အလုပ်သမားအရေး ဆွေးနွေးပွဲပြုလုပ်

2012-06-12

မြန်မာနိုင်ငံမှာ ပြဋ္ဌာန်းထားတဲ့ အလုပ်သမားအခွင့်အရေးဥပဒေနဲ့ ပဋိပက္ခဖြေရှင်းရေးဆိုင်ရာ ဥပဒေတွေကို ရှင်းလင်းပြောဆိုတဲ့ အလုပ် သမား အရေး ဆွေးနွေးပွဲတစ်ခုကို ရန်ကုန်မြို့ လှိုင်သာယာမြို့နယ်က ကနောင်ခန်းမမှာ ဒီနေ့ပြုလုပ်ခဲ့ပါတယ်။

အဲဒီဆွေးနွေးပွဲမှာ အစိုးရ အလုပ်သမားဝန်ကြီးဌါန အရာရှိတွေက ပြဋ္ဌာန်းထားတဲ့ ဥပဒေတွေကို ရှင်းလင်းပြောဆိုတယ်လို့ ဒီပွဲကို တက်ရောက်ခဲ့တဲ့ ၈၈ မျိုးဆက် ကျောင်းသားများအဖွဲ့က ကိုအောင်သူက RFA ကိုပြောပါတယ်။


"အစိုးရထုတ်ထားတဲ့ အလုပ်သမားအဖွဲ့အစည်းနဲ့ ပတ်သက်တဲ့ ဖွဲ့စည်းမှုဆိုင်ရာဥပဒေရှိတယ်။ နောက်တစ်ခုက အလုပ်သမားနဲ့ အလုပ်ရှင် အငြင်းပွားမှုဆိုင်ရာ ဖြေရှင်းမှုဥပဒေရှိတယ်။ နည်းဥပဒေရှိတယ်။ ၂၀၁၂ မှာ ထုတ်ထားတာပေါ့နော်။ အဲဒီဥပဒေ အပေါ်မှာ အလုပ်ရှင်တွေကလည်း သိနားလည်မှု မရှိဘူး။ အလုပ်သမားတွေကလည်း သိနားလည်မှုမရှိဘူး။ အဲအတွက်ကြောင့်မို့လို့ ဒီဥပဒေနဲ့ နည်းဥပဒေတွေကို သူတို့က ပြန်ပြီးရှင်းလင်းဖွင့်ဆိုပြတဲ့ သဘောပါပဲ။ အခုအခမ်းအနားလေးကတော့။ သူတို့ရဲ့နည်းဥပဒေ၊ ဥပဒေတွေ ရှင်းပြပြီးတဲ့နောက်ပိုင်းမှာ ဆွေးနွေးပွဲ သဘောမျိုးလေးလုပ်တယ်။ အလုပ်သမားတွေအနေနဲ့ပေါ့နော်၊ သူတို့ရဲ့အခွင့်အရေး ဖောက်ဖျက် ခံ ရမှုတွေကို ဌါနဆိုင်ရာအကြီးအကဲတွေကို တင်ပြပြောဆိုတာ တွေ့ရပါတယ်"

လက်ရှိကာလမှာ အလုပ်ရှင် အလုပ်သမားလိုက်နာရမယ့် ဥပဒေ စည်းမျဉ်းစည်းကမ်းနဲ့ အလုပ်သမား ရပိုင်ခွင့်တွေကို ကျယ်ကျယ် ပြန့်ပြန့် သိရှိနားလည် သဘောပေါက်အောင် အစိုးရပိုင်းက ဆောင်ရွက်ဖို့ လိုအပ်နေသေးသလို၊ အလုပ်သမားတွေရဲ့ အဓိကလို အပ် ချက်ဖြစ်တဲ့ လုံလောက်တဲ့အခြေခံ လုပ်ခလစာ သတ်မှတ်ချက်ဥပဒေကို လွှတ်တော်ကနေ ပြဋ္ဌာန်းဖို့လည်း လိုတယ်လို့ ကိုအောင်သူက ပြောပါတယ်။

ဒီကိစ္စတွေ မဆောင်ရွက်နိုင်သေးရင်လည်း ပဋိပက္ခတွေ ဆက်လက်ဖြစ်ပွားဦးမယ့် အခြေအနေတွေ့နေရတယ်လို့ ဆိုပါတယ်။ အဲဒီ ဆွေးနွေးပွဲကို အစိုးရအရာရှိတွေ၊ အလုပ်ရှင်နဲ့ အလုပ်သမားတွေ၊ ၈၈ မျိုးဆက် ကျောင်းသားများအဖွဲ့နဲ့ အလုပ်သမားအရေး ဆောင် ရွက်သူတချို့ တက်ရောက်ခဲ့ပါတယ်။

Ref: အာရ်အဖ်အေ