိန်လင်းက ယနေ့ သတင်းထောက်များကို ပြော ခဲ့သည်ဟု Eleven Media Group သတင်းတွင် ဖော်ပြထားသည်။
Ref: ကေအိုင်စီ
Read More...
Collapse...
14 June 2012
နန်းမနိုက်အွာ
ကရင်ပြည်နယ်၊ ကော့ကရိတ်မြို့နယ်ရှိ လယ့်ဟော်ကျေးရွာတွင် ယနေ့ မနက်၌ စာသင်ကျောင်းဖွင့်ပွဲအခမ်းအနားကျင်းပခဲ့ရာ ဒေသ ဆိုင်ရာ မြန်မာအစိုးရ တာဝန်ရှိသူအချို့နှင့် ဒေသခံ ကရင်အမျိုးသား ခေါင်းဆောင်အချို့ တက်ရောက်အားပေးခဲ့သည်ဟု သိရသည်။
ယနေ့မနက် ၉နာရီမှ ၁၀နာရီအထိ ကျင်းပခဲ့သည့် ထိုကျောင်းဖွင့်ပွဲအခမ်းအနားတွင် ဝေါ်လေမြို့နယ်ခွဲရှိ ဝေါ်လေ ကျောင်းအုပ်ကြီး၊ အစိုးရ အုပ်ချုပ်ရေးတာဝန်ရှိသူအချို့၊ ကရင်အမျိုးသားလွတ်မြောက်ရေး တပ်မတော်-KNLA (၂၀၁)တပ်ရင်းမှ ဒု-ရင်းမှူး ဗိုလ်မှူး စောကြည် အောင် အပါအဝင် ခေါင်းဆောင်နှစ်ဦးနှင့် တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA)မှ ခေါင်းဆောင် အချို့တက်ရောက်ခဲ့ သည်ဟု လယ့်ဟော်ရွာသူကြီး စောဖာ့တပေါ့က ပြောသည်။
“ခေါင်းဆောင်တွေက ကျနော်တို့ကို လာအားပေးတယ်။ အခုလို ကျောင်းဖွင့်တာ သူတို့အနေနဲ့ ဝမ်းသာ တယ်။ နှစ်ဦးနှစ်ဖက်၊ သုံးဖက် စလုံး လက်တွဲပြီးတော့ အချင်းချင်း နားလည်းမှုတွေ ကြိုးစားနေချိန်မှာ ကလေးတွေရဲ့ ပညာရေးကို အားပေးရမယ်လို့ ကျနော်တို့ကို ပြောတယ်။”ဟု သူက ကေအိုင်စီသို့ ပြောသည်။
ကရင်အမျိုးသားအစည်းအရုံး (KNU)နှင့် အစိုးရအကြား အပစ်အခတ်ရပ်စဲရေးအတွက် တွေ့ဆုံဆွေးနွေး သဘောတူ လက်မှတ်ထိုး ပြီးနောက်ပိုင်း ထိုလယ့်ဟော်ဒေသအပါအဝင် ဝေါ်လေဒေသတလျှောက် အပစ်အ ခတ်မရှိတော့ပဲ ယခုလို အခမ်းအနားမျိုး နှစ်ဦး နှစ်ဖက် တက်ရောက်နိုင်ခြင်းလည်းဖြစ်သည်။
လယ့်ဟော်စာသင်ကျောင်းသည် ပြီးခဲ့သည့်နှစ်က ၄တန်းအထိသာ သင်ကြားခဲ့သော်လည်း ယခုနှစ်တွင် သူငယ်တန်းကလေးမှ ၆တန်းအထိ သင်ကြားမည်ဖြစ်ပြီး ကျောင်းသူကျောင်းသားဦးရေ ၅၀ကျော်နှင့် ကျောင်း ဆရာမ ၃ဦးရှိသည်ဟု သိရသည်။
စောဖာ့တပေါ့က “အရင်နှစ်ကဆိုရင် ကျောင်းဖွင့်ပေမယ့် တိုက်ပွဲတွေဖြစ်တာကြောင့် ကလေးတွေ ကောင်းကောင်းမွန်မွန် စာမသင် ရဘူး။ ဟိုပြေးရဒီပြေးရနဲ့ ဘယ်လိုမှ အဆင်မပြေဘူး။ ဒီနှစ်တော့ အခြေအနေတွေ ကောင်းလာဖို့ မျှော်လင့်တယ်။”ဟု ပြောသည်။
လယ့်ဟော်ဒေသတွင် ပြီးခဲ့သည့် နှစ်များက အစိုးစစ်တပ်နှင့် KNLA အကြား မကြာခဏ တိုက်ပွဲများ ဖြစ်ပွားခဲ့သလို ၂၀၁၀ ရွေး ကောက်ပွဲ ကျင်းပပြီး နိုဝင်ဘာလတွင် အစိုးရတပ်နှင့် DKBA တပ်အကြား တိုက်ပွဲများ ဖြစ်ပွားလာခဲ့သဖြင့် ဒေသခံ လူထုများ ထိုင်းနယ်စပ်သို့ ထွက်ပြေးခဲ့ရသေးသည်။
Ref: ကေအိုင်စီ
Read More...
Collapse...
နေမျိုး
ဇွန်လ ၁၄ ရက် ၂၀၁၂ ခုနှစ်
ဇူလိုင် ၇ ရက် အရေးတော်ပုံ ရွှေရတု အခမ်းအနား ကျင်းပရေးအတွက် ဦးစီးနာယကများ လျာထားပြီးစီးပြီ ဖြစ်ကြောင်း သိရသည်။
၁၉၆၂ ခုနှစ်က ကျောင်းသားသမဂ္ဂ အဆောက်အဦး ဖြိုချ ဖျက်ဆီးခံရခြင်း နှစ် ၅၀ ပြည့် အခမ်းအနား ဖြစ်မြောက်ရေး အတွက် ဆပ် ကော်မတီများ ညှိနှိုင်းအစည်းအဝေးကို မန္တလေးမြို့၊ ဘုရားကြီး အလယ်တိုက်တွင် ကြာသပတေးနေ့ မနက်က ပြုလုပ်ခဲ့သည်။
ထိုအစည်းအဝေးမှ ပဏာမရွေးချယ်မှုအဖြစ် သံဃာတော် အပါး ၂၀ ကျော်၊ လူပုဂ္ဂိုလ် ၂၀ ကျော် ရွေးချယ်ထားခြင်း ဖြစ်ကြောင်း ဗမာ နိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် (အထက်ဗမာပြည်) သတင်းနှင့် ပြန်ကြားရေး တာဝန်ခံ ကိုရဲရင့်ကျော် က ပြောသည်။
“ဒီနေ့ အစည်းအဝေးကနေမှ နာယက၊ သြဝါဒ ဆရာတော်ရွေးတယ်။ အကြံပေးအဖွဲ့ ရွေးတယ်။ နောက်ရက်တွေကျမှ ရွေးချယ်ခံ ရတဲ့ ဆရာတော်တွေ၊ လူပုဂ္ဂိုလ်တွေကို လက်ခံနိုင်/မနိုင် လိုက်လံ အကြောင်းကြားပါမယ်။ အဲဒီ အတည်ပြု စာရင်းကို လာမယ့် ၂၀ ရက်နေ့ သတင်းစာ ရှင်းလင်းပွဲမှာ ထုတ်ပြန်ပါမယ်” ဟု မဇ္ဈိမကို ပြောသည်။
ဆရာကြီးဒဂုန်တာရာ၏ အားပေးထောက်ခံမှုကို ရရှိထားပြီး နဂိုကတည်းက နာယကအဖြစ် လက်ခံ သဘောတူထားပြီး ဖြစ်သည်ဟု သိရသည်။
“Press Conference ကို ကျင်းပဖို့ စာတင်ထားတာက ၈၄ လမ်း၊ ၃၁ လမ်းထောင့်က ခန်းမကြီး ဓမ္မသာလ ဟောခန်း မှာပါ။ ချမပေး ရင်တော့ ဆရာတော်တွေ စီစဉ်ပေးတဲ့ ကျောင်းတိုက်မှာ ကျင်းပပါမယ်” ဟု ကိုရဲရင့်ကျော် က ဆိုသည်။
လျာထား ရွေးချယ်ခံရသူများမှာ ၆၂ မျိုးဆက် ကျောင်းသားများ၊ ရှေ့နေများ၊ ဆရာဝန်များ၊ စာရေးဆရာများဖြစ်ပြီး အများစုမှာ နာယက အဖြစ် လက်ခံသဘောတူမည့်သူများ ဖြစ်သည်ဟု ဆိုသည်။
ဇူလိုင် ၇ ရက် ရွှေရတု အခမ်းအနား ကျင်းပရေးအတွက် ဆပ်ကော်မတီများအဖြစ် သတင်းနှင့်ပြန်ကြားရေး၊ ဘဏ္ဍာရှာကြံရေးနဲ့ စီမံ ခန့်ခွဲရေး၊ ကျွေးမွေးဧည့်ခံ၊ အထိမ်းအမှတ် မဂ္ဂဇင်း ထုတ်ဝေရေး၊ ပြင်ပဆက်သွယ်ရေးနဲ့ စည်းရုံးရေး၊ အခမ်းအနား ပြင်ဆင်ရေး ဟူ၍ ဆပ်ကော်မတီ ခြောက်ခု ဖွဲ့စည်းထားကြောင်း သိရသည်။
ဇွန် ၁၃ ရက်နေ့က ဗန်းမော်မြို့ ကွန်ပြူတာတက္ကသိုလ်ကျောင်းသား နှစ်ဦးအား ကျောင်းစည်းကမ်း ဖောက်ဖျက်သည် ဟု စွပ်စွဲကာ ရာသက်ပန် ကျောင်းထုတ်ခြင်းနှင့် ပါတ်သက်ပြီး ဗကသ များအဖွဲ့ချုပ် (အထက်ဗမာပြည်)မှ ကန့်ကွက်စာ ထုတ်မည်ဟု ကိုရဲရင့်ကျော် က ပြောဆိုသွားသည်။
ဗကသ များအဖွဲ့ချုပ် ပြန်လည်ပေါ်ပေါက်ရေး ကြိုးပမ်းနေကြသည့် ကျောင်းသား ခေါင်းဆောင်များအား အရေးယူနိုင် ကြောင်း ရန်ကုန်တိုင်း အထွေထွေ အုပ်ချုပ်ရေးမှူးက ဇွန်လ ၆ ရက်နေ့က ခေါ်ယူသတိပေးထားသည်။
Ref: မဇ္ဈိမ
Read More...
Collapse...
ဝေစန္ဒာ
ဇွန်လ ၁၄ ရက် ၂၀၁၂ ခုနှစ်
အလုပ်သမားများ၏ အခြေခံ လုပ်ခလစာ တပြေးညီ သတ်မှတ်ပေးရန် အလုပ်သမား ဦးစီးဌာနမှ အလုပ်ရှင်များကို ခေါ်ယူညှိနှိုင်းထား ကြောင်း ညွှန်ကြားရေးမှူး ဦးကျော်ကျော်လွင် က ပြောသည်။
“တပြေးညီ မသတ်မှတ်ရသေးပါဘူး။ အဲလိုသတ်မှတ်ပေးဖို့ ဆွေးနွေးခိုင်းထားတာပါ။ နိုင်ငံတော်က အစိုးရဝန်ထမ်းတွေ ပေးထားတဲ့ နေ့ ကြေးက ၁,၁ဝဝ၊ ထောက်ပံ့ကြေးက ၁,ဝဝဝ ပေးတယ်။ အဲဒီလိုမျိုး တနေ့ ၂,၁ဝဝ ပေးတာမျိုး ပေးဖို့ ဆွေးနွေးခိုင်းတာပါ။ ဌာနက သတ် မှတ်ပေးလို့ မရပါဘူး။ ဆွေးနွေးခိုင်းထားတဲ့ အဆင့်ပဲ ရှိပါတယ်” ဟု မဇ္ဈိမကို ပြောသည်။
ထိုသို့ သတ်မှတ်ပေးရန် အထည်ချုပ်လုပ်ငန်းရှင်များအသင်း၊ ဆောက်လုပ်ရေး လုပ်ငန်းရှင်များအသင်း၊ ရေထွက် လုပ်ငန်းရှင်များ
အသင်း စသည့် လုပ်ငန်းပေါင်း ၅၉ ခုကို ဆွေးနွေးကြရန် ညွှန်ကြားထားကြောင်း သိရသည်။
“လုပ်ငန်းအသီးသီးက ကိုယ့်ဘာသာ ဆွေးနွေးကြပေးဖို့ ပြောထားပြီးပြီ။ ပြီးရင် စာပြန်တင်ပေးဖို့ ပြောထားတယ်။ အဲဒီနှုန်းနဲ့ပဲ ခုဖြစ် နေတဲ့ အလုပ်သမား ပဋိပက္ခတွေ ရှင်းဖို့ ပြောထားလို့ ခေါ်ယူပြီး ဆွေးနွေးခိုင်းထားတာပါ” ဟု ဦးကျော်ကျော်လွင် က ပြောသည်။
ထိုသို့ ဆွေးနွေးခိုင်းပြီးဖြစ်သော်လည်း တရားဝင် စာပြန်မပို့ကြသေးကြောင်း သိရသည်။
“ဒါကို ဘယ်လောက်ပေးလို့ ဌာနအနေနဲ့ သတ်မှတ်ပေးလို့ မရပါဘူး။ ကလေးတွေ (အလုပ်သမားတွေ) လိုချင်တဲ့နှုန်း ကို ခေါ်ယူညှိ ပေးတာပါ။ သတင်းတွေမှာ ဌာနက သတ်မှတ်တယ်လို့ ရေးနေကြတယ်။ အဲဒါ မှားတယ်။ သတ်မှတ်ပေး လို့မရပါဘူး။ တချို့က ပေး နိုင်တယ်။ တချို့က မပေးနိုင်ဘူး။ ဒါပေမယ့် ဒီလိုလေး သတ်မှတ်မှ ဖြစ်မှာမို့ ဒါကို ညှိနှိုင်းခိုင်းတာပါ။ တချို့က ဒီထက်ပိုပေးတာ ရှိ တယ်။ ပိုပေးရင်တော့ ပိုပေးတာ ယူဖို့ ပြောထားတယ်” ဟု ညွှန်ကြားရေးမှူး က ပြောသည်။
အလုပ်သမားများက အခြေခံလစာ ၃၀,၀၀၀ သတ်မှတ်ပေးရန် တောင်းဆိုထားသည်။ လာမည့် လွှတ်တော်တွင် အနိမ့်ဆုံးလစာနှင့် ပတ်သက်၍ ဥပဒေတခု တင်ပြရန်ရှိပြီး ထိုဥပဒေ အတည်မပြုသေးမီ ထိုသို့ ယာယီညှိနှိုင်းပေးခြင်း ဖြစ်ကြောင်း သိရသည်။
ထိုဥပဒေ ထွက်ရှိလာပါက အခြေခံလစာ သတ်မှတ်ချက်ကို အလုပ်သမားဝန်ကြီးဌာနမှ သတ်မှတ်ပေးမှာမဟုတ်ဘဲ ဘဏ္ဍာရေးနှင့် အခွန်ဝန်ကြီးဌာနကသာ သတ်မှတ်ပေးမှာ ဖြစ်ကြောင်း သိရသည်။
အထည်ချုပ် လုပ်ငန်းရှင်များအသင်းကလည်း ၎င်းတို့အလုပ်သမားများ၏ day ကြေး ခံစားခွင့်ကို အစိုးရ နေ့စား ဝန်ထမ်း၏ တရက် ကြေး ရရှိမှုပမာဏနှင့်အညီ ပေးရန် စီစဉ်ဆောင်ရွက်နေသည်ဟု ဆိုသည်။
“အစိုးရ နေ့စားဝန်ထမ်းက တရက်ကို ၁,၁ဝဝ ရတယ်။ အဲဒီအတိုင်း ပေးဖို့ ညှိနှိုင်းနေတယ်။ အရင် ဟိုကြေး၊ ဒီကြေး ပေးတာ အနည်း ဆုံး ခုနစ်ခု၊ ရှစ်ခုရှိတယ်။ ဒီမှာတော့ အဲဒီလို မဟုတ်ဘူး။ အခြေခံလစာရယ်၊ အခြေခံလစာပေါ်တွက် တဲ့ Over Time ကြေးရယ်၊ ရှားပါးစရိတ်၊ ရက်မှန်ကြေး၊ ထုတ်လုပ်မှုအတွက် ရတဲ့ ရာခိုင်နှုန်းရယ်။ ဒါတွေကိုပဲ ပေး သွားမှာပါ။ Day ကြေးကို ၁,ဝဝဝ၊ ၁,၁ဝဝ၊ ၁,၂၅ဝ အဲဒီလို ပေးသွားနိုင်ဖို့လည်း ညှိနှိုင်းထားတယ်” ဟု အသင်းဥက္ကဋ္ဌ ဦးမြင့်စိုးက ပြောသည်။
ထိုသို့အလုပ်သမားများ၏ Day ကြေး ခံစားခွင့် တိုးမြှင့်ပေးရန်အတွက် အထည်ချုပ် လုပ်ငန်းရှင်အသင်းမှ အသင်းဝင် ၁၅ဝ ဦးက ညှိနှိုင်းကာ ဆုံးဖြတ်ထားခြင်း ဖြစ်ကြောင်း သိရသည်။
ထိုအတိုင်းဆိုလျှင် အထည်ချုပ်လုပ်ငန်းရှိ အနိမ့်ဆုံးဝန်ထမ်း Helper များမှာ တလလျှင် အခြေခံလစာ ၃၃,ဝဝဝ နှင့် အဆိုပါလစာ အပေါ် တွက်ချက်မည့် ခံစားခွင့် Overtime ကြေး၊ ရှားပါးစရိတ်၊ ရက်မှန်ကြေး၊ ထုတ်လုပ်မှုအတွက် ခံစားခွင့်များဖြင့် တလလျှင် ၆ဝ,ဝဝဝ ကျော် ရရှိမည် ဖြစ်သည်။
“Helper ကို ဒီလိုပေးတယ် ဆိုပေမယ့် ဘာမှ မလုပ်တတ်၊ အစအဆုံး သင်ရမယ့် လူကတော့ ဒီလစာနဲ့ ခံစားခွင့် ပေးမှာမဟုတ် ဘူး။ ၄၃,ဝဝဝ လောက်ပဲ ရပါမယ်။ ခု ညှိနှိုင်းလစာထက် မနည်းအောင် ညှိနှိုင်းပေးတာပါ။ တကယ်လို့ ဥပဒေ ထွက်လို့ အဲဒီ ဥပဒေက သတ်မှတ်တာများရင် များတဲ့ဘက်ကို ပေးသွားမှာပါ’’ ဟု ဦးမြင့်စိုး က ပြောသည်။
အထည်ချုပ်စက်ရုံများတွင် ဝန်ထမ်းခန့်ထားမှုမှာ အလုပ်သင်၊ Helper ၊ Operator ၊ စစ်ဆေးရေးမှူး နှင့် စက်ရုံ မန်နေဂျာစသည်ဖြင့် အဆင့်ဆင့်ရှိသည်။
ဇွန်လ ၃ ရက်နေ့က ပြုလုပ်သည့် အလုပ်သမား ပြဿနာနှင့်ပတ်သက်သည့် အလုပ်ရုံဆွေးနွေးပွဲတခုတွင် စက်မှု ဝန်ကြီး ဦးစိုးသိန်း က “ဘာလို့ ဖိနပ်ချွတ်ရလဲ။ ဖိနပ်ချွတ်တဲ့တိုင်းပြည် မရှိဘူး။ စီးရမယ်။ ဖုန်မတက်တဲ့ ဖိနပ်မျိုး စီးရမှာပေါ့။ ထိုင်ရမှာပေါ့။ ခရာမှုတ်ပြီး Break Time ပေးရမှာပေါ့။ စာဖတ်ချိန် ပေးရမှာပေါ့။ လူတွေပဲ၊ လူတွေ။ တိုင်းရင်းသားတွေ၊ မြန်မာတွေ” ဟု ပြောဆိုခဲ့သည့်အပေါ် အထည် ချုပ် လုပ်ငန်းရှင်များ အသင်းက ပြန်လည်ချေပ ရှင်းလင်းလိုက်သည်။
“ကျနော်တို့ အထည်ချုပ် လုပ်ငန်းတွေမှာ သနပ်ခါးမလိမ်းရ၊ ဖိနပ်မဝတ်ရစတဲ့ မထုတ်သင့်တဲ့ စည်းမျဉ်းတွေ ထုတ်တယ်လို့ ပြောတယ်။ ဘာကြောင့် သနပ်ခါး မလိမ်းရလဲ။ ဒီသနပ်ခါးမှုန့်ဟာ ချုပ်ထည် ပေါ်ကျတယ်။ ဒီလိုကပ်ပါသွားရင် မှာတဲ့နိုင်ငံတွေက လက်မခံဘူး။ ဂျပန်ဆို ပိုဆိုးတယ်။ အထုပ်လိုက် ပြန်ပို့ပါတယ်။ ဒါဆို ဘယ်သူနစ်နာလဲ။ ဖိနပ်မစီးရမို့ အဝတ်ဖိနပ်ဝယ် ပေးပါတယ်” ဟု ဥက္ကဋ္ဌ ဦးမြင့်စိုးက ပြောသည်။
မြန်မာနိုင်ငံ၌ နိုင်ငံ ခြားသား တဦးတည်းပိုင်ကုမ္ပဏီ၊ နိုင်ငံခြားသားနှင့် ပြည်တွင်း ဖက်စပ်ကုမ္ပဏီများမှာ ၆ဝ ရာခိုင်နှုန်းရှိပြီး နိုင်ငံသားပိုင် လုပ်ငန်းမှာ ၄ဝ ရာခိုင်နှုန်း ရှိကြောင်း ၎င်းအသင်း စာရင်းများအရ သိရသည်။
၂ဝ၁၂ ခုနှစ်၊ မေလအတွင်း စက်ရုံပေါင်း ၅၇ ရုံမှ အလုပ်သမား ၃၆,၈၁ဝ ဦးက လစာတိုးပေးရန် ဆန္ဒပြ တောင်းဆိုခဲ့ ရာ စက်ရုံ ၃၈ ရုံရှိ အလုပ်သမား ၂၂,၄၈၇ အတွက် ညှိနှိုင်းဖြေရှင်းပြီး စက်ရုံ ၁၉ ရုံမှ လုပ်သား ၁၄,၃၂၃ ဖြေရှင်းပေး ရန် ကျန်ရှိနေသေးကြောင်း အလုပ် သမားဝန်ကြီးဌာနက ထုတ်ပြန်သည်။ ထိုအထဲမှ Global Footware ဖိနပ်စက်ရုံနှင့် The Myth Appearl အထည်ချုပ်စက်ရုံတို့မှာ ဒုတိယအကြိမ် ဆန္ဒပြမှု ဖြစ်ပွားဖြစ် ဖြစ်သည်။
Ref: မဇ္ဈိမ
Read More...
Collapse...
နေမျိုး
ဇွန်လ ၁၄ ရက် ၂၀၁၂ ခုနှစ်
မေလ ၂၈ ရက်နေ့က ရခိုင်ပြည်နယ်၊ ရမ်းဗြဲမြို့နယ် သပြေချောင်းကျေးရွာသူ မသီတာထွေး အား အဓမ္မပြု သတ်ဖြတ်ကာ ပစ္စည်း လုယက် မှုတို့ဖြင့် စွပ်စွဲခံရသူ ရော့ပီးနှင့် ခိုချီး တို့ နှစ်ဦးက အဓမ္မပြုကျင့်မှု ကျူးလွန်ခဲ့ကြောင်း ဝန်ခံဖြောင့်ချက် ပေးသော်လည်း လူသတ်မှုနှင့် လု ယက် မှုကိုမူ မကျူးလွန်ခဲ့ ကြောင်း ကြာသပတေးနေ့ ရုံးတော်တွင် ငြင်းလိုက်ကြသည်။
မနက်ပိုင်းက ကျောက်ဖြူ ခရိုင်တရားရုံးတွင် တရားသူကြီး ဒေါ်ဌေးဌေးကြည်က ကြားနာခဲ့ရာတွင် စွပ်စွဲခံရသူ နှစ်ဦး ဘက်မှ တရားခံပြ သက်သေ တင်ပြခြင်း မရှိ၍ ခရိုင်ဥပဒေအရာရှိ ဦးစောမြ က ရုံးတော်သို့ စွဲချက် တင်သွင်းခဲ့ကြောင်း ပြည်သူ့လွှတ်တော် ကိုယ်စားလှယ် ဦးဘရှိန်က ပြောသည်။
“တရားခံဘက်က ပြစ်မှုဥပဒေပုဒ်မ ၃၇၆ မုဒိန်းမှုကိ်ု သူတို့ကဝန်ခံပြီးတော့ ကျန်နှစ်မှုကို ငြင်းတယ်။ ဒါပေမယ့် ပစ္စည်းလုတဲ့ စွဲချက်ရယ်၊ လူသတ်တဲ့ စွဲချက်ရယ် ဒီနှစ်ခုကို ငြင်းတယ်လို့ သိရပါတယ်။ ငြင်းတဲ့အတွက်ကြောင့် မနက်ဖြန်ခါ ရုံးချိန်မှာ တရားခံ နှစ်ယောက်ကို စစ်မယ်” ဟု မဇ္ဈိမကို ပြောသည်။
ရုံတော်တွင် ဝန်မခံသည့် ယင်းအမှုများအတွက် ဆက်လက် ထုချေရမှာဖြစ်ပြီး တရားရုံးတော်က ဆက်လက်ကြားနာ စစ်ဆေးသွားမှာ ဖြစ်ကြောင်း ဦးဘရှိန်က ဆက်ပြောသည်။
“ဝန်မခံတဲ့ဟာကတော့ ဥပမာ ပစ္စည်းမယူဘူးပေါ့ဗျာ၊ မယူရင် မယူဘူးဆိုတဲ့အကြောင်း သူပြောပေါ့။ လူသတ်တဲ့ ဟာမှာ သူ မပါရင် မပါတဲ့အကြောင်း သူပြောပေါ့” ဟု ဆိုသည်။
ထိုအမှုတွင် စွပ်စွဲခံရသူ သုံးဦးအနက် ထက်ထက် (ခ) ယော်ရှီး (ခ) ဖြိုးဇေယျာကျော် သည် ဇွန်လ ၉ ရက်နေ့ ညနေပိုင်းက ကျောက် ဖြူ အကျဉ်းထောင်တွင် ခါးဝတ်ပုဆိုးဖြင့် ဆွဲကြိုးချ အဆုံးစီရင်သွားခဲ့၍ ရော့ပီးနှင့် ခိုချီး တို့ဦး နှစ်ဦးသာ အမှုကို ဆက်လက်ရင်ဆိုင် သွား ရန်ရှိသည်။
ယင်းအမှုတွင် တရားလိုဘက်မှ သက်သေ ၂၄ ဦး၏ သက်သေထွက်ဆိုချက်များ ရှိပြီး စွပ်စွဲခံရသူများဘက်မှ လိုက်ပါ သည့် သက်သေ မရှိသေးကြောင်း သိရသည်။
အခင်းဖြစ်ပွားသည့် မေလ ၂၈ ရက်နေ့ ညတွင်ပင် မသင်္ကာသူ သုံးဦးကို ဒေသခံရဲများက ဖမ်းဆီးထားခဲ့သည်။ ရုံးတင် စစ်ဆေးမှုများကို ဇွန်လ ၈ ရက်နေ့ (သောကြာနေ့)မှ စတင်ကြားနာခဲ့ပြီး ငါးရက်တိုင် ဆက်တိုက် စစ်ဆေးနေခြင်း ဖြစ်သည်။
မသီတာထွေး အဖြစ်အပျက်မှ စတင်၍ ရခိုင်ပြည်နယ်တွင်းတွင် လက်စားချေ သတ်ဖြတ်မှုများ၊ လူမျိုးရေး အမုန်းပွားမှု များ၊ ဆူပူ အကြမ်းဖက်မှုများ ဖြစ်ပေါ်လျက်ရှိပြီး “အရေးပေါ် အခြေအနေ” ကို နိုင်ငံတော်သမ္မတ က ရခိုင်တပြည်နယ် လုံးအား ရက်အကန့် အသတ်မရှိ ထုတ်ပြန်ကြေညာရသည်အထိ သည်းသန် ပြင်းထန်လာခဲ့ခြင်း ဖြစ်သည်။
ရခိုင်ပြည်နယ်အတွင်း လတ်တလော ရုန်းရင်းဆန်ခတ် ဖြစ်ပွားမှုများကြောင့် ဇွန်လ ၈ ရက်မှ ၁၁ ရက်နေ့အတွင်း လူ ၂၁ ဦး သေဆုံးပြီး ၂၁ ဦးဒဏ်ရာရရှိခဲ့ကြောင်း အစိုးရက ထုတ်ပြန်ထားသည်။
ဇွန်လ ၁ဝ ရက်နေ့တွင် ရခိုင်ပြည်နယ်အား အရေးပေါ်အခြေအနေ ကြေညာ ထုတ်ပြန်ထား သော်လည်း ယခုချိန်ထိ အခြေအနေမှာ တည်ငြိမ်းအေးချမ်းခြင်း မရှိသေးပေ။
Ref: မဇ္ဈိမ
Read More...
Collapse...
ဇွန်လ ၁၄ ရက် ၂၀၁၂ ခုနှစ်
သို့ 
အယ်ဒီတာရှင့်
ကျမ ကတော့ ရန်ကုန်ဆေးတက္ကသိုလ် (၁) က ၂၀၁၁ ခုနှစ်မှာ ဆေးပညာဘွဲ့ ရရှိထားတဲ့ ဆရာဝန်တဦး ဖြစ်ပါတယ်။ အခု ပြောပြ ချင်တာက ဆရာဝန်တွေကို သတ်မှတ်ထားတဲ့ Education Clearance (EC) အကြောင်းပါ။
ဆရာဝန်တယောက် ဘယ်လို အကြောင်းကြောင့်ပဲ နိုင်ငံခြားထွက်ထွက် ၁၀ သိန်း ပေးလျော်ပြီးမှ သွားရမယ်လို့  သတ်မှတ်ထား ပါတယ်။ ၁၀ သိန်းဆိုတဲ့ ငွေက အထူးကု ဆရာဝန်ကြီးတွေ၊ ဆေးခန်းကြီးတွေမှာ လူနာ လက်မလည်အောင် ကြည့်နေရတဲ့ ဆရာ ၀န်ကြီးတွေ အတွက် မပြောပလောက်တဲ့ငွေ ဆိုပေမယ့် ကျမတို့လို ကျောင်းပြီးခါစ ဆရာဝန်ပေါက်စတွေ အတွက်ကျတော့ မတတ် နိုင်လောက်တဲ့ ငွေကြေးပါ။
ဆရာဝန်တိုင်းကလည်း အထက်တန်းလွှာ၊ လူဂုဏ်တန်တွေရဲ့ သားသမီးတွေမှ မဟုတ်ကြတာ။ မိဘက ပံ့ပိုးမပေးနိုင် တဲ့ ဆရာဝန်တွေ အများကြီးပါ။ ဆေးကျောင်း တက်တဲ့ တောက်လျှောက် Guide လုပ်ပြီး စာအုပ်ဖိုးနဲ့ ကျူရှင်လခကို ရှာ၊ ကျောင်း ပြီးပြန်တော့လည်း နိုင်ငံတော်က နှစ်နဲ့ချီပြီး အလုပ်မပေးနိုင်။ ကိုယ်ပိုင်ဆေးခန်း ဖွင့်ဖို့ အရင်းအနှီး မရှိ။ ပုဂ္ဂလိက ဆေးရုံတွေ ပေးတဲ့ လစာကလည်း အများ ဆုံး ၁၂၀,၀၀၀ နဲ့ ၁၈၀,၀၀၀ ပဲ ဆိုတော့ စားဝတ်နေရေးက အတော်ကို ခက်ခဲပါတယ်။
နိုင်ငံခြား အလုပ်အကိုင်တွေ၊ နိုင်ငံခြား တက္ကသိုလ်တွေက ဘွဲ့လွန် တက်ရောက်ဖို့ ပညာသင် ထောက်ပံ့ကြေး (scholarship) ပေးရင် တောင် ဒီ ၁၀ သိန်းကို မပေးနိုင်လို့ သွားခွင့် မရှိဘူးဆိုတော့ ကျမတို့ လူငယ်ဆရာဝန် တွေအတွက် တကယ်နစ်နာပါတယ်။ မြန်မာ ပြည်မှာ တခြားတက္ကသိုလ်တွေရဲ့ EC က သောင်းဂဏန်းပါပဲ။ ဆရာဝန်တွေကို ၁၀ သိန်းလို့  အဆတရာ ကွာခြားသတ်မှတ်ထား ပေမယ့် အထူးကုမဟုတ်တဲ့ ဆရာဝန် တယောက်ရဲ့ တလ၀င်ငွေဟာ ငွေကျပ် နှစ်သိန်းထက် မပိုပါဘူး။ ဒီ နှစ်သိန်းဆိုတဲ့ငွေက နေ စရိတ်နဲ့ စားစရိတ်ကို လောက်ငှဖို့တောင် အနိုင်နိုင်ပါ။ မပြေလည်တဲ့၊ ဆင်းရဲတဲ့ ဆရာဝန်တွေရဲ့ အနာဂတ်လမ်းကို ပိတ်လိုက်သလိုပါပဲ။
ဒီကိစ္စကို သက်ဆိုင်သူ၊ တာဝန်ရှိသူတွေအနေနဲ့ ထိထိရောက်ရောက် ကူညီ ဆောင်ရွက်ပေးစေလိုပါတယ်။ ဆရာဝန်တိုင်း အခက်အခဲ မရှိ ပေးဆောင်နိုင်မယ့် EC ပမာဏကို ပြောင်းလဲသတ်မှတ်ပေးဖို့ လူငယ်ဆရာဝန် အားလုံးရဲ့ ကိုယ်စား တောင်းဆိုအပ်ပါတယ်။
Ref: မဇ္ဈိမ
Read More...
Collapse...
ဇွန်လ ၁၄ ရက် ၂၀၁၂ ခုနှစ်
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ကမ္ဘာ့ အလုပ်သမား အဖွဲ့ချုပ် ILO ညီလာခံတွင် ဇွန်လ ၁၄ ရက်နေ့က နာရီဝက်ခန့်ကြာ မိန့်ခွန်းပြောဆိုပြီး သတင်းစာ ရှင်းလင်းပွဲတခု လည်း ပြုလုပ်ခဲ့သည်။
မိန့်ခွန်းတွင် မြန်မာနိုင်ငံမှာ အာဏာရှင်စနစ်မှ အသွင်ပြောင်း အရေခွံလဲလာသည့် နိုင်ငံများနှင့် ဆင်တူကြောင်း ဒေါ်အောင်ဆန်းစုကြည် က ပြောလိုက်သည်။
၁၉၈၈ ခုနှစ်တွင် မြန်မာနိုင်ငံသို့ ပြန်လည်အခြေချခဲ့သည့် ဒေါ်အောင်ဆန်းစုကြည်၏ ပထမဆုံး ဥရောပခရီးစဉ်ကို ဇွန်လ ၁၃ ရက်နေ့က စတင်ခဲ့ပြီး ဆွတ်ဇာလန်နိုင်ငံ ဂျီနီဗာမြို့တွင် ပြုလုပ်သည့် ILO ညီလာခံတွင် တက်ရောက် မိန့်ခွန်းပြောဆိုခဲ့ခြင်း ဖြစ်သည်။
မြန်မာနိုင်ငံတွင် ရွေးကောက်ခံတပိုင်း အစိုးရ အုပ်ချုပ်မှုအောက်တွင် ရှိနေပြီး တောင်အမေရိက နိုင်ငံများနှင့် အလား သဏ္ဍာန်တူ ကြောင်း ILO ညီလာခံသို့ တက်ရောက်လာကြသည့် နိုင်ငံတကာ ပရိသတ်ကြီးအား NLD ဥက္ကဋ္ဌက မိန့်ခွန်းတွင် ထည့်သွင်းပြော ဆိုသွားသည်။
ဒေါ်အောင်ဆန်းစုကြည်အနေဖြင့် ပြည်သူ့လွှတ်တော် ကိုယ်စားလှယ်တယောက် ဖြစ်နေသော်လည်း ယခုမိန့်ခွန်းမှာ မြန်မာအစိုးရ ကိုယ်စား မဟုတ်ကြောင်း ပြောဆိုလိုက်ရာ ညီလာခံခန်းမရှိ ပရိသတ်ကြီးမှာ ရယ်သံများ၊ သြဘာသံများ သောသောညံသွားခဲ့သည်။
နာရီဝက်ခန့်ကြာ မိန့်ခွန်းပြောဆိုပြီးနောက် ခေတ္တနားပြီး သတင်းစာရှင်းလင်းပွဲတခုလည်း NLD ဥက္ကဋ္ဌက ပြုလုပ်ခဲ့သေး သည်။
ထိုသတင်းစာရှင်းလင်းပွဲတွင် လူအများ စိတ်ဝင်တစား ရှိနေကြသည့် မြန်မာနိုင်ငံတွင် လက်ရှိ ဖြစ်ပွားလျက်ရှိသော ရခိုင်ပြည်နယ်တွင်း ပဋိပက္ခများနှင့် ရိုဟင်ဂျာအရေး တို့ကိုလည်း ဒေါ်အောင်ဆန်းစုကြည်က ပြောဆိုသွားသေးသည်။
ရခိုင်အရေးမှာ တရားဥပဒေစိုးမိုးမှု မရှိခြင်းကြောင့် ဖြစ်ကြောင်း၊ ရခိုင်ဒေသ ပဋိပက္ခမှာ မြန်မာပြည်အတွက် အရေးကြီးတဲ့ သင်ခန်းစာ ဖြစ်ကြောင်း၊ ပြန်လည် ငြိမ်းချမ်းဖို့အတွက် အားလုံး ပူးပေါင်း ဆောင်ရွက်ရမည်ဖြစ်ကြောင်း သတင်းထောက်တဦး၏ အမေးကို ဒေါ်အောင် ဆန်းစုကြည်က ပြန်လည် ဖြေကြားခဲ့ခြင်း ဖြစ်သည်။
ထို့ပြင် ဒေါ်အောင်ဆန်းစုကြည်က ဘင်္ဂလားဒေ့ရ်ှနှင့် မြန်မာနိုင်ငံကြား နယ်စပ်အရေး ကိစ္စများတွင် နှစ်ဖက်လုံး၏ အားနည်းချက် များ ရှိခဲ့သည့်အတွက် တရားမဝင် ဝင်ရောက်လာသူများ အချိန်တိုင်းတွင် ရှိခဲ့ကြောင်း၊ နိုင်ငံသား တယောက် ဖြစ်ရန်အတွက် နိုင်ငံသားဖြစ် ခွင့်နှင့် စပ်ဆိုင်သည့်ဥပဒေများ အမှန်တကယ် အသက်ဝင်ဖို့ လိုအပ်ကြောင်း ထည့်သွင်းပြောဆိုသွားသည်။
ရိုဟင်ဂျာများမှာ မြန်မာနိုင်ငံမှ တိုင်းရင်းသားများ မဟုတ်ကြောင်း မြန်မာအစိုးရက ကြေညာထားသည်။
ရခိုင်ပြည်နယ် ပဋိပက္ခများအတွင်း ဇွန်လ ၈ ရက်နေ့မှ ၁၁ နေ့အထိ လူပေါင်း ၂၁ ဦး သေဆုံးခဲ့ပြီး ၂၁ ဦး ဒဏ်ရာရရှိခဲ့ သည်ဟု နိုင်ငံပိုင် သတင်းစာများက ရေးသားသည်။ ယင်းအပြင် လူနေအိမ် ၁၆၆၂ လုံး၊ ဆိုင်ခန်း ခြောက်ခန်း၊ ဆိုင်ကယ် ၁၈ စီး၊ ထော်လာဂျီ သုံးစီး၊ စက်ဘီး ကိုးစီးတို့လည်း ပျက်စီးခဲ့ရသည်ဟု ဆိုသည်။
ဒေါ်အောင်ဆန်းစုကြည်၏ ခရီးစဉ်တွင် နော်ဝေနိုင်ငံ၊ အော်စလိုမြို့သို့ ဇွန်လ ၁၅ ရက်နေ့တွင် သွားရောက်ကာ ၁၉၉၁ ခုနှစ်က ရရှိ ခဲ့သည့် ငြိမ်းချမ်းရေးနိုဘယ်ဆုအား ကိုယ်တိုင်လက်ခံရယူကာ မိန့်ခွန်းပြောကြားမည် ဖြစ်သည်။
ထို့နောက် ဇွန်လ ၁၈ ရက်နေ့တွင် အိုင်ယာလန်နိုင်ငံ၊ ဒဗ္ဗလင်မြို့သို့ သွားရောက်ကာ ကမ္ဘာကျော် U2 တေးဂီတအဖွဲ့၏ ဖျော်ဖြေ ပွဲသို့ တက်ရောက်ပြီး အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ IA က ချီးမြှင့်ထားပြီး ဖြစ်သည့် Ambassador of Conscience ဆုကို လက်ခံရယူမည်ဖြစ်သည်။ ထိုဆုကို U2 ခေါင်းဆောင် ရော့ခ်အဆိုတော် Bono က ပေးအပ်ရန် စီစဉ်ထားသည်။
ထိုနေ့တွင်ပင် ဗြိတိန်နိုင်ငံသို့ ခရီးဆက်၍ ဇွန်လ ၂၆ ရက်နေ့ထိ နေထိုင်မည် ဖြစ်သည်။ ထိုအတောအတွင်း ဇွန်လ ၁၉ ရက်နေ့တွင် ကျရောက်သည့် ၆၇ နှစ်မြောက် မွေးနေ့ကိုလည်း သားနှစ်ယောက်နှင့်အတူ ကျင်းပရန်ရှိပြီး ဇွန် ၂၁ ရက်နေ့တွင် ဗြိတိန် လွှတ်တော်
နှစ်ရပ်သို့ မိန့်ခွန်းပြောကြားမည် ဖြစ်သည်။
ထို့ပြင် BBC Reith lectures တွင် “သဘောထားကွဲလွဲမှုနှင့် လွတ်လပ်မှု” ဟူသည့် ခေါင်းစဉ်ဖြင့် ပို့ချရန် စီစဉ်ထားပြီး
ဒေါ်အောင်ဆန်းစုကြည် အလွန်နှစ်သက်သော BBC တေးဂီတ အစီအစဉ်တခု ဖြစ်သည့် A Jolly Good Show ၏ အစီအစဉ်မှူး Hairy Cornflake နှင့်လည်း တွေ့ဆုံနိုင်မည် ဖြစ်သည်။
ယခုခရီးစဉ်၏ နောက်ဆုံးနိုင်ငံဖြစ်သည့် ပြင်သစ်နိုင်ငံ ပဲရစ်မြို့တွင် သမ္မတ Francois Hollande ၏ ဧည့်သည်အဖြစ် ဇွန်လ ၂၉ ရက် နေ့ထိ နေထိုင်မည် ဖြစ်သည်။
ဥရောပ ငါးနိုင်ငံ ခရီးစဉ် ပြီးဆုံး၍ မြန်မာနိုင်ငံသို့ ပြန်ရောက်သည့်အခါ ပြည်သူ့လွှတ်တော်နှင့် ပြည်ထောင်စု လွှတ်တော် ပုံမှန်အစည်း အဝေးများသို့ ဇူလိုင်လ ၄ ရက်နေ့တွင် စတင်တက်ရောက်ဆွေးနွေးနိုင်မည် ဖြစ်သည်။
Ref: မဇ္ဈိမ
Read More...
Collapse...
အောင်ဝင်း
ဇွန်လ ၁၄ ရက် ၂၀၁၂ ခုနှစ်
ရခိုင်ပြည်နယ်၊ ကျောက်ဖြူမြို့အနီး ပင်လယ်ပြင်တွင် ဇွန်လ ၁၀ ရက်နေ့က နစ်မြုပ်သွား ခဲ့သော ‘ရွှေဇေယျာအောင်’ကုန်တင် ရေယာဉ် ပေါ်တွင် ပါရှိသွားသော ကုန်ပစ္စည်းများအတွက် အာမခံ ထားရှိငွေ ကျပ် ၇၅ သန်းကျော်အတွက် စုံစမ်းစစ်ဆေးမှုများ ပြုလုပ်လျက်ရှိပြီး အတည်ပြုပြီးပါက လျော်ကြေးငွေများကို ပေးအပ်သွား မည် ဖြစ်ကြောင်း မြန်မာ့ အာမခံလုပ်ငန်းမှ အဆင့်မြင့် အရာရှိတဦးက ပြော သည်။
ကမ်းရိုးတန်းသွား ကုန်တင် ရေယာဉ်များ အသင်းဝင် ရွှေဇေယျာအောင်၊ ဂရံ အမှတ် (၄၈၆၇) သည် ရန်ကုန် ဆိပ်ကမ်းမှ စစ်တွေမြို့သို့ ကုန်စုံ ၆၅၀ တန် ဖြင့် ဇွန်လ ၈ ရက်နေ့မှ ထွက်ခွါလာခဲ့ပြီး ၁၀ ရက်နေ့ ည ၁၀ နာရီ ၄၅ မိနစ်အချိန်တွင် ရာသီဥတု ဆိုးဝါးသည့် ဒဏ် ကြောင့် ကျောက်ဖြူ မြို့နယ်အနီး ပင်လယ်ပြင်တွင် နစ်မြုပ်သွားခဲ့ခြင်း ဖြစ်ကြောင်း မြန်မာ့ကမ်းရိုးတန်းသွား ကုန်တင်ရေယာဉ်များ အသင်းမှ တာဝန်ရှိသူ တဦးက အတည်ပြု ပြောကြား သည်။
“သင်္ဘောပေါ်မှာ ပါသွားတဲ့ ကုန်ပစ္စည်းတွေနဲ့ သင်္ဘောက လုံးဝနစ်မြုပ်သွားတာပါ။ သင်္ဘောပေါ်မှာ လိုက်ပါ တာဝန်ထမ်းဆောင်နေတဲ့ သင်္ဘော မာလိန်မှုးနဲ့ ရေယာဉ်ဝန်ထမ်း သင်္ဘောသား ၁၈ ယောက်တို့ကိုတော့ ထိခိုက် ဒဏ်ရာရမှု မရှိဘဲ အောင်ဆုမွန် ငါးဖမ်း စက် လှေက ကယ်တယ်ပေးခဲ့ပြီး ကျောက်ဖြူမြို့ကို ဇွန်လ ၁၁ ရက်နေ့ မနက်မှာ ဘေးကင်းစွာ ပြန်ရောက်လာပါတယ်” ဟု အသင်းမှ ရုံး အဖွဲ့မှူး ဦးရန်အောင် က ဆိုသည်။
အဆိုပါ ရေယာဉ်နှစ်မြုပ်မှုနှင့် ပတ်သတ်၍ ထူးခြား ဖြစ်စဉ် သတင်းပေးပို့ချက်ကို ရေကြောင်းပို့ဆောင်ရေး ညွှန်ကြားမှု ဦးစီးဌာန၊ မြန်မာ့ ဆိပ်ကမ်းအာဏာပိုင်၊ မြန်မာ့ အာမခံလုပ်ငန်းနှင့် ရန်ကုန်တိုင်း ဆိပ်ကမ်းမြို့နယ် ထွေအုပ် ဦးစီးဌာနများသို့ အကြောင်းကြားပြီး ဖြစ် သည်ဟု ဦးရန်အောင်က ဆိုသည်။
“သင်္ဘောပေါ်မှာ ပါရှိသွားတဲ့ ကုန်ပစ္စည်းတွေအတွက် အာမခံထားတဲ့ ကုန်ပစ္စည်းတန်ဖိုး စုစုပေါင်း ၇၅,၃၈၉,၄၅၀ ကျပ် ရှိပါတယ်။ မြန်မာ့ အာမခံလုပ်ငန်းက တာဝန်ရှိသူတွေ စုံစမ်းမှုတွေ ပြုလုပ်နေပါတယ်။ လိုအပ်တဲ့ အတည်ပြုချက်တွေ စာရွက်စာတမ်းတွေ ပြည့်စုံတာနဲ့ အာမခံလျော်ကြေးငွေကို အမြန်ဆုံးထုတ်ပေးသွားမှာပါ” ဟု မြန်မာ့ အာမခံလုပ်ငန်းမှ ဒုတိယ အထွေထွေ မန်နေဂျာ ဦးစိန်မင်းက ဆိုသည်။
ရွှေဇေယျာအောင် နစ်မြုပ်မှုကို မြန်မာ့အာမခံလုပ်ငန်းတွင် အာမခံထားသော ကုန်သည်များ၏ အကြောင်းကြား သတင်းပို့မှုကြောင့် ဦးစွာသိရှိရခြင်း ဖြစ်ပြီး အာမခံထားသော ကုန်သည် စုစုပေါင်း ၄ ဦး ရှိသည်ဟု ၎င်းက ဆက်လက် ပြောဆိုသည်။
“ပါရှိသွားတဲ့ ကုန်ပစ္စည်းတွေထဲမှာ ဂျုံမှုန့်၊ စားသုံးဆီ၊ ဘိလပ်မြေနဲ့ အချိုရည်တွေ ပါတယ်။ ဖြစ်ပွားတဲ့ဒေသ အာဏာပိုင်အဖွဲ့အစည်းနဲ့ ရဲစခန်းမှ တာဝန်ရှိသူများရဲ့ ထောက်ခံချက် အာမခံထားရှိတဲ့ ပေါ်လစီ မူရင်း စာရွက်စာတမ်းတွေနဲ့ ရေယာဉ် ထွက်ခွာခွင့် မှတ်တမ်း တွေကို စီစစ်နေပါတယ်” ဟု ဦးစိန်မင်း က ပြောသည်။
ရခိုင်ပြည်နယ်တွင် ဖြစ်ပွားလျက်ရှိသော မငြိမ်သက်မှုများနှင့် အဓိကရုဏ်းများကြောင့် အရေးပေါ်အခြေအနေ ထုတ်ပြန်ထားပြီး လမ်း ပန်း ဆက်သွယ်ရေးများလည်း ပြတ်တောက်နေ၍ စစ်တွေမှ ရန်ကုန်သို့ တင်ပို့ရန် ကုန်ပစ္စည်း များ အမြောက်အများ ကျန်ရှိနေပြီး အဆိုပါ ကုန်ပစ္စည်းများနှင့် ပတ်သက်၍လည်း ဘေးအန္တရာယ်ဆိုင်ရာ အာမခံ ထားလိုသူများက မြန်မာ့အာမခံ လုပ်ငန်းတွင် လာ ရောက် စုံစမ်းမှုများ ပြုလုပ်လျက် ရှိကြောင်းလည်း အာမခံ ကိုယ်စားလှယ် တဦးအပြောအရ သိရှိရသည်။
Ref: မဇ္ဈိမ
Read More...
Collapse...
မျိုးသန့်
ဇွန်လ ၁၄ ရက် ၂၀၁၂ ခုနှစ်
ရခိုင်ပြည်နယ်အတွင်း ဗုဒ္ဓဘာသာဝင် ရခိုင်တိုင်းရင်းသားများနှင့် ဘင်္ဂါလီ ရိုဟင်ဂျာများ အကြား ဖြစ်ပွားနေသည့် ပဋိပက္ခများသည် နိုင်ငံ့အနာဂတ် ဒီမိုကရေစီရေးအတွက် ကြီးမားသည့် အတားအဆီးတခု ဖြစ်လာနိုင်သည်ဟု ကုလသမဂ္ဂ လူ့အခွင့်အရေးဆိုင်ရာ အထူး သံတမန် သောမတ်စ် အိုဟေး ကွင်တားနား သတိပေး ပြောကြားလိုက်သည်။
“တင်းမာမှုများဟာ မြန်မာနိုင်ငံရဲ့ ဒီမိုကရေစီကူပြောင်းရေးနဲ့ တည်ငြိမ်ရေးတို့အတွက် အတားအဆီး ဖြစ်ပေါ်နေပြီး တရားဥပဒေကို လေးစားဖို့နဲ့ အကြမ်းဖက်မှုတွေ မလုပ်ကြဖို့ နှစ်ဘက်လုံးကို ကျနော် တိုက်တွန်းပါတယ်” ဟု ကွင်တားနား၏ ပြောကြားချက်ကို ကုလ သမဂ္ဂ ပြန်ကြားရေးဌာန (ရန်ကုန်) ၏ အင်တာနက် စာမျက်နှာတွင် ဇွန်လ ၁၃ ရက်နေ့ နေ့စွဲဖြင့် ဖေါ်ပြထားသည်။
ရခိုင်ပြည်နယ်အတွင်းဖြစ်ပွားနေသည့် ပဋိပက္ခများအတွင်း ဇွန်လ ၈ ရက်နေ့မှ ၁၁ နေ့အထိ လူပေါင်း ၂၁ ဦးသေဆုံးခဲ့ ပြီး ၂၁ ဦး ဒဏ်ရာ ရရှိခဲ့သည်ဟု နိုင်ငံပိုင် သတင်းစာများက ရေးသားသည်။ ယင်းအပြင် လူနေအိမ် ၁၆၆၂ လုံး၊ ဆိုင်ခန်း ခြောက်ခန်း၊ ဆိုင်ကယ် ၁၈ စီး၊ ထော်လာဂျီ သုံးစီး၊ စက်ဘီး ကိုးစီးတို့လည်း ပျက်စီးခဲ့ရသည်ဟု ဆိုသည်။
အဆိုပါ ပဋိပက္ခ အခြေအနေများသည် ဒီမိုကရေစီဖေါ်ဆောင်ရေးနှင့် နိုင်ငံဖွံ့ဖြိုး တိုးတက်ရေးတို့အတွက် ထိခိုက် ဆုံးရှုံးမှုများစွာ ဖြစ်ပေါ်စေနိုင်သည်ဟုလည်း သမ္မတ ဦးသိန်းစိန်က ဇွန်လ ၁ဝ ရက်နေ့ မိန့်ခွန်းတွင် သတိပေး ပြောကြားသွား သေးသည်။
“အသွင် ကူးပြောင်းစသာရှိသေးတဲ့ ကျနော်တို့နိုင်ငံရဲ့ တည်ငြိမ်အေးချမ်းရေး၊ ဒီမိုကရေစီ ဖေါ်ဆောင်ရေးနဲ့ နိုင်ငံဖွံ့ဖြိုး တိုးတက်ရေး အပေါ် ပြင်းပြင်းထန်ထန် ထိခိုက်ဆုံးရှုံးမှု ဖြစ်ပေါ်စေနိုင်တာကို မိဘပြည်သူများအားလုံး အထူး သတိထားကြစေချင်ပါတယ်” ဟု ပြောသွားသည်။
မေလ ၂၈ ရက်နေ့မှ အစပြုခဲ့သည့် ပဋိပက္ခများသည် ပိုမိုကျယ်ပြန့်လာခြင်းကြောင့် ဇွန်လ ၁ဝ ရက်နေ့မှစ၍ ရခိုင်ပြည်နယ်အတွင်း အရေးပေါ်အခြေအနေအဖြစ် အမိန့်အမှတ် ၁/၂၁၀၂ ကို ဦးသိန်းစိန်အစိုးရမှ ထုတ်ပြန်
ကြေညာခဲ့ရသည်။
ရခိုင်ပြည်နယ်အတွင်း ဖြစ်ပေါ်နေသည့် အခြေအနေများအား ဘာသာရေး ပဋိပက္ခများအဖြစ် မီးမောင်းထိုး သတင်း ထုတ်ပြန်မှုမလုပ်ရန် ပြည်ပမီဒီယာများနှင့် ဗြိတိန်အခြေစိုက် NGO တခုကို အမျိုးသားရေးဝါဒီများက ကြာသပတေးနေ့ နံနက်တွင် ရန်ကုန်မြို့ရှိ ဗြိတိန် သံရုံးရှေ့၌ ဆန္ဒပြ တောင်းဆိုမှုတခု ခေတ္တပြုလုပ်ခဲ့ကြသေးသည်။
သတင်းမီဒီယာများ၏ ဖေါ်ပြချက်များနှင့် ပတ်သက်၍လည်း “အကြမ်းဖက်မှုများ ဖြစ်ပွားခြင်းမှ ကာကွယ်ရန် သတင်း မီဒီယာများ အနေဖြင့်လည်း တာဝန်သိစိတ်ဖြင့် သတင်းများ ရေးသားရန် လိုအပ်ပါတယ်” ဟု ကွင်တားနားက သတိပေး ပြောဆိုလိုက်သည်။
Ref: မဇ္ဈိမ
Read More...
Collapse...
ကျော်ခ
June 13, 2012
ရခိုင်ပြည်နယ် အတွင်း အဓိကရုဏ်းများ ဖြစ်ပွားမှုကြောင့် အိုးအိမ်မဲ့ဖြစ်ခဲ့ရသော ဒုက္ခသည်များ အရေးကို မြန်မာအစိုးရနှင့် ပူးပေါင်း ကူညီသွားမည် ဖြစ်ကြောင်း ကုလသမဂ္ဂ အထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အကြံပေးပုဂ္ဂိုလ် မစ္စတာ ဘီဂျေ နမ်ဘီ ယာက ယနေ့ ပြောဆိုလိုက်ကြောင်း သိရသည်။
အဓိကရုဏ်းဖြစ်ပွားမှုကြောင့် မြန်မာအစိုးရက အရေးပေါ်ကြေညာချက်ထုတ်ပြန်ထားသော နယ်မြေများအနက် စစ်တွေနှင့် မောင် တော မြို့များသို့ မစ္စတာ နမ်ဘီယာ ရောက်ရှိလာပြီး ယနေ့ မွန်းလွဲပိုင်းတွင် မောင်တောမြို့ပေါ်ရှိ အလိုတော်ပြည့် ကျောင်းတိုက် က ဒုက္ခသည် များကို လာရောက် တွေ့ဆုံစဉ် ယင်းသို့ပြောဆိုခဲ့ခြင်းဖြစ်သည်။
“အခုလို အကြမ်းဖက်ခံရတဲ့ အတွက်ကြောင့် စိတ်မကောင်းဘူး။ ဒီလူတွေရဲ့ စိတ်ထဲမှာလည်း အကြောက် တရားတွေ လွှမ်းမိုးနေတဲ့ အတွက်ကြောင့် စိတ်ဒဏ်ရာတွေ ကိုလည်း ကုစားရမယ်။ ကမ္ဘာ့ ကုလသမဂ္ဂ ကလည်းပဲ မြန်မာအစိုးရနဲ့ ပူးပေါင်းပြီးတော့ အကောင်း ဆုံးဖြစ်အောင် ရုပ်ပိုင်းဆိုင်ရာရော၊ စိတ်ပိုင်းဆိုင်ရာရော ပံ့ပိုးပူညီသွားမယ်လို့ မစ္စတာ နမ်ဘီယာ က ပြောသွားပါတယ်” ဟု အလို တော်ပြည့်ကျောင်း ဆရာတော် ဦးမဏိသာရ က ဧရာဝတီသို့ မိန့်သည်။
မစ္စတာ နမ်ဘီယာနှင့်အတူ နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး သိန်းဌေး နှင့် အစိုးရ အရာရှိ တချို့ လိုက်ပါလာခဲ့ပြီး ဒုက္ခ သည် များ၏ အခြေအနေများကို မေးမြန်း၍ အားပေးနှစ်သိမ့်မှုများပြုလုပ်ခဲ့ကြောင်း ဒုက္ခသည်များ ကလည်း ပြောသည်။
ထိုခရီးစဉ်အတွင်း အစ္စလမ် ဘာသာရေး အဖွဲ့ဝင်တချို့နှင့်လည်း တွေ့ဆုံရန်ရှိပြီး မောင်တောမြို့ အခြေစိုက် မြန်မာမွတ်စလင် အိုလမာ အဖွဲ့ချုပ် က ခေါင်းဆောင်တချို့နှင့်လည်း တွေ့ဆုံရန် ဆက်သွယ်ထားကြောင်း မောင်တောမြို့ပေါ်ရှိ အစ္စလမ် ဘာသာ ဝင် များနှင့် စုဖွဲ့ထားသော အမျိုးသား ဖွံ့ဖြိုးတိုးတက်ရေး ဒီမိုကရက်တစ်ပါတီ(NDPD) ဗဟို ကော်မတီအဖွဲ့ဝင် ဦးခင်ကျော် က ပြော ပြသည်။
“အဓိက ကတော့ ဒုက္ခရောက်နေတဲ့ ကျနော်တို့လူတွေကို ဘယ်လိုနေရာ ပြန်ချပေးမလဲ။ ဘယ်လိုကူညီနိုင်မလဲဆိုတာတွေ တင်ပြ ဆွေးနွေးကြဖို့ပေါ့”ဟု ဦးခင်ကျော် က ဧရာဝတီသို့ ပြောသည်။
မစ္စတာ နမ်ဘီယာသည် မြန်မာနိုင်ငံ ငြိမ်းချမ်းရေးဖော်ဆောင်ရေး လုပ်ငန်းစဉ်များတွင် ကူညီပံ့ပိုးရန် ကုလသမဂ္ဂ၊ ဥရောပ သမဂ္ဂနှင့် ကမ္ဘာ့ဘဏ် အဖွဲ့များဖြင့် စုဖွဲ့ထားသော Peace Donor Support Group နှင့် အတူ မြန်မာနိုင်ငံသို့ ရောက်ရှိနေစဉ် ရခိုင်ပြည်နယ် ဖြစ် စဉ်များနှင့် ပတ်သက်၍ ယမန်နေ့က နေပြည်တော်တွင် သမ္မတ ဦးသိန်းစိန်နှင့် ဆွေးနွေးပြီးနောက် မောင်တောနှင့် စစ်တွေမြို့များသို့ ရောက်ရှိလာခြင်းဖြစ်သည်။
ယခုလ ၈ ရက်နေ့က မောင်တောမြို့ပေါ်တွင် ဘင်္ဂလီလူမျိုး ၁၀၀၀ ကျော်က မြို့ပေါ်ရှိ လူနည်းစုဖြစ်သော ရခိုင်တိုင်းရင်းသား တို့၏ အိမ်များကို မီးရှို့ခြင်း အသက်ဆုံးပါးသည်အထိ လက်ရောက် ကျူးလွန်ခြင်းများမှ စတင်၍ ရခိုင်ပြည်နယ်အတွင်း စစ်တွေမြို့ အပါအဝင် အခြားမြို့များသို့ပါ အဓိကရုဏ်းဖြစ်ရပ်များ ကူးစက်ခဲ့သည်။
ထိုကဲ့သို့ဖြစ်စဉ်များကြောင့် မောင်တောနှင့် စစ်တွေမြို့များရှိ နေအိမ်နှင့် အဆောက်အအုံများ မီးလောင်ပျက်စီးခဲ့၍ အနည်းဆုံး ရခိုင် ဒုက္ခသည် ဦးရေ ၁၇၀၀၀ ကျော် အိုးအိမ်မဲ့ဖြစ်ခဲ့ရပြီး အစိုးရက စီစဉ်ပေးထားသော ကယ်ဆယ်ရေးစခန်းများတွင် ခိုလှုံနေကြ ရသည်။
NDPD ပါတီခေါင်းဆောင်များ၏ ပြောဆိုချက် အရ ဘင်္ဂလီများဘက်တွင်လည်း သေဆုံး ဒဏ်ရာရရှိမှုနှင့် အိုးအိမ်ပျက်စီးမှုများ ကြောင့် ထွက်ပြေးတိမ်းရှောင်နေကြရသော ဒုက္ခသည်များရှိကြောင်း သို့သော်လည်း စာရင်း အတိအကျ ပြုစုထားခြင်းမရှိသေး ကြောင်း သိ ရသည်။
သက်ဆိုင်ရာမြို့နယ် ပြည်သူ့ ဆေးရုံကြီးများထံမှ စုံစမ်းသိရှိရသော စာရင်းများအရ မောင်တောမြို့တွင် ရခိုင်လူမျိုး ၇ ဦး သေဆုံးပြီး စစ်တွေမြို့တွင် ရခိုင်လူမျိုး၂၁ ဦးသေဆုံးကာ ဘင်္ဂလီ ၆ ဦးသေဆုံးကြောင်း သိရသည်။ ဆေးရုံနှင့် အလှမ်းဝေးသော ရပ်ကွက် ကျေးရွာများတွင်လည်း သေဆုံးမှုများရှိကြောင်း ကြားသိရသော်လည်း အတည်မပြုနိုင်ကြောင်း စစ်တွေဆေးရုံကြီးက ပြောသည်။
ယခုလ ၉ ရက်နေ့ ညနေပိုင်းမှစ၍ အုံကြွမှုများဖြစ်ပွားခဲ့သော စစ်တွေမြို့ပေါ်တွင် ယနေ့ညနေပိုင်းအထိ တည်ငြိမ်မှုရှိနေကြောင်း၊ ၈ ရက်နေ့ ညနေပိုင်းအထိ မြို့ပေါ်နှင့် မြို့ပြင်ဘက်ရှိ ကျေးရွာနှင့် ရပ်ကွက်များတွင် ဘင်္ဂလီများက ၎င်းတို့အိမ်များအပါအဝင် ရခိုင် လူမျိုး များနေထိုင်ရာ အိမ်များကိုပါ မီးရှို့ဖျက်ဆီးကြောင်း ယင်းမြို့ပေါ်ရှိ ပြည်တွင်းပြည်ပ သတင်းထောက်များက ဓာတ်ပုံ မှတ်တမ်း များ နှင့်အတူ ဖော်ထုတ်ခဲ့ကြသည်။
ဘင်္ဂလီများက သေနတ်၊ ဂျင်ကလိ၊ ဓား၊ ဓာတ်ဆီပုလင်းနှင့် ခဲများကိုအသုံးပြု၍ ၎င်းတို့နေထိုင်ရာ ဗလီများထဲမှတဆင့် အစိုးရလုံခြုံ ရေး အဖွဲ့ဝင်များနှင့် ဒေသခံ ရခိုင်တိုင်းရင်းသားများအား တိုက်ခိုက်ခဲ့ရာ သေဆုံးဒဏ်ရာရရှိသကဲ့သို့ အစိုးရ စစ်သားတစ်ဦး သေ နတ် ဒဏ် ရာနှင့် စစ်တွေဆေးရုံကြီးတွင် တင်ထားရကြောင်း စစ်တွေရောက် သတင်းထောက် များက ပြောသည်။
မြို့ပေါ်ရှိရခိုင်များကလည်း ဘင်္ဂလီများ အလုံးအရင်ဖြင့် ဝင်လာမည်ကို စိုးရိမ်နေကြပြီး ကာကွယ်ရန်အတွက် ဝါးချွန်၊ တုတ်နှင့် ဓား များကို ကိုင်ဆောင်၍ ကင်းစောင့်နေကြကြောင်း သိရသည်။
အစိုးရလုံခြုံရေးတပ်ဖွဲ့များက ယနေ့နံနက်ပိုင်းတွင် တုတ်၊ ဓား လက်နက်များ ကိုင်ဆောင်ခြင်း၊ လူ ၅ ဦးထက် စုဝေး သွားလာခြင်း မပြုရန်၊ တွေ့ရှိပါက ထိရောက်စွာ ဖမ်းဆီးအရေးယူမည်ဟု မြို့အနှံ့ လိုက်လံကြေညာ ခဲ့ပြီးနောက် လက်နက် ကိုင်ဆောင်ခြင်းများ မတွေ့ရှိရတော့ကြောင်း ရခိုင်တိုင်းရင်းသားများ တိုးတက်ရေးပါတီ(RNDP)၏ ပြောရေးဆိုခွင့်ရှိသူ ဦးခိုင်ပြည်စိုးက ဧရာဝတီသို့ ပြော သည်။
“ဒီနေ့တော့ တည်တည်ငြိမ်ငြိမ်ဖြစ်နေတာကို တွေ့ရတယ်။ လက်နက်တွေကိုင်ဆောင်တာ မတွေ့ရဘူး။ ကုလားတွေကိုလည်း မတွေ့ ရတော့ဘူး”ဟု ဦးခိုင်ပြည်စိုးက ဆိုသည်။ အစိုးရက လုံခြုံရေးယူထားပေးမှုမှာ အင်အားနည်းနေသေးသဖြင့် ဒေသခံ ရခိုင် လူမျိုးများက စိုးရိမ်နေဆဲဖြစ်သဖြင့် အလှည့်ကျ ကင်းစောင့်နေကြကြောင်း ပြောဆိုသည်။
စစ်တွေမြို့ မင်းဂံ ရပ်ကွက်တွင်နေထိုင်သူ ရခိုင်အမျိုးသား တဦးက “ကုလားတွေက ညီတယ်။ လာရင် အုပ်စုလိုက်လာတာ၊ ဓာတ်ဆီ ပုလင်းတွေ မီးရှို့ပြီး ရခိုင်တွေအိမ်တွေပေါ် ပစ်တင်တာ၊ ဒါကြောင့် ကျနော်တို့က ရရာလက်နက်နဲ့စောင့်နေတာ ညလည်း မအိပ်နိုင် ဘူး”ဟု ဧရာဝတီသို့ ပြောသည်။
အိုးအိမ်မဲ့ ဒုက္ခသည် ၈၅၀၀ ကျော်ကို စစ်တွေမြို့ပေါ်ရှိ ဒုက္ခသည်စခန်း ၃၄ ခုတွင် ထားရှိပြီး မောင်တောမြို့တွင်လည်း ဒုက္ခသည် ၅၀၀၀ ကျော်ကို မြို့ခံဘုန်းကြီးကျောင်းများနှင့် အစိုးရ အဆောက်အဦးများတွင် ထားရှိသည်။ ထိုဒုက္ခသည်များကို မြို့ခံလူမှု ကူညီ ရေး အသင်းများနှင့် ပုဂ္ဂလိက လုပ်ငန်းရှင်များက လှူဒါန်းပေးလျက်ရှိပြီး ယနေ့တွင် မြန်မာ ဘောလုံးအဖွဲ့ချုပ် ဥက္ကဌ ဦးဇ်ာဇော်၊ ရုပ်ရှင် သရုပ် ဆောင် ပြေတီဦး နှင့် ဒါရိုက်တာ ဝိုင်းတို့က လာရောက်လှူဒါန်းမှုများ ပြုလုပ်ကြောင်း သိရသည်။
Ref: ဧရာဝတီ
Read More...
Collapse...
လင်းသန့်
June 13, 2012
ရခိုင်ပြည်နယ်တွင် လတ်တလော ဖြစ်ပွားနေသော အကြမ်းဖက်မှုများ၊ မတည်ငြိမ်မှုများကြောင့် အရေးပေါ် အခြေအနေ ကြေညာထား သည့် ကိစ္စနှင့်ပတ်သက်၍ မြန်မာနိုင်ငံတွင် ရောက်ရှိနေသော မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် မစ္စတာ ဗီဂျေ နမ်ဘီ ယားနှင့် သမ္မတ ဦးသိန်းစိန်တို့ ယမန်နေ့က နေပြည်တော်တွင် ဆွေးနွေးခဲ့ကြောင်း သတင်းရရှိသည်။
“သူနဲ့ သမ္မတနဲ့ ဆွေးနွေးခဲ့ကြတာက ကျယ်ပြန့်တဲ့ ပြုပြင်ပြောင်းလဲရေးနဲ့ အကြမ်းဖက်မှုသံသရာ မလည်စေဖို့ သမ္မတ ဦးသိန်းစိန် ထုတ်ပြန် လိုက်တဲ့ အရေးပေါ် အခြေအနေ ကြေညာတာနဲ့ ပတ်သက်ပြီး မြန်မာအစိုးရအနေနဲ့ တရားဥပဒေ စိုးမိုးရေး၊ လူ့အခွင့်အရေး တို့ကို လေးစား ပြီး အခြေအနေတွေကိုလည်း ပွင့်လင်းမြင်သာအောင် ကိုင်တွယ်လုပ်ဆောင်ဖို့ လိုတာတွေ ဆွေးနွေးခဲ့တာပါ” ဟု ကုလသမဂ္ဂ ပြောရေး ဆိုခွင့် ရှိသူ Martin Nesirky က နယူးယောက်မြို့တွင် ပြုလုပ်သော သတင်းစာရှင်းလင်းပွဲ၌ ပြောသည်။
ကုလသမဂ္ဂ အထွေထွေ အတွင်းရေးမှူးချုပ်၏ အထူးအကြံပေးလည်းဖြစ်၊ ဒု အတွင်းရေးမှူးချုပ်လည်းဖြစ်သည့် မစ္စတာ နမ်ဘီယားသည် သမ္မတ ဦးသိန်းစိန်အား လာမည့် ကုလသမဂ္ဂ အထွေထွေညီလာခံသို့ တက်ရောက်ရန် မျှော်လင့်ကြောင်းလည်း ပြောဆိုခဲ့သည်။
မစ္စတာ နမ်ဘီးယားသည် Peace Donor Support Group (PDSG) အဖွဲ့နှင့်အတူရော သီးခြားစီပါ သမ္မတ ဦးသိန်းစိန်နှင့် ယမန် နေ့က တွေ့ဆုံ ဆွေးနွေးခြင်းဖြစ်သည်။
မစ္စတာ နမ်ဘီယားက ငြိမ်ချမ်းရေး အလှူရှင်များအဖွဲ့အနေဖြင့် သမ္မတ ဦးသိန်းစိန်နှင့် တွေ့ဆုံစဉ် မြန်မာနိုင်ငံ ငြိမ်းချမ်းရေး ရန်ပုံငွေ အတွက် ကနဦး အမေရိကန် ဒေါ်လာ ၅ သန်း ထည့်ဝင်သွားမည်ဖြစ်ပြီး လက်တွေ့ လုပ်ငန်းစဉ်များ စတင်ချိန်တွင် ကုလသမဂ္ဂက ထပ်မံ ထည့်ဝင်သွားမည်ဖြစ်ကြောင်း ပြောကြားခဲ့သည်။
သမ္မတ ဦးသိန်းစိန်အား ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီ ဥက္ကဋ္ဌ အနေဖြင့် PDSG မှ ဦးဆောင် ဆက်သွယ် နိုင်ငံဖြစ်သည့် နော်ဝေနိုင်ငံ၊ ကုလသမဂ္ဂ၊ သြစတြေးလျနိုင်ငံ၊ ဗြိတိန်နိုင်ငံ၊ ကမ္ဘာ့ဘဏ်နှင့် ဥရောပ သမဂ္ဂတို့မှ ကိုယ်စားလှယ်များက လည်း တွေ့ဆုံကာ မြန်မာနိုင်ငံ၏ ငြိမ်းချမ်းရေး လုပ်ငန်းစဉ်များအကြောင်း ဆွေးနွေးကြသည်။
အဆိုပါ တွေ့ဆုံမှုဆွေးနွေးမှုတွင် လတ်တလော ဖြစ်ပွားနေသည့် ရခိုင်ပြည်နယ် ပဋိပက္ခများသည် ရှုပ်ထွေးသော နောက်ခံ သမိုင်းကြောင်းများအပေါ် အခြေခံနေကြောင်း၊ သံတမန်များ၏ စိုးရိမ်မှုကိုလည်း နားလည်ကြောင်း PDSG ကိုယ်စားလှယ်များကို သမ္မတ ဦးသိန်းစိန်က ရှင်းလင်းပြောဆိုခဲ့သည်။
မြန်မာနိုင်ငံတွင် တိုင်းပြည် တည်ငြိမ်အေးချမ်းရေးအတွက် ပြည်တွင်း လက်နက်ကိုင်အဖွဲ့ ၁၁ ဖွဲ့အနက် ၁၀ ဖွဲ့နှင့် တဖွဲ့ချင်း ထိတွေ့ ဆက်သွယ်ပြီး နားလည်မှုများ ရှိနေပြီဖြစ်ကြောင်း၊ ငြိမ်းချမ်းရေး လုပ်ငန်းစဉ်များအတွက် နိုင်ငံတကာ အသိုင်းအ၀ိုင်း၏ အဓိက ငွေကြေး၊ နည်းပညာနှင့် အတွေ့အကြုံကောင်းများဆိုင်ရာ အကူအညီများ လိုအပ်ကြောင်းလည်း ဦးသိန်းစိန်က ပြောဆိုခဲ့သည်ဟု အစိုးရသတင်းစာများတွင် ဖော်ပြထားသည်။
ထို့အပြင် ဥရောပ သမဂ္ဂအနေဖြင့် စီးပွားရေး ပိတ်ဆို့မှုများအား နော်ဝေ၊ သြစတြေးလျ စသည်တို့ကဲ့သို့ ဖြေလျှော့ပေးစေလိုကြောင်း ဦးသိန်းစိန်က တိုက်တွန်းခဲ့သည်ဟု သိရသည်။
မြန်မာနိုင်ငံ ငြိမ်းချမ်းရေး ဗဟိုဌာန (Myanmar Peace Center) ကို ထူထောင်ထားပြီး (PDSG) အဖွဲ့နှင့် ပူးပေါင်းကာ မဟာဗျူဟာ လုပ်ငန်းစဉ်များ ချမှတ်သွားမည်ဖြစ်ကြောင်းလည်း သိရှိရသည်။
မြန်မာနိုင်ငံဆိုင်ရာ နော်ဝေ သံအမတ်ကြီးက မြန်မာနိုင်ငံ ငြိမ်းချမ်းရေး ဖော်ဆောင်မှု လုပ်ငန်းစဉ်များအတွက် နော်ဝေ နိုင်ငံအနေဖြင့် အလှူရှင်နိုင်ငံများနှင့် နိုင်ငံတကာ အသိုင်းအ၀ိုင်းများအကြား ဆောင်ရွက်ပေးရန် တာဝန်ယူထားကြောင်း ပြောဆိုခဲ့သည်။
မြန်မာနိုင်ငံဆိုင်ရာ သြစတြေးလျ သံအမတ်ကြီးက ကျန်းမာရေး လုပ်ငန်းများအတွက် အမေရိကန် ဒေါ်လာ ၅ သန်း ထည့်ဝင်ပြီးဖြစ် ကြောင်းနှင့် မြေမြှုပ်မိုင်းရှင်းလင်းရေးတွင်လည်း အကူအညီပေးမည်ဖြစ်ကြောင်းနှင့် မြန်မာနိုင်ငံဆိုင်ရာ ဗြိတိန်သံအမတ်ကြီးက ငြိမ်း ချမ်းရေး လုပ်ငန်းစဉ်များအတွက် လတ်တလော လိုအပ်သည့် နေရာတွင် အသုံးပြုနိုင်ရန် အမေရိကန်ဒေါ်လာ ၅ သန်းထည့်ဝင် ကြောင်း၊ လာမည့် ၃ နှစ်အတွင်း အမေရိကန် ဒေါ်လာ သန်း ၃၀၀ ပေးအပ် ကူညီသွားမည်ဖြစ်ကြောင်း၊ ယခုနှစ် နှစ်ကုန်ပိုင်းတွင် ဦးသိန်းစိန်အား ဗြိတိန်နိုင်ငံသို့ လာရောက်လည်ပတ်ရန် ဗြိတိန် ၀န်ကြီးချုပ်က ဖိတ်ကြားပါကြောင်းများ ပြောဆိုခဲ့သည်ဟု သိရသည်။
ဥရောပ သမဂ္ဂ၏ ဌာနေကိုယ်စားလှယ်က ၂၀၁၂-၂၀၁၃ ခုနှစ်အတွင်း မြန်မာနိုင်ငံ ဘက်စုံ ဖွံ့ဖြိုးရေး လုပ်ငန်းစဉ်များအတွက် ဥရောပ သမဂ္ဂက ယူရိုငွေ သန်း ၁၅၀ ထောက်ပံ့မည်ဟု ကြေညာထားကြောင်း၊ ကနဦး ယူရိုငွေ ၃ သန်း သို့မဟုတ် ၄ သန်း လျာထားကြောင်း ပြောဆိုသည်။
ကမ္ဘာ့ဘဏ် ကိုယ်စားလှယ်က ကြွေးမြီဆပ်ရေး ဆွေးနွေးပြီးလျှင် ဖွံ့ဖြိုးရေး လုပ်ငန်းများအတွက် အတိုးနှုန်းသက်သာသည့် ချေးငွေ အမေရိကန် ဒေါ်လာ သန်း ၃၀၀ ကို နှစ်စဉ် ချေးယူနိုင်မည်ဖြစ်ကြောင်း ပြောဆိုသည်။
အဆိုပါ ငြိမ်းချမ်းရေး အလှူရှင်များနှင့် တွေ့ဆုံမှုတွင် သမ္မတ ဦးသိန်းစိန်နှင့်အတူ ပြည်ထောင်စု ငြိမ်းချမ်းရေး ဖော်ဆောင်ရေး ဗဟို ကော်မတီ ဒု ဥက္ကဋ္ဌ ဦးအောင်မင်းနှင့် အစိုးရ၀န်ကြီးများဖြစ်ကြသော ဦးစိုးသိန်း၊ ဦးသိန်းညွန့်၊ ဦးအုန်းမြင့်၊ ဦးဇော်မင်း၊ ဦးသန်းဌေး၊ ဦးခင်ရီ၊ ဦးဝင်းထွန်း၊ ဦးခင်မောင်စိုးနှင့် ငြိမ်းချမ်းရေးဖော်ဆောင်ရေး အဖွဲ့ဝင်များ၊ အရာရှိများ ပါဝင်ကြောင်းသိရသည်။
Ref: ဗွီအိုအေ
Read More...
Collapse...
ခင်သြ
June 13, 2012
စစ်တွေ လေယာဉ်ကွင်းကို လေယာဉ် မဆင်းခင်ကတည်းက အလိပ်လိုက် အလိပ်လိုက် တက်နေတဲ့ မီးခိုးလုံးကြီးတွေကို အပေါ်စီးက မြင်နေရတယ်။ လေယာဉ်ကွင်းမှာတော့ စစ်သားတချို့ ယူနီဖောင်းအပြည့်အစုံ လက်နက်အပြည့်အစုံနဲ့ လုံခြုံရေးယူထားတာကို တွေ့ရ တယ်။ မြို့ထဲမှာ မီးခိုးတွေ လိပ်လိပ်တက်လာအောင် မီးလောင်နေပေမယ့် လေယာဉ်ကွင်းက လူတွေကတော့ သူတို့နဲ့ မဆိုင်သလိုပဲ။ လုပ်စရာရှိတာ အေးအေးဆေးဆေး လုပ်နေကြတယ်။
စစ်တွေ တစ်မြို့လုံး လမ်းတွေပေါ်မှာ လူမရှိသလောက်ပဲ။ ဆိုင်ကယ်၊ သုံးဘီးဆိုင်ကယ်နဲ့ ကားတွေ ဖြတ်သွားရင် အိမ်ခြံဝင်းတွေထဲက အမျိုးသမီးနဲ့ ကလေးတွေ ထွက်ကြည့်ကြတယ်။ သူတို့ အားလုံးရဲ့ လက်ထဲမှာ ၀ါးချွန်တွေ၊ သံလုံးတွေ၊ တချို့ ဂေါ့က်ရိုက်တံတွေ ကအစ ကိုင်ထားတယ်။
လမ်းဆုံလမ်းထောင့်တွေမှာ လူငယ်နဲ့ လူလတ်ပိုင်းတွေ စုရုံးစုရုံးရှိနေကြတယ်။ သူတို့ လက်ထဲမှာလည်း ဓားရှည်၊ ၀ါးချွန်၊ သံချွန်နဲ့ လေးဂွတွေ ကိုယ်စီကိုင်ထားတယ်။ အားလုံးက ဘာပဲဖြစ်လာဖြစ်လာ ပြေးတွေ့မယ်ဆိုတဲ့ မျက်နှာတွေနဲ့ပါ။ အမျိုးသမီးတွေကလည်း ကြောက်နေဖို့ထက် ကိုယ့်ကိုယ်ကိုယ် ကာကွယ်ဖို့ အသင့်ဖြစ်နေကြတယ်။
အရေးအခင်း စဖြစ်တဲ့ နေ့ကတည်းက တရက်မှ မအိပ်ရသေးဘူးလို့ မြ တည်းခိုခန်းအနီးမှာ နေထိုင်တဲ့ ရခိုင်တိုင်းရင်းသား တဦးက ပြောပါတယ်။
“ညမထွက်ရ အမိန့်ထုတ်ထားပေမယ့် ကျနော်တို့က မအိပ်ရဲဘူး။ တက်လာပြီး မီးရှို့မှာစိုးလို့ လမ်းအလိုက်၊ ရပ်ကွက်အလိုက် ကိုယ့် အိမ်ကိုယ် စောင့်နေရတယ်” လို့ သူက ပြောတယ်။
လေယာဉ်ပေါ်ကနေမြင်ရတဲ့ မီးခိုးအလိပ်လိုက် တက်နေတဲ့နေရာက အင်ဘာလာ ရပ်ကွက်လို့ ပြောတယ်။ အောင်မင်္ဂလာ ရပ်ကွက် လို့လည်း ခေါ်တယ်။ အဲဒီနေရာက ဘင်္ဂါလီရပ်ကွက်၊ ဟိန္ဒူရပ်ကွက်နဲ့ ရခိုင်-ဗမာ ရပ်ကွက် သုံးခု ဆုံနေတဲ့နေရာ။
မနက် ၁၀ နာရီလောက်မှာ ဘင်္ဂါလီ ၂ ဦးက ကိုယ့်အိမ်တွေကိုယ် မီးရှို့တယ်။ လေက ရခိုင်နဲ့ ဟိန္ဒူရပ်ကွက်တွေဘက် မတိုက်ဘဲ ဘင်္ဂါလီရပ်ကွက်တွေဘက် တိုက်နေတော့ ဘင်္ဂါလီအိမ်တွေကို မီးကူးကုန်တယ်။
နေ့လည် ၂ နာရီခွဲလောက်မှာ လုံထိန်းနဲ့ ကျောက်တော်က တပ်ရင်း ၃၇၆ ရောက်လာပြီးတော့ မီးဆက်မကူးအောင် လုပ်ဖို့ လောဆော် တယ်။ ရခိုင်၊ ဟိန္ဒူနဲ့ စစ်သားတွေ မီးဝိုင်းငြိမ်းကြတယ်။ ၁၅ မိနစ်လောက်ကြာမှ မီးသတ်ကားရောက်လာတယ်။
မီးလောင်ထားတဲ့ ဘင်္ဂါလီ ရပ်ကွက်ဘက်ကို ရခိုင်နဲ့ ဟိန္ဒူတွေ ကျွံမသွားအောင် စစ်တပ်က စည်းချထားတယ်။
မီးလောင်ထားတဲ့ အဆောက်အဦး ဟောင်းတွေထဲကနေ ဘင်္ဂါလီတွေက မကြာမကြာ သေနတ်နဲ့ လှမ်းပစ်နေတယ်။ တပ်က နယ်မြေ ရှင်းလို့ ရအောင် မီးလောင်ရပ်ကွက်ထဲ ၀င်ဖို့ ကြိုးစားတာ မရဘူး။ လမ်းပေါ်က ဆင်းတာနဲ့ လှမ်းလှမ်းပစ်နေတယ်။ ၃ နာရီလောက်မှာ မိုးစရွာပြီး မီးလည်း ငြိမ်းသွားတယ်။ အင်ဘာလာ ရပ်ကွက်ထိပ်မှာတော့ ရခိုင်တိုင်းရင်းသားနဲ့ တပ်ရင်း ၃၇၆ က စောင့်နေရတယ်။
နာရီဝက်ကို တခါလောက် သေနတ်နဲ့ လှမ်းပစ်နေတုန်းပဲ။ တပ်ရင်း ၃၇၆ က တပ်သားတဦး ကျည်ဆံသင့်တယ်။ စိုးရိမ်ရတဲ့ အခြေ အနေမရှိဘူး။
သူတို့က သေနတ်နဲ့ ပစ်နေချိန်မှာ ကျနော်တို့မှာတော့ လေးဂွပဲ ရှိတယ်လို့ ရခိုင် လူငယ်တဦးကပြောတယ်။ ညနေဘက်မှာ မိုးက တောက်လျှောက်ရွာနေပေမယ့် လူတွေကတော့ နိုးနိုးကြားကြားပဲ။ ဓားရှည်တွေ၊ လေးဂွတွေ၊ ၀ါးချွန်တွေကိုပဲ ကိုယ့်ကိုကိုယ် ကာ ကွယ်နိုင်မယ့် လက်နက်အဖြစ် အားကိုးတကြီး ဆောင်ထားကြရတယ်။
မနေ့က မီးလောင်မှု ဖြစ်ပွားခဲ့တဲ့ နေရာတွေက ရွာသာယာ၊ အင်ဘာလာ (ခ) အောင်မင်္ဂလာ၊ ပုံတန်းရပ်ကွက်နဲ့ နာဇီရွာတို့ ဖြစ်ပါတယ်။ ရွာသာယာမှာ ရခိုင်တိုင်းရင်းသား တဦး သေဆုံးခဲ့တယ်လို့ ရခိုင်တိုင်းရင်းသားများ တိုးတက်ရေးပါတီ (RNDP) ရုံးက အတည်ပြု ပြော ဆိုပါတယ်။
မီးရှို့ခံရလို့ နေအိမ်ဆုံးရှုံးသွားတဲ့ ရခိုင်တိုင်းရင်းသားတွေအတွက် စစ်တွေမြို့တွင်းက ဘုန်းတော်ကြီးကျောင်းတွေမှာ နေရာချထား ပေးပေမယ့် ဘင်္ဂါလီတွေကတော့ ဘယ်ကို သွားကြမှန်း သူလည်း မသိဘူးလို့ RNDP က လွှတ်တော်အမတ် ဦးခင်မောင်လတ်က ပြောပါတယ်။
မနေ့က နေ့လည် စစ်တွေကို ရောက်ကတည်းက ဘင်္ဂါလီတွေကို လုံးဝ မတွေ့ရသေးပါဘူး။ ဘင်္ဂါလီတွေဘက်က အခြေအနေနဲ့ ပတ် သက်လို့ အချက်အလက် သတင်းတွေရဖို့ တော်တော်ခက်ခဲ အခြေအနေ ဖြစ်ပါတယ်။
Ref: ဧရာဝတီ
Read More...
Collapse...
13 ဇွန် 2012
ဒေါ်ခင်စိုးဝင်း/မအေးသန္တာကျော်
မြန်မာနိုင်ငံကနေ ဂျွန်လ ၁၃ ရက်၊ ဗုဒ္ဓဟူးနေ့မှာ ဥရောပခရီးစဉ် စတင်ထွက်ခွာလာခဲ့တဲ့ ဒေါ်အောင် ဆန်းစုကြည်ဟာ ပထမဆုံး ခရီးစဉ် တထောက်ဖြစ်တဲ့ မကြာသေးခင် နာရီပိုင်းအတွင်း ကပဲ ဒေသ စံတော်ချိန် ၁၃ ရက်နေ့ည ၁၁ နာရီမှာ ဂျနီဗာမြို့ရဲ့ နိုင်ငံတကာ လေဆိပ် ကို ရောက်ရှိခဲ့ပါ တယ်။ ဒေါ်အောင်ဆန်းစုကြည် အခုလို ရောက်လာတာနဲ့ပတ်သက်ပြီးတော့ ဒေါ်အောင်ဆန်းစုကြည်ရဲ့ ဥရောပခရီးစဉ် တလျှောက် သတင်းယူဖို့ ရောက်နေတဲ့ ဝိုင်းတော်သူ ဒေါ်ခင်စိုးဝင်းကို မအေးသန္တာကျော်က ဆက်သွယ်မေးမြန်း တဲ့ အခါမှာ အခုလို စပြီး ပြောပါတယ်။
ဒေါ်ခင်စိုးဝင်း။ ။ “ဒေါ်အောင်ဆန်းစုကြည်နဲ့တော့ မတွေ့လိုက် ရဘူး။ ဘာဖြစ်လို့လဲဆိုတော့ လုံခြုံရေး အစောင့်အကြပ်တွေက တခါ တည်း ကားပေါ်တက်ပြီးတော့ ဟိုတယ်လ်ကို သွားတယ် ဆိုတာနဲ့ အန်တီတို့လည်း ဟိုတယ်ကို ပြေးပြီးလိုက်လာကြတာပေါ့နော်။ ဟိုတယ်လ် လည်းရောက်ရော ဒေါ်အောင် ဆန်းစုကြည်ကိုတော့ မမြင်လိုက်ရဘူး။ ဒါပေမဲ့ သူ့ကို စောင့်ပြီး ကြိုဆိုနေတဲ့ အဖွဲ့တွေ ကိုတော့ တွေ့ရ တာ ပေါ့လေ။ အဲဒီအထဲက ဆွစ်ဇာလန် အခြေစိုက်၊ မြန်မာ့အရေး လှုပ်ရှားနေတဲ့ အမျိုးသမီးတယောက်ကတော့ သူ တွေ့လိုက်ရတဲ့ အကြောင်း ပြောပြတယ်လေ။”
“ဒေါ်အောင်ဆန်းစုကြည်ကို လက်ဆောင်ပေးလိုက်ရတယ်။ နောက် ဒေါ်အောင်ဆန်းစုကြည်က သိပ် ပြီး ပင်ပန်းနွမ်းနယ်နေတဲ့ပုံ ရ တယ်-တဲ့။ ထုံးစံအတိုင်းပဲ။ မြင်နေကျ ပန်းလေးက ပန်ထားတာ တွေ့ရ တယ်-တဲ့။ သူတို့ကို ဒီလိုမျိုး စောင့်ပြီးတော့ သူတို့ကို လာပြီး ကြိုနေကြတာကို တွေ့ရတဲ့အခါ ကျတော့ ဒေါ်အောင်ဆန်းစုကြည် ကြည့်ရတာ တော်တော်လေး ဝမ်းသာအားရ ဖြစ်သွားပုံရတယ်လို့ သူက ပြော တယ်လေ။ နောက်ပြီး အခုတော့ ဒေါ်အောင်ဆန်းစုကြည် ဟိုတယ်ထဲမှာ နားနေပြီးတော့ အနားယူဖို့ လိုအပ်တယ်ဆိုပြီး ဘယ်သူမှ ဆက်ပြီး တွေ့ခွင့်မရတော့ပါဘူး။”
ဒေါ်ခင်စိုးဝင်း။ ။ “ဒါပေမဲ့ မအေးသန္တာကျော်ရေ- အန်တီတို့ သွားပြီးစောင့်နေတုန်းကတော့ ဆွစ် ဇာလန်ရောက် မြန်မာအသိုင်းအဝိုင်း အတော်များများနဲ့ တွေ့ခဲ့တယ်။ အဲဒီမှာ နောက် နိုင်ငံခြားသား သတင်းထောက် တော်တော်များများလည်း လာပြီး စောင့်နေကြတာပါ။ ခရီးသည်တွေထဲက ဆိုရင် လည်း ဒေါ်အောင်ဆန်း စုကြည်လာမယ်ဆိုတဲ့ ဆိုင်းဘုတ်ကြီးတွေ တွေ့ပြီး သူတို့လည်း ဝမ်းသာအားရ ဝိုင်းပြီးတော့ ပူးပေါင်း ပြီးတော့ လာပြီးစောင့်ကြ၊ ကြိုဆိုကြတာပေါ့နော်။ အဲဒီအထဲမှာ အသက် ၉၁ နှစ် အရွယ် အဖွားတယောက် လည်းပါတယ်။ နောက် မြန်မာမိသားစု အသိုင်းအဝိုင်းထဲက လူတွေကိုလည်း မေးဖြစ်ခဲ့တယ်လေ။”
- “အခုလို သတ္တိရှိရှိနဲ့ ဒီမိုကရေစီရအောင် တိုက်ခိုက်လာတာ၊ အနှစ် နှစ်ဆယ်လုံးလုံး ဒုက္ခခံပြီး တော့- အဲဒါကြောင့် လှိုက်လှိုက်လှဲလှဲ ကြိုဆိုတာ။ တအား- ဂုဏ်ယူစရာ၊ အားတက်စရာ၊ ဝမ်းသာစရာကောင်းလိုက်တာလို့။”
- “ကျနော့်ရင်ထဲမှာတော့ အတိုင်းထက်အလွန် ခံစားရပါတယ်။ ပြောရမယ်ဆိုရင် ကိုယ် ပြောတဲ့ စကားနဲ့တောင်မှ ကိုယ်ခံစားရတဲ့ ဟာက ပြောပြလို့ မရအောင်ပါပဲ။”
- “ကျမတို့ ဒေါ်စုအတွက် ပန်းတွေ တပွေ့တပိုက်ကြီးဝယ်လာပြီး ဂုဏ်ယူဝံ့ကြွားစွာနဲ့ လာရောက် ကြိုဆိုတာ ဖြစ်ပါတယ်။ ကျမတို့ ရဲ့ ဗမာလူမျိုးတွေနဲ့ ဗမာပြည်သူပြည်သားတွေ၊ တိုင်းပြည် တပြည်လုံး၊ အားလုံးအတွက် ဒီလောက်ကြာကြာ အနစ်နာခံပြီးတော့ ဦးဆောင်လုပ်ပေးတဲ့ အတွက် အများကြီး ကျေးဇူးတင်တဲ့အနေနဲ့လည်း ပါပါတယ်။”
မအေးသန္တာကျော်။ ။ “ဟုတ်ကဲ့၊ ဒါကတော့ ဗွီအိုအေက ဒေါ်ခင်စိုးဝင်းက မြန်မာနိုင်ငံက ဒေါ်အောင်ဆန်းစုကြည်နဲ့အဖွဲ့ လိုက် ပါစီးနင်းလာတဲ့လေယာဉ် ဆွစ်ဇာလန်နိုင်ငံ၊ ဂျနီဗာမြို့ လေယာဉ်ကွင်းကို မဆိုက်ရောက်ခင်မှာ လေဆိပ်မှာ စောင့်ကြိုနေကြတဲ့ မြန်မာ အသိုင်းအဝိုင်း ထဲက တချို့နဲ့ စကားပြောခဲ့တာပေါ့နော်။
အဲဒီတော့ အခုနတုန်းကလည်း အထဲက တာဝန်ရှိသူတယောက်က ဒေါ်အောင်ဆန်းစုကြည် မတွေ့နိုင် တော့ဘူးလို့ လာပြောတာ အန်တီကိုယ်တိုင် ကြားလိုက်ရပြီ။ ဒေါ်အောင်ဆန်းစုကြည်လည်း ဟိုတယ် ပေါ်မှာတက်ပြီး နားနေပြီဆိုတော့ ဒီနေ့ ဉာဥ့်လည်း တော်တော်နက်နေပြီ။ အဲဒီမှာဆိုရင် ည ၁၂ နာရီ ထိုးတော့မယ်။”
ဒေါ်ခင်စိုးဝင်း။ ။ “ဟုတ်တယ်။ ဟုတ်တယ်။ ဒါပေမဲ့ အခု နောက်ဆုံးသတင်းအရတော့ ဒေါ်အောင် ဆန်းစုကြည်က မနက်ဖြန်ကျရင် တော့ သူ ဆက်ဆက်တွေ့ပါမယ်ဆိုပြီးတော့ ပြောပါတယ်။”
မအေးသန္တာကျော်။ ။ “အော်- ဟုတ်ကဲ့-”
ဒေါ်ခင်စိုးဝင်း။ ။ “ခဏလေး၊ ခဏလေး- ကိုဇေယျာသော်ထွက်လာတယ်တဲ့။ ခဏလေး- မအေးသန္တာ ကျော်ရေ အခုပဲ ကိုဇေယျာသော် ပစ္စည်းတွေတင်တဲ့ ကားပေါ်က ဆင်းလာတာ တွေ့လိုက်တယ်။ ဒေါ်အောင်ဆန်းစုကြည်ရဲ့ခရီးစဉ်နဲ့အတူ လိုက်ပါလာတဲ့ ကိုဇေယျာ သော် ဆင်းလာတာ တွေ့လိုက် တယ်။ အန်တီ လိုက်ဖမ်းလိုက်အုံးမယ်နော်။ ကိုဇေယျာသော်- မောလည်းမောနေပြီ။ ပစ္စည်းတွေလည်း အများကြီးချရမယ်ဆိုတော့လေ။ ခရီးစဉ်လေးကို အတိုချုံးပြီး ပြောပြပေးပါအုံး။ ဘယ်လိုလဲ။ ”
ဦးဇေယျာသော်။ ။ “အော်၊ ဟုတ်ကဲ့၊ အဆင်ပြေပါတယ်ခင်ဗျ။”
ဒေါ်ခင်စိုးဝင်း။ ။ “ကိုဇေယျာသော်လည်း ကားပေါ်က ပစ္စည်းတွေချလာတော့ ပစ္စည်းတွေ တပုံ တခေါင်းကြီးကို သူတာဝန်ယူထားရပုံ ရပါတယ်။ အဲဒီတော့ ပစ္စည်းတွေလည်းချရော ပစ္စည်းတွေ ကြည့်ဖို့ဆိုပြီးခေါ်သွားတာ ပစ္စည်းတွေနောက်ကို ပါသွားလေရဲ့၊ ပြန်ထွက်လာမယ့်ပုံတော့ မပေါ်တော့ဘူး။ မအေးသန္တာကျော်ရေ”
မအေးသန္တာကျော်။ ။ ဟုတ်ကဲ့ပါ အန်တီ။ အဲဒီတော့- ခရီးစဉ်အစီအစဉ်လေးတွေကို နည်းနည်း ပြောပြပေးပါအုံး။
ဒေါ်ခင်စိုးဝင်း။ ။ “ဒေါ်အောင်ဆန်းစုကြည်က ပထမဦးဆုံး ILO ရုံးကိုသွားမယ်။ ILO ရုံးကနေပြီး တော့မှ ဂျနီဗာမြို့မှာရှိတဲ့ ကုလသမဂ္ဂ ဌာနချုပ်မှာ မိန့်ခွန်းပြောမယ်။ ပြောပြီးလို့ရှိရင် သတင်းစာ ရှင်းလင်းပွဲ လုပ်ပါမယ်။ သတင်းစာရှင်းလင်းပွဲလုပ်ပြီးလို့ရှိရင် ILO ရုံးကို ပြန်သွားပြီးတော့ ILO ရုံးမှာ reception သဘောမျိုး ကျင်းပဖို့ရှိပါတယ်။ အဲဒီကနေ ပြီးလို့ရှိရင် ဆွစ်ဇာလန်နိုင်ငံရဲ့ ပါလီမန်ရဲ့ ဖိတ် ကြား ချက်အရ ဆွစ်ဇာလန်နိုင်ငံရဲ့မြို့တော် ဘန်း( Bern) မြို့ကိုသွားပါမယ်။ ဘန်းမြို့ကနေပြီးမှ ပါလီမန်လွှတ်တော် အမတ်တွေ နဲ့တွေ့ပြီး စကားပြောဆိုပြီးတဲ့အခါကျလို့ရှိရင် ဇူးရစ်မြို့ကို သွားပါမယ်။ ဇူးရစ်မြို့ ကနေမှ နော်ဝေးနိုင်ငံ၊ အော်စလိုမြို့ကို ခရီးဆက်မှာပါ။ ဒေါ်အောင်ဆန်းစုကြည်သွားမယ့် ဒီခရီးစဉ်တလျှောက်၊ ဥရောပခရီးစဉ်တလျှောက်ကို ကျမနဲ့အတူ ကျမတို့ ဗွီအိုအေ မြန်မာပိုင်းအတွက် ဗွီဒီယို ရိုက်ကူးရေးတာဝန်ခံဖြစ်တဲ့ ကြေးမုံလည်း ကျမနဲ့အတူ လိုက်ပါပြီးတော့ သတင်းတွေ ရိုက်ယူနေတာ ဖြစ်ပါတယ်။”
Ref: ဗွီအိုအေ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88